HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Home Gallery Search
Search Query
Display results as : Posts Topics
Advanced Search
Latest images Register Log in

You are not connected. Please login or register

Tsev teev Ntuj XH.XYOOJ THOJ PAUL, zos Tiaj Ntxhw

Yesxus Pleev

Yog koj tso siab rau Yesxus lub siab ntshiab, nws yuav ua koj siab kaj lug .

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no

MUS NYEEM COV ZAJ MIXAS HNUB CHIV xyoo 2010...2012 nias ntawm nov

Search

Gallery

Bao X Mary lub tsev Txiaj ntsim - Page 2 Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj 27th March 2024, 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Speciale Hmong Guyane

Mus ncig xyuas Hmong Guyane kev thaj yeeb

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no

Bao X Mary lub tsev Txiaj ntsim - Page 2 Dsc07310

Suav neeg tuaj saib, txij hnub 17/09/2010 los mus.

+2

Maiv Paj Lug

Bao X Mary

6 posters

1, 2, 3

Bao X Mary lub tsev Txiaj ntsim

Bao X Mary: Phooj Ywg; Messages : 168
Date d'inscription : 2011-07-09

Post n°31

Ntuj lub Ceeb Tsheej zoo lis cas...?

Post Bao X Mary 2nd September 2011, 2:32 pm

Bao X Mary lub tsev Txiaj ntsim - Page 2 Z4e61c10

Muaj ib ntus thaum i, kuv pheej xav hauv kuv lub siab thiab hais rau Huab Tais Ntuj hais tias: Ab! Huab Tais Ntuj os… kuv xav pom koj lub Ceeb Tsheej saib zoo li cas??? Thov koj qheb kuv qhov muag kom kuv pom ib pliag mas ntshe kuv yuav zoo siab heev li… Kuv xav pom tias zoo nkauj npaum licas...? Thov koj ua kom kuv pom ib pliag puas tau os... kuv tus Huab Tais zoo nyiam aw...???
Thaum kuv thov Ntuj kuv ib leeg, kuv pheej hais li ntawd. Muaj ib hmos kuv pw txog ib tag hmo... Txawm muaj ib lub suab hais rau kuv tias:

“Huab Tais Ntuj nto Koob Meej !

Huab Tais Yes Xus, yog tus Cawm Seej!
Ntuj lub Ceeb Tsheej, yog txoj sia nyob mus li mus ib txhiab ib txhi!
Ntuj lub Ceeb Tsheej, yog txoj kev thaj yeeb nyab xeeb, yog lub tseem teeb !
Ntuj lub Ceeb Tsheej, yog tseem txoj kev zoo, Huab Tais Ntuj nto meej nto moo !
Ntuj lub Ceeb Tsheej, yog tseem txoj kev hlub, Nws tsis muaj txoj kev sib ntxub !
Ntuj lub Ceeb Tsheej, yog tseem txoj kev nyiam, Nws tsis muaj txoj kev hiam !
Ntuj lub Ceeb Tsheej, yog qhov pom kev, Huab Tais Ntuj, yog tus muaj lub siab zam
txim, lub siab ntev !
Ntuj lub Ceeb Tsheej, yog txoj kev kaj, Huab Tais Ntuj yog Tus siab zoo, siab ncaj !
Ntuj lub Ceeb Tsheej, yog lub tseem TSEV, uas nyob mus ib txhiab ib txhi !”

Bao X Mary lub tsev Txiaj ntsim - Page 2 Paradi10

Cov lus nov cia li hais tsuag tsuag hauv kuv lub siab tuaj. Thaum nws hais li ntawd mas nws tsis nres li. Nws hais hais kom tas kiag. Thaum nws hais tas mas kuv lub siab mas kaj lug, ces kuv paub kiag. Kuv sawv tseem tam sim ntawd los muab sau kiag rau ib daim ntawv. Txij thaum ntawd los ces kuv to taub kiag, kuv tsis noog Huab Tais Ntuj ib zaug li lawm. Kuv ua Huab Tais Ntuj tsaug uas Nw teb kuv cov lus noog. Yog ib yam uas muaj Txiaj tshaj plaws li.
Kuv txaus siab muab los qhia rau sawv daws paub. Kuv lub siab kub, kuv tswj tsis tau kuv lub ncauj, zoo li lub cub tawg pheej hlawv kuv lub siab. Ces txhua yam kaj kuv lub siab, kuv yuav tsum muab hais tawm xwb kuv thiaj nyob taus.

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°32

Re: Bao X Mary lub tsev Txiaj ntsim

Post Maiv Tooj 3rd September 2011, 5:13 am

Nyob zoo BaoXMary,

Tsis ua cas li nawb mog, yog qhov twg nws tseem paub tsis tau txhij tsis tau txhua los peb mam li sib coj kho xwb. Ntev mus ces nws swm lawm, nws yeej yuav paub xwb. Kuv kho ib ntus nws swm me ntsis tso peb mam li sib qhia lwm yam mus. Qhov tseem ceeb tshaj ces nws twb ua tau lawm, yog qhov nws tuaj piav zaj. Dhos duab los tej table HTLM tej peb mam maj mam kawm tom qab. Kuv kiag lis los twb tsis tau paub txaus siv, kuv lam siv tej yam yooj yooj yim xwb.

Bao XMary, zoo siab uas Tswv Ntuj tseem qhia NWS lub ceeb tsheej rau koj kom koj ho tau coj tuaj qhia rau peb paub. Mloog koj tham xwb twb zoo tsis txawj tag, yog mus pom kiag thiab no ntshe yuav tsis xav rov los nyob lub niag ntiaj teb khuam siab nov lawm...Tab sis ntshe yus yog neeg txhaum ais yus tsis muaj txoj hmoov yuav tau mus nyob saum Ntuj Ceeb Tsheej xwb lauj...Cas tswv Ntuj twb ua tag puas tsav yam kom neeg tau lub neej zoo nyob ntiaj teb: kom sib zam, sib nyiam sib hlub, kom txhua leej txhua tus muaj kev kaj siab los zoo li NEEG TWB TSIS UA LI TSWV NTUJ HAIS IB QHO LI. Tswv Ntuj tseem tsim Ntuj Ceeb Tsheej kom tau zoo nyob ib txhiab ib txhid los ntshe neeg tsuas pom tej nyuag me me nyob ntiaj teb no ais tsuas tab muab ntshaw ua ntej, siab hlob ua ntej lawm ais ntshe twb ho yuav poob rau kev txhoj kev txhaum; tseem yuav tsis tau mus rau Ntuj lub Ceeb Tsheej tshav ntuj nrig thiab...Ntshe yuav this tej kev twm xeeb, kev ciaj caub tsis muaj nqes ntiaj teb no poob mus rau lub teb chaws Them Txim, Teb Chaws kub ntaiv, tsaus ntuj nti mus ib txhid...

