HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


COV ZAJ NYEEM NRUAB LIS PIAM XYOO A 2019-2020 - Page 7 Empty

Latest topics

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO A 2019-2020

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 22nd May 2020, 5:31 am

    TIM 23 LUB 5 HLIS 2020

    Hnub Xya Lis Piam Rau Caij Hla Xyoo A Nruab Lis Piam Xyoo II

    Zaj Nyeem Ib: HAUJ LWM 18: 23-28


    23 Paj Lug nyob As Caus Kus ib ntus, ces nws sawv kev, nws mus ncig cov teb chaws Nkas Las Tias thiab Fis Zias ib qho dhau ib qho zuj zus, mus pab txhawb zog rau cov thwj tim.
    24 Muaj ib tug neeg Yus Das hu ua As Pos Los, uas yug nyob As Les Xas Nrias, nws yog neeg txawj hais lus, nws tuaj txog Es Fes Xos; nws paub Ntawv Ntshiab zoo. 25 Nws tau kawm txog Huab Tais Txoj Kev. Nws muaj Leej Ntuj Plig ua nws kub siab lug; nws hais lus thiab nws qhia tej yam raug kawg txog Yes Xus, txawm tias nws tsuas paub Zam lub cim ntxuav xwb. 26 Nws pib qhuab qhia tsis ua xyem xyav li nyob hauv lub tsev Txoos. Phis Xis Las thiab As Kis Las nkawd hnov nws cov lus, ces nkawd coj nws nrog nkawd mus, thiab nkawd qhia Tswv Ntuj Txoj Kev rau nws kom meej dua. 27 As Pos Los xav mus As Kais teb, cov kwj tij txhawb nws kom ua siab loj mus. Lawv sau ib tsab ntawv mus rau cov thwj tim kom lawv txais nws. Thaum nws tuaj txog As Kais lawm, nws pab txhawb cov uas tau txais lub txiaj ntsim los ntseeg ntau kawg, 28 vim nws tsis ntshai tab meeg hais lus tiv cov Yus Das, nws siv Ntawv Ntshiab los qhia tias Yes Xus yeej yog Leej Pleev tiag.

    NPN 47: 2-3, 8-9, 10

    Txais: (8a) Tswv Ntuj ua vaj kav tas nrho lub ntiaj teb.
    los: Alleluia.

    Txhua haiv neeg, nej npuaj teg,
    nej qw suab zoo siab rau Tswv Ntuj,
    vim HUAB TAIS tus nyob siab, tus zoo tshaj,
    yog tus vaj loj kav tas nrho lub ntiaj teb.

    Txais: (8a) Tswv Ntuj ua vaj kav tas nrho lub ntiaj teb.
    los: Alleluia.

    Tus vaj kav tas nrho lub ntiaj teb yog Tswv Ntuj,
    nej hu nkauj cav txog nws.
    Tswv Ntuj tswj cov haiv neeg,
    Tswv Ntuj zaum saum nws lub theej kiab ntshiab.

    Txais: (8a) Tswv Ntuj ua vaj kav tas nrho lub ntiaj teb.
    los: Alleluia.

    Cov vaj txheeb hauv txhua haiv neeg tuaj sib sau ua ke
    nrog Has Nplas Has tus Tswv Ntuj haiv neeg.
    Vim cov saib xyuas lub ntiaj teb yog Tswv Ntuj tug,
    Nws yog tus loj tshaj tas nrho.

    Txais: (8a) Tswv Ntuj ua vaj kav tas nrho lub ntiaj teb.
    los: Alleluia.

    As Les Lus Yas: ZAM 16: 28

    Txais: As les lus yas, as les lus yas.

    Kuv tuaj ntawm Leej Txiv tuaj rau hauv ntiaj teb,
    zaum no kuv yuav tso ntiaj teb tseg thiab rov mus cuag Leej Txiv.

    Txais: As les lus yas, as les lus yas.

    Ntawv Moo Zoo: ZAM 16: 23B-28

    Yes Xus hais rau nws cov thwj tim tias:
    23b “"Kuv hais qhov muaj tseeb tiag rau nej : Nej tuav txog kuv lub npe thov dab tsi ntawm Leej Txiv, mas nws yuav muab rau nej. 24 Los txog tav no, nej tsis tau tuav txog kuv lub npe thov ib yam dab tsi li. Nej thov ces nej yuav tau txais, nej thiaj yuav muaj kev zoo siab puv npo.
    25 Kuv tau siv tej zaj paj lug los hais tej no rau nej. Txog lub caij lawm uas kuv yuav tsis siv tej zaj paj lug los hais rau nej ntxiv. Kuv yuav ncaj qha qhia meej txog Leej Txiv rau nej. 26 Txog hnub ntawd, nej yuav tuav txog kuv lub npe los thov. Kuv tsis hais rau nej tias kuv yuav thov Leej Txiv rau nej. 27 Leej Txiv twb nyiam nej lawm, vim nej nyiam kuv, thiab nej ntseeg tias kuv tuaj ntawm Tswv Ntuj tuaj. 28 Kuv tawm ntawm Leej Txiv tuaj nyob hauv lub ntiaj teb no. Zaum no kuv tso lub ntiaj teb tseg, kuv yuav rov mus cuag Leej Txiv."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 24th May 2020, 9:25 am

    TIM 25 LUB 5 HLIS 2020

    Hnub Ob Lis Piam Xya Caij Hla Xyoo A Nruab Lis Piam Xyoo II

    Hwm LN Bede, ua Leej Choj thiab Kws cov Txuj Ntshiab;
    Hwm LN Gregory VII, ua Vaj Qhia; hwm LN Mary Magdalene de’ Pazzi, ib tug Nkauj Xwb

    Zaj Nyeem Ib: HAUJ LWM 19: 1-8


    1 Thaum As Pos Los nyob Kos Lis Nthos, Paj Lug hla lub teb chaws pem toj siab mus rau Es Fes Xos. Nws ntsib ob peb tug thwj tim nyob ntawd, 2 nws hais rau lawv tias : "Nej puas tau txais Leej Ntuj Plig Ntshiab thaum nej los ntseeg?" Lawv teb nws tias : "Peb tsis tau hnov tias muaj Leej Ntuj Plig Ntshiab li." 3 Paj Lug thiaj hais tias : "Ua li nej txais leej twg lub cim ntxuav?” Lawv teb tias : "Peb txais Zam lub cim ntxuav." 4 Ces Paj Lug hais rau lawv tias : "Zam ua kab ke ntxuav kom sawv daws thov txhaum. Nws hais kom sawv daws ntseeg txog tus yuav lawv nws qab tuaj, tus ntawd yog Yes Xus." 5 Lawv hnov cov lus no, mas lawv txais lub cim ntxuav nyob hauv Huab Tais Yes Xus lub npe. 6 Thaum Paj Lug tsa tes rau lawv, mas Leej Ntuj Plig Ntshiab los nyob saum lawv, ces lawv hais ib co xeem lus tshiab, thiab lawv ua yaj saub. 7 Pab neeg no tas huv si, muaj kaum ob leeg.
    8 Paj Lug nkag mus hauv lub tsev Txoos, nws qhuab qhia tsis ua xyem xyav li tau peb lub hlis, nws siv ib cov lus hais txog Tswv Ntuj lub Ceeb Tsheej kom lawv ntseeg nws.

    NPN 68: 2-3AB, 4-5ACD, 6-7AB

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    Tswv Ntuj sawv tsees, nws cov yeeb ncuab tawg tas sib ncaim tas,
    Cov ntxub nws khiav mus deb ntawm nws xub ntiag.
    Xws li cov pa taws txawj ya tas mus, lawv kuj ya tas mus zoo li ntawd,
    zoo li cov ciab ntab yaj nyob hauv hluav taws.

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    Tiam sis cov neeg siab ncaj zoo siab, lawv dhia nyob
    ntawm Tswv Ntuj xub ntiag, lawv zoo siab tas nrho :
    Nej hu nkauj rau Tswv Ntuj, nej hu nkauj cav txog nws lub npe ;
    Nws lub npe hu ua HUAB TAIS .

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    Tus ua leej txiv rau cov ntsuag nos, tus txheem plaub rau cov poj ntsuam,
    Yog tus Tswv Ntuj uas nyob hauv nws lub tsev ntshiab.
    Tswv Ntuj pub tsev rau tus neeg luag muab tso pov tseg nyob,
    nws coj cov neeg raug txim tawm los kom tau ntsib kev vam meej,

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    As Les Lus Yas: KOS LOS XAIS 3: 1

    Txais: As les lus yas, as les lus yas.

    Yog nej twb tau nrog Leej Pleev sawv rov los lawm,
    mas nej cia li nrhiav tej yam nyob txheej saud,
    uas yog qhov chaw Leej Pleev nyob, zaum rawv ntawm Tswv Ntuj phab xis.

    Txais: As les lus yas, as les lus yas.

    Ntawv Moo Zoo: ZAM 16: 29-33

    29 Yes Xus cov thwj tim hais rau nws tias : "Zaum no koj hais lus ncaj qha, koj tsis siv tej zaj paj lug lawm. 30 Zaum no peb paub tias koj paub tas ib puas tsav yam, tsis tas kom leej twg nug koj txog dab tsi li. Yog vim li ntawd peb thiaj ntseeg tias koj tuaj ntawm Tswv Ntuj tuaj." 31 Yes Xus teb rau lawv tias : "Zaum no nej ntseeg lawm lod ? 32 Yuav txog sij hawm, twb txog sij hawm lawm uas nej sawv daws yuav sib ncaim tas, nyias yuav mus nyias nyias vaj nyias tsev, nej yuav tso kuv tseg ib leeg. Tab sis kuv tsis nyob kuv ib leeg, vim Leej Txiv nrog kuv nyob. 33 Kuv hais tej no rau nej kom nej nyob thaj yeeb hauv kuv. Nej yuav raug luag hiam hauv ntiaj teb no, tab sis nej ua siab loj mog! Kuv twb yeej lub ntiaj teb lawm.“

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 25th May 2020, 7:18 am

    Tim 26 lub 5 Hlis 2020

    Hnub Peb Lis Piam Xya Caij Hla Xyoo A Nruab Lis Piam Xyoo II

    HWM LN Philip Neri, ua Leej Choj

    Zaj Nyeem Ib: HAUJ LWM 20: 17-27


    17 Nyob Mis Les Tos, Paj Lug xa neeg mus Es Fes Xos mus hu cov txwj laus saib lub Koom Txoos tuaj. 18 Thaum lawv tuaj txog, nws hais rau lawv tias : “Nej paub zoo tias txij hnub kuv ko taw tau tsuj As Xias teb los txog tav no, kuv ib txwm coj li cas thaum kuv nrog nej nyob. 19 Kuv tau ua neeg me tas nrho tsob hwb Huab Tais, nrog lub kua muag, nrog kev txom nyem, vim cov Yus Das tuav tswv yim ua phem rau kuv. 20 Kuv tsis tau thaub qab ib zaug tsis ua tej yam zoo los pab qhuab ntuas thiab quab qhia nej nyob ntawm sawv daws xub ntiag los nyob hauv tej vaj tse li. 21 Kuv tau ua tim khawv tas zog rau cov Yus Das thiab cov Hes Las kom sawv daws tig los lees txhaum ntawm Tswv Ntuj thiab los ntseeg txog peb tus Huab Tais Yes Xus Pleev. 22 Nyem no, Leej Tswv Yim yuam kuv lawm ces kuv yuav tsum mus Yes Lus Xas Les, kuv yeej tsis paub tias yuav muaj dab tsi tuaj raug kuv nyob ped li. 23 Kuv tsuas paub tias Leej Tswv Yim Ntshiab yeej qhia kuv nyob hauv txhua lub nroog uas kuv mus tias, saw hlau thiab kev txom nyem tos nrhw kuv xwb. 24 Tiam sis kuv tsis saib kuv txoj sia muaj nqes tshaj los tseem ceeb tshaj rau kuv, kuv tsuas xav kom kuv tau taug kuv txoj kev kom zoo tshaj thiab leg cov dej num uas Huab Tais Yes Xus muab rau kuv leg kom tiav log xwb: yog ua tim khawv txog lub Moo Zoo pub Tswv Ntuj lub txiaj ntsim.
    25 Nyem no, kuv paub tseeb tias nej yuav tsis pom kuv lub ntsej muag ntxiv lawm, tas nej cov uas kuv tau nrog nej nyob thiab tshaj lub Ceeb Tsheej rau nej. 26 Yog vim li no mas hnub no, kuv thiaj qhia tseeb rau nej paub kom nej cov ntshav txhob poob los rau saum kuv, 27 vim tsis yog kuv ntshai tshaj tas nrho qhov Tswv Ntuj xav kom nej ua rau nej paub.”

    NPN 68: 10-11, 20-21

    Txais: (33a) Cov ceeb tsheej nyob ntiaj teb, nej cia li hu nkauj rau Tswv Ntuj.
    los: As les lus yas.

    Tswv Ntuj, koj tso nag ntws lug los ywg koj lub cuab tam,
    koj rov ua kom thaj av zoo tuaj thaum nws tsuag lawm.
    Koj cov yaj los nyob hauv thaj av ntawd.
    Tswv Ntuj, koj lub siab zoo pub thaj av ntawd rau tus pluag.

    Txais: (33a) Cov ceeb tsheej nyob ntiaj teb, nej cia li hu nkauj rau Tswv Ntuj.
    los: As les lus yas.

    Kom HUAB TAIS nto koob meej niaj hnub !
    Nws yog tus ris peb lub nra, Tswv Ntuj tus cawm peb.
    Tswv Ntuj yog tus Tswv Ntuj pub kev cawm rau peb,
    HUAB TAIS, kuv tus Huab Tais yog
    tus saib txoj kev tuag lub rooj vag.

    Txais: (33a) Cov ceeb tsheej nyob ntiaj teb, nej cia li hu nkauj rau Tswv Ntuj.
    los: As les lus yas.

    As Les Lus Yas: ZAM 14: 16

    Txais: As les lus yas, as les lus yas.

    Kuv yuav thov Leej Txiv,
    ces nws yuav xa dua ib Tug Pab nej
    los nrog nej nyob mus li.

    Txais: As les lus yas, as les lus yas.

    Ntawv Moo Zoo: ZAM 17: 1-11A


    1 Yes Xus hais li ntawd tas, nws tsa muag ntsia saum ntuj, nws hais tias: “Txiv, txog sij hawm lawm ! Koj ua kom koj Leej Tub muaj koob meej mas, ces koj Leej Tub yuav ua kom koj muaj koob meej, 2 ib yam li koj tau muab hwj huam rau nws kav tib neeg tas nrho, kom nws pub txoj sia nyob mus li rau txhua leej uas koj muab rau nws. 3 Txoj sia nyob mus li yog zoo li no : kom lawv paub koj, tus tseem Tswv Ntuj, thiab paub tus koj xa tuaj, Yes Xus Pleev. 4 Kuv tau ua kom koj muaj koob meej nyob ntiaj teb no lawm, vim kuv tau ua cov hauj lwm uas koj muab rau kuv ua tiav lawm. 5 Txiv, nyem no koj ua kom kuv muaj koob meej nrog koj, xws li lub koob meej uas kuv ib txwm muaj nrog koj thaum lub sim ceeb tsis tau xeeb los nyob.
    6 Kuv tau qhia koj lub npe rau cov neeg uas koj rho hauv lub qab ntuj los pub rau kuv kom lawv paub. Cov neeg no yog koj tug, koj muab lawv pub rau kuv lawm, lawv coj rawv koj lo lus. 7 Nyem no lawv paub tias tas txhua yam uas koj muab rau kuv yog tuaj ntawm koj tuaj. 8 Vim tias cov lus uas koj muab rau kuv, mas kuv muab rau lawv lawm; lawv txais koj cov lus thiab lawv paub tseeb tias kuv tuaj ntawm koj tuaj, thiab lawv ntseeg tias yog koj xa kuv tuaj. 9 Kuv thov koj rau lawv, kuv tsis thov rau lub qab ntuj neeg, tiam sis kuv thov koj rau cov uas koj muab pub rau kuv, vim lawv yog koj tug. 10 Txhua yam uas yog kuv tug, kuj yog koj tug ; txhua yam uas yog koj tug, kuj yog kuv tug thiab. Kuv muaj koob meej nyob hauv lawv lawm. 11 Kuv tsis nyob hauv lub qab ntuj no ntxiv lawm, tab sis lawv tseem nyob hauv lub qab ntuj no, hos kuv rov los cuag koj.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 26th May 2020, 1:54 pm

    TIM 27 LUB 5 HLIS 2020

    Hnub Plaub Lis Piam Xya Caij Hla Xyoo A Nruab Lis Piam Xyoo II

    Hwm LN Saint Augustine nyob Canterbury

    Zaj Nyeem Ib: HAUJ LWM 20: 28-38


    Nyob Mis Les Tus, Paj Lug hais rau cov txwj laus tuaj Es Fes Xos tuaj tias:
    28 “Nej yuav muab siab rau saib nej tus kheej, thiab saib pab yaj uas Leej Ntuj Plig Ntshiab tsa nej ua cov tswv zov kom nej coj Tswv Ntuj lub Koom Txoos mus noj zaub, lub Koom Txoos uas Tswv Ntuj tau muab nws cov tseem roj ntsha los txhiv. 29 Kuv paub ntsoov tias thaum kuv mus lawm, mas yuav muaj ib co hma tsiv tsaim txeem los nrog nej ua ib pab; lawv yuav tsis txuag pab yaj sia li. 30 Tab yog nyob hauv nej pab neeg kiag, kuj tseem yuav muaj ib co sawv los hais tej zaj thuam qhov tseeb kom rub tau cov thwj tim mus raws lawv. 31 Ua li mas nej yuav ceev faj tiag. Nej nco ntsoov tias kuv tau ntuas nej nrog lub kua muag nruab hnub hmo ntuj tau peb lub xyoos. 32 Nyem no, kuv muab nej tso rau Tswv Ntuj saib xyuas thiab muab nej tso rau hauv nws Lo Lus pub txiaj ntsim uas yuav txhim kho tau nej, thiab yuav pub ib lub cuab tam rau nej nrog cov neeg Tswv Ntuj tau qee lawv.
    33 Kuv tsis tau ntshaw leej twg nyiaj txiag los kub los tsoos tsho li. 34 Nej yeej paub lawm tias yog kuv ob txhais tes no tau ua rau kuv tus kheej thiab kuv cov phooj ywg nrog kuv peb noj peb siv xwb. 35 Kuv ua txhij ua txhua li ntawd kom tau qhia rau nej tias peb yuav tsum tau siv zog khwv thiaj yuav pab tau cov tsis muaj zog, thiab peb yuav nco ntsoov Huab Tais Yes Xus lo lus, vim nws tus kheej tau hais tias: ‘Thaum koj pub, koj muaj kev zoo siab ntau dua thaum koj tau txais los.’”
    36 Paj Lug hais cov lus no tas, nws txhos caug nrog lawv teev Ntuj. 37 Sawv daws quaj, sawv daws mus puag Paj Lug caj dab, thiab nwj Paj Lug. 38 Lawv sawv daws tu siab tshaj rau lo lus uas Paj Lug hais tias lawv yuav tsis rov pom nws ntxiv lawm. Ces sawv daws xa Paj Lug mus txog ntua ntawm lub nkoj.

    NPN 68: 29-30, 33-35A, 35BC-36AB

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    Tswv Ntuj, thov koj ua kom koj lub hwj huam tawm los,
    koj lub hwj huam uas koj tau siv los pab peb;
    Saum koj lub tuam tsev nyob Yes Lus Xas Les,
    Cov vaj ntxwv yuav nqa paj tshab tuaj cev rau koj.

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    Ntiaj teb cov teb chaws muaj vaj kav, nej hu nkauj rau Tswv Ntuj,
    nej hu nkauj cav txog Huab Tais, tus uas caij nees hla saum
    cov chaw siab saum cov txheej ntuj thaum ub.
    Nej mloog, nws lub suab nrov nroo ntws, lub suab muaj hwj huam.
    Nej cia li lees Tswv Ntuj lub hwj huam.

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.
    .
    Nws lub hwj xyeej nyob saum His Xas Lais,
    nws lub hwj huam nyob saum cov txheej ntuj saud.
    Tswv Ntuj, His Xas Lais tus Tswv Ntuj
    muaj hwj chim kawg nkaus nyob hauv nws lub tuam tsev.
    Nws muab lub hwj huam thiab lub zog rau nws haiv neeg.

