Sib pab thov ntuj thiab hais Saw Mab Liab

**Mim** 12th October 2010, 6:35 pm

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Sib pab thov ntuj thiab hais Saw Mab Liab

Post Mim 12th October 2010, 6:35 pm

Yuav xub piav txog txoj Saw Mab Liab ua ntej.

Yog vim li cas peb thiaj muaj txoj Saw Mab Liab?

Txheej thaum ub, cov txiv plig thiab cov leej tij(monlks) lawv niaj hnub yuav tsum tau hais cov zaj Nkauj Paj Nruag(Psalms) uas muaj 150 zaj. Hais txog ntawm cov ntseeg mas lawv yog pej xeem niaj hnub khwv noj khwv haus tsis muaj sij hawm npaum ntawd los hais 150 zaj Nkauj Paj Nruag. Tsis tas li xwb lawv los yeej tsis paub ntaub paub ntawv li. Ces cov uas xav teev ntuj thiaj muab 150 zaj “Peb Txiv nyob saum ntuj …” los hais pauv cov Nkauj Paj Nruag, vim nws yog ib zag yooj yim uas sawv daws paub nyob hauv siab. Tom qab no cov neeg kuj tau muab zaj “Koj nyob zoo Mab Liab” los pauv zaj “Peb Txiv” lawm.

Muaj dab neeg piav tias leej ntshiab Dominic uas nws ua neej lub caij 1170-1221 yog tus xub tau siv txoj Saw Mab Liab raws li peb paub niaj hnub no. Thiab txoj Saw Mab Liab kuj rais los ua ib txoj kev teev ntuj uas lub Koom Txoos saib muaj nqes, thiab txhob kom peb cov ntseeg nquag hais.

Txoj Saw Mab Liab yog ib txoj kev teev ntuj uas muab hauv Ntawv Moo Zoo los.

Sib pab thov ntuj thiab hais Saw Mab Liab Jesus-et-disciples

Cov lus peb hais hauv txoj Saw Mab Liab yog muab hauv Ntawv Moo Zoo los ntau. Xws li zaj “Peb Txiv nyob saum ntuj” yog Yes Xus qhia rau nws cov thwj tim (MT 6: 9-13; LK 11: 2-4). Zaj “Koj nyob zoo Mab Liab,” yog peb siv tus tshiab Nkas Nplias cov lus thiab Es Lis Xas Npes cov lus los qhuas txog Niam Mab Liab, ces peb xaus nrog ib co lus thov kom Niam Mab Liab thov ntuj rau peb xwb.

Sib pab thov ntuj thiab hais Saw Mab Liab Annunciation

Muaj ib txhia hais tias, “Txoj Saw Mab Liab ces yog qog tib co qub lus tas li xwb ces laj laj li…” Tiam sis txoj Saw Mab Liab tsis yog lam qog ib co lus qhuav tas mus li xwb. Thaum peb hais txoj Saw Mab Liab, mas peb ke hais ib co qub lus tiag, tiam sis peb kuj ke xav txog Niam Mab Liab lub neej nrog rau Yes Xus lub neej, thaum nkawd muaj kev zoo siab, thaum nkawh muaj kev txom nyem, thiab thaum nkawd ho tau kev muaj hwj chim nto koob meej, ces cov lus uas peb hais ntawd, txawm yog hais ib co qub lus xwb los muaj ntsiab tshiab rau peb tas li. Cov lus qhov ntau yog hais rau Niam Mab Liab, tiam sis thaum peb hais rau Niam Mab Liab yog peb hais Yes Xus tib si. Vim Niam Mab Liab nyob qhov chaw twg mas Yes Xus yeej nyob qhov ntawd thiab.

Txoj Saw Mab Liab muaj nqes thiab muaj hwj huam pab tau neeg.

Sib pab thov ntuj thiab hais Saw Mab Liab St.%20Dominic

Thaum lub caij leej ntshiab Dominic ua neej nyob, muaj ib co neeg ntseeg yuam kev (heretics ) hu ua cov Albigensians. Zaj dab neeg piav hais tias, leej ntshiab Dominic kub siab mus nrog cov neeg yuam kev ntawd sib cav kom lawv tig rov los ntseeg raws qhov tseeb. Tiam sis tsis muaj neeg yuav xav mloog qhov tseeb li. Ces LN Dominic thiaj li thov kom Niam Mab Liab pab. Ces Niam Mab Liab thiaj tshwm sim tuaj qhia nws txog txoj Saw Mab Liab, qhia nws kom nws hais txoj Saw Mab Liab thiab kom nws muab qhia rau cov neeg sawv daws hais. Tsis tas li ntawd xwb, kom nws yuav tsum nthuav txog Niam Mab Liab thiab Yes Xus lub neej thaum lawv hais txoj Saw Mab Liab.
Ces leej ntshiab Dominic thiaj ua raws li Niam Mab Liab qhia, ces muaj coob leej cov ntseeg yuam kev thiaj tig rov los ntseeg raws qhov tseeb hauv Koom Txoos Kas Tos Liv.

Xyoo 1571 yog leej ntshiab Pius V ua vaj qhia nyob Los Mas. Thaum lub 10 hli cov Mas Hos Mes (Moslems) npaj yuav tuaj tsuj cov teb chaws Europe uas feem coob yog teb chaws ntseeg ntuj. Vaj Qhia Pius V tsis xav kom cov Moslems tuaj kav cov teb chaws Europe, nws thiaj caw cov nom tswv teb chaws kom sawv daws muab lawv tej nkoj ua rog, tej riam phom thiab tej tub rog los koom ua ib pab tub rog ntseeg ntuj mus ntaus thiab tiv thaiv kom cov Moslems txhob tuaj tsuj tau thiab kav tau cov teb chaws Europe. Nws kuj tshaj tawm rau tas ib tsoom neeg ntseeg kom hais txoj Saw Mab Liab los thov Niam Mab Liab pab kom tog ntseeg ntuj yeej thiaj thaiv tau cov Moslems.

Sib pab thov ntuj thiab hais Saw Mab Liab 041204battleoflepanto

Hnub tim 7 lub 10 hli ntuj 1571, tog tub rog ntseeg ntuj thiab tog tub rog moslem thiaj sib tua ib cuam nyob ntawm lub nroog Lepanto nyob teb chaws Greece. Hnub ntaws vaj qhia Pius V nrog ib co ntseeg lawv hais txoj Saw Mab Liab ib hnub . Thaum tsaus ntuj, tog ntseeg ntuj kuj yeej hos tog moslem swb. Ces Vaj Qhia thiaj tshaj tawm tias thaum txog lub 10 hli tim 7 mas yuav ua kev teev ntuj zoo siab nco txog lawv txoj kev yeej rog vim txoj Saw Mab Liab. Thaum lub 5 hlis xyoo 1572, Pius V tuag. Tus hloov nws yog Gregory XIII. Gregory XIII thiaj tsa kom lub 10 hli tim 7, niaj xyoo muaj ua hmoov txog txoj Saw Mab Liab.

Yog li ntawd, xyoo no thaum lub 10 hli tim 7, uas yogh nub Tsib dhau los no, peb thiaj tau ua kev teev ntuj nco txog Niam Mab Liab nrog txoj Saw Mab Liab. Tsis tas li ntawd xwb, tas nrho lub 10 hli yog ib lub hlis uas peb cov ntseeg yuav tsum mob siab hais txoj Saw Mab Liab ntau tshaj lwm lub sij hawm.

