Paj Huam Thoob Tsib

**Maiv Tooj** 28th June 2010, 12:20 pm

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Paj Huam Thoob Tsib

Post Maiv Tooj 28th June 2010, 12:20 pm

MUAB YAJ KAW NROG TSHIS NQUAB KAW NROG LIAJ

A

Ntuj nis yuam peb haiv neeg,
ua neej nyob ntiaj teb,
Huab Tais Yes Xus hais tias kuv yuav muab nplej cog nrog txhauv ua ib tsob
Cia nplej nrog txhaus nyob.
*
Kuv yuav muab nplej cog nrog txhauv ua ib luaj
es cia nplej nrog txhaus tuaj.

B
Kuv yuav muab nquab kaw nrog liaj ua ib loog
Ces nquab kawg mloog.

C
Kuv yuav muab yaj kaw nrog tshis ua ib nkuaj
Ces yaj kawg quaj.

D
Yog nplej tsis hlob nplej ua tsis tau hnab
Ces nplej yuav tsis cuag nplej txhab.
*
Yog nplej tsis hlob nrog nroj sib twv
Ces nplej yuav tsis cuag nplej tswv

E
Muaj ib hnub ces li tso tub txib coj tub txuas pem ntuj ub
Tshuab raj tshuab xyu, hnov raj hnov xyu
Pem ntuj ub nrov sis qees
Ntiaj teb no toj zeb qhov ntxa yuav tawg pes nrees.
*
Tus ploj tus tuag li sawv pes tsees
Hnov raj hnov xyu pem ntuj ub nqua
Ntiaj teb no toj roob hauv pes ti
Toj hleb qhov ntxa yuav tawg pes txua
Tus ploj tus tuag li sawv los txhij rov los txhua.

F
Thaum ntawd ces tshis li tau lub suab quaj suab qw
Mus poob rau ntuj tawg yias dej kub dej npau.
*
Yaj li tau lub suab hu nkauj seev qas yees saum ib nta ntuj tias
Ziag no peb dim plaws txoj kev uas ntshai nyuj ntshai tshis nrau
Thaum ntawd ces liaj li tau suab quaj suab qw mus poob lawm ntuj tawm
Nquab li tau suab hu nkauj seev qas yees li ib nta ntuj tias
Ziag no peb dim plaws txoj kev uas ntshai liaj muab ntshai dav nplawm.

G
Thaum ntawd ces txhauv li tau lub suab quaj suab qw
Mus poob rau ntuj tawg yias dej kub dej npau hlab
Nplej li tau suab hu nkauj seev lawm yuj yees sau ib nta ntuj tias
Ziag no ces peb dim plaws txoj kev uas ntshai lawm ruj rwg tsam tsis ua hnab,
ces nplej yuav tsis cuag txhab.

Thaum ntawd ces txhauv li tau lub suab quaj suab qw mus poob rau ntuj tawg txoj kev khwv
Ces nplej li tau lub suab hu nkauj seev lawm yuj yees saum ib nta ntuj tias
Ziag no peb dim plaws txoj kev ntshai ruj rwg tsam ntsis ua tswv.

H
Ntuj nim yuas peb haiv neeg
Twb tsis yog kuv hais txog tsiaj txhu mob nyob mus noj zaub
Yog kuv xav qhia txog ntiaj teb neeg
Txhua leej txhua tus neeg,
Txhua leej txhua tus ntseeg
Nrhiav kev yuam mus cuag Yawg Saub.

Tus sau:

Thoj Tswv lauj,
Carpentras, Fab Kis teb.

Muab ntawm phau xov xwm:
Ntseeg Ntuj Sib Fi Txuj.
Lub 7hli 2001

Last edited by Maiv Tooj on 4th July 2010, 9:04 am; edited 2 times in total

**Npuagtub** 29th June 2010, 2:11 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°2

Re: Paj Huam Thoob Tsib

Post Npuagtub 29th June 2010, 2:11 am

Maiv Tooj,

Ua tsaug rau nws tuaj tso dab laug Tswv Lauj Thoj zaj lus no rau peb nyeem os nawv.
Muaj lub ntsiab tob zoo kawg, yog peb ua zoo nyeem mas peb thiaj li nkag siab txog nws cov ntsiab lus
vim yog ib cov lus ua paj tawg txhais paj lug xwb, yog peb tsis nyeem ntau lwm mas yuav tsis nkag peb lub hlwb.

