HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Home Gallery Search
Search Query
Display results as : Posts Topics
Advanced Search
Latest images Register Log in

You are not connected. Please login or register

Tsev teev Ntuj XH.XYOOJ THOJ PAUL, zos Tiaj Ntxhw

Yesxus Pleev

Yog koj tso siab rau Yesxus lub siab ntshiab, nws yuav ua koj siab kaj lug .

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no

MUS NYEEM COV ZAJ MIXAS HNUB CHIV xyoo 2010...2012 nias ntawm nov

Search

Gallery

KEV THOOB TSIB & ZAJ NKAUJ SEEV Empty

Latest topics

» Nkauj teev Ntuj
by Maiv Tooj 27th October 2024, 12:23 am

» Cov Nkauj Seev hauvTxoos Txi Ntuj Catholiques
by Maiv Tooj 26th October 2024, 9:17 pm

» NIAM MAB LIAB TSHWM SIM NYOB MEDJUGORJE
by Maiv Tooj 7th August 2024, 6:18 am

» TP.Txhiaj Foom
by Maiv Tooj 9th July 2024, 8:56 am

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj 27th March 2024, 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

Speciale Hmong Guyane

Mus ncig xyuas Hmong Guyane kev thaj yeeb

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no

KEV THOOB TSIB & ZAJ NKAUJ SEEV Dsc07310

Suav neeg tuaj saib, txij hnub 17/09/2010 los mus.

+4

Nujsisloob1

Maivxis

Yaj Suav Nus

Npuagtub

8 posters

Go to page : 1, 2, 3, 4, 5, 6, 7

KEV THOOB TSIB & ZAJ NKAUJ SEEV

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

KEV THOOB TSIB & ZAJ NKAUJ SEEV

Post Maiv Tooj 27th August 2009, 3:42 am

Zaj nkauj seev peb.3 : 17 - 26.

Kuv tus plig ncaim ntawm kev
thaj yeeb lawm. Kuv tsis nco qab
txog txoj kev noj qab nyob zoo. Kuv
hais tias kuv lub zog tas lawm, chaw tso
siab uas tuaj ntawm HUAB TAIS tuaj dua
tas lawm. Niaj hnub kuv tsuas rov
xav txog kuv, kev txom nyem kev txhawj
xeeb, iab kuv siab kawg ! Kuv tus
plig nco txog qhov ntawd tsis tseg, kuv
tus plig qaug zog tas nyob hauv kuv.
Kuv nrhiav kev rov tso siab, kuv yuav
hais rau kuv lub siab tias :
"HUAB TAIS cov txiaj ntsim tsis tau
tas, nws txoj kev zam, tseem tshuav.
Niaj tag kis nws rov pub cov txiaj
ntsim zam, nws yog tus pheej xeeb zoo
tshaj."
Kuv tus plig hais tias :
"Tus kuv yuav txais los ua kuv tug yog
HUAB TAIS. Kuv yuav tso siab rau
nws." Thaum yus tso siab rau HUAB
TAIS mas HUAB TAIS ua siab zoo rau
yus. Tsim nyog yuav ua twj ywm
tos txog txoj kev cawm tuaj ntawm
HUAB TAIS tuaj.

KEV THOOB TSIB & ZAJ NKAUJ SEEV Religieux12

KEV THOOB TSIB & ZAJ NKAUJ SEEV Religieux12

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: KEV THOOB TSIB & ZAJ NKAUJ SEEV

Post Maiv Tooj 27th August 2009, 10:23 am

Lub sim ceeb cav txog Tswv Ntuj lub koob meej

Ua rau tus coj nkauj. Das Vis zaj nkauj paj nruag.

Cuaj txheej ntuj piav txog Tswv Ntuj lub koob meej,
lub ntuj ntsuab tshaj cov hauj lwm nws txhais tes tsim los.

Nruab hnub rov hais txog Tswv Ntuj lub koob meej rau nruab hnub mloog,
Ntuj tsaus qhia rau hmo ntuj paub.

Tsis yog ib co lus los ib zaj lus piav,
leej tib neeg hnov tsis tau lawv lub suab.

Lub sim ceeb tej suab xwm yeem ncha puv ntiaj teb,
lawv lo lus nrov txog tim npoo ntuj.
Tswv Ntuj tsa ib lub tsev tsam phooj rau lub hnub nyob sab ntuj puag tim ub.

Lub hnub tawm plaws, xws tus nraug vauv tshiab tawm hauv nws lub paim los.
Nws zoo li tus hluas khiav kev, uas zoo siab hlo khiav nws txoj kab.

Lub hnub tawm plaws pem hauv ntuj,
nws qaij lias mus rau qab ntug,
tsis muaj dab tsi dim ntawm nws cov sab hnub ci.

HUAB TAIS txoj cai zoo tas nrho,
nws ntxiv siav rau ntsuj plig;
HUAB TAIS tus txhooj nyob ruaj nreb,
nws ua kom tus neeg ruam thoob tsib tuaj.

HUAB TAIS cov lus qhuab qhia yog lus ncaj
ua kom neeg lub siab kaj.
HUAB TAIS lo lus qhia ntshiab si,
ua kom neeg pom kev.

Kev hwm HUAB TAIS yog txoj kev dawb huv,
kev hwm Huab Tais yuav nyob mus li.
HUAB TAIS cov lus txiav txim yog lus tseeb,
yog cov lus txiav txim ncaj.

HUAB TAIS cov lus txiav txim, tsim nyog ntshaw dua kub,
los ib txhab tseem kub.
qab dua zib ntab, thiab qab dua zib nas muv.

Vim li ntawd, koj tus tub txib thiaj kawm koj cov cai.
Tus twg mloog koj tej cai, nws tau koob haum loj.
13 Leej twg thiaj txawj pom nws qhov yuam kev?
Thov koj ntxuav kuv cov txhaum uas kuv zais.

Koj txuag koj tus tub txib ntawm cov neeg muab hlob:
kom lawv txhob kav tau kuv,
ces kuv yuav zoo tas,
yuav tsis paub txog qhov txhaum hnyav.

HUAB TAIS, kuv lub tsua, koj yog tus txhiv kuv !
Xav kom cov lus tawm ntawm kuv lub ncauj
thiab lub suab seev hauv nruab plawv raug koj siab.

KEV THOOB TSIB & ZAJ NKAUJ SEEV Bougiesallumes

KEV THOOB TSIB & ZAJ NKAUJ SEEV Bougiesallumes

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: KEV THOOB TSIB & ZAJ NKAUJ SEEV

Post Maiv Tooj 9th September 2009, 9:05 am

Thaum raug luag hiam yuav tso siab rau Tswv Ntuj

Das Vis zaj nkauj paj nraug.
Thaum nws khiav nkaum nws tus tub As Ntxas Loos ntxeev siab.

