HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


COV ZAJ NYEEM NRUAB LIS PIAM XYOO A 2019-2020 Empty

Latest topics

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO A 2019-2020

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty COV ZAJ NYEEM NRUAB LIS PIAM XYOO A 2019-2020

    Post  Mim on 2nd December 2019, 10:23 am

    TIM 2 LUB 12 HLIS 2019

    Hnub Ob Lis Piam Ib Caij Tos Huab Tais Xyoo A Nruab Lis Piam Xyoo II

    Zaj Nyeem Ib: HX 4: 2-6


    2 Hnub ntawd, HUAB TAIS tus kaus hlav tuaj yuav zoo nkauj thiab yuav nto koob meej, lub txiv hauv lub teb chaws yuav ua kom cov His Xas Lais uas dim rov los tau ntsej muag thiab muaj koob meej. 3 Tus uas tseem muaj txoj sia nyob saum Xis Yoos, thiab tus uas tseem ciaj sia nyob hauv Yes Lus Xas Les yuav tau lub npe hu ua neeg ntshiab: yog tas txhua leej txhua tus uas muaj npe sau tseg tias nyob hauv Yes Lus Xas Les mus tas ib sim neej,.
    4 Thaum Huab Tais ntxuav cov ntxhais Xis Yoos tej kev phem kev qias pov tseg tas, thiab yaug cov ntshav nyob hauv Yes Lus Xas Les kom dawb huv tuaj tas nyob hauv txoj kev txiav txim ncaj thiab txoj kev muab hlawv pov tseg tas lawm, 5 ces HUAB TAIS yuav tsim rau txhua qhov chaw huv si saum lub roob Xis Yoos thiab saum qhov chaw sawv daws tuaj sib txoos ua ke, ib twv huab thiab ib co pa taws thaum yav nruab hnub, thiab ib lub cub tawg cig nplaim pom kev lam lug thaum hmo ntuj, kom Huab Tais lub koob meej ua lub kaus roos thiab txuag tas txhua leej; 6 nws yuav ua ntxoov ntxoo roos tshav ntuj kub thaum nruab hnub, thiab yuav ua chaw nkaum thiab thaiv kom txhob raug nag xob nag cua.

    NPN 122: 1-2, 3-4B, 4CD-5, 6-7, 8-9

    Txais: Nej tuaj peb zoo siab hlo mus pem Huab Tais tsev

    Kuv zoo siab vim lawv hais rau kuv tias:.
    "Peb yuav nce mus lawm pem Huab Tais tsev.”
    Nim no, peb txhais taw twb tau tsuj
    sab hauv koj cov rooj loog lawm, Yes Lus Xas Les

    Txais: Nej tuaj peb zoo siab hlo mus pem Huab Tais tsev

    Yes Lus Xas Les raug txhim los zoo li
    ib lub Nroog uas zoo tau xwm yeem.
    Cov xeem neeg nce mus pem Yes Lus Xas Les,
    Yog Huab Tais cov xeem neeg

    Txais: Nej tuaj peb zoo siab hlo mus pem Huab Tais tsev

    Lawv nce mus raws li txoj cai qhia rau His Xas Lais,
    Kom tau ua tsaug rau Huab Tais lub Npe.
    Nyob ntawd muaj ib co rooj txiav txim teeb tau tseg,
    Yog cov rooj cia rau Das Vis tsev neeg.

    Txais: Nej tuaj peb zoo siab hlo mus pem Huab Tais tsev

    Nej thov ntuj kom muaj kev thaj yeeb nyob Yes Lus Xas Les!
    Kom cov neeg uas nyiam koj tsuas muaj kev vam meej!
    Kom muaj kev thaj yeeb nyob sab hauv koj cov ntsa loog,
    Kom kev vam meej nyob hauv koj cov vaj tsev.

    Txais: Nej tuaj peb zoo siab hlo mus pem Huab Tais tsev

    Vim kuv cov txheeb ze thiab kuv cov phooj ywg,
    kuv yuav foom rau koj tias: “Kom kev thaj yeeb nyob hauv koj!”
    Vim muaj Huab Tais peb tus Tswv Ntuj lub tsev nyob hauv koj,
    Kuv yuav thov ntuj kom koj tsuas tau qhov zoo.

    Txais: Nej tuaj peb zoo siab hlo mus pem Huab Tais tsev

    As Les Lus yas: NPN 80: 4


    Txais: As les lus yas, as les lus yas.

    Thov koj tuaj cawm peb mas, Huab Tais, peb tus Tswv Ntuj;
    Cia koj lub ntsej muag ci tuaj rau saum peb, ces peb yuav tau txais kev cawm.

    Txais: As les lus yas, as les lus yas.

    Ntawv Moo Zoo: MT 8: 5-11


    5 Thaum Yes Xus mus rau hauv Kas Fas Naus, ib tug xab txheeb txav los ze Yes Xus, nws thov tias : 6 "Huab Tais, kuv tus tub txib pw tom tsev, nws tes taw tuag tas, nws mob txom nyem kawg." 7 Yes Xus hais rau nws tias : "Kuv yuav mus kho nws kom zoo." 8 Tus xab txheeb teb tias : "Huab Tais, kuv tsis tsim nyog koj chaws los hauv kuv lub qab ru tsev, tsuav yog koj hais ib lo lus xwb ces kuv tus tub txib yuav zoo hlo. 9 Vim tias kuv kuj yog ib tug neeg zwm rau tus loj dua kuv, kuv kuj muaj ib co tub rog zwm rau kuv thiab. Yog kuv hais rau ib tug tias : 'Koj mus !' nws cia li mus, kuv ho hais rau lwm tus tias : 'Koj los,' nws kuj cia li los. Kuv hais rau kuv tus tub txib tias : 'Koj ua qhov no !' nws cia li ua." 10 Yes Xus hnov nws hais li ntawd, Yes Xus qhuas kawg. Nws hais rau cov neeg raws nws qab tias : "Kuv hais tseeb rau nej, kuv tsis tau pom ib tug neeg ntseeg npaum li ntawd nyob hauv cov His Xas Lais li. 11 Kuv hais rau nej tias, yuav muaj neeg coob tuaj Toob Fab thiab Xib Fab tuaj nrog Has Nplas Has, His Xas Has thiab Yas Kos lawv noj rooj qav hauv Ntuj lub Ceeb Tsheej.“


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 2nd December 2019, 1:50 pm

    TIM 3 LUB 12 HLIS 2019

    Hnub Peb Lis Piam Ib Caij Tos Huab Tais Xyoo A Nruab Lis Piam Xyoo II

    Hwm LN Francis Xavier, ua Leej Choj

    Zaj Nyeem Ib: HX 11: 1-10


    Hnub ntawd,
    1 Ib tug ntsuag yuav hlav ntawm Yes Xes lub hauv paus tuaj, ib tug ces yuav tuaj ntawm nws cov cag tuaj. 2 HUAB TAIS lub tswv yim yuav nyob rawv saum nws. Yog ib lub tswv yim thoob tsib thiab muaj kev to taub, ib lub tswv yim pab xav tom ntej tom qab thiab muaj zog, ib lub tswv yim paub txuj thiab hwm HUAB TAIS. 3 Nws lub siab yuav xib mus rau txoj kev hwm HUAB TAIS. Nws yuav tsis txiav txim raws li qhov muag pom sab nraud, nws yuav tsis txiav raws li hnov lus moo cua hais. 4 Nws yuav txiav txim ncaj rau cov pluag txom nyem, nws yuav phua raws kev haum pheej rau cov neeg me nyob hauv lub teb chaws. Nws yuav siv rab nplawm ntawm nws qhov ncauj los ntaus lub ntiaj teb, nws yuav siv cov pa ntawm nws di ncauj los tua cov neeg lim hiam. 5 Kev ncaj yuav yog nws txoj siv sia duav, kev pheej xeeb yuav yog nws txoj siv sia ntawm ntsag.
    6 Tus hma yuav nrog tus thav yaj nyob ua ke, tus tsov pom txwv yuav nrog tus thav tshis pw. Tus xyuas nyuj, tus thav tsov ntxhuav, thiab tus tsiaj rog yuav mus ua ke, ib tug me nyuam yuav coj lawv kev. 7 Tus maum nyuj thiab tus dais yuav nog zaub, nkawd cov me nyuam yuav pw ua ke; tus tsov ntxhuav yuav noj quav nyab xws li tus heev nyuj. 8 Tus me nyuam noj mis yuav ua si nyob ntawm nab qhov chaw, tus me nyuam cais mis lawm yuav cev tes rau hauv nab muaj taug lub qhov. 9 Yuav tsis muaj ua kom mob tsis muaj ua kom pus nyob saum tas kuv lub roob ntshiab, vim kev paub HUAB TAIS yuav nyob puv tas teb chaws, ib yam li dej puv lub hiav txwv.
    10 Thaum txog hnub ntawd, Yes Xes tus cag yuav yog ib lub cim rau cov haiv neeg; cov pej kmj neeg yuav tuaj nrhiav nws, vim nws lub vaj tse yuav nto moo lug.

    NPN 72: 1-2, 7-8, 12-13, 17

    Txais: (7) Kev ncaj yuav tawg paj thaum lub caij nws ua vaj
    yuav muaj kev thaj yeeb lug tsis txawj kawg.

    Tswv Ntuj, pub koj txoj kev haum pheej rau tus vaj,
    Thiab pub koj txoj kev ncaj rau vaj ntxwv tus tub;
    Nws thiaj yuav tswj koj haiv neeg raws kev ncaj
    thiab cov neeg me raws kev haum pheej.

    Txais: (7) Kev ncaj yuav tawg paj thaum lub caij nws ua vaj,
    yuav muaj kev thaj yeeb lug tsis txawj kawg.

    Kev ncaj yuav tawg paj lub caij nws ua vaj,
    thiab yuav muaj kev thaj yeeb lug mus txog thaum tsis muaj lub hli ntxiv.
    Thov kom nws tswj ib lub hiav txwv mus dhau ib lub hiav txwv,
    Thiaj txij tus niam dej mus txog npoo ntiaj teb kawg.

    Txais: (7) Kev ncaj yuav tawg paj thaum lub caij nws vaj,
    yuav muaj kev thaj yeeb lug tsis txawj kawg.

    Nws yuav cawm tus pluag uas hu txog nws,
    thiab yuav npo tus txom nyem uas tsis muaj chaw khaub zig.
    Nws yuav hlub tus neeg me thiab tus neeg pluag;
    Nws yuav cawm cov pluag txoj sia.

    Txais: (7) Kev ncaj yuav tawg paj thaum lub caij nws ua vaj,
    yuav muaj kev thaj yeeb lug tsis txawj kawg.

    Thov kom nws lub npe nto moo mus li;
    Kom nws lub npe nyob ntev npaum lub hnub.
    Nyob hauv nws, txhua xeem neeg nyob ntiaj teb yuav tau hmoov zoo;
    txhua haiv neeg yuav tshaj tawm nws txoj kev zoo siab.

    Txais: (7) Kev ncaj yuav tawg paj thaum lub caij nws ua vaj,
    yuav muaj kev thaj yeeb lug tsis txawj kawg.

    As Les Lus yas

    Txais: As les lus yas, as les lus yas.

    Nej ntsia, peb tus Huab Tais yuav tuaj nrog kev muaj hwj huam;
    nws yuav ua kom nws cov tub txib qhov muag pom kev tuaj.

    Txais: As les lus yas, as les lus yas.

    Ntawv Moo Zoo: LK 10: 21-24


    21 Lub caij ntawd, Yes Xus zoo siab nyob hauv Leej Ntuj Plig Ntshiab, nws hais tias : "Leej Txiv, kuv cav lus zoo txog koj, Huab Tais kav lub ntuj lub teb, koj tau zais tej ntawd ntawm cov neeg thoob tsib thiab cov neeg ntse, tiam sis koj qhib rau cov neeg zoo li me nyuam yaus paub. Leej Txiv, vim koj yeej nyiam ua li ntawd. 22 Kuv Txiv muab tas ib puas tsav yam tso rau kuv lawm. Tsis muaj leej twg paub tias Leej Tub yog tus twg, kawg yog Leej Txiv thiaj paub xwb; tsis muaj leej twg paub tias Leej Txiv yog tus twg, kawg yog Leej Tub thiaj paub xwb, thiab kawg yog tus uas Leej Tub xav qhia rau kom paub xwb."
    23 Yes Xus tig los rau nws cov thwj tim uas nyob ib cag, nws hais rau lawv tias : "Ob lub qhov muag uas pom tej yam nej pom no tau txoj hmoov zoo ! 24 Kuv hais rau nej tias coob tus yaj saub thiab coob tus vaj xav pom qhov uas nej pom, tab sis lawv tsis tau pom, xav hnov tej uas nej hnov, tab sis lawv tsis tau hnov."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 3rd December 2019, 2:44 pm

    TIM 4 LUB 12 HLIS 2019

    Hnub Plaub Lis Piam Ib Caij Tos Huab Tais Xyoo A Nruab Lis Piam Xyoo II

    Hwm LN John Damascene

    Zaj Nyeem Ib: HX 25: 6-10A


    6 Nyob saum lub roob no, tus HUAB TAIS kav tsoom tshiab yuav ua ib rooj nqaij rooj hno rau tas cov haiv neeg huv tib si, yog ib rooj qav muaj nqaij muaj dej caw, yog hom nqaij muaj muaj roj muaj hlwb pob txha ntxuag, thiab yog hom cawv uas qab tshaj plaws. 7 Nyob saum lub roob no, HUAB TAIS yuav tshem daim ntaub vov tas ib tsoom neeg pov tseg, nws yuav yaws daim pam uas npog tas ib tsoom kuj cuab. 8 Nws yuav rhuav kev tuag kom ploj tas mus li ib txhiab ib txhis. HUAB TAIS Tswv Ntuj yuav so cov kua muag ntws saum sawv daws lub ntsej muag. Nws yuav tshem nws haiv neeg nyob thoob ntiaj teb txoj kev poob ntsej muag; HUAB TAIS tau hais li ntawd. 9 Hnub ntawd yuav muaj tus hais tias : "Nej ntsia, nws yog peb tus Tswv Ntuj, tus uas peb tos ntsoov, nws yuav cawm peb; nws yog peb tus HUAB TAIS uas peb tos ntsoov txog. Peb kav tsij dhia lom zem kav tsij zoo siab nyob hauv nws txoj kev cawm seej”! 10 Vim HUAB TAIS yuav tso nws txhais tes nyob saum lub roob no.


    NPN 23: 1-3A, 3B-4, 5, 6

    Txais: (6cd) Kuv yuav nyob hauv Huab Tais lub tsev niaj hnub tas kuv lub neej.

    HUAB TAIS yog tus tswv zov yaj saib kuv,
    kuv yuav tsis tshaib txog dab tsi.
    Nws cia kuv so nyob hauv tej tshav zaub mos ntsuab xiab;
    Nws coj kuv mus nyob ze cov dej tus yees;
    nws ua kom kuv tus ntsuj plig rov muaj zog tuaj.

    Txais: (6cd) Kuv yuav nyob hauv Huab Tais lub tsev niaj hnub tas kuv lub neej.

    Nws coj kuv mus taug txoj kev ncaj, vim nws lub npe.
    Txawm kuv taug kev hauv ib lub hav tsaus nti,
    kuv tsis ntshai dab tsi phem, vim koj nyob rawv ntawm kuv ib sab,
    koj rab nplawm thiab rab pas nrig ua kuv luag.

    Txais: (6cd) Kuv yuav nyob hauv Huab Tais lub tsev niaj hnub tas kuv lub neej.

    Koj rau ib rooj mov rau ntawm kuv xub ntiag
    rau kuv cov yeeb ncuab ntsia ntsoov;
    koj muab roj pleev kuv taub hau;
    kuv lub ntim puv phwj yaws.

    Txais: (6cd) Kuv yuav nyob hauv Huab Tais lub tsev niaj hnub tas kuv lub neej.

