HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tau txais Ntuj Txiaj ntsim nyob Lourdes Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    Tau txais Ntuj Txiaj ntsim nyob Lourdes

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tau txais Ntuj Txiaj ntsim nyob Lourdes Empty Tau txais Ntuj Txiaj ntsim nyob Lourdes

    Post  Maiv Tooj 26th February 2010, 10:57 am




    Guerison de Lourdes
    envoyé par jeffcola.

    Khoom mam tuaj txhais ua lus Hmoob.


    Tus mob zoo hlo yog lub Cim Yug muaj Hwj Huam.

    Txhais ntawm daim video ua lus Hmoob,

    Daim video nov yog yees xyoo 1994,
    Jeanne Frétel tuaj Tim 1 lub 4 hlis 2005,
    Yog Xyoo Lub Cim Yug
    :


    Muaj ntau plhom leej neeg thoob ntuj tuaj thov ntuj ntawm lub Tsev Nteev Ntuj kom lawv cov neeg mob zoo.
    Muaj coob leej tau hais tias lawv zoo lawm tab tsis Lub Koom Txoos Kev Ntseeg tsuas lees paub tus puav xwb.

    Tus phauj tab tom mus kev nov yog tus zeej 52 uas lub Koom Txoos lees paub tias nws tus mob zoo lawm tiag. Nws lub npe hu ua Jeanne Frétel.

    Jeanne hais:

    Tshuav tsis ntev thiab ces kuv muaj 80 xyoo, kuv yuav muaj 80 xyoo rau hnub Tim 27 hlub 5hli yuav tuaj no. Yog tej yam uas zoo tshaj plaws, tiag tiag mas twb yuav tsum nyob tom toj ntxas tau 45 xyoos los lawm tab sis hnub no kuv tseem nyob qhov nov.

    Tus Presentateur hais:

    Jeanne Frétel yug xyoo 1914, nyob rau Cheeb Tsam (Région, Phak) Bretagne, Fab Kis teb sab Laj fab. Nws niam thiab txiv yog Tub Qoob Tub Loo, nkawd hlub Jeanne heev, tab sis nkawd txoj kev hluub pab tsis tau Jeanne txoj kev txom nyem. Tsawg hnub xwb uas nws thiaj mus kawm taus ntawv, vim nws mob ntsuav. Nws zog tab heev, nws twb tsis muaj zog ua si lawm.
    Kws Tshuaj tuaj xyuas nws tsis tseg, tab sis kuj tsis paub tias Jeanne mob dab tsi tiag thiab tsis muaj yam tshuaj kho kom zoo li.

    Kws tshuaj hais:

    Tsam no nws pw tsaug zog nawb! Taig kis kuv mam rov tuaj dua mog.


    Jeanne hais:

    Kuv tsis paub txoj kev noj qab nyob zoo li. Tsuas muaj qhov tias kuv ua tsis tau qhov nov, kuv ua tsis tau qhov tod, kuv khiav tsis tau, ...Kuv tsuas niaj hnub mob nkaus xwb.

    Tus Presentateur hais:

    Li ntawd tab sis zoo li thaum Jeanne hnub nyug 10 xyoo, zoo li nws ho zoo me ntsis lawm. Nws thiaj tau txais lub Cim Yug Thawj Zaug. Thaum ntawd thiaj muaj ib yam xwm zoo Tshwm Sim.

    Jeanne hais:

    Yog thaum kuv txais lub Cim Yug thawj zaug, thaum tab tom txais Yes Xus lub Cev, kuv hnov ib qho hu kuv. Yog ib qhov Pom Kev hais rau kuv, yog lub hauv paus uas mus ua Phauj.

