HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


XH.Zoov Ntxheb Yaj Nthuav Ntawv Ntshiab. - Page 3 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    XH.Zoov Ntxheb Yaj Nthuav Ntawv Ntshiab.

    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  NrhiavTswvNtuj 8th May 2013, 9:36 am



    CAIJ HLA, Hmoov Yes Xus MUS SAUM NTUJ.

    Tim 09/05/2013.


    XH.Zoov Ntxheb Yaj Nthuav Ntawv Ntshiab. - Page 3 Image010


    Ntawv Hauj Lwm hais tias: ( 1:1-11.)

    -Yes Xus mus saum ntuj, nws xa nws lub Tswv Yim tuaj nrog peb nyob. Yog Leej Tswv Yim Ntshiab.
    -Yes Xus hais tias, muaj ib yam uas nej paub ntawm kuv los:
    Yav thaud, Zam ua lub cim ntxuav nyob hauv dej. Hos nej, mas tshuav hnub puav xwb nej yuav txais lub Cim Ntxuav nyob hauv Leej Tswv Yim Ntshiab. Ces nej yuav txais Leej Tswv Yim Ntshiab lub zog. Lub zog ntawd yuav nqes saum ntuj los rau nej. Nej yuav ua cov tim khawv nyob Yes Lus Xas Les mus txog tim npoo ntuj.
    Yes Xus xav pub txoj kev kaj lug tuaj ntawm nws kev thaj yeeb rau lub qab ntuj neeg. Ces Yes Xus thov kom Leej Txiv xa Leej Tswv Yim Ntshiab Uas yog Yes Xus lub Tswv Yim rov tuaj nrog neeg yaj ceeb no nyob.
    Kom cov neeg ntseeg muaj lub siab los sib pab ua Yes Xus cov tim khawv, nyob hauv yus lub tsev, thiab cov nyob deb, mus txog puag tim npoo ntuj. Kom sawv daws paub txog Yes Xus kev kaj siab lug. Ua li mas peb yuav tsis txhob ua ntxhov leej twg sisb.

    Paj Lug thiaj hais rau cov Es Fes Xos tias: (1:17-23.)
    Peb tus Tswv Ntuj, muaj lub zog, lub peev xwm loj, Nws tsa Yes Xus sawv rov los, thiab tsa Yes Xus ua tus loj tshaj puas tsav yam nyob ntiaj teb no thiab nyob saum ntuj. Paj Lug thov Ntuj zoo li no:
    -Kuv thov kom Huab Tais Yes Xus Pleev tus Tswv Ntuj, pub lub Tswv Yim thiab nws kev thoob tsib rau nej kom nej txawj pom Tswv Ntuj zaj txuj ci tawm tuaj, ces nej yuav paub Tswv Ntuj tiag. Ces nej yuav txais tau txoj kev tso siab zoo tas nrho.
    -Vim zaum no Leej Pleev yog tus nyob siab dua cov vaj txheeb, los siab dua txhua yam uas neeg xav tias muaj hwj chim.
    -Leej Pleev pub peb zwm rau nws, Leej pleev yog lub taub hau, peb yog Leej Pleev lub cev thiab tes taw. Yog peb ua neeg cam thawj tsis mloog Leej Tswv Yim Ntshiab coj thiab qhia, ces yog peb ntag ua koj Leej Pleev Yes Xus muaj mob:
    -Peb yog cov mob ua rwj, ua aws, mob lig ua rau Leej Pleev sav ceg sav duav los sav tes taw, dig muag ua neeg ruam tsis tawj hais lus.
    -Peb yuav nco ntsoov tias peb yog Leej Pleev qhov muag, qhov ncauj pob ntseg, taw mus kev, tes ua num nyob rau txhua fab. Nco ntsoov tias peb yog Tswv Ntuj tug, ces peb xyaum tsim txiaj.

    Xyoo C Lus Kas ntawv Moo Zoo hais tias:
    (L.K. 21:46-53.)

    -YesXus mus saum ntuj, nws hais rau cov thwj tim tias,nej yuav txais ib lub zog los pab nej tshaj txoj kev cawm neeg rau lub ntiaj teb.
    -Ntawv xub sau tseg tias:
    Yuav tshaj txoj kev tig los yuav lub siab tshiab, rau tas txhua haiv neeg. Kom tau daws txhaum nyob hauv Leej Pleev lub npe.
    -Hais txog Lub Cim daws txhaum, thiab kev daws txhaum:
    Yog lub Hwj Huam, thiab cov dej tshuaj ntxuav neeg lub cev uas muaj mob nkeeg nyob rau nruab siab los saum daim tawv nqaij. Ua kom tej siab ntswv rov huv tuaj, lub cev nqaij tej tawv rov dawb huv zoo nkauj tuaj, txhob muaj caws pliav los hluav ncuav thiab txaij.
    Ua rau yus rov zoo saib zoo ntsia. Txaus Ntuj nyiam txaus neeg qhuas.

    Yaj Xib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 White-10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 17th May 2013, 10:15 am



    CAIJ HLA CHIV LEEJ NTUJ PLIG NQES LOS.

    XH.Zoov Ntxheb Yaj Nthuav Ntawv Ntshiab. - Page 3 44966310
    Xyoo A.B.C.
    NtawvHauj lwm hais tias: (2:1-12.)
    -Leej Tswv Yim Ntshiab yog zoo li Cua:
    Nws ua kom neeg muaj zog li cua hlob. Nws kuj zoo li hluav taws: Ua kom neeg pom kev, thiab kub kub siab:
    -Lub caij ntawd ib sij huam cov Thwj Tim txawm pom ib co nplaim taws tawm tuaj. Cov nplaim ntawd poob tuaj ua ntau tus, txhua txhua saum cov Thwj Tim taub hau.
    -Tam sim ntawd, Leej Tswv Yim tuaj nyob puv lawv nruab siab, ces lawv pib hais tej xeem lus tshiab, raws li Leej Tswv Yim Ntshiab qhia lawv hais. Peb cov neeg ntseeg, yog leej twg ntseeg raws li Leej Tswv YimNtshiab qhia,mas Leej Tswv Yim Ntshiab yuav qhia tej yam rau nws hais kom haum rau Ntuj nyiam thiab txaus neeg qhuas.
    Tab txawm nws tsis txawj hais tej xeem lus tshiab, ntawm lub ncauj los, nws txawj hais tej xeem lus tshiab nyob hauv nws nruab siab:
    Yam li nws txawj hais Ntuj cov lus nyiam lus hlub pub txoj sia rau zeej tsoom txheeb ze sawv daws.

    Leej Ntshiab Paj Lug hais rau cov Kos Lis Nthos tias:
    ( K.L .N. 12:-3-13.)
    Leej Tswv Yim Ntshiab pab kom sawv daws txawj ua nyias cov hauj lwm nyob hauv lub Koom Txoos.
    -Mas Paj Lug thiaj hais raucov Kos Lis Nthos tias:
    Tswv Ntuj Leej Tswv Yim tsis qhib ib tug neeg twg, kom hais tau tias, Yes Xus yog ib tug phem.
    -Thaum ib tug neeg twg hais tias Yes Xus yog Huab Tais, mas Yog Leej Tswv Yim Ntshiab qhia nws hais. Ua li mas thiaj yog Leej Tswv yim ntshiab tib leeg faib cov kab xwm los hauj lwm rau neeg sawv daws ua:
    - Puav leej yog Ntuj zaj txuj ci, thiab Ntuj cov txiaj ntsim uas Leej Tswv Yim Ntshiab faib los rau neeg ua kom sib dlos zoo.
    - Peb cov neeg ntseeg peb yuav sib pab, sib hwm nyob hauv Leej Tswv Yim zaj txuj ci no:
    Tus txawj hais lus rau luag tej yuav los mloog. Nws yuav nco ntsoov tias nws yog Leej Tswv Yim lub ncauj lo lus zoo, txhob lam hais lus dog dig.
    -Tus nws txawj ua tej yam hauj lwm loj muaj nuj nqi, Nws kuj yuav saib tias kuv yog Tswv Ntuj sab tes tsim txiaj, kuv yuav ua kom yog hauj lwm dawb huv.
    -Tus nws txawj kho mob nkeeg los nws yuav saib tias kuv yog Tswv Ntuj lub siab hlub neeg, kuv yuav ua kuv hauj lwm kom dawb huv.
    -Tas txhua txoj hauj lwm kab xwm, mas sawv daws yuav nco ntsoov saib tias sawv daws yog Tswv Ntuj Leej Tswv Yim lub tswv Yim nthguav tuaj mus ua. Sawv daws yuav saib tias nyias tus kheej raug Leej Tswv Yim txib tuaj ua pab rau Yus tsoom Txheeb ze sawv daws tib si, kom Ntuj txaus siab rau yus thiab txaus neeg qhuas tias yog neeg siab dawb. Uas Ntuj txib los.

    Xyoo B.C. Koom, Zam Ntawv Moo Zoo, hais tias:
    ( Zam7:37-39.)
    -Thaum Leej Tswv Yim Ntshiab tuaj nyob hauv ib tug neeg twg, mas yog Tswv Ntuj lub Tswv Yim ntws los tsis tseg nyob hauv tus ntawd.
    -Muaj ib lub hnub nyug loj, Yes Xus sawv ntsug hais cov lus no rau Tsoom sid tias:
    -Tus twg nqhis dej, kom nws tuaj cuag kuv! Tus twg ntseeg txog kuv kom nws haus mas! Yog zoo li ntawv sau tseg tias:
    -Tus dejmuaj txoj sia yuav ntws hauv nws xub ntiag los.
    -Tus dejmuaj txoj sia no, yog Yes Xus hais txog Leej Tswv Yim Ntshiab, txij thaum Leej Tswv YimNtshiab tua nyob mas muaj ntau txhiab vam leej twb tau haus cov dej muaj txoj sia nyob mus li:
    Yog tas tsoom Leej Ntshiab uas lawv tau nrog Tswv Ntuj nyob, thiab tseem tshuav ib pab los ib phiaj neeg tseem ua neej nyob ntiaj teb no, uasw lawv nyob ze tus dej muaj txoj sia, Yog Tsoom neeg siab dawb uas lawv tau raws nraim li Leej Tswv Yim Ntshiab lub txiaj ntsim qhia los lawd.

    Yaj Xib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 40703110 XH.Zoov Ntxheb Yaj Nthuav Ntawv Ntshiab. - Page 3 40703110 XH.Zoov Ntxheb Yaj Nthuav Ntawv Ntshiab. - Page 3 40703110XH.Zoov Ntxheb Yaj Nthuav Ntawv Ntshiab. - Page 3 42733410 XH.Zoov Ntxheb Yaj Nthuav Ntawv Ntshiab. - Page 3 40703110 XH.Zoov Ntxheb Yaj Nthuav Ntawv Ntshiab. - Page 3 40703110 XH.Zoov Ntxheb Yaj Nthuav Ntawv Ntshiab. - Page 3 40703110
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 25th May 2013, 2:16 am



    NRUAB XYOO HWM PEB LEEG HUAB TAIS.
    Hnub chiv 26-05-2013 xyoo C.


    XH.Zoov Ntxheb Yaj Nthuav Ntawv Ntshiab. - Page 3 Trinit10
    Ntawv paj lug hais tias: (8:22-31.)
    Tswv Ntuj thiab kev thoob tsib, yog tib tug. Zoo li kev thoob tsib yog Tswv Ntuj Leej Tub, ib txwm nrog Tswv Ntuj nyob, nrog nws tsim tas txhua yam.
    -Tswv Ntuj thiaj hais tau tias, yog kuv txoj kev thoob tsib, puag thaum lub hauv paus los. Kuv ib txwm nyob ua tas puas tsav yam ntej.
    -Thaum tsis tau muaj cov dej txhawv thiab lub hiav txwv, tsis tau muaj tej toj roob hauv pes. Kuv yeej nyob los lawm.
    Tswv Ntuj xav qhia meej rau ntiaj teb neeg tias, Tswv Ntuj lub hwj chim hwj huam loj thiab dav dlau uas peb paub tsis txog.
    -Tus xeeb teb xeeb chaw, thiab Tswv Ntuj kev thoob tsib, los Tswv Ntuj lo lus yog tib leeg xwb. Xws li yog tib tug Tswv Ntuj. Thaum yuav tsim ib yam dab tsi, mas muaj Tswv Ntuj, muaj Tswv Ntuj lo lus, muaj Tswv Ntuj lub tswv yim. Lawv ib txhij nyob thiab ib txhij tsim tas puas tsav yam.

    Tsab Ntawv Los Mas thiaj hais ntxiv tias: (5:1-5.)
    Yog peb ua twb zoo saib mas, Peb lub neej nyob hauv Yes Xus tas huv si lawm.
    Muaj tas txhua yam, kev nyiam kev hlub, kev zam, kev ntseeg(txhua yam uas koj ntseeg) muaj Leej Tswv Yim nyob nrog peb nraim, vim peb txais kev ntseeg tuaj ntawm kev ncaj ncees tuaj. Nws ua kom peb nyob kaj lug.
    -Peb yuav zoo siab cav txog tus Tswv Ntuj uas nws ua peb txog hau lawm nyob hauv peb lub neej:
    Nws tsim peb los. – Nws hlub peb.- Nws zam rau peb.
    Peb muaj txoj sia nyob vim Ntuj niaj hnub ua tej hauj lwm no los nres peb mus li. Yam li nws pub nws leej Tswv yim coj peb nyob nrog nws Leej tub lo lus hauv kev thoob tsib. Tswv Ntuj tseem pub lub zog txawj ua siab ntev tiv kev iab kev khwv, los ntawm Leej Tswv Yim hliv Ntuj kev nyiam kev hlub los rau peb tsis tseg li
    .
    -Zam ntawv Moo Zoo hais tias:(Z.16:12-15.)
    Leej Ntuj Plig nyob hauv peb mas, kom peb xav tswv yim, kom peb to taub tias, Tswv Ntuj xav kom peb ua dab tsi?
    -Lub ntiaj teb no muaj kev txom nyem kev iab kev khwv, kev tu siab lwj siab sib tsub sib nias, neeg yuav tiv tsis taus tej no.
    Leej Tswv Yim Ntshiab yuav qhia qhov tseem ceeb rau nej raws li Yes Xus hais:
    -Tas txhua yam uas yog Tswv Ntuj tug kuj yog kuv
    tug, Leej Tswv Yim Ntshiab yuav thau los faib rau
    nej muaj zog, yeej kev txom nyem kev tu siab kom
    nyob kaj lug. Ua li mas Tswv Ntuj yog tus muaj zog
    muaj peev xwm, cov neeg ntseeg zwm rau Tswv
    Ntuj, Nws yuav pub lub zog, lub tswv yim txawj
    Xav txog kev txom nyem krv lwj siab los cev rau
    Tswv Ntuj pab daws kom peb tiv taus tej kev txom
    Nyem kev lwj siab no, uas niaj hnubnyob ncig yus tus kheej.

    Y
    aj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 3 24314210
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 7th June 2013, 11:36 am


    NRUAB XYOO HWM LUB CIM YUG.
    Xyoo C.


    XH.Zoov Ntxheb Yaj Nthuav Ntawv Ntshiab. - Page 3 Actual10

    -Ntawv hauv paus hais tias: (14: 17-20.)
    Mes Kis Xes Des yog ib tug Leej Choj pab kom peb to taub tias,Yes Xus yog ib tug Leej Choj zoo li cas. Thawj los lus Mes Kis Xes Des hais: Peb kav tsij cav txog tus nyob saib. Tus Tswv Ntuj nyob siab muab HAs Nplas Has cov yeeb ncuab tso rau hauv nws xib teg, yog Tswv Ntuj foom hmoov zoo rau HAs Nplas Has.
    -Peb yog cov neeg ntseeg, peb yuav mloog Tswv Ntuj tej lus, thiab saib taus Ntuj txoj kev nyiam kev hlub, uas Ntuj niaj hnub poov hwm peb, txoj kev ua txhaum niaj hnub rub kom peb ncaim ntawm Tswv Ntuj, kom peb tsis hnov Tswv Ntuj lub suab nws cov lus qhia pub txoj siav nyob mus li rau peb. Yog hnub twg peb tsis swb kev ua txhaum lawm mas Tswv Ntuj yuav foom hmoov zoo rau peb ib yam li nws tso Mes Kis Xes Des tuaj foom hmoov zoo rau Has Nplas Has. Cov yeeb ncuab loj yog cov kev ua txhaum rau Tswv Ntuj.

