XH.Zoov Ntxheb Yaj Nthuav Ntawv Ntshiab.

->.Zaj nyeem ib ntawv hauj lwm zaj 10: 37-43, hais tias:
Tswv Ntuj tsa Yes Xus sawv rov los, tus xav txais Tswv Ntuj cov txiaj ntsim, yuav vam txog Yes Xus.

->. Zaj nyeem ob tsab ntawv Kos Los Xais, zaj 3: 1-4. Hais tias: Peb ntseeg txog Yes Xus, peb thiaj txais lub Cim Ntxuav.

->. Zam ntawv Moo Zoo zaj 20:1-9. Hais tias:
Yes Xus sawv rov los, peb thiaj tso siab tias, Nws yuav pub txoj sia rau peb tau.

+ Hnub Chiv kaj ntug, Mab Liab Mas Ntas Las cuab ntxov mus txog Yes Xus lub ntxa. Nws pom daim txiag zeb kaw rooj ntas dov lawm.
Nws khiav los mus hais rau Xis Moos Pob Zeb thiab tus Thwj Tim, uas Yes Xus nyiam tias: Muaj neeg thau Huab Tais lub cev hauv lub ntxa mus lawm.
Thaum nkawd hnov, ces nkawd khiav mus txog lub ntxa. Nkawd tsuas pom cov saw thiab daim ntaub vov Yes Xus lub tau hau xwb.
Nkawd tseem tsis tau to taub tias, Yes Xus yuav sawv hauv cov tub tuag rov los. Ua li mas, peb txais lub Cim Ntxuav lawm. Peb yuav nrog Yes Xus sawv rov los, peb yuav nrhiav tas txhua yam nyob txheej ntuj saud.
Vim tias thaum txog lub caij peb tuag mus, mas peb txoj sia tsiv nraim nyob hauv Tswv Ntuj. Leej Pleev yog txoj sia, thaum Leej Pleev tawm tuaj.
Peb yuav tau pom xyeem, vim peb nyob hauv Leej Pleev lub Hwj Chim.

=>.Peb twb hnov cov xwm tshwm sim nyob Yes Lus Xas Les, thaum Zam tshaj txog lub Cim Ntxuav nyob hauv tus dej Yos Las Das.
Tswv Ntuj tau Pleev Yes Xus, Tswv Ntuj tau pub Leej Tswv Yim Ntshiab thiab lub peev xwm loj rau Yes Xus. Yes Xus tau ua zoo rau sawv daws, Nws kho cov neeg mob poob hauv dab phem txhais tes, kom zoo hlo.
Cov hauv paus xa lus, lawv tau ua tim khawv pom thiab zeem tseeb txog tas txhua yam.
Thaum lawv muab Yes Xus ntaus ntsia sawm ntoo cuam, Nws tuag mus txog ntuj txias teb tsaus. Hnub peb Yes Xus tau sawv hauv cov tub tuag rov los.
Yes Xus tau tawm tuaj rau cov hauv paus xa lus pom, lawv tau nrog Yes Xus noj mov haus dej ua ke. cov Tim khawv uas Ntuj ib txwm xaiv, yog cov hauv paus xa lus.
Yes Xus tau qhia rau lawv kom mus tshaj rau lub ntiaj teb neeg thoob plaws rau qab ntuj tias: Nws yog tus txiav txim rau cov neeg ciaj thiab cov neeg tuag.
Tas nrho cov Yaj Sau huv si, lawv zeem tseeb txog tus ntseeg txog Yes Xus. Mas nws cov txhaum yuav raug daws mus kom tas, nyob hauv Yes Xus lub npe.

ZAJ THOV NTUJ.
1. Peb Thov Ntuj rau lub Koom Txoos…
2. Peb Thov Ntuj rau cov Nom Tswv kav teb chaws…
3. Peb Thov Ntuj rau cov neeg txom nyem...
4. Peb Thov Ntuj rau tej xwm peb paub muaj…
5. PebThov Ntuj rau cov neeg tuaj teev Ntuj hnub no…

Sacramento Tim 21/4/2019.
Yaj Zoov Ntxheb Xib Hwb.

->.Zaj nyeem ib tsab ntawv hauj lwm, zaj 5: 12-16, hais tias:
Cov neeg ntseeg tias, Yes Xus sawv rov los, mas lawv yuav ua hwj huam yees ntxwv xws li Yes Xus ua tau. Vim lawv coj tus yam ntxwv, xa kev kaj siab lug mus rau sawv daws.

->. Zaj nyeem ob, ntawv qhib yav tom ntej, zaj 1: 9-19. Hais tias:
Yes Xus tawm tuaj rau tus Thwj Tim Zam pom xyeem. Yes Xus hnav xws li ib tug Vaj, los xws li ib tug Leej Choj. Yes Xus hais rau Zam tias:
Kuv tau tuag ib zaug, txij no mus kuv, yuav nyob mus li. Niaj hnub Chiv, Yes Xus tseem ntuas peb zoo li ntawd

->. Zam ntawv Moo Zoo,zaj 20: 19-31 hais tias: { nyeem tib zaj nyob hauv xoo B. }
Cov neeg ntseeg tias, Yes Xus sawv rov los, Yes Xus yuav pub lawv nyob Kaj Lug. Yam li hnub chiv lis piam, cov thwj Tim nyob hauv tsev.
Cov qhov rooj kaw tas, Yes Xus tawm tuaj nyob nruab nrab hauv cov Thwj Tim. Yes Xus hais rau lawv:
Nej nyob Kaj Lug! Ces Yes Xus muab Nws ob txhais tes thiab Nws hauv siab rau lawv xyuas. Cov Thwj Tim pom Huab Tais, mas lawv zoo siab kawg.
Yes Xus rov hais rau lawv tias:
Nej nyob kaj lug! Kuv xa nej mus zoo li Leej Txiv xa kuv tuaj. Ces Yes Xus tshuab pa rau saum cov Thwj Tim, Nws hais tias:
Nej txais Leej Tswv Yim Ntshiab, nej daws txhaum rau Leej twg. Mas nws cov txhaum yuav daws mus, hos nej cia txhaum rau leej twg, mas nws cov txhaum yuav nyob.
Muaj ib tug Thwj Tim hu ua Tos Mas, nws yog ib tug nyob hauv pab 12 leeg. Cov Thwj Tim qhia rau nws,Tos Mas hais rau lawv tias:
Yog kuv tsis tau pom cov qhov txhab luag ntsias Nws ob txhais tes, kuv tsis tau cev tes mus kov lub qhov uas luag nkaug Nws hauv siab. Mas kuv tsis ntseeg li!
Tau 8 hnub tom qab, cov Thwj Tim rov los nyob hauv tsev, cov qhov rooj kuj kaw tas. Yes Xus sawv nyob nruab nrab cov Thwj Tim, Yes Xus hais rau Tos Mas tias:
Koj muab koj ntiv tes los kov qhov no, koj ntsia kuv ob tsab tes. Koj cev tes rau ntawm kuv hauv siab, txij no mus, koj txhob ua neeg tsis ntseeg mog!
Yes Xus hais tias: Vim koj pom koj thiaj li ntseeg, cov tsis tau pom lawv xub ntseeg, mas lawv txoj hmoov zoo.

=>.Nyob hauv zaj neem ob,tus Hauv Paus xa lus Zam hais tias: Kuv yog Zam, nej tus tij. Kuv ua nej luag nyob hauv txoj kev txhawj xeeb thiab nyob hauv kev ua vaj, los kev ua siab ntev, vim Yes Xus.
Ib sij huam, kuv hnov ib lub suab nrov cuag li luag tshuab hom. Hais rau kuv tias: Qhov koj yuav pom, mas koj muab sau tseg!
Kuv xa phau ntawv mus rau 7 lub Koom txoom Txoos nyob As Xias me. Ces kuv pom 7 tus ncej kub txawb tswm ciab nyob ncig Leej Neeg tus Tub.
Leej Neeg tus Tub hnav ib lub tsho ntev, sia ib txoj siv tawm duav. Nws cov plaub hau dawb li cov plaub yaj, Nws ob lub qhov muag, zoo li nplaim taws ci ntsa ntsa.
Nws ob sab taw, zoo li cov tooj muaj nuj nqes uas luag tau nchuav lim los ntawm lub yeej vub. Muaj ib lub suab nrov li dej tsaws tsag, Nws ob txhais tes muaj 7 lub hnub qub.
Muaj ib rab ntaj ob sab ntse, tawm hauv Nws qhov ncauj los. Nws lub meej Mom ntsej muag zoo li lub hnub, ci ntsa iab.
Thaum kuv pom zoo li ntawd, mas zoo li kuv twb tuag lawm! Ces Nws sab tes los kov kuv, Nws hais tias, koj txhob txawj mog!
Nws hais rau kuv tias: Kuv yog tus ntaus thawj thiab kuv yog tus kawg. Kuv muaj txoj sia yuav nyob mus tas ib txhiab ib txhis.
Kuv yog tus tuav tus yawm sij qhib tub tuag teb, tej koj tau pom no, yog tej yam uas twb muaj lawd, thiab tej yam uas yav tom ntej no, tseem yuav muaj tuaj.
Kwv tij yog peb txawj pom, mas peb twb tau pom qee yam uas peb twb tau pom los lawd thiab paub me ntsis lawm.

ZAJ THOV NTUJ.
1.Peb thov Ntuj rau lub Koom Txoos…
2. Peb thov Ntuj rau cov Nom Tswv kav teb chaws…
3. Peb thov Ntuj rau cov neeg txom nyem…
4. peb thov Ntuj rau tej xwv txheej uas peb paub muaj…
5. Peb thov Ntuj rau peb cov neeg tuaj teev Ntuj hnub no…


Yaj Zoov Ntxhev Xib Hwb.

