HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


COV ZAJ NYEEM NRUAB LIS PIAM XYOO A 2019-2020 - Page 9 Empty

Latest topics

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO A 2019-2020

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 20th July 2020, 11:12 am

    TIM     21     LUB     7     HLI     2020

    Hnub Peb Lis Piam Kaum Rau Nruab Xyoo A Nruab Lis Piam Xyoo II

    Hwm LN Lawrence nyob Brindisi, Leej Choj ua Kws cov Txuj Ntshiab

    Zaj Nyeem Ib:  MIS KES 7:  14-15, 18-20


    14 Koj ua tus tswv zov yaj muab koj rab pas los coj koj haiv neeg; yog pab yaj uas koj qee los ua koj cuab tam, nws nyob ncaim npoj hauv ib koog hav zoov, nyob hauv ib thaj av zoo ua vaj ua teb. Thov koj cia lawv rov los nog zaub nyob Npas Sas thiab nyob Nkas Las As, xws li yav thaum ub !
    15 Xws li lub caij thaum nej tawm Hais Nkws Tos teb los, kuv yuav ua tej yam txaus qhuas rau nej pom .
    18 Tus Tswv Ntuj twg thiaj yuav zoo li koj, thiaj tshem lawv lub txim thiab zam lawv cov txhaum rau pab neeg seem uas yog nws tug zoo li koj? Thiab thiaj yuav tsis npau taws mus li tiam sis nws zoo siab ua qhov zoo, 19 thiab nws yuav rov hlub peb dua, thiab yuav muab peb tej kev txhaum tsuj ntiag rau ntawm taw zoo li koj? Koj yuav muab tas nrho peb tej kev txhaum pov tseg lawm hauv qab tiv txwv tob. 20 Koj yuav ua ncaj rau Yas Kos, koj yuav ua zoo rau Has Nplas Has, xws li koj twb tau cog lus rau peb cov yawg koob thaum ntxov ub lawm.

    NPN  85:  2-4, 5-6, 7-8

    Txais: (8a) Huab Tais, thov koj khuv leej peb thiab hlub peb mas.

    HUAB TAIS, koj yeej ua zoo rau koj lub teb chaws,
    Koj tau coj Yas Kos cov neeg tawg mus nyob pej kum teb rov los lawm.
    Koj tau zam koj haiv neeg qhov yuam kev rau lawv,
    Koj muab lawv cov txhaum npog tas tib si.
    Koj thim koj txoj kev npau taws, koj tshem koj lub siab ceev tawm.

    Txais: (8a) Huab Tais, thov koj khuv leej peb thiab hlub peb mas.

    Tswv Ntuj, tus cawm peb, thov koj ua kom peb rov muaj ntsej muag dua!
    Koj tso koj txoj kev chim rau peb pov tseg.
    Koj puas yuav npau taws rau peb mus li,
    puas yuav npau rau peb mus tiam dhau tiam?

    Txais: (8a) Huab Tais, thov koj khuv leej peb thiab hlub peb mas.

    Koj yuav tsis ua kom peb rov muaj sia muaj zog li los?
    Kom koj haiv neeg thiaj yuav zoo siab nyob hauv koj.
    HUAB TAIS, thov koj ua kom peb pom koj hlub peb,
    thov koj pub koj txoj kev cawm rau peb !

    Txais: (8a) Huab Tais, thov koj khuv leej peb thiab hlub peb mas.

    As Les Lus Yas:  ZAM 14:  23

    Txais: As les lus yas, as les lus yas.

    Yog leej twg nyiam kuv, nws yuav coj rawv kuv lo lus,
    ces kuv Txiv yuav nyiam nws;
    kuv Txiv wb yuav los nyob hauv nws.

    Txais: As les lus yas, as les lus yas.

    Ntawv Moo Zoo:  MT 12:  46-50

    46 Yes Xus tseem tab tom hais lus rau tej pab neeg coob coob, ces Yes Xus niam thiab nws cov kwv tij tuaj sawv nraum zoov, lawv xav nrog nws tham. 47 Muaj ib tug neeg hais rau Yes Xus tias : “Koj niam thiab koj cov kwv tij tuaj sawv nraud, lawv xav nrog koj tham.” 48 Yes Xus teb rau tus neeg qhia nws paub tias : "Leej twg yog kuv niam? Thiab leej twg yog kuv cov kwv tij ?" 49 Yes Xus tsa tes mus rau nws cov thwj tim, nws hais tias : "Kuv niam thiab kuv kwv tij yog cov ntawd no. 50 Vim tias tus twg ua raws kuv Txiv nyob saum ntuj lub siab, mas tus ntawd yog kuv ib tug kwv, ib tug muam, los ib leeg niam."
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 21st July 2020, 6:45 am

    TIM 22 LUB 7 HLI 2020

    Hnub Plaub Lis Piam Kaum Rau Nruab Xyoo A Nruab Lis Piam Xyoo II

    Hwm LN Mab Liab Mas Ntas Las

    Zaj Nyeem Ib: KWV TXHIAJ 3: 1-4B


    Tus nkauj nyab hais tias:
    1 Kuv nyob saum kuv lub lav, ntuj teb tag hmo,
    kuv nrhiav tus uas kuv lub siab nyiam.
    Kuv nrhiav nws, tab sis nrhiav tsis tau.
    2 Kuv yuav sawv mus ncig hauv lub nroog,
    kuv yuav nrhiav ntawm tej kev, ntawm tej tshav puam.
    Kuv yuav nrhiav tus uas kuv lub siab nyiam.
    Kuv nrhiav nws, tab sis nrhiav tsis tau.
    3 Cov tub zov keeb lawv ntsib kuv,
    thaum lawv ncig mus ncig los hauv lub nroog:
    "Nej puas pom tus kuv lub siab nyiam ?"
    4 Kuv nyuam qhuav mus dhau plaws ntawm lawv,
    ces kuv nrhiav tau tus kuv lub siab nyiam.

    Los: 2 KLN 5: 14-17

    Cov kwv tij nkauj muad:
    14 Leej Pleev txoj kev nyiam yuav txhib peb lub siab, yog tias peb ntseeg ruaj tias ib tug neeg tau tuag pab sawv daws, ces sawv daws kuj tau nrog nws tuag thiab.
    15 Leej Pleev yog tus tau tuag pab sawv daws, kom cov neeg ciaj nyob tsis txhob ua neej rau lawv tus kheej ntxiv lawm, tiam sis kom lawv ua neej rau tus uas tau tuag pab lawv, thiab nws tau sawv rov los lawm.
    16 Li ntawd, txij nyem no mus, peb yuav tsis txhob saib ib tug neeg raws li lub cev sab nqaij tawv ntxiv. Txawm peb tau pom Leej Pleev ib zaug nyob hauv nws lub cev, los nyem no peb tsis pom nws zoo li ntawd ntxiv lawm.
    17 Li no, yog leej twg nyob hauv Leej Pleev, mas nws yog ib tug uas Ntuj tsim dua tshiab lawm: yam qub dua tas, yam tshiab los nyob lawm.

    NPN 63: 2, 3-4, 5-6, 8-9

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Tswv Ntuj, koj yog kuv tus Tswv Ntuj, yog tus kuv nrhiav;
    kuv lub cev seev yees txog koj, kuv tus plig nqhis txog koj,
    zoo puav tam li av qhuav qhawv, tsis muaj sia, tsis tau dej.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Kuv tig mus saib koj nyob hauv lub tuam tsev ntshiab,
    kuv pom koj lub hwj huam thiab koj lub hwj chim.
    Vim koj txoj kev hlub kev ua zoo muaj nqis dua txoj sia,
    kuv di ncauj yuav cav lus zoo txog koj.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Kuv yuav cav txog koj tas kuv sim neej,
    kuv yuav tsa tes thov ntuj hu txog koj lub npe.
    Kuv tus ntsuj plig yuav txaus siab hlo li tus tau noj nqaig noj hno,
    kuv di ncauj yuav zoo siab, kuv lub ncauj yuav qhuas txog koj.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Koj yog tus pab kuv;
    Nyob hauv koj phab tis qhov ntxoov, kuv qw zoo siab.
    Kuv tus ntsuj plig dai dhuam rau ntawm koj;
    Koj txhais tes xis hwj kuv nraim.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    As Les Lus Yas

    Txais: As les lus yas, as les lus yas.

    Mab Liab, koj qhia rau peb saib, koj pom dab tsi ntawm kev?
    Kuv pom Leej Pleev sawv rov los lub hwj chim, kuv pom nws lub ntxa qhuav.

    Txais: As les lus yas, as les lus yas.

    Ntawv Moo Zoo: ZAM 20: 1-2, 11-18

    1 Thawj hnub pib lub lis piam, thaum sawv ntxov, ntuj tsis tau kaj, Mab Liab Mas Ntas Las mus tom ntxa. Nws pom daim txiag zeb tshem ntawm lub ntxa lawm. 2 Mab Liab khiav mus cuag Xis Moos Pob Zeb thiab lwm tus thwj tim, uas yog tus Yes Xus nyiam. Nws hais rau nkawd tias : "Lawv nqa Huab Tais tawm hauv ntxa lawm, peb tsis paub xyov lawv coj nws mus tso rau qhov twg lawm."
    11 Mab Liab sawv ze ntawm lub ntxa sab nraud, nws quaj. Thaum nws quaj, nws khoov rau hauv lub ntxa. 12 Ces nws pom ob tug Tshiab hnav dawb zaum hauv qhov chaw uas lawv tso Yes Xus lub cev, ib tug zaum pem taub hau, ib tug zaum nram ko taw. 13 Ob tug Tshiab hais rau Mab Liab tias: "Tus poj niam, ua cas koj quaj ?" Mab Liab hais rau nkawd tias : "Vim lawv nqa kuv tus Huab Tais lawm, kuv tsis paub lawv muab nws tso rau qhov twg li." 14 Hais li ntawd tas, Mab Liab tig ntsia tom qab. Nws pom Yes Xus sawv ntsug nyob ntawd. Tab sis nws tsis paub tias yog Yes Xus. 15 Yes Xus hais rau Mab Liab tias : "Tus poj niam, ua cas koj quaj ? Koj nrhiav leej twg ?" Mab Liab xav tias yog tus saib lub vaj, ces Mab Liab hais rau nws tias : "Yawg hlob, yog koj nqa nws lub cev lawm no, koj qhia kuv saib koj muab tso qhov twg lawm, kuv yuav mus nqa nws los." 16 Yes Xus hais rau Mab Liab tias : "Mab Liab !" Mab Liab tig hlo mus, nws ua lus Hes Nplaws hais tias : "Las Npus Nis !" Txhais tias : “Xib Hwb.” 17 Yes Xus hais rau Mab Liab tias : "Koj txhob tuav kuv, vim kuv tseem tsis tau nce mus cuag Leej Txiv. Koj mus cuag kuv cov kwv tij, koj hais rau lawv tias : ‘Kuv yuav nce mus cuag kuv Txiv thiab nej Txiv, mus cuag kuv tus Tswv Ntuj thiab nej tus Tswv Ntuj.’" 18 Mab Liab Mas Ntas Las thiaj los tshaj rau cov thwj tim hais tias : "Kuv pom Huab Tais lawm,” thiab nws hais cov lus Yes Xus tau hais rau nws rau lawv.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 23rd July 2020, 3:27 am

    TIM 23 LUB 7 HLI 2020

    Hnub Tsib Lis Piam Kaum Rau Nruab Xyoo A Nruab Lis Piam Xyoo II

    Hwm LN Bridget nyob Sweden, ua Leej Phauj

    Zaj Nyeem Ib: YES LES MIAS 2: 1-3, 7-8, 12-13


    1 HUAB TAIS hais nws lo lus tuaj rau kuv li no:
    2 "Koj mus qw cov lus no kom Yes Lus Xas Les hnov, koj hais tias:
    ‘Huab Tais hais li no: Kuv nco txog koj, thaum koj hluas
    koj ua zoo rau kuv, koj nyiam kuv hlub kuv li tus nkauj nyab tshiab;
    koj tau raws kuv mus hauv teb chaws suab puam,
    hauv lub teb chaws tsis cog qoob cog loo.
    3 His Xas Lais yog tus ntshiab rau HUAB TAIS,
    yog HUAB TAIS thawj phaum qoob uas nws sau.
    Leej twg tau noj cov qoob ntawd mas nws ua txhaum,
    nws tau raug tej yam xwv txheej phem.’”
    HUAB TAIS ceeb toom li ntawd.
    7 “Kuv tau coj nej los nyob hauv ib lub teb chaws ntsu qoob ntsu loo,
    kom nej tau noj nws tej txiv thiab saj tej yam zoo nyob hauv nws.
    Nej tau nkag los nyob thiab nej tau ua
    kom kuv lub teb chaws qias tas phem tas,
    nej muab kuv lub cuab tam hloov ua ib yam tsiv saib.
    8 Cov Leej Choj tsis hais txog tias: ‘HUAB TAIS nyob qhov twg?’
    Cov tuav Txoj Cai twb tsis paub kuv li.
    Cov tswv zov yaj lawv ntxeev siab rau kuv.
    Cov yaj saub tuav txog Npas Has lub npe ua saub,
    lawv mus raws tej yam tsis muaj nqes dab tsi.
    12 Cov txheej ntuj, nej yuav tu siab tas rau qhov no,
    nej yuav ceeb loj, thiab nej yuav poob siab kawg nkaus!”
    Yog HUAB TAIS lo lus ceeb toom.
    13 “Kuv haiv neeg tau ua ob yam phem:
    Lawv tau tso kuv pov tseg,
    kuv uas yog lub qhov dej txhawv muaj txoj sia,
    thiab lawv tau mus khawb dua tej lub qhov dej,
    uas yog cov qhov dej to qab ntim tsis tau dej."

    NPN 36: 6-7AB, 8-9, 10-11

    Txais: (10a) Huab Tais, koj yog lub qhov dej txhawv pub txoj sia.

    HUAB TAIS, koj txoj kev khuv leej siab txij lub ntuj,
    koj lub siab pheej xeeb sawv siab txij saum cov huab.
    Koj txoj kev ncaj siab li Tswv Ntuj cov roob siab,
    koj txoj kev txiav txim tob li qab thu hiav txwv tob

    Txais: (10a) Huab Tais, koj yog lub qhov dej txhawv pub txoj sia.

    Tswv Ntuj, koj txoj kev khuv leej muaj nuj nqis ua luaj !
    Me nyuam tib neeg tuaj nkaum hauv koj qab tis qhov ntxoov.
    Lawv tau noj txaus siab tej yam zoo tshaj hauv koj tsev,
    koj ce koj tus dej qab ntshiab si rau lawv haus.

    Txais: (10a) Huab Tais, koj yog lub qhov dej txhawv pub txoj sia.

    Vim koj yog lub qhov dej txhawv pub txoj sia,
    Nyob hauv koj qhov pom kev, peb pom qhov pom kev.
    Thov koj hlub cov neeg uas lawv paub koj tas mus li,
    koj pub kev ncaj rau cov neeg muaj lub siab ncaj.

    Txais: (10a) Huab Tais, koj yog lub qhov dej txhawv pub txoj sia.

    As Les Lus Yas: MT 11: 25

    Txais: As les lus yas, as les lus yas..

    Kuv cav txog koj, Leej Txiv, Huab Tais kav lub ntuj lub teb,
    vim koj tau qhia rau cov neeg me kom lawv paub txog lub Ceeb tsheej. .

    Txais: As les lus yas, as les lus yas

    Ntawv Moo Zoo: MT 13: 10-17

    10 Cov thwj tim txav los ze Yes Xus, lawv hais rau nws tias : "Vim li cas koj thiaj ua paj lug hais lus rau cov neeg ?" 11 Yes Xus teb rau lawv tias : "Vim tias Ntuj pub kom nej paub txog tej yam tob hauv Ntuj lub Ceeb Tsheej, tab sis Ntuj tsis pub rau cov ntawd paub. 12 Tus uas twb muaj lawm, mas Ntuj yuav pub ntxiv rau nws kom nws nplua nuj. Hos tus tsis muaj, mas qhov me me nws muaj tseem yuav raug muab thau tawm mus. 13 Vim li ntawd, kuv thiaj ua paj lug hais rau lawv, vim tias ‘lawv ntsia los lawv tsis pom, lawv hnov los lawv tsis mloog thiab tsis to taub.’ 14 Lawv thiaj ua raws li cov lus uas Yaj Saub His Xais xub hais tseg tias :
    ‘Nej pob ntseg hnov, los nej yuav tsis to taub ; nej ntsia, los nej yuav tsis pom.
    15 Haiv neeg no lub siab qhwv dhau, lawv pob ntseg tsis hnov lus
    thiab lawv tau qi qhov muag, vim lawv ntshai tsam lawv qhov muag pom,
    thiab ntshai tsam lawv pob ntseg hnov lus, ces lawv lub siab yuav to taub
    ces lawv yuav tsum hloov siab, thiab kuv yuav kho tau kom lawv zoo.’
    16 Hos nej, mas nej qhov muag tau txoj hmoov zoo, vim nej qhov muag pom kev; nej pob ntseg tau txoj hmoov zoo, vim nej pob ntseg hnov lus. 17 Kuv hais tseeb rau nej, cov yaj saub thiab cov neeg siab ncaj thaud coob leej ntshaw pom yam uas nej pom, tab sis lawv tsis tau pom, ntshaw hnov yam uas nej hnov, tab sis lawv tsis tau hnov !”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 23rd July 2020, 6:33 am

    TIM 24 LUB 7 HLI 2020

    Hnub Rau Lis Piam Kaum Rau Nruab Xyoo A Nruab Lis Piam Xyoo II

    Hwm LN Sharbel Makhluf, ua Leej Choj

    Zaj Nyeem Ib: YLM 3: 14-17


    14 HUAB TAIS hais tias: "Cov tub ki fav xeeb, nej cia li tig rov los cuag kuv vim kuv yog nej tus Tswv. Kuv yuav sau nej ib tug hauv ib lub nroog, ob tug hauv ib lub xeem, thiab coj nej los nyob pem Xis Yoos. 15 Kuv yuav tsa ib co tswv zov yaj raws li kuv lub siab nyiam rau nej. Lawv yuav ua neeg txawj xav thiab xyuam xim los coj nej mus nog zaub.” 16 Huab Tais kuj hais tias: “Thaum nej huam vam tuaj thiab tu tau tub ki nyob hauv lub teb chaws lawm, mas lub caij ntawd lawv yuav tsis hais ntxiv tias: “HUAB TAIS lub Xab Cog Lus”; nws yuav tsis nyob ruj rawv hauv lawv lub siab, ces lawv yuav tsis tshua tsis nco txog nws lawm, lawv yuav tsis txua dua lwm lub ntxiv. 17 Thaum lub caij ntawd lawv yuav hu Yes Lus Xas Les ua : ‘HUAB TAIS lub theej kiab.’ Txhua haiv neeg yuav tuaj sib sau sib txoos ua ke nyob ntawd, nyob hauv Huab Tais lub npe nyob Yes Lus Xas Les. Lawv yuav tsis taug txoj kev ua neeg twm xeeb mloog lawv lub siab phem ntxiv.

    NPN YLM 31: 10, 11-12ABCD, 13

    Txais: (10d) Huab Tais yuav saib peb xws li tus tswv zov yaj saib nws pab yaj.

    Cov haiv neeg, nej mloog Huab Tais lo lus,
    nej muab tshaj tawm rau cov pov txwv nyob deb hnov, nej hais tias:
    Tus uas tau cais kom His Xas Lais tawg ua ntau pab,
    zaum no nws sau lawv rov los nyob ua ke.
    Nws saib lawv xws li tus tswv zov yaj saib nws pab yaj.

    Txais: (10d) Huab Tais yuav saib peb xws li tus tswv zov yaj saib nws pab yaj.

    Huab Tais yuav rov txhiv Yas Kos,
    nws yuav npo Yas Kos ntawm tus ntaus yeej lawv txhais tes.
    Lawv yuav ke qw ke taug kev nce lub roob Xis Yoos,
    lawv yuav tuaj sis dug tuaj mus txais Huab Tais txoj hmoov zoo:
    uas yog nplej, cawv, roj, yaj thiab nyuj.

    Txais: (10d) Huab Tais yuav saib peb xws li tus tswv zov yaj saib nws pab yaj.

    Cov nkauj xwb yuav ua lom zem thiab yuav seev cev,
    cov nraug xwb thiab cov neeg laus kuj yuav ua ib yam.
    Kuv yuav hloov lawv txoj kev quaj kev nyiav ua kev zoo siab;
    kuv yuav nplij lawv thiab yuav ua kom lawv zoo siab, tsis tu siab ntxiv.

    Txais: (10d) Huab Tais yuav saib peb xws li tus tswv zov yaj saib nws pab yaj.

    As Les Lus Yas: LK 8: 15

    Txais: As Les Lus Yas, as les lus yas.

    Lawv txoj hmoov zoo, cov uas muaj ib lub siab dav coj raws lo lus,
    lawv txi taus txiv vim lawv mob siab coj nraim tsis tso tseg.

    Txais: As Les Lus Yas, as les lus yas.