HUAB TAIS, kuv cov yeeb ncuab coob tas nrho !
Cov sawv los ntxeev siab rau kuv coob kawg !

Coob leej hais txog kuv tias :
Txhob pub kom nws tau kev cawm siav nyob hauv Tswv Ntuj !

HUAB TAIS, koj yog daim leem phiaj thaiv kuv,
koj yog kuv lub koob meej, yog tus tsa kuv taub hau.

Kuv tsa suab nrov hu HUAB TAIS.
Nws nyob saum nws lub roob ntshiab teb tuaj rau kuv.

Kuv mus pw, kuv tsaug zog.
Kuv tsim rov los : vim HUAB TAIS nres kuv.
Kuv tsis ntshai cov neeg coob coob uas sawv vij ncig kuv.

HUAB TAIS, koj sawv ! Kuv tus Tswv Ntuj, thov koj cawm kuv mas !
Koj ntaus kuv cov yeeb ncuab sab plhu,
thiab tsoo cov neeg phem cov kaus hniav lov.

Txoj kev cawm neeg yog HUAB TAIS tug.
Koj foom hmoov zoo rau koj haiv neeg !

Last edited by Maiv Tooj on 1st October 2014, 7:38 am; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: KEV THOOB TSIB & ZAJ NKAUJ SEEV

Post Maiv Tooj 9th September 2009, 9:14 am

Lub sim ceeb cav txog Tswv Ntuj lub koob meej

Ua rau tus coj nkauj. Das Vis zaj nkauj paj nruag.

Cuaj txheej ntuj piav txog Tswv Ntuj lub koob meej,
lub ntuj ntsuab tshaj cov hauj lwm nws txhais tes tsim los.

Nruab hnub rov hais txog Tswv Ntuj lub koob meej rau nruab hnub mloog,
Ntuj tsaus qhia rau hmo ntuj paub.

Tsis yog ib co lus los ib zaj lus piav,
leej tib neeg hnov tsis tau lawv lub suab.

Lub sim ceeb tej suab xwm yeem ncha puv ntiaj teb,
lawv lo lus nrov txog tim npoo ntuj.
Tswv Ntuj tsa ib lub tsev tsam phooj rau lub hnub nyob sab ntuj puag tim ub.

Lub hnub tawm plaws, xws tus nraug vauv tshiab tawm hauv nws lub paim los.
Nws zoo li tus hluas khiav kev, uas zoo siab hlo khiav nws txoj kab.

Lub hnub tawm plaws pem hauv ntuj,
nws qaij lias mus rau qab ntug,
tsis muaj dab tsi dim ntawm nws cov sab hnub ci.

HUAB TAIS txoj cai zoo tas nrho,
nws ntxiv siav rau ntsuj plig;
HUAB TAIS tus txhooj nyob ruaj nreb,
nws ua kom tus neeg ruam thoob tsib tuaj.

HUAB TAIS cov lus qhuab qhia yog lus ncaj
ua kom neeg lub siab kaj.
HUAB TAIS lo lus qhia ntshiab si,
ua kom neeg pom kev.

Kev hwm HUAB TAIS yog txoj kev dawb huv,
kev hwm Huab Tais yuav nyob mus li.
HUAB TAIS cov lus txiav txim yog lus tseeb,
yog cov lus txiav txim ncaj.

HUAB TAIS cov lus txiav txim, tsim nyog ntshaw dua kub,
los ib txhab tseem kub.
qab dua zib ntab, thiab qab dua zib nas muv.

Vim li ntawd, koj tus tub txib thiaj kawm koj cov cai.
Tus twg mloog koj tej cai, nws tau koob haum loj.
13 Leej twg thiaj txawj pom nws qhov yuam kev?
Thov koj ntxuav kuv cov txhaum uas kuv zais.

Koj txuag koj tus tub txib ntawm cov neeg muab hlob:
kom lawv txhob kav tau kuv,
ces kuv yuav zoo tas,
yuav tsis paub txog qhov txhaum hnyav.

HUAB TAIS, kuv lub tsua, koj yog tus txhiv kuv !
Xav kom cov lus tawm ntawm kuv lub ncauj
thiab lub suab seev hauv nruab plawv raug koj siab.

KEV THOOB TSIB & ZAJ NKAUJ SEEV Angeloflight

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: KEV THOOB TSIB & ZAJ NKAUJ SEEV

Post Maiv Tooj 10th September 2009, 9:08 am

PAJ LUG

Paj Lug ua kom
neeg paub txoj kev thoob tsib thiab paub
Txoj Cai, ua kom to taub cov lus tob,
ua kom paub cov txuj, ua kom pom
kev, ua kom mus taug kev ncaj kev ncees
kev haum pheej. Pub kev ntse rau cov
neeg me, pub kev txawj kev xyuam xim
rau cov hluas, ua kom to tsib cov
paj lug cov lus tob, ua kom to taub cov
neeg thoob tsib lawv tej lus txhais.
Tus xav tau tej yam saum no mas
kom nws mloog cov lus nram no, nws
thiaj yuav paub ntau yam ntxiv.
Txoj kev hwm HUAB TAIS yog kev
txawj kev ntse lub hauv paus. Yog cov
neeg ruam xwb thiaj thuam kev thoob tsib
thiab thuam Txoj Cai.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: KEV THOOB TSIB & ZAJ NKAUJ SEEV

Post Maiv Tooj 10th September 2009, 9:23 am

Kev thoob tsib coj peb mus deb ntawm cov neeg phem.

Thaum txoj kev thoob tsib
chaws mus hauv koj lub siab, mas
koj xib rau kev txawj kev ntse.
Kev xyuam xim saib koj, lub tswv
yim txuag koj. Kev thoob tsib coj
koj mus deb ntawm kev phem, deb
ntawm cov neeg hais lus nkhaus, deb
ntawm cov neeg tso kev ncaj pov tseg,
deb ntawm cov neeg khiav mus taug kev
tsaus.
Tus neeg nrhiav tau txoj kev
thoob tsib, tus tau kev txawj kev
ntse mas nws txoj hmoov zoo.
Thaum yus tau txoj kev thoob tsib
mas yog zoo dua yus tau nyiaj los tau
kub.
Kev thoob tsib muaj nqes dua cov pov
haum. Puas tsav yam toob xib uas koj
ntshaw txog mas tsis muaj ib yam muaj
nqes cuag li kev thoob tsib.
Tus thoob tsib txhais tes tuav ib lub
neej ntev loo, nws txhais tes laug tuav
nyiaj txiag thiab yeeb koob.
Txoj kev nws taug yog txoj kev noj
qab nyob zoo. Txoj kev nws mus yog
txoj kev kaj siab lug.
Tus tuav tau txoj kev thoob tsib, mas
yog zoo li nws tuav tau tus ntoo pub txoj
sia. Tus tuav rawv txoj kev thoob tsib
nws yuav nyob dawb nyob huv mus li.

