Nkauj teev Ntuj

Koj nyob kaj lug Mab liab,
Tus tau txiaj ntsim puv siab.
Huab Tais Ntuj nrog koj nyob.
Koj tau koob tau hmoov tshaj ib zej tsoom poj niam tib si,
thiab koj lub txiv uas koj lub cev txi tau koob tau hmoov.
Leej Ntshiab mab Liab, Tswv ntuj leej Niad,
Koj thov Ntuj rau peb cov neeg txhaum,
Nyem no mus txog thaum peb lub caij dua. Ua li.
Thaj tseem ceeb

1- Thaj tseem ceeb yog thaj txi ntuj yog kab ke ntshiab
Nco txog Yes Xus txoj kev hlub peb
Nws tuaj yeem muaj nws lub cev thiab nws cov ntshav
Cev rau Tswv Ntuj kom tau cawm peb.

Txais:

<<-Peb ua ke cev peb lub siab lub plawv nrog leej Choj tus sawv
Peb sawv daws chaw muab lub siab lub cev cev rau Tswv Ntuj
Nrog cov txim uas Tswv Yes Xus li.>>

2- Lub ncuav mov mog ntawm no yog av txi txiv
Hloov tas txhia yam neeg hauj lwm tsim
Cov cawv ntshiab nyob hauv lub ntim hloov kev lom zem
yuav muab los txi rau koj Tswv Ntuj....

Txais:

<<-Peb ua ke cev peb lub siab lub plawv nrog leej Choj tus sawv
Peb sawv daws chaw muab lub siab lub cev cev rau Tswv Ntuj
Nrog cov txim uas Tswv Yes Xus li.>>

Zaj tu siab:

Kuv tus Huab Tais, koj lub siab zoo tag nrho, koj zoo nyiam tag nrho.
Neeg lub txhaum tsis ntxim koj lub siab.
Kuv tseem ua txhaum rau koj, kuv tu siab nrho.
Kuv tsis xav txhaum lwm zaus, thiab kuv xav them txim.
Koj pub txiaj ntsim pab kuv.


TAS IB TSOOM NEEG

Tas ib tsoom neeg nyob hauv ntiaj teb
Hu nkauj luag ntxhi cav txog Tswv ntuj
Nws xa kev thaj yeeb tuaj rau peb
Thiab pub kom peb tau nyob kaj lug

Tag ib tsoom neeg nej yuav paub tias
Tswv Ntuj nws yog tus tsim peb los
Peb yog nws cuab yim nws pab yaj
Ib txwm Tswv ntuj yeej hlub peb los

Huab Tais nco ntsoo peb txheej dhau txheej
Peb chaws mus hauv nws cov roob los
Peb hu nkauj cav txog nws lub npe
Thiab ua kom nws nto meej nto moo

COV MUAJ HMOOV ZOO (Les Béatitudes)Mt.5

Phau ntawv liab Fab Kis teb: Phab A 58

1-Cov muaj hmoov zoo-yog cov pluag hauv nruab siab
Ntuj lub ceeb tsheej yog lawv li.
Cov muaj txoj hmoov zoo
Yog cov quaj ntsuag-yuav muaj tus nplij lawv.

Txais:
Nej nyob kaj siab lug nej txoj hmoov zoo
Nej siab dawb huv, nej nyob kaj siab lug
Ntuj lub Ceeb Tsheej yog nej tug.

2-Cov muaj hmoov zoo yog cov siab zoo
Lawv yuav txais lub ntiaj teb ua lawv tug
Cov muaj hmoov zoo-yog cov nqhis txoj kev ncaj:
Yuav muaj tus daws lawv qhov nqhis

Txais: ...

3-Cov muaj hmoov zoo yog cov hlub luag tej
Yuav muaj tus hlub lawv
Cov muaj hmoov zoo yog cov siab huv
Lawv yuav pom Tswv Ntuj

Txais:...

4-Cov muaj hmoov zoo yog cov tsim kev thaj yeeb:
Lawv yog Tswv Ntuj cov me nyuam
Cov muaj hmoov zoo yog cov ntseeg txog kuv-
Ntuj lub hwj chim yog lawv li

Txais:...

5- Yog nej raug luag hiam-Vim nej tau nyiam kuv
Mas nej txoj hmoov zoo,
Nej nyob kaj siab lug-
Tswv Ntuj lub Ceeb Tsheej yuav ci rau sawv daws pom.