    Ntawv Moo Zoo: MT 13: 18-23

    Yes Xus hais rau nws cov thwj tim tias:
    18 “Nej yuav mloog zaj paj lug hais txog tus neeg tseb nplej lub ntsiab.
    19 Lub noob uas poob rau ntawm ntug kev yog tug neeg uas tau hnov Lo Lus qhia txog Ntuj lub Ceeb Tsheej, tiam sis nws tsis to taub; thaum tus Phem tuaj txog, nws nyiag tshem yam uas tau muab tseb rau hauv tus ntawd lub siab tawm.
    20 Lub noob uas poob rau hauv cov av pob zeb, yog tus neeg uas thaum nws hnov Lo Lus, nws zoo siab hlo txais tam sis ntawd.
    21 Tab sis nws tsis muaj cag nyob hauv nws, ces kav tsis ntev: thaum muaj kev txom nyem los muaj kev raug luag hiam vim Lo Lus, mas nws thim tam sis ntawd.
    22 Lub noob uas poob rau hauv cov pos, yog tus uas hnov Lo Lus, tab sis ntiaj teb kev txob xeeb, thiab nyiaj txiag tej kev haub kev ntxias laum Lo Lus, ces Lo Lus txi tsis taus txiv.
    23 Lub noob uas poob rau hauv cov av zoo, yog tus uas hnov Lo Lus, nws to taub Lo Lus, ces nws txi txiv; nws txi ib puas lub, rau caum lub, hos peb caug lub txiv.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 25th July 2020, 12:32 pm

    TIM 25 LUB 7 2020

    Hnub Xya Lis Piam Kaum Rau Nruab Xyoo A Nruab Lis Piam Xyoo II

    Hwm LN Yas Kos, tus Hauv Paus Xa Lus

    Zaj Nyeem Ib: 2 KLN 4: 7-15


    Cov kwv tij nkauj muad:
    7 Peb khaws yam muaj nqis loj no cia rau hauv tej lub hub av, kom lub hwj huam loj ntawd yog tuaj ntawm Tswv Ntuj tuaj, tsis yog tawm ntawm peb los. 8 Peb raug kev tsim txom nyob hauv txhua yam, tab sis peb tsis raug yuam; peb ntsib kev nyuaj siab, tiam sis peb tsis tas kev cia siab. 9 Peb raug luag hiam, tab sis Ntuj tsis tso peb pov tseg; peb raug luag thawb rau hauv av, tab sis peb tsis raug luag rhuav. 10 Peb mus txog qhov twg, peb ris rawv Yes Xus txoj kev tuag nyob hauv peb lub cev, kom xwv Yes Xus txoj sia tawm tuaj nyob hauv peb lub cev thiab. 11 Txawm peb tseem muaj txoj sia los peb yeej niaj hnub yuav raug kev tuag vim peb ntseeg Yes Xus, kom xwv Yes Xus txoj sia tawm tuaj nyob hauv peb lub cev uas txawj tuag.
    12 Li ntawd txoj kev tuag lis rawv nws txoj hauj lwm nyob hauv peb, hos txoj sia lis rawv nws txoj hauj lwm nyob hauv nej. 13 Li ntawd ces peb muaj tib lub tswv yim ntseeg xwb, raws li ntawv sau tseg tias: ‘Kuv ntseeg, kuv thiaj tau hais lus.’ Peb kuj ib yam, peb ntseeg, ces peb thiaj hais lus. 14 Peb paub tseeb tias, tus tau tsa Huab Tais Yes Xus sawv rov los, nws kuj yuav tsa peb nrog Yes Xus sawv rov los, thiab yuav coj peb nrog nej mus nyob ze nws. 15 Tas txhua yam peb ua yog ua los pab nej xwb, kom lub txiaj ntsim nplua mias uas Ntuj nchuav los rau saum ib co neeg coob zuj zus yuav ua kom txoj kev ua Ntuj tsaug muaj ntau tas nrho ces Tswv Ntuj yuav nto koob meej lug.

    NPN 126: 1BC-2AB, 2CD-3, 4-5, 6

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Thaum HUAB TAIS coj Xis Yoos cov neeg mus nyob txim rov los,
    peb zoo li ib co neeg ua npau suav.
    Peb lub ncauj muaj suab luag nqhua,
    peb tus nplaig qw nkauj zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Tej pej kum cuab hais nroo ntws tias :
    "HUAB TAIS ua tej yam loj tas nrho rau lawv !"
    HUAB TAIS tau ua tej yam loj rau peb tiag,
    peb zoo siab kawg nkaus.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    HUAB TAIS, thov koj sau peb cov neeg rov qab los
    xws li dej sab siv huam nyob teb chaws suab puam.
    Cov neeg tseb nplej ntxuag kua muag,
    lawv yuav sau nplej ntxuag kev lom zem.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Thaum mus, lawv quaj kua muag poob,
    vim lawv ris cov seev noob,
    thaum rov los, lawv hu nkauj zoo siab,
    vim lawv ris cov res nplej tshiab los.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: Kuv xaiv nej tawm ntawm ntiaj teb los
    kom nej mus txi ib co txiv uas yuav nyob mud li.

    Txais: As les lus yas, as les lus yas.

    Ntawv Moo Zoo: MT 20: 20-28

    20 Ntxes Npes Dais ob tug tub leej niam nrog nws ob tug tub txav los ze Yes Xus, nws txhos caug ntua thov ib yam ntawm Yes Xus. 21 Yes Xus hais rau nws tias : “Koj xav tau dab tsi ?” Leej niam hais rau Yes Xus tias : “Thov koj cia kuv ob tug tub no, ib tug zaum ntawm koj sab xis, ib tug zaum ntawm koj sab laug nyob hauv koj lub Ceeb Tsheej.” 22 Yes Xus teb tias : “Nej tsis paub qhov nej thov. Neb puas haus taus lub ntim uas kuv yuav haus ?” Nkawd teb tias : “Wb haus taus.” 23 Yes Xus hais rau nkawd tias : “Kuv lub ntim, mas neb yuav haus, tab sis qhov yuav tau zaum ntawm kuv sab xis thiab sab laug, tsis yog kuv yuav muab rau neb. Kuv Txiv npaj qhov ntawd rau leej twg, mas yog leej twg tug."
    24 Kaum leej thwj tim hnov cov lus thov ntawd, lawv npau taws rau nkawd ob kwv tij. 25 Ces Yes Xus hu lawv kom txav los ze nws, nws hais tias : “Nej paub tias cov thawj tswj tsoom kuj cuab kav pej xeem nruj, cov loj ua kom luag pom tias lawv muaj peev xwm tswj pej xeem. 26 Tab sis nyob hauv nej, mas yuav tsis txhob muaj li ntawd : leej twg xav ua tus loj nyob hauv nej, mas nws yuav ua nej tus tub txib. 27 Leej twg xav ua tus thawj nyob hauv nej, mas nws yuav ua nej tus qhev. 28 Yog vim li ntawd, Neeg Leej Tub tsis tuaj nyob ntiaj teb no kom luag tsob hwb nws. Nws tuaj tsob hwb sawv daws, thiab muab nws txoj sia los ua nqi txhiv coob leej.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 27th July 2020, 11:01 am

    TIM 27 LUB 7 HLI 2020

    Hnub Ob Lis Piam Kaum Xya Nruab Xyoo A Nruab Lis Piam Xyoo II

    Zaj Nyeem Ib: YLM 13: 1-11


    1 HUAB TAIS hais rau kuv li no : "Koj mus muas ib txog siv ntaub maj, koj muab sia duav, koj tsis txhob muab nws raus dej." 2 Ces kuv mus muas ib txog siv raws li HUAB TAIS lo lus, thiab kuv muab sia ntawm duav. 3 HUAB TAIS rov hais lus zaum ob rau kuv dua tias: 4 "Koj nqa txoj siv uas koj muas los thiab nyob ntawm koj duav, koj sawv kev, koj mus lawm nram tus dej Aws Fas Tes, koj muab txoj siv zais rau hauv ib qho kis zeb." 5 Ces kuv mus zais txoj siv nyob nram tus dej Aws Fas Tes raws li HUAB TAIS qhia kom ua. 6 Ib ntus ntev tom qab, HUAB TAIS hais rau kuv tias : "Koj sawv mas ! Koj mus nram tus dej Aws Fas Tes, koj mus nqa txoj siv uas kuv kom koj coj mus zais rau nrad rov los." 7 Kuv thiaj rov mus nram tus dej Aws Fas Tes, kuv mus nrhiav tau qhov chaw, ces kuv rub txoj siv hauv qhov chaw kuv zais nws los. Txoj siv twb lwj tas tsis zoo ua dab tsi lawm!
    8 Ces HUAB TAIS lo lus nrov tuaj rau kuv tias: 9 "HUAB TAIS hais li no: Zoo ib yam li ntawd, kuv kuj yuav rhuav Yus Das txoj kev muab hlob, thiab rhuav Yes Lus Xas Les txoj kev muab hlob loj tas nrho. 10 Haiv neeg phem ntawd, cov neeg uas tsis xav mloog kuv cov lus, lawv ua ywj lawv lub siab twm xeeb xwb, lawv khiav mus caum lwm cov tswv ntuj, mus tsob hwb thiab pe hawm cov ntawd. Lawv yuav zoo li txoj siv uas tsis zoo ua dab tsi ntxiv ntawd lawm. 11 Xws li txoj siv khi rawv ntawm tus neeg duav, kuv tau muab tas His Xas Lais tsev neeg thiab tas Yus Das tsev neeg los khi rau kuv, kom lawv ua kuv haiv neeg, kuv lub koob meej, kuv lub meej mom zoo nkauj. Tab sis lawv tsis mloog li !" Huab Tais hais li ntawd.

    NPN TXOJ CAI OB 32: 18-19, 20, 21

    Txais: (18a) Nej tsis nco qab Tswv Ntuj tus uas tau yug nej lawm.

    Nej tsis quav ntsej txog lub Tsua uas tau xeeb nej,
    Nej tsis nco qab Tswv Ntuj tus uas tau yug nej lawm.
    Thaum HUAB TAIS pom li ntawd, nws ntxub kawg nkaus
    thiab nws npau taws heev rau nws cov tub cov ntxhais.

    Txais: (18a) Nej tsis nco qab Tswv Ntuj tus uas tau yug nej lawm.

    Nws hais tias: “Kuv yuav zais kuv lub ntsej muag ntawm lawv,
    ces kuv yuav pom tias lawv yuav mus xaus zoo li cas.
    Lawv yog ib haiv neeg lub siab hloov sai sai,
    yog ib co tub ki phem tsis muaj kev tsis fav xeeb nyob hauv lawv.”

    Txais: (18a) Nej tsis nco qab Tswv Ntuj tus uas tau yug nej lawm.

    “Vim lawv hais tias ‘tsis muaj Tswv Ntuj’ thiaj ua rau kuv chis,
    thiab lawv mus teev dab teev mlom ua rau kuv npau taws,
    Kuv kuj yuav ua kom lawv chis thiab,
    kuv yuav hais tias ‘tsis muaj ib haiv neeg’;
    kuv yuav siv ib haiv neeg ruam los ua kom lawv npau taws.

    Txais: (18a Nej tsis nco qab Tswv Ntuj tus uas tau yug nej lawm.

    As Les Lus Yas: YK 1: 18

    Txais: As les lus yas, as les lus yas.

    Leej Txiv pom zoo kom peb yug ntawm lo lus tseeb los,
    kom peb yog zoo li thawj cov txiv txi hauv tej yam nws tau tsim los.

    Txais: As les lus yas, as les lus yas.

    Ntawv Moo Zoo: MT 13: 31-35

    31 Yes Xus tseem hais ib zag paj lug rau lawv li no : "Ntuj lub Ceeb Tsheej zoo li ib lub noob zaub roj uas ib tug neeg nqa mus tseb rau hauv nws daim teb. 32 Lub noob ntawd me tshaj txhua hom noob, tab sis thaum nws loj lawm, nws loj dua lwm cov zaub huv tib si. Nws loj luaj li ib tsob me nyuam ntoo, ces tej noog ya saum ntuj los ua zes rau saum nws cov ceg."
    33 Yes Xus tseem hais dua ib zag paj lug tias : "Ntuj lub Ceeb Tsheej zoo li ib co poov xab uas ib tug poj niam muab xyaw rau peb kawg hmoov nplej mus txog thaum uas tas cov hmoov ntawd su tuaj.”
    34 Yes Xus qhia ib puas tsav yam ntawd rau zeej tsoom, mas nws ua paj lug hais, tsis muaj ib yam uas nws tsis ua paj lug hais li, 35 kom thiaj muaj raws li tus yaj saub tau hais tseg tias : “Kuv yuav qhib ncauj hais paj lug, kuv yuav tshaj tawm txog tej yam zais cia txij thaum ntuj tsim teb raug los lawm.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 27th July 2020, 11:03 am

    TIM 28 LUB 7 HLI 2020

    Hnub Peb Lis Piam Kaum Xya Nruab Xyoo A Nruab Lis Piam Xyoo II

    Zaj Nyeem Ib: YES LES MIAS 14: 17-22


    17 “Koj yuav hais lo lus no rau lawv : ‘Kuv kua muag poob nruab hnub hmo ntuj tsis muaj caij so li, vim kuv haiv neeg tus ntxhais nkauj xwb tsim txiaj raug nplawm loj kawg li, nws muaj ib lub qhov txhab mob hnyav kawg nkaus. 18 Yog kuv tawm mus tom nruab liaj nruab teb, mas pom neeg raug ntaj tua. Yog kuv mus hauv nroog, mas pom cov mob nkeeg vim tshaib plab. Tab yog tus Yaj Saub los tus Leej Choj, lawv mus ua hauj lwm rau hauv lub teb chaws uas lawv tsis paub.’”
    19 Puas yog koj muab Yus Das xyeeb hlo pov tseg lawm? Puas yog vim Xis Yoos dhuav kojsiab dhau ? Ua cas koj thiaj cia peb raug nplawm sab npaum li no? Tsis muaj kev yuav rov kho tau peb zoo li. Peb tos txoj kev thaj yeeb, tab sis tos tsis tau dab tsi. Peb tos lub caij peb tus mob yuav zoo, tab sis peb tsuas tau kev ntshai tuav plig rawv xwb. 20 HUAB TAIS, peb lees tias peb lub siab phem, peb lees paub peb cov yawg koob tej kev txhaum, peb tau ua txhaum rau koj lawm tiag. 21 Thov koj txuag koj lub npe, koj tsis txhob ntiab peb. Koj tsis txhob cia lub theej kiab muaj koj lub hwj chim poob koob meej. Thov koj nco ntsoov lo lus koj tau nrog peb cog, koj tsis txhob muab thim. 22 Nyob hauv tsoom haiv neeg tej mlom dab, puas muaj ib tug txawj ua kom los nag? Los puas yog lub ntuj txawj tso nag los nws tus kheej? HUAB TAIS peb tus Tswv Ntuj, tsis yog koj ib leeg ua tej ntawd xwb lod, thiab koj tsis yog tus peb tso siab rau lod? Koj ib leeg yeej yog tus ua tau tas ib puas tsav yam ntawd tiag."

    NPN 79: 8, 9, 11+13

    Txais: (9) Huab Tais, thov koj cawm peb, kom koj lub npe nto koob meej.

    Thov koj txhob nco txog peb txheej thaud tej txhaum ntxiv;
    coj koj txoj kev khuv leej tuaj rau peb sai sai,
    vim peb poob rau qhov qis kawg nkaus lawm.

    Txais: (9) Huab Tais, thov koj cawm peb, kom koj lub npe nto koob meej.

    Thov koj pab peb, Tswv Ntuj peb tus cawm seej,
    vim koj lub npe muaj koob meej loj;
    Thov cawm peb thiab zam peb cov txhaum rau peb
    vim koj lub npe zoo.

    Txais: (9) Huab Tais, thov koj cawm peb, kom koj lub npe nto koob meej.

    Thov koj cia cov neeg nyob txim lub suab nroo tuaj txog koj;
    koj siv koj lub hwj huam loj los cawm cov neeg poob rau kev tuag.
    Ces peb, uas yog koj haiv neeg thiab pab yaj nyob hauv koj lub nras zaub
    peb yuav ua koj tsaug mus li ib txhis;
    tiam dhau tiam peb yuav cav txog koj lub koob meej.

    Txais: (9) Huab Tais, thov koj cawm peb, kom koj lub npe nto koob meej.

    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, Leej Pleev yog tus tseb nplej;
    Txhua leej uas tuaj cuag nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo: MT 13: 36-43

    36 Yes Xus tso tsoom sid tseg, nws rov mus hauv tsev. Ces nws cov thwj tim txav los hais rau nws tias : "Koj txhais zaj paj lug hais txog cov nroj tuaj hauv daim teb rau peb saib." 37 Yes Xus teb rau lawv tias : "Tus tseb cov noob zoo, yog Neeg Leej Tub. 38 Daim teb, yog lub qab ntuj neeg. Cov noob zoo, yog cov tub ki hauv lub Ceeb Tsheej. Cov nroj, yog tus Phem cov tub. 39 Tus yeeb ncuab uas tseb cov noob nroj, yog tus Dab Phem. Lub caij sau nplej, yog lub zim txwv kawg. Cov tub sau nplej, yog cov Tshiab. 40 Ib yam li cov nroj tsuas kawg yuav raug muab sau los hlawv hauv hluav taws, lub zim txwv kawg kuj yuav zoo ib yam li ntawd : 41 Neeg Leej Tub yuav xa nws cov Tshiab tuaj, lawv yuav sau tas txhua tus uas coj neeg mus ua txhaum thiab tas cov neeg ua phem huv tib si tawm hauv nws lub Ceeb Tsheej mus, 42 thiab yuav muab lawv pov rau hauv lub qhov hluav taws uas kub ntaiv; nyob hauv, sawv daws yuav quaj laug laws thiab yuav tom hniav nkawv. 43 Ces cov neeg siab ncaj yuav ci ntsa iab zoo li lub hnub nyob hauv lawv Txiv lub Ceeb Tsheej. Leej twg muaj pob ntseg, yeej meem mloog.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 29th July 2020, 3:31 am

    Tim 29 lub 7 Hli 2020

    Hnub Plaub Lis Piam Kaum Xya Nruab Xyoo A Nruab Lis Piam Xyoo II

    Hwm LN Mas Tas

    Zaj Nyeem Ib: YES LES MIAS 15: 10, 16-21


    10 “Kuv niad, kuv txoj hmoov phem, vim koj yug kuv los yog ib tug neeg ua kom tas lub teb chaws tsis sib haum, muaj lus sib cav sib ceg. Kuv tsis tau qiv tsis tau txais leej twg, tsis kav sawv daws foom kuv phem.
    16 HUAB TAIS, thaum kuv pom koj cov lus, kuv dhuas koj cov lus cuag dhuas zaub dhuas mov; koj cov lus ua kom kuv muaj kev puv siab npo thiab zoo siab loj tas nrho, vim kuv ris koj lub npe, HUAB TAIS tus Tswv Ntuj kav tsoom tshiab. 17 Kuv tsis tau zaum nrog cov neeg nyiam hais lus thuam luag thiab nrog lawv luag zoo siab, kuv zaum kuv ib cag, vim koj txhais tes nyob saum kuv, ua kom kuv lub siab npau taws. 18 Vim li cas kuv zaj mob thiaj tsis muaj caij xaus, kuv lub qhov txhab thiaj kho tsis tau kom zoo, nws tsis kam zoo li? Koj zoo li yog ib tug dej ntxias kuv dag kuv xwb, tso siab tsis tau rau li.”
    19 Ces HUAB TAIS hais li no : “Yog koj tig rov los, mas kuv yuav rov tsa koj dua, ces koj yuav los sawv nyob ntawm kuv xub ntiag. Yog koj txawj muab tau qhov zoo tawm ntawm qhov phem los , mas koj yuav yog kuv lub qhov ncauj. Lawv yuav rov los cuag koj, hos koj yuav tsis txhob mus cuag lawv ! 20 Kuv yuav tsa koj ua ib lub ntsa loog tooj ruaj khov rau haiv neeg no. Lawv yuav tawm tsam koj, tab sis lawv yuav tsis yeej koj, vim kuv nrog koj nyob, kuv yuav cawm koj thiab npo koj dim.” Yog HUAB TAIS lo lus ceeb toom. 21 “Kuv yuav npo koj dim ntawm cov neeg siab phem txhais tes thiab kuv yuav txhiv koj tawm ntawm cov neeg siab heev lub xib teg los."

    NPN 59: 2-3, 4, 10-11, 17, 18

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Kuv tus Tswv Ntuj, thov koj npo kuv dim ntawm kuv cov yeeb ncuab ;
    thov koj txuag kuv ntawm cov neeg tuaj ntaus kuv.
    Thov koj npo kuv ntawm cov neeg ua phem rau kuv,
    thov koj cawm kuv ntawm cov neeg siab nyoos.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Ntsia saib, lawv tuaj nyas ntshis yuav txov kuv txoj sia;
    cov neeg muaj hwj chim loj tuaj tawm tsam kuv.
    HUAB TAIS, tsis yog vim kuv tau ua yuam kev, los tau ua txhaum li.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum..

    Tswv Ntuj, koj yog kuv lub zog, kuv ntsia ntsoov koj.
    Vim koj Tswv Ntuj, yog kuv lub yeej ntsa zeb ;
    Thov kom kuv tusTswv Ntuj txoj kev hlub mus ua kuv ntej,
    kom nws cia kuv pom kuv cov yeeb ncuab swb.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Ntawm kuv, kuv yuav hu nkauj cav txog koj lub zog,
    kuv yuav ua lom zem nyob hauv koj txoj kev khuv leej thaum kaj ntug,
    vim koj yog kuv lub yeej ntsa zeb khov,
    yog kuv qhov chaw nkaum hnub kuv muaj kev txom nyem,.

