PAJ HUAM CAW HAIV HMOOB THOOB NTUJ

**Tub Kawm** 13th January 2012, 2:57 am

Tub Kawm: Phooj Ywg; Messages : 375
Date d'inscription : 2011-10-13

Post n°1

PAJ HUAM CAW HAIV HMOOB THOOB NTUJ

Post Tub Kawm 13th January 2012, 2:57 am

Nyob zoo mog peb ib tsoom me kwv tij phooj ywg uas hlub thiab tshua,

Peb ua neej nyob rau hauv ntiaj teb no, peb tsuas nyob ib lub sij hawm xwb, zoo li txoj kev peb mus ua qhua es ib plag yuav rov mus tsev xwb, yog li thov peb los nrhiav saib txoj kev twg thiaj li yuav yog txoj nyob mus ib txhiab ib txhis. Li ntaws hnub no kuv yuav sau ib zaj lus sib dho los yog lus PAJ HUAM los pub rau peb sawv daws nyeem coj los laug hnub nyoog. kuv Thov caw peb tsoom hmoob thoob ntiaj teb los nrog nyeem ua ke saib nws yuav hais li zoo cas?

Nyob zoo mog............peb ib tsoom hmoob
nyob kom thoob...........hauv ntiaj teb no
kuv thov nrog...........peb sawv daws tham
los tuav xam............thiab hai nyob zoo
rau tsoom Hmoob..........tsoom niam tsoom txiv
kuv thov siv...............lub sij hawm no
hais mus txog..........rau peb tsoom hmoob
nyob kom thoob...........hauv ntiaj teb no
thov los nrog.............peb sib tuav teg
los mus leg............Huab Tais Tswv Ntuj
uas yog Ntuj...............li cov hauj lwm
yeej twb tshwm............rau peb lawm mog
txhob tog txog.........thaum tsi muaj caij
nyem no caij.......nyoog yeej tseem tshuav
thov tso phluav............koj txoj me kev
uas yog kev...........tseem teev dab qhuag
rov los xyuas..........rau txoj kev ntseeg
koj puas qee.............tau lub sij hawm
los mus kawm.............Tswv Ntuj cov lus
uas yog lus............hais kev thoob tsib
thov koj qhib............lub siab rau ntuj
Huab tais ntuj........tseem niaj hnub tos
koj tig los..........hloov lub siab tshiab
ntuj yuav qhia...........kom koj dim phluav
Cov koj tshuav.......ntawm ntxwj sib nyoog
thov tig mloog..........ntuj txoj cai qhia
thiaj yuav dhia........dhau txoj kev nyuaj
kev puam tsuaj...........yuav tsi los raug
me nyuam qaug.............rau hauv pes teb
los tsis chev......tauv nplooj ntsuab lawm
vim koj tawm.............dhau kev ua qhev
uas yog kev................ua neeb ua yaig
tseg tsi laig..............tsi ua nyuj dab
tsi ua vab...............ua plig npua tais
yeej tsi ntshai.............vij sub vij si
xws thaum i.............koj tseem teev dab
vim ntuj pab..........thiab nyob nrog koj
nws yuav coj..............koj txoj hau kab
txawm muaj dab.......hem los tsi poob Plig
vim koj ris.............ntuj tus ntoo cuam
los mus khuam..............rau hauv ku dab
nws yuav pab............thiab roos tau koj
vim koj coj..............txoj saw Mab Liab
los mus thiab............tiv thaiv txhuam yam
kuv tsuas tham.............ua lus sib dhos
txawm tsi yog............los thov zam txim
muab los lim...........rau peb tsoom hmoob
kom hnov thoob..........yog leej twg khaws
los mus raws.................li cov lus no
thov los nrog.............peb sib koom tes
cia tso tseg...........koj txoj kev txhaum
tig mus xyaum............txoj kev cai ncaj
nws yuav pab...............tau rau koj mog
txawm tias yog............koj tsi tau paub
vaj yawm saub......,........yog zoo li cas
kuv qhia tas...........yog Huab Tais Ntuj
Nyob saub Ub...,........yog tus tsim ntuj
Nyob nruab Ntuj........ tus tsim ntiaj teb
Nws kom peb................nyob ua ib npoj
los mus coj...............Nws cov lus Qhia
Nws thiaj cia.......,......leej Tub Yes Xus
nqeg los yug............rau hauv ntiaj teb
los cawm peb............leej neeg txoj sia
kom Nkauj Ntshiab........Mab Liab xeeb Nws
Mab Liab Nws..............yog Yes Xus niam
kuj yog niam..........Huab Tais Ntuj thiab
Nws tau pab.............Huab Tais Tswv Ntuj
leg tej txuj.............cawm ntiaj teb neeg
Ntuj thiaj qee.........Nws lub siab Ntshiab
los mus pab.................tu Tub Yes Xus
kom Yes Xus...............loj hlob tiav neej
Nws peem tsheej...............zoo xws li peb
tiam si peb..................tsi paub Yes Xus
Yes Xus mus.................tshaj lub moo zoo
tau ntau xyoo...............twb dhau los lawm
Nws yug tawm.............. nyob rau xyoo plaub
yog xyoo plaub............... uas Yes Xus yug
muab xam mus............twb tau ob txheeb xyoo
lub Moo Zoo..................ncha puv ntiaj teb
Yes Xus tseb...................Nws tej lus qhia
twb mus ncha.................rau txhia haiv neeg
luas twb ntseeg..........qos txhiab plhom leej
tshuav hmoob pheej........... tseem tsi tau paub
hmoob tseem maub.............rau txoj kev tsaus
vim tej laus..................Tseem tsi tau paub
Ntuj twb laub...............txiaj ntsim ntau ntau
los pub rau..................peb hmoob sawv daws
kom tig raws.................txoj kev cai tshiab
qhia kev nyiam....................mus txhua leej
nyob kom tsheej..............ua neeg sib hlub
noj sib pub..................thiab hau sib cev
nyob ua ke..................sib koom tuav tes
kom sib nres................sib hlub sib nyiam
kuv tsuas qhia..................li no rau koj
Yog tias koj.............. tsis tau nkag siab
thov koj thiab.............mus ntsib cov ntseeg
yog cov ntseeg.................uas Kav Tos Li
lawv li siv....................ib lub sij hawm
qhia koj kawm............thiab qhia rau koj mog
Ntawm no yog................tham txog dab xas tas
tej lus das................rau neeg ntiaj teb
kom nej peb................tsi txawj sib hlub
dab niaj hnub................ntxiag kom tib neeg
kom txhua leej..............mloog nws lus haub
nees twb maub................ thiab ua dab qhev
los lawm ntev.................los nej tsi paub
kev cia caub................rau ntawm ntwg nyoog
yog tig mloog..................mas yeej tu siab
thaum mob plab...............thiab diag taub hau
yuav tsum sau.................poj qaib niam npua
coj mus tua...................hu neeb ua yaig
txawm tsi hais................los nej yeej paub
kev cia caub.................ntawm dab xas tas
yeej yog tiag..............,...li kuv hais no
Yog tsis rho..................me tsiag me ntxhuv
coj mus txhub.................txhaws thiab theej txhoj
ces yuav ploj.................thiab yuav tau tuag
yog koj xyuas................thiab ntsia kom zoo
mas ntxwj nyoog..................yog tus phem tshaj
niaj hnub daj..................thiab niaj hnub deev
yog koj seev...................ces yuav tau tuag
yog koj xyuas..................ces yuav tau dab
thaum raug dab.................ces muag nyuj twm
mus sam hwm......................rau tus txiv neeb
kom nws txheeb.................koj me ntsuj duab
tiam si muab.................tsis tau ntsuj plig
nws hais tias....................ya yuav dev txaij
yuav npua txaij...................coj los tua rau
muab neej sau................tas los kho mob ntsaj
Los tsis kaj.................thiab tsi txawj nquas
kho neej pluas....................tas los tsi zoo
vim ntxwj nyoog...................yog tus tsim koj
muab xav zoj....................mas mob siab tshaj
vim tias dab....................yog tus tsim txom
thiaj muab txhom.................ua lus paj huam
hais tuaj tshuam.................rau sawv daws paub
kom txhob maub..................rau txoj kev tsaus
tsi txhob qaug...............rau ntxwj nyoog quav
yeej tseem tshuav................Huab Tais Yes Xus
nws yog tus......................yuav pab tau koj
thov tig hlo...................thiab rov tig lees
los mus ntseeg...............Huab tais Tswv Ntuj
Huab Tais Ntuj.................yuav tuav koj tes
Nws yuav nres..................ntawm koj lub neej
kom muaj yeej.................nyob kaj siab lug
cia tig mus................cuag Huab Tais Ntuj
Vaj Tswv Ntuj................tseem niaj hnub tog
koj mog cov ..............me phooj ywg hmoob aw.

