Lub Txoos Txi Ntuj Thaum Tsis Muaj Leej Choj

**Maiv Tooj** 6th June 2011, 11:35 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Lub Txoos Txi Ntuj Thaum Tsis Muaj Leej Choj

Post Maiv Tooj 6th June 2011, 11:35 am

Hu ib zaj nkauj qhib lub txoos ( Xaiv ib zaj raws caij raws nyoog )

Xib Hwb : Hu txog Leej Txiv thiab Leej Tub thiab Leej Ntuj Plig lub npe. Ua Li
Xib Hwb : Ib tsoom kwv tij neej tsa sawv daws, peb zoo siab cav lus zoo txog Tswv Ntuj, peb tus Huab Tais caw peb tuaj txais Leej Pleev lub cev ntawm lub thaj no.
Sawv daws : Peb cav lus zoo txog Tswv Ntuj mus ib txhiab ib txhis
Xib Hwb : Piav ob peb los txhib sawv daws npaj siab thov Tswv Ntuj kom zam nyias cov txhaum rau nyias.
Sawv daws : Kuv lees txhaum, ntawm Tswv Ntuj muaj hwj huam, ntawm tsoom kwv tij sawv daws, kuv lub siab xav txhaum, kuv lub ncauj hais txhaum, kuv lub cev ua txhaum, li ntawd, kuv vam txog nkauj ntshiab Mab Liab, cov dab ntuj cov leej ntshiab thiab tsoom kwv tij sawv daws pab thov Huab Tais Tswv Ntuj rau kuv.

Xib Hwb : Thov kom Tswv Ntuj hlub peb daws peb cov txhaum thiab coj peb mus txog txoj sia nyob mus li. Ua li
Xib Hwb : Huab Tais, koj khuv leej yuam,
Sawv daws : Huab Tais, koj khuv leej yuam,
Xib Hwb : Leej Pleev koj khuv leej yuam,
Sawv daws : Leej Pleev koj khuv leej yuam,
Xib Hwb : Huab Tais, koj khuv leej yuam,
Sawv daws : Huab Tais, koj khuv leej yuam,

Sawv daws : Nyob pem ntuj, Tswv Ntuj nto meej nto moo, nyob yaj ceeb cov neeg siab dawb siab huv nyob kaj lug.-Huab Tais ua Tswv sim ceeb, peb cav lus_zoo txog koj.-Vaj kav lub ntuj,peb hawm koj.-Huab Tais leej txiv muaj hwj huam, peb nco koj txiaj ntsha txiaj ntsim.-Huab Tais Yes Xus Pleev,Huab Tais leej tub twm zeej, Yaj txi Tswv Ntuj, koj yog tus daws qab ntuj neeg txhaum, thov koj hlub peb.-Koj yog tus zaum ntawm Leej Txiv sab xis, thov koj txais peb lo lus vam txog.koj.-Yes Xus Pleev, koj tib leeg nrog Leej Ntuj Plig ua tus Huab Tais ntshiab. -Koj tib leeg yog tus Tswv Ntuj nyob siab tau Leej Txiv lub Hwj chim UA LI

Xib Hwb : Peb sawv daws thov Huab Tais,
Leej Txiv Tswv Ntuj, koj hlub tib neeg tsis txawj tag, koj pub paj tshab rau neeg tshaj lawv tsim nyog txais. Tej paj tshab koj pub rau peb no zoo tshaj tej peb tsa ncauj thov ntawm koj. Thov koj hliv koj cov lus zam lus ntev rau peb tsis tseg. Koj npo peb dim kev txhawj xeeb kev txob txhawj ntau tshaj peb tsa ncauj thov ntawv koj.
Peb vam txog Yes Xus Pleev, koj Leej Tub peb tus Huab Tais Tswv Ntuj, nws nrog koj thiab Leej Ntuj Plig Ntshiab ua vaj mus txog thiab niag tim puas xyoo. Ua li

Nyeem ib tsab ntawv : zaj ib los zaj ob

Hu ib zaj nkauj Ntxuag Qeej

Tsab Ntawv Moo Zoo

Xib Hwb : Huab Tais Ntuj nrog nej nyob
Sawv daws : Huab Tais Ntuj nrog koj nyob
Xib Hwb : Peb mloog ib zag nyob hauv…
Sawv daws : Huab Tais, peb cav txog koj lub koob meej.
Xib Hwb : Huab Tais Pleev,
Sawv daws : Lub qab ntuj neeg cav txog koj.

