HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Bao X Mary lub tsev Txiaj ntsim Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+2
Maiv Paj Lug
Bao X Mary
6 posters

    Bao X Mary lub tsev Txiaj ntsim

    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Bao X Mary lub tsev Txiaj ntsim

    Post  Bao X Mary 6th August 2011, 4:21 am

    KUV YOG IB TUG NEEG TXHAUM TSIS DAWB HUV THIAB TSIS NCAJ NCEES.

    KEV KEV NCAJ NCEES THIAB DAWB HUV HAUV NEEG LUB SIAB YOG IB YAM NYUAJ TSHAJ PLAWS

    THAUM MUAJ IB TUG SUAV KHAWS TAU KUV TXIV YAWG LUB KAS PAUS MUAJ ID, MUAJ NYIAJ NYOB HAUV TAB SIS NWS TSIS KOV IB QHOV DAB TSIS LI,NWS SAIB PEB HCAW NYOB NWS MUAB XA TUAJ KIAG RAU PEB. KUV TXIV YAWG ZOO SIAB HEEV KAWG.

    TAU 25 XYOO DHAU LOS LAWM KUV TUS TXIV WB THIAB OB TUG PHOOJ YWG PEB MUS PW UA KE HOTEL. KUV MUS DA DEJ, KUB MUAB KUV TXOJ SAW KUB UAS KUV NIAM KUV TXIV PHIJ RAU KUV THAUM KUV MUS YUAV KUV TUS TXIV NTAWD HLE RAU SAUM LUB SINK NTXUAV TES IB SAB. KUV DA DEJ TAS KUV TSIS NCO QAB LAWM. IB CHIM KUV ROV QAB MUS CIA LI PLOJ LI LAWM, NRHIAV TSIS TAU LI. TXOJ SAW NTAWD RAUG NQE $500 LUB SIJ HAWM XYOO 1981 NTAWD, MUAB HAIS KUJ YOG KIM THIAB. QHOV TSEEM CEEB,YOG KUV NIAM KUV TXIV QHOV PHIJ CUAM. CES NRHIAV TSIS TAU TSIS PAUB UA CAS, KUV HAIS KUV NIAM LAWV, CES LAWM CEM KUV.

    MUAJ IB HNUB KUV TUS PHOOJ YWG HAIS RAU KUV TIAS NWS NYUAJ SIAB LI, KUV TIAS YOG DAB TSIS UA NWS NYUAJ SIAB, NWS HAIS TIAS, KUV TUS TXIV TAU IB TXOJ SAW KUB, KUV MUAB NTSIA MAS YOG KOJ TXOJ LAWM. KUV HAIS TIAS, KOJ SIM MUAB RAU KUV SAIB. CES NWS TXAWM MUAB LOS CES YOG KUV TXOJ. KUV HAIS TIAS, YOG KUV TXOJ TIAG. CES KUV HAIS TIAS KOJ PUAS KAM MUAB RAU KUV, VIM YOG TXOJ KUV NIAM KUV TXIV PHIJ CUAM RUA KUV, KUV XAV YUAV ROV QAB.

    NWS TEB KUV TIAS, KUV XAV MUAB RAU KOJ TAB SIS, YOG KUV MUAB RAU KOJ MAS KUV TUS TXIV YUAV MUAB KUV TUA POV TSEG, LOS WB LUB NEEJ KAWG TAWG XWB OS. THOV KOJ TXHOB YUAV ROV QAB ES LWM HNUB KUV MAM MUAB ROV RAU KOJ. CES KUV XAV HAIS TIAS,YOG KOJ MUAB RAU KUV ES NEB LUB NEEJ TAWG THIAB NWS YUAV UA PHEM RAU KOJ NO, CIA KOJ MUAB ROV QAB KHAWS CIA. KUV XUM CIA NEB LUB NEEJ NYOB ES KUV TSIS TAU TXOJ SAW KUV LOS KAV LIAM.THAUM NTAWD, KUV HLUB NWS, KUV TSIS XAV KOM NWS RAU TXIM THIAB OB TUG LUB NEEG TAWG.

    CES OB PEB HNUB TOM QAB KUV XAV XAV, KUV HO KOM NWS ROV QAB MUAB LOS RAU KUV SIAB DUA, CES NWS HAIS TIAS PLOJ LAWM, NWS TUS TXIV MUAB ZAIS LAWM.

    CES KUV HAIS TIAS LOV, YOG LI CES KAV LIAM OS. CES TAS LI NTAWD.

    QHOV KUV MUAB ROV QAB RAU NWS THAUM LUB SIJ HAWM NWS HAIS COV LUS TIAS," YOG KUV MUAB ROV QAB MAS NWS TUS TXIV YUAV MUAB NWS TUA POV TSEG THIAB OB TUG LUB NEEG YUAV TAWG." THAUM NWS HAIS LI NTAWD,UA RAU KUV HLUB NWS HEEV, KUV XAV TIAS KUV TXOJ SAW KUB KUV MUS YUAV DUA IB TXOJ TSHIA TAUB TAB SIS YOG NWS YUAV RAUG TXIM THIAB, OB TUG LUB NEEJ YUAV TAWG MAS KUV XUM CIA NKAWD LUB NEEJ NYOB THIAB CIA NWS TXOJ SIAB NYOB.THAUM KUV TXIAV SIAB LI NTAWD RAU NKAWD MAS UA RAU KUV LUB SIAB KAJ LUG.




    MUAJ IB ZAUG TOM QAB NO LAWM. KUV TUS TXIV LUB TRUCK QUB PUAS LAWM, WB MUAB TXAWB RAU NRAUM CHAW COM TSHEB TAU NTEV NTEV, CES TXAWM MUAJ IB TUG YAWG LAUS TUAJ HAIS TIAS NWS YUAV YUAV LUB TSHEB NTAWD KHO RAU NWS CAIJ NO. CES KUV TUS TXIV MUAB MUAG RUA NWS YOG $400. CES NWS TXAWM MUAB IB COV NYIAJ TSHIAB TSHIAB, NWS TXAWM MUAB $500, TAB SIS TUS NQE YOG $400 XWB. CES KUV MUAB NWS COV NYIAJ SUAV YOG TSHAJ $100 LAWM. KUV THIAJ DHIA ROV MUS SAIB NWS HAJ TSEEM NYOB NRAUM ZOO KHO LUB TSHEB, KUV THIAJ MUAB $100 UAS NWS MUAB TSHAJ NTAWD ROV RAU NWS, MAS NWS ZOO SIAB HEEV LI.KUV NTSIA TUS YAWG LAUS NTAWD MUAJ LI 70 TAWM XYOO LAWM, NWS NTXIM HLUB HEEV LI, YOG KUV TSEEM YUAV QHOV $100 UAS NWS MUAB YUAM KEV RAU NTAWD MAS KUV LUB SIAB PHEM HEEV LI. QWOV KUV MUAB ROV RAU NWS MAS KUV LUB SIAB KAJ LUG.

    OB ZAJ NOV YOG TRUE STORY TIAG TIAG LI, KUV TSIS DAG.



    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Qhov zoo mas

    Post  Bao X Mary 6th August 2011, 4:51 am

    Qhov zoo mas tus yawg laus ntawd tsim nyob muab lub tsheb ntawd pub rau nws tab sis lub sij hawm ntawd los kuj toob kas nyiaj siv thiab ces cia li yuav nyiaj lawm mas tam sim no twb xav tsis tag li.