ZAJ PAJ HUAM TAS LI NO LAWM XWB.

THOV UA TSAUG RAU KOJ QEE KOJ LUB SIJ HAWM TUAJ NYEEM ZAJ PAJ HUAM NO. YOG MUAJ QHOV TWG TSI NKAS SIAB THOV NEJ TUAJ NTSIB PEB TXHUA TUS HAUV HMONGCATHOLIQUE PEB YUAV ZOO SIAB QHIA NEJ. KAWG NO THOV KOM HUAB TAIS NTUJ PUB NWS LUB TXIAJ NTSIM TUAJ RAU NEJ TXHUA TUS UAS TAU TUAJ NYEEM ZAJ LUS NO.

SAU NPE TUB LOS TUAM.

Cob Tsib teb.

XH. Npuagtub wrote:

Maiv Paj Lug wrote:XH Npuagtub,

Koj cov duab paj zoo nkauj ua luaj li, tshob paj txiv duaj koj thaij saum toj mas kuv nyiam kawg li, kuv muab save lawm, nyob hauv kuv lub tsev mas kuv muaj duab paj txiv duaj rau tom sofa mus txog tom tsev da dej...

Ua li os Mp, Kuv ces tseem xyaum thaij duab xwb, twb thaij tsis tau zoo li, nws nyiam daim twg no los ho save mus cia saib mas los, hahahaaa......

Last edited by Txawj Tuam on 17th March 2012, 4:36 am; edited 2 times in total

**Maiv Paj Lug** 13th January 2012, 5:56 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°2

Re: PAJ HUAM CAW HAIV HMOOB THOOB NTUJ

Post Maiv Paj Lug 13th January 2012, 5:56 pm

Wowowow........Nyob zoo Txawj Tuam, cas koj yuav sthaj lij ua luaj, yuav sau tau tej zaj paj huam zoo kawg li thiab sau tau ntau heev li nawb, yuav yog tus neeg twg muaj siab tiag tiag rau Tswv Ntuj lawm nws thiaj muaj lub peev xwm los sau txhij sau txhua ua Ntuj tsaug, thov qhuas koj lub peev xwm ua Tswv Ntuj dej num nawb mog. Kav tsij sau ntxiv peb thiaj tau nyeem os mog

PAJ HUAM CAW HAIV HMOOB THOOB NTUJ Maypa110

Pab kuv rov los cuag koj Huab Tais Yesxus

**Tub ntsuag** 16th January 2012, 1:50 am

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°3

Re: PAJ HUAM CAW HAIV HMOOB THOOB NTUJ

Post Tub ntsuag 16th January 2012, 1:50 am

Nyob zoo xyoo tshiab rov log txog,

thov log nrog peb tsham txog Hmoob Kas tos liv.
Nws yog tug chiv lub hauv paus.
rau cov laus txheej dhau txheej tiam dhau tiam.
peb tsham txog kas tos liv mam paub.
vim muaj ntau cov yaj saub tau qhia.
tias txuj sia tshwm qhov twg los.
twb vim yog muaj Huab tais tswv ntuj.
nws tso rau nplaj teb.
nej thiab peb li muaj nyob.
txhob ua siab hlob tej yam tsi muaj nqis.
yuav tsum tis lug nrhiav txuj siab.
nyob txhiab niaj tim puas xyoo.
yuav tsi nroo hauv nws lub ceeb tsheej.
twb qhia meej rau peb lawm mog cov phooj yws.
yuav tav twg mej mam los tuaj nrhiav tau.
es tuaj sau rau peb tau kawm saib puas txawm tau li yus nrhiav.
ntawm txuj sia mus ib txhis mog.
Rov hais txog phooj yws txhua leej.
nyob rau qhov twg los thov nej tuaj kawm tuaj nyeem mog tsi nyob tog li thaum i.
cia luas ntxhis tuaj koom nawb.
vim xyoo laug tau xau lawm xyoo tshiab tawm tuaj.
tej kev nyuaj yuav tsi muaj mus os mog cia los nrog hmoob kas tos li txhawb nqa.
rov yav tas tsi xob xam nawb.
ua siab dawb es tuaj txhawb siab.
es koj muaj yam twg los txhiaj tau kawm mog cov phooj yws.