    Kev ua siab zoo thiab kev khuv leej raws kuv nraim
    niaj hnub hauv kuv lub neej;
    Kuv yuav nyob hauv HUAB TAIS tsev
    mus li txog txhiab niag tim puas xyoo.

    Txais: (6cd) Kuv yuav nyob hauv Huab Tais lub tsev niaj hnub tas kuv lub neej.

    As Les Lus Yas

    Txais: As les lus yas, as les lus yas.

    Nej ntsia, Huab Tais tuaj cawm nws haiv neeg;
    Cov uas npaj tiav log tos txais nws lawv txoj hmoov zoo.

    Txais: As les lus yas, as les lus yas.

    Ntawv Moo Zoo: MT 15: 29-37

    29 Yes Xus tawm ntawm qhov chaw ntawd mus, nws mus txog ntawm ntug dej ntuj Nkas Lis Lais, nws nce mus saum roob, ces nws mus zaum nyob ntawd. 30 Tej pab neeg coob coob tuaj cuag nws; lawv coj tej tus ceg tawv, tej tus dig muag, tej tus tuag tes tuag taw, tej tus ruam tsis txawj hais lus, thiab tseem coj lwm cov mob coob kawg tuaj tso rau ntawm Yes Xus ko taw; Yes Xus kho sawv daws huv tib si kom zoo. 31 Ib zeej tsoom sawv daws qhuas kawg, vim lawv pom cov nplaig txhav hais tau lus, cov tuag tes tuag taw rov muaj zog tuaj, cov ceg tawv rov mus taus kev zoo, hos cov dig muag rov pom kev tuaj; ces lawv cav txog His Xas Lais tus Tswv Ntuj lub koob meej.
    32 Ces Yes Xus hu nws cov thwj tim los, nws hais rau lawv tias : “Kuv hlub pab neeg no, vim lawv twb nrog kuv nyob tau peb hnub lawm, lawv tsis muaj dab tsi noj li. Kuv tsis xav cia lawv tshaib plab rov mus tsev, tsam lawv tsaus muag tom kev." 33 Cov thwj tim hais rau nws tias : "Peb yuav nrhiav mov qhov twg hauv lub teb chaws suab puam no kom txaus ib pab neeg coob npaum no noj ?" 34 Yes Xus hais rau lawv tias : “Nej muaj pes tsawg lub ncuav mov?” Lawv teb tias : “Muaj xya lub thiab ob peb tug ntses me.” 35 Yes Xus hais kom tsoom sid zaum hauv pem teb. 36 Ces nws tuav xya lub ncuav mov thiab cov ntses, nws ua Ntuj tsaug; nws muab cov ncuav mov ntais, nws cev rau cov thwj tim, ces cov thwj tim coj mus faib rau tsoom sid. 37 Tas sawv daws tau noj tsau npo; thaum lawv noj tas lawm, lawv khaws tej sab mov seem puv xya tawb !


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 4th December 2019, 12:34 pm

    TIM 5 LUB 12 HLIS 2019

    Hnub Tsib Lis Piam Ib Caij Tos Huab Tais Xyoo A Nruab Lis Piam Xyoo II

    Zaj Nyeem Ib: HX 26: 1-6


    1 Hnub ntawd, nyob Yus Das teb lawv yuav hu zaj nkauj no : "Peb muaj ib lub tsheej ruaj khov; nws muaj ntsa zeb thiab phab ntsa siab thaiv kom tau txuag peb. 2 Nej cia li qhib cov rooj loog ! Kom haiv neeg siab ncaj nkag los, yog haiv neeg uas muaj txoj kev tseeb. 3 Koj txuag haiv neeg uas muaj ib lub hom phiaj ruaj khov kom lawv nyob thaj yeeb; lawv nyob thaj yeeb vim lawv tso siab rau koj.”
    4 Nej tso siab rau HUAB TAIS mus li! Vim HUAB TAIS yog lub tsua uas yuavxnyob ib txhiab ib txhis. 5 Nws yog tus ua kom cov nyob saum tej chaw siab poob rau qhov chaw qis; lub tsheej uas nyob saum qhov siab, nws ua kom poob nthav rau qhov qis, kom vau hlo rau hauv av, thiab ntsoog mus xyaw av. 6 Nws yuav raug cov neeg txom nyem muab ko taw tsuj ntiag rau hauv av thiab raug cov neeg pluag tshais ruam tsuj mus mus los los."

    NPN 118: 1+8-9, 19-21, 25-27A

    Txais: (26a) Kom tus tuaj ntawm Huab Tais lub npe tuaj nto koob meej.

    Nej cav lus zoo ua HUAB TAIS tsaug, vim nws siab zoo,
    nws hlub peb tas ib txhiab ib txhis.
    Khiav los nkaum hauv HUAB TAIS
    zoo dua tso siab rau tib neeg,
    Khiav los nkaum hauv HUAB TAIS
    zoo dua tso siab rau tej nom tej tswv.

    Txais: (26a) Kom tus tuaj ntawm Huab Tais lub npe tuaj nto koob meej.

    Nej qhib cov rooj vag mus hauv txoj kev ncaj rau kuv,
    kuv yuav chaws mus, kuv yuav mus ua HUAB TAIS tsaug.
    Ntawm no yog HUAB TAIS lub rooj vag;
    cov neeg ncaj yuav nkag nov mus.
    Kuv yuav ua koj tsaug, vim koj tau teb kuv, koj yog tus cawm kuv.

    Txais: (26a) Kom tus tuaj ntawm Huab Tais lub npe tuaj nto koob meej.

    HUAB TAIS, thov koj pub kev cawm rau peb!
    HUAB TAIS, thov koj pub kev vam meej rau peb!
    Kom tus tuaj ntawm HUAB TAIS lub npe tuaj nto koob meej.
    Peb nyob hauv HUAB TAIS tsev foom koob hmoov rau nej.
    HUAB TAIS yog Tswv Ntuj, nws pub qhov pom kev rau peb..

    Txais: (26a) Kom tus tuaj ntawm Huab Tais lub npe tuaj nto koob meej.

    As Les Lus Yas: His Xais 55: 6

    Txais: As les lus yas, As les lus yas

    Nej nrhiav HUAB TAIS thaum nej tseem nrhiav tau nws;
    nej hu nws thaum nws tseem nyob ze.

    Txais: As les lus yas, As les lus yas

    Zaj Ntawv Moo Zoo: Mas Tais 7: 21, 24-27

    Yes Xus hais rau nws cov thwj tim tias:
    21 “Tsis yog txhua tus uas hu kuv tias : ‘Huab Tais, Huab Tais,’ thiaj yuav tau mus hauv Ntuj lub Ceeb Tsheej. Tiam sis yog tus uas ua raws li kuv Txiv nyob saum ntuj lub siab nyiam.
    24 Leej twg mloog cov lus uas kuv tau hais, thiab ua raws li cov lus ntawd, mas nws piv tau rau ib tug neeg xyuam xim uas txhim nws lub tsev rau saum tsua. 25 Thaum los nag hlob, dej sab siv huam, cua tshuab ntsawj lub tsev, tab sis tsev tsis vau, vim lub tsev cog ruaj rau saum tsua. 26 Hos leej twg hnov cov lus kuv tau hais, tab sis nws tsis ua raws li cov lus ntawd, tus neeg ntawd piv tau rau ib tug neeg ruam txhim tsev rau saum av xuab zeb. 27 Thaum los nag hlob, dej sab siv huam, cua tshuab ntsawj lub tsev, ces lub tsev vau tas thiab puas loj kawg nkaus.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 5th December 2019, 2:26 pm

    TIM 6 LUB 12 HLIS 2019

    Thawj Hnub Rau Lis Piam ib Caij Tos Huab Tais Xyoo A Nruab Lis Piam Xyoo II

    Zaj Nyeem Ib: HX 29: 17-24


    Huab Tais Tswv Ntuj hais li no:
    17 Tshuav caij luv luv lawm xwb, ces Lis Npas Nos yuav rov hloov ua ib lub vaj txiv ntoo, hos lub vaj txiv ntoo yuav zoo li yog ib lub hav zoo, los tsis yog?. 18 Hnub ntawd, cov neeg lag ntseg yuav hnov cov lus nyob hauv phau ntawv, cov dig muag yuav dim ntawm qhov tsaus ntuj dub nciab, lawv qhov muag yuav pom kev tuaj. 19 Cov neeg me yuav zoo siab tuaj nyob hauv HUAB TAIS, cov pluag txom nyem yuav dhia hom khaj nyob hauv His Xas Lais tus Ntshiab. 20 Yuav tsis muaj neeg ua nruj ua tsiv ntxiv, tus saib tsis taus luag yuav ploj ntais mus, tas cov neeg uas nyas ntshis tos ua qhov phem yuav raug muab txiav tawm, 21 xws li cov neeg uas hais ib lo lus ua tau kom ib tug neeg raug txim, vim lawv cuab ntxiab tos tus tuaj pab nws nyob ntawm lub rooj loog lawm, ces tus siab ncaj hais tsis tau dab tsi.
    22 Vim li ntawd, HUAB TAIS, Yas Kos tsev neeg tus Tswv Ntuj, tus tau txhiv Has Nplas Has, nws hais li no : Txij no mus, Yas Kos yuav tsis raug kev txaj muag ntxiv, nws yuav tsis ua ntsej muag daj tseem ntxiv. 23 Thaum Yas Kos cov me nyuam pom kuv cov hauj lwm kuv ob txhais tes ua nyob hauv nws, lawv yuav cav txog kuv lub npe ntshiab, lawv yuav cav txog Yas Kos tus Ntshiab, thiab lawv yuav ntshai His Xas Lais tus Tswv Ntuj.
    24 Cov uas lub tswv yim xav yuam kev yuav muaj kev to taub, cov neeg yws taus yuav mloog cov lus qhuab qhia.

    NPN 27: 1, 4, 13-14

    Txais: (1a) Huab Tais yog kuv qhov pom kev thiab yog kuv txoj kev cawm.

    Huab Tais yog kuv qhov pom kev thiab kuv txoj kev cawm;
    Kuv yuav ntshai leej twg?
    Huab Tais yog kuv qhov chaw nkaum hauv kuv lub neej,
    Kuv yuav tshee vim leej twg?

    Txais: (1a) Huab Tais yog kuv qhov pom kev thiab yog kuv txoj kev cawm.

    Kuv tsuas thov ib yam ntawm Huab Tais; qhov kuv nrhiav yog:
    kom tau nyob hauv Huab Tais tsev niaj hnub hauv kuv lub neej,
    Kom kuv tau ntsia ntsoov Huab Tais txoj kev zoo
    thiab tau pom nws lub tuam tsev.

    Txais: (1a) Huab Tais yog kuv qhov pom kev thiab yog kuv txoj kev cawm.

    Kuv ntseeg hais tias kuv yuav tau pom Huab Tais txoj kev nplua nuj
    nyob hauv cov neeg ciaj sia lub teb chaws.
    Nej ua siab loj tos ntsoov Huab Tias;
    ua siab tawv qhawv, nej tos ntsoov Huab Tais.

    Txais: (1a) Huab Tais yog kuv qhov pom kev thiab yog kuv txoj kev cawm.

    As Les Lus Yas

    Txais: As les lus yas, As les lus yas.

    Nej ntsia, peb tus Huab Tais yuav tuaj muaj hwj huam loj;
    Nws yuav ua kom nws cov tub txib qhov muag pom kev.

    Txais: As les lus yas, As les lus yas.

    Gospel: MT 9: 27-31

    27 Thaum Yes Xus tawm ntawm qhov chaw ntawd mus, muaj ob tug neeg dig muag raws nws qab. Nkawd qw qw hais tias : "Das Vis Leej Tub, thov koj khuv leej wb." 2
    8 Thaum Yes Xus nkag los rau hauv tsev, ob tug dig muag los cuag Yes Xus, ces Yes Xus hais rau nkawd tias : "Neb puas ntseeg tias kuv ua tau qhov ntawd ?" Nkawd teb tias : “Huab Tais, wb ntseeg.”
    29 Ces Yes Xus kov nkawd qhov muag, nws hais tias : "Kom muaj tuaj rau neb raws li neb ntseeg."
    30 Ces nkawd qhov muag qhib los. Yes Xus txwv nkawd nruj nruj tias : "Neb tsis txhob ua kom muaj neeg paub txog qhov no!"
    31 Tab sis thaum nkawd tawm mus lawm, nkawd tshaj nws lub koob lub npe rau tas ib cheeb tsam ntawd paub tas huv si.


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 6th December 2019, 3:32 pm

    TIM 7 LUB 12 HLIS 2019

    Thawj Hnub Xya Lis Piam Ib Caij Tos Huab Tais Xyoo A Nruab Lis Piam Xyoo II

    Hwm LN Ambrose, Tswv Qhia ua Kws Cov Txuj Ntshiab

    Zaj Nyeem Ib: His Xais 30: 19-21, 23-26


    Huab Tais, His Xas Lais tus Ntshiab hais li no:
    19 Xis Yoos tsoom neeg uas nyob Yes Lus Xas Les, nej yuav tsis tau quaj ntxiv : vim nws yuav ua zoo rau nej thaum nws hnov nej lub suab quaj; nws hnov dheev nej hu, ces nws yuav teb rau nej. 20 Txawm Huab Tais yuav muab cov mov txhawj xeeb rau nej noj thiab cov dej nyuaj siab rau nej haus los tus qhuab qhia nej yuav tsis tsiv nraim ntawm nej ntxiv, nej qhov muag yuav tau pom tus qhuab qhia nej. 21 Nej pob ntseg yuav hnov ib lub suab nrov ntawm nej nraub qaum tuaj tias : “Ntawm no yog txoj kev uas nej yuav tsum taug, txawm nej yuav mus rau sab xis los sab laug.
    23 Nws yuav ua kom nag los ywg cov noob qoob noob loo uas nej tseb rau hauv av. Ces cov nplej uas tawm hauv av los yuav qab thiab yuav ntsu kawg nkaus. Hnub ntawd, nej cov nyuj yuav noj zaub hauv tej lub tiaj nrag dav dav. 24 Cov heev nyuj thiab cov luj uas laij teb yuav noj cov quav nyab mos uas yog xuas duav hlau thiab duav nkaug tshau rau noj. 25 Saum tej roob siab thiab tej pov roob siab, yuav muaj tej niam dej, yuav muaj tej dej txhawv ntws lug, yog txog hnub muaj sib tua loj ua kom tej pej thuam vau tas. 26 Ces lub hli yuav ci pom kev npaum lub hnub, hos lub hnub yuav ci pom kev tshaj xya npaug ntxiv, npaum li yog xya hnub ua ib hnub ci. Hnub ntawd HUAB TAIS yuav qhwv nws haiv neeg cov qhov txhab thiab yuav kho lawv cov nqaij raug nplawm es ntuag kom zoo.

    NPN 147: 1-2, 3-4, 5-6

    Txais: (HX 30:18d) Txhua tus uas tos Huab Tais tau txoj hmoov zoo.

    Nej cav txog Huab Tais, vim nws siab zoo
    nej hu nkauj cav txog peb tus Tswv Ntuj, vim nws hlub neeg;
    tsim nyog peb cav txog nws.
    HUAB TAIS rov tsa Yes Lus Xas Les kom sawv;
    nws sau His Xas Lais cov neeg tawg tas rov los ua ke.

    Txais…

    Nws kho cov neeg lwj siab mob ntsws kom zoo,
    thiab nws qhwv lawv tej qhov txhab rau.
    Nws suav cov hnub qub saib muaj pes tsawg lub;
    nws hu lawv cov npe ib lub zuj zus.

    Txais…

    Peb tus HUAB TAIS loj thiab muaj hwj huam tas nrho;
    nws txoj kev thoob tsib tsis muaj qhov txawj tag.
    HUAB TAIS tsa cov neeg me cai;
    nws thawb kom cov siab phem ntog rau hauv av.

