XH. Yaj Zoov Ntxheb lub Tsev THOOB TSIB

Hmoob muaj dab neeg hais txog keeb kwm, zoo nkauj zoo nraug. Muaj ob txoj dab neeg tseem ceeb kawg nkaus, yog Nkauj Ntsuab thiab Nraug Nab nkawd. Nrog rau Ntxawm, thiab Txiv Nuj Sis Loob.
Nyob nrog tas ib tsoom poj niam txiv neej Hmoob txhua tus! Peb yuav hwm thiab saib ob zaj dab neeg no mus kom tas peb sim neej. Peb txhob ncaim ntawm ob zaj dab neeg no, mus ua raws li Tsoom Hmoob lub siab nyiam ntawd xwb:

1. Niam Nkauj Ntsuab, thiab txiv Nraug Nab nkawd zoo nkauj zoo nraug tiag. Niam Nkauj ntsuab thiaj tsis yeem swb mus rau Suav txeeb mus.
Nkawd thiaj tuaj yeem sib pus khiav puag Tuam Tshoj los rau Xov Tshoj. Kom Suav raws tsis tau Niam Nkauj Ntsuab yuav, nkawd tau khiav ua ntu zus los txog rau Roob Xyav Siv Kum ncej zeb, yog Roob tsua phawv npej, Koov toom Choj, tsua niam Nkauj Ntsub.
Mam los txog tiaj Rhawv Zeb, hla mus rau Roob Pog Roob Yawg, thiaj mus txog Vaj Loog Tsua. Thaib lub Thab Kas Npoj.
Nyiam no tsoom Hmoob nyob Thaib teb thiaj mus teev hawm ua Hmoob tus mem Toj mem av nyob ntawd.

2. Ntxawm thiab Txiv Nuj Sis Loob, kuj yog ib nkawm tub ntxhais zoo nkauj zoo nraug thiab. Tsov thiaj coj ntxawm mus rau tim qab tsuas lawm, Txiv Nuj Sis Loob tsis txaus siab, nws thiaj txib ntag mus cawm Ntxawm, kom tau ntxawm rov qab los.
Peb tsoom Hmoob yuav kawm ob zaj dab neeg no, kom Ib tsoom niam txiv nyob muaj txig muaj nkawm. Sib qaws sib koom siab ua neej kom mus nqaj nto ntuj ploog nto ntsis.

3. Peb sawv daws txhob xyaum saib txog tib qho zoo nkauj zoo nraug xwb, tsis hwm peb tus kheej los peb lub cev. Nyias pheej xia rau nyias qhov zoo nkauj zoo nraug mus li xwb.
Tsis hais cov Txiv Neej los cov Poj Niam li, Yus twb tau zoo Niam Nkauj Ntsuab thiab tau Ntxawm zoo nkauj lawm. Los tsis sib hwm yus tej kev zoo nkauj zoo nraug uas tej Niam tej txi tau muab rau yus.
Ob leeg twb muaj kev zoo nkauj zoo nraug los lawm mam sib yuav los ua txij ua nkawm.
Tej Niam tej Txi los yeej muaj keeb kwm Zoos nkauj zoo nraug no los. Thiaj yug tau tej tub ntxhais muaj kev zoo nkauj zoo nraug.
Nyias tsis hwm nyias tus kheej li, Txiv xia txiv rov mus nrhiav Niam Nkauj Ntsub Tshiab, Niam kuj xia niam mus nrhiav dua Txiv Nraug Nab tshiab.
Sawv daws rov swb rau Suav tuaj txeeb niam Nkauj Ntsuab los Txiv Sis Nab. Ua li no, yog txoj kev tu siab rau tej tub tej ntxhais nyob ua ntsoj ua ntsuag rau yav tom qab, tsis yog ib txoj kev zoo rau Tsoom Hmoob lawm.
Peb yuav thov kom Tswv Ntuj pab, Tsoom Hmoob txhua txhua tus. Daws tau lub teeb meem nyiam kev zoo nkuj zoo nraug uas, tas nrho tsoom txiv neej los poj niam ntshaw no mus.
Nws yog ib txoj kev coj vij sub vij sw los paug tsev, thiab coj kev xyob txhiaj los rau cov txij nkawm nkaus xwb. Ces sawv daws thiaj ua neej tsis nto ntsis, muaj kev txom nyem siab ntsws loj
Nyuam qhuav ua lub neej txog nta xwb, lub neej twb tawg puas tas mus lawm.Vim sawv daws pheej nyiam xaiv txoj kev zoo nkauj zoo nraug li hais no. thaum lub caij ua neej mus txog nta ntawd.
Lub caij ntawd, tab tom yog lub caij Lub koob meej yuav luag nto, los ua ib tug niam tsev, los ua txiv tsev zoo. rau luag hwm los rau luag qhuas. Ib vuag xwb twb ua koob meej poob tas nrho mus lawm.
Zaj keeb kwm no, yog ib zaj luv luv, los muaj lub zoo ntsiab rau tas tsoom Hmoob sawv daws yuav tau kawm kom paub txog.
Hmoob thiaj yog ib Haiv neeg zoo tsim nyog raws li Hmoob txoj kev ua neeg ntse thiab thoob tsib mus. Rau ntiaj teb neeg qhuas thiab nyiam mog.

Yaj Zoov Ntxheb X.H.

Zaj 333- HMOOB NTSHAW KEV HLUB.

Hmoob txoj kev sib hlub rau Hmoob, nws nyob deb npaum li lub ntiaj teb thiab lub ntuj ntsuab saud. Hmoob lub ncauj lus txawj hais lus hlub kawg.
Tab sis Hmoob lub siab hlub, tsis nyob hauv Hmoob lo lus. Tsis hais pab Hmoob twg li, txawm yog Hmoob MeKuj, Hmoob Fuaj Kuj, Hmoob Thaim Kuj, Hmoob Los Kuj. Hmoob Nyab Laj, los Hmoob Tsoob Kuj li.
Tas sawv daws coj tib lub siab zoo li hais no. Tsoom Hmoob thiaj ua lub neej txom nyem, ua neej noj hno ntxuag kua muag thoob plaws qhov txhia chaw.
Muaj ib ob peb tug Hmoob sawv los nrog Mab Sua, ua hauj lwm tswj teb kav chaws mus. Los nws zoo siab rau nws lub nyiaj hli nkaus xwb.
Yog nws saib ib pab Hmoob twg, mas yog pab Hmoob ntawd, raug kev txom nyem thiab pluag mus. Nws ua nom ob peb xyoos xwb, nws muaj nyiaj ntau, txaus ua vaj ua tsev yuav tsheb zoo nkauj cuag li yog Huab Tais tub.
Nws lub nyiaj hli xwb, mas yeej mus tsis deb cuag li ntawd.
Cov tau nrog Mab Sua ua hauj lwm, los cov tub txawj ntxhais ntse kawm txuj siab los. Lawv cav ua txoj tsis txawj hais lus Hmoob lawm thiab.
Koj hais lus Hmoob rau, mas lawv teb ua lus Mab Sua rau koj. Lawv teb ntshai tsam poob ntsej muag hwj chim mus tsam Mab Sua ho paub tias, nws yog Hmoob thiab no.
Nws ua txoj zais nws lub ntsej muag Hmoob mus, tsam muaj neeg paub tias, nws ho yog Hmoob no thiab. Tas tsoom niam txiv kwv tij neej tsa Hmoob, nyob hauv txoj kev txom nyem, vim Hmoob txoj kev hlub Hmoob zoo li ntwd ne!
Qhov tseeb, mas vim Hmoob tsis muaj ib txoj kev ntseeg tseem ceeb nyob hauv Hmoob lub taub hau kiag li. Hmooj tej kab lis kev cai uas Hmoob coj raws li tej pog tej yawg qhia los,nws tsis yog ib txoj kev ntseeg ciaj sia nyob nrog Hmoob cov ntsuj plig.
Hmoob thiaj hais Hmoob cov kab lis kev cai tias, Dab qhua tsis sib thooj. Nej tsis yog peb pab, los nej txia mus lawm, muaj kev txom nyem kev quaj ntsuag pab tsis tau.
Ib Haiv neeg twg, mas twb yuav muaj ib txoj kev ntseeg nyob saud. Kom yog txoj kev ntseeg ntawd tswj kav sawv daws, kom muaj txoj kev sib hlub sib zam thiab sib hwm thiaj tsheej ib Haiv neeg tseem ceeb.
Yuav tsum yog muaj tej tus zoo Txiv Muam coj, xws li cov ua Xib Hwb coj cob qhia kev ncaj ncees txawj thov Ntuj kom Ntuj foom koob hmoov rau cov neeg txom nyem nyob tsis kaj siab.
Kom tus neeg ntxhov siab muaj kev tso siab rau Qaum Ntuj, kom tau ua lub neej nyob kaj nyob huv xaws li tej Mab Sua uas luag tau muaj Huab Tais Ntuj los lawd.
Kev ntseeg yog ib txoj kev tseem ceeb tas nrho, nws tswj kav tas nrho tej ua Nom ua Tswv los mus ti nkaus rau tus pej xeem tib si.
Kev ntseeg yuav tswj kav cov muaj npe zoo li nram no mus:
1.Thawj pab, yog kav cov neeg ua kws ntawv, lawv ua Xib Hwb qhia txuj ci. Thiaj muaj tub txawj tub ntse los ua kab xwm,thiab ua nom ua tswv pab lub teb chaws kom vam meej mus.
2.Ua ib haiv neeg lawm, yuav tsum muaj ib pab tuaj yeem los ua tub rog. Kom tau pab tiv thaiv lub teb lub chaw, kom lwm haiv neeg saib taus nws haiv neeg.
Lawv yuav ua neeg ncaj ncees, pov hwm niam txiv pej xeem, kom txhua tus tau nyob thaj yeeb. txhob tso hem thawj los yuam luag tej los ua yus qhev kom yus tau noj qab nyob zoo xwb.
3.Yuav tsum muaj ib pab tub txawj ntxhais ntse, los ua kws txhuaj kho tej nom Tswv los tej pej xeem, kom txhua leej txhua tus tau noj qab nyob zoo. Lawv thiaj muaj zog ua lawv txoj hauj lwm, los pab zeej tsoom mus taug kev nyob kaj siab lug.
Kom txhua sab hauj lwm tsis txhob nres mus, uas tsis muaj neeg tuav. Ua rau kom txhua npoj neeg tau nyob ntsej liab muag tshiab.
4. Pab kawg kuj yuav tsum muaj ib pab neeg, txawj xam txiaj los nyob rau sab kev lag luam. Yog neeg siab ncaj, txawj tsim nyiaj ntau.
Kom cov ua thawj neeg, zoo li tej Nom Tswv, muaj nyiaj se. los pab cuam rau cov neeg txom nyem uas tsis txawj nrhiav noj nrhiav haus ntawd.
Kom lawv nyob tiaj tus, txhob ntaus siab mus ua tub sab tub nyiag txawj mus tho luag qhov vaj qhov tsev. Mus nyiag luag cuab tam nyiaj txiag qoob loo los noj, ua rau neeg nyob tsis kaj siab.
Puas rau Hmoob txoj kev sib hlub, txhua pab txhua pawg. Kom muaj xaiv muaj lus ntau, ib leeg tsis ntseeg leeg siab. Ces kev hlub hauv tsoom Hmoob yuav ploj mus tas.
Ua rau Haiv neeg muaj lub npe tsis zoo, ntxim luag ntxub los luag thuam thiab saib tsis taus Haiv neeg hmoob.
Yog Hmoob kev hlub ploj mus lawm, ces tsawg tiam los tsoom Hmoob yeej yuav ua lub neej txom nyem ua neej noj hno ntxuag kuag muag mus li.
Zoo li peb pom tau ntau tiam los lawd, cov txom nyem twb puav leej yogTsoom neeg, muaj lub npe hu ua Hmoob no xwb.
Hais los, mas yeej muaj tseeb. Nyob hauv cov ua thawj neeg no, mas muaj ob pab los sis ob hom neeg!
Hmoob lub keeb, puag thaum chiv keeb los yeej muaj li no:
A. Ib hom mas lawv yeej ntse xeeb txawm los. Cov no tsis tau mus kawm ntawv hauv tej tsev kawm txuj los li. los lawv yeej ntse.
Hais seem lus twg los lawv twbhais raug tas, nws mus nrog luag tej nom kawm txuj siab hais cai los yeej tsis tau luv luag li. Qee tsam tseem tshaj li cov tau mus kawm txuj los lawd thiab.
Cov zoo li no Yav tas los lawd, twb pom Mab Sua cia li muab lawv tsa ua Nom los kav tej ntsug teb lawm. Kav pej xeem tseem coob dua qee leej tau mus kaum txuj siab los lawd thiab.
B. Hos ib cov mas yog tsis kawm mas lawv yeej siv tsis tau li. Qee leej lawv txawj hais los tseem yuav yuav qauv los piv mas mam hais tau tshab mus.
Los qee tsam tseem tsis txawj txo hwj chim, ua koj muaj kev txaj muag mus tsam puav thiab. Tej no yog hais los rau sum cov neeg txawj ntse, uas lawv tej kev hlub tsis nyob nrog lawv nplooj siab ua ke ntawd.
Kev yuav ua tus thawj neeg zoo, yog los ntawm pej xeem xaiv los thiaj yog tus tseem thawj neeg zoo. Hos tus nws tsa nws ua luag li thawj neeg, mas nyob tsis kav ntev.
Cov raug ua Hmoob cov thawj neeg, mas lawv yuav tau coj lub siab mus zoo li no:
Ib leeg yuav hwm lwm leej, txhob ua li qee leej twb pom dua los lawd: Yam li koj ua ces kuv nrhuav, Kuv ua los koj tsis pab. Cov no mas tsis zoo ua Hmoob tus thawj neeg, zaum luag hauv rooj hais luag hauv lus thiab noj luag hauv nqaij.
Hmoob, nyiam no, peb yuav nrhiav saib Hmoob tej kev hlub Hmoob no ploj mus dua qhov twg lawm. Vim li cas Hmoob thiaj rov txaj muag rau kev hlub Hmoob.
Ib tug neeg yug los ua Hmoob lawm tuag mus tsawg tiam los yeej tseem yog Hmoob. Yeej plhis ua tsis tau lwm Haiv neeg li.
Nyiam no peb sawv daws yuav tig los saib, saib txij puag thaum Ntuj tsim teb raug los txog tav no. Es Hmoob yuav ua lub neej txom nyem,tsis txawj tas li.
Muaj qee pab mas tus thawj Hmoob zoo kawg nkaus li lawm Ua cas nws tsoom pej xeem txom nyem loj tshaj, neeg ntiaj teb tib si tsis muaj neeg pom txog.
Zoo li Mab Sua, tseem hlub Hmoob dua li Hmoob hlub Hmoob lawm. Tsoom Hmoob ua neej ntsia ntsoov Mab Sua saib puas yuav muaj tus Nom twg cev tes mus pab Hmoob xwb.
Leej twg pab lawm mas tej niam tej txiv niam foom tas los foom thiab kom nws mus txoj hmoov zoo. Ua cas ho tsis yog Foom rau ib tug thawj neeg yog Hmoob li.
Peb sawv daws yog Hmoob, Peb yuav muaj kev ntseeg tias, peb Hmoob tsis yog tsiaj, peb yog neeg muaj roj ntsha nqij txawj ntuag ntshav txawj ntws.
Peb yuav tau hlub haiv neeg txom nyem no, uas yog Hmoob. Hmoob yog ib tus yawm sij qhiab tau Huab Tais Ntuj lub teb chaws ib yam li luag lawm Haiv neeg tib yam nkaus.
Peb yuav tsum ntseeg tias, peb hlub tau Hmoob tsis tim mus txaj muag rau Hmoob. Yus yeej ruam ib yam li tsoom Hmoob uas yus tau pom lawv yog neeg ruam thiab lawv txom nyem ntawd.
Tos tsawg tiam los Hmoob yeej poob ua pab neeg txom nyem, vim peb tsawg tus Hmoob los tsis kam hloov lub siab li. los yus pheej txaj muag rau Hmoob mus li xwb ne!
Lo lus kawg uas peb xav kom Hmoob zoo xws li tej Mab Sua, mas peb yuav hwm Hmoob lub npe thiab rov los qhuas Hmoob. Ntuj thiaj yuav nrog Hmoob pov hwm Hmoob mus.
Kom Hmoob zoo sib xws li Mab Sua, Koj yog Hmoob koj twb tsis nyiam thiab qhuas Hmoob li. Ua cas Ntuj ho yuav hlub koj Haiv Hmoob thiab yod.
Ua siab loj, tej lus luag cem los luag hais ub hais no yog luag cob qhia yus, kom yus txawj kho yus ua tus zoo tshaj txaus Qaum nyiam thiab Qaum Ntuj hlub yus nrog rau tas tsoom Hmoob txhua tus xwb.
Lo lus kawg nco ntsoov tias, Hmoob tsis yog ib pab tsiaj ntxim ntxub npaum lub qab ntuj neeg. Mab Sua ntxub Hmoob no.
Hu ua lub teb chaws Tuam Tshoj los rau Xov Tshoj no, Yeej muaj qee tus Hmoob thoob tsib thiab ntse heev tau pab tej Nom Tswv dhau los lawm. Yog luag saib tsis taus thiaj tsim Hmoob kom tau kev txom nyem loj li no xwb.
Hmoob thiaj ri mus thoob plaws lub qab ntuj no, tej no kuj yog Ntuj Niam Ntuj txi hlub Hmoob heev. Thiaj tseem coj Hmoob ib co ntsuj lig ris mus thoob lub qab ntuj.
Kom Hmoob tau hnov tej neeg muaj kev ntseeg coj luag lub neej. Saib Hmoob puas txawj tig rov los zeem Hmoob thiab txhob ntxub tus hu ua Hmoob zoo li koj no xwb.
Yog Ntuj tsis hlub Hmoob npaum no, ces cov Hmoob khiav tawm mus rau lwm lub teb chaws hu ua teb chaws tim peb no.
Ces lawv tej ntsuj Plig twb rov mus nyob rau Ntuj ceeb tsheej nrog tej pog tej yawg nyob sib puas ntub tas lawm. Peb tsis tau hnov luag lwm haiv neeg muaj txuj muaj ci li os.
Cov thawj neeg Hmoob thaum ub yeej muaj qee leej tau ua Faj Tim Huab Tais Ntuj ib tug thawj Tiam lis, tig muag los ntsia ntsoov tsoom Hmoob tej kev txom nyem nyob ntiaj teb no thiab od.
Kwv tij, vim kuv hlub Hmoob heev, kuv thiaj sau tau ib zaj lus tu siab npaum no tawm los.


Tim 5/10/ 2017.
*Yaj Zoov Ntxheb X.H.*

Haiv Hmoob, yog ib Haiv neeg thoob tsib thiab ntse tas nrho. Suav tau tias Haib Hmoob yog ib Haiv neeg ntse heev tiag lauj!
Saib los mas tas txhua Haiv, neeg tuaj nyob ntiaj teb no, mas Hmoob tsis nyiam, los zoo li tsis raug Hmoob nyiam li. Hmoob lub siab thiab lub tswv yim, mas yuav txi tau cov txiv zoo li no:

1. Hais txog saum tus kev nkauj nraug, Hmoob yeej nyiam Hmoob xwb. Tus uas twb yog luag poj niam, los yog luag txiv lawm los Hmoob yeej tseem nyiam qees thiab.
Hos saum tus Mab Sua, mas Hmoob tsuas nyiam ib vuag, zoo li tej laus hais, Nyiam coj los so taw kom nyob taus xwb. Poj niam los kuj tus yog nyiam tej cuab yeej ua luag muaj thiab xwb. Sawv daws lub siab tseem tsis tau nyiam tuag nthi tas txhua yam li.
Tham tawm ntawm ncauj, mas nyiam kawg. Dhau mus li ob peb hnub lawm, tsuas yog nco li noj pluas mov yam li hnov qab kawg xwb.
Hais los saum Hmoob kev ua nkauj ua nraug, mas yog tsis tau los sib yuav. Mas tuaj yeem mus dai tuag, los dhia zeb dhia tsua kom tau tuag mus, los yeej ua tau.

2. Hu ua lub npe Hmoob no, yog Hmoob nyob qhov twg, mas yeej xav mus nyob kom ze rau Hmoob. Lub siab thiaj kaj, ib tug Hmoob, mas twb nco Hmoob tshaj plaws li.
Yog tsis muaj Hmoob nyob ze, mas twb tsis paub nyob tas nrho li thiab. Muaj dab neeg los kwv huam, xav tham qhia tus yog Hmoob paub nkaus xwb.
Tham lus rau Hmoob, mas tshav ntuj nrig cuag li ntuj tsis txawj pos huab thiab los nag li. Tham tas, mas cav cuag li kev mob khaub thuas zoo tas nrho lawm. Ntsuj Plig los puab cev zoo kawg, tsis muaj txiab muaj nkeeg li.
Yam li:

A. Tej hluas nkauj hluas nrug, los yog tham tau ib tug uas nws nyiam lawm, yog paub tias muaj Hmoob lawm, mas ntxub tus hluas ntawd mus txog hnub tuag.
Yog tsis txawj mob tuag, mas muaj lub peev xwm mus nrhiav muab tua kom tuag mus tib si, nws mam zoo siab. Ua phooj ywg tham lus ua ke xwb los twb liam kev phem ua plees ua yi loj tshaj li ib tug tub sab lawm thiab.
Liam plaub ntug rau los tsis txaus, tseem muab tua pov tseg los ntiav neeg tso dab mus tom, kom ua mob tuag mus.

B. Hais los saum kev dag, mas tsuas xav dag rau Hmoob xwb. Hos Mab Sua, mas ho tsis muaj cuab kav dag li los tsis xav dag rau Mab Sua.
Yog dag rau Hmoob, mas muaj zaj thiab muaj tswv yim dag, loj kawg nkaus. Muaj peev xwm dag mus txog qhov ua plaub, hais tsis tas, los dag kom tau kev tuag kiag nws lub siab mam nqig mus.

C. Dag kom tau nyiaj siv, los dag rau Hmoob tej ntxhais los dag Hmoob poj niam. Dag cuag li nws paub tshaj tej neeg ua Yaj Saub mus lawm thiab.
Dag rau txiv neej los dag poj niam lub siab kom tau coj mus siv ua si,cuag li siv dej ntxuav tes los dag mus li lawm. Dag mus txog qhov tau ua plaub ua ntug los tuag kiag mus.

D. Dag los nyiag poj niam, nyiag ntxhais Hmoob mus muag ua luam kom tau ua neeg nplua nuj, noj tsis tas los dag mus li. Yam tsis ntshai kev yuav tub qaug rau Ntuj thiab rau neeg li.
Saum tej Mab Suas ho tsis mus dag leej twg, Tsuas xav dag rau Hmoob cuag li Hmoob tej poj niam thiab tej ntxhais zoo tshaj li tej pov haum lawm.
Nyiag tej txiv neej, los poj niam lub cev coj mus ua si, li Hmoob hais tias nyiag coj mus so taw tas, ces muab pov tseg ho tsis yuav thiab.
Cuag li txhob txwm tsim kom muaj plaub ntug los muaj xaiv lus, uas saib tsis taus tus hu ua Hmoob no xwb thiab. Ua kom Lwm tus Hmoob siab nyob tsis kaj, plawv nyob tsis tus nkaus xwb.
Cuag li Hmoob thiaj yog teem nyiaj tseem kub, sab twg los tuaj dag tus hu ua Hmoob no thiab xwb. Dag cuag li Qaum Ntuj tau tso cai rau nws, los ua tus thawj kom dag tau Hmoo nkaus xwb.
Ua npaum li nws muaj lub peev xwm, thiab kom tau dag Hmoob nkaws xwb. Saum Mab Sua ib lub peev xwm ho tsis muaj ua rau luag li.

E. Kev ua plaub ntug, los kuj xav ua rau tus hu ua Hmoob thiab xwb, Cuag li Hmoo thiaj zoo ua plaub ntug rau. Lwm yam neeg, mas cuag li plaub ntug tsis los ze lawv, los plaub ntug tsis nyiam lawv li.
Hais txog Hmoob lub siab, mas yeej cog plaub ntug, puag thaum xeeb los, los yog plaub ntug yeej yug nrog Hmoob los li.
Tej lub plaub ntug uas tej niam tej txi, ua los puag thaum nws tsis tau yug nws los, los cim ntsoov cia rau nruab siab.
Tos txog lub caij ti ti uas luag tau kev tws, rau saum rooj mob rooj tuag, los rooj tshoob rooj kos, mas hais nplua kom tau nyiaj los yuav.
Cog dua plaub tseg rau yav tom ntej mus, tsis txawj tas li. kom zoo nws siab.

F. Hais txog kev qua ntxhais los muab nyab, kuj xav yuav Hmoob thiab xwb. Cuag li tej Mab Sua tsis zoo ua poj niam, los tsis zoo ua nyab, los ua Vauv.
Hos yog tej me nyuam tseg tsis taus lawm lawv ho sib yuav mus lawm. Los ho hais tias, Mab Sua tsis paub cai, ces cuag li Mab Sua tsis muaj plaub ris li.
Los cuag li Mab Sua tsis muaj ib tee dej tshuaj phem, nyob hauv Hmoob li. Zam tas nrho rau tej Mab Sua ntawd mus tib si lawm.
Ho txawj hais tej lo lus zoo li no thiab: Hais tias yog mus yuav Daum los yuav Mab Sua, ces pluag mus tas ib sim neej. Yuav txhais Hmoob los lus no tias, tsis yog pluag nyiaj txiag.
Yog hais tias, pluag ncauj pluag lus. Tej niam tej txi lawv tsis paub lus, cem los tsis paub, qhuas los tsis hnov. Muaj kev tshaib nqhis seev los tsis paub, ces pub tsis tau rau noj.
Ces luag hais tias yuav, ces yuav pluag mus tas ib sim neej. Yog tej niag kev ntshaw thiab xav ntawd xwb.

