Thov ntuj rau G. Vang Pao thiab tsoom Hmoob thoob qab ntuj

**Maiv Paj Lug** 14th January 2011, 11:20 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Thov ntuj rau G. Vang Pao thiab tsoom Hmoob thoob qab ntuj

Post Maiv Paj Lug 14th January 2011, 11:20 am

THOV KOM TSWV NTUJ KHUV LEEJ GENERAL VANG PAO THIAB PUB TXIAJ NTSIM RAU TSOOM HMOOB THOOB QAB NTUJ

Thov ntuj rau G. Vang Pao thiab tsoom Hmoob thoob qab ntuj Img_2010

Thov ntuj rau G. Vang Pao thiab tsoom Hmoob thoob qab ntuj Img_2010

Txiv Tswv Ntuj, thov koj khuv leej peb Txiv Nais Phoo Vang Pao, thov koj coj nws tus ntsuj plig mus nyob kom kaj siab lug, koj muab paj tshab rau nws xws li koj tus tub hlob koj tau txib ua koj dej num nyob hauv ntiaj teb no tiav hlo los pab txhawb koj haiv neeg Hmoob.

Tswv Ntuj koj yog tus kav tas puas tsav yam, thov koj ntsia peb haiv Hmoob tuaj hwm koj, peb zeem tias dua koj Huab Tais lawm, tsis muaj lwm tus Tswv Ntuj.Thov koj rov ua cov cim, koj rov ua cov hauj lwm zoo nkauj. Koj ua kom koj txhais tes thiab koj txhais npab xis nto koob meej ntxiv mus nyob hauv koj haiv Hmoob, koj yuav coj ib co neeg siab loj siab kub los tuav koj haiv Hmoob kom txhob ntog.

HUAB TAIS, thov koj khuv leej haiv Hmoob hnub no uas tau raug kev kua muag iab kua muag daw, vim koj tus tub Vang Pao tau tso koj haiv Hmoob tseg rau tom qab, tsis paub yuav muab leej twg los ua tus thawj thiab tus coj lawm. Peb vam txog koj lub npe Ntshiab nto moo lug yuav los kav koj haiv Hmoob thiab yuav tsis tso koj haiv Hmoob quaj tas tiam dhau tiam. Ua li.