Bao X Mary lub tsev Txiaj ntsim - Page 2 Fotoli10

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°33

Re: Bao X Mary lub tsev Txiaj ntsim

Post Maiv Tooj 18th October 2011, 8:59 am

Nyob zoo Bao X Mary,

Kuv hais rau nws paub tias kuv muab nws cov zaj los sib txua sua ke ib lub Topic kom Maiv Paj Lug thiaj li zoo muab tso rau ntawm nws daim duab. Nws txawj tso thiab muaj hmoo heev uas nws sau ib zaj tag mam sau ib zaj es nws cov zaj tssi sib xyaws. Thaum kuv txuas los nyias nyob nyias ua ntu zus cuag li yeej pib li no los.

Bao X Mary: Phooj Ywg; Messages : 168
Date d'inscription : 2011-07-09

Post n°34

Re: Bao X Mary lub tsev Txiaj ntsim

Post Bao X Mary 18th October 2011, 10:46 am

Maiv Tooj es, nws txawj li cas kav tsis pab muab kom zoo xwb os mog. Kuv ces lam tuaj hauv no xwb los niag tsis niam paub siv ces koj kav tsij pab kho rau os mog. Lwm hnub muaj sij hawm mam ho sau ntxiv txog peb tus Tswv Ntuj tej Txiaj Ntsim ua muaj nqes tas nrho thiab muaj hwj huam tas nrho.

Ua nws tsaug os mog Maiv Tooj, thaum kuv tuaj nrhia tau nej mas ua rau kuv zoo siab heev li, kuv xav paub yam twg nej twb muaj tas rau kuv, vim nej tau txasi ib lub txiaj ntsim zoo los ua tim khawv rau cov neeg tshaib thiab tsis tau paub Tswv Ntuj kom peb txhua tus tau paub os mog. Tswv Ntuj nrog nej txhua tus nyob ua nej siab kaj lug.

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°35

Re: Bao X Mary lub tsev Txiaj ntsim

Post Maiv Paj Lug 19th October 2011, 5:10 am

Lub Ntuj ceeb tsheej muaj tseeb, kuv tau mus pom ib zaug, ua ntej yuav pom ntuj ceeb tsheej, Tswv Ntuj pub kuv mus pom cov neeg them txim, tau nrog lawv yoo tshaib yoo nqhis, txom nyeem kawg nkaus li lauj, dua li tag ces kuv mam mus pom Ntuj ceeb tsheej ib muag, sim neej no kuv ntseeg tias Huab Tais Yesxus los cawm peb kom tau mus pem ntuj ceeb tsheej mas zoo nkauj tiag tiag, Tswv Ntuj xav coj peb txhua leej txhua tus mus nrog nws nyob kaj siab lug, Tswv Ntuj lub ceeb tsheej mas tshav ntuj nrig, me nplooj xyoob nplooj ntoo laim txias, tej nroj tsuag thiab tej me nplooj xyoob nplooj ntoo mas ntsuab tshiab tshaj hauv ntiaj teb peb nyob niaj hnub nim no, tej me paj tawg tau tshiab tshiab tsis muaj ib lub nyob ntiaj teb no piv tau thiab tsw qab txhua yam tsav. Kuv yog Hmoob , kuv mus txog, kuj pom lawv hnav Hmoob, muaj ob tug tub hnav Hmoob tuaj tos kuv ntshe yog ntuj cov Tshiab, zoo nraug luag ntxhi, nqa ob nrab hneev tua kiag tav kuv kev kom rov qab, yog mus ntxiv ces ntshe lub cev tuag lawm, tiam sis tsis tau txog kuv lub caij mus ces kuv rov qab maj mam los hauv kuv lub cev, thaum yus rov los lawm, yus tseem xav rov qab pom dua vim zoo nkauj dhau.

Tswv Ntuj yog tus tuav peb txoj sia, yog Tswv Ntuj pom zoo peb mus nrog nws nyob hnub twg, ces peb mus hnub ntawv, yog tias peb tsis ceev faj, peb lam tau lam txo peb txoj sia, peb muaj txhaum loj heev. Hnub peb ncaim lub ntiaj teb, hnub ntawv txhob ntshai yog peb nyiam Tswv Ntuj tag siab nrho, Tswv ntuj kuj nyiam peb tag siab nrho , yog peb Paub Tswv Ntuj, Tswv Ntuj kuj paub peb tib yam, peb yuav tau txais paj tshab, paj tshab yog txoj sia nyob mus li saum ntuj ceeb tsheej.

Bao X Mary lub tsev Txiaj ntsim - Page 2 Guil50cents_1291605270

Bao X Mary: Phooj Ywg; Messages : 168
Date d'inscription : 2011-07-09

Post n°36

Re: Bao X Mary lub tsev Txiaj ntsim

Post Bao X Mary 19th October 2011, 5:56 am

Wow! Maiv Pal Lug, ua cas koj yuav hais tau ib zaj ntxim siab ua lua li tiag, peb txhua tus mas npaj siab hlo saib txog hnub kawg kom peb tau mus nyob Ntuj lub Ceeb Tsheej xwb tiag. Yog ib qhov chaw uas peb tos nrhw tsis txawj ploj hauv peb lub neej li os. Ntuj lub Ceeb Tsheej mas yeej yog ib lub teb chaws uas lub ntiaj teb piv tsis tau thiab qhia tsis tau tias zoo li cas yog ib lub teb chaws zoo nkauj tshaj thiab ntshiab huv tshaj qhov lub ntiaj teb qhia tau os. Zoo siab rau koj os mog Maiv Paj lug.

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°37

Re: Bao X Mary lub tsev Txiaj ntsim

Post Maiv Paj Lug 19th October 2011, 7:09 am

Bao X Mary,

thov ntuj pab rau kuv thiab seb Tswv Ntuj puas yuav pub kuv rov mus pom dua tej yam ntxim nyiam ,ntxim hlub ,ntxim yuav tau ntau leej ntau tus txoj kev ntseeg loj tuaj. Kuv paub thaum yus ncaim yus lub cev mus zoo li cas lawm, yus yeej yog yus kiag tiam sis yus xis nyob thiab yus lub cev tsis muaj mob, thaum yus nrog Tswv Ntuj mus lawm mas kaj siab lug, qhov tseem ceeb tshaj yog yus lub siab loj loj thaum muaj Tswv Ntuj.

Tswv Ntuj pub lub txiaj ntsim kuv pom hauv nruab yeeb me me , cia siab tias Tswv Ntuj puas yuav rov xaiv kuv mus dua , txhua lub sij hawm kuv tos ntsoov Huab Tais Yesxus yuav rov tuaj, txhua hmo, txhua tag kis sawv ntxov, kuv tus plig cav txog Tswv Ntuj, kuv tos ntsoov Yesxus yuav rov tuaj xyuas kuv, kuv yog neeg nqis, neeg me , thiab neeg txhaum tas li xwb, xyov kuv puas yuav rov tau lub txiaj ntsim zoo li qub lawm os kuv tus Tswv Ntuj.