    Txais: (33a) Cov ceeb tsheej nyob ntiaj teb, nej cia li hu nkauj cav txog Tswv Ntuj.
    los: As les lus yas.

    As Les Lus Yas: ZAM 17: 17B, 17A

    Txais: As les lus yas, as les lus yas.

    Huab Tais, koj lo lus yog qhov tseeb,
    Thov koj qee peb mus nyob hauv qhov tseeb.

    Txais: As les lus yas, as les lus yas.

    Ntawv Moo Zoo: ZAM 17: 11B-19

    Yes Xus tsa muag rau saum ntuj, nws thov ntuj li no:
    11b Leej Txiv Ntshiab, thov koj txuag cov uas koj muab rau kuv, nyob hauv koj lub Npe, kom xwv lawv ua ib leeg xwb xws li wb ua ib leeg xwb. 12 Thaum kuv tseem nrog lawv nyob, kuv txuag lawv nyob hauv koj lub Npe. Kuv saib lawv, ces tsis muaj ib tug ploj li, tsuas muaj kev ploj tuag tus tub xwb thiaj ploj, kom tshwm sim raws li Ntawv sau cia. 13 Zaum no kuv rov los cuag koj, kuv hais tej no rau lub ntiaj teb, kom xwv lawv muaj kuv txoj kev zoo siab puv npo hauv lawv. 14 Kuv tau muab koj lo lus rau lawv, ces lub ntiaj teb thiaj li ntxub lawv, vim lawv tsis yog ntiaj teb tug, ib yam li kuv tsis yog ntiaj teb tug. 15 Kuv tsis thov kom koj rho lawv hauv ntiaj teb mus, kuv thov kom koj txuag lawv ntawm tus Phem xwb. 16 Lawv tsis yog lub ntiaj teb tug ib yam li kuv tsis yog ntiaj teb tug. 17 Thov koj qee lawv mus nyob hauv txoj kev tseeb. Koj lo lus yog qhov tseeb. 18 Ib yam li koj xa kuv los nyob hauv lub ntiaj teb neeg, kuv xa lawv mus nyob hauv lub ntiaj teb neeg thiab. 19 Kuv rov qee kuv los pab lawv, kom xwv lawv raug qee mus nyob hauv qhov tseeb.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 27th May 2020, 12:20 pm

    TIM 28 LUB 5 HLIS 2020

    Hnub Tsib Lis Piam Xya Caij Hla Xyoo A Nruab Lis Piam Xyoo II

    Zaj Nyeem Ib: HAUJ LWM 22: 30; 23: 6-11


    30 Hnub tom qab, tus xab txheeb xav paub tseeb tias cov Yus Das liam dab tsi rau Paj Lug tiag, ces nws daws Paj Lug thiab nws ceeb toom kom cov thawj leej choj thiab tas tsoom txwj laus Xas Nes Nrees tuaj sib sau. Nws coj Paj Lug nqes los, thiab kom Paj Lug mus sawv ntawm lawv xub ntiag.
    23 6 Paj Lug paub tias cov neeg nyob ntawd muaj ib tog yog tog Xas Dus Kais, hos ib tog yog tog Fas Lis Xais, ces nws tsa suab hais nrov nrov rau tsoom Xas Nes Nrees tias : "Cov kwv tij, kuv yog ib tug Fas Lis Xais, kuv yog Fas Lis Xais tub. Yog vim txoj kev cia siab thiab qhov hais tias cov neeg tuag yuav ciaj rov qab los mas kuv thiaj raug txiav txim li no." 7 Paj Lug hais li no ces cov Fas Lis Xais thiab cov Xas Dus Kais pib sib ceg, ces cov neeg ntawd faib kiag ua ob tog. 8 Vim cov Xas Dus Kais hais tias tsis muaj kev sawv rov los, tsis muaj cov Tshiab thiab tsis muaj dab li, hos cov Fas Lis Xais ntseeg txog peb yam ntawd tib si. 9 Sawv daws thiaj sib cav ntsuag qees. Muaj ob peb tug kws ntawv, uas yog tog Fas Lis Xais sawv, lawv hais tias : "Peb tsis pom tus neeg ntawd ua ib qho txhaum dab tsi. Tej zaum tsam yog ib tug dab los yog ib tug Tshiab hais lus rau nws xwb?" 10 Lawv haj yam sib cav heev zuj zus tuaj, ces tus xab txheeb ntshai tsam lawv muab Paj Lug dua ua daim, nws thiaj kom nws pab tub rog nqes mus chua Paj Lug ntawm lawv los thiab coj nws rov los nyob hauv lub yeej.
    11 Hmo tom qab, Huab Tais tuaj xyuas Paj Lug, thiab hais rau nws tias : "Ua siab loj loj! Koj tau ua tim khawv txog kuv nyob Yes Lus Xas Les lawm, ib yam nkaus li ntawd, koj tseem yuav ua tim khawv txog kuv nyob Los Mas thiab."

    NPN 16: 1-2A+5, 7-8, 9-10, 11

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Tswv Ntuj, thov koj txuag kuv, vim kuv tuaj khaub zig koj.
    Kuv hais rau HUAB TAIS tias: "Koj yog kuv tus HUAB TAIS!”
    Huab Tais, kuv lub cuab tam, kuv lub ntim,
    Koj yog tus tuav rawv kuv txoj hmoo.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Kuv cav lus zoo txog HUAB TAIS uas qhia kuv xav tswv yim,
    Tab yog hmo ntuj, kuv siab ntsws tseem qhia kuv.
    Kuv cia HUAB TAIS nyob ntawm kuv xub ntiag tsis tseg;
    muaj nws nyob ntawm kuv sab xis, kuv yuav tsis ntshai.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Kuv lub siab luag ntxhi, kuv tus plig hom khaj,
    kuv lub cev kuj tau nyob nyab xeeb,
    Vim koj yuav tsis tso kuv tus ntsuj plig
    pov tseg rau ntuj txias teb tsaus.
    Koj yuav tsis kheev kom tus ntseeg koj paub kev puas kev lwj.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Koj yuav qhia kom kuv paub txoj kev taug mus txog txoj sia,
    txog txoj kev zoo siab puv npo nyob ntawm koj xub ntiag,
    txog txoj kev nplig siab nyob ntawm koj sab xis tas mus li.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    As Les Lus Yas: ZAM 17: 21

    Txais: As les lus yas, as les lus yas.

    Huab Tais hais tias:
    “Leej Txiv, thov kom lawv sawv daws koom ua ib leeg,
    ib yam li koj nyob hauv kuv thiab kuv nyob hauv koj,
    kom ntiaj teb neeg thiaj ntseeg tias yog koj xa kuv tuaj.”

    Txais: As les lus yas, as les lus yas.

    Ntawv Moo Zoo: ZAM 17: 20-26

    Yes Xus tsa muag ntsia saum ntuj, nws thov ntuj li no:
    20 "Kuv tsis thov koj rau cov no xwb, kuv tseem thov koj rau cov uas yuav ntseeg txog kuv vim lawv lo lus thiab, 21 kom lawv sawv daws koom ua ib leeg xwb, ib yam li koj, Leej Txiv, nyob hauv kuv thiab kuv nyob hauv koj, kom lawv nyob hauv wb, ces ntiaj teb neeg thiaj ntseeg tias yog koj xa kuv tuaj. 22 Lub koob meej uas koj muab rau kuv, mas kuv muab rau lawv lawm, kom xwv lawv ua ib leeg xws li wb ua ib leeg. 23 Kuv nyob hauv lawv, koj nyob hauv kuv, lawv thiaj li ua tsheej ib leeg tiag, ces lub qab ntuj neeg thiaj paub tias yog koj xa kuv tuaj, thiab paub tias koj nyiam lawv ib yam li koj nyiam kuv. 24 Txiv, cov uas koj muab rau kuv, kuv nyob qhov twg, mas kuv xav kom lawv tau nrog kuv nyob qhov ntawd thiab, kom lawv pom kuv lub koob meej uas koj muab rau kuv, vim koj tau nyiam kuv, txij thaum tsis tau tsim lub sim ceeb los lawm. 25 Txiv siab ncaj, lub qab ntuj neeg tsis paub koj, tab sis kuv paub koj, thiab cov no kuj paub tias yog koj xa kuv tuaj. 26 Kuv twb qhia kom lawv paub koj lub npe lawm. Kuv tseem yuav qhia kom lawv paub ntxiv, kom txoj kev nyiam uas koj muab los nyiam kuv, nyob hauv lawv, thiab kom kuv nyob hauv lawv."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 28th May 2020, 6:05 am

    TIM 29 LUB 5 HLIS 2020

    Hnub Rau Lis Piam Xya Caij Hla Xyoo A Nruab Lis Piam Xyoo II

    Hwm LN Vaj Qhia Paj Lug VI

    Zaj Nyeem Ib: HAUJ LWM 25: 13B-21


    13 Tus vaj As Nqis Pas thiab Npes Les Nis nkawd tuaj txog Xes Ntxas Les, ces nkawd mus xyuas Fes Tus. 14 Vim tias nkawd yuav nyob ntau hnub, ces Fes Tus thiaj piav txog Paj Lug rau tus vaj hais tias : "Nyob ntawm no, muaj ib tug neeg uas Fes Liv muab nws kaw rau hauv tsev loj faj cia. 15 Thaum kuv mus Yes Lus Xas Les, cov leej choj thiab cov txwj laus Yus Das tuaj liam nws rau kuv, lawv kom kuv muab txim rau nws. 16 Kuv teb lawv tias cov Los Mas tsis muaj cai yuav cia li muab ib tus neeg tso rau hauv cov neeg liam nws txhais tes, yuav tsum xub cia nws nrog lawv sib hais tim ntsej tim muag tso, thiab yuav cia nws tau kev hais lus daws lub txim uas luag liam rau nws tso. 17 Ces thaum cov Yus Das tuaj sib sau nyob ntawm no, kuv tsis ncua sij hawm li, tag kis tom qab kiag, kuv mus zaum hauv lub tsev txiav txim, kuv kom lawv coj tus neeg los. 18 Cov neeg tuaj sawv ncig nws liam rau nws; lawv liam tsis tau ib qho phem raws li kuv xav li. 19 Lawv tsuas nrog nws muaj lus sib cav tsis sib haum hais txog lawv txoj kev teev hawm, thiab hais txog ib tug Yes Xus uas tuag lawm, tab sis Paj Lug hais tias nws tseem muaj txoj sia nyob xwb. 20 Kuv tsis pom qab ua dab tsi rau ib zag sib cav zoo li ntawd, kuv thiaj nug Paj Lug saib nws puas yeem mus pem Yes Lus Xas Les, ces mam txiav txim txog tej ntawd rau nws nyob ped. 21 Tiam sis Paj Lug tau thov kom kuv muab nws kaw tos txog thaum nws mus rau tus Tuam Vaj txiav txim rau nws. Kuv thiaj li ceeb toom cia Paj Lug nyob ntawm no mus txog hnub kuv xa nws mus rau Xes Ntxas.”

    NPN 103: 1-2, 11-12, 19-20AB

    Txais: (19a) Huab Tais tau tsa nws lus theej kiab nyob txheej ntuj saud.
    los: As les lus yas.

    Kuv tus ntsuj plig, koj cav txog HUAB TAIS;
    tas nrho kuv tus kheej, koj cav txog nws lub npe ntshiab.
    Kuv tus ntsuj plig, koj cav txog HUAB TAIS,
    koj tsis txhob hnov qab nws tej kev zoo ib qho li.

    Txais: (19a) Huab Tais tau tsa nws lus theej kiab nyob txheej ntuj saud.
    los: As les lus yas.

    Siab npaum li lub ntuj nyob rau saum ntiaj teb,
    nws kuj hlub cov neeg uas hwm nws tshaj npaum li ntawd.
    Deb npaum li sab hnub tuaj nyob deb ntawm sab hnub poob,
    nws kuj tau muab peb tej txhaum pov tseg
    deb ntawm peb npaum li ntawd .

    Txais: (19a) Huab Tais tau tsa nws lus theej kiab nyob txheej ntuj saud.
    los: As les lus yas.

    HUAB TAIS tau tsa nws lub theej kiab nyob txheej ntuj saud,
    nws lub hwj chim ua vaj kav tas txhua tsav txhua yam.
    Nej uas yog nws cov Tshiab, nej cav lus zoo txog HUAB TAIS,
    nej uas yog cov muaj zog loj thiab nej ua raws li nws lo lus.

    Txais: (19a) Huab Tais tau tsa nws lus theej kiab nyob txheej ntuj saud.
    los: As les lus yas.

    As Les Lus Yas: ZAM 14: 26

    Txais: As les lus yas, as les lus yas.

    Leej Tswv Yim Ntshiab yuav qhia tas ib puas tsav yam rau nej,
    thiab yuav pab nej rov nco txog tas txhua yam uas kuv tau hais rau nej.

    Txais: As les lus yas, as les lus yas.

    Ntawv Moo Zoo: ZAM 21: 15-19

    15 Thaum lawv noj tshais tas, Yes Xus hais rau Xis Moos Pob Zeb tias : "Xis Moos, Zam tus tub, koj puas nyiam kuv dua lawv cov ntawd ?" Pob Zeb hais rau Yes Xus tias : "Huab Tais, koj yeej paub tias kuv nyiam koj." Yes Xus hais rau Pob Zeb tias : "Koj coj kuv cov yaj mus nog zaub." 16 Yes Xus rov hais zaum ob tias : "Xis Moos, Zam tus tub, koj puas nyiam kuv ?" Pob Zeb hais rau Yes Xus tias : "Huab Tais, koj yeej paub tias kuv nyiam koj." Yes Xus hais rau nws tias : "Koj ua tus saib kuv cov yaj mog." 17 Yes Xus tseem rov hais dua zaum peb rau Pob Zeb tias : "Xis Moos, Zam tus tub, koj puas nyiam kuv tiag ?” Pob Zeb tu siab rau qhov Yes Xus hais rau nws zaum peb tias : "Koj puas nyiam kuv tiag ?" Pob Zeb hais rau Yes Xus tias : "Huab Tais, koj paub tas ib puas tsav yam, koj yeej paub tias kuv nyiam koj tiag." Yes Xus hais rau Pob Zeb tias : "Koj coj kuv cov yaj mus nog zaub mog. 18 Kuv hais qhov muaj tseeb tiag rau koj; thaum koj tseem hluas, koj muab koj siv koj sia koj, koj xav mus qhov twg los koj mus koj. Tiam sis thaum koj laus lawm, koj yuav tsa tes cia lwm tus kho siv rau koj sia thiab coj koj mus qhov uas koj tsis xav mus." 19 Yes Xus hais qhov ntawd qhia tias Pob Zeb yuav tuag zoo li cas kom Tswv Ntuj nto koob meej. Yes Xus hais li tas, nws hais rau Pob Zeb tias : "Koj raws kuv mus."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 29th May 2020, 12:44 pm

    TIM 30 LUB 5 HLIS 2020

    Hnub Xya Lis Piam Xya Caij Hla Xyoo A Nruab Lis Piam Xyoo II

    Zaj Nyeem Ib: HAUJ LWM 28: 16-20, 30-31


    16 Thaum peb tuaj txog hauv Los Mas lawm, mas lawv cia Paj Lug nws nyob nws ib leeg nrog tus tub rog uas zov nws xwb.
    17 Peb hnub tom qab, Paj Lug hu cov thawj coj Yus Das kom tuaj. Thaum lawv tuaj txog tas, Paj Lug hais rau lawv tias : "Cov kwv tij, kuv tsis tau ua dab tsi txhaum peb haiv neeg, los txhaum peb cov yawg koob tej kev cai, tsis kav lawv ntes kuv nyob Yes Lus Xas Les thiab muab kuv rau cov Los Mas coj mus kaw. 18 Thaum cov Los Mas tshuaj lus tas, lawv xav tso kuv mus, vim lawv tsis pom muaj dab tsi txaus ris lub txim tuag nyob hauv kuv. 19 Tab sis cov Yus Das tsis kam tso kuv, mas kuv thiaj yuav tsum tau thov kom cia Xes Ntxas ua tus txiav txim rau kuv, txawm tias kuv tsis muaj lus dab tsi yuav liam rau kuv haiv neeg. 20 Yog vim li no, mas kuv thiaj xav ntsib nej thiab hais rau nej paub tias, yog vim His Xas Lais txoj kev tso siab, mas kuv thiaj li coj cov saw khi kuv li no."
    30 Paj Lug nyob tau ob xyoos nkaus hauv lub tsev nws nyob no. Nws tos txais cov neeg uas tuaj xyuas nws tas huv tib si. 31 Nws tshaj txog Tswv Ntuj lub Ceeb Tsheej, thiab qhia txog Huab Tais Yes Xus Pleev, nyob hauv txoj kev tso siab lug tsis muaj leej twg txwv nws li.

    NPN 11: 4, 5+7

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los: As les lus yas.

    HUAB TAIS nyob hauv nws lub tuam tsev ntshiab;
    HUAB TAIS lub theej kiab nyob saum ntuj.
    Nws qhov muag saib ntsoov,
    nws ntsia tsom ntsoov rau ntiaj teb neeg.

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los: As les lus yas.

    HUAB TAIS nrhiav tus neeg ncaj thiab tus neeg nkhaus,
    nws ntxub tus nyiam kev sib ntaus sib tua.
    Vim HUAB TAIS siab ncaj, nws nyiam cov hauj lwm ncaj ncees,
    cov neeg siab ncaj yuav tau ntsia ntsoov HUAB TAIS ntsej muag

    Txais: (7b) Huab Tais, cov neeg siab ncaj yuav ntsia ntsoov koj lub ntsej muag.
    los: As les lus yas.

    As Les Lus Yas: ZAM 16: 7, 13

    Txais: As les lus yas, as les lus yas.

    Huab Tais hais tias:
    Kuv yuav xa Leej Tswv Yim qhia qhov tseeb tuaj rau nej;
    Nws yuav coj nej mus txog txhua yam tseeb.

    Txais: As les lus yas, as les lus yas.

    Ntawv Moo Zoo: ZAM 21: 20-25

    20 Pob Zeb tig ntsia tom qab, nws pom tus thwj tim uas Yes Xus nyiam tuaj lawv qab. Yog tus uas thaum lawv noj hmo, nws tig mus pheeb rau ntawm Yes Xus hauv siab, thiab nug tias : 'Huab Tais, tus yuav muab koj rau luag yog leej twg?'. 21 Pob Zeb pom tus thwj tim ntawd, Pob Zeb hais rau Yes Xus tias : "Huab Tais, tus ntawd ned ?" 22 Yes Xus hais rau Pob Zeb tias : "Yog kuv xav kom nws nyob mus txog hnub kuv rov los no, koj ho quav ntsej dab tsi txog? Ntawm koj, mas koj raws kuv mus." 23 Lo lus no thiaj ncha rau hauv cov kwv tij tias : 'Tus thwj tim ntawd yuav tsis tuag.' Tab sis Yes Xus tsis tau hais rau Pob Zeb tias : 'Nws yuav tsis tuag', Yes Xus tsuas tau hais tias : 'Yog kuv xav kom nws nyob txog hnub kuv rov no koj ho quav ntsej dab tsi txog?' xwb.
    24 Yog tus thwj tim ntawd ua tim khawv txog tej no thiab yog nws muab sau cia. Peb paub tias nws cov lus ua pov thawj muaj tseeb. 25 Tseem tshuav ntau yam kawg uas Yes Xus tau ua, yog yuav sau ib yam zuj zus tas huv tib si, mas kuv xav tias lub ntiaj teb yuav ntim tsis tas cov phau ntawv sau ntawd li.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 31st May 2020, 12:35 pm

    TIM 1 LUB 6 HLI 2020

    Hnub Ob Lis Piam Cuaj Nruab Xyoo A Nruab Lis Piam Xyoo II

    Hwm tus Nkauj Nkauj Xwb Tsim Txiaj Mab Liab ua lub Koom Txoos Leej Niam .

