HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


XH. Yaj Zoov Ntxheb lub Tsev THOOB TSIB - Page 18 Empty

Latest topics

» COV ZAJ NYEEM NRUAB LIS PIAM XYOO II 2021-2022
by Mim Today at 5:18 am

» COV ZAJ NYEEM NRUAB LIS PIAM CAIJ TOS HUAB TAIS
by Mim Yesterday at 1:55 pm

» COV ZAJ NYEEM NRUAB LIS PIAM XYOO B 2020-2021
by Mim 27th November 2021, 8:14 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 25th November 2021, 4:54 am

» Vaj Pov Hmoob tus Vaj
by Maiv Tooj 25th November 2021, 4:31 am

» Cov zaj nyeem Hnub Chiv Xyoo B 2020-2021
by NrhiavTswvNtuj 17th November 2021, 5:09 am

» XH. Yaj Zoov Ntxheb lub Tsev THOOB TSIB
by Maiv Tooj 17th November 2021, 5:02 am

» KEV CAI KHI TES
by Maiv Tooj 17th November 2021, 4:57 am

» Thaj yeeb nyab xeeb rau hmoov Tsuj Xeeb Yes Xus Yug
by Mim 10th November 2021, 12:49 pm

» Zaj 546- VAJ HMOOB YUAV NQES LOS.
by Maiv Tooj 4th November 2021, 5:12 am

» Txiv Plig Vaj Xwm ( Pere Lucien Bouchard - Father Lucien Bouchard)
by NrhiavTswvNtuj 4th November 2021, 5:03 am

» Leej Ntshiab Npus Nos ( Saint Bruno)
by Maiv Tooj 5th October 2021, 5:05 pm

Suav neeg tuaj saib, txij hnub 17/09/2010 los mus.


4 posters

    XH. Yaj Zoov Ntxheb lub Tsev THOOB TSIB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 17th September 2020, 5:12 am



    Zaj 483 - HAIS TXOG CUAJ NTSUG KEV KHAUB LIG.



    1=>.Cuaj ntsug kev khaub lig, raws li Hmoob muaj keeb kwm hais los ntawd. Yog cuaj ntsug kev kev khaub lig uas muaj nyob hauv lub Sim Ceeb no.  Lub Sim Ceeb no, mas muaj  cuaj ntsug kev khaub lig rau Leej Tib neeg taug.
    Nyob saum Qaum Ntuj, mas tsis muaj cuaj ntsug kev khaub lig.  Tsuas yog nyob hauv lub Sim Ceeb no, thiaj muaj cuaj ntsug kev khaub lig, rau Leej Tib Neeg taug.
    Thaum Leej Tib Neeg poob plig los, muaj mob nkeeg, Hmoob ntseeg tias:  Yog tus ntsuj plig yuam kev lawm.  Yuav tau hu plig los ua neeb tuam choj, rau tus Ntsuj Plig los nrhiav niam nrhiav txiv.
    2=>.Hais txog cuaj ntsug kev khaub lig no, mas peb hmoob ntseeg yuam kev lawm. Peb Hmoob muab cov Ntsuj plig, tig mus nrhiav niam nrhiav txiv.  Tsis raws li txoj kev muaj tseeb!
    Txoj kev mus nrhiav kom tau tus yog niam yog txiv tseeb, mas yog mus nrhiav, kom tau tus tsim Leej Tib Neeg cov ntsuj thiab tso cov Ntsuj Plig los ua neeg mas thiaj yog!
    Thiaj muaj lub ntsiab zoo, uas yog qhov tseeb tiag!   Uas  raws li tej Pog tej Yawg, kev hu Plig tuam choj.   Rau Cov Ntsuj Plig los mus nrhiav tau, tus zoo Niam zoo Txiv:
    A->.Koj yuav teev Huab Tais Ntuj ib leeg xwb thiab koj  yuav nyiam Huab Tais Ntuj tshaj tas puas tsav yam.  Txoj no Hmoob tsis nrhiav taug.
    B->.Koj yuav hwm Huab Tais Ntuj lub npe txoj no, Hmoob kuj tsis nrhiav.
    C->. Koj yuav caiv Huab Tais Ntuj hnub, Hmoob muab fiv rau ib hnub coj los caiv tsam dab tso vij sub vij swv. los raug, ces tau mob tau nkeeg.  Kuj yog vim Hmoob tsis paub qhov tseeb, Hmoob caiv raws kev ntshai.
    D->.Koj yuav hwm koj niam koj txi, Hmoob tau ua ib feem.  Mus tsis nto ntsis, tshuav tsoom txheeb ze thiab kev neej kev tsav mus tsis tau txhua…
    E->.Koj txhob tua neeg, Hmoob kuj ua tsis kawg paus kawg ntsis. Hmoob coj raws li Hmoob lub siab xav thiab ntshaw ua, nrog kev npau taws los chim siab.
    Thaum hais lus tsis haum siab, los muaj kev npau taws, Hmoob muaj kev cib nyeej, kev xam khib muab niam txiv tso pov tseg, tsis saib tsis hwm los tsis xyuas.
    Nyias a raws li nyias muaj kev cib nyeej nrog kev npau taws thiab kev chim siab mus. Hmoob kuj hla ntau yam ua tsis muaj paus muaj ntsis mus.
    F->.Koj txhob zes luag poj luag sev, Hmoob tsuas kam hwm tus yug Hmoob los xwb.  Dhau sab nraud lawm Hmoob tsis txawj hwm, Hmoob ua raws li Hmoob lub siab txawj ua mus, mkom zoo Hmoob siab.
    Hmoob ntseeg tias:
    Txiv neej yog poj niam tug, poj niam kuj yog txiv neej li. Leej twg yim txawj ua kev txhaum ntau, mas nws yog tus ntse thiab paub ua tshaj luag zeej tsoom dua ntais cov  lawm xwb.
    G->.Koj txhob ua tub sab tub nyiag, cov hwm txoj kev no. Yog feem tsawg kawg, feem coob, mas lawv saib tias: Tsuav yog nyob ncaj ke, mas nws tsis xyeej tsam tau tsawg xwb.
    H->.Koj txhob dag rau luag tej. Txoj kev no, mas Leej Tib Neeg,  Ntshai yog feem coob los yuav luag tas tus li lauj!  Txoj kev no, yog txoj kev uas neeg yuam kev loj thiab muaj coob kawg nkaus.
    Vim neeg xav muab txoj kev no, los ua tes tsau kaj nrhiav thawj peb txoj kev ua neej zoo.  Xws li peb txoj, ua ntej tshaj plaws saud. Txoj no yog txoj uas neeg nyiam heev, cuag li  neeg txhob txwm.  Tsuab pos tsuab khaub los thaiv, kom nrhiav tsis tau, peb txoj ncauj ke no.
    Txoj no yog ib txoj kev yuam kev loj, ua kom neeg yuam kev tas, los tsis txaus.  Kuj ua kom neeg muaj rab peev xwm, hais tuam meej tuam pem, nyob ntawm Qaum Ntuj xub ntiag.  Neeg tseem muaj kev cog lus khob kho tias, muaj tseeb tiag!
    I->.Koj txhob tso koj lub siab, ntshaw zes luag poj luag sev thiab ntshaw ua tub sab tub nyiag.
    Ob txoj kev ntxaib no, mas neeg ntiaj teb, tsis hais txiv neej los poj niam.  Mas sawv daws saib yog ob txoj kev loj thiab dav kawg, neeg mas sib tw khiav saib leej twg yuav tau ua ntej xub mus txog.  Kom tau kav tas nrho, qab ke qaum kev mus.
    Cov neeg nyob rau hauv lub Sim Ceeb no, mas sawv daws nyiam thiab sib tw mus.   Cuag li yuav tau pov haum zoo, los ua neeg nplua nuj nyob hauv txoj kev no!
    Cuaj ntsug kev khaub lig uas neeg lub cev, coj neeg cov ntsuj plig yuam kev nrhiav niam nrhiav txiv.  Nrhiav tsis ntsib tus zoo niam zoo txiv.  Ces yog cuaj ntsug kev khaub li no lawm ntag lauj.
    Peb yuav nquag teev Ntuj, thov kom Tswv Ntuj ua tus hu peb cov Ntuj plig kom txhob yuam kev mus taug lwm txoj kev sib tshuam nyob ntawm cuaj ntsug kev khaub lig no!
    Peb thiaj yuav nrhiav tau txoj kev tig rov los nrhiav tau tus zoo niam zoo txiv. Tus nyiam thiab nquag teev Ntuj, mas nws yuav thov kom Leej Ntuj Plig pab coj kev.
    Mas thiaj yog txoj kev hu plig thiab tuam choj rau neeg cov Ntsuj Plig los nrhiav tau yus tus zoo niam zoo txiv.
    Kwv tij, zaj lus no, muaj ib hnub, ces kuv cia li xav tau los sau.  Qhov tseeb thiab cuav kuv tsis paub, Kuv tso siab tias:  Tus yuav qhia tau qhov tseeb, mas kawg yog Leej Ntuj Plig.  Tus uas Yes Xus thov kom Leej Txiv Tswv Ntuj xa tuaj, mas Nws thiaj yog tus paub zoo dua!
    Tus xav paub tob thiab zoo dua zaj lus hais no, kawg yog koj yuav caw kom leej Tswv Yim tuaj nrog koj tham  Nws thiaj yog tus yuav qhia tau qhov tseeb rau koj!

    Sacramento tim 31/7/2019.
    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 25th September 2020, 6:19 am



    Zaj 484 - HAIS TXOG KEV NCAJ NCEES.

    Peb cov neeg ntseeg txog Yes Xus lub npe, Peb yuav xyaum ua ib tug neeg ncaj ncees. Kev ncaj ncees, nws muaj zog dua, nyiaj kub thiab pov haum pob zeb liab los pob zeb dub, los pob zeb dawb.
    Kev ncaj ncees yog Qaum Ntuj tso los pub rau neeg ntiaj teb txhuav Haiv neeg. Thiab txhua tus neeg, kom yeej tau txhua hom dab xyob txhiaj, nyob ntiaj teb no!
    Leej paub nrhiav thiab huas tau npaum li cas, mas nws yog neeg nplua nuj nyob hauv Tswv Ntuj npaum li ntawd.
    Kev ncaj ncees thiaj yog yus tug, Tsis muaj tub sab tub nyiag yuav nyiag tau mus ib sim neej li! Hos nyiaj kub thiab pov haum, mas tas nws txoj yawg lawm.
    Kawg yuav poob mus ua lwm tus tug thiaj tas. Thiab tub sab tub nyiag, yuav nyiag mus lub caij twg los tau.
    Nyiaj kub tsuas yog ib yam zoo daws nqhis rau kev tshaib plab nkaus xwb. dhau ntawd mus tsis muaj nuj nqes rau yus lawm.
    Nyiaj kub pov haum, nws tseem ua tau yus tus yeeb ncuab. Kom muaj neeg txo tau yus txoj sia ib txhij nws ploj mus li nyiaj kub thiab pov haum ploj ntawd.
    Ua li mas peb ua ib sim neej nyob, peb yuav xaiv yam uas tub sab tub nyiag, yuav nyiag tsis tau mus. Thiab yuav tsis ua plaub ua ntug rau peb lub cev ntaj ntsug thiab peb tus Ntsuj Plig tuag.


    Yaj zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 8th October 2020, 8:29 am



    Zaj 485 - HAIS TXOG KEV PE HAWM MLOM.

    Kev pe hawm cov mlom, los pe hawm neeg los pe hwm zeb tsua thiab ntoo. Nws txawv kev pe hawm Tswv Ntuj! Tswv Ntuj thiab Yes Xus, nws nyob thoob plaws lub Sim Ceeb no, qhov txhia chaw!
    Koj nyob qhov twg, los koj xav pe hawm lub caij twg los, koj pe nyob thaj chaw twg, los pe tau. Tsis muaj kev ntshai, los txaj muag poob hwj chim mus.
    1=>Kev hawm tus mlom Yes Xus, los mlom Mab Liab thiab cov mlom neeg muaj koob meej ntshiab huv. Koj pe hawm tus mlom ntawd, txawv li koj pe hawm Txwv Ntuj.
    Pe hawm mlom Yes Xus, los pe tus ntoo Cuam thiab mlom Mab Liab. Uas Yog Yes Xus Leej Niam. Mas koj yuav saib tias, thaj chaw uas tso tus mlom no nyob, yog thaj chaw ntshiab muaj koob meej kom tau nco txog txiaj ntsim koob hmoov xwb.
    Thaj chaw tso tus mlom nyob rau koj pom, mas yog qhov chaw thov koob hmoov, ntawm nws, yog nws kev ua neeg dawb huv, rau koj tau nco txog txiaj ntsim xwb.
    Nws yog neeg muaj txiaj ntsim, tau ua neeg zoo rau Tswv Ntuj thiab Yes Xus muaj kev khuv leej tus neeg zoo li koj. Tus tsim nyog rau koj pe, mas nws nyob siab dua cov duab mlom no!
    2=>. Cov neeg ntseeg nyob hauv lub Koom Txoos Ka Tau Liv, lawv paub tias, kev txua cov mlom, yog txua los ua kev nco txog nws lub hwj chim, ua lub Cim tias, yog neeg ntshiab dawb huv xwb.
    Lawv tso rau thaj chaw no, kom peb neeg tau nco txog Nws tej koob hmoov tsim txiaj muaj nuj nqes. tsis yog puab thiab txua, los teev hawm hloov Yes Xus thiab Tswv Ntuj lub hwj chim. Peb tsis saib tias, nws loj dua Tswv Ntuj.
    Lo lus uas Tswv Ntuj hais tias:
    Nej txhob mus pe cov mlom uas neeg txua tau los,neeg muab hu ua Tswv Ntuj. Cov neeg txheej thaud, lawv ntseeg tias: Tswv Ntuj yuav zoo li tus mlom nyuj, muaj zog li tej tsiaj uas yuav ncau cuam li nyuj sib nraus ntawd.
    Tswj Ntuj thiaj tau muaj lo lus ceeb toom kom txhob mus pe tej mlom raws li neeg lub tswv yim xav qis qis li ntawd.
    3=.> Peb cov ntseeg nyob hauv lub Koom txoos Ka Tau Liv, peb puab Yes Xus, los Mab Liab uas yog Yes Xus Leej Niam. Tus duab mlom los tso rau hauv lub Tsev teev hawm Tswv Ntuj.
    Uas peb mus pe hawm Tswv Ntuj. Peb tsuas puab los ua lub Cim nco txog tias:
    Yes Xus lub txiaj ntsim tuaj cawm ntiaj teb neeg, tso kom neeg cov Ntuj Plig tau dim ntawm Dab Xas Tas kev haub ntxias, kom tau dim los ntawm, Yes Xus thiab Mab Liab cov txiaj ntsim koob hmoov kev nyiam kev hlub los.
    Tuaj ntawm nws kev daws tso los ntawm nws lub hwj chim meej mom koob meej. Nws tus duab zoo li no, los xwb. Peb tsis saib tias, yuav pe hawm tus mlom no, los hloov ua tus tseem Tswv Ntuj.
    Uas yuav muab tus mlom peb txua no. los hloov kiag ua yog tus Tswv Ntuj tau. Peb vam txog Yes Xus tus ntoo cuam los ntiab dab, tiv thaiv dab, vim peb tso siab tias: Yes Xus yeej Dab kev haub kev ntxias, txhua yam nyob saum Nws tus ntoo cuam Khaub lig no.
    Txhua hom dab yeej ntshai tus ntoo Cuam khaub lig no. Vim tus ntoo Cuam Khaub lig no, yog Yes Xus lub theej kiab txiv txim, rau dab kev ua txhaum nyob saum tus ntoo khaub lig, yeej dab tas nrho dab mus lawm.
    Dab ntsia tsis taus tus ntoo Khaub lig no, tsis yog ib tug mlom zoo li, muaj qee leej neeg xav tias: Yog ib tug mlom ntoo uas neeg txua los ua mlom hloov tau Yes Xus.
    Nws yog Huab Tais lub Theej Kiab txiav txim, uas yeej tas nrho txhua hom dab thiab kev ua txhaum. Nyob saum tus ntoo Khaub Lig no.
    4=> Nyob hauv peb cov tuam tsev teev Ntuj, Tsis yog peb teev tus ntoo Khaub Lig li muaj qee tus neeg ntseeg yaum kev li lawv hais!
    Peb hwm peb tus Huab Tais lub Theej kiab, peb muab tso rau qhov chaw ntshiab muaj hwj chim. Uas lub Theej Kiab no, yog qhov chaw yeej ua txhaum. Peb tuaj teev Yes Xus thiab Peb Leej Txiv Tswv Ntuj.
    Uas Yes Xus qhia kom peb hu Nws ua peb Leej Txiv, nyob ntawm lub rooj txiav txim rau cov Dab Xas Tas. Uas tau swb Yes Xus mus nyob ntawm lub Theej kiab no!
    Peb tuaj txog lub tuam tsev teev Ntuj, peb yuav hwm nws lub rooj ntshiab. Zoo li peb hwm nws nyob tas qhov txhia chaw thaum peb xav teev Ntuj.
    Peb tsis ntseeg tias, tus Ntoo Cuam Ntshiab no yog ib tug mlom zoo li yog Tswv Ntuj. Peb ntseeg tias, yog Huab Tais lub rooj txiav txim cawm lub qab ntuj neeg nyob saud tus ntoo Khaub Lig no xwb.
    Tus ntseeg tias, tus Ntoo Khaub Lig no, Yuav hloov tau tus tseem Tswv Ntuj. Mas nws yeej muaj ib lub tswv yim cob qhia nws, los ntawm tus tiv thaiv Tswv Ntuj lub hwj chim los.
    Nws thiaj muaj peev xwm muab hais tig los hloov Huab Tais lub hwj chim li nws tau hais los ntawd. Kom neeg ntiaj teb muaj tus ntseeg yuam kev raws li nws xav thiab muab los ua kev thuam Huab Tais lub meej mom hwj chim.
    Tsis kam lees paub tias, yog Huab Tais kev cawm lub sim Ceeb nyob saum tus ntoo khaub lig no! 5=>Thaum peb hwm tus ntoo Cuam Khaub Lig no, peb thov kom Yes Xus zam peb cov txhaum. Pab kom peb lub siab txhob nyiam kev ua txhaum ntau dhau, kev ua txhaum, yog ib lub nra hnyav los tsub ntxiv rau peb tus Huab Tais Yes Xus kom hnyav dua tuaj.
    Huab Tais Yes Xus yuav zam thiab daws pes tsawg zaus, thiaj yuav daws tas, ntiaj teb neeg tej kev ua txhaum mus!
    Muaj cov neeg siab dawb huv, nrog Yes Xus thov Ntuj kom lub nra neeg kev ua txhaum sib me ntsis tuaj tuaj rau Yes Xus! Yog Yes Xus Leej Niam Mab Liab thiab muaj cov leej Ntshiab ua lawv yog neeg siab dawb.
    Mab Liab tus tis los txhaum, cov Leej Ntshiab lawv yog cov yoo kev ua txhaum kom Huab Tais lub nra sib tuaj. Peb pom lawv cov mlom.
    Peb hwm lawv lub meej mom txawj ua neeg zoo, paub khuv leej tsoom txheeb ze thiab yoo kev ua txhaum kom txhob hnyav dhau rau Huab Tais. Peb thov lawv cov koob hmoov, lawv cov txiaj ntsim paub kev thoob tsib kom peb yoog tau zoo li lawv.
    Peb txawj yoo kev ua txhaum, peb tsis pe lawv cov mlom los saib lawv zoo li hloov kiag ua peb tus Tswv Ntuj. Peb saib lawv zoo li tej niam tej txiv, ua thaum peb raug xwv txheej. Peb ceeb los peb ntshai, tos peb nco xwb peb twb hu tias: Niam aw pab auj.
    Vim ib txwm lawv nyob ze peb dua, thaum peb tau kev txhawj xeeb kev ntshai peb hu lawv pab peb. Vim tias ib txwm peb tsuas paub txog lawv. peb yeej xub hu lawv thaum ua neej nyob, los thaum raug xwv txheej.
    Thaum peb twb pom muaj teeb meem lawd, muaj kev sab laj qhia rau tej hlob los lawm. Peb mam hais tias: Yuav fiv yeem, mas peb mam hais yuav thov Ntuj daws teeb meem li Hmoob ib txwm ua los.
    Lo lus hais tias, cov Ka Tau Lib mus pe mlom tsuas zoo li peb ua ke sib faib txiaj ntsim los sib txhawb xwb. Txhob to taub yam ruam ruam uas yus muab txua, los hais tias: Lawv muab kev pe hawm mlom, los hloov kev hawm Tswv Ntuj chaw!
    6=>.Kev ua phooj ywg sib raug zoo los ntawm kev ua neeg paub tab sib hwm nyob ua phooj ywg! Peb cov neeg ntseeg Yes Xus nyob hauv lub Koom Txoos Ka Tau Liv.
    Yog peb nrog ib tug swm phooj ywg, ua ke mus ub mus no. Lawv tsis paub kev pe hawm Tswv Ntuj. Lawv ntseeg tias, pe mlom yog ib txoj kev zoo.
    Thaum lawv pe mlom, peb nrog lawv koom zoo li pe mlom, Peb pe tus Tswv Ntuj nyob saud. Uas yog tus peb paub tias: Yog peb tus Tswv Ntuj, peb tus phooj ywg lawv tsis paub txog Tswv Ntuj.
    Lawv pe tus mlom ntawd, thov kev pab cuam rau lawv. Hos peb pe li lawv pe, tab sis peb thov tus Tswv Ntuj nyob siab saud, los pab cuam daws teeb meem pab peb thiab pab peb tus phooj ywg. Mas peb tau ua ib yam zoo nyob rau peb nruab siab koom nrog luag!
    Yog ib yam tseem ceeb, muaj nuj nqes los pov hwm luag thiab pov hwm yus ua ke. Yog yam muaj nqes zoo, peb tsis tau yuam kev!
    Peb yuav to taub tias,Tswv Ntuj thiab peb tus Huab Tais Yes Xus nyiam kom peb coj ib lub meej mom sib nyiam sib hlub nyob ua ke! Peb tsis tau ua kev txhaum los ua tub qaug rau peb tus Tswv Ntuj thiab saib taus tus neeg tsim txiaj thiab muaj nqes ib yam li yus!