    Qhov no thiaj qhia tau hais tias kev ncaj ncees thiab dawb huv hauv neeg lub siab mas ua nyuaj kawg li.Vim yus xav tau ntau, xav kom yog yus tug xwb.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Paj Lug 6th August 2011, 8:38 am

    wow......tus niamlaus Bao X Mary,

    cas koj yuav piav tau ntau yam txaus xav ua luaj, ua neeg nyob yog yus siab ncaj tiag tiag ces txawm yog pua phav los yus yeej yuav tsis ntshaw ib qho, vim yus xav pom tus neeg ploj nws qhov khoom ntawv siab kaj lug xwb tiag.

    Kuv tsis muaj experience ntau, tab sis zoo li Tswv Ntuj txawj sim kuv siab thiab, muaj ib zaug kuv mus tab laj, kuv tsis muaj nyiaj cab laub mus tab laj, kuv xuas hauv hnab los tsis muaj nyiaj li thiab, kuv tsuas muaj card nkaus xwb, ces kuv txawm xav xav yuav mus nrho nyiaj loj mam coj los pauv nyiaj me ces mam li nug lub nyiaj 1E los cab ib lub laub, tab sis thaum kuv los txog ntawm cov laub, ua cas muaj ib lub nyiaj cab laub nyob hauv cov laub, ua rau kuv tsis tau mus nrho nyiaj loj lawm,ces kuv cia li tau lub laub ntawv cab dawb dawb mus tab laj......kuv zoo siab heev, tab sis thaum kuv mus tab laj los thau kuv cov khoom rau hauv tsheb tas ces yuav npaj cab laub rov mus cia, ua cas txawm muaj ob tug pojniam yos tsis tau nyiaj cab laub li, nkawv xav xav, nkawv pom kuv ces nkawv cia li los hais rau kuv tias, koj puas muaj ib lub piece cab laub? kuv xav xav kuv teb tsis qab tsis tsuag tias "kuv tsis muaj thiab na" tab sis tam sim ntawv kuv xav txog lub nyiaj kuv pom dawb dawb ntawm lub laub ces kuv cia li hais rau nkawv tias, kav liam neb cab kuv lub laub no mus tab laj, ib chim neb mam los hle lub nyiaj rau neb khaws cia xwb mas. Nkawv mas zoo zoo siab luag ntxhi rau kuv thiab ua kuv tsaug tsis txawj tag, nim ua rau kuv los zoo siab tag nrho li lawm thiab, tias ntuj pab kuv lawm los ntuj tseem sim kuv siab rov qab seb kuv puas yuav pab lwm tus thiab tiag, zoo qhov kuv pab nkawv, yog kuv tsis pab ntshe kuv ua neeg phem tos ntuj pab kuv xwb kuv qia dub tseem tsis pab lwm tus.

    Hehehe, me me li no xwb los ua rau kuv zoo siab heev thiab nco ntsoov txog niaj hnub no li tiag Very Happy
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Npuagtub 6th August 2011, 9:32 am

    Nyob zoo Bao X. Mary,

    Ua tsaug rau koj 2 zaj story no os nawv, Txoj kev ua siab ncaj thiaj yog txoj kev ua yus lub siab kaj, txoj kev ua siab zoo thiaj yog txoj kev muaj koob nto moo. Thov qhuas nws muaj lub siab hlub siab zoo os nawv.

    Huab Tais Yes Xus thiaj hais tias: cov tau txoj hmoov yog cov pluag huav nruab siab, vim Ntuj lub Ceeb Tsheej yog lawv li, cov muaj txoj hmoov zoo yog cov siab zoo, vim lawv yuav txais lub ntiaj teb los ua lawv tug.


    Photobucket

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 6th August 2011, 9:58 am


    Nyob zoo Bao XMary, Maiv paj Lug thiab XH.Npaug Tub,

    Bao XMary tus me neeg siab zoo, kuv nyeem nws zaj ob, ua rau kuv los kua muag. Ua cas es neeg txawv neeg, sim neej no ais twb yog phooj ywg sib hlub ais thiaj li sib yaum mus ua si ua ke kom sib pab sib txhawb tau thaum ib tug muaj kev ntxhov siab. Ua cas tus mab tus Suav ais luag tseem tsis lauj yus, luag tseem muab luag lub caij xa yus tej khoom tuaj rau yus, luag tseem poob nyiaj ua nqe kev tuaj. Luag twb ua, cas yus tej phooj ywg sib hlub tseem "yuav kam yuav yus tej tsoos phij tsab khoom phij cuam" thiab?

    Xij peem mog, lawv tau los yeej tsis ua ib qho kev nplua nuj rau lawv, yuav ua ib lub pob khuam rawv lawv lub siab mus ib sid. Nws qhov khoom phij cuam poob mus cawm luag lawm los Tswv Ntuj yuav muab txhiab pua yam ntxiv rau nws. Nws lub neej yuav kaj siab, nws yuav plua nuj nruab siab. Saum Ntuj Tswv Ntuj yuav npaj lub tsev ci ntsa iab tos nws. Nws txhob tu siab, txhob khuv xim lawm mog. Yam poob lawm, cia ua lub txiaj lub ntsig, txhob muab xav ua caub ua chim kom ho los ua ib qho txhaum rau yus ntxiv thiab.

    Kuv sim neej, kuv tau nyiag los zais ib rab koob thaum kuv tseem me me tsis tau plhis hniav xwb. Kuv nco laus neej li no, kuv tsis xis nyob li. Tab sis thaum ntawd, kuv khaws tau lawv rab koob poob ces kuv xav tias kuv dag lawv tias kuv tsis pom no; tab sis ib ntsis ces kuv cia li txaj muag muab rau lawv lawm, vim kuv tsis kum yim hais rau lawv tias kuv khaws tau tab sis kuv xav dag lawv. Kuv tsis muaj peev xwm muab rau lawv ces kuv cia li nyiag rab koob lawm. Embarassed Txij thaum ntawd los kuv tsis kam nyiag dab tsi li lawm, vim yus zais tag mas yus lub siab tsis zoo li, yus mloog li yus liab qab li lawm xwb....

    Bao XMary, kuv muab nws lub Topic nov nqe mus rau nram qhov Section:
    " * NTUJ CEEB TSHEEJ, YAJ CEEB, COV TSHIAB ZOO
    * TEMOINGNAGE , EXPERIENCE , THAM TXOG KEV TXAIS NTUJ TXIAJ NTSIM"

    https://hmongcatholique.forumdediscussions.com/f12-temoingnage-experience-tham-txog-kev-txais-ntuj-txiaj-ntsim
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Paj Lug 7th August 2011, 4:43 am

    hahaha...Maiv Tooj,koj mas txawj tham txog nyiag rab koob dhau lawm os, ntxim hlub dhau thiab, nyiag ib rab koob xwb twb ntshai tshaj plaws li lawm es laus li no los nws thiaj nco tau los ua experience los qhia neeg thiab nws thiaj yog tus siab ncaj siab dawb heev li lawm mog. J:
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Tej yam tshwm sim nyob lub church St. Jude nyob Green Bay