    Zaj Nyeem Ib: HP 3: 9-15, 20


    Thaum As Das thiab Es Vas nkawd noj lub txiv tas lawm,
    9 HUAB TAIS Tswv Ntuj hu tus txiv neej tias : "Koj nyob qhov twg ?" 10 Tus txiv neej teb tias : "Kuv tau hnov koj nyob hauv lub vaj, tiam sis kuv ntshai vim kuv liab qab, ces kuv thiaj khiav tsiv nraim lawm." 11 Tswv Ntuj hais tias : "Leej twg qhia koj tias koj liab qab ? Yog koj noj lub txiv uas kuv txwv tsis pub koj noj lawm puas yog ?" 12 Tus txiv neej teb tias: "Yog tus poj niam uas koj tso nrog kuv nyob, nws muab lub txiv ntawm tsob ntoo rau kuv, ces kuv thiaj noj." 13 HUAB TAIS Tswv Ntuj hais rau tus poj niam tias : "Koj ua dab tsi li ntawd ?" Tus poj niam teb tias : "Yog niag nab ntxias kuv, kuv thiaj noj." 14 Ces HUAB TAIS Tswv Ntuj hais rau tus nab hais tias : "Vim koj tau ua li no mas koj txoj hmoov yuav phem tshaj tas ib tsoom tsiaj nyeg thiab tas ib tsoom tsiaj qus. Koj yuav xuas koj lub plab mus kev, thiab koj yuav niaj hnub noj av tas koj sim neej. 15 Kuv yuav ua kom muaj kev ciaj caub ntawm koj thiab tus poj niam, ntawm koj caj ces thiab nws caj ces. Nws yuav tsuj koj taub hau, koj yuav tom nws luj taws."
    20 Tus txiv neej tis npe rau nws poj niam hu ua Es Vas, vim nws yog ib tsoom neeg muaj txoj sia leej niam.

    Los: HL 1: 12-14

    Thaum Yes Xus nce mus saum ntuj lawm,
    12 cov Hauv Paus Xa Lus nqes pem lub roob uas hu ua "Roob Txiv Ntoo Roj" rov los rau Yes Lus Xas Les. Lub roob ntawd nyob ze ze ntawm Yes Lus Xas Les, tsuas deb lib ib ncua kev hnub Xas Npas Tos xwb. 13 Thaum lawv rov los txog, lawv nce mus saum chav tsev siab uas yog qhov chaw lawv nyob : muaj Pob Zeb thiab Yas Kos thiab Zam thiab As Nres, Fis Lis Pos thiab Tos Mas, Npas Tos Los Mas Yos thiab Mas Tais, Yas Kos uas yog As Fas Yos tub thiab Xis Moos siab kub thiab Yus Das uas yog Yas Kos tub. 14 Tas lawv cov no sawv daws koom ib lub siab, kub siab teev ntuj thiab thov ntuj, nrog rau ib co poj niam, thiab Mab Liab uas yog Yes Xus niam, thiab nrog Yes Xus cov kwv tij thiab.

    NPN 87: 1-2, 3+5, 6-7

    Txais: (3) Tswv Ntuj lub tsheej, lawv hais tej yam nto koob meej qhuas txog koj!

    Nws lub taw ntsa txhos nyob saum cov roob ntshiab,
    Huab Tais nyiam Xis Yoos cov rooj vag
    heev dua Yas Kos lwm cov tsev tas huv si.

    Txais: (3) Tswv Ntuj lub tsheej, lawv hais tej yam nto koob meej qhuas txog koj!

    Tswv Ntuj lub tsheej,
    lawv hais tej yam zoo kawg qhuas txog koj!
    Lawv yuav hais txog Xis Yoos tias:
    “Tus no thiab txhua tus neeg yug nyob hauv nws.
    Tus uas txhim tsa Xis Yoos yog tus Huab Tais nyob siab.”

    Txais: (3) Tswv Ntuj lub tsheej, lawv hais tej yam nto koob meej qhuas txog koj!

    Lawv yuav sau rau hauv phau ntawv txheeb npe txog
    cov haiv neeg tias: "Tus neeg no yug los nyob ntawd."
    Tas sawv daws yuav zoo siab yoj cev hu nkauj tias:
    "Kuv lub tsev yog nyob txawm hauv koj."

    Txais: (3) Tswv Ntuj lub tsheej, lawv hais tej yam nto koob meej qhuas txog koj!

    As Les Lus Yas

    Txais: As les lus yas, as les lus yas.

    Nkauj Tsim Txiaj, koj yuav zoo siab, koj yug peb tus Huab Tais;
    Lub Koom Txoos Leej Niam tus tau txoj hmoov zoo,
    koj ua kom peb sov siab nyob hauv
    koj leej Tub Yes Xus Pleev leej Tswv Yim.

    Txais: As les lus yas, as les lus yas.

    Ntawv Moo Zoo: ZAM 19: 25-34

    25 Cov sawv nyob ze ntawm Yes Xus tus ntoo cuam yog nws niam thiab nws niam tus niam hluas Mab Liab uas yog Dlos Pas poj niam, thiab Mab Liab Mas Ntas Las. 26 Yes Xus pom nws niam, thiab pom tus thwj tim uas nws nyiam sawv nyob ze, ces nws hais rau nws niam tias : "Niad, tus ntawd yog koj tus tub." 27 Thiab Yes Xus hais rau tus thwj tim tias : "Tus ntawd yog koj niam." Txij lub sij hawm ntawd los, tus thwj tim coj Mab Liab mus nyob hauv nws tsev.
    28 Ua li ntawd tas, Yes Xus paub tias zaum no ib puas tsav yam tiav tas lawm; kom xwv muaj raws li ntawv sau tseg, nws hais tias : "Kuv nqhis dej." 29 Muaj ib hub kua qaub puv nkaus nyob ntawd. Lawv muab ib thooj paus ntshiv tub kua qaub chob rau ib tug ceg ntoo his xos cev mus rau Yes Xus qhov ncauj. 30 Thaum Yes Xus haus qhov kua qaub tas, nws hais tias : " Tiav tas lawm." Ces Yes Xus nyo taub hau, nws txoj pa tas thaum ntawd.
    31 Hnub ntawd yog Hnub Npaj, mas cov Yus Das tsis xav cia cov tuag lub cev dai saum ntoo cuam rau hnub Xas Npas Tos, vim tias hnub Xas Npas Tos ntawd yog ib lub hnub nyoog tseem ceeb. Cov Yus Das thov Pis Las Tos kom muab cov neeg dai saum ntoo cuam ob sab ceg lov thiab muab lawv lub cev txo nqes los. 32 Cov tub rog thiaj tuaj muab thawj tug neeg thiab muab lwm tus neeg uas nrog Yes Xus raug dai saum ntoo cuam ob sab ceg lov. 33 Thaum lawv los txog ntawm Yes Xus, lawv pom nws twb tuag lawm, lawv tsis muab nws ob sab ceg lov, 34 tab sis ib tug tub rog xuas nws rab hmuv nkaug Yes Xus phab tav; tam sis ntawd ib co ntshav thiab ib co dej tawm los.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 1st June 2020, 12:07 pm

    TIM 2 LUB 6 HLI 2020

    Hnub Peb Lis Piam Cuaj Nruab Xyoo B Nruab Lis Piam Xyoo II

    Hwm LN Marcellinus thiab LN Peter, tuag ua Tim Khawv

    Zaj Nyeem Ib: 2 PZ 3: 12-15A, 17-18


    Cov zoo nyiad:
    12 Nej tos ntsoov thiab nej ua kom Tswv Ntuj lub Hnub Nyoog los txog sai. Lub hnub nyug ntawd yuav ua kom cov txheej ntuj saud kub hnyiab thiab ploj ntais mus, thiab txhua tsav txhua yam yuav raug hluav taws kub kom yaj tas huv tib si. 13 Raws li nws tau cog lus cia, mas peb tos txog ib lub ntuj tshiab thiab ib lub ntiaj teb tshiab uas yuav muaj txoj kev ncaj nyob txawm rau hauv.
    14 Li ntawd, cov zoo nyiad, lub caij nej tseem tos no, nej yuav rau siab ua kom thaum Tswv Ntuj los, nws pom nej tsis tsuas ib tee qias thiab tsis muaj ib qho xyeej, thiab nej nyob hauv txoj kev thaj yeeb mog. 15 Nej yuav saib tias peb tus Huab Tais lub siab ntev yog txoj kev cawm nej,
    17 Cov zoo nyiad, kuv xub hais qhia rau nej lawm, mas nej yuav ceev faj, txhob cia cov tsis hwm Ntuj pus nej kom nej ncaim ntawm nej txoj kev nyob ruaj nreb. 18 Nej yuav tsum hlob nyob hauv lub txiaj ntsim thiab txoj kev paub peb tus Huab Tais Cawm Seej Yes Xus Pleev. Lub koob meej yog nws tug lub zim txwv no mus txog txhiab niag tim puas xyoo. Ua li.

    NPN 90: 2, 3-4, 10, 14+16

    Txais: (1) HUAB TAIS, koj yog peb qhov chaw vam khom tiam dhau tiam.

    Txij puag thaum cov hauv roob siab tsis tau xeeb los,
    thiab thaum lub ntiaj teb thiab lub sim ceeb tsis tau tshwm tawm tuaj,
    koj yeej yog Tswv Ntuj tsis muaj caij tag tsis muaj caij kawg los lawm.

    Txais: (1) HUAB TAIS, koj yog peb qhov chaw vam khom tiam dhau tiam.

    Koj cia neeg rov mus ua av, koj hais tias :
    "As Das cov tub, nej rov mus ua av !"
    Koj saib ib txhiab xyoo zoo li yog nag hmo,
    zoo li yog ib hnub uas dhau mus lawm xwb,
    los zoo li yog ib lub caij zov keeb thaum hmo ntuj xwb.

    Txais: (1) HUAB TAIS, koj yog peb qhov chaw vam khom tiam dhau tiam..

    Peb lub caij ua neej tas nrho tsuas ntev txog xya caum xyoo,
    los yim caum xyoo, yog peb lub cev muaj zog.
    lub caij ua neej tsuas yog kev khwv tsis tau dab tsi zoo;
    ib pliag ntshis niaj xyoos dhau mus, ces peb kuj mus thiab.

    Txais: (1) HUAB TAIS, koj yog peb qhov chaw vam khom tiam dhau tiam.

    Sawv ntxov tsees, thov koj ua siab zoo tas nrho rau peb,
    ces peb yuav qw zoo siab tas peb sim neej.
    Thov koj qhib koj cov hauj lwm rau koj cov tub txib pom,
    thiab qhib koj lub hwj chim rau lawv cov tub cov ntxhais ntsia.

    Txais: (1) HUAB TAIS, koj yog peb qhov chaw vam khom tiam dhau tiam.

    As Les Lus Yas: EFX 1: 17-18

    Txais: As les lus yas, as les lus yas.

    Thov kom peb tus Huab Tais Yes Xus Pleev Leej Txiv
    tso qhov pom kev tuaj kaj lub qhov muag hauv peb lub siab,
    kom peb pom tias txoj kev tso siab
    uas Ntuj hu peb los nyob hauv zoo npaum li cas.

    Txais: As les lus yas, as les lus yas.

    Ntawv Moo Zoo: MK 12: 13-17

    13 Cov Yus Das xa ob peb tug Fas Lis Xais thiab ob peb tug Hes Los Dias tuaj sim Yes Xus, kom nws hais lus yuam kev. 14 Lawv tuaj txog, lawv hais rau Yes Xus tias : "Xib Hwb, peb paub tias koj yog ib tug neeg hais qhov tseeb, thiab koj tsis quav ntsej txog qhov tias luag tej yuav xav li cas, koj tsis saib tib neeg lub ntsej muag, koj tsuas qhia Tswv Ntuj txoj kev raws qhov tseeb xwb. Ua li puas muaj cai kom them se rau Xes Ntxas los tsis muaj? Peb puas yuav tsum them se los tsis them ?" 15 Tab sis Yes Xus paub tias lawv siab nkhaus, ces nws hais rau lawv tias : "Vim li cas nej xav sim kuv ? Nej muab ib lub txiaj nyiag los rau kuv xyuas saib." 16 Lawv muab ib lub txiaj nyiag los, Yes Xus thiaj hais rau lawv tias : "Tus duab no thiab cov npe ntawv hauv no yog leej twg li ?" Lawv hais rau Yes Xus tias : "Yog Xes Ntxas li." 17 Ces Yes Xus hais rau lawv tias : "Yam twg yog Xes Ntxas tug, ces nej muab rov rau Xes Ntxas, yam twg yog Tswv Ntuj tug, mas nej muab rau Tswv Ntuj." Ces lawv yoob tas rau nws.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 3rd June 2020, 1:40 pm

    TIM 3 LUB 6 HLI 2020

    Hnub Plaub Lis Piam Cuaj Nruab Xyoo A Nruab Lis Piam Xyoo II

    Hwm LN Charles Lwanga thiab cov, tuag ua Tim Khawv

    Zaj Nyeem Ib: 2 TM 1: 1-3, 6-12


    1 Kuv Paj Lug, Yes Xus Pleev ib tug Hauv Paus Xa Lus, vim Tswv Ntuj pom zoo raws li txoj kev cog lus yuav pub txoj sia uas nyob hauv Yes Xus Pleev, 2 kuv foom rau Tis Mos Tes, kuv tus tub zoo nyiam: Thov kom koj tau txais txiaj ntsim, kev khuv leej, thiab kev thaj yeeb tuaj ntawm Leej Txiv Tswv Ntuj, thiab ntawm peb tus Huab Tais Yes Xus Pleev tuaj.
    3 Kuv ua tsaug rau Tswv Ntuj tus uas kuv muab ib lub siab dawb paug los teev hawm, raws li kuv cov yawg koob tau ua los, thaum kuv nco txog koj tas mus li nyob hauv kuv zaj teev ntuj nruab hnub hmo ntuj huv si.
    6 Yog vim li ntawd, kuv rov txhib koj dua kom koj nco ntsoov thob lub txiaj ntsim uas Tswv Ntuj tso rau hauv koj hnub kuv tiag tes rau saum koj kom nws cig nplaim loj tuaj. 7 Vim Tswv Ntuj tsis tau pub ib lub tswv yim ua neeg ntshai ntshai rau peb, tiam sis nws pub ib lub tswv yim muaj peev xwm, muaj kev nyiam, thiab txawj tswj yus tus kheej rau peb.
    8 Koj yuav tsis txhob txaj muag ua tim khawv txog peb tus Huab Tais, los txhob txaj muag lees paub kuv uas yog ib tug neeg raug kaw vim nws. Tiam sis koj yuav zoo siab nrog kuv nyiaj kev txom nyem vim lub Moo Zoo raws li lub zog tuaj ntawm Tswv Ntuj tuaj. 9 Tswv Ntuj yog tus tau cawm peb thiab tau hu peb los nyob hauv txoj kev ntshiab dawb huv, tsis yog vim peb cov dej num zoo, tiam sis yog vim nws yeej npaj zoo li ntawd thiab yog vim lub txiaj ntsim nws pub rau peb nyob hauv Yes Xus Pleev txij puag thaum lub caij nyoog nyob mus li twb tsis tau pib lawm. 10 Ces nyiam no, lub txiaj ntsim ntawd tshwm tuaj thaum peb tus cawm seej Yes Xus Pleev tawm tuaj thiab. Nws yog tus rhuav txoj kev tuag thiab tus ua kom txoj sia thiab txoj kev nyob mus li ci tawm tuaj nyob hauv lub Moo Zoo, 11 uas kuv raug tsa los ua tus tshaj txog thiab ua Hauv Paus Xa Lus thiab ua kws xib hwb qhia txog. 12 Yog vim qhov ntawd, kuv thiaj tau raug txom nyem; tab sis kuv tsis txaj muag, vim kuv paub tus uas kuv ntseeg thiab kuv tso siab lug tias nws muaj peev xwm yuav txuag tau qhov nws muab rau kuv ceev tseg, mus txog lub hnub nyoog ntawd.

    NPN 123: 1B-2AB, 2CDEF

    Txais: (1b) Huab Tais, kuv tsa muag ntsia ntsoov koj.

    Kuv tsa muag tig ntsia ntsoov koj
    tus zaum saum lub theej kiab saum ntuj,
    zoo puav tam li cov tub txib tsa muag
    ntsia lawv tus tswv txhais tes.

    Txais: (1b) Huab Tais, kuv tsa muag ntsia ntsoov koj.

    Zoo puav tam li ib tug ntxhais txib
    tsa muag ntsia ntsoov nws tus niam tsev txhais tes,
    peb qhov muag kuj ntsia ntsoov HUAB TAIS
    peb tus tswv Ntuj, mus txog thaum nws khuv leej peb.

    Txais: (1b) Huab Tais, kuv tsa muag ntsia ntsoov koj.

    As Les Lus Yas: Zam 11: 25A, 26

    Txais: As les lus yas, as les lus yas.

    Huab Tais hais tias: “Kuv yog txoj kev sawv rov los thiab txoj sia,
    leej twg ntseeg txog kuv yuav tsis txawj tuag ib zaug li.”

    Txais: As les lus yas, as les lus yas.

    Ntawv Moo Zoo: MK 12: 18-27

    18 Muaj ib co xas dus kais uas hais tias neeg tuag tsis txawj sawv rov los, lawv tuaj cuag Yes Xus, lawv nug nws tias : 19 "Xib Hwb, Mais Xes sau cia rau peb tias : ‘Yog leej twg ib tug kwv tij tuag tseg poj niam cia, tsis tau muaj me nyuam, mas tus kwv yuav tsum qaws tus niam tij kom tsa tau ib co xeeb leej xeeb ntxwv rau tus tij laug ntawd.’
    20 Txawm muaj xya leej kwv tij. Thawj tug yuav poj niam, nws tuag, tsis tau muaj tub ki li. 21 Tus ob qaws tus niam tij ntawd, nws kuj tuag tsis tau muaj tub ki li; tus peb kuj ua ib yam li ntawd thiab. 22 Tas lawv xya leej ntawd puav leej ua ib yam tsis muaj tub ki cia li. Thaum kawg, tus poj niam kuj tuag lawm thiab. 23 Lub caij neeg lub cev sawv rov los, thaum lawv sawv rov los ne, tus poj niam ntawd yuav yog leej twg tus ? Vim lawv xya tus kwv tij puav leej tau yuav nws ua lawv poj niam." 24 Yes Xus hais rau lawv tias : "Puas yog nej yuam kev vim nej tsis paub Ntawv Ntshiab thiab tsis paub Tswv Ntuj lub hwj huam ? 25 Vim tias, thaum lawv sawv hauv cov tub tuag rov los, mas lawv yuav tsis yuav poj niam, tsis yuav txiv li, lawv yuav zoo li cov Tshiab nyob saum ntuj lawm xwb. 26 Hais txog cov tuag kev sawv rov los mas, nej puas tau nyeem hauv Mais Xes phau ntawv, zaj hais txog tsob me nyuam ntoo uas Tswv Ntuj hais rau Mais Xes tias : ‘Kuv yog Has Nplas Has tus Tswv Ntuj, His Xas Has tus Tswv Ntuj, thiab Yas Kos tus Tswv Ntuj’ ? 27 Tswv Ntuj tsis yog cov neeg tuag tus Tswv Ntuj, nws yog cov neeg ciaj tus Tswv Ntuj. Nej yuam kev lawm ntau."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 3rd June 2020, 3:20 pm

    TIM 4 LUB 6 HLI 2020

    Hnub Tsib Lis Piam Cuaj Nruab Xyoo A Nruab Lis Piam II

    Zaj Nyeem Ib: 2 TMT 2: 8-15


    Tus zoo nyiad:
    8 Koj nco ntsoov txog tias Yes Xus Pleev, uas nws sawv hauv cov tub tuag rov los, nws yog Das Vis ib tug xeeb ntxwv; qhov no yog lub Moo Zoo uas kuv qhia. 9 Vim lub Moo Zoo no, kuv thiaj raug txom nyem thiab raug saw hlau xauv kuv xws li ib tug neeg phem. Tab sis Tswv Ntuj lo lus tsis raug saw hlau xauv. 10 vim li no, kuv thiaj ua siab ntev nyiaj txhua yam pub rau cov neeg Ntuj tau xaiv, kom lawv tau txais kev cawm, txoj kev cawm uas nyob hauv Yes Xus Pleev, uas muaj lub hwj chim nyob mus li.
    11 Lo lus no, yog ib lo lus tseeb : “Yog peb nrog nws tuag, mas peb kuj yuav nrog nws muaj txoj sia. 12 Yog peb nrog nws nyiaj kev txom nyem, mas peb kuj yuav nrog nws ua vaj. Yog peb tsis lees nws, mas nws kuj yuav tsis lees peb.
    13 Yog peb ua neeg ntxeev siab rau nws, los nws tseem ua siab ncaj rau peb, vim nws yuav rov tsis lees nws tsis tau.”
    14 Koj yuav rov hais tej no rau sawv daws, koj hais meej nyob ntawm Tswv Ntuj xub ntiag rau lawv kom lawv yuav tsum tseg tsis txhob muab tej lus los ua chaw sib cav, vim kev sib cav tsis zoo dab tsi, tsuas ua kom cov neeg tuaj mloog ntawd mus yuam kev xwb. 15 Koj yuav muab siab rau ua kom Tswv Ntuj saib koj yog ib tug neeg tsis muaj chaw xyeej, ib tug tub zog tsis ua kom muaj kev txaj muag nyob hauv nws tes dej num, txawj qhia lo lus tseeb mus rau qhov zoo.

