XH.Zoov Ntxheb Yaj Nthuav Ntawv Ntshiab.

**Maiv Tooj** 29th February 2012, 9:56 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

XH.Zoov Ntxheb Yaj Nthuav Ntawv Ntshiab.

Post Maiv Tooj 29th February 2012, 9:56 am

LTH. Yaj Zoov Ntxheb lub tsev Nthuav NTAWV NTSHIAB.

XH.Zoov Ntxheb Yaj Nthuav Ntawv Ntshiab. 13279511

Raws li Zam ntawv moo zoo, Z. 14: 1-6.

1 Nej tsis txhob ntxhov siab
mog. Nej ntseeg txog Tswv
Ntuj, nej ntseeg txog kuv thiab mog.
2 Nyob hauv kuv Txiv tsev, muaj ntau
chav. Yog tsis muaj, mas kuv yuav tsis
hais rau nej tias kuv mus npaj ib qho
chaw rau nej. 3 Thaum kuv mus npaj tau
ib qho chaw rau nej lawm, kuv yuav rov
los coj nej mus nyob ze kuv, kom xwv
kuv nyob qhov twg, nej nrog kuv nyob
qhov ntawd. 4 Nej paub txoj kev mus
txog qhov chaw kuv yuav mus.
5 Tos Mas hais rau Yes Xus tias : "Huab
Tais, peb tsis paub koj yuav mus qhov
twg. Peb yuav ua cas paub txoj kev ?"
6 Yes Xus hais rau Tos Mas tias :
"Kuv yog Txoj Kev, yog Qhov Tseeb,
thiab yog Txoj Sia. Tsis muaj leej twg
mus cuag Leej Txiv tau, yog nws tsis los ntawm kuv.

XH.Zoov Ntxheb Yaj Nthuav Ntawv Ntshiab. Images12

Peb txhua tus leej tib neeg uas Ntuj tsim los nyob ntiaj teb no.
Yes Xus yog Tswv Ntuj Leej Tub cawm seej. Mas ib hnub twg nws yuav tuaj tos peb mus nrog nws nyob. Nyob hauv Leej Txiv tsev muaj ntau chav, kuv yuav mus npaj, thaum kuv npaj tau kuv yuav rov los tos nej mus nrog kuv nyob, Kuv nyob qhov twg mas nej yuav nrog kuv nyob qhov ntawd.

Thawj nqi lus tej laus hais tias: Ib tug neeg muaj peb tug ntsuj plig. Lo lus no mas nws muaj nyob ze li Tswv Ntuj lub hwj chim hwj huam li lawm. Yam li lo lus Hmoob hais tias:
-Tus ntsuj plig 1 yog tus mus cuag poj cuag yawm.
-Tus ntsuj plig 2 nws yuav mus thawj thiab ua neeg dua los mus thawj thiab ua lwm yam.
-Tus ntsuj plig 3 nws yuav zov lub ntxa, nyob ua dab rau tej tub ki los tej xeeb ntxwv tau npws laig txog.

Peb tug ntsuj plig no yog peb lub cim los peb lub txiaj ntsim xws li Tswv Ntuj cov dej num tsim ntuj tsim teb. Muaj Leej txiv yog lub hwj chim tsim lub ntuj lub teb. Muaj Leej Tub yog Tswv Ntuj lo lus qhia ntiaj teb neeg. Thiab muaj Leej Ntuj Plig tus tuaj nyob txawm haub neeg nruab siab. Lub Hwj Huam no yog tib leeg ua hauj lwm ua ke kuj yog tib tug Huab Tais ua peb txoj hauj lwm los sib nres.
a-Tus ntsuj plig ib nws mus cuag poj cuag yawm, yog lub txiaj ntim thaum ntuj tsim teb raug los Ntuj tau tim neeg nws tshuab ib pa pub txoj sia tus ntsuj plig nrog neeg lub cev kom sawv tsheej ib tug neeg muaj lub meej mom ntse ua neeg thoob tsib yog Tswv Ntuj li ntiag tug. Thaum tus neeg tuag lawm tus ntsuj plig no nws mus cuag Tswv Ntuj. Ces yog nws mus cuag poj cuag yawm. Peb sawv daws cov poj yawm puav leej nrog Tswv Ntuj nyob. Lo lus no peb cov pj yawm hais tau yog lawm.
b-Tus ntsuj plig ob nws yuav mus thawj thiab ua neeg dua los ua lwm yam tsiaj txhu.
Tus ntsuj plig no, nws nyob hauv sab twv yim roj ntsha cev nqaij daim tawv:
Tej niam tej txiv lawv tsis tau tuag lawv twb muaj tub ki xeeb ntxwv coob leej ntau tus, ua neej nyob zaum twb yuav puv ib lub hauv roob.
Nws yug muaj cuaj leeg tub yim leej ntxhais sau los ua neej mas yeej puv ib lub hauv roob lawm. Tej laus Hmoob thiaj hais lo lus no tias, nyob huaj vam ntws xws xub ntab, tsav vam ntws sws li xub mes. Tej no yog kev thawj thiab tsis tau tuag twb xeeb thawj ua tau ntau leej coob tus lawm. Yam luag foom kom ua neej nyob tij hlub kwv hwm tij, nkauj muam nraug nus noj lub mis ncau yag npab neb thooj txiab txiav txoj hlab. Lo lus meej mus thawj thiab yog lo no lawm.
c-Tus ntsuj plig peb uas yog tus zov lub ntxa,ua dab toj ntxas nyob rau tej tub ki tau npws liag txog los pov hwm pov yawm ib tse ib puas nees nkaum leej ua neej nyob khwv tau noj tau haus nce toj kom muaj zog loj nqes nhav kom muaj lub zog nchav. Txhob tshav mob tshav nkeeg, zam dhau voj hmab voj hlua.
Tus ntsuj plig no yog lub txiaj ntsim nyob hauv yus caj ces hmoob ua neej sib txuas zws txij thaum ntuj tsim teb raug los uas muaj yus caj ces nrog yus lub xeem hmoob tshwm sim los ua neej kom nyob zoo nkauj zoo nraug ua neeg thoob tsib to nrog lub meej mom hwj chim xws poj xws yawm. Ua neej nyob txhob sib ncaim, lo lus sib ncaim txawm ib leeg nyob sab ntiaj teb los yuav sib hlub sib nco sib nug xov kom tuab ntws.
Tus ntsuj plig zov lub ntxa nws tawm tuaj rau sab no.

Tus ntsuj pig peb uas zov toj ntxas no, nws muaj ib co txiaj ntsim loj rau caj ces hmoob thiab lawv lub xeem mus li nram qab no:
a-Ntawm leej txiv lub txiaj ntsim muaj tus nyuj dab yog lub txiaj ntsim nrog cov tub ki tej kwv tij neej tsa nyob ua neej huaj vam ntws xws xub ntab los xub mes.yog leej txiv lub meej mom coj tub coj ki ua neej nyob dawb huv zam kev xaiv kev plaub ntug nyob yam kaj siab lug mus tiam dhau tiam…
b Leej yawg lub txiaj ntsim: Yog tus npua tai los nyuj tai. Pov hwm tub ki xeeb ntxwv kev tawm rooj hlab teb hla chaw kom tau nyob los txoos muaj liaj ia teb chaw nrog luag ua noj ua haus. Qhua toj yas Mab Sua saib taus yus caj ces koom nyob ciam dej ciam av ua ke.
b-Txheej yawg koob yawg suab: Yog lub txiaj ntsim los coj tub coj kiv,sawv los ua neeg paub tab hnov xaiv. Ua luag tus thawj neeg, ua nom ua tswv, ua neeb ua yaig, paub dej tshuaj kho mob kho nkeeg. Coj sab ntsuj plig ua neeg ncaj ncees, hwj xwm lub cev kom muaj txoj sia nyob ntev dhawv.
Tas nro peb tug ntsuj plig no yog tib tug ntsuj plig muaj peb lub hwj chim ua hauj lwm ua kev nyob nrog txoj kev ua neeg, coj tub coj ki, tuav pov hwm caj ces neeg muaj tshwm sim los mus tiam dhau tiam sib txuas ua ntu zus los nyob mus li. Tas txhua yam li hais no puav leej mus xaus rau Tswv ntuj tib tug ua tus coj kav tas nro. Kuv tseem paub tsis tau meej tseeb. Yog muaj ib tug tsis hais leej twg xav paub kom tob tshaj no, nej yuav nrog Ntuj tham ces yog Ntuj yuav ua tus qhia kom meej pem thiab tseeb dua,

Yaj Xi b Hwb Zoov Ntxheb
USA. Lub 1 hlis 2012

Last edited by Maiv Tooj on 23rd March 2012, 9:07 am; edited 1 time in total

**Maiv Tooj** 29th February 2012, 10:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 29th February 2012, 10:00 am

Hot Myspace Generators

COV ZAJ NYEEM HNUB 05/02/2012

( Hnub chiv 6 Nruab xyoo - Xyoo B )

*Ntuav peb zaj ua ke:

-Ntawv Les Vis 13:1-2 +35- 36.
-Kos Lis Nthos 10: 31-33+11: 1.
-Mas Kos 1: 40-45.

Kwv tij sawv daws Yes Xus zaj lub hnub no mas raug peb siab kawg. Lub ntuj yav pem suab ntiaj teb txhua haiv, txhua lub teb chaws lawv hu cov neeg mob ruas ua cov neeg tsis huv. cov neeg mob ruas uas sawv daws hu lawv ua cov neeg tsis huv, mas lawv tsis pub nyob nrog zej zog. Yog leej twg raug tau hom mob no lawm mas tsev neeg yuav tau xa nws mus nrauj zoo nyob ua dab ua tsov luag tas nws lub neej. Tu siab tab yog nws tus txij nkawm kuj tsis kam yuav nws. Cov tsis muaj hmoo ob leeg mob ua kev mas lawv siab kaj me ntsis vim ob leeg ces tau luag lawm.
*Lub ntuj nyem no. Cov neeg tsis huv nws tsis yog cov neeg mob ruas zoo li peb xav ntawd.
*Cov neeg tsis huv yog hom neeg zoo li yuav hais no:
1-Yog tus neeg tsis hwm Ntuj. Nws tsis muaj kev ncaj ncees rau neeg.
2- Tus ntshaw ua neeg nplua nuj muaj cuab tam ntau,
3-Tus nyiam taug kev plees kev yi tsis hwm txiv neej los poj niam lub cev.
4 Yog tus uas nws tshaj tej los lus qaub neeg pob ntseg rau sawv daws hnov. Cov lus tsiv mloog mas lawv hais tias lawv hais kam.
5- Cov uas lawv hnov tej neeg hais lus, lawv paub tias tub qaug lawv, los lawv paub kev xam khib.
Cov lam nyob lam ntxub neeg nrhiav lus liam tej yam kom luag muaj kev nyuaj siab.
Tas nrho cov phiaj neeg coj li no mas lawv raug tus mob tsis huv ntawd lawm. Peb yuav ceev faj rau peb tus kheej, kom peb dim ntawm cov dab tsis huv no. Cov neeg ntseeg peb xub thov Ntuj kho kom peb xub zoo peb thiaj tau kev thov Ntuj kho cov neeg mob tsis huv no.
Yog peb leej twg raug hom mob tsis huv tshiab no, mas cov npoj neeg coob nyob qhov twg peb haj yam txeem kom tau mus nyob hauv plawv saib peb puas yuav kis peb cov mob no rau luag thiab. Cov no tsis muaj leej twg yuav xa lawv mus nrauj zoo, neeg tsis nyiam tab sis neeg xav nrog lawv nyob ua ke.
Y0g cov neeg muaj kev ncaj ncees txawj hlub neeg mas lawv yuav zam kom deb tsam kis tau rau yus thiab.
*Yes Xus cov hauj lwm yog ib co hauj lwm zoo ncha puv ntiaj teb. Peb cov neeg ntseeg peb ua txoj hawj lwm twg los peb yuav ua kom zoo, kom xwv. Peb tus Huab Tais Yes Xus muaj koob meej.
*Peb kev tshaj Ntuj lub Moo Zoo, muaj chaw ntau kawg txaus tas nrho peb sawv daws tshaj komTswv Ntuj nto moo:
* Cov Leej Choj, cov Xib Hwb lawv tshaj nyob hauv cov tsev txoos. *Cov kws qhia ntawv lawv tshaj nyob hauv cov tsev qhia txuj, cov ua kab xwm lawv yuav tshaj ntawm tej chaw ua hauj lwm, cov neeg tawm rooj lawv kuj yuav tshaj ntawm kev nrog tej pab neeg mus ua ke. ..Peb kev tshaj Ntuj lub Moo zoo muaj ntau kawg. Pe yuav tshaj li peb muaj lub peev xwm. Thaum peb txais lub cim ntxuav lub Koom Txaoos twb tau tsa pe los ua tub tshaj Ntuj lus lawm:
Yam li lub Koom Txoos hais tias: Koj nrog Yes Xus ua Leej Choj, ua Yaj Saub, thiab ua Vaj.

Tim 9/2/2012 LTH. Yaj Zoov Ntxheb.

**Maiv Tooj** 29th February 2012, 10:05 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 29th February 2012, 10:05 am

NTHUAV NTAWV NTSHIAB HNUB CHIV 7, XYOO B.

COV ZAJ NYEEM:

His Xai, 43:16… 25.
Kos lis nthos, 1: 18-22.
Mas Kos 2: 1-12.

XH.Zoov Ntxheb Yaj Nthuav Ntawv Ntshiab. Url10

Tswv Ntuj coj nws haiv neeg nyob txim rov los, Nws tsis xav kom lawv pheej ua txhaum tas zog mus li. Lawv cov txhaum dhuv Ntuj siab kawg.
Ntuj yuav qhib ib txoj kev tshiab rau lawv taug: … Nws coj lawv hla lub hiav txwv thiab hla teb chaws suab puam uas tsis muaj neeg nyob kom lawv pom Tswv Ntuj lub hwj chim tawm tuaj muaj peev xwm raws li Ntuj kev cog lus tseeb uas Ntuj tsis hloov.

*Yav ntuj thaud, los txog niaj hnub no, peb kuj zoo li ib co neeg raug nyob txim:
-Peb tsis paub tias muaj Tswv Ntuj yog tus daws peb kev txom nyem.
- Peb muab kev txom nyem, kev iab kev khwv, kev mob kev nkeeg, kev tus siab, kev quaj ntsuag Kev sib ntxub. Cov neeg loj thiab cov neeg me tsis sib haum, cov me ntshai cov loj los hlob, cov hlob qias thiab ntxhub cov neeg me, muab txhua yam los ua ib nras ris. Ces peb dim tsis tau, hnub twg peb paub kiag Tswv Ntuj lawm mas Ntuj yuav coj peb hauv lub teb chaws nyob txim tawm mus. Ntuj kuj yuav qhib tej txoj kev tshiab rau peb pom:
-Cov kev tshiab Ntuj yuav qhib rau peb taug yuav yooj yim tsis tau muab nyiaj los muas mam li yuav tau. Muaj ib yam xwb yog koj muab yam ntawd los coj ces koj tau tas txhua yam los pab koj:
-Koj tso siab tias muaj Ntuj yog tus pab.
Koj ntsia ntsoov Ntuj kev nyiam kev hlub, nyob nrog kev ncaj ncees.
Koj mam pom tau tias Ntuj muaj zog. Koj cev koj kev iab kev khwv kev txom nyem kev tu siab txhua yam rau Ntuj ces Ntuj hlub koj Ntuj maub tas nrho sau los khuam rau Ntuj sab tes ncaj ncees, Ces ib puas tasv yam laum koj, ua kom hnyav koj Ntuj muab txo tas.
Koj yuav pom Ntuj txoj kev tshiab no kaj lug li tej daim duab:
Koj xav saib niaj hnub no. Ib tug tub hluas nws ua hauj lwm, nws lub nyiaj hli 2000. Lub hli tas nws nyiaj kuj tas. Ntxiv nws poj niam rau lub nyiaj hli kuj li qub hli tas nyij kuj seem me ntsis thiab.Ntxi ib los ob tug me nyuam rau nyiaj tsis nce lawv plaub leeg noj tas nyiaj kuj seem thiab. Muaj kev siv nyiaj ntau yam rau yus, poj niam, cov me nyuam sawv daws. Los koj cov nyiaj kuj seem, muaj pab kwv tij neej tsa thaum muaj tshoob muaj kos los muaj kev ib sib ob qig thiab tseem tshuav txaus qua ntxhais muab nyab thiab. Ntuj twb qhib tej txoj kev zoo li no rau peb taug lawm, tshuav peb tsis tau paub thiab tso siab rau Ntuj xwb.

Txhua yam Ntuj cog lus mas Ntuj ua tas huv si. Ntuj nws tsuas hais yam tseeb xwb Txhua yam Tuaj saum Ntuj tuaj mas peb thiaj hais tias UA LI( Amen.)

*Ua li mas Yes Xus nws yeej muaj peev xwm daws txhaum tiag. Hu ua kev ua txhaum mas yog tej yam hnyav tiag. Kev txhaum tus cag yog kev tub qaug rau Ntuj. Yam ua tub qaug Ntuj lawm mas kawg yog Ntuj thiaj li daws tau. Peb txhob lam xav tias yus ua tub qaug rau ib tug neeg los ib tug tsiaj ces tsis yog tub qaug rau Ntuj. Tus neeg thiab tus tsiaj ntawd ob yam puav leej zwm rau Ntuj nyob hauv Ntuj xib teg Ntuj saib rawv ob yam ntawd muaj nuj nqes rau lwm tus neeg uas lawv tsis coj li yus.
Yes Xus thiaj hais meej tias Qhov twg yog qhov yooj yim dua:
Koj cov txhaum daws tas! Los Nqa koj lub txaj koj rov mus!
Kev daws txhaum mas peb leej tib neeg ua tsis tau. Hos kev kho mob mas yog tej laus qhia tshuaj rau koj ces koj pab muab tshuaj los kho tau.

Peb tsuas zam tau rau luag thaum luag ua raug yus los dawm yus taw tej zoo li no xwb…. Tsuas yog tus Ntuj muab cai rau nws sawv Ntuj chaw hais cov lus daws txhaum, lawv thiaj hais tau.

Leej Tsob Hwb Yaj Zoov Ntxheb.

**Maiv Tooj** 29th February 2012, 10:07 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 29th February 2012, 10:07 am

NTHUAV NTAWV NTSHIAB

HNUB CHIV 1. LUB CAIJ 40 XY. B.

Ntawv hauv paus 9: 8-13+15.
I Pob Zeb 3:18+21-22.
Mas Kos 1: 12-15.