Txais:...

Kev Thaj Yeeb(La Paix)

Phau ntawv liab Fab Kis teb: Phab A 57

1-Kev thaj kev thaj yeeb Huab Tais Yes Xus coj los
Kev thaj kev thaj yeeb Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev thaj kev thaj yeeb Huab Tais Yes Xus coj los

2-Kev zoo kev zoo siab Huab Tais Yes Xus coj los
Kev zoo kev zoo siab Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev zoo kev zoo siab Huab Tais Yes Xus coj los

3-Ua kwv tij neej tsav Huab Tais Yes Xus coj los
Ua kwv tij neej tsav Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Ua kwv tij neej tsav Huab Tais Yes Xus coj los


4-Kev sib nyiam sib hlub Huab Tais Yes Xus coj los
Kev sib nyiam sib hlub Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev sib nyiam sib hlub Huab Tais Yes Xus coj los

Foom hmoov zoo rau mov :

- Tswv Ntuj ntsia mov coj peb nce rooj,
zaum ncig phaj qav zoo zoo.
Peb thov Tswv Ntuj tig ntsi,
foom lus zoo lus coj sia
Kom peb noj tag peb yim muaj zog,
ua txoj hauj lwm uas Tswv Ntuj tos.

Ua tsaug noj mov

- Peb sawv ua Ntuj tsaug,
vim Ntuj txawj hlub tus hlob tus yau.
Peb sawv daws tau noj haus txhua,
muaj lub suab hu nkauj nrog cua,
Cav txog Tswv Ntuj lub siab zoo,
ua Vaj nyob nto moo.

Peb hu txog Leej Tswv Yim Ntshiab
Phau ntawv liab, Fab Kis teb phab A85

1/ Peb hu txog Leej Tswv Yim koj los mas
Los xyuas peb, koj haiv neeg ntawm no
Nrog peb nyob nruab nrab peb ib sim neej
Peb thiaj li yuav thoob xeeb nyob hum hauv.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

2/ Peb hu txog Leej Tswv Yim koj los mas
Koj yog peb cov tib neeg qhov pom kev
Tso tswv yim qhov kaj lug rau sawv daws
Peb thiaj li txawj ua cov hauj lwm.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

3/Peb hu txog Leej Tswv Yim koj los mas
Peb sawv daws xav ua koj cov pej xeem
Tso lub zog thaum peb raug kev nyuaj
Peb thiaj li ua siab loj mus raws koj.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

4/Peb hu txog Leej Tswv Yim koj los mas
Koj yog peb tus Tswv Ntuj uas siab zoo
Thov koj tso txoj kev nyiam puv ntiaj teb
Tsoom tib neeg yuav sib hlub raws li koj.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim
Peb sawv daws, peb sawv daws

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj.
Peb sawv daws, peb sawv daws tuaj hu suab zoo siab.

Nyob ntawm koj xub ntiag.

1/ Peb tuaj txhua lub teb chaws, tuaj txhua ces kaum ntuj tuaj
Tiam sis peb yog ib cuab, peb tuaj pe hawm koj

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

2/ Peb coj peb kev nyuab ntxhov, coj peb kev mob kev ntsaj
Coj kev zoo siab nyob kaj, peb tuaj pe hawm koj.

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

3/ Peb tuaj koom ib roog mov, peb koom haus ib lub ntim
Peb xav nco koj txiaj ntsig, peb tuaj pe hawm koj.

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

4/ Thov koj txuag peb mus li, txhob pub peb muaj sib ncaim
Kom sawv daws txawj sib hais, peb tuaj pe hawm koj.

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag.

Peb tus Tswv Ntuj.

-Leej Txiv peb hawm koj
Peb tso peb txoj sia rau koj
Yog kev nyiam koj


-Leej Cawm Seej peb hawm koj
Peb tso peb txoj sia rau koj
Yog kev nyiam koj

-Leej Ntuj Plig peb hawm koj
Peb tso peb txoj sia rau koj
Yog kev nyiam koj.