    Tus Presentateur hais:

    Tab sis tsis ntev tom qab kiag xwb ces Jeanne rov mob dua lawm. Txawm Qhov Pom Kev uas tau hu nws ci lam lug zais ntshis hauv nws lub siab uas tsis qhia rau leej twg paub, yog qhov nws xaiv ua lub neej tab seeb hwm Tswv Ntuj. Qhov nov nws npog tau 10 xyoo, nws thiaj mus ua Phauj, nws xav muab nws lub neej txiv rau Tswv Ntuj. Nws niam nws txiv tsis kam, tab sis cheem tsis tau nws. Thaum Jeanne Frétel muaj 20 xyoo, nws thiaj mus ua Phauj.
    Qhov uas Jeanne tos tshaj los txog, tab sis nws puas yuav ua tau li nws xav ua, xav pab cov neeg pluag, vim nws tus mob tsis tso nws li. Tsis ntev kiag tom qab no, Jeanne cia li rov mob nyhav qaug txaj kiag li lawm. Cov Phauj mob siab kho Jeanne tab sis kho tsis zoo li thiaj coj mus rau Kws Tshuaj, tau muab phais. Kws Tshuaj pom tias Jeanne mob Tuberculoses General, yog ib tug mob loj heev. Thaum lub caij ntawd mas tseem yog ib tug mob phem heev, vim tsis muaj txoj hauv kev yuav kho tau.
    Jeanne txom nyem zuj zus hnub dhau hnub, txawm Jeanne thiab cov Phauj hauv tsev Kho Mob rau siab teev Ntuj npaum li cas los Jeanne tsuas niaj hnub mob nyhav zuj zus, cov Kws Tshuaj tsis muaj peev xwm yuav tshem tau nws tus mob.


    Tau txais Ntuj Txiaj ntsim nyob Lourdes Art1a_n137


    Jeanne hais:

    Kuv mus pw Tsev kho Mob thaum kuv muaj 23 xyoos, kuv mus phais nyhuv tws xwb no tab sis kuv mus nyob 11 xyoos hauv Tsev Kho Mob. Qhov nov kuv tsis xav kom raug leej twg li, vim koj paub thaum koj nkag mus rau Tsev Kho Mob xwb, koj tsis paub thaum twg koj yuav tawm.

    Tus Presentateur hais:

    Zaum nov Jeanne qaug txaj kiag li lawm, tej thaum nws kub txog 41°C, cov Kws Tshuaj tsis pom qab yuav tiv thaiv li cas tau. Nws mob ntev heev los lawm, cov Kws Tshuaj muab nws phais ntau zaus los nws yeej tsis zoo li.

    Jeanne hais:

    Nej sim xav seb, 23 xyoos, muab tag nrho yus txoj kev hluas los pw saum txaj. Qhov peb ua ces yog teev Ntuj thiab txais lub Cim Yug ib lis piam ib zaug xwb. Kuv yeej paub tias kuv tsis zoo lawm, txhua hnub kuv tos txoj kev tuag.

    Tus Presentateur hais:

    Thaum Tsov Rog Zaum Ob dav hlau tuaj pov hoov pob, Jeanne twb tsis muaj cuab kav yuav mus nkaum tau hauv nws qab txag li luag tej. Tab sis nws seem tuag tag li, muab coob tus tau raug hoob pob thiab tuag ntawm nws ib sab.

    Jeanne hais:

    Ob teev xwb muaj cuaj leeg tuaj, lwm zaus ces yuav yog koj zeeg lauj(Jeanne zeeg).

    Tus Presentateur hais:

    Lub 6 hli 1964, Jeanne nkees zuj zus, ces cov Phauj ua siab coj nws mus nram Lourdes. Thaum ntawd mas kev mus los tsis yooj yim, vim tsov rog nyuam qhuav tus, mus nyuaj heev thiaj txog lub Tuam Tsev teev Ntuj. Tab sis neeg mus coob heev, vim ib txhia yog muaj mob tsis muaj chaw kho, ib txhia yog raug mob thaum ua rog kho tau tsis zoo heev, puav leej tuaj thov Ntuj kom lawv zoo.
    Jeanne nyob ib lis piam nram Lourdes, nws thov Ntuj rau luag tej kom dim ntawm lawv tus mob. Vim nws li ces nws yeej xav tias nws kawg yuav tuag xwb.
    Ces lawv coj Jeanne rov los pem lub Tsev Kho Mob nyob Rennes, nws mloog li yog nws rov los nws lub tsev, vim nws twb nyob yuav luag tau 10 xyoo hauv lub Tsev Kho Mob nov lawm thiab lo raws nws lub txaj tsis nrug li.
    Tab txawm Jeanne muaj txoj kev ntseeg loj los tej thaum nws kuj tag kev cia siab thiab xav kom nws dim ntawm txoj kev txom nyem. Nws yuav txom nyem txog thaum twg ntxiv es nws tus mob mam yuav coj nws mus. Lawv txhaj yeeb tshuaj(morphine) rau los zaj mob yeej tsis ntaug li lawm.