    Txais…

    As Les Lus Yas: His Xais 33: 22

    Txais: As les lus yas, As les lus yas

    HUAB TAIS yog tus txiav txim rau peb, tus muab txoj cai rau peb;
    nws yog peb tus vaj, yog tus yuav cawm peb dim.
    .
    Txais: As les lus yas, As les lus yas

    Zaj Ntawv Moo Zoo: Mas Tais 9: 35-10:1, 5A, 6-8

    35 Yes Xus mus ncig txhua cov nroog thiab cov zos huv si, nws qhuab qhia sawv daws nyob hauv lawv cov tsev txoos, nws tshaj lub Moo Zoo txog Ntuj lub Ceeb Tsheej, thiab nws kho sawv daws tej txiab xeeb thiab tej mob nkeeg tas huv si. 36 Yes Xus pom tsoom pej xeem, nws hlub lawv, vim lawv sawv daws sab thiab qaug zog zoo li ib co yaj tsis muaj tsw saib 37 Yes Xus thiaj hais rau nws cov thwj tim tias : "Qoob loo ntau kawg, tab sis cov tub zog tsawg. 38 Nej thov tus tswv qoob kom nws xa ib co tub zog tuaj sau nws cov qoob."
    10 1 Yes Xus hu nws kaum ob leeg thwj tim los cuag nws. Nws muab hwj huam kom lawv ntiab tau dab tawm, thiab kho tau txhua yam txiab xeeb thiab txhua yam mob nkeeg kom zoo.
    5a Yes Xus xa kaum ob leeg no mus tshaj lub Moo Zoo, nws qhia lawv tias : 6 “Nej mus nrhiav cov yaj ploj hauv tsev neeg His Xas Lais. 7 Thaum nej taug kev, nej tshaj tias: ‘Ntuj lub Ceeb Tsheej tuaj txog ze lawm.’
    8 Nej kho cov mob kom zoo, nej tsa cov tuag kom sawv rov los, nej kho cov mob ruas kom huv tuaj, nej ntiab dab kom khiav mus. Nej tau txais dawb, nej kuj yuav pub dawb thiab.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 8th December 2019, 1:58 pm

    TIM 9 LUB 12 HLIS 2019

    Hnub Ob Lis Piam Ob Caij Tos Huab Tais Xyoo A Nruab Lis Piam Xyoo II

    Hwm txog Niam Mab Liab Xeeb Los Tsis Lo Neeg lub Keeb Txhaum


    Kev cai hnub hwm Niam Mab Liab xeeb lost sis lo neeg lub keeb txhaum yog hnub tim 8 lub 12 hlis, tiam sis vim xyoo no Tim 8 lub 12 hlis ho poob rau hnub Chiv lawm, ces lub Koom Txoos thiaj muab hloov los rau hnub Ob no lawm.


    Zaj Nyeem Ib: HAUV PAUS 3: 9-15, 20

    9 HUAB TAIS Tswv Ntuj hu tus txiv neej hais tias : "Koj nyob qhov twg ?" 10 Tus txiv neej teb tias : "Kuv hnov koj tshais ruam hauv lub vaj, ces kuv ntshai vim kuv liab qab, kuv thiaj khiav tsiv nraim." 11 Tswv Ntuj rov hais ntxiv tias : "Leej twg qhia koj tias koj liab qab ? Yog koj noj lub txiv uas kuv txwv tsis pub noj lawm puas yog ?" 12 Tus txiv neej teb tias : "Yog tus poj niam uas koj tso nyob ze kuv, muab lub txiv rau kuv, ces kuv thiaj noj !" 13 HUAB TAIS Tswv Ntuj hais rau tus poj niam tias : "Koj ua dab tsi li ntawd ?" Tus poj niam teb tias : "Yog niag nab ntxias kuv, kuv thiaj noj." 14 Ces HUAB TAIS Tswv Ntuj hais rau tus nab hais tias : "Vim koj tau ua li ntawd, koj txoj hmoov yuav phem tshaj ib tsoom tsiaj nyeg thiab tsiaj qus. Koj yuav xuas koj lub plab mus kev, thiab koj yuav niaj hnub noj av tas koj sim neej. 15 Kuv yuav ua kom muaj kev ciaj caub ntawm koj thiab tus poj niam, ntawm koj caj ces thiab nws caj ces. Nws yuav tsuj koj taub hau, koj yuav tom nws luj taws."
    20 Tus txiv neej tis npe rau nws poj niam hu ua Es Vas, vim nws yog ib tsoom neeg muaj txoj sia leej niam.

    NPN 98: 1, 2-3AB, 3CD-4

    Txais: (1) Nej hu ib zaj nkauj tshiab rau Huab Tais, vim nws tau ua tej yam txaus qhuas.

    Nej hu ib zaj nkauj tshiab rau Huab Tais,
    vim nws tau ua tej yam txaus qhuas;
    Nws txhais tes xis tau ua kom nws muaj yeej,
    nws txhais npab dawb huv tau ua.

    Txais…

    HUAB TAIS tau qhia nws txoj kev cawm seej rau sawv daws paub;
    nws tau qhia nws txoj kev ncaj rau cov haiv neeg pom.
    Nws nco qab ntsoov txog nws lub siab zoo thiab nws lub siab pheej xeeb
    rau His Xas Lais tsev neeg.

    Txais...

    Txhua qhov chaw tim daim npoo ntiaj teb kawg tau pom
    peb tus Tswv Ntuj txoj kev cawm seej lawm.
    Tas cov teb chaws, nej hu nkauj luag ntxhi rau HUAB TAIS;
    Nej cia li seev suab, cia li hu nkauj qhuas nws.

    Txais…

    Zaj Nyeem Ob: ES FES XOS 1: 3-6, 11-12


    Paj Lug sau ntawv tias:
    3 Kuv cav lus zoo txog Tswv Ntuj peb tus Huab Tais Yes Xus Pleev Leej Txiv; nws tau foom txhua yam txiaj ntsim koob hmoov nyob saum ntuj pub rau peb nyob hauv Leej pleev.
    4 Nws tau xaiv peb nyob hauv Leej Pleev puag thaum tseem tsis tau tsim lub ntuj lub teb los lawm, kom peb ntshiab huv, tsis muaj chaw xyeej nyob ntawm nws xub ntiag. 5 Vim nws txoj kev hlub, nws yeej xub npaj peb los ua nws cov tub sau ntxhais sau nyob hauv Yes Xus Pleev, raws li nws lub siab nyiam lawm, 6 kom tau cav txog nws lub txiaj ntsim nto koob meej uas nws tau muab pub dawb dawb rau peb nyob hauv leej Zoo Nyiam.
    11 Nyob hauv nws, peb raug xaiv, raug muab tshwj cia raws li tus ua tau tas txhua yam kom haum li nws siab nyiam tus txheej txheem, 12 kom muaj peb los ua cov cav txog nws lub koob meej, vim peb yog cov xub tso siab rau Leej Pleev.

    As Les Lus Yas: LK 1: 28

    Txais: As les lus yas, As les lus yas.
    Koj nyob zoo, Mab Liab, koj tau txiaj ntsim puv siab, Huab Tais Ntuj nrog koj nyob;
    koj tau koob tau hmoov tshaj ib zeej tsoom poj niam tib si.

    Txais: As les lus yas, As les lus yas.

    Zaj Ntawv Moo Zoo: LUS KAS 1: 26-38


    26 Thaum muaj rau hli lawm, Tswv Ntuj xa tus Tshiab Nkas Nplias mus rau hauv ib lub zos nyob Nkas Lis Lais teb hu ua Naj Xas Les, 27 mus cuag ib tug ntxhais nkauj xwb uas lawv muab qhaib rau ib tug txiv neej hu ua Yos Xes, yog caj ces Das Vis lawm; tus nkauj xwb ntawd lub npe hu ua Mab Liab. 28 Tus Tshiab chaws mus hauv Mab Liab tsev, nws hais rau Mab Liab tias : "Koj nyob kaj lug, tus tau txiaj ntsim puv siab ! Huab Tais nrog koj nyob." 29 Mab Liab hnov lo lus ntawd, nws lub siab nphau npog, nws xav hauv nruab siab tias lo lus hawm ntawd yog xav hais dab tsi. 30 Tus Tshiab hais rau nws tias : "Mab Liab, koj tsis txhob ntshai, vim Tswv Ntuj saib koj ntxim nws lub siab. 31 Zaum no, koj yuav xeeb tub, koj yuav yug ib tug tub, koj yuav tis nws npe hu ua Yes Xus. 32 Nws yuav yog ib tug loj, luag yuav hu nws ua tus Nyob Siab leej Tub; Huab Tais Tswv Ntuj yuav muab nws txiv Das Vis lub theej kiab rau nws zaum. 33 Nws yuav ua vaj kav Yas Kos tsev neeg tiam dhau tiam; nws txoj kev ua vaj yuav tsis muaj caij kawg." 34 Mab Liab hais rau tus Tshiab tias : "Qhov ntawd yuav muaj tuaj zoo li cas, vim kuv tsis paub ib tug txiv neej li." 35 Tus Tshiab teb rau Mab Liab tias : "Leej Ntuj Plig Ntshiab yuav los nyob saum koj, tus Nyob Siab lub hwj huam yuav los roos koj. Li ntawd, tus ntshiab yug los yuav hu ua Tswv Ntuj Leej Tub. 36 Saib ! Es Lis Xas Npes, tus uas txheeb koj, luag hu nws ua pog khab seeb no, nws hnub nyoog laus lawm, tab sis nws kuj xeeb tub lawm thiab; lub hlis no, yog lub rau hli rau nws lawm. Vim tias, tsis muaj ib yam uas Tswv Ntuj ua tsis tau." 38 Ces Mab Liab hais tias : "Kuv yog Huab Tais tus ntxhais txib. Kuv xav kom muaj tuaj rau kuv raws li koj hais." Ces tus Tshiab tso Mab Liab tseg.


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 10th December 2019, 9:38 am

    TIM 10 LUB 12 HLIS 2019

    Hnug Peb Lis Piam Ob Caij Tos Huab Tais Xyoo A Nruab Lis Piam Xyoo II

    Hwm Niam Mab Liab nyob Loreto

    Zaj Nyeem Ib: HIS XAIS 40: 1-11


    1 Nej tus Tswv Ntuj hais tias : "Nej nplij kuv haiv neeg, nej nplij lawv mas !
    2 Nej hais lus mos lus zoo nplig siab rau Yes Lus Xas Les.
    Nej tshaj rau nws tias nws lub caij tiv tsov tiv rog tas lawm,
    nws tej txhaum raug muab tshem tas lawm,
    vim nws txais kev txom nyem ntawm HUAB TAIS txhais tes los
    them nws cov txhaum tas huv si twb tshaj ob npaug lawm."
    3 Muaj ib lub suab qw nyob hauv teb chaws suab puam tias :
    "Nej npaj kev rau HUAB TAIS; nej ncaws kom muaj ib txog kev ncaj
    nyob hauv cov teb chaws quav poj rau peb tus Tswv Ntuj.
    4 Nej txhub cov hav tob kom siab tuaj, nej ua kom cov roob siab
    thiab cov hauv toj cia li qis tuaj, kom cov av muaj qhov siab qhov qis
    hloov ua av tiaj tus yees, kom cov toj ntxhab hloov ua hav tiaj.
    5 Ces HUAB TAIS lub hwj chim yuav tawm los rau sawv daws pom xyeem;
    txhua tus muaj lub cev nqaij puav leej yuav tau pom ua ke,
    vim HUAB TAIS lub ncauj tau hais lli ntawd.
    6 Muaj iIb lub suab hais tias : "Koj qw mas !" Kuv teb tias : "Kuv yuav qw dab tsi ?"
    -"Txhua tus muaj lub cev nqaij yog nroj tsuag,
    lawv qhov zoo nkauj ces zoo li lub paj nyob nruab nrag.
    7 Tsob nroj yuav qhuav, lub paj yuav ntsws thaum Huab Tais tshuab pa tuaj rau;
    tib neeg ces yeej yog nroj tsuag tiag.
    8 Tsob nroj yuav qhuav, lub paj yuav ntsws,
    tab sis peb tus Tswv Ntuj lo lus yuav nyob mus li.”
    9 “Koj nce mus lawm saum lub roob siab mas,
    koj uas yog Xis Yoos tus tub xa tsab xov zoo;
    koj tsa suab qw kom nrov li nrov tau mog,
    koj uas yog Yes Lus Xas Les tus tub xa tsab xov zoo,
    koj cuab suab kom nrov, tsis txhob ntshai hais rau cov nroog nyob Yus Das tias :
    ‘Ntawm no yog nej tus Tswv Ntuj!
    10 Ntawm no yog HUAB TAIS Tswv Ntuj.
    Nws tuaj muaj hwj huam loj, nws txhais npab muaj zog tswj txhua yam.
    Nws nqa nws cov paj tshab nrog nws, hos nws tus nqe zog ua nws ntej.
    11 Nws zoo li ib tug tswv zov yaj coj nws pab yaj mus noj zaub;
    nws nqa cov me nyuam yaj ntawm nws ob txhais npab,
    thiab nws puag lawv rau hauv nws xub ntiag,
    nws ua twb zoo coj cov maum yaj muaj me nyuam noj mis.

    NPN 96: 1-2, 3+10AC, 11-12, 13

    Txais: (HX40:10ab) Huab Tais peb tus Tswv Ntuj tuaj muaj hwj huam loj.

    Nej hu ib zaj nkauj tshiab rau HUAB TAIS;
    txhua lub teb chaws, nej hu nkauj rau HUAB TAIS.
    Nej hu nkauj rau HUAB TAIS, nej foom lus zoo cav txog nws lub npe;
    nej tshaj txog nws txoj kev cawm seej, hnub dhau hnub.

    Txais…

    Nej piav txog nws lub hwj chim rau cov haiv neeg
    nej piav txog nws tej hauj lwm txaus qhuas rau txhua xeem neeg.
    Nej hais rau txhua haiv neeg tias: HUAB TAIS yog vaj ntxwv;
    Nws tswj tsoom cov haiv neeg raws kev ncaj ncees.

    Txais…

    Kom lub ntuj zoo siab, lub ntiaj teb hom khaj;
    kom dej hiav txwv thiab txhua yam nyob hauv tsa suab nrov nroo ntws;
    kom cov tiaj nras thiab txhua yam nyob hauv zoo siab luag ntxhi!
    Thiab kom txhua tus ntoo hauv tej hav zoov zoo siab.

    Txais…

    Lawv yuav dhia zoo siab ntawm HUAB TAIS xub ntiag,
    vim nws tuaj txog lawm, nws tuaj kav lub ntiaj teb.
    Nws yuav tswj lub ntiaj teb neeg raws kev ncaj ncees,
    thiab cov haiv neeg raws kev pheej xeeb.

    Txais…

    As Les Lus Yas

    Txais: As les lus yas, As les lus yas.

    Huab Tais lub hnub nyoog tuaj txog ze lawm.
    Ntsias saib, nws tuaj cawm peb.