    Sacramento tim 25/7/2019.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd October 2020, 7:59 am



    Zaj 488 - HAIS TXOG LUB SIM XEEB UAS HMOOB COJ.
    Txij li lub caij Hmoob Txiv Yawg, tau swb rog rau Suav los. Mas Hmoob lub sim xeeb, Hmoob coj los txog niaj hnub no, coj tau txawv kawg.
    Peb rov mus ntsuam saib lub caij Yawg Vaj Pov tau tawm teb chaws mus lawd. Muaj tej xwm tawm tuaj zoo li cas?
    Muaj cov xwm Hmoob mus kub xaj, ua teb chaws. Cov thawj neeg no, twb rov mus txog Thaib teb, mus txog Los Tsuas teb tib si lawm.
    Lawv lees lub npe mus ua teb chaws, tab sis lawv mus ua lub teb chaws dav li peb nti xwb. { lawv mus ua nkauj ua nraug, yuav luag tej ntxhais mos los ua niam yau.}
    Lawv siv Yawg Vaj Pov, cov nyiaj mus yuav hnub qub los coj, kom tau rov taw tuam Ntuj. Ua hauj lwm tsis tsheej hauj lwm.
    Mus tsim kev xaiv kev lus, kom neeg tsis sib haum. Ib leeg tawm tsam rau ib leeg, Ua rau tej hlob to taub yuam kev tas tib si. Hais tias:
    Luag xav ua tus loj, ces muaj kev tsis sib haum. nyias tsim muaj nyias teeb meem, muab kev ploj kev tuag los sib lwv. ces koj tas kuv kuj tag, tsis muaj dab tsi tseem ceeb sawv los ua puav pheej tseg.
    Dua Yawg Vaj Pov lawm, lub Koom Haum Hmoob 18 xeem coj tib yam. Tsis muaj kev hloov, mus rau yam tshiab li. Pab ua dhau pab ho ua tuaj.
    Ua rau Hmoob muaj xaiv muaj lus, rau luag lwm Haiv neeg, saib tsis taus Hmoob li. Ces Hmoob rov sib ceg liab muag tsuas.
    Ua rau Mab Sua muaj chaw ntxub hmoob, Vim yog Hmoob tej ncauj lus rov muab Hmoob rau Mab Sua tua. Thaum muaj tej no lawm, Hmoob rov liam rau Hmoob, ua kom Mab Sua muaj zog.
    Koj los tsis kam lees, kuv los tsis kam paub. Yog Hmoob lub tswv yim, tua Hmoob kom tu noob mus rau luag saib. Kev txhaum tsis yog los ntawm Mab Sua los. Yog Hmoob tsim los tua Hmoob, kis mus thoob ntiaj teb, los Hmoob tsis tau zeem thiab paub txog tias yog Hmoob ua.
    Hmoob txhua tus yeej muaj tib nploog siab, zoo sib xws li. tus tau ua thawj neeg lawm, ces nws twb nce ua huab tais lawm ntag.
    Nws nyiam kom luag teev luag tiam. muab dej muab cawv los tiam, muab luag tub luag ntxhais los tiam. Tsim tsa kom muaj rooj nqaig rooj hno,muab dej muav cawv los laub rau yus haus.
    Muab luag tub luag ntxhais mos los tiam, ce dej ce cawv rau yus haus coj yus mus puag pw. ua tsiaj ua txhuv txi rau yus, kom muaj kev zoo siab kaj siab.
    Ces yus twb yog, Hmoob tus Huab Tais, ib vuag dhau los lawm. Cov thawj neeg Hmoob, tau qhov no xwb, lawb twb saib lawv nce siab txog theem yog Huab Tais Hmoob mus lawm.
    Yog koj ua li no, koj puas yuav pov hwm tau, Hmoob kom muaj teb muaj chaw tsheej ne yom, los yog koj tau muab Hmoob rhuav rau ntiaj teb saib.
    Hmoob nyiam kawg, txoj kev tau ua ib tug thawj neeg. Nws ua thawj neeg hnub no xwb, nws twb xav tias, nws nce siab mus txheej ua Huab Tais kiag lawm ntag.
    Nws twb nce mus zaum Qaum Ntuj chaw los sawv mus nyob dab chaw tib sis lawm. Tej laus yeej hais tias, dab ib txwm dab yeej ntshai tsam dab raug neej.
    Tos dab ho ntshai raug neej, mas yog dab tsis tom los neej pheej hais tias,raug dab tom lawm. Dab tsis tau kom tej neeg mob muab nyuj muab twm los pauj.
    Los neej hais tias, Dab yuav yuav ib tug tsiaj kub nto ntuj tw suab teb no, ces tus neeg muaj mob tau muas ib tug tsiaj los pauj rau dab.
    Cov ua thawj neeg zoo li cov Nom Tswv, Cov Xib Hwb cov txiv neeb no. lawv yog cov uas ua tej hauj lwm no ntag.
    Lawv nce mus nyob Qaum Ntuj chaw, nce mus zaum dab chaw tas tib si lawm. Ntuj tsis tau qhia los lawv hais tias,yog Ntuj qhia lawv lawm.
    Dab tsis tau hais, los lawv hais tias, dab twb hais rau lawv lawm. Cov nom tswv los puav leej nce mus aum Qaum Ntuj chaw.
    Leej twg, yus nyiam tsis tas, vim nws tsis pub paj tshab rau yus, Ces yus hais tias, nws yog tus swb mus lawm, Yuam nws them ib npaug los ob peb npaug rau lawv noj lawv haus.
    Vim lawv loj dua Qaum Ntuj los loj dua dab lawm. Leej twg tawv nyom thiab tsis yuav lus. Ces yeej ntawm neej los tsis yeej ntawm Qaum Ntuj thiab dab.
    Ces tus neeg me tsis muaj zog thiab tsis muaj kwv tij ces kawg swb mus li xwb. Hmoob lub sim xeeb nyob nraim hauv lo lus hais no.
    Peb leej hlob tus yau nyias yuav tau paub nyias, tuaj rau nyias nruab siab. tej hais no, tsis yog kev thuam leej twg kom raug poob tsim mus li od.

    Sau nyob Sacramento tim 2/4/2020.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 28th October 2020, 8:30 am



    Zaj 489 - HAIS TXOG NEEG TUS NPLAIG.

    1.Neeg tus nplaig, mas nws muaj zog cuag li ib tug dab phem. Neeg tus nplaig yog ib yam me me kawg, nws luaj li ib lub txim taws xwb. Tab sis nws muaj peev xwm hlawv lub ntiaj teb no, kom kub hnyiab tas mus lawm ib tog teb los tau.
    2. Neeg tus nplaig muaj zog kawg, nws yuav txawj sawv los tsa ntau tus neeg ua kws txiav txim rau lwm tus neeg. Kom sawv los ua kom ntog mus, los tau tib si.
    3. Neeg tus nplaig, yog dab phem qhov chaw ntxias neeg ua kev txhaum loj. Nws txawj rhuav kom neeg lub neej puas piam sij mus tau tas nrho los tau. Dab phem, mas nws nyiam neeg tus nplaig no kawg.
    4. Neeg tus nplaig, txawj pwv cov nab raj kub sai kom seej. Nyob hauv neeg tus nplaig, mas muaj toj taug lom neeg kom tuag mus tau.
    5. Tas nrho cov neeg nyob saum lub ntiaj teb no, muaj ½ los 2/3 lawv tsis txawj siv lawv tus nplaig. Los qhuas thiab cav txog Tswv Ntuj.
    6. Neeg tus nplaig lo lus zoo thiab los lus phem, tawm ntawm ib lub qhov los. Neeg tus nplaig, nws siv kev thoob tsib cuav thiab kev thoob tsib tseem ceeb, mas sib txawv deb kawg.
    7. Kev thoob tsib cuav, yog kev thoob tsib ua neeg txawj, los paub kev xam khib. Neeg tus nplaig siv los ua kev sib cav sib ceg.
    Nws xav tias, nws ntse thiab nws paub kev luag ua tub qaug rau nws sai kawg. Ces nws saib tsis tau luag lwm tus.
    8. Tus neeg paub cov kev thoob tsib, nqes saum ntuj los. Mas nws tsis yoog raws li tej tsiaj txhu, kev thoob tsib. Uas nyias khav nyias tus kub kawb los kub zuag, nws nyiam nrau cuam kom tau yeej lwm tus.
    9. Tus coj tau txoj kev thoob tsib nqes saum ntuj los, mas nws nyiam txoj kev dawb huv. Ua rau neeg nyob ntiaj teb no, kom tau nyob tiaj tus.
    Nws nrhiav kev kaj siab thiab kev lom zem rau neeg.
    Tus no, nws yuav txi tau ib cov txiv qab qab zib los rau txhua tus neeg nyiam no. Thiab yog cov tuam los Pav nyob kev deb lawv paub mas luag yuav kheev nqis rau nws cov txiv ntoo no loj tas nrho.
    10=>. Hais txog peb cov neeg ntseeg txog Yes Xus lub Moo Zoo. Mas tus ntseeg tseeb tiag, nws yuav muaj peev xwm tuav Yes Xus lub npe, los ntiab tau cov dab tsis huv.
    Nws yuav tsis raug xwv txheej, zoo li lub caij nws haus tau tshuaj lom neeg. Los nws tuav tau cov nab muaj taug, nab tom los nws yuav tsis tuag.
    Thiab lub caij nws thov Ntuj pab lwm tus neeg, mas Leej Tswv Yim Ntshiab yuav qhia, nws hais tej xeem lus tshiab. raws li Leej Tswv Yim Ntshiab qhia nws hais.
    Leej Tswv Yim Ntshiab hais tias: Yog koj tau Leej Tswv Yim Ntshiab lub txiaj ntsim lawm, mas koj yuav txhob ua neeg khav theeb.
    Tsam koj musk haws tau Hmoob lo lus hais tias: Koj tau rov taw los tuam Ntuj lawm, Ces koj tsuas tau txais lub koob meej ib vuag los ua koj tug xwb.
    Vim koj nce mus nyob Tswv Ntuj qhov chaw lawm, koj tau twv nrog Tswv Ntuj. Li koj loj ib yam li Tswv Ntuj lawm. Lo lus hais no, mas peb yuav tau ceev faj tas txhua tus neeg.


    Yaj Zoov Ntxheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 4th November 2020, 8:25 am



    Zaj 490 - HAUV TSHUAJ MUAJ TXIAJ NTSIM.
    Muaj ib hauv tshuaj kho mob daws tau tas nrho, txhua yam mob nyob hauv leej tib neeg lub cev thiab daws sab ntsij plig mus tib si!
    Xav kom peb paub txog tsob tshuaj zoo no, hauv tshuaj no. Yeej nyob nrog peb cov leej tib neeg, yog peb tsis paub thiaj tsis nco pom thiab muab coj los muss iv.
    Ces peb dawv daws thiaj tau ris nyias tus mob nkeeg, nyob tuaj rau peb tej nruab siab nruab cev. Ua hnub ua hmo mus tsi muaj caij muaj nyoog zoo tau thiab tej mob nkeeg no.
    Nyob nrog peb lub neej, ua hnub ua hmo mus thawm niaj thawm xyoo tsis txawj ploj mus li. Ces peb thiaj muaj mob muaj nkeeg, zoo li mob taw vwm, mob kev tus siab tu saus.
    Mob los ntawm tej kev luag saib tsis taus, luag tsis nyiam yus, mob los ntawm kev sib cav sib ceg, tsis muaj kev sib raug zoo, yus tsis mua kev kaj siab. Ces mam xeem muaj xaiv muaj lus, mus kis rau kev ua plaub ua ntug.
    Ces peb swb tas nrho txhua yam, noj mov tsis poob plab haus dej tsis poob cev. Ces peb mam swb tus sab foob khaub tuas, ces peb cia ua mob ua nkeeg tuaj.
    Ces peb cia li ua peb lub neej, coj mus zwm rau kev mob kev nkeeg. Peb thiaj ua tau lub neej nyiam tus mob nkeeg no, cuag li kev ua nkauj ua nraug uas yus tsis xav kom dim mus li!
    Ces peb cia li nrog tej mob nkeeg no ua neej nyob sib puag tuag mus, cuag li peb niam zoo siab hlo lawm.
    Yam tshuaj uas kuv hais no, nws yeej muaj nyob ze peb txhua tus neeg. Yog peb txhua tus paub siv, mas peb yuav yeej mob nkeeg txhua yam.
    Nws tseem zoo tshaj li niaj xyoo yus nco ntsoov mus txhaj tshuaj tiv thaiv sab foob khaub thuas, kom txhob raug kev mob nkeeg.
    Nyob hauv peb lub neej, mas peb nyias muaj nyias ib lub kawm { pob tawb} ua peb niaj hnub ris nrog nraim peb kev ua neej.
    A.Yog koj paub thiab koj to taub, mas koj yuav muab koj lub kawm no tho kom to qab mus. Vim koj ua neej nyob nrog kev phem, kev zoo sib npaug zos.
    Yog koj lub kawm to qab lawd, mas cov kev zoo uas koj khaws ntawd. Nws muaj ib co txab nplaum, thaum koj pov rau koj lub kawm. Ces nws txawj mus nplawm rau koj lub kawm txhua sab.
    Thaum lub kawm puv lawm, nws hloov los ua ib co hmoov nyiaj hmoov kub. Ua tau ib co pov haum tseem ceeb rau koj thaiv sab foom khaub thuas thiab sab mob sab nkeeg txhua hom mus tib si nyob hauv koj lub neej.
    Ces koj yuav ua tau lub neej nyob kaj siab lug, yeej kev mob kev nkeeg txhua yam yuav los kis mob rau koj ces nws yuav txav los tsis ti koj li.
    B. Yog koj tsis muab koj lub kawm tho kom to qab, mas cov kev phem yuav xub los. Ces nws yuav xub nyob puv nkaws koj lub kawm ua ntej.
    Cov kev phem thiab kev zoo, nws yuav nyob tsis taus ua ke. yog ob yam no nyob ua ke, mas yuav hloov tau los ua ib co tshuaj sib lom.
    Ces koj kuj yuav hloov mus ua yam tsis muaj nuj nqes siv rau leej twg tau li thiab. Koj muaj kev ceev faj, tsam kev zoo yuav poob los tsis ncaj rau koj lub kawm, nws yuav poob mus rau sab nraud tas tib si lawm.
    Thaum koj tsuas tshuav cov kev phem no xwb, koj yuav hloov txia mus ua ib co kuab tshuaj lom neeg. Mus lom lwm leej lwm tus neeg, lub cev nqaij thiab luag tej ntsuj plig, puas tsuaj coj luag mus zwm rau txoj kev mob nkeeg thiab ploj tuag mus.
    C. Cov neeg tau mob phem rau lawv lub cev nqaij, los mob rau lawv tej nruab siab nruab plawv:
    Xws li mob uav, mob ruas, los mob ej mob kev tus siab noj yeeb noj tshuaj thiab mus dhia zeb dhai dej tuag no.
    Lawv puav leej yog cov rsis kawm tsis tho qab tuag tas nrho. cov uas tuag qeeb yog cov neeg mob siab mob plawv mob raum.
    Thiab hlab siab hlab plawv txhaws kuj puav leej kis los ntawm, hom mob ua Hmoob hais tias yog mob kev raug neej. Nws tsis yog mob kev raug dab.
    Kev raug neej thiab raug dab, yog kho li peb Hmoob yeej ib txwm kho. Kev raug dab, mas muab qaib thiab qe hu plig xwb ces nws zoo du lug lawm.
    Hos yog kev raug neej, mas tab yog muab txiv nyuj txiv twm los tua, hu plig mas yeej tsis zoo li. Yog tsis muaj kev ceev faj, mas tos kom paub xwb, nws tusb xub mus dai caj dab tuag.
    Los nws xub mus noj yeeb noj tshuaj tuag ua ntej, koj mam paub tau tias, nws yog raug los saum kev raug neej los, nws thiaj tau tuag mus lawm.
    D. Txhais lub ntsiab los ntawm qhov muaj tseeb tiag, yog koj tho koj lub kawm kom to qab. Ces cov lus phem thiab lub tswv yim phem, uas luag hais rau koj. yuav dhau hauv koj lub Qab kawg mus lawm.
    Koj txhob khaws cim siab, los khaws ua kev npau taws. Tseg nyob rau koj nruab siab, koj yuav nyob kaj siab lug.
    Kev chim, kev tu siab, kev npau taws kev khib cib nyeej yuav tsis khuam daig nyob rau koj nruab siab. Ces koj nyob tau yam kaj siab lug, txhua yam mob nkeeg yuav txav los tsis ti koj.
    Yam phem yam tsis zoo, koj hnov, koj muab pov tseg tas tib si lawm, koj tsis nco qab must as nrho. Ces koj lub siab lub cev sib kha mus, yam twg yog kev phem kev tsis zoo.
    Nws tsis muaj nyob hauv koj nruab siab, koj muaj zog. Ces koj yeej tas nrho tej sab foob khaub gthuas muaj nrog tej huab cua los tib si mus.
    Koj yuav tsis muaj mob nkeeg vim koj tsis khaws ib yam tseg coj los yug cia kom nws loj hlob huam vam mus rau yav tom ntej.
    Ces koj tau nyob kaj nyob huv, kev mob nkeeg los ua tsi tau koj yus phooj ywg. Nrog koj nyob niaj hnub sib tuav tes seev txog txoj kev tuag mus. Qhov zoo ces yog li no!
    E. Tus nws nyiam rais lub kawm tsis to qab ntawd, cov kev phem puv zuj zus tuaj nto ntawm nws ob sab ceg. Ces nws pib mob taw vwm tuaj, nws pib muaj kev txhawj xeeb.
    Nws mloog thiab tu siab loj zuj zus tuaj, nws lub siab ua ywj fab ywj fwj. Kev tu siab nrog kev phem nce nto nws plab.
    Ces nws pib mob hlab siab hlab plawv hlab raum, ua rau tej hlab ntsha txaws qhov ub qhov no, ces nce mus txog saum taub hau.
    Nws yuav mob srauj, pwb tsaug zog cia lit sis sawv loS lawm. Zau zaum sawv tsees cia li tuag mus. Cov no lawv tus kheej yog lub kawm tsis to qab.
    Muab kev phem kev tu siab tswm puag hauv qab xib taw mus nto saum tau hau. Ces lawv ua ib siab ntog kev mob nkeeg sib puag ua phooj ywg tuag mus li peb hmoob ua tsaug.
    Luag hais tias, Ntuj tsis nqus tes, Ntuj tau nqus nws taw, ces nws thiaj tau tso sawv daws tseg no. Qhov tseeb yog yus tsis nqus yus tes, yus pjeej nqus yus taw, ces yuas thiaj tau ncaim sawv daws lawm.
    Yog koj ua neej nyob nrog koob hmoob, koj muaj pub koj lub kawm nplua mias, foj fab pub rau kwv tij neej tsa sawv daws siv.
    Ces koj tej koob hmoov tig los pov hwm puag koj, ces koj muaj txoj siab nyob ntev dhawv mus kav laus mus puv 120 xyoo.
    Yaj Zoov Txheb Xib Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 18th November 2020, 8:22 am



    Zaj 491 - HAIS TXOG HMOOB KEV SIB HLUB.


    Peb Haiv Hmoob yeej muaj txoj kev sib hlub tiag, tsis paub vim li cas!  Hmoob thiaj tu ncua txoj kev txoj kev tsis sib hlub thiab tsis sib haum xeeb lawm.
    Puas yog los ntawm tej niam tej txi thiab tej pog tej yawg, uas lawv tsis muaj kev sib zam txim los, los vim dab tsi!
    Hmoob yeej muaj kev sib hlub thiab kev sib raug zoo loj kawg.  Ntshai yog vim Hmoob tsis kam muab cog nyob rau Hmoob tej nruab siab, kom khov ruaj lod!
    Thaum Hmoob hnov ib lub suab nrov tuaj txog Hmoob nruab siab, ces Hmoob thiaj ua siab nphau npog siv kev phem tawm hauv nruab siab los.
    Ces thiaj muaj tej tus cheem tsis tau nws lub siab lawm, thiaj tau siv lub siab phem los mus sib ntaus sib tua, ua rau muaj nqaij ntuag ntshav nrog.
    Thiab thiaj ua kom muaj kev ploj kev tuag, ua rau tej niam tej txi tsis to taub, muaj kev tu siab sib kis mus txog kev neej kev tsav los lub cuab xeem ua ntxhov hnyo.
    Hmoob ib txwm yeej muaj kev sib hlub loj heev, hais txog kev ploj tuag. Mas Hmoob muaj kev tus siab thiab quaj heev.  Yog txhua tus xav kom muab cog nyob rau nruab siab.  Kom kom ruaj, mas Hmoob sawv daws yuav muaj kev zam kev sib zam txim rau tus neeg tau muaj kev txhaum ntawd.
    Txhob muab los kis rau tej niam tej txiv los lub xeem, Peb yuav thov kom lub Ntuj hlub thiab zam rau ob tug uas muaj teeb meem ntawd tib si.
    Zoo li tus tau ploj tuag mus lawd, los tus ris kev txhaum no,  loj ib yam. Kom Qaum Ntuj muab txoj kev sib ntxub tsis sib raug zoo no nrhuav mus.
    Kom tshuav cov nyob tom qab, lawv txawj sib hlub txawj sib zam, nyob ua kwv ua tij thiab ua tus txheeb tus ze noj sib hlub haus sib ce.
    Yog Qaum Ntuj thiab tej pog tej yawg, los tej niam tej txi, uas lawv nyob ua ke rau Ntuj Ceeb Tsheej lawm.
    Lawv thiaj yog cov muab peb Hmoob tej teeb meem no, tshem tawm mus. Mas cov nyob tom qab thiaj yuav tau ib lub neej nyob kaj siab lug mus.
    Vim tej pog tej yawg lawv nrog Tswv Ntuj nyob ua ke, lawv thiaj yuav pab tau tej xeeb leej xeeb ntxwv nyob ntiaj teb no, daws tau tej teeb meem ntawm kev sib ntxub. Tab sis sawv daws yuav muab siab rau hwm tej poj koob yawm txwv tiag.
    Vim tej pog tej yawg no, lawv twb hla dhau lub sim ceeb no mus lawm.   Mas lawv thiaj pom thiab paub txog peb Haiv Hmoob tej teeb meem tsis txawj sib raug zoo pib qhov twg los.
    Vim tias ib txwm los, peb Hmoob txhais tsis tau los lus hais tias, kev raug dab thiab raug neej no, yog dab tsis tiag!
    a-Kev raug dab, mas loj tsis npaum li kev rau neej.  Raug dab li Hmoob ib txwm hais los, mas thaum raug dab lawd, yus muab qaib muab qe los hu plig xwb ces twb zoo tau lawm.
    b- Hos tus raug neej tiag, mas tab yog muab txiv nyuj txiv twm, los hu plig los yeej zoo tsis taus.  Yog tus paub kho mas thiaj yuav kho tau, tab sis yuav xaiv neeg kho thiaj tau.
    Hos yog tsis paub kho, thiab tsis muaj kev ceev faj, mas peb yuav pab tsis tau sai.  Ntshai nws yuav xub mus noj yeeb noj tshuaj, los xub mus dai caj dab tuag ua ntej, peb mam paub txog, ces yog kev lig lawm.
    Vim nws ris kev nyuaj siab ntau tsav ntau yam, nws uv tsis taus lawm.  Nws noj mov tsis tsheej pluas, nws lub zog tsis muaj.
    Ces nws xub swb tus sab foom khaub thuas ua ntej, ces mam ua rau nws hlab siab, hlab ntsha, los hlab plawv, hlab raum txhaws.  Nws thiaj mam li muaj mob muaj nkeeg, ces nws yuav nrog nws tus mob sib puag tuag mus.
    Hos tus neeg raug dab, mas nws yuav muaj zog, muaj peev xwm loj. nws yuav yeej xaiv yeej lus, yeej plaub ntug tsis tshai leej twg li.
    Nws kuj yeej sab foob khuab thuas, ces nws yuav tsis muaj mob muaj nkeeg, nws zoo siab vim nws yeej tas nrho txhua yam nws ua rau luag.
    Tej lus hais no, mas muaj nyob txhij txhua, nyob rau Hmoob tej nruab siab.  Tab sis Hmoob nthuav tsis tau los kawm thiab coj nyob hauv Hmoob lub neej.
    Ces Hmoob thiaj pom muaj thiab paub, los hnov nyob mus li hauv Hmoob lub neej. Hmoob yuav tau xaiv ib txoj kev ntseeg, los coj kom muab tau Hmoob txoj kev sib hlub, los cog nyob khov ruaj rau Hmoob nruab siab.
    Kev ntseeg los muaj ntau txog, yuav yog muaj hmoo. koj thiaj xaiv tau txoj zoo thiab yog txoj tseeb tiag.
    Ces Hmoob yuav yog thawj haiv neeg txawj sib hlub thiab txawj sib zam ua neej nyob hauv lub Sim Ceeb no txuas ntxiv mus.
    Yuav ua raws li Qaum  Ntuj lub siab thiab nyob hauv Qaum Ntuj lub npe, yuav muaj kev hwm Ntu thiab hwm neeg.  Tiaj muaj kev sib hlub sib raug zoo, kom nyob mus kav txog txhiab niag tim puas xyoo.
    Lub npe zoo tshaj plaws cov, ua Tswv Ntuj nyiam, yog tus nuaj lub npe hais tias, nws hwm ntuj thiab hwm tus thawj coj. Kev ua nom ua tswv, sawv daws yuav tau ua.
    Tab sis tus tau lub npe hu ua thawj coj no, mas muaj tsawg leej kawg. Lub npe ua tus thawj coj, nws tsuas los ntawm Tswv Ntuj los pub rau nws tus kheej kiag ntag.
    Nws yeej muaj kev nyiam kev hlub thiab kev zam los puag saum ntuj los, nws yog Tswv Ntuj ib tug tub txib tuaj ua Tswv Ntuj tus tiam lis hloov Tswv Ntuj chaw nyob ntiaj teb no.    

     Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 13th January 2021, 8:32 am





    Zaj 492- HMOB LO LUS SAM KOOB HMOOV.


    Kev sam koob hmoov, qhov tseeb uas nqes saum ntuj los. Yog ib yam muaj tseeb thiab haum, raws li peb txoj kev ntseeg txog Tswv Ntuj. Uas yog tus peb Hmoob ib txwm hu ua Qaum Ntuj no!
    Mas nws tshwm sim los nyob hauv, lo lus uas peb Hmoob hu ua pluas mov. Vim qhov no, mas Yes Xus Pleev, thiaj tsim kom peb muaj lub thaj cav txiaj ntsim. { Thaj txi Ntuj.}
    1.Peb Haiv neeg Hmoob, thaum peb yuav ua ib yam los sam koob sam hmoov rau ib tug neeg. Tsis hais tias, tus yog niam yog txiv, los tej tub ki, thiab ib tug qhua tsim nyog ua.
    Mas peb ua nyob hauv ib rooj mov, peb tua ib tug tsiaj. Tsis hais tus tsiaj loj, los tsiaj me, yuav tau npaj kom yog ib rooj mov zoo coj los sam koob hmoov.
    Yuav muaj zoo mov nqaij hno, nrog rau dej caw kom tsim nyog pub rau nws haus ua kev zoo siab. Leej twg ua ib qho kev zoo siab pub rau ib tug neeg.
    Yog kev txhawb tus neeg ntawd, tus Ntsuj Plig kom pab tau nws lub cev muaj zog. Yeej txhua yam sab foob khaub thuas mus.
    Thiab yeej kev tu siab, los ntawm kev muaj xaiv lus, los, kev luag tsim txom thiab tsis hwm, los saib tsis taus tus neeg muaj kev tu siab ntawd.
    2. Yes Xus thiaj siv, Nws Zaj txi Ntuj los daws ntiaj teb neeg, tej kev tu siab kom yaj mus. Yog peb paub lub thaj cav txiaj ntsim thiab paub lo lus Hmoob hais tias:
    Sam koob sam hmoov, rau cov neeg yus xav ua kom lawv rov zoo siab tuaj. Mas lub thaj cav txiaj ntsim no, muaj qab hau rau peb kawg.
    Vim tsis yog neeg ua tus sam koob Hmoov rau peb cov neeg. Hos yog Tswv Ntuj ua tus tuaj sam koob hmoov rau txhua tus neeg nyob ntiaj teb no.
    3. Nthuav txog Hmoob pluas mov:
    Nyob hauv Hmoob lub rooj mov, thawj yam yog kev sib hlub txog neeg. Ib tug neeg txawj xav, yog yus noj mov, luag tsis pub yus noj koom tsum. Mas yus muaj kev tu siaj loj, Txawm noj nqaig noj hno, nrog zaub tsib hno tsuag los yeej tu siab.
    Tsuav yog luag tsis pub yus koom tsum, ces cuag li luag tsis nyiam thiab tsis hlub yus lawm ntag!
    Nyob hauv lub cuab yim neeg, yog niam txiv, los me tub me nyuam, leej twg yuav zaum qhov twg los tau! Tsuav yog lawv noj koom tsum, mas tsev neeg ntawd, lawv muaj txoj kev sib hlub tawm hauv lawv nruab siab los rau ntawm rooj mov. Los sam koob hmoov rau lawv sawv daws!
    Cov raug ua niam ua txiv, yuav coj nws tsoom tub ki mus raws li tus qauv hais no. Nyob hauv kev sib hlub thiaj yuav loj hlob nyob hauv Nws tsev neeg mus!
    4. Noj mov tsis koom tsum, mas yuav muaj tej xwm no, tawm tuaj rau yav tom ntej:
    a. Tus me nyuam twg, nws noj mov tsis koom tsum, ntev mus nws ncaim tsev neeg mus. Nws tsis hlub tsis nco thiab tshua nws tsev neeg lawm…
    b. Tus hais tau mov, nws coj mus noj tom txaj, ntev mus nws yuav raug tus dab tub nkeeg thiab dab eev lav. tsis nquag ua qav ua num nrog nws tsev neeg los tsoom phooj ywg.
    c. Tus me nyuam uas nws hais tau mov nqa khiav mus noj nraum zoo ntau. thaum nws loj hlob tuaj tiav neeg. nws yuav raug tus dab ua loj leeb mus, nws yuav tsis ncawg kwv tij. Nws nyiam tso nws tsev neeg pov tseg, nws tsis nco txog leej twg li.
    5. Tas txhua yam uas tau piav nyob hauv lub thaj cov txiaj ntsim, los rau saum Hmoob lub rooj mov. Yog tus neeg twg, ntseeg Tswv Ntuj thiab muaj niam muaj txi nrog kwv tij nkauj muam.
    Nws nyiam coj li hais dhau los no lawd, ntev mus nws yuav ua neeg twm zeej thiab ncaim npoj mus. Nws yuav ua ib lub neej, nyob tsis kaj siab.
    Vim nws pluag kwv tij, pluag phooj ywg, pluag tswv yim txhua yam. Ces nws yuav ua neeg ncaim npoj mus, sab cev nqaij thiab sab ntsuj plig tib si.
    Hais tau tias, nws yog ib tug neeg raug dab los lawm ntxov ntxov yam tsis ras tsis paub txog.
    6. Kom peb sawv daws nco ntsoov tias, peb pluas Mov yog Yam Tseem Ceeb, tuav peb lub cuab yim neeg, kom muaj kev sib nyiam sib hlub, sib raug zoo nyob hauv pluas mov no.
    Cov mov thiab cov txiam xws coj los noj ntxuag mov, yog niam thiab txiv lub siab. Khwv iab khwv daw, tawm hauv tej niam tej txi lub zog los. Kom tau yug tub ki lub cev, kom loj hlob mus tiav neeg.
    Yog nej sawv daws tsis paub no, nej tig rov mus ntsia Hmoob tej tub ntsuag cov dab neeg. Saib luag noj cais tus tub ntsuag li hais no saib zoo li cas!
    7. Tas txhua yam kev ntseeg yeej ncau saum ntuj los yog tib txoj xwb. Nws ncaim mus ua kev teev dab, teev mlom. teev tim tswv ub tim tswv no. Thiaj muaj ntau puas txoj kev ntseeg, nyob ntiaj teb no.
    Puav leej yog kev ncaim los ntawm pluas mov tawm tuaj, cia muab lub xeem Hmoob Yaj ib tug qauv los hais: Vim yog pluas Mov no ntag!
    Thiaj muaj Yaj 9 txim, Yaj 5 txig, Yaj 7 txim, Yaj 3 taig los Yaj taig laig. Dhau tej hais no, tuaj mus lawm ces Hmoob thiaj muaj ntau puas tus dab, tsis sib thooj mus lawm ntau hom dab.
    Kuv piav me ntsis li no rau nej paub nej mam li ntsuam mus yav tom ntej saib yuav tseeb li cas ntxiv.
    Kuv sau zaj lus no, kuv tsuas xav kom peb paub txog thaj cav txiaj ntsim thiab hwm peb niam peb txiv pluas mov noj koom tsum ua kev xwb


    Sacramento tim 1/1/2020.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 20th January 2021, 7:08 am



    Zaj 493- HMOOB KEV HLUB THIAB KEV TXAIS QHUA.


    A.Zaj lus no yog nthuav, txog kom Hmoob rov nco txog, tej pog tej yawg lub qub neej thaum ub uas lawv coj.  Lub ntuj ntxo ntxov thaum ub, tej pog tej yawg thaud.
    Yog lawv pom leej tib neeg mus dua kev, yog lawv ntsib ib tug neeg lawm, lawv hu thiab nug tias koj tuaj los thiab koj, los nej yuav mus qhov twg?
    Yog muaj neg tuaj txog yus lub zos, mas yus hu thiab  tsuas nug tias, koj tuaj qhov twg tuaj?  Yog cov neeg nyob txawv zos, nyob deb los nyob ze, ces lawv paub.
    Lawv caw los tsev so haus ib pas dej, pub ib pluas mov rau tus, los cov qhua ntawd noj.  yog luag yuav tawm rooj mus ntxiv, yuav tau ntim ib pob mov su ua lawv luag tsam tshaib plab mus tsis txog chaw.

    B. Thaum Hmoob paub los pom ib tug neeg txheeb ze, yog kwv tij los neej tsa tau kev ploj tuag.  Mas Hmoob muaj kev tu siab loj kawg, leej twg los twb txawj quaj txawj nyiav.
    Hais txog kev tu siab thiab kev khuv xim, los kev hlub tshua txog txog Hmoob.  Mas Hmoob quaj heev kawg, suav txij li Hmoob nyob Tuam Tshoj los rau xov tshoj teb. Los txog lub caij, uas Hmoob tau tawg rog,  los mus ua neeg thoj nam ri mus thoob lub qab ntuj khwb no.  Txij li tiam nees nkaum no mus, mas Hmoob hloov ntau kawg lawm.
    Hmoob tsis tshua hwm cov kev cai qub, uas yog thaud, tej laus coj lawm.  Yam uas, Hmoob tseem coj, mas tsuas yog coj nqaim nqaim nyob rau hauv tsoom kwv tij, los tsoom neej tsa txheeb ze ze yus lawm xwb.

    C. Tsis paub yog vim li cas, nyiam no Hmoob paub thiab pom tej Mab Sua muaj kev vam meej tuaj lawm.  Tej laus dua mus zuj zus lawm thiab.  Txheej neeg no lawv coj tau nqaim dua txheej laus thaud mus lawm deb heev.
    Txoj kev hlub kev tshua, nws kuj hloov mus  nrog txheej tshiab no lawm ntau kawg!  Tus teeb meem loj niaj hnub no, zoo li tus yeeb ncuab tseem yog tus nyob ze yus dua cov:
    Zoo li tseem yog yus tus txij kawm, los yog yus cov txheeb ze yus dua cov thiab.  Lo lus kuv hais no, mas raug kiag li txheej laus thaud, hais los lus tias:
    Neej dab nyob ua ke, dab neeg nyob sis nce no ntag. Tej txij nkawm nyob ua ke, ib hnub muaj kev sib cav sib ceg peb zaug los tseem tsis tau tsaus ntuj.  Tsaus ntuj lawd los pwv tseem vov pam ua ke thiab, ces thiam raug raws li tej laus thaud lo lus hais txog dab thiab neej nyob ua kev.

    D. Nyiam no cov ua thawj neeg nyob hauv cov xeem Hmoob,  nyias tsa kom nyias muaj nyias koom haum nyob hauv txhua lub xeem.
    Lawv ua li no, yog ib txoj kev tsis muaj yam yuav ceev faj tias:  Tsam ntev mus, ces nyob hauv cov xeem no. nyias muaj nyias pab nyias pawg. nyias yuav muaj nyias nom nyias tswv, ces yuav tsis txawj sib hlub lawm.
    Yog Mab Sua ntxub tsis nyiam Hmoob tuaj lawd, ib lub xeem yuav tsis kam pab lwm lub xeem.  Mas yog kev txom nyem tuaj txog, lub npe hu ua Hmoob no.
    Ib lub xeem twg lawm, ces luag yuav ntxub tas nrho, cov xeem uas yog Hmoob, tas huv tib si!  Ces yuav tsis tshuav ib lub xeem Hmoob, uas yog lub xeem zoo li lawm.

    E. Txij li Txiv Yawg lub keeb los, uas Hmoob tau maj mam tsiv pem Tuam Tshoj los rau Xov Tshoj teb. Kuj twb yog vim cov Koom Hauj txwj laus.
    Sawv daws tuaj sib pab ib zaug tas, ces nyias rov mus nyias lawm. Tsis tso neeg nyob sib pab. Ces Suav rov tuaj ntaus zaum ob, ces nws swb Suav mus lawm.
    Ces lub koom haum txwj laus no poob mus rau Suav lawm, Suav ntaus dua lwm lub Koom Haum ntxiv mus.  Ces Hmoob thiaj swb zuj zus rau Suav tas.
    Hmoob thiaj tau khiav Tuam Tshoj los rau Xov Tshoj, zoo tej keeb kwm tej laus hais dhau los no ntag.

    F. Txij no mus rau yav tom ntej, muaj tej ua thawj neeg. Lawv nco txog hais tias, yuav rov muaj ib hnub twg Haiv Hmoob yuav rov muaj ib lub teb chaws.  
    Zoo li qee haiv neeg, uas lawv twb muaj teb chaws ua lawv tug rau lawv nyob ua lawv twg.  Mas Haiv Hmoob yuav tau hloov siab los ua ib pab ib pawg.
    Hais txog kev ntseeg, saum kev ntseeg los kev teev hawm Ntuj los teev tej dab qhuas, uas tej pog tej yawg teev dua los lawd.  Hais txog kev ntseeg txhua yam, mas puav leej yog zwm rau tus ib txwm Hmoob hu hais tias, yog Qaum Ntuj no.
    Nws tib leeg yog ua tus Tswv loj tshaj plaws, nyob saum txhua txoj kev ntseeg tas tib si.  Tas txhua txoj kev ntseeg nyias tis nyias lub npe hu sib txawv, puav leej zwm rau tus hu ua Qaum Ntuj no xwb.
    Txheej Hmoob tshiab yav tom ntej no yuav tau paub zaj lus no kom meej tseeb. Hmoo thiaj li yuav muaj kev sib haum xeeb nyob mus ib txhis.
    Thiab yuav paub tias, cov kev ntseeg no, mas yog ib co kev coj kom Hmoob sib ncaim mus ua ntau pab ntau pawg.  Nyob tsis sib haum xeeb.

    G. Peb yuav rov tig mus saib Hmoob cov dab qhuas, Tab yog ib lub xeem xwb, los twb muaj ntau pab pawg mus lawm:
    A. Zoo li lub xeem Hmoob Yaj nws twb sib ncaim mus ua muaj li 5 pab lawm:
    a- Muaj Yaj 9 txig.
    b.Yaj 5 txig.
    c- Yaj 7 txim.
    d- Yaj taig laig.
    e- Yaj 3 txig.

    Peb Hmoob txhob muab kev ntseeg los  cov chaw sib ncaim mus li hais no.  Nyob hauv peb cov xeem Hmoob lub xeem twg los dab qhuas puav leej yog ib hom tas tib si!
    Tas nrho cov xeem Hmoob cov dab qhua puav leej yog:
    Nyuaj dab, npua tais, dab roog, xwm kab. Sawv daws laig dab ib yam, sawv daws koom ib tug txiv muam, koom ib tug txiv neeb txiv yaig.  Koom tau ib tug txiv qeej los txiv nruas twb tsis caiv li.
    Txoj kev ntseeg twg los xav kom peb sib hwm, koj thiaj pab tau kuv, los kuv thiaj pab tau koj.  Peb kev ua koom haum, los xav kom muaj ib lub koom haum.
    Duav tas nrho Haiv Hmoob, li peb koom tau ib tug txiv muam thiab thiaj yog Hmoob li teej tug ua rau Hmoob tib siv li tej poj koob yawm txwv ib txhis siv los.

    Sacramento tim 4/12/2019.
    Yaj Zoov N txheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 27th January 2021, 9:00 am



    Zaj 494 - HMOOB TXHUA TXOJ KEV TXOM NYEM.