Khaws ob los peb lub ntsiab lus hauv cov tsab ntawv los txhawb sawv daws txoj kev ntseg

Sawv daws : Kuv Ntseeg Txog Tswv Ntuj,
Yog leej txiv muaj hwj huam tas nrho,
yog tus tsim ntuj tsim teb.
Kuv ntseeg txog Yes Xus Pleev,
yog Tswv Ntuj leej Tub twm zeej, yog peb tus huab tais.
Leej Tswv Yim Ntshiab ua kom nws xeeb los ua neeg.
Nws yug ntawm Nkauj Ntshiab mab Liab los.
Lub caij Pis Las Tos ua nom,
Yes Xus raug luag hiam thiab ntsia saum ntoo cuam.
Nws tuag mus zwm av, mus txog ntuj txias teb tsaus.
Hnub peb, Yes Xus sawv hauv cov tub tuag rov los.
Nws nce mus lawm saum ntuj,
zaum ntawm Leej Txiv muaj hwj huam tas nrho phab xis.
Nws yuav rov los txiav txim rau cov neeg ciaj neeg tuag.
Kuv ntseeg txog Leej tswv Yim Ntshiab.
Ntseeg txog Tsoom Leej Ntshiab sib koom Ntuj Lub Txiaj Ntsim.
Ntseeg txog kev daws txhaum.
Ntseeg txog neeg lub cov sawv rov los.
Ntseeg muaj txoj sia nyob mus li. Ua li.

Xib Hwb : Cev ob peb lo lus thov Huab Tais Tswv Ntuj kom nws mloog peb lub suab vam khom thiab tos nws cov txiaj ntsim tuaj pab lub ntiaj teb neeg.
Peb thov koj, Huab Tais Leej Txiv siab zoo
Sawv daws : Peb thov koj, Huab Tais Leej Txiv siab zoo

Yog tsis muaj lub Cim Yug ces tsis ua ntu nruab nrab nov, tab sis hu ib zaj nkauj quas kuj tau.

Xib Hwb : nthuav daim ntaub dawb pua lub thaj Txi Ntuj, nws mus nqa lub ntim los txawb saum daim ntaub dawb.
Xib Hwb : Peb sawv daws hais zaj teev ntuj peb tus Huab Tais Yes Xus tau qhia rau peb:

Sawv daws : Peb txiv nyob saum Ntuj
Koj lub npe ntshiab nto moo lug,
Koj lub ceeb tsheej los txog,
Kom muaj raws li koj nyiam nyob ntiaj teb no
zoo li nyob saum ntuj.
Thov koj muab mov txaus peb noj hnub no.
Koj zam txhaum rau peb zoo li peb zam rau luag.
Koj txhob tso peb raug kev ntxias.
Koj npo peb dim ntawm kev phem. Ua li.

Xib Hwb : Kev ua vaj, kev muaj hwj huam, kev nto koob meej yog koj tug must as ib txhiab ib txhis.
Xib Hwb : Tswv Ntuj, ua nej siab kaj lug;
Sawv daws : Tswv Ntuj, ua koj siab kaj lug;

Sawv daws : Yaj Txiv Tswv Ntuj,
Yaj ris qab ntuj neeg txhaum, koj hlub peb cov neeg txhaum.
Yaj txiv Tswv Ntuj, Yaj tuag kom qab ntuj neeg ciaj, koj tuaj yug peb txoj sia.
Yaj txiv Tswv Ntuj, Yaj ua koj lub cev yog zoo tshuaj, koj tuaj ua peb lub siab kaj lug.

Xib Hwb : Nej ntsia tus Yaj Txi Tswv Ntuj, nej ntsia tus ris qab ntuj neeg cov txhaum. Cov Tswv ntuj caw lawv tuaj noj Leej Yaj rooj qav lawv txoj hmoov zoo.

