HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Huab Tais Yesxus hlub Hmoob Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Huab Tais Yesxus hlub Hmoob

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Huab Tais Yesxus hlub Hmoob Empty Huab Tais Yesxus hlub Hmoob

    Post  Maiv Paj Lug 6th December 2010, 12:50 pm

    HUAB TAIS YESXUS HLUB HMOOB

    Huab Tais Yesxus hlub Hmoob Gods-l10


    Nyob zoo tsoom niam txiv kwv tij neej tsa txhua leej txhua tus yug los muaj lub npe hu ua Hmoob.

    Peb Hmoob nej puas paub hais tias peb muaj nqis li lwm haiv neeg?

    Nej puas paub hais tias peb tsis muaj teb muaj chaw hu ua Hmoob tus los peb tsis yog neeg seem?

    Kuv yuav qhia rau nej tias vim li cas peb ho muaj nqis npaum li lwm haiv neeg.


    Nyob hauv peb lub neej Hmoob, qhov peb tsis txawj sib hlub yog vim peb Hmoob pheej tsis txaus siab yug los rau hauv haiv neeg Hmoob uas tsis muaj teb muaj chaw.

    Peb tsuas liam quj qees tias yog Tswv Ntuj tsis hlub peb haiv Hmoob es nws thiaj tsis muab teb muab chaw rau peb haiv Hmoob nyob kom muaj tug li lwm haiv neeg. Peb mom Tswv ntuj txheej dhau txheej.

    Li no, kuv thov kom ib tsoom niam txiv kwv tij neej tsa sawv daws, nej tig los mloog tig los xav kom zoo zoo. Nej hloov siab hloov ntsws kom sai li sai tau.

    Peb yug los ua Hmoob, vim peb haiv Hmoob tsawg dua lwm haiv neeg, peb thiaj tsis muaj lub peev xwm ntaus tau ib lub teb chaws los ua peb tug. Tiam sis peb lub npe Hmoob, kuj txhais tau tias : neeg thaj yeeb tsis nyiam kev tsov rog, nyiam nyob ywj siab pem toj roob haus pes, nyiam ntiaj teb zoov ntsuab zoov tsuag , peb nyiam cov dej ntws toj siab txias zias laj siab ntxiag dua dej tauv pas hawv . Peb Hmoob yog pab neeg ntiaj teb Tswv Ntuj tsim los nyiam Nature dua txhua txhia haiv neeg. Peb thiaj yog cov tseem tseem nyob ze ze Tswv Ntuj.

    Vim li cas, thiaj li muaj ib txhia Hmoob hais tias YESXUS yog lwm haiv neeg tus Huab Tais xwb, peb Hmoob mus muab luag lwm haiv neeg tus Huab Tais los ua peb tug?

    Qhov no vim tias peb haiv Hmoob, tsis nyiam kawm ntaub kawm ntawv, peb niam peb txiv lawv ib txwm nyob toj siab, tej laus thaum ub kev khwv noj khwv haus yog daim av thiab lub ntuj pov, peb yoog tau Nkauj Iab Nraug OO thawj tus me tub Kas Ees kev khwv hauv daim av ua noj xwb. Qhov no peb tej laus thiaj tsis nrhiav txoj kev mus kawm txuj kawm ci, peb haiv Hmoob thiaj poob qab deb heev ntawm lwm haiv neeg.

    Txawm li no los peb kev poob qab twb dhau tau 60 lub xyoo los no lawm, nim no peb yuav luag txhua tus tub txhua tus ntxhais txawj ntse li lwm haiv neeg.

    Yog vim li cas peb haj tseem hais tias YESXUS tsis yog peb tus Huab Tais? Nej puas paub hais tias TSWV NTUJ khuv leej peb npaum li cas? TSWV NTUJ pab peb haiv Hmoob npaum li cas? TSWV NTUJ kuj yuav tsis cia kom txhua tus Hmoob khiav tsov rog ciaj nyob ntiaj teb , vim TSWV NTUJ cov pej xeem Is Xas Yees twb txawj tuag coob thiab ntau npaum li ntawv thaum lawv khiav tsov rog tib yam.

    Peb Hmoob ib txhia txawm tas sim neej rau kev tso rog lawm los ib txhia twb tseem ciaj lub noob Hmoob los yug me tub me nyuam puv lub qab ntuj khwb no neb? Yog vim li cas peb haj tseem tuam taw nce ntuj tawm tsam peb tus HUAB TAIS? TSWV NTUJ tsis xav txuag peb haiv Hmoob kuj tau! tiam sis TSWV NTUJ yog TSWV NTUJ tiag tiag, nws twb tsim tau peb nws thiaj tseem cia peb ciaj tsob noob Hmoob los txog niaj hnub nim no.

