HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


NTUJ KEV CAI  lub ntsiab Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    NTUJ KEV CAI lub ntsiab

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty NTUJ KEV CAI lub ntsiab

    Post  Maiv Tooj 1st May 2011, 2:10 am



    NTUJ KEV CAI  lub ntsiab Couvrt10

    NTUJ KEV CAI  lub ntsiab Coollo22


    ZAJ IB

    PEB LOS NYOB NTIAJ TEB NO KOM PEB TAU UA DAB TSI?


    I. RAWS LI HMOOB XAV, yus los ua neeg nyob ntiaj teb no, yus los ua dab tsi?


    Yus los nyob ntiaj teb nov mas yus xav nrhiav txoj kev noj qab nyob zoo.
    Yus kawm ntawv kom yus tau ib txoj hauj lwm zoo.
    Yus siv zog khwv nrhiav nyiaj kom yus tau muas tas ib puas tsav yam.
    Yus ntshaw tej yam zoo, yus muab siab rau maim xwm txheej vim yus nrhiav txoj kev kaj lug.

    II. RAWS LI HUAB TAIS NTUJ XAV, yus los ua neeg nyob ntiaj teb no, yus los ua dab tsi?


    Raws li Huab Tais Ntuj xav yus los ua neeg nyob ntiaj teb no kom yus tau noj qab nyob zoo nyob hauv txoj kev paub Huab tais Ntuj, thiab nyiam Huab Tais Ntuj thiab mloog Huab Tais Ntuj.
    Peb los nyob ntiaj teb teb no kom peb tau ntsib Huab Tais Ntuj, teev Huab Tais Ntuj, nyiam Huab Tais Ntuj thiab nyiam luag tej ib yam li Huab Tais Ntuj nyiam.
    Tswv Ntuj tsim peb los ua neeg kom peb paub Tswv Ntuj, tsob hwb nws, nyiam nws, cav txog nws thiab koom nws txoj sia nyob ntiaj teb no thiab nyob saum Ntuj.


    Yus xav txog Has Nplas lub neej thiab Has Nplas lub siab.


    -Thaum Has Nplas tseem tsis tau ntsib Huab Tais Ntuj, Has Nplas lub siab zoo li cas?

    -Thaum Huab Tais Ntuj hu Has Nplas, Has Nplas zoo li cas?

    III. KAWM NTUJ KEV CAI LUB NTSIAB.


    Huab Tais Ntuj hais rau Has Nplas tias:

    "Koj yuav tso teb chaws no tseg,
    "Koj yuav tso koj txiv lub tsev tseg,
    "Koj yuav tso koj cov kwv tij tseg,
    "Koj yuav mus lawm ib lub teb chaws uas kuv yuav qhia rau koj.
    "Koj mloog kuv, kuv yuav ua kom koj lub npe nto moo zoo.

    Peb nyob ntiaj teb no kom peb tau ntsib Huab Tais Ntuj thiab kom peb tau nyiam Huab Tais Ntuj.
    Peb txhiaj li tau nyob hauv Huab Tais Ntuj lub Ceeb Tsheej.


    IV. LO LUS PIAV.

    1. Ib txwm Hmoob paub Ntuj me ntsis thiab Hmoob hu txog Ntuj, tiam sis Hmoob tsis paub Huab Tais Ntuj lub siab.
    2. Thaum yus ntsib Huab Tais Ntuj yus mam paub tias Huab Tais Ntuj yog ib tug Huab Tais siab zoo, yog yus Txiv nyob saum Ntuj.
    3. Thaum yus paub Huab Tais Ntuj, yus yuav tsum ntseeg txog nws, tso siab rau nws thiab nyiam nws. Yus yuav mloog Huab Tais Ntuj.
    4. Yus ntseeg Huab Tais Ntuj thiab yuav nyiam Huab Tais Ntuj, yus mloog Huab Tais Ntuj lub siab, yus mam li muaj Huab Tais Ntuj txoj sia yam li:
    -Yus nrog Huab Tais Ntuj ua ib lub siab,
    -Yus nrog Huab Tais Ntuj nyob hauv nws lub teb chaws (lub Ceeb Tsheej).
    5. Yus nrog Huab Tais Ntuj ua ib lub siab, ces yus yuav zoo siab tas nrho vim yus tau ib yam muaj nqis tshaj tas ib puas tsav yam nyob ntiaj teb no.

    V. UA KE CAV TXOG HUAB TAIS NTUJ.

    Peb ntsib Huab Tais Ntuj lawm,
    peb sawv daws ua ke cav txog peb tus Huab Tais,
    peb sawv daws qog cov lus no:
    1. Peb tus Huab Tais/ nyem no peb tau ntsib koj lawm/ yog vim koj xaiv peb/ los ua koj cov me nyuam/ peb ua koj tsaug.
    2. Peb tus Huab Tais Tswv Ntuj/ peb nyob hauv koj txhais tes/ peb nyob ntawm koj xub ntiag/ peb lub siab dai dhuam rau koj.
    3. Peb tus Huab tais Tswv Ntuj/ koj nyob pem koj lub Ceeb Tsheej/ koj muaj hwj chim kawg/ peb xav mus pom koj lub Ceeb Tsheej zoo saib.
    4. Huab Tais Yes Xus/ peb saib koj lub Ceeb Tsheej muaj nqes dua ib xab kub/ peb xav ua Ntuj kev cai/ tsis muaj ib yam dab tsi/ yuav ua kom peb thim Ntuj kev cai/ koj pab kom peb ntseeg Ntuj kev cai mus li.

    VI. LO LUS NTUAS

    Huab Tais Ntuj hais rau Has Nplas tias:

    "Koj yuav tso teb chaws no tseg,
    "Koj yuav tso koj txiv lub tsev tseg,
    "Koj yuav tso koj cov kwv tij tseg,
    "Koj yuav mus lawm ib lub teb chaws uas kuv yuav qhia rau koj.
    "Koj mloog kuv, kuv yuav ua kom koj lub npe nto moo zoo.

    Kuv yuav nco ntsoov txog Huab Tais Ntuj, kuv yuav hais rau nws tias:
    "Huab Tais, kuv tus Huab Tais, kuv nrhiav koj,
    "kuv lub siab nqhis txog koj,
    "kuv lub cev seev yees txog koj xws li av qhuav qhawv xav tau dej.


    VII. ZAJ XAV TSWV YIM.


    1. Thaum yus tseem tsis tau paub Huab Tais Ntuj, yus xav tias txoj kev noj qab nyob zoo yog ib txog kev zoo li cas?
    Thaum yus paub Huab Tais Ntuj lawm, yus ho xav tias txoj kev noj qab nyob zoo yog ib txog kev zoo li cas?

    2. Thaum Has Nplas tseem tsis tau paub Huab tais Ntuj, mas Has Nplas lub siab xav li cas?

    3. Yus hais tias yus ntseeg txog Huab Tais Ntuj tiam sis yus tsis mloog nws thiab yus tsis hloov yus lub siab. Ua li ntawd yus puas ntsib Huab Tais Ntuj tiag tiag?

    4. Nyob hauv Ntawv Faj Lem los yog Ntawv Moo Zoo, yus puas paub tej tug neeg uas thaum lawv ntsib Huab Tais Ntuj los Huab Tais Yes Xus ua rau lawv hloov siab tas nrho?

    5. Txij thaum yus ntsib Huab Tais Ntuj, yus puas hloov yus lub siab?
    Yus yuav hloov li cas?



    Last edited by Maiv Tooj on 6th October 2012, 7:45 am; edited 14 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 3rd May 2011, 5:25 am


    NTUJ KEV CAI  lub ntsiab Coollo11

    ZAJ OB

    1.RAWS LI HMOOB XAV:

    Muaj lub ntuj nyob puag saud, tiam sis lub ntiaj teb nyob hauv dab TXHAIS TES.
    Yog yus noj qab nyob zoo, yog vim dab pov hwm yus, dab tsis ua phem rau yus.
    Yog yus nyob tsis zoo, yog vim dab ua phem rau yus.

    II. RAWS LI HUAB TAIS NTUJ QHIA:

    Tas lub ntiaj teb neeg nyob hauv Huab Tais Ntuj txhais tes.
    Niaj hnub Huab Tais Ntuj tsim tas ib puas tsav yam los nyob ntiaj teb no thiab nyob saum Ntuj.
    Niaj hnub Huab Tais Ntuj kav tas ib puas tsav yam nyob ntiaj teb no thiab nyob saum Ntuj.
    Tas lub ntiaj teb nyob hauv Huab Tais Ntuj txhais tes.

    III. KAWM NTUJ KEV CAI LUB NTSIAB.

    -Ntawv Faj Lem hais tias:
    “ Thaum haus paus Huab Tais Ntuj tsim Ntuj tsis teb, mas lub ntiaj teb muaj tseem tsis tau txhua.
    “ Tsis muaj dab tsi nyob hauv lub ntiaj teb.
    “Huab Tais Ntuj lub tswv yim yuj saum nplaim dej.

    ***********************

    “Huab Tais Ntuj tsim tau li ntawd los, mas txhiaj li muaj Ntuj muaj teb, muaj tas ib puas tsav yam nyob hauv lub sim ceeb.

    Huab Tais Ntuj yog leej twg?

    Huab Tais Ntuj yog tus tsim Ntuj tsim teb tsim tas ib puas tsav yam, yog tus kav Ntuj kav teb kav tas ib puas tsav yam.

    IV. LOS LUS PIAV.

    1. Yuav saib zaj hais txog Huab Tais Ntuj tsim Ntuj tsis teb (nyob hauv phau Ntawv Faj Lem).
    2. Thaum tseem tsis tau muaj dab tsi nyob hauv lub sim ceeb, Huab Tais Ntuj twb xub nyob.
    3. Thaum lub hauv paus Huab Tais Ntuj tsim ntuj tsim teb, tsim ib puas tsav yam.
    4. Huab Tais Ntuj hais ib los lus, ces tas ib puas tsav yam cia li tawm tuaj nyob ntiaj teb no, nyob saum ntuj thiab nyob hauv dej.
    5. Niaj hnub Huab Tais Ntuj kav lub Ntuj thiab lub ntiaj teb no. Tas ib puas tsav yam nyob hauv nws txhais tes.
    6. Huab Tais Ntuj muaj hwj chim tag nrho.
    7. Peb yuav hwm Huab Tais Ntuj. Peb yuav cav txog Huab Tais Ntuj. Peb yuav mloog Huab Tais Ntuj lus.

    V. UA KE CAV TSOG HUAB TAIS NTUJ.

    Tus Huab Tais kav teb hu peb los nyob hauv pab neeg teev nws.
    Peb sawv daws ua ke cav txog Tswv Ntuj.
    Peb sawv daws qog cov lus no:
    1. Huab Tais tsim Ntuj tsim teb/ koj tsim tau lub sim ceeb loj tas nrho/ koj muaj hwj huam/ peb qhuas txog koj lub hwj huam.
    2. Huab Tais tsim Ntuj tsim teb/ koj coj tas ib puas tsav yam/ koj txhais tes nres sawv daws/ tas sawv daws zoo siab nyob hauv koj txhais tes/ tas sawv daws tso siab rau koj.
    3. Huab Tais Tswv Ntuj / koj kav tas ib puas tsav yam/ koj yog tus Huab Tais kav peb/ peb xav mloog koj cov lus qhia.
    4. Huab Tais Tswv Ntuj:/ koj xaiv peb los teev koj/ peb niaj hnub xav ua koj tsaug/ vim koj loj tshaj tas sawv daws.

    VI. LOS LUS NTUAS.

    Niaj hnub peb pom tas ib puas tsav yam nyob saum ntuj thiab nyob hauv ntiaj teb no, mas peb yuav nco txog tus tswv kav tas ib puas tsav yam ntawd.

    Peb yuav hais rau Huab Tais Ntuj tias:
    « Tas ib puas tsav yam tawm ntawm Huab Tais Ntuj txhais tes los, nej cav lus zoo txog Huab Tais Ntuj…
    « Peb cav lus zoo txog Huab Tais Leej Txiv, txog Huab tais Leej Tub, txog Huab tais Leej Ntuj Plig.
    « Lub hwj xyeem nyob ncig nws, lo lus cav nyob mus li txog nws.

    VII. ZAJ XAV TSWV YIM

    1. Nyob hauv Ntawv Faj Lem, thaum yus twm zaj hais txog Huab Tais Ntuj tsim Ntuj tsim teb, yus yuav tsum nco txog 3 lo lus qhia ; yog lo lus twg thiab los lus twg ?
    2. Niaj hnub Huab Tais Ntuj kav teb kav tas ib puas tsav yam zoo li cas ?
    3. Vim li cas peb yuav tsis txaj muag teev tus Huab Tais tsim Ntuj tsim teb, kav Ntuj kav teb, kav tas ib puas tsav yam ?
    4. Thaum yus sawv los yus mus pw, yus yuav ua zoo li cas yus thiaj li yuav nco ntsoov tias yus nyob hauv Huab Tais Ntuj txhais tes ?


    NTUJ KEV CAI  lub ntsiab 03b97610


    Last edited by Maiv Tooj on 2nd April 2012, 3:25 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 4th May 2011, 8:47 am


    NTUJ KEV CAI  lub ntsiab Coollo23
    NTUJ KEV CAI  lub ntsiab Coollo24
    NTUJ KEV CAI  lub ntsiab Coollo25




    ZAJ PEB

    FEEM IB : RAWS LI HMOOB XAV.

    -Raws li Hmoob xav, Tswv Ntuj yog ib tug Tswv Ntuj loj tag puas tsav yam.
    - Raws li Hmoob xav, Tswv Ntuj nyob tas qhov txhia chaw; nws nyob puag txheej ntuj saud thiab puag txheej av hauv.
    - Raws li Hmoob xav, neeg pom tsis tau Tswv Ntuj ib zaug.

    FEEM OB: RAWS LI HUAB TAIS NTUJ QHIA.

    Nyob hauv Ntawv Faj Lem, nyob hauv Ntawv Moo Zoo, Huab Tais Ntuj qhia txog nws hais tias:

    1. Huab Tais Ntuj yog ib tug tseem Huab Tais.
    Nyob hauv lub vaj lom zem, Huab Tais Ntuj nrog neeg nyob. Huab Tais Ntuj txawj qhia neeg, txawj npau taws, txawj ntuas neeg, txawj zam rau neeg txhaum.

    2. Huab Tais Ntuj yog ib tug Huab Tais loj tshaj sawv daws, tiam sis Huab Tais Ntuj tsis mauj lub cev, nws zoo li ib cov cua thiab neeg qhov muag pom tsis tau nws.
    Huab Tais Ntuj tsis pub His Xas Lais puab Huab Tais Ntuj tus mlom. (Xyuas His Xas lais kwv huam thiab Es Lis ntsib H.T.N nyob saum lub roob Hos Les.
    3. Huab Tais Ntuj nyob tas qhov txhia chaw.
    4. Huab Tais Ntuj paub tas ib puas tsav yam nyob hauv neeg lub siab lub ntsws, paub yav dhau los, niaj hnub, yav tom ntej.

    FEEM PLAUB: KAWM NTUJ KEV CAI LUB NTSIAB.

    1. “Huab Tais koj pom tas kuv tej me siab ntsws, koj paub tas zaj kuv xav.
    “kuv xav tias tsaus ntuj koj yuav tsis pom kuv,
    “Tiam sis hmo ntuj koj pom kev puav tam nruab hnub.

    2.Peb tsis pom Huab Tais Ntuj yog vim li cas ?
    Tos peb tsis pom Huab Tais Ntuj yog vim nws tsis muaj lub cev, tsis muaj lub ntsej muag, nws yog tseem tswv yim.
    3. Huab Tais Ntuj nyob qhov twg ?
    Huab Tais Ntuj nyob tas txhua qhov chaw, nws pom tas ib puas tsav yam, nws paub tas ib puas tsav yam.

    FEEM TSIB : LO LUS PIAV.

    1. Neeg pom tsis tau Huab Tais Ntuj, vim Huab Tais Ntuj tsis zwm rau lub cev nqaij. Huab Tais Ntuj muaj ib lub tswv yim thiab ib lub siab zoo tas nrho.
    2. Huab Tais Ntuj ib txwm nyob los thiab nws yuav nyob mus li tas ib txhiab ib txhis.
    3. Huab Tais Ntuj nyob qhov twg kuj tau tas tib si; nyob saum Ntuj, los puas hauv av los yog nyob hauv neeg lub siab.
    4. Huab Tais Ntuj pom tas ib puas tsav yam nyob hauv neeg lub siab ntsws.
    5. Peb yuav cav txog Huab Tais Ntuj lub hwj chim tas nrho vim nws tsis muaj ib lub cev nqaij.
    6. Peb yuav nco ntsoov tias peb nyob ntawm Huab Tais Ntuj xub ntiag.
    7. Peb yuav nco ntsoov tias Huab Tais Ntuj nyob hauv peb lub siab.

    FEEM RAU: UA KE CAV TXOG HUAB TAIS.

    Sawv daws yuav cav txog peb tug tseem Huab tais uas nws yog tseem Tswv Yim thiab nyob mus li.

    Peb qog cov lus no:
    1. Huab Tais Tswv Ntuj / koj yog lub tswv yim loj/ koj kav lub Ntuj lub teb/ peb hwm koj.
    2. Huab Tais Tswv Ntuj/ koj yog Leej tswv Yim Ntshiab txhib tas lub ntiaj teb/ peb xav mloog koj.
    3. Huab Tais Tswv Ntuj/ thaum tseem tsis tau muaj cov roob/ thaum lub ntiaj teb tsis tau yug los/ thaum lub sim ceeb tseem tsis tau xeeb los/ koj yeej ib txwm nyob/ koj yog tus Huab Tais nyob mus li.
    4. Huab Tais Leej Txiv/ Huab tais Leej Tub/ Huab Tais Leej Ntuj Plig/ muaj koob meej nto moo lug/ lub zim txwv no mus txog fab lwm txheej/ xws li txheej laus thaud los. Ua li.
    5. Ntuj Txiv/ koj nyob tas qhov txhia chaw/ tas lub Ntuj lub teb yog lub tsev koj nyob/ tas lub ntiaj teb yog koj lub loog.
    6. Peb tus Huab Tais Tswv Ntuj/ koj paub tas puas tsav yam/ tab ib lo lus kuv tsis tau hais tawm los koj xub paub/ kuv xav muaj ib lub siab dawb.

    FEEM XYA: LO LUS NTUAS:

    -Niaj hnub peb nco ntsoov tias Huab Tais Ntuj muaj hwj chim loj kawg. Nws ib txwm nyob thiab nyob mus li.
    -Peb yuav nco ntsoov tias Huab Tais Ntuj paub tas ib puas tsav yam nyob hauv neeg lub siab.
    -Peb yuav nquag hais rau Huab Tais Ntuj tias:
    “Huab Tais, koj pom kuv tej me siab ntsws, koj paub tas tej kuv xav…


    FEEM YIM: ZAJ XAV TSWV YIM.

    1. Yus muaj ib lub tswv yim thiab ib lub cev nrog puas zoo dua yus muaj ib lub tswv yim xwb? Vim li cas?
    2. Vim li cas peb tias peb tsim txiaj muaj nqes dua ib tug tsiaj?
    3. Puas muaj neeg pom dua Huab Tais Ntuj?
    4. Vim li cas peb hais tias Huab Tais Ntuj nyob tas qhov txhia chaw kuj tau?
    5. Vim li cas Huab Tais Ntuj txwv tsis kheev cov His xas Lais puab Huab Tais Ntuj tus mlom?
    6. Vim li cas peb hais tias Huab Tais Ntuj pom tas neeg lub siab lub ntsws?

    NTUJ KEV CAI  lub ntsiab Perle-10


    Last edited by Maiv Tooj on 10th April 2012, 6:23 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 14th May 2011, 9:27 am

    NTUJ KEV CAI  lub ntsiab Coollo36

    Zaj plaub

    FEEM ib: RAWS LI HMOOB XAV.

    Raws li Hmoob xav, Tswv Ntuj muaj hwj chim tas nrho, Tswv Ntuj nyob deb ntawm peb cov neeg, thiab nws tsis tshua xav txog cov neeg nyob ntiaj teb no. Neeg tsis lam hu txog Tswv Ntuj lub npe, vim Hmoob ntshai Ntuj.
    -Raws li Hmoob xav, Tswv Ntuj muaj ib lub siab zoo, Tswv Ntuj tsis lam ua phem rau cov neeg nyob ntiaj teb no, nws tsis lam tuaj zes neeg.
    -Raws li Hmoob xav , Tswv Ntuj muaj lub siab ncaj. Tswv Ntuj ua zoo rau cov neeg siab zoo thiab nws nplua cov neeg siab phem.

    FEEM OB:RAWS LI HUAB TAIS NTUJ QHIA.

    Huab Tais Ntuj pib qhia nws lub siab rau peb nyob hauv Ntawv Faj Lem. Yes Xus qhia tas Huab Tais Ntuj lub siab rau nyob hauv Ntawv Moo Zoo.