Sawv daws : Huab Tais, kuv tsis tsim nyog txais koj tuaj hauvkuv vaj tsev, thov koj hais ib los mas kuv lub siab yuav zoo hlo.

Xib Hwb : mus faib lub Cim Yug rau cov ntseeg
Thaum txais lub Cim Yug tas, Xib Hwb tais daim ntaub dawb, ntsaig lub Thaj kom du lug, coj lub Cim Yug khaws tseg los.

Xib Hwb : caw sawv daws sawv, lub txoos xaus li no :
Sawv daws : Hu txog Leej Txiv thiab Leej Tub thiab Leej Ntuj Plig lub npe.
Ua Li
Hu ib zaj nkauj xaus lub txoos

Tus sau: TP.Cwj Vuam Chiv
Tim 5/5/2011

Last edited by Maiv Tooj on 7th June 2011, 5:56 am; edited 1 time in total

**Maiv Paj Lug** 6th June 2011, 4:15 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°2

Re: Lub Txoos Txi Ntuj Thaum Tsis Muaj Leej Choj

Post Maiv Paj Lug 6th June 2011, 4:15 pm

Maiv Tooj, yog tias sij hawm ua lub txoos tsis muaj Txiv Plig, thiab tsis muaj lub cim yug ne peb ho ua dab tsi thaum sij hawm ntawv? puas thov ntuj xwb los yog ua dab tsi ? pov dej foom hmoov zoo rau sawv daws? yog tias tsis muaj lub cim yug....

yog tias xav tau lub cim yug los ua Txoos...peb yuav tau mus nug Txiv Plig ua ntej los? kom nws muab rau tus XH nqa los tsev los yog ua li cas tiag?

Ua tsaug ntau nawd, yog ib qho zoo hev uas koj pab nug ntawm T.P Cwj Vuam Chiv rau peb....yog tau information tas lawm tej zaum kuv yuav muab rau kuv tus nus mus coj Hmoob Cholet teev ntuj.

**Maiv Tooj** 7th June 2011, 5:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Lub Txoos Txi Ntuj Thaum Tsis Muaj Leej Choj

Post Maiv Tooj 7th June 2011, 5:48 am

Nyob zoo Maiv Paj Lug,

Zaj no mas ntshe yuav hais rau cov teb chaws uas tsis muaj Leej Choj coob, ais tus Xib Hwb nqa lub Cim Yug mus pem tej Yaj Sab deb nroog tej. Yog tias zoo li peb cov nyob teb chaws uas muaj Leej Choj coob, muaj tsev teev Ntuj qhov txhua chaw mas peb yuav tsis nqa lub Cim Yug los teev Ntuj peb tus kheej, yuav tsum hais kom Txiv Plig tuaj ua Thaj Txi Ntuj (Mis Xas) ais Txiv Plig faib lub Cim Yug xwb. Yuav tssi muaj txoj cai nqa lub Cim Yug uas twb Foom Hmoov Zoo rau lawd taug kev. Vim nws yog ib qho Ntshiab mas lawv yuav tssi kam rau yus. Tsuas yog nqa lub puav rau cov neeg mob mas tau, qhov nov kuv xav li no xwb, kuj tsis tau nug tseeb...Tab sis kuv xav tias lawv yuav tsis kam rau yus...Yog yus xav tau lub Cim Yug thaum sawv daws sib sau teev Ntuj ua ke ces yuav tsum teem kom txiv Plig tuaj ua Mis xas rau yus...

Yog tsis muaj lub Cim Yug ces hla ntu nruab nrab tsis ua:

**Maiv Paj Lug** 7th June 2011, 10:08 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°4

Re: Lub Txoos Txi Ntuj Thaum Tsis Muaj Leej Choj

Post Maiv Paj Lug 7th June 2011, 10:08 am

Ua tsaug tau nrog koj tham txog tej no os Maiv Tooj, yeej yog li koj hais lawm. Twb yog kuv dab laug Vaj Xob nws xav ua tus coj Hmoob Cholet teev ntuj xwb, vim tias cov coob yog cov laus ntau, lawv mus koom Fabkis tab sis cov laus tsis tshuam paub lus es nws lam xav coj lawv teev ntuj ua lus Hmoob xwb.

