HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Lub txiaj ntsim kuv tau txais thaum mus tuag Leej Ntshiab Yas Kos txoj kev  Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Lub txiaj ntsim kuv tau txais thaum mus tuag Leej Ntshiab Yas Kos txoj kev

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Lub txiaj ntsim kuv tau txais thaum mus tuag Leej Ntshiab Yas Kos txoj kev  Empty Lub txiaj ntsim kuv tau txais thaum mus tuag Leej Ntshiab Yas Kos txoj kev

    Post  Maiv Paj Lug 24th August 2012, 11:38 am

    Lub txiaj ntsim kuv tau txais thaum mus tuag Leej Ntshiab Yas Kos txoj kev

    Lub txiaj ntsim kuv tau txais thaum mus tuag Leej Ntshiab Yas Kos txoj kev  21084110


    Nyob zoo ib tsoom phoojywg,

    Kuv piav lub txiaj ntsim kuv tau txais ntawm Huab Tais Ntuj thaum kuv mus nrog Hmoob Kas Tos Liv Fab kis teb taug Leej Ntshiab Yas Kos txoj kev mus tshaj ntuj lus.

    Peb txhua tus puav leej zoo siab thaum peb taug txoj kev tag, hnub kawg mus txog Conques...muab 3 hnub taug 11-15/ 08/2012

    Peb nyias rov mus nyias, yam sai kawg nkaus, tsis tau nyob tham ua ke kom txaus kom ntev...

    Hmo tom qab peb los so lub zos St Etiennes hauv kuv tus niamhluas thiab tus txiv hluas tsev, yog hnub 16-17 sawv ntxov thaj tsam 5 moo kaj ntug, kuv tau ua ib zaj looj tsim...

    Kuv pom muaj ib tug choj loj loj tuam kom peb nce toj, muaj neeg coob coob los dhau peb thiab nce toj tas, tshuav kuv ob tug niamhluas thiab kuv los txog ntawm tus choj, muaj ib niag dab phem loj thiab siab kawg nkaus tsuj tus choj thiab tav peb kev, kuv ob tug niam hluas nsthai ces nkawv lug kev khiav pla hav zoov lawm, kuv saib tus dab phem ob txhais ko taw, nws pib tshee yuav caum kuv, ces kuv thiaj pla lawv kuv ob tug niam hluas qab hauv hav zoo ntawm sab ntug kev tus coj teem tuaj tos peb nce toj, kuv khiav tsis taus li kuv txawm los nkaum hauv ib tsob nroj kom niag dab phem txhob pom kuv, tiam niag dab phem tseem pom kuv lawm thiab, nws tsis caum kuv ob tug niamhluas, nws cia li lawv kuv qab los lawm tiag, kuv thiaj tawm plaws khiav rov qab mus ntawm txoj kev, kuv tsis nce tus choj vim kuv nce tsis tau li ces kuv thiaj tig khiav rov qab nqis hav ntawm txoj kev mus seb puas muaj neeg pab kuv, vim dab phem caum kuv.

    Kuv los txog ntawm ib tog kev nqis hav, muaj ib co neeg dub dub txawm luag luag kuv zom zaws thiab lawv thuam kuv kawg, kuv thiaj hla ntawm cov neeg dub ntawv rov mus txog qhov kuv qhov qub chaw uas peb pw yuav mus taug Leej Ntshiab Yas Kos txoj kev. Kuv niam zaum nraum zoov, kuv nkag kiag rau lub tsev kaus ntub ua kuv pw, kuv muab tsev kaus ntuab swb kiag kom dab phem txhob pom kuv, ces kuv hais rau kuv niam nyob nraum zoov tias: " Niam, koj txhob qhia niag dab phem loj loj caum caum kuv tias kuv nkaum hauv no nawd". kuv niam txawm teb tias : " aws"

    Tiam sis tib pliag xwb ua ciav hnov tsis yog kuv niam, tiam sis yog niag dab phem caum kuv los ua neeb nraum zoov uas kuv qhov chaw pw, kuv hnov tswb neeb nrov zom zaws, txawm hnov niag dab phem nthe tej suab li ua neeb, nws dhia dhia muaj plhus ntxiag nraum zoov. Kuv xav zoj tsis tau li, yog nws los ua neeb nraum zoov lawm mas yeej yog nws yuav muab kuv tus ntsuj plig xwb ntag, kuv thgiaj tawm plaws rob nraum zoov, xuas kev khiav rov qab mus lawm tom tus choj uas teem tuaj kom peb nce toj mus, ces kuv khiav niag dab phem ua neeb, kuv rov qab mus ntsib pab neeg dub dub tom kev, lawv luag tsaug tsi rau kuv dua, lawv txhawm pib thuam kuv, ib tug neeg dub dub txawm muab tau ib lub mov nplej uas zoo li lub mov nplej thaum ua Mixas Yesxus lub cev Txiv Plig muab rau yus noj ntawv cev rau kuv, thaum kuv txais kiag lub mov nplej cas liab ploog xwb, kuv tsis kam noj kuv muab tib cuam rov rau qab rau tus neeg dub dub. Kuv hais rau nws tias :" Kuv tsis txais koj lub mov no, nws liab cuag no tsis yog Yesxus." Tus neeg dub no rov cev tau ib lub dawb dawb rau kuv, tiam sis nws ho tsis kam muab rau kuv lawm, nws muab lub mov dawb dawb no los xo ntawm nws cov kaus hniav, kuv pom tib co hniav ntse cuag li riam, thiab tseem thuam kuv tias :" Koj nij hnub mus noj cov mov no hauv tsev teev ntuj, twb tsis muaj nqis.". Kuv thiaj teb hais rau lawv tias:" nej txawm ua npaum twg rau kuv los yeej tsis mob kuv siab, vim lub mov dawb dawb nod yog tsis muaj Txiv Plig foom Hmoov rau saud yeej tsis yog Tswv Ntuj lub cev". Thiab kuv hais rau cov neeg thuam kuv nod ntxiv hais tias :" Kuv tsis ntshai nej os, ib pliag Tswv ntuj tuaj tos kuv ces nej yuav ua tsis tau phem rau kuv".