Tus tuaj cuag Yes Xus ( zaj 3)
Phau ntawv liab, Fab Kis teb phab A78

1/ Tus tuaj cuag Yes Xus yuav tsis tshaib
Nws yog cov mov yug neeg lub cev
Thiaj yog cov ntshav yug neeg txoj sia
Tus haus nws cov ntshav yuav muaj txoj sia mus li

2/ Yes Xus lub cev yug peb txoj sia
Yes Xus cov ntshav daws peb qhov nqhis
Yog peb tsis noj Yes Xus lub cev
Thiab tsis haus nws cov ntshav peb yuav tsis ciaj rov los.

3/ Nws yog cov mov saum Ntuj los
Yog peb tau noj Yes Xus lub cev
Yes Xus yuav tuaj nyob hauv peb siab
Thiab nws yuav nyob hauv peb lub plawv mus ib txhis.


Thov Leej Ntuj Plig los qheb peb siab.

Txais:
Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

1-Los Leej Ntuj Plig koj los mas
Koj nqes saum txheej ntuj siab los
koj coj qhov pom kev tuaj kom ziab txog peb

Txais:
Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

2- Los cov txom nyem tus Cawm Seej
Pub koj cov txiaj ntsim rau peb
Coj txoj kev tso siab kev zoo kev ntshiab tuaj

Txais:
Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

3-Peb ua neeg khwv tag sim neej
Koj yog peb chaw so los sia
Cov neeg ntxhov siab vam txog koj nplij lawv

Txais:
Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

Tus Vaj nto koob meej
Phau ntawv liab, Fab Kis teb phab A17

Txais:
Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

1- Tus Vaj nto koob meej yog leej twg? Peb hu nws li cas?
Nws yog Es Mas Nus Es tus peb tos tiam dhau tiam.

Txais:
Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu[/

2- Tag hauv Nkas Lis Lais teb txhua lub nroog txhua lub zos
Nws mus xyuas nws cov pej xeem kho lawv tej mob nkeeg.

Txais:
Tus [u]Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

3- Nws muab nws siav cawm peb tus Yaj daws txoj kev nyuaj
Nws ris saum nws lub nrob qaum qab ntuj neeg cov txhaum

Txais:
Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

4-Nws yeej kev txhaum, kev tuag nws tau sawv rov los tias
Nws yuav qhia peb rau txoj kev mus cuag ntuj lub Ceeb tsheej.

Txais:
Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

Txoj kev thiab qhov tseeb, txoj sia.
Phau ntawv liab, Fab Kis teb phab A64

1- Yes Xus hais tias: Kuv yog Txoj Kev
Uas taug tsis muaj xwm txheej,
yog txoj kev coj peb tus plig mus txog pem ntuj.

2- Yes Xus hais tias: Kuv yog qhov tseeb, yog lub chaw so,
yog qhov tseeb nyob ib txhid.
Thaum twg muaj txoj kev ntxhov siab,
peb yuav nrhiav qhov tseeb rau Tswv Ntuj.

3- Yes Xus hais tias: Kuv yog txoj sia
Leej twg kub siab ua raws Tswv Ntuj siab xav,
Leej twg coj nraim Tswv Ntuj lo lus.
Tab txawm tuag lawm, yeej yuav sawv rov qab los.

4- Txoj kev qhov tseev thiab txoj sia,
Yog Yes Xus uas tuag txhiv peb,
Yog txoj kev coj peb, mus nrog Leej txiv nyob mus ib txhid.

5- Txoj kev qhov tseeb thiab txoj sia,
Yog Yes Xus tus uas tuag txhiv peb
Yog txoj kev yuav ntxiv txoj sia tsim txiaj rau peb tus ntsuj tus plig

Txoj kev, qhov tseeb thiab txoj sia
Txoj kev, qhov tseeb thiab txoj sia

Ua tsaug Yes Xus.
Phau ntawv liab, Fab Kis teb phab A93

Ua tsaug, ua tsaug Yes Xus
Ua tsaug, ua tsaug Yes Xus
Ua tsaug, ua tsaug Yes Xus hauv peb siab
Ua tsaug, ua tsaug Yes Xus
Ua tsaug, ua tsaug Yes Xus
Ua tsaug, ua tsaug Yes Xus hauv peb siab


Koj txhob ntshai.

Txais:
Koj txhob ntshai kuv yuav nrog koj nraim
Koj txhob ntshai kuv tau cawm koj lawm
Koj txhob ntshai kuv tau hu txog koj lub npe
Koj txhob ntshai kuv koj yog kuv tug

1-Koj hla nruab hiav txwv thaum twg ces kuv yuav nrog koj mus
Yog koj hla saum cov hluav taws koj yeej yuav tsis raug kub nyhiab
Yog vim kuv yog koj tus Huab Tais.
Tus cawm koj haiv neeg kawg yog kuv.