G. Hmoob ntse heev tas npaum no thiab muaj peev xwm, dag tau Hmoob li ntawd. Vim li cas ho tsis siv lub tswv yim ntse no.
Los pab thiab qhia Hmoob, rau sab zoo, kom txhua tus Hmoob yog neeg tshaj li mus raws kev ua neeg siab zoo txhua tus mus.
Kom Hmoob tsuas txawj dag rau mab Sua xwb, es txhob mus dab rau Hmoob ib tug twg ntxiv. Yog Hmoob muaj lub peev xwm mus nyiag tau luag txhais thiab luag poj niam coj mus muag uas luam loj li no.
Kom txhob yog rov los nyiag Hmoob teej Hmoob tug coj mus muag rau tej Mab Sua. Hmoob muaj peev xwm heev. Kom Hmoob mus raws cuag tej Mab Sua los huas tau luag ntej thiaj yog kev ua zoo rau Hmoob.

H. Hmoob yog ib Haiv neeg tseem Ceeb thiab ntse txhua tus, tsis hais txiv neej los poj niam li. ua cas ho tsis hwm Hmoob thiab pab Hmoob, kom Haiv Hmoob tshaj lij tshaj tas tsoom neeg nyob hauv lub qab ntuj no.
Kom txhua yam, twb yog Hmoob ua cov khia ua ntej xwb. Hmoob cov txuj ci siab npaum no, nyiag tau neeg xa mus muag rau Mab Sua nyob pej kum teb deb tas npaum no yod.
Hmoob muaj txuj ci txawj ntse thoob tsib npaum no, cas hos tsis los cob qhia Hmoob, kom Hmoob zoo tas txhua tus. Txhob muaj ib tug Hmoob raug kev txom nyem li. Thiaj tsis ntshaw luag kev noj kev haus,
Kom ua tau lub neej nyob thaj yeeb. tej me nyuam txhob raug luag yuam mus ua mab ua suav qhev ncij toj ncig pes lis peb pom thiab paub niaj hnub no.

I. Saib ua Cas zoo li Mab Sua tseem hlub hlub Hmoob dua, li Hmoob hlub Hmoob lawm ntau npaug puas yog! Cov thawj neeg sawv los ua Hmoob niam Hmoob txiv, nyob thoob qab ntuj. muaj ntau pab ntau pawg hais tias yog Hmoob thawj neeg yuav coj Hmoob kom muaj teb muaj chaw, nrog muaj noj muaj haus.
Hmoob txoj sia thiab Hmoob txoj kev txom nyem no, yuav nyob nrog Hmoob mus txog thaum twg tav li twg Hmoob mam tsis muaj kev ua quaj ntsuag ntxiv lawm.
Hmoob tus niam tus txiv twg? Mam li los hu Hmoob ua neeg tau zoo mus! Yog hnub twg Hmoob mam li tau ntsib Hmoob niam Hmoob txiv lub ceeb tsheej tau ua neeg dawb huv ntawd ne!

J. Tas nrho ib tsoom Hmoob, uas nej yog Hmoob thoob Tsib thiab Hmoob ntse. Sawv daws hais lus mas ntse thiab thoob tsib cuag li ib co Yaj Saub Xwb.
Xav kom tas tsoom Thawj neeg nej sib tw los ua Hmoob tus niam Nkauj Siab Dawb thiab Hmoob tus txiv Nraug Siab Nraug siab huv. Los coj kom tau Haiv Hmoob tawm ntawm Hmoob txoj kev quaj qhov muag los ntshav no.
Kom Haiv Hmoob tau nyob kaj nyob huv mus, Kom Hmoob tau ntsib Hmoob tus npau sua soo. Txhob cia Hmoob ua lub neej noj hno ntxuag kua muag.
Nyob ntsia saib tej Mab Suas puas yuav cev tes mus pab Hmoob xwb. Tau pes tsawg xyoo, thiab pes tsawg tiam los lawm. tsoom Hmoob ris kev iab kev khwv, kev txom nyem los txog tav no.

Zoo li Hmoob tseem haj yam txawj los tsim Hmoob mus rau txhua txoj kev, ua kom Hmoob haj yam poob qab. Ua rau tej Mab Sua saib tsis taus Hmoob li.
Cov kev phem uas Hmoob rov ua rau Hmoob no, muab tsawm tseg, tsis txhob ua ntxiv lawm puas tau!

Yaj Zoov Ntxheb X.H.

Kev tsom xyuas Hmoob nruab siab tsis yooj yim! Yog ib tug neeg tsis thoob tsib. Mas nws yuav txheeb tsis pom los paub txog ib tug neeg zoo nyob nruab siab los zoo ntawm lub ncauj xwb.
Yog koj nrog tus neeg phem nyob, koj mloog nws zaj kuj yog zoo tswv yim kawg li. Koj ho mus nrog tus siab zoo, muaj pluaj siab ncaj nyob, nws kuj zoo tas zog li thiab.
Yog koj tsis ua zoo twv mas koj tsis to taub thiab paub tau tias, leej twg yog tus zoo. Tus neeg ncaj ncees, mas nws hais lus raws li kev hwm neeg.
Hos tus neeg xav phem rau luag, mas nws txawj ua kom luag twv tsis tau. Nws yog cov neeg txawj txawj hais lus, Hmoob hais tias, nws hais lus mos lus muag.
Koj tsis paub, mas koj yeej xav tias, sawv daws zoo tas ob pab tib si li lawm. Maj mam muab lawv zaj xav ntob puag nruab plaw thau los luj, mas koj mam paub tias:
Tos sawv saws muaj muaj lus xaiv lus, los muaj ob pab tsis sib xws. Cov ua ncaj ncees los muaj, cov tsis nyiam luag los muaj li.
Ntsia kiag los, mas xav tsis tas li, Zoo li Hmoob puav leej yog neeg ntse tas tus. Tsis muaj ib tug yog neeg ruam li, tus twg los muaj nws zaj zoo cuag li kawm tiav saum qib siab los tib si.
Hais tseeb, cov tub txawj tub ntse ntawd, lawv raug tsoom Hmoob ruam muab lawv nrauj tawm mus. Hmoob loj xov nrauj lawv kev txawj ntse, ua neeg thoob tsib, nrog lawv tus Ntuj Plig tib si mus,Kom tsis tau ua neej nyob.
Mloog Hmoob cov lus, mas ib txwm Hmoob ntshaw txog cov tub txawj tub ntse heev. Tab sis nyias xav kom nyias yog tus ntse xwb, tsis pub luag txawj ntse li.
Hmoob tseem hais tias, Tsuas pub cov tub txawj ntse xwb. Cov ntxhais, mas yog ntxhais qhua lawm. Tsis tas yuav mus kawm txuj kom muaj txuj ci.
Cia cov tub txawj ntse xwb, vim lawv yog cov tuav ncej dab. Cov ntshais mas suav txij hnub sawv kev mus ua neej lawd. ces tas rau hnub ntawd lawm.
Hmoob thiaj muaj qhov muab sau nqi mis nqi hno. los nqi tu iab tu khwv. Cuag li Tus ntxhais kev ua neej nyob ces tas rau hnub ntawd mus lawm.
Mus ua neej tsis muaj kev sib hlub rov los, los tsis yuav lawm. Nws muaj tib ki, los raug mob nkeeg muab thau tawm tsev mus. Tsam puas dab puas qhua ho muaj vij muaj swv rau tsev neeg.
Muaj tej yam yog tseeb kawg, los Hmoob tsis saib txog! Cov ntxhais muaj coob leej lawv ntse dua cov tub. Hmoob tsis saib cov ntxhais tias, lawv ua neeg muaj nqes loj.
Hais tseeb los, yog cov txiv neej hem poj niam. Mas poj niam twb tsis ntshai, lawv tab tom kawm tau xwb. Hos yog poj niam hem cov txiv neej, mas txiv neej khia ua dawm pob ntoos, los khiav mus poob qhov ntuj tuag los muaj laid.
Xyuas tas nrho Hmoob lub neej, mas yog cov tub txawj ntxhais ntse lawv tham, mas Hmoob twb tsis qhuas li. Hos yog cov tub ruag lawv tham lawv txoj kev ruam:
Mus hais lus dev txog qhov quav qhov zis,mas sawv daws luag nqhuas cuag li. Yog ib tug neeg ntse thiab txawj tham kawg. Sawv daws cav luag zom zaws qhuas muaj qab hau kawg nkaus li thiab.
Tej niag lus zoo li ntawd, tej niam tej txi los tej pog yawg twb hais kam los lawm yog lus ruam kawg. Los tiam twg los Hmoob tsis kam hloov li thiab.
Hais txog kev hwm tej neeg muaj txuj ci los neeg txawj ntse paub tab. Ib txwm yeej hnov hais los lawm,Hmoob tsis hwm lawv.
Cov neeg ntse tau ua luag tus thawj neeg Hmoob hwm thaum pib xwb. Txog tog, ces Hmoob muab muag rau Suav kom Suav ntes los tua tau. ces sawv daws tag mus ib ntus.
Cov neeg tshiab uas tiam no sawv daws tseem paub thiab nco txog: Zoo li Paj Cais los thaum kawg yog Hmoob mus pab tua kom nws tas txoj yawg mus.
Los txog Lauj Kiab Toom thiab Tub Npis Lis Foom lawv los muaj xaiv muaj lus ib leeg mus ua ib tog. Lub sij hawm ntawd Ntiaj teb Haiv neeg loj twb yuav muab kom Hmoob muaj teb chaws los Hmoob ua ob tog Hmoob kav tsis tau ib thaj av los ua teb chaws rau Hmoob.
Txog Yawg Vaj Pov lub Kee los hmoob muaj ntau lub tau hau cov thawj neeg muaj lus moo cua nyias xav ua nyias taub hau Vaj Pov Nyob tsis taus.
Vaj Pov khiav lawm sawv daws raws Vaj Pov qab Cov raws Vaj Pov qab tuag tseem coob dua cov nrog Vaj Pov ua rog tuag mus lawd ntau npaug
Haiv Hmoob tau dim txoj sia mus ua neeg thoj nam los nyiaj tseem hais nyias peev xwm tias. kuv tsis yog caum Vaj Pov, Kuv tuaj kuv li kuv peev xwm muaj.
Yawg Vaj Pov xav me ntsis txog kev mus ua teb ua chaw. sawv daws nyias ua nyias nplawg ntia, muab npe muag rau Vaj Pov nyiaj nyias noj nyias.
Txog Zoov Zuag thiab Paj Kaub lub kee, Ntiaj teb Haiv neeg Loj twb pom zoo. Hmoob sib ncaim kiag lawm mus ua ob pab. Nyias muaj nyias taub hau, ua rau luag ntseeg tsis tau, ces poob ib zaug ntxiv.
Pab Caub Fab yog hais ua lus Los Tsuas hais lawm, nyiam no, lawv ua peb pab. pab ib tseem yog cov Caub Fab, pab ob lawv yog Hmoob teb chaws, pab peb lawv hu ua Hmoob State,
Tseem muaj lwm pab ntxiv, Tus tseem yog Leej twg tiag. Peb kuj xav koom thiab. Nyiam no twb muaj ib phaum tub txawg li no, leej twg yuav yog tus coj peb Haiv Hmoo tiag?
Puav yuav zoo li ib txwm los, nyias taus nyias ua tus thawj. Thaum kawg tsis muaj leej twg tau ua li, txhob ua peb tas kev cia siab mog!
Twb muaj cov tub txawj ntxhais ntse, nrog Mab Sua ua hauj lwm nrov rig lawm txhob tso cov ntawd pov tseg. Cov tub txawj ntxhais ntse no, lawv twb muaj lub meej mom tswv yim thoob tsib tas npaum no.
Cov uas lawv yuav coj kom Hmoob Vam meej xws li tej Mab Suas mus tiam tom ntej kom Hmoob muaj nqes xws luag. Txhob nrauj cov tub txawj ntxhais ntse no, mus ntxiv lawm.
Hais txog kev ntseeg los tib yam thiab. Xav kom muaj txoj kev ntseeg muaj txoj sia rau Hmoob:
Kev ntseeg muaj txoj sia, yog ntseeg kom txhob muaj mob muaj tuag sai, yog dab tsis tiag!
Txoj kev ntseeg tsis muaj sia, yog ntseeg tej yam ruam ruam: Ntseeg poj ntxoog ntseeg Phim nyoj Vaim. Los ntseeg dab tom
Tej no ntseeg raws li neeg kev ruam thiab sib hem xwb. Kom ntseeg tias, yuav ua mob los yuav tuag, ces koj ntshai koj qaug zog. koj cia li swb rau kev ntshai, ces mam muaj mob muaj tuag mus.
Tej no Mab Sua tsis ntshai, luag twb tsis qaug zog los muaj mob tuag mus li ne! Los ntawm tej niam tej txiv hem tias, dab Phim Nyoj Vaim txawj lauj plab hnyuv los noj. Ces koj ntshai koj cia li mob thiab hais tias, yog tseeb lawm no xwb.
Yeej muaj cov tsiaj noj nqaij, zoo li tsov hma, los dais tej los Liab noj nqaij mas muaj, tsis yog dab, Dab ua tsis tau li ntawd. Dab yog Tswv Yim xwb.
Tus dab tiag, mas nws yog tswv yim nws tsuas ntxias tau neeg lub tswv yim. Kom neeg txawj ua phem ua tub qaug, kom kev nyiam kev hlub puas mus xwb.
Kev ntseeg tsis muaj txoj sia, mas yog ntseeg mus rau seem no, thiaj hu ua kev ntseeg tsis muaj txoj sia. Nyob hauv kev ntseeg Ntuj luag qhia kom txhob ntseeg txog tej tsiaj txawj mus ua dab. Thiaj hais tau tias ntseeg kom muaj txoj sia.
Tej laus hais ib lo lus tias, Dab siab zoo dua neej, raug dab txom nyem tsis npaum li raug neej. Raug dab mas dab yuav ib tswm xyab los ib vam ntawv.
Nyuam qhuav raug nyiaj li $5.00 xwb. Hos raug neej, mas koj yuav tau ntog ib teeg { pe nws ib pes} them $100,00 los 1-12 rau neeg thiaj zoo nws siab.
Yog koj ua tub qaug neej loj lawm neeg yav coj koj mus kaw peb hnub, peb hlis, los peb xyoos, los 30 xyoo. mas koj tawm los, poj niam twb mus hloov dua tswv lawm.
Kev txom nyem kev tus siab tseem loj tshaj li raug dab ntau txhiab zaus li thiab. Luag tseem hais tias, dab los dab kuj ntshai tsam dab raug neej kawg li thiab.
Kev ntshai yog kev swb tas puas tsav yam, Kev yeej yog txoj kev tsis muaj chaw ntshai koj muaj zog koj cia li yeej tas txhuam mus.
Cov ua niam ua txiv, lawv yog me tub me nyuam tus Naa Ej los tus Pheb Ej. Yog koj dag, los hem me nyuam, ces me nyuam ua neeg tais caus vim koj.
Raws li tus kev cai, tus tub kawm ntawv, yog kawm tiav, mas nws yuav tsum ntse dua tus Xib Hwb thiaj yog, vim nws yog neeg txheej tshiab.
Tej me nyuam lawv kawm txuj tas lawv loj hlob los mus lawv yuav tsum ntse dua lawv niam lawv txiv, thiaj yog. Lawv yog tiam tom qab, lawv tseem ruam dua tej laus mas tis yog cai lawm.
Peb yuav saib sawv daws zoo tib yam, nyias muaj nyias kev txawj ntse. Los peb yuav sib raug zoo los sib ntxiv tswv yim kom zoo sib xws.
Zoo li Hmoob keeb kwm hais tias:
Ua ciav tus ua Huab Tais, thiab tus tub qhev, mas tus tub qhev ntse dua Huab Tais! Muaj ib pab Yeeb ncuab yuav tuaj tua Huab Tai, Ces Huab Tais txib tub qhev kom mus muab lawv tua.
Tub qhev hais tias, Txiv Huab Tais wb cia li qiv kauv txhais xwb, nkawd mas mus npaj tau ib pab coob dua cov yeeb ncuab Huab Tais nkawd mam li yeej tau.
Thaud, tej laus nyiam hais paj lug. Nyem no cov tub txawj ntxhais ntse, mas lawv yuav hais lub ntsiab kiag kom yooj yim dua.
Kwv tij zaj lus no kuv sau los ua tiam neeg tshiab no, kev kawm paub thiab coj neeg rau yav tom ntej mus kom yooj yim dua xwb.


Yaj Zoov Ntxheb X.H.

Kev xav tawm hauv neeg nruab siab los, nrog neeg kev ntseeg. Qhov ntau yog yuam kev, muaj raws li yuav hais mus ntxiv nram no:
1. Koj lam xav tias yog lawm, tab sis twb tsis yog ib qho li.
2. Koj cia li ntseeg tias muaj tiag, tab sis qhov tseeb twb tsis muaj dab tsi tawm los.
3. Koj cia li muab zeem los ua qhov tseeb lawm, thaum kawg tsis muaj dab tsi li.
PIAV YAM YUAM KEV.
A. Yog koj xav tias yeej muaj dab thiab muaj tsov xwb li, ces koj ua neeg ntshai thiab tais caus mus li. Koj mus qhov twg los koj tsis tau luag, zoo li pheej yuav pom los yuav ntsib dab thiab tsov xwb.
Koj qhov xav ntawd, coj koj ua ib tug neeg tsis muaj peev xwm. tsis muaj cuab kav ua tus ntaus thawj nyob hauv koj lub neej tas ib sim neej mus. Koj ua yam twg los tsuas muaj qhov ntshai thiab tsis muaj peev xwm li.
B. Thaum koj muaj txoj kev xav zoo li ntawd lawm, ces koj cia li ntseeg tias yeej muaj xwb xwb li. Koj haj yam ua neeg tais caus mus thiab swb kiag li lawm.
Nyob hauv koj nruab siab koj yeej xav kom koj yog tus neeg muaj peev xwm loj, thiab koj ntshaw yam ntawd kawg. tab sis koj twb swb koj lub siab, lub tswv yim lawm. Ces koj mus tsis txog qhov zoo uas koj nyiam tshaj plaws ntawd.
C. Qhov kawg koj cia li ntseeg tias yeej yog tseeb thiab muaj li ntawd lawm. koj ntseeg yuam kev tas txhua yam. Koj xav ua neeg muaj, los koj twb tsis muaj peev xwm mus ua kom tau los.
Koj cia lam ntseeg tias, yog tsis muaj hmoo, los hmoov tsis txog. Koj ua neeg ntshaw tas ib sim neej, vim koj tsis muaj peev xwm.
Luag cov muaj peev xwm ua tau tej yam zoo muaj koob meej ntawd. luag ua twb zoo xav thiab maj mam ntseeg qhov tseeb, luag muaj peev xwm ces luag ua tau thiab pom tawm los ntawm luag tes.
Nyob hauv ib tug neg lub neej, cov Muaj Hmoo, yog cov muaj peev xwm. Lawv ntseeg tias lawv yuav ua tau, ces lawv yeej ua kom tau raws li nws lub peev xwm. Ces yeej yog tau feem ntau xwb.
Yog koj ua neeg tais caus, ces koj twb tsis tso siab rau koj lawm. Txhob mus xav thiab ntseeg tias, yuav muaj peev xwm ua kom tau.
Koj paub koj yog tus neeg zoo li hais no lawm, koj cia li ua neeg siab zoo, zwm rau ib tug neeg muaj peev xwm loj kom koj ho muaj hmoo me ntsis tuaj.
Cov neeg zoo li piav saum no, lawv yog cov neeg xav yuam kev thiab ntseeg yuam kev tas tib si lawm. Yog koj ntsuas los koj tseem muaj peev xwm, mas hloov dua ua tus neeg muaj peev xwm.
Xav dua tshiab, ntseeg dua zaj tshiab, kom koj muaj peev xwm xws luag. koj thiaj caum tau luag. Thiab txawj qhia tej tub ki kom txhob xav li koj thiab ntseeg li koj lawm.
Kwv tij zaj lus no kuv sau los ua kev kawm, vim peb tsoom Hmoob feem coob tseem ntseeg tej yam yuam kev mus deb ntawm peb lub tswv yim thiab kev xav ntau kawg nkaus li.


Yaj Zoov Ntxheb X.H.

Neeg ntiaj teb no, sawv daws puav leej yog neeg zoo thiab tsim txiaj txhua tus li. Tsis hais tias cov yug los lawv yeej yog Nom tus tub mam tsim txiaj.
Los yog neeg muaj nyiaj ntau mam li tsim txiaj, los nws yug los, nws yeej xeeb tau zoo nkauj zoo nraug nws thiaj yuav yog neeg tsim txiaj mus.
Hmoob yeej muaj ib co dab neeg hais txog tus neeg tsim txiaj ntawd los, yam li:
1. Hmoob luag tau piv sab sij huam hais txog ob tug tub, ib tug yog neeg xeeb tau los zoo nraug kawg nkaus li. Hos Lwm tus, nws yug tau los tsuas muaj lub cev ntaj ntsug loj xws luag. Hos nws xeeb tau lub ntsej muag zoo zog li tus Liab txuab xwb.
Thaum nkawd ua ke mus tawm rooj, luag zej zog pom. Luag xav thiab hais tias, yog tus zoo nraug ntawd coj nws tuaj ua qhev los ua luag xwb.
Kev thoob tsib kev txawj ntse nyob hauv tus muaj zoo lub Meej Mom ntawd tas tib sis lawm. Nws yuav muaj txuj ci cuag li yog Nom tej Tub lauj.
Thaum qhiab lus tham pem tuaj lawm, ua ciav yog tus phem Meej Mom ntawd tham thiaj muaj zaj thiab nws lub ncauj tham tau xis tas zeej tsoom siab dua.
Hos tus Tub zoo nraug ntawd ces muaj tib yam zoo nkaus xwb: yam li, nws qhov zoo ces tsuas yog zoo rau neeg thau duab, mas thiaj zoo nkaus xwb. Lwm yam ces tsis tsim nuj dab tsi li.
Tej niam tej txi cia li cav lus zoo txog tus tau phem ntsej muag tias, Neeg ntse thiab thoob tsib ces yog tej tus neeg no ntag.
2. Muaj ib zaj dab neeg hais li no ntxiv:
Huab Tais nws muaj kev tawm rooj, mus tsham xyuas teb chaws. Nws coj ib tug tub qhev nrog nws mus, tsis muaj hmoo, Huab Tais nkawd txawm mus ntsib tau ib pab yeeb ncuab yog pab tub sab.
Huab Tais qhia tus tub qhiav kom nws mus muab cov tub sab ntawd tua kom tuag tu noob mus. Huab Tais xav tias, nws muaj hwj chim loj tas npaum no, ces luag yuav ntshai Huab Tais xwb.
Tus tub Qhev no saib yuav tsis zoo nkauj, yuav yog tub qhev yeej. Yog tub qhev tsis yeej ces Txiv Huab tais yuav tsis muaj txoj yawg ua neej ntxiv mus lawm.
Tub qhev hais ib lo lus zoo li no!
Txiv Huab Tais xam cia wb cia li qiv kauv txhais xwb, {=Txhais hais tias, wb kawg khiav tam sim no mus xwb.} kom nkawd nrawm tshaj tus kauv dhia mus.
Thaum nkawd khiav dhau los lawm, nkawd mam mus npaj ib pab coob dua cov tub sab ces nkaug thiaj tau yeej pab tub sab ntawd.
Tus tub qhev nws tsuas yog tsis muaj lub hwj chim ua Huab Tais xwb yam nws muaj, mas nws tseem ntse dua tus Huab Tais lawm thiab.
3. Hmoob zaj dab neeg Tub Ntsuag thiab Huab Tais, Huab Tais xav tias tus Tub Ntsuag no nws txom nyem thiab pluag heev. Yuav nws ua qhev kom tsis tau them nyiaj dab tsi rau nws.
Tub qhev tus nqi ces tsuas yog pub mov rau nws noj kom txwm hnub xwb. ces ua hauj lwm dawb rau Huab Tais yuav tas nws sim neej.
Thaum Huab Tais muaj hnub nyoog lawm, yuav tsa Huab Tais cov tub los mus ua Huab tais txuas mus rau yav tom ntej.
Huab Tais cov tub, muaj Los Tuam. Los Lwm, Los Xab lawv peb leeg. Txoj cais yuav nce ua tus Huab Tais tshiab mas yuav mus tua tauv txwv raug lawm mam li tsim nyog ua tus Huab Tais tshiab txuas ntxiv mus.
Huab Tais peb leej tub ntawd tsis muaj ib tug tua raug phiaj li. Qhov kawg tseem yog tus tub ntsuag nws tua raug phiaj. Nyob qab Ntuj khwb mus txog hauv ntuj kawg sawv daws twb pom zoo rau tub ntsuag ua Huab Tais.
Vim tub ntsuag muaj txuj ci loj thiab siab dua Huab Tais tej tub lawm. Nws yog tus pluag thiab txom nyem tshaj dhau, Nom tej tub lawm.
Thiab nws txom nyem ua neej nyob theem qis tshaj plaws. Los nws kuj tseem tau nce mus ua Huab Tais. los tswj teb kav chaw ib yam li Nom tej tub.
Nyob hauv Hmoob cov sab sij huam thiab cov dab neeg hais txog tub ntsuag, los cov xeeb tau lub Meej Mom tsis zoo nkauj zoo nraug. Nws tawm los nyob hauv. Cov dab neeg thiab sab sij huam piv txoj lus no tas tib si lawm.
Li ntawd, mas Leej Tib neeg koj txawm xeeb tau los zoo li cas. Los txhob tu siab txog koj tus yeeb yam Meej Mom ntawd li. Txaus siab thiab tso siab tsuav yog koj lub siab tiaj tus, koj muaj tus npau suav zoo lawm.
Ces muaj ib hnub twg koj yeej yuav caum tau koj tus npua suav no mus xwb. Ua siab loj tuav rawv koj lub siab ncaj ncees kom koj twv tau los ua thawj tug yog nkauj siab dawb los yog tus nraug siab Huv tshaj xwb.
Ces koj daim ntawv Meej Tsab nqa pem ntuj los, yeej yuav tsis ploj mus ib zaug li. Luag hauv rooj los koj yuav tau zaum, luag hauv lus los koj yuav tau hais, hauv qav los koj yuav tau noj.
Koj yuav xub ntseeg koj tus kheej ua ntej xwb, koj txhob ntseeg luag lwm tus. Yog koj ntseeg lwm tus sab nraud, ces koj caum tsis dhau peb leeg.
Ces koj yuav qaug zog tuaj, ces koj ua koj daim ntawv Meej Tsab poob mus tas. Ces koj thiaj rov ua neeg ruam tsis tsim txiaj tuaj mus lawm.
Zaj lus no muaj ib lub ntsiab xwb! yog xav qhia rau tas nrho tsoom Hmoob tias koj yug los koj yeej tsim txaij. Qhov tsis tsim txiaj ntawd, yog koj thaub qab koj mus lawm.
Los koj tsis ntseeg koj tus kheej, ces koj thiaj ua neeg ruam zwm rau luag lwm tus mus tas koj sim neej. Zoo li koj rov pom koj niaj hnub no.
Zaj hais no yeej muaj tseeb, raws li tej lau hais los. Koj tsis raws koj tus npau suav qab ces koj plam mus tas txhua yam.
Tab yog koj ua ib txoj hauj lwm dab tsi kuj yog, ntseeg thiab ua kom zoo tshaj plaws xwb. ces koj yeej tau ua tus thawj neeg li.
Ua neeg tus vaj tu tsev xwb los koj yuav tsum ntseeg tias, koj ua yog qhov zoo tshaj lawm. Tab yog ua mov noj xwb los kuj zoo tib yam li koj zaum lub rooj ua thawj neeg hais lus rau luag yuav los hais rau luag mloog.
Ces koj yeej tsim txiaj mus tas koj sim neej li lawm. Koj txhob mus xaiv ib txoj uas koj lub tswv yim tsis dua Ntuj lub thiab tswv yim tsis nyob ntawd xwb.