**Maiv Tooj** 16th January 2012, 7:01 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: PAJ HUAM CAW HAIV HMOOB THOOB NTUJ

Post Maiv Tooj 16th January 2012, 7:01 am

Nyob zoo tub Txawj Tuam thiab XH.Ntxoov Tsab,

Ua tsaug ntau rau neb cov lus thoob tsib, lus qhuab qhia thiab txhawb siab. Yog peb muab khaws cia rau nruab siab, peb yuav paub Tswv Ntuj txoj kev nyiam, yog peb txawj khaws rau nruab plawv, peb yuav nrhiav tau Yes Xus txoj kev los rhawv. Yog peb thim xav peb yuav nrhiav tau lub neej kab ntsab, yog peb lim xeeb peb yuav muaj lub neej thaj yeeb.

Thov ua tsaug ib zaug ntxiv.

**Maiv Tooj** 3rd February 2012, 9:10 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: PAJ HUAM CAW HAIV HMOOB THOOB NTUJ

Post Maiv Tooj 3rd February 2012, 9:10 am

Txawj Tuam wrote:

Nyob zoo mog peb ib tsoom me kwv tij phooj ywg uas hlub thiab tshua,

Peb ua neej nyob rau hauv ntiaj teb no, peb tsuas nyob ib lub sij hawm xwb, zoo li txoj kev peb mus ua qhua es ib plag yuav rov mus tsev xwb, yog li thov peb los nrhiav saib txoj kev twg thiaj li yuav yog txoj nyob mus ib txhiab ib txhis. Li ntaws hnub no kuv yuav sau ib zaj lus sib dho los yog lus PAJ HUAM los pub rau peb sawv daws nyeem coj los laug hnub nyoog. kuv Thov caw peb tsoom hmoob thoob ntiaj teb los nrog nyeem ua ke saib nws yuav hais li zoo cas?

Nyob zoo mog............peb ib tsoom hmoob
nyob kom thoob...........hauv ntiaj teb no
kuv thov nrog...........peb sawv daws tham
los tuav xam............thiab hai nyob zoo
rau tsoom Hmoob..........tsoom niam tsoom txiv
kuv thov siv...............lub sij hawm no
hais mus txog..........rau peb tsoom hmoob
nyob kom thoob...........hauv ntiaj teb no
thov los nrog.............peb sib tuav teg
los mus leg............Huab Tais Tswv Ntuj
uas yog Ntuj...............li cov hauj lwm
yeej twb tshwm............rau peb lawm mog
txhob tog txog.........thaum tsi muaj caij
nyem no caij.......nyoog yeej tseem tshuav
thov tso phluav............koj txoj me kev
uas yog kev...........tseem teev dab qhuag
rov los xyuas..........rau txoj kev ntseeg
koj puas qee.............tau lub sij hawm
los mus kawm.............Tswv Ntuj cov lus
uas yog lus............hais kev thoob tsib
thov koj qhib............lub siab rau ntuj
Huab tais ntuj........tseem niaj hnub tos
koj tig los..........hloov lub siab tshiab
ntuj yuav qhia...........kom koj dim phluav
Cov koj tshuav.......ntawm ntxwj sib nyoog
thov tig mloog..........ntuj txoj cai qhia
thiaj yuav dhia........dhau txoj kev nyuaj
kev puam tsuaj...........yuav tsi los raug
me nyuam qaug.............rau hauv pes teb
los tsis chev......tauv nplooj ntsuab lawm
vim koj tawm.............dhau kev ua qhev
uas yog kev................ua neeb ua yaig
tseg tsi laig..............tsi ua nyuj dab
tsi ua vab...............ua plig npua tais
yeej tsi ntshai.............vij sub vij si
xws thaum i.............koj tseem teev dab
vim ntuj pab..........thiab nyob nrog koj
nws yuav coj..............koj txoj hau kab
txawm muaj dab.......hem los tsi poob Plig
vim koj ris.............ntuj tus ntoo cuam
los mus khuam..............rau hauv ku dab
nws yuav pab............thiab roos tau koj
vim koj coj..............txoj saw Mab Liab
los mus thiab............tiv thaiv txhuam yam
kuv tsuas tham.............ua lus sib dhos
txawm tsi yog............los thov zam txim
muab los lim...........rau peb tsoom hmoob
kom hnov thoob..........yog leej twg khaws
los mus raws.................li cov lus no
thov los nrog.............peb sib koom tes
cia tso tseg...........koj txoj kev txhaum
tig mus xyaum............txoj kev cai ncaj
nws yuav pab...............tau rau koj mog
txawm tias yog............koj tsi tau paub
vaj yawm saub......,........yog zoo li cas
kuv qhia tas...........yog Huab Tais Ntuj
Nyob saub Ub...,........yog tus tsim ntuj
Nyob nruab Ntuj........ tus tsim ntiaj teb
Nws kom peb................nyob ua ib npoj
los mus coj...............Nws cov lus Qhia
Nws thiaj cia.......,......leej Tub Yes Xus
nqeg los yug............rau hauv ntiaj teb
los cawm peb............leej neeg txoj sia
kom Nkauj Ntshiab........Mab Liab xeeb Nws
Mab Liab Nws..............yog Yes Xus niam
kuj yog niam..........Huab Tais Ntuj thiab
Nws tau pab.............Huab Tais Tswv Ntuj
leg tej txuj.............cawm ntiaj teb neeg
Ntuj thiaj qee.........Nws lub siab Ntshiab
los mus pab.................tu Tub Yes Xus
kom Yes Xus...............loj hlob tiav neej
Nws peem tsheej...............zoo xws li peb
tiam si peb..................tsi paub Yes Xus
Yes Xus mus.................tshaj lub moo zoo
tau ntau xyoo...............twb dhau los lawm
Nws yug tawm.............. nyob rau xyoo plaub
yog xyoo plaub............... uas Yes Xus yug
muab xam mus............twb tau ob txheeb xyoo
lub Moo Zoo..................ncha puv ntiaj teb
Yes Xus tseb...................Nws tej lus qhia
twb mus ncha.................rau txhia haiv neeg
luas twb ntseeg..........qos txhiab plhom leej
tshuav hmoob pheej........... tseem tsi tau paub
hmoob tseem maub.............rau txoj kev tsaus
vim tej laus..................Tseem tsi tau paub
Ntuj twb laub...............txiaj ntsim ntau ntau
los pub rau..................peb hmoob sawv daws
kom tig raws.................txoj kev cai tshiab
qhia kev nyiam....................mus txhua leej
nyob kom tsheej..............ua neeg sib hlub
noj sib pub..................thiab hau sib cev
nyob ua ke..................sib koom tuav tes
kom sib nres................sib hlub sib nyiam
kuv tsuas qhia..................li no rau koj
tsis to nrog..............thiab tsis nkag siab
thov koj thiab.............mus ntsib co ntseeg
yog cov ntseeg.................uas Kav Tos Liv
lawv li siv....................ib lub sij hawm
qhia koj kawm............thiab qhia rau koj mog
Ntawm no yog................tham txog dab xas tas
tej lus das................rau neeg ntiaj teb
kom nej peb................tsi txawj sib hlub
dab niaj hnub................ntxiag kom tib neeg
kom txhua leej..............mloog nws lus haub
ua nees thauj................ thiab ua dab qhev
los lawm ntev.................los nej tsi paub
kev cia caub................rau ntawm ntxwg nyoog
yog tig mloog..................mas yeej tu siab
thaum mob ntxhia...............thiab diag taub hau
yuav tsum sau.................poj qaib niam npua
coj mus tua...................hu neeb ua yaig
txawm tsi hais................los nej yeej paub
kev cia caub.................ntawm dab xas tas
yeej tsis dag..............,...li kuv hais no
Yog tsis rho..................me tsiag me ntxhuv
coj mus txhub.................txhaws thiab theej txhoj
ces yuav ploj.................thiab yuav tau tuag
yog koj xyuas................thiab ntsia kom zoo
mas ntxwj nyoog..................yog tus phem tshaj
niaj hnub daj..................thiab niaj hnub deev
yog koj seev...................ces yuav tau tuag
yog koj xyuas..................ces yuav tau dab
thaum raug dab.................ces muag nyuj twm
mus sam hwm......................rau tus txi neeb
kom nws txheeb.................koj me ntsuj duab
tiam si muab.................tsis tau ntsuj plig
nws hais tig....................ya yuav dev txaij
yuav npua txaij...................coj los tua rau
muab neej sau................tas los kho mob ntsaj
Los tsis kaj.................thiab tsi txawj nquas
kho neej pluas....................tas los tsi zoo
vim ntxwj nyoog...................yog tus tsim koj
muab xav zoj....................mas mob siab tshaj
vim tias dab....................yog tus tsim txom
thiaj muab txhom.................ua lus paj huam
hais tuaj tshuam.................rau sawv daws paub
kom txhob maub..................rau txoj kev tsaus
tsi txhob qaug...............rau ntxwj nyoog quav
yeej tseem tshuav................Huab Tais Yes Xus
nws yog tus......................yuav pab tau koj
thov tig hlo...................thiab rov tig lees
los mus ntseeg...............Huab tais Tswv Ntuj
Huab Tais Ntuj.................yuav tuav koj tes
Nws yuav nres..................ntawm koj lub neej
kom muaj yeej.................nyob kaj siab lug
cia tig mus................cuag Huab Tais Ntuj
Vaj Yes Xus................tseem niaj hnub tog
koj mog cov ..............me phooj ywg hmoob aw.