**Maiv Tooj** 13th October 2010, 4:22 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Sib pab thov ntuj thiab hais Saw Mab Liab

Post Maiv Tooj 13th October 2010, 4:22 am

Nyob zoo Mim,

Ua tsaug mog, ua tsaug rau koj kev tshaj lij, txhua hnub koj coj ib yam tshiab tuaj rau peb paub ntxiv. Txhua yam uas koj coj tuaj tso, kuv yeej tseem tsis tau paub txog li. Zoo siab kawg nkaus nawb mog. Lub caij nyoog mus sai sai, tseem khwv noj khwv haus, muaj kev txheeb ze thiab ua tej hauj lwm tsoom sid thiab ces zoo li twb tsis khoom mus tshawb nrhiav tej yam uas yus tsis paub txog li. Yog ib qho koob hmoov zoo uas koj tau tshawb nrhiav txhua yam keeb kwm tuaj rau peb paub thiab ntxiv rau peb txoj kev Ntseeg kom loj dua qub. Txij thaum peb ua ke tuaj tham Tswv Ntuj, tuaj tshawb nrhiav kev Ntseeg ua ke hauv nov, kom pom tias kuv paub ntau yam kawg nkaus ntxiv.
Kuv zoo siab rau nws mog.

Sib pab thov ntuj thiab hais Saw Mab Liab 21102180_m

Taug Ntoo Cuam Txoj Kev

Sib pab thov ntuj thiab hais Saw Mab Liab 19373366_m

Mystère Saw Mab Liab

**Mim** 13th October 2010, 9:17 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: Sib pab thov ntuj thiab hais Saw Mab Liab

Post Mim 13th October 2010, 9:17 am

Kuv tau xub tuaj piav me ntsis txog txoj saw Mab Liab lawm, vim kuv xav tuaj ua ib qho proposition rau ntawm no.

Kuv xav propose hais tias nej puas kam nrog kuv ua ib txog kev teev ntuj 9 hnub (novena)no nas... Tej zaum kuj yuav yog ib txoj kev sib pab sib txhawb thiab ib qho kev kawm rau cov uas tsis tau paub txog.

Kuv xav pib hais tias kom txij tag kis lub 10 hli tim 14 mus txog lub 10 hli tim 22, peb sawv daws sib koom tuaj thov ntuj pab rau Vaj Qhia Benedict XVI thiab lub Koom Txoos no, thov kom Tswv Ntuj txuag vaj qhia thiab xa nws leej Tswv Yim Ntshiab tuaj pab Vaj Qhia tswv yim kom nws coj tau lub Koom Txoos mus raws li Tswv Ntuj nyiam.

Leej twg txaus siab nrog kuv ua txoj kev thov ntuj li no, mas peb yuav thov ntuj raws lub sij hawm nyias muaj. Tus xav thov yav sawv ntxov los tau, yav tav su, yav tsaus ntuj los tau, nyob ntawm tus xyeej rau lub sij hawm twg xwb. Nej xav thov ib leeg los tau, nej ho coj nej tsev neeg los lwm tus nrog nej thov ua ke los tau.

Kuv siab mas xav kom peb hais txoj Saw Mab Liab txhua txhua hnub los thov ntuj, tiam sis tsam peb ib txhia tsis muaj sij hawm ntau, ces kuv hais li no: Cia peb hais ib hnub ib yag Saw Mab Liab los pab Vaj Qhia thiab lub Koom Txoos.

Nej cov uas txaus siab nrog kuv koom siab thov ntuj, mas niaj hnub peb yuav hais cov zaj teev ntuj raws li nram no:

1. Hu txog leej Txiv thiab leej Tub thiab leej Ntuj Plig lub npe. Ua li.

Sib pab thov ntuj thiab hais Saw Mab Liab God%2Bthe%2BFather

2. Peb Txiv nyob saum ntuj,
koj lub npe ntshiab nto moo lug,
koj lub Ceeb Tsheej kom los txog,
kom muaj raws koj nyiam nyob ntiaj teb no li nyob saum
ntuj.
Thov koj pub mov txaus peb noj hnub no,
koj zam txhaum rau peb, zoo li peb zam rau luag,
koj txhob tso peb raug kev ntxias,
koj npo peb dim ntawm kev phem. Ua li.

3. Koj nyob kaj lub Mab Liab,
tus tau txiaj ntsim puv siab,
Huab Tais Ntuj nrog koj nyob,
koj tau koob tau hmoov tshaj ib tsoom poj niam tib si,
thiab lub txiv hauv koj cev, Yes Xus, tau koob tau
hmoov.
Leej Ntshiab Mab Liab, Tswv Ntuj leej Niam,
koj thov ntuj hlub peb cov neeg txhaum
nyem no thiab thaum txog peb lub caij dua. Ua li.

Sib pab thov ntuj thiab hais Saw Mab Liab 121_Annunciation02

Koj nyob kaj lub Mab Liab...(yuav hais kom tas zaj)

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Koj nyob kaj lub Mab Liab...

Sib pab thov ntuj thiab hais Saw Mab Liab Holy_trinity.jpg?0

4. Huab Tais leej Txiv, Huab Tais leej Tub,
Huab Tais leej Ntuj Plig,
muaj koob meej nto moo lug,
lub zim txwv no mus txog fab lwm txheej,
xws li txheej laus thaud los. Ua li.

5. Zaj thov tus Tshiab Mis Kas:

(Nej xav siv lus Mes Kas, lus Fab Kis los tau; kuv lam
sim muab txhais ua lus Hmoob lawm, tiam sis xyov puas
zoo siv)

Prayer to St. Michael

Sib pab thov ntuj thiab hais Saw Mab Liab StMichael

Saint Michael the Archangel,
defend us in battle.
Be our protection against the wickedness and snares of the devil.
May God rebuke him, we humbly pray;
and do Thou, O Prince of the Heavenly Host -
by the Divine Power of God -
cast into hell, satan and all the evil spirits,
who roam throughout the world seeking the ruin of souls.
Amen.

Prière à St Michel Archange (de Léon XIII)

Saint Michel, Archange, défendez-nous dans le combat!
Soyez notre secours contre la malice et les embûches du démon.
Que Dieu exerce sur lui son empire, nous le demandons en suppliant !
Et vous, Prince de la milice du ciel, armé de la force de Dieu, repoussez en enfer Satan et les autres esprits mauvais qui rôdent dans le monde pour perdre les âmes.
Amen.

Zaj Thov tus Tshiab Mis Kas

Leej ntshiab Mis Kas,Tswv Ntuj tus thawj Tshiab,
thov koj tuaj txuag peb hauv txoj kev tawm tsam ntxwj nyoog.
Koj tuaj cawm peb kom txhob raug ntxwj nyoog tej kev dag ntxias thiab tej ntxiab uas nws cuab tos peb.
Peb khoov cev thov Tswv Ntuj kom nws lub hwj huam tuaj cuam tshuam ntxwj nyoog.
Koj uas yog tus thawj tub rog saum ntuj, koj muaj Tswv Ntuj lub zog, thov koj thawb Xas Taas thiab nws cov dab phem uas mus ncig thoob ntiaj teb xav rhuav peb cov ntsuj plig, kom poob lawm ntuj tawg mus li. Ua li.

(Kuv lam muab txhais ua dog dig zoo li no. Nej leej twg puas pab kuv kho li cas ntxiv thiab? Yog nej pom qhov twg zoo kho no nej hais thiab)

Last edited by Mim on 13th October 2010, 2:55 pm; edited 2 times in total

**Maiv Tooj** 13th October 2010, 9:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Sib pab thov ntuj thiab hais Saw Mab Liab

Post Maiv Tooj 13th October 2010, 9:45 am

Nyob zoo Mim,

Oh! Zoo kawg, zaum tag los no kuv tau nrog koj pib, tab sis thaum txog nrab ces kuv cia li tso tseg lawm. Zaum no zoo li cov zaj yooj yim dua zaum tag los no ces kuv hais rau koj tias kuv mam koom nrog koj. Tab koj tsis yaum txog tej no los kuv yeej teev Sawv Mab Liab ib leeg ib hnub 5zaj Saw Mab Liab yam tsawg. Yog kuv muaj caij mas kuv teev ib hnub ob zaug li.Ua li os, kuv mam sim nrog koj. Ua tsaug nawb.

