Cov Nkauj Seev hauvTxoos Txi Ntuj Catholiques

I - LUB CAIJ TOS HUAB TAIS


II - LUB CAIJ YES XUS YUG LOS


III - LUB CAIJ PLAUB CAUG


IV - LUB CAIJ HLA


V – CAIJ NRUAB XYOO



1. HUAB TAIS, TXHOB NCUA NTEV

Txais : Huab Tais, txhob ncua ntev, koj tuaj kaj cov neeg maub kev tsaus ntuj

1-Nej ntsia tus Huab Tais cawm peb tuaj yuav txog ; nyem no txog lub zwj ceeb kawg, Tswv Ntuj tso nws Leej Tub tuaj.
2-Nws tsa nws tus chij coj tas txhia haiv neeg ; nws muaj peev xwm hlob mus li, nws txoj kev thaj yeeb yuas ¬tsis kawg.

3-Yes Lus Xas Les Ntshiab, koj tsa muag nriaj cov hlua khi koj ; tas zeej tsoom hwm ntuj, nej sawv tsees npaj siab tos Huab Tais.
4-Nej zam lub siab me, nej ntaus lub siab loj, nej ua thawj hlo ; nej luag ntxhi mus ce Huab Tais cov dej tshuaj.

5-Huab Tais koj tuaj ntxuav His Xas Lais tej txhaum, koj cev tes npo cov neeg khaub zig koj, koj tsa cov neeg tsis muaj txoj sia.
6-Koj sau tsoom pej xeem huab hwm nyob thoob qab ntuj los vij koj tus chij.

2. HUAB TAIS LUB VAJ TXIV NTOO - ZNQ 79-2

Huab Tais, koj yog tus nyob siab,koj nqes los xyuas koj lub vaj txiv ntoo mas.

1-Huab Tais, koj muaj ib lub vaj txiv ntoo ua cawv nyob liais Nkws Tos teb.
2-Koj ntiab ntau haiv neeg khiav, koj rov cog koj lub vaj txiv ntoo rau thaj av tshiab.

3-Koj tau ywg dej ntshis rau kom hlob, nws nrhau ceg mus puv tas qhov txhia chaw.
4-Nws ntxoov tas tej toj roob hauv pes, nws nrhau cag sib lig zawv mus txog ntug hiav txwv.

5-Huab Tais, ua cas koj rhuav koj lub laj kab xov koj lub vaj txiv ntoo ?
6-Cov neeg dua kev tsuj nws cag, ntshua nws ceg, de zoj nws tej txiv.

7-Tej tsiaj nyeg tuaj noj lwj ntsuav, tej tsiaj qus tuaj tshom lwj ntxaws.
8-Lub vaj txi koj tau cog koj rov los xov, cov txiv ntoo koj tau khwv ywg, koj rov los npoog.

9-Huab Tais, thov koj rov tsa koj lub vaj txiv ntoo nyob hauv txoj kev vam meej.
10-Thov koj lub ntsej muag ci ntsa iab nyob saum peb, peb yuav dim ntawm txoj kev tuag.

3. AS LES LUS YAS, koj muab txoj kev zam rau peb pom yuad !
Tswv Ntuj siab zoo, koj pub txoj kev cawm neeg rau peb taug os !
As les lus yas.

4. TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi ntuj ua Huab Tais tsaug

1-Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !
2-Huab Tais, peb kev kawm, qhia, tsim, tawg paj txi txiv, vim muaj koj nres koj kav ; koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.
3-Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus ; koj pab nyuj nees nuam zoo siab hlo txais koj nra mloog koj hu yuas.

5. NCO HUAB TAIS TXIAJ NTSIM-ANAMNESE

Thaum peb noj cov mosv no ! Thaum peb haus lub ntim no !
Peb hawm peb tus Huab Tais uas peb nco txog !

Huab Tais Yes Xus, peb nco txog koj txoj kev tuag,
Peb cav koj txoj kev sawv rov los, peb tos txog hnub koj yuav rov tuaj.

6. TUS TUAJ CUAG YES XUS

XH. Tus tuaj cuag Yes Xus, nws yuav tsis tshaib.
SD. Tus vam txog Yes Xus, nws yuav tsis nqhis.
XH. Yes Xus lub cev txawj tu neeg.
SD. Yes Xus cov ntshav txawj daws nqhis.
XH. Yog peb tsis noj Yes Xus lub cev, peb yuav tsis muaj ntuj txoj sia.
SD. Yog peb tsis haus Yes Xus cov ntshav, peb yuav tsis ciaj rov los.
XH. Tus noj Yes Xus lub cev, nws yuav muaj ntuj txoj sia.
SD. Tus haus Yes Xus cov ntshav, nws yuav ciaj rov los.
XH. Tus noj Yes Xus lub cev, Yes Xus yuav tuaj nyob hauv nws lub siab.
SD. Tus haus Yes Xus cov ntshav, Yes Xus yuav tuaj nyob hauv nws lub plawv.
7. PEB NPAJ TXOJ KEV NCAJ

Txais : Peb npaj txoj kev ncaj kev du tos Huab Tais, txoj kev kaj thiaj nyab peb tej siab ntsws.

1-Huab Tais Cawm Seej, tsoom ntseeg tos koj li lub hnub tawm tuaj.
Niaj hnub peb mem tau koj los nyob nraim hauv txhia leej tas txhia yam.
2-Tsoom ntseeg tso siab, taug kev mus saum qaum ntuj cuag Huab Tais.
Txhua leej tso siab yuav pom xyeem Leej Yaj tawm hwj chim ci ntsa iab.