    1- Huab Tais Ntuj yog ib tug Huab Tais siab ntshiab (xyuas zaj hais txog Huab Tais Ntuj xaiv tus Yaj Saub His Xais.
    2- Huab Tais Ntuj yog ib tug Huab Tais siab zoo. Yes Xus hais tias Huab Tais Ntuj ua sawv daws Txiv: Nws pub ntau yam txiaj ntsim rau neeg; nws hlub thiab pov hwm sawv daws.
    3- Huab Tais Ntuj yog ib tug Huab Tais siab ncaj. (xyuas zaj hais txog Nos Hes thiab cov neeg txhaum. Huab Tais Ntuj ua zoo rau cov neeg vam txog nws. Huab Tais Ntuj nplua cov neeg tsis xav mloog nws lus.

    FEEM PEB: KAWM NTUJ KEV CAI LUB NSIAB.

    1- Huab Tais Yes Xus hais tias :
    “Nej Txiv nyob saum Ntuj nws siab zoo;
    “ Nws ua kom lub hnub tuaj ziab rau saum cov neeg phem ib yam li saum cov neeg zoo.
    “Nej Txiv nyob saum Ntuj ua kom nag los rau saum cov neeg phem thiab cov neeg zoo.
    “Nej ntsia cov noog ya saum ntuj …
    “Nej ntsia tej paj ntoos….
    “Nej Txiv nyob saum Ntuj nws yeej paub tias nej yuav tsum noj dab tsi nej thiaj nyob taus.
    “Nej xub muab sia ua ncaj rau Huab Tais Ntuj,
    “Ces nej mam yuav tau txhij tau txhua.
    - Tos peb hais tias Huab Tais Ntuj siab ntshiab yog vim li cas?
    Tos peb hais tias Huab Tais Ntuj siab ntshiab, yog vim nws nyiam txoj kev zoo thiab nws ntxub txoj kev txhaum.
    - Tos peb hais tias Huab Tais Ntuj siab ncaj yog vim li cas?
    Tos peb hais tias Huab Tais Ntuj siab ncaj, yog vim nws pub koob haum rau tus ua zoo thiab nws nplua tus ua phem.

    FEEM PLAUB: LO LUS PIAV.

    1- Tos peb hais tias Huab Tais Ntuj siab ntshiab: Yam li Huab Tais Ntuj muaj ib lub hwj chim zoo tas nrho, nws muaj ib lub hwj xyeej loj tas nrho, peb yuav hwm nws lub npe.
    2- Huab Tais Ntuj siab ntshiab: yog Huab Tais Ntuj tsis muaj ib qho txhaum, tsis muaj ib qho nkhaus nyob hauv nws lub siab.
    3- Huab Tais Ntuj siab zoo: yam li Huab Tais Ntuj hlub peb thiab pov hwm peb. Huab Tais Ntuj pub txiaj ntsim rau peb vim nws yuav peb los ua nws cov me nyuam.
    4- Huab Tais Ntuj siab ncaj: Yam li nws pab cov neeg siab zoo thiab nws nplua cov neeg siab phem.
    5- Peb yuav nyiam ua neeg siab ntshiab xws li peb tus Huab Tais siab ntshiab.
    Peb yuav ua siab zoo li peb tus Huab Tais siab zoo.
    Peb yuav ua siab ncaj li peb tus Huab Tais siab ncaj.


    FEEM TSIB: LO LUS NTUAS.

    Peb yuav nco ntsoov txog Huab tais lub siab zoo tas nrho.
    Peb yuav thov Huab Tais Ntuj kom Huab Tais Ntuj pab peb ua neeg siab ntshiab, ua neeg siab zoo thiab ua neeg siab ncaj rau Huab Tais Ntuj thiab rau luag tej.
    Peb yuav nrog tas txhia haiv neeg siab dawb siab huv cav txog Huab Tais Ntuj:
    “ Tas txhia haiv neeg cav txog Huab Tais mas: Nyob pej kum luag cav txog nws lub npe.
    “Ib txwm nws hlub peb sawv daws, nws tsis fav xeeb , nws yuav pab peb tas ib txhiab ib txhis.
    “Huab tais Leej Txiv, Huab Tais Leej Tub, …

    FEEM RAU : UA KE CAV TXOG TSWV NTUJ.

    1- Peb tus Huab Tais Ntuj/ koj yog tus Huab Tais siab ntshiab/ koj muaj ib lub hwj huam loj tas nrho/ koj muaj ib lub hwj xyeej loj tas nrho/ peb zoo siab hwm koj.
    2- Peb tus Huab Tais Tswv Ntuj/ Peb xav pe koj xws li His Xais/ peb nyo taub hau hwm koj/ peb ua koj tsaug.
    3- Peb tus Huab Tais Tswv Ntuj/ thaum peb nco txog koj lub siab ntshiab/ peb kuj nco dheev txog peb cov txhaum/ peb thov koj ntxuav peb cov txhaum/ peb thiaj li yuav ntshiab tuaj.
    4- Peb tus Huab tais siab zoo/ peb yog cov neeg xub muab siab rau nrhiav koj/ peb paub tias koj yuav pub tas ib puas tsav yam rau peb.
    5- Tswv Ntuj muaj hwj huam/ koj pub tas ib puas tsav yam zoo rau peb/ peb yuav nco koj txiaj koj ntsim mus li.
    6- Tus Tswv Zov Yaj/ peb yog koj cov yaj/ peb tsis paub txog kev tshaib/ peb tsis paub txog kev nqhis/ peb tsis paub txog kev txhawj.
    7- Ntuj Txiv, koj lub siab ncaj/ koj pub rau cov neeg zoo kom lawv tau txaus noj txaus hnav/ koj ua kom lawv nto koob meej/ peb ua koj tsaug.
    8- Huab Tais Yes Xus/ Koj hais tias/ yog peb xub muab siab nrhiav Hiab Tais Ntuj lub Ceeb Tsheej/ mas Huab Tais Ntuj yuav pub tas ib puas tsav yam ntxiv rau peb/ peb xav cav txog tus Huab Tais siab ncaj.

    FEEM XYA : ZAJ XAV TSWV YIM.

    1- Yog vim li cas Hmoob thiaj tsis lam hu txog Ntuj lub npe ?
    2- Nyob ntiaj teb no peb pom ntau leej ua txhaum loj ; vim li cas Huab Tais Ntuj tsis muab lawv nplua tam sim ntawd ?
    3- Vim li cas Huab Tais Ntuj kheev cov neeg siab zoo txom nyem ntiaj teb no ?
    4- Niaj hnub yuav hais tias Huab Tais ua siab zoo rau yus : Huab Tais Ntuj ua siab zoo rau yus zoo li cas ?
    5- Xyaum kos ib tug duab hais txog Huab Tais Ntuj.

    NTUJ KEV CAI  lub ntsiab Sainte10


    Last edited by Maiv Tooj on 10th April 2012, 6:25 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 21st May 2011, 2:02 am

    NTUJ KEV CAI  lub ntsiab Coollo37

    NTUJ KEV CAI  lub ntsiab Heaven-animated-angels-pure-31000



    ZAJ TSIB



    Huab Tais Ntuj tsim ib cov Tshiab

    Tiam si ib co Tshiab tsis mloog Huab Tais Ntuj. Yog cov dab phem ua lawv tuaj ntxias neeg kom ua ntxhaum rau Huab Tais Ntuj.

    FEEM IB: Raws li Hmoob xav.


    1.Tam Hmoob lub siab xav, mas Hmoob xav nyob hauv txoj kev noj qab nyob zoo nyob ntiaj teb no.
    - Tiam sis niaj hnub Hmoob tsis muaj zog, Hmoob pheej raug mob qhov ub qhov no.
    -Hmoob xav tias yus mob vim muaj ib lub hwj huam tuaj zes neeg lub cev los txob neeg lub siab.
    -Hmoob hais tias lub hwj huam ntawd yog ib tug dab (qhov uas qhov muag pom tsis tau, Hmoob hu ua "dab").
    -Yam li thaum Hmoob muaj mob los Hmoob ntshai raug xwv txheej los yog thaum Hmoob xav kom tau ib yam zoo, Hmoob mam li vam txog dab ntuj pab.

    2.Raws li Hmoob xav, cov dab ntuj muaj ib lub hwj huam thiab ib lub zog loj dua neeg lub hwj huam thiab neeg lub zog. Cov dab lub hwj huam kuj muaj ntsis zoo li Ntuj lub hwj huam.

    3.Raws li Hmoob xav,cov dab txawj ua zoo rau neeg lub cev thiab txawj ua phem rau neeg lub cev.
    -Hmoob yuav tsum ntxias cov dab kom cov dab txhob ua phem rau Hmoob thiab kom cov dab ua zoo rau Hmoob lub cev nyob ntiaj teb no.

    4.Raws li Hmoob xav, cov dab zoo yog cov dab uas lawv pab neeg lub cev kom tau noj qab nyob zoo nyob ntiaj teb no. Cov dab phem,yog cov dab uas lawv ua phem rau neeg lub cev nyob ntiaj teb no.

    NTUJ KEV CAI  lub ntsiab Dab_ph10

    FEEM OB: Kawm Ntuj kev cai lub ntsiab.

    1.Yes Xus yug los.
    Tam sis ntawd txawm muaj ib pab dab ntuj coob kawg tuaj nrog tus xa lus, lawv cav txog Huab Tais Ntuj tias:
    “ nyob pem ntuj,tswv ntuj nto meej nto moo,
    “ nyob yaj ceeb,cov neeg siab dawb siab huv nyob Kaj lug.
    2.cov Tshiab lawv xav li cas?
    Cov Tshiab yog tej leeg tswv yim. Yog Huab Tais Ntuj tsim lawv los, kom lawv tau teev Huab Tais Ntuj,thiab kom lawv tau pab neeg los nyob hauv Huab Tais Ntuj lub Ceeb Tsheej.
    - Cov dab nyob txim lawv zoo li cas?
    Cov dab nyob txim lawv yog ib co Tshiab uas xaiv txoj kev phem. Lawv tsa rog ntaus Huab Tais Ntuj lub Ceeb Tsheej. Cov neeg nyob hauv Huab Tais Ntuj lub Ceeb Tsheej lawv yeej cov dab nyob txim.
    -Tus ntxub peb txoj sia tshiab yog leej twg?
    Tus ntxub peb txoj sia tshiab yog dab phem. Thaum Dab phem ntxias peb,yog peb mloog nws mas peb yuav muaj txhaum.

    FEEM PEB: Lo lus piav.

    1. Huab Tais Ntuj tsim ib co Tshiab muaj hwj chim loj kawg. Cov tshiab tsis muaj lub cev; lawv yog tej leeg tswv yim.
    2. Cov tshiab nyob saum Ntuj cav txog Huab TaisNtuj. Thiab hwm Huab Tais Ntuj.
    3.Cov Tshiab nyob ntiaj teb no pab neeg mloog Huab Tais Ntuj lub siab .
    4.Tiam si Huab Tais Ntuj xav kom cov Tshiab zoo siab nrog nws nyob hauv nws lub ceeb tsheej.
    Thaum lub hauv paus Huab Tais Ntuj tsim cov tshiab puav leej
    Yog tshiab zoo huv tib si.
    -Huab Tais Ntuj xa kom cov Tshiab zoo siab xaiv txoj kev
    Mus nrog Huab Tais Ntuj nyob hauv nws lub Ceeb Tsheej.
    -Ces ib co Tshiab tsi xav mloog Huab Tais Ntuj. Lawv
    Ntxeev siab,lawv tsi xav yuav Huab Tais Ntuj los ua
    Lawv tus Huab Tais. Peb hu cov tshiab ntawd ua ” dab nyob
    Txim” los ” dab phem” thawj tug dab phem hu ua Lus
    Xis Fes (Tub Huab tais Pom Kev).
    5.cov dab nyob txim ntxub Huab Tais Ntuj.
    Lawv tsi zoo siab pom neeg ntseeg txog Huab Tais Ntuj nyiam Huab Tais Ntuj thiab vam txog Huab Tais Ntuj.
    6.cov dab nyob txim lawv muab tas lawv lub siab lub
    tswv yim los ntxias neeg kom txhob ntseeg txog Huab
    Tais Ntuj. Txhob nyiam huab Tais Ntuj thiab ntxhob
    Vam txog Huab Tais Ntuj.
    Thaum dab phem pom ib tug neeg uas nwsg txom nyem
    uas nws tsi vam txog Ntuj mas dab phem zoo siab kawg.
    7.cov dab phem muaj zog thiab ntse kawg;
    Yus yuav tsum ceev faj:
    Yus tsi txhob nrog dab phem tham .
    Yus tsi txhob mus thawj txoj kev ntxias.
    Yus yuav ua rog tiv yus lub siab phem.
    Yus yuav nco ntsoov tias nyias muaj nyias lub siab phem.

    8.tiam si cov dab phem muaj zog tsi cuag Huab Tais Yes Xus.
    Yes Xus yeej dab phem nyob saum Ntoo Cuam.
    Peb yuav vam txog Huab Tais Ntuj lub txiaj ntsim thiab txog tsoom zoo lub Cim Yug.

    FEEM PLAUB: ua ke cav txog Huab Tais Ntuj.

    1 Huab Tais Ntuj / tas ib tsoom tshiab teev koj
    Tas ib tsoom tshiab cav txog koj/koj lub hwj chim loj tas nrho.
    2.Peb txiv nyob saum Ntuj/peb xav mloog koj lus nyob
    Ntiaj teb no/zoo li cov tshiab mloog koj lus nyob saum Ntuj.
    3.Kuv tus tshiab pov hwm kuv/kuv thov koj coj kuv mus txog Huab Tais Ntuj.
    4.Tas ib tsoom Tshiab /nej pom Huab Tais Ntuj lub hwj chim/
    Huab Tais Ntuj lub hwj xyeej ziab rau nej/peb hwm nej/peb vam txog nej.
    5.Huab Tais Yes Xus/ koj yog tus tsuj dab phem taub hau/thov koj pab peb kom peb yeej dab phem.
    6.Leej Ntshiab Mab Liab/ tas koj sim neej/ koj tsi tau mloog dab phem ib zaug/ koj pab peb mloog koj Leej Tub/ Peb thiaj yuav muaj ib lub siab dawb siab huv.
    7.Huab Tais Leej Txiv/ peb Txiv nyob saum Ntuj/thaum dab
    Phem tuaj ntxias peb/ koj ntxhob tso peb tseg/ koj ua kom peb dim ntawm tus phem.
    8.Huab Tais Leej Txiv thov koj pab peb nco ntsoov tias/
    Dab phem xws li ib tug tsov nyob ncig peb/nws nrhiav saib nws yuav tom leej twg/ thov koj pab peb ua neeg ceev faj.

    FEEM TSIB: Los lus ntuas.

    Lub lis piam no, peb yuav nco ntsoov txog tas ib
    Tsoom Tshiab cav txog Huab Tais Ntuj lub hwj chim.
    Peb yuav zoo siab nrog cov Tshiab hais tias:
    “ nyob pem Ntuj Tswv Ntuj nto meej nto moo,
    “nyob yaj ceeb cov neeg siab dawb siab huv nyob kaj lug.
    Peb kuj yuav nco ntsoov hais tias cov dab phem xav kom peb tso Huab Tais Ntuj pov tseg. Peb yuav vam txog Huab Tais Ntuj lub txiaj ntsim; peb yuav hais tias:
    “thaum dab phem tuaj ntxias peb siab koj txhob tso peb tseg, ua kom peb dim ntawm tus phem.”

    FEEM RAU: Zaj xav tswv yim.

    1.Thaum hmoob muaj mob, Hmoob vam txog dab, Yog vim li cas?
    2.Cov Tshiab pab neeg nyob ntiaj teb no yog zoo li cas?
    3.Cov dab phem ntxias neeg nyob ntiaj teb no yog zoo li cas?
    4.Thaum dab phem tuaj ntxias yus, yus yuav tsum ceev faj, Yog vim li cas?
    5.Peb hais tias nyias yuav tsum paub nyias lub siab, yog vim lis cas?
    6.Yus xav yeej dab phem yus yuav ua li cas?


    NTUJ KEV CAI  lub ntsiab 13410




    Last edited by Maiv Tooj on 10th April 2012, 6:40 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 29th May 2011, 10:18 am



    NTUJ KEV CAI  lub ntsiab Coollo41

    NTUJ KEV CAI  lub ntsiab 30401310


    Zaj rau

    Huaj Tais Ntuj tsim neeg xws li nws me ntsi.

    Feem ib: raws li hmoob xav.


    1.Hmoob muaj tej zaj dab neeg hais txog Hmoob lub Keeb nyob ntiaj teb no.
    2. Tiam sis tsis tshua xav txog tus tsim cov Hmoob los nyob ntiaj teb no.
    3. Hmoob xav hais tias Hmoob los nyob ntiaj teb no Mas Hmoob yuav tsum ua neeg siab zoo siab ncaj Hmoob Thiaj tsim tau ib txog hmoov zoo.
    4. Thaum Hmoob tuag Hmoob yuav mus qhov twg?
    Thaum Hmoob tuag, Hmoob xav hais tias Hmoob yuav rov qab mus nyob hauv Hmoob lub tseem teb chaws. Tiam si Hmoob lub tseem teb chaws kuj tsis tshua meej pes tsawg.

    Feem ob: kawm Ntuj kev cais lub ntsiab.


    1. Huab Tais Ntuj hais tias:”peb yuav tsim neeg”
    Peb yuav tsim neeg kom xws li peb me ntsi. Ces Huab Tais Ntuj muab ib co av luaj los puab neeg. Thiab Huab Tais Ntuj tshuab ib pas nqa txoj sia mus rau hauv lub siab lub ntsws, ces neeg thiaj li muaj txoj sia tuaj.
    2. Huab Tais Ntuj tseem xav hais tias:
    “yog cia As Das nws nyob nws ib leeg xwb mas nws tsi tau luag.
    “kuv yuav tsim ib tug kom phim nws thiab txawj pab nws.”
    Ces Huab Tais Ntuj coj tus poj niam ntawd los rau tus txiv yuav.
    Thaum tus txiv neej pom dheev tus poj niam mas tus txiv neej
    Hais tias:”tus no nws cov pob txha yog tawm ntawm kuv cov pob txha los.
    “thiab nws cov nqaij yog tawm ntawm kuv cov los.
    “kuv yuav nws, kuv yuav hu nws ua ”poj niam” yog vim nws, tawm ntawm kuv los.
    3.Thaum Huab Tais Ntuj tsim neeg tas mas Huab Tais Ntuj tsim ib lub vaj nyob sab hnub tuaj.
    Huab Tais Ntuj tso neeg nyob hauv lub vaj ntawd.
    4. Thaum Huab Tais Ntuj tsim neeg nws ua zoo li cas?
    Thaum Huab Tais Ntuj tsim neeg nws muab av luaj los tsim neeg,
    Thiab nws tshuab ib pas nqa txoj sia tuaj nyob hauv neeg lub siab lub ntsws.
    5. Thaum lub hauv paus, Huab Tais Ntuj pub ib yam Txiaj ntsim rau As Das thiab Es Vas nkawd, yam li nws tsa nkawd nyob hauv nws lub ceeb tsheej.

    Feem peb: los lus piav.


