XH. Yaj Zoov Ntxheb lub Tsev THOOB TSIB

Neeg ntiaj teb cov lus ua tau tej nthwv cua hlob ntsawj, los tshuab tau neeg ntog mus, sawv tsis tau los cia li tuag mus. Nws tshuab tau neeg ya mus ti qab ntug, li cua tshuab neeg mus ua neeg thaj nam.
Tej nom tswv kav teb chaws, los lawv tej lus nrov tuaj mus tsis sib haum. Ua kom muaj tsov rog, neeg tau tuag, vaj tse tau kub hnyiab, nyob tsis taus yuav tsum khiav ua neeg thoj nam, ri mus thoob qab ntuj.
Tej pej xeem tom ub tom no raug kev txom nyem,sib cais kwv cais tij, los cais txij nkawm. sawv daws huas siav ciaj pauv siav tuag,kom tau ua neej nyob. tseg kwv tij ib pab rau ib lub teb chaws.
Sawv daws muaj kev sib hmov tshua,kev tswj hwm xeeb muaj los cais ua kev sib ntxub,yuam neeg Lub siab,lub ncauj hais lus zoo, los tus yam ntxwv kev coj mus tsis sib thooj.
Siv lub siab hlub los hais lo lus mos lus muag, ua kev hlub kev nco, kom tau paj tshab los yug ncauj yug lo. lub cev ua tsis dhau, muaj kev yuamtso hem thawj, ua rau cov xav muaj txoj sia nyob ntev.
Muab txoj kev ua Kwv tij nkauj muam txoj kev hlub kev nco hloov los ua kev yeeb ncuab, rub nws txoj sia kom tau nyob ntev. Siv tom txwv rau yus kwv yus tij, tsuav tau ua neej nyob hnub xam hnub, xyoo mus dhau xyoo.
Hla tsis dhaum nom tswv tej lus,ua cua hlob ntsawj tib neeg. raug yuam kom txo yus tej neeg txheeb ze txoj sia.
Siv tom txwv muab poj niam me nyuam tej ntxhais nplooj siab los dib,txiv neej cuab phiaj rau w kom muaj txiaj txaus siv, muab yus kwv yus tij tej neej tsa txheeb txheeb ze. Ua kom mag ntxiab.
Txoj kev no yog ib txoj kev phem, thiab tsis huv rau lub ntuj lub teb li. Koj yuav ua li cas thiaj zam dhau, tej cai phem no. Tej no tsis yog,koj Haiv neeg yeej phem los li ntawd.
Neeg sawv daws yeej muaj qhov phem, tab tsis tsis yog yuav xwb tim phem li sawv daws xav. Vim muaj ib lub hom phiaj nyob txheej siab sawd lawm, luag thiaj ua tau li koj paub thiab pom no.
Hais txog Haiv neeg Hmoob xwb Yam uas Hmoob tau ua rau Hmoob tsis yog Hmoob ua tus phem tas nrho. Vim muaj ib txheej siab nyob saud lawm, Hmoob thiaj tau ua los li hais no.
Hmoob tau kev tws lawm. Hmoob thiaj ua li ntawd, Kuj tsis yog ib pab phem los ib pab thiaj zoo. Sawv daws ruam ib yam,ruam thiaj rov ua rau ruam xwb.
Vim li cas hmoob ho tsis ua rau Mab Sua thiab? vim luag ntse los luag sib hlub txawv peb Hmoob, luag thiaj tsis ua rau luag Haiv Neeg.
Kuv pom mas Hmoob sawv daws lawv hais tias, cov ntse cov nyob teb chaws vam meej. Lawv kev vam meej plooj lawv qhov muag tas, ces lawv hais tias lawv ntse no.
Cov uas lawv txawj huas siav ciaj,kom nyob ntev mas lawv ntse dua. Vim kev tuag nyob ti cev lawm. Cov uas kev vam meej plooj qhov muag mas lawv rov ua neeg ruam tiag, vim lawv tsis xyuam xim, ces lawv muab kev vam meej dag.
Lawv thiaj rov mus sib dag rau Lawv Haiv neeg tias,lawv zoo npaum uab npaum no tuaj. Txuj ci koj twb tsis tau muaj los koj hais tias koj niam yog thawj neeg li ub li no, cuag li Huab Tais twb tsa koj ua tus loj lawm.
Qhov tseeb yog ib co lus cua tshuab xwb, neeg phem neeg zoo sib npaug zos. Tus xav cuab kom tau zoo ntsej muag los muaj, ces thiaj puas xwm li sawv daws tau hnov thiab tau pom no.
Thaum kawg yog ib co lus xaiv tsis muaj paus muaj ntsis. txoj kev sib thuam, sib ceg, los sib hais lus xaiv xyav neeg lub moo, tsis yog lus zoo. peb txhob kawm tej lus tsis tsim nyog no los siv mus ntxiv lawm.
Nyias yuav nco ntxoov tias Ntuj tsim nyias los yog neeg zoo xwb,txhob mus xyaum ua neeg dog dim, kom tsis zoo rau neeg lub ntsej hnov,thiab ua rau Ntuj lub muag tau pom.
Neeg lub ncauj cia hais tej yam zoo lus,neeg lub siab cia kom muaj kev sib hlub. Sawv daws sib cav lus zoo, kom muaj koob meej ua ib Haiv neeg nyob koom Haiv, koom lus, thiab koom tus ntsuj roj ntsha, ntsuj duab ua ke.
Qaum Ntuj twb foom hmoov zoo rau peb tej pog Suab, Yawg Suab thaud lawm, kom Ntuj lo lus foom hmoov zoo, nyob txuas mus txog tus Hmoob kawg kiag.


Yaj Zoov Ntxheb Xib Hwb.

Haiv neeg Hmoob muaj zoo ib lub tswv yim thoob tsib, tas nrho. Lub Tswv yim no tsis khiav nce toj li. Nws nyiam khiav nqes hav xwb.
Thaum Hmoob sib koom xav tswv yim ua ke mas txaus txhawj thiab ntshai txog kawg li. Saib los mas Mab Sua yuav caum tsis tau li ntag. Yog ua neej mus nce toj mas yeej tseeb li lawm. Tab sis ho lem fias rov nqes hav lawm.
Cuam twg txheej twg los thaum pib saib mas nce toj xwb, pib mus zoj xwb mas txawm siv lem fias nqes hav lawm.
1. Hais sab kev thoob tsib ntsuam xyuas seem neeg muaj kev tu siab, kev txom nyem thiab kev quaj ntsuag mas Hmoob hnov tseeb kawg thiab mloog,los kawm tau zoo tshaj plaws li. Txhua tus yog Hmoob mas tig loo los ntsia thiab sib tw hlub nws, cuag li leej twg los yeej muaj peev xwm tshaj plaws li.
Ntsia mas zoo li tej zaum, Hmoob tseem paub zoo dua Qaum Ntuj lawm thiab. Yog muab tej neeg txom nyem quaj ntsuag no los saib mas yog plhis tau los txua dua tshiab tau mas ntshai Hmoob twb muab txua kom yog dua tshiab tas lawm. Ib tug neeg txom nyem mas nyob tas nrho rau hauv txhua tus Hmoob nruab siab, sawv daws muab txoj kev hlub loj kawg tuaj pub los pab nws. Cuag li kev hlub mas muaj ntau kawg siv tsis tas li.
2. Thaum pom los muaj ib tug Hmoob txom nyem quaj ntsuag li no. Mas tas tsoom Hmoob sawv daws quaj thiab nrog nws tu siab,cuag li yog Ntuj thiab neeg txhob txwm tsis hlub tus neeg ntawd.
3. Zoo li txawj hais xwb ho tsis tawj hlub li, zoo li paub paub hais kom neeg qhuas tias, ntshai nws siab yuav zoo tshaj li mloog thiab xav tuaj nruab siab mas zoo li co Hmoob lawv puav leej yog Qaum ntuj ib pab tub ki siab dawb tas nrho los xwb.
4. Zaum no ho hais txog li ib tug neeg uas nws twb zoo lawm, muaj kev zoo siab nrog luag ua neej mus lawm,los tseem yuav muaj kev zoo mus ntxiv. Mas hmoob ho muaj kev khib, tsis txaus siab rau tus ntawd. Cuag li yog Qaum NTuj tsim nws los ua nws tus yeeb ncuab xwb. Hais lus thiab ntsia lub ntsiab muag mas twb ntsia tsis ncaj rau tus ntawd li.
Lub ntiaj teb dav npaum no, zoo li yog koj xub nyob lawm ces tsis txaus nws nyob, hos nws yog tus xub nyob lawm ces tsis txaus rau koj nyob li. Yog ua tsis dhau ntawm tej nom tswv lawm mas, ib leeg yuav tsum mus nyob rau ib sab ntuj!
Nws nyob rau sab hnub tuaj lawm, mas koj yuav tau mus nyob rau sab hnub poob. Tej xov tooj qhia tsis tau rau leej twg li.
5. Ua li mas nyob hauv Haiv Hmoob, yuav tau kawm thiab twv tiag kom tau. Nws xeeb tau los ua neeg zoo li cas tiag!
Hmoob tsuas ntxub Hmoob xwb thiab tsis nyiam Hmoob xwb.
Hmoob ntshaw ua plaub rau Hmoob, kom Hmoob pom tias, tus yeej los yog Hmoob hos tus swb los kom kuj yog Hmoob thiab
6. Yog tsis muaj Hmoob lawm mas ib tug hu ua Hmoob nyob tsis taus li thiab. Hmoob sib ntxub npaum no, ua plaub ua ntug, sib thuam npau taws npaum li no. yog luag tsiv lawm mas nws nyob tsis taus vim tsis muaj Hmoob nyob lawm.
Tab yog nws tsis tau luag mus nyob ua ke nrog cov nws ntxub los nws yuav tum mus nyob ze tsawv kom tau hnov lawv moo thiab, nws lub siab thiaj li kaj.
7. Thaum Hmoob nco hmoob tuaj lawm mas, nws pom ib tug los ib pab zoo li Hmoob mas raws nws mus lawm tsheej ncua kev. Mloog saib puas txawj hais lus Hmoob, vim nws nco hmoob dhau lawm.
8. Puas yog lub npe, lub tswv yim, los hom roj ntsha ntawd yeej yog yeeb ncuab los li cas ne!
Hmoob kuj tsis tshua nyiam ua plaub rau tej Mab Sua thiab. Yuav ua rau Mab Sua mas kuj yog ua rau cov tau kawm lus Hmoob los paub Hmoob li txuj kuj mam ua thiab xwb.
9. Hmoob kuj nyiam mus qog Hmoob tej teeb meem xaiv lus rau Mab Sua cov thawj neeg mloog kawg li thiab. Hmoob saib Mab Sua cov nom tswv ntawd zoo li lawv muaj cai ntug ntoob puag tim qab ntug los,tos ntsis hnyoo muaj xaiv lus xwb, mas twb rawm coj mus hais qog qhia Mab Sua kawg li.
10. Saib Hmoob tus yam ntxwv mas zoo li Hmoob khaws tau Los Tsuas lo lus hais tias,koj ua neeg{ phim xoom huam,}
Hais tias neeg muaj ob lub taub hau dab:
a.->Thawj lub taub hau yog Qaum Ntuj lub, txawj hais, txawj hlub txawj nyiam zoo tas nrho li, ua kom neeg lub siab yuj lias qaug nrog nws kiag li. saib li nws zoo npaum li Qaum Ntuj kiag li lawm.
b.->lub taub hau ob yog dab phem lub, ua yuam ntiag, kom nws yeej xwb, tsis saib leej twg li. Tsis suav tias tus neeg ntawd yog Qaum Ntuj ib lub txiaj ntsim li. Nws tsuas paub tias yog nws tus yeeb ncuab ces yeej npaum li cas ces zoo siab npaum li ntawd xwb.
11. Yuav nug tias, ua li ne! Hmoob puas yog nej thov ntawv pem Ntuj yug los ua neeg kom tau sib ua yeeb ncuab rau Hmoob?
Thiab yam nej xav ua Hmoob thiab qhov nej xav yeej ntawm ib tug Hmoob no yog dab tsis tiag?
Saib Huab Tais Hmoob los kuj tsis txawj hlub tus Hmoob ua qhev, tus Hmoob ua qhev los kuj tsis hwm tus ua Huab Tais Hmoob thiab.
12. Yog tias xav yug los kom tau ua Nom ua Tswv thiab ua huab Tais kom tau meej mom zoo,no ces nco ntsoov tiam tom ntej kiav koj Haiv neeg thiab koj lub xeem mus yug ua Mab Sua thiaj tau zoo ua Huab Tais thiab ua Nom Tswv loj mog.
13. Lub Tswv Yim thoob tsib laub lug nqes hav no sau los rau peb sawv daws twv saib vim li cas pheej coj zoo li ntawd. Kuv tus kheej kuv twb xav li ntawd lawm, ua li koj ne!
Koj ho xav li cas thiab?
Vim koj los vim kuv, los vim tas nrho cov roj ntsha hu ua Hmoob no. Thaum twg peb mam txawj qhuas txog txhua yam zoo uas yog Hmoob paub thiab txawj ua tau los ntawd.


Yaj Zoov Ntxheb Xib Hwb.

Nyob Mis Kuj teb muaj kev vam meej heev rau sab, qhib kev tso cai rau sab coj kev ntseeg.
*1. Zaum no cov kev ntseeg no tau kev huam vam zoo, ces tab tom yog txoj kev ua rau neej dab tau zoo los nyob ua ke.
Yeej muaj tseeb li, txij li xyoo 2000 los rau nyiam no. Mas cov teeb meem nyob hauv Haiv Hmoo loj hlob los mus rau sab kev ntseeg ntawd:
a->Sab kev ua neeg thoob tsib paub kev paub cai, muaj kev txawj ntse muaj txuj ci. mas Hmoob kuj nce sai xws li tej Mab Sua. Cov kawm txuj nyob txheej siab kuj muaj ob peb hom, xws li cov tau dov tawj, lov yawj los lwm hom kuj muaj coob thiab.
b->Cov nyiam xeeb plaub xeeb ntug los muaj npaud. Twb yog cov ua thawj neeg coj Hmoob,thiab yog qub nom qub tswv. Tej Koom Haum poj niam los Koom haum Txiv neej. Ua tus thawj xwb los leej twg los xav ua tus loj xwb. Ua ho yuav tau dab tsis thiab?
c-> Ua li no ces cuag li ib leeg saib tsis taus ib leeg li, tug muab tug coj mus cem los rhuav rau luag hnov. Cuag li tus twg los tus phem tas li. Tsis hais tus uas yog txiv neej los poj niam li. Cov ntxhais hluas hluas los tuaj yeem mus ua Hmoob laus poj niam, cov tub hluas los tsis xyeej li thiab txaus siab mus ua pog laus txiv.
d-> Ib leeg dag ib leeg, nws tuam choj rau koj hla. Thaum hla dhau choj lawd mam li pom Liab txuab, ces tsis xav puab cuab. Ua xaiv ua lus, tsis hais los yuav tsis dim. Hias los twb tau muaj txiaj ntsim, ua rau koj thiab nws muaj kev chim. Tab yog cav lwj los koj twb muab nws zaum mus zaum los dhau lawm. Muaj kev hlub kev ntxhub sib npaug zos
e->Hmoob yeej hais tias koj txhob sim luag ntaj tsam luag ntaj ntse....Txhob sim luag hneev tsam luag xub ncaj...Ua lub neej tshiab los siab tsis kaj. Ua luag nyiaj daus las mus lawm qha nas tsiaj txhu mus lawm qha nkuaj. Hla dua lub neej tshiab neej lig los nyob tsis ruaj. Lam taug luag qub neev tsoj luag qub lw xwb, tshav ntuj rau luag teb, los nag rau koj chaw xwb lauj...
*2. Nyob Mis Kuj teb mas yeej ib txwm muaj kev hwm Ntuj, thiab ntseeg Ntuj zoo. Tej Nom Tswv tsis yuam los txwv leej twg tsis pub teev hawm yam ub yam no, xws li txhua yam kev ntseeg twb muaj lawd.
a-> Tej kev ntseeg Ntuj thiab teev dab qhuas nyias nyiam coj li cas los tau. Sawv daws muaj kev xaiv:
a.1 Cov xaiv Tswv Ntuj kuj muaj ib feem, yog cov npaj ua neeg ncaj ncees. Thiab muaj kev tso siab coj raws li Leej Tswv Yim qhia hwm Tswv Ntuj.
a.2 Muaj ib cov Xaiv Tswv Ntuj lub npe, tab sis lawv coj li lawv siab nyiam, tsis raws li Leej Tswv Yim Ntshiab ua tus coj, mas muaj ntau pab sib txawv tsis sib thooj thiab.
a.3 Cov yuav teev dab qhuas raws li ib txwm neeg tej pog yawg lawv coj los muaj. Hauv Hmoob cov dab qhuas los txua dua tshiab los muaj. Hos cov coj raws li Hmoob cov Saub sawv los qhia tshiab los muaj:
-Cov txua kom yooj yim rau Hmoob coj lawv ua lawv ib pab.
-Cov hais teev poj Koob yawm Ntxwg lawv yog lawv ib co.
-Cov coj raws lis Maiv Ntxwm uas yog tus Yes Xus tshiab niam los lawv muaj lawv ib npoj.
-Cov uas tus niam Hmoob nyob Thaib teb mus rub tau Niam Loom Mej los ua Hmoob tus niam Nkauj Ntsuab nyob tim qhov tsua, thiab tsa tau Txiv Nraug Nab sawv los tuav Hmoob tus Mem Toj rau Hmoob kom Hmoob rov muaj teb chaws nyob los muaj.
-Cov uas cia li mus ntseeg khawv koob uas Hauj Sam ua rau cov mlom pob zeb los mlom ntoo kom pab thaiv tau Hmoob cov mem toj mem av kom yus ua neei zoo, thiab muaj txiag nplua nuj, los muaj.
- Cov Saub Niam Toj txiv toj no muaj sib txawv txog li plaub hom saub thiab:
->. cov Saub Txwv Koob Hmoob tshoj kom Huab tais Hmoob sawv los pab Hmoob lawv ua lawv ib pab.
->. Cov Saub ua neeb daws kev txhaum kev khaum rau tiam no thiab tiam dhau los lawd los muaj.
->. Cov saub mus txo mem toj kom Hmoob muaj zog kom Mab Suam tu ciam dei ciam av rau Hmoob nyob kuj yog ib pab.
*3. Ib Haiv neeg yog muaj npaum li no los sib txeeb lawm mas Tus tseeb nyob hauv Haiv Hmoob lub keeb thiab lub neej tom ntej no,mas yog tus twg. yuav ua Hmoob tus ncej ntug txheem thiab cev Haiv Hmoob rau tus loj nyob sawm Qaum ntuj. Yuav twv saib!Yog Xob, los yog Zaj, los yog Dab?
-Ib yam li lub ntiaj teb- los lub hnub- los sis yog lub Hli? Hmoob yuv ua leej twg me nyuam?
***->Qhov uas, ua cas sawv ntau pab ntseeg zoo li no, mas chiv los ntawm tib lub keeb xwb:
->Tas nrho cov thawj neeg siab tsis tiaj plawv tsis tus, lawv sib huas ntiaj teb lub cuab tam tas nrho lawm. Tsoom neeg txom nyem, neeg pluag seev yees txog Qaum Ntuj tuj tias, ua cas ua ib zaug neeg yuav raug kev txom nyem npaum no diam!
-> Ces Qaum Ntuj khuv leej npoj neeg txom nyem ntawd, Qaum Ntuj hu dua ib cov neeg coob los hais neeg ntiaj teb tej kev txhaum kev khaum no. Kom neeg hloov siab dua kom rov qab tsim nyog rau QaumNtuj hlub sawv daws.
->Qaum Ntuj yeej hu ib co neeg zoo xwb. Muaj tus phem nws muaj kev khib. Ces tus phem tuaj nyob tom kev tshuam tos Thaum Tswv Ntuj qhia tus niam toj los txiv toj uas Ntuj xaiv tau ntawd. Tus phem tshooj ib co lus ntxiv rau, kom nws nyiam ua neeg khav theeb los muab hlob thiab ntshaws ntiaj teb lub cuab tam tib yam li pab thawj neeg dhau los lawd kom lub ntiaj teb no rov puas tsuaj loj duav tuaj ntxiv. Ces thiaj li muaj ntau pab pawg li niaj hnub no.
-> Nco ntsoov Qaum Ntuj yuav tsis kheev kom tus Phem ntawd, yuam tau leej tib neeg kom ua neeg yuam kev, mus deb dhau.Yog Neeg tsis txiav txim siab xaiv nws tus kheej mas qhov kawg neeg yuav tau rov los ua ib pab xwb.
*4.Cov uas muaj Neej Dab kev nyiam kev hlub sib npaug ces yog Hmoob!
a.Hmoob raug Dab nyiam dua, los sis Dab kuj raug Hmoob nyiam dua kuj yog.
Hmoob cov kev ntseeg muaj npaum no los nyias qhuas nyias cov, pab twg kuj zoo, thiab muaj ceem tas zog li thiab.
b. Saum cov thawj neeg mas tus twg kuj yog neeg thoob tsib tas txhua tus li. Ib tse neeg muaj 9 leeg los nyias mus nyias txoj li lawm! Cov mus rau Vaj Tswv sab lawv cov meej mom kuj sib txawv me ntsis thiab.
c. Cov mus raws qub kev cai mas cov siab ntsws sib txawv me ntsis lawm thiab.
5.Yog tias kawm tas nrho txhu yam kev ntseeg los lawm mas, muab cov neeg hu ua Hmoob no los sib pib mas. Mas hais los no ces Hmoob yog Kas Ees thawj tug me nyuam. Hmoob tseem nyob ze Kas Ee heev:
->Qhov hais tias nyob ze Kas Ees heev no mas vim tias Hmoob muaj khib heev, thiab muaj kev cib nyeej heev tiag. Tsuav yog yus tus kwv ntse, los txawj thiab muaj tshaj yus ces yus tsis nyiam li lawm. Yus pib muaj khib rau nws Hmoob lub siab ntsws ntiaj coj li no. Dab tsis los xij li luag lwm tus los lwm pab mas yuav tsum muaj los zoo tsis npaum yus no ces yus nyiam thiab hlub taus luag lawm.
-> Hos yog luag zoo dua yus no ces zoo li muaj dab tsi pheej ua rau yus nyiam luag tsis tas lawm. Yog luag muaj thiab tseem hais lus siab yus lawm mas pheej xav kom tus ntawd tshais chaw mus nyob deb kom tsis txhob sib pom, los sib hnov moo li. Yog nyob ua ke ntev tseem paub lwm yam thiab mas yeej xav muab nws xa mus nrog dab nyob ua ntej xwb. (muab nws tua pov tseg yam tsis muaj dab tsi li kawg yog kev khib xwb.)
*5. Cov lus no tsis yog sau los hais leej twg li dab plig! Sau los rau koj thiav kuv, peb kawm thiab xav tswv Yim, saib yuav sib kawm kom nce mus rau ib qib, kom Haiv Hmoob txoj kab zoo twb nrawm li tej Mab Sua lawm. Kom txoj kab ua neeg phem muaj kev cib nyeej no pluam tu nrho mus tsis muaj li.
Hmoob los lus hias tias Hmoob hlub Hmoob thiab Hmoob yuav kho Hmoob no. Mas kuv twb hnov puag thaum 1964 los lawm. Hais tau cov lus zoo tas nrho li. Ho tsis siv li thiab mas yog li cas tiag?
->Lub caij ntawd tsis tau muaj ib tug Hmoob kawm tau Dov Tawj los li.
Ho, nyiam no, twb muaj Dov Tawj kho mob, Dov Tawj tseev tsim teb chaws. Tseem ntxiv rau cov tub txawg tub ntse tsim toob xib puaj yam muaj txuj siab tib yam li cov Dov Tawj hais no thiab. Peb tseem kho tsis tau peb li.
Yuav tos mus ntev li cas? Xav tias Mab Sus kuj txawj ua neeg Thoob tsib tuaj lawm sai tas zog. Yog Luag nyeem tau koj lub siab lawm ces luag yeej yuav huas koj ntej nyob dawm koj kev ces koj yuav hla tsis dhau ib ruam tom ntej ntxiv mus li.