Last edited by Maiv Tooj on 1st June 2011, 10:30 pm; edited 1 time in total

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°7

Re: KEV THOOB TSIB & ZAJ NKAUJ SEEV

Post Npuagtub 11th September 2009, 1:03 pm

Kzkz,

Zoo kawg li lawm os, yog sau tau tej zaj lus tseem tseem ceeb li no thiab tseem muaj yus daim duab tiag nyob ib sab thiab mas yuav yog ib yam muaj nqis heev rau yus tej me nyuam thiab xeeb leej xeeb ntxwv tau nyeem thaum tsis muaj yus lawm. Zoo siab uas nws muaj kev thoob tsib heev, sau tau tej zaj zoo rau peb tau kawm pab peb tus kheej lub neej.

Last edited by XH. Npuagtub on 8th October 2010, 4:35 pm; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 4:21 am

XH. Npuag Tub,

Ua tsaug koj cov lus zoo lus txhawb siab. Kuv los nyiam kev thoob tsib heev thiab...Nws pab yus daws teeb meem, hla dhau teeb meem, tswj yus tus kheej, tswj yus lub siab tus, qhia txoj hauv kev zoo thiab vam meej rau yus, qhuab qhia yus ua neeg zoo neeg tsim txiaj.

Yog lwm hnub ua tej hauj lwm nov kom sib me ntsis, sau qoob tag rau hauv Txhab tso mam muab lub caij los sau tej zaj zoo zoo khaws cia.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°9

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:12 am

Nyob zoo MaypajLug, XH. NpuagTub thiab cov phooj ywg,

KEV THOOB TSIB

Cov neeg thoob tsib ua zoo rau luag tej.

Thaum muaj ib tug thov ib yam
ntawm koj, yog koj pab tau mas koj
txhob ua tus tsis kam pab.
Thaum koj pab tus nyob ze koj tau,
mas koj txhob hais rau nws tias :
"Koj rov mus. Tag kis koj rov tuaj kuv
mam muab rau koj."
Thaum cov nyob ze tab tom tso siab
rau koj, mas koj txhob nrhiav ua phem
rau lawv.
Thaum neeg tseem tsis tau ua dab tsi
phem rau koj, mas koj txhob nrog nws
nrhiav chaw sib cav.
Koj txhob ntshaw ua xws li tus siab
ceev, koj txhob yoog nws tus piv txwv.
Vim HUAB TAIS ntsia tsis taus cov
neeg siab nkhaus. Nws yuav cov neeg
siab ncaj los ua nws tsev neeg.

Kev thoob tsib yog txoj kev muaj txoj sia.

Cov neeg ncaj txoj kev yog zoo
li lub hnub tawm tuaj kaj lub ntiaj
teb. Nws txoj kev kaj loj zuj zus mus
txog tav su.
Cov neeg lim hiam txoj kev yog zoo li
qhov tsaus ntuj. Lawv tsis paub tias lawv
taw dawm raug dab tsi.
Koj yuav xub muab siab rau txuag koj
lub siab zoo dua txhua yam, vim txoj sia
txhawv hauv neeg lub siab los xws li dej
txhawv hauv lub qhov los.

Tus neeg thoob tsib tsis mus taug kev plees kev yi.

Tus poj niam di ncauj hais lus
qab zib xws li zib ntab, nws lo lus
mos dua roj nplua.
Tab sis qhov kawg nws iab dua cawv.
Yog zoo li rab rauj ntse hau raug yus.
Koj khiav mus deb ntawm tus poj
niam ntawd, txhob txav los ze ntawm nws
qhov rooj. Tsam koj lub koob meej
ploj mus. Tsam koj lub cuab tam
mus yug luag tej, tsam qhov kawg
koj lub cev kub hnyiab xws li ib tug taws
nyob hauv qhov cub.
Koj haus cov dej nyob hauv koj lub
qhov tim thaj, koj lub qhov tim thaj
txhawv ib co dej ntshiab.
Koj txhob tso koj cov dej ntws phwj
mus sab nraud xws li tej tus dej ntws mus
puv tej tshav puam.
Koj yuav zoo siab nrog koj tus poj
niam uas yav hluas koj tau xaiv nws.
Nws zoo li ib tug niam nkauj kauv
zoo nyiam, zoo puav tam li tus niam
nkauj sai zoo saib. Nws yuav zoo siab
nrog koj tham. Koj yuav cia nws ob lub
mis yug koj mus li, koj yuav hlub nws tas
siab tas ntsws txhua lub caij nyoog.
Kuv leej tub, vim li cas koj yuav cia
luag poj luag sev coj koj mus poob qhov ?
Vim li cas koj yuav puag lub mis uas koj
tsis paub ?
Tus neeg phem yuav mag nws cov
hauj lwm lim hiam, nws txoj kev txhaum
cov hlua yuav khi nws.

Last edited by Maiv Tooj on 25th September 2016, 11:58 am; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°10

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:14 am

Tus sau: MayPajLug.

TXOJ TSEEM KEV THOOB TSIB THIAB TXOJ KEV THOOB TSIB CUAV.

Nyob hauv nej, yog muaj ib tug thoob tsib thiab nws tau ua dua hauj lwm los lawm, mas nws yuav coj tus yam ntxwv zoo, thiab ua cov hauj lwm phim kev hlub luag, thiab phim kev thoob tsib.

Tab sis yog nej tsis sib khib iab qhi, thiab nej nyiam sib ceg, mas nej tsis txhob khav, tsis txhob dag, txhob hais qhov tsis tseeb. Ib txoj kev thoob tsib cuav li ntawd, tsis nqes saum ntuj los. Nws tsuas yog txoj kev toob tsib yoog ntiaj teb, yoog tsiaj txhu, thiab yoog dab phem. Vim tias, qhov chaw ua neeg sib khib thiab sib ceg, mas muaj ntau yam kev ntxhov, thiab ntau yam hauj lwm phem.