    Kuv nyuam qhuav hais li no tag khiag xwb, txawm muaj ib nthwv cua daj cua dub nplawm ntws nram kuv qab tuaj vij nkaus kuv, nthwv cua dub nciab muab kuv nqa kiag rau saum ib nta, kuv qw nrov nrov tias : " TSWV NTUJ TUAJ LAWM LAUJ! zaum no nej yuav ua phem tsis tau rau kuv". Cov neeg dub dub ntshai nthwv cua no heev, cia li sib tw khiav nkaum rau qhov txhia qhov chaw, kuv mas nim zoo zoo siab tias zaum no lawv paub lawm los pob, tias Tswv Ntuj hlub kuv heev.

    Nyob hauv nthwv cua pib hais lus rau kuv thiab muab kuv qa mus taug txoj kev Yas Kos , kuv pom toj roob hauv pes ntsuab xiab, tus dej Lot peb taug phua nrhe ua ob sab txaws rau nraum qhuab ci cuag hnub qub ntsais, pom tib neeg khiav yeev hauv ntug dej, zoo nkauj thiab tshiab tiag tiag, kuv lub siab yuj plaws rau Huab Tais, kuv tsis xav tsim li, kuv tus ntsuj plig zoo siab dhau hwv lawm, kuv thov thov hauv kuv tus looj tsim : " Tswv Ntuj koj txhob pub kuv tsim li od, vim kuv tseem xav xav saib, kuv tsis tau xav tsim". Tswv Ntuj hais lus hauv tauv huab tuaj tias :" Koj puas pom cov pob zeb poob ntawm kev uas dawm dawm ko taw? cov pob zeb no nws muaj zog heev ua rau nej ntog, tiam sis yog leej twg nrog tus muaj sia, cov pob zeb no muag npaum luav". Kuv txawm pom cov pob zeb hauv txoj kev ya rov qab rau saum ob sab tsua zeb, Zoo li tej zeb tej tsua , tej nroj tsuag, tej me dej ntws yeev mloog Tswv Ntuj lus tag nrho, zoo li Tswv Ntuj txib tau tag ib puas yam tsav uas yog Tswv Ntuj li, kuv pom li ntawv kuv thiaj paub tias yog Huab Tais Yesxus los xyuas kuv.

    Yesxus hais ntxiv tias :" Me nas me Noog ,hawm Tswv ntuj tas nrho, tsis hais dej hiav txwv mus rau nruab nqhuab, ib tog zuj zus tuaj yog thaum Yesxus dua kev puav leej hawm Yesxus. Noob neej ne? cas noob neej tsis mloog ntuj lus li tej nyuag zeb nyuag tsua mloog lus? tsis mloog ntuj lus li tej nroj tej tsuag mloog ntuj lus? tsis mloog ntuj lus li tej nas tej noog tej ntses khiav hauv dej mloog ntuj lus? Tsis kav Tswv Ntuj tseem muab yam zoo tshaj los ua noob neej tug."

    Nws hais tas li no rau kuv, ces kuv cia li tsim dheev hauv looj tsim los , kuv qw ib suab nrov nrov, ua rau kuv niam pw ntawm ib sab ceeb ib plhaw, kuv hais tias :" TSWV NTUJ LOS XYUAS KUV LAWM LAUJ....kuv lub siab mas kaj ntuj cuag li thaum lub hnub siab siab uas ib tav su dua lawm, tiam sis kuv sawv los saib moo na nyuam qhuav 5 moo me me kaj ntug xwb, kuv cia li seev yees nkauj teev ntuj hu, hu txog Leej Txiv Leej Tub Leej Ntuj Plig, hu Ave Maria....hu Faj Tim Huab Tais Ntshiab....

    Kuv tawm ib ce hws nrog zom zaws, kuv niam xav tias kuv nyuam qhuav sawv mus da dej los cas kuv yuav sawv ntxov los hu nkauj ....


    Yog hnub kuv txoj sia tu nyob ntiaj teb no, es tus ntuj plig zoo siab npaum li kuv pom nod xwb ces kuv txoj sia kuv yeej khuv xim tsis npaum li uas kuv plam Tswv Ntuj mus ib sim.

    Thov kom Tswv Ntuj nrog nej nyob ua nej siab kaj lug....

    Lub txiaj ntsim kuv tau txais thaum mus tuag Leej Ntshiab Yas Kos txoj kev  Hnub2110

      Current date/time is 28th March 2024, 9:17 am