XH. Yaj Zoov Ntxheb lub Tsev THOOB TSIB

**Maiv Tooj** 10th June 2014, 9:21 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°126

Re: XH. Yaj Zoov Ntxheb lub Tsev THOOB TSIB

Post Maiv Tooj 10th June 2014, 9:21 am

ZAJ KEEB KWM HMOOB.

Zaj keeb kwm Hmoob no yog Yaj Tshaus Lwm piav, nws xam txij li 1854 los. Muaj cov nom tswv coj Hmoob ua ntu zus los txog Yawg Hlob Vaj Pov. Yaj Tshuas Lwm yog cov Hmoob Yaj nyob sab Noom Hej. Nws tau ua neej nyob txog 109 xyoo rau hauv lub sim ceeb no. Nws tus tub yog Yaj Txos nyob Mis Kuj teb.
Cov Nom Hmoob no nrog rau Yawg hlob Vaj Pov mas lawv tsis yog Huab Tais Hmoob. Lawv yog ib co thawj coj Hmob ib tug tas dhau ib tug los mus xwb Hos yawg hlob Vaj Pov,Nws Yog Huab Tais Los Tsuas ib tug thawj tub rog nyob txheej siab, nws ua nom nce mus txog qib Hmoob thiab Suav hu ua Lwj txheeb { Nais phoo ej.}
Cov npe Nom no kuj tsis yog Huab Tais hmoob.Lawv tau sawv los pab Hmoob tiv thaiv hmoob lub caij suav ua rog ntaus Hmoob los yog lwm haiv neeg tsim txom Hmoob ces lawv sawv ua thawj neeg coj txoj kev tiv thaiv kom Hmoob nyob nyab xeeb tau kev tso pa coj poj tub se ua noj ua haus li xwb.
Thiab lawv tsuas nyob ib xeev ntuj xwb tsis tau muaj npe kav li ib ntsug teb qhov twg los.

Lawv cov npe muaj tas nrho yog 26 leej:
1- Zeej Xov Kim yog Hmoob xeem Thoj.
2= Mas Sej Xeeb Xeem Yaj.
3- Yawj Tuam yog Hmoob xeem Lis.
4= Tsab Tuam txhab Xeem Vaj.
5- Nuj Qiam Yog Hmoob xeem Kwm.
6= Nuj Loob Xeem Phab.
7- Ntsuag Mov Kum loj xeem Vwj.
8=Nuj Yob Xeem Ham.
9- Tub Ntsuag yog xeem Lauj.
10= Maum Nyaj Lwj Xeem Hawj.
11- Tub Ntsuag Tuam Laj Kob x...Yaj.
12= Txhiaj Meej pem xeeb xeem Yaj.
13- Hawj Foob yog xeem Hawj.
14= Vam Tooj xeem Lauj.
15= Tswb Tshoj yog xeem Vaj.
16= Txiaj Xab xeem Vaj.
17- Txooj Tsab Hnab Riam Tawv Plis xeem Yaj.
18- Fav Yias yog Xeem Mus.
19= Nkaj Maim Xeem Thoj.
20- Paj Tub Hlau Xeem Lis.
21= Khaiv Nploog xeem Muas.
22- Paj Txhim xeem Lauj.
23= Txhiaj Foom xeem Lis.
24- Npliaj Yob xeem Lauj.
25= Tub Npis xeem Lis.
26=Vaj Pov xeem Vaj.{ Lwj Txheeb. = txhais tias Nai Phoo. }

Cov Nom Hmoob no, muaj tej tus tau tiv thaiv yeeb ncuab pab tsoom Hmoob yog cov tsov rog los sis ib tug yeeb ncuab txhob txwm ua rau ib pawg hmoob los ntawm lawv muaj kev sib ntxub.los tau sib ciaj caub ua ntej tej yam lam ntxub los puas sib txeeb tej yam khoom. Mab Sua txeeb poj txeeb sev ntawm Hmoob.
Kuj muaj tej tus hais tias nrog dab sib ntaus thiab. Kuj tsis paub tias yog muab neeg liam ua dab los yog dab tiag.zoo li cov npe qub qub thaud, uas hais txog Vaj Yim Leej thiab Nkauj Ntsuab Nraug Nab lawv. Nkauj Ntsaub Nraug Nab mas paub tseeb tias ntaus tsam nrog Suav. Hos Vaj Yim Leej mas hais tias mus nrog Dab sib tua no Tsis paub yog ua rog nrog dab los ua rog nrog neej ces ho tau hais li ntawd xwb.
Tas nro cov Nom Hmoob tau hais npe los saum no ob tug tseeb tiag mas tsis muaj ib lub teb chaws hais tias yog nkawd tug.
Tab sis muaj kev zeem tseeb tias Yog Huab Tais Los Tsuas ob tug zoo phooj ywg. Tub Npis yog Thawj twg Hmoob ua Huab Tais Los Tsuas tau lees paub tias cia ua ib tug tswj lub nroog Xeev Kham. Tau tis lub npe hu ua { Moos Miaaub no.)
Hos yawg Hlob Vaj Pov Yog Huab Tais Los Tsuas ib tug Plooj ywg zoo, thiab yog Huab Tais ib tug thawj tub rog nce mus txog qib ua Lwj txheeb yam li ua,{ Nais Phoo.} Ob tug neeg Hmoob no muaj suab npe yog Huab Tais Los tsua li Phooj ywg thiab ua Nom nyob hauv Huab Tais Los Tsuas lub hwj chim kav teb chaws.
Tas nrho cov nom Hmoob hais no puav leej tau pab Hmoob tiv thaiv kev txom nyem, kom hmoob tau nyob nyab xeeb.
Hos Yawg Hlob Vaj Pov nws tau ua tej yam no rau Hmoob:
A-Nws tus tau pab sab kawm txuj ci thiab coj hmoob paub txuj ci mus ib theem kom Hmoob raws cuag li tej Mab sua mas yog Yawg Hlob Vaj Povtxoj hauj lwm zeeg ob:
Thaum nws pib muaj hwj chim mas nws pab txhua fab, yam li kev kawm txuj, ua tsev kawm ntawv rau tej lub zos hmoob nyob toj siab uas ib txwm me nyuam hmoob mus tsis txog chaw kawm ntawv, nws xa cov kws ntawv mus nyob ntawd,nws tau ua kom muaj tsev ntawv txhua qhov chaws ua rau kaum tsib lub xyoo xwb Hmoob paub nyeem ntawv Los Tsuas 30 los 35%.
Sua txij li xyoo 1961, 62 los txog xyoo 1975 kawv yees li plaub los tsib leeg me nyuam hmoob tau kwm txuj tiav qib siab dhau npav rov saud los.
B-Sab pab kom cov thawj neej coj niam txiv laj mej pej xeem los muaj nyiaj pab kom muaj ntau tus tswv nroog ntau leej ua tswv zos kom nyob raug tus cai li pej xeem huab hwm Los tsuas.
C- Muaj ntau leej tub ntxhais hluas Hmoob paub ua kws qhia ntawv thiab ua kws faib tshuaj rau tej mob nkeeg me nyob toj siab. ua rau kaum tsib lub xyoo me nyuam Hmoob xeev txog txoj kev yuav mus kawm ntawv mas yog ib yam nce sai kawg rau Hmoob.
Kuv tsis yog xav qhuas txog Vaj Pov, Huv hais li kuv pom thiab kuv xav xwb. Xyoo 1959 kuv twb ua Xib Hwb qhia ntawv nyob lub zos Nas Vaas lawm.Yog kuv yog ib tug neeg ncaj ncees tiag mas, nyob hauv kuv nruab siab kuv xav hwm ib tug neeg muaj lub peev xwm zoo li Vaj Pov. Thiab kuv xav kom muaj coob leej yoog kom tau li Vaj Pov tus yam ntxwv kom pab tau cov neeg tsis paub txuj sawv los kom lawv txawj ua lawv lub neej raws tau luag tej Mab sua xwb.
Ntshai muaj neeg yuav hais tias vim li cas kuv tsis hais sawv daws cov nrog Vaj Pov thiab Tub Npis nkawd thiab. Vim tias nkawd yog ob tug chiv lub paus, Lwm tus txog caij mas mam li yuav hais xwb. Vim Muaj 26 lub npe twb tau muab los tso rau saum no ua tej tib sis lawm cov lawv qab los kuj yuav mus raws li no thiab. Sawvdaws yuav tsis tau tawm los nyob hauv ib phau ntawv xwb. Vim tias nyia muaj nyias qhov zoo. Tej tus yuav muaj keeb kwm ntau hais txog nws tej hauj lwm mas thiaj li yuav cia tso rau lwm phau ntawv. Ua keeb kwm tseg. Hos zaj keeb kwm no yog ib zaj keeb kwm luv luv sib txuas ntau leej ua ke ua ntej los lawm.

Yaj Tshuas Lwm muaj ib co lus suav lub hli. Tej laus hais tias xam yeeb lij nyoog mus raws lub hli xiab thiab nqig nws muaj cov lus hias li no:
1- Liaj qhiab. = txhais tias yog liaj qhua. Lub caij tsis muaj dej.
2- Liaj qhuam= yog liaj av tawg pleb, qhguav qhawv li xwb.
3- Liaj qhib= yog ntuj qhib tshiab,
4-Caiv Muas = Yog lub caij pib hlav nplooj.
5- Paj siab = yog lub caij hlav nplooj tawg paj.
6- Paj tuam = yog lub caij hlav nplooj teeb tag lawd.
7- Liaj qaub= Yog lub caij dej nag nyab nras.
8- Liaj quam= yog lub caij ntuj nag.
9- Paj ntaub mas yoh lub caij dej nag hlob.
10- Taj tuam= ua ntos ntuj nag mus tsis tau qhov twg nyob ua ntos.
11- Caij saub= yog lub caij sau qoob
12- Caij suam= yog lub caij so mus tsham teb chaws saib ub saib no.

Hos Yaj Tsuas Lwm cov lus xam caij nyoog nws hais tias:
1- Muas tawb. Txhais tias=Kev dag.
2-Muas yuaj. = tsis puv.
3-Xab tawb. txhais tias = kev sib zeg.
4- Xab tuaj. =yuav tuaj los sis yuav los.
5- Yawm Seeb. =Ntxuav tes so lawm.[tsis kov dab tsis ntxiv.}
6- Yaj lim. = Pw, mus so lawm.

Kuv tsis tau kawm kom zoo tias yog suav mus li cas thiab ho yog xam li cas. Siv lub sij hawm twg mas xam mus thiab qhov twg yog qhov zoo los qhov tsis zoo no.
Kuv sau nyob Mis Kuj teb hauv lub nroog Sacramento Califonias.

XH. Yaj Zoov Ntxheb lub Tsev THOOB TSIB - Page 6 1925_t10

Yaj Zoov Ntxheb Xib Hwb.

**Maiv Tooj** 12th June 2014, 9:47 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°127

Re: XH. Yaj Zoov Ntxheb lub Tsev THOOB TSIB

Post Maiv Tooj 12th June 2014, 9:47 am

Zaj 122-TXOJ KEV NTSEEG YOG KEV TUAG.

XH. Yaj Zoov Ntxheb lub Tsev THOOB TSIB - Page 6 Ngazad10

Peb ntseeg yog vim muaj kev tuag, peb thiaj ntseeg! Yog tsis muaj kev tuag mas tsis tas yuav muaj kev ntseeg li.
Kev tuag yog thawj lo lus nyob hauv kev ntseeg.
Vim kev tuag nws txi ob lub txiv:
Tuag kom rov muaj txoj sia, los tuag kom txoj sia ploj mus.
A.Tus tuag kom rov tau muaj txoj sia nyob mus li, yog tus nws ntseeg kom hnub tuag Tswv Ntuj pab khaws nws txoj sia mus cia hauv Tswv Ntuj lub hwj chim txog hnub Neeg yuav rov muaj hwj chim ces Tswv Ntuj mam muab txoj sia thiab lub cev rov los tso raws li txoj kev sib haum xeeb, kom tau nyob ua kev li thawj zaug Ntuj pub cai rau txoj sia thiab lub cev xeeb los ua neeg sib raug zoo li tau muaj nyob ua kev los lawd.
B. Hos tsus neeg tuag ua rau txoj sia ploj mus, yog tus tsis muaj kev ntseeg. Nws tuag lub sij hawm muaj kev txhaum kev khaum ntau ntau nyob tom nws txoj hauv kev, thaiv los tsuam vov nws txoj xub ke ua kom nws mus tsis txeem los mus tsis tshab.
Kev tuag, kev txhaum kev khaum tawm los zoo li cas?
-Kev tuag, kev khaum thiab kev txhaum yog Ntuj foom los ces thiaj li raug tau rau neeg!
Vim Tswv Ntuj yog lub hauv paus thiab yog lub ntsis. Nws yog tus tsiaj ntawv A mus txog tus Z. Lub hwj chim txuas ze rau Tswv Ntuj mas yog Leej tib neeg lub hwj chim. Neeg yuav tau ua lub neej nrog Qaum Ntuj tsav tib lub hwj Chim muaj nuj nqes zoo ua ke. Dab thiaj yob kom neeg txeeb ua tus loj dua Qaum Ntuj. Ces neeg thiaj poob los rau kev khaum kev txhaum, ces neeg zwm rau kev tuag.
Ib txhis Qaum Ntuj Yeej tsis hloov li mas thiaj muaj kev ntseeg los txhaws kev tuag. Thiaj hais tias kev ntseeg yog kev tuag. Ntseeg kom muaj txoj sia los ntseeg kom tau txoj sia nyob mus li. Thaum tus ntseeg kom muaj txoj sia, mas Nws rov tau los sib haum xeeb li lub keeb chiv tuaj ntawm lub hauv paus Ntuj Tsim neeg los ua tus nyob ze Ntuj
Neeg yog lb lub me nyuam Tswv yim xwb yuav hloov Qaum Ntuj tsis tau, Ces Qaum Ntuj hais ib lo lus xwb neeg cia li raug kev khaum kev txhaum ces cia li raug zwm rau kev tuag mus lawm.
Ces Yes Xus tuaj cawm lub ntiaj teb neeg nws thiaj li yuav tsum tuag. Thaum Yes Xus tuag tas, nws rov tau txoj sia los ua Nws tug, Thiab Nws pub tau neeg txoj sia rov rau cov neeg ntseeg txog Yes Xus kev cawm.
-Txoj Sia thiab txoj kev tuag yog zoo li ob twg phooj twg sib raug zoo heev. Tus neeg ris txoj sia mus ib sab roob. Hos tus raws txoj kev tuag mus ib sab roob. Thaum nkawd mus sib ntsib saum lub ncov roob ces nkawd sib puag caj dab mus sib puag pw nyob mus ib txhis tsis sib ncaim li lawm.
Lo lus hais tias,Tswv Ntuj yog dab tsi tiag?
Txij thaum ntuj tsim teb raug los txog lub zwj ceeb no Tswv Ntuj tsis tau qhia leej twg tias Tswv Ntuj lub npe hu li cas li! Neeg muab hu ua Qaum ntuj, Tswv Ntuj, Huab Tais Ntuj, Vaj Tswv, Yawm Saub. Los Dab Xeeb teb xeeb Chaw. Yog hu kom sawv daws paub tias yog tus loj loj thiab nyob siab siab saud no xwb. Hos Yes Xus qhia ntiaj teb neeg hais tias Yog Leej Txiv los yog peb txiv no.
-Lo lus tias coj Ntuj kev cai yog dab tsi thiab?
Lo lus coj Ntuj kev cai :
Yog coj Huab Tais Ntuj 10 lo lus qhia, kom hwm Ntuj hwm neeg ua ncaj ua ncees...
Mloog thiab coj nyob hauv nruab siab tuav kev ncaj ncees tso rau tom yus hauv ntej kom nyob hauv neeg lub neej taug nraim tej kev ua neeg dawb huv.
Tus tsis mloog Ntuj 10 lo lus qhia nws nyob hauv pab neeg ntseeg los nws tsis yog neeg coj ntuj kev cai.
Lo lus hais tias peb yog neeg ua Ntuj kev cai, mas yog peb ua kev nyiam kev hlub ua rau Qaum Ntuj ua rau Yes Xus ua rau cov neeg pluag, ua rau cov neeg txom nyem, ua rau tej thawj neeg, ua rau tej kwv tij txheeb ze hu si mas thiaj yog neeg ua Ntuj kev cai.
Peb tsis muaj kev nyiam kev hlub, kev zam nyob hauv peb mas peb hais tsis tau tias peb yog neeg ua ntuj kev cai. Peb lam ua neeg nrauj dab xwb, peb tsis yog co neeg ua Ntuj kev cai.

Coj kev ntseeg yog kev ua tim kawv. Kev ua tim Khawv yog kev tshaj los zeem tseeb tias yog qhov tseeb. Vim tias tseeb lawm thiaj ntseeg, ntseeg mas yog ntseeg qhov tseeb xwb. Tus ntseeg kom muaj koob meej xwb mas tsis muaj nuj nqes rau nws. Tus ntseeg vim yog kev tseeb mas nws muaj hmoo, thiab nws ntseeg raug txoj kev tseeb lawm yuav ua tsis tau cuav pub rau nws tus tsuj Plig thiab nws txoj sia. Nws mus ntsib tau lub cuab tam zoo tas nrho uas Yes Xus hais tias yog lub cuab tam uas Leej Txiv npaj tos koj lawm.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 D6di1o10

**Maiv Tooj** 17th June 2014, 8:17 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°128

Re: XH. Yaj Zoov Ntxheb lub Tsev THOOB TSIB

Post Maiv Tooj 17th June 2014, 8:17 am

Zaj 123- ZAJ OB PIAV TXOG TUS ZOO TXIV NEEJ, LOS TUS ZOO TXIV TSEV.
TUS ZOO POJ NIAM, LOS TUS ZOO NIAM TSEV.

*1-Sab tus zoo txiv neej los tus zoo poj niam:
-Tsuav yog ib tug tseem txiv neej, los tseem poj niam xwb, thiab muaj lub meej mom zoo nkauj zoo nraug phim lub cev ntaj ntsug xwb ces yog tus zoo txiv neej los zoo poj niam lawm.
-Ib tug zoo txiv neej los zoo poj niam. Yog koj ntsib mas muaj tej yam zoo li no:
Cov ntawd lawv txawj hais lus qab zib rau neeg, txawm yog tus txiv neej los tus poj niam, mas neeg xav raws qab nrog nws mus sai. Lawv lo lus qab zib thiab cov lus tham qhib plho muaj xom lees zoo rub neeg lub siab rau txoj kev ntshaws mus nuam yaj haus cua. Tsis nco txog kev txob txhawj li. Lawv coj tus yam ntxwv xws li neeg muaj txuj thiab nplua nuj.
-Cov poj niam lo lus qab zib rub tau cov txiv neej txoj sab qhov muag kom ncaim npoj mus caum qab sai. Hom neeg no, saib mas xws li yog neeg tsim txiaj, nrog lawv khom nqi mas yog neeg pheej yim. Yam tus tsiaj tsis xaiv tswv, muab ntxhiab rau hnia cia lam raws mus.
-Cov txiv neej xws li piav ntawm tus poj niam ua ntej no, mas nws yog hom neeg xav xav nyiag tej poj niam kev hlub coj mus hlub. Tab sis nws hlub tsis tom thawj li, nws tsuas xav yuav los ua nws tug xwb, nws txoj kev hlub me me thiab muaj tsawg tsawg. Nws nyiam muab faib pub rau ntau leej yuav, tus no zoo li nws qiv rau ntau tus poj niam saib xwb. Tsis kam muab los pub rau lawv. Nws yog neeg pluag, thiab xyob txhiaj, ntshaw poj niam kev hlub dawb.
*2- Sab tus zoo niam TSEV los tus zoo txiv TSEV:
-Ib tug zoo niam TSEV los zoo txiv TSEV. Lawv muaj POV HAUM. Hom pov haum no mas tseem zoo tshaj tej pov haum kob pob zeb liab, los kob pob zeb dub xiav uas raug cov sab hnub ci ib yam li lub hnub thaum hnub ntseg uas tsis muaj leej twg yuav ntsia tau li.
-Cov pov haum kob pob zeb no leej twg muaj mas tsuas yog nto moo tias, nws yog neeg nplua nuj no xwb lwm yam nyob nrog nws kuj tseem poob qab thiab.
-Hom pov haum uas tus zoo NIAM TSEV los tus zoo TXIV TSEV muaj no, yog muab los sib piuv mas nws tseem muaj koob meej loj tshaj cov pov haum kob pob zeb no lawm ntau npaug ntxiv:
Hom pov haum uas tus zoo NIAM TSEV los zoo TXIV TSEV muaj no. mas Lawv muaj koob meej nto moo lug. Lawv tsev neeg nyob kaj lug, yeej tau kev mob kev nkeeg coj lawv ua neej nyob laus nkoos.
-Txawm lawv lub meej mom zoo dog dig xwb los tas zeej tsoom saib mas lawv zoo puav tam li Nom tej tub los cov tub Vaj Ntxwv li tub lawm. Lawv cia li ua neeg sawm txhiaj tau zaum luag hauv rooj hais luag hauv lus, noj luag hauv qav li lawm.
-Tej Kwv tij neej tsa ob tog sawv daws nyiam thiab hlub, sawv daws tso siab lug muaj zoo ib tug NIAM TSEV los zoo TXIV TSEV nyob nres nroos khov kho rau ntawd.
-Cov pov haum lawv muaj ntawd, nws tsis cib nyeej rau leej twg, tsis txawj xam khib, tsis paub kev luag ua tub qaug rau yus, txawj zam rau zeej tsoom, tsis npau taws rau leej twg.
-Lub txiaj ntsim cov zoo niam tsev los zoo txiv tsev lawv yuav txais:
Yam li Zeej tsoom saib mas lawv muaj ib lub teeb tsom thooj, tsom kom lawv pom kev lam lug hmo ntuj xws li nruab hnub. Yog leej twg hnov lawv los lus xwb twb zoo li mus ntsib tau ib tug zoo cawm seej txuas tau siav txuas tau neej kom nyob ntev dhawv. Cov no zoo li ua lub neej nyob txawm ze ntug dej lawv yuav txi ib cov txiv qab qab zib uas neeg nyiam nyiam noj, thiah cov tuam los pav thoob qab ntuj yuav kheev nqis rau cov txiv ntoo no.
*3-Cov zoo txiv neej los zoo poj niam no:
Lawv yuav tau txais ib co paj tshab muaj ntau qib lus cov nyom uas tsis xis neeg siab, tab sis zoo li zoo rau neeg qhuas kawg thiab.
-Lawv yog niam SIAB DAWB txiv SIAB ZOO hais los ntawm neeg lub ncauj. Lawv muaj peev xwm kawg ua lag luam pheej yig rau teb chaws yuav, lawv thiaj tau ua lub neej tsim nyog, vim lawv siab dawb pab ntau leej daws kev nyuaj siab. Lawv siv lawv txoj kev hlub luag tej cuag li dej ntws tsis tawj tu.
Nyob hauv lawv nruab siab, lawb nqhis kev hlub puav tam li ntuj qhuav qhawv tau xya niaj, teb qhuav qhawv tau xya xyoo. Txoj kev hlub qhuav yaj tas, tsis muaj ib qho uas tseem noo li. Hnub kawg tsis muaj ib tug yog lawv tus hlub. Ob leeg los ua nkauj hlub seem nraug hlub dua, tau hlub ib vuag saum yas kev yas ncua dua xwb. Nruab hnub sawv daws sib tw thuam, hmo ntuj daws daws sib tw huas. Nruab hnub neeg sib tw hais, hmo ntuj neeg sib tw zais nyias xia nyias taw nrawm coj khiav mus tsiv nraim.
-Hom neeg no lawv raug tau tus mob tsis huv uas tej laus lo lus ua paj lug hais lawm. Leej twg nyob hauv hom neeg no lub hnub nyug laus 50 -60 xyoo txaus tu siab. Ua luag ntej los luag tsis xav caum, lawv qab los luag tsis xav tos.

Yaj Zoov Ntxheb Xib Hwb,

XH. Yaj Zoov Ntxheb lub Tsev THOOB TSIB - Page 6 010

**Maiv Tooj** 18th June 2014, 8:35 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°129

Re: XH. Yaj Zoov Ntxheb lub Tsev THOOB TSIB

Post Maiv Tooj 18th June 2014, 8:35 am

TXHOB THUAM NTUJ.