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    Kuv yuav hu nkauj cav txog koj, kuv lub zog,
    vim koj Tswv Ntuj, yog kuv lub yeej ntsa zeb khov,
    yog kuv tus Tswv Ntuj muaj kev khuv leej neeg!

    Txais: (17d) Hnub muaj kev nyuaj siab, Tswv Ntuj yog kuv qhov chaw nkaum.

    As Les Lus Yas: ZAM 15: 15B

    Txais: As les lus yas, as les lus yas.

    Huab Tais hais tias: “Kuv hu nej ua phooj ywg,
    vim kuv tau qhia rau nej paub tas ib puas tsav yam uas Leej Txiv hais rau kuv.”

    Txais: As les lus yas, as les lus yas.

    Ntawv Moo Zoo: MT 13: 44-46

    Yes Xus hais rau nws cov thwj tim tias:
    44 “Ntuj lub Ceeb Tsheej zoo li ib hub nyiaj faus rau hauv ib daim teb. Muaj ib tug neeg mus nrhiav tau, nws rov muab zais; nws zoo siab ces nws mus muag nws lub cuab tam tas huv si , thiab mus muas daim teb ntawd.
    45 Ntuj lub Ceeb Tsheej tseem zoo li ib tug tub luam nrhiav cov hlaws npliag deg zoo nkauj.
    46 Thaum nws nrhiav tau ib lub hlaws nphiag deg muaj nqi loj, nws mus muag nws lub cuab tam tas huv si, ces nws mus muas lub hlaws npliag deg ntawd.”

    Los siv zaj As Les Lus Yas thiab zaj Ntawv Moo Zoo nram no rau LN Mas Tas

    As Les Lus Yas: Zam 8: 12

    Txais: As les lus yas, as les lus yas.

    Huab Tais hais tias: Kuv yog qhov pom kev kaj lub qab ntuj neeg.
    Leej twg lawv kuv qab, nws yuav tau qhov pom kev uas pub txoj sia.

    Txais: As les lus yas, as les lus yas.

    Ntawv Moo Zoo: JN 11: 19-27

    19 Cov Yus Das coob leej tuaj xyuas Mas Tas thiab Mab Liab nkawd, lawv tuaj nplij nkawd vim nkawd tus nus (Las Ntxas Los) tuag lawm. 20 Thaum Mas Tas hnov tias Yes Xus tuaj, ces Mas Tas mus tos Yes Xus, hos Mab Liab zaum nyob hauv tsev. 21 Mas Tas hais rau Yes Xus tias : "Huab Tais, yog koj ntxov tuaj ntawm no, mas kuv tus nus yuav tsis tuag. 22 Tsis kav, kuv paub tias tab nyem no los, koj thov yam twg ntawm Tswv Ntuj, mas Tswv Ntuj yuav muab rau koj." 23 Yes Xus hais rau Mas Tas tias : "Koj tus nus yuav sawv rov los." 24 Mas Tas hais rau Yes Xus tias : "Kuv paub tias nws yuav sawv rov los thaum lub caij leej tib neeg lub cev yuav ciaj rov los, thaum txog hnub kawg." 25 Yes Xus hais rau Mas Tas tias : "Kuv yog Txoj Kev Sawv Rov Los thiab yog Txoj Sia : tus ntseeg txog kuv, tab yog nws tuag lawm, nws yuav muaj txoj sia nyob. 26 Leej twg ua neej nyob hauv kuv thiab ntseeg txog kuv, nws yuav tsis tuag ib zaug. Koj puas ntseeg qhov no ?" 27 Mas Tas hais rau Yes Xus tias : "Huab Tais, kuv ntseeg. Kuv yeej ntseeg lawm hais tias koj yog Leej Pleev, yog Tswv Ntuj Leej Tub tus uas yuav tuaj nyob hauv lub qab ntuj no."

    Los Lk 10: 38-42

    38 Thaum Yes Xus lawv taug kev, lawv mus txog hauv ib lub zos. Ib tug poj niam hu ua Mas Tas txais Yes Xus los hauv nws tsev.
    39 Tus poj niam ntawd muaj ib tug niam hluas hu ua Mab Liab; Mab Liab zaum ntawm Huab Tais ko taw, nws mloog Huab Tais hais lus.
    40 Hos Mas Tas rau siab ntso lis ntau yam qav num. Ces Mas Tas los hais rau Yes Xus tias : "Huab Tais, koj tsis quav ntsej tias kuv tus niam hluas cia kuv tib leeg lis qav lis num xwb lod ? Koj hais kom nws pab kuv thiab mas !"
    41 Huab Tais teb rau Mas Tas tias : "Mas Tas, Mas Tas, koj txhawj thiab ua siab fab txog ntau yam,
    42 tab sis yuav tsum txhawj txog ib yam xwb. Mab Liab xaiv tau qhov zoo dua lawm, mas yuav tsis txhob muab tshem ntawm nws mus."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 29th July 2020, 5:05 am

    TIM     30     LUB     7     HLI     2020

    Hnub Tsib Lis Piam Kaum Xya Nruab Xyoo A Nruab Lis Piam Xyoo II

    Hwm LN Peter Chrysologus, Tswv Qhia ua Kws cov Txuj Ntshiab

    Zaj Nyeem Ib:  YES LES MIAS 18:  1-6


    1 HUAB TAIS lo lus nrov tuaj txog Yes Les Mias li no : 2 "Koj sawv tsees ! Koj mus nram tus puab lauj kaub av tsev. Nyob nrad, kuv yuav hais kuv cov lus rau koj.” 3 Ces kuv mus nram tus puab lauj kaub av tsev, nws tab tom ua hauj lwm kiv lub kauj vab puab lauj kaub. 4 Thaum muaj ib lub lauj kaub av tus puab lauj kaub txhais tes puab tsis tau kom zoo, mas nws rov muab cov av ntawd puab dua ua lwm lub xws li nws pom zoo. 5 Ces HUAB TAIS lo lus nrov tuaj rau kuv li no : 6 "His Xas Lais tsev neeg, yog kuv xav ua rau nej xws li tus puab lauj kaub ntawd ua tsis tau lod? Ntawm no yog Huab Tais hais lus. Xws li cov av nyob hauv tus puab lauj kaub txhais tes, nej kuj nyob hauv kuv txhais tes ib yam thiab os, His Xas Lais tsev neeg."

    NPN  146:  1B-2, 3-4, 5-6AB

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Kuv tus plig, koj cav lus zoo txog HUAB TAIS !
    Kuv yuav cav txog HUAB TAIS tas kuv sim neej,
    kuv yuav hu nkauj cav txog kuv tus Tswv Ntuj
    thaum kuv tseem muaj txoj sia nyob.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Nej txhob tso siab rau cov ua nom ua tswv,
    Los rau tib neeg uas tsis muaj hwj huam cawm tau nej :
    Nws txoj pa tu nrho, nws kawg rov mus ua av luaj,
    thaum ntawd, tej yam nws xav ua kuj ploj mus tas.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    Tus muaj Yas Kos tus Tswv Ntuj pab nws mas nws txoj hmoov zoo,
    nws tso siab lug rau HUAB TAIS nws tus Tswv Ntuj,
    uas yog tus tsim lub ntuj tsim lub ntiaj teb,
    tsim dej ntuj thiab ib puas tsav yam nyob hauv dej.

    Txais: (5a) Tus muaj Yas Kos tus Tswv Ntuj pab nws mas nws txoj hmoov zoo.
    los: As les lus yas.

    As Les Lus Yas:  HAUJ LWM 16:  14B

    Txais: As les lus yas, as les lus yas.

    Huab Tais, thov koj qhib peb lub siab
    Kom peb mloog koj Leej Tub cov lus.

    Txais: As les lus yas, as les lus yas.

    Ntawv Moo Zoo:  MT 13:  47-53

    Yes Xus hais rau nws cov thwj tim tias:
    47 "Ntuj lub Ceeb Tsheej tseem zoo li ib lub vas uas luag pov rau hauv dej ntuj. Lub vas puav tau ntau tsav ntau hom ntses. 48 Thaum lub vas puv lawm, lawv rub lub vas los tim ntug nqhuab, ces lawv zaum xaiv cov zoo rau hauv tawb, hos muab cov tsis zoo pov tseg. 49 Thaum lub zim txwv kawg, kuj yuav zoo ib yam li ntawd thiab: cov tshiab yuav tawm tuaj, lawv yuav cais cov neeg phem ntawm cov neeg ncaj. 50 Lawv yuav muab cov neeg phem pov tseg rau hauv lub qhov hluav taws : nyob hauv, yuav muaj quaj laug laws thiab tom hniav nkawv.
    51 Nej puas to taub tas ib puas tsav yam ntawd ?" Lawv teb rau nws tias : "Peb to taub." 52 Yes Xus hais rau lawv tias: “Li ntawd, thaum ib tug Kws Ntawv Ntshiab los ua thwj tim hauv Ntuj lub Ceeb Tsheej, mas nws zoo li ib tug tswv tsev uas rho tau tej yam qub thiab tej yam tshiab hauv nws lub cuab tam los.”
    53 Thaum Yes Xus hais cov paj lug no tas, nws tso qhov chaw ntawd tseg.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 30th July 2020, 5:26 pm

    TIM 31 LUB 7 HLI 2020

    Thawj Hnub Rau Lis Piam Kaum Xya Nruab Xyoo A Nruab lis Piam Xyoo II

    Hwm LN Ignatius nyob Loyola, Ua Leej Choj

    Zaj Nyeem Ib: YLM 26: 1-9


    1 Thaum Zos Yas Kis, uas yog Yos Xias tub, pib ua vaj nyob Yus Das teb, HUAB TAIS ceeb toom ib lo lus li no tuaj rau Yes Les Mias : 2 "HUAB TAIS hais li no : koj mus sawv ntsug ntawm lub tshav puam nyob hauv HUAB TAIS lub tuam tsev, koj hais kuv cov lus rau tas tsoom sid uas tuaj ntawm txhua lub tsheej Yus Das tuaj pe hawm HUAB TAIS nyob hauv HUAB TAIS lub tsev. Koj yuav hais cov lus kuv qhia rau koj tas huv si, txhob tso ib los tseg. 3 Nyaj tej zaud lawv yuav mloog thiab tig rov los, nyias yuav tso nyias txoj kev phem pov tseg, ces kuv yuav thim tsis xa cov xwv txheej uas kuv npaj xa tuaj rau lawv vim lawv txoj kev ua phem. 4 Koj yuav hais rau lawv tias: HUAB TAIS hais li no : Yog nej tsis mloog kuv lus, tsis coj raws txoj kev cai kuv tsa nyob ntawm nej xub ntiag, 5 yog nej tsis mloog kuv cov tub txib Yaj Saub tej lus uas kuv xa lawv tuaj rau nej tsis tseg, txawm tias nej yeej tsis mloog lawv li, 6 mas kuv yuav ua rau lub tsev no ib yam li kuv tau ua rau Xis Laus, thiab kuv yuav ua kom lub tsheej no yog ib qho chaw uas txhua lub kuj cuab piv txog los sib foom lus phem."
    7 Cov Leej Choj, cov Yaj Saub thiab tas tsoom sid tau hnov Yes Les Mias hais cov lus ceeb toom ntawd nyob hauv HUAB TAIS lub tsev. 8 Thaum Yes Les Mias hais cov lus uas HUAB TAIS kom nws hais rau tsoom sid tas lawm, mas cov Leej Choj thiab cov Yaj Saub ntes Yes Lis Mias. Lawv qw rau nws tias : 9 "Koj yuav tsum tuag! Vim li cas koj tuav txog HUAB TAIS lub npe los ceeb toom tias lub tsev no yuav zoo li Xis Laus thiab lub tsheej no yuav puas tas, yuav tsis tshuav neeg nyob hauv ntxiv?" Ces tas tsoom pej xeem txav los ntsauv vij vog Yes Les Mias nyob hauv HUAB TAIS lub tsev.

    NPN 69: 5, 8-10, 14

    Txais: (14c) Huab tais, thov koj teb kuv vim koj muaj kev hlub loj tas nrho.

    Cov neeg ntxub kuv ntau tshaj kuv cov plaub hau saum taub hau,
    lawv lam ntxub kuv tsis muaj hauv paus hauv ntsis li.
    Lawv coob dhau lawm, kuv yuav tsis muaj zog yeej lawv;
    Kuv cov yeeb ncuab liam tej yam cuav rau kuv.
    Yam kuv tsis tau nyiag, kuv puas yuav tsum xa rov qab?

    Txais: (14c) Huab tais, thov koj teb kuv vim koj muaj kev hlub loj tas nrho.

    Yog vim koj kuv thiaj raug luag tsawm,
    yog vim koj, kuv thiaj tau txaj muag.
    Kuv cov kwv tij saib kuv yog ib tug qhua,
    kuv niam cov tub saib kuv yog ib tug pej kum neeg.
    Vim kuv lub siab kub lug rau koj lub tsev,
    ces yog lawv thuam koj, mas lawv tej lus thuam poob los rau saum kuv.

    Txais: (14c) Huab tais, thov koj teb kuv vim koj muaj kev hlub loj tas nrho..

    Ntawm kuv, HUAB TAIS, kuv tuaj thov koj,
    thov kom yog koj lub caij xav ua zoo rau peb, Tswv Ntuj.
    Koj muaj txoj kev hlub loj tas nrho, thov koj teb kuv,
    thov koj tuaj pab kuv tsis tu ncua.

    Txais: (14c) Huab tais, thov koj teb kuv vim koj muaj kev hlub loj tas nrho.

    As Les Lus Yas: 1 PZ 1: 25

    Txais: As les lus yas, as les lus yas.

    Huab Tais Lo Lus nyob mus li ib txhiab ib txhis,
    Yog lo lus uas twb muab tshaj rau nej paub lawm.

    Txais: As les lus yas, as les lus yas.

    Ntawv Moo Zoo: MT 13: 54-58

    54 Yes Xus rov los txog nws lub zos nws nyob hlob, nws qhia tsoom sid nyob hauv lawv lub tsev txoos. Lawv ceeb tas, lawv hais tias : "Lub tswv yim thoob tsib, thiab cov hwj huam yees ntxwv ntawd, nws tau qhov twg los ?
    55 Tus ntawd, tsis yog tus kws ntoo tus tub lod ? Nws niam tsis yog tus hu ua Mab Liab no lod ? Thiab nws cov kwv tij tsis yog Yas Kos, Yos Xes, Xis Moos thiab Yus Das lawv lod ?
    56 Hos tas nws cov muam tib si, tsis yog cov nrog peb nyob ua ke ntawm no lod ? Tas ib puas tsav yam nws ua tau ntawd, los qhov twg los ?"
    57 Yes Xus ua rau lawv tsis zoo siab. Nws thiaj hais rau lawv tias : "Ib tug yaj saub yeej raug luag hwm nws zoo, tsuas yog nyob hauv nws lub zos nws nyob hlob thiab nyob hauv nws tsev neeg xwb, thiaj tsis muaj neeg xav hwm nws."
    58 Ces Yes Xus thiaj tsis ua hwj huam yees ntxwv ntau nyob ntawd, vim lawv tsis ntseeg.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 31st July 2020, 11:24 am

    TIM 1 LUB 8 HLI 2020

    Hnub Xya Lis Piam Kaum Xya Nruab Xyoo A Nruab Lis Liam Xyoo II

    Hwm LN Alphonsus Liguori, Tswv Qhia ua Kws cov Txuj Ntshiab

    Zaj Nyeem Ib: YLM 26: 11-16, 24


    11 Cov Leej Choj thiab cov Yaj Saub hais rau cov ntaus thawj thiab rau tas tsoom pej xeem tias : "Tus neeg ntawd tsim nyog raug lub txim tuag, vim nws ua yaj saub hais tej lo lus phem txog lub tsheej no. Nej pob ntseg twb tau hnov tas lawm." 12 Yes Les Mias hais rau tsoom pej xeem thiab rau cov ntaus thawj tias : "Yog HUAB TAIS xa kuv tuaj ceeb toom cov lus txog lub tsev no thiab txog lub nroog no xws li nej tau hnov. 13 Nyiam no nej yuav tsum kho nej tus yeeb yam thiab nej tej hauj lwm kom zoo tuaj ! Nej mloog nej tus HUAB TAIS Tswv Ntuj lub suab mog ! Ces HUAB TAIS yuav tso tseg tsis ua yam phem uas nws xav ua rau nej lawm. 14 Ntawm kuv, mas kuv nyob hauv nej xib tes, nej ua rau kuv raws li nej pom tias yog qhov zoo thiab yog qhov ncaj. 15 Tab sis, kom nej paub meej tias yog nej muab kuv tua mas nej lob ib co ntshav tsis muaj txhaum rau saum nej, rau saum lub nroog no thiab rau cov pej xeem nyob hauv lub nroog no. Vim tias yeej yog HUAB TAIS xa kuv tuaj cuag nej tiag, kom xwv kuv tau hais tej lus ntawd tas huv si rau nej tau hnov." 16 Ces cov ntaus thawj thiab tas tsoom pej xeem hais rau cov Leej Choj thiab cov Yaj Saub tias : "Tus neeg ntawd tsis tsim nyog raug lub txim tuag, vim nws tuav txog HUAB TAIS peb tus Tswv Ntuj lub npe los hais lus rau peb."
    24 Ces As His Kas, uas yog Xas Fas tus tub, thiaj pab Yes Les Mias, ces lawv tsis muab Yes Les Mias rau hauv cov neeg uas xav muab nws tua txhais tes.

    NPN 69: 15-16, 30-31, 33-34

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Thov koj rub kuv tawm ntawm cov av nyam los, kom kuv txhob zom av.
    Thov koj rub kuv kom kuv dim ntawm cov ntxub kuv,
    thiab dim ntawm cov dej tob;
    Kom cov dej hlob txhob tuaj nyab kuv,
    kom lub qhov ntuj txhob nqos kuv mus,
    los txhob qos ncauj kaw nkaus kuv rau hauv.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Kuv poob rau hauv kev txom nyem thiab kev tu siab lawm,
    Tswv Ntuj, thov kom koj txoj kev pab kev cawm txuag kuv cia.
    Kuv yuav hu ib zag nkauj cav txog Tswv Ntuj lub npe,
    kuv yuav ua nws tsaug kom nws nto koob meej loj.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    Cov neeg me, nej yuav pom, thiab nej yuav zoo siab :
    Nej cov uas nrhiav Tswv Ntuj, thov kom nej lub siab rov tuaj zog.
    Vim HUAB TAIS mloog cov pluag tej lus thov;
    thaum nws cov neeg raug luag khi, nws tsis hnyos lawv.

    Txais: (14c) Huab Tais, koj muaj kev hlub loj kawg nkaus, thov koj teb kuv.

    As Les Lus Yas: MT 5: 10

    Txais: As les lus yas, as les lus yas.

    Cov tau txoj hmoov zoo yog cov raug luag hiam vim txoj kev ncaj,
    Ntuj lub Ceeb Tsheej yog lawv tug.

    Txais: As les lus yas, as les lus yas.

