HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


XH.Zoov Ntxheb Yaj Nthuav Ntawv Ntshiab. - Page 2 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    XH.Zoov Ntxheb Yaj Nthuav Ntawv Ntshiab.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 25th August 2012, 11:05 pm


    NTHUAV NTAWV NTSHIAB

    Hnub Chiv 26/08/2012, NRUAB XYOO CHIV 21 xyoo B.

    XH.Zoov Ntxheb Yaj Nthuav Ntawv Ntshiab. - Page 2 Ba5a1210Ntawv Yos Xuas,24: 1+15-18.

    15 Yos Xus hais rau tsoom pej xeem tias:
    *Yog nej tsis zoo siab hwm Tswv Ntuj, mas nej xaiv saib, nej xav tsob hwb leej twg?
    Nej puas xav tsob hwb, nej cov yawg koob nyob sab dej tim ub, lawv cov dab,los tsob hwb cov dab As Mos teb chaws no, uas tam sim no nej nyob!
    *Ntawm kuv thiab kuv tsev neeg mas peb xav hwm Tswv Ntuj. 16Tsoom His Xas Lais teb tias:
    -Peb tus Huab Tais Tswv Ntuj yog tus ua kom peb thiab peb cov poj yawm txwv koob tawm ntawm Hais Nkws Tos teb uas yogt lub teb chaws ua qhiav los. Nws yog tus muaj hwj huam, pov hws peb thaum peb hla teb chaws suab puas.
    -Peb kuj yuav tsob hwb Huab Tais Tswv Ntuj, Vim nws yog peb tus Tswv Ntuj. Peb yuav muaj lub siab ruaj nreb nyob hauv Tswv Ntuj.

    Niaj hnub no kuj zoo sib xws:
    Yog peb tsis zoo siab hwm Tswv Ntuj, kuj muaj kev rau peb xaiv xws li:
    1-Peb puas yuav xaiv cov dab uas peb poj yawm tau teev tiam los lawd.
    2-Los peb yuav xaiv cov dab tsis huv nyob teb chaws no, xws li:
    -Tej dab ua neeg khav theeb, muab hlob, dab plees dab yi, dab thov qhov vaj qhov tsev nyiag luag teej luag tug ntawd.
    *Los peb yuav rov xaiv Tswv Ntuj dua, uas nws yog tus tsim neeg thiab ib txwm nws xav cawm neeg kom tau txoj hmoov zoo.
    - Kev tsob hwb Tswv Ntuj los kev teev dab yeej muaj neeg teev thiab tsob hwb los tau ntau txhiab xyoo, peb kuj paub ob txoj kev no los ntev lawm.
    - Hos cov dab tsis huv no yog cov dab xeeb los tshiab, tawm ntawm dab phem lub tswv yim los. Lawv yeej yog covc dab tsis huv tiag. Yog cov dab uas Tswv Ntuj nxtub tshaj, lub caij nyiam no.

    Es Fes Xos 5: 21-32.

    21 Paj Lug hais tias, Nej yuav rov sib mloog lus, vim nej hwm Leej Pleev. 22 Cov poj niam, nej yuav mloog nej tus txiv zoo li mloog Huab Tais. Vim tus txiv yog tus tswj poj niam. Ib yam li Leej Pleev yog tus tswj lub Koom Txoos. Vim Leej Pleev cawm nws lub cev.
    -25 Hos nej cov txiv neej, nej yuav hlub nej cov poj niam ib yam li Leej Pleev uas nws hlub lub Koom Txoos. 26 Leej Pleev ua kom lub Koom Txoos tshiab thiab huv tuaj.
    * Paj Lug ntuas cov niam txiv sib hlub xws li lub cim uas Tswv Ntuj hlub lub ntiaj teb neeg.
    *Tswv Ntuj zam rau neeg thiab tos ntshis kom peb neeg hloov siab los nyob hauv Tswv Ntuj kev sib haum xeeb, pub rau peb tus ntsuj plig tau ua ib tug ntsuj plig dawb huv.
    *Vim tias kev sib hlub thiab kev sib ntxub mas nws ua ke los sib law liag nyob hauv peb lub neej.
    Peb tuav ua twb zoo xaiv kom peb tus ntsuj plig muaj txoj sia nyob rau sab kev hwm Ntuj.
    -Yog peb xaiv tau yuam kev lawm mas peb tus tsuj plig yuav muaj kev tu siab tas ib sim neej vim nws ntshaw kom muaj txoj sia nyob xws li Tswv Ntuj.

    Zam ntawv Moo Zoo,6:60 -69.
    *Yes Xus cov thwj tim hnov txog qhov hais tias, yuav noj Yes Xus lub cev thiab haus nws cov ntshav, mas rhiab lawv pob ntseg kawg.
    *Yes Xus hais rau lawv tias, tej ntawd dawm nej taw los! 62 Ua li thaum nej yuav pom Leej Neeg tus Tub nws nce mus pem qhov chaw, thaum ub nws nyob, mas nej yuav xav li cas?
    63 Yog lub tswv yim ua kom muaj txoj sia, lub cev tsis zoo dab tsi li. Cov lus kuv hais rau nej no, yog lub Tswv Yim thiab txoj sia.
    Tab yog nyob hauv nej muaj tej tus tsis ntseeg.
    *Cov neeg uas lawv ntseeg tsis tau tias Yes Xus muab nws lub cev thiab cov ntshav los ncawm peb. Mas lawv haj yam ntseeg tsis tau tias, Yes Xus cawm lub ntiaj teb neeg nyob saum ntoo cuam.
    -Vim txoj kev ntseeg no zoo tshaj thiab nws tob hee. Mas thiaj li muab peb zaj lus los ua ib lo lus qhia kom meej pem rau peb:
    Xws li peb yuav xaiv kev teev dab los pev xaiv kev sib haum xeeb nrog Tswv Ntuj.
    -Yes Xus, Leej Pleev nws nyiam peb, nws cawm peb kom peb zoo tuaj, thiaj muab piv tau li ob tug txij nkawm lawv kev sib nyiam sib hlub.
    -Leej Pleev yos zoo li peb sawv daws tus txij nkawm muaj lub peev xwm, hwj chim txawj hlub mus li.
    Thiab peb yuav ntseeg tias, nws cawm peb nws niaj hnub kho kom peb zoo tuaj, kom tsim nyog muab pub rau Leej Txiv uas nws yog peb tus Tswv Ntuj, peb yog ib tug me nyuam, los ib tug txiv tsev zoo los niam tsev zoo raug Ntuj nyiam.


    Xib Hwb Yaj Zoov Ntxheb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 24th November 2012, 9:04 am


    Hwn Yes Xus ua Vaj.


    XH.Zoov Ntxheb Yaj Nthuav Ntawv Ntshiab. - Page 2 B19eje10

    Das Nias7: 13- 14.

    Tus Yaj Saub Das nias yees pom Leej neeg tus tub
    Yes Xus yog tus Vaj uas tas txhua haiv neeg hwm.
    Tas txhua haiv txhua xeem tsob hwb nws. Nws lub hwj
    chim yuav nyob mus tas ib sid.
    Lub hwj chim no yuav tsis txawj dua, thiab txawj puas.
    Yes Xus yog peb tus Vaj, nws yuav coj peb mus ua Vaj.
    Nws yuav tsa peb ua ib pab neeg, ib txhij ua Vaj thiab
    ua Leej choj. Kom peb txawj teev Leej txiv nyob hauv
    txoj kev tseem ceeb, nrog Leej Pleev muaj koob meej
    muaj peev xwm txais txoj sia nyob mus li mus ib txhiab ib txhis.

    Li ntawd mas Tswv Ntuj lo lus thiaj hais tias:
    As Fas thiab Os Mes Nkas, yog kuv.
    Tus nyem no nyob thiab tus ib txwm nyob,tus tab tom tuaj,
    los tus kav tas ib puas tsav yam, pom tau thiab pom tsis
    tau yog kuv.
    ( As Fas thiab Os Mes Nkas= yog lub paus mus kawg lub
    Ntsis, kuj yog tsus tsiaj ntawv A-mus txogtus Z.)

    Peb yuav zoo siab, vim tias Leej Txiv hu peb los los ua
    Nws haiv neeg ntshiab txais txoj hmoo uas Leej Txiv
    Foom nqes los rau lub sim ceeb ua lub ntiaj teb
    Txoj kev pom kev Uas yog Leej Tub lub Ceeb tsheej zam
    txhaum rau neeg ntiaj teb.
    Leej Txiv Tswv Ntuj siab zoo, peb pom tsis tau nws,
    Leej tub Yes Xus Pleev nws yog Leej Txiv tus duab.
    Tas txhua yam nyob saum ntuj los nyob ntiaj teb no
    mas Leej tub yog tus xub yug los dua ua txhua yam ntej tib si.

    Tus zaum nyob saum lub theej kiab ua Huab Tais, los ua
    Vaj Txheeb, kav lub ntuj lub teb mas yog Leej Tub.
    Leej tub txoj kev tsa txhua leej neeg nrog nws ua Vaj
    Ua Leej Choj no, nws nyiam kom sawv daws sib haum
    xeeb, los teev Leej txiv phim txoj kev tseem ceeb.

    Zam18:33-38.
    Ces Zam ntawv Moo Zoo thiaj hais tias:
    Yes Xus teb rau tus vaj txheeb Pis Las Tos tias:
    Kuv lub teb chaws tsis yog nyob hauv lub sim ceeb no.
    Yog zoo li koj hais, kuv ua Vaj.
    Kuv yug los thiab tuaj nyob hauv lub sim ceeb no vim
    kuv yuav ua tim khawv txog kev tseem ceeb. Tus nyiam
    txoj kev tseem ceeb mas nws mloog kuv cov lus.

    Peb cov neeg ntseeg, Ntuj hu ua cov neeg ntshiab, mas
    Peb yuav nrhiav qhov tseem ceeb.
    Qhov tseem ceeb, yog kev ua Vaj, ua Leej Choj, thiab Kev pom kev.

    Kom peb txawj hloov tau los ua Tswv Ntuj cov tub cov
    Ntxhais koom nrog Leej Plev tsob hwb Leej txiv nyob
    Hauv qhov tseem ceeb.
    Peb thiaj li tsis raug dab phem coj peb mus zeem cov
    poj yawm txwv koob txheej puag thaum ub uas Tswv Ntuj
    tau txib lawv ib zaug los pub hwj huam me ntsis rau
    kom lawv ua tau Ntuj txoj hauj lawm pab neeg ntiaj teb
    ces cia li muab lawv los tsob zeem ua ib tug Tswv Ntuj
    txawj tsim yam ub yam no, thiab saib tias lawv loj tshaj
    tus tsim Ntuj tsim teb, los muaj ntau tus Huab Tais Tswv
    Ntuj koom ib lub ntuj nyob,tsis paub tus twg yog tus loj.
    Yog peb cia li lam muab tej tus neeg muaj hwj chim
    Txheej thaud los zeem ua Tswv Ntuj mas tsis yog qhov
    tseem ceeb li Yes Xus Leej Pleev hais lawem.


    Xib Hwb Yaj Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 30th November 2012, 10:11 pm


    NTHUAV NTAWV NTSHIAB

    HNUB CHIV TOS HUAB TAIS. HNUB CHIV 1 Xyoo C.

    XH.Zoov Ntxheb Yaj Nthuav Ntawv Ntshiab. - Page 2 49492981TOS HUAB TAIS, HNUB CHIV 1 Xyoo C.

    Zaj lus hnub no nyob hauv Lus Kas Ntawv Moo Zoo nws yog ib co lus tseem ceeb kawg rau peb.
    21:25-28+35-36.
    Vim Yes Xus hais tias:
    Yuav muaj tej yam hwj huam tshwm sim, nyob saum lub hnub thiab lub hli, thiab cov hnub qub.
    Nyob ntiaj teb, cov haiv neeg yuav txhawj kawg. Lawv yuav ntshai cov dej nyob hauv hiav txwv, nrov nroo ntws tuaj.
    Tas sawv daws yuav tuag ntshai, Vim tas txhua yam muaj hwj chim nyob saum ntuj yuav ua zog koog.
    Leej Neeg tus tub muaj hwj chim hwj huam, yuav tuaj nyob saum cov huab. Tas txhua tus neeg yuav raug tej yam ntawd tib si.
    Nej mas nej yuav ceev faj li tus neeg zov hmo. Thiab nej yuav teev Ntuj tsis tseg, kom nej muaj zog, dim ntawd txhua yam yuav tshwm sim tuaj ntawd.

    Qhov kawg kom nej tau tuaj sawv ntsug nyob ntawm Leej Neeg tus tub xub ntiag. Lub lis piam dhau los peb tau hnov tias, cov uas lawv tau pom Tswv Ntuj tus tshiab Miv Kas sawv lawv yuav tau kev txhawj xeeb loj. Vim lawv yuav raug ncaim mus tsis tau ua Ntuj me nyuam.

    Hnub no peb rov hnov tib los lus txawv tsis deb thiab. Yam li cov tsis tau tuaj sawv ntsug nyob ntawm Leej neeg tus tub xub ntiag mas lawv yuav Tuag ntshai:
    Vim lawv yuav tsis tau tawm los sawv ntsug nyob ntawm Leej Neeg tus tub xub ntiag. Lawv yuav tuag ntshai vim lawv tsis tau zov hmo, thiab tsis teev Ntuj.
    Lawv ploj mus los sis ncaim mus tas ib sid.

    Tswv Ntuj tus Yaj Saub Yes Les Mias tshaj Tswv Ntuj lo lus tseem ceeb tias:
    Lub caij ntawd yuav zoo puav tam li lub caij Yes Xus yug los. Yes Xus yog tus kaus hlav nthaw hauv av tuaj raws li Tswv Ntuj lo lus foom hmoov zoo rau lub ntiaj teb neeg.
    Txoj kev ntseeg rau neeg, cov tau tuaj sawv nyob ntawm Leej Neeg tus tub xub ntiag, zoo puav tam li cov ntsuag nthaw ntawm lub hauv paus los ncig tus kav. Lawv muaj txoj sia nyob nrog kev ncaj ncees, los ntawm lawv kev teev ntuj tsis tseg.

    Ntxiv mus tus hauv paus xa lus Paj Lug hais ntxiv tias:(1Tes xas los nis 3:12 txog4:2.)
    Peb niaj hnub yuav xyaum ua ib tug neeg tsis muaj chaw xyeej, Yam li peb yuav rov sib nyiam sib hlub nyob hauv peb thiab tsoom txheeb ze.
    Peb ua neej nyob tsis muaj ib tug uas nws tsis nyiam nws tus kheej. Peb dawv daws nyias yeej nyiam nyias tus kheej, nyias thiaj paub tej kev uas luag ua tub qaug rau yus, los tej kev xam khib ntawd. Li ntawd mas peb yuav tig los mus nyiam tsoom txheeb ze. Ib yam li yus rov nyiam yus. Ces tas txhua yam yuav zoo tuaj raws li cov lus Tswv Ntuj foom nqes saum ntuj los.MasNtuj yuav pauj rau peb kom txhua yam rov zoo tuaj kom tsim nyog li lub meej mom thiab nyias tes hauj lwm.


    Xib Hwb Yaj Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 10th December 2012, 6:46 pm


    NTHUAV NTAWV NTSHIAB

    HNUB CHIV TOS HUAB TAIS. HNUB CHIV 2 Xyoo C.

    XH.Zoov Ntxheb Yaj Nthuav Ntawv Ntshiab. - Page 2 Dieu_010TOS HUAB TAIS CHIV 2 C.

