Thov Ntuj rau cov neeg mob TSWV NTUJ LO LUS TAWM TUAJ.

**Maiv Tooj** 25th April 2019, 5:51 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Thov Ntuj rau cov neeg mob TSWV NTUJ LO LUS TAWM TUAJ.

Post Maiv Tooj 25th April 2019, 5:51 am

Zaj 402- Thov Ntuj rau cov neeg mob
TSWV NTUJ LO LUS TAWM TUAJ.
(Siv los nyeem rau lub caij thov Ntuj rau cov neeg mob.)

Tswv Ntuj txhua lo lus taum tuaj rau neeg ntiaj teb, nyob hauv cov Yaj Saub tej lus xub hais ua ntej. Thaum Yes Xus Pleev uas yog Tswv Ntuj los lus tuaj nyob muaj li no:
->.Tswv Ntuj yog kuv txoj kev pom kev, mus ib txhiab ib txhis.
->. Tswv Ntuj yog kuv qhov chaw zoo nkauj ci ntsa paug. Kuv lub Hnub yuav tsis txawj poob qho. Thiab kuv lub hli yuav tsis nraim kuv mus.
->. Vim Tswv Ntuj yog kuv qhov chaw pom kev mus li, Tswv Ntuj tau muab Nws kev khuv leej los hlub kuv.

->. Tswv Ntuj muaj los lus nyob hauv ntawv nkauj paj nruag tias:
Tus Huab Tais hlub neeg, Nws tsis npau taws, Nws hlub neeg tas nrho. Tswv Ntuj tsis nrog neeg ua plaub ua ntug. Nws siab ntev tsis muaj kev Cib Nyeej.
Nws tsis nplua peb raws li peb tau ua txhaum, Nws tsis pauj rau peb li peb kev ua txhaum.

->. Tswv Ntuj lo lus nrov tuaj hais tias:
1. Cov muaj txoj hmoov zoo, yog cov pluag hauv lawv nruab siab. Ntuj lub Ceeb Tsheej yuav yog lawv li.
Cov muaj txoj hmoov Zoo, yog cov quaj ntsuag. Yuav muaj tus los nplij lawv.

2. Cov muaj txoj hmoov zoo, yog cov siab zoo. Lawv yuav tau txais lub ntiaj teb los ua lawv tug.
Cov muaj txoj hmoov zoo, yog cov nqhis txog txoj kev ncaj. Yuav muaj tus daws lawv qhov nqhis.

3. Cov muaj txoj hmoov zoo, yog cov hlub luag tej. Yuav muaj tus hlub lawv. Cov muaj txoj hmoov zoo, yog cov siab huv. Lawv yuav tau pom Tswv Ntuj.

4. Cov muaj txoj hmoov zoo, yog cov tsim kev thaj yeeb. Lawv yuav yog Tswv Ntuj cov me nyuam.
Cov muaj txoj hmoov zoo, yog cov ntseeg txog Yes Xus. Ntuj lub Hwj Chim yog lawv li.

5. Yog luag hiam nej vim nej nyiam Yes Xus, mas nej txoj hmoov zoo. Nej yuav nyob kaj siab lug, Tswv Ntuj lub Ceeb Tsheej yuav ci rau nej pom.

6. Peb tus Vaj Qhia tau tshaj tawm tias:
Pev sawv daws yuav rau siab thov Ntuj tiag! Kom Tswv Ntuj pub Hwj Huam rau Leej Ntshiab Miv Kas. Kom Mis Kas muaj peev xwm muab Xas Tas, Lus Xis Fes, uas Hmoob hu ua Ntxwj Nyoog. Muab nws coj mus zais rau hauv lub qhov tsua nyob hauv qab thu dej Hiav Txwv. Kom nws txhob muaj plhus tus ntxias Ntuj cov me nyuam uas raug Yes Xus xaiv tau los uas Nws cov kwv cov muam.

Yaj Zoov Ntxheb Xib Hwb.