=>.Tsab ntawv Hauj Lwm , zaj 5: 27-40 41 hais tias:
Cov neeg xav ua Ye Xus Tim khawv, lawv yuav xub mloog Tswv Ntuj lus dua mloog neeg lus! Lawv yuav ua raws li Leej Tswv Yim Ntshiab txib lawv ua.

=>. Zaj nyem ob ntawv qhib yav tom ntej, zaj 5:11-14. Hais tias:
Yav tom ntej Tswv Ntuj Tsoom Tshiab thiab Tsoom Leej Ntshiab, yuav ua ib lub txoos loj cav txog Tswv Ntuj nyob ntiaj teb no mus nto plaws rau saum txheej ntuj siab saud.

=>. Zam ntawv Moo Zoo zaj, 21: 1-19, hais tias:
(Zaj no yuav faib ua ob ntu los hais)

Hnub no saib qib 14-19. Yes Xus hais rau Pob Zeb tias:
Yog Pob Zeb nyiam Yes Xus tiag, mas Pob Zeb yuav nyob Yes Xus chaw saib Yes Xus pab Yaj nyob ntiaj teb no. Thiab Y.X hais qhia Pob Zeb tias, yav tom ntej, mas Pob Zeb yuav raug kev txom nyem xws li Y.X tuas piv txwv.
Luag yuav coj Pob Zeb mus nyob tej qhov chaw uas Pob Zeb tsis xav mus! Pob Zeb tau tuag nyob saum tus Khaub lig ntoo xws li Y.X.
Txij hnub ntawd los, ces Pob Zeb yog tus kav lub Koom Txoos uas yog Yes Xus tau tsa muaj nyob ntiaj teb no. Cov hloov Pb Zeb ib tug dhau tug los, yov cov uas sawv daws hu lawv ua cov Vaj Qhia.
Thaum Pob Zeb tab tom raug kev txom nyem, mas Pob Zeb hais rau cov neeg tsim txom Pob Zeb hais tias: Kuv tus Tswv Nws tau tuag nyob saum ntoo khaub lig.
luag tau muab Nws ntsia taub hau tig rov saum ntuj. Hos kuv mas kuv yuav tsis tuag li kuv tus Tswv Ntuj. Nej muaj kuv tau hau tig mus rau hauv av.
Ces cov neeg hiam thiab tsim txom Pob Zeb ua raws li Pob Zeb qhia lawv ua. Ces Pob Zeb tau tuag zoo li ntawd.

->. Nyob hauv tsab ntawv ob, Tus Hauv Paus xa lus Zam tau pom tej yam txawv txawv: Nws tau pom Ntuj cov tshiab thiab Tsoom Leej Ntshiab, muaj coob leej ntau vam txhiab tus nyob ncig Leej Yaj lub theej kiab. Lawv cav ntsuag qees tias:
Tsim nyog peb S.D yuav cav txog leej Yaj uas luag muab Nws tua, tsim nyog peb yuav cav thiab qhuas txog. Nws lub Peev Xwm nyob hauv txoj kev nplua nuj uas nws muaj.
Yog txoj kev thoob tsib,kev muaj hwj Chim Hwj Huam, thiab Nws lub Koob Meej. Nrog tas nrho txua yam uas Ntuj tau tsim muaj los nyob ntiaj teb no, mus nto plaws rau txhua yam nyob saum ntuj tib si.

->. peb yuav xub mloog Tswv Ntuj lus dua mloog neeg lus. Vim tus Yes Xus uas luag muab Nws tua nyob saum ntoo khaub lis ntawd.
Mas, peb cov Yawg Koob, tus Tswv Ntuj tau tsa Nws sawv rov los lawm. Cov neeg uas Ntuj tau xaiv, lawv los ua cov Hauv Paus Xa lus.
Lawv yog cov Tim Khawv tau pom nws tawm tuaj pub kev thaj yeeb rau lawv. tas mas nws mam nce mus lawm pem ntuj rau lawv pom xyeem.



• ZAJ THOV NTUJ.
1. Peb thov Ntuj rau Tswv Ntuj lub Koom Txoos…
2. Peb tho;v Ntuj rau cov Nom tswv kav teb chaws…
3. Peb thov Ntuj rau cov neeg txom nyem…
4. Peb thov Ntuj rau tej xwm txheej peb paub muaj…
5. Peb thov Ntuj rau cov neeg tuaj teev Ntuj hnub no..

Sacramento tim 2/5/2019.
Yaj Zoov Ntxheb Xib Hwb.

=>. Zaj nyeem ib tsab ntawv Hauj Lwm, zaj 13:14+43-52, hais tias:
Thaum Paj Lug tshaj Ntuj lus, nws Haiv neeg tsis hwm thiab tsis xav mloog lub Moo Zoo. Lawv hiam nws, mas Paj Lug tsis ntaus siab me, nws mus tshaj Ntuj lus rau lwm qhov chaw.

=>. Zaj nyeem ob ntawv qhib yav tom ntej, zaj 7: 9+11+17 hais tias:
Ib tug neeg ntseeg tiag, mas nws tuaj yeem raug txom nyem. Kom tau pab zeej tsoom, mas Tswv Ntuj yuav hu nws mus nyob rau pem Tswv Ntuj lub Ceeb Tsheej lom zem mus li.

=>.Zam ntawv Moo Zoo, zaj 10:27-30 hais tias:
Cov neeg uas lawv ua Yes Xus cov Yaj thiab txais txoj sia ntawm Nws. Mas yog cov neeg siab zoo. Yes Xus ua lawv tus Xib Hwb thiab yog lawv tus tswv, Yes Xus hais tias:
Kuv cov Yaj mloog kuv lub suab, kuv paub kuv cov Yaj, lawv raws nraim kuv. Kuv yuav muab txoj sia nyob mus li rau lawv, lawv yuav tsis ploj ib tug li.
Tsis muaj leej twg yuav txeeb tau lawv ntawm kuv txhais tes mus. Leej Txiv uas Nws muab cov Yaj rau kuv Nws yog tus loj tshaj.
Kuv thiab Leej Txiv wb yog ib tug xwb, tsis muaj leej twg yuav txeeb tau ib yam dab tsi ntawm leej Txiv txhais tes mus li.

->Nyob hauv tsab ntawv qhib yav tom ntej, Zam pom muaj ib pab neeg coob suav tsis txheeb. Lawv nyob ncig lub theej kiab thiab Leej Yaj. Lawv hnav dawb thiab nqa tej rev nplooj, ntawm tes.
Ces muaj ib tug zoo li ib tug txwj laus hais rau kuv tias:
Cov ntawd yog cov raug txoj nyem loj, lawv tau ntxhua lawv cov tsho kom dawb tuaj nyob hauv Leej Yaj cov ntshav.
Leej Yaj yog tus nyob nruab nrab ntawm lub Theej Kiab, Nws yog tus Tswv saib lawv xws li tus Zoo Tswv Zov Yaj. Nws yuav coj lawv mus haus cov dej muaj txoj sia. Lawv yog cov uas Tswv Ntuj tau so lawv cov kua muag.

-.Tsab ntawv ib, Paj lug thiab Npas Nas Npes nkawd nrog ib pab neeg tham. Nkawd qhuab qhia kom lawv kom nyob ruaj nreb hauv txoj kev ntseeg, muaj Tswv Ntuj lub txiaj ntsim los pov hwm lawv.
Ces cov Yus Das muaj khib, rau Paj Lug thiab Npa Nas Npes nkawd, lawv tau hais tej los lus thuam Ntuj rau nkawd.
Nkaws hais tias: Peb xub tshaj Tswv Ntuj los lus rau nej ua ntej lawm. Tab sis nej tau xyeeb Tswv Ntuj los lus pov tseg, nej tau saib tias:
Nej tsis tsim nyog txais Tswv Ntuj lo lus thiab txoj sia nyob mus li los ua nej tug! Leej Tswv Yim Ntshiab thiaj pom zoo muag rau cov neeg teev pej kum dab, kom lawv tau muaj txoj sia nyob mus li los ua lawv tug.
Huab Tais tau hais rau Paj Lug tias:
Kuv tsa koj los ua qhov pom kev kaj tas txhua Haiv neeg, Cov neeg teev pej kum dab, lawv tau hnov cov lus no, mas lawv zoo siab. Lawv cav txog Huab Tais lo lus tias, cov muaj txoj hmoov zoo, yog cov tau txoj sia nyob mus li los ua lawv tug.
Ces muaj cov Yus Das mus cov cov poj niam nom, thiab cov neeg kav lub nroog kom muaj neeg muab Paj Lug hiam thiab ntiab nkawd khiav mus rau lwm qhov chaw.
Paj Lug thiab Npas Nas Npes nkawd thiaj nchos cov plua av lo nkawd taw ua lub Cim tseg rau lawv. Nkawd thiaj mus nyob rau lwm qhov chaws.
Ces leej Tswv Yim Ntshiab tuaj nyob puv npo rau hauv cov ua Yes Xus Thwj tim.

ZAJ THOV NTUJ.
1 .PEB thov Ntuj rau lub Koom Txoos…
2. Peb thov Ntuj rau cov Nom Tswv Kav Teb Chaws…
3. Peb thov Ntuj rau cov neeg txom nyem…
4. Peb thov Ntuj rau cov xwm txheej teeb meem peb pom thiab paub muaj…
5. Peb thov Ntuj rau cov neeg tuaj teev Ntuj hnub no…

Sacramento Tim 3/5/2019.
Yaj Zoov Ntxhev Xib Hwb.

=>.Zaj nyeem ib Tsab ntawv Hauj Lwm, zaj 14: 21-27 hais tias:
Ib tug neeg txais kev ntseeg tsis tau ntev, lawv yuav sib pab sib nres tiv kev txom nyem thaum raug luag hiam. Cov Leej Choj thiab cov Xib Hwb los cov muaj zog dua cov, nyob hauv txoj kev ntseeg sawv daws yuav sib pab.

