KEV THOOB TSIB & ZAJ NKAUJ SEEV

**Maiv Tooj** 23rd February 2014, 6:47 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°126

Re: KEV THOOB TSIB & ZAJ NKAUJ SEEV

Post Maiv Tooj 23rd February 2014, 6:47 am

TUS RUAM YOG TUS NTSE RAU TSWV NTUJ,
TUS NTSE YOG TUS RUAM RAU TSWV NTUJ

Coc zaj nyeem hnub no, qhia tau tias yus yog NEEG NTSEEG, YUS YUAV XYAUM COJ ZOO TSHAJ LUAG TEJ. Yuav txhob muab piv rau luag, yog yus tseem piv rau cov tsis ua Ntuj Kev Cai thiab ces yus yog ib tug NEEG NTSEEG TIAG.
Dua li, kuj qhia tau tias tus neeg ntse thiab thoob tsib nyob ntiaj teb, tsis yog tus ntse ntawm Tswv Ntuj; li ntawd feem ntau Tswv Ntuj thiaj li tshoj cov neeg ruam ruam tsis muaj txuj, tsis ntse ntse los tshaj Tswv Ntuj tes dej num. Li ntawd yog peb yog neeg ruam tsis ntse li luag los peb txhob tu siab, vim thaum dua tas ntiaj teb no lawd, tu ruam thiab tus ntse zoo tib yam lawm xwb.

KEV THOOB TSIB & ZAJ NKAUJ SEEV - Page 6 7fcaf110

NrhiavTswvNtuj wrote:

COV ZAJ NYEEM HNUB TIM 23/02/14
Chiv 7 Nruab xyoo

Zaj nyeel 1: Les Vis 19,1-2.17-18
Txoj kev ua neeg zoo.

1 HUAB TAIS hais rau Mais Xes tias :
2 "Koj yuav hais rau tsoom tub ki His Xas Lais tias :
Nej yuav ua neeg ntshiab, vim kuv yog
nej tus HUAB TAIS, nej tus Tswv Ntuj,
kuv yog Tus Ntshiab.
17 Koj yuav tsis txhob ntxub koj tus kwv
tij nyob hauv koj nruab siab. Koj yuav
qhuab qhia tus uas nrog koj ua ib haiv
neeg, koj thiaj yuav tsis tau ris nws qhov
txhaum. 18 Koj yuav tsis txhob rob caub
thiab yuav tsis txhob chim ntev rau tus
uas nws yog koj haiv neeg.
Koj yuav nyiam tus nyob ze koj ib yam li
koj nyiam koj. Vim kuv yog HUAB TAIS

Zaj nyeem 2: 1 Kos Lis Nthos 3,16-23
16 Nej puas paub tias nej yog Tswv Ntuj
ib lub Tuam Tsev ? Nej puas paub tias
Tswv Ntuj Leej Ntuj Plig nyob txawm
hauv nej ? 17 Yog muaj ib tug rhuav
Tswv Ntuj lub Tuam Tsev, mas Tswv
Ntuj yuav rhuav tus ntawd. Vim tias
Tswv Ntuj lub Tuam Tsev yog ib yam
ntshiab. Lub Tuam Tsev ntawd yog nej.

18 Nej txhob yuam kev. Nyob hauv nej,
yog nej leej twg xav tias nws thoob tsib
raws li ntiaj teb kev thoob tsib, mas nws
yuav tsum ua neeg vwm, kom nws thoob
tsib tuaj. 19 Vim nyob ntawm Tswv Ntuj
xub ntiag, ntiaj teb txoj kev thoob tsib
yog ib txog kev vwm. Muaj ib lo lus sau tseg tias : ‘
Nws ua kom cov thoob tsib rov mag
lawv kev ntse.’ Tseem muaj dua ib
los sau tias : 20
“Huab Tais paub cov
neeg thoob tsib xav dab tsi : nws paub
tias lawv zaj tswv yim yog ib zaj cuav.”
21 Li ntawd, nej txhob muaj ib tug
nrhiav koob meej nyob hauv neeg.
22 Vim tas txhia yam yog nej tug. Tsis
hais Paj Lug, los As Pos Los, los Kes Fas,
los lub ntiaj teb, los txoj sia, los txoj kev
tuag, los lub zim txwv no, los yav tom
ntej : tas txhua yam ntawd yog nej tug.
23 Tab sis nej yog Leej Pleev tug, Leej
Pleev yog Tswv Ntuj tug.

Mas Tais 5,38-48

38 Nej hnov tej lus qhia tias :
Qhov muag pauj qhov muag, kaus hniav pauj
kaus hniav. 39 Hos kuv hais rau nej : nej tsis
txhob nrog tus neeg phem sib cav. Yuav
ua li no : leej twg ib ncuav pias rau koj
sab plhu xis, tig sab plhu laug rau nws
thiab. 40 Leej twg xav ua plaub rau koj
kom tau koj lub tsho, mas koj muab koj
lub tsho tshaj sab ntxiv rau nws thiab. 41
Leej twg thov koj xa nws mus ib ncuas
kev, mas koj nrog nws mus ob ncuas. 42
Leej twg thov koj, mas koj pub rau nws.
Leej twg xav txais nyiaj ntawm koj, mas
koj txhob tig nraub qaum rau nws.
43 "Nej hnov tej lus qhia tias :
Koj yuav nyiam tus nyob ze koj,
koj yuav ntxub koj tus yeeb ncuab. 44 Tab sis,
kuv hais rau nej tias : nej yuav nyiam nej
cov yeeb ncuab, nej yuav thov Ntuj rau
cov tsim txom nej ; 45 nej thiaj yog nej
Txiv nyob saum ntuj cov tub ; vim nej
Txiv ua kom lub hnub tuaj ziab cov neeg
phem thiab cov neeg zoo, nws ua kom nag
los rau cov siab ncaj thiab cov siab nkhaus.
46 Yog nej nyiam cov neeg nyiam nej,
mas nej yuav tau koob haum dab tsi ? Tab
yog cov sau se, lawv kuj txawj nyiam li
ntawd. 47 Yog nej tshwj zias nej cov lus
foom zoo rau nej cov kwv tij xwb, mas nej
tau ua dab tsi zoo tshaj luag ? Tab yog
cov neeg teev pej kum dab, los lawv kuj
txawj ua li ntawd. 48 Hos nej, mas nej
yuav ua neeg zoo tshaj, vim nej Txiv nyob
saum ntuj yog tus zoo tshaj.

KEV THOOB TSIB & ZAJ NKAUJ SEEV - Page 6 20140110

**Maiv Tooj** 7th April 2014, 7:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°127

Re: KEV THOOB TSIB & ZAJ NKAUJ SEEV

Post Maiv Tooj 7th April 2014, 7:54 am

COV ZAJ NYEEM HNUB TIM 06/04/14
Chiv 5 Caij 40

KEV THOOB TSIB & ZAJ NKAUJ SEEV - Page 6 15343910

Zam 11,1-45
Yes Xus tsa Las Ntxas Los sawv
rov los nyob Npes Tas Nias.