    Txais: As les lus yas, As les lus yas

    Ntawv Moo Zoo: MT 18: 12-14


    Yes Xus hais rau nws cov thwj tim tias:
    12 “Raws li nej xav ne, yog ib tug neeg muaj ib puas tus yaj, ib tug mus poob zoo lawm, nws puas yuav tsis tso cuaj caum cuaj tug ntawd cia saum roob, mus nrhiav tus uas poob zoo lawd ?
    13 Kuv hais tseeb rau nej tias, thaum nws nrhiav tau tus yaj poob zoo, mas nws yuav zoo siab rau tus ntawd tshaj rau cuaj caum cuaj tug uas tsis tau poob zoo.
    14 Nej Txiv nyob saum ntuj kuj zoo ib yam li ntawd thiab : nws tsis xav kom ib tug me nyuam me li no ploj li.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 10th December 2019, 2:08 pm

    TIM 11 LUB 12 HLIS 2019

    Hnub Plaub Lis Piam Ob Caij Tos Huab Tais Xyoo B Nruab Lis Piam Xyoo II

    Hwm LN Damasus I

    Zaj Nyeem Ib: His Xais 40: 25-31


    25 Tus Ntshiab Huv hais tias : “Nej yuav muab kuv piv rau leej twg tias kuv loj ib yam li ntawd ? 26 Nej tsa muag ntsia puag saum tej chaw siab ces nej yuav pom tias leej twg yog tus tau tsim tej ntawd; nws ua kom lawv tawm los xws li tej pab peeb zeej coob coob; nws tuav lawv npe hu ib yam zuj zus. Vim nws lub hwj huam loj tas nrho, nws lub zog hnyav kawg nkaus, yeej tsis muaj ib yam uas yuav tsis tawm los nyob. 27 Yas Kos, vim li cas koj hais li no, His Xas Lais, vim li cas koj thiaj hais tsis tseg tias : ‘Kuv txoj kev nyob nraim ntawm HUAB TAIS ces nws tsis pom, kuv tus Tswv Ntuj tsis quav ntsej txog tias kuv muaj cai dab tsi’ ?
    28 Puas yog koj tseem tsis tau paub? Los puas yog koj tseem tsis tau hnov txog? HUAB TAIS yog tus Tswv Ntuj nyob mus li, nws yog tus tsim cov npoo ntiaj teb kawg. Nws tsis qaug zog tsis sab. Neeg tsom tsis tau nws txoj kev ntse.
    29 Nws yog tus ntxiv zog rau tus neeg qaug zog, nws ntxiv peev xwm rau tus zog tab. 30 Txawm cov tub hluas txawj tsaus muag txawj qaug zog, cov tiav hluas mus kev qaug zuj zis thiab txawj ntog, 31 los cov neeg uas cia siab rau HUAB TAIS yuav rov muaj zog ntsos tuaj, lawv yuav muaj tis ya siab xws li dav, lawv khiav los tsis paub sab, lawv mus kev los tsis paub tsaus muag.

    NPN 103: 1-2, 3-4, 8+10

    Txais: (1) Kuv tus ntsuj plig, koj cia li cav txog Huab Tais!

    Kuv tus ntsuj plig, cia li cav txog HUAB TAISs,;
    tas nrho kuv tus kheej, cia li cav txog nws lub npe ntshiab.
    Kuv tus ntsuj plig, cia li cav txog HUAB TAISs,
    thiab tsis txhob hnov qab nws tej txiaj ntsim koob hmoov.

    Txais…

    Nws zam tas nrho koj cov txhaum rau koj,
    nws kho tas koj tej mob nkeeg kom zoo.
    Nws txhiv koj txoj sia ntawm lub qhov tuag los,
    nws muab nws txoj kev ua siab zoo
    thiab nws lub siab mos siab muag los roos koj.

    Txais…

    HUAB TAIS khuv leej thiab hlub neeg,
    nws npau taws qeeb, nws lub siab puv nkaus txoj kev ua zoo.
    Nws tsis ua rau peb kom phim peb tej txhaum,
    nws tsis ua pauj kom phim peb txoj kev ua phem.

    Txais…

    As Les Lus Yas

    Txais: As les lus yas, As les lus yas

    Nej ntsia, Huab Tais tuaj cawm nws haiv neeg;
    cov uas npaj rawv tos yuav ntsib nws, lawv txoj hmoov zoo.

    Txais: As les lus yas, As les lus yas

    Ntawv Moo Zoo: Mas Tais 11: 28-30

    Yes Xus hais rau pab neeg coob coob tias:
    28 “Tas nej sawv daws cov uas nej khwv thiab ris nra hnyav,
    nej tuaj cuag kuv mog ! Kuv yuav cia nej so los siav.
    29 Nej txais kuv tus quab mus kwv, nej kawm ntawm kuv,
    vim kuv muaj lub siab ua neeg me tsis muab hlob,
    ces nej tus plig yuav nrhiav tau chaw so los siav.
    30 Vim kuv tus quab kwv yooj yim, thiab kuv lub nra sib.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 12th December 2019, 4:10 am

    TIM 12 LUB 12 HLIS 2019

    Hnub Tsib Lis Piam Ob Caij Tos Huab Tais Xyoo A Nruab Lis Piam Xyoo II

    Hwm Leej Niam nyob Guadalupe

    Zaj Nyeem Ib: Ntxes Kas Lias 2: 14-17


    14 Leej Ntxhais Xis Yoos, koj hu nkauj, koj zoo siab mog ! Koj ntsia kuv tuaj lawm, kuv yuav tuaj nyob hauv koj: HUAB TAIS hais li ntawd. 15 Hnub ntawd, ntau haiv neeg yuav mus koom nrog HUAB TAIS; lawv yuav yog kuv haiv neeg. Kuv yuav tuaj nyob hauv koj ces koj yuav paub tias tus HUAB TAIS kav tsoom tshiab xa kuv tuaj rau koj. 16 Huab Tais yuav tau txais Yus Das los ua nws tug nyob hauv lub teb chaws ntshiab, thiab nws yuav rov xaiv Yes Lus Xas Les dua.
    17 Txhua tus muaj lub cev nqaij, nej yuav nyob ntsiag to ntawm HUAB TAIS xub ntiag, vim nws twb sawv hauv nws thaj chaw nyob ntshiab los lawm.

    Los Qhib Yav Tom Ntej 11: 19a; 12: 1-6a, 10ab

    19 Tswv Ntuj lub tuam tsev nyob saum ntuj qhib plho, pom lub Xab Cog Lus nyob hauv lub tuam tsev.
    12 1 Muaj ib lub cim loj tas nrho tshwm nyob saum ntuj : yog ib tug Poj Niam hnav lub hnub, lub hli nyob hauv nws qab xib taws, thiab nws ntoo ib lub mom teev kub muaj kaum ob lub hnub qub saum nws taub hau. 2 Tus Poj Niam ntawd cev hnyav, ces nws ntsaj mob, vim nws tab tom mob plab yuav daws cev. 3 Tseem muaj dua ib lub cim tshwm tuaj nyob saum ntuj : yog ib tug niag zaj liab ploog loj kawg, nws muaj xya lub taub hau thiab kaum tus kub; xya lub taub hau ntawd ntoo xya lub mom teev kub. 4 Nws tus ko tw cheb cov hnub qub saum ntuj tas lawm ib feem peb, thiab muab lawv pov los rau hauv ntiaj teb. Ces tus Zaj mus sawv ntsug ntawm tus poj niam uas tab tom daws cev xub ntiag, npaj yuav nqos tus me nyuam uas tus poj niam yuav yug los. 5 Tus Poj Niam yug tau ib tug me tub : yog tus yuav tuav ib rab cwj hlau ua tswv zov yaj coj tas txhua haiv neeg. Luag muab tus me nyuam nqa hlo mus rau saum Tswv Ntuj, nyob ze ntawm Tswv Ntuj lub theej kiab lawm. 6 Hos tus Poj Niam khiav mus nyob hauv teb chaws suab puam; nws mus nyob hauv qhov chaw uas Tswv Ntuj npaj rau nws lawm.
    10 Ces kuv hnov ib lub suab nrov nrov hais saum ntuj tuaj tias : “Zaum no, peb tus Tswv Ntuj txoj kev cawm, txoj kev muaj hwj huam thiab txoj kev ua vaj, thiab nws Leej Pleev lub hwj chim tuaj txog lawm lawm.”

    NPN: YUS DIS 13: 18BCDE, 19

    Txais: (15:9d) Koj yog peb haiv neeg lub meej mom siab tshaj plaws plaws.

    Me ntxhais, thov kom Tswv Ntuj
    tus Nyob Siab foom koob foom hmoov rau koj
    ntau tshaj tas ib tsoom poj niam nyob ntiaj teb no.
    Kom txhua leej cav lus zoo txog HUAB TAIS Tswv Ntuj
    tus tsim lub ntuj thiab lub ntiaj teb.

    Txais…

    Txoj hauj lwm muaj kev tso siab uas koj tau ua
    yuav tsis ploj ntawm tib neeg lub tswv yim ib zaug li,
    lawv yuav piav txog Tswv Ntuj lub hwj huam loj.

    Txais…

    As Les Lus Yas

    Txais: As les lus yas, as les lus yas

    Leej Ntshiab Mab Liab, tus tau txais koob hmoov ntau,
    tus tsim nyog txhua leej qhuas;
    lub Hnub pub kev ncaj ncees tawm ntawm koj tuaj,
    yog Leej Pleev peb tus Tswv Ntuj.

    Txais: As les lus yas, as les lus yas

    Ntawv Moo Zoo: Lus Kas 1: 26-38

    26 Thaum muaj rau hli lawm, Tswv Ntuj xa tus Tshiab Nkas Nplias mus rau hauv ib lub zos nyob Nkas Lis Lais teb hu ua Naj Xas Les, 27 mus cuag ib tug ntxhais nkauj xwb uas lawv muab qhaib rau ib tug txiv neej hu ua Yos Xes, yog caj ces Das Vis lawm; tus nkauj xwb ntawd lub npe hu ua Mab Liab. 28 Tus Tshiab chaws mus hauv Mab Liab tsev, nws hais rau Mab Liab tias : "Koj nyob kaj lug, tus tau txiaj ntsim puv siab ! Huab Tais nrog koj nyob." 29 Mab Liab hnov lo lus ntawd, nws lub siab nphau npog, nws xav hauv nruab siab tias lo lus hawm ntawd yog xav hais dab tsi. 30 Tus Tshiab hais rau nws tias : "Mab Liab, koj tsis txhob ntshai, vim Tswv Ntuj saib koj ntxim nws lub siab. 31 Zaum no, koj yuav xeeb tub, koj yuav yug ib tug tub, koj yuav tis nws npe hu ua Yes Xus. 32 Nws yuav yog ib tug loj, luag yuav hu nws ua tus Nyob Siab leej Tub; Huab Tais Tswv Ntuj yuav muab nws txiv Das Vis lub theej kiab rau nws zaum. 33 Nws yuav ua vaj kav Yas Kos tsev neeg tiam dhau tiam; nws txoj kev ua vaj yuav tsis muaj caij kawg." 34 Mab Liab hais rau tus Tshiab tias : "Qhov ntawd yuav muaj tuaj zoo li cas, vim kuv tsis paub ib tug txiv neej li." 35 Tus Tshiab teb rau Mab Liab tias : "Leej Ntuj Plig Ntshiab yuav los nyob saum koj, tus Nyob Siab lub hwj huam yuav los roos koj. Li ntawd, tus ntshiab yug los yuav hu ua Tswv Ntuj Leej Tub. 36 Saib ! Es Lis Xas Npes, tus uas txheeb koj, luag hu nws ua pog khab seeb no, nws hnub nyoog laus lawm, tab sis nws kuj xeeb tub lawm thiab; lub hlis no, yog lub rau hli rau nws lawm. Vim tias, tsis muaj ib yam uas Tswv Ntuj ua tsis tau." 38 Ces Mab Liab hais tias : "Kuv yog Huab Tais tus ntxhais txib. Kuv xav kom muaj tuaj rau kuv raws li koj hais." Ces tus Tshiab tso Mab Liab tseg.

    Los Lus Kas 1: 39-47

    39 Tau ob peb hnub tom qab, Mab Liab thiaj sawv kev mus, nws maj nrawm nroos mus lawm pem toj siab, mus rau ib lub nroog nyob xeev Yus Das. 40 Nws chaws mus hauv Ntxas Kas Lias tsev, thiab nws tsa suab hu Es Lis Xas Npes. 41 Thaum Es Lis Xas Npes hnov Mab Liab lub suab hu nws, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv nws. 42 Ces Es Lis Xas Npes tsa suab hlo hais nrov nrov tias : "Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov. 43 Ua cas Ntuj thiaj pub kom kuv tus Huab Tais leej niam tuaj xyuas kuv ? 44 Koj saib, thaum kuv hnov dheev koj lub suab hu nrov txog kuv pob ntseg, tus me nyuam hauv kuv plab dhia zoo siab. 45 Li ntawd tus uas tau ntseeg tias cov lus Huab Tais hais rau nws yuav tsheej xeeb tau, mas nws txoj hmoov zoo !"
    46 Ces Mab Liab hais tias : "Kuv tus plig cav txog Huab Tais lub hwj chim, 47 kuv lub tswv yim hom khaj nyob hauv Tswv Ntuj, tus Cawm kuv.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 12th December 2019, 3:50 pm

    TIM 13 LUB 12 HLIS 2019

    Hnub Rau Lis Piam Ob Caij Tos Huab Tais Xyoo A Nruab Lis Piam Xyoo II

    Hwm LN Lucy

    Zaj Nyeeem Ib: HIS XAIS 48: 17-19


    17 HUAB TAIS tus txhiv koj thiab His Xas Lais tus Ntshiab, nws hais li no :
    "Kuv HUAB TAIS, koj tus Tswv Ntuj, kuv qhia yam yuav zoo rau koj kom koj paub,
    thiab kuv coj koj mus taug txoj kev koj yuav tsum taug.
    18 Kheev lam koj muab siab rau mloog kuv cov lus qhia
    mas koj txoj kev thaj yeeb yuav ntws lug xws li ib tug dej
    thiab koj txoj kev ncaj yuav ntas ntua zoo li cov nplaim dej nyob hauv hiav txwv.
    19 Koj caj ces yuav coob npaum li cov suab zeb, cov tawm hauv koj los yuav ntau npaum li cov tsig zeb.
    Lawv lub npe yuav tsis raug muab txiav tawm los tshem tawm ntawm kuv mus li ib txhis.

    NPN 1: 1-2, 3, 4+6


    Txais: (Zam 8: 12) Cov uas raws koj qab, Huab Tais, lawv yuav muaj kev kaj lub neej.

    Muaj hmoov zoo yog tus uas tsis coj raws tus neeg phem zaj tswv yim,
    los taug cov neeg txhaum txoj kev,
    los zaum nrog cov neeg saib tsis taus luag tej,
    tiam sis nws zoo siab hlo coj HUAB TAIS txoj cai,
    thiab nws xav ntsoov HUAB TAIS txoj cai nruab hnub hmo ntuj.

    Txais: (Zam 8:12) Cov uas raws koj qab, Huab Tais, lawv yuav muaj kev kaj lub neej.

    Nws zoo puav tam li ib tsob ntoo
    cog nyob ze cov dej ntws,
    nws txi txiv raws caij raws nyoog,
    thiab nws tej nplooj tsis txawj zeeg li.
    Nws ua yam twg tau yam ntawd.

    Txais: (Zam 8:12) Cov uas raws koj qab, Huab Tais, lawv yuav muaj kev kaj lub neej.

    Cov neeg phem tsis zoo li ntawd,
    lawv zoo li cov npluag nplej uas cua muab nplawm tawm mus.
    Vim HUAB TAIS saib ntsoov tus neeg ncaj txoj kev,
    hos tus neeg phem txoj kev yaj ntshis mus.

    Txais: (Zam 8:12) Cov uas raws koj qab, Huab Tais, lawv yuav muaj kev kaj lub neej.

    As Les Lus Yas

    Txais: As les lus yas, as les lus yas.

    Huab Tais yuav tuaj, kav tsij tawm mus ntsib nws!
    Nws yog tus vaj muaj kev thaj yeeb.

    Txais: As les lus yas, as les lus yas.