=>. Zaj nyeem ob, nyob hauv ntawv qhib yav tom ntej, zaj: 21: 1-5 hais tias tias:
Lub caij peb tseem tab tom hla lub ntiaj teb no, Peb yuav xav txog lub caij peb yuav tau mus ntsib Tswv Ntuj. Thaum ntawd peb yuav tau pom Tswv Ntuj xyeem ntawm qhov muag.

=>. Zam ntawv Moo Zoo zaj, 13: 31- 35. Hais tias:
Yog vim Yes Xus Nws nyiam Leej Txiv, Nws thiaj tau txais lub Hwj Chim Koob Meej loj. Yog peb sib nyiam sib hlub, nyob hauv Yes Xus lub npe. Mas peb kuj yuav muaj hwj chim koob meej, nyob ntawm Tswv Ntuj xub ntiag ib yam thiab.

->. Zoo li thaum Yes Xus nrog Nws cov Thwj Tim noj pluas mov kawg, Nws hais rau cov thwj tim tias: Nyiam no, Leej Neeg tus Tub muaj Koob Meej lawm. Vim Tswv Ntuj lub Koob Meej nyob hauv Leej Neeg Tus Tub lawm.
Mas Tswv Ntuj yuav ua kom Leej Neeg tus Tub, muaj Koob Meej nyob hauv Tswv Ntuj. Yes Xus hais ntxiv tias: Cov me nyuam, kuv yuav tsis nrog nej nyob ntev lawm.
Nej yuav nrhiav kuv, Kuv rov hais rau nej zoo li kuv tau hais rau cov His Xas Lais tias: Qhov chaw kuv yuav mus, mas nej tuaj tsis tau! Kuv muab ib lo lus rau nej, Yam li nej yuav sis nyiam sis hlub.
Kuv nyiam thiab kuv hlub nej li cas, mas nej yuav rov sib hlub zoo li ntawd. Nej yuav sib hlub lub ntiaj teb neeg thiaj yuav zeem tau nej yog kuv cov Thwj Tim.

->. Nyob hauv ntawv qhib yav tom ntej hais tias: Thawj Lub ntuj tshiab thiab lub ntiaj teb qub yuav ploj mus, thiab kuj yuav tsis muaj lub hiav txwv nyob ntxiv lawm.
Ib lub tsheej tshiab Yes Lus Xas Les yuav nqes saum ntuj los, Lub Tsheej ntawd, nws yuav tu cev ua zam zoo cuag li tus nkauj nyab.
Ces muaj ib lub suab nrov tuaj tias: Thaj chaw no, yog Tswv Ntuj tuaj nrog neeg nyob. Tas cov neeg ntawd, yog Nws Haiv neeg tib si.
Yog tus Tswv Ntuj so lawv cov kua muag, lawv yuav tsis muaj kev tuag. Yuav tsis muaj suab quaj suab qw nrog kev txom nyem ntxiv lawm, Ces tus zaum saum lub Theej Kiab hais tias: Kuv tsim dua lub Sim Ceeb Tshiab lawm.

->. Nyob hauv thawj tsab ntawv hauj lwm rov hais tias:
Thaum Paj Lug thiab Npas Nas Npe nkawd tshaj Ntuj lus nyob hauv lub Tsheej Des Npes. Nkawd tau pab cov Thwj Tim ntseeg nyob, Lis Ros, Is Kos Nias,thiab As Nthias Kias, kom lawv lawv ua siab loj nyob hauv txoj kev ntseeg.
Nkawd hais tias: Peb yuav ua siab loj, peb tej kev txawj xeeb no. yog txoj kev yuav coj peb mus txog hauv Tswv Ntuj lub Ceeb Tsheej.
Nyob hauv lub Koom txoos twg, los Nkawd ua cov kab ke teev Ntuj thiab ua cov kab ke yoo mov, thov kom Tswv Ntuj pob hwm cov txwj laus.
Tswv Ntuj cov txiaj ntsim tau pab Paj Lug nkawd, ua Tswv Ntuj tes Hauj lawn kom tiav zoo. nyob hauv cov Haiv neeg tseem teev dab qhuas kom lawv tau muaj txoj kev ntseeg Txog Tswv Ntuj nyob ruaj khov. As men.



ZAJ THOV NTUJ.
1.Peb thov Ntuj rau lub Koom Txoos…
2. Peb thov Ntuj rau cov Nom Tswv kav teb chaws…
3. Peb thov Ntuj rau cov neeg txom nyem…
4. Peb thov Ntuj rau tej teeb meem ua peb paub muaj…
5. Peb thov Ntuj rau cov neeg tuaj teev Ntuj hnub no…

Sacramento tim 3/5/2019.
Yaj Zoov Ntxheb Xib Hwb

=>.Tsab ntawv Hauj Lwm, zaj 15: 1-2+22-29. Hais tias:
Yes Xus tuaj cawm tas txhua Haiv Neeg, cov xub ntseeg lawv yuav cev txoj kev ntseeg rau cov neeg ntseeg tshiab. lawv yuav muab siab rau ua raws li Leej Tswv Yim Ntshiab qhia rau lub Koom Txoos.

=>. Zaj nyeem ob, tsab ntawv qhib yav tom ntej, zaj 21:10-14 + 22-23. Hais tias:
Lub ntiaj teb ntshaw txog ib lub Tsheej, uas sawv daws yuav tau nyob kaj siab lug mus li. Cov neeg ntseeg txog Yes Xus lub Npe yuav tau mus nyob lub tsheej kaj siab lug. Yog Tswv Ntuj lub Ceeb Tsheej.

=>.Zam ntawv Moo Zoo, zaj14: 23-29. Hais tias:
Peb cov neeg ntseeg, mas yuav txhob ntshai mus ntsib cov neeg tsis ntseeg. Vim tus neeg ntseeg, mas lawv muaj Leej Tswv Yim Ntshiab nrog lawv nyob pab lawv cev Tswv Ntuj lo lus sib nyiam sib hlub nyob hauv lawv nruab siab.

->Zoo li Yes Xus tau hais tias: Tus nyiam kuv, mas nws yuav coj kuv cov lus thiab nws yuav xa kuv cov lus mus pub rau zeej tsoom. Kuv txiv wb yuav los tsa tsev nyob hauv nws.
Cov lo lus kuv hais, mas tsis yog kuv cov lus. Yog kuv Txiv, tus xa kuv tuaj Nws cov lus. Thaum kuv tseem nrog nej nyob kuv tau hais tej no rau nej.
Tus Leej Nplij neeg, uas Nws yog Leej Tswv Yim Ntshiab, tus uas kuv thov kom Leej Txiv xa tuaj. Nws yuav qhia tas puas tsav yam rau nej, thiab Nws yuav pab nej kom nco tau txhua yam, kuv tau hais los lawd.
Kuv tso kev thaj yeeb rau nej, kuv muab kuv txoj kev thaj yeeb rau nej. Kuv tsis muab txoj kev thaj yeeb zoo li lub ntiaj teb muab, nej txhob txhawj ntxiv lawm mog.
Kuv twb tau hais rau nej tias: Kuv mus, kuv yuav rov qab los cuag nej! Yog nej nyiam kuv tiag, mas nej yuav zoo siab pom kuv mus cuag Leej Txiv, vim Leej txiv loj dua kuv!
Thaum tej kuv hais no tseem tsis tau tshwm sim los, kuv xub hais qhia rau nej ua ntej kom nej zoo siab ntseeg.

->. Nyob hauv ntawv qhib yav tom ntej hais tias: Ntuj tus Tshiab nqa kuv lub tswv Yim, mus saum ib lub roob siab. Yog ib lub tsheej tuaj ntawm Tswv Ntuj tuaj, lub tsheej ntawd muaj Tswv Ntuj lub hwj chim nyob hauv.
Lub tsheej ntawd, ci cuag li lub Pov Haum tsim txiaj tas nrho. Nws ci cuag li tsom iav raug sab hnub ci tuaj, Lub tsheej ntawd muaj ntsa zev xov zoo.
Lub ntsa zeb ntawd, nws muaj 12 lub qhov rooj thiab muaj 12 tug Tshiab zov cov qhov rooj. Nyob ntawm cov qhov rooj muaj 12 lub npe sau tseg tias:
Yog 12 lub xeem His Xas Lais, Nyob sab Naj Fab kuaj 3 lub, nyob sab Toob Fab kuj muaj 3 lub. lub ntsa zeb xov lub tsheej no, kuj txawb rau saum 12 tug ncej taw Zeb.
Cov ntsa zeb ntawd, nyias muaj nyias npe sau tseg rau tias:
Yog leej Yaj cov hauv paus xa lus lawv cov npe, kuv kuj tsis pom muaj tsev teev Ntuj nyob hauv lub tseej ntawd. Lub tsev teev Ntuj nyob hauv lub Tsheej kawg yog Tswv Ntuj xwb.
Uas Nws yog tus tswj tas puas tsav yam, lub tsheej ntawd, tsis tas yuav vam txog lub hnub thiab lub hli qhov pom kev li. Yog Tswv Ntuj lub Hwj Chim kaj tas nrho rau lub tsheej ntawd xwb.
Leej Yaj yog thawj lub teeb loj pom kev nyob hauv tsheej ntawd.

ZAJ THOV NTUJ.
1.Peb thov Ntuj rau lub Koom Txoos…
2. Peb thov Ntuj rau cov nom Tswv kav teb chaws….
3. Peb thov Ntuj rau cov neeg raug kev txom nyem…
4. Peb thov Ntuj rau cov xwm txheej thiab teeb meem peb pom thiab paub muaj…
5. Peb thov Ntuj rau cov neeg tuaj teev Ntuj hnub no…

Sacramento Tim 3/5/ 2019.
Yaj Zoov Ntxheb Xib Hwb.