1 Muaj ib tug neeg mob hu ua
Las Ntxas Los, nws nyob Npes
Tas Nias. Yog Mab Liab thiab nws tus
niam laus Mas Tas lub zos. 2 Mab Liab
yog tus uas yav dhau los nws muab tshuaj
tsw qab pleev Huab Tais thiab muab nws
cov plaub hau so Huab Tais ko taw. Tus
neeg mob, yog Mab Liab tus nus Las
Ntxas Los. 3 Nkawd ob viv ncaus xa
xov mus hais rau Yes Xus tias :
"Huab Tais, tus uas koj nyiam, mas nws mob lawm."
4 Yes Xus hnov li ntawd, Yes Xus hais tias :
"Tus mob no tsis coj mus rau qhov tuag,
nws yuav ua kom Tswv Ntuj nto koob
meej, kom xwv Tswv Ntuj Leej Tub txais
koob meej vim tus mob ntawd."
5 Yes Xus nyiam Mas Tas, thiab nws tus
niam hluas, thiab Las Ntxas Los lawv.
6 Tab yog nws hnov hais tias Las Ntxas
Los mob lawm, tsis kav nws tseem nyob
qhov qub ob hnub ntxiv thiab. 7 Ces Yes
Xus mam li hais rau cov thwj tim tias :
"Peb rov mus Yus Das teb."
8 Cov thwj tim hais rau Yes Xus tias :
"Las Npis, ob peb hnub ntawd, cov Yus
Das xav xuas pob zeb txawb rau koj. Koj
tseem yuav rov mus Yus Das teb thiab lod ?"
9 Yes Xus teb tias :
"Nruab hnub tsis muaj kaum ob teev lod ?
Tus twg mus kev nruab hnub, nws tsis
dawm taw, vim nws tau lub ntiaj teb qhov
pom kev. 10 Hos tus twg mus kev hmo
ntuj, mas nws dawm taw, vim qhov pom
kev tsis nyob hauv nws."
11 Yes Xus hais li ntawd tas, nws thiaj
hais rau cov thwj tim tias :
"Peb tus phooj ywg Las Ntxas Los tsaug
zog lawm ; tab sis kuv yuav mus tsa nws sawv."
12 Cov thwj tim hais rau Yes Xus tias :
"Huab Tais, yog nws tsaug zog lawm,
mas nws tus mob yuav zoo."
13 Yes Xus hais txog Las Ntxas Los txoj
kev tuag, tab sis cov thwj tim xav tias yog
Yes Xus hais txog kev pw tsaug zog.
14 Yes Xus thiaj li ncaj qha qhia tias :
"Las Ntxas Los tuag lawm. 15 Kuv tsis
nyob ntawd, tsis kav kuv zoo siab, vim
qhov ntawd yuav pab nej ntseeg. Peb mus xyuas nws."
16 Tos Mas, tus uas hu ua Dis Dws Mos,
hais rau cov npawg thwj tim tias :
"Peb kav tsij mus mas, kom peb nrog nws tuag thiab."
17 Thaum Yes Xus tuaj txog, nws pom
Las Ntxas Los twb zwm ntxa tau plaub
hnub lawm. 18 Npes Tas Nias nyob ze
ntawm Yes Lus Xas Les, kwv yees li
kaum tsib ncuas kev. 19 Cov Yus Das
coob leej tuaj xyuas Mas Tas thiab Mab
Liab nkawd, lawv tuaj nplij nkawd vim
nkawd tus nus tuag lawm. 20 Thaum
Mas Tas hnov tias Yes Xus tuaj, ces Mas
Tas mus tos Yes Xus, hos Mab Liab zaum
nyob hauv tsev. 21 Mas Tas hais rau Yes Xus tias :
"Huab Tais, yog koj ntxov tuaj txog
ntawm no, mas kuv tus nus yuav tsis tuag.
22 Tsis kav, kuv paub tias nyem no, koj
thov yam twg ntawm Tswv Ntuj, mas
Tswv Ntuj yuav muab rau koj."
23 Yes Xus hais rau Mas Tas tias :
"Koj tus nus yuav sawv rov los."
24 Mas Tas hais rau Yes Xus tias :
"Kuv paub tias thaum txog Hnub Kawg,
lub caij leej tib neeg lub cev ciaj rov los,
mas nws yuav sawv rov los."
25 Yes Xus hais rau Mas Tas tias :
"Kuv yog Txoj Kev Sawv Rov Los thiab
yog Txoj Sia : tus ntseeg txog kuv, tab
yog nws tuag lawm, nws yuav muaj txoj
sia nyob. 26 Leej twg ua neej nyob
ntseeg txog kuv, nws yuav tsis tuag ib
zaug. Koj puas ntseeg qhov ntawd ?"
27 Mas Tas hais rau Yes Xus tias :
"Huab Tais, kuv ntseeg. Kuv ib txwm
ntseeg hais tias koj yog Leej Pleev, yog
Tswv Ntuj Leej Tub tuaj nyob hauv lub qab ntuj no."
28 Mas Tas hais li ntawd tas, nws rov
mus hu nws tus niam hluas Mab Liab.
Nws ntxhi twj ywm rau Mab Liab tias :
"Xib Hwb tuaj txog tod lawm, nws hu koj."
29 Thaum Mab Liab hnov dheev li
ntawd, nws sawv tsees mus cuag Yes
Xus. 30 Yes Xus tsis tau mus txog hauv
zos. Nws tseem nyob ntawm qhov chaw
uas Mas Tas tuaj cuag nws. 31 Cov Yus
Das uas tuaj nplij Mab Liab thiab nrog
Mab Liab nyob hauv tsev, pom Mab Liab
sawv tsees tawm lawm, lawv raws nws
qab, vim lawv xav tias Mab Liab yuav mus quaj tom ntxa.
32 Thaum Mab Liab tuaj txog ntawm
Yes Xus, nws pom Yes Xus, nws txhos
caug ntawm Yes Xus ko taw, nws hais rau Yes Xus tias :
"Huab Tais, yog koj ntxov tuaj txog
ntawm no, mas kuv tus nus yuav tsis tuag."
33 Thaum Yes Xus pom Mab Liab quaj,
thiab pom cov Yus Das uas nrog Mab
Liab tuaj sawv daws quaj, mas Yes Xus
tu siab kawg nyob hauv nruab siab, nws
ib ce qaub thoob tas. 34 Yes Xus hais tias :
"Nej muab nws tso qhov twg ?" Lawv teb tias :
"Huab Tais, koj los tom no, koj yuav pom."
35 Yes Xus kua muag poob nthav.
36 Cov Yus Das thiaj hais tias :
"Saib, nws nyiam Las Ntxas Los kawg."
37 Tab sis muaj ib co Yus Das hais tias :
"Nws yog tus uas qhib tau neeg dig muag
qhov muag, nws ho ua tsis tau kom tus
neeg no txhob tuag ?"
38 Ces Yes Xus rov tu siab heev kawg
nyob nruab siab, nws mus tom lub ntxa.
Yog ib lub qhov tsua, muaj ib daim txiag
zeb kaw lub rooj ntxas. 39 Yes Xus hais tias :
"Nej tshem daim txiag zeb."
Mas Tas uas yog tus tuag tus muam, hais
rau Yes Xus tias :
"Huab Tais, nws tuag tau plaub hnub
lawm : nws twb tsw lawm."
40 Yes Xus hais rau Mas Tas tias : "Kuv
tsis tau hais rau koj tias yog koj ntseeg,
koj yuav pom Tswv Ntuj lub hwj chim lod ?"
41 Ces lawv tshem daim txiag zeb, Yes
Xus tsa muag ntsia saum ntuj, nws hais tias :
"Txiv, kuv ua koj tsaug vim koj mloog
kuv. 42 Kuv paub tias koj yeej ib txwm
mloog kuv, tab sis kuv hais cov lus no,
kom tsoom neeg uas sawv ncig kuv
ntseeg tias yog koj xa kuv tuaj."
43 Yes Xus hais li ntawd tas, nws hu ib
suab nrov nrov tias :
"Las Ntxas Los, koj tawm los nraum no !"
44 Tus tuag tawm los, cov saw tseem
pav nws tej tes taw, daim ntaub npog
ncauj tseem vov nws lub ntsej muag. Yes
Xus hais rau lawv tias :
"Nej daws cov saw, nej cia nws mus nws."
45 Coob tus Yus Das uas tuaj xyuas Mab
Liab tau pom qhov uas Yes Xus ua ces
lawv ntseeg txog Yes Xus.

KEV THOOB TSIB & ZAJ NKAUJ SEEV - Page 6 Ouvre_10

Hnub no txiv Vaj Qhia Faas Tshes Kus nthuav txog zaj nyeem "Yes Xus tsa Las Ntxas sawv hauv qhov ntxav rov los".
Txiv Vaj Qhia hais tias: "Peb sawv daws nyob hauv qghov tuag ib yam li Las Ntxas tuag nyob hauv qhov ntxa.