    Kws Tshuaj Generaliste Jean L. hais:

    Jeanne yog ib tug neeg uas mob nyhav heev, cov ntaub ntawd sau tseg uas lawv muab rau kuv saib, nws yog ib tug neeg kawg kev lawm, yuav zoo tsis tau rov los ntxiv. Vim yog ib tug mob phem thiab kawg tuag xwb. Peb yeej tsis muaj ib yam tshuaj kho li.
    Ces muaj ib taig kis, Jeanne cia li tsis nco qab lawm, cov Kws Tshuaj ua tsis tau kom nws xeev los li.

    Jeanne hais:

    Lub 7 hli ces kuv tsis nco qab lawm, kuv tsis nco qab tau (nyob Coma) tau 3 hlis thiab 12 hnub.

    Tus Presentateur hais:

    Jeanne kawg yuav tag kee xwb, tab sis cov neeg ib ncig ntawm nws tsis kam ntseeg. Lub 10 hli xyoo 1948, lawv thiaj coj Jeanne rov mus Lourdes dua yog zaum ob. Coob leej xav tias ntshe yog nws taug kev zaum kawg lawm.
    Lawv thiaj kwv nws mus rau ntawm tshav puam, nrog rau lwm cov neeg mob. Nws yuav mus txais lub Cim Yug li sawv daws, tab sis thaum faib los txog ntawm Jeanne ces nws ua xyem xyav, vim Jeanne twb tsis xeev los thov thiab txais. Tab sis ib tug Kws Tshuaj hluas ho pab muab Jeanne daim di ncauj nyom ces Txiv Plig Roques thiaj li de ib nyuag qhov Cim Yug me me ntsaws rau Jeanne qhov ncauj. Cas tib pliag xwb zoo li Jeanne cia li muaj sia zuj zus rov los.

    Txiv Plig Albert Roques hais:

    Qhov uas txawv tshaj mas yog Jeanne tsis txawj hais lus, nws thov tsis tau lub Cim Yug, kuv muab ib qho tso rau ntawm nws tus nplaig. Yog thaum kuv tso kiag rau ntawm nws tus nplaig, kuv muab nws lub qhov ncauj qhaws. Tam sim ntawsd Jeanne cia li xeev kiag los, nws nug kuv tias: " Kuv nyob qhov twg?". Yog vim li nov, thiaj hais tias Jeanne zoo zaum nov yog Lub Cim Yug ua Hwj Huam.

    Jeanne hais:

    Kuv xav tias:

    Es puas yog koj zoo los lawm tiag?
    Puas yog koj ua npau suav tsim los?
    Puas yog koj vwm lawm?

    Thaum peb los txog ntawm lub Qhov Tsua, kuv hnov li muaj neeg thawb kuv kom kuv zaum.
    Qhov nov yog hnub kawg ntawm kuv tus mob thiab yog kev zoo hlo ntawm kuv tus mob tam sim ntawd.

    Tus Presentateur hais:

    Ces ob peb teev tom qab, nyob ntawm lub Tsev Kho Mob nyob Lourdes, Jeanne hnav khaub ncaws thiaj maj mam rhais ruam tawm mus rau tom qhov rooj. Zoo nkaus li tsim ntawm ib tug npau suav los, nws mus rau tom qhov rooj, qheb tawm mus kom nws lub ntsej muag ziab tshav me ntsis thiab ntsia lub neej ciaj sia.
    Nws kom lawv muab mov los rau nws noj, nws noj qab los heev. Muaj neeg pheej ncig los saib tus uas Tswv Ntuj nyuam qhuav kho zoo.

