Ua tsaug ntees.

1. yus ua luag tsaug ces ua li no xwb, muab piv txwv li ua muam phauj tsaug nawb.

ua koj tsaug mog muam phauj... yeeb vim peb tsev xyom cuab tsev ploj tuag tsev puas tsev ntsoog, qaug ib teeg nchuav
ib nkog lauj.. koj tsis cia li, koj toom txheej toom lis cab yag cab nco nyiaj kuv phem nto, tshav ntuj nto tuaj pab peb tsev xyom
cuab nta dab nta qhua ntseg log puav tam ncej txawb.. hnub qab nram ntsis peb tsev xyom cuab txawj lub neej ces yuav
nco koj tus txiaj tus ntsig mus ib txhis mog.. yog peb tsev xyom cuab tsis txawj ua neej ces yuav muab koj tus txiaj tus ntsig
nrauj ua tshav ua nag yaj xwb no lauj!..... ces yus pe luag xwb. ua tsaug cawv, yog thaum luag tseb cawv rau cov xyom
cuab haus. koj tsuas ntxiv lolus dej cawv hais li no ( nyiaj kuv phem nto tshav ntuj nto dej cawv nto) thiab thaum faib hauv qhua
su los koj tsuas ua li no xwb.

2. luag ua yus tsaug, piv txwv li yus yog muam phauj thiab, thaum luag ua yus tsaug, yus hais li no xwb.
txhob ua tsaug mog... vim nej tsev xyom cuab tsev ploj tsev tuag, tsev puas tsev ntsoog, qaug ib teeg nchuav ib nkog,
zoo puav tam dej nag ntws sib laub.. nyob li kuv muam phauj txawj ua neej ces nyiaj kuv phem nto tshav ntuj nto tuaj nrog nej
tsev xyom cuab nta dab nta qhua ntseg log puav tam ncej txawb lauj, kuv muam phauj ces twb tsis txawj ua neej, kuv
nyob kooj saub kev sis pluag xwb ces, muab yam tsis tsheej yam muaj tsis tsheej tsi, nyiaj kuv phem nto tshav ntuj nto los,
twb coj tuaj xiab tsis tau nej tsev xyom cuab ib tug ceg rooj xwb mog....... luag pe yus. yus txhob pe luag
yus tsuas rub luag tes kom sawv xwb.

yog thaum yus tseb cawv rau luag haus thiab faib hauv qhua su, es luag ua yus tsaug cawv, ces yus tsuas ntxiv lo dejcawv li
kuv hais saud thiab xwb, thaum luag ua yus tsaug cawv/ faib hauv qhua su, ces yus pauv hais li no,

kuv muam phauj tsis txawj ua neej, kuv nyob kooj saub kev sis pluag, nyiaj kuv phem nto tshav ntuj nto dej cawv nto tuaj tauv
tsis tau nej tsev xyom cuab lub kua muag mog... tshob ua tsaug lauj...( mog..) nyob ntawm yus nyiam hais.