Kuv dab laug Xob tseem hluas heev, nws nyuam qhuav muaj 23 xyoos xwb, nws kuj yog ib tug kub siab nrhiav kev pab cov laus kawg nkaus, nws muab nws lub sij hamw mus koom thiab pab Tsev Teev ntuj fab kis ua ntej kom nws raug zoo nrog fab kis nyob hauv nws lub zos, kom lawv paub tias muaj Hmoob ntseeg ntuj.

Hnub i kuv nrog nws tham mas nws hais tias nws twb hais rau tus T.P fab kis hauv zos lawm, yog hnub twg dab laug Xob xav teev ntuj no mam caw tus T.P fabkis tuaj koom saib lawv teev ntuj ua lus Hmoob tas ces nws mam li ua thaj txi ntuj hauv dab laug Xob lub tsev rau Hmoob no os. Zoo li lawv kuj nyiam dab laug xob kagw li lawm thiab tiag, tsis hais Hmoob xwb, fab kis los nyiam nws huv si, nws tau coj ib co txiv tsev Hmoob mus koom lawv ib qho sortie nrog tsve teev ntuj mas lawv zoo siab rau nws kawg. Khuv xim Dab Laug xob tsis nco qab nqa koob thaij mus thaij rau peb sai nkaus lawm xwb.

Lwm zaus kuv tau mus koom nrog Dab Laug Xob laawv cov Hmoob Cholet teev ntuj kuv mam li yees duab rau nej saib .

**Maiv Tooj** 7th June 2011, 10:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Lub Txoos Txi Ntuj Thaum Tsis Muaj Leej Choj

Post Maiv Tooj 7th June 2011, 10:43 am

Nyob zoo Maiv Paj Lug,

Hais txog dab laug Xob, mas kuv xav hais me ntsis raws li peb kev teev Ntuj ib txwm ua los.

-Kom dab laug Xob yuav tsum xyaum thiab saib kev teev Ntuj Mis Xas ua lus Hmoob thiab lus Fab Kis teb si.
Ces thaum caw tus Txiv Plig tuaj ua Mis xas rau lawv mas Txiv Plig hais lus Fab Kis,
- lawv teb ua lus Hmoob,
- hu nkauj Hmoob,
- nyeem cov zaj ua lus Hmoob,
- zaj Ntawv moo Zoo, nyeem ua ob hom luc, lus Hmoob ua ntej, lus Fab Kis ua qab tag ces Txiv Plig nthuav Ntawv Ntshiab.

Nws yuav xaiv cov zaj nkauj kom raws li lub caij teev Ntuj puag xyoo, raws caij xam nyoog,

Kom dab laug Xov muab phau ntawv Hu nkauj teev Ntuj liab los saib, vim muaj ua lub Txoos lus Hmoob thiab Fab Kis ua ke.

* Txhob caw txiv Plig tuaj saib lawv teev Ntuj ua lus Hmoob tag mam ua lub Txoos mas tsis zoo. Yuav tsum ua Mis Xas thiaj yog kev cai.

**Maiv Paj Lug** 7th June 2011, 4:19 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°6

Re: Lub Txoos Txi Ntuj Thaum Tsis Muaj Leej Choj

Post Maiv Paj Lug 7th June 2011, 4:19 pm

Hahaha..Maiv Tooj, kuv sau ntawv tsis meej pes tsawg, tus T.P tuaj hauv dab laug Xov tsev tsis yog tuaj saib xwb, nws tuaj ua lub txoos thiab yuav béni dab laug xob lub tsev thaum ua mesxas tas. Yog hnub twg lawv teem tau caij, kuv tseem yuav mus pab nws nrhiav cov nkauj Hmoob thiab nkauj fab kis uas yog tib zaj coj los tso rau ib daim ntawv, kom cov paub lus fab kis ho tau nyeem ua lus fab kis, cov paub ntawv Hmoob ho tau nyeem thiab hu nkauj Hmoob.

Maiv Tooj, qhov nyuaj rau dab laug xob tsuas yog nws tsis paub ntawv Hmoob xwb os, dab laug xob tseem tshuav ntau yam xyaum, nws tseem hluas heev, nws thiaj kom kuv nrhiav koj tej lus mus pab qhia thiab txhawb nws, tiam sis kuv ntseeg tias dab laug xob muaj lub siab nrhiav tiag, Yesxus yuav tsum yog tus txhawb nqa dab laug xob, nws yeej yuav ua tau zoo raws sawd daws siab nyiam lawm yav tom ntej.