    NPN 25: 4-5AB, 8-9, 10+14


    Txais: (4) Huab Tais, thov qhia koj tej kev rau kuv paub.

    HUAB TAIS, ua kom kuv paub koj tej kev,
    qhia koj tej kev rau kuv kawm.
    Coj kuv mus taug koj txoj kev tseeb, qhia rau kuv paub,
    vim koj yog Tswv Ntuj tus cawm kuv.

    Txais…

    HUAB TAIS yog tus siab zoo thiab siab ncaj,
    nws qhia txoj kev zoo rau cov neeg txhaum taug.
    nws coj cov neeg me mus rau txoj kev ncaj,
    nws qhia nws txoj kev rau cov neeg me kawm.

    Txais…

    Tas HUAB TAIS tej kev yog kev ua zoo thiab kev ua ncaj
    rau cov neeg coj raws li nws tau cog lus thiab nws txoj cai.
    HUAB TAIS ntaus phooj ywg nrog cov hwm nws,
    thiab nws txoj kev cog lus yog kev qhuab qhia lawv.

    Txais…

    As Les Lus Yas: 2 TM 1: 10

    Txais: As les lus yas, as les lus yas.

    Peb tus cawm seej Yes Xus Pleev tau rhuav txoj kev tuag,
    thiab nws lub Moo Zoo tau qhia kom peb paub txog txoj sia.

    Txais: As les lus yas, as les lus yas.

    Ntawv Moo Zoo: MK 12: 28-34

    28 Ib tug kws Ntawv Ntshiab hnov lawv sib cav, nws pom tias Yes Xus teb raug kawg rau cov xas dus kais, ces nws txav los nug Yes Xus tias : "Nyob hauv cov lus qhia tas huv tib si, lo twg yog thawj lo lus qhia ?" 29 Yes Xus teb rau nws tias : "Thawj lo lus qhia yog lo lus no : ‘His Xas Lais, koj mloog! Huab Tais peb tus Tswv Ntuj tib leeg xwb yog Huab Tais. 30 Koj yuav nyiam Huab Tais koj tus Tswv Ntuj tas siab tas ntsws, tas koj tus ntsuj plig, tas koj lub tswv yim thiab tas koj lub zog.’ 31 Lo lus qhia ob yog lo lus no : ‘Koj yuav nyiam tus nyob ze koj ib yam li koj nyiam koj.’ Tsis muaj lwm lo lus qhia loj dua ob lo lus no lawm." 32 Tus kws Ntawv Ntshiab hais rau Yes Xus tias : "Zoo kawg, Xib Hwb, koj hais qhov tseeb kawg tias: ‘Tsuas muaj ib tug Tswv Ntuj xwb, tsis muaj dua lwm tus ntxiv lawm, 33 thiab kom nyiam Tswv Ntuj tas yus lub siab lub ntsws, tas yus lub tswv yim thiab tas yus lub zog, thiab kom nyiam tus nyob ze yus ib yam li yus nyiam yus,’ qhov ntawd muaj nqes tshaj txhua yam kev hlawv tsiaj thiab cev lwm yam txi Ntuj huv tib si." 34 Yes Xus pom tias tus kws Ntawv Ntshiab teb tau muaj kev to taub zoo, ces nws hais rau tus kws Ntawv Ntshiab tias : "Koj nyob tsis deb ntawm Tswv Ntuj lub Ceeb Tsheej lawm." Ces tsis muaj leej twg muaj cuab kav nug Yes Xus ntxiv.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 4th June 2020, 11:08 am

    TIM 5 LUB 6 HLI 2020

    Thawj Hnub Rau Lis Piam Cuaj Nruab Xyoo A Nruab Lis Piam Xyoo II

    Hwm LN Boniface, Tswv Qhia tuag ua Tim Khawv

    Zaj Nyeem Ib: 2 TMT 3: 10-17


    10 Ntawm koj mas koj tau coj raws nraim li kuv cov lus qhia, kuv tus cwj pwm ua neej, kuv lub hom phiaj, kuv txoj kev ntseeg, kuv txoj kev ua siab ntev, kuv lub siab hlub luag, kuv lub siab ua tiag nyiaj kom dhau; 11 koj kuj tau raug luag hiam thiab raug txom nyem ib yam li kuv tau raug nyob As Nthias Kias, nyob Is Kos Nias, los nyob Lws Ros. Puas tsav yam kev hiam ntawd kuv yeej tau raug, tab sis Huab Tais tau npo kuv dim ntawm txhua yam ntawd los. 12 Ua li mas, txhua leej txhua tus uas xav muaj txoj sia nyob hauv Leej Pleev, thiab xav ua neeg hwm Ntuj, yeej yuav raug luag hiam. 13 Cov neeg phem, thiab cov neeg dag noj dag haus, lawv yeej yuav ua neeg phem zuj zus ntxiv xwb: lawv yog ib co neeg dag luag tej, thiab lawv kuj mag luag dag thiab.
    14 Ntawm koj, mas koj yuav nyob ruaj nreb hauv txoj kev koj tau kawm thiab koj tau pom tias yog qhov tseeb, vim koj paub tias koj tau kawm tej ntawd ntawm leej twg los. 15 Koj yeej paub Ntawv Ntshiab txij thaum yau los lawm; cov Ntawv Ntshiab ntawd muaj peev xwm pub tau kev thoob tsib rau koj, kom koj tau txais kev cawm nyob hauv txoj kev ntseeg txog Yes Xus Pleev. 16 Tas cov Ntawv Ntshiab huv tib si puav leej yog Tswv Ntuj tshoj neeg kom sau; li ntawd cov Ntawv Ntshiab zoo pab kev qhia txuj, zoo pab tiv cov neeg dag, zoo pab kho tej zaj yuam kev, zoo pab kev qhuab qhia nyob hauv txoj kev xyaum ua neeg ncaj, 17 kom xwv tus neeg nyiam Tswv Ntuj paub txhij txhua, ces nws thiaj muaj peev xwm ua tau tas txhua yam hauj lwm zoo.

    NPN 119: 157, 160, 161, 165, 166, 168


    Txais: (165a) Huab Tais, cov neeg nyiam koj txoj cai nyob thaj yeeb lug.

    Cov neeg hiam kuv, thiab cov ntxub kuv coob kawg,
    tab sis kuv tsis tso koj cov cai lij choj pov tseg.

    Txais: (165a) Huab Tais, cov neeg nyiam koj txoj cai nyob thaj yeeb lug.

    Koj lo lus qhov tseem ceeb yog qhov tias nws tsis txawj hloov li,
    tas txhia yam koj tau txiav raws kev ncaj yuav nyob ib txhiab ib txhis.

    Txais: (165a) Huab Tais, cov neeg nyiam koj txoj cai nyob thaj yeeb lug.

    Ib co tub huab tais lam taus lam hiam kuv ua dog dig,
    tab sis kuv lub siab tsuas ntshai koj cov lus xwb.

    Txais: (165a) Huab Tais, cov neeg nyiam koj txoj cai nyob thaj yeeb lug.

    Cov neeg nyiam koj Txoj Cai, tau nyob thaj yeeb lug,
    tsis muaj dab tsi los tav lawv kev.

    Txais: (165a) Huab Tais, cov neeg nyiam koj txoj cai nyob thaj yeeb lug.

    HUAB TAIS, kuv tos nrhw koj txoj kev cawm neeg,
    kuv coj raws nraim li koj cov lus qhia.

    Txais: (165a) Huab Tais, cov neeg nyiam koj txoj cai nyob thaj yeeb lug.

    Kuv mloog raws koj cov lus qhia thiab cov cai lij choj,
    tej kev kuv taug puav leej nyob ntawm koj xub ntiag tas huv si.

    Txais: (165a) Huab Tais, cov neeg nyiam koj txoj cai nyob thaj yeeb lug.

    As Les Lus Yas: ZAM 14: 23

    Txais: As les lus yas, as les lus yas.

    Yog leej twg nyiam kuv, nws yuav coj rawv kuv lo lus,
    ces kuv Txiv yuav nyiam nws.
    Kuv Txiv wb yuav tuaj nyob hauv nws.

    Txais: As les lus yas, as les lus yas.

    Ntawv Moo Zoo: MK 12: 35-37

    35 Thaum Yes Xus qhuab qhia hauv lub Tuam Tsev Teev Ntuj, nws hais tias : "Yog vim li cas cov kws Ntawv Ntshiab thiaj hais tias Leej Pleev yog Das Vis tub ? 36 Hos Leej Ntuj Plig Ntshiab tau tshoj Das Vis kom nws hais cov lus no tias : ‘Huab Tais hais rau kuv tus Huab Tais tias : Koj zaum ntawm kuv sab xis, mus txog hnub kuv muab koj cov yeeb ncuab rau hauv koj qab xib taws.’ 37 Das Vis twb hu Leej Pleev ua ‘Huab Tais’ ; yog li Leej Pleev ho yog Das Vis tub tau li cas thiab ?" Ces tsoom neeg coob zoo siab mloog Yes Xus.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 5th June 2020, 9:47 am

    TIM 6 LUB 6 HLI 2020

    Hnub Xya Lis Piam Cuaj Nruab Xyoo A Nruab Lis Piam Xyoo II

    Hwm LN Norbert, ua Tswv Qhia

    Zaj Nyeem Ib: 2 TMT 4: 1-8


    Tus zoo nyiad:
    1 Kuv nyob ntawm Tswv Ntuj thiab Yes Xus Pleev xub ntiag, tus uas yuav txiav txim rau cov neeg ciaj thiab cov neeg tuag, thiab kuv tuav txog nws txoj kev tshwm sim tuaj thiab nws txoj kev ua vaj, kuv tso txoj hauj lwm no rau koj: 2 Koj kav tsij tshaj Lo Lus mog; koj yuav tshaj tsis tseg, thaum zoo sij hawm thiab thaum tsis zoo huv tib si. Koj yuav hais lus kom lawv ntseeg, txaus cem los cem, txaus qhuab ntuas los qhuab ntuas, txaus txhawb los txhawb, nyob hauv txoj kev ua siab ntev ntev thiab txoj kev xav qhuab qhia sawv daws. 3 Yuav muaj ib lub caij tom ntej uas tib neeg yuav tsis kam mloog txoj kev cai ncaj lawm, lawv yuav ua ywj li lawv lub siab nyiam thiab xib rau xwb, ces lawv yuav mus caum ntau tus xib hwb vim cov ntawd thiaj hais tej yam lawv pob ntseg xav mloog; 4 lawv yuav tsis tig pob ntseg mus rau txoj kev tseeb, lawv yuav tig mus mloog tej zaj cuav. 5 Ntawm koj mas koj yuav tswj koj tus kheej kom zoo nyob hauv txhua yam. Koj yuav ua siab ntev ris txoj kev nyuaj; koj ua txoj hauj lwm ua tub tshaj lub Moo Zoo, thiab leg koj txoj dej num kom zoo mus nto ntsis.
    6 Ntawm kuv, ces kuv twb zoo li cov cawv raug nchuav mus txi rau Ntuj lawm, thiab twb txog lub caij kuv yuav ncaim mus lawm. 7 Kuv twb tau nrog luag sib tw sib ntsuas zog txaus, kuv twb tau khiav mus txog chaw lawm; kuv tau ceev txoj kev ntseeg zoo. 8 Nyem no, luag twb npaj tau lub kaus mom yeej kub phim cov neeg ncaj rau kuv lawm; thaum txog Hnub Ntawd, Huab Tais, tus tswv txiav txim ncaj yuav muab rau kuv ntoo; tsis yog yuav muab rau kuv ib leeg xwb, nws yuav muab rau tas ib tsoom neeg uas tos ntsoov txog lub Hnub Nyoog nws yuav tawm los huv tib si.

    NPN 71: 8-9, 14-15AB, 16-17, 22

    Txais: (15ab) Kuv yuav hu nkauj qhuas txog koj txoj kev cawm.

    Kuv lub ncauj yuav qhuas txog koj tsis tseg,
    Thiab yuav cav txog koj lub koob meej hnub dhau hnub.
    Thaum kuv laus lawm, thov koj txhob ntiab kuv ;
    Kuv lub zog ntaug zuj zus, koj txhob tso kuv pov tseg.

    Txais: (15ab) Kuv yuav hu nkauj qhuas txog koj txoj kev cawm.

    Kuv yuav tso siab tas mus li
    thiab yuav cav txog koj tsis muaj caij kawg.
    Kuv lub ncauj yuav piav txog koj txoj kev ncaj
    Thiab yuav niaj hnub hais txog koj txoj kev cawm neeg.

    Txais: (15ab) Kuv yuav hu nkauj qhuas txog koj txoj kev cawm.

    Kuv yuav qhia txog HUAB TAIS cov hauj lwm loj ;
    Kuv yuav piav txog txoj kev ncaj uas tuaj ntawm koj tib leeg tuaj.
    TswvNtuj, koj tau qhuab qhia kuv puag thaum yau los,
    Los txog tav no kuv tau tshaj koj tej dej num txaus qhuas.

    Txais: (15ab) Kuv yuav hu nkauj qhuas txog koj txoj kev cawm.

    Kuv yuav siv nkauj nog ncas los ua koj tsaug,
    Vim koj txoj kev pheej xeeb, kuv tus Tswv Ntuj;
    Kuv yuav ntaus thaj cheej cav lus zoo txog koj,
    His Xas Lais tus Ntshiab !

    Txais: (15ab) Kuv yuav hu nkauj qhuas txog koj txoj kev cawm.

    As Les Lus Yas: MT 5: 3

    Txais: As les lus yas, as les lus yas.

    Cov muaj txoj hmoov zoo yog cov pluag hauv nruab siab,
    vim Ntuj lub Ceeb Tsheej yog lawv li.

    Txais: As les lus yas, as les lus yas.

    Ntawv Moo Zoo: MK 12: 38-44

    38 Thaum Yes Xus qhuab qhia sawv daws, nws hais tias : "Nej ceev faj rau cov kws Ntawv Ntshiab. Lawv nyiam hnav tej lub tsho ntev ua zam piav yeev. Lawv nyiam kom luag hawm lawv tom tej tshav puam. 39 Lawv nyiam zaum cov rooj kim txwv pem hauv ntej hauv tej tsev txoos, thiab thawj cov rooj zaum thaum luag muaj tej rooj noj rooj haus. 40 Lawv dhuas cov poj ntsuam tej cuab tam tas, tsis kav lawv lam ua txuj hais tej zaj teev ntuj ntev ntev. Lawv yuav raug tsub ib lub txim ntxiv rau lawv ris."
    41 Yes Xus zaum ncaj rau ntawm lub txhab ceev nyiaj, nws ntsia zeej tsoom tso lawv cov txiaj nyiag rau hauv lub txhab ceev nyiaj. Muaj cov nplua nuj coob leej tso nyiaj ntau rau hauv. 42 Txawm muaj ib tug poj ntsuam pluag pluag tuaj tso ob lub txiaj toog, muaj nqi tsawg tsawg rau xwb. 43 Ces Yes Xus hu cov thwj tim los ntawm nws, nws hais rau lawv tias : "Kuv hais tseeb rau nej, tus poj ntsuam pluag pluag no tau tso nyiaj ntau dua cov huv tib si rau hauv lub txhab ceev nyiaj. 44 Vim tas cov neeg tso nyiaj ntawd, lawv rho lawv tej nyiaj seem tuaj tso xwb, hos tus poj ntsuam ntawd nws rho raws nws txoj kev pluag tuaj tso, nws muab tas nrho qhov nws muaj, uas yog qhov yuav nres nws kev noj kev haus tuaj tso tas huv si lawm."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 7th June 2020, 12:29 pm

    TIM     8     LUB     6     HLI     2020

    Hnub Ob Lis Piam Kaum Nruab Xyoo A Nruab Lis Piam II

    Zaj Nyeem Ib:      1 VAJ  17:  1-6


    1 Es Lias tus neeg Tis Sis Npis, uas nyob Nkas Las As teb, nws hais rau As Kas tias : "Vim HUAB TAIS tus muaj txoj sia, His Xas Lais tus Tswv Ntuj, kuv sawv nyob ntawm nws xub ntiag tsawm tias, yuav tsis muaj lwg tsis muaj nag los ntxiv hauv ntau lub xyoo yuav tuaj no, tsuas kawg yuav muaj thaum kuv kom muaj xwb."
    2 Ces HUAB TAIS hais rau Es Lias tias : 3 "Koj tso thaj chaw no tseg, koj mus rau sab hnub tuaj, koj mus tsiv nraim nyob hauv lub kwj ha Kes Lis, nyob ntawm tus dej Yos Las Das sab toob fab. 4 Koj yuav haus tus dej txhawv nyob ntawd. Kuv twb kom cov uab lag nqa mov rau koj noj lawm." 5 Ces Es Lias sawv kev mus thiab ua raws li HUAB TAIS hais, nws mus nyob hauv lub kwj ha Kes Lis nyob ntawm tus dej Yos Las Das sab toob fab. 6 Thaum sawv ntxov cov uab lag nqa mov nqa nqaij tuaj rau nws noj, thaum tsaus ntuj lawv nqa mov nqa nqaij tuaj rau nws noj; nws haus tus dej txhawv nyob rau ntawd.

    NPN    121:   1BC-2, 3-4, 5-6, 7-8

    Txais:  (2)  Tus yuav tuaj pab peb yog Huab Tais, tus tsim lub ntuj lub teb.

    Kuv tsa muag ntsia hauv toj hauv pes saib,
    leej twg thiaj yuav tuaj pab kuv ?
    Tus yuav tuaj pab kuv yog HUAB TAIS,
    tus tsim lub ntuj tsim lub ntiaj teb.

    Txais:  (2)  Tus yuav tuaj pab peb yog Huab Tais, tus tsim lub ntuj lub teb.

    Thov kom nws txhob cia koj dawm ko taw,
    kom tus zov koj txhob qaug dab ntub.
    Tus zov His Xas Lais nws yeej tsis
    qaug dab ntub tsis tsaug zog li.


    Txais:  (2)  Tus yuav tuaj pab peb yog Huab Tais, tus tsim lub ntuj lub teb.

    HUAB TAIS yog tus zov koj, nws yog tus duab ntxoov koj.
    Nws nyob ntawm koj ib sab ntawm koj sab xis.
    Nruab hnub, lub hnub yuav tsis ua xwv txheej rau koj,
    hmo ntuj, lub hli kuj yuav tsis ua phem rau koj.

    Txais:  (2)  Tus yuav tuaj pab peb yog Huab Tais, tus tsim lub ntuj lub teb.

    HUAB TAIS yuav txuag koj ntawm txhua yam phem,
    Nws yuav txuag koj txoj sia.
    HUAB TAIS yuav txuag koj thaum koj los thiab thaum koj mus,
    Nws yuav txuag koj nyem no mus tas ib txhiab ib txhis.

    Txais:  (2)  Tus yuav tuaj pab peb yog Huab Tais, tus tsim lub ntuj lub teb.

    As Les Lus Yas:    MT  5:  12A

    Txais:   As les lus yas, as les lus yas.

    Nej zoo siab thiab nej luag ntxhi,
    vim nej yuav txais koob haum loj nyob saum ntuj.  

    Txais:   As les lus yas, as les lus yas.