-Yes Xus nthe ib suab nrov kom nws tawm hauv qhov ntxa los. Kuj yog kom peb tawm ntawm peb qhov tuag uas peb niaj hnub nyob hauv peb cov txhaumù, peb tsis tawm los rau txoj sia nyob mus li.
-NWS hais kom Las Ntxas tawm los, yog hais kom peb tawm ntawm txoj kev "khav theeb" uas yog ib qho txhaum loj heev yuav ua kom peb poob rau txoj kev tuag.
-Thaum Las Ntxas tawm txog sab nraud, daim ntaub npog ncauj tseem npog rawv (hmoob hu ua ntaub npog ncauj no tab sis tsis yog npog ncauj xwb yog npog tag nrho lub ntsej muag), NWS kom lawv muab Las Ntxas daim ntaub npog ncauj tshem, yam li kom peb tshem daim ntaub uas npog peb kom peb dig muag, kom peb tsis pom kev, kom txhob pom txoj kev hlub, txoj kev nyiam.
-Yes Xus kom lawv muab cov sawv daws, yam li muaj cov hlua khi peb, peb thiaj tsis ua tej yam zoo kom peb txhob muaj kev nyuaj siab nyob ntiaj teb, thiab kom txhob muaj dab tsi khuam peb yog peb xav ua zoo.
-Yog peb tso peb tej kev ciaj caub, xam txeem, cib nyeej thiab khav theeb tseg, peb yuav muaj txoj sia nyob mus li. Txoj sia nyob mus li yog peb muaj kev sib hlub sib haum xeeb.

**Maiv Tooj** 20th April 2014, 11:48 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°128

Re: KEV THOOB TSIB & ZAJ NKAUJ SEEV

Post Maiv Tooj 20th April 2014, 11:48 pm

KEV THOOB TSIB & ZAJ NKAUJ SEEV - Page 6 Pape-f11

Txiv Vaj Qhia Faas Tshes Kus hais tias: "Nyiaj yog dab phem cov quav". Txhob muab nyiaj los ua huab tais, txhob teev nyiaj, txhob ua nyiaj qhev, nyiaj yuav coj peb mus rau kev tuag tsuas ntuj nti.

Peb yuav muab txoj kev hlub, txoj kev teev hawm Huab Tais Tswv Ntuj ua qhov loj thiab tso rau qhov chaw siab, peb thiaj yuav muaj kev thaj yeeb nyab xeeb.

KEV THOOB TSIB & ZAJ NKAUJ SEEV - Page 6 Repres12

**Maiv Tooj** 5th May 2014, 10:15 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°129

Re: KEV THOOB TSIB & ZAJ NKAUJ SEEV

Post Maiv Tooj 5th May 2014, 10:15 am

Tej yam tsis zoo rau kev ntseeg.

Qi Gong, Yoga tsis yog qoj kom ib ce muag xwb.
Yog ua ntau mas ua rau yus tsis xav teev Ntuj lawm.

Cov tshuaj kho mob, Homéopathie, yog ib cov tshuaj
ua tej lub qe me me li cov hlaws me;
yog xuas tshuaj ntsuab ua.
Tab sis tsis yog xuas tshuaj ntsuab ua xwb,
yog muab ib lub zog rau hauv lub tshuaj.
Lub zog ntawd tsis yog tuaj ntawm Ntuj tuaj;
ces yuav tsum yog tuaj ntawm tuaj kub tuaj xwb.
Yog leej twg noj cov tshuaj homéopatie ntau,
yuav ua rau nej lub tswv yim ya deb ntawm nej,
yuav tsis xav txog qhov nej tab tom teev ntawd.

**Maiv Tooj** 7th May 2014, 9:02 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°130

Re: KEV THOOB TSIB & ZAJ NKAUJ SEEV

Post Maiv Tooj 7th May 2014, 9:02 am

Padre Pio hais tias:

Thaum yus teev Ntuj, yuav tsum teev Ntuj luag ntxhi
Txhob teev Ntuj tug chim dub nciab nros ntshis

Vim Tswv Ntuj yog kev hlub tsis yog kev chim
Yuav luag nyav xyiv fab thiaj tau txiaj ntsim

KEV THOOB TSIB & ZAJ NKAUJ SEEV - Page 6 Jesus-13

**Maiv Tooj** 7th May 2014, 11:21 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°131

Re: KEV THOOB TSIB & ZAJ NKAUJ SEEV

Post Maiv Tooj 7th May 2014, 11:21 am

Padré Pio hais ntxiv tias:

Txhob muab dab phem los tiv dab phem
Yam li luag ua phem mas yuav txhob nrhiav luag qhov phem los hais, txhob nrhiav kev khib los hais.
Yog muab dab phem rov tiv dab phem ces lawv twb yog tib phab ces lawv kawg ua kom yus swb xwb.
Yuav hais qhov zoo rau tus ua phem rau yus; yog txhais tias yus muab Tswv Ntuj los tiv dab phem mas yus thiaj yuav yeej dab phem, yeej kev phem kev txom nyem.

KEV THOOB TSIB & ZAJ NKAUJ SEEV - Page 6 20120610

**Maiv Tooj** 8th May 2014, 9:34 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°132

Re: KEV THOOB TSIB & ZAJ NKAUJ SEEV

Post Maiv Tooj 8th May 2014, 9:34 am

Padré Pio hais tias ib zaj kwv huam tias:

Ib tug niam zaum ua paj ntaub, tus me zaum lub rooj qes qes saib tus niad ua paj ntaub. Nws ntsia sab hauv qab mus, pom qab xo khis noj khis daws thiab xov chaws ua khab ua khuav. Nws txawm hais nws niam tias: "Niad! Cas es koj pheej yuav rau siab ua tej yam niag phem dab tuag li ko, tsis tsim nyog koj lub caij khawv li os?" Ces leej jiam thiaj li khoov kiag los, muab sab paj ntaub zoo rau tus me nyuam saib, thiab hais tias: "me tub, nws saib maj, zoo nkauj txaij zees xwm yeem kawg nev! Koj pom sab tsis zoo xwb naj!"

Peb zoo li tus me nyuam, zaum lub me nyuam tog ntsia hauv qab daim paj ntaub. Tswv Ntuj tsim tej yam zoo zoo, kev thaj yeeb nyab xeeb; tab sis dab phem muab ua kom peb pom sab phem xwb, yog peb tsis nug, tsis nrhiav ces peb yuav tsis paub tsis pom qhov zoo, sab zoo.

KEV THOOB TSIB & ZAJ NKAUJ SEEV - Page 6 Genero10

**Ntxhuav Mom Xyooj** 12th May 2014, 7:54 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°133

Re: KEV THOOB TSIB & ZAJ NKAUJ SEEV

Post Ntxhuav Mom Xyooj 12th May 2014, 7:54 am

Nyob zoo phauj Maiv Tooj

Cov tshuaj Homeopathie yog kho mob ab tsi thiab koj hais tias tuaj ntawm dab ntxwg
nyoog tuaj no. Cas ntxwg nyoog yuav tso kev haub kev ntxias tuaj txhua phab txhua
pheev,txhua txoj hau kev li os yom? Ua koj tsaug ntau os Phauj Maiv Tooj koj pab
qhia tuaj rau peb paub kom peb ceev faj thiab. Thiab tsis tas li ntawd, koj hais tias
cov dance Qi Gong,Yoga ntawd yog ua ntau yuav tsis xav mus teev ntuj no yog vim
li cas thiab? Cas yuav muaj tej yam tshwm sim txawv ua luaj li.