**Maiv Tooj** 7th June 2011, 8:49 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°7

Re: Lub Txoos Txi Ntuj Thaum Tsis Muaj Leej Choj

Post Maiv Tooj 7th June 2011, 8:49 pm

Maiv Paj Lug,

Zoo kawg, yog ib qho zoo uas dab laug Xob npaj siab yuav hu lawv tuaj teev Ntuj hauv nws tsev.

1- Qhov uas dab laug Xob yuav tsum kawm mas yog qhov nws yuav tsum paub lub Txoos Mis Xas nov kom ua lus Hmoob thiab lus Fab Kis zoo zoo. Kom thaum Txiv Plig hais ua lus Fab Kis, dab laug Xob teb kiag ua lus Hmoob xwb. Ntawm Txiv Plig mas nws yeej paub tias peb hais qhov twg rau qhov twg, yog peb tsis yuam kev mas nws yuav tssi yuam kev li. Vim nws twb paub cov txheej txheem zoo lawm.

2- Yuav paub txog kev Xam Nyoog, cov tsos raws lub caij, cov zaj nyeem raws lub caij thiab XYOO. Yam li LUB CAIJ: Tos Huab Tais, Yes Xus Yug, Nruab Xyoo, Caij 40, Caij Hla, Xyoo A B C.

Lus Fab Kis:

Lub Txoos Txi Ntuj Thaum Tsis Muaj Leej Choj Couleu10

Lus Aas Kiv:

Lub Txoos Txi Ntuj Thaum Tsis Muaj Leej Choj 6a00d811

Nias ntawm daim duab mus saib
daim ntawv Xam Nyoog

**NrhiavTswvNtuj** 7th June 2011, 9:31 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°8

Re: Lub Txoos Txi Ntuj Thaum Tsis Muaj Leej Choj

Post NrhiavTswvNtuj 7th June 2011, 9:31 pm

Lub Txoos Txi Ntuj Thaum Tsis Muaj Leej Choj 13075210

Lub Txoos Txi Ntuj Thaum Tsis Muaj Leej Choj Mis_xa10

Lub Txoos Txi Ntuj Thaum Tsis Muaj Leej Choj Mis_xa11

Lub Txoos Txi Ntuj Thaum Tsis Muaj Leej Choj Mis_xa12

Lub Txoos Txi Ntuj Thaum Tsis Muaj Leej Choj Mis_xa13

Lub Txoos Txi Ntuj Thaum Tsis Muaj Leej Choj Mis_xa14

**Npuagtub** 22nd January 2012, 9:12 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°9

TXOOS TEEV NTUJ TSIS MUAJ TXIV PLIG

Post Npuagtub 22nd January 2012, 9:12 am

Nyob zoo Mp thiab Mt,

Kuv xav sau txhab ntxiv me rau kev ua lub txoos teev ntuj hauv tsev teev ntuj thaum tsis muaj TP. tiam sis muaj lub Cim Yug los rau cov ntseeg ( Communion service ).

(1) Tus Coj lub txoos teev ntuj yuav tau kev tso cai los ntawd tus TP. nyob hauv lub tsev teev ntuj tias nws ua tau lub txoos teev ntuj faib lub Cim Yug. Nws yuav tsum paub txog cov kab ke ua lub txoos teev ntuj, thiab paub hwm lub Cim Yug.

(2) Lub Cim Yug, raws li nyob rau cov teb chaws thaj yeeb, mas yuav nqa mus cia tsis tau tom tsev los yog lwm qhov chaw ua tsis yog nyob hauv tsev teev ntuj. Txawm yog nqa lub Cim Yug mus rau cov neeg mob los yuav tsum siv lub txws nqa lub Cim Yug uas yog lub tsev teev ntuj muab xwb, yuav siv tsis tau lwm yam tais los yog tej txws uas lub tsev teev ntuj tsis tau tso cai.