    Ntawv Moo Zoo: MT 11: 16-19

    Yes Xus hais rau tsoom sid tias:
    16 "Kuv yuav muab tiam neeg no piv rau dab tsi ? Tiam neeg no zoo li ib pab me nyuam yaus zaum tom tshav puam ; lawv rov sib hu lawv tias :
    17 "Peb twb tshuab raj rau nej, nej tsis dhia li! Peb cuab suab nqua nkauj tuag, los nej tsis nyiav li !"
    18 Zam tuaj, nws tsis noj mov, tsis haus cawv, lawv hais tias : ‘Nws yog neeg raug dab !’
    19 Neeg Leej Tub tuaj, nws noj mov haus cawv, lawv hais tias : ‘Saib tus ntawd mas! Nws hu dab thiab quav cawv, nws nrog cov sau se thiab cov neeg txhaum ua phooj ywg !’ Tab sis, kev Thoob Tsib cov hauj lwm ua kom kev thoob tsib tau txais kev ncaj ncees lawm. “



    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 13th December 2019, 6:23 am

    TIM 14 LUB 12 HLIS 2019

    Hnub Xya Lis Piam Ob Caij Tos Huab Tais Xyoo A Nruab Lis Piam Xyoo II

    Hwm LN John of the Cross (Zam Ntoo Cuam)

    Zaj Nyeem Ib: Npes Xis Las 48: 1-4, 9-11


    1 Ces tus Yaj Saub Es Lias sawv tsees xws li ib co hluav taws, nws lo lus cig cuag li ib teg tsau.
    2 Nws ua kom kev tshaib plab tuaj raug lawv, nws lub siab kub ua kom lawv tshuav tsawg leej lawm xwb.
    3 Nws hais Huab Tais lo lus los muab cov dej nag saum ntuj kaw cia.
    Nws kuj ua kom hluav taws poob saum ntuj los peb zaug.
    4 Es Lias, koj muaj hwj chim kawg nkaus nyob hauv koj cov hwj huam yees ntxwv!
    Leej twg yuav khav tau tias nws loj ib yam li koj ?
    9 Ib lub khaub zeeg cua hluav taws nqa koj mus lawm, koj caij ib lub tsheb nees hluav taws mus.
    10 Muaj ntawv sau tseg tias koj raug xaiv ua tus yuav rov los thaum lub caij kawg; koj yuav los cheem Tswv Ntuj lub siab npau taws kom tsis txhob mus txog qhov npau dhau; koj yog tus coj phaj txiv lub siab rov los npuab phaj tub; koj yuav rov tuaj tsa cov xeem Yas Kos kom sawv.
    11 Cov neeg uas tau pom koj, lawv txoj hmoov zoo, thiab cov neeg uas muaj Tswv Ntuj txoj kev hlub ua tsoos npua kuj ib yam; vim yeej tseeb tias peb kuj yuav muaj txoj sia nyob thiab.

    NPN 80: 2AC+3B, 15-16, 18-19

    Txais: (4) HUAB TAIS, thov koj tig peb lub siab los npuab koj;
    koj pub koj lub ntsej muag rau peb pom ces peb yuav txais kev cawm.

    Tus tswv zov yaj saib His Xas Lais, thov koj cuab pob ntseg mloog mas.
    thov koj zaum saum theej kiab saum cov kes lus npis ci ntsa tuaj.
    Koj cia li tsa koj lub hwj huam kom tsim dheev los.

    Txais…

    HUAB TAIS kav ib tsoom tshiab, thov koj
    rov dauv muag saum ntuj los saib dua ib zaug ntxiv.
    Thov koj los tu tsob txiv cawv no,
    los txuag yam uas koj txhais tes xis tau cog,
    yog neeg tus tub uas koj tau ua kom muaj zog.

    Txais…

    Thov koj tuaj pab tus neeg uas yog koj sab tes xis,
    tus neeg leej tub uas koj tau ua kom muaj zog.
    Ces peb thiaj yuav tsis ncaim deb ntawm koj ntxiv lawm.
    Thov koj muab txoj sia tshiab rau peb,
    ces peb yuav vam txog koj lub npe.

    Txais…

    As Les Lus Yas: LUS KAS 3: 4, 6

    Txais: As les lus yas, As les lus yas

    Nej npaj txoj kev rau Huab Tais, nej ua kom nws txoj kev ncaj.
    ces txhua leej neeg yuav pom Tswv Ntuj txoj kev cawm seej.

    Txais: As les lus yas, As les lus yas

    Ntawv Moo Zoo : Mas Tais 17: 9a, 10-13

    9a Thaum lawv nqes saum roob los,
    10 cov thwj tim nug Yes Xus tias : "Ua cas cov Kws Ntawv Ntshiab hais tias Es Lias yuav xub los ua ntej tso no?"
    11 Yes Xus teb tias : "Yeej yog tiag. Es Lias yuav tsum los tso, nws yuav los kho ib puas tsav yam kom zoo tso.
    12 Tiam sis kuv hais rau nej tias: Es Lias twb los lawm, tab sis lawv zeem tsis tau nws, lawv ua lwj ua liam rau nws raws lawv siab. Neeg Leej Tub kuj yuav raug lawv tsim ib yam nkaus."
    13 Ces cov thwj tim thiaj to taub tias yog Yes Xus hais txog Zam Ntxuav Plig.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 15th December 2019, 1:58 pm

    TIM 16 LUB 12 HLIS 2019

    Hnub Ob Lis Piam Peb Caij Tos Huab Tais Xyoo A Nruab Lis Piam Xyoo II

    Zaj Nyeem Ib: XP 24: 2-7, 15-17A


    2 Npas Las tsa muag ntsia, nws pom cov His Xas Lais tsa tsev nyob ua tej pawg, raws lawv cov xeem. Tswv Ntuj lub tswv yim los nyob hauv nws, 3 ces nws hais ib co lus zoo li no : "Npas Las, Npes Os tub, hais nws cov lus saub tawm; tus neeg uas qi nws qhov muag tshaj txog nws cov lus saub, 4 tus neeg uas hnov Tswv Ntuj cov lus, hais nws cov lus saub tawm; nws pom raws li tus muaj hwj huam pub kom nws pom, ces nws ntog, thiab nws qhov muag qhib plho. 5 Yas Kos, cas koj cov tsev tsam phooj yuav zoo tis ua zoo; His Xas Lais, cas koj tej vaj loog yuav zoo saib tas npaud ! 6 Zoo cuag li tej lub vos hav tiaj ntev ntev, cuag li tej lub vaj txiv ntoo nyob ntawm ntug dej, cuag li tej lub vaj tshuaj uas HUAB TAIS cog cia, zoo puav tam li cov ntoo ciab uas txawm nyob ze dej ! 7 Dej yuav ntws lug ntawm nws cov thoob los, nws caj ces yuav nyob puv ntau tus dej, nws tus vaj yuav nyob siab dua As Nkav, nws txoj kev ua vaj yuav nto moo lug.
    15 Npas Las, Npes Os tub, hais nws cov lus saub tawm; tus neeg uas qi nws qhov muag tshaj txog nws cov lus saub, 16 tus neeg uas hnov Tswv Ntuj cov lus, tus uas paub txog tej yam tus nyob siab tshaj paub, tus uas pom tej yam tus muaj hwj huam tas nrho pom, nws ntog ces nws qhov muag qhib plho.
    17a Kuv pom nws, tab sis tsis yog lub caij tam sis no, kuv ntsia ntsoov nws, tab sis tsis yog pom ze ze. Ib lub hnub qub yuav tawm ntawm Yas Kos tuaj, ib rab cwj coj neeg yuav sawv hauv His Xas Lais los.

    NPN 25: 4-5AB, 6+7BC, 8-9

    Txais: (4) Huab Tais, thov koj qhia koj txoj kev rau kuv taug.

    Huab Tais, thov koj ua kom kuv paub koj tej kev,
    thov qhia koj tej lw rau kuv taug,
    thov coj kuv mus raws koj txoj kev tseeb thiab qhia rau kuv paub,
    vim koj yog Tswv Ntuj, yog tus cawm kuv.

    Txais: (4) Huab Tais, thov koj qhia koj txoj kev rau kuv taug.

    Huab Tais, thov koj nco ntsoov tias koj yeej ib txwm muaj
    lub siab hlub neeg, thiab muaj siab zoo txij puag thaum ub los.
    Huab Tais, vim koj lub siab zoo, thiab lub siab hlub neeg
    thov koj nco txog kuv.

    Txais: (4) Huab Tais, thov koj qhia koj txoj kev rau kuv taug.

    Huab Tais yog tus ncaj tus zoo,
    nws thiaj qhia txoj kev zoo rau tus neeg txhaum.
    Nws coj tus neeg me mus raws txoj kev ncaj,
    nws qhia nws txoj kev rau tus neeg me taug.

    Txais: (4) Huab Tais, thov koj qhia koj txoj kev rau kuv taug.

    As Lesd Lus Yas: NPN 85: 8

    Txais: As les lus yas, as les lus yas.

    Huab Tais, thov koj muab koj txoj kev glub rau peb pom
    thiab koj pub koj txoj kev cawm rau peb.

    Txais: As les lus yas, as les lus yas

    Ntawv Moo Zoo: MT 21: 23-27


    23 Yes Xus mus hauv lub Tuam Tsev Teev Ntuj. Thaum nws qhia sawv daws, cov thawj leej choj thiab cov laus neeg nyob hauv tsoom pej xeem txav los ze Yes Xus, lawv hais rau nws tias : “Koj muaj cai qhov twg los ua tej ntawd ? Leej twg pub cai rau koj ua li ntawd ?” 24 Yes Xus teb lawv tias : “Ntawm kuv, mas kuv kuj yuav nug nej ib los thiab. Yog nej teb kuv, ces kuv mam yuav qhia nej tias leej twg pub cai rau kuv ua li ntawd. 25 Zam lub cim ntxuav tuaj qhov twg tuaj ? Puas tuaj ntawm Ntuj tuaj los tuaj ntawm neeg tuaj ?” Cov thawj leej choj thiab cov laus neeg xav tswv yim nyob hauv lawv tias : 26 “Yog peb hais tias 'tuaj ntawm Ntuj tuaj' ; nws yuav hais rau peb tias : ‘Yog li, uas cas nej tsis ntseeg nws ?’ Hos yog peb hais tias 'Tuaj ntawm neeg tuaj,' peb kuj ntshai tsoom pej xeem, vim sawv daws saib Zam yog ib tug yaj saub.” 27 Ces lawv teb rau Yes Xus tias : “Peb tsis paub.” Yes Xus thiaj hais rau lawv tias : “Ntawm kuv los, kuv yuav tsis qhia nej tias kuv tau cai ntawm leej twg los ua tej ntawd.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 16th December 2019, 5:58 am

    TIM      17      LUB      12      HLIS      2019

    Hnub Peb Lis Piam Peb Caij Tos Huab Tais Xyoo A Nruab Lis Piam Xyoo II

    Zaj Nyeem Ib:       HAUV PAUS  49:   1A, 2, 8-10


    1 Yas Kos hu nws cov tub los, nws hais rau lawv tias :  
    2 “Nej tuaj sib sau ua ke  thiab nej mloog mog, Yas Kos cov tub, ces nej yuav ua raws nej txiv His Xas Lais cov lus.
    8 Yus Das, koj cov kwv tij yuav cav txog koj, koj txhais tes yuav ntsiab rawv koj cov yeeb ncuab lub xwb qwb, hos koj txiv cov tub yuav khoov cev hawm koj.
    9 Yus Das zoo li ib tug thav tsov. Me tub, koj loj hlob nyob hauv txoj kev caum nqaij. Nws qhau cev, nws pw zoo li ib tug tsov, thiab zoo  li ib tug maum tsov; leej twg yuav muaj cuab kav tsa nws ?
    10 Tus cwj ua vaj yuav tsis ncaim ntawm Yus Das txhais tes, rab pas tswj luag yuav tsis txav tawm ntawm nws ob txhais ko taw mus, mus txog thaum tus tswv rab pas tuaj txog, thiab thaum cov haiv neeg los pe hawm nws.

    NPN       72:   1-2, 3-4AB, 7-8, 17

    Txais: (7) Txoj kev ncaj yuav tawg paj lub caij nws ua vaj,
    thiab yuav muaj kev thaj yeeb lug tas mus li ib txhis.

    Tswv Ntuj, thov koj pub txoj kev txiav txim rau tus vaj,
    thiab txoj kev ncaj ncees rau vaj ntxwv tus tub.
    Nws thiaj yuav tswj koj haiv neeg raws kev ncaj ncees
    thiab yuav txiav txim ncaj rau koj cov neeg me.

    Txais…

    Cov roob siab yuav muab kev thaj yeeb rau tsoom pej xeem,
    thiab cov pov roob yuav muaj kev ncaj rau lawv.
    Nws yuav txiav txim ncaj rau cov pluag hauv tsoom pej xeem,
    nws yuav cawm cov pluag tej me nyuam.

    Txais…

    Kev ncaj yuav tawg paj lub caij nws ua vaj,
    thiab yuav muaj kev thaj yeeb lug mus txog
    thaum tsis muaj lub hli ntxiv.
    Thov kom nws kav txij ntawm ib lub hiav txwv mus rau lwm lub,
    txij ntawm tus niam dej mus txog tim npoo ntiaj teb kawg.

    Txais…

    Thov kom nws lub npe nto moo lug mus li,  
    kom nws lub npe nyob ntev npaum lub hnub.    
    Nyob hauv nws txhua xeem neeg
    nyob ntiaj teb yuav tau hmoov zoo;
    txhua haiv neeg yuav tshaj txog nws txoj kev zoo siab.

    Txais..

    As Les Lus Yas

    Txais:  As les lus yas, As les lus yas

    Peb tus Tswv Ntuj tus Nyob Siab txoj kev Thoob Tsib,
    koj siv lub hwj huam thiab kev hlub
    los coj tas txhua yam koj tsim los,
    thov koj tuaj qhia txoj kev paub txuj rau peb!

    Txais:  As les lus yas, As les lus yas

    Ntawv Moo Zoo:       MAS TAIS  1:   1-17

    1 Phau ntawv qhia txog Yes Xus Pleev lub keeb, uas yog Das Vis leej tub thiab yog Has Nplas Has leej tub : 2 Has Nplas Has yug Is Xas Has, Is Xas Has yug Yas Kos, Yas Kos yug Yus Das thiab nws cov kwv tij. 3 Yus Das poj niam hu ua Thas Mas yug Fas Les thiab Ntxas Las. Fas Les yug Es Xas Los, Es Xas Los yug As Las, 4 As Las yug As Mis Nas Das, As Mis Nas Das yug Nas As Xoos, Nas As Xoos yug Xas Moos, 5 Xas Moos poj niam hu ua Las Has yug Npuag Oos, Npuag Oos poj niam hu ua Luv yug Os Npes, Os Npes yug Yes Xes,  6 Yes Xes yug tus vaj Das Vis. Das Vis yuav Us Lis tus poj niam, nws yug Xas Los Moos, 7 Xas Los Moos yug Los Npuag, Los Npuag yug As Npias, As Npias yug As Xas, 8 As Xas yug Yos Xa Fas, Yos Xas Fas yug Yos Las, Yos Las yug Os Xias, 9 Os Xias yug Yos As Thas, Yos As Thas yug As Kas, As Kas yug Es Xes Kias, 10 Es Xes Kias yug Mas Nas Xes, Mas Nas Xes yug As Moos, As Moos yug Yos Xias, 11 Yos Xias yug Yes Kos Nias thiab Yes Kos Nias cov kwv tij. Thaum ntawd yog lub caij raug txim nyob Npas Npis Los. 12 Dhau lub caij raug txim nyob Npas Npis Los lawm, Yes Kos Nias yug Xas Las Thias, Xas Las Thias yug Ntxos Los Npas Npes, 13 Ntxos Los Npas Npes yug As Npis Yus, As Npis Yus yug Es Lias Kis, Es Lias Kis yug As Ntxos, 14 As Ntxos yug Xas Dos, Xas Dos yug As Khis, As Khis yug Es Lis Us, 15 Es Lis Us yug Es Les As Ntxas, Es Les As Ntxas yug Mas Thas, Mas Thas yug Yas Kos, 16 Yas Kos yug Yos Xes uas yog Mab Liab tus txiv. Mab Liab yug Yes Xus, uas luag hu nws ua Leej Pleev. 17 Tas cov tiam neeg huv tib si : txij Has Nplas Has los txog Das Vis, muaj kaum plaub tiam ; txij Das Vis los txog lub caij raug txim nyob Npas Npis Los, muaj kaum plaub tiam ; txij lub caij raug txim nyob Npas Npis Los txog lub caij Leej Pleev tuaj, muaj kaum plaub tiam.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 17th December 2019, 4:23 am

    TIM 18 LUB 12 HLIS 2019

    Hnub Plaub Lis Piam Peb Caij Tos Huab tais Xyoo A Nruab Lis Piam Xyoo II

    Zaj Nyeem Ib: YES LES MIAS 23: 5-8


    5 HUAB TAIS ceeb toom tias : "Ntsia saib ! Twb txog lub caij lawm uas kuv yuav ua kom ib tug ntsuag siab ncaj hlav tuaj nyob hauv Das Vis tsev neeg. Nws yuav ua vaj, nws yuav tswj kav raws kev xyuam xim, nws yuav coj raws qhov ncaj ncees thiab qhov yog nyob hauv lub teb chaws. 6 Lub caij nws ua vaj mas Yus Das yuav txais txoj kev cawm, His Xas Lais yuav tau nyob nyab xeeb. Lub npe uas luag tis rau nws yog : "HUAB TAIS peb txoj kev ncaj."
    7 HUAB TAIS ceeb toom tias: "Ntsia saib ! Twb txog lub caij lawm uas neeg yuav tsis hais ntxiv tias : 'Xws li tus HUAB TAIS muaj txoj sia nyob, uas tau coj tsoom tub ki His Xas Lais tawm ntawm Hais Nkws Tos teb los.' 8 Tab sis sawv daws yuav hais tias : 'Xws li tus HUAB TAIS muaj txoj sia nyob, uas sau His Xas Lais cov xeeb leej xeeb ntxwv nyob cov teb chaws qaum teb thiab nyob txhua lub teb chaws uas kuv ua kom lawv tawg mus nyob rov los.’ Ces lawv yuav tau nyob hauv lawv thaj av dua."