Yaj Zoov Ntxheb Xib Hwb.

Leej tib neeg cov yam ntxwv nyob ntiaj teb no. mas neeg nyiam coj li no.
Tus zoo txiv neej thiab zoo poj niam. Txawv tus zoo txiv tsev thiab tus zoo niam tsev. Hos neeg sawv daws nyiam mus poob rau cov lus no:
1. Tus Poj Niam siab dawb siab huv, Nws tus txiv tsim txiaj cuag li cov neeg ua Nom ntoo mom nyiaj mom kub.
->Hos tus poj niam tsis txawj txaj muag, nws zoo li tus kab noj pob txha, ua kom tus nws trus txiv ua neeg qhuav ceg sawv tsis ntseg, mus tsis taus kev.
2. Tus coj li nws yog me nyuam neeg, nws khwv txaus nws noj. Nws nyob muaj tsim ntxiag li neeg tsim txiaj.
->Hos ib tug neeg thoob tsib nyob nto koob meej lug. Nws ua neeg tshaib plab tsis muaj dab tsi noj. Nws twb poob tsim lawm.
3. Tus neeg tsis txawj xav, mas nws qhuas tias, nws yog neeg tseem ceeb heev thiab taug tau txoj kev ncaj lawm.
->Hos tus neeg thoob tsib tas nrho, nws tseem kam mloog luag tej ntuas nws thiab.
4. Tus neeg nws twb ruam los nws tseem muab nws txoj kev ruam nthuav los qhia rau luag mloog thiab.
->Tus neeg xyuam xim,mas nws muab nws kev paub txuj khaws cia.
5. Ib tug neeg tub nkeeg xav nyob dawb,tsis kam ua dab tsi li. Mas nws tseem yuav mus thov ua lug qhev.
->Hos tus neeg txhais tes nquag, mas nws twb muaj qav num ntau  los tseem yuav huas hauj lwm ua.
6. Tus neeg uas nws txawj txuag nws lub ncauj, mas nws kuj txuag tau nws txoj sia ntev dhawv thiab.
->Hos tus neeg hais lus ntau dhau, nws ntsib teeb meem ua rau mws puas tsuaj mus.
7. Ob tug neeg muaj zog ib yam. Tus ua neeg tub nkeeg nyob tos luag ua rau noj xwb, nws raug kev tshaisb nqhis loj.
->Hos tus xyaum ua neeg nquag, nws tau noj seem noj so ua li Hmoob hais tau nyob ua neeg tsau npo.
9. Tus neeg pluag, nws tsab muaj, nws yog neeg kob huam.
->Tus neeg nyob raws li lub teb chaws, ua neej nyob tiaj tus. Nws muaj lub cuab tam loj.
Cov qib lus no kuv xav hais pab nej cov uas nej twb muaj los nej yog neeg pluag tiag. Nej tsis txhob seev rau ntiaj tog qaum pes tias nej pluag pluag, seev tsis nyog.  Nej txawm seev los luag tsis muab pub dawb rau nej li od!
Yog nej tawm rooj neeg muag toob xib los muag tej yam zoo khaws cia saib dab muag ntawd. Luag txhob nej tias, pab ytuav maj!
Nej twb ntshaw, tab sis tsis muaj nyiaj, mas nej yuav hais tias, nyiam tsis tas no xwb.  Lwm zaus muaj yog nyiam no mam yuav no xwb.
Txhoh hais tias nyiam kawg, xav yuav kawg li, tab sis tsis muaj nyiaj.  Yog nej seev li no es luag hais tias koj tsis muaj nyiaj ces kuv mam muab pub kiag rau koj mog.  Mas kuv hais rau nej tias nej seev qab teb mus nto qaum teb kiag kom luag pub rau nej ua nej ris tsis taus los tsev kiag ntag.
Nej txawm seev tias nej pluag los luag yeej tsis pub dawb li. Ces txhob seev kom ntiaj tog qaum pes paub tias nej pluag no mog.

Yaj Zoov Ntxheb Xib Hwb.

Lub Koom Txoos Ka Tau Liv nws yeej muaj tus Qauv Zoo rau sawv daws coj thiab yoog, yam li:
Muaj Leej Txiv, thiab Leej Tub, thiab Leej Ntuj plig Ntshiab. Lawv peb leeg koom ua ib Yug Huab Tais. Vim muaj Peb Leeg Huab Tais koom ua ib tug Tswv Ntuj li no, mas thiaj yuav tau hais tshab plaws rau cov neeg ntseeg tias,yog muaj ib yam, los ib tug neeg, los sis ib pab neeg muaj kev tsis sib hawm xeeb lawm. Muaj teeb meem nyob nruab nrab hauv pab neeg ntawd lawm, mas yuav tau sib tawm tsam los kho. Tsis yog sib tawm tsam los sib hais dab plig hais tas ces yuav sib ncaim mus.
Thaum sib tawm tsam hais lus kho tej kev ua hauj lwm los muaj lus tsis sib tom thawj, yog hais tas lawm yuav nyob ua ke sib pab sib txhawb mus kom txhob muaj teeb meem ntxiv mus yav tom ntej.
Txhua yam kev hais lus hauv tej hauj lwm los ib tug tsis paub qhov tseeb hais tau yuam kev lawm, mas yuav sib kho kom zoo xwb.
Yog muaj ib tug neeg sawv los tawm tsam tas nws ncaim lawm, mas tus ntawd nws tsis tau paub Tswv Ntuj peb leeg kev sib nyiam sib hlub. Nws tawm tsam kho tas nws nyob tsis taus ua kev, mas nws tsis paub Leej Tswv Yim Ntshiab zoo. Yog yuav hais kev txhaum li neeg hais thiab neeg xav mas, nws yog ua txhaum rau Leej Tswv Yim. Vim pab neeg nws ncaim lawv mus lawd, yog Leej Tswv Yim pab neeg.
Tshooj lus no yog lus tseeb lawm, nws nyob ncaj saum txhua tus neeg lub siab xav tas nrho li lawm. Pib ntawm ib nkawm niam txiv, ob leeg kwv tij,ob tug viv ncaus ob tug phooj ywg. Los rau ib tsev neeg. Mam dhau los rau ib pab neeg, ces xaus rau ib zog neeg...
Vim tias tsis yog koj xwb thiaj muaj nuj nqes, luag sawv daws puav leej yog qaum Ntuj li neeg muaj nuj nqes sib xws tib yam. Sawv daws puav leej yog Qaum Ntuj me nyuam. Koj ua tub qaug ib tug neeg, mas tsis tas rau nws xwb li koj xav, yeej tub qaug rau Qaum Ntuj lawm. Yog koj xav kom thoob mas yog koj thiab Qaum Ntuj neb tsis sib haum xeeb ua ke.
Yog xav hais kom tas lus mas yog koj tawm tsam rau Leej Tswv Yim Ntshiab, uas Leej Pleev thov kom Leej Txiv xa Nws tuaj tsa tsev nyob hauv neeg nruab siab. Kom Leej Txiv thiab Leej tub lub zog muaj peev xwm tau kev tuaj nrog neeg ntiaj teb neeg nyob.
Vim muaj Leej Txiv, Leej Tub, Leej Tswv Yim Ntshiab lub zog loj no nrog neeg nyob. Mas peb neeg yuav nquag sab laj kom ntau dua, kom peb paub txog Ntuj lub zog ntawm kev nyiam kev hlub no los coj, qhia, txhawb peb nyob tiaj tus. Kom txhob ua neeg twm xeeb, koj tsuas qhuas Tswv Ntuj los phim koj xwb, koj tsis suav Tswv Ntuj tsoom tub ki nrog koj li. mas koj tseem tshuav ib lo lus tsis tau paub tseeb thiab.
Nyob hauv ob leeg neeg, los ib npoj neeg, yog lawv muaj kev sib sau los sib tham daws teem meem. Mas pab ntawd tsis yuam kev mus deb. Lawv taug tau txoj kev ncaj haum neeg siab dua. Lawv muaj Yes Xus lo lus, uas Yes Xus hais tias yog nej ob peb leeg nyob ua ke, sib koom thov dab tsi ntawv Kuv Txiv , mas Nws yuav pub rau nej.
Kev sab laj yog txoj kev yeej, muaj teeb meem xaiv lus lawv txawj sib daws tas. Hos kev ua neeg twm xeeb yog kev tws. Thaum koj tau kev taws lawd, ces koj ua neeg npau taws koj rov cheem tsis tau koj, koj hais lus tsis sib dhos, ces muaj teeb meem tawm los, ua rau qee leej muaj kev ntxhov siab, tu siab.
Cov neeg ntseeg,nyob hauv lub Koom Txoos Ka Tau Liv, yog pab neeg loj thiab coob tshaj lwm pab huv tib si, nyob ntiaj teb no. Hais txog kev cai tswj kav mas Lub Koom Txoos yeej nrog Leej Tswv Yim Ntshiab tsim tau muaj tas txhua yam lawm.
Tsis yog peb cov neeg ntseeg tshiab ib pab nyias los tsim nyia nplawg ntia, li neeg feem coob xav li lawm.
Yog tej xeem lus los ntawm tej pab neeg los tej Haiv neeg ntseeg Tswv Ntuj tshiab muaj cov zaj lus los kev cai ntseeg txhais tsis tau tas ua lawv xeem lus ces tsuas muaj cai txhais kom haum koj xeem lus xwb.
Yog koj yuav txhais thiab kho tus cai hauv kev ntseeg Yes Xus lub Moo Zoo kom tawv dua cov Thwj Tim ib tiam ua dhau tiam los mas koj kho tsis tau li. yuav tau ua raws nraim li lub hauv paus ua los xwb.
Yam luag tso cai mas yog neeg tej kab li kev cai ua rau neeg mas pub cai rau koj kho kom haum kev ntseeg, yam no mas ua tau, Vim yog neeg kev cais ua kom muaj kab ke los sib hwm sib hlub mas ua tau.
Yeej muaj tej pab neeg me me uas lawv tsim tej txoj cai los coj lawv pab lawv pawg, lawv tsim los kav neeg xwb. Mas lawv ua lawv. Lawv cov cai ntawd tsis nce mus txaus rau Tswv Ntuj cov cai. Tej yam tsis muaj nyob Hauv Yes Xus lub Moo Zoo, mas tsis yog Ntuj kev cai, nco ntsoov tias kawg yog neeg kev cai xwb.
Zwm rau neeg xwb. Cov neeg tsim kev cai li no mas yog tib lub hauv paus ncau tawm los, tsis kav ib tug thawj neeg nws muaj nws kev cai, koj hloov kaum leej Xib Hwb mas koj yuav hlloov kaum zaus kev cai thiab. Mas zoo li koj kawm tsis paub tiav ib zaug li.
Kev ntseeg Ntuj mas tsis muaj txua dua tshiab li. Tsuas hloov tej yam kom mus raws li neeg kev vam meej xwb, los yeej tsis hloov ntau li, tej zaum tsuas hloov ib lo lus los sis hloov tus yam ntxwv ib qho me me xwb.
Cov neeg ntseeg lawv yuav tsim tej kev sib nres nyob ua ke kom neeg sib raug zoo dua mas lawv tsim tau. Hos yog muaj tej tus neeg tsis xav yuav txoj cai kav neeg ntawd, mas nws hais meej thiab tseeb lawm mas nws tsis nyob hauv los tau. Nws nyob nws hauv txoj kev ntseeg li qub. Txog nws hnub sau laus ua cov kab ke ntseeg rau nws li zeej tsoom.
Tsuas yog kev sib koom siab cov paj tshab tsis muaj pub xwb.
Tus ntawd, yog nws muaj kev noj kev haus, sawv daws yuav mus li Nws yog sawv daws li phooj ywg. Nws muaj kev ib siab ob qig nws yog lub Koom Txoos neeg, Tus hauj lwm yog pib ntawm Xiv Hwb mus. Nej tus Xib Hwb raug kev txhawj xeeb kuj cuag yog nej sawv daws raug. Xib Hwb, nws ua tau npaum li cas nej yuav tau pab. Vim tus ntawd,nws yog nej thiab Lub Koom Txoos tus phooj ywg. Lub Koom Txoos yuav tau pab cuam rau nws.
Hom neeg zoo li no yog Koom Txoos neeg lub Koom Txoos yuav tau ua pab rau. Sawv saws tsis kam mus los tus Xib Hwb yuav tau mus ua nws ib leeg li, nrog nws tsev neeg.
Lub koom Txoos cov paj tshab los tsev neeg yuav ntxiv rau lub Koom Txoos raws li teb chaws ua. Nws tsuas tsis yog neeg koom haum npoj nyob hauv npoj neeg xwb.
Cov zoo li no yog cov lawv koom kev ntseeg, tab sis lawv tsis koom, Koom haum neeg ntawm pab pawg.
Cov pab neeg lawv tsim tej txoj cai los sib hlub mas cia kav lawv pab ntawd xwb. Lawv xav tsim ib pob nyiaj los tseg ua paj tshab sib txhawb thaum muaj kev txom nyem txhawj xeeb los lawv ua lawv, tsuav lawv sib raug zoo.
Cov tsis ua Koom Haum kev sib txhawb rau kev noj kev haus, los sib nres mus txhua yam los lawv nyob lawv, tsuav sau npe kom paub zoo txhob cuam muas.
Qhov kawg mas hais teeb tias kom sawv daws xaiv yam uas yog ib txoj kev yooj yim ua phooj ywg sib raug zoo rau tus Xib Hwb thiab txhua tus neeg. Kom muaj ib lub ntsiab tseem ceeb:
Ib tug ua ntej los kom muaj neeg lawv qab tuaj sib ua luag. Yog muaj ib cov mus ib tog, ho muaj ib cov nyob rau lwm tog mas ntshai Xib Hwb mus ua ntej tsis muaj neeg lawv qab ces Xib Hwv tsis muaj luag. Ces nws ua kab ke tsis txhij txhua xwb. Tsis muaj niam nkauj txiv nkauj seev suab nkauj pab nws.
Yam sib txawv xws li ib pab muaj paj tshab thiab muaj neeg ua luag. Hos lwm pab tsis muaj paj txhab thiab kuj tsis muaj neeg ua luag, tab Koj muaj kev hlub loj npaum li cas los zoo li koj kev hlub tsis tawm ntawm qhov muag los rau neeg pom zoo li txiv qeej txiv nruas los yog koj tib leeg xwb.
Ces yuav poob los xws li Hmoob txoj dab neeg uas hais los mus tias:
Koj mus tshuab qeej lawm tsis muaj neeg ntaus nruas, koj ho mus ntaus nruas lawm los tsis muaj neeg tshuab qeej.
thaum zoo li no lawm mas yuav yog koj txhob quaj xwb. Yog koj yim quaj ces yim los kua muag, koj yuav tsis paub pib tog twg tuaj.
Yaj Zoov Ntxheb Xib Xwb.

Kev ntseeg yog ib txoj kev tseem ceeb tshaj rau sab ntsuj Plig. Vim dab tsi, ho hais tias tseem ceeb?
Kev Ntseeg yeej tseemceeb tiag, nws thiaj ncau ceg hlav mus puv nkaus lub qab ntuj no:
a.Nws ncau mus kav cog neeg muaj ib txoj kev ntseeg.
b. Nws ncau mus rau sab ua Nom ua Tswv kav teb chaws.
c. Ncau mus tswj cov neeg nyiam ua Tuam Los Pav.
d. Nws kuj hlob mus nyob hauv cov neeg xav tsa tej lub Koom Haum los sib coj, kom muaj Koob Meej.

1. COV COJ KEV NTSEEG
Cov muaj ib txoj kev ntseeg coj lawd, mas lawv txoj kev ntseeg yog ib txoj kev tseem ceeb. Hais rau sab tseem ceeb, yeej muaj tseeb thiab yog yam tseeb tiag. Txhua tus leej tib neeg yeej paub nyob nruab siab!
Neeg ntiaj teb teb tsis kam lees paub, thiab tsis xav coj txoj kev tseem ceeb uas yog nqes saum ntuj los. Txoj kev ntseeg tseem ceeb ntawd, mas nws yuav cheem, kom neeg lub siab kom caiv qee yam kom txhob ua:
Ces neeg ntiaj teb thiaj tsis kam xaiv thiab lees yuav qhov tseem ceeb. Nws tuaj yeem xaiv lwm yam, los mus txua dua ib hom kev ntseeg tshiab. Thiab hais tias txoj kev ntseeg ntawd muaj peev xwm loj kawg thiab. Qhov tseeb txoj kev ntseeg nws txua ntawd mus txog rau ib tug neeg xwb. Tsis muaj kev tawm mus ntxiv lawm.
Los sis mus zwm rau ib tug duab ub duab no xwb, zoo nkaws li tej tus Hmoob cov dab qhuas. Uas yog ib tug dab qus tsis muaj npe, yog koj lam tis ib lub npe rau xwb.
Tab nws yog dab qus los lub tswv yim nws tsim thiab tis npe rau mas yog tuaj ntawm tus Phem tuaj.
Tos neeg ntiaj teb ua ywj fab ywj fwj txhob txwm tsis xaiv txoj kev ntseeg tseem ceeb, mas nws yuav tau caiv tej yam li no:
Koj yuav tau caiv kev ua PLEES UA YI, caiv KEV UA TUB SAB TUB NYIAG, cai kev NTXUB NTXAUG luag tej. Txhob khaws kev CIB NYEEJ rau luag, txhob xyaum neeg NPAU TAWS rau luag lwm tus....
Koj yuav hwm leej tib neeg , saib taus sawv daws yog neeg tsim txiaj muaj nuj nqes. Qaum Ntuj twb txaus siab hlub neeg ntiaj teb no txhua tus ib yam li koj. Koj yuav saib tias, lwm tus thiab koj yog Qaum Ntuj me nyuam ib yam li koj.
Dhau txoj kev ntseeg nqes saum ntuj los lawm mas txhua txoj kev ntseeg tsis muaj qhov tseem ceeb npaum li txoj ntawd. Muaj ntau leej siv Tswv Ntuj lub npe los tsim kev ntseeg tiag. Tab sis tsis muaj Tswb Ntuj nyob hauv!
Vim tias Tswv Ntuj kev nyiam kev hlub tsis nyob hauv txoj kev ntseeg ntawd:
Nws muab tus phem lub tswv yim los txua ua Ntuj kev nyiam kev hlub,kom tau kev nyiag tej phooj ywg kev hlub los siv ua si kom muaj kev kaj siab. Nws npaj qee tsoom txheeb ze lub cuab tam los rau nws kom nws ua neeg nplua nuj.
Thaum muaj ib tug neeg raws yuav tau nws mas nws tsisnyiam tus ntawd. Ces nkawd yuav tau sib faib kev taug kom tau sib txhawb hwj chim mus tom ntej. Yog tsis siab faib kev taug ces nkawd yuav sib ua yeeb ncuab ces ob leeg poob tas tib si.
Nyob hauv txhua txoj kev ntseeg mas Dab Phem soj ntsuam txhua txoj saib yuav cuab ntxiab li cas kom mag cov thawj neeg ntawd tau. Dab phem nws tsis pw tsaug zog. Saib ntsoov tsam neeg ho mus ntsib tau Tswv Ntuj lawm ces nws tsawg ib tug neeg yuav mus rau dab teb.
Lub zwj ceeb no mus rau yav tom ntej, mas neeg ntiaj teb vam meej heev lawm. Kev vam meej tsuas yog vam meej kev noj qab pw sov xwb. Sab ntsuj plig tis tau vam meej txaus, vim neeg tsis kam rua muag los saib, tsam tau kev txaj muag rau Tswv Ntuj. Ces neeg ua txoj tsis paub, tsis pom kom tau kev daws teeb meej tias tsis tau hnov, saib Ntuj puas zam rau.
Tus phem mas nws nyiam cov ua thawj neeg no, kom nyias txua nyias nplawg ntia tej hom kev ntseeg Muab Qaum Ntuj cai los siv, tab sis tsis hais raws li Qaum Ntuj lus thiab coj Qaum Ntuj siab. Yam loj tshaj hauv nws kev ceeb toom ces yog lus hem neeg, tias;
Yog koj tsis mloog los tsis ua ces koj yuav raug xwv txheej los ntawm kev khaum kev txaum tom ntej no mus.
Cov ua li no mas zoo li lawv siv Qaum Ntuj lus los qhia neeg kom tau rov muab Qaum Ntuj lus los thuam Ntuj xwb.
Yam hais no mas cov ua thawj neeg sawv daws yeej paub tias tus kheej yuam kev lawm. Tab sis tus phem lub tswv yim mas muab koj lub qhov muag tig mus saib sab kev nplua nuj muaj ntiaj teb lub cuab tam loj kev noj qab pw sov los ntsias ces ua rau koj lub tswv yim nyob tiaj tus me ntsis tuaj xwb. Kom koj tsis nco qab qhov koj yuam kev ntawd.
Txoj kev yuam kev yog koj coj ib pab neeg yuam kev yam luag tsis paub, mas yuav muaj tus daws thiab coj lawv kev mus. qhov tseeb hnub kawg,ces yog koj tib leeg mus tsis muaj neeg ua koj luag, ua koj ntej los lawv koj qab li.
Ib tug neeg tsim ib txoj kev ntseeg, lub ntsiab, yog ntshaw hwj chim loj thiab kom muaj koob meej, thiab tau cuab tam loj. Mas txoj kev ntseeg ntawd yog kev ntseeg cuav.
Kev ntseeg mas yeej yog yam uas zoo tshaj li tiag. Tab sis kev ntseeg kuj txawj cob kom ntiaj teb neeg tsim kev ua tsov rog muab neeg cov ntsuj plig xa mus nyob rau dab teb thiab.
Cov kev ntseeg mas txawm muaj 1,120 txoj los cov dab phem yeej caum nrog khiav sib law sib liag nraim li. Muaj ob yam uas Dah phem caum mus tsis tseg:
Dab Phem caum kom tau cuab ntxiab rau cov thawj neeg. Hos yam ob mas Dab Phem caum kom tau ntxiv tswv yim rau cov thawj neeg tuaj dab tog kom lawv lub tswv yim muaj kuab, thiab hais lus khev, li cov neeg noj roj noj ntsev.
Rooj ntxiab Dab Phem cuab ntawd mas, nws siv koj tus phooj ywg, siv koj tus txij nkawm, siv koj tus kwv, los koj tus viv ncaus. Los tawm tsam kom koj muaj kev ntxhov siab, muaj kev npau taws ces nej sib ncaim kom nyias mus ntseeg nyias lwm yam kom sib txawv. Ces muaj tsawg leej thiaj tau taug txoj kev ntseeg ncaj ncees.
Tab yog nej tseem nyob haub tib txoj kev ntseeg los kom muaj ntau yam sib dawm taw kom sawv daws mus qeeb dua. Ces Dab thiaj muaj caij cuab ntxiab ntxiv.
Cov uas lawv twb tau ua thawj neeg lawm Dab phem ua kom lawv sib txeeb hwj chim kom sib tawg los sib ntaus sib tua ces tsis sib haum.
Nyob ntiaj teb no kev sib ntxub muaj ib txoj kab los ntawm cov kev ntseeg los ntag: Peb hais Hmoob xwb twb niaj hnub sib thuam tuas:
Nej yog cov ua Dab qhev, yog ntxwj Nyoog tub tes tub taw. Tus hais hom lus no mas nws rov tsis paub nws lawm. Tej zaum nws yog tus tseem, tseem yog Ntxwj Nyoog tus tub txib, nws thiaj muaj peev xwm hais tau lo lus ntawd, tawm los.
Raws li kuv xav, mas cov neeg coj Mawv saws Lim kev cai. Thiab cov koom Koos Mi Niv cov kev cai mas tsis muaj Tswv Ntuj nyob hauv!
Hauv lub npe mas zoo li muaj Tswv Ntuj nyob hauv, yog ua raws nraim li lub npe mas Tswv Ntuj yeej pom zoo. Tab sis tes hauj lawm thiab cov lus qhuab qhia neeg mas nyiag Qaum Ntuj lus los hais. Hos tes hauj lwm mas ua Dab Phem li hauj lwm thiab mloog dab phem coj.
Tab yog lwm hom kev ntseeg uas Muaj Tswv Ntuj nyob hauv , mas tsuas nyob ntawm qee leej neeg xwb. Cov ua thawj neeg mas Tswv Ntuj Tus duab tsuas tawm tuaj nyob lub caij hais lus xwb.
Dhau ntawd lawm thaum nws xav tswv yim thiab ua hauj lwm mas Dab phem lub ntsej muag tawm los. Raws li Los Tsuas lo lus hais tias:
Nws ua neeg muaj {Phim Xoom Huam.} Txoj ke ntseeg muaj tswv Ntuj nyob hauv mas tsis tsim kom muaj kev sib ntxub thiab kev ua tsov rog.
Dhau txoj kev ntseeg tseem ceeb no mus lawm mas lwm yam, nws muab kev nteeg sib txeeb ua thawj neeg. Los yuav hwj chim, yuav cuab tam loj. Cov thawj neeg ntawm txoj kev ntseeg mas yuav sib faib kev taug mus. Kom nyias muaj nyias hwj chim koob meej. Tsis li ntawv ces nkawd yuav sib ua yeeb ncuab, ces ob leeg yuav tau txais kev poob tsim. Tej no ces raws li Hmoob hais tias, muaj ntau tus txiv muaj kuj muaj ntau ces dab.
Nyob huav kev ntseeg muaj tej hom mas yeej raug li Hmoob tej lus hais tias:
Koj rov taw tuam Ntuj lawm, Koj muab Ntuj lus los qhia kom neeg raws koj. Ces koj ho ua Dab li hauj lwm, yog neeg tsis mloog koj zoo, ces koj hem neeg tias Ntuj los Dab yuav nplua nws....