    1.Thaum Huab Tais Ntuj tsim neeg,” Huab Tais Ntuj muab Ib co av luaj los puab ua neeg”
    Yam li Huab Tais Ntuj muab ib lub cev rau neeg. Neeg lub cev tuaj ntawm lub ntiaj teb tuaj.
    2.” Huab Tais Ntuj tshuab ib pas nqa txoj sia mus hauv Neeg lub siab lub ntsws.
    “ces neeg thiaj li muaj txoj sia tuaj.
    Yam li: neeg muaj ib tug plig tuaj ntawm Huab Tais Ntuj tuaj. Yog neeg tus plig ua kom neeg muaj txoj sia. Neeg muaj ib tug plig xwb, vim neeg muaj ib txoj sia xwb.
    3.” Huab Tais Ntuj hais tias: « peb yuav tsim neeg kom zoo li peb me ntsi.
    Yam li: Huab Tais Ntuj muab ib lub tswv yim rau neeg kom neeg txawj xav txog tej yam zoo. Huab Tais Ntuj muab ib lub siab rau neeg kom neeg txawj nyiam tej yam zoo.
    4. Huab Tais Ntuj hais tias: Kuv muab lub ntiaj teb ua neb tug, kom lub ntiaj teb zwm rau neb.
    « Kuv muab tas ib puas tsav yam ntoo thiab tas ib puas tsav yam nroj tsuag rau neb ua neb tug. Neb yuav tas ib puas tsav yam ntawd los ua txhiam xwm noj. Yam li: Huab Tais Ntuj muab tas ib puas tsav yam nyob ntiaj teb no rau neeg siv.
    5. Huab Tais Ntuj hais tias:
    « Neb yuav ua tswv kav tsoom ntses nruab deg, tas tsoom noog nruab ntug, tas tsoom tsiaj txhu saum av, neb yuav ua tswv kav tej me kab me ntsaum nkag hauv av. Yam li: Huab Tais Ntuj tsa neeg ua tus tswv kav tas cov tsiaj txhu. (As Das thiaj li tis npe rau tas ib puas tsav yam tsiaj txhu)
    6. Huab Tais Ntuj tias:
    « yog cia As Das nws nyob nws ib leeg mas nws tsi tau luag.
    Kuv yuav tsim ib tug kom phim nws thiab txawj pab nws.
    “ces muaj ib zaug Huab Tais Ntuj ua kom thawj tug Txiv neej tsaug zog, thaum tus txiv neej tab tom tsaug zog mas Huab Tais Ntuj rho nws ib tug txha tav thiab Huab Tais Ntuj muab tus txha tav ntawd los puab ua ib tug poj niam. Ces Huab Tais Ntuj coj tus poj niam ntawd los rau tus txiv neej yuav. Thaum tus txiv neej pom dheev tus poj niam mas tus txiv neej hais tias: “tus no, nws cov pob txha yog
    “ tawm ntawm kuv cov pob txha los,
    “ thiab nws cov nqaij yog tawm ntawm kuv cov nqaij los”.
    “kuv yuav nws, kuv yuav hu nws ua “ poj niam”.
    “ Yog vim nws tawm ntawm kuv los.
    Yam li: tus txiv neej thiab tus poj niam sis nyiam sis hlub.
    Tus poj niam muaj tsim ib yam li tus txiv neej.
    Huab Tais Ntuj tsim ib tug poj niam nrog ib tug txiv neej.
    7. Thaum Huab Tais Ntuj tsim neeg tas mas Huab Tais Ntuj tsim ib lub vaj nyob sab hnub tuaj.
    Huab Tais Ntuj tso neeg nyob hauv lub vaj ntawd……….
    Niaj hnub thaum sawv ntxov Huab Tais Ntuj mus yos ua si lim cua nyob hauv lub vaj ntawd; As Das thiab Es Vas
    nkawd nrog Huab Tais Ntuj rhais ruam mus kev nyob hauv lub vaj. Yam li: Huab Tais Ntuj nrog nkawv nyob: Huab Tais Ntuj yuav neeg ua nws cov me nyuam. Neeg npuab Huab Tais Ntuj thiab nyiam Huab Tais Ntuj.
    Lub vaj lom zem: yam li lub ntiaj teb zoo raws li Huab Tais Ntuj tsim los.
    Nkawd tau nyob zoo kawg: nkawv nyob ze Huab Tais Ntuj nkawv ua Ntuj me nyuam: nkawv paub txog kev sis nyiam xwb. Nkawd tau nyob dawb nyob huv, tsi paub mob tsi paub tuag. Nkawd paub txog kev ua neeg siab ntshiab, nkawd pom tas lub sim ceeb nyob hauv Huab Tais Ntuj txhais tes.
    8. peb hais tias nkawd nyob hauv lub vaj lom zem.
    Yam li : nkawd nyob hauv Huab Tais Ntuj lub ceeb tsheej.

    Feem plaub : ua kev cav txog Huab Tais Ntuj.


    1. Huab Tais Ntuj tsim lub ntuj lub teb, koj tsim peb muaj ib lub cev tsim txiaj. Koj tsim peb muaj ib tug plig yuav nyob mus li, koj tsim peb muaj ib lub Tswv yim ntse, peb ua koj tsaug.
    2. Huab Tais Tswv Ntuj, thov koj pab cov ua txij ua nkawm, kom lawv sis nyiam sis hlub lawv thiaj tau nyob ua ke tas ib sim.
    3. Huab Tais Ntuj kav tas lub sim ceeb, koj muab lub ntiaj teb rau peb saib, Koj muab lub ntiaj teb rau peb tu, peb xav ua neeg nquag, peb xav ua neeg paub txuj ci, peb thiaj txawj nrog koj tsim lub ntiaj teb.
    4. Huab Tais tsim lub ntuj lub teb, koj tsim neeg yuav zoo li koj me tsi, peb yuav xav tswv yim zoo li koj, peb yuav nyiam tas ib puas tsav yam uas koj nyiam, peb yuav ua neeg siab ncaj zoo li koj, peb yuav ua neeg siab ntshiab zoo li koj, thov koj pab peb, kom peb txawj txuag peb lub meej yim.
    5.Huab Tais Tswv Ntuj, thaum koj tsim neeg, koj tso neeg nyob hauv lub vaj lom zem,
    Yam li koj tso neeg nyob hauv koj lub ceeb tsheej, peb xav cav lus zoo txog koj.
    6. Huab Tais Tswv Ntuj, As Das thiab Es Vas nkawv nyob hauv koj lub ceeb tsheej, nkawv tau nyob ze koj, nkawv txawj sis nyiam thiab nyiam koj, nkawd tau nyob dawb nyob huv, nkawd tsi paub txoj kev ua txhaum, nkawd pom koj lub hwj chim ziab rau saum tas ib puas tsav yam, koj ua li ntawd rau peb cov pog koob yawg koob koj lub siab zoo.
    7. Huab Tais Tswv Ntuj, nyem no peb nyob hauv koj lub ceeb tsheej
    Peb xav nco txog xws li As Das thiab Es Vas nkawd, peb xav nyiam koj zoo li nkawd, peb xav nco ntsoov tias, tas ib puas tsav yam nyob hauv koj txhais tes, peb thov koj pab peb nyob hauv koj lub ceeb tsheej.
    8. Huab Tais Tswv Ntuj, koj xav ua zoo rau peb cov neeg, ib txwm koj npaj txoj kev zoo rau lub ntiaj teb neeg, peb ua koj tsaug.

    Feem tsib: los lus ntuas.


    Lub lim piam no peb yuav nco ntsoov tias Huab Tais Ntuj tsim neeg muaj tsim. Nws tsim neeg txawj xav tswv yim li nws.
    Nws tsim neeg nyob hauv nws lub ceeb tsheej. Peb yuav nyob ze ntawm Huab Tais Ntuj xub ntiag mus li.

    Feem rau: zaj xav tswv yim.


    1. Huab Tais Ntuj xav thawj zag tswv yim, txog peb cov neeg nyob ntiaj teb no, yog ib zag tswv yim zoo li cas?
    2. Huab Tais Ntuj hais tias nws tsim neeg zoo li nws me ntsi, Yog zoo li cas?
    3. vim li cas peb hais tias thaum neeg tuag, yuav tsis phim neeg tus plig mus thawj thiab, mus ua tsov los mus ua lwm tus tsiaj ?
    4. vim li cas Huab Tais Ntuj tsim ib co neeg txawj xaiv txoj kev ua txhaum ?
    5. lub vaj lom zem yog dab tsi ?
    6. Huab Tais Ntuj lub ceeb tsheej yog dab tsi?



    NTUJ KEV CAI  lub ntsiab 00000010


    Last edited by Maiv Tooj on 9th April 2012, 12:46 pm; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 16th June 2011, 2:11 am



    NTUJ KEV CAI  lub ntsiab 13086410
    NEEG THIAJ LI TXOM NYEM


    NTUJ KEV CAI  lub ntsiab Images12


    ZAJ XYA


    NEEG TSIS MLOOG HUAB TAIS NTUJ, NEEG THIAJ LI TXOM NYEM.

    FEEM IB : RAWS LI HMOOB XAV.

    Ntau zaus, thaum Hmoob xav txog txoj kev txom nyem, Hmoob mam xav txog Hmoob lub cev Hmoob lub neej.
    Yam li : Hmoob txom nyem yog vim Hmoob tsis muaj nyiaj, Hmoob pluag, los Hmoob tsis muaj kwv muaj tij, tsis muaj neej muaj tsa, los Hmoob muaj mob muaj nkeeg.
    Ntau zaus, cov Hmoob lawv xav tias lawv txom nyem vim muaj ib co dab pheej tuaj zes lawv thiab coj lawv.
    Thaum Hmoob tau zoo los thaum Hmoob tsis muaj Hmoov mas Hmoob pheej xav tias yog raws li Hmoob daim ntawv tiam los.

    FEEM OB : KAWM NTUJ KEV CAI LUB NTSIAB.


    Ntawv Faj Lem qhia tias:
    " Thaum As Das thiab Es Vas nkawd nyob hauv lub vaj Es Dees lom zem,
    " Dab phem tuaj ntxias nkawd tias:
    " Thaum neb noj cov txiv ntoo ntawd tas,
    " mas neb yuav paub txuj paub ci cuag li ib cov Huab Tais;
    " neb yuav paub qhov zoo thiab qhov phem.
    Tus txiv kuj tau nrog tus poj niam noj cov txiv ntoo ntawd thiab.
    Huab Tais Ntuj hais rau tus poj niam tias:
    " Thaum koj muaj me nyuam, mas koj yuav mob plab koj thiaj yug tau me nyuam.
    " Koj lub siab ntshaw yuav txiv.
    " Tiam sis koj tus txiv yuav ua tswv kav koj.

    Huab Tais Ntuj hais rau tus txiv neej tias :
    " Koj mloog koj tus poj niam lus,
    " Koj noj cov txiv ntoo uas kuv tsis kheev noj.
    " Kuv foom av, yog tim koj ua tsis zoo.
    " Tas koj sim neej koj yuav khwv khwv mas
    " thiaj li tau txhiam laj txhiam xws los yug koj lub ncauj.
    " Lub ntiaj teb yuav tuaj ntau hom nroj ntxhib,
    " thiab ntau hom nroj tuaj pos.
    " Thiab koj yuav tsum noj cov nroj tuaj nyob tom teb,
    " Tas koj sim neej, koj lub cev yuav khwv khwv tawm hws lug,
    " mas koj thiaj li yuav tau txaus noj txaus haus.
    " Thiab muaj ib lub caij mas koj tseem yuav rov mus ua av.
    " Yog vim kuv muab av los tsim koj.
    " Koj tuaj ntawm av tuaj. Koj yog av xwb.
    " Koj nco ntsoov tias koj yuav rov qab mus ua av.

    3. AS Das thiab Es Vas nkawd puas nyob hauv Huab Tais Ntuj lub Ceeb Tshseej tas nkawd sim neej ?
    As Das thiab Es Vas nkawd yeem mus hauv dab phem lub Ceeb Tsheej.
    Qhov txhaum ntawd hu ua Neeg lub Keeb Txhaum.

    = Zaum no, tas lub ntiaj teb neeg ua txhaum thiab txom nyem yog tim li cas ?
    Zaum no, tas lub ntiaj teb neeg ua txhaum thiab txom nyem, yog tim ob niam txiv Hauv Paus, nkawd coj tas lub ntiaj teb neeg mus hauv dab phem lub ceeb tsheej.
    Dab phem lub ceeb tsheej yog lub ceeb tsheej txom nyem.

    FEEM PEB : LO LUS PIAV.


    1. Thaum peb hais txog As Das thiab Es Vas nkawd mas peb hais txog leej twg ?
    - Thaum peb hais txeg As Das thiab Es Vas nkawd mas peb hais txog ob niam txiv Hauv Paus uas Huab Tais Ntuj tsim los ua lub ntiaj teb neeg lub Keeb.
    - Peb kuj hais txog tas lub ntiaj teb neeg uas yuav yug ntawm As Das thiab Es Vas nkawd los.

    2. Huab Tais Ntuj tsim neeg kom neeg nyob hauv txoj kev noj qab nyob zoo. Yam li :
    - Huab Tais Ntuj tsim lub ntiaj teb rau neeg ua noj ua haus.
    - Huab Tais Ntuj tsim neeg zoo li nws yam li :
    Huab Tais Ntuj pub ib lub tswv yim ntse thiab ib lub siab zoo rau neeg.
    - Huab Tais Ntuj pub nws txoj sia rau neeg. kom neeg paub thiab nyiam neeg Leej Txiv nyob saum Ntuj.
    -Huab Tais Ntuj tseem pub ntau yam txiaj ntsim rau neeg.

    3. Tiam sis neeg tsis xav nyob hauv txoj kev noj qab nyob zoo raws li Huab Tais Ntuj xav. Neeg mloog dab phem tuaj ntxias neeg.

    4. Neeg thiaj li taug txoj kev txom nyem. Yam li:
    - Neeg tau ua Huab Tais Ntuj txoj sia poob: neeg tsis paub neeg tus Txiv nyob saum Ntuj.
    Huab Tais Ntuj ntiab As Das thiab Es Vas nkawd kom nkawd txhob nyob hauv lub Vaj Es Dees Lom Zem.
    - Neeg tau poob tas ib puas tsav yam txiaj ntsim uas Huab Tais Ntuj pub rau neeg.
    - Neeg tsis txawj sis nyiam.
    - Neeg poob hauv txoj kev khwv kev tuag.
    - Neeg poob hauv txoj kev ua txhaum.
    - Neeg tsis nco qab tias lub sim ceeb nyob hauv Huab Tais Ntuj txhais tes.

    5. Yog vim li ntawd peb thiaj li hais tias neeg poob hauv dab phem lub ceeb tsheej, As Das thiab Es Vas nkawd coj tas lub ntiaj teb neeg mus hauv nkawd qhov txhaum.

    FEEM PLAUB : UA KE CAV TXOG HUAB TAIS NTUJ.


    1. Peb tus Huab Tais Tswv Ntuj/ koj npaj ib txog hmoov Zoo rau neeg/ koj tsim neeg nyob ze koj/ neeg tsis mloog koj lus/ neeg thiaj li poob hauv dab phem txhais tes/ neeg thiaj li taug txoj kev txom nyem.
    2. Peb tus Huab Tais Tswv Ntuj/ tas lub ntiaj teb neeg ua txhaum rau koj/ koj tseem hlub lub ntiaj teb neeg koj siab ntev/ peb ua koj tsaug.
    3. Peb tus Huab Tais Tswv Ntuj/ peb tsis xav nyob hauv dab phem txhais tes/ peb xav nyob ze ntawm koj/ peb thiaj vam txog Yes Xus/ kom nws coj peb los nyob ze koj mus li/ txog txhiab niag tim puas xyoo.
    4. Huab Tais Tswv Ntuj/ niaj hnub peb pom sawv daws nyob ntiaj teb no/ lawv nyob deb ntawm koj/ lawv mus raws txoj kev ntxub/ lawv khwv lawv txom nyem/ lawv mus raws txoj kev txhaum/ lawv tsis pom lub sim ceeb nyob hauv koj txhais tes/ peb thov koj coj sawv daws kev/ los nyob hauv koj lub ceeb tsheej.
    5. Huab Tais Tswv Ntuj/ peb xav nyob hauv koj lub ceeb tsheej mus li/ Peb thiaj yuav nyob ze koj/ peb yuav mus raws txoj kev nyiam Ntuj thiab nyiam luag tej/ Peb yuav muaj txoj sia nyob mus li/ peb yuav xyaum ua neeg siab dawb siab huv/ peb yuav pom lub sim ceeb nyob hauv koj txhais tes.

    FEEM TSIB : LO LUS NTUAS.


    Peb yuav nco ntsoov tias Huab Tais Ntuj xaiv peb los nyob hauv nws lub Ceeb Tsheej, peb yuav xyaum nco txog Huab Tais Ntuj nyob ze peb, peb yuav xyaum sis nyiam sis hlub, peb yuav xyaum nco ntsoov tias tas ib puas tsav yam nyob hauv Huab Tais Ntuj txhais tes.

    FEEM RAU : ZAJ XAV TSWV YIM.


    Thaum ntawv Faj Lem hais txog As Das Thiab Es Vas nkawd, Ntawv Faj Lem xav hais txog leej twg?
    Vim li cas peb hais tias AS Das qhov txhaum yog neeg lub keeb txhaum ?
    Lub txiaj ntsim loj dua cov uas Huab Tais Ntuj pub rau neeg yog lub txiaj ntsim twg?
    Dab phem lub Ceeb Tsheej nyob qhov twg ?
    Vim li cas peb hais tias cov neeg uas lawv tsis paub Huab Tais Ntuj mas lawv txom nyem loj tshaj ?


    NTUJ KEV CAI  lub ntsiab 18509310


    Last edited by Maiv Tooj on 10th April 2012, 5:12 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty NEEG TSIS MLOOS HUAB TAUS NTUJ LUS, TAB SIS HUAB TAIS NTUJ TSEEM NYIAM NEEG MUS LI.

    Post  Maiv Tooj 20th June 2011, 10:42 pm

    NTUJ KEV CAI  lub ntsiab Coollo42

    TAB SIS HUAB TAIS NTUJ TSEEM NYIAM NEEG MUS LI.

    NTUJ KEV CAI  lub ntsiab Jesus_10

    ZAJ YIM


    FEEM IB : RAWS LI HMOOB XAV.

    Hmoob paub tias Hmoob yuav txom nyem nyob ntiaj teb no; niaj hnub Hmoob xav txog hnub Hmoob yuav dim ntawm txoj kev txom nyem ntawd.
    Yog vim li ntawd cov Hmoob thiaj txawj tos ib tug Huab Tais yuav tuaj pab lawv.
    Yog vim li ntawd cov Hmoob thiaj txawj xav txog ib lub teb chaws uas lawv yuav so mus li.

    FEEM OB : NTUJ KEV CAI LUB NTSIAB.

    Yas Ves hais rau Has Nplas tias:
    " Koj tso koj lub teb chaws no tseg,
    " tso koj cov kwv tij neej tsa tso koj txiv tsev neeg tseg.
    " Koj mus lub teb chaws uas kuv yuav qhia rau koj.
    " Kuv yuav tsa koj los ua ib haiv neeg loj.
    " Kuv pub ib txog hmoov zoo rau koj.
    " Kuv yuav ua kom koj lub npe nto moo loj.

    Huab Tais Ntuj puas xub cog lus tias nws yuav rov tsa nws lub Ceeb Tsheej ?
    - Huab Tais Ntuj xub cog lus tias nws yuav rov qab tsa nws lub Ceeb Tsheej.
    - Nws hais rau tus nab hais tias: "Tus poj niam ib tug xeeb zeej yuav tsuj koj taub hau koj yuav tom nws luj taws".

    Huab Tais Ntuj xav rov qab tsa nws lub Ceeb Tsheej, nws puas xub npaj ib haiv neeg ua ntej ?
    - Huab Tais Ntuj xav rov qab tsa nws lub Ceeb Tsheej, nws xub npaj ib haiv neeg His Xas Lais ua ntej.
    - His Xas Lais lub keeb yog Has Nplas.

    FEEM PEB : LO LUS PIAV.

    1. Neeg xaiv txoj kev tsis mloog Huab Tais Ntuj neeg thiaj txom nyem. Neeg_tsis xav ua Huab Tais Ntuj cov me nyuam neeg tsis muaj Huab Tais Ntuj txoj sia; neeg tsis paub tias neeg muaj ib Leej Txiv nyob saum Ntuj.
    Neeg tsis muaj tej lub txiaj ntsim uas Huab Tais Ntuj tau pub rau sawv daws yam li: neeg paub txoj kev iab kev khwv, kev mob kev tuag.
    Neeg tsis paub Huab Tais Ntuj Zaj tswv yim meej txog ib puas tsav yam nyob ntiaj teb no.
    Hais txog neeg lub neej,
    Hais txog kev ua txij ua nkawm,
    Hais txog neeg txoj kev txom nyem,
    Hais txog txoj kev nrog luag ua kwv ua tij,
    Hais txog Ntiaj teb lub cuab tam.

    2. Tiam sis Huab Tais Ntuj tsis tso neeg pov tseg.Huab Tais Ntuj tsis hloov siab; nws tseem hlub neeg zoo li qhov lub.
    Neeg nyuam qhuav ua txhaum rau Huab Tais Ntuj, mas Huab Tais Ntuj xav txog txoj kev yuav cawm lub qab Ntuj neeg ntawm qhov txhaum.
    Huab Tais Ntuj hais rau dab phem tias:
    " Kuv yuav ua kom tus poj niam ntawd ntxub koj,
    " thiab kuv yuav ua kom nws cov xeeb ntxwv ntxub koj cov xeeb ntxwv,
    " thiab tus poj niam ib tug xeeb zeej yuav tsuj koj taub hau, koj yuav tom nws luj taws.

    Tus poj niam ntxub dab phem yog "Mab Liab" (tus Es Vas Tshiab) "nws cov xeeb ntxwv yuav ntxub koj cov xeeb ntxwv"
    yam li cov neeg siab ncaj ntseeg yuav ntxub cov neeg siab phem xaiv dab phem.
    " Tus poj niam ib tug xeeb zeej yuav tsuj koj taub hau
    " yam li Yes Xus yuav yeej dab phem.
    — Niaj hnub Huab Tais Ntuj zam rau cov neeg txhaum thiab qhia cov neeg yuam kev.

    3. Txij lub hauv paus los cov neeg nyob hauv txoj kev txhaum tsis nco qab txog Huab Tais Ntuj ntau zuj zus.
    Ntawv Faj Lem hais tias:
    " Nos Hes cov xeeb zeej xeeb ntxwv lawv sib ncaim tau ob peb vam xyoo lawm,
    " mas muaj neeg nyob puv tas ntiaj teb no.
    " Tiam sis tas ib tsoom neeg sawv daws tsis nco qab txog tas Huab Tais tsim ntuj tsim teb lawm;
    " thiab sawv daws kuj tsis teev Huab Tais Ntuj lawm.
    " Muaj ib txhia lawv teev dab, muaj ib txhia mus teev tsiaj txhu thiab muaj ib txhia mus teev tej tus neeg muaj hwj chim.
    " Nyem no peb kuj tseem pom zoo li ntawd thiab.