    Ces thiaj muaj raws li Paj Lug hais rau cov Kos Lis Nthos tias: (K.L.Nt.11:23-26.)
    Thaum peb cov neeg ntseeg ua thaj txi Ntuj,mas tas lub txoos nrog Leej Choj ua kom mov thiab cawv txia ua Yes Xus lub cev thiab cov ntshav.
    YesXus thiaj hais tias, Nej noj lub ncuav mov no thiab haus cov cawv no thaum twg mas, nej tshaj tias, Huab Tais raug kev tuag. Yog peb txawj xav li no mas peb koom nrog Leej Choj ua kom mov thiab cawv txia ua Y.X. lub cev thiab cov ntshav. Yog
    beb tshaj Huab Tais txoj kev tuag, Vim txoj kev tuag yog txoj kev cawm lub sim ceeb kom neeg ntiaj teb tus ntsuj plig muaj txoj sia nyob mus li. Yes Xus lub cev thiab cov ntshav yog txoj kev cog lus tias neeg yuav muaj txoj siab tshiab tuaj ntawm Tswv Ntuj tuaj. Tswv Ntuj yog tus ib txwm nyob thiab yuav nyob mus li. Tswv Ntuj yog peb Leej Txiv nws kuj xav kom peb nrog nws nyob mus li. Thiab Tswv Ntuj yuav nco ntsoov peb, tias peb yog nws cov me nyuam.
    -Txoj kev cog lus yog ib txoj kev tseem ceeb kawg:
    Nej mus saib ib nkawm nkauj nraug sib cog lus haus ntshav tes, cog lus tas tsis sib tau tiam no mas lwm tiam nkawd yeej yuav tsum mus nyob ua rau nruab yeeb coj lo lus mus sib zeem tias, tau cog lus nyob ua kev ib zaug lawm. Vim kev cog lus yog kev tseeb. Tsis muaj leej twg yuav rhuav tau.
    -Yes Xus thiaj tau hais tias nyob hauv kuv txiv tsev muaj ntau chav. Tus tseeb thiab tus cuav,los tus ncaj thiab tus nkaus sawv daws yuav nyob hauv Tswv Ntuj lub tsev, nyias muaj nyias chav, Nyob hauv koj chav, yuav muaj neeg sau ntawv qhia txog koj lub saib koj cov lus koj zaj xav yuav raug sau rau sawv daws pom thiab paub li uas koj tau ua los lawm.

    Lus Kas ntawv Moo Zoo thiaj hais tias: (9:11-17..)
    -Lub Cim Yug yog cov mov ua kom tsoom neeg ntseeg puv siab,
    -Y.X xav qhia tias, yog cov meeg muaj mob lawv thiaj xav kho lawv tus mob kom zoo. Thiab cov neeg tshaib plab lawv thiaj xav nrhiav mov noj, kom lawv rov muaj zog.
    -Y.X. yuav kho lawv cov mob thiab pub mov rau lawv noj, kom lawv nyob kaj lug.
    -Cov neeg muaj mob yog cov uas lawv pw nyob hauv txoj kev ua txhaum, cov neeg tshaib plab yog cov neeg ntshaw txoj kev ncaj ncees. Lawv xav kom lawv tau tawm los txhob nyob hauv txoj kev ua txhaum, thiab nyob ruaj rau txoj kev ncaj ncees kom ua lub neej kaj lug.
    Y. X, cov lus yog cov txhiam xws peb tshaib nqhis txog txoj kev ncaj. Y.X lub cev thiab cov ntshav yog cov tshuaj kho cov neeg muaj mob nkeeg. Uas lawv pw nyob hauv kev ua txhaum mus li.
    -Ib tug neeg yog nws hais tias nws yog neeg dawb huv, thiab nws tsis muaj txhaum, nws lam tuaj txais lub cim yug mas tsis muaj txiaj ntsim dab tsi rau nws tus kheej.

    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 7th June 2013, 11:38 am



    NRUAB XYOO CHIV 10 C.

    Ntawv Vaj phau I (17:17-24.)
    -Tus Yaj Saub Es Lis, ua kom tus poj ntsuam tus tub rov muaj txoj sia nyob hauv nws lub cev.
    -Yog ib yam hawj huam pab peb ntseeg tias, Yes Xus rov muab txoj sia tau rau peb.
    -Thaum Es Lis tseem nyob hauv tus poj ntsuam lub tsev, nyob Xas Les Tas. Tus poj ntsuam ntawd tus tub mob heev ces nws cia li tuag.
    - Tus poj ntsuam ntawd hais rau Es Lis tias:
    Tswv Ntuj tus neeg! Puas yog koj tuaj nyob hauv kuv tsev, ces Tswv Ntuj pom Kuv cov txhaum lawm, ces kuv tus tub thiaj tuag li ntawd?
    -Ces Es Lis thov Ntuj tias, Tswv Ntuj, tus poj ntsuam ntawd txais kuv so hauv nws tsev.
    Koj puas yuav cia nws raug kev txom nyem li ntawd! Es Lis thov Ntuj peb zaug, kom Tswv Ntuj coj tus ntsuj plig rov los nyob hauv tus me nyuam ntawd. Thaum tus me nyuam rov muaj txoj sia, tus poj ntsuam hais tias:
    -Kuv paub tseeb tias, Tswv Ntuj tus neeg, hais tswv Ntuj cov lus,mas yog lus tseeb tawm hauv Tswv Ntuj lub ncauj los tiag.
    -Tas nrho peb cov neeg ntseeg yog Tswv Ntuj cov neeg, Yog peb ntseeg thiab tso siab rau Tswv Ntuj, mas thov yam twg ntawm Tswv Ntuj mas nws yuav mloog cov lus peb thov ntawd.
    -Tsis yog tus neeg tsis muaj txhaum Tswv Ntuj mam li mloog. Tsuav yog tus ntseeg thiab tso siab tias Tswv Ntuj yog tus tseeb tiag, mas Tswv Ntuj zoo siab mloog tib si.

    Paj Lug thiaj qhia lub Moo Zoo, rau cov Nkas Las Tias, tias: ( K.L.N 1:11-19.)
    -Thaum Yes Xus hu Paj Lug mas Paj Lug hloov siab tas:
    Vim Yes Xus lub txiaj ntsim muaj zog, thiab Paj Lug muab siab rau mloog Yes Xus.
    Paj Lug qhia peb sawv saws tias:
    -Lub Moo Zoo uas Paj lug xa tuaj rau cov Nkas Las Tias, thiab peb mas, neeg lub tswv yim duav tsis tau. -Paj Lug tsis tau kawm lub Moo Zoo ntawm ib tug neeg los.
    -Paj Lug hais tias, Yog Yes Xus Pleev ncaj qha qhia rau kuv. Thaum kuv tseem nyob hauv kuv niam lub cev mas nws twb qee kuv lawm. Yog lub txiaj ntsim xaiv kuv.
    -Kwv tij ua li mas cov neeg ntseeg txog Tswv Ntuj mas nws yeej xub qee peb sawd daws ua ntej lawm, saib peb puas ntseeg loj luaj li cas. Tswv Ntuj yeej qee peb ntxov los lawm.
    Peb yuav txiav siab tig los yuav lub siab tshiab npuab Yes Xus mloog nws zaj lus. Yus thiaj tsis yog tus neeg los ntseeg ces yuav ho niaj hnub ua tus rov hiam Yes Xus lub Moo Zoo.
    -Yog tias peb ua ib co neeg pw nyob hauv txoj kev ua txhaum mus li, ces peb yog cov neeg hiam Yes Xus lub Moo Zoo, uas neeg lub tswv yim duav tsis tau no ntag, thiab hiam Tswv Ntuj lub Koom Txoos nyob ntiaj teb no.
    - Xws li peb ntseeg Yes Xus lub Moo Zoo, Peb tseem mus vam txog cov dab uas peb tsis paub tuaj cawm peb txoj sia. Peb mus tso siab tias, Dab yuav daws tau peb tej kev Khaum, kev ua npam, Tsuas yog Tswv Ntuj ib leeg thiaj daws tau. Li uas Yes Xus hais rau Paj Lug hais tias, koj txhob maim! Koj yuav maim tsis dhau lub ntsis ntaj ntawm cov lus ntse no li.
    -Thaum koj tso siab rau ib tug neeg lo lus lawm mas zoo li koj saib tias Tswv Ntuj tsis muaj zog thiab tsis tseeb lawm.
    -Tswv Ntuj tsis yuav nyiaj los los daws kev khaum kev txhaum. Nws xav yuav kev ncaj ncees, kev ntseeg thiab kev tso siab lug los cev kev khaum kev txhaum ces nws zam rau.

    Lus Kas ntawv Moo Zoo thiaj hais tias: ( 7:11-17.)
    Peb qhuas txog Yes Xus lub hwj chim, tsa tau ib tug neeg tuag sawv rov los. Peb kuj yuav nco txog Yes Xus lub txiaj ntsim, niaj hnub ua kom neeg tig los yuav lub siab tshiab, kom tau nyiam Tswv Ntuj,li Ntuj nyiam peb.
    Thaum Yes Xus ntsib tus poj ntsuam thiab pab neeg kwv tus neeg tuag tawm tuaj Yes Xus hais rau tus poj ntsuam tias, Koj txhob qauj.
    -ces Yes Xus tuav lub hleb, nws hais tias, me hluas, kuv hais rau koj, koj sawv los mas! Ces Yes Xus rov muab cob rau nws niam.
    -Yes Xus xav qhia peb tias, txoj kev ntseeg tseem ceeb dua txoj kev sawv rov los. Yog tsis muaj txoj kev ntseeg mas yuav tsis pom txoj kev sawv rov los. Txoj kev ntseeg tseem ceeb tiag, nws tuav tau txoj sia kom nyob mus li. Vim txoj kev sawv rov los, nws zwm rau txoj kev ntseeg, nws thiaj sawv tau.
    -Tus neeg uas thaum muaj ib ib txoj kev txhawj xeeb nws ntshai tuag, mas nws teev ib tug tswv uas nws tsis paub, ces nws thiaj muaj kev ntxhov siab loj. Nws tsis muaj txoj kev ntseeg ruaj uas tso siab tau.
    -Peb yuav ntseeg li tus poj ntsuam uas nws ntseeg tias, Tswv Ntuj cov lus yog lus teeb.

    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 20th July 2013, 2:07 pm


    NRUAB XYOO CHIV 14 C.

    Ntawv His Xais hais tias;(66; 19-14.)

    -Lub caij cov His Xas Lais mus nyob txim tau 50 xyoo, nyob Npas Npis Los teb. Ntuj tus Yaj Saub qhia lawv tias, Tswv Ntuj yuav coj lawv rov los nyob Yes Lus Xas Les.
    -Tswv Ntuj lo lus ua paj lug hais tias:
    Yes Lus Xas Les koj yuav zoo siab mog. Tswv Ntuj cov tub txib yuav pom Tswv Ntuj txhais tes hlub lawv.
    -Yam li peb ua txhaum ces peb txom nyem ntau xyoo. Thaum peb hloov siab tig los npuab tswv Ntuj, mas peb rov nyob kaj lug.
    -Zoo li ib co me nyuam rov ntsib lawv leej niam lawv zoo siab vim leej niam yuav muab mov txaus lawv noj seem noj so. Lawv sab ntsuj plig yuav hom khaj puv siab npo. Yuav muaj koob meej nto moo lug.
    Vim Tswv Ntuj tau hais tias, Ntuj yuav pub kev thaj yeeb, thiab koob meej rau lawv, kom muaj tshaj lub ntiaj teb, Lub koob meej no yuav phwj ntws los nyab lub ntiaj teb, Vim ntiaj teb lub koob meej nyob Yes Lus Xas Les.
    -Tas huv si lub ntsiab lus, yog Tswv Ntuj lo lus nrog kev nyiam kev hlub yauv tawm hauv Yes Lus Xas Les los. Lub zim trxwv no Yes Lus Xas Les yog lub Koom Txoos Catholique.
    Tsab ntawv Nkas Las tias thiaj hais li no:(6:14-18.)
    -Yog peb npuab Yes Xus kev txom nyem nyob saum ntoo cuam, mas peb yog ib co neeg tshiab tsis zwm rau lub sim ceeb no.
    - Lub koob meej nyob hauv Yes Xus tus ntoo cuam, zoo li ua rau peb saib tias, lub sim ceeb no tuag lawm. Lub sim ceeb kuj saib tias peb yog ib co neeg tuag lawm thiab.
    - Viam tias peb tsis kov lub sim ceeb no tej kev muab hlob, nrog kev phem kev qias uas nes tsis dawb huv. Mas hais txog txoj kev cai tshiab los kev cai qub nws tsis yog dab tsi li. Qhov tseem ceeb kawg yog tias yuav ua ib tug neeg tshiab tuaj lawm xwb.
    -Lo lus hais no mas tsuas yog xav kom neeg ntiaj teb tau nyob kaj siab lug. Thiab sawv daws tau Tswv Ntuj kev hlub tas txhua tus leej tib neeg.
    -Vim tias sawv daws tau coj Yes Xus cov cim, uas yog Yes Xus cov txiaj ntsim nrog peb nyob.

    L.K (10: 1-12+17 -20.)

    -Yes Xus hais ntxiv tias, ib tug tub tshaj Ntuj lus, yuav tsis txhob muaj dab tsi khuam tes khuam taw, nws thiaj yuav pab tau sawv daws. Thiab txhob hwm leej twg nyob ntawm kev.
    -Yam li nws xav qhia tias, tsis txhob ua neeg muab hlob, txhob ntshaw ntau yam, los txhob mus kov ntau yam, thiab txhob mus mloog yam tsis yog los txua yam tsis haum lub moo zoo ua rau kom lwm tus ntseeg yuam kev.
    -Yes Xus hais tias: thaum peb thov Ntuj peb tuav Y,X lub npe los ntiab dab, peb txhob zoo siab tias dab phem zwm rau peb lawm. Thaum peb ntiab dab, ces ntiab tau dab phem lawm, ceev faj txhob maj zoo siab rau yam ntawd. Tsam peb rov mag dab pem rooj ntxiab uas nws caws rau peb.
    -Yam peb yuav txaus siab, yog peb lub npe tshwm nyob hauv Tswv Ntuj phau ntawv nyob saum ntuj, tias, yog ib tug neeg dawb huv.

    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 20th July 2013, 2:09 pm



    NRUAB XYOO CHIV15 C.

    Ntawv phau tsib hais tias: (30: 9-15.)
    -Tswv Ntuj tos kom peb mloog nws lo lus, peb txhob xav tias Tswv Ntuj lo lus nyob deb peb.
    -Tswv Ntuj tso nws lo lus nyob hauv peb nruab siab thiab ntawm peb lub ncauj.
    -Tswv ntuj hais tias, yog koj mloog koj tus Tswv Ntuj lo lus, mas koj yuav coj nws tej cai lij choj nyob hauv ntawv ntim txoj cai no!
    -Txoj cai hnub no kuv qhia rau koj coj, tsis yog ib txoj cai uas yuav dhau koj lub zog, thiab yuav coj tsis tau.
    -Nws tsis yog nyob puag saum ntuj los nyob sab ntug hiav txwv puag tim ub. Lo lus yeej nyob hauv koj nruab siab, thiab nyob ntawm koj lub ncauj, kom tau kev coj.
    -Yam li yog koj xav qhuas thiab cav txog Tswv Ntuj siab zoo mas koj yeej ua tau, thiab koj xav nyiam Tswv Ntuj tsoom tub ki nyob ntiaj teb no mas tsis muaj ib yam dab tsi yuav nyuaj rau koj li.