Hos txog kev thoob tsib nqes saum ntuj los, mas yog kev thoob tsib huv, yog kev thoob tsib tseb kev thaj yeeb, kev thoob tsib tiaj tus, nws nrhiav kev sib zam, nws khuv leej, nws txi ntau yam txiv zoo, nws tsis tsa leej twg cai, tsis ua txuj yog neeg zoo. Cov neeg tsim kev thaj yeeb txi ib lub txiv phim kev ncaj nyob hauv kev thaj yeeb.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:17 am

KEV THOOB TSIB

Tus neeg tub nkeeg yuav yoog tus ntsaum.

Neeg tub nkeeg, koj mus xyuas
saib tus ntsaum nws ua zoo li cas.
Koj saib nws tus yam ntxwv, koj yuav
thoob tsib tuaj.
Tus ntsaum tsis muaj tus txawj tu plaub
tu ntug, tsis muaj tus saib nws ua hauj
lwm, tsis muaj tus tswj nws.
Lub caij sov nws khaws qoob loo, lub
caij hlais nplej, nws sau txhiam laj txhiam
xws.
Neeg tub nkeeg, koj yuav pw hauv txaj
txog tav twg ? Thaum twg koj thiaj yuav
tsim meej thiab sawv tsees los ?
Koj xav tias : pw me ntsis tso, tsaug
zog ib ntsis tso, da saum lev puag tes me
ntsis tso !
Ces ib tsam kev pluag tuaj nyiag koj
xws li tus tub sab, kev tshaib poob los
txog koj xws li tus neeg thov khawv.

Last edited by Maiv Tooj on 25th September 2016, 11:55 am; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:23 am

Cov neeg thuam thiab hiam luag.

Koj xav qhuab qhia tus thuam luag mas
ib me ntsis nws yuav ua yeeb ncuab rau
koj. Koj xav cem tus neeg phem mas koj
yuav raug nws ua tub qaug rau koj.
Koj txhob ntuas tus thuam luag, tsam
nws nrhiav lus rau koj. Koj ntuas tus
neeg thoob tsib mas nws yuav nyiam koj.
Koj pub rau tus neeg thoob tsib, nws
tseem yuav thoob tsib ntxiv tuaj. Koj
qhia txuj rau tus neeg ncaj, nws kev txawj
kev ntse yuav hlob tuaj.
Yog koj ua neeg thoob tsib, mas koj
yuav txais kev thoob tsib cov txiv zoo.
Yog koj ua ib tug neeg thuam luag, mas
koj yuav raug xwv txheej.

Last edited by Maiv Tooj on 25th September 2016, 11:59 am; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°13

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:27 am

Yus yog neeg Thoob Tsib lawm ces tsis thas yuav tsa yus hwj chim li, luag yeej pom lawm. Yog yus xav ua neeg nto moo, yus tsis muaj hwj chim, yus muab luag nias, muab luag thuam kom luag qes, yus siab. Tab sis lwm tus yuav tsis pom yus siab. Yog yus tsis yog neeg Thoob Tsib, yus xav yog xwb ces yus yeej tsis muaj lub hwj chim los phim li.

Cov neeg ncaj cov lus zoo ua kom lub
tsheej sawv los sai. Hos cov neeg phem
lub ncauj rhuav lub tsheej.
Tus neeg kheev hais lus xaiv, hais cov
lus npog rau sawv daws hnov. Tus neeg
tswv yim xyuam xim txawj khaws lus cia.
Thaum tsis muaj tus coj, txhua haiv
neeg yau mus zuj zus. Thaum muaj ntau
leej sib pab tuav xam, cov hauj lwm thiaj mus zoo.
Cov poj niam zoo nkauj nto koob
meej. Cov txiv neej siab loj tau kev nplua nuj.
Ib tug poj niam zoo nkauj tab sis nws
tsis txawj xav tom ntej tom qab, mas nws
zoo li ib lub kaus mom kub chob ntawm
npua qhov ntswg.
Tus neeg nyiam ua zoo rau tsoom
txheeb ze, nws yuav vam meej mus. Tus
twg ywg dej rau luag, luag kuj yuav ywg dej rau nws.
Tus neeg tso siab rau nyiaj txiag, nws
yuav ntsib kev ploj nyob hauv nyiaj txiag.
Cov neeg ncaj yuav ntsuab xiab tuaj xws
li nplooj ntoos.
Ib tug poj niam siab dawb siab
huv, nws yog nws tus txiv lub
mom nyiaj mom kub. Ib tug poj niam
tsis txawj txaj muag nws yog zoo li tus
kab noj tus txiv cov pob txha.
Ib tug me neeg nws noj nws tug, nws
muaj tsim. Tus neeg nto koob meej tab
sis nws tshaib plab, nws tsis muaj tsim.
Tus neeg tsis txawj xav nws saib tias
txoj kev nws taug yog txoj kev ncaj. Hos
tus neeg thoob tsib,nws mloog luag tej
ntuas nws.
Tus neeg xyuam xim muab nws kev
txawj kev ntse khaws cia. Cov neeg ruam
muab lawv txoj kev ruam rau sawv daws pom.
Tus muaj txhais tes nquag yuav tswj
luag tes dej num. Tus muaj tes tub nkeeg
nws yuav ua luag qhev.
Tus txawj cheem nws lub ncauj,
nws txuag nws txoj sia. Tus hais
lus ntau dhau nws ntsib kev puas tsuaj.
Tus neeg tub nkeeg nyob tos, tsis muaj
dab tsi tuaj daws nws kev tshaib. Cov
neeg nquag tau noj tsau.
Muaj tej tug ua txuj tsab ua neeg muaj,
tab sis lawv tsis muaj dab tsi. Muaj tej
tus ua txuj tsab ua neeg pluag, lawv ho
muaj ib lub cuab tam loj.
Kev muab hlob ua kom muaj lus sib
cav sib ceg. Kev thoob tsib nyob hauv
cov neeg mloog luag qhuab qhia.
Koj mus fim cov neeg thoob tsib, koj
yuav thoob tsib tuaj. Hos tus mus fim
cov neeg tsis txawj xav, nws phem zuj zus tuaj.
Tus tsis xav siv rab nplawm, nws
ntxub nws tus tub. Tus hlub nws tus tub,
nws yuav qhuab qhia.
Tab yog lub caij yus luag
mas yus lub siab kuj tseem muaj
chaw ntxhov, chaws zoo siab txawj hloov
ua chaw tu siab.
Txoj kev iab kev khwv yeej txawj txi
txiv zoo. Kev ua neeg ncauj ntau tsuas
txawj txi kev tshaib.
Tus twg hiam tus neeg pluag, nws ua
tub qaug rau tus tsim ntuj tsim teb. Tus
twg ua siab zoo rau cov neeg txom nyem
nws hwm tus tsim ntuj tsim teb.
Kev ncaj ua kom lub teb chaws nto
moo zuj zus. Kev ua txhaum yog cov
haiv neeg kev txaj muag.
Lo lus mos ua kom tus neeg
npau taws lub siab nqig. Lo lus
meem txom ua kom luag npau.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°14