    Ntawv Moo Zoo: MT 14: 1-12

    1 Yes Xus lub moo nrov ncha mus txog vaj txheeb Hes Los pob ntseg, 2 ces Hes Los hais rau nws cov tub txib tias : "Tus ntawd yog Zam Ntxuav Plig ! Nws sawv hauv cov tuag rov los lawm : vim li ntawd cov hwj huam loj thiaj ua hauj lwm nyob hauv nws.”
    3 Vim Hes Los tau kom lawv ntes Zam, thiab xuas saw hlau khi Zam mus kaw rau hauv tsev loj faj, kom zoo Hes Los Dias uas yog Hes Los tij laug Fis Lis Pos tus poj niam siab. 4 Vim Zam tau hais rau Hes Los tias : "Koj tsis muaj cai yuav tus poj niam ntawd." 5 Hes Los twb xav muab Zam tua, tab sis nws ntshai tsoom pej xeem, vim sawv daws saib Zam yog ib tug yaj saub. 6 Tiam sis thaum txog hnub tsuj xeeb Hes Los hnub yug, Hes Los Dias tus ntxhais tuaj dhia seev cev rau sawv daws saib, nws dhia tau ntxim Hes Los siab kawg, 7 Hes Los thiaj cog lus rau tus ntxhais tias yuav pub yam nws thov rau nws. 8 Leej niam cob tus ntxhais, ces tus ntxhais hais tias : "Thov koj muab Zam Ntxuav Plig lub taub hau txawb hauv ib lub phaj nqa los rau kuv ntawm no." 9 Tus vaj nyuaj siab kawg, tab sis vim nws tau cog lus lawm, thiab vim cov qhua tuaj koom rooj qav nyob ntawd, ces tus vaj thiaj txib kom muab rau tus ntxhais raws li nws thov. 10 Ces tus vaj xa neeg mus txiav Zam caj dab hauv tsev loj faj. 11 Lawv muab Zam lub taub hau txawb hauv ib lub phaj cev rau tus ntxhais, tus ntxhais nqa mus cev rau nws niam. 12 Zam cov thwj tim tuaj nqa Zam lub cev mus faus. Ces lawv mus hais qhia rau Yes Xus paub.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 3rd August 2020, 3:49 pm

    TIM 3 LUB 8 HLI 2020

    Hnub Ob Lias Piam kaum Yim Nruab Xyoo A Nruab Lis Piam Xyoo II

    Zaj Nyeem Ib: YES LES MIAS 28: 1-17


    1 Thaum tus vaj Xes Des Xias ua vaj kav Yus Das teb tau plaub xyoos lawm, xyoo ntawd thaum lub tsib hlis, tus yaj saub As Nas Nias, uas yog As Xws tus tub, tuaj Nkas Npoos tuaj, nws hais rau kuv nyob hauv HUAB TAIS lub tsev, nyob ntawm cov leej choj thiab tas tsoom pej xeem xub ntiag tias: 2 "Tus Huab Tais kav tsoom tshiab, His Xas Lais tus Tswv Ntuj hais li no : Kuv yuav muab tus vaj nyob Npas Npis Los tus quab dam pov tseg. 3 Ob xyoos ntxiv ces kuv yuav nqa cov twj taig uas cia siv rau hauv HUAB TAIS lub tuam tsev no rov qab los rau ntawm no, cov uas Nas Npws Kos Dos Nos Xos, tus vaj Npas Npis Los tau lwg ntawm thaj chaw no nqa mus rau Npas Npis Los lawm. 4 Kuv kuj yuav coj Yes Kos Nias uas yog Zes Yuas Kis tus tub thiab yog tus vaj Yus Das, thiab tas cov Yus Das mus nyob txim nyob Npas Npis Los lawd, kuv yuav coj lawv rov qab los nyob ntawm no, vim kuv yuav muab tus vaj Npas Npis Los tus quab dam pov tseg.” Yog HUAB TAIS lo lus ceeb toom. 5 Ces tus yaj saub Yes Les Mias hais rau tus yaj saub As Nas Nias nyob ntawm cov Leej Choj thiab tas tsoom sid xub ntiag nyob hauv HUAB TAIS lub tsev tias : 6 "Ua li mas ! Thov kom HUAB TAIS ua raws li ntawd! Kom nws ua raws li koj tau ua saub hais, kom nws coj tej twj taig nyob hauv HUAB lub tsev thiab tas cov neeg mus nyob txim nyob Npas Npis Los lawm rov qab los nyob rau ntawm no! 7 Tab sis koj mloog zoo zoo cov lus kuv yuav hais rau koj pob ntseg, thiab rau tas tsoom sid pob tseg hnov. 8 Cov yaj saub txheej thaud, cov ua koj thiab kuv wb ntej, mas sawv daws tsuas ua yaj saub hais txog kev ua tsov ua rog, kev txom nyem thiab kev yuav muaj txom fav los raug ntau haiv neeg, ntau lub teb chaws uas muaj hwj chim loj xwb. 9 Tus yaj saub twg ua saub tshaj tias yuav muaj kev thaj yeeb, mas yog thaum twg tshwm sim raws li nws cov lus lawm mas thiaj paub tseeb tias nws yog ib tug tseem yaj saub uas HUAB TAIS xa tuaj tiag." 10 Ces yaj saub As Nas Nias chua ntia tus quab saum yaj saub Yes Les Mias caj qwb los tsoo pov tseg thiab nws hais rau tsoom sid hnov tias: 11 "HUAB TAIS hais li no : ob xyoos ntxiv mas kuv yuav tsoo Nas Npws Kos Dos Nos Xos tus vaj Npas Npis Los, nws tus quab ib yam li no, yuav muab tshem saum cov kuj cuab lub caj qwb los tsoo pov tseg" Ces tus yaj saub Yes Les Mias mus lawm.
    12 Thaum yaj saub As Nas Nias tsoo tus quab ntawm yaj saub Yes Les Mias caj qwb li ntawd tas ib ntus tom qab, HUAB TAIS lo lus nrov tuaj rau Yes Les Mias tias : 13 "Koj mus hais rau As Nas Nias tias: ‘HUAB TAIS hais li no : Koj tsoo ib tug quab ntoo pov tseg, tiam sis koj txua ib tug quab hlau los hloov ! 14 Tus HUAB TAIS kav tsoom tshiab, His Xas Lais tus Tswv Ntuj hais li no : Kuv yuav muab ib tug quab hlau rau tas cov haiv neeg uas zwm rau Nas Npws Kos Dos Nos Xas, tus vaj Npas Npis Los, coj tib si, lawv yuav tsob hwb nws; tab yog cov tsiaj nyob nruab liaj nruab teb, kuv yuav muab rau nws huv tib si."
    15 Yaj saub Yes Les Mias hais rau yaj saub As Nas Nias tias : "As Nas Nias, koj mloog zoo zoo. HUAB TAIS tsis tau xa koj tuaj, koj tuaj ua kom tsoom pej xeem tso siab rau tej yam dag xwb. 16 Vim li ntawd HUAB TAIS hais li no : Kuv ntiab koj kom koj txhob tau nyob hauv lub ntiaj teb ntxiv. Xyoo no kiag koj yuav tuag, vim koj qhia kom sawv daws ntxeev siab rau HUAB TAIS." 17 Ces xyoo ntawd, thaum lub xya hli, As Nas Nias cia li tuag lawm tiag.

    NPN 119: 29, 43, 79, 80, 95, 102

    Txais: (68b) Huab Tais, thov koj qhia koj cov kev cai lij choj rau kuv.

    Thov koj tshem txoj kev cuav mus deb ntawm kuv ,
    koj muab koj Txoj Cai pub ua txiaj ntsim rau kuv.

    Txais: (68b) Huab Tais, thov koj qhia koj cov kev cai lij choj rau kuv.

    Koj txhob rho koj lo lus tseeb ntawm kuv lub ncauj mus,
    vim kuv tso siab rau koj cov cai tswj siab.

    Txais: (68b) Huab Tais, thov koj qhia koj cov kev cai lij choj rau kuv.

    Thov kom cov neeg hwm koj tig los cuag kuv,
    thiab los lees paub koj txoj cai koj tau txiav.

    Txais: (68b) Huab Tais, thov koj qhia koj cov kev cai lij choj rau kuv.

    Thov kom kuv lub siab coj raws nraim koj cov cai lij choj,
    Ces kuv yuav tsis poob ntsej muag.

    Txais: (68b) Huab Tais, thov koj qhia koj cov kev cai lij choj rau kuv.

    Cov tsis hwm ntuj nyas ntshis yuav tua kuv,
    hos kuv rau siab ntso mloog koj cov lus qhia.

    Txais: (68b) Huab Tais, thov koj qhia koj cov kev cai lij choj rau kuv.

    Kuv tsis ncaim ntawm cov lus koj tau txiav,
    vim koj yog tus qhia rau kuv paub.

    Txais: (68b) Huab Tais, thov koj qhia koj cov kev cai lij choj rau kuv.

    As Les Lus Yas: ZAM 1: 49B

    Txais: As les lus yas, as les lus yas.

    Las Npis, koj yog Tswv Ntuj Leej Tub,
    koj yog His Xas Lais tus Vaj.

    Txais: As les lus yas, as les lus yas.

    Ntawv Moo Zoo: MT 14: 22-36

    22 Tam sis ntawd, Yes Xus txhib cov thwj tim kom nce nkoj ua nws ntej mus lawm sab ntug dej tim ub, hos nws nyob xa tsoom sid rov qab. 23 Thaum nws xa zeej tsoom rov qab mus tas lawm, nws nce mus saum roob, rau ib qho chaw xu kev, ces nws teev Ntuj. Thaum tsaus ntuj, tshuav nws tib leeg lawm xwb. 24 Lub nkoj twb mus deb ntawm ntug nqhuab lawm ntau ntsua muag. Dej nphau nphwv tuaj nplawm lub nkoj, vim cua tshuab tom hauv ntej tuaj. 25 Thaum yav yuav kaj ntug, Yes Xus mus ko taw saum nplaim dej, nws tuaj caum cov thwj tim. 26 Lawv pom Yes Xus mus ko taw saum dej ntuj, lawv ib ce xob tas, lawv hais tias : "Yog poj ntxoog". Lawv ntshai kawg, ces lawv qw qw. 27 Tam sis ntawd Yes Xus hais rau lawv tias : "Nej tso siab mas ! Yog kuv ! Txhob ntshai." 28 Pob Zeb teb rau Yes Xus tias : "Huab Tais, yog koj tiag no, koj ua kom kuv tsuj tau nplaim dej tuaj cuag koj." 29 Ces Xus teb tias : "Tuaj mas !" Ces Pob Zeb nqes nkoj, nws mus ko taw saum nplaim dej mus cuag Yes Xus. 30 Tab sis Pob Zeb pom cua hlob hlob, nws ntshai, ces nws pib tog hauv dej, nws qw tias : "Huab Tais, cawm kuv mas !" 31 Yes Xus cev tes tam sis ntawd mus tuav Pob Zeb, nws hais rau Pob Zeb tias : "Neeg ntseeg tsawg, ua cas koj ua xyem xyav ?" 32 Thaum Yes Xus nkawd nce hlo rau hauv nkoj, cua tu nrho lawm. 33 Cov nyob hauv nkoj pe Yes Xus, lawv hais tias : "Koj yog Tswv Ntuj Leej Tub tiag !"
    34 Thaum lawv hla dhau dej lawm, lawv mus nqes rau ntawm Nkes Nes Xas Les. 35 Cov neeg nyob txawm qhov chaw ntawd cim tau Yes Xus, ces lawv tso neeg mus qhia rau ib thaj tsam ntawd paub thiab lawv coj tas nrho cov neeg muaj mob tuaj rau Yes Xus. 36 Lawv thov nws tias tsuav lawv tau kov nws lub tw tsho xwb, ces txhua tus uas tau kov, puav leej zoo mob tas tib si.


    Los: MT 15: 1-2, 10-14

    1 Ib co Fas Lis Xais thiab ib co Kws Ntawv Ntshiab nyob Yes Lus Xas Les tuaj cuag Yes Xus, lawv hais rau Yes Xus tias : 2 "Vim li cas koj cov thwj tim hla cov yawg koob tej kev cai uas peb ib txwm coj los ? Vim thaum lawv yuav noj mov, lawv tsis xub ntxuav tes tso?"
    10 Yes Xus hu tsoom sid kom txav los ze, nws hais rau lawv tias : "Nej mloog kom nej to taub ! 11 Tsis yog tej yam nkag hauv neeg lub ncauj mus ua kom neeg tsis huv ; yog tej yam uas tawm hauv lub ncauj los ua kom neeg tsis huv." 12 Cov thwj tim txav los ze Yes Xus, lawv hais tias : "Koj puas paub tias cov Fas Lis Xais hnov koj hais li ntawd, mas lawv tsis txaus siab li?" 13 Yes Xus teb tias : "Tus yub twg tsis yog kuv Txiv nyob saum ntuj cog, mas yuav raug muab dob pov tseg. 14 Kav liam lawv; lawv yog ib co neeg dig muag coj luag kev ! Yog tias ib tug dig muag coj lwm tus dig muag kev, mas nkawd ob leeg yuav ua ke mus poob qhov xwb."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 4th August 2020, 5:16 am

    Tim 4 lub 8 Hli 2020

    Hnub Peb Lis Piam Kaum Yim Nruab Xyoo B Nruab Lis Piam Xyoo II

    Hwm LN John Vianney, ua Leej Choj

    Zaj Nyeem Ib: YES LES MIAS 30: 1-2, 12-15, 18-22


    1 HUAB TAIS lo lus nrov tuaj rau Yes Les Mias tias : 2 " HUAB TAIS His Xas Lais tus Tswv Ntuj hais li no : Cov lus kuv tau hais rau koj, koj muab sau tas huv si rau hauv ib phau ntawv."
    12 “HUAB TAIS hais li no tias : Koj qhov mob yuav zoo tsis taus, koj lub qhov txhab mob loj dhau 13 Tsis muaj leej twg tuaj koj tog, tsis muaj tshuaj yuav kho tau koj lub qhov txhab, koj yuav tsis zoo. 14 Koj cov hluas nraug tsis nco koj li, lawv tsis quav ntsej koj ntxiv lawm! Kuv tau cia koj raug txom nyem zoo li kuv yog koj tus yeeb ncuab, kuv rau txim hnyav rau koj vim koj muaj txhaum ntau, koj txoj kev ua phem loj kawg nkaus. 15 Vim li cas koj thiaj qw ntsaj txog koj qhov mob? Koj yeej yuav tsis txawj zoo li. Tos kuv tau ua li ntawd rau koj los yog vim koj lub txim hnyav kawg nkaus thiab koj ua txhaum ntau kawg li.
    18 HUAB TAIS hais li no : "Kuv yuav rov tsa Yas Kos cov tsev tsam phooj, kuv yuav khuv leej lawv tej vaj tse; lub tsheej yuav rov qab muab txhim rau saum pov roob, lub ntsa khov yuav rov muab kho kom nyob thaj chaw qub. 19 Yuav rov hnov hu tej zaj nkauj cav txog Tswv Ntuj, thiab yuav rov muaj suab luag zoo siab. Kuv yuav ua kom lawv huam vam tuaj, lawv yuav tsis yog tsawg. Kuv yuav ua kom lawv muaj koob meej, lawv yuav tsis yog neeg me ntxiv. 20 Lawv cov xeeb zeej xeeb ntxwv yuav rov zoo li txheej thaud, lawv txoj kev sib txoos ua ke yuav nyob ruaj nreb ntawm kuv xub ntiag. Kuv yuav rau txim rau cov haiv neeg hiam lawv. 21 Tus ua thawj saib lawv yuav yog ib tug tawm hauv lawv los, lawv tus vaj yuav tawm ntawm lawv haiv neeg los. Kuv yuav ua kom nws txav los ze kuv, ces nws yuav los cuag kuv. Vim yog kuv tsis hu, mas leej twg thiaj li yuav muaj peev xwm tuaj cuag kuv tau? Yog Huab Tais lus ceeb toom.
    22 “Ces nej yuav yog kuv haiv neeg, kuv yuav yog nej tus Tswv Ntuj."

    NPN 102: 16-18, 19-21, 29+22-23


    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    HUAB TAIS, cov kuj cuab yuav hwm koj lub npe,
    tas cov vaj nyob ntiaj teb yuav hwm koj lub hwj chim.
    Thaum HUAB TAIS rov txhim Xis Yoos,
    sawv daws yuav pom nws nyob hauv nws lub hwj chim;
    nws yuav tig los mloog cov neeg txom nyem tej lus thov,
    nws yuav tsis thuam lawv zaj teev ntuj.

    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    Nej sau qhov no cia rau phaj tub ki uas yuav los yav tom ntej,
    ces ib haiv neeg HUAB TAIS tsim tshiab yuav cav txog nws tias:
    “HUAB TAIS nyob saum nws lub tsev ntshiab dauv muag los saib;
    nws nyob saum txheej ntuj siab ntsia rau ntiaj teb,
    Kom tau mloog cov neeg nyob txim lub suab ntsaj,
    kom tau tso cov yuav raug tua dim kev tuag.

    Txais: (17) Huab Tais yuav rov rxhim tsa Xis Yoos kom sawv, nws yuav tawm tuaj muaj hwj chim loj.

    Koj cov tub txib tej me nyuam yuav nyob ruaj,
    lawv cov xeeb ntxwv yuav nyob ntawm koj xub ntiag mus li.
    Sawv daws yuav tshaj HUAB TAIS lub npe nyob saum Xis Yoos,
    Thiab yuav cav lus zoo txog nws nyob Yes Lus Xas Les.
    Ces cov haiv neeg yuav sib sau los nyob ua ke,
    cov ceeb tsheej yuav sib txoos los tsob hwb HUAB TAIS.

    Txais: (17) Huab Tais yuav rov txhim tsa Xis Yoos kom sawv, nws yuav tawm tuaj muaj hwj chim loj.

    As Les Lus Yas: ZAM 1: 49B

    Txais: As les lus yas, as les lus yas.

    Las Npis, koj yog Tswv Ntuj Leej Tub,
    koj yog His Xas Lais tus Vaj.

    Txais: As les lus yas, as les lus yas.

    Ntawv Moo Zoo: MT 14: 22-36

    22 Tam sis ntawd, Yes Xus txhib cov thwj tim kom nce nkoj ua nws ntej mus lawm sab ntug dej tim ub, hos nws nyob xa tsoom sid rov qab. 23 Thaum nws xa zeej tsoom rov qab mus tas lawm, nws nce mus saum roob, rau ib qho chaw xu kev, ces nws teev Ntuj. Thaum tsaus ntuj, tshuav nws tib leeg lawm xwb. 24 Lub nkoj twb mus deb ntawm ntug nqhuab lawm ntau ntsua muag. Dej nphau nphwv tuaj nplawm lub nkoj, vim cua tshuab tom hauv ntej tuaj. 25 Thaum yav yuav kaj ntug, Yes Xus mus ko taw saum nplaim dej, nws tuaj caum cov thwj tim. 26 Lawv pom Yes Xus mus ko taw saum dej ntuj, lawv ib ce xob tas, lawv hais tias : "Yog poj ntxoog". Lawv ntshai kawg, ces lawv qw qw. 27 Tam sis ntawd Yes Xus hais rau lawv tias : "Nej tso siab mas ! Yog kuv ! Txhob ntshai." 28 Pob Zeb teb rau Yes Xus tias : "Huab Tais, yog koj tiag no, koj ua kom kuv tsuj tau nplaim dej tuaj cuag koj." 29 Ces Xus teb tias : "Tuaj mas !" Ces Pob Zeb nqes nkoj, nws mus ko taw saum nplaim dej mus cuag Yes Xus. 30 Tab sis Pob Zeb pom cua hlob hlob, nws ntshai, ces nws pib tog hauv dej, nws qw tias : "Huab Tais, cawm kuv mas !" 31 Yes Xus cev tes tam sis ntawd mus tuav Pob Zeb, nws hais rau Pob Zeb tias : "Neeg ntseeg tsawg, ua cas koj ua xyem xyav ?" 32 Thaum Yes Xus nkawd nce hlo rau hauv nkoj, cua tu nrho lawm. 33 Cov nyob hauv nkoj pe Yes Xus, lawv hais tias : "Koj yog Tswv Ntuj Leej Tub tiag !"
    34 Thaum lawv hla dhau dej lawm, lawv mus nqes rau ntawm Nkes Nes Xas Les. 35 Cov neeg nyob txawm qhov chaw ntawd cim tau Yes Xus, ces lawv tso neeg mus qhia rau ib thaj tsam ntawd paub thiab lawv coj tas nrho cov neeg muaj mob tuaj rau Yes Xus. 36 Lawv thov nws tias tsuav lawv tau kov nws lub tw tsho xwb, ces txhua tus uas tau kov, puav leej zoo mob tas tib si.


    Los: MT 15: 1-2, 10-14

    1 Ib co Fas Lis Xais thiab ib co Kws Ntawv Ntshiab nyob Yes Lus Xas Les tuaj cuag Yes Xus, lawv hais rau Yes Xus tias : 2 "Vim li cas koj cov thwj tim hla cov yawg koob tej kev cai uas peb ib txwm coj los ? Vim thaum lawv yuav noj mov, lawv tsis xub ntxuav tes tso?"
    10 Yes Xus hu tsoom sid kom txav los ze, nws hais rau lawv tias : "Nej mloog kom nej to taub ! 11 Tsis yog tej yam nkag hauv neeg lub ncauj mus ua kom neeg tsis huv ; yog tej yam uas tawm hauv lub ncauj los ua kom neeg tsis huv." 12 Cov thwj tim txav los ze Yes Xus, lawv hais tias : "Koj puas paub tias cov Fas Lis Xais hnov koj hais li ntawd, mas lawv tsis txaus siab li?" 13 Yes Xus teb tias : "Tus yub twg tsis yog kuv Txiv nyob saum ntuj cog, mas yuav raug muab dob pov tseg. 14 Kav liam lawv; lawv yog ib co neeg dig muag coj luag kev ! Yog tias ib tug dig muag coj lwm tus dig muag kev, mas nkawd ob leeg yuav ua ke mus poob qhov xwb."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 4th August 2020, 9:58 am

    Tim 5 lub 8 Hli 2020

    Hnub Plaub Lis Piam Kaum Yim Nruab Xyoo A Nruab Lis Piam Xyoo II

    Hnub muab lub Tuam Tsev Teev Ntuj Leej Ntshiab Mab Liab tus Loj(St Mary Major) nyob Los Mas Fij Rau Ntuj

    Zaj Nyeem Ib: YLM 31: 1-7


    1 Huab Tais hais tias: “Lub caij ntawd kuv yuav yog tas txhua xeem His Xas Lais tus Tswv Ntuj, lawv yuav yog kuv haiv neeg.”
    2 Huab Tais kuj tseem hais tias: “Haiv neeg uas maim dhau rab ntaj, lawv mus nrhiav tau ib lub txiaj ntsim zoo nyob teb chaws suab puam; His xas Lais mus nrhiav tau lub chaw uas nws yuav tau so.”
    3 Huab Tais nyob deb tshwm sim rau kuv pom, (nws hais tias): “Kuv tau hlub koj, kuv txoj kev hlub yeej nyob mus li txij puag taum ntxov los lawm; kuv tsis tau tso kuv txoj kev ua siab ncaj rau koj tseg li. 4 Tus nkauj xwb tsim txiaj His Xas Lais e, kuv yuav rov txhim koj dua, ces koj yuav raug txhim dua tshiab. Koj yuav rov hnav zam ntaus paj nruag dhia taug kev ua kev lom zem dua. 5 Koj yuav rov cog muaj vaj hmab txiv cawv dua nyob saum cov roob Xas Mas Lias; Cov khwv cog yuav tau kev cog thiab lawv yuav tau txiv noj. 6 Ces yuav muaj ib hnub uas cov zov keeb yuav qw nyob saum lub pov roob Es Fais tias: ‘Nej kav tsij sawv tsees los, peb mus lawm pem Xis Yoos, pem Huab Tais peb tus Tswv Ntuj.’”
    7 Vim Huab Tais hais li no: “Nej qw zoo siab rau Yas Kos, nej qw suab cav txog haiv neeg loj dua cov. Nej yeej meem hais kom luag hnov, yeej meem cav txog, yeej meem tshaj tawm tias: ‘Huab Tais cawm nws haiv neeg lawm, nws cawm cov His Xas Lais seem lawm.’”