    Tus hauv paus xa lus Paj Lug thiaj hais rau cov Kos Los Xais tias: (1:15-20.)
    -Yes Xus yog Tswv Ntuj Leej Tub uas nrog Tswv Ntuj tsim lub ntuj lub teb.
    -Yes Xus yog tus thawj pub kom lub Koom Txoos nyob thaj yeeb.
    Tswv Ntuj yog tus uas leej tib neeg qhov muag pom tsis tau, Yes Xus yog Tswv Ntuj tus duab. Ua li mas nyob hauv tas txhua yam Ntuj tsim los Leej Pleev yog tus xub yug los dua.
    -Tas txhua yam nyob saum ntuj, los nyob ntiaj teb, nyob saum yaj los nyob nruab yeeb, Tswv Ntuj tsim lawv los nyob hauv Leej Pleev, kom tau tsob hwb Leej Pleev tib leeg.
    -Tswv Ntuj nyiam kom Leej Pleev ua tus coj tas txhua yam rov sib haum xeeb nyob saum ntuj los nyob ntiaj teb no. Peb yuav nyiam Leej Pleev kev thaj yeeb txi saum nws tus ntoo cuam khaub lig. Vim muaj nws cov roj ntsha ntxuav noob neej kev txog kev txhaum kom dawb huv tau.

    Lus Kas ntawv Moo Zoo thiaj hais ntxiv tias: (10:
    25-37.)
    -Peb yuav nyiam tsoom txheeb ze,tus txheeb ze yog tus peb txiav siab tias peb yuav tsis hlub nws.
    -Yes Xus thiaj ua paj lug hais rau tus thoob xwm ntawv tias:
    Koj yuav nyiam koj tus Tswv Ntuj tas siab tas ntsws. Thiab nyiam tsoom txheeb ze ib yam li koij nyiam koj.
    -Yes Xus tau muab peb tug neeg los ua paj lug hais:
    a-Tus Leej Choj, nws yog tus niaj hnub sawv leej tib neeg chaw txi Ntuj thov kom Ntuj zam txaum rau tsoom sid.
    b- Tus Les Vis yog ib tug tub tsob hwb lub tuam tsev teev ntuj.
    c-Tus Xas Mas Lias nws yog ib tug qhua ntauj ke tuaj ntsib.
    -Lo lus no yog peb tsis muab siab rau saib kom zoo mas yog raug rau peb sawv daws lawm.
    -Raug rau peb cov leej choj, peb cov Xib Hwb. Cov tub tshaj Ntuj lo lus, los raug peb cov neeg ntseeg txhua tus tib si lawm.
    Peb yog cov paub Ntuj, peb tsis coj Tswv Ntuj tej lus. Ib tug qhua peb xav tias nws tsis paub Tswv Ntuj, tsis kav nws ho yog tus coj Tswv Ntuj txoj cai lij choj zoo dua peb.
    -Lo lus no thiaj raug nyob hauv tsab ntawv ib tias: Tswv Ntuj lo lus nws tso rau hauv peb nruab siab thiab ntawm peb lub ncauj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 20th July 2013, 2:14 pm



    NRUAB XYOO CHIV 16 C.



    -Ntawv hauv paus. 18: 1-10.
    Nyob hauv zaj lus no, Thaum Has Nplas txais qhua nws mem tau tias yog Txwv Ntuj. Nws thiaj txais lawv zoo li txais Tswv Ntuj.
    -Has Npla tais tias, kuv tus Huab Tais, kuv thov koj! Yog koj saib kuv zoo, mas koj yuav tsis txhob hla mus deb, tsis tau so hauv koj tus tub txib tsev.
    -Lub Koom Txoos siv zaj no los qhia thiab kawm lo lus no,coj los txaisTswv Ntuj lo lus tias, Yog Tswv Ntuj thiab Leej Peev saib peb zoo, mas thov kom nws tuaj so hauv peb tsev los tuaj so hauv peb nruab siab.
    - Peb thiaj paub tias Tswv Ntuj hlub peb npaum li cas. Kom Tswv Ntuj pub paj tshab rau peb.
    -Cov paj tshab uas Tswv Ntuj pub rau peb, yog cov paj tshab uas pab peb nyob thaj yeeb thiab kaj siab lug, hauv peb kev vam meej nrog lub ntiaj teb neeg.
    Txhob rau ke3v haub kev ntxias los ntawm dab phem.
    - Peb xav kom Tswv Ntuj tuaj xyuas peb niaj hnub, los niaj xyoo, zoo li Tswv Ntuj hais rau Yawg koob Has Nplas.

    Li no mas tus hauv puas xa lus Paj Lug thiaj hais rau cov Kos Lis Nthos tias: (1:24-28.)
    -Yes Xus nyob nruab nrab peb, Nws ua hauj lwm nyob hauv peb. Paj Lug thiaj hais lo lus no tias:
    - Nyem no kuv ntsib txoj kev kaj lug nyob hauv kev txom nyem. Kuv zoo siab txais txoj kev txom nyem los ntxiv rau Leej Pleev kev txom nyem nyob saum ntoo cuam kom tau pab nej, uas nej yog yog Leej Pleev lub cev.
    -Lub Koom Txoos yuav tshaj tej yam npog los tau ntau txhiab , ntau vam xyoo, uas tsis muaj neeg paub:
    -Yam li yuav tshaj tawm los rau Tsoom neeg ntshiab pom xyeem tias, nyob nruab nrab cov neeg teev dab, Tswv Ntuj lo lus npog tau ntev xyoo ntawd muaj hwj chim.
    -Lo lus ntawd, Yog Leej Pleev nyob nruab nrab hauv cov neeg teev dab. Yam li Leej Pleev ua kom cov neeg teev dab tau txais lub hwj chim loj, uas rub tau txhua tus neeg zoo tuaj nyob hauv Leej Pleev lub npe.

    Mas Lus Kas ntawv Moo Zoo hais tias: (10:38-42.)
    -Tus neeg xav ua Y.X thwj tim,mas txhob huas ntau yam. Nws ttiaj muaj lub caij teev Ntuj, Txhob ua zoo li nws tsis khoom nrog Y.X tham.
    -Yes Xus hais tias,tsis muaj pes tsawg yam uas peb yuav muaj. Tus tau mloog Y.X.cov lus, mas nws xaiv tau txoj zoo. Tsis muaj leej twg yuav thau los muab tshem tau.
    -Xws li peb tuaj teev Ntuj hnub chiv, peb tuaj kom tau sisb ntsib thiab tau sib tham xwb mas peb tsis tau mloog thiab tsis tau nrog Y.X tham li. Vim peb muaj lusnrog tej phooj ywg sib tham tsis txawj tas, ces tsis muaj caij nrog Y.X teev Leej Txiv.
    -Tus mloog thiab nrog Yes Xus tham mas nws kuj tau nrog Yes Xus teev Leej txiv, mas nws yuav tau txais cov paj tshab uas tsis muaj leej twg yuav muab thau tawm los tshem tau.

    Yaj Xib Hwb Zoov Ntxheb.


















    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 27th July 2013, 12:50 am


    NTHUAV NTAWV NTSHIAB

    NRUAB XYOO CHIV 17 C. Tim 28-07-2013.


    XH.Zoov Ntxheb Yaj Nthuav Ntawv Ntshiab. - Page 3 Dyn00910Ntawv hauv paus hais tias: (18:20+23-32.)
    Vim muaj neeg siab ncaj, Tswv Ntuj thiaj zam rau ntau leej neeg ua txhaum.
    -Vim muaj cov neeg siab ncaj ntawd, thov Tswv Ntuj ces Ntuj zam rau cov neeg ua txhaum.
    - Yog Tswv Ntuj ntsia neeg cov txhaum xwb mas, Tswv Ntuj yuav hais tias,
    Lub suab nte nyob ntawm lub nroog Xos  Dos Mas, thiab Nkos Mos Las. Yuav tuaj nrov cuag li Xob quaj. Vim lawv txoj kev ua txhaum loj tiag.

    Has Nplas sawv ntsug nyob ntawm Tswv Ntuj xub ntiag. Nws hais tias:
    -Huab Tais, Koj puas yuav rhuav cov neeg ncaj nrog cov neeg nrog cov neeg ua txhaum?
    Nyaj tej zaum nyob hauv lub nroog no yuav tshuav li 50 leej ua neeg siab ncaj.
    -Tswv Ntuj hais rau Has Nplas tias, yog koj nrhiav tau 50 leej siab ncaj, mas kuv yuav zam tas nrho lub nroog Xos Dos Mas...
    -Peb yuav thov Tswv Ntuj rau peb, rau peb haiv Hmoob, rau peb pab neeg ntseeg Ka Tau Liv, Kom Tswv Ntuj zam rau peb sawv daws, cov neeg muaj txhaum. Cov txhaum uas peb neeg ua feem ntau yam li:
    Peb tsis hwm Ntuj, peb siv lo lus thiab lub npe tias, peb hwm Ntuj thiab teev Ntuj.  Peb yuav lub npe hu ua neeg siab ntshiab. Tab sia peb pw kiag hauv kev ua txhaum rau Tswv Ntuj, peb tsis kam sawv li.
    -Yog Tswv Ntuj rhuav cov neeg txhaum ces kuj raug rau cov neeg ncaj xws li:
    -Cov neeg txhaum ntawd, yog peb tej niam, tej txiv, los peb tej tub ki, los yog peb tej phooj ywg los peb tus hlub. Ces yuav mob peb siab, peb kuj yuav tsawm Ntuj tias cas Ntuj siab phem ua luaj.
    - Vim tias cov neeg txhaum no yog peb tej txheeb ze huv si. Saib Yawg Los thiab cov neeg nyob Xos Dos Mas thiab Nkos Mos Las, yog Has nplas cov txheeb ze tas nrho.
    - Yog muaj tseeb li hais, ces Tswv Ntuj rhuav lawv ces yeej raug peb sawv daws li lawm. Yog peb thov ces yuav muaj ntau leej tau nyob tiaj tus vim cov siab ncaj thov.

    =Paj Lug thiaj qhia cov Kos Lis Nthos tias:(2:12-14)
    -Peb cov ntseeg thiab txais lub cim ntxuav lawm, Peb ntseeg tias, Tswv Ntuj ua kom peb nrog Y.X. sawv rov los muaj txoj sia.
    - Cov lus nyob hauv tsab ntawv Kos Lis Nthos, Paj Lug hais meej tias:
    Hnub nej tais lub Cim Ntxuav, nej nro Leej Pleev nqis  hauv Nws lub ntxa, thiab nej nrog Leej Pleev sawv rov los. Vim nej ntseeg txog Tswv Ntuj lub zog uas tsa Leej Pleev sawv hauv cov tub tuag rov los.
    Ces Tswv Ntuj zam rau peb cov txhaum tas huv si.
    Raws li txoj cai, thiab cov lus qhia mas peb tshuav nuj nqes ntawm peb kev ua txhaum ntau. Tab sis Tswv Ntuj muab rhuav thiaab so pov tseg tas lawm. Muaj tseeb.

    Lus Kas  ntawv Moo Zoo thiaj hais ntxiv tias:

    (11: 1-13.)
    -Peb yuav rau siab thov Ntuj ntau, ces Tswv Ntuj yuav pub Leej Tswv Yim Ntshiab rau peb.
    -Cov Thwj Tim pom Yes Xus mus teev Ntuj. Ib tug thwj tim hais rau Y.X. tias:
    Koj qhia peb teev Ntuj li Zam qhia rau nws cov Thwj Tim.
    -Ces Yes Xus hais rau cov thwj tim tias:
    Txiv koj ua kom lawv zeem koj ua Tswv Ntuj. (yog los lus hais tias peb txiv nyob saum ntuj)
    Koj ua kom koj lub peev xwm tuaj txog.
    Koj pub mov txaus peb noj niaj hnub.
    Koj zam peb cov txhaum. Yam li peb zam rau cov tshuav peb nuj nqis. Thiab txhob tso peb raug kev ntxias.
    -Ua li mas Tswv Ntuj yeej zam rau peb thiab txuag peb,
    -Raws li peb Hmoob hais mas peb ntshai tsam peb raug dab heev.
    -Tswv Ntuj tsis tso rau peb mus raug dab. Dab muaj zog dua neej,Tab sis Tswv Ntuj tsis tso kom peb raug dab, Dab tsis muaj cai yuam peb neeg kom  mus raug dab, dab yuav muab neeg ua tsiaj ua txhuv  tua noj los ua lwm yam...
    Hais  Hmoob ib los lus li no:
    -Yog neej raug Dab mas neej muab xyab muab ntawv, muab tsiaj los them pauj rau dab tau.
    Dab mas dab ntshai raug neej tshaj li neej raug dab.
    Vim raug neej mas yuav siv nyiaj ntau kom muas tau lub taub hau.
    Raug neej, mas yuav yuav siav neej los pauv, pauv ib txoj sia tsis tas tseem yuav puav ob txoj tuaj;
    Saib tus raug neej lawm, nws tau mus nyob txim tsev loj cuj, raug kaw peb hnub mus rau peb caug xyoo,
    Raug neej mas denger tshaj raug dab ntau npaug.


    Yaj Xiub Hwb Zoov Ntxheb,

    XH.Zoov Ntxheb Yaj Nthuav Ntawv Ntshiab. - Page 3 Ee5c18c2
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 11th August 2013, 10:16 am


    NRUAB XYOO CHIV 18 C.

    -Ntawv Kos Es Les hais tias: ( 1:2-3+2:21-23.)
    Tas txhua yam nyob ntiaj teb no yog zoo li yaj ntshis.
    Tab sis nyob hauv Tswv Ntuj mas tas txhua yam muaj nqis nyob mus li, tas mus ib txhiab ib txhis.
    -Ntawv Kos Es Les qhia tias:
    Lub sim ceeb no, mas yus ntsia seem twg tuaj los yog zoo li yaj ntshis tiag,yeej tsis tau dab tsi li.
    -Yus khwv tas ib sim neej, coj tsis tau dab tsi nrog yus mus li, zoo li yog yaj ntshis xwb.
    -Vim li cas ho yuav khwv npaum li no nyob hauv lub qab ntuj no?
    - Ib tug neeg thoob tsib ntse, ua yam twg kuj tau zoo txaus qhuas. Nws hnub kawg yuav tau tso tas txhua yam rau luag lwm tus khaws yuav. Nws lub tswv yim zoo, thiab zaj xav ntawd yog yaj ntshis tiag.
    -Thaum nws xav thiab ntaus tswv yim ua, nws muaj kev ntxhov siab, thiab pw tsis tsaug zog, nws ua tas zog kom tau, txhua yam zoo,ib sij huam xwb cia li yog yaj ntshis lawm.
    -Hos sab nyob hauv Tswv Ntuj mas muaj nqis nyob mus li.
    -Cov hauj lwm nws tau tsim koob hmoov muaj nqi, hlob nyob zais ntshis hauv Tswv Ntuj lub hwj chim.
    -Vim tias, nws txoj sia thiab nws tes hauj lwm, yog txoj kev xyaum txais cov koob hmoov rau lub neej nyob saum ntuj.
    -Txoj sia thiab cov koob hmoov yog Tswv Ntuj ntiag tug, hos cov txiaj ntsim nyob ntiaj teb no, tab txawm yog yus muaj ntau npaum li cas los nws yog ntiaj teb teej tug. Yuav cia rau neeg ntiaj teb siv, yam li tej tub ki los tej txheeb ze uas lawv tseem ua lub neej rau ntiaj teb. Vim yog hom zwm rau ntiaj teb, nws yuav tsis nrug ntawm ntiaj teb no mus.