    Ntawv Npas lws xav qhia peb tias: (5:1- 9.)
    Cov neeg ntseeg, los lub Koom Txoos, nyob ntiaj teb no raug xwv txheej ntau yam, nrog kev ntxhov.
    Peb yuav nco ntsoov tias, txoj kev peb taug. Yog ib txoj kev tseem ceeb mus tshwm rau Tswv Ntuj lub ceeb tsheej.
    Tswv Ntuj lo lus thiaj hais tias:
    Lub Koom Txoos, nej cov neeg ntseeg,nej hle nej lub tsho tu siab mus txomn yem!
    Nej muab Tswv Ntuj lub hwj chim zoon kauj, los ua tsoos tsho rau nej hnav. Tswv Ntuj txoj kev ncaj ncees yog nej lub tsho tsuj tsho npuag zoo nkauj thiab raug lub zam zoo.
    Nej muab tus nyob mus li los ua nej lub koob meej, thiab lub mom rau nej ntoo.
    Vim Tswv Ntuj xav muab nej lub meej mom zoo nkauj rau lub qab ntuj neeg pom.
    Tswv Ntuj yuav hu nej lub npe mus li tias, yog cov neeg ncaj txoj kev thaj yeeb, Thiab cov neeg hwm Ntuj lub hwj chim.
    Cov kwv tij, peb muaj chaw tso siab lug tias, peb lub neej nyob ntiaj teb no, muab xam los mas peb tej kev raug xwv txheej kev txom nyem, raug luag ncauj nplaig lus tsawm, cuag li peb yog ib pab tsiaj raug luag khi , cab xws li ib pab neeg poob poob tsim. Tswj sawv daws lub siab kom tus, txhob hla Tswv Ntuj 10 lo lus qhia. Yog txoj kev mus tshwm rau Ntuj ceeb tsheej.

    Tus hauv paus xa lus Paj Lug hais ntxiv tias: (f.l.p. 1:3-6+8-10.)
    Kuv thov Tswv Ntuj kom nej cov neeg ntseeg nyob ntiaj teb no. Los nyob lub nroog no.
    Kom nej hlob nyob hauv txoj kev ntseeg. thiab tau ua Leej Pleev lub cev hlob nyob hauv lub nroog no.
    Kuv nco txog nej thaum twg mas kuv ua Ntuj tsaug mus li, Kuv zoo siab thov Ntuj rau nej tsis tseg. Vim nej ntseeg, nej nrog Leej Pleev ua tib txog hauj lwm pab tshaj nws lub Moo Zoo. Yog txoj hauj lwm zoo nyob hauv nej, Nej yuav ua kom tiav, pub rau Leej Pleev lub hnub nyoog. Nws yog Tswv Ntuj kev ua tim khawv.rau neeg kev sis nyiam sis hlub.
    Kuv thov kom nej txawj nyiam Tswv Ntuj zoo zuj zus, thiab Ntuj zaj txij ci tseem ceeb. Nej thiaj txawj xav thiab xyaum ua neeg siab dawb uas tsis muaj chaw xyeej. Mus txog hnub Leej Pleev los,nej thiaj tau tuaj sawv ntsug nyob ntawm Leej neeg tus tub xub ntiag.

    Lus Kas Ntawv Moo Zoo hais ntxiv tias:(3: 1-6.)
    Yes Xus nws tuaj cawm peb. Nws xav kom peb npaj siab tos nws tuaj nyob hauv peb.
    Tswv Ntuj lo lus thiaj nrov tuaj tias:
    Muaj ib lub suab qw nyob teb chaws suab puam tias, nej kho Huab Tais txoj xub ke, nej tshav ncaws nws tej xub ke kom tiaj tus.
    Nej txhub av rau cov kwj ha, nej ncaws tej hauv roob kom qis mus. Thoov nws txoj kev kom ncaj, meem tej qhov qawj kom xwm yeem. Mas txhua tus neeg yuav pom tau nws txoj kev cawm.
    Huab Tais txoj kev ncaj kev du uas peb yuav kho:
    Yog, peb kho peb lub siab, lub ncauj lo lus , tus yam ntxwv tes taw nrog kev ua hauj lwm txhua yam, kom phim kev ncaj ncees, ua neeg thoob tsib tsim nyog sawv ntsug ua lub neej rau saum lub ntiaj teb.


    Xib Hwb Yaj Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 14th December 2012, 8:53 am

    [quote="Maiv Tooj"]

    NTHUAV NTAWV NTSHIAB

    HNUB CHIV TOS HUAB TAIS. HNUB CHIV 3 Xyoo C.

    XH.Zoov Ntxheb Yaj Nthuav Ntawv Ntshiab. - Page 2 Paques10Ntawv Xos Fos Nias tais tias: (3:14-18.)
    Thaum cov His Xas Lais zwm rau cov yeeb ncuab, ib tug Yaj Saub pab tso siab tias, Tswv Ntuj yuav cawm lawv.
    Niaj hnub peb cov neeg ntseeg ua rog tiv kev ua txhaum. Peb kuj yuav tso siab tib yam tias, Tswv Ntuj thiab nws lub KoomTxoos, kuj pab peb tias, peb yuav yeej kev ua txhaum.
    Peb cov neeg ntseeg tsim nyog peb yuav zoo siab. Peb lub koob meej loj lawm.Lub txim raug peb, yog kev ua txhaum. Huab Tais muab ntiab tshem tawm lawm. Nyiam no Huab Tais tuaj nyob nruab nrab peb. Peb kev tshais, kev txom nyem tsis muaj ntxiv lawm.
    Vim Tswv Ntuj yog thawj tug tub rog nyob hauv txoj kev yeej.Hnub twg peb yeej txoj kev ua txhaum ,mas Tswv Ntuj yuav zoo li tej lub hnub nyoog nqaum paj nqaum nruas zoo siab lom zem mus li.

    Tus hauv paus xa lus Paj Lug hais nyob hauv ntawv Fis Lis Pos tias:(4: 4-7.)
    Cov neeg ntseeg muab siab rau coj tus yam ntxwv tsim txiaj zoo tiag. Mas lawv yuav pom Huab Tais, vim nws nyob ze lawv.
    Ntawm peb, peb kuj yuav zoo siab mus li nyob hauv Huab Tais. Xav kom lub ntiaj teb paub tias nej nyiam ua zoo rau luag, nrog kev teev ntuj tsis tseg. Vim nej yog cov paub Tswv Ntuj kev thaj yeeb nyob hauv Leej Pleev lub tswv yim.

    Yes Xus hais nyob hauv Lus Kas ntawv MooZoo tias(3: 10- 18.):
    Peb tus Huab Tais Pleev yog ib tug neeg siab ntshiab, nws xav kom peb xyaum ua neeg siab ntsiab. Xyaum nrhiav kev sib hwm thiab pab luag. Xws li cov pab neeg uas lawv tuaj nug Zam Ntxuav Plig.
    Zam teb rau lawv tias:
    Tus muaj ob lub tsho, yuav faib ib lub rau tus tsis muaj. Tus muaj mov noj kuj yuav ua li ntawd thiab.
    Cov nom tswv, yuav txhob kom luag them se tshaj txoj cai txiav.
    Cov tub rog txhob lam hiam luag liam tej yam yuam kev. Nej nyiaj hli npaum li cas nej yuav npaum li ntawd.
    Tus Huab Tais yuav tuaj yog sawv daws tus. Nws yuav ntxuav nej nyob hauv dej thiab nyob hauv Leej Tswv Yim ntshiab.
    Nws yuav ntxhuaj nws lub tshav nplej. Cov nplej qoos nws yuav sau rau hauv txhab, hos cov ua npluag nws yuav muab hlawv rau hauv lub cub tawg tsis txawj tuag los kug mus.
    Piv hais tias cov qoos lawv muaj lub ntsiab yug tus ntsuj plig tuaj kaus tau. Cov yog npluag muaj lub ntaws yuav ua kaus tsis muaj lub ntsiab yug kom hlob. Ces nws tsis tsim nuj.

    Xib Hwb Yaj Zoov Ntxheb.



    XH.Zoov Ntxheb Yaj Nthuav Ntawv Ntshiab. - Page 2 1261-r10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 21st December 2012, 12:11 pm



    TOS HUAB TAIS CHIV 4C.


    Tswv Ntuj Xub qhia tus Yaj Saub Mis Kes tias:Tus Pleev yuav yug los nyob Npes Les Hes.
    Nws yuav sawv los sau, thiab coj Tswv Ntuj haiv neeg.
    ( M.K 5:1-4.) Nws hais tias:
    Npes Les Hes,uas yog Es Fas Tas, tsev neeg. Koj yog ib lub zos me dhau.Lawv tsis suav koj nyob hauv cov zos Yus Das. Tus kav His Xas Lais yuav tawm hauv koj los. Nws lub koob meej yeej tuaj puag txheej thaud tuaj lawm. Huab Tais lub Hwj Chim pab nws. Nws yuav sawv los zov nws pab yaj nog zaub. Nws yog txoj kev thaj yeeb nyob mus li.
    Vim Tswv Ntuj lub Hwj Chim, thiab Leej Pleev kev thaj yeeb yuav roos nws pab yaj nog zaub. Ua li mas Yes Xus zaj Txi ntuj muaj nqes mus li.

    Cov zaj lus nyob hauv ntawv Hes Nplaws thiaj hais tias:
    (Zaj 10:5-7+9-10.)
    Thaj txi Ntuj uas niaj hnub no peb ua, yog Yes Xus thaj,txi ntuj, uas thaum Yes Xus tuaj nyob ntiaj teb no.
    Yes Xus yeej hais tseeb tias, Tswv Ntuj tsis xav yuav cov tsiaj, cov nqaij, thiab ntshav los txij ntuj. Kom tau ua kev zam txim daws txhaum.
    Yes Xus tuaj nyob ntiaj teb no kom tau muab nws lub cev, txoj sia los ua cov txim cev rau Leej Txiv Tswv Ntuj. Peb cov neeg ntseeg peb kuj yuav muab peb lub cev ua neeg los cev rau Tswv Ntuj li Yes Xus.
    Peb yuav cev li no:
    Kuv muab kuv luv cev kuv txoj sia, kuv tej hauj lwm huv sis los cev rau koj Tswv Ntuj.
    Nyob hauv kuv, yam muaj nqes tshaj uas kuv txaus siab yog kuv lub cev kuv txoj sia. Yam zoo kuv cev ua cov txim los txi koj. Yam phem koj muab tshau mus pov tseg. Koj pab txuag kuv kom kuv ua neeg dawb huv lwm zaus kuv thiaj muaj ib co txim zoo xis koj siab los koom peb tus Huah Tais Yes Xus zaj txi Ntuj pub rau koj.
    Cov lus no peb yuav niaj zaus hais thaum peb tuaj txi ntuj niaj hnub chiv.

    Fiv Yeem los peb fiv rau Ntuj tias:
    Tswv Ntuj,koj pab kuv kev txhawj xeeb yam no thiab yam no th...Mev mob, los kev tawm rooj, kev raug xaiv lus plaub ntug. Yog muaj yeej kuv yua ua hauj lwm los pauj:
    Mus kev... hais lus zoo, ..Caiv tsis ua yam no...Los pub nyiaj... Pub khoom ...rau...

    Nyob hauv Lus Kas ntawv Moo Zoo Mab Liab thiab nws tus phauj Es Lis Xas Npes, nkawd xeeb tub.Tswv Ntuj xub qhia nkawd paub tias nkawd ob tug me nyuam yog Tswv Ntuj lub txiaj ntsim.Ces Es Lis Xas Npes foom lus zoo rau Mab Liab tias, Koj nto koob meej tshaj ib zeej tsoom poj niam tib si. Lub txiv txi hauv koj xub ntiag nto koob meej. Hnub no Tswv Ntuj Leej niam tuaj xyuas kuv. Tus ntseeg txog cov lus Huab Tais xa tuj, mas nws txoj hmoov zoo.
    Nyob hauv peb txoj kev ntseeg hais tias, tsis yob Mab Liab thiab Es Lis Xas Npes nkawd xwb.
    Tus ntseeg tias, Tswv Ntuj lo lus yuav tsheej xeeb tau mas Ntuj lub txiaj ntsim kuj yuav tuaj nyob hauv nws nruab siab thiab. Nws kuj yuav tau txiaj ntsim los puv siab. Nws yuav paub Tswv Ntuj lub siab. Nws yuav txawj nrog Tswv Ntuj tham. Txawj nrog Leej Tswv Yim sib sab laj. Nws paub ua yam xis Tswv Ntuj siab, los ua paj tshab pub rau Ntuj. Nyob hauv nws lub neej zoo li ib tes hauj lwm zoo muab los ib co txim txi rau Tswv Ntuj. Muab los lo rau Leej Pleev zaj Txi ntuj.

    Xib Hwb Yaj Zoov Ntxheb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 26th December 2012, 7:43 pm


    XH.Zoov Ntxheb Yaj Nthuav Ntawv Ntshiab. - Page 2 Star10*-HMO 24-25 YES XUS YUG LOS Xyoo C.

    Ib tug me nyuam yug los nyob nruab nrab peb.Nws coj txoj kev ncaj tuaj rau lub ntiaj teb neeg.
    (His Xais 9: 1-9.)
    Yav thaud lawv mus taug txoj kev tsaus ntuj. Nyem no lawv pom ib qho pom kev loj. Qhov pom kev yeej nyob txawm hauv lub teb chaws tsaus ntuj nti.
    Zaum no yog tus me nyuam yug los nyob nruab nrab peb. Nws qhov pom kev loj no ci tuaj rau lub ntiaj teb neeg pom.
    Qhov pom kev no twb kaj lub ntiaj teb neeg tau 2012 xyoo lawm. Tab sis tseem tshuav ib nrab neeg nyob ntiaj teb no tsis tau pom
    Cov paub txog txoj kev pom kev no, tab yog nyob nruab nrab lawv,mas tseem muaj coob leej tsis pon ci tuaj txog lawv. Vim tias lawv yeej nyiam nyob hauv txoj kev tsaus ntuj.
    Yog peb paub thiab pom txoj kev pom kev no tseeb lawm mas zoo li peb muas tau ib lub tsho thaj yeeb los hnav coj peb tig mus rau sab ntuj kaj, uas muaj kev ncaj ncees, mas peb yuav to taub tias, txij no mus Tswv Ntuj lub siab hlub neeg yuav ua li no mus ib txhiab ib txhis.
    Tswv Ntuj lub txiaj ntsim tawm tuaj nyob hauv tus me nyuam yug los nyob nruab nrab peb. Nws yog tus coj peb.

    ( Tis Tos2:11-14)
    Tswv Ntuj lub txij ntsim cawm tas tsoom sid.
    Twv Ntuj lub txiaj ntsim no tawm tuaj rau tas txhua haiv neeg pom.
    Ntuj lub txiaj ntsim no qhia kom peb paub hwm ntuj, thiab thiab tso ntiaj teb li cuab tam tseg txhob ntshaw. Thiab qhia kom coj lub neej xyuam xim raws kev ncaj ncees, ua neeg dawb huv, thiaj tsim nyog txais lub txiaj ntsim uas tus me nyuam yug los no, yuav txhiv thiab ntxuav neeg lub siab lub ntsws kom dawb huv.

    Hmo no tus cawm peb yug los lawm.( Lus Kas 2;1-14.)
    Yes Xus yug los xyoo, Xes Ntxas As Nkus ceeb toom, kom txheeb mej hwm thoob qab ntuj.yog lub caij uas KisLis Nyus tswj Xis Lias teb. Nyob Suav teb yog tus Vaj Aib Tim ua Vaj kav Tuam Tshoj, peb Hmoob cov poj yawm Txwv Koob tseem ua neej nyob rau niam dej dag pem qab Pes Kee.
    Suav txij thaum ntawd los yog 2013 xyoo rau lub xyoo tuaj no.
    Txoj kev cawm twb hla dhau lub sim ceeb lawm. Tiam sis tseem tshuav tib neeg coob leej tsis tau pom qhov pom kev ci ntawd,
    Muaj ib nrab neeg pom, hos kuj muaj ib nrab neeg paub xwb tsis tau pom. Ua li peb nyob hauv pab neeg twg?
    Hmo no thov kom tus me nyuam no, yug los nyob hauv peb nruab siab, Kom peb tau nrog Ntuj cov tshiab, cav txog Tswv Ntuj lub hwj chim, nyob ntiaj teb no mus nto plaws rau Ntuj ceeb tsheej.