Ntxhuav Mom Xyooj

**Maiv Tooj** 12th May 2014, 9:57 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°134

Re: KEV THOOB TSIB & ZAJ NKAUJ SEEV

Post Maiv Tooj 12th May 2014, 9:57 am

Nyob zoo tub Ntxhuav Mom,

Cov tshuaj Homeopathy, yog ib cov xuas tshuaj ntsuab ua; sawv daws tsuas paub tias yog tshuaj ntsuab xwb tsis paub txog lub zog nyob hauv. Yog ib cov tshuaj uas ib txhia kws tshuaj yeej sau rau neeg mob; muab nyob tej lub pharmacy xwb tsis yog txua lub. Yog ib cov qe tshuaj dawb dawb me me, thaum siv mas cia li muab nchuav rau lub hau hwj pov hauv qab nplaig moov kom yaj tag xwb. Noj ua ntej noj mov li 15 fiab, tom qab noj mov li 1 teev. Sawv daws yeej paub tias yog tshuaj ntsuab ua, ntawm kuv tus kheej mas kuv yeej paub tab sis kuv ho tsis to taub tias ua cas tsawg ua luaj ho kho tau mob zoo thiab no xwb; kuv tsis paub txog tias muaj ib lub zog nrog cov tshuaj thiaj li kho tau mob zoo.

KEV THOOB TSIB & ZAJ NKAUJ SEEV - Page 6 10654410

Hais txog Yoga mas kuv kiag los kuv yeej ua thiab; tab sis kuv kuj tsis paub txog qhov uas kuv tau hais los no thiab. Thaum ntej kuv pom ib tug hais tias Yoga tsis zoo rau txog kev ntseeg Catholic, kuv tsis ntseeg tab sis muaj coob leej hais, kuv mam xav tias ntshe yog tiag. Yus tsis paub mas sawv daws hais tias yog ib qho gynastic mos muag xwb, tsis tshawv; tab sis thaum mus ua mas pom tias txhua yam uas lawv ua yog hawm tsiaj, hawm hnub, mloog yus lub cev, muab tej kev nyuaj siab tshem tawm, muab yus lub cev cog cag rau hauv av thiab ntau yam ntxiv.

Dua li Qi Gong mas kuv tsis paub tias lawv ua li cas; zoo li yeej yog ua gymnastic taj thiab yog thaum txawj heev lawm mas kho tau mob. Cia li xuas tes yom saum qhov mob xwb zoo lawm.

**Maiv Tooj** 14th May 2014, 9:53 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°135

Re: KEV THOOB TSIB & ZAJ NKAUJ SEEV

Post Maiv Tooj 14th May 2014, 9:53 am

Hnub no, tim 14-05-2014, Txiv Vaj Qhia Faas Tshes Kus hais tias yog thaum yus nkees nkees (tub nkeeg) thiab yus qaug zog, tag kev cia siab kom thov Leej Tswv Yim Ntshiab muab lub zog (Le don de Force) rau yus. Tim yus tej ev ntxhov siab niaj hnub hauv yus lub neej thiab kuj yog tuauj kub ntxias yus kom yus txhob ua tus neeg nquag plias, kom yus txhob muaj siab ua neej, kom yus tag kev cia siab.

KEV THOOB TSIB & ZAJ NKAUJ SEEV - Page 6 Media-13

Kev thov Leej Tswv Yim Ntshiab pub lub zog rau yus tsis yog ntawm kev ntseeg nkaus xwb, yug thov tau rau txhua yam hauv yus lub neej. Vim Tswv Ntuj nyiam thiab xav kom nws cov neeg xyiv fab luag ntxhi xwb.

KEV THOOB TSIB & ZAJ NKAUJ SEEV - Page 6 73d1bb10

**Maiv Tooj** 28th May 2014, 9:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°136

Re: KEV THOOB TSIB & ZAJ NKAUJ SEEV

Post Maiv Tooj 28th May 2014, 9:00 am

Raws li TP.Père James Manjackal thiab coob leej uas paub Ntuj Kev Cai thiab tej tshuaj zoo, lawv hais tias cov koob nkaug kuj tsis zoo siv raws li peb txog kev ntseeg. Vim lawv tso ib lub zog rau cov koob thiaj li muaj hwj huaj kho tau mobh zoo yam tsis muaj tshuaj. Lub zog ntawd yog los ntawm ib yam los; yam ntawd yog tsis yog tuaj ntawm Ntuj tuaj ces yog tuaj ntawm Ntuj tus yeeb ncuab tuaj xwb.

KEV THOOB TSIB & ZAJ NKAUJ SEEV - Page 6 Acupun10

**Maiv Tooj** 4th July 2014, 9:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°137

Re: KEV THOOB TSIB & ZAJ NKAUJ SEEV

Post Maiv Tooj 4th July 2014, 9:45 am

Yas Kos Tsab Ntawv, Zaj 5, 13-20

KEV THOOB TSIB & ZAJ NKAUJ SEEV - Page 6 Saint_10

13 Nyob hauv nej, tus twg raug txom
nyem, mas nws yuav thov Ntuj, tus twg
nyob kaj siab lug, mas nws yuav hu nkauj.
14 Tus twg mob, mas nws yuav hu lub
Koom Txoos cov txwj laus, kom lawv
thov Ntuj rau nws, kom lawv tuav txog
Huab Tais lub npe, thiab muab roj los pleev tus neeg mob.
15 Cov neeg ntseeg tej lus thov Ntuj
yuav cawm tus neeg mob, Huab Tais
yuav tsa nws rov sawv. Yog nws muaj
txhaum, mas nws cov txhaum yuav daws tas.
16 Nej yuav rov sib lees txhaum. Nej ib
leeg yuav thov Ntuj rau ib leeg, Ntuj thiaj
yuav kho nej tus mob kom zoo hlo.
Thaum tus neeg siab ncaj thov Ntuj, mas
nws lo lus thov muaj zog.
17 Es Lias yog ib tug neeg zoo li peb :
nws thov Ntuj tas zog kom txhob los nag,
ces nag tsis poob los yug lub ntiaj teb tau
peb xyoos thiab rau hli. 18 Es Lias mam
rov qab thov Ntuj : Ntuj thiaj tso dej nag
nqes los, lub ntiaj teb thiaj rov txi txiv tau.
19 Kuv cov kwv tij, thaum nej ib tug
yuam kev mus deb ntawm qhov tseeb
lawm, yog muaj ib tug coj nws rov los,
20 mas nej yuav tsum paub tias, tus uas
coj ib tug neeg txhaum ntawm nws txoj
kev poob zoo rov los, nws cawm tus
ntawd tus plig ntawm txoj kev tuag, thiab
nws so ntau yam txhaum pov tseg.

KEV THOOB TSIB & ZAJ NKAUJ SEEV - Page 6 Zvvtkd10

**Maiv Tooj** 11th July 2014, 7:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°138

Re: KEV THOOB TSIB & ZAJ NKAUJ SEEV

Post Maiv Tooj 11th July 2014, 7:54 am

1 Pob Zeb 4 : 1 - 6.

Tus ntseeg tsis rov mus lis tej kev cai teev dab teev qhua.

KEV THOOB TSIB & ZAJ NKAUJ SEEV - Page 6 Bcc3e810

1 Leej Pleev lub cev tau raug luag
tsim txom : li ntawd, nej kuj yuav
nco ntsoov tias, tus uas lub cev raug luag
tsim txom, nws txiav txoj kev ua txhaum
pov tseg. 2 Ua li mas lub caij nws ua
neej nyob, nws tsis xav ua raws lub cev
nqaij txoj kev ntshaw, nws xav ua raws li
Ntuj lub siab.
3 Yav nram ntej, tej kev ua raws li cov
neeg teev dab ua kam, mas nej twb ua
muaj ua txaus lawm, yam li nej tau ua
plees ua yi, ywj lub siab ntshaw qhov
phem, qaug cawv, hu dab, quav cawv,
teev dab teev mlom.
4 Nyem no, luag tej poob siab, vim nej
tsis nrog luag mus taug txoj kev tuag
ntawd ntxiv, ces luag tsawm nej. 5 Tab
sis, lawv yuav teb rau tus npaj yuav txiav
txim rau cov neeg ciaj thiab cov neeg
tuag. 6 Yog vim li ntawd, tsoom tub tuag
yuav tsum hnov lub Moo Zoo thiab :
txawm tias lawv lub cev nqaij raug neeg
txiav txim, tsis kav lawv lub tswv yim
yuav muaj txoj sia nyob hauv Tswv Ntuj.