1. COV PHOOJ YWG ZOV YAJ
Txais: Lub ntiaj teb nrhau tus Txoov Kaus, lub ntuj tawg lub paj tshiab nra.
1-Cov phooj ywg zov yaj, nej pom tsav tsim nuj dab tsi ?
Pom Nuj Saub Nraug Suav muaj Leej Txiv lub txiaj ntsim sais zim sua yeev tuaj saum di ncauj.
Tus faib noj rau lub sim ceeb tuaj pw hauv Nkauj Tsim Txiaj xub ntiag,
Tus pheej toj roob hauv pes, tsim nkauj hnub nraug hli, tsaug zog saum nroj saum tsuag.

2-Ntxhais Zag Nkauj Sua tau ntuj txoj hmoov ntxoov koj, tus lub ntiaj teb ntim tsis taus, koj suab nws ua koj Leej Tub, koj yug tus Vaj muaj lub npe nto moo mus li, vim koj tuaj yeem ua Tswv Ntuj ntxhais txib, koj tau ua Tswv Ntuj niam.
2. HUAB TAIS TUAJ KAV - ZNQ 95

Tswv Ntuj Leej Tub tawm hauv nws Tuam Tsev tuaj qhaib lub ntiaj teb neeg.
1-Huab Tais tuaj kav lub ntiaj teb, nws kav lub qab ntuj raws txoj kev ncaj.
2-Tas ib puas xyeem teb chaws, nej hu tej zaj nkauj tshiab cav txog Huab Tais.
3-Nws lub meej mom ci lam thab, nws lub Tuam Tsev muaj hwj chim ci lam lug.
4-Tas ib tsoom haiv neeg, nej tuaj mus txi ntuj nyob hauv Huab Tais lub yeej.

5-Lub ntuj zoo siab, lub hiav txwv hom khaj, lub ntiaj teb cav ntsuag qees.
6-Tas cov neeg nyob nruab liaj nruab teb npuaj teg ntaug taw cav txog tus Huab Tais tuaj kav sawv daws.
3. AS LES LUS YAS, koj muab txoj kev zam rau peb pom yuad !
Tswv Ntuj siab zoo, koj pub txoj kev cawm neeg rau peb taug os !
As les lus yas.
4. TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi ntuj ua Huab Tais tsaug

1-Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !

2-Huab Tais, peb kev kawm, qhia, tsim, tawg paj txi txiv, vim muaj koj nres koj kav ; koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.

3-Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus ; koj pab nyuj nees nuam zoo siab hlo txais koj nra mloog koj hu yuas.


5. NCO HUAB TAIS TXIAJ NTSIM-ANAMNESE

Txoj kev ntseeg lub hauv paus hauv ntsis Haub Tais Yes Xus Pleev, peb tshaj koj txoj kev tuag, peb zeem tseeb tias koj sawv rov los, peb tos ntshi txog koj yuav rov tuaj.


6. TUS TUAJ CUAG YES XUS.
XH. Tus tuaj cuag Yes Xus, nws yuav tsis tshaib.
SD. Tus vam txog Yes Xus, nws yuav tsis nqhis.
XH. Yes Xus lub cev txawj tu neeg.
SD. Yes Xus cov ntshav txawj daws nqhis.
XH. Yog peb tsis noj Yes Xus lub cev, peb yuav tsis muaj ntuj txoj sia.
SD. Yog peb tsis haus Yes Xus cov ntshav, peb yuav tsis ciaj rov los.
XH. Tus noj Yes Xus lub cev, nws yuav muaj ntuj txoj sia.
SD. Tus haus Yes Xus cov ntshav, nws yuav ciaj rov los.
XH. Tus noj Yes Xus lub cev, Yes Xus yuav tuaj nyob hauv nws lub siab.
SD. Tus haus Yes Xus cov ntshav, Yes Xus yuav tuaj nyob hauv nws lub plawv.

7. TAS SAWV DAWS YUAV ZOO SIAB. - ZNQ 97

Txais: Tas sawv daws yuav zoo siab nyob ntawm Huab Tais xub ntiag, vim nws tuaj txog peb lawm, nws tuaj kav lub ntiaj teb.

1-Nws kav lub sim ceeb nws ua ncaj, nws kav tas txhia haiv neeg nws pab sawv daws sib npaug zos.
2-Npoo ntuj npoo ntiaj teb pom txoj kev cawm neeg tuaj ntawm peb tus Huab Tais tuaj.

3-Huab Tais qhia txoj kev cawm neeg rau sawv daws paub, nws muab txoj kev ncaj rau txhia haiv neeg pom.
4-Nej hu tej zag nkauj tshiab cav txog Huab Tais, vim nws ua tau tej yam tsim nyog qhuas.

1. KWV TIJ PHOOJ YWG,

Txais: Kwv tij phooj ywg, peb muab peb mov los faib rau cov neeg tshaib noj;
peb txais cov pluag, peb pub rau hnav ; peb tso tej lus sib cav sib ceg ua plaub ua ntug tseg ; peb pab luag ris luag lub nra.
1-Vaj tswj lub ntuj lub teb, lub sij hawm plaub caug no peb nquag teev koj ; peb yuam peb lub cev kom txhob taug kev yooj yim ; peb txhob tso peb lub siab mus nrhiav noj nrhiav haus raws txoj kev txhaum.
2-Tswv Ntuj koj pom hauv neeg nruab siab, koj paub tias peb tsis muaj zog ua raws txoj kev zoo, peb xav rov tig los cuag koj, koj zam rau peb, koj kho peb tus plig kom zoo hlo.

2. KOJ LUB SIAB ZOO HUAB TAIS KOJ ZAM RAU KUV. -ZNQ 50

Txais: Koj lub siab zoo, Huab Tais koj zam rau kuv,
koj lub siab hlub neeg, Huab Tais koj so kuv cov txhaum.