Bao X Mary: Phooj Ywg; Messages : 168
Date d'inscription : 2011-07-09

Post n°38

Re: Bao X Mary lub tsev Txiaj ntsim

Post Bao X Mary 19th October 2011, 8:24 am

Me niam hluas Maiv Paj Lug aw... yog Tswv Ntuj tau xaiv leej twg lawm ces nws yeej yuav rov hu tus ntawd ntxiv xwb mas. Koj txoj hmoov zoo es nws thiaj ua koj pom qhov ntawd os. Peb yog neeg txhaum tiag tab sis thov Tswv Ntuj zam txim rau peb kom xwv txog hnub kawg peb tau mus nrog Nws nyob li peb niaj hnub tos os... Qhov loj tshaj ces peb rau siab thov Ntuj tas mus li txhua sij hawm es peb thiaj yuav yeej dab phem txoj niag kev ntxias peb os.

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°39

Re: Bao X Mary lub tsev Txiaj ntsim

Post Npuagtub 20th October 2011, 3:58 pm

Photobucket

Nyob Ntuj Ceeb Tsheej ____ muaj kev thaj yeeb
tsis muaj noob neej ________ txoj kev phem li
tsis muaj kev nqis ______ sib ntau los sib nrig
tsis muaj kev chim ______ sib cav thiab sib ceg.

Nyob Ntuj Ceeb Tsheej _____tsis muaj kev ntxhov
tsis muaj kev mob _______ kev ploj kev tuag
tsis muaj kev quaj ______ ua ntsuag thiab sib ncaim
tsis muaj kev ntshai ______ zoo li hauv ntiaj teb no.

Saum Ntuj Ceeb Tsheej ____ thiaj yog lub chaw nyob
hauv ntiaj teb no ______ tsuas yog lub chaw so
chaw nyob mus li ______ __yog nyob Ntuj Ceeb Tsheej.

Last edited by XH. Npuagtub on 21st October 2011, 6:04 am; edited 1 time in total

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°40

Re: Bao X Mary lub tsev Txiaj ntsim

Post Maiv Tooj 20th October 2011, 7:43 pm

XH. Npuagtub wrote:

Nyob Ntuj Ceeb Tsheej ____ muaj kev thaj yeeb
tsis muaj noob neej ________ txoj kev phem li
tsis muaj kev nqis ______ sib ntau los sib nrig
tsis muaj kev chim ______ sib cav thiab sib ceg.

Nyob Ntuj Ceeb Tsheej _____tsis muaj kev ntxhov
tsis muaj kev mob _______ kev ploj kev tuag
tsis muaj kev quaj ______ ua ntsuag thiab sib ncaim
tsis muaj kev ntshai ______ zoo li hauv ntiaj teb no.

Saum Ntuj Ceeb Tsheej ____ thiaj yog lub chaw nyob
hauv ntiaj teb no ______ tsuas yog lub chaw so
chaw nyob mus li ______ __yog nyob Ntuj Ceeb Tsheej.

XH.Npuag Tub,

Nyob Ntuj Ceeb Tsheej yog lub teb chaws tshav ntuj nrig
Yuav ua li cas thiaj li tau mus ncig?
Nyob Ntuj Ceeb Tsheej tsis muaj sib cav sib ceg
Ua li muaj pes tsawg txoj kev thiaj mus tshwm ped?
Nyob Ntuj Ceeb Tsheej tsis muaj kev kub kev ntxhov
Yuav hla pes tsawg lub rooj vag thiaj li mus txog?
Nyob Ntuj Ceeb Tsheej tsis muaj mob tsis muaj tuag
Yog li ces yuav tau dim plaws txoj kev quaj ntsuag...Lawm lauj...!

XH.Npuag Tub, Koj muab cov duab nov qhov twg los cas yuav zoo nkauj ua luaj li?

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°41

Re: Bao X Mary lub tsev Txiaj ntsim

Post Npuagtub 21st October 2011, 3:10 am

Maiv Tooj,

Nyob Ntuj Ceeb Tsheej yog lub teb chaws tshav ntuj nrig, yuav ua li cas thiaj li tau mus ncig?

Yuav tsis txhob nco txog koj tus kheej li, thiab koj yuav niaj hnub kwv koj tus ntoo khaub lig, ces muaj ib hnub koj yuav tau mus ncig.

Nyob Ntuj Ceeb Tsheej tsis muaj sib cav sib ceg, ua li muaj pes tsawg txoj kev thiaj mus txog ped?

Nws tsuas muaj ib txoj kev xwb, yog Yes Xus Pleev tus cawn ntiaj teb neeg lub Npe. Nws yog txoj kev, nws yog qhob Tseeb, thiab nws yog txoj Sia, tsis muaj leej twg mus tau saum Ntuj Ceeb Tsheej yog tsis mus ntawm nws mus.

Nyob Ntuj Ceeb Tsheej tsis muaj kev ntxhov, yuav hla pes tsawg lub rooj vag thiaj li mus txog?

Nws tsuas muaj ib lub rooj vag xwb, yog koj paub qhov tseeb ces qhov tseeb yuav coj koj mus txog Ntuj Ceeb Tsheej. Qhov Tseeb yog Huab Tais Yes Xus Pleev. Nws yog lub Qhov Rooj Ntuj Ceeb Tsheej, Nws yog tus Choj tuam hauv ntiaj teb no mus Ntuj Ceeb Tsheej.

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°42

Re: Bao X Mary lub tsev Txiaj ntsim

Post Maiv Tooj 9th January 2012, 7:33 pm

Bao X Mary wrote:

Thaum xyoo 1997 lub ntuj qhua yuav tawm ntawd, muaj ib hnub cov me nyuam kawm ntawv thiab tus txiv Plig hu ua Txiv Plig Ron no lawv tab tom teev Ntuj hauv lub tsev teev Ntuj, ces muaj ib tug me nyuam ntxhais cia li taw tes kiag rau pem daim phob ntsa uas lub thaj txi Ntuj, nws hais tias Niam Mab Liab nyob pes, ces sawv daws txawm nyiam pom nyias ib yam txawv. Tus yuav pom licas los muaj. Thaum ntawd kuv tus txhais thiab kuv 3 tug tub kawm ntawv nyob hauv nrog lawv teev Ntuj ua ke thiab lawv yeej ib leeg pom txawv ib yam. Kuv tus txhais hlob pom niam Mab liab thiab Huab Tais Yes Xus. Nws hais tias Nws pom nws pog nyob ntawm Huab Tais Yes Xus ib sab. Vim kuv niam pog twb tas sim neej ua ntej ntawd lawm. Lub sij hawm ntawd ua rau cov me nyuam quaj zom saws teev Ntuj tsis tsheej vim lawv pom tej yam ua rau lawv ceeb. Muaj ib cov kuj hais tias lawv pom dab phem thiab no, cov uas pom dab phem mas lawv ntshai thiab lawv quaj.