Txais: ...

2-Kuv tso koj hauv kuv xib tes, koj lub neej thiaj muaj nqes
Kuv yuav txuag koj tej num, koj thiaj yuav nyob tiaj nyob tus,
Yog vim kuv yog koj tus Huab Tais.
Tus cawm koj haiv neeg kawg yog kuv.

Txais:...

3-Kuv saib koj yog kuv me nyuam koj thiaj ua kuv chaw tshua
Kuv nyob ze cov neeg ntxhov siab, kuv thiaj mloog lawv lub suab seev,
Yog vim kuv yog koj tus Huab Tais.
Tus cawm koj haiv neeg kawg yog kuv.

Txais:...


Kuv tau txiav txim siab

Phau ntawv liab Fab Kis teb: Phab A89

1-Koj puas txiav xim siab tias yuav raws Yes Xus?
Koj puas txiav xim siab tias yuav raws Yes Xus?
Koj puas txiav xim siab tias yuav raws Yes Xus?
Tsis tig rov qab, tsis tig rov qab

2-Kuv tau txiav txim siab cia los raws Yes Xus
Kuv tau txiav txim siab cia los raws Yes Xus
Kuv tau txiav txim siab cia los raws Yes Xus
Tsis tig rov qab, tsis tig rov qab

3-Lub ntuj ua kev qab, tus Ntoo Cuam ua kuv ntej
Lub ntuj ua kev qab, tus Ntoo Cuam ua kuv ntej
Lub ntuj ua kev qab, tus Ntoo Cuam ua kuv ntej
Tsis tig rov qab, tsis tig rov qab

4-Txawm tsis muaj twg tuaj kuv yuav raws nws mus
Txawm tssi muaj twg tuaj kuv yuav raws nws mus
Txawm tssi muaj twg tuaj kuv yuav raws nws mus
Tsis tig rov qab, tsis tig rov qab

Luag thiaj paub peb sawv daws yog cov ntseeg (ib tse neeg).
Phau ntawv Liab Fab Kis teb, phab A61 (sib txawv me ntsis)

1-Peb sawv daws yog ib tse neeg-Peb sib hlub hauv Leej Pleev
Peb sawv daws yog ib tse neeg-Peb sib sau hauv Leej Ntuj Plig
Thiab peb thov kom sawv daws sib koom mus tas ib txhiab ib ntxhis.

Txais:
Luag thiaj paub peb yog cov ntseeg muaj kev nyiam,
kev hlub, sib pab nyob hauv peb Leej Txiv Tswv Ntuj siab zoo

2-Peb yuav mus nyob ua ib ke thiab Peb yuav sib pab sib nres
Peb yuav mus nyob ua ib ke thiab Peb yuav sib pab sib nres
Peb yuav koom siab tshaj Tswv Ntuj lub Moo Zoo rau ib zeej tsoom.

Txais:
Luag thiaj paub peb yog cov ntseeg muaj kev nyiam,
kev sib hlub, sib pab nyob hauv peb Leej Txiv Tswv Ntuj siab zoo

3-Peb yuav sib coj ua Tswv Ntuj txoj hauj lwm cawm ntiaj teb
Peb yuav sib coj ua Tswv Ntuj txoj hauj lwm cawm ntiaj teb
Peb yuav hwm neeg lub vaj huam thiab meej mom kom sib luag


Txais:
Luag thiaj paub peb yog cov ntseeg muaj kev nyiam,
kev sib hlub, sib pab nyob hauv peb Leej Txiv Tswv Ntuj siab zoo

4-Peb sawv daws cav txog Leej Txiv tus tsim tag puas tsav yam
Peb cav txog Tswv Ntuj leej Tub Yes Xus Pleev tus cawm seej
Thiab peb cav txog Leej Ntuj Plig tus uas nrog nraim peb mus li

Txais:
Luag thiaj paub peb yog cov ntseeg muaj kev nyiam,
kev sib hlub, sib pab nyob hauv peb Leej Txiv Tswv Ntuj siab zoo.


THAUM PEB NOJ COV MOV NO.

Phau ntawv liab, Fab Kis teb phab B 11

Txais:
Thaum peb noj cov mov no
Thaum peb haus lub ntim no
Peb hawm peb tus Huab Tais uas peb ntseeg txog.