1-Kuv ua txhaum rau koj ib leeg xwb,
muai tej yam koj ntsia yog tsis zoo, kuv twb ua lawm.
2-Kuv paub kuv cov txhaum, kuv tsis zais, kuv cia li lees; kuv cov txhaum nyob ntawm kuv xub ntiag tsis tseg.
3-Koj ntsia, txij thaum kuv niam xeeb kuv los kuv siab dub,
koj saib, txij thaum kuv yug los kuv muaj txim.
4-Koj ntxuav kuv kom kuv dawb dua daus,
koj muab koj cov dej los yaug kuv kom kuv ntshiab tuai.
5-Kuv lub siab ntxhov hnyo, kuv cov pob txha ntsoog lis ntxaws; koj hais tej lo lus zoo rau kuv, kuv lub siab yuav kaj.
6-Huab Tais, koj tsis txhob ntiab kuv mus deb ntawm koj xub ntiag, koj tsim ib lub siab huv lis si los cog rau kuv.
7-Koj cawm kuv mas kuv rov paub txoj kev lom zem; koj pub ib lub siab loj rau kuv mas kuv rov paub txoj kev kaj lug.
8-Kuv yuav qhia koj txoj kev zam rau cov neeg txhaum; cov neeg yuam kev yuav rov qab los cuag koj.
9-Kuv muab yam twg txi koj los tsis xis koj lub siab; kuv hlawv yam twg rau koj los koj tsis yeem yuav.
10-Koj tsis luag ib tug neeg kho siab, koj tsis thuam ib tug neeg lwj plawv, qhov kuv yuav txi rau koj yog kuv lub plab plaw lwj.


3. LEEJ NTUJ PLIG, KOJ LOS MAS !

Leej Ntuj Plig, koj los mas ! Koj los nyob hauv cov neeg ntseeg txog koj ;
Koj ua kom lawv lub siab kub li hluav taws, koj xa koj lub tswv yim los mas ! Mas tag lub ntiaj teb yuav tshiab tuaj.

4. NTUJ TXIV, PEB UA KOJ CUAB KOJ YIM

XH. Ntuj Txiv, peb ua koj cuab koj yim, koj txais cov mov yuav txia ua tus Yaj Ntshiab, peb thov koj.
SD. Koj ntsia peb tsoom neeg tuaj txi koj.
XH. Ntuj Txiv, peb yog teev dej poob hauv Yes Xus cov ntshav, koj faib koj Leej Tub nws txoj sia los rau peb, peb thov koj.
SD. Koj ntsia peb tsoom neeg tuaj txi koj.
XH. Ntuj Txiv, peb muab ntim cawv no los cev rau koj, kom nws txia ua cov ntshav cog lus tshiab, peb thov koj.
SD. Koj ntsia peb tsoom neeg tuaj txi koj.

5. NCO HUAB TAIS TXIAJ NTSIM-ANAMNESE
Koj raug lawv muab koj tua, Koj sawv tsees rov muaj sia, koj niaj hnub rov tshoj neeg, Huab Tais cawm seej.

6. TUS ZOO TSWV ZOV YAJ. ZNQ 22

Txais : Tus Zoo Tswv zov yaj nws saib kuv, kuv tsis paub txoj kev tshaib txoj kev nqhis txoj kev txhawj.
1-Tus Zoo Tswv zov yaj nws tso kuv nyob hauv tej tshav zaub mos, nws coj kuv mus so nyob ze dej, kuv haus nws cov dej laj kuv lub siab.
2-Tus Zoo Tswv zov yaj nws pom kuv nyiam nws lub npe, nws coj kuv mus kev, kuv taug ib lub hav tsaus ntuj qas nti kuv tsis nco qab ntshai.
3-Tus Zoo Tswv zov yaj, koj rab pas nrig nyob ze kuv ua kuv luag ; koj xav nplij kuv lub siab, koj tsa koj rab pas nrig nyob ze kuv.
4-Cov neeg ntxub xav hnyos kuv, koj npaj ib roog qav nyob ntawm kuv xub ntiag, koj pleev tshuaj tsw qab rau saum kuv taub hau, koj hliv cawv puv lub ntim rau kuv haus.
5-Tas kuv sim neej niaj hnub ntuj txiaj ntsim los nres kuv, kuv lub tsev yog lub tsev teev kuv tus Huab Tais, tas kuv sim neej kuv xav tuaj xyuas nws lub tsev.
Txais : Tus Zoo Tswv zov yaj nws saib kuv, kuv tsis paub txoj hev tshaib txoj kev nqhis txoj kev txhawj.

6. KUV NYOB HAUV QAB TIV TXWV. - ZNQ 129

Txais : Kuv nyob hauv qab tiv txwv, Huab Tais awb, kuv hu txog koj, Huab Tais, koj mloog kuv lub suab yuad !
1-Koj yuav tig ntsej los mas ! Koj yuav mloog kuv lo lus thov koj.
2-Koj tsis txhob nco peb cov txhaum, yog koj nco mas tsis muaj leej twg yuav nyob taus.
3-Kuv paub koj yog tus zam txhaum, kuv tuaj pe koj, kuv tso siab rau koj.
4-Kuv tus plig tos txog koj, zoo li tus peeb zov hmo tos txog lub caij kaj ntug.
5-Txoj kev zam txoj kev cawm neeg yog nyob hauv koj ; tus yuav cawm His Xas Lais ntawm lub txim txhaum kawg yog koj.
Huab Tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej, xws li txheej laus thaud los. Ua li.

1. PEB NCO TXOG HMO PEB HNAV DAWB.

Txais: Yes Xus, peb rov yug los nyob hauv koj, peb luag ntxhi mus li nyob hauv lub txiaj ntsim Hla.