2. SAB UA NOM UA TSWV.
Tig los rau sab ua Vaj Ntxwv, ua Nom Tswv. Yeej muaj ob pab los peb pab sib tiv. Lawv thiaj pheej sib twv saib, leej twg yuav tau ua txoov Tswv Tim kav teb chaws. Nyias muaj nyias pab xov thawj ib phiaj yau zuj zus mus txog rau tus thawj neeg kav peb leeg. Pab twg los yeej muaj neeg Phem neeg zoo sib npaug zos!
Nyob ntiaj teb no, mas yog muaj kiag ib yam zoo tawm plaws los lawm. Mas muaj kiag ib tug neeg mus kawm qauv los{ Copie.} muab txua kiag ua ib yam phem tuaj kom luag siv muaj teeb meem.
Sawv daws puav leej tsis yog neeg ruam uas tsis paub tab. Sawv daws kuj yog neeg thoob tsib to nrog tib si, tab sis xwb tim ua kom tau kev tsim teeb meem rau leej tib neeg los sis tsim kom muaj hauj lwm ua ces koj tau ua tus neeg nplua nuj luj. Thiab muaj hwj chim meej mom zoo xwb.
Lo lus hais tas los no raug ncaj li Hmoob lo lus hais tias, pom luag nce nthab ces lauj taw ntaiv kom luag poob. Kom luag tau lov hlaub,lov ceg los sav duav...
Koj xwb tim ua rau luag kom koj huas tau ua ntej ib ncua. Ib sim neej cov neeg coj lub siab nrog lub zeem muag li no, mas yeej tsis tshua nce mus taus deb. Tas nws ces nes tej tub ki ua neej poob qab tag li ntau xwb. Txij thaum ntuj tsim teb raug los neeg yeej mus li ntawd ntau.
Nyiam no lub ntiaj teb vam meej lawm, cov teeb meem ntawd nphau los rau cov neeg muaj kev sib ntxub, ces xeeb muaj kev ua tsov rog rau saum kev siv ntaus sib tua. Uas neeg siv riam phom los daws teeb meem.
Txoj kev ua tsov rog sib ntaus sib tua no tsis yog kev zoo. Muaj ntau yam kev ua tub qau rau Qaum Ntuj:
a. Tus tsim kev ua tsov rog nws ua txhaum rau neeg ntiaj teb. Yam li nws muab pej xeem mus cuab phiaj rau neeg sim phom tua saib puas ncaj.
b. Nws zaj Tswv Yim ua rog no,muab neeg cov ntsuj plig xa mus nyob rau Dab teb vam , vam leej xwb. Txoj kev sib ntxub ua tsov ua rog no yeej muaj keeb chiv thaum lub hauv paus los lawm:
-Thaum nyuam qhuv pib muaj neeg nyob ntiaj teb no xwb. Lawv muaj 4 leej neeg xwb. Kas Ees twb muab As Npe tua lawm. Kas Ees yog thawj tus neeg tua ¼ neeg nyob ntiaj teb no. Cov neeg nyiam tsim kev ua tsov rog lawv puav leej ypg Kas Ees cov xeeb ntxwv tshwm sim los mus.
Cov txoov Tswv Tim kav teb chaws lawv, nyiam sib txeeb ua tus loj los tsim kev ua tsov rog mus txeeb kev lag luam hwj chim txhua yam. Ces lawv puav leej muaj Kas Ees lub keeb ntawd los nrog caj ces ntxov ,ntxov los lawm.
Cov thawj neeg tsim kev ua tsov rog no, thaum lawv tsim mas lawv siv Dab Phem lub Tswv yim los ua lawv lub peev xwm. Hos thaum lawv raug txom nyem los mas lawv ho thov Ntuj pab thiab. Lawv lub siab yeej tsis tiaj tus mus li. 50, 50% hloov mus hloov los.
Cov ntsuj plig uas cov thawj neeg tau xa mus nyob rau Dab teb ntawd, mas tsis yog cov tub rog raug phom tuag ntawd xwb. Cov no raug mus raws txoj cai mas muaj Qaum Ntuj pom.
Cov mus Dab phem teb yog cov:
a. lawv nrug poj tub se mus deb lawm ces lawv mus ua kev txhaum lawv cia li tuag nrog kev txhaum mus.
b. Cov nyob tsis taus, ua neeg kho siab lawv ua rog lwj liam kom tas sim neej nyob hauv kev ua txhaum.
c. Cov raug yuam mus lawv ntxub tej nom Tswv txheej siab yuam neeg. Ces lawv ua kev txhaum tuag mus.
d. Cov tsis paub tab ua tub rog Khav hwj chim nro riam phom Neeg txiav txim rau kom tuag tau mus dab teb. ...

3. SAB UA TUAM LOS PAV.
Cov Tuam Los Pav lawv kuj tsis yog neeg dawb huv tas txhua leej. Cov Tuam Los Pav no, mas lawv tsis txawv cov Nom Tswv tswj teb kav chaws, lawv tus cwj pwm kiag li thiab.
Cov Tuam los Pav no lawv cov Kob Tsov Rog yog ua rau pej xeem thiab cov pluag sab ntsuj plig ntau:
a. Muab hauj lwm ntau, them nyiaj tsawg rau tub zog.
b. Cov Tuam Los Pav qhib qhov rooj nqaim nqaim rau cov me nyuam los Pab thiab pej xeem kom luag loj hlo tsis taus, ces zwm rau lawv mus li. Ces zoo li Hmoob hais tias, Nws ua liaj ntawm luag nruab qaum noj.
Nyob hauv lawv nruab siab mas lawv huas nyiaj txiag los ua lawv tug kom tas nrho ces lawv tau loj ib yam li tus txoo Tswv Tim kav teb chaws. Muaj tseeb yog ib tug Tuam Los Pav muaj nyiaj ntau zoo li 1/5 mus rau 2/5 . hauv lub teb chaws lawm mas nws muas tau cov Txoov Tswv Tim ua Nom kav teb chaw tas, ces nws loj dua sawv daws tib si lawm. Nyiaj txiag, txawj hloov cov Nom Tswv lub tswv yim thiab tej ncauj lus kom xeeb tau ua neeg phem.
Vim tias txhua phiaj neeg nyiam kom muaj ntiab teb lub cuab tam ntau kom tau noj qab pw sov. Ces lawv ua raws linyiaj txiag qhia, ces yeej muaj kev yuam kev mus kom tsis haum li QaumNtuj kev ncaj ncee.
Sab ua Nom ua Tswv mas lawv zoo li tus tsov daj, hos sab ua tuam Los pav lawv zoo li tus tsov dub. Ob pab puav leej yog tsov noj nqaij tib yam. Cov tsov daj no nyob tsis ntev ib sij sawv ib pab los tuav hwj chim. Hos pab tsov dub no yog leej twg peem tsheej ua tsov tau lawm mas nws nyob kav ntau tiam nom Tsw. Nws ua rau cov NomTswv no kom lawv ua Nom tsis ncaj ncees, vim lawv swb tus peev ntawm cuab tam loj thiab ntau ntawd.
Ib tug tub muaj txuj puv plab mas yog nws khiav mus raws cov tuam Los Pav. Yog nws siab dawb mas nws raws tsis cuag cov Tuam Los Pav ntawd li. Tus Los Pav saib dawb yog nws muaj nyiaj li 1. Los 2/5 ntawm lub teb chaws lawm mas nws coj tau cov nom Tswv ua ncaj ncees rau tsoom pej xeem tau. Sawv daws yuav swb tus Los Pav ntawd tau.
Tus neeg nplua nuj ua Tuam Los Pav no nws yuav tsum yog ntseeg txoj kev tseem ceeb nqes saum ntuj los , kom nws muaj Qaum Ntuj lub tswv Yim lub zog thiab lub peev xwm,mas nws thiaj tsis plam taw ntog mus.
Hos yog tus neeg nplua nuj no nws tsis muaj kev ntseeg nqes nruab ntug los mas nws yuav kaw txhua txoj kev kom cov neeg pluag tawm tsis tau ntawm kev pluag mus ib zaug li.
Cov me nyuam neeg thoob tsib, thiab cov me nyuam Los Pav ntawd yuav tsum nyob li ntawd kom zwm rau Tus Thawj Tuam Los Pav. Kom sawv daws cov txiaj ntsim poob mus li ½ los 1/3 ua tuam Los pav tug.
Thaum poob los li no lawm mas cov tub txawj ntse muaj Tswv yim los txav tsis yau mus deb ntawm Tus Tuam Los Pav li lawm.
Thaum tej no sawv los lawm mas cov Tuam los Pav ntawd yog nrab neej nrab dab li Hmoob hais. Ua dab tsis los muaj tub qaug dab ntau lawm ces cia txhob ua, mas zoo dua.

4. TAS NRHO NEEG NTIAJ TEB NO RAUG SIB XWS.
Cov neeg txom nyem uas lawv pluag dhau kev cai lawm. Mas lawv kuj tsis nyiam ua neeg zoo lawm. Vim cov thawj neeg quab yuam kom ua luag qhev. Ces ruag li Hmoob lo lus hais tias: Luag tso dab tuaj tom cov neeg txom nyem tsis tseg kom tau mus ua luag qhev ces tsis tau zoo nyob li:
Kev noj kev haus tu ncua, poj niam me nyuam tsis muaj nyiaj siv. Txiv neej ua tub sab, poj niam mus muag cev rau sab hnub poob, me nyuam mus xyaum tho qhov vaj qhov tsev. Lub teeb meem no xeeb muaj neeg phem 70% los ntawm cov Tuam los Pav los.
Txoj kev no kuj yog ib txoj kev uas cov Tuam Los Pav no coj neeg ncaim ntawm kev ua neeg zoo mus ua neeg phem kom dhuav Qaum Ntuj siab.
Kom neeg tau poob mus tiv kev txom nyem nyob rau Dab teb. Kom cov neeg Ntuj xaiv lawm los mus tsis txog lub chaw uas Ntuj npaj rau nyob. Koj tsis ceev faj, koj twb muaj feem xyuam nrog dab phem ua hauj lawm ua ke los thiab koj twb ua dab tus tiam lis los lawm.
Ntiaj teb neeg kev sib ntxub, tsis sib raug zoo, nrog kev lwj siab ntawd ces koj yog ib tug pab tus phem muab nog rau neeg ris. Koj kuj zoo li ib tug tsim ib hom kev ntseeg rau neeg ntiaj teb sib ntxub ua phab ua pheev mus thoob plaws lub qab ntuj no.
Koj zoo li yog tus thaiv neeg ntiaj teb txoj kev ntseeg kom lawv tsis pom qhov zoo. Thiab tsis paub tias Qaum Ntuj siab zoo npaum li cas. Ua rau neeg poob tsis muaj kev tso siab thiab kev ntseeg ncaj ncees uas Qaum Ntuj tau tso los ntawd.

5. SAUM COV TUB UA KOOM HAUM KUJ TIB YAM.
Thaum lawv tsim txoj kev ua Koom haum no, thaum tsim los mas yog tsim los kom tau sib hlub. Tsim tau los nyob lawn hloov ua kev sib ntxub.
Sawv daws tshaj tawm tias yuav ua cuaj pluag sib luag yim pluj sib ntse. Saum lo lus hais tau zoo kawg, Thaum koj coj lub koom Haum lawm mas koj xav kom luag ua rau koj xwb. Koj tsis yeem ua pub rau luag.
Ces nyiaj txiag ntaub ntawv nyob tsis txhij nws txawj ploj li muaj dab zais, tsis raws li lo lus hais tseg. Ua rau muaj xaiv muaj lus, ces cuag li nej tsim ib txoj kev los sib ntxub mus rau tiam tom ntej kom tsis muaj kev sib ntsib nyob rau Ntuj ceej tsheej xwb.
Kom sawv daws paub tIas muaj txhua yam phem thiab zoo nyob ua ke li no, mas puav leej yog tus phem ua neej khiav raws nraim neeg ntiaj teb no.
Nyob hauv phiaj neeg twg los yeej muaj neeg phem neeg zoo sib npaug zos. Nyias yuav ua neeg xyuam xim, kom nyias txawj xaiv nyias txoj kev ua qhov tseeb. Tas nrho txhua npoj neeg yog muab teev los luj mas yeej tsis tshua rov tog twg li. nws yuav hnyav sib npaug.


Yaj Zoov Ntxheb Xib Hwb.

Muaj tej tus neeg lub siab ua ywj fab ywj fwj,kev ntseeg, tsis yog kev tuaj sim Tswv Ntuj. Kev sim Tswv Ntuj ces yog ib txoj kev ntxhov siab mus tsis txawj kawg li. Kuv thiaj sau ib zaj me me li no, Pab tso siab:
Thaum koj ntseeg Ntuj lawm mas, koj cia li tso siab rau Tswv Ntuj lub peev xwm. Ces koj coj nraim li lub Koom Txoos qhia rau koj.
Koj nquag teev Ntuj kom koj paub nrog Tswv Ntuj tham nyob hauv cov zaj teev Ntuj.
Koj tsis txhob tuaj lees lub npe tias nrauj dab xwb, tsis ntseeg lub Moo Zoo. Ces koj ke ntseeg ke sim Tswv Ntuj saib Ntuj puas pab koj zoo tshaj li qub.
Koj thov Ntuj thaum twg mas tseev kom Ntuj teb rau koj, ua kom koj pom xyeem ntawm qhov muag. Yog koj xav sim Tswv Ntuj li ntawd, mas Ntuj yuav cia koj sim ntev, mus tas koj sim neej.
Cov ntseeg twb muaj cov tau sim Tswv Ntuj cov tub txib los lawm thiab.Yam li koj hu Xib hwb los Txiv Plig mus thov Ntuj. Rau neeg mob los yam ub yam no. Koj pom tias, Tswv Ntuj twb tsis teb rau Xib hwb thiab Txiv Plig ces koj cia li mus fiv yeem dab kom dab pab.
Tej thaum zoo li no, mas Tswv Ntuj kuj kheev kom dab sim koj thiab. Kawg muaj tib yam uas koj ib nyuag zoo siab me ntsis ces koj mloog zoo li zoo zog tuaj lawm xwb.
Thaum koj Tab tom sim yam ub yam no, mas Xas Tas cov dab txawj los nyob hauv ua tej yam kom koj ntseeg tsis tau thaib. Nws txawj ua tej yam kom koj xav tias yog Dab pab lawm. Tab sis koj yuav cawm tsis tau cov dab ntawd li thiab. Tib tug dab qub ntawd txawj hloov ua lwm hom dab tshiab tuaj muab koj tseev.
Hnub twg yog koj plam mus kiag lawm mas dab haj yam siv ntau yam los thaiv kom koj tsis tau rov ntsib Tswv Ntuj dua lawm. Thaum koj mloog tau Dab lus lawm mas Dab kuj yuav tsa koj ua dab ib tug thawj neeg kom koj paub ua saub me ntsis thiab. Hom lus Dab muab rau koj hais , yog ib hom qub lus uas tej pog tej yawg hais kam los lawm. Tsis muaj kev mus tshwm qhov twg li, qhov kawg yog ib txoj kev ua npau suav ces rov mus xaus rau ib zaj npau suav tsis tseeb ces tas li ntawd.
Xam puag thaum Ntuj tsim teb raug los mas cov lus dab qhia neeg hais, mas tsis muaj ib yam tshiab li. Tej yam tshiab uas Dab qhia hais mas muaj nyob txog lub caij teem tseg tas tsis muaj dab tsis ces tas mus lawm.
Zoo li txij xyoo 2000 los rau niaj hnub no, Dab twb qhia ntau leej hais tej yam tshiab tias Ntuj yuav tas teb yuav kawg. Cov lus ntawd kav ib xyoos los ob peb hlis xwb, zoo pab cov tuam los pav khwv nyiaj kom tsam peev me ntsis tuaj thiab.
Xas Tas cov dab kuj nyiam qhia rau sab kom ua neeg muaj teb muaj chaw nrog Mab Sua nyob. Hmoob kuj xav kom pom ib tug Huab Tais Hmoob sawv tsees los kom ntsej luaj ntxuam, muag luaj khob. Caj ntswm luaj qws tuav txob thiab.
Xas Tas cov dab mas lawv tsis ruam. Neeg khiav txog twg lawv khiav kom yeej neeg yaj ceeb no, kom ua ntej zog neeg me ntsis thiab. Puav leej yog khiav tuaj thoov kev rau neeg Yaj ceeb mus kom txhob tau ntsib Tswv Ntuj nkaus xwb.
Leej twg ib nyuag tau nce ua thawj neeg xwb mas Xas Tas cov dab muaj kev sab laj nrov yaug thiab od.
Xas Tas cov Dab no mas lawv nyiam nrog cov niam txiv ua txij nkawm no siv tom txwv los hais lus kawg nkaus li thiab:
Dab tsom thaum ob tug txij nkawm no, ib tug muaj kev maj rawm ceev los sis lub caij ib tug muaj ntsis tub nkeeg,ces siv tus tod txib kiag tsis tshua pub tau kev so. Los hais tej los lus tsis tshua zoo mloog ua kom ib tug ntawd muaj kev npau taws.
Ces nkawd sib teb cov lus tuaj tsis sib raug ua rau muaj kev sib chim ib leeg tsis xav hais lus rau leeg li tsheej hnub tsis sib tham. Los chim tsheej hmo, pw tsis kam vov pam ua ke tsheej hmo thiab.
Tseem coj kom nkawd muaj tswv yim ntau dua tuaj, ib leeg txawj sawv mus pw tig taub hau rau nram taw txaj, nyias pw nyias lem cees ua yam niag tsis zoo saib hlo li thiab, los txiv pw saum txaj, niam pwv hauv qab txag.
Dab muab koj ua txhua yam li no,yog Dab xav ua dab tsi tiag. Ua los kom neeg tu siab npau taws ces ua kev txhaum kom Ntuj ntxub ces Ntuj tsis xav ntsia neeg xwb. Kom neeg plam mus deb ntawm Tswv Ntuj nkaus xwb li.

Yaj Zoov Ntxheb Xib Hwb.