    NPN 72: 1-2, 12-13, 18-19

    Txais: (7) Txoj kev ncaj yuav tawg paj lub caij nws ua vaj
    thiab yuav muaj kev thaj yeeb luh tas mus li ib txhis.

    Tswv Ntuj, thov koj pub txoj kev txiav txim rau tus vaj,
    thiab txoj kev ncaj ncees rau vaj ntxwv tus tub.
    Nws thiaj yuav tswj koj haiv neeg raws kev ncaj ncees
    thiab yuav txiav txim ncaj rau koj cov neeg me.

    Txais…

    Ces nws yuav pab tus pluag thaum nws quaj hu,
    thiab pab tus txom nyem uas tsis muaj leej twg pab.
    Nws yuav hlub cov neeg me thiab cov pluag.
    Nws yuav cawm cov pluag txoj sia.

    Txais…

    Kom His Xas Lais tus HUAB TAIS
    Tswv Ntuj nto koob meej lug,
    nws tib leeg ua tej yam txaus qhuas.
    Kom nws lub npe nto moo lug mus li;
    kom nws lub hwj chim nyob puv tas lub ntiaj teb.

    Txais…

    As Les Lus Yas

    Txais: As les lus yas, As les lus yas

    Aub tus thawj coj His Xas Lais tsev neeg,
    tus muab txoj cai rau Mais Xes nyob saum roob Xis Nais,
    thov koj muab koj lub hwj huam loj tuaj pab cawm peb.

    Txais: As les lus yas, As les lus yas

    Ntawv Moo Zoo: MAS TAIS 1: 18-25


    18 Yes Xus Pleev lub keeb chiv zoo li no : Mab Liab uas yog Yes Xus niam, lawv muab qhaib rau Yos Xes lawm. Thaum nkawd tseem tsis tau los nyob ua ke, Leej Ntuj Plig Ntshiab ua kom Mab Liab xeeb tub. 19 Yos Xes uas yog Mab Liab tus txiv, yog ib tug neeg ncaj, nws tsis xav kom zeej tsoom hais lus xaiv txog Mab Liab, ces nws txiav siab nrauj Mab Liab twj ywm. 20 Thaum nws txiav siab yuav nrauj li ntawd lawm, Huab Tais tus Tshiab tawm los ua npau suav rau nws, thiab hais rau nws tias : "Yos Xes, Das Vis leej tub, koj txhob ntshai coj Mab Liab, koj tus poj niam, los nyob hauv koj tsev. Yog Leej Ntuj Plig Ntshiab ua kom nws xeeb tub. 21 Nws yuav yug ib tug tub, koj yuav tis nws npe hu ua Yes Xus : vim nws yuav cawm nws haiv neeg ntawm lawv cov txhaum." 22 Tas ib puas tsav yam ntawd tshwm sim raws li lo lus uas Huab Tais kom tus yaj saub xub hais tseg tias : 23 “Tus ntxhais nkauj xwb yuav xeeb tub, nws yuav yug ib tug tub. Luag yuav tis nws npe hu ua Es Mas Nus Es, txhais tias : ‘Tswv Ntuj nrog peb nyob’.”
    24 Thaum Yos Xes tsim los, nws ua raws li Huab Tais tus Tshiab qhia rau nws : nws mus coj nws poj niam los nyob hauv nws tsev. 25 Nws tsis paub nws poj niam mus txog hnub Mab Liab yug Mab Liab tus tub, thiab ws tis tus tub npe hu ua Yes Xus.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 18th December 2019, 1:07 pm

    TIM      19      LUB      12      HLIS      2019

    Hnub Tsib Lis Piam Peb Caij Tos Huab Tais Xyoo A Nruab Lis Piam Xyoo II  

    Zaj Nyeem Ib:       TLTT  13:   2-7, 24-25A


    2 Muaj ib tug txiv neej xeem Daas nyob Xas Las, nws hu ua Mas Nos As; nws poj niam yog poj khab seeb tsis muaj me nyuam li. 3 HUAB TAIS tus Tshiab tuaj tshwm sim rau tus poj niam thiab hais rau nws tias :"Koj yog poj khab seeb tsis tau muaj me nyuam li, tab sis koj yuav xeeb me nyuam thiab yuav yug ib tug tub. 4 Txij nyem no mus, koj yuav ceev faj. tsis txhob haus cawv txiv ntoo los cov cawv ntsim, tsis txhob noj tej yam tsis huv. 5 Koj yuav xeeb me nyuam thiab yuav yug ib tug tub. Koj yuav tsis pub kom rab chais chwv nws taub hau ib zaug li. Vim tus me nyuam ntawd, txij nruab thiab los, nws yuav ua Tswv Ntuj ib tug Nas Ntxis. Nws yog tus yuav pib cawm cov His Xas Lais ntawm cov Fis Lis Tis txhais tes."
    6 Tus poj niam thiaj mus hais rau nws tus txiv tias :"Tswv Ntuj ib tug neeg tau tuaj hais lus rau kuv, zoo li yog ib tug Tshiab, vim nws tus yam ntxwv txaus ntshai kawg li. Kuv tsis tau nug nws tias nws tuaj qhov twg tuaj. Nws kuj tsis tau qhia nws npe rau kuv paub thiab. 7 Tab sis nws hais rau kuv tias : ‘Koj yuav xeeb me nyuam, koj yuav yug ib tug tub. Mas koj yuav txhob haus cawv txiv ntoo los cov cawv ntsim li. Tsis txhob noj tej yam tsis huv. Koj tus me nyuam, txij nruab thiab los, nws yuav ua Tswv Ntuj ib tug Nas Ntxis mus txog hnub tuag !"
    24 Tus poj niam yug tau ib tug tub, nws tis npe rau hu ua Xas Xoos. Tus tub hlob zuj zus tuaj. HUAB TAIS foom txoj hmoov zoo rau nws. 25 HUAB TAIS lub tswv yim tuaj tshoj nws.

    NPN       71:   3-4A, 5-6AB, 16-17

    Txais: Kuv lub ncauj yuav puv nkaus kev qhuas txog koj
    thiab kuv yuav hu nkauj cav txog koj lub koob meej !

    Thov koj yog lub tsua rau kuv ua chaw nkaum,
    koj ua lub yeej khov kho thaiv kuv,
    vim koj yog kuv lub tsua thiab kuv lub yeej ntsa zeb.
    Kuv tus Tswv Ntuj, thov koj cawm kuv ntawm tus phem txhais tes.

    Txais…

    Huab Tais, koj yog kuv lub chaw vam khom,
    Tswv Ntuj,  koj yog kuv lub chaw cia siab txij thaum hluas los.
    Txij thaum kuv yug los kuv vam txog koj ib leeg;
    thaum kuv tseem nyob hauv kuv niam plab, koj yeej yog kuv lub zog.

    Txais…

    Kuv yuav qhuas txog HUAB TAIS cov hauj lwm muaj hwj huam;
    Tswv Ntuj,  kuv yuav qhia txog koj txoj kev ncaj ncees uas yog txoj tseem.
    Tswv Ntuj, koj tau qhuab qhia kuv txij thaum hluas los,
    txog zwj ceeb no, kuv tseem cav txog koj cov hauj lwm txaus qhuas.

    Txais…

    As Les Lus Yas

    Txais:  As les lus yas, As les lus yas.

    Aub tus cag ntawm Yes Xes lub hauv paus,
    koj yog lub cim qhia tias Tswv Ntuj hlub tas nrho nws haiv neeg,
    thov koj tsuag tsuag tuaj cawm peb tsis txhob ncua ntev!

    Txais:  As les lus yas, As les lus yas.

    Ntawv Moo Zoo:       LUS KAS  1:   5-25

    5 Lub zim txwv Hes Los ua vaj kav Yus Das teb, muaj ib tug Leej Choj hu ua Ntxas Kas Lias, nws yog phiaj Leej Choj As Npias. Nws poj niam hu ua Es Lis Xas Npes, yog As Loos ib tug ntxhais xeeb ntxwv. 6 Nkawd ob niam txiv yog neeg ncaj nyob ntawm Tswv Ntuj xub ntiag. Nkawd ua raws nraim li Huab Tais cov lus qhia thiab cov cai tas huv si, tsis muaj ib qho xyeej. 7 Nkawd tsis muaj me nyuam li, vim Es Lis Xas Npes xeeb tub tsis tau, thiab nkawd hnub nyug kuj laus lawm.
    8 Muaj ib hnub, Ntxas Kas Lias tab tom leg Leej Choj txoj kab xwm nyob ntawm Tswv Ntuj xub ntiag, vim txog lub caij nws phiaj Leej Choj rov leg kab xwm lawm.9 Lawv ntaus txheeb raws li cov Leej Choj kev cai ua kam, ces Ntxas Kas Lias raug ua tus chaws mus hlawv xyab hauv Huab Tais Kem Ntshiab. 10 Lub caij hlawv xyab, tas tsoom pej xeem teev Ntuj nyob sab nraud. 11 Huab Tais tus Tshiab tawm tuaj sawv ntsug nyob ntawm lub thaj hlawv xyab sab xis rau nws pom. 12 Ntxas Kas Lias pom dheev, nws ua siab nphau npog, nws ntshai kawg.
    13 Tab sis tus Tshiab hais rau Ntxas Kas Lias tias :"Ntxas Kas Lias, koj txhob ntshai, vim Ntuj mloog koj cov lus thov lawm. Koj poj niam Es Lis Xas Npes yuav yug ib tug tub rau koj, koj yuav tis nws npe hu ua Zam. 14 Kojs yuav kaj siab thiab zoo siab tas nrho. Thaum nws yug los, coob leej kuj yuav zoo siab thiab. 15 Vim nws yuav yog ib tug loj nyob ntawm Huab Tais xub ntiag. Nws yuav tsis haus kua txiv cawv, tsis haus cawv ntsim. Txij nruab thiab los, Leej Ntuj Plig Ntshiab yuav nyob puv hauv nws. 16 Nws yuav coj coob leej tub ki His Xas Lais rov los cuag Huab Tais, lawv tus Tswv Ntuj. 17 Nws yuav taug kev mus ua Huab Tais ntej. Nws yuav tau Es Lias lub tswv yim thiab lub hwj huam, kom nws coj tau cov ua txiv lub siab tig rov los rau lawv cov me nyuam, thiab coj cov neeg ntxeev siab rov los taug cov neeg ncaj txoj kev zoo, kom nws npaj tau ib haiv neeg qhib siab lug tos Huab Tais.
    18 Ntxas Kas Lias hais rau tus Tshiab tias :"Dab tsi yuav ua kom kuv paub tias yuav muaj tuaj li ntawd ? Vim kuv yog ib tug neeg laus, hos kuv poj niam kuj muaj hnub nyoog lawm." 19 Tus Tshiab teb tias :"Kuv yog Nkas Nplias. Kuv sawv nraim ntawm Tswv Ntuj xub ntiag. Nws xa kuv tuaj hais lus rau koj thiab fi tsab xov zoo no rau koj. 20 Ua lis mas koj yuav nyob ntsiag to hais tsis tau lus mus txog hnub tej xwm ntawd tshwm sim tuaj, vim koj tsis ntseeg kuv cov lus uas thaum txog sij hawm yuav tsheej xeeb tau."
    21 Tsoom pej xeem tos Ntxas Kas Lias, lawv xav tsis thoob tias vim li cas Ntxas Kas Lias thiaj nyob ntev hauv kem ntshiab. 22 Thaum nws tawm los, nws hais tsis tau lus rau lawv, ces lawv to taub tias nyob hauv kem ntshiab nws tau pom ib yam yees tawm tuaj. Ntxas Kas Lias piav tes rau lawv  xwb, nws hais tsis tau lus. 23 Thaum tas nws lub sij hawm leg kab xwm lawm, ces nws rov mus tsev. 24 Tsis ntev tom qab, Ntxas Kas Lias poj niam Es Lis Xas Npes xeeb tub. Es Lis Xas Npes tsiv nraim nyob hauv tsev tau tsib lub hlis. Nws hais tias: 25 "Huab Tais tau ua qhov no rau kuv thaum txog caij nws dauv muag los saib thiab tshem kuv txoj kev txaj muag ntawm zeej tsoom mus."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 19th December 2019, 6:30 am

    TIM 20 LUB 12 HLIS 2019

    Hnub Rau Lis Piam Peb Caij Tos Huab Tais Xyoo A Nruab Lis Piam Xyoo II

    Zaj Nyeem Ib: HX 7: 10-14


    10 HUAB TAIS hais ntxiv rau As Kas tias:
    11 "Koj thov koj tus HUAB TAIS Tswv Ntuj kom nws muab ib lub cim rau koj, Koj xav kom tawm nyob puag hauv qab ntuj txias teb tsaus, los puas nyob siab saum ntuj los tau."
    12 As Kas hais tias: "Kuv yuav tsis thov. Kuv yuav tsis sim HUAB TAIS."
    13 Ces His Xais hais tias : "Das Vis tsev neeg, nej mloog mas ! Nej ua kom tej tib neeg ceeb laj tas nrho, los tsis txaus nej siab ! Nej tseem yuav ua kom Tswv Ntuj ceeb laj thiab.
    14 Vim li ntawd, Huab Tais yuav pub ib lub cim rau nej. Ntsia saib ! Tus hluas nkauj xeeb tub lawm. Nws yuav yug ib tug tub. Nws yuav tis npe rau nws tus tub hu ua Es Mas Nus Es.

    NPN 24: 1-2, 3-4AB, 5-6

    Txais: (7c+10b) Nej cia Huab Tais chaws los; nws yog tus Vaj nto koob meej.

    Lub ntiaj teb thiab txhua yam uas nyob hauv yog HUAB TAIS li,
    Lub qab ntuj khwb thiab tas tsoom neeg nyob hauv yog HUAB TAIS tug.
    HUAB TAIS yog tus txawb lub ntiaj teb rau saum dej hiav txwv,
    nws teeb lub ntiaj teb kom ruaj rau saum cov niam dej.