    Ntawv Moo Zoo:     MT  5:  1-12

    1 Yes Xus pom tej pab neeg coob coob tuaj, nws nce mus saum lub roob, nws zaum, ces nws cov thwj tim txav los ntawm nws. 2 Yes Xus tsa ncauj qhuab qhia sawv daws hais tias :
    3 "Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li.
    4 Cov tau txoj hmoov zoo, yog cov quaj ntsuag, vim yuav muaj tus nplij lawv.
    5 Cov tau txoj hmoov zoo, yog cov siab mos siab zoo, vim lawv yuav txais lub ntiaj teb los ua lawv tug.
    6 Cov tau txoj hmoov zoo, yog cov tshaib thiab nqhis txog txoj kev ncaj, vim yuav muaj tus daws lawv qhov nqhis.
    7 Cov tau txoj hmoov zoo, yog cov hlub luag tej, vim yuav muaj tus hlub lawv.
    8 Cov tau txoj hmoov zoo, yog cov siab dawb siab huv, vim lawv yuav pom Tswv Ntuj.
    9 Cov tau txoj hmoov zoo, yog cov tsim kev thaj yeeb, vim luag yuav hu lawv ua Tswv Ntuj cov tub.
    10 Cov tau txoj hmoov zoo, yog cov raug luag hiam vim txoj kev ncaj, Ntuj lub Ceeb Tsheej yog lawv tug.
    11 Thaum luag hais lus tsis saib nej, hiam nej, thiab liam ntau yam phem rau nej vim kuv, mas nej txoj hmoov zoo.
    12 Nej yuav zoo siab thiab yuav hom khaj mog, vim nej yuav tau txais koob haum loj nyob saum ntuj.
    Cov yaj saub ua nej ntej, luag kuj tau hiam lawv zoo ib yam li ntawd thiab.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 8th June 2020, 2:19 pm

    TIM 9 LUB 6 HLI 2020

    Hnub Peb Lis Piam Kaum Nruab Xyoo A Nruab Lis Piam Xyoo II

    Hwm LN Ephrem, ua Tub Tsob Hwb

    Zaj Nyeem Ib: 1 VAJ 17: 7-16


    7 Tau ib nyuag ntu xwb ces tus dej txhawv ntawm qhov chaw uas Es Lias tuaj nkaum qhuav tas, vim ntuj tsis los nag nyob hauv lub teb chaws li. 8 Ces HUAB TAIS lo lus nrov tuaj rau nws tias : 9 "Koj sawv kev mus lawm tom lub nroog Xas Les Tas nyob Xis Doos, koj yuav mus nyob ntawd. Kuv twb tau qhia kom ib tug poj ntsuam nyob tod yuav pub mov rau koj no lawm." 10 Es Lias thiaj li sawv kev mus rau Xas Les Tas. Thaum nws tuaj txog ntawm lub qhov rooj nkag mus rau hauv nroog, muaj ib tug poj ntsuam tab tom khaws taws mus rauv. Nws hu rau tus poj ntsuam tias : "Thov koj nqa ib khob dej me me tuaj rau kuv haus saib !" 11 Tus poj ntsuam txawm sawv kev yuav mus nqa dej, Es Lias qw caum tus poj ntsuam qab tias : "Thov koj nqa ib qho ncuav mov tuaj rau kuv noj thiab !" 12 Tus poj ntsuam teb tias : "Tseeb ib yam li HUAB TAIS koj tus Tswv Ntuj muaj sia nyob, kuv tsis muaj ib qhov mov siav li. Kuv kawg tshuav ib nyuag txhais tes hmoov nplej nyob hauv lub qab hub xwb, thiab tshuav me me roj nyob hauv lub qab hwj xwb. Zaum no, yog kuv tab tom tuaj sau ob ya taws mus rauv, tso kuv yuav muab los ua rau kuv thiab kuv tus tub wb noj. Noj tas ces wb kawg tos tuag lawm xwb." 13 Es Lias hais rau tus poj ntsuam tias : "Koj txhob txhawj, koj kav tsij mus ua raws li koj npaj lawm. Tiam sis koj yuav xub ua ib lub ncuav mov nqa tuaj rau kuv noj tso, koj mam li mus ua rau koj thiab koj tus tub neb noj. 14 Vim HUAB TAIS, His Xas Lais tus Tswv Ntuj hais tias: ‘Lub hub hmoov nplej yuav tsis txawj tas, lub hwj ntim roj yuav tsis txawj nqhuab mus txog hnub uas HUAB TAIS tso nag los ywg lub ntiaj teb tej npoo av li." 15 Tus poj ntsuam mus ua raws li Es Lias qhia. Ces nws thiab nws tus tub thiab Es Lias lawv tau mov noj tsis tu pluas tau ib ntus ntev loo. 16 Lub hub rau hmoov nplej tsis txawj tas li hos lub hwj rau roj tsis txawj nqhuab li, raws nraim HUAB TAIS tau kom Es Lias hais tseg lawm.

    NPN PS 4: 2-3, 4-5, 7b-8

    Txais: (7a) Huab Tais, ua kom koj lub ntsej muag ci tuaj rau peb.

    Kuv tus Tswv Ntuj siab ncaj, thov koj teb kuv thaum kuv hu txog koj;
    koj yog tus daws kuv kev txhawj xeeb thaum kuv raug kev nyuaj.
    Thov koj khuv leej kuv, thov koj mloog kuv lo lus thov koj!
    Nej cov uas muaj ntsej muag, nej yuav ua neeg siab qhwv mus txog thaum twg?
    Vim li cas nej nyiam qhov tsis muaj nqes thiab mus caum txoj kev dag?

    Txais: (7a) Huab Tais, ua kom koj lub ntsej muag ci tuaj rau peb.

    Nej yuav paub tias HUAB TAIS ua hwj huam loj pab tus ntseeg nws;
    HUAB TAIS yuav mloog kuv thaum kuv hu txog nws.
    Nej yuav ntshai, nej tsis txhob ua txhaum,
    Nej nyob ntsiag to saum nej lub txaj xav tswv yim.

    Txais: (7a) Huab Tais, ua kom koj lub ntsej muag ci tuaj rau peb.

    HUAB TAIS, thov koj ua kom koj lub ntsej muag ci tuaj rau peb.
    Koj ua kom kuv lub siab muaj kev zoo siab loj,
    Tseem loj dua thaum sau tau nplej thiab cub tau cawv ntau ntws lug.

    Txais: (7a) Huab Tais, ua kom koj lub ntsej muag ci tuaj rau peb.

    As Les Lus Yas: MT 5: 16

    Txais: As les lus yas, as les lus yas.

    Nej lub teeb yuav tsum ci nyob ntawm zeej tsoom xub ntiag,
    kom lawv pom nej cov dej num zoo, ces lawv yuav cav txog nej Txiv nyob saum ntuj.

    Txais: As les lus yas, as les lus yas.

    Ntawv Moo Zoo: MT 5: 13-16

    Yes Xus hais rau nws cov thwj tim tias:
    13 "Nej yog cov ntsev las lub ntiaj teb. Tab sis yog ntsev tsuag lawm, yuav muab dab tsi ua kom ntsev rov qab tuaj ? Ntsev tsuag tsis zoo ua dab tsi ntxiv, tsuas kawg muab pov tseg nraum zoov rau neeg tsuj xwb.
    14 Nej yog lub teeb ci rau lub ntiaj teb. Ib lub nroog txhim rau saum ib lub ncov roob, yuav muab zais tsis tau.
    15 Luag kuj tsis taws ib lub teeb coj mus khwb rau hauv qab pob tawb; luag muab txawb rau saum tus ncej teeb, kom lub teeb ci rau tas cov neeg nyob hauv tsev pom kev.
    16 Li ntawd, nej lub teeb kuj yuav tsum ci nyob ntawm zeej tsoom xub ntiag, kom lawv pom nej cov dej num zoo, ces lawv yuav cav txog nej Txiv nyob saum ntuj.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 9th June 2020, 2:21 pm

    TIM 10 LUB 6 HLI 2020

    Hnub Plaub Lis Piam Kaum Nruab Xyoo A Nruab Lis Piam Xyoo II

    Zaj Nyeem Ib: 1 VAJ 18: 20-39


    20 Tus vaj As Kas hu tas tsoom His Xas Lais thiab sau cov yaj saub tuaj nyob saum lub roob Kas Mes. 21 Es Lias nqua hu rau tas tsoom sid, nws hais tias : "Nej pheej yuav tsis txiav txim siab kom meej mus txog thaum twg ? Yog tias HUAB TAIS yog Tswv Ntuj ces nej raws nws kiag! Yog tias Npas As yog Tswv Ntuj ces nej raws Npas As kiag!" Tsoom sid tsis teb dab tsi rau Es Lias li. 22 Es Lias hais ntxiv tias : "Tshuav kuv ib leeg ua HUAB TAIS tus Yaj Saub xwb, hos Npas As cov yaj saub muaj plaub puas tsib caug leej diam. 23 Nej coj ob tug thav nyuj tuaj rau peb. Cia lawv xaiv ib tug, lawv muab txiav ua tej daim thiab muab tso rau saum cov taws, tab sis tsis txhob rauv taws rau. Kuv kuj yuav npaj ib tug, muab tso rau saum cov taws, thiab kuv kuj yuav tsis rauv taws rau li. 24 Nej yuav hu txog nej cov tswv ntuj lub npe, hos kuv yuav hu txog HUAB TAIS lub npe. Tus tswv ntuj uas tso hluav taws los hlawv cov tsiaj mas tus ntawd thiaj yog tus tseem Tswv Ntuj tiag." Tsoom sid teb tias : "Peb pom zoo ua li ntawd!"

    25 Ces Es Lias hais rau Npas As cov yaj saub tias : "Nej xaiv ib tug ntsuag nyuj, cia nej npaj ua ntej vim nej yog cov coob. Nej hu txog nej cov tswv ntuj xwb, nej tsis txhob rauv taws li." 26 Lawv muab tus nyuj tua, thaum lawv npaj tas, mas lawv hu txog Npas As lub npe txij sawv ntxov mus txog tav su, lawv hais tias : "Npas As, thov koj teb peb mas !" Tab sis tsis hnov ib lub suab tsis hnov leej twg teb li. Lawv dhia ncig lub thaj txi ntuj uas lawv tau npaj. 27 Thaum txog tav su, Es Lias txhob lawv tias : "Nej qw nrov dua mas ! Nws yog ib tug tswv ntuj, ces ntshai nws tseem xav tswv yim lawm, los nws tsis nyob ntawd lawm, los ntshai nws muaj chaw tawm rooj mus lwm qhov lawm, los tej zaus nws tsaug zog lawm, nej yuav tsum tau tsa nws sawv!" 28 Lawv haj yam qw nrov dua qub tuaj thiab lawv xuas ntaj xuas hmuv los hlais lawv kom ntshav tawm los rau saum lawv raws li lawv kev cai ua kam. 29 Thaum tav su dua lawm, lawv cov yaj saub kuj ntuas lawv cov lus saub tas zog mus txog lub caij yuav cev cov txim txi ntuj. Tab sis tsis hnov ib lub suab los ib lo lus teb li, zoo li tsis muaj neeg mloog lawv li.

    30 Es Lias thiaj hais rau tsoom sid tias : "Nej sawv daws txav los ze kuv mas." Ces sawv daws txav los, Es Lias thiaj rov tsa HUAB TAIS lub thaj txi ntuj uas lawv muab rhuav tas lawm. 31 Nws khaws kaum ob lub pob zeb kom muaj raws li Yas Kos kaum ob leeg tub; Yas Kos yog tus uas HUAB TAIS tau hais rau nws tias : “Koj lub npe yuav hu ua His Xas Lais.” 32 Ces Es Lias muab cov pob zeb ntawd los txhim ua ib lub thaj txi ntuj rau HUAB TAIS lub npe. Nws khawb ib tug kwj kom ntim taus ob kawg noob ncig lub thaj. 33 Nws teeb cov taws rau , nws muab tus thav nyuj phua ua tej daim thiab muab tso rau saum cov taws. Ces nws hais tias : "Nej ntim plaub hub dej thiab nej nqa los nchuav ywg cov nqaij thiab cov taws." Lawv ua li ntawd tas. 34 Es Lias hais tias : "Nej ua zaum ob thiab !" Lawv tseem ywg dej zaum ob. Es Lias tseem rov hais tias : "Nej ua zaum peb ntxiv thiab !" Lawv thiaj ua zaum peb ntxiv. 35 Dej nyab ncig lub thaj txi Ntuj tas huv si, tus kwj kuj puv dej tas.

    36 Thaum txog lub caij txi Ntuj, tus Yaj Saub Es Lias txav los hais tias : "HUAB TAIS, uas koj yog Has Nplas Has, His Xas Has thiab His Xas Lais, thov koj ua kom hnub no tsoom pej xeem paub tias koj yog tus Tswv Ntuj nyob hauv tsoom His Xas Lais, thiab kuv yog koj tus tub txib, kuv ua tas txhua yam no, yog vim koj tau hais kom kuv ua. 37 HUAB TAIS, thov koj teb kuv ! Thov koj teb kuv, kom tsoom pej xeem nyob ntawm no thiaj paub tias koj yog Tswv Ntuj, Huab Tais; koj yog tus ua kom lawv lub siab rov tsim dheev los xav ua qhov zoo." 38 Ces HUAB TAIS cov hluav taws nqes los hlawv tus nyuj thiab cov taws, cov pob zeb, cov plua tshauv huv si, thiab los nqus cov dej nyob hauv tus kwj tas huv tib si. 39 Tsoom pej xeem pom tej no, tas sawv daws ntog khwb rwg pe hauv av, lawv hais tias: "HUAB TAIS yog Tswv Ntuj tiag ! HUAB TAIS yog Tswv Ntuj tiag!"

    NPN 16: 1B-2AB, 4, 5AB + 8, 11

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Tswv Ntuj, thov koj txuag kuv, kuv tuaj khaub zig koj.
    Kuv hais rau HUAB TAIS tias: " Koj yog kuv tus HUAB TAIS !
    Kuv tsis muaj lwm qhov chaw kaj siab dua ntawm koj."


    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Cov neeg teev lwm cov dab,
    rov nrhiav kev txom nyem ntau rau lawv.
    Kuv yuav tsis muab ntshav los txi rau lawv.
    Kuv di ncauj yuav tsis tuav txog lawv lub npe.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Huab Tais, kuv lub cuab tam, kuv lub ntim,
    Koj yog tus tuav rawv kuv txoj hmoo.
    Kuv cia HUAB TAIS nyob ntawm kuv xub ntiag tsis tseg;
    nws nyob ntawm kuv sab xis, ces kuv yuav tsis txhawj li.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    Koj yuav qhia kuv taug txoj kev mus txog txoj sia,
    mus txog kev zoo siab puv npo nyob ntawm koj xub ntiag,
    mus txog kev luag ntxhi mus li nyob ntawm koj sab xis.

    Txais: (1) Tswv Ntuj, thov koj txuag kuv, koj yog kuv chaw tso siab.
    Los : As les lus yas.

    As Les Lus Yas: NPN 25: 4B, 5A

    Txais: As les lus yas, as les lus yas.

    Kuv tus Tswv Ntuj, qhia koj tej xub ke rau kuv paub.
    coj kuv mus taug koj txoj kev tseeb

    Txais: As les lus yas, as les lus yas.

    Ntawv Moo Zoo: MT 5: 17-19

    Yes Xus hais rau nws cov thwj tim tias:
    17 Nej txhob xav tias kuv tuaj rhuav Txoj Cai thiab cov Yaj Saub. Kuv tsis yog tuaj rhuav, kuv tuaj qhia ntxiv kom thoob xwb.
    18 Kuv hais rau nej tias muaj tseeb: Lub ntuj lub teb yuav dua, tab sis tsis muaj ib tug txwm ntawv, los ib lub cim ntawv me me hauv Txoj Cai yuav ploj, mus txog thaum tas ib puas tsav yam tshwm sim tuaj tas tso.
    19 Vim li no, yog leej twg hla ib txog cai me tshaj nyob hauv txoj cai, thiab nws qhia kom luag ua xws li nws, mas Ntuj yuav saib tus ntawd qis tshaj cov nyob hauv Ntuj lub Ceeb Tsheej. Hos tus ua raws Txoj Cai tas huv si, thiab nws qhia kom luag ua xws li nws, Ntuj yuav saib nws yog tus loj tshaj cov nyob hauv Ntuj lub Ceeb Tsheej.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 11th June 2020, 8:47 am

    TIM 11 LUB 6 HLI 2020

    Hnub Tsib Lis Piam Kaum Nruab Xyoo A Nruab Lis Piam Xyoo II

    Hwm LN Npas Nas Npas, Hauv Paus Xa Lus

    Zaj Nyeem Ib: HAUJ LWM 11: 21B-26; 13:1-3


    11 21b Lub caij ntawd muaj neeg coob txais kev ntseeg thiab tig los cuag Huab Tais. 22 Lub Koom Txoos nyob Yes Lus Xas Les hnov lub moo ntawd, lawv thiaj xa Npas Nas Npes mus nyob As Caus Kus. 23 Thaum Npas Nas Npes tuaj txog, nws pom Tswv Ntuj lub txiaj ntsim, mas nws zoo siab kawg, nws pab txhawb kom lawv sawv daws ua siab loj siab tawv nyob ruaj nreb hauv txoj kev ntseeg txog Huab Tais. 24 Vim Npas Nas Npes yog ib tug neeg zoo, muaj Leej Ntuj Plig Ntshiab nyob puv hauv nws, thiab muaj kev ntseeg ruaj, mas muaj ib pab neeg coob kawg los ntseeg txog Huab Tais ntxiv. 25 Ces Npas Nas Npes mus nrhiav Xauv nyob Tas Xis. 26 Thaum nws nrhiav tau Xauv lawm, nws coj Xauv los nyob As Caus Kus. Tau ib xyoos nkaus, nkawd nrog lub Koom Txoos sib sau sib ntsib, thiab nkawd qhuab qhia ib pab neeg coob kawg. Yog nyob As Caus Kus uas luag xub pib hu cov thwj tim ua cov Pleev.
    13 1 Lub Koom Txoos nyob As Caus Kus thaum ntawd muaj ib co yaj saub thiab ib co kws qhuab qhia : yog Npas Nas Npes, Xis Mes Oos uas luag hu nws ua Nis Zes, Lus Xyus tus nyob Xis Les Nas teb tuaj, Mas Nas Ees uas thaum yau nws nrog tus vaj Hes Los nyob hlob, thiab Xauv. 2 Thaum lawv tab tom ua kev teev ntuj thiab ua cov kab ke yoo mov, mas Leej Ntuj Plig Ntshiab hais rau lawv tias : "Nej qee Npas Nas Npes thiab Xauv nkawd mus ua txoj hauj lwm uas kuv tau hu nkawd mus ua." 3 Ces thaum lawv yoo mov tas thiab teev Ntuj tas, lawv tsa tes rau saum nkawd, thiab lawv xa nkawd mus.

    NPN 98: 1, 2-3AB, 3CD-4, 5-6

    Txais: (2b) Huab Tais muab nws lub hwj huam
    cawm neeg rau cov haiv neeg pom.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    thiab nws sab npab ntshiab tau ua.

    Txais: (2b) Huab Tais muab nws lub hwj huam
    cawm neeg rau cov haiv neeg pom.

    HUAB TAIS ua kom sawv daws paub txog nws txoj kev cawm neeg,
    nws muab nws txoj kev ncaj rau cov haiv neeg pom.
    Nws rov nco txog nws txoj kev ua zoo thiab kev pheej xeeb rau
    tsev neeg His Xas Lais.

    Txais: (2b) Huab Tais muab nws lub hwj huam
    cawm neeg rau cov haiv neeg pom.

    Tas cov npoo ntiaj teb kawg tau pom
    peb tus Tswv Ntuj txoj kev cawm neeg.
    Tas txhuam teb chaws, nej zoo siab hu nkauj rau HUAB TAIS,
    nej qw suab hu nkauj, nej cav txog nws.

    Txais: (2b) Huab Tais muab nws lub hwj huam
    cawm neeg rau cov haiv neeg pom.

    Nej ntaus nkauj nog ncas cav txog Huab Tais,
    nej ntaus nkauj nog ncas nrog tej zaj nkauj zoo mloog.
    Nej tshuab hom ntxuag suab kub nyuj,
    nej hu nkauj zoo siab nyob ntawm tus Vaj Ntxwv HUAB TAIS xub ntiag.

    Txais: (2b) Huab Tais muab nws lub hwj huam
    cawm neeg rau cov haiv neeg pom.

    As Les Lus Yas: MT 28: 19A, 20B

    Txais: As les lus yas, as les lus yas.

    Huab Tais hais tias: “Nej mus, nej ua kom tas ib tsoom haiv neeg los ua kuv thwj tim.
    Ntawm kuyv mas kuv niaj hnub nrog nej nyob mus txog thaum lub zim txwv kawg.”