    Taig kis tom qab, cov Kws Tshuaj nram Lourdes kuj tau tuaj tshuaj xyuas pom tias Jeanne cov mob ploj tag lawm, zoo li Jeanne zoo lawm tiag.

    Kws Tshuaj Generaliste Jean L. hais:

    Jeanne qhov zoo los nov mas yog ib qho muab zoo sai dhau lawm tab txawm cov Kws Tshuaj muaj txuj zoo tshaj niaj hnub no kiag los yeej tsis muaj peev xwm yuav txhab txhais tau. Cov mib Tuberculose mas yog yuav zoo mas yuav tsum maj mam zoo zuj zus. Raws li cov ntaub ntawv uas lawv muab rau kuv mas nws cia li tib npaj zoo hlo mas cov kws tshuaj yuav tsis pom qab hais tau li cas.


    Tus Presentateur hais:

    Thaum kawg Jeanne rov los pem lub Tsev Kho Mob nyob Rennes, sawv daws los ncig nws thiab ua Ntuj Tsaug tau ua kom nws zoo rov los. Tus Kws Tshuaj Docteur Patrick THEILLIER, uas tau kho nws thaum ub, los xyuas nws thiab ua kua muag poob nthav.

    Jeanne hais:

    Tus yawg ntawd los ( Kws Tshuaj), los khawm kiag kuv thiab poob tej lub kua muag loj loj. Nws hais tias: " Kuv tsis ntseeg Hwj Huam Yees Ntxwv, tab sis zaum no kuv tuav tsum tau ntseeg, vim koj tsis tuag, hnub no koj rov zoo lawm."

    Tus Presentateur hais:

    Jeanne tus mob zoo kiag lawm tiag,txij thaum nws rov nram Lourdes los, Jeanne qhov kub txias (température) ua ntej ntawd yog ntawm 36°c rau 41°c cia li rov los nyob li ib tug neeg tsis muaj mob lawm. Thiab tau 13 hnub xwb nws nce 13Kg.

    Ob xyoos tom qab, Tswv Qhia Liab nyob Rennes tau txais paub tias Jeanne yog tau txais Hwj Huam nram Lourdes ua rau nws rtus mob zoo.

    Jeanne hais:

    Lawv muab phau Ntawv Ntshiab los tso ntawm kuv xub ntiag, kom kuv muab kuv txhais tes xis los tso rau saud thiab hais tias: Kuv cog lus tias kuv yuav hais qhov tseeb, ntseem ntseem qhov tseeb thiab tag nrho qhov tseeb. Ces kuv tau hais li ntawd.
    Txawm niaj hnub no kuv hais rau nej nov los kuv yeej hais qhov tseeb nkaus xwb.

    Ob daim duab kawg nov yog tus ntxhais kho mob thaij ob peb teev kem ua ntej thiab ua qab Jeanne tau txais txiaj ntsim.


    Tau txais Ntuj Txiaj ntsim nyob Lourdes Jeanne12

    Ob peb teev ua ntej Jeanne tau txais txiaj ntsim.

    Tau txais Ntuj Txiaj ntsim nyob Lourdes Jeanne11

    Tom qab Jeanne tau txais Ntuj txiaj ntsim.




    Thaum Jeanne zoo los lawm ces nws thiab mam mus ua Phauj raws li nws kev ntshawv. Thiab nws kuj rov mus Lourdes ntau zaus, mus ua tsaug rau Niam Mab Liab.