ZAJ PAJ HUAM TAS LI NO LAWM XWB.

THOV UA TSAUG RAU KOJ QEE KOJ LUB SIJ HAWM TUAJ NYEEM ZAJ PAJ HUAM NO. YOG MUAJ QHOV TWG TSI NKAS SIAB THOV NEJ TUAJ NTSIB PEB TXHUA TUS HAUV HMONGCATHOLIQUE PEB YUAV ZOO SIAB QHIA NEJ. KAWG NO THOV KOM HUAB TAIS NTUJ PUB NWS LUB TXIAJ NTSIM TUAJ RAU NEJ TXHUA TUS UAS TAU TUAJ NYEEM ZAJ LUS NO.

SAU NPE TUB LOS TUAM.

Cob Tsib teb.

Txiv Plig Cwj Vuam Chiv kho Tub Txawj Tuam zaj paj huam saum toj no tshiab, caw nej nyeem tau mus ntxiv:

Lus Paj Huam Tsham Kev Sib Cuag

PAJ HUAM CAW HAIV HMOOB THOOB NTUJ Hmoob_12

Nyob zoo mog..............peb ib tsoom hmoob
Mus nyob thoob...............hauv ntiaj teb no
Kuv thov nrog.............peb sawv daws tham
Ncauj lus tsham..............tuaj hais nyob zoo
Mus rau tsoom................niam tsoom txiv
Los nrog siv................lub caij nyoog no
Hais mus txog............rau peb tsoom hmoob
Ua neej thoob..................puv ntiaj teb no
Thov los nrog..................peb sib tuav teg
Sib pab leg.................Huab Tais Tswv Ntuj
Txiv Tswv Ntuj...................tes hauj lwm
Yeej twb tshwm............rau tib neeg lawm ntxov
Txhob kiam txog................tias tsi muaj caij
Teem lub caij...............nyoog yeej tseem tshuav
Tso lis phluav................koj txoj me kev
Txoj qub ke................tseem teev dab qhuag
Los nrog xyuas................txoj tshiab kev ntseeg
Tsuav koj teem ..................tau lub sij hawm
Los mus kawm...................Tswv Ntuj cov lus
Coj tau yus..................rau kev thoob tsib
Thov koj qhib...................lub siab rau ntuj
Huab Tais Ntuj.................tseem niaj hnub tos
Koj tig los................hloov lub siab tshiab
Tswv Ntuj txaus siab................pab koj dim phluav
Nuj nqes koj tshuav..............ntawm ntxwj sib nyoog
Tsuav koj tig mloog................Tswv Ntuj lus qhia
Koj thiaj dhia..................dhau txoj kev nyuaj
Kev puas tsuaj................yuav tsi nphav raug
Ua neej qaug..................rau hauv pem teb
Lwj ua nceb................npog nroj ntsuab lawm
Luag cawm koj tawm................dhau kev ua qhev
Txoj me kev................ua neeb ua yaig
Tseg ncua tsis laig................tsis ua nyuj dab
Tsis dov kauj vab................kauj plig npua tai
Yeej tsis ntshai................vij sub vij sw
Duab ntsuj duab xyw.............li tseem teev dab
Vim ntuj pab................hwj haum ncig yeev koj
Hwj xwm coj................koj txoj hau kab
Txawm muaj dab................hem los tsis poob plig
Vim koj ris................Huab Tais tus ntoo cuam
Cog ua vuam................txhos hloov ncej dab
Muaj txiaj ntsim pab...........tiv thaiv roos tau koj
Nco koob hmoov coj................teev saw Mab Liab
Ua neeg nplooj siab................tiv dhau txhua yam
Kuv tsuas tham................ua lus sib dhos
Txawm tsis yog................los thov zam txim
Coj los lim................tshau peb tsoom hmoob
Kom hnov thoob................yog leej twg khaws
Yeej mus raws....................li cov lus no
Thiaj tau thov................peb sib koom tes
Muab laim tseg..............koj txoj kev txhaum
Tig mus xyaum................txoj kev cai tshiab
Lam ntxov thawj thiab................tsis nkim dag zog
Txawm tias yog................koj tsis tau paub
Huab Tais saub................yog zoo li cas
Kuv thiaj qhia tag..............nco ntsoov lub ntuj
Huab Tais Tswv Ntuj................tus tsim lub ntuj
Huab Tais Tswv Ntuj................tus tsim ntiaj teb
Kom muaj peb...................nyob ua ib npoj
Teev hawm coj................Huab Tais lus qhia
Nws thiaj cia................nws Leej Tub Yes Xus
Nqeg los yug................rau hauv ntiaj teb
Xeeb li peb................ntawm nkauj xwb Mab Liab
Ntuj tus tshiab................tuaj tshaj xo qhia
Koj zoo nyiam................koj ua Yes Xus niam
Koj txawj tiam................coj peb lawv Yes Xus qab
Mus raws kab................yoog Huab Tais Tswv Ntuj
Leg tej txuj................cawm ntiaj teb neeg
Raws tus roj hnee.............taug lawv Yes Xus
Tus los hu................ntiaj teb tib neeg
Peem yug tsheej.................zoo xws li peb
Tiam si peb................tsis paub Yes Xus
Qhib ncauj lus................tshaj lub moo zoo
Ntau tiam xyoo................twb dhau los lawm
Nco tsis tawm................nws lub xyoo yug
Muab xam mus................tshaj ob txhiab xyoo
Lub Moo Zoo................ncha puv ntiaj teb
Yes Xus tseb................Nws tej lus qhia
Hla ntau tiam................rau txhia haiv neeg
Luag twb ntseeg................qos txhiab vam leej
Tshuav hmoob pheej................tseem tsis tau paub
Hmoob tseem maub................rau txoj kev tsaus
Vim tej luas................ib txwm tsis paub
Ntuj twb laub................txiaj ntsim ntau ntau
Los pub rau................peb hmoob sawv daws
Tus tig raws................txoj kev cai tshiab
Muaj kev kaj siab................rau tas txhua leej
Ciaj ib haiv neeg................ua neej sib hlub
Noj sib pub................thiab hau sib cev
Nyob ua ke................sib koom tuav tes
Kom sib nres................txawj sib tiam
Kuv tsuas qhia..................li no rau koj
Yog tshuav lo................tsis nkag koj siab
Koj ho nyiam................mus ntsib pab neeg
Yog cov ntseeg................npe Kav Tos Liv
Lawv li siv................teem koj sij hawm
Qhia koj kawm................tsis ntshai siv zog
Yuav pab tau koj................thim dab xas tas
Zaum caws vos tav................ntiaj teb tib neeg kev
Kom nej peb..................tsis txhob sib hlub
Dab niaj hnub................haub ntxias tib neeg
Tsis pub npeeg..................nws ib rooj ntxiab
Nrog xav thiab...................kev ua dab qhev
Los lawm ntev ................kav nej tsis lees paub
Kev cia caub................ntawm ntxwg nyoog
Yog tig mloog................muaj kev tu siab
Thaum muaj txiab................thiab diag taub hau
Yuav tsum sau................poj qaib me npua
Coj mus tua................hu neeb ua yaig
Txawm tsi hais................los nej yeej paub
Kev cia caub................ntawm dab xas tas
yeej yog tiag..................li kuv hais no
Yog tsis rho................poj qaib niam npua
Coj mus tua................thaiv thiab theej txhoj
Ces yuav ploj................thiab yuav raug tuag
Koj tig xyuas................thiab ntsia kom zoo
Tos neej nroo..............tim ntxwg nyoog phem tshaj
Niaj hnub daj................thiab niaj hnub deev
Ua koj kho siab seev.............cev ntaj duab qaug luj luas
Ua neeb xyuas................ces txawm pom dab
Tim pheej thab................thiaj yuav xuas nyuj twm
Tua pov hwm..................rau yawm txiv neeb
Tias dab txheeb................koj me ntsuj duab
Yog tsis muab................tsis tau koj ntsuj plig
Yuav ua cas thim ................tseev kom tau dev txaij
Ntxiv tus npua tai..................los tua txi rau
Muab neej kaus................pov khawv kho mob ntsaj
Neej tsis kaj................thiab tsis txawj nquas
Ntaim neej pluag................tas los tsi zoo
Raug dab khoo................dab tsim koj
Muab xav zoj................txaus chim siab
Pes tsawg tiam................raug dab tsim txom
Thiaj muab ntawv kos................ua lus paj huam
Hais tuaj tshuam................rau sawv daws paub
Kom txhob maub................taug txoj kev tsaus
Thiaj tsis qaug................rau dab quav
Tsuas kawg tshuav................Huab Tais Yes Xus
Li yog tus................yuav pab tau koj
Tig ntiag hlo................thiab tig ntiag lees
Los mus ntseeg................Huab tais Tswv Ntuj
Tus muaj txuj................yuav tuav koj tes
Tus yuav nres................tau koj lub neej
Kom muaj yeej................nyob kaj siab lug
Cia tig hlo mus................cuag Huab Tais Ntuj
Thiaj dim tau dab quj...........Leej Txiv Tswv Ntuj tseem tos
Ua hnub ua hmo................yuas cov me phooj ywg hmoob aw

Zaj paj huam tas li no xwb. Thov ua tsaug rau koj qee koj lub sij hawm tuaj nyeem zaj paj huam no. Yog tshuav qhov twg tsis nkag siab, thov nej tuaj ntsib peb txhua tus hau Hmongcatholique peb yuav zoo siab qhia nej. Kawg no, thov kom Huab Tais Tswv Ntuj pub nws lub txiaj ntsim tuaj rau nej txhua tus ua tau tuaj nyeem zaj lus no.