    Xib Hwb Yaj Zoov Ntxheb.
    XH.Zoov Ntxheb Yaj Nthuav Ntawv Ntshiab. - Page 2 3053943857_1_9_YovjaiEJ
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 28th December 2012, 7:25 pm


    NTHUAV NTAWV NTSHIAB

    YES XUS YUG LOS CHIV I C.

    XH.Zoov Ntxheb Yaj Nthuav Ntawv Ntshiab. - Page 2 Sainte10Hwm yim neeg ntshiab.(Npes Xis Las 3:3-7+14-17.)

    Tus hwm niam hwm txiv, nws mloog Ntuj lus.
    Tus hwm nws txiv nws them nws cov txim txhaum.
    Tus cav lus zoo txog nws niam nws txiv, nws tau sau ib txhab nyiaj txhab kub tseg.
    Tus hwm nws niam nws txiv mws yuav ntsib kev kaj siab lug nyob hauv nws cov me nyuam. Tab yog nws thov dab tsi ntawm Ntuj masNtuj yuav mloog nws.
    Cov neeg uas lawv mloog niam thiab txiv lus. Lawv tau mloog Huab tais lus. Cov ntawd Ntuj yuav nco ntsoov txog, thaum lawv muaj kev raug txom nyem. Ces Ntuj yuav zam txhaum rau lawv, lawv cov txhaum yuav yaj ntsis tas.

    (Npe Xis Las,3:12-21.)
    Tua Hauv Paus Xa lus Paj Lug thiaj hais tias:
    Cov neeg nyob ua ib tse , lawv yuav sib nyiam sib hlub. Vim lawv yog cov uas Ntuj xaiv, thiab Tswv Ntuj nyiam. Peb kuj nyob ua ib tse, peb yuav muaj ib lub siab khuv leej luag tej. Peb yuav muaj ib lub siab ntev, txhob ua lus rau lwm tus.
    Peb yuav rov sib ris,sib zam. Tswv Ntuj twb ua li ntawd rau peb lawm.
    Qhov peb yuav xub nrhiav yog kev nyiam, Tas ib puas tsav yam zoo, lub ntsiab yog kev nyiam ntag.
    Peb yuav thov kom Leej Pleev kev thaj yeeb tuaj nyob txawm hauv peb nruab siab.Yog Leej Pleev kev thoob tsib thiaj yuav coj peb nyob hauv kev sib ntuas, nrog peb tej lus thiab tes hauj lwm.
    Peb Xub muab Leej Pleev tsa ua tus thawj coj peb lub neej.
    Cov poj niam thiaj zoo siab mloog lawv tus txiv lus.
    Cov Txiv neej thiaj yuav nyiam lawv cov poj niam, thiab tsis npau taws sai.
    Cov me nyuam kuj yuav mloog cov ua niam ua txiv lus. Tiam sis cov ua niam ua txiv txhob qhuab qhia ntau dlau, tsam cov me nyuam tsis qab siab ua dab tsi.
    Cov lus hais no Tswv Ntuj twb xub ua li nyawd lawm.

    (Lus Kas 2:41-52.)
    Thaum Yes Xus muaj 12 xyoos nws mus ua hmoov hla nyob Yes Lus Xas Les. Nws nyob peb hnub hauv lub truam tsev teev Ntuj.
    Yes Xus hais rau Mab Liab thiab Yos Xes tias:
    Kuv yuav leg kuv txiv tes hawj lawm. Yog txoj hauj lwm nyiam Ntuj thiab mloog Ntuj lus.
    Yes Xus mloog cov kws txoj cai, thiab nug lawv txog kev sib hlub, sib nyiam sib mloog nyob hauv ib tse neeg.
    Yuav xub muaj kev sib nyiam nyob hauv tsev neeg, sib nyiam nyob hauv ib lub zos, thiaj muaj kev sib nyiam hauv ib lub teb chaws, Kom txoj kev nyiam no loj hlob mus duav lub ntiaj teb. Thiaj tsim nyog rau Tswv Ntuj yog ntiaj teb neeg Leej txiv ua yog tus muaj kev nyiam loj tas nrho muab los nyiam lub ntiaj teb neeg sawv daws. Nws yog tus txawj hlub txawj nyiam, txawj zam rau neeg kom nyob kaj lug thaj yeeb mus ib txhiab ib txhis mus li.




    Xib Hwb Yaj Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 4th January 2013, 7:30 pm


    NTHUAV NTAWV NTSHIAB

    HNUB CHIV HAWM HUAB TAIS TSHWM SIM LOS, TIM 6-1hlis-2013.

    XH.Zoov Ntxheb Yaj Nthuav Ntawv Ntshiab. - Page 2 F6281d10HWM YES XUS TAWM TUAJ(His Xais60:1-6. Es Fes Xos 3:2-3+5-6.)

    Yes Xus yug los nyob ntiaj teb no, nws lub hnub tawm tuaj ziab rau peb.
    Yes Lus xas Les, yog peb los yog tas neeg nyob ntiaj teb.
    Tsab ntawv 1-2 no yog Tswv Ntuj lo lus nrov tuaj rau peb neegt ntiaj teb tias:
    Yes Lus Xas Les tshav ziab koj lawm, koj lub hnub tawm tuaj. Huab Tais lub hwj chim sawv los nyob hauv koj.
    Koj zoo li qhov tsaus ntuj vov lub ntiaj teb, thiab cov huab dub vov lub hiav txwv.
    Huab Tais lub hwj chim tawm tuaj ziab koj, ua rau koj pom kev, Yes Lus Xas Les.
    Cov Vaj, cov nyiaj cov kub, tas tsoom neeg nyob deb nyob ze tuaj cuag koj.
    Zaum no yog Tswv Ntuj lo lus qhuas txog lub ntiaj teb neeg tias:
    Neeg ntiaj teb, nej txoj hmoov yuav zoo:
    Yes Lus Xas Les, yog peb, Tswv Ntuj yuav qhia tej yam uas txheej thaud tsis tau qhia rau peb. Ntuj yuav qhib peb lub siab kom peb paub thiab pom tej yam npog ua neeg tsis tau pom dua. Yam li Tswv Ntuj yuav ib lub cev neeg tuaj nrog peb nyob. Thiab Tswv Ntuj lo lus tuaj nyob txawm hauv peb nruab siab. Kom neeg paub txog tias Tswv Ntuj siab zoo, thiab txawj hlub neeg.

    Thaum Tswv Ntuj lo lus xeeb los ua neeg, mas Ntuj lub hwj chim muaj zog tawm tuaj nyob saum ntuj. Qhia rau ntiaj teb peb meem Vaj sawv tas nrho lub sim ceeb no yim meem teb chaws tuaj pe hawm Tswv Ntuj lo lus.
    Nyob hauv peb meem Vaj nrog yim meem teb chaws tau xaiv cov paj tshab zoo tshaj tuaj pe hawm Tswv Ntuj lo lus:
    *Cov nyiaj kub, yog ntiaj teb neeg li pov haum.
    *Cov txab txiv yoov, yog ntiaj teb li lub hwj chim teev hawm Ntuj.
    *Tshuaj tsw qab yog ntiaj teb li kev dawb huv kev ncaj ncees. Yam tsis muaj neeg ntxub
    Yog Tswv Ntuj qhia kom neeg xaiv yam zoo tshaj plaws nyob ntiaj teb no los ua paj tshab cev rau Ntuj los lus tseem ceeb no.
    Neeg ntiaj teb yog hom zoo tshaj plaws uas Ntuj tsim tseg rau hauv lub simceeb.
    Peb yuav ceev peb lub siab lub tswv yim lub cev ntaj ntsug, kom zoo li cov tseem nyiaj tseem kub. Thiab yam dawb huv tsim nyog cev los txi rau Ntuj. Thiab tsis muaj chaw xyeej yam tsis muaj tus ntxub nyob tsw qab ntxiag rau Tswv Ntuj yuav.
    Thaum peb ntseeg txog ntuj peb yog cov tseem nyiaj kub. Thaum peb tuaj teev ntuj peb yog cov tseem paj tshab uas Ntuj nyiam. Tsis muaj chaw xyeej lawm..

    Xib Hwb Yaj Zoov Ntxheb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 11th January 2013, 10:17 pm


    NTHUAV NTAWV NTSHIAB

    YES XUS YUG LOS HNUB CHIV 3 C. TIM 13-1hlis-2013.

    XH.Zoov Ntxheb Yaj Nthuav Ntawv Ntshiab. - Page 2 34142310Yes Xus txais lub cim ntxuav( His Xais 42:1-4+6-7.)

    *Yes Xus yog Tswv Ntuj tus tub txib. Tswv Ntuj xaiv thiab nres nws.
    Tswv ntuj hais tias:
    Yog tus kuv xaiv, kuv nyiam dua cov.uas kuv lub tswv yim roos nws. Kom nws coj txoj kev cai tuaj rau sawv daws. Tus txhiav twb lov lawm nws tsis muab txiav pov tseg, tus nplaim teeb cig qauj les los nws tsis muab tshuab. Nws yuav nyob ruaj mus txog hnub txoj kev cai kav thoob lub ntiaj teb. Vim tias cov neeg nyob deb deb tos txog nws cov lus qhia. Tswv Ntuj hu nws mus taug txoj kev ncaj, thiab tuav nws tes, hwj nws.
    Kuv qee koj los coj neeg los cog lus, xws li cov neeg dig muag, thiab cov nyob hauv tsev loj faj. Kom tau los raws qhov pom kev, txhob nyob hauv txoj kev tsaus ntuj.
    Tswv Ntuj cov lus muaj tseeb npaum no, yog hais rau leej twg?
    Peb cov neeg ntseeg txog Yes Xus, ces yog Tswv Ntuj hais rau peb kiag tias:
    Nej yog cov uas kuv xaiv, kuv roos nej nyob hauv txoj kev ncaj kom nej coj lub ntiaj teb neeg los cog lus tias kuv txuag nej. Nyob hauv nej tus tauj twb lov lawm los kuv tsis muab txiav pov tseg. Hos tus nplaim teeb cig qauj les los kuv tsis muab tshuab. Kuv yeej hwm nej kom nej ua qhov poom kev rau ntiaj teb neeg cov dig muag, thiab cov nyob hauv tsv loj faj.
    Kom lawv tau tawm los nyob hauv qhov pom kev. Txhob nyob hauv qhov tsaus ntuj.
    Cov dig muag, yog cov tsis xav paub Tswv Ntuj lawv nyiam txoj kev tsaus ntuj dua txoj kev kaj.
    Cov nyob hauv tsev loj faj, yog cov neeg txom nyem txhua tus ua lawv tsis muaj kev tso siab rau Tswv Ntuj. Thiab tsis muaj kev vam khom txog Ntuj kev nyiam kev hlub, uas yuav tau nyob kaj siab lug.
    ( Hauj lwm10:34-38.)

    *Tswv Ntuj Pleev Yes Xus, yam li Nws pub Leej Tswv Yim ntshiab lub hwj huam rau Yes Xus.
    Peb ntseeg txog Yes Xus peb muaj chaw tso siab, li Pob Zeb hais:
    Leej twg hwm Ntuj thiab mloog nws txoj cai mas nws ua ntxim Tswv Ntuj siab. Tswv Ntuj xa nws kev thaj yeeb tuaj rau ntiaj teb neeg txhua tus. Tus ntseeg yuav pom Tswv Ntuj kev nyiam kev hlub ci lam lug.
    (Lus Kas 3;15-16+21-22.)

    *Yes Xus yog tus siab ntshiab uas Tswv Ntuj nyiam kawg.
    Zam ntxuv plig hais tias, tus muaj zog dua kuv nws lawv kuv qab. Kuv tsis tsim nyog daws nws txoj hlua khi nws nkawm khau.
    Nws yuav ntxuav neeg nyob hauv Leej Tswv Yim ntshiab, thiab hauv hluav taws.
    Cov neeg ntseeg txog Yes Xus lawv tau txais lub cim ntxuav nyob hauv Tswv Ntuj lub npe. Yog tus Tswv Ntuj muaj zog yeej kev tuag nrog rau kev phem kev tsis zoo txhua yam. Kom yaj ntshis mus. Kom ua tau ib tug neeg dawb huv.
    Cov neeg nyob ua xyem xyav, los cov ntseeg thim mus thim los, lawv tseem yog cov neeg nyob hauv qhov tsaus ntuj, los nyob tsev loj faj.
    Ib- Lawv tau pom txoj kev kaj, los lawv yeej nyiam nyob hauv txoj kev tsaus ntuj.
    Ob-Cov nyob tsev loj faj, yog cov tsis tau hnov txog Tswv Ntuj kev nyiam kev hlub. Los lawv hnov tsis meej, lawv tsis tau muab siab rau mloog kom to taub zoo.
    Peb txhob ua cov neeg uas xav tawm hauv tsev loj faj los. Tab sis peb tsis xav nyob hauv kev kaj. Peb nyiam kev tsaus dua kev kaj.
    Lub ntsiab lus hnub no Tswv Ntuj hais rau peb sawv daws tias, peb yog cov pab neeg ntawd ntag. Peb yuav ua li cas kom peb yog cov uas Ntuj xaiv,peb thiaj yog tus ua tau ntxim Tswv Ntuj lub siab.

    Xib Hwb Yaj Zoov Ntxheb

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 18th January 2013, 12:43 am



    NRUAB XYOO CHIV 2 Xyoo C.January 20 2013

    (His Xais 62: 1-5.)
    *Tswv Ntuj txawj zam rau cov neeg nyiam nws.
    Tswv Ntuj hlub cov ua nws haiv neeg xws li ib tug txiv hlub nws poj niam.
    TswvNtuj lo lus hais tias, kuv yuav hais txog Xis Oos, thiab Yes Lus Xas Les tsis tseg. Mus txog hnub uas txoj kev cawm ci ntsa cuag li ib tes tsau. Kom neeg pom txoj kev ncaj.
    *-Cov Vaj cov ua nom ua tswv, cov thawj neeg, yuav pom tau lub hwj chim uas Tswv Ntuj qhia, tias lawv yogTswv Ntuj cov Vaj thiab cov thawj neeg, los cov nom tswv.
    *-Cov txiv tsev, cov Vaj, cov thawj neeg, cov nom tswv huv si, muaj lub meej mom zoo puav tam li cov phuam, los cov mom nyiaj mom kub ci ci nyob hauv Tswv Ntuj txhais tes.
    *-Cov niam tsev,nrog cov poj ntsuam, cov poj nrauj tsis muaj txiv. Tswv Ntuj kuj yuav hais rau lawv tsis tseg mus txog hnub uas nej zoo nkauj cuag li tus nkauj nyab tshiab. Tsis muaj neeg yuav hu nej ua daim qub teb av tsis zoo. Luag yuav hu nej ua cov av xis nyob hauv Tswv Ntuj lub loog. Vim cov neeg ntseeg txog Yes Xus lub npe nej tau ua ntxim Tswv Ntuj lub siab. xws li ib tug txiv zoo nrog nws poj niam.

    Nyob hauv Kos lis Nthos( 12:4-11.)
    Leej Tswv Yim Ntshiab pub ntau lub tswv yim sib txawv rau sawv daws.
    Peb nyias txawv nyias, ces Tswb Ntuj pub li ntawd kom peb sib pab tau.
    Ntuj pub ntau yam txiaj ntsimsib txawv, tiam sis yog Leej Tswv Yim tib leeg xwb faib los. Muaj xws li:
    -*Tus ua nom ua tswv.-*Tus ua neeg thoob tsib txawj ntua neeg.-*Tus ua txwj laus nyob nruab nrab sawv daws.-*Tus txawj muab tshuaj los pab neeg.-*Tus txawj hais lus mos lus muag hlub luag tej.-*Tus txawj xuas tes ua tej txoj hauj lwm zoo.-*Ntau ntau yam suav tsis txheeb th...
    -*Puav leej yog Leej Tswv Yim Ntshiab faib los. Xws li ncau hauv Tswv Ntu lub xib teg los tas nrho.
    -Li no tas nrho peb siab ntsws, ncauj lus, hauj lwm, peb yuav muab siab rau hais kom haum li Tswv Ntuj lub siab nyiam. Txhob muab lwm yam los txuam rau kom muaj kev ua tub qaug rau Ntuj los rau ib tug neeg twg.