    1.Hais txog Hmoob kev txom nyem txhua yam, txij thaum ntuj tsim teb raug los txog niaj hnub no. Txhua yam, uas Hmoob tsis muaj teb chaws nyob ua Hmoob tug.
    Koom ib thaj av, koom ib tug Vaj yog Hmoob Los, koom ib pab nom tswv zwm rau tus Vaj Hmoob tib leeg li tej Mab Sua. Hu tau hais tias, yog Vaj Hmoob pab Tim Xyoob, los ntawm nws xab fab puaj meem ntiag tug los.
    Zwm rau tus Vaj Hmoob lub peev xwm, tswj hwm nyob hauv nws lub qab hwj chim, mus thoob plaub ceg kaum teb, yog Vaj Hmoob li feem xyuam no.
    2. Kev rau txim, Hmoob hais tias: Yog Ntuj rau txim rau Hmoob, los lus no mas tsis yog! Lo lus tseeb, yog Hmoob rau txim rau Hmoob.
    Yog muaj tseeb li Hmoob hais, uas yog Ntuj rau txim rau Hmoob tiag. Yog suav txij li Ntuj tsim teb raug los, mas nws twb muaj tshaj li ntau txhiab vam xyoo los lawm.
    Yog muaj tseeb, yog Ntuj rau txim tiag, mas Haiv Hmoob twb ploj mus lawm. Yuav tsis tshuav Hmoob xem lus thiab Hmoob txuj ci nyob lawm!
    Hmoob twb tsis muaj teb chaws nyob, los lawm pes tsawg txhiab xyoo ntev lawm. Hmoob tau sib faib mus ua Mab ua Suav ntau pab ntau pawg, txij puag Tuam Tshoj teb, los rau xov tshoj chaw. Hmoob tseem dhau mus rau Mab Dawb teb, mus ua ntau pab ntau pawg ntxiv lawm thiab.
    Nyiam no Hmoob tseem ceev tau Hmoob txij ci:
    Zoo li, Hmoob xeem lus, Hmoob tej tsoos tsho, Hmoob qauv paj ntaub thiab Hmoob qauv laug. Nrog rau Hmoob txij ci nyob hauv tej ko lus thiab nplooj lus.
    Tej lus hais los qhuab qhia tsoom hluas cov me, tej lus kwv txhiaj paj ntsha lus taum thiab nkauj. Nrog rau cov zaj haiv, zoo li nkauj thiab zaj tshoob txiv xaiv foom kom no.
    Thiab tej suab qeej suab paj nruag nyob hauv lub tswv yim hias cov ko lus nrog tej nplooj lus no tas txhua yam.
    3. Hmoob tej kev cai txais dab txais qhua, kwv tij neej tsa ntsuab ze. nrog Hmoob kev noj sib hlub haus sib ce, nyob hauv Hmoob kev ua tshoob ua kos los mus rau saum kev muaj ib siab ob qig.
    Uas Hmoob tseem niaj hnub coj los txog lub zim txwv no. puav leej yog Hmoob li txuj ci. Yog muaj tseeb li Hmoob hais tias:
    Yog Ntuj muab txim thiab Ntuj nplua, mas txhua yam no nws twb ploj mus lawm ntxov tas nrho lawm.
    Yam tseeb Ntuj tsis tau muab txim thiab nplua Hmoob ib qho li. Yog Hmoob rov muab txim thiab Hmoob nws rov npua nws hmoob xwb.
    4. Nyem no, Hmoob pluag txhua yam:
    Zoo li Hmoob tsis muaj teb muaj chaw nrog luag xeem Mab Sua nyob, Hmoob tsis muaj Vaj, tsis muaj nom muaj tswv, kav Hmoob los ntawm. Hmoob tus Huab Tais muaj npe hu ua Hmoob, tsuas tshuav Hmoob xeem lus, Hmoob tej kab lis kev cai thiab txuj ci, me ntsis nrog Hmoob lub cev nyob lawm xwb.
    Txhua yam ua rau Hmoob pluag no, yog Hmoob rov muab txim rau Hmoob tej thawj nom thawj tsw. Ces Hmoob tus vaj thiab Hmoob tej nom tej tsw, poob tas mus, yog tib yam uas raug Hmoob nplua thiab Hmoob muab txim rau Hmoob tas nrho.
    5. Hmoob cov vaj poob, vim Hmoob tsis hwm thiab tsis pov hwm Hmoob cov Vaj. Hmoob nyiam kev ua vaj thiab ua nom ua tswv tas txhua leej txhua tus.
    Thaum yus pom luag ua vaj los ua thawj nom thawj tsw, yus ntshaw ua tus vaj thiab tus thawj Nom ntawd.
    Ces yus mus hais rau Mab Sua tias:
    a, Yog Mab Sua muab nyiaj rau kev mas nws qhia kom Mab Sua mus muab Hmoob tus vaj txo mus.
    b. Yog Mab Sua tsa tus Hmoob ntawd, ua nom los ua vaj hloov Hmoob tus vaj, mas tus Hmoob ntawd, pab komMab Sua yeej Hmoob tus Vaj.
    Haiv Hmoob ib txwm nyiam ua li no rau Hmoob cov Vaj thiab Hmoob cov thawj neeg los txog tiam tam sim no.
    6. Mab Sua ntiav Hmoob, ces Hmoob muab Hmoob tus Vaj thiab co thawj nom rhuav pov tseg tas. Ces Mab Sua, muab nws Hmoob hloov chaw mus rau lwm qhov. Ces hmoob ua suav cwj ntas ob tog plam mus tas ib tiam li.
    Nyob nyob ntev mus muaj ib tug rov sawv los Hmoob tseem muaj Hmoob lub keeb coj tib yam li hais no, los mus rau txhua txhua tiam.
    Nyiam no Tsoom Hmoob nyob rau Mab Sua tej teb chaws vam meej los tej nom tswv poob tas ntho lawm.
    Cov txwj laus nyob hauv cov xeem Hmoob sawv los pib ua txwj ua laus. Los 18 lub xeem kuj muaj 18 tus txwj laus, sawv los coj kav nyias lub xeem.
    Cov thawj neeg no, nyias kuj tseem muaj tib nplooj siab, tsis yog coj los kho kom Hmoob sib raug zoo. Nyias nrhiav nyias hwj chim, ua neeg khav theeb rau sab muaj txiag nplu nuj.
    Maub nyiaj txiag los ua ntej ua muag, kom yus muaj txiag nplua nuj. Muab sawv daws peev nyiaj txiag los, nws tsis yog los tsim kev sib hlub sib raug zoo, kom sib haum mus thoob plaws rau 18 lub xeem.
    Zoo li yog 18 lub xeem los tsa 18 tus vaj, coj haiv Hmoob, kom rov tsis haum xeeb ua ke. Nyias khav nyias ua tus vaj nres xeem.
    Sawv daws nyob ua ib pawg, los yus tsis muaj kev hlub txog lwm lub xeem. nyiam muab lub xeem ua neej ua tsav, ua tshoob ua kos tso tseg mus, nws mus lob nws lub xeem, mus suav nyob puag Tsoob Kuj, Los Kuj, Thaim Kuj Fuaj Kuj, Mes kuj sawv daws tuaj ua kev. cog kev sib hlub, tseg lwm cuab xeem.
    Tej no kuj tseem yog nyob hauv txoj kab lis kev cai, uas Hmoob rov muab txim Hmoob thiab rov nplua Hmoob mus ntxiv rau tiam tom ntej thiab.
    7. Nyob hauv Hmoob lub cuab yim neeg, cov thawj txiv tsev thiab cov thawj niam tsev lub siab, uas nyob rau cov teb chaws vam meej niaj hnub no,
    Kuj tseem muaj kev muab txim, rau Haiv Hmoob tsis tseg li thiab! Cov txij nkawm tshiab sib qaws ua txij ua nkawm, los lawv tsis hwm Hmoob lub rooj tshoob rooj kos, lawv xav nyob ua ke los cia li mus nyob ua ke. Muaj tub muaj ki tsis xav sib yuav los nyias xia nyias kev tawm rooj tawm ntsa mus.
    Nyob los niam txiv ob tog tsis paub yuav hu ua tub los hu ua nyab. Mus los niam txiv kuj tsis paub yuav zeem ua ntxhais los ua vauv li.
    Tsis tau ua nkauj feb los cia li ua mus, tsis tsim nyog ua nraug fav los twb ua lawm. Tsis muaj kev hwm neej hwm tsav thiab hwm txij hwm nkawm los raws li ntawv nyiaj keeb puaj txwm raug.
    8. Cov uas muaj ntawv txij ntawv nkawm poob pem ntuj nqes los, Lawv luv cev tsis tau ua nkauj feb, thiab nraug fav. los lub siab twb ua lawm. Txiv mus nrhiav txiv niam mos ab, niam mus nrhiav niam txiv mos liab.
    Ua rau nkawd tsis muaj kev sib tso siab, los sib ntseeg siab. Ces muaj teeb meem los rau nkaw muaj kev ntxhov siab.
    Niam txiv muaj kev sib tua, txiv tub sib tua sib foom, tub tsis yog txiv dab, txiv tsis yog tub qhua. sib tua xov nrov puv zej puv zos, tej hais no. Kuj yog Hmoob muab txim rau Hmoob, kom lub keeb phem keeb tsis zoo no, txiav txim tseg rau Hmoob mus tiam dhau tiam.
    Lo lus kawg, ncau los ntawm lo lus Hmoob hais, Ntuj nplua thiab muab txim rau Hmoob. Kuv txhais hais tias:
    Tsis yog Ntuj muab txim thiab Ntuj nplua Hmoob, hos yog Hmoob nplua Hmoob thiab Hmoob muab txim rau Hmoob.
    Txua yam kev txhaum kev khaum no, yog neeg ua rau neeg yuav thiab neeg nog rau neeg ris. Peb Haiv Hmoob thiaj tau ris hnyav raws li Hmoob kev txom nyem muaj no.
    9.Yog thaum Hmoob mus saib 18 lub xeem ua qhov loj, mas tej zaum yuav hloov tau, los ua 18 haiv Hmoob loj sib luag mus.
    Tab yog nyob hauv ib lub xeem xwb, mas Hmoob cov dab qhuas twb muaj ntau caum tus dab lawm. Cov muaj 30 leej peb ntshau, cov muaj 9 txig peb ntshau, cov muaj 5 txig peb ntsau, cov muaj 7 txim peb ntshau, thiab cov muaj 3 taig los cov ua taig laig.
    Yog dab tsi? ho hais tias, ib hom dab qhua xwb no, ho ua muaj 30 leej 3 ntsau. Kuj cuag li twb muaj 33 hom dab los sib koom noj koom haus ua ke.
    Tua ib tug tsiaj xwb, los yuav tau muab hlais kom txhua txhua tais. Thiaj txhua Hmoob cov dab, uas lawv tuaj noj, nyias hom dab tuaj noj nyias tais uas txiv muam muab los laig rau.
    Vim li cas, Hmoob hais tias, yog tib tug dab xwb no, ho tsis ua tsis tau ib taig laig kom tas cov dab ntawd.
    10. Nyob hauv cov dab tuag kuj muaj ntau hom dab ib yam thiab! Muaj cov dab dai qhab tse, cov dab txawb.
    mus txog tim toj ntxas, kuj muaj cov dab tso raws roob, muaj cov tav roob, muaj cov xov vaj lig, cov tshuab khaub thiab cov txhim zeb nrog.
    Nyob hauv txoj kev ua dab qhuas no, zoo li yog thawj kauj ruam uas Hmoob sib faib kev ncaim mus kom nyias ua muaj nyias nyias pab nyias pawg.
    Puas yog muaj dab coob dab ntau li no, dab thiaj tsis pov hwm kom Hmoob kom sib raug zoo lod! Nyob tim toj ntxas, yog ib lub xeem xub nyob ua ntej lawm.
    Mas lwm lub xeem nyob pem toj, los nyob nram hav. Mas kuj tsis pub ncaj, tsam tsuam nws looj mem lawm. Nyob ncaj nram qab los tsis tau, tsam thaiv nws looj mem lawm thiab.
    Zaj hais no, kuj yog Hmoob kev sib ncaim pib nyob hauv Hmoob nruab siab. Yog muaj lus xaiv tawm ces Hmoob npaj kev sib ncai mus.
    Zoo li tuag mus ua neej nyob txiav Looj mem los looj mem tsis zoo. Tseev kom yus dab tuaj tuaj thaiv, lwm tus dab thaiv los tsis tau.
    Cov thawj coj Hmoob thiab cov nom tswv Hmoob, tsis muaj ib txoj cai los kho kom tau cov dab toj ntxas no, kom zoo mus tau rau sawv daws li.
    Mab Sua tus yuav nyob pem toj, los nyob nram hav lawv twb tsis muaj caiv. los lawv kuj ua neej vam ntws mus lawm.
    Hmoob cov tub txawj tub ntse, yuav tau kawm kom paub txog tej yam hais no thiab kho cov dab qhuas no. Kom zoo dua mus rau Hmoob thiaj yuav vam meej nyob hauv txoj kev sib raug zoo.
    Hos hais los rau saum cov uas yog tsov tom, los poob deg thiab nab nqe, lawv kuj muaj lawv ib hom dab tuag twg, cia li muab faus twg mus li thiab. Kuj tsis coj los ua dab ua qhua rau los kuj tau.
    Zoo li suav tau tias, lawv yog dab tu caj tu ces, mus lawm. Tseem ntiav muam phauj tuaj tsawm nws kom, txhob los ua vij ua swv yob los coj lwm tus mus raug tsov tom los poob deg mus ntxiv.
    11. Yuav ua li cas, kom tej Mab Sua hwm thiab saib Hmoob muaj nuj nqes, puas yog Hmoob cov dab qhuas no, coj kom hmoob muaj tej lub siab tsis sib haum thiab tsis sib hlub!
    Muaj xaiv lus plaub ntug tsis hais kom tas thuam muaj cov xaiv lus no. Yuav tos txog thaum tuag, mam hais rau dab hnov xwb.
    Thaum muaj kev txom nyem los ti tes ti taw li no, hais rau dab hnov lawm. ces tsev xyom cuab cov paub tab tsis nyiam xaiv lus, luag tau ntog pig poog nyob ntawm lwm cuab xeem yog neej yog tsav no. Lawv xub ntig qaug pes coog mus rau hauv av.
    Ua li no, ces thaum Hmoob muaj neeg tuag, ib co quaj tu siab, ho sib co kuj muaj kev zoo siab tsis txawj tas.
    Coj li Hmoob tej kev cai no, mas Mab sua txoj kev hlub thiab nyiam Hmoob, mas tseem nyob deb. Nyob hauv Hmoob lub ntees ploj tuag no, Xyom cuab muaj kev tu siab loj, hos lub xeem neej tsa muaj kev zoo siab tias: Lawv yeej xaiv lus los yeej plaub ntug mus tas tib si lawm.
    Yog peb haiv Hmoob tej niam tej txiv yog lawv tseem coj li no mus ntxiv, tej tub ki yuav khaws kev cib nyeej tseg mus ntau tiam neeg ntxiv
    Cov coj li no twb yog cov paub tab, yog yus pheej coj li no mus, ntshai yuav tsis muaj neeg caum raws yus qab mus ntxiv lawm.
    Yog thaum luag tsis caum yus lawm, mas kuj ntshai tsam tsov tom thiab od. Cov thawj neeg yuav txhob coj li yug nyuj los tso sib nraus, kev tso nyuj los sib nraus kuj yog pib qhia ib txoj kev sib ncaim mus.
    Yog peb yug nyuj nrau cuam, mas yuav yug hom nyuj mus nrau tau tsov. kom tsov tom tsis tau thiaj yog txoj kev yug nyuj siab nraus.
    12. Ib tug thawj neeg, yuav txhob saib lub xeem thiab xaiv lus yog ib yam pheem uas kho tsis tau. Muaj xaiv lus lawm, tsis yog txhaub dev sib tog, kom neeg zoo ua tsov rog.
    Yog kev kho kom neeg sib haum xeeb thiab sib raug zoo, kom muaj noj muaj haus rau lub zej zos teb lub chaw kom muaj kev ncaj ncees sib luag sib npaug mus xwb.
    Peb yuvuav txhob muab peb lub xeem thiab peb cov dab qhuas los ua kev sib cais. Peb saib thaum peb musj kev mus tawm rooj, luag nug koj li cas?
    Luag nug tias, koj yog lub xeem dab tsi os! Koj tsis yog lawv lub xeem, ces lawv twb tsis xav txais koj mus so hauv lawv tsev. Li yav thaud tej laus coj dua los lawd.
    Yog luag nug koj lub xeem, luag pom tias, tsis txheeb luag lawm. Ces luag lam txais koj los hauv luag tsev xwb, luag ntshai tsam muaj xaiv muaj lus. Luag lam txais koj.
    Hmoob mas tsuas ntshai qhov hais tias, yuav ceev faj ntov ntoo tsis saib ceg qhuav. tsam ceg qhuav poob ntaus yus taub hau no xwb.
    Lawv tsuas saib tias, koj lub xeem tsuas txheeb rau lawv ces tes xwb. Tsis txheeb rau lawv ces qab, lawv tsis muaj siab txais koj mus so hauv lawv tsev.
    Txij no mus xav hais tias, leej twg nws lees ua tus coj Hmoob, mas nws yuav lees ua tus coj tas txhua lub xeem zoo li yog yus lub xeem ib yam.
    Txhob xaiv lub xeem ua ntej, koj yuav xaiv qhov loj tshaj tias, yog Hmoob no. Koj thiaj ua tau txhua xeem tus thawj neeg.
    Cov txiv muam paub Hmoob cov dab qhuas, los yuav tau ua thawj coj Hmoob yuav coj tib yam nkaus thiab. Txhob siab lub xeem, koj yuav lees luag lub xeem loj hu ua Hmoob no xwb. Koj yuav tuav rawv lub npe tias, sawv daws yog Hmoob no xwb.
    Koj yuav saib Hmoob lo lus no, Hmoob hais tias: koj ua luag tus thawj neeg, Koj los zaum luag lub hauv rooj, haus luag thawj khob cawv, los noj luag thawj hauv nqaij.
    Yus ua luag thawj neeg, yus yuav tas nrho txhua haiv txhua xeem nrog yus.
    Txhob ua tus neeg luag tua npua tus nyuj koj mus noj puv plab tau, Thaum muaj mob muaj tuag kawm, koj caiv ua tsis tau los pab tsis tau.
    Ces yus zoo li yus kuj yog ib tug dab tib yam, dab mas dab thiaj pab tsis tau lwm tus . Ntuj mas Ntuj pab tau tas nrho txhua haiv txhua xeem neeg.
    Koj yog neej lawm, koj yuav pab thiab cawm neej vim neej zoo li koj.
    13. Nyob hauv peb Hmoob cov dab qhuas, twb muaj kev tsis ncaj ncees rau Hmoob tej tub ntxhais zoo li no!
    Hmoob hu cov tub ua tub cag, yuav cia sawv los tuav ncej dab ncej qhua. Hos cov ntxhais, ces hu ua ntxhais qhua, hnub nws sawv kev mus ua nws lub neej lawd, dab tsis pov hwm lawm. Hos neej los tsis yuav lawm thiab.
    Hom dab qhuas uas Hmoob coj no, tsis paub li, xyov yog pab cov neeg zoo xwb, los pab cov neeg phem thiab!
    Puas yog cov ntxhais tsis paub dab paub qhua, los yog cov ntxhais phem dhau lawm! Dab thiaj tsis pov hwm thiab dab tsis yuav lawv!
    Raws li lub tswv yim xav, mas cov tsis paub dab paub qhua, ntshai yuav yog cov zoo dua. Neej los tsis yuav dab los tsis nyiam, ua li cas Ntuj hos nyiam thiab hlub.
    Ces Ntuj pov hwm pov yawm, kom lawv muaj txoj sia nyob txuas ntxiv mus. Vim li cas, Neej thiab dab tsis yuav, thaum Ntuj tsis tau pov hwm.
    Ntuj tau pov hwm ciaj neeg lawd, neej xav yuav, dab kuj xav lees los ua poj ua sev tuaj lawm thiab.
    Ua li puas yog neej tsis paub dab siab, los yog dab tsis paub neej plawv. Thiaj lam coj ib hom kev cai zwm rau cov dab qhuas tsis meej pem li no! Siv neej los cais kwv cais tij, siv dab los cais nkauj cais muam li peb tau pom thiab hnov no!
    Tej hais no kuj yog kev cai qhia los ntawm Hmoob cov dab qhuas. Dab qhia rau cov txiv muam, uas lawv paub dab kev cai. Thiaj tau muab Hmoob tej tsev neeg sib cais los sib ncaim li hais no.
    Vim li cas, Niam Txiv yug los ntawm ib lub plab, koom ib hom roj ntsha, hos muaj tau ob tug dab. Cov dab tub tuav ncej cub. cov dab ntxhais cia mus ua luag qhua li no!
    14. Ua li Hmoob cov dab qhuas, puas tseem ceeb tiag! Thaum muaj kev ploj tuag los mus, ib hom dab dai rau saum yees tsev. Ho sib hom ho muab txawm pem hauv plag lawm xwb. twb yog ib lub xeem sib xws ib yam nkaus thiab.
    Thaum coj mus txog Looj mem chaw lawm, ib hom dab tso raws roob, ib hom ho tso tav roob. tseem muaj cov xov vaj lig nrog rau cov tsuab khaum thiab cov txhim zeb kuj muaj.
    Poj yawm ua li cas, tub ki yuav tsum tau ua raws. Tsam dab tsis yuav thiab tsis pov hwm, tsam tej xeeb ntxwv ua neej nyob rov tom tsis huaj vam.
    Ua ntej kuv sau tias Hmoob muaj ntau pua tus dab no, vim muaj tej hais no sib txuam pawg lug nyob hauv Hmoob cov dab qhuas.
    15. Txij no mus Peb tej tub ki uas peb hu ua tub txawj tub ntse no, yuav sawv los ua thawj neeg. yuav tau kawm kom paub thiab kho tej dab qhuas no kom muaj tsawg li tsawg tau.
    Hais kom dab pov hwm, niam txiv tub ki, nkauj muam nraug nus mus sib luag. Txhob muab tej dab qhua no los ua kev sib cais nrog xaiv nrog lus.
    Thiab ua kom Hmoob txhob muaj, kev sib ncaim nyias mus raws nyias lub xeem. Nyob hauv lub xeem los kom txhob muaj ntau tus dab, los muab Hmoob tej cuab yim neeg cais tawm mus ua ntau pab ntau pawg li piav los saum no!
    Raws li kuv xav, mas dab yuav tsi tuaj qhia ntau txoj kev cai kom ntseeg li Hmoob hais! Yam kuv xav tau ntshai zoo li tej laus haus los tias: Yuav yog kev raug Neej thiab raug dab los sib tshuam lawm.
    Tus neeg raug dab mas muaj zog rau sab txuas kev cai los coj. hos tus rau neej, ces nws yuav tu siab mus txog hnub nws ploj.
    Tus zoo thawj neeg, nws yuav kho kom sawv daws sib haum xeeb. Ua neej nyob kaj siab lug kom mus kav laus, Nws yuav tsis txhob kom sawv daws ua xaiv ua lus. Mus rau kev ua tsov ua rog sib ntxub sib tua kom muaj kev ploj kev tuag.


    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 3rd February 2021, 8:57 am



    Zaj 495- KEV NTHUAV QHIA TXOG TXOJ SIA.


    Hais txog txoj kev muaj txoj sia nyob mus li, uas cov Xib Hwb tau nthuav tawm los, rau cov neeg ntseeg hnov thiab paub txog lo lus tias, peb yuav muaj txoj sia nyob mus li.
    Peb twb tau hnov lo lus Tswv Ntuj foom rau As Das thiav Es Vas nkawd, uas Hmoob hu ua Nkauj Iab thiab Nraug Oo tias: Neb tsis mloog Ntuj lus, mas neb yuav tau txais txoj kev txom nyem mus…
    Thiab lo lus Yes Xus hais tias: Yog nej ntseeg txog kuv, mas nej yuav muaj txoj sia nyob mus li. Yog hais txog neeg tus Ntuj Plig, tsis tau hais txog neeg tus lub cev.
    Tus Ntsuj Plig, mas peb Hmoob yeej ib txwm ntseeg tias: Muaj Ntsuj Plig thiab tus Ntsuj Plig tsis tuag, Thaum lub cev txawj ua txhaum no tuag mus lawd, mas tus Ntsuj Plig tawm ntawm lub cev mus.
    Nws yuav mus thiab thiab dua, ua neeg los mus thawj ua tsiaj txhu nyob rau yav tom ntej. Hos yog lub cev neeg tau ua kev txhaum, nws tau ua tub qaug rau Ntuj thiab rau neeg lawm.
    Tus Ntsuj Plig yuav mus thawj thiab ua ib yam phem phem, yog ua tsiaj txhu, los ua dab ua xyw, rau luag txib luag khaiv mus.
    Hos nyob hauv Tswv Ntuj lo lus, qhia ceeb tom los tias: Tus Ntsuj Plig yuav tsis muaj txoj sia nyob.
    Yog txhais hais tias, tus Ntsuj Plig ntawd yuav raug mus nyob txim. ces txhais hais tias tus Ntsuj Plig yuav tuag mus.
    Tus Ntsuj Plig tsis tau nrog Tswv Ntuj nyob, thiaj txhais tau hais tias, tus Ntsuj Plig tuag mus lawm. Vim nws tau raug kev txom nyem, piv tau li nws tuag mus lawm xwb.
    Nws mus nyob li tej tsiaj, los dab mus nyob rau tej chaw dab nyob rau qab zeb qab ca, ua kab ua noog.
    Kuv xav kom peb to taub txog lo lus hais tias: tus neeg muaj txoj sia nyob mus li ntawd, tsis yog hais txog neeg lub cev, yog hais txog neeg tus Ntsuj Plig. Nws muaj txoj sia nyob mus li, ces tus Ntsuj Plig no mam pus lub cev ntaj ntsug. yav tom ntej mus, ib hnub twg lub cev mam nrog tus Ntuj Plig muaj txoj sia, xws li Yes Xus.
    Uas Yes Xus tuag tau peb hnub, Yes Xus tus Ntsuj Plig mam pus Yes Xus lub cev, sawv rov los ua neeg nyob rau ntiaj teb no thiab nyob saum ntuj.
    Yog peb ntseeg tias, lub cev yuav tsis txawj tuag, mas peb hais tau tej lo lus yuam kev me ntsis lawm. Yog ntseeg txog lub cev xwb: Mas yuav zoo li Hmoob hais tias: Ua ib thaj neeb los ntxiv ntaub ntxiv ntawv rau tej laus. Ces lawv yuav nyob ntev niaj ntau xyoo, cuag li lawv yuav tsis txawj tuag mus li ntag.
    Yog peb ntseeg ntawm peb lub cev, ces kuj zoo tsis txawv li Hmoob ntseeg txog kev ua neeb thiab. Hmoob kev sam zaub sam mov zoo tib yam nkaus li ntawd ntag.
    Peb yuav hais thiab ntseeg rau tus Ntsuj Plig, mas thiaj yog qhov tseeb li muaj tiag. Tus Ntsuj plig yuav muaj txoj sia nyob mus li, nws tsis txawj tuag.
    Tej hais no yog Tswv Ntuj tej lus ua paj lug hais, Yog Tswv Ntuj ib leej thiaj paub qhov tseeb thiab meej.
    Peb yuav ntseeg raws li Yes Xus hais tias: Cov neeg siab dawb, lawv yuav muaj txoj sia nyob mus li. Lo lus no, yog hais txog peb neeg cov Ntsuj Plig, tus ua neeg ua siab dawb siab huv.
    Mas nws tus Ntsuj Plig yuav muaj txoj sia nyob mus li, yog cov neeg ntseeg txog Tswv Ntuj thiab cov neeg tsis tau ntseeg, los yog cov neeg coj lub siab dawb siab huv. Ces lawv cov Ntsuj Plig yuav muaj txoj siab nyob mus li txhiab niag tim puas xyoo.
    Tos ho muaj neeg tsis to taub zoo, yog cov tshaj txoj lus no, tsis tau txhab txhais kom zoo rau neeg to taub.

    Sacramento, USA.
    Tim11/2/2020.
    Yaj Zoov Ntxheb Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 10th February 2021, 8:47 am



    Zaj 498- KEV UA NEEJ NYOB SIB RAUG ZOO.