    NPN: YLM 31: 10, 11-12AB, 13

    Txais: (10d) Huab Tais yuav zov peb li tus tswv zov nws pab yaj.

    Cov haiv neeg, nej mloog Huab Tais lo lus,
    nej muab tshaj tawm rau cov pov txwv nyob deb paub, nej hais tias:
    Tus uas tau ua kom His Xas Lais tawg mus rau ntau qhov, rov sau lawv los ua ke,
    nws zov lawv li tus tswv zov nws pab yaj.

    Txais: (10d) Huab Tais yuav zov peb li tus tswv zov nws pab yaj.

    HUAB TAIS yuav txhiv Yas Kos rov los,
    nws yuav tso Yas Kos kom dim ntawm tus muaj zog txhais tes.
    Lawv yuav ke qw zoo siab ke nce mus pem lub roob Xis Yoos,
    lawv yuav tuaj sib laub sib lug mus txais HUAB TAIS lo lus zoo.

    Txais: (10d) Huab Tais yuav zov peb li tus tswv zov nws pab yaj.

    Cov nkauj xwb yuav dhia lom zem zoo siab,
    cov tub hluas thiab cov neeg laus kuj yuav dhia.
    Kuv yuav muab lawv txoj kev tu siab siab ntxeev ua kev zoo siab
    Kuv yuav nplij lawv kom lawv zoo siab, txhob nyuaj siab ntxiv.

    Txais: (10d) Huab Tais yuav zov peb li tus tswv zov nws pab yaj.

    As Les Lus Yas: LK 7: 16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo: MT 15: 21-28

    21 Yes Xus tawm ntawm qhov chawd ntawd mus, nws mus rau Tws Los thiab Xis Doos teb. 2 Muaj ib tug poj niam Kas Nas Has nyob hauv teb chaws ntawd tuaj, nws hu nrov nrov tias: “Huab Tais, Das Vis leej Tub, thov koj khuv leej kuv! Kuv tus ntxhais raug ib tug dab phem tsim txom nws. 23 Tiam sis Yes Xus tsis teb ib los li. Cov thwj tim txav los hais rau nws tias: “Koj kuj muab nws ntiab khiav mus saib, vim nws pheej qw nrov nrov caum peb qab.” 24 Yes Xus teb rau lawv tias: “Kuv raug xa tuaj yog kom tuaj pab cov yaj ploj hauv His Xas Lais tsev neeg xwb.” 25 Tab sis tus poj niam twb tuaj txog lawm, nws txhos caug thov Yes Xus tias: “Huab Tais, thov koj pab kuv.” 26 Yes Xus teb rau nws tias: “Tsis phim yuav muab me nyuam tej mov pov rau me nyuam dev noj.” 27 Tus poj niam hais tias: “Thov koj, Huab Tais, vim tias cov me nyuam dev twb noj cov tsig mov uas poob saum lawv tus tswv lub rooj los xwb. 28 Ces Yes Xus hais rau nws tias: “Tus poj niam, koj muaj lub siab ntseeg loj kawg nkaus! Kom koj tau raws li koj lub siab xav.” Ces nws tus ntxhais zoo hlo txij lub caij ntawd los lawm.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 5th August 2020, 8:37 am

    Tim 6 lub 8 Hli 2020

    Hnub Tsib Lis Piam Kaum Yim Nruab Xyoo A Nruab Lis Piam Xyoo II

    Nco Txog Yes Xus lub Hwj Chim Tawm Los Rau Nws cov Thwj Tim Pom.

    Zaj Nyeem Ib: DN 7: 9-10, 13-14


    9 Kuv ntsia, kuv txawm pom luag muab ib co theej kiab los txawb rau ntawd, ces tus Laus los zaum saum nws lub theej kiab. Nws cov ris tsho dawb paug ci cuag daus, nws cov plaub hau dawb cuag plaub yaj. Nws lub theej kiab yog nplaim taws, muaj ib co log hluav taws. 10 Muaj ib tug dej hluav taws txhawv ntws lug ntawm qhov chaw nws zaum los. Txhiab txhiab vam vam leej tsob hwb nws, pua pua txhiab vam leej tiam nws. Lawv qhib lub rooj txiav txim, tej ntaub ntawv twb nthuav tas rau ntawd lawm.
    13 Hmo ntuj kuv tseem yees pom ntxiv zoo li no: Muaj ib tug zoo xws li neeg ib leeg Tub, nws tuaj saum cov huab saum ntuj tuaj; nws txav los rau ntawm tus Laus, ces lawv coj nws los qhia rau tus Laus. 14 Ces tus uas zoo xws li neeg ib leeg Tub txais lub hwj huam, lub koob meej thiab kev ua vaj. Tas txhia haiv neeg, txhia lub kuj cuab, txhia xeem lus tsob hwb nws. Nws lub hwj huam yog ib lub hwj huam nyob mus li tsis txawj kawg; yuav tsis muaj leej twg txeeb ntawm nws mus tau. Nws txoj kev ua vaj yuav tsis raug leej twg muab rhuav tau.

    NPN 97: 1-2, 5-6, 9

    Txais: (1a +9a) Huab Tais ua vaj, nws yog tus loj tshaj kav tas lub ntiaj teb.

    HUAB TAIS yog vaj ntxwv, lub ntiaj teb zoo siab;
    ntau lub pov txwv luag ntxhi.
    Cov huab thiab qhov tsaus nyob ncig nws,
    kev ncaj ncess thiab kev txiav txim yog
    lub taw ntsa txheem nws lub theej kiab.

    Txais: (1a +9a) Huab Tais ua vaj, nws yog tus loj tshaj kav tas lub ntiaj teb.

    Cov roob yaj tas xws li ciab ntab yaj nyob ntawm Huab Tais xub ntiag,
    ntawm tus HUAB TAIS kav tas lub ntiaj teb xub ntiag.
    Lub ntuj cav txog nws txoj kev ncaj ncees,
    tas txhua haiv neeg pom nws lub hwj chim.

    Txais: (1a +9a) Huab Tais ua vaj, nws yog tus loj tshaj kav tas lub ntiaj teb.

    HUAB TAIS, vim koj yog tus nyob siab dua cov,
    koj saib tas lub ntiaj teb,
    koj loj tshaj tas ib tsoom tswv ntuj.

    Txais: (1a +9a) Huab Tais ua vaj, nws yog tus loj tshaj kav tas lub ntiaj teb.

    Zaj Nyeem Ob: 2 PZ 1: 16-19

    Cov zoo nyiad:
    16 Peb tsis tau ntseeg raws li tej zaj dab neeg uas cov neeg ncauj npliag tau xev; peb tuaj qhia nej tsuas tau qhia kom nej paub txog peb tus Huab Tais Yes Xus Pleev lub hwj huam, thiab paub tias nws yuav rov los xwb. Peb yog ib co tim khawv tau pom xyeem nws lub hwj chim ntawm peb qhov muag. 17 Leej Pleev tau txais koob meej thiab txais hwj chim ntawm Leej Txiv Tswv Ntuj, yog hnub uas Leej Txiv lub suab muaj hwj xyeej nrov tuaj rau nws hais tias : ‘Tus no yog kuv Leej Tub, tus kuv nyiam, nws ua ntxim kuv lub siab tas nrho.’ 18 Lub suab ntawd, peb kiag tau hnov nrov saum ntuj tuaj, hnub uas peb nrog Yes Xus nyob saum lub roob ntshiab. 19 Peb kuj tseem muaj cov Yaj Saub tej lus uas yog ib co lus tsim nyog peb ntseeg. Nej yuav tsum mob siab rau tej lus ntawd thiab, uas yog zoo li ib lub teeb ci hauv qhov tsaus ntuj tuaj, mus txog lub caij uas lub hnub tawm tuaj thiab lub hnub qub kaj ntug ci tuaj rau hauv nej nruab siab lawm.

    As Les Lus Yas: MT 17: 5C

    Txais: As les lus yas, as les lus yas.

    "Tus no yog kuv leej tub uas kuv nyiam, nws yog kuv qhov chaw zoo siab,
    nej cia li mloog nws hais.

    Txais: As les lus yas, as les lus yas.

    Ntawv Moo Zoo: MT 17: 1-9

    1 Tau rau hnub tom qab, Yes Xus coj Pob Zeb, Yas Kos thiab nws tus kwv Zam mus rau ib qho, ces lawv nce mus saum ib lub roob siab. 2 Yes Xus ib ce hloov tas nyob ntawm lawv xub ntiag : nws lub ntsej muag ci ntsa iab zoo li lub hnub, nws cov ris tsho ci dawb paug li qhov pom kev. 3 Ces Mais Xes thiab Es Lias nkawd tawm los rau lawv pom; nkawd nrog Yes Xus tham.
    4 Pob Zeb hais rau Yes Xus tias : "Huab Tais, peb nyob ntawm no mas zoo tas nrho. Yog koj pom zoo no, kuv yuav ua peb lub tsev tsam phooj rau ntawm no, ib lub rau koj, ib lub rau Mais Xes, ib lub rau Es Lias." 5 Pob Zeb tseem tab tom hais li ntawd, ces muaj ib tw huab ci dawb paug los ntxoov npog nkaus lawv, ces ib lub suab hais hauv twv huab tuaj tias : "Tus no yog kuv leej tub uas kuv nyiam, nws yog kuv qhov chaw zoo siab, nej mloog nws mog !" 6 Cov thwj tim hnov lub suab ntawd, lawv khoov ntsej muag ti av, lawv ntshai kawg. 7 Tab sis Yes Xus txav los kov lawv, thiab nws hais rau lawv tias : "Nej sawv, nej txhob ntshai." 8 Ces lawv tsa muag ntsia, tsis pom leej twg li, kawg tshuav Yes Xus tib leeg xwb.
    9 Thaum lawv nqes saum roob los, Yes Xus txwv lawv tias : "Nej tsis txhob qhia qhov nej tau pom no rau leej twg li, mus txog thaum Neeg Leej Tub sawv hauv cov tuag rov los tso."

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 6th August 2020, 9:25 am

    Tim     7     lub     8     Hli     2020

    Thawj Hnub Rau lis piam Kaum Yim Nruab Xyoo A Nruab Lis Piam Xyoo II  

    Hwm LN Cajetan, ua Leej Choj;
    hwm LN Sixtus II, ua Vaj Qhia thiav Cov nrog nws tuag ua Tim Khawv

    Zaj Nyeem Ib:     NAS HWS  2:   1, 3; 3:   1-3, 6-7


    2   1 Ntsia saib, tus xa xov txog ib lub moo zoo tuaj saum cov roob tuaj, nws tshaj tawm txog kev thaj yeeb. Yus Das, kav tsij ua koj cov koob tsheej, kav tsij pauj koj cov yeem; tus neeg phem yuav tsis tuaj tsuj koj ib zaug ntxiv lawm, vim nws swb lawm.
    3 HUAB TAIS yuav rov cog Yas Kos txoj hmab txiv cawv, uas yog His Xas Lais txoj kev tau ntsej muag, uas cov neeg phem tau tuaj muab txiav thiab dam nws cov ceg tas.
    3  1 Hmoov phem rau lub nroog uas nyiam ua luag ntshav nrog, nyiam hais lus dag, nyiam txeeb luag tug,  mus lwg luag tsis muaj caij tsum; 2 uas hlua nplawm nees nrov nplib nlpob,  log tsheb khiav nrov ntsuag qees, nees rag ntws khiav, tsheb rog khiav nrov nroo ntws, 3 cov caij nees khiav rag ntws mus sib tua, ntaj cig liab vog, hmuv cig laim txias, coob leej raug tua, tej pawg cev tuag nco lug, neeg tuag puv txhia chaw ua rau lawv mus dawm ntog!
    6 Kuv yuav pov tej yam qias los npog koj, yuav tsis saib koj ntxiv thiab yuav ua kom koj tau txaj muag, mus txog thaum txhua leej txhua tus pom koj lawv yuav khiav deb koj, thiab yuav hais tias: “Nis Nis Vas puas ntsoog tas; leej twg yuav xav khuv leej nwd? Puas yuav nrhiav tau ib tug neeg nyob qhov twg los nplij nws?”

    NPN:    TXOJ CAI OB  32:   35CD-36AB, 39ABCD, 41


    Txais:   (39c) Kuv yog tus ua kom tuag thiab ua kom ciaj sia tau.    

    Hnub uas lawv yuav raug rhuav los txog ze lawm,
    txoj kev puas ntsoog twb khiav nrawm nroos los rau saum lawv lawm!    
    Muaj tseeb, HUAB TAIS yuav muab kev ncaj rau nws haiv neeg;
    nws yuav khuv leej nws cov tub txib.        

    Txais:   (39c) Kuv yog tus ua kom tuag thiab ua kom ciaj sia tau.

    Nej yuav paub tias tsuas muaj kuv ib leeg thiaj yog Tswv Ntuj xwb,  
    tsis muaj dua lwm tus tswv ntuj dhau ntawm kuv lawm.    
    Kuv yog tus ua kom txoj sia tu thiab ua kom ciaj sia tib si.
    Kuv yog tus ua kom txawj mob thiab ua kom txawj zoo.    

    Txais:   (39c) Kuv yog tus ua kom tuag thiab ua kom ciaj sia tau.

    Kuv yuav hov kuv rab ntaj ci hob kom ntse zuag plias,
    kuv txhais tes yuav tuav rawv kuv lub hnab ntim xib xub,    
    Kuv yuav ua pauj  rov rau kuv cov yeeb ncuab,    
    thiab kuv yuav ua rau cov ntxub kuv xws li lawv tau ua.  

    Txais:   (39c) Kuv yog tus ua kom tuag thiab ua kom ciaj sia tau.

    As Les Lus Yas:    MT  5:   10

    Txais:    As les lus yas, as les lus yas.    

    Cov tau txoj hmoov zoo yog cov raug luag hiam vim txoj kev ncaj,
    Ntuj lub Ceeb Tsheej yog lawv tug.

    Txais:    As les lus yas, as les lus yas.

    Ntawv Moo Zoo:     MT  16:   24-28


    24 Yes Xus hais rau nws cov thwj tim tias : “Yog leej twg xav los raws kuv, nws yuav tsum txhob xav txog nws, nws yuav kwv nws tus ntoo cuam, thiab yuav lawv kuv qab.
    25 Vim leej twg xav cawm nws txoj sia, mas nws yuav plam nws txoj sia. Hos leej twg plam nws txoj sia vim kuv, mas nws yuav rov tau nws txoj sia.
    26 Yog ib tug neeg txeeb tau tas lub ntiaj teb huv tib si los ua nws tug, tab sis yog nws txoj sia ploj lawm, mas nws tau dab tsi ? Neeg yuav muab dab tsi los pauv tau nws txoj sia ?
    27 Vim tias Neeg Leej Tub yuav nrog nws cov Tshiab los muaj Leej Txiv lub hwj chim, ces nws yuav pauj rau nyias raws li nyias cov hauj lwm.
    28 Kuv hais tseeb rau nej : nej ib txhia uas nyob ntawm no, yuav tsis tau saj txoj kev tuag, lawv yuav xub tau pom Neeg Leej Tub nrog nws lub Ceeb Tsheej los txog tso.”


    Last edited by Mim on 28th August 2020, 3:45 am; edited 2 times in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 8th August 2020, 5:04 pm

    Tim     8     lub     8     Hli     2020

    Hnub Xya Lis Piam Kaum Yim Nruab Xyoo A Nruab Lis Piam Xyoo II

    Hwm LN Dominic, ua Leej Choj

    Zaj Nyeem Ib:  HAS NPAS KWS 1:  12—2:4


    12 HUAB TAIS, tsis yog koj yeej nyob puag thaum ntxov ub los lawm los, kuv tus Tswv Ntuj, kuv tus Ntshiab? Peb yeej yuav tsis tuag. HUAB TAIS, koj tau xaiv haiv neeg ntawd los raug txiav txim; kuv lub Tsua, koj yog tus npaj lawv los mus raug kaw. 13 Koj lub qhov muag ntshiab huv, koj tsis xav pom qhov phem, koj ntsia tsis taus txoj kev lim hiam. Vim li cas koj thiaj ntsia cov neeg siab phem, thiab thaum tus neeg nkhaus noj tus siab ncaj dua nws mas koj thiaj ua twj ywm ? 14 Koj tau tsim tib neeg los zoo li koj tau tsim cov ntses nyob hauv hiav txwv, cov tsiaj uas txawj  nkag tiam sis tsis muaj tus tswj tus kav.
    15 cov neeg ntawd xuas nuv los nqe ntses tawm los, xuas lub moo los cuab ntsesv, thiab xuas vas los puav ntses, ces lawv zoo siab lawv dhia hom khaj ! 16 Lawv tua tsiaj txi rau lawv lub vas, lawv hlawv xyab hlawv ntawv rau lawv lub moo cuab ntses, vim lub vas thiab lub moo ua kom lawv muaj noj ntws lug, kom lawv tej nqaij ntau nco lug. 17 Lawv puas yuav mus suav lawv cov vas puav ntses thiab puas yuav tua cov haiv neeg tas mus li tsis paub hlub leej twg li?
    2   1 Kuv yuav mus nyob ntawm kuv qhov chaw zov keeb, kuv yuav mus sawv saum lub ntsa zeb, kuv yuav zov tos saib nws yuav hais dab tsi rau kuv, thiab saib kuv yuav teb dab tsi yog nws qhuab ntuas kuv. 2 Ces HUAB TAIS teb kuv tias : "Koj sau qhov koj pom cia, koj muab txaug rau saum daim txiag kom meej, luag tus nyeem thiaj tau kev nyeem nrawm nroos. 3 Vim tias qhov koj yees pom ntawd nws tseem tos txog lub caij teem nws yuav tshwm sim tuaj; nws yeej maj nrawm nroos kom txog lub caij nws tawm tuaj ntawd, nws yuav tsis dag. Yog zoo li pheej tsis txawj tshwm sim mas koj yuav tsum tos, yeej yuav muaj tuaj xwb, nws yuav tsis tuaj txog lig li! 4 Ntsia saib, tus neeg muaj lub siab khav theeb mas nws tsis muaj lub siab ncaj nyob hauv nws, hos tus neeg siab ncaj mas nws yuav muaj txoj sia nyob hauv nws txoj kev ntseeg.

    NPN   9:  8-9, 10-11, 12-13

    Txais: (11b) Huab Tais, koj tsis tso tus nrhiav koj pov tseg.

    HUAB TAIS zaum ua vaj mus ib txhiab ib txhis,
    nws txawb nws lub theej kiab nyob ruaj nreb tos lub caij txiav txim.
    Nws txiav txim rau lub sim ceeb raws txoj kev ncaj,
    Nws tswj kav tsoom haiv neeg raws txoj kev haum pheej.

    Txais: (11b) Huab Tais, koj tsis tso tus nrhiav koj pov tseg.

    HUAB TAIS yog lub yeej ntsa zeb thaiv tus raug luag tsim,
    Lub caij raug xwv txheej, Huab Tais yog lub yeej khov !
    Cov neeg nyiam koj lub npe, lawv tso siab rau koj,
    vim koj tsis tso cov neeg nrhiav koj pov tseg, HUAB TAIS.

    Txais: (11b) Huab Tais, koj tsis tso tus nrhiav koj pov tseg.

    Nej hu nkauj cav txog tus HUAB TAIS zaum nyob pem Xis Yoos.
    Nej tshaj nws cov hauj lwm loj rau txhia haiv neeg paub !
    Vim tus ua pauj rau neeg cov ntshav nws yeej nco ntsoov,
    nws yeej tsis muaj qhov tsis hnov qab txog cov txom nyem lub suab hu li.

    Txais: (11b) Huab Tais, koj tsis tso tus nrhiav koj pov tseg.

    As Les Lus Yas:   2 TM 1:  10

    Txais: As les lus yas, as les lus yas.

    Peb tus Cawm Seej Yes Xus Pleev tau tshem txoj kev tuag mus lawm,
    thiab nws tau ua kom txoj sia ci tawm tuaj nyob hauv lub Moo Zoo.

    Txais: As les lus yas, as les lus yas.