XH. Yaj Zoov Ntxheb lub Tsev THOOB TSIB - Page 6 Me000011

Kev thuam Ntuj mas yog ib yam tsis zoo kiag li. Txhob hais tias lam sim saib.
= Nyob hauv Mas Kos ntawv Moo Zoo zaj{3:28-29.}
Yes Xus hais tias:
-Kuv hais tseeb rau nej, Ntuj yuav zam tas ib puas tsav yam txhaum rau neeg tej tub ki. Tsis hais cov txhaum thuam Ntuj los tsawm Ntuj.
-Tab sis tus thuam Leej Tswv Yim Ntshiab, mas Ntuj yuav tsis zam ib zaug li.
Tus ntawd mas nws ua ib qho txhaum nyob mus li. Nws tau hais xws li tias,Leej Pleev yog ib tug dab tsis huv lawm.
Lo lus no, mas peb yuav ceev faj kawg! Tej zaum peb yuav tsis txhob txwm thuam Leej Tswv Yim Ntshiab, tiam sis tsam peb tsis nco qab ces peb peb xav tias peb yuav hais yooj yim rau neeg tau! Peb txhob maj xav li ub li no, Tsam peb thuam raug Leej Tswv Yim ntshiab thaum Nws tuaj ua hauj lwm nyob hauv ib tug neeg uas Leej Tswv Yim Ntshiab xaiv tus neeg ntawd los hloov Leej Pleev ua nws txoj hauj lwm rau neeg yaj ceeb, ces peb tau thuam raug Leej Tswv Yim Ntshiab lawm.
-Vim tias cov neeg uas Leej Tswv Yim xaiv Lawv los pab Leej Pleev ua hauj lwm mas Leej Tswv Yim tuaj tsa tsev nyob hauv cov neeg ntawd. Cov lus thiab cov hauj lwm uas Leej Pleev faib rau ua mas twb yog Leej Tswv Yim hom lus nqes saum ntuj los ntau xwb.
Tsis tas li ntawd xwb, tseem tshuav cov me nyuam neeg uas lawv yog neeg siab dawb, uas peb tsis xav tias lawv yuav muaj qab hau dab tsis thiab. Txoj kev lawv ua neeg siab dawb no, tseem muaj nqes dua leej puav uas yog cov thawj neeg uas Leej Tswv Yim Ntshiab tau txib lawv, los nrog Leej Pleev ua nws tej teej qav teej num
= Mas Kos ntawv Moo Zoo zaj,{ 9:38-41.}
Zam hais rau Yes Xus tias:
-Xib Hwb, Peb pom muaj neeg tuav txog koj lub npe los ntiab dab! Nws yog ib tug nrog peb! Peb xav txwv nws...
- Yes Xus hais tias nej txhob txwv lawv!
- Tsis muaj ib tug neeg twg,hu txog kuv lub npe ua hwj huam ces tam sis ntawd nws hais lus phem txog kuv.
Leej twg tsis tiv peb mas nws tuaj peb tog lawm. Leej twg muab ib khob dej rau nej haus vim nej yog Leej Pleev tug,mas tus ntawd kuj yuav tau txais paj tshab.
=Zaj lus no yog ib co lus dav heev thiab muaj nqes tseem ceeb uas nqes saum ntuj los. Nyob Yaj ceeb no nyiam no muaj ntau pab neeg tuav txog Leej Pleev lub npe los ntiab dab. Tseem muaj ntiv zuj zus coob tuaj lawm! Yam li:
Cov Niam Toj, Txiv Toj, cov uas Hmoob hu tias, yog cov ua neeb Saub. Cov no sawv coob leej, tej thaj chaw sawv tas tsev neeg los muaj, hos dua li ib lub zos sawv ob peb leeg, nyob qab zej hauv zos puav ntia.
Cov no sawv los vim tus sim zeej dab tsi thiaj sawv li no!
Vim tias nyob hauv cov thawj neeg tsis hais pab twg los npoj twg li. Yeej muaj tej tus thawj neeg tsis muab siab rau, coj tsis ncaj ncees, tas txhua tus! Tej tus zoo li yog neeg ncaj ncees kuj hais tsis tau qhov tseeb.
Lawv hais lus zoo li yog tseeb, tses hauj lwm yog hauj lwm cuav. Muaj tej tus coj li yog neeg siab dawb tab sis lub ntsej muag yog muab hmoov zeb sib los pleev xwb.
= Zaum no mas tab txawm yog li cas los peb txhob sib thuam. Kev sib thuam tsis coju dab tsi zoo tuaj rau peb li. Nyiam no. Peb tsis paub qhov twg yog qhov tseeb. Mis Kuj teb nyiam no zoo li Hmoob tuaj mus txog cuaj ntsug kev khaub lig lawm. Yog ntawm qhov uas tej laus hais tias, neej dab nyob ua ke, dab neeg nyob sis nce. Neej dab nyob ua pawg, dab neeg nyob sis xyaws. Neej tsawg hos dab ntau.
{ cov neeg zoo tsawg, hos cov neeg phem coob lawm.}
Cov niam toj txiv toj no, lawv kawm hauv tsev, los kawm tom kev tshuam los kawm ntawm tej lub tshav puam los lawv yeej muaj cai tshaj li lawv tau kawm thiab tau paub. Lawv tsuas pab tshaj kom txhob ua kev txhaum kev khaum rau Ntuj thiab rau neeg xwb, lawv kuj tsis hla tej qub kev ntseeg li thiab.
Lawv tsis muaj cai mus tshaj hauv lwm pab neeg tej tsev teev hawm. Lawv kuj txawj mloog lawv tus cai tswj kav lawv. Ua li mas Peb neeg ntiaj teb tsis zoo yuav los mus sib thuam tias, koj pab kuv pawg thiaj zoo thiab yog.
Mas Kos ntawv Moo Zoo zaj { 5: 8-!3.}
Yes Xus hais tias:
Dab tsis huv koj tawm ntawm tus neeg no mus!
Yes Xus nug tias koj lub npe hu ua li cas?
Tus raug dab teb tias: Kuv lub npe hu ua NPOJ! Vim peb coob kawg.
Peb txhua tus txais kev ntseeg, peb yuav saib lo lus tus neeg raug dab hais tias Kuv hu ua NPOJ no.
= Peb txhua tus neeg, feem coob yog cov neeg muaj ntau tus dab nrog peb nyob, niaj hnub raws peb. Los lawv yeej yog cov nrog peb. Lub npe NPOJ no yeej nyob txawm hauv peb nruab siab ntev los lawm!
Thaum peb nrauj dab tas yog peb tsis npuab Yes Xus Pleev thiab Leej Tswv Yim Ntshiab, peb tsis nyiam Tswv Ntuj,tsis coj Tswv Ntuj lo lus qhia. Peb ua ywj fab ywj fwj mus tso siab rau kev saib yaig los ub saib no. Ces peb zoo li lub tsev koom lawm, tsis muaj neeg nyob hauv. Ces Tus hu ua NPOJ no yuav coj ib npoj los nyob hauv peb. Ces peb yuav coob dua qub tuaj lawm. Thiab peb kuj yuav muaj zog dua thaum peb tsis tau nrauj dab.
Tus hu ua NPOJ no lawv yuav los nyob hauv peb, lawv cov npe muab faib los ces yog:
1- Tus dab muab hlob nyiam ua tus loj ntaus thawj.
2-Tus dab khav theeb xav ua tus paub txhua yam.
3- Tus dab siab hlob ntshaw muaj cuab tam ntau, xav yuav luag teej luag tug tas nrho ua yus tug.
4- Tus dab nyiam ua plees yis ntshaw nyiag poj niam los txiv neej tej nplooj siab los ua si.
5- Tus dab ntshaw ua neeg nplua nuj, xav ua tub sab tub nyiag nyiam mus tho luag qhov vaj qhov tsev.
6- Tus dab dag teb dag chaw nyiam ua neeg huab noj huab haus.
7- Tus dab paub paub kev luag ua tub qaug rau yus, tos nrhw luag cov lus saib yam twg xis yus tes ces tuav nkaus xwb.
8- Tus dab txawj xam khib tsom ntsoov saib luag ua npaumli cas.
9- Tus dab npau taws saib ntsoov luag qhov yuam kev.
Thaum kawg peb yuav hnov ib lub suab hais tias:
Dab tsis huav koj tawm hauv tus neeg no mus. Ces luag yuav nug tias:
Koj lub npe hu ua li cas?
Thaum ntawd kawg kuv yuav teb tias; Kuv hu ua Npoj, vim peb coob kawg.
Peb yuav txais lo lus no coj mus xav, saib kom peb lub tsev, muaj ib tug nyob txawm rau hauv peb nruab siab. Kom tus hu ua npoj no txhob tau coj dua ib pab los nyob hauv lub tsev peb tau tso lus rau Leej Tswv Yim Ntshiab tuaj nyob ib zaug dua lawm. Ces peb yuav ntiab tsis tau lawv tawm mus.
Tsam muaj tus hais kom peb tawm ces peb yuav raug faib mus ua ntau tus. Nws nyob puv nkaus rau hauv ib pab tsiaj tsis huv, ces peb tau mus dhia rau lub tsag tob kom tuag tas, tau ua lub chaw rau luag hais.

Yaj Zoov Ntxheb Xib Hwb.

**Maiv Tooj** 22nd June 2014, 11:25 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°130

Re: XH. Yaj Zoov Ntxheb lub Tsev THOOB TSIB

Post Maiv Tooj 22nd June 2014, 11:25 am

ZAJ 124-TXHOB THUAM NTUJ.

Kev thuam Ntuj mas yog ib yam tsis zoo kiag li. Txhob hais tias lam sim saib.
= Nyob hauv Mas Kos ntawv Moo Zoo zaj{3:28-29.}
Yes Xus hais tias:
-Kuv hais tseeb rau nej, Ntuj yuav zam tas ib puas tsav yam txhaum rau neeg tej tub ki. Tsis hais cov txhaum thuam Ntuj los tsawm Ntuj.
-Tab sis tus thuam Leej Tswv Yim Ntshiab, mas Ntuj yuav tsis zam ib zaug li.
Tus ntawd mas nws ua ib qho txhaum nyob mus li. Nws tau hais xws li tias,Leej Pleev yog ib tug dab tsis huv lawm.
Lo lus no, mas peb yuav ceev faj kawg! Tej zaum peb yuav tsis txhob txwm thuam Leej Tswv Yim Ntshiab, tiam sis tsam peb tsis nco qab ces peb peb xav tias peb yuav hais yooj yim rau neeg tau! Peb txhob maj xav li ub li no, Tsam peb thuam raug Leej Tswv Yim ntshiab thaum Nws tuaj ua hauj lwm nyob hauv ib tug neeg uas Leej Tswv Yim Ntshiab xaiv tus neeg ntawd los hloov Leej Pleev ua nws txoj hauj lwm rau neeg yaj ceeb, ces peb tau thuam raug Leej Tswv Yim Ntshiab lawm.
-Vim tias cov neeg uas Leej Tswv Yim xaiv Lawv los pab Leej Pleev ua hauj lwm mas Leej Tswv Yim tuaj tsa tsev nyob hauv cov neeg ntawd. Cov lus thiab cov hauj lwm uas Leej Pleev faib rau ua mas twb yog Leej Tswv Yim hom lus nqes saum ntuj los ntau xwb.
Tsis tas li ntawd xwb, tseem tshuav cov me nyuam neeg uas lawv yog neeg siab dawb, uas peb tsis xav tias lawv yuav muaj qab hau dab tsis thiab. Txoj kev lawv ua neeg siab dawb no, tseem muaj nqes dua leej puav uas yog cov thawj neeg uas Leej Tswv Yim Ntshiab tau txib lawv, los nrog Leej Pleev ua nws tej teej qav teej num
= Mas Kos ntawv Moo Zoo zaj,{ 9:38-41.}
Zam hais rau Yes Xus tias:
-Xib Hwb, Peb pom muaj neeg tuav txog koj lub npe los ntiab dab! Nws yog ib tug nrog peb! Peb xav txwv nws...
- Yes Xus hais tias nej txhob txwv lawv!
- Tsis muaj ib tug neeg twg,hu txog kuv lub npe ua hwj huam ces tam sis ntawd nws hais lus phem txog kuv.
Leej twg tsis tiv peb mas nws tuaj peb tog lawm. Leej twg muab ib khob dej rau nej haus vim nej yog Leej Pleev tug,mas tus ntawd kuj yuav tau txais paj tshab.
=Zaj lus no yog ib co lus dav heev thiab muaj nqes tseem ceeb uas nqes saum ntuj los. Nyob Yaj ceeb no nyiam no muaj ntau pab neeg tuav txog Leej Pleev lub npe los ntiab dab. Tseem muaj ntiv zuj zus coob tuaj lawm! Yam li:
Cov Niam Toj, Txiv Toj, cov uas Hmoob hu tias, yog cov ua neeb Saub. Cov no sawv coob leej, tej thaj chaw sawv tas tsev neeg los muaj, hos dua li ib lub zos sawv ob peb leeg, nyob qab zej hauv zos puav ntia.
Cov no sawv los vim tus sim zeej dab tsi thiaj sawv li no!
Vim tias nyob hauv cov thawj neeg tsis hais pab twg los npoj twg li. Yeej muaj tej tus thawj neeg tsis muab siab rau, coj tsis ncaj ncees, tas txhua tus! Tej tus zoo li yog neeg ncaj ncees kuj hais tsis tau qhov tseeb.
Lawv hais lus zoo li yog tseeb, tses hauj lwm yog hauj lwm cuav. Muaj tej tus coj li yog neeg siab dawb tab sis lub ntsej muag yog muab hmoov zeb sib los pleev xwb.
= Zaum no mas tab txawm yog li cas los peb txhob sib thuam. Kev sib thuam tsis coju dab tsi zoo tuaj rau peb li. Nyiam no. Peb tsis paub qhov twg yog qhov tseeb. Mis Kuj teb nyiam no zoo li Hmoob tuaj mus txog cuaj ntsug kev khaub lig lawm. Yog ntawm qhov uas tej laus hais tias, neej dab nyob ua ke, dab neeg nyob sis nce. Neej dab nyob ua pawg, dab neeg nyob sis xyaws. Neej tsawg hos dab ntau.
{ cov neeg zoo tsawg, hos cov neeg phem coob lawm.}
Cov niam toj txiv toj no, lawv kawm hauv tsev, los kawm tom kev tshuam los kawm ntawm tej lub tshav puam los lawv yeej muaj cai tshaj li lawv tau kawm thiab tau paub. Lawv tsuas pab tshaj kom txhob ua kev txhaum kev khaum rau Ntuj thiab rau neeg xwb, lawv kuj tsis hla tej qub kev ntseeg li thiab.
Lawv tsis muaj cai mus tshaj hauv lwm pab neeg tej tsev teev hawm. Lawv kuj txawj mloog lawv tus cai tswj kav lawv. Ua li mas Peb neeg ntiaj teb tsis zoo yuav los mus sib thuam tias, koj pab kuv pawg thiaj zoo thiab yog.
Mas Kos ntawv Moo Zoo zaj { 5: 8-!3.}
Yes Xus hais tias:
Dab tsis huv koj tawm ntawm tus neeg no mus!
Yes Xus nug tias koj lub npe hu ua li cas?
Tus raug dab teb tias: Kuv lub npe hu ua NPOJ! Vim peb coob kawg.
Peb txhua tus txais kev ntseeg, peb yuav saib lo lus tus neeg raug dab hais tias Kuv hu ua NPOJ no.
= Peb txhua tus neeg, feem coob yog cov neeg muaj ntau tus dab nrog peb nyob, niaj hnub raws peb. Los lawv yeej yog cov nrog peb. Lub npe NPOJ no yeej nyob txawm hauv peb nruab siab ntev los lawm!
Thaum peb nrauj dab tas yog peb tsis npuab Yes Xus Pleev thiab Leej Tswv Yim Ntshiab, peb tsis nyiam Tswv Ntuj,tsis coj Tswv Ntuj lo lus qhia. Peb ua ywj fab ywj fwj mus tso siab rau kev saib yaig los ub saib no. Ces peb zoo li lub tsev koom lawm, tsis muaj neeg nyob hauv. Ces Tus hu ua NPOJ no yuav coj ib npoj los nyob hauv peb. Ces peb yuav coob dua qub tuaj lawm. Thiab peb kuj yuav muaj zog dua thaum peb tsis tau nrauj dab.
Tus hu ua NPOJ no lawv yuav los nyob hauv peb, lawv cov npe muab faib los ces yog:
1- Tus dab muab hlob nyiam ua tus loj ntaus thawj.
2-Tus dab khav theeb xav ua tus paub txhua yam.
3- Tus dab siab hlob ntshaw muaj cuab tam ntau, xav yuav luag teej luag tug tas nrho ua yus tug.
4- Tus dab nyiam ua plees yis ntshaw nyiag poj niam los txiv neej tej nplooj siab los ua si.
5- Tus dab ntshaw ua neeg nplua nuj, xav ua tub sab tub nyiag nyiam mus tho luag qhov vaj qhov tsev.
6- Tus dab dag teb dag chaw nyiam ua neeg huab noj huab haus.
7- Tus dab paub paub kev luag ua tub qaug rau yus, tos nrhw luag cov lus saib yam twg xis yus tes ces tuav nkaus xwb.
8- Tus dab txawj xam khib tsom ntsoov saib luag ua npaumli cas.
9- Tus dab npau taws saib ntsoov luag qhov yuam kev.
Thaum kawg peb yuav hnov ib lub suab hais tias:
Dab tsis huav koj tawm hauv tus neeg no mus. Ces luag yuav nug tias:
Koj lub npe hu ua li cas?
Thaum ntawd kawg kuv yuav teb tias; Kuv hu ua Npoj, vim peb coob kawg.
Peb yuav txais lo lus no coj mus xav, saib kom peb lub tsev, muaj ib tug nyob txawm rau hauv peb nruab siab. Kom tus hu ua npoj no txhob tau coj dua ib pab los nyob hauv lub tsev peb tau tso lus rau Leej Tswv Yim Ntshiab tuaj nyob ib zaug dua lawm. Ces peb yuav ntiab tsis tau lawv tawm mus.
Tsam muaj tus hais kom peb tawm ces peb yuav raug faib mus ua ntau tus. Nws nyob puv nkaus rau hauv ib pab tsiaj tsis huv, ces peb tau mus dhia rau lub tsag tob kom tuag tas, tau ua lub chaw rau luag hais.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 A964f510

**Maiv Tooj** 1st July 2014, 9:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°131

Re: XH. Yaj Zoov Ntxheb lub Tsev THOOB TSIB

Post Maiv Tooj 1st July 2014, 9:00 am

Zaj 125- PHOOJ YWG YOG KEV NPLUA NUJ.

XH. Yaj Zoov Ntxheb lub Tsev THOOB TSIB - Page 6 31799610

A= Kev phooj ywg muaj kev nplua nuj loj rau lub cev ntaj tsug thiab sab ntsuj plig tib si.
Kev ua phooj ywg loj dua kev hlub:
-Piv li , ob tug twb yog txij nkawm sib hlub heev yog hnub twg nkawd tsis muaj kev phooj ywg sib raug zoo lawm mas nkawd txoj kev sib hlub kuj plam tau mus thiab.
-Ob txiv tub los ob niam tub yog nkawd tsis sib ua phooj ywg mas muaj tej yam tub tsis kam qhia rau txiv los ntxhais tsis kam qhia rau niam li.
Ob kwv tij sib hlub kawg, nkawd nyob ua ke ib hnub mas ntev kawg, vim tias nkawd tsis ua phooj ywg, ces nkawd pluag pluag lus los sib tham. Yog muaj hauj lwm mas nkawd nyob ib hnub los twb tsis ntev li. hos tsis muaj hauj lwm mas laj tos kom hnub poob qho kawg thiaj li tau sib ncaim mus.
-Tus muaj phooj ywg mas nws muaj zog, zoo li muaj hmoo, muaj peev xwm, thiab ua neeg thoob tsib txawj tuav yus lub neej kom zoo.

B= Phooj ywg yog ib qho tseem ceeb rau ntawm kev sib raug zoo, thiab kev sib hlub. Nws yog thawj lub zog nres kev sib hlub ntag;
-Ib nkawm tib neeg sab twg los yog, yog tias tsis muaj kev ua phooj ywg ua ntej mas txoj kev twg los tsis ruaj ntseg li.
Cov niam txiv yog tsis muaj kev ua phooj ywg mas txoj keb hlub kav tsis ntev nkawd sib hlub tsis tom thawj.
Lwm tus neeg nyob ze lawv paub thiab txawj pom mas yog cov neeg siab tsis ncaj yuav nyiag tau tej nkawm niam txiv ntawd tej kev sib hlub mus ua si los coj mus yuav tsis xa rov tuaj rau koj los muaj.

C= Kev phooj ywg muaj zog heev:
Tus muaj phooj ywg mws siab loj tab nws ua neej tuaj hauv lub qab tsag los nws tsis ntaus siab me, nws coj ib lub neej xws li tus neeg nplua nuj. Kev phooj ywg nyiaj txiag txawj pov hwm nws kev noj kev haus los kev siv. Vim tias nws tsoom phooj ywg feen coob muaj cov phooj ywg yog neeg siab dwb. Kuj tsis yog ua neeg siab dawb rau txhua leej, lawv cov zoo phooj ywg lawv rov ua siab dwb rau lawv.
-Hos yog neeg siab dawb rau txhua leej mas ib puas leej tej zaum yuav luag muaj ib leeg li xwb.
Phooj ywg yeej muaj zog tab sis nyob hauv tsoom phooj ywg mas txoj ua phooj ywg, yog txoj zoo, koj kuj yuav txawj ceev faj txog tej yam thiab!
-Muaj tej tus nrog koj ua phooj ywg mas lawv kuj tsis yog ua kom tau phooj ywg sib ntseeg thiab tso siab mus li. Lawv tuaj ua koj phooj ywg, kom paub koj siab, saib yuav nyiag koj txuj ci puas tau, los nws yeej npaj siab nyiag kev hlub ntawm koj mus siv los coj mus ua nws tug.

-Kuj muaj leej puav uas yog sawv daws li phooj ywg zoo, nws tsis yog hom neeg thoob tsib, ces nyob hauv cov npoj phooj ywg muaj muaj tej tus paub ua phooj ywg, tab sis tsis muaj lub siab ncaj, kuj ua rau nws tus phooj ywg piam cuab mus. Xws li tab meeg nyiag luag li txij nkawm nplooj siab mus, tso luag pov tseg rau lub hav kho siab los lwj siab, cov phooj ywg ntawd, yog neeg xyob txhiaj loj kawg thiab. { Xyob txhiaj= neeg thab plaub txhua yam.}
-Cov ntawd yog cov uas kuv tau hais ntau zaus hauv lwm zaj lus tias yog co uas lawv nyiam mus rau sab nyiam kev plees los ua neeg dag. Cov no mas thiaj tseem yog neeg xyob txhiaj. Tsis hais tus txiv neej los tus poj niam yog hom neeg coj li no mas yog neeg xyob txhiaj tiag.

D= Phooj ywg yog yam zoo tiag.
Tus zoo txiv tsev nws cov phooj ywg yog zoo li ib pab neeg nplua nuj. Ua rau nws nyob kaj siab lug, pab tau nws kom txawj hais lus muaj tswv yim muaj kev thoob tsib cov lus nws hais txhawv hauv nwsnruab siab los tas zog hais sab twg kuj yog lus muaj tshuaj zoo cawm neeg kom muaj txoj sia nyob ntev dhawv.
Tas ib tsoom phooj ywg tos ntsoov nws lub ncauj hais cov lus pub txoj sia kom sawv daws txawj sib hlub ib leeg zam tau rau ib leeg.
Kuj yog zoo puav tam li nws muaj ib hauv tshuaj pab kom neeg txawj hluas tuaj ua neeg txawj txawj laus maj mam laus. Nws twb muaj hnub nyug 80 tawm xyoo lawm los nws lo lus tseem nrov zoo li cov neeg muaj hnub nyug 50 xyoo ntawd.

E= Tus tsis muaj phooj ywg , tab yog nws muaj nyiaj ntau los nws kuj tseem yog neeg pluag. Nws cov nyiaj pab tsis tau nws, nws ua qhev zov nws cov nyiaj mus li . Nws tawm rooj los tsis tau, tsam muaj tub sab tuaj tho qhov vaj qhob tsev. Nws kuj tshais noj qab los hnav zoo tsam muaj neeg paub tias nws muaj nyiaj ntau, nws lam noj hnav dog dig xwb. Nws coj tus yam ntxwv li nws yog neeg pluag kawg nkaus li.
-Nws tso kwv tij neej tsa tseg coob leej tsis nrog luag ua phooj ywg,vim nws tshais tsam luag paub tias nws muaj nyiaj ntau. Hom neeg no tab yog nws muaj ntau npaum li ib tug tuam los pav los nws yeej tseem pluag. Tej nyiaj nws muaj zoo li nws tsuas yog ib tug yawm sij ceev nyiaj cia xwb tej nyiaj ntawd tsis yog nws tug. Hnub tsis muaj nws lawm cov nyiaj nws muaj ntawd yuav poob mus rau ob txoj kev:
thawj txoj cov nyiaj ntawd yuav yog lwm tus neeg li, luag mam muab los siv.
Txoj ob ces cov nyiaj ntawd yog av tug nws maj mam yaj mus ua av los nws nrog av nyob mus ib txhis tsis muaj neeg paub li.
Hom neeg no mas zej zog muaj noj nqaig haus cawv , muaj noj nqaij noj hno los luag tsis nco qab hu txog los nco xam tias muaj nws nyob ze ntawd thiab.
-Lo lus xaus zaj no:
Peb yuav xyaum ua phooj ywg, thiaj yog txoj kev dav. Koj tsis nco ntshai tsov tom los ntshai neeg phem.hnub kawg koj mus saum ntuj los muaj neeg xav raws koj mus, hos yog koj ho mus dab teb los kuj muaj neeg ua koj luag thiab.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 31801810

**Maiv Tooj** 8th July 2014, 7:58 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°132

Re: XH. Yaj Zoov Ntxheb lub Tsev THOOB TSIB

Post Maiv Tooj 8th July 2014, 7:58 am

Zaj 126- IB LUB NEEJ HMOOB.