XH.Zoov Ntxheb Yaj Nthuav Ntawv Ntshiab. Msg-348-1243714371_thumb Lub Cim Ntxuav muaj nuj nqes, loj tseem ceeb kawg:
Cov neeg txais lub cim ntxuav, lawv tsis tuag. Lawv zoo li cov neeg nrog Nom Hes nyob hauv lub nkoj, yhaum dej nyab ntiaj teb.
Peb yuav ntseeg tias, lub cim ntxuav yog Ntuj kev cog lus tias:
Ntu rov cog lus rau peb tias, Ntuj pub txoj sia nyob mus li rau peb. Vim li no mas, Yes Xus thiaj tshaj tias, kom peb yuav lub siab tshiab, ntseeg lub Moo Zoo.
Yam li thaum Nom Hes thiab nws cxov tub tawm hauv lub nkoj los. Tswv Ntuj nrog lub ntiaj teb neeg Cog lus tias:
Txij no mus dej yuav tsis rov nyab ntiaj teb neeg, me tsiaj txhu, kab noog nrog txhua yam tau yeej noob nrog Nom Hes.
Ces Tswv Ntuj tso zaj sawv hauv dej thiab saum cov huab. Lo lus no yog Yes Xus. Ntuj twb tsim lub cim ntxuav ntxov ntxov los lawm, kom tau tso neeg lub cev thiab tus ntsuj plig dim kev tuag thiab ua txhaum.

Nyiam no peb txais lub cim ntxuav muaj nuj nqes tseem ceeb no lawm, mas peb yuav coj lub siab tsahiab ntseeg lub Moo Zoo. Peb yuav ntseeg lub cim ntxuav muaj nuj nqe rau peb uas nws pub tau txoj sia nyob mus li rau peb lub cev thiab tus ntsuj plig.

Ib tug neeg nws txais lub cim ntxuav, yog nws tsi yuav lub siab tshiab, pab tsis tau dab tsi rau nws: Vim nws tsis hwm lub cim ntxuav, lub txiaj ntsim uas Yes Xus tuaj ntxiv peb huv kev thaum kev tuag, rov los npuab Yes Xus.
Peb lam txais lub cim ntxuav, peb tsis hwm tsis ntseeg, kuj ib yam li peb txhob txwm txais los thuam Ntuj xwb. Peb ua txhaum puv nkaus peb lub siab, lub ncauj, tes taw lo txhaum puv nkaus ua nrw niab.

Lub cim ntxuav nyob ze ze lub cim daws txhaum:
Peb nrog Ntuj cog lus tias, peb yuav ua ncaj ncees rau Ntuj thiab tsoom txheeb ze sawv daws.
Cog lus rau Nyuj tias, yuav cia lub cev thiab tus ntsuj plig dawb huv.
Cog lus tias, yuav npuab Yes Xus uas yog Lewej Pleev. Tus txawj nyiam neeg hlub neeg, zam rau neeg.

Leej Tsob Hwb Yaj Zoov Ntxheb.

**NrhiavTswvNtuj** 3rd March 2012, 7:19 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°5

Re: XH.Zoov Ntxheb Yaj Nthuav Ntawv Ntshiab.

Post NrhiavTswvNtuj 3rd March 2012, 7:19 am

Hnub chiv 2 caij 40. B.

Ntawv: hauv paus. 22: 1-2+9+10 13- 18.
Los Mas. 31-34.
Mas Kos. 9: 2-10.

Has Nplas yog tsoom neeg ntseeg txiv, vim nws xub ntseeg, thiab xub mloog Tswv Ntuj lus dua.
Has Nplas yog thawj tus neeg ntseeg txog Ntuj. Tswv Ntuj thiaj hais tias, kuv yuav pub txoj hmoov zoo rau koj:
Koj tsoom xeeb ntxwv yuav coob npaum li cov hnub qub nyob saum ntuj, thiab cov suab puam nyob tom ntug hiav txwv.

Yog,Tswv Ntuj tau hais yam twg lawm, mas Tswv Ntuj hais tseeb xwb. Nyiam no tsis hais cov kev ntseeg hom twg los pab twg. Cov kev ntseeg, tsuav yog muaj Tswv Ntuj nyob hauv, mas puav leej yog yug los ncau ntawm Yawg Has Nplas los.

Txij thaum ntuj tsim teb raug los mas Yawg Has Nplas nws yog thawj tus neeg ntseeg txog Ntuj. Yeej yog tus tseeb lawm.
Tus Txoov yawg koob As Das Thiab Es Vas nkawd yog ob tug Xub nyob ntiaj teb no tshaj. Nkawd tau mloog dab phem. Ces nkawd coj noob neej mus zwm kev tuag. Nkawd tsis tau ntseeg thiab mloog Tswv Ntuj lus.

Ua li mas As Das yog thawj tus neeg tuag, noj lub txiv saum tus ntoo. Hos Yes Xus yog tahwj tus yeej tau kev tuag nyob nyob saum tus ntoo.
Ntiaj teb neeg kev tuag los ntawd tus ntoo pub txoj hmoov phem uas qhib kev tuag rau As Das. Zaum no, kev sawv rov los nyob muaj txoj sia kuj tuaj ntawm tus ntoo pub txoj hmoov zoo tuaj. Uas Yog Yes Xus coj tuaj.
As Das yog tus coj neeg tuag mus zwm kev ua txhaum. Hos Yes Xus yog tus coj neeg rov los muaj txoj sia.

Yog li Tswv Ntuj hais lawm, Has nplas yog thawj tus neeg ntseeg thiab mloog Ntuj lus. Has Nplas lub txiaj ntsim nyob hawv His Xas Lais liv xwm thiab Lub Koom Txoos liv xwm niaj hnub muaj tawm tuaj rau peb pom los txog niaj hnub no:
Cov neeg ntseeg coob zuj zus tuaj xws li cov Suab zeb nyob tom ntug Hiav Txwv. Cov Suab zeb lawv kuj tsis zoo ib yam nkaus xwb:
Nws muaj ntaus tsos kob ci nyob hauv. Cov dawb, cov liab, cov daj, cov xiav dub th… Xws peb neeg nyob ntiaj teb no, hom neeg, los tej tus neeg kuj sib txawv. Sawv daws ntseeg txog Ntuj tiag, ib pab hais txawv zog lwm pab li peb pom nyob ntiaj teb no.

Yog muaj ib tug neeg twg xav paub meej dua tias vim li cas ho muaj zoo li no, mas koj txhob nug leej twg, tsam neeg yuav teb tsis raug rau koj, ces lwm tus neeg rov dag rau koj tau! Tus koj yuav nug mas, koj nug koj tus kheej tas, ces koj mus nrog Leej Tswv yim ntshiab tham koj mam nug Leej Tswv Yim ces nws yuav qhia tau qhov tseeb rau koj. Tej zaum nws kom koj twv nyob hauv cov lus ua paj lug, koj tsuas txhaisb tau nyob ze lub ntshiab xwb thiab

Tswv Ntuj nyiam Yes Xus kawg. Cov npuab Yex Xus ua li cas , Tswv Ntuj yuav tsis nyiam Lawv. Lawv twb yog cov Tswv Ntuj xaiv kom los npuab Yes Xus thiab nyiam Yes Xus kom tau mloog Yes Xus lub Moo Zoo. Saib Mais Xes thiab Es Lis:
Mais Xes Yog tus Ntuj xaiv Ntuj hu ces nws mloog Ntuj lus kom nws mus cawm cov His Xas Lais. Es Li kuj yog tus Ntuj xaiv los ua Ntuj tus Yaj Saub tshaj thiab ceeb toom Ntuj tej lus qhuab qhia rau cov His xas Lais kom nyiam thiab mloog Ntuj tej lus thoob tsib pub txoj kev ncaj ncees rau leej hlob leej yau sawv daws, nyob ua ke. Nkawd tawm tuaj nyob ntawm Yes Xus xub ntiag nrog Yes Xus tham.

Peb tsis ntaus siab me:
Ib hnub Ntuj yuav hais tias,koj yog thawj tus neeg ntseeg thiab mloog kuv lus hauv koj tsev neeg, los yog thawj tus hauv koj cuab kwv tij. Ces koj yuav tawm tuaj nyob ntawm Ntuj xub ntiag nrog Ntuj tham rau neeg pom lis Mais Xes thiab Es li nkawd thiab…

XH.Yaj Zoov Ntxheb.
USA.Tim 1-02-2012

XH.Zoov Ntxheb Yaj Nthuav Ntawv Ntshiab. 48639587parousie-over-blog-fr-poisson-croix-coeur-gif

Tus plig yim mus siab lub cev yim nyiaj mob
Tus plig yim ntshiab huv lub cev yim uv luag
Tus plig yim nyob ze Tswv Ntuj lub cev yim txom nyem
Tswv Ntuj tsom kwm koj vim koj yog tus neeg siab ntshiab
Tswv Ntuj txhais tes tsa rawv saum koj taub hau,
Vim koj ntshiab saum taub hau ti nkaus ko taw.

**Maiv Tooj** 9th March 2012, 6:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 9th March 2012, 6:08 am

NTHUAV NTAWV NTSHIAB

LUB CAIJ 40 HNUB CHIV 3. XYOO B.

ntawv ntshiab, cov zaj nyeem:

KT 20, 1-17 1
KLN 1, 22-25
Zam 2, 13-25

XH.Zoov Ntxheb Yaj Nthuav Ntawv Ntshiab. 57553010 Tswv Ntuj pub txoj sia rau cov neeg mloog nws lus. Tswv Ntuj hais tias: kuv yog koj tus Huab Tais. Kuv coj koj tawm ntawm teb chaws ua qhev los. Koj yuav tsis txhob muaj lwm tus Huab Tais dua kuv.

Koj yuav tsis txhob tuav txog koj tus Huab tais lub npe los cog lus cuav.
Cov lawv muab lawv tus H. T. los cog lus cuav, mas Ntuj yeej yuav muab txim rau.

Tswv Ntuj xav hais dab tsi rau peb tiag?
Tswv Ntuj yog tus pub txoj sia rau cov neeg mloog nws cov lus.
Tswv Ntuj xav kom peb txuag txoj sia uas nws muab rau peb, peb txhob ua txoj sia ploj:

=Txhob muab Ntuj lub npe los cog lus cuav, qhov no twb yog dag rau Ntuj lawm. Kev dag feem ntau yog kev cog lus cuav ntag. Ib yam li koj dag ib tug neeg mas twb ua tub qaug rau plaub leej neeg lawm:
-*Koj dag rau ib tug neeg.-*Koj dag rau dab tias yog dab ntxias koj koj mam li dag.-*Koj twb dag rau Ntuj tias yog tiag muaj tseeb.Ntuj nrog paub nrog hnov.-* Koj rov dag koj dua tias koj yog neeg dag,tsis tseem ceeb lawm. Thaum zoo li no ces koj ua txoj sia ploj ntais lawm.

-* Ib yam ntxiv kev txuag txoj sia,yog kev hwm niam hwm txiv. Saib taus Ntuj yog tus tseem ceeb. Txhob ua tub qaug rau Ntuj tej me nyuam yog neeg xws li yus. Hwm Ntuj kaum los lus qhia kom txhij txhua.

** Cov uas Tswv Ntuj hu, mas lawv yuav saib tias Yes Xus yog tus muaj zog. Yes Xus yog Tswv Ntuj lub zog thiab nws kev thoob tsib.
=Tus muaj Ntuj lub zog thiab kev thoob tsib nyob hauv nws mas nws thiaj txuag tau txoj sia Ntuj muab rau nws:
-Nws tsis khaws kev cib nyeej cia,nws xam kev khib. nws zam tau kev luag ua tub qaug rau nws, nws nyiam nws hlub luag tej xws li sawv daws yog ib cuab kwv tij, ib tse neeg.

***Yes Xus yog Tswv Ntuj lub zog. Yes Xus nws txawj tuag, txawj sawv rov los,thiab muaj peev xwm.
=Nws yog tus pub txoj sia nyob mus li rau neeg. Cov npuab Yes Xus nws muaj peev xwm nres txoj siab nyob mus li kom txhob ploj:
=Yes Xus yuav pub lub zog thiab kev thoob tsib rau tus neeg npuab nws kom txawj pom kev tso siab yam muaj nuj nqes nqis saum ntuj los pab nws to taub zam kev tsis ncaj nceeg nyob ib ncig ntawm nws. Tus npuab Yes Xus tiag mas nws muaj txoj kev thoob tsib ci lam lug xyob kev ua txhaum kom mus deb ntawm nws. Nws muaj kev thoob tsib pub rau neeg tej txheeb ze ua lawv lub chaw thaj yeeb kom neeg nyob kaj siab lug.
=Ces nws kev kho siab,tu siab kev mob nkeeg, kev txom nyem yuav hla saum nws mus nrog huab nrog cua yaj tas. Tswv Ntuj cov lus yog lus ncaj ncees thiab tseem ceeb kawg, Peb thiaj hais tau tias, Amen. Los ua li.
Xib Hwb Yaj Zoov Ntxheb.

**Maiv Tooj** 16th March 2012, 7:01 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°7

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 16th March 2012, 7:01 am

NTHUAV NTAWV NTSHIAB

HNUB CHIV 4 LUB CAIJ 40 Xyoo B.

XH.Zoov Ntxheb Yaj Nthuav Ntawv Ntshiab. Battle10 Ntawv 2 xwm zaj 36: 14-16+19-23.

14-Nyob Yes Lus Xas Les. Cov nom tswv, cov Leej Choj thiab cov pej xeem. Sawv daws ua tsis ncaj rau Tswv Ntuj. Lawv yoog pej kum haiv neeg tej kev phem,lawv ua txhaum rau lub tuam tsev teev ntuj.uas qee los ua Tswv Ntuj tug.
16- Cov His Xas Lais hnyos Tswv Ntuj cov tiam lis, Lawv thuam Tswv Ntuj cov Yaj Saub.
23- Tswv Ntuj yog tus kav lub ntuj. Nws tso tas txhua haiv neeg, nyob ntiaj teb no, rau hauv kuv xib teg.

*-Tswv Ntuj muab txim rau nws haiv neeg,vim lawv ua txhaum ntau, tab sis Tswv Ntuj rov hlub lawv.
Yam xwm Ntuj qhia nyob Yes Lus Xas Les. Niaj hnub no mas tseem muaj tuab ntws:

Lub ntiaj teb no, cov ua Vaj, los ua Vaj Txheeb kav teb chaws tsis txawv Yes Lus Xas Les. Vim li cas?
Cov ua Vaj, los ua Vaj Txheeb, ua nom ua tswv. Yog Leej Choj los Yaj Saub muaj hwj chim loj koob meej siab. Lawv tsis nco thiab xav tias:
Kuv yog Qaum Ntuj tus Vaj los qaum ntuj tus Nom, Qaum ntuj tus Leej Choj los Saub. Yus xav tias yus yog neeg muaj peev xwm lawm yus tau ua yus tus kheej. Ua raws li yus lub siab nyiam rau ntiaj teb neeg, tsis paub kev ua tub qaug rau Ntuj. Tsis ua li tus Vaj pes Xis tau mloog Tswv Ntuj lo lus. Cov lawv coj li no mas lawv puav leej yog cov nom tswv los cov Leej Choj nyob Yes Lus Xas Les tas nrho.
Tswv Ntuj yog tus hlub peb. Cov Vaj los Vaj Txheeb, Leej Choj los nom thiab pej xeem. Thaum yus tau nce yus txoj kab xwm lawm mas, saib tias, Kuv yog Qaum ntuj tus vaj, los Vaj Txheeb, Kuv yog Qaum ntuj tus Leej Choj los nom thiab pej xeem. Kuv txoj kab xwm no yog Qaum ntuj xaiv kuv los ua kom tau pab rau Qaum ntuj tej me nyuam tas nrho. Kuv yuav hwm Ntuj los hwm tej thaj chaw uas cov neeg siab dawb tuaj nrog Ntuj sib tham txuas lus kho ntiaj teb neeg kev ncaj ncees.

*- Cov nom tswv lawv tes hauj lwm yog ua los pab sab cev nqaij daim tawv.Lawv yuav ua 70% los pab cev nqaij daim tawv:
Coj cob qhia ua neeg thoob tsib, muaj txuj phim kev vam meej. Kom sawv daws muaj txiaj siv, muaj mov txaus noj txwm hnub, ua lub neej puv siab npo tsis ntshai tub sab tub nyiag los ntshai rwg tsam nrog hniav ntaj hniav riam sib puag tuag. Tseem tshuav 30% uas cov nom yuav tau ua ntxiv. Yog ua pab neeg sab ntsuj plig kom pej xeem huab hwm muaj txoj sia nyob ntev dhawv. Yus yuav mloog pej xeem tej kev txom nyem kev tu siab uas lawv vam thiab khaub zig txog yus, lawv muaj nyiaj txiaj tsis txaus siv, neeg txom nyem yeej muaj txiab xeeb ntau dua lwm cov. Vim lawv muaj kev tu siab, kev txom nyem kev txhawj xeeb rau txhua fab los nyob puv hauv lawvlub cev.Ua rau lawv noj tsis qab pw tsis tsaug, Tej no yuav hloov los ua mob toj taug tav lawv txoj sia kom luv dua luag lwm tus. Kev pab ntsuj plig yuav saib yam hais no. Koj thiaj yog Qaum ntuj tus thawj neeg txawj ua ob fab hauj lwm pab leej tib neeg sab ntsuj plig thiab lub cev nqaij daim tawv.
*-Ntuj cov tiam lis, thiab cov Leej Choj. Yog cov Ntuj xaiv mas lawv yua ua 70% los 50% los pab sab ntsuj plig:
Xws li coj cob qhia txog Ntuj kev thoob tsib nqes saum ntuj los, kom neeg muaj kev ncaj ncees txawj hwm ntuj, saib neeg yog neeg dawb huv, ntxim nyiam ntxim hlub. Suav tas nrho tej txheeb ze xws li ib cuab kwv tij nyob koom zej koom zos tau kev sib vam sib pab.
*-Lawv tseem yuav tau pab sab cev nqaij daim tawv ntxiv:
Pom, paub, ntsib tej tus neeg tsis paub ua hauj lwm, yuav pab coj cob qhia kom nws pab tau nws tus kheej. Pab nug nrhiav hauj lwm pub rau ua. Kom nws muaj txiaj nrog luag siv, muaj mov txaus noj txwm hnub. Nws tawm tau hauv kev txom nyem nws thiaj tsis nco tias nws txom nyem,pluag ces nws siab kaj, nws txoj sia ntev…

Es Fes Xos 2:4 Tswv Ntuj siab dav txawj zam rau neeg. Nws muab nws lub siab txawj nyiam los nyiam peb.
Zam 3: 16-17.Tswv Ntuj nyiam lub sim ceeb tas npaud, nws thiaj muab nws Leej tub twm zeej rau, kom xwv tus ntseeg tsis tuag. Nws muaj txoj sia nyob mus li. 17…Ntuj tsi xa nws leej tub tuaj txiav txim rau lub sim ceeb, nws xa tuaj cawm lub sim ceeb.

