Thov Ntuj Pab Txiv Vaj Qhia thiab lub Koom Txoos

Nyob zoo sawv daws,

Tam sis no nyob ntawm peb no yog 1:35 teev yav hnub qaij, yog 7:35 tsaus ntuj nyob Los Mas. Tshuav 25 feeb ntxiv xwb ces Txiv Vaj Qhia Npes Nes Dis txoj hauj lwm ua vaj Qhia yuav tas rau thaum 8 teev lawm.

Yog li thov nej sawv daws nrog kuv koom siab thov ntuj pab Txiv Vaj Qhia Npes Nes Dis thiab lub Koom Txoos thiab tus Txiv Vaj Qhia tshiab thiab os. Kuv hais rau nej tias kuv yuav ua kev thov ntuj 9 hnub, hais txoj saw Tswv Ntuj Txoj Kev Khuv Leej thiab txoj Saw Mab Liab, txij tag kis mus, yog lub 3 hlis tim 1 mus txog lub 3 hlis tim 9. Yog nej leej twg muaj siab xav nrog kuv thov ntuj no ces nej ho hais ob zaj ntawd nrog kuv, los yog nej ho xav hais lwm zaj los nyob ntawm nej, tiam sis xav kom peb sawv daws sib pab thov ntuj os.

Nyob zoo sawv daws,

Kuv tuaj ua nej cov uas tau nrog kuv thov ntuj pab rau cov tswv qhia thaum lawv yuav xaiv tus txiv Vaj Qhia tshiab. RThaum ntawd mas zoo li kuv pheej muaj kev nyuaj siab. Tiam sis zaum no kuv mloog tau tias Tswv Ntuj mloog peb cov lus thov lawm. Cov tswv qhia xaiv tau ib tug Vaj Qhia uas raws li peb pib pom mas nws coj tau zoo heev ua rau ntiaj teb coob leej qhuas txog nws.

Peb yuav tau thov ntuj pab nws ntxiv tsis tseg kom nws tsis txhob ua tej yam yuam kev, tiam sis kom nws coj zoo tas lub caij uas nws ua txiv Vaj Qhia rau peb.

Peb zoo siab hlo ua Tswv Ntuj tsaug ntau ntau.

Nyob zoo Mim,

Ua tsaug rau koj 9 hnub teev Ntuj.

Kuv mas kuv tsis poob siab pes tsawg, kuv xav tias txhua yam Tswv Ntuj yeej pom thiab paub ua ntej lawm. Ib txwm keeb kwm kev ntseeg thaum chiv keeb puam kwm los yeej muaj ntu zoo ntu phem, ntu vam meej heev ntu poob qes heev tab sis yeej tsis tuag li, yeej rov mus ntxiv xwb. Li ntawd yog peb poob rau ntu uas phem los yuav tau ua siab tawv, yuav tau mus raws tus Ntoo Cuam li Txiv Vaj Qhia Fas Las Xiv Xaws Kos hais. Yog peb tsis mus nrog tus ntoo cuam mas peb tsis yog ntseeg thiab teev Yes Xus, yog peb teev dab dab xwb. Yog mus nrog tus ntoo cuam mas thaum poob rau qhov txom nyem yuav zoo siab tiv, tsis txhob tos qhov zoo nkaus xwb yus thiaj zoo siab. Txawm yuav txom nyem, raug thuam los kuv yeej mus kuv ib leeg li zaj nkauj kuv tso ntawm kuv qhov mem tes (signature).
Kuv los kuj zoo siab uas tsoom Tswv Qhia xaiv tau ib tug Vaj Qhia thoob tsib thiab muaj hwj huam heev.

Kuv tsis tau nrog koj pib teev Ntuj 9 hnub no, vim lub week end 2-3/03/ nov kuv tsis nyob tsev lawm. Tab sis kuv yeej teev Saw Mab Liab ib txwd. Thaum kuv hnov lawv hais tias muaj neeg coob tib nag teev Ntuj thaum lawv xaiv Vaj Qhia, muaj tej tug tseem hle khau tib nag teev Ntuj tib si no ua rau kuv khuv leej lawv, kuv xav tias cas kuv nyob chaw qhuav kuv twb tsis teev es tseem muaj cov mus hle khau tib nag teev Ntuj thiab. Vim tim peb no muaj ib vuag cua txias los mas no heev li ob hnub no.

Mim, zoo siab rau koj txoj kev paub tab txhawb thiab qhia peb ras xeev txhua lub sij hawm.

Nyob zoo tais Tooj,

Koj txawm tsis tau nrog kuv ua kev thov ntuj 9 hnub los koj twb niaj hnub hais Saw Mab Liab pab lawm ces yeej zoo heev li. Thiab muaj neeg yeej mob siab thov ntuj pab kawg li, cov tiv nag hle khau tib si li koj tau tso rau peb pom los muaj, cov uas peb tsis paub tsis pom los muaj coob, thiab Txiv Vaj Qhia Npes Nes Dis los nws yeej thov ntuj pab kawg li thiab. Thaum lub Koom Txoos sib koom ua kev thov ntuj lawm mas peb txoj kev thov ntuj muaj zog heev. Tswv Ntuj mloog lub Koom Txoos zaj lus thov.