Hnub ntawd, kuv ua hauj lwm lawm, kuv los txog tsev, kuv nqe plhuav tsheb xwb kuv tus tub hlob dhia tuaj hais ua plhu puas tas rau kuv hais tias." Niam, peb pom Huab Tais Ntuj thiab ob tug Dab Ntuj loj kawg nyob pem Church thaum peb tab tom teev Ntuj tiag. Koj cia li nrog kuv mus saib mas. Ces kuv tsis mus hauv tsev li.Kuv cia li ncaj qha mus nrog kuv tus tub rau peb Church vim lub church nyob ntawm peb tog tsev xwb, thiab kuv cov me nyuam kawm ntawv hauv. Thaum ntawd kuv thiab kuv tus tub wb dhia mus txog, kuv mus txhos caug ntua, kuv tus tub taw tes nki tias, " niam, ob tug Dab Ntuj loj tsis loj li, txhos caug hawm Huab Tais Yes Xus tus ntoo cuam tiag. Nws nyob ped naj." Kuv tus tub taw tes npaum licas los kuv ntsia tsis pom dab tsis li. Ab kuv xav tias tej zaum kuv coj tsom es thiaj tsis pom no, kuv hle tsom los kuj tsis pom li thiab ces lam nrog kuv tub saib saib pem lub thaj txi Ntuj ib pliag xwb ces kuv ho mus nrog tus Principal hauv school tham tias kuv tus tub los hais li ntawd puas muaj tiag. Nws hais tias," muaj tiag, tab sis nws xam tsis pom li thiab." Ces lawm hais tias Huab Tais Yes Xus tus duab puab ntawm tus ntoo cuab qheb qhov muag loj tuaj tsis zoo li qub. Ces kuv thiaj li mus ua cas kuv pom Nws ob lub qhov muag qheb loj loj tiag. Tsis zoo li thaum i lawm. Tus duab ntawd mas lawv muab ntoo txua ua xwb tab sis kuv saib mas pom ob lub qhov muag qheb loj loj, hos pom ob lub ntsiab muag huv tib si. Koj ntsia zoo li tsis yog ntoo. Kuv saib mas lub cev yog ntoo tab sis ob lub qhov muag zoo li tiag tiag. Nws ob lub qhov muag qheb loj li ntawd tau ob peb xyoo tom qab ces kuv saib ob lub qhov muag tam sis no nws kaw me me lawm tsis pom ob lub ntsiab muag lawm.

Qhov no yog ib qhov ua rau lub sij hawm ntawd mas kuj ua rau sawv daws kuj zoo siab thiab tau pom tej yam txawv.

Peb tus Huab Tais Yes Xus Pleev Muaj hwj huam tas nrho thiab muaj txoj kev hlub loj
tas nrho.

Tsev teev Ntuj Saint Jude sab hauv tsev.

Tus Yes Xus dai saum Ntoo Cuam uas tau qheb qhov muag rau tsoom sid pom xyeem tau ib ntus ntev loo.

Tsev teev Ntuj Saint Jude Parish in Green Bay

Nyob zoo Npaub,

Ua tsaug uas hnub no nws muab cov duab hauv lub tsev teev Ntuj Saint Jude rau peb saib. Txawm Huab Tais Yes Xus lub qhov muag rov qe lawm los peb yeej zoo siab tias nws ntsia ntsoov peb, nws pom peb, nws hlub peb, khuv leej peb. Tswv Ntuj txoj kev hlub loj tas nrho, yog peb me nyuam neeg tsis txawj ua zoo raws li tswv Ntuj xav, tab sis thov Tswv Ntuj zam thiab txhob tu siab rau peb, nco ntsoo qhuab qhia peb mus rau qhov zoo, txawm txoj kev ua zoo nyuaj nyuaj los peb yuav peem ua kom tau me me raws Tswv Ntuj lub siab ntshaw.

Bao X Mary: Phooj Ywg; Messages : 168
Date d'inscription : 2011-07-09

Post n°43

Alleluia! Alleluia! Alleluia! Nyob peb Ntuj Tswv Ntuj nto meej nto moo

Post Bao X Mary 25th January 2012, 12:56 pm

Alleluia! Alleluia! Alleluia!

Nyob peb Ntuj, Tswv Ntuj nto meej nto moo;

Nyob yaj ceeb cov neeg siab dawb siab huv nyob kaj lug.

Huab Tais ua tswv sim ceeb, peb cav lus zoo txog Koj.

Vaj kav lub ntuj peb hawm Koj.

Huab Tais Leej Txiv muaj hwj huam,

peb nco txog Koj txiaj ntsha, txiaj ntsim.

Peb tus Huab Tais Ntuj mas zoo tas nrho,

Nws zoo nyiam tas nrho,
Nws muaj hwj huam tas nrho,
Nws txoj kev hlub loj tas nrho,
Leej twg thov thiab tuas txog Nw lub npe,
mas Nws maj zeeg cev tev los cawm thiab los hlub.
Nws yog tus zoo tshaj tas puas tsav yam.
Amen!

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°44

Re: Bao X Mary lub tsev Txiaj ntsim

Post Maiv Paj Lug 26th January 2012, 6:17 am

Bao X Mary wrote:
Alleluia! Alleluia! Alleluia!

Nyob peb Ntuj, Tswv Ntuj nto meej nto moo;

Nyob yaj ceeb cov neeg siab dawb siab huv nyob kaj lug.

Huab Tais ua tswv sim ceeb, peb cav lus zoo txog Koj.

Vaj kav lub ntuj peb hawm Koj.

Huab Tais Leej Txiv muaj hwj huam,

peb nco txog Koj txiaj ntsha, txiaj ntsim.

Peb tus Huab Tais Ntuj mas zoo tas nrho,

Nws zoo nyiam tas nrho,
Nws muaj hwj huam tas nrho,
Nws txoj kev hlub loj tas nrho,
Leej twg thov thiab tuas txog Nw lub npe,
mas Nws maj zeeg cev tev los cawm thiab los hlub.
Nws yog tus zoo tshaj tas puas tsav yam.
Amen!

AMEN!

Bao X Mary lub tsev Txiaj ntsim - Page 2 Livre_retour-Jesus_christ

dejntwstsirovqab

dejntwstsirovqab: Messages : 29
Date d'inscription : 2009-11-30

Post n°45

lub caij twg thiaj yog ceeb tsheej ?

Post dejntwstsirovqab 1st February 2012, 7:10 pm

Ntuj lub ceeb ntseej.. nej tseem tos txog thaum twg mas ..
kuv xav ces yog lub sij hawm no xwb.. c'est à présent pas futur ni passé yog yus ua zoo ces yus tau nyob kaj siab lug ua phem ces nyob ntxhov siab cuag daum mag xub xwb..
yog tiam tam sim yus ua neej no xwb.tsi yog lwm tiam, tsi yog tiam tag los.

thov txim tej zaum yuav tsi raws li sawv daws xav..

zoo siab rov tau tuaj ntsib nej dua pom nej lom zem dhau khaus ntiv ntes lam sau ob los tuaj ua si os nawb ..

sib ntsib dua.. tsoom phooj ywg ntseeg Laughing

Laughing

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°46

Re: Bao X Mary lub tsev Txiaj ntsim

Post Maiv Tooj 1st February 2012, 8:05 pm

Nyob zoo Xyoo Tshiab yawm txiv Dejntwstsisrovqab,

Zoo siab ntsib nws hnub no mog,
Ntuj Ceeb Tsheej ces neeg qhov muag qhuav tssi pom, yog yuav hais li nws hais los yeej yog, yog yuav hais raws li Kev Ntseeg los yeej yog.
Hais li nws hais: Peb muaj kev nyab xeeb lub sim ceeb no ces yog peb tau Qaum Ntuj Ceeb Tsheej lawm, yog peb muaj kev ntxhob siab, kub ntxhov tsim txom ces yog peb tau dab teb. Qhov nov hais li no los yeej yog.