    Paj Lug thiaj hais rau cov Kos Los Xais tias:
    (3:1-6+9-11.
    Cov neeg txais lub cim ntxuav. Lawv sawv muaj txoj sia tshiab nyob hauv Leej Pleev. Lawv yuav pom tas txhua yam nyob txawm hauv Leej Pleev.
    -Vim txoj sia nws tuaj ntawm Tswv Ntuj tuaj. Thiab nws yuav rov qab mus cuag Tswv Ntuj.
    -Paj Lug thiaj qhia tias, Nej pom xeeb nrog Leej Pleev sawv rov los. Nej yuav nriav tej yam nyob txheej ntuj saud. Uas yog txoj sia nyob txawm hauv Leej Pleev.
    -Vim tias, Leej Pleev,yog nej txoj sia, thiab lub hwj chim, koob meej.
    -Li ntawd mas nej yuav caiv tej yam uas txhob ua rau Tswv Ntuj npau taws:
    -Yam li yuav caiv, tsis txhob zes luag poj bluag sev, los sis luag tub luag roog.
    -Nej yuav rau siab teev tus nej paub, txhob lam mus teev tus nej tsis paub.
    -Tus uas nej tsis paub ntawd, yog nrhiav kev nplua
    nuj,thyiab hais lus cuav. Vim nej twb raug tus
    tsim neeg rov tsim nej tus ntsuj duab nyob hauv
    lub cim ntxuav lawm.
    -Vim txoj kev rov tshiab tuaj yog tawm hauv Leej
    Pleev los.
    Lus Kas ntawv Moo Zoo hais ntxiv tias:(12:13-21)
    -Tus saib tej yam nyob ntiaj teb no muaj nqi loj,
    thiab nws tso siab rau mas tus ntawd yuam kev.
    Yes Xus hais tias, nej ceev faj kom nej txhob
    ntshaw txog dab tsi .
    -Ib tug neeg nplua nuj loj los txoj sia tsis yog nws
    tug. Peb yuav nrhiav tej yam muaj txoj sia nyob
    hauv Tswv Ntuj los ua peb tug.
    -Lo lus hais tias txoj sia tsis yog peb tug, vim peb
    Lam muab Tswv Ntuj lub npe los teev, tab sis peb
    mus teev tau tus uas peb tsis paub, xws li peb tso
    siab rau ib yam peb xav tias yog yam muaj zog uas
    nws yuav pab peb tau.
    Thaum txog hnub kawg ces yog yaj ntshis, peb tsis
    muaj dab tsi li.
    -Saib tej daim duab zoo li no:
    Koj tso siab rau ib tug ntoo koj nkaum hauv,nws
    muaj ib tug ceg qhuav, poob los raug koj,yog peb
    teev tus peb tsis paub nws kuj cawm tsis tau peb...
    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 11th August 2013, 10:17 am


    NRUAB XYOO CHIV 19 C.

    Ntawv thoob tsib qhia peb txog:(18:1-9.)
    -Thawj hmo hla uas Tswv Ntuj npo tsoom His Xas Lais cov tub ntawm txoj kev tuag. Cia tsoom yeeb ncuab lawv cov tub mus zwm kev tuag. Nyiam no los Tswv Ntuj kuj tseem niaj hnub npo peb xws li ntawd.
    -Vim Tswv Ntuj xav pab sawv daws tso siab, thiab ua siab loj rau cov lus uas Tswv Ntuj tau cog rau leej tib neeg tseg tias:
    -Leej twg siab ncaj ces yuav tau txais kev dim. Hos cov nyiam ua yeeb ncab, yuav raug ploj mus.
    -Zaj lus no kuj yog ib zaj lus xws li Hmoob cov zaj npau suav nyob nruab dab ntub, xws li, tus neeg muab hlob, thiab khav theeb nws saib tsis tau cov me nyuam neeg, los cov pluag. Nws ua kom lawv muaj kev tu siab, los npau taws, ceeb nyeej. Rau txhua yam yam kev vam meej los kev sib ntxub.
    -Ntawm Tswv Ntuj, mas ib txhis nws yeej nyiam thiab hlub cov neeg txom nyem.
    -Cov neeg txom nyem feem ntau, lawv yog Tswv Ntuj,cov tub txib uas cev tej yam ntxim Tswv Ntuj lub siab dua cov.
    -Zoo li no mas peb yauv rau siab mloog Ntuj lo lus thiab sib pab sib nres kom peb hla dlau lub ntiaj teb kev txom nyem, kom tau mus txog chaw.

    Ntawv Hes Nplaws hais tias: (11:1-2.+13-19.)
    -Thaum ib tug neeg tso siab rau Ntuj mas nws tsis yuam kev.
    -Tswv Ntuj yuav pub tas txhua yam uas Ntuj tau cog lus tias muab pub rau nws:
    Yam li lub teb chaws thiab tus ntsuj plig uas hais tias yuav muaj txoj sia nyob mus li.
    Tswv Ntuj twb tau pub rau peb cov poj yawm txoov koob, suav txij li Has Nplas los, mas Ntuj twb pub rau ntau vam leej uas suav tsis txsheeb lawm.
    -Cov poj yawm txwv Koob lawv tsis tau pom yam uas Ntuj tau cog lus, tab sis lawv zeem tias lub ntiaj teb no, yog ib txoj kev tawm rooj, hla mus rau lub teb chaws nyob tiaj tus, xws li pem qaum ntuj.
    -Tswv Ntuj muaj cov lus cog tias:
    Tus tso siab yuav tau txais txoj kev zam kev hlub.Ua li mas Tswv Ntuj tsis muaj chaw txaj muag tias Nws yog neeg ntiaj teb cov ntsuj plig thiab txoj sia tus Tswv Ntuj tiag.
    -Peb Hmoob cov poj yawm txwv koob siab ncaj yeej muaj ib feem tso siab nyob hauv tus yawg koob Has Nplas txoj kev ntseeg. Nyiam no thiaj hlav tuaj txog peb sawv daws.

    Yes Xus hais nyob hauv Lus Kas ntawv Moo Zoo tias: (12: 32-40. (los sis)12:41-48.)
    -Leej twg yog tus thoob tsib thiab ntse, mas tus tswv yuav tsa nws ua tus saib cov tub zog.
    -Thaum nws faib txhua yam kom haum pheej, ces tus ntawd yau tau txoj hmoo zoo.
    -Tswv Ntuj nws niaj hnub tuaj cuag peb, peb yuav rau siab tos Tswv Ntuj txhua lub caij nyoog.
    -Tswv Ntuj kheev tuaj xyuas peb:
    Thaum peb ntsib, los txais ib tug neeg, los thaum peb nrog ib pab neeg sib tham, thaum muaj neeg txib peb kom peb ua ib txoj hauj lwm, thiab thaum muaj cov neeg ntxhov siab tuaj xyuas yus.
    -Tswv Ntuj tos ntau yam zoo los ntawm yus tes hauj lwm los yus txoj kev xav. Saib yus puas yuav cev yam Tswv Ntuj tos, los yus tsis cev dab tsi li rau Tswv Ntuj.
    -Lo lus tias tus tub txib noj mov haus cawv qaug,ces yuav raug tus tswv ntiab tawm.
    Lo lus no, xws li peb qaug rau kev ua txhaum peb pw nyob hauv peb cov txhaum mus li ces peb tsis nco qab ua yam uas Tswv Ntuj tos ntawm peb.
    -Tswv Ntuj xav kom peb ua thiab hais hom lus kom pab tau peb, thiab tsoom txheeb ze muaj zog hla lub ntiaj teb no, kom mus txog lub tsheej nyob rau lub teb chaws muaj kev kaj siab lug, tsis muaj kev txom nyem, uas neeg tus ntsuj plig tos txog cia rau neeg txoj sia tau nyob twj lij mus tas txhiab niag tim puas xyoo.
    Yaj Xib Hwb Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 16th August 2013, 11:51 pm

    NRUAB XYOO CHIV 20 C tim 18/08/2013.

    XH.Zoov Ntxheb Yaj Nthuav Ntawv Ntshiab. - Page 3 Jesus_10Ntawv Yes Les Mias hais tias:(38:4-6+8-10.)
    -Tswv Ntuj cov lus, yog ib co lus uas tsis xis neeg siab! Tab sis Nws yog qhov tseem ceeb.
    -Ib tug neeg vaim kuj teb txawj hlub Tswv Ntuj tus Yaj Saub dua cov Yus Das.
    -Lub ntsiab lus hauv tsab ntawv ib, hnub no, xav qhia peb tias:
    Peb txhob xav tias peb yog cov neeg ntseeg txog Ntuj kev cai, mas peb zoo txaus lawm. Peb yuav ua thiab hais dab tsi los tau. Zoo li peb tsis muaj txhaum.
    -Ntau zaus peb coj li ib tug neeg tsis hwm Ntuj thiab tsis txawj hlub neeg. Cov neeg peb xav tias lawv tsis paub Tswv Ntuj, tej zaum lawv yog cov txawj hwm Ntuj thiab txawj hlub neeg zoo dua peb.

    Ntawv Hes Nplaws hais tias: (12:1-4.)
    -Tas paus tsav yam kev coj peb ua txhaum nyob ncig peb. Peb yuav ntsia ntsoov Yes Xus peb thiaj tsis ntaus siab me.
    -Muaj neeg coob ntsia peb,peb yuav ntiab puas tsav yam uas rub peb lub siab kom ua neeg siab hnyav.
    Thiab ntiab cov kev ua txhaum nyob vij peb mus deb peb,
    -Peb yuav saib tias Yes Xus yog tus qhib txoj kev ntseeg  ua kom peb muaj zog. Li ntawd, mas Yes Xus tsis xaiv txoj kev tau zoo nyob kom muaj koob meej. Nws tsis ntshai poob hwj chim uas raug cov neeg txhaum muab nws hiam. Nyiam no Yes Xus nyob ntawm Tswv Ntuj Leej Txiv sab xis.
    - Ib tug neeg ntseeg nws yuav thau tas txhua yam coj nws mus zwm rau kev ua txhaum pov tseg kom tas; nws thiaj txawj nyiam los txawj hlub tsoom txheeb ze nws,
    -Vim neeg tej kev ua txhaum no, mas Yes Xus thiaj li tau tuag nyob saum ntoo cuam.
    Peb los nyob hauv txoj kev ntseeg vim peb xav thau kev ua txhaum pov tseg.

    Kus Kas ntawv Moo Zoo thiaj hais ntxiv tias:922;19-23.)
    -Yes Xus tsis xav cia ntiaj teb neeg tsaug zog mus li nyob hauv kev ua txhaum. Yes Xus tuaj diaj peb tias tsis zoo tsaug zog twj ywm nyob hauv kev ua txhaum. Yes Xus hais tias:
    Ua li mas kuv yuav tau txais cov kab ke ntxuav. Kuv ntxhov siab kawg, mus txog lub caij txais cov kab ke ntxuav ntawd tiav tas.
    -Kuv tuaj tsis yog tuaj muab txoj kev thaj yeeb li neeg xav.
    -Kuv tuaj muab txoj kev sib ncaim, Txij no mus ib tse neeg muaj 5 leeg yuav sib ncaim, peb tug yuav tiv ob tug, ob tug yuav tiv peb tug.
    -Lo lus Y.X. hais no yog tseeb tiag. Ob leeg nkawd yuav teev hawm tus uas nkawd paub.  Hos peb leeg lawv yuav teev tus uas lawv tsis paub. Lawv lub siab tsis zoo ib yam, lawv lub tswv yim kuj tsis xav ib yam thiab.
    -Qhov kawg lawv txoj sia, thiab lawv cov ntsuj plig nyias mus taug nyias txoj kev. Lawv txoj sia kuj tib yam:
    Ib co lawv txoj sia lawv tau muab cev rau Tswv Ntuj khaws  cia ceev rau qhov zoo chaw tos txog hnub Ntuj yuav muab rov los zwm rau lub cev ua muaj tus  ntsuj duab sawv nrog.
    Hos ib txhia, ces lawv ua lawv txoj sia ploj lawm, lawv txoj sia yuav mus tsiv nraim nyob rau lub teb chaws txom nyem tos lub cev mus raug txim.
    -Yog yam ua tau mas txoj sia thiab tus ntsuj plig yeej xav ua rog rau lub cev thiab lub siab, vim tias lub cev lub siab xav ua yam phem ces tus ntsuj plig nrog txoj sia thiaj li tau ploj mus.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 3 Fleurs10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 23rd August 2013, 7:20 pm


    NRUAB XYOO CHIV 21C, Tim 25-08-2013.


    XH.Zoov Ntxheb Yaj Nthuav Ntawv Ntshiab. - Page 3 Hieron10Ntawv His Xais hais tias:(66:18-21.)
    -Tswv Ntuj npaj txoj kev rau neeg nrog Tswv Ntuj sib haum xeeb.
    Tswv Ntuj tau tshoj tej tus neeg lub siab kom lawv nyiam mus tshaj Tswv Ntuj lo lus  kom sawv daws tuaj hwm Tswv Ntuj.
    Peb cov neeg ntseeg yog cov xub paub Tswv Ntuj lo lus dua. Peb yog Tswv Ntuj cov Yaj Saub thiab cov tub tshaj ntuj lus.

    -Tswv Ntuj lub suab thiab nws lo lus yuav nrov hauv peb lub ncauj tuaj xws li tus Yaj Saub His Xais tau tshaj Tswv Ntuj lo lus tias:
    -Kuv yuav sau tas txhua haiv txhua xeem hom lus, kom lawv tau tuaj pom kuv lub hwj chim. Kuv yuav ua tej lub cim rau lawv pom, kuv yuav xa neeg mus cuag lawv thoob plaws plaub ceg kaum ntuj.
    -Vim tseem tshuav neeg coob leej tsis tau hnov txog kuv lub hwj chim, Thaum lawv tau pom kuv lub hwj chim lawm, mas lawv yuav nqa lawv cov paj tshab  zoo tuaj hwm lawv tus Tswv Ntuj. Yam li yog lawv lub siab dawb huv thiab kev ncaj ncees.

    -Tswv Ntuj cov yaj saub thiab cov tub tshaj ntuj lus mas yog peb sawv daws, uas peb twb tau paub thiab pom Tswv Ntuj lub hwj chim lawd.

    Ntawv Hes Nplaws hais tias: (12:5-7+11-13.)
    -Peb lub neej mas ceeb laj ris,Tswv Ntuj cov lus kuj ceeb laj mloog kawg thiab. Tab sis tus muaj Tswv Ntuj cov lus mas nws ua lub neej nyob kaj siab lug.
    -Yog tus nrog Tswv Ntuj sib haum xeeb lawm, mas Tswv Ntuj xav hais li no rau nws tias:
    -Me tub koj txhob thuam Huab Tais cov lus qhia! Yog nws qhuab qhia koj mas txhob ntaus siab me. Vim Huab Tais xav kho tus uas Huab Tais nyiam, thiab nws hlub. Huab Tais tsis nplua leej twg, nws xav txais los ua nws cov tub.
    -Huab Tais cov lus zoo li ib leej txiv nws qhuab qhia nws tus tub, tsis muaj cov lus ua kom tus tub ntawd nws tu siab. Yog koj zoo siab txais, koj yuav txi tau ib lub txiv zoo, muaj kev ncaj ncees thiab kev kaj siab lug  tawm tuaj nyob hauv koj lub neej xwb.
    -Zoo li koj tsis raug ua neeg dig muag los ceg tawv. Uas tsis pom los mus tsis tau kom txog chaw.

    Nyob hauv Lus Kas Ntawv Moo Zoo hais tias: (13:22-30.)
    Tab yog yus yog neeg ntseeg, los yus yuav ceev faj, tej zaum yus tsis npuab Yes Xus  pes tsawg. Peb yuav ntsia thiab kawm Yes Xus mus li kom peb tau ua raws li Yes Xus lub siab nyiam.
    -Yes Xus thiaj hais tias, nej ua tiag mus rau lub qhov rooj nqaim mas. Tsis muaj coob leej nrhiav tau lub qhov rooj ntawd mus hauv. Thaum tus tswv kaw qhov rooj lawm, tab txawm muaj neeg khob qhov rooj los tus tswv yuav hais tias, kuv tsis paub nej.
    -Nej yuav hais tias, Huab Tais, peb twb tau nrog koj noj mov haus dej ua ke lawm ne! Koj twb tau qhuab qhia peb hauv tsev los tom tshav puam tib si lawm thiab!
    Tus Tswv yuav hais tias kuv tsis paub nej nyob qhov twg tuaj. Nej txav mus deb ntawm no.
    Nej mas nej tsuas kawg yuav ntsia Has Nplas thiab cov Yaj Saub nyob hauv lub tuam tsev ntshiab no mus li xwb.
    -Cov Yaj Saub lawv yog cov neeg ntseeg thiab npuab Yes Xus , lawv tau mloog thiab ua raws li Yes Xus nyiam. Lawv ntseeg thiab tso siab rau Tswv Ntuj xws li tus yawg koob Has Nplas, uas ntseeg txogTswv Ntuj mus li tsis fav xeeb..

    Yaj Xib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 24kelt10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 31st August 2013, 7:50 pm



    NRUAB XYOO CHIV 22 C. Tim 01-09-2013.