*-Tswv Ntuj xub nyiam neeg, Ntuj mam ua kom neeg paub Tswv Ntuj Leej tub Yes Xus Pleev, yog tus cawm seej.
*-Tswv Ntuj nyiam neeg yaj ceeb, nws tsim neeg los xws li Ntuj tus duab.Ntuj thiaj xav kom neeg muaj kev ncaj ncees phim neeg lub meej mom, sawm txhiaj muaj koob nto moo haum raws li Ntuj kev nyiam kev hlub.
Nyob saum yaj los nyob nruab yeeb tas nrho,neeg yog tus zoo tshaj txhua yam. Tshuav ib qhov tsis zoo yog neeg tsis hwm ntuj, thiab nyiam ntuj, mloog ntuj lus. Tsiaj txhu, nas noog, kab ntsaum txawj qhuas Ntuj:
Ntuj yuav kaj lawv twb txawj zoo siab cav txog, thaum ntuj kaj los ntuj tsaus. Hos neeg mas tsuas muaj thuam thiab tsawm ntuj, vim ntuj kaj tsis tau kev ua phem. Vim ntuj tsaus thiaj muaj dab muaj tsov, ua rau sem qoob sem loo, sem tsiaj sem txhuv. Yog Ntuj txhob ua li ntawd mas…Kuv yog tus yeej los tus tau kiag zaum no.
Lub ntsiab lus Ntuj xav kom peb npuab Yes Xus. Mas peb yuav nco tias, kev cawm tsis yog tua ntawm neeg, los neeg cov hauj lwm tuaj. Nws tuaj ntawm Ntuj lub txiaj ntsim uas yog Leej Pleev tuaj. Li ntawd Ntuj tsim peb nyob hauv Leej Pleev kom tau npuab nws thiab txawj ua nws cov hauj lawm. Ntuj xub nyiam peb thiaj ua kom peb paub nws Leej tub Yex Xus Pleev yog tus cawm seej.

Xib Hwb Yaj Zoov Ntxheb

**Maiv Tooj** 23rd March 2012, 9:16 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 23rd March 2012, 9:16 am

HNUB CHIV 5, LUB CAIJ 40 Xyoo B

XH.Zoov Ntxheb Yaj Nthuav Ntawv Ntshiab. 41307810

*- Yes Les Mias 31: 31-34.

31-Tswv Ntuj hais tias:
Nyiam no txog lub caij, kuv yuav nrog tsoom His Xas Lais cog lus tshiab. 33-Lo lus kuv yuav nrog cov His Xas Lais cog lus yog zoo li no:
Kuv yuav muab kuv txoj sia rau hauv lawv nruab cev.
Kuv yuav sau kuv txoj sia rau hauv lawv nruab siab. Ces kuv yuav yog lawv tus Tswv Ntuj. Lawv yuav yog kuv haiv neeg.

*-Yog peb zoo siab nrog Tswv Ntuj cog lus mas nws yuav sau nws cov lus cog rau hauv peb nruab siab.
Tswv Ntuj cov lus uas nws sau tseg rau hauv peb nruab siab ntawd:
Yog kev hwm, kev ntseeg txog Tswv Ntuj,kev tso siab kev nyiam Ntuj. Hlub thiab zam rau neeg. Qhuas thiab cav lus zoo txog luag tej.
Nyob ntiaj teb no tas txhuav yam Tswv Ntuj yog sawv daws leej Txiv siab zoo, tas txhua yam zwm rau Ntuj. Ntuj yog tus Pov hwm txhua yam uas muaj nyob rau saum lub ntiaj teb no. Kom nyob taus mus li qub tsis hloov.

Hes Nplaws.5: 7-9.

7- Leeb PLeev thaum nws ua neej nyob ntiaj teb no. Tus cawm nws ntawm txoj kev tuag. Ces yog Leej txiv. Leej Txiv mloog,mloog Leej Pleev lus thov, Vim Leej Pleev yog tus hwm Leej Txiv zoo. 9-Nyiam no Leej Pleev zoo tiav. Leej twg mloog Leej Pleev lus mas, nws ua tus cawm tus ntawd txoj sia kom tau nyob mus li.

Leej Pleev yog tus xub mloog Nuj lus, Nw yog thawj tug tuag sawv rov los muaj txoj sia, kom tau nyob mus li.
Tus mloog Ntuj lo lus thiab ntseeg txog Leej Pleev nws kuj yuav tau txais txoj sia nyob mus li los ntawm Leej Pleev los ua nws tug. Vim Leej Pleeb twb tau thov kom Leej Txiv cawm lub sim ceeb no thaum luag muab nws tsa rau saum nws lub theej kiab lawm.
Ntuj lo lus twb tawm tuaj muaj nyob hauv Hmoob tej lus ntxov ntxov los lawm:
Hwm Ntuj thiaj tau ntuj ntoo, hwm niam txiv thiaj tau zoo. Niam txiv tam lub ntuj, tij viv tam niam txiv. Niam txiv foom rau leej twg mas tus ntawd yuav tau zoo ua lub neej kaj siab lug. Tsis muaj hmab dawm tes hlua dawm taw.tsis muaj sab foob khaub thuas. th…

Zam 12: 20-33.

23- Yes Xus hais tias nyiam no txog lub caij uas Leej Neeg tus tub yuav muaj koob meej.24-Lub noob nplej yog nws tsis poob hauv av thiab tsis tuag mas nw yuav nyob nws ib leeg xwb. Hos nws tuag, mas yuav txi txiv ntau.31 – Nyiam no txog lub caij txiav txim rau lub sim ceeb no lawm. 32-Kuv li mas muaj tus tsa kuv nyob saum lub theej kiab lawm. Kuv yuav rub sawv daws los cuag kuv.

*- Yes Xus twb yuav raug tuag, Yes Xus muab lub sij hawm ntawd hu ua lub sij hawm muaj koob meej.Tus ntoo cuam, ntoo khaub lig ntawd yog Leej Pleev lub Theej kiab txiav txim tuag los rov muaj txoj sia nyob mus li.
Nyob saum lub theej kiab ntawd. Leej Pleev twb thov tus cawm txoj sia ntawd npo ib tug neeg muaj kev ua txhaum xws li peb uas nws mloog Leej Pleev lus tias:
Thaum koj muaj koob meej lawm mas koj nco txog kuv thiab mog.
. Leej Pleev tau cog lus tias:
Kuv hais rau koj tias hnub no koj yuav tau nrog kuv nyob pem lub nras lom zem.
Ntawm lub noob nplej Leej pleev hais mas tseeb lawm:
Yog lub noob nplej nyob ces peb sawv daws yuav kawm Tos Mas zaj lus, yog kuv tsis pom mas kuv tsis ntseeg li.
Thaum lawv tsa Leej Pleev nce mus saum nws lub theej kiab dhau mus saum ntuj lawd, cov tub rog zov keeb ntseeg tias Leej Pleev yog Tswv Ntuj leej tub cawm seej lawm tiag, lawv tau pom tus duab ntuj tsaus thaum peb teev hnub qaij ntawd. Lawv paub tias Leej Pleev muaj koob meej lawm. Yeej yog tus Tswv ntuj muaj zog ua tej no. Leej Pleev nws thiaj txawj tuag txawj sawv rov los. Kom tau muaj txoj sia nyob mis li.

*-Saib tus hauv paus xa lu Paj Lug. Nws yog tus tawm tsam rhuav cov neeg uas lawv nrog Ntuj cog lus tias, lawv yuav mloog Leej pleev cov lo lus. Yuav Tswv Ntuj ua lawv tus Tswv , Thiab kom lawv yog Ntuj haiv neeg. Muab hais los mas Paj Lug, Nws kuj yog ib tug neeg ua tub qaug Ntuj ntau kawg Thaum nws mloog Leej Pleev cov lus lawm, Nws kuj yog Thawj tug tawm tsam ntiab dab rau pej kum haiv neeg kom tau los nrog Ntuj sib cog lus ua Ntuj haiv neeg tau ua txiv ua tub koom Vaj tes nyob hauv Tswv Ntuj.
Peb yog cov yug los ntawm tus hauv paus xa lus Paj Lug no los.
Lo lus hnub no peb ntej tau hnov muaj qab hau rau peb heev, Peb tsuas tau tawm tsam rau tshav kub los nag, tshaib plab nqis dej xwb, yog peb kam mloog Ntuj tej lus mas peb muaj kev tso siab tias kuv kuj yuav yog ib tug tau.

Xib Hwb Yaj Zoov Ntxheb.

**Maiv Tooj** 31st March 2012, 10:07 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°9

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 31st March 2012, 10:07 am

CAIJ HLA HNUB CHIV Nquam Nplooj, Xyoo B.

Rau Hnub Chiv 01/04/2012

Hauj lwm zaj 10:23-26+34-35+44-48.

34- Pob Zeb hais tias:
Nyiam no kuv paub tseeb hais tias, Tswv Ntuj tsis kws leej twg cai. Tsis hais Haiv neeg twg. Leej twg hwm Tswv Ntuj thiab mloog nws txoj cai, mas leej twg ntxim Tswv Ntuj siab.44 Thaum Pob Zeb tseem tab tom hais li ntawd, mas Leej Ntuj Plig poob los rau saum tsoom neeg uas tuaj mloog Pob Zeb tej lus ntawd.
-Yes Xus tshoj tas txhua haiv neeg kom ntseeg txog nws. Nws pub Leej Tswv Yim Ntshiab rau tas txhua haiv neeg. Vim Tswv Ntuj yog tus ncaj ncees nws nyiam tas txhua haiv neeg uas hwm Tswv Ntuj.
Lub caij uas Tswv Ntuj hu Pob Zeb mus fim cov neeg teev dab qhuas los teev tej tus vaj loj loj nto moo nyob ntiaj teb no. Leej Ntuj Plig txeem los nyob hauv npoj neeg ntawd nruab siab kom lawv tau paub txog Tswv Ntuj txoj kev nyiam.
Thaum lawv paub thiab hwm Tswv Ntuj lawm. Lawv siv lawv xeem lus los cav txog Tswv Ntuj, uas yog tas tsoom neeg nyob ntiaj teb no Leej Txiv siab zoo, yog tus txawj myiam, txawj hlub neeg.
Ua li mas peb tau hnov tej yam muaj nuj nqes npaum no lawm, peb yuav tig los mloog Yes Xus tej lus nyiam peb muaj nuj nqi ncaj ncees nqes saum ntuj los, kom peb tau muab peb xeem lus Hmoob no los cav txog Tswv Ntuj uas yog tus ntshiab huv. Peb thiaj li yuav cais tau peb kev xam khib, kev cib nyeej. Kev paub tias luag ua tub qaug rau yus kom nyob nrug deb ntawm peb.
Vim Leej Ntuj Plig yog Leej Tswv Yim Ntshiab nws nyob txawm hauv peb nruab siab. Tej tej kev phem hais ntawd nyob tsis tau nrog Leej Tswv Yim Ntshiab ua ke hauv peb nruab siab.

Tsab ntawv I Zam 4:7-10.

7- Zam hu cov neeg ntseeg ua cov zoo nyiam.Peb yuav rov sib nyiam, vim txoj kev nyiam yog tuaj saum ntuj tuaj.Thiab tus nyiam nws yug ntawm Tswv Ntuj los. 10- Tswv Ntuj txoj kev nyiam yog zoo li no. Yam li:
Tsis yog peb nyiam Tswv Ntuj, Yog Tswv Ntuj nyiam peb. Thiab nws xa nws leej Tub tuaj ua tus nqi txhiv ntawm peb cov txhaum.
Tswv Ntuj nyiam peb kawg nws thiaj muab nws leej Tub ntaus tus nqi loj los txiv peb.Peb paub tseeb tias cov neeg ntseeg txog Yes Xus yog cov zoo nyiam, vim lawv yog cov raug Ntuj Leej tub tuaj txhiv, kom tau sib nyiam sib hlub nyob hauv Tswv Ntuj.
Ua li mas thaum peb txawj nyiam, txawj pab, txawh hlub lwm tus, mas peb yog cov neeg yug ntawwm Tswv Ntuj los tiag. Peb yog Ntuj me nyuam, peb ua Ntuj tej hauj lwm li yus niam yus txiv txib yus pab ua lawv tej hauj lwm, nyob ntiaj teb no.
Cov neeg nyiam lub sim ceeb no txoj kev nyiam, mas lawv tau nrog Tswv Ntuj tu lub sim ceeb no. Ib yam li lawv yog lub Sim ceeb no tus Tswv los yog lub sim ceeb no tus Nom saib xyuas. Thiab txuag lub sim ceeb.

Zam ntawv Moo Zoo. 15:9-17.

9-Y X hais tias, kuv nyiam nej ib yam li kuv txiv nyiam kuv.12-Kuv cov lus qhia yog zoo li no:
Nej yuav sib nyiam sib hlub li kuv nyiam kuv hlub nej.15-Kuv tsis hu nej ua tub txib, vim tus tub txib tsis pau yam tus tswv ua. Kuv hu nej ua phooj ywg.16 Tsis yog nej xaiv kuv, Hos yog kuv xaiv nej.Nej tuav txog kuv lub npe thov yam twg ntawm kuv txiv, mas kuv txiv yuav pub rau nej.
Y X nyiam peb kawg, nws xav kom peb sib nyiam sib hlub li Ntuj hlub peb. Ua Cas Y X.pheej hais tas zog tias kom peb sib nyiam sib hlub no?
Vim tias, kev nyiam yug ntawm Tswv Ntuj los thiaj ua kom lub sim ceeb no tau nyob kaj lug.Yog kev nyiam kev hlub nws txuag lub sim ceeb. Yog muaj kev nyiam kev hlub lawm, tsiaj nruab nrag kuj seej, nroj tsuag xyoob ntoo kuj hlav zoo. Tas cov tsiaj txhu kuj vam. Leej tib neeg tsis muaj kev ceeb kev tshai poob siab poob plig.Tej sab foob khaub thuas kuj sib,kev kho siab, raug dab tshoj dab ntxias kuj tsis muaj ntau.
Ib tug neeg muaj kev nyiam nqes saun ntuj los, nws cov lus yog tshuaj zoo kho neeg txhua yam mob nkeeg. Nws muaj hwj huaj dua cov khawv koob txuas leeg txuas txha.
Muaj tseeb tiag. Y.X.twb hais lawm, tias nej tuav txog kuv lub npe thov yam twg ntawm kuv txiv mas nws yuav pub rau nej.
*Lub Koom Tsoos cov lus thiab cov zaj thov Ntuj mas yog Yes Xus cov zaj Khawv koob muaj hauj huaj, thiab nto moo loj .
Nws twb pab tau ntau vam leej neeg los lawm! Cov dab phem tiv tsis taus. Xws li cov Leej Ntshiab lawv siv tib co khawv koob muaj hwj huaj no xwb.
*Cov neeg txawj ua khawv koob leej yog cov hais lus tsis hloov pas li. Ua thiaj leej.
*Cov xav hais Yes Xus cov khawv koob yuav hais hais hauv yus nruab siab tuaj mas thiaj li leej thiab.

Xib Hwb Yaj Zoov Ntxheb

XH.Zoov Ntxheb Yaj Nthuav Ntawv Ntshiab. 838618862

Last edited by Maiv Tooj on 9th April 2012, 11:26 am; edited 1 time in total

**Maiv Tooj** 6th April 2012, 7:54 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°10

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 6th April 2012, 7:54 pm

HNUB CHIV 07/04/2012 Hmoov HLA. Xyoo B.

Hauj lwm 10: 37-43.

42- Yes Xus qhia kom peb mus tshaj rau tsoom sid tias, nws yog tus txiav txim uas Tswv Ntuj tsa los txiav txim rau cov neeg ciaj thiab cov neeg tuag. Cov Yaj Saub huv tib si zeem tseeb tias, tus twg ntseeg txog Yes Xus, mas tus ntawd cov txhaum yuav daws tas nyob hauv Yes Xus Pleev lub npe.
*- Ua li mas Tswv Ntuj tsa Yes Xus sawv rov los ua tus txiav tim rau cov neeg ciaj thiab neeg tuag.
Tus xav txais Ntuj txiaj ntsim nws yuav vam txog Yes Xus.
Nyiam no Yes Xus nyob ntawm Tswv Ntuj phab xis lawm. Peb hais tias peb ntseeg txog Yes Xus, mas peb yuav tau sawv rov los nrog Yes Xus. Yeej yog lawm, Peb yuav nco ntsoov lo lus txiav txim:
Peb kav tsij nrhia tas txhua yam nyob txheej ntuj saud,peb lub siab yuav dai dhuam rau tej yam nyob saum ntuj. Txhob cia peb lub siab dai dhuam rau tej yam nyob ntiaj teb no.
Leej Pleev yog peb txoj sia,lub caij peb so hauj lwm nyob ntiaj teb no tas. Peb thiaj tau txoj sia tsiv nraim nyob hauv Leej Pleev. Txog lub caij Yes Xus tawm tuaj peb kuj yuav tau tawm tuaj. Lub cim ntxuav peb txais yuav coj peb mus txog qhov peb txoj sia tsiv nraim, yog Leej Pleev no.

XH.Zoov Ntxheb Yaj Nthuav Ntawv Ntshiab. Resurr10

Zam 20: 1- 9.
Tus thwj tim xub tuaj txog. Lawv Pob Zeb qab mus hauv lub ntxa, nws pom ces nws ntseeg. 9-Vim nkawd tseem tsis tau to taub tias:
Yes Xus yuav sawv hauv cov tuag rov los, raws li ntawv sau tseg. Zaum no peb paub tias yes Xus sawv rov los, peb thiaj tso siab thiab ntseeg tias, Yes Xus yuav pub tau txoj sia nyob mus li rau peb tau.
Peb yuav tso siab tau tiag. Yes Xus twb tau hais ua ntej lawm hauv lub caij 40 dhau los no:
Twb muaj tus tsa kuv nyob saum lub theej kiab lawm.Mas kuv yuav rub nej sawv daws los cuag kuv.

Pob Zeb tus hloov Leej Pleev chaw nyob ntiaj teb no, nws kuj tau hais,Cov yaj saub kuj tau zeem tseeb tias:
Tus nteeg txog Yes Xus nws cov txhaum yuav daws tas nyob hauv Yes Xus Pleev lub npe.

*-Lub ntsiab tseem ceeb hnub no yog los lus txiav txim, rau cov neeg ciaj thiab cov neeg tuag:
Cov neeg tuag! Thaum lawv ua neej nyob lawv tau ua zoo, lawv zwm rua kev ncaj ncees, lawv txawm tuag lawm los lawv tus ntsuj plig coj tau txoj sia mus tsiv nraim nyob nrog Yes Xus, tos lub caij nws tawm tuaj, ces sawv daws yuav tawm tuaj nrog Yes Xus.