XH. Yaj Zoov Ntxheb lub Tsev THOOB TSIB - Page 6 Uci_se10

Ib lub neej Hmoob uas tej laus hu tias; ntuj yav pem suab thiab lub zim txwv no.
-Ntuj yav pem suab, ntau puas xyoo ua ntej ntxov ntxov los txog zim txwv 1980. Tsoom txiv neej Hmoob lub meej mom, lub hwj chim nrog lub koob meej lub peev xwm, lub zog, nyob siab dua tsoom poj niam.
-Hais ntawm ib yim neeg los:
Tus txiv neej, yog tus coj kav txhua fab hauj lwm saum kev noj haus, nrog kev sib raug zoo nrog tsoom kwv tij zej zog ntsuab ze saum tus kev phooj ywg thiab neej tsa.
Kom muaj kev sib haum xeeb nyob taus ua npoj los ua pab pawg muaj kev thaj yeeb nyab xeeb.
-Yog zoo li ib txwm thaum Ntuj tsim teb raug los, tsoom txiv neej Hmoob raug nyob txheej siab muaj meej mom koob meej thiab hwj chim siab dua tsoom poj niam.
-Muab ua twb zoo saib mas yog siab dua tiag, thiab yeej yog lawm:
-Ib Leej Tub los tus txiv neej ntawd yog tus yuav los tuav tus ncej dab ncej qhua.{ Los lus no tseem ceeb heev.}
Lo lus tuav ncej dab ncej qhua no txhais tias:
Leej tub los tus txiv neej no yos tus thoob tsib to nrog nws yuav tuav txoj kev teev tiam niam txiv poj yawm los teev hawm Tswv Ntuj, yog tus uas tej pog yawg hu ua Dab xeeb teb xeeb chaw,uas yog tus tsim lub ntuj lub teb, xeeb txhua tsav txhua yam kom muaj tuaj.
-Leej tub los tus txiv neej no yuav tau muab siab rau tus tus ncej dab ncej qhua no kom zoo. Thiaj ua rau nws tsev neeg noj qab nyob zoo tsis muaj kev khaum kev txhaum, kom dig muag ceg hlaub ceg tawv sav npab sav ceg. Yog tus tub los tus txiv neej no nws txoj hauj lwm.Tej pog yawg yeej muab hais los cob kiag rau tus tub no lawm nws yeej hla tsis dhau li.
Yuav tsum tuav nws lub cuab yim kom txhua tus muaj kev noj qab nyob zoo, mus txhua leej txhua tus kav mus txog {120} leej tas nrho. Nws lub luag hauj lwm suav txij li hnub faib cuab mus nyob ua ib yim neeg nws yuav tau paub thiab txawj ua txhua yam li hais no:
Tsis pub kom tus tub no ua dog dig, kom txhob tso ib leeg twg poob mus ua dab tu caj tu ces. Thiaj hais tias: - Hnub nws nqes tsev los faib cuab mus nyob ua ib yim neeg lawm yuav tsum paub ntov pob ntoos,{ laig dab,} Dhau tej no lawm nws yuav paub txog Hmoob tej txuj ci, kab lis kev cai ua neej nyob koom kwv tij nrog neej tsa, haum xeeb nrog phooj ywg vaj tsab xeem lis txhua xeem.
-Cov uas yog txiv neej yuav paub Hmoob txoj kab lis kev cai, qua ntxhais muab nyab, yuav txawj ua siab ntev kom txhob xeeb muaj plaub ntug, tej laus hais tias, muab npua tub npua ntsw, muab dev tub dev tom. Yuav txawj coj txawj zam kom tau neej tau tsav. Ua twb zoo tuam choj tshoob choj kos txhob pub lov.
--Tus txiv neej kuj yuav txawj tig los saib tus cai lij choj saib tej laus nce hauv toj:
Niam nyob muaj niam neej niam tsav. Txiv nyob muaj txiv kwv txiv tij. Tej niam txiv tau ua lub neej sib hlub los xaus, yuav saib kev txwj neeg laus rau saum lub sam xeeb faib niam txiv tus tsoos laus kev khwv iab khwv daw kom cuaj pluag sib luag yim pluaj sib nte. Choj lov los kom kev tsis tu. Kom txoj kev ua neej ua tsav nyob mus li tshiab tsis nrauj laus.
Yog xeeb muaj tug noj hno tsis poob plab hais tau lo lus tsis ntxim siab lawm los xam tias nqaij lwj tsuas yog ib daig, neeg phem los tsuas yog ib tug xwb tsis yog tas caj ces cuab xeem dawv daws ua. Kev neej nyob muaj npaum nplooj kev tsav nyob muaj npaum tsuag txhob lam ua tsam muaj hnub ces ho tau kev txaj muag.
-Ntawm txiv neej sab muaj zoo li tej hais saum no:
Tej niam tej txi thiaj tau muab cov tub los tus txiv neej tso rau sab muaj hwj chim meej mom loj siab dua cov poj niam. Kug yog ib qho zoo tsis tsim nyog yuav thuam tog twg li, vim tias txiv neej lub siab yeej tawv thiab muaj peev xwm ua tau neeg tus thawj li ntawd tseeb.
-Poj niam sab tej niam tej txi tso nyob theem qis dua. Kuj tsis txhais tias yog phem thiab saib tsis taus cov poj niam.
Lub zim txwv ntawd neeg kev vam meej tseem nyob qis heev, ib qho los vim poj niam lub zog tab dua, lub siab muag dua thiab. Poj niam qaug rau cov lus cuav ntau dua cov lus tseem ceeb. Tej laus thiaj hais tau lo lus no: Poj niam swb lus ces nws swb lub cev rau thiab.
-Txij xyoo1980 los txog lub zwj ceeb no thiab yav tom ntej tsis paub pes tsawg xyoo li tsoom Hmoob muaj cov tau ua neeg thoj nam nam vim tsov rog, tau tsiv mus nyob rau vaim kuj teb. Muaj ntau txhiab tus Hmoob tau mus nyob thoob qab ntuj.
-Tsom tub ntxhais tau txai ib txoj kev tsa cuab yim nyuaj dua lub neej ntuj yav thaud lawm:Muaj ntau leej tub ntxhais hnub nyug txog 30 xyoo tseem ua nkauj xwb nraug xwb nyob, tsis tau tsa cuab tsa yim, los tshaj li ntawd kuj muaj,tsis tau muaj txig muaj nkawm. Yog vim dab tsi tiag?
-Vim tias cov tau mus ua neej nyob rau vaim kuj teb chaws lawv mus ntsib kev vam meej sai dhau, thiab mus paub txoj kev vaj huam sib luag no sai thiab lawv tsis paub xaiv tias qhov twg thiaj yog qhov tseem ceeb rau tus txiv neej los tus poj niam hmoob lub neej.
-Lawv paub thiab pom cov zoo txiv neej los zoo poj niam muaj coobkawg. Lawv kuj muaj siab muaj ntsws lawv xav xaiv tus zoo niam tsev los tus zoo txiv tsev mas, yog ib yam xaiv thiab nrhiav nyuaj heev. Thiaj muaj ib co nkauj xwb nraug xwb muaj 30 xyoo los tshaj ntawd tseem yog tub ntxhais hluas nyob ua nkauj tab seeb nraug tab seeb.
Nyob Vaim kuj teb luag txoj kev vaj huam sib luag no nyob ze ze dab teb:
-Yam li neej dab nyob ua ke dab neeg nyov sis nce, neej dab nyob ua pawg, dab neeg nyob sis xyaws. Muaj tub sab tub nyiag ntau, Muaj coob tus poj niam,los ntau tus txiv neej yog hom neeg xav nyiag luag lwm leej lwm tus li kev hlub coj los ua yus tug.
-Cov no puav leej yog tib hom txawm yog txiv neej los poj niam lawv yog pab neeg xyob txhiaj. Muaj ntawv puav nyiaj xwb los tsab ua neeg muaj siv nyiaj xws li tau dawb poob saum ntuj los. Coj tej lub tswv yim txawv txawv uas neeg twv tsis tau, saib tsis tawm.
Tus mob xyob txhiaj no mas ntshai tseem yuav ua neej nrog Hmoob nyob mus ntau tiam neeg ntxiv, ntev lis cas tsis paub.
Tej Hais no tsis yog Hmoob yog cov phem duav luag tej Mab Sua Sawv daws puav leej raug tus mob no, Hmoob tsis pom qab ua, ces Hmoob ua rau Hmoob ces hmoob thiaj pom tseeb thiab paub meej xwb. Mab Sua luag kuj ua ntau. Luag tseem yog cov thawj neeg ua raug poob nyiaj txog caum los pua txhiab xwb.
Ntuj yav pem suab dhau los lawd, tej pog tej yawg lawv tsis muaj kev tso vaj huam sib luag.
-Cov nkauj fa nraug fav ntshai muaj li 2% xwb cov no yog cov plam tes npleem taw thiaj tau ua li ntawd.
-Cov uas hmoob hais tias ntuj tsis nqus tes, ntuj nqus taw tsis muaj dej tshuaj kho tib neeg tus kab mob kev nkeeg niam txiv thiaj tau tso lub ntiaj teb tseg. Thiaj muaj tub ntsoj ntxhais ntsuag nyob ua luag tej puab rooj los puab ntsa.
Txij li xyoo 1980 los rau zim txwv no thiab yav tom ntej tsis paub yuav ntev li cas!
1-Cov tub ntsoj ntxhais ntsuag tseem uas yog niam txiv ploj tuag mus yog cov tsawg.feem pua muaj tsis tau suav tseeb,kwv yees 8%
2-Cov tub ntxhais ua ntsuag ciaj. Muaj txiv tsis yog nws txiv, los muaj niam kuj tsis yog nws niam15%.
3-Cov Tseem muaj zoo niam zoo txiv 70 %
4-Cov niam txiv tso ywj fab ywj hwj 7%
-Cov niam txiv tau tso lawv tej tub ki ua ntsuag ciaj no mas lawv hais tias lawv nyob hauv kev vam meej nrog kev muaj vaj huam sib luag. Lawv mus dhau qhov tseeb lawm xyov lawv tej kev vaj huam sib luag no tawm sab ntuj twg los li, tsuas yog cov neeg phem sib xws lawv thiaj paub xwb hos cov zoo neeg tsis tau pom dua thiab paub txog li.
Txoj kev muaj vaj huam sib luag thiab kev vam meej raws li txheej tshiab cov thawj neeg hais thiab xav kom coj mus mas yog tej yam tseeb li hais no:
Yam li poj niam yuav hwm tus txiv neej yog neeg muaj nuj nqes,muaj peev xwm nrog hwj chim yuav hwm thiab saib taus nws hlub raws li kev tsim nyog.
Hos txiv neej kuj yuav saib tias poj niam muaj nuj nqes loj tib yam nws pab tau tus txiv neej lub luag hauj lwm kom mus zoo thiab pab tus txiv neej muaj siab ua nws lub neej kom mus kawg ntsis.
Thaum ob leeg los nyob ua kev tsis yog ib tug los ua nom hos ib tug los ua qhev. Nom los yog ob leeg ua sawv sib txig. Hos qhev los kuj yog ob leeg ua mus sib nrawg.
Txiv ua Nom niam kuj yog poj Nom. Niam ua qhev txiv kuj yog nraug qhev.
-Hmoob liv xwm muaj ib zaj dab neeg hais txog ib tug tub ntsuag nws mus xaiv nyab. Xaiv tas nrho cov thawj neeg, tej nom tswv xeev laus qab zej hauv zos tej ntxhais tas tsis muaj leej twg kam yuav tub ntsuag li. Nws xaiv mus txog ib tug ntxhais ntsuag zoo li nws thiab.
Nws tau hais ib lo lus rau tus ntxhais tias:
Kuv yuav koj no koj puas kam ev kev tawm hauv tsev mus, thaum wb yuav mus ua teb?
Yog tsis muaj neeg nug los tseg, muaj neeg nug no koj hais yau yau rau tias Nws yog Huab Tais no rau xwb. Ces muaj ib hnub ib tug pog txawm hais rau tus ntxhais tias, niag ntsuag txom nyem tas npaud ua cas koj tseem muab nws ev mus ua teb thiab. Koj yuav ua nws qhev mus txog thaum twg no? Koj twb txom nyem ua luaj li no thiab!
Tus ntxhais ntxhi yau yau rau tus pog laus ntawd tias Nws yoh Huab Tais hod.
Ces tus pog ntawd mus hais rau tas lub zos tias tub ntsuag yog Huab Tais lawm no lauj. ces tas zej zog nsawv daws ris qaib cab nyuj cab npua tuaj tua rau nkawd noj. Tub Ntsuag nws rov khaws lawv tej neeg laus cov lus zoo coj rov los foom rau zeej tsoom neeg. Ces nkawd cia sawv tsheej ua luag ib tug thawj neeg sawv ua Huab tais lawm.
Thiaj hais tau tias ob leeg tau ua huab Tais thiab poj Huab Tais lawm.
-Peb yuav mus raws li lub neej vam meej thiab muaj kev vaj huam sib luag mas peb mus saib txog zaj dab neeg luv luv no, vim tias,Tub ntsuag thiab nkauj ntsuag nkawd sib hwm li no ntiaj teb zej zog thiaj saib taus, ob leeg tau los ua Huab Tais thiab Poj Huab Tais .
-Txoj kev sib nres sib hwm kom hlob mus tsheej thawj neeg:
_Yog niam quaj lawm mas leej txiv yuav muaj kev tu siab nrog, hos tus niam luag ntxhi lawm mas leej txiv yuav muaj kev kaj siab lug thiaj yog kev muaj vaj huam sib luag tseeb.
Zaj lus no Hmoob yeej ib txwm paub los ntxov thiab tau ntau tiam los lawm:
-Leej txiv txawm nws ntse npaum twg yog tus niam tsis qhuas mas nws ntse tsis nto ntsis.
-Hos niam txawm nquag npaum twg los txiv tsis qhuas thiab tsis hlub mas niam yeej nquag mus tsis ti txha.
-Yog leej twg tsis ntseeg sim xyaum sib thuam ntawm nws tus txij nkawm saib nws yuav kawm tau sai kawg.
-Muaj li no tiag, Thiaj hais tau tias raug dab mas tsis nyuaj, muab xyab muab ntawv los pauj ces tas cai tas lus lawm.
Yog raug neej mas kawg yog siav pauv siav xwb nyiaj kub twb daws tsis tau.
Hais txog qhov tias cov poj niam nyob qis dua co txiv neej yeej muaj tseeb, thiab tsis yog ib yam phem nyob hauv haiv Hmoob txoj kab li kev cai.
-Vim tias tsoom poj niam txheej thaud lawv muaj ib lub siab muag, lawv lub zog tab dua, lawv lub peev xwm loj tsis txaus los ua ib tug thawj neeg thiab poj niam ncauj liab dua, ces muaj tej zaum poj niam ntseeg cov lus cuav sai dua thiab ces thiaj tau swb lus ces swb cev nrog thiab. Txawm muaj li ntawd los. Tsis tau muab ntaus nqi tias poj niam tsis tsim txiaj.Qhov tseeb yeej muab poj niam saib ua ib feem loj, tsis tau muab los tshaj tias lub koob meej hwj chim vaj huam loj sib luag li txiv neej xwb. Sab zais ntsis mas poj niam thiab txiv neej yeej muaj hwj chim Vaj huam sib luag zoo tib yam lawm.
-Thawj Pab Hmoob tau mus ua neej nyob Vaim kuj teb lawv paub txoj kev vam meej thiab Vaj huam no tsis sib luag los sib xws. Lawv taug txoj kev muaj Vaj Huam sib luag no ces lawv mus tshuam rau txoj kev ua neeg Xyob txhiaj ntau dua txoj kev tseem ceeb saum tus cai Vaj Huam sib luag ntawd:
- Feem coob lawv mus tshuam rau txoj kev vaj huam sib luag mus raws kev ua plees ua yi. Tsuav yog tus poj niam los tus txiv neej yeem xwb ces nws nyiag luag kev hlub nyob hauv luag nplooj siab coj mus ua nws tug los nyiag coj mus ua si, tsis yog coj mus hlub. Vim nws xav rhuav niam txiv kev hlub nrog cov tub ki kev hlu huv si kom lawv tu kev sib hlub hauv txij nkawm thiab tub ki tas nrho mus. Yam no tsis yog txoj zoo thiab kev thaj yeeb rau leej tib neeg.
-Yog ib txoj kev phem tso dab tom neeg xws li tej kwv huam uas tej laus muaj tej tus hais tias muaj neeg txawj tso dab tom. Tseeb tiag zaj no yeej yog tso dab tuaj tom lawm. Tus dab ntawd yog tus neeg siv lub siab ntais ntuj qias neeg li no ntag. Yog ib yam phem tiag, vim hom dab plees yi no lom thiab tua tau tus ntsuj plig kom qaug mus xib rau dab tau. Nws rov xeev los ua neeg siab dawb mas nyuaj kawg.
-Nws qhau tau tus ntsuj plig tuag mus nrog lub cev ntaj ntsug kom sawv tsis tau los mus thawj thiab ua neej tiam tom ntej;{ tus ntsuj plig tuag nyob hauv kev ua txhaum ces tus cawm seej cawm tsis tau lawm.}
-Zaj lus no sau los tau kawm paub tswv yim xwb, tsis yog sau los thuam ib leej tib neeg twg li. Hais kom meej, tsis noj leej twg nkaub tuav leej twg npe. Tsuas hais kom tau ib zaj txuj ci cia rau leej xav paub tuav ib lub neej kom tseem ceeb rau nws tus kheej uas nws yuav ua npau suav zoo mus yav tom ntej.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Hmong-10

**Maiv Tooj** 12th July 2014, 9:51 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°133

Re: XH. Yaj Zoov Ntxheb lub Tsev THOOB TSIB

Post Maiv Tooj 12th July 2014, 9:51 am

Zaj 127- NTIAJ TEB NEEG KEV SIB TSHUAM.

XH. Yaj Zoov Ntxheb lub Tsev THOOB TSIB - Page 6 Concla10

Lub ntuj lub teb txij li xyoo 2000 los rau nyem no, tsis hais lub teb chaws twg los hom neeg twg li. Sawv daws muaj ntau txoj kev sib tshuam. Cov kev sib tshuam no muaj ob sab tib si.
- kev tshuam sab ntsuj plig nrog lub cev,thiab kev tshuam sab cev nqaij daim tawv nrog hwj Chim.

A.Kev tshuam rau sab ntsuj plig thiab luv cev.
-Yog Neeg ntiaj teb li kev ntseeg, tsis suav tias cov kev ntseeg zoo li cas, thiab tsis thuam tias, ib co yog kev ntseeg zoo, Hos ib co yog kev ntseeg phem.
Kev ntseeg nws lub keeb chiv mas yog kev zoo. Ib tug neeg ntseeg ib yam dab tsis mas yog xav ua txoj zoo xwb thiaj ntseeg.
Tab sis thaum txais tau txoj kev ntseeg lawm mas mam li hloov los mus ua hwj chim, thiab ua kev sib txawv mus tshuam rau lwm yam, tas txhua yam li. Ces thiaj hais tau tias ntiaj teb kev sib tshuam.
Neeg ntiaj teb sawv daws kev thoob tsib tsis sib luag,paub tsis thoob txiav tsis meej. Tus tseem Huab Tais uas Nws yeej ib txwm nyob uas tsis muaj neeg paub lub caij nws yug los, yog tus tseem tiag los muab saib zoo li yog ib lub npe me tsis muaj tsim dab tsi. Hos tej tus yog neeg xwb los ho muab saib loj li Tus tseem Ntuj Niam Ntuj Txi lawm, los muaj.
-Tas nrho co npe uas neeg ntiaj teb muab hu ua Huab Tais, mas sawv daws tsis yog tus tseem. Kawg muaj tib tug yog tus tseem tiag. Tus ntawd yog tus Haiv neeg Hmoob hu ua tus Dab Xeeb lub ntuj lub teb, xeeb kom muaj tsiaj txhu xyoob ntoo, nroj tsuag, thiab xeeb muaj kab noog, txhua yam nyob txheej ntuj saud thiab nyob ntiaj teb no puas tsav puas yam.
-Tus no Nws yog tus ib txwm nyob txawm puag thaum twg los lawm.
Ua ntej Yes Xus yug los 2000 xyoo ntawd Nws tau tshoj tus Yawg hu ua Has Nplas kom nws ntseeg, Nws ua Has Nplas tus Tswv Ntuj thiab tau tis npe tshooj rau kom hu ua Has Nplas Has. Tom qab nws yuav coj tsoom His Xas Lais tawm ntawm Hais Nkws Tos Teb los Nws hais rau Mais Xes tias, Kuv yog Huas Nplas tus Tswv Ntuj, His Xas Has Tus Tswv Ntuj, thiab Yas Kos, tus Tswv Ntuj. Thaum Yes Xus yug los lawm Nws qhia cov Thwj Tim tias, Tswv Ntuj Yog Kuv Txiv thiab yog Nej Txiv Tus no yog tus tseem uas neeg ntiaj teb tsis paub Nws yug los thaum twg. Paub ces nws yeej nyob lawm. Tus no yog tus tseem Ntuj Niam Ntuj Txiv yog Haub Tais Ntuj, uas xeeb kom muaj puas tsav yam nyob saum ntuj thiab nyob ntiaj teb no.
Dua li muaj lwm tus Huab tais uas neeg ntiaj teb teev hawm. Nyob ntawm tus xeeb teb xeeb chaw nws xub ntiag mas nws tsis saib tias yuam kev.
-Tus Huab Tais xeeb lub ntuj lub teb mas nws saib tias neeg tsuas paub txog tej yam qis qis xwb Nws tsuas saib saib neeg lub siab puas ua ncaj tawm dawb huv hauv neeg nruab siab tuaj xwb. Zoo li lo lus Hmoob hu tias Niam au! Pab au! Txiv au! Pab lau! Los thaum Hmoob hu txog tus ntoo txwj ntoo laus pab pov kom dab tsov dab ntxoog txhob tom. Los hu lub pob zeb tias, Zeb txwj zeb laug thov koj pab kom dab zaj dab nab txhob pom txhob nqos kuv aud!
Tej yam no neeg txawm muab hu ua Huab Tais los neeg tsuas paub txog qhov ntawd xwb. Txhua yam yeej yog tus nyob saud li hauj lwm, ces Nws yeej pab tas nrho lawm.
-Hos tas nrho cov npe hu ua Huab tais no mas muaj tuaj tom qab dej nyab ntiaj teb. Lub caij neeg ri mus thoob lub qab ntuj khwb uas nyias muaj nyias haiv neeg thiab nyias muaj nyias xeem lus sib txawv li tam sim no uas peb paub tias muaj tej xeem lus tsis sib xws li no. Mas ib paug neeg muaj ib tug thawj neeg muaj zog thiab muaj tswv yim zoo tshaj luag tej lawm mas nws kuj ua Huab tais, rau neeg hwm. Tab sis tsis hwm zoo li tus tsim Ntuj tsim teb.
-Cov Huab Tais neeg sawv los ua mas neeg hwm kom neeg tau zoo meej mom los Huab Tais tsa yus ua tus loj los muaj npe nto moo muaj hwj chim.
Nrog rau sab cev nqaij taim tawv nrog lub meej mom, tsim txiaj.
-Cov Huab Tais uas neeg ntiaj teb hwm tias Yog tus Tswv Ntuj Tswv Teb uas tsim lub ntuj lub teb
-Muaj tej tus muab hwm zoo li tus tsim ntuj tim teb los Tus Tsim ntuj tsim teb tsis tau muab ntau nqi ua tus phem. Tej zaum tus luag teev hawm li ntawd ua ntej yuav muaj cov xwm thiab zaj lus los mas Tej zaum Ntuj tau txib nws los hais ib lo lus rau ntiaj teb neeg lawm,ces neeg ntiaj teb no thoob tsib tsis tshab txiav tsis meej ces tau hais tawm tias yog Huab Tais no lawm ces ua rau neeg thiaj tau hwm li ntawd lawm los Ntuj Niam Ntuj Txi yeej tseem saib tias yog ib yam zoo. Tus no nyob hauv qab Tus Tswv Ntuj Tswv teb lub hwj chim xwb. Tsis yog Huab Tais, thiab Huab Tais sib cais tawm los. Hos yog neeg xav li ntawd tawm los xwb.
-Qhov yuam kev tseeb mas yog yam tsis muaj ces neeg muab ntseeg li muaj tseeb:
Yog tus dab zaj, los tus dab xob, los dab qhov dej npau thiab dab qhov ntuj. Cov no yog cov dab tsis muaj tab sis neeg tau muab ntseeg tias muaj tseeb thiab yog cov dab muaj peev xwm loj uas ua kom neeg tuag mus tau.tej no tseeb lawm ntseeg yuav kev tiag.
Cov lus Hmoob tau hu los lawd yam li tias:
-Tus Dab xeeb teb xeeb chaws muaj tseeb Nws yog Tswv Ntuj Tswv Teb.
-Tus hu ua Huab Tais Ntuj mas txhais hais tias, yog tus loj li lub ntuj Nws yog tus tsim lub ntuj lub teb, tsim tas ib puas tsav yam.
-Tus hu ua Vaj Tswv kuj yog tus Vaj kav lub ntuj lub teb. Kav tas txhua yam.
-Tus hu ua yawm Saub kuj yog tus qhia tas nrho txhua yam kom muaj tuaj nyob saum ntuj los nyob ntiaj teb no.
Cov npe no puav leej haum rau Ntuj Niam Ntuj txi tus tsim nkauj hnub nraug hli ua kom muaj tuaj txhij txhua.
Yog lo lus ua hais kom neeg paub tias yog qhov tseeb ces yog tseeb lawm.
-Lub npe no dav heev lwm phaj neeg lawv tseem yuav muab nws hu ua li cas los muaj. Huab Tais Ntuj lub npe tiag mas Nws tsis tau qhia rau leej twg li. Mais Xes nug ntau zau Nws mam hais ib los tias Tswv Ntuj lub npe hu ua tus nyob thiab yuav nyob mus li. Yog lo lus tias nyobg thiab yuav nyob mus li. Mas thiaj hais tau tias lwm tiam los lwm phaj neeg tseem yuav hu ua li cas los muaj thiab hu tau
-Hais txog cov npe hu ua Huab Tais rau neeg ntiaj teb teev hwam txawm neeg yuav ntseeg li cas losTus tseem Tswv Ntuj yeej tsis ua rog rau tus Huab Tais twg li, Nws yeej paub tseeb lawm tias Tas txhua yam muaj tuaj nyob hauv nws xib teg, qee yam yog nws ua tus xa tuaj rhawv los thoov kev ua ntej xwb. Ces neeg muab hu ua Huab Tais los tsuav yog nyob hauv pab neeg hwm txoj kev cai ntawd muaj qhov pab kom neeg ua siab ncaj rau txoj kev Hwm Ntuj hwm neeg mas yog zoo lawm.

Cov ntseeg txog Yes Xus lub Moo Zoo ua ntej muaj tib pab xwb yog lub Koom Txoos Ka Tau Liv tom qab muaj ib pab hu ua cov Os Tos Dov. Pab no yog neeg sib txeeb tias leej twg yog tus loj ces lawv sib ncaim.
-Tau 500 xyoo tom qab, Pab ob Yog Lws Tes ncaim. Pab ncaim lawm thiab sib ncaim mus ua ntau pab yog cov ncaim ntawm Lws Tes mus ua ntau pab yog saib los mas lawv muab Yes Xus faib ua ntau tus tsis ib yam los sib xws.
Muab ntsuam los mas zoo li tej pab lawv saib qhov Yes Xus ua kom mov ntau tuaj nyob tim roob tauj uas lawv hu ua lub roob txoj hmoov zoo.
Muaj tej pab lawv hais tias lawv tus Yes Xus mas yog mus taw saum nplaim dej lawv tus yog tus tawm hauv hiav txwv los.
-Hos tej pab lawv tus yog tus Yes Xus kaw qhov rooj tas thiab tua teeb tas. Yes Xus tawm tuaj hais rau cov Twj tim tias nej nyob kaj lug, lawv saib qib no ua qib loj.
-Tom qab muaj ib pab ncaim los ntawm Tus Vaj Aas Kiv cov no lawv kuj ua lawv ib pab tab sis lawv kuj hloov ntau yam ,lawv nyob ze cov Ka Tau Liv dua me ntsis.
Yes Xus tsis tau hais dab tsi txog cov neeg sib ncaim no. Yog peb mus mloog Yes Xus cov lus uas hmo Nws nrog Nws cov thwj Tim noj pluas mov kawg nws hais txog Yus Das tus ntxeev siab muab Yes Xus rau luag ntes mas phim peb sawd daws yuav los ua ib pab xwb mas thiaj zoo. Yes Xus lo lus tias tus muab kuv rau luag ntses mas nws toj hmoov phem yog nws tsis txhob yug los ua neeg mas zoo dua, Los lus no yeej nyob tas nrho hauv peb tej kev sib tshuam no lawm. Neeg txoj kev sib ncaim ntawm lub Moo Zoo yog ib qho loj tiag. Ib co hais tias Lab Liab tsis muaj qab hau. Yog tsis muaj Mab Liab Yes Xus tsis tau nqes los ua Tswv Ntuj lo lus sau rau hauv cov ntawv ntshiab ua Lub Moo Zoo no. Yog hais rau peb ib Leej niam nyob ntiaj teb no tias koj niam los kuv niam mas tsis muaj qab hau dab tsis mas peb yuav tsis sib haum tej zaum peb yuav sib ua rog los muaj thiab, yog Tswv Ntuj Leej niam lawm ua cas kuv ho yuav saib qis dua ib tsoom neeg cov leej niam puas yuav tsim nyog.