29.01.2012 Sau Npe : Tub Los Tuam Cob Tsib teb

Kho los ntawm:

Hmoob Kav Tos Liv Fab Kis Teb

Aumônerie Catholique des Hmong de France
- www.aumoneriehmong.fr

[/center]

**Tub Kawm** 4th February 2012, 9:09 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°6

Re: PAJ HUAM CAW HAIV HMOOB THOOB NTUJ

Post Tub Kawm 4th February 2012, 9:09 pm

Nyob zoo Niam hlob thiab TP CV. TP Thov ua Tsaug uas txiv plig pab kho kuv zaj paj huam og. Niam Hlob ua tsaug uas ua nws coj zaj paj huam TP kho tuaj tso pub peb tau nyeem og. Cia thaum twg kuv muaj sij hawm kuv mam rov sau tej zaj ntxiv. Thov kom HT Ntuj lub txiaj ntsim los nrog TP kom TP tus mob zoo. Mam sib ntsib dua.

**Maiv Tooj** 6th February 2012, 10:15 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°7

Re: PAJ HUAM CAW HAIV HMOOB THOOB NTUJ

Post Maiv Tooj 6th February 2012, 10:15 am

Txawj Tuam,

Ua li os nawb, yog xyeej thaum twg no ces ho rov sau dua zaj puav paj huam tuaj rau peb tau nyeem thiab. Yog thaum twg xyeej no peb tseem yuav muab koj zaj paj huam nov coj los ua video thiab kom sawv daws thiaj li hnov. Yog nyob ze mas ntshe twb yuav kom koj hais kiag mas ntshe haj yam yuav zoo.

**Maiv Tooj** 5th June 2012, 7:56 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: PAJ HUAM CAW HAIV HMOOB THOOB NTUJ