Cov neeg ciaj! Yog lawv lub siab thiab lawv tes hauj lwm zwm rau kev ncaj ncees lawv twb xaiv tau txoj kev yuav mus tos txoj sia nyob mus li.
Cov neeg phem, lawv yeej txiav siab xaiv lawv lawm tias, lawv yuav ncaim ntawm txoj sia nyob mus li, vim lawv rov raug lawv dag lwav tus kheej.Lawv kawg yuav tos mus saib ntev li cas mam hloov mus ua quav poj quav pwm rau tshav, rau nag ziab los tsau mus, thiab ua kab ntsaum tej chaw tiag taw mus.

Yaj Xib Hwb Zoov Ntxheb.

XH.Zoov Ntxheb Yaj Nthuav Ntawv Ntshiab. 22105710

**Maiv Tooj** 20th April 2012, 8:33 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 20th April 2012, 8:33 am

LUB CAIJ HLA CHIV 2. Xyoo B.

Hauj lwm 41:32-35.
32-Tas ib zeej tsoom neeg nyob Yes Lus Xas Les, sawv saws muaj ib lub siab ib lub plawv. Lawv sib faib , lawv tej cuab tam, ysis muaj leej twg yuav saib tias yam twg yog nws tug.

*- Tsoom ntseeg nyob Yes Lus Xas Les, lawv sib faib lawv tej cuab tam rau sawv daws siv. Vim lawv paub Tswv Ntuj kev thoob tsib ces lawv to taub tias, Tswv Ntuj yog tus nplua nuj tshaj lawm.
Yog yus faib yus tug tas mas Tswv Ntuj tseem yuav pub kaum npaug rau yus dua:

Yam uas Tswv Ntuj yuav pub rau yus, mas tsis ncaj qha poob saum ntuj los rau yus li uas ib tug neeg nws cia li pom ib lub pov haum poob tom kev ces yus khaws khaws tau.
Yam Ntuj yuav pub rau yus kuj yog txhua yam pov haum muaj nuj nqes siab kawg. Yuav hais piv zias rau tej tus duab hauv neeg cov lus kom to taub zoo xws li:

*- Yus ib leeg pub rau sawv daws noj tas, tshuav lwm leej lwm tus ho pub rau peb sawv daws noj dua, ua li ntawd mus tsis muaj caij tas ib sim neej li.
Yus yog tus pib ua ntej, lawv yog cov yuav raws, lawv mam pub tom qab kuj puav leej yog. Tej no nyob hauv Hmoob kev cai los Hmoob lub neej Hmoob yeej muaj thiab ib txwm ua, coj los txog niaj hnub no.

*-Yus pub rau 10 leej noj, siv. Lawv ib leeg kuj muaj 10 leej. Sib sau twb tog 100 leej lawm. Nyob hauv 100 leej ntawd kuj yog vam vam leej lawm. Mas peb tsis pluag mu sib sim neej.

*-Mua ib nkawm niam txiv los hais piv:
Muaj ib tug tub hluas, thaum nws tsis tau muaj poj niam, nws lub nyiaj hli yog li 1000.00 thaum hli tas nws cov nyiaj kuj tas. Nws yuav poj niam ntxiv tus nyiaj nyob li qub. Ob leeg noj siv, hli tas kuj tseem me ntsis. Ib los ob tug me nyuam ntxiv. Thaum hli tas kuj tseem tshuav. Me nyuam loj hlob tas, nws kuj tseem pab tau them nqi tshoob kos,hiab pab cuam rau tej kwv tij neej tsa muaj chaw siv.

*-Txoj kev nplua nuj nqes saum ntuj los, Ntuj muab cog rau hauv yus pab phooj ywg no.
Peb ua neej nyob tsis txhob hom roob hom hav mus hom zeb hom cav los ua yus tug.
Koj yuav hom leej tib neeg los ua koj tug ces koj thiaj yog tus nplua nuj. Vim leej tib neeg thaum los pem ntuj los ua neeg lawv yeej coj koob coj hmoov los ua neej. Tus hom tau neeg ua phooj ywg nws thiaj yog tsus tseem neeg nplua nuj nyob ntiaj teb no.

*-Tus neeg nplua nuj sab kev phooj ywg,Ib hnub nws vaj tse kub hnyiab tas. Nws li phooj ywg yog tas cov neeg nyob ua ke txawm hauv lub nroog los nws tseem muaj lwm lub nroog yog nws li phooj ywg. Lawv xuas tas lawv cov hnab tshos hnab ris, muab lawv cov txiaj xee liab nqa tuaj tso ntawm nws taw rooj xwb nws tseem nyob nplua nuj li qub los tshaj zog.

*-Nyob ntiaj teb no mas,neeg thiaj yog kev nplua nuj tiag;
Thaum koj muaj li 60 xyoo yav saud laum koj tis muaj phoojywg ces koj yog ib tug neeg pluag kaug. Koj mus saum ntuj los neeg tsis raws koj mus, koj ho mus dab teb los neeg tsis caum koj thiab. Mus qhov twg los kawg koj tib leeg xwb.
*- Koj mus txog los tsis muaj leej twg saib koj rau nqi, tsis muaj leej twg yuav rub rooj tog rau koj nyob los zaum. Luag yuav hais tias, koj lam nyob ntawm ko tos saib puas muaj neeg tuaj mam nrhiav chaws rau nej nyob. Koj yuav nyob ua ntab ua ntuv tsis muaj neeg saib koj li.

Tsab ntawv 1 Zam 5: 1-5.
1-Leej twg ntseeg txog Yes Xus yog Leej Pleev, mas nws yug ntawm Tswv Ntuj los.Leej twg nyiam tus xeeb Leej Tub mas nws kuj yuav nyiam cov neeg, yug ntawm Tswv Ntuj los thiab. 4-Tswv Ntuj cov lus tsis hnyav.Vim leej twg yug ntawm Tswv Ntuj los, mas nws yeej lub ntiaj teb. Lub zog yeej lub ntiaj teb yog kev ntseeg. 5-Leej twg yog tus yeej lub ntiaj teb. YogTswv Ntuj Leej Tub.

*-Thaum peb ntseeg thiab nyiam Yes Xus mas,zoo li peb rov yug los dua tshiab. Peb lub siab xis mloo tswv Ntuj. Thaum ntuj tsim teb raug, yav pem suab,Muaj nkauj Iab thiab nraug Oo, nkawd xwb, ces nkawd tau mloog dab ntxias kom pus tas neeg ntiaj teb mus tuag tuag nyob hauv txoj kev ua txhaum, kom tsis tau kom txhob zwm rau Tswv Ntuj.
Nraug Oo yog tus coj noob neej ua txhaum poob hauv txoj kev tuag. Nyob hauv ntawv faj lem nraug Oo lub npe hu ua As Das.
Hos Yes Xus yog tus txiv neeg txoj sia thiab tus ntsuj plig kom tua nyob mus li. Mas thiaj hais tau tias Yes Xus yog tus yeej ntiaj teb kev tuag, kom tau rov muaj txoj sia tshiab nyob mus li.
Txoj sia tshiab yog yug ntawm Tswv Ntuj los:
*Nyiam Ntuj, ntseeg txog Ntuj coj Ntuj cov lus qhia, ua xis Ntuj siab, hwm cov neeg dawb huv uas lawv yug dua tshiab los ntawm Ntuj los.

Lo lus yug dua tshiab yuav to taub li cas?
Yug tshiab,yog nyiam kev ncaj ncees coj kev nyiam kev hlub paub kev khuv leej luag muaj nuj nqes li yus.
Tus qub neeg thiab lub siab phem twb tuag nyob hauv kev ua txhaum rau lub ntuj lub teb lawm.
Nyob hauv ntawv ntshiab Tswv Ntuj hais ntau zaus li no:
Thawj zaug, thaum Tswv Ntuj hu Has Nplas, nws hais tias Has Nplas koj yog thawj leej Txiv ntseeg. Koj cov me nyuam los xeeb ntxwv yuav coob npaum li cov hnub qub nyog saum ntuj thiab cov suab puam nyob tom ntug hiav txwv.

*-Tswv Ntuj cov lus mas ris tsis hnyav. Yeej tseeb lawm nws tsis hnyav. Tus hais tau tias Ntuj cov luv hnyav neeg ris tsi taus, tus no tej zaum nws kawm ntawm ib tus neeg tau muab Ntuj cov lus txhais tsis tau dhos nws pob ntseg nws thiaj hais tau tias Ntuj cov lus hnyav, los nws txais Ntuj los lus tuaj ntawm ib tug neeg tsi paub nws tau muab txhais ua lwm fab lus lawm,los nws tau txhais ib co lus tsis yog Leej pleev cov lus.
Ntuj tus cai, thiab cov lus qhia sib li ib txoj kev nyiam kev hlub nyob hauv ib nkawm hluas nkauj hluas nraug, uas nkawd tau sib hlub sib nyiam uas ib leeg tseg tsis tai sib leeg. Nkawd xav nyob ua ke tsis xav sib nrug, saib los tsis dhuav nyob ua kev los tsis txaus li.

Nws kuj zoo li ib nkawm phooj ywg, hais lus sib haum xav ua phooj ywg mus li vim nws paub yus siab coj sis yus yus xav txog nws twb hais raug lawmth…
Tus hais tias hnyav ceeb laj ris Ntuj cov lus yog tus coj li no:
Nws tsis nyiam kev ncaj ncees mas hnyav nws kawg, vim tias tus neeg ntawd yeej tsis nyiam yam nyob txheej ntuj saud. Nws tshai tsam nws ho tau ua zoo cesw neeg yuav paub los yuav pom, nws tshai tsam nws tua ua zoo ces nws ho txaj muag. Yee muaj tej tus neeg xav li no lawm.

Zam ntawv moo zoo, Zam 20; 19 31.
21-Yes Xus rov qab hais tias: Nej nyob kaj lug, kuv xa nej mus zoo l Leej Txiv xa kuv tuaj. 22-Yes Xus tshuab pa rau saum cov thwj tim nws hais tias:
Nej txais Leej Tswv yim ntshiab. 23Yog nej daws txhaum rau leej twg mas nws cov txhaum yuav daws tmus.Yog nej cia rau leej twg mas nws cov txhaum yuav nyob.
*-Cov ntseeg tias Yes Xus sawv rov los mas lawv yuav nyob kaj lug.
Tej zaum peb tsis to taub lo lus Nyob kaj lug?
Yog ntseeg tiag tias Yes Xus yog Tswv Ntuj leej tub sawv rov los . Nws yog tus tsim ntuj tsim teb, nws yog tus muaj hwj chim thiab muaj hwj huam. Yog tus Vaj loj tshaj tis muaj dua lwm tus Vaj yuav loj hla Yes Xus.Nws txawj ua zoo tshaj rau tas txhua yam nyob rau saum lub sim ceeb no, Nws tsim tau, nws txuag, pov hwm txhij txhua. Tab yog neeg ua txhaum tub qaug rau Ntuj loj tas npaud Ntuj tseem txawj zam rau neeg kom muaj noob nyob. Ces yus yuav hloov siab los nyiam los npuab, ua raws li Ntuj tau ua rau yus ces yuas yuav to taub lo lus tias Nej Nyob Kaj Lug. Nyob kaj lug tseem yuav ntxiv tej no rau: Yam li yus ua raws li Ntuj qhia tiag mas, Ntuj tau ua zoo rau yus lawm, yus yuav rov ua zoo rau luag. Ntuj nyiam yus, ces yus nyiam luag. Ntuj pab yus ces yus pab luag. Ntuj hlub yus lawm yus yuav hlub luag. Ntuj pov hwm yus ces yus mus pov hwm luag. Ntuj tsis khib rau yus, yus kuj txhob khib rau luag Ntuj tsi xav phem rau yus mas yus txhob xav phem rau luag. Th…

*-Yes Xus hias tias, Nej txais Leej Tswv Yim ntshiab, Yam li Nej rov yug los tshiab nyob hauv leej Tswv yim. Peb yug los tshiab nyob hauv leej tswv yim lawm peb yuav yoog thiab coj cov lus xub hais saum no. Kuv xa nej mus zoo li Leej txiv xa kuv tuaj. Tswv Ntuj thiab Yes Xus txawj zam rau peb, peb yuav xyaum zam rau luag. Ntuj tsis hkib ,peb txhob ntshai tsam luag zoo tshaj, los tau ntau dua yus. Yes Xus yog tus Tswv Ntuj xa tuaj. Peb yog cov Yes Xus xa mus . Yes Xus mloog Leej Txiv, Peb yuav mloog Yes Xus.Th…

Xib Hwb Yaj Zoov Ntxheb.

XH.Zoov Ntxheb Yaj Nthuav Ntawv Ntshiab. A71404f6

CAIJ HLA HNUB CHIV 3 Xyoo B.

XH.Zoov Ntxheb Yaj Nthuav Ntawv Ntshiab. Url12

*- Zaj nyeem ib, Hauj lwm 3:13-15+17-19.
*- Zaj nyeem ob, 1 Zam 2: 1-5.
*- Ntawv Moo Zoo. Lus Kas 24:36-48.

Hauj Lwm.
2-(Yes Xus Pleev ) Nws tuag kom tau ua tus nqi txhiv peb, ntawm peb cov txhaum. Leej Pleev, nws yog tus txhiv tas nrho ntiaj teb neeg.
Qhov peb paub Leej Txiv yog tus tseem Tswv Ntuj yog qhov no:
Yam li peb coj nws cov lus qhia. 4- Tus nws hais tias nws paub Leej txiv,tab sis nws tsis coj Leej txiv cov lus qhia, mas tus ntawd yog ib neeg dag. Ntuj txoj kev thoob tsib kev tseem ceeb tsis nyob hauv nws.
5- Hos Host us coj Leej Txiv lo lus qhia mas Ntuj kev nyiam hlob tiav nyob hauv nws.

*- Peb sawv daws yog ib co neeg txhaum,Tab sis peb muaj Yes Xus ua tus cev peb cov lus thov txim nyob ze Leej Txiv.
Yog peb paub tias Leej Txiv nws yog tus siab zoo, txawj zam, txawj hlub neeg. Masw peb cov txhaum yuav daws tas nyob hauv Yes Xus lub npe ntshiab. Vim Leej Txiv Thiab Leej Tub nkawd yog ib tug, yeej ib txwm nyob.
Yog peb mloog Leej Txiv, peb kuj coj Leej tub cov lus qhia tau. Yog peb mloog Yes Xus, peb tau hwm Leej Txiv zoo lawm.
Leej Txiv thiab Leej Tub yog tib lo lus ncaj ncees thiab thoob tshib ua ke.
Ua li mas tus nqi txhiv peb ntawm peb cov txhuam tsis yog ib yam me uas tsis muaj nuj nqes. Yog ib yam loj tas nrho nqis saum ntuj los.

Lus Kas,24: 46-47.
46- Yes Xus hais tias, yeej muaj ntawv sau tseg tias,Leej Pleev yuav raug txom nyem. Thiab hnub peb nws yuav sawv hauv cov tub tug rov los.47- Nej yuav tshaj txoj kev tig los yuav lub siab tshiab. Kom tau daws txhaum nyob hauv Leej Pleev lub npe.

*- Cov Thwj Tim ntseeg tias Yes Xus sawv rov los,mas Tes Xus thiaj qhib lawv lub tswv yim, kom lawv to taub txhua yam uas Tswv Ntuj tus yog Leej Txiv qhia.
*-Kwv tij sawv daws, yog nej ntseeg li Yes Xus cov thwj tim, mas nej yuav to taub txhua yam Ntuj qhia. Nej tseem yuav to taub zoo dua uas nej tau hnov nej tus Xib Hwb hais. Vim muaj tej yam neeg txawj hais, tab mas neeg tsis txawj txhais thiab.
*-Tus ntseeg mas nws yuav to taub tas nrho, txij thaum ntuj tsim teb raug, los mus txog lub zuj ceeb no, thiab yav tom ntej huv si.
*- Nej mam yuav paub tias kev daws txhaum no nws loj npaum li cas. Los Yes Xus lub npe daws tau, kom yus yog ib tug neeg dawb huv ua Ntuj me nyuam.
*-Txoj kev ua txhaum nws tsis yog nrog tus ntsuj plig thiab txoj sia yug saum ntuj los.
Kev txhaum nws nkag los rub neeg txoj sia thiab tus ntsuj plig ncaim mus deb Tswv Ntuj kom txoj sia no ploj mus xwb.
*-Yog txoj sia tuag los ploj mus lawm mas yus yuav raug tu siab heev. Vim yus yuav paub tseeb tias yus ncaim ntawm tus Tswv Ntruj muaj kev ncaj ncees kev nyiam kev hlub thiab nws dawb huv.
*- Txoj kev tuag, tsis yog Ntuj muab, los rau txim rau neeg. Yog yus ua tus xaiv yus tus kheej. Yus nyiam ua hom neeg uas cuab phiaj tos kev ua txhaum nkag los raug yus.
*- Peb yuav qhuas txog Leej Txivsiab zoo, vim hnub no nws tau qhia nws lo lus meej kawg rau peb.

Xib Hwb Zoov Ntxheb

**Maiv Tooj** 4th May 2012, 8:50 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 4th May 2012, 8:50 am

LUB CAIJ HLA CHIV 4 xyoo B

Hauj lwm. 4: 8-12.

10- Nej sawv daws, tsoom H.X.L.Nej yuav paub tias tus neeg nyob ntawm nej xub ntiag zoo lawm. Yog vim Yes Xus Nas Xas Les lub npe. Nej muab nws tua nyob saum ntoo cuam. Tiam sis Tswv Ntuj tsa nws sawv rov los. 11- Tus Yes Xus ntawd, txawm yog lub pob zeb uas cov tub txhim tsev muab xyeeb pov tseg. Nyiam no nws yog thawj lub pob zeb txheem tas lub tsev. 12 Yob hauv qab ntuj khwb no, tsis muaj dua lwm lub npe yuav cawm tau peb.
*- Yes Xus lub npe cawm tau tus neeg tuag ceg. Nws lub npe kuj yuav
cawm tau peb ntawm peb cov txhaum.

Peb yuav saib ob yam no:
*-Kev mob nkeeg.
*-kev ua txhaum. Yam twg yog yam hnyav dua? Peb yuav tau zam kom dhau yam hnyav ntawd:
*- Kev mob nkeeg cov toj taug yuav coj kev tuag los zwm rau neeg lub cev kom tuag mus. Ua lub neej nyob tsis ntev rau saum lub sim ceeb no.
*- Hos kev ua txhaum, mas nws cov toj taug tseem muaj kuab tshaj kev mob nkeeg lawm ntau npaug:
Yam li nws coj kev tuag los tsuas rau lub cev thiab tus ntsuj plig huv si kom ploj kiag mus li. Tsis tau pom tus Tswv Ntuj ntshiab huv thiab ncaj ncees tuaj tos tsoom neeg tau lees lawv cov txhaum, thaum lawv tseem ua lub neej nyob saum lub sim ceeb no.
*- Ua li mas Yes Xus lub npe, Tswv Ntuj nyiam kawg. Peb yuav ntseeg nws. Kom peb cov txhaum daws tas.
Tej mob nkeeg muaj kws tshuaj pab thaiv kom ua lub neej nyob puv 120 xyoo. Hos Yes Xus lub npe yog Thawj hauv muaj kuab tsuas cawm neeg txoj sia thiab ntxhuav tus ntsuj plig kom muaj txoj sia nyob mus li.
*- Peb xaiv tau sab zam kev ua txhaum mas peb yeej tas huv si ob sab. Kev mob nkeeg los raug yus mas zoo li pob zeb dawm yus taw los plis hniv xwb, txawj mob txawj zoo.