=>. Zaj nyeem ib tsab ntawv Hauj Lwm, zaj1: 1-11, hais tias:
Yes Xus mus nyob saum ntuj, Nws xa Nws lub Tswv Yim los nyob hauv peb. Yog Leej Tswv Yim Ntshiab.
=>. Zaj nyeem ob tsab ntawv Es Fes Xos, zaj 1: 17-23, hais tias:
Peb pom Tswv Ntuj lub zog, vim Nws tsa Yes Xus sawv rov los. Thiab tsa Yes Xus ua tus loj tshaj tas puas tsav yam nyob saum ntuj.
=>. Lus Kas ntawv Moo Zoo zaj,24: 46-53, hais tias:
Thaum Yes Xus yuav rov mus lawm saum ntuj, Nws hais rau cov Thwj Tim tias: Lawv yuav txais ib lub zog pab lawv tshaj txoj kev cawm neeg rau tas ntiaj teb Y.X. hais tias:
Nej txhob txhawj thiab tso siab tias, yeej xub muaj ntawv sau tseg tias: Leej Pleev yuav muaj kev raug txom nyem tas, ces hnub peb Nws yuav sawv rov los. Nws kuj hais tias, Nej yuav tshaj txoj kev tig los yuav lub siab tshiab.
Kom tau daws txhaum nyob hauv Leej pleev lub npe, Kuv yuav xa yam uas kuv txiv tau cog lus tias: Yuav xa tuaj pub rau nej! Nej yuav nyob hauv lub nroog no mus txog hnub uas nej yuav hnav lub zog tuaj saum txheej ntuj siab saud tuaj.
Ces Yes Xus tsa tes foom hmoov zoo rau lawv, Nws tau txav zuj zus mus rau saum ntuj lawm. Cov Thwj Tim thiaj rov los nyob hauv lub Tuam tsev teev Ntuj, lawv muaj kev zoo siab thiab nyob kaj lug
Ces Paj Lug hais rau cov ntseeg tias: Kuv thov Huab Tais Yes Xus Pleev, Nws tus Tswv Ntuj, pub ib lub tswv Yim thoob tsib txawj pom Tswv Ntuj zaj txuj ci rau nej.
Ces nej yuav paub Tswv Ntuj zoo tiag, Ces nej yuav pom qhov Tswv Ntuj hu nej tuaj txais txoj kev zoo siab loj tas nrho.
Nej thiaj yuav pom Tswv Ntuj lub zog thiab lub hwj chim los los nres nej. Yam li Tswv Ntuj twb muab Nws lub zog rau nej pom tias, Nws tau tsa Leej Pleev sawv hauv cov tub tuag rov los lawm.
Nyem no Leej Pleev zaum ntawm Tswv Ntuj sab xis, Leej pleev nyob saib dua cov muaj zog thiab cov Vaj txheeb txua tus. Nws nyob siab dua Ntuj cov Tshiab tib si, Leej Pleev yog lub Koom Txoos lub tau hau, lub Koom Txoos yog Nws lub cev. Lub Koom Txoos vas tas txhua yam nyob hauv nws.
->. Lo lus kawg, Yes Xus hais rau cov Thwj Tim tias:
Muaj ib yam uas nej paub los ntawm kuv los! Yam li thaud Zam Ntxuag Plig nyob hauv dej, Hos nej mas nej yuav txais lub Cim Ntxuav nyob hauv leej Tswv Yim Ntshiab.
Lawv tham txog lub caij yuav tsa tus Vaj His Xas Lais tshiab Yes Xus hais tias:
Hais txog lub caij uas yuav tsa tus Vaj His Xas Lais tshiab, mas nej tsis muaj cai paub lub caij uas Leej Txiv tau teem tseg.
Nej yuav txais ib lub zog, thiab nej yuav ua tim khawv, nyob thoob plaws rau lub qab ntuj khWb no. Ces Yes Xus nce mus lawm saum ntuj lawm.
Ntuj ob tug Tshiab tawm tuaj hais rau cov Thwj Tim tias: Cov Nkas Lis Lais nej nyob ntsia saum ntuj zoo li no. Tus Yes Xus uas nej pom Nws mus rau saum ntuj lawd, mas Nws yuav rov qab los ib zaug zoo li hnub no nej pom nws mus saum ntuj thiab.

ZAJ THOV NTUJ.
1. peb thob ntuj rau lub Koom Txoos…
2. Peb thov Ntuj rau cov Nom Tswv kav teb chaws…
3. peb thov Ntuj rau cov neeg txom nyem…
4. Peb thov Ntuj rau cov xwm txheej peb pauj thiab pom muaj…
5. Peb thov Ntuj rau cov neeg tuaj teev ntuj hnub no…

Sacramento tim 3 /5/2019.
Yaj zoov Ntxheb Xib Hwb.

CAIJ HLA CHIV 8 ABC HNUB NYUG LEEJ NTUJ PLIG NQES LOS Tim 9/6/2019.

->.Zaj nyeem ib ntawv hauj lwm 2: 1-11. Hais tias:
Leej Tswv Yim Ntshiab zoo li Cua thiab hluav taws, Nws ua kom neeg lub siab muaj zog li Cua thiab Hluav Taws. Nws ua kom neeg lub siab pom kev thiab kub sib lug tuaj!
->. Zaj nyeem ob, tsab ntawv Kos Lis Nthos zaj 12:3-13, hais tias:
Leej Tswv Yim Ntshiab, pab sawv daws, kom nyias txawj ua nyias, txoj hauj lwb nyob hauv lub Koom Txoos.
->.Tsab ntawv Moo Zoo xyoo B –C Zam ntawv Moo Zoo zaj 7:37-39, hais tias:
Thaum Leej Tswv Yim Ntshiab, los nyob hauv ib tug neeg. Mas yog Tswv Ntuj lub txiaj ntsim ntws los nyob hauv tus neeg ntawd.
Tswv Ntuj lo lus nyob hauv Zam ntawv Moo Zoo hais tias:
Hnub nyug uas lawv nqaum paj nqaum nruas, ua lub hnub nyug loj, yog hnub kawg. Yes Xus tuaj sawv ntsug nyob nruab nrab tsoom sid.
Yes Xus tsa suab hlo hais tias:
Tus twg nqhis dej, mas kom nws tuaj cuag kuv! Yog tus twg ntseeg txog kuv, kom nws haus mas! Tus dej muaj txoj sia yuav ntws hauv nws xub ntiag los. Lo lus no, Yes Xus hais txog tus Leeb Tswv Yim Ntshiab uas cov neeg ntseeg txog Yes Xus lawv yuav tau txais.
Lub sij hawm ntawd, mas tseem tsis tau muaj Leej Tswv Yim Ntshiab. Vim Yes Xus tseem tsis tau txais Nws lub hwj chim.
Ua ntej Yes Xus yuav xa Leej Ntuj Plig tuaj nyob, Yes Xus tawm tuaj nyob nruab nrab hauv cov Thwj Tim. Yes Xus hais tias:
Nej nyob kaj luag, kuv xa nej mus zoo li Leej Txiv xa kuv tuaj. Ces Yes Xus tshuab pa rau saum Nws cov Thwj Tim. Nws hais tias:
Nej txais Leej Tswv Yim Ntshiab, yog nej daws txhaum rau leej twg. Mas nws cov txhaum yuav daws mus.
Nej cia txhaum rau Leej twg, mas nws cov txhaum yuav nyob.
->. Leej Tswv Yim Ntshiab tsis tau qhib leej twg lub qhov ncauj hais tias: Yes Xus yog ib tug phem. Thiab thaum ib tug neeg hais tias, Yes Xus yog Huab Tais.
Mas yog Leej Tswv Yim Ntshiab qhia nws, nws thiaj hais tau li ntawd. Thiab muaj ntau txoj kab xwm thiab muaj ntau txoj hauj lwm.
Tas tab sis yog Leej Tswv Yim Ntshiab tib leeg ua tus coj thiab qhia los rau sawv daws ua. Peb yuav tau hwm txhua txoj hauj lwb uas yog Leej Tswv Yim Ntshiab faib los rau sawv daws ua kom muaj kev sib pab.
Peb yuav saib tias;
Tus txawj ntse, los tus muaj zog, los tus zog tab, nws ua tau yam twg. Mas cia nws ua peb yuav hwm tas txhua tus neeg cov hauj lawm.
peb thiaj yog ib cuab neeg nyob sib koom ua kwv ua tij nyob hauv, tus Yes Xus qhia peb hu Nws ua Leej Txiv no.
Yes Xus yog Tswv Ntuj Leej Tub Nws tuaj yeem yug los ua peb ib leej Tij. coj peb mus paub Nws Leej Txiv, los zeem ua peb ib Leej Txiv.
Yes Xus Tuaj yeej rov qee Nws los ua Leej Tswv Yim Ntshiab kom tau coj tas nrho lub npe, Muaj Leej Txiv Leej Tub thiab Leej Tswv Yim ntshiab, los txeem nyob rau hauv peb nruab siab.
kpm peb tau paub thiab lees ua Tswv Ntuj tsoom Tub Ki, mas yog lub txiaj ntsim loj tas nrho los ntawb Tswv Ntuj kev nyiam kev hlub los

Yaj Zoov Ntxheb X.H.