    Txais: As les lus yas, as les lus yas.

    Ntawv Moo Zoo: MT 10: 7-13

    Yes Xus hais rau nws pab kaum ob leeg thwj tim tias:
    7 “Thaum nej taug kev, nej tshaj tias Ntuj lub Ceeb Tsheej tuaj txog ze lawm. 8 Nej kho cov muaj mob kom zoo, nej tsa cov tuag kom ciaj rov los, nej kho cov mob ruas kom rov huv, nej ntiab dab kom khiav tawm. Nej tau txais dawb los, nej muab pub dawb rau luag. 9 Nej tsis txhob nqa kub, nqa nyiaj, los nqa xim nyiaj qhwv rau hauv duav siv. 10 Txhob ris hnab taug kev, txhob nqa ob lub tsho, txhob nqa khau los nrig pas; vim tias tus tub zog tsim nyog txais nws pluas mov los noj. 11 Nej mus hauv lub nroog los lub zos twg, nej nug kom tau ib tug neeg muaj meej mom, nej nyob hauv nws tsev mus txog hnub nej rov qab. 12 Thaum nej chaws mus hauv luag tsev, nej foom kev kaj lug rau lub tsev ntawd. 13 Yog lub tsev ntawd tsim nyog txais, mas kom nej txoj kev kaj lug nqes los nyob hauv lawv. Yog lub tsev ntawd tsis tsim nyog txais, mas kom nej txoj kev kaj lug rov los rau nej.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 11th June 2020, 10:27 am

    TIM     12     LUB     6     HLI     2020

    Hnub Rau Lis Piam Kaum Nruab Xyoo A Nruab Lis Piam Xyoo II

    Zaj Nyeem Ib: 1 VAJ 19: 9A, 11-16


    Thaum Es Lias mus txog ntawm Tswv Ntuj lub roob Hos Les lawm,
    9 nws chaws mus hauv ib lub qhov tsua, nws mus nyob rau ntawd.
    11 Huab Tais lub suab hais rau nws tias : "Koj tawm mus, koj mus sawv saum lub roob tos HUAB TAIS, HUAB TAIS yuav tuaj hla saud.” Txawm muaj ib nthwv cua hlob tas nrho tuaj ntsawj cov roob thiab nplawm cov pob tsuas tawg tas nyob ntawm HUAB TAIS xub ntiag, tab sis HUAB TAIS tsis nyob hauv nthwv cua ntawd. Dhau nthwv cua lawm, txawm muaj av qeeg, tab sis HUAB TAIS tsis nyob hauv qhov av qeeg ntawd li. 12 Thaum av qeeg tas lawm, muaj ib co hluav taws tawm tuaj, tab sis HUAB TAIS kuj tsis nyob hauv cov hluav taws ntawd thiab. Thaum cov hluav taws dhau tas lawm, hnov ib lub suab nrov twj ywm yau yau li. 13 Es Lias hnov lub suab ntawd ntawd, nws muab nws lub tsho tshaj sab los npog ntsej muag, ces nws tawm los nyob ntawm lub rooj qhov tsuas. Nws hnov ib lub suab hu nws tias : "Es Lias, koj ua dab tsi ntawm no ?" 14 Es Lias teb tias : "Kuv kub siab lug, kuv mob siab txog HUAB TAIS Xas Npas Os, vim His Xas Lais cov tub tau tso koj txoj kev cog lus pov tseg, lawv rhuav koj cov thaj txi Ntuj thiab lawv rho ntaj tua koj cov Yaj Saub tuag tas; tshuav kuv ib leeg xwb, lawv tseem nrhiav kuv tua thiab." 15 HUAB TAIS hais rau nws tias : "Koj rov mus, koj taug txoj kev rov mus lawm tom lub hav suab puam Das Mas; koj mus txog, koj yuav mus pleev roj tsa Has Xas Es ua vaj kav As Las, 16 koj yuav pleev roj tsa Yes Hus uas yog Nis Sis tub ua vaj kav His Xas Lais, thiab koj pleev Es Lis Xais, uas yog Xas Fas nyob As Npes Me Hom Las tub, ua Yaj Saub hloov koj."

    NPN 27: 7-8A, 8B-9ABC, 13-14

    Txais: (8b) Huab Tais, kuv ntshaw rwg xav pom koj lub ntsej muag.

    HUAB TAIS, thov koj mloog kuv lub suab hu koj,
    Thov koj hlub kuv, thiab teb kuv mas!
    Kuv lub siab hais txog koj, kuv qhov muag nrhiav koj nraim.

    Txais: (8b) Huab Tais, kuv ntshaw rwg xav pom koj lub ntsej muag.

    HUAB TAIS, kuv nrhiav kom tau pom koj.
    Thov txhob muab koj lub ntsej muag zais ntawm kuv,
    txhob npau taws txhob ntiab koj tus tub txib mus.
    Koj yog tus pab kuv: txhob ntiab kuv khiav ntawm koj mus.

    Txais: (8b) Huab Tais, kuv ntshaw rwg xav pom koj lub ntsej muag.

    Kuv ntseeg tias kuv yuav tau pom HUAB TAIS lub siab zoo
    nyob hauv tsoom neeg ciaj lub teb chaws.
    Koj tos ntsoov HUAB TAIS, ua siab loj loj ;
    ua siab tawv qhawv, tos ntsoov HUAB TAIS !

    Txais: (8b) Huab Tais, kuv ntshaw rwg xav pom koj lub ntsej muag.

    As Les Lus Yas:  FLP 2: 15D, 16A

    Txais: As les lus yas, as les lus yas.

    Nej yuav tsum ci li tej lub teeb ci pom kev kaj lub ntiaj teb,
    Vim nej tuav rawv Lo Lus pub txoj sia tsis pub plam.

    Txais: As les lus yas, as les lus yas.

    Ntawv Moo Zoo: MT 5: 27-32

    Yes Xus hais rau nws cov thwj tim tias:
    27 “Nej tau hnov lo lus qhia tias : ‘Koj yuav tsis txhob deev luag txij luag nkawm.’ 28 Hos kuv, mas kuv hais rau nej tias: Leej twg ntsia ib tug poj niam vim ntshaw zes nws, tus ntawd twb deev tus poj niam ntawd hauv nruab siab lawm. 29 Yog koj sab qhov muag xis coj koj mus ua txhaum, mas kav tsij muab sab qhov muag ntawd kaus pov tseg deb koj : txhiaj khoov cia ib sab qhov muag puas zoo dua tas koj lub cev raug muab pov rau hauv dab phem teb. 30 Yog koj sab tes xis coj koj mus ua txhaum, kav tsij muab txiav pov tseg deb koj : txhiaj khoov cia tu ib sab tes zoo dua tas koj lub cev poob rau hauv dab phem teb.
    31 Kuj tseem muaj lo lus qhia tias : ‘Leej twg nrauj nws poj niam, yuav tsum muab ib daim ntawv nrauj rau tus poj niam.’ 32 Tab sis, kuv hais rau nej tias: Tus txiv neej twg nrauj nws poj niam, qhov no tsis hais txog txoj kev sib yuav tsis raws cai, tus ntawd tso nws poj niam mus deev hluas. Hos leej twg yuav ib tug poj nrauj, mas tus ntawd yog ib tug deev luag txij luag nkawm.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 12th June 2020, 4:31 am

    TIM 13 LUB 6 HLI 2020

    Hnub Xya Lis Piam Kaum Nruab Xyoo A Nruab Lis Piam Xyoo II

    Hwm LN Anthony nyob Padua, Leej Choj thiab Kws cov Txuj Ntshiab

    Zaj Nyeem Ib: 1 VAJ 19: 19-21


    19 Ces Es Lias sawv kev mus, tso qhov chaw ntawd tseg, nws mus nrhiav tau Es Lis Xais uas yog Xas Fas tub; Es Lis Xais tseem laij laij teb siv kaum ob nkawm nyuj; nws tab tom laij nrog nkawm kaum ob. Es Lias mus ze rau ntawm Es Lis Xais, nws pov rhees nws lub tsho tshaj sab rau saum Es Lis Xais xub pwg. 20 Ces Es Lis Xais tso plhuav nws nkawm nyuj tseg, nws khiav khiav mus caum Es Lias, nws hais tias : "Thov koj cia kuv mus hais ob peb lo lus rau kuv niam thiab kuv txiv tso, ces kuv yuav caum koj mus." Es Lias teb tias : "Koj kav tsij rov mus. Kuv tau ua dab tsi rau koj ?" 21 Es Lis Xais thiaj rov mus, nws muab nws nkawm nyuj tua, muab tus quab los rauv hau cov nqaij kom siav, ces nws muab faib rau nws cov neeg noj. Nws thiaj sawv kev mus caum Es Lias, ua Es Lias tus tub txib.

    NPN 16: 1B-2A+5, 7-8, 9-10

    Txais: (5a) HUAB Tais, koj yog lub cuab tam kuv yuav tau txais.

    Tswv Ntuj, thov koj txuag kuv, vim kuv tuaj khaub zig koj.
    Kuv hais rau HUAB TAIS tias: " Koj yog kuv tus HUAB TAIS !
    HUAB TAIS, kuv lub cuab tam kuv lub ntim cawv,
    koj yog tus tuav rawv kuv txoj hmoo.

    Txais: (5a) HUAB Tais, koj yog lub cuab tam kuv yuav tau txais.

    Kuv cav lus zoo txog HUAB TAIS tus qhia kuv xav tswv yim,
    Tab yog hmo ntuj kuv siab ntsws tseem qhuab qhia kuv.
    Kuv cia HUAB TAIS nyob rawv ntawm kuv xub ntiag;
    Vim nws nyob ntawm kuv sab xis, kuv yuav tsis qaij qaug.

    Txais: (5a) HUAB Tais, koj yog lub cuab tam kuv yuav tau txais.

    Vim li ntawd, kuv lub siab luag ntxhi, kuv tus plig hom khaj,
    Kuv lub cev kuj nyob nyab xeeb hauv txoj kev tso siab.
    Vim koj tsis tso kuv tus plig pov tseg rau ntuj txias teb tsaus,
    Koj tsis kheev kom koj tus neeg ntshiab paub kev lwj kev puas.

    Txais: (5a) HUAB Tais, koj yog lub cuab tam kuv yuav tau txais.

    As Les Lus Yas: NPN 119: 36A, 29B

    Txais: As les lus yas, as les lus yas.

    Tswv Ntuj, thov koj rub kuv lub siab
    kom xib rau koj cov cai lij choj,
    koj pub lub txiaj ntsim coj koj Txoj Cai rau kuv.

    Txais: As les lus yas, as les lus yas.

    Ntawv Moo Zoo: MT 5: 33-37

    Yes Xus hais rau nws cov thwj tim tias:
    33 “Nej tseem tau hnov cov lus qhia rau nej cov yawg koob thaud tias : ‘Koj tsis txhob twv ntuj raws kev tsis ncaj, koj yuav ua raws li cov lus koj tau fiv rau Huab Tais.’ 34 Tab sis kuv hais rau nej, nej tsis txhob twv ntuj kiag li; txhob muab lub ntuj los ua tim khawv, vim lub ntuj yog Tswv Ntuj lub theej kiab ; 35 txhob muab lub ntiaj teb los ua tim khawv, vim lub ntiaj teb yog Tswv Ntuj lub rooj tiag taw ; txhob muab Yes Lus Xas Les los ua tim khawv, vim yog tus Tuam Vaj lub Nroog. 36 Txhob muab koj lub taub hau los ua tim khawv, vim koj ua tsis tau kom ib txog plaub hau dawb tuaj los dub tuaj. 37 Nej yuav hais tias ‘Muaj,’ thaum muaj tiag, ‘Tsis muaj,’ thaum tsis muaj. Cov lus hais tshaj, yog tuaj ntawm tus Phem tuaj.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 15th June 2020, 3:01 am

    TIM 15 LUB 6 HLI 2020

    Hnub Ob Lis Piam Kaum Ib Nruab Xyoo A Nruab Lis Piam Xyoo II

    Zaj Nyeem Ib: 1 VAJ 21: 1-16


    1 Nas Npos uas nyob Yis Les Es muaj ib lub vaj txiv cawv nyob ze As Kas tus vaj kav Xas Mas Lias teb lub tsev vaj loog nyob Yis Les Es. 2 Ces As Kas hais rau Nas Npos tias : "Koj muab koj lub vaj txiv cawv rau kuv ua kuv lub vaj cog zaub, vim koj lub vaj nyob ze ze kuv tsev. Kuv mam li muab dua ib lub vaj txiv cawv zoo dua rau koj; los yog koj pom zoo, kuv mam muab nyiaj kom txaus nws tus nqe rau koj." 3 Tab sis Nas Npos hais rau As Kas tias : "Thov kom HUAB TAIS tsis txhob cia kuv tso kuv cov yawg koob tej qub txeeg qub teg rau koj !" 4 As Kas rov los tsev, nws ua ntsej muag dub nciab npau taws vog, nws tsis zoo siab rau lo lus uas Nas Npos tus neeg Yis Les Es hais rau nws tias : 'Kuv yuav tsis tso kuv cov yawg koob tej qub txeeg qub teg rau koj.' Nws mus pw saum txaj, nws fee plhu, tsis xav noj mov li.
    5 Nws tus poj niam Zes Xas Npes los xyuas nws, hais rau nws tias : "Vim li cas koj thiaj chim siab ua luaj, koj thiaj tsis noj mov ?" 6 As Kas teb tias : "Vim kuv hais rau Nas Npos tus neeg Yis Le Estias : 'Muab koj lub vaj txiv cawv rau kuv, kuv mam muab nyiaj rau koj. Los yog koj nyiam, kuv mam muab dua lwm lub vaj txiv cawv los pauv.' Tab sis nws hais tias : 'Kuv tsis muab kuv lub vaj txiv cawv rau koj li." 7 Ces Zes Xas Npes hais rau As Kas tias : "Koj tsis yog ib tug vaj kav His Xas Lais lod? Koj kav tsij sawv, kav tsij noj mov, kav tsij zoo siab! Kuv yuav muab kom tau Nas Npos tus neeg Yis Les Es lub vaj rau koj."
    8 Zes Xas Npes siv As Kas lub npe los sau ib tsab ntawv. Nws ntaus tus vaj lub thwj rau saum tsab ntawv. Nws muab xa mus rau cov txwj laus thiab cov nom tswv uas nrog Nas Npos nyob hauv nws lub nroog. 9 Nyob hauv tsab ntawv ntawd, Zes Xas Npes sau tias: "Nej tshaj ib lub caij yoo mov. Nej cia Nas Npos mus zaum ntawm tsoom sid hauv ntej. 10 Nej coj ob tug neeg phem tuaj zaum ntawm Nas Npos xub ntiag. Ob tug ntawd yuav liam rau Nas Npos li no tias : 'Koj tau thuam Tswv Ntuj thiab thuam tus vaj !' Ces nej coj Nas Npos tawm mus nraum sab nroog nraud thiab nej xuas pob zeb txawb nws kom nws tuag."
    11 Cov neeg nyob hauv Nas Npos lub nroog, xws li cov txwj laus thiab cov nom tswv nyob hauv nws lub nroog sawv daws ua raws li Zes Xas Npes hais kom ua nyob hauv nws tsab ntawv nws sau tuaj rau lawv. 12 Lawv tshaj ib lub caij yoo mov thiab lawv kom Nas Npos mus zaum ntawm tsoom pej xeem hauv ntej. 13 Ces muaj ob tug neeg phem tuaj zaum ntawm Nas Npos xub ntiag thiab liam rau tsoom pej xeem hnov tias: “Nas Npos tau thuam Tswv Ntuj thiab thuam tus vaj.” Ces lawv coj Nas Npos tawm mus rau sab nroog nraud thiab lawv txawb pob zeb rau nws kom nws tuag. 14 Lawv ua li ntawd tas ces lawv tso neeg mus hais rau Zes Xas Npes tias : "Peb tau xuas pob zeb txawb rau Nas Npos tuag lawm."
    15 Thaum Zes Xas Npes hnov tias lawv twb xuas pob zeb txawb Nas Npos tuag lawm, nws hais rau As Kas tias : "Koj sawv mas, koj mus muab Nas Npos tus neeg Yis Les Es lub vaj txiv cawv los ua koj tug. Nws tsis kam muab rau koj kom nws tau nyiaj. Zaum no nws tsis muaj sia nyob, nws tuag lawm." 16 Thaum As Kas hnov dheev tias Nas Npos tuag lawm, ces nws sawv tsees, nws nqes mus nram Nas Npos tus neeg Yis Les Es lub vaj, nws muab lub vaj los ua nws tug.

    NPN 5: 2-3AB, 4B-6A, 6B-7

    Txais: (2b) Huab Tais, thov koj mloog kuv thaum kuv nroo.

    HUAB TAIS, thov koj tig ntsej los mloog kuv tej lus,
    Thov koj quav ntsej txog kuv thaum kuv xyu tej zaj.
    Koj ua tib zoo mloog kuv thaum kuv hu kom koj tuaj pab,
    Koj uas yog kuv tus vaj, kuv tus Tswv Ntuj!

    Txais: (2b) Huab Tais, thov koj mloog kuv thaum kuv nroo.

    Sawv ntxov tsees, kuv tuaj thov koj, kuv tos ntsoov koj yuav pab.
    Tswv Ntuj, koj tsis zoo siab pom txoj kev phem.
    Tus neeg phem yuav nyob tsis taus nrog koj.
    Tus neeg saib tsis taus luag yuav sawv tsis taus rau koj pom.

    Txais: (2b) Huab Tais, thov koj mloog kuv thaum kuv nroo.

    Koj ntxub tas tsoom neeg nrhiav kev ua phem.
    Koj txo kom cov neeg hais lus cuav ploj mus tag.
    Cov neeg txo luag roj ntsha thiab cov neeg dag
    HUAB TAIS ntxub lawv tas siab nrho.

    Txais: (2b) Huab Tais, thov koj mloog kuv thaum kuv nroo.

    As Les Lus Yas: NPN 119: 105

    Txais: As les lus yas, as les lus yas.

    Koj lo lus yog lub teeb tsom kuv ko taw mus kev,
    yog qhov pom kev kaj kuv txoj xub ke.

    Txais: As les lus yas, as les lus yas.