    Post  Bao X Mary 22nd August 2011, 5:03 pm


    Bao X Mary lub tsev Txiaj ntsim 13189610
    Thaum xyoo 1997 lub ntuj qhua yuav tawm ntawd, muaj ib hnub cov me nyuam kawm ntawv thiab tus txiv Plig hu ua Txiv Plig Ron no lawv tab tom teev Ntuj hauv lub tsev teev Ntuj, ces muaj ib tug me nyuam ntxhais cia li taw tes kiag rau pem daim phob ntsa uas lub thaj txi Ntuj, nws hais tias Niam Mab Liab nyob pes, ces sawv daws txawm nyiam pom nyias ib yam txawv. Tus yuav pom licas los muaj. Thaum ntawd kuv tus txhais thiab kuv 3 tug tub kawm ntawv nyob hauv nrog lawv teev Ntuj ua ke thiab lawv yeej ib leeg pom txawv ib yam. Kuv tus txhais hlob pom niam Mab liab thiab Huab Tais Yes Xus. Nws hais tias Nws pom nws pog nyob ntawm Huab Tais Yes Xus ib sab. Vim kuv niam pog twb tas sim neej ua ntej ntawd lawm. Lub sij hawm ntawd ua rau cov me nyuam quaj zom saws teev Ntuj tsis tsheej vim lawv pom tej yam ua rau lawv ceeb. Muaj ib cov kuj hais tias lawv pom dab phem thiab no, cov uas pom dab phem mas lawv ntshai thiab lawv quaj.

    Hnub ntawd, kuv ua hauj lwm lawm, kuv los txog tsev, kuv nqe plhuav tsheb xwb kuv tus tub hlob dhia tuaj hais ua plhu puas tas rau kuv hais tias." Niam, peb pom Huab Tais Ntuj thiab ob tug Dab Ntuj loj kawg nyob pem Church thaum peb tab tom teev Ntuj tiag. Koj cia li nrog kuv mus saib mas. Ces kuv tsis mus hauv tsev li.Kuv cia li ncaj qha mus nrog kuv tus tub rau peb Church vim lub church nyob ntawm peb tog tsev xwb, thiab kuv cov me nyuam kawm ntawv hauv. Thaum ntawd kuv thiab kuv tus tub wb dhia mus txog, kuv mus txhos caug ntua, kuv tus tub taw tes nki tias, " niam, ob tug Dab Ntuj loj tsis loj li, txhos caug hawm Huab Tais Yes Xus tus ntoo cuam tiag. Nws nyob ped naj." Kuv tus tub taw tes npaum licas los kuv ntsia tsis pom dab tsis li. Ab kuv xav tias tej zaum kuv coj tsom es thiaj tsis pom no, kuv hle tsom los kuj tsis pom li thiab ces lam nrog kuv tub saib saib pem lub thaj txi Ntuj ib pliag xwb ces kuv ho mus nrog tus Principal hauv school tham tias kuv tus tub los hais li ntawd puas muaj tiag. Nws hais tias," muaj tiag, tab sis nws xam tsis pom li thiab." Ces lawm hais tias Huab Tais Yes Xus tus duab puab ntawm tus ntoo cuab qheb qhov muag loj tuaj tsis zoo li qub. Ces kuv thiaj li mus ua cas kuv pom Nws ob lub qhov muag qheb loj loj tiag. Tsis zoo li thaum i lawm. Tus duab ntawd mas lawv muab ntoo txua ua xwb tab sis kuv saib mas pom ob lub qhov muag qheb loj loj, hos pom ob lub ntsiab muag huv tib si. Koj ntsia zoo li tsis yog ntoo. Kuv saib mas lub cev yog ntoo tab sis ob lub qhov muag zoo li tiag tiag. Nws ob lub qhov muag qheb loj li ntawd tau ob peb xyoo tom qab ces kuv saib ob lub qhov muag tam sis no nws kaw me me lawm tsis pom ob lub ntsiab muag lawm.

    Qhov no yog ib qhov ua rau lub sij hawm ntawd mas kuj ua rau sawv daws kuj zoo siab thiab tau pom tej yam txawv.

    Peb tus Huab Tais Yes Xus Pleev Muaj hwj huam tas nrho thiab muaj txoj kev hlub loj
    tas nrho.


    Bao X Mary lub tsev Txiaj ntsim Dscn2210

    Tsev teev Ntuj Saint Jude sab hauv tsev.

    Bao X Mary lub tsev Txiaj ntsim Dscn2211

    Bao X Mary lub tsev Txiaj ntsim Dscn2212

    Bao X Mary lub tsev Txiaj ntsim Dscn2213
    Tus Yes Xus dai saum Ntoo Cuam uas tau qheb qhov muag rau tsoom sid pom xyeem tau ib ntus ntev loo.





    Tsev teev Ntuj Saint Jude Parish in Green Bay
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Maiv Tooj

    Post  Bao X Mary 22nd August 2011, 5:07 pm

    Maiv Tooj,

    kuv muab tsos yuav kev ua new topic lawm koj muab kuv zaj no mus tso rau qhov " lub topic kom dho rau nws lub ntsiab. Ua tsaug.

    Bao x Mary
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 22nd August 2011, 8:08 pm



    Nyob zoo Bao XMary,

    Nws twb tso yog chaw kawg li lawm, kuv ua nws tsaug uas nws tuaj piav zaj txiaj ntsim no rau peb paub.
    Tswv Ntuj lub hwj huam loj tas nrho, peb tseem paub thiab pom tsis tau tag. Muaj coob leej nyob ntau qhov chaw, nyias pom nyias ib yam, nyias tau nyias ib qhov txiaj ntsim txawv, kuv xav thov kom nej txhua leej lim xeeb coj tuaj tso ua ke rau hauv lub Vas Sab Hmoob Catholique no ua ke kom peb Hmoob khaws tau yam puav tseg. Luag pej kum muaj civ tov civ yam, vim luag sib pab thiab luag khaws txuj, Peb Hmoob tsis muaj dab tsi li, vim peb tsis tshaj tawm, peb khaws rau peb tus kheej ces thaum txog ntuj kawg teb dua ces ploj nrog peb lawm. Kuv xav tias tej yam zoo hauv ntiaj teb no peb yuav tso tseg rau ntiaj teb, tej yam yog Ntuj li peb mam li nqa nrog peb mus saum Ntuj, nej xav li cas...???

    Bao XMary, ua li lub Church uas nws cov me nyuam pom Tswv Ntuj lub hwj huam ntawd yog npe hu li cas? Kuv xav nrhiav nws cov duab los dhos rau hauv koj zaj no. Kom txhua yam peb tham, tsis txhob zoo li tham kwv huam thiab dab ntub npau suav. Yam twg yog peb tseem nrhiav tau duab los tso, peb yuav tso duab rau.