    Txais: (7c+10b) Nej cia Huab Tais chaws los; nws yog tus Vaj nto koob meej.

    Leej twg yuav nce tau mus saum HUAB TAIS lub roob?
    Leej twg yuav sawv taus nyob hauv nws thaj chaw ntshiab?
    Yog tus neeg siab huv, uas txhais tes tsis lo txhaum,
    tus uas tsis ntshaw txog tej yam tsis muaj nqes,

    Txais: (7c+10b) Nej cia Huab Tais chaws los; nws yog tus Vaj nto koob meej.

    Nws tau HUAB TAIS lo lus foom hmoov zoo,
    nws txais kev ncaj ntawm nws tus Tswv Ntuj cawm neeg.
    Haiv neeg nrhiav Tswv Ntuj, lawv zoo li ntawd,
    Lawv nrhiav Yas Kos tus Tswv Ntuj lub ntsej muag.

    Txais: (7c+10b) Nej cia Huab Tais chaws los; nws yog tus Vaj nto koob meej.

    As Les Lus Yas

    Txais: As les lus yas, as les lus yas.

    Aub! Das Vis tus yawm sij, uas qhib cov rooj vag
    mus lawm hauv Tswv Ntuj lub Ceeb Tsheej nyob mus li,
    thov koj tuaj tso cov neeg raug kaw nyob hauv kev tsaus ntuj

    Txais: As les lus yas, as les lus yas.

    Ntawv Moo Zoo: LK 1: 26-38

    26 Thaum muaj rau hli lawm, Tswv Ntuj xa tus Tshiab Nkas Nplias mus rau hauv ib lub zos nyob Nkas Lis Lais teb hu ua Naj Xas Les, 27 mus cuag ib tug ntxhais nkauj xwb uas lawv muab qhaib rau ib tug txiv neej hu ua Yos Xes, yog caj ces Das Vis lawm; tus nkauj xwb ntawd lub npe hu ua Mab Liab. 28 Tus Tshiab chaws mus hauv Mab Liab tsev, nws hais rau Mab Liab tias : "Koj nyob kaj lug, tus tau txiaj ntsim puv siab ! Huab Tais nrog koj nyob." 29 Mab Liab hnov lo lus ntawd, nws lub siab nphau npog, nws xav hauv nruab siab tias lo lus hawm ntawd yog xav hais dab tsi. 30 Tus Tshiab hais rau nws tias : "Mab Liab, koj tsis txhob ntshai, vim Tswv Ntuj saib koj ntxim nws lub siab. 31 Zaum no, koj yuav xeeb tub, koj yuav yug ib tug tub, koj yuav tis nws npe hu ua Yes Xus. 32 Nws yuav yog ib tug loj, luag yuav hu nws ua tus Nyob Siab leej Tub; Huab Tais Tswv Ntuj yuav muab nws txiv Das Vis lub theej kiab rau nws zaum. 33 Nws yuav ua vaj kav Yas Kos tsev neeg tiam dhau tiam; nws txoj kev ua vaj yuav tsis muaj caij kawg."
    34 Mab Liab hais rau tus Tshiab tias : "Qhov ntawd yuav muaj tuaj zoo li cas, vim kuv tsis paub ib tug txiv neej li." 35 Tus Tshiab teb rau Mab Liab tias : "Leej Ntuj Plig Ntshiab yuav los nyob saum koj, tus Nyob Siab lub hwj huam yuav los roos koj. Li ntawd, tus ntshiab yug los yuav hu ua Tswv Ntuj Leej Tub. 36 Saib ! Es Lis Xas Npes, tus uas txheeb koj, luag hu nws ua pog khab seeb no, nws hnub nyoog laus lawm, tab sis nws kuj xeeb tub lawm thiab; lub hlis no, yog lub rau hli rau nws lawm. Vim tias, tsis muaj ib yam uas Tswv Ntuj ua tsis tau."
    38 Ces Mab Liab hais tias : "Kuv yog Huab Tais tus ntxhais txib. Kuv xav kom muaj tuaj rau kuv raws li koj hais." Ces tus Tshiab tso Mab Liab tseg.


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 20th December 2019, 4:35 am

    TIM 21 LUB 12 HLIS 2019

    Hnub Xya Lis Piam Peb Caij Tos Huab Tais Xyoo A Nruab Lis Piam Xyoo II

    Hwm LN Peter Canisius

    Zaj Nyeem Ib: Kwv Txhiaj 2: 8-14


    8 Kuv tus hlub lub suab! Ntsia saib, nws tuaj lawm ! Nws dhia hla toj roob hauv pes, hla plhaw tej pov roob khiav tuaj. 9 Kuv tus hlub zoo puav tam li tus kauv, puav tam li tus thav muas lwj. Ntsia saib ! Nws tuaj sawv nraum peb lub ntsa loog. Nws xauj nraum qhov rais tuaj, nws xauj nraum cov ntxaij ntsia ntsoov tuaj. 10 Tus kuv hlub tsa suab hais rau kuv tias : "Koj sawv tsees mas, kuv tus me ntxim hlub, kuv tus neeg zoo, tawm los mas ! 11 Koj saib, lub caij ntuj no twb dhau lawm, nag twb tuthiab dua tas lawm. 12 Paj twb tawg puv tas teb chaws; yog lub caij mus tshib tej ceg hmab ceg ntoo. Tus nquab tsug twb pib quaj hauv peb lub teb chaws lawm. 13 Cov txiv cev pib ua cos ntsuab vog, cov hmab txiv cawv tawg paj tsw qab ntxiag. Sawv tsees los mas, kuv tus me ntxim hlub, kuv tus neeg zoo, tawm los mas! 14 Kuv me nkauj nquab, koj nkaum hauv tej kis tsua saum tej toj roob, hauv cov qhov nraim hauv tej phab tsua. Tawm los rau kuv pom yuad ! Pub kuv hnov koj lub suab mas ! Vim koj lub suab zoo mloog, thiab koj zoo ntxim nyiam kawg li!”

    Los: XFN 3: 14-18A


    14 Leej me ntxhais Xis Yoos, koj qw zoo siab ! Tsoom His Xas Lais, nej hu nkauj luag ntxhi! Me ntxhais Yes Lus Xas Les, koj muab tas koj lub siab los zoo siab dhia hom khaj! 15 HUAB TAIS tau tshem koj txim lawm, nws ntiab koj cov yeeb ncuab kom rov qab. Huab Tais, His Xas Lais tus vaj nyob nruab nrab hauv koj, koj yuav tsis ntshai kev raug xwv txheej ntxiv lawm. 16 Hnub ntawd, luag yuav hais rau Yes Lus Xas Les tias : “Xis Yoos, koj txhob ntaus siab me kiag li! Koj ob txhais tes tsis txhob muag tsis txhob tshee! 17 HUAB TAIS koj tus Tswv Ntuj nyob nruab nrab hauv koj ! Nws yog tus cawm seej muaj hwj huam. Nws zoo siab tas nrho yog vim koj; nws txoj kev hlub yuav ua kom koj rov tshiab tuaj. Nws yuav hu nkauj zoo siab yog vim koj, 18 xws li ib tug neeg hu nkauj hauv cov ntees lom zem.”

    NPN 33: 2-3, 11-12, 20-21

    Txais: (1a; 3a) Nej cia li zoo siab nyob hauv Huab Tais, nej cov neeg ncaj!
    Nej hu ib zaj nkauj tshiab rau nws.

    Nej ntaus nkauj nog ncas ua HUAB TAIS tsaug.
    Nej ntaus nkauj nog ncas kaum txoj hlua cav txog rau nws!
    Nej hu ib zag nkauj tshiab rau nws,
    nej muab siab rau qoj cov hlua ncas nrog suab qw zoo siab.

    Txais: (1a; 3a) Nej cia li zoo siab nyob hauv Huab Tais, nej cov neeg ncaj!
    Nej hu ib zaj nkauj tshiab rau nws.

    Tej yam HUAB TAIS npaj yuav nyob mus li,
    Yam nws lub siab xav ua yuav nyob txheej dhau txheej.
    Haiv neeg uas tau HUAB TAIS los uaTswv Ntuj, lawv txoj hmoov zoo,
    Huab Tais xaiv haiv neeg ntawd los ua nws lub cuab tam.

    Txais: (1a; 3a) Nej cia li zoo siab nyob hauv Huab Tais, nej cov neeg ncaj!
    Nej hu ib zaj nkauj tshiab rau nws.

    Ntawm peb, peb tus ntsuj plig tos ntsoov HUAB TAIS:
    nws yog tus pab peb, nws yog peb daim leem phiaj.
    Peb muaj kev zoo siab yog nyob hauv nws,
    peb chaw tso siab yog nyob hauv nws lub npe ntshiab.

    Txais: (1a; 3a) Nej cia li zoo siab nyob hauv Huab Tais, nej cov neeg ncaj!
    Nej hu ib zaj nkauj tshiab rau nws.

    As Les Lus yas

    Txais: As kles lus yas, as les lus yas.

    Aub! Es Mas Nus Es, koj yog peb tus Vaj, tus muab Txoj Cai rau peb,
    thov koj tuaj cawm peb, Huab Tais peb tus Tswv Ntuj!

    Txais: As kles lus yas, as les lus yas.

    Ntawv Moo Zoo: LK 1: 39-45

    39 Tau ob peb hnub tom qab, ces Mab Liab sawv kev mus; nws rau siab ntso mus pem toj siab, mus rau ib lub nroog nyob xeev Yus Das. 40 Nws chaws mus hauv Ntxas Kas Lias tsev, nws foom lus nyob kaj lug rau Es Lis Xas Npes. 41 Thaum Es Lis Xas Npes hnov Mab Liab lub suab, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv Es Lis Xas Npes, 42 ces Es Lis Xas Npes tsa suab hlo hais nrov nrov tias : "Koj tau koob tau hmoov tshaj ib tsoom poj niam huv tib si, thiab lub txiv hauv koj lub cev tau koob tau hmoov. 43 Ua cas Ntuj thiaj pub kom kuv tus Huab Tais leej niam tuaj xyuas kuv ? 44 Koj saib, thaum kuv hnov dheev koj lub suab foom kev kaj lug nrov txog kuv pob ntseg, mas tus me nyuam hauv kuv plab dhia zoo siab. 45 Tus uas tau ntseeg tias cov lus Huab Tais hais rau nws yuav tsheej xeeb tau, mas nws txoj hmoov zoo !"

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 22nd December 2019, 11:57 am

    TIM      23      LUB      12      HLIS      2019

    Hnub Ob Lis Piam Plaub Caij Tos Huab Tais Xyoo A Nruab Lis Piam Xyoo II

    Hwm LN John of Kanty

    Zaj Nyeem Ib:       MLK  3:   1-4, 23-24


    Huab Tais Tswv Ntuj hais li no:
    1 “Kuv xa kuv tus tub tshaj xov mus kho kev ua kuv ntej. Ces ib sij huam, tus Huab Tais uas nej nrhiav yuav chaws los hauv nws lub tuam tsev; tus tub tshaj txog txoj kev cog lus uas nej ntshaw, saib, nws tuaj txog ntawd lawm !" Tus HUAB TAIS kav tsoom tshiab hais li ntawd. 2 Leej twg thiaj yuav tiv taus hnub nws tuaj txog? Leej twg thiaj yuav sawv taus ntseg thaum nws tawm plaws los? Vim nws yuav zoo li cov hluav taws nchuav nyiaj nchuav kub, thiab zoo li cov tshuaj ntxhua xov kom dawb.
    3 Nws yuav zaum ua tus nchuav nyiaj thiab ua kom nyiaj dawb. Nws yuav ua kom Les Vis cov tub huv tuaj, thiab yuav muab lawv nchuav xws lis nchuav nyiaj thiab nchuav kub, ces lawv yuav yog cov tub cev thaj txi ntuj rau HUAB TAIS raws txoj kev ncaj. 4 Ces HUAB TAIS yuav pom zoo txais Yus Das thiab Yes Lus Xas Les cov thaj txi Ntuj ib yam li txheej thaum ub, ib yam li thaum lub caij dhau los lawm.
    23 Ntsia saib, kuv yuav xa tus yaj saub Es Lias tuaj rau nej thaum ua ntej hnub HUAB TAIS yuav tuaj, uas yog ib hnub loj thiab txaus ntshai kawg nkauss. 24 Nws yuav rub tau cov ua leej txiv lub siab rov mus hlub lawv cov tub cov ntxhais thiab cov tub cov ntxhais lub siab rov mus hlub lawv txiv, tsis li ntawd ces tsam kuv yuav tau tso kev puas tsuaj puas ntsoog tas huv si tuaj raug lub ntiaj teb.

    NPN       25:   4-5AB, 8-9, 10 + 14

    Txais: (Lus Kas 21:28) Tsa nej taub hau ntsia,
    ces nej yuav pom tias nej txoj kev dim nyob ze ze lawm.

    HUAB TAIS, koj ua kom kuv paub koj tej kev,
    thov qhia koj tej kev rau kuv kawm.
    Coj kuv mus taug koj txoj kev tseeb, thov qhia rau kuv paub,
    vim koj yog Tswv Ntuj tus cawm kuv.

    Txais…

    HUAB TAIS yog tus siab zoo thiab siab ncaj,
    nws qhia cov neeg txhaum rov los taug txoj kev zoo.
    nws coj cov neeg me mus rau txoj kev ncaj,
    nws qhia nws txoj kev rau cov neeg me kawm.

    Txais…

    Tas HUAB TAIS tej kev yog kev ua siab zoo thiab kev ua ncaj
    rau cov neeg coj raws nraim li nws tau cog lus thiab nws txoj cai.
    Cov neeg hwm HUAB TAIS xwb thiaj paub nws lub siab,
    thiab lawv thiaj to taub txog nws txoj kev cog lus.

    Txais…

    As Les Lus Yas

    Txais: As les lus yas, As les lus yas

    Vaj kav tas txhua haiv neeg thiab lub pob zeb txheem lub Koom Txoos,
    thov koj tuaj cawm tib neeg uas koj tau muab av los puab!

    Txais: As les lus yas, As les lus yas

    Ntawv Moo Zoo:       LK  1:   57-66

    57 Thaum ntawd kuj txog lub caij Es Lis Xas Npes daws cev lawm, ces nws yug tau ib tug tub. 58 Cov neeg koom zej koom zos thiab nws cov kwv tij neej tsa hnov tias Huab Tais hlub Es Lis Xas Npes kawg nkaus, lawv nrog nws zoo siab. 59 Thaum txog hnub yim, lawv tuaj ua lub cim txiav rau tus me nyuam. Lawv xav tis nws npe raws li nws txiv Ntxas Kas Lias lub npe. 60 Tiam sis nws niam hais tias : "Tsis yog. Tus me nyuam yuav hu ua Zam." 61 Lawv hais rau leej niam tias : "Tsis muaj ib tug hauv koj cov txheeb ze hu li ntawd li." 62 Ces lawv piav tes rau leej txiv saib nws xav kom lawv tis tus me nyuam npe li cas. 63 Leej txiv kom lawv muab ib daim txiag sau ntswv los, nws sau ntawv tias : "Nws lub npe hu ua Zam." Sawv daws ceeb tas. 64 Tam sis ntawd, leej txiv lub ncauj qhib plho, tus nplaig muag nthas, nws hais tau lus, nws cav txog Tswv Ntuj. 65 Tsoom neeg nyob ze nkawd sawv daws tau ntshai kawg. Hos nyob pem toj siab hauv xeev Yus Das, sawv daws tham txog tej xwm ntawd. 66 Cov uas tau hnov luag tham txog tej xwm no, muab khaws cia rau nruab siab, lawv hais tias : "Tus me nyuam ntawd yuav yog ib tug zoo li cas ? Vim Huab Tais txhais tes yeej nrog nraim tus me nyuam ntawd tiag.”