    Ib lub noob nplej, muab cog yuav ciaj txhawv los tau 100 lub noob nplej rov los. Yog vim li no peb kev tso siab rau TSWV NTUJ tseem yuav muaj loj zuj zus xwb.

    VIM LI CAS kuv thiaj hais tias YESXUS hlub peb tsoom Hmoob heev? Vim hais tias, peb Hmoob ib txwm nyob pem toj siab, toj roob haus pes, peb yeej tsis paub txog YESXUS. Tiam sis YESXUS kuj khuv leej txog peb, YESXUS muaj lwb peev xwm tshoj neeg pej kum kom luag muaj siab tuaj mus qhia rau peb Hmoob kom paub txog YESXUS tib si. Txawm yuav siv pes tsawg txheej pes tsawg tiam qhia YESXUS tej lus thiaj los txog peb haiv Hmoob los YESXUS twb sib tau 2000 xyoo thiaj mam los txog peb Hmoob.

    Peb Hmoob! TSWV NTUJ yeej tsis tu siab rau nej li nawb, vim nej yog cov paub txog YESXUS puag tom qab, tab sis hnub no kuv thov nej cia li mloog kiag HUAB TAIS YESXUS lub suab hu nej nawd mog. Vim tias ntuj lub ceeb tsheej twb los txog lawm. luag lwm haiv neeg, luag twb tau ntuj ceeb tsheej tag, tsuas tshuav peb haiv Hmoob thiaj tseem lawv qab , nej cia li los peb rau siab mog. Rau siab nrhiav peb txoj hauv kev kom peb tau mus hauv TSWV NTUJ lub teb chaws tawg paj kaj nrig thaj yeeb mus ib txhis. Luag lwm haiv neeg twb muaj cov ciaj Leej Ntshiab tag, hos peb tsoom Hmoob nyuam qhuav muaj chov los ciaj Txiv Plig thiab Xib Hwb xwb, yog li thov nej los peb rau siab txhob so kom peb thiaj li tau NTuj Ceeb Tsheej li luag lwm haiv neeg. Li tej laus ib niaj txws piv tias, thaum luag tsaj tsis nrog luag tsaj, thaum luag noj ces ua dev nuam yaj, yog peb tsis mob siab nrog luag lwm haiv neeg sib tw nrhiav TSWV NTUJ, peb pheej yuav peb zaj, niaj hnub ua xyeem xyav ,ua cuj cas li niaj hnub nim no xwb ces, thaum luag tau kev mus nyob thaj yeeb, luag tau kev kaj siab mus ib txhis hos peb Hmoob ces mus lawm hauv hav dej kub dej npau, hawv ntuj txias teb tsaus xwb xwb, nej puas zoo siab?.


    TSWV NTUJ tsim Txiv Neej kom los tiv thaiv poj niam me nyuam, tsis yog yuav tsim los ntaus pojniam me nyuam, tsis yog tsim los kom mus txeeb mus ntshaw luag tug. Peb txiv neej ib leeg muaj ib tug uas ntuj tsim thiab faib rau peb, cia peb tso phluav txoj kev mus ntshaw luag tug mog. Peb laus zuj zus, peb yuav tsum txawj txaj muag tias peb tsis phim lwm tus npaum tus TSWV NTUJ faib rau peb thaum tseem hluas hluas. Nyias yuav tsum hlub hlub nyias tus kom mus tag ib sim. Yus tus hlub nws laus laus kaum muag poob tas, los yus sim muab iav saib yus seb? yus twb laus laus kaum muag poob tag tib yam. Yus thiab yus tus thiaj sib phim, lwm tus yuav tsis phim yus tus, thiab yus los yuav tsis phim lwm tus lawm os mog.

    TSWV NTUJ tsim poj niam kom peb hlub hlub peb tus txiv, kom qhov qab qhov tsuag peb cev rau nws ua tus noj, peb hlub nws, vim nws yog tus yuav los tuav peb lub cuab yeeb cuab tam, yog peb muab peb tus txiv tsuj ntiag ntawm taw lawm ces yam li peb tsis yuav TSWV NTUJ txoj cai, peb mus ua peb txoj cai los kav los khoo peb tus txiv kom luag qhuas tias peb txawj ntse. Tiam sis qhov tseeb peb ruam tshaj tus ruam, peb thiaj li tsuj peb tus txiv ntawm taw. Peb yog pojniam, peb yuav tsum yog tus qhuab qhia me tub me nyuam kom xyaum qhov zoo, kom hwm leej txiv thiaj hlub tej hlob tej yau. Peb yuav tsis txhob qhia me nyuam mus ntxeev siab phem rau peb txiv. Peb yuav tsum txawj cob, txawj nthe kom lawv mloog peb. Peb Pojniam lub hom phiaj yog los ua tus kav me tub me nyuam, qhia kom txajw ntse.