Sib pab thov ntuj thiab hais Saw Mab Liab Annonciation-rosaire

**Mim** 13th October 2010, 3:00 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°5

Re: Sib pab thov ntuj thiab hais Saw Mab Liab

Post Mim 13th October 2010, 3:00 pm

Tais Tooj,

Ua tsaug uas koj txaus siab yuav nrog kuv teev ntuj 9 hnub sib law pab rau Vaj Qhia os.
Thiab kuv zoo siab heev uas koj niaj hnub hais Saw Mab Liab. Kuv ntseeg tau hais tias Niam Mba Liab yeej pab koj hauv koj lub neej...

**Maiv Paj Lug** 17th October 2010, 3:38 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°6

Re: Sib pab thov ntuj thiab hais Saw Mab Liab

Post Maiv Paj Lug 17th October 2010, 3:38 am

Mim wrote:Tais Tooj,

Ua tsaug uas koj txaus siab yuav nrog kuv teev ntuj 9 hnub sib law pab rau Vaj Qhia os.
Thiab kuv zoo siab heev uas koj niaj hnub hais Saw Mab Liab. Kuv ntseeg tau hais tias Niam Mba Liab yeej pab koj hauv koj lub neej...

Niamlaus Mim, kuv tseeb tab tom muaj num ntau tsawv, kuv tsis tau khoom tuaj tu ncua hauv no kuv pom koj qhov neuveine lig zog lawm tab sis kuv mam li pib hnub 14 no mus xaus rau hnub 25 nrog nej nawb.

Tej yam sawv daws sib koom siab li no peb yuav tau sib pab thov ntuj pab rau Koos Txoos Kas Tos Liv , pab tag nrho peb cov Txiv Plig mus txog Txiv Vaj Qhia.

**Mim** 17th October 2010, 7:02 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°7

Re: Sib pab thov ntuj thiab hais Saw Mab Liab

Post Mim 17th October 2010, 7:02 am

Maiv Paj Lug,

Ua tsaug os... kav tsij tuaj peb sib pab thov ntuj. Yog ib leeg thov xwb mas lub suab tsis muaj zog npaum coob leej thov. Kuv zoo siab hais tias nej pes tsawg leej tuaj koom kuv los zoo kawg li.

Last edited by Mim on 17th October 2010, 7:17 am; edited 1 time in total

**Maiv Paj Lug** 18th October 2010, 4:05 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°8

Re: Sib pab thov ntuj thiab hais Saw Mab Liab

Post Maiv Paj Lug 18th October 2010, 4:05 am

Niamlaus Mim thiab Maiv Tooj....nag hmo kuv pib ua txoj neuveine thov ntuj pab rau Txiv Vaj Qhia Benoit16 thiab kuv tau thov ntuj rau Koos Txoos Kas Toos Liv mus rau cov Txiv Plig tib si, kuv tau ua ib zaj npau suav, neb sim los txhais seb yog li cas tiag ne yom.

Kuv thov ntuj thiab hais saw mab liab tas kuv txawm pw...yuav kaj ntug kuv ua ib tug npau suav. Kuv ev ib tug me nyuam mus nyob hauv ib lub tsev, muaj 2 niam txiv, tus txiv mas tsis ntxub kuv, tab sis tus niam mas ntxub kuv kawg nkaus. Tus pojniam ntawv mas txawj ua khawv koob, kuv txawm mus txog ntawm nkawv qab lawj, tus pojniam nqis tuaj saib kuv, nws ua qhov muag tsaus nti rau kuv, nws hais tias : " Koj mas heev diam, sim saib mus nawb , kuv yeej yuav ua kom koj dig muag li kuv " Nws hais li no ces nws ntsia ntsoov kuv ob lub ntsiab muag , kuv txawm tsa qhov muag ntsia ntsoov nws thiab na has ua li cas pom nws ib sab qhov muag txaij zoo li qaus lawm. Kuv txawm hais rau tus me nyuam kuv ev nraum nrab qaum hais tias. Wb mus txhob nyob ntawm no lawm, wb txawm khiav thaj chaw ntawv mus tom ntej , ua cas pom ib co ncov roob uas tsis muaj chaw hla qhov twg, nyob ib ncig ntawv cov ncov roob mas tej tus dej qias qias neeg ntws si los hla xwb, muaj tej tus dej mas kuj yog dej kub dej npau zoo li cov ntws hauv volcan los. Kuv txawm los txog ntawv kuv mus tsis tau qhov twg, kuv ev tus me nyuam wb los ib ntawm ib sab roob, dej kub dej npau kuav tau ib tug yawg los tsis deb ntawm kuv, tus yawm ntawv txawm nti tau ceev , nws dhia los ntawm kuv, nws yuav nce lub roob ntawv na dej kub txawm siv muab nws kuav kiag rov qab rau hauv hav dej kuv dej npau lawm. Tiam sis ho tsis kuav kuv. Kuv nyob ntev tsawv, kuv ncig mus mus los los tsis tau kev mus qhov twg li, txawm pom ib tug pojniam nws nqis zoo li ya zaum lub roob los hais rau kuv tias: " Me ntxhais, neb txhob nyob nov, los kuv nqa neb mus lawm puag saum lub roob, peb txhua tus nyob puag sauv". Kuv teb tias : " Ab kav liam mas, cia kuv ncig kuv hauv qab no, thaum twg kuv nce tau lawm no kuv mam li nce los puag sauv thiaj yog kuv muaj siab los tiag tiag." Tiam sis tus pojniam ntawv cia li muab kuv tsaw kiag nrog tus me nyuam nce kiag mus txog saum lub ncov roob, ua cas tsis yog ncov roob hos yog vaj yog tsev tshiab khiv ci ntsa iab qhov txhia chaw.....ua rau kuv lub siaj kaj nrig ces kuv cia li maj mam tsim los lawm....thaum kuv tsim nto, kuv xam tsis tawm thiab kuv tsis paub xyov yuav txhais li cas.

**Mim** 18th October 2010, 12:27 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°9

Re: Sib pab thov ntuj thiab hais Saw Mab Liab

Post Mim 18th October 2010, 12:27 pm

Maiv Paj Lug wrote:Niamlaus Mim thiab Maiv Tooj....nag hmo kuv pib ua txoj neuveine thov ntuj pab rau Txiv Vaj Qhia Benoit16 thiab kuv tau thov ntuj rau Koos Txoos Kas Toos Liv mus rau cov Txiv Plig tib si, kuv tau ua ib zaj npau suav, neb sim los txhais seb yog li cas tiag ne yom.