B.Nyem no muaj ib co kev tshuam ntxiv los tshuam tshiab.
Muaj nyob hauv tas txhua Haiv neeg. Saum Mab Sua los tib yam li Hmoob thiab yog tsis paub lus ces hnov tej lub moo loj xwb:
- Zoo li hais txog lub ntuj yuav kawg lub teb yuav tas. Lub hnub yuav ploj mus yuav tsis muaj qhov pom kev thiab qhov tsaus ntuj li lawm. Yuav npaj mov noj npaj dej haus npaj roj taws teeb tsam tsis muaj noj, thiab yuav tsis pom kev.
-Hos nyob hauv Hmoob mas muaj cov sawv los ua Saub. Ua neeb Saub, paub txog lub neej dhau los thiab yav tom ntej.
-Cov sawv li Hmoob uas niaj hnub pom thiab ntsib li no. Kuj tsis yog sawv los tiv Huab Tais Ntuj, los tiv Vaj Tswv Thiab Yawm Saub. Lawv sawv los pab Ntuj tshaj tej lus kom ntiaj teb neeg txhob ua kev txhaum kev khaum ntau lawm.
-Vim tias, cov kev sib tshuam yav ua ntej no muaj qee leej nyob hauv cov thawj neeg tsis yog neeg siab ncaj ncees. lawv tau hla Ntuj lus nyob hauv kev sis nyiam sis hlub ntau theem. Ces Ntuj xav kom muaj tej tus neeg sawv los hais txog kev khaum kev txhaum rau ntiaj teb neeg paub. Nws hu ib co poj niam los ib co Txiv neej los tshaj thiab cheem neeg yaj ceeb tej kev txhaum kev khaum no tseg.
Thaum muaj ib npoj neeg tshiab sawv li no mas muaj tus phem raws lawv qab tsis tseg thiab. Tus phem no nws kuj muaj lub peev xwm ua hwj huam los qhia kev thoob tsib mus raws li nws sab rau neeg kom paub me ntsis, thiab mem tau tias, yuav muaj dab tsis tshwm sim. Txawm tsis muaj los tus Phem kuj qhia kom hais tau los paub tej yam yauv tshwm tom ntej tias, nws yuav zoo li cas, hais kom txaus ntseeg
-Muaj li no nyob nrog txhua yam. Yav thaud los yeej muaj li no. Hos nyem no los yeej muaj tej no. Cov phiaj neeg sawv tshiab no, muaj qee leej yuav nyob ntev. Hos muaj qee leej nyob ib vuag li tsib xyoos mus li cuaj xyoo, los kaum tsib xyoos. Ces kuj yuav muaj kam hloov tej yam nyob hauv lawv.
-Yam yuav hloov tau kom cia li ploj ntawm tus tib neeg mus yog peb daim phiaj no:
1.Tus phem ua kom tus tib neeg nyiam ua thawj neeg, ntshaw ib lub meej mom zoo kom ntiaj teb cav txog. Nws yuav los leeg Ua Ntuj leej tub tseeb uas yog Ntuj xa tuaj hloov Ntuj chaw nyob ntiaj teb no ua Ntuj hauj lwm.
2.Tus Phem ntsias kom tus tib neeg no tshaw cuab tam ntau ua neeg nplua nuj huas txhiaj txheej ntau kom raug neeg muab thuam thiab ntxub.
3-Tus tib neeg no nws yuav paub kev seev mob nkeeg txawj daws teeb meem pob caus hauv neeg tej roj ntsha ua rau neeg siab kaj. Yog thaum tus tib neeg no ntsib raug ib tug txiv neej los sis yog ib tug poj niam tus mem tes dhia haum nws nplooj siab ces yog nws nyiag tau lub siab lawm. Ces nws yuav qhib yav tom ntej thiab yav dhau los tias, nkawd yog neeg sib paub muaj ntawv nyiaj keeb puaj txwm yav thaum ub los lawm. Los yog ntawv puaj txwm yeej sib raug nyob pem ntuj los lawm, tiam thaum ub nkawd yog txij nkawm dua ib zaug los lawm.
-Yog thaum los ze peb txheej lus no lawm mas nws hwj chim peev xwm los xaus rau hnub ntawd lawm.
-Tej tus sawv los, mas yuav coj Haiv Hmoob mus nyob muaj teb chaws thov Poj Koob yawm koob tuaj tsa kom muaj ib tug Huab Tais Hmoob, los coj tswj kav hmoob. Yuav hloov ntaub ntawv kom txawv txawv tsis xws li Mab Sua, Hmoob yog Hmoob lawm mas yuav tsum ua kom txawv thiaj yog Hmoob teej hmoob tug.Tej tus sawv los yog los daws tej pog tej yawg ib ob tiam ua ntej tej kev ua txhaum tub qaug rau lub ntuj los tub qaug rau tej tus neeg lawm. Nws tsuas los daws tej no xwb. Nws tus kheej kuj yog neeg dawb huv.
Tas Nrho cov phiaj neeg no mas puav leej nyob hauv Tus tsim Ntuj tsim teb nws xib teg. Lawv hais tias, lawv ua cov hauj lwm Ntuj txib lawv ua. Tsis musj ib tug hais tias yuav los tiv tus tsim ntij tsim teb. Nws hais tau tej yam ib nyuag tsiv mloog me ntsis , xws li yog Mab Sua teev ib tug lawm mas xav kom Hmoob tus tis dua ib lub npe txawv rau kom txhob yog tib tug.
Zoo li Nyob Saum ntuj mas muaj ntau tus kwv tij ua Huab Tais sib txawv. Tus saib Suav yog ib tug, Tus saib Cov Mis kuj Nws muaj nws ib tug. Tus saib Hmoob nws yuav tsum yog dua lwm tus txhob yog tus saib Fuaj Kuj cov neeg. Kwv Tij kuv sau cov kev sib tshuam no mas kuv sau li muaj neeg tau hais thiab neeg tau xav li no xwb. Kuv tsis tau txhob txwm hais los kom peb tau sib rhuav los peb tau sib tawm tsam rau Huab Tais qaum ntuj. Kuv hais li kuv xav thiab cov neeg tau hais muaj li lub siab ntshaw xav kom tau li ntawd xwb.
Hauv kuv tus kheej mas kuv saib zoo li yog ib txoj kev kawm kom ua neeg meej pem dua ib qib ntxiv xwb.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 A964f511

**Maiv Tooj** 17th July 2014, 9:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°134

Re: XH. Yaj Zoov Ntxheb lub Tsev THOOB TSIB

Post Maiv Tooj 17th July 2014, 9:28 am

Zaj 128- KEV MLOOG NTUJ LUS YOG KEV TSEEB.

Zaj lus no kuv sau hais txog tib lo lus tias mloog lus.
Txoj kev mloog lus, nws tawg paj txi txiv zoo heev rau tus neeg mloog lus ntawd. Koj mloog lus mas txoj kev mloog lus nws coj ntau yam zoo tuaj rau koj. Ces koj xaiv tau qhov yog thiab qhov tseeb. Mas koj tau ib lub neej kaj siab lug.
Tus tsis mloog lus mas nws nrhiav tas ib sim neej los nws nrhiav tsis tau qhov tseeb,los ua nws chaws kaj siab li.
Kuv yuav muab ob lub ntsiab lus sib piv los hais rau qhov tseeb ntawd:
A- Nyob hauv Hmoob zaj lus uas Hmoob taw kev, los yog zaj qhuab ke. Peb ua zaj no qhia nws kev mus cuag poj cuag yaum, mas nws yuav mus txog lub zos ib, ces mus lub zos ob tuaj... ces mus txog lub zos yug nws. Nws yuav mus nce lub toj tuag tshaib tav rau lub dawm tuag no, ces mus mus hla dej ntshuab, dej liab, mam mus hla niam dej dag ces thiaj txog pem ceeb tsheej, Nws pog nws yawg nyob hauv. Thiab yog nws tso nws qaib qua mas lawv qaib teb ces mam yog, hos nws qaib qua lawv qaib tsis teb ces tseem tsis yog thiab...
B- Kuj zoo li ib tug neeg uas tseem ua neej nyob rau yaj ceeb no. Zoo li kuv qhia kev rau koj tuaj saib kuv. Kuv hais tias koj tuaj txoj kev 99 tuaj ces koj pom,txoj calvin, ces lem raws mus txog franklin lem sab xis yuav txog Laguna Blv ces, lem sab xis nce toj muaj ib lub qhov rooj ces lem mus hauv, koj pom laguna vest ces lem sab laug koj pom ib txoj kev tshuam ces nkag los kuv lub tsev yog lub peb nyob sab laug tus tsiaj ntawv xam phaj ntawm qhov rooj yog 9121 ces yog kuv lub lauj!
-Koj nrhiav ntev loo, ke tuaj ke hu xov tooj nug, nug tau zoo ces nrhiav tau, nug tau tsis zoo ces tseem nrhiav tsis tau thiab. Koj tuaj txog peb sib tham txog kev poob zoo ntev loo ntxiv.Yog muaj nqaij ces luag twb muab sib faib tas muaj mov noj ces luag twb noj tas,koj mus txog seem qub zaub qub mov qub nqaij xwb koj txawm tau los yog tej qub uas seem xwb, koj tsis tau xaiv cov tshiab txaus siab nyiam li.
-Thaum Yes Xus tsis tau mus saum ntuj, nws tau hais meej kawg rau Nws cov Thwj Tim tias:
-Nej mloog kuv hais, thiab nej ntseeg kuv mog!
KUV YOG TXOJ KEV, KUV YOG TXOJ SIA, KUV YOG LUB QHOV ROOJ. Nej mloog kuv ces, ces kuv yuav nrog nej nyob zoo li Leej txib nyob hauv kuv thiab kuv nyob hauv leej Txiv.
Ua li mas peb mloog lus thiab peb ntseeg qhov tseeb xwb ces peb nyob kaj lug lawm, vim peb twb paub thiab tau qhov tseeb lawm.
-Peb tsis tos txog thaum tuag mam thov ib tug paub paub txoj kev mus pem ntuj tuaj qhia kev rau peb. Yog peb tos txog hnub ntawd, qhov qhia rau peb mas qhov yuav tau los tsis tau nws yog 50% thiab 50% tseeb thiab cuav sib npaug zos.
-Qhov hais tas saum no, yog hais rau peb sawv daws, kom paub ua neeg mloog lus, txhob muab koj lub neej siv los mus caum tus ub caum tus no.
Muab ib tug neeg lub neej los piv:
-Muaj ib tug neeg, nws tsis mloog lus nws xav tias luag yuav tau zoo ces nws lam caum luag tej mus, nws caum tus ib mus txog ib nrab kev nws ntseeg tsis tas, nws tso tseg, mus caum tus ob, nws kuj caum mus yuav luag txog chaw, ces nws tso tseg. Nws ho mus caum tus peb tuaj, nws pom zoo li tus peb ntawd nws txoj kev yuav tshav ntuj dua, nws mus txog ntawm tus tim peb no txoj kev luag mus dua toj lawm. Ces nrhiav tsis tau luag txoj kev mus ces nws poob zoo rau ntawm tus tim peb ntawd txsoj kev.
Nws tsis paub yuav mus qhov twg li lawm vim nws qaug zog tas, caum tus los caum tsis tau tso tseg, caum ntau tus tso tseg tas, Nws poob zoo lawm, nws nyob ntawm kev tos saib puas ntsib leej twg,tsau ntuj los. Ib pab tub sab tuaj mus lawv muab txhua yam zoo uas nws muaj lwg tas lawm thiab. Ces ib tag hmo, dab tsov los nws tshai, ces nws khia mus tom hav zoo, Tsov txawm hnov ces tso xav tias yog tsiaj ces tsov dhia mus caum tsov muab tom tau lawm. Thaum kawg nws tus ntsuj plig mus txog chaw thiab tab sis tus ntsuj plig khaub hlab tas lawm vim thaum tus ntsuj plig nrog lub cev ces raug tsov tom ua ntej mam li tuag ces tsov tau dua thaum nyob hauv lub cev, ces tus ntsuj plig thiaj tau khaub hlab li ntawd. Tus Tswv pom li ntawd mas tus Tswv hlub nws heev.Tab sis tsis paub yuav hais li cas rau vim nws tsis mloog lus thiab tsis muaj kev ntseeg kev tso siab. Yog koj mloog lus koj ntseeg thiab tso siab ces kob nyob hauv qhov tseeb lawm. Hnub kawg koj hla lub sim ceeb no mus, ces lub qhov rooj nyob ntawm koj hauv ntej koj muaj kev tso siab lug, koj qaib tsis tsis qua los luag qaib yeej teb rau koj paub tias yog koj pog koj yawm nyob hauv lawm, koj tau ua ib lub neej tsis ceeb laj thiab tsis qaug zog li vim koj xaiv tau qhov tseeb thiab qhov yog nyob hauv koj kev mloog lus.

Yaj Zoov Ntxheb Xib hwb.

XH. Yaj Zoov Ntxheb lub Tsev THOOB TSIB - Page 6 38771810

**Maiv Tooj** 25th July 2014, 9:24 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°135

Re: XH. Yaj Zoov Ntxheb lub Tsev THOOB TSIB

Post Maiv Tooj 25th July 2014, 9:24 am

Zaj 129- IB HOM MOB NTXIM IB HAUV TSHUAJ.

XH. Yaj Zoov Ntxheb lub Tsev THOOB TSIB - Page 6 17806310

Lub niaj xyoo 2014 no, Kuv nyob rau Mis Kuj teb chaws, kuv yuav hais txog ib hom nkeeg uas raug rau sab ntsuj plig ces mam ua mob rau sab cev nqaij daim tawv ua rau neeg txom nyem loj kawg nkaus li. Hmoob mem los hais tau tias, raug dab, los sis dab tom.
Cov mob nkeeg sab ntsuj plig no hais los muaj ntau theem, xws li:

1. Yog thaum lub teb chaws Los Tsuas no raug teeb meem uas tsoom neeg khiav tsov rog tawm teb chaws.
Sawv daws tshai txoj kev tuag, khiav saib puas yuav muaj ib txoj kev tau zoo kom txoj sia tau nyob ntev thiab ho nyob tau kaj siab lug dua lub neej ua tsov ua rog sib tua, ib nrab kwv tij nyob ib tog sawv daws sib tua mus li. Kom tau ua ib lub neej txhob nyob nraim ntawm lub ntsis ntaj ntsis phom uas nrog kev ntxub ntxaug tas mus li.

2. Lub caij ua neeg thoj nam rau Thaib teb kuj raug ntshai dua ib zaug yuav ua li cas thiaj tau tawm mus nyob rau ib lub teb chaws tau ua lub neej nyob thaj yeeb kom kaj siab lug.
Nyob ntuj qub qab Tsoom Hmoob puav leej yog neeg tub liaj tub teb ua noj yug poj niam tub se txhua tus. Tab yog cov tau ua tub rog los lawv yeej yog neeg liaj neeg teb. Kev ua tub rog sawv daws sawv los ua tau 15 xyoos xwb. Xws li xyoo 1960-1975. Lub siab lub tswv yim tseem yog neeg tub qoob tub loo.

3. Theem peb no, thaum Hmoob tsiv mus txog rau vaim kuj teb lawm tsis raws li lub siab xav.
Hmoob poob tau 15 lub xyoo tsis ua teb noj lawm. Nyob vaim kuj teb chaws liaj teb raug nyob muaj tsw tas, Vim vaim kuj teb neeg nyob tuab dua, Los Kuj teb chaws, uas av tseem yog Huab Tais Tseem hwv tug. Pej xeem yuav nyob los ua teb ces hais nom tswv pab xwb ces nyob thiab ua tau vaj tse thiab lia teb lawm.
Nyob Vaim kuj teb tus xav yuav ib lub tsev los ib thaj teb ua nws tug yuav muaj peev nyiaj mus muas thiaj tau. Muas tau los yuav ua nuj ua nqi theem mus li ntau caum xyoo. Ib tiam neej tej tus li them tas, tej tus them tsis tas rov poob mus rau cov tuam los pav uas tau qiv nyiaj rau lawv muas los yuav ua ntej ntawd tug
.
4.Theem plaub no txaw, deb Ntuj qub qab neeg tsis tau muaj kev puas siab puas ntsws. Hmoob hais kam lo lus no,ua qoob los npaj tshaib, tu tub ki los npaj laus. Nyob vaim kuj teb ua tsis tau raws li lub siab xav,tej niam tej txiv yug tau tub ki hlob tuaj los tseem yuav tau yug kom laus thiab kawm txuj tsis nto duas, tsis muaj hauj lwm kab xwm ua. Neeg puas siab puas ntsws tas.
Tej me nyuam lawv twb kawg txuj lawm los tej niam tej txiv tseem tsis tao tau zoo,xav tias yog tsis muaj lub lim xeeb rau thiaj kawm tsis tau los ua tsis tau, tsis yog tim yus hos yog tsis pom thiab tsis paub txoj kev taug, ces sawv daws khaws ua kev tu siab. thiaj poob los paug ua mob rau sab ntsuj plig ua lib lub nra ris hnyav li ntawd.
Ces ho xav mus deb dhau lawm hais tias yog raug dab los dab tom lawm thiab los yog khaum los npam lawm ces ua neej nyob tsaus ntuj nti xwb.

5.Cov mob xyeem los rau sab ntsuj plig no Lus Aas Kiv hais tias DEPRESSION no.
Hom mob no mas cov kws tshuaj lawv tsuas paub tias raug hom mob hu li ntawd xwb lawv kuj kho tsis tau. Yog hom mob Hmoob hu ua mob kev txob txhawj, txog ntau yam nyob hauv neeg lub tswv yim, ces muaj kev tu siab, kev lwj siab, kev txom nyem kev poob tsim,ntshaw yam yus ua tsis tau, mas yog raug hom mob no.

Ces ua neeg qaug zog noj mov tsis poob plab haus dej tsis poob cev.kuj poob kis lus mus lawm thiab. Ces cia li zwm rau kev tuag tsis xav ua neeg nyob ntxiv lawm. Hmoob hais tias yog rau dab,Kev tuag kuj muaj ntau yam tuag:
Nws cia li txo nws txoj sia. Tej tus nws nyiam dhia tsev tuag. tej tus kuj mus dhia dej los dhia tej tus choj siab, tej tus cia li dai caj dab tuag. tej tus vwm laus laum los xeev rov mus ua hluas zoo li cov tib neeg 15 los 20 xyoo yam tsis txaj muag tsis nco hlub tej tub ki los yus tus txij nkawm ib txhis raug ua nkauj txav qaib nraug txhav noog los li lawm.
Cov neeg raug tus mob no lawm mas tej tus kuj daj ntseg ua neeg ntsej muag ntshaus ntsho. Tej tus kuj pom nyob luag ntxhi, tab sis thaum nws nyob nws lawm mas nws kuj muaj kev tu siab twj ywm kuag muag los thiab. Tab sis sab nraud nws kuj nyob li siab kaj lug. Qhov kawg mas yeej zais tsis tau, zoo li:
Tej tus pwv tsaug zog tas ces cia li tsis sawv lawm, tej tus zaum ces cia li tuag lawm, tej tus tham tham ces cia li tuag kiag tam sis ntawd thiab. Txhua tus neeg pom li no ces yog cov neeg mob sab ntsuj plig.
Hom mob no tsis yog cov laus thiaj raug xwb.
Muaj ntau tus tub ntxhais hluas kawm txuj los kawm tsis tau kuj yog lawv rau hom mob no lawm.
Hos tej tus hlua kawm tau zoo heev, kawm tau zoo li tej Mab Sua los tseem zoo tshaj, Kawm tas kuj tsis muaj hauj lwm ua ces lawv kuj raug hom mob no, tej tus lawv nco txog los xav tias ua cas yuav tsis muaj ntuj los li cas neeg yuav tsis txawj sib hlub ces nws twb raug lawm thiab.
Tej yim neeg zoo zoo, lawv cia li txiav siab tsis xav hlub tus uas yog yus leej tub leej roog, los yus leej tab leej zag, mus tawm rooj tsis paub los tsev nyob li ib tug neeg tsis muaj tsw, Txawm muaj los tsis sib hwm thiab tsis lees tias yog yus tus hlub, cia li ua neeg raws qab noj raws qab haus tsuav tau mov noj puv plab xwb muab nplooj siab khee kawv los muas noj thiab muas kev hlub tsuav tau nraim ntxoo ib hnub dhau ib hnub xwb, ua neeg xyob txhiaj li no, hnub txoj kev tuag raws tau mas tej tub ki ceeb laj kawg ces lawv puav leej yog raug tib hom mob li no lawm. Hauv 100 leej mas 20 leeg thiaj yog nws nyiam haj lauj lawm ntawd. 80 leej yog neeg mob lawm.
Hais txog hom mob no mas txaus txhawj lawm ntag, cov uas tus tseem meej pem peb yuav muab siab rau rhiav tshuaj los kho kom zoo. Cov tshuaj nyob tom famaci kho tsis tau kom lawv zoo tuaj. Yuav yog cov Tshuaj tej laus qhia cog rau hauv tev thiaj li yuav kho tau:
Yog peb Leej tib neeg tus nplaig xwb thiaj kho tau. Nyob hauv txhua leej txhua tus hlob yau puav leej muaj hauv zoo tshuaj los kho hom neeg raug cov mob no. Yus yog tub ki yus yeej muaj zoo tshuaj los kho tej niam tej txiv, tej kwv tej tij los tej nkauj muam nraug nus. Tus yog niam yog txiv los yus yuav kho tej ua tub ua kiv, tej xeeb ntxwv, tej kwv tij phooj ywg. Txhua tus neeg yug los muaj niam muaj txi ua ib haiv neeg muaj haiv muaj caj ces keeb kwm yuav tau raug hnyav rau cov neeg muaj hom mob no. tab yog koj twb yog ib tug neeg dog dig xwb los koj ye3e4h muaj peev xwm kho homneeg mob no ib yam li kouj yog ib tug kws tshuaj, txawm koj twb muaj mob lawm los koj tseem kho tau lwm tus neeg. Koj kho luag ces luag ho kho koj thiaj li tau. Muaj raws li Hmoob ib txwm hais, koj khawb tsis cuag koj nraub qaum koj yuav vam txog luag lwm tus khawb.ces koj ho khawb lwm tus li.
Zal lus no muaj raws li tej lus uas cov laus pheej xav tau nyob hauv nruab siab tias:
Thaum chiv twb yog khiav kev si ntxub, Khiav dim lawm los tseem tsis sib hlub thiab, ces tus mob Depress no raws cuag sawv daws ces thiaj zoo li no.
Kuv yog nej ib tug kwv tij txheeb ze nej sawv daws, Kuv hais rau nej tias thaum peb xeeb los ua neeg peb nyias yeej zoo nyias muaj li 80% qhov zoo lawm, tshuav li 20% peb nyias yuav tau kawm nyias kom paub thiab siv tau los ntxiv rau qhov zoo ntawm 80% qhov zoo ua peb twb muaj thiab tsim txiaj nyob nruab thiab los lawd.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Cacao+15+04+07+(5)

**Maiv Tooj** 2nd August 2014, 5:36 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°136

Re: XH. Yaj Zoov Ntxheb lub Tsev THOOB TSIB

Post Maiv Tooj 2nd August 2014, 5:36 am

Zaj 130- HAIV HMOOB TXOJ KEV SIB HLUB.

XH. Yaj Zoov Ntxheb lub Tsev THOOB TSIB - Page 6 878810

Tas nrho cov tuam cuab neeg tuaj ua neej txoos rau ntiaj teb no. Mas Haiv neeg Hmoob yog thawj Haiv neeg muaj kev sib hlub loj tshaj lwm cuab xeem haiv neeg tib si lawm.
Haiv Hmoob yog ib Haiv neeg muaj kev hlub nyob hauv haiv, xeem, caj ces, pab pawg.
Nyob hauv haiv neeg,lub xeem caj ces,pab pawg ntawm kev neej kev tsav, tsoom txheeb ze.
Ob yam loj uas ib txwm pom Hmoob sib hlub ntxov ntxov los lawm puag thaum twg los li lawm uas tseem nyob txog tav no:
Yog thaum Hmoob muaj chaw tawm rooj thiab thaum hmoob muaj kev ib siab ob qig mas Hmoob sib hlub loj kawg!
1. Koj tawm rooj mus kev deb, los tawm rooj mus ua qhua. Koj mus ntsib tsuav yog tus hu ua Hmoob, tsis hais tus muaj txiag los tus txom nyem, mas koj muaj khob dej txiag haus, los pub mov rau koj noj, txais koj so hauv tsev. Hnub koj tawm tsev mus,sawv kev los tig rov muaj mov su ntim rau koj.
Tej yam no Hmoob saib yog ib yam tseem ceeb nyob hauv kev sib hlub.
Txheej thaud tej laus tseem muab kab yeeb saib hlob, rub rooj rub tog los zaum,tsab yeeb tsab tshuaj rau haus, mam rau mov los noj. Saib cov neeg tawm rooj no muaj nuj nqes.

2.Saum kev ib siab ob qig Haiv Hmoob saib yog ib yam loj nyob hauv txoj kev sib hlub. Yog nyob koom teb koom chaw ib cheeb tsam tsis deb tsis ze ntawd, los koom zej koom zos ua ke tsuav hnov xwb ces Hmoob yeej mus kom txog, Mus saib ib muag, los nqa txiaj ntsim mus pab rau tsev xyom cuab. Tau txais dab txais qhua, tuaj saib tuaj xyuas.{ Hmoob los lus nta dab nta qhua= txhais tias cov paub thiab cov tsis paub.} qhua yog cov paub, Dab yog cov tsis paub. Los lus ntawd hais tias;=txais cov paub thiab cov tsis paub no xwb.
Li no mas nyob hauv lub ntsees, Hmoob thiaj muaj pab thawj lwm tub ncig:
Yog cov Kav xwm, tshwj kab, tub kwv dej, tub txiav taws, niam diaj zeb tuav cos, niam ua mov, los rau tub kav diav.
Nruab zej zog tsis hais leej twg li tus muaj pob kws los nplej ntxhuv ntsiab zaub sawv daws ris tuaj pab.
Nyiam no nyob teb chaws vam meej neeg muaj kiab khw, tuaj ces nqa nyiaj tuaj pab tauv xyom cuab lub kua muag. Nyias pab li muaj thiab pab tau, kom xyom cuab rov muaj lub ntsej muag luag.