    Kuv yog ib tug me nyuam Hmoob, thiab kuv tsis txaj muag qhia tias kuv ntseeg YESXUS, kuv ntseeg tias muaj TSWV NTUJ hlub kuv tshaj plaws txhua yam. Hauv kuv lub neej, kuv yug los txog niaj hnub nim no kuv mam paub, kuv mam pom tias kuv yog me nyuam Hmoob, kuv muaj ib tug HUAB TAIS saib kuv zoo heev, kuv yeej tsis ntshaw tej huab tais nyob ntiaj teb no, vim kuv tus HUAB TAIS yog tus HUAB TAIS ntawm lwm cov Huab Tais tiag tiag . Kuv zoo siab tias kuv yog HUAB TAIS YESXUS tus me ntxhais, nyob ntawm kuv lub hauv npliaj, muaj lub cim yug ntaus rau kuv qhia kuv tias kuv yog Ntxhais huab tais, yuav tsis muaj leej twg ua tau phem rau kuv, vim kuv muaj kuv txiv HUAB TAIS ua tus pov hwm kuv .

    Kuv cov lus hnub no, tej zaum yuav ua rau ib co neeg coob leej ntau tus laj nyeem nkees nyeem thiab laj mloog, tiam sis yog leej twg tau nyeem, yuav txawj hloov siab hloov ntsws, yog tus twg thuam kuv thiab cem kuv, los tsis ua li cas, vim HUAB TAIS YESXUS yog tus hlub kuv.


    May Paj Lug

    Huab Tais Yesxus hlub Hmoob Hmong_10


    Last edited by Maiv Paj Lug on 17th March 2012, 12:44 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Huab Tais Yesxus hlub Hmoob Empty Re: Huab Tais Yesxus hlub Hmoob

    Post  Maiv Tooj 6th December 2010, 10:18 pm



    TSWV NTUJ HLUB HMOOB

    Tswv Ntuj xav los nyob hauv peb kom peb thiaj yuav paub nws
    thiab tau txais Nws txoj kev hlub.
    Thaum ub Tswv Ntuj tau tso siv ib cov yaj saub los tshaj
    nws tej lus rau cov yawg koob His Xas Lais.
    Nws tau cog lus rau peb tias nws yuav cawm peb ntawm peb
    txoj kev nyuab siab ntxov plawv hauv lub sim ceeb no,
    kom peb tau mus nrog nws nyob muaj koob meej nto moo
    lug saum Ntuj Ceeb Tsheej.
    Hnub no pom tau tias Tswv Ntuj HLUB thiab Cawm Peb Haiv Hmoob.
    Peb twb tsis tau mus txog NWS lub ceeb tsheej,
    Peb twb tau zoo, tsis ua los tau noj,
    tsis khwv los nyiaj poob saum ntuj los.
    Tau nyob ua si lom zem xyiv fab hlo,
    es peb tseem yuav tos dab tsi ntxiv...?

    PUAS YOG PEB TOS TXOJ KEV SIB HLUB XWB.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Huab Tais Yesxus hlub Hmoob Empty Re: Huab Tais Yesxus hlub Hmoob

    Post  Mim 7th December 2010, 4:45 pm

    Maiv Paj Lug thiab tais Tooj,

    Tau ntau hnub no lawm uas kuv tsis tau tuaj sau dab tsi li lawm os...

    Hnub no kuv xav tuajhais me ntsis txog ntawm Maiv Paj Lug lo lus uas nws sau tias: "Vim li cas, thiaj li muaj ib txhia Hmoob hais tias YESXUS yog lwm haiv neeg tus Huab Tais xwb, peb Hmoob mus muab luag lwm haiv neeg tus Huab Tais los ua peb tug?"
    Yog peb tsis to taub txog kev ntseeg Ntuj thiab yog peb xav rau ntawm neeg ntiaj teb xwb ces kuj muaj ntsis yog zoo li Hmoob lo lus ntawd thiab.
    Tiam sis thaum peb los ntseeg Ntuj lawm mas peb yuav tsum kawm kom peb to taub txoj kev ntseeg lub ntsiab meej meej ces peb yuav tsis hais li Hmoob cov lus ntawd lawm.

    Yog li lub ntsiab tseeb ntawm txoj kev ntseeg ntuj ho yog li cas? Lub ntsiab tseeb yog qhov tias Tswv Ntuj thiaj yog tus tseem Tswv tiag, nws yog tus tsim lub ntuj lub teb tsim tas txhua tsav txhua yam thiab tsim noob neej, yog li ntawd tsim nyog kom peb yuav tsum hwm nws teev nws ib leeg xwb. Peb yeej yuav tsum hwm peb niam peb txiv peb poj koob yawm txwv thiab, tiam sis peb tsuas yog hwm lawv xwb, tus peb yuav teev yog Tswv Ntuj.
    Tswv Ntuj yog txhua leej txhua tus tus Tswv, thiab nws yog txhua haiv neeg tus Tswv, vim nws yog tus tsim tag sawv daws, peb hais tsis tau tias yog haiv neegtwg tus tswv xwb.