    Zaj lus no, kuv xav hais txog txhua pab neeg. tsis hais cov ntseeg txog Yes Xus lub Moo Zoo, los cov tseem coj dab qhuas. Peb yuav muaj kev sib hwm, tsis hais txog hom kev cai twg li!
    1.Txhob sib thuam tias, ib pab zoo dua lwm pab. Peb txhob muab neeg tej kev cai coj los hais tias:
    Nej cov tsis yog, peb cov thiaj tseeb, yam tseeb yus cia nyob rau yus nruab siab, ces zoo kawg lawm.
    2. Yam kuv xav hais, mas yog hais rau peb cov ntseeg Yes Xus lub Moo Zoo.
    Sab twg, los peb yuav kawm, kom peb nyob tau ua phooj ywg, tau nrog sawv daws mus. Yus thiaj ua ib tug neeg txawj hais lus haum li Yes Xus lub Moo Zoo thiab haum rau tsoom neeg txhua pab nyob ntiaj teb no!
    Nyob hauv kuv lub neej, mas kuv tau hnov tsoom txheeb ze hauv cov coj kev ntseeg txog Yes Xus lub npe tsis paub tab. Tau hais tej lo lus tsis haum Yes Xus lub Moo Zoo, rau tsoom phooj ywg nyob sab nraud. Zoo li yus yog ib tug neeg, kawm dab tsis los kawm tsis tiav. Hais tau tej lo lus los ntawm Hmoob cov dab qhuas los sib thuam txog kev ntseeg.
    3. Lo lus hais tias, coj dab qhuas.
    Lo lus no, muaj ob lub ntshiab lus nyob hauv:
    a.Lo lus hais txog dab, mas yog hais rau saum kev ua neeb ua yaig thiab kev ua khawv koob daws dab. yog cov txiv muam los cov txiv neeb txiv yaig lawv hais rau cov dab ua mob ua nkeeg rau neeg.
    b. Lo lus hais tias qhua no, yog hais los rau saum cov neeg txheeb ze ua peb sawv daws tseem ua neej nyob ua ke.
    Hmoob cov dab qhuas no, Hmoob ua ob yam ua kev, thiaj hais tias, yog ua dab ua qhua no. Zoo li thaum Hmoob ua khawv koob, los ua neeb. Yog ua ib co kev cai ntiab dab thiab cais dab tawm mus.
    Kom dab nyob rau dab teb, neej nyob rau neej chaw. ib leeg txhob tuaj kov ib leeg thiab txhob ua kev mob kev nkeeg rau ib tug neeg.
    Zoo li tus txiv neeb yog tus los yawj mus nrog dab hais cai, ua plaub ua ntug ntag.
    4. Nyob hauv Hmoob zaj kev ntseeg, Hmoob hais tias: Ntseeg txog Puj Saub thiab Saub Yawm. Tus no tsis txawv, li tus peb hu ua Haub Tais Ntuj.
    Yog Hmoob tsis muaj ntaub ntawv sau tseg ib leeg hais qhia ib leeg los tau ntau txhiab ntau vam xyoo los lawm. Tus nco tau ces nws nco tau zoo, tus nco tsis tau ces nws txua me ntsis rau lawm, sawv daws thiaj hais tsis tau los zoo ib yam.
    Hmoob hais meej thiab hais ntau, yog nyob hauv Hmoob lub ntsees ploj ntees tuag. Zoo li kuv twb tau hais los lawd.
    A.Lo lus hias tias, ua dab yog ua rau, tus neeg tuag mus lawd, cov tuaj ua dab sab:
    Yog tus cuab tsav, tus laig dab, cov txiv qeej txiv nruas no xwb.
    B. Hos cov tuaj ua rau cov qhua sab, yog ob tug kav xwm, plaub tuag tshwj kab, cov niam ua mov. cov no yog lawv tuaj nta cov qhua.
    5. Cov qhua yog, Muam Phauj, txiv Dab Laug. Cuas nyab cuas ntxhais. Thiab cov ntxhais vauv, cov no yog cov qhua. Thiaj hu tias tuaj nta dab nta qhua no.
    Ces Hmoob txhua hom kev ua dab ua qhua, mas muaj kev cai ua rau qhua nrog nyob hauv ua ke tib si. Thaum muaj neeg pub nyiaj ua tshav ntuj, Hmoob thiaj ua tsaug tias:
    Ua tsaum mog koj tsis cia li koj xav neej xav tsav, kom toom txheej toom lis nto,nyiaj txiag nto qaib noog, nplej qib txhuv ntsuas nto…
    Tuaj pab Tsev xyom cuav nta dab nta qhua, tseg loo puav tam li ncej txawb. Peb ua leej xws luag ces nco koj tus txiaj tus ntsim, ua lub neej tsis xws luag. Ces koj tus txiaj ntsha txiaj ntsim, ces ua tshauv ua thee yaj no lauj!
    { kuj txhais hais tias: cov dab ces yog cov neeg peb tsis tau hu lawv tuaj, lawv hnov, ces lawv hlub txog, lawv cia li tuaj lawv xwb.}
    6. Cov peb hu ces yog cov qhua, yog cuab tsav, muaj phauj txiv dab laug thiab cov cuas nyab cuas ntxhais, los cov ntxhais Vauv ntawd.
    Muaj ob pab neeg neeg, ib co tuaj ua rau tus mus rau dab teb, ib co tuaj ua rau cov tseem ua neej nyob. Thiaj hu tias, ua dab ua qhua no.
    Txhua hom kev cai puav leej muaj ob yam no. nyob hauv thiaj hu tau tias, kev ua dab qhuas no! Hmoob cov dab qhuas, thiaj muaj cov 9 txim, 5 txig, 7 txim los taig laig. vim yog sib ncaim los ntawd cov kev ua rau neej, thiaj muaj kev ncaim mus ua ntau pab ntau pawg.
    7. Kev ua rau dab mas muaj tib txoj xwb tsis muaj kev ncaim li.
    Nyob hauv peb cov ntseeg thiab peb cov Xib Hwb, lawv tsis paub Hmoob cov kev cai dab qhuas no zoo. ces peb tau hai tej lo lus tsis raws li Yes Xus lub Moo Zoo.
    Peb tau thuam hais lus siab rau tsoom kwv tij phooj ywg tseem coj qub kev cai lawm. Txij no mus, mas peb yuav xyaum hais lus kom haum li Yes Xus lub Moo Zoo. Vim txhua tus neeg yog Qaum Ntuj cov me nyuam tas tib si.
    8. Peb yuav paub kom zoo dua tuaj Tsoom Hmoob lawv cov kev cai lawv coj, mas lawv yeej cais meej tias:
    Ntxwj Nyoog lawv tsis teev nyob hauv Hmoob, cov dab qhuas los lawv tsis hais txog Ntxwj Nyoog li. Hauv cov kwv txhiaj paj ntsha lus taum thiab peb ploj kev tuag, lawv yeej hais tias, yog Ntxwj Nyoog siab tsis zoo.
    Ntxwj Nyoog sau se thiaj sau leej niam Leej txiv tus ntsuj plig tus ntsuj plig mus lawm si loo. Ntxwj Nyoog siab tsis tiaj plawv tsis tus thiaj tso lub mob lub tuag poob sis nrwb sis nroos, rau neej teb neej chaws.
    Lub mob lub tuag, thiaj txeem zoj rau neeg tej nplooj siab nplooj ntsws. Mus lawm tej sis loo lawm no. Hmoob cov lus tsis sib raug zoo, vim Hmoob coj sab nraud. Zoo li yog Ntuj me nyuam.
    Hos nyob hauv lub siab, mas Hmoob coj li dab qhia, ua kiag thiab yog dab tus tub txib, thiaj tsis haum rau Ntuj thiab neeg. Ces Hmoob cov dab qhuas thiaj muaj 9 txim, 5 txig 7 txim, los taig laig, li peb paub Hmoob coj thiab ua los!
    9. Thaum muaj ib tug tuag mus lawd, Hmoob thiaj hais tias, muaj peb tug ntsuj:
    Tus mus cuag poj cuam yawm, yog tus tseem Ntsuj Plig, tus nyob zov lub qhov ntxa, yog tus ntsuj nqaij ntsuj txha. Tus mus thawj thiab, yog nws cov roj cov ntshav, yog cov tub ki.
    Sab mus thawj thiab, niam txiv tsis tau tuag nws twb mus thawj tau ua 9 leeg tub 8 leej ntxhais lawm. Sab tuag yog sab tsawg, sab mus thawj thiab yog sab ntau thiab coob.
    10. Ib yam khoom mas hmoob hu ua yog ib hom Ntsuj no. Nyob hauv Hmoob lub cev, mas muaj ntsuj qaib ntsuj noog, ntsuj tsiag ntsuj txhu txhua hom nyob hauv!
    Thiab tseem muaj ntsuj qoob, ntsuj loo nrog ntsuj xyoob ntsuj ntoo. Vim Hmoob noj tas nrho txhua yam mus ua Hmoob lub cev. Hmoob suav txog 8,9 ces yog ntau kawg lawm suav tsis txheeb li lawm.
    11. Hmoob muaj ib co lus hais txog lub vaj lub tsev tias:
    Koj txo looj li nyaj nyab, tim fab txhawj xeeb, yog lub qhov txos. Hos lub qhov cub hu ua, koj niam nkauj cub, txiv nraug taws. Lub rooj paim, mas Hmoob hu ua, tuam tshaj paim, lwm tshaj paim.
    Lub tsev, mas hu ua tuam Vaj li lwm Vaj. Cov yees nthab thiab cov nqaj hu ua, tuam tshooj laj lim, tshooj sob, tuam tshooj laj lim tshooj kim. Nkauj sub, txiv nraug ntsuas, niam nkauj cuas luam.
    12. Peb cov Hmoob twb paub peb cov lus tsis tas, ces yam yus nrhiav tsis tau lawm, ces yus cia li muab hu ua dab no lawm xwb.
    Tos peb Hmoob hais lus tsis sib haum, mas vim peb yeej tsis paub peb cov lus tseem ceeb li. Peb tsuas paub cov lus ncaj ncaj hais txog kev ua noj ua haus xwb.
    Yam yus tsis paub lawd, ces yus hu ua dab lus thiab dab qhia no, ces puav leej yog cov lus tsis muaj ko thiab lus tsis tseeb lawm.
    Lo lus kawg, kuv sau zaj lus no, kuv xav kom tej yam yus tsis paub, mas txhob muab hais liam rau tej yam tsis yog. siv los ua lus sib thuam, kom tsis sib raug zoo xwb

    Sacramento
    Tim 8 /4/ 2020.
    { Yaj Zoov Ntxheb X. H.}



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 18th February 2021, 8:30 am



    Zaj 500 - KWV HUAM NTHUAV TXOG HMOOB TUS SIV YIS.


    Tus Siv Yis uas Hmoob hais tias, maj txuj ci loj los cawm neeg nyob ntiaj teb no. Nws tshwm sim tuaj nyob ntiaj teb no, ua qab dej nyab ntiaj teb tas.
    Tsis paub yog lub caij twg, Siv Yis xub tuaj dua Phus Thas. Kuj tsis muaj neeg hais tau tias, Siv Yis tuaj ua ntej Phus Thas pes tsawg xyoo.
    1.SIV YIS TSHWM SI TUAJ.
    Lub caij Siv Yis tuaj, mas neeg twb huam vam mus puv lub ntiaj teb coob kawg lawm. Yog lub caij Hmoob twb mus nyob rau toj kab no, dawm kab ntsim lawm.
    Toj kab no dawm kab ntsim yog nyob rau pem lub ncov ntiaj teb. Nyob ped, muaj daus xib daus npu ntau li ntau. Hmoob muab pam pam nthuav, los pua rau daus xib daus npu cam. Ces daus los cam, ua rau pam khov tas.
    Mam muab pam tsa los ua tsev nyob, ntev tuaj daus xib daus npu los vov tas, ces ua tej lub roob lawm.
    Ces Hmoob hais tias, yog tej lub qhov taub, Hmoob nyob hauv cov qhov taub ntawd. Thiaj muaj lo lus tias, thaud Hmoob nyob rau toj kab ntsim dawm kab no, mas hmoob nyob rau hauv cov qhov taub xwb thiaj tsis no.
    Tom qab no cov hluas, lawv tau ncaim sab ntuj pem qaum ncov ntiaj teb los. Ces hais lus los nco tsis tau meej lawm, cov hluas tiam tom qab no, lawv txawm hais tias:
    Thaud Hmoob mus nyob rau toj kab ntsuab dawm kab ntsig no. Tsis muaj kab ntsuab kab ntsig. yog toj kab no thiab dawm kab ntsim. Nws no no thiab ntsim ntsim xwb.
    Yog txheej neeg tom qab no, tej laus dua tas lawm. Ces cia hu siav lus siav npe mus ua toj kab ntsuab, dawm kab ntsig xwb. Qhov tseeb tsis muaj ib co kab ntsuab los kab ntsig loj li hais no.
    2. MUAJ 9 LUB HNUB 9 LUB HLI.
    Nyob sab ncov ntiaj teb teb ntawd, tsaus ntuj 6 lub hlis, pom kev 6 lub hlis mam tsaus ntuj. Thiaj mam yog ib xyoos. Lub caij pom kev hnub tuaj mas hnub tuaj qis qis.
    Lub hnub tuaj tsis siab, pib pom kev pom lub hnub tuaj lawm, hnub twb rov poob lawm. hnub poob kiag tsis tau taus ntuj, hnub twb rov tawm tuaj dua lawm.
    Ces zoo li muaj ntau lub hnub thiab ntau lub hli. thaum pom kev nws kav li 6 lub hlis, tsuas ntuj kuj kav li 6 lub hlis. Hmoob thiaj muaj zaj dab neeg tias:
    Thaud Txiv Nuj Sis Loob mus raws Muam Nkauj Ntxawm, nws pw ib hmoos xwb, ces hmab dib hmab taub nce nram qab tse mus dhau pem qaum tsev lawm.
    3. HMOOB TXUA HNEEV NTI LOS TUA HNUB HLI.
    Hmoob thiaj txua hneev nti, mus tua nkauj hnub thiab Txiv Nraug hli. Hmoob tua cov hnub cov hli ntawd poob tas lawm.
    Thiaj tshuav Nkauj hnub ib lub thiab Nraug hli ib lub lawm xwb. Nkauj Hnub Nraug hli tsis tau luag tawm tuaj lawm. Ces hmoob mam, tso nyuj mus hu los nyuj ua nruj tis ua nruj.
    Ho tso nees mus hu los nees ua heev tis ua heev, Nkauj Hnub Nraug hli tsis tawm tuaj thiab. Hmoob mam muab lub zuag rau qab ntoo, qaib mam mus hu ces Nkauj Hnub thiab Nraug hli nkawd mam tawm tuaj no.
    4. SIV YIS TUAJ UA QAB NKAUJ HNUB NRAUG HLI TAWM LOS.
    Siv Yis tuaj nyob yog tom qab lub caij uas Hmoob hu tau Nkauj Hnub thiab Nraug hli nkawd tawm tuaj tas. Tos Siv Yis tuaj, mas vim yog tus dab Ntxwj Nyoog pheej tso mob tso tuag tuaj raug Neeg ntiaj teb.
    Siv Yis yog ib tug me nyuam Hmoob, Luag tsis tau qhia tias: Siv Yis caj ces yog xeem Hmoob twg, nws niam nws txiv yog leej twg thiab hu li cas!
    Siv Yis yog ib tug neeg muaj hwj huam loj, nws muaj Qaum Ntuj cov txuj ci loj kawg, tuaj ua ib tug cawm seej. Siv Yis muaj hwj huam, nws muaj cov hauv muaj kuab tsuas, los tsuag rau cov neeg tuag, ces rov muaj txoj sia tuaj.
    Siv Yis twb muaj poj niam me nyuam, nws muaj ib leeg tub khiav kev lam lawm. Siv Yis tuaj kho ntiaj teb neeg li li no, ces dab Ntxwj Nyoog tsis txaus siab.
    5.SIV YIS TXOJ KEV TUAG.
    Dab tuaj hais rau Siv Yis tias:
    dab kuj txawj mob txawj tuag thiab, thov kom Siv Yis mus ua neeb kho dab nyob rau nruab yeeb thiab. Siv Yis mus dab teb tus kheej tsis tau.
    Siv Yis yuav yees mus xwb, nws pw tsaug zog ces nws cia li mooj mus lawm. Dab coj Siv Yis mus tau 9 hnub 9 hmo, dab ua 9 phaj yim ntim, rau Siv Yis noj tau 9 hnub 9 hmo.
    Ces dab twb tuaj muab Siv Yis poj niam tua tuag lawm, dab tseem muab Siv Yis tus tub yees tau los ua nyuj tua rau Siv Yis poj niam lawm thiab.
    Dab mam xa Siv Yis rov los, ces Siv Yis poj niam me nyuam tuag tas nrho lawm. Tshuav Siv Yis tib tug lawm xwb, Siav Yis xav cawm Siv Yis tub los yog ib yam nyuaj heev.
    Yog Siv Yis cawm Siv Yis tub, los maum nyuj yuav kom cawm maum nyuaj tub thiab. Vim Siv Yis poj niam tuag, ces luag thiaj muab maum nyuj tub tua rau Siv Yis poj niam lawm thiab.
    Siv Yis cawm tsis tau, vim nqaij los luag muab noj tas, kua los luag muab haus tas tib si lawm. Nws tsi nyob ua paug lawm, Siv Yis thiaj cawm tsis tau.
    Siv Yis muaj kev tu siab heev ces Siv Yis thiaj rov mus dua pem Nyiaj Yig Koo Tsua lawm, Siv Yis thiaj muab nws hauv muaj kuab tsuas thiab nws me cwj neeb cwj yaig pov nrom rau qab zeb qab ca.
    Thiab nrom rau qab roob qab ha, Hmoob leej twg txwv feej raug tau ces thiaj mam mus khaws nram qab zeb qab ca los ua xwb.
    6.NEEB MUAJ OB YAM NEEB.
    Muaj ob hom kev ua neeb nyaig:
    A.Cov txiv neeb ntoo thi hauv dub, Hmoob hu ua neeb Txawv Koob. Yog cov poj yawm txwv koob thaud, nws txawj ua neeb nws cov neeb rov los thawj rau cov tub ki los cov xeeb ntxwv, kom lawv txawj ua neeb.
    Kom lawv txawj ua neeb kho mob kho nkeeg, txuas los mus ntxiv.
    B. Hos cov ntoo daim thi hauv liab, Hmoob hias tias, nws muaj cov dab neeb tsis huv los koom nrog nws ua neeb. Zoo li nws muaj cov dab neej tsis huv, los ntawm cov ntxoog los cov tsov si los nrog nws sawv ua ua neeb.
    Zaj lus no yog cov txiv neeb uas lawv tau ua neeb dav heev, lawv lawv paub thiab lawv qhia los, thiaj hais tawm los li no. Kuv kuj xav tias ntshai yog lawv lam sib txua tau li ntawd lawm xwb.
    7.HMOOB KEV UA NEEB RAWS SIV YIS QAB.
    A. Siv Yis yog thawj tus neeg cawm seej, nws nrog tas nrho tsoom dab sib khom lus los khom nqi kom sib haum. Cia neej nyob neej teb, dab nyob dab chaw, nej mus txi neej txij, dab mam mus txi dab nkawm.
    Ib leeg txhob kov ib leeg, thiaj muaj lo lus hais tias: Ua neej nyob, ces ciaj neeg. Tuag mus lawm ces mam ciaj dab no. Siv Yis yog ib tug neeg muaj hwj chim thiab nws muaj lub peev xwm loj yeej tau dab.
    Siv Yis paub hauv muaj kuab tsuas, los cawm neeg lub cev tej mob nkeeg ntau yam. Qaum Ntuj kheev kom Siv Yis qiv Qaum Ntuj lus los ua khawv koob ntiab dab, daws dab tawm mus ntawm neeg lub cev.
    B.Siv Yis zaj khawv koob txuas txha hais li no:
    {Txheev tom Yaj Los Leem, Lis los Tseev, Faj Tim Tswv ham tej tseev. Txheev txheev puaj yam tshuav khawv, vam vam puaj yam, theev tseev kom tom.} Yog yam mob me hais ib zaug, los hais ob zaug rau. Yam mob loj lawd, hais rau zaus los hais kaum ob zaug rau. ={Zaj no yog hu txog ob tug niam kws hlau thiab txiv kws hlau thiab hu txog Qaum Ntuj tuaj txuas txha kom rov xab xeeb li qub.}
    Siv Yis yog ib tug neeg siab dawb, muaj Qaum Ntuj cov txuj tuaj ntiab dab. Nws yuam tau cov dab yees yuav tsiaj lub cev thiab tsiaj lub hwj chim. Nrog rau cov dab tsis huv txhuas tus lub hwj chim mus tib si!
    8. KWV HUAM HAIS TXOG TIM TSWV SIV YIS THIAB DAB.
    a. Tim Tswv, yog tus thawj neeg saib ib pab neeg los tus Vaj kav ib pab neeg.
    b. Siv Yis yog tus cawm seej tuaj kho neeg cov mob nkeeg.
    c. Ntxwj Nyoog yog tus dab tso mob nkeeg tuaj raug neej kom neej tuag mus ciaj dab.
    Tim Tswv nrog Siv Yis thiab Ntxwj thiab Ntxwj Nyoog sib teem caij, sab laj kom cia neej nyob neej, dab nyob dab. Lawv teem rau tom ntug pas dej. zoo li nyob ze ntawm ib lub ntug hiav txwv.
    Tim Tswv yog tus thawj neeg, nws siab sib, nws xub tuaj nyob ntawd, tos Siv Yis thiab Ntxwj Nyoog. Tim Tswv tuaj txog nws nce mus nyob saum tsob ntoo, Siv Yis tuaj txog Siv Yis tsis pom leej twg tuaj, nws kuj tsis paub tias: Tim Tswv nkawd puas tau tuaj.
    Siv Yis txawm thau Siv Yis txwm kuam los ntaus saib Tim Tswv thiab Ntxwj Nyoog kawd puas tau tuaj no! Siv Yis ntau kuam, ces kuam qhia tias, tuaj lawm nyob saud.
    Siv Yis ntaus peb kuam, kuj hais tias, nyob saud, Siv Yis nws tsis ntseeg nws tus kuam. Ces Siv Yis xav tias, Kuam tsis leej lawm, twb tsis pom dab tsi li. Kuam pheej qhia tias nyob saud no, ces Siv Yis muab nws txwm kuam pov rau tom ntug pas dej.
    Ces Siv Yis cia li tig loo los tsev lawm, Tim Tswv mam nqes los, nws tos ntev loo, los Ntxwj Nyooj kuj tsis tuaj thiab.
    Tim Tswv mam mus khaws Siv Yis txwm kuam nqa los, rau Siv Yis. Tim Tswv hais tias, ua cas neb tsis tuaj raws li tau sab laj cog lus teem tseg?
    Siv Yis teb tias, kuv tuaj tsis pom neb tuaj, kuv thiaj rov los lawm ntag! Ces Tim Tswv hais tias, kuv twb nyob tod tos Ntxwj Nyoog neb. kuv pom koj tuaj, koj ntaus kuam tas, ces koj cia li muab koj txwm kuam pov tom ntug dej, ces koj cia li los lawm.
    Kuv nqa koj txwm kuam los ntawm no ne! Siv Yis hais tias, kuv twb muab pov tseg lawm, koj nqa los ces koj nqa mus koj tau siv, kuv tsis yuav lawm.
    Hmoob zaj lus tseeb thaum Hmoob ua neeb nqes ces yog kuam qhia xwb. Yog kuam tsis qhia ces txiv neeb yeej tsis paub dab tsi li.
    9. TXHAIS PEB LUB NPE.
    A.Tim Tswv yog tus thawj neeg, los yog tus vaj kav ib Haiv neeg, los yog tus neeg luag tsa los ua vaj.
    Muaj ib co Tim Tswv coob, zoo li ib tug tswv tsev nws muaj ib lub tsev los muaj ib lub roob nws ua teb rau saud lawm. Ces nws yog tus tim tswv kav lub roob ntawd.
    Thiaj muaj ib co tim tswv coob coob nyob puv roob puv hav lawv yog ib co Tim Tswv. Hmoob hu lawv ua tswv liaj tswv teb, tswv tsev ces yog los ntawm lo lus no los.
    B. Siv Yis ces yog tus Hmoob hu ua tus cawm seej tuaj kho mob kho nkeeg no.
    C. Ntxwj Nyoog ces yog tas nrho cov dab lawv tus thawj, ua tau ntxeev siab rau Tswv Ntuj, Ntxwj nyoog thiab nws cov tub teg tub taw thiaj raug Tswv Ntuj muab lawv pov los rau ntiaj teb no.
    Cov dab tsis muaj chaw nyob dab thiaj nyob qhov chaw phem dua neej nyob. Qhov phem thiaj hu ua yeeb ceeb. Yog qhov tsaus ntuj, qhov pom kev hu Yaj Ceeb yog neeg li chaw nyob.
    10. SIV YIS TXOJ KEV TUAG
    Tsis muaj leej twg paub txog Siv Yis tuag zoo li cas! Tsuas hnov luag hais tias, Siv Yis rov mus pem Nyiaj Yig Koo Tsuas lawm xwb.
    Thaum siv Yis nyob nws kho neej tej mob nkeeg zoo hlo. Ces dab yuav ua phem rau Siv Yis. dab hais tias, nyob dab teb, mas dab kuj muaj mob muaj tuag thiab.
    Dab caw kom Siv Yis mus kho dab nyob rau sab nruab yeeb thiab. Mus nruab yeeb mas lub cev ntaj ntsug mus tsis tau, yuav yees mus sab Ntsuj plig xwb thiaj mus tau.
    Siv Yis pw tsaug zog lawm Siv Yis tus Ntuj Plig yees mus rau nruab yeeb xwb. Dab coj Siv Yis mus, ces dab ua cuaj phaj yim ntim rau Siv Yis noj.
    Tau cuaj hnub cuaj hmo, ces dab twb tuaj muab Siv Yis poj niam tua tuag lawm. Dab muab Siv Yis tus tub yees ua nyuj tua, rau Siv Yis poj niam lawm thiab.
    Thaum Siv yis rov los txog, nws poj niam me nyuam tuag tas nrho mus lawm. Siv Yis yuav cawm nws tub los yog ib txog keb nyuaj heev.
    Nqaij los luag muab noj tas, kua los los luag haus tas lawm tib si. Thiab yog Siv Yis yuav cawm Siv Yis tub, mas maum nyuj kuj yuav kom cawm maum nyuj tub thiab.
    Ces Siv Yis ua ib siab muab Siv Yis me cwj neeb cwj yaig thiab nws cov hauv muaj kuab tsuas, nrom rau qab roob qab ha thiab nrom rau qab zeb qab ca.
    Yog Hmoob leej twg txwv feej raug los txog, nws tau Siv Yis cov qhua neeb qhua yaig hu ua poj koob yawm txwv raug los ces lawv mam mus khaws Siv Yis lub yeej huam los ua neeb ua yaig xwb. Nws tsis leej npaum li Siv Yis lawm.
    11. COV TXIV NEEB ZAJ TXUJ CI.
    Nyiam no tab yog cov txiv neeb lawv ua neeb mas yog tsis muaj txwm kuam mas lawv yeej tsis paub dab tsi li. Yam uas cov txiv neeb paub tias, yog vim dab tsi tiag.
    mas tsuas kawg nrog Kuam sib cog lus twv yeej tias, yog tim li cas. Tus txiv neeb yuav twv, los ntawm txwm kuam los.
    Muaj peb yam: Khwb ob sab tib si, los ob sab ntxeev tas nrho, los ib sab khwb ib sab ntxeev, yuav nug thiab yuav tim rau sab khwb tas nrho,
    Los sab khwb sab ntxeev, los ntxeev tas nrho. yog tseeb no kom khwb peb zaug, los ntxeev peb zaug los sab khwb sab ntxeeg li peb zaug zoo li ntawd mus.
    Yog raws lus lawm ces tim tseev lawm lawm yus mam hais tawm los tias, tseeb lawm dab qhia li ntawd no.
    12.SAUM TUS MOB NKEEG.
    Muaj ob yam ua kom neeg raug tau tus kev mob nkeeg:
    A.Kev raug neej mob, yog yam loj tshaj uas neej paub tsis txog, mob tsawg zaus los tsawg lub caij. pheej muab liam tias, yog raug dab mob los yog raug kev khaum kev txaum thiaj muaj mob
    B. Kev raug dab mob, mas muaj tsawg kawg, thiaj yog raug dab mob. Raug neej mob los rau dab mob, mas neeg pheej muab los liam rau dab tas nrho xwb.
    Qhov tseeb mas ib tug neeg mob, nws yeej xub raug neej ua ntej, nws mam muaj mob. Yam loj: Tus neeg ntawd nws xub raug ib tug neeg cem los thuam nws ua ntej.
    los nws raug luag ntxub, luag tsis nyiam thiab tsis hwm nws ua ntej lawm. Nws muaj kev tu siab los kev npau taws tsis paub ua zaj twg li.
    Nws mam muaj kev qaug zog, noj hno tsis poob plab haus dej tsis poob cev ua ntej lawm. Nws mam swb tus sab foob khaub thuas, los ntawm co cua sov los cua txias los ua rau nws lub cev. Ces nws mam raug tus khaub thuas no, ua rau nws mob.
    Cov neeg tsis muaj kev ntxhov siab lawv raug luag qhuas tias lawv zoo thiab lawv muaj peev xwm. ces lawv muaj zog thiab lawv yeej tus sab foob khaub thuas no dua, lawv lawv tsis muaj mob.
    Peb cov Hmoob lawv tsis muaj txuj ci, mas Hmoob ntseeg kawg zaj uas raug dab mob no. Los raug kev khaum kev txhaum. Ces yus yuav raug kev mob thiab yuav tuag mus!
    Vim peb Haiv Hmoob nyob hauv txoj kev tsis paub txuj tsis muaj tswv yim, ces peb Hmoob ntseeg txhua lo lus tej laus los tej hlob hais tawm los.
    Ces tus raug ntshai dab, los ntshai tsov, los ntshai tub sab poob plig mob. Puav leej yog cov teeb meem hem neeg kom poob plig, ces ua mob mus rau sab raug dab, tsov hem. Cuag li yog raug kev khaum kev txhaum los.
    Thiaj tau ntsib cov teeb meem txaus ntshai thiab poob plig mus li no.
    13. KEV MOB NKEEG.
    Hais tas lus nrho, kev raug dab, mas nyuaj tsis npaum li kev rau neej. Yog ib tug neeg raug dab mas tej niam tej txi lawv muaj caij nyoog mus hu plig tuav tseev kho kom zoo hlo tau!
    Hos yog cov raug neej mob lawm mas qhov yuav kho tau yog yam tsawg kawg. Yuav tsum muaj zoo tswv yim los kho kom zoo tau mus.
    Tsis muaj tus paub txog pab nws ua siab ntev maj mam tos, mas kho tsis tau. Cov neeg raug neej muaj sij hawm luv kawg los kho.
    tsis maj mas nws twb xub mus dai caj dab tuag ua ntej, los nws xub muab nws tua ua ntej cawm tsis yeej li. Tus muaj hmoo, mas nws yuav kam ris kev tu siab mob mus li xya yim xyoo mus rau kaum xyoo, ces nws kawg tuag mus xwb. tab yog nws tseem hluas los pab tsis tau.
    Cov neeg nyob nyob sawv tseem los zaum ntua nws cia li tuag kiag mus lawd. yog cov neeg raug neej mob tuag ntau xwb.
    Yog hais los, mas yog cov neeg siab dawb lawv yog cov raug neej ntau dua raug dab. Vim lawv caiv cim ntau yam, kom tau ua neeg zoo. Txhob ua tub qaug rau luag thiab ua tub qaug rau Ntuj.
    Lawv ua li no ntev thiab ntau ces lawv tsis muaj zog lawv cia li swb tus sab foon khaub thuas ces lawv tuag mus lawn.
    14. KEV TXHAWJ XEEB.
    Muaj peb los plaub pab neeg ua lub neej nyob ntiaj teb no, muaj kev txhawj xeeb txog lawv lub neej ntau dua lwm cov los lwm tus neeg.
    A.Cov lawv hu ua Xib Hwb, cov Xib hwb no lawv ua lub neej nyuaj thiab muaj teeb meem loj kawg. Qhov tsis zoo, yog lawv tsis ceev faj zoo, muaj qee tsam lawv cia li nce mus zaum Tswv Ntuj lub chaw. Lawv tsab ua loj ib yam li Tswv Ntuj.
    Lawv txais luag nyiaj los rau lawv sab tes, ces lawv lees ua Tswv Ntuj tus Xib Hwb. Lawv ua ib tug Xib Hwb cuav, hais Tswv Ntuj cov lus pub rau luag coj. Tab sis lawv lub siab tau hla tas nrho Ntuj cov lus tsis muaj ib los lus cog nyob rau lawv nruab siab khov li.
    B. Zoo li Hmoob cov txiv neeb thiab txiv muam paub Hmoob cov dab qhuas txawj ua neeb. Dab tsis tau hais los lawv hais tias, yog ua txhaum rau dab lawm. Dab yuav yuav ib tug nyuj kub nto ntuj. Dab yuav nyiaj txiag xyab ntawv npaum ub npaum no.
    C. cov ua nom ua tswv, lawv xav nplua luag kom tau noj tau haus, lawv cuab lus tias, pej xeem txhaum rau qib lus txoj cai npaum li ub li no lawm, yuav tau them nyiaj los daws kev txhaum txheej.
    D. Peb hom neeg no nyob hauv pab twg los muaj cov phem co zoo nyob sib npaug. Cov tau ua thawj neeg yog cov tau los thuam Ntuj yog feem coob.
    Cov uas los hlub neeg thiab nyiam Ntuj yog feem tsawg, cov ua thawj neeg no. Cov yuav mus rau Ntuj ceeb tsheej yuav muaj feem tsawg, Feem coob kuj yog cov nyiam xaiv mus rau dab teb ntau.
    Yog peb nug rau ib tug neeg, mas tsis muaj leej twg paub txog. nyias nug nyias tus keej mas zoo dua. Thiab thov Leej Ntuj Plig pab qhia koj mas thiaj paub qhov tseeb.
    15.COV THAWJ NEEG.
    Zoo li cov Xib Hwb, cov Txiv Neeb cov ua Nom ua Tswv lawv yuav nrhiav ib txoj kev taug kom zoo dua thiaj yuav ntsib tau tus tseem ceeb hu ua Ntuj Niam Ntuj Txi no.
    A. Cov Xib Hwb yuav kawm Yes Xus lub Moo Zoo kom paub meej:
    Kawm Tswv Ntuj cov lus nyob hauv ntawv cog lus qub tas, mus kawm cov lus nyob hauv ntawv cog lus tshiab thiab kawm His Xas Lais Liv Xwm, kawm lub Koom Txoos Liv Xwm tas.
    Paub Yes Xus lub Moo Zoo txaus lawm, nws yuav tau mus kawm Hmoob kev cai. kom paub li ib tug kws txawj ua ib tug txiv muam Hmoob paub txog Hmoob dab qhuas.
    Mus kawm kom txawj ua txiv tuam mej koob paub hais tshoob tsis muaj xaiv muaj lus. Qhov kawg mus kawm kab mob kev tuag kom paub ua kav xwm sawv qab ntseeg hais txiv xaiv foom kom zoo.
    Theem kawg nkaus mus kawm hmoob ib thaj neeb kom nto ntsis. ces tus Xib Hwb no nws yuav paub neej lus thiab paub dab lus tib si.
    Vim dab tsis tau qhia ib yam tseem ceeb rau neeg li, yam txuj twg zoo yog neeg tau kawm ntawm Qaum Ntuj los xwb, lo lus hais tias, yog dab thawj thiaj paub no.
    Yog ib co lus neeg lam hais ntxiv rau kom muaj kuab dua tuaj, neeg thiaj hais tias, yog dab thawj thiab dab qhia los. Dab yeej tsis tau qhia ib yam dab tsis rau Neej li.
    Peb tsoom hmoob lawv tsis muaj ntaub ntawv thiab tsis muaj txuj. Mas Hmoob ntseeg tias, tus txiv neeb mas nws nce tau mus saum ntuj mus nrog Ntuj tham thiab nqis mus rau dab teb mus nrog dab hais cai.
    Tus txiv neeb yeej mus nrog dab hais cai tiag tab sis nws mus tsis tau hauv dab teb. Nws tsuas hais hauv lub tswv yim xwb.
    16.XIB HWB LUB NEEJ.
    Lub neej ua Xib Hwb nyob rau cov teb chaws tseem nyob hauv qab kev vam meej. Ib tug Xib Hwb yuav tau kawm cov txuj no kom tas:
    a Nws yuav kawn Yes Xus lub Moo Zoo kom tiav log txhij txhua…
    b.Nws yuav kawm kom txawj ua xib hwb qhia ntawv nyob rau zej zog, txais tseem hwv pob nyiaj los ua kws qhia ntawv.
    c.Xib hwb yuav kawm kev kho mob kom pab tau lub zos kho lawv tej mob nkeeg thov tseem hwv pab nqi zog.
    d. Xib hwb yuav tau kawm kev cog qoob loo paub tshuaj tua kab, paub cov chiv los qhia rau lub zej zog. Xib Hwb muaj plaub yam txuj, nyob hauv plaub txoj hauj lwm zoo ntsib neeg, pab twg los zoo tshaj Ntuj lus rau tib sib.
    Yes xus lub M oo Zoo nyob hauv Yes Xus kev nyiam kev hlub thiaj tawg paj txi tau nyob hauv peb Haiv hmoob yooj yim.
    17.COV LUS XAUS PHAU NTAWV.
    Nyob hauv cov Xib hwb lub neej nco ntsoov tias, cov dab phem khiav nrog cov Xib Hwb. Mus ua ke sib law sib liag, tos ntsoov thaum Cov Xib Hwb qaug zog thiab tu ncua kev tso siab rau Ntuj kev hlub kev nyiam.
    Dab yuav coj cov Xib hwb mus ntsib cov niam nkauj dab zoo nkauj cuag li cov niam nkaj zag. Txawj hais lus qab zib, los nplij kom cov Xib siab muag. Poob mus rau kev ua txhaum yooj yim, Hmoob hais tias, ua neeg pheej yig kawg no.
    Ces qhov kawg mag dab lub vas puav tau ua rau nws yuav tawm tsis tau mus rau sab twg li.
    18. UA NEEG PAUB TAB.
    Ib tug Xib Hwb yog nws paub tab zoo, mas nws nrog tau txhua pab neeg ua phooj ywg zoo tas nrho. Txoj kev nrog luag ua phooj ywg muaj nqis npaum li nws ua Xib Hwb qhia Ntuj txoj lus rau nws cov phooj ywg tseem coj lawm txoj kev ntseeg.
    Nws tau qhia Yes Xus lub Moo Zoo nyob hauv lub sij hawm nws ua phooj ywg zoo rau nws npoj neeg ntawd. Nws tau coj Yes Xus mus ua phooj ywg kom nws cov phooj ywg ncawg rau Yes Xus ib yam li nws nrog lawv ua phooj ywg ntag.
    Yus kev ua phooj ywg, yus xub pub ib co lus kaj siab rau luag. Ces Yes Xus tuaj nyob hauv cov lus zoo siab ntawd, Yes Xus maj mam nkag mus nyob hauv cov phooj ywg no. Tsis ntev ces sawv daws tau ua Yus Xus cov phooj ywg tas nrho mus lawm.
    Yam li, koj nrog luag ua phooj ywg, luag mus pe mlom. Koj nrog luag pe ua ke, luag pe tus mlom nyob ntawm luag xub niag. Hos koj pe ib yam li luag, tab sis koj pe tus nyob siab tshaj saud lawm.
    Koj tau thov tus nyob siab saud foom koob hmoov rau koj thiab pov hwm koj cov phooj ywg. Ces koj cov phooj ywg yuav ncawg tus nyob siab saud, uas yog Tswv Ntuj Thiab Nws Leej Tub thiab Leej Tswv Yim Ntshiab.
    Ces tas sawv daws yuav nplua nuj nyob hauv Tswv Ntuj lub npe mus tas nrho txhua tus.