3. Txoj kev sib hlub yuav muaj tuaj tom ntej yog Hmoob txo hwj chim mas yav tom ntej yuav muaj theem peb no ntxiv. Theem no yeej ib txwm muaj lawm tab sis hmoob tsis txo hwj chim ces cia li tsis siv lawm xwb.
Hnub uas Hmoob txo hwj chim mus ti txha lawm mas yeej siv tau 100% li xwb. Yam li:
Twb muaj tej kab lis kev cai khi tseg tas huv si lawm, tshuav qhov txo lub hwj chim tas ces mus tau ua ib ke li lawm. Hmoob 18 xeem los 24 xeem uas suav tsis tau txhua los ua ke no. Cov dab qhuas yog tib tug tas nrho, tsis muaj ib xeem twg uas yuav tawv li:
a-Nyuj dab npua tai dab roog xwm kab yog tib tug lawm.
b- Txhua lub xeem Hmoob koom tau tib tug txiv muam qhia dab.
C –Txhua xeem koom tau tib tug txiv neeb txiv yaig.
d- Txhua xeem koom tau tib tug txiv qeej txiv nruas.
e- Sawv daws koom tau tib tug kav xwm, txiv xaiv sawv qab nteeg, hnub tsa tej laus nce hauj toj.
f-Tsis muaj ib xeem Hmoob yuav ua dab qhuas txawv luag tej li.
g-Hmoob lub xeem yog xeem tshoob kos xwb sawv daws yeej yog kwv tij txiv tub tas li.
h-Cov Hmoob hais tias dab qhuas sib txawv mas lam ua lawm xwb; yam li yog cov dab qia dub, uas yus tsawg kwv tsawg tij los muaj kev tu siab ua raws li kev xam khib los kev cib nyeej, los kev npau taws thiab tsis paub dab qhuas ces koj ua ntau kuv ua tsawg xwb, qhov no tsis muaj qab hau yuav zoo qhib los hais tseg.
i-Hmoob lub keeb sawv daws tawm los ntawm tib tug pog yawg los. Hmoob yeej muaj keeb kwm hais tseg.

4. Txoj kev sib hlub yuav muaj tuaj yog ib yam yuav muaj tau xwb. Tam sim no tseem nyob hauv kev ua npau suav nrog ntuj ntshuab sib tw, yam li:
Nyem no thiab yav thuj thaum ub los Hmoob yeej thoob tsib to nrog txaus lawm. Vim muaj qhov uas tsis kam txo hwj chim no xwb. Nyiaj kub tooj hlau, xob leej faj, hneev phom twb yog Haiv Hmoob xub ua tus tsim kom muaj. Teb chaws kuj yog Hmoob xub ua ntej los nyob txawm rau pej Ceeb pem niam dej dag.
Qhov uas Hmoob poob tsis muaj teb chaws yog tib qho xwb. Tsis kom txo hwj chim:
Cuaj leeg kwv tij niam txiv yug ib la los xwb los tus twg kuj xav ua tus loj. Tus twg los puav leej yog Huab Tais Hmoob tib si, koj tsis hwm kuv, kuv los tsis hwm koj. Thaum zoo li no ces koj mus qhia Mab, Kuv ho mus qhia Suav tuaj txo koj. Thaum Suav txo tau koj lawm ces Mab kuj muab kuv txo tib yam ua rau peb sawv daws poob mus tas ib tiam neeg.
Hmoob coj li no poob tiam tas kuj poob tiam dua thiab. Tsawg tiam los sawv tsis taus li. Ib tiam twg yam luv twb yog 100 xyoo. Mam rov muaj dua ib lub noob yuav pib qoos xwb, los Hmoob tseem coj li qub zoo li kis tau ib tug mob sawv los noj lub noob yuav xeeb ua Hmoob tus thawj neeg, ces tiam twg los muaj xaiv muaj lus xeeb muaj plaub muaj ntug tas li xwb.
Hmoob tsis coj li tias: Zaum no yog Qaum ntuj pub,nws hmoov los txog, ces yog tas nrho haiv neeg txoj hmoov raug lawm tas zeej tsoom sawv daws hwm thiab poog. Koj muaj zoo laj fab tswv yim coj tuaj ntxiv rau nws kom loj hlob mus nto ntsis. Tas koj ces mam yog kuv sawv txhob ua txoj hmab hlua xeeb los ua tus thawj neeg no tu nrho tsis muaj chaw sib txuas ua ntu zus los raws li Haiv neeg muaj keeb nthaw kaus tawg paj txi txiv nyob mus li.
Nyob hauv theem plaub no, ntiaj teb neeg Mab Sua luag cov neeg muaj kev thoob tsib yeej paub tias Hmoob yog ib Haiv neeg muaj peev xwm yog muaj kev sib haum xeeb mas ntiaj teb Mab Sua yuav raws tsis tau Hmoob.
Luag nyeem tau nyob hauv Hmoob tej kev tsa me nyuam koom haum uas Hmoob muaj xais muaj lus ntau ntawd lawm. Luag kuj zoo siab tias hmoob muaj kev cov nyom nyob hauv ces ua kom hmoob mus qeeb zog. Yog Hmoob los ua tib lub Koom Haum loj xwb mas ntiaj teb yuav raws tsis cuag Hmoob, Vim tias Hmoob nyiam thiab tshaw ua luag tus thawj neeg yog feem coob. Qhov uas Hmoob nyiam mas Hmoob yeej ua tau. Vim tias pes tsawg pua xyoo los lawm Cov Thawj neeg Hmoob yeej tos nrhw tus thawj ntawd xwb. Ua li tej laus hais Ntuj tig ko diav rau Hmoob lawm. Tos saib Hmoob puas pom thiab puas paub tias qhov tseeb nyob qhob twg xwb.
5. Lo lus xaus zaj.
Yog tias Hmoob txo hwj chim, mas yuav muaj ib txoj hauv kev rau Hmoob taug mus yooj yim thiab yog qhov tseeb:
Haiv neeg Hmoo kuj yog ib haiv neeg coob nyob ntau lub teb chaws, Txawm nyob ntau lub teb chaws los tsis hu ua Hmoob teb, thiab yuav tsis muaj yooj yim ntxiv thiab.
Hmoob nyiam no tsis yog Hmoob teb chaws lawm! Yog Hmoob qab ntuj lawm. Ntiaj teb neeg txhua Haiv Lawv hu ua Hmoov Suav, Hmoob Nyab Laj. Hmoob Los Tsuas, Hmoob Thaib, Hmoob Fab Kis, Hmoob As Mes Lis Kas. Th...
Hmoob Tus Vaj mas tsis yog kav Hmoob xwb Tus kav Hmoob xwb mas muaj los nyob tsis ntev! Tus yuav nyob muaj suab muaj npe mas tus ntawd yuav kav Mab Sua ua ntej, mam li kav Hmoob tom qab ces yog tus tseeb thiab tus uas hmoov los txog, Ntuj pom zoo.
Ua piv txiv li no:
Nyob Suav Teb { Tus President }TusTxoov Tswv Tim yog ib tug Hmoob. Los Tsuas teb Tus na Nyauv Lav thab munTris yog hmoob.Thaib teb kuj yog Hmoob. As Mes Lis Kas tus los yog Hmoob. Fab Kis tus los yog Hmoob. Thiab muaj ib nrab cov toj xeem nai Npab Cob Moos Gouverneus yog hmoob nyob txhua lub xeev ces yog Hmoob yuav coj lub ntiaj teb no kom cheem txhob ua tsov rog kom lub qab ntuj txhua haiv txhua xeem nyob kaj siab luag, tau kev teev hawm poj koob yawm txwv los Hawm Tswv Ntuj mus rau txoj kev tseem ceeb, nyob nyab xeeb, ces yog Hmoov Ntuj poob los txog lawm. Hmoob yuav muaj txiag npluaj nuj.
Haiv Hmoob kev sib hlub yuav loj hlob los mus txog theem no.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Ms-04010

**Maiv Tooj** 9th September 2014, 7:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°137

Re: XH. Yaj Zoov Ntxheb lub Tsev THOOB TSIB

Post Maiv Tooj 9th September 2014, 7:00 am

NEEG NTIAJ TEB MUAJ ZOO HWJ CHIM.

XH. Yaj Zoov Ntxheb lub Tsev THOOB TSIB - Page 6 2015-g10

Tas txhua Haiv neeg nyob ntiaj teb no, sawv daws puav leej muaj hwj Chim. Lub hwj Chim uas neeg tau los ntawd yog leej twg ua tus tso los thiab pub rau neeg ntiaj teb, kom muaj zoo lub hwj chim, thiab kev thoob tsib txawj ntse uas cuag li neeg yog ib co me nyuam qaum ntuj, uas zoo li yog ib pab me nyuam qaum ntuj coob nyob sab hauv kav lub sim ceeb no. Kuv yuav muab los hais ze rau saum Haiv Hmoob raws li Haiv Hmoob kev txawj ntse thiab yog neeg thoob tsib.

1. Haiv Hmoob yog ib Haiv neeg muaj hwj Chim, muaj koob meej, thiab tsim txiaj.
-Nyob hauv sab zoo Hmoob txoj kev txawj ntse uas Hmoob yog ib tug neeg thoob tsib mas Hmoob muaj kev nplua nuj loj kawg nkaus li. Yog Hmoob tau txiav txim siab ua lawm mas sab zoo ntawm hmoob mas cuag li yog ib co me nyuam neeg Qaum ntuj li tswv yim xwb ua mus tau deb kawg li,yeej txaus ntuj qhuas lawm.
2. Hos nyob rau sab phem mas kuj tsis yog ua tau yam niag ruam ruam li thiab. Tej tus mas kuj lam ua raws li nws kev thoj chim mas nws kuj ua tau tej yam ruam ruam uas neeg tsis tas yuav tshuaj ntau txog yeej paub tau lawm. Tej tus yog nws txhob txwm xav ua phem mas yuav yog cov thawj neeg uas tau pom dua lawm mam li paub tau,cov neeg raws li kev cai uas tsis tau hnov dua mas yeej twv tsis raug hlo li.

3.Nyob hauv Hmoob li kev thoob tsib mas muaj ob yam li hais tas los no:
-Mas Hmoob yog cov neeg zoo li tsim txiaj thiab nplua nuj rau sab kev xav, lub tswv yim sab zoo thiab sab phem, muaj sib npaug zos.
Txawm yog ntse thiab thoob tsib npaum li cas los yuav hla tsis dhau leej nyob siab saud ib zaug li.
Tej xwm no yuav tawm nyob rau yav yuav xaus zaj lus no. Kev muaj hwj chim, kev thoob tsib, thiab kev ntse, yuav tawm los rau cov nyeem zaj lus no tau pom thiab paub tseeb.

4. Xav kom txhua tus yog Hmoob nyias txawj txo nyias lub hwj chim, ces txoj kev txawj ntse thoob tsib uas Ntuj tau foom los thiaj yuav ntse thiab thoob tsib nyob mis li raws li Qaum Ntuj tau foom pub los rau tej pog tej yawg thaum chiv keeb nqes pem Qaum Ntuj los ua Hmoob nyob rau ntiaj teb no.

5. Lo lus hais tias, Hmoob Muaj Hwj Chim, Hmoob tsim txiaj, ntse thiab thoob tsib. Yog ib lo lus zoo heev sawm tsis nyog. Yog tsis hwm cov lo lus no tias:{ KUV YOG NEEG TSIM TXIAJ, KUV YOG NEEG NTSE, THOOB TSIB THIAB MUAJ HWJ CHIM.}
Cov lus muaj nqes no yuav rov rob caub rau koj raws li nqes lus yuav hais tawm los ntawm nqes nram no:
6. Tsis hwm tej niam tej txiv kuj ua neej nyob tsis nto ntsis, Tsis hwm tej nom tej tswv uas twb los ua nom ua ntej, koj ua xaiv ua lus rau nws, yuav nrog sib nrau cuam li tej tsiaj sib nraus rau neeg saib, mas luag poob nom los koj poob mus thiab. Luag txawm tuag lawm los tsoom Hmoob tsis siv koj lawm, ces tam li koj nrog nws tuag tib yam li thiab.
Koj qee luag nyiaj siv lawm los cas koj tseem pluag dua qub tuaj lawm ib npaug ntxiv. Koj thuam tej hlob lawm tsis yog koj yuav ntse tuaj ua cas koj tseem ruam dua li qub tuaj. Ua yam twg los zoo li pheej coj koj mus mag ntxiab xwb. Koj ho saib tsis taus luag los koj tseem txom nyem tshaj luag lawm. Koj thov kom dab tom luag, los muab lug txoj sia txo. Qhov kawg dab coj koj mus zwm rau dab hais mas hais tsis txawj tas li lauj!

7.Tej lus no tsis yog yuav thuam los hem ib tug neeg twg li! Phaj neeg no cov ua phem ua kev khaum kev txhaum lawv ua neej nyob tsuas tau ua neej nyob txog 60 caum tawm xyoo xwb ces raug mob ub mob no los raug xwv txheej cia li ncaim ntawm lub ntiaj teb no mus lawm.
Tej tus thaum ncaim mus lawd kuj pheej hais tej los lus tseg tias, kuv tau ua kev khaum vim kuv saib tsis taus tus hu li no, kuv tau ua li no rau nws lawm nej txhob ua li kuv lawm mog.

8. Puas yog neeg tsis hwm tej kev muaj hwj chim los kev txawj kev ntse kev thoob tsib nqes saum ntuj los ces ua rau neeg raug kev khaum kev txhaum lawm los neeg lam xav xwb ne! Ua li cas ib tug neeg ua txaum rau luag lawm nws kuj lam txhawj hais tias kuv yuav mag kev txhaum kev khaum lawm lauj! Lo lus no kuv tsis tau hnov neeg hais rau neeg, tab sis kuj tau hnov neeg hais rau dab tias, kuv ua txhaum rau ib tug neeg lawm:
Kuv saib tsis taus ib tug neeg ruam, los kuv tau qee ib tug hu li no, nyiaj nyob nruab hub los siv lawm, thiab kuv tau muab tus hu li no nws roj ntsha hliv lawm.
Thov kom dab pog dab yawg pab txhob rau txim rau kuv, thiab kom tus neeg kuv tau ua txhaum rau nws tuag lawm txhob los tos kuv mus hais cov plaub ntawd nyob rau dab teb.

9. Los rau txheej no zoo li muaj dab los muaj xyw paub txog txhua yam uas neeg ua tsis zoo:
-Lam tau lam hiam leej tib neeg liam lus phem rau luag, los cia li lam ntxub yam tsis muaj qab hau, ua rau luag mob siab ces luag foom li ub li no los cia li lam ncaj li lawm. Tej niam txiv, txij nkawm cov mus nyiag luag nplooj siab los yuav lawm los nyiag los ua si xwb tsis hlub, zoo li laus zus pib qhib tej lus phem uas nws tau ua rau tej neeg tau hnov zoo li lawv pib ntshai tsam dab los cov neej uas nws tau saib tsis taus ua ntej ntawd rov los rob caub thiab tos nws mus hais plaub rau Dab teb yam txaus ntshai kawg li thiab.

10. Tsoom Hmoob muaj zoo Hwj Chim, muaj koob meej, muaj kev thoob tsib, txawj ntse, uas muaj zoo tswv yim nrog kev nplua nuj ci ntsa iab li no, thaum kawg cia li mus xaus rau tej kev ntshai tsam dab tuaj tos mus hais plaub lawm dab teb li no xwb, ua li Hmoob lub neej yug los ua Hmoob puas tsim nyog nqes los ua neej ib zaug rau lub sim ceeb no. Xav tias muaj kev thoob tsib, muaj hwj chim cuag Qaum ntuj li tub ki xwb. Lub ntsis cia li los xaus rau kev mus sib ua plaub rau dab teb xwb, txoj kev nqes tuaj ua neeg qhov zoo yog dab tsi tiag?

11. Tuaj ua lub neej muaj hwj chim txawj ntse npaum no rau lub ntiaj teb no,ua li tuaj ua neeg tej koob hmoov kev ua neej txawm tuaj ua neej muaj txiag nplua nuj zoo npaud li lub siab xav tau ua neej nyob ib ncua, rau lub sim ceeb no, dab tsis los muab noj tas siv tas tsis tshuav koob hmoov li, leej twg los tshuav ib roog plaub yuav mus hais lawm dab teb xwb no tuaj ua neeg qhov zoo yog qhov twg tiag.

12. Yog twb muaj tej no tas li peb tau hnov lawm, ua li tej txiv xaiv Foom kom uas Hmoob ib txwm ntseeg thaum tej niam tej txiv nce lub hauv toj mus lawd tsis yog mus saum qaum ntuj, hos tsuas yog mus hais plaub rau dab teb lawm xwb. Cov lus zoo hais los ntawd puas yuav tawg paj txi txiv rau tej tub ki xeeb ntxwv ua neej nyob tuaj rov tom qab ne yuam!

13.Poj Saub thiab Yawm Saub Neb puas paub Hmoob yuav ua li cas kom Hmoob lub hwj Chim koob meej kev thoob tsib nyob nrog Hmoob es thaum kawg tsis txhob yog tias tsuav ib rooj plaub pheej yuav mus hais kom tas nyob rau dab teb xwb. Es cia Hmoob cia li ncaj qha mus cuag Hmoob poj Hmoob yawm rau pem ntuj, ncaj qha mus rau pem ceeb tsheej xwb yuam!

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 42733410

**Maiv Tooj** 12th September 2014, 9:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°138

Re: XH. Yaj Zoov Ntxheb lub Tsev THOOB TSIB

Post Maiv Tooj 12th September 2014, 9:23 am

Zaj 132-TXOJ KEV SIB HLUB SAB TXIJ NKAWM.

XH. Yaj Zoov Ntxheb lub Tsev THOOB TSIB - Page 6 Nuj_np10

Txoj kev sib hlub roos sab ua txij nkawm, kom tau nyob kaj nyob huv nrog kev kaj siab ua lub neej nyob nyab xeeb thiab tau yeej mob yeej nkeeg, kom tau nyob laus nkoos mus tas ib sim neej.
Yuav piav me ntsis txoj kev pov hwm tau cov nyob ua txij nkawm kev sib hlub sab ntsuj plig, kom haus dej paug siab, noj hno poob plab.
Kev sib hlub, hais txog yuav pov hwm sab ntsuj plig, mas ntshai muaj tsawg leej kawg thiaj li paub thiab to taub txog.
Nyob hauv peb Haiv Hmoob feem coob cov nyob ua txij nkawm no lawv sab ntsuj plig mas raug txom nyem loj kawg. Tab sis tsis muaj leej twg paub txog li.
Cov txiv neeb txiv yaig mas lawv muab los liam tias yog raug dab sab hnub tes hnub taw, los raug dab zaj, dab xob. Tsis hais tus txiv neej los poj niam, ntshai nws tau hla mus ze luag chaw ces tau ua tsis huv rau luag cov dab ntawd lawm,los sis mus ua tub qaug rau dab, tau hla dab tej chaw mus siab dua dab lawm, thiaj tau mob tau nkeeg txom nyem li ntawd.
Cov neeg sawv ua saub, lawv hais tias, tiam dhau los, los sis ua ntej tsis tau mob mas ntshai nws tau ua kev khaum kev txhaum rau lwm tus neeg tsis muaj zog los sis ib tug neeg me dua nws lawm. Cov kev txhaum kev khaum no nphau rov los txog nws tiam no.
Los sis yog cov neeg uas nws tau ua saib tsis taus luag ua ntej ntawd, luag ua ntej mus rau nyuj vag teem lawm ces luag kom qaum ntuj cov tshiab tuaj sau vij sau swv rau nws. Luag yuav tuaj tos nws mus hais plaub lawm dab teb. Kom cov neeg tshuav xaiv tshuav lus ntawd tau kev mus thawj thiab ua neeg lawm tiam tom ntej, los sis tau hla mus cuag poj cuag yawm rau lub teb chaws nyob tiaj nyob tus mus li.
Lo lus hais los saum no yeej muaj me ntsis xws li tau piav los. Yeej yog los ntawm tej kev khaum kev txaum ntawd los, thiaj ua rau sab ntuj plig tau txais ib tug mob zoo li ntawd thiab.
Tos ntseeg tau me ntsis li ntawd, Vim tej laus, Hmoob hais tseg tias :
Ib txwm tus neeg muaj zog yeej hom ua rau cov neeg tsis muaj zog,qee yam tsis zoo. Vim nws ua neeg txom nyem dua, nws swb lus ces swb cev rau lawm thiab. Nws lub zog me dua, ces nws kev tws tsis muaj kev taug lawm.
Hais qhov tseeb ces yog tus muaj zog muab txhua yam sau los ua ib tug mob loj rau tus tsis muaj zog sab ntsuj plig ris hnyav qees kom sawv tsis taus.
Muaj tsawg yam mob uas niaj hnub tuaj raug rau cov tsis muaj zog sab ntsuj plig?
Tus neeg tsis muaj zog nws niaj hnub raug tej no los rau nws ces tiv thawm niaj thawm xyoo:
-Nws raug yuam los ntawm tus muaj zog.
-Nws raug kev ntshai. Ces nws qaug zog Hmoob hais tias nws raug poob plig lawm.
-Nws raug luag tswm, los raug cem ua rau nws tu siab.
-Ces nws poob ua neeg ruam, tsis muaj peev xwm lawm.
-Nws tu siab dhau qhov tu siab no ua rau nws noj mov tsis taus. Lub cev tsis muaj zog cia li swb tas txhua yam mob nkeeg los raug lub cev.
-Nws ris ntau yam zoo li no, nws tshai tsam mob tuag. ces cia li ntshai los ntshai tau.
-Cov txiv neeb hais lus tshooj ntxiv tias, yog raug dab loj lawm.
-Kev tuag nyob ze nws lawm, ces muaj nyiaj npaum li cas los fiv tej thaj neeb kim kim. Muab tsiaj ntxhu ntau tua quas dab los pab tsis tau tus ntsuj plig.
-Cov neeg paub ua Saub hais tias yog kev khaum kev txhaum nphau los txog lawm. Nws txaus siab fiv tej lub yeem loj txog ob mus rau plaub txhiab nyiaj kho tas los siab tsis kaj.
Cov neeg nyob ua txij ua nkawm, thaum muaj mob lawm mas sawv daws muab liam tias yog raug Dab. Qhov tseeb, mas yog raug neej.
-Kev cai yog raug Dab mas hu Dab tuaj kho ces yeej tau. Zaum no yog raug neej mas kuj yuav hu neej tuaj kho mas thiaj zoo thiab.
Kev raug Dab Hmoob twb yuav ua khawv koob mus daws, los mus thim kom tau cais neej mus rau neej teb, cais dab mus rau dab chaw, kom neej mus txi neej txij, hos dab mus txi dab nkawm. Vim neej thiab dab nyob ua ke tsis tau. Dab yuav tsum nyob nrog dab, neej kuj yuav tsum nyob nrog neej thiaj zoo.
-Yog raug neej mas kuj yuav tau ua zaj puav khawv koob rub neej los mus sib haum xeeb thiaj yog. Yam li xyoob twb yuav tsum tuaj ua txooj, hos ntoo los yuav tsum tuaj ua nkawm. Yuav tsum tawg paj thiaj muaj taus txiv, Lub paj xwb, twb yuav tsum muaj cov paj yog txiv nthuav rau muv sau ua mov, lub paj niam cia muv nqus mus ua zib. Txi lub txiv thiaj qoos tau noob. Zeeg poob nruab a thiaj tuaj tau kaus, rov mus ua tsob ntoo tshiab.
Tsob ntoo no twb ua tau hauv tshuaj cawm tej txij nkawm tus mob rau sab ntsuj plig kom zoo.
-Yog tias yuav qhia kom paub tseeb tias tus Dab loj tshaj plaws ntawd, ces yog tus neeg muaj zog thiaj ua rau tus tsis muaj zog tus ntsuj plig tau mob.
-Yog yuav piav los mas sab raug dab loj tsis npaum li sab raug neej.
Raws li Hmoob ib txwm ua los yog raug dab mas nyiaj txiag xyab ntawv, thov ces tas lus tas cai tib si lawm.
-Hos tias yog raug neej mas nyaij thiab coj ib los ob tug neeg mus nrog ua pov thawj hnov thiab mus pe tib sis mas tsuas yog tas lus zaum no xwb tsis tau tas cai, tus cai tseem khaws tseg cia saib yog txkaum lwm zaus ntxiv mas tseem yuav tsub ntxiv ib kaum ob los ob kaum ob rau yav tom ntej.
-Noob neej txoj kev tuaj ua neeg nyob rau lub sim ceeb no ces yog tej yam li hais no, xa mob xa nkeeg los zwm rau sab ntsuj plig. Ces neeg muaj mob muaj nkeeg ntau los qhov twg los neeg tsis paub sawv daws muab lian rau Dab tas mus li, yog Dab zoo li neej mas ntshai plaub ntug yuav hais tsis txawj tas li thiab lauj.
-Yog Dab nyiam hais plaub mas rooj plaub twg los neej yuav swb rau dab tas mus li xwb.
-Txoj kev hlub uas ob tug txij nkawm muaj uas niaj hnub nkawd sib hlub. Yog ib tug muab rhuav kiag ces lwm tus tus ntsuj plig raug mob kiag li hais los no ntag.
Rhuav yooj yooj yim kawg:
-Pw ua ke tsis koom vov pam los twb yog lawm.
-Hais tej lo lus loj loj, coj tus yam ntxwv lis tsis hwm nws xwb twb yog lawm.
-pw ib txag ib tug pw siab lwm tus pw taub hau qis dua xwb twb yog lawm thiab.
-Yus yog txiv neej pheej qhuas luag tej poj niam xwb los twb yog lawm. Los tus poj niam ua li hais no los yog tas nrho.
-Tsis hais lus los tsis sib pab ua kom ib tug qaug zog los yog tib si.
-Nyob ua ke, pheej tsab li yus tsis muaj lus tham li los yog thiab.
-Tus coj thiab ua tej yam hais los saum no ces nws twb yog muab tus hlub ntawm yus xub ntiag tus ntsuj plig tua kom tuag lawm.
-Muaj tej tus mas tus ntsuj plig no tuag sai, hos tej tus mas tus ntsuj plig no raug mob ntev xyoo, ua rau nws txom nyem loj kawg mam tuag.
-Cov uas nws txhob txwm ua rau nws tus ntsuj plig raug txom nyem tab sis nws muab los liam rau lwm tus kuj muaj.
Cov coj li no ua rau luag tsis pom qab hlub thiab pab kho nws tus ntsuj plig mas kuj twv tsis tau lawm, ntshais yuav yog 50% 50% los tsis paub!
-Muab tej no los saib tas mas yus yeej xav tias tuaj ua neej ib zaug rau ntiaj teb no ntshais ib leeg yeej yuav muaj ib rooj plaub yuav tau mus hais lawm dab teb xwb lauj!
Yog ib tug neeg xub tuag ua ntej 30 caug xyoo mas nws tuag tas nws mam paub. Hos cov ua neej nyob txog 60 xyoo mas ntshai nws yuav xeev lawm hais tias thaum kuv tuag mas kuv yuav mus hais kuv rooj plaub no tas kuv mam mus thawj thiab tau los mus cuag poj cuag yawm tau.
-Zaj lus no Kuv tsis yog ua Yaj Saub paub los, los kuv kawm txuj ntawm ib tug kws es ho paub los. Kuv xav tau ces tes cia li sau tau tseg li no xwb cia ua ib zaj lus tias tej tug neeg laus lam sau tej zaj zoo li no. Qhov tseeb thiab qhov cuav muaj nyob hauv sib npaug zos. Yam zoo ntseeg kuj ntseeg tau,yam tsis txaus ntseeg ho txhob ntseeg thiab.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 5d8vau10

**Maiv Tooj** 16th September 2014, 9:39 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°139

Re: XH. Yaj Zoov Ntxheb lub Tsev THOOB TSIB

Post Maiv Tooj 16th September 2014, 9:39 am

TXOJ KEV NTSEEG YOG KEV TUAG.