Hnub no peb nco txog thiab hwm cov Leej Niam. Cov Leej Niam no lawv muaj cov lub txiaj ntsim loj rau Leej Tib Neeg ntiaj teb:
1. Tas tsoom poj niam, lawv muaj lub txiaj ntsim nrog Tswv Ntuj tsim tib neeg, kom huam vam mus nyob puv ntiaj teb.
2. Lawv muaj lub txiaj ntsim nrog txiv neej tsa cuab tsa yim,kom muaj tsheej ib tse neeg. Muaj kev sib hlub kom tom thawj.
3. Ib tug poj niam yog nws hwm nws tus kheej, mas nws zoo cuag li ib lub pov haum tsim txiaj muaj nuj nqes loj.
Nws roos tas nrho tsev neeg thiab lub cuab xeem txheeb ze sab hauv thiab sab nraud tib si.
Lub txiaj ntsim tsim txiaj no yuav saib lawv zoo li cas?
1. Leej txiv thiab cov tub ki yuav hwm cov niam zoo li, Lawv yog Qaum Ntuj ib tug ntxhais txib. los tim noob neej, thiab pov hwm tub ki vam mus meej mus puv lub qab ntuj khwb no.
2. Yuav ntseeg thiab tso siab rau lawv tus zoo niam tsev ntawd, hwm nws txoj kev khwv thiab kev khuv leej uas nws muaj txhais tes nquag.
Vim lub cuab yim neeg, yog tus zoo niam tsev ua tus nres thiab Pov hwm lub cuab yim kom khov....
Vim li cas ho hais li no:
1. Sawv daws yuav tsum paub tias, Tus ntsuj poj niam thiab tus ntsuj txiv neej. Nyob ntawm Qaum Ntuj sab mas ob leeg muaj hwj chim sib npaug!
2. Nqes los rau Leej Tib neeg sab, mas sib txawv me ntsis,poj niam ntse dua txiv neej! Tus txiv neej mas nws muaj zog thiab muaj hwj chim dua.
Yog thaum txiv neej qw los nthe thiab siv lub zog tawm los, mas txiv neej tswv yim yuav tas, Nws tso hwj chim tuaj kom poj niam ntshai. Vim nws tswv yim ze qhov yuav kawg lawm...
3. Hais rau tsoom zoo Niam tsev, yuav tau rub lub siab ntev me ntsis los hwm tsoom txiv tsev thiab. Txhob lam hem cov ua txiv tsev, Leej twg hem ces nws yuav tau ib tug txiv tsev ruam ruan.
Yog tsis ntseeg sim hem saib, ntshai nej yuav pom ib tug txiv tsev khiav mus phoom pob ntoos tuag, los mus dhia dej tuag xwb....
Ceev faj kom lwm tiam txhob tau mus hais plaub nyob rau dab teb.
Hnub no yog ib hnub zoo uas peb yuav cav lus zoo txog cov zoo niam tsev. Lawv lub txiaj ntsim, ua ib tug zoo Niam rau tsev neeg.

Tim 8/5/2016.


Yaj Zoov Ntxheb Xib Hwb.

Hnub no peb nco txog thiab hwm cov Leej Txiv hnub. Cov Leej txiv, lawv muaj ib lub txiaj ntsim nrog lub meej mom hwj chim loj.
rau kev pov hwm ib yim neeg, xws li Hmoob kev tso siab rau tus Xwm Kab. Pov hwm vaj tse kom tej dab qus txhob los txeem vaj txeem tse.
Leej txiv lub txiaj ntsim, pov hwm poj tub se, kom nyob ua neeg tsim txiaj, kom luag saib taus. Tus Leej txiv no,tab txawm nws yog ib tug neeg ruam nyob txheej qis, tsis nrog luag ua thawj neeg li.
Los Qaum Ntuj yeej pab saib xyuas nws, thiab muab lub hwj chim ua ib leej txiv zoo rau nws. Kom neeg saib taus thiab tsis muaj cuab kav ua phem rau nws tsev neeg, txawm yog tias,tsis ntshai neeg,los luag yuav ntshai tsam Ntuj pom ces muaj kev khaum.
Kev khaum kuj yog ib yam loj thiab muaj kev ntshai ntau yam:
a. Ntshai tias yog tsis muaj kev khaum ces nws tau zoo ua.
b. Ntshai tsam yog muaj kev khaum tiag ne! koj yuav raug txim ntau yam:
-> Lub txim ntawm kev khaum, yuav poob los rau koj tej noob ntshav, ces koj yuav tau ris ib txoj kev khaum zoo li tus neeg ruam ntawd nyob hauv koj lub neej mus li....
->Los koj yuav raug khaum tiam tom ntej, mus nyob txim ua neeg ruam rau dab saib tsis taus koj. Dab sau vij sub vij sw los rau koj ris, ces koj yuav pom kev txom nyem ua neej sib puag nyob mus tas tiam li.
Hais qhov tseeb,yog ib tug Leej Txiv lawm Ntuj yeej pov hwm nws,vim nws yog tus nyob ze,thiab sawv Qaum Ntuj chaw pov hwm ib lub cuab yim neeg kom tsim txiaj.
Ib tug Leej Txiv mas, txawm yog neeg tsis thoob tsib los, Ntuj yeej pub ib co noob ntshav rau nws, kom tej tub ki tau ua neeg thoob tsib, xws li nom tej tub txawj tub ntse ib yam nkaus.
Ua li mas Leej Txiv lub meej mom, mas tsim nyog muab los hwm rau saum lub sim xeeb kom tsim nyog nyob raws li neeg txheej siab.
Vim tias muaj tej yam zoo tuaj saum ntuj tuaj rau nws,yog lub txiaj ntsim hwj chim,roos thiab pov hwm lub cuab yim thiab tsoom txheeb ze nyob koom nrog Tswv Ntuj lub txiaj ntsim.
Kev pov hwm cov Leej txiv lub meej mom, mas yog cov Leej Niam yuav xub ua tus ntaus thawj,ua tus nyiam thiab hlub los qhuas txog Leej Txiv ua ntej. kom muaj zoo ib tug qauv zoo rau tej tub ki muaj kev sib yoog txuas mus.
Ces tiam neeg twg los cov Leej txiv yuav muaj koob meej nto moo luag mus li.
Ib yam ntxiv mas, kom sawv paub tias,tas txhua tus Leej txiv mas, lawv nyiam kev qhuas thiab hwm lawv ua neeg muaj meej mom hwj chim zoo.
Yog leej twg xav kom tau ib tug Leej Txiv, thoob tsib rau teb chaws qhuas, mas yus yuav qhuas nws tus Leej Txiv ua ntej. Thaum ib tug Leej txiv raug luag qhuas lawm, ces tus Leej Txiv ntawd,yuav muaj peev xwm thiab ntse zog tuaj.
Nws thiaj ua tau luag li thawj neeg, thiab thiaj rov muaj tus txuj thoob tsib los puv cev. Tej hais no, yog leej twg tsis ntseeg mas cia nws thuam nws Leej txiv ces nws yuav tau ib leej txiv ruam pab tsis tau nws thiab tsoom txheeb ze leej twg mus ntxiv.
Tseem muaj ib yam ntxiv,tus Leej txiv no mas nws muaj zog thiab muaj hwj chim xwb, muab los sib piv mas,tus Leej niam ntse dua!
Qhov kuv hais no,xyov puas muaj tseeb,yog tias yuav sib hem mas cov Leej niam lub peev xwm loj dua cov Leej Txiv. Ib tug Leej niam hem mas tus Leej txiv kawg khiav mus dawm pob ntoo tuag.
Hos yog ib tug Leej txiv hem tus Leej niam,mas tus Leej niam kawm tau txuj zoo los ua laj kab thaiv kev xwb. Tab sis kev sib hem yog ib txoj kev tsis zoo kiag li,yuav muaj kev khaum nyob tom hauv ntej. Thaum zoo li luag hais, cwj ntas ob tog plam mas txaus tu siab.
Muaj ib yam mas kuv xav hais rau sawv daws paub tias, txiv neej muaj hwj chim thiab muaj zog xwb. Thaum txiv neej nthe nrov thiab xav siv lub zog tawm tuaj,mas nws tswv yim yuav tas sai thaum ntawd.
Txoj kev cawm kom muaj ib tug zoo Leej txiv ntawd,mas thawj hauv tshuaj yog siv kev qhuas kev hlub thiab saib nws ua tus thawj ces koj cawm tau nws lawm.
Tus ua li no mas nws yuav muaj ib tug Leej Txiv thoob tsib thiab ntse, nws yuav ua ib tug neeg paub tab,nws thiaj yuav nco ntsoov zaum nws lub rooj ua ib tug Leej txiv zoo.
Nws tsis kam mus zaum cov rooj ua plees ua yi, ces nws yog tus Leej Txiv tsheej kiab. Zoo rau neeg ntiaj tog qaum pes sawv daws hwm, kom nyob muaj meej nto moo lug tias, neeg siab dawb.


Yaj Zoov Ntxheb Xib Hwb.

Nyob Mis kuj teb, ntiaj teb hais thiab txhais tias, yog teb chaws vam meej. Kev vam meej thiab kev poob qab mus sib nrug deb heev!
Kev tseeb thiab kev cuav muaj sib npaug, koj tsis ceeb faj xav tswv yim kom zoo mas koj twv los txhais tsis tau.
Lub teb chaws muaj kev vaj huam sib luag, mas txhua fab, ntawm kev tseeb thiab kev cuav vam meej mus ua ke. Cuag li kev sib tw tso nees khiav los tso nyuaj sib nrau cuam rau neeg saib.
Yuav piav cov kev vam meej no, Kev vam meej muaj ntau yam vam meej:
1. Neeg vam meej, kev kawm txuj,kev nyob, kev noj kev haus, kev mus thiab los kev ua hauj lwm, txhua yam twb yog vam meej kawg.
-Qhov kev vam meej no tsuas yog vam meej li neeg xav, neeg pom los saum kev mus kev los, los kev noj kev haus thiab kev kawm txuj ci xwb ua zoo li Vam Meej.
2. Nyob hauv neeg nruab siab, mas yam cuav muaj ntau dua yam tseeb, uas lo lus hais tawm los ntawd.
Neeg sawv daws pom tsis sib xws:
Yog koj tsis txawj nyeem mas zoo li kev vam meej mus deb kawg li lawm!
Hos muaj ib tug nws txawj nyeem mas sab poob qab mas nyob deb heev nws mam caum cuag los raws tau sab Vam meej.
3.Yog muab ntaus nqi ua kev vam meej mas tas txhua fab vam meej tas tib si:
Kev vam meej muaj kev kawm txuj ci, cov xav kawm mas tau kev kawm mus nto tsis. Cov tsis xav kawm los kev dag coj lawv mus poob qab ti nkaus qhov qis tshaj plaws li thiab.
4. Cov neeg muaj siab muaj ntsws nyiam ua neeg zoo, kawm txuj tau siab. Ua hauj lwm tau zoo, lawv muaj zoo koob meej, kev cav lus zoo txog. Thiab muaj zoo vaj tse nrog luag nyob, ua neej kaj siab lug.
Hos Cov nyiam ua tib neeg dag kawm txuj tsis paub tiav li thiab. Niam txiv yug lawv hlob los niam txiv tseem yuav tau yug lawv kom laus mus thiab.
5.Tej txij nkawm txawj txawj paub kev muaj Vaj Huam Sib luag li. Txiv neej poj niam ua phooj ywg sib nphoo ntxuas, yav thaud txiv neej ua phooj ywg rau txiv neej, hos poj niam ua rau poj niam xwb. Nyem no txiv neej phooj ywg yog poj niam, Hos poj niam phooj ywg yog txiv neej.
Tej kev coj li no mas tej laus hu ua kev nkauj kev nraug no xwb.
Tus txiv neej muaj poj niam, los tus poj niam muaj txiv lawd, ua phooj ywg nrog koj tus txiv thiaj ua tau. Kev phooj yog tsis muaj kev ua nkauj nrug nyob hauv.
Ib tug poj niam hais tias nws tus phooj ywg, mas yuav tsum yog ib tug poj niam zoo li nws thiab thiaj yog.
Hos yog nws tus nkauj nraug xwb mas hais tsis tau tias, phooj ywg, los kuv tus hlub. Tus hlub mas twb ua txij nkawm muaj tshoob kos tas lawm mas thiaj hu tau ua kuv tus hlub no!
6.Cov lus tau hais los saum no neeg hais tias yog kev vam meej no!
Tus xav tau li no ces nws twb vam meej thaub qab lawm. Hom neeg vam meej mus seem no, ces lawv ua neej tsis kawg ntsis, ua neej txog nta xwb, muaj xaiv muaj lus lus, ces niam xav hloov nraug hlub, hos txiv kuj xav hloov dua nkauj nco xwb. Ua rau tej tub ki ua neeg poob tsim.
Lawv vam meej cov nkauj nrab nraug nrab, nyob tsis haum kwv haum tij, tsis haum neej haum tsav. Lawv tej tsev vam meej nyob nram qab choj. Lawv kev nplua nuj yog thov khawv tom kev tshuam los ua tshais ua hmo.
7. Cov neeg sib yuav tsis kav laus no, lawv txoj kev vam meej tsis muaj qab hlua khi tseg. Tus txiv neej los poj niam ua nkauj feb nraug fav dim dua lawm mas tsawg leej lub neej thiaj rov zoo.
Feem coob mas lawv kev vam meej mus xaus rau cov kua muag poob nyob puag nram ntsis ntiv taw xoo nce los mus nto qhov muag quaj kua muag poob tas mas thiaj mas tau zoo.
Tej tub ki thiab kwv tij muab lawv tso mus ua dab tu caj tua ces. Tsis muaj neeg kam tsob zeem los ua lawv dab lawv qhua.
8. Sab siab ntsws, mas vam meej kawg li hais ntawd thiab. Kev khav theeb ua neeg muab hlob hais lus loj loj cuag li ntuj yog nws kav. Neeg ruam mus tsab ntse, nws kev vam meej yog kev dag. Ua neeg ncauj qab zib nplaig qab ntse, saib puas tau noj tau qhe nkaus xwb, tsis muaj ib yam tseem ceeb hlo li.
9. Sab kev ntseeg mas vam meej mus deb heev li lawm thiab lauj:
Cov neeg ntseeg txog Yes Xus lub Moo zoo, muaj Lub Koom Txoos Ka Tau Liv ua thawj pab. Dhau li ntawd mas muaj 120 txoj kev ntseeg. {120 txoj.= txhais tias muaj ntau heev.} Muaj ntau pab pawg neeg ntseeg muaj Yes Xus lub Moo Zoo , tab sis puas muaj Tswv Ntuj nyob hauv kuj tsis paub.
Kuj muaj tej pab pawg Muaj Tswv Ntuj lub npe nyob hauv. Tab sis tsis muaj Tswv Ntuj cov lus nyob hauv li.
Cov no mas lawv hais tias yog Hmoo tus. Tus muaj peb leeg Huab Tais thiab muaj cov ntawv ntshiab no mas yog Mab Sua li.
Cov Xib Hwb ua thawj coj zeej tsoom lawv tham lawv tej lus mas cuag li tau mus kawm saum ntuj los xwb.
10. Haiv Hmoob yog haiv paub ntau tus Tswv Ntuj tseem ceeb tshaj li Masb Sua lawm.
Hmoob cov Tswv Ntuj muaj, xoob npaum li no:
a. Muaj Yawm Ntxwg, Yawm Xob, Yawm Zaj Laug lawv siab koom ua ke, Yog ib tug Tswv.
b. Txwv koob los ntawm Hmoob caj Hmoob ces qhia los. Kom muaj tev chaws rau Hmoob nyob.
c. Muaj Siv Yis uas ib txwm yog Hmoob tus thaum ntuj tsim teb raug los.
D, Muaj niam nkauj Ntsuab txiv nraug Nab, uas tus niam Hmoob nyob Thaib teb twb mus rub tau los ua Hmoob tus sawv los nyob rau qhov tsua ua los thawj ua neeg Thaib tau ntau pua xyoo los lawd, Yog Luaam Phoj thiab Luaam Mej nkawd.
11. Sab kev ntseeg twb vam meej mus txog tej no ta tib si lawm. Yog koj yuav mus kawm zaj no mas tshais tsam koj kawm tsis tiav xwb. Saib mas zoo li ib pab ntsaum khiav sib npaug zos. Cov khia nce toj los muaj thiab cov khiav nqes hav los muaj xyov yog yuav mus ua dab tsis li lauj!
Sawv daws yuav tau khiav li no mus txog thaum lub ntuj tsaus lawm tsis pom qab khiav ces mam so.
Zaj lus no Kuv xav tau ces kuv sau rau cov xav kawm kev vam meej, sib kawm kom paub ntsuam kev vam meej, nyob nruab siab, kev vam meej yog vam meej zoo li cas tiag thiaj hais tau ua yam tseeb rau ib lub teb chaws paub.
Neeg vam meej thiab ntiaj teb kev nyob, kev noj kev haus vam meej sib txawj.
12. Nyob Mis kuj teb,yog ntiaj teb kev vam meej yog qhov loj. Hos neeg vam meej muaj tab sis tsis yog tas sawv daws neeg vam meej. Muaj ib feem vam meej tsuas yog cov tub txawg tub ntse xwb thiaj nyob haum qib lus vam meej no.
Tsoom pej xeem txij thaum muaj Mis kuj teb los, muaj neeg nyob tshaj 200 xyoo txij li thaum lawv tej pog tej yawg mus nyob Mis Kuj teb txog tav no.lawv tej xeeb ntxwv coob leej nyob Califonia twb mus tsis tau txog New yok thiab Chicago.
Peb Haiv Hmoob kuj tau mus txhua, tab sis tej qub txeeg qub teg thaud tej laus tsim tseg mas hmoob ntaus nqi tias yog Hmoob niam nkauj Ntsuab thiab txiv Nraug Nab tuaj tsim puag thaum ub los lawm thiab. Neeg feem coob tsis tau paub neeg kev vam meej li.
13. Hnub uas suav tau tias neeg muaj kev vam meej mas yog thaum neeg txawj xav tias kev sib ntxub tsis muaj qab hau lawm tso pov tseg, txhob ua xaiv lus thiab plaub ntug mas neeg thiaj yog vam meej lawm.
Neeg kev vam meej mas sawv daws tsis ntshaw nyiaj txiag lawm muaj sib npaug koj ceev los yog peb sawv daws nyiaj, nws ceev los yog sawv daws li nyiaj. Ib tug neeg mus thoob lub qab ntuj no. Nws tsis ceev $1,oo los 1,00 euro ntawm duav li mas neeg mam li yog neeg Vam meej tseeb. Nws mus txog twg luag txais nws li yog ib ts neeg xwb.
Thiab tsis saib kev khib los kev cib nyeej txog leej twg li. Nws tsuas saib tias neeg yog Ntuj li txiaj ntsim muaj nuj nqes loj, leej twg los yog neeg pov haum tsim txiaj tshaj nyiaj kub los kob pob zeb txhua yam tib si lawm, mam hu ua neeg vam meej tau.


Yaj Zoov Ntxheb Xib Hwb.

Zaj lus no tsis hais tshoob nkauj pom nraug qab, nraug pom nkauj lw li, puav leej siv tau tas nrho los hais ua paj tshab pub rau cov Nkauj Nyab thiab Nraug Vauv tau.
Tab yog cov tau ua dua nkauj feb thiab nraug fav, uas luag hu ua nkauj dim nraug tso lawvd los siv tau tib si. Vim tias yog ib hauv tshuaj rov cawm txoj sia thiab tus ntsuj plig kom rov muaj zog ua lub neej zoo xws li Qaum Ntuj tej me nyuam sawv daws xwb.
Los tshoob niam txais tog txiv txais nta los kuj zoo rau lawv. Lub neej tom qab, uas lug hu ua lub neej pem suab dhau los lawd, qhov phemlos lawd,muab xam hais tias yog lawv kev kawm ib zaug los lawm xwb.
Vim tias lawv mus tsis txog dej dag ces siab tsis nqig. Nyiam no lawv pom dej dag tas, ces lawv tau kawm tiav lawm.
Txoj kev nyob ua txij ua nkawm ntawd, yog sab neeg nrog Qaum Ntuj tsim noob neej rau ntiaj teb no. Coj noob neej nyob huam vam thoob lub qab ntuj khwb. Yog ib yam loj thiab muaj nqes heev. Koj yuav paub tias, nws tsis yog kev ua si. Thiaj yuav kom tej me nyuam ua neej nyob muaj niam muaj txi. Thiaj tsis muaj lo lus hais tias av luaj tawg pleb tawm los no. Me nyuam thiaj muaj hwj chim thiab tsim txiaj. Vim tias Neg nrog Ntuj tsim noob neej tiag, Me nyuam tus ntsuj Plig yog Ntuj ua kom nws xeeb los, hos me nyuam tus ntsuj roj ntsuj ntshav hauv neeg lub cev yog neb ua kom xeeb los. ces thiaj tsheej ib tug tib neeg zoo li leej niam thiab leej txiv.
Txij hnub neb muaj tub muaj ki lawm, mas neb tau koom siab nrog Qaum Ntuj,tsi neeg nyob ntiaj teb no. Neg yuav cob kom tub ki hlob nyob hauv txoj kev thoob tsib, ua neeg paub tab paub cai, txawj hwm ntuj thiab hwm neeg ua ke. Txhob mus xyaum kev dag rau lub ntuj lub teb. Vim ntiaj teb neeg, sawv daws koom tib leej Txiv yog Tswv Ntuj, tus kheev kom neeg nrog Ntuj tsim noob neej los nyob ntiaj teb no. Lo lus qhia kom neeg ntiaj teb muab Qaum Ntuj hu ua Txiv no. yog Yes Xus qhia kom txhua haiv neeg thiab txhua tus hu Tswv Ntuj li ntawd.
Peb tej pog yawg lawv twb hu ntxov ntxo, los lawm, yam li lawv hu ua Ntuj niam Ntuj txi no los lawm ntxov heev lawm.
Txoj kev muab siab rau tu tub ki,thiab kev sib hlub sib nyiam, sib hwm no kuj yog txoj kev mloog Ntuj lus.
Peb neeg ntiaj teb yuav tsum ua li no, vim Noob Neej txhua tus yog Qaum Ntuj li txiaj ntsim. Txhob saib tis neeg tsis muaj nqes. Txua tus neeg yeej muaj nqes rau koj tas nrho.
Cov poj niam lawv muaj nqes ua koj tus hlub. ua koj nkauj koj muam. los ua niam, ua phauj thiab koj pog. Hos cov txiv neej nws zoo ua koj txiv, koj yawg, koj kwv koj tig, koj phooj koj ywg rau koj tub koj ki, thiab xeeb ntxwv.
Lawv puav leej muaj yam zoo rau koj tib si, tus koj tsis saib nws li, muaj ib zaug nws yuav txais koj nrog nws noj ib pluas mov tuav koj txoj sia lub caij kom raug kev tshaib kev nqhis,kom tau nyob ua neej ntxiv mus ib vuag thiab.
Tus koj tsi xav txog li muaj ib zaug tub sab yuav tua koj los tsov yuav tom koj los koj yuav poob deg nws tuaj ua koj luag nrog koj mus ib ncua kev kom tsov tom tsis tau koj los tub sab tsis zoo tua koj.
Tsis muaj neeg paub koj, los luag muaj coob muaj ntau nyob ze koj, ces koj cov yeeb ncuab xav tias yog koj kwv toj tig muaj coob nyob nrog koj, ces tub sab los dab tso khia nrug deb ntawm koj. ces cuag li koj muaj hmoo, muaj tus cawm seej nrog koj nyob.
Dhau tej no los lawm mas, neb los koj yuav muaj koob meej muaj hwj chim loj, los ntawm koj kev cob qhia tub ki kom tsim txiaj. Txawj nyob txawj mus ua luag li thawj neeg coj luag kev ua neej,kom xyaum ua neeg zoo. Kom raug rau Ntuj nyiam thiab rau neeg qhuas.
Ces tej me nyuam txawj ua neeg thoob tsib muaj zoo tswv yim, nyob nrog kev kaj siab ces, tsis muaj xaiv muaj lus. yej kev mob kev nkeeg. Ua neeg muaj txoj sia nyob ntev dhawv.
Yog Neb xav kom tej hais no poob los rau saum neb thiab tej tub ki, mas yuav tsis txhob nco txog kev sib nrauj. Kev sib ntauj yuav txi lub txiv zoo li no:
Koj yuav txaj muaj ntuas tub ki kom tsim txiaj, vim koj tsis tsis muaj ib sab tes los ib sab taw. koj sawv tsis ntseg. koj txawj hais los tsis paub ua. Vim koj yog Nkauj feb los txiv Fav, los nkauj dim nraug tso koj yuav tsis muaj peev xwm ntuas thiab cob qhia kom lawv ua zoo tub zoo ntxhais.
Cov nyob ua ntsuag niam ntsuag txiv thiab ua ntsuag txij ntsuag nkawm mas lawv tseem muaj peev xwm loj li qub tsis muaj teeb meem hais txog keb qhuab tub qhuab ntxais.
Kev qhia tub ntxhais mas yuav tau ceev faj, nco txog tej laus ib txwm cob qhia los thiab. Txhob siv zaj tswv yim uas thaud tej laus tau siv los lawd, uas cais nraug rau nkauj nco, thiab ciav nkauj rau nraug hlub, ces ua neej tsis nto ntsi ntawd.
Yog koj qhuab tub ntxhais koj yuav qhia tsis mloog qhuab tsis rov, vim koj ua neeg hlab pluam hlua tu tsis muaj zoo kev ua txij ua nkawm nyob tsis ruaj rau lub xeem los caj ces.
Tsis paub tsam tej me nyuam nqa ntaub ua Nom ntawv ua tswv puag nruab ntug los, los lawv tu tu siab tsis xav ua luag tus tawj neeg. vim Neb kev sib nrauj muab tej tub ki hwj chim koob meej txo poob tag lawm.
Nco ntsoov nej tej tub ntxhais no lawv yeej muaj ntawv ua thawj neeg, ua Yaj Saub, los ua Nom ua Tswv nqa pem Ntuj los. Yog neb yuav pab kom lawv ua neeg tsim nyog muab ntawv Nom, ntawv Tswv, ntawv ua Yaj Saub ntawv ua thawj neeg los nthuav rau ntiaj teb pom.
Raws li niam txiv kev nrog Qaum Ntuj tsim noob neej los, ua ke sib law sib liag los .