    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 24th February 2021, 9:34 am



    Zaj 501 - LUB XYOO TSHIAB SACRAMENTO.


    Zaj lus yog nthuav txog Tswv Ntuj lub npe, txij thaum ntuj tsim teb raug los. Tswv Ntuj tsis tau qhia Tswv Ntuj lub npe rau leej twg paub li!
    Tas txhua Haiv neeg tsuas, paub tias Qaum Ntuj no xwb. Yog lub caij uas Tswv Ntuj xaiv thawj tus neeg los ntseeg txog Tswv Ntuj.
    Mas Ntuj mam qhia tias, Nws yog Has Nplas tus Tswv Ntuj, His Xas Has tus Tswv Ntuj thiab Yas Kos tus Tswv Ntuj.
    Tsuas yog Haiv neeg His Xas Lais lawv thiaj paub Tswv Ntuj lub npe hu li ntawd. Lub caij Yas Kos tus tub Yos Xes coj tsoom His Xas Lais lawv nyob Hais Nkws Tos teb.
    Mas tsuas paub lawv cov yawg koob tus Tswv Ntuj Yas Ves xwb. Cov paub kuj paub, cov tsis paub los kuj tsis nco lawm thiab. Txog lub caij Tswv Ntuj hu Yawg Mais Xes kom nws ua tus mus cawm tsoom His Xas Lais nyob Hais Nkws Tos teb.
    Mais Xes mam nug tias kuv yuav hais li cas Tsoom His Xas Lais thiab paub tias, Koj yog peb tus Tswv Ntuj no!
    Tswv Ntuj hais rau Mais Xes Tias, Kuv yog tus nyob thiab yuav nyob mus li! Ua li mas thiaj raug rau peb Hmoob, poj koob yawm Txwv los lus tias Yog Qaum Ntuj no.
    Hmoob lo lus no thiab Huab Tais Ntuj, Tswv Ntuj, Vaj Tswv, yawm Saub, los Ntuj Niam Ntuj Txi. Ces raug rau Tswv Ntuj los lus uas Ntuj tau hais tias:
    Kuj yog tus nyob thiab yuav nyob mus li, Lub ntiaj teb neeg no muab Tswv Ntuj hu lub npe twg, los yog tas tib si. Tsuav yog lub npe nyob saum txheej siab saud thiab muaj hwj chim loj, puav leej yog tib tug.
    Tab txawm muab hu dua dab ntuj no, los yeej yog. Vim leej tib neeg lub qhov muag pom tsis tau thiab paub tsis txog, los yeej tsis muaj kev txhaum.
    Zoo li tej pog tej yawg, los mus rau cov poj koob yawm txwv ntawd, los lawv tsis yog dab. tsuas yog thaum mus rau sab pom tsis tau, mas neeg cia muab hu ua dab no lawm xwb.
    sab hu ua dab no, yog hu mus rau sab uas yog neeg tsis paub, nws muaj sab zoo sab phem nyob ua ke. Sab hu ua Ntuj los hu ua cov dab zoo, puav leej yog sab muaj koob hmoov los hwm ntuj thiab hwm neeg.
    Muaj tseeb li hais no tiag, peb Hmoob thiaj muaj qhov ntshai. Tsam muaj txhaum los raug kev khaum. Ces ho tau kev mob kev nkeeg, los kev txom nyem.
    Mus rau lub siab lub ntsws, los rau lub cev nqaij daim tawv, mus txuam nrog tus Ntsuj plig, ces yus yuav muaj kev tu siab mus ib sim neej.
    Tas nho txhua txoj kev ntseeg, puav leej yog txhawv ntawm Qaum ntuj los tas tib si. Yog peb neeg ntiaj teb tsis paub zoo, ten neeg cia li muab tis npe zoo li muaj ntau tus Tswv Ntuj, los ntau tus dab ua rau neeg tsis paub tus phem los tus zoo xwb.
    Neeg thiaj hais tias, ib tug zoo tshaj lawm tus tswv Ntuj lawm, tej no yog leej tib neeg lub tswv yim paub tsis txog. Ces sawv daws thiaj xav tias muaj ntau tus Huab tais ntau tus dab no tuaj lawm xwb.
    ->Qaum Ntuj yeej xav kom peb paub qhov tseeb Koj ntseeg koj ib yam, kuv ho ntseeg kuv lwm yam, los peb sawv daws yog Qaum Ntuj me nyuam tas tib si.
    Tus ntseeg Ntuj, los ntseeg dab, ntseeg pob zeb pob ntoos. Qaum Ntuj tsis muab ib tug twg tso pov tseg, Ntuj hlub txhua tus nyiam tas txhua tus.
    Tus neeg ua kev phem kev qias los Ntuj tsis nplua leej twg. Kev raug nplua, yog peb yuav muab liam rau Qaum Ntuj los liam rau dab tsis tau.
    Yus ua txhaum yog yus nplua yus tus kheej, Kev ua txhaum yog kev ua tub qaug rau dab thiab ua tub qaug rau neej xwb.
    Qaum Ntuj cia koj xaiv koj, Qaum Ntuj yog sawv daws niam sawv daws txiv. Dab qhua yog sawv daws li dab qhua, yog kev coj kev paub los sib hwm ua kwv ua tij nyob kom tau luag.
    Koj ua txhaum rau niam rau txiv los ua txhaum rau dab qhua, kuj yog koj ua txhaum rau Qaum Ntuj. Peb koom roj koom ntshav, koom nqaij koom txhav.
    Tej pog yawg los niam txiv, sab nyob loj dua sab tuag mus lawd. Niam txiv tseem ua neej nyob, lawv twb yug tau peb muaj 9 leeg tub 8 leej ntxhais.
    Sab ua neej nyob los dua sab ploj tuag mus, yog sua txij li hnub uas muaj ib lub xeem Hmoob los. Kom tau ua neej ua tsav mus. Zoo li lub xeem Hmoob Yaj no xwb, yog muab sau los sib puab ua kev ntawm cov ua neej nyob. Mas twb puv nkaus li ib lub teb chaws muaj neeg nyob puv ntom nti lawm.
    ->Ntxiv mus, xav kom cov txiv muam zoo li yog cov txiv coj dab los rau cov txiv neeb txiv yaig. Txhua pab Xib Hwb coj thiab qhia kev ntseeg txog Vaj Tswv.
    Cov thawj neeg no, yuav tau los zaum ua kev nrhiav paub nrhia kawm. Kom coj tau Haiv Hmoob los siab nyiam sib hlub nyob hauv Qaum Ntuj thiab dab qhua tej kev cai coj kom muaj kev sib haum xeeb.
    Txhob muaj Kev ntseeg, los ua kev cais pab cais pawg rau tej niam txiv pej xeem uas lawv yog cov tsis paub.
    Cov coj kev ntseeg lawv tsis paub lawv txoj kev ntseeg zoo. lawv mus txais kev ntseeg lawm. mus saib niam saib txiv, los tej kwv tij, lawv muaj peev xwm caiv pab tsis tau niam txiv kwv tij li, noj los twb noj tsis tau thiab.
    Tej kev cai lawv coj nyob hauv lawv lub siab, tsis yog Vaj Tswv li kev cai lawm. Nws tsuas yog ib tug Xib Hwb li kev cais xwb, zaj hais li no, yog kev thaum dab thiab thuam Qaum Ntuj lawm. Ntuj los kuj tsis nyiam dab los kuj tsis yuav thiab.
    Hais tas lus nho, yog ib tug ntsuj plig tsis huv qhia los rau leej tib neeg, Yog tus Ntuj Plig ntxub Vaj Tswv nws yog tus qhia tawm los ntag.
    ->Peb ua neej nyob ceev faj ob yam no:
    Tus neeg raug dab li Hmoob hais, mas nws tsis mob loj thiab nws yuav tuag sai mus od. Nws yuav muaj zog nyob ntev. thiab nws yuav ua kom muaj neeg rau neej ntawm nws tuaj.
    Tus neeg tau raug dab, mas nws yuav ua neeg ncauj ncab nyiam tsawm neeg, nyiam cem neeg, thuam neeg, kom luag muaj kev tu siab ces luag swb tej sab foob khaub thuas. Luag muaj mob ces luag cia li tuag mus, zoo li yog nws pheej niaj hnub, hu dab thiab muab neeg xa mus nyob rau dab teb tsis tseg li!
    Tus rau neej mas nws yuav muaj kev yu siab, vim luag ntxub luag cem thiab thuam nws tsis tseg. Ces nws yuav swb tas thxua yam mus, vim nws uv kom dhau, yim uv ntau yim txom nyem. Yog koj tsis paub mus nplij thiab cawm nws, mas nws tseem xub mus dai caj dab tuag ua ntej los koj yeej tsis paub txog li od.
    Cov neeg raug dab mob, mas muab qaib thiab qe hu plig xwb los twb zoo lawm od. Hos tus neeg tau raug neej mas muab txiv nyuaj txiv twm los hu plig mas yeej zoo tsis taus li.
    Tab yog cov kaws tshuaj kho los lawv yeej kho tsis tau li thiab. Kev raug neej, mas txom nyem loj tshaj li kev rau gab mus lawm ntau npaug.
    ->Lo lus kawg, nco tsoov tias, peb Hmoob yuav tsum hwm Hmoob. Thiab saib Hmoob tsim txiaj, Ntuj thiab dab thiaj yuav pov hwm Hmoob thiab tej Mab Sua thiaj tsis ntxub Hmoob. Ces tsoom Hmoob thiaj tau ua lub neej nyob kaj siab lug mus rau yav tom ntej.


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 4th March 2021, 9:03 am


    Zaj 502 - NCO NIAM TXIV TXIAJ NTSIM.