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:43 am

Yam ntxwv neeg Thoob Tsib

Tus hnyos tus pluag nws thuam tus
tsim neeg. Tus luag cov neeg raug txom
nyem, nws yuav muaj ib lub caij raug txim.
Ib lo lus cem qhia tus neeg ntse zoo
dua ib puas nplawm rau tus neeg tsis txawj xav.
Ib lub siab luag ntxhi zoo li tshuaj
ntxiv zog. Kev ntaus siab me ua kom yus
tej pob txha tsis muaj sia zuj zus.
Tus neeg ruam, yog nws nyob ntsiag
to, mas luag xav tias nws thoob tsib. Yog
nws tsis qhib ncauj, luag xav tias nws txawj nws ntse.
Tus neeg ruam nws tsis nyiam
ntaus tswv yim. Nws tsuas nyiam tshaj nws lub siab.
Neeg cov lus yuav zoo li ib lub pas dej
tob, zoo li ib tug dej phwj, zoo li ib lub
qhov dej txhawv kev thoob tsib.
Tus neeg ruam lub ncauj yog nws chaw
xyob txhiaj. Nws di ncauj yog zoo li ib
roog ntxiab uas nws txoj sia yuav mag hauv.
Thaum ib tug neeg raug mob mas nws
lub tswv yim nres nws. Hos thaum tus
neeg lub tswv yim qaug zog lawm leej
twg yuav rov tsa tau ?
Thaum ib tug kwv tij pab nws tus kwv
tij, nkawd muaj zog li lub yeej zeb. Ib
cov phooj ywg sib nres yog zoo li nqaj
hlau liaj yeej zeb lub qhov rooj.
Tus nrhiav tau tus zoo poj niam, nws
ntsib kev kaj siab lug. Nws tau Tswv
Ntuj ib lub txiaj ntsim.
Tus neeg pluag cov lus yog lus thov.
Tus neeg nplua nuj teb ib lo lus tshawv tshawv rau nws.
Txoj kev nplua nuj ua kom yus
muaj phooj ywg coob. Hos tus
neeg pluag, nws tus phooj ywg tso nws pov tseg.
Muaj ntau leej hais lus zoo rau tus
muaj hwj chim. Txhua leej txhua tus hais
tias lawv yog tus neeg pub paj tshab ib
tug txheeb phooj ywg .
Tus neeg txawj neeg ntse yog tus tsis
npau taws sai. Yog thaum nws txoj kev zam rau luag.
Tus pub paj tshab rau tus neeg pluag,
yog nws txais nyiaj rau Tswv Ntuj. Tswv
Ntuj yuav pub txiaj ntsim los pauj nws.
Neeg chaw zoo nyiam yog nws lub
siab zoo, luag nyiam ib tug pluag dua ib tug neeg dag.
Koj txhob nyiam kev tsaug
zog, tsam koj pluag zuj zus tuaj,
koj yuav rua muag pliav koj thiaj yuav
tau noj seem noj so.
Cov mov uas neeg tau ntawm kev ua
tub sab tub nyiag los, chiv thawj zoo li
qab, tab sis ib me ntsis mas zoo li qe zeb
nyob hauv qhov ncauj.
Tus neeg ncauj ntau nws qhib tej yam
zais ntshis rau sawv daws paub, koj txhob
mus fim tus neeg hais lus ntau dhau.
Cov hluas chaw zoo siab yog lawv lub
cev muaj zog, cov laus chaw zoo siab yog
lawv lub taub hau dawb.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°15

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:46 am

Tswv Ntuj ntsuas yus txoj kev Thoov Tsib

Tus tub thoob tsib yog nws txiv
chaw zoo siab. Tus me nyuam
ruam yog nws niam chaw tu siab.

Ib cov nyiaj uas yus tau ntawm txoj
kev nkhaus los yuav tsis txi txiv zoo rau
yus. Hos kev ncaj cawm yus dim ntawm qhov tuag.

Txhais tes tub nkeeg ua kom neeg
pluag tuaj. Txhais tes nquag ua kom neeg muaj tuaj.

Tus neeg siab ncaj, sawv daws cav
txog nws lub npe mus li. Cov neeg phem lub npe ploj mus.

Tus neeg ua tas puas tsav yam ncaj,
nws mus taug ib txog kev ruaj nreb. Tus
neeg ua nkhaus, tsoom sid yuav pom sai
tias nws ua nkhaus.

Tus neeg ua tav muag ntsia yus,
nws ua yus ntxhov siab. Tus neeg qhuab
qhia yus ncaj, ua yus siab kaj lug.

Kev ntxub luag, zes plaub ntug cig
xws li hluav taws. Kev hlub luag rhuav
txhua yam kev txhaum.

Tus coj txoj kev nruj, nws mus taug
txoj kev muaj txoj sia. Tus tsis mloog tej
lus qhuab qhia, nws yuam kev.

Tus hais lus ntau nws yeej yuav ua
txhaum. Tus cheem nws di ncauj, nws xyuam xim.

Tus neeg siab ncaj, nws tus nplaig
yog tseem nyiaj. Cov neeg phem lawv
lub siab tsis muaj nqi.

Last edited by Maiv Tooj on 28th October 2012, 1:50 am; edited 2 times in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°16

Re: KEV THOOB TSIB & ZAJ NKAUJ SEEV

Post Maiv Tooj 14th September 2009, 5:54 am

Tswv Ntuj ntsia txoj kev ua
ncaj ua ncees yog ib yam zoo dua
qhov mus ua tej thaj txi Ntuj.

Yus yeem nyob hauv ib lub me nyuam
khaub tsev, zoo dua nrog ib tug poj niam
tawv ncauj siab phem nyob ua ib tse.

Tus uas nws pos pob ntseg tsis xav
hnov tus neeg pluag lub suab hu, muaj
hnub nws kuj yuav tau qw nrov nrov luag
kuj yuav tsis teb nws.

Tus neeg thoob tsib txeeb tau ib lub
tsheej muaj tub rog coob zov. Nws rhuav
tau lub ntsa zeb uas yog cov neeg nyob
hauv tsheej chaw tso siab.

Tus neeg txawj cheem nws lub ncauj
thiab nws tus nplaig, yog zoo li nws txuag
nws tus plig kom txhob raug kev piam tseem.