->. Nyeem ib tsab ntawv Paj Lug zaj 8: 22-31 hais tias:
Tswv Ntuj kev thoob tsib, yog Tswv Ntuj Leej Tub yeej ib txwm nrog Tswv Ntuj nyob. Nws nrog Tswv Ntuj tsim tas txhua yam muaj tuaj nyob.
->. Zaj nyeem ob, tsab ntawv Los Mas. Zaj 5: 1-5. Hais tias:
Yog peb txawj saib peb lub neej, nyob hauv Yes Xus, mas tas txhua yam pab peb kom hlob nyob hauv txoj kev tso siab rau Tswv Ntuj. Nws pab peb nco txog Leej Ntuj Plig uas nws ua hauj lwm nyob hauv peb mus li.
->. Zaj nyeem peb, nyob hauv Zam ntawv Moo zoo, zaj 16: 12- 15. hais tias:
Leej Ntuj plig nyob hauv peb, Nws pab peb xav tswv Yim, kom peb to tau tias: Tswv Ntuj ua hauj lwm nyob hauv lub ntiaj teb no, Nws yog tus qhai peb tias, peb yuav ua dab tsi kom haum rau Tswv Ntuj siab thiab haum rau neeg nyiam.
Zoo li thaum Yes Xus nyob, Nws qhia Nws cov Thwj Tim tias: Kuv tseem tshuav ntau yam yuav hais rau nej!
Tab sis nyem no, nej yuav ris tsis taus tej ntawd, thaum uas Leej Tswv Yim Ntshiab uas qhia txoj kev tseem ceeb nws tuaj.
Mas Nws yuav coj nej mus txog qhov tseem Ceeb tas huv tib si. Vim tias Leej Tswv Yim Ntshiab, nws yuav tsis hais Nws ib co lus!
Nws yuav hais txog txhua yam, uas Nws twb tau hnov los lawd. Thiab Nws yuav tshaj tej yam uas yuav tswm sim yav tom ntej rau nej paub.
Kuv qhia nej tias: Tas puas tsav yam uas yog Leej Txiv tug, mas kuj yog kuv tug. Vim li ntawd, kuv thiaj hais tias:
Leej Tswv Yim, yuav thau tej yam uas yog kev tug los faib rau nej.
->.Vim nej txais kev ncaj tuaj ntawm kev ntseeg tuaj, mas nej thiaj tau nrog Tswv Ntuj uas yog Leej Txiv tau nyob kaj siab lug. Nyob hauv nws Leej Tub uas nws tau xa tuaj ua tus cawm seej.
Vim yog Yes Xus Pleev tau pub txoj kev ntseeg, Ces peb thiaj tau txais lub txiaj ntsim. Tab yog peb raug kev txom nyem loj. los peb tseem yuav zoo siab cav txog lub txiaj ntsim uas Nws muab pub rau peb.
Vim peb paub tias, txoj kev txom nyem no tsim ib lub siab ntev pub rau peb. Lub siab ntev, nws tsim txoj kev kom peb tau nyob ruaj nreb hauv kev tso siab rau Tswv Ntuj.
Peb txoj kev tso siab, nws yuav tsis ua kom peb muaj chaw khuv xim txog qhov tsim nyog yuav khuv xim. Vim tus Leej Tswv Yim Ntshiab ua Ntuj pub rau peb. Nws hliv Leej Txiv txoj kev nyiam kev hlub los rau peb.
Kom Tswv Ntuj hlub peb tsis tu ncua, nyob mus kav laus rau peb lub neej ua txiv ua tub nyob hauv Tswv Ntuj yim neeg.
->.Tswv Ntuj txoj kev thoob tsib puag thaum lub hauv paus los, nws yeej ib txwm nyob. Ua ntej thaum lub ntuj tsis tau tsim thiab lub teb tsis tau raug los.
Thiab lub caij Tswv Ntuj cais dej mus nyob ua dej pas, cais av mus nyob ua av nras Txoj kev thoob tsib. Nws yog tus faib txhua yam kom nyias nyob muaj nyias chaw.
Thaum ntawd nws twb zoo siab tuaj fim tsoom neeg ua Tswv Ntuj yuav tsim los ua neej nyob rau saum cov npoo av ntawd lawm.

ZAJ THOV NTUJ.
1.Peb thov Ntuj rau lub Koom Txoos…
2. Peb thob Ntuj rau cov Nom Tswv kav teb chaws…
3. Peb thov Ntuj rau cov neeg txom nyem…
4.Peb thov Ntuj rau tej xwv txheej muaj …
5. Peb txhov Ntuj rau peb cov neeg tuaj teev Ntuj hub no…

Yaj Zoov Ntxheb X.H.

=>.Zaj nyeem 1 tsab ntawv 1 Vaj19: 16+19-21. Hais tias:
Tus uas, Tswv Ntuj xaiv nws los ua Yaj Saub, yuav tsum tso ntau yam tseg, kom tau ua Tswv Ntuj cov hauj lwm.

=>. Zaj nyeem 2 ntawv Nkas Las Tias zaj 5: 1+13-18.  Hais tias:
Peb yog ib co neeg twj lij, kev ua neeg twj lij, yuav cia Leej Tswv Yim Ntshiab ua tus coj thiab txhib peb.

=>. Lus Kas ntawv Moo Zoo zaj 9: 51-62. Hais tias:
Cov neeg ntseeg txog Yes Xus, lawv yuav tsum txawj tso ntau yam pov tseg.  Vim lawv tus Huab Tais, yog tus Huab Tais.  Yog tus tsis ntshai txoj kev tuag, nyob saum ntoo cuam.

->.Thaum Yes Xus yuav raug thau, ntawm lub Sim Ceeb no mus. Ces Yes Xus sawv kev mus rau Yes Lus Xas Les.  Nws tso ib co neeg mus fi xov ua Nws ntej, mus rau cov nroog uas Nws yuav mus ntawd.
Ob tug Thwj Tim, Yas Kos thiab Zam nkawd paub Huab Tais Kev txom nyem!  Nkawd hais rau Yes Xus tias:
Huab Tais koj puas kheev kom peb hu ib co hluav taws poob saum ntuj los hlawv cov neeg ntawd?  Yes Xus tig los qhuab qhia lawv nruj!
Muaj ib tug Thwj Tim hais rau Yes Xus tias:  Tab yog koj mus qhov twg, mas kuv yuav nrog koj mus!  Yes Xus teb rau nws tias:
Cov nas mas lawv muaj lawv lub qhov nkaum,  cov noog ya saum ntuj lawv kuj muaj lawv lub zes.  Hos Leej neeg tus Tub, mas Nws tsis muaj lub chaw rau ncoo.
Ces Yes Xus hais rau lwm tus tias:  Koj nrog kuv mus!  Tus ntawd teb tias, thov koj cia kuv mus los kuv txiv tso!
Yes Xus teb tias:  Cia cov neeg tuag lawv mam los lawv cov neeg tuag!  Hos ntawm koj, mas koj sawv kev mus tshaj Tswv Ntuj lub Ceeb Tsheej.
Tseem muaj ib tug hais tias:
Huab Tais kuv yuav nrog koj mus, tab sis thov koj cia kuv mus hais ib lo lus tso kev tsev neeg tseg tso.  Yes Xus teb tias:
Leej twg pib tuav rab voom laij av lawm, nws ho tig ntsia rov tom qab.  Mas nws tsis tsim nyog ua hawj lawm nyob rau ntawm Tswv Ntuj lub Ceeb Tsheej.

->. Leej Pleev cawm peb kom peb dim ua neeg twj lij, Kev ua neeg twj lij yog tias, Txhob ntxeev siab los ua qhev mloog lub cev yuam yus ua kev phem kwv tus quab nyob hauv kev txom nyem.
Muaj ntau los lus qhia nyob hauv txoj cai:
Koj yuav nyiam tsoom txheeb ze, txhob sib tog sib ceg tsam peb tau rhuav peb huv tib si mus lawm.  Peb yuav cia Leej Tswv Yim Ntshiab coj peb lub neej.
Peb thiaj tsis ntshaw mloog peb lub siab lub cev coj peb mus ua kev phem.  Kom peb lub cev thiab peb lub Tswv Yim tau sib ua yeeb ncuab.
Peb yuav cia Leej Tswv Yim coj kav peb, peb thiaj zwm nyob hauv txoj cai dawb huv.

->.Tswv Ntuj hais rau tus Yaj Saub Es Lis tias:
Koj mus pleev  Es Lis Xais yog Xas Fas tus tub, kom ua Yaj Saub hloov koj!
Es lis mus nrhiav tau Es Lis Xais tab tom laij teb, Es Lis  hla los ze ntawm Es Lis Xais.  Ces Es Lis hle nws lub tsho pov rau saum Es Lis Xais xub pwg.

Es Lis Xais hais tias, cia kuv mus hais ob peb lo lus hlub kuv niam kiv txiv tso Kuv mam nrog koj mus!  Ces Es li Xais mus nws muab nws nkawm nyuj tua, nws muab rab voom rhuav los ua taws rauv ua nqaij rau nkawd noj tas.
Ces Es Lis Xais sawv kev mus cuag Es Li, Nws ua Es List us tub txib. Peb ua neeg twj lij lawm, peb yuav ua leej Tswv Yim Ntshiab tus tub txib kom peb paub leej Tswv Yim lub luag hauj lawm.
Ua Yaj Saub li Leej Tswv Yim Ntshiab qhia, ua tau Tswv Ntuj tus tseeb Yaj Saub, hais tau Tswv Ntuj cov lus tseeb.

ZAJ THOV NTUJ.
1. Peb thov ntuj rau lub Koom Txoos…
2. Peb thov ntuj rau cov Nom Tswv kav teb chaws..
3. Peb thov Ntuj rau cov neeg txom nyem…
4. Peb thov Ntuj rau tej xwm peb paub muaj…
5. Peb thov Ntuj rau cov neeg tuaj tee6y v Ntuj hnub no…
Yaj Zoov Ntxheb Xib Hwb.

=>.Zaj nyeem 1 His Xais zaj,66:10-14. Hais tias:
Cov His Xas Lais mus nyob txim tau 50 xyoo nyob rau Npas Npis Los teb. Tus Yaj saub His Xais qhia lawv tias, Tswv Ntuj yuav pub kom lawv tau rov mus nyob kaj lug hauv Yes Lus Xais Les.

=>. Zaj nyeem 2 ntawv Nkas Las Tias zaj,6: 14-18. Hais tias:
Cov neeg npuab Yes Xus txoj kev tuag nyob saum ntaoo cuam, mas lawv yog ib co neeg ntshiab tsis zwm rau lub Sim Ceeb no!