Kuv thov ntuj thiab hais saw mab liab tas kuv txawm pw...yuav kaj ntug kuv ua ib tug npau suav. Kuv ev ib tug me nyuam mus nyob hauv ib lub tsev, muaj 2 niam txiv, tus txiv mas tsis ntxub kuv, tab sis tus niam mas ntxub kuv kawg nkaus. Tus pojniam ntawv mas txawj ua khawv koob, kuv txawm mus txog ntawm nkawv qab lawj, tus pojniam nqis tuaj saib kuv, nws ua qhov muag tsaus nti rau kuv, nws hais tias : " Koj mas heev diam, sim saib mus nawb , kuv yeej yuav ua kom koj dig muag li kuv " Nws hais li no ces nws ntsia ntsoov kuv ob lub ntsiab muag , kuv txawm tsa qhov muag ntsia ntsoov nws thiab na has ua li cas pom nws ib sab qhov muag txaij zoo li qaus lawm. Kuv txawm hais rau tus me nyuam kuv ev nraum nrab qaum hais tias. Wb mus txhob nyob ntawm no lawm, wb txawm khiav thaj chaw ntawv mus tom ntej , ua cas pom ib co ncov roob uas tsis muaj chaw hla qhov twg, nyob ib ncig ntawv cov ncov roob mas tej tus dej qias qias neeg ntws si los hla xwb, muaj tej tus dej mas kuj yog dej kub dej npau zoo li cov ntws hauv volcan los. Kuv txawm los txog ntawv kuv mus tsis tau qhov twg, kuv ev tus me nyuam wb los ib ntawm ib sab roob, dej kub dej npau kuav tau ib tug yawg los tsis deb ntawm kuv, tus yawm ntawv txawm nti tau ceev , nws dhia los ntawm kuv, nws yuav nce lub roob ntawv na dej kub txawm siv muab nws kuav kiag rov qab rau hauv hav dej kuv dej npau lawm. Tiam sis ho tsis kuav kuv. Kuv nyob ntev tsawv, kuv ncig mus mus los los tsis tau kev mus qhov twg li, txawm pom ib tug pojniam nws nqis zoo li ya zaum lub roob los hais rau kuv tias: " Me ntxhais, neb txhob nyob nov, los kuv nqa neb mus lawm puag saum lub roob, peb txhua tus nyob puag sauv". Kuv teb tias : " Ab kav liam mas, cia kuv ncig kuv hauv qab no, thaum twg kuv nce tau lawm no kuv mam li nce los puag sauv thiaj yog kuv muaj siab los tiag tiag." Tiam sis tus pojniam ntawv cia li muab kuv tsaw kiag nrog tus me nyuam nce kiag mus txog saum lub ncov roob, ua cas tsis yog ncov roob hos yog vaj yog tsev tshiab khiv ci ntsa iab qhov txhia chaw.....ua rau kuv lub siaj kaj nrig ces kuv cia li maj mam tsim los lawm....thaum kuv tsim nto, kuv xam tsis tawm thiab kuv tsis paub xyov yuav txhais li cas.

Nyob zoo Maiv Paj Lug,

Kuv zoo siab koj tuaj ua kev thob ntuj hais Saw Mab Liab pab Txiv Vaj Qhia thiab lub Koom Txoos thiab ib tsoom txiv plig. Kuv los niaj hnub hais kuv qhov Saw Mab Liab thiab. Peb pes tsawg leej hais los yeej zoo kawg li. Lub caij no lub Koom Txoos raug kev tsim txom, kev caij tsuj, kev rhuav ntau yam. Kuv vam hais tias peb txoj kev thov ntuj yuav tsis tas dawb tas do, tiam sis yuav pab txhawb tau lub Koom Txoos tiag.

Hais txog ntawm koj zaj npau suav mas, Maiv Paj, kuv tsis yog ib tug neeg txawj txhais npau suav, ces kuv yuav pab tsis tau koj os, txhob tu siab.

**Mim** 19th October 2010, 6:51 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°10

Re: Sib pab thov ntuj thiab hais Saw Mab Liab

Post Mim 19th October 2010, 6:51 am

Hnub no kuv yuav tuaj piav txog txoj Saw Mab Liab lub hwj huam loj npaum li cas.

Kuv nyeem nyob hauv Spiritdaily.com, lawv piav ib zaj hais txog txoj Saw Mab Liab li no:

Muaj ib tug ntxhais yog nws thawj xyoo mus kawm college. Thaum nws yuav sawv kev, nws pog hais rau nws tias: “Me ntxhais, koj yuav tsum cog lus rau kuv tias koj yuav niaj hmo hais Saw Mab Liab los pov hwm koj no nawv. Koj hais hais tsaugzog kus lawm los yeej tau.” Ces tus ntxhais ntawd txawm tuaj pw kawm ntawv hauv college lawm, thiab nws pheej niaj hmo hais Saw Liab raws li nws tau cog lus rau nws pog.
Hmo ntawd, yog tim 15 lub 1 hlis ntuj xyoo 1978, thaum yav sawv ntxov ntxov 3 teev xwb, tus ntxhais tsim dheev nruab dab ntub los, ua cas muaj ib tug yawg tab tom sawv ntawd ntsia ntsoov nws, nqa ib tug qws (bat). Tus ntxhais txawm qhib kiag pam ntawm nws ob txhais tes, nws tseem tuav rawv txoj Saw Mab Liab. Ces tus yawg ntawd, cia li tsis ua dab tsi rau tus ntxhais, thiab cia tso tes khiav lawm xwb.

Tus txiv neej ntawd yog ib tug neeg siab phem tua neeg (serial killer). Lawv twb muab nws ntes kaw lawm, tiam sis nws khiav dim, ces nws los nkag rau hauv lub tsev kawm ntawd ntawd. Nws twb xub los muab ob tug poj niam tua tuag tas lawm, nws mam nkag los hauv tus ntxhais ntawd chav. Xyov yog ua cas, nws thiaj tso tes khiav. Tus ntxhais ntawd cia li ceeb tas, ntshai ntshai dhau, hais tsis taus lus li.

Tub ceev xwm thiaj hu kom ib tug txiv plig tuaj nrog lawv mus saib cov ntxhais hauv lub tsev kawm ntawv ntawd. Tub ceev xwm nug, tus ntxhais tsis kam nrog tub ceev xwm tham li. Tiam sis nws kam nrog tus txiv plig tham. Nws thiaj piav tias nws tau cog lus rau nws pog tias nws mam niaj hmo hais Saw Mab Liab. Ces hmo ntawd nws hais hais Saw Mab Liab tsaug zog lawm, nws thiaj tseem tuav rawv Saw Mab Liab ntawm tes, thaum tus txiv neej ntawd nkag los hauv nws chav pw.

Sib pab thov ntuj thiab hais Saw Mab Liab 6a00e54f8e9d37883401156f955d09970c-320wi

Tom qab thaum lawv rov ntes tau tus neeg phem mus kaw lawm, nws thiaj lees tias nws tau tua li 30 caug tawm leej neeg. Lawv thiaj txiav txim kom nws yuav tsum tuag. Ces thaum lub caij uas nws tseem tos, lawv tsis tau coj nws mus rau faib fab hlawv, nws ho thov kom tus txiv plig tuaj ua kev thov ntuj rau nws thiab pab nws ua ntej nws yuav tuag. Txiv plig thiaj ntxab ntxawm lub sij hawm los nug nws txog hmo ntawd, yog vim li cas nws ho tsis tua tus ntxhais kawm ntawv. Nws thiaj piav tias, nws yeej npaj siab yuav muab tus ntxhais ntawd tua, tiam sis thaum nws mus txog hauv chav hauv lawm, muaj ib lub zog ua rau kom nws tsis txhob tua.

Vim txoj Saw Mab Liab ces tus ntxhais no thiaj tsis tuag!!!

Tus sau zaj no thiaj xaus tias, tus txiv plig ntiab dab(exorcist) nyob Vatican uas hu ua txiv plig Gabriele Amorth, tau hais lus pov thawj li no: “Kuv muaj ib tug phooj ywg txiv plig ntiab dab ib yam kuv, muaj ib hnub nws tab tom ntiab dab, nws hnov dab phem hais li no tias: ‘Hais ib zaj Koj nyob zoo Mab Liab twg mas zoo cuag li ib roob rauj rau kuv taub hau ntag. Yog cov neeg ntseeg paub txog lub hwj huam ntawm txoj Saw Mab Liab mas, kuv ces kawg yuav tsum ploj ntais mus tsis muaj ntxiv lawm xwb.’”