    Huab Tais Ntuj tseem xav yuav tas cov neeg los ua nws cov me nyuam los nyob hauv nws lub Ceeb Tsheej.
    Huab Tais Ntuj xav pab lub ntiaj teb neeg:
    Nws xav cawm neeg kom neeg dim ntawm txoj kev txhaum thiab kom neeg paub Huab Tais Ntuj lub siab.
    Yog vim neeg mus nyob hauv txoj kev txhaum thiab Huab TaiS Ntuj siab zoo tas nrho mas Huab Tais Ntuj thiaj xaiv ib haiv neeg kom haiv neeg ntawd txais Huab Tais Ntuj lo lus qhia thiab npaj siab tos tus yuav tuaj cawm lub qab ntuj neeg thiab yuav qhia Huab Tais Ntuj lub siab rau sawv daws paub.

    4. Huab Tais Ntuj xav npaj ib haiv neeg mas Huab Tais Ntuj xub xaiv ib tug neeg hu ua Has Nplas los ua Yawg Koob.
    2000 xyoo ua ntej Yes Xus yug, Huab Tais Ntuj hu Has Nplas.
    Has Nplas ntseeg txog Huab Tais Ntuj.
    Has Nplas mloog Huab Tais Ntuj lus.

    Huab Tais Ntuj nrog Has Nplas cog lus:
    Yog Has Nplas mloog Huab Tais Ntuj lus mas Huab Tais Ntuj yuav pab Has Nplas.
    - Huab Tais Ntuj mloog Has Nplas cov zaj teev Ntuj.
    Huab Tais Ntuj muab ib tug tub rau Has Nplas.
    - Huab Tais Ntuj sim Has Nplae siab. Huab Tais Ntuj kom Has Nplas txi nws tus tub twm zeej rau Ntuj.

    5. Has Nplas yog peb cov neeg ntseeg txog Ntuj tus Yawg Koob.
    - Huab Tais Ntuj hu sawv daws los ntseeg txog nws.
    - Yog yus ntseeg txog Huab Tais Ntuj, mas Huab Tais Ntuj muab nws txoj sia rau yus thiab nws coj yus mus nyob hauv nws lub Ceeb Tsheej.
    - Huab Tais Ntuj xav kom yus teb tias yus yuav Huab Tais Ntuj zaj tswv yim thiab yus ua raws huab Tais Ntuj lub siab.

    FEEM PLAUB : UA KE CAV TXOG HUAB TAIS NTUJ.

    1. Peb Txiv nyob saum Ntuj koj lub siab zoo/ koj lub siab ntev/ ib txwm koj zam txhaum rau neeg/ peb xav cav txog koj lub siab zoo siab ntev.
    2. Huab Tais Yes Xus/ koj yog tus tuaj pab peb/ los nyob hauv Huab Tais Ntuj lub Ceeb Tsheej/ peb xav nyob ze ntawm Huab Tais Ntuj/ peb xav nus rawe txoj kev nyiam Ntuj / peb xav muaj txoj sia nyob mus li/ peb xav ua neeg siab ntshiab/ peb xav kom tas lub sim ceeb nyob hauv Huab Tais Ntuj txhais tes/ peb vam txog koj.
    3. Leej Ntshiab Mab Liab/ koj yog tus poj niam ntxub dab phem lub Ceeb tsheej/ koj cia peb nyob hauv Huab Tais Ntuj lub Ceeb Tsheej/ mus txog txhiab niag tim puas xyoo.
    4. Vaj Tswv tsim neeg/ thaum lub hauv paus koj cog lus tias/ koj yuav tso ib tug tuaj tsuj dab phem taub hau/ tuaj pab peb tsuj dab phem taub hau/ koj thiaj li hu Has Nplas/ los ua thawj tug neeg ntseeg txog koj/ peb cav txog koj lub siab ncaj.
    5. Vaj Tswv tsim neeg/ thaum Has Nplas tseem nyob xyaw ib co neeg teev dab/ koj xaiv nws los ua thawj tug neeg ntseeg txog koj/ peb tseem nyob xyaw cov neeg teev dab/ Koj xaiv peb los ua ib co neeg ntseeg txog koj/ xws li peb tus yawg koob Has Nplas.
    6. Huab Tais Tswv Ntuj/ peb tus yawg koob Has Nplas nrog koj cog lus/ nws thiaj li teev koj tib leeg xwb/ peb nrog koj cog lus tias/ tas peb sim peb yuav teev koj tib leeg xwb.
    7. Peb tus Yawg Koob Has Nplas/ nyem no koj nyob ze ntawm Huab Tais Ntuj/ koj nyob hauv nws lub Ceeb Tsheej/ koj coj peb los nyob hauv Huab Tais Ntuj lub Ceeb Tsheej/ peb thiaj li yuav nrog koj cav txog Huab Tais Ntuj mus li.

    FEEM TSIB : LO LUS NTUAS.

    Peb yuav nco ntsoov tias Huab Tais Ntuj tsis hloov siab ib zaug.
    Huab Tais Ntuj tseem nyiam tas sawv daws thiab nws xav cawm tas sawv daws.
    Peb yuav xyaum ntseeg tas hnub tas hmo tias peb nyob ntawm Huab Tais Ntuj xub ntiag.
    Peb yuav tso siab rau Huab Tais Ntuj uas nws xa Huab Tais Yes Xus tuaj pab peb.

    FEEM RAU : ZAJ XAV TSWV YIM.
    1. Thaum Huab Tais Ntuj cog lus tias nws yuav cawm lub ntiaj teb neeg txhaum mas Huab Tais Ntuj hais li cas ?
    2. Vim li cas tseem muaj ntau haiv neeg uas lawv tseem tos ib tug Huab Tais ?
    3. Vim li cas Huab Tais Ntuj xaiv Has Nplas ?
    4. Huab Tais Ntuj nrog Has Nplas cog lus zoo li cas ?
    5. Vim li cas peb hais tias Has Nplas ntseeg txog Huab Tais Ntuj thiab tso siab rau Huab Tais Ntuj ?
    6. Thaum twg Huab Tais Ntuj hu yus ? Huab Tais Ntuj hu yus zoo li cas ?



    NTUJ KEV CAI  lub ntsiab Commun10


    Last edited by Maiv Tooj on 10th April 2012, 5:45 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 29th June 2011, 9:32 am

    NTUJ KEV CAI  lub ntsiab 13093710

    NTUJ KEV CAI  lub ntsiab 6h3-he10


    ZAJ CUAJ

    FEEM IB : KAWM NTUJ KEV CAI LUB NTSIAB.

    Thaum Huab Tais Ntuj cawm nws haiv His Xas Lais ntawm Hais Nkws Tos teb, nws ua zoo li cas ?
    - Thaum Huab Tais Ntuj cawm nws haiv His Xas Lais ntawm Hais Nkws Tos teb, nws hwm cov tsev pleev ntshav yaj, nws pab His Xas Lais hla lub Hiav Txwv Liab, nws pab His Xas Lais hla teb chaws suab puam, nws nrog His Xas Lais Cog Lus nyob saum lub roob Xis Nais.

    FEEM OB : LO LUS PIAV.

    1. Huab Tais Ntuj nyiam thiab pov hwm Has Nplas cov xeeb zeej.
    - Huab Tais Ntuj xaiv thiab pov hwm Is Xas Has.
    - Huab Tais Ntuj xaiv Yas Kos thiab foom hmoov zoo rau nws.
    - Huab Tais Ntuj xaiv Yos Xes los ua tus pab His Xas Lais.

    2. His Xas Lais nyob Hais Nkws Tos teb lawv txom nyem .
    - Cov His Xas Lais kuj coob thiab vam meej zuj zus.
    - Ib txhia nco ntsoov txog Huab Tais Ntuj, tiam sis ib txhia kuj teev dab li cov Hais Nkws Tos.
    - Cov Hais Nkws Tos ntshai cov His Xas Lais : lawv yuam His Xas Lais ua lawv qhev.
    - Peb cov neeg nyob hauv dab phem txhais tes, peb ua dab phem qhev.

    3. Huab Tais Ntuj hlub nws haiv His Xas Lais; nws xav cawm cov His Xas Lais kom lawv dim ntawm cov Hais Nkws Tos mus.
    - Huab Tais Ntuj xav cawm tas lub qab ntuj neeg kom sawv daws dim ntawm dab phem txhais tes.
    4. Huab Tais Ntuj xaiv Mais Xes los ua tus coj His Xas Lais .
    - Huab Tais Ntuj hu Mais Xes.
    - Huab Tais Ntuj muaj zog dua tus Vaj Hais Nkws Tos.
    - Huab Tais Ntuj kom His Xas Lais txi ib tug Yaj Ntshiab.
    - Huab Tais Ntuj tso ib tug Tshiab hla cov tsev Hais Nkws Tos.
    - Tus Tshiab hwm His Xas Lais cov tsev uas lawv muab ntshav yaj los pleev.
    - Huab Tais Ntuj xa Yes Xus los ua tus pab neeg kom dim ntawm txoj kev txhaum. Tus tseem yaj Ntshiab yog Yes Xus. Yes Xus txi nws txoj sia nyob saum Ntoo Cuam. Yes Xus cov ntshav tau cawm cov neeg ntseeg txog nws.

    5. Huab Tais Ntuj pab His Xa Lais hla Dej Ntuj Liab.
    Huab Tais Ntuj muaj zog dua cov peeb zeej Hais Nkws Tos.
    Cov neeg txais lub Cim Ntxuav mas lawv hla dej, lawv thiaj dim tau ntawm dab phem txhais tes.

    6. Huab Tais Ntuj pab His Xas Lais hla teb chas suab puam.
    - Huab Tais Ntuj tso ib tw huab coj His Xas Lais kev.
    - Huab Tais Ntuj pub dej rau His Xas Lais haus thiab pub mov rau lawv noj.
    - Huab Tais Ntuj pab cov His Xas Lais txom nyem; tus twg ntsia tus nab tooj tus ntawd dim ntawm txoj kev tuag.
    - Huab Tais Ntuj pab cov neeg hla lub ntiaj teb no.
    - Huab Tais Ntuj xa Yes Xus, Yes Xus xa Leej Ntuj Plig thiab nws tsa Tsoom Zoo coj cov neeg kev.
    - Huab Tais Yes Xus muab nws lub cev, nws cov ntshav, nws cov lus qhia los yug neeg txoj sia nyob mus li.
    - Huab Tais Yes Xus pab peb cov neeg txhaum, tus twg vam txog Yes Xus nyob saum Ntoo Cuam tus ntawd dim ntawm txoj kev tuag mus li.

    7. Huab Tais Ntuj nrog His Xas Lais cog lus nyob saum lub roob Xis Nais.
    — Yog His Xas Lais teev Huab Tais Ntuj thiab mloog Huab Tais Ntuj cov lus, mas Huab Tais Ntuj yuav His Xas Lais los ua nws haiv neeg.

    8. His Xas Lais muab ntshav nyuj los nrog Huab Tais ntuj cog lus.
    Huab Tais Ntuj nrog cov neeg cog lus nyob hauv Yes Xus yog cov neeg ntseeg txog huab Tais Ntuj thiab mloog nws cov lus, mas Huab Tais Ntuj thiaj yuav cov neeg ntawd los ua nws cov neeg, yog nws haiv His Xas Lais Tshiab.
    (Cov neeg ntseeg txog Yes Xus yog cov His Xas Lais tshiab)

    FEEM PEB : UA KE CAV TXOG HUAB TAIS NTUJ.


    Huab Tais Tswv Ntuj/ thaum ub cov His Xas Lais nyob Hais Nkws Tos teb/ lawv ua qhev txom nyem tas nrho/ nyem no cov neeg mloog dab phem/ lawv kuj yog ib co qhev txom nyem tas nrho/ peb tsis xav poob hauv dab phem txhais tes.
    2. Huab Tais Tswv Ntuj thaum ub koj xaiv Mais Xes/ los ua tus ntaus thawj/ cawm cov His Xas Lais ntawm Hais Nkws Tos teb/ nyem no koj xa Yes Xus tuaj ua tus ntaus thawj/ kom peb tawm tau ntawm dab phem txhais tes.
    3. Huab Tais Tswv Ntuj/ thaum ub koj tsis tua cov neeg nyob hauv cov tsev pleev ntshav yaj/ cov ntshav yaj tau cawm cov His Xas Lais/ nyem no Yes Xus cov ntshav/ cawm cov neeg vam txog Yes Xus/ Yes Xus yog tus Yaj Ntshiab/ cawm peb cov neeg ntseeg txog Ntuj.
    4. Huab Tais Tswv Ntuj thaum ub koj pab cov His Xas Lais/ hla lub Hiav Txwv Liab/ cov His Xas Lais thiaj dim ntawm Hais Nkws Tos teb/ Nyem no thaum peb txais lub Cim Ntxuav peb kuj hla dej peb thiaj li dim ntawm dab phem txhai tes.
    5. Huab Tais Yes Xus/ peb yog cov His Xas Lais Tshiab/ peb xav dim ntawm dab phem lub ceeb tsheej / thov koj coj peb kev/ peb xav lawv koj qab.
    6. Huab Tais Tswv Ntuj/ thaum ub koj pab His Xas Lais hla teb chaws suab puam/ koj yeem muab mov rau lawv noj/ yeem muab dej rau lawv haus/ lawv thiaj muaj zog/ Mus txog lawv lub teb chaws tshiab/ nyem no peb kuj hla lub ntiaj teb no/ yuav mus pem koj lub Ceeb Tsheej/ koj muab mov rau peb noj/ yog Yes Xus lub Cev/ koj muab dej rau peb haus/ yog Yes Xus cov Lus/ peb ua koj tsaug.
    7. Huab Tais Yes Xus/ peb xav mloog koj tej Lus/ peb xav txais koj lub Cev / peb thiaj yuav muaj zog hla lub ntiaj teb no/ mus pem koj lub Ceeb Tsheej.
    8. Huab Tais Tswv Ntuj/ thaum ub koj nrog His Xas Lais Cog Lus tias/ koj yuav pab lawv mloog koj lus/ lawv muab ntshav nyuj los nrog koj Cog Lus/ nyem no koj muab Yes Xus cov Ntshav/ los nrog peb Cog Lus tias/ tus twg vam txog Yes Xus koj hlub tus ntawd.
    9. Huab Tais Yes Xus/ niaj hnub, peb vam txog koj tuag nyob saum Ntoo Cuam/ Tswv Ntuj thiaj zam rau peb/ Tswv Ntuj hlub peb/
    10. Huab Tais Tswv Ntuj/ koj pab cov His Xas Lais tas 2000 xyoo/ kom lawv npaj siab tos Yes Xus/ nyem no thov koj pab peb mus li/ kom peb txawj taug Yes Xus qab.
    11. Huab Tais Yes Xus/ koj yog tus cawm peb/ kom peb dim ntawm dab phem lub Ceeb Tsheej/ peb tso siab rau koj/ koj qhia yam twg peb xav ua yam ntawd.

    FEEM PLAUB : LO LUS NTUAS.

    Peb yuav nco ntsoov tias niaj hnub peb hla lub ntiaj teb no ib yam li thaum ub cov His Xas Lais hla lub Hiav Txwv Liab thiab hla teb chaws suab puam.
    Peb niaj hnub yuav nco ntsoov tias peb muaj ib tug coj peb kev hla lub ntiaj teb.
    Peb niaj hnub yuav hais rau Yes Xus tias:
    " Huab Tais, peb xav taug koj qab."

    FEEM TSIB : ZAJ XAV TSWV YIM.
    1. Nej nrhiav ib zag Ntxuag Qeej cav txog Huab Tais pab cov His Xas Lais ?
    2. Thaum lub caij twg, cov His Xas Lais tuaj nyob Hais Nkws Tos teb ? Yog vim li cas?
    3. Vim li cas Huab Tais Ntuj tsis pub His Xas Lais nyob Hais Nkws Tos teb ntxiv ?
    4. Vim li cas thaum cov His Xas Lais ua txhaum rau Huab Tais Ntuj, mas Huab Tais Ntuj tseem hlub lawv thiab pab lawv ?
    5. Vim li cas peb hais tias Huab Tais Ntuj ua siab ncaj rau cov His Xas Lais ?
    6. Vim li cas peb hais tias Huab Tais Ntuj ua siab ntev rau cov His Xas Lais ?



    NTUJ KEV CAI  lub ntsiab Crossi10


    Last edited by Maiv Tooj on 11th April 2012, 5:33 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 8th July 2011, 7:59 pm



    NTUJ KEV CAI  lub ntsiab 49bb3e10


    NTUJ KEV CAI  lub ntsiab Gertrude-elnino


    ZAJ KAUM

    Huab Tais Ntuj hais rau peb tias:


    PEB NROG TAS TSOOM NEEG CAV TXOG HUAB TAIS YES XUS YUG LOS NYOB NTIAJ TEB NO.



    FEEM IB : LUS XAV TSWV YIM.

    1. Muaj ntau leej His Xas Lais tos ib tug Huab Tais muaj hwj chim uas nws yuav pab lawv kom lawv dim ntawm txoj kev txom nyem. Cov His Xas Lais raug txom nyem zoo li cas ?
    2. Puas muaj leej puav His Xas Lais siab Ntshiab uas lawv tos ib tug Huab Tais raws li Huab Tais Ntuj qhia rau lawv ?
    3. Niaj hnub muaj ntau leej Hmoob tos txog ib tug Huab Tais yuav tuaj pab Hmoob. Vim li cas Hmoob pheej tos ib tug Huab Tais ?
    Hmoob xav tias tus Huab Tais Hmoob yuav yog ib tug Huab Tais zoo li cas ?

    FEEM OB : YUS MLOOG HUAB TAIS NTUJ LUS.
    1. Tus Tshiab tuaj hais rau cov zov Yaj tias :
    " Nej txhob ntshai: kuv tuaj xa ib lub moo zoo rau nej;
    " nej yuav zoo siab, thiab tas tsoom pej xeem sawv daws yuav zoo siab,
    " vim hnub no, nyob hauv Das Vis lub nroog,
    " ib tug tuaj cawm nej yug los lawm.
    " Yog tus Huab Tais Yes Xus Pleev.

    2. Yus nrog tus Yawg Xis Mes Oos zoo siab teb rau Huab Tais Ntuj tias:
    " Huab Tais,
    " kuv qhov muag tau pom tus tuaj ntawm koj los cawm peb,
    " koj nqa nws rau sawv daws haiv neeg pom;
    " nws yog ib teg tsau tuaj ua kom cov haiv neeg teev dab pom kev.

    FEEM PEB : HUAB TAIS NTUJ QHIA PEB TIAS :

    1. Huab Tais Leej Txiv xa nws Leej Tseem Tub tuaj.
    a- Huab Tais Ntuj xa ib tug Tshiab tuaj hais rau Mab Liab tias:

    " Mab Liab, koj yuav xeeb ib tug me nyuam,
    " Koj yuav yug ib tug tub,
    " Koj yuav tis nws npe hu ua Yes Xus...
    " Ntuj Plig yuav los nyob saum koj,
    " Ntuj lub hwj huam yuav los roos koj :
    " vim li ntawd tus me nyuam uas koj yuav yug yog
    " ib tug Ntshiab :
    " Luag yuav hu nws ua Huab Tais Ntuj Leej tub.

    b- Thaum Yes Xus yug los tus Tshiab hais rau cov neeg zov Yaj tias:
    " Nej txhob ntshai,
    " Kuv tuaj qhia ib yam zoo siab loj rau nej thiab rau tsoom pej xeem sawv daws,
    " Hnub no, nyob hauv Das Vis lub nroog, ib tug tuaj cawm nej yug los lawm.
    " Yog tus Huab Tais Yes Xus Pleev.

    c- Thaum Yes Xus txais lub Cim Ntxuav tas, Huab Tais Leej Txiv qhia sawv daws tias:
    " Tus no, yog kuv Leej TUB.
    " Kuv hlub nws kawg,
    " Kuv lub siab nrog nws nyob.

    d- Thaum Yes Xus nug nws cov Thwj Tim tias nws yog leej twg, mas Pob Zeb teb tias:
    " Koj yog Leej Pleev,
    " Koj yog tus Huab Tais muaj txoj sia nws LEEJ TUB.

    2. HUAB TAIS NTUJ XA NWS LEEJ TSEEM TUB TUAJ CAWM LUB NTIAJ TEB NEEG.

    a- Yes Xus yog zoo li ib "lub hnub qub tshiab" ua kom neeg pom kev thiab muaj zog mus cuag Huab Tais Leej Txiv.
    Yes Xus hais tias:
    " Kuv yog lub ntiaj teb neeg qhov pom kev:
    " Tus uas nws raws kuv mas nws tsis mus hauv qhov tsaus ntuj.
    " Kuv yog cov mov pub txoj sia:
    " Tus tuaj cuag kuv mas nws yuav tsis tshaib;
    " Tus ntseeg txog kuv nws yuav tsis nqhis ib zaug.

    b— Huab Tais Yes Xus yug los raws li ib tug me nyuam neeg. (ib tug neeg pluag)

    c— Yes Xus tuaj pab lub ntiaj teb neeg.
    Yes Xus tsis ua raws li ib tug vaj muaj hwj chim los ib tus vaj muaj hwj xyeej.
    Yes Xus ua raws li ib tug neeg tsis muaj tsim.
    Yes Xus muaj lub siab mloog Huab Tais leej Txiv lus.
    Yes Xus nyiam txoj kev ua neeg pluag.
    Yes Xus yug los nyob hauv ib lub tsev teb.
    Yes Xus tsis muaj ib qho chaw yuav rau ncoo.