1 Zam 3: 1-2.
*- Ntsia saib, Leej Txiv hu peb ua nwv cov me nyuam. Peb yeej yog Ntuj cov me nyuam tiag. Yav tom ntej peb yuav txia ua. Tswv Ntuj nyiam peb, nws yuav peb los ua nws cov me nyuam, muaj ib hnub twg peb yuav zoo li Leej Txiv. Los lus no yog zoo li cas tiag?
*-Peb yuav yog ib co me nyuam ntsuj plig, tswv yim dawb huv xws li Leej Txiv. Uas Tswv Ntuj yog Tswv Yim. Peb yuav ib txhij pom lub sim ceeb tas nrho li Leej Txiv.

Zam 10: 11-18. ((11- Kuv yug tus zoo Tswv Zov Yaj. Tus zoo Tswv zov Yaj nws muab nws txoj sia los cawn nws cov yaj, Ua li mas tsim nyog peb yuav raws nws mus ua nws cov yaj. Vim Yes Xus muaj lub tshav zaub mos rau nws cov yaj nog.))
Cov tsiaj lawv ntshaw kom muaj lub tshav zaub mos. Hos neeg ntshaw kom muaj lub chaw zoo los nyob.
Lub caij peb nyob ntiaj teb no, peb yuav xaiv tus zoo Tswv zov yaj los coj peb kev kom tau txoj zoo kev taug. Txhob lam mus xaiv, tus tub sab tub nyiag, tuaj tho qhov vaj qhov tsev qhov rrooj nkauj los coj cov zoo yaj mus cuab tsov cuab hma, txoj kev ntshai tuag, nws loj dua txoj kev mob tuag,

Xib Hwb Yaj Zoov Ntxheb.

XH.Zoov Ntxheb Yaj Nthuav Ntawv Ntshiab. Hisrai10

**Maiv Tooj** 12th May 2012, 2:11 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°13

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 12th May 2012, 2:11 am

NTHUAV NTAWV NTSHIAB

Rau hnub tim 13 lub 5 hlis 2012 ( Hnub Chiv 6 Hla - Xyoo B )

Hauj lwm zaj 10:23-26+34-35+44-48.

XH.Zoov Ntxheb Yaj Nthuav Ntawv Ntshiab. Paix_e10 34- Pob Zeb hais tias:
Nyiam no kuv paub tseeb hais tias, Tswv Ntuj tsis kws leej twg cai. Tsis hais Haiv neeg twg. Leej twg hwm Tswv Ntuj thiab mloog nws txoj cai, mas leej twg ntxim Tswv Ntuj siab.44 Thaum Pob Zeb tseem tab tom hais li ntawd, mas Leej Ntuj Plig poob los rau saum tsoom neeg uas tuaj mloog Pob Zeb tej lus ntawd.
-Yes Xus tshoj tas txhua haiv neeg kom ntseeg txog nws. Nws pub Leej Tswv Yim Ntshiab rau tas txhua haiv neeg. Vim Tswv Ntuj yog tus ncaj ncees nws nyiam tas txhua haiv neeg uas hwm Tswv Ntuj.
Lub caij uas Tswv Ntuj hu Pob Zeb mus fim cov neeg teev dab qhuas los teev tej tus vaj loj loj nto moo nyob ntiaj teb no. Leej Ntuj Plig txeem los nyob hauv npoj neeg ntawd nruab siab kom lawv tau paub txog Tswv Ntuj txoj kev nyiam.

Thaum lawv paub thiab hwm Tswv Ntuj lawm. Lawv siv lawv xeem lus los cav txog Tswv Ntuj, uas yog tas tsoom neeg nyob ntiaj teb no Leej Txiv siab zoo, yog tus txawj myiam, txawj hlub neeg.
Ua li mas peb tau hnov tej yam muaj nuj nqes npaum no lawm, peb yuav tig los mloog Yes Xus tej lus nyiam peb muaj nuj nqi ncaj ncees nqes saum ntuj los, kom peb tau muab peb xeem lus Hmoob no los cav txog Tswv Ntuj uas yog tus ntshiab huv. Peb thiaj li yuav cais tau peb kev xam khib, kev cib nyeej. Kev paub tias luag ua tub qaug rau yus kom nyob nrug deb ntawm peb.

Vim Leej Ntuj Plig yog Leej Tswv Yim Ntshiab nws nyob txawm hauv peb nruab siab. Tej tej kev phem hais ntawd nyob tsis tau nrog Leej Tswv Yim Ntshiab ua ke hauv peb nruab siab.

Tsab ntawv I Zam 4:7-10.

7- Zam hu cov neeg ntseeg ua cov zoo nyiam.Peb yuav rov sib nyiam, vim txoj kev nyiam yog tuaj saum ntuj tuaj.Thiab tus nyiam nws yug ntawm Tswv Ntuj los. 10- Tswv Ntuj txoj kev nyiam yog zoo li no. Yam li:
Tsis yog peb nyiam Tswv Ntuj, Yog Tswv Ntuj nyiam peb. Thiab nws xa nws leej Tub tuaj ua tus nqi txhiv ntawm peb cov txhaum.

Tswv Ntuj nyiam peb kawg nws thiaj muab nws leej Tub ntaus tus nqi loj los txiv peb.Peb paub tseeb tias cov neeg ntseeg txog Yes Xus yog cov zoo nyiam, vim lawv yog cov raug Ntuj Leej tub tuaj txhiv, kom tau sib nyiam sib hlub nyob hauv Tswv Ntuj.

Ua li mas thaum peb txawj nyiam, txawj pab, txawh hlub lwm tus, mas peb yog cov neeg yug ntawwm Tswv Ntuj los tiag. Peb yog Ntuj me nyuam, peb ua Ntuj tej hauj lwm li yus niam yus txiv txib yus pab ua lawv tej hauj lwm, nyob ntiaj teb no.

Cov neeg nyiam lub sim ceeb no txoj kev nyiam, mas lawv tau nrog Tswv Ntuj tu lub sim ceeb no. Ib yam li lawv yog lub Sim ceeb no tus Tswv los yog lub sim ceeb no tus Nom saib xyuas. Thiab txuag lub sim ceeb.

Zam ntawv Moo Zoo. 15:9-17.

9-Y X hais tias, kuv nyiam nej ib yam li kuv txiv nyiam kuv.12-Kuv cov lus qhia yog zoo li no:
Nej yuav sib nyiam sib hlub li kuv nyiam kuv hlub nej.15-Kuv tsis hu nej ua tub txib, vim tus tub txib tsis pau yam tus tswv ua. Kuv hu nej ua phooj ywg.16 Tsis yog nej xaiv kuv, Hos yog kuv xaiv nej.Nej tuav txog kuv lub npe thov yam twg ntawm kuv txiv, mas kuv txiv yuav pub rau nej.
Y X nyiam peb kawg, nws xav kom peb sib nyiam sib hlub li Ntuj hlub peb. Ua Cas Y X.pheej hais tas zog tias kom peb sib nyiam sib hlub no?

Vim tias, kev nyiam yug ntawm Tswv Ntuj los thiaj ua kom lub sim ceeb no tau nyob kaj lug.Yog kev nyiam kev hlub nws txuag lub sim ceeb. Yog muaj kev nyiam kev hlub lawm, tsiaj nruab nrag kuj seej, nroj tsuag xyoob ntoo kuj hlav zoo. Tas cov tsiaj txhu kuj vam. Leej tib neeg tsis muaj kev ceeb kev tshai poob siab poob plig.Tej sab foob khaub thuas kuj sib,kev kho siab, raug dab tshoj dab ntxias kuj tsis muaj ntau.
Ib tug neeg muaj kev nyiam nqes saun ntuj los, nws cov lus yog tshuaj zoo kho neeg txhua yam mob nkeeg. Nws muaj hwj huaj dua cov khawv koob txuas leeg txuas txha.

Muaj tseeb tiag. Y.X.twb hais lawm, tias nej tuav txog kuv lub npe thov yam twg ntawm kuv txiv mas nws yuav pub rau nej.

*Lub Koom Tsoos cov lus thiab cov zaj thov Ntuj mas yog Yes Xus cov zaj Khawv koob muaj hauj huaj, thiab nto moo loj .

Nws twb pab tau ntau vam leej neeg los lawm! Cov dab phem tiv tsis taus. Xws li cov Leej Ntshiab lawv siv tib co khawv koob muaj hwj huaj no xwb.

*Cov neeg txawj ua khawv koob leej yog cov hais lus tsis hloov pas li. Ua thiaj leej.
*Cov xav hais Yes Xus cov khawv koob yuav hais hais hauv yus nruab siab tuaj mas thiaj li leej thiab.

Xib Hwb Yaj Zoov Ntxheb

**NrhiavTswvNtuj** 18th May 2012, 8:17 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°14

Re: XH.Zoov Ntxheb Yaj Nthuav Ntawv Ntshiab.

Post NrhiavTswvNtuj 18th May 2012, 8:17 pm

NTHUAV NTAWV NTSHIAB

Rau hnub tim 20 lub 5 hlis 2012 ( Hnub Chiv 7 Hla - Xyoo B )

XH.Zoov Ntxheb Yaj Nthuav Ntawv Ntshiab. Baptem10 Hnub nyoog Xes Xus mus saum ntuj.

Hauj lwm 10:23-26+34-35+44-48.

*-Yes Xus hais ib lo lus zoo li no:
5- Muaj ib yam uas nej yuav paub ntawm kuv los. Yam li thaud Zam ntxuav neeg nyob hauv dej. Tiam sis nej mas tshuav hnub puav xwb, nej yuav txais lub cim ntxuav nyob hauv Leej Tswv Yim ntshiab. Nej yuav txais ib lub zog, yog Leej Tswv Yim ntshiab lub zog. Leej Tswv Yim ntshiab yuav nqes los saum nej. Ces nej yuav ua kuv cov tim khawv nyob ( His Xas Lais teb) mus txog puag tim npoo ntuj.

Yes Xus, rov mus nyob saum ntuj, tab sis nws xa nws lub tswv yim tuaj nyob.hauv peb. Leej Tswv Yim ntshiab yog Yes Xus lub tswv yim.

Ua li mas Yes Xus twb nyob hauv peb lawm, peb thiaj li yuav ua Yes Xus cov tim khawv.
Peb yuav tsis txhob nyob ua tej tus neeg ruam raum, tsis paub cai. Peb yuav xyaum ua neeg thoob tsib xyaum hais Ntuj cov lus muaj txoj sia rau luag. Luag yog tas nrho sawv daws. Yus nrog luag huv si. Tsam muaj tej tus neeg lawv lam txais lub cim ntxuav, tab sis lawv tsis tau ntseeg kuj muaj thiab. Lawv los ntseeg raws kev txom nyem los raws lawv kev pluag xwb. Thaum lawv noj qab nyob zoo lawv tsis ntseeg lawm. Li no mas tsis paub tias yog kuv los yog koj los yog nws li, Tus nws paub tias nws yog Yes Xus ib tug tim khawv lawd, nws yuav nco ntsoov tshaj lub Moo Zoo rau luag, kom mus txog tim npoo ntuj.

Es Fes Xos1:17- 23.
Paj Lug hais tias:
Kuv thov kom peb tus Huab Tais Yes Xus Pleev nws tus Tswv Nut, pub ib lub tswv yim thoob tsib, thiab txawj pom Tswv Ntuj zaj txuj ci tawm tuaj, ces nej yuav paub Tswv Ntuj zoo tiag. Thov kom Tswv Ntuj ua nej lub siab pom kev….23Tswv Ntuj tsa Yes Xus Pleev ua lub Koom Txoos lub taub hau. Lub Koom Txoos yog nws lub cev. Lub Koom vas tas txhua yam uas Leej Pleev puag, vim Leej Pleev muaj tas txhua yam nyob hauv nws. Peb pom Tswv Ntuj lub zog, vim nws tsa Yes Xus ua tus loj tshaj tas txhua yam nyob saum ntuj los nyob ntiaj teb no.

Txij lub hauv paus los txog tav no, cov Thawj neeg, xws li, cov hauv paus xa lus, cov Vaj qhia, cov tswv qhia, cov leej choj, cov xib hwb lawv rau siab thov Ntuj kom peb pom Tswv Ntuj lub zog muaj hwj chim loj nyob hauv peb sawv daws mus li. Yog peb txawj pom Tswv Ntuj zaj txuj ci thoob tsib mas peb yuav zoo siab tshaj:
Peb yuav zoo siab vim Tswv Ntuj pub kom peb zoo xws li Leej Pleev. Thaum ntawd peb yuav tsis ntshai, txhua yam kev txhawj xeeb nrog kev mob nkeeg nyob ntiaj teb no.

Peb yuav thov Ntuj kom peb pom thiab paub Tswv Ntuj zaj txuj ci thoob tsib no, zoo dua peb niaj hnub thov kom peb tsis txhob muaj mob muaj nkeeg. Thaum peb paub Tswv Ntuj lawm peb kuj paub tias kev mob kev nkeeg nws nyob qhov twg thiab, peb yuav zam nws kev yooj yim dua.

Mas Kos 16:15-20
15- Yes Xus hais tias:
Nej mus thoob qab ntuj khwb,nej tshaj lub Moo Zoo rau tas txhua haiv neeg Ntuj tsim los. 16Tus ntseeg thiab txais lub cim ntxuav nws yuav txais kev cawm. Hos tus tsis ntseeg yuav raug txim.
Hnub Yes Xus mus saum ntuj, nws qhia kom peb tshaj lub Moo Zoo rau tas txhua haiv neeg. Vim lo lus no mas peb thiaj yuav tshaj tas zog.

Yuav tshaj li cas? Tshaj rau peb sawv daws thiab rau luag cov tsis tau paub Yes Xus lub Moo Zoo. Nyob hauv peb muaj ntau hom neeg xws li muaj cov paubYes Xus tab sis lawv tsis ntseeg. Kuj muaj cov ntseeg paub Yes Xus tsis zoo.

Kuj muaj tej tus txais lub ntxhuav yuam kev, lam txais kom tas txoj cai ntawm tej phooj ywg, vim yus tsis muaj kev mus lawm. Los yus ua rau neeg yog phooj ywg kom lawv zoo siab xwb. Yus tus kheej tsis tau ntseeg kuj muaj.

Cov muaj li no, lawv tsis tau los nyob hauv txoj kev cawn, uas Yes Xus hais tias, tus ntseeg yuav txais kev cawm. Xav kom txhob muaj tej tus neeg txais lub cim ntxuav lawd txhob mus raug txim. Yam uas peb sawv daws tsis tau xav txog ntawd.

Xib Hwb Yaj Zoov Ntxheb.

Tus plig yim mus siab lub cev yim nyiaj mob
Tus plig yim ntshiab huv lub cev yim uv luag
Tus plig yim nyob ze Tswv Ntuj lub cev yim txom nyem
Tswv Ntuj tsom kwm koj vim koj yog tus neeg siab ntshiab
Tswv Ntuj txhais tes tsa rawv saum koj taub hau,
Vim koj ntshiab saum taub hau ti nkaus ko taw.

**Maiv Tooj** 25th May 2012, 6:51 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°15

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 25th May 2012, 6:51 am

NTHUAV NTAWV NTSHIAB

CAIJ HLA HNUB NYUG LEEJ NTUJ PLIG NQES LOS. HNUB CHIV 8.

XH.Zoov Ntxheb Yaj Nthuav Ntawv Ntshiab. Pentec10

Hauj lwm 2:1-11.
Ib sij huam cov thwj tim txawm hnov nrov nroo ntws saum ntuj tuaj,xws li ib nthwv cua ua ncha tas lub tsev lawv nyob. Ces cov thwj tim pom ib co nplaim tawm tuaj zoo li nplaim taws. Cov nplaim ntawd poob tuaj ua ntau tus,poob txhua txhua saum cov thwj tim taub hau. 4 Leej Tswv Yim Ntshiab tuaj nyob puv lawv siab. Ces lawv pib hais tej xeem lus tshiab, raws li Leej Tswv Yim qhia lawv hais.
*-Leej Tswv Yim Ntshiab, yog zoo li cua ua kom neeg lub siab muaj zog. Kuj zoo li hluav taws ua kom neeg lub siab kub.

Txoj kev ntseeg yog peb ntseeg Yes Xus thiab leej Tswv Yim ntshiab, mas peb yuav muaj zog tiv kev nyuaj, thaum peb muaj kev txhov siab, kev txom nyem , kev tu siab. Peb muaj Leej Yswv yim ua tus coj pab peb kom muaj zog tiv tau. Yam twg uas peb yuav tiv tsis taus mas nws muab thawb mus rau lwm txoj kev kom txhob los ze peb.
Thaum peb muaj txoj kev ntseeg nyob hauv peb lawm mas yuav muaj zog ua yam zoo ntau dua yam phem.
Thaum Leej Tswv Yim Ntshiab nyob txawm hauv peb mas peb yuav hais tej xeem lus tshiab.
Xeem lus tshiab uas peb yuav hais yog hom lus no:
Xeem lus uas peb hais kam los lawd, yog cov lus uas peb hais kom tub qaug rau neeg xws li tej kev txawj xam khib, kev paub txog luag saib tsis taus yus. Paub txog kev luag ua tub qaug yus. Kev cav kom yeej luag, hais lus phem chob luag,kev tsis hwm neeg tsuas thwj ncauj puv ces hais tawm tsam rau luag, mloog yam tsis yog kev ua neeg thoob tsib.…
Xeem lus tshiab uas peb yuav txawj hais, yog zoo li no:
Peb paub cav lus zoo txog Tswv Ntuj, paub khuv leej luag, txawj pom tias neeg ntiaj teb sawv daws yog Ntuj me nyuam. Paub zam rau luag, hwm luag ,qhuas txog luag, paub mus pab luag. Cov paub li no kuj cuag li nws paub ib xeem lus tshiab uas Leej Tswv Yim qhia lawv hais. Hom lus tshiab no tham rau leej twg los lawv to taub tias yog neeg siab dawb, nws hais xeem lus thoob tsib tshiab poob nrog Leej Ntuj Plig los..