Tim 6 /10/ 2017.
*Yaj Zoov Ntxheb X.H.*

Zaj 339- TXHUA YAM KEV NTSEEG LUB KEEB KWM.

Txhua yam kev ntseeg, lub keeb kwm tawm los ntawm tib lub ncauj ke los. Vim Leej Tib neeg,nyias muaj nyias siab.
Ces thiaj muab lawv cov kev ntseeg txia los ua mus sib txawv tas lawm. Ua rau txoj kev ntseeg tseem Ceeb ploj mus txia ua ntau yam tsis muaj lub ntshiab zoo.
Zaj ntseeg twg, los yog nrhiav kev noj qab nyob zoo rau lub cev ntaj ntsug, los rau tus Ntsuj Plig, kom tau ua ib tug ntsuj Plig dawb huv mus.
Txoj kev ntseeg tseem ceeb nqes saum ntuj los, uas coj kom neeg cov Ntsuj Plig muaj txoj sia nyob, thiaj ploj mus lawm.
Tswv Ntuj yog ib Leej Txiv, uas txawj ua siab ntev kawg. Ntuj thiaj pov hwm kom Leej tib neeg tej Ntsuj Plig kom muaj tej tus Ntsuj Plig tau rov mus nyob Ntuj Ceeb Tsheej.
Ntuj thiab tshoj tej tus neeg kom maj mam pab qhia kom muaj ntau tus Ntsuj Plig, tau rov mus cuag Tswv Ntuj uas yog tus tsim lawv los. Xws li cov neeg nyob rau ntiaj teb no.
Txoj kev ntseeg tseem ceeb, yog txoj kev ntseeg, uas neeg ntiaj teb hu ua kev ntseeg Ntuj. Yog txoj kev ntseeg uas cov Ntsuj Plig muaj txoj sia nyob.
Lwm yam kev ntseeg mas muaj kev tso siab tsawg kawg nkaus li. Yog tus tsis paub nws ua txhaum yam tsis nco qab lawd, mas Tswv Thiaj yuav zam tau rau tus ntawd,los tsis paub.
Tsis hais lub ntsiab los Hmoob yeej paub me ntsis tias, txoj kev ntseeg Hmoob coj tsis muaj txoj sia. Hmoob thiaj hais tau tias:
Thaum muaj ib tug neeg ncaim mus lawd, Hmoob hais tias: Koj nyob ces ciaj neeg, koj tuag ces mus ciaj dab no. Thaum Hmoob tuag mus lawd, Hmoob yeej hais li btawd. Koj ntog ib teeg lawm, sawv tsis ciaj neeg.
Kuv xa koj mus nto plaws 9 qib ntaiv zeb, koj yuav ntxee lis hlo mus ua neej nyob rau dab teb. Koj txais koj seev nqa koj hnab, haus koj li cawv.
Koj noj tsis tas los ua tiag nqa. Coj mus pub pog pub yawg noj. Nyob rau ntuj txias teb tsaus, ntuj tshav teb nqhuab. Koj li muaj noj muaj haus no tod.
Cuag li muab nws yuam mus ua dab li lawm. Qhov no lauj, yog lo lus uas Hmoob hais tias mus thawj thiab no ntag. Lo lus mus thawj thiab yog rov tsis tau mus cuag Tswv Ntuj lawm. Ces yog mus thawj ua dab ntxoog dab tsov, Ua dab los dab tsis yuav, vim tib neeg cov ntsuj Plig me dua dab thiab tsis muaj hwj chim li dab.
Neeg pab tsis tau dab li neeg thiaj mus thawj thiab, ua poj ntxoog, uas tsov, los mus thawj thiab ua dab tuag los hem neeg. Hmoob thiaj pom dab tuag los pom dab ntxoog.
Ib txwm neej thiab dab yeej tsis sib raug zoo. Thaum ua neej nyob mas neej dab yeej ua rog mus li. Taum ua neeg txiv neeg tsoyuab dab mus ntaus dab los dab yeej tsis ntaus dab ib zaug li.
Neej cov Ntuj Plig tsis muaj chaw nyob, ces cov Ntuj Plig no tsis muaj chaw mus, lawv raug kev txom nyem loj heev. Poj ntxoog thiaj los quaj los nyiav rau Hmoob hnov.
Kev nyiav yog kev tu siab loj tas nrho, dhau qhov tu siab quaj lawm, ces thiaj hu ua nyiav no. Nyiav yog seev txog kev txom nyem siab, txom nyem ntsws nkaus li xwb.
Tab yog ib tug neeg nplua nuj loj, muaj nyiaj ntau siv tsis tas los nws yeej nyiav tias, txom nyem ua luaj li no. Yuav mus thawj thiab ua tsiaj ua txhuv rau luag caij los rau luag thawj.
Mus thawj thiab ua me kab kooj ziag kab xiv, xiv rau qab roob qab ha. Yuav ua cas quaj mus tav li twg os. Ib co mus thawj thiab ua ntxoog taws teeb dab taws tsau.
Mus thawj ua suab zab suab xyw, lam nyob lam hnov ntxe tim tej qab zeb qab tsua tuaj. Tus ntseeg yuam kev loj tsis muaj txoj sia lawm, ces ua dab tu caj tu ces. Dab los tsis yuav, neej los tsis txais.
Chim siab loj tas nrho, Vim yog poj ua tseg yawm khaws cia. Txoj kev tuag mus thawj thiab no yog poj rhawv kab yawm rhawv kev li keeb kwm.
Uas poj yawm tau mloog dab ntxias, nyiam dab lus , thiaj coj Neej tej ntsuj plig no mus ua dab tu caj tu ces li no.
Nyiam no muaj qee tsam zoo li neej tseem ntse dua dab lawm thiab. Vim Muaj tus cawm seej tuaj tshoj neeg lub siab kom paub txog Tus Tswv Tsim neeg cov Ntsuj Plig thiab lub cev.
Peb yuav kawm peb tej kev ntseeg no saib, yog txoj kev ntseeg twg, yog txoj kev muaj txoj sia nyob rau cov Ntsuj Plig. Kom peb cov Ntsuj Plig txhob raug mus ua ib co dab tus caj tu ces li peb hnov niaj hnub no.
Thaum muaj ib tug tuag mus lawd, peb zoo siab hlo tias, Koj mus nrog Tswv Ntuj nyob koj yuav tau zoo,zoo siab hlo mus mog.
Koj mam tig ntsej tig muag los saib peb ua neej kom peb zwm rau tus Tswv Tsim peb tus Ntsuj plig. Txhob tau ncaim ntawm tus Tswv mus ua dab tu caj tu ces.
Saib los rau saum cov dab uas Hmoob teev, tsis muaj ib tug dab muaj lub npe zoo li. Txhua tus los yog Hmoob teev kom tau noj qab nyob zoo xwb.
Hmoob cia li ua Dab tus qhev, teev kom dab zoo siab tias Hmoob mloog dab lus lawm no xwb. Ces Dab tsis kov Hmoob ces Hmoo noj hno poob plab haus dej paug cev lawm.
Dab lub tswv yim dag yeej tsis ncaim ntawm Hmoob mus li. Tab yog ib tug thawj neeg nws yog tus coj plaub tsaws ntug kiag.
Los nws yeej tseem muaj kev dag nrog nws li dab tau cob qhia kom ua. Zoo li nws tau saib dej ua ntu, saib neeg ua plhu, nyiam leej twg ces tsa tus ntawd cai kom yeej plaub ntug mus.
Zoo li yav ntuj thaud, tej txij nkawm tsis sib haum los ntawm tej xaiv lus los. cob qhia ntxias ua plees ua yi tas mas pab hais plaub ntug kom yeej.
Tej no ntuj ub tab cov thawj neeg tswj kav zos yeej tseem coj tus yam ntxwv li no. thiaj hais li muaj tseeb xwb.
Kwv tij, zaj lus no tsis yog sau los thuam los saib tsis taus ib tug neeg twg thiaj hais tej no. Yog hais tej xwm dab thiab neej no, kom nyias txawj xaiv nyias li kev ntseeg muaj txoj sia txhob tau mus ua dab tu caj tu ces.
Yuav tau mus thawj thiab seev puv qab roob ab ha xwb. Kom sab Ntscuj Plig muaj kev tso siab yuav tau mus nrog Tswv Ntuj nyob kaj nyob huv xwb.

Sau hnub tim 7/10/2017.
Yaj Zoov Ntxheb Xib Hwb.

Txoj kev dag yog ib yam phem tas nrho rau Tswv Ntuj. Tswv Ntuj hais tias, tus muab nws daim di ncauj vuab tsuab los dag. ua yam phem tub qaug rau Ntuj thiab tub qaug rau neeg ntawd, yog ib tug neeg dag loj tiag!
Nws daim di ncauj coj nws ua neeg vuab tsuab tsuab qias neeg, nws lub qhov muag qauj les rau luag xav tua neeg. nws lub siab liam tshaj tus dev liam txwv.
Nws muaj nws lub siab cob cog kiag rau kev tsis hwm Ntuj. Nws nyiam kev ua plees ua yi, ntshaw luag cuab tam. ua txoj tsis paub Tswv Ntuj 10 txoj cai coj kev ncaj ncees.
Tus neeg vuab tsuab no, nws lub ncauj hais tsis muaj ib lo lus tseeb, txhua yam yog kev dag tas nrho. Tswv Ntuj cov lus nws muab thau tawm.
Los tej yam nws muab ntxiv rau ua kom neeg qhuas nws, ua neeg muaj koob meej,puav leej yog kev dag. Nws lub ncauj tsis tau hais ib qhov tseeb li.
Thaum Tswv Ntuj tso daim ntaub poob saum ntuj los rau Pob Zeb pom. Muaj tas puas tsav yam tsiaj nyob hauv. Ntuj hais rau Pob Zeb tias koj muab cov tsiaj ntawd tua noj!
Pob Zeb hais tias, kuv tsis noj muaj ib co tsiaj tsis huv, nyob hauv. Tus Tswv hais rau Pob Zeb tias: Txhua yam Tswv Ntuj tsim los puav leej huv tas, Yam mus ntawm neeg lub ncauj mus rau lub cev, neeg kawg xa mus rau xuv tsuag xwb.
Yam tsis huv yog yam tawm ntawm neeg lub cev los rau ntawm neeg lub ncauj. mas thiaj ua kom neeg tsis huv tuaj.
Kev dag yog tej yam ua neeg rho ntawm Tswv Ntuj tawm mus, los yog tej yam tsis muaj neeg ntxiv rau kom neeg muaj koob meej yog neeg kev dag.
Tswv Ntuj tsis tau dag leej twg li, Nws cov lus yog lus dawb lus huv, nyob ruaj mus li hloov tsis tau. Nyob hauv Ntuj 10 lo lus qhia.
Thiab cov lus nyob hauv ntawv cog lus qub nrog rau cov ntawv cog lus tshiab no tas huv tib si rau hauv.
Txhua tus neeg ntseeg txog Yes Xus lub npe tsim nyog paub kom tas thoob plaws mus.

Yaj Zoov Ntxheb Xib Hwb.

Kwv tij txoj kev dag, yog ib txoj kev phem heev. Yog txoj kev dag no, nyob nrog Leej Tib Neeg. Mas kev dag cia li nplaum rau neeg, tej nplooj siab nplooj plaw ruaj khov lawm.
Thiaj muaj neeg dag coob txog ,Txhiab vam vam leej xwb. Ces ua rau neeg tej nplooj siab lwj tas mus,neeg tej kev dag no hnyav dhau lawm.
Lub Ntuj lub Teb no, tiv tsis taus, nres tsis nyog leej tib neeg tej kev dag no li lawm. Ntuj los mloog tsis taus, neeg los twb yuav tsis tau li thiab.
Txoj kev dag no, ua rau cov me nyuam neeg raug kev txom nyem loj tas nrho. Yam li ua kom cov me nyuam neeg, poob nyiaj mus lawm tsheej ntau pua txhiab plhom mus.
Thiab poob dag zog mus lawm ntau pua hnub, ua rau neeg tej nplooj siab puas lwj tas mus. Noj tsis qab pw tsis taug zog. Los ntawm ib tug los ib pab neeg tej kev dag ntawd los.
Cov neeg txom nyem tsis paub tab, ntseeg tias muab nyiaj mus pw tsaug zog ces nyiaj txawj xya me nyuam tawm los ntau txhiab ntau vam.
Ces lawv muag cuab tam tsiaj txhua kom muaj peev nyiaj coj mus pw tsaug zog. Kom nws txawj xya me nyuam ntau ces yuav noj tsis tas.
Lub tswv yim xyaum ua neeg dag no, coj tsoom me nyuam neeg mus ua neeg xyob txhiaj. kom lawv tau txais kev pluag mus ti txha nkaus.
Txoj kev dag no, dab hem nyiam siv cov ua thawj neeg los tshaj tawm qhialos. Cov muaj peev xwm. mas lawv ua neeg nplua nuj thiab them tau rov qab.
Raug rau tus neeg ruam tsab ntse, los nws yeej txhob txwm tuaj yeem dag, kom nws ua neeg npluaj nuj ib leeg. Nws txoj kev dag ntawd tau xa kev xyob txhiaj mus rau cov me nyuam neeg txom nyem ntawd coob kawg.
Vim txoj kev dag no, ua rau ntiaj teb neeg sawv daws siab ntsw lwj tas. Thiaj muaj kev sib ntxub ua teeb meem, ntxhov puv nkaus lub ntiaj teb no.
Vim txoj kev dag no, thiaj ua rau lub ntiaj teb neeg sawv daws muaj kev sib npau taws. Ces yuav xeeb tau kev ua tsov rog nyob rau lub ntiaj teb no.
Ua rau tej txij nkawm tsis sib tso siab, muaj kev sib tawg sib ncaim mus. Kwv tij los tsis sib hlub, txiv tub los tsis sib ntseeg siab tas nrho.
Thiaj muaj neeg tuag nrog kev ua txhaum mus! Yaj li muaj cov neeg tu siab loj dhau lawm, ces lawv rov tua lawv tus kheej, los dai caj dab tuag. Thiab muaj cov neeg sib tua ua rau ob tug txij nkawm tuag mus tas tib si.
Tseg lawv tej tub ki nyob, ua ntsuag niam ntsuag txiv, tsis muaj neeg hlub. Tos kuv tshaj tawm, mas vim kev dag nws phem npaum li hais no tiag.
Tsoom kwv tij, nyiam no, txawm tshuav cov neeg zoo tsawg, tsawg leej xwb los. Yog peb tshuav pes tsawg leej, peb sawv daws yuav tig los yuav ib lub siab tshiab kom haum li Tswv Ntuj txoj kab lis kev cai.
muaj kev sib nyiam sib hlub nyob hauv, kom txoj kev dag no txhob huam vam loj los ua kev txhaum ntxiv. Kom txhob hnyav dhau rau lub Ntuj lub Teb.
Peb yuav thov, kom Tswv Ntuj tswv Teb zam rau cov neeg phem no. Thiab hloov lawv lub siab, kom txhob ua kev txhaum ntau dhau thiaj tsis hnyav rau tus Ntuj Av. Uas yug peb noj peb haus niaj hnub no, uas peb tau noj nws tej txiam xws, tawm tuaj saum npoo av.
Kom Tus Tswv Ntuj Tswv Teb no, txhob nplua leej twg ntxiv mus! Zoo li lam nyob lam cia li muaj Cua khauv zeeg nrog dej nag ua sab siv poob saum ntuj los.
Ua kom muaj cua khauv zeeg plawm lub ntiaj teb. Ua rau muaj dej nyab, av qeeg. Los hlawv taws kub, qoob loo tuag mus. Muaj kab mob sawv los tsim txom neeg lub cev thiab neeg roj ntsha.
Ua rau neeg tsis muaj mov noj, los tej vaj tse piam tseem tas mus. Txawm cov neeg siab zoo mus pab cuam los pab tsis tas npaud.
sawv daws raug kev nyiaj tshaib yoo nqhis, niaj hnub hu Ntuj pab quaj qaws li ntawd. Vim tib cov lus dag no, loj dhau lawm. Txoj kev dag no, nrog neeg nyob ntev mas yuav muaj xwm tshwn sim tuaj ntxiv:
Yog thaum neeg sawv daws sib npau taws tas lawm, mas lub ntiaj teb yuav ua tsov rog loj tshaj li tsis tau pom dua los! Neeg ntiaj teb yuav tau txais tej xwv txheej loj li no:
A. Tsis hais leej twg li, cov neeg phem los cov neeg zoo yuav raug txais txhua tus! Thawj pab lawv yuav tau txais toj kev tuag nrog lawv sib puag pw mus.
B. Pab nruab nrab, lawv yuav txais txoj kev tus tes tus taw ua neeg dib muag ceg tawm mus. Yog pab txom nyem loj tshaj, vim tshuav lub cev txawj noj nyob.
Lub zog yuav mus khwv los noj haus tsis muaj, cov neeg siab zoo pab, los pab tsis tau tas npaud. Vim muaj coob dhau lawm, pab tsis tau tas npaud thiab.
Lawv yuav raug kev txom nyem loj, vim tsev tsis muaj nyob. Mov muaj sis txaus noj. Ua lub neej muaj kev tu siab ua neej tsis xws luag, tu siab loj tshaj, mus tsis nrog li kev xav.
Lawv yuav rov tu siab rau lawv tus kheej ua neej tsis xws luag, lawv ntshai tsam luag ntxub los los tsis nyiam. Tsis yog lawv xeeb los zoo li ntawd, vim raug ntiaj teb cov neeg txawj ntse dag los, kom xeeb muaj kev ua xwv txheej thiab kev ua txhaum los.
C. Pab kawg, mas lawv yuav raug xwv txheej li muaj ib phaum mob khaub thuas los raug rau lawv. Lawv yuav muaj kev tu siab nrog kev txom nyem nyob nruab siab.
Vim lawv tau txais txoj kev ua ntsuag! Xws li lawv tau ua ntsuag niam ntsuag txiv los ua ntsuag tub ntsuag kiv. Ib leeg tau ncaim ib leeg mus rau sab kev ua tsov rog.
Lawv kuj yuav tau ua ntsuag kwv, ntsuaj tij los ntsuag phooj ntsuag ywg. Ib leeg ncaim leeg mus, los sis, sib ncaim ib leeg raug mus nyob rau leeg sab ntuj.
Tsis tau nyob ua ke, noj nqaij qab tsis xws nqaij. Haus cawv qab tsis tsheej cawv. tua tsiaj tua txhuv noj los leeg noj tseg leeg, yog kev tu siab.
Muab Hmoob keeb kawm los ntsuam xyuas, Lub keeb thaum ub los. Peb muaj kev sib ncaim los ntev heev lawm. Yam li sib ncaim los ntawm peb kev sis hlub los tiag.
Saum cov dab qhuas, kab lis kev cai, Hmoob twb yog koom ib tug dab qhuas xwb. Peb twb koom tau ib tug Txiv Muam, sawv daws puav leej yog nyuj dab npua tai dab roog xwm kab tas nrho.
Sawv daws koom ib tug txiv neeb, koom ib tug txiv qeej los txiv nruas tau. sawv sawv daws twb yog ua ib hom los ib yam xwb.
Sawv daws nyias ua txawv nyias, los twb tsis muaj kev txhaum li. Txhua pab txhua pawg twb tau noj qab nyob zoo.
Yam tshiab yuav sib koom ua kom luag lwm haiv neeg saib taus Hmoob. Peb txhob mus saib txog tej dab qhua no, ntxiv lawm xub ua qhov loj, ua ntej tso!
Dab qhuas yog tib txog kev ntseeg txog Qaum Ntuj kev pov hwm xwb. peb yuav tau kho txhob sib cais, sib txaiv tias, ib pab yog cov phem hos ib pab yog cov zoo. Ua tsis yog los ua tsis tau.
Kom luag lwm Haiv neeg ntseeg thiab hwm txog tsoom Hmoob. Kom luag saib Hmoob muaj nqes los saum Hmoob kev sib hlub thiab kev sib raug zoo los.
Yog peb Hmoob tseem coj lub neej nyob cais pab cais pawg. nyias ua nyias taub hau. ua rau lwm Haiv neeg pej kum saib tsis taus, ntseeg tsis tau tias, Hmoob muaj kev sib hlub.
Yog thaum luag paub tias Hmoob coj li ntawd, tsis muaj kev sib haum nyob hauv Haiv Hmoob lawm. Luag yuav siv Hmoob rov muab Hmoob txo hwj chim kom qis tshaj.
Luag yuav siv Hmoob ua qaib dib mus dib qaib qus. Kom luag tua tau Hmoob. ces tsawg tiam los luag tsuas yog siv Hmoob los ua qaib dib tua qaib qus nkaws xwb.
Luag yeej tsis muaj kev hwm thiab saib taus tias, Hmoob yog ib haiv neeg zoo tsim nyog hwm li. Nyob hauv Hmoob keeb kwm los xyov twb yog tiam twg los lawm.
Nyob puag Tuaj tshoj los txog Xov Tshoj teb thiab los mus puv nkaus rau lub qab ntuj khwb no. Hmoob cov keeb kwm yeej zoo li no, los txog niaj hnub no li.
Vim yog tej keeb kwm no, nyob nrog rau peb Haiv Hmoob. no niaj hnub muaj kev cais pab cais pawg. Txij no mus peb yuav hloov dua coj yam tshiab mus.
Tsis hais pab pawg Hmoob twg li, cov Hmoob ntseeg coj kev ntseeg tshiab los qub li. Sawv daws tej kev ntseeg uas niaj hnub coj los ntawd, Txhob hais tias ib pab yog Dab, me nyuam,hos ib pab yog Ntuj me nyuam.
Dab tsis tau yog tus tsim neeg los ua neej nyob ntiaj teb no. Yog Ntuj ua tus tsim neeg los nyob. Ua li mas tas sawv daws twb puav leej yog Ntuj me nyuam tas tib si.
Nyob hauv Hmoob sawv daws tej kev ntseeg, twb yog ntseeg kom muaj kev pov hwm neeg tuaj saum ntuj tuaj. Kom ua qhov ncaj ncee thiab ua kom zoo xwb.
Kom txhob muaj kev khaum kev txhaum xwb. Hais tseeb puav leej yog ntseeg Ntuj tas tib si. Tej txoj kev ntseeg coj neeg nyob muaj txoj sia. Hos qee txoj coj neeg mus rau sab tsis muaj txoj sia xwb.
Hais rau tas nrho Tsoom Hmoob yog kev nyiam kev hlub los kev zam thiaj yuav sau tau peb tsoom Hmoob los taug tib txoj kev kom sawv daws nyob muaj txoj sia.
Qhov kuv hais no, tsuas hais tias, ntseeg muaj txoj sia, ces yog txhob ntseeg tej yam uas ua neeg ruam raum. ntshai ntshai tuag, uas tej laus hem tej hluas los hem tej me nyuam.
Ces lawv muaj kev ntshai, lawv mam muaj mob muaj tuag mus xwb. Ntseeg txog muaj dab tom ces yog zoo li hais no.
Zaj no yog hais txog leej neeg tej kev dag. Kev dag mas yog kev ua txhaum loj thiab hnyav heev. Nyob hauv kev ntseeg Ntuj coj raws lis Yes Xus lub Moo Zoo.
Kev dag yog kev ua txhaum loj tiag, peb tig los mus saib Yes Xus saib. Yes Xus tau tuag saum tus khaub lig ntawd, muaj ntiaj teb neeg kev ua txhaum hnyav kawg.
Thaum Yes Xus kwv Nws tus ntoo cuam, Yes Xus twb yog Tswv Ntuj Leej tub tiag. Tsis kav Yes tau nto ntau teeg mam mus txog lub roob uas Nws yuav txhiv tau ntiaj teb cov ntsuj Plig kom rov muaj txoj sia nyob.
Thiaj xav tshaj tawm tias, cov neeg ntseeg txog Yes Xus los tsoom neeg siab ncaj. coj lwm txoj kev ntseeg. peb yuav thov kom Tswv Ntuj zam rau cov neeg siab phem.
Uas lawv nyiam muab txoj kev dag ntawd. Los cog nyob rau lawv tej nplooj siab ntsws. kom lawv thim xav tso kev dag ua txhaum pov tseg mus.
Peb yuav pab lees sawv daws tej kev dag uas tau ua txhaum rau Ntuj thiab rau neeg. Thiaj muaj kev sib cov nyom. Los ua kev txhaum, ntiaj teb neeg thiaj muaj kev ploj tuag mus thoob qhov txhia chaw.
Sawv daws yuav tau npaj siab thov kom Ntuj zam mus tiag. Thiab kom Ntuj muab xyeeb mus pov tseg, mus rau qab ntuj to qhov, hauv ntuj to ntshua kom ntsej tsis hnov muag tsis pom.
Kom lub Sim Ceeb neeg sawv daws tau nyob kaj nyob huv mus rau txhiab niag tim puas xyoo. Nej sawv daws sim ntsia saib.
Lub ntuj tseem tawg paj tshiab, muaj txoj kev kaj nrog kev tsaus. Lub ntiaj teb tseem tuaj nroj, muaj nag muaj lwg los yug. Tej nroj tsuag xyoob ntoo, tseem tuaj nyob ntsuab xiab.
Mas lub ntuj yuav tsis tau kawg, lub Teb los kuj yuav tsis tau tas sai. Peb neeg Yaj Ceeb txhob mus tsim kev ua xwv txheej, los muab lub ntiaj teb no rhuav tshem mus.