1-Peb nco txog hmo peb hnav dawb, peb ua rooj qav noj peb tus Yaj Hla, peb hla dhau lub pas dej liab, lub caij no peb thiaj cav txog Leej Pleev ua peb tus Hau.
2-Leej Pleev hlub peb, nws hliv nws roj ntsha muaj nqes rau peb haus ; nws yog tus thawj Leej Choj muab nws lub cev ntshiab txi rau ntuj ; nws yog tus tseem Yaj coj peb ua Hmoov Hla tas ib sid ; nws yog cov mov dawb yug cov neeg taug txoj kev ntshiab.
3-Yes Xus, koj yog tus Yaj nqes saum ntuj los ; koj xyob Ntxwj Nyoog cov dab lawm ntuj txias teb tsaus ; koj txo cov saw khi neeg nyob hauv txoj kev tuag ; koj nqa txoj sia rov tuaj rau peb.
2. LUB POB ZEB UAS COV TXHIM TSEV.

Txais : Lub pob zeb uas cov txhim tsev muab pov tseg, nws txia ua lub pob zeb txheem tsev.
1-Tswv Ntuj txhais xis ua hwj huam, nws txhais tes rov tsa kuv, Tswv Ntuj txhais xis ua hwj huam !
2-Tswv Ntuj sim tej yam nyuaj tas nrho rau kuv, nws tsis tso kuv nyob hauv txoj kev tuag.

3-Thaum kuv ntxhov siab, kuv hu txog Huab Tais, nws mloog kuv, nws coj kuv mus txog chaw kaj lug.
4-Huab Tais tsa kuv cai, kuv tsis ntshai, leej twg yuav ua tau dab tsi rau kuv ?

5-Kuv ua koj tsaug vim koj tau mloog kuv, koj yog tus cawm kuv.
6-Nej ua Tswv Ntuj tsaug vim nws siab zoo, nws hlub peb tas ib sid !
3. AS LES LUS YAS, YES XUS SAWV ROV LOS

Txais: As les lus yas,Yes Xus sawv rov los, as les lus yas, nws yeej txoj kev tuag, As les lus yas.

1-Peb yuav tshaj rau txhia haiv neeg hais tias : peb tus Huab Tais lub theej kiab yog nws tus Ntoo Cuam.
2-Leej Pleev sawv hauv yeeb ceeb los, tas lub qab ntuj neeg rov zoo siab.



4. TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi ntuj ua Huab Tais tsaug
1-Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !
2-Huab Tais, peb kev kawm, qhia, tsim, tawg paj txi txiv, vim muaj koj nres koj kav ; koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.
3-Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus ; koj pab nyuj nees nuam zoo siab hlo txais koj nra mloog koj hu yuas.

5. NCO HUAB TAIS TXIAJ NTSIM-ANAMNESE
Koj raug lawv muab koj tua, Koj sawv tsees rov muaj sia, koj niaj hnub rov tshoj neeg, Huab Tais cawm seej.

6. HUAB TAIS NTUJ TUAJ NYOB HAUV

Txais : Huab Tais Ntuj tuaj nyob hauv cov neeg sis hlub, Huab Tais Ntuj tuaj nyob nruab nrab cov neeg sis nyiam.
1-Peb sawv daws nyiam ib tug Huab Tais Yes Xus, peb sawv daws koom ua ib lub siab.
2-Peb tsis txhob kheev peb cov tswv yim sis ncaim, peb yuav tsis txhob muaj lus sib cav sib ceg.
3-Peb sawv daws los koom ua ib pab neeg, peb tus Huab Tais Pleev nws yuav nyob nruab nrab nyob hauv peb.
4-Ua li mas nyob saum ntuj peb tseem yuav nyob ua ke, Huab Tais Pleev peb yuav ua ke ntsia txog koj lub ntsej muag.
5-Peb yuav ua ke nyob kaj lug tsis muaj caij kawg, peb yuav ua ke nyob kaj nrig tsis muaj caij tag.
7. LEEJ TSWV YIM NTSHIAB

Txais: Leej Tswv Yim Ntshiab, koj tuaj mas ! Ib txwm koj qhov pom kev ziab nyob txheej ntuj saud, koj tso qhov pom kev tuaj ziab txog peb.

1-Cov neeg ntxhov siab vam txog koj tuaj nplij lawv, cov ntsuag nos tos koj tuaj ua lawv luag, cov neeg nqhis qhuav siab qhawv saib koj xws li lub qhov dej txhawv.
2-Peb ua neeg khwv tas sim neej, koj yog peb qhov chaw so ; peb ua neej tiv tshav tiv nag, koj yog peb qhov chaw nkaum tshav nkaum nag, peb ua neej saub neej see, koj yog peb qhov chaw tshav ntuj nrig.

3-Leej Ntuj Plig pub txoj kev kaj lug, koj tuaj nyob hauv cov neeg vam txog koj, koj yog cov pluag Txiv faib txiaj ntsha txiaj ntsim rau lub qab ntuj neeg.

1.PEB RAU SIAB HLA. - ZNQ 94
Txais : Peb rau siab hla toj roob hauv pes mus pem Tswv Ntuj lub nras tshav ziab.
1-Nej tuaj peb sawv daws muaj lus zoo siab cav txog Tswv Ntuj yog lub tsua cawm peb.
2-Peb mus cuag Tswv Ntuj, peb tshuab qeej ntaus nruas ua nws tsaug cav txog nws.
3-Tswv Ntuj yog tus Huab Tais Loj, yog tus Vaj siab dua tas txhia tus dab, cov hauv dej hauv hav nyob hauv nws xib teg, cov hauv toj hauv pes yog nws li.
4-Lub hiav txwv yog nws li, yog nws tsim ; lub ntiaj teb cov av yog nws ob txhais tes puab.5-Nej chaws los nyob hauv nws tsev, peb sawv daws hwm nws, peb txhos caug pe tus Huab Tais tsim peb los.
6-Nws yog peb tus Tswv, peb yog nws pab yaj nws txhais tes hwj.
2. TSWV NTUJ HLUB COV NEEG NCO NTSOOV. - ZNQ 102-2