Post Maiv Tooj 5th June 2012, 7:56 pm

PAJ HUAM CAW HAIV HMOOB THOOB NTUJ Captu104

1

Nyob zoo mog----------------------peb ib tsoom hmoob
Mus nyob thoob-------------------------hauv ntiaj teb no
Rau tag nrho--------------------------ib tsoom yawg pog
Kuv thov nrog----------------------peb sawv daws tham
Ncig tuaj tsham------------------------nej puas nyob zoo
Kuv thov nroo---------------------------xa lus tuaj koom
Rau ib tsoom-------------------------yog niam thiab txiv
Los nrog siv----------------------------lub caij nyoog no
Nrhiav kev kho---------------------koom tswv yim nrog
Hais mus txog---------------------rau peb tsoom hmoob
Tawg mus thoob-------------------------puv ntiaj teb no
Rau tag nrho---------------------------cov paub tsis txog
Thov los nrog----------------------------peb sib tuav teg
Sib pab leg-------------------------Huab Tais Tswv Ntuj
Nws tej txuj--------------------------------tej lus tsim nuj
Txiv Tswv Ntuj-------------------------tes me hauj lwm
Yeej xeeb tshwm------------------rau neeg lawm ntxov
2
Kuv thiaj thov-----------------------nej sawv nawb mog
Txhob kiam txog------------------------tias tsi muaj caij
Sij hawm laij--------------------tsham zoov tsham tsuag
Yaum kwv luag-----------------------tsis txhob mus laij
Teem lub caij------------------nyoog yeej tseem tshuav
Tso lis phluav----------------------------koj txoj me kev
Ua dab qhev------------------------------pub rau dab qhe
Txoj qub ke------------------------tseem teev dab qhuas
Los nrog xyuas--------------------txoj tshiab kev ntseeg
Tswv ntuj teeg--------------------------txuj ci ncaj ncees
Muab cob ntsees---------------------rau peb txhua feem
Kom koj teem---------------------------tau lub sij hawm
Los mus kawm------------------------Tswv Ntuj cov lus
Coj tau yus-----------------------------rau kev thoob tsib
Thov koj qhib----------------------------lub siab rau ntuj
Huab Tais txuj-----------------------tseem niaj hnub tos
Koj tig los---------------------------hloov lub siab tshiab
Ntuj txaus siab-----------------------pab koj dim phluav
Nqes koj tshuav-----------------ntawm ntxwj sib nyoog
Tsuav tig mloog----------------------Tswv Ntuj lus qhia
Koj thiaj dhia------------------------dhau txoj kev nyuaj
Kev puas tsuaj-----------------------yuav tsi nphav raug
Ua neej qaug----------------------------rau hauv pem teb
Lwj ua nceb----------------------npog nroj ntsuab lawm
Cawm koj tawm-----------------------dhau kev ua qhev
Txoj me kev------------------------------ua neeb ua yaig
Tsis txhob laig----------------------------tsis ua nyuj dab
Dov kauj vab---------------------------kauj plig npua tai
Yeej tsis ntshai------------------------------vij sub vij sw
Duab ntsuj xyw-------------------------li tseem teev dab
3
Vim ntuj pab-------------------------nroos ncig yeev koj
Hwj xwm coj-----------------------------koj txoj hau kab
Txawm muaj dab---------------------hem tsis poob plig
Koj twg tig------------------------------sawv los nrog lis
Vim koj ris-------------------------Huab Tais ntoo cuam
Cog ua vuam-----------------------txhos hloov ncej dab
Txiaj ntsim pab-------------------------tiv thaiv roos koj
Nco ntsoov coj-----------------------teev saw Mab Liab
Ua nplooj siab------------------------tiv dhau txhua yam
Kuv tsuas tham----------------------------ua lus sib dhos
Thov txhob nros-----------------------qhib lub siab nrog
Txawm tsis yog------------------------los thov zam txim
Coj lus lim----------------------tshau peb tsoom hmoob
Kom hnov thoob---------------------yog leej twg khaws
Yeej mus raws------------------------------li cov lus nov
Thiaj tau thov---------------------------peb sib koom tes
Sawv los nres--------------------------raws tswv ntuj leg
Muab laim tseg----------------------koj txoj kev txhaum
Tig mus xyaum------------------------txoj kev cai tshiab
Ntxov thawj thiab----------------------tsis nkim dag zog
Txawm tias yog-------------------------koj tsis tau paub
Huab Tais saub-----------------------------yog zoo li cas
Nej xeev ras-------------------------txhob ntseeg lus dag
Thiaj qhia tag---------------------nco ntsoov tshiab txuj
Huab Tais Ntuj---------------------------tus uas tsim nuj
Nws coj txuj-----------------------muaj kuab cawm seej
Coj peb neej------------------------------rau kev kaj siab
Mus ntuj tshiab-------------------------txoj kev tsim nuj
Huab Tais Ntuj--------------------------tus tsim ntiaj teb
Kom muaj peb----------------------------nyob ua ib npoj
4
Teev hawm coj-----------------------Huab Tais lus qhia
Nws thiaj cia---------------------------Leej Tub Yes Xus
Cev nws lus-------------------------------coj nws teej tug
Nqeg los yug---------------------------rau hauv ntiaj teb
Xeeb li peb-------------------------nkauj xwb Mab Liab
Ntuj tus tshiab...........--------------.....los tuaj nrog tiam
Koj zoo nyiam............-------------.... ua Yes Xus niam
Kev teev tiam.........--------------.......lawv Yes Xus qab
Mus raws kab..........--------......yoog nraim Tswv Ntuj
Leg tej txuj..........--------------......cawm ntiaj teb neeg
Kev coj ntseeg------------------------raws txoj kev teev
Soj tus hnee...........-----------------..taug lawv Yes Xus
Tsuj los mus-----------------------------tsis tseev kom tu
Tus los hu.............--------------------...ntiaj teb tib neeg
Kom sawv ntseeg-------------------thiaj nrog muaj neej
Peem yug tsheej..........--------------.......zoo xws li peb
Neeg ntiaj teb-------------------------yeej txawv tsis deb
Tiam si peb..............-----------------..tsis paub Yes Xus
Qhib ncauj lus........-------------........tshaj lub moo zoo
Ntau tiam xyoo........-----------........twb dhau los lawm
Tseem teev hawm........----------.......nws lub xyoo yug
Yeej coj pug---------------------------ua koob ua hmoov
Tsis txawv hloov------------------------nws yug xyoo ib