Yaj Zoov Ntxheb X.H.

Thawj txoj kev ntseeg yog txoj ua Ntuj rhawv los puag thaum Ntuj tsim lub ntiaj teb tas thiab tsim neeg los nyob ntiaj teb no.
Uas Hmoob hais tias, yog poj ua cia yawm ua tseg, thiaj yog thawj txoj kev ntseeg tseem Ceeb. Luag Hais tias poj ua tseg, ces Yawm khaws cia.
Vim Poj ua tseg Yawm tau khaws cia, ces thiaj muaj lub mob lub tuag los. Huab Tais Ntuj thiaj tau cog lus tseg rau tus Nab Zaj hais tias: Hnub no, tus Poj Niam tau swb tus Nab Zaj lawm.
Yav tom ntej, mas tus poj niam no, yuav yug ib tug tub. Tus Nab Zaj no yuav ua tsis tau dab tsi rau nws lawm. Tus Nab Zaj no, kawg tom tau nws lub pob luj taws xwb.
Peb Hmoob txoj kev tuag, yog lub keeb no, thaum tus txiv qhuab ke thiab tus txiv laig dab tuaj, lawv hais rau tus neeg tuag mus lawd, mas lawv yeej hais cov lus zoo li ntawd.
Lawv hais tias:
Koj nyob ces ciaj neeg, koj tuag lawm ces mus ciaj dab. Nyiam no tab yog cov Hwb Hwb qhia Ntuj lo lus, mas muaj ib feem tseem yog Dab cov Xib Hwb.
Lo lus no tsis yog thuam Leej twg, Yes Xus yeej xub Hais ua ntej lawm. Thaum nws tuaj txhiv Leej tib neeg cov ntsuj plig Yes Xus hais tseg lawm.
Yes Xus hais tias, Ze lub caij kawg, mas yuav muaj Xib Hwb coob coob sawv los tuav txog kuv lub npe, thiab lawv hais tias lawv yog kuv cov Thwj Tim.
Peb yog pab neeg ntseeg txog Yes Xus, Yes Xus txoj kev ntseeg. Mas nws tsis yuam leej twg li. Tab yog Xis Moos Pob Zeb, twb yog Yes Xus tsa Nws ua lub Pob Zeb ruaj khov.
Kom dab phem cov rooj loog tsis yeej lub Pob Zeb ntawd, los Yes Xus tsis tau yuam Pob Zeb, kom Pob Zeb ntseeg.
Taum pob Zeb hais tias, Huab Tais kuv tsis xav pub koj raug kev txom nyem. Yes Xus tsuas Hais tias, Koj lawv kuv qab, koj tseem ua chaw dawm kuv taw thiab. Koj xav li neeg xav xwb, koj tsis xav raws li Ntuj xav.
Nyob hauv Yes Xus cov lus, Nws hais ntau lo lus txog Cov Xib Hwb, uas lawv los tshaj, Yes Xus cov lus hais tias:
Yuav muaj ib co neeg zov yaj, los ntawm cov qhov rai los. Lawv tsis los ntawm lub qhov rooj los, cov zov Yaj ntawd, lawv kawg tuaj lwg tuaj nkaug pab yaj xwb.
Peb yuav to taub tias, nyob hauv cov Xib Hwb mas muaj ob hom xib Hwb:
Ib pab yog Tswv Ntuj pab Xib Hwb, lawv yog Yes Xus cov Thwj Tim tseeb tiag. Lawv los ntawm lub qhov Rooj los. Hos ib pab, mas lawv nkag ntawm cov qhov rai los.
Pab no lawv los ua Xib Hwb, lawv muaj lub siab muab hlob, lawv los tswj ib pab Yaj kom lawv npua nuj. Nyob hauv lawv txoj kev ua tus zov Yaj.
Tswv Ntuj cov lus thiab Yes Xus lub Moo Zoo, lawv tsis nyeem thiab yauv kom tas. Lawv tsuas yuav zaj thiab qib lawv xav hais xwb.
Ces lawv muab txhais los yuam leej Tib Neeg kom ntseeg thiab mloog lawv lus. Yog leej twg tsis ntseeg thiab mloog lawv lus, mas Tswv Ntuj yuav tsis txais tus ntawd.
Tswv Ntuj txoj kev ntseeg mas Tswv Ntuj tsis yuam leej twg. Yog koj xav ntseeg, mas koj ntseeg hauv koj lub siab tuaj. Koj txhob lam ntseeg, tus lam ntseeg nws yog ib tug neeg dag thiab thuam Ntuj.
Yog peb ntseeg lawm, mas peb tsis txhob npaj ua kev txhaum. Rau Tswv Ntuj thiab rau Tswv Ntuj tsoom tub ki.
Yog leej twg xav pw nyob hauv txoj kev ua txhaum mus li, los Tswv Ntuj tsis yuam kom koj yuav tsum ua ncaj ua ncees xwb.
Tus Xib Hwb cuav, lawv yog neeg thuam Ntuj. Lawv txoj hauj lwm tshaj Ntuj lus, tsis raws li Yes Xus qhia. Lawv xaiv zaj haum li lawv xav qhia los yuam tib neeg ntseeg txog lawv ua tus thawj.
Tab sis lawv hais li lawv nyiam, tsis hais li Tswv Ntuj nyiam, mas lawv yog cov pob zeb ua kom dawm,Yes Xus Pleev taw.
Tus yuav raws Yes Xus, mas nws kuj yuav ua raws li Yes Xus hais.
Yes Xus tau Hais tias, thaum lub ntuj lub teb yuav kawg. Mas yuav muaj ib co Xib Hwb coob coob sawv los ua kuv cov Thwj Tim.
Cov kev cai neeg qhia tshiab ntawd, yog ib txoj kev cai tsa ib co Xib Hwb ua neeg nplua nuj. Kev ntseeg yog koj ntseeg thiab nyiam Tswv Ntuj tiag.
Mas koj yuav nyiam, puag hauv koj nruab siab tuaj. Tsis txhob raug kev yog kev yuam, los muaj neeg yuam koj ntseeg.
Tus nyiam ntseeg raws Yes Xus lub Moo Zoo, yuav tsis txhob ua kev txhaum. Thiaj yog txoj kev ntseeg uas Tswv Ntuj rhawv los, rau neeg ntseeg, kom sab Ntsuj Plig musj txoj sia nyob mus li.
Thiaj yog txoj kev ntseeg uas yog Tswv Ntuj qhia los, puag thaum poj rhawv kab Yawm rhawv kev los. Los ntawm lub keeb puam chiv, uas poj yawm txoj kev tuag lub keeb chiv, Tswv Ntuj tau cog lus tseg los tiag.
Thiaj hais txog kev ua txhaum, los kev ciaj thiab kev tuag los qhia leej tib neeg txhua tus.

Tim 10/10/2017. *Yaj Zoov Ntxheb X.H.*

1. THAWJ NTU.
Tej laus hais tias, neeg lub neej zoo li yav qos , ntug peb ntus. Peb ntus loj peb ntus me. Txawj ntu ua neej ces yog li ntawd, tus tsis txawj ua neej ces nws tsuas ntug ib ntus, los ob ntus mus xwb.
Yam li ib tug neeg, thaum nws yug los, nws pib ntug mus, yog lub caij nws kawm txuj ci. Yog thawj ntu,uas nws pib ntug mus ntag.
Yog nws kawm txuj tas, nws txawj ua neej, ces nws pib ntug mus ntu ob. Yam li nws yog neeg paub tab, muaj tswv yim zoo, los pab tsoom kwv tij neej tsa, mus rau tsoom txheeb ze.
Yog nws ua neeg tsis paub qab hau, tej txuj ci nws kawm ntawd, coj tsis tau nws sawv los ua ib tug thawj neeg. Ces txog nws ntu uas yuav nqia mus ces tsis muaj ntug ntxiv lawm.

2. NTU OB MUS.
Yog nws ua neg thoob tsib to nrog, mas nws sawv tau los ua ib tug thawj neeg coj zeej tsoom lub zej lub zos. Qhuab qhia tsoom laus tsoom hluas, cov hlob cov yau kom sawv daws txawj ua neeg sib raug zoo, muaj kev sib nyiam sib hlub sib hwm mus.
Yog nws muaj lub siab tsis ncaj plawv tsis tus, nws nyiam mus zaum ntau lub rooj. Xws li rooj ua nom los xav zaum, hos rooj plees rooj yi los zaum tas tib si mus. Ces nws kuj yuav raug mus rau qhov poob hwj chim, nqia mus kom me kawg nkaus thiab.
Luag zeej tsoom yuav tsis hwm nws, ces nws yuav raug kev txaj muag. Mus fim tsis tau zeej tsoom, ces nws yuav nrhiav chaw nkaum tsis kam mus tawm rooj ntxiv lawm.
Ces yog nws ntu uas luag hais tias, nws yuav nqia mus lawm. Lam hlob ntev los nws tsis ntug mus ntxiv lawm.

3.NTU PEB.
Yog muaj txij nkawm tas, tsis txawj sib hlub ces lub neej kawg rov nqia mus tsis ntug ntxiv lawm thiab. Zoo li pib muaj nyiaj ces pib siv nyiaj mus tawm rooj ua si, nrhiav hluas nkauj los nrhiav hluas nraug.
ces kawg yeej rov nqia mus tsis ntug ntxiv lawm, vim nws mus muas tau tus dab xyob txhiaj los paug tsev lawm.
Hos yog ib tug muaj mob lawm, los taus thawj tsis tau lawm, tsis hais poj niam los txiv neej li. Ib tug pib tham hmoob los tham hluas nkauj, ces tas sim neej yeej tsis ntug ntxiv li lawm.
Qhov kawg , cia li ua lub neej tsis pom txoj hmoob thiab nej zaj npau suav yeej tsis raug li. Vim tias nej hloov tswv lawm, tus tshiab los yog vim muaj xaiv muaj lus, mam sib tso los sib yuav, ces txoj kev ua npau suav yeej tsis ncaj lub tswv yim xav ib zaug li.
Yuav kom ntug peb ntus nqia peb ntus mus kav laus, yuav tsum yog txij nkawm kev sib hlub nyob nrog laus thiaj ntug tau peb ntus li tej laus hais los mus ntawd.

4. NTU PLAUB.
Txoj kev sib hlub yuav tsum nyob nrog kev laus mus li, thiaj ntug mus kav laus. Tab yog tsoom neeg laus ua lawv tas hauj lwm lawd, lawv yuav tsum muaj kev sib hlub los deev sib, lawv thiaj ua neej nyob ntev.
Cov tsis nco ceev faj txog caij so hauj lwm ua neeg laus lawd. Lawv cia li saib tias yus laus lawm tiag, tsis muaj hauj lwm ua lawm.
Lawv kev sib hlub tsis muaj li lawm thiab, ces lawv cia li qaug zog. Xav tias yus tsis zoo dab tsis li lawm, kev hlub tsis muaj, ntshai luag tsoom txheeb ze yuav tsis nyiam yus ntxiv lawm, tsis muaj neeg xam tias yus muaj nqe lawm.
Ces ntsuj plig qaug zog, cia li tsis puab cev, ces tsis xav ua neej nyob, cia li npaj siab tuag lawm xwb. Cov neeg laus thaum tas hauj lwm lawd cov tuag sai yog 60% qaug zog ces cia li tuag mus xwb.
Cov muaj tus npau suav zoo, lawv nyob ua neej pov hwm tej tub ki los xeeb ntxwb nyob rov tom qab kawg yob 40% li xwb, los tseem tsawg dua thiab.
Peb sawv daws tab yog laus lawm los nco ntsoov tias, yus hauj lwm tsis tau tas. tseem yuav nyob ntsia tej tub ki ua neej qhuab qhia lawv txuas mus, mas txoj sia thiaj nyob ntev.
Txhob ua npau suav tias nyob ntev ntev yog neeg muaj txhaum, ntshai yog raug kev khaum lawm, thiaj tsis txawj tuag no.

5. NTU TSIB.
Nws kuj zoo sib xws, Yog koj muaj tus npau sav zoo lawm, rau siab ntso ua raws txoj kev ncaj. Txhob taug txoj kev dag nrog kev ua plees ua yi, ces koj yuav ntug ib ntus kom muaj koob meej nto moo lug mus.
Yog koj tsis hwm koj txoj kev ua npau suav zoo, uas koj xav tau, ces koj mus zaum ntau lub rooj, ces tus dab xyob txhiaj yuav txav los ti koj cev lawm, ces ua li cas los yeej yuav mus kawg rau toom nqia nqia xwb.
Hwj chim koom meej yeej yuav tsis muaj nrov zoo rau sab koj ua npua suav ntawd. Kawg nws yuav nrov mus rau sab kev xyob txhiaj xwb, ces tsis muaj qab hau li.
Zaj lus kuv sau no, kuv yeej tsom xam xyuas ib feem neeg li hais no, muaj raws li kuv hais no. Thiab kuv kuj nrog luag lwm tus tham txog luag hais tib yam li no thiab.
Yog lub caij koj ua neeg laus lawd, koj nyob nrug deb ntawm koj tus npau suav lawm. ces hom poob mus ua neeg qaug zog li hais no.
Tsis ncaim kwv tij neej tsa mus los cia li ua neeg, tem toob tsis nco qab yam ub yam no tuaj. Hnov tej lus puag thaum ub los xav tias yog nag hmo xwb no thiab.


Yaj Zoov Ntxheb Xib Hwb.

Ib tug neeg, yog yus tshwm sim, los ua ib tug tib neeg lawm. Tsis hais leej twg li, yog nws siv txoj kev dag. Los dag ib tug tib neeg twg, mas yeej yog kev txhaum.
Tis hais tus hlob yuav dag tus yau, los tej Nom Tswv yuav dag rau ib tug pej xeem. Los ib tug neeg lam dag rau tej Nom tswv, puav leej yog kev ua txhaum.
Rau lub Ntuj lub Teb, los saib tsis taus tus Tswv Ntuj , los leej Tib neeg. Kev dag mas ua tsis nyog, dag yog kev ua tub qaug rau Ntuj thiab rau neeg tib si.
Sawv daws yuav tsum paub tias, koj dag rau tej Nom Tswv: Los cov tuav ib txoj kab xwm, los saib ib txog hauj lawm.
Yog koj dag ib tug neeg uas Tsoom pej xeem tau xaiv los ua Nom ua Tswv. Ces yog koj dag kiag rau tus swv Ntuj, kav lub ntuj lub teb thiab tas tsoom neeg tib si.
Cov ua Nom Tswv thiab cov tuav ib txoj kab xwm, lawv muaj Tswv Ntuj lub txiaj ntsim nyob hauv lawv. Yog Tswv Ntuj pab mas neeg thiaj xaiv tau lawv los ua Nom.
Tus neeg nyiam dag, mas cia nws dag nws mus, nws txoj kev dag yuav tsis pab nws, los coj nws mus deb npaum li cas! Yog nws dag lawm, mas nws zaj tswv yim yuav tsis zoo siv mus ntxiv lawm.
Koj txhob mob siab rau nws thiab khaws kev chim, los npaj kev cib nyeej rau nws. Nws txoj kev dag yuav coj nws mus rau ib txoj kev tws.
Nws lub tswv yim yuav ua neeg ruam tsis muaj, zoo zaj tswv yim txuas mus ntxiv. Vim nws tau dag rau tus loj tshaj, tuav lub ntuj lub teb, kom nyob tiaj tus.
Tus neeg dag, mas nws tswv yim tas lawm, nws thiaj dag. Ces nws yuav poob nws lub hwj chim koob meej mus, dawb li lawm.
Yog nws tsis tso tseg, ces nws yuav mus zwm rau ib txoj kev tws. Ces nws yuav hais tawm yam tsis muaj tseeb. Neeg yeej yuav paub ib hnub twg xwb, nws lub tswv yim, yog kawm los ntawm cov dab uas nyiam kev dag los.
Ntuj yuav tsis pov hwm nws, nws yuav nyob tsis thaj yeeb. Yuav tsis muaj neeg saib nws yog neeg tsim txiaj,cov lus thiab nws txoj hauj lwm yuav tsis tawg paj txi txiv zoo saib rau neeg pom.
Nws yuav maj mam ploj mus li cov lus dag, cua tshuab ces maj mam yaj mus tas. Tsis muaj qab hau dab tsi rau Tswv Ntuj thiab neeg, ces yuav tsis muaj leej twg ntseeg nws ntxiv mus.
Tus ua Nom ua Tswv, yog nws muaj ib lub siab nyiam dag, mas tab tog nws hais lus txawj nkag zws los tsis tsim txiaj dab tsi li.
Yog nws tseem mloog cov dab txawj dag mus ntxiv, ces nws tej lus thiab nws tej hauj lwm yuav tshwm sim, coj nws mus zwm rau plaub ntug. Ces nws lub npe lub koob meej yuav nyob rau qhov neeg paub nws zoo tshaj.
Li ib tug neeg nrhiav plaub ntug kom tau mus nyob txim, ua chaw rau Leej tib neeg tau kawm txog tias, muaj tej tus neeg txawj phem li ntawd, no xwb.
Tsis hais leej twg li. Ib tug tib neeg yug los ua neej nyob ntiaj teb no, nyias yeej muaj nyias ib txoj kev cog lus ua neeg ncaj thiaj tau nyob thaj yeeb.
Tus neeg nyiam kev dag, mas neeg txawm tsis paub, los nws yeej yuav nyob tsis thaj yeeb. Nws yeej muaj kev ntshai nyob nruab siab tsis paub hais tawm los.
Nyias yeej muaj cai ua nyias lub luag hauj lwm, raws li Ntuj faib los. Tej kev tsis txawj ua neeg ceev faj rau sab kev ncaj ncees, kom txhob ua neeg dag.
Tab ib tug neeg tsis tau kawm txuj ci, los nws yeej paub nyob hauv nws nruab siab tias, yog kev txhaum. Nws yeej coj ib lub tswv yim paub tej no tias, yog koob hmoov nqes saum ntuj los .
Zaj nws xav tias, dag kom luag qhuas, los xav tias, nws yog neeg ntse los thoob tsib no. Yog txhais kom meej los, ces yog nws ua neeg ruam tshaj. Nws thiaj xav tias, txoj kev dag yog txoj kev ua neeg ntse.
Cov neeg ua Vaj kav ib lub teb chaws, los cov ua Txoov Tswv Tim. Cov ua thawj neeg kav ib lub zos, los kav ib lub nroog.
Lawv puav leej yog Tswv Ntuj ib co Tiam Lis ua hauj lawm pub rau Tswv Ntuj. Kom lawv muaj lub suab npe los pab Ntuj ua tej txoj hauj lwm pub kev thaj yeeb rau tsoom pej xeem txhua tus.
Thaum Yes Xus tsis tau tuaj nyob ntiaj teb no, Tswv Ntuj twb hu tej tus Vaj ua Tswv Ntuj tus Pleev. { txhais tias yog Tswv Ntuj tus Vaj.}
Nws muaj hwj chim, li Tswv Ntuj tus tub, Ntuj txib nws ua Ntuj txoj hauj lwm. Nws muaj peev xwm thiab muaj zog, saib ib pab neeg. Tus nyiam rhuav neeg kom puas tsuaj mus, nws yog ib tug neeg rhuav Tswv Ntuj pov tseg ib yam nkaus.
Cov neeg saib tsis taus lwm pab neeg , los lwm tus neeg. Tswv Ntuj saib nws yog ib tug neeg phem, xws li cov dab phem uas Ntuj tau muab pov tseg saum ntuj los rau ntiaj teb.
Tus ua txoj hauj lwm twg, los nws ua zoo. Mas tus ntawd, yeej tau nrog Tswv Ntuj pab tuav lub sim ceeb neeg no, kom nyob thaj yeeb nrog kev tiaj tus, uas Ntuj xav kom muaj qhov zoo li ntawd.
Ua ib tug Txoov Tswv Tim, los ua tus tsaws paub tsaws ntug. Yus tsis muaj cai muab ib tug neeg tua pov tseg. Muab ib lub txim qhia kom nws paub tab dua xwb.
Ib tug neeg siv txoj kev tua neeg, mas nws ua dhau Ntuj txoj cai lawm. Tus tuav los saib nyiaj, nws kuj tsis muaj cai nyiag nyiaj, los lom txwm ua kom poob peev mus, nrog kev ua tub sab.
Nws yuav tsum paub tias, tej niam txiv, pej xeem tau nrog Tswv Ntuj ua tus xaiv, nws los ua txoj hauj lwm ntawd. Pab kom txhua tus neeg tau nyob thaj yeeb.
Zaj lus no, yog ib yam paj tshab loj thiab zoo, cia pub rau txhua tus neeg muaj lub luag hauj lawm. tuaj ua neeg nyob ntiaj teb no tib si.
Nyias yuav txuag nyias lub meej mom nrog, rau nyias lub siab dawb, kom txuag tau nyias tus Ntuj Plig nyob thaj yeeb. Thiaj muaj kev kaj siab rau sab lub cev nqaij thiab sab ntsuj Plig nyob mus ib txhis.
Li nyias muaj nyias txoj kev ua npau suav tias, yuav ntsib tau txoj hmoov zoo. Nrog lub neej nyob kaj siab lug.

Sacramento, tim 28/10/2017.
Yaj Zoov Ntxheb Xib Hwb.