    Zam ntawv Moo Zoo kuj hais ntxiv tias:( Zam,2: 1-12.)
    Thaum lawv ua tshoob nyob Kas Nas, Yes Xus ua kom dej txia ua cawv.
    -NYob hauv peb lub neej Yes Xus kuj ua kompeb txia ua tej yam muaj nuj nqes. Kom peb lub neej muaj kev lom zem:
    Peb yuav mloog Tswv Ntuj cov neeg zoo li cov tshwj kab tau mloog Mab Liab, thiab Yes Xus nkawd nyob hauv lub zos Kas Nas.
    -Yog peb xyaum mloog lus mas peb kuj yuav txia tau ua ib co neeg thoob tsib muaj nqes xws li peb tus Huab Tais Pleeb. Peb thov yam twg ntawm Tswv Ntuj mas nws yuav teb rau peb mus li. Peb yuav ua cov neeg thoob tsib txawj pab luag tej lwm leej lwm tus. Paub muab tej neeg txom nyem neeg mob, neeg raug dab los cev rau Tswv Ntuj, kom Peb tus Leej Pleev lub hwj huam hwj chim nrog nws kev nyiam kev hlub los daws txhua yam kom me nyuam neeg nyob ntiaj teb no tau nyob kaj lug. Tswv Ntuj niaj hmub tos kom txog hnub uas ib leeg hais ces sawv daws kam mloog, thiab tsis ntev ces tas sawv daws yuav koom muaj ib lub hwj chim nyob hauv tib tug tswv. Yog tus siab ncaj txawj hlub neeg mus ib txhiab ib txhis.

    Xib Hwb Yaj Zoov Ntxheb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 25th January 2013, 10:20 am


    NTHUAV NTAWV NTSHIAB

    Nruab Xyoo HNUB CHIV 3 Xyoo C. TIM 27-1hlis-2013.

    XH.Zoov Ntxheb Yaj Nthuav Ntawv Ntshiab. - Page 2 Gif43Es Nras hais tias:
    Nej tus Tswv Ntuj saib tias, hnub no yog ib hnub ntshiab.
    Nej yuav zoo siab, nej tsis txhob tu siab. Hnub no yog hnub ntshiab uas nej tau hnov Tswv Ntuj lo lus thiab txoj cai. Tswv Ntuj chaw zoo siab yog nej lub loog zeb.
    Tus paub Tswv Ntuj thiab nws txoj cai, ntawd twb yog Tswv Ntuj nyiam peb.
    Peb yuav sis nyiam sis hlub. Kev nyiam kev hlub yog lub loog zeb uas Dab phem yuav rhuav tsis tau. Vim Tswv Ntuj nyob txawm hauv.
    Kev nyiam kev hlub yog tus ncej hlau tuav lub loog zeb. Nws yog tus ncej tuav koos tas nrho Tswv Ntuj 10 lo lus qhia.
    Tswv Ntuj 10 lo lus qhia yog tas nrho cov ncej vas tas nrho lub loog zeb no kom ruaj.
    Dab phem yuav tso tsis tau los tso nws tej toj taug kom neeg tig los saib yaj ceeb neeg kev ua txhaum:
    Yam li kev sib ntxub, kev ua plees ua yi, kev ua tub sab tub nyiag nrog kev tsis hwm Ntuj hwm neeg. Kev ua neej sib cais tsis muaj kev hlub. Muab kev tsaus ntuj los plooj qhov muag, kom tsis pom txog Tswv Ntuj tej txiaj ntsim koob hmoov ua Ntuj pov hwm nws lub neej.

    ( Kos Lis Nthos.12:12-14+18-21+26-30.)
    Lub Koom Txoos yog Yes Xus lub cev hlob. Peb yog Yes Xus tes taw, peb nyias txawv nyias. Tab sis peb ua ke yog Yes Xus lub cev ciaj sia nyob ntiaj teb no.
    Vim peb txais tib lub Cim ntxuav nyob hauv tib leeg Tswv Yim, kom peb tau ua Yes Xus lub cev.
    Mas tus yog lub Tswv Yim nws tes los nws taw mob mas nws yeej yuav nrhiav tshuaj los qhwv kom zoo xwb. Tej tes taw ntawd thiab lub cev qhov twg dub lub Tswv Yim yuav ntxuav so kom dawb tuaj. Qhov txias nws yuav looj ntaub tuab kom sov, qhov sov nws kuj yuav qhib kom dim pa lim las.
    Ua li mas peb sawv daws muaj nqis nyob hauv Yes Xus tas nrho. Peb sib ntxub tsis tau.
    Peb saib cov lus nyob hauv daim duab no:
    Qhov muag hais tias nws xub pom. Qhov ncauj hais tias, yog nws hais thiaj tau. Tes hais tias, yog tes muab thiaj tau. Taw hais tias, yog taw mus thiaj txog. Plab tsis ua hauj lwm cia plab nws nyob nws sawv daws thiaj tsis khwv. Zaum no plab tsis muaj dab tsi lawm. Plab lau mus. Tas txhua yam tsis muaj zog. Qhov muag rua tsis taus, tes taw tsis muaj zog, pob ntseg tsis hnov lus lawm. Lub tswv Yim tsis xav nrhiav tej yam zoo rau leej twg li. Sawv daws yuav zoo li cas. Puas mus tas nrho tshuav tib lub Tswv Yim nyob xwb.

    ( Lus Kas.1:1-4+4:14-21.)

    Peb yuav zoo siab li Lus Kas nws khaws Yes Xus cov lus uas Cov Hauv Paus Xa Lus ua tim khawv thiab ua Lo Lus tus tub txib tshaj mus kom thoob lub qab ntuj no. Kom sawv daws pom tias, Huab Tais lub tswv Yim nyob saum peb. Yog Huab Tais qee peb los ua nws tug. Huab Tais yog tus Pleev peb, Yam li nws tsa peb ua Vaj. Ua Leej Choj. Ua Yaj Saub. Huab Tais xa peb mus tshaj lub Moo Zoo rau cov neeg pluag.
    Nws xa peb mus ceeb toom rau cov neeg dig muag tias lawv yuav pom kev. Thiab cov neeg raug luag hiam tias, lawv yuav dim. Vim tias Tswv Ntuj muaj txiaj ntsim ntau yuav pub rau sawv daws.
    Thaum Yes Xus nthuav Tswv Ntuj lo lus nws tau hais meej tias. Zaj lus nej hnov hnub no nws tsheej xeeb tau lawm.
    Tswv Ntuj twb yeej xub ua tas rau peb lawm. Zaum no tshuav qhov tias, peb puas lees yuav thiab txais los ua peb tug lawm xwb.


    Xib Hwb Yaj Zoov Ntxheb

    XH.Zoov Ntxheb Yaj Nthuav Ntawv Ntshiab. - Page 2 587780069
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 8th February 2013, 8:32 am


    NTHUAV NTAWV NTSHIAB

    Nruab Xyoo HNUB CHIV 4 Xyoo C. TIM 03-2 hlis-2013.

    XH.Zoov Ntxheb Yaj Nthuav Ntawv Ntshiab. - Page 2 Bible_10

    Yes Les Mias 1:4-5+17-19.
    *Cov neeg ua Yaj Saub lawv yuav tsum qhuab qhia tsoom sid. Ntau zaus tsoom sid yuav ntxub lawv.
    Tab sis Tswv Ntuj lub zog nres lawv.
    *Tswv Ntuj lo lus nrov tuaj zoo li no:
    Thaum loj tsis tau xeeb los, kuv twb paub koj lawm.
    Kuv qee koj los ua kuv tus yaj saub qhia cov haiv neeg. Hnub no kuv tsa koj ua lub loog zeb, muaj ncej hlau khov li ntsa tooj xov tiv thiav, cov ua Vaj txheeb, cov Leej Choj, thiab cov pej xeem.
    Cov ntxub Tswv Ntuj yuav tsis yeej koj. Vim kuv yog Tswv Ntuj yuav nrog koj nyob.
    *Tswv Ntuj lo lus no, xav qhia peb tias:
    Cov neeg ntseeg txhu tus yuav rau siab qhia luag tej uas, yog peb cov txheeb ze.
    -Yuav qhia li cas? Yuav ua lub siab ntev, txhob tu siab uas yus niaj hnub ris kev iab kev khwv. Thov Ntuj pab luag. Kom Ntuj lub txiaj ntsim ntawm kev hlub loj hlob txawj qhib sawv daws tej qhov muag. Siab ntsws, kom sawv daws paub Tswv Ntuj kev nyiam kev hlub. Txawj tso siab rau txhua yam uas Tswv Ntuj tau nres thiab pov hwm yav tas los lawm.

    (Kos Lis Nthos.12:31+13:1-13.)
    *Tus hauv paus xa lus Paj Lug thiaj hais tias:
    Yam twg yog yam muaj nqis dua cov, nyob saum ntuj thiab nyob ntiaj teb no?
    -Txoj kev nyiam yog yam muaj nqis dua cov.
    Tab yog tus neeg txawj hais tas ntiaj teb cov xeem lus, los, paub Ntuj cov tshiab cov xeem lus tas nrho, los nws txawj nrog cov neeg tuag sib txuas lus tau.
    -Nws tsis muaj lub siab nyiam mas nws zoo li lub tswb tooj, los lub nruas npuaj nrov nca nca xwb. Nws yog Yaj ntshis tsis muaj dab tsi li.
    -Tus muaj lub siab txawj nyiam cog rau nws nruab siab, mas nws txawj ua siab ntev. Tsis xam khib. Tsis khav theeb thiab muab hlob.
    Nws tsis ua tub qaug leej twg. Tsis npau taws los cib nyeej.
    -Nws tsua xav pom kom sawv daws ua ncaj ncees. Nws ntseeg sawv daws thiab tso siab rau sawv daws. Nws txoj kev nyiam yuav nyob ruaj nreb tsis txawj dua ntais li.
    Yog peb muaj kev ntseeg thiab kev nyiam zoo li no, mas tiam no, peb yuav pom Tswv Ntuj zoo li pom tus duab nyob hauv ib daim iav. Lwm tiam peb yuav pom xyeem ntawm qhoiv muag. Peb yuav paub Tswv Ntuj li nws paub peb.
    Kev nyiam yog yam loj tshaj, txhua yam nrhau ntawm kev nyiam los.

    (Lus Kas 4:20-30.)
    *Lus Kas ntawv Moo Zoo hais ntxiv tias:
    -Yes Xus cov lus xis cov neeg tsis muab hlob. Tab sis cov neeg tsis xav tig los yuav lub siab tshiab, mas lawv tsis xav hnov Yes Xus lub Moo Zoo.
    -Y,X,Kuv hais tiag rau nej! Tsis muaj ib tug Yaj Saub uas luag yuav txais nws zoo nyob hauv nws lub zos.
    -Lub caij Es Lis nyob, Ntuj qhuav tau 3 xyoos thiab 6 lub hli. Lub teb chaws raug kev tshaib tas tib si. Muaj ntau tus poj ntsuam nyob His Xas Lais teb, Tsis kav Tswv Ntuj tsis xa Es Lis mus pab cov poj ntsuam ntawd. Ntuj xa Es Lis mus pab ib tug poj ntsuam, Vaim kuj tub teb puag tim Xis Doos teb.
    -Lub caij Es Lis Xais nyob, muaj ntau leej mob ruas, nyob His Xas Lais teb. Tsis muaj ib tug rov huv tuaj. Tsuas yog ib tug pej kum neeg hu ua Nas Maas, yog neeg Xis Lias thiaj huv tuaj.
    - Peb saib Yes Xus lo lus no saib yog hais txog leej twg! Peb yog cov ntseeg txog Yes Xus, peb ho tsis tso siab rau Yes Xus. Peb mus tso siab rau co saub sawv tim roob tauj. Los cov txiv muam saib yaig. Lawv txuas lus tau rau dab thiab cov neeg tuag. Tiam sis lawv txoj kev nyiam tsis muaj zog. Lawv muaj cuab tam ntau tshaj koj. Los lawv tseem kom koj pab lawv, kom lawv tau zoo tshaj sawv daws. Peb yuav tig peb los nyob ncaj qhov ua xis Tswv Ntuj lub siab.
    Cov ntsiab lus hnub no raug peb siab vim peb xyaum ua neeg me tsis muab hlob.




    Xib Hwb Yaj Zoov Ntxheb

    XH.Zoov Ntxheb Yaj Nthuav Ntawv Ntshiab. - Page 2 Cascades-bouge-trois
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 8th February 2013, 8:53 am


    NTHUAV NTAWV NTSHIAB

    Nruab Xyoo HNUB CHIV 4 Xyoo C. TIM 03-2 hlis-2013.

    XH.Zoov Ntxheb Yaj Nthuav Ntawv Ntshiab. - Page 2 15401410NRUAB XYOO CHIV 5 C.

    (His Xais,6:-1-9.)
    *-His Xais ntsib tus Tswv Ntuj muaj hwj chim. Thaum peb ua lub Txoos txi Ntuj,peb kuj ntsib Yes Xus nqes los ua lub cim yug, kom tau pab peb mus ntsib tus Tswv Ntuj muaj hwj chim li His Xais.
    -Tswv Ntuj muaj hwj chim thiab ntshiab tiag. Ntuj cov tshiab sib hu nkauj cav txog Tswv Ntuj yog tus siab ntshiab.
    -Peb yog ib cov neeg di ncauj tsis huv. Peb yuav thov kom Ntuj cov tshiab tuaj so peb di ncauj kom huv tuaj. Vim pev nyob nruab nrab hauv ib pab neeg di ncauj tsis huv li peb thiab. Kom peb tsim nyog mus pom tus Tswv Ntuj siab ntshiab li His Xais.
    Txij hnub peb tau paub Tswv Ntuj los lawd, mas peb yog Tswb Ntuj cov Yaj Saub li His Xais.
    -Tswv Ntuj yuav txib peb mus hais rau peb tsoom txheeb ze tias:
    Nej kav tsij tig los mloog, thiab kav tsij rua muag los ntsia tus Tswv Ntuj siab ntshiab, uas yog tus yuav los daws nej cov thaum kom yaj tas. Nws yuav txib nej mus ua nws cov tub fi xov rau lub ntiaj teb neeg tias, Tus Tswv Ntuj Ntshiab yuav ntxuav nej kom daws daws dawb huv tuaj.

    (Kos Lis Nthos.15:1-5.)
    Paj Lughais rau cov Kos LisNthos tias:
    Kev ntseeg lub ntsiab,yog qhov hais tias:
    Yes Xus tuag thiab sawv rov los. Yog thawj lo lus uas cov neeg ntseeg yuav xub tshaj. Yam li :
    Nej ntseeg lubMoo Zoo raws li lub Koom Txoos tau tshaj rau nej.
    -Yog lub Moo Zoo cawm tsis tau nej mas nej ntseeg dag xwb. Tus hauv paus xa lus hais tseeb tias:
    Qhov kuv tau qhia rau nej mas kuv xub tau txais:
    Yam li Yes Xus yeem tuag kom tau ntxuav peb cov txhaum pov tseg, raws li ntawv nthiab xub tau hais tseg lawd:
    Yes Xus mus rau Yeeb tim teb peb hnub. Hnub peb nws sawv rov qab los, raws li ntawv ntshiab xub tau hais tseg.,
    Tom qab nws yees tawm tuaj rau Xis Moos Pob zeb pom. Tas ces nws yees tawm tuaj rau pab 12 leeg pom. Tom qab ntawd, nws yees tawm tuaj rau ib pab kwv tij 500 leej ib txhij pom. Qhov kawg nws yees tawm tuaj rau Kuv Paj Lug Pom.
    Kuv tsis tsim nyog pom. Tiam sis Tswv Ntuj lub txiaj ntsim ua kom kuv zoo li nyiam no. Kuv yog.
    -Tswv Ntuj lub txiaj ntsim tuaj nyob hauv peb. Tsis yog yuav nyob dag.