Yaj Zoov Ntxheb Xib Hwb.

Zaj lus no mas zoo muab los ua piv txwv txog ntau yam kev sib hwm thaum ua neej nyob. Thiab luag hais ntxiv tias yog koj mus yuav Mab Sua, ces koj pluag tas koj tiam mus li.
1. Kev caiv plawv luag tsuas hais txij li lub Xeem Hmoob Yaj xwb:
Lub xeem no noj tsis tau lub plawv, vim muaj keeb sib ceg sib tsawg los lawm. Vim tias lawv tau muab lub plawv neeg los xyaw lub plawv tsiaj lawm, ces noj thiaj li yuav dig muag. Tej laus lam muab qhov dig muas los hais. Qhov tseeb mas dig ntau yam loj ib yam li dig muag.
a. Thaum koj raug khaum lawd ces, dig muag, lag ntseg, ceg tawv, lov hlaub lov ceg, ua neeg ruam,tsis muaj tswv yim, tsis paub qhov siab qhov qis. hais lus tsuav puv ncauj xwb tsis paub tias hais lus siab luag los ua tub qaug rau luag lawm. Tej yam zoo li no ces yog dig tas nrho tib sis txhua yam li lawm.
b. Lo lus tias koj mus yuav Mab Suas ces koj pluag tas koj tiad, Kev pluag tsis yog koj pluag nyiaj pluag txiaj los pluag kev noj kev haus.
Koj pluag ncauj pluag lus, koj yuav tau ib tug poj Mab los nraug Suav los, mas koj yeej ua neej nplua nuj muaj txiag mad. tab sis niam txiv kwv tij neej tsa nrog tham tsis tau, vim koj tsev neeg tsis paub nws lus, nws tsis paub koj tsev neeg lus. sis txuas lus tsis tau.
Niam txiv tej laus seev tias kuv nqhis yam ub yam no los tsis paub ces pab tsis tau. ces yog pluag lawm. Tej laus seev los tsis paub. piav kev txom nyem los tsis to taub, hais kev tu siab los tsis txawj nplij, tej no ces twb yog kev pluag tas tib si si lawm.
Suav tau tias yog kev dig muag thiab kev pluag tas rho lawm, ces yog kev khaum thiaj raug li ntawd mus ua kom koj cov neeg tau kev txom nyem mus.
2. Peb cov Hmoob tsis hais qhov twg li lawm, Peb nyob ntau lub teb chaws, peb paub ntau hom Mab Sua. ces cov raug ua me nyuam niam thiab txiv ces peb tsis qhia tej kev caiv kom maj mam mus ces zaum no peb yog cov uas xub pib dig muag thiab txais txoj kev pluag mus mus ua ntej lawm.
a. Peb tej kev cob tub ki twb yog yauam kev lawm los peb tseem qhua tias peb tau ua tej yam zoo pub rau tej me nyuam. Yog qhov uas peb tsis kam hais lus hmoob rau peb tej me nyuam. Ces lawv loj hlob los lawv tsis paub hais lus Hmoob. ces tej pog yawg, niam Tais Yawm Txiv hais lus rau lawv tsis paub lawm. Cov me nyuam kuj ntshai tej Nom Tswv lawv txav mus deb tej Nom Tswv. Lawv nyiam nyob xyaw cov neeg tsis tsim txiaj xwb. ces lawv kuj ua neeg dig muag tsis pom sab zoo.
Lawv pom sab phem, zoo li hais lus los ua kom luag ntxub, nrhiav nyiaj txiag kom yooj yim. sib kawm kev tho qhov vaj qhov tsev kom sia li sai tau xwb.
Hos cov mloog lus kawm tau qib siab los tsis paub Hmoob lus pab tsis tau tej niam tej txiv. ua tau hauj lwm rau tom office xwb hais lus hmoob rau cuag li hais rau pob ntoos tsis txawj teb. ces twb yog pluag thiab dig muag lawm.
Xav kom sawv daws tao tau lo lus no:
Tos ho muaj zaj lus hais saum no mas, Hmoob tsis nyiam lo lus hais tias pluag!
Koj txawm pluag npaum li cas los koj yuav khwv kom txaus koj noj. Koj tsis kam mus ua neeg thov khawv noj. Yog tej laus tham txog kev tshaib plab me ntsis mas twb yog lawv raug kev tshaib kev nqhis loj lawm. Koj paub paub koj ces koj mas pab koj xwb lawv yeej tsis thov koj li.


Yaj Zoov Ntxheb Xib Hwb.

Lub sim ceeb no kev ua tsov rog xeeb los lawm, mas ntshai yuav tsis muaj chaw xaus li!
1. Cov tsov rog no twb sib kis puv teb puv chaw li tus kab tus kab mob uas nws tshaw haus neeg ntshav thiab nyiam noj neeg nqaij ntev los lawm.
Txoj kev ua tsov rog no zoo li tus mob zwm rau neeg nruab siab khov heev lawm, thim tsis tau rov li:
a-> Nws xeeb los ntawm cov nom tswv, kav teb chaws, ib lub dhau lub los. Vim cov nom tswv no lawv lub siab ntshaw kom ua neeg muaj hwj chim koob meej loj. Thiab muaj cuab tam ntau. Tsis kam swb leej twg li, nyias xia nyias muaj peev xwm zog loj ces muab los sib khav cuam kom luag ntshai.
b-> Nws kuj xeeb los ntawm kev ntshaw ntiaj teb lub cuab tam loj los ua nws tug. Yam twg muaj nuj nqes ces sawv daws mus sib txeeb yuav los ua nyias tug. ces thiaj ua kom muaj tsov rog.
c-> Kuj sib kis los ntawm cov nom Tswv thiab pej xeem tsis sib hwm sib hlub kom sib luag. nyias saib nyias kwv nyias tij zoo dua luag lwm cuab xeem thiaj muaj kev sib hlub tsis sib luag, ces ua kom muaj tsov rog thiab.
2. Ces mam sib kis zuj zus los rau tib neeg tej kev ua nkauj ua nraug los mus sis ntsib:
a.->Hom tsov rog no, yog xeeb lod ntawm cov txiv neej nyiam ntau tus poj niam, thiab cov poj niam ho nyiam ntau leej txiv neej. Muab nws plooj siab mus nyiam neeg tsis haum li Ntuj kev nyiam kev hlub,nws mus ntxias los nyiag hlub neeg, kom luag ua neej lwj siab yog cov tsov rog tshob cuab xyob txhiaj. Ua rau ob leeg tau sib tua,los sib tua txog li ob peb leeg. Thiab ua rog tub sab uas ib leeg nyas tua leeg pov tseg. Cov plaub ntug no yog cov plaub ntug tej laus hais tias, yog thaum tuag lawd ces yuav tau mus hais nyob rau Dab teb.
b->Yog cov tsov rog ua kom neeg muaj khib, ciaj caub nrog kev cib nyeej thiab npau taws, nyob hauv cuab kwv tij los kev neej kev tsav uas nyob ua pab koom ua pawg.
c->Thaum muaj tej kev khib kev npau taws li no, ces ntiaj teb neeg npaj kev ua tsov rog. Lawv rov ua rau lawv tej kwv tij, ib haiv neeg los ua rau lwm teb chaws uas yog lwm cuab xeem neeg.
d->Lub caij no ces ua li sawv daws tau pom los lawd ntuj thaum ub, uas Mis Kuj los Fuaj Kuj mus xeeb tsov rog txog twg, ces lawv haiv neeg ntawd sib faib ua ob pab rov sib tiv mus li. Thaum swb rog los ces ib haiv neeg nyob tsis tau ua ke nrog kev sib koom siab ntsws.
3. Muaj cov tsov rog kis los ntawm sab cov thawj neeg sib txeeb hwj chim los ua thawj neeg. Sib txeeb hwj chim koob meej los ua Nom ua Tswv, ntshaw muaj cuab tam ntau. ntshaw kom muaj nyiaj kub, los muaj pov haum kob pob zeb, thiab nrog lwm yam.
Hom tsov rog no yog hom tsov rog xeeb muaj nyob ntawm cov teb chaws toob fab kawg thiab toob fab nrab ntawd. Cov teb chaws no muaj xwv txheej ntau yam:
a->Yog cov teb chaws uas lwm teb chaws tuaj tsim tsov rog rau ib lub teb chaws ntawd. Ua rau haiv neeg ntawd tsis muaj kev sib haum xeeb, thaum teb chaws thaj yeeb lawm los tseem muaj neeg khiav ua neeg thoj nam tsis tu ncua mus.
b->Ua rau cov neeg txom nyem ntshaw mus ua luag qhev, lub siab ntsws nyob tsis tiaj tus. ua neeg swb tas puas tsav yam rau cov neeg nplua nuj....
c-> Txoj kev ua tsov rog no coj kev tsis sib hwm los rau tej nom tswv thiab pej xeem, kom nyob tsis sib haum xeeb. Ua rau sawv daws sis txeeb noj sis txeeb haus, tsis txawj kav teb chaws. Lawv kev kav teb chaws coj li nws yog Vaj tub tub sab nyiag pej xeem noj haus txhua yam li. Muab liaj ia teb chaws thiab neeg los sib piv. Zoo li thaud tej laus hais kwv huam tias, ciav nkauj rau Nraug hlub, hos cais Nraug rau Nkauj nco ntag.
4. Sab kev ua nkauj ua nraug, kuj xeeb tau kev ua Tsov rog los thiab. Sab no , mas zoo li thaud tej laus hais tias:
a->Yog ib tug kab mob ruas uas tsis muaj tshuaj kho tau kom zoo li. tus nyiam ua mas nws yuav ris tus kab mob ntawd mus txog caij tuag thiaj tas.
b-> Cov tsov rog xeeb los raws li nws kev ua nkauj ua nraug los mas yog cov tsov rog liam txwv dua lwm hom tib si. Vim tias nws yog hom tsov rog uas muaj kev khaum kev txhaum loj tshaj lwm hom tib si. Cov no Neeg ua tsov rog nrog kwv tij li niam txiv thiab lwm cuab xeem neeg tau tib si mus txhua fab.
c-> Cov no hu ua cov tsov rog tsis huv, vim tus kis tau lawm ces ua rau cuab kwv tij los cuab neej tsa ntawd lawv tsis nyiam nws, muaj kev ntxub nws los puas rau kwv tij los neej tsa tib si thiab,hos nws los koob meej tsis zoo xws li lwm cov lawm.
d-> Cov yuav tsum ceev faj mas yog cov neeg uas nws muaj txig muaj nkawm lawd. Yog tsis ceev faj ces ib sij huam xwb nws tig mus ntsia txog ib tug zoo txiv neej los ib tug zoo poj niam xwb ces,tus dab zoo poj niam los tus dab zoo txiv neej ntawd, cuab ntxiab mag tau ces liam txwv kiag mus li lawm.
5. Leej tib neeg yog tsav zoo tshaj. Yog nws tsis txuag nws ces yuav hloov ua tsav phem tshaj thiab:
a->Neeg yog nws ua zoo lawm mas tsuas tshuav lub koob meej thiab hwj chim nyob mus ntau tiam. Hos nws xaiv txoj kev ua phem mas nws yuav raug neeg yuav ntxub thiab nto koj mus.
b-> Tus tsiaj tuag tseem muaj nqes dua, thaum tsiaj tuag mas neeg mus hlais nqaij los noj,tseem mus tho kaus los txiav kub yuav cia tau saib dab muag kom tau nco txog,hos neeg thaum tuag lawm ces tsis muaj dab tsi zoo yuav li.

Yaj Zoov Ntxheb Xib Hwb.

Tas txhua yam uas cov kws txuj,cov nom tswv thiab cov tuam los Pav hais los. Mas mloog thiab ntsia tas mas yuav rov tig ntsia koj tus kheej thiab.
1. Cov Kws tshuaj hais tias, neeg tuaj ua neej nyob ntiaj teb no. Muaj kev mob nkeeg ntau yam uas yuav kho nyuaj heev, vim los ntawm kev noj kev haus tsis huv los:
Zoo li neeg noj tsis huv, noj nqaij nyoos, liab liab, noj ntsim, noj qab zib ntau dhau. Lub siab lub raum lim tsis tau, muaj roj, ua rau mob thooj siab los ntshav qab zib, ntshav muaj roj ces plawv txhaws, raum tuag.
Vim li cas nyob hauv cov toob xib ua rau neeg noj feem ntau, yog cov Tuam Los Pav muab piam thaj qab zib los ua kom neeg xis, neeg thiaj xav noj, xav haus.
Neeg ntiaj teb no yuav ua li cas cob qhia tau neeg tej tub ki. kom lawv txawj noj txawj haus kom haum li cov kws txuj zaj lus ntawd.
Neeg ntiaj teb sawv daws tsuas xis,yam qab zib qab roj qab ntsev xwb. ib yam qaub, los iab twb yuav muab qab zib los qab ntsev los tim kom noj taus.
2. Hais txog yeeb tshuaj los dej caw no kuj zoo tib yam li thiab. Cawv yog yam ua kom neeg tswv yim tsis zoo, coj tsis tus, ua rau neeg npau taws, hais lus tsis paub kev tub qaug rau leej twg.
Yeeb tshuaj tej no yog yam tsis zoo ua rau neeg puas hlwb. Vim li cas cov tsim tej yam phem los no, puav leej yog cov thawj neeg uas luag hu ua nom los cov Los Pav tsim tawm los xwb. Thiab vim li cas neeg yuav nyiam ua luaj li thiab.
Twb yog cov thawj neeg ua xwb ho txwv nruj tas npaud thiab. Yim txwv luag yim ua ntau, cov raug teeb meem ho yog cov me nyuam neeg ntau xwb thiab. cov nplua nuj puav leej yog cov Tuam Los Pav. kev ncaj ncees nyob qhov twg?
Cov raug txim yog cov me nyuam neeg, mloog lus ua cov Tuam Los Pav qhev. Lawv raug cuab raug kaw los raug ploj tuag txhiab txhiab leej xwb. Thiab vim li cas tej yam no yuav muaj nqes kim ua luaj thiab.
3. Kev ua tub sab kuj yog ib yam tsis zoo, uas Ntuj los tsis nyiam neeg kuj tsis qhuas. Cov thawj neeg kuj tsim tej txoj cai los txwv tsis pub ua tub sab tub nyiag.
Cov nyiam ua tub sab tub nyiag kuj yog cov nom tswv los cov Tuam Los Pav ntau thiab xwb. Kev ua tub sab nplua nuj lawm nyiaj npog qhov muag tas, ho tsis muaj kev txhaum loj. Cov me nyuam tub sab ho tau mus raug txim.
Hmoob hais ib lo lus tias, tsov tsis tom tsov. cov nom thiab cov Tuam los Pav mas lawv tsis raug txim, twb yog lawv tsim los thiab lawv vam txog cov me nyuam neeg pab ua lag luam xwb. Qhov kawg yog lawv raug txim thiab tuag. Cov nom tswv cov tuam los pav lawv muaj txhab nyiaj loj.
4. Kev ua plees ua yi nws kuj yog ib yam phem, uas Ntuj ntxub thiab neeg yeej tsis nyiam. hais txog Ntuj sab mas tseeb, hos neeg sab mas tsuas yog nws tus kheej tsis nyiam kom luag ua nkaus xwb. Tab si nws tus kheej mas nyiam heev li. Tsis paub vim li cas, neeg ntiaj teb ho yuav nyiam tas npaud thiab.
Cov uas lawv muaj nyiaj thiab muaj zog, mas lawv yuam tau cov neeg tsis muaj zog kom tau ua kev plees kev yi txhua tus li. lawv mloog zoo li ua kev plees yi mas yooj yim kawg.
Tab yog cov uas lawv yog luag poj luag sev, los yog luag tub luag roog mas lawv kuj yuam tau los ua kev plees kev yi yooj yim kawg. lawv muab nyiaj los muab lawv lub zog yuam ces lawv coj neeg ua plees ua yi yooj yim heev, thiab tau sai kawg. Sab kev ua plees ua yi no. Neeg cov teb chaws vam meej los tej nom Tswv hais tias:
Yog txiv neej los poj niam sib yeem lawm mas tsis muaj kev txhaum dab tsi li. Lo lus no yog nkawd xav tias, tsis muaj txhaum rau nkawd xwb.
ntawm neeg thiab Ntuj xub ntiag mas yeej yog kev ua txhaum uas tsis hwm Ntuj thiab saib neeg. Ua yam tsis hwm Ntuj lub txiaj ntsim, tsim txiaj ua Ntuj tau tsim neeg los sib nyiam sib hlub.
Yog nyeem cov qib lus saum no tas, mas phim neeg yuav txawj sib hlub. Kom txhob ua txhaum tub qaug rau Ntuj thiab neeg. Vim Ntuj tsim sawv daws los muaj qhov zoo sib npaug zos.
yam li qhov zoo ntawd Ntuj yeej pub kom sawv daws muaj yam zoo txog li ntawm 70% tshuav 30% ntawd yog neeg sawv daws kev kawm kev xyaum ua zoo mus kom mus nto ntsis.
Sawv daws yug los ua neeg rau lub ntiaj teb no, yog tsis hwm tej no kev tsim txiaj ntawm ib tug neeg yuav muaj nyob qhov twg? Yog koj ua ib tug neeg tawm rooj mus los neeg ntshai koj. Hos nyob hauv lub vaj tse los cov tsis muaj zog kuj ntshai koj thiab, yuav ua li cas pab kom neeg sawv daws zoo siab ua neej nyob rau ntiaj teb no.
Yog koj ua neeg tsis thim xav txog tej no yuav muaj dab tsi zoo rau lub ntiaj teb. Neeg muaj nqes tsis cuag li ib tug tsiaj:
Tsiaj tuag, neeg tseem mus hlais nqaij los no, mus tho kaus los yuav,thiab txiav kub los saib, cia ua pov haum. Hos neeg tuag yog tsis tau tsim koob hmoov mas sawv daws nto thiab txav mus deb xwb.
5. Neeg ntiaj teb no hais los mas cov muaj nyiaj yog feem tsawg.Cov ntawd yog cov uas tau noj tsoom neeg tas huv si lawv cov zog los ntawm lawv tej kev iab kev khwv los tas nrho xwb.
Cov nplua nuj no lawv siv tas nrho cov neeg me, neeg txom nyem no, tej koob hmoov uas lawv nqa saum ntuj los tib si lawm. Lawv saib lawv loj ib yam li yog tus Vaj nyob ntiaj teb no.
Lawv cov nyiaj txiag no muab faib rau tsoom neeg ntiaj teb, siv mas tsis muaj neeg txom nyem nyob ntiaj teb no li. nyiaj txiag muab los sau ua tsheej txhab cia,yog leej puav li xwb siv tsis txog.
Los tseem muaj qee lub teb chawd mas lawv tsis pub cov neeg txom nyem tawm tau hauv lawv kev txom nyem no mus li thiab:
Muaj tej tus nyob hauv cov neeg txom nyem ua neeg thoob tsib muaj tswv yim zoo nrhiav tau ib yam txuj muaj nuj nqes, cuag li nws nrhiav tau ib lub qhov nyiaj qhov kub tshiab tshiab los.
Cov thawj neeg, cov nom tswv, cov tuam los Pav hais tias: Koj tsis muaj ntawv ua. Lus Mes Lis Kas hais tias, koj tsis khos lis Fai ua. Ces koj ua tsis tau!
Ib koj yeem muag rau cov nplua nuj ua los, koj yeem mus nyob txim rau qhov koj tsis muaj cai ua. Ces tus neeg nyob hauv pab neeg txom nyem sawv tsis taus los ua neeg nplus nuj li.
Txoj cai zoo li no puas yog nqes saum ntuj los,yog tus neeg txom nyem no nyob zoo li ntaws?
Cov thawj neeg thiab cov tub qhev lawv ua tsis tau phooj ywg nyob nruab siab tawm los.
Lawv ua tau phooj ywg yog cov tub qhev yuav tsum ua kom muaj haum lwm ua kom tau nyiaj los yug siav rau nws tsev neeg nkaus xwb.
Cov Tuam los Pav nrog ua phooj ywg tau rau lawv, vim lawv yuav tsum muaj tub zog nkaus thiab xwb,tsis yog phooj ywg kev sib hlub tawm hauv nruab siab los.
6. Kuv sau cov zaj lus no, mas kuv xav sau rau ntiaj teb neeg sawv daws kom paub tias:
Txhua yam puav leej yog zoo tas tib si. Tsuav yog koj txawj, koj paub siv mus rau sab zoo, kom zoo rau koj thiab zoo rau zeej tsood ces yog yam zoo tas nrho lawm.
Txhob ua zoo rau koj ces phem rau luag xwb. Tej yam zoo li yeeb tshuaj los dej caw ntawd nyob hauv tib si lawm. Kev ua nom ua Tswv ua thawj neeg. Kev noj kev haus, kev haus yeeb haus tshuaj huv si. Nyias yuav paub nyias ntawm nyias tus kheej.
Txhua yam Hmoob hais tias yog qav nom qav tswv. Tsuav yug koj txawj haus ces zoo tib si. Koj txhob cia nws haus koj li haus dej haus cawv los haus yeeb tshuaj, uas koj cia cawv yeeb tshuaj haus koj xwb. yog koj haus lawv mas zoo, yog yeeb tshuaj haus koj lawm ces koj liam txwv koj ua neeg tub nkeeg los ua neeg vwm lawm mas thiaj tsis zoo.
Tus tau ua nom los ua tuam los Pav, thiab ua thawj neeg, koj txhob muab tej hais los no los yuam cov neeg txom nyem kom nrog koj lub peev xwm. kom lwm tus txom nyem thiab ua neej tsis kaj siab ces koj tau ua zoo lawm.