Tab sis yog tias peb nrhiav txoj kev thaj yeeb nyob ntiaj teb no, lwm hnub peb tseem tau mus pem Tswv Ntuj lub Ceeb Tsheej; peb ua ib yam tau ob yam, peb tua ib phom tau ob peb tug noog no puas tsim nyog dua uas nyob lub ntiaj teb no muaj kev iab siab es lwm hnub tuag mus tseem tau mus them txim ntxiv thiab?

Yawm txiv Dejntwstsisrovqab, thov kom nws khaus tes ntau me ntsis ntxiv, xav kom nws xa moo thiaj tuaj tham zaj rau peb mloog ntau dua ntxiv.

Ua tsaug.

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°47

Re: Bao X Mary lub tsev Txiaj ntsim

Post Maiv Paj Lug 2nd February 2012, 5:24 am

dejntwstsirovqab wrote:Ntuj lub ceeb ntseej.. nej tseem tos txog thaum twg mas ..
kuv xav ces yog lub sij hawm no xwb.. c'est à présent pas futur ni passé yog yus ua zoo ces yus tau nyob kaj siab lug ua phem ces nyob ntxhov siab cuag daum mag xub xwb..
yog tiam tam sim yus ua neej no xwb.tsi yog lwm tiam, tsi yog tiam tag los.

thov txim tej zaum yuav tsi raws li sawv daws xav..

zoo siab rov tau tuaj ntsib nej dua pom nej lom zem dhau khaus ntiv ntes lam sau ob los tuaj ua si os nawb ..

sib ntsib dua.. tsoom phooj ywg ntseeg

Nyob zoo Dejntwstsisrovqab,

Zoo siab hnub no rov pom nej 2 3 leeg tuaj tsham peb dua, kuv tsuas hais li Saint Curé d'Ars cov lus no xwb , Saint Curée d'Ars hais tias : " Kuv yog ib tug neeg ntseeg ntuj, kuv nyiam Tswv Ntuj, kuv ntseeg txog Tswv Ntuj ces kuv coj li nws qhia, kuv ua qhov zoo, hnub kawg hauv kuv txoj sia yog Tswv Ntuj tsis muaj tseeb los kuv tsis tu siab vim kuv ib sim kuv muab los kawm ua yam zoo, hos yog Tswv Ntuj muaj tseeb, nws mam li muab paj tshab rau kuv."

Ntuj lub ceeb tsheej peb yeej tos ntsoov , tsis hais nruab hnub los hmo ntuj peb tos ntsoov, thaum peb pw thaum peb sawv los peb tos ntsoov , peb tos li nkauj ntshiab Bernadette tos, Niam Mab Liab hais rau Nkauj Ntshiab Bernadette tias : Kuv yuav tsis cog lus rau koj tias koj yuav tau zoo nyob raum lub sim ceeb no, tiam sis kuv cog lus rau koj tias koj yuav tau zoo nyob rau lwm sab."

Ib sim Nkauj Ntshiab Bernadette yeej tsis tau zoo li lwm tus neeg, vim nws muaj mob ntsuj ntsuav, nws yog neeg kawm ntawv tsis siab thiab nws yug los txom nyeem, tiam sis nws tos ntsoov Tswv Ntuj rau lwm sab ces nws ua neeg ntshiab huv tag nws ib sim, zaum no nws lub cev ntaj ntsug twb qaug tshaj 150 tawm xyoo nyob Nevers Fab kis teb xeev 18 lawm los nws lub ntsej muaj tshiab khiv xws li tsaug zog, qhov no yog ib lub txiaj ntsim tseg rau peb txhua tus tseem tos Tswv Ntuj nyob rau peb zim txwv....Mus saib Nkauj Ntshiab Bernadette nias ntawm no ..> : https://www.youtube.com/watch?v=IPowcT0y6A0&feature=related

Bao X Mary: Phooj Ywg; Messages : 168
Date d'inscription : 2011-07-09

Post n°48

Re: Bao X Mary lub tsev Txiaj ntsim

Post Bao X Mary 4th February 2012, 5:35 pm

dejntwstsirovqab wrote:

Ntuj lub ceeb ntseej.. nej tseem tos txog thaum twg mas ..
kuv xav ces yog lub sij hawm no xwb.. c'est à présent pas futur ni passé yog yus ua zoo ces yus tau nyob kaj siab lug ua phem ces nyob ntxhov siab cuag daum mag xub xwb..
yog tiam tam sim yus ua neej no xwb.tsi yog lwm tiam, tsi yog tiam tag los.

thov txim tej zaum yuav tsi raws li sawv daws xav..

zoo siab rov tau tuaj ntsib nej dua pom nej lom zem dhau khaus ntiv ntes lam sau ob los tuaj ua si os nawb ..

sib ntsib dua.. tsoom phooj ywg ntseeg Laughing

Yeej yog li koj hais thiab os Dej ntawstsisrovab aw.....

Tsuas yog ua ib zaug neeg xwb, yog yus ua zoo ces yus tau zoo, nyob kaj siab lug xwb. Ua phem ces tau nyuaj siab xwb. Tab sis txoj kev kaj siab nyob ntiaj teb nov tsuas yog ib pliag xwb. Ntiaj teb no muaj kev ntxhov, muaj mob muaj nkeeg, muaj ploj, muaj tuag, muaj quaj los kua muag. Muaj sib ntaus sib tua.Lub ceeb tsheej uas peb niaj hnub tos yog lub tseem Ceeb Tseej uas Huab Tais Yes Xus hais hauv ntawv Ntshiab. Nws yeej hais muaj tseg tias:

" Nej ntseeg txog Tswv Ntuj, nej ntseeg txog Kuv thiab mog. Nyob hauv Kuv Txiv tsev, muaj ntau chav. Yog tsis muaj, mas kuv yuav tsis hais rau nej tias kuv mus npaj ib qho chaw rau nej. Thaum Kuv mus npaj tau ib qhov chaw rau nej lawm,Kuv yuav rov los tos nej mus nyob ze Kuv, kom xwv Kuv nyob qhov twg, nej nyob kuv nyob qhov ntawd.Kuv yog txo kev, yog qhov Tseeb, thiab yog txoj sia" ( Zam 14:2-3)

Tej yam nov kuj ua rau peb ntseeg tias yeej muaj Ntuj lub Ceeb Tsheej tiag li... peb yeej tos nrhw tias muaj ib hnub peb yeej yuav tau nrog Tswv Ntuj nyob ua ke.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°49