    Kuv ua nws tsaug thiab ua nws tsev neeg tsaug. Nej yog ib tse neeg muaj txoj kev ntseeg zoo, ntxim Tswv Ntuj siab, nej thiaj li muaj lub txiaj ntsim pom Tswv Ntuj lub ntsej muag...Kuv zoo siab nrog nej mog...Bao XMary, qhov ntau, thaum cov me nyuam pom Tswv Ntuj, Niam Mab Liab, Huab Tais Yes Xus thiab cov Tshiab, lawv yeej quaj ntau. Qhov quaj tsis yog ntshai ais quaj, tab sis lawv lub conscience ua rau lawv quaj, vim lawv mloog tias lawv yog me nyuam neeg TXHAUM, lawv tsis tsim nyog pom Tswv Ntuj. Tab txawm ib txwm yus xav pom seb puas muaj Tswv Ntuj tiag; tab sis thaum pom mas zoo li yus tsis yog tus neeg qub, tus neeg muaj txhaum ntiaj teb lawm. Thaum yus pom Tswv Ntuj mas zoo li yus yog ib tug Tshiab nyob saum Ntuj, yus lub tswv yim txawv yus tus kheej ntiaj teb lawm, yus cia li paub txog yus cev nqaij daim tawv tej txhoj tej txhaum...Ces yus QUAJ vim yus TU SIAB RAU YUS tsis tsim nyog pom Tswv Ntuj lub ntsej muag li lawv hu nkauj.
    Cov pom Dab Phem, lawv quaj ntshai, qhov nov yeej muaj tseeb; vim txaus ntshai heev thiab yus lub consience cia li muaj yus mus khuv leej txog cov niaj hnub "ua txhaum tsis tseg...Tsis zeem Ntuj, tseem muaj cuab kav thuam Ntuj thiab..." Ces yus tsis xav kom leej twg mus poob rau Dab Phem teb, Dab Phem tes...Txaus ntshai dhau lawm...Yus quaj, tab sis cov neeg uas xib rau Dab Phem sab lawm mas tseem xav luag yus, tseem luag thuam yus tsawv...Tu siab kawg nkaus...Xav kom Padre Pio thiab Leej Ntshiab Txiv Plig Ars, Jean-Marie Vianey rov los DAWS TXHAUM NTXIV kom seb puas dim tus puav neeg. Cas tu siab ua luaj li...Muaj tej cov neeg, twb tsis hais Ntuj txoj cai, tab neeg txoj cai twb ua tsis yog li lawm los tseem ua qees thiab...Lawv tssi hlub lawv, tab sis cov NEEG THOOB TSIB , SIAB DAWB POM NTUJ HLUB LAWV...


    Bao X Mary lub tsev Txiaj ntsim Olo_go10

    Bao, puas yog lub Chuch nov?
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty St. Jude Parish in Green Bay

    Post  Bao X Mary 23rd August 2011, 12:25 am

    Lub Church hu ua " St. Jude Parish in Green Bay"

    Yog li koj hais lawm. Kuv tseem tshua ntau yam txiaj ntsim ua yog lwm tus thiab tshwm sim rau kuv uas kuv tseem yuav sau tuaj ntxiv.

    Qhov tseeb kuv twb yuav tso duab tab kuv tseem tsis tau siv tau qhov tso duab ntawd.

    Pheej tsis khoom los ua twb zoo saib kom zoo, kuv mam muab sij hawm los saib koj zoo tom ntej kuv mam tsos duab ntxiv.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 23rd August 2011, 2:53 am



    Nyob zoo Bao XMary,

    Kuv nrhiav tsis tau lub Church St.Jude Parish, kuv nrhiav tau Parish los yog St.Jude xwb. Li ntawd yog koj ho mus ncaij no koj mam li thaij duab tuaj dhos rau.

    Ua li nawb, yog koj muaj caij no ho tuaj tham ntau yam rau peb nyeem kom peb paub txog Tswv Ntuj lub hwj huam tias muaj zog npaum li cas thiab muaj coob tus tau ntsib lo lawm.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Paj Lug 23rd August 2011, 6:51 am

    Bao X Mary wrote:Thaum xyoo 1997 lub ntuj qhua yuav tawm ntawd, muaj ib hnub cov me nyuam kawm ntawv thiab tus txiv Plig hu ua Txiv Plig Ron no lawv tab tom teev Ntuj hauv lub tsev teev Ntuj, ces muaj ib tug me nyuam ntxhais cia li taw tes kiag rau pem daim phob ntsa uas lub thaj txi Ntuj, nws hais tias Niam Mab Liab nyob pes, ces sawv daws txawm nyiam pom nyias ib yam txawv. Tus yuav pom licas los muaj. Thaum ntawd kuv tus txhais thiab kuv 3 tug tub kawm ntawv nyob hauv nrog lawv teev Ntuj ua ke thiab lawv yeej ib leeg pom txawv ib yam. Kuv tus txhais hlob pom niam Mab liab thiab Huab Tais Yes Xus. Nws hais tias Nws pom nws pog nyob ntawm Huab Tais Yes Xus ib sab. Vim kuv niam pog twb tas sim neej ua ntej ntawd lawm. Lub sij hawm ntawd ua rau cov me nyuam quaj zom saws teev Ntuj tsis tsheej vim lawv pom tej yam ua rau lawv ceeb. Muaj ib cov kuj hais tias lawv pom dab phem thiab no, cov uas pom dab phem mas lawv ntshai thiab lawv quaj.

    Hnub ntawd, kuv ua hauj lwm lawm, kuv los txog tsev, kuv nqe plhuav tsheb xwb kuv tus tub hlob dhia tuaj hais ua plhu puas tas rau kuv hais tias." Niam, peb pom Huab Tais Ntuj thiab ob tug Dab Ntuj loj kawg nyob pem Church thaum peb tab tom teev Ntuj tiag. Koj cia li nrog kuv mus saib mas. Ces kuv tsis mus hauv tsev li.Kuv cia li ncaj qha mus nrog kuv tus tub rau peb Church vim lub church nyob ntawm peb tog tsev xwb, thiab kuv cov me nyuam kawm ntawv hauv. Thaum ntawd kuv thiab kuv tus tub wb dhia mus txog, kuv mus txhos caug ntua, kuv tus tub taw tes nki tias, " niam, ob tug Dab Ntuj loj tsis loj li, txhos caug hawm Huab Tais Yes Xus tus ntoo cuam tiag. Nws nyob ped naj." Kuv tus tub taw tes npaum licas los kuv ntsia tsis pom dab tsis li. Ab kuv xav tias tej zaum kuv coj tsom es thiaj tsis pom no, kuv hle tsom los kuj tsis pom li thiab ces lam nrog kuv tub saib saib pem lub thaj txi Ntuj ib pliag xwb ces kuv ho mus nrog tus Principal hauv school tham tias kuv tus tub los hais li ntawd puas muaj tiag. Nws hais tias," muaj tiag, tab sis nws xam tsis pom li thiab." Ces lawm hais tias Huab Tais Yes Xus tus duab puab ntawm tus ntoo cuab qheb qhov muag loj tuaj tsis zoo li qub. Ces kuv thiaj li mus ua cas kuv pom Nws ob lub qhov muag qheb loj loj tiag. Tsis zoo li thaum i lawm. Tus duab ntawd mas lawv muab ntoo txua ua xwb tab sis kuv saib mas pom ob lub qhov muag qheb loj loj, hos pom ob lub ntsiab muag huv tib si. Koj ntsia zoo li tsis yog ntoo. Kuv saib mas lub cev yog ntoo tab sis ob lub qhov muag zoo li tiag tiag. Nws ob lub qhov muag qheb loj li ntawd tau ob peb xyoo tom qab ces kuv saib ob lub qhov muag tam sis no nws kaw me me lawm tsis pom ob lub ntsiab muag lawm.

    Qhov no yog ib qhov ua rau lub sij hawm ntawd mas kuj ua rau sawv daws kuj zoo siab thiab tau pom tej yam txawv.

    Peb tus Huab Tais Yes Xus Pleev Muaj hwj huam tas nrho thiab muaj txoj kev hlub loj
    tas nrho.