Peb nco txog koj txoj kev tuag.

-Huab tais Yes Xus,
Peb nco txog koj txoj kev tuag
Peb cav koj txoj kev sawv rov los
Peb tos txog hnub koj yuav rov tuaj

Txais:
Thaum peb noj cov mov no
Thaum peb haus lub ntim no
Peb hawm peb tus Huab Tais uas peb ntseeg txog.

THOV PAB TSEB KEV THAJ YEEB.
Phau ntawv liab, Fab Kis teb A80

1-Ntuj thov pab kuv tseb kev thaj yeeb.
Thaum muaj kev sib ntxub, kuv tseb koj kev hlub.
Thaum muaj kev sib khib, pub kuv muaj koj kev sib zam.
Ntuj thov pab kuv tseb kev thaj yeeb.

2-Ntuj thov pab kuv tseb kev thaj yeeb.
Thaum muaj kev txhawj xeeb, kuv tseb koj kev ntseeg.
Hauv ntiaj teb, qhov ntxhov, koj pub kuv muaj kev tso siab.
Ntuj thov pab kuv tseb kev thaj yeeb.

3-Ntuj thov pab kuv tseb kev thaj yeeb.
Thaum muaj kev chim siab, kuv tseb kev kaj.
Thaum muaj txoj kev tsaus, thov koj tso qhov pom kev tuaj.
Ntuj thov pab kuv tseb kev thaj yeeb.

4-Ntuj pub kom kuv nrhiav thiab kuv pub
txoj kev hlub rau luag ntau tshaj qhov luag pub.
Qhov kuv pub rau luag yog qhov kuv txais ntawm koj los.
Ntuj thov pab kuv tseb kev thaj yeeb.

5-Ntuj thov pab kuv nrhiav thiab kuv pub
Txoj kev zam rau luag li koj zam rau kuv.
Yog kuv tuag vim koj, mas kuv yuav muaj txoj sia nyob.
Ntuj thov pab kuv tseb kev thaj yeeb.

Cov Kws Hnub qub.

Txais:
Yog! Lub hnub qub tseem ceeb qhia kev,
Coj peb mus txog tus cawm peb
Lub hnub qub nyob Toob Fab ua ntej,
Tsom txoj kev peb mus txog nws.

1- Peb, peb leeg yog cov Kws Hnub qub
Nqa paj tshab taug kev tuaj hawm nws
Hla toj roob hauv pes, hav fab hav zoov,
raws lub hnub qub ntawd mus.

Txais:
Yog! Lub hnub qub tseem ceeb qhia kev,
Coj peb mus txog tus cawm peb
Lub hnub qub nyob Toob Fab ua ntej,
Tsom txoj kev peb mus txog nws.

2-Tus yug los yog ib tug Vaj Ntxwv,
Kuv nqa nyiaj nqa kub tuaj rau nws
Nws yuav kav nws lub ceeb tsheej mus li.
Peb sawv daws zwm rau nws.

Txais:...

3-Tus yug los yog ib tug Leej Choj
Kuv nqa tshuaj tsw qab tuaj rau nws
Nws yog peb txoj kev mus cuag Tswv Ntuj,
Peb sawv daws zwm raws nws

Txais:...

4-Tus yug los yog ib tug Cawm Seej
Kuv nqa txab txiv yoov muab rau nws,
Nws yuav raug kev nyuaj kev txom nyem,
Vim peb sawv daws cov txhaum.

Txais: ...

5- Tus yug los yog peb tus Huab Tais
Huab Tais Ntuj Leej Tub yug ua neeg
As Les lus yas as Les lus yas,
Peb sawv daws cav txog nws.


Txais:
Yog! Lub hnub qub tseem ceeb qhia kev,
Coj peb mus txog tus cawm peb
Lub hnub qub nyob Toob Fab ua ntej,
Tsom txoj kev peb mus txog nws.

CAWM KOJ HAIV NEEG .
Phau ntawv liab Fab Kis teb: Phab A 77

Txais: Cawm koj haiv neeg, Tswv Ntuj,
qhia peb txoj kev rov los tsev.
Peb tau khiav deb ntawm koj txoj kev hlub.
Cawm koj haiv neeg, Tswv Ntuj.