    Ntawv Moo Zoo:   MT 17:  14-20

    14 Thaum lawv los txog ntawm tsoom sid lawm, muaj ib tug neeg tuaj txog ntawm Yes Xus, nws txhos caug ntua, 15 nws hais rau Yes Xus tias : "Huab Tais, thov koj khuv leej kuv tus tub; nws qaug dab peg thiab txom nyem kawg. Nws ntog rau hauv hluav taws thiab rau hauv dej ntau zaus lawm. 16 Kuv twb coj nws tuaj rau koj cov thwj tim lawm, tab sis lawv kho tsis tau nws li." 17 Yes Xus teb tias : "Caj ces neeg tsis ntseeg thiab siab phem, kuv yuav nrog nej nyob txog tav twg ? Kuv yuav nyiaj nej mus txog thaum twg ? Nej coj nws los rau kuv ntawm no saib." 18 Yes Xus cem tus dab, ces tus dab phem tawm hauv tus me nyuam mus. Tus me nyuam zoo hlo tam sis ntawd los lawm. 19 Ces cov thwj tim txav los rau ntawm Yes Xus nyob ib cag, lawv nug nws twj ywm tias : "Vim li cas peb ntiab tsis tau tus dab ntawd tawm?” 20 Yes Xus hais rau lawv tias : "Vim nej muaj kev ntseeg tsawg dhau. Li ntawd, kuv hais tseeb rau nej tias, yog nej muaj kev ntseeg luaj li lub noob zaub roj, mas nej hais rau lub roob no tias : 'koj txav ntawm no mus lawm tod saib,' lub roob kuj yuav txav mus. Ces yuav tsis muaj ib yam uas nej ua tsis tau li...”


    Last edited by Mim on 28th August 2020, 3:42 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 9th August 2020, 12:28 pm

    Tim 10 lub 8 Hli 2020

    Hnub Ob Lis Piam Kaum Cuaj Nruab Xyoo A Nruab Lis Piam Xyoo II

    Hwm LN Lawrence, leej Tsob Hwb, tuag ua Tim Khawv

    Zaj Nyeem Ib: 2 KOS LIS NTHOS 9: 6-10


    Cov kwv tij nkauj muad:
    6 Nej yuav nco tias: Tus tseb noob tsawg, nws kuj yuav sau tau tsawg, tus tseb noob ntau nws yuav sau tau ntau.
    7 Nej nyias yuav tsum pub raws li nyias tau txiav nyob hauv nyias nruab siab lawm; nej tsis txhob pub zoo li nej khuv khuv xim, thiab zoo li yog luag yuam nej, vim Tswv Ntuj nyiam tus zoo siab hlo pub rau luag. 8 Tswv Ntuj muaj hwj huam yuav pub tas ib puas tsav yam txiaj ntsim kom ntau rau nej, kom nej muaj txhua yam tas mus li txhua sij hawj, thiab nej tseem yuav muaj seem txaus nej ua txhua yam hauj lwm zoo los pab luag.
    9 Raws li Ntawv sau tseg tias : “Nws tau ua siab dav, nws tau pub rau cov pluag ; nws txoj kev ua ncaj yuav nyob mus li.” 10 Tus uas muab noob nplej rau tus tswv teb tau cog, thiab muab mov los ua txhiam xws noj, nws yuav muab noob qoob noob loo rau nej kom ntau ntws lug, thiab nws yuav ua kom nej txoj kev ncaj tsuas muaj txi txiv ntau zuj zus tuaj.

    NPN 112: 1-2, 5-6, 7-8, 9


    Txais: (5) Tus neeg txawj hlub luag, thiab qiv rau luag, nws txoj hmoov zoo.

    Tus hwm HUAB TAIS, nws txoj hmoov zoo :
    Nws nyiam Huab Tais cov lus qhia tas siab nrho,
    Nws caj ces yuav muaj zog nyob ntiaj teb;
    tiam neeg siab ncaj yuav tau txoj hmoov zoo.

    Txais: (5) Tus neeg txawj hlub luag, thiab qiv rau luag, nws txoj hmoov zoo.

    Tus neeg txawj hlub luag thiab qiv rau luag, nws txoj hmoov zoo.
    Nws ua nws tej hauj lwm raws kev ncaj.
    Nws yuav tsis qaug ib zaug, yuav nyob rua mus lij;
    sawv daws yuav nco ntsoov txog tus neeg ncaj tas mus li.

    Txais: (5) Tus neeg txawj hlub luag, thiab qiv rau luag, nws txoj hmoov zoo.

    Nws yuav tsis ntshai cov lus cuav hais phem txog nws ;
    nws lub siab nyob ruaj nreb, nws tso siab lug rau HUAB TAIS.
    Nws ua siab tawv qhawv, nws yuav tsis txhawj;
    nws yuav tsa hauv pliaj siab ntsia rau saum nws cov yeeb ncuab.

    Txais: (5) Tus neeg txawj hlub luag, thiab qiv rau luag, nws txoj hmoov zoo.

    Nws pub ntau kawg nkaus rau cov pluag :
    nws txoj kev ua siab dav yuav nyob mus li,
    nws lub meej mom yuav nto koob meej lug,

    Txais: (5) Tus neeg txawj hlub luag, thiab qiv rau luag, nws txoj hmoov zoo.

    As Les Lus Yas: ZAM 8: 12BC

    Txais: As les lus yas, as les lus yas.

    Huab Tais hais tias:
    Leej twg lawv kuv qab, nws yuav tsis mus kev hauv qhov tsaus ntuj.
    Nws yuav tau qhov pom kev uas coj mus rau txoj sia."

    Txais: As les lus yas, as les lus yas.

    Ntawv Moo Zoo: ZAM 12: 24-26

    Yes Xus hais rau nws cov thwj tim tias:
    24 “Kuv hais qhov muaj tseeb tiag rau nej :
    Yog ib lub noob nplej tsis poob rau hauv av thiab tsis tuag,
    mas nws nyob nws ua ib lub noob nplej xwb.
    Hos yog nws tuag, mas nws txi txiv ntau.
    25 Tus twg nyiam nws txoj sia, mas nws plam nws txoj sia.
    Hos tus twg tsis khuv xim nws txoj sia nyob hauv lub ntiaj teb no,
    mas nws yuav ceev tau nws txoj sia kom ciaj nyob mus li.
    26 Tus twg tsob hwb kuv, mas nws yuav tsum los raws kuv.
    Kuv nyob qhov twg, kuv tus tub txib kuj yuav nyob qhov ntawd thiab.
    Tus twg tsob hwb kuv, mas Leej Txiv kuj yuav hwm nws thiab.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 10th August 2020, 4:02 am

    TIM 11 LUB 8 HLI 2020

    Hnub Peb Lis Piam Kaum Cuaj Nruab Xyoo A Nruab Lis Piam Xyoo II

    Hwm LN Clare, Nkauj Xwb Tsim Txiaj

    Zaj Nyeem Ib: ES XES KIAS 2: 8—3:4


    Huab Tais TSWV NTUJ hais rau kuv tias:
    8 “Neeg leej tub, koj mloog kuv hais, koj tsis txhob ntxeev siab li tsev neeg ntxeev siab no, koj rua ncauj noj qhov kuv yuav muab rau koj noj.” 9 Ces kuv ntsia pom ib txhais tes cev los rau kuv, muaj ib kauj ntawv nyob hauv txhais tes ntawd. 10 Nws muab kauj ntawv ntawd nthuav rau kuv saib, muaj ntawv sau sab hauv thiab sab nraum qab huv si. Cov lus sau rau hauv yog : "Suab quaj, suab nyiav, thiab kev ntsim siab."
    3 1 Nws hais rau kuv tias : "Neeg leej tub, koj noj qhov kuv cev rau koj no, koj noj kauj ntawv no thiab koj mus hais lus rau tsev neeg His Xas Lais." 2 Kuv rua qhov ncauj ces nws muab kauj ntawv rau kuv noj. 3 Nws hais rau kuv tias : "Neeg leej tub, koj noj kauj ntawv no, noj kom tsau koj plab." Ces kuv noj kauj ntawv, nws qab cuag zib ntab nyob hauv kuv qhov ncauj.
    4 Ces nws hais rau kuv tias : "Neeg leej tub, koj mus cuag tsev neeg His Xas Lais, koj mus hais kuv cov lus rau lawv."

    NPN 119: 14, 24, 72, 103, 111, 131

    Txais: (103a) Cov lus koj tau cog qab zib ua luaj rau kuv qhov ncauj!

    Kuv zoo siab taug txoj kev ua raws li koj lo lus,
    Zoo siab npaum ua neeg nplua nuj muaj txhij txhua.

    Txais: (103a) Cov lus koj tau cog qab zib ua luaj rau kuv qhov ncauj!

    Koj cov lus qhia yog kuv txoj kev zoo siab,
    Koj cov lus qhia pab tswv yim rau kuv.

    Txais: (103a) Cov lus koj tau cog qab zib ua luaj rau kuv qhov ncauj!

    Txoj Cai uas tawm hauv koj lub ncauj los,
    muaj nqe rau kuv dua ib txhab nyiaj ib txhab kub.

    Txais: (103a) Cov lus koj tau cog qab zib ua luaj rau kuv qhov ncauj!

    Cov lus koj tau cog qab zib ua luaj rau kuv tus nplaig,
    qab dua zib ntab zib mu nyob hauv kuv qhov ncauj !

    Txais: (103a) Cov lus koj tau cog qab zib ua luaj rau kuv qhov ncauj!

    Koj cov lus qhia yog kuv lub cuab tam tas mus li ib txhis,
    yog kuv txoj kev sov siab.

    Txais: (103a) Cov lus koj tau cog qab zib ua luaj rau kuv qhov ncauj!

    Kuv huas pa laws rua ncauj txog siav,
    Vim kuv tshaib nqhis koj cov lus qhia.

    Txais: (103a) Cov lus koj tau cog qab zib ua luaj rau kuv qhov ncauj!

    As Les Lus Yas: MT 11: 29AB

    Txais: As les lus yas, as les lus yas.

    Nej txais kuv tus quab kwv, nej kawm ntawm kuv mog,
    vim kuv ua neeg me, kuv siab tsis muab hlob

    Txais: As les lus yas, as les lus yas.

    Ntawv Moo Zoo: MT 18: 1-5, 10, 12-14

    1 Cov thwj tim txav los cuag Yes Xus, lawv hais rau nws tias : “Leej twg yog tus loj dua nyob hauv Ntuj lub Ceeb Tsheej ?” 2 Yes Xus hu ib tug me nyuam los ntawm nws, nws coj tus me nyuam los nyob hauv nruab nrab lawv, 3 nws hais tias : “Kuv hais tseeb rau nej, yog nej tsis hloov rov los ua xws li ib co me nyuam, mas nej yuav mus tsis tau hauv Ntuj lub Ceeb Tsheej. 4 Leej twg rov saib nws me xws li tus me nyuam no, tus ntawd yog tus loj dua nyob hauv Ntuj lub Ceeb Tsheej. 5 Leej twg txais ib tug me nyuam zoo li tus no vim kuv lub npe, mas yog nws txais kuv.”
    10 Nej ceev faj, tsis txhob thuam ib tug me nyuam yaus zoo li no li : kuv hais rau nej tias, nyob saum ntuj, lawv cov Tshiab ntsia ntsoov kuv Txiv nyob saum ntuj lub ntsej muag mus li.”
    12 “Raws li nej xav ne, yog ib tug neeg muaj ib puas tus yaj, ib tug mus poob zoo lawm, nws puas yuav tsis tso cuaj caum cuaj tug ntawd cia saum roob, mus nrhiav tus uas poob zoo lawd ? 13 Kuv hais tseeb rau nej, thaum nws nrhiav tau tus yaj poob zoo, mas nws zoo siab rau tus ntawd tshaj rau cuaj caum cuaj tug uas tsis tau poob zoo. 14 Nej Txiv nyob saum ntuj, kuj zoo ib yam li ntawd thiab: nws tsis xav kom ib tug me nyuam yaus li tus no ploj li.”


    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 11th August 2020, 1:50 pm

    Tim     12     lub     8     Hli     2020

    Hnub Plaub Lis Piam Kaum Cuaj Nruab Xyoo A Nruab Lis PIam Xyoo II

    Hwm LN Jane Frances de Chantal/Jeanne Françoise de Chantal

    Zaj Nyeem Ib:   EXK  9:  1-7; 10:18-22


    1 HUAB TAIS qw nrov nrov ntawm kuv pob ntseg tias : "Nej uas yog cov rhuav lub nroog, nej txav los mas, nej nyias tuav nyias rab qws ntawm tes." 2 Ces pom muaj rau tus txiv neej taug kev los, lawv los pem lub qhov rooj vag tig mus rau sab qaum teb los, ib leeg tuav ib rab qws ntawm tes. Nyob hauv nruab nrab pab ntawd muaj ib tug neeg hnav ntaub mag. Ntawm nws duav, nws sia ib daig phiaj sau ntawv xws li cov thoob xwm ntawv. Lawv nkag los, lawv los sawv nyob ntawm lub thaj txi ntuj uas yog tooj dag. 3 Tsoom His Xas Lais tus Tswv Ntuj lub hwj chim uas nyob saum tus Tshiab Kes Lus Npis txav saum tus tshiab kes lus npis mus rau ntawm lub qhov rooj Tuam Tsev. Ces Tswv Ntuj hu tus neeg hnav ntaub mag uas sia ib daig phiaj sau ntawv li tus thoob xwm ntawv ntawm dhuav, 4 nws hais tias : "Koj mus ncig lub nroog, koj mus ncig Yes Lus Xas Les kom thoob, koj ntaus ib lub cim rau saum cov neeg uas lawv nroo thiab lawv quaj vim muaj tej yam phem uas tib neeg ua nyob hauv lub nroog." 5 Kuv pob ntseg hnov nws hais rau cov tuav rab qws tias : "Nej lawv tus ntawd qab, nej nplawm sawv daws, nej tsis txhob txuag leej twg, tsis txhob hlub leej twg li. 6 Nej tua cov neeg laus, cov tub bluas cov ntxhais hluas, cov poj niam me nyuam huv tib si, tab sis tus twg muaj lub cim saum nws hauv pliaj mas nej tsis txhob kov nws li. Nej pib ntawm kuv lub Tuam Tsev no mus." Ces lawv pib tua cov laus nyob ntawm lub Tuam Tsev mus. 7 Nws tseem hais rau lawv tias : "Nej tsis txhob txuag lub Tuam Tsev li, nej ua kom muaj neeg tuag puv ntawm tej tshav loog. Nej kav tsij mus ua qhov ntawd." Ces lawv tawm mus ntaus cov neeg nyob hauv lub nroog.
    10    18 Ces HUAB TAIS lub hwj chim nyob hauv lub Tuam Tsev txav ntawm lub qhov rooj los nyob rau saum cov Tshiab Kes Lus Npis. 19 Ces cov Tshiab Kes Lus Npis nthuav lawv cov tis thiab ya mus rau kuv qhov muag pom ntsoov. Muaj ib co log tsheb nyob ntawm lawv ib sab kuj nrog lawv mus thiab. Lawv mus tsaws rau ntawm HUAB TAIS lub tuam tsev lub qhov rooj nyob sab toob fab. Tsoom His Xas Lais tus Tswv Ntuj lub hwj chim nyob rau saum toj saum lawv.
    20 Lawv yog cov xwm zeej muaj txoj sia uas kuv tau pom nyob hauv qab His Xas Lais tus Tswv Ntuj, nyob ntawm tus ntug dej Kes Npas. Ces kuv paub tias lawv yog ib co Tshiab Kes Lus Npis. 21 Lawv ib leeg muaj plaub lub ntsej muag, plaub txhais tis thiab lawv muaj ib co tes zoo li tes neeg nyob hauv cov qab tis. 22 Lawv cov ntsej muag zoo kiag li cov ntsej muag kuv tau pom nyob ntawm tus ntug dej Kes Npas. Lawv txhua tus yeej nyias mus ncaj qha rau pem nyias hauv ntej xwb.

    NPN   113:  1-2, 3-4, 5-6

    Txais:  (4b) Huab Tais lub hwj chim nyob siab dua lub ntuj.
    los: As les lus yas.

    HUAB TAIS cov tub txib, nej cav txog nws,
    nej cav txog HUAB TAIS lub npe.
    Kom HUAB TAIS lub npe nto moo lug,
    txij nyem no mus tas ib txhiab ib txhis.

    Txais:  (4b) Huab Tais lub hwj chim nyob siab dua lub ntuj.
    los: As les lus yas.

    Txij thaum hnub tawm tuaj mus txog thaum hnub poob qho,
    kom HUAB TAIS lub npe nto koob meej lug.
    HUAB TAIS nyob siab tshaj ib tsoom kuj cuab,
    nws lub hwj chim nyob siab dua txheej ntuj saud.

    Txais:  (4b) Huab Tais lub hwj chim nyob siab dua lub ntuj.
    los: As les lus yas.

    Leej twg thiaj zoo li HUAB TAIS peb tus Tswv Ntuj?
    Nws zaum saum nws lub theej kiab nyob siab saud
    Thiab nws dauv muag khoov los ntsia lub ntuj
    thiab lub ntiaj teb nyob txheej qis hauv.

    Txais:  (4b) Huab Tais lub hwj chim nyob siab dua lub ntuj.
    los: As les lus yas.

    As Les Lus Yas:   2 KLN 5:  19

    Txais: As les lus yas, as les lus yas.

    Tswv Ntuj ua kom lub ntiaj teb nrog nws rov sib haum xeeb nyob hauv Leej Pleev
    Thiab nws muab txoj kev tshaj lub moo zoo txog kev sib haum xeeb cob rau peb.

    Txais: As les lus yas, as les lus yas.

    Ntawv Moo Zoo:  MT 18:15-20

    Yes Xus hais rau nws cov thwj tim tias:
    15 “Yog koj ib tug kwv tij ua txhaum, koj yuav mus cuag nws. Thaum neb ob leeg xwb nyob ua ke, koj yuav ntuas nws. Yog nws mloog koj, mas koj pab tau koj tus kwv tij lawm. 16 Yog nws tsis mloog koj, koj yuav coj ib leeg los ob leeg nrog koj mus dua, kom ob tug los peb tug tim khawv nrog tu tej lus ntawd. 17 Yog nws tsis mloog cov nrog koj thiab, koj yuav qhia lub Koom Txoos paub. Yog nws tseem tsis mloog lub Koom Txoos hais thiab, ces koj yuav saib nws yog zoo li ib tug neeg teev pej kum dab los yog ib tug sau se.
    18 Kuv hais tseeb rau nej : nej khi yam twg nyob ntiaj teb no, mas Ntuj yuav saib yam ntawd yog khi nyob saum ntuj. Nej daws yam twg nyob ntiaj teb no, mas Ntuj kuj yuav saib yam ntawd yog daws nyob saum ntuj.” 19 “Kuv rov hais tseeb rau nej dua tias : yog muaj ob leeg hauv nej koom siab thov dab tsi nyob ntiaj teb no, mas kuv Txiv nyob saum ntuj yuav pub yam ntawd rau nkawd. 20 Vim tias thaum muaj ob leeg los peb leeg sib sau ua ke tuav txog kuv lub npe, mas kuv nyob hauv nruab nrab lawv.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 12th August 2020, 10:17 am

    Tim 13 lub 8 Hli 2020

    Hnub Tsib Lis Piam Kaum Cuaj Nruab Xyoo A Nruab Lis Piam Xyoo II

    Hwm LN Pontian, Vaj Qhia tuag ua Tim Khawv, thiab LN Hippolytus, Leej Choj tuag ua Tim Khawv

    Zaj Nyeem Ib: EXK 12: 1-12


    1 HUAB TAIS lo lus nrov tuaj rau kuv li no: 2 "Neeg leej tub, koj nyob hauv nruab nrab ib tsav neeg ntxeev siab, uas lawv muaj qhov muag pom, tab sis lawv tsis pom li, lawv muaj pob ntseg hnov, tab sis lawv tsis hnov li, vim lawv yog ib tsav neeg ntxeev siab. 3 Neeg leej tub, koj npaj ib nras khoom rau koj ris zoo li ib tug neeg yuav mus nyob txim lawm pej kum teb, ces koj sawv kev mus rau lawv ntsia ntsoov. Koj tsiv tawm ntawm qhov chaw koj nyob mus rau lwm qhov chaw, rau lawv qhov muag ntsia ntsoov. Ces tej zaum lawv yuav pom tias lawv yog ib tsav neeg ntxeev siab. 4 Thaum nruab hnub, koj yuav nog nra xws li ib tug neeg npaj yuav mus nyob txim rau lawv pom; thaum tsaus ntuj, koj yuav tawm mus xws li ib tug neeg mus nyob txim rau lawv pom ntsoov. 5 Koj tho ib lub qhov nyob ntawm phab ntsa rau lawv pom, ces koj tawm ntawm lub qhov ntawd mus. 6 Koj kwv koj lub nra saum xub pwg rau lawv ntsia thiab koj maub tawm mus. Koj yuav npog ntsej muag kom tsis txhob muaj neeg paub koj, vim kuv muab koj los ua ib lub cim qhia tsoom His Xas Lais."
    7 Ces kuv ua raws li cov lus ceeb toom ntawd. Nruab hnub kuv nog nra xws li ib tug neeg yuav mus nyob txim lawm pej kum teb. Thaum tsaus Ntuj, kuv xuas tes tho ib lub qhov nyob ntawm phab ntsa. Thaum tsaus ntuj nti lawm kuv maub tawm mus, kuv kwv kuv lub nra saum xub pwg rau lawv pom.
    8 Ces thaum sawv ntxov, HUAB TAIS hais rau kuv zoo li no : 9 "Neeg leej tub, His Xas Lais tsev neeg, tsav neeg ntxeev siab ntawd puas tau hais rau koj los tsis tau tias : ‘Koj ua dab tsi li ntawd’? 10 Koj hais rau lawv tias : ‘HUAB TAIS Tswv Ntuj hais li no : cov lus saub no yog hais txog tus ua nom ua tswv nyob hauv Yes Lus Xas Les thiab txog tas His Xas Lais tsev neeg uas nyob rau hauv.’ 11 Koj hais tias : ‘Kuv yog ib lub cim qhia rau nej paub: Kuv tau ua li cas mas lawv yuav raug li cas. Lawv yuav tau mus nyob txim lawm pej kum teb. 12 Tus ua nom ua tswv nyob hauv lawv yuav kwv nws lub nra saum xub pwg, nws yuav maub tsaus ntuj nti sawv kev mus. Lawv yuav tho ib lub qhov ntawm phab ntsa rau nws tawm mus; ces nws yuav npog ntsej muag kom tsis txhob muaj neeg paub nws.’"