Kuv thiaj muab ib zaj Hmoob keeb kwm, sau los ua peb sawv daws kev kawm. Kom paub thiab txawj sib yoog, mus rau tom ntej.
Kom txawj ua neeg, paub tab hno xaiv,txawj sib hwm, sib mloog, lub neej thiaj nyob thaj yeeb.
Zaj uas kwv tij tsis txawj sib yoog no, kwv tij,niam txiv yug ib plab. los ntawm ib lub cev los, nyias muaj nyias siab. Tij los xav tias tij yog, kwv los kuj xav tias, kwv zoo.
Tij xav kom kwv yoog tij, kwv los kuj xav kom tij yoog kwv. Tij ua tij phab nplas, kwv kuj ua kwv phab nplee. Tij coj tij ib lub siab, kwv muaj kwv ib lub ntsws.
Chim chim lub siab kawg li, txog thaum kawg, tij khiav mus caum tij neej, hos kwv khiav mus caum kwv tsav. Tej dab neeg no, thiaj ua kwv huam, los paug thaum tej pog suab yawg suab los txog niaj hnub no.
Los tseem ua ntu zus lo txog peb tiam no, los tseem coj raws nraim li tus xeeb ceem qub no thiab. Tseem hloov tsis tau tas li.
Yav thaum tseem nyob Los Tsuas teb, xav tias sawv daws txom txom nyem thiaj muaj sib cav sib ceg, tij hais koj zoo, kwv los hais kwv yog.
Zaum no, tuaj txog cov teb chaws vam meej lawm,tij muaj muaj tij ib pob. Kwv kuj muaj muaj kwv ib thooj, los tij niam noj dub muag nciab, kwv los noj kwv dub muag txig.
Thiaj tseem muaj qee leej, chim chim lub me siab. Kuv thiaj sau zaj me Kwv huam no, los ua sawv daws tej chaw kawm saib puas txawj xav.
Kom hloov tau peb cov yawg koob nyob puag pem Suav teb, los rau Cob tsib thiab Los Tsuas teb, saib peb puas yuav hloov tau me ntsis tuaj!
Peb muaj ib tug pog suab yawg suab yog Hmoob Ntsuab, nkawd tsis muaj hmoo, ces tus Yawg Suab ntawd tau tas sim neej lawm. tseg nws cov niam tub nyob.
Muaj 3 tug me nyuam, puav leej yog tub tas tib si, Ces ho muaj ib tug yawg ,yog pab Hmoob Dawb tuaj yuav mus ua niam.
Cuab kwv tij kwv tij tsis muaj neeg tsob zeem sau cov tub ntsuag no los nrog nyob. Lawv hais tias, niag ntsuag plab hlob hlob li, tsis muaj neeg kam yuav.
Ces lawv tso nrog leej niam mus nyob tom pab Hmoob dawv lawm. Tsis muaj hmoo thiab, ob tug pog suab yawg suab Hmoob Dawb kuj tau tuag mus lawm thiab lauj.
Tus tub hlob coj tom Hmoob Ntsuab tsev los, muaj 15 xyoos. Ces lawv nyob lawv, tsis tau paub mus ua noj. Niaj hnub ncig qab zej hauv zos.
Thov khawv noj thov khawv haus, zej zog leej twg los ntxub ntxub lawv. Tshuav lawv 6 leej kwv tij lawv nyob lawv,txom txom nyem kawg.
Peb tug coj tom Hmoob Ntsuab los thiab peb tug yug ntawm tus txiv Hmoob dawb, ces lawb muaj 6 leej. Tus tub hlob lam khwv tau li cas los lam noj mov xyaw zaub mus.
Pab kwv tij Hmoob dawb los tsis yuav, pab Hmoob Ntsuab los tsis nyiam li. Cov kwv tij Hmoob Dawb coj tus tub hlob mus yuav nyab.
Kom plaub ntug tas, kom txhob tau tsob zeem tias tis pub rau noj thiab rau hnav. Cov Hmoob Ntsuab los hais rau cov Hmoob dawb tias, Nej hlub los nej ho qhia rau hlob tiav neeg cia ua nej dab nej qhua mus.
Lub caij thaud, mas Hmoob yuav poj niam yooj yim kawg. Tsis tau ua nkauj ua nraug los yeej yuav tau! Coj tus tub mus txog, luag tsuas saib lub cev ntaj ntsug xwb, tsis nug saib siab puas zoo.
Puas nquag thiab txawj ua noj ua haus los puas tsim txiaj li, nug tias puas nyiam no xwb. Ces yog teb tias nyiam thiab ces cia li ua tshoob xwb.
Ces cia li ua tshoob yuav nyab rau, tus tub hlob ntawd. Yuav tau ib tug ntxhais taug taug xaiv. Thiab tub tub nkeeg li, ib txog hauj lwm los tsis kam ua.
sawv tsees saum txaj los, mus tso zis tas cia li nrog zis mus cuav zos taug xaiv lawm lauj! Cuav cuav zos txaus, los txog tsev tsis muaj mov, mas cem cov kwv yau ua ntsuag plab hlob tsis muaj ntsuag plab hlob li.
Mus teb mas nce saum tej lub pob ntoos siab siab, saib cov kwv ua teb xwb. Cem cem lawv tias: Nej cia li ua kab no thiab kab nram no, kom mus nto luag.
Xav tias, cem cuag li ntawd, ces nws yuav ua thiab!
Cia li mus nrhiav qhov twg muaj duab ntxoo, cia li mus pw quav tes quav taw rau ntawd, tsheej tav su li,tsis sawv.
Tus niam tij no, yog neeg yeej muaj hnub nyug loj lawm, Hmoob hu ua niag nkauj laug. Tus yawg Suab yuav tus ntxhais Hmoob Lauj no, nws tus kwv ua ke los tom Hmoob Ntsuab los.
Mas nws tsis nyiam, niag poj niam taug xaiv thiab tub tub nkeeg ntawd kiag li. Tsuas txawj cem neeg thiab taug xaiv xwb, twb tsis txawj ua teb li thiab tsis nquag kiag.
Ua mus ua tuaj ces lawv tus tij laug kuj tsis nyiam cov kwv tuaj lawm thiab. Nws kuj tsis txawj cob nws poj niam, los yog hais tsis taus lawm.
Hais thaum twg, ces poj niam dhia rhees rau tom neej tsa lawm. ho mus thov thov kom rov qab los nyob. Niag taug taug xaiv kom neej tsa qhuas xwb.
Nws niag xev xev lus, muaj tsis muaj los cuab kom muaj ntau ntau. Ua rau kwv tij los neej tsa ntxub tas pab kwv tij ntsuag ntawd,tib si tuaj lawm thiab.
Ua rau zej zog kwv tij chim thoob plaws, rau tej poj niam nruab zog. Los rau pab kwv tij ntsuag nos ntawd. Peb tus yawg Suab uas yog tus yuav niag poj niam tub nkeeg thiab taug xaiv ntawd tus kwv.
Nws kuj txawj txawj tshuab qeej li thiab, Nws lub hnub nyoog muaj 18- 19 xyoo lawm. Nws mus tham hluas nkauj txog twg, mas luag cem saib tsis tau nws li tias:
Niag ntsuag plab hlob, ntsuag tub nkeeg, txhob tuaj tham tham, peb tej ntxhais. Yuav tau, yuav coj mus noj nyom los noj av nawd! Tsev niag ntsuag ntau plaub ntau ntug!
Ces lawv yeej tsis paub mus yuav poj niam li, nyob, nyob txawm muaj ib tug neeg laus tuag. Lawv txawm tuaj thov nws mus tshuab qeej.
Hnub ntawv yawg hlob Toj Xeem, txawm tuaj thiab. Yawg Toj Xeem ntsia, ntsia nws Tshuab qeej tas, nws kuj mus pab cov tshwj kab ua hauj lwm. Nws pom cov niam ua mov ua tej qhov hnyav nws kuj mus pab lawv nqa qhov hnyav.
Ces Yawg hlob Toj Xeem paub tsev neeg no zoo, nws txawm hais rau tus tub ntawd tias:
Me tub, yog koj xav yuav poj niam no, koj tuaj kuv muab kuv tus ntxhais rau koj. Tus yawg Suab uas txawj tshuab qeej no, hu ua Kos.
Yawg Suab Kos xav tias, Ua cas Yawg hlob Toj Xeem no, yog nom yog tswv ho yuav hais lus saib tsis tau nws ua luaj li no thiab.
Yawg Suab Kos txawm hais rau Yawg hlob Toj Xeem tias, Koj lam hais lus saib tsis tau kub xwb. Koj hais rau kuv los tsis ua li cas!
Koj txhob hais rau lwm tus, tsam lawv ho saib tsis taus koj thiab. Nkawd lam tham ob peb lo lus tso tseg li ntawd xwb.
Yawg Suab Kos los kuj tsis mus hais thiab, nws yeej xav tias yog saib tsis tau es lam hais xwb. Tau ib xyoos tom qab. muaj dua ib lub ntseeg tuag. Lawv kuj tuaj thov peb yawg Suab Kos mus ua txiv qeej dua thiab.
Lub ntees ntawd, yawg hlob Toj Xeem kuj rov tuaj. Yawg Toj Xeem rov hais dua tias: Me tub ua cas koj tsis tuaj hais kuv tus ntxhais?
Yog koj muaj zoo hluas nkauj lawm, los koj tsis nyiam kuv cov ntxhais? Yawg Suab Kos ce kiag ob Khob cawv rau yawg Toj Xeem hais tias:
Nej cov kev txawj laus neeg nej nrog kuv hnov yawg Toj Xeem cov lus hais rau kuv! Lwm hnub yog kuv mus txog Yawg Toj Xeem tsis muab nws tus ntxhais rau kuv, mas saib nws ho yuav kho kuv ntsej muaj li cas! Nws puas hle taus ris khiav ncig zos!
Yawg hlob Toj Xeem hais tias, kuv hais tau mas yeej ua tau xwb mas! Lawv muab tus tuag ntawd coj mus faus tas, ces Yawg suab Kos txawm mus thov tsoom kwv tij mus pab hais yawg Toj Xeem tus ntxhais!
Tas nrho tuam cuab kwv tij ntawd, plhe ncauj rau yawg Suab Kos tias, Niag neeg pluag tsis muaj nyiaj tseem yuav mus hais yawg Hlob Toj Xeem tus ntxhais! Ntshai Toj xeem muab quav nyom tshav ces tsis muaj peb fiab roj ntshav khiav rov qab los tsev auj!
Yawg Suab Kos hais tias, li cas los mus hais saib zoo li cas! Toj xeem tsis muab los tsis ua li cas li. Cav tsis yog ua tub sab tub nyiag los yog plaub ntug dab tsis!
Tas nrho tuam cuab kwv tij, cov noj xwm, tud muab xyeeb rau tud. Tsis muaj neeg kam nrog nws mus li, nws mus thov ib tug kwv tij cov ib nyuag kem sab nraud me ntsis.
Nws kuj yog neeg siab zoo, lam nrog Yawg Suab Kos mus hais. Nkawd mus txog, ces Toj Xeem pom nkawd tuaj, muaj ib tug kwv tij nrog. Toj Xeem yeej paub paub Toj Xeem cai li lawm.
Toj Xeem cia li hu nws tus ntxhais los, Ces hais rau tus ntxhais tias: Me ntxhais hnub no kuv muab koj quas rau tus me tub no lawm od!
Tus Ntxhais cia li quaj pos muag ntiv, rov tom txaj lawm. Toj Xeem hais rau nkawd tias: Kuv hais li cas, ces li ntawd xwb, neb txhob poob siab mog!
Ces nkawd cia li pe yawg Toj Xem tam sim ntawd, ces lawv cia li ua tshoob, coj nyab los tsev. Thaum puv peb tag kis, yuav hu plig. Mus raws tsoom kwv tij paub tab ntawd, tuaj pab khi ib txoj hlua rau nyab. mas tus twg los tsis khoom li.
Tus yuav mus ub mus no, tuaj tus puav los txaj txaj muag rub los zaum sab ped, los twb tsis kam zaum li. Noj mov los txaj txaj muag, tsis muaj cuab kav hais ib daim nqaij, los noj li, lam daus kua haus tas zog xwb.
Sawv daws ua neej nyob koom ib lub zos, mus teb los ev tej niag khib taws hnyav li hnyav. los zam kev deb deb, puag pem tej los puag nram tej, txaj muag tsam tau pom peb yawg Suab Kos no.
Los tau tsis ntev, ces Toj Xeem muab nws tsa ua ib tus phes txoov kav. Toj Xeem kom nws saib txog li 5 tuag hau zos. Peb tus yawg Suab Phes Txoov kav no nws tus niam tij yog nkauj Hmoob lauj.
Niag tub los tub nkeeg, Taug xaiv kuj taug xaiv. ua rau zej zog muaj plaub muaj ntug ntxhov hnyo xwb. Tej laus los xyov ua cas zoo li tej laus thiab. Ib tug phem xwb los tsis cia nws ib leeg phem xwb.
Loj xov ntxub tas nrho lub xeem Hmoob lauj, ua neeg phem thiab taug xaiv los tub nkeeg tib si. Nws ntxub tias, tsuav yog Hmoob lauj, ces yeej tub nkeeg thiab taug xaiv ib yam nkaus thiab lauj!
Tom qab no nws yug tau ntxhais, cuab Hmoob lauj tuaj tham nws cov ntxhais, mas txwv tsis pub yuav Hmoob lauj tuaj lawm thiab lauj!
Thaum Toj Xeem muab nws tsa ua Phes Txoov Kav lawm,ces nws tsim tau ib tsab cai los tswj cov niag poj niam taug xaiv thiab deev hluas nraug!
Nws qha tau ib tug nplawm qau nyuaj qhuav, thiab tsim tau ib lub xauv ntiv tes. Ces nws ceeb tom rau nws 5 tug hau zos tias, Tshaj tawm od, leej twg taug xaiv thiab deev hluas nraug.
Mas tsis hais yuaj li. Cia li xuas ob peb nplawg qau nyuj qhuav rau txhaum neej tsa mam hais od! Ces cov poj niam taug xaiv, ua kom zej zog nyob tsis thaj yeeb.
Cov hau zos hais tsis tas coj mus txog nws, Ces nws hais tias: Leej twg yog tus tawv no! Xa ob peb nplawg qau nyuj qhuav rau tas.
Ces muab lub cuab ntiv tes los zaum nkaus rau ntswj, ua zis txhuav yaws los, ces lees lo luas xwb. Txij ntawd los, ces leej twg los coj ncaj loj zog tuaj lawm thiab. Sawv daws hais zom zaws rau cov poj niam ncauj loj tias:
Tau zoo nyob nyob twj ywm nawd! Ua Zoo tsam mag qau nyuaj nplawm od!
Ces txij li Tus yawg Suab phes txoov kav ua los no, ces sawv daws nyob thaj yeeb tsis muaj xaiv lus, plaub ntug ntau lawm.
Tas tuam Tsoom Hmoob thiaj siv nws tsab cai no los,mam muaj txoj dab neeg keeb kwm no los tswj cov poj niam taug xaiv thiab nyiam deev hluas nraug tsis tshua muaj lawm.
Zaj dab neeg, keeb kwm no sau los ua kev kawm paub yam zoo thiab yam phem nyob hauv peb Haiv Hmoob cov teeb meem tib si lawm!
Sawv daws muab kawm tseg thiab sib cog sib kho, sib yoog kom zoo tshaj tej pog suab yawg suab thaud ua los. kom peb sib raug zoo li yog ib tsob ib xeem Hmoob koom los ntawm ib tug pog tug yawg thiab ib lub cev los.

Sacramen to, tim 1/11/ 2017.
Yaj zoov Ntxheb Xib Hwb.

Vam Meej nthuav txog Tsoom Hmoob nyob Cob Tsib teb kev txom nyem. Raug cov Nom Tswv Cob Tsib tsim txom thiab yuam Hmoob.
Vam Meej hais tias:
Ib txwm ntau ntau txhiab xyoo los lawm, Hmoob yeej yog ib Haiv neeg siab zoo dua, lwm haiv neeg! Tsis hais Hmoob los tej Mab Sua, mus txog Hmoob zej Hmoob zos.
Los yog kwv tij Hmoob li, Hmoob yeej txais tos txhua leej zoo kawg! Tab txawm yog Hmoob pluag, los Hmoob yeej txias lawv nrog Hmoob noj mov.
Hmoob paub txhawj txog tej neeg tawm rooj dua kev, tsam lawv tshaib plab. Hmoob pub rau luag kom tau noj tau haus, Tej Mab Sua ua tsis tau li Hmoob ua.
Hmoob tsis hais pab twg li, txawj khuv leej cov neeg, tshaib plab, zoo li Hmoob yeej ib txwm yog Qaum Ntuj me nyuam.
Tsis paub vim li cas, Lwm Haiv neeg Mab Sua:
Xws li Cob Tsib thiab lwm Haiv neeg, yuav ntxub Hmoob ua luaj li no! Hmoob xav coj ib txoj kev ntseeg, kom zeem tau ua kwv tij li koj thiab kuv wb tog ib tug!
Mas cov Nom Tswv ntxub Hmoob heev. Lawv txwv, txiav, tsis pub Hmoob ntseeg Ntujj, Cuag li ntshai tsam Hmoob ho zoo tshaj Mab Sua lawm los li cas li.
Lwm Haiv neeg coj kev ntseeg Ntuj, mas Cov Nom Tswv ua nyuaj tsis npaum li ua rau Hmoob. Luag liam ntau yam rau Hmoob tias:
Hmoob txawj tso dab mus tom neeg, los Hmoob yog ib Haiv neeg ntxeev siab, rau tej Nom Tswv, Hmoob xav ntxeev teb chaws.
Cov Nom Tswv no, tseem liam tias, Hmoob yog Haiv neeg cog yeeb. Thiab nyiam ua cov lag luam txhaum Nom Tswv tej kev cai lij choj.
Cov Tuam Los Pav ua luam yaj yeeb luam tshuaj txhaum cai twb puav leej yog lawv pib tuaj. Cov Nom Tswv ntawd, lawv ho yog cov neeg dawb huv tau li cas!
Peb lub teb chaws uas, tej nom Tswv liam tias, Hmoob ua luam Yaj yeeb los ua luam tshuaj nees, txhaum cai. Puav leej twb yog lawv ua tus pib.
Ntuj thaum ub tsis tau muaj txoj cai txwv, Hmoob nyob toj siab tsis muaj kev zoo ua lag luam,Hmoob khwv noj khwv haus. Hmoob tau cog yeeb coj mus muag rau tej Mab Sua uas yog cov Tuam Los Pav loj yuav yeeb.
Txhua lub Tswv Yim ntawd, twb yog tuaj ntawm cov Tuam Los Pav thiab cov thawj neeg ,ua Nom ua Tswv ntawd tuaj xwb. Hmoob thiaj tau ua kom Hmoob muaj txaus noj txaus haus yug poj tub se.
Thiab them tej se uas Nom Tswv, tuaj sau Hmoob se ntawd. Cov Nom Tswv nplua nuj twb yog Vim muaj tej lag luam txhaum cai no ntag.
Los rau lub zim txwv no, Hmoob hnov thiab paub tias:
Kev ntseeg Ntuj muaj kev sib hlub loj kawg. Ob tug neeg ntseeg Ntuj nkawd ob leeg, koj zoo li kuv, Kuv kuj zoo li koj. Vim Muaj Yes Xus nyob nruab nrab ntawm ob tug kwv tij no.
Nkawd ob leej puav leej coj Tswv Ntuj lo lus, Yes Xus thiab Leej Ntuj Plig tuaj nyob hauv nkawd, nruab siab. Ces nkawd zoo kiag lis Yes Xus uas yog Tswv Ntuj Leej Tub, Nws kuj zoo nkaus li Leej Txiv tsis txawv.
Cov Nom Tswv no ntxub Hmoob heev lawv ua tsis tau lwm yam los yuam Hmoob. Ces lawv muaj ib lub Tswv yim phem heev.
Lawv siv Hmoob rov los yuam Hmoob, los Cov Hmoob nyob ze, tej Nom Tswv ntawd, lawv ua neeg tsis paub tab. Lawv ntshaw nyiaj thiab muaj ib tsos ntxub Hmoob tsam luag ho zoo tshaj yus lawm.
Ces Hmoob yuam Hmoob raug txom nyem loj npaum li cas, los tej Nom Tswv zoo siab tias, zaum no tau yuam Hmoob txaus siab nkaus lawm.
Los tej Hmoob tau ua luag tus dev raws nqaij no, tseem tsis paub tab, cav txaus siab kawg nkaws thiab. Nws tsis paub tias, Tej Nom Tswv no, siv nws ua kev txhaum kom Ntuj hais tias:
Yog Hmoob yuam Hmoob xwb, tsis yog Mab Sua ua rau Hmoob. Koj txhob mus ruam txog qhov kawg li ntawd mas yom.
Tsam kev khaum poob los ces luag tau ces qab, los koj yuav tau ces tes thiab od! Ntiaj teb neeg hnov txog tej xov xwm uas Cob Tsib tsim txom cov neeg ntseeg Ntuj nyob Cob Tsib teb.
Mas Hmoob twb yog Haiv neeg, tej Nom Tswv tau tsim txoj loj thiab tsim txom phem dua lwm Haiv neeg tib si.
Cov Nom Tswv, siv Hmoob mus tsim, mas thiaj tsim tau txaus nkaus, li tej Nom Tswv lub siab.
Hmoob muaj peev xwm, mus rhuav Tej Vaj tsev teev hawm Ntuj pov tseg. Muaj peev xwm thauj tej yim Hmoob ntseeg ntuj mus nrauj zoo, rau hav zoo hav tsuag, ua tsis muaj dej haus , tsis muaj mov noj li.
Zaj hais no, tas ntiaj teb cov paub saib lub Facebook los youtube. Lawv twb paub thiab pom tas. Muaj tseeb kawg. Muaj ntau leej Hmoob ntseeg Ntuj nyob tsis taus rau Cob Tsib teb Twb vim tej Nom Tswv ntxub Hmoob npaum no.
Cov raug nom tswv ntxub tshaj, yog cov Txiv Plig thiab Cov ua thawj nyob hauv cov Christiane. Ces lawv thiaj rau siab ntso hiam cov pab neeg ntseeg Ntuj.
Lawv siv Hmoob rov yuam Hmoob kom ntis lawv lub ntsej muag tsiv tsaim ntawd. Los Hmoob tseem cav txaus siab ua kom tej Nom Cob Tsib qhuas Hmoob thiab.
Cov Nom Tswv Cob Tsib muaj ib Phau ntawv sau tias:
Txhob mus ntseeg cov neeg phem, uas lawv yeej muaj lub siab phem. Coj kev phem los tiv tej Nom tej Tswv. Zaj lus no ntag, tseem tseem yog zaj lus, uas ntxub cov neeg ntseeg ntuj.
Tawm ntawm tej nom Tswv lub siab los ntag, Nyob Cob Tsib teb tej Nom Tswv yeej tsis tso lus rau Haiv Hmoob los ntseeg Ntuj li.
Tab yog ib tug Hmoob yuav sau ib tsab ntawv rau cov kwv tij Hmoob nyob pej kum teb mas yeej tsis pub xa li. Luag tsim txom Hmoob npaum li no.
Tas ntiaj teb tsis hais Hmoob xwb, Mab Sua twb paub thiab pom tas!0.4,.
Thaum yuav kawg no mus, Tsoom Hmoob nyob Cob Tsib teb tos ntiaj teb tsoom neeg siab dawb. pab nqua hu Ntuj kom pub txoj kev thaj yeeb rau Tsoom Hmoob nyob Cob Tsib teb thiab.
Thov sawv daws nco txog lawv tej kev tsim txom, luag ua phem rau tsoom Hmoob thiab.

Yog Yaj Zoov Ntxheb sau Zaj lus uas Vam Meej tau piav cov Hmoob raug kev tsim txom lawv tej keeb kwm no.

Nyob Mes Kuj tim 23/10/2017.

Lub tswv yim ntse thiab ua neeg thoob tsib no, xav muab cog rau cov tub txhais hluas. Uas lawv yuav tau txais ib lub neej tshav ntuj nrig mus rau yav tom ntej.
Tsis hais lub teb chaws twg li,xav kom tas nrho tsoom tub ntxhais hluas Hmoob. Tab tom kawm txuj ci, los cov twb kawm tiav lawd.
Thiab cov tseem yuav pib kawm txuj, kom tsim dheev los rau tus npau suav yuav hais los no! Kom roos tau tsoom niam txiv thiab cov Pog Koob Yawg Koob.
Lub txij ntsim muaj kev iab kev khwv, rau cov teb chaws, uas Hmoob tau nyob dhau los lawd. Yeej muaj tej tus Pog Yawg, los Niam txiv.
Uas lawv tau muaj txij ntsim, rau lub teb chaws lawv tau nyob, loj hlob laus los lawd: Zoo li Suav teb, Cob Tsib teb, thiab Los Tsuas teb.
Tab yog cov txawv teb chaws uas Hmoob tau mus nyob. Zoo li Fab Kis Los Mes Kas los yeej muaj txij ntsim rau lawv lawm thiab.
Tab yog tej Mab Sua tsis sau lawv cov npe teev cia, los lub txiaj ntsim yeej muaj! Tab luag tsis tau tshaj lub npe tawm los lub txij ntsim yeej muaj nyob.
Sawv daws thiaj tau nyob sib raug zoo, li peb tau pom niaj hnub no. Cov tub ntxhais hluas tab tom kawm txuj ci, los cov twb kawm tiav lawd.
Muaj qib muaj duas kawm tiav lawd, nej txob ua neeg txaj muag tias. Yus caj ces, tsis yog neeg muaj koob nrov npe. Txhob ntshais zais yus li keeb kwm, tej niam tej txiv txawm pluag, los yog vim lub teb chaws tsis vam meej xwb.

Txuj ci tuaj tsis txog, los lawv raws tsis tau txuj ci qab. Los tus txiaj ntsim yeej muaj nyob ntawd: Lub siab hlub neeg pub noj pub haus.
Rau tej neeg dua kev mus tawm rooj tsis muaj ib tug neeg tau tuag tshaib nyob hauv Hmoob Pog Hmoob Yawg lub tsev li.
Tej neeg ua poj ntsuam tub ntsuag los yeej muaj tib lub siab zoo ib yam nkaus. Lawv tuaj yeem qee kiag lawv pluas mov los pab cawm siav rau.

Hias rau nej cov me nyuam tias, nej txhob tas kev cia siab. Tab tsis yog Hmoob, los cov neeg siab dawb thiab ncaj ncees lawv yeej qhuas tias. Hmoob yog ib Haiv neeg ntse thiab thoob tsib kawg.
Mus ua hauj lwm los tawm rooj ua ke, raug teeb meem los muaj kev ploj tuag. Hmoob yeej pab kom tas li Hmoob lub peev xwm, tsis tso luag pov tseg.

Kev tshaib nqhis, los Hmoob yeej muaj lub siab, pab cawm siav kom dim. Txawm tsis muaj mov, los Hmoob tsis pluag tswv yim. Nyob hav zoo, muaj txhiam xws zoo yug neeg txoj sia ntau kawg.
Cov Tub Ntxhais hluas, kev xyaum ua neeg siab dawb. Nej txhob xyaum khaws kev chim, thiab muaj kev cib nyeej. nrog nej kev npau taws, rau tej phooj ywg, los tej niam tej txiv thiab tej hlob.
Muaj qee leej lawv ua neeg laus, los lawv tsis paub tab tas thiab. Yus yog ib tug Tub Ntxhais tsim txiaj, mas yus yeej muaj peev xwm li yus yog Nom ib tug Tub muaj txuj.
Yus yeej tsis txawv li tej Mab Sua uas lawv yog Nom tej tub. Uas nyob muaj koob meej nto moo lug. Yus muaj zoo Tswv yim, yus yeej yuav caum tau yus tus npau suav mus xwb.
Nej cov hluas, nej tseem tshuav kev hlub ntau heev. Nej yuav tau hlub tsoom Hmoob, uas yog nej kwv nej tig, los yog nej neej nej tsav.

Nrog rau tej Mab Sua, uas nej paub thiab ua phooj ywg rau. Yav tom ntej nej yuav tau mus nrog luag zaum rooj,nyob sib txig sawv sib sib luag.
Txoj kev xyaum ua neeg siab dawb, txawj hlub tej phooj ywg. Yog ib txoj kev muaj zog tas nrho li od! Nej txhob khaws kev npau taws, muaj kev cib nyeej.