=>. Lus Kas ntawv Moo Zoo,zaj 10:1-12+17-20. Hais tias:
Ib tug tub tshaj Ntuj lus, mas yuav tsis txhob muaj dab tsi khuam tes khuam taw. Nws thiaj yuav muaj lub caij los pab sawv daws!

->. Yes Xus tau xaiv 72 leeg ua tej pab ob leeg ua Nws ntej mus txhua lub zos uas nws yuav mus! Yes Xus hais rau lawv tias:
Npej zoo sau muaj ntau, tab sis cov tub zog muaj tsawg. Nej kav tsij thov kom tus tswv qoob xa tub zog tuaj sau nws cov qoob.
Kuv xa nej mus, xws li xa ib co me yaj mus nyob nruab nrab hauv cov Hma! Nej mus, nej txhob ris hnab thiab txhob nqa nyiaj, txhob rau khau.
Nej taug kev mus, nej txhob hwm leej twg nyob ntawm kev li. Nej chaws mus hauv lub tsev twg, mas nej xub foom hmoov zoo tias:
Nej nyob kaj lug mog! Nyob hauv lub tsev nej mus, yog muaj ib tug tub. mas txoj kev kaj lug nej foom yuav roos tus tub ntawd. Yog tsis muaj ib tug tsim nyog txais li, Mas txoj kev kaj lug yuav rov los roos nej.
Vim tus tub zog ntawd, tsim nyog txais nws tus nqe zog lawm. Nej yuav hais tias, Tswv Ntuj lub Ceeb Tsheej tuaj txog nej lawm. Thiab nej kho lawv cov mob nkeeg kom zoo hlo mus!
Lub noog twg tsis txais nej, mas thaum nej tawm mus, nej nchos tej plua av lo nej taw tseg ua tim khawv rau lawv.
Kwv tij peb yog cov neeg tau hnov Tswv Ntuj cov tub txib tshaj kom muaj neeg mus sau Ntuj cov qoob. Peb yuav muab siab rau txhais Ntuj los lus no, saib peb yog Cov tub xa moo los peb yog cov tuv tsis kam txais Nyuj los lus!
Yog peb xaiv tau ua Ntuj cov tub txib, mas peb yuav muaj peev xwm tsuj tau cov nab muaj taug thiab cov Laum kiav tshooj tom neeg mob ntawd tau!

->.Paj Lug yog tus hais tias: Kuv muaj koob meej nyob hauv peb tus Huab Tais Pleev, tus ntoo cuam! Tus ntoo cuam no ua kom lub Sim Ceeb no zoo li nws tuag mus lawm.
Cov neeg nyob hauv lub sim ceeb no, lub hwj chim kav nws mus ib vuag thaum nws nce saum qhov chaw siab xwb.
Kuv xav kom cov neeg nyob hauv lub Sim Ceeb no, tau nyob kaj luag hauv Tswv Ntuj kev hlub!
Kwv tij sawv daws, peb coj Tswv Ntuj lub cim, Kom peb tus Huab Tais Pleeb cov txiaj ntsim tau nrog peb nyob.

->.Cov neeg uas nyiam Tswv Ntuj lub Ceeb tsheej, yav tas los lawd. Peb txawm tau txom nyem li cov neeg ua xyom cuab ntoo xyom. Los txij no mus,Yes Xus yuav muab kev thaj yeeb los nplij peb.
Xws li ib Leej Niam nplij nws leej tub, Thaum peb pom qhov hais no mas peb yuav zoo siab li, cov nroj hlob mos nyoos, ntsuab xiab nyob puv toj.
Thiab peb yuav zoo li Tswv Ntuj cov tub txib pom Ntuj txhais tes los hlub peb. As men.

ZAJ THOV NTUJ.
1.Peb thov Ntuj rau lub Koom Txoos...
2. Peb thov Ntuj rau cov nom Tswv kav teb chaws…
3. Peb thov Ntuj rau cov neeg txom nyem….
4. Peb thov Ntuj rau cov xwv txheej peb paub muaj ntawd…
5. Peb thov Ntuj rau cov neeg tuaj teev ntuj hnub no…
Sacramento tim 12/7/2019.
Yaj Zoov Ntxheb Xib Hwb.

Tswv Ntuj cov lus nyob hauv hnub Chiv no,
Ntawv phau tsib,{30:9-14.}
Kos Los Xais, {1:15-20.} thiab
Lus Kas, {10:25-37.} hais tias:

Peb yuav nyiam tsoom txheeb ze,tus txheeb ze btawd yog leej twg? Yes Xus hais tias, yog tus uas koj txiav siab tias, koj yuav hlub nws.
Vim Yes Xus yog Tswv Ntuj Leej Tub,nrog Tswv Ntuj tsim lub ntuj lub teb. Nws yog tus thawj pub kom lub ntiaj teb tau nyob thaj yeeb.
Tswv Ntuj tos kom peb zoo siab mloog Nws Lo Lus. Peb txhob hais tias, Tswv Ntuj Lo Lus nyob qhov twg, thiab nyob deb peb ua luaj li no!
Tswv Ntuj twb txiav siab tso, Ntuj Lo Lus nyob hauv peb lub ncauj, los nyob hauv peb nruab siab lawm. Li ntawd mas leej tib neeg hais lus thiaj li muaj tshuaj.
Tswv Ntuj hais tias,yog koj mloog koj tus Huab Tais Lo Lus,mas koj yuav coj txoj cai lij choj nyob hauv phau ntawv ntim txoj cai no!
Koj yuav rov los cuag koj tus Huab Tais Tswv Ntuj,koj thiaj yuav tau nyob dawb nyob huv. Nws yuav ua kom koj txoj hauj lwm vam meej,thiab koj cov tub ki yuav huam vam mus nrog tas txhua yam.
Nej txhob xav tias leej twg yuav mus nrhiav txoj cai nyob puag saum ntuj los rau nej mloog thiab coj. Tswv Ntuj Lo Lus nyob ze ze ntawm nej!
Ntuj Lo Lus twb nyob ntawm nej di ncauj, los nyob hauv nej nruab siab, kom nej tau kev mloog thiab coj. Nej tsis pom Tswv Ntuj, tab sis Yes Xus yog Tswv Ntuj tus Duab.
Nyob saum txhua yam uas Ntuj tau tsim los, Yes Xus yog thawj tug xub nyob dua txhua yam tib si. Yes Xus thiaj yog tus Pleev. { Vaj.}
Tas txhua yam Ntuj tau tsim los, nyob saum ntuj los nyob ntiaj teb no. mas Ntuj tau tsim nyob hauv Leej pleev tas nrho.
Leej Pleev yog tus zaum nyob saum lub theej kiab siab dua txhua tus ua vaj txheeb, thiab cov muaj hwj huam. Tas txhua phiaj neeg nyob hauv lub Koom Txoos yog Leej Pleev lub cev.
Vim Leej Pleev yog tus xub nyob ua ntej dua,Leej Pleev yog lub hauv paus mus kawg saum lub ntsis.
Tus thoob xwm ntawv xav sim Yes Xus, nws kuj hu Yes Xus ua Xib Hwb siab zoo. Nws nug tias:
Kuv yuav ua li cas kuv thiaj muaj txoj sia nyob mus li los ua kuv tug? Yes Xus hais tias, nyob hauv phau ntawv ntim txoj cai sau li cas tseg?
Nws teb tias,sau tias, koj yuav nyiam koj tus Huab Tais tas siab, tas ntsws, tas tswv yim. Thiab koj yuav nyiam tsoom txheeb ze ib yam li koj rov nyiam koj!
Ua li mas cov uas koj tau txiav txim siab los nyiam lawv, ces cov ntawd,yog koj cov txheeb ze tib si lawm. Thiab koj tau nyiam koj tus Huab Tais lawm.

ZAJ THOV NTUJ.
1. Peb thov Ntuj rau lub Koom Txoos, kom txhua phiaj neeg to taub tias sawv daws yog Leej Pleev lub cev hlob nyob ntiaj teb no. Ntuj awb...
2. Peb thov Ntuj rau cov Nom Tswv kav teb chaws, kom lawv paub tias tsoom txheeb ze yog Tswv Ntuj Lub cev hlob, kom lawv txawj hwm thiab saib taus ua Ntuj me nyuam. Ntuj awb.
3. Peb thov Ntuj rau cov neeg txom nyem, cov muaj mob, cov raug luag hiam, cov nyob tsev loj faj, kom lawv tso siab tias Tswv Ntuj kev thaj yeeb muaj nyob ze lawv. Ntuaj awb...
4. Peb thov Ntuj Mis kuj teb, kom huab cua dej nag muaj xwm yeem rau qhov txhia chaw, kom tsoom tub liaj tub teb tau kev zoo ua noj ua haus. Ntuj awb.
5. Peb thov Ntuj rau peb cov tuaj teev Ntuj hnub no,kom peb paub tias Tswv Ntuj tus cai lij choj nyob hauv thiab Tswv Ntuj lo lus,nyoh haub peb nruab siab. Ntuj awb...

Yaj Zoov Ntxheb Xib Hwb.