**Maiv Tooj** 15th July 2014, 9:36 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°139

Re: KEV THOOB TSIB & ZAJ NKAUJ SEEV

Post Maiv Tooj 15th July 2014, 9:36 am

Yuav mloog cov lus qhia, yuav sib nyiam sib hlub.

KEV THOOB TSIB & ZAJ NKAUJ SEEV - Page 6 Pizap_10

3 Qhov ua kom peb pom tias peb paub
Leej Txiv, yog qhov no : yog peb coj
nws cov lus qhia. 4 Tus hais tias :
“Kuv paub Leej Txiv,” tab sis nws tsis
coj Leej Txiv cov lus qhia, mas nws yog
ib tug neeg dag, qhov tseeb tsis nyob hauv nws.
5 Hos tus coj Leej Txiv lo lus, mas txoj
kev nyiam Tswv Ntuj hlob tiav nyob hauv
nws. Yog peb ua li ntawd, mas peb paub
tias peb nyob hauv Leej Txiv. 6 Tus uas
nws hais tias nws nyob hauv Leej Txiv,
mas nws yuav tsum coj ib tug yam ntxwv
xws li Yes Xus tau coj.

7 Cov zoo nyiam, qhov kuv sau tuaj rau
nej, tsis yog ib lo lus qhia tshiab. Yog ib
lo lus qhia qub qub, uas nej tau txais puag
thaum lub hauv paus los lawm. Lo lus
qhia qub ntawd, yog lo lus qhia uas nej twb tau hnov lawm.
8 Tsis kav, qhov kuv sau tuaj rau nej no,
kuj yog ib lo lus qhia tshiab thiab. Yog
qhov tseeb uas nyob hauv Yes Xus thiab
nyob hauv nej. Vim qhov tsaus ntuj dua
lawm, ces qhov pom kev uas yog qhov
tseeb twb ci tuaj lawm.
9 Tus hais tias nws nyob hauv qhov pom
kev, tab sis nws ntxub nws tus kwv, mas
nws tseem nyob hauv qhov tsaus ntuj.
10 Tus nyiam nws tus kwv, nws nyob
hauv txoj kev pom kev. Ces nyob hauv
nws tsis muaj dab tsi yuav ua tau kom nws ntog.
11 Hos tus ntxub nws tus kwv, nws nyob
hauv qhov tsaus ntuj, thiab nws maub
hauv qhov tsaus ntuj, nws tsis paub tias
nws mus qhov twg, vim qhov tsaus ntuj
ua kom nws qhov muag tsis pom kev.

KEV THOOB TSIB & ZAJ NKAUJ SEEV - Page 6 79640610

**Maiv Tooj** 25th August 2014, 6:06 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°140

Re: KEV THOOB TSIB & ZAJ NKAUJ SEEV

Post Maiv Tooj 25th August 2014, 6:06 pm

Tus ntxhuav thiab lub qhov koob.

Mt. 19.24
24 Kuv tseem rov hais dua
rau nej : ib tug ntxhuav yuav nkag hauv ib
lub qhov koob, mas tseem yooj yim dua ib
tug neeg nplua nuj mus hauv Ntuj lub Ceeb Tsheej.”

Lub qhov koob yog lub rooj ntug
Tus ntxhuav yog peb

Yog peb xav kom tau mus ntuj ceeb tsheej
Lub rooj ntug yuav tsis txawj loj
tsuas muaj peb yuav ua "neeg me" xwb peb thiaj li chaws tau lub qhov koob.

**Maiv Tooj** 1st September 2014, 8:33 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°141

Re: KEV THOOB TSIB & ZAJ NKAUJ SEEV

Post Maiv Tooj 1st September 2014, 8:33 am

Hnub no, tim 01-09-2014, txiv vaj qhia Faas Tshes Kus hais tias ntev ntev los lawm, txoj kev ntseeg tsuag zuj zus li tej ntsev; kom sawv daws mob siab mus ce cov ntsev hauv ntawv Moo Zoo xws li kom nqa rawv phau Ntawv Moo Zoo rau hauv hnab tshos, ib hnub nyeem ib qho kom nqa rov tau cov ntsev hauv los las peb txoj kev ntseeg.

KEV THOOB TSIB & ZAJ NKAUJ SEEV - Page 6 2002-010

**Maiv Tooj** 29th September 2014, 8:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°142

Re: KEV THOOB TSIB & ZAJ NKAUJ SEEV

Post Maiv Tooj 29th September 2014, 8:45 am

Txhob foom luag.

Peb hloov siab los ua neeg ntseeg, peb yuav tso tag nrho txhua yam uas tsis nyob hauv kev ntseeg tseg; txhob ua ib co neeg ntseeg tab sis tseem coj tej laus kev coj ua li thaum uas lawv tsis tau paub txog Tswv Ntuj. Peb los ua neeg ntseeg, los coj Tswv Ntuj txoj cai, ua Tswv Ntuj me nyuam, ua Tswv Ntuj laj mej pej xeem, peb yuav tsum hwm thiab ua raws li Tswv Ntuj txoj cai, tej lus qhia peb thiaj li yog ib cov neeg "ua Ntuj Kev Cai" tiag. Peb tso kev teev dab qhuas tseg, los ua neeg ntseeg, yog peb txaus siab yuav tso txhua yam uas tej poj yawm txwv koob coj thiab ua thaum uas lawv tsis paub txog Tswv Ntuj, yog peb tsis hloov peb lub siab, mas peb yuav ua tsis tau Ntuj me nyuam.

Peb yuav xyaum hloov siab los ua Tswv Ntuj me nyuam vim ua Tswv Ntuj me nyuam, peb yuav tau lub neej kaj siab lug nyob yaj ceeb thiab tseem yuav tau lub neej kaj lug kaj nrig rau lub neej tom qab txoj sia. Tswv Ntuj xav kom peb mloog Tswv Ntuj txoj cai, kom peb nrhiav tau Tswv Ntuj lub ceeb tsheej uas zoo tas nrho. Kom peb txhob poob rau kev tsaus ntuj hauv peb lub neej niaj hnub no.

Thaum ib tug ua tsis ncaj rau peb, hais tsis yog los lawv hiam peb mas peb yuav xyaum txhob foom lawv kom lawv poob rau qhov phem. Peb yuav thov ntuj rau lawv, tab txawm lawv foom peb kiag lawm los peb yuav txhob cem thiab hais lus phem rov rau lawv, peb yuav foom lus zoo rau lawv, yuav thov Ntuj rau lawv. Yog lawv foom peb, peb tsis rov foom lawv rov qab, peb foom lus zoo rau lawv mas tej lus phem uas lawv foom peb ntawd yuav tig ua ib qho koob hmoov rov rau peb, txhiaj khoov yuav khaum peb, nws txia ua ib qho txiaj ntsim zoo rau peb; li ntawd Huab Tais Yes Xus thiaj tau hais tseg tias:

"28 nej foom lus zoo rau cov foom phem
rau nej, nej thov Ntuj rau cov neeg xyav
nej lub moo.( Lk 6,)"

PEB YUAV CAV LUS ZOO TXOG PEB TUS HUAB TAIS
PEB UA ZOO RAU PEB COV YEEB NCUAB PEB TSIS HAIS LUS PHEM RAU LAWV
=YOG PEB CAV LUS ZOO RAU HUAB TAIS TSWV NTUJ.

**Maiv Tooj** 1st October 2014, 8:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°143

Re: KEV THOOB TSIB & ZAJ NKAUJ SEEV

Post Maiv Tooj 1st October 2014, 8:12 am

Thov cov thawj tshiab pab.

Hnub tim 29-09-2014, suab xov tooj cua Vas Tis Kaas:

Txiv Vaj Qhia Faas Tshes Kus hais tias
Peb yuav tau teev 3 tug Thawj Tshiab:
LN.Mis Kais, LN.Las Fais thiab NL.Nkas Nplias
pab peb txhua hnub. Vim dab phem muab
txhua yam los plooj neeg ntiaj teb qhov muag,
kom neeg yuam kev rau nws txoj kev ntxias
kom neeg cov ntsuj plig poob mus rau
lub teb chaws tsaus ntuj.