Nyob ntawm HUAB TAIS xub ntiag
tsis muaj ib tug neeg yuav khav tau tias
nws thoob tsib, nws xyuam xim, nws
txawj xav tom ntej tom qab.

Cov neeg pluag los cov neeg
muaj, Tswv Ntuj saib lawv sib
luag zos, vim yog Tswv Ntuj tsim lawv tib si.

Tus twg tseb txoj kev nkhaus cov noob.
Nws yuav sau xwv txheej ua qoob. Nws
rab qws ntaus luag tej yuav rov raug nws.

Tus neeg tub nkeeg hais tias :
"Ib tug tsov nyob nraum zoov ! Yog kuv
tawm mas tsov yuav tom kuv ntawm kev."

Koj txhob lwg tus pluag vim nws
pluag. Koj txhob hiam tus txom nyem,

vim Tswv Ntuj tsa lawv cai, nws rho
txoj sia ntawm cov neeg thuam luag.

Koj txhob mus fim ib tug neeg siab
ceev, txhob mus nrog tus neeg siab heev.

tsam koj yoog tau nws tus yam ntxwv,
ces koj rov cuab ntxiab tos koj txoj sia.

Koj txhob ntshai qhuab qhia
koj tus me nyuam. Koj xuas pas
nplawm los nws yeej yuav tsis tuag !

Koj xuas pas ntaus nws lub cev, koj yuav
cawm nws tus plig ntawm txoj kev puas tsuaj.

Ib tug poj ntiav yog zoo li ib lub qhov
tob. Luag tus poj niam yog zoo li lub
qhov tim thaj nqaim.

Koj txhob ntsia cawv txiv ntoo, koj
yuav qhuas tias : cas cawv liab ploog ci
laim txias hauv lub khob ! Ntsia nws
ntws mas cas yuav ntxim qab ua luaj !

Qhov kawg, cawv tsuas muaj yuav
lom koj thiab yuav tom koj xws li ib tug nab.

Tus neeg siab ncaj txawm
ntog xya zaus, los zaum twg nws
rov sawv tau. Cov neeg siab phem dawm
taw, lawv poob nthav rau hauv qhov phem mus li.

Yog koj tus yeeb ncuab ntog mas koj
txhob luag, koj txhob zoo siab tias nws
poob, tsam HUAB TAIS pom koj ua
li ntawd, nws tsis zoo siab, ces nws tsis
npau rau koj tus yeeb ncuab ntxiv.

Leej twg sim hais rau tus siab phem
tias : 'Koj siab ncaj !' mas tas tsoom sid
tsawm nws, cov haiv neeg ntxub nws.

Thaum ib tug neeg teb ib lo lus raug
yus siab, yog zoo li nws nwj yus di ncauj.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°17

Re: KEV THOOB TSIB & ZAJ NKAUJ SEEV

Post Maiv Tooj 15th September 2009, 10:19 am

LUB NEEJ...

Lub neej yog ib txoj moov, txais nws mog.

Lub neej zoo nkauj, ntsia nws mog.

Lub neej yog ib zaj npau suav, ua kom tswm sim mog.

Lub neej yog ib nthwv rog, tawm tsam nws mog.

Lub neej yog ib txoj hauj lwm, ua kom tiav mog.

Lub neej yog ib txoj kev ua si, lom zem nrog mog.

Lub neej yog ib yam muaj nqes, saib xyuas nws mog.

Lub neej yog ib txoj kev nplua nuj, khaws cia mog.

Lub neej yog ib txoj kev hlub, zoo siab mog.

Lub neej yog ib zaj paj lug, txhais nws mog.

Lub neej yog ib los lus tau cog, ua raws li hais mog.

Lub neej yog ib txoj kev tu siab, peem kom dhau mog.

Lub neej yog ib zaj nkauj, hu nws mog.

Lub neej yog ib qhov nrhiav yam tshiab, muaj peev xwm mog.

Lub neej yog ib yam kev sib tw, lav txais nws mog.

Lub neej yog ib txoj kev Zoo Siab, txais kom tsim nyoh mog.

LUB NEEJ YOG LUB NEEJ, TIV THAIV NWS MOG

Last edited by Maiv Tooj on 25th September 2016, 11:59 am; edited 3 times in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°18

Re: KEV THOOB TSIB & ZAJ NKAUJ SEEV

Post Maiv Tooj 18th September 2009, 5:13 am

TUS UA NEEG ME LUAG YUAV TSA NWS SIAB

Thaum koj nyob ntawm tus vaj
xub ntiag, koj txhob ua ib lub
ntsej muag xws li tej neeg loj, koj txhob
mus zaum ntawm cov hlob qhov chaw.

Yog yus hnov luag hais rau yus tias :
'Koj nce los pem no.'
Mas yus yuav zoo siab dua poob hauv
chaw qis nyob ntawm tus vaj xub ntiag.

Tus neeg cog lus tias nws yuav pub
ntau yam, tab sis nws tsis ua raws li nws
cov lus, mas zoo muab piv rau thaum
muaj huab dub nciab, muaj cua hlob
nplawm ntws, tab sis nag tsis los.

Txhob mus ntau zaus dhau hauv luag
tsev. Yog luag pom dhuav lawm mas
luag yuav pib ntxub.

Thaum yus hais kwv txhiaj rau ib tug
neeg tu siab mloog, yog zoo li yus hliv
kua qaub rau saum ib lub qhov txhab.

Ib lub moo zoo tuaj ntawm ib lub teb
chaws deb tuaj, yog zoo li ib co dej txias
nyob hauv yus lub qa uas nqhis dej qhuav qhawv.

Noj zib mu ntau dhau yog ib yam tsis
zoo. Koj txhob hais ntau lo lus zoo cav txog luag.

Ib tug neeg tsis txawj kav nws lub
siab, yog zoo li ib lub tsheej tsis muaj ntsa zeb xov.

Tus neeg ruam rov mus raws
nws txoj kev ruam, xws li tus dev
rov los noj qhov nws ntuav.

Tus neeg tub nkeeg hais tias : Muaj
tsov nyob tom kev ! Muaj tsov nyob
ntawm lub tshav !

Thaum luag tab tom hais plaub yus
mus txais luag lus, yog zoo li yus mus
tuav tus dev ko tw.

Thaum tsis muaj taws, hluav taws
tuag. Thaum tsis muaj tus liam ntxiv, plaub ntug tu.

Ib tug neeg ncauj qab zib nplaig qab
ntsev, tab sis laj lim plab plaw lim hiam,
yog zoo li ib lub lauj kaub av sam txhim.