    Wow.....Bao, cas koj qhov temoingnage nod yuav zoo ua luaj li, nyeem tag mas ua rau yus lub siab no ntseeg tias Tswv Ntuj nyob tag qhov txhia chaw thiab Tswv Ntuj hwj huam loj heev, yeej yog li cov me nyuam hais lawm nawb, thaum twg Tswv Ntuj tswm sim qhov twg mas niag dab phem cov niag dab yeej nyob sib xyaws qas daws, vim lawv khib Tswv Ntuj heev ces lawv yeej tawm los nrog ua ke txig kom tus ub tus no ntshai thiab kawg. Ua tsaug ntau koj tuaj share qhia peb nawd mog, muaj ntxiv no tuaj piav ntxiv os.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Bao X Mary 23rd August 2011, 2:49 pm

    Maiv Paj Lug aw, kab hais tias yeej yog li ntawd ntag, dab phem mas khib heev ces soj ntsuam tas li ntxias neeg tas li xwb. Ntiaj teb neeg thiaj muaj kev phem ntau yam ua luaj li. Tab sis peb txoj kev ntseeg, kev tsos siab rau peb Tus Huab Tais Ntuj mas peb yuav tsum yeej dab phem xwb.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Bao X Mary 23rd August 2011, 3:02 pm

    Bao X Mary wrote:Thaum xyoo 1997 lub ntuj qhua yuav tawm ntawd, muaj ib hnub cov me nyuam kawm ntawv thiab tus txiv Plig hu ua Txiv Plig Ron no lawv tab tom teev Ntuj hauv lub tsev teev Ntuj, ces muaj ib tug me nyuam ntxhais cia li taw tes kiag rau pem daim phob ntsa uas lub thaj txi Ntuj, nws hais tias Niam Mab Liab nyob pes, ces sawv daws txawm nyiam pom nyias ib yam txawv. Tus yuav pom licas los muaj. Thaum ntawd kuv tus txhais thiab kuv 3 tug tub kawm ntawv nyob hauv nrog lawv teev Ntuj ua ke thiab lawv yeej ib leeg pom txawv ib yam. Kuv tus txhais hlob pom niam Mab liab thiab Huab Tais Yes Xus. Nws hais tias Nws pom nws pog nyob ntawm Huab Tais Yes Xus ib sab. Vim kuv niam pog twb tas sim neej ua ntej ntawd lawm. Lub sij hawm ntawd ua rau cov me nyuam quaj zom saws teev Ntuj tsis tsheej vim lawv pom tej yam ua rau lawv ceeb. Muaj ib cov kuj hais tias lawv pom dab phem thiab no, cov uas pom dab phem mas lawv ntshai thiab lawv quaj.

    Hnub ntawd, kuv ua hauj lwm lawm, kuv los txog tsev, kuv nqe plhuav tsheb xwb kuv tus tub hlob dhia tuaj hais ua plhu puas tas rau kuv hais tias." Niam, peb pom Huab Tais Ntuj thiab ob tug Dab Ntuj loj kawg nyob pem Church thaum peb tab tom teev Ntuj tiag. Koj cia li nrog kuv mus saib mas. Ces kuv tsis mus hauv tsev li.Kuv cia li ncaj qha mus nrog kuv tus tub rau peb Church vim lub church nyob ntawm peb tog tsev xwb, thiab kuv cov me nyuam kawm ntawv hauv. Thaum ntawd kuv thiab kuv tus tub wb dhia mus txog, kuv mus txhos caug ntua, kuv tus tub taw tes nki tias, " niam, ob tug Dab Ntuj loj tsis loj li, txhos caug hawm Huab Tais Yes Xus tus ntoo cuam tiag. Nws nyob ped naj." Kuv tus tub taw tes npaum licas los kuv ntsia tsis pom dab tsis li. Ab kuv xav tias tej zaum kuv coj tsom es thiaj tsis pom no, kuv hle tsom los kuj tsis pom li thiab ces lam nrog kuv tub saib saib pem lub thaj txi Ntuj ib pliag xwb ces kuv ho mus nrog tus Principal hauv school tham tias kuv tus tub los hais li ntawd puas muaj tiag. Nws hais tias," muaj tiag, tab sis nws xam tsis pom li thiab." Ces lawm hais tias Huab Tais Yes Xus tus duab puab ntawm tus ntoo cuab qheb qhov muag loj tuaj tsis zoo li qub. Ces kuv thiaj li mus ua cas kuv pom Nws ob lub qhov muag qheb loj loj tiag. Tsis zoo li thaum i lawm. Tus duab ntawd mas lawv muab ntoo txua ua xwb tab sis kuv saib mas pom ob lub qhov muag qheb loj loj, hos pom ob lub ntsiab muag huv tib si. Koj ntsia zoo li tsis yog ntoo. Kuv saib mas lub cev yog ntoo tab sis ob lub qhov muag zoo li tiag tiag. Nws ob lub qhov muag qheb loj li ntawd tau ob peb xyoo tom qab ces kuv saib ob lub qhov muag tam sis no nws kaw me me lawm tsis pom ob lub ntsiab muag lawm.

    Qhov no yog ib qhov ua rau lub sij hawm ntawd mas kuj ua rau sawv daws kuj zoo siab thiab tau pom tej yam txawv.

    Peb tus Huab Tais Yes Xus Pleev Muaj hwj huam tas nrho thiab muaj txoj kev hlub loj
    tas nrho.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Npuagtub 23rd August 2011, 3:33 pm



    Nyob zoo Bao X. Mary,

    Lub tsev teev ntuj St. Jude Parish koj hais puas yog ib lub ntawm cov no os, yog tias tsis yog no koj muaj duab no coj tuaj tso rau hauv no kom peb pom saib zoo li cas yom.

    Daim duab no mas lub St. Jude parish yog lub muaj tus duab pob zeb dawb nyob ntawm lub tsev teev ntuj. Thov txim kuv nrhiav tsis tau daim duab muaj lub St. jude kiag xwb.

    Ua tsaug koj coj tej yam tshwm sim muaj nqis heev rau peb sawv daws paub os nawv.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Yog kawg

    Post  Bao X Mary 24th August 2011, 12:12 am

    Yog kawg Xwb Hwb Npuag Tub, lub St. Jude Parish ces yog lub ua tus duab pob zeb dawb ntawd ntag mas. Kub twb nrhiav lawm thiab tsis pom muaj ib daib duab uas yog lub church ib leeg li. Vim tias lawv muab 4 lub churches los ua ke ces lawv thiaj thaij 4 lub ua ke os.

    Ua tsaug koj tseem muab duab tso rau thiab. Kuv tsis paub tias kuv tseem tso tsis tau duab rau thiab. Kuv yuav tau muab luam tawm es muab nyeem zoo kuv thiaj ua tau. Kuv tso tau rau qhov profile tab sis tau rau hauv no.