    3. Yes Xus tuaj cawm tas ib tsoom neeg sawv daws.
    Cov neeg zov yaj kuj txais Yes Xus lub moo zoo thiab ntseeg txog Yes Xus.
    Cov kws hnub qub kuj tuaj hawm Yes Xus.
    Yes Xus tuaj pab tas ib tsoom neeg uas lawv ua siab ncaj rau Ntuj.

    PEEM PLAUB : PEB CAV TXOG HUAB TAIS YES XUS.

    1. Peb txhos caug,
    - Peb pe Huab Tais Yes Xus nqes los ua neeg.
    - Peb ua Yes Xus tsaug vim Yes Xus tuaj cawm tas sawv daws.

    2. Peb hu nkauj: " Nyob pem ntuj, Tswv Ntuj...
    ( Los peb hais zaj " kuv ntseeg txog Huab Tais Ntuj...)

    3. Peb hais cov lo lus no:
    - Huab Tais Yes Xus: koj nyiam yug los nyob ntiaj teb no/ koj qhia peb kom peb txhob muab hlob/ peb pom tias peb yog ib co neeg me.
    - Huab Tais Yes Xus/ koj nyiam yug los nyob ntiaj teb no/ xws li ib tug neeg pluag/ koj qhia peb/ kom peb txhob tso siab rau nyiaj txiag/ peb nyiam koj dua nyiam nyiaj txiag.
    - Huab Tais Yes Xus/ peb xav hawm koj/ zoo li pab neeg zov yaj/ peb tsis muaj dab tsi zoo yuav cev rau koj/ peb cev peb lub siab rau koj/ peb lub siab yuav nyiam koj mus li.
    - Huab Tais Yes Xus/ peb xav hawm koj/ zoo li cov Kws Hnub Qub/ koj yog zoo li lub hnub/ coj peb kev mus txog Huab Tais Ntuj lub Ceeb Tsheej/ peb xav raws koj mus.

    4. Peb txiav siab.
    Lub Lis piam no peb yuav muab siab rau pe Huab Tais Yes Xus nyob hauv lub Cim Yug.



    FEEM TSIB : PEB YUAV NCO NTSOOV.

    1. Yes Xus Puas yog tseem neeg tiag ?
    Yes Xus yog tseem neeg tiag: nws yug los nyob lub zos Npes Les Hes uas muaj 2.000 xyoo los lawm. Nws niam yog tus Nkauj tsim txiaj tsis lo txhaum hu ua Mab Liab.
    Yes Xus puas yog tseem Huab Tais tiag ?
    Yes Xus yog tseem Huab Tais tiag: nws txiv yog Huab Tais Ntuj; nws hais rau sawv daws paub tias nws yog Huab Tais Ntuj tus Tub nws tau ua hwj huam yees ntxwv kom sawv daws ntseeg.

    2. "Kuv tuaj qhia ib qho zoo siab loj rau nej thiab rau
    "tas tsoom pej xeem sawv daws.
    "Hnub no, nyob hauv Das Vis lub nroog,
    "ib tug tuaj cawm nej yug los lawm.
    "Yog tus Huab Tais Yes Xus Pleev.

    3. Tas sawv daws yuav zoo siab nyob ntaum Huab Tais xub ntiag,
    " vim nws tuaj txog peb lawm nws tuaj kav lub ntiaj teb.
    " Nws kav tas lub sim ceeb nws ncaj, nws
    " kav tas txhia haiv neeg nws pab sawv daws sib npaug zos.
    " Npoo ntuj npoo ntiaj teb tau pom txoj kev cawm neeg
    " tuaj ntawm peb tus Huab Tais tuaj.
    " Huab Tais qhia txoj kev cawm neeg rau sawv daws paub,
    " nws muab nws txoj kev ncaj rau txhia haiv neeg pom.

    NTUJ KEV CAI  lub ntsiab Iop_an11


    Last edited by Maiv Tooj on 11th April 2012, 5:34 am; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 15th July 2011, 8:20 pm

    NTUJ KEV CAI  lub ntsiab Coolte10

    YES XUS ROV QHIA NWS TXIV LUB SIAB RAU SAWV DAWS.

    NTUJ KEV CAI  lub ntsiab 67266110

    ZAJ KAUM IB

    FEEM IB : PEB XAV TSWV YIM.

    1. Hmoob kuj paub lub Ntuj me ntsis. Tiam sis Hmoob tsis paub Huab Tais Ntuj lub siab;
    Hmoob tsis paub tias Huab Tais Ntuj ua sawv daws txiv thiab Huab Tais Ntuj nyiam tas txhia haiv neeg ib yam.

    2. Hmoob kuj hwm ntuj, thiab ntshai lub Ntuj. Tiam sis Hmoob tsis txawj nyiam Huab Tais Ntuj.

    3. Hmoob kuj tsis paub Huab Tais Ntuj zaj tswv yim hais txog peb cov neeg nyob ntiaj teb no.
    Yog vim li ntawd Hmoob thiaj xav txog txoj kev ua noj ua haus xwb thiab xav txog txoj kev noj qab nyob zoo xwb.

    FEEM OB : PEB MLOOG HUAB TAIS YES XUS LUS.

    1. Huab Tais Yes Xus hais rau nws cov Thwj Tim tias:
    " Nej ntsia tej me noog me luv ya saum ntuj,
    " lawv tsis tseb nplej lawv tsis hlais nplej,
    " lawv tsis muaj txhab nplej dab tsi,
    " tiam sis muaj nej Txiv nyob saum Ntuj yug lawv.
    " Nej tseem tsim txiaj dua cov me noog me luv ntawd los tsis sub ?
    " Nej Txiv haj yam yuav muab rau nej noj......
    " Ua cas nej yuav tsis txawj tso siab ?
    " Cov neeg tsis paub Ntuj lawv thiaj xav txog qhov yuav noj yuav hnav ntawd xwb...
    " Nej TxiV nyob saum Ntuj nws yeej xub paub tias,
    " nej yuav tsum noj dab tsi thiab hnav dab tsi nej thiaj nyob taus.
    " Nej xub muab siab rau nrhiav Huab Tais Ntuj lub Ceeb Tsheej tso,
    " thiab nej xub muab siab rau ua ncaj rau Huab Tais Ntuj,
    " ces nej mam yuav tau txhij tau txhua.

    2. Huab Tais Yes Xus hais tias;

    " Kuv yog tus zoo tswv zov yaj.
    " Tus zoo tswv zov yaj nws siv nws txoj sia kom tau pab nws cov yaj...
    " Kuv paub kuv cov yaj thiab kuv cov yaj paub kuv,
    " yog zoo ib yam li leej Txiv paub kuv thiab kuv paub Leej Txiv.
    " Kuv tseem tshuav ib pab yaj uas lawv tsis nyob hauv sab laj kab no;
    " cov yaj ntawd kuv kuj yuav mus cab lawv los thiab.
    " Lawv yuav mloog kuv lub suab.
    " Ces kuv cov yaj yuav los ua ib pab xwb,
    " ua li mas yuav muaj ib tug tswv zov yaj xwb.

    3. Yus nrog Yes Xus hais rau Huab Tais Ntuj tias:

    " Txiv, kuv tseem thov koj rau saum ib tsoom neeg yuav ntseeg txog koj.
    " Txiv, kuv thov kom sawv daws ua tau ib lub siab li koj nyob hauv kuv, kuv nyob hauv koj.
    " Kuv thov kom lawv ua tau ib lub siab nyob hauv wb.
    " Ua li mas lub ntiaj teb yuav ntseeg tias yog koj xa kuv tuaj tiag.

    FEEM PEB : YES XUS QHIA NWS TXIV LUB SIAB RAU PEB.

    1. Thaum Huab Tais Yes Xus tseem tsis tau tuaj, peb kuj paub tias Huab Tais Ntuj nyiam neeg zoo tas nrho.

    "Huab Tais Ntuj tso neeg los nyob hauv lub vaj lom zem"
    Yam li: Huab Tais Ntuj xav tsim neeg los ua Huab Tais Ntuj cov me nyuam thiab nrog nws nyob hauv ib lub teb chaws, muaj ib txog sia.
    - Huab Tais Ntuj hlub cov His Xas Lais tas zog.
    Yam li: Huab Tais Ntuj hlub tas sawv daws xws li nws nyiam His Xas Lais.

    2. Huab Tais Ntuj nyiam lub ntiaj teb neeg.
    Yog vim li ntawd Huab Tais Ntuj xa nws leej Tub nqis los ua neeg nyob ntiaj teb no, kom Yes Xus qhia tas ib puas tsav yam nyob hauv Huab Tais Ntuj lub siab, thiab Huab Tais Ntuj lub tswv Yim.
    Tab yog Yes Xus tseem tsis tau hais ib lo lus qhia txog Huab Tais Ntuj lub siab, mas neeg pom Yes Xus nqes los ua neeg nyob ntiaj teb no, neeg thiaj li paub tias Huab Tais Ntuj nyiam neeg tas nrho.

    3. Yes Xus qhia neeg tias Huab Tais Ntuj nyiam tas sawv daws zoo tshaj tas ib puas tsav yam nyob ntiaj teb no.
    Yes Xus hais tias:
    " Nej tsis txhob ua siab fab txog txoj kev ua noj ua haus…
    " Nej ntsia tej me noog me luv…
    " Nej ntsia tej me paj ntoos tawg.


    4. Yes Xus qhia neeg tias Huab Tais Ntuj nyiam neeg.
    Huab Tais Ntuj thiaj li xav yuav neeg los ua nws cov me nyuam.
    - Yes Xus Txiv kuj yog peb Txiv.
    - Huab Tais Ntuj muab ib txog sia xws li Yes Xus txoj rau peb.
    - Huab Tais Ntuj muab nws lub cuab tam rau peb, nws yuav peb mus nrog nws nyob saum ntuj.

    5. Yes Xus qhia neeg tias: tab yog neeg muaj txhaum, mas Huab Tais Ntuj tseem nyiam neeg mus li.
    Saib zaj txhais hais txog lub txiaj poob.
    Zaj txhais hais txog tus yaj ploj.
    Zaj txhais hais txog tus tub xyob txhiaj.

    6. Yes Xus qhia neeg tias Huab Tais Ntuj nyiam neeg,
    Huab Tais ntuj thiaj mloog cov neeg siab ncaj thov nws.
    Saib zaj hais txog tus poj Kas Nas Has.
    Zaj hais txog tus npawg thov mov tas zog.

    7. Cov neeg yuav saib Huab Tais Ntuj yog peb sawv daws Txiv. siab zoo. Yes Xus hais tias:
    " Ua li mas nej yuav ua nej Txiv nyob saum Ntuj cov Tub.
    " Nej Txiv nyob saum Ntuj ua kom lub hnub tuaj ziab rau saum cov neeg phem thiab rau saum cov neeg zoo.
    " Thiab Nej Txiv nycb saum ntuj ua kom nag los rau saum cov neeg phem thiab rau saum cov neeg zoo.

    8. Cov neeg yuav sis nyiam sis hlub xws li ib co Kwv tij.
    Yes Xus muab nws cov lus qhia tshiab rau nws cov Thwj Tim.

    FEEM PLAUB : PEB CAV TXOG HUAB TAIS NTUJ.

    1. Peb Tsa tes. Peb nrog Huab Tais Yes Xus cav txog peb Txiv; Peb Txiv nyob saum Ntuj;

    2. Peb hais cov lus no:
    1) Huab Tais Tswv Ntuj/ koj yog peb Txiv tiag/ niaj hnub koj zov peb/ koj pov hwm peb/ xws li, ib tug txiv yug nws cov me nyuam kom hlob/ peb niaj hnub thov mov noj ntawm koj los.
    2) Huab Tais Tswv Ntuj/ koj ua kom peb txawj nco txog koj/ koj pub ib lub siab zoo li koj lub rau peb/ peb nrog koj ua ib lub xeem/ peb zoo siab hu koj ua peb Txiv.
    3) Huab Tais Tswv Ntuj koj yog peb Txiv/ peb tso siab rau koj/ peb xav mloog koj lus/ peb xav hais rau tas tsoom sid tias koj yog peb txiv.
    4) Huab Tais Tswv Ntuj/ koj yog tas lub qab ntuj neeg Txiv/ peb xav pab xav hlub sawv daws/ vim peb nrog sawv daws ua, kwv tij/ peb sawv daws koom ib leej Txiv.
    5) Huab Tais Yes Xus/ yog peb xav nco txog koj cov lus qhia/ mas peb yuav xub nco ntsoov tias Huab Tais Ntuj yog peb Txiv/ koj yog peb tus tij laug/ coj peb mus cuag Huab Tais Leej Txiv

    3. Yus txiav siab.
    Ib hnub yus yuav ua ib yam hauj lwm pab luag tej, vim luag tej yog yus cov kwv tij.

    FEEM TSIB : PEB YUAV NCO NTSOOV.

    1. Yes Xus qhia dab tsi tsi txog_Huab Tais Ntuj ?
    Yes Xus qhia tias Huab Tais Ntuj yog peb Txiv; thiab Huab Tais Ntuj xav coj peb los nyob hauv nws lub Ceeb Tsheej.

    Yes Xus qhia dab tsi txog neeg ?

    Yes Xus qhia tias tas lub qab ntuj neeg muaj txhaum.
    Yog tsis muaj Yes Xus pab mas sawv daws yuav mus hauv qhov tuag mus li.

    2. Yes Xus hais tias:
    " Nej tsis txhob ua siab Fab txog txoj kev ua noj ua hnav...
    " Cov neeg tsis paub Ntuj lawv thiaj xav txog qhov yuav noj yuav hnav ntawd xwb...
    " Nej Txiv nyob saum Ntuj nws yeej xub paub tias nej yuav tsum noj dab tsi thiab hnav dab tsi nej thiaj li nyob taus.
    " Nej xub muab siab rau nrhiav Huab Tais Ntuj lub Ceeb Tsheej tso,
    " thiab nej xub muab siab rau ua ncaj rau Huab Tais Ntuj,
    " ces nej mam li yuav, tau txhij tau txhua.

    3. Peb nrog tas tsoom neeg ntseeg txog Ntuj cav txog Huab Tais Leej Txiv thiab txog Huab Tais Leej Tub.

    " Tus zoo tswv zov yaj nws saib kuv
    " Kuv tsis paub txoj kev tshaib, txoj kev nqhis...


    NTUJ KEV CAI  lub ntsiab Berger10


    Last edited by Maiv Tooj on 11th April 2012, 5:35 am; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 20th July 2011, 7:59 am


    NTUJ KEV CAI  lub ntsiab 13111812
    HUAB TAIS YES XUS YEEJ DAB PHEM.

    NTUJ KEV CAI  lub ntsiab Fils-v10

    ZAJ KAUM OB

    FEEM IB : PEB XAV TSWV YIM.
    1. Hmoob paub me ntsis tias muaj ib tug tswv kav lub ntiaj teb. Tab sis Hmoob tsis paub lub ntiaj teb tus Tswv lub siab.
    Hmoob tsis xav tias lub Ntuj lub Teb nyob hauv Tswv Ntuj txhais tes.
    Hmoob xav tias neeg txoj sia nyob hauv dab txhais tes.

    2. Hmoob tsis paub neeg txoj hauj lwm nyob ntiaj teb no.

    Hmoob tsis paub tias neeg yuav nrog Huab Tais Ntuj kav lub ntiaj teb no.
    Hmoob xav txog txoj kev khwv ua noj ua haus, thiab txog txoj kev nrhiav nyiaj nrhiav kub nyob ntiaj teb no:
    yam li: Hmoob tsis txawj raws Huab Tais Ntuj lub siab.

    FEEM OB : PEB MLOOG HUAB TAIS YES XUS LUS.

    1. Huab Tais Yes Xus hais rau dab phem tias:

    " Xas Tas, koj khiav mus vim Tswv Ntuj hais tias:
    " Tus koj yuav pe yuav hwm yog koj tus Huab Tais Tswv Ntuj.
    " Tus koj yuav teev yog nws tib leeg xwb.
    " Dab phem thiaj tso Yes Xus tseg.
    Ces muaj ib co Tshiab txav los ze Yes Xus lawv tsob hwb Yes Xus.

    2. (Thaum Yes Xus lawv noj mov tas)
    Yes Xus tseem yuav ib khob cawv, nws ua Ntuj tsaug,nws faib rau cov thwj tim thiab hais rau lawv tias:
    " Nej sawv daws haus, qhov no yog kuv cov ntshav,
    " yog cov ntshav cog lo lus tshiab.
    " cov ntshav ntawd yuav paim mus kom pab ntau leej,
    " thiab them lawv cov txim txhaum.

    3. Peb nrog, Paj Lug vam txog Yes Xus txoj kev yeej dab phem.

    " Nej yuav ua neeg muaj zog nyob hauv Huab Tais Ntuj.
    " Nej yuav txais Huab Tais Ntuj lub zog nyob hauv nej lub siab.
    " Nej xav tiv dab phem tuaj ua rog ntaus nej mas nej
    " yuav hnav Huab Tais Ntuj lub tsho hlau thaiv nej.
    " Peb tsa rog, mas tsis yog peb ntaus tej tus tub rog
    " muaj ib lub cev thiab muaj ib co ntshav zoo li peb.
    " Peb tsa rog ntaus cov dab phem muaj hwj huam;
    " peb tsa rog ntaus cov dab phem kav lub ceeb tsheej tsaus ntuj;
    " peb tsa rog ntaus tej leeg tswv yim nyiam txoj kev phem ya saum huab saum cua.

    FEEM PEB : HUAB TAIS YES XUS QHIA RAU PEB TIAS:

    Raws 1i Huab Tais Ntuj xav, Huab Tais Ntuj ib txwm ua tus tswv kav lub ntuj lub teb. Tas lub ntiaj teb no nyob hauv Huab Tais Ntuj txhais tes.
    Raws li Huab Tais Ntuj xav, neeg yuav nrog Huab Tais Ntuj tu lub ntiaj teb no.
    Tiam sis neeg tsis mloog HuaB Tais Ntuj, neeg tsis yuav Huab Tais Ntuj lub siab.
    Cov neeg nyiam raws dab phem lub siab, yam li: neeg muab dab phem los ua tus tswv kav neeg lub siab, thiab neeg txoj hauj lwm thiab tas ib puas tsav yam nyob ntiaj teb no.
    Neeg xav tias tas lub ntiaj teb no nyob hauv dab phem txhais tes.

    1. Huab Tais Yes Xus qhia peb tias neeg lub siab, thiab neeg txoj sia thiab tas ib puas tsav yam nyob ntiaj teb no nyob hauv Huab Tais Ntuj txhais tes.
    Peb xyuas:
    - Zaj hais txog peb yuav tsum tso siab rau peb Txiv nyob saum Ntuj.
    - Zaj hais txog Yes Xus kom cua daj cua dub tu;
    - Zaj hais txog Yes Xus rov qab muab txoj sia rau cov neeg tuag.
    _ Hais txog Las Ntxas Los
    - Zaj hais txog Yes Xus sawv hauv nws lub ntxa los.



    2. Huab Tais Yes Xus ghia peb tias nws muaj hwj chim loj dua dab phem:

    Huab Tais Yes Xus ntaus thiab yeej dab phem mus li.
    - Dab phem swb huab Tais Yes Xus nyob hauv teb chaws suab puam.
    - Yes Xus yeej dab phem thaum Yes Xus tuag nyob saum Ntoo Cuam thiab nws sawv rov lus.
    Dab phem yog tus tsis nyiam Huab Tais Ntuj thiab tus tsis raws Huab Tais Ntuj lub siab.
    Yes Xus yog tus nyiam Huab Tais Ntuj thiab nws raws muab Tais Ntuj lub siab.
    Yes Xus yog tus siab zoo tshaj, nws thiaj li yeej cov dab siab phem.

    3. Tas lub ntiaj teb neeg yeej dab phem nyob hauv Huab Tais Yes Xus.

    - Tas lub ntiaj teb neeg poob rau hauv dab phem txhais tes tim As Das muaj txhaum.
    Tas lub ntiaj teb neeg tsis paub Huab Tais Ntuj zaj tswv yim thiab tsis raws Huab Tais Ntuj lub siab.

    - Tas lub ntiaj teb neeg yeej dab phem nyob hauv As Das Tshiab siab zoo.
    Tas lub ntiaj teb neeg paub Huab Tais Ntuj zaj tswv yim thiab txawj raws Huab Tais Ntuj lub siab.