Txais : Tswv Ntuj hlub cov neeg nco ntsoov tias lawv tau nrog nws cog lus.
1-Huab Tais hlub cov neeg hwm nws puav tam li leej txiv hlub nws tej tub ki.
2-Nws paub tias nws muab dab tsi los tsim peb, nws nco ntsoov tias peb yog av luaj.
3-Yus sim neej zoo li tus nroj tawg paj, cua tshuab paj zeeg tshaws tas.
4-Tus neeg txoj sia tu lawm, tas zej zog tsis nco txog nws li.
5-Tas Huab Tais tsoom tub txib tub txuas, nej ywj nws lub siab ua mog.
6-Tas txhia yam Huab Tais tsim los, nej cav lus zoo txog nws ; kuv tus plig, koj cav lus zoo txog nws mog.

3. AS LES LUS YAS, KUV COV YAJ.

As les lus yas, kuv cov yaj mloog kuv lub suab, kuv paub kuv cov yaj, kuv cov yaj paub kuv, lawv raws li nraim kuv duab.
As les lus yas, kuv cov yaj, mloog kuv lo lus, kuv paub kuv cov yaj, kuv cov yaj paub kuv, lawv raws li nraim kuv mus, As les lus yas.
4. TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi ntuj ua Huab Tais tsaug
1-Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !
2-Huab Tais, peb kev kawm, qhia, tsim, tawg paj txi txiv, vim muaj koj nres koj kav ; koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.
3-Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus ; koj pab nyuj nees nuam zoo siab hlo txais koj nra mloog koj hu yuas.

5. Thaum peb noj cov mov no…

6. KUV TUS PLIG CAV TXOG

1-Kuv tus plig cav txog Huab Tais Ntuj lub hwj chim,
kuv lub tswv yim hom khaj nyob hauv Tswv Ntuj uas nws cawm kuv.
2-Kuv tus Huab Tais nws ntsia txog nws tus ntxhais tsis muaj tsim ;
txij no mus lub qab ntuj neeg yuav hais tias kuv txoj hmoov zoo.
3-Tus muaj hwj huam tas nrho nws ua tej yam loj rau kuv, nws lub npe ntshiab.
4-Huab Tais lub siab hlub cov neeg hwm ntuj, Huab Tais hlub lawv txog txhiab niag tim puas xyoo.
5-Huab Tais muab nws lub hwj huam rau sawv daws pom.
6-Cov neeg uas lawv lub siab muab hlob, Huab Tais ntaus lawv kom lawv tawg.
7-Cov neeg zaum ua vaj, Huab Tais ua kom lawv nqes ntawm lawv lub rooj zaum.
8-Cov neeg me, Huab Tais tsa lawv nyob qhov chaw siab.
9-Cov neeg uas lawv tshaib plab, Huab Tais ua kom lawv muaj ;
10-Cov neeg uas lawv muaj, Huab Tais ntiab lawv kom rov qab mus lawv txhais tes qhuav.
11-Huab Tais tuaj pab nws tus tub His Xas Lais, Huab Tais nco ntsoov txog Huab Tais lub siab zoo.
12-Huab Tais nco ntsoov txog lo lus uas nws hais rau Has Nplas,
Huab Tais nco ntsoov txog lo lus uas nws hais rau peb lub keeb.
Huab Tais Leej Txiv, Huab Tais Leej Tub Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej xws li txheej laus thaud los. Ua li.
7. POJ HUAB TAIS.

Poj Huab Tais, koj ua niam h1ub peb, koj nres peb txoj sia, koj ua peb lub neej tsim txiaj, koj ua peb lub siab tus. Peb tuaj xyuas koj.
Es Vas tej me nyuam khuam ntiaj teb no, Es Vas tej me nyuam poob nram hav puv kua muag no, Es Vas tej me nyuam kho siab tas nrho tuaj seev ntawm koj.
Aib ! Niam pab peb puag saum ntuj, koj dauv ntsej muag los ntsia peb; thaum txog peb lub caij khuam ntiaj teb no tas lawd, koj muab koj plab lub txiv tsim txiaj Yes Xus rau peb xyuas, Aib ! Niam txawj zam txhaum, Niam txawj hlub neeg, Mab Liab, Nkauj tsim txiaj zoo nyiam.

1.TAS IB PUAS XYEEM TEB CHAWS - ZNQ 99

Txais: Tas ib puas xyeem teb chaws, nej sawv daws qw ntsuag qees cav txog Huab Tais Ntuj.

1-Nej zoo siab hlo luag ntxhi tuaj hwm Tswv Ntuj, nej hu nkauj luag nyav tuaj mus cuag nws.
2-Nej yuav paub hais tias Huab Tais yog tus Tswv Ntuj, nws yog tus tsim peb los.

3-Peb yog nws cuab nws yim, peb yog nws haiv neeg nws pab yaj.
4-Nej chaws hauv nws cov rooj loog, nej ua nws tsaug, nej hu nkauj mus hauv nws lub loog, nej cav txog nws lub npe.

5-Huab Tais yog tus siab dawb siab zoo, nws hlub peb tas ib sid.
6-Huab Tais nco ntsoov nws cov lo lus mus txheej dhau txheej.


2. COV NEEG NYIAM TAUG TXOJ KEV - ZNQ 83

Txais : Cov neeg nyiam taug txoj kev mus pem Xis Yoos lawv txoj hmoov zoo, lawv muaj ib lub zog tshiab nyob hauv Huab Tais.