    Niam thiab txiv cov txiaj tsim, mas muaj nuj nqes loj thiab tsim txiaj tas nrho tshaj lwm yam, dua li nyiaj thiab kub!  Lo lus hais tias, nco niam txiv txiaj ntsim no.
    Tsis yog yuav hlub hlub thiab hais lus zoo zoo, rau niam thiab txiv. Los muab nyiaj rau niam thiab txiv siv niaj hnub, kom ua kev pauj txiaj ntsim rau niam thiab txiv.
    Thawj yam xav hais, yeej yog kev hlub ntag, tab sis yog kev hlub tawm ntawm koj tus kheej. Los muaj nyob hauv koj, kom koj txawj ua ib tug neeg sib raug zoo nrog lwm tus mus ntxiv.
    Rau cov neeg nyob ib ncig ntawm koj, thiab muaj kev hlub txog yus ib pab Nkauj Muam Nraug Nus koom niam koom txiv yug ib la los.
    Tsis yog yuav niaj hnub, muaj nyiaj los pab rau tus tsis muaj.  Yog kev hlub tuaj sib coj coj sib qhia, tus ua neej txom nyem los mloog tus ua neej zoo.  Tus ho ua lub neej zoo, los nco tus txom nyem thiab.
    Hais lus sib qhia siab tias, koj nyob ze kuv, hos kuv los nyob ze koj.  Sib coj sib qhia saum zaj lus zoo, rau sawv daws sib ua luag kom tshav ntuj nrig, rau lub neej yav tom ntej mus.
    Koj muaj lub siab kaj, los kuv muaj lub siab zoo tuaj thiab! Thiaj muaj kev sib txhawb siab txhawb zog, ntawm yus thiab luag sawv daws tej txij nkawm.  Kom ua neej nyob sib raug zoo mus kav laus.
    Vim xav kom sib kawm sib yoog ua neej zoo, ces yus txaus siab los kawm thiab xyaum kho yus lub neej kom zoo sib xws.  Tos ho xav hais txog niam thiab txiv, lub txiaj ntsim no!
    1=>Nej yuav tsum paub tias, nej txiv lub npe, muaj nqes npaum li cas tiag!  Nej txiv lub txiaj ntsim yog nej lub hwj chim meej mom zoo nkauj, zoo nraug thiab lub npe muaj koob meej ua ib tug neeg nyob muaj caj muaj ces zoo.
    Yog nej xyaum ua zoo, ces lub koob meej yuav pib tawm ntawm nej los mus pub rau lub ntiaj teb neeg, tau kawm thiab yoog ua neeg tsim txiaj muaj koob nrov npe mus rau yav tom ntej.
    2=> Nej niam lub txiaj ntsim kuj muaj nqes loj kawg, nej yuav paub tias:  Nej niam yug nej pes tsawg leej, mas nej niam tau qee siav rau nej pes tsawg zaus.
    Nej niam yug nej ib tug, mas nej niam cuag li nws tau tuag ib zaug los lawm.  Vim nws qee nws txoj sia los pub rau nej.
    Tus Leej Niam yug tau 10 leej me nyuam, mas nws tau tuag 10 zaus lawm.  Nej yog cov neeg muaj hmoo kawg, nej niam yug tau nej los.
    Nej niam tseem muaj txoj sia nyob, los khwv pub rau nej sawv daws tau noj yau haus.  Loj hlob tiav hlaub tiav ces,  khwv puab khwv peem.
    Khwv ua kab ua noog los cawm nej, coj nej mus kawm txuj ci.  Kom nej loj hlob txog lub caij nej muaj cuab muaj yim ua neej nyob laus li nej niam.
    Nws yog dab tsi hmoov, nej twb hnov,muaj qee leej lawv Leej niam yug tau lawv los.  Ces lawv leej niam muab txoj sia rau, nws tus me nyuam tas.
    Ces nws cia li tuag mus lawm, tus me nyuam ntawd.  Nws loj hlob los mus. Nws twb tsis tau pom, nws niam lub ntsej muag zoo li cas.  Nws tsuas hnov ntiaj tog qaum pes hais tias, nws niam zoo xws lis tus no, los zoo xws li tus tod no xwb!
    3=> Yam uas niam txiv ntshaw, yog cov uas niam txiv tau muab lub npe, lub koob meej thiab  lub meej mom rau.  Xav kom nej sib to taub tias, nej koom roj koom ntshav ua ke los ntawm ib leeg niam leeg txiv los.
    Ib leeg txhob ntxub leeg, tus ntse los yog yus tud, tus ho tsis thoob tsib to nrog, los yog yus tud thiab.  Sawv daws sib coj sib mloog, nyob ua Nkauj Muam Nraug Nus, ua yawm Yij yawm Dab mus, txhob muaj kev sib ntxub sib txiav.
    Cov yog tub, los yuav mus pov thiab puag niam tais yawm txiv thiab cov dab laug zoo.  Cov yog nyab los kuj ua tib yam mus yuav los pov thiab puag Niam Pog Txiv Yawg,  Niam Hlob Txiv Ntawm zoo.  
    Thiab yus cov Nkauj Muam zoo, ib yam li yog yus sab niam txiv yug koom ib la los ntawm caj hlav ces ncau los!  Txhob cais kev hlub, hlub ib tog tseg ib tog tsis hlub tsis hwm lawv.
    Leej twg tsis coj li kuv hais no, nws yuav zoo li tsob ntoo tsis nyob txawm ze ntug dej.  Nws yuav txi txiv tsis raws caij, thiab nws cov txiv yuav tsis qab zib.
    Cov Tuam Los Pav muaj txiag nplua nuj, yuav tsis kheev nqi rau nws cov txiv ntoo ntawd.  Txi los ntawm nws tsob ntoo los.  Kab noog los yuav tsis ya los ntshauv.
    Nws yuav hloov tau mus ua tsob ntoo muaj kuab lom lom neeg, ces yuav tsis muaj neeg pab ywg dej rau thiab  muab chiv rau.
    Qhov kawg ces nws yuav qhuav mus, nplooj los zeeg ceg los qhuav.  Ces tsob ntoo yuav nkoj cag, vau lwj mus rau ntsaum kab raws noj.  Nws yuav ploj twj ywm mus ua plua luaj plua av tas, tsis muaj keeb kwm txuas ntxiv mus.

    Sacramento, USA.
     Tim 6/8/2019.
    Yaju Zoob Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 10th March 2021, 10:27 am



    Zaj 504 - NTHUAV KEV FIV YEEM MUS RAU SAB KEV NTSEEG.

    Nyob hauv Hmoob cov kev cai Fiv Yeem, mas Hmoob nyiam kawg. Vim ib txwm tej niam tej txi thiab tej pog tej yawg lawv ua kam li ntawd los.
    Nyiam no kuv yuav nthuav txog kev fiv yeem, txoj kev fiv yeem no yog ib txoj kev zoo, nrog Tswv Ntuj sib cog lus ua ke tias:
    Yus txaus siab ua ib yam los pauj kev cog lus, nrog rau yam yuav muaj kev txhawj xeeb. Los yuav tau kev txom nyem thiab kev tu siab:
    => Nyob hauv peb txoj kev ntseeg, muaj ntau yam uas yus fiv yeem tau yooj yim thiab zoo tas nrho
    A. Kev Fiv Yeem, mas tus hlob tus yau los leej twg fiv los tau tib si. Peb txhob fiv ib pluas mov los fiv ib tug tsiaj muab rau Tswv Ntuj.
    Peb yuav fiv ib txoj hauj lawm ua pub rau Tswv Ntuj:
    Yam li, peb fiv tias, yog yus hla dhau yam teeb meem no lawm. Mas kuv yuav teev Ntuj, npaum no! yam li kuv yuav hais txoj sawv Mab Liab ib hnub npaum no zaus.
    B. Los kuv yuav mus teev Ntuj hnub chiv, npaum no zaus tsis nruam li.
    C. Yus tsis muaj nyiaj pab luag tej, yus fiv mus pab zog rau ib tug neeg uas tsis muaj neeg pab nws…
    D. Los yus fiv tias, Kuv yuav tuaj yeem caiv ncauj li ib los ob hnub, cheem kuv lub siab kom txhob npau taws rau Leej twg li.
    E. Yus fiv ua ib txoj hauj lwm pab lug tej, los yus taug kev, yus pom ib yam yuav dawm neeg taw yus khaws mus pov tseg, kom yam ntawd txhob raug leej twg!
    F.Los yus Fiv teev ntuj npaum no hmo los pab rau tej tus neeg tsis paub tab los tsis txawj xav….
    G.Peb txhob nyob twj ywm hauv lub tswv yim uas Fiv ib tug tsiaj, los ib pluas mov. Tsam peb ua tsis tau zoo raws li peb Fiv Yeem!
    Zoo li Peb Fiv rau Tswv Ntuj, Thaum pauj ces peb pauj rau neeg! Piv li peb muaj ib tug txheeb ze peb, nws tsis tuaj nrog koom noj ua ke.
    Ces peb muaj kev tu siab, peb kua muag poob cuag li yog peb fiv pub rau nws. Ua li mas peb yuav fiv tej yam hauj lwm uas peb ua tau los pub rau Tswv Ntuj, mas yog yam zoo dua thiab peb pauj nyob hauv peb nruab siab los rau Tswv Ntuj.
    Zaj lus piav no yog ib zaj lus tseeb uas koj nrog Tswv Ntuj sib cog lus,2 ua rau Tswv Ntuj ib leeg paub. luag lwm tus tsis nrog koj paub mas zoo dua.
    Yog ua li no, mas tus muaj tus pluag los ua tau zoo xis Tswv Ntuj siab dua. Yes Xus uas yog Tswv Ntuj leej Tub nws txoj kev cawm neeg ntiaj teb, Nws tau yuav tus piv txwv no.

    Sacramento tim 21/1/2020
    Yaj zoov Ntxheb X.Hwb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 17th March 2021, 8:40 am



    Zaj 505- NTHUAV KEV RAUG DAB.


    Thaum muaj ib tug neeg, muaj mob los raug rau neeg lub cev, tsheej ua tus mob nkaeeg lawm. Hmoob muaj ob paub lo lus hais li no:
    1.Yam uas ua rau neeg lam qaug zog, tau ceeb los tau ntshai. Hmoob hais tias, yog poob plig lawm…
    2.Yam mob sib hnub puav, mas Hmoob hais tias, raug sab foob khaub thuas!
    3. Yam uas raug mob loj, uas tau qaug txaj lawd, Hmoob hais tias, yog raug dab lawm, thiaj muaj mob.
    4. Tseem muaj qee yam uas Hmoob hais tias, vim ntsuj plig tsiv tsawv lawm!
    Nyob hauv plaub yam no, yuav tau saib kom yog lo lus tseeb tiag! Yog yam loj tshaj uas, nws nyob ze lo lus Hmoob hais tias yog raug dab no!
    Yog yuav hais los kom haum li lo lus tseeb, mas yuav haIs tias raug Neej mob. Mas yog lo lus tseeb
    NQE 1. Hais los tas nrho, saum txhua tus neeg muaj mob. Mas tsis yog raug dab mob li, nws yog raug neej mob ntau xwb, yam li:
    Yog raug neej ua ntej, thiaj mam raug muaj mob los, Muab piv li ob tug neeg! Tus loj muaj zog thiab muaj peev xwm, nws xub muab tus me tsi muaj zog, cem los ntaus thiab thuam ua ntej lawm.
    Nws mam raug kev tu siab chim siab, los ntawm tus loj muaj zog thiab muaj peev xwm tau cem nws los lawm. Nws muaj kev tu siab ntau yam, nws lub siab tsis kaj, noj mov, tsis poob plab.
    Nws mam swb tus sab foob khaub thuas, los ntawm cov cua kub thiab cua txias los. Ces nws mam ua mob los raug rau nws lub cev, los tej roj ntsha thiab tej leeg.
    Ces nws mam muaj mob tuaj, yog hais raws li kev ncaj thiab tseeb tiag. Mas yeej yog raug neej mob, tsis yog raug dab ua rau neeg mob.
    NQE 2. Kev raug neej mas txoj kev tuag, los nyob ze txoj xub ke ntawm kev tuag dua. kev raug dab mob, yog nws xub raug neeg hem ua ntej lawm. Txhob xav tias tsis loj no. Raug Neeg hem, mas nws kiav mus dawm pob ntoos, los cia li tuag mus lawm los muaj!
    Raug neeg hem khiav mus poob zeb, poob tsua tuag los muaj! nws ntshai nws khiav mus poob qhov ntuj tuag lawm los kuj yog. Tej no mas piav tsis paub tas li…
    NQE 3. Hais txog cov poj niam xeeb tub nyob nruab cev, Mus hla tsis tau toj pob. Los hla tej hauv dej thiab tej pas iav pas dej, uas tej laus hais tias, ntxim li yuav muaj Zaj nyob ntawd.
    mus tsis tau tsam tau ua tub qaug rau dab zaj, ces nchuav me nyuam mus. Tej hais no, kuj yog tawm ntawm neeg tej ncauj loj nplaig nkhaus lam hais tawm los. Ces mam ua rau cov poj niam xeeb tub, poob siab tau ntshai.
    lawv cia li muaj kev ntshai nrog kev ceeb, mus ti nkaus rau lawv lub hlwb tej hlab ntsha nrog tej leeg. Ces ua kom cov poj niam no txhua yam hauv nrog cev khiav tsis zoo.
    Ces mam muaj teeb meem txog nws kev mob kev nkeeg tuaj. Ces cia li hais tias raug dab zaj lawm no xwb, qhov tseeb tiag, yog nws ntshai nws ces nws cia li ceeb nws tus kheej xwb, tsis muaj teeb.
    NQE 4. Kev raug dab poj ntxoog los hem. Tus dab poj ntxoog no, yog tus dab nyob ze neeg lub tswv yim ntawm txhua tus neeg tshaj. Nws nyob nrog neeg tus nplaig thiab neeg lub tswv yim ntau heev!
    Neeg feem coob lawv tsis zeem thiab saib kom meej pem zoo. Nws ntsib cov neeg poob zoo los neeg nyob tsis muaj chaw. los thov kev pab ntawm lawv.
    Ces lawv muaj kev ceeb ntshai, nrog tej laus tej qub ncauj qub lus hem los ntawm kev tsis muaj tseeb. Ua teeb meem yam tsis tseeb. Ces nws cia zeem tias, yog poj ntxoog tau ua rau nws ceeb ntshai los. Ces cia peem tsheej ua poj ntxoog los lawm xwb.
    Yam tseeb tsis yog poj ntxoog hem, yog neeg los lus rov hem neeg. Ces ua rau qhov muag fam mus pom. Mas neeg cia li ceeb loj ntshaj li yog dab hem.
    NQE 5. Hais txog txoj kev khaum, nws kuj yog tuaj ntawm leej tib neeg, tej ncauj lus uas neeg tus nplaig nkhaus thiab ncauj loj tuaj ntau xwb.
    Zoo li, nws raug rau tus neeg muaj zog, los muaj peev xwm loj, hais lus tsis zoo saib tsis taus thiab cem nws. Los foom lus phem rau nws ua ntej lawm.
    Ces nws muaj kev tu siab tsis xav khwv los ua noj ua haus. zoo li, nws lub tswv yim ruam mus los qeeb lawm. Ces nws cia li hloov nws tus kheej mus, xws li tus neeg raug khaum mus lawm!
    Ntawm kev khaum no, txhob xav tias yus foom nws ces nws yuav xub raug khaum mus! Tus foom rau luag, mas nws xub raug khaum ua ntej!
    Zooj koj foom rau tej Tub Ki, ces luag tu siab los luag chim siab mus lawm. Ces ua rau luag lub siab mam tsis dav tuaj. Nws npau taws ces nws tsis ncov qab txog koj tus laus.
    Nws ua txaus nws noj lawm xwb, nws tsis muaj seem pub rau koj noj, nws tsis nco tias, muaj koj li lawm. Ces koj yog tus laus xub raug khaum ua ntej.
    Tus yus tau foom ntawd, mas lawv yuav laus npaum li koj, ces lawv mam li raug khaum mus, vim lawv raug koj cem muaj kev tu siab, ces lawv ua neeg ruam mus lawm!
    NQE 6. Kev raug Neej, mas tawm muaj los nyob hauv cov txij nkawm ntau heev: Ob tug nyob ua txij nkawm no, lub siab loj tsis txaus. Nkawd tsis muaj kev sib hlub thiab sib hwm tsis tsis txaus.
    Nkawd tsis muaj kev sib ntseeg, kev sib tso siab. Tsis muaj kev sib zam kom muaj kev sib raug zoo. Ib tug pheej ua xyem xyav txog tug tais:
    Ntshai tseem muaj siab rau tej qub Nkauj qub Nraug, nws tseem nco ntsoov nyob rau nws nruab siab. Nthai nws tos ntsoov thiab nco nraim txog.
    Muaj zoo caij zoo nyoog, nws yuav tos ntshis kev sib teem caij teem nyoog mus sib ntsib. Ua kev nkauj kev nraug kom zoo siab, ces nkawd ob lub siab pib sib ncaim mus deb zuj zus lawm.
    Tej no yog kev raug neej li hais ntag, kev raug neej, mob loj tshaj kev raug dab mus lawm ntau npaug. Kev raug neej nyob ze txoj kev tuag dua li kev raug dab!
    Kev raug neej tsis paub lub caij twg yuav tuag mus li! Ib sij huam xwb twb sib tua tuag kiag lawm. los tsis nco qab li twb mus dai voj hmab voj hlua tuag kiag mus.
    Los mus noj yeeb noj tshuaj tuag mus, ua neej nyob nrog kev tu siab mus li tsis txawj ploj. Yog tsis paub muab qhia rau tej niam tej txiv, los cov neeg paub tab. Pab yus. mas cheem tsis tau kom rov muaj txoj sia nyob ua neej ntxiv txuas mus!
    NQE 7. Hmoob thiaj muaj tej lus hais tias: Neej dab nyob ua ke, dab neeg nyob sis nce. Neej dab nyob ua pawg, dab neeg nyob sis xyaws.
    Cov nyob ua txij nkawm no, raug neej raug dab sib npaug zos! Cov txiv neej, ib hnub lawv raug tsov tom peb zaug los tseem tsis tau tsau ntuj! Hos cov poj niam, ib hnub raug dab hem peb zaug los hnub tsis tau poob li thiab!
    Hmo ntuj pw kuj vov pam ua ke, Tas nrho txhua yam uas Hmoob hais tias, raug neej thiab raug dab no.
    Puav leej yog cov dab uas Leej Tib Neeg yug nyob rau hauv Neeg tej nruab siab nruab plawv los xwb.
    NQE 8. Txoj kev raug dab yeej muaj tiag! Tab sis kev raug dab, nws nyob tob dua li kev rau Neej! Kev rau dab muaj caij nyoog mus nrhiav neeb nrhiav tshuaj los kho! Hos kev raug Neej mas tsis ceev faj tiag, mas tsis muaj caij kho tau kom zoo rov los!
    Kev kho cov neeg raug dab, mas tsis yooj yim kho. Tej txiv neeb txiv yaig thiab tej Saub los tej niam tej txi lawv tsuas kho tau kom zoo yog feem tsawg xwb!
    Tus yuav kho tau kom zoo hlo, mas yog nws tus kheej rov kho nws thiab Vam Txog Tswv Ntuj thiab Leej Tswv Yim Ntshiab tuaj pab kho, mas thiaj li yuav kho tau kom zoo!
    Cov Dab no, lawv loj thiab muaj peev xwm dua neeg thiab muaj zog dua Leej Tib Neeg lawm ntau npaug! Thiab Dab muaj hwj huam loj dua neeg ntiaj teb no!
    Dab tsom tau Neeg nruab tswv Yim thiab neeg tej nruab siab tas nrho. Dab paub tias, tus neeg no thiab tus neeg tod nyiam coj lis cas! Dab qhia thiab coj nws ua raws nraim li nws nyiam.
    Dab rau siab txhawb cov neeg phem lub zog thiab pub tswv yim rau lawv, kom nws haj yam txawj thiab paub ua kom loj thiab tob dua ntxiv!
    NQE 9. Cov neeg hom raug dab ntau tshaj, mas yog cov neeg txawj ua siab phem tshaj plaws rau luag lwm tus neeg!
    Cov raug dab zoo li hais no, muaj ntau heev, yog cov neeg ua Nom thiab cov ua thawj neeg muaj peev xwm tsim txom neeg, muaj coob leej ntau tus neeg nyob ntiaj teb no:
    Yog cov neeg ntshaw luag cuab tam thiab ua tub sab, lawv yog cov neeg raug dab loj lawm. Lawv tsis ntshai Ntuj los tsis ntshai neeg, lawv tua tau neeg pov tseg los tua neeg npog nroj ntsuab tau!
    Cov ua kev phem kev qias yuam luag tub luag ntxhais thiab yuam luag poj luag sev ua Nkauj ua Nraug. kuj yog cov neeg raug dab ntag! Cov uas Hmoob hais tias lawv ncauj loj nplaig nkhaus nyiam hais lus xaiv thiab sib cav sib ceg, tsawm taus ntawd, thiab cov tsis hwm leej twg li ua kom nws yeej tas nrhos mus.
    Cov ntawd kuj yog cov neeg raug dab tib si, lawv thiaj nyiam coj tej tus yam ntxwv txawv. Ua kom neeg swb nws mus, Saib tsis taus Ntuj los saib tsis taus neeg. Kev raug dab mas txawv mus deb ntawm kev raug Neej.
    Cov neeg raug dab no, mas lawv txoj sia nyob ntev. Thiab lawv tsis vam txog neeb txiv yaig thiab txiv tshuaj los kho lawv lub cev thiab kho Ntuj Plig.
    Lawv muaj dab hwj huam txaus txaus nyob rau lawv nruab siab lawm. Nyob rau lawv nruav siab lawv tseem qhuas tias lawv tau ua zoo tshaj los pub rau Tswv Ntuj lawm thiab!
    Lawv tseem ntshaw tej lub hwj chim loj kom tau nce los nyob rau Tswv Ntuj chaw. Kom lawv hais ib los lus rau leej twg, muaj neeg tuag kiag mus, nyob ntawm lawv xub ntiag. Rau neeg saib los rau neeg qhuas tias lawv muaj peev xwm loj tshaj Tswv Ntuj thiab tshaj cov dab nyob ntiaj teb no lawm tib si!
    Kwv tij zaj no yog, qhia nej tias, kev raug neej thiab kev raug dab, ob yam no taug tib txoj lw, mus sib law sib liag ua ke ntag!
    Lo lus hais tias raug Neej, mas txoj kev tuag nyob ze dua. Kev raug dab, txoj sia nyob kav ntev dua. Vim kev raug dab, mas muaj kev zoo siab loj. Hos kev raug Neej, mas tsuas muaj kev tu siab mus li xwb.
    Ob txoj kev no, yog zoo li, ib txoj kev ntxhaib. Mus sib law sib liag ua ke. Yog hais los, mas yog kev raug dab pib los, mam xeeb muaj kev raug Neej raws neeg qab.

    Sacramento tim 24/6/2019.
    Yaj Zoov Ntxhev Xib Hwb.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 25th March 2021, 9:09 am



    Zaj 506 - NTHUAV LUB NEEJ UA TUB TSHAJ NTUJ LUS.