    Yog vim li cas peb ho tsis cia li ntseeg Tswv Ntuj xwb, es peb ho yuav tsum ntseeg Yes Xus thiab? Yog peb ntseeg Tswv Ntuj ces peb yeej yuav tsum ntseeg Yes Xus nrog, vim Yes Xus twb yog Tswv Ntuj. Peb ntseeg hais tias Yes Xus yog Tswv Ntuj leej Tub uas yug los ua neeg. Tiam sis nws tsis yog xav los ua neeg ces cia li yug los xwb. Qhov nws yug los ua neeg yog vim nws xav los cawm ntiaj teb neeg ntawm txoj kev txhaum uas yog txoj kev ua dab phem qhev.

    Yog vim li cas neeg thiaj poob rau kev txhaum los yog kev ua dab phem qhev? Vim thaum ntuj tsim teb raug, peb poj koob yawm koob tau ua txhaum tsis mloog li Tswv Ntuj qhia, ces noob neej tas nrho poob rau txoj kev txhaum tsis mloog lus ntawd lawm. Tsuas yog Yes Xus thiaj los cawm tau noob neej xwb. Nws muab nws roj ntsha nws txoj kev txom nyem kev tuag los cawm noob neej. Txoj kev cawm seej yeej muaj nyob rau ntawd rau txhua leej txhua tus lawm. Tiam sis Tswv Ntuj kuj tseem tso cai rau txhua leej txhua tus xaiv nws txoj kev taug thiab. Tswv Ntuj tsis tuaj yuam peb tas nrho kom sawv daws yuav tsum tau mloog thiab ntseegTswv Ntujxwb. Nws tso rau peb xaiv. Yog vim li ntawd thiaj muaj ib txhia neeg tab txawm lawv twb paub txog Tswv Ntuj los lawv tsis kam los ntseeg li.

    Peb txoj kev ntseeg ntuj qhia rau peb tias, peb yug los ua neeg, tsuas yog yug los kom tau paub Tswv Ntuj thiab nyiam Tswv Ntuj xwb ces thaum txog yus hnub kawg txoj sia, yus thiaj tau mus nrog Tswv Ntuj nyob.

    Yog li ntawd yog peb to taub peb txoj kev ntseeg zoo mas peb yuav tsis hais tias peb tsis kam ntseeg Yes Xus, vim nws yog luag lwm haiv neeg tus Tswv xwb, tiam sis peb yuav mob siab ntseeg zoo thiab peb tseem yuav xav kom tas yus cov neeg txheeb neeg ze cov yus paub los ntseeg Yes Xus tib si, vim yus xav kom thaum txog hnub kawg sawv daws tau mus nyob kaj siab lug nrog Tswv Ntuj.

    Thiab yog peb to taub peb txoj kev ntseeg zoo mas peb yeej to taub hais tias Yes Xus hlub peb haiv Hmoob ib yam li nws hlub lwm haiv neeg. Tiam sis peb yuav tsum ntseeg nws nyiam nws mas nws thiaj li yuav pub nws tej txiaj ntsim hwj huam rau peb pom. Yog peb lam ntseeg ntawm lo lus xwb peb lub siab twb tsis ntseeg tiag, nws yuav ua as pub txiaj ntsim rau peb?


    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Huab Tais Yesxus hlub Hmoob Empty Re: Huab Tais Yesxus hlub Hmoob

    Post  Maiv Paj Lug 8th December 2010, 10:57 am

    Mim thiab Maiv Tooj,

    Tau 2 3 hnub no ces yuav txog Christmas, kuv hauj lwm muaj commande ntau li ntau, kuv los txog tsev ces twb lig lawm sab thiab ces sau tsis tau dab tsi ntau li, kuv zoo siab neb tseem tuaj sau tau zoo kawg txuas ntxiv hauv no thiab. Peb ua neeg nyob ces yeej xav kom ib leeg coj ib zaj kev ntseeg tuaj piav, tuaj sib qhia li no kom txhua leej txhua tus thiaj tau kev koom siab ntawm txoj kev ntseeg. Huab Tais Ntuj nrog neb nyob ua neb siab kaj lug nawb. Kuv muaj caij mam rov qab tuaj sau ntxiv.


    Sponsored content


    Huab Tais Yesxus hlub Hmoob Empty Re: Huab Tais Yesxus hlub Hmoob

    Post  Sponsored content


      Current date/time is 18th March 2024, 7:58 pm