Yaj Zoov Ntxheb Xib Hwb.

Cov xwv txheej raug rau cov Hmoob nyob Cob Tsib teb thiab Los Tsua teb. Raws li lub moo uas sawv daws paub los. Cov teeb meem ntawd, muaj ib feem tuaj ntawm ib co dev hma, nyob sab xib fab kawg tuaj. Zoo li Yes Xus lub Moo Zoo hais tias:
Cov dev hma ntawd yog cov nkag ntawm qhov rais los. Lawv tsis yog cov uas tus zoo Tswv Zov yaj tso lawv tuaj, saib cov yaj nyob hauv lub nkuaj yaj. Lawv tuaj ces lawv tuaj, tsim teeb meem rau cov yaj xwb.
Pab yaj no muab ntaus nqi zoo li cov Hmoob nyob tid. Tos lawv tau lub npe hu ua dev hma no, lawv tsis yog cov uas tus zoo tswv zov yaj tso lawv tuaj saib, thiab coj pab yaj.
Lawv kuj tau ntseeg txog Yes Xus lub Moo Zoo xws li zeej tsood. Thaum lawv nkag mus lawm, ces lawv hais tias lawv yog cov zoo tswv zov yaj.
Lawv tau tshaj ib co lus tias, Vaj Tswv yog tus muaj zog, muaj hwj chim thiab muaj peev xwm loj tas nrho. Vaj Tswv yuav pab tiv thaiv cov nom Tswv kom cov nom tswv no swb mus thiab ploj ntais uas lawv yuav ua tsis tau dab tsi rau cov neeg txom nyem.
Sawv daws yeej meem tig los ntseeg. Yog lub sij hawm zoo lawm uas Vaj Tswv twb npaj tas yuav pab Hmoob. Tus Huab Tais Hmoob twb muaj hnub nyoog txaus yuav ua Vaj lawm.
Tej poj yawm txwv koob muaj hwj huam twb rov yug los ntau leej lawm. Hmoob zim txwv los txog lawm tiag. Vaj Tswv los pom zoo, Cov teb chaws vam meej kuj txaus siab pab Hmoob tib si lawm thiab.
Yog cov lus no ncha mus paug tej nom tswv kav teb chaws lub pob ntseg,ces luag to taub tias muaj neeg yuav pab Hmoob rov ua rog dua ntaus lub teb chaws.
Pib ntawm cov neeg ntseeg tuaj, ces luag thiaj tuaj tua cov neeg txom nyem ntseeg Vaj Tswv ntawd. Txhua pab neeg txom nyem ntseeg thiaj tau khiav mus ua neeg thoj nam mus coob leej rau cov teb chaw ua phooj ywg nyob tsis deb ntawd.
Cov neeg txom nyem raug luag saib ua neeg qis qis no mas hais txog zaj ua Ntuj yuav pab thiab cov teb chawm muaj hwj chim loj yuav pab mas lawv zoo siab ntseeg kawg, tias zaum no yuav tau zoo li lawm.
Thaum cov Nom tswv tuaj rhuav cov neeg txom nyem no mas cov hma ntawd lawv ploj tas lawm. Ces cov neeg txom nyem no lawv nyob tsis muaj chaw,vim kev ntshai. Ces lawv raug kev tshaib kev nqhis ua neeg lwj siab. Lawv taug tsis tau cov Xib Hwb ua Ntuj cov tub txib ntawd qab li thiab.
Zoo rau qhov uas tseem muaj ib pab neeg hu ua Y.E no. Yog pab neeg ntawd lawv pab kom muaj mov noj thiab txhob raug leej twg quab yuam los muab rau txim,xa rov qab los muab kaw tsev loj faj.
Cov muaj txoj hmoov zoo muaj kwv tij sib paub ces luag pab kom muaj kev tawm tau. cov ua neeg pluag kwv tij ces lawv raug kev lwj siab ua neeg thov khawv noj ntau xyoo,mas twb tsis paub ua neej nyob li.
Lawv tos ib tug neeg pab lawv mas tos cuag li tej me nyuam yuav tau pom niam pom txiv txoj kev hlub. Cov Hma ntawd rov mus txog lawv tej chaw nyob mas lawv ua txoj tsis paub teeb meem li, thiab lawv twb tsis kam qhia lawv cov npe ua Vaj Tswv cov tub txib li lawm thiab.
Cov neeg nyob sab xib fab kawg no, tab yog cov uas lawv hais tias, lawv yog cov sawv cev ntawm cov nom tswv, mus hais lus txhawb zog rau cov neeg txom nyem, nyob ntuj qub qab, mas feem coob kuj yog cov uas lawv tis lawv lub npe kom tau taug kev mus ib vuag thiab xwb.
Lawv txua ntau yam uas tsis muaj tseeb. Zoo li lawv txua los pab lawv kom tau ua lawv luag taug kev mus tias muaj hwj chim muaj koob meej ib vuag xwb. rov los txog tsev, lub txiv uas lawv txi tau yog kev xyob thiaj tas tib si xwb.
Hu ua Tswv Ntuj thiab tej nom tswv teb chaws vam meej, mas yeej muaj peev xwm, thiab muaj hwj chim, hwj huam loj tiag. Tab sis tsis yog yuav muab txim rau leej twg li.
Vaj Tswv lub hwj chim muaj zog nrog cov nom tswv teb chaws vam meej lub tswv yim. Yog hais txog kev sib hlub thiab sib hwm nyob nrog kev sib haum xeeb, kom sawv daws tau nyob sib raug zoo hauv kev thaj yeeb.
Tas txhua lub teb chaws,tsis hais sab ntuj twg los lub teb chaws twg li. yog koj mus hais txog sab kev sib haum xeeb ua ke nrog tej nom tswv kav teb chaws thiab kev hwm Ntuj , mas yuav muaj ntau leej hais ua koj tsaug xwb.
Vim tias tas nrho cov cai tswj kav teb chaws puav leej yog nqes saum ntuj los tas tib si. Ntuj yeej pab cov nom tswv kav teb chaws kom mus zoo. Cov teb chaws coj txawv me ntsis vim cov neeg teb chaws ntawd lawv lub tswv yim khiav tsis tau mus txog nws theem.
Puav leej muaj Ntuj txiaj ntsim nyob hauv tib si, sab zoo. Nws kuj muaj tej tus neeg paub zoo, tsuas yog nws tus kheej tsis xav ua zoo. ces muaj cov neeg mom cai, hais li ntawd, ho tsis ua li ntawd xwb.
Lub txim phem ntawd, tsuas poob rau saum tej tus neeg xwb, tsis poob rau txhua tus li neeg xav.
Cov teeb meem no, muaj coob leej ntawm ntau lub xeem sawv daws hu npe tib yam mus txog sab ntuj tid,Nom Tswv tsis pub nqis dav hlau, vim muaj neeg plhis ua hma tau txua npe ua zoo Tswv zov Yaj. Thia ua nom loj. Ces cov hu npe li ntawd luag tsis tso siab tias yog tus tseeb los tuas cuav, muaj li no mas kuj khuv xim thiab.


Yaj Zoov Ntxheb Xib Hwb.

Tswv Ntuj kev thoob tsib muaj peb yam sib nreg nyob ua ke. Yam li muaj kev NTSEEG, kev NYIAM, thiab kev HLUB.
1. Koj muaj txoj kev ntseeg ces koj thiaj txuas tau rau Tswv Ntuj kev thoob tsib. Koj thiaj nyob nrog Tswv Ntuj, los nyob nrog cov neeg muaj kev sib nyiam sib hlub nyob hauv Tswv Ntuj.
Yog tias koj txoj kev ntseeg, thiab tus koj nyiam, los koj hlub ntawd, nyias muaj nyias kev ntseeg. Mas Tswv Ntuj thiab koj los nws nej yeej sib ncaim lawm. Nej tsis nyob ua ke hauv tib txoj kev li lawm, kuj tsis paub tias, leej twg yog tus yuav txuas rau Tswv Ntuj li thiab.
Hais txog kev ntseeg muaj ob yam li no:
a-> Ntseeg txog Tswv Ntuj, koj ntseeg thiab nyiam hlub raws li Tswv Ntuj qhia. nej thiaj yog ib yim neeg nyob hauv Tswv Ntuj lub cuab xeem, vim nej sawv daws ntseeg ib lo lus, ntseeg tib tug tswv, ces nej muaj Tswv Ntuj kev ntseeg los tuav nej kev nyiam kev hlub ua ke. Ces nej tsis sib sib ncaim.
b->Txoj kev ntseeg no tuav kom Ntuj thiab tus koj nyiam koj hlub no kom nej zwm rau Tswv Ntuj tib leeg. Ces Tswv Ntuj yuav yog tus pov hwm thiab coj nej sib nyiam sib hlub nyob ua ke mus li tas nej sim neej. kom nej kev nyiam kev hlub txawj sib txuas rau ib tug neeg twg mas ncau ntawm Tswv Ntuj los ces nej hlub leej twg los nej txawj hlub nyob hauv Tswv Ntuj. Tas txhua yam tawm ntawm nej kev nyiam kev hlub yuav tawg paj txi txiv, li tsob ntoo, muaj nag muaj lwg ywg es txi txiv tau zoo.
2. Kev nyiam.
Yog koj txoj kev nyiam no tsis muaj tej yam nqes saum ntuj los, ntxiv nyob hauv nej. Mas txoj kev nyiam loj hlob tsis txaus, thiab tsis txuas rau Tswv Ntuj txoj kev xav. Ces Koj lam nyiam thiab hlub neeg zoo li, thaum koj tsis tau luag, koj hlub neeg ib vuag ua koj luag tuav tes hla dhau dej los ua luag mus dhau zoo xwb, koj muab lawv tso pov tseg. Ces koj nyiam thiab hlub ib vuag thaum kom tau kev ti, hlub ua dab tsov luag thiab lam hlub ua neeg chaw ntseeg xwb, tsis tseem ceeb li.
Ces koj txoj kev nyiam thiab hlub tsis txuas los khaub zig txog leej twg li. Hais tau tias koj yog neeg twm zeej tsis muaj tswv los tsoom txheeb ze tsob zeem. thiab lees paub li.
3. Kev hlub yog qhov tseem ceeb loj dua kev ntseeg thiab kev nyiam.
Lub qab ntuj neeg no, yog leej twg tsis muaj kev hlub, tseem ceeb txuas rau Tswv Ntuj kev hlub. Mas tus ntawd yeej suav tau tias nws yog neeg twm zeej.
Nws tau txiav nws ncaim ntawm Tswv Ntuj, Nws tsis tsob zeem txog qhov uas Tswv Ntuj tau xeeb nws los, uas Tswv Ntuj tau hlub thiab nyiam nws. Tus tsis tuav nws kev hlub lwm tus ncau thiab txuas rau Tswv Ntuj, ces nws yog tus txiav kom hmab tu hlua pluam, ntawm Tswv Ntuj mus. Ces nws ua neeg pw nrog kev ua txhaum yam li ua neeg tsis paub los tsis hnov dab tsi zoo li.
Thaum koj zoo li no lawm, ces Koj kev hlub, kev nyiam thiab kev ntseeg tsis muaj ib yam tseem ceeb li. Koj yog neeg poob zoo, xws lo lus tej laus hais tias,tus dab poj ntxoog uas tsov tsis yuav koj lawm ces koj yuav raug dev tom tau li tej poj ntxoog poob zoo ntawd.

Yaj Zoov Ntxheb Xib Hwb.

Zaj piav txog Hmoob txwm kuam neeb no, yog thawj zaj uas kuv twb hnov hais txog xyoo 1966. los ntawm peb yawg Tsav Ntxaij los.
Tus Yawg Tsav no, nws hais tias:
Ntxwj Nyoog xub los nyob ntiaj teb no ua ntej Siv Yis thiab Tim Tswv Nkawd. Yog Ntxwj Nyoog tso mob tso nkeeg rau ntiaj teb neeg kom muaj mob muaj tuag.
Ces Qaum Ntuj thiaj kom Siv Yis xeeb los ua neeg. Qaum Ntuj muab cwj neeb cwj yaig thiab hauv muaj kuab tsuas, rau Siv Yis coj los kho ntiaj teb neeg, Yiv Yis yog ntiaj teb neeg ib leeg tub ki.
Qaum Ntuj tso Tim Tswv los kav dej nag, huab cua,nroj tsuag xyoob ntoo, tsiaj txhu, tej roob hav. Tim Tswv thiab Siv Yis nkawd yog phooj ywg. Muaj ib tug neeg tuag los,mas kuj muaj ntau tus tsiaj tuag nrog thiab. Vim tib neeg txua kev ntseeg ntxiv rau.
Tim Tswv thiaj li teem kom Siv Yis thiab Ntxwj Nyoog tuaj mus rau tom ntug pas dej. Ces lawv yuav sab laj nyob tom lub pas dej ntsuab.
Siv Yis nws xub mus ua ntej lawm,tsis pom Tim Tswv thiab Ntxwj Nyoog nkawd tuaj. Ces Yiv Yis ntxawm nce mus zaum nyob saum ib tsob ntoo tos. Ces tib pliag xwb Tim Tswv tuaj txog, ua cas tsis pom Siv Yis thiab Ntxwj nyoog nkawd tuaj li. Ces Tim Tswv muab nws txwm kuam los ntaus.
Tim Tswv ntaus kuam ces kuam qhia tias tuaj lawm, nyob saud. Tim tswv ntaus peb zaug li ntawd los kuam qhia tib yam li qub tias, tuaj lawm nyob saud. Tim Tswv tsis tau ntsia saum ntoo.
Ces Tim Tswv tsis ntseeg nws txwm kuam lawm, Tim Tswv muab nws txwm kuam pov tseg rau hauv pas dej. Ces Tim Tswv rov mus lawm.
Hos Ntxwj Nyoog, mas nws yeej tsis tuaj li, vim tuaj sab laj hais txog Ntxwj Nyoog li kev tso mob tso nkeeg los rau noob neej kom muaj mob muaj tuag xwb, puav leej yog hais txog Ntxwj nyoog txoj hauj lwm nkaus xwb li.
Thaum Tim Tswv rov mus lawd, Siv Yis thiaj nqes mus khaws tau Tim Tswv txwm kuam nqa los. Siv Yis los hais rau Tim Tswv tias ua cas koj teem peb mus sib tham txog noob neej kev mob kev tuag no cas neb tsis tuaj?
Tim Tswv teb tias:
kuv tuaj mas, tsis pon Ntxwj Nyoog neb tuaj kuv thiaj rov los lawm. Siv Yis hais tias , kuv tuaj, kuv nyob ntawd, kuv pom koj muab koj txwm kuam pov rau hauv pas dej ces koj cia li los lawm ne. Kuv pom, kuv thiaj khaws nqa los nyob nov ne!
Ces Tim Tswv hais tias kuv twb muab pov tseg lawm, kuv yeej paub nyob nruab siab lawm ces koj nqa mus koj xav siv ces koj siv. Siv Yis yog neeg muaj txuj ci thiab paub hauv muaj kuab tsuas cawm neeg thiab muaj hwj huam ntiab Dab. Dab thiaj hais tias nyob dab teb los dab muaj mob muaj tuag thiab kom Siv Yis mus kho dab thiab.
Dab thiaj mooj Siv Yis mus tau cuaj hnub cuaj hmo, ces Siv Yis feeb tsis meej los rau neej sab lawm. Dab los muab siv Yis poj niam tua tuag, muab Siv Yis tub yees ua nyuj tua lawm thiab.
Siv yis xeev los nws poj niam me nyuam tuag tas, ces nws tu siab, nws thiaj rov dua pem nyiaj yig koo tsua lawm {rov pem qaum ntuj} ces Siv Yis muab nws hauv muaj kuab tsuas thiab cwj neeb cwj yaig nrom rau qab roob qab ha qab zeb qab ca.
Neeg yaj ceeb mam li mus khaws Siv Yis tej yeej huam no los ua neeb ua yaig thiab tej hauv muaj kuab tsuas los cawm neeg ntiaj teb. Cov txiv neeb txiv yaig no yog tsis muaj Siv Yis txwm kuam neeb no ces ua neeb yeej tsis leej dab tsis li. ua neeb tas yog kuam tsis qhia ces yeej tsis paub dab tsis li.
Ces Tim Tswv txwm kuam thiaj li hloov los ua kuam neeb lawm. Ces cov txiv neeb los niam neeb, yuav ua neeb thiaj xub ntaus kuam ua ntej,yuav ua neeb, ua neeb tas los rov ntaus kuam. yog tso siab rau kuam kom kuam qhia qhov tseeb thiab leej.
Siv Yis yog me nyuam neeg ntiaj teb, Tim Tswv thiab Ntxwj Nyoog nkawd yog tsuj Plig nkawd tsis muaj lub cev. Qaum Ntuj tso Tim Tswv los pov hwm noob neej, kom txhob txhoj puab.
Hos Ntxwj nyoog nws ncaim saum Ntuj los kom tau ua tswv kav ntiaj teb neeg. thiab coj noob neej ncaim ntawm kev noj qab haus huv. kom noob neej ntsib kev txom nyem,chiv thaum muaj hmoob nyob ntiaj teb no los lawm.
Zaj txuj ci no yog peb tsev Hmoob Yaj cov txuj ci, Yawg Tsav Ntxaij qhia los, nws yog ib tug txiv neeb. Cov txiv neeb, niam neeb, yog tsis nrog kuam thooj siab koom cev mas lawv ua neeb tas los lawv tsis paub dab tsi li.
Thiaj paub tau tias kev ua neeb tsis yog kev teev dab. Thaum Hmoob ua neeb ua khawv koob yog Hmoob mus nrog Dab hais cai los hais plaub, neej mob vim dab tsis, yog ua tub qaug rau tus dab twg lawm.
Tus txiv neeb nws yog tus thawj tub rog mus ntaus dab los yog tus kws mus hais plaub, saib neej dab sib tub qaug thaj chaws twg los lawm.
Nws tuaj cais neej rau neej teb, cais dab rau dab chaw. Cia neej mus txis neej txij. Hos dab mus txis dab txij dab nkawm.
Cov dab uas nrog Hmoob ciaj caub no puav leej yog dab qus. Tus txiv neeb nws thiaj caij nees, nws muaj ob pab tub rog, Ib pab caij nees thiab ib pab mus taw. Cov npe dab qus uas tsis muaj tseeb no, yog ib hom npe dab zwm rau Ntxwj Nyoog cov dab xwb. Ntseeg tsis tau tias cov dab no yeej ib txwm muaj, thiab nqes saum ntuj los li.
Cov dab no lawv nyob qhov chaw phem thiab txom nyem heev:
Zoo li nyob hauv cov qhov dej npau, qhov dej saus, los tej qhov ntuj qhov av tsis huv. Hauv Hmoob tej tsev mas lawv tsis muaj chaw nyob li. Lawv mus nyob hauv qab qhov cub qab qhov txos los hauv tej qab txag los qab qhov rooj xwb.
Qhov chaw siab thiab zoo ces yog Qaum Ntuj thiab cov dab zoo lawv chaw nyob xwb. Yog Qaum Ntuj tus Hmoob hu ua tus dab xeeb teb xeeb chaw thiab tej pog tej yawg los niam thiab txiv lawv chaw nyob tas nro.
Yaj Zoov Ntxheb Xib Hwb.