Thiab txawj, txawj xam khib, mas nej tseem yuav zoo tshaj li tej neeg yug los uas lawv yeej yog Nom tej tub. Uas lawv twb tsis tau khwv ua ib yam dab tsi tawm los.
Lawv cia li khaws dawb tau, nyob nto moo lug xwb, lawv tus npau suav yuav mus tsis deb li. Nej yuav ua twb zoo xav, tuav lawv tes kom sib raug zoo.

Muaj ib hnub twg, nej raws tau nej tus npau suav mus. Ces luag yuav rub nej, mus nrog luag zaum rooj. Ces nej tej niam tej txi los tsoom neej tsoom tsav yuav ua lub neej tshav ntuj nrig.
Vim nej cov tub ntxhais no, pauv tau nej lub siab los ua neeg thoob tsib paub txoj kev ua neeg siab dawb lawm.
Kuj xav hais ib lo lus, rau tej uas yog niam yog txiv, Cov tub cov ntxhais no. Lawv nyiam kawm txoj hauj lwm twg los yeej muaj nuj nqes tas tib si.

Tsis yog yuav mus kawm ua Docteur xwb thiaj yog neeg muaj nuj nqes. Neeg nyias mus nyias siab, txoj twg los yeej zoo, tsuav xis tus tub los tus ntxhais ntawd siab ces yeej zoo lawm.
Tab yog kawm tau ua tus neeg tu vaj tse, los ua zaub mov noj xwb los teej tsim txiaj kawg lawm. Kom lub rooj zaum twg los muaj tub ntxhais Hmoob mus zaum txhua.
Ces tas nrho ib tsoom hmoob muaj koob nrov npe tas txhua tus. Xav kom Hmoob nyob thoob plaws txhua lub teb chaws paub txog zaj lus piav no.

Tas nrho ib Tsoom Tub Ntxhais hluas, Nej lub Tswv Yim yuav tawg paj txi tau Txiv zoo. Mas yog tawm hauv cov qib lus nram, no los:

1. Tus neeg xav txawj ntse, yuav tsum tshawb nrhiav kawm. Thiaj paub thiab pom....
2. Rau siab mus kawm hnub no, zoo dua thaum mus twv ntawv uas yus poob mus lawd....
3. Yam yus xav txog txhob mus nrhiav yam nyuaj dhau ua tsis tau tawm los rau yus pom xyeem...
4. Thaum koj hais lus, mas koj yuav hais lus muag, tab sis txhob cia koj lub siab muag....
5. Koj yuav ua koj niam koj txiv, ib tug tub los ib tug ntxhais zoo. Thiab ua neeg zoo rau lub teb chaws....
6. Koj xav ua ib tug neeg hais tej qhov zoo xwb, luag txib yuav tsum nquag pab ua. Luag chim lawm, yuav tsum nplij thiab rov ua zoo los pauj.....
7. Yam koj xav tau hauv nruab siab, mas ua kom tau tawm los pom ntawm qhov muag thiaj paub tshab...
8. Lub ntiaj teb no tsis muaj qhov nyuaj, mas yeej tsis paub yam twg yog zoo, los tseeb li...
9. Yog koj xav ua ib tug neeg muaj peev xwm, txhob xyaum ua neeg dog dig. li tus neeg tsis muaj tswv yim...
10. Koj yuav xyaum ua neeg nquag, neeg ncaj ncees, ua siab ntev ua neeg zoo, kom raug luag nyiam...
11. Nyob hauv koj nruab siab, txhob xyaum ua neeg tub nkeeg. thiab pheej xav tias koj tsis yog neeg tuaj nyob txawm hauv lub ntiaj teb no...
12. Koj txhob ua neeg tais caus, swb rau yam yus tsis tau ua los tsis tau sim ib zaug li cia li swb dawb dawb mus...
13. Koj ua ib tug neeg lawm, txhob maj qaug zog, rau tej yam uas yus twb tsis tau mus kawm los kom paub!...
14. Kev txawj ntse, xyaum ua neeg thoob tsib, yuav tsum tshawb nrhiab tsis muaj chaw kawg li thiaj yog tus neeg, muaj siab ntsws ua qhov tseeb....
Lub tswv yim no muab los pub dawb rau tas nrho ib tsoom tub ntxhais hluas tab tom kawm txuj. los cov kawm tiav tas tseem tsis tau paub meej.

Sacramento,tim27/10/2017.
Yaj Zoov Ntxheb Xib Hwb.

Ua li cas ho hais tias, lub ntiaj teb neeg no, liam thiab qias neeg tas! Lub ntiaj teb no, tseem muaj ntau lub liam li hais no tiag!
Lwm lub teb chaws, mas luag paub thiab hnov lub moo xwb. Hos zoo li Cob Tsib teb, Los Tsuas teb, Phab Mab teb thiab qee lub uas peb paub zoo. Vim muaj peb Haiv Hmoob nyob hauv.
Txij li yus paub thiab hnov los, mas muaj ntau lub, los txog li niaj hnub no, los nws tseem muaj qees li. Nyob hauv cov teb chaws ntawd, muaj ntau Haiv neeg nyob sib xyaws.
Thiab lawv muaj ntau txoj kev ntseeg, raws li puag thaum ntuj tsim teb raug los. Ib Haiv neeg nyias muaj nyias li kab lis kev cai ntseeg.
Haiv Hmoob xwb, los ob kwv tij nyias kuj muaj nyias li, ib txoj kev ntseeg, twb tsis ua li cas li. Tej kev ntseeg no, tsuas yog nyias ntseeg, nyias kom muaj kev noj qab nyob zoo, rau lub cev nqaij thiab nyias cov ntsuj plig xwb.
Ua li cas, txij thaum peb hnov tias, muaj txoj kev cai, Koos Mi niv no los. Cov kev ntseeg no ib Haiv yuav tsim txom ib Haiv neeg loj tas npaum li no lawm tiag!
Tej neeg ua Nom ua Tswv, txwv tsis pub kom ntseeg tej txoj kev tseem ceeb, uas yuav coj neeg los muaj txoj kev sib nyiam sib hlub loj li?
Cov neeg ua luag tej thawj neeg, xws li tej Nom Tswv, lawv yeej paub zoo tias, neeg muaj kev sib hlub thiaj zoo, thiab mloog lus. Cov ua Nom ua Tswv, lawv ntshai tsam neeg zoo, muaj coob muaj ntau lawm .
Ces lawv txoj kev los ua nom, ua tswv no,yuav yuam tsis tau tej pej xeem ua lawv qhev, ces lawv yuav poob ntsej muag, hwj chim mus.
Yog lawv tsis ua neeg coj ncaj ncees tiag, ces lawv yuav tsis tau los ua Nom. Lawv ua txoj tsis paub, tsis pom. Kom zoo muab neeg tej kwv tij, los tej txheeb ze los sib yuam. Kom muaj kev tsim txom rau tej Haiv neeg me.
Kom lawv muaj kev txom nyem quaj ntsuag mus, vim lawv coj cov kev cai ntseeg zoo ntawd. Vim Kev ntseeg zoo yeej muaj kev sib hlub thiab muaj txoj sia nyob hauv, ces yuav yeej cov neeg coj tsis ncaj.
Cov teb chaws nyob hauv qab kev vam meej, li Cob Tsib teb, Los Tsuas teb, Phab Mab los Thaib thiab tseem muaj ntau lub ntxiv!
Cov Nom Tswv ua txoj lag ntseg, dig muag mus tsis paub tsis pom! Nws yog cov coj teb kav chaws, kom pej xeem nyob nyab xeeb.
Nws ua txoj, paub paub Nom Tswv tej kev cai, rhuav pab rhuav pawg tias: Coj lwm yam kev ntseeg yog kev tsis zoo, nws tsis yog kev dawb huv. Yog kev tiv tej Nom tej tswv, yuav ntxeev teb chaws mus.
Kom kwv tij rov yuam kwv tij, Haiv neeg rov yuam Haiv neeg. Zoo li tsoom Hmoob nyob Cob Tsib teb. twb yog Hmoob rov mus, hiam Hmoob ntau xwb.
Tsoom Hmoob nyob Los Tsuas teb, los yog Hmoob rov hiam, Hmoob thiab. Hmoob sib hiam Hmoob, kev txom nyem, kuj yog poob los rau Hmoob tej kwv tij, los Hmoob tej neej tsa tas nrho.
Kev ntseeg, Hmoob yeej paub tias, yuam tsis tau leej twg! Ob kwb tij nyob hauv ib lub xeem xwb, los yeej yuam tsis tau. Hmoob ib txwm coj li ntawd los txog lub zwj ceeb no.
Hmoob yeej paub tias, dab qhuas tsis sib thooj, los koj tsis kov kuv dab. Kuv los tsis kov koj qhua li. Vim li cas Hmoob mus coj kev ntseeg Vaj Tswv Ntuj lawm.
Twb yog txoj kev yuav coj Hmoob los nyob koom siab koom ntsws, kom dab qhua yog tib tug, kwv tij yog ib cuab. Vim li cas koj yuav mus hais qhia Nom Tswv tias:
Lawv coj kev ntseeg Ntuj, lawv yuav tau zoo, lawv yuav ciaj Huab tais! Nej tso lus rau peb mus muab lawv rhuav tshem mus, kom puas tsuaj tas mus no ua dab tsi!
Hmoob lub siab, Hmoob xav kom los coj dab qhua sib txawb li qub. Cov dab qhua txawm coj li qub los koj dab yeej txawv. Kuv twb yog kwv tij mus kiav xeem ua luag dab los Dab twb tsis ua li cas sad yom! Twb tsis zoo ib yam xwb ne!
Lub tswv yim no yeej tsis yog tuaj ntawm dab tuaj li! Yeej yog tus neeg phem xev tawm los, los sis yog ib tug dab siab phem qhia los xwb!
Dab phem kuj txawj cob kom neeg txawj ua phem, neeg rov tsis sib mloog lus. Dab li los ib yam,ib tug dab los yeej tsis mloog lwm tus dab lus li thiab.
Hmoob laig tus dab no tas, los tshuav tus dab tod thiab, laig tus ze tas los tshuav tus nyob deb. Nws ua txoj los ua vij ua swv kom muaj mob. Mus saib yaig yog yus laig tsis txhau. Los yus tsis paub dab lawm, ces rov ua dua xwb.
Kev ntseeg tsis tsim nyog ua li hais no ib zaug li. Nyias coj nyias kev ntseeg, yog coj kom pov hwm nyias. Yus li pov hwm yus. Luag li kuj yuav cia pov hwm luag.
Koj muab luag li rhuav pov tseg tas. dab yuav rov sib ntaus dab. Thaum dab ua plaub mus txog Ntuj lawm no, ho yog koj yog tus ua ne! Koj ho tsis yog dab ne!
Koj yuav ua li cas no! Nco ntsoov tias, neej dab tsis sib haum od. Yog dab tsis yuav koj. Ntuj los tsis yuav koj thiab no, Koj yuav mus nyob qhov twg!
Neeg kuj tsis yuav koj li thiab, Koj yuav ua nkaus li Hmoob hais ntag! Tus dab tus caj tu ces ntawd, ces yog koj li lawm ntag.
Kon yuav mus raws li neeg niaj hnoob hais tias, Koj nyob ces ciaj neeg! Tuag ces mus ces ciaj Dab. Zaum no neej los tsis yuav dab los tsis nyiam, vim koj phem dhau lawm.
Koj yuav tau kev mus thawj thiab, koj yuav mus thawj thiab ua ntxoog raws tsov qab. noj tsov qub haus tsov kua. Thiab ua dab xyw dab tsog, los mus thawj ua kooj kab zaug, quaj xiv nyob qab roob qab ha.
Hais rau tas ib tsoom kwv tij Hmoob,Peb Hmoob yeej coob kawg lawm. Yog vim peb dab qhuas tsis sib thooj, ces Hmoob thiaj sib ncaim mus nyob thoob lub qab ntuj khwb no.
Hmoob thiaj raug poob ua tej haiv neeg tsawg nrog Mab Sua nyob. Txij no mus xav kom Hmoob yuav tau hlub Hmoob thiab.
Mab Sua txawm tsis muaj tus hlub thiab qhuas Hmoob. Los kom Vaj Tswv Ntuj, ib tug tau qhuas thiab hlub Hmoob. Kom Mab Sua tau mus ua dab thawj thiab, nrog cov neeg siab phem, es txhob cia Hmoob mus thawj thiab ua dab ntxoog dab tsov xwb.
Hmoob yuav rov hwm hmoob kom Hmoob tej ntsuj plig tau mus cuag tus tseem poj yawm, uas tsim hmoob tej ntsuj plig los nyob nrog lub cev ua neej. Li yog Qaum Ntuj me nyuam li tej laus tau hais tseg los thiab.
Txij no mus, peb txhob hais tias, yog dab qhia peb es peb thiaj tau muab neeg mus tsim txom. Yog koj mus hais plaub rau dab teb, mas neeg yeej tsis yeej dab ib sim neej li.
Vim dab tsuas ntxias kom neeg ua xwb, dab tsis tau yuam kom koj ua li ntawd. Qhov ua phem rau neeg lub cev thiab neeg tej ntsuj plig, yog tib neeg ua rau tib neeg xwb.
Liam tsis tau rau dab li od! Qaum Ntuj cia neej thiab dab lawv xaiv lawv txoj kev ua phem.
Mab Sua twb tsis nyiam tas nrho koj Haiv Hmoob, Mab Sua muab lus qab zib thiab txhiab puav nyiaj rau ntxias koj, qhov Phem ntawd yog koj tus kheej ua. nco ntsoov luag cov dab pov hwm luag mog.
Koj yuav tsum paub tias, dab tsis ntau dab, li Hmoob hais tias, tsov tsis tom tsov no od. Luag siab pheem tiag, Tab sis luag muaj zoo txiv Muam cawm luag.
Koj ua siab phem ces koj ua rau, koj tus Txiv muam tu siab nrho lawm. Koj tus txiv Muam ntawd, yuav ua li cas rov mus cawm koj. Koj ua phem rau koj tus txiv Muam, tej tub ki tu siab lawm, koj rov thov kom nws zoo siab los cawm koj no, puas yog cia lawm!
Koj yuav tsum paub tias, tus muaj zog tshaj, yog tus tsim neeg los ua neej nyob ntiaj teb no. Koj ua tu tus ntawd siab lawm, koj rhuav nws ib tug me nyuam tus ntsuj plig lawm. koj thov nws, nws puas zoo siab zam rau koj, koj cia li rov ntuas koj xwb.
Yog luag rhuav koj tub ki ne! Koj yuav ua li cas rau luag thiab. koj hnov Hmoob los lus no, lawm los tsis tau?
Hmoob hais tias muag pauv muag, hniav pauv hniav no lai yom. Koj tsoo lug ib tug hniav luag yeej yuav tsoo koj ib tug hniav thiab, txhob ua ntxiv lawm mog.
Tsam lawv dig muag tas, ces koj kuj dig muag tuaj thiab. Koj txhob thwj, lawv ruam mog! Lawv ruam tas, ces tus yuav ruam mus ces yog koj li lawm ntag.
Li no ces luag tej laus hais tias, yog kev khaum lawm no lai yom. Txoj kev yuav mus thawj thiab, peb yuav xaiv txoj kev mus thawj thiab ua npauj npaim.
Txawm yog ib leeg yuav plhis tau ua tus txaij dawb txaij liab, los txaij li cas los xij. Kom peb tau ya mus ua npoj, koom haus ib re paj zib.
Koj tsis nqa ntaj, kuv tsis nqa hmuv, peb haus paj zib txaus peb ya mus ua npoj zoo dua, ua peb plhis mus thawj thiab ua kas, noj nqaij lwj hua kua lwj.
Plhis ua yoov los kuj tseem mus nqus kua lwj ntsauv nqaij lwj xwb. Ua rau neeg ntxub neeg ntxub kawg, neeg tsuag tshuaj rau tuag dub ped vog xwb ua lub neej tsis nrog kev kaj siab li.
Kwv tij, kev ntseeg tsis txawj ua tub qaug leej twg li mog, tsuas yog tib neeg ua tub qaug, rau kev ntseeg xwb od. Kev ntseeg txoj twg, los neeg hais tias ntseeg kom tau zoo thiaj tau Ntuj ntoo no xwb.
Peb leej twg txhob mus rhuav neeg kev ntseeg, Nyias pom txoj twg ntxim nyias siab cia nyias ntseeg nyias. Ua nyias li kev pov hwm cev nqaij daim tawv thiab pov hwm lawv me ntsuj plig.
Nyias khuv khuv xim nyias txoj sia nqa pem ntuj los li. Cia lawv ua lawv lub neej kom kawg, lawv thiaj zoo siab. Yus tsis pub lawv ua neej, yus ho yog lawv ne! Lawv tsis pub koj ua neej no, koj yuav hu leej Twg?
Ntshai sawv daws tsis hais leej twg li. Koj los yuav hu tias, Ntuj aw koj rua muag saib od! Nws, los lawv ua li no rau kuv lawm lauj! Yog Muaj Ntuj tiag ne! Ntuj ho hnov thiab ne!
Ntuj nug koj no,koj ho yuav teb li cas rau Ntuj thiab yod! Koj yuav hais Ntuj tias, kuv tsis paub tsis pom li os! Koj puag dag tau rau Ntuj thiab? Koj puas xav rov dag koj ned, koj yuav hais li cas?
Koj yuav rov teb koj tias, yog, los tsis yog! tau ua lawm los teb li cas? Kwv tij zaj lus yog yus rov qhia yus, mas thiaj yog qhov tseeb tshaj lawm ntag. Khaws cia rau nruab siab, txhob ua neeg liam ntxiv mus lawm mog.
Luag kev ntseeg tsis tau tub qaug rau leej twg li, mas yus kuj yuav hwm luag li kev ntseeg. Txhob nyiam mus ua tub qaug rau luag kev ntseeg.
Tiam neeg twg los koj thiaj tseem yog Qaum Ntuj tus Ntxhais Nkauj Siab dawb thiab yog Qaum Ntuj tus Tub Nraug siab huv, ntxim rau Qaum Ntuj hlub thiab nyiam.
Tas koj sim neej, koj tau ua neeg nyob ntiaj teb no. Koj thiaj muaj txoj hmoo, rov mus cuag rau tus tseem poj tseem yawm tsim noob neej tuaj rau ntiaj teb no.

Sau hnub tim16/10/2017.
*Yaj Zoov Ntxheb X.H.

Tas neeg ntiaj teb, tsis hais Haiv neeg twg li. Sawv daws yeej nyiam kev ua txhaum, kev ua txhaum yog ib yam phem tshaj plaws.
Ntuj los tsis nyiam, hos neeg los ntxub. Vim nws yog kev ua tub qaug Ntuj thiab tub qaug rau neeg, los tub qaug rau txhua yam uas Ntuj tau tsim los nyob ntiaj teb no:
Kev ua txhaum, yog kev thuam Ntuj los thuam neeg yam loj kawg nkaus. Tab yog tej kab mob uas neeg pom tsis tau los yeej ua tub qau rau thiab.
Thiaj muaj mob uav, mob ruas, los mob Ej mob kas cees. Thiab ua rau neeg mob ntshav qab zib, los mob ntshav siab, ua rau neeg mob plawv, raum tuag thiaj tau txais kev ploj kev tuag mus.
Vim leej Tib Neeg nws tsis kam zam rau leej twg li, Leej tib neeg, nws ruam, nws txhais los txais tsis tau tej lus lwm tus hais los xwb.
Los nws muab ntaus nqi mus ua kev txhaum, ua tub qaug rau nws tib si mus. Vim nws tsis kam zam rau leej twg li, nws tseem tau muab cuab kom muaj ntau tshaj li luag hais los thiab.
Thiaj ua rau kom neeg muaj kev tsis sib haum xeeb. Ib leeg ncaim leeg mus, nyob tsis taus ua ke. Los tsis sib raug zoo, rau luag los lawv.
Tej kev ua txhaum rau neeg tu siab loj, mas tseem yog ua rau tus nyob ze nws thsaj. tau txais tej kev tu siab mob siab no mus:
Yog hais ib zaj tseeb, mas yuav tau muab ob tug txij nkawm, nkawd lub neej los txhais mus, thiaj to taub tias puas yog tseeb li hais no!
Txoj kev txhaum ua rau tus neeg tu siab loj tshaj, mas yog tus neeg, los cov neeg nyob ze nws tshaj, thiaj ua rau lawv tu siab loj dua ntais.
Vim tias, yog tus nyob zej tshaj ntawd, yog tus hlub thiab nyiam nws tshaj. Pab txhua yam, kom nws muaj kev zoo siab thiab nplij nws txhua lub caij.
Yog ib tug ntawd, tau ua kev txhaum lawm, ces tus nyiam thiab hlub los pab nws ntawd. Ris tsis tau lub nra kev ua txhaum ntawd mus.
Thiaj ua rau nws yog tus tu siab loj tshaj li hais no, tus txij nkawm ntawd, yog tus nkawd ob leeg tau sib xaiv los nyob ua ke. Kom muaj kev sib hlub sib pab daws txhua yam teeb meem pob caus uas muaj nyob hauv nkawd lub neej.
Ib tug cia li ntxeev nws lub siab mus hlub lwm tus lawm. tseg nws nyob ua neeg txom nyem tsis raws li tej lus thaud, nkawd sib cog lus cia.
Nws tseem tau liam kev ua txhaum tsis caj ncees, rau tus ntawd. Ua rau nws muaj kev tu siab nrog kev txom nyem suav hnub suav hmoo loj zuj zus tuaj.
Ces ob leeg, los ob tog tib si plam kev hlub kev sib raug zoo mus, uas tau npaj los txog ib nrab neej li no. txhua yam kev hlub kev nyiam uas muaj los cia li plam nrog ib tug kev ua txhaum mus tas du lug lawm.
Neeg tej kev ua txhaum no, ua rau leej Tib Neeg lub cuab yim plam mus tas. Kuj ua rau tsoom tub ke muaj kev txom nyem ntau tuaj.
Tsoom kwv tij neej tsa los muaj kev sib ntxub, ib pab saib ib pawg yog neeg caj ces muaj keeb txhaum. Tub qaug rau kev neej kev tsav ob tog tsis sib raug zoo.
Tsis yog ob tug muaj kev ua txaum ntawd lawm xwb, kis mus tas cuab kwv tij tej tub ki txhua tus tib si. Li ntawd, thiaj hais tau tias kev ua txhaum no, yog kev ua tub qaug rau Ntuj thiab rau neeg sawv daws.
Peb phiaj neeg nram qab no los kuj tib yam, nyiam kev ua txhaum:

A. Cov ua Nom ua Tswv los nyiam kev ua txhaum ib yam nkaus, Lawv ntshaw lub hwj chim koob meej loj. Lam txeeb ua tus thawj neeg. Nws coj li tus neeg tsis paub cai, nws ua neeg tsis thoob tsib.
Tsis muaj kev ncaj ncees, txawj hlub, txawj hwm neeg. Nws ua rau lub teb chaws nyob tsis thaj yeeb. muaj xaiv lus plaub ntug ntau.

B. Cov tuam Los Pav los lawv zoo sib xws, xav kom muaj nyiaj thiab cuab tam ntau. Lawv yuam thiab dag cov pej xeem ntau.
Nws muab nyiaj tsis txaus, siv neeg ua qhev txhua yam, kom tsam paj tsam peev. Qee tus nws ua txoj muab nyiaj los plooj cov tub zog qhov muag.
Ua rau cooj leej nyob tsis thaj yeeb, thiaj muaj neeg siv siab phem los ua tub sab tub nyiag coob. Vim nws xav tias, nws yuav nplua nuj loj mus.
Tab sis nws hlub cov neeg pluag tsawg kawg, thiaj muaj tub sab tub nyiag sawv los nyob puv zej zog li sawv daws tau pom los mus no.
Tsis yog tias pab neeg tub sab no, yeej yug los ua tub sab mus li ntawd. Puav leej yog txhawv hauv sawv daws kev ua txhaum los tas tib si.
C. Vim yog kev ua txhaum coj sawv daws ua li no, Cov ua pej xeem, lawv pluag noj pluag hnav tuaj. Neeg thiaj xyaum ua luag txhaum cai, kom tau ua neeg nplua nuj tuaj.
Thaum no, ces tej Nom Tswv thiaj tsim kom muaj tsev loj cuj los kaw tib neeg. Luag ho tshaj tias, cov neeg raug txim yog neeg tsis ncaj ncees tuaj lawm thiab.
Tej no huv tib si puav leej yog, los ntawm Leej Neeg kev tsis ncaj ncees, ua txhaum tib si los. phiaj neeg ua luag tus thawj neeg los ti nkaus ,rau tus me nyuam neeg ua pej xeem.
Yog hais raws tus kev ncaj ncees, mas suav tau tias sawv daws phem sib xws li. Tus neeg siab ncaj, mas yeej muaj Tswv Ntuj lub txiaj ntsim nrog nws nyob. Nws thiaj ua ncaj tau.
Haum li Tswv Ntuj lub siab nyiam thiab zoo rau neeg qhuas.
Zaj lus no yog sau los ua leej Tib neeg sawv daws kev kawm. ua neeg paub tab. Kom nyias txawj kho nyias tus kheej, kom lub Sim Ceeb neeg nyob thaj yeeb.
Ua tau lub neej lom zem, kom tsim nyog rau nyias qhuas nyias tus kheej yog neeg tsim txiaj nyob muaj koob meej nto moo lug mus tsis tag tsis kawg.
Yog kev nyiam kev hlub kev zam thiaj rhuav tau kev ua txhaum pov tseg mus, rau qab ntuj to qhov hauv ntuj to ntshua mus kom ntsej tsis hnov muag tsis pom. ploj qab ntais.

sau hnub tim 12/10/ 2017.
*Yaj Zoov Ntxheb X.H.*

Txoj kev xyaum ua neeg siab dawb, los ntawm ob peb txheej neeg los:
1.Txoj kev ntawd, txhawv los ntawm, tej Pog los tej Yawg thiab tej Nim tej Txiv los. Uas lawv muaj keeb kwm xyaum ua neeg zoo, los ob peb tiam ntawd los lawd.
Cov no, vim lawv xub muaj tej tus xyaum tau, ua neeg zoo los lawm ntau tiam los. Ces tej tub ki xyaum tau coj raws li caj ces, ua tau neeg siab dawb.