    Ntawv Moo Zoo: MT 5: 38-42

    Yes Xus hais rau nws cov thwj tim tias:
    38 “Nej tau hnov tej lus qhia tias : ‘Qhov muag pauj qhov muag, kaus hniav pauj kaus hniav.’
    39 Hos kuv hais rau nej tias : nej tsis txhob nrog tus neeg phem sib cav. Yog leej twg ib ncuav pias rau koj sab plhu xis, mas koj yuav tig koj sab plhu laug rau nws thiab.
    40 Yog leej twg xav ua plaub rau koj kom tau koj lub tsho hnav, mas koj muab koj lub tsho tshaj sab ntxiv rau nws thiab.
    41 Yog leej twg thov koj xa nws mus ib ncuas kev , mas koj nrog nws mus ob ncuas kev.
    42 Yog leej twg thov koj ib yam, mas koj muab pub rau nws. Yog leej twg xav qiv koj ib yam, mas koj txhob tig nraub qaum rau nws.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 15th June 2020, 6:42 am

    TIM     16     LUB     6     HLI     2020

    Hnub Peb Lis Piam Kaum Ib Nruab Xyoo A Nruab Lis Piam Xyoo II

    Zaj Nyeem Ib: 1 VAJ 21: 17-29


    Thaum Nas Npos tuag lawm,
    17 HUAB TAIS hais rau Es Lias uas nyob Tis Npis tias : 18 "Koj cia li sawv kev, koj nqes mus ntsib As Kas tus vaj His Xas Lais uas nyob Xas Mas Lias teb. Koj yuav pom nws nyob hauv Nas Npos lub vaj txiv cawv; nws mus rau nrad lawm, mus muab lub vaj los ua nws tug. 19 Koj yuav mus hais rau nws tias: ‘HUAB TAIS hais li no: Koj tua tus neeg tuag thiab koj tseem txeeb nws tug yuav thiab lod? Vim li ntawd, Huab Tais hais tias: nyob ntawm qhov chaw uas cov dev tau yaim Nas Npos cov ntshav, mas dev kuj yuav yaim koj cov ntshav thiab.’” 20 As Kas hais rau Es Lias tias : "Kuv tus yeeb ncuab aw, koj ntes tau kuv lawm lod?" Es Lias teb tias : "Kuv ntes tau koj lawm tiag, vim koj tig koj lub siab mus ua qhov phem nyob ntawm HUAB TAIS qhov muag. 21 Kuv yuav tso kev phem tuaj raug koj; kuv yuav rhuav koj caj ces yuav txo txhua tus tub nyob hauv As Kas tsev neeg, tsis hais tus tub qhev los tus twj lij, kuv yuav tsis pub seem ib tug noob cia nyob hauv His Xas Lais li. 22 Kuv yuav ua rau koj tsev neeg ib yam li kuv tau ua rau Yes Los Npuag uas yog Nes Npas tub, thiab Npas Sas uas yog As His Yas tub nkawd ob tsev neeg, vim koj tau ua kom kuv npau taws thiab koj tau coj His Xas Lais mus ua txhaum." 23 HUAB TAIS kuj foom ib lo lus phem rau Zes Xas Npes tias: “Dev yuav sib huas dua Zes Xas Npes nyob ntawm lub ntsa loog thaiv Yis Les Es.  24 Nyob hauv As Kas caj ces, tus twg tuag hauv nroog mas dev yuav noj nws, tus twg tuag tom tej nras teb mas cov dav yuav noj nws.”
    25 Vim tsis tau muaj dua ib tug neeg ua phem npaum li As Kas tau ua nyob ntawm HUAB TAIS xub ntiag li, uas yog nws tus poj niam Zes Xas Npes tau cob kom nws ua. 26 Nws tau ua phem kawg nkaus vim nws mus teev dab zoo nkaus li cov As Mos Lis thaud teev, uas HUAB TAIS tau ntaus lawv tawg tas kom lawv swb rau cov His Xas Lais.
    27 Thaum As Kas hnov cov lus ntawd, As Kas dua rhe nws cev khaub ncaws, nws mus hnav ntaub tsaj ntxhib ntxhib npuab nws cev nqaij; nws yoo mov thiab nws pw hnav cov ntaub tsaj ntxhib ntxhib ntawd; nws maj mam mus kev xwb.  28 Ces HUAB TAIS hais rau Es Lias tus neeg nyob Tis Npis tias : 29 "Koj puas pom tias As Kas yeem ua tus neeg me nyob ntawm kuv xub ntiag lawd? Vim nws yeem ua tus me li ntawd nyob ntawm kuv xub ntiag mas kuv yuav tsis tso kev phem los raug nws thaum nws tseem ua neej nyob; tiam sis thaum lub caij nws tus tub sawv los ua vaj mas kuv yuav tso kev phem los raug nws tsev neeg."

    NPN 51: 3-4, 5-6AB, 11+16

    Txais: (3a) Huab Tais, thov koj khuv leej peb vim peb tau ua txhaum lawm.

    Tswv Ntuj, thov koj khuv leej kuv, vim koj lub siab zoo;
    vim koj muaj kev hlub loj tas nrho, thov koj so kuv qhov txhaum pov tseg.
    Thov koj ntxuav kuv lub txim pov tseg kom tas
    thiab koj muab kuv qhov txhaum tshem mus kom kuv dawb huv tuaj.

    Txais: (3a) Huab Tais, thov koj khuv leej peb vim peb tau ua txhaum lawm.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    “Kuv tau ua txhaum rau koj ib leeg xwb,
    kuv tau ua qhov uas koj saib yog phem.”

    Txais: (3a) Huab Tais, thov koj khuv leej peb vim peb tau ua txhaum lawm.

    Thov koj fee ntsej muag mus deb ntawm kuv cov txhaum,
    koj so kuv cov txhaum pov tseg tas huv tib si.
    Thov koj npo kuv ntawm lub txim tua neeg,
    Tswv Ntuj, kuv tus Tswv Ntuj cawm neeg.
    Ces kuv lub ncauj yuav cav txog koj txoj kev ncaj.

    Txais: (3a) Huab Tais, thov koj khuv leej peb vim peb tau ua txhaum lawm.

    As Les Lus Yas: ZAM 13: 34

    Txais: As les lus yas, as les lus yas.

    "Kuv muab ib lo lus qhia tshiab rau nej :
    nej yuav sib nyiam sib hlub ib yam li kuv tau hlub nej.”

    Txais: As les lus yas, as les lus yas.

    Ntawv Moo Zoo: MT 5: 43-48

    Yes Xus hais rau nws cov thwj tim tias:
    43 "Nej tau hnov tej lus hais tias : ‘Koj yuav nyiam tus nyob ze koj, koj yuav ntxub koj tus yeeb ncuab.’
    44 Tab sis, kuv hais rau nej tias : nej yuav nyiam nej cov yeeb ncuab, nej yuav thov Ntuj rau cov tsim txom nej ;
    45 nej thiaj yuav yog nej Txiv nyob saum ntuj cov tub ; vim nws ua kom nws lub hnub tawm tuaj ziab cov neeg phem thiab cov neeg zoo, thiab nws ua kom nag los rau cov siab ncaj thiab cov siab nkhaus huv tib si.
    46 Vim tias, yog nej nyiam cov neeg nyiam nej xwb, mas nej yuav tau koob haum dab tsi ? Tab yog cov neeg sau se, lawv kuj txawj ua li ntawd thiab puas yog?
    47 Yog nej tshwj zias nej cov lus zoo rau nej cov kwv tij xwb, mas nej tau ua dab tsi zoo tshaj luag ? Tab yog cov neeg teev pej kum dab, los lawv kuj txawj ua li ntawd thiab los tsis yog?
    48 Ntawm nej, mas nej yuav ua neeg zoo txhij zoo txhua, ib yam li nej Txiv nyob saum ntuj nws zoo txhij zoo txhua.”


    Last edited by Mim on 26th August 2020, 12:40 pm; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 16th June 2020, 2:33 pm

    TIM 17 LUB 6 HLI 2020

    Hnub Plaub Lis Piam kaum ib Nruab Xyoo C Nruab Lis Piam Xyoo II

    Zaj Nyeem Ib: 2 VAJ 2: 1, 6-14


    1 Thaum HUAB TAIS coj Es Lias mus saum ntuj nyob hauv ib lub khaub zeeg cua mas yog thaum Es Lias thiab Es Lis Xais nkawd tab tom sawv kev tawm hauv Zis Nkas mus.
    6 Es Lias hais rau Es Lis Xais tias : "Kuv thov kom koj nyob ntawm no; HUAB TAIS hais kom kuv mus lawm tom tus dej Yos Las Das no." Tab sis Es Lis Xais teb tias : "Ib yam li Huab Tais muaj txoj sia thiab koj kuj muaj txoj sia, kuv yuav tsis tso koj tseg li." Ces nkawd ob leeg mus ntxiv. 7 Muaj tsib caug leej hauv tsoom yaj saub cov tub caum nkawd qab mus, lawv mus nres nyob ib qho nrug deb me ntsis, hos nkawd mus sawv ntawm tus ntug dej Yos Las Das. 8 Es Lias hle nws lub tsho tshaj sab, nws muab kauv zoj ua ib tug ces nws muab nplawm cov dej; cov dej cia li faib hlo ua ob sab, ces nkawd hla dej taug kev qhuav qhawv xwb.
    9 Thaum nkawd hla dhau lawm, Es Lias hais rau Es Lis Xais tias : "Koj thov saib kuv ua tau dab tsi rau koj, cheem luag tseem tsis tau tshem kuv ntawm koj mus." Es Lis Xais teb tias : "Kuv thov kom kuv tau txais ob npaug ntawm koj lub tswv yim los ua kuv tug." 10 Es Lias hais tias : "Koj thov ib yam nyuaj kawg! Tiam sis yog koj pom kuv nce mus saum ntuj mas koj yuav tau raws li koj thov. Yog koj tsis pom nce mus mas koj yuav tsis tau."
    11 Ces nkawd mus ntxiv, nkawd ke tham ke taug kev. Cia li muaj ib lub tsheb hluav taws thiab ib co nees hluav taws tuaj kem kiag nkawd ib leeg nyob ib sab. Ces Es Lias cia li nce mus saum ntuj nrog ib lub khaub zeeg cua lawm. 12 Es Lis Xais pom Es Lias mus, nws qw tias : "Kuv Txiv ! Kuv Txiv ! His Xas Lais lub tsheb thiab nws cov nees xob nees cua!" Ces Es Lis Xais tsis pom ntxiv lawm. Es Lis Xais nthos nkaus nws lub tsho muab dua rhe ua ob daig.
    13 Nws khaws nkaus Es Lias lub tsho tshaj sab uas poob saum Es Lias los lawm. Ces nws rov qab los sawv ntawm tus ntug dej Yos Las Das. 14 Nws muab Es Lias lub tsho los nplawm cov dej, nws hais tias : " HUAB TAIS, Es Lias tus Tswv Ntuj nyob qhov twg ?" Thaum nws nplawm cov dej, dej cia li faib kiag ua ob sab dua, ces Es Lis Xais hla dej los lawm.

    NPN 31: 20, 21, 24

    Txais: (25) Tas ib tsoom neeg uas tso siab rau HUAB TAIS, nej cia li ua siab loj !

    HUAB TAIS, koj muaj lub siab zoo tas nrho ,
    Koj tshwj zias ua zoo rau cov neeg hwm koj,
    Koj pab cov uas tuaj khaub zig koj,
    Koj tab meeg pab lawv rau tib neeg pom.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj !

    Koj coj lawv mus nkaum nyob ntawm koj xub ntiag
    kom deb ntawm neeg tej kev ua siab phem.
    Koj txuag lawv nyob hauv koj lub tsev,
    deb ntawm tus nplaig nkhaus tsawm neeg.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj !

    Tas nej cov neeg hwm HUAB TAIS, nej nyiam nws mog !
    HUAB TAIS txuag cov ntseeg nws ruaj nreb,
    hos nws nplua tus muab hlob ti txha nkaus.

    Txais: (25) Tas ib tsoom neeg uas tso siab rau HUAB TAIS, nej cia li ua siab loj !

    As Les Lus Yas: ZAM 14: 23

    Txais: As les lus yas, as les lus yas.

    Yog leej twg nyiam kuv, nws yuav coj rawv kuv lo lus,
    ces kuv Txiv yuav nyiam nws,
    kuv Txiv wb yuav los nyob hauv nws.

    Txais: As les lus yas, as les lus yas.

    Ntawv Moo Zoo: MT 6: 1-6, 16-18

    Yes Xus hais rau nws cov thwj tim tias:
    1 “Nej ceev faj, nej tsis txhob ua ncaj nyob ntawm neeg xub ntiag, kom luag pom nej xwb. Yog nej ua li ntawd, mas nej yuav tsis tau txais koob haum ntawm nej Txiv nyob saum ntuj. 2 Thaum koj pub rau luag, koj txhob tshuab hom ua koj ntej, xws li cov neeg zoo sab nraud ua nyob hauv cov tsev txoos thiab nyob ntawm tej kev, kom sawv daws cav lus zoo txog lawv. Kuv hais tseeb rau nej, lawv twb txais lawv cov koob haum tas lawm. 3 Hos koj, mas thaum koj pub rau luag, koj txhob cia koj sab tes laug paub qhov uas sab tes xis ua. 4 Li ntawd, tsis muaj neeg paub tias koj tau pub rau luag. Ces koj Txiv uas nws pom hauv qhov chaw nraim yuav pauj rau koj.
    5 Thaum nej teev Ntuj, nej txhob ua li cov neeg zoo sab nraud, vim lawv nyiam sawv ntsug hauv cov tsev txoos, thiab ntawm tej kev tshuam, kom sawv daws pom lawv. Kuv hais tseeb rau nej, lawv twb txais lawv cov koob haum lawm. 6 Hos koj, mas thaum koj teev Ntuj, koj mus nyob twj ywm hauv koj kem txaj, kaw koj qhov rooj ces koj teev koj Txiv uas nws nyob hauv qhov chaw nraim. Koj Txiv uas nws pom hauv qhov chaw nraim, yuav pauj rau koj.
    16 Thaum nej yoo mov, nej txhob ua ntsej muag ntshaus xws li cov neeg zoo sab nraud; lawv ua ntsej muag mluas mlob, kom luag pom tias lawv yoo mov. Kuv hais tseeb rau nej tias cov neeg ntawd twb txais lawv cov koob haum tas lawm. 17 Hos koj, mas thaum koj yoo mov, koj yuav pleev tshuaj tsw qab rau saum taub hau, koj yuav ntxuav muag, 18 kom txhob muaj neeg paub tias koj yoo mov, tsuas kawg koj Txiv uas nws nyob hauv qhov chaw nraim tib leeg paub xwb. Koj Txiv uas pom hauv qhov chaw nraim yuav pauj rau koj.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 17th June 2020, 12:16 pm

    TIM 18 LUB 6 HLI 2020

    Hnub Tsib Lis Piam Kaum Ib Nruab Xoo A Nruab Lis Piam Xyoo II

    Zaj Nyeem Ib: NPES XIS LAS 48: 1-14


    1 Tus yaj saub Es Lias sawv tsees xws li ib lub cub tawg, nws lo lus cig npaum li ib teg tsau.
    2 Nws ua kom kev tshaib plab tuaj raug lawv, nws lub siab kub ua kom lawv tshuav tsawg leej lawm xwb.
    3 Nws hais Huab Tais lo lus los muab cov txheej ntuj saud kaw.
    Nws kuj ua kom hluav taws nqes saum ntuj los peb zaug thiab.
    4 Es Lias, koj muaj hwj chim loj ua luaj, koj ua tej yam txaus qhuas kawg li!
    Leej twg thiaj muaj cai khav ib yam li koj muaj cai khav?
    5 Koj yog tus tau hais tus Nyob Siab lo lus los tsa ib tug neeg kom sawv hauv kev tuag hauv ntuj txiag teb tsaus los.
    6 Koj tau txo ib co vaj kom poob rau hauv kev puas ntsoog,
    thiab koj ua kom cov neeg muaj npe poob saum lawv lub txaj los.
    7 Nyob saum roob Xis Nais koj tau hnov ib co lus cem;
    nyob saum roob Hos Les, koj tau hnov ib co lus txiav txim txog kev yuav nplua txim.
    8 Koj tau pleev roj tsa tej tus vaj kom lawv nrhiav kev ua pauj.
    Koj tau pleev roj rau ib tug yaj saub kom los hloov koj.
    9 Ib lub khaub zeeg cua hluav taws nqa koj mus,
    koj caij ib lub tsheb uas yog nees hluav taws luab.
    10 Muaj ntawv sau tseg tias Ntuj xaiv koj kom koj rov los thaum lub caij teem tom ntej,
    koj yuav los ua kom Tswv Ntuj lub siab nqig thaum lub caij nws npau taws.
    Koj yuav coj phaj txiv lub siab tig rov los hlub phaj tub. Koj yuav rov tuaj tsa cov xeem Yas Kos kom sawv.
    11 Tau txoj hmoov zoo yog cov neeg uas yuav pom koj thiab cov uas tuag nyob hauv txoj kev nyiam;
    vim tias peb kuj yuav tau txais txoj sia thiab.
    12 Thaum Es Lias mus nyob hauv lub khaub zeeg hluav taws lawm,
    mas Es Lis Xais tau nws lub tswv yim los nyob puv hauv nws.
    Tas nws sim neej nws tsis ntshai tej nom tswv li, tsis muaj leej twg yuav muaj hwj huam npaum nws li.
    13 Tsis muaj ib yam yuav nyuaj dhau rau nws. Nws twb tuag lawm los nws lub cev tseem ua yaj saub tau.
    14 Thaum nws ua neej nyob nws ua hwj huam yees ntxwv txaus qhuas,
    thaum nws tuag tas, nws tseem tau ua tej yam loj kawg nkaus thiab.

    NPN 97: 1-2, 3-4, 5-6, 7


    Txais: (12a) Nej cov neeg ncaj, nej yuav zoo siab nyob hauv HUab Tais!

    HUAB TAIS ua vaj, kom lub ntiaj teb cia li zoo siab,
    kom cov pov txwv uas muaj ntau lub dhia daj dhia luag !
    Cov huab thiab qhov tsaus ntuj dub nciab nyob ncig nws ;
    kev ncaj thiab kev txiav txim yog lub taw ntsa txawb nws lub theej kiab.

    Txais: (12a) Nej cov neeg ncaj, nej yuav zoo siab nyob hauv HUab Tais!

    Hluav taws mus ua nws ntej,
    cig mus kub cov neeg ntxub nws uas nyob ncig nws.
    Nws cov kab xob laim ci tuaj kaj lub qab ntuj;
    ntiaj teb pom, ntiaj teb tshee na ;

    Txais: (12a) Nej cov neeg ncaj, nej yuav zoo siab nyob hauv HUab Tais!

    Cov toj roob yaj xws ciab ntab nyob ntawm HUAB TAIS xub ntiag,
    ntawm tus HUAB TAIS kav tas ntiaj teb xub ntiag.
    Yim txheej cuaj txheej ntuj tshaj nws txoj kev ncaj,
    tas ib tsoom haiv neeg pom nws lub hwj chim :

    Txais: (12a) Nej cov neeg ncaj, nej yuav zoo siab nyob hauv HUab Tais!

    Kom tas tsoom neeg teevduab teev mlom tau txaj muag,
    vim lawv tau ntsej muag nyob hauv tej yam tsis muaj nqes.
    Tas ib tsoom dab tuaj txhos caug pe ntawm HUAB TAIS xub ntiag .

    Txais: (12a) Nej cov neeg ncaj, nej yuav zoo siab nyob hauv HUab Tais!

    As Les Lus Yas: LOS MAS 8: 15BC

    Txais: As les lus yas, as les lus yas.

    Nej tau txais ib lub tswv yim ua tub ki tshiab,
    Nws qhia kom peb hu tias : ‘As Npas ! Txiv !’

    Txais: As les lus yas, as les lus yas.

    Ntawv Moo Zoo: MT 6: 7-15

    Yes Xuas hais rau nws cov thwj tim tias:
    7 “Thaum nej teev Ntuj, nej txhob ntuas mus ntuas los zoo li cov neeg teev dab,
    lawv xav tias dab yuav mloog lawv yog lawv hais lus ntau ntau.
    8 Nej tsis txhob ua zoo li lawv. Vim nej Txiv twb xub paub lawm tias qhov twg nej yuav tsum muaj,
    ua ntej nej tsis tau thov.
    9 Nej yuav teev Ntuj zoo li no :
    ‘Peb Txiv nyob saum ntuj, ua kom koj lub Npe ntshiab nto moo lug.
    10 Koj lub Ceeb Tsheej kom los txog. Kom muaj raws li koj nyiam nyob ntiaj teb no li nyob saum ntuj.
    11 Thov koj pub mov txaus peb noj hnub no.
    12 Koj zam txhaum rau peb zoo li peb zam rau cov tau ua txhaum peb.
    13 Koj txhob tso peb raug kev ntxias. Koj npo peb dim ntawm kev phem.’
    14 Yog nej zam rau cov neeg ua txhaum rau nej,
    mas nej Txiv nyob saum ntuj kuj yuav zam txhaum rau nej thiab.
    15 Hos yog nej tsis zam txhaum rau luag, mas nej Txiv kuj yuav tsis zam rau nej thiab.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 18th June 2020, 4:36 am

    TIM     19     LUB     6     HLI     2020

    Hnub Rau Lis Piam Kaum Ib Nruab Xyoo A Nruab Lis Piam Xyoo II

    Hawm Txog Yes Xus Lub Plawv Ntshiab.