Kos Lis Nthos 12:3-13.
Leej Tswv Yim Ntshiab tsis qhib ib tug twg lub ncauj kom hais tau tias Yes Xus yog ib tug phem neeg.
Thaum ib tug twg hais tias Yes Xus yog Huab Tais, mas yog Leej Tswv Yim Ntshiab qhia mas nws thiaj hais tau li ntawd.4 Muaj ntau yam txiaj ntsim hauj lwm kab xwm, yog Leej Tswv Yim Ntshiab tib tug faib los. 5 Yog Huab Tais Tswv Ntuj tib leeg ua tej hauj lwm ntawd nyob hauv neeg sawv daws.
*Leej Tswv Yim Ntshiab pab S. D.kom nyias ua nyias hauj lawm nyob hauv lub Koom Txoos.
Lub Koom Txoos tes dej num nws ua nrog Neeg lub cev thiab Tus Ntsuj plig. Nyob ntiaj teb no. Kuj hais tau tias neeg ntiaj teb yog lub chaw uas sawv daws tuaj tsob hwb Tswv Ntuj. Thiaj hu tias Neeg ntiaj teb yog Qaum Nyuj me nyuam.
Ua li mas tab yog peb ua txoj kab xwm twg los peb nco ntsoov tias peb yog qaum ntuj tus neeg uas Qaum Ntuj txib peb ua.Peb yuav txhob ua li peb yog tus muaj peev xwm peb ua peb tus kheej ywj peb lub siab nyiam.

Zam7:37-39.
Muaj ib hnub nqaum paj nqaum nruas yog ib hnub loj, Yes Xus sawv ntsug, nws tsa suab hlo hais tias:
Tus twg nqhis dej mas nws tuaj cuag kuv!
Tus twg ntseeg txog kuv kom nws haus mas!38 Yog zoo li ntawv sau tseg tias:
Tus dej muaj txoj sia yuav txhawv hauv nws xub ntiag los!39 Yes Xus xav hais txog Leej Tswv Yim Ntshiab, vim lub caij ntawd Leej Tswv Yim Ntshiab tsis tau nqes los.
*-Leej Tswv Yim Ntshiab nqes los nyob hauv tus neeg twg mas Tswv Ntuj nres tus neeg ntawd, nres txhua yam hauj lwm ua nws ua.Yog peb paub tau tias muaj Leej Tswv Yim nyob hauv peb lawm mas peb yuav zam kev rau dab phem kom nws txhob ntsib peb nyob ntawm tej kev cuab phiaj tos dab phem. Qhov chaw cuab phiaj yog qhov twg? Yog yus tej kev hais lus, kev xav tsis zoo rau luag. Kev ntshaw ub ntshaw no. Dab Phem kheev cuab ntxiab tos peb, lub caij peb tham lus rau luag, kom mag tau peb yooj yim li noog thos kab, ces voj hluas mag tau noog yooj yim.

Xib Hwb Yaj Zoov Ntxheb.

**Maiv Tooj** 6th June 2012, 9:37 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°16

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 6th June 2012, 9:37 am

NTHUAV NTAWV NTSHIAB

HNUB CHIV HWM PEB LEEG HUAB TAIS. HNUB CHIV 9 xyoo B.

XH.Zoov Ntxheb Yaj Nthuav Ntawv Ntshiab. Trinit10 *Ntawv phau tsib. 4: 32-34+39-40.

-39 Nej yuav xav ntsoov, nyob nruab siab tias:
Huab Tais ua Tswv nyob saum ntuj thiab nyob ntiaj teb no tib si. Tsis muaj lwm tus tswv. 40 Koj coj cov lij choj,thiab cov lus qhia, uas kuv ceeb toom rau koj, ces koj thiab koj cov tub ki yuav noj qab nyob zoo, ntev niaj ntev xyoo. Nyob hauv lub teb chaws Huab Tais muab rau koj.
Yav thaud Tswv Ntuj pab nws haiv neeg, ntseeg. Nyiam no Tswv Ntuj tseem niaj hnub pab cov neeg ntseeg ib yam li thaus. Peb yuav mloog nws coj peb kev.
-Cov lij choj thiab cov lus uas Tswv Ntuj ceeb toom kom peb coj:
Nco tsoov tias, Hwm Tswv Ntuj ua tus tswv siab zoo, Ces Peb yuav xyaum sib zam, xyaum txais kev nyiam tsoom txheeb ze, xyaum hlub luag tej. Yuav hlub puag hauv nruab siab tuaj.
Hos Tswv Ntuj yuav pab kom nyob ntev niaj ntau xyoo:
Tus hwm ntuj hlub neeg nws lub siab yuav kaj, tsis muaj neeg thuam thiab tsawm yus, tej mob nkeeg, kev kho siab tsis paug rau yus ces yua nyob kaj lug tsis tshai mob nkeeg ces mob nkees kuj tsis raug rau yus.

Los Mas 8:14-17.
Paj Lug hais tias,Nej txhua leej uas Ntuj lub tswv yim coj, mas nej yog Ntuj cov tub. Nej tsis tau txais lub tswv yim coj neeg ua qhev… Nej txais lub tswv yim ua tub ki tshiab,pab nej hu Huab Tais ua Txiv.16Leej Tswv Yim, nrog peb zeem tseeb tias, peb yog Tswv Ntuj me nyuam. Peb nrog Yes Xus ua Ntuj cov tub, Yes Xus raug txom nyem vim nws cawm peb ntawm peb cov txhaum. Uas los ntawm lub hauv paus peb tus pog koob yawg koob ua los.
-Peb yuav zoo siab nrog Yes Xus txom nyem, yam li:
Peb yuav yoo kev kom txhob tau ua txhaum, yoo kev ntxhub neeg, yoo kev cem, kev tsawm neeg, yoo tej kev khav theeb,, yoo kev ua neeg muab hlob. Xyau kom txawj zam rau luag, txawj pab luag. Txawj qhuas txog luam. th..
Tus yoo tej kev ua txhaum no mas lub caij nws yoo nws txom nyem, vim nws tsis tau ua.

Mas Tais.28: 16-20.
18 Yes Xus los ze lawv, nws hais tias; Ntuj pub lub peev Xwm rau kuv tas huv si, nyob saum ntuj thiab nyob ntiaj teb. Nej mus nej ua kom tas thua haiv neeg los ua kuv thwj tim. Nej hu txog Leej Txiv, Leej Tub, thiab Leej Tswv Yim lub npe, nej ua lub cim ntxuav rau lawv.
Nej qhia kom lawv paub coj txhua yam ua kuv tau qhia rau neej coj. Ntawm kuv mas kuv nrog nej nyob mus txog qhov kawg.
*Yes Xus qhia peb tuav txog peb leeg Huab Tais lub npe. Peb nrog lawv peb leeg ua ib cuab ib yig.
Peb yog Tswv Ntuj yim neeg lawm, Peb yuav coj xws li Tswv Ntuj coj: Nwsw nyiam tas luv qab ntuj neeg. Nws hlub thiab txuag txhua yam nyob hauv lub sim ceeb no. Peb kuj yuav yoog, nyiam thiab hlub, txuag tas txhua yam ua yog Ntuj tsim los.
*Tswv Ntuj lub xeem yog caiv kev ua txhaum,caiv kev thuam yam uas saib tsis taus neeg. Tswv Ntuj cov cai lij choj xws li Hmoob cov dab qhuas yam li muaj kev NCAJ NCEES kev NYIAM , ces kev HLUB, ces ncau mus rau kev PAB kev QHUAS, thiab HWM. Th..
Xws li cov Hmoob YAJ lawv caiv plawv tus yog Xeem Yaj yuav tau caiv plawv yus thiaj yog tsob Hmoob Yaj ntawd .Txhua xeem yeej muaj kev caiv yus yuav tsum caiv.th…
Tswv Ntuj coj li ntawd, Peb los ntseeg peb tsis coj tsis hwm, Peb kuj tsis yog Tswv Ntuj xeem, peb ntseeg lawm
Peb yuav saib tias peb twb kiav xeem los ua Ntuj xeem neeg lawm mas thiaj yuav coj thiab yoog yam uas meej tseeb ntawd uas yus lub xeem coj thiab hwm, thiaj yog.

Xib Hwb Yaj Zoov Ntxheb.

**Maiv Tooj** 13th June 2012, 5:59 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°17

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 13th June 2012, 5:59 pm

15/06/12 Hnub 6 Hwm Yes Xus Lub Siab, Xyoo B.

(OX 11, 1.3-4.8c-9 Za 19, 31-37)

XH.Zoov Ntxheb Yaj Nthuav Ntawv Ntshiab. Coeur_13

HNUB CHIV HWM Y. X. LUB SIAB

Ntawv Os Xes. 11:1-3-4+8-9.

1-Txij thaum kuv tus tub His Xas Lais tseem me kuv nyiam nws.Kuv tau hu nws ua kuv tus tub. Kom nws tawm hauv Hais Nkws Tos teb los. 3- Kuv tuav nws tes hos, nws tsis to taub tias kuv txuag nws.4- Kuv coj,kuv nyiam, kuv hlub, zoo li ib leej txiv.9- kuv tsis mloog kuv lub siab npau taws, kuv tsis rhuav ntxiv. Vim kuv yog tus Tswv Ntuj ntshiab.Kuv tsis tuaj rhuav kom ploj tas.

*- Peb hwm Yes Xus lub siab, vim Tswv Ntuj hlub nws haiv neeg xws li ib leej txiv hlub nws leej tub.
Tswv Ntuj hlub tas lub qab ntuj neeg, Nws muab peb piv li haiv His Xas Lais. Nws xav kom sawv daws txhob pheej ua txhaum mus li.

Yam li yuav hwm Tswv Ntuj thiab saib taus txhua yam Ntuj tsim los nyob rau lub sim ceeb no:
Hwm tsoom neeg nyob ntiaj teb no. Saib leej tib neeg lub cev muaj nuj nqis,nrog txhua yam tsiaj txhu, xyoob ntoo nroj tsuag yam zoo nkauj zoo saib, uas Ntuj tau tsim los. Txhob ua tej yam yuav tub qaug rau lub ntuj lub teb.

Ntuj hlub yus zoo li cas?
Ntuj pub ib lub cev muaj lub meej mom zoo nkauj zoo nraug, kom tsim nyog txawj qhuas txog Ntuj tej hauj lwm zoo, nrog rau Ntuj lub siab nyiam. Ntuj tsis tau muab ib lub meej mom hwj chim rau yus los ua neeg tsawm tib neeg thiab thuam Ntuj.

Ntuj tsis tau txo yus lub hwj Chim, los rhuav yus kev txaj muag. Yus kuj yuav hwm tej neeg ntsuab ze uas yus paub lawv tej koob meej hwj chim, kev txaj muag. Ntuj pub sawv daws zoo sib xws, Luag kuj txawm mob siab tu siab ib yam yus. Yam koj muaj Ntuj kuj faib rau luag muaj sib xws.

Es Fes Xos.3:8-11+14-19.
Paj Lug hais tias, nyob hauv tsoom neeg ntshiab, kuv yog tus me dua cov. Hos kuv tau txais lub txiaj tsim, kuv yuav tshaj rau cov neeg teev pej kum dab kom paub Leej Peev cov paj tshab, tsiaj ntsim uas ntsuas tis tau. 9- Kuv yuav qhia kom sawv daws paub tseeb. 14-Vim li ntawd,kuv kim caug pe Leej Txiv.16- Thov kom Leej Txiv uas muaj lub hwj chim nplua nuj pub rau nej muaj lub zog nyob hauv nej nruab siab. 17…Nej thiaj nrau cag nyob hauv kev nyiam, ces nej thiaj tsa tau nej lub siab txawb rau saum kev nyiam. Nej thiaj li yuav paub Leej Pleeb kev nyiam, puv nkaus nej siab tas huv si.

Lub ntiaj teb no nrhiav kev kaj siab lug. Tab sis kev kaj siab lug, nws tsuas muaj nyob hauv kev paub Leej Pleev kev nyiam peb. Vim Leej pleev nws zam rau cov neeg txhaum, nws zam tas nrho rau sawv daws. Nws hlub cov neeg txom nyem. Yes Xus tsis muab txim rau leej twg. Cov neeg ua txhaum nws zam tas nrho rau sawv daws. Hos cov tsis hloov siab, Yes Xus tsuas hais tias, nws xaiv tau txoj hmoov phem. Ua li mas peb yuav hwm Yes Xus lub siab ncaj ncees ntshiab huv no, uas txawj hlub thiab zam rau neeg. Vim peb neeg lub siab kub tiam sis peb lub cev tsis muaj zog.tiv thaiv kev ua txhaum.
XH.Zoov Ntxheb Yaj Nthuav Ntawv Ntshiab. C2a31110

XH.Zoov Ntxheb Yaj Nthuav Ntawv Ntshiab. C2a31110

Zam ntawv Moo Zoo.19: 31-37

36-37 (Thaum Yes Xus nyuam qhuav tuag saum ntoo cuam.)
-Muaj xwm tshwm sim li ntawd, kom muaj raws li ntawv sau tseg tias:
Lawv yuav tsis los nws ib tug pob txha, thiab lawv yuav tsa muag ntsia tus uas luag nkaug.
*-Yes Xus nyiam lub ntiaj teb neeg no tas npaud,nws zoo siab tuag kom tau pab peb ntiaj teb neeg. Zoo siab cia luag nkaug nws lub plawv.

Neeg ntiaj teb, muaj peev xwm ua rau Ntuj lub plawv, tsis kavLeej Pleev yog Tswv Ntuj. Nws zam tas nrho rau neeg ntiaj teb, kom tau cawm neeg txhua leej txhua tus rov los ua Ntuj me nyuam. Ntuj tsis rhuav neeg kom ploj tas.

Yes Xus yeej xub tau hais ua ntej lawm tias, Kuv yog ib tug Vaj, kuv lub teb chaws tsis yog nyob ntiaj teb no. Yog kuv lub teb chaws nyob ntiaj teb no mas tam sim no kuv yuav hu kaum vam tus tshiab nyob saum ntuj tuaj pab kuv. Kuv tuaj nyob ntiaj teb no kom tau ua tim khawv tog qhov tseem ceeb.
Qhov tseem ceeb Yes Xus hais, yog xav hais tias, Kuv yog tus Tswv Ntuj Tswv teb, yog tus tsim thiab kav tas txhua yam, uas twb muaj lawm thiab tseem yuav muaj tuaj tom ntej no,

Xib Hwb Yaj Zoov Ntxheb.

**Maiv Tooj** 16th June 2012, 11:09 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°18

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 16th June 2012, 11:09 am

NRUAB XYOO, CHIV 11. XYOO B

Es Xes Kias. 17: 22- 24.

Huab Tais Ntuj hais li no:
Kuv yauv nrhiav tus ntoo vaj khaum loj dua cov. Kuv yuav de nws lub ntsis siab tshaj, kuv yuav coj mus cog rau saum lub ncov roob siab, Nws yuav hlob mus ua ntoo vaj khaum zoo saib.Tas txhua yam noog yuav los so hauv nws tej qab ces qhov ntxoov.
Cov ntoo siab yuav qis mus, hos cov ntoo qis yuav siab tuaj.Cov ntoo ntsuab thiab cov ntoo qhuav yuas sib pauv tsos, yam li cov ntoo qhuav yuav ntsuab tuaj, hos cov ntoo ntsuab yuav qhuav mus.
Kuv yog Tswv Ntuj , kuv tau hais yam twg lawm mas kuv ua li ntawd.
*Tswv Ntuj ua kom nws haiv neeg His Xas Lais. Nyob txim nyob Npas Npis los teb rov los ua neeg vam meej.
-Nyiam no Tswv Ntuj muab muab tsoom neeg ntseeg los piv rau Haiv His Xas Lais thaumd: Lub ntiaj teb neeg tau ua dab qhev tau ntau txhiab vam xyoo los lawm. Tswv Ntuj xav kom ntiaj teb neeg, tig los npuab Tswv Ntuj kom tau nyob vam meej tuaj. Kom tas sawv daws tuaj nyob ua ke hauv tsob ntoo muaj qhov ntxoov.
Tus ntoo yog Tswv Ntuj Leej Tub Y.X Pleev nrog nws lub Koom Txoos Ka Tau Liv.
Cov ntoo siab thiab cov ntoo ntsuab, yog tas nrho cov thawj neeg thiab cov neeg muab hlob khav theeb.
Cov ntoo qis, thiab cov ntoo qhuav yog cov neeg nyiam ua tus me thiab tsis tsa hwj chim luag saib tias lawv tsis muaj nqis. Tab sis lawv yog neeg dawb huv.
Lub neej yav tom ntej lawv yuav yog cov ntoo txwj ntoo laus, cov ntoo tawg paj txi txiv zoo nyob rau Ntuj Ceeb Tsheej.

Kos Lis Nthos 5: 6-10.

Peb yuav paub tias;
Lub caij peb ua neeg nyob ntiaj teb no,yog lub caij peb lub cev neeg ua txhaum thiab nyob deb ntawm Tswv Ntuj.
Tab yog peb mus taug kev ntseeg, los peb tsis taug qhov pom kev tseeb.
Txawm li cas los, peb yuav cia peb lub siab nyob ruaj nreb.
Peb yuav tso peb lub cev thiab yam peb lub cev ntshaw pov tseg. Kom peb tau nyob ze Huab Tais, thiab nrhiav ua xis Tswv Ntuj siab.
Vim peb yuav mus txog Leej Pleev lub rooj txiav txim, uas tsis muaj dab tsi thaiv, nyias yuav pom nyias lub cev ua qhov zoo, thiab qhov phem.
*Lub caij peb nyob ntiaj teb no, yog lub caij peb xaiv kev ntseeg txog Tswv Ntuj. Peb tsis pom nws, Peb yuav muab siab rau ua neeg dawb huv. Kom peb tsim nyog mus cuag Tswv Ntuj. Vim yog lub caij uas peb tseem khuam nyob deb ntawm Tswv Ntuj.Peb mus raws kev ntseeg los peb tsis pom tseeb. Peb yuav ua siab ruaj nreb kom nrhiav tau qhov tseeb. Thaum peb hla mus txog Leej Pleev lub rooj txiav txim peb thiaj muaj kev zoo siab uas yog yam tseeb uas peb tau nrhiav nyob ntiaj teb no.

Mas Kos Ntawv M.Z. 4:26 34.