2. Cov uas tsis tau muaj keeb kwm zoo los, nyob hauv cov tub ki, muaj tej tus neeg tswv yim zoo. Nws thoob tsib thiab ntse, nws tsis nyiam, tej kev tsis tsim txiaj.
Nws xyaum nws tus kheej kom tsim txiaj thiab ua tau neeg siab dawb huv. Nws tau xav thiab hais li cas lawm, mas nws ua kom tau li nws tus npau suav.
Ces nws hloov tau raws li nws tus npau suav, nws nyob tiaj tus. thiab nyob thaj yeeb. Cov neeg siab dawb li hais los saum no.
Lawv coj ncaj, rau nyiaj txiag thiab coj ncaj, rau tsoom poj niam. Lawv paub hlub cov neeg txom nyem, lawv tsis ua tub qaug rau cov neeg tsis muaj zog.
Ib tug neeg siab dawb lawm, yeej yuav muaj neeg cav thiab qhuas txog nws kev dawb huv. Thaum luag cav thiab qhuas txog nws lawd, cuag li nws yog neeg muaj hmoo.
Muaj neeg nyiam thiab tso siab rau nws coob kawg, Thaum nws hnov luag cav nws lub koob meej tias: Nws yog neeg siab dawb.
Ces nws cia li ntse thiab ua neeg thoob tsib dua qub tuaj. Tus neeg siab dawb no, ntxub txoj kev ua neeg noj nyiaj. Thiab ntaus tswv yim mus qee luag teej tug los siv.
Nws tsis nyiam cov neeg txawj ntaus tswv yim ua ub ua no, kom tau qee nyiaj ntawm tej hlob coj mus siv. ua tsis tau hawj lwm tawm los, hais tias poob peev lawm.
Vim muaj ub muaj no cuam tshuam, los tsis zoo sij hawm! thiaj tau poob peev ua tsis tau tawm los, qhov tseeb yog muaj lub tswv yim dag kom tau noj dawb.
Tus neeg siab dawb, nws tsis tham hluas nkauj. thiab nws txawj caiv cawv tsis haus kom qaug. Nws tsis qhuas nws tus kheej ua neeg ntse.
Nws tso siab lug, luag yuav qhuas los cia luag mam qhuas luag. Nws tsis nquag mus saib tsom iav li tus neeg nyiam taug kev plees thiab khav theeb.
Txoj kev xyaum nua neeg dawb, muaj ntau qib lus pab coj kev kom tau ua zoo. Kuv yuav hais peb qib ua lub lauj pwm khov los coj kom ua tau neeg dawb huv:

A. Txij hnub niam txiv muab nyab rau yus lawd, txhob ntshaw mus tham hluas nkauj. Koj thiaj tuav tau koj lub hwj chim ua neeg dawb huv mus kav laus.
Thiaj ua tau tus qauv zoo, rau tej tub ki thiab tej xeeb ntxwv mus rau lawv pom. Yav tom ntej tias, peb tus yawg koob yog neeg tsim txiaj.

B.Txhob ua neeg ntshaw noj nyiaj, uas yus paub, paub kev ntaus tswv yim. Mus qee tej nom tswv nyiaj los tsim ub tsim no.
Ua nyiaj poob peev tas mus, ho hais tias, vim sij hawm tsis zoo. Los muaj yam ub yam no, los cuam tshuam rau lawm, ces thiaj raug poob peev tas mus.
Hauj lwm tsis tiav, nyiaj them rov qab, los tsis muaj. Los yus tseem qhuas yus tus kheej tias, yus muaj peev xwm nrhiav tsim tej yam tshiab.

C. Txhob ua neeg nyiam haus cawv,ib tug neeg muab cawv los pleev qhov muag, mas nws nws yog tus neeg nyiam kev hais lus tsis tseeb.
Muaj kev txhaum thiab tsis muaj, los nws tsis ceev faj, nws lub meej mom hwj chim. qeev zaus nws cia li hais, tawm los tej yam tsis zoo uas nws tau xwb tim ua los lawd.
Los nws cia li qhia nws tus kheej rau luag tias, nws ua tsis ncaj los nws xwb tim ua lawm. Qhov nws tau zais ntshis rau nws nruab siab, nws tau muab qhib plho rau luag paub tas.
Nyob hauv peb qib lus hais los saum no puav leej tawm hauv txoj kev nyiam ua neeg dag los tas nrho! Tus neeg dawb huv, mas nws hais li cas, mas nws yuav tsum ua kom tau raws li nws tus npau suav.
Nws muaj ib txoj kev ntseeg nyob hauv nws nruab siab tsis hais tawm los, los nws yeej yog neeg hwm Ntuj. Thiaj nyiam ua neeg siab dawb. Thiaj txawj hlub txog cov neeg txom nyem.
Tus neeg coj raws li neeg siab dawb, nws yeej yog neeg muaj hmoo. Nyob ntiaj teb no, los nws muaj hmoo, lwm tiam los nws kuj muaj hmoo.
Tus neeg muaj hmoo, muaj txoj kev hlub neeg thiab coj nraim li yog tus neeg siab dawb. Mas nws muaj zog yeej kev ua txhaum txhua yam laj tib si.

Sacramento, tim25/10/2017.
* Yaj Zoov Ntxheb X.H.*

1 THAWJ NTU.
Tsis hais ib Haiv neeg, los ib pab kwv tij twg li, Txoj kev sib cais ua tsheej pab tsheej pawg li Hmoob coj. Tsis hais Dab Qhuas los kev Ntseeg, los kev coj noj coj ua li tej Koom Haum tau los lawd.
Uas muaj kev sib tawm tsam, hais txog kev tsis ncaj ncee, leej twg tau ua tus thawj los coj thiab ua thawj neeg rau Tsoom Hmoob.
Pheej yuav sib tawm tsam hais txog kev noj nyiaj tias, koj tsis zoo, kuv thiaj zoo no. Peb tsis paub txog li! Nws yog ib txoj kev uas Hmoob rov rhuav Hmoob.
Kom muaj kev sib ntxub, tsis sib raug zoo, ua rau luag lwm Haiv neeg paub thiab pom tias, Hmoob tseem tsis tau yog ib Haiv neeg muaj txuj ci thiab txawj sib hlub, nyob hauv nws Haiv neeg.
Peb Haiv Hmoob yuav tsum kawm kom paub, tso txoj kev sib tawm tsam no pov tseg mus. Nyob hauv Keeb Kwm Hmoob,yeej ib txwm muaj, txoj kev sib tawm tsam no los.
Ntxov ntxov, thaum muaj Hmoob Txiv Yawg li Keeb Kwm los lawm. Ze lub zim txwv Yes Xus yug los ntawd. Hmoob yog thawj Hais neeg muaj peev xwm loj nyob sab ntuj As Xias.
Thiab xub Vam Meej ua Ntej Suav Faj Tim lawv, Lub zim txwv ntawd. Hmoob twb txawj ncuav tooj ncuav hlau. Los ua cuab yeej ua tsov rog lawm, Suav tseem siv tog qws ntoo thiab puab taig nyuj, puab tsaig twm, tuaj ntaus Hmoob xwb.
Txiv Yawg twb muaj kab lis kev cai dab qhua teev hawm los lawm. Nws sau tau 9 pab txwj laus Hmoob, los koom ua ib Haiv neeg.
Hu ua Hmoob 9 Lig Ntuj no, Txiv Yawg Muaj Hwj Chim loj, li yog Hmoob thawj tug Huab Tais Hmoob lawm ntag. Thaum Txiv Yawg,tas Hwj Chim mus, kuj yog vim Hmoob muaj kev sib tawm tsam cais pab cais pawg, li peb paub thiab pom li niaj hnub no ntag.
Thaum Txiv Yawg Tas Hwj Chim mus lawd, tom qab ntau
xyoo los mus. Hmoob tsis koom siab lawm. Ces Vwj Paj Yig sawv los muaj Hwj Chim dua.
Vwj Paj Yig thiaj hu tau peb tug Txwj Laus, los koom ua ib pab. mam hu ua peb Haiv Hmoob no los. Vim Hmoob muaj kev sib tawm tsam, nyias muaj nyias pab pawg. Ib pab tsis mloog lwm pab.
Txij thaum ntawd los, ces Hmoob koom tsis tau ua ib pab ib pawg los txog lub zuj ceeb no. Cov Suav,tuaj txeeb Hmoob liaj ia mus, ntawm ib pab pawg tod, los tsoom Txwj Laus Hmoob kuj tuaj pab ib vuag dhau mus lawm xwb.
Thaum lub zim txwv muaj kev kub ntxhov li ntawd tas, ces nyias rov mus nyob nyias ciam dej ciam dej ciam av lawm.
Tu ncua kev sib txib sib hu, los sib pab cuam. Vim muaj kev cais pab cais pawg, li peb pom cov koom Haum los cov kev ntseeg uas Hmooj coj li niaj hnub no ntag.
Ib tug neeg coj sawv daws nyob cais pab cais pawg li ntawd, nws yog neeg twm zeej twm kawv. Thiaj nyiam kev cais pab cais pawg mus kom nyob sib nrug deb.
Ua tej pab pawg tsawg tsawg li no, noj tsis hlub leej twg! Nws ua neej nyob los tsis haum neej, nws txawm tuag mus los kuj tsis haum dab ib yam nkaus.

2. NTU OB.
Txoj kev sib hlub nws yog txoj kev muaj zog loj heev, tus neeg muaj kev sib hlub. Nws hais ib lo lus, muaj zog npaum li 1 vam leej neeg qw ib suab. Nws lub zog loj li Xob nthe ib rhe, los loj li Zaj npaum ib lub roob kiag.
Vaj tse zej zog, cia li txhawv los cuag li nceb tuaj, muaj muaj nyob puv roob puv hav. Muaj neeg coob los nyob poo nrog nws. Ua rau txhiab txhiab Vam vam leej nyob kaj nyob huv.
Neej los hwm, dab los ntshai, zej zog nyob huaj vam ntws. Tam li xub ntab, los xub muv huam vam. Ntiaj tog qaum pes cav nws lub koob lub npe ncha ntws.
Yam nws tau ua, nws ua kom Hmoob, muaj suab npe nrov zoo. Rau Mab Sua tau hwm Hmoob ua ib Haiv neeg thoob tsib to nrog rau ntiaj teb neeg paub thiab pom.
Qhuas txog Hmoob kev ntse tshaj lij, thiab Hmoob kev thoob tsib ua neeg dawb huv. Muaj kev sib hlub, cog khov cog ruaj nyob hauv Haiv Hmoob.
No, yog txoj kev ua rau ntiaj teb Mab Sua saib taus tias, Hmoob yog ib Haiv neeg, muaj siab muaj ntsws zoo li Yog Qaum Ntuj me nyuam.
Hmoob txawm tsis nrog Mab Sua, muaj teb chaws nyob, los kom Hmoob muaj feem thiab muaj hwj chim ib yam li tej Mab Sua.
Hmoob txawj hlub Hmoob tas, ces Hmoob txawj hlub tej Mab Sua, li yog Hmoob kwv Hmoob tij los yog Hmoob li txheb ze!
Kom Haiv Hmoob no, mus nyob txog qhov twg, los Hmoob yog Qaum Ntuj me nyuam, ua Ntuj ib co Tiam Lis, Coj Ntuj li kev nyiam kev hlub los pub rau ntiaj teb neeg txhua tus pom.
Thiab ua Tim Khawv tias, Hmoob muaj kev hlub nyob hauv Hmoob Haiv neeg. Kom Hmoob txhob muaj ib tug qauv tias, Hmoob yog ib Haiv neeg ruam ruam tsis paub cai, li tej tsiaj txhu uas lawv tseem noj nyom xwb.
Hmoob txawm nyob ntau lub teb chaws, Hmoob tau faib ua ntau pab: Nyob Suav teb, Cob Tsib, Los Tsuas, Thaib,Mes Kuj, Fuaj Kuj, tsuav yog nyob haum txhua Haiv neeg.
Nrog Mab Sua ua dej num sib luag, nplua nuj ib yam lawm. Ces Hmoob twb muaj feem ua Faj Tim, uaTxoov Kav los ua Txoov Tswv tim. Li Hmoob muaj teb chaws lawm thiab.
Hu ua tus Hmoob no, nyob thoob plaws daim av luaj pua no. Haiv Hmoob tsis yog tsawg, yog suav kom tas nrho tus muaj lub npe thiab Keeb Kwm tias, yog Hmoob.
Mas ntshai twb muaj npaum li Cob Tsib, Los Tsuas thiab Thaib teb tib sib ntawm cov npoj tib neeg. Ua li mas thov kom Hmoob hwm Hmoob lub npe ua neeg txawj sib hlub.
Tsis txhob nrhiav kev los sib cais pab cais pawg mus ntxiv lawm. Peb Hmoob txawm cais pab cais pawg mus ua pes tsawg pab, los koj tseem yog Hmoob li qub.
Keeb Kwm yeej los ntxov ntxov los lawm, Koj pab los yuav plhis tsis tau. Lawv pawg los kuj Plhis tis tau thiab, kho lub npe Hmoob no, kom rov qab nrov zoo tuaj tias:
Hmoob tsis yog ib Haiv neeg phem dua tej Mab Sua nyob ntiaj teb no. Txhob muab kwv tij los sib cais, muab kev dab qhuas thiab kev ntseeg los sib cais tias:
Koj pab los lawv pawg thiaj zoo, Kev Dab Qhuas thiab kev Ntseeg. Thuam tsis nyog, txhob saib tsis taus, Tej ntawd, yog Qaum Ntuj li ntiag tug.
Tsim kom muaj los ua kev pov hwm, pov yawm Hmoob kev noj qab nyob zoo xwb. Rau lub cev nqaij thiab tus Ntsuj Plig. Tsis yog kev ua tub qaug rau kwv tij los caj ces ib tug neeg twg li.
Ib tug neeg zoon nws yuav tsum muaj ib txoj kev ntseeg los coj thiaj hloov tau los ua ib tug neeg zoo tiav.
Tus neeg phem uas Qaum Ntuj tsis yiam, neeg los ntxub yog tus zoo li cas?
Yog tus neeg uas nws tsis muaj ib txoj kev ntseeg nyob rau hauv nws nruab siab li. Tus no ntag, nws tus Tswv Ntuj ces yog nws lub plab nkaus xwb.
Thaum nws tsau plab los lawd, nws kuj yog neeg zoo xws li luag. Thaum nws tshaib plab tuaj lawm, nws hloov mus ua dab kiag tam sim ntawd tau!
Nws txawj mus tho luag qhov Vaj qhov tsev, ua tub sab nyiag noj nyiag haus. Ntuj los tsis ntshai dab los tsis hwm, neeg los saib tsis taus li, muaj npaum li cas los tsuav yog yam zoo ntim rau nws lub plab tau.
Ces nws nyiag kom tas, tsis txawj hlub leej twg, tsis paub luag kev khwv, thiab khuv xim npaum li cais! Luag yuav cia txuas pluas hmo, los pluas tshais, rau luag tub luag kiv.
Luag tsis pom, ces nws nyob kaj nyob huv, li ib tug neeg dawb huv zoo. Yog muaj neeg pom lub caij los sij hawm zoo, mas nws kuj txawj tua neeg pov tseg.
Tseem tshaj li nws yog, ib tug tsov, tuaj yeem noj nqaij neeg nyob rau nruab zoov nruab tsuag thiab.
Zaj lus no, yog xav ceeb toom rau ib tsoom Hmoob! Cov ua thawj neeg coj noj coj ua, thiab coj dab qhuas los tuav kev ntseeg rau Haiv neeg Hmoob sab Ntuj Plig dawb huv.
Lawv tej ntsuj Plig, kom fab Lwm tiam, tau mus thawj thiab, los mus thawj tau tus zoo Poj zoo Yawm. Uas yog tus Poj Koob, Yawm Txwv zoo.
Sawv daws yuav tau paub tias, Kev sib cais pab, cais pawg no, tsis yog kev zoo. Yog ib txoj kev liam sim,sib ncaim mus rau ntuj txias teb tsaus.
Sawv daws yuav tau hloov siab ntsws tig mus nrhiav txoj kev sib hlub. Thiaj yog txoj kev muaj zog rau ib Haiv neeg, uas lawv tau txom nyem los tau ntau txhiab ntau pua xyoo li hais los no lawm.
Haiv neeg Hmoob no, raug lwm Haiv neeg tsim txom quab yuam, raug kev quaj ntsug. Luag caij tsuj ntev npaum no xyoo los. Ua cas tus yuam thiab txov Hmoob kom liam sim mus.
Tseem yog tus txheeb ze, hu ua Hmoob, nyob nrog Hmoob, koom roj koom ntshav ua ke los. Nws yog tus ntxub thiab tau tsim txom Hmoob. Los yuam Hmoob nkaus li xwb li.
Txij no mus thov mog tsoom txheeb ze, uas peb koom ib co Ntsuj Roj Ntsuj Ntshav ua ke, los ntawm ib tug Pog tug Yawg los.
Uas yog thawj tug muaj lub npe hu ua Hmoob. Thov kom tso Hmoob cov Ntsuj Plig no, mus thawj thiab rau Hmoob tus zoo Poj Yawm lawj!
Es tsis txhob mus thawj thiab ua poj ntxoog los mus thawj ua dab taws teeb ntxoog taws tsau. los mus thawj ua me kooj kab zaug mam quaj xiv rau peb hnov lawm xwb os!

Sacramen to, tim 18/10/ 2017.
*Yaj Zoov Ntxheb X.H.

Xyoo no peb noj tsib peb caug, xyoo 2018 tas, mus txuas rau xyoo,2019 no. Thov kom Ntuj Niam Ntuj Txi foom, lus zoo rau sawv daws:

->.Cov txiv tsev, cov niam tsev, cov tub cov ntxhais hluas, hlob yau txhua tus.  Kom lub xyoo tshiab no tuaj, txhua tus tau ntsib kev noj qab nyob zoo.
Dej tshiab los tau haus, qav tshiab los tau noj. Txhob muaj kev txiab xeeb luj lam, txhob muaj kev txhawj xeeb raug kev ntxhov siab, ntxhov plawv.
Ua qoob ua loo, ua laj kam, los kom sawv saws khwv tau txaus noj txaus haus, mus thawm niaj thawm xyoo.  Muaj noj muaj haus mus kav laus no.
Lub xyoo tshiab no tuaj, kom Tswv Ntuj pov hwn txhua tus.  Kom nej sawv daws tsuas muaj kev ntseeg ruaj khov, nyob ua Ntuj me nyuam tsim nyog rau Tswv Ntuj hlub thiab qhuas.
Kom dawv daws zam dhau kev ua txhaum, uas yuav ua tub qaug rau Ntuj thiab tub qaug rau neeg ntiaj teb. Kom sawv daws tsuas nrhiav kev ua neeg dawb huv.
Kom lub xyoo tshiab no tuaj, tas nej sawv daws ua neej nyob, kom tawg paj los tshiab txi txiv los qoos.  Kom lub ntiaj teb txhua yam kev ntseeg, tej koom haum kheev nqi rau nej txhua tus uas yog Ntuj me nyuam dawb huv.
Tuaj thov thiab yoog nej mus ua qauv, kho sab Ntsuj plig kom zoo rau Tswv Ntuj nyiam thiab hlub. Kom Tswv Ntuj zam txhaum rau lub sim ceeb no.  Kom lub Sim Ceeb neeg dawb huv txia tau los ua Tswv Ntuj lub Ceeb tsheej.

->. Dhau qhov no mus, kuv yuav hais txog neeg tej vij tej swv.  Uas peb hnov muaj npau to nyob ntiaj teb no.  Yog tus phem tuaj ntxias, kom neeg ntiaj teb, kom sawv das ua kev phem kev qias, kom Leej Tib neeg tsis huv tuaj.
Kom tswv Ntuj muaj kev tu siab, ces tib neeg muaj kev sib ncaim mus ua ntau pab ntau pawg. Muab kev sib hlub tso pov tseg.
Tsim kev sib ntxub, los ua kev sib tawm tsam, mloog tus dab phem tej lus qhia komsawv daws muaj kev sib ncaim.  Nyias tsa nyias ua tus loj cuag li nws yog tus Tswv Ntuj.
Kom neeg kho tsis tau, ces neeg sib ncaim, tej no yog dab phem zaj tswv yim qhia cob los ntawm tus phem.  Kom Neeg tej Ntsuj Plig plig poob mus zwm rau Dab Phem tas nrho.
Tej no yog tus Phem qhia los, vim tus phem nws paub tias Tswv yog tus zoo tas nrho txhua yam. Cov vam txog Tswv Ntuj thiab mloog Ntuj lus lawv yuav zoo cuag li Ntuj cov Tshiab nyob saum ntuj.
Ces nws khib rau neej thiab ntxub Huab Tais Ntuj, nws thiaj ntxias kom neeg ua kev phem, kom tai sib ncaim. Kom txhob tau ua Ntuj me nyuam. Tsam neeg yuav tau zoo tshaj cov dab phed lawm.
Peb yuav paub tias, tas txhua haiv neeg puav leej yog Ntuj li me nyuam tas tib si. Peb yuav tig rov los ua Ntuj me nyuam.
Txhob swb rau dab phem tej lus haub ntxias peb.  Tej yam dab cev rau peb yog kev haub ntxias, kom neeg ntiaj teb tau ua kev phem mus tib si.

Sacramento.          
Yaj Zoov Ntxheb Xib Hwb.

1. Kev hlub yus tus kheej, nyob nrog keb ntseeg. Thiab kev noj qab nyob zoo. Kev hlub yus tus kheej tsis yog kev, yuav sib twv kom muaj yeej nrog lwm tus neeg.
Uas ua kom luag cav lus zoo txog tias, yus ntse thiab tshaj li, los txawj thiab heev tshaj lauag tej lawm.
Thiaj mam yog kev hlub rau yus tus kheej, kuj tsis yog kev hlub yuav ua nkauj ua nraug. Los yog kev haus dej haus cawv, kom muaj kev lom zem xauv npo, thiaj yog txoj kev uas yus hlub yus tus kheej.

2. txoj kev hlub yus tus kheej, nws kuj tsis yog kev muaj nyiaj txiag ntau, noj tsis tas tau siv luam thuam mus rau txhua txoj kev.
Nyiaj txiag tsim tsis tau kev hlub, Tus neeg siv nyiaj los muas kev hlub ntawd. Nws yog neeg cuab ntxiab los cuab yej, kom rov mag nws tus kheej tau kev nyuaj siab.
Koj yuav tsum paub tias, kev cuab ntxiab, mas luag tseem txawj cuab ntxiab dua koj! Koj cuab koj rau w, ces luag khaws tau noj dawb.
Hos luag cuab ces koj xav tias, koj rooj ntxiab muaj zog tshaj, koj rooj mas yeej yuav txhais los mag tau yooj yim dua.
Koj li nws tsuas mag tau, tej nyuag nas ntsooj nas kauv xwb. Luag cuab, mas luag cuab kom mag kiag koj ntag. Yog txhais lawm mas yeej mag tau kauv npua teb dais los muas lwj.

3. Cia muab ib txog sab sij huam, neeg nyob teb chaws vam meej thiab neeg nyob teb chaws qab kev vam meej, los ua piv txwv hais thiaj paub zoo!
Ib tug txiv neej nyob teb chaws vam meej, nws muab nyiaj daus las. Mus mus rau w, cuab ib tug ntxhais hluas, nyob hauv lub teb chaws tsis vam meej.
Tus muaj nyiaj Daus Las. nws xav tias nws rooj ntxiab mas khov kawg, yuav mag tau ib tug ntxhais nkauj xwb zoo nkauj heev.
Tus ntxhais nkauj xwb no, nws muab nws kev zoo nkauj thiab kev dag los cuab li cuab yej xwb. Ob leeb mus suav, rooj yej ntawd mag tau nyiaj daus las ntau kawg.
Hos tus txiv neej muab nyiaj Daus Las mus cuab ntawd, nws rooj txhais qhuav. Nws cuab qee zaum mag thiab, tsuas mag tau nas ntsooj nas kauv xwb.
Hos luag li ua cas mag tau npua teb dais tib si, luag noj seem noj so, tseem txaus faib rau lwm tus muaj lwm nplooj siab nrog noj ua ke thiab.
Yus li ces mag tau nas ntsooj nas kauv xwb tsis taus faib rau leej twg noj. yus tseem yuav thov los qee lawm tus li los noj thiaj txaus yees.