Sib pab thov ntuj thiab hais Saw Mab Liab 2931395050_911bd3620d

Yog vim li no, peb cov ntseeg e!... Peb tsis txhob xav tias txoj Saw Mab Liab tsis muaj qab hau, txhob xav tias niag qog tib zaj qub tas li, ua rau neeg nkees nkees hais no. Yog peb mob siab thiab nquag hais, tawv kom dhau peb txoj kev nkees, txoj Saw Mab Liab yuav muaj hwj huam pab tau peb. Tiam sis kom peb to taub tias tsis yog txoj saw pab peb, yog Niam Mab Liab nthuav nws lub tsho los roos los thaiv peb no ov…

Last edited by Mim on 19th October 2010, 3:59 pm; edited 1 time in total

**Maiv Paj Lug** 19th October 2010, 9:05 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°11

Re: Sib pab thov ntuj thiab hais Saw Mab Liab

Post Maiv Paj Lug 19th October 2010, 9:05 am

Mim wrote:Hnub no kuv yuav tuaj piav txog txoj Saw Mab Liab lub hwj huam loj npaum li cas.

Kuv nyeem nyob hauv Spiritdaily.com, lawv piav ib zaj hais txog txoj Saw Mab Liab li no:

Muaj ib tug ntxhais yog nws thawj xyoo mus kawm college. Thaum nws yuav sawv kev, nws pog hais rau nws tias: “Me ntxhais, koj yuav tsum cog lus rau kuv tias koj yuav niaj hmo hais Saw Mab Liab los pov hwm koj no nawv. Koj hais hais tsaugzog kus lawm los yeej tau.” Ces tus ntxhais ntawd txawm tuaj pw kawm ntawv hauv college lawm, thiab nws pheej niaj hmo hais Saw Liab raws li nws tau cog lus rau nws pog.
Hmo ntawd, yog tim 15 lub 1 hlis ntuj xyoo 1978, thaum yav sawv ntxov ntxov 3 teev xwb, tus ntxhais tsim dheev nruab dab ntub los, ua cas muaj ib tug yawg tab tom sawv ntawd ntsia ntsoov nws, nqa ib tug qws (bat). Tus ntxhais txawm qhib kiag pam ntawm nws ob txhais tes, nws tseem tuav rawv txoj Saw Mab Liab. Ces tus yawg ntawd, cia li tsis ua dab tsi rau tus ntxhais, thiab cia tso tes khiav lawm xwb.

Tus txiv neej ntawd yog ib tug neeg siab phem tua neeg (serial killer). Lawv twb muab nws ntes kaw lawm, tiam sis nws khiav dim, ces nws los nkag rau hauv lub tsev kawm ntawd ntawd. Nws twb xub los muab ob tug poj niam tua tuag tas lawm, nws mam nkag los hauv tus ntxhais ntawd chav. Xyov yog ua cas, nws thiaj tso tes khiav. Tus ntxhais ntawd cia li ceeb tas, ntshai ntshai dhau, hais tsis taus lus li.

Tub ceev xwm thiaj hu kom ib tug txiv plig tuaj nrog lawv mus saib cov ntxhais hauv lub tsev kawm ntawv ntawd. Tub ceev xwm nug, tus ntxhais tsis kam nrog tub ceev xwm tham li. Tiam sis nws kam nrog tus txiv plig tham. Nws thiaj piav tias nws tau cog lus rau nws pog tias nws mam niaj hmo hais Saw Mab Liab. Ces hmo ntawd nws hais hais Saw Mab Liab tsaug zog lawm, nws thiaj tseem tuav rawv Saw Mab Liab ntawm tes, thaum tus txiv neej ntawd nkag los hauv nws chav pw.

Tom qab thaum lawv rov ntes tau tus neeg phem mus kaw lawm, nws thiaj lees tias nws tau tua li 30 caug tawm leej neeg. Lawv thiaj txiav txim kom nws yuav tsum tuag. Ces thaum lub caij uas nws tseem tos, lawv tsis tau coj nws mus rau faib fab hlawv, nws ho thov kom tus txiv plig tuaj ua kev thov ntuj rau nws thiab pab nws ua ntej nws yuav tuag. Txiv plig thiaj ntxab ntxawm lub sij hawm los nug nws txog hmo ntawd, yog vim li cas nws ho tsis tua tus ntxhais kawm ntawv. Nws thiaj piav tias, nws yeej npaj siab yuav muab tus ntxhais ntawd tua, tiam sis thaum nws mus txog hauv chav hauv lawm, muaj ib lub zog ua rau kom nws tsis txhob tua.

Tus sau zaj no thiaj xaus tias, tus txiv plig ntiab dab(exorcist) nyob Vatican uas hu ua txiv plig Gabriele Amorth, tau hais lus pov thawj li no: “Kuv muaj ib tug phooj ywg txiv plig ntiab dab ib yam kuv, muaj ib hnub nws tab tom ntiab dab, nws hnov dab phem hais li no tias: ‘Hais ib zaj Koj nyob zoo Mab Liab twg mas zoo cuag li ib roob rauj rau kuv taub hau ntag. Yog cov neeg ntseeg paub txog lub hwj huam ntawm txoj Saw Mab Liab mas, kuv ces kawg yuav tsum ploj ntais mus tsis muaj ntxiv lawm xwb.’”

Yog vim li no, peb cov ntseeg e!... Peb tsis txhob xav tias txoj Saw Mab Liab tsis muaj qab hau, txhob xav tias niag qog tib zaj qub tas li, ua rau neeg nkees nkees hais no. Yog peb mob siab thiab nquag hais, tawv kom dhau peb txoj kev nkees, txoj Saw Mab Liab yuav muaj hwj huam pab tau peb. Tiam sis kom peb to taub tias tsis yog txoj saw pab peb, yog Niam Mab Liab nthuav nws lub tsho los roos los thaiv peb no ov…

Niamlaus Mim, kuv nyiam cov zaj koj tuaj piav ntamw no kawg li os. Nyeem tas ua rau kuv haj yam tso siab thiab muaj siab thov saw Mab Liab ntxiv.

Jésus à Sainte Faustine : « Ma fille,
aide-moi à sauver un pécheur en
agonie : récite pour lui le chapelet
que je t’ai appris ». Quand je
commençai à réciter le chapelet, je
vis le moribond lutter et souffrir
atrocement. Il était défendu par son
ange gardien presque impuissant
devant la grande misère de cette
âme. Une multitude de démons
l’attendait, mais tandis que je récitais
le chapelet, je vis Jésus avec
l’aspect dans lequel il est peint sur
l’image. Les rayons qui sortaient de
son Coeur entourèrent le malade et
les puissances du mal s’enfuirent en
provoquant un grand désordre. Le
malade mourut paisiblement.
Quand je repris mes esprits, je
compris l’importance de ce chapelet
au chevet des mourants, pour
calmer la colère de Dieu ». (Sainte
Faustine Kowalska, Journal, Librairie
Editrice Vaticana, page 515)

Sib pab thov ntuj thiab hais Saw Mab Liab 36584278chapelet-misericorde-jpg

Sib pab thov ntuj thiab hais Saw Mab Liab 36584278chapelet-misericorde-jpg

Jesus to St. Faustina: "My daughter,
help me to save a sinner
agony for him recite the rosary
I've learned. " When I
began to recite the rosary, I
saw the fight and suffer dying
horribly. He was represented by its
guardian angel almost powerless
before the great misery of this
soul. A multitude of demons
awaited, but while I recited
the rosary, I saw Jesus with
aspect in which it is painted on
image. The rays coming out of
His Heart surrounded the sick and
the powers of evil fled
causing a big mess. The
She died peacefully.
When I regained my senses, I
understood the importance of the rosary
at the bedside of the dying, for
calm the anger of God. " (St.
Faustina Kowalska, Journal, Book
Editrice Vaticana, p. 515)
Écouter
Lire phonétiquement

.....Kuv khoom tso kuv mam tuaj muab txhais ua lus Hmoob ntxiv....

**Mim** 19th October 2010, 4:48 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°12

Re: Sib pab thov ntuj thiab hais Saw Mab Liab

Post Mim 19th October 2010, 4:48 pm

Maiv Paj Lug,

Cov lus koj coj tuaj tso no yeej zoo kawg li. Koj khoom los tuaj txhais ua lus Hmoob, sawv daws thiaj to taub.