    NPN 78: 56-57, 58-59, 61-62

    Txais: (7b) Nej yuav tsis txhob hnov qab Huab Tais tej hauj lwm.

    Lawv ntxeev siab, lawv sim tus Tswv Ntuj Nyob Siab,
    lawv tsis hwm Tswv Ntuj cov cai lij choj.
    Lawv ncaim mus, lawv ntxeev siab xws li lawv phaj txiv,
    lawv lem cees xws rab hneev nkhaus.

    Txais: (7b) Nej yuav tsis txhob hnov qab Huab Tais tej hauj lwm

    Lawv ua tub qaug nws vim lawv tej thaj chaw siab,
    Lawv ua khib nws vim lawv cov mlom.
    Tswv Ntuj hnov lawv, nws npau taws ceev,
    nws muab His Xas Lais xyeeb hlo pov tseg.

    Txais: (7b) Nej yuav tsis txhob hnov qab Huab Tais tej hauj lwm

    Nws cia His Xas Lais lub zog swb rau luag,
    tso His Xas Lais lub hwj chim rau yeeb ncuab txhais tes.
    Nws tso nws haiv neeg rau hniav ntaj hlais,
    nws npau taws heev rau nws lub cuab tam.

    Txais: (7b) Nej yuav tsis txhob hnov qab Huab Tais tej hauj lwm

    As Les Lus Yas: NPN 119: 135

    Txais: As les lus yas, as les lus yas.

    Thov cia koj lub ntsej muag ci tuaj rau saum koj tus tub txib,
    thov koj qhia koj cov cai lij choj rau kuv kawm.

    Txais: As les lus yas, as les lus yas.

    Ntawv Moo Zoo: MT 18: 21–19:1

    21 Pob Zeb txav los nug Yes Xus tias : “Huab Tais, yog kuv tus kwv ua txhaum rau kuv, kuv yuav zam pes tsawg zaus rau nws ? Kuv puas yuav zam txog xya zaus ?” 22 Yes Xus hais rau Pob Zeb tias : “Kuv hais rau koj tias tsis yog 'xya zaus' tiam sis yog 'xya caum xya zaus'.”
    23 “Li ntawd, Ntuj lub Ceeb Tsheej yog zoo li ib tug vaj uas xav nrog nws cov tub txib txheeb nws tej nyiaj txiag. 24 Thaum lawv pib txheeb, ces luag coj ib tug tub txib uas tshuav nuj nqis ib vam nras nyiaj, tuaj rau tus vaj. 25 Tus tub txib tsis muaj dab tsi them, ces tus vaj kom luag muab nws thiab nws poj niam, nws cov me nyuam thiab tas nws lub cuab tam huv si muag, los them cov nuj nqis ntawd. 26 Tus tub txib txhos caug ntua ntawm tus tswv ko taw, nws pe tus tswv, nws hais tias : “Thov koj ua siab ntev rau kuv, kuv yuav them kom tas rau koj.” 27 Tus tswv hlub tus tub txib, ces nws tso tus tub txib mus thiab tseem zam cov nuj nqis huv tib si rau nws. 28 Thaum tus tub txib tawm rov qab mus, nws ntsib nws ib tug npawg, uas tshuav nqi ntawm nws ib puas lub txiaj nyiag. Tus tub txib ntawd nthos nkaus nws tus npawg caj dab, zawm tus npawg caj pas, thiab hais tias : “Them koj cov nuj nqis los.” 29 Nws tus npawg txhos caug ntua ntawm nws ko taw thov tias : “Thov koj ua siab ntev rau kuv, kuv yeej yuav them rau koj.” 30 Tab sis tus tub txib ntawd tsis kam li, nws kom luag muab nws tus npawg kaw hauv tsev loj faj mus txog hnub tus npawg them nuj nqis tas huv tib si rau nws.
    31 Tus tub txib cov phooj ywg pom nws ua li ntawd, lawv chim kawg, lawv mus qhia tej ntawd rau lawv tus tswv. 32 Ces tus vaj hu tus tub txib tuaj, nws hais rau tus tub txib ntawd tias : “Tub txib siab phem dab tsi ! Cov nuj nqis uas koj tshuav ntawm kuv, kuv twb zam tas huv si rau koj, vim koj thov kuv. 33 Ua cas koj tsis hlub koj tus npawg zoo li kuv tau hlub koj ?" 34 Ces tus vaj npau taws heev, nws muab tus tub txib cob rau cov tub hiam neeg kom lawv tsim txom nws mus txog hnub nws them nws cov nuj nqis tas huv tib si tso.
    35 Li ntawd, nej txhua tus, yog nej tsis zam hauv nruab siab rau nej ib tug kwv tij, mas kuv Txiv nyob saum Ntuj kuj yuav ua ib yam li ntawd rau nej thiab.
    9 1 Thaum Yes Xus hais cov lus no tas, nws tso Nkas Lis Lais teb tseg, ces nws mus rau Yus Das teb, nyob sab dej Yos Las Das tim ub.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 13th August 2020, 4:31 am

    Tim 14 lub 8 Hli 2020

    Hnub Rau Lis Piam Kaum Cuaj Nruab Xyoo A Nruab Lis Piam Xyoo II

    Hwm LN Maximilian Kolbe, Leej Choj tuag ua Tim Khawv

    Zaj Nyeem Ib: EXK 16: 1-15, 60, 63


    1 HUAB TAIS lo lus nrov tuaj rau kuv dua li no : 2 "Neeg leej tub, koj hais rau Yes Lus Xas Les kom nws paub txog nws tej kev phem kev qias kawg nkaus. 3 Koj yuav hais li rau nws tias: ‘HUAB TAIS Tswv Ntuj hais li no rau Yes Lus Xas Les: Koj lub keeb yug los thiab koj lub teb chaws yog lub teb chaws Kas Nas Has. Koj txiv yog ib tug neeg As Mos, koj niam yog ib tug neeg His Tis. 4 Hnub koj yug los, tsis muaj neeg txiav koj hlab ntaws, tsis muaj tus muab dej ntxuav koj los muab roj pleev koj li, tsis muaj tus muab ntsev txhuam koj, tsis muaj tus muab ntaub qhwv koj li. 5 Tsis muaj ib tug neeg tig ntsej muag ntsia koj thiab hlub koj tu koj li. Lawv muab koj cuam pov tseg rau nraum zoov nraum tej nras teb, vim koj yog ib yam qias lawv hnub koj yug los.
    6 Kuv hla ze ntawm koj, kuv pom koj nti luj luam lo ntshav li. Ces kuv hais rau koj da nyob hauv koj cov ntshav tias : 'Koj ciaj mus mog ! 7 Thiab koj kav tsij hlob mos nyoos tuaj xws li tsob nroj nyob nruab liaj nruab teb.’ Ces koj hlob tuaj thiab siab tuaj, koj hlob mus tiav nkauj, koj ob lub mis loj tuaj, koj plaub hau ntau tuaj. Tab sis koj nyob liab qab ploog xwb.
    8 Kuv rov hla tuaj ze ntawm koj dua, kuv saib koj; yog lub caij koj txawj muaj kev hlub lawm. Ces kuv nthuav kuv lub tw tsho tshaj sab los npog koj qhov liab qab. Kuv cog lus rau koj, kuv nrog koj sib cog lus ces koj ua kuv tug lawm.’ Yog HUAB TAIS Tswv Ntuj lo lus.
    9 ‘Kuv muab koj da dej, kuv ntxuav cov ntshav lo koj tawm, kuv muab roj los pleev koj. 10 Kuv muab ris tsho paj ntaub rau koj hnav, muab khau tawv zoo nkauj rau koj rau, muab siv ntaub maj mos los pav koj thiab muab tsho tsuj tsho npuag rau koj npua. 11 Kuv muab npauj nyiag npauj kub rau koj coj, muab kauj npab kub rau ntawm koj tes, muab saw rau koj coj ntawm caj dab. 12 Kuv ntxig ib lub kauj rau ntawm koj qhov ntswg, ib co npauj rau koj pob ntseg, kuv txawb ib lub mom teev kub ci ntsais plias rau saum koj taub hau. 13 Koj coj nyiaj coj kub xwb, koj tej tsoos tsho yog ntaub tsuj ntaub npuag zoo nkauj thiab yog paj ntaub xwb. Koj muaj hmoov nplej mos noj, muaj zib ntab zib mu haus thiab muaj roj noj. Koj zoo nkauj rhib tuaj, phim sawv ciaj ib tug poj vaj. 14 Koj lub koob meej nrov ncha mus txog cov haiv neeg, sawv daws cav txog koj qhov zoo nkauj, uas yeej zoo tiag tiag, vim kuv muab kuv lub hwj chim rau koj hnav.’ Yog HUAB TAIS Tswv Ntuj lo lus.
    15 ‘Tab sis koj khav koj lub meej mom zoo nkauj, koj coj koj lub koob meej mus taug txoj kev ua niam ntiav, koj muab koj lub cev muag rau txhua leej txhua tus neeg taug kev.
    60 Txawm li ntawd los kuv yuav nco ntsoov lo lus kuv tau nrog koj cog thaum koj tseem hluas, thiab kuv yuav nrog koj cog ib lo lus uas yuav nyob mus li.
    63 Ces koj yuav rov nco txog thiab yuav xav tsis thoob, koj yuav ua twj ywm tsis qhob ncaij vim koj txaj muag dhau, thaum kuv zam koj cov txhaum tas nrho rau koj.’ Yog HUAB TAIS Tswv Ntuj lo lus.”

    Los: EXK 16: 59-63

    59 “HUAB TAIS hais li no: ‘Kuv yuav ua rau koj raws li koj tau ua; koj tau ntxub lo lus koj tau cog thiab rhuav koj lo lus. 60 Txawm li ntawd los kuv yuav nco ntsoov kuv lo lus kuv tau nrog koj cog thaum koj tseem hluas, thiab kuv yuav nrog koj cog ib lo lus uas yuav nyob mus li. 61 Ces koj yuav rov nco txog koj txoj kev ua phem thiab yuav txaj muag thaum kuv muab koj ob tug viv ncaus, tus hlob koj thiab tus yau koj, los rau koj ua koj ob tug ntxhais, txawm tias tsis muaj nyob hauv kuv lo lus kuv tau nrog koj cog. 62 Kuv yuav nrog koj cog lus dua, kom koj paub tias kuv yog HUAB TAIS, 63 kom koj rov nco txog thiab xav tsis thoob, thiab kom koj nyob ntsiag to vim koj txaj muag dhau thaum kuv zam koj cov txhaum tas nrho rau koj.’ Yog Huab Tais TSWV NTUJ lo lus.”

    NPN: His Xais 12: 2-3, 4bcd, 5-6

    Txais: (1c) Koj tau thim koj txoj kev npau taws.

    Tswv Ntuj yog tus cawm kuv tiag,
    Kuv tso siab rau nws, kuv tsis txhawj.
    Kuv lub zog thiab kuv lub peev xwm yog HUAB TAIS,
    Nws yog tus tau cawm kuv.
    Nej yuav zoo siab luag ntxhi mus
    ce dej hauv lub qhov dej cawm neeg.

    Txais: (1c) Koj tau thim koj txoj kev npau taws..

    Nej ua HUAB TAIS tsaug, nej cav txog nws lub npe !
    Nej tshaj nws tej hauj lwm loj rau cov haiv neeg paub,
    nej tshaj rau lawv paub tias nws lub npe zoo tas nrho.

    Txais: (1c) Koj tau thim koj txoj kev npau taws.

    Nej hu nkauj cav txog HUAB TAIS cov hauj lwm loj,
    kom nws lub hwj chim loj nrov ncha ntws puv ntiaj teb.
    Nroog Xis Yoos, koj nqua suab zoo siab mas,
    vim His Xas Lais tus Ntshiab yog tus loj nyob hauv koj.

    Txais: (1c) Koj tau thim koj txoj kev npau taws.

    As Les Lus Yas: 1 TXLN 2: 13

    Txais: As les lus yas, as les lus yas.

    Nej yuav txais Tswv Ntuj Lo Lus, txhob txais xws li yog neeg lo lus ;
    Tiam sis nej txais raws li yeej yog Tswv Ntuj Lo Lus tiag tiag.

    Txais: As les lus yas, as les lus yas.

    Ntawv Moo Zoo: MT 19: 3-12

    3 Ib co Fas Lis Xais txav los ntawm Yes Xus, lawv xav sim nws, lawv hais rau nws tias : “ b tug txiv neej puas muaj cai nrauj nws poj niam vim qhov ub qhov no ? ” 4 Yes Xus teb tias : “Nej tsis tau nyeem lod tias thaum chiv lub keeb, tus Tswv Tsim, nws tsim kom muaj txiv neej thiab poj niam, 5 thiab nws hais tias : ‘Vim qhov ntawd, mas txiv neej yuav tso nws niam nws txiv tseg mus koom nrog nws poj niam, ob tug ntawd yuav ua ib lub cev nqaij xwb’ ? 6 Yog li nkawd tsis yog ob leeg lawm, nkawd yog ib lub cev nqaij lawm xwb. Qhov uas Tswv Ntuj sau los ua ke, mas neeg tsis txhob muab sib cais.” 7 Lawv teb rau Yes Xus tias : “Vim li cas Mais Xes ho hais kom ua ntawv nrauj rau yus poj niam ces muab nws tso mus?" 8 Yes Xus hais rau lawv tias : “Yog vim nej lub siab twm xeeb dhau, ces Mais Xes thiaj kheev kom nej nrauj poj niam. Tab sis thaum chiv lub keeb, mas tsis yog li ntawd. 9 Kuv hais rau nej : tus twg nrauj nws poj niam, nws ho rov yuav dua ib tug, mas nws ua qhov txhaum uas ib tug muaj txij nkawm mus deev hluas. Qhov no tsis hais txog tus poj niam uas mus nrog lwm tus txiv neej ua dev ua npua.” 10 Cov thwj tim hais rau Yes Xus tias: “Yog txiv neej ua zoo li ntawd rau nws poj niam, nws twb ua txhaum mas txhob yuav poj niam zoo dua." 11 Yes Xus hais rau lawv tias : “Tsis yog sawv daws yuav to taub cov lus no, tsuas yog cov uas Ntuj pub rau, mas lawv thiaj to taub xwb. 12 Muaj ib co neeg nyob tab seeb, vim lawv yug los ua tsis taus txiv neej. Muaj ib co nyob tab seeb, vim neeg muab lawv sam. Hos muaj ib co neeg txhob txwm nyob tab seeb vim Ntuj lub Ceeb Tsheej. Leej twg txawj to taub qhov no, mas cia nws to taub.”

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 14th August 2020, 2:38 am

    Kuv xub muab cov zaj nyeem rau hmo ua ntej tso rau pem toj no lawm, tiam sis qhov ntau peb tsuas siv cov zaj nyeem rau Thaj txi Ntuj nruab hnub xwb. Nej mus saib nram qab ces nej yuav pom cov zaj nyeem rau Thaj Txi Ntuj thaum nruab hnub.
    Hnub tim 15 lub 8 hli no yog ib hnub uas peb yuav tsum tau mus teev ntuj, yog ib hnub uas lub Koom Txoos hu tias "a day of obligation." Txhais tias peb yuav tsum tau mus teev ntuj ib yam li yog Hnub Chiv thiab.



    Tim     15     lub     8     Hli     2020

    Hnub Tsib lis Piam Kaum Cuaj Nruab Xyoo C Nruab Lis Piam Xyoo I

    Hwm Niam Mab Liab Nce Mus Saum Ntuj Nrog Nws lub Cev dawb huv– Thaj Txi Ntuj Hmo Ua Ntej

    Zaj Nyeem Ib:       1 XWM  15:   3-4, 15-16; 16:1-2


    3 Das Vis hu tas tsoom His Xas Lais tuaj sib sau nyob Yes Lus Xas Les kom lawv kwv HUAB TAIS lub Xab Cog Lus mus rau hauv qhov chaw uas nws tau npaj tiav lawm. 4 Das Vis kuj hu As Loos cov tub thiab hu cov Les Vis tuaj thiab.
    15 Cov Les Vis muab ib co nqaj kwv Tswv Ntuj lub Xab Cog Lus nyob saum lawv xub pwg, xws li Mais Xes tau ceeb toom tseg raws li HUAB TAIS lo lus lawm. 16 Ces Das Vis hais rau cov ua thawj nyob hauv cov Les Vis kom xaiv ib co tub hu nkauj nyob hauv lawv cov kwv tij, thiab kom lawv ntaus lawv cov twj ua paj nruag, nkauj nog ncas thiab nruas npuaj, kom nrov nrov ua ib lub ntees zoo siab lom zem loj.
    16   1 Lawv coj Tswv Ntuj lub Xab Cog Lus los rau sawv daws pom thiab coj mus tso rau hauv nruab nrab lub Tsev Tsam Phooj uas Das Vis txhob txwm tsa cia txais lub Xab. Lawv hlawv tsiaj txi rauTswv Ntuj thiab lawv ua tej thaj txi Ntuj noj cov txim.  2 Thaum Das Vis hlawv tsiaj txi Ntuj thiab ua cov thaj txi Ntuj noj cov txim tas, nws tuav txog HUAB TAIS lub npe, thiab nws foom hmoov zoo rau tsoom sid.

    NPN      132:   6-7, 9-10, 13-14

    Txais:   HUAB TAIS, koj sawv mus nyob saum koj lub chaw so,
         koj thiab lub Xab uas muaj koj txoj kev ntshiab.

    Peb tau hnov txog qhov ntawd nyob Es Fas Tas,
    peb nrhiav tau nyob tom cov nras teb Yas As.
    Peb kav tsij nkag mus hauv nws lub tsev,
    peb txhos caug pe ntawm nws lub rooj tiag taw.

    Txais:   HUAB TAIS, koj sawv mus nyob pem koj lub chaw so,
         koj thiab lub Xab uas muaj koj txoj kev ntshiab.

    Thov kom koj cov leej choj hnav txoj kev ncaj,
    kom cov hwm koj qw zoo siab luag ntxhi.
    Vim koj tus tub txib Das Vis,
    Thov koj mloog tus koj tau pleev roj rau nws cov lus thov.

    Txais:   HUAB TAIS, koj sawv mus nyob pem koj lub chaw so,
         koj thiab lub Xab uas muaj koj txoj kev ntshiab.

    HUAB TAIS tau xaiv Xis Yoos,
    nws yeem muab Xis Yoos los ua nws lub chaw nyob.
    “Xis Yoos yog kuv qhov chaw so mus ib txhiab ib txhis,
    kuv yuav nyob txawm saum Xis Yoos, vim kuv xaiv nws.

    Txais:   HUAB TAIS, koj sawv mus nyob pem koj lub chaw so,
         koj thiab lub Xab uas muaj koj txoj kev ntshiab.

    Zaj Nyeem Ob:    1 KLN  15:   54B-57

    Cov kwv tij nkauj muad:
    54b Thaum yam uas txawj tuag hnav tau txoj kev tsis txawj tuag lawm, mas yuav muaj raws li lo lus nyob hauv Ntawv hais tias : “Txoj kev tuag ploj tas rau hauv txoj kev yeej lawm.
    55 Kev tuag, koj txoj kev yeej nyob qhov twg ? Kev tuag, koj tus ple muaj taug nyob qhov twg ?”
    56 Kev tuag tus ple muaj taug yog kev txhaum. Kev txhaum lub zog yog txoj cai.
    57 Tiam sis peb ua Tswv Ntuj tsaug, vim nws pub kev yeej rau peb nyob hauv peb tus Huab Tais Yes Xus Pleev.

    As Les Lus Yas:      LK  11: 28

    Txais:   As les lus yas, as les lus yas.

    Cov muaj hmoov zoo yog cov uas mloog Tswv Ntuj lo lus
    thiab coj raws nraim li ntawd.      

    Txais:   As les lus yas, as les lus yas.

    Ntawv Moo Zoo:      LK  11:   27-28

    27 Thaum Yes Xus tseem hais tej lus ntawd, muaj ib tug poj niam nyob hauv nruab nrab tsoom sid tsa suab hais nrov nrov rau Yes Xus tias : "Lub plab uas tau nqa koj thiab lub xub ntiag uas tau pub mis rau koj muaj txoj hmoov zoo !"
    28 Yes Xus teb tias : "Cov uas mloog Tswv Ntuj Lo Lus thiab ua raws li Tswv Ntuj Lo Lus, mas lawv thiaj yog cov tau txoj hmoov zoo."