    4. Nyem no dab phen tseem tuaj ntxias neeg.

    Neeg yuav tsum ceev faj.
    Tiam sis neeg yuav tso siab rau Huab Tais Yes Xus,
    vim Huab Tais Yes Xus lub zog pab neeg tiv dab phem

    NTUJ KEV CAI  lub ntsiab Arbre-10

    FEEM PLAUB : YUS CAV TXOG HUAB TAIS YES XUS.


    l. Peb txhos caug.
    - Peb pe Huab Tais Yes Xus uas nws yog tus yeej dab phem.
    - Peb ua Yes Xus tsaug, vim Yes Xus tuaj kom peb tsis txhob ntshai dab phem.
    - Peb nco txog Pob Zeb cov lus hais tias:
    " Kwv tij, nej cheem nej lub cev,
    " nej lub siab tsis txhob tsaug zog.
    " Tus niag ntxub nej nws zoo li ib tug tsov,
    " tus dab phem nyob ncig nej,
    " nws nyooj laws nrhiav saib yuav tom leej twg:
    " nej tsis txhob swb dab phem,
    " nej tso siab rau Ntuj, nej yuav muaj zog;
    " Huab Tais peb hu txog koj.
    " Koj ua siab hlub peb. I Pob Zeb 5, 8-9.

    Peb hais cov lus no:

    1) Huab Tais Yes Xus/ koj cawm peb ntawm dab phem txhais tes/ koj yeem raug txim zoo li ib tug neeg txhaum peb ua koj tsaug.

    2) Huab Tais Yes Xus/ peb ntseeg tias/ nyob saum Ntoo Cuam koj lub siab zoo yeej dab phem lub siab tsis zoo zaum no Huab Tais Ntuj yuav pub ib lub zog rau peb/ peb thiaj yuav yeej dab phem txoj kev txhaum.

    3) Huab Tais Yes Xus/ koj cawm peb nyob saum Ntoo Cua/ peb zoo siab teev ib tug Huab Tais tuag nyob saum Ntoo Cuam.

    4) Huab Tais Yes Xus/ peb xav nyob hauv Huab Tais Ntuj lub Ceeb Tsheej/ peb xav nrog koj kwv peb tus ntoo cuam.

    5) Huab Tais Yes Xus/ koj sawv rov qab los lawm/ peb thiaj paub tias koj yeej dab phem/ koj yeej dab phem lub ceeb tsheej/ koj tsuj dab phem taub hau/ koj pab lub ntiaj teb neeg tsuj dab phem taub hau.

    6) Huab Tais Yes Xus/ koj sawv rov qab los ua peb ntej/ peb tso siab tias peb yuav lawv koj qab/ peb yuav sawv rov qab los zoo li koj.

    FEEM TSIB : PEB YUAV NCO NTSOOV.

    1. Yes Xus xav cawm peb ntawm dab phem lub ceeb tsheej los nyob Huab Tais Ntuj lub Ceeb Tsheej nws ua zoo li cas ?


    Yes Xus xav cawm peb ntawm dab phem lub Ceeb Tsheej los nyob hauv Huab Tais Ntuj lub Ceeb Tsheej, NWS tuag kom tau cawm peb dim ntawm Dab phem.


    NTUJ KEV CAI  lub ntsiab Jesus-10


    Last edited by Maiv Tooj on 11th April 2012, 5:38 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 26th July 2011, 9:52 am

    NTUJ KEV CAI  lub ntsiab 13117010

    HUAB TAIS YES XUS TUAJ ROV QAB TSA NTIAJ TEB TSHIAB.


    NTUJ KEV CAI  lub ntsiab 25295011

    ZAJ KAUM PEB

    FEEM IB : PEB XAV TSWV YIM.
    1. Hmoob xav tias Hmoob muaj_nyiaj muaj kub thiab Hmoob muaj ib lub koob meej zoo thiab Hmoob ua nom ua tswv Hmoob thiaj yuav tau zoo nyob ntiaj teb no.

    2. Hmoob kuj yeem taug kev iab kev khwv vim hmoob xav nyob hauv txoj kev kaj lug nyob ntiaj teb no.

    3. Tiam sis muaj ntau yam uas Hmoob xav tsis txog; Yam li:
    vim li cas neeg tuaj nyob ntiaj teb no ?
    Vim li cas Ntuj thiaj tsim txoj kev ua txij ua nkawm ?
    Vim li cas muaj ib co neeg txom nyem nyob ntiaj teb no ?


    FEEM OB : YUS MLOOG HUAB TAIS YES XUS.
    1. Huab Tais Yes Xus qhia nws cov Thwj Tim zoo li no:

    Cov muaj txoj hmoov zoo yog cov nyiam txoj kev pluag, vim Ntuj lub ceeb Tsheej yog lawv li.
    Cov muaj txoj hmoov zoo yog cov siab zoo,vim lawv yuav txais lub ntiaj teb ua lawv tug.
    Cov muaj txoj hmoov zoo yog cov quaj ntsuag, vim yuav muaj tus nplij lawv.
    Cov muaj txoj hmoov zoo yog cov nqhis thiab tshaib txog txoj kev ncaj, vim yuav muaj tus daws lawv qhov nqhis.
    Cov muaj txoj hmoov zoo yog cov hlub luag tej, vim lawv yuav muaj tus hlub lawv.
    Cov muaj txoj hmoov zoo yog cov siab dawb siab huv, vim lawv yuav pom Tswv Ntuj.
    Cov muaj txoj hmoov zoo yog cov tsim kev thaj yeeb, vim luag yuav hu lawv ua Tswv Ntuj cov tub.

    2. Peb yuav nrog Yes Xus hais rau Huab Tais Ntuj tia:

    " Peb Txiv nyob saum Ntuj,
    " Koj lub npe tseev cia ntshiab mus li,
    " koj hwj huam tseev los txog,
    " tseev kom muaj raws li koj siab nyob ntiaj teb no
    " zoo li nyob saum Ntuj.

    FEEM PEB : HUAB TAIS YES XUS QHIâ RAU PEB TIAS:
    1. Yog vim peb muaj txhaum peb thiaj tsis raws Huab Tais Ntuj lub siab: peb pheej xav mloog peb lub siab txhaum thiab dab phem cov lus.
    2. Peb cov neeg txhaum tsis nco qab txog Huab Tais Ntuj zaj tswv yim; peb pheej xav tej zaj tswv yim txhaum, tej zaj tswv yim yuam kev, hais txog tas ib puas tsav yam:
    Hais txog neeg txoj hauj lwm,
    Hais txog txoj kev hwm Ntuj,
    Hais txog txoj kev nyiam luag tej,
    Hais txog txoj kev iab kev khwv,
    Hais txog txoj kev noj qab nyob zoo,
    Hais txog neeg lub cev los txoj kev ua txij ua nkawm.

    3. Yog vim li ntawd thaum Yes Xus tuaj cawm neeg, Yes Xus thiaj qhia tej lo lus tshiab los kav peb lub siab kom tas ib puas tsav yam nyob hauv peb lub siab tshiab tuaj.

    4. Huab Tais Yes Xus lo lus qhia tshiab dua cov loj dua cov yog lo lus no:
    " Koj yuav nyiam koj tus Huab Tais Tswv Ntuj tas siab tas ntsws tas tswv yim.
    " Lo lus qhia no yog lo lus loj tshaj.
    " Lo ob kuj zoo lb yam:
    " Koj yuav nyiam luag tej li koj nyiam koj.

    5. Huab Tais Yes Xus tseem qhia ntau lo lus tshiab los pab peb lub siab txhaum. Yam li :
    a) Peb lub siab xav txog txoj kev muaj nyiaj, muaj kub kom tau nyob zoo nyob ntiaj teb no.
    Huab Tais Yes Xus hais tias:
    " Cov muaj txoj hmoov zoo yog cov nyiam txoj kev pluag,
    " vim Ntuj lub Ceeb Tsheej yog lawv li.

    b) Peb lub siab xav nrhiav txoj kev ua si nyob dag, nyob ntiaj teb no.
    Huab Tais Yes Xus hais tias:
    " Cov muaj txoj hmoov zoo yog cov quaj ntsuag,
    " vim yuav muaj tus nplij lawv.

    c) Peb lub siab xav nrhiav txoj kev noj qab nyob zoo, nyob ntiaj teb no.
    Huab Tais Yes Xus hais tias:
    " cov muaj txoj hmoov zoo yog cov nqhis thiab tshaib txog txoj kev ncaj,
    " vim yuav muaj tus daws lawv qhov nqhis.

    d) Peb lub siab xav nrhiav txoj kev ua tus loj kav luag thiab qhia luag.
    Huab Tais Yes Xus hais tias:

    " Cov muaj txoj hmoov zoo yog cov siab zoo
    " vim lawv yuav txais lub ntiaj teb ua lawv tug.

    e) Peb lub siab xav nrhiav kev plees kev yi, xav mloog peb lub cev.
    Huab Tais Yes Xus hais tias:
    " Cov muaj txoj hmoov zoo yog cov siab dawb siab huv,
    " vim lawv yuav pom Tswv Ntuj.


    NTUJ KEV CAI  lub ntsiab Cadre_10

    6. Huab Tais Yes Xus tej lo lus tshiab ntawd vim tej lo lus tshiab phim nws thiab nws Txiv lub siab Ntshiab
    Yes Xus hais tias:
    " Kuv hais rau nej tias:
    " Nej yuav nyiam nej cov yeeb ncuab,
    " nej yuav thov Ntuj rau cov neeg hiam nej,
    " nej thiaj yog nej Txiv nyob saum Ntuj cov tub.
    " Nej Txiv nyob saum Ntuj tso hnub tuaj ziab rau saum cov neeg phem thiab cov neeg zoo;
    " nws tso nag los rau saum cov neeg ncaj thiab saum cov neeg nkhaus.
    " Yog nej nyiam cov neeg nyiam nej xwb,
    " mas nej yuav tsim nyog txais yam txiaj ntsim twg ?
    " Cov sau se lawv tsis ua ib yam li ntawd lod ?
    " Thiab nej tshwj zias nej tej lus mos lus muag rau nej tej kwv tij xwb,
    " mas nej tau ua yam dab tsi txawv luag tej ?
    " tsis yog cov neeg coj dab kuj ua tib yam li ntawd lod ?
    " Nej cov, mas nej yuav ua neeg Ntshiab xws li nej Txiv nyob saum Ntuj uas nws yog tus Ntshiab.

    7. Niaj hnub Leej Ntuj Plig qhia Yes Xus tej lus tshiab rau peb kom peb muaj ib lub siab tshiab zuj zus, lub ntiaj teb thiaj yuav tshiab tuaj.

    Huab Tais Yes Xus hais tias:
    " Nej tau hnov qhov hais rau tej laus tias:
    " Koj yuav tsis txhob tua neeg.
    " Tus twg tua neeg tus ntawd yuav raug txim nyob hauv lub tsev txiav txim.
    " Hos kuv hais rau nej tias:
    " Tus twg npau taws rau nws tus kwv, tus ntawd yuav raug txim nyob hauv lub tsev txiav txim.
    " Tus cem nws tus kwv tias: "niag ruam" tus ntawd...
    " Nej tseem tau hnov hais rau tej laus tias:
    " Koj yuav tsis txhob zes luag poj luag sev.
    " Tiam sis kuv hais rau nej tias:
    " Tus neeg ntsia ib tug poj niam vim nws xav zes tus poj niam ntawd,
    " tus neeg ntawd twb zes tus poj niam ntawd nyob hauv nws lub siab lawm
    " Nej tseem hnov qhov hais rau tej laus tias:
    " Muag pauv muag, hniav pauv hniav...

    8. Niaj hnub peb yuav muab siab rau txais Huab Tais
    Yes Xus tej lo lus tshiab ;

    Peb thiaj yuav ua tau kom lub ntiaj teb tshiab tuaj thiab kom Huab Tais Ntuj lub Ceeb Tsheej peb nyob ntiaj teb no.

    Peb yuav nco txog Huab Tais Yes Xus cov lus hais tias:
    " Nej yog cov ntsev las lub ntiaj teb.
    " Yog ntsev tsuag lawm, yuav muab dab tsi los ua kom ntsev daw tuaj ?
    " Cov ntsev tsuag ntawd tsuas zoo muab pov tseg rau neeg tsuj xwb.
    " Nej yog lub ntiaj teb qhov pom kev...
    " Nej yuav ua kom nej qhov pom kev cig ntsa iab li ntawd nyob ntawm sawv daws xub ntiag.
    " Ces sawv daws yuav pom nej cov hauj lwm zoo,
    " sawv daws thiaj yuav cav lus zoo txog nej Txiv nyob saum Ntuj.


    FEEM PLAUB : PEB CAV TXOG HUAB TAIS YES XUS.

    1. Peb yuav mloog Yes Xus tej lo lus tshiab.
    Peb yuav thov Huab Tais Yes Xus

    cov lus kom nws tuaj txog cov me neeg.
    " Txiv... uas koj yog Tswv Ntuj Tswv Teb
    " Kuv cav lus zoo txog koj,
    " vim koj tau zais tej ntawd rau cov neeg txawj neeg ntse,
    " koj ho qhib rau cov neeg me,
    " Txiv, vim koj lub siab yeej nyiam li ntawd.

    2. Yus cog cov lus no:
    a) Huab Tais Yes Xus/ peb lub siab xav nyiam tej yam peb pom xwb/ koj qhia peb tias: peb yuav nyiam Huab Tais Ntuj tas siab tas ntsws/ peb xav mloog koj lo lus qhia tshiab.

    b) Huab Tais Yes Xus/ peb lub siab xav nrhiav txoj kev ua si ntau/ koj hais tias/ cov muaj txoj hmoov zoo yog cov quaj ntsuag/ vim yuav muaj tus nplij lawv/ peb xav ua siab ntev ris txoj kev iab kev khwv.

    c) Huab Tais Yes Xus/ peb lub siab ntshaw nyiaj txiag ntau/ Koj hais tias/ cov muaj txoj hmoov zoo yog cov nyiam txoj kev pluag/ vim Ntuj lub Ceeb Tsheej yog lawv li/ peb xav ua siab kub nyiam koj tas zog.

    d) Huab Tais Yes Xus/ peb lub siab xav nrhiav txoj kev noj qab nyob zoo tas zog/ koj hais tias/ cov muaj txoj hmoov zoo yog cov nqhis thiab tshaib txog txoj kev ncaj/ vim yuav muaj tus daws lawv qhov nqhis/ peb mam xav nqhis txog txoj kev ua neeg siab ncaj xwb.

    k) Huab Tais Yes Xus/ peb lub siab xav nrhiav ua tus loj xwb/ koj hais tias/ peb yuav nyiam ua luag tej cov tub txib/ peb mam xav pab luag.

    FEEM TSIB : PEB YUAV NCO NTSOOV.


    1. Tus rov qab tsa Huab Tais Ntuj lub Ceeb Tsheej yog leej twg?


    Tus rov qab tsa huab Tais Ntuj lub Ceeb Tsheej Yog Yes Xus.
    Yes Xus cov kev cai yog cov kev cai kav Huab Tais Ntuj lub Ceeb Tsheej.

    2. Yes Xus hais rau peb tias:
    " Cov muaj txoj hmoov zoo yog cov nyiam txoj kev pluag,
    " vim Ntuj lub Ceeb Tsheej yog lawv li,
    " Cov muaj txoj hmoov zoo yog cov siab zoo,
    " vim lawv yuav txais lub ntiaj teb ua lawv tug.
    " Cov muaj txoj hmoov zoo yog cov hlub luag tej:
    " vim yuav muaj tus hlub lawv,
    " Cov muaj txoj hmoov zoo yog cov siab dawb siab huv:
    " vim lawv yuav pom Tswv Ntuj.

    3. Peb yuav mloog Paj Lug ntuas peb tias:

    " Nej yuav tsum tso nej lub siab qub pov tseg,
    " nej yuav tsum hle nej tus qub neeg pov tseg,
    " yog vim nej tus qub neeg ntshaw mus raws txoj kev tsis tsim txiaj.
    " nej yuav plhis ua tus neeg tshiab.
    " Nej yuav hloov nej lub tswv yim kom nej lub tswv yim xav txog tej yam nyob pem qaum Ntuj.
    " nej yuav hnav, tus neeg tshiab:
    " tus neeg tshiab ntawd yog Ntuj tsim nws los raws li Huab Tais Ntuj tus lwj lwm.
    " Ntuj tsim tus neeg tshiab ntawd nyob hauv txoj kev ncaj, kev ntshiab, kev tseem ceeb.
    " Nej yuav hnav tus neeg tshiab ntawd.

    NTUJ KEV CAI  lub ntsiab Couvpa10


    Last edited by Maiv Tooj on 11th April 2012, 6:16 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 2nd August 2011, 2:10 am



    NTUJ KEV CAI  lub ntsiab 13122810

    NTUJ KEV CAI  lub ntsiab 10030610

    NTUJ KEV CAI  lub ntsiab Jp11

    ZAJ KAUM PLAUB


    FEEM IB : PEB XAV TSWV YIM.

    1. Neeg tsis nyiam txoj kev nyob twj cuab.
    Cov neeg xav los nyob ua ke, vim lawv paub tias lawv tawm ntawm ib lub keeb los thiab lawv raws ib co kev cai coj lawv lub siab nyob ntiaj teb no.
    Yog vim li ntawd, neeg thiaj xav raws kwv tij neej tsa thiab txawj nyiam cov nrog lawv ua ib haiv neeg.
    Thaum Tswv Ntuj tsim neeg los nyob ntiaj teb no mas nws ua kom muaj li ntawd tuaj.

    2. Nyob ntiaj teb no muaj ntau haiv neeg.

    Tiam sis nyem no tas txhia haiv neeg nyob hauv qab ntuj no sib paub zoo; sawv daws kuj paub tias neeg kuj zoo ib yam thiab yuav tsum sib pab zoo li ib co kwv tij.

    3. Neeg lub siab tsis nyiam txoj kev sis ncaim ntawm lub ntiaj teb mus.
    Yog vim li ntawd neeg thiaj txawj hwm cov kwv tij uas lawv tsis nyob lawm.

    FEEM 0B : PEB MLOOG HUAB TAIS YES XUS.

    1. Thaum Yes Xus yuav tso nws cov thwj tim tseg Yes Xus hais rau lawv tias:
    " Ntuj pub tas ib puas tsav yam hwj huam rau kuv
    " nyob saum ntuj thiab nyob ntiaj teb no.
    " Nej mus, nej ua kom tas txhia haiv neeg ua kuv thwj tim.
    " Nej hu txog Leej Txiv thiab Leej Tub thiab Leej Tswv Yim Ntshiab lub npe nej ua lub cim Ntxuav rau lawv.
    " Nej qhia kom lawv paub coj tas txhia yam uas kuv tau qhia rau nej coj.
    " Ntawm kuv mas kuv nrog nej nyob mus li mus txog hnub ntiaj tob kawg.

    2. Yes Xus tseem hais ib zag txhais rau sawv daws tias:
    " Ntuj lub Ceeb Tsheej zoo li ib lub noob faj khaum
    " uas ib tug neeg muab tseb rau hauv nws daim teb.
    " Lub noob faj khaum ntawd me tshaj tas txhia yam noob.
    " Tiam sis thaum nws hlob ciaj tsheej ib tsob ntoo lawm,
    " mas nws siab dua tas txhia tsav ntoo.
    " Cov noog ya saum Ntuj tuaj nkaum ntxoo hauv nws tej ceg.

    3. Lus Kas qhia txog lub Koom Txhooj uas nyuam qhuav sawv nyob Yes Lus Xas Les : nws hais tias:
    " Niaj hnub cov neeg sawv daws nquag tuaj mloog
    " cov Hauv Paus Xa Lus qhia lawv sawv daws ua ib pab neeg sib nyiam sib hlub xws li ib co kwv tij.
    " Sawv daws ua ke Lov Mov thiab ua ke teev Ntuj.
    " Hnub dhau hnub lawv ua ib lub siab.
    " Lawv yeej meem muab siab rau mus tom lub Tuam tsev teev Ntuj.
    " Nyob tom lawv tsev lawv kuj lov mov.
    " Ces lawv zoo siab noj mov ua ke xws li ib co neeg siab kaj.
    " Lawv cav txog Huab Tais Ntuj.
    " Tas ib tsoom pej xeem huab hwm pom lawv zoo.
    " Niaj hnub, Huab Tais yuav cov neeg uas nws xav cawm coj los ntxiv rau pab ntseeg ntawd.


    FEEM PEB : YES XUS QHIA PEB TIA :

    1. Huab Tais Ntuj nyiam tas lub qab ntuj neeg nws xav cawm tas lub qab ntuj neeg ntawm txoj kev txhaum.


    Huab Tais Ntuj tsim neeg vim Huab Tais Ntuj hlub neeg. Thaum neeg ua txhaum rau Huab Tais Ntuj, mas Huab Tais Ntuj tseem zam rau neeg.

    2. Huab Tais Ntuj xaiv His Xas Lais los ua Huab Tais Ntuj haiv neeg.

    Huab Tais Ntuj xaiv His Xas Lais vim Huab Tais Ntuj xav qhia nws lub siab rau tas tsoom neeg.
    Huab Tais Ntuj ua li cas rau His Xas Lais, Huab Tais Ntuj kuj ua li cas rau tas tsoom neeg.