    COV ZAJ NYEEM NRUAB LIS PIAM XYOO A 2019-2020 - Page 7 Jesus-Christ-Sacred-Heart-Large-Hand-Painted-Roman-Catholic-Icon-1-60


    Zaj Nyeem Ib: TXOJ CAI OB 7: 6-11


    Mais Xes hais rau haiv neeg His Xas Lais tias:
    6 “Nej yog ib haiv neeg qee rau HUAB TAIS nej tus Tswv Ntuj ; HUAB TAIS, nej tus Tswv Ntuj tau xaiv nej hauv tas txhua haiv neeg nyob ntiaj teb los ua nws haiv neeg tshwj xeeb. 7 HUAB TAIS lub siab nyob ntawm nej thiab xaiv nej tsis yog vim nej coob dua lwm haiv neeg, rau qhov nej yog ib haiv neeg tsawg dua cov tas tib si. 8 Tab sis yog vim HUAB TAIS hlub nej, thiab nws xav ua raws li lo lus nws tau cog rau nej cov yawg koob, nws thiaj siv nws txhais tes muaj zog rho nej tawm ntawm lub teb chaws ua luag qhev los, thiab npo nej dim ntawm Fas Las Oos, tus vaj Hais Nkws Tos txhais. 9 Li no nej yuav tsum paub tias HUAB TAIS nej tus Tswv Ntuj yog tus tseem Tswv Ntuj tiag, yog tus Tswv Ntuj tsis fav xeeb uas nco ntsoov nws lo lus nws tau cog, thiab hlub cov neeg nyiam nws, thiab khaws nws cov lus qhia txheej dhau txheej mus txog txhiab tiam neeg. 10 Tab sis nws rau txim rau cov neeg ntxub nws; nws ua kom tus neeg ntxub nws puas ntsoog mus, nws tsis ncua lub txim, nws rau txim rau tus tib neeg kiag. 11 Li ntawd, nej yuav tsum coj rawv cov lus qhia, cov kev cai thiab tej lij choj uas kuv ceeb toom rau nej hnub no kom nej coj.”

    NPN        103:   1-2, 3-4, 8+10

    Txais:   (17) Huab Tais ua zoo tas mus li rau cov uas hwm nws.

    Kuv tus ntsuj plig, koj cav txog HUAB TAIS;
    kuv tej siab ntsws, nej cav txog nws lub npe ntshiab.
    Kuv tus ntsuj plig, koj cav txog HUAB TAIS,
    koj tsis txhob hnov qab nws tej kev zoo ib qho li.

    Txais:   (17) Huab Tais ua zoo tas mus li rau cov uas hwm nws.

    Nws tau zam tas koj tej txhaum rau koj,
    nws tau kho tas koj tej kev mob nkeeg kom zoo hlo.
    Nws tau cawm koj txoj sia ntawm kev puas nstoog,
    nws tau muab nws txoj kev ua siab zoo thiab kev khuv leej rau koj ntoo.

    Txais:   (17) Huab Tais ua zoo tas mus li rau cov uas hwm nws.

    HUAB TAIS khuv leej thiab hlub neeg,
    nws npau taws qeeb, nws muaj kev hlub loj.
    Nws tsis ua rau peb kom phim peb tej kev txhaum,
    nws tsis ua pauj kom phim peb tej kev ua phem.

    Txais:   (17) Huab Tais ua zoo tas mus li rau cov uas hwm nws.

    Zaj Nyeem Ob:        1 ZAM  4:   7-16

    7 Cov zoo nyiad, peb yuav sib nyiam sib hlub mog ! Vim txoj kev nyiam tuaj ntawm Tswv Ntuj tuaj, ua li mas tus twg nyiam, tus ntawd yug ntawm Tswv Ntuj los, thiab nws paub Tswv Ntuj. 8 Tus tsis nyiam, mas nws tsis paub Tswv Ntuj, vim Tswv Ntuj yog txoj kev nyiam. 9 Tswv Ntuj txoj kev nyiam tawm los rau peb pom xyeem yog li no : Tswv Ntuj xa nws Leej Tub Twm Zeej tuaj nyob ntiaj teb no, kom peb ciaj sia nyob hauv nws. 10 Txoj kev nyiam yog li no : tsis yog vim peb nyiam Tswv Ntuj, tiam sis yog vim Tswv Ntuj nyiam peb, ces nws thiaj xa nws Leej Tub tuaj ua nqi txhiv peb ntawm peb cov txhaum.
    11 Cov zoo nyiad, yog Tswv Ntuj twb nyiam peb npaum li ntawd, mas peb kuj yuav tsum sib nyiam sib hlub thiab.    12 Tsis muaj leej twg tau pom dua Tswv Ntuj ib zaug li. Tiam sis yog peb sib nyiam sib hlub, mas Tswv Ntuj nyob hauv peb, thiab nws txoj kev nyiam hlob tuaj kom zoo tiav log nyob hauv peb.
    13 Peb paub tias peb nyob hauv Tswv Ntuj, thiab Tswv Ntuj nyob hauv peb yog vim qhov no : yog qhov tias nws pub nws Leej Ntuj Plig rau peb lawm. 14 Ntawm peb, mas peb tau ntsia ntsoov, thiab peb ua tim khawv zeem tias Leej Txiv tau xa Leej Tub tuaj cawm lub qab ntuj neeg tiag. 15 Tus lees tias Yes Xus yog Tswv Ntuj Leej Tub, mas Tswv Ntuj nyob hauv nws, thiab nws nyob hauv Tswv Ntuj. 16 Peb tau saj thiab tau ntseeg  tias Tswv Ntuj nyiam peb tiag. Tswv Ntuj yog txoj kev nyiam : tus twg nyob hauv txoj kev nyiam, mas nws kuj nyob hauv Tswv Ntuj, thiab Tswv Ntuj nyob hauv nws.

    As Les Lus Yas:        MT  11:   29AB

    Txais:     As les lus yas, as les lus yas.

    Huab Tais hais tias, nej txais kuv tus quab mus nej kwv,
    Nej kawm ntawm kuv vim kuv muaj lub siab txo hwj chim ua neeg me.

    Txais:     As les lus yas, as les lus yas.

    Ntawv Moo Zoo:       MT  11:   25-30

    25 Lub caij ntawd, Yes Xus hais tias : "Txiv, kuv qhuas txog koj, Huab Tais kav lub ntuj lub teb, vim koj zais tej yam ntawd ntawm cov neeg thoob tsib thiab cov neeg txawj ntse, koj ho qhib rau cov me nyuam neeg paub.
    26 Tseeb tiag, Txiv, koj lub siab yeej nyiam li ntawd.
    27 Kuv Txiv muab tas ib puas tsav yam tso rau kuv lawm. Tsis muaj leej twg paub Leej Tub, tsuas kawg Leej Txiv thiaj paub xwb, kuj tsis muaj leej twg paub Leej Txiv, tsuas kawg Leej Tub thiaj paub, thiab tus uas Leej Tub pom zoo qhia rau nws kom paub xwb.
    28 Tas nej sawv daws uas nej khwv thiab ris nra hnyav, nej tuaj cuag kuv mog ! Kuv yuav cia nej so los siav.
    29 Nej txais kuv tus quab mus kwv, nej kawm ntawm kuv mog, vim kuv muaj lub siab txo hwj chim thiab ua neeg me; nej tus plig yuav nrhiav tau chaw so los siav.
    30 Vim kuv tus quab kwv yooj yim, thiab kuv lub nra sib.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 19th June 2020, 10:10 am

    TIM     20     LUB     6     HLI     2020

    Hnub Xya Lis Piam Kaum Ib Nruab Xyoo A Nruab Lis Piam Xyoo II

    Hwm Niam Mab Liab lub Plawv Tsis Lo Txhaum

    Lectionary: 370/573

    COV ZAJ NYEEM NRUAB LIS PIAM XYOO A 2019-2020 - Page 7 Immaculate_Heart

    Zaj Nyeem Ib:   2 XWM 24:  17-25

    17 Thaum tus leej choj Yes Hos Yas Das tuag tas lawm, cov thawj coj Yus Das tuaj pe tus vaj Yos As, ces tus vaj mloog lawv cov lus thov. 18 Ces cov Yus Das tso HUAB TAIS lawv cov yawg koob tus Tswv Ntuj lub Tuam Tsev pov tseg, lawv mus teev dab teev mlom; vim lawv ua txhaum li ntawd ces Tswv Ntuj thiaj npau taws rau Yus Das thiab rau Yes Lus Xas Les. 19 Ntuj xa ib co Yaj Saub tuaj hais rau cov Yus Das kom lawv tig rov qab los cuag HUAB TAIS; cov Yaj Saub ua tim khawv hais nws cov lus rau lawv, tab sis cov Yus Das tsis quav ntsej txog li.
    20 Ces Tswv Ntuj leej Tswv Yim los nyob hauv Ntxas Kas Lias uas yog tus leej choj Yes Hos Yas Das tus tub. Ntxas Kas Lias los sawv ntsug hais rau tsoom sid tias : "Tswv Ntuj hais li no : Vim li cas nej hla HUAB TAIS cov lus qhia, ces nej thiaj ntsib kev txom nyem? Vim nej tso HUAB TAIS pov tseg mas HUAB TAIS kuj tso nej pov tseg thiab." 21 Tiam sis cov Yus Das sib koom siab ua phem rau Ntxas Kas Lias. Lawv ua raws li tus vaj hais, lawv xuas pob zeb los txawb tua nws tuag nyob ntawm lub tshav puam ntawm HUAB TAIS lub Tuam Tsev. 22 Li ntawd, tus vaj Yos As tsis nco qab Ntxas Kas Lias txiv Yes Hos Yas Das tej txiaj ntsim li lawm, nws muab Yes Hos Yas Das tus tub tua. Thaum Ntxas Kas Lias yuav tuag nws hais tias : "HUAB TAIS pom, nws yuav nug nej txog qhov nej ua no."
    23 Thaum xyoo yuav tas, cov tub rog As Las Mais sawv tuaj ntaus rog rau Yos As. Lawv tuaj tsuj Yus Das teb thiab Yes Lus Xas Les. Lawv muab tas cov thawj coj hauv tsoom pej xeem tua thiab xa txhua yam lawv tuaj lwg tau mus rau tus vaj nyob Das Mas. 24 Cov tub rog As Las Mais tsis coob, tab sis HUAB TAIS cia lawv yeej ib pab tub rog coob, vim cov Yus Das tso HUAB TAIS lawv cov yawg koob tus Tswv Ntuj pov tseg lawm. Cov As Las Mais thiaj tuaj muab txim rau Yos As.
    25 Thaum lawv tso Yos As tseg, mas Yos As raug mob loj heev. Nws cov tub txib koom siab ua phem rau nws, lawv xav ua pauj vim nws tau tua tus Leej Choj Yes Hos Yas Das tus tub pov tseg. Ces lawv muab Yos As tua nyob saum nws lub txaj; nws thiaj  tuag zoo li ntawd. Lawv muab nws faus nyob hauv Das Vis lub tsheej, tab sis tsis yog nyob hauv qhov chaw rau cov vaj tej ntxa.

    NPN   89:  4-5, 29-30, 31-32, 33-34


    Txais: (29a) Kuv yuav hlub kuv tus tub txib mus li.

    Kuv tau cog ib lo lus nrog tus kuv xaiv,
    kuv tau cog lus khov rau kuv tus tub txib Das Vis tias :
    Kuv yuav tsa koj caj ces kom nyob ruaj mus li,
    kuv yuav txhim ib lub theej kiab rau koj zaum tiam dhau tiam.

    Txais: (29a) Kuv yuav hlub kuv tus tub txib mus li.

    Kuv yuav muab kuv txoj kev hlub rau nws mus li,
    Kuv lo lus kuv nrog nws cog yuav nyob ruaj khov.
    Kuv yuav tsa kom nws caj ces nyob ib txhis,
    tsa nws lub theej kiab nyob ntev li lub ntuj.

    Txais: (29a) Kuv yuav hlub kuv tus tub txib mus li.

    Yog nws cov tub tso kuv txoj cai lij choj pov tseg,
    tsis mus taug kuv tej txhooj,
    yog lawv hla kuv txoj cai kuv tau txiav tseg
    thiab tsis khaws kuv cov lus qhia.

    Txais: (29a) Kuv yuav hlub kuv tus tub txib mus li.

    Kuv yuav xuas qws rau txim rau lawv txoj kev ua phem,
    xuas hlua nplawm lawv vim lawv qhov kev txhaum.
    Tab sis, kuv yuav tsis txiav kuv txoj kev hlub lawv,
    kuv yuav tsis thim kuv txoj kev ua zoo rau lawv.

    Txais: (29a) Kuv yuav hlub kuv tus tub txib mus li.

    As Les Lus Yas:  LK 2: 19

    Txais: As les lus yas, as les lus yas.

    Tus nkauj xwb Mab Liab tau txoj hmoov zoo vim nws khaws
    Tswv Ntuj lo lus cia rau nruab siab thiab muab coj los xav.

    Txais: As les lus yas, as les lus yas.

    Ntawv Moo Zoo: LK 2:  41-51

    41 Yes Xus niam thiab txiv nkawd niaj xyoo mus ua lub Ntees Hla pem Yes LusXas Les. 42 Thaum Yes Xus muaj kaum ob xyoos, lawv kuj mus ua lub Ntees Hla rau ped raws li kev cai thiab. 43 Thaum cov hnub ua ntees ntawd tas lawm, Yos Xes thiab Mab Liab nkawd sawv kev rov los, hos tus me tub Yes Xus tseem nyob Yes Lus Xas Les, nws niam thiab nws txiv tsis paub li. 44 Nkawd xav tias nws nyob hauv pab neeg coob nrog sawv daws rov qab los lawm. Ces nkawd mus ib hnub ke, nkawd mam li pib nrhiav nws hauv cov txheeb ze thiab cov swm neeg. 45 Tiam sis nkawd nrhiav tsis tau, ces nkawd thiaj rov mus nrhiav nws pem Yes Lus Xas Les. 46 Nkawd nrhiav tau peb hnub, thiaj nrhiav tau Yes Xus nyob hauv lub Tuam Tsev Teev Ntuj, nws zaum hauv nruab nrab cov kws Txoj Cai, nws mloog lawv thiab nug lawv. 47 Cov neeg uas tau hnov nws hais lus puav leej yoob tas rau nws lub tswv yim ntse thiab nws cov lus teb. 48 Thaum nkawd pom Yes Xus, nkawd xav tsis thoob, ces nws niam hais rau nws tias : "Me tub, vim li cas koj ua li ntawd rau wb ? Saib koj txiv wb nrhiav koj, wb ntxhov siab tas nrho." 49 Yes Xus hais rau nkawd tias : "Vim li cas neb nrhiav kuv ? Neb tsis paub tias kuv yuav tsum leg kuv Txiv cov hauj lwm no lod ?” 50 Tiam sis nkawd tsis to taub nws lo lus nws hais rau nkawd li. 51 Yes Xus nrog nkawd rov mus nyob Nas Xas Les, nws mloog nkawd lus. Nws niam khaws tej ntawd huv tib si cia rau nruab siab.

    ******************************************

    COV ZAJ NYEEM HWM NIAM LIAB LUB PLAWV TSIS LO TXHAUM
    Lect 573

    Zaj Nyeem Ib:  HX 61:  9-11

    HUAB TAIS hais tias:
    9 Lawv tsoom xeeb leej yuav nto moo nyob hauv cov kuj cuab, lawv cov xeeb ntxwv yuav muaj suab npe nyob hauv cov haiv neeg. Tas tsoom neeg uas pom lawv yuav zeem tias lawv yog ib haiv neeg uas HUAB TAIS foom hmoov zoo rau.
    10 Kuv zoo siab tag nrho nyob hauv HUAB TAIS. Kuv tus plig dhia hom khaj nyob hauv kuv tus Tswv Ntuj, vim nws muab kev cawm cov tsoos rau kuv hnav, nws muab kev ncaj lub tsho tshaj sab los rau kuv npua, xws li nraug vauv muab ib lub mom teev kub los ntoo, xws li nkauj nyab muab npauj kub npauj nyiag los coj.
    11 Ib yam li daim av ua tau kom tej noob qoob txawj nthaw kaus tuaj, los ib lub vaj ua tau kom tej noob loo txawj hlav tuaj, ib yam li ntawd, HUAB TAIS Tswv Ntuj kuj yuav ua kom txoj kev ncaj thiab txoj kev cav kev qhuas txawj tshwm tuaj nyob ntawm txhua haiv neeg xub ntiag.

    NPN:   1 XM 2:  1, 4-5, 6-7, 8ABCD

    Txais: (1) Kuv lub siab dhia hom khaj nyob hauv HUAB TAIS, tus cawm kuv.

    Kuv lub siab dhia hom khaj nyob hauv HUAB TAIS,
    kuv tsa ntsej muag siab nyob hauv kuv tus Tswv Ntuj.
    Kuv lub ncauj hais lus tsis txuag kuv cov yeeb ncuab;
    kuv zoo siab vim koj tau cawm kuv.

    Txais: (1) Kuv lub siab dhia hom khaj nyob hauv HUAB TAIS, tus cawm kuv.

    Cov neeg muaj zog rab hneev dam dhuav,
    hos cov zog sib lub zog loj tuaj.
    Cov uas thaud tau noj tsau npo mus ua zog kom tau mov noj,
    hos cov uas thaud tshaib plab tso txoj kev khwv tseg.
    Tus pog khab seeb yug tauj xya leej tub,
    hos tus muaj tub coob nyob txom nyem ntsuav.

    Txais: (1) Kuv lub siab dhia hom khaj nyob hauv HUAB TAIS, tus cawm kuv.

    HUAB TAIS ua kom tuag thiab ua kom ciaj sia;
    nws muab thawb lawm hauv ntuj txias teb tsaus,
    thiab nws muab tsa kom muaj sia sawv rov los.
    HUAB TAIS ua kom pluag thiab ua kom muaj;
    nws muab txo kom qis thiab nws tsa kom siab.

    Txais: (1) Kuv lub siab dhia hom khaj nyob hauv HUAB TAIS, tus cawm kuv.

    Nws tsa cov txom nyem nyob hauv cov plua av los mus rau qhov siab;
    nws tshem cov pluag tawm hauv qhov chaw qias los,
    nws coj lawv mus zaum nrog cov tub nom tub tswv
    thiab muab ib qho chaw muaj meej mom rau lawv ua lawv tug.

    Txais: (1) Kuv lub siab dhia hom khaj nyob hauv HUAB TAIS, tus cawm kuv.

    As Les Lus Yas:  LK 2: 19

    Txais: As les lus yas, as les lus yas.

    Tus nkauj xwb Mab Liab tau txoj hmoov zoo vim nws khaws
    Tswv Ntuj lo lus cia rau nruab siab thiab muab coj los xav.

    Txais: As les lus yas, as les lus yas.

    Ntawv Moo Zoo: LK 2:  41-51

    41 Yes Xus niam thiab txiv nkawd niaj xyoo mus ua lub Ntees Hla pem Yes LusXas Les. 42 Thaum Yes Xus muaj kaum ob xyoos, lawv kuj mus ua lub Ntees Hla rau ped raws li kev cai thiab. 43 Thaum cov hnub ua ntees ntawd tas lawm, Yos Xes thiab Mab Liab nkawd sawv kev rov los, hos tus me tub Yes Xus tseem nyob Yes Lus Xas Les, nws niam thiab nws txiv tsis paub li. 44 Nkawd xav tias nws nyob hauv pab neeg coob nrog sawv daws rov qab los lawm. Ces nkawd mus ib hnub ke, nkawd mam li pib nrhiav nws hauv cov txheeb ze thiab cov swm neeg. 45 Tiam sis nkawd nrhiav tsis tau, ces nkawd thiaj rov mus nrhiav nws pem Yes Lus Xas Les. 46 Nkawd nrhiav tau peb hnub, thiaj nrhiav tau Yes Xus nyob hauv lub Tuam Tsev Teev Ntuj, nws zaum hauv nruab nrab cov kws Txoj Cai, nws mloog lawv thiab nug lawv. 47 Cov neeg uas tau hnov nws hais lus puav leej yoob tas rau nws lub tswv yim ntse thiab nws cov lus teb. 48 Thaum nkawd pom Yes Xus, nkawd xav tsis thoob, ces nws niam hais rau nws tias : "Me tub, vim li cas koj ua li ntawd rau wb ? Saib koj txiv wb nrhiav koj, wb ntxhov siab tas nrho." 49 Yes Xus hais rau nkawd tias : "Vim li cas neb nrhiav kuv ? Neb tsis paub tias kuv yuav tsum leg kuv Txiv cov hauj lwm no lod ?” 50 Tiam sis nkawd tsis to taub nws lo lus nws hais rau nkawd li. 51 Yes Xus nrog nkawd rov mus nyob Nas Xas Les, nws mloog nkawd lus. Nws niam khaws tej ntawd huv tib si cia rau nruab siab.


    Sponsored content

    COV ZAJ NYEEM NRUAB LIS PIAM XYOO A 2019-2020 - Page 7 Empty Re: COV ZAJ NYEEM NRUAB LIS PIAM XYOO A 2019-2020

    Post  Sponsored content


      Current date/time is 25th November 2020, 10:30 pm