    Last edited by Mim on 28th January 2020, 1:50 pm; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 23rd December 2019, 9:18 am

    TIM 24 LUB 12 HLIS 2019

    Hnub Peb Lis Piam Plaub Caij Tos Huab Tais Xyoo A Nruab Lis PIam Xyoo II – Mis Xas sawv ntxov

    Zaj Nyeem Ib: 2 XM 7: 1-5, 8B-12, 14A, 16


    1 Thaum vaj Das Vis tshais los nyob hauv nws lub tsev vaj loog lawm thiab HUAB TAIS pub nws so tsis muaj kev tawm tsam nrog nws cov yeeb ncuab nyob ib ncig ntawm nws lawm, nws hais rau tus Yaj Saub Nas Taas tias : "Koj ntsia saib, kuv nyob hauv ib lub tsev ntoo ciab, hos Tswv Ntuj lub Xab Cog Lus nyob hauv ib lub Tsev Tsam Phooj xwb!" 3 Nas Taas teb rau tus vaj tias : "Koj mus ua raws li koj siab xav, vim HUAB TAIS nrog nraim koj." 4 Tiam sis hmo ntawd, Tswv Ntuj lo lus nrov tuaj rau Nas Taas tias : 5 "Koj mus hais rau kuv tus tub txib Das Vis tias ‘HUAB TAIS hais li no : Koj puas yog tus yuav txhim ib lub tsev rau kuv nyob?
    8b Kuv tau rho koj tawm hauv tsiaj cov tshav zaub thiab hauv txoj kev tu tsiaj los ua tus tswj kav kuv haiv His Xas Lais. 9 Koj mus txog twg kuv tau nrog koj nraim, thiab tau tshem koj cov yeeb ncuab ntawm koj hauv ntej tas tib si. Kuv yuav ua kom koj lub npe nto moo ib yam li cov neeg tseem ceeb nyob hauv ntiaj teb. 10 Kuv yuav qee ib thaj av rau kuv haiv neeg His Xas Lais; kuv yuav coj lawv mus cog rau ntawd kom lawv nyob muaj chaw; ces lawv yuav tsis ntsib kev nyuaj siab ntxiv lawm; cov neeg phem yuav tsis tsuj lawv ntxiv xws li yav dhau los lawm, 11 uas yog txij hnub kuv tau tsa muaj cov txwj laus los coj kuv haiv neeg His Xas Lais lawm; kuv yuav cia koj tau so ntawm koj cov yeeb ncuab. HUAB TAIS tseem hais ntxiv rau koj tias HUAB TAIS yuav npaj ib lub tsev rau koj. 12 Thaum txog koj lub caij dua lawm, thiab koj mus so nrog koj cov yawg koob lawm, kuv yuav tsa ib tug los txais koj lub cuab tam, tawm ntawm koj roj koj ntshav los, sawv lawv koj qab; kuv yuav tsa nws ua vaj nyob ruaj nreb.
    14 Kuv yuav yog nws txiv, nws yuav yog kuv tus tub.
    16 Koj tsev neeg thiab koj txoj kev ua vaj yuav nyob mus li nyob ntawm kuv xub ntiag; koj lub theej kiab yuav nyob ruaj nreb mus ib txhis."

    NPN 89: 2-3, 4-5, 27+29


    Txais: (2) Kuv yuav hu nkauj mus li cav txog HUAB TAIS lub siab zoo.

    Kuv yuav hu nkauj mus li cav txog HUAB TAIS tej kev zoo,
    kuv lub ncauj yuav tshaj txog koj txoj kev pheej xeeb mus tiam dhau tiam.
    Vim koj tau hais tias: “Kuv lub siab zoo yuav nyob ruaj mus li;”
    nyob saum ntuj koj tau cog koj txoj kev pheej xeeb kom ruaj nreb.

    Txais…

    “Kuv tau cog lus nrog tus neeg kuv tau xaiv,
    kuv tau cog lus ruaj rau kuv tus tub txib Das Vis tias:
    kuv yuav tsa koj tsoom xeeb leej xeeb ntxwv nyob ruaj nreb mus li,
    thiab koj lub theej kiab yuav nyob khov kho mus tiam dhau tiam,”

    Txais…

    “Nws yuav hais rau kuv tias, ‘Koj yog kuv txiv,
    kuv tus Tswv Ntuj, kuv lub tsua, kuv tus cawm seej.’
    Kuv yuav ua siab zoo rau nws mus tas ib txhis,
    thiab kuv txoj kev nrog nws cog lus yuav nyob ruaj nreb.”

    Txais…

    As Les Lus Yas

    Txais: As les lus yas, as les lus yas

    Qhov Kaj Ntug ci ntsa iab,
    Qhov pom kev ci ntsa paug mus li, lub hnub muaj kev ncaj ncees,
    thov koj tuaj ci kaj cov neeg nyob hauv kev tsaus ntuj
    thiab hauv txoj kev tuag tus duab ntxoov ntxoo.

    Txais: As les lus yas, as les lus yas

    Ntawv Moo Zoo: LK 1: 67-79

    67 Ces Leej Ntuj Plig Ntshiab los nyob puv hauv tus me nyuam leej txiv Ntxas Kas Lias, nws ua yaj saub hais tias:
    68 "His Xas Lais tus Huab Tais Tswv Ntuj nto koob meej, vim nws tuaj xyuas thiab tuaj npo nws haiv neeg lawm.
    69 Nws tsa ib txog kev cawm muaj zog rau peb nyob hauv nws tus tub txib Das Vis tsev neeg. 70 Nws ua raws li nws kom cov yaj saub ntshiab txheej thaud xub qhia tias : 71 nws yuav cawm peb ntawm peb cov yeeb ncuab, thiab ntawm cov neeg ntxub peb txhais tes. 72 Nws tau hlub peb cov yawg koob. Nws nco ntsoov txog cov lus ntshiab nws nrog lawv cog, 73 nws nco ntsoov txog lo lus nws cog rau peb txiv Has Nplas Has tias : 74 nws yuav npo peb dim ntawm peb cov yeeb ncuab txhais tes, 75 peb thiaj tau kev twj lij tsis ntshai pe hawm nws, ua neeg ntshiab thiab neeg ncaj nyob ntawm nws xub ntiag tas peb sid. 76 Hos koj, me tub, luag yuav hu koj ua Leej Nyob Siab tus yaj saub; vim koj yuav mus ua Huab Tais ntej, koj yuav npaj nws txoj kev. 77 Koj yuav qhia nws haiv neeg kom lawv paub txog txoj kev cawm, uas yog los ntawm txoj kev lawv tau txais kev zam txhaum los. 78 Vim peb tus Tswv Ntuj muj lub siab mos siab muag hlub peb, ces lub hnub saum txheej siab yuav tawm tuaj ci rau peb, 79 yuav tuaj kaj cov neeg zaum nyob hauv qhov tsaus ntuj thiab nyob hauv kev tuag tus duab ntxoov ntxoo. Nws yuav hwj peb txhais taw mus taug txoj kev thaj yeeb."


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 23rd December 2019, 2:17 pm

    Tim      25      lub      12      Hlis      2019

    Hmoov Tsuj Xeeb HTYX Yug Los


    Peb yuav tsum nco ntsoov hais tias lub Hmoov Tsuj Xeeb HTYX Yus Los mas yog hais txog tim 24 tsaus ntuj mus rau tim 25 sawv ntxov lub 12 hlis.

    Nws muaj plaub lub sij hawm ua Thaj Txi Ntuj:

    1. Tim 24 tsaus ntuj
    2. Tim 24-25 thaum ib tag hmo
    3. Tim 25 sawv ntxov tsis tau kaj ntug
    4. Tim 25 sawv ntxov thaum kaj ntug lawm

    Yog li plaub lub sij hawm ntawd nyias muaj nyias cov zaj nyeem.
    Qhov ntau mas niaj hnub no peb tsis ua plaub thaj txi ntuj li ntawd lawm., tsuas ua ob thaj xwb, thaj txi ntuj thaum tsaus ntuj hmo 24, thiab thaj txi ntuj thaum sawv ntxov tim 25 thaum kaj ntug lawm xwb.

    Raws li peb cov TP hauv peb lub church mas lawv xaiv cov zaj nyeem thaum ib tag hmo los nyeem rau thaum tsaus ntuj, thiab cov zaj nyeem rau thaum sawv ntxov uas yog thaum kaj ntug  lawm.

    Kuv tau tso tas nrho cov zaj nyeem plaub lub sij hawm tib si rau hauv no. Nej yuav tsum nug kom nej paub tias nej cov TP xav kom nyeem cov zaj nyeem twg ces nej mus xaiv cov ntawd xwb.


    Thov kom tus me nyuam Yes Xus yug los
    nyob hauv peb sawv daws nruab siab,
    coj nws txoj kev thaj yeeb nyab xeeb
    tuaj rau peb sawv daws nawb!


    Nej mus taum nrhiav cov zaj nyeem nyob hauv no:
    https://hmongcatholique.forumdediscussions.com/t1456-cov-zaj-nyeem-ua-koob-tsheej-yes-xus-yug-los#13556


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 25th December 2019, 3:56 pm

    Tim      26      lub      12      Hlis      2019

    Hnub Tsib Tom Qab Hnub Yes Xus Yug Los

    Hwm LN Stephen/Etienne/Tes Fas Nos, Thawj tus Tuag Ua Tim Khawv


    Nej taum mus saib  cov zaj nyeem rau hnub tim 26 lub 12 hlis nyob hauv no:
    https://hmongcatholique.forumdediscussions.com/t1460-cov-zaj-nyeem-rau-tej-hnub-tshwj-xeeb#14355


    Last edited by Mim on 26th December 2019, 7:38 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 26th December 2019, 7:37 am

    Tim      27      lub      12      Hlis      2019

    Hnub Rau Tom Qab Yes Xus Yug Los

    Hwm LN Zam, Hauv Paus Xa Lus thiab Kws Sau Zam Ntawv Moo Zoo (John, Apostle and evangelist)


    nej mus saib cov zaj nyeem nyob hauv no;
    https://hmongcatholique.forumdediscussions.com/t1460-cov-zaj-nyeem-rau-tej-hnub-tshwj-xeeb#14356
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 27th December 2019, 10:15 am

    Tim 28 lub 12 Hlis 2019

    Hnub Xya Tom Qab Yes Xus Yug Los

    Hwm ib tsoom me nyuam tsis muaj kev txhaum tau tuag hloov Yes Xus chaw.


    Nej mus saib cov zaj nyteem nyob hauv no:

    https://hmongcatholique.forumdediscussions.com/t1460-cov-zaj-nyeem-rau-tej-hnub-tshwj-xeeb#14358
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2967
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 30th December 2019, 1:34 pm

    TIM 30 LUB 12 HLIS 2019

    Hnub Ob Hauv Nruab Lis Piam

    Hnub Rau hauv Thawj Yim Hnub lub Caij Yes Xus Yug los

    Zaj Nyeem Ib: 1 ZAM 2: 12-17


    12 Cov me nyuad, kuv sau ntawv tuaj rau nej, vim nej cov txhaum daws tas lawm nyob hauv Yes Xus lub npe lawm. 13 Kuv sau ntawv tuaj rau nej cov ua txiv, vim nej yeej paub Tus ib txwm Nyob txij thaum lub hauv paus los lawm. Cov hluas, kuv sau ntawv tuaj rau nej, vim nej yeej tus Phem lawm. 14 Kuv cov me nyuad, kuv sau ntawv tuaj rau nej, vim tias nej paub Leej Txiv. Kuv sau ntawv tuaj rau nej cov ua txiv, vim nej yeej paub Tus ib txwm Nyob txij thaum lub hauv paus los lawm. Cov hluas, kuv sau ntawv tuaj rau nej, vim nej muaj zog thiab Tswv Ntuj lo lus nyob ruaj khov hauv nej, ces nej ntaus yeej tus Phem lawm. 15 Nej tsis txhob nyiam lub ntiaj teb, los tej yam uas nyob hauv lub ntiaj teb. Yog leej twg nyiam lub ntiaj teb, mas txoj kev nyiam Tswv Ntuj tsis nyob hauv nws. 16 Vim txhua yam uas nyob hauv lub ntiaj, xws li lub cev nqaij txoj kev xav kev ntshaw, lub qhov muag txoj kev xav pom, thiab lub neej txoj kev xav ua kom txaus lub siab ntshaw, txhua yam ntawd tsis yog tuaj ntawm Leej txiv tuaj tiam sis yog tuaj ntawm lub lub ntiaj teb tuaj xwb. 17 Lub ntiaj teb thiab ntiaj teb txoj kev ntshaw yuav dua mus. Hos tus ua raws li Tswv Ntuj lub siab nyiam, mas nws yuav nyob mus li tas ib txhiab ib txhis.

    NPN 96: 7-8A, 8B-9, 10

    Txais: (11a) Kom lub ntuj zoo siab thiab lub ntiaj teb hom khaj!

    Cov tsoom haiv neeg, nej muab rau HUAB TAIS,
    nej muab lub koob meej thiab lo lus qhuas rau HUAB TAIS,
    nej muab rau HUAB TAIS lub koob meej uas phim nws lub npe.

    Txais…

    Nqa nej cov paj tshab nkag mus hauv nws cov tshav loog;
    nej hnav ib co tsoos ntshiab mus pe hawm HUAB TAIS.
    Tas lub ntiaj teb, nej yuav tshee na ntawm nws xub ntiag.

    Txais…

    Cov haiv neeg yuav sib hais zom zaws tias: HUAB TAIS yog vaj ntxwv.
    Nws tau tsim lub ntiaj teb kom ruaj khov, yuav muab tshem tsis tau.
    Nws yuav tswj txhua haiv neeg raws kev ncaj ncees.

    Txais…

    As Les Lus Yas

    Txais: As les lus yas, As les lus yas

    Ib hnub nsthiab tawm tuaj ziab rau peb lawm.
    Txhua haiv neeg, nej tuaj pe hawm HUAB TAIS. .
    Hnub no muaj ib qho pom kev loj ci tuaj rau ntiaj teb lawm.

    Txais: As les lus yas, As les lus yas

    Ntawv Moo Zoo: LK 2: 36-40


    36 Tseem muaj ib tug yaj saub poj niam, hu ua As Nas, yog Fas Nus Es tus ntxhais, xeem As Sej. Nws lub hnub nyoog laus lawm. Thaum hluas, nws nrog nws tus txiv nyob tau xya xyoo xwb, 37 ces nws ua poj ntsuam laus li ntawd txog thawm nws muaj yim caum plaub xyoos lawm. Nws tsis nrug ntawm lub Tuam Tsev Teev Ntuj li. Nws yoo mov thiab hais cov zaj teev Ntuj los pe hawm Tswv Ntuj nruab hnub hmo ntuj mus li. 38 Tib lub sij hawm ntawd, As Nas kuj nyob ntawd thiab, nws cav lus zoo ua Tswv Ntu tsaug, thiab nws hais txog tus me nyuam rau txhia leej txhia tus uas tos ntsoov tias yuabv muaj kev txhiv Yes Lus Xas Les.
    39 Thaum lawv ua txhua yam raws li Huab Tais Txoj Cai tas lawm, lawv rov mus Nkas Lis Lais teb, hauv lawv lub nroog Nas Xas Les. 40 Hos ntawm tus me nyuam, mas nws hlob thiab muaj zog zuj zus tuaj; nws muaj kev thoob tsib puv npo hauv nws thiab Tswv Ntuj lub txiaj ntsim nyob hauv nws.



    Sponsored content

    COV ZAJ NYEEM NRUAB LIS PIAM XYOO A 2019-2020 Empty Re: COV ZAJ NYEEM NRUAB LIS PIAM XYOO A 2019-2020

    Post  Sponsored content


      Current date/time is 23rd November 2020, 5:15 pm