Thov Ntuj 9 lub hlis rau Fab Kis teb thiab nws cov me nyuam

Yam li twb tau muaj dua los uas nyob Pologne teb, tau muaj teeb meem koom tsha xyoo 1966, Tswv Qhia Wojtyla thiaj li kom sawv daws sib koom teev Ntuj 9 lub xyoo rau lub teb chaws, thaum 1970-79 uas yog Txiv Vaj Qhia Zam Paj Lug 2 ua tus los xaus qhov kev teev Ntuj zaum no. Kuj txhais tau tias lub txiaj ntsim lawv tau teev Ntuj 9 lub xyoo no yog tau Txiv Vaj Qhia Zam Paj Lug 2 uas yog tus Tswv Qhia Wojtyla tus kheej ntag; yam tsis tau muaj dua hauv keeb kwm los thiab kuj ua rau lub teb chaws Pologne no dim ntawm koom tsha kev caij tsuj los ua lub teb chaws ywj pheej.

Kuj muaj ntau zaus teeb 9 hnub rau ib qho yus xav daws los xav tau.

Caw sawv daws tuaj sau npe hauv daim ntawv no, pib hnub tim 15-11-2014 nov mus txog rau 15-08-2015.

http://www.laneuvaine.fr/meditation-du-cardinal-barbarin/

Chaw sau npe:

http://www.laneuvaine.fr/je-minscris/

- Zaj thov Ntuj nrog yus cov zaj teev, teev Saw Mab Liab los tau, teev 10 zaj sawv Mab Liab xwb los tau, teev li cas los tau tsuas yog teev ib hnub ib zaug.

- Nyeem zaj thov Ntuj uas lawv xa tuaj txhua hnub

- Yoo mov thawj Hnub Rau hauv lub hlis rau kuv lub teb chaws (first Friday of the month, premier vendredi du mois ).

www.laneuvaine.fr/meditation-du-cardinal-barbarin/

Zaj thov Ntuj, lawv tso rau qhov nov txhua hmo kom tau siv rau hnob qab.

http://www.laneuvaine.fr/

Nyob zoo N hlob, ua tsaug rau nej lub teb chawg muaj kev ywj pheej, vim yog nej muaj kev teev ntuj ntau ntau pab rau lub teb chaw.
Thov nej txhua tus rau siab hais cov zaj teev Ntuj xws N hlob tso saum.
Peb tsi paub ntawv Fab kis, ntawv mes kas ces peb yuav nrog tsi tau nej hais cov zaj thov ntuj lawm.

Thov kom sawv daws kub siab teev ntuj nawb.

Nyob zoo Tub Kawm,

Kev teev Ntuj rau ib lub teb chaws thiab muab lub teb chaws txi rau Niam Mab Liab mas yog ib qho txiaj ntsim loj heev; yam li thaum Niam Mab Liab tshwm sim nyob Fas Tis Mas, NWS tau hais kom muab Lav Xias teb txi rau NWS; tab sis lawv tsis txi ces Lav Xias thiaj li ua koom tsha ua rau ntiaj teb kub ntxhov, ua rau neeg txom nyem thiab tuag coob kawg nkaus. Thaum Vaj Qhia Zam Paj Lug 2 los ua Vaj Qhia, nws thiaj li muab teb chaws Xaus Viaj no txi rau Niam Mab Liab, ces thiaj li tau hloov kev tswj hwm, thiaj li tso ntau lub teb chaws dim ntawm koom tshas kev tswj kav.

Txawm nej tsis paub ntawv fab kis los nej xav nrog peb teev Ntuj rau peb lub teb chaws ces nej tsuas teev Saw Mab Liab los teev lwm yam los tau li txhua hnub thiab yoo mov thawj Hnub Rau hauv lub hlis xwb.

N hlob, yog teev saw Mab Liab xwb mas peb kuj paub teev thiab, cia peb mam nrog nej koom teev kuj tau.
Hais txog kev teev ntuj mas muaj zog heev, yog sawv daws kub siab lug thov mas yeej yuav tau raws li yus lub siab thov ntawm Tswv Ntuj.
Vim Tswv Ntuj yog tus hlub neeg tas nrho. Tswv Ntuj xav pab kom neeg dim ntawm txoj kev ua tsau ntuj nti, los nyob hauv Nws lub teb chaw kaj siab lug.