1-Lawv hla tej lub hav qhuav yog zoo li tej lub teb chaws muaj dej txhawv.
2-Lawv pheej mus pheej muaj zog, lawv yuav mus pom Huab Tais nyob saum Xis Yoos.

3-Kuv nyiam nyob ntawm Huab Tais taw rooj dua nyob hauv cov neeg txhaum lub tuam tsev.
4-Huab Tais, kuv nyob ib hnub hauv koj lub loog zoo dua nyob ib txhiab hnub hauv lawv tsev.

5-Kuv nyob hauv Huab Tais lub tuam tsev kuv zoo siab puav tam li nquab nrhiav tau lub chaw pw.
6-Kuv nyob ncig cov rooj txi ntuj kuv zoo siab puav tam li luv nrhiav tau zes rau me nyuam.


3. AS LES LUS YAS, KUV COV YAJ.

As les lus yas, kuv cov yaj mloog kuv lub suab, kuv paub kuv cov yaj, kuv cov yaj paub kuv, lawv raws li nraim kuv duab.
As les lus yas, kuv cov yaj, mloog kuv lo lus, kuv paub kuv cov yaj, kuv cov yaj paub kuv, lawv raws li nraim kuv mus, As les lus yas.

4. TSWV NTUJ TSIM PEB LOS UA NEEG…

5. NCO HUAB TAIS TXIAJ NTSIM-ANAMNESE
Koj raug lawv muab koj tua, Koj sawv tsees rov muaj sia, koj niaj hnub rov tshoj neeg, Huab Tais cawm seej.


6. TUS ZOO TSWV ZOV YAJ. ZNQ 22

Txais : Tus Zoo Tswv zov yaj nws saib kuv, kuv tsis paub txoj kev tshaib txoj kev nqhis txoj kev txhawj.

1-Tus Zoo Tswv zov yaj nws tso kuv nyob hauv tej tshav zaub mos, nws coj kuv mus so nyob ze dej, kuv haus nws cov dej laj kuv lub siab.
2-Tus Zoo Tswv zov yaj nws pom kuv nyiam nws lub npe, nws coj kuv mus kev, kuv taug ib lub hav tsaus ntuj qas nti kuv tsis nco qab ntshai.
3-Tus Zoo Tswv zov yaj, koj rab pas nrig nyob ze kuv ua kuv luag ; koj xav nplij kuv lub siab, koj tsa koj rab pas nrig nyob ze kuv.
4-Cov neeg ntxub xav hnyos kuv, koj npaj ib roog qav nyob ntawm kuv xub ntiag, koj pleev tshuaj tsw qab rau saum kuv taub hau, koj hliv cawv puv lub ntim rau kuv haus.
5-Tas kuv sim neej niaj hnub ntuj txiaj ntsim los nres kuv, kuv lub tsev yog lub tsev teev kuv tus Huab Tais, tas kuv sim neej kuv xav tuaj xyuas nws lub tsev.

Txais : Tus Zoo Tswv zov yaj nws saib kuv, kuv tsis paub txoj hev tshaib txoj kev nqhis txoj kev txhawj.


7. KUV TSA MUAG NTSIA - ZNQ 120

Txais : Kuv tsa muag ntsia hauv toj hauv pes saib, yog leej twg yuav tuaj pab kuv, tus yuav tuaj pab kuv yog tus Huab Tais tsim lub ntuj tsim lub ntiaj teb.

1-Tus saib koj nws tsis cia koj txhais taw dawm pob zeb ; tus zov His Xas Lais, nws tsis qaug dab ntub nws tsis tsaug zog.
2-Huab Tais nyob ntawm koj sab xis nws ntxoov koj ; Huab Tais nyob ntawm koj sab laug nws txuag koj.
3-Nruab hnub lub hnub ziab rau koj, nws yuav tsis ntaiv koj ; Hmo ntuj lub hli qaim rau koj, nws yuav tsis dag koj.
4-Huab Tais zov koj mas koj yuav maim dhau xwv txheej, Huab Tais zov koj tus plig nws zov koj txoj sia.
5-Koj sawv kev, koj rov los, Huab Tais saib koj ; Huab Tais saib koj ziag no mus txog ib txhiab ib txhis.

Txais : Kuv tsa muag ntsia hauv toj hauv pes saib, yog leej twg yuav tuaj pab kuv, tus yuav tuaj pab kuv yog tus Huab Tais tsim lub ntuj tsim lub ntiaj teb.

1. TSWV NTUJ LEEJ TUB SAIS XYUAS. - ZNQ 71

Txais : Tswv Ntuj Leej Tub haiv neeg vam mus thoob ntug hiav txwv.

1-Tswv Ntuj Leej Tub saib xyuas Tswv Ntuj tsoom laj mej pej xeem nyob hauv txoj kev ncaj.
2-Tswv Ntuj Leej Tub pov hwm cov neeg me, nws txhawb cov neeg pluag.

3-Nws ua vaj nyob ntev li lub hnub, nws yuav pom ib puas tiam neeg li lub hli.
4-Nws nqes zoo li lwg los ywg lub tshav zaub, zoo li nag los ywg lub ntiaj teb.

5-Tas Xis, As Las Npias, Xas Npas lawv cov vaj, nqa nyiaj nqa kub tuaj rau nws.
6-Cov vaj kav pov txwv nqa paj tshab tuaj cev rau nws.

7-Nyob hauv Tswv Ntuj cov tsheej, tsoom pej xeem huab hwm huam vam puav tam li tej nroj tsuag, tawg nra paug nyob nruab liaj nruab teb.
8-Tas txhia haiv neeg nyob saum yaj ceeb no, tau txais ib txog hmoov zoo nyob hauv tswv Ntuj Leej Tub.

Txais : Tswv Ntuj Leej Tub haiv neeg vam mus thoob ntug hiav txwv.