XH. Yaj Zoov Ntxheb lub Tsev THOOB TSIB - Page 6 Ciel10

Peb ntseeg yog vim muaj kev tuag, peb thiaj ntseeg! Yog tsis muaj kev tuag mas tsis tas yuav muaj kev ntseeg li.
Kev tuag yog thawj lo lus nyob hauv kev ntseeg.
Vim kev tuag nws txi ob lub txiv:
Tuag kom rov muaj txoj sia, los tuag kom txoj sia ploj mus.
A.Tus tuag kom rov tau muaj txoj sia nyob mus li, yog tus nws ntseeg kom hnub tuag Tswv Ntuj pab khaws nws txoj sia mus cia hauv Tswv Ntuj lub hwj chim txog hnub Neeg yuav rov muaj hwj chim ces Tswv Ntuj mam muab txoj sia thiab lub cev rov los tso raws li txoj kev sib haum xeeb, kom tau nyob ua kev li thawj zaug Ntuj pub cai rau txoj sia thiab lub cev xeeb los ua neeg sib raug zoo li tau muaj nyob ua kev los lawd.
B. Hos tsus neeg tuag ua rau txoj sia ploj mus, yog tus tsis muaj kev ntseeg. Nws tuag lub sij hawm muaj kev txhaum kev khaum ntau ntau nyob tom nws txoj hauv kev, thaiv los tsuam vov nws txoj xub ke ua kom nws mus tsis txeem los mus tsis tshab.
Kev tuag, kev txhaum kev khaum tawm los zoo li cas?
-Kev tuag, kev khaum thiab kev txhaum yog Ntuj foom los ces thiaj li raug tau rau neeg!
Vim Tswv Ntuj yog lub hauv paus thiab yog lub ntsis. Nws yog tus tsiaj ntawv A mus txog tus Z. Lub hwj chim txuas ze rau Tswv Ntuj mas yog Leej tib neeg lub hwj chim. Neeg yuav tau ua lub neej nrog Qaum Ntuj tsav tib lub hwj Chim muaj nuj nqes zoo ua ke. Dab thiaj yob kom neeg txeeb ua tus loj dua Qaum Ntuj. Ces neeg thiaj poob los rau kev khaum kev txhaum, ces neeg zwm rau kev tuag.
Ib txhis Qaum Ntuj Yeej tsis hloov li mas thiaj muaj kev ntseeg los txhaws kev tuag. Thiaj hais tias kev ntseeg yog kev tuag. Ntseeg kom muaj txoj sia los ntseeg kom tau txoj sia nyob mus li. Thaum tus ntseeg kom muaj txoj sia, mas Nws rov tau los sib haum xeeb li lub keeb chiv tuaj ntawm lub hauv paus Ntuj Tsim neeg los ua tus nyob ze Ntuj
Neeg yog lb lub me nyuam Tswv yim xwb yuav hloov Qaum Ntuj tsis tau, Ces Qaum Ntuj hais ib lo lus xwb neeg cia li raug kev khaum kev txhaum ces cia li raug zwm rau kev tuag mus lawm.
Ces Yes Xus tuaj cawm lub ntiaj teb neeg nws thiaj li yuav tsum tuag. Thaum Yes Xus tuag tas, nws rov tau txoj sia los ua Nws tug, Thiab Nws pub tau neeg txoj sia rov rau cov neeg ntseeg txog Yes Xus kev cawm.
-Txoj Sia thiab txoj kev tuag yog zoo li ob twg phooj twg sib raug zoo heev. Tus neeg ris txoj sia mus ib sab roob. Hos tus raws txoj kev tuag mus ib sab roob. Thaum nkawd mus sib ntsib saum lub ncov roob ces nkawd sib puag caj dab mus sib puag pw nyob mus ib txhis tsis sib ncaim li lawm.
Lo lus hais tias,Tswv Ntuj yog dab tsi tiag?
Txij thaum ntuj tsim teb raug los txog lub zwj ceeb no Tswv Ntuj tsis tau qhia leej twg tias Tswv Ntuj lub npe hu li cas li! Neeg muab hu ua Qaum ntuj, Tswv Ntuj, Huab Tais Ntuj, Vaj Tswv, Yawm Saub. Los Dab Xeeb teb xeeb Chaw. Yog hu kom sawv daws paub tias yog tus loj loj thiab nyob siab siab saud no xwb. Hos Yes Xus qhia ntiaj teb neeg hais tias Yog Leej Txiv los yog peb txiv no.
-Lo lus tias coj Ntuj kev cai yog dab tsi thiab?
Lo lus coj Ntuj kev cai :
Yog coj Huab Tais Ntuj 10 lo lus qhia, kom hwm Ntuj hwm neeg ua ncaj ua ncees...
Mloog thiab coj nyob hauv nruab siab tuav kev ncaj ncees tso rau tom yus hauv ntej kom nyob hauv neeg lub neej taug nraim tej kev ua neeg dawb huv.
Tus tsis mloog Ntuj 10 lo lus qhia nws nyob hauv pab neeg ntseeg los nws tsis yog neeg coj ntuj kev cai.
Lo lus hais tias peb yog neeg ua Ntuj kev cai, mas yog peb ua kev nyiam kev hlub ua rau Qaum Ntuj ua rau Yes Xus ua rau cov neeg pluag, ua rau cov neeg txom nyem, ua rau tej thawj neeg, ua rau tej kwv tij txheeb ze hu si mas thiaj yog neeg ua Ntuj kev cai.
Peb tsis muaj kev nyiam kev hlub, kev zam nyob hauv peb mas peb hais tsis tau tias peb yog neeg ua ntuj kev cai. Peb lam ua neeg nrauj dab xwb, peb tsis yog co neeg ua Ntuj kev cai.

Coj kev ntseeg yog kev ua tim kawv. Kev ua tim Khawv yog kev tshaj los zeem tseeb tias yog qhov tseeb. Vim tias tseeb lawm thiaj ntseeg, ntseeg mas yog ntseeg qhov tseeb xwb. Tus ntseeg kom muaj koob meej xwb mas tsis muaj nuj nqes rau nws. Tus ntseeg vim yog kev tseeb mas nws muaj hmoo, thiab nws ntseeg raug txoj kev tseeb lawm yuav ua tsis tau cuav pub rau nws tus tsuj Plig thiab nws txoj sia. Nws mus ntsib tau lub cuab tam zoo tas nrho uas Yes Xus hais tias yog lub cuab tam uas Leej Txiv npaj tos koj lawm.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Avant-10

XH. Yaj Zoov Ntxheb lub Tsev THOOB TSIB - Page 6 965611

**Maiv Tooj** 23rd September 2014, 8:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°140

Re: XH. Yaj Zoov Ntxheb lub Tsev THOOB TSIB

Post Maiv Tooj 23rd September 2014, 8:28 am

Zaj 134- TUS MOB NKEEG TUAJ RAUG NEEG.

XH. Yaj Zoov Ntxheb lub Tsev THOOB TSIB - Page 6 011

Tus mob nkeeg no tuaj raug rau leej tib neeg, muaj ob txoj kev sib tshuam kom txav tau los ti leej tib neeg lub cev, thiaj paub tias neeg raug mob lawm.
A. Hom mob uas xub raug rau lub cev ua ntej:
- Yog raug xwv txheej. Pos chob, los riam raug, raug phom dawm pob zeb pob ntoos ntog, yam ub yam no poob los tsoo, ua mob rau lub cev nqaij daim tawv, yog thawj txoj kev tus mob nkeeg txeem los raug rau lub cev.
B. Hom mob ua tuaj raug rau sab ntsuj plig ua ntej yog:
-Ib tug neeg raug luag thuam, luag cem tsis muaj neeg hwm nws, sawv daws ntxhub nws. Hais lus saib tsis taus nws, los nrhiav kev tsim txom nws, ces nws muaj kev tu siab, chim siab dhau qhov nws yuav tiv tsis taus lawm. Ces nws tsis muaj kev zoo siab, nws nyob hauv kev tu siab ntev me ntsis ces nws cia li noj hno tsis poob plab haus dej tsis poob cev, nws lub cev tsis muaj zog. Nws mas tiv tsis taus tej kab mob, ces nws muaj mob muaj nkaeeg qaug zog, mob plab muaj kev npau taws ntau, laus zus siab ceev zus, ces nws muaj ntshav siab, ntshav qab zib ntshav muaj roj. Muaj ib hnub nws yuav mus txog tus mob ntshav nce tau hau, mob kaa sej los raum tsis lim dej lawm.
-Tej no puav leej yog tus mob los ntawm txoj kev raug rau sab ntsuj plig ua ntej, ces mam poob los rau lub cev.

C. Hom mob ua xub los rau lub cev mas kawg yuav tau mus ntsib cov kws tshuaj kom lawv pab ces yuav zoo sai rau tus neeg raug mob ntawd.
- Hom mob ua xub raug rau sab ntsuj plig mas muaj ob txoj kev kho yog xub paub thiab txawj kho mas yuav zoo sai tsis muaj teeb meem. Yog tsis paub thiab tsis txawj kho kom sai mas kawg yuav mus zwm rau kev tuag xwb.
D. Hom tshuaj kho tus mob los raug sab ntauj nplig mas:
1-Yog mus ntsib tus Kws tshuaj hu ua, Dc tawj xaiv kaus laus zim no nws thiaj pab tau.
2- Yog tsev neeg sawv daws cov ncauj nplaig nrog kev hlub kev nyiam xwb thiaj li kho tau.
Thawj ob yam tshuaj no kho tsis tau lawm mas tsis tshuav ib tug txiv muam los ib tug saub twg yuav tuaj kho tau lawm.
-Tu siab nrho, ua ib siab nce hauv toj mus cuag poj cuag yawm lawm xwb.
E. Zaj mob nkeeg hais no, yog tus tib neeg muaj hmoo, nws siab loj siab tawv thiab nws paub tab ua neeg meej pem paub siab paub qis lawm mas tus mob no kuj txav tsis ti nws thiab, ces zoo li nws yog tus yeej lawm.
- Hos cov neeg uas luag saib tias lawv yog neeg ruam, nws xav tsis txog tsis paub qab hau luag cem los tsis khib luag hais los tsis tau taub mas lawv tseem yog tus yeej loj tshaj, zoo li luag tso mob tso ntsaj tuaj los tsis raug. Cov neeg no lawv txoj hmoov zoo dua lwm cov tib si.
F.Qhov kawg tus neeg ntse thoob tsib nws poob tsim rau saum raug luag thuam luag cem tu siab nws mob tuag. Hos tus neeg tsis muaj tswv yim nws yog tus muaj txoj sia ntev nyob, hais tau tias muaj hmoo ib yam thiab.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Dyn00710

**Maiv Tooj** 2nd October 2014, 8:38 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°141

Re: XH. Yaj Zoov Ntxheb lub Tsev THOOB TSIB

Post Maiv Tooj 2nd October 2014, 8:38 am

Zaj 135- KEV NCO NIAM NCO TXIV.

XH. Yaj Zoov Ntxheb lub Tsev THOOB TSIB - Page 6 Txiv_n10

Maiv Ntxawm Thoj Lis tau hais zaj lus no rau kuv mloog
Hnub nws tau ntsib kuv.
Maiv Ntxawm Thoj Lis, nws yog ib tug neeg xeeb los yog neeg muaj peev xwm, siab zoo. Thaum nws yau mas nws coj tus yam ntxwv li yog neeg tawv ncauj me ntsis, tab sis nws ua neeg paub tab haum nrog tej viv ncaus los tej hlob thiab yau yog nus muag sib haum zoo. Nws tseem hlob tsis tau tiav neeg ces lub teb chaws ua tsov rog. Nws txiv yog cov ua tub rog pab Huab Tais Los Tsuas tiv thaiv Lub teb chaws.
Xyoo ntawd poob rau xyoo 1975, tej nom tswv qab ntuj khwb sib cog lus tias muab tsov rog tso tseg los sib cog lus ua kwv tij txhawb nqa lub teb chaws mus rau sab kev thaj yeeb.
Thaum cov lus sib haum xeeb no nrov thoob teb chaw lawm ces tog neeg neeg phem tsis yuav cai muab cov neeg ib txwm pab lub teb chaws ntawm Huab Tais Los Tsuas ntes coj mus tua pov tseg, los ntawm kev chawj chim, ua tsov rog tau 15 xyoo los lawd.
Ces pab neeg phem muab Maiv Ntawm Thoj Lis, nws txiv ntes coj mus tua pov tseg lawm. Lawv niam muaj kev tu siab ntau yam ces ua lub neej nyob tsis ntev, ces nws niam kuj tau ncaim lub ntiaj teb no mus lawm thiab.
Maiv Ntxawm Thoj Lis nws nco nws niam nws txiv mas nco npaum li lub ntuj nws ua lub neej nrog nws cov viv caus, nws cov nus. Tom qab nws mus yuav txiv lawm los nws pheej muaj qhov nco txog nws niam nws txiv mus li.
Thaum nws niam thiab nws txiv tuag tas, mas nws muaj kwv yees li 14 xyoo. Nws twb ua neej muaj hnub nyug 34 xyoo lawm muaj ib hnub nws mus ntsib ib tug yawm As Mes Lis Kas zoo nkaus li nws txiv ntag, neeg loj rog thiab zais plab zoo nkaus li hais lus kuj luag tau lub suab yog kiag li lawm. Maiv Ntxaum Thoj Lis nyob tsis taus nws cia li mus saib tus yawm Mes Lis Kas ntawd. Tus yawm ntawd nug tias Tus ntxhais koj tuaj dab tsis? Maiv Ntxawm thoj Lis teb tias, Kuv tuaj nrhiav saib Koj puas muaj ib lub tsheb qub yuav muag, kuv xav yuav. Tus yawm Mes lis Kas teb tias kuv tab tom yuav muag ib lub thiab, nws nrog tus yawm Mes Lis Kas ntawd tham ntev loo nws zoo siab lawm nws hais tias kuv pom koj thiab koj lub tsheb lawm kuv yuav mus qhia kuv tus txiv wb mam rov tuaj yog nws nyiam ces wb yuav koj lub tsheb.
Maiv Ntxawm thoj Lis rov los qhia nws tus txiv tas ces nkawg rov mus saib tus yawm Mes Lis Kas ntawd ua rau Maiv Ntxawm siab kaj tuaj ntau kawg ua rau nws twb laus lawm los nws tseem hlob siab thiab ntse ib thawj tuaj, nws twb muaj 34 xyoo lawm los tsis pom ib tug zoo li nws niam ces nws xav nws yuav mus nrhia saib puas muaj ib leeg zoo li nws niam. Ces nws ntiav dav hlau ya mus txog Thaib teb mus Npam Koj ti pem Tseej Maim tsis muaj ib leeg zoo xws li nws niam. Nws hla rov mus rau Los Tsuas, mus thoob plaws cov chaw muaj hmoob nyob ntsia cov poj Hmoob poj Los Tsuas tas nrho tsis pom ib yuav xws li. Nws lub siab nyob tsis kaj li nws ya dav hlau mus rau Suav teb Mus txog khwm Meej mus paj tawm Lag, mus Kui yaaj, Kim Tsawb teb tas tib si ti nkaus rau pem Pe Kee. Nws pom 10 phom tus poj niam tsis muaj ib tug yuav zoo li nws niam, los txawm tsis zoo li los kheev lam ze tsawv es ho ua kom Maiv Ntxawm Thoj lis ho ib yuag zoo siab tuaj.
Yam ua Maiv Ntxawm nco nws niam nws txiv heev yog qhov nws tsis tau hais ib lo lus rau nws niam nws txiv tias, ua neb tsaug neb tau yug kuv los ua neeg, kuv tej nqaij yog neb nqaij neb ntshav peb yog ib co zoo niam tub txiv tub ua ke,kuv tsis tau qhuas kuv niam kuv txiv ib lo lus li. kuv kuj tsis tau txaus siab mloog ib yam uas yog kuv niam los kuv txiv txib kuv es kuv ua kiag rau nkawd pom tias nkawd tus me nyuam tau mloog nkawd lus zoo,
Hais tas nrho cov lus muaj los lawd, kuv tau qhuas luag niam luag txiv, luag tej kwv tij, tab sis kuv tsis tau qhuas kuv niam thiab kuv txiv los kuv cov kwv tij ib zaug li thiab. Kuv hnov Maiv Ntxawm hais lo lus no mas ua rau kuv pom kiag tias, kuv muaj nuj nqes tsis tau txaus rau sab ua niam tub txiv tub no li.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 Fleur-10

**Maiv Tooj** 9th October 2014, 7:58 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°142

Re: XH. Yaj Zoov Ntxheb lub Tsev THOOB TSIB

Post Maiv Tooj 9th October 2014, 7:58 am

Zaj 136- NTSUAM XYUAS KEV NTSEEG.

XH. Yaj Zoov Ntxheb lub Tsev THOOB TSIB - Page 6 18939010

Sau los ntawm hnub tim 5/6/ 2014.
-Cov lus no sau los rau cov neeg kawm kev ntseeg tas twv kom tau nco kev ntseeg tseg xwb.
1. Txij thaum ntuj tsim teb raug los txog niaj hnub no, muaj ib tug neeg tau tua neeg 1%4 { ib feem plaub.} tuag ntawm lub ntiaj teb no. Tus ntawd yog leej twg, nws hu ua li cas?
2. Nyob hauv cov neeg ntseeg Yes xus muaj ib tug nws tau yug los ob zaug, thiab tuag ob zaug, nws txheeb ze leej twg, thiab nws hu ua li cas?
3. Nyob hauv lub Koom Txoos Kas Tau Liv, muaj ib tug Leej ntshiab tau ntxub cov neeg ntseeg txog Yes Xus lub Moo Zoo loj. Nws lub npe hu ua li cas.
4. Thawj pab neeg luag muab lawv tua, lawv tau tuag ua Yes Xus Tim Khawv. Muaj ib tug tau lub Koom Txoos sau nws npe thiab tsa nws ua Leej Ntshiab, nws lub npe hu li cas?
5. Yes Xus Leej Tswv Yim Ntshiab qhia rau Pob Zeb tias, kom tsis txhob caiv cov nqaij tsiaj txhu uas cov His Xas Lais Caiv ntawd yog lub caij twg?
6. Zaj kuv ntseeg txog Tswv Ntuj Lub Koom Txoos Ka tau Liv sau los thaum twg lawm?
7. Leej twg yog tus xub hnov Ntuj cov tshiab hu zaj nkauj Faj tim Huab Tais Ntshiab, yog thaum twg?
8. Suav txij li thaum Tswv Ntuj hu yawg Has Nplas los txog hnub Yes Xus nce mus lawm pem ntuj, zaj nyob pem ntuj,Tswv Ntuj nto meej nto moo, nyob ntiaj teb cov neeg siab dawb siab huv nyob kaj lug yog leej twg ua tus tsim los thiab thaum twg?
9. Xyoo 1950 muaj plaub lub teb chaws uas Hmoob nyob, Suav, Los Tsua, Cob Tsib, Thaib. Pab Hmoob twg xub txais kev ntseeg txog Yes Xus lub Moo Zoo?
10. THawj tug Hmoob txais keb ntseeg Yes Xus lub Moo Zoo nyob Los Tsuas teb yog leej twg xeem hmoob dab tsi?

XH. Yaj Zoov Ntxheb lub Tsev THOOB TSIB - Page 6 1nel6010

Cov lus teb:
1. Tus ntawd hu ua Kas Ees, yog Es Vas thiab As Das tus tub hlob nws tua nws tus kwv As Npes,Thaum ntawd lawb muaj 4 leeg nyob ntiaj teb no.

2. Nws yog Mas Tas thiab Mab Liab MasNtas Las nkawd tus nus Las Ntxas Los.

3. Tus ntawd, nws lub npe hu ua Xauv Paj Laug.

4. Tus Lub Koom Txoos tau sau nws npe tsa ua Leej Ntshiab yog Tes Fas Nos.

5. Yog Lub caij uas tus Xab Txheeb Los Mas tso neeg tuaj caw Pob Zeb mus ua lub Cim Ntxuav rau lawv.

6. Yog lub caij Paj Lug pib qhia Yes Xus lub Moo Zoo rau cov neeg teev dab Muaj lus tsis sib haum. Muaj neeg sib cav tias peb yog pob Zeb tog, lkos peb yog Paj lug tog. Cob Hauv Paus Xa lus ua thawj lub roo ncauj lus nyob Yes Lus Xas Les. Lawv sau tseg kom txhob sib ncaim.

7. Tus tau hnov Ntuj cov tshiab hu zaj nkauj Faj Tim Huab Tais Ntshiab. Yog Yas Kos Xis Xas Has tus tub. Thaum nws tau lus tias nws yog Xas Ws tij laug Nws yuav tau ncaim mus ib ntus.

8. Yog Ntuj cov Thsiab nqe los hu, Hmo Yes Xus yug los nyob tom cov neeg zov yaj tsev yug tsiaj.

9. Yog pab Hmoob nyob Suav teb. Xyoo cov Hmoob Los Tsuas txais kev ntseeg Cov Hmoob Suav twb muaj cov kawm ua leej choj yuav tiav los tiav leej puav lawm.

10. Yog Yaj Zam Nob.

Yaj Zoov Ntxheb Xib Hwb.

**Maiv Tooj** 13th October 2014, 8:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°143

Re: XH. Yaj Zoov Ntxheb lub Tsev THOOB TSIB

Post Maiv Tooj 13th October 2014, 8:43 am

Zaj 137- TXUJ CI.

XH. Yaj Zoov Ntxheb lub Tsev THOOB TSIB - Page 6 16285811

Nyob hauv txhua Haiv neeg li txuj ci, Puav leej yog nqes saum ntuj los.
Txuj ci yog hom muaj zos, thiab thoob tsib dua cov, nyob hauv leej tib neeg txoj hauj lwm thiab xeem lus hais tawm los.
-Txuj ci hais mus rau fab twg los yeej yog txoj kev coj mus rau qhov zoo thiab muaj zog xwb:
Nws mus rau sab zoo los muaj zog, hos mus rau seem phem los kuj muaj zog. Nyob rau ntawm ib tug neeg saib nws xaiv los siv rau sab zoo los sab phem xwb.
A.*Tus tib neeg txawj siv mus rau sab zoo, nws cov txuj ci thiab tes hauj lwm, muaj zog cuag li Xob tua. Nws txaus ntshai, vim nws muaj zog mus rau sab txhawb tsa ntuj Plig kom sawv tau ua neeg ntse thiab thoob tsib, muaj hmoo, ces yeej kev mob nkeeg, nrog rau kev xaiv kev lus, plaub ntug tas nrho txhua yam.
Thaum nws yeej tas tej hais saum no lawm mas nws peem tsheej yog ib tug neeg dawb huv lawm. Cov neeg dawb huv ntawd ib txwm Ntuj yeej pab thiab pov hwm lawv. Lawv hom raug rau neej thiab dab ntxub, tab neej dab txawm ntxub los yuav tsis muaj ib txoj hauv kev mus yeej tau,vim Ntuj tsis pub kom Dab yuam neej tau. Dab tsuas muaj cai ntxias xwb, tsuas ntshai lub caij nws ncaim ntawm lub tswv yim ua zoo lawm ces nws lam raug tuag nyob hauv kev ua txhaum xwb.
B.*Tus tib neeg siv cov txuj ci no mus rau sab phem mas nws kuj muaj zog kawg thiab.
Thaum tus neeg phem no siv lub tswv yim nrog cov txuj ci no, mas ua rau ntau leej ntseeg qhov nws ua thiab hais.
Tom qab nws zaj txuj ci yuav txi ib co txiv phem tawm los, vim tias Ntuj yuav tsis pov hwm nws. Vim nws tau muab zaj txuj ci muaj zog thiab zoo nqes saum ntuj los siv liam ua kev txhaum. Kom tau coj ntau leej neeg to taub yuam kev nyob hauv nws zaj txuj ci tau liam ib tug neeg siab dawb, mus zwm rau kev ua txhaum.
Tus neeg twg siv zaj txuj ci muaj zog no los rau sab hais lus cuav, mas zaj txuj ci no yuav rov ua tim khawv qhia nws tias, Nws tsis hwm nws zaj txuj ci nrog tus neeg siab dawb. Nws tau tsim plaub ntug cim tseg rau ib tus ntsuj plig lawm, ua rau nws sab ntsuj plig nyob tsis kaj.
Vim nws ntsuj plig ras duj dheev txog tus neeg siab dawb uas lub tswv yim muab zaj txuj ci tseem ceeb ua lus cuav hais rau coob leej neeg tau ntseeg yuam kev ntawd tau coj ib tug ntsuj plig los nyob hauv kev txom nyem.
C.*Zaj txuj ci thoob tsib no nws nqes saum ntuj los pub rau neeg ntiaj teb kom muaj txuj siv.
Peb neeg Yaj Ceeb, tsis hais Haiv neeg twg li, thiab coj kev ntseeg dab tsis los xij.
Kuv pom nyob hauv Haiv Hmoob cov txuj ci tseeb tias yog ib co txuj ci nqes saum ntuj los tiag.
Yuav hais Yes Xus hais,yam twg yog Qaum Ntuj li mas peb yuav tau paub tseeb muab sib cais;
Qaum Ntuj li ntiag tug peb yuav siv ua hauj lwm rau Ntuj. Hos yam twg yog neej los dab tug, mas peb mam siv ua hauj lwm rau neej thiab dab. Txhob muab Ntuj ntiag tug siv rau Dab tib si mas tsis yog lawm. Thiab txhob muab tej yam ua yog neeg tsim los siv rau Dab coj los cev rau Ntuj thiab.
D.*Hmoob cov txuj ci yog txuj ci thoob tsib nqes pem ntuj los tiag:
Tej laus mas lawv paub cov txuj ci no,mas yog tib co txuj uas pab cov neeg txom nyem neeg me, uas tsis muaj zog xwb. Vim cov neeg me neeg txom nyem raug cov neeg muab hlob khav theeb thuam thiab saib tsis taus lawv yam tsis raug ntsej raug muag kiag li.
E-*Leej twg thiaj yog cov paub fab txuj ci no, nyob hauv Haiv Hmoob?
Yog cov neeg uas lawv ua neeg tus thawj, paub Hmoob kab tshoob kev kos, thiab paub Hmoob kev ib siab ob qig, uas lawv txawj ua tub hais xaiv sawv qab nteeg hais txiv Xaiv foom kom, txawj cheem plaub ntug kom txhob muaj xaiv muaj lus, nyob hauv kev ua kwv tij los txheeb ze sawv daws, coj neeg nyob sib haum xeeb.
F-*Fab txuj ci no muaj ib feem peb { 1/3.} nyob hauv Yes Xus lub Moo Zoo thiab nyob hauv Tswv Ntuj 10 lo lus qhia:
Yog tej yam uas tej laus hais tias yuav saib taus tej neeg ruam los me nyuam neeg tsam raug kev khaum kev txhaum. Thiab cov lus uas cov txiv tuam mej koob hais los qhuab tub qhuab ntxhais lub zim txwv ua tshoob ua kos. Thiab cov lus uas cov Kav xwm thiab nkawm tub coj xai sawv qab nteeg foom los rau tsev xyom cuab, kom muaj zoo siab ntsws rov los ua neej nyob lub caij niam txiv qaij qaug los mus rau yeeb tim teb lawd.
Cov txuj ci no peb hais tau tias yog nqes pem ntuj los, yog Qaum Ntuj li lus tas nrho.
Kuv tsis xav thiab hais tias yuav thuam leej twg li. Peb cov neeg uas ntseeg txog Yes Xus lub Moo Zoo, tsis muaj ib yam uas yog tshiab li. Puav leej yog qub lus Qaum Ntuj tau qhia rau neeg Yaj Ceeb no ntxov los lawm. Cov tau ua luag tus thawj neeg leej twg kawm tau coj mus QOG mas yuav ua twb zoo qog kom yog yam txuj tseeb muaj nuj nqes uas nqes saum ntuj los, kom txaus qhuas.
Txhob txua ib yam uas hais tias yog yam tshiab uas neeg ntiaj teb tsis tau hnov dua coj los hem neeg yaj ceeb tej ntsuj plig kom to taub yuam kev tias, yog Qaum Ntuj li lus, txiav txim kom sawv daws ua raws tso yus tus qhia ho tsis tau pab ua ib yam li.
*** Lo lus kawg txhais los lus txuj ci= Yog tas nrho koj lub tswv yim thiab tej kab lis kev cai uas ntawm ib haiv neeg coj thiab tej lus zoo, lus phem, nrog zaj xav ntawm lub siab ntsws txhua yam tib si.

