Xyaum nthuav Ntawv Ntshiab.

Xyaum nthuav Ntawv Ntshiab.

Zaj paj lug txog tus tseb nplej.

MT 13 : 4 - 9.

Yes Xus hais li no :

"Tus tseb nplej tawm mus tseb.
4 Thaum nws tseb, muaj ib co noob poob ntawm ntug kev,
neeg yuav muab tsuj, cov noog ya tuaj noj tas huv si lawm.

5 Ib co noob poob rau hauv cov av pob zeb,
nyob ntawd tsis muaj av ntau,
ces noob tuaj kaus sai, vim av tsis tob.
6 Thaum hnub tuaj, tshav ziab, cov yub
nkig, vim tsis muaj cag ces cov yub qhuav tas.

7 Tseem muaj ib co noob poob hauv cov hav pos.
Pos hlob tuaj pos laum cov yub.

8 Hos muaj ib co noob poob rau hauv thaj av zoo,
cov noob ntawd txhawv hnab,
tej lub noob txi ib puas lub,
tej lub txi rau caum lub,
tej lub txi peb caug lub.

9 Leej twg muaj pob ntseg, cia nws mloog."



COV NOOB = TSWV NTUJ COV LUS.

Co noob poob ntawm ntug kev
= Yog cov uas hnov Tswv Ntuj cov lus, tab sis dab phem los ntxias lawv, los muab Tswv Ntuj cov lus tshem hauv lawv lub siab tawm. Ces thaum txog tej lub caij nyuaj, lawv cia li tso lawv txoj kev ntseeg pov tseg. Kom lawv txhob tau txoj kev Cawm.

Co noob poob rau hauv cov av pob zeb
= Yog cov uas hnov Tswv Ntuj cov lus thiab zoo siab, tab sis lawv tssi nrhau cag. Thaum ntej lawv ntseeg tab sis thaum lub caij sim siab ces lawv tso tag nrho tseg.

Co noob poob hauv cov hav pos
= Yog cov uas hnov Tswv Ntuj cov lus, lawv ntseeg tab sis lawv cia tej kev ntxhov siab, tej cuab yeej cuab tam thiab tej kev lom zem muab lawv mooj.

Co noob poob rau hauv thaj av zoo
=Yog cov neeg siab dawb hwm Ntuj, lawv tawg paj txi txiv.