2. TUS UA TSEV NYOB HA UV HUAB TAIS - ZNQ 90

Txais : Huab Tais hais tias, tus tuaj khaub zig kuv mas kuv cawm nws, tus tuav kuv lub npe, kuv tsa nws siab.

1-Tus ua tsev nyob hauv Huab Tais nyob siab, nws hais rau Huab Tais hais tias, koj yog lub yeej txuag kuv, koj yog kuv qhov chaw vam khom.
2-Tus zaum nyob hauv tus muaj hwj huam qhov ntxoov, nws hais rau Tswv Ntuj hais tias, koj yog kuv tus Tswv, kuv tso siab rau koj mus li.

3-Nws muab nws ob txhais tis los vov koj, koj nyob hauv nws qab tis, koj yuav tso siab.
4-Hmo ntuj koj tsis ntshai vij sub vij sw, nruab hnub koj tsis ntshai cov xub ya ntxiag tuaj.

5-Ib txhiab leej ntog nyob ntawm koj sab xis, ib vam leej ntog nyob ntawm koj sab laug, tsis muaj dab tsi tuaj raug koj.
6-Niaj hnub koj hais tias koj khaub zig Huab Tais, koj qhov chaw vam khom yog tus Huab Tais nyob siab.



3. AS LES LUS YAS, LEEJ NTUJ PLIG.

As les lus yas, Leej Ntuj Plig, koj los mas ! Koj los nyob hauv cov neeg ntseeg txog koj, koj ua lawv lub siab kub li hluav taws ! Koj xa koj lub tswv yim los mas, mas tas lub ntiaj teb yuav tshiab tuaj ! As les lus yas ! As les lus yas.

4. NTUJ TXIV, PEB UA KOJ CUAB KOJ YIM

XH. Ntuj Txiv, peb ua koj cuab koj yim, koj txais cov mov yuav txia ua tus Yaj Ntshiab, peb thov koj.
SD. Koj ntsia peb tsoom neeg tuaj txi koj.

XH. Ntuj Txiv, peb yog teev dej poob hauv Yes Xus cov ntshav, koj faib koj Leej Tub nws txoj sia los rau peb, peb thov koj.
SD. Koj ntsia peb tsoom neeg tuaj txi koj.

XH. Ntuj Txiv, peb muab ntim cawv no los cev rau koj, kom nws txia ua cov ntshav cog lus tshiab, peb thov koj.
SD. Koj ntsia peb tsoom neeg tuaj txi koj.

5. NCO HUAB TAIS TXIAJ NTSIM-ANAMNESE
Txoj kev ntseeg lub hauv paus hauv ntsis Haub Tais Yes Xus Pleev, peb tshaj koj txoj kev tuag, peb zeem tseeb tias koj sawv rov los, peb tos ntshi txog koj yuav rov tuaj.

6. HUAB TAIS NTUJ TUAJ NYOB HAUV

Txais : Huab Tais Ntuj tuaj nyob hauv cov neeg sis hlub, Huab Tais Ntuj tuaj nyob nruab nrab cov neeg sis nyiam.
1-Peb sawv daws nyiam ib tug Huab Tais Yes Xus, peb sawv daws koom ua ib lub siab.
2-Peb tsis txhob kheev peb cov tswv yim sis ncaim, peb yuav tsis txhob muaj lus sib cav sib ceg.
3-Peb sawv daws los koom ua ib pab neeg, peb tus Huab Tais Pleev nws yuav nyob nruab nrab nyob hauv peb.
4-Ua li mas nyob saum ntuj peb tseem yuav nyob ua ke, Huab Tais Pleev peb yuav ua ke ntsia txog koj lub ntsej muag.
5-Peb yuav ua ke nyob kaj lug tsis muaj caij kawg, peb yuav ua ke nyob kaj nrig tsis muaj caij tag.

7. KUV TSO KUV TXOJ SIA.

Kuv tso kuv txoj sia rau hauv koj txhais tes, kuv tus Huab Tais.
Tswv Ntuj qhia qhov tseem ceeb, koj yog tus cawm peb.
Peb tus Vaj, koj txuag peb xws li txuag hauv lub ntsiab muag ! Ntuj Txiv, koj nthuav tis, peb los nkaum hauv koj qhov ntxoov.
Huab Tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej
xws li txheej laus thaud los. Ua li.

1. TAS IB PUAS TSAV YAM.

1-Tas ib puas tsav yam tawm ntawm Huab Tais Ntuj txhais tes los, aib !
Nej cav lus zoo txog Huab Tais Ntuj.
2-Tas ib tsoom Huab Tais cov tub xo, yim txheej cuaj txheej ntuj cov dej nyob txheej ntuj saud, aib ! Nej cav lus zoo txog Huab Tais Ntuj.
3-Nej sawv daws uas nej muaj hwj huam nyob saum ntuj, nkauj hnub nraug hli, tas ib tsoom hnub qub nyob saum ntuj, aib !
Nej cav lus zoo txog Huab Tais Ntuj.
4-Cov nag, cov lwg, cov cua, cov hluav taws qhov kub, lub caij no caij sov, aib ! Nej cav lus zoo txog Huab Tais Ntuj.
5-Cov nag huab zig, cov kob nag, cov te txias, cov dej khov cov daus, aib !
Nej cav lus zoo txog Huab Tais Ntuj.
6-Cov hnub cov hmo, qhov pom kev qhov tsaus ntuj, cov kab xob laim cov huab dub, aib ! Nej cav lus zoo txog Huab Tais Ntuj.
7-Ntiaj teb nrag cai, cov ncov roob siab, cov ncov roob qis, aib !
Nej cav lus zoo txog Huab Tais Ntuj.
8-Tas ib puas tsav yam tawm ntawm noob los tshwm npoo av, aib !
Nej cav lus zoo txog Huab Tais Ntuj.
9-Cov dej txhawv, cov dej ntuj, cov dej ntws, aib !
Nej cav lus zoo txog Huab Tais Ntuj.
10-Cov vaj ntses, cov me ntses khiav nyob hauv dej, cov noog ya saum ntuj, tas ib puas tsav yam tsiaj txhu, aib !
Nej cav lus zoo txog Huab Tais Ntuj.
11-Tas ib tsoom neeg nyob ntiaj teb, tas ib tsoom leej choj, tas ib tsoom neeg teev Tswv Ntuj, aib ! Nej cav lus zoo txog Huab Tais Ntuj.
12-Cov neeg siab dawb tswv yim ncaj, cov neeg siab ntshiab tsis muab hlob, aib ! Nej cav lus zoo txog Huab Tais Ntuj.
Nej cav lus zoo txog Huab Tais Leej Txiv, txog Huab Tais Leej Tub, txog Huab Tais Leej Ntuj Plig, lub hwj xyeej siab nyob ncig nws, lo lus cav nyob mus txog nws.