Cov lus uas HT Yes Xus hais no tsis yog hais txog txoj Saw Mab Liab os, nws hais txog txoj Saw Thov Tswv Ntuj txoj kev Khuv Leej Neeg os... Yog zaj uas thaum lub caij Yes Xus tuag thiab sawv rov los ntawd es kuv kom nej nrog kuv ua kev thoj ntuj 9 hnub na... Nyaj koj nco los pos... Zaj ntawd los kuv yeej niaj hnub hais tas li thiab mas... Zaj ntawd los yog ib zag muaj hwj huam pab cov neeg txhaum kawg li thiab...

**Maiv Paj Lug** 20th October 2010, 10:18 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°13

Re: Sib pab thov ntuj thiab hais Saw Mab Liab

Post Maiv Paj Lug 20th October 2010, 10:18 am

Mim wrote:Maiv Paj Lug,

Cov lus koj coj tuaj tso no yeej zoo kawg li. Koj khoom los tuaj txhais ua lus Hmoob, sawv daws thiaj to taub.

Cov lus uas HT Yes Xus hais no tsis yog hais txog txoj Saw Mab Liab os, nws hais txog txoj Saw Thov Tswv Ntuj txoj kev Khuv Leej Neeg os... Yog zaj uas thaum lub caij Yes Xus tuag thiab sawv rov los ntawd es kuv kom nej nrog kuv ua kev thoj ntuj 9 hnub na... Nyaj koj nco los pos... Zaj ntawd los kuv yeej niaj hnub hais tas li thiab mas... Zaj ntawd los yog ib zag muaj hwj huam pab cov neeg txhaum kawg li thiab...

Ua li los Niamlaus Mim, kuv xav tias Chapelet ntshe kawg yog tib txoj xwb no, yog tseem muaj lwm txoj thiab no los peb mam sib pab qhia xwb mas. Koj mas thiaj tseem tseem paub ntau yam tshaj peb txhua tus vim koj tau txiaj ntsim ntau ntawm Tswv Ntuj. Koj yuav tsum nco ntsoov txhob tso peb tseg tuaj qhia ntxiv kom peb txhua tus tau kawm hauv no nawb mog. Kuv twb kawm tau ntau yam zog yav tas los, uas yog koj tuaj piav thiab qhia lawm laiv niamlaus Mim.

**Mim** 20th October 2010, 2:51 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°14

Re: Sib pab thov ntuj thiab hais Saw Mab Liab

Post Mim 20th October 2010, 2:51 pm

Maiv Paj Lug,

Lo lus chapelet yog siv rau ntau txoj saw teev ntuj os. Txoj chapelet peb paub zoo me ntsis ces yog txoj Saw Mab Liab xwb (le Rosaire/the Rosary). Leej ntshiab Faustina txoj chapelet, uas koj hais txog ntawd hu ua le Chapelet de la Misericorde Divine/Chaplet of Divine Mercy no na... kuv tau muab txhais hu ua txoj Saw thov Tsev Ntuj txoj kev Khuv Leej Neeg no... Tseem muaj ib txoj chapelet thov tus tshiab Mis Kas hu ua Le Chapelet de St Michel/Chaplet of St Michael no thiab... Muaj lwm txoj ntxiv thiab... Tiam sis kuv xav tias txoj Saw Mab Liab yog txoj tseem ceeb dua cov, thiab txoj Saw Tswv Ntuj kev khuv leej neeg los tseem ceeb kawg thiab. Tej hnub kuv nquag no, kuv kuj hais txoj Saw St Michael thiab os, vim lub caij no xav thov St Michael los brog peb tawm tsam ntxwj nyoog. Cia muaj sij hawm ma coj tuaj tso hauv no.

**Mim** 25th October 2010, 5:38 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°15

Re: Sib pab thov ntuj thiab hais Saw Mab Liab

Post Mim 25th October 2010, 5:38 am

Tais Tooj, Maiv Paj Lug, thiab sawv daws,

Kuv tuaj ua nej tsaug rau nej lub sij hawm thiab txoj kev mob siab tau nrog kuv ua kev thov ntuj 9 hnub dhau los, txij 1o hli tim 14 los txog 10 hli tim 22 tas lawm. Peb tau sib pab thov ntuj rau Vaj Qhia thiab lub Koom Txoos. Kuv tso siab hais tias Tswv Ntuj yuav mloog peb tej lus thov thiab yuav txuag yuav txhawb Txiv Vaj Qhia kom nws muaj kev thoob tsib los coj peb tsoom ntseeg thoob qab ntuj sawv daws.

Vim lub lis piam no twb yog lub lis piam kawg hauv lub 10 hli uas yog lub hlis peb hais txoj Saw Mab Liab lawm, mas kuv yuav rov tuaj thov nej sawv daws cov uas muaj sij hawm thiab muaj siab pab,kom nej nrog kuv thov ntuj pab rau peb cov txiv plig Kas Tos Liv, tshwj xeeb tshaj yog peb cov txiv plig Hmoob, xws li TP Cwj Vuam Chiv nyob Fab Kis, Tswv Qhia Txwj Choo nyob Nplog teb, TP Tshaj Xwm nyob Thaib teb, TP Tswv Yeej nyob Mes Kas teb, thiab peb cov txiv plig Hmoob uas nyob Suav teb. Peb cov txiv plig tes dej num tsis yooj yim li, yog li peb ua kev thov ntuj pab lawv txhawb lawv kom lawv tsis txhob qaug zog, kom lawv txoj kev ntseeg muaj zog tas mus li lawv thiaj yuav coj tau qhia tau rau peb cov ntseeg.

A Prayer for Priests

O Jesus, Eternal Priest, keep Thy priests within the shelter of Thy Sacred Heart, where none may touch them.
Keep unstained their anointed hands, which daily touch Thy Sacred Body.
Keep unsullied their lips, daily purpled with Thy Precious Blood.
Keep pure and unworldly their hearts, sealed with the sublime mark of the priesthood.
Let Thy Holy Love surround them from the world's contagion.
Bless their labors with abundant fruit, and may the souls to whom they minister
be their joy and consolation here and their everlasting crown hereafter.

Mary, Queen of the Clergy, pray for us: obtain for us numerous and holy priests. Amen.

Une prière pour les prêtres

O Jésus, Prêtre éternel, garder tes prêtres à l'abri de Ton Sacré-Cœur, où nul ne peut les toucher.
Gardez sans tache leurs mains ointes, qui chaque jour touchent ton corps sacré.
Garder intactes leurs lèvres, tous les jours empourprées avec votre précieux sang.
Gardez pure et céleste leur cœurs, scellés avec la marque sublime du sacerdoce.
Que Ton Saint Amour les protege de la contagion du monde.
Bénis leurs travaux avec des fruits abondants, et que les âmes à qui ils ministrent
soient leur joie et consolation ici-bas et leur couronne éternelle ci-après.

Marie, Reine du Clergé, priez pour nous: obtenez pour nous, des prêtres nombreux et saints. Amen.

Tus muaj sij hawm xav hais kom tas ib txog Saw Mab Liab los haj yam zoo, tus tsis muaj los kuv xav thov nej hais ib yag Saw Mab Liab( Ib zaj Peb Txiv nyob saum ntuj, 10 zaj Koj nyob zoo Mab Liab, ib zaj Huab Tais leej Txiv, Huab Tais leej Tub..., thiab zaj Leej Ntshiab Mis Kas, ib yam li zaum tas no thiab.

Kuv xav pib hnub mus txog 11 hlis tim 2. Yog nej tsis tau pib los nej mam pib tag kis mus los tau. Yog nej pib tag kis mus ces nej ua mus kom txog 11 hlis tim 3 os...