    ( Lus Kas5:1-11.)
    *Cov neeg ntseeg, peb yog ib pab tub tshaj Ntuj lus tas nrho. Cov tub tshaj Ntuj lus yuav vam txog Yes Xus pab qhia lawv lub tswv yim. Mas lawv thiaj txawj hais tej zaj lus los qhib neeg lub siab.Yes Xus yog tus pab puav neeg los nyob hauv lub Koom Txoos.
    Xis Moos Pob Zeb hais tias. Peb khwv ib hmos tsis tau dab tsi li. Yog koj hais mas kuv yuav ua raws li. Koj qhia.

    Dua li ntawd Yes Xus hais tias koj txhob ntshai. Txij no mus koj yuav mus ua tub puav neeg.
    -Hnub no Yes Xus hais tib yam li nws hais rau Pob Zeb tias, nej yuav mus ua kuv cov tub puav neeg.
    -Peb yog Pob Zeb cov kwv cov muam peb yuav raws Pob Zeb nrog nws mus ua tub ntxhais puav neeg. Yam li peb yog Tswv Ntuj cov Yaj Saub. Peb ua Ntuj cov tub fi xov rau lub ntiaj teb neeg, kom sawv daws paub tias Tswv Ntuj yuav so peb di ncauj kom huv tuaj. Ces lub Sim Ceeb thiaj txawj sib cav txog Tswv Ntuj yog tus ntshiab.



    Xib Hwb Yaj Zoov Ntxheb

    XH.Zoov Ntxheb Yaj Nthuav Ntawv Ntshiab. - Page 2 Bible-epee
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 13th February 2013, 10:07 am


    NTHUAV NTAWV NTSHIAB

    HNUB PLAUB TXAIS TSHAUV.
    Xyoo C. TIM 03-2 hlis-2013.

    XH.Zoov Ntxheb Yaj Nthuav Ntawv Ntshiab. - Page 2 Image_10( Ntawv Yos Es 2:12-17.)
    Hnub plaub txais tshauv no.
    -Tswv Ntuj xav kom peb tig los yuav lub siab tshiab.
    Yam li,Tswv Ntuj hais tias:
    Nyiam no nej rov qab los cuag kuv mog. Nej yuav coj cov kab ke yoo.Nej yuav quaj rau nej cov txhaum cuag li ib co xyom cuab. Nej yuav ua nej lub siab ntuag, vim nej cov txhaum.
    Tswv Ntuj khuv leej nej tas nrho,Nej los cuag nej tus Tswv Ntuj, nws tsis xav pom neeg ua phem mus ntxiv lawm.
    Nws yuav pub txiaj ntsim ntau los rau nej.Nej thov Ntuj nrog nej nyob,nws yuav zam thiab foom hmoov zoo rau nej.
    -Tswv Ntuj yog tus khuv leej sawv daws. Peb yuav coj cov kab ke yoo, kom tau tig los yuav lub siab tshiab.
    Cov kab ke yoo, tsis yog yoo mov xwb, ces yog qhov tseem ceeb lawm.
    Yog cov kab ke yoo kev ua txhaum:
    -Tus nws nyiam ua neeg quav dej quav cawv, nws yuav yoo dej caw.
    - Tus neeg ncauj ntau, cem, tsawm neeg, nws yuav yoo cheem nws lub ncauj thiaj yog.
    -Tus nyiam hais lus dev lus npua, ua plees ua yi, nws yuav tau caiv kom txhob hais ntau.
    -Tus neeg hu dab plab hlob xav noj ntau haus qaug, nws yuav yoo me ntsis faib rau lwm tus thaib.
    - Tus nyiam mus kov luag tug los muab mus siv ua nws tug, nws kuj yuav tau caiv txhob ua li ntawd.
    - Tus nyiam hais lus xaiv cav ncauj, xyav luag lub npe, nws yuav tau caiv ncauj txhob hais ntxiv lawm.
    =Yog ua li hais los no mas koj thiaj tau ua cov kab ke yoo, ntxim Tswv Ntuj siab. Hos koj lam yoo mov xwb tsis yoo tej hais no mas koj tsis tau ua ib yam dab tsi zoo li.
    ( 2Kos Lis Nthos 5:21-22+6:1-2.)
    Paj Lug cov lus hais tuaj rau Kos Lis Nthos tias:
    Nyiam no, yog lub caij uas neeg yuav rov los nrog Tswv Ntuj sib haum xeeb lawm. Vim Yes Xus los them peb cov txim txhaum lawm.
    Peb yuav saib tias tas peb cov neeg ntseeg txog Yes Xus, yog cov uas Tswv Ntuj tso los ua Leej Pleev cov tiam lis.
    Yam li Tswv Ntuj siv peb lub ncauj los sib ntuas tias:
    Nej ua siab ntev nrog Tswv Ntuj sib haum xeeb mog. Yog peb tsis nrog Tswv Ntuj sib haum xeeb. Mas peb ua Leej Pleev cov tiam lis cuav xwb. Peb yuav tsis tau txais dab tsi los ntawm peb kev sib ntuas los li. Tswv Ntuj lub txiaj ntsim xa tuaj cog rau hauv peb nruab siab, tsis muaj qab hau rau peb los rau Ntuj li.

    ( Mas Tais ntawv Moo Zoo 6:1-6+16-18.)
    Mas Tais Ntawm Moo Zoo hais tias:
    Cov neeg ntseeg yuav ua tej yam zoo, tsis yog ua los nrhiab koob meej. Yog ua los kom tau nyiam Tswv Ntuj.
    -Yes Xus hais tias:
    Nej ua twb zoo, nej txhob ua neeg zoo nrawm daim me tawv. Los ntawm sawv daws xub ntiag xwb, kom luag tau qhuas nej.
    Yog nej ua zoo nrawm daim tawv xwb mas nej yuav tau txais dab tsi ntawm nej Txiv nyob saum ntuj.
    -Tus ua zoo ntawm daim me tawv xwb mas nws twb tau txais koob meej tas los ntawm neeg laum.
    -Yog nej yuav pub rau luag, mas sab xis cev lawm, los sab luag tsis paub txog li. Cia nej txiv nws tib leeg paub nyob hauv qhov nraim nkoos xwb. Nej teev Ntuj, nej txhob ua txuj teev ntev loo, ntawm neeg xub ntiag. Koj kaw qhov rooj, koj teev ntuj nyob hauv qhov nraim nkoos, cia koj txiv ib leeg pom xwb.th...
    Thaum koj ua ib txoj hauj lwm them txim txhaum, koj yuav ua kom koj lub siab nyob kaj lug. Txhob qhia leej twg. Cia Koj Txiv nrog koj paub xwb, koj thiaj tau kev zoo nrog koj Txiv Tswv Ntuj sib sab laj tham, tej yam zoo ntxim nws siab. th...

    Xib Hwb Yaj Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 2 Temps-11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th February 2013, 11:16 am


    NTHUAV NTAWV NTSHIAB

    LUB CAIJ 40 CHIV 1 Xyoo C.
    . TIM 03-2 hlis-2013.

    XH.Zoov Ntxheb Yaj Nthuav Ntawv Ntshiab. - Page 2 0a1410(ntawv phau tsib 26:4-10.)
    Ntawv phau tsib hais tias:
    Niaj xyoo, koj yuav cev ib qho paj tshab rau koj tus Leej Choj uas nws yogTswv Ntuj tus tub txib.
    -Koj yuav hais cov lus no rau koj tus Tswv Ntuj tias:
    Kuv txiv yog ib tug neeg nyob tsis ruaj chaw. Peb ua neeg thoj nam poob hauv kev txom nyem.
    Peb thiaj hu txog peb cov yawg koob tus Tswv Ntuj, uas yog tus xeeb teb xeeb chaw.
    Tswv Ntuj, koj hnov peb lub suab. Koj paub peb txoj kev txom nyem, kev khwv. Tswv Ntuj koj yog tus pab peb,koj coj peb kev tuaj nyob teb chaws no.
    Peb muaj noj muaj haus ntws sis laub sis lug los tsis tu ncua. Kuv nqa qhov paj tshab no tuaj cev rau koj. Kuv pe koj yog peb tus Tswv Ntuj.
    -Tas nrho peb cov neeg ntseeg txawm ua txoj kab xwm twg los peb yuav tau cev ib qho paj tshab rau Tswv Ntuj. Kom tau pab Tswv Ntuj cov tub txib ua nws tej hauj lwm. Kom nws muaj zog ua tau ib tug neeg twj lij. Txhob tau mus thov mov noj ncig lub zej zog.

    ( Los Mas 10:8-13.)
    Thaum koj ntseeg txog Tswv Ntuj tiag. Koj xav ua zoo rau Tswv Ntuj. Tab yog koj ua tsis tau li lub siab xav, los Tswv Ntuj yeej cawm koj.
    Vim lo lus no:
    -Tswv Ntuj lo lus nyob ze koj. Tswv Ntuj lo lus nyob hauv koj nruab siab thiab nyob hauv koj lub qhov ncauj. Tswv Ntuj lo lus yog txoj kev ntseeg uas koj tshaj tawm. Koj di ncauj lees tias Yes Xus yog Huab Tais. Thiab koj ntseeg tias, Tswv Ntuj tsa Yes Xus sawv rov los. Mas koj tau txais kev cawm.
    Vim ntawv hais tias:
    Tus ntseeg txog Huab Tais mas nws yuav tsis ntsib kev txaj muag. Thiab leej twg hu txog Huab Tais lub npe, nws yuav ntsib kev cawm.

    ( Lus Kas 4:1-13.)
    Thaum Yes Xus sawv kev mus tshaj Ntuj lus, Yes Xus raug dab phem ntxias Yes Xus. Peb kuj niaj hnub raug dab phem ntxias tib yam li ntawd. Peb tsis txhob xav tias, Yes Xus qhia ib co kev cai nyuaj dhau rau peb. Peb yuav tsom saib txoj kev dab phem ntxias Yes Xus peb zaug ntawd zoo li cas.
    _Dab phem tsuas ntxias xwb, dab phem tsis tau yuam kom Yes Xus ua li dab phem xav.
    Nyob hauv peb lub neej los Ntuj kuj tsis pub kom dab yuam tau peb tib yam li ntawd.
    _Dab phem tsuas ntxias koj, zoo li nws muab ob daim iav rau koj saib, saib koj yuav xaiv diam twg xwb. Yog koj xaiv tau daim ntsuab ces koj ua tau qhov zoo, hos koj xaiv tau daim liab ces koj tau ua kev txhaum lawm. Koj hais tsis tau tias yog dab phem ntxias koj mas koj thiaj ua li ntawd. Koj ua plaub los koj yuav tsis yeej dab phem li. Dab phem ntxias tiag tab sis dab phem tsis tau yuam koj. Yog koj xaiv koj xwb. Ces koj ua koj li txhaum.
    Thaum peb yuam kev lawd mas yog los ntawm peb kev khav theeb. Peb xav ua kom txaus luag qhuas, ces peb tau ua yam tsis yog qhov tseeb.
    Peb lub siab tsis muaj zog, mas peb yuab vam txog Yes Xus pab nres peb lub siab lub zog. Peb thiaj yuav xaiv tau yam xis Tswv Ntuj lub siab.
    Leej twg thiaj yuav hais tau ib qho tseeb los!...
    Hmo luag yuav ntes Yes Xus.nws mus thov Ntuj,Yes Xus hais tias:
    Txiv Lub ntim no hla mus deb ntawm no puas tau? Tiam sis koj ua li koj xav, Txhob ua li kuv xav.
    Yog peb raug dab tsi los peb yuav zoo siab txais. Vam txog Ntuj pab peb ua lub siab loj kom peb nres tau tej kev iab kev khwv ntawd.


    Xib Hwb Yaj Zoov Ntxheb



    XH.Zoov Ntxheb Yaj Nthuav Ntawv Ntshiab. - Page 2 Ddb07710
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 23rd February 2013, 2:50 am



    CAIJ PLAUB CAUG CHIV 2 xyoo C.

    Rau hnub tim 24/02/2013.


    XH.Zoov Ntxheb Yaj Nthuav Ntawv Ntshiab. - Page 2 The-tr10

    (Ntawv hauv puas15:10+17-18.)
    Tswv Ntuj cog lus rau Has Nplas Has tias, Nws yuav pub txoj hmoov zoo, rau Has Nplas tsoom xeeb leej xeeb ntxwv.
    Tswv Ntuj yeej paub tias ntiaj teb neeg yuav tsis nco txog Tswv Ntuj ntau zaus.
    -Tswv Ntuj saib Has Nplas yog neeg siab ncaj nws hais rau Has Nplas tias:
    Yog koj suav tau cov hnub qub nyob saum ntuj, mas koj suav. Kuv yuav ua kom koj cov xeeb ntxwv coob npaum li ntawd. Kuv yuav muab ib lub teb chaws rau koj nyob.
    -Tswv Ntuj puas pub txoj hmoov zoo rau peb?
    Tswv Ntuj yeej hais rau peb cov yawg koob tias, Kuv yuav pub koob hmoov rau tus yawg koob Hmoob cov koj cov xeeb ntxwv tias,Koj cov xeeb ntxwv hu ua Hmoob yuav tau mus nyob thoob qab ntuj.( Lo lus thoob qab ntuj loj dua lub teb chaws.
    Peb yuav xyaum ua neeg siab ncaj, kom tsim nyog txais txoj hmoov ua neeg nyob thoob qab ntuj. Vim txoj hmoov ua neeg nyob thoob qab ntuj no. nej ua tau Mab Sua luag nom luag Tswv. Ua luag cov thawj neeg. Tswv Ntuj pub lub hwj chim tswv yim thoob tsib rau Hmoob tej xeeb ntxwv sawv los tuav kev ncaj ncees kom tau nrog Mab Sua. Tus neeg paub txog Tswv Ntuj txoj hmoov no nws yuav ua luag thawj neeg, zaum luag hauv rooj hais luag hauv lus, coj Tswv Ntuj haiv neeg mus rau txoj kev thaj yeeb. Nws yuav tau zaum rau zaj hau, tiag taw rau zaj kub. Sawv rau zaj tsaig, yuav txawj cob Hmoob tub qhia rau Hmoob ntxhais. Kom hwm Ntuj Tswv Ntuj npe mloog tau Tswv Ntuj hais tseg.
    Thaum peb yuav xeeb los ua neeg, Tswv Ntuj twb xub cog lus muaj tias:
    -Koj zoo txaus lawm, koj yuav mus xeeb ua neeg tsim txiaj.
    -Koj yuav huam vam mus thoob qab ntuj khwb.
    -Koj yuav mus ua luag tus thawj neeg, zaum luag hauv rooj hais luag hauv lus, Peb yuav nrhiav txoj hmoo, uas Ntuj muab rau peb thaum nws xa peb los ua neeg rau ntiaj teb, nyob haum pheej nrog rau Mab Sua.

    ( Fis Lis Pos 2: 17-21+4:1.)