Niaj hnub, sawv ntxov tsaus ntuj,
peb yuav hu txog 3 tug thawj tshiab
no los pab tib thaiv peb.

Thiab nco ntsoov teev zaj teev LN.Miv Kais.

Prayer to Saint Michael
Saint Michael, Archangel, defend us in battle.
Be our defense against the wickedness and snares of the devil.
May God rebuke him, we humbly pray.
And you, Prince of the heavenly host,
by the power of God, thrust into Hell Satan and the other
evil spirits who prowl the world for the ruin of souls. Amen.

Prière à St.Michel Archange

Saint Michel Archange défendez-nous dans le combat ;
soyez notre secours contre la perfidie et les embûches du démon.
Que Dieu exerce sur lui Son empire,
nous le demandons en suppliant;
et vous, prince de la milice céleste,
refoulez en enfer, par la Vertu divine, Satan
et les autres esprits malins qui errent dans le monde
pour la perte des âmes. Amen.

Zaj thov Leej Ntshiab Miv Kais

Leej Ntshiab Miv Kais thov pab peb peb tawm tsam
Thov koj pab thaiv dab phem txoj kev nyiag ntsis ntxias.

Thov Tswv Ntuj tso Tswv Ntuj cov
peeb zeej los thaiv Nws lub Ceeb Tsheej;

Peb txhos caug thov koj;
Tswv Ntuj tus tub txib tshaj lij nyob Ceeb Tsheej.

Thov koj ntiab rov lawm ntuj txiag teb tsaus,
dab phem Xas Tas
thiab tag nrho cov dab uas haub ntxias
neeg ntiaj teb kom lawv tus ntuj plig yuam kev.

Ua li.

**Maiv Tooj** 2nd October 2014, 9:38 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°144

Re: KEV THOOB TSIB & ZAJ NKAUJ SEEV

Post Maiv Tooj 2nd October 2014, 9:38 am

TUS YUAM SIJ QHEB ROOJ NTUG.

KEV THOOB TSIB & ZAJ NKAUJ SEEV - Page 6 56653310

Yes Xus foom hmoov zoo rau Pob Zeb tag, NWS muab tus yuam sij qheb Leej Pleev lub Ceeb Tsheej rau Pob Zeb uas yuav yog tus tsav Nws lub Koom Txoos. (MT.16,18-19). Tus yuam sij yog tso cai rau ib tug neeg qheb thiab kaw, thiab Yes Xus hais rau Pob Zeb tias: " Koj khi yam twg nyob
ntiaj teb no, Ntuj yuav saib yam ntawd
yog khi nyob saum ntuj. Koj daws yam
twg nyob ntiaj teb no, Ntuj yuav saib yam
ntawd yog daws nyob saum ntuj." (MT.16,19b).

Qhov no His Xais twb tau hais hauv Ntawv Faj Lem:
"22 Kuv yuav muab Das Vis tsev neeg tus
yawm sij tso saum nws xub pwg. Yog
nws qhib mas tsis muaj leej twg yuav
kaw, yog nws kaw mas tsis muaj leej twg yuav qhib." (His Xais 22,22)

Kuj tau hais hauv Qhib lub caij tom ntej tias:
"7 Koj sau ntawv mus rau tus Tshiab pov
hwm lub Koom Txoos nyob Fis Las Des
Fias tias : Tus Ntshiab, tus Tseem Ceeb
uas nws tuav Das Vis rab yawm sij. Yog
tus ntawd qhib mas tsis muaj leej twg
yuav kaw tau, yog nws kaw mas tsis muaj
leej twg yuav qhib tau. "(Qytn 3,7)

Thaum Yes Xus yeej Xas Tas lawd
thiaj li muaj raws nraim li cov yaj saub tau hais tseg:
"Nws yuav tsuj koj taub hau, koj yuav tom nws luj taws."

Thawm chiv keeb puam kwm, Tswv Ntuj tsim tau neeg zoo li nws tus duab, Tswv Ntuj muab tag nrho kev tswj kav, tag nrho hwj chim rau neeg. NWS muab tus yuam sij tswj kav thiab hwj huam rau neeg. Tab sis As Das tau tawv ncauj, tsis mloog Tswv Ntuj lus, ces Xas Tas (tub huab tais pom kev) thiaj tau tus yuam sij coj los ua huab tais kav lub ntiaj teb no (dab phem thiaj li ntxias neeg ua phem, ua tsov rog sib ntaus sib tua, sib ntxub, sib ceg, sib caij tsuj kom muaj kev kub ntxhov rau neeg txhua txhia qhov, kom dab phem tau neeg cov ntsuj plig tag nrho mus rau dab phem teb; mus raug kev tsim txom, txom nyem rau dab phem noj lawv lub zog). Thaum Huab Tais Yes Xus tuag rau saum Ntoo Cuam, NWS muab Xas Tas pov rau dab phem teb thiab txeeb tau tus yuav sij rov los. Li ntawd Huab Tais Yes Xus tsis yog tau tus yuam sij muaj txoj sia los ua vaj kav xwb, nws tseem tau tus yuam sij txoj kev tuag thiab tus yuam sij dab phem teb tib si.
"...18 Kuv tau tuag lawm ; tab sis nyem no,
kuv muaj txoj sia mus li txheej dhau
txheej. Kuv tuav tus yawm sij hauv txoj
kev tuag thiab hauv tub tuag teb." (Qytn 1,18).

Tom qab Yes Xus sawv hauv cov tub tuag rov los NWS hais tias:
"Ntuj pub ib puas tsav yam hwj huam rau
kuv nyob saum ntuj thiab nyob ntiaj teb no." (MT. 28,18a).

Qhov nov yog tus yuam sij muaj hwj huam uas Yes Xus muab rau Pob Zeb.

KEV THOOB TSIB & ZAJ NKAUJ SEEV - Page 6 3f738410

**Maiv Tooj** 6th October 2014, 8:55 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°145

Re: KEV THOOB TSIB & ZAJ NKAUJ SEEV

Post Maiv Tooj 6th October 2014, 8:55 am

Hnub tim 24-09-2014, Vaj Qhia Faas Tshis Kus hais tias kom peb nco ntsoov thov Huab Tais Ntuj zam txhaum rau peb; vim peb txhua leej puav leej yog neeg txhaum. Tswv Ntuj tsis nkees zam txhaum rau peb, tsuas yog peb nkees thov txhaum xwb.

Thaum peb thov Huab Tais Yes Xus zam txhaum rau peb, peb hais li no:

Tswv Ntuj muaj hwj huam tas nrhog, uas tau tsim ntuj tsim teb
thiab tag puas tsav yam uas nyob saum ntuj thiab hauv ntiaj teb;
los pab kuv, thov khuv leej kuv, thov zam kuv cov txhaum;
cawm kuv niam no thiab yav tom ntej,
Yog peb tus Huab Tais Yes Xus Pleev uas Cawm Peb,
Yog NWS yuav ua kom KOJ nto koob meej thiab muaj hwj huam
nyob mus li tiam dhau tiam! Ua li.

**Maiv Tooj** 10th November 2014, 12:40 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°146

Re: KEV THOOB TSIB & ZAJ NKAUJ SEEV

Post Maiv Tooj 10th November 2014, 12:40 pm

Rooj tshoob hauv zos Kas Nas.
Zam 2 : 1 - 11.