30,31,32. Yes Xus hais tias peb yuav muab Ntuj lub Ceeb Tsheej piv rau yam nuj dab tsi?
Yog zoo li lub noob uas yus muab tseb rau hauv av. Nws yog lub noob me tshaj. Tab sis tseb tas nws hlob tuaj, siab dua txhua yam zaub,nws ncau ceg mus deb. Tsoom noog ya saum ntuj los nkaum tau rau hauv nws qhov ntxoov.
*Yes Xus xav hais txog Tswv Ntuj lo lus nyob ntiaj teb no,xws li lub noob poob rau hauv av,nws yuav txawj hlob txi txiv ntau mus puv lub qab ntuj no.Cov ces ncau mus deb, ua rau tsoom noog ya saum ntuj tau los nkaum ntxoo hauv nws qhov ntxoov:
Yog peb sawv daws cov neeg ntseeg nrog Lub Koom Txoos.
Kev txi txiv ntau, yog peb cov neeg ntseeg cov ncauj lus zoo,tus yam ntxwv kev sib hwm, saib taus luag tej, ces yog zoo li muaj chaw nkaum ntxoo rau luag.
Kev nyiam, kev hlub, kev pab. Los kev zam. Txawj ua siab ntev, cob qhia yam zoo. Ces yog ncau ces mus deb.
-Yes Xus thiaj muab piv tias, Cov me neeg cov txom nyem yos ua lub siab dawb, lawv yuav zoo li cov ntoo qis thiab ntoo qhuav. Lawv yuav siab tuaj thiab ntsuab nyob rau saum ntuj ceeb tsheej.
Hos cov muaj koob meej siab thiab ua neeg muab hlob nyob ntiaj teb no. Nyob rau Ntuj ceeb tsheej lawv yog cov ntoo qis mus, thiab qhuav mus. Vim lub caij lawv nyob ntiaj teb no lawv xaiv tau raws li lawv lub cev nyiam thiab ntshaw.

Yaj Xib Hwb Zoov Ntxheb.

**Maiv Tooj** 29th June 2012, 10:58 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°19

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 29th June 2012, 10:58 am

NRUAB XYOO CHIV 12 XYOO B.

Ntawv Yob.38+8-11.

Tswv Ntuj yog tus muaj hwj huam, hwj cim loj. Neeg yog ib tug me me, tsis phim yuav nrog Tswv Ntuj sib cav.
-Neeg lub xib teg tsuas tauv tau ib tee dej nyob tsis muaj pes tsawg sij hawm teev dej yaj thiab qhuav mus.
- Hos Tswv Ntuj lub xib teg tauv tau lub hiav txwv kom dej hiav txwv ntas mus tsis dhau ntug.
-Peb hais tsis tau tias Tswv Ntuj tsis muaj hwj huam hwj chim loj thiab ua tsis tau dab tsi tseem ceeb.
_Tswv Ntuj nws teem ciam dej ciam av huab cua kom nyob txij twg mas nws ntsuas nyob tau txij li ntawd rov xwb.

Kos Lis Nthos,5:14-17.

14-Leej Pleev kev nyiam kev hlub los taij peb tiag, kom peb nco ntsoov tias, muaj ib tug sawv peb chaw tuag. Ces ntiaj teb neeg cov ntseeg thiaj hla dhau kev tuag.
-Peb yuav txhob nco txog peb xwb, peb yuav nco ntsoov tias peb ciaj yog vim muaj Leej Pleev twb tuag hloov peb chaw lawm.
-Zaum no Leej Pleev tsis zoo li ib luyb cev neeg uas peb pom tau zoo li peb cov neeg no lub cev lawm.
Leej Pleev lub cev yog zoo li xeem tsim dua tshiab lawm. Peb yuav tso kev ua txhaum pov tseg, kom peb lub cev thiab tus ntsuj plig rov tau tsim dua tshiab nyob hauv Leej Pleev. Lo rau Tswv Ntuj thiab Leej Pleev, uas yuav tsis txawj tuag mus.

Mas Kos 4:35-41.
40 Yes Xus hais rau nws cov thwj tim tias:
Ua cas nej yuav ntshai ua luaj. Vim li cas nej tsis ntseeg.41 Lawv ke ntshai, ke tham tias, tus no yog leej twg? Tab yog cua thiab lub hiav txwv lawv mloof nws lus!
Niaj hnub peb raug xwv txheej,peb tsis hnov Tswv Ntuj pab peb, peb xav tias Tswv Ntuj tsis pom los Ntuj tsis pab, puas muaj Tswv Ntuj li hais tiag?
Yog peb xav li ntawd mas peb tsis ntseeg, thiab tsis muaj kev tso siab.
-Tas nrho ntiaj teb neeg sawv daws, tsis hais coj kev ntseeg dab tsi li, Tswv Ntuj yeej pab tas nrho sawv daws tej xwv txheej.
Cov peb pom tias lawv tuag nyob hauv kev xwv txheej. Nws muaj tej yam sib txawv uas peb twv tsis tau:
-Tej tus neeg nws xaiv txoj kev ua txhaum nws rau tuag kom tsawg ib txoj kev ua txhau txhob raug lwm tus tshiab.
-Tej tus lawv tab tom xaiv kev ua txhaum, ces lawv nyob ntawm chaw cuab phiaj rau xwv txheej.
-Tej tus nws raug luag hiam nws txoj sia. Cov raug hiam li ntawd, Tswv Ntuj yog tus paub tias yuv pub lub neej zoo li cas rau nws tiam tom ntej, yog lawv tsis nyob hauv txoj kev mus cuab phiaj mas lawv kuj yuav tau txoj hmoov zoo.
-Yog p[eb hnov tias koj txawm coj kev ntseeg dab tsi los Ntuj yeej pab, ua li mas peb nyob rau qhov yooj yim tsis nco txog leejb twg los tsis tas hwm leej twg kuj tau.
Tus xav li ntawd, mas nws kev yooj yim yuav coj nws kom tau ncaim mus deb Tswv Ntuj.
Cov ua li no, lawv xws li ib co neeg nplua nuj siv lawv tej nyiaj txiag yam tsis khuv xim, lawv tau noj qab nyob zoo tsis khwv, ces thaum lawv mus txog lub rooj ntug yuav hla mus muaj txoj sia nyob mus li lawv tsis muaj nyiaj txaus yuv daim ntawv muaj cai mus ces lawv yuav khuam mus tsis tau.
-Hos cov ua niaj hnub nrhiav paub thiab nc ntsoov tias muaj tus tuag theej lawv chaw lawv nrhiav zam kev ua txhaum. Lawv yog zoo li cov neeg pluag txuag noj txuag haus, thaum lawv mus txog chaw muaj rooj ntug, lawv tseem tshuav nyiaj txaus mus daim ntawv nkag rooj vag ces lawv tau mus nyob hauv lub zos nplua nuj, ua koj mus txog koj yeej muaj ib feem ua Ntuj yeej npaj rau cov muaj cai mus nyob kom sawv daws muaj feem xyuam thiab muaj tug sib luag sib npaug lawd.

Yaj Xib Hwb Zoov Ntxheb

**Maiv Tooj** 29th June 2012, 11:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°20

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 29th June 2012, 11:00 am

NRUAB XYOO CHIV 13 B.

Ntawv thoob tsib,1:13-15+2:23-25+3:1.
*Tswv Ntuj tsis tau tsim txoj kev tuag. Thaum neeg txoj sia ploj, mas Tswv Ntuj tsis zoo siab.
Ib txwm Tswv Ntuj tsim neeg tsis txawj tuag, thiab tsis tawj lwj! Ntuj tau tsim neeg muaj lub meej yim xws li Tswv Ntuj.24 Vim dab phem khib, mas txoj kev tuag mam tawm tuaj nyob ntiaj teb no. Muaj ib hnub sawv daws yuav pom tseeb tias, yog li ntawd.
*Ntau zaus neeg raug txoj kev phem, kev txom nyem, vim yog neeg cov txhaum, mas neeg thiaj tau txoj hmoov phem. Tswv Ntuj yeej ib txwm tsim neeg neeg zoo.
-Thaum peb raug kev txom nyem muaj mob muaj tuag, mas yog peb xaiv tau sab phem, los sab yuam kev lawd.
*Tswv Ntuj tsis tau tso xwv txheej rau neeg. Tej xwv txheej tuaj raug rau neeg, yog los ntawm dab phem ntxias, thiab los ntawm lub keeb uas cov poj yawm txwv koob tau yuam kev ntawd los.
-Yog peb vam txog Ntuj ces ntuj yuav npo peb ntawm kev xwv txheej uas yuav tuaj rhuav peb tus ntsuj plig thiab txoj sia.
Kev raug xwv txheej; Nws yog tas nrho, kev mob nkeeg, kev kho siab, kev txom nyem, yam ua kom neeg tsis tau nyob tiaj tus huv si.

Kos Lis Nthos 8:7-9+12-15.
Paj Lug hais tias:
7-Nej ua yam twg nej twb txawj ua zoo heev. Hais txog kev ntseeg, kev hais lus, kev paub txuj ci, paub tab paub cai, uas nej tau txais ntawd tus neeg thoob tsib los.
Li ntawd nej tseem yuav ua zoo tshaj nyob hauv txoj kev pub paj tshab rau luag.13 Yus txhob xav tias yus txom nyem tseem yuav pab nyiaj rau luag. Yus ua qhov tsim nyog ua, yog kev haum pheej xwb. 14 Nyiam no tus muaj ntau dua yuav pub rau tus muaj tsawg. Lwm hnub lawv ho muaj ntau dua mas lawv yuav muab los pab cov muaj tsawg. Li ntawd thiaj li raws li ntawv hais tseg tias;
-Tus txais ntau, nws kuj txais txaus siv. Hos tus txais tsawg nws kuj tsis tshaib.
*Cov coj lub Koom Txoos, tsis nyiam thov nyiaj ntawm tsoom ntseeg. Lawv tsuas xav tias;
Yes Xus nws muab nws txoj sia los cawm sawv daws lawm. Phim cov ntseeg yuav sau ib qho nyiaj los pab rau luag cov uas pluag dua sawv daws.
Lub Koom Txoos tsis hais txog nyiaj xwb, nws xav hais tshaj saud thiab, Xws li KOOB HMOOV.
Tiam no yus muaj nyiaj los kom lwm tiam yus muaj hmoo thiab.( Peb yuav to taub kom zoo, cov muaj nyiaj uas lawv tsis muaj hmoo,yog cov tiam no lawv siv lawv teej tug nrog rau luag teej tug tib si lawm Lwm tiam lawv ho pluag mus vim lawv tsis tshuav dab tsi li lawm. Lawv muab nyiaj thiab hmoov los siv tib si nyob ntiaj teb no.)

Mas Kos 5:21-43.

22 Yais Los pom dheev Yes Xus, nws txho caug ntua pe Yes Xus, thov nws tias:
Kuv tus me ntxhais twb yuav tuag, thov koj mus tsa tes rau saum nws, kom nws rov muaj txoj sia. 25 Tseem muaj ib tug poj niam tsob ntshav tau kaum ob xyoos, nws txom nyem heev.27 nws hnov txog luag hais txog Yes Xus. 28 Nws xav zoj tias:
Tab yog kuv tau kov nws lub tsho xwb los kuv yeej yuav dim ntawm kuv tus mob.30 Ib ziag ntawd Yes Xus hnov ib lub zog tawm ntawm nws lub cev mus. Yes Xus hais tias: Me ntxhais koj lub siab ntseeg cawm koj lawm.
41Yes Xus tseem hais rau Yais Los tus ntxhais tias:
Me ntxhais KUV HAIS RAU KOJ, koj sawv mog.
*Yes Xus ua hwj huam yees ntxwv tsis yog Yes Xus xav kom luag qhuas nws. Nws xav pab cov neeg txom nyem. Li ntawd thaum Yes Xus pab ib yam rau leej twg mas tsis yog lam pab. Nws muab nws lub zog los pab, thiab nws hais tias: Kuv Hais rau Koj. Yes Xus yeej pab peb sawv daws, tiam sis peb yuav muaj lub siab ntseeg. Yus tsis txhob sim Tswv Ntuj, yog Ntuj pab mas yus mam ntseeg. Ntuj txawm pab thiab tsis pab los yus yuav ntseeg mus li. Txoj kev ntseeg nws yuav tawg paj txi txiv nyob mus li lub neej tom ntej thaum lub sim ceeb no tsis muaj lawm los kev ntseeg yuav nyob mus li ua yus puav pheej uas yus ceev muaj cia tseg.Yog thaum ntawd yus yuav zoo siab rau qhov yus tau ntseeg.
Yaj Xib Hwb Zoov ntxheb.

**Maiv Tooj** 6th July 2012, 9:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°21

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 6th July 2012, 9:48 am

NTHUAV NTAWV NTSHIAB

Hnub Chiv 07/07/2012, NRUAB XYOO CHIV 14 xyoo B.

XH.Zoov Ntxheb Yaj Nthuav Ntawv Ntshiab. Miracl10

Es Fes Xos.2:2-5.
3 Leej Lo Lus lub tswv yim hais tias:
Neeg Leej Tub, kuv xa koj muas cuag cov His Xas Lais, uas lawv ntxeev siab, thiab ua rog tiv kuv txog tav no. Xws li phaj txiv, phaj yawg. 4 Phaj tub lawv muaj lub taub hau tawv,lawv lub siab txhav. Koj hais rau lawv tias:
Lawv yuav mloog los tsis mloog, mas lawv yuav tsum paub tias,muaj ib tug Yaj Saub los nyob nruab nrab lawv.
*Peb ntseeg txog Ntuj cov neeg nrog peb nyob, tab yog lawv txais yus los nyiam yus. Tsis txais los tsis nyiam. Mas peb yuav nco ntsoov ua Tswv Ntuj tim khawv,tshaj Ntuj cov lus,
-Peb yuav to taub tias yog peb tsis ua Ntuj tim khawv, peb kuj yog zoo li tus neeg ua rog tiv Tswv Ntuj. Peb yog kiag tus neeg tau hau tawv, los ua tus neeg siab txhav ntag.
Peb yuav nco ntsoov tias peb tus Yaj Saub Yes Xus nws yeej nyob nruab nrab peb mus li. Nws xav qib peb lub ncauj los tshaj tias, Leej Pleev yog tus tuaj cawm peb sawv daws. Nws nyob nruab nrab peb, kom peb txhob tiv Tswv Ntuj.

=2 Kosw Lis Nthos,2:7-10.
Paj Luag hais tias:
7 Ntuj yeej qhia tej yam zoo tas nrho rau kuv. Tiam sis Ntuj tsis xav kom kuv ua neeg muab hlob.Ntuj muab ib tug saus chob kuv cov nqaij, Ntuj xa ib tug dab phem tuaj ib tawg ncuav rau kuv tsis tseg, kom kuv txhob muab hlob.8 Kuv twb thov Ntuj peb lwm kom tus dab ntawd txav mus deb ntawm kuv. Tiam sis Ntuj hais tias, Koj yuav tso siab rau Kuv lub txiaj ntsim xwb.Kuv lub zog tuaj ua hauj lwm nyob hauv cov neeg tsis muaj zog.
-Peb raug dab phem ntxias sim peb siab, raug neeg ntxub, peb hnov luag thuam Ntuj los thuam peb. Tej yam zoo li no yog tej yam ua kom peb txhob muab hlob. Kuj yog zoo li dab phem cov ncuav pias.
Peb yuav tso siab rau Ntuj cov txiaj ntsim. Yog Ntuj lub txiaj ntsim tuaj pab peb mas peb yuav yeej. Cov ncauj lus phem uas peb hnov, cov ncauj lus ntawd, kuj yog dab phem xa tuaj, Dab kuj qiv neeg cov ncauj lus tuaj hais tsis zoo txog peb, thiab Ntuj. Yog peb tsis paub ceev faj mas peb cia li mag dab phem rooj ntxiab cuab tav peb kev li. Peb tsis txhob mus saib tej kev ua tub qaug los saib tsis taus peb. Peb cia li ntseeg thiab tso siab rau Ntuj xwb peb yuav muaj Ntuj lub txiaj ntsim lub zog pab peb, peb tso siab.
Peb nco ntsoov lo lus no:
KOJ NCO NTSOOV LUB TXIAJ TSIM, KUV LUB ZOG UA HAUJ LWM NYOB HAUV COV NEEG BTSIS MUAJ ZOG.
Yus mloog Ntuj lo lus ua siab ntev txhob muab hlob yus yuav hais tau tej lo lus uas lug tsis tau hnov dua los luag hais tsis tau. Ces luag yuav mloog yus tej lus, luag yuav tsis tiv Tswv Ntuj ntxiv lawm.

Mas Kos 6:1-6.
Yes Xus haais tias:
Ib tug Yaj Saun nyob hauv nws lub teb chaws,los yog hauv nws cov kwv tij phooj ywg, los nws tsev neeg xwb, ces nws mam raug luag thuam.
Peb niaj hnub hnov Yes Xus tej lus los peb yuav muab siab rau qhuas txog Yes Xus cov lus nyiaj lus kub no.
Yes Xus xav hais tias tus neeg zoo nyob ze yus, yus tsis hwm, tsis qhuas, tiam sis yus ho mus qhuas ib tug Yaj Saub nyob deb deb, ib tug neeg sawv los nyob rau tim roob tauj uas tsis muaj dab tsi li, yog ib tug Yaj Saub cuav xev tas txhua yam.nws siv Ntuj lub npe Ntuj cov lus rov los tiv thuam Ntuj.
-Peb yuav sib hwm thiab tso siab tias peb muaj ib tug Yaj Saub tseem ceeb, yog tus neeg siab dawb huv uas nws yog tus choj tuam rau peb hla mus txog Tswv Ntuj. Thiab pub txoj sia rau peb kom tau nyob mus li tsis txawj kawg.
Tus ntawd yog Leej Pleev.

Xib Hwb Yaj Zoov Ntxheb.

**Maiv Tooj** 1st August 2012, 11:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°22

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 1st August 2012, 11:45 am

NRUAB XYOO CHIV 17.XyooB.

Ntawv 2 Vaj 4: 42-44.
Lub caij His Xas Lais teb tshaib plab.
Tswv Ntuj qhia tus Yaj Saub Es Lis Xais ua kom mov ntau tuaj. Ces Es Lis Xais hais rau nws tus tub txib tias:
Koj muab cov mov no faib rau tsoom neeg ntawd noj.
Vim Tswv Ntuj tseem yuav tshuav ib co mov seem.
*Tos Tswv Ntuj hais kom tus Yaj Saub Es Lis Xais ua kom mov ntau tuaj vim Tswv Ntuj xav pab cov neeg tshaib plab.
* Tswv Ntuj yeej ib txwm pab txhua haiv neeg, uas muaj tej pab neeg tshaib plab.
*Yav ntuj pem suab uas neeg ntiaj teb tsis tau muaj kev vam meej, Tswv Ntuj ua tej yam zoo li nws tau qhia rau tus Yaj Saub Es Lis Xais ua hais los pab neeg ntiaj teb.
*Lub ntuj tam sim no Ntuj tej lus ua rau neeg ntiaj teb muaj kev vam meej. Ntuj tshoj kom muaj tej pab neeg siab dawb sib sau nyiaj los pab yuav mov toob sib pab cov neeg txom nyem tshaib plab.
*Tswv Ntuj yeej tseem ua txoj hauj lwm pab neeg tshaib plab no los tsis tau ncua li, nyob nau txhua yim neeg txom nyem:
*Peb mus saib tus duab nyob hauv ib tus neeg nws tsa cuab tsa yim. Ib tug tub los ib tug ntxhais, thaum nws hluas nws lub nyiaj hli $ 1500. Nws siv lub hli tas nyiaj kuj tas. Nws tsa cuab tsa yim tas ob leeg kuj txaus noj. Muaj ib los ob tug me nyuam kuj tseem txaus noj. Thaum me nyuam hlob los kuj muaj txaus rau me nyuam kawm txuj ci. Loj hlob tiav nkauj tiav nraug kuj muaj txaus qua ntxhais muab nyab, tseem muaj pab kwv tij neej tsa muaj chaw siv. Lub txiaj ntsim no los qhov twg los.
Tswv Ntuj yeej pab cov neeg txom nyem tshaib plab no ua ntu zus los mus li. Tsim nyog peb yuav qhuas txog Tswv Ntuj thiab ua Ntuj tsaug.