1- Ib yam kuv thov Tswv Ntuj;
Yog qhov kuv tau nyob mus li haub koj tsev
Kom kuv tau ntsia koj txoj kev hlub,
Tas hnub hauv kuv lub neeg

Txais:...

2- Koj yuav zais kuv hauv koj phab tis
Kom yeeb ncuab rab ntaj txhob raug kuv
Koj tso kuv nyob saum lub ncov roob siab
Cawm kuv dim ntawm kev nyuaj siab

Txais:...

3- Tswv Ntuj, koj mloog kuv lub suab hu txog koj,
Kuv xav lees kuv cov txhaum rau koj.
Koj ntxuav kuv ces kuv yuav rov ntshiab tuaj,
Kuv thiaj li yuav dawb dua daus

Txais:..

Vaj tsim tag ib puas tsav yam.
Phau ntawv liab Fab Kis teb: Phab A79

1-Vaj tsim tag ib puas tsav yam lub hnub poob qho,
peb thov koj: Koj mloog peb lub siab; koj ua peb tus thawj.

2-Koj yog tus zov hmo saib peb, koj thaiv zaj npau suav phem.
Koj ntiab tus niag ntxub peb, koj coj peb mus taug txoj kev tsim txiaj.

3-Txiv siab zoo, Leej Tub loj cuag Leej Txiv, Leej Huab Tais nplij neeg,
nej ua Vaj nyob mus li, nej zam rau peb. Ua li.

Yes Xus cia kuv qhia koj.
Phau ntawv liab Fab Kis teb: Phab A71

Yes Xus, Yes Xus, cia kuv qhia koj qhov kuv xav:
Koj tau pub txoj kev zam rau kuv, kuv nyiam koj kawg.

Yes Xus, Yes Xus, cia kuv qhia koj qhov kuv xav:
Koj tau pub txoj kev hlub rau kuv, kuv nyiam koj kawg.

Yes Xus, Yes Xus, cia kuv qhia koj qhov kuv xav:
Koj tau pub txiaj ntsim ntau rau kuv, kuv nyiam koj kawg.

Yes Xus, Yes Xus, cia kuv qhia koj qhov kuv xav:
Koj tau pub Leej Ntuj Plig rau kuv, kuv nyiam koj kawg.

Yes Xus Huab Tais.
Phau ntawv liab Fab Kis teb: Phab A96


As les lus yas, As les lus yas,
As les lus yas, As les lus yas, As les lus yas,

Yes Xus Huab Tais, Nws sawv rov los,
Koj nrog peb nyob, Koj cawm peb mas.

As les lus yas, As les lus yas,
As les lus yas, As les lus yas, As les lus yas,

Yes Xus Huab Tais, Yes Xus Huab Tais,Yes Xus Huab Tais,Yes Xus Huab Tais,
Nws sawv rov los, Nws sawv rov los, Nws sawv rov los, Nws sawv rov los,
Koj nrog peb nyob, Koj nrog peb nyob, Koj nrog peb nyob, Koj nrog peb nyob,
Koj cawm peb mas, Koj cawm peb mas, Koj cawm peb mas, Koj cawm peb mas.


Yes Xus peb tus Vaj.
Phau ntawv liab Fab Kis teb: Phab A53

Yes Xus, peb tus Vaj, koj los nrog peb nraim.
Thov koj cawm peb ma! koj yog peb lub zog.

Tswv Ntuj, koj nres peb, koj yog peb lub tsua.
Koj ntaus tus yeeb ncuab uas muaj zog dua peb.

Koj yog tus dej cag, pub cov dej tshuaj,
daws tag peb qhov nqhis, peb lub siab thiaj kaj.

Thov koj tuav peb tes thiab coj peb kev hla dhau txoj kev ntxhov.
Koj yog peb lub zog, koj yog peb lub zog

Hmo ci ntsa.
(Sau nyob Nplog teb ua ntej 1975)

1- Hmo ci ntsa hmo ntshiab huv
Ntuj ntsiag txiaj peb nyob kaj lug
Tswv Ntuj leej Tub twb yug los lawm
Peb yuav nqa peb lub siab tig mus hawm
Nyob pem ntuj tswv Ntuj nto moo
Nyob ntiaj teb neeg zoo siab

2- Hmoo zoo siab hmo kaj lug
Tsoom dab ntuj dhia hom khaj
Tus me nyuam yug los daws peb lub txim
Ib tsoom neeg nrog cov phooj ywg zov yaj
Nqa paj tshab tuaj cev rau nws
Tus cawm peb yug ua neeg