Mt, cas lo lus (TXHAUV) no yog thawj zaug kuv pom xwb es puas yog (NROJ) ne ?

**Maiv Tooj** 29th June 2010, 4:22 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Paj Huam Thoob Tsib

Post Maiv Tooj 29th June 2010, 4:22 am

Nyob zoo XH. Npuag Tub,

Twb yog kuv mus tshawb cov qub xov xwm es kuv pom Thoj Tswv Lauj sau tau thoob tsib heev, kuv thiaj coj tuaj tso kom tau khaws cia xwb. Yog kawg, yog ib cov lus zoo heev, muaj kuab thiab muaj tshuaj zoo heev. Xyov kuv kuj tsis paub lo lus " Txhauv" no thiab, ntshe yuav yog nroj li koj hais. Cia hnub twg tau ntsib tso mam nug seb yog dab tsi.

**Maiv Paj Lug** 29th June 2010, 4:54 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°4

Re: Paj Huam Thoob Tsib

Post Maiv Paj Lug 29th June 2010, 4:54 am

Maiv Tooj wrote:
MUAB YAJ KAW NROG TSHIS NQUAB KAW NROG LIAJ

A

Ntuj nis yuam peb haiv neeg,
ua neej nyob ntiaj teb,
Huab Tais Yes Xus hais tias kuv yuav muab nplej cog nrog txhauv ua ib tsob
Cia nplej nrog txhaus nyob.
*
Kuv yuav muab nplej cog nrog txhauv ua ib luaj
es cia nplej nrog txhaus tuaj.

B
Kuv yuav muab nquab kaw nrog liaj ua ib loog
Ces nquab kawg mloog.

C
Kuv yuav muab yaj kaw nrog tshis ua ib nkuaj
Ces yaj kawg quaj.

D
Yog nplej tsis hlob nplej ua tsis tau hnab
Ces nplej yuav tsis cuag nplej txhab.
*
Yog nplej tsis hlob nrog nroj sib twv
Ces nplej yuav tsis cuag nplej tswv

E
Muaj ib hnub ces li tso tub txib coj tub txuas pem ntuj ub
Tshuab raj tshuab xyu, hnov raj hnov xyu
Pem ntuj ub nrov sis qees
Ntiaj teb no toj zeb qhov ntxa yuav tawg pes nrees.
*
Tus ploj tus tuag li sawv pes tsees
Hnov raj hnov xyu pem ntuj ub nqua
Ntiaj teb no toj roob hauv pes ti
Toj hleb qhov ntxa yuav tawg pes txua
Tus ploj tus tuag li sawv los txhij rov los txhua.

F
Thaum ntawd ces tshis li tau lub suab quaj suab qw
Mus poob rau ntuj tawg yias dej kub dej npau.
*
Yaj li tau lub suab hu nkauj seev qas yees saum ib nta ntuj tias
Ziag no peb dim plaws txoj kev uas ntshai nyuj ntshai tshis nrau
Thaum ntawd ces liaj li tau suab quaj suab qw mus poob lawm ntuj tawm
Nquab li tau suab hu nkauj seev qas yees li ib nta ntuj tias
Ziag no peb dim plaws txoj kev uas ntshai liaj muab ntshai dav nplawm.

G
Thaum ntawd ces txhuav li tau lub suab quaj suab qw
Mus poob rau ntuj tawg yias dej kub dej npau hlab
Nplej li tau suab hu nkauj seev lawm yuj yees sau ib nta ntuj tias
Ziag no ces peb dim plaws txoj kev uas ntshai lawm ruj rwg tsam tsis ua hnab,
ces nplej yuav tsis cuag txhab.

Thaum ntawd ces txhauv li tau lub suab quaj suab qw mus poob rau ntuj tawg txoj kev khwv
Ces nplej li tau lub suab hu nkauj ees lawm yuj yees saum ib nta ntuj tias
Ziag no peb dim plaws txoj kev ntshai ruj rwg tsam ntsis ua tswv.