KEV THOOB TSIB & ZAJ NKAUJ SEEV - Page 6 Cana-110

1 Peb hnub tom qab, muaj ib rooj
tshoob hauv lub zos Kas Nas xeev
Nkas Lis Lais. Yes Xus niam mus nrog
lawv noj tshoob nyob ntawd. 2 Lawv
caw Yes Xus thiab nws cov thwj tim mus
noj tshoob thiab. 3 Lawv tsis tshuav
cawv ntxiv lawm, Yes Xus niam hais rau Yes Xus tias :
"Lawv tsis muaj cawv ntxiv lawm."
4 Ces Yes Xus hais rau nws niam tias :
"Niad, tsis yog wb hauj lwm. Kuv lub sij
hawm tseem los tsis tau txog."
5 Yes Xus niam hais rau cov tub ce cawv tias :
"Yes Xus kom nej ua yam twg, mas nej ua huv tib si mog."
6 Nyob ntawd, muaj rau lub hub zeb
teem dej rau cov Yus Das siv raws li lawv
tej kev cai ntxuav tes. Ib lub hub ntim tau
peb los plaub thoob dej. 7 Yes Xus hais
rau cov tub ce cawv tias : "Nej hliv dej
kom puv cov hub no." Ces lawv hliv dej
puv nkaus cov hub. 8 Yes Xus hais rau lawv tias :
"Zaum no, nej ce cov dej no nqa mus rau txiv thiaj com."
Ces lawv ce cov dej ntawd nqa mus.
9 Thaum txiv thiaj com saj cov dej txia
ua cawv, mas nws tsis paub cov cawv los
qhov twg los. Tab sis cov tub ce cawv
paub lawm, vim lawv yog cov ce. Txiv
thiaj com hu nraug vauv los. 10 Nws
hais rau nraug vauv tias :
"Sawv daws ce cov cawv qab los haus
tso. Thaum cov neeg qaug cawv lawd,
mam li ce cov qab tsis heev los haus. Hos
koj, koj muab cov cawv qab cia txog tav no."

Zaj lus nov txhais hais tias:

Lawv rooj tshoob tsis muaj cawv lawm:

= Peb lub neej thaum twg los yeej muaj tsis txaus, niaj hnub tsis txaus; yam li tus pluag los xav kom muaj, tus muaj los hais tias tshuav qhov ub qhov nov, tsis muaj tus yuav zoo siab rau qhov nws muaj thiab nws tau li. Tsuas niaj hnub hais thiab xav tias tsis muaj txaus.

Mab Liab hais rau cov thawj tim tias: "Yes Xus hais li cas kom lawv ua tag nrho li Nws hais"
= Kom peb yuav tsum ua raws li Yes Xus hais, ua raws li Ntawv Moo Zoo. Vim Yes Xus cov lus yog qhov yuav coj peb mus rau lub neej kaj siab, lub neej huaj vam thiab muaj txoj sia nyob mus li.

Tsis muaj cawv lawm, ces lub tshoob tsis lom zem, tsis zoo siab, Yes Xus ua hwj huam kom muaj cawv:
= Yes Xus yog cov cawv ua kom neeg zoo siab, kom neeg siab nqeg. Li ntawd yog peb mloog Yes Xus hais, peb yuav muaj kev kaj siab, zoo siab thiab lom zem hauv peb lub neej.

**Maiv Tooj** 27th November 2014, 10:11 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°147

Re: KEV THOOB TSIB & ZAJ NKAUJ SEEV

Post Maiv Tooj 27th November 2014, 10:11 am

Zaj Peb Txiv,
yog 7 nqe lus thov Ntuj tseem ceeb rau txhua yam.

KEV THOOB TSIB & ZAJ NKAUJ SEEV - Page 6 01_not10

Peb txiv nyob saum ntuj,

KEV THOOB TSIB & ZAJ NKAUJ SEEV - Page 6 02_que10

Nqes lus thov ib: Koj lub npe ntshiab nto moo lug,

KEV THOOB TSIB & ZAJ NKAUJ SEEV - Page 6 03_que10

Nqe lus thov ob yog: Koj lub ceeb tsheej los txog,

KEV THOOB TSIB & ZAJ NKAUJ SEEV - Page 6 04_que10

Nqe lus thov peb: Kom muaj raws li koj nyiam nyob ntiaj teb no zoo li nyob saum ntuj.

KEV THOOB TSIB & ZAJ NKAUJ SEEV - Page 6 05_don10

Nqe lus thov plaub: Thov koj muab mov txaus peb noj hnub no.

KEV THOOB TSIB & ZAJ NKAUJ SEEV - Page 6 06_par10

Nqe lus thov tsib: Koj zam txhaum rau peb zoo li peb zam rau luag.

KEV THOOB TSIB & ZAJ NKAUJ SEEV - Page 6 07_com10

Nqe lus thov rau: Koj txhob tso peb raug kev ntxias.

KEV THOOB TSIB & ZAJ NKAUJ SEEV - Page 6 08_et_10

Nqe lus thov xya : Koj npo peb dim ntawm kev phem.

KEV THOOB TSIB & ZAJ NKAUJ SEEV - Page 6 09_mai10

Ua li.

KEV THOOB TSIB & ZAJ NKAUJ SEEV - Page 6 10_ain10

Zaj Peb Txiv no yog ib zaj teev Ntuj rau txhua yam.

Yog ib zaj teev Ntuj uas peb txhua tus niaj hnub hais; tab sis ntau zaus mas peb teev, peb tsis nco qab xav txog cov lus uas peb tab tom hais. Yog peb xav zoo zoo mas yuav yog ib cov lus thoob tsib thiab qhia peb txhua yam hauv peb lub neej.

Los lus Peb Txiv nyob saum Ntuj= Hu ua Peb Txiv, vim nws yog tus tsim Ntuj tsim teb, tsim tag nrho ib puas tsav yam ces NWS yog sawv daws txiv.

Koj lub npe ntshiab nto moo lug= Nto koob meej, sawv daws cav lus zoo rau Tswv Ntuj, yog peb yuav cav lus zoo ( hais lus zoo) rau peb tej txheeb ze, rau cov neeg uas peb paub.

Koj lub ceeb tsheej los txog= Peb sib hlub, hais lus zoo kom peb sawv daws tau lub neej thaj yeeb nyab xeeb li Tswv Ntuj lub ceeb tsheej uas nyob saum Ntuj.

Kom muaj raws li koj nyiam nyob ntiaj teb no zoo li nyob saum ntuj= Kom peb ua tau zoo li Tswv Ntuj nyiam hauv ntiaj teb no li nyob saum Ntuj.

Thov koj muab mov txaus peb noj hnub no= Yog peb sib nyiam sib hlub mas peb yuav tsis tshaib tsis nqhis tsis ntshaw tsis txom nyem.

Koj zam txhaum rau peb zoo li peb zam rau luag= Koj zam peb tej nuj nqes zoo li peb zam tej uas luag tshuav peb nqe.

Koj txhob tso peb raug kev ntxias= Koj txhob tso peb rau dab phem txoj kev ntxias, txhua yam phem uas dab phem muab yees ntxias kom peb yuam kev.

Koj npo peb dim ntawm kev phem= Yog peb yuam kev, thov pab npo peb txhob tso peb poob rau dab phem txhais tes.

**Maiv Tooj** 17th December 2014, 11:02 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°148

Re: KEV THOOB TSIB & ZAJ NKAUJ SEEV

Post Maiv Tooj 17th December 2014, 11:02 am

Nag hmo, tim 16-12-2014, Txiv Vaj Qhia Faas Tshes Kus hais tias:

"Cov ntseeg Fas Lis Xais (coj li fas lis xais),
yuav tsum pov tawv txiv tsawb rau kom ntog,
thiaj li yuav mus cuag tau Tswv Ntuj".

KEV THOOB TSIB & ZAJ NKAUJ SEEV - Page 6 Phas_l10

**Maiv Tooj** 21st January 2015, 9:42 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°149

Re: KEV THOOB TSIB & ZAJ NKAUJ SEEV

Post Maiv Tooj 21st January 2015, 9:42 am

KEV MUAS YUS COV TXHAUM.

KEV THOOB TSIB & ZAJ NKAUJ SEEV - Page 6 Muas_n10

Raws li LN.Txiv Plig Ars (Curé Ars) hais tias kev zam txhaum yog ib qho zoo heev rau Tswv Ntuj txoj kev cai lij choj, xws li kom txhob tau them txim hauv teb chaws them txim (purgatoire). Kev zam txhaum nov yog tej txiaj ntsim uas HT.Yes Xus, Nkauj Ntshiab Mab Liab thiab tsoom Leej Ntshiab muab rau yus. Yog ib cov txhiaj ntws lug uas Tswv Ntuj muab pub peb daus los siv tsis txawj tag li. Piv txwv kom peb to taub yooj yim, xws li ib tug neeg tshuav nqe, uas yuav them tag sim neej twb them tsis tag li es tus tswv nqe hais kom yus rov mus muab nws cov nyiaj coj los them nws cov nqe. Yog li no ntag uas Tswv Ntuj thiaj kom peb ua kom xwv tau raws li Tswv Ntuj txoj cai lij choj ( txhais tias kom peb ua neeg dawb huv raws li Tswv Ntuj lub hom phiaj; vim neeg tsis ntshiab huv txaus li Tswv Ntuj ntshaw.