    Paj Luag thiaj hais rau cov Fis Lis Pos tias:
    Leej twg xav nrog Yes Xus muaj Hwj chim, tus ntawd yuav tsum nyiam tas txhua yam uas Yes Xus xav kom nyiam. Vim muaj ntau leej lawv coj li cov neeg uas lawv ntxub Yes Xus tus ntoo cuam.
    -Lawv tsuas saib tias lawv lub plab ces yog lawv tus huab tais.
    Lawv saib tej yam nyob ntiaj teb no yog tej yam tseem ceeb thiab loj dua, Yam phim kev txaj muag, mas lawb qhuas tias lawv hais kam li ntawd.
    -Peb mas peb yuav saib tias qaum ntuj thiaj yog peb lub nroog. Vim peb tos tus Huab Tais Pleev yuav tuaj cawm peb. Nws yuav muab peb lub cev txom nyem no los hloov ua lub cev muaj hwj chim li nws lub. Ua li mas Peb yuav nyob ruaj nreb haus peb tus Huab Tais pleev.

    ( Lus Kas 9: 28b-36.)

    Cov Thwj Tim twb tau pom Yes Xus lub hwj chim tawm tuaj. Tsis kav thaum Yes Xus raug txom nyem, lawv tseem ua xyem xyav. Xws li peb niaj hnub pom Tswv Ntuj lub txiaj ntsim tsis kav peb nyiam Tswv Ntuj tsawg. Peb tsis nyiam mus fim Tswv Ntuj.
    -Cov txiaj tsim Tswv Ntuj pub rau peb mas muaj ntau yam kawg.
    -Ntuj pub mub meej mom zoo nrog lub tswv yim thoob tsib kom peb paub Mab Sua li lus.
    -Pub kom yus txawj khwv txaus noj txaus haus mus puv lun niaj xyoo.
    -Pub kom peb muaj phooj ywg nyob hauv peb haiv neeg peb lub xeem nrog rau Mab Suas nyob thoob qab ntuj rau peb. Th...
    Txhua yam kev kev ua neeg zoo siab kaj siab nyob saum lub sim ceeb no rau peb. Puav leej yogTswv Ntuj li txiaj ntsim huv si. Tsim nyog ua li Paj Lug hais, nej nyob ruaj nreb hauv Leej Pleev.


    Xib Hwv Yaj Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 2 510
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 1st March 2013, 3:04 am


    NTHUAV NTAWV NTSHIAB

    LUB CAIJ 40 CHIV 3 Xyoo C.
    . Tim 03-3hlis-2013.



    ( Kev tsiv3:1-8+13-15.)
    -Tswv Ntuj hais tias, (kuv yog tus nyob...)Tswv Ntuj lo lus nws xav qhia peb tias, Nws yog Txhua Haiv neeg tus Tswv Ntuj.
    -Nws yog peb cov yawg koob tus Tswv Ntuj. Yog peb sawv daws tus Tswv Ntuj. Tswv Ntuj yog tus nws yuav yog, yog lub npe uas Tswv Ntuj yuav coj mus tas ib txhiab ib txhis.
    TswvNtuj hais li no mas yog Tswv Ntuj xav hais tias, Nws yog tas nrho qhov muaj zog muaj hwj chim, hwj huam uas neeg vam txog:
    Tswv Ntuj yog, Ntuj.,. Txiv... Niam... tij aw! Ntoo txwj ntoo laus... Zeb twg zeb laug... TimTswv teb Tim Tswv chaw huv si.
    Tus neeg siab dawb foom hmoov zoo rau koj, los yog tas. Ib lub zog tuaj saum cua tuaj los yog, ib lub zog tuaj hauv dej tuaj los yog, Ntuj huv si.
    Peb cov neeg ntseeg peb zoo li Mais Xes. Pob Zeb,
    Paj lug lawv uas swv Ntuj xa peb mus cuag peb
    Cov kwv tij, cov txheeb ze sawv daws huv si.

    ( Kos Lis Nthos 10:1-6+10-12.)

    -Paj lug hais rau cov Kos Lis Nthos tias:
    Peb yuav kawm His Xas Lais liv xwm. Vim cov hwj
    Huam yees ntxwv uas Tswv Ntuj ua los pab cov His
    Xas lais kuj zoo pab peb paub txog Yes Xus cov txiaj
    Ntsim zoo. Txoj kev ntseeg txog Yes Xus lub Moo
    Zoo yog ib lub neej raws nkaus li His Xas Lais liv Xwm:
    Cov His Xas Lais lawv nrog Mais Xes txais lub Cim
    Ntxuav nyob hauv tus dej hiav txwv liab. Lawv nrog
    Mais Xes txais lub Cim Yug nyob teb chaws suab
    Puam plaub caug xyoo. Ntawm cov mov Mas Nas
    Kom lawv muaj zog hla lub teb chaws suab puam
    Li peb hla lub ntiaj teb no.Tswv Ntuj pub ib co dej cawm siav tawm ntawm
    Phab tsua los rau cov His xas Lais haus. Phab tsua
    No kuj zoo li yog Leej Pleev thiab nws cov ntshav
    cawm neeg.Txoj sia kom mus txog chaw.
    Ua lub neejraws lub sim ceeb no, peb txhob khav tias peb khov txaus lawm.
    Tsam cua hlob tuaj ces peb ho ntog.

    (Lus Kas 13: 1-9.)

    -Yog peb xav muaj txoj sia nyob mus li mas peb yuav
    Tig los yuav lub siab tshiab. Vim Tswv Ntuj siab ntev, tsis muab txim rau peb.
    Yes Xus hnov lub moo tias:
    Tus vaj txheeb Pis Las Tos, muab cov Nkas lis Lais
    Tej roj ntsha los xyaw cov tsiaj txhu tej roj ntsha.
    Yes Xus nug cov His Xas Lais tias, nej puas xav tias
    Lawv muaj txhaum loj dua luag tej? Thiab pab 18
    Leej, uas tus pej thuam Xis Laus Es vau los tsuam
    Lawv tuag tas lawd. Lawv muaj txhaum loj dua luag tej?
    Nej sawv daws yog nej tsis tig los yuav lub siab
    Tshiab mas nej kuj yuav raug tuag ib yam li lawv Cov ntawd.
    -Tswv Ntuj yog tus yuav nyob, nws yuav nyob mus li
    Nws yog tus yuav yog, thiab sawv daws yuav tuav
    txog nws lub npe los pab cuam tuav pov hwm sawv
    daws thaum muaj kev txom nyem.
    Tig los yuav lub siab tshiab:
    Tig los nyiam, los hlub cov neeg Ntuj xav kom koj
    Hlub yog pab neeg nrog koj nyob. Neeg nyob txog
    Twg Tswv Ntuj nyob txog qhov ntawd.
    Cov neeg ntseeg, peb yog Tswv Ntuj lub ncauj
    Tes taw lub zog. Nws niaj hnub qiv peb lub cev
    los ua nws tej hauj lwm rau cov neeg nyob ncig peb.
    Peb teev, peb nyiam, peb mloog Huab Tais Ntuj, Vim
    Nws nrob peb nyob, thiab nyob txawm hauv luag tej tib yam.


    Xib Hwb Yaj Zoov Ntxheb


    XH.Zoov Ntxheb Yaj Nthuav Ntawv Ntshiab. - Page 2 Figuie10


    Last edited by Maiv Tooj on 8th March 2013, 7:35 pm; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 8th March 2013, 7:31 pm


    NTHUAV NTAWV NTSHIAB

    CAIJ PLAUB CAUG CHIV 4 C, tim 10-03-2013

    XH.Zoov Ntxheb Yaj Nthuav Ntawv Ntshiab. - Page 2 Biblic10( Yos Xus 5:9-12.)
    Thawj lub xyoo cov His Xas Lais ua Hmoov hla, thiab noj cov mov nplej tshiab ntawm thawj cim qoob nyob Kas Nas Has teb. Lawv ua Ntuj tsaug vim lawv zoo siab.
    Tswv Ntuj hais rau Yos Xuas tias:
    Hnub no, kuv thau nej lub koob phem nyob Hais Nkws Tos teb pov tseg.
    Txij no mus Lawv yuav noj cov txhiam xws nyob hauv lub teb chaws lawv nyob.
    Tswv Ntuj xav hais rau peb tias,Peb los txais kev ntseeg lawm. Tswv Ntuj yuav thau tej yam kev mloog dab phem lus pov tseg. Kom txhob ua dab qhev, coj peb nyob hauv kev ua txhaum ntxiv lawm.
    Ua dab qhev! Yog ua cov hauj lwm dab nyiam coj peb tus ntsuj plig thiab txoj sia mus zwm kev txhaum kev tuag. Xws li:
    Mus ua neeg hwm Ntuj dog dig, hla tas nrho Ntuj 10 lo lus qhia. Mus ua tub sab tub nyiag, ua plees ua yi, dag teb dag chaw, tho luag qhov vaj qhov tsev Tej no yog mus ua dab qhev. Dab nyiam kom neeg mus kov tas nrho txhua yam phem. Thiaj ua tau kev puas tsuaj tub qaug rau Ntuj. Cov no yog cov nqaij txi rau dab.

    Noj cov txhiam xws hlob nyob lub teb chaws peb nyob:
    Yam li, peb yuav noj, kev ncaj ncees, noj kev nyiam kev hlub, noj kev pab, kev qhuas, noj kev ua neeg siab dawb siab huv. Cov no yog cov qoob loj hlob nyob hauv lub teb chaws ntseeg Ntuj.
    Nws tsis yog cov nqaij qaib nqaij npuas los nqaij nyuj, uas Hmoob muab los ua nyuj dab pauj yem, ua plig ua neeb. Cov nqaij txi dab yog kev deev luag poj luag sev. Tua neegnpog nroj ntsuab, nyiag luag nyiaj qab nas muab luag qoob nruab txhab. Nyiag txiv neej los poj niam nplooj siab tuaj nruab paig. Los nyiag ntawm yas kev yas ncua. Tej no thiaj yog qhov tseeb mus ua Dab qhev tiag. Thiab noj dab qub.

    ( 2 Kos lis Nthos 5:17- 21.)


    Paj Lug ntuas cov Kos Lis Nthos tias:
    Tswv Ntuj nrog lub ntiaj teb no rov sib haum xeeb nyob hauv Leej Pleev, uas yog Tswv Ntuj lo lus.
    Tswv Ntuj nrog lub ntiaj teb rov sib haum xeeb lawm. Peb cov neeg ntseeg, peb yog Leej Pleev cov tiam Lis. Peb kuj yuav coj neeg ntiaj teb mus haum xeeb nrog Tswv Ntuj, kom neeg txawj tso siab rau Leej Pleev. Cov neeg ntseeg, zoo li lawv nyob dua ib lub ntuj tshiab, los teb chaws tshiab,lawv noj ib co mov tshiab. Yog Leej Pleev lub teb chaws tshiab. Noj nws cov mov tshiab.
    Peb tus neeg tshiab, thiab tus qub neeg puav leej tuaj ntawm Tswv Ntuj tuaj. Tus neeg tshiab yog tus nyob nrog Tswv Ntuj sib haum xeeb, hauv Leej Lo Lus.
    Vim Tswv Ntuj muab txoj kab xwm sib haum xeeb rau peb tuav, kom coj tau peb caj ces, haiv neeg, xeem lus los haum xeeb, nrog Tswv Ntuj.
    Tswv Ntuj siv peb lub ncauj los tuav txog Leej Pleev lub npe thov Ntuj rau peb tsoom kwv tij tsis tseg. Ntuj thiaj kheev kom Leej Pleev tus tsis tau ua txhaum tuag kom tau daws peb cov thaum.

    (Lus Kas15:1-6+11-32.)
    -Lus Kas Ntawv Moo Zoo hais tias:
    Tswv Ntuj yog Leej Txiv siab zoo, txawj zam rau neeg.
    Peb cov ntseeg,cov uas peb pom ntau yog cov nyob ze peb dua cov. Yog cov ua txhaum ntau tshaj. Peb txhob poob siab. Saib Leej txiv nws hais tias: Nej mus nqa lub tsho zoo nkauj tshaj, thiab ntiv nplhaib zoo tshaj los rau nws hnav thiab nws coj....
    Tus tub hlob hais, Koj tsis tau muab ib yam dab tsi rau kuv kuv li...Leej txiv tias, Yam twg yog kuv li mas yog koj li tas huv si,.. Cov tsis tau ua txhaum lawv yeej yog cov neeg nplua nuj loj lawm. Lawv muaj txiag nplua nuj heev siv tas tas ib zaug li....

    Yaj Xib Hwb Zoov Ntxheb.




    XH.Zoov Ntxheb Yaj Nthuav Ntawv Ntshiab. - Page 2 Coeurs11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 15th March 2013, 6:53 am



    NTHUAV NTAWV NTSHIAB

    CAIJ PLAUB CAUG CHIV 5 C, tim 17-03-2013

    XH.Zoov Ntxheb Yaj Nthuav Ntawv Ntshiab. - Page 2 Resize10( Ntawv His Xias 43:16-21.)
    Ib txwm los mus, Tswv Ntuj yeej ua hwj huam pab cov neeg txheej thaud.
    Lub caij no, los peb kuj yuav txawj pom tias, Tswv Ntuj pab txheej neeg no, kom hla dhau lub caij ua neeg khuam nyob rau ntiaj teb no. Kuj yog tej yam loj kawg nkaus thiab.
    -Yav thaud Tswv Ntuj yog tus tau tho ib txoj kev, hla lub Hiav txwv tob phua plhawv nruab nrab dej rau cov His Xas Lais mus taw dhau.
    Tab sis peb txhob nco txog yav thuad xwb.Nyiam no Ntuj kuj yuav rhawv tej txoj kev rau peb taug zoo tib yam li ntawd thiab. Peb kuj tau hla tej qhov tob kawg los lawm.
    -Tswv Ntuj lo lus thiab nws tej hauj lawm mas yog tej yam loj thiab dav heev ua peb tsis tau xav thiab ras tias muaj thiab yog.
    -Suav txij thaum peb yug los ua neej nyob ntiaj teb no los txog hnub no, peb rov tsom xyuas peb lub neej. Txhua yam uas peb tau txais kev pab cuam los lawd. Xws li Ntuj pab peb, kev mob nkeeg, kev noj haus, kev kawm txuj ci txhua yam, kev tshaib nqhis uas Ntuj tau pub rau peb.
    Yog tsis muaj Ntuj pab mas peb twb nrog xws txheej sib puag nyob ua ke ntev los lawm...

    ( Fis Lis Pos 3:8-1
    Paj Lug hais tias:
    Txij thaum nws ntsib Yes Xus lawm, mas nws tso tas txhua yam uas nws nyiam yav thaud pov tseg.
    -Tas nws lub neej mas nws xav npuab Yes Xus txoj kev tuag thiab sawv rov los. Txhua yam uas neeg ntiaj teb ntshaws, mas Paj Lug saib yog tej tog khaub tog tsuag, dawm kev dawm taw nkaus lawm xwb.
    -Paj Luag nws xav kom Tswv Ntuj tuaj ntsib nws nyob hauv Leej Pleev, mas Paj Lug hais tias, kuv lub cev, kuv lub neej, kuv txoj sia nws tsis coj txoj kev ncaj ncees tuaj rau kuv.
    - Kuv txoj kev ncaj ncees tuaj ntawm Leej Pleev, txoj kev tuag thiab kev sawv rov los tuaj. Yog Leej Pleev tug. Li ntawd kuv tsuas xav paub tias Leej Pleev txoj kev sawv rov los no, nws muaj zog npaum li cas! Kom npuab tau Leej Pleev kev txom nyem, thiab txia ua tus neeg txawj yoog Leej Pleev tus piv txwv. Nyob ruaj rau kev ntseeg kev tso siab rau Leej Pleev.
    - Paj Lug hais ntxiv tias, dab tsis mas kuv tsis hais li. Kuv yuav khiav tiag, saib puas tuav tau Leej Pleev. Vim tias kuv twb raug Leej Pleev tuav tau lawm.
    -Peb sawv daws raug tib yam li Paj Luag hais, Yes Xus uas yog Leej Pleev, nws nyiam peb, nws hu peb, nws tuav peb tes. Peb yuav khiav tiag kom peb tuav tau Leej Pleev. ( Lo lus Pleev txhais hais tias, Ua Vaj) Ib tug neeg tsis muaj vaj, yog ib tug neeg tsis muaj keeb kwm. Ces zoo li cov xyoob ntoo nyob tom hav zoo, leej twg xav tuaj hom los tau. Luag hom tas luag muab ntov los tau, luag xav cia nyob los tau. Cov ntoo, luag coj ua txiag xov tsev los coj mus ua thee los tau. Lwm yam luag coj mus hlawv kom yaj tas ua chiv zoo rau lwm yam tau kev hlob zoo. Luag hwm dawb hwm do yam tsis them ib tug nqi dab tsi li rau leej twg li.