Re: Bao X Mary lub tsev Txiaj ntsim

Post Mim 5th February 2012, 4:35 pm

dejntwstsirovqab wrote:Ntuj lub ceeb ntseej.. nej tseem tos txog thaum twg mas ..
kuv xav ces yog lub sij hawm no xwb.. c'est à présent pas futur ni passé yog yus ua zoo ces yus tau nyob kaj siab lug ua phem ces nyob ntxhov siab cuag daum mag xub xwb..
yog tiam tam sim yus ua neej no xwb.tsi yog lwm tiam, tsi yog tiam tag los.

thov txim tej zaum yuav tsi raws li sawv daws xav..

zoo siab rov tau tuaj ntsib nej dua pom nej lom zem dhau khaus ntiv ntes lam sau ob los tuaj ua si os nawb ..

sib ntsib dua.. tsoom phooj ywg ntseeg

Nyob zoo dejntwstsisrovqab,

Tau ntev heev lawm, hnub no zoo siab rov pom koj tuaj saib peb dua. Koj tau hais ib co lus tseem ceeb kawg li. Vim li ntawd kuj thiaj xav tuaj ntxiv ib qho rau koj cov lus thiab.

Koj tau hais tias "Ntuj lub ceeb tsheej... ces yog tam sis no xwb." Koj yeej hais yog ib nrab lawm. Peb yuav tsum tau ua zoo thiab tsim ntuj ceeb tsheej tam sis no uas peb niaj hnub ua neej nyob. Peb ua zoo ces peb yuav tau kev kaj siab. Yog kawg li. Tiam sis nyob hauv kev ntseeg Ntuj mas txoj kev kaj siab tsis tas rau ntiaj teb no xwb, nws tseem muaj ntxiv rau lwm tiam thiab. Ntiaj teb no, Ntuj ceeb tsheej tsuas yog pib xwb, qhov nws yuav muaj mus li thiab yuav nyob tas ib txhiab ib txhis yog lwm tiam. Muab xav hais tias peb tsuas ua neej ntev kawg 100 xyoo, yog piv rau ib txhiab ib txhis mas yog ib ntsais muag xwb.

Txoj kev ntseeg Ntuj qhia kom peb yuav tsum ua zoo nyob ntiaj teb no, ces lwm tiam peb thiaj tau ntuj lub ceeb tsheej nyob tas mus li. Yog peb ua phem, ces ntiaj teb no los tsis nyob kaj siab, lwm tiam los tseem haj yam yuav tau kev txom nyem loj tshaj xwb. Ntiaj teb no, txawm peb ua zoo thiab nyob kaj siab npaum twg los peb yuav txawj tuag. Lwm tiam, peb yuav tsis tuag ntxiv lawm, thiab txoj kev kaj siab yuav tsis txawj tas li.

Bao X Mary: Phooj Ywg; Messages : 168
Date d'inscription : 2011-07-09

Post n°50

Easter Vigil, hnub ib ua hmoov nco txog Huab Tais Yes Xus sawv rov los.

Post Bao X Mary 31st March 2012, 12:31 am

Easter Vigil, hnub ib ua hmoov nco txog Huab Tais Yes Xus sawv rov los.

Xyoo 2005 thaum lub caij ua hmoov hnub ib nco txog Huab Tais Yes Xus sawv rov los ntawd. Kuv thiab kub ib tug tub wb ua niam qhuav, txiv qhua rau ib yim neeg yuav los ntxuav plig tshiab. Txog hnub ntawd, kuv mus ua hauj lwm, kuv xav ib hnub tias kuv yuav hnav cev khaub ncaws zoo li cas thiaj li phim, thiab yuav tsum mus kom rau caij. Kuv kuj txhawj ib hnub. Kuv ua hauj lwm los txog tsev, kuv mus muab cev khaub ncaws twg hnav los zoo li tsis zoo, sim cev los zoo li tsis zoo, lam muab ib cev coj los hnav tab sis tsis zoo xis siab.Kuv tus tub los kawm ntawv pheej tsis txawj los, tseem los lig thiab. Kuv npaj tau nyob nraum zoo tos nws los txog ntua ces wb mus. Hnub ntawd mas zoo li kuv txhawj, thiab siab tsis kaj li. Vim tsis paub yuav hnav cev khaub ncaws twg thiab xim dab tsi, kuv tus tub los tseem los lig thiab. Wb mus txog lig zog lawm. Lawv twb pib teev Ntuj lawm. Wb maj dhau, wb tsis nco nqa cov roj ntses los tuav ntawm tes nrog lawv sawv daws. Txog thaum lub sij hawm uas sawv daws nyias zes nyias tus roj ntses cij zom saws, hos wb ob niam tub nyob dub nciab. Thaum ntawd wb txaj muag, thiab kuv saib lawv muaj roj ntses cig lam lug hos wb mas nyob dub nciab xwb. Ua rau kuv txaj muag thiab, cia lis poob siab. Kuv txawm xav hauv kuv lub siab tias ua cas:" Yus twb yog niam qhuav txiv qhuav rau tsev neeg, tuaj los tuaj lig, tsis paub yuav hnav cev khaub ncaws zoo lis cas, tseem tsis tau teeb khaim taws, hos nyob niag dub nciab thiab. Luag tej muaj taws lam lug ho wb ob niam tub nyob dub nciab." Thaum ntawd kuv txaj muag thiab xav tias: " lawv taws teeb khaim tas lawm ces ntshe lawv tau koob hmoov hos wb ob niam tub mas lig los lig hos, tseem tsis muaj teeb khaim taws thiab mas ntshai lawv tau koob hmoov hos wb tsis tau koob hmoov, cas ua qhov twg los zoo li ua qhov poob thiab tsis tau li siab xav li." Kuv lub siab tsis kaj li thiab txaj mauj kawg.

Tab sis txog thaum lawv hu nkauj nrov muaj ceem es yuav txog lub sij hawm uas Yes Xus sawv rov los, lawv taws teeb me me, ib pliag lawv hu nkauj nrov heev heev qhuas txog Huab Tais Yes Xus tias: !AsLesLusYa! Asleslusya!" Lawv taws kiag teeb pom kev lam lug, thaum ntawd: " Kuv mam hnov li kuv lub siab kub lug, hos zoo li qhov poob siab thiab xav tsis zoo ntawd cia li ploj ntais, hos hnov kuv lub siab kaj lug, puv npo." txawm muaj ib lub suab tuaj hauv kuv lub siab tias:

" Koj tsis taws tus roj ntses nyob sab nraud thiab tsis hnav ces khaub ncaws zoo los, tsuav koj cia tus teeb khaim hauv koj lub siab taws cig lam lug mus li,thiab koj hnav ces khaub ncaws kom zoo thiab tshiab tas mus li sab hauv xwb ces tau lawm."

Thaum ntawd mas kuv ntsia zoo li, " kuv nyob ib qhov chaw zoo zoo nkauj, hos kaj lug, kaj nrig, hos kuv lub siab kaj lug tsis nco txhawj dab tsis thiab xav txog tej yam zoo zoo xwb, thiab kub hnov li ib lub zog tuaj rau hauv kuv, ua kuv lub siab puv npo."