- Kev zam txhaum mas muaj tej yam kuj zam tag nrho, xws li thaum yus tuag lawd, yus tsis tau them txim nyob teb chaws them txim (purgatoire) li, cia li ncaj qha mus saum Ntuj lawm yam li ib tug me nyuam yog nws cia li tuag kiag thaum nyuam qhuav ntxuav plig teg nrho thiab ib tug Leej Ntshiab uas tau muab nws txoj sia rau Tswv Ntuj.

Tab sis kuj muaj qhov yuav muas tau qhov kev zam txhaum tag nrho yam tsis yog ib tug tuag ua tim khawv kev ntseeg los nyuam qhuav txais lub cim ntxuav tuag thiab xws li: Teev Saw Mab Liab (teev 4 lub txiaj ntsim Saw Mab Liab= 4 zaug ib txoj saw Mab liab=Rosaire), niaj thawj Hnub Chiv hauv ib lub hlis thiab cov Hmoov Niam Mab Liab tau mus Daws txhaum thiab txais lub Cim Yug; mus Hawm lub Cim Yug lub Chiv thib 3 hauv lub hli.

- Muaj tej yam txiaj ntsim kuj zam yus tej txhaum ib kuag xws li: Nruag tuav txog Yes Xus lub npe, tuav txog Nkauj Ntshiab Mab Liab lub npe, hais zaj Koj nyob kaj lug Mab Liab, teev Tshiab zaj teev Ntuj (Angelus) hais zaj tu siab, zaj nyiam thiab zaj tso siab, mus xyuas tej neeg mob, qhia kev ntseeg rau cov tsis paub txog Tswv Ntuj.

KEV THOOB TSIB & ZAJ NKAUJ SEEV - Page 6 Muas_n11

Tshiab zaj teev Ntuj.
(Prière de l’Angelus)

Txhua hnub tswb teev Ntuj nrov thaum 8h03, 12h03 thiab 18h03 yog co tswb teev Tshiab zaj teev Ntuj : Yog ib lub sij hawm muaj nqes heev uas peb tso siab rau Nkauj Ntshiab tus pab xa peb cov lus thov mus rau Tswv Ntuj.

Zaj Tshiab teev Ntuj yogi b zaj teev Ntuj ua peb ntus, hawm txog Leej Pleev xeeb los ua neeg. Hais ib zaj Koj nyob kaj lug Mab Liab los quas txhua ntu thiab xaus rau ib los lus hawm txog tom qab. Tshiab zaj teev Ntuj teev ib hnub 3 zaug, teev thaum sawv ntxov, tav su thiab tsaus ntuj. Raws kev cai mas ib nyuag nyo taub hau thaum hais txog qhov tias : « Thiab los lus hloov ua cev nqaij », ua cim hawm txog Tswv Ntuj xeeb ua neeg..

Teev li no :

1/ Ua ntoo Cuam lub Cim.

2/ Tus Coj: Ntuj tus Tshiab tuaj tshaj rau Mab Liab.
3/ sawv daws teb: Thiab nws tau Leej Tswv Yim Ntshiab.

4/ ZAJ KOJ NYOB KAJ LUG MAB LAIB.
Koj nyob kaj lug Mab liab,
Tus tau txiaj ntsim puv siab.
Huab Tais Ntuj nrog koj nyob.
Koj tau koob tau hmoov tshaj ib zej tsoom poj niam tib si,
thiab koj lub txiv uas koj lub cev txi tau koob tau hmoov.
Leej Ntshiab mab Liab, Tswv ntuj leej Niad,
Koj thov Ntuj rau peb cov neeg txhaum,
Nyem no mus txog thaum peb lub caij dua. Ua li.
5/ Tus Coj: Yog Tswv Ntuj tus txhais txib,
6/ sawv daws teb : Ko mua rau kuv raws li koj cov lus.

7/ ZAJ KOJ NYOB KAJ LUG MAB LAIB…
8/ Tus Coj: Thiab los lus hloov ua cev nqaij
9/ Sawv daws teb : Thiab nws nrog peb nyob

10/ ZAJ KOJ NYOB KAJ LUG MAB LAIB…

11/ Tus Coj: Thov Ntuj pab peb, Tswv Ntuj Leej Niam Ntsiab,
12/ Sawv daws teb : Kom peb thiaj tsim nyog Huab Tais Yes Xus Pleev cov lus cog cia.

THOV NTUJ : Thov kom peb tus Huab Tais Leej Txiv tseb nws cov txiaj ntsim rau hauv peb lub siab : Raws li tus Tshiab tsab xov, koj tau ua kom peb paub koj Leej Tub zoo nyiam xeeb los ua neeg, thov koj coj peb nrog nws txoj kev txom nyem thiab nws tus ntoo cuam ua ke kom tau koob meej nrog nws kev sawv rov los. Nrog Yes Xus Pleev.

UA NTOO CUAM LUB CIM.

Tas.

KEV THOOB TSIB & ZAJ NKAUJ SEEV - Page 6 Arton110

Zaj tso siab.

Kuv tus Huab Tais, koj cog lus hais tias koj yuav pub Ntuj txiaj ntsim
Rau peb tseem nyob ntiaj teb no, thiab koj yuav pub peb tau nyob zoo mus li nyob saum Ntuj.
Kuv tso siab hais tias koj yuav nco ntsoov txog koj cov lus, thiab koj yuav ua raws li koj lo lus.

Zaj nyiam.

Kuv tus Huab Tais, koj zoo tshaj tas puas tsav yam,
Kuv nyiam koj tshaj tas puas tsav yam
Koj xav kom peb nyiam luag tej,
Kuv nyiam luag tej li kuv nyiam kuv.

Zaj tu siab:

Kuv tus Huab Tais, koj lub siab zoo tag nrho, koj zoo nyiam tag nrho.
Neeg lub txhaum tsis ntxim koj lub siab.
Kuv tseem ua txhaum rau koj, kuv tu siab nrho.
Kuv tsis xav txhaum lwm zaus, thiab kuv xav them txim.
Koj pub txiaj ntsim pab kuv.

**Maiv Tooj** 2nd February 2015, 10:33 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°150

Re: KEV THOOB TSIB & ZAJ NKAUJ SEEV

Post Maiv Tooj 2nd February 2015, 10:33 am

Teev Ntuj sawv ntxov.

Huab Tais, Hnub tshiab tshwm tauj ntsiag to no
Kuv tuaj thov kev thaj yeeb, kev thoob tsib, lub dag zog ntawm koj.

Hnub no kuv xav kom kuv ob lub qhov muag muaj kev hlub puv ntoob saib lub ntiaj teb no;
Ua neeb siab ntev, to taub luag tej, lus mos lus muag thiab thoob tsib to nrog;

Kom kuv ntsia koj cov me nyuam zoo li koj ntsia koj tus kheej,
Li ntawd kuv thiaj yuav pom txhua leej qhov zoo.

Thov koj kaw kuv lub pob ntseg rau tej lus xaiv lus ncua;
Tswj kuv tus nplaim rau txhua yam tsis huv;

Kom tsuas tshuav cov lus koob hmoov nyob hauv kuv lub tswv yim;

Kom kuv nyob rau luag poo thiab xyiv fab hlo
Kom leej twg txav ti kuv hnob Koj nyob ntawm kuv.

Tswv Ntuj, muab Koj cev khaub ncaws neeg zoo rau kuv hnav,
Hnub no thaum hnub ntev ntev kuv yuav cav txog koj.

Ua li.

Saint François d’Assise