Mam suav pib-------------------------khaws ua ntuv zus
Muab xam mus...........---------.....tshaj ob txhiab xyoo
Lub Moo Zoo............--------------....ncha puv ntiaj teb
Yes Xus tseb............-----------------....Nws tej lus qhia
Muaj ib txhia----------------------------yeej tso kav liam
Hla ntau tiam............-------------....rau txhia haiv neeg
Luag thiaj ntseeg..........--------......qas txhiab vam leej
5
Tshuav hmoob pheej.......----.........tseem tsis tau paub
Hmoob tseem maub........-------........rau txoj kev tsaus
Vim tej laus............----------------....ib txwm tsis paub
Ntuj twb laub..........-------------......tso txiaj ntsim ntau
Los pub rau...........-----------.....peb hmoob sawv daws
Kom tig raws............--------------....txoj kev cai tshiab
Kev kaj siab.............-----------------...rau tas txhua leej
Kom peem tsheej--------------------txoj los nrog ntseeg
Ciaj haiv neeg..........----------------......ua neej sib hlub
Noj sib pub............--------------------....thiab hau sib ce
Nyob ua ke.............-----------------...sib koom tuav tes
Kom sib nres.........-------------------.......txawj sib tiam
Tej txiv niam-------------------------coj mus khaws cia
Kuv tsuas qhia..........------------------........li no rau koj
Los nrog soj.............---------------...yog tsis nkag siab
Phais lub ntsiab-----------------------txoj kev teev tiam
Koj ho nyiam............------------....mus ntsib pab neeg
Yog cov ntseeg.........-------------.......npe Kav Tos Liv
Lawv li siv..............----------------..teem koj sij hawm
Qhia koj kawm.......----------.........txhob ntshai siv zog
Kawm kom txog-----------------------koj thiaj paub coj
Yuav pab koj............----------------....thim dab xas tas
Tos luag tha--------------------------luag tuaj nrog npav
Zaum tsaws tav..........------------......ntiaj teb neeg kev
Ua nws qhev--------------------------mus thoob ntiaj teb
Kom nej peb..............-------------....tsis txhob sib hlub
Dab niaj hnub...........-----------.....haub ntxias tib neeg
Tsis pub npeeg.........-----------.........nws ib rooj ntxiab
Nrog xav thiab........------------...........kev ua dab qhev
Los lawm ntev ..........-------------......nej tsis lees paub
6
Kev cia caub............-------....ntawm ntxwg xib nyoog
Yog tig mloog.............---------------...muaj kev tu siab
Thaum muaj txiab.......-------.........thiab diag taub hau
Yuav tsum sau............--------------....poj qaib me npua
Coj mus tua............-------------------....hu neeb ua yaig
Cov ntsoov laig-------------------------tua noj txhua tais
Txawm tsi hais..........--------------......los nej yeej paub
Kev cia caub............---------------....ntawm dab xas tas
Nws txawj npas------------------------tsis pom nws kiag
yeej yog tiag.........-------------------.........li kuv hais no
Yog tsis rho...........---------------.....poj qaib niam npua
Coj mus tua.............------------...thaiv thiab theej txhoj
Ces yuav ploj...............................thiab yuav raug tuag
Tig los zuag----------……….-----txog lus qhuab ntuas
Koj tig xyuas.................................thiab ntsia kom zoo
Tos neeg nroo........................ntxwg nyoog phem tshaj
Niaj hnub daj...............................thiab niaj hnub deev
Kho siab seev....................................qaug zog luj luas
Ua neeb xyuas..............................ces txawm pom dab
Tim pheej phab...........---------.....thiaj xuas nyuj twm
Tua pov hwm..............----------....rau yawm txiv neeb
Tias dab txheeb........-----------........koj me ntsuj duab
Yog tsis muab............--------------....tsis tau ntsuj plig
Thiaj yuav tig---------------------------pab koj kom dim
Yog yuav thim .........------------.......yuav tsum tau dev
Los thaiv kev---------------------------dab thiaj li ntshai
Ntxiv npua tai...........---------------.......los tua txim rau
Thiaj yuav dhau--------------------txoj kev ntxhov siab
Nws thiaj ntiab-------------------dab tawm ntawg nraus
Muab neej kaus...........----------.....pluag tag mob ntsaj
7
Neej tsis kaj..............-----------..thiab tsis txawj nquag
Ntaim neej pluag.......---------------.........tas los tsi zoo
Raug dab khoo.........---------------.......dab tau tsim koj
Muab xav zoj...........------------.....mas txaus chim siab
Neej tsaus nciab--------------------txom nyem lwj liam
Pes tsawg tiam.............-----------...raug dab tsim txom
Ntshua ntawv com-----------------------los pauj dab tag
Raug dab dag--------------------------ua npau suav ntos
Muab ntawv kos..........-------------......ua lus paj huam
Hais tuaj tshuam.........-------.......rau sawv daws paub
Kom txhob maub.......--------.........taug txoj kev tsaus
Lawv tej laus-------------------------zog thiaj tsis ntaug
Thiaj tsis qaug............--------------....mus ua dab quav
Tsuas kawg tshuav.....------...........Huab Tais Yes Xus
Li yog tus..............--------------------..yuav pab tau koj
Tig los soj.............--------------------...thiab tig los lees
Lus cob ntsees---------------------ntawm tus tswv neeg
Los mus ntseeg...........---------.....Huab tais Tswv Ntuj
Tus muaj txuj............---------------....yuav tuav koj tes
Nws yuav nres..........----------------......tau koj lub neej
Kom muaj yeej..........-------------......nyob kaj siab lug
Nrog muaj tug--------------------------tswv ntuj cov lus
Tig hlo mus.............------------...cuag Huab Tais Ntuj
Kev tsim nuj...........------------......tswv ntuj tseem tos
Thov tig los------------------------------taug txoj kev do
Ua hnub hmo..........---------------......tos nej phooj ywg
Ncauj cuag ntswg-----------------thov nrhiav kev tawm
Txog sij hawm--------------------------taug kev kaj siab
Nrhiav neej tshiab----------------thiaj tsis nyuab mog./.