    Last edited by Maiv Tooj on 6th November 2016, 9:01 am; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Tau txais Ntuj Txiaj ntsim nyob Lourdes Empty Re: Tau txais Ntuj Txiaj ntsim nyob Lourdes

    Post  Maiv Paj Lug 26th February 2010, 11:04 pm

    Wowowow.......Maiv Tooj aw! zoo tiag tiag li nawb! Ua tsaug ntau koj nrhiav tau daim video no pub rau peb saib os, Eb! cas peb tus Niam Mab Liab yuav siab zoo ua luaj yuav pub txiaj ntsim zoo ua luaj no rau neeg ntiaj teb los tseem muaj cov thuam thiab tsis lees Tswv Ntuj Leej Niam los ua lawv niam li thiab lau. Tseem muaj ib tug pojniam uas ntseeg boudha " Maiv Tooj paub tus pojniam no kawg " nws tseem hais tias boudha mas tsis ua miracle rau ub rau nolos ntxias neeg li cov Catholic, muab xav los mas tus pojniam ntawv nws xiam lub txiaj ntsim zoo tshaj plaws hauv ntiaj teb no lawm. Miracle yog yam Tswv Ntuj pub txiaj ntsim loj tshaj plaws rau peb, ua li tus Doctor hauv daim video hais tias nws li nws tsis ntseeg Miracle tab sis zaum tus ntxhais hauv daim video zoo sai npaum ntawv mas nws txawm tsis nsteeg los cia li ntseeg vim tsis muaj dab tsi yuav qhia tau tias Miracle yog dab tsi tsuas yog TSWV NTUJ thiaj ua tau li ntawv xwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tau txais Ntuj Txiaj ntsim nyob Lourdes Empty Re: Tau txais Ntuj Txiaj ntsim nyob Lourdes

    Post  Maiv Tooj 27th February 2010, 6:29 am


    Nyob zoo Maypajlug,

    Ua neeg, nyias rawv nyias txoj kev mus phem ntuj, txoj kev lug Teb Chaws Them Txim. Tus nws tsa nws siab tshaj Tswv ntuj, nws tsis paub tias nws twb tsis txij cov hmoov av ntawm luag tej qab xib taws. Tus nws pom nws me tshaj thiab tsis txawj tsis ntse, tsis zoo npaum luag, tus ntawd nws yog ib tug zoo neeg nyob ntawm HTN xub ntiag.
    Tej yam tshwm sim nov, zoo tiag tiag li. Tswv ntuj muaj hwj huam tas nrho, tej yam nyuaj npaum li cas rai ntiaj teb neeg los nws muaj peev xwm ua tau. Yog yus muaj lub siab ntseeg tiag. Qhov ntau, yog yus txoj kev ntseeg cawm yus xwb. Tej tug neeg mas nws muaj kev ntseeg loj ua ntej, raug cawm. Tej tug tsis muaj kev ntseeg ua ntej los, tab sis Tswv Ntuj pom tias muab txiaj ntsim rau nws tag mas tom qab nws yuav yog ib tug neeg muaj txiaj ntsim rau Tswv Ntuj mas nws kuj taus txais txiaj ntsim thiab.
    Muaj tej tus, nws yog neeg ntseeg zoo, Tswv Ntuj tsis muaj txiaj ntsim rau nws, vim xav cia kom nws txom nyem ntxiv, kom lwm hnub nws tau txiaj ntsim ntau tshaj qhov nws thov thaum ntawd. Muaj tej tus ua neeg ntseeg, thov Tswv ntuj tsis muaj txiaj ntsim rau nws, vim Tswv ntuj pom tias muab rau nws, lwm hnub nws zoo lawm nws yuav tsis nco qab txog Tswv Ntuj lawm ces nws thiaj tsis tau txiaj ntsim thiab kuj muaj.

    Ntawm kuv tus kheej, kuv xav tias txawm yus thov tau thiab tsis tau raws li siab xav los yus yuav txhob tag kev cia siab. Yus yuav tsum rau siab teev Ntuj thiab txhob ncaim ntawm tswv Ntuj mus li.[/color]

    Tau txais Ntuj Txiaj ntsim nyob Lourdes Main%20divine-homme2


    Last edited by Maiv Tooj on 6th November 2016, 9:01 am; edited 1 time in total

    Sponsored content


    Tau txais Ntuj Txiaj ntsim nyob Lourdes Empty Re: Tau txais Ntuj Txiaj ntsim nyob Lourdes

    Post  Sponsored content


      Current date/time is 28th March 2024, 1:27 am