1=>Zaj nyeem 1 tsab ntawv Kos Es Les,1:2-3 + 2:21-23. Hais tias: Tas txhua yam nyob ntiaj teb no, yog yaj ntshis mus. Tas txhua yam nyob rau Tswv Ntuj sab, yuav muaj nqes nyob mus tas ib txhiab ib txhis.
2=> Zaj nyeem 2 Tsab ntawv Kos Los Xais, 3: 1-6+9-11.
Hais tias: Cov neeg txais lub Cim Ntxuav,lawv yuav muaj txoj sia nyob hauv Leej Pleev. Lawv yuav pom tas txhua yam nyob hauv Yes Xus Pleev lub hwj chim.
3=> Lus Kas ntawv Moo Zoo zaj 12:13-21. Hais tias:
Tus saib tej yam nyob ntiaj teb no, ua tej yam loj muaj nqes, thiab nws tso siab rau tej yam ntawd, mas nws yuam kev lawm!
->.Muaj ib tug neeg hais rau Yes Xus tias: Xib Hwb thov koj hais rau kuv tus kwv, kom nws nrog kuv faib peb tej qub txeeg qub teg.
Yes Xus teb tias: Npawg, Leej twg tau tsa kuv los ua Nom faib nej tej cuab yeej cuab tam rau nej! Yes Xus thiaj hais lo lus no ntxiv:
Nej yuav Ceev Faj, kom nej txhob ntshaw txog dab tsi! Kuv hais tseeb rau nej, tab txawm yog ib tug neeg nplua nuj, mas nws txoj sia tsis nyob hauv nws tug!
Nej mloog zaj paj lug no, muaj ib tug neeg. Nws muaj liaj teb dav qoob loon tau nrog nws lub cuab tam, muaj txhij txhua. Nws rov hais rau nws tias:
Kuv yuav rhuav tas nrho kuv cov txhab, kuv yuav ua dua ib lub txhab loj los ntim kuv cov qoob loo thiab kuv lub cuab tam.
Kuv yuav hais rau kuv tus Ntsuj Plig tias: Ntsuj Plig koj so mog, kom muaj cuab tam ntau txaus kav koj ntau xyoo lawm. txij no mus koj yuav taug kev lom zem ua si raws li koj ntshaw mus!
Ces Tswv Ntuj hais rau nws tias, Neeg Vwm, hmo no kiag. Yuav thau koj tus Ntsuj Plig rov. Tej yam uas koj ntshaw ntawd, yuav poob mus ua leej twg tug!
Cov neeg ceev tau nyiaj ntau ua nws tug, nws kuj yuav raws tus nplua nuj no qab zoo ib yam nkaus.
->.Cov muaj lub Cim Ntxuav nyob hauv Leej Pleev lub npe, lawv yuav nrhiav tej yam nyob txheej ntuj saud, vim Leej Pleev nws zaum nyob ntawm Leej Txiv sab xis.
Ua li mas peb lub siab yuav dai dhuam rau tej yam nyob txheej ntuj saud. txhob tso peb lub siab dai rau tej yam nyob ntiaj teb no.
Vim lub caij peb ncaim ntawm lub ntiaj teb no mus, peb txoj sia yuav mus tsiv nraim nyob hauv Leej Pleev, yog Tswv Ntuj txoj sia. Lawv yuav tawm tuaj nyob hauv Leej Pleev lub hwj chim.
Peb yuav yuam peb lub siab nrog peb tej tes taw nyiam lub ntiaj teb no, kom Tswv Ntuj txhob muaj kev npau taws.
Yog tej kev ua plees ua yi nyiam kev ua txhaum, ntshaw ntiaj teb lub cuab tam nyob hauv kev teev dab qhuas. Tsis hais tus muaj hwj chim los tus tsis muaj, uas yog Mab los yog Suab thiab yog tus qhev los tus tij lij.
Leej Pleev yog tus nyob saum txhua leej txhua tus thiab Nws yog txhua yam tib si nyob saum ntuj!
->. Nyob ntiaj teb no txhua yam yuav yaj ntshis mus tas. Neeg tej hauj lwm uas nws tau khwv ua nyob ntiaj teb no, yuav tau dab tsi zoo!
Tus neeg thoob tsib ntse, muab siab rau ua hauj lwm zoo. Txhua yam nws ua tau hnub kawg yuav poob mus rau lwm tus.
Nws tej kev nyuaj siab thiab kev xav tswv yim, pw tsis tsaug zog ntawd, yuav muaj qab hau dab tsi rau nws.

ZAJ THOV NTUJ.
1.Peb thov Ntuj rau lub Koom Txoos…
2. Peb thov Ntuj rau cov Nom Tswv kav teb chaws…
3. Peb thov Ntuj rau cov neeg txom nyem...
4. Peb thov Ntuj rau tej xwv txheej uas peb paub muaj…
5. Peb thov Ntuj rau cov neeg tuaj teev ntuj hnub no…
6. Los lus cia rau sawv daws thov nyob nruab siab…


Yaj Zoov Ntxheb.

1=>Zaj nyeem 1 ntawv thoob tsib zaj, 18: 6-9. Hais tis:
Ntawv thoob tsib piav txog thawj hmo hla uas Tswv Ntuj tua cov tub Hais Nkws Tos. Thiab Ntuj npo cov tub His Xas Lais, Nyem no Ntuj kuj tseem npo peb.
2=> Zaj nyeem 2 tsab ntawv Hes Nplaws, zaj 11: 1-2+8-19. Hais tias: {1-12} {13-19}
Thaum ib tug neeg tso siab rau Tswv Ntuj, mas nws tsis yuam kev. Ntuj yuav pub txhua yam uas Ntuj tau cog lus pub rau nws.
3=> Lus Kas ntawv Moo Zoo, zaj 12: {32-40}+ [41-48} Hais tias:
Peb yuav rau siab tos Tswv Ntuj, vim nws niaj hnub tuaj cuag peb. Peb yuav ua tej yam uas Tswv Ntuj tos ntawm peb.
->. Tswv Ntuj lo lus hais tias, pab me Yaj nej txhob txawj, nej txiv zoo siab, pub Ntuj lub Ceeb Tsheej rau nej. Nej muaj cuab tam ntau, nej qee los pub rau cov neeg pluag.
Nej xaws hnab ntim cov nyiaj uas tsis txawj qub, Nej yuav txais txhab nyiaj tsis txawj tas nyob saum ntuj. Nyob saud cov tub sab tub nyiag yuav mus tsis txog!
Nej txhab nyiaj nyob qhov twg, mas nej lub siab yuav nyob qhov ntawd.
Leeg twg yog tus tub txib thoob tsib thiab ntse, Huab Tais yuav tsa tus ntawd, saib tus Tswv cov tub zog. Mas tus tub txib ntawd, nws txoj hmoov yuav zoo.
Kuv hais tiag rau nej, Tus Tswv yuav tsa tus tub txib ntawd, saib tus Tswv lub cuab tam tas huv si. Yog tus tub txib ntawd.
Nws tos Tus Tswv tsis txawj los, nws noj mov haus cawv qaug thiab muab cov tub txib ntxhais txib ntaus. Mas tus Tswv yuav los thaum nws tsis nco qab tos, tus Tswv yuav ntiab nws mus nrog cov neeg tsis hwm Ntuj nyob. Nws yuav raug nplawm nws ntau teg.
Tus neeg uas nws yeej paub tus Tswv cov lus qhia, yog nws tsis npaj dab tsi thiab tsis ua raws. Mas nws yuav raug nplawm ntau teg dua.
Hos tus tsis paub Tus Tswv cov lus qhia, nws tau ua tej yam txaus nplawm, mas nws yuav raug nplawm tsawg zog. Vim tias, cov neeg ua Ntuj pub ntau yam rau lawv, mas Ntuj kuj yuav tos ntau yam ntawm lawv thiab.
->Nyob hauv txoj kev ntseeg, yeej ua kom peb paub tias: Peb yuav tau txais tej yam uas peb tos txog, Nyob hauv txoj kev ntseeg, qhov zeem tseeb uas peb tsis paub txog.
Yog tej yam uas ua kom peb cov Yawg koob tau nto moo zoo: Xws li Yawg Has Nplas nws ntseeg ces nws mloog Tswv Ntuj lub suab hu nws mus raws Tswv Ntuj mus.
Has Nplas ua li ntawd vim nws tos txog lub tsheej uas Tswv Ntuj txhim tsa los kom muaj. Has Nplas tsis tau pom lub tsheej, tab sis nws lees ntseeg, Nws thiaj tuaj yeem muab nws Leej tub twm zeej los txi Ntuj.
Has Nplas yeej ntseeg tias Tswv Ntuj tsa tau neeg kom tus Ntuj Plig ciaj muaj txoj sia nyob. Has Nplas xub tau ua ib zaj paj lug los qhia txog Leej Pleev yog Tswv Ntuj Leej tub twm zeej.
->Tswv Ntuj xub qhia cov Yawg Koob tias: Hmo ntawd Tswv Ntuj yuav hla mus tso xwv txheej rau Hais Nkws Tos cov tub hlob. Kom cawm tau cov neeg siab ncaj raws li Tswv Ntuj tau cog lus.
Tswv Ntuj yuav ua kom cov yeeb ncuab ploj mus ib txhij nrog kev rau txim nrog lawv kev ntxub. Thiab muab koob meej rau Ntuj Haiv neeg.
Ces tsoom tub ki His Xas Lais tshiab thiaj tau txi Ntuj ywj siab. Thaum lawv ntsib xwv txheej mas lawv sib pab nres los ris ua ke.

ZAJ THOV NTUJ.
1. Peb thov Ntuj rau lub Koom txoos…
2. Peb thov Ntuj rau cov Nom Tswv kav teb chaws…
3. Peb thov Ntuj rau cov neeg txom nyem…
4. Peb thov ntuj rau tej xwv txheej peb paub muaj…
5. Peb thov Ntuj rau cov neeg tuaj teev Ntuj hnub no…
6. tso lo lus thov Ntuj nyob nruab siab rau S,D…


Yaj Zoov Ntxheb.