Yawg Kais Xom lub zim txwv los txog. Lub caij Kais Xom Yeej teb chaws muaj ntau pab neeg sib ntxub. Tab sis zaj tswv yim ntawd tsis muaj neeg paub.
Hais tas nrho cov Haiv neeg nyob rau Los Kuj teb,uas lawv muaj kev sib ntxhub. Suav Huab Tais Los Tsuas tev neeg los mus rau tej pab pawg los tsuas cov nyob qab teb mus rau sab qaum teb.
tej Haiv neeg tsawg, zoo li Hmoob thiab Co, mas kwv tij neej tsa sawv daws muaj kev sib ntxub tas nrho li thiab. Vim ib txhia leej tso siab thiab nyiam pab Nom Tswv tshiab. kuj muaj cov nyiam pab nom tswv qub.
Sawv daws ua ywj fab ywj fwj, cov nyob npaj siab muab cov khiav mus tua pov tseg ua kom muaj kev khib siab. tej no yog tsov rog kwv tij neej tsa lam ua raws lawv kev npau taws tua neeg yuav nyiaj lawm xwb.
Cov Hmoob feem coob uas lawv muaj txiaj nplua nuj khiav mus nyob Vees Cas yog cov coj li ntawd, Nyiam no lawv laus tuag tas lawm. Cov tsis tuag qhov kawg kuj khiav tawm teb chaws rov mus sib ua kwv tij nyob tim Mis Kuj teb los Fuaj Kuj teb.
Lawv twb rov ua neej ua tsav zoo tas lawm, tsuas muaj ua dab neeg hais paub nyob nyias nruab siab lawm xwb, ua tsis tau plaub ntug lawm, vim tus ua twb tuag lawm cov ua kwv tij nyob twb tsis paub lawm thiab.
Hais txog Yawg Kais Xom lub tswv yim koom nrog cov Nyab Laj ntawd, Lim Hiam thiab lem cees, muaj kev ntxub tej qub nom qub tswv, Nws xav kom Tsev Huab Tais ploj mus yam yooj yim.
Tej zaum ntshai yog Tsev Huab Tais no kee tas los tsis paub. Yawg Kais Xom, nws ib suab hu tej qub nom qub tswv no kom mus kawm kev cai tshiab los tswj teb kav chaw xwb ces cov nom tswv sawv daws raug mus tas nrho.
Mus txog chaw ces, ces sawv daws ua neeg raug txim. sawv daws nyob nyiaj tshaib yoo nqhis kom lub cev nqaij, maj mam sem zuj zus mus txog qhov tuag.
Cov noob Huab Tais thiab cov qub nom Tswv loj uas saib yuav muaj peev xwm mas ua mov ua nqaij qab qab rau noj, nrog tshuaj siav luv rau lawv noj, tsis muaj pes tsawg hnub ces lawv txoj sia ploj tuag mus.
Lub zim txwv ntawd haiv Hmoob nyob toj roob hauv pes cov paub ntxov uas khiav dhau ces khiav lawm. cov nyob deb khiav tsis tau, lawv mus nkaum hav zoo.
Cov Nplog Liab mus tua Hmoob, Nplog Liab cia Xus Pha Nas Voos cov ua ntej. Kais Xom cov lawv qab, ces Cov Caub Fab xub tua Xus Pha Nas Voos cov tuag ob peb tug. Ces Kais Xom cov tua tom qab tuaj, ces yog sawv daws tua Xus Pha Nas voos cov kom tuag coob coob xwb.
Kom ob co sawv tsis tau los pab, tsam tsev Huab Tais no, ho rov muaj zog. Yog hais raws li sab tsis zoo mas, Kais Xom, yog tus dev hma tom pab yaj nyeg thiab pab tshis huv tib si kom cov yaj thiab cov tshis tuag tas ces tshuav cov hma nyob nkaus xwb.
Nyiam no twb tau 40 xyoo lawm, cov niam cov txiv uas lawv muaj cov plaub ntug no, lawv tuag tas lawm tsis muaj neeg paub tias keeb kwm los thiab mus zoo li cas. twb tsis muaj neeg paub qhov tseeb lawm.
Lub zim txwv no cov me nyuam hlob los lawv muab lub teb chaws muag rau lwm haiv neeg tuaj khawb nyiaj khawb kub muaj ua ntau plhom nyiaj, tseem muag av rau Mab sua tsim kev lag luam.
Phim hais tias, Neeg yuav vam meej thiab muaj nyiaj dua thaud tuaj los lawm ntau npaug. Tab sis lub zim Txwv no neeg pej xeem tseem txom nyem dua tuaj lawm thiab.
Hais los mas Yawg Kais Xom Tsis yog keeb kwm Los Tsuas Nws pov hwm tsis tau Los Tsuas teb kom vam meej tuaj. Nws keeb kwm tau muab Los Tsuas teb qhov nyiaj qhov kub muag rau lwm haiv neeg., khawb mus siv.
Lauj Kiab Toom thiab faiv Ntaj lawv mus saib ntawv Faj Lem hais tseg tias:
Los Tsuas teb yuav muaj ob tug Zaj loj loj yuav tuaj sis txeeb nqos los Tsuas teb kom tas mus. Ces yog zoo li lub zim txwv yuav los tom ntej no. Yog Suav thiab Nyab Laj.
Zaj lus no kuv yog me nyuam neeg. kuv sau li uas muaj ib hnub kuv xav zoo li kuv ua npau suav pom. Kuv sau li yog ua npau suav me ntsis xwb.


Sau npe: Yaj Yawg

Zaj 248- NCO NEJ SAWV DAWS.



Nej pus noj qab nyob zoo?
Tsoom phooj ywg sawv daws,kuv yog ib tug neeg tsis muaj tsim dab tsi li thiab. Tab sis kuv lub siab nrog nej sawv daws nyob.
Cov uas tsis muaj kwv muaj tig, cov ua tub ntsoj tub ntsoj ntxhais ntsuag, thiab cov uas nej tsawg kwv tsawg tij. kuv tseem xav tias, nej yog kuv li yog kuv phooj ywg, nyob ruaj nreb li qub xwb.
Nyob hauv kuv lub neej txawm yog neeg dog dig xwb los kuv nco ntsoov tias muaj nej txhua tus. Cov uas kuv tsis sau ntawv tuaj nug nej moo los kuv tsis ntxub ib tug twg li.
Vim nyob ntuj deb kev ncua ntev lawm, kuj vim muaj phooj ywg sib rub mus noj mus haus los tham pem ua si ntau ces ib hnub tuaj ob hnub ntxiv ces lub moo tuaj tsis txog sawv daws xwb.
Tsis hais tus hlob los tus yau,cov muaj meej mom los cov tsis muaj. Tus uas kuv tau ntsib los tau ua phooj ywg rau. Kuv tseem nco ntsoov tias sawv daws yog kwv tij, thiab phooj ywg.
Nyob hauv kuv lub tswv yim mas kuv tseem xav hom kom tas lub qab ntuj neeg sawv daws los ua kuv phooj ywg tib si kuv mam li kaj siab.
Kuv tau cim ntsoov rau hauv kuv nruab siab tias, tus kuv tau hais lus tsis haum leej twg siab los kuv twb tsis nco tias tau muaj xaiv muaj lus li lawm.
Niaj hnub no kuv rov nco txog tias, yog yus ntxub ib leej twg mas zoo li yus pluag mus me ntsis tuaj lawm, thiab cuag li yus ua poob ib yam khoom zoo mus lawm.
Cov neeg ntxub luag tej thiab tso tej phooj ywg, los cov txheeb ze pov tseg. Mas nws ua neeg pluag heev tuaj lawm. Kuv tsis hais tias nws pluag nyiaj pluag txiaj tsis muaj siv.
Nws pluag phooj ywg ces yog pluag tas txhua yam li lawm:
Kev thoob tsib, kev txawj kev ntse, ua neeg paub tab, thiab tej lus hais los pluag mus tas nrho li.
Nws pob nyiaj tsis muaj nuj nqes rau nws, nws nyob ua nyiaj qhev, zov nyiaj plig cia, tsam tub sab ho tuaj tho qhov vaj qhov tsev nqa mus lawm. Nws cov nyiaj rov ua yeeb ncuab rau nws.
Nws ua neeg taug ib txoj kev tws, mus tsis tshwm rau kev kaj siab. Nws caum tsis tau leej twg. Nws tsis muaj siab caum thiab mus taug ib txoj kev pom kev lam lug, li mus nruab hnub uas nyob kaj nrig.
Nws xav txog luag tej ob cag, nws caum luag mus ib ntus nws tso tseg, mas nws ceeb laj kawg, nws caum ib sim neej tsis tau ib yam tseem ceeb tias, zaum no kuv nrhiav tau kev kaj siab lawm lauj!
Tsoom Phooj ywg, kuv tsis hais kom nej nco txog kuv, thiab hwm kuv ua neeg muaj meej mom zoo. Yog muaj ib hnub twg nej ho xav txog no, nco ntsoov rov ua phooj ywg zoo rau tus nyob ze nej dua ntawd. kom nej kev kaj siab puv ntoob tuaj, ces nej tawm tau mus ua neeg thoob tsib thiab ua neeg ntse muaj meej mom zoo, tsim nyog yus xeeb los ua neeg ib zaug rau ntiaj teb no.
Lub sim ceeb no txoj kev nplua nyuj yog phooj ywg nkaus xwb. Tus tsis muaj phooj ywg mas nws pom lub sim ceeb no tsis tas li. Vim nws tsis tau luag mus qhov twg, txoj kev twg los zoo li muaj yeeb ncuab nyob tom ncauj ke tib si lawm.
Twb tsis muaj los nws tus kheej pheej xav tias muaj ib pab yeeb ncuab coob tas nrho, ntshai yuav mus tsis dhau li xwb. nws ua ib lub neej nyob tsaus ntuj nti tsis paub yuav muab txoj sia coj mus zais rau qhov twg li.
Thaum zoo li no lawm ces nws pluag tshaj cov neeg uas luag hu ua neeg kob huam lawm ntag.
Yaj Zoov Ntxheb Xib Hwb.

Ob txoj kev ua neeg siab zoo,los ua siab phem hnyav sib npaug zos. tsis muaj neeg ntsuas tau. Thaum kawg txi tau lub txiv los mam paub tias zoo los phem.
Thawm neeg yug los Ntuj tso rau nyias xaiv, raws li nyias lub siab nyiam. Tus yuav xaiv lub siab zoo, los lub siab phem kuj tau.
Tus neeg xaiv lub neej raws txoj kev zoo, nws ua lub neej tshav ntuj nrig mus deb deb, tsis muaj neeg paub. Nws ua neej nyob nrog cov neeg phem. Neeg ntsia mas, zoo li nws txom nyem heev. Tab sis nyob hauv nws lub siab mas nyob kaj nrig li niaj hnub lub ntuj huv si.
Nws tsis noj leej twg lub zog, nws hwm sawv daws nrog kev ncaj ncees. Nws lo lus nrov mus txog twg los, coj tau neeg kom thoob tsib txawj xav mus rau sab zoo, nyob haum kwv tij neej tsa.
Tus neeg xaiv ua lub neej nrog txoj kev phem, nws nyob kaj siab lug li cov neeg tau txoj hmoov zoo. Nws zaj xav,nws cov lus hais, nws tes hauj lwm, thiab nws lub tswv yim, tsuas qhia kom txi lub txiv phem. Nws tsis paub txog, tab sis ntiaj teb neeg txawj pom tias,nws tsis raug nqes hnyav.
Peb Haiv Hmoob feem coob, ua neej raws zaj tswv yim no tau ntau pua xyoo los lawm. Peb tseem tsis tau xeev los pom thiab paub. Ib nrab tseem ua npau suav nyob hauv!
Taug qab mus xyuas saib puas zoo li hais no:
Peb saib peb Haiv neeg zoo li yog ib Haiv neeg sib ua yeeb ncuab tas tib si!
Peb ua neej sib twv nrog yus Haiv neeg, twv nrog yus Cuab kwv tij, twv nrog yus cov xeem. Twv nrog cov muaj kev txawj kev ntse, cov zoo nkauj zoo nraug, thiab twv nrog cov nplua nuj muaj nyiaj muaj txiaj tib si.
Yus tsis cov muaj txiag, tsis xav kom luag ntse tshaj yus, thiab zoo tshaj yus. Leej twg ntse, nrhiav lus rau luag,tus muaj nyiaj dua, nrhiav kev txov,hiam ua kom luag poob peev los ua kom pluag mus.
Siv tej tub ntsoj ntsuag ua yus qhev,tsis hlub tsis pab tsis qiv nyiaj, daws teeb meem nuj nqi, noj luag zog. tsis hwm cov neeg txom nyem yog neeg pluag. Pom luag ntxhais, los luag poj luag sev zoo nkauj, txhav txeeb yuav.
Luag tsis hais cia li, luag hais txog, muab luag tua pov tseg yam tsis paub tub qaug Ntuj.
Peb sawv daws yuav kho peb tus kheej, kom peb txawj ua ib Haiv neeg muaj lub siab thoob tsib txawj hwm Ntuj thiab hlub neeg. Xws li yog Qaum Ntuj me nyuam.
Peb txhob nyob ua ib tug neeg twv kom yeej yus Haiv neeg txhua leej. Yuav saib taus cov txom nyem, hwm cov neeg uas luag xub txawj ntse,txhob txeeb luag peev xwm kom tau noj luag zog, siv luag nyiaj, yuav luag poj luag sev.
Yuav txhob thuam leej twg, los hem leej twg, Yog koj ntse txog theem xav ua luag tus thawj neeg. Mas koj nqa koj daim duab mus dai saum ceg ntoo, hu pej xeem teb chaws tuaj saib. Mam cia lawv ua tus thuam yus,thiaj yog txoj kev ncaj.
Zej zog teb chaws tuaj txhij txhua lawm, lawv mam hais tias koj zoo los koj phem. Koj kev ua neeg dawb huv muaj pes tsawg feem pua. Kev ua phem ua qias noj teb noj chaw zog, thiab kev hlub kev nyiam muaj npaum li cas mas thiaj yog.
Koj muab nyiaj los muas ib pab neeg tuaj cav thiab qhuas koj tias, koj zoo los koj ua neeg dawb huv. Thiab koj yuav pub hwj chim ua neeg muaj koob meej, rau lawv yav tom ntej. mas yog kev tsis ncaj ncees lawm.
Hmoob los lus uas tej laus kheev hais los rau me nyuam Hmoob hnov tias.
Hmoob txoj cai yog dev npua cai yog xav hais li cas tiag?
Hmoob hu ua dev npua cai, yog dab tsi:
a. Npua ua tus tshom tau ces dev ua tus noj.
b. Kev tsis sib hwm, tsis txawj pom luag txiaj ntsim los ntawm kev zoo, kev ntse ua neeg paub tab paub cai...
c. kev ntxub, cib nyeej,txawj xam khib thiab kev npau taws...
d. kev ua tub sab tuab nyiag txeeb mus noj mus haus, nrog kev ua plees ua yi...
e. kev quab yuam, noj luag zog.
Tej yam no puav leej yog tej yam uas Ntuj tsis nyiam thiab neeg ntxub. Lub txiv nws txi tau los, yog kev txom nyem rau sawv daws yam li.
Yog Mab Sua los ib tug muaj zog dua nws tuaj txog, ces luag khi cuab muab ntaus nplawm mus yam tsis saib hlo li. ces tau hau ncaj twg mus twg li lawm xwb.
Txoj kev zoo muaj nyob ntawd, Hmoob pog Hmoob yawg tsis yog tsis paub. Luag paub los ntxov ntxov lawm. Lawv hais li no:
Tij Viv tam niam txiv, Niam Txiv tam tshooj ntug.{ los rooj ntug} Lo lus no qhia tseeb tas nrho los lawm ntau pua xyoo, yog kev sib hwm. Nyiam no, peb tsis txhob sib twv, sib tiv lawm. peb yuav tig sab yog los coj tiag.
Peb yuav coj lo no:
Zej zog, tam li kwv tij, Tij Viv tam li Niam Txiv, Niam Txiv tam tshooj ntug. Tus ua hlob los tus thawj neeg yuav saib tias,Lub teb chaws los lub zos, yog ib tse neeg, cov ua hlob ua tij ua viv, lawv zoo li yog niam yog txiv.
Niam Txiv yog txheej siab li Ntuj lawm, niam thiab txiv sawv Ntuj chaw,hlub sawv daws li yog Ntuj niam Ntuj txi,lub cuab xeem neeg, mus kom sib luag,tsis cais leej twg.
Yog peb muaj kev ntseeg mas peb yuav muaj zog, nyob hauv kev tso siab. Uas peb muaj zoo tswv yim sab kev txawj kev ntse, peb thiaj yuav kam qhia txhua tus. Kom paub thoob plaws.
Luag zoo yog yus zoo, luag txawj luag ntse los yog yus ua tus txawj tus ntse, ib leeg hwm leeg, kom peb muaj thiab hwm tib tug Tswv Ntuj, los koom tau tib tug Vaj, nom los yog tib tug, neeg los yog tib pab.
Ib leeg mob los yog sawv daws mob, ib tug zoo los yog tas sawv daws zoo, ib tug txom nyem los yog sawv daws txom nyem. Ces Ntuj los hlub neeg los nyiam, tus twg los tsis muaj chaw xyeej. Sawv daws thiaj yog neeg muaj nqi,uas nqis saum ntuj los ua ib pab.
Dab ntxaug dab vwm tsis raws leej twg qab, ib phaj ib tiam thiaj tsim txiaj zuj zus mus. txhua tus nyob tsheej cuab tsheej yim, tub ntxhais tsim txiaj txhua tus. Niam txiv nyob nto moo lug.
Dab vwm tsis aiv kom muaj cov nkauj laug thiab nraug laus plhis hniav tas lawd rov mus seev ua nkauj nrab, nraug nrab nco txog cov nkauj mog, tub hluas. thiaj tsis ua neeg xyob txhiaj.
Txawj khuv xim tej nyiaj txiag uas lawv tau hais tias, siv tas mam khwv dua,thiab txhob ntshaw ua neeg qia dub noj kheej, noj cais poj niam tub se.
Ua rau sawv daws muaj kev tu siab,thiab ua ntsuag ciaj, ces yuav muaj mob muaj nkeeg los paug cev.
Yaj Zoov Ntxheb Xib Hwb.

Muaj ntau txoj kev ntseeg, txoj kev ntseeg Ntuj yog thawj txoj zoo.  Muaj ntau txoj kev ntseeg lub hauv paus puav leej yog zoo tib si. Neeg ntseeg tias yuav tau txoj hmoov zoo. Neeg thiaj li ntseeg.
Vim muaj tus phem coj, thiab neeg txua ntxiv rau ces qee txoj muaj lub ntsiab tsis zoo xyaw nrog lawm.
Leej twg coj txoj kev ntseeg Ntuj, uas yog ntseeg txog tus tsim ntuj tsim teb tsim tas txhua yam los.  Mas txhob muab txoj kev ntseeg ntawd los siv ua tus kev tseev tsim teb chaws. {politique.}  Kom tau yuam neeg.
Kev ntseeg Ntuj yog txoj kev tseem ceeb, cia rau hwm Ntuj nkaus xwb.  Thaum Yes Xus tsis tau tuaj nyob ntiaj teb no. Tswv Ntuj tau siv cov Yaj saub pab tshaj Ntuj tej lus rau ntiaj teb neeg kom nyob sib haum xeeb, kom txuag tau neeg cov ntsuj plig ua ntsuj plig dawb huv.
Neeg thiaj muaj txoj sia ntev thiab ua lub neej puv siab. Lub zwj ceeb no tseem muaj ib nrab neeg hwm cov lus tuaj ntawm cov Yaj saub thaud tuaj.
Kuj muaj ntau leej neeg hloov ua neeg muab hlob,xav ua tus loj, nyob ze Tswv Ntuj.  Ces lawv xav tswv yim, lawv cia li txua ib co lus tias lawv yog Yaj Saub no.
Cov uas lawv nyiam txua li hais no, mas tus phem muaj siab kawg. Nws kuj pab qhia tswv yim rau lawv,kom hais tau tej lus nyob ze ze Tswv Ntuj cov lus qhuab qhia thiab.  Kom muaj neeg raws lawv qab tsheej pab, kom lawv muaj siab.
Lawv cov lus hais thiab txoj kev coj, mus tsis tshwm qhov twg li.  Tsuas mus kav caum xyoo xwb, ces hloov ua lwm yam lawm. tej cov ces, cov thawj neeg coj sawv daws mus poob kev ua txhaum ces neeg ntxub, tsis muaj neeg tso siab ces ploj twj ywm lawm, tej hom yuav tshuav ua dab neeg mus ib ntus ntxiv.
Cov Yaj Saub qhia Ntuj lus thiab qhia neeg kev xav no, muaj tej pab muab los,siv ua tsov rog, thiab siv los tiv thaiv cov ua yeeb ncuab, uas saib tsis taus cov neeg txom nyem los sis ua neeg nrhiav hwj chim:
Cov ntaus nrig raws li Khoov fum mas tsis paub tias puas muaj kev ntseeg nyob hauv?
Hos zoo li Phus Thas cov Hauj Sam, uas lus Los Tsuas, luag hu ua cov Phab lws Xim ntawd.  Cov Phab Lws Xim, mus nyob twm zeej yog cov txawj ntaus nrig, los tua ntaj zoo tshaj plaws.
Yog leej twg muaj kev txom nyem raug neeg saib tsis taus, mas mus kawm lawv cov txuj ci coj los rob caub, ces muaj yeej tau cov neeg siab phem.  Yam zoo yog kev yeej cov neeg siab phem xwb.
Qhov hais tias yuav mus siab nto plaws saum ntuj mas tsis paub lawm. Zoo li cov Mawv xaws Lim ntawd thiab.  Muab kev ntseeg los ua tsov rog, hais tias leej twg muaj lub siab tawv mus ua rog caws hoob pob thiab tua neeg tuag, mas Ntuj yuav pub paj tshab ntau rau nws.
Koj tso poj niam me nyuam tseg tom tsev koj mus tawm tsam yeej yog Ntuj pab,  Hos tuag mus lawd los koj mam mus yuav Qaum Ntuj tej ntxhais, uas tsis tau muaj neeg kov dua li los ua koj tug,
Cov neeg txom nem, uas lub tswv yim npog lawm, mas muaj coob leej nyiam kawg. yuav mus tshwm qhov twg,tsis tau muaj neeg paub txog.
Ze xyoo 2000 los rau tam sim niaj hnub no, nyob hauv cov pab neeg txom nyem muaj cov neeg ua npau suav tias:
Huab Tais tshiab yuav nqes los, pab cov neeg txom nyem, kom lawv muaj teb chaws nyob li tej Mab Sua cov haiv neeg loj ntawd thiab.
Ntshai tsam yog tus phem lub tswv yim, coj neeg mus poob qhov ntuj kom neeg cov ntsuj plig tsis pom ntuj kag xwb,  thiab yuav coj neeg mus zwm rau kev txom nyem kom tuag tas mus.
Zaj npau suav uas kom muaj Vaj Ntxwv Huab Tais muaj hwj chim loj li tej haiv neeg loj li lub ntiaj teb paub lawd, puas yuav tshwm sim los tau?
Nyob saum ntuj muaj tswg lub ntuj, thiab tshuav tsawg tus Tswv Ntuj nyob saud, muaj tsawg tus vaj tsis tau nqes los  nyob ntiaj teb no.  Tshuav pes tsawg ntsuj av uas tsis tau muaj neeg nyob?
Txoj kev ua npau suav ntawd, puas tseeb tau,rau cov neeg txom nyed lawm. Tswv Ntuj twb nqes los tas, Vaj Ntxwv huab tais Nom Tswv nqes los txhua lawm.
Qaum Ntuj twb faib haum lawm, kav tsij ntseeg thiab tswj nyias tus kheej kom ua lub neej tig mus raws lub ntiaj teb kev xav tshiab.
Cov Vaj thiab cov Vaj txheeg sawv daws nyob ntiaj teb no tas tib si lawm.  Tsis  cov Haiv neeg loj, los Haiv neeg me li. Kuj tsis hais  tus muaj txiag nplua nuj li thiab.
Ntuj faib los haum pheej kawg lawm, kav tij tig thiab mus raws li lub ntuj lub teb coj. Ces sawv daws yuav pom tus Tseem Tswv Ntuj thiab tus zoo Vaj Ntxwv yav tom ntej no.
Tswv Ntuj mas hloov tsis tau li, Nws yeej ib txwm nyob thiab yuav nyob mus li. Nws yog tus uas yog thiab yeej yog lawm.
Hos Cov Vaj thiab cov Vaj txheeb mas zaum no yog koj. hos lwm zaus yog nws, thiab rov lwm zaus ces yog lwm tus lawm xwb.   Neeg ntiaj teb, ntau haiv neeg tseem yuav qhau cev los koom ib tug Vaj Ntxwv, los ib tug Vaj txheeb lawm xwb.  Nej ntseeg li no, ces yuav mus li no lawm xwb. lub Yaj Ceeb no thiaj nyob thaj yeeb mus tsis txawj kawg.
Lwm tus Tswv Ntuj, thiab lwm cov Vaj Ntxwv tshiab, nqes los hnub twg. ces lub ntiaj teb muaj ib feem yuav kub hnyiab mus.  Tsis hais cov neeg txom nyem los cov ua neeg nplua nuj li yuav tsis muaj chaw nkaum.
Cov mov nyob ntiaj teb no, yuav tsis txaus neeg noj. Neeg yuav rov noj neeg tas, ces neeg yuav huas siav tuag mus. Thaum no ces yog zoo li Hmoob hais, Ntuj kawg rau xub zeb teb kawg rau xub ntoo lawm, tsis muaj kev mus.
Cov neeg muaj hmoo kawg yog cov neeg uas lawv tswj lawv tus kheej kom lawv cov ntsuj plig dawb huv lawm xwb.
Hais saum neeg cov khawv koob, kuj yog ib yam uas yuav tau ceev faj thiab. Muaj cov khawv koob zoo thiab cov khawv koob phem nyob sib xyaws daws ua ke.
Cov khawv koob zoo, yog dhau cov zaj teev Ntuj lawm, cov uas hu ua khawv koob no nws tsuas muaj li 3% zoo xwb.  7% yog ib co lus zoo ua kom neeg lub siab kaj, ces zaum puav nrog lus ces zoo thiab.
Hos 90 % mas yog kev nrhiav nyiaj kom muaj nyiaj siv xwb. tsis muaj lub ntsiab zoo dab tsi li. Qhov zoo rau neeg yog tus ntseeg ces nws kaj siab mus ib vuag li ntawd nkaus xwb tsis tshaj.
Yuav piav me ntsis saum cov khawv koob no:
1. Hais ntawm  3% ntawd:
a. Yog zoo li cov zaj thov Ntuj.  Uas koj hu txog Tswv Ntuj, ib cov lawv cia li hais tias hu Ntuj pab no xwb.
b. Tib yam li hais saum no los, Koj hu txog  niam txiv nrog lub ntuj pab, los hu txog ib yam Ntuj tsim los tseg kom pab yog yam zoo thiab leej. Muaj ib tug nyob siab nrog mloog zai lus ntawd.
c.Koj hu txog tej tus neeg koj paub tias lawv siab zoo los lawv nyiam tus tsim Ntuj tsim teb kuj yog qhov zoo, muaj tus nyob siab nrog mloog koj zaj lus thov.
2. Ntawm 7% ntawd:
Yog kev ntseeg, tus neeg ntawd hnov cov laus, los cov hlob, cov nom tswv, hais lus zoo, los foom lus zoo rau nws ces nws zoo siab. Ces nrog lus, nws siab kaj, nws cia li muaj yeej.
3. Hos ntawm 90 % ntawd.
yog ib co lus nrhiav nyiaj, los nrhiav hwj chim koob meej, los rau nws tus kheej.  Kev zoo kav li hnub puav xwb. qhov tsis zoo yog tsis zoo rau tus tswv txawj los nws paub ntawd. Nws tsis yog cov lus nqes saum ntuj los.
Ua rau tus tsis paub ces nws ntseeg tias, yog lus muaj muaj hwj huam, los daws teeb meem. tsuas zoo raws lus li nws ntseeg, mus li hnub puav, ces ploj mus lawm.
Muaj khawv koob rub kev phem kev zoo los rau neeg lub siab,sib npaug zos. Tab sis tsis muaj qhov tseem ceeb. Puav leej yog ib co khawv koob tawm los ntawm tib neeg, kev dag los nrhiav hwj chim koob meej thiab nyiaj los.  
Muaj li no thiab, cov khawv koob ntawd,  thaum muaj ib tug neeg poob kev txom nyem, nws ua  tawm ntawm nws kev xav los.  Nws tau siv tas nrho nws lub tswv yim los ua ces nrog nrog nws lub siab thov thiab ntseeg, ces zoo raws lus ib zaug rau nws, cawm nws kev txom nyem.  
Ces nws cia li ntseeg thiab qhia lwm tus hais los lawm. Yam tseeb tsis muaj li hais. Nws yog ib co lus qub qub heev lawm.
Yaj Zoov Ntxheb Xib Hwb.