Last edited by Mim on 3rd November 2010, 1:45 pm; edited 3 times in total

**Maiv Paj Lug** 25th October 2010, 8:25 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°16

Re: Sib pab thov ntuj thiab hais Saw Mab Liab

Post Maiv Paj Lug 25th October 2010, 8:25 am

Niamlaus Mim....hnub no kuv nyuam qhuav hais tas txoj neuveine rau Txiv Vaj Qhia Benoit16, kuv tsis paub thaum kuv hais txoj saw Mab Liab tas, kuv thov ntuj rau Txiv Vaj Qhia Npaws Nuas 16 tas ces kuv yeej thov rau lub Koos Txoos Kas Tos Liv thoob ntiaj teb thiab kuv thov tas nrho rau peb cov Txiv Plig Thoov Qab Ntuj los rau peb cov Txiv Plig Hmoob li lawm thiab.

Kuv tsis nco qab nyeem kom zoo zoo, txoj Neuveine tas los no kuv thiaj tau thov tas nrho rau lawv lawm. Tsis ua cas kuv mam rov qab nrog koj thov 9 hnub ntxiv, kuv mam rov qab pib thov rau tag nrho Txiv Vaj Qhia rov los mus rau peb lub Koos Txoos thiab nrog rau cov Txiv Plig thoob ntiaj teb thiab peb cov Txiv Plig Hmoob dua os nawb.

Muaj kev thov ntuj yeej meem tuaj qhia peb li no peb thiaj tau kawm thiab thiaj tau nrog koj thov ua ke os NiamLaus Mim.

**Maiv Tooj** 25th October 2010, 12:11 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°17

Re: Sib pab thov ntuj thiab hais Saw Mab Liab

Post Maiv Tooj 25th October 2010, 12:11 pm

Nyob zoo Mim thiab Maiv Paj Lug,

Kuv los kuv kuj ua ib yam li Maiv paj Lug hais thiab, vim kuv tsis xav tias kuv yuav Thov Ntuj rau peb cov Txiv Plig Hmoob thiab no ces kuv twb tau thov ua ke nrog Txiv Vaj Qhia lawm. Tab sis tsis ua cas, kuv mam rov koom nrog neb dua. Tab sis lub lis piam nov mas yuav nyuaj me ntsis rau kuv...Li cas los mam sim mus seb mus tau li cas. Ua li dhau qhov nov mus, Mim koj puas muaj lub hom phiaj li cas ntxiv thiab. Ntawm kuv tus kheej, kuv xav tias yog nej pom zoo, kuv xav kom peb sib koom thov Ntuj rau Xib Hwb Thoj Xyoo uas nws tau tso peb tseg tau tshaj 60 lub xyoo los vim txoj kev Ntseeg Khov. Lawv tab tom yuav tsav nws ua Leej Ntshiab. Ntaub ntawv tias tag lawm, tsuas tshuav hnub yuav tsa xwb, zaum no zoo li tsis muaj qhov ua xyem xyav lawm, yuav yog qhov tseeb lawm xwb tsuas tos hnub tsa xwb.

**Mim** 25th October 2010, 3:38 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°18

Re: Sib pab thov ntuj thiab hais Saw Mab Liab

Post Mim 25th October 2010, 3:38 pm

Maiv Paj Lug thiab tais Tooj,

Neb txawm thov Ntuj rau cov txiv plig ua ke nrog Txiv Vaj Qhia lawm los yeej zoo kawg mas... Qhov uas kuv xav tuaj thov tshwj xeeb rau peb cov txiv plig Hmoob, mas yog vim kuv pom tau tias lawv tsawg tsawg thiab lawv tsuas nyob ib ob leeg nrog lwm hom txiv plig xwb, kuv pheej xav tias ntshai lawv tsis tshua tau kev sab laj txog ntawm peb Hmoob txoj kev ntseeg pes tsawg no na... es kuv thiaj xav kom peb thov Tswv Ntuj nrog nraim lawv txhob pub lawv qaug zog thiab kom leej Tswv Yim Ntshiab pub kev thoob tsib rau lawv xwb os...

Tais Tooj, thaum peb ua dhau qhov no lawm ces peb mam los thov ntuj rau XH Thoj Xyooj thiab TP Txhiaj Tshaj nkawd los tau kawg mas... Thiab lub caij no yog peb muaj kev nyuaj dab tsi peb xav vam nkawd thov ntuj pab peb los tau thiab os... Tsis tas li no xwb, thaum peb thov ntuj rau peb cov txiv plig Hmoob tas lawm, ces peb ho thov ntuj rau XH Thoj Xyooj nkawd, thiab yog nej leej twg ho xav tuaj kom peb thov ntuj rau tej yam uas nej xav thov ntuj rau los nej tuaj hais ntxiv rau tau kawg li os... Kuv yeej txhob txwm pib li no kom peb tau siv chav no ua ib chav tsev sib pab thov ntuj xwb os...

**Maiv Tooj** 25th October 2010, 10:23 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°19

Re: Sib pab thov ntuj thiab hais Saw Mab Liab

Post Maiv Tooj 25th October 2010, 10:23 pm

Nyob zoo Mim,

Ua tsaug rau koj lub siab zoo mog, Tswv Ntuj yuav hnov koj los lus nco txog lwm tus.
Yog kawg, peb cov Txiv Plig Hmoob, lawv muaj lub luag hauj lwm nyhav, peb yuav nco ntsoov pab thov Ntuj rau lawv kom lawv muaj Leej tswv Yim Ntshiab txhawb lawv mus li.

**Maiv Tooj** 29th October 2010, 3:44 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°20

Re: Sib pab thov ntuj thiab hais Saw Mab Liab

Post Maiv Tooj 29th October 2010, 3:44 am

Teev Saw Mab Liab FIAT teev li cas?

Hu txog Leej Txiv, Leej Tub(1)
thiab Leej Ntuj Plig. Ua li.
Leej tswv Yim Ntshiab, (2)
thov pab coj kom peb koom siab nrog Niam Mab Liab
taug Yes Xus cov Txiaj Ntsim Nyab Xeeb, Pom Kev,
Raug Txom Nyem thiab Nto Koob Meej. Ua li.
Pab peb ua neeg Ntseeg tij lim raws lub Cim Ntxuav
thiab Yes Xus lub cev yug txoj sia,
Txoj kev ntseeg tshiab khiv li Leej Ntuj Plig nqes los.
Kom txhua hnub peb ua raws li peb hais nyob tag qhov txhia chaw,
kom peb koom nrog Leej Pleev siab Ntshiab txoj kev Hlub , Ua li.
Peb thov Ntuj rau lub Koom Txoos Kev Ntseeg...,
lub ntiaj teb...,thiav qhov uas peb xav thov...,
Zaj Peb Txiv nyob saum Ntuj...
Ib zaj Txiaj Ntsim( Mystère) hais peb zaug
Koj nyob kaj lug Mab Liab.
tag ces hais:
Nyab xeeb thiab nto koob meej rau
Leej Txiv, Leej Tub thiab Leej Ntuj Plig, Ua li.

Cov Txiaj Ntsim Nyab Xeeb (lub hlaws xiav)
-Nkauj Ntshiab Mab Liab yug ua neeg(3)
- Xa Xov(4)
- Tus Cawm Seej yug(5)
Cov Txiaj Ntsim Pom Kev (hlaws dawb)
- Yes Xus txais lub Cim Ntxuav(6)
- Noj Tshoob nyob Kas Naas(7)
- Tsim muaj lub Cim Yug( 8 )
Cov txiaj Ntsim rau txom nyem (hlaws liab)
- Yes Xus yuav tuag(9)
- Yes Xus kwv Ntoo Cuam(10)
- Yes Xus raug ntsia saum Ntoo Cuam(11)
Cov Txiaj Ntsim Nto koob meej (hlaws daj)
- Yes Xus sawv rov los(12)
- Leej Tswv Yim Ntshiab nqes los(13)
- Niam Mab Liab lub cev mus saum Ntuj(14)
Hais thaum kawg (15)
Leej Ntshiab Yos Xes, tus tsob hwb cov Tsev neeg tiv thaiv peb.
Leej Ntshiab Miv Kas...yeej txoj kev phem, tiv thaiv peb.
Tag nrho tsoom Tshiab thiab tsoom Leej Ntshiab thov Ntuj rau peb.
Niam Mab Liab, qhia kom txhua hnub peb txawj ua li Tswv Ntuj nyiam
Txhua lub sij hawm hauv peb lub neej.
Niam Mab Liab qhia kom peb txawj ua tsaug rau Tswv Ntuj
Txhua lub sij hawm hauv peb lub neej.