(3) Lub Cim Yug, tus yuav coj tau mus rau cov neeg mob nyob tom tsev los yog hauv tsev kho mob txais, mas nws yuav tsum tau mus kawm kom paub txog kev coj lub Cim Yug mus rau neeg Mob thiab TP. lees paub tias nws yog ib tug ( Eucharist ministry ) mas nws thiaj li ua tau.

(4) Kev nqa lub Cim Yug mus rau cov neeg mob, mas yog tias tsis muaj kev tim tsum ceev mas txhua zaus cov yuav npaj nqa lub Cim Yug mas lawv muab lawv cov tais los lub txws ntim lub Cim Yug los tso saum lub Thaj Teev Ntuj, thaum TP. ua lub txoos teev ntuj ces nws muab lub Cim Yug tso rau hauv cov tais ntawd, thaum ua lub txoos xaus ces tus yuav qa lub Cim Yug ( Eucharist ministry ) los nqa lub Cim Yug ntawm lub Thaj teev Ntuj ua ntej TP. yuav xaus lub txoos teev ntuj. Nws yuav tsum nqa ncaj qha mus rau tus neeg mob tam sis ntawd, nws mus lwm qhov los yog mus tom nws tsev tsis tau, vim Lub Cim Yug yog ib yam Ntshiab uas lub Koom Txoos hwm zoo heev.

(5) Lub Cim Yug tso tsis tau hauv koj tej hnab ris hnab tshos, los yog tej hnab koj rau khoom lwm yam, txawm nws twb ntim nyob hauv lub tais lawm. Yuav tsum nqa nrog koj txhais tes siab tshaj koj lub duav siv. Yog thaum koj tsav tsheb lawm, koj yuav tsum tso nws rau ib qho chaw siab thiab huv tsim nyog, txhob muab tso rau saum lub rooj zaum, qhob zoo mas koj yuav txhob tsav tsheb, es thov ib tug neeg tsav tshev rau koj, mas zoo dua.

Kuv sau me ntsis ntxiv li no rau xwb, MP, yog koj dab laug xob xav ua ib tug coj ib pab ntseeg mas, qhov zoo kom nws mus kawm cov class ua lub txoos teev ntuj, npaj lub txoos teev ntuj, ua ib tug ( Eucharist ministry ) muaj npe zwm nyob hauv lub tsev teev ntuj nws nyob, los yog mus kawm ua ib tug (Lay ministry ) kiag mas thiaj li tsis nyuaj rau nws.

**Tub Kawm** 22nd January 2012, 12:32 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°10

Re: Lub Txoos Txi Ntuj Thaum Tsis Muaj Leej Choj

Post Tub Kawm 22nd January 2012, 12:32 pm

Nyob zoo Niam Hlob thiab Mpaj lug thiab XH Npuag Tub.

Ua tsaug nej tuaj qhia lub Txoos Teev Ntuj tsis muaj Leej Choj rau peb tau kawm og. Yog cov tsi muaj TP ces lawv ua lub txoos raws li no xwb, tiam si yuav yog muaj lub cim yug mas thiaj ua ntu uas faib lub Cim Yug. Yog tsi muaj lub Cim Yug mas tsi ua ntu ntawd los kuj tau. Xws li peb nyob rau sab Vietnam teb no mas. Peb cov tsi tau muaj Tsev Teev Ntuj mas TP tsi tau muab lub Cim Yug tuaj tso rau peb tej vaj tej tsev. Vim lub Cim Yug yog lub dawb huv, xws li XH Npuag Tub hais saum toj no. Yeej nqa tsi tau mus ywj yus siab, yuav tsum yog TP tso nyob rau hauv cov txwm xwb. Li ntawd peb cov nyob deb TP thiaj ua lub Txoos Teev Ntuj tseg Ntu uas faib lub Cim Yug tsi ua. Yov nej cov uas muaj tsev Teev Ntuj es muaj lub Cim Yug ces nej yuav tsum ua kom tas nrho lub Txoos tsi muaj Leej Choj xws li saum toj no. Xwb Hwb Npuag Tub ua tsaug uas Nws tuaj qhia kev siv lub Cim Yug rau peb tau kawm og. Kom peb a tag nkag siab dua qhov qub lawm.

Li no xwb nyob zoo.