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Npuagtub 24th August 2011, 4:01 am

    X. Mary,

    Ua li mas nawv peb los thaum nyuam qhuav tuaj hauv no los yeej tsis paub ib yam thiab os nawv. Maj mam sib qhia ces ib ntus xwb tso tau duab lawm os, kev tso duab nyob hauv no mas nws muaj 2/3 yam tso yog koj muaj photobucket mas koj tso tom los yooj yim dua koj tsis tau ua ntau yam li qhov koj pom nyob hauv no, qhov qhia nyob huav no mas yog qhia tso duab koj muab hauv koj cov duab nyob hauv koj lub computer file los. Yog koj tsis paub qhov twg los txhob ua siab deb nawv, yeej meem nug peb cov nyob hauv no os mog.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty THOV NTUJ THIAB TSO SIAB RAU NWS MAS NWS PAB YUS

    Post  Bao X Mary 29th August 2011, 4:16 pm



    Bao X Mary lub tsev Txiaj ntsim 13146910
    Nplog teb , xyoo 1979,

    peb tseem nyob Nplog teb, peb tseem nrog nyab laj (Koom Tsha) nyob rau lub zo Naj Ngos ntawd, xib hwb, Txiv Plig khiav tas lawm. Peb tsis muaj leej twg coj teev Ntuj li mas nco lub Cim Yug thiab lub thaj txi Ntuj tshaj plaws li. Nyab laj tsis tso cai rau sawv daws teev Ntuj thiab.Sim neej no mas nyob lub teb chaws Koom Tsham (Communist) mas nyuaj tshaj plaws, zoo li nyob hauv dab phem teb thiab ntag. Ntawm peb lub zos tsuas muaj tsib yim neeg nyob xwb,neeg khiav tas hos hav zoo fab zuj zus los txog ntawm tog tsev. Ntshai los ntshai dab thiab tsov, nco los nco yus cov neeg. Ces kuv niam kuv txiv thiab Maib uas yog kuv tus phooj ywg niam thiaj hais tias kom Maib wb yog tus paub teev Ntuj ces, kom wb coj peb teev Ntuj txhua hmo. Ces Maib wb coj peb teev Ntuj txhua hmo, wb hais zaj: " kuv ntseeg, Peb Txiv, koj nyob zoo Mab Liab, zaj tso siab, zaj tus siab, zaj nyiam."txhua hmo peb mus ua teb los thaum noj hmo tas peb tuaj ua ke. Peb ob tsev neeg xwb peb ua ke teev Ntuj ib tug lub tsev ib hmos. Nyob hauv kuv lub siab kuv xav hais tias kom muaj ib hnub Huab Tais Ntuj coj kom peb mus txog America teb, uas yog lub teb chaws ywj pheej thiab cov neeg ntseeg Ntuj coob.

    Muaj ib hnub ces kuv tus niam laus Xia thiab Xauv ob tug cia li xa nyiaj los ntiav neeg tuaj tos peb nplog teb los mus rau Thaib teb. Ces peb cia li maub ib tag hmo hav zoo los. Thaum peb maub los mas tsaus ntuj nti xwb tsis pom qhov twg li, tus neeg nyob ntawm yus ib zab los yus yeej tsis paub tias yog leej twg yog tias nws tsis hais lus. Ces peb mus maub ib cov hav zoo, ces thaum ntawd, kuv niam es kuv tus nus yaus tseem mos mos liab ces kuv tus nus quaj quaj, peb ntshais tsam nyab laj hnov ces kuv niam muab ib cov tshuaj tsaug zog rau nws noj kom tsaug zog, ces thaum nws tsim los mas nws haj yam vwm dab ntub mas haj yam quaj nrov. Thaum ntawd kuv niam ev tsis tau tus me nyuam lawm ces muab los puag qhoob ntawm xub ntiag noj mis mus taug kev es thiaj tsis quaj. Ces kuv niam txawm poob qab lawm, vim tias tsaus ntuj heev li tsis paub yuav mus qhov twg. Peb kuj tsis paub tias kuv niam poob qab lawm. Ib pliag ua cas kuv niam saib tsis hnov peb hais lus li, hos ntsiag to xwb, hu los tsis hnov li. Ces thaum ntawd, kuv niam quaj thiab tus siab heev, kuv niam xav tias kuv niam poob qab es yuav ua cas nhriav tau peb. Thiab yuav rov mus nyob tom zos nws ib leeg tsis tau. Thaum ntawd kuv niam quaj tu siab thiab hu Ntuj tag hauv kuv niam lub siab tuaj. Kuv niam hais tias, " Huab Tais Ntuj aw, kuv poob qab kuv cov txiv tub lawm, tsaus ntuj nti xwb kuv tsis paub mus qhov twg li lawm, kuv thov koj pab kuv mus cuag kuv cov txiv tub os kuv tus Huab Tais Ntuj aw, thov Koj hlub kuv os." Ces kuv niam txawm qe muaj ib pliag, kuv niam qheb muag ua cas pom ib txoj kev dawb paug ua huab niab ti nkaus ntawm kuv niam kaw taw. Ces kuv niam hais tias, " ab twb muaj txoj kev no ces kuv tsis paub mus qhov twg lawm ces ntshai Tswv Ntuj pab kuv ces kuv cia li taug txoj kev nov mus lauj."

    Thaum ntawd kuv niam puag kuv tus nus mos liab ntawm xub ntiag cia li tau txoj kev ntawd mus kev, ua cas yuav zoo taug ua luaj li, mus tsis dawm taw li mus zoo li dab tsis nqa kuv niam ib kuag ib kuag thiab, ua rau kuv niam muaj muaj zog li. Ces kuv niam taug taug los pom ob niam txiv cov uas nrog peb khiav thiab, ces txoj kev ntawd txawm ploj lawm, txawm dawm dawm kaw taw tsis zoo mus lawm. Thaum kuv niam mus dhau ob niam txiv ntawd ces txoj kev rov qab tawm los, kuv niam ho rov taug dua los caum tau peb ces txoj kev dawb dawb ntawd cia li ploj kiag lawm. Thaum ntawd kuv niam tsis muaj zog li lawm, kuv niam mus tsis taus li. Ces kuv niam hais kom kuv hwj kuv niam lub qhov tsos ces kuv niam thiaj mus taus. Kuv los ev ib nras thiab thaum ntawd, tseem me thiab tab sis yog kuv hwj kuv niam lub qhov tsos ces kuv niam muaj zog kiag thiab mus tau kev lawm. Hos yog kuv tso pluav ces ntog kiag lawm. Ces kuv tau rov hwj, kuv niam twb tsis muaj zog li thiab tab sis kuv tuav nkaus kuv niam ces kuv niam txawm muaj zog mus ntxiv. Peb maub mus poob tej lub niag kwj deg txij dua mam tawm hauv los vim tsaus ntuj nti tsis pom qhov twg li. Thaum peb los txog kiaj ntawm txoj kev tsheb uas ib txwm nyab laj tuaj mus taug kev, yog nyab laj tuaj pom peb ces lawv tua kiag peb.

