KEV THOV NTUJ raws li XH.Yaj Zoov Ntxheb.

**Maiv Tooj** 4th June 2012, 9:54 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

KEV THOV NTUJ raws li XH.Yaj Zoov Ntxheb.

Post Maiv Tooj 4th June 2012, 9:54 am

KEV THOV NTUJ.

Kev thov Ntuj lub sim xeeb yuav xub nco tej lub npe muaj Hwj Chim li no:

*1-Koj xub tso siab lug rau Tswv Ntuj ua ntej.

*2-Vam txog Yes Xus lub siab zoo txawj khuv leej neeg.

*3-Cov neeg lawv hais tias rau dab.Tus neeg mob nws muaj kev kho siab, tu siab, ntshais ub ntshai no, los ceeb. Yeej yog poob ntau rau sab hais tias raug dab, Vim nws mob sab ntsuj plig lawm. Koj yuav hu txog Leej Ntshiab Miv Kas uas Ntuj tso nws mus ntiab dab phem tawm mus. Nws lub txiaj ntsim nrog peb.

*4-Koj xav tias thov Ntuj kom koj pom kev thiab paub Ntuj zoo dua ntxiv mus. Koj hu txog Leej Ntshiab Las Fais, uas yog Ntuj tus tshiab tuaj pab ob txiv tub Tos Npis nkawd, kom pom kev ua sisb loj txhob ntshai dab,thiab tej kev ua xwv txheej rau neeg

*5-Koj xav kom paub Ntuj siab zoo, thiab koj txawj mloog Ntuj lo lus phim kev ua neeg ncaj ncees. Koj huv txog Leej Ntshiab. Nkas Nplias tus xa lus tuaj rau Nkauj Ntshiab Mab Liab kom nws lees ua Tswv Ntuj Leej Niam. Nws cov txiaj ntsim ntawd tuaj pab.

*6- Koj tus Leej Ntshiab pov hwm koj nws lub npe. Ces koj tso siab lug rau Yes Xus Pleev nws txoj kev hlub. Ces cov zaj teev Ntuj koj hais mas leej tshaj Hmoob cov khawv koob daws dab.

*7-Peb nco ntsoov, Nyob hauv lub Koom Txoos Ka Tau Liv, peb tsis yog neeg twm zeej. Yus yuav ua yus xwb. Yes Xus hais tias nej ob peb leeg nyob ua ke thov dab tsi ntawm kuv Txiv mas kuv yuav nyob nruab nrab hauv nej. Peb yuav to taub kom mus tob dua no:
-Tsis yog tus Xib Hwb los tus Leej Choj hais Ntuj mam mloog.
Peb tsis paub pab neeg sib koom ua ke ntawd, kuj tsis yog Xib Hwb los Leej Choj ua tus ntshiab tshaj. Nyob hauv pab neeg ntawd tej zaum yog ib tug niam tsev, los txiv tsev, los ib tug me nyuam nyob ntawd yog tus ntshiab huv tshaj. Tus neeg siab dawb no, nws tsis tau hais ib lo lus rau leej twg hnov li los tsuav nws nyob ntawd lawm xwb. Ces Yes Xus yeej mloog, thiab pab kom tau li zaj lus peb thov kom tsheej xeeb tau li neeg thov.
Tus Xib Hwb los Leej Choj nws paub txoj kab ke thov Ntuj, thiab nws muaj cai pub lub Koom Txoos cov cim rau. Kev thov Ntuj nyob hauv sawv daws ua kev. Xib Hwb Leej Choj yog tus xub pib qhib lub suab hais, kom muaj caij pib thiab muaj chaw xaus mus.

Yog li ntawd mas thaum muaj ib tug neeg mob los neeg muaj kev tu siab vam txog peb mus thov Ntuj rau mas peb txhob yig. Tsam nyob hauv pab neeg ntawd tus Ntuj xaiv tsam yog yus los tsis paub. Peb txhob xav tias tsis muaj Leej Choj, Xib Hwb ces Ntuj tsis mloog peb lus thov. Yes Xus tsis tau hais tias yuav tsum yog ib tug Xib Hwb los ib tug Leej Choj xwb thiaj muaj cai thov Ntuj tau. Yes Xus hais tias yog NEJ OB PEB LEEG nyob ua kev no xwb.

Xib Hwb Yaj Zoov Ntxheb.