    XH.Zoov Ntxheb Yaj Nthuav Ntawv Ntshiab. - Page 3 Un-ges10>Ntawv Npes Xis Las hais tias: (3;17-18+20+28-29.)
    Cov neeg thoob tsib nyob ntawm Tswv Ntuj, ntau zaus yog cov neeg me.

    -Tswv Ntuj kheev hais rau cov neeg me tias:
    Me tub koj ua siab ntev, coj koj tej hauj lwm, luag yuav nyiam koj dua cov thawj neeg uas pub paj tshab ntau.
    Huab Tais muaj rab peev xwm loj tas nrho, tsuas yog cov neeg me thiaj cav txog. Koj txo koj lub hwj chim ua neeg me, Huab Tais thiaj nyiam koj.
    -Cov neeg muab hlob, thaum lawv raug txom nyem mas lawv yuav tsis muaj kev dim. Vim tus neeg muab hlob nws lub siab phem ntawd, ntawd ib tug cag tob heev. Hos tus neeg me nws yuav ua neeg thoob tsib yoog tau txoj kev thoob tsib nqes saum ntuj los, nws yuav nyob kaj lug.

    Ntawv Hes Nplaws hais tias: (I12:18-19+22-24.)

    -Peb nrog Tswv Ntuj cog lus nyob hauv Leej Pleev, peb yuav muaj kev lom zem, vim peb nyob ze Tswv Ntuj thiab Yes Xus.
    Paj Lug hais rau cov Hes Nplaws tias:
    Kwv tij nej tau txav los cuag Tswv Ntuj. Nej tsis tau pom tej yam xws li Mais Xes, thiab tsoom His Xas Lais tau pom nyob saum lub roob Xis Nais thiab lub suab nrov li xob quaj. Thaum mej pib ntseeg txog Yes Xus, nej tau txav los nyob saum lub roob Xis Yoos, yam li nej tau txav los nyob hauv Tswv Ntuj txoj sia nyob Yes Lus Xav Les. Zoo li nyob saum ntuj.
    Nej yuav tau nrog cov tshiab sib txoos ua ib pab. Nej lub npe yuav raug sau tseg nrog Tswv Ntuj cov tub hlob nyob saum ntuj.
    Nej tau txav los ze tus Tswv Ntuj txiav txim rau lub sim ceeb, thiab cov neeg ncaj lawm.
    Nej tau txav los nyob hauv tus cog lus tshiab cov roj ntsha. Muaj zog dua As Npes cov ntshav.
    As Npe tuag nws cov ntshav ntws mus ntxaum av ua kom neeg tau txais kev txom nyem nrog kev iab kev khwv.
    Hos Leej Pleev tuag nws cov ntshav poob mus rau saum lub ntiaj teb yog kev cog lus rau neeg ntiaj teb tias, tus ntseeg yuav tau txoj sia nyob mus li los ua nws tug.

    Lus Kas ntawv Moo Zoo hais tias: (14:1+7-14.)

    Tas sawv daws nyob ntawm Tswv Ntuj xub ntiag cov loj tsis yog cov uas peb xav tias lawv yuav yog.
    -Peb sawv daws yuav nyiam ua neeg me.
    Yes Xus hais ib zag paj lug rau cov Fas Lis Xais mloog tias:
    Thaum luag caw koj mus noj mov. Koj yuav tsis txhob mus zaum thawj lub rooj! Tsam tus tswv caw ib tug muaj hwj chim dua koj tuaj zaum. Ces nws yuav hais rau koj tias:
    -Koj tseg qhov chaw no rau tus no zaum. Ces koj yuav sawv mus zaum qhov chaw kawg.
    -Tus uas nws rov tsa nws siab, Ntuj yuav ua kom nws qis. Hos tus nws ua nws qis Ntuj yuav tsa kom nws siab.
    Yog koj muaj ib rooj mov noj mas koj txhob caw koj tsev neeg, thiab koj cov txheeb ze xwb. Lawv yuav rov caw koj ces koj tau txais kev pauj lawm.
    Thaum koj muaj ib rooj mov noj mas koj yuav caw cov pluag, cov dig muag, cov ceg tawv uas lawv yuav pauj tsis tau rau koj. Thaum txog lub caij cov neeg ncaj sawv rov los tus Tswv yuav pauj rau koj.
    -Zaj lus hnub no Tswv Ntuj kuj rov ua paj lug hais rau peb sawv daws tib yam li thaud Yes Xus tau hais. Yog peb xav to taub zoo dua mas peb yuav nrog Leej Tswv Yim Ntshiab tham dua ib zaug kom peb to taub nyob nruab siab. Peb thiaj yuav nyob kaj lug. Nws kuj tsis yog cov paj lug tob tob uas peb tsis paub zoo.


    Yaj ib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 14927211
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th September 2013, 9:32 am



    NRUAB XYOO CHIV 23 C.Tim 08-09-2013

    XH.Zoov Ntxheb Yaj Nthuav Ntawv Ntshiab. - Page 3 Wb1jw510


    Ntawv thoob tsib hais tias: (9:13-18.)
    -Peb yuav thov kev thoob tsib ntawm Tswv Ntuj. Vim neeg tsis paub kev thoob tsib.
    -Leej twg thiaj paub tau Tswv Ntuj lub siab thiab lub tswv yim?
    -Neeg ntiaj teb txhua tus, zaj tswv yim tsis muaj zog, thiab tsis khov, tsis ruaj.  Vim tias neeg lub cev ua kom neeg tus plig hnyav, neeg lub cev yog cev av, nws tsuam neeg lub tswv yim, ces nws ua kom neeg ntxhov siab.
    -Peb yuav thov kev thoob tsib  ntawm Tswv Ntuj kom peb paub Tswv Ntuj lub siab. Peb thiaj txawj tso siab rau Tswv Ntuj lo lus ntshiab, kom ntiaj teb neeg taug tau  kev ncaj ncees thiaj ua ntxim Tswv Ntuj siab.  Vim tias kev thoob tsib cawm tau neeg txoj sia.

    Zaj ntawv Fis Les Moos hais tias: (9b-17.)
    Paj Lug saib Fis Les Moos thiab nws tus qhev zoo li yog Paj Lug ob tug tub.
    Os Nes Xis Mos, yog Fis Les Moos tus qhev.  Nws txais kev ntseeg ntawm Paj Lug nyob hauv tsev loj faj. Paj Lug hais rau tus nom Fis Les Moos tias< Koj tus qhev Os Nes Xis Mos zoo li kuv tus tub kuv yug los ntawm cov saw hlau, nyob hauv tsev loj faj.
    Koj hwm kuv mas koj yuav hwm nws xws li yog koj tus kwv zoo nyiam.
    -Qhov zoo nyiam, vim nws muaj Tswv Ntuj kev thoob tsib nyob hauv nws.
    Nws yuav muaj qab hau rau koj tshaj tus qhev lawm, Nws twb muaj qab hau rau Tws Ntuj lawm. Yam li nws yog tus yuav muab Tswv Ntuj kev thoob tsib los  cawm koj. Neb yuav ua kwv ua tij nyob nawm Tswv Ntuj xub ntiag, zoo li nej yug los ua ke ua Tswv Ntuj me nyuam.
    -Paj Lug tau ntuas Fis Les Moos tias:
    Kuv xav nws los cuag koj zoo li kuv lub siab lub plawv.  Zaum no nws rov los, vim lub Moo Zoo, Ntuj xa los rau koj, ua koj tug mus tas ib txhiab ib txhis.
    -Tswv Ntuj xav hais txog txoj kev sib hlub ua kwv ua tij nyob ntawm Tswv Ntuj xub ntiag.
    -Lo lus ua kev ua tij no, yog zoo li peb ntseeg tib tug tswv peb yuav nyob hauv tib lub tsev,
    -Zoo li, tab yog yus cuab kwv tij niam txiv yug tib la los yog nyias muaj nyias kev ntseeg lawm mas nws yuav ua luag kwv tij, yus kuj ua luag kwv luag tij. Vim nyias musj nyias kev ntseeg, cov kev ntseeg no yuav coj luag los ua yus kwv tij... Lawv yuav sib koom nyob ua ib pab, yus kuj yuav koom nrog luag ua lwm pab.

    Mas, Lus Kas ntawv Moo Zoo hais tias: (14:25-33.)
    -Tus xav nrog Yes Xus, nws yuav txiav siab nyiam  Yes Xus tshaj sawv daws.
    -Tus lawv Y.X qab, nws yuav paub tias,  Y.X yuav thov ntau yam ntawm nws.
    Y.X. Hais tias, leej twg nrog kuv mas nws yuav ntxub nws niam nws txiv los nws tej me nyuam thiab ntxub nws txoj sia ntxiv!
    Nws thiaj ua kuv thwj tim tau. Thiab nws yuav kwv nws tus ntoo cuam lawv kuv qab.
    Cov nyiam ntiaj teb lub cuab tam nws ua tsis tau kuv thwj tim.
    Yes Xus hais tseeb txog kev ntseeg, kom peb to taub tias:
    -Txoj kev ntseegb yog kev sib ncaim, yam li, nyias ntseeg nyias zaj ces nyias yuav mus taug nyias txoj kev rau nyias sab.
    -Tswv Ntuj tsis yog hais kom peb sib ntxub!  Yus txhob ntxub tus neeg. Yus yuav ntxub zaj lus yuam kev.  Ntxub txoj sia ho yog li cas! Yam li yus muab yus txoj sia zais kom tsis tau kwv yus tus ntoo cuam.
    -Zoo li muaj kev sib pab cuam, muaj kev sib zam, muaj kev tiv thaiv kom tsis muaj xwv txheej. Yus ua tus mus tsiv nraim kom yus muaj txoj sia nyob cia kom raug lwm tus. Yog yus muab yus txoj sia no mus ua ploj lawm thaum tawm rau ntawm Tswv Ntuj luag coj tau luag txoj sia tuaj, hos yus txoj yus muab zais ces raug ploj lawm. Tsis muaj nyob hauv ntawv kom tau sau tseg.


    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 3 503ce3e6
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th September 2013, 10:06 am


    NRUAB XYOO CHIV 24 C. Tim 15-09-2013

    XH.Zoov Ntxheb Yaj Nthuav Ntawv Ntshiab. - Page 3 Xpewet10

    Ntawv Ib kev tsiv hais tias: (32:7-11+13-14.)
    -Cov His Xas Lais ntxeev siab mus pe tus mlom nyuj. Mas,Mais Xes thov kom Tswv Ntuj tsis txhob rhuav lawv pov tseg.
    -Tswv Ntuj qhia Mais Xes, rov mus nram taw roob, vim lawv muab kub los nchuav ib tug mlom nyuj rau lawv pe thiab teev tus mlom nyuj ntawd.
    -Cov His Xas Lais hais tias, tus mlom nyuj no yog peb tus Tswv Ntuj. Yog tus coj peb tawm ntawm Hais Nkws tos teb los.
    Lawv muab Tswv Ntuj saib zoo li ib tug xob nyug xwb. Tswv Ntuj xav muab lawv rhuav.
    -Mais Xes thov kom Tswv Ntuj nco txog Has Nplas, His Xas Has, thiab Yas Kos lawv peb tug yawg koob uas lawv xub ntseeg thiab tso siab rau Tswv Ntuj. Ces Tswv Ntuj zam rau cov His Xas Lais.
    Niaj hnub no los tseem muaj neeg thov Tswv Ntuj tsis tseg rau peb cov ntseeg cov ua lawv twb paub Tswv Ntuj zoo kawg uas lawv ntxeev siab hla txoj cai los thim Ntuj mus pe ib tug uas nws tsis paub,nws cia li muab tsa ua Tswv Ntuj.
    Peb pom thiab paub tias, yav thaud muaj cov ntseeg raws li Has Nplas thiab Mais Xes  los Pob Zeb, Paj Lug thiab uasYes Xus cov thwj tim ua hauv paus xa lus.
    -Peb tsoom Hmoob teev dab qhuas xws li peb cov poj yawm txov koob. Peb los ntseeg Ntuj, peb rov yug los dua tshiab ua Has Nplas, Mais Xes, thiab Yes Xus cov hauv paus xa lus lawv cov tub ki tshiab,peb yuav thov Ntuj kom txhob rhuav peb haiv Hmoob tsis paub tab paub cai pov tseg, twb muaj peb lawm peb yuav xyaum thov Ntuj li Has Nplas, Lis Mais Xes.thiab li Yes Xus cov hauv paus xas lus. Vim lawv tau txais kev thoob tsib paub cai los ntawm Tswv Ntuj los.

    Nyob hauv ntawv Ib Tis Mos Tes: (1:12-17.)
    -Paj Lug qhuas txog Tswv Ntuj lub siab zoo thiab txawj hlub neeg. Vim Paj Lug saib nws yog neeg muaj txhaum. Tsis kav Tswv Ntuj pub txiaj ntsim rau Nws.
    Paj Lug hais tias:
    Kuv ua tsaug rau tus muab lub zog rau kuv, uas yog peb tus Huab Tais Pleev. Nws tau pom thiab paub cov neeg ncaj, tsis fav xeeb. Ces nws hu kuv los ua nws tus tub txib. Tswv Ntuj twb zam rau Paj Lug.
    -Ua li peb ne!, peb tsis tau ua txhaum loj tiag, tab sis peb lub siab pwv nyob hauv txoj kev ua txhaum, tos txog hnub kev txhaum los ze peb ces peb yuav nthos nkaus. Peb twb ntsib Yes Xus nyob hauv kev thoob tsib muaj txoj sia los ua peb tug, peb yuav rau siab mloog cov lus ncaj ncees muaj txoj sia, mas Tswv Ntuj kuj yuav zam rau peb s,d.  thiab yog peb thov dab tsi mas Tswv Ntuj yuav mloog ib yam li Ntuj tau mloog Has Nplas,los cov hauv paus xas lus. Vim nws yog tus Huab Tais, tus Vaj nyob mus li ib txhiab ib txhis, muaj hwj chim hwj huam loj tas nrho.

    Lus Kas ntawv Moo Zoo hais tias: ( 15:1-3)

    -Tswv Ntuj siab zoo,nws tsis npau taws rau cov neeg muaj txhaum, nws xav zam rau sawv daws.
    Muaj ib hnub cov nom sau se, thiab cov neeg txhaum txav los mloog Yes Xus,cov Fas Lis Xais ntxi tias:
    -Tus neeg ntawd, nws pheej xyiv fab mloog cov neeg txhaum thiab nrog lawv noj mov.
    -Yes Xus paub hauv lawv nruab siab, nws thiaj hais tias:
    Yog nej leej twg muaj 100 tus yaj, yog ib tug ploj lawm, mas nws yuav tso 99 tug tseg rau tom hav quav poj. Nws yuav mus nrhiav  tus ploj ntawd kom tau. Thaum nws nrhiav tau lawm, mas nws yuav hu cov phooj ywg nyob ze tuaj nrog nws zoo siab. nws hais tias, kuv nrhiav tau tus yaj ploj lawm.
    a- Cov neeg hais tias lawv tsis muaj txhaum lawv yog cov 99tus yaj uas tus tswv tso tseg rau tom hav quav poj. Nyob tod tsis muaj tso tsis muaj hma los tom lawv.
    b- Tus Yaj ploj lawm ib yam tus neeg muaj txhaum. Nws raug dab ntxias, los raug tsov tom hma hem nws khiav nws poob zoo lawm.  Nws yog tus ntseeg thiab tsosiab rau Nyuj.
    c- Tswv Ntuj khuv leej tus raug dab hem los raug tsov tom ntawd. Nws mus nrhiav tus tau kev txom nyem, nws nyob hauv kev txom nyem, kev yuam kev tawm tsis tau.
    d- Cov phooj ywg txheeb ze, yog peb cov ntseeg no, peb yuav nrog Tswv Ntuj zoo siab vim Tswv Ntuj nrhiav tau tus ploj no los nrog peb ua kwv ua tij nyob ua ib npoj hauv Tswv Ntuj lub loog.
    -Peb yuav npaj siab tos!  Ib muaj ib zau Tswv Ntuj yuav hu peb tias nej tuaj nrog kuv zoo siab mog.  Vim kuv nrhiav tau kuv tus yaj ploj los lawm. Peb yus mus los peb yuav hais rau Tswv Ntuj tias. Koj nrhia tau lawm ces zoo, kuv tsis khoom tuaj, tsuav kuv paub lawm ces zoo mog.