    Lub sij hawm ntawd peb los nyob hauv txoj kev kiag tsis paub mus qhov twg. Thaum ntawd ces ciaj thiab tuag sib npaug, yog tias nyab laj pom. Lub sij hawm ntawd nyias thov nyiam Ntuj, kuv hais hauv kuv lub siab rau Ntuj tias: " Huab Tais Ntuj aw, tam sim no peb nyob hauv koj txhais tes, peb tuag los tuag hauv koj txhais tes, peb ciaj los ciaj hauv koj txhais tes, raws li koj pom zoo." Kuv tsov phluav kuv lub siab rau Tswv Ntuj, thiab mloog saib phom nrov qhov twg tuaj, yog phom nrov ces ua siab tuag mus,nrog Tswv Ntuj nyob. Kuv xav li hauv kuv lub siab. Ces peb los maub ib thaj teb luaj tag mas nrov npaum pab twm mus. peb los maub poob tej lub kwj deg txij duav.
    Kuv hwj kuv niam thiab ev ib nras thiab mas tsis zoo mus kev kiag li. Lub sij hawm ntawd ces siav ciaj thiab siav tuag sib npaug zos mloog saib phom nrov qhov twg tuaj xwb. Peb los txog nram ntuj dej ces ob tug thaib nyob nrad tos peb nquam nkoj hla mus thaib teb. Thaum ntawd tsis muaj cov txawj deg li hov ntshai naj khoos lawm thiab, tsam nkoj nchuav ces kawg tuag tas thiab xwb tab sis tso plhuav rau Tswv Ntuj, yog Nws pub nyob los nyob hos tuag los tuag xwb. Lub sij hawm ntawd ces tag nrog peb muaj li tsib yig ntawd ces kuv tus phooj ywg Maib wb yog ob tug txawj deg thiab yog ob tug me nyuam hlob xwb. Ces lawv kom wb mus nkoj tom qab kiag yog muaj dab tsis los wb loj lawm wb khiav dim thiab wb txawj deg. Tab sis me nyuam yaus xwb ces yeej ua tsis dhau naj khoos li kawg tuag xwb. Peb kuj los tag tsis muaj teeb meem dab tsi. Thaum lub sij hawm peb hla los txog ntua tim Thaib teb sab av mas kuv mloog zoo li peb los txog Ntuj lub Ceeb Tsheej kiag. Peb sawv daws nyias quaj nyias.

    Thaum ntawd peb txhiaj los nyob hauv xum Npab Toos ChianKhong ntawd tau rau lub hlis ces peb tuaj America teb lawm. Thaum tuaj txog America teb no mas haj yam zoo li yog Ntuj Ceeb Tsheej dua thiab.


    Tom qab no kuv xav yog vim peb teev Ntuj ua ke txhua hmo es Huab Tais Ntuj mloog peb cov lus thov, Nws pov hwm peb txoj hauv kev, nyab laj thiaj tsis pom peb. Thiab Tswv Ntuj kuj cawm kuv niam thaum nws poob zoo, Tswv Ntuj thiaj muab txoj kev dawb dawb rau nws taug los nrhiav tau peb. Thiab thaum lub sij hawm uas kuv niam taug txoj kev dawb dawb ua rau kuv niam muaj muaj zog, hos los pom peb,ces txoj kev plog lawm. Thaum ntawd kuv niam tsis muaj zog ib ce zuav zog xwb tab sis kuv me nyuam yauv xwb kuv hwj kiag kuv niam ces kuv niam muaj muaj zog lawm. Qhov ntawd qhia tau tias thaum ntawd," Tswv Ntuj Nws muab lub zog rau kuv kom kuv pab kuv niam lawm.Vim nws nrhiav tau peb lawm, yog kuv xwb kuv yeej tsis muaj zog yuav hwj tua kuv niam li.

    Zaum no kuv los muab xav, kuv thiaj rov los pom Huab Tais Ntuj lub sij hawm ntawd tias Nws nrog nraim peb txhua sij hawm, hauv dej, saum nqhuab huv si.

    Peb tus Huab Tais Ntuj mas muaj hwj huam tas nrho, siab zoo tas nrhov, muaj txoj kev hlub loj tas nrho. Yog leej twg thov txog Nws mas Nws yeej pab txhua sij hawm thiab txhua yam li.


    "Kuv tus Huab Tais zoo nyiam, kuv ua koj tsaug txhua tsav txhua yam uas koj tau pab kuv, txhua lub sij hawm thaum kuv muaj kev zoo siab, kev ntxhov siab, kev ciaj thiab kev tuag sib npaug zos, los koj nrog nraim kuv thiab txhua leej ua tau thov koj ntawd."

    Yog ib yam uas nyob rawv hauv kuv lub siab los txog tav no, kuv thiaj xav hais tias, yuav muab los nthuav rau sawv daws paub txog, Peb Tus Huab Tais Ntuj txoj kev hlub, txoj kev khuv leej neeg, thiab txoj kev cawm uas muaj nuj nqes tas nrho rau sawv daws paub.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 29th August 2011, 9:56 pm



    Nyob zoo Bao XMary,

    Tu siab kawg,
    Kev ua tsov rog ua kom teb chaws ntxhov
    Nom tswv tsis txawj kav ua rau laj mej pej xeem los kua muag ntshav
    Kev nom tswv sib txeeb hwj chim ua rau lub teb chaws piam sij
    Nom tswv tsis txawj coj ua rau laj mej pej xeem kua muag nrog

    Teb chaw lam ua rau neeg khiav tas
    Teb chaw kub ua rau neeg tsis muaj kev hlub
    Teb chaw tsis thaj yeeb ua rau neeg tsis nyab xeeb
    Teb chaws tsis tiaj tus ua rau tsis ntoj tsis thuv.

    Bao XMary, tu siab kawg, nyeem nws zaj lus tim khawv Tswv Ntuj txiaj ntsim...

    Yes Xus twb ib txwm hais rau peb tias: "KOJ TXOJ KEV NTSEEG CAWM KOJ LAWM".
    Yog peb tso siab tag nrho rau Huab Tais Ntuj mas Huab Tais Ntuj tseem yuav ua tau tej yam loj tshaj qhov peb xav txog rau peb. Tab sis qhov ntau, tos peb thov tsis tau los peb twb tsis NTSEEG tiag, peb tsuas niaj hnub thov li tus me nyuam yaus xav noj qab zib xwb. Thaum qab zib yaj hauv peb qhov ncauj tag ces peb twb tsis nco txiaj ntsig li, peb txawm siv rov thov dua xwb...

    Bao, kuv zoo siab tias nws tau raw sli nws lub siab ntshaw lawm...

    Ntawm kuv thawj zaug kuv tuaj txog Fab Kis teb, peb mus nrog cov me nyuam ntsuag nyob. Peb mus teev Ntuj ntawm ib qhov chaw ntshiab, sawv daws nce ib civ theem ntai mus plhws tus mlom "Sainte Anne de Bretagne". Lawv tias leej twg xav THOV dab tsi ces thaum plhws ntawd thov. Thaum peb tuaj ntawd tseem tssi tau muaj neeg Thoj Nam tuaj, tseem yog cov tub txuj muaj feem tej tuaj xwb. Peb cov nus muag ces yog Secours Catholique tuaj tos peb tshwj xeeb li me nyuam ntsuag xwb...Ces kuv thov Leej Ntshiab Anne de Bretagne tias: " Thov koj thov Ntuj kom Peb Hmoob Thoj Nam tau tuaj coob coob rau Fab Kis teb..." Kuv thov li nov xwb...Tsis ntev tom qab kuj pom cov yim neeg tuaj coob zuj zuslawm...Uas kuv yuav tsis caum luag qab saib thaum kuv pom ib lub taub hau dub...Thaum ntej ces nco nco Hmoob ais mus ncig nroog pom ib lub taub hau dub, tsis yog Hmoob los yeej caum nws qab ib nyuag ntu saib nws tso mam rov qab... Sad