Tus khawb qhov cuab ntxiab yuav
poob hauv lub qhov. Tus dov ib lub pob
zeb, lub pob zeb yuav rov ntog los tsuam nws.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°19

Re: KEV THOOB TSIB & ZAJ NKAUJ SEEV

Post Maiv Tooj 18th September 2009, 5:19 am

KEV ZOO KEV PHEM

KEV THOOB TSIB & ZAJ NKAUJ SEEV 080202-dieu-plus-grand-9

Tus phooj ywg tej lus tshawv,
mas yus yuav saib tias yog lus ncaj.
Tus yeeb ncuab yws yus, mas yus yuav ceev faj.

Lub qhov ncauj tau noj seem noj so,
nws xyeej zib mu. Hos lub qhov ncauj
tshaib nqhis, mas yam iab nws saib yog qab zib.

Tus neeg mus ua loj leeb deb lub teb
chaws nws yug los, nws zoo li tus noog
nrhiav tsis tau nws lub zes.

Ib tug poj niam siab phem yws taus,
zoo nkaus li tus ciav dej uas thaum ntuj
los nag dej tsis txawj tu.

Hlau hov hlau thiaj yuav ntse. Neeg
yuav mus fim luag, nws thiaj yuav txawj.

Tus zov tsob txiv ncuav pias tau noj
lub txiv. Tus saib xyuas nws tus tswv
yuav pom luag hwm nws.

Neeg pom nws lub ntsej muag nyob
hauv pas dej. Neeg rov pom nws lub siab
nyob hauv luag tej.

Tab koj muab tus neeg vwm tuav
hauv qhov cos kom ntsoog tas, los nws
txoj kev vwm tsis ncaim ntawm nws.

Tus tus coj Txoj Cai, nws yog
ib tug tub ntse. Hos tus tub mus
fim cov neeg xib rau kev tsis tsim txiaj,
nws ua nws txiv poob ntsej muag.

Tus neeg zais nws cov txhaum yuav
hloov siab tsis tau. Tus lees nws cov
txhaum thiab nrauj kev txhaum, nws yuav
pom luag khuv leej nws, ces nws tau txais kev zam.

Thaum cov neeg ncaj coob tuaj,
tsoom pej xeem luag ntxhi zoo
siab. Thaum tus neeg phem ua tus tswj,
tsoom pej xeem ntsaj.

Tus neeg pluag thiab tus neeg noj luag
zog sib ntsib. Tswv Ntuj ua kom nkawd
qhov muag pom kev.

Rab nplawm thiab cov lus qhuab qhia
coj kev thoob tsib tuaj. Cov me nyuam
uas niam txiv cia ua ywj siab nws ua rau
nws niam nws txiv txaj muag

KEV THOOB TSIB & ZAJ NKAUJ SEEV 1053054

KEV THOOB TSIB & ZAJ NKAUJ SEEV 1053054

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°20

Re: KEV THOOB TSIB & ZAJ NKAUJ SEEV

Post Maiv Tooj 18th September 2009, 5:23 am

[color=blue]Ib teev kua muag
muaj 1% dej, 99% kev xav

Dieu de notre cœur :

« Dans le silence de ce jour naissant,
Je viens Te demander la paix, la sagesse, la force,
Je veux regarder aujourd'hui le monde
Avec des yeux tout remplis d'amour,
Être patient, compréhensif, doux et sage,
Voir au-delà des apparences,
Tes enfants, comme Tu les vois Toi-même,
Et ainsi ne voir que le bien en chacun.
Ferme mes oreilles à toute calomnie,
Garde ma langue de toute malveillance,
Que seules les pensées qui bénissent
Demeurent en mon esprit,
Que je sois si bienveillant et si joyeux
Que tous ceux qui m'approchent sentent Ta Présence.
Revêts-moi de Ta Beauté, Seigneur,
Et qu'au long de ce jour, je Te révèle. »

As Nkus cov lus.

Tswv Ntuj, kuv thov koj ob
yam, koj tsis txhob qia dub rau
kuv, cheem kuv tsis tau tuag. Thov koj
tshem txoj kev hais lus dag lus cuav mus
deb ntawm kuv. Koj tsis txhob pub kom
kuv pluag dhau los kuv muaj dhau : koj
pub mov txaus kuv noj xwb.

Tsam kuv muaj dhau lawm mas kuv
yuav hais tias : HUAB TAIS yog leej
twg ? Los yog pluag dhau mas kuv ua
tub sab, ces kuv tsis hwm kuv tus Tswv
Ntuj lub npe.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°21

Re: KEV THOOB TSIB & ZAJ NKAUJ SEEV

Post Maiv Tooj 18th September 2009, 5:27 am

Les Mus Es cov lus.

Kuv me tub, kuv roj ntsha,
tus uas kuv xeeb,
3 koj tsis txhob
muab koj lub zog pub rau luag
poj luag sev, txhob muab koj
lub cev rau cov uas
lawv ua cov vaj puas tsuaj[/color].

Last edited by Maiv Tooj on 25th September 2016, 12:01 pm; edited 3 times in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°22

Re: KEV THOOB TSIB & ZAJ NKAUJ SEEV

Post Maiv Tooj 20th September 2009, 3:40 am

Tswv Ntuj xa nws Leej Tub tuaj cev nws cov lus rau peb.

Puag thaum ub, Tswv Ntuj kom
cov Yaj Saub siv ntau txoj kev los
cev nws cov lus rau peb cov yawg koob
ntau zaus kawg.

Lub zim txwv no, txog lub zwj ceeb
kawg lawm, Tswv Ntuj thiaj tso nws Leej
Tub tuaj cev nws cov lus rau peb. Tswv
Ntuj tsa Leej Tub ua tus txais lub cuab
tam tas huv tib si, thiab nws nrog Leej
Tub tsim lub sim ceeb.

Leej Tub yog Tswv Ntuj lub hwj chim
ci ntsa iab, yog Tswv Ntuj tus duab. Leej
Tub lo lus muaj zog, Leej Tub nres tas
lub sim ceeb huv tib si. Nws ntxuav
txhua txoj kev txhaum pov tseg huv tib si,
ces nws zaum ntawm tus Tswv Ntuj muaj
hwj huam sab xis nyob txheej ntuj saud.

Nws loj dua ib tsoom Tshiab, vim nws
tau txais ib lub npe zoo, lub npe muaj hwj
chim loj dua cov Tshiab tej npe huv tib si.

Kuv nug qhov kuv ntshaw tshaj rau
Tus Nyob Mus Li:
Kuv xav nyob mus li hauv NWS lub tsev,
Kom kuv tau pom tej yam zoo nkauj uas
NWS tsim los nyob mus li.

