Txais txiaj ntsim nyob Lourdes

Marie Bigot, zaum no noj nyiaj laus, nws nyob lub Tsev Laus hauv lub zos Pleurtuit, ze Saint Malô, Fab Kis teb. Nws yog ib tug uas tau Txiaj Ntsim nyob Lourdes uas Koom Txoos Kav Tos Liv lees paub.

Ib txwm thaum yau los Marie Bigot yog ib tug neeg muaj mob. Ib sij mob ib zaug uas nws tssi tau zoo mus kawm ntawv. Thaum nws muaj 30 xyoo ces nws haj yam mob heev, tus mob mus raug nws lub paj hlwb, ua rau nws sab lauj tuag tag nrho, mus tsis taus kev, tseem ua rau nws dig muag thiab lag ntseg tib si.

Tab sis nws tsev neeg tsis kam tso tseg, xyoo nws 1953 nws niam thiaj coj nws mus teev Ntuj nyob Lourdes. Mus txog Lourdes, cov neeg mob loj coob li coob, Marie Bigot tsis xav tias Tswv Ntuj yuav muab txiaj ntsim rau nws li. Lawv mus teev Ntuj tom lub Qhov Tsua, cas nws hnav li nws tu sauv nram ko taw los ti nkaus pem taub hau. Ces nws txawm muab nws txhais tes xis xuas tau txoj Saw Mab Liab los tuav, sab tes xis tuav los teev. Lawv coj nws rov los txog pem tsev so, cov kws tshuaj thiab cov tub Xov Xwm ntsia ntsoov nws cia li sawv mus kev. Thaum ntawd nws hnov qhov tu sauv tag ces nws txawm xav tias ntshe kuv mus taus kev ho, no ces nws thiaj cia li sawv mus kev li nej pom hauv daim video no. Qhov nov yog tiag tiag, tsis yog ua yeeb yam. Ces Marie Bigot rov mus taus kev lawm, xyoo tom qab 1954 nws niam rov coj nws mus Lourdes dua, nws kuj rov tau txais txiaj ntsim ntxiv, ua rau nws rov pom kev thiab hnov lus. Thaum nws mus Lourdes, nws hnov dab tsi nrov, nws mloog naj cas yog cov neeg coob coob ua nrov, ces nws cia li zoo hlo hnub ntawd los.

Marie Bigot tus mob zoo hlo zaum no, lub Koom Txoos txais paub kiag thiab cov Kws Tshuaj los yeej qhuas txog.