    ( Zam ntawv Moo Zoo 8: 1-11.)
    - Yes Xus zam txhaum tsis yog vim kev ua txhaum yog ib yam me.
    - Yes Xus zam txhaum, vim nws xav pab peb kom yeej kev ua txhaum yav tom ntej. Thiab kev ua txhaum yeej yog ib yam loj, tsuas yog Ntuj thiaj zam tau.
    - Yes Xus hais tias, nyob hauv nej yog leej twg tsis lo ib qho txaum li mas nws xuas thawj lub pob zeb txawb rau tus poj niam ntawd saib.
    - Yes Xus kuj hais tias kuv tsis muab txim rau koj thiab, Koj rov mus, koj txhob ua txhaum ntxiv lawm.
    - Tsis yog Yes Xus zam rau tus poj niam ntawd xwb. Nws zam rau tas nrho cov pab neeg tuaj ntawd.
    - Yes Xus twb zam rau peb ib yam li ntawd. Peb txhob ua txhaum ntxiv thiab peb yuav khiav tiag koj peb tua tau Yes Xus yog Leej Pleev, thiaj li tsim nyog rau qhov uas Ntuj zam txim rau peb.

    YajXib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 2 010
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 5th April 2013, 10:08 am



    CAIJ HLA CHIV 2 Xyoo C


    Ntawv hauj lwm 5: 12-16.
    Cov neeg ntseeg tias Yes Xus sawv rov los mas lawv ua hwj huam li Yes Xus. Vim lawv coj Yes Xus tus yam ntxwv, thiab lawv xav xa kev kaj lug rau sawv daws.
    Txij thaum Pob Zeb thiab cov Thwj Tim ntseeg tias, Yes Xus sawv rov los, mas Pob Zeb ua Hwj huam li Yes Xus.
    -Tsoom sid, los tej pab neeg coob coj lawv tej neeg mob tuaj tso ntawm kev. Lawv tos kom thaum Pob Zeb hla los mus ces nws tus duab ntxoov lawv cov neeg mob, ces cov neeg mob lawv tej mob nkeeg cia li zoo hlo.
    -Hnub no peb tau hnov cov lus no, peb txhob xav tias tsis muaj qab hau. Yog koj ntseeg tseeb lawm tias tias Yes Xus sawv rov los mas, tej hwj huam ntawd, koj tuav txog Yes Xus lub npe xwb, mas Yes Xus ua cov hwj huam no nrog koj lo lus raws li koj tau taij thov, thiab koj ntseeg.
    -Hais saum cov mob nkeeg, mas muaj ntau yam mob nkeeg lub caij no:
    A Mob nkeeg los ntawm neeg muaj kev kho siab...
    B Mob nkeeg los ntawm kev qaug zog vim...
    C Mob nkeeg los ntawm kev tsis sib zam txim los...
    D Mob nkeeg los ntawm kev txom nyem ua neej tsis xws luag...
    E Mob nkeeg los ntawm kev muaj kab mob nqus roj noj ntshav...
    -Peb yuav paub kom zoo thov Ntuj kom txog qhov ntawd Tswv Ntuj thiam pom tias peb thov dab tsis ntawm Ntuj.
    -Ntuj thiaj pub yam peb taij thov los daws peb kev nyuaj siab.
    Yog peb thov tsis raug los peb lam thov mas kuj zoo li peb lam sim Ntuj saib Ntuj yuav ua zoo li cas rau peb xwb.
    -Yog peb muaj kev ntseeg tiag mas peb yuav thov kom Ntuj kho peb tus cag mob.
    - Hais ib yam ntxiv, Yog peb tau mob cas mob uav, yhov ntuj kom zoo yus tau rov mus ua kev phem kev qias dua, vim yus tseg tsis tau qhov ntawd, koj puas xav tias Ntuj yuav mloog, Yog nyias teb nyias mas rau zoo dua.
    -Yog koj thov Ntuj daws poj niam lis tus txiv neej keb mob nkeeg los ntawm kev kho siab, koj twb tsis zam txim rau, koj xav tias puas yuav hla dhau?
    -Tab yog Ntuj muab pub hlo rau koj los koj puas yuav nqa mus txog tsev.
    -Tsam koj coj mus txog tsev lawm nws zoo nws thiab koj rov sib tawm tsam ces neb ob leeg ho tau ncaim mus deb ntawm Tswv Ntuj dua qub lawm thiab.
    Thaum peb thov Ntuj tab yog Ntuj pub ib lub txiaj ntsim muaj nqes li ib lub txiaj xees liab xwb los pev kuj yuav ua Ntuj tsaug.

    Ntawv qhib yav tom ntej 1: 9-19.
    Yes Xus yees tawm tuaj rau Zam pom, nws hais tias:
    Thaud kuv tuag ib zaug. Nyiam no kuv yuav nyob mus li.
    -Vim lo lus no mas Lub Koom Txoos thiaj li niaj hnub chiv sib txoos ua Thaj txi Ntuj kom rau rub Yes Xus tuaj nrog peb nyob. Nws nqes los nyob hauv lub Cim Yug kom tau kev txhawb peb nyob ruaj nreb hauv kev sib haum xeeb nrog Tswv Ntuj.
    Yes Xus kuj hais tias:
    Kuv yog tus tuav tus yawm sij qhib kev tuaqg, thiqab qhib tub tuag chaw.
    -Ua li mas peb lub neej, peb txoj sia yog Tswv Ntuj ua tus tuav, Peb yuav ua qhov zoo kom ntxim Ntuj nyiam. Ntuj pub peb nyob qhov twg los zoo, tsuv yog peb tsis txhob tau ncaim mus deb ntawm Tswv Ntuj ces zoo lawm.

    Zam ntawv Moo Zoo,20: 19- 31.
    -Cov ntseeg tias Yes Xus sawv rov los. Yes Xus pub lawv nyob kaj luag. Nws hais tias, Kuv xav nej mus li Leej txib xa kuv tuaj. Nej daws t5xhaum rau leej twg mas nws cov txhaum yuav daws mus, Hos nej cia txhaum rau leej twg mas nws cov txhaum yuav nyob.
    - kev daws txhaum muaj ob sab;
    Koj daws luag cov thiab koj cov.
    Koj cia luag cov kuj zoo li koj cia koj cov, kev daws txhaum yuav txhob muaj kev cib nyeej thiab kev xam khib.
    Koj ntxub luag mus txog hnub ntxa tuaj nroj no koj cov txhaum puas yuav daws tas. Lo lus no tsis tas yuav nug rau Tswv Ntuj li. Koj rov nug koj tus kheej ces koj yeej teb tau lawm.
    -Yog peb sawvs tsis sib zam txim, leej twg yuav zam peb cov txim thaum ntawd.

    Yaj Xib Hwv Zoov Ntxheb.

    XH.Zoov Ntxheb Yaj Nthuav Ntawv Ntshiab. - Page 2 Image010
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 12th April 2013, 10:54 am



    CAIJ HLA CHIV 3 C.

    (Ntawv hauj Lwm 5:27-32+40-41.)
    Cov neeg xav ua Yes Xus tim khawv, Lawv yuav xub mloog Leej Tswv Yim Ntshiab txib lawv.
    Tus Leej choj hais rau cov thwj tim tias:
    -Peb twb txwv tsis pub nej qhia txog Yes Xus lub npe. Tiam sis nej tshaj nej lus qhia mus thoob lub nroog Yes Lus Xas Les. Puas yog nej xav kom nws cov ntshav poob los rau saum peb?

    Pob Zeb thiab cov Thwj Tim teb tias:
    Yuav tsum xub mloog Tswv Ntuj lus dua mloog neeg lus. Tus Yes Xus uas nej muab dai saum ntoo cuam, mas peb cov yawg koob tus Tswv Ntuj tau tsa nws sawv rov los. Vim Yes Xus mas Tswv Ntuj thiaj pub kev thov txhaum.
    -Peb sawv daws yeej paub tias, Tswv Ntuj yog tus tseem ceeb muaj peev xwm, Peb ua yam twg peb yuav mloog Tswv Ntuj lus ua ntej.
    -Nyob hauv kev nyiam, kev hlub, kev ncaj ncees, kev zam rau luag tej, puav leej yog yam zoo nqes saum ntuj los tas nrho. Yog yam ua rau kom leej tib neeg ntiaj teb tau nyob thaj yeeb, thiab nyob kaj lug.
    -Tswv Ntuj yog tus muaj peev xwm, nws nplua nuj uas yuav daws tau neeg yaj ceeb no tej kev txhawj xeeb kom tau nyob tiaj tus.

    ( Ntawv qhib yav tom ntej.5: 11-14.)
    -Yav tom ntej Tsoom Leej Ntshiab, yuav ua ib lub txoos teev Ntuj, nyob ntiaj teb no mus txog txheej ntuj siab saud.
    Niaj hnub peb yuav kub siab lug rau peb cov txoos teev Ntuj, kom xws li yav tom ntej yuav muaj tuaj nyob saum ntuj.
    -Zan hais tias kuv yees pom tej yam li no:
    Kuv hnov Ntuj cov tshiab coob tas nrho, nyob ncig Leej Yaj lub theej kiab. Cov neeg ciaj, thiab cov laus cav ntsuag qees tias, tsim nyog peb yuav cav txog Leej Yaj, tus uas luag muab tua.
    -Tsim nyog peb cav txog, nws lub peev xwm, nws kev muaj, kev thoob tsib, nws lub zog,lub koob meej, thiab nws lub hwj chim hwj huam, mus ib txhiab ib txhis.
    -Niaj hnub no, Tswv Ntuj nws nyiam peb, nws hlub peb, Nws zam rau peb. Peb yuav zoo siab ua tej lub txoos cav txog Leej Yaj nyob txheej ntuj siab saud. Kom peb cov txoos teev ntuj rub peb mus nyob ze tus Leej Yaj no, yav tom ntej.
    ( Zam 21: 1-19.)
    (Piav 15-19.)

    -Yes Xus sawv rov los, nws vam txog neeg kom neeg pab xa nws lo lus mus thoob ntiaj teb.
    Tab sis nws vam txog cov nyiam nws. Cov nyiam Yes Xus lawv thiaj zoo siab ua Yes Xus tim khawv.

    -Yes Xus yeej hu peb sawv daws li nws tau hu Pob Zeb tias:
    Koj puas nyiam kuv! Koj raws kuv qab mus. Yes Xus xav kom peb mus pab saib nws cov Yaj.
    Mas peb yuav tsis txhob yig. Thiab txhob hais tias, tos kuv laus tso, kuv ua tsis tau hauj lwm lawm, kuv mam mus ua Yes Xus tim khawv.
    -Yog peb muaj tub muaj txhais, mas peb txhob thov kom Tswv Ntuj txais tus tsis muaj zog, nws tsis zoo tes zoo taw. Los lub cev muaj mob, ua tsis tau hauj lwm hnyav. Cov no cia Tswv Ntuj nws mam xaiv lawv, Ntuj yeej paub tias nws yuav ua tau dab tsi.
    -Tus peb yuav cev rau Ntuj kom Ntuj hu, mas yog peb tus tub los peb tus ntxhais, uas peb pom tias nws muaj zog, nws yog neeg thoob tsib ntse, nws yuav muaj peev xwm ua Ntuj tes hauj lwm. Nws thiaj li yuav qhuab qhia tau cov ua nom ua Tswv.
    -Yog koj thov kom Ntuj txais tus neeg qaug qib ntawd, mas cuag li yus xaiv yam tsis muaj nqes, los cev rau Ntuj yuav. Yam zoo, yus muab pub rau luag yuav kom tau koob meej. Koj xav saib koj yog Ntuj koj yuav xaiv sab twg.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 2 Konrad10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 19th April 2013, 5:13 am


    NTHUAV NTAWV NTSHIAB

    CAIJ HLA CHIV 4 C.

    XH.Zoov Ntxheb Yaj Nthuav Ntawv Ntshiab. - Page 2 Regina10Ntawv hauj lwm. 13:14+43-52.

    Paj Lug tshaj Ntuj lus, rau nws haiv neeg. Lawv tsis mloog,thiab hiam nws. Tiam sis Paj Lug tsis ntaus siab me. Nws tshaj Ntuj lus rau lwm qhov chaws. Paj Lug hais ntxiv tias:
    Nej tsis txais Ntuj lo lus xws li nej xyeeb Ntuj lo lus, thiab nej saib tias, nej tsis tsim nyog txais txoj sia nyob mus li.

    Huab Tais twb qhia peb tias:
    Kuv tsa koj ua qhov pom kev kaj tas txia haiv neeg. Kom xa txoj kev cawm neeg mus txog npoo ntiaj teb.
    Paj Lug lo lus no tsis yog hais rau rau cov His Xas Lais xwb. Paj Lug hais raug peb sawv daws tib si.
    Peb ntseeg Ntuj peb yog cov His Xas Lais tshiab. Peb lam siv lub npe ntseeg, tab sis yog peb tseem muaj khib rau ib tug neeg ntseeg twg, mas peb coj zoo li cov His Xas lais khib rau Paj Lug.

    Tswv Ntuj nrog nws Leej Tub Yes Xus Pleev, Tsa peb sawv daws ua txoj kev kaj rau txhua leej txhua tus.
    Peb txhob xav tias, ib pab neeg ntseeg nyob ua kev sawv daws muaj txoj kev kaj. Sawv daws muaj:
    Tej tus tsuas kaj tau nws lub cev kom saib tau nws tus kheej.
    Tej tus, nws kaj tau ib ncig ntawm nws, mus tsis deb.
    Tej tus nws thiaj kaj tau rau txhua leej txhua tus, kaj rau nws tsev neeg thiab tsoom txheeb ze sawv daws.
    Tej tus thiaj muaj txoj kev kaj rau sab ua Ntuj tim khawv, tshaj txoj kev ntseeg, rau zeej tsoom.
    Peb sawv daws puav leej yog txoj kev kaj rau lub qab Ntuj neeg.

    Ntawv qhib yav tom ntej thiaj hais tia:( 7: 9+14+17.)
    Peb cov neeg ntseeg, thaum peb raug kev txom nyem, uas yus yuav tau pab tsoom sid, mas Tswv Ntuj yuav hu cov zoo li ntawd mus nyob ze Leej Pleev txoj kev thaj yeeb, kev kaj siab.

    Tus Hauv paus xas lus Zam thiaj sau qib lus qhib yav tom ntej no tseg tias:
    Kuv pom muaj ib pab neeg coob suav tsis txheeb, tawm tuaj, muaj txhua haiv, txhua xeem lus. Lawv sawv ncig Leej Yaj, lawv hnav tsho dawb tuav tej rev nplooj,
    Ces tus txwj laus hais rau kuv tias, Cov ntawd lawv tau raug kev txom nyem loj. Lawv tau ntxhua lawv tej tsho kom dawb tuaj nyob hauv Leej Yaj cov ntshav.
    Zaum no Leej Yaj yog lawv tus tswv, Leej Yaj yuav coj lawv mus haus cov dej muaj txoj sia. Vim Ntuj tau so lawv cov kua muag tas lawm.
    Peb ntseeg txog Leej Pleev yog Tswv Ntuj tus Leej Yaj siab zoo.
    Peb muaj kev txom nyem, muaj kev iab kev khwv, kev tu siab, Peb yuav tso siab rau Leej Pleev uas yog Tswv Ntuj Leej Yaj siab zoo, nws thiaj yuav pab tau peb nyob hauv txoj kev kaj siab. Peb yuav cev tas txhua yam kev nyuaj siab, kev txom nyem uas muaj nyob rau peb ruab siab, cev rau Ntuj daws kom peb nyob kaj lug.