4. Kwv tij, txoj kev uas koj yuav hlub koj tus kheej tsis yog kev mus cuab ntxiab, hais lus cuav. Txhob xav tias, yuav tau noj dawb. Txoj kev cuab ntxiab no, tsis yog txoj kev koj xav tias, yuav hlub koj tus kheej li od.
Hmoob muaj lo lus no hais rau kev kwv kev tij tias:
Koj qaib pw kuv cooj, kuv os pw koj nkuaj no. Txhais hais tias, peb yog neej yog tsav. Koj txhob saib tsis taus kuv. thiab kuv txhob saib tsis tau koj no laid yom.
Peb mus sib caws ntxiab caws yej li no, muaj lus xaiv lus plaub ntug ntau. Leej twg thiaj yuav mus daws tau, peb yuav ua kom, kev neej kev tsav, tsoom kwv tij muaj lub ntsej iab muag tshiab nyob ua kev.
Rog rau peb kev sib hwm sib hlub raws li lo lus Hmoob hais tias: Hmoob li, qaib os sib hloov, chaw pwv ua kev no yom! Tej no tiag yog yus tsis txawj hlub yus tus kheej ntag.
Peb sawv daws yuav txhob xyaum mus cuab ntxiab cuab yej lawm. Tej no yog kev tsis paub tab yuam kev xwb. Tus nyiam mus cuab ntxiab ntau.
Mag tsis tau tus tsiaj tus txhuv zoo tua noj li, kawg mag tau vij sub vij sw. los rau poj tub se thiab cuab kwv tig ua nra rsi hnyav nkag qees xwb, tso tseg zoo dua.
Tus nrhiav kev hlub, yog nws tsis txawj nrhiav, thiab tsis paub nrhiav. Yog tus nws tsis txawj ntseeg nws tus kheej. Mas nws yuav nrhiav tau kev txhaum thiab kev khaum.
Nws tsis txawj hlub nws, tsuas nco kom luag hlub nws ua ntej xwb. Nws ntshaw koj poj niam los luag tej ntxhais hlub nws ib tug kheej li no.
Mas yog ib txoj kev uas luag hais tias nws tsis muaj hlwb lawm no. Yus twb tsis muaj txaus noj txaus haus. Yus noj qhov seem, paw qhov seem tej me nyuam pw tas seem qhov twg yus mam pw qhov ntawd xwb.
Muaj me ntsis daus Las xwb los xia plias kev mus cuab ntxiab li no. Yog cov neeg tsis muaj hmoo lawv thiaj nyiam mus cuab ntxiab, saib puas tau noj dawb.
Kwv tij leej twg xav ua tus muaj hmoo, mas nws yuav xub ntseeg nws ua ntej tshaj, mam li mus ua lwm yam, thiaj raug phiaj los yog qhov tseeb. yeej tsis muaj txoj hmoo li.
Yog koj twb tsis ntseeg koj lawm, ces yeej tsis muaj hmmoo li. Ua mus los yeej yuav yuam kev. Thaum koj paub tais daws tsis tau kev txaj lawm, ces kawg ua li tej laus hais tias:
Mus de ntsis nroj, rov tuam tshoj kom thiaj yog txoj kev tau zoo xwb
Kwv tij Hmoob zaj lus no, yog lus qhuab qhia zais ntsis nyob rau nruab siab txhob hais tawm rau sab nraud li. Tus xav tau zoo lawm, ces khaws mus kawm.
Khaws dawb tau xwb od, tsis yuav leej twg ib xas leem liab li nawb!

Sacramento,tim 19/10/2017.
*Yaj zoov Ntxheb X.H.*

Kev ntseeg nws tawg ntau lub paj thiab nws kuj txi ntau lub txiv. Li no mas Leej tib neeg thiaj muaj ntau leej, ntseeg yuam kev, ua ntau pab ntau pawg mus.
Muaj txoj kev ntseeg tseeb thiab muaj txoj kev ntseeg tsis tseeb. Mus ua txooj sib law sib liag li peb sawv daws tau pom neeg coj niaj hnub no.
Txoj twg los puav leej tawg tau paj txi txiv tau:
1. Tus ntseeg tau txoj zoo thiab tseeb,nws cuag li muaj hmoo kawg. Nyob tau lub siab kaj lug, noj los hnov qab,pw los tsaug zog zoo.
Ua yam twg los cuag hmoov muaj, nws zoo li neeg muaj hmoo tiag. Khaws tau pov haum dawb los coj, ua yam twg twb nce tes.
Nws tsis muaj txiab xeeb lwj liam, muaj lub ntsej muag tshiab. txawj hais lus. paub kev hwm ntuj hwm neeg. nws mus txog twg, los zoo puav tam li yog Nom tub los nom txwj nom laus.
Nws paub qab tog hauv chav, hais lus saib taus leej hlob mus thoob leej yau, nws tsis khaws kev khib, cib nyeej rau leej twg.
Nws coj lub neej nyob tiaj tus, tsis ntshai neeg siab phem. ua tub sab tub nyiag. Los ntshai txog muaj dab muaj tsov yuav los hem neeg. Nws muaj chaw tso siab lug rau Qaun ntuj kev tsom kwm, pov hwm nws.
2. Pab nws ntseeg, tau txoj tseeb mas lawv, yuav tau caiv ntau yam:
Yam li lawv yuav tau caiv ncauj caiv lus, kom txhob muaj xaiv lus ntau, Caiv ncauj caiv lus, yog hwm Ntuj hwm neeg. thuam tsis tauleej twg, yuav nyiam los hlub thiab pab sib npaug zos
Lawv muaj 10 qib lus yuav caiv, lawv ntseeg tis yog Qaum Ntuj li cai, ua tsis nyog, thuam tsis tau, yuav tsum caiv. Thiaj muaj hmoov rau sab Ntsuj plig.
Kom yeej txhua yam kev tsis dawb tsis huv, thiaj tsis rub sua tau vij sub vij sw, los nrog neeg nyob, thiaj tsis muaj vij dab vij npog no.
3. Tus neeg ntseeg tau txog kev cuav los tsis tseeb, nws ntseeg tias tsam yuav ntshai tub sab tub nyiag, Cia li tau ntsib lawm tiag.
Ntseeg tias tsam muaj dab muaj tsov, los muaj ntxoog hem. ntsia tom qab los pom ntxoog, saib tom ntej los cia li pom muaj tsov li.
Nws ntseeg tias, tsam sij hawm tsis zoo, mus ntoj kev tsam muaj mob, los raug xwv tsheej. Ib vuag xwb tsis muaj xwv txheej los cia li muaj mob txiab nkeeg los.
Nws yim poob siab yim ntsib xwv txheej ntau, ua rau nws txuj ci tag. Tom ntej los tsis paub mus, tom qab los tsis paub rov, txoj twg los ua tsis yog li.
Nws kawg tswv yim, khiav sab twg los tsis dim. Tswv yim tag, zog kuj ntaug, ces nws swb mus tas txhua yam. mus tsis tshab tawm tsis tau.
4. Cov kev ntseeg li no, txoj twg los yeej tawg paj, txiv ib yam nkaus. Tus nyaim txoj twg, nws xaiv tau txoj ntawd. Ces nws yuav tau txais cov paj thiab cov txiv txi los ntawm nws ntseeg los.
Muaj li no, peb thiaj pom tias, ib pab muaj kev ntxov siab txawv lwm pab. vim kev nyuaj siab ntxov plawv ntawd, Tawm ntawm nyias li kev ntseeg los.
Pab uas muaj kev txhawj xeeb, txog kev ntseeg ntau dua. Ua li Hmoob hais, yog pab mus dawj pob zeb ntau dua thiab. Mus dawj pob zeb lawm kawg yeej yuav pom roob ris xwb.
roob ris yog tsav zoo noj, pom lawm ces yuav tau khaws los noj. Roob ris muaj nqaij thiab txha sib npaug. Noj ces yuav tau noj nqaij nrog txha.
Tus ntseeg li ntawd, ces yuav muaj dab nrog neej nyob ua ke. tiam neej thaum twg kuj yuav tau tiam dab nrog ua ke ib yam nkaus.
Pab no, mas tiam neej, tiam dab ua kev tas, ces lawv tsis muaj caiv lwm yam lawm. Hais lus qhib ncauj hlo, tsis ntshai muaj kev tub qaug los kev txhaum.
Leej twg qhib ncauj loj hais lus nrov mas yim zoo mloog. Neeg mas luag tsheej taug di ncauj tsis vov hniav tas li. los haj yam yog tus tshaj lij xwb.
5. Kwv tij, ntiaj teb neeg, tos muaj neeg phem neeg zoo. Sib npaug zos nyob ua ke, nphoo ntxoj nphoo ntxuas li no, Vim neeg tej kev ntseeg no.
Coj neeg mus ua tej pab tej pawg xav sib txawv, coj tsis sib xws. tus yuav caiv los muaj. Tus tsis muaj kev Caiv los muaj. Sawv daws nyob ua nyuj qua ntse zis nees li no.
Peb thiaj pom tej tus, nyias coj nyias tus yam ntxwv, tsis sib thooj, los tsis sib xws. Tej yam hais no kuj tsis yog tej yam uas yuav txaus peb ntshai.
Ua kom peb nyuaj siab mus rau lub neej tom ntej. Peb tsuas ntseeg li peb ntseeg xwb. Yam tseem ceeb mas koj yuav tsum ntseeg koj tus kheej ua ntej. Ces koj yog tus yeej xwb.
Hnub twg koj rov tsis ntseeg koj lawm ces koj yuav txais lub paj lub txiv uas koj caum luag ntseeg ntag. Thaum koj tsis tau paub tseeb.
Mas koj kuj yuav tau caum luag mus ntseeg. yog hnub koj caum tau lawd, thiaj yog hnub koj uav xaiv koj tus kheej od!
Kwv tij Hmoob zaj lus no tsis yog lus lam muab leej twg thuam los saib tsis taus! Yog lus sab sij huam ua kev kawm rau koj nkaus xwb mog.
Nyias muaj cai xaiv nyias txoj kev ntseeg, tsuav yog koj ntseeg, ces koj lub siab kaj lawm. Mas yog txoj kev zoo, ces koj yuav tau caiv yam yuav pab rau koj zoo.

Sacramento, tim 21/10/2017.
Yaj Zoov Ntxheb X.H.

Tus neeg nyiam txo hwj chim, mas nws tsis pluag kev hlub. Tas nws tsev neeg nrog tsoom txheeb ze lawv nplua nuj, nyob hauv kev hlub, vim nws siab zoo.
Lawv muaj lub siab loj ntxhuav ntxeev nyob hauv kev sib raug zoo, ua neeg thoob tsib to nrog nyob ua neeg twj lij muaj kev nyiam kev hlub ntug ntoob nrog lawv lub hwj chim.
Cov coj li no, lawv muaj kev sib txhawb lawv tej txij nkawm. Nrog rau tej tub tej ntxhais, los tas tsoom txheeb ze. Muaj kev nplua nuj rau sab kev sis nyiam sis hlub puv ntoob.
Cov neeg nrog nws nyob, zoo li tus txij nkawm los tej tub ki, tsis muaj kev txom nyem siab ntsws. Vim txoj kev hlub tau ntxuav lawv txhua tus, kom ua neeg nplua nuj nyob hauv kev thoob tsib txawj txo hwj chim.
Nws pab neeg yuav loj hlob nyob hauv kev txawj txo hwj chim. coj tau tsev neeg nyob ua neeg twj lij, tsis muaj teeb meem kev nyuaj siab ntxhov plawv.
Cov neeg tsis txo hwj chim, thaum muaj ib tug muaj ib yam tsis txaus siab tuaj lawm. Nws muab kev npau taws los siv,rau cov nrog nws nyob yam tsis paub kev txhaum los qhov twg los.
Ces yuav ua rau sawv daws tsis sib raug zoo, kev sib haum ua neeg thoob tsib paub kev paub cai. Yog los ntawm niam txiv ua neeg txawj cob qhia los.
Cov ua niam ua txiv tsis paub cai, tsis txawj txo hwj chim. Lawv coj tej tub tej ntxhais, nrog tej txheeb ze nyob ua kev. Kuj cuaj li yog lawv cog ib co noob tsis zoo rau tsev neeg ntawd.
Kom xeeb tau ib co yub los ua neeg tsis paub cai, tsis txawj mloog lus kom coj haum zej zog teb chaws. Nws pab neeg yuav pab tsis tau leej twg, los ua lawv luag, kom nyob thaj yeeb.
Yog xav pab ib tug neeg kom txhob muaj kev ntxhov siab, txawj ua neeg thoob tsib. kawg yog niam txiv yuav ua tus qauv zoo, rau lawv yoog. Kom lawv txawj ua zoo rau tej phooj ywg sab nraud.
Txoj kev yuav coj zoo ua zoo nyob ntiaj teb no, yog txoj hauj lwm los ntawm tus thawj neeg. Coj sawv daws kom loj hlob paub sib ua luag nyob ua ke los, thiaj yog qhov tseeb mus taus.
Thawj txoj, yog kev sib nyiam sib hlub, sib zam kom muaj kev sib raug zoo, thiab sib tso siab. Yog cov ua niam ua txiv txawj txo lawv lub hwj Chim rau tej tub ki yoog.
Ntawm niam txiv, kev ua txij nkawm los kuj yuav txawj txo Hwj Chim tib yam thiab:
Kev ua zaub ua mov noj, los Txiv Neej txhob hais tias, yog Poj Niam hauj lwm. Kev ua zaub mov, tu vaj tse, thiab tu me nyuam, yog ob leeg li hauj lawm tib si. Tus khoom ua yam twg mas yuav tau ua sib hloov.
Txhob hais li qee leej tau hais los lawd tias. yog poj niam hauj lwm. Kev sib yuav los nyob ua kev, tsis yog yuav los ua qhev, Yuav los sib pab sib ua luag xwb.
Txhua yam yuav sib pab ua, yog ob leej li roj ntsha xeeb los, Tsis muaj kiv kiam yuav caiv ua tsis tau. Ntuj tsis tau hais los qhia tias, txiv neej ua tsis nyog. Yam uas phem thiab qias dua txiv neej twb kov los lawm.
Kev txij nkawm nyob ua ke, tsis yog yuav los kom ib tug tau ua ib tug qhev. Yuav los kom sib pab sib ua luag, kom nyob kaj sib lug sib pab ua txhua yam hauj lwm ua ke.
Tus khoom ua yam twg mas yuav sib pab ua kom tiav sai, yog txoj kev sib pab cob me tub me nyuam kom lawv txawj ua neeg paub cai ntag.
Kom lub vaj lub tsev zoo nyob sawv das thiaj tsis muaj kev tu siab. thiab yog kev cob qhia tub ki zoo. kom thaum txog lawv lub neej lawv loj los, lawv txawj coj li tej laus mas yog qhov zoo rau lawv.
Tsis yog txoj kev hais tias, yuav poob tsim. Haj yam muaj koob meej hwj chim loj dua tuaj xwb. Cov tsis paub tab lawv caiv tej no, lawv tsis paub txo Hwj Chim lawv nyob zoo li tus mlom, twb tsis zoo rau luag saib li thiab.
Thum lawv mus zaum lub rooj ua Nom los lawv pluag pluag kev hlub, mas kuj tsis ntxiv dab tsi rau lawb thiab.
Lwm txoj kev txo Hwj Chim, kuj yuav txhob ua neeg khav theeb hais lus tshaj tshaj. Tsam muaj tus thoob tsib tiag, luag nug ces yus ho teb tsis raug....
Nco ntsoov tias cov neeg hais tias, lawv yog neeg thoob tsib. Mas lawv muaj kev yuam kev ntau yam. Hai lus tsis meej los tsis tseeb.
Thaum lawv tswv yim tas, ces lawv hais lus dev los daws teeb meem, mas yuav zoo rau leej twg siv. Lawv lub Hwj Chim yuav muab tso rau theem twg thiaj cia tau zoo chaw.
Nco ntsoov tias txoj kev thoob tsib loj tshaj yog txoj hauj lwm nyob hauv tsev. Txoj ntawd mus deb thiab xa koj lub moo zoo mus ua koj ntej ntag.
Muaj coob leej ntau tus soj koj qab txog tej yam koj tau ua zoo rau hauv vaj hauv tsev. Cov koj hais nyob saum koj lub office ncha mus deb tsis cuag.
Cov koj hais tom office yog lus ua hauj lwm xwb, yog luag muaj coob leej tsis pom zoo ces siv tsis tau tib yam thiab.
Cov lus zoo chiv hauv koj lub tsev tuaj ruaj thiab kho cuag li lub ntsa zeb thaiv nag xob nag cua, kom tsis muaj xwv txheej raug koj tsev neeg, mas yog qhov tseeb lawm.
Zaj lus no tsis tau noj leej twg nkaub, tuav leej twg npe yuav muab leej twg qe tev. Tsuas hais los ua kev kawm kom paub ua neeg txo Hwj Chim xwb.

* Sacramento, tim 24/3/2017/.
Yaj Zoov Ntxheb X.H.

Zaj 355- IB TUG NEEG  NTSEEG  NTUJ  YUAV COJ LI CAS.

Ib tug neeg ntseeg, koj yuav tsum paub tias, koj yog leej twg!
Thawj yam mas koj yuav hwm koj ua ntej, thiab koj yuav xub kho koj ua ntej.  Koj yuav ntseeg thiab cawm koj, li thaum koj muaj mob es koj ntshai tsam koj tuag.
Koj yuav kho koj, kom koj yog tus zoo tshaj plaws li koj nyiam.  Ces koj tau kho koj tus Ntsuj Plig kom zoo tshaj rau Tswv Ntuj nyiam thiab.
Vim  koj tus Ntsuj Plig yog tsav muaj txoj sia nyob mus li. Txoj kev uas koj yuav kho koj no.  Yog koj xyaum kom koj muaj lub siab ncaj, thiab thoob tsib,nyob rau txoj kev ua Tswv Ntuj ib tug Nkauj siab dawb los ua Tswv Ntuj tus tub Nraug siab huv.
Koj yuav ua thawj tug Kws Tshuaj xub kho koj zoo, ces koj pab kho zeej tsoom kom luag zoo xws li koj, rau Tswv Ntuj saib. Ces koj yog ib hauv tshuaj zoo rau luag zeej tsoom sawv daws siv.
Tus yuav ua tau ib tug Kws Tshuaj thiab ua ib hauv tshuaj zoo rau luag siv.  Mas yog koj txawj yoo tej kev ua txaum tsis txhob ua, ces cuag li koj muaj nyiaj thiab muaj Assurant zoo, los pab koj ua neeg nyob kaj lug.
Thaum koj cov Phooj Ywg nruab ze nyiam koj lawd, ces cuag li lawv muaj hmoo. khwv noj haus nce tes, ua neeg nplua nuj mus thoob qhov txhia chaw.
Koj mus txoj kev twg, los koj tsis ntshai tub sab tub nyiag, los cov neeg phem yuav ua yeeb ncuab rau koj.  Koj los kuj cuag li muaj hmoo khaws tau pov haum zoo ua neeg tsim txiaj.
Peb ua ib tug neeg ntseeg lawm, peb txhob tawm tsam leej twg. Cov kav teb chaws, cov ua Koom Haum, cov ua lag ua luam. Peb tsuas kawm lawv txoj kev zoo thiab txoj kev phem, los ntxiv peb kev kawm, kom peb paub tswj peb tus kheej ua neeg zoo rau Tswv Ntuj yuav.
Nyob hauv ib tug neeg, lub siab thiab nws tes hauj lwm yuav tawm muaj ob yam li no:
A. Yog kev kawm ua neeg ntse los rau koj txawj hloov siab hloov ntsws. los ua neeg thoob tsib ntse mus rau sab zoo uas Tswv Ntuj nyiam...
B. Yog kev kawm kom paub kev vam meej, ua phooj ywg zoo rau zeej tsoom.  Kom koj paub kho koj tus kheej, kom zoo rau luag zeej tsood, ua kev sib hwm mus rau lub neej tom ntej.
Hais qhov tseeb, ib tug neeg ntseeg thiab thoob tsib, mas nws yeej muaj Tswv Ntuj lub hwj chim kev thoob tsib nrog nws nyob.
Mus kom haum ntiaj teb neeg kev Vam Meej, nrog kev sib nyiam sib hlub sib zam.  Kom sawv daws tau nyob thaj yeeb, tsis musj xaiv muaj lus thiab txhob ua teeb meem pob caus rau leej twg.
Yog Tswv Ntuj tsis pub kev thoob tsib rau leej tib neeg, mas lub sim ceeb no, twb puas thiab ploj mus ntev lawm.  Hnub uas Hmoob hais tias, ntuj kawg rau xub zeb, teb kawg rau xub ntoo.  Mas twb dhau los ua ntej ntau caum xyoo lawm lauj.
Zaj no xav tshaj rau txhua tus neeg tias, Tswv Ntuj muaj kev hlub lub Sim Ceeb thiab leej tib neeg npaum no.  Peb yuav xyaum ua kom Tswv Ntuj zoo siab tias:
Tseem muaj qee leej neeg xav pab Tswv Ntuj tuav lub ntuj lub teb no nyob tseg.  Kom cawm tau leej tib neeg coob leej cov Ntsuj Plig rov muaj txoj sia, mus ntsib tau Tswv Ntuj dua.
Kom lub caij kawg neeg tsis txhob tau mus thawj thiab ua tsiaj txhu, los mus thawj thiab ua ntxoog ua tsov, los mus thawj thiab ua me kooj ziag kab xiv.
Kom Leej tib neeg cov Ntuj Plig tau rov mus ntsib Tswv Ntuj yog tus tsim cov Ntuj Plog no tuaj nyob, rau lub Sim Ceeb no.

Tim 11/10/ 2017. * Yaj Zoov Ntxheb X.H.

Txoj kev ntxhov siab, yog ib txoj kev ruam thiab muab ntau yam los tsuam rau koj lub zog. Ua rau koj qaug zog, tsis muaj siab ua koj lub neej kom mus nto ntsis.
Koj khaws txoj kev ntxhov siab no, tseg ntev rau hauv koj nruab siab. Ces koj yuav ris tsis taus, nws yuav ua rau koj muaj kev tu siab ntau zuj zus tuaj!
Txoj kev ntxhov siab, coj koj lub zog kom qaug mus ti nkaus hauv av, zoo li tus ntoo nkoj cag. Tsis tuag, tab sis nws yuav sawv tsis taus kom ntseg.
Thaum koj pib muaj txoj kev ntxhov siab, nrog koj ua phooj ywg lawm. Nws yuav cog lub noob rau koj kom koj muaj kev ntxub neeg loj zuj zus mus.
Yam tsis muaj tseeb los koj muab hais tawm tas nrho, tias luag ua npaum ub npaum no rau koj lawm. Koj cov neeg txheeb ze koj hais mus txog luag pob ntseg.
Ces tsis muaj ib tug neeg to taub txog, luag cuab me ntsis ntxiv ces rov los txog koj. Twb tsis zoo nkauj tas lawm lawm, ntiaj teb twb muab hais thoob plaws tias neb zoo li ub li no lawm.
Tsis paub yog leej twg chiv tuaj mus, Cia li khaws ua kev tu siab. Hais lus tsis sib raug zoo, ua rau ob tog nyias muaj nyias kev tu siab tuaj.
Yog tsis muaj hmoo, ces neb lub neej twb puas tas, Nyob hauv koj lub siab yog koj ua mus tsis tau hla txoj kab liab. Los koj twb txaj muag txaus nkaus lawm.
Cov lus ntawd, yog los ntawm kev ntxhov siab ua neeg ruam los xwb. Ceev faj ntau zaus yog tus hlub koj tshaj plaws nyob ze koj, tshaj koj txoj kev ua neeg ruam ntawd tawm los.
Ib tug neeg ua phooj ywg nrog nws txoj kev ntxhov siab, rau sab kev ruam no. Nws txawm ua neej nyob ntev niaj ntau xyoo los luag ntsia nws yeej yog neeg tsis ntshiab huv. Vim nws cov lus tawg paj tsis tshiab...
Yog nws txawj rov ntsia nws, mas nws yuav txaj muaj tias: Cas yus yuav ua neeg ruam thoj chim thiab ntxim ntxub ua ua luaj thiab lauj!
Zaum los nyob, pw los ua npau suav toog nrog kev ceeb thiab ntshai kev txaj muag ras dhuj dhee. Cuag li muaj ib tug dab nyob ze nws. Yuav ua xwv txheej rau.
Thaum koj nyob hauv txoj kev ntxhov siab lawm, zoo ib yam li koj thuam tas txhua yam zoo uas Ntuj muab los rau koj. Ib puas tsav yam nyob hauv koj zoo tas nrho, koj saib mas cas Ntuj yuav muab tau tib co uas tsis zoo thiab koj tsis nyiam xwb.
Muaj qee leej thaum lawv poob hauv kev ntxhov siab tu siab tuaj lawm, lawv cia li tso siab rau ib tug neeg uas nws txawj hais tib lo lus zoo, raug nws pob ntseg xwb.
Nws cia li muab tej tus neeg zoo li hais no, tsa kiag ua ib tug neeg tseem ceeb zoo tshaj Tswv Ntuj lawm thiab. Nws cia li muab nws txo nqes ua neeg pheej yim pub rau tej neeg zoo li hais no siv ywj siab.
Tsis hais yog ib tug txiv neej los poj niam li, nws cia li coj li nws tuaj yeem muab nws los txi kiag rau. Thaum nws tsim meej los lawd, nws mam paub tias, ho tsis yog neeg tseem ceeb.
Nws xav thim los tsis zoo thim lawm, Nws tau swb ncauj, swb lus swb cev tib si rau lawm. Nws lub hwj chim ces tsis zoo muab los khuam rau qhov twg rau zeej tsoom sab li lawm od.
Nco ntsoov kev tu siab ntxhov siab tsis zoo muab los ua phooj ywg nyob ntev li. Nws yuav muab kev thoob tsib uas koj muaj ntawd thau tawm mus.
Nws yuav coj kev poob tsim los rau koj, ces koj yuav ua neeg tsis txawj txaj mua. Li cov neeg pluag kev hlub thiab. Thaum koj xeev meej los ces koj ua neeg laim txwv tas lawm.
Ntxhuav dej tas los luag saib yeej tsis huv, zas thuaj tas los luag saib yeej tsis thshiab li. Nroj tsuag xyoob ntoo tseem yog tsav ntshiab huv dua ib tug leej tib neeg lawm.
Vim tib yam kev txhov siab no ua rau koj, ces koj thiaj poob nqes loj tas npaum no. Koj lam ua siab loj maj mam hloov koj, kom koj rov nyob ci ntsa iab li ib lub hnub qub ci nyob ntsias tsias nyob saum ntuj.
Zaj lus no kuv sau los rau kuv xav xwb, yog koj nyiam los koj kawm tau. txhob poob siab, koj cia li ntseeg koj tus kheej ua ntej tias, koj yeej hloov tau no xwb mas!

*Sacramento tim 30/3/2017.
Yaj Zoov Ntxheb Xib Hwb.