H
Ntuj nim yuas peb haiv neeg
Twb tsis yog kuv hais txog tsiaj txhu mob nyob mus noj zaub
Yog kuv xav qhia txog ntiaj teb neeg
Txhua leej txhua tus neeg,
Txhua leej txhua tus ntseeg
Nrhiav kev yuam mus cuag Yawg Saub.

Tus sau:

Thoj Tswv lauj,
Carpentras, Fab Kis teb.

Muab ntawm phau xov xwm:
Ntseeg Ntuj Sib Fi Txuj.
Lub 7hli 2001

Wow......cas yuav mus zoo ua luaj , Thoj Tswv Lauj yuav mus thoob tsib ua luaj li lau.....zoo tiag tiag li os, muab sau ua paj huam sib dhos zoo heev li lawm, li no thiaj thoob tsib tiag li. Kuv kam nyeem 2 lwm diam thiaj nkag siab tag. Cas yim nyeem yim paub ntau tuaj, leej twg maj mam nyeem maj mam xav mas cas yuav ua rau yus tus ntsuj plig zoo siab kaj siab thiab txhawb tau yus dej siab dej ntsws kawg kiag li os lawv aw! Ua tsaug nawb Maiv tooj, koj tseem muab Thoj Tswv Lauj cov lus thoob tsib no tuaj tso peb nyeem.

Pab kuv rov los cuag koj Huab Tais Yesxus

**Maiv Tooj** 4th July 2010, 9:03 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Paj Huam Thoob Tsib

Post Maiv Tooj 4th July 2010, 9:03 am

Hais txog Huab Tais Yes Xus.

Tus sau: Thoj Tswv Lauj
Carpentras, Fab Kis teb.
Xov xwm Ntseeg Ntuj sib Fi Txuj
Tsab 14 xyoo 2000

Yog leej twg lees nws qhov txhaum
Tus ntawd yuav tau txais nws txoj kev cawm
Dim neeg lub txim mas loj dhau
Hais tsis tau thiab qhia tsis tawm
Yog kuv kawm mas thiaj li paub
Huab Tais tus uas ncaj ncees
Tsim tib neeg los ua neeg nyob
Nws kom txhob noj txiv ntoo
Xav tau zoo ces ho mus noj
Thiaj li copj poob rau kev txhaum
Thiaj sib yaum khiav tawm Huab Tais Ntuj
Tseem sib lwv tsis kam lees txim
Thiaj tsis thim lees rov qab
Thiaj poob rau Dab lub qab hwj chim
Khiav tsis dim mus tas sim neej
Haj tseem pheej mus fab ntau ntxiv
Txawm siv muaj kev sib thib
Thiaj li ntsib txoj kev tuag
Neeg quaj ntsuag los rau ntiaj teb
Tej qhov hleb los ntim tsis tas
Tej qhov ntxa los ntim tsis phwj
Cev nqaij lwj los tshuav ntsuj plig
Tseem yuav ris lub txim mus ntxiv
Tseem yuav kiv mus poob ntuj tawg
Yeej tsis kawg txoj kev teem txim
Yeej tsis dim uas muaj kev khiav
Quaj pes hniav tas mus sim neej
Qhov yuav theej thiab yuav txhiv tau
Yog ntshav nrog mas thiaj them tas

Ua li cas los Huab Tais hlub
Nws thiaj pub Huab Tais Yes Xus yug
Los rau ntiaj teb los ua peb
Ntiaj teb tib neeg tus cawm seej
Thiaj li theej thiab this peb tuag
Nqaij thiaj ntuag thiab ntshav nrog
Raug tuag nrog tej neeg phem
Raug luag cem thiab saib tsis taus
Raug luag ntaus thiab nkaug tav to ntshua
Ntshav ris sua rau hauv pem teb
Los ntxuav peb ntiaj teb tib neeg
Tus uas lees paub txog qhov nov
Tus dim los yog peb sawv daws
Thaum yuav kawg no thov koj hais tias
Koj puas lias paub txog qhov no
Puas xav tso txoj kev teev dab
Tig rov qab mus cuag Huab Tais Ntuj?

*Muaj ntau leej tau txais txoj kev ntseeg nov ntev los lawm;
tab sis mas tseem tseem paub tsis txog Huab Tais Ntuj 10 lo lus qhia lub ntsiab yog li nov kuv thiaj li hais txog.

Paj Huam Thoob Tsib Hft