    Lus Kas ntawv Moo Zoo hais tias: (16:1-13.)
    -Peb yuav rau siab ua raws li lub Moo Zoo qhia, ib yam li cov neeg nrhiav nyiaj, uas lawv muab siab rau ua lawv txoj hauj lwm.
    -Yes Xus qhia nws cov thwj tim tias, muaj ib tug tim xyoob xam txiaj tau muab tus tswv cov nyiaj txiag siv lwj liam Tus tswv hu tus tim xyoob tuaj tias, koj qhia kuv saib, koj muab kuv cov nyiaj siv li cas lawm. Koj yuav tsis tau ua tim xyoob xam txiaj  mus ntxiv lawm.
    -Tus tim xyoob mus xav tswv yim, nws hu cov tshuav tus tswv nuj nqis tuaj nws nug lawv tias:
    -Koj tshuav nuj nqis ntawm kuv tus tswv npaum li cas?  Nws teb tias tshuav 100 thoob roj.  Koj sau ua 50 thoob.  Nug lwm tus ntxiv tias, koj ne! Tshuav li cas?  Nws teb tias tshuav 100  kawm nplej.  Koj sau tias tshuav 80 kawm nplej.
    Yes Xus pom tias nyiaj txiag yog ib yam phem. Tiam sis nyiaj txiag zoo muas phooj ywg,
    -Ib tug neeg muaj nyiaj ntau nws tsis siv nws cov nyiaj los muas phooj ywg mas nws txawm muaj nyiaj ntau puv ob peb txhab los nws yog ib tug neeg pluag tshaj txhua tus neeg hauv cov pluag. Nws tshai noj, tshai hnav tsam luag paub tias, nws muaj nyiaj ntau. Qhov kawg cov nyiaj ntawd tsis yog nws li cia li dhau mus ua ib tug huab tais nyiaj rau nws teev lub caij thaum ua neej nyob no xwb.


    Yaj Xib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 Branch10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 20th September 2013, 7:52 am


    NRUAB XYOO CHIV 25 xyoo C.Tim 22-09-2013




    XH.Zoov Ntxheb Yaj Nthuav Ntawv Ntshiab. - Page 3 20867410Ntswv As Mos hais tias: (8:4-8.)
    -Ntau zaus peb ua neeg ntseeg mas peb xav tias, tsuav peb mus teev Ntuj hnub chiv xwb mas Tswv Ntuj zoo siab rau peb lawm.
    -Tiam sis Tswv Ntuj xub saib tias peb puas ua ncaj rau luag tej.
    Tswv Ntuj muaj ib lo lus hais li no:
    -Nej mloog lo lus no:  Nej uas nej tsuj cov neeg pluag, nej xav kom cov neeg pluag, thiab cov neeg me ploj ntawm lub ntiaj teb no mus!
    -Nej tsuas hais tias, thaum twg uas hnub chiv pheej yuav mus teev Ntuj no mam dhau mus. Kom peb tau muag peb tej toob xib.
    -Peb yuav cuab tus nqi kom siab, thiab peb yuav kho rab teev luj kom ntxo tshaj tuaj. Peb yuav muab nyiaj los muas cov neeg pluag, ua peb qhev.
    Tswv Ntuj hais ntxiv tias:
    Kuv yog Tswv Ntuj, kuv yuav nco ntsoov nej zaj tswv yim thiab nej tej hauj lwm pem no tseg.
    -Tswv Ntuj lo lus uas nws hais,yog koj hlub ib tug neeg txom nyem los neeg pluag  koj tsis ua tub qaug rau nws mas zoo dua koj niaj hnub tuaj teev Ntuj hnub chiv tsis nruam li.

    Paj Lug thiaj hais rau Tis Mos Tes tias: (2:1-8,)
    Thaum peb tuaj sib sau nyob hauv lub tsev teev ntuj, los qhov twg kuj yog.  Peb yuav nco ntsoov thov Ntuj rau lub zej zog, thiab lub teb chaws.
    -Paj Lug hais tias:
    Kuv xub qhia nej kom nej zaj lus thov Ntuj, thiab zaj lus ua tsaug rau zeej tsoom neeg, muaj tsim  los ntawm Tswv Ntuj kev thaj yeeb los nrog nej nyob.
    -Nej yuav thov Ntuj rau cov uaVaj, cov Nom Tswv, cov thawj neeg muaj cai tswj teb kav chaw uas lawv tuav ib txoj kab xwm kom sawv daws sib mloog lus.
    -Vim Tswv Ntuj xav kom sawv daws paub kev tseem ceeb thiab tau txais kev cawm, los ntawm Leej pleev. Vim Leej Pleev yog tus nyob nruab nrab cev lus rau Tswv Ntuj thiab txhua tus neeg.
    -Leej Pleev yog Tswv Ntuj tsis kav nws rov muab nws ua tus nqi txhiv neeg ntiaj teb hauv txoj kev ua txhaum.
    -Leej Pleev zeem tseeb tias muaj li ntawd tiag. Nws tau qhia rau cov Thwj tim paub. Lo lus no, zwm rau Tswv Ntuj lub Koom Txoos uas nrog cov thwj tim cov tub tshaj lub Moo Zoo nyob ib txwm los txog tav no.  Uas txij thaum Tswv Ntuj tsa Paj Lug ua Xib Hwb coj nws lub Moo Zoo mus rau cov neeg teev dab qhuas thoob qab ntuj khwb ntawd los.
    -Tswv Ntuj xav kom sawv daws  thov Ntuj nyob tas qhov txhia chaw, kom sawv daws zoo siab hwm Tswv Ntuj, txhob muaj kev sib cav sib ceg. Thiaj li yog txoj kev ua xis Tswv Ntuj siab.

    Lus Kas ntawv Moo Zooi kuj hais ntxiv tias:
    ( 16: 1-13.)

    -Peb yuav muab siab rau ua raws li lub Moo Zoo  qhia. Ib yam li cov neeg nrhiav nyiaj, lawv muab siab rau ua lawv txoj hauj lwm.
    -Yes Xus thiaj hais txog zaj tus tim xyoob muab tus tswv tej nyiaj txiag siv lwj liam. Tus tswv hu tus tim xyoob tuaj tias, koj qhia saib koj muab kuv tej nyiaj txiag siv li cas. Koj yuav tsis tau ua tim xyoob xam txiaj ntxiv lawm.
    -Ces tus tim xyoob hu cov tshua nuj nqes ntawd tuaj, nws nug lawv tias, koj tshuav kuv tus tswv nuj nqes npaum li cas? Thawj tug teb tias Tsuav 100 thoob roj. Nws hais kom muab sau ua  50 thoob. Lwm tus nws nug tias , koj tshuav li cas? Nws teb tias tshuav 100 kawm nplej. Nws kom muab sau ua 80 kawm.
    -Yes Xus hais tias:
    -Nyiaj txiag yog ib yam phem, tiam sis nws zoo muas phooj ywg.
    -Koj yog neeg muaj txiag koj yuav siv nyiaj los muas phooj ywg. Tus neeg muaj txiag, tab nws muaj ntau txhab tsis paub siv nws cov nyiaj ces nws tseem yog tus pluag tshaj nyob hauv cov neeg pluag lawm.
    -Nws cov nyiaj cia li dhau mus ua ib tug huab tais nyiaj rau nws teev nyob hauv lub tswv yim cuav tsis muaj qab hau tsis muaj txoj sia rau nws lub neej.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 3 Bougie_40
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 27th September 2013, 11:00 am


    NRUAB XYOO CHIV 26 xyoo C. Tim 29-09-2013.


    XH.Zoov Ntxheb Yaj Nthuav Ntawv Ntshiab. - Page 3 Meiste10Ntawv As Mos hais tias:(6:1+4-7.)
    -Cov neeg uas lawv tsuas hais nrhiav kev noj qab nyob zoo, mas muaj ib zaug twg Ntuj yuav muab txim rau lawv.
    Ntawv sau tseg tias, cov neeg tau nyob dawb nyob huv, nyob hauv Xis  Yoos thiab Xas Mas Lias. Lawv pw saum cov txaj kaus ntxhw,  Lawv noj cov me nyuam tsiaj mos. Lawv pleev tshuaj tsw qab, hu nkauj, haus cawv kom qaug. Lawv tsis quav ntsej rau zej zog teb chaws, uas twb yuav ploj mus.
    Lawv yuav xub ua ntej mus nyob txim lawm pej kum teb.
    -Peb yuav saib tias Tswv Ntuj xav hais dab tsi rau peb lub zim txwv no.
    Yog peb tsis txawj sib tso siab, tsis txawj sib hlub,  ces yog lub caij yuav tau mus nyob txim rau pej kum teb lawm.
    Pej kum teb yog lub teb chaws cia rau dab phem thiab cov tub tuag mloog dab lus, coj dab cai lawv xeeb kom muaj kev thuam Ntuj thuam neeg. Cog kev sib ntxub kev cib nyeej, saib kev ua tub qaug muaj nuj nqis loj dua, kom  tau sib xyav ntiaj teb tej suab npe koob meej cheb du lug mus rau dab tuag chaw.  Kom sawv daws tau mus noj dab qav hais dab lus yuav dab siab. kom taug tsis tau tej pog tej yawg qab mus nyob kaj nyob huv.

    Ntawv I Tis Mos Tes hais tias: (6:11-16.)
    -Cov neeg ntseeg zoo li peb, mas peb yuav ua ib cov neeg ntseeg txog Yes Xus thiab peb ua tim khawv zeem tseeb txog Tswv Ntuj xws li Yes Xus tau ua.
    -PajLug tau qhia Xib HwbTis Mos Tes tias:
    Ntawm koj mas, koj yog Tswv Ntuj tus neeg.  Koj yuav khiav mus deb ntawm kev nrhiav nyiaj txiag.
    -Koj yuav xyaum taug kev ncaj ncees hwm Ntuj thiab hlub neeg. Koj yuav ua neeg tij lim nyob hauv txoj kev hlub luag tej. Koj thiaj tau ua ib ntsuj rog zoo los pab kev ntseeg. Thiaj li txeeb tau txoj sia nyob mus li los ua koj tug.
    -Vim zaj zeem tseeb txog kev ntseeg no mas, yuav nyob rau ntawm ntau leej neeg ua tim khawv xub ntiag. Kuv tuav txog Tswv Ntuj Yes Xus pleev lub npe hais tseeb.Thaum Leej Pleev zeem txog Leej Txiv Tswv Ntuj nyob ntawm Poos Xyus Pis Las  Tos xub ntiag, nws yog tus dawb huv.
    -Hnub Leej Pleev tawm tuaj, mas nws yog tus Tswv Ntuj kav tas  Tsoom Vaj thiab cov neeg loj luag hu ua Huab Tais huv si.
    Nws yog tus Huab Tais muaj txoj sia nyob mus li tsis txawj tuag, uas tsis tau muaj neeg pom dua nws lub hwj chim koob meej nyob mus li ntawd.

    Lus Kas ntawv Moo Zoo hais tias:(16:19-31.)
    -Cov uas, tas lawv sid lawv tso siab rau nyiaj txiag, mas lwm tiam lawv txoj hmoo yuav phem.
    -Yes Xus thiaj hais zaj lus txog tus nplua nuj, hnav ntaub tsuj ntaub npuag,  Thiab niaj hnub noj tej rooj qav zoo tas nrho.
    Muaj tus pluag Las Ntxas Los pw ntawm nws lub rooj loog, nws ib ce mob kiav txhab tas,Tus neeg nplua nuj cov dev los yaim nws cov kiav txhab. Tus pluag Las Ntxas Los ntshaw noj cov mov poob saum tus nplua nuj lub rooj mov los.
    -Nyob, nyob ces ob leeg tuag mus, Ntuj cov Tshiab tuaj nqa tus pluag Las Ntxas Los lub cev mus nyob hauv Has Nplas xub ntiag. Tus nplua nuj mus nyob hauv cov tub tuag chaw, nws raug kev txom nyem loj.
    -Tus nplua nuj tsa muag ntsia pom  Las Ntxas Los thiab Has Nplas nkawd nyob deb. Nws hu nrov nrov tias, Txiv  Has Nplas, thov koj hlub kuv mas. Kuv txom  nyem  nyob hauv cov hluav taws no loj heev. Koj kom Las Ntxas Los muab nws  ntiv tes tub dej los chwv kuv tus nplaig kom txias me ntsis.
    -Las Ntxas Los tau txais kev nplij.  Hos tus nplua nuj raug txom nyem nyob hauv lub qhov hluav taws. Vim tias thaum nws ua neej nyob ntiaj teb nws muab kev nplij los noj los haus tas lawm.
    Has Nplas teb tias , nej nyob ib sab ntuj, hos peb nyob ib sab hav. Nyob nruab nrab muaj ib lub qhov ntuj tob kawg, Las Ntxas Los nws yuav los tsis tau tim ko.
    -Tus yuav tau txais kev nplij mas nws yuav xub xaiv txoj kev taug mus, thaum tseem ua lub neej hla lub ntiaj teb no.
    -Txhob tos lub zim txwv kawg mam xaiv ces tsis muaj lub caij nyoog rau yus xaiv. Muaj tsawg tsawg leej thiaj muaj hmoo xaiv lub sij hawm kawg ntawd. Zoo li tus neeg nws ua niaj ua xyoo mob, nws ntsib txoj hmoov ntawd mas nws thiaj tau txais kev nplij los ntawm Txiv Has Nplas los

    Yaj Xib Hwb Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 3 La-vie10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 18th October 2013, 10:58 am

    NRUAB XYOO CHIV 27 Xyoo C. Tim 6-10-2013.

    Ntawv Has Npas Kws hais tias: (1:2-3+2:-2-4..)
    Tab yog peb pom  tias, tas sawv daws ua phem mas peb yuav nco ntsoov tias,tus siab ncaj thiaj yuav tau txoj hmoov zoo.
    -Tus siab ncaj hais hauv nws nruab siab tias:
    Tswv Ntuj kuv yuav thov Koj ntev li cas, thiab kuv yuav hu txog koj tav twg koj mam yuav mloog!  Kuv tsuas pom lub sim ceeb muaj kev tub sab tub nyiag,sib ntaus sib tua,sib cav sib ceg, lub ntiaj teb tsuas muaj kev sib ntiab sib sib ncaim.
    Tswv Ntuj hais rau tus siab ncaj tias:
    Tej yam kuv hais mas tsuav tsis ntev yuav muaj tuaj thiab tseeb, tsis yog dag.
    -Yam phem no nws tsuas muaj tawm los ib vuag xwb. Yam tseeb nyob hauv kuv lo lus qhia mas tsis tawm sai. Yam li:
    -Tus neeg siab nkaus yuav ploj mus. Hos tus neeg siab ncaj yuav ciaj nyob mus li. Vim nws tsis fav xeeb. Nws nyiam npuab Tswv Ntuj kev ncaj ncees.