**Mim** 3rd November 2010, 1:13 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°21

Re: Sib pab thov ntuj thiab hais Saw Mab Liab

Post Mim 3rd November 2010, 1:13 pm

Tais Tooj,

Koj tuaj tso Maiv Paj Lug zaj Ave Niam Mab Liab tau zoo kawg li... Ua tsaug os... Neb ob tug txawj kov computer thiab txawj ua ntau yam zoo, kav tsij ua kom peb thiaj nrog luag muaj...

Thiab ua koj tsaug rau Txoj Saw Mab Liab FIAT. Kuv tseem tsis tau siv dua txoj saw no li... Koj coj tuaj tso rau ntawm no kom peb ho paub txog thiab leej twg ho nyiam siv los thov ntuj los zoo kawg...

**Mim** 3rd November 2010, 2:02 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°22

Re: Sib pab thov ntuj thiab hais Saw Mab Liab

Post Mim 3rd November 2010, 2:02 pm

Tais Tooj, Maiv Paj Lug, thiab nej cov uas tuaj koom kuv ua kev thov ntuj hais Saw Mab Liab ntawm no,

Peb nyuam qhuav ua tas 9 hnub thov ntuj rau peb cov txiv plig Hmoob lawm. Tais Tooj tau hais tias kom peb ua kev thov ntuj rau XH Thoj Xyooj thiab TP Txhiaj Tshaj nkawd thiab no. Peb yuav thov ntuj kom nkawd txoj kev tuag tsis txhob tas dawb dawb, tiam sis kom muaj txiaj ntsim koob hmoov rau peb tsoom Hmoob. Thiab peb thov ntuj kom nkawd muaj npe nyob hauv Tswv Ntuj tsoom Tim Khawv Ntshiab. Thiab kuv kuj xav ntxiv kom peb thov ntuj rau peb cov Deacons thiab cov Xib Hwb Hmoob thiab os.

Yog nej nrog kuv pib tau tag kis tim 4 lub 11 hlis mus mas peb yuav ua tiav rau hnub tim 12 lub 11 hlis os... Peb niaj hnub hais txoj saw Mab Liab kom thoob mas haj yam zoo, yog tus tsis muaj sij hawm no los xav kom nws ua tiag qee li 6-7 nas this hais ib yag Saw Mab Liab... Ua tsaug.

**Maiv Paj Lug** 4th November 2010, 5:07 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°23

Re: Sib pab thov ntuj thiab hais Saw Mab Liab

Post Maiv Paj Lug 4th November 2010, 5:07 am

Mim wrote:Tais Tooj, Maiv Paj Lug, thiab nej cov uas tuaj koom kuv ua kev thov ntuj hais Saw Mab Liab ntawm no,

Peb nyuam qhuav ua tas 9 hnub thov ntuj rau peb cov txiv plig Hmoob lawm. Tais Tooj tau hais tias kom peb ua kev thov ntuj rau XH Thoj Xyooj thiab TP Txhiaj Tshaj nkawd thiab no. Peb yuav thov ntuj kom nkawd txoj kev tuag tsis txhob tas dawb dawb, tiam sis kom muaj txiaj ntsim koob hmoov rau peb tsoom Hmoob. Thiab peb thov ntuj kom nkawd muaj npe nyob hauv Tswv Ntuj tsoom Tim Khawv Ntshiab. Thiab kuv kuj xav ntxiv kom peb thov ntuj rau peb cov Deacons thiab cov Xib Hwb Hmoob thiab os.

Yog nej nrog kuv pib tau tag kis tim 4 lub 11 hlis mus mas peb yuav ua tiav rau hnub tim 12 lub 11 hlis os... Peb niaj hnub hais txoj saw Mab Liab kom thoob mas haj yam zoo, yog tus tsis muaj sij hawm no los xav kom nws ua tiag qee li 6-7 nas this hais ib yag Saw Mab Liab... Ua tsaug.

Ua li mas niamlaus Mim. Kuv tsis thsua txawj thov ntuj , tiam sis kuv hais txoj saw Mab Liab txhua hnub nrog neb kuv yeej muab ua txoj kev thov ntuj kom Tswv Ntuj khuv leej raws li peb thov os nawb. Yog li ces peb rov qab hais dua txoj saw Mab Liab kom txog hnub Friday tom ntej.

**Mim** 25th November 2010, 3:32 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°24

Re: Sib pab thov ntuj thiab hais Saw Mab Liab

Post Mim 25th November 2010, 3:32 pm

Maiv Paj Lug thab tais Tooj,

Kuv tsis tau tuaj ua neb thiab cov phooj ywg us tau nrog kuv ua kev thov ntuj hais saw Mab Liab tsaug li. Hnub no kuv tuaj ua nej sawv daws tsaug nawb uas nej tau tuaj koom kuv. Vam hais tias Tswv Ntuj yuav mloog peb cov lus thov.

Maiv Paj Lug, peb txoj kev thov ntuj dhau los lawd yeej yog niaj hnub hais txoj Saw Mab Liab xwb os... thiab kuv tau hais tias yog leej twg tsis muaj sij hawm yuav hais kom tas txoj Saw Mab Liab no los kom hais li ib yag no na... yog hais ib zag "peb Txiv...," 10 zaj "Koj nyog zoo Mab Liab...", thiab ib zaj "HT leej Txiv,HT leej Tub, HT leej Ntuj Plig..."thiab xaus rau zaj "St Michael..." xwb os. Yog koj hais txoj Saw Mab Liab kom tas nrho masahaj yam zoo xwb...

Tau ntau lub lis piam no lawm, peb tsis tau muaj leej twg tuaj muab intentions kom peb sib pab thov ntuj rau lawm. Kuv tsuas yog tuaj hais rau nej sawv daws hais tias, yog nej leej twg muaj kev nyuaj sib dab tsi los yog nej paub muaj tej yam dab tsi uas nej xav kom peb sib pab thov ntuj rau no ces nej tuaj tso rau hauv no nawb... Nej hais saib nej xav kom peb siv zaj teev ntuj twg thiab saib nej xav kom peb pib hnub twg mus xwb... ces peb yuav tau sib pab niaj hnub hais cov zaj teev ntuj raws li tus tuaj tso nyiam kom puv 9 hnub nkaus, peb mam tso tseg.

**Maiv Tooj** 26th November 2010, 7:04 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°25

Re: Sib pab thov ntuj thiab hais Saw Mab Liab

Post Maiv Tooj 26th November 2010, 7:04 am

Nyob zoo Mim,

Kev koom siab teev Ntuj yog ib qho zoo rau peb tuaj zog.
Txawm koj tsis yaum los peb yeej niaj hnub teev Ntuj ib leeg.
Es koj muaj lub tswv yim zoo los coj peb teev Ntuj mas qhov tseeb yog peb yuav ua koj tsaug mog.
Ua li, seb leej twg ho muaj qhov xav kom peb sib koom teev Ntuj los nws hais tuaj, peb mam tuav tes ncig ntuj teev Tswv Ntuj pov hwm nws.

Sib pab thov ntuj thiab hais Saw Mab Liab H698