1=> Tsab ntawv Yes Les Mias, zaj 38: 4-6+8-10. Hais tias:
Tswv Ntuj cov lus uas Yes Les Mias cev los, yog ib co lus tsis xis neeg siab. Tab sis yog ib qho tseem ceeb. Vim ib tug neeg pej kum tseem txawj hlub Tswv Ntuj tus Yaj Saub dua ib tug neeg Yus Das.
2=> Zaj nyeem ob, tsab ntawv Hes Nplaws, zaj 12: 1-4 Hais tias:
Tas puas tsav yam kev ntxias neeg ua txhaum, nws nyob ncig peb. Peb yuav ntsia ntsoov Yes Xus, peb thiaj tsis ntaus siab me.
3=> Lus Kas ntawv Moo Zoo, zaj 12: 49-53. Hais tias:
Yes Xus tsis cia ntiaj teb neeg tsaug zog twj ywm, nyob hauv kev ua txhaum. Yes Xus tuaj diaj sawv daws tsis tseg.
->.Yes Xus hais tias, kuv tuaj pov ib co huav taws, rau saum lub ntiaj teb. Kheev nws lam cig kom tas mas! Kuv yuav tsum tau txais ib co kab ke ntxuav, Kuv ntxhov siab mus txog lub caij cov kab ke ntxuav ntawd tiav tas.
Nej yuav xav li cas? Kuv tuaj, mas kuv tsis tuaj muab txoj kev thaj yeeb rau lub ntiaj teb. Kuv tuaj, mas cuag li kuv tuaj mab txoj kev sib ncaim rau lub ntiaj teb!
Txij no mus, ib tse neeg muaj li 5 leeg. Peb leeg yuav tiv ob leeg, ob leeg yuav tiv peb leeg. Ob txiv tub, los nkawd yuav sib tiv, ob niam tub, los niam yuav tiv ntxhais, ntxhais yuav tiv niam, nyab yuav tiv poj, poj kuj yuav tiv nyab. Yog vim kuv lub npe ntag!
->.Yuav muaj neeg coob kawg ntsia peb, peb yuav ntiab tas puas tsav yam. Ua kom peb lub siab hnyav thiab yuav ntiab cov txhaum vij nyob nrog peb mus.
Peb yuav tsom ntsia ntsoov txoj kev ntseeg, Yes Xus thiaj yuav coj tau peb lub siab ntseeg. Kom muaj zog, Yes Xus tau xaiv txoj kev txom nyem tuag nyob saum ntoo cuam.
Yes Xus tsis nthai txoj kev poob ntsej muag, nyem no Yes Xus zaum nyob ntawm Leej Txiv sab xis. Peb yuav nco ntsoov, Yes Xus raug cov neeg txhaum hiam Nws.
Peb yuav txhob poob mus nyob hauv txoj kev ntaus siab me, tiv kev ua txhaum. Muaj qee zaus, mas peb tseem yuav tau tiv kom peb cov ntshav ntws tawm los kiag thiab.
->. Peb txhob yoog raws li cov His Xas Lais mus hais rau tus Vaj tias: Koj muab tus Yaj Saub siab phem ntawd tua, vim nws tau hais lus rau cov tub rog thiab cov pej xeem, kom lawv ua ib co neeg coj lub siab me!
Kom txhob tiv cov yeeb ncuab, Nws xav kom peb poob hauv txoj kev txom nyem, ces tus Vaj tsis muaj peev xwm, nws tau tso tus Yaj Saub rau hauv cov neeg siab nkhaus txhais tes.
Lawv tau muab tus Yaj Saub, pov rau hauv lub qhov tim thaj, uas tsis muaj dej. yog ib tug neeg pej kum mus hais qhia tus Vaj tias, lawv ua tsis zoo rau tus Yaj Saub Yes Les Mias. Nws yuav tuag nyob hauv lub qhov tim thaj.
Tus Vaj tso lus rau tus pej kum neeg coj ob tug neeg mus pab nws, muab tus Yaj Saub thau tawm los.
Peb cov neeg ntseeg, peb yuav ceev faj txog, tej yam tsam peb tau ua kev txhaum rau Ntuj cov neeg siab dawb. Uas yog Tswv Ntuj tus Tub txib, muaj txiaj tsim loj. Nws yog Tswv Ntuj tus Yaj Saub, uas Ntuj tso tuaj ceeb toom rau tsoom neeg nyob ntiaj teb no.
Peb yuav nco ntsoov vam khom Yes Xus peb thiaj tsis sib tiv kom muaj kev sib ncaim. Nyias yuav mus nrhiav nyias tus tim Tswv, uas tsis muaj txoj kev tseeb nyob hauv.

ZAJ THOV NTUJ.
1.Peb thov Ntuj rau lub Koom Txoos…
2. Peb thov Ntuj rau cov Nom Tswv kav teb chws…
3. Peb thov Ntuj rau cov neeg txom nyem…
4. Peb thov Ntuj rau cov xwv txheej peb paub muaj…
5. Peb thov Ntuj rau cov neeg tuaj teev ntuj hnub no…
6. Peb nco txog tej xwv txheej muaj nyob hauv peb sawv daws nruab siab.
Yaj Zoov Ntxheb.

1=>Zaj nyeem 1 His Xais zaj 66:18-21. Hais tias:
Tswv Ntuj tshoj neeg lub siab mus li, kom muaj neeg mus tshaj, Nws txoj kev cawm neeg rau tas txhua Haiv neeg paub. Kom tas txhua Haiv neeg tuaj hwm Tswv Ntuj.

2=> Zaj nyeem 2 ntawv Hes Nplaws, zaj 12: 5-7+11-13. Hais tia:
Neeg lub neej, mas ceeb laj ris kawg, Tswv Ntuj cov lus qhia, kuj ceeb laj mloog kawg thiab. Tab sis tus mloog tau, mas Tswv Ntuj pub kom lawv nyob kaj siab lug.

3=> Lus Kas ntawv Moo Zoo zaj,13: 22-30. Hais tias:
Tab yog yus coj Ntuj kev cai, los niaj hnub yus yuav ceev faj. Tej zaum yus tsis paub Yes Xus zoo, Yus yuav ntsia thiab kawm Yes Xus mus li. Kom yus tau paub thiab ua tau raws li Yes Xus nyiam!

->Thaum Yes Xus ncig cov nroog qhia zej zog, muaj ib tug neeg nug Yes Xus tias: Huab Tais, cov yuav txais kev cawm. Lawb yog cov tsawg los yog cov coob?
Yes Xus hais tias, nej ua tiag nyiaj, mus rau lub qhov rooj nqaim. Kuv hais rau nej paub tias: Muaj ntau leej nrhiav mus hauv, tab sis lawv yuav mus tsis tau rau hauv!
Thaum tus tswv tsev sawv mus kaw qhov rooj lawd, Nej yuav nyob nraum zoov khob qhov rooj tias! Huab Tais koj qhib rau peb mas! Tus tswv yuav teb nej tias: Kuv tsis paub nej nyob qhov twg tuaj!
Nej yuav hais tias: Peb twb tau noj mov, nyob ntawm koj xub ntiag, Peb twb hnov koj qhuab qhia tsoom sid nyob ntawm peb tej chaw nyob!
Tus Tswv yuav rov hais tias: kuv tsis paub nej, nej nyob qhov twg tuaj! Nej yog cov neeg phem, nej txav mus deb ntawm kuv!
Thaum nej tau Pom Has Nplas, His Xas Has thiab Yas Kos lawv thiab tsoom Yaj saub. Lawv zaum nyob hauv Ntuj Ceeb Theej, mas nej yuav raug pov mus rau sab nraud.
Yuav muaj cov neeg tuaj ntawm plaub ceg kaum ntuj tuaj zaum nyob haub Ntuj lub Ceeb Tsheej. Yuav muaj tej tus tuaj tom qab yuav tau los ua ntej, cov xub tuaj kuj yuav los zaum tom qab.

->.Nej yuav nco ntsoov lo lus, uas Tswv Ntuj tau ntuas nws cov tub tias: Me tub, koj txhob thuam Huab Tais lo lus qhia, thaum nws qhuab qhia koj!
Vim Huab Tais xav kho tus muaj kev nyiam thiab yog txoj kev nplua tus Huab Tais xaiv los ua nws tus tub. Thaum nej raug luag ntxhub thiab kev hiam, mas yog ib txoj kev qhuab qhia nej….
Nej sim soj saib, puas muaj ib leeg tub uas nws txiv tsis qhuab qhia nws! Tsis muaj ib lo lus twg uas Leej Txiv qhuab qhia, tam sim ntawd nws qhuab qhia, ua kom nws tu siab mus ib txhis li.
Nyob hauv cov lus qhuab qhia, yog cov lus ua kom nej tawg paj txi txiv zoo thiab yog kev ncaj ncees, li nej xyab tes xyab taw kom nej rov muaj zog tuaj xwb.

->Thaum tswv Ntuj txhim tau lub Tuam tev teev Ntuj, mas Tswv Ntuj yuav sau tas txhua haiv, txhua xeem lus tuaj cav txog Tswv Ntuj, nyob hauv Nws lub Tuam Tsev.
Kom sawv daws tau pom Tswv Ntuj lub hwj chim, Tswv Ntuj yuav qhia lawv hais lawv hom lus, los cav txog Tswv Ntuj thiab coj lawv tuaj ua nej cov kwv tij nyob hauv Tswv Ntuj lub hwj Chim nyob hauv Nws lub Tuam tsev.
Lawv yuav tuaj koom Tswv Ntuj lub rooj tshoob tshiab, nyob Yes lus xas Les. Yog Tswv Ntuj yuav qhaib tas txhua haiv txhua xeem los ua Tswv Ntuj tsoom tub ki.
Tswv Ntuj yuav tsa muaj cov Leej Choj cov Xib hwb nyob hauv txhua Haiv txhua Xeem los koom, nrog Yes Xus Yes uas yog tus Tuam Leej Choj loj ua ib lub rooj cav txiaj ntsim dawb huv mus thoob plaws rau lub Sim Ceeb no.

ZAJ THOV NTUJ.
1.Peb thov Ntuj rau lub Koom Txoos…
2.peb thov Ntuj rau cov Nom Tswv kav eb chaws…
3.Peb thov Ntuj rau cov neeg txom nyem...
4.peb thov Ntuj rau cov xwm txheej peb paub muaj…
5.peb thov Ntuj rau cov neeg tuaj teev Ntuj hnub no…
6. tso rau cov xwm txheej nyias paub muaj nyob nyias nruab siabj…

Yaj Zoov Ntxheb.