    ************************************************************************************************************

    TIM     15    LUB    8    HLI     2019

    Hwm Niam Mab Liab Nce Mus Saum Ntuj Nrog Nws lub Cev – Thaj Txi Ntuj Thaum Nruab Hnub

    Zaj Nyeem Ib:     QYTN  11:   19A; 12:1-6A, 10AB


    19 Ces Tswv Ntuj lub Tuam Tsev nyob saum ntuj qhib los, yus pom tau nws Lub Xab Cog Lus nyob hauv lub tuam tsev.
    12    1 Muaj ib lub cim loj tas nrho tshwm nyob saum ntuj : yog ib tug Poj Niam hnav lub hnub, lub hli nyob hauv nws qab xib taws, kaum ob lub hnub qub ua ib lub mom teev kub nyob saum nws taub hau. 2 Tus Poj Niam ntawd cev xeeb tub lawm, nws ntsaj mob, vim nws tab tom daws cev.
    3 Tseem muaj dua ib lub cim tshwm tuaj nyob saum ntuj : yog ib tug zaj liab ploog loj kawg; nws muaj xya lub taub hau thiab kaum tus kub. Xya lub taub hau ntawd ntoo xya lub kaus mom teev kub. 4 Nws tus ko tw cheb cov hnub qub saum ntuj poob tas lawm ib feem peb, nws muab cuam pov los rau hauv ntiaj teb. Ces tus Zaj mus sawv ntawm tus poj niam uas tab tom daws cev xub ntiag, npaj nqos tus me nyuam uas tus poj niam yuav yug. 5 Tus Poj Niam yug tau tus me nyuam, yog ib tug me tub : yog tus yuav tuav ib rab cwj hlau coj tas txhua haiv neeg. Luag nqa hlo tus me nyuam mus rau ntawm Tswv Ntuj thiab ntawm nws lub theej kiab lawm. 6 Hos tus Poj Niam khiav mus nyob hauv teb chaws suab puam : nws mus nyob hauv qhov chaw uas Tswv Ntuj npaj rau nws nyob.
    10 Ces kuv hnov ib lub suab nrov loj loj saum ntuj tuaj tias : “Zaum no, kev yeej thiab kev muaj hwj huam los txog lawm, thiab peb tus Tswv Ntuj txoj kev ua Vaj thiab nws Leej Pleev lub hwj chim los txog lawm.”

    NPN     45:   10, 11, 12, 16


    Txais:   (10bc) Tus poj vaj sawv nyob ntawm koj sab xis, nws hnav zam nyiaj zam kub.  

    Tus poj vaj hnav kub Os Fis los zaum nyob ntawm koj sab xis.

    Txais:   (10bc) Tus poj vaj sawv nyob ntawm koj sab xis, nws hnav zam nyiaj zam kub.

    Me ntxhais, koj mloog mog ! Koj ntsia, koj tig ntsej los mloog :
    Koj txhob nco koj haiv neeg, koj niam koj txiv lub tsev ntxiv.

    Txais:   (10bc) Tus poj vaj sawv nyob ntawm koj sab xis, nws hnav zam nyiaj zam kub.

    Tus vaj yuav qaug siab lais rau koj txoj kev zoo nkauj,
    Vim nws yog koj tus Huab Tais.

    Txais:   (10bc) Tus poj vaj sawv nyob ntawm koj sab xis, nws hnav zam nyiaj zam kub.

    Luag coj lawv ua ib pab muaj kev zoo siab luag ntxhwb ntxhi los,
    lawv chaws mus hauv tus vaj lub tuam tsev.

    Txais:   (10bc) Tus poj vaj sawv nyob ntawm koj sab xis, nws hnav zam nyiaj zam kub.

    Zaj Nyeem Ob:      1  KLN  15:   20-27a

    Cov kwv tij nkauj muad:
    20 Leej Pleev sawv hauv cov tuag rov los lawm; nws yog thawj thawj lub txiv ntawm ib tsoom neeg uas mus pw tsaug zog lawd.  21 Vim tias tim ib tug neeg, ces txoj kev tuag thiaj los tau, thiab kuj yog tim ib tug neeg ces txoj kev sawv hauv cov tuag rov los thiaj los tau thiab. 22 Ib yam li sawv daws tuag nyob hauv As Das, sawv daws kuj yuav ciaj rov los nyob hauv Leej Pleev thiab. 23 Tiam sis nyias muaj nyias lub sij hawm: Ua ntej dua cov yog Leej Pleev, thawj lub txiv ntawm kev sawv rov los, ces thaum txog lub hnub nyoog Leej Pleev rov tawm tuaj, mas cov neeg uas yog Leej Pleev tug yuav sawv rov los thiab. 24 Ces mam yog lub caij kawg; thaum ntawd Leej Pleev yuav muab nws txoj kev ua vaj cob rau nws tus Tswv Ntuj uas yog nws Leej Txiv, yog tom qab uas nws rhuav txhua txoj kev ua vaj, txhua txoj kev ua tus tswj, thiab txhua tus muaj hwj huam tas lawm. 25 Vim Leej Pleev yuav tsum ua vaj mus txog lub caij nws muab tsoom yeeb ncuab tas tib si tsuj ntiag rau hauv nws qab xib taws lawm. 26 Tus yeeb ncuab kawg, uas nws muab rhuav pov tseg, yog txoj kev tuag, 27 vim ‘nws tau muab tas puas tsav yam tsuj ntiag rau hauv nws qab xib taws lawm.’

    As Les Lus Yas:

    Txais:   As les lus yas, as les lus yas.

    Mab Liab nce mus saum ntuj,
    Muaj ib pab tshiab hu nkauj zoo siab hom khaj.

    Txais:   As les lus yas, as les lus yas.

    Ntawv Moo Zoo:       LK  1:   39-56

    39 Tau ob peb hnub, ces Mab Liab sawv kev mus, nws rau siab ntso mus pem toj siab, mus rau ib lub nroog nyob xeev Yus Das. 40 Nws chaws mus hauv Ntxas Kas Lias tsev, nws hu Es Lis Xas Npes. 41 Thaum Es Lis Xas Npes hnov dheev Mab Liab hu nws, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv nws. 42 Ces Es Lis Xas Npes tsa suab hlo hais nrov nrov tias : "Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov. 43 Ua cas Ntuj thiaj pub kom kuv tus Huab Tais leej niam tuaj xyuas kuv ? 44 Koj saib, thaum kuv hnov dheev koj lub suab hu nrov txog kuv pob ntseg, tus me nyuam hauv kuv plab dhia zoo siab. 45 Li ntawd, tus tau ntseeg tias cov lus Huab Tais hais rau nws yuav tsheej xeeb tau, mas nws txoj hmoov zoo !"
    46 Ces Mab Liab hais tias : "Kuv tus plig cav txog Huab Tais lub hwj chim, 47 kuv lub tswv yim hom khaj nyob hauv Tswv Ntuj, tus Cawm kuv, 48 vim nws tau dauv muag los ntsia nws tus ntxhais txib uas yogi b tug neeg tsis muaj tsim dab tsi. Li ntawd, txij nyem no mus, txhua tiam neeg yuav hais tias kuv txoj hmoov zoo. 49 Vim tus Muaj Hwj Huam tau ua tej yam loj rau kuv, nws lub npe Ntshiab. 50 Nws lub siab khuv leej cov neeg hwm nws tiam dhau tiam. 51 Nws sab npab nthuav nws lub zog rau sawv daws pom. Cov neeg uas lub siab muab hlob, Huab Tais ua kom lawv tawg tas. 52 Huab Tais nchuav cov muaj hwj chim kom poob ntawm lawv lub theej kiab; nws tsa cov neeg nyob hauv txheej qis kom siab. 53 Nws pub tej yam zoo rau cov neeg tshaib tau noj seem noj so, hos nws ntiab cov neeg muaj rov qab mus tes qhuav. 54 Huab Tais tuaj pab nws tus tub txib His Xas Lais, vim nws nco ntsoov nws lo lus nws tau cog tias nws yuav khuv leej neeg, 55 raws li nws tau hais rau peb cov yawg koob, thswj xeeb yog rau Has Nplas Has thiab rau Has Nplas Has tsoom xeeb leej xeeb ntxwv tas mus li ib txhiab ib txhis."
    56 Mab Liab nrog Es Lis Xas Npes nyob ntev li peb lub hlis tej, ces nws mam rov mus tsev lawm.


    Last edited by Mim on 29th August 2020, 1:14 pm; edited 2 times in total
    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 16th August 2020, 11:40 am

    TIM 17 LUB 8 HLI 2020

    Hnub Ob Lis Piam Nees Nkaum Nruab Xyoo A Nruab Lis Piam Xyoo II

    Zaj Nyeem Ib: EXK 24: 15-23


    15 HUAB TAIS lo lus nrov tuaj rau kuv li no : 16 "Neeg leej tub, ib sij huam xwb ces kuv yuav thau tus uas koj qhov muag xav pom ntawm koj mus. Tab sis koj yuav tsis txhob quaj tsis txhob nyiav, tsis txhob ua kua muag poob li. 17 Koj yuav nroo twj ywm ntsiag to xwb, txhob ua kev cai pam tuag li; koj yuav ntoo phuam saum taub hau, rau khau ntawm ko taw; koj tsis txhob npog hwj txwv. txhob noj cov mov pam tuag." 18 Thaum sawv ntxov kuv tseem hais lus rau tsoom sid, thaum tsaus ntuj kuv poj niam tuag. Tag kis sawv ntxov kuv ua raws li HUAB TAIS xub qhia rau kuv lawm. 19 Ces tsoom sid nug kuv tias : "Koj ua li ntawd, koj puas yuav piav tias lub ntsiab koj xav qhia rau peb yog dab tsi ?" 20 Kuv teb lawv tias : “HUAB TAIS lo lus nrov tuaj rau kuv hais li no : 21 Koj hais rau His Xas Lais tsev neeg tias : HUAB TAIS Tswv Ntuj hais li no: Kuv yuav rhuav kuv lub tsev ntshiab, uas yog nej qhov chaw khav txog nej lub zog, yog qhov chaw nej qhov muag xav pom thiab yog qhov chaw nej lub siab ntshaw txog. Nej cov tub cov ntxhais uas nej tau muab lawv tso tseg, lawv yuav raug ntaj tua. 22 Thaum ntawd nej yuav ua zoo li kuv ua no : Nej yuav tsis npog hwj txwv, tsis noj cov mov pam tuag li, 23 Nej yuav ntoo phuam saum taub hau, nej yuav rau khau ntawm ko taw, nej yuav tsis quaj tsis nyiav li, tiam sis nej yuav lwj zuj zus mus nyob hauv nej cov txhaum. Ces nej yuav ib leeg nroo rau ib leeg."

    NPN: TXOJ CAI OB 32: 18-19, 20, 21

    Txais: (18a) Nej tsis nco qab Tswv Ntuj tus uas tau yug nej lawm.

    Nej tsis quav ntsej txog lub Tsua uas tau xeeb nej,
    Nej tsis nco qab Tswv Ntuj tus uas tau yug nej lawm.
    Thaum HUAB TAIS pom li ntawd, nws ntxub kawg nkaus
    thiab nws npau taws heev rau nws cov tub cov ntxhais.

    Txais: (18a) Nej tsis nco qab Tswv Ntuj tus uas tau yug nej lawm.

    Nws hais tias: “Kuv yuav zais kuv lub ntsej muag ntawm lawv,
    ces kuv yuav pom tias lawv yuav mus xaus zoo li cas.
    Lawv yog ib haiv neeg lub siab hloov sai sai,
    yog ib co tub ki phem tsis muaj kev npuab kuv ruaj nyob hauv lawv.”

    Txais: (18a) Nej tsis nco qab Tswv Ntuj tus uas tau yug nej lawm.

    “Vim lawv hais tias ‘tsis muaj Tswv Ntuj’ thiaj ua rau kuv khib,
    thiab lawv mus teev dab teev mlom ua rau kuv npau taws;
    Kuv kuj yuav siv ib haiv neeg tsis tseem ceeb los ua kom lawv khib;
    kuv yuav siv ib haiv neeg ruam los ua kom lawv npau taws.”

    Txais: (18a Nej tsis nco qab Tswv Ntuj tus uas tau yug nej lawm.

    As Les Lus Yas: MT 5: 3

    Txais: As les lus yas, as les lus yas.

    Cov muaj txoj hmoov zoo yog cov pluag hauv nruab siab,
    vim Ntuj lub Ceeb Tsheej yog lawv li.

    Txais: As les lus yas, as les lus yas.

    Ntawv Moo Zoo: MT 19: 16-22

    16 Muaj ib tug neeg tuaj cuag Yes Xus, nws hais rau Yes Xus tias : “Xib Hwb, kuv yuav ua dab tsi zoo, kuv thiaj tau txoj sia nyob mus li ?” 17 Yes Xus teb rau nws tias : “Vim li cas koj nug kuv txog yam uas zoo ? Tsuas muaj ib leeg xwb thiaj yog tu Zoo. Yog koj xav muaj txoj sia, koj yuav ua raws li cov lus qhia.” 18 Nws hais tias : “Cov lus qhia twg ?” Yes Xus hais rau nws tias : “Koj txhob tua neeg, koj txhob zes luag txij luag nkawm, koj txhob ua tub sab, koj txhob ua tim khawv cuav, 19 koj yuav hwm koj niam koj txiv, koj yuav nyiam tus nyob ze koj ib yam li koj nyiam koj.” 20 Tus hluas hais rau Yes Xus tias : “Kuv yeej ua raws li tej ntawd tas huv tib si lawm. Tseem tshuav dab tsi ntxiv kuv tsis tau ua ?” 21 Yes Xus hais rau nws tias : “Yog koj xav kom koj zoo tshaj, mas koj rov mus, koj muab txhua yam uas yog koj tug muag, muab pub rau cov pluag, ces koj yuav muaj ib lub cuab tam muaj nqis loj nyob saum ntuj. Ua li ntawd tas, mas koj los raws kuv." 22 Thaum tus hluas hnov cov lus no, nws rov mus, nws tu siab kawg, vim nws muaj cuab yeej cuab tam ntau.

    Mim
    Mim
    Tswv Cuab Hmong Catholique
    Tswv Cuab Hmong Catholique

    Messages : 2970
    Date d'inscription : 2009-10-16

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Mim on 17th August 2020, 1:11 pm

    Tim 18 lub 8 Hli 2020

    Hnub Peb Lis Piam Nees Nkaum Nruab Xyoo A Nruab Lis Piam Xyoo II


    Zaj NYeem Ib: ES XES KIAS 28: 1-10


    1 HUAB TAIS lo lus nrov tuaj rau kuv li no : 2 "Neeg leej tub, koj hais rau tus nom nyob Tws Los tias : HUAB TAIS Tswv Ntuj hais li no : Vim koj lub siab muab hlob, koj hais tias: ‘Kuv yog ib tug tswv ntuj, kuv nyob hauv ib lub tsev phim rau tswv ntuj nyob, nyob hauv plawv hiav txwv,' tab sis koj tsuas yog tib neeg xwb, koj tsis yog tswv ntuj, txawm koj lub siab xav tias koj yog ib tug tswv ntuj. 3 Koj saib koj thoob tsib dua Das Nias; tsis muaj ib yam zais ntshis uas koj yuav paub tsis txog. 4 Koj kev thoob tsib thiab kev ntse ua kom koj yog ib tug neeg nplua nuj. Koj khaw tau nyiaj tau kub ntau cia puv txhab. 5 Vim koj kev thoob tsib qhia kom koj txawj ua luam loj, koj thiaj nplua nuj kawg nkaus tuaj, ces koj ua neeg muaj lub siab muab hlob vim koj kev nplua nuj. 6 Vim li ntawd, HUAB TAIS Tswv Ntuj hais li no : Vim koj xav tias koj muaj lub siab zoo li ib tug Tswv Ntuj, 7 vim li ntawd mas kuv yuav xa ib co pej kum neeg tuaj ntaus koj, yog ib co neeg phem tshaj tej; lawv yuav rho ntaj tuaj tawm tsam koj txoj kev thoob tsib qhov zoo nkauj, lawv yuav txo koj lub hwj chim kom nphob tuaj. 8 Lawv yuav muab koj thawb rau hauv lub qhov ntuj; ces koj yuav tuag raws li cov neeg raug tua nyob hauv plawv hiav txwv. 9 Thaum ntawd koj puas tseem yuav hais rau cov tua koj tias : ‘kuv yog ib tug tswv ntuj ?’ Koj tsuas yog ib tug tib neeg xwb, koj tsis yog ib tug tswv ntuj, koj nyob hauv cov neeg tua koj lawv lub xib teg. 10 Koj yuav tuag zoo li cov neeg tsis tau txais lub cim txiav, yog cov pej kum neeg yuav muab koj tua. Kuv tau hais li no lawm.” Yog Huab Tais TSWV NTUJ hais lus.

    NPN: TXOJ CAI OB 32: 26-27AB, 27CD-28, 30, 35CD-36AB

    Txais: (39c) Kuv yog tus ua kom tuag thiab ua kom ciaj sia tau.

    Kuv twb xav hais li no: “Kuv yuav ua kom lawv tu noob,
    kuv yuav ua kom neeg txhob nco txog lawv lub npe ntxiv.”
    Tiam sis kuv ntshai tsam lawv cov yeeb ncuab tau kev thuam muaj plhus ntxiag,
    los tsam cov yeeb ncuab ntawd tau kev khav qhuas ntxhias tias:.

    Txais: (39c) Kuv yog tus ua kom tuag thiab ua kom ciaj sia tau.

    “Yog peb txhais tes mus ntaus yeej lawv,
    HUAB TAIS tsis tau pab peb dab tsi li.”
    Vim lawv yog ib haiv neeg tsis txawj xav,
    tsis muaj ib lub tswv yim txawj to taub.

    Txais: (39c) Kuv yog tus ua kom tuag thiab ua kom ciaj sia tau.

    Vim li cas ib tug neeg ua tau kom ib txhiab leej swb,
    vim li cas ob tug neeg caum tau ib vam leej khiav?
    Yuav tsum yog vim lawv lub Tsua muab lawv muag,
    lawv tus HUAB TAIS muab lawv tso rau luag tes xwb.

    Txais: (39c) Kuv yog tus ua kom tuag thiab ua kom ciaj sia tau.

    Hnub uas lawv yuav raug rhuav los txog ze lawm,
    txoj kev puas ntsoog khiav nrawm nroos los rau saum lawv!
    Peb ntseeg tias HUAB TAIS yuav muab kev ncaj rau nws haiv neeg;
    nws yuav khuv leej nws cov tub txib xwb.

    Txais: (39c) Kuv yog tus ua kom tuag thiab ua kom ciaj sia tau.

    As Les Lus Yas: 2 KLN 8: 9

    Txais: As les lus yas, as les lus yas.

    Yes Xus Pleev yog tus nplua nuj, tab sis nws ua kom nws pluag,
    kom xwv nws txoj kev pluag ua nej nplua nuj tuaj.

    Txais: As les lus yas, as les lus yas.

    Ntawv Moo Zoo: MT 19: 23-30

    23 Yes Xus hais rau nws cov thwj tim tias : “Kuv hais tseeb rau nej tias: ib tug neeg nplua nuj yuav ceeb laj nkag mus tau hauv Ntuj lub Ceeb Tsheej. 24 Kuv rov hais dua rau nej tias: ib tug ntxhuav yuav nkag hauv ib lub qhov koob, mas tseem yooj yim dua ib tug neeg nplua nuj mus hauv Tswv Ntuj lub Ceeb Tsheej.” 25 Cov thwj tim hnov cov lus ntawd, lawv yoob tas, lawv hais tias : “Yog li leej twg thiaj yuav tau txais kev cawm ?” 26 Yes Xus ntsia lawv tseeb tseeb, nws hais rau lawv tias : “Yog neeg ua neeg xwb mas yeej tsis tau li. Tab sis, ntawm Tswv Ntuj, mas nws ua tau tas ib puas tsav yam.” 27 Ces Pob Zeb teb rau Yes Xus tias : “Peb ne, peb tau tso ib puas tsav yam tseg, peb los raws koj, peb yuav tau dab tsi ?” 28 Yes Xus hais rau lawv tias : “Kuv hais tseeb rau nej cov uas raws kuv : lub zim txwv uas txhua tsav txhua yam yuav rov plhis dua tshiab, mas Neeg Leej Tub yuav zaum saum nws lub theej kiab muaj hwj chim, ces nej kuj yuav zaum saum kaum ob lub theej kiab, txiav txim rau kaum ob lub xeem His Xas Lais thiab. 29 Txhua tus uas tau tso vaj tse, kwv tij, nkauj muam, niam txiv, me tub me nyuam thiab tso liaj teb tseg, vim kuv lub npe, mas nws yuav tau txais ib puas npaug tshaj qhov nws tau tso tseg lawm, thiab nws tseem yuav tau txoj sia nyob mus li los ua nws tug. 30 Tiam sis muaj coob leej cov ua ntej yuav tuaj tom qab ; hos muaj coob leej cov tuaj tom qab yuav tau ua ntej.”


    Sponsored content

    COV ZAJ NYEEM NRUAB LIS PIAM XYOO A 2019-2020 - Page 9 Empty Re: COV ZAJ NYEEM NRUAB LIS PIAM XYOO A 2019-2020

    Post  Sponsored content


      Current date/time is 25th November 2020, 10:46 pm