2. LAWV MUAB TSIAJ LOS TXI KOJ - ZNQ 39.

Txais : Kuv muab kuv lub siab lub ntsws kuv tes taw los txi rau koj.

1-Tswv Ntuj, lawv muab tsiaj los txi koj, koj tsis zoo siab txais.
2-Lawv hliv roj hliv cawv rau saum koj lub thaj, koj tsis xav ntsia.
3-Lawv hlawv yaj hlawv tshis daws txim txhaum, koj tsis xav pom.
4-Kuv thiaj hais tias, Huab Tais kuv tuaj cuag koj, kuv tuaj mloog koj lus qhia.
5-Kuv los sij nyiam koj cov lus qhia nyob hauv kuv nruab siab.
6-Kuv tsis zais koj tej lus, kuv tshaj rau zeej tsoom paub.
7-Kuv piav koj cov hwj huam yees ntxwv pab lub ntiaj teb rau zeej tsoom hnov.
8-Kuv qhia tas tsoom sid tias koj nyiam peb mus li, koj tsis hloov siab.

3. AS LES LUS YAS, KUV COV YAJ.

As les lus yas, kuv cov yaj mloog kuv lub suab, kuv paub kuv cov yaj, kuv cov yaj paub kuv, lawv raws li nraim kuv duab.
As les lus yas, kuv cov yaj, mloog kuv lo lus, kuv paub kuv cov yaj, kuv cov yaj paub kuv, lawv raws li nraim kuv mus, As les lus yas.
4. TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi ntuj ua Huab Tais tsaug.
1-Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !
2-Huab Tais, peb kev kawm, qhia, tsim, tawg paj txi txiv, vim muaj koj nres koj kav ; koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.
3-Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus ; koj pab nyuj nees nuam zoo siab hlo txais koj nra mloog koj hu yuas.


5. NCO HUAB TAIS TXIAJ NTSIM-ANAMNESE

Thaum peb noj cov mosv no ! Thaum peb haus lub ntim no !
Peb hawm peb tus Huab Tais uas peb nco txog !
Huab Tais Yes Xus, peb nco txog koj txoj kev tuag,
Peb cav koj txoj kev sawv rov los, peb tos txog hnub koj yuav rov tuaj.

6. KUV TUS PLIG CAV TXOG

1-Kuv tus plig cav txog Huab Tais Ntuj lub hwj chim,
kuv lub tswv yim hom khaj nyob hauv Tswv Ntuj uas nws cawm kuv.
2-Kuv tus Huab Tais nws ntsia txog nws tus ntxhais tsis muaj tsim ;
txij no mus lub qab ntuj neeg yuav hais tias kuv txoj hmoov zoo.
3-Tus muaj hwj huam tas nrho nws ua tej yam loj rau kuv, nws lub npe ntshiab.
4-Huab Tais lub siab hlub cov neeg hwm ntuj, Huab Tais hlub lawv txog txhiab niag tim puas xyoo.
5-Huab Tais muab nws lub hwj huam rau sawv daws pom.
6-Cov neeg uas lawv lub siab muab hlob, Huab Tais ntaus lawv kom lawv tawg.
7-Cov neeg zaum ua vaj, Huab Tais ua kom lawv nqes ntawm lawv lub rooj zaum.
8-Cov neeg me, Huab Tais tsa lawv nyob qhov chaw siab.
9-Cov neeg uas lawv tshaib plab, Huab Tais ua kom lawv muaj ;
10-Cov neeg uas lawv muaj, Huab Tais ntiab lawv kom rov qab mus lawv txhais tes qhuav.
11-Huab Tais tuaj pab nws tus tub His Xas Lais, Huab Tais nco ntsoov txog Huab Tais lub siab zoo.
12-Huab Tais nco ntsoov txog lo lus uas nws hais rau Has Nplas,
Huab Tais nco ntsoov txog lo lus uas nws hais rau peb lub keeb.
Huab Tais Leej Txiv, Huab Tais Leej Tub Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej xws li txheej laus thaud los. Ua li.


7. YES LUS XAS LES, PEB TUAJ - ZNQ 121

Txais : Kuv hnov lawv hais tias, peb sawv kev mus pem Huab Tais Tsev, kuv zoo siab hlo.

1-Yes Lus Xas Les, peb tuaj txog ntawm koj cov rooj loog lawm.
2-Lawv txhim koj ua lub tsheej nyob ruaj nreb muaj hwj chim.
3-Cov haiv neeg teev Huab Tais sawv daws tuaj mus pem koj lub roob.
4-Koj yog peb tus Vaj lub theej kiab, peb tuaj hawm nws nyob hauv koj.