3- Nej sim ntsia lub dab nyuj
Kev zoo siab kev tiaj tus
Yog Yes Xus coj tuaj rau peb txhua leej
Kev sib pab kev sib hlub yog nws coj
Hauv peb tus Tswv Ntuj ua neeg
Peb zoo siab nws yug los

Ntuj cov Tshiab tuaj puv nras

. Ntuj cov Tshiab

In excelsis Deo (Les Anges dans nos campagnes)
Txhais & kho los ntawm L. Ntxoov Yeej France 2007-2008

1.Ntuj cov tshiab nqes e tuaj - puv roob hav.
Tshuab xyu tshuab raj nrov o mus - thoob ntuj.
Lub suab ntxhe cav a txog- tswv ntuj tias,
Nyob rau pem ntuj nto o meej - nto moo.
Glo o o o o o, o o o o o, o o o o o ria, in excelsis Deo. (2)

2. Cov zov yaj yog o muaj - xwm dab tsi ?
Cas yuav hnov suab hu u nkauj - lom zem.
Yog sim zeej tus u tsi - tau tshwm sim.
Thiaj li tsim nyog hu u nkauj - cav txog.
Glo o o o o o, o o o o o, o o o o o ria, in excelsis Deo. (2)

3. Lawv tshaj txog nws w lub - moo yug los.
Yog tus cawm seej ntawm aw ntiaj - teb neeg
Peb yuav thov zeem ee tseeb - mus ib sim.
Thiab hu nkauj cav txog o nws - mus li.
Glo o o o o o, o o o o o, o o o o o ria, in excelsis Deo. (2)

4. Pom hnub qub toog oo ci - ntsa iab tuaj.
Tsa ib tsoom tub yug u yaj nruab teb.
Tas sawv daws tuaj a mus - ua ib ke.
Mus khoov pe hawm leej ee tub - Yes Xus.
Glo o o o o o, o o o o o, o o o o o ria, in excelsis Deo. (2)

5. Nej mus Bethléhem nej yuav pom
Tus uas cov Tshiab hu nkauj cav txog.
Tuaj mus khoov txhos caug thiab pe hawm.
Huab Tais Leej Pleev uas nws yug los.
Glo o o o o o, o o o o o, o o o o o ria, in excelsis Deo. (2)
Tuaj mas Tswv Ntuj Leej Tub Ntshiab




Tuaj mas Tswv Ntuj leej Tub.

• Tuaj mas tswv Ntuj leej tub ntshiab.
nqa kev cia siab tuaj pab cawm seej.
Koj yog tas nrho peb lub neej
Kav tsij maj zeeg tuaj mas.

• Tswv Ntuj leej tub, kav tsij tuaj mas.
koj lub cev yuav daws peb kev txhaum
Hauv lub ntiaj teb uas tsaus ntuj nti.

• Thov koj hais qhia rau peb tias
koj hlub peb ntiaj teb neeg npaum cas.
Tseem tshuav ntau leej tsis paub koj
Kav tsij maj zeeg tuaj mas.

• Nyob Béthléhem cov tshiab hu nkauj.
vim cav txog koj lub koob lub npe
Thiab lub hwj huam koj tuaj pab peb.

• Ntiaj teb poob rau txoj kev qis
Tsis txawj sib hlub tsis txawj sib haum.
Tso koj lub hwj chim los kav
Kav tsij maj zeeg tuaj mas.

• Koj tuaj yeem yug, los daws kev txhaum.
koj cov txiaj ntsim yuav tuaj pab peb
ntawm txoj kev ntshai dab teb tsaus ntuj.

• Huab Tais tso koj leej tub los
Pab qhia peb ua neej kaj siab lug.
koj yog tus pab tus cawm peb
Kav tsij maj zeeg tuaj mas.

Los mas cov neeg siab ncaj.

Los mas cov neeg siab ncaj.
(Adeste fideles- Ô peuple fidèles)
Txhais & kho los ntawm L. Ntxoov Yeej France 2007-2008

1. Los mas cov neeg siab ncaj. Los koom siab ua ib ke.
Los peb mus ua ib ke mus Beth lé Hem.
Tuaj peb mus saib peb, tus Huab Tais uas yug los.

