Hmoob Kav Tos Liv lub tsev paj huam

**Tub Kawm** 30th December 2012, 7:24 am

Tub Kawm: Phooj Ywg; Messages : 375
Date d'inscription : 2011-10-13

Post n°1

Hmoob Kav Tos Liv lub tsev paj huam

Post Tub Kawm 30th December 2012, 7:24 am

NYOB ZOO TSOOM PHOOJ YWG SAWV DAWS, NTAWM NO YOG PEB HMOOB CATHOLIC LUB TSEV SAU PAJ HUAM, THOV CAW NEJ TUAJ MUS NYEEM LAUG HNUB NYOOG OG. THIAJ YOG NEJ MUAJ LUS PAJ HUAM XAV TXHAWB NQA PEB LUB TSEV HMONG CATHOLIQUE NO, KUV THOV CAW NEJ TUAJ MUAB SAU RAU HAUV CHAV NO KOM NYOB UA KE TAS NRHO RAU CHAV NO XWB, KOM PEB SAWV THIAJ TAU NYEEM, THIAB NRHIAV YOOJ YIM OG NAWB. * ZAJ PAJ HUAM CEV LUS*

* ZAJ PAJ HUAM CEV LUS*

Ntawm no yog------------------hmoob Kav Tos Liv
lub tsev siv--------------------hauj lwm thoob ntuj
Tuaj kawm txuj-------------------hais lus paj huam
Xa mus tshuam-------------rau hmoob thoob ntuj
Yog khaws txuj-----------------cawm neeg txoj sia
Tuaj nthuav qhia--------------rau sawv daws paub
Tias yawm saub-------------------Nws yog leej twg
Cov phooj ywg----------------------peb lub tsev no
Yog tuaj kho--------------------cov neeg raug mob
Thiab tuaj cob-------------------cov neeg tsi sawm
Kom lawv txawj-------------------tig los hloov siab
Qhia kev nyiam----------------tuaj rau sawv daws
Kom tig raws----------------------ntuj txoj cai qhia
Yuav tuaj piav-----------------txog ntuj keeb kwm
Xa kom tshwm--------------------rau hauv cab sab
Xa tuaj pab-------------------cov neeg quaj ntsuag
Xa mus xyuas---------------------cov neeg rau mob
Kom lawv txhob----------------------tas kev cia siab
Thiaj li kiab-------------------thiab kev qhuab ntuas
Coj mus qhuab-------------------------cov tsi sib hlub
Xa tuaj pub----------------------rau cov tshaib nqhis
Yog cov nqhis----------------------txog txoj kev ncaj
Xa tuaj kaj------------------------sawv daws lub siab
Kom hnub qab------------txhob poob kev txhaum
Ntxwj nyoog caum----------------thiaj tsi cuag peb
Kom nej peb---------------------------tau kev si fim
Xav tswv yim------------------nrhiav tus cawm seej
Qhia txhua leej----------------kom paub Tswv Ntuj
Neeg thoob ntuj----------------sawv daws tau hno
Kom lawv rov---------------------nrog Tswv Yes Xus
Thiab los mus----------------------taug Nws txoj kev
Nyab xeeb them--------------------uas nyob kaj lug.

Ntawm no mus---------------------yog kev sib tham
Txog txhuam yam----------------uas peb sawv daws
Tau tuaj khaws-----------------------hauv vas sab no
Yuav tsum nco--------------------ntsoov peb cov lus
Txhob sau tshum-------------txog txoj kev ua phem
Coj mus tshem----------------------lwm tus lub neej
Sau qhov meej--------------thiab qhov tseem ceeb
Coj mus teeb-------------------------tum ua ib pawg
Kom sawv daws----------------thiaj tau tuaj nyeem
Thaum lawv peev---------------------tau peb cov lus
Lawv coj mus-------------------xyaum kho lub neej
Uas lawv pheej-----------------mus xyaum tsis zoo
Lawv thiaj yoog-----------------peb tus yam ntxwv.

Cov me kwv---------------------nrog rau cov muam
Kuv Txawj Tuam-------------------thov hais rau nej
Yog tias nej-----------------------xav tuaj sau ntawv
Thov nej sawv-----------------daws nyeem txoj cai
Ua ntej ntshai--------------------yuav zoo dua mog
Thiaj tuaj nrog--------------------peb koom sau tau
Thaum nej sau--------------------yuav tsi yuam kev
Kuv thiaj cev------------------------------cov lus li no
Lub tsev yog----------------------txhim sau Ntuj lus
Yog coj mus-----------------------tshaj lub Moo Zoo
Kom pla thoob--------------------mus puv ntiaj teb
Tsi yog peb------------------------------lub tsev ua si
Kuv thiaj li----------------------tau muab hais tawm
Muab tham ntxaws------------------ua lus sib dhos
Coj los ntos---------------------rau sawv daws paub
Ntawm no laub--------------------kuv thov caw nej
Yog tias nej------------------------muaj lus paj huam
Thov muab cuam-------------------rau hauv chav no
Thiab tuaj nrog--------------------kuv xyaum sau og
Tsoom npoj yaig kwv luag hmoob hmov tshua tag nhro...!

Sau hnub 31-12-2012