( xaus li no )

Tus sau: Ham Txawj Tuam ,
Cob Tsib teb 2011
Tus kho thiab ntxiv: Vaj Nruas,
Radio HmongWord,
Wisconsin, USA
02/06/2012

PAJ HUAM CAW HAIV HMOOB THOOB NTUJ Photof11

**Tub Kawm** 23rd June 2012, 4:56 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°9

Re: PAJ HUAM CAW HAIV HMOOB THOOB NTUJ

Post Tub Kawm 23rd June 2012, 4:56 pm

Nyob zoo N hlob, thov ua tsaug rau nws tau muab kuv zaj paj huam rau Kws Txuj Vaj Ntxoov Nruas kho og, yeej khov tau zoo kawg li lawm. Thov ua tsaug ntau rau tij laus Vaj Ntxoov Nruas nawb. N hlob Yog maiv paj neb ua tau no ces pab dho duab rau peb tau saib thiab mloog og. Yog neb tsi muaj sij hawm no kuv mam hais ua suab lus nrog paj nruas, mam xa tuaj rau nej pab dho duab og nawb.

**Maiv Paj Lug** 29th June 2012, 10:33 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°10

Re: PAJ HUAM CAW HAIV HMOOB THOOB NTUJ

Post Maiv Paj Lug 29th June 2012, 10:33 pm

Maiv Tooj, kuv ua tau nkawv zaj pajhuam nrog yas suab lawm.......seb cia koj ua video los cia kuv ua, kuv mas tso hauv youtube tsis yooj yim yog tso duab ntau, yog koj cia kuv ua ces kuv kawg tso tsawg tsawg duab xwb thiaj tso tau youtube.

Pab kuv rov los cuag koj Huab Tais Yesxus

**NrhiavTswvNtuj** 10th July 2012, 12:10 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°11

Re: PAJ HUAM CAW HAIV HMOOB THOOB NTUJ

Post NrhiavTswvNtuj 10th July 2012, 12:10 pm

Paj huam caw Hmoob thoob teb

PAJ HUAM CAW HAIV HMOOB THOOB NTUJ 48639587parousie-over-blog-fr-poisson-croix-coeur-gif

Tus plig yim mus siab lub cev yim nyiaj mob
Tus plig yim ntshiab huv lub cev yim uv luag
Tus plig yim nyob ze Tswv Ntuj lub cev yim txom nyem
Tswv Ntuj tsom kwm koj vim koj yog tus neeg siab ntshiab
Tswv Ntuj txhais tes tsa rawv saum koj taub hau,
Vim koj ntshiab saum taub hau ti nkaus ko taw.

**Maiv Paj Lug** 14th July 2012, 11:11 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°12

Re: PAJ HUAM CAW HAIV HMOOB THOOB NTUJ

Post Maiv Paj Lug 14th July 2012, 11:11 pm

Wow....Maiv Tooj, koj muab zaj paj huam dhos tau duab zoo kawg li lawm os :D59

Zaum no peb sib koom tes ua tau zoo kiag li qhov xav tau lawm lauj

.....Ua tsaug rau Tus sau zaj paj huam, tus kho, tus muab suab thiab tus dhos duab, peb txoj kev sib koom tes ces yog zoo li no, ib leeg ua ib yam ces yuav ua tau zoo.

Cov duab los zoo tiag tiag, pom txhua leej txhua tus ntsej muag luag nyav...hehehe txoj paj huam ntev kawg kiag li nawb <img src=

" longdesc="84" /> ...tiam sis zoo mloog kawg, zaum twg rov qab mloog los yeej khaws tau yam tshiab li ntag nawb

Pab kuv rov los cuag koj Huab Tais Yesxus

**Tub Kawm** 15th July 2012, 12:48 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°13

Re: PAJ HUAM CAW HAIV HMOOB THOOB NTUJ

Post Tub Kawm 15th July 2012, 12:48 pm

Nyob zoo N hlob thiab M paj, ua tsaug rau neb txoj kev tshaj lij og nawb. Cas neb yuav muab kuv zaj paj huam dho tau suab, thiab ua Vidao zoo kawg li lawm. Zaum no peb sawv daws sib koom teg ib leeg nqa ib qho, ib leeg ntxiv ib los coj log txhim kho peb lub vas sab no yuav nto moo zuj zug. Thov kom Tswv Ntuj txhais teg tuav rawv peb lub vas sab no kom muaj zoo mus lawm tom ntej.