Hais txog kev ua neeg ntse ntawm ob tug neeg ntawd. Mas tus poj niam ntse dua tus txiv neej.
Nyob rau sab ua phem mas dab phem pub lub zog thiab peev xwm ntau dua rau poj niam. { lub peev xwm = lus Mab dawb yog Pover, los pouvoir}. Uas Dab pub rau poj niam yog 65% , hos tus txiv neej mas dab phem pub li 45% xwb.
Hos Qaum Ntuj sab mas tsis paub puas sib npaug los leej twg yuav ntse tshaj li cas.
Ntawm tus txiv neej, mas nws muaj zog thiab muaj hwj chim xwb. Nws ua yam twg mas nws muaj zog, muaj hwj chim, ces nws lam yuam cai ua mus lawm. Yog hais tseeb los ces nws swb,nws kev muaj hwj chim.
Ces nws ua yam twg los zoo li nws raug xwv txheej, nyob hauv nws kev muaj zog thiab muaj hwj chim ntawd. Rau qhov feem coob nws tsis muaj kev ceev faj txaus.
Dab phem paub tej ntawd zoo, Dab phem tsis cuab txiv neej lub zog ntau li cuab zog rau poj niam zog. Tus txiv neej ntawd, nws lam muaj hwj chim xwb. Ces nws siv zog thiab hwj chim los yuam cai,nws ruam dua tus poj niam.
Hais txog saum yuav siv cov lus tso hem thawj, los kev sib yuam, mas txiv neej yeej swb poj niam ntau dua. Thaum swb lawm ces txiv neej muab kev dag los lwv ntis nws kev txaj muag.
Hos yog poj niam tso hem thawj tuaj, mas txiv neej hom khiav mus phoom pob ntoos los khiav mus poob qhov ntuj tuag.
Hos yog Txiv neej tso hem thawj tuaj, mas poj niam xav tias nws zog tab ces ua ib siab swb. Poj niam twb npaj siab swb mus lawm. Ua cas txiv neej lub peev xwm tsuas luaj li ntawd xwb, ua rau poj niam kawm tau ib zaj zoo tswv yim ntxiv.
Xav tias yog phab tsua vau los ces yuav tuag mus xwb. Saum lub tswv yim mas poj niam tsis tau swb. Nws tsuas yog lub zog me,lub tswv yim thiab lub peev xwm, mas poj niam tsis swb yooj yim. Zoo li poj niam muaj ib yam cia zoo,tsis muaj neeg paub txog.
Muab ob lub tswv yim, txiv neej thiab poj niam los sib piv. Mas yog poj niam muaj zog thiab muaj hwj chim li txiv neej, mas kawg yog poj niam kav txiv neej nkaus xwb.
Li no, mas xav hais rau sawv daws tias:
Koj yog neeg muaj peev xwm, koj yuav ceev thiab hwm lub peev xwm lub zog uas Ntuj muab rau koj ntawd. Saib tias yog ib yam zoo thiab muaj nuj nqes loj.
Cov uas nej yog niam yog txiv, cov ua tij ua viv. cov thawj neeg, tus ua hlob. Koj yuav txhob cem los thuam thiab hem leej twg. Koj muaj peev xwm koj muaj zog, yog koj hem los thuam ib tug neeg,mas nws ruam tau mus.
Hos koj pab qhuas ib tug neeg mas nws rov ntse tau tuaj,nws zoo siab, nws muaj tswv yim kawm txuj nws muaj peev xwm sawv los ua luag tus thawj neeg.
Cov uas yuav raug mus ua neeg ruam ntawd, yog leej twg?
Yog koj tus neeg,los koj cov txheeb ze nyob ze koj ntawd xwb, lawv thiaj yuav ua neeg ruam mus, Lwm pab lwm paug luag tsis ntshai koj. ce luag khaws mus ua kev khib kev cib nyeej tseg rau yav tom ntej mus.
Cov poj niam yog koj thuam thiab cem koj tus txiv, ces koj tau ib tug txiv ruam. Cov txiv neej kuj tib yam, yog koj cem los thuam koj poj niam ces koj tus poj niam ua neeg ruam. Tab txawm nws ntse los pab tsis tau koj.
Tej ua kwv los cov tub ki lawv yuav zoo li ntawd thiab, lawv yeej xeeb los lawv yeej neeg ntse.
Hmoob yeej muaj txoj lus hais los tias, yav ntuj thaud,cov txiv neej raug ris lub npe hu ua txiv dev no. yog poj niam tis los, txij thaum Huab Tais hais kom txiv neej thiab poj niam sib tw txiav taub hau tuaj rau Huab Tais, ces Huab Tais muab Nom rau ua,ces cov txiv neej zov ib hmos, tsis muaj peev xwm txiav tau cov poj niam taub nqa mus rau Huab Tais.
Ces Huab Tais ho hais rau cov poj niam tias, tag kis leej twg nqa tau leej twg tus txiv lub tau hau tuaj mas leej twg tau ua Huab Tais tus Nom no.
Ces cov poj niam txhua tus twb nqa tau lawv cov txiv lub tau hau mus rau Huab Tais. Ces Huab Tais tso lus rau cov Txiv Neej,cem lawv cov poj niam ua maum dev. Nyiam no thiaj tseem muaj ib kuag leej, txiv neej tau cem poj niam li ntawd.
Tej no luag hu ua dab neeg, xyov puas puas muaj li ntawd. Yog ib lo lus paj lug nrov li ntawd los tau ntau caum xyoo lawm.
Yog hais los saum sab tswv yim mas tseeb tiag, poj niam yeej ntse dua txiv neej. Yog lawv lub zog tab dua xwb, lub peev xwm yeej muaj txaus nkaus lawm.
Cov txiv neej uas muaj txuj ci, xav ua nom, yog poj niam tsis hwm thiab txhawb, mas nws ua Nom tsis tau. Yog poj niam thuam tus txiv tias,neeg ruam ntxim ntxub,kuv tsis nyiam zej zos twb tsis qhuas no xwb, ces txiv neej poob tsim mus ua tsis tau Nom mus li lawm. Txuj ci los tsis xav kawm, tsis xav mloog luag txib, tu siab ces ruam mus li.
Hos poj niam mas tsis muaj kev swb li, nws muaj kev tsab zag ua xom lees rau txiv neej saib, nws txawj ntxias nom tswv ua neeg siab muag.
Thaum nws swb mas yog kev txhaum npau los txog lawm, ces nws mam swb mus tas lub neej, nrog rau kev tu siab kev txom nyem txhua yam mus tas tib si.
Zaj lus no yeej yog thiab muaj tseeb li hais, Tab sis neeg tsis ras txog. Neeg sawv daws yeej xav tias yus yog neeg ntse xwb, tsis nco tias muaj tej lub caij yus yuav ua neeg ruam tau li.
Hais txog sab kev ua hauj lwm kom vam meeej mus. mas yog tsis muaj poj niam txhawb, mas txiv neej tes hauj lwm tsis tiav, thiab tsis muaj chaw xaus mus.
Thaum muaj neeg ua rau Txiv neej tu siab thiab txaj muag lawm, mas cov coob lawv tso hauj lwm pov tseg, tsis xaus kom muaj qab muaj luag tseg li.
Poj niam sab mas muaj li no:
Yog tsis muaj txiv neej mas poj niam kuj tsis paub pib hauj lawm thiab. Vim poj niam lub zog tab thaum yuav tsa ib yam kom sawv nws lub zog tsis ncav.
Ob tug neeg no yog muab cais tawm cia nyias nyob nyias, mas lub ntiaj teb yuav tsis muaj kev vam meej thiab kev huam vam mus taus li.
Lub ntiaj teb muaj teeb meem ntau npaum li, niaj hnub no pom, mas ntshai twb hloov los puas tas lawm. Txhua yam tseem zoo saib zoo nkauj muaj nyob tsis tau hloov, mas nco ntsoov tias yog poj niam thiab txiv neej tseem muaj kev sib txhawb, thiaj tseem nyob thiab zoo nkauj txog tav no.
Lub txiv uas yuav txi tau los,thiab luag hais tias yuav qoos noob tau:
Yog lub sim ceeb no kev zoo nkauj thiab zoo saib ntawd, yuav nyob mus ntxiv. Puav leej yog kev sib nres los ntawm poj niam txiv neej kev sib hlub sib hwm, sib nres, thiaj tseem muaj nyob.
Yog hnub twg txiv neej poj niam tsis muaj kev sib hwm lawm, mas lub ntiaj teb txawm zoo nkauj npaum li cas los yuav ploj mus.
Twb zoo npaum li niaj hnub no lawm, yog ib tug txiv neej sawv los ua nom, los ua ib tug vaj muaj hwj chim loj kawg los, yog tsis muaj poj niam txhawb,mas nws tsis kam ua Vaj, vim nws tsis paub tias tus yuav txhawb nws yog leej twg.
Muab ib nkawm niam txiv ua Vaj los piv:
Tus poj Huab Tais muaj ib tug swm hluas nraug,thaum nws tseem hluas, Huab Tais pom nws zoo nkauj ces Huab tais tuaj yuav nws lawm. Tus swm luag nraug ntawd nws mus qhib ib lub khw muag mov noj.
Huab Tais nkawd nyiam nyiam mus noj mov hauv lub khw ntawd. Vim poj Huab Tais lub siab, tseem nyob ze nws. Muaj ib hnub Huab Tais txawm hais rau poj Huab Tais tias, zoo rau qhov koj yuav kuv lawm, koj tau ua poj Huab tais yom!
Yog koj yuav nws mas koj tau ua ib tug niam ua mov xwb!
Poj Huab Tais teb tias:
Yog, yog kuv yuav nws mas tus Huab tais kav lub teb chaws tam sim no, ces yog nws, hos koj mas puas tseem txawj mus ua mov noj li nws thiab. Ntshai kuv tseem yuav tau coj nws wb mus noj mov rau lwm lub tsev, muag mov nyob lwm qhov thiab.
Ces Huab Tais tsis muaj lus teb rau Poj Huab Tais li lawm ne!
Lo lus kawg xav hais tias:
Yam tsis zoo uas yav dhau los koj tau ua lawd,mas muab suav tias yog koj kev kawm xwb. Txhob ua ntxiv lawm, xyaum ua zoo, kom muaj kev sib txhawb nqa kom lub hwj chim nyob thiab lub siab kaj ua kom koj txoj hauj lwm kom tiav, muab xaus cia tso.
Koj mus hom kom muaj kw, muaj tig, muaj phooj ywg coob li coob tau los txhawb koj lub zog. Kom koj muaj peev xwm txaus. Hwm poj niam los txiv neeg txhawb koj lub peev xwm thiab kub hwh chim nyob tus ntoob.
Koj pluag los phooj ywg tsis pluag. 10 leej pab tau 10 hnub, ntau pua leej pab ntau pua hnub, ces koj nrog phooj ywg muaj sib luag lawm ces yog qhov zoo rau koj.
Koj lub zog, lub hwj chim thiab lub peev xwm, thiaj muaj muaj nqes li lub siab ntshaw. Thiaj muaj siab raws tau koj zaj npau suav .

Yaj Zoov Ntxheb Xib Hwb.

Hmoob lo lus thaum ua tshoob ua kos luag ntuas tub ntuas ntxhais, yog txhais kom meej mas yog txhais tias:
= Niam txiv yug tau cev,yug tsis tau siab. Niam txiv neej nus ciaj hlau tais tsis tau. Peb muab rau nraug vauv xeem { N...} ciaj hlau tais.
-> Yog hais tias, peb yug tau lub cev hlob peb yuav tsis tau. {deev tsis tau.} Peb muab rau Nraug vauv yuav.
= Nej thoob nej thi, nej phav nej npuj.
-> Nej coj mus ua neej, coj mus hlub,txhob cia tshaib nqhis ntshaw txog luag nraum toj nraum pes kev ua plees ua yi.
=Peb yias tooj hau tsis tau, thiaj muab rau nej yias hlau hau.
-> Peb pw tsis nyog ib txag, thiaj tso rau nej xeem{N...} pw,
= Hauv hlua peb muab rau nej, qab hluas peb tseem tuav.
-> Nej coj mus yog nej tsis hlub, tsis nyiam tsis nrog pw, cia nws tshaw luag kev ua plees ua yi, peb yuav hais.
= Kev pe,ua ntej los ua qab yog kev thov kom nrog txuas ncauj txuas lus kom tau kev hais lus. Los kev thov ntawm kev ua txhaum, saib tsis taus tej tau ua dhau kev cai lawm xwb,tsis tau yog pe tshoob.
Pe tshoob yog thaum nian txiv tso neeg los pub tshoob, thiab thaum niam txiv nkaw lus,los thaum coj qhua vauv los laij nyug Thiaj yog pe tshoob.
Thaum pe tshoob yog kev cog lus tias,yuav ua li niam txiv kev cog lus hais los lawd. Ces pe niam pe txiv,neej nus...
Thaum pe txog ncej dab ncej qhua, yeej hais txog lub Ntuj lub Teb, txog lub hnub lub hli thiab hais txog ob tug sis yuav ntawd lub neej nyob hauv tib si lawm.
Thaum niam txiv hais cov lus nkaw los ntawm kev tshoob kos ntawd,tsis hais txiv neej los poj niam, yeej cog lus tas ob leeg tib si lawm,tsis pub mus ua plees ua yi.
Luag thiaj hais lo lus tias, mus ces kiab kiab kais kais, niam mloog txiv qhuab. Txiv mloog niam hais, kom tau ev me nyuam tuaj saib niam tais no.
Tus txiv neej mus tham hluas nkauj, los poj niam mus tham hluas nraug. ob leeg yeej muaj kev txhaum ib yam. Vim tus mus tham hluas ntawd, nws tsis hwm nkawd kev cog lus los ua txij ua nkawm.
Nrog kev cog lus rau niam txiv thiab cov meej koob, thiab kev neej kev tsav rau lub ntuj lub teb lub hnub lub hli, thiab nkawd tus kheej tib si.
Nws thoob nws tsis thi, nws phav nws tsi npuj,nws mus thi luag thoob los npuj luag phav. tsis hais poj niam los txiv neej yus tsis muab nws ciaj hlau tais cia. Nws mus tshaw luag ciaj hlau tais.
Kev txhaum los ntawm nkawd ob leeg los, Ua li Hmoob hais ntshai koj ua dej txiag paug siab lawm. Ua dej txiag paug siab, koj ua rau nws tu siab lawm, koj tsis nrog nws pw ua ke, los koj tsis hlub nws.
Ces nws raug kev tshaib nqhis los ntawm hlub tsis tas, pw tsis txaus ntawd los, thiab tsis txawj xav, pheej xav tias ntshais nws muaj siab rau lwm tus lawm.
Cov neeg siab coob yeej muaj tsis yog tas sawv daws, leej puav xwb. Yog kev hlub tsis txaus los ua dej txiag paug siab lawm, ces muaj kev txias siab mam tu siab tsis nyiam tsis hlub, tsis pw ua ke. Feem coob yog neeg raug kev tshaib kev nqhis ntau, tsis yog neeg siab phem.
Tej hais no ib nrab cov niam txiv nyob hauv kev ua txij nkawm tseem tsis tau paub tias, lub ntsiab nyob qhov twg. Pheej xav tias nws yog neeg phem, ces muab twm rau nws cab ces nws cia li cab kom teb chaws paub tias nws cab twm no xwb.
Cov niam txiv sib nrauj sawv daws ob tog puav leej tsis paub txog tej no zoo. thaum nws tau cab twm lawm, ces nws tsis zoo tso tseg. Lwm tus daws teeb meem mas tsis yooj yim,yuav yog nws tus txij nkawm paub nws daws mas yooj yim dua.
Vim tias yog nws li kev ua txhaum, lwm tus tsis paub kev txhaum nyob qhov twg. Yuav xub to taub tias muaj kev taug, yuav mus nruab yeeb mus kom txhob sib phoom mas thiaj daws yooj yim.
Vim tias thaum ib tug neeg nws swb lawm mas tshuav tib txoj kev ua neej nyob kom muaj ntsej muag xwb, yog txoj kev dag, Kev dag mas tsis txawj txaj muag muag li.
Dag yus tus kheej. dag Ntuj Niam Ntuj Txi, dag nkauj hnub nraug hli. Yam muaj tswv yim muaj siab ntsws,li nws ces nws dag tas nrho mus.
Kev dag muaj zog dua nyiaj thiab kub,tus neeg dag xwb cia li tau nyiaj siv, dag xwb neeg cia li hlub nws lawm los cia li tau ua phooj ywg.
Txoj kev Kev dag muaj zog tiag,Koj dag ces ua rau luag txom nyem, ua neej puas siab puas ntsws tas mus li. Dag ua rau neeg pluag mus tau,dag ua rau neeg yuam kev coob leej, dag ua rau luag raug xwv txheej,los tuag mus cuag li yog kev ua txhaum tseeb li lawm.
Muaj ib nkawm niam txiv yeej sib hlub, muaj ib hnub tsis paub yog leej twg ua dej txiag paug siab lawm. Nkawd muaj lus sib cav me ntsis, ces nkawd sib nrauj. Tau ntau lub xyoo leej twg los tsis yog ib tug txij nkawm zoo rau me tub me nyuam nrog luag hu.
Nkawd ob leeg ua neej sib nrauj tsis muaj txig muaj nkawm, nkawd cia li pw hauv kev tu siab mus li,vim dej txiag paug siab xwb. tsis muaj qhov tseem ceeb li.
Muaj coob leej,uas yog ua dej txiag paug siab xwb cia li ua neej nyob li ntawd mus,suav tsis txheeb, mas txaus tus siab kawg.
Yaj Zoov Ntxheb Xib Hwb.