Yaj Zoov Ntxheb X.H.

XH. Yaj Zoov Ntxheb lub Tsev THOOB TSIB - Page 6 Gif-fl10

**Maiv Tooj** 16th October 2014, 9:07 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°144

Re: XH. Yaj Zoov Ntxheb lub Tsev THOOB TSIB

Post Maiv Tooj 16th October 2014, 9:07 am

Zaj 138- NEEG NTIAJ TEB MUAJ ZOO HWJ CHIM.

XH. Yaj Zoov Ntxheb lub Tsev THOOB TSIB - Page 6 Hwj_ch10

Tas txhua Haiv neeg nyob ntiaj teb no, sawv daws puav leej muaj hwj Chim. Lub hwj Chim uas neeg tau los ntawd yog leej twg ua tus tso los thiab pub rau neeg ntiaj teb, kom muaj zoo lub hwj chim, thiab kev thoob tsib txawj ntse uas cuag li neeg yog ib co me nyuam qaum ntuj, uas zoo li yog ib pab me nyuam qaum ntuj coob nyob sab hauv kav lub sim ceeb no. Kuv yuav muab los hais ze rau saum Haiv Hmoob raws li Haiv Hmoob kev txawj ntse thiab yog neeg thoob tsib.

1. Haiv Hmoob yog ib Haiv neeg muaj hwj Chim, muaj koob meej, thiab tsim txiaj.
-Nyob hauv sab zoo Hmoob txoj kev txawj ntse uas Hmoob yog ib tug neeg thoob tsib mas Hmoob muaj kev nplua nuj loj kawg nkaus li. Yog Hmoob tau txiav txim siab ua lawm mas sab zoo ntawm hmoob mas cuag li yog ib co me nyuam neeg Qaum ntuj li tswv yim xwb ua mus tau deb kawg li,yeej txaus ntuj qhuas lawm.
2. Hos nyob rau sab phem mas kuj tsis yog ua tau yam niag ruam ruam li thiab. Tej tus mas kuj lam ua raws li nws kev thoj chim mas nws kuj ua tau tej yam ruam ruam uas neeg tsis tas yuav tshuaj ntau txog yeej paub tau lawm. Tej tus yog nws txhob txwm xav ua phem mas yuav yog cov thawj neeg uas tau pom dua lawm mam li paub tau,cov neeg raws li kev cai uas tsis tau hnov dua mas yeej twv tsis raug hlo li.

3.Nyob hauv Hmoob li kev thoob tsib mas muaj ob yam li hais tas los no:
-Mas Hmoob yog cov neeg zoo li tsim txiaj thiab nplua nuj rau sab kev xav, lub tswv yim sab zoo thiab sab phem, muaj sib npaug zos.
Txawm yog ntse thiab thoob tsib npaum li cas los yuav hla tsis dhau leej nyob siab saud ib zaug li.
Tej xwm no yuav tawm nyob rau yav yuav xaus zaj lus no. Kev muaj hwj chim, kev thoob tsib, thiab kev ntse, yuav tawm los rau cov nyeem zaj lus no tau pom thiab paub tseeb.

4. Xav kom txhua tus yog Hmoob nyias txawj txo nyias lub hwj chim, ces txoj kev txawj ntse thoob tsib uas Ntuj tau foom los thiaj yuav ntse thiab thoob tsib nyob mis li raws li Qaum Ntuj tau foom pub los rau tej pog tej yawg thaum chiv keeb nqes pem Qaum Ntuj los ua Hmoob nyob rau ntiaj teb no.

5. Lo lus hais tias, Hmoob Muaj Hwj Chim, Hmoob tsim txiaj, ntse thiab thoob tsib. Yog ib lo lus zoo heev sawm tsis nyog. Yog tsis hwm cov lo lus no tias:{ KUV YOG NEEG TSIM TXIAJ, KUV YOG NEEG NTSE, THOOB TSIB THIAB MUAJ HWJ CHIM.}
Cov lus muaj nqes no yuav rov rob caub rau koj raws li nqes lus yuav hais tawm los ntawm nqes nram no:
6. Tsis hwm tej niam tej txiv kuj ua neej nyob tsis nto ntsis, Tsis hwm tej nom tej tswv uas twb los ua nom ua ntej, koj ua xaiv ua lus rau nws, yuav nrog sib nrau cuam li tej tsiaj sib nraus rau neeg saib, mas luag poob nom los koj poob mus thiab. Luag txawm tuag lawm los tsoom Hmoob tsis siv koj lawm, ces tam li koj nrog nws tuag tib yam li thiab.
Koj qee luag nyiaj siv lawm los cas koj tseem pluag dua qub tuaj lawm ib npaug ntxiv. Koj thuam tej hlob lawm tsis yog koj yuav ntse tuaj ua cas koj tseem ruam dua li qub tuaj. Ua yam twg los zoo li pheej coj koj mus mag ntxiab xwb. Koj ho saib tsis taus luag los koj tseem txom nyem tshaj luag lawm. Koj thov kom dab tom luag, los muab lug txoj sia txo. Qhov kawg dab coj koj mus zwm rau dab hais mas hais tsis txawj tas li lauj!

7.Tej lus no tsis yog yuav thuam los hem ib tug neeg twg li! Phaj neeg no cov ua phem ua kev khaum kev txhaum lawv ua neej nyob tsuas tau ua neej nyob txog 60 caum tawm xyoo xwb ces raug mob ub mob no los raug xwv txheej cia li ncaim ntawm lub ntiaj teb no mus lawm.
Tej tus thaum ncaim mus lawd kuj pheej hais tej los lus tseg tias, kuv tau ua kev khaum vim kuv saib tsis taus tus hu li no, kuv tau ua li no rau nws lawm nej txhob ua li kuv lawm mog.

8. Puas yog neeg tsis hwm tej kev muaj hwj chim los kev txawj kev ntse kev thoob tsib nqes saum ntuj los ces ua rau neeg raug kev khaum kev txhaum lawm los neeg lam xav xwb ne! Ua li cas ib tug neeg ua txaum rau luag lawm nws kuj lam txhawj hais tias kuv yuav mag kev txhaum kev khaum lawm lauj! Lo lus no kuv tsis tau hnov neeg hais rau neeg, tab sis kuj tau hnov neeg hais rau dab tias, kuv ua txhaum rau ib tug neeg lawm:
Kuv saib tsis taus ib tug neeg ruam, los kuv tau qee ib tug hu li no, nyiaj nyob nruab hub los siv lawm, thiab kuv tau muab tus hu li no nws roj ntsha hliv lawm.
Thov kom dab pog dab yawg pab txhob rau txim rau kuv, thiab kom tus neeg kuv tau ua txhaum rau nws tuag lawm txhob los tos kuv mus hais cov plaub ntawd nyob rau dab teb.

9. Los rau txheej no zoo li muaj dab los muaj xyw paub txog txhua yam uas neeg ua tsis zoo:
-Lam tau lam hiam leej tib neeg liam lus phem rau luag, los cia li lam ntxub yam tsis muaj qab hau, ua rau luag mob siab ces luag foom li ub li no los cia li lam ncaj li lawm. Tej niam txiv, txij nkawm cov mus nyiag luag nplooj siab los yuav lawm los nyiag los ua si xwb tsis hlub, zoo li laus zus pib qhib tej lus phem uas nws tau ua rau tej neeg tau hnov zoo li lawv pib ntshai tsam dab los cov neej uas nws tau saib tsis taus ua ntej ntawd rov los rob caub thiab tos nws mus hais plaub rau Dab teb yam txaus ntshai kawg li thiab.

10. Tsoom Hmoob muaj zoo Hwj Chim, muaj koob meej, muaj kev thoob tsib, txawj ntse, uas muaj zoo tswv yim nrog kev nplua nuj ci ntsa iab li no, thaum kawg cia li mus xaus rau tej kev ntshai tsam dab tuaj tos mus hais plaub lawm dab teb li no xwb, ua li Hmoob lub neej yug los ua Hmoob puas tsim nyog nqes los ua neej ib zaug rau lub sim ceeb no. Xav tias muaj kev thoob tsib, muaj hwj chim cuag Qaum ntuj li tub ki xwb. Lub ntsis cia li los xaus rau kev mus sib ua plaub rau dab teb xwb, txoj kev nqes tuaj ua neeg qhov zoo yog dab tsi tiag?

11. Tuaj ua lub neej muaj hwj chim txawj ntse npaum no rau lub ntiaj teb no,ua li tuaj ua neeg tej koob hmoov kev ua neej txawm tuaj ua neej muaj txiag nplua nuj zoo npaud li lub siab xav tau ua neej nyob ib ncua, rau lub sim ceeb no, dab tsis los muab noj tas siv tas tsis tshuav koob hmoov li, leej twg los tshuav ib roog plaub yuav mus hais lawm dab teb xwb no tuaj ua neeg qhov zoo yog qhov twg tiag.

12. Yog twb muaj tej no tas li peb tau hnov lawm, ua li tej txiv xaiv Foom kom uas Hmoob ib txwm ntseeg thaum tej niam tej txiv nce lub hauv toj mus lawd tsis yog mus saum qaum ntuj, hos tsuas yog mus hais plaub rau dab teb lawm xwb. Cov lus zoo hais los ntawd puas yuav tawg paj txi txiv rau tej tub ki xeeb ntxwv ua neej nyob tuaj rov tom qab ne yuam!

13.Poj Saub thiab Yawm Saub Neb puas paub Hmoob yuav ua li cas kom Hmoob lub hwj Chim koob meej kev thoob tsib nyob nrog Hmoob es thaum kawg tsis txhob yog tias tsuav ib rooj plaub pheej yuav mus hais kom tas nyob rau dab teb xwb. Es cia Hmoob cia li ncaj qha mus cuag Hmoob poj Hmoob yawm rau pem ntuj, ncaj qha mus rau pem ceeb tsheej xwb yuam!

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 D1ffe710

**Maiv Tooj** 28th October 2014, 9:26 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°145

Re: XH. Yaj Zoov Ntxheb lub Tsev THOOB TSIB

Post Maiv Tooj 28th October 2014, 9:26 am

Zaj 139- MUAB COV KEV NTSEEG LOS SIB PIV.

XH. Yaj Zoov Ntxheb lub Tsev THOOB TSIB - Page 6 20shaman.large3

Hmoob kev cai coj dab

XH. Yaj Zoov Ntxheb lub Tsev THOOB TSIB - Page 6 Captur10

Kev cai Phuv Thas

XH. Yaj Zoov Ntxheb lub Tsev THOOB TSIB - Page 6 Messe10

Kev ntseeg Yes Xus

Muab 3 txoj kev ntseeg los sib piv:
A. Txoj kev ntseeg Siv Yis uas Hmoob ntseeg
B. Phus Thas txoj kev ntseeg.
C. Kev ntseeg Ntuj raws li Yes Xus lub Moo Zoo.

1. TXOJ KEV NTSEEG RAWS LI HMOOB COJ THOOB QAB NTUJ KHWB NO, YOG TUAJ NTAWM SIV YIS TUAJ.
Tooj Ncai Siv Yis yog tus qhia Hmoob ua neeb. Thiab muab tshuaj los cawm neeg.
Hmoob muab yam muaj hwj huam loj uas muaj tseeb tab sis pom tsis tau lub cev los hu ua Dab no lawm. Ces txhua yam muaj tseeb pom tsis tau mas yog dab tas nrho:
Xws li, tus Dab xeeb teb xeeb chaw, nws xeeb kom muaj ntuj muaj teb muaj tas ib puas tsav yam:
-Xeeb muaj neeg los nyob, muaj tsiaj txhu kab noog nroj tsuag xyoob ntoo, ua kom muaj txhij muaj txhua. Tus no yeej yog Tswv Ntuj li lawm.
Mloog Hmoob cov lus hais mas Hmoob muaj peb hom dab:
1. Tus Dab xeeb teb xeeb chaw, thiab dab niam dab txiv, dab pog dab yawg, dab kwv dab tij, rau tej dab tub ki, los dab xeeb ntxwv no. Lawv yog cov dab zoo. Suav tau Tswv Ntuj los Vaj Tswv nyob hauv tib si lawm.

2. Cov dab uas Hmoob ntseeg tias muaj hwj huaj loj, muaj peev xwm siab, thiab muaj zog heev:
-Yog cov dab Xob, dab Zaj, dab hnub dab hli, dab qhov dej saus qhov dej npau, dab toj zeb toj tsua, dab roob dab hav, los rau dab qhov cub qhov txos.
Cov no yog kev ntseeg li ntawd xwb tsis yog dab. Cov no Hmoob muab ntseeg tau loj dhau lawm tsis tseeb. Cov dab no ua tub qaug tsis tau hla tsis tau mus ze tsis tau, yuav raug cov dab no tom. Cov Hmoob ntshai yog cov no.

3.Tus dab phem ntiaj teb neeg cov ntseeg ntuj los cov teev dab qhuas tas lawv sawv daws tsis nyiam, tus no hu ua Ntxwj Nyoog. Hmoob hu ua Ntxwj Nyoog,Hauv ntawv ntshiab Yes Xus hu nws ua Xas Tas. Mab sua los nyias muaj nyias lub npe hu raws li nyias xeem lus.
Yog ib tug neeg twg kawm Hmoob cov dab qhuas kom zoo txaus mas nws paub tias Haiv Hmoob teev tiam dab qhuas, Hmoob cov dab muaj ntau pab. Cov Hmoob teev tiam yog cov dab zoo. Cov dab uas Hmoob ntseeg tias tuaj tom Hmoob yog cov dab phem.
Hmoob ua neeb thiab ua khawv koob yog hmoob vam txog cov dab zoo tuaj tiv cov dab phem.
Cov dab Zoo Yog tus xeeb teb xeeb chaw thiab dab niam dab txiv xwb.
Thaum Hmoob Fiv yeem Ntuj pab. Hmoob hu lub ntuj lub teb, thiab Xab kub Tsab Xwm Kub thawj nrog Xyo Lij Leem lawv.
Lawv yog plaub tug Txoov Dab nyob plaub ceg kaum ntuj.
Lawv yog,Los Tuam, Los Lwm Los Xab Los Xwm. Yog Plaub leej Tub uas nyob hauv Zaj dab neeg mus ntse Xob los tua noj. Uas tseem mus nrhiav ntsev dua nram mab lawm ces nkauj muam nraug Nus nkawd tsuag dej rau xob ces Xob thiaj xob vog luaj lub Phawv ua rau hlua tu tas ces xob ya dua saum ntuj lawm. Xob mam tso dej los nyab ntiaj teb. Ces Nkauj Muam nraug Nus thiaj zoj nruas daj, ces nruas daj thiaj ntab yees rau saum yaj, nkawd mus zoj nruas ntoo, ces nruas ntoo thiaj ntab yees rau saum npoo. Thiaj tshuav nkauj muam nraug nus nkawd ob tib tug muaj sia ua neej nyob. Xyo Lil Leem ces yog Los tuam thiab Los Xab lawv tus muam. Plaub tug txoov dab no yog plaub tug tib neeg muaj zog tshaj lub ntuj ntawd. Hmoob ntseeg tias cov qub neeg muaj hwj chim yav Ntuj pem suab thaum ub lawv cov ntsuj plig tseem pov hwm tau tiam neeg no tej ntsuj plig kom nyob dawb nyob huv.
Hmoob txoj kev teev hawm no coj hmoob nyob hauv kev ntshai txhob mus ua kev khaum kev txhaum.

2. TXOG KEV NTSEEG PHUS THAS.
Phus Thas cov lus qhia muaj ib co lus qhia xws tuaj saum ntuj tuaj thiab:
-Yam li cov lus qhia kom neeg sib hlub. Thiab hwm tej yam uas yog Ntuj tsim los nyob rau ntiaj teb no:
-Neeg yuav rov sib hwm ntiaj teb thiaj txaus neeg nyob. Yog tsis muaj kev sib hlub mas ob kwv tij xwb los nyob tsis taus ua ke. Ib leeg yuav nyob ib lub roob lawm mas av yuav tsis txaus neeg nyob. Ces yuav xeeb muaj tsov rog ntau ua rau neeg muaj kev txom nyem loj heev qhov kawg neeg thiab tsiaj yuav sib ua rog....
Phus Thas thiab Hmoob tus Siv Yis. Nkawd tsis yog Huab Tais Los yog ib tug Tswv Ntuj. Thaum nkawd tshwm sim los Tswv Ntuj twb tsim lub Ntuj lub teb tas lawm.
Siv Yis thiab Phus Thas nkawd yog ob tug neeg zoo li ntiaj teb neeg sawv daws. Tab sis Tswv Ntuj tau txib nhawd xa Ntuj ib co lus tuaj tshaj thiab pab neeg ntiaj teb.
-Dab phem kuj pom tias nkawd muaj ntuj txoj hmoov coj tuaj pab lub ntiaj teb neeg ces dab phem siv tom txwv rau neeg ntiaj teb kom muaj neeg tau ntxub ntxaug txog. Ces Siv Yis los Phuas Thas nkawd ua nkawd txoj hauj lwm tsis tau tiav nkawd twb raug xwv txheej lawm.
Neeg Ntiaj teb cia li hu nkawd ua Huab Tais no lawm xwb. Nkawd cov txuj yog neeg yaj ceeb txua rau yam puav.
Xws li Siv Yis cov ces Yog kev ua neeb ua yaig. Hos Phus Thas co ces yog cov:
-Dhau qhov kev teev hawm tas lawd ces tawm cov Phab lev lai, pov khoos uas phom tua tsis tshab los tua tsis raug. Thiab cov txuj sib kom tes taw, zoo li cov Khoov Fum, los co Kas las tes kev sib ntaus nrig no Feem ntau mas yog cov hauj sam ua cov ceev cia los khaws tseg tau qhia rau cov neeg raug luag ntxub los raug luag hiam. Kom tau pauj kua zaub ntsuab los rov rob caub rau tus yeeb ncuab ntawd tau.
-Yog yuav hais qhov tseeb mas tej kev cai no sab zoo los muaj, sab phem kuj muaj thiab.
Sab Phem mas yog sawv ib co dab tshiab, tsis tis npe hu ua dab no. Tab sis yeej yog ib co dab tshiab tiag.
Vim tias ua kom neeg yuam kev mus ntseeg thiab tso siab rau ib daim hlau tias daim hlau no yuav muaj peev xwm thaiv tau lub muas txwv tuaj ceev li ceev ntawm rab phom tuaj as ho yuav tsis tshab tus neeg lub cev. Thiab tus Phab lev lais no coj tsis tau koj tus ntsuj plig mus txog poj yawm lub teb chaws nyob dawb nyob huv ntawd.

3.NTUJ KEV CAI RAWS LI YES XUS LUB MOO ZOO.
-Yam loj tshaj plaws Thaum Yes Xus yuav tshwm sim tuaj. Muaj ntau lub cim tawm tuaj qhia rau neeg paub ua ntej.
A -Tswv Ntuj xub tsim ib haiv neeg los nyob ua ntej tos. Thiab Ntuj xaiv ib co Yaj saub tshaj lus qhia ua ntej tias lub caij twg Tus Pleev yuav tuaj. Thiab nws yuav tuaj nyob hauv tej yam xwm uas xub tshaj los ua ntej.
B. Yam twg uas cov Yaj Saub tsis tau hais ua ntej mas Yes Xus yug los nws ua tus tshaj tias yuav mus zoo li cas mas txog qhov tseeb thiab yog.
C. Thaum txog lub caij nws yuav rhuav ntiaj teb cov txhaum mas nws ua zoo li tus neeg swb tas ib puas tsav yam. Zoo li nws tsis muaj nuj nqes li.
D. Hnub nws yeej lawm los nws txoj kev yeej tawm tuaj nyob hau tej tus neeg tsis muaj zog thiab tsis muaj txuj, ua tau tej yam ua neeg xav tsis tau.
E. Yes Xus qhia qhov tseeb uas tsis txaus nteeg txoj kev muaj zog loj tshaj plaws tawm tuaj nyob hauv lo lus nyian thiab hlub. Yog koj ntseeg tau tseeb tias koj nyiam thiab hlub tas koj lub siab lub tswv yim mas koj sab npab muaj zog txaus mus txheem los nqa tau ib tsob ntoo nyob hauv koj txhais tes mus rau lwm qhov chaw tau.
_Ntuj kev cai raws li Yes Xus Lub Moo Zoo tshaj tias yuav tiv tau cov dab phem yog kev nyiam kev hlub zam rau cov ua yeeb ncuab rau koj. Koj txawj nyiam txawj hlub cov txom nyem dua koj thiab koj zam tau rau koj tus yeeb ncuab mas koj lub tsev yog lub tsev khov uas ntsa yog zeb, hos qhov rooj yog hlau, ces dab txeem los tsis tau. Neeg txeem los tsis yoj.
Yog nej leej twg tau hnov tej lus Yaj Zoov Ntxheb Xib Hwb no hais lawm nej muab los sib piv ces nej paub xaiv txoj kev ntseeg tseeb los ua txoj kev hla mus kom txog lub chaw muaj chaw so los sia.

Yaj Zoov Ntrxheb Xib Hwb.

XH. Yaj Zoov Ntxheb lub Tsev THOOB TSIB - Page 6 10071810

**Maiv Tooj** 3rd November 2014, 11:33 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°146

Re: XH. Yaj Zoov Ntxheb lub Tsev THOOB TSIB

Post Maiv Tooj 3rd November 2014, 11:33 pm

Zaj 140- LUB CAIJ NYOOG NTAWM IB TUG NEEG.

XH. Yaj Zoov Ntxheb lub Tsev THOOB TSIB - Page 6 Aimezv10

Lub caij nyoog tseem ceeb rau ib tug neeg lub neej tuaj nyob rau saum lub sim ceeb no:
1. Ib tug neeg tuaj nyob hauv lub sim ceeb no ntev li thaj tsam 3,950 lis piam {weeks= semainne,los as thiv.}
2. zaum no koj twb muaj li 40 xyoo lawm, ces koj twb siv tas li 2,080 lub lis piam lawm.

3. Thaum koj muaj 51 xyoo lawd, ces koj tshuav li 1,300 lis piam lawm xwb.
-Ua li zaum no koj tus kheej ne! koj tus kheej, koj tshuav pes tsawg lub lis piam nyob ua neeg lawm xwb?
-Txij tam sim no mus koj xav tias koj yuav siv koj cov caij nyoog ntawd zoo li cas?
-Tsim nyog yuav los zaum xav tswv yim saib cov txiaj ntsim zoo uas koj tau ua tawm ntawm koj tus kheej muaj pes tsawg lawm tiag.
Rov nug yus saib tsoom neeg uas sawv daws tuaj ua neeg rau saum lub sim ceeb no, koj tau ua phooj ywg zoo rau muaj pes tsawg leej?
-Cov neeg koj hlub, thiab cov neeg koj ntxub, cov neeg koj paub koj tsis quav ntsej rau lawv coob li lawm?

-Koj puas tau xav tias:
Lub caij koj sawv kev rov mus cuag poj cuag yawm ntawd, puas muaj neeg ua koj luag mus hla toj kab ntsuab dawm kab ntsig. Thiab leej twg yuav tuaj kho koj khau, rau koj nrhoob, taws koj teeb, coj koj kev mus hla ntuj txias teb tsaus. Tuav koj kaus roos koj mus hla ntuj tsha teb nkig.
Cov kev no puav leej yog kev tiaj kev tus thiab kev dav tsis ceev faj mas nrhiav tsis tau txoj kev mus rau ntuj kag teb ci, los ntuj kag ntuj hu.Cov pog cov yawg mas lawv nyob rau ntuj kag ntuj hu. Lawv tsis paub xam hnub nyug, tab sis lawb ntshai kev khaum kev txhaum ces lawv ua ib siab taug txoj kev fab kev nqaim,ces muaj neeg ua lawv luag mus kom txog chaw.

Yaj zoov Ntxheb Xib Hwb.

**Maiv Tooj** 12th November 2014, 10:56 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°147

Re: XH. Yaj Zoov Ntxheb lub Tsev THOOB TSIB

Post Maiv Tooj 12th November 2014, 10:56 am

Zaj 141- KEV THAJ YEEB KEV KAJ SIAB.