Last edited by Maiv Tooj on 25th September 2016, 12:03 pm; edited 1 time in total

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°23

Re: KEV THOOB TSIB & ZAJ NKAUJ SEEV

Post Maiv Tooj 20th September 2009, 3:59 am

Kev ntseeg coj peb los nyob hauv Tswv Ntuj lub chaw so.

Vim li no, muaj raws li Leej Ntuj Plig
Ntshiab qhia tias :

“Hnub no, yog nej hnov Huab Tais lub
suab, mas nej tsis txhob ua nej lub
siab txhav xws li thaum ub, thaud nej lub
siab txhav nej thiaj sib ceg, thiab xws li
hnub uas nej raug sim siab nyob teb
chaws suab puam.

Nyob ntawd, nej cov yawg koob twb pom kuv cov hauj
lwm, tsis kav lawv tseem sim kuv plaub
caug xyoo.

Kuv thiaj npau taws rau
tiam neeg ntawd, kuv hais tias : ‘Lawv
lub siab niaj hnub yuam kev, lawv tsis
paub kuv tej kev.’

Ces kuv npau taws, kuv cog lus tias lawv yuav tsis tau mus
nyob hauv kuv lub chaw so.”

Kwv tij, nej yuav ceev faj, tsam nyob
hauv nej muaj ib tug siab phem tsis xav
ntseeg, ces nws txav mus deb ntawm tus
Tswv Ntuj muaj txoj sia.

Nej yuav niaj hnub sib txhawb. Nej tsis txhob
muaj ib tug cia kev txhaum ntxias nws
kom nws ua siab txhav.

Vim peb los ua Leej Pleev cov kwv luag, mas peb
yuav tso siab thiab yuav ntseeg ruaj nreb
mus txog hnub kawg.

Lo lus uas hais tias : Hnub no, yog nej
hnov Huab Tais lub suab, nej tsis txhob
ua siab txhav xws li thaum ub, nej ua siab
txhav nej thiaj sib ceg.

Cov tau hnov lawm, tab sis lawv sib ceg, yog cov twg ?
Tsis yog cov uas Mais Xes tau coj tawm
hauv Hais Nkws Tos teb mus lod ?

Tswv Ntuj npau taws plaub caug xyoo
rau leej twg ? Yog npau taws rau cov uas
tau ua txhaum, lawv thiaj tuag nyob teb
chaws suab puam, los tsis sub ?

Tswv Ntuj tseem tau cog lus kom leej twg tsis
txhob tau mus hauv Tswv Ntuj lub chaw
so ? Yog cov tsis tau mloog nws lus.

Peb pom tias lawv tsis tau mus hauv
Tswv Ntuj lub chaw so, vim lawv tsis ntseeg.

Yes Xus hais tias:
Leej Txiv yog lub teeb ci
kom yus pom luag tej maub kev tsaus ntuj nti.

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°24

Re: KEV THOOB TSIB & ZAJ NKAUJ SEEV

Post Maiv Tooj 1st October 2009, 5:21 pm

Ua neeg 10 xyoo yuav ntse ces pib ntse lawm,
20 xyoo li neeg yuav zoo nkauj zoo nraug ces zoo lawm,
ua neeg tsis txog 30 xyoo tsis muaj nyiaj txhob rawm tu siab,
40 xyoo yuav ua neeg thoob tsib rau luag hwm ces ua lawm,
NEEG NTO yuav MOO CES 50 XYOO YUS NTO MOO LAWM,
dhau 50 xyoo yus tsis nto moo ces txhob peem ntxiv lawm
yus txoj hmoov los li cas ces tsuas tau li ntawd lawm xwb.

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°25

Re: KEV THOOB TSIB & ZAJ NKAUJ SEEV

Post Npuagtub 2nd October 2009, 1:29 am

Wow......! koj cov zaj ntawv thoob ntsib no zoo heev, cov ntsiab lus los kuj zoo, hos cov duab los kuj zoo saib thiab phim cov lus kawg li.Zoo siab rau koj txoj kev tshawb fawb tau tej yam tseem ceeb tuaj rau peb nyeem.

Sponsored content

Sponsored content

Post n°26

Re: KEV THOOB TSIB & ZAJ NKAUJ SEEV

Post Sponsored content

Go to page : 1, 2, 3, 4, 5, 6, 7

Similar topics

» NKAUJ MOG YAJ Kwv Txhiaj Thoob Tsib, Fab Kis teb
» KEV THOOB TSIB
» Paj Huam Thoob Tsib
» TUB LAJ LIM LUB TSWV YIM THOOB TSIB
» XH. Yaj Zoov Ntxheb lub Tsev THOOB TSIB

Niam Mab Liab

Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.

Tshiab Mis Kas Ees

KEV THOOB TSIB & ZAJ NKAUJ SEEV Saint-10

Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.

NtawvXamNyoog2017_18_B.

Ntawv Xam Nyoog xyoo B : 2017-2018

Nias ntawm daim duab mus saib daim ntawv teev:

KEV KAWM

Qhia Ntuj kev cai tus sau Maiv Tooj

QHIA NTUJ KEV CAI Sau Tim 12/5HLIS/2010

tus sau

Maiv Tooj

Ntuj kev cai lub ntsiab nias hauv no

KEEB KWM

T.P Nyiaj Pov Keeb Kwm Niam Ntawv thoob teb thiab nws lub txiaj ntsim hlub Hmoob

KEV THOOB TSIB & ZAJ NKAUJ SEEV Post-311

T.P Neej Vaj lub cawv xeeb thiab nws lub txhiaj ntsim hlub Hmoob

KEV THOOB TSIB & ZAJ NKAUJ SEEV Certif11

NKAUJ TEEV NTUJ

Nkauj Teev Ntuj Kas Tos Liv KEV THOOB TSIB & ZAJ NKAUJ SEEV Cours-10

KEV THOOB TSIB & ZAJ NKAUJ SEEV Cours-10

KOOM TXOOS

KOOM TXOOS KAS TOS LIV LIS XWM KEV THOOB TSIB & ZAJ NKAUJ SEEV Fig110

KEV THOOB TSIB & ZAJ NKAUJ SEEV Fig110

CAW LOS NYEEM NTAWV

XH Yaj Zoov Ntxheb lub tsev Thoob Tsib KEV THOOB TSIB & ZAJ NKAUJ SEEV Zoontx10

KEV THOOB TSIB & ZAJ NKAUJ SEEV Zoontx10

Current date/time is 23rd November 2024, 10:51 pm