    Ntawv Ob Tis Mos Tes hais tias: (1:6-8+13-14.)
    -Thaum peb xav tshaj Ntuj lus mas peb yuav ntsib ntau yam nyuaj. Peb yuav nco tias lub tswv yim peb txais ntawm Ntuj los yog ib lub tswv yim muaj zog.
    -Paj Lug hais rau Tis Mos Tes tias, hnub kuv ua lub cim tiag tes rau koj, kuv thov kom Tswv Ntuj pub lub tswv yim muaj txoj sia rau koj tsis yog lub tswv yim ntshai,yog Tswv Ntuj lub tswv yim muaj zog txwj nyiam, txawj tswj yus lub neej, kom txhob txaj muag ua tim khawv zeem txog Huab Tais.
    -Koj txawm yog tus neeg raug luag thuam, luag cem, luag tsawm los luag ua tub qaug rau koj mas koj yuav zoo siab tias, koj nrog Yes Xus Pleev thiab cov neeg siab ncaj raug kev txom nyem vim lub Moo Zoo.
    -Tus neeg siab ncaj nws yuav muaj kev tso siab lug rau Tswv Ntuj lub zog. Txoj kev uas koj tus neeg siab ncaj yuav taug mus ntxiv, yog kev ncaj ncees hauv Leej Pleev lub Moo Zoo. Yog lub cuab tam loj uas Leej Tswv Yim Ntshiab txhawb nqa los ua koj tug.
    Lus Kas ntawv Moo Zoo hais tias:(17:5-10.)
    Peb ntseeg thiab mloog Tswv Ntuj mas peb txhob xav tias Tswv Ntuj tshuav peb nuj nqes.
    -Cov hauv puas xa lus pom Yes Xus ua hwj huam kom mov ntau tuaj, dej txia ua cawv,kho neeg mob, tsa cov tuag sawv rov los.
    -Lawv thov kom Yes Xus muab txoj kev ntseeg rau lawv. Yes Yes Xus hais rau cov thwj tim tias:
    -Tsuav yog nej muaj txoj kev ntseeg luaj li ib lub noob zaub ntsuab xwb mas, nej hais rau ib tsob ntoo vaj khaum, kom nws rov nrho nws mus cog rau saum nplaim dej hiav txwv. Mas tsob ntoo Vaj Khaum  ntawd cia li mloog nej lo lus.
    - Peb txhob tos kom Tswv Ntuj ua tej yam rau peb pom mas peb mam  ntseeg txog Tswv Ntuj. Ib tug neeg tos kom nws tau pom tej yam ntawm qhov muag ua ntej, mas zoo li nws ntshaw kom nws paub thiab txawj ua hwj huam xwb. Nws ntseeg kom tau ua hwj huam nyob hauv nws nruab siab, nws tsis yog  ntseeg thiab mloog Tswv Ntuj lo lus.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 3 Hpfixs10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 18th October 2013, 11:05 am


    NRUAB XYOO CHIV 28 xyoo C. Tim 13-10-2013.

    Ntawv vaj ob hais tias ( 5:1-17.)
    -Tus Yaj Saub Es Lis Xais, kho kom Nas Maas zoo hlo nws tsis yuav dab tsi los pauj.
    -Nyob hauv Tswv Ntuj lub siab, nws tsuas saib tias tsuav yob peb ntseeg thiab tso siab xwb ces Tswv Ntuj yuav pub peb pom nws lub hwj huam cawm neeg.
    -Yog peb ntseeg thiab ua Tswv Ntuj cov hauj lwm mas peb kuj yuav tsis txhob txais ib yam paj tshab li thiab.
    Hos peb yog tus thov mas peb yuav coj li Nas Maas peb thov ib co av uas yog Tswv Ntuj qhov chaw tiag taw kom tau coj mus txhim ib lub thaj ntshiab rau Tswv tuaj nrog peb nyob, vim tias peb tau txiav siab tias peb yuav teev Tswv Ntuj tib leeg xwb, peb yuav tsis tsob zeem txog cov dab nyob ntiaj teb no lawm.

    Ntawv ob Tis Mos Tes hais tais: ( 2: 8-13.)
    -Cov hauj lwm tshaj Ntuj lus yog ib co hauj lwm ntsib xwv txheej ntau. Peb yuav ua siab loj, vim tus nrog Yes Xus Tuag mas nws kuj yuav nrog Yes Xus muaj txoj sia nyob.
    Koj yuav nco ntsoov tias Yes Xus Pleev sawv hauv cov tub tuag rov los,
    Tus raug txom nyem vim nws nyiam Leej Pleev. Luag yuav muab nws xauv li tus tub sab. Tab sis luag yuav xauv tsis tau Tswv Ntuj lo lus. Peb thiaj tso siab tias, peb nrog Leej Pleev tuag mas Leej Pleeb yuav faib txoj sia nyob mus li xws li nws txoj rau peb.
    -Leej Plev twb yog tus ua Vaj nyob ruaj nreb. Yog peb thim nws mas nws kuj yuav thim peb. Yog peb ua tsis ncaj, mas nws yuav ua ncaj mus li. Vim Leej Pleev nws rov thim nws tsis tau.

    Lus Kas ntawv Moo Zoo hais ntxiv tias: (17: 1-19.)
    -Peb sawv daws txais Ntuj cov txiaj ntsim, Tab sis muaj tsawg leej kawg thiaj paub Ntuj pub txiaj ntsim, thiab txawj ua Ntuj tsaug.
    -Yes Xus thiaj hais zaj 10 leej mob ruas rau peb hnov. Cov neeg thov mas Tswv Ntuj pub tas nrho rau sawv daws.
    Yes Xus hais tib lo lus rau sawv daws. Tsis txaus ntseeg, tab sis yog lus thuaj:
    Lawv thov kom Y X kho lawv tus mob ruas, Yes Xus teb tias, Nej mus rau cov Leej Choj xyuas! Tus ntseeg ces yuav taus txais, Thaum peb tsis pom qhov peb thov mas peb txhob poob siab:
    -Koj muaj mob vim koj lub tsho ntuag koj thov koj tsis pom qhov mob ntawd zoo. Ntuj yuav ua kom koj mus muas tau ib lib tsho sov los hnav, thaum koj tau lub tsho sov hnab lawm koj kuj tsis paub ua cas koj tus mob cia li zoo lawm. Tswv Ntuj pub tej txiaj ntsim sib hloov li no ces peb thiaj twv tsis tau lub txiaj ntsim Ntuj muab pub rau peb niaj hnub no.
    -Nco ntsoov peb cov neeg ntseeg peb nquag thov Ntuj mtau,peb tsis to taub thiab tsis pom Ntuj cov txiaj ntsim poob los xyeem ntawm peb qhov muag. Ces peb tsis ua Tswv Ntuj tsaug ntev mus peb yuav tsis nco qab tias Ntuj pub txiaj ntsim rau peb li.
    Peb cia li lam mus thov txiaj ntsim ntawm tej tus neeg laus los peb xav nws yog neeg thoob tsib los neeg muaj hmoo peb cia li tsos siab rau neeg ob peb lo lus ntawd xwb.
    -Peb mloog saib Y X hais li cas rau tus neeg rov los ua tsaug! Yes Xus ib txwm hais tias, Koj lub siab ntseeg cawm koj lawm koj mus koj nyob kaj lug. Los koj txhob ua ntxhaum ntxiv lawm.
    -Yes Xus tsis tau hais tias, koj thov ces koj zoo lawm mog.

    Yaj Zoov Ntxheb (Xib Hwb.)

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 19th October 2013, 7:31 am



    NRUAB XYOO CHIV 29 xyoo C Tim 20-10-2013.

    XH.Zoov Ntxheb Yaj Nthuav Ntawv Ntshiab. - Page 3 56733010Ntawv kev tsiv hais tias: ( 17: 8-13.)
    -Thaum Mais Xes muab siab rau thov Tswv Ntuj mas Tswv Ntuj pab cov His Xas Lais.
    Peb cov neeg ntseeg tab yog peb ua txoj hauj lwm twg los xij peb yuav thov Ntuj pab peb thiaj muaj zog.
    -Zaj lus hauv kob tsov rog His Xas Lais, thiab As Mas Les, muab ntaus nqi txhua fab hauv ib tug niam tsev los ib tug txiv tsev lub neej muaj kev nyuaj siab kho siab uas tuaj ua lub neej saub neej see rau saum lub ntiaj teb no:
    Thaum Mais Xes tsa Tswv Ntuj tus pas nrig nyob siab mas cov His Xas Lais lawv yeej tsam rog.
    Thaum Mais Xes tsaug leeg nws ob txhais tes poob qis mas cov As Mas LesYeej.
    -Lub ntsiab lus no, Tswv Ntuj xav kom peb muab siab rau thov Ntuj rau peb thiab rau cov neeg peb paub tias lawv tos Ntuj cov txiaj ntsim koob hmoov tuaj pab lawv.
    Zoo li yus yog ib tug neeg ntseeg lawm yus tsis txhob cia luag thov Ntuj rau yus, Yus yuav ua tus thov rau yus thiab rau luag huv tib si mas thiaj yog.
    Yog yus cia lub Koom Txoos los lwm tus neeg thov ntuj rau yus mas luag yuav qaug zog xws li Mais Xes tsaug  leeg zaj thov Ntuj tsis muaj zog, cov yeeb ncuab yuav yeej.
    -Peb txhob cia lub Koom Txoos, Vaj Qhia, Cov Tswv Qhia, cov Leej choj, cov Xib Hwb, lawv thov ntuj rau peb xwb, yog peb tsis koom siab nrog lawv thov, thaum lawv tsaug leeg lawm ces lawv zaj thov tsis muaj zog, peb sawv daws  tau kev nyuaj siab vim tsis muaj neeg thov Ntuj txhab zog rau neeg lub neej kev mob nkeeg kev lwj siab los raug kev txom nyem. Ces neeg ntiaj teb yuav swb rau kev mus ua txhaum. Thaum kev ua txhaum plooj sawv daws qhov muag tas lawm txhua tus neeg yauv zoo siab pw nrog kev ua txhaum tsis kam hloov  rov los los tsim rov los taug kev ncaj  ncees. Sawv daws yuav teb rau Tswv Ntuj hais tias, peb ua kam thiab peb yeej nyiam li no. Peb txaus siab ua lawm.

    Ntawv ob Tis Mos Tes hais tias: (3: 14-17.)
    Cov ntawv ntshiab, yog Tswv Ntuj cov lus coj peb kev.Peb yuav nrhiav Tswv Ntuj lub Tswv Yim nyob hauv cov ntawv Ntshiab.
    -Peb cov neeg ntseeg, txais lub Cim Ntxhuav peb yuav txaus siab txais txais Ntuj cov lus nyob hauv cov ntawv ntshiab. Yog ntawv Ntshiab thiaj muaj peev xwm pub kev thoob tsis rau koj. Kev thoob tsib  coj koj mus txog txoj kev cawm seej nyob hauv Yes Xus Pleev,cov ntshav ntshiab.
    -Ntawv Ntshiab pab tau kom neeg muaj txuj ci tiv cov lus dag. Pab kho zaj lus yuav kev, zoo pab neeg xyaum mus taug kev ncaj ncees, thiab ua neeg hlob tiav muaj txhij txhua tsim nyog tias yog qaum ntuj  ib leeg zoo tub ki.

    Lus Kas ntawv Moo Zoo hais tias: (18: 1-8.)
    -Thaum peb thov ntuj pab peb mas peb yuav ua siab ntev tos.Vim ntau zaus, Tswv Ntuj tos kom peb yuav ib lub siab zoo dua tso, ntseeg thiab tso siab zoo dua.
    YesXus hais tias:
    Nej yuav teev Ntuj tsis tseg txhob ntaus siab me. Tab yog tus nom txiav txim hauv lub nroog, nws tsis hwm Ntu hwm neeg, Ib tug poj ntsuam raug luag saib tsis tau tuaj thov kom tus nom ntawd tsa nws cais, nws tsis xav tsa los yuav txob nws ua hnub ua hmo, ces nws yuav tau tsa tus poj ntsuam ntawd cai.
    -Xav saib, vim li cas Tswv Ntuj yuav tsis tsa cai pab cov uas Tswv Ntuj xaiv. Vim tias nruab hnub hmo ntuj los  lawv hu txog  tswv Ntuj tsis tseg li.
    -Leej Pleev uas nws yog Leej neeg tus tub thaum nws rov los  mas nws xav ntsib cov neeg ntseeg nyob ntiaj teb no.
    Ua li mas yog nej thov ntuj nej tsis tau txais dab tsi mas tsis txhob ntau siab me. Nej cov lus thov yuav los ntxiv nej lub tsho khaub hlab los nej nkawm khau ntuag kom zoo nkauj, ces hnub nej yuav tau pom ntawd hloov ua ib lub tshos vaj rau nej hnav ua tau khau Huab tais rau nej rau. Cov lus tsim nuj no yog Tswv Ntuj tshoj tej tus neeg sau tseg hau kev ncaj ncees los..      


    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 3 3fbc9810
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 25th October 2013, 9:10 am




    NRUA XYOO CHIV 30 C Tim 27-10-2013.

    XH.Zoov Ntxheb Yaj Nthuav Ntawv Ntshiab. - Page 3 E82cab10

    Kuv qheb ib lub qhov rooj ntawm koj hauv ntej uas tsis muaj leej twg yuav kaw.


    Ntawv Npes Xis Las hais tias: (35:12-14+16-18.)
    -Tswv Ntuj hlub cov neeg me. Tswv Ntuj nyiam kom peb thov Ntuj xws li tus neeg me. Uas lawv tos txhua yam txiaj ntsim tuaj ntawm Tswv Ntuj tuaj.
    -Cov neeg uas lawv tsob hwb Tswv Ntuj mas Tswv Ntuj hnov nws lub suab nrov ntxhe mus txog txheej ntuj saud. Tswv Ntuj yuav mloog lawv lub suab thov.
    -Lub caij Tswv Ntuj txiav txim mas tswv Ntuj tsis kws Leej twg cai.
    Cov neeg muaj, Tswv Ntuj kuj tsis saib lawv loj dua.
    -Cov yog poj ntsuam los tub ntsuag, Tswv Ntuj kuj tsis tso lawv lo lus thov pov tseg.
    -Tswv Ntuj yuav txav los nyob ze cov neeg lawv coj li tus neeg me, thiab lawv nyob li tus neeg txom nyem. Tswv Ntuj yuav tsa kev sib haum xeeb nyob hauv cov neeg me no  kom lawv lub siab nqig thiab lawv nyob tiaj tus zoo.

    Ntawv Ob Tis Mos Tes hais tias: (4:6-8+16-18.)
    -Thaum cov Los Mas txiav txim rau Paj Lug mas Nws tsis ntaus siab me txawm nws nyob tib leeg xwb los Paj Lug paub tias Tswv Ntuj pub lub zog nrog Nws nyob, ces Paj Lug hais tias:
    -Nyiam no txog lub caij uas kuv yuav hliv kuv roj ntsha los ua thaj txi Ntuj. Zaum no kuv khiav txog chaw lawm. Kuv tau nyob hauv txoj kev ntseeg txog qhov kawg, Zaum no yog hnub Huab Tais yuav muab lub mom nyiaj mom kub phim cov neeg siab ncaj rau kuv ntoo.
    -Thaum neeg txiav txim li no rau kuv, twb yog Huab Tais npo kuv dim los ntawm ncauj Zag Tsov lo los lawm, kuv tus ntsuj plig yuav tau nyob thaj yeeb mus li hauv Tswv Ntuj lub Ceeb Tsheej.(Ua li.)

    Lus Kas ntawv Moo Zoo hais tias:(18:9-14.)
    -Tswv Nthuj pab cov neeg uas lawv hais tias lawv muaj txhaum, thiab pab cov lawv coj li tus neeg me. Tswv Ntuj pab tsis tau cov neeg uas lawv hais tias lawv twb zoo tas lawd.
    Ces Yes Xus thiaj hais ib zaj txhais hais txog ob tug neeg mus teev ntuj ua ke.
    Tib lub caij nyob hauv lub Tuam tsev teev Ntuj. Tus neeg txom nyem nws hai tias:
    -Huab Tais, kuv yog neeg muaj txhaum ntau. Kuv tsis nco qab tuaj teev ntuj li, kuv tsis muaj kev zam, kuv nrog luag sib cav sib ceg ua rau lug muaj kev tu siab ntau lawm koj pab zam rau kuv mog.
    -Hos tus neeg zoo, nws hais li no:
    Huab Tais kuv mas kuv tsis zoo li luag tej! Kuv pub nyiaj rau lub tsev Teev Ntuj txhua zaus, ib lis piam mas kuv yoo mov ib zaug, Kuv tsis ua tub sab, kuv tsis mus kov leej twg poj niam li, thiab kuv tsis zoo li tus neeg sau se uas tuaj teev ntuj nyob puag nram qhov rooj tsis muaj peev xwm tsa taub hau los ntsia koj nyob hauv lub tsev no.
    Huab Tais kuv ua koj tsaug vim kuv yeej ib txwm yog neeg ncaj ncees  rau koj Ntuj e.
    -Yes Xus Hais tias, tus neeg  sau se thaum nws rov mus tsev nws lub siab dawb huv lawm, nws lub siab kaj lawm .
    -Hos tus Fas Lis Xais, nws rov mus nws lub siab tsis kaj, xws li lub nra tseem tsuam kis lus dua ntxiv lawm thiab.
    Zaj lus no kuv yeej xav tias tseem yuav muaj tej tus nthuav meej dua kuv nthuav, tus ntawd txawm yog koj tus mloog zaj lus no ntag dhau koj lawd tsuas  tshuav Leej Tswv Yim Ntshiab thiaj li yuav tham mus kom tshab.