XH. Yaj Zoov Ntxheb lub Tsev THOOB TSIB - Page 6 Images10

Txoj kev thaj yeeb, kev kaj siab muaj nyob twg los?
Kev thaj yeeb, kev kaj siab nyob tau ywj pheej los ntawm kev mloog Qaum Ntuj lus los:
A. Ib tug neeg yog nws tuaj ua lub neej nyob rau ntiaj teb no, nws txaus siab mloog Ntuj li lus mas nws tau ua ib lub neej ncaj ncees,nrog keb thaj yeeb kev kaj siab lug.
Txhua yam zaj xav, txuj ci, tes hauj lwm mas nws tau ua raws nraim li Qaum Ntuj qhia nyob ze zaj tseeb lawm. Nws tau nyob hauv txoj kab ua neeg paub tab paub cai, haum nrog kev sib hwm, sib nyiam sib hlub,sib pab sib nres, txhawb txhua leej neeg kom tau nyob thaj yeeb, kaj siab lug.
Nws yoog tau lub ntiaj teb kev ua phooj ywg, kom nyob ua npoj, tsheej pab tsheej pawg lom zem xauv npo.
Tus neeg mloog Ntuj li lus, tab txawm nws tsis tau ua tej yam loj los nws muaj nuj nqes rau hauv pab pawg ua phooj ywg zoo, muaj kev sib haum xeeb ua rau luag tau nyob thaj yeeb, kaj siab lug. Cuag li nws tau tuaj cog paj ua kom lub sim ceeb no zoo nkauj thiab zoo saib tuaj.
Nyob hauv nws lub neej tseem tshuav tej qhov tias, lub sim ceeb no dav heev ntshai yeej tseem tshuav tej yam zoo nkauj tshaj uas nws tsis tau pom thiab.
B.Hos tus tib neeg uas nws xaiv txoj kev rov mloog nws tus kheej thiab mus mloog ib tug thawj coj lus qhia kom ua. Thaum nws pib mas nws txaus siab tias nws yog neeg thoob tsib thiab ntse luag thiaj siv nws.
Thaum nws ua mus txog nrab lawd, mas nws yuav pom tias nws txoj kev tuaj ua neeg rau ntiaj teb no, Txoj nws taug yog ib txog kev ruam tshaj luag tej tib si. Vim nws rov mloog nws kheej thiab mloog ib tug neeg ua thawj coj nws luaj li nws xwb. Tus coj nws no tsis muaj kev thoob tsib ncau ntawm Tswv Ntuj los li.
Nws tau ua ib ncua kev deb thiab ntev li ntawd. Lub txiaj ntsim ua nws tau txais, los xaus rau kev tu siab, kev txhawj xeeb, thiab kev ntshai, vim tias txoj kev nws tau no tsis yog kev ncaj ncees, thiab tsis mus tshwm rau kev thaj yeeb, kev kaj siab lug tau.
Kuv tsis yog ib tug yaj Saub, kuv hais cov lus uas kuv tau hnov los ntawm tej laus hais los xwb. Hom neeg coj li no mas thaum nws yuav sawv kev nce hauv toj mus cuag poj cuag yawm, mas nws tshuav ib rooj plaub yuav tau mus hais nyob rau dab teb.
Yog mus nrog leej twg hais rooj plaub li hais ntawd?
Tej rooj plaub zoo li ntawd, yog cov plaub ntug uas thaum ua neej nyob, nws tau ua tub qaug rau tej neeg me uas ua tsis tau dab tsis rau nws,los sis yog cov plaub ntug uas nws tau ua hla txoj cai dhau qhov ua neeg tsis ncaj ncees rau lwm tus neeg. Nws tau tsav hwj chim loj dua li ntuj niam ntuj txi lawm, tej zaum tsis tau txaus txiav txim, ntuj tseem khuv leej tos kom luag hloov siab dua, Nws cia li txiav txim ua ntej qhov ntuj pom zoo. Ntawm nws tus kheej, nws hais tias, tos Ntuj txiav txim Ntuj tsis txiav ces yus txiav kiag.
Lo lus no cov laus txheej twg los tiam twg lawv twb yog hais li no tseg rau tej tub ki kom tau hnov. Mas yeej yuav muaj tiag xwb.
Zaj lus no Leej twg xav paub kom tseeb thiab meej dua li piav no, mas nws yuav nrog Leej Tswv Yim Ntshiab tib leeg tham twj ywm thiaj to taub tas.

Yaj Zoov Ntxheb Xib Hwb.

XH. Yaj Zoov Ntxheb lub Tsev THOOB TSIB - Page 6 26896610

**Maiv Tooj** 17th November 2014, 9:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°148

Re: XH. Yaj Zoov Ntxheb lub Tsev THOOB TSIB

Post Maiv Tooj 17th November 2014, 9:45 am

Zaj 142- KEV NPAU SUAV.

XH. Yaj Zoov Ntxheb lub Tsev THOOB TSIB - Page 6 Adshk-10

Txhua tus neeg yug los nyob ntiaj teb no, sawv daws txawj ua npau suav.

1*-Thawj pab neeg ua npau suav, tas mas lawv txawj txhais lawv zaj npau suav, thiab lawv ntseeg. ces lawv ua raws li lawv npau suav.
Muaj ib hnub mas lawv yuav mus txog qhov uas lawv tau ua npau suav pom ua ntej ntawd. Cov no lawv zaj npau suav tau qhia ua ntej ntawd yuav maj mam coj lawv txoj kev mus kom txog.
Sawv daws puav leej yuav tau ntsib, tej tus nws ntsib ntxov, hos tej tus nws ntsib lig zog los lawv tau raws li zaj npau suav qhia thiab coj lawv mus.
Cov tau ua npau suav no, lawv yuav mus txog qhov ua Hmoob tej laus hais tias:
Yuav tau mus zaum luag hauv rooj hais luag li hauv lus, thiab noj luag li hau qav.
Cov no mas tej tus txawj hais lus, lawv hais lus xwb nyiaj kuj cia li poob saum ntuj los. Tej tus txawj hais lus, lawv hais lus xwb ces yeej txaus neeg ntseeg lawm, hos tej tus mas sawv ntsug xwb luag twb hwm nws lawm. Tseem muaj ntau leej ua neeg muaj hmoo, lawv raug sawv los ua cov Hmoob hais tias, lawv yog Tuam Los Pav; Lawv muaj cuab tam ntau, muaj txhab rau nyiaj ceev sawv daws tej nyiaj tseg kom txhob ploj.
Cov no,lawv nchos cev xwb muaj neeg nqa zaub mov los tso rau saum rooj ces lawv cia li noj yam li tau noj dawb, tsis muaj leej twg xav txog tias ua cas ho zoo li ntawd.

2*-Hos nyob ntawm pab ob mas lawv kuj tau ua npau suav zoo kawg thiab. Tab sis lawv txhais mus ua lwm yam lawm. Thiab lawv ntseeg sib txawv. Yam li lawv txhais mus rau:
Sab ua neeg nplua nuj tuag. Lawv tsis mus rau sab nplua nuj muaj kom nyob mus li.
Ces lawv qhib txoj kev ua hauj lwm rau nruab hmo ntuj qhov chaw tsaus, tej tus kuj ua rau nruab hnub, cov ua nruab hnub mas lawv yuav mus muas kaus mom poj ntxoog los ntoo, ces lawv mam muaj peev xwm loj.
Thaum lawv pib mus ua hauj lwm mas muaj neeg pom los ntsib lawv, ces yog tus ntawd ua txoj tsis pom tsis paub mas nws tau nyob kaj lug ib ntus. Hos cov uas lawv pom thiab tsa muag ntsia paub tias yog cov neeg ua hauj lwm nruab hmo ntuj mas lawv yuam kom cov pom thiab paub ntawd cia li mus ua hawj lwm nyob rau dab teb tam sis ntawd los muaj.
Kuj muaj tej tus,leej tib neeg coj tus yam ntxwv muaj ntsis xws li ua neeg nplua nuj muaj txiag yog cov neeg ua hauj lwm hmo ntuj kuj tau yuam kom lawv cia li mus rau dab teb, tej tus neeg raug zoo li ntawd lawv tsuas khwv tau nyiaj txaus muas mov noj txwm hnub xwb thiab.

3*- Ob pab neeg hais los no thaum sawv daws yug los tus twg los yeej zoo txog 80% .
Thawj pab mas lawv kawm kom paub ces lawv zoo ntxiv mus txog li 85% los 89% xwb mas lawv thiaj raug neeg saib. Raug neeg qhuas thiab raug neeg nyiam.
Pab ob ces lawv kawm paub kawm txawj tshaj zog mus li 100% lawm. Tej zaud mas lawv tau tsom pom tias lawv zoo tshaj li 101% mus rau 150% lawm. Ces lawv twb zoo tshaj Tswv Ntuj ntau npaug lawm. Ntuj tsis tau pom zoo los lawv yuam cai txiav txim kiag rau. Tsis tos kom Ntuj hu tias muaj chaw rau nyob lawm mam mus, Yuam kiag mus yeem tsis yeem los yuam mus sib txiv nyob rau dab teb, tsuav lawv hauj lwm tiav xwb.
Xaus zaj lus no. Kuv xav tias nws yuav zoo rau peb sawv daws tau hnov, kev xav phem xav zoo ntshai yog 50%, 50% lawm.

Yaj Zoov Ntxheb Xib Hwb.

**Maiv Tooj** 24th November 2014, 9:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°149

Re: XH. Yaj Zoov Ntxheb lub Tsev THOOB TSIB

Post Maiv Tooj 24th November 2014, 9:28 am

Zaj 143- Keeb kwm hmoob tua tsiaj rau tib neeg tuag .

XH. Yaj Zoov Ntxheb lub Tsev THOOB TSIB - Page 6 Roob_n10

Vim li cas hmoob tuag, hmoob thiaj tua tsiaj rau tej tib neeg tuag . Zaj lus hais nram qab no tsis paub tseeb xyov yog tseeb los yog dab neeg xwb. Txawm li cas los tsis hais vaj Tswv Ntuj los tib neeg yeej ib txwm kiam tias : kev mob kev tuag yog Ntswg Nyoog ua tus muab rau tib neeg. Yog vim li no tus tau hnov zaj lus no thiaj muab sau cia ua dab neeg tau tham mus lawm yav pem suab .
Lub zij ceeb nroog Looj Ceeb tseem nyob ruaj nreb Leej luag Xaiv Tsu TSAB nyob xeev Xais Nyab Npus Lis ( Sayaboury) tau tuaj xyuas nroog Looj Ceej, peb ntau leej tib neeg laus tau sib tham ua ke laug hmo. Luag tau hais txog lub keeb kwm vim li cas hmoob tuag thiaj pheej tua tsiaj rau tus tuag li nram no :
Thaum ub chiv keeb huam yuaj, Tswv Ntuj los yog Yawm Saub tsim lub ntuj lub teb, dej nag ,huab cua, xyoob ntoo, nroj tsuag, tsiaj txhu puas tsav yam puv ntiaj teb tas ib yam nkaus li ntawj Faj Lem ( La Bible ) tau hais tseg. Yawm Saub mam tsim tib neeg. Yawm Saub muab av luaj dag (av daj) coj los ua nqaij,muab nqaj hlau coj los ua pob txha. Thawj nkawm niam txiv tus txiv npe hu ua Nraug Oo, tus niam hua Nkauj Iab. Nkawd ua neej nyob tsis txawj mob tsis txawj tuag. Txawj mob los txawj zoo, txawj tuag los txawj sawv.
Ntxwg Nyoog nws kuj tsim nws ib co tib neeg thiab. Tiam sis Ntxwg Nyoog thawj nkawm niam txiv ces muab plhaub mag coj los ua pob txha, muab ciab zib coj los nqaij. Txawj mob los tsis txawj zoo, txawj tuag los tsis txawj sawv.
Sawv daws sib tw ua neej los txog ntu muaj nkawm niam txiv tus txiv hu ua Rhwv Mij Li Oob, tus niam hu ua Puj Tag Ntxhais Nkauj Yuag.
Ntxwg Nyoog xav tau Yawm Saub cov tib neeg cov txha nqaj hlaus thiab nqaij av luaj dag los rau nws cov tib neeg. Nws txawm tso nws tub yug nyuj tuaj mus nrog Rhwv Mij Li Oob thiab Puj Tag Ntxhais Nkauj Yuag ua si. Ua mus ua los sib swm. Muaj ib hnub Ntxwg Nyoog tub yug nyuj tos nkawd tsis nco qab ces nyiag kiag nkawd cov txha nqaj hlaus thiab av luaj dag nqa khiav lawm .Nkawd thiaj tig loo caum qab mus txog Ntxwg Nyoog tsev, Ntxwg Nyoog thiaj tawm plaws tuaj ua daj teg thaiv ntawm qhov rooj thiab ua txuj nug tias neb muaj tus koob xwm dab tsi neb yuav khiav txog siav qhi tuaj ? Nkawm thiaj teb npau taws tas zog rau Ntxwg Nyoog tias : Koj tub yug nyuj siab phem nyiag wb txha nqaj hlaus thiab nqaij luaj dag nqa los lawm wb thiaj tuaj caum. Ntxwg Nyoog teb nkawm li no : Neb tsis txhob txhawj , neb rov mus , yog tias neb cov tib neeg txawj mob los txawj zoo, txawj tuag los txawj sawv lawm no ces cia li mus. Ho yog tias txawj mob tsis txawj zoo, txawj tuag tsis txawj sawv no ces, neb muab tsiaj muab txhuv tua rau. Nkawd rov los tsev nkawd cov tib neeg txawj mob los tsis txawj zoo txawj tuag los tsis txawj sawv lawm tiag . Nkawd thiaj muab tsiaj muab txhuv tua rau li Ntxwg Nyoog hais rau nkawd.
Lub keeb lub tiv no thiaj kis los rau hmoob txog lub zij ceeb no.
Sau nyob nroog Grigny , tim 16 lub 11 hlis xyoo 2013.

Tus sau : Muas Tub SOOB NTXAWG;

XH. Yaj Zoov Ntxheb lub Tsev THOOB TSIB - Page 6 Barreo10

**Maiv Tooj** 26th November 2014, 8:23 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°150

Re: XH. Yaj Zoov Ntxheb lub Tsev THOOB TSIB

Post Maiv Tooj 26th November 2014, 8:23 pm

Zaj 144- HMOOB XYAUM UA TUB ROG.

XH. Yaj Zoov Ntxheb lub Tsev THOOB TSIB - Page 6 Bscap031

Ntuj yav thaum ub Hmoob nyob Suav Teb. Muaj dab neeg hais txog Hmoob thiab Suav ua tsov rog sib tua ua ntu zus los. Ces thiaj muab cov pab neeg mus sib tua ntawd, hu au tub rog. Ces muab txoj kev sib tawm tsam mus sib ntaus sib tua ntawd hu ua tej kob tsov rog,los hu ua tej ntwv rog, vim tias ua cuag li tsov yuav tom tom kom tau xwb li,ces thiaj tau tis lub npe hu ua Tsov rog no.
Leej twg ua tus thawj coj npoj los pab pawg ntawd,ces hu nws ua thawj tub rog. Ces thiaj hais tau tias, rog Paj Cai los rog Paj Tsab, los rog Vaj Pov no. Qhov tseeb mas yog rog Huab Tais... Tab sis nws yog tus coj ces cia li hais tau li ntawd lawm xwb.
1. Ntuj thaum ub, tsuas paub tias,Hmoob thiab Suav ua rog. Lub ntuj thaud, Hmoob thiab Suav ua rog thawj cuam, mas lawv, tseem xuas tog qws ntoo, thiab puab tsaig nyuj, puab tsaig twm los ua cuab yeej mus sib ntaus sib tua xwb.
2. Los ib ntus tom qab no Hmoob thiab Suav muaj kev caub chim loj zuj zus tuaj lawm. Hmoob thiab Suav paub mus nrhiav tooj nrhiav hlau lawm. Lawv muab hlau los ntaus ua riam, hmuv los ntaj ua cuab yeej sib tua. Yog muaj tej ncua kev deb hmoob kuj txawj mus ua txaj zeb, rau tej ntu kev muaj toj ntxhab. Thaum cov yeeb ncuab tuaj ncaj ces mus txo txaj zeb kom pob zeb ntog los ntaus neeg tuag.
3. Txuas los mus,Hmoob thiab Suav mam siv hneev xub vos, ntaj hmuv los sib tuas. Yog cov kev ua tsov rog no coj qhia, ces Hmoob thiab Suav mas muaj tswv yim mus nrhiav leej faj, xob thee los ua tshuaj tua phom. Ces mam tsim kom muaj phom tua. Thawj cov phom uas Hmoob ua. Lawv xuas cov ntoo huab txhib yiag yiag txiav los lawv muab phua ua ob sab, kaus tus hlwb hauv tawm. Mam muab tawv nyuaj tawv yaj tawv tshis los looj rau ua thi looj kom khov khov. Ces tho ib lub qhov rau kom zoo hlawv cov tshuaj kom cig txais tau hluav taws, kub mus rau cov tshuaj phom ntawd ces tshuab cov muas txwv ya mus rau neeg tuag.
4. Piav Hmoob cov phom. Thaum Hmoob paub tias muaj qhov tooj qhov hlau lawm. Hmoob mus ris pob zeb los hlawv kom kua tooj kua hlau yaj ntws los. Hmoob mam muab hlau los ntaus ua tej daim nyias kom loj theb ntev sib xws sib luag, ces muab kauv tau ua tej lub raj li cov yas xyoob lawm mam muab hlawv kom hlau yaj los sib lo nplaum ntom zoo lawm, mam muab los sib txuas tas, ntaus ib tug leej txam los tshau dua ib zaug kom lub qhob du du. Ces foob qabrau, tho lub qhov hauv meej rau, ces ntaus phaj leej hauv rau kom muaj chaw teev tshuaj thiab muaj chaw cuam zeb ntais rau txhuam kom muaj txim taws los kub tau cov tshuaj phom txais ntawm phaj leej hauv mus rau lub nrog cev phom mam kub cov tshuaj phom nrov tshuab tau lub muas txwv muaj zog kawg mus raug neeg tuag.
5. Cov Mab Sua, yog cov Mab Dawb luag tuaj pom ces luag copie coj mus xyaum ua phom. Luag ua tau phom zoo dua Hmoob thiab Suav lawm ntau npaug. Thaum co Fab Kis tuaj kav teb chaws Is Dus Cin { Khas Npaus Dias, nyab Laj, Los Tsuas Teb} luag twb coj tau zoo phom tuaj ua rog lawm.
6. Tej cuab yeej no, tsuas paub tias ua tau thiab muaj xwb. Hmoob thiab Suav ua cov kob tsov rog ntau pua xyoo los, los tsis tau siv dua tej cuab yeej no los ua rog li.Hmoob yeej ua tau cov phom zoo coj los tua nqaij noj. Tshuaj phom. Xob leej faj thee yeej pom hmoob ua muaj los lawm.
7. Txij li thaum Hmoob txawj ua phom los mas cov kob tsov rog uas Hmoob ua, tsuas yog cov kob tsov rog tub sab, tub nyiag. Uas Suav tuaj lwg Hmoob li nyiaj txiag, tsiaj txhu los txeeb liaj txeeb teb.
Ces hnov tej laus hais tias, Suav phais tsib tuaj lawm. Vim Suav tuaj lwg nyiaj txiag tas muab hmoob tua tas phais tsisb nqa mus lawm thiab. Ces thiaj hnov cov lus ntawd. Kuv tiam neeg kuv tseem hnov tej laus hais cov lus ntawd.
8. Cov kob tsov rog uas Hmoob tau pom thiab paub zoo tshaj, mas yog ob kob tsov rog no:
a. Thawj kob, yog lub zim txwv Zis Pee tuaj, ces Fab Kis tuaj kav Is Dus Sin teb. {= Khas Npaus Dias, Nyab Laj, thiab Los Tsuas Teb.}
Thaum lub caij Fab Kis rov qab lawd twb muaj ob tug Hmoob ua tub rog tau hwj chim muaj hnub qub ob lawm. Ob tug ntawd yog Vaj Pov nyob Xeev Kham teb. Thiab Yaj Nom Pov Xeem khab Mib nyob Luag Nam Tha teb. Tus nyob Luang Nam Tha ntawd yog Yaj Los Lwm txiv tus uas dav hlau tuaj pov txhuv ces txhuv ntaus tuag lawd. Cov Nom Tswv Fab Kis tseem paub tus Nom Pov no zoo.
b. Thiab xyoo ... uas As Mes Lis Kas tuaj ua rog tiv thaiv cov Koom Tshas liab uas xav coj Nyab Laj Los Tsuas thiab Khas Npaus Dias mus coj Koom Tshas kev cai. Ua ntej As Mes li Kas yuav ntsib Yawg Hlob Vaj Pov mas As Mes Lis Kas coj ib co tub rog Thaib tuaj txog lub Zos Roob Nyuj ua qab zog lub caij Yawg Koos Les txeeb hwj chim nyob Vees Cas. Thiab Luang Prabang ntawd. Ces As Mes Lis Kas tuaj ntsib Thoj Tsav Ntxhaij thiab Yaj Nkias Keem nkawd. Cov tub rog Thaib tuaj cob qhia Hmoob ua tub rog lawv twb tsim tsa tau peb lub yeej tub rog: { Nyob rau Roob Nyuj, Roob Kas Xav, thiab lub Roob Phuaj Ciab}.
c. Ces xyoo... As Mes li Kas ntsib tau Yawg Hlob Vaj Pov. Ces mam muab cov npoj neeg no coj mus zwm rau Vaj Pov. Ces Yawg Vaj Pov mam tso ib co Hmoob Xeev Kham tuaj coj cov kwv tij hmoob ntawd.
9. Tsoom Hmoob ua tub rog coob, hais tau tias cov xeev ntuj muaj Hmoob nyob:
a. Lub Xeev Xeev Kham, Xeev Sam Neu, Xeev Foos Xam Lis, Xeev Tuam Naj Thuab. Rau lubg Xeev Moos Loob thiab lub Xeev Xais Nyab Npus Lis. Txij li thaum cov As Mes Lis Kas tuaj ua rog ntawd Tsoom Hmoob huv si nyob Los Tsuas teb yog 60% ua tub rog.
Muaj cov ua kws qhia ntawv, ua kws tshuaj. Cov uas lawv mus qhia ntawv pab qhia ntawv rau cov tub rog tej tub ki nyob tom qab,thiab cov mus ua kws tshuaj lawv nyob tom qab pab saib xyuas cov tub rog mus ua tsov rog ntawd, lawv tej poj niam me nyuam kom txhob muaj txiab nkeeg faib tshuaj pub rau tej hlob los yau tib si.
10. Thaum lub sij hawm uas As Mes Lis Kas ntsib tau Yawg Hlob Vaj Pov lawm ces Vaj Pov nqua hu Tsoom Hmoob tuaj ua tub rog muaj laus muaj hluas tuaj huv si.
a. Cov laus lawv kuj muaj cov laus zog lawm. Thaum cov tub rog Thaib tuaj qhia tsoom Hmoob hle phom ntxuav phom rov muab dhos rau tas ces coj Hmoob mus sim tua phom. Cov laus phom thim xwb twb yuav vau.
b. Hos cov hlua los kuj muaj cov hluas dhau lawm thiab tej tus yog 14 xyoos xwb coj mus qhia tua phom ces phom thim xwb twb ntxeev tiaj lawm thiab.Yawg Hlob Vaj Pov ib tsoom tub rog pab twg twb muaj cov laus thiab cov hluas sib xyaw nyob ua ke li no.
11. Lub caij As Mes Lis Kas tuaj ntsib Vaj Pov nws twb tau ua nom muaj hnub qub.... lawm raws li pob ntseg tau hnov.Luag hais tias neeg muaj hmoo ces yog hom neeg zoo li no ntag. Txij thaum As Mes Lis Kas ntsib Yawg Vaj Pov lawm mas Nws cia li tau ua Huab Tais Los Tsuas tus Phooj ywg, thiab ua Huab Tais ib tug thawj tub rog. Nyob ntawm Huab Tais Los Tsuas xub ntiag lawm.
12. Lub Zim Txwv Yawg Vaj Pov ua Huab Tais Los Tsuas tus tuam Thawj Peeb ntawd Tej laus hais tias, neeg muaj hmoo, los hmoov txog. Nws lub hwj chim duav tas nrho tsoom Hmoob, tej poj niam me nyuam txhua pab. Kom sawv daws muaj noj muaj haus. Muaj nyiaj pab cov ua tub qhia txuj, pab cov tub kho mob nkeeg, yuav tshuaj mus pab lub teb chawsmuaj siv. Cov haiv neeg me peb haiv uas tau txais Yawg Hlob li txiaj ntsim ntau, yog haiv Hmoob thiab Haiv Hmub thiab haiv Mian. {yog Co} Vim peb haiv neeg no lawv nyob sib ze dua. Los Tsuas hua cov Hmub ua cov Los Tsuas ntov toj. Hos Haiv Hmoob Los Tsuas hu lawv ua cov Los Tsuas toj siab no. ob pab no nyob ua ke sib ze thiab sib rau zoo dua thiab.
13. Qhov kawg mas suav tau tias Yawg Vaj Pov yog Hmoob qab ntuj ib tug Nom tswv loj ua lub ntiaj teb cov Hais neeg loj lees paub Yawg Vaj Pov yog neeg muaj txiaj ntsim rau Hmoob thiab ntiaj teb, lwm haiv neeg muaj kev sib hlub nrog Vaj Pov thiab nws Haiv Hmoob thua lub xeem ua ke tib yam thoob plaus tsis cais leej twg li. Cov teb chaws saib tias Haiv Hmoob yog ib Haiv neeg muaj nuj nqes loj ploj lawm, los tseem muaj tej tug kws txuj mus nrhiav tau los rau ntiaj teb neeg tau paub thiab. Yog ib qho muaj tseeb: Xws li yog cov Haiv neeg { Mis Kuj, Fuaj Kuj, Thaim Kuj, Los Kuj,Tsoob Kuj thiab Aus Thas Lias.}
Lawv pom tshwm nyob hauv cov txuj ci uas sau tawm rau hauv tej txuj uas muaj tej tus neeg xub muab sau ua Hmoob txuj nyob hauv cov ntawv Hmoob Thoob teb uas tas nrhoTsoom Hmoob nyob Mis Kuj, Fuaj Kuj, Thaim Kuj, Los Kuj thiab Tsoob Kuj sawv daws paub siv ntawd:
Muaj tas nrho kev cob qhia,ua neeg pab tab paub cai tej qub tej tshiab kev teev haum, nrog txij ci. Kev Lag luam. Sau rau toob xib zaub mov noj, mov wie muaj nyob txhij txhua hauv.
Zaj Lus no yog qhuas tas nrho tsoom Hmoob sawv daws ua ke tib si nyob hauv no lawm.

Yaj Zoov Ntxheb. X.H.