Txais:
Los peb sawv daws mus saib nws, Los peb sawv daws mus hawm nws.
Los peb sawv daws mus hawm peb tus Huab Tais

2. Hnov suab hu nkauj cav txog, cov yug yaj sawv kev mus,
Sawv daws tuaj mus saib nws pw hauv dab nyuj.
Los peb kaj tsij mus, mus ua ke mus cuag nws.
Los peb sawv daws mus saib nws, Los peb sawv daws mus hawm nws.
Los peb sawv daws mus hawm peb tus Huab Tais

3. Peb mus ces peb yuav pom. tus uas leej txiv Tswv Ntuj.
Xa los cawm ntiaj teb neeg kev txhoj kev txhaum.
Peb yuav pom Huab tais, qhwv nyob hauv daim ntaub dawb.
Los peb sawv daws mus saib nws, Los peb sawv daws mus hawm nws.
Los peb sawv daws mus hawm peb tus Huab Tais

4. Nws yug txom nyem pw ntawm, lub tsev nyuj nyob nruab teb.
Peb kav tsij nqa peb lub siab mus sov rau nws.
Tus yug los hlub peb, yog peb zeeg hlub nws lawm.
Los peb sawv daws mus saib nws, Los peb sawv daws mus hawm nws.
Los peb sawv daws mus hawm peb tus Huab Tais

Kev Thaj Yeeb.
(La Paix, oui la paix)

Phau ntawv liab Fab Kis teb: Phab A 57

1-Kev thaj kev thaj yeeb Huab Tais Yes Xus coj los
Kev thaj kev thaj yeeb Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev thaj kev thaj yeeb Huab Tais Yes Xus coj los

2-Kev zoo kev zoo siab Huab Tais Yes Xus coj los
Kev zoo kev zoo siab Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev zoo kev zoo siab Huab Tais Yes Xus coj los

3-Ua kwv tij neej tsav Huab Tais Yes Xus coj los
Ua kwv tij neej tsav Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Ua kwv tij neej tsav Huab Tais Yes Xus coj los


4-Kev sib nyiam sib hlub Huab Tais Yes Xus coj los
Kev sib nyiam sib hlub Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev sib nyiam sib hlub Huab Tais Yes Xus coj los

AS LES LUS YAS, YES XUS YUG LOS(tshiab)
Tu sau : YAJ Nyiaj Pheej
Muab suab : LIS Lwg Nyiaj
2012

As les lus yas, As les lus yas.
As les lus yas, Yes Xus yug los.

1- Yes Xus yug los, nyob hauv peb lub_ siab.
2- Yes Xus yug los, tas ntiaj-teb hu nkauj zoo siab.

As les lus yas, As les lus yas.
As les lus yas, Yes Xus yug los.

3- Yes Xus yug los, daws tib neeg kev txhaum.
4- Yes Xus yug los, qhia txoj-kev mus cuag Tswv Ntuj.

As les lus yas, As les lus yas.
As les lus yas, As les lus yas…
As les lus yas, As les lus yas.
As les lus yas, Yes Xus yug los.


Hawm Huab Tais.
(Il est né le divin enfant).

Txais: Peb mus hawm peb tus vaj yug los!
Peb yuav nqa peb lub siab mus rau nws
Nws pw hauv lub dab nyuj noj zaub
Peb hu nkauj cav txog nws yug los.

1-Ntuj tus Tshiab tuaj hais rau Mab Liab:
-Koj txoj hmoov zoo! koj yuav yus me tub!
Nws lub npe yog “Tswv Ntuj nrog peb”
Nws tseem hu ua Tswv Ntuj Leej Tub.”

Txais:

2- Mab Liab uas nyiam Tswv Ntuj tag nrho
Hais tias: -“Kuv yog Huab Tais ntxhais txib,
Nws ua rau kuv raws li koj hais.”
Ces nws txhos caug hawm Leej tswv Yim.

Txais:

3- Hmo no Huab tais Leej Tub yug los
Npes Les Hest sis muaj chaw rau nws
Cov neeg me xwb thiaj paub txais nws
Yog cov xub tau txais lub Moo Zoo.

Txais:
4- Peb yuav muaj lub siab txais Yes Xus
Txhob ua li Vaj Hes Los xav tua nws
Peb lub siab yuav tos ntsoov Huab tais
Xws li cov zov yaj thiab cov kws txuj.