Thaum ntawd yog ib yam txawv kawg rau kuv,ua rau kuv hnov qab tsis tau mus li. Ua rau kuv xav mus teev Ntuj thiab yog kuv yim teev Ntuj ntau mas ua rau kuv lub siab kaj lug, thiab nyob tus, tswj tau kuv rub kuv lub siab kom ntev tuaj. Kuv ua Huab Tais Ntuj tsaug uas Nws tseem pub lub txiaj ntsim zoo ntawd rau kuv thiab. Kuv thiaj pom zoo muab los tshaj rau sawv daws tau paub. Yog leej twg ntseeg, nws yuav tau txais tim yam.

Thom kom Huab Tais Ntuj nrog peb sawv daws nyob thiab ua peb sawv daws lub siab kaj lug mus li.

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°51

Re: Bao X Mary lub tsev Txiaj ntsim

Post Npuagtub 31st March 2012, 5:17 am

" Koj tsis taws tus roj ntses nyob sab nraud thiab tsis hnav ces khaub ncaws zoo los, tsuav koj cia tus teeb khaim hauv koj lub siab taws cig lam lug mus li,thiab koj hnav ces khaub ncaws kom zoo thiab tshiab tas mus li sab hauv xwb ces tau lawm."

Bao X. Mary,

Koj zaj lus no yog ib qho tseem ceeb heev rau peb txhua leej yuav tau paub txog, Yam lub qhov muag pom yog ua kom lub siab ntseeg xwb, txawm koj npaj yam nyob sab nraum neeg qhov muag pom tsis yeej los yog koj twb npaj tau yam nyob sab hauv koj nruab siab tiav tas ces yog qhov tseem ceeb ua Tswv Ntuj xav kom peb ua thiab coj. Kev hnav ris tsho ua niam qhuav txiv qhuav tsis hais lub caij twg los xij, nej tsis tas yuav hnav zoo zoo, hnav raws li tej tsoos yus niaj hnub hnav mus teev ntuj xwb los yeej tau, qhov tiag saib yus puas muaj lub siab yuav txhawb thiab pab tus neeg yuav los txais lub Cim Ntxuav tiag raws li Tswv Ntuj xav kom yus ua.

Kuv tsis paub nyob rau lwm lub tsev teev ntuj ho zoo li cas, tiam sis nyob hauv peb lub tsev teev ntuj mas, tus tswm ciab, thiab lub tsho dawb lawv yeej xub npaj muaj txhij nyob hauv tsev teev ntuj provide rau cov yuav txais lub Cim Ntxuav hmo ntawd, tsuas yog cov neeg tuaj teev ntuj nyias thiaj li nqa nyias tus tswm cia tom tsev tuaj, yog yus ho tsis nqa tswm ciab tuaj los yeej tsis ua cas.

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°52

Re: Bao X Mary lub tsev Txiaj ntsim

Post Mim 31st March 2012, 11:22 am

Bao X Mary wrote:Easter Vigil, hnub ib ua hmoov nco txog Huab Tais Yes Xus sawv rov los.

Xyoo 2005 thaum lub caij ua hmoov hnub ib nco txog Huab Tais Yes Xus sawv rov los ntawd. Kuv thiab kub ib tug tub wb ua niam qhuav, txiv qhua rau ib yim neeg yuav los ntxuav plig tshiab. Txog hnub ntawd, kuv mus ua hauj lwm, kuv xav ib hnub tias kuv yuav hnav cev khaub ncaws zoo li cas thiaj li phim, thiab yuav tsum mus kom rau caij. Kuv kuj txhawj ib hnub. Kuv ua hauj lwm los txog tsev, kuv mus muab cev khaub ncaws twg hnav los zoo li tsis zoo, sim cev los zoo li tsis zoo, lam muab ib cev coj los hnav tab sis tsis zoo xis siab.Kuv tus tub los kawm ntawv pheej tsis txawj los, tseem los lig thiab. Kuv npaj tau nyob nraum zoo tos nws los txog ntua ces wb mus. Hnub ntawd mas zoo li kuv txhawj, thiab siab tsis kaj li. Vim tsis paub yuav hnav cev khaub ncaws twg thiab xim dab tsi, kuv tus tub los tseem los lig thiab. Wb mus txog lig zog lawm. Lawv twb pib teev Ntuj lawm. Wb maj dhau, wb tsis nco nqa cov roj ntses los tuav ntawm tes nrog lawv sawv daws. Txog thaum lub sij hawm uas sawv daws nyias zes nyias tus roj ntses cij zom saws, hos wb ob niam tub nyob dub nciab. Thaum ntawd wb txaj muag, thiab kuv saib lawv muaj roj ntses cig lam lug hos wb mas nyob dub nciab xwb. Ua rau kuv txaj muag thiab, cia lis poob siab. Kuv txawm xav hauv kuv lub siab tias ua cas:" Yus twb yog niam qhuav txiv qhuav rau tsev neeg, tuaj los tuaj lig, tsis paub yuav hnav cev khaub ncaws zoo lis cas, tseem tsis tau teeb khaim taws, hos nyob niag dub nciab thiab. Luag tej muaj taws lam lug ho wb ob niam tub nyob dub nciab." Thaum ntawd kuv txaj muag thiab xav tias: " lawv taws teeb khaim tas lawm ces ntshe lawv tau koob hmoov hos wb ob niam tub mas lig los lig hos, tseem tsis muaj teeb khaim taws thiab mas ntshai lawv tau koob hmoov hos wb tsis tau koob hmoov, cas ua qhov twg los zoo li ua qhov poob thiab tsis tau li siab xav li." Kuv lub siab tsis kaj li thiab txaj mauj kawg.

Tab sis txog thaum lawv hu nkauj nrov muaj ceem es yuav txog lub sij hawm uas Yes Xus sawv rov los, lawv taws teeb me me, ib pliag lawv hu nkauj nrov heev heev qhuas txog Huab Tais Yes Xus tias: !AsLesLusYa! Asleslusya!" Lawv taws kiag teeb pom kev lam lug, thaum ntawd: " Kuv mam hnov li kuv lub siab kub lug, hos zoo li qhov poob siab thiab xav tsis zoo ntawd cia li ploj ntais, hos hnov kuv lub siab kaj lug, puv npo." txawm muaj ib lub suab tuaj hauv kuv lub siab tias:

" Koj tsis taws tus roj ntses nyob sab nraud thiab tsis hnav ces khaub ncaws zoo los, tsuav koj cia tus teeb khaim hauv koj lub siab taws cig lam lug mus li,thiab koj hnav ces khaub ncaws kom zoo thiab tshiab tas mus li sab hauv xwb ces tau lawm."

Thaum ntawd mas kuv ntsia zoo li, " kuv nyob ib qhov chaw zoo zoo nkauj, hos kaj lug, kaj nrig, hos kuv lub siab kaj lug tsis nco txhawj dab tsis thiab xav txog tej yam zoo zoo xwb, thiab kub hnov li ib lub zog tuaj rau hauv kuv, ua kuv lub siab puv npo."