    3. Huab Tais Ntuj xa Yes Xus tuaj cawm lub ntiaj teb neeg.
    Huab Tais Ntuj xa Mais Xes los ua tus coj nws haiv neeg kom dim ntawm Hais Nkws Tos teb mus txog lub teb chaws uas nws xav muab rau His xas Lais..

    Huab Tais Ntuj xa YES XUS los ua tus coj tas sawv daws los ua Tswv Ntuj tsoom xov dawb nyob hauv Huab Tais Ntuj lub Ceeb Tsheej.
    Yes Xus hais tias:
    " Kuv tsis tuaj muab txim rau lub qab ntuj;
    " kuv tuaj cawm lub qab ntuj.
    " Kuv yog lub qhov rooj.
    " Tus nkag ntawm kuv mus hauv mas nws yuav tau txoj kev cawm,
    " nws yuav tau kev mus hauv,
    " nws yuav tau kev tawm ywj nws siab,
    " nws ntsib tej lub tshav zaub mos.

    4. Niaj hnub Leej Ntuj Plig Tshoj sawv daws kom los ua Tswv Ntuj tsoom xov dawb, kom sawv daws txais txoj kev cawm neeg nyob hau Huab Tais Yes Xus.

    Paj Lug piav tias :

    " Thaum peb tseem tsis tau ntseeg txog Ntuj mas peb
    " muaj ib co kev cai coj peb los txog lub caij uas
    " peb ntseeg txog Ntuj.
    " Ua li mas cov qub kev cai ntawd, yog zoo li ib
    " tug Xib Hwb qhuab qhia peb kom los txog lub caij
    " Yes Xus nqes los.
    " Tiam sis nyem no, peb ntseeg txog Ntuj lawm, mas
    " peb kuj tsis zwm rau cov qub kev cai ntxiv lawm.
    " Nyem no, nej sawv daws ntseeg txog Yes Xus Pleev,
    " mas nej sawv daws ua Huab Tais Ntuj cov me nyuam.
    " Nej sawv daws twb tau txais lub Cim Ntxuav nyob
    " hauv Yes Xus lawm; mas nyem no nej muab Yes Xus
    " los hnav. Zaum no peb tsis saib tus no yog mab
    " los yog suav, tus no yog qhev los yog tswv, tus
    " no yog poj niam los yog txiv neej nej sawv daws
    " huv tib si puav leej zoo li ib tug
    " neeg xwb nyob hauv Yes Xus.


    5. Nyob ntiaj teb no Tswv Ntuj tsoom xov dawb yog lub Koom Txhooj.
    Paj Lug piav tias:


    " Tos peb yuav sis nyiam sis hlub, yog vim peb sawv
    " daws ua ib lub txhooj xwb, peb muaj ib lub tswv
    " yim peb sawv daws npaj mus ib lub teb chaws.
    " Tos peb yuav sis nyiam sis hlub, yog vim peb sawv
    " daws muaj ib tug Tswv Ntuj, peb ntseeg tib co kev
    " cai, peb txais ib lub Cim Ntxuav.

    Lub Koom Txhooj yog Tswv Ntuj Tsoom xov dawb vim:
    - Sawv daws ntseeg txog ib tug Huab Tais Tswv Ntuj.
    - Sawv daws vam txog ib tug Huab Tais cawm neeg, Yes Xus.
    - Sawv daws txais ib lub Cim Ntxuav nyob hauv dej thiab nyob hauv Leej Ntuj Plig.
    - Sawv daws raws ib txog kev cai tuaj ntawm Yes Xus tuaj.

    6. Tswv Ntuj tsoom xov dawb yog tas cov neeg ntseeg txog Huab Tais Ntuj thiab txais ib txog sia tuaj ntawm Huab Tais Yes Xus tuaj.
    Tsoom xov dawb yuav ua kom lub ntiaj teb txais Huab Tais Yes Xus lub txiaj ntsim thiab raws Huab Tais Ntuj lub siab.

    7. Nyob hauv lub Koom Txhooj Huab Tais Ntuj xaiv tej tus Pleev los ua Tswv Ntuj tsoom xov dawb cov tub txib tub txuas:

    a- Tsoom Tswv Qhia.

    -Cov Tswv Qhia, hloov cov Hauv Paus Xa Lus
    -Lawv yuav tshaj Huab Tais Yes Xus lub Moo Zoo rau tas lub ntiaj teb neeg.
    -Lawv yuav faib Huab Tais Ntuj cov txiaj ntsim nyob hauv lub Koom Txhooj.
    -Lawv yuav coj sawv daws kev nyob hauv txoj kev Ntseeg.
    -Lawv yuav ua Yes Xus cov Tim Khawv.

    b- Vaj Qhia.
    -Pob Zeb ua thawj tug Vaj Qhia.
    Yes Xus tsa Pob Zeb los ua tus thawj
    -Cov Vaj Qhia hloov Pob Zeb, lawv txais ib lub hwj huam los ua tus thawj nyob hauv tsoom Tswv Qhia.
    -Vaj Qhia ua Txiv Tswv Qhia nyob lub nroog Los Mas.
    -Nyem no (2012) Vaj Qhia lub npe hu ua Npes Nes Div 16.


    c- Cov Tswv Qhia (Leej Choj thiab cov Xib Hwb)
    Cov Leej Choj thiab cov Xib Hwb txais lub hwj huam ntawm cov Tswv Qhia los; lawv thiaj muaj cai ua hauj lwm raws li lawv nyob hauv Tswv Ntuj tsoom xov dawb.

    -Cov Leej Choj thiab cov Xib Hwb txoj hauj lwm kuj yog zoo li cov Tswv Qhia txoj hauj lwm.

    8. Tswv Ntuj tsoom xov dawb yog ib pab ntseeg txog Yes Xus.

    -Ib txhia tseem nyob ntiaj teb no.
    -Ib txhia nyob hauv teb chaws them txim, npaj siab yuav mus nrog Huab Tais Ntuj nyob.
    -Ib txhia nrog Huab Tais Ntuj nyob hauv Huab Tais Ntuj lub Ceeb Tsheej.

    9. Nyob hauv ntawv Moo Zoo thiab nyob hauv cov hauv paus xa lus tej tsab ntawv muaj ntau zaj txhais hais txog Huab Tais Yes Xus lub Koom Txhooj.


    a- Lub Koom Txhooj yog zoo li Yes Xus pab Yaj Yes Xus lub nkuaj Yaj.

    “ Kuv yog tus zoo tswv zov yaj.
    “ Tus zoo tswv zov yaj nws muab nws txoj sia los cawm nws cov yaj.
    “ Kuv paub kuv cov yaj thiab kuv cov yaj paub kuv...
    “ Kuv tseem tshuav ib co yaj tsis tau los nyob sab laj kab no;
    “ cov yaj ntawd kuv tseem yuav mus cab los thiab.
    “ lawv yuav mloog kuv lub suab.
    “ Ces yuav muaj ib pab yaj xwb,
    “ thiab ib tug tswv zov Yaj xwb.

    b- Lub Koom Txhooj yog zoo li Huab Tais Ntuj lub tuam tsev Ntshiab.

    Pob Zeb qhia cov Pleev zoo li no:
    “ Nej yuav tuaj cuag Huab Tais Yes Xus:
    “ nws yog lub Pob Zeb muaj txoj sia lub Pob Zeb uas luag tso pov tseg,
    “ tiam sis Huab Tais Ntuj xaiv nws, saib nws muaj nqis kawg.
    “ Kwv tij, nej kuj yuav yog ib co pob zeb muaj txoj sia
    “ nej yuav koom txhim ib lub tsev yog Tswv Yim.
    “ Nej yuav ua ib pab Leej Choj Ntshiab ...
    “ Cov neeg tsis ntseeg txog Ntuj,
    “ lawv yog ib co neeg txhim tsev tsis xav yuav thawj lub pob zeb txheem tsev.

    Pob Zeb qhia tias

    - Lub Koom Txhooj yog zoo li ib lub tuam tsev Ntshiab.
    Yes Xus yog lub pob zeb txhim tas lub tuam tsev ntawd.
    - Cov neeg ntseeg txog Yes Xus thiab muaj txoj sia lawv
    zoo li ib co pob zeb txhim lub Koom Txhooj.

    c— Lub Koom Txhooj yog zoo li Yes Xus lub cev Hlob.

    Paj Lug qhia tias:
    “ peb sawv daws muaj ib lub cev;
    “ peb lub cev muaj tes muaj taw,
    “ peb tes taw tsis koom ua tib txog hauj lwm:
    “ peb sawv daws yog coob leej nyob hauv tus Pleev,
    “ peb Koom ua ib lub cev,
    “ peb sawv daws ua tes ua taw rov sib pab,
    “ nyias yuav raws nyias txoj hmoov.


    Paj Lug xav qhia tias:
    Lub Koom Txhooj yog zoo li ib lub cev vim sawv daws tau muaj ib txog sia tuaj ntawm Yes Xus tuaj.

    - Yes Xus yog zoo li lub cev, lub taub hau vim tas puas tsav yam txiaj ntsim tuaj ntawm Yes Xus tuaj.
    - Lub Koom Txhooj yog zoo li ib lub cev tiam sis nyob hauv lub Koom Txhooj nyias muaj nyias txoj hmoov,
    thiab nyias muaj nyias txoj hauj lwm.

    d— Lub Koom Txhooj yog zoo li ib tsob txiv cawv.

    Yes Xus hais rau nws cov thwj tim tias :
    " Kuv yog tsob tseem txiv cawv
    " Kuv Txiv yog tus Tswv Vaj txiv cawv.
    " Kuv yog tsob txiv cawv nej yog cov ceg.
    " Tus nyob hauv kuv ib yam li kuv nyob hauv nws,
    " nws thiaj yuav txi txiv ntau.

    Yes Xus xav qhia tias:
    “ Cov ntseeg txog Yes Xus txais txoj sia tuaj ntawm
    “ Yes Xus tuaj.
    “ Cov neeg ntseeg txog Yes Xus muab siab rau npuab
    “ Yes Xus mas lawv yuav muaj Ntuj txoj sia nyob hauv lawv.

    10. Peb yuav cav txog Huab Tais Ntuj uas nws hu sawv daws los nyob hauv nws lub Koom Txhooj.


    Peb yuav thov Huab Tais Yes Xus kom nws pab peb nyob hauv nws lub Koom Txhooj kom peb muaj ib lub siab Ntshiab thiab ib lub siab kub xws li nws lub siab.

    FEEM PLAUB : PEB CAV TXOG HUAB TAIS YES XUS.

    1. Nyob hauv peb lub siab, peb yuav cav txog Huab Tais Yes Xus vim Huab Tais Yes Xus tuaj coj peb los ua nws lub Koom Txhooj thiab vim niaj hnub, Leej Ntuj Plig coj sawv daws huv tib si los ua Tswv Ntuj tsoom xov dawb nyob ntiaj teb no.
    2. Peb yuav thov Huab Tais Ntuj tias:
    “ Huab Tais, koj xav cawm tas lub qab ntuj neeg;
    “ koj xav kom tas lub qab ntuj neeg tuaj tshwm txoj kev tseem ceeb.
    “ Peb thov koj.
    “ Koj xa neeg mus sau koj cov qoob loo
    “ koj xaiv ib co neeg siab loj siab kub.
    “ Ua li mas koj lub Moo zoo yuav txeem Mus txog plaub ceg kaum Ntuj.....

    Peb hais cov lus no:

    1—Huab Tais Yes Xus peb ntseeg tias/ koj yog tus zoo tswv zov yaj/ koj coj tas lub ntiaj teb neeg/ mus pom koj lub Ceeb Tsheej muaj hwj chim nyob saum Ntuj.

    2—Huab Tais Yes Xus peb tso siab tias/ tas lub qab ntuj neeg/ yuav los nyob hauv koj lub Ceeb Tsheej.

    3—Huab Tais Yes Xus/ Koj xaiv peb los ua koj lub Koom Txhooj/ peb ua koj tsaug.

    4—Huab Tais Yes Xus peb saib koj lub Koom Txhooj zoo li peb niam/ Lub Koom Txhooj coj Huab Tais txoj sia tuaj rau peb/ peb ua koj tsaug.

    5-Leej Ntuj Plig/ thov koj pab peb ua Yes Xus tim khawv nyob hauv Koom Txhooj/ koj pab peb ua hauj lwm coj Tswv Ntuj tsoom xov dawb nyob ntiaj teb no.

    6—Huab Tais Yes Xus/ peb ntseeg tias peb nrog koj ua ib lub cev hlob/ koj yog peb lub taub hau/ peb yog koj lub cev/ peb txais txoj sia ntawm koj los.

    7— Huab Tais Yes Xus, peb ntseeg tias/ koj lub Koom Txhooj yog tas ib tsoom neeg siab ncaj vam txog koj.

    FEEM TSIB : PEB YUAV NCO NTSOOV.
    1. Zaum no Huab Tais Ntuj lub Ceeb Tsheej hu li cas?

    Huab Tais Ntuj lub Ceeb Tsheej hu ua Yes Xus Tsoom zoo, thiab Tsoom Zoo Kav Tos Liv Los Mas.

    - Yes Xus tsoom Zoo puas muaj ib sab peb pom tau ?

    Yes Xus tsoom Zoo muaj ib sab peb pom tau: yog pab neeg muaj ib tug Vaj Qhia sawv Yes Xus chaw thiab tsis yuam kev.

    - Yes Xus tsoom Zoo uas muaj ib sab peb pom tsis tau?

    Yes Xus Tsoom Zoo muaj ib sab peb pom tsis tau yog Leej Ntuj Plig lub zog tuaj nres cov neeg nyob hauv Tsoom Zoo.
    Cov neeg muaj Leej Ntuj Plig lub zog tuaj nres lawv mas lawv ua Yes Xus lub cev Loj Hlob.

    2. Yes Xus hais rau nws cov Thwj Tim tias:

    " Ntuj pub tas puas tsav yam hwj huam rau kuv nyob
    " saum Ntuj thiab nyob ntiaj teb no.
    " Nej mus, nej ua kom tas txhia haiv neeg ua kuv Thwj
    " Tim. Nej hu txog Leej Txiv thiab Leej Tub thiab Leej
    " Tswv Yim Ntshiab lub npe nej ua lub cim ntxuav rau lawv.


    3. Paj Lug ntuas peb tias:


    Tas txhia yam nyob saum Ntuj los nyob nruab yeeb, tas txhia yam uas Ntuj tsim los lawm mas tsis muaj yam twg yuav thau tau peb ntawm Tswv Ntuj uas nws nyiam peb nyob hauv peb tus Huab Tais Yes Xus Pleev Los.



    NTUJ KEV CAI  lub ntsiab Pape-s10

    NTUJ KEV CAI  lub ntsiab Pape-b10


    Last edited by Maiv Tooj on 11th April 2012, 10:38 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 10th August 2011, 9:52 am



    NTUJ KEV CAI  lub ntsiab Z4e42e11

    ZAJ KAUM TSIB

    “KUV XAV TXAIS LUB CIM NTXUAV”

    NTUJ KEV CAI  lub ntsiab Msg-3410

    FEEM IB : PEB XAV TSWV YIM.
    1. Ib tug me nyuam yug los... tau tis npe rau... yog hnub zoo...
    Sawv daws kuj zoo siab kawg.
    Niam thiab txiv nkawd kuj zoo siab vim nkawd yim neeg yuav huam vam mus.
    Cov kwv tij kuj zoo siab vim lawv pom tias lawv yuav coob zuj zus.

    2. Ib tug me nyuam yug los... Sawv daws kuj txhawj me ntsis.

    Niaj hnub sawv daws pom ntau yam phem nyob ntiaj teb no txawj ua kom neeg txoj sia puas.
    Sawv daws paub tias tus me nyuam txoj sia tsis muaj zog thiab ntau zaus niam txiv los kwv tij yuav pab tsis tau.

    FEEM OB : PEB MLOOG HUAB TAIS YES XUS LUS.

    1. Yes Xus hais rau Nis Kos Des Mos tias:
    " Kuv hais tseeb tseeb rau koj:
    " leej twg tsis tau yug los nyob hauv dej
    " thiab nyob hauv Leej Tswv Yim mas leej twg kuj yuav mus tsis tau
    " hauv Tswv Ntuj lub Ceeb Tsheej.

    2. Zam Ntxuav Plig hais rau tas tsoom sid tias:
    " Ntawm kuv, mas kuv ntxuav nej nyob hauv dej kom tau pab nej hloov siab.
    " Tab sis tus lawv kuv qab nws muaj hwj huam dua kuv...
    " Nws yuav ntxuav nej nyob hauv Leej Tswv Yim Ntshiab thiab nyob hauv hluav taws.

    3. Pob Zeb ua lub Cim Ntxuav rau Kos Nes Lias thiab rau nws tsev neeg:
    Ntawv Hauv Paus Xa Lus tej hauj lwm hais tias:
    Pob Zeb hais tias:
    " Ib co neeg twb txais Leej Ntuj Plig xws li peb lawm,
    " ua cas peb yuav tsis xav pub cov dej ua lub Cim Ntxuav rau lawv puas yuav tau ?
    " Ces Pob Zeb kom ib tug ua lub Cim Ntxuav rau lawv nyob hauv Yes Xus Pleev lub npe.

    FEEM PEB : YES XUS QHIA PEB TIAS/

    1. Huab Tais Ntuj xav cawm tas txhia haiv neeg kom sawv daws rov los paub Huab Tais Leej Txiv thiab rov los ua Huab Tais Ntuj cov me nyuam thiab rov los ua Tswv Ntuj tsoom xov dawb.

    Paj Lug hais rau peb tias:
    " Nyem no, thaum tas tsoom Tshiab lawv pom lub Koom
    " Txhooj mas lawv kuj pom dheev tias Tswv Ntuj yog
    " tus thoob tsib, thiab nws ib txwm xav cawm lub qab
    " ntuj nyob hauv tus Pleev.
    " Peb thiaj li tso siab, peb mus raws txoj kev ntseeg
    " txog Yes Xus; peb thiaj muaj cuab kav los ze ntawm Huab Tais Ntuj.

    Huab Tais Yes Xus kuj qhia ntau zaj txhais hais txog nws Txiv lub siab.

    2. Huab Tais Yes Xus Yeem tuag nyob saum Ntoo Cuam thiab sawv rov qab los kom peb tau kev dim ntawm txoj kev txhaum thiab tau txais Huab Tais Ntuj txoj sia.

    Paj Lug qhia pob tias :
    " Yes Xus nqes los ua neeg, nws haj tseem ua nws me
    " dua neeg: nws yeem tuag kom tau mloog Ntuj Lus,
    " thiab nws tseem xaiv txoj kev tuag nyob saum
    " Ntoo Cuam. Vim li ntawd mas Huab Tais Ntuj thiaj
    " li tsa Yes Xus ua tus loj nyob siab siab. Huab
    " Tais Ntuj muab ib lub zoo npe rau nws, yog lub
    " npe zoo tshaj.

    3. Thaum ib tug neeg xav txais lub Cim Ntxuav,
    lub Koom Txhooj xub nug tias tus neeg_ntawd puas ntseeg txog Huab Tais Ntuj.
    Yog vim li ntawd lub Koom Txhooj thiaj kom nws hais zaj
    "Kuv ntseeg txog Huab Tais Utuj."
    Leej Twg xav txais lub Cim Ntxuav mas leej twg yuav tsum ntseeg txog Huab Tais Yes Xus uas Huab Tais Ntuj xa nws tuaj thiab nws tuag nyob saum Ntoo Cuam thiab nws sawv rov qab los.

    4. Yog ib tug neeg xav ntseeg txog Huab Tais Yes Xus thiab xav mloog Huab Tais Ntuj cov lus, mas tus neeg ntawd yuav tsum txais lub Cim Ntxuav nyob hauv lub Koom Txhooj.

    Yes Xus hais rau Nis Kos Des Mos tias:
    " Kuv hais tseeb tseeb rau koj:
    " Leej twg tsis tau yug los nyob hauv dej thiab
    " nyob hauv Leej Tswv Yim mas tus ntawd kuj yuav
    " mus tsis tau hauv Tswv Ntuj lub Ceeb Tsheej.

    Thaum Yes Xus yuav mus lawm saum Ntuj nws hais rau nws cov thwj tim tias:
    " Nej yuav mus nyob tas ntiaj teb.
    " Nej qhia lub Moo Zoo rau tas ib zeej tsoom.
    " Tus twg ntseeg thiab txais lub Cim Ntxuav mas tus ntawd yuav dim.
    " Tus twg tsis ntseeg mas tus twg yuav raug txim.

    3. a-Thaum Yus txais lub Cim Ntxuav Huab Tais Yes Xus muab tus neeg txhaum lub siab qub pov tseg,
    xws li:
    - His Xas Lais mus hauv dej Hiav Txwv Liab lawv thiaj tau dim ntawm txoj kev txom nyem nyob Hais Nkws Tos teb.
    - Yes Xus tuag nyob saum Ntoo Cuam thiab muab los hauv nws lub ntxa mas nws txoj sia qub pov tseg.