    Yaj Zoov Ntxheb Xib Hwb.


    XH.Zoov Ntxheb Yaj Nthuav Ntawv Ntshiab. - Page 3 Sacred10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 31st October 2013, 3:00 am


    TIM 1 LUB 11 HLIS HWM TSOO LEEJ NTSHIAB

    TXHUA YOO, A.B. C.


    XH.Zoov Ntxheb Yaj Nthuav Ntawv Ntshiab. - Page 3 Toussa10


    Ntawv qhib yav tom ntej hais tias: ( 7:2-4+9-14.)
    -Zam xav piav tias Tswv Ntuj lub Ceeb Tsheej zoo li lub txoos teev ntuj loj thiab lom zem heev nyob ntawm Tswv Ntuj Xub ntiag.
    -Zam pom Tswv Ntuj ib tug tshiab ya sab hnub tuajlos hais ib lub suab nrov nrov tias:
    -Nej tos me ntsis uas peb ntaus cim rau Tswv Ntuj cov tub ki 144,000 leej tso, nej mas ua xwv txheej rau lub ntiaj teb thiab lub hiav txwv, kom dej thiab ntoo txom nyem.
    -Ces tas txhua haiv txhua xeem neeg suav tsis txheeb, tuaj sawv ntsug nyob ntawm  lub Theej Kiab, nyob ntawm Leej Yaj hauv ntej. Sawv daws hnav dawb, tuav tej rev nplooj.
    -Lawv qw tej suab tias, Tswv Ntuj zaum saum Theej Kiab, Peb hawm koj Leej Yaj.
    Tswv Ntuj cov tshiab thiab cov Txwj Laus, nyob ncig lub Theej Kiab, sawv daws pe Tswv Ntuj, lawv hais tias:  Peb tus Tswv nto koob meej,nws yog tus thoob tsib, peb cav txog koj lub txiaj ntsim muaj hwj chim, muaj peev xwm, muaj zog mus txheeb  txheeb vam nyeej, ua li.
    -Cov neeg suav tsis txheeb, hnav dawb ntawd  yog cov hla dhau kev sim siab loj, uas lawv tau ntxhua lawv cov tsho kom dawb nyob hauv leej Yaj cov ntshav.

    Tsab ntawv I zam hais tias: ( 3:1-3. )
    -Tos tsoom Leej Ntshiab lawv pom Tswv Ntuj, yog vim lub caij lawv nyob ntiaj teb no lawv ntseeg tias Tswv Ntuj nyiam lawv.
    -Zam hais tias, nej ntsia saib Leej Txiv pub txojkev nyiam peb loj tas npaum no! Yam li peb tau hu ua Tswv Ntuj cov me nyuam! Vim peb yog Tswv Ntuj cov me nyuam tiag.
    -Lub ntiaj teb tsis paub peb vim lub ntiaj teb tsis tau zeem  Leej Txiv.
    -Cov kwv tij peb twb yog Tswv Ntuj cov me nyuam tiag, yav tom ntej qhov peb yuav pom xyeem yog peb yuav zoo puav tam li Leej Txiv.  Tus tso siab rau Leej Txiv nws yuav huv tuaj xws li Yes Xus yeej ib txwm huv.
    -Tus ua txhaum thiaj yog tus hla txoj cai, vim kev ua txhaum yog kev hla txoj cai ntag.

    Mas Tais ntawv Moo Zoo hais tias: (5: 1-12.)
    -Cov neeg nrog Tswv Ntuj nyob dawb nyob huv yog cov neeg nyob ntiaj teb no, lawv tau yuav Yes Xus Zaj Tswv Yim.
    -Peb mloog Yes Xus tsa ncauj qhia nws cov thwj tim tias:
    -Cov neeg muaj txoj hmoov zoo, yog cov uas pluag  nyob hauv  nruab siab vim Ntuj lub Ceeb Tsheej yog lawv li.
    -Cov muaj txoj hmoov zoo yog cov siab zoo.  Yog cov tau raug txoj kev txom nyem loj.  Yog cov tshaib nqhis txog kev ncaj.  Yog cov siab dawb hlub luag tej. Cov tsim kev thaj yeeb. Cov raug luag hiam vim lawv nyiam kev ncaj.
    -Yog nej raug tej yam zoo li no mas nej yuav zoo siab hom khaj,Vim nej yuav tau txais koob haum nyob saum ntuj.
    -Cov Yaj Saub thiab cov poj koob yawm koob ua nej ntej lawb twb tau raug li ntawd  thiab.
    -Cov kwv tij! Peb cov Yaj Saub thiab cov poj koob yawm koob lawv yog cov neeg muaj txoj hmoov zoo, vim lawv tau tiv kev txom nyem, Lawv yog cov pluag nyob hauv nruab siab. Hnub no muaj tus nplij lawv, ces Ntuj lub Ceeb Tsheej yog lawv li.
    -Peb yuav tso siab lug tias Tswv Ntuj  twb hu peb cov Leej Ntshiab los peb cov poj koob yawm koob mus nrog Tswv Ntuj nyob vim lawb hla dhau kev sim siab loj tas lawm.
    -Peb yuav tso siab, thiab vam txog peb tus Leej Yaj nws cov ntshav los ntxuav peb lub siab kom dawb huv, kom peb tau sawv ntsug nyob ntawm Leej Yaj xub ntiag cav txog  Tus Tswv Ntuj muaj koob meej nyob mus li txog txhiab niag tim puas xyoo. Ua Li.

    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 3 Jvyksb10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 31st October 2013, 3:08 am



    TIM 2 LUB 11 HLIS THOV NTUJ RAU COV NEEG TUAG. TXHUA XYOO.


    XH.Zoov Ntxheb Yaj Nthuav Ntawv Ntshiab. - Page 3 Cimeti10


    Ntawv His Xais hais tias: (25:6-10. Piv Txwv 1)
    -Tswv Ntuj yuav pub kev zoo siab rau cov neeg tuaj cuag nws. Tswv Ntuj yuav so lawv cov kua muag.
    -Tswv Ntuj yog tus kav lub sim ceeb Tswv Ntuj txhais tes nyob saum lub roob no lawm.
    -Nej ntsia peb Tus Tswv Ntuj yog cawm peb, nws npaj ib rooj mov nyob saum nws lub roob no.
    -Tas txhua tus neeg ntoo xyom, thiab txhua tus neeg pw saum cov ntaub teem kiam Tswv Ntuj yuav yaws cov ntaub teem kiam ntawd pov tseg.
    -Tswv Ntuj yuav so cov ku muag saum txhua lub ntsej muag, Tswv Ntuj yuav daws nws haiv neeg kev txaj muag, los ntawm kev ua txhaum, kom peb tsis tau pom ntxiv.

    Ntawv qhib yav tom ntej (21:1-7.)
    Tus Hauv Puas Xa lus Zam hais tias:
    -Tas peb sid, peb yuav nco ntsoov txog txoj hmoov uas Tswv Ntuj npaj tseg rau peb yav tom ntej. Peb thiaj tsis muaj lub caij yuav tu siab tau.
    -Zam hais tias:
    Kuv pom lub ntuj lub teb qub ploj mus lawm. Muaj lub ntuj lub teb tshiab tawm tuaj. Lub Tsheej Yes Lus XasLes Ntshiab nqes saum ntuj los. Nws rov tu nws zoo nkauj xws li tus nkauj nyab tshiab, ua zam zoo tos tus vauv. Ces Zam hnov ib lub suab qw tias:
    -Lub Tsheej no yog Tswv Ntuj thaj chaw tuaj nrog neeg nyob. Tswv Ntuj yuav so tsoom neeg cov kua mog. Ces txoj kev tuag yuav tsis tuaj nphav lawv ntxiv lawm.
    -Lub sim ceeb qub sau tas lawv tej kev txom nyem, kev quaj, kev mob kev ntsaj mus tas lawm.
    -Ces tus zaum saum lub Theej Kiab hais tias, zaum no kuv tsim lub ntuj lub sim ceeb tshiab lawm,
    -Cov nqhis dej kuv yuav muab cov dej muaj txoj sia rau lawv haus. Vim kuv yog As Fas thiab Os Mes Nkas, Kuv yog lub hauv paus hauv ntsis. Kuv yuav pub dawb rau lawv.

    Mas Kos ntawv Moo Zoo hais ntxiv tias:
    (15:33-46.)
    -Ib tug neeg ntseeg yog Yes Xus ib tug thwj tim. Peb yuav muab nws txoj kev tuag los piv rau Yes Xus txoj. Thiab tso siab tias,nws kuj nrog YesXus muaj txoj sia nyob mus li.
    Hnub Yes Xus dai saum ntoo cuam, txij tav su mus lub ntiaj teb tsaus ntuj nti mus txog peb teev hnub qaij. Yes Xus qw ib suab nrov nrov, ces nws txoj sia tu. Daim ntaub nyob hauv lub tuam tsev teev ntuj ntuag rhe ua ob daig.
    -Tus lwm Txheeb sawv ntsug nyob ntawm Yes Xus xub ntiag pom Yes Xus txoj sia tu muaj li ntawd. Nws tseeg tias tus ntawd yog Tswv Ntuj Leej Tub tiag.
    -Kwv Tij Hnub no Lub Koom Txoo ua ib lub txoos cav txiaj txiaj ntsim pub rau cov neeg tuag, mas yuav muaj ntau tus ntsuj plig nyob teb chaws them txim yuav tau kev nce mus nyob rau Ntuj Ceeb Tsheej. Nej yuav pom tias, nag hmo thiab hnub no nyob hauv cov neeg ntseeg muaj ntau leej mus xyuas cov toj ntxas. Lawv mus thov Ntuj rau lawv tej niam tej txiv, tej pog tej yawg. Los tej kwv tij tau dua nras lawd, los tej phooj ywg, txheeb ze, uas lawv paub. Yav thaud lub Koom txoos tau tshaj tawm tias, Leej twg hais cov zaj no rau cov neeg dua nras:
    -Peb txiv nyob saum ntuj...
    -Koj nyob kaj lug Mab Liab... peb lub.
    -Huab Tais Leej Txiv Huab Tais Leej Tub thiab Huab Tais Leej Ntuj Plig muaj koob meej nto moo lug lub zim txwv no mus txog fab lwm txheej xws li txheej laus thaud los ua li. mas tso tau ib tug neeg tus ntsuj plig nyob teb chaws them txim dim mus rau Ntuj Ceeb Tsheej.

    Yaj Zooov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 3 2b081410
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 8th November 2013, 10:37 am


    NRUAB XYOO CHIV31 C. Tim 10-11-2013.


    XH.Zoov Ntxheb Yaj Nthuav Ntawv Ntshiab. - Page 3 Citati10
    Ntawv thoob tsib hais tias: (11:23-26+ 12: 2.)
    -Tswv Ntuj nyiam txoj sia, Nws xav kom sawv daws tau txoj sia tseem Ceeb.
    -Ntawv hais tias, Huab Tais Ntuj khuv leej sawvdaws.
    -Vim nws muaj tas puas tsav yam. Nws nyiam tas puas tsav yam uas muaj txoj sia. Tswv Ntuj thiaj xub ntuas kom sawv daws tso kev ua phem pov tseg.
    -Ib txwm Tswv Ntuj yeej xub ntuas peb li no, Txoj kev ua phem mas tsis tas ib tug neeg pom nws mam ntuas yus.
    Peb tej pog tej yawg yeej hais tseg tias:
    Taum koj ua tub sab los zij ncaug rau luag tub luag roog, luag poj luag sev lawd. Luag lam tuaj ncaj koj xwb los koj twb xav tau tias, tsam yog luag tuaj hais lo lus ntawd mad! Yog luag tsis tham txog mas koj lub siab mam nyob kaj.
    -Yog Tswv Ntuj ntxub peb mas yuav ua li cas peb thiaj nyob tau nrog lub ntuj lub teb no. thiab xyaw puas tsav yam muaj txoj sia nyob ua ke tau.
    -Tswv Ntuj tsis muab txim rau cov neeg uas lawv tau ntog ib teeg lawd. Ntuj tos kom lawv maj mam hloov siab, tig los yuav lub siab tshiab kom tau muaj txoj sia nyob mus li.

    Ntawv Ob Tes Xas Los Nis kuj hais tias: (1:11-12+2:1-3.)

    -Yog peb xav ua zoo mas tsuas yog Yes Xus thiaj nres tau kom peb ua zoo.Lub ntuj lub teb yuav tsis txawj kawg. Peb kav tsij nrhiav ua kom zoo zuj zus tuaj.
    -Yeej muaj neeg thov Ntuj tsis tseg rau peb. Kom Tswv Ntuj hu peb los txais nws lo lus. Kwv tij, Hais txog peb tus Huab Tais Yes Xus Pleev mas nws yeej muaj hwj chim. Hos hais txog hnub lub ntuj lub teb yuav kawg, mas sawv daws txhob maj ntxhov siab txog.
    -Yuav muaj cov neeg ua yaj saub qhia ub qhia no, nej kuj yuav tsis txhob txawj. Lawv tsuas yog khaws tej zaj dab neeg raws txheej laus thaud hais tseg los tej zaj npau suav, muab los piv rau, los muab tej tsab ntawv cov kws txuj sau lawv mem tau hais tias ntshai yuav zoo li no los yog li no los hais xwb.
    -Lub ntuj lub teb yuav tsis tag mus.Nws tsuas yog ib co lus dag, kom nej xav tias lub hnub nyug ntawd twb yuav txog tiag, nej txhob cia leej twg ua nej yuam kev.

    Lus Kas ntawv Moo Zoo hais tias: (19:1-10.)
    -Nej saib luag tej hais tias, Ntxas Kais yog ib tug neeg muaj txhaum loj. Tab sis Yes Xus tsis ntshai, mus fim Ntxas Kais. Ces Ntxas Kais hloov yuav lub siab tshiab.
    -Thaum Yes Xus pom Ntxas Kais, Nws hais tias, Ntxas Kias, koj nqes los hnub no kuv yuav mus so hav koj tsev. Ntxas Kais tig los yuav lub siab tshiab. Nws hais tseeb rau Yes Xus tias, Huab Tais, yog kuv tau ua tsis ncaj rau leej twg lawm, mas kuv yuav xa plaub npaug rov mus rau nws.
    -Yes Xus teb tias, Hnub no txoj kev cawm neeg tuaj txog lub tsev no. Vim nws yog Has Nplas ib tug tub.
    -Yes Xus tuaj nyob ntiaj teb no,yog nws tuaj nrhiav cov neeg ploj.
    -Peb sawv daws puav leej yog cov neeg qig taub, peb xav kom peb txhob ploj thiab tau pom Yes Xus mas peb yuav khiav mus ua ntej nrhiav ntoo nce, kom peb tau pom Yes Xus tuaj so hauv peb tsev thiab nws hu peb ua Has Nplas ib tug tub ki.
    -Peb yuav nce tus ntoo zoo li cas?
    -Peb yuav tsa muag saib tej me nyuam neeg tsis muab hlob. Lawv ua neeg ncaj ncees muaj kev ntseeg, kev tso siab rau Ntuj. Ces Ntuj thiaj hu peb ua Has Nplas tsoom tub ki.
    -Cov neeg zoo li hais no, Lawv kuj yog cov neeg nyob ze peb dua lwm cov thiab,lawv txawm yuav yob tsob ntoo peb yuav nce kom peb nyob siab rau Yes Xus pom ntag..

    Yaj Zoov Ntxheb Xib Hwb.

    XH.Zoov Ntxheb Yaj Nthuav Ntawv Ntshiab. - Page 3 11982710

    Sponsored content


    XH.Zoov Ntxheb Yaj Nthuav Ntawv Ntshiab. - Page 3 Empty Re: XH.Zoov Ntxheb Yaj Nthuav Ntawv Ntshiab.

    Post  Sponsored content


      Current date/time is 28th March 2024, 6:17 pm