Es Fes Xos,4: 1-6.
*Tus hauv paus Xav lus Paj Lug nws nthuav zoo thiab ntuas peb sawv daws tias:
Peb yuav coj ib lub neej kom tsim nyog tus hu peb:
Peb yuav xyaum ua neeg me, ua siab zoo, siab ntev, sib nyiam sib hlub,sib txhawb, sib nqa, sib koom siab koom ntsws nyob thaj yeeb.
*Vim peb muaj ib lub cev ib lub tswv yim, peb muaj ib qhov chaw tso siab, muaj tib tug Huab Tais. Tib txoj kev ntseeg thiab tib lub cim ntxuav xwb. Kawg muaj tib tug Tswv Ntuj ua sawv daws txiv xwb.

Zam ntawv Moo Zoo 6; 1-15.

Tej pab neeg pom Yes Xus ua tej lub cim. Nws kho sawv daws tej mob ces lawv raws Yes Xus qab.11Yes Xus tuav cov ncuav mov nws ua Ntuj tsaug nws muab los faib rau cov neeg nyob ntawd noj. Yes Xus muab cov ntses ua tib yam li ntawd thiab, sawv daws xav noj npaum li cas nws pub npaum li ntawd.
*Yes Xus zaj lus no nws tsis yog hais txog mov xwb. Yes Xus xav kom sawv daws paub txog yog Yes Xus tej lus yug tas lub ntiaj teb neeg.
*Muab hais los, tas txhua yam ua ntuj yug lub ntiaj teb, kom muaj noj muaj haus nyob thaj yeeb kawg yog ntuj cov lus nkaus xwb. Yog tsis muaj Ntuj cov lus los yug lub ntiaj teb mas neeg ntiaj teb haj yam muaj kev tshaib nqhis loj. Ntuj cov lus uas Ntuj muab faib rau lub ntiaj teb neeg, yog cov tseem mov yug neeg ntiaj teb txoj sia.
Tsis li ntawd mas yeej tsis muaj tej pab neeg siab dawb, yuav los cheem tsov rog. Thiab xa kev thaj yeeb, los ua kom neeg muaj qoob loo ntsu, muaj neeg siab dawb nco pm cov neeg txom nyem.
Qhov kawg xav kom nyob hauv peb pab neeg muaj tej tus txais tau Ntuj lo lus kom peb haiv Hmoob raug kev txom nyem tshaib plab paub kev sib haum xeeb nrog Tswv Ntuj, lawv thiaj tau nyob tiaj tus.

Xib Hwb Yaj Zoov Ntxheb.

**Maiv Tooj** 4th August 2012, 5:00 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°23

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 4th August 2012, 5:00 am

NTHUAV NTAWV NTSHIAB

Hnub Chiv 05/08/2012, NRUAB XYOO CHIV 18 xyoo B.

XH.Zoov Ntxheb Yaj Nthuav Ntawv Ntshiab. Le-pai10 Ntawv kev tsiv16:2-4+12-15.

2-4 Cov His Xas Lais yws,yws rau Mais Xes thiab As Loos nkawd tias:

Kheev lam Tswv Ntuj txhais tes muab peb tua nyob Hais Nkws Tos teb, thaum peb tseem zaum ncig tej lauj kaub nqaij, thiab peb muaj mov noj seem noj so.
Tswv Ntuj hais rau Mais Xes tias:
Kuv yuav ua kom mov poob saum ntuj los rau nej noj. 2Tswv Ntuj ua siab ntev mloog cov His Xais yws yws.
Tswv Ntuj qhia Mais Xes tias:
Niaj hmo thaum hnub poob qho, nej yuav muaj nqaij noj, niaj tag kis nej yuav muaj mov txaus noj tsau.
-Cov His Xas Lais tsis tso siab rau Tswv Ntuj tiam sis Tswv Ntuj ua siab ntev mloog lawv. Nws ua hwj huam yees ntxwv pab lawv ntau zaus.
-Hos niaj hnub tam sim no los Tswv Ntuj kuj ua siab ntev mloog peb sawv daws. Ntuj kuj pab peb ntau zaus kawg yog peb tsis paub tias Ntuj pab dab tsi.
-Ntuj pab peb zoo li cas?
A-Peb kev noj haus. B-Kev ua txhaum. C- peb kev mob nkeeg.
A-(Kev noj haus.) Nyiam no lub ntiaj teb neeg vam meej tuaj lawm. Ntuj tshoj cov neeg siab dawb kom qee lawv tej qoob loo los nyiaj txiag los pab rau cov neeg tshaib plab kom lawv tau muaj mov noj.th...
B-(Kev zam txhaum.) Ntuj zam txhaum rau cov neeg tsis paub tab los cov neeg xwb tim tab meeg ua phem, nws tsis muab txim rau lawv sai, Nws ua siab ntev tos kom cov neeg zoo li ntawd maj mam hloov siab.
C-(Kev mob nkeeg.) Ntuj qhia tej tus neeg kom ua neeg paub tab, muaj zoo ncauj lus, tswv yim kom kawm tau txuj rau sab dej tshuaj ko mob nkeeg kom tsim tau los paub ua tshuaj kho neeg tej mob nkeeg thiab cov neeg siab dawb pab nqi dej tshuaj. Ua rau lawv kom txawj khuv leej neeg pab cov txom nyem. Pab them tej nqi kho mob nkeeg ntawd.
-Tswv Ntuj ua siab ntev npaum li no rau neeg.Yog muaj ib tug tsis mloog mas Ntuj tseem ua siab ntev thiab. Maj mam tso rau lwm tus neeg paub saib tus neeg ua txhaum ntawd puas yuav hloov siab. Yog tsis hloov siab, tseem tsos dav rau coob leej pom thiab ntuas nws, tas mam cia nws raug plaub ntug, Ntuj tsis rho nws txoj sia mus cia nws kev ua txhaum mam txiav txim rau nws ua qhov kawg.
*Tas rho peb yam uas hais no yog peb yam uas Ntuj niaj hnub zam rau peb ntag.

Es Fes Xos.4:17+ 20-24.
Paj Lug hais tias; Kuv hais ob peb lo lus sam hwm rau nej! Kuv qhuab qhia nej nyob hauv Huab Tais. Nej txhob coj ib tug yam ntxwv xws li cov neeg teev dab. Lawv lub tswv yim coj lawv mus rau qhov yaj ntshis, tsis muaj dab tsi li. Lawv lub siab qhwv rawv qhov tsaus ntuj.
-Ntawm nej mas nej tau txais cov lus ntuas, qhuab qhia haum txoj kev ntseeg tseem ceeb nyob hauv Yes Xus. Yam li nej tso tus qub yam ntxwv thiab hle tus qub neeg pov tseg zuj zus,vim nws tshaw ntau yam cuav. Nej plhis ua tus neeg tshiab xws li Tswv Ntuj tsim nyob rau txoj kev ncaj ncees.
-Yes Xus zaj tswv yim tsis zoo li ntiaj teb neeg zaj. Nws zaj Tswv yim yog ua kom peb cia li plhis ua tus neeg tshiab.
-Txawj xaiv yam zoo, thiab hlub neeg,txawj qhuas txog Ntuj, thiab txawj saib tias yus tus kheej yog neeg muaj nuj nqis
Lub tswv yim yaj ntshis ntawd uas ntiaj teb neeg nyiam ua, yog, txawj lim hiam ua phem, ua tub sab tub nyiag, hla Ntuj 10 lo lus qhia. Tsis kav lawv hais tias lawv yog neeg thoob tsib heev lawm.
*Tswv Ntuj zaj tswv yim tsis zoo li ntawd.

Zam 6:24-35.
Tas cov lus tseem ceeb nyob hauv Zam Ntawv Moo Zoo muaj:
Muaj neeg coob nrhiav Yes Xus. Ces nws hais rauy lawv tias:
Nej kav tsij nrhiav cov hauj lwm kom tau cov txhiam xws pub txoj sia nyob mus li mas! Txhob nrhiav cov txhiam xws yuav ua kom txoj sia ploj mus.
Nej nrhia cov txhiam xws uas Leej neeg tus tub pub rau nej. Vim Leej neeg tus tub yog tus uas Leej Txiv Tswv Ntuj ntaus thwj los cim rau nws.
Ua Tswv Ntuj hauj lwm, yog ntseeg txog tus Tswv Ntuj xa tuaj. Cov mov tseem ceeb yog Tswv Ntuj muab. Nws nqis saum ntuj los, thiab pub txoj sia tseeb ceeb.
Kuv yog cov mov pub txoj sia.
-Yes Xus yog cov mov nqes saum ntuj los. Peb yuav noj Yes Xus, noj yes Xus cov lus, noj Yes Xus tus piv txwv, tus tsi kam txais Yes Xus nyob hauv nws nruab siab mas nws tsis muaj Ntuj txoj sia.
-Noj Yes Xus lub cev, yog tas nrho Yes Xus tej lus nws tau qhuab qhias txij Yes Xus yug los nrog rau cov zaj lus uas Ntuj tau txib cov Yaj Saub hais los lawd ntau txhiab xyoo ua ntej, thiab zaj lus zoo uas Leej Tswv Yim ntshiab coj tuaj rau tej neeg thoob tsib hais rau leej neeg tej pob ntseg.
-Yog hom lus uas xis Tswv Ntuj siab, thiab haum cov neeg ncaj ncees lawv tej pob ntseg nyob rau hauv lub sim ceeb no.

Xib Hwb Yaj Zoov Ntxheb.

**Maiv Tooj** 22nd August 2012, 5:36 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°24

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 22nd August 2012, 5:36 am

NTHUAV NTAWV NTSHIAB

Hnub Chiv 12/08/2012, NRUAB XYOO CHIV 19 xyoo B.

XH.Zoov Ntxheb Yaj Nthuav Ntawv Ntshiab. Orval-10 NRUAB XYOO CHIV 19 B.

1 Vaj 19: 1-8.
Zaj lus nyob hauv ntawv Vaj 1 no yog peb txoj kev hla lub ntiaj teb.Thaum peb ua neej nyob ntiaj teb no mas peb muaj kev ntxhov siab, ntau tsav ntau yam. Peb yuav vam txog Tswv Ntuj lub zog los Ntuj cov dej tshuaj pab kom peb mus txog chaw so.

Cov lus nyob hauv ntawv Es Fes Xos 4: 30- 5;-2.
Paj Lug qhia peb kom coj ib tug yam ntxwv zoo. 30-Txhob ua rau Leej Tswv Ntshiab tu siab. Vim Leej Tswv Yim nws yog lub thwj cim peb tseg rau hnub txhiv peb.
Thiaj hais kom peb sib hwm, Txhob hais lus siab luag, ua neeg siab ceev,kev ua tub qaug luag, nrog rau txhua yam kev nkaus. Peb yuav thau huv si los pov tseg.
2 Peb yuav taug txoj kev nyiam kom haum raws li Leej Pleev uas nws nyiam peb. Uas nws rov muab nws txi rau Leej Txiv xws li tus yaj ntxim Tswv Ntuj siab.

Hos Zam Ntawv Moo Zoo hais tias, cov His Xas Lais yws yws txog Yes Xus .
46 Ces Yes Xus hais tias:
Nej txhob hais tias, tsis muaj leej twg tau pom Leej txiv! 47 Kuv hais tseeb rau nej tias, tus ntseeg nws yuav muaj txoj sia nyob mus li.
51 Kuv yog cov mov muaj txoj sia nqes saum ntuj los, Leej twg noj cov mov no nws yuav muaj txoj sia nyob mus li. Cov mov uas kuv muab rau noj, kom xwv lub sim ceeb muaj txoj sia.
*-Tas nrho Yes Xus lub cev, nrog rau nws cov zaj lus. Yog cov mov pub txoj sia nyob mus li.
- Tus ntseeg txog Y.X. Coj li nws qhia,tus hwm neeg, pab neeg, txawj hlub neeg, ua siab zoo rau neeg, nyiam ua Ntuj hauj lwm, thiab thau txhua yam kev nkhaus nyob hauv nruab siab pov tseg.
Nws tau noj cov mov pub txoj sia uas Y.X pub rau lub sim ceeb kom muaj txoj sia.
Vim tias neeg ntiaj teb yog lub sim ceeb no nws lub siab lub plawv, ua kom lub sim ceeb zoo nkauj zoo saib.
Peb yuav txhob hais tias peb tsis muaj nuj nqis. Peb neeg yaj ceeb yog ib co neeg muaj tsim muaj nuj nqis siab kawg, vim poeb yog qaum ntuj li neeg.
Lo lus no txhua tus neeg yeej paub zoo:
Xav rau Hmoob nruab siab, txhua tus neeg yeej xav los ua thawj neeg coj kav hmoob, kom yus yog tus loj thiab muaj txuj ci siab tshaj.

Xib Hwb Yaj Zoov Ntxheb.

**Maiv Tooj** 22nd August 2012, 5:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°25

Re: XH.Zoov Ntxheb Yaj Nthuav Ntawv Ntshiab.

Post Maiv Tooj 22nd August 2012, 5:48 am

NTHUAV NTAWV NTSHIAB

Hnub Chiv 19/08/2012, NRUAB XYOO CHIV 20 xyoo B.

XH.Zoov Ntxheb Yaj Nthuav Ntawv Ntshiab. Pain_v10 NRUAB XYOO CHIV 20 B.

Ntawv thoob tsib ua Paj lug hais.9: 1-6.
*-Leej Thoob Tsib hais tias:
Leejtwg muaj lub siab ncaj?
-Tus muaj lub siab ncaj kom nws tuaj ntawm no!
-Leej Thoob Tsib hais rau cov tsis muaj tswv yim tias:
-Nej tuaj noj kuv cov mov, haus cov cawv kuv npaj tau lawd.
Nej tso qhov phem tseg ces nej yuav muaj txoj sia nyob mus li. Nej mus raws nraim li txoj kev ntse.
*Tswv Ntuj yog Leej Thoob Tsib. Nws npaj txoj kev thoob tsib rau peb lub tswv yim txais. Xws li nws npaj ib rooj mov rau peb noj.
Neeg txoj hmoov zoo kawg! Vim tias Leej Thoob Tsib tsis tau cais leej twg rau sab nraud li. Nws hu tas nrho cov neeg thoob tsib, thiab cov tsis txawj xav tswv yim tuaj noj nws rooj mov muaj txoj sia nyob mus li.
*Peb yuav ua twb zoo xaiv kom peb muaj txoj kev thoob tsib, coj peb mus hla dhau kev ua txhaum.
*Vim tias kev sib hlub thiab kev sib ntxub nws los ua ke sib law liag.
Ua neej nyob txawj yug txawj tuag. Hos ua dab kuj txawj nyob txawj txia.
Yog yus txia tau ua tus phem, mas yus yuav muaj kev tu siab mus ib txhis.

Es Fes Xos. 5:15- 20.

Paj Lug hais tias:
*15 Nej yuav xyuam xim, nej yuav ua neeg muaj tswv yim. 16 Nyiam no yog lub caij nyuaj. Nej yuav muab siab rau tsim koob hmoov tseg. Nej yuav nyob raws li Leej Tswv yim nyob puv hauv nej.
-Nej ua ke teev ntuj hu nkauj tuav txog Yes Xus Pleev lub npe, los ua Huab Tais Tswv Ntuj tsaug rau txhua yam uas Tswv Ntuj pub rau peb.
-Yog peb nyiam Tswv Ntuj tiag mas peb tsis nrhia kev lom zem, nyob hauv tej yam tsis muaj qab hau.
-Peb yuav nyiam kev teev ntuj dua.Kev teev ntuj yog ib txoj kev nplua nuj. Muaj hmoo, thiab muaj yeeb koob ntau. Nws pab kom peb hla dhau kev ua txhaum. Tau mus nyob kaj siab lug raws li kev ncaj ncees.

Ntawv Moo Zoo. Zam, 6:51-59.

Nyob Kas Fas Naus Yes Xus hais tias:
Kuv yog cov mov muaj txoj sia nqes saum ntuj los.
-Leej twg noj cov mov no nws yuav muaj txoj sia nyob mus li.
-Cov mov kuv yuav muab rau noj kom xwv lub sim ceeb muaj txoj sia, yog kuv lub cev.
*Yes Xus lub cev yog cov mov yug peb lub siab. Tiam sis yog peb tsis coj Y.X cov lus qhia, mas Y.X lub cev tsis coj koob hmoov tuaj rau peb.
* Tswv Ntuj hlub lub ntiaj teb neeg loj kawg. Nws thiaj li tso Y.X tuaj cawm peb ntiaj teb neeg.
Yes xus lub cev muaj nuj nqes siab kawg nkaws li:
*Nws yog TSWV NTUJ LUB SIAB, LUB ZOG, LUB TSWV YIM. Thiaj hais tau tias yog cov mov muaj txoj sia nqes saum ntuj los.
*Yeej muaj tseeb, tsis muaj ib yam loj tshaj li Tswv Ntuj kev nyiam kev hlub nyob nruab yeeb los nyob saum yaj no.
Peb Hmoob hais kam tej lo lus no: Ua neej nyob, xav muaj tsis xav pluag, Xav ciaj xwb tsis xav tuag. Yog lo lus no, Tswv Ntuj thiaj xa Yes Xus Pleev tuaj cawm neeg.
*Neeg paub lo lus no zoo kawg. Vim li cas neeg ho tsis hais rau Ntuj ces, yus hloov lub siab los tuav kev ncaj ncees xwb ces yus tsis tuag. Yus ho niaj hnub mus hais rau Dab tias yus tsis xav tuag. Muab qaib noog, tsiaj txhu, xyab ntaw los them rau dab tas mus li txog qhov kawg kuj tau tuag mus ua dab thiab.
*Lo lus tuag yog tus ntsuj plig tuag. Lub cev kev ua txhaum pus tus ntsuj plig tuag lawm mas txaus tu siab, vim yus yuav tsis tau mus ntsib Tswv Ntuj tas ib sid li.

Xib Hwb Yaj Zoov Ntxheb.