    Paj Lug qhia tias:
    " Peb cov uas tau txais lub Cim Ntxuav nyob hauv
    " Yes Xus Pleev, mas yog peb txais lub Cim Ntxuav
    " nyob hauv Yes Xus txoj kav tuag. Thaum peb txais
    " lub Cim Ntxuav mas peb tau nrog Yes Xus tuag, peb faus nrog nws,
    " Peb yuav paub tseeb tias peb muab peb tus qub neeg
    " ntsia nyob saum Ntoo Cuam nrog Yes Xus,
    " vim peb xav muab peb lub cev xav ua txhaum tua.

    e—Thaum peb txais lub Cim Ntxuav Huab Tais Yes Xus ib txhij muab ib txoj sia tshiab rau peb.

    Xws li cov His Xas Lais tau hla dej Hiav Txwv Liab, lawv thiaj tau ua ib co neeg twj lij nyob hauv Huab Tais Ntuj txhais tes.
    Xws li Huab Tais Yes Xus sawv rov los, mas nws ua ib tug neeg tshiab mus li.
    Paj Lug piav zoo li no:
    “ Peb kam nrog tus Pleev,
    “ Peb nrog tus Pleev tuag, vim li ntawd mas peb thiaj
    “ li yuav sawv rov los xws li nws thiab.....
    “ Nyem no, Yes Xus ciaj rov los lawm nws npuab
    “ Huab Tais Ntuj mus li.
    “ Nej, nej kuj yuav zoo li ntawd thiab:
    “ Nej yuav pom nej tus neeg txhaum tuag lawm;
    “ Tshuav nej tus neeg tshiab npuab Huab Tais Ntuj
    “ yuav muaj txoj sia nyob hauv Yes Xus Pleev mus li.

    Yog vim li ntawd, peb ntseeg tias tus txais lub Cim Ntxuav nws nrog huab Tais Yes Xus tuag, faus nrog nws thiab nws nrog Huab Tais Yes Xus sawv rov qab los.

    6.a-Thaum peb txais lub Cim Ntxuav, Huab Tais Yes Xus muab nws txoj sia rau peb: peb thiaj li ua HUAB TAIS NTUJ ME NYUAM.

    Thaum Yes Xus xaiv nws cov Thwj Tim thiab qhia zaj teev Ntuj Yes Xus hais tias:

    " Nej yuav teev Ntuj zoo li no:
    " Peb txiv nyob saum Ntuj...
    Yes Xus tseem qhia tias:
    " Nyob ntiaj teb no nej tsis txhob hu leej twg ua
    " Txiv vim nej kawg muaj ib leej Txiv xwb: yog nyob saum Ntuj.

    Yog vim li ntawd mas thaum peb Txais lub Cim Ntxuav lub Koom Txhooj kom peb hais zaj "Peb Txiv" rau sawv daws mloog.
    e—Thaum peb txais lub Cim Ntxuav, Huab Tais Yes Xus muab nws txoj sia rau peb. Yog ib txoj sia tshiab nyob mus li.
    Yam li thaum peb yuav tsis nyob ntiaj teb no, mas yus yuav mus nyob saum Ntuj; yus yuav mus nrog Huab Tais Ntuj nyob mus li, nyiam Huab Tais Ntuj thiab tas sawv daws zoo li peb pib nyiam nyob ntiaj teb no.
    Paj Lug piav rau cov neeg ua Ntuj kev cai tias:

    “ nyem no, nej dim ntawm txoj kev ua txhaum los ua
    “ Huab Tais Ntuj cov tub txib tub txuas lawm, mas nej
    “ lub siab yuav txi txiv zoo thiab nej yuav tshiab tuaj,
    “ thiab nej yuav muaj txoj sia nyob mus li.
    “ Txoj kev txhaum lub txiv yog txiv, yog txoj kev tuag.
    “ Ntuj cov txiaj ntsim lub txiv yog txoj sia nyob
    “ mus li nyob hauv Huab Tais Yes Xus Pleev.

    0—Thaum yus txais lub Cim Ntxuav,
    LEEJ NTUJ PLIG tuaj nyob hauv yus.

    Niaj hnub, Leej Ntuj Plig ua Kom yus ntseeg thiab tso siab rau yus Txiv nyob saum Ntuj xws li ib tug me nyuam ntseeg thiab tso siab rau nws niam nws txiv Niaj hnub, Leej Ntuj Plig ua kom yus nyiam yus Txiv nyob saum Ntuj xws li ib tug me nyuam nyiam nws niam nws txiv; Leej Ntuj Plig ua kom yus txawj raws Huab Tais Ntuj lub Tswv Yim thiab Huab Tais Ntuj lub siab hais txog cov neeg thiab tas ib puas tsav yam nyob ntiaj teb no.
    Paj Lug qhia peb tias:
    “ Nej lub cev xav ua tej qhov phem, ua li mas nej yuav
    “ vam txog Leej Tswv Yim Ntshiab tuaj pab nej lub cev,
    “ nej thiaj yuav muaj txoj sia.
    “ cov muaj Leej Ntuj Plig coj lawv kev, lawv ua
    “ Huab Tais Ntuj cov me nyuam tas huv tib si.
    “ Nej tsis muaj ib lub tswv yim ua xws li ib co qhev,
    “ ua cas nej yuav ntshai Ntuj.
    “ Peb twb tau ib lub Tswv yim ua Ntuj cov tub, cas
    “ peb hu Huab Tais Ntuj ua "Txiv"
    “ Huab Tais Leej Tswv Yim nrog peb ua ke
    “ qhia peb tias: "Peb yog Huab Tais Ntuj cov me nyuam tiag"
    “ Peb yog Huab Tais Ntuj cov me nyuam, peb kuj yuav
    “ tau nrog Huab Tais Pleev txais Huab Tais Ntuj lub
    “ cuab tam.

    7. a— Thaum peb txais lub Cim Ntxuav,
    Peb los nyob hauv TSWV NTUJ TSOOM XOV DAWB Thaum lub Koom Txhooj ua lub Cim Ntxuav, lub Koom Txhooj coj tus neeg yuav txais lub Cim Ntxuav los nyob hauv lub tsev teev Ntuj thiab hais rau nws tias:
    " Koj los nyob hauv Huab Tais Ntuj lub tsev Ntshiab.
    " Koj tau lub txiaj ntsim tuaj ntawm Huab Tais Yes Xus tuaj.
    " Koj thiaj yuav nrog Yes Xus nyob, nrog tas tsoom Leej Ntshiab nyob.

    Yam li: Peb ntseeg txog Huab Tais Yes Xus yus txais ib lub txiaj ntsim tuaj ntawm Yes Xus tuaj thiab peb los nyob hauv pab ntseeg txog Huab Tais Ntuj.

    Pob Zeb ntuas peb zoo li no:
    " Nej li mas nej yog haiv neeg Ntuj xaiv los,
    " nej yog lub Txhooj Leej Choj ua Vaj, nej yog tsav
    " neeg Ntshiab, nej yog Tsoom pej xeem uas Ntuj
    " txhiv kom tau mus tshaj tej lo lus cav txog tus
    " hu nej nyob hauv qhov tsaus ntuj los nyob hauv
    " nws qhov pom kev zoo saib.
    " Thaum ub nej tsis yog ib haiv neeg,
    " Nyem no, nej yog Huab Tais Ntuj haiv neeg,
    " thaum ub, nej thov tsis tau kom Ntuj zam txhaum rau nej,
    " nyem no, Ntuj zam rau nej lawm.

    e—Nyob hauv Tswv Ntuj tsoom xov dawb, lub Cim Ntxuav ntaus lb lub thwj nyob hauv tus Pleev lub siab.

    Lub thwj ntawd tsa tus Pleev ua Yes Xus txoj hauj lwm nyob ntiaj teb no.
    Tus Pleev thiaj muaj cai cav txog Huab Tais Ntuj thiab nrog tas Tswv Ntuj tsoom xov dawb thov Ntuj rau lub ntiaj teb neeg.
    Tus Pleev kuj muaj cai pab luag tej ntseeg txog Huab Tais Ntuj.
    Tus Pleev kuj muaj cai pab luag tej coj ib tug yam ntxwv haum Huab Tais Ntuj lub siab.

    8. Lub Cim Ntxuav lub Txiaj ntsim yog lub txiaj ntsim ua kom Peb muaj ib txog KEV POM KEV coj peb lub neej nyob ntiaj teb no.
    Yam li: Huab Tais Ntuj pab His Xas Lais nyob hauv teb chaws suab puam,
    Huab Tais Ntuj tso ib twv huab mus ua His Xas Lais ntej qhia His Xas Lais kev.
    Nyem no, Huab Tais Yes Xus tuaj nyob hauv tus Pleev lub siab qhia txoj kev pom kev rau nws.

    Yog vim li ntawd tus Pleev thiaj txais ib tug tswm ciab; tus tswm ciab ntawd yog zoo li Huab Tais Yes Xus uas nws yuav coj tus Pleev kev tas ib sid.
    Paj Lug qhia peb tias:
    " Thaum ub, nej nyob hauv qhov chaw tsaus ntuj.
    " Zaum no, nej yog ib qho pom kev nyob hauv Huab Tais Ntuj.
    " Nej yuav ua ib lub neej phim ib
    " co tub taug txoj kev pom kev. Txoj kev pom kev
    " txi ib co txiv, yog lub siab zoo thiab lub siab
    " ncaj thiab lub siab tseem ceeb.

    9. Lub Cim Ntxuav lub txiaj ntsim kuj yog lb lub txiaj ntsim ua kom Peb muaj ib LUB ZOG TSHIAB pab peb ntaus dab phem thiab lub ntiaj teb txhaum.
    Lub zog tshiab ntawd yog Leej Ntuj Plig lub.
    Thaum peb txais lub Cim Ntxuav lub Koom Txhooj hais ob peb zag nrauj dab phem thiab ob peb zag hu txog Huab Tais Leej Txiv thiab Huab Tais Leej Tub thiab Huab Tais Leej Tswv Yim Ntshiab los pab peb ntaus peb lub siab txhaum thiab peb lub tswv yim txhaum.

    10. Thaum peb txais lub Cim Ntxuav peb yuav zoo siab vim peb tau ua ib tug NEEG TSHIAB
    vim Leej Tswv Yim Ntshiab tuaj nyob hauv peb.
    Paj Lug ntuas peb cov neeg txais lub Cim Ntxuav zoo li no:
    " Nej yuav tsum tso nej lub siab qub pov tseg,
    " Nej yuav tsum hle nej tus qub neeg pov tseg,
    " yog vim nej tus qub neeg ntshaw mus raws txoj kev tsis tsim txiaj.
    " Nej yuav plhis ua tus neeg tshiab.
    " Nej yuav hloov nej lub tswv yim kom nej lub tswv
    " yim xav txog tej yam nyob pem qaum Ntuj.
    " Nej yuav hnav tus neeg tshiab.
    " Tus neeg tshiab ntawd mas yog Ntuj tsim nws raws
    " li Huab Tais Ntuj tus lwj lwm.
    " Ntuj tsim tus neeg tshiab ntawd nyob hauv txoj kev
    " ncaj, kev Ntshiab, kev tseem ceeb.
    " Nej yuav hnav tus neeg tshiab ntawd.

    Thaum peb txais lub Cim Ntxuav, lub Koom Txhooj tau muab ib lub tsho dawb rau peb hnav.
    Peb yuav nco ntsoov tias lub tsho dawb ntawd qhia txog tus neeg tshiab uas peb tau hnav nyob hauv peb lub siab thiab peb lub tswv yim.

    11. Thaum twg peb yuav nco txog lub txiaj ntsim loj tas nrho uas Huab Tais Ntuj pub rau peb nyob hauv lub Cim Ntxuav ?
    - Niaj xyoo, thaum yuav txog lub hnub nyoog peb txais lub Cim Ntxuav, peb yuav nco ua Huab Tais Ntuj tsaug thiab cav txog Huab Tais Ntuj lub siab zoo.
    - Niaj hnub chiv, peb yuav nco ntsoov tias Huab Tais Ntuj xa Huab Tais Yes Xus tuaj pab tas tsoom neeg txhaum thiab peb yuav cav txog Huab Tais Yes Xus uas nws xa Leej Ntuj Plig los nyob hauv cov neeg ntseeg txog Ntuj thiab txais lub Cim txuav.
    - Thaum peb siv dej foom hmoov zoo, peb yuav nco ntsoov tias peb tau txais lub Cim Ntxuav nyob hauv dej.
    -Niaj xyoo, yus yuav rau siab nrog tas tsoom xov dawb ua hnub nyoog Hla
    kom Huab Tais Ntuj txais ib lub Hwj chim loj tuaj ntawm cov neeg ntseeg txog Ntuj tuaj thiab kom tas lub ntiaj teb neeg txais cov txiaj ntsim tuaj ntawm Huab Tais Yes Xus tuaj.

    FEEM FLAUB : PEB YUAV CAV TXOG HUAB TAIS YES XUS.

    1. Peb yuav ua Huab Tais Yes Xus tsaug, vim Huab Tais Yes Xus yeem tuag nyob saum Ntoo Cuam thiab sawv rov los kom tas lub qab ntuj neeg txhaum tau kev dim ntawm dab phem txhais tes los ua Huab Tais Ntuj cov me nyuam.

    2. Peb yuav thov Huab Tais Yes Xus.
    Peb yuav muab siab rau hais ob zag uas peb hais thaum peb txais lub Cim Ntxuav:
    Zaj " Peb Txiv nyob saum Ntuj
    Zaj " Kuv ntseeg txog Huab Tais Tais Ntuj...

    3. Peb hais cov lus no:
    1)Huab Tais Yes Xus: thaum peb txais lub Cim Ntxuav/ tau muab peb faus nrog koj/ peb koj nyob hauv koj txoj kev tuag/ peb xav kom peb cov txhaum ploj tas nyob hauv qhov faus peb nrog koj.

    2)Huab Tais Yes Xus/ thaum peb txais lub Cim Ntxuav/ peb nrog koj sawv los muaj ib txog sia tshiab/ peb ua koj tsaug.

    3)Huab Tais Leej Txiv, Huab Tais Leej Tub, Huab Tais Leej Tswv Yim Ntshiab/ nyob hauv cov dej ua lub Cim Ntxuav/ kuv tau txais nej txoj sia/ kuv xav nco nej txiaj nej ntsig/ vim kuv xav mus nrog nej nyob mus li.

    4)Huab Tais Yes Xus/ hnub peb txais lub Cim Ntxuav/ peb kuj tau txais Yes Xus Pleev tus yam ntxwv/ peb ua ib co Pleev xws li Yes Xus/ peb thiaj li muaj cai teev koj/ tas peb sim nej peb xav teev koj nyob hauv lub Koom Txhooj.

    5)Huab Tais Leej Txiv, Huab Tais Leej Tub Huab Tais Leej Tswv Yim Ntshiab/ peb txais Lub Cim Ntxuav nyob hauv nej lub npe/ peb xav ntseeg txog nej/ peb xav tso siab rau nej/ peb xav nyiam nej.

    6)Huab Tais Leej Txiv/ hnub peb txais lub Cim Ntxuav/ koj yuav peb los ua koj cov tub koj cov ntxhais/ peb ua koj tsaug.

    7)Huab Tais Leej Txiv Huab Tais Leej Tub Huab Tais Leej Tswv Yim Ntshiab/ Txij thaum peb Txais lub Cim Ntxuav los/ nej coj peb los nyob hauv nej cuab nej yim/ nej pub ib lub hwj chim zoo rau peb/ peb xav nco nej txiaj nej ntsim mus 1i/ txog txhiab niag tim puas xyoo.

    FEEM TSIB : PEB YUAV NCO NTSOOV:

    1. Peb xav los, nyob hauv Tsoom Zoo peb yuav ua zoo li cas ?
    Peb xav los nyob hauv Tsoom Zoo, peb yuav txais lub Cim Ntxuav. Thaum peb txais lub Cim Ntxuav, peb nrog Yes Xus mus hauv nws lub ntxa, thiab peb nrog Yes Xus sawv los muaj ib txog sia tshiab.

    2. Peb xav ua lub Cim Ntxuav rau luag, peb yuav ua zoo li cas ?

    Peb xav ua lub Cim Ntxuav rau luag, peb yuav ib txhij muab dej los hliv rau saum luag hauv pliaj, thiab peb yuav hais tias: "Kuv hu txog Leej Txiv thiab Leej Tub thiab Leej Ntuj Plig lub npe, kuv ntxuav koj "

    3. Ntuj txoj sia yog ib txog sia zoo li cas ?
    Ntuj txoj sia yog ib txog sia ua kom peb txawj xav tswv yim zoo li Huab Tais Ntuj, thiab kom peb tau nyob kaj lug hauv Huab Tais Ntuj, thiab kom peb txawj nyiam zoo li Huab Tais Ntuj.

    4. Thaum peb muaj Ntuj txoj sia lawm peb puas ua ib co neeg tshiab ?
    Thaum peb muaj Ntuj txoj sia lawm, peb ua ib co neeg tshiab yam li peb ua Huab Tais Ntuj cov me nyuam:
    peb ua Yes Xus cov kwv cov muam, peb ua Leej Ntuj Plig tsev nyob, peb nrog Yes Xus koom txais ib lub cuab tam.

    5. Yes Xus hais rau nws cov thwj tim tias:
    " Ntuj pub tas ib puas tsav yam hwj huam rau kuv nyob
    " saum ntuj thiab nyob ntiaj teb no.
    " Nej mus, nej ua kom tas txhia haiv neeg ua kuv thwj tim.
    " Nej hu txog Leej Txiv thiab Leej Tub thiab
    " Leej Tswv Yim Ntshiab lub npe nej ua lub Cim Ntxuav rau lawv.
    " Nej qhia rau lawv kom lawv paub coj tas txhia yam uas kuv qhia rau nej coj.
    " Ntawm kuv, mas kuv nrog nej nyob mus li txog hnub lub ntiaj teb kawg.

    6. Pob Zeb ntuas peb tias:
    " Nej li mas nej yog haiv neeg Ntuj xaiv los, nej
    " yog lub Txhooj Leej Choj ua Vaj.
    " Nej yog tsav neeg Ntshiab,
    " Nej yog tsoom pej xeem uas Ntuj txhiv kom tau mus
    " tshaj tej lo lus cav txog tus hu nej nyob hauv
    " qhov tsaus ntuj los nyob hauv nws qhov pom kev zoo
    " saib. Thaum ub, nej tsis yog ib haiv neeg,
    " Nyem no, nej yog Huab Tais ntuj haiv neeg.




    NTUJ KEV CAI  lub ntsiab 92088010



    Last edited by Maiv Tooj on 13th April 2012, 9:11 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Maiv Tooj 10th August 2011, 10:06 am



    UA TSAUG

    NTUJ KEV CAI  lub ntsiab Tn236510

    PHAU NTAWV NTUJ KEV CAI LUB NTSIAB los xaus li no xwb.

    Ua tsaug ntau rau cov tau tsim phau ntawv no.

    Ua tsaug rau tus neeg siab dawb uas pab rov ntau phau ntawv no
    rau hauv peb lub Vas Sab Hmoob Catholique.
    Koj lub txiaj ntsim peb yuav ris,
    koj tej txiaj ntsha peb txhua leej yuav nqa tsis muaj caij kawg.

    Thov kom Tswv Ntuj lub txiaj ntsim tuaj txog koj li koj tau muab rau peb.


    NTUJ KEV CAI  lub ntsiab 25187010
    Tub Ntxaws
    Tub Ntxaws


    Messages : 20
    Date d'inscription : 2012-02-21
    Localisation : Tub Ntxaws

    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Tub Ntxaws 3rd June 2012, 12:58 pm

    Nug: Yuav ua li ca li kw txwv tau zoo.
    Teb: Yuav ua zoo zov tswv ntuj cov kev cai.
    Noog: Tswv ntuj yog leej twg.
    Teb: Yog leej tsim ntuj tsim teb tsim puav leej huv tib si nyob pes ntuj ntiaj teb thiab......
    Noog: Tswv Ntuj muaj tsaws tus...?
    TEB: Muaj tib tus xwb.
    Noog. Ua cas ho paub muaj tswv ntuj? Teb. saib pes ntuj nuam pes li paub muaj tswv ntuj tsim ntuj tsim teb? Noog: Tswv Ntuj nyob qhov twg?
    Teb: txhua qhov twg twb nyob,
    Noog: Tswv Ntuj txhua qhov twg twb nyob!
    Teb: Yog nws tsi muaj cev tsi muaj xyam,
    Noog: Tswv Ntuj ua cas ho muaj nyob.
    Teb: Tswv Ntuj tom ntej tom qab tsi tas kwm txwv nyob tsi muaj niam tsi txiv xeeb nws civ muaj nyob.
    Noog: Tswv Ntuj zoo tsi zoo?
    Teb: Zoo heev.

    Lwm hnub mam sau dua.

    NTUJ KEV CAI  lub ntsiab 0610

    Sponsored content


    NTUJ KEV CAI  lub ntsiab Empty Re: NTUJ KEV CAI lub ntsiab

    Post  Sponsored content


      Current date/time is 19th March 2024, 12:17 am