    Zam ntawv Moo Zoo thiaj hais tias:
    (Zam;10:27-30.)
    Cov neeg neeg ua Y.X. cov Yaj thiab txais nws txoj sia, yog cov siab zoo. Lawv cia Y,X. ua lawv tus Xib Hwb, ua lawv tus tswv.
    Yes Xus zoo li cas mas lawv tsuas zeem tau nyiam Y,X. zoo li ntawd.
    Peb txhob xav tias peb yuav nyiam Yes Xus, zoo li tus Vaj muaj hwj chim, los zoo li ib tug Leej Choj uas hnav lub tsho txi Ntuj thiaj yog tus tseeb.

    Thaum Yes Xus tuaj xyuas peb nws hnav zoo li Koj tus kwv, los zoo li koj tus tub. Los nws hnav zoo li koj koj tus ntxhais los zoo li koj niam los koj txiv, los sis zoo li ib tug neeg tuaj ua qhua. Los zoo li tej tus neeg thov khawv nyob tom tej ntug kev ntawd tuaj ntsib koj.
    Ntau zaus Yes Xus nws txawm yog tus peb tsis xav hlub, peb tsis xav txais, Nws yog tus peb tau tsawm thiab cem ntiab tias niag neeg phem, kuv ntxub koj heev, kuv tsis xav pom koj li Khiav mus niag tsw ntxhiab, niag neeg phem.

    Yog peb tsis ceev faj, mas ib hnub peb twb tau ntsib Leej Yaj siab zoo peb zaug, los peb tau ntiab nws peb zaug.
    Yes Xus tau qiv peb niam peb txiv, los peb leej tub thiab leej ntxhais los yus tus txij nkawm nws los lus hais rau peb. Saib peb txoj kev nyiam keb hlub raws li peb niaj hnub kawm peb nyiam Ntuj tseeb los cuav. Ib hnub peb tau tsawm Ntuj ua tsov los ua dab peb zaug lub hnub tseem tsis tau poob qho.
    Thaum koj muaj mob muaj nkeeg los rug koj lawm, koj paub tias kev tus siab nyob ze koj, koj mam Thov kom Ntuj pab koj. Tus koj thov ntawd twb yog tus niaj hnub tuaj xyuas koj nrog koj nyob, uas koj niaj hnub muab nws tsawm thiab ntiab tias, niag ntxim ntxhub.

    Yaj Xib Hwb Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 26th April 2013, 10:03 am


    NTHUAV NTAWV NTSHIAB

    CAIJ HLA CHIV 5 C tim 28/04/2013.


    XH.Zoov Ntxheb Yaj Nthuav Ntawv Ntshiab. - Page 2 Bb345510

    Ntawv Hauj Lawm hais tias:(14: 21—27.)
    Cov pab neeg ntseeg tshiab lawv tsis coob, lawv sawv daws sib pab sib nres tiv tej kev raug luag hiam.
    -Cov Txiv Plig,cov Xib Hwb, thiab cov txwj laus, los cov lub siab muaj zog nyob hauv pab neeg ntseeg. Yuav sib pab nres nsawv daws uas cov tsis muaj zog thiab siab tsis tawv.
    -Xws li Paj Lug thiab Npas Nas Npes nkawd pab cov thwj tim ua siab los siab tawv.
    -Paj Luag nkawd nrog sawv daws teev Ntuj, ua cov kab ke yoo mov,nkawd cev cov neeg ntseeg rau Tswv Ntuj, vim lawv yog Ntuj cov me nyuam, ntseeg txog Huab Tais.
    -Paj Lug nkawd ua Ntuj tsaug vimTswv Ntuj tau qhib cov neeg teev dab lub siab, los ntseeg txog Tswv Ntuj.
    -Nyob ntawm peb haiv Hmoob mas peb ntseeg Ntuj tsis tau muaj 100 xyoo, mas kuj yog tej yam tshiab tshiab rau peb kawg.
    -Nej tus thawj Xib Hwb nyuam qhuav mus 70 tawm xyoo xwb mas yog yam tshiab tiag.
    -Peb cov Hmoob tej kev raug xwv txheej nyiam no tsis zoo li cov xwv Txheej thaud uas lawv muab cov neeg ntseeg tua.
    -Nyob ntuj qub qab muaj zaum puav los tus puav tau raug tua pov tseg.
    -Cov teb chaws Vam meej lawv raug cov xwv txheej uas neeg ntxub, ces neeg cia li thuam thiab tsis nyiam, ces lawv hais lus dab plig tsis zoo rau. Thiab nrhiav lus liam tias yog khaum los ua txhaum rau tej laus los lwm tus li ub li no.
    Tej no kuj yog teeb meem tib sib. Vim ua rau tej tus neeg los tej pab neegme siab. Lub ntsiab loj mas lawv tua sab ntsuj plig kom tsis muaj zog. Xws li cov neeg raug luag ntxias kom mus saib yaig saib tej yam tuaj ntawm ib tug neeg me me tuaj uas tsis yog Tswv Ntuj txib los,
    -Peb yuav ntseeg ruaj thiab nrhiav tej yam zoo tshaj plaws uas yog nqes saum ntuj los coj thiab nres peb. Ces peb thiaj yuav ua siab loj tau.
    - Nyiam no yam loj uas peb raug, peb saib tias tsis muaj qab hau yog qhov loj ntag! Zoo li cov neeg ntseeg txog Yes Xus lub npe, nyob ua kev, lawv rov sib thuam lawv tias tus no ua tsis yog,nws tsis paub, kuv yog tus kawm tiav ua lus Fab Kis los ua lus Aas Kiv mas kuv pom txawv li nws hais. Tej yam nws hais mas tsis txaus ntseeg, nws yog cov neeg tsis muaj txuj li. Tej yam no yog tua sab ntsuj plig.
    - Yog ua kom sawv daws tau ncaim ntawm Tswv Ntuj kom tsis muaj txoj sia nyob hauv kev haum xeeb, sib nyiam sib hlub nyob hauv Yes Xus kev cawm lub ntiaj teb neeg.

    Ntawv qhiab yav tom ntej thaij hais tias:(21:1-5.)
    -Lub caij peb tseem hla lub ntiaj teb no, peb yuav xav txog yav tom ntej uas peb yuav mus ntsib Tswv Ntuj, nyob raus saum lub ntuj lub teb tshiab. Ua tsis muaj kev txom nyem, kev tu siab, kev quaj ntsuag. Vim Tswv Ntuj nrog neeg nyob tsuas muaj cov neeg siab dawb siab huv lawm xwb.
    Nws yuav zoo puav tam li hnub uas tus nraug vauv txais tos yuav tus nkauj nyab tshiab uas tsis tau muaj dua kev tu siab ib zaug li. Yus tuav tau tus yus nyiam tiag lawm. Tsuas yog tos saib luag yuav qhuas yus siab li cas xwb. Yeej tso siab lug tias yus lub koob meej zoo yuav nrov nyob mus ib txhiab ib txhis mus li.

    Zam ntawv Moo Zoo thiaj hais tias: (Zam,13:31-35.)
    -Yog Vim Yes Xus nyiam Leej Txiv, nws thiaj tau txais lub Koob Meej thiab lub Hwj Chim loj.
    Yog peb muaj kev sib nyiam sib hlub,mas peb yuav muaj Koob Meej nyob hauv Yes Xus nyob rau lub ntuj lub teb tshiab tom ntej.
    -Thaum Yus Das tawm mus lawm Yes Xus hais rau cov thwj tim tias:
    -Zaum no Leej Neeg tus tub tau txais Koob Meej lawm. Yog Tswv Ntuj tau txais Koob Meej nyob hauv Leej Neeg tus tub. Mas Tswv Ntuj yuav ua kom Leej Neeg tus tub muaj Koob Meej.
    -Yog nej ssis nyiam sis hlub, mas nej sawvdaws thiaj yuav zeem tau tias nej yog kuv cov thwj tim.
    -Cov neeg ua Yes Xus thwj tim mas lawv yuav nyiam Yes Xus nyob hauv cov neeg me los cov neeg txom nyem Vim Yes Xus tuaj nrog cov neeg me los cov neeg txom nyem no nyob ntau dua. Cov ntawd thiaj yog cov lawv tos Yes Xus lawv vam txog txog Yes Xus kev nyiam kev hlub nqessaum ntuj los nres lawv lub siab lub zog lub tswv yim.
    - Ib yam li lub lis piam tas los lawd peb tau hais tias, txhob nrhia Yes Xus nyob hauv cov nom tswv los cov Leej Choj uas thaum lawv hnav lub tsho ua Vaj, thiab lub tsho tuaj mus txi Ntuj ntawd.
    Yes Xus tsis nyob hauv lub Hwj Chim ntawd. Yes Xus , nws zoo li peb niam los peb txiv, los peb ib tug kwv tij los zoo li ib tug qhua tuaj xyuas peb. Ntau zaus tseem yog tus peb tsis nyiam, uas peb tsis xav pom nws ntawd ntag.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 2 910
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj 3rd May 2013, 10:45 am



    CAIJ HLA CHIV 6 C.

    XH.Zoov Ntxheb Yaj Nthuav Ntawv Ntshiab. - Page 2 Media-10

    Ntawv hauj lwm hais tias: ( 15: 1-2+22-29.)
    -Yes Xus tuaj cawm tas txhua Haiv neeg. Cov Xub ntseeg, yog lawv cev txoj kev ntseeg, rau cov ntseeg tshiab, mas lawv txhob xyaw lwm yam kev ntseeg tsis haum Yex Xus lub Moo zoo rau lawv.
    Txhob hais tias, yog nej tsis ua raws li peb qhia, mas Yes Xus yuav tsis cawm nej.
    -Yes Xus cov hauv paus xa lus tau hais tias:
    Peb nrog nej ua kwv tij nyob hauv txoj kev ntseeg txog Yes Xus lub npe. Cov tuaj ua ntxhov nej siab, mas tsis yog peb tso lawv tuaj.
    Hais txog txhua yam kev coj thiab ua, los kev noj haus. Nej yuav caiv tej yam tsis haum Leej Pleev lub Moo Zoo xwb:
    -Nej tsis txhob mus raws kev ua plees ua yi. Txhob nrhiav kev ua tub qaug rau luag, Niaj hnub tsis txhob khaws kev paub tias tub qaug rau yus los kev xam khib nyob rau hauv nej nruab siab. Nej thiaj li yuav yog neeg zoo txhiaj txhua.
    -Cov lus uas Cov Hauv Paus Xa lus hais lub caij puag thaum ub, nws tseem muaj nuj nqes rau peb hnub no thiab mus ntxiv yav tom ntej. Vim yog cov lus nqes saum ntuj los.
    -Cov nqaij txi dab thiab dab phem cov lus yog tej yam zoo li no:
    Qhov tseeb yog lub suab lus,peb hnov nyob hauv peb nruab siab, ces peb muab hais tawm ntawm peb lub ncauj los tias:
    -Yus xav tau tias, niag ntawd ntshai nws yuav nyiam tham luag tej poj niam ho, los hais tias, nws yog hom neeg ntxim tias yuav ua tub sab sub as.
    Los xav tias, niag ntawd mas yog neeg muaj txhaum ntau dua luag tej pob!
    -Tej yam no thiaj yog tej yam tseem nqaj txi dab tiag. Yus lub cev yog cov nqaij, hos yus lub tswv yim yog dab lub, yus cov lus kuj yog dab cov. Yam yuav caiv ces yog yam nyuam qhuav hais poob los no kiag!
    Cov nqaij txi dab li hais no yuav tau caiv tiag. Koj noj li no mas yog kev txhaum loj lawm.

    Ntawv qhib yam tom ntej hais tias: (21:10-14+22-23.)
    -Lub ntiaj teb ntsaw txog ib lub tsheej, uas S.D. yuav nyob kaj siab luag mus li.
    Peb cov neeg ntseeg peb yuav nyob hauv lub tsheej zoo li ntawd. Lub tsheej ntawd yog Tswv Ntuj lub Ceeb Tsheej.
    -Yam li Ntuj tus tshiab nqa peb lub tswv yim mus sisb siab li lub roob. Peb yuav pom Tswv Ntuj lub Ceeb tsheej nqes saum ntuj los, muaj hwj chim ci ntsa iab li lub pov haum tsim txiaj tas nrho.
    Nyob hauv lub tsheej ntawd, ib sab ntuj muaj peb lub qhov rooj. Lub tsheej ntawd yog Tswv Ntuj lub Hwj Chim. Uas yog Leej Yaj lub Teeb tuaj kaj tas txhua yam, kom pom kev.
    Lub tsheej ntawd, Tswv Ntuj yeej muab rau tsoom neeg ntseeg. Saib peb puas yuav kam lees txais lub tsheej zoo cuag lub pov haum no los ua peb tug. Kom tau nyob kaj siab lug.
    -Peb txoj kev ua neeg siab dawb, uas muaj kev sib nyiam sib hlub nyob hauv leej Pleev yog tus Choj tuam ntawm lub Sim Ceeb no, mus cob rau Tswv Ntuj lub Ceeb Tsheej.
    - Ib tug neeg, nws nyiam kev ua txhaum hla Leej Pleev txoj kev nyiam kev hlub, Nws tau rhuav cov ncej los cov nqaj tuam Choj no kom nws pob los sis poob, ces ua rau nws choj lov kev tu.
    -Thaum peb nyob puv caij puv nyoog rau lub sim ceeb no lawm peb yuav txais tsis tau qhov nyob kaj siab lug. Vim Kev ntxub kev khib, lus kev ua txhaum tsuam kis los hnyav dlau, ces tsis muaj kev yuaqv coj mus taus.

    -Zam ntawv Moo Zoo hais tias:(Z,14:23-29.)
    Ib tug neeg ntseeg mas nws tsis ntshai dab tsi, vim nws ceev tau Yes Xus cov lus nyob rau hauv nws nruab siab. Uas Yes Xus hais tias, yog ib tug nws nyiam kuv mas nws yuav coj kuv cov lus qhia nyob rau nwv nruab sisb. Ces kuv Txiv yuav nyiam nws, Kuv Txiv wb yuav los nyob hauv nws.
    -Leej Nplij neeg, uas yog Leej Tswv Yim ntshiab uas kuv thov kom Leej Txiv xa tuaj nws yuav qhia tas txhua yam nyob hauv toj kev thaj yeeb rau tus ntawd.
    Vim tias kuv tso kuv txoj kev thaj yeeb rau nej, thiab kuv pub kuv txoj kev thaj yeeb rau nej.
    -Nej txhob txhawj, tus nyiam Leej Pleev mas Leej Nplij neeg yuav pab nws to taub txog tas txhua yam. Tshwm sim tuaj hnub no thiab yav tom ntej cov xwm yuav tawm tuaj ntawd.
    - Vim lub zog thiab lub tswv yim peb muaj ntawd tawm ntawm Tswv Ntuj tuaj. Yog Tswv Ntuj kev thaj yeeb, uas nyob tiaj tus rau peb.

    Yaj Xib Hwb Zoov Ntxheb.


    XH.Zoov Ntxheb Yaj Nthuav Ntawv Ntshiab. - Page 2 1b0fa41c

    Sponsored content


    XH.Zoov Ntxheb Yaj Nthuav Ntawv Ntshiab. - Page 2 Empty Re: XH.Zoov Ntxheb Yaj Nthuav Ntawv Ntshiab.

    Post  Sponsored content


      Current date/time is 28th March 2024, 1:05 pm