Thaum ntawd yog ib yam txawv kawg rau kuv,ua rau kuv hnov qab tsis tau mus li. Ua rau kuv xav mus teev Ntuj thiab yog kuv yim teev Ntuj ntau mas ua rau kuv lub siab kaj lug, thiab nyob tus, tswj tau kuv rub kuv lub siab kom ntev tuaj. Kuv ua Huab Tais Ntuj tsaug uas Nws tseem pub lub txiaj ntsim zoo ntawd rau kuv thiab. Kuv thiaj pom zoo muab los tshaj rau sawv daws tau paub. Yog leej twg ntseeg, nws yuav tau txais tim yam.

Thom kom Huab Tais Ntuj nrog peb sawv daws nyob thiab ua peb sawv daws lub siab kaj lug mus li.

Nyob zoo Bao X Mary,

Koj zaj lus pov thawj no zoo kawg li os. Txawm koj tuaj txog lig me ntsis thiab koj npaj tsis txhij los koj muaj txoj kev pom kev kaj lug nyob hauv koj nruab siab lawm ces yog yog qhov zoo tshaj li lawm. Peb nrog koj zoo siab rau lub txiaj ntsim zoo koj tau txais thiab nrog koj ua Tswv Ntuj tsaug os.

Bao X Mary: Phooj Ywg; Messages : 168
Date d'inscription : 2011-07-09

Post n°53

Re: Bao X Mary lub tsev Txiaj ntsim

Post Bao X Mary 31st March 2012, 4:41 pm

Xwb Hwb Npuag Tub thiab Mim, ua tsaug neb cov lus txhawb kuv siab. Tej yam txiaj ntsim zoo zoo li ntawd yeej yog ib lub txiaj ntsim muaj nuj nqes kawg li, thiab txhawb yus lub zog, ua rau yus thoob tsib tuaj.

Xwb Npuag Tub, nyob hauv peb lub Church mas lawv npaj tswm ciab rau sawv daws tag nrho.

Thov kom Huab Tais Ntuj nrog peb sawv daws nyob ua peb txhua tus lub siab kaj lug mus li.

Bao X Mary: Phooj Ywg; Messages : 168
Date d'inscription : 2011-07-09

Post n°54

HAPPY EASTER, ZOO SIAB YES XUS SAWV ROV LOS!

Post Bao X Mary 8th April 2012, 2:25 am

HAPPY EASTER! NYOB ZOO,ZOO SIAB PEB TUS HUAB TAIS YES XUS SAWV ROV LOS!

Thov kom peb sawv daws tau txais lub txiaj ntsim muaj txoj sia nyob mus li nrog peb tus Huab Tais Yes Xus Pleev. Thov kom peb sawv daws tau nyob kaj lug kaj nrig hauv peb tus Huab Tais Yes Xus Pleev lub npe.

Kuv lub siab kaj lug,muaj ib lub teeb ci pom pom kev hauv kuv lub siab .Nws tshav ntuj nrig, paj xyoob paj ntoos tawg nra paug, zoo nkauj tas nrho. Kuv lub siab kaj lug hnub Easter Vigil thiab Hnub Easter Sunday.Thov kom peb sawv daws lub siab kaj lub thiab.

Peb tus Huab Tais Yes Xus Pleev tau yeej txoj kev tuag thiab sawv rov los.

Alleluia!Alleluia! Yes Xus sawv rov los!

Peb nyob kaj lug!

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°55

Re: Bao X Mary lub tsev Txiaj ntsim

Post Maiv Tooj 8th April 2012, 3:19 am

Nyob kaj lug nrog Huab Tais Yus Xus thiab os Npaub,

Ua tsaug ntau rau nws cov lus zoo lus koob hmoov.

Lub zim txwv Hmoov Hla xyoo no kuv kuj muaj kav kaj siab lug nrog Huab tais Yes Xus kev tuag thiab Sawv Rov los. Ib yam li txiv Suav Nus cov lus Foom rau peb, peb cov txhaum taug tuag nrog Huab tais Yes Xus, peb lub siab pheej xeeb tau nrog Huab tais Yes Xus Sawv Rov los. Kuv kuj zoo siab kawg, yog thawj zaug uas kuv mus Daws txhaum tag es kuv hnov kuv ib cev sib sib tiag tiag li uas sawv daws pheej tso dag. Kuv xav tias ntshe lawv lam tso dag xwb no tab sis xyoo no kuv mus Daws txhaum tag, kuv hnov kuv lub cev sib tau ib hnub ib hmos nkaus. Thiab kuj muaj ntau yam kev kaj siab rau kuv, kuv ua Ntuj tsaug.

Bao X Mary lub tsev Txiaj ntsim - Page 2 Draped10

Last edited by Maiv Tooj on 8th April 2012, 7:21 am; edited 1 time in total

Sponsored content

Sponsored content

Post n°56

Re: Bao X Mary lub tsev Txiaj ntsim

Post Sponsored content

1, 2, 3

Similar topics

» Hmoob Guyane
» THOV TAU TXIAJ NTSIM NYOB ARS
» Tswv Ntuj lub Txiaj Ntsim
» Txais txiaj ntsim nyob Lourdes
» Thoj Zoov Ntsuab tau txais Txiaj Ntsim

Niam Mab Liab

Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.

Tshiab Mis Kas Ees

Bao X Mary lub tsev Txiaj ntsim - Page 2 Saint-10

Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.

NtawvXamNyoog2017_18_B.

Ntawv Xam Nyoog xyoo B : 2017-2018

Nias ntawm daim duab mus saib daim ntawv teev:

KEV KAWM

Qhia Ntuj kev cai tus sau Maiv Tooj

QHIA NTUJ KEV CAI Sau Tim 12/5HLIS/2010

tus sau

Maiv Tooj

Ntuj kev cai lub ntsiab nias hauv no

KEEB KWM

T.P Nyiaj Pov Keeb Kwm Niam Ntawv thoob teb thiab nws lub txiaj ntsim hlub Hmoob

Bao X Mary lub tsev Txiaj ntsim - Page 2 Post-311

T.P Neej Vaj lub cawv xeeb thiab nws lub txhiaj ntsim hlub Hmoob

Bao X Mary lub tsev Txiaj ntsim - Page 2 Certif11

NKAUJ TEEV NTUJ

Nkauj Teev Ntuj Kas Tos Liv Bao X Mary lub tsev Txiaj ntsim - Page 2 Cours-10

Bao X Mary lub tsev Txiaj ntsim - Page 2 Cours-10

KOOM TXOOS

KOOM TXOOS KAS TOS LIV LIS XWM Bao X Mary lub tsev Txiaj ntsim - Page 2 Fig110

Bao X Mary lub tsev Txiaj ntsim - Page 2 Fig110

CAW LOS NYEEM NTAWV

XH Yaj Zoov Ntxheb lub tsev Thoob Tsib Bao X Mary lub tsev Txiaj ntsim - Page 2 Zoontx10

Bao X Mary lub tsev Txiaj ntsim - Page 2 Zoontx10

Current date/time is 26th April 2024, 9:54 am