    Bao, kuv kho nws lo puav lus, kuv kho tej lo nws ntau yuam kev thiab tso Title, dhos duab rau nws zaj lus lawm. Hais rau nws paub, yog nws muaj tej daim duab zoo dua no ho xa tuaj rau kuv tso dhos los tau. Kuv xav tsi ib daim duab muaj txoj kev ua huab, tab sis kuv rov mus nrjiav tsis tau lawm...Thaum i kuv pom ib daim tab sis kuv tsis khaws ces tsam no kuv nrhiav tsis tau lawm. Lam tso daim nov ais rov nrhiav tau no mam li coj tuaj hloov...
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Bao X Mary 30th August 2011, 12:26 am

    Maiv Tooj,

    ua koj tsaug ua koj tseem tso duab los phim rau os, thiab ua tsaug uas koj tseem kho tej los lub thiab muab topic kom yog rau. Kuv sau nrawm nrawm xwb ces tsis rov xaib dua. Yeej yog li koj hais lawm, yus yog neeg ces xav tau ntau ntawm Tswv Ntuj xwb tsis nco Nws Txiaj ntsim thaum Nws pab yus lawm. Yog peb ntseeg tiag yeej muaj raws li yus thov. Tej zaum Tswv Ntuj kuj tsis teb li yus cov lus thov, vim Nws pom tau tias lwm yam kuj zoo rau yus dua qhov yus thov ntawd thiab.

    Hnub no kuv tuaj nyeem tau Xwb Npuab Tub neb cov lus zoo ua rau kuv siab nphau npog. Tej yam peb sib share sib txhawb kev ntseeg no yuav rau peb txoj kev ntseeg loj hlob tau. Ua tsaug os mog.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 30th August 2011, 11:25 am



    Nyob zoo Bao XMary,

    Yog kawg, XH.Npuag Tub nws txawj hais tau lub ntsiab lus zoo heev. Txhua yam nws hais, ua rau yus thoob tsib ntxiv. Twb yog muaj XH.Npuag Tub tuaj nrhiav tau Maiv Paj Lug wb ais peb thiaj li los tsim lub Vas Sab nov..., ces nej ho tuaj nrhiav tau peb thiab peb thiaj li coob zuj zus...Kuv los tib yam, kuv nyeem nej sawv daws cov lus, tej experience, ua rau kuv lub siab kaj lug...Txawm tsis yog kuv tau txais tej txiaj ntsim zoo zoo tshaj lub siab xav txog los tsuav yog peb neeg ntiaj teb no tseem muaj tus tau ces kuv twb muaj kev cia siab heev rau Tswv Ntuj lawm.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Bao X Mary 31st August 2011, 12:00 pm

    Ah! yom o, ua cas es, kuv nim ntsia peb tus Huab Tais Ntuj npaum li cas los ntsia tsis dhuav li,kuv nim nrog Nws tham npaum li cas los tsis txaus li. Kuv yim saib Nws mas yim zoo, yim saib Nws mas yim ntshiab huv li os. Yim saib Nws mas kuv lub siab yim kaj li. Xav nrog Nws nyob tas mus li xwb os.

    Bao X Mary lub tsev Txiaj ntsim Jesus310
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 1st September 2011, 2:39 am



    Bao XMary,

    Thaum yus tsis tau nkag tau ze Tswv Ntuj mas yus tsis xav mus teev Ntuj li, yus mus los yog mus kom tag xwb...Tsis muaj qhov xav mus. Tab sis thaum yus mus dhau ib theem lawm mas yus xav xav teev Ntuj li...Yus mloog li ntev ntev lawm yus tsis tau mus teev Ntuj tab sis xam los naj twb tsis tau dhua lis piam...Thaum yus lub siab ntshaw ntshaw kev nplua nuj ntiaj teb mas yus pom tias tsis muaj, yus pluag pluag, yus tsis xws luag. Thaum yus lub siab tsis dai rau tej nyiaj txiag toob xib ntiaj teb lawm mas yus pom yus nplua nuj txaus lawm thiab...Hahahah...! Xyoo no peb cov ntseeg nyob cheeb tsam Lyon mus teev Ntuj ib hnub nyob Teizé ais zaum hauv av xwb mas sawv daws kuj zoo siab tshaj li...Tseem sib tham zom zaws tias lwm zaud yuav txhob txwm tuaj teev Ntuj ntxiv tej qhov chaw tsis muaj toob xib ntawd...Thov kom Tswv Ntuj tso Leej Ntuj Plig los nyob hauv koj, los kaj koj kom koj txog kev nplua nuj loj hlob ncau mus puv plaub ceg kaum ntuj nawb mog...Bao, koj lub siab zoo, koj tau Ntuj txoj koob hmoov, koj yuav kaj siab mus ib txhiab, zoo plawv mus tsis kawg...


    Bao X Mary lub tsev Txiaj ntsim Repas_10

    Cov noj Leej yaj rooj qav, lawv txoj hmoov zoo.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Bao X Mary 1st September 2011, 3:34 am

    Ua koj tsaug os Maiv Tooj aw, kuv twb muab daim duab uas koj tso rau ntawd tso rau no uas kuv nim tso mus tso los tsim niam tawm dab tsis es muab nias nias tawb ob peb qhov niag ua dog ua dig lawm. Ua koj tsaug uas koj kho txhua zau kuv tej lus thiab tso duab rau os.

    Yog li koj hais lawm tiag os Maiv Tooj, kuv ntsia lub ntiaj teb no tsis muaj ib yam yuav zoo thiab kaj kuv siab npaub peb tus Huab Tais Ntuj li os. Kuv ntsia Nws zoo tshaj tas puav tsav yam es kuv thiaj pheej saib Nws tsis dhuav. Kuv hnov Nws tus ntxhiab tsw ua rau kuv xa hnia tas li, txhua hnub kuv nrog Nws tham thiab ntsia ntsoov Nws lub ntsej muaj tsis xav ntsia lwm qhov li. Nws lub ntsej muag hlub neeg, thiab zam txim rau neeg mas loj tas nrho li. Thaum Nws kwv yus tus ntoo cuam es nyhav npaum licas los Nws tsis yws ib los li. Nws tseem muab yus puag ntawm xub ntiag thiab. Ab kuv hlub Nws hwv lawm os, Kuv tus Huab Tais zoo nyiam aw...

    Maiv Tooj aw, koj los txoj hmoov zoo thiab os, thaum kuv tuaj pom koj thawj zaug xwb kuv twb pom lub txiaj ntsim nyob hauv koj lawm os. Koj txoj hmoov zoo os,koj txaus siab los ua Nws ib tug ntxhais txib es koj txoj hmoov zoo os.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Maiv Tooj 1st September 2011, 10:09 am



    Bao XMary,

    Thov kom Tswv Ntuj lub zog los roos peb txhua leej, kom peb nrhiav tau Yes Xus qab taug tau Yes Xus lw,
    Thov kom Leej Tswv Yim Ntshiab tuaj kaj peb lub tswv yim, kom peb txawj nrhiav tau Tswv Ntuj lub hwj chim...

    Bao, kuv zoo siab heev uas nws muaj txoj kev ntseeg tob, muaj zog...Kuv tos ntsis txog nws yuav tuaj tham ntau yam rau peb mloog thiab tau kawm.

    Sponsored content


    Bao X Mary lub tsev Txiaj ntsim Empty Re: Bao X Mary lub tsev Txiaj ntsim

    Post  Sponsored content


      Current date/time is 18th March 2024, 9:12 pm