    Hais txog lub neej ua tub tshaj Ntuj lus, zoo li cov tau ua ib tug Xib Hwb, los cov tub tsob hwb. Saib Leej Pleev pab yaj, nyob hauv Tswv Ntuj lub Koom Txoos.
    Mas tsis yog ib txoj kev yooj yim kiag li, cov uas tus tau los tuav txoj hauj lwm, los ua tub tsob hwb Leej Pleev pab yaj. Yuav xyaum coj ib lub neej npuab Yes Xus Pleev, kom zoo tsim nyog lub npe hu ua leej Tsob Hwb no!
    Lub Koom Txoos tau tis lub npe rau hu ua Leej Tsob Hwb, yog tus los Tsob Hwb Tswv Ntuj pab yaj dawb huv. Thaum peb tau lub npe ntawd, mas peb yuav tuaj yeem los ua Leej Pleev tus Tub Tsob Hwb Leej Pleev pab yaj.
    Peb yuav nco ib lo lus nyob hauv Da Vis cov nkauj paj nruag zaj,131 qib 1, hais tias:
    Kuv lub siab tsis ntshaw, txoj hauj lwm loj. Kuv tsis tsa muag ntsia tej yam siab dhau. Yog peb tsis ceev faj, mas tsam muaj qee lub caij. peb nce mus zaum rau leej Pleev qhov chaw, ces peb saib peb loj dua Leej Pleev lawm. Hais lus los ua yam twg kuj yog, peb yuav tuaj cov neeg txhaum tog ntau, peb tsis kam zam rau leej twg li.
    Peb tseem tau nce mus nyob Tswv Ntuj chaw txiav txim rau tej tus neeg siab dawb. Peb yuav nco ntsoov tias, ib tug Xib Hwb lub neej mas tsis yooj yim li yus xav.
    Yog cov neeg ntseeg muaj tus xav muab peb tus Ntsuj Plig tua, mas peb yuav tuag sai kawg! Muaj ob yam piav rau peb sawv daws li no!
    a.Yog luag qhuas koj heev tshaj 50% Feem pua rov saud lawm. Ces koj yuav kov kev txhaum nyob ntawm lawv xub ntiag rau lawv ntsia. Ces lawv rov hais rau koj mloog, ces koj poob hwj chim koob meej mus.
    Ces koj yuav tso Tswv Ntuj pov tseg. ces koj yog tus yuav tuag mus sai kawg lawm ntag!
    b. Yog ib pab neeg muab koj thuam mus tshaj li 50% rov saud lawm. Ces koj tu siab tias, koj yog Tswv Ntuj tus tub txib, ua cas Tswv Ntuj tseem yuav cia neeg cem los thuam koj npaum no.
    Ces koj cia li tso Tswv Ntuj tseg lawm thiab, ces koj cia rov mus teev hawm tej niag pob zeb pob ntoos. Ces koj cia li tuag koj mus lawm thiab od. Yus yuav ua qhov zoo, cia rau cov neeg ntseeg pov hwm yus.
    Yus thiaj tsis mag cov kev kuv hais no. Qhov ua kom lawv qhuas koj, ces yog luag xuas hniav riam los txiav koj ntag. Thiab qhov luag thuam koj ces yog luag xuss qwb riag tsoo koj hauj pliaj thiab ntag.
    Yus hlub thiab pov hwm cov neeg ntseeg, kuj yog yus ua kom. Luag pov hwm yus, thiab sawv daws sib haum xeeb nyob hauv Tswv Ntuj lub npe. Kuj yog ib leeg pov hwm ib leeg, ib zaug peb thiaj nyob ruaj ua ib npoj ua ke mus.
    Txhob xyaum ua neeg twm xeeb twm zeej, ces yus yuav poob mus. Luag los tsis khuv xim, hos Ntuj los kuj tsis khuv xim li thiab.
    Kuv yeej xav tias, tej lus kuv hais no, yeej yuav muaj tseeb xwb. Peb yuav xyuam xim txog yus tus kheej thiab, thiaj tsim nyog rau Tswv Ntuj hlub peb sawv daws nyob ua ke.
    Tswv Ntuj yeej xav kom peb sawv daws sib raug zoo nyob ua ke mus ib sim neej.

    Sau nyob Sacramento,
    Tim 14/4/2020.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 8th April 2021, 4:01 am



    Zaj 509 - NTHUAV TXOG HMOOB COV NTXHAIS LUB NEEJ.

    Zaj nthuav hais txog Hmoob cov ntxhais lub neej thaud, mas tej pog tej yawg. Lawv twb tau cais los, tau peg tsawg txhiab xyoo los li lawm. Yog lo lus uas Hmoob cov pog cov yawg hais tias:
    Cov ntxhais, mas yog ntxhais qhua. Yog tej niam tej txi hlub thiab pab lawv zoo xws li cov tub. Mas txwv feej yuav zoo mus rau saum luag qhua sab nraud lawm. Nws yuav tsis zoo rau niam txiv thiab cov neej nus sab no.
    Hos kuv mas kuv ho xav li no:
    1.Cov ntxhais, mas lawv yog ib co pov haum, zoo tas nrho. Vim muaj cov ntxhais, mas Hmoob txoj kev neej kev tsav, thiaj dav thiab muaj kev sib raug zoo los sib hlub loj.
    2. Yog ib tug ntxhais mus ua neej tsheej kiab, mas nws muaj koob hmoov loj kawg. Nws nres tau ob tog kwv tij neej tsa, los sib hlub mus lawm ob peb tiam neeg.
    Tsis hais lub xeem Hmoob twg li, luag hwm thiab saib taus nws poj niam lub xeem. luag tseem cav tias, peb txhawv hauv poj niam xeeb Hmoob no lub qab tog los ntag.
    3. Cov tub uas tej laus hais tias, yog tub tuav ncej dab. Yog nws nrhiav tsis tau ib tug zoo poj niam. Los tuav nws lub neej, mas tus tub tuav ncej dab no, nws cia li ua ib tug neeg liam mus.
    Tab yog nws ua ib tug neeg thoob tsib, kawm tau txuj ci siab. Los nws tsis xav ua nws lub neej, kom mus kawg ntsis. Nws tso nws niam nws txiv lub koob meej, suab npe pov tseg, yam tsis nco qab txog tias, yus caj ces hmoob, yog noob tsim txiaj li.
    Nws tsuas xav tias, yus tsis muaj zoo cuab yim. Ces mus haus dej haus cawv, los mus haus yeeb haus tshuaj, kom lub hnub lub hmo txhob ntev ntev rau yus lub neej xwb.
    Luag txawm hais ncha teb ncha chaw thoob qab zej hauv zos, los tsis nco txog nws tus kheej thiab niam txiv lub koob meej li.
    4. Ib tug ntxhais, yog nws hlob tiav niam lawm, yog nws ua neeg tsheej kiab. Mas nws yog ib tug ntsuag nyiaj ntsuag kub, los yog lub pov haum pov lub tsev neeg ntawd ntag.
    Nws tus txiv tau ua ib tug thawj neeg, yog tus niam tsev no ua tus txhawb. Vim yog nws zoo siab hlo ua qav ua num, txais tus txiv cov qhua zej qhua zos, los nws cov qhua nom qhua tswv.
    Luag thiaj txaus siab tuaj vam khom thiab khaub zig txog nws tus txiv tsev lub tswv yim, los pab lub zej zog.
    5. Yog tus poj niam txawj xav, nws nyiam kwv tij neej tsa, mas nws txhawb nqa tau ob tog kwv tij neej tsa, los sib ncawg sib raug zoo mus lawm ob peb tiam neeg.
    Vim nws tau qee nws tus txiv lub neej, ib feem los pub rau kev neej kev tsav thiab kev zej kev zos. Cov poj niam txawj ua siab loj siab dav zoo li no.
    Mas kuj xav kom cov txiv neej uas tau ua luag tus thawj neeg,
    tsis hais hom thawj neeg twg li, xav kom nyias paub nyias lub luag hauj lwm. Yog yus tau ua neeg tus thawj lawm, sab thawj neeg twg los xij.
    Cov thawj neeg no nws yuav nco ntsoov zaum nws lub rooj ua thawj neeg. Koj txhob lawm mus zaum tej nkauj fa, los tej poj ntsuam thiab cov nkauj laug lawv lub rooj!
    “ muab ib yam los ua piv txwv kom paub tshab “plaws mus. Zoo li kuv yog ib tug txawj hais txiv xaiv “foom kom. Nyob tim tsev tuag. Mas kuv yuav “tsum zaum kuv lub rooj xwb, txhob “ mus zaum “nrog cov poj ntsuam nkauj fa lawv lub rooj.
    “Yog koj mus zaum cov poj ntsuam nkaj fa lub rooj, “ces koj twb xub foom rau lawv ua ntej lawm ces “thaum koj los foom rau tsev xyom cuab tsis muaj “txiaj ntsim lawm.
    6. Yog poj niam tsis muaj kev xam khib xwb, Yog nws muaj kev xam khib tuaj, ces poj niam muab koj cov nqaij, uas koj nqa tim tsev tuag los, pov rau dev noj.
    Ces koj yuav tau ua neeg ruam txij hnub ntawd mus, vim tias koj lub hwj chim poob mus rau dev huas lawm.
    Koj tej txuj ci ces cia muab pov tseg mus dawb li, cuag li koj tsis tau kawm dua lo.
    Tus txiv tsev uas nws muaj tus zoo poj niam, mas nws tau nyob kaj siab lug. Vim tas teb tas chaw cav txog nws lub koob meej ua thawj neeg zoo.
    7. Ib tug ntxhais nws sawv los ua niam tsev, yog nws tsis hwm nws tus ntsuag nyiaj ntsuag kub, thiab lub pov haum uas nws coj pem ntuj los.
    Nws tus txiv thiab nws tsev neeg yuav raug kev piam sij puas suab puas npe mus. Muaj tej tus, mas tseem yuav puas suab puas npe, piam sij mus kis rau nws cov tub ki mus ntxiv rau ib tiam neeg los muaj thiab.
    8.Lub neej nyiam no mus, mas peb yuav saib tus tub thiab tus ntxhais muaj nuj nqes sib luag. Cov nus muag no, lawv kuj yuav rov sib txhawb nqa lawv lub neej mus raws li txheej tshiab no kom muaj kev sib hlub khov.
    Kom ob tog muaj koob meej nto moo lug mus sib xws, thiaj yog kev ua nkauj muam nraug nus mus rau yav tom ntej.
    Los lus kawg, Kuv cav lus zoo, rau ib tsoom ntxhais thiab ib tsoom niam tsev zoo. Tus tau ua nws txoj hauj lwm zoo li kuv tau hais no.
    Mas nej tau ua txoj hauj lwm zoo uas yog Qaum Ntuj faib los rau nej ua lawm ntag. Tab yog Tsoom txiv n\tsev lawv tsis paub, los tsuav yog Qaum Ntuj paub ces nej tso siab thiab zoo siav mog.
    Nej tau ua nej txoj hauj lwm tiav pub rau Tswv Ntuj lawm Ces Ntuj yuav foom Koob hmoov rau nej kom tau nyob kaj lug mus kav laus.

    Sacramento Tim 12/2/ 2020.
    Yaj Zoov Ntxheb Xib Hwb.





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 15th April 2021, 2:38 am



    Zaj 510 - NTHUAV TXOG KEV SIB TXEEB YAM ZOO.


    Hais txog neeg sib txeeb yam zoo yam zoo nyob ntiaj teb no!
    1.Lo lus tseeb,yam ua rau neeg nplua nuj tshaj, nyob ntiaj teb no. Mas tsis yog, yuav mus sib txeeb nyiaj kub thiab tej pov haum, pob zeb dub, los pov haum pob zeb liab thiab pov haum pob zeb dawb.
    Los yog mus sib txeeb, qoob loo noj thiab sib txeeb tsiaj txhu, los sib txeeb liaj teb los mus sib txeeb qhov roj. Yam tsim nyog yuav mus sib txeeb, mas yog yuav mus sib txeeb, kev ncaj ncees.
    Kev ncaj ncees, yog Qaum Ntuj ntiag tug. Ntuj tau tseb los, rau neeg ntiaj teb siv. Kev ncaj ncees muaj nqes tshaj, nyiaj kub thiab pov haum lawm ntau npaug.
    Yog leej twg nrhiav thiab huas tau kev ncaj ncees. Mas nws ua neeg nplua nuj ntawm lub cev ntaj ntsug thiab sab Ntuj Plig nyob mus li.
    Tub sab tub nyiag yuav tsis muaj tus tuaj txeeb thiab nyiag tau. Hos nyiaj kub thiab pov haum, tsuas zoo rau lub cev ntaj ntsug thaum tseem ua neej nyob rau ntiaj teb no.
    Tsuas yog zoo rau neeg qhuas yus mus ib vuag thiab ntshaw txog ib vuag xwb. Dhau caij dhau nyoog, ces tab yog tsis muaj tub sab tub nyiag yuav nyiag tau mus.
    Los tej nyiaj kub thiab pov haum ntawd, yuav poob mus ua lwm leej lwm tus tug mus. Yus yuav nqa tsis tau mus saum ntuj.
    Nyiaj kub, nws tsuas zoo rau neeg daws kev tshaib kev nqhis lub caij ua neej nyob uas yus tseem muaj txoj sia xwb.
    Kev ncaj ncees, yog Qaum Ntuj li ntiag tug Ntuj yeej txhob txwm tseb los rau leej tib neeg. kom daws tau tsoom dab xyob txhiaj tawm mus, kom kav tsis tau neeg nyob ntiaj teb no.
    Kev ncaj ncees, yog Lee twg khaws tau thiab txeeb tau npaum li cas. Mas tab yog neej los dab, yeej txeeb tsis tau mus ua lawv tug ib zaug li.
    Tus neeg siab tsis ncaj pawv tsis tus, nws lam hais tias: Kev ncaj yog nws tug, mas yog nws hais ib cov lus cuav los pub rau zeej tsoom mloog xwb. Yeej ua tsis tau li ntawd ib zaug li.
    2. Lo lus ua tej laus hais kam los tias:
    Yog dab thawj thiab dab qhia los, yeej muaj me ntsis. Zoo li tus neeg zwm rau cov dab xyob txhiaj no, yog nws txheev dab tuaj pab, mas dab kuj txawj ua hwj huam yees ntxwv. Kom mob zoo mus ib vuag li ob peb teev, los ib ob hnub ces nws ntseeg.
    Yuav kom zoo hlo mus li, mas muaj tsis tau ib zaug li. Dab tsuas ua tau li noj ib lub tshuaj loog kom nws nyob taus xwb. Yam hais no mas, tsis txaus ntseeg kiag!
    Los lus uas tej pog tej yawg hais tias: Yob dab thawj thiab dab qhia, mas puav leej yog cov lus coj neeg mus ua kev xyob txhiaj tib si, thiab yog yam cuav tas nrho…
    2. Tas txhau yam, tawm ntawm cov dab xyob txhiaj no los. mas muaj cov qib lus hais raws li no:
    a. Yog tej kev, ua tub qaug rau Ntuj, los ua kev txhaum rau neeg. Yog kev thuam ntuj thiab tsis hwm neeg…
    b. Puav leej yog ib co kev dag thiab ua tim khawv cuav tsis haum kev ncaj ncees…
    c. Yog neeg tej kev ua phem ua qias, rau sab kev ua nkauj ua nraug. Tus neeg nyiam siv kev phem kev qias no, los ua nkauj ua nraug.
    Cov kev phem nws ua ntawd, tseem phem dua li neeg muab ib tug tsiaj los txi rau cov dab xyob txhiaj hais ntawd lawm.
    Tus neeg tau ua phem ua qias, rau ib tug neeg, mas tseem loj tshaj li tau siv ib tug tsiaj los txi rau cov dab xyoob txhiaj. Vim nws muaj kev zoo siab loj dua tus dab xyob txhiaj lawm.
    3. Tas txhua yam uas tej pog tej yawg hais tias:
    Yog dab thawj thiab dab qhia, mas puav leej yog cov lus cuav tas nrho. Lo lus uas tus hais tias, yog dab thawj thiab dab qhia.
    Mas muaj me ntsis, zoo li thaum nws txheev dab, tuaj pab, mas dab ua kom nws zoo zog, li neeg noj ib lub tshuaj loog. zoo ib vuag li ob peb teev, los ib ob hnub.
    Ces yuav tau rov pauj rau cov dab xyoob txhiaj no ib sij ib zaug mus thiaj nyob taus. Yam uas Dab Xyob txhiaj yuav ua kom zoo hlo, mas tsis muaj ib sim neej li.
    4. Cov lus ua tawm ntawm cov dab xyob txhiaj no los, mas yog tej yam no:
    A. Nws yog kev thuam Ntuj thiab kev tsis hwm neeg.
    B. Nws yog txoj kev dag, tsis haum kev ncaj ncees.
    C. Nws yog kev ua phem ua qias, saum kev ua nkauj ua nraug. Ib tug neeg nyiam ua kev phem kev qias. Mas tseem loj dua li siv ib tug tsiaj los txi rau cov dab xyob txhiaj no. Tus neeg tau ua plees ua yis zoo li no, Nws tau muab tus neeg uas nws tau ua nkauj ua nraug no. los txi kiag rau nws tus kheej, nws muaj kev zoo siab tshaj li tus dab xyob txhiaj mus lawm ntau npaug.
    Cov lus tau hais no, tseem ceeb kawg. Vim nws tau ua tub qaug rau Ntuj thiab tau ua kev txhaum rau neeg mus lawm tas nrho!
    Cov uas yog thawj neeg thiab tus neeg muaj peev xwm ua li hais no. Mas nws yeej ua tsis ncaj rau luag lawm tiag!
    5. Yog Leej twg tau lees ua Tswv Ntuj ib tug tub txib Tub txuas, mas yauv tau ceev faj txog zaj lus no! Yog yus tau ua tsis ncaj, rau ib tug neeg twg lawm.
    Mas yus yeej tau muab tus neeg ntawd, yuam los ua tsiaj txi rau yus tus kheej lawm ntag. Ces nws yuav yog tus hma txeem los nrog Tswv Ntuj cov Yaj nyob.
    Yuav tau xyuam xim thiab ceev faj zoo kawg, Tsam yus yog Tswv Ntuj thiab pab Yaj tus Yeeb ncuab. Thaum yus coj los kav tsis tau pab yaj lawm.
    Yus tig ua yeeb ncuab rau pab yaj kom tuag tas mus, yus dhia cuam mus tuaj nom Tswv tog ntxeev lus tias: Pab yaj no ua kev txhaum, lawv hais tias:
    Ntuj yuav txeeb, Nom Tswv ib ntsug teb. los ua lawv teb chawS. Lawv yuav sawv ua Vaj muaj hwj chim loj dua nom tswv mus no!
    Ces Nom Tswv tsis paub qab hau, luag cia li ntseeg. Tus yeeb ncuab tawm tsam rau pab yaj dawb zoo ntawd. Tej xwm no twb muaj tshwm sim los rau ntau thaj chaw lawm.
    Lo lus kawg, peb yuav nco ntsoov tias:
    Nyiaj thiab kub, muaj nqes tsis npaum li kev ncaj ncees. Nyiaj kub tsuas yog daws yus tej teeb meem kev tshaib kev nqhis me ntsis xwb.
    Tas yus sim neej mus lawm, nyiaj kub yuav hloov mus ua lwm tug tug.
    Kev ncaj ncees thiaj yog yus tug mus tas ib sim neej, Leej tib neeg tsis muaj leej twg yuav nyiag tau mus ua nws tug.
    Tus muaj kev ncaj ncees, yeej muaj neeg muab sau tseg cia rau teb chaws, tau kawm thiab paub txog tiam tiam mus tsis txawj tas li.
    Zoo li Yes Xus cov thwj tim twb tau 2020 xyoo los lawm los tiam twg yeej nco thiab paub txog. Puav leej yog kev ncaj ncees pov hwm lawv los txog li niaj hnub no.

    Sau nyob Sacramento tim 1/4/2020.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd April 2021, 7:50 am



    Zaj 511 - NTHUAV TXOG KEV UA NEEB YAIG.

    Hais txog kev ua neeb, lub keeb qhov tseeb tiag. Tsis yog ua neeg kho mob, yog ua neeb tsov rog, mus nrog dab sib ntaus sib tua.
    Hais los mas tus txiv neeb, nws yog tus thawj tub rog ntag. Kev ua neeb yog kev mus ua rog nrog dab, Tej laus piav tias thaud, Hmoob ua neeb, mas Hmoob pib ua nyob ntawm tus dej dag.
    Yog lub zim txwv uas Hmoob nrog Suav ua tsov rog nyob rau ntawd, lub caij ntawd, ces Hmoob tus thawj tub rog. Yog tus caij nees, nws muaj ob pab tub rog:
    a.Cov tub rog caij nees, yog cov peeb muas.
    b. Pab tub rog mus taw, yog pab nws hu ua peeb zeej no.
    Thaum tus txiv neeb, yuav ua neeb nws xub cuab suab hu nws tus txiv nees los noj lom. { los lus cuab nees tias: trwv trwj trwv trwj no, yog los lus cuab neeg los noj lom.}
    Txis txiv neeb mam tshee hu nkauj neeb, nws xub hu txog nws tus xib hwb qhia ua neeb tias: Yaj Xib Hwb los Lis Xib Hwb, ua ntej nws mam hu nws cov qhua neeb.
    Uas yog cov peeb zeej thiab peeb muas, kom tuaj txhij tuaj txhua, ces nws sam plaws rau nws tus txiv nees. Nws nthe nqho coj nws cov peeb zeej peeb muas, mus ua rog ntaus dab.
    Hmoob hais tias, qhua tuaj txhij lawm, ces mam tso lub nruas tseg. Thaum tus txiv neeb nthe nqho ntaus nruas ceev nrooj yuam dab, yog lub caij nrog dab ua rog thiab hais cai.
    Tus txiv neeg yog tus thawj tub rog, los yog tus mus cheem plaub ntug ua rog nyob rau dab teb. { Lus Mes kas hais tis yog tus lov yawj mus txheem plaub, hos lus Fab Kis hais tias, yog tus As Vaus kas mus tu plaub no.}
    Yog mus hais cai yeej los swb lawm, mas mam fi xov los hais tias, yuav tau yuav tus npua luaj li cas los mus pauj rau dab.
    kom dab tso tus ntsuj Plig rov los, yuav yuav qaib noog txaij los dawb zoo li cas. Thiab tsiaj plaub txhais tes taw zoo li cas, yuav coj mus pauv los hloov, tus ntsuj plig neeg rov los.
    Dab tsis txawj noj nqaij, ces cia dab haus pa thiab yuav tus ntsuj plig tsiaj. Cia lub cev nqaij thiab kua rau neeg haus. { Yam no tsis muaj neeg paub txog li, neej los tsis paub dab los tsis pom. }
    Yav thaud, mas txhua tus Hmoob lawv ntseeg tias, tus txiv neeb no, mas nws nce mus saum ntuj, los nws nqis mus hauv dab teb tau tib si.
    Yog tus txiv neeb cov lus pab kom Hmoob zoo siab thiab ua siab loj. ces cov paub tab lawd, lawv muaj kev ntseeg thiab tso siab, ces lawv cia li rov zoo thiab muaj zog yeej tau tej sab foob khaub thuas. Ces lawv siab kaj ces cia li yeej tus mob nkeeg rov los.
    Txoj kev raug dab, yog yus ntseeg raws li ib tug neeg hais tawm los. Tias yus ua tub qaug dab lawm ces yus tsis paub yus ua siab me ces yus kuj noj hno tsis puv cev haus dej tsis puv siab.
    Ces yus lam swb tus mob sab foob khaub thuas mus ncaj lub caij muaj cov lus hais tias, ua tub qaug dab no. Ces yus cia li ntseeg tias, yog lawm no xub.
    Vim Hmoob tsis tau kawm txuj ces Hmoob twb tsis paub tias: Sab foob khaub thuas yog dab tsis thiab kev raug dab yog dab tsis li. Yog yuav hais rau qhov tseeb, mas yog xub raug neej ua ntej mam muaj mob.
    Los lus no, kuv tau hais ntau zaus, nyob rau ntau zaj lawm. Yog xub muaj ib tug neeg xub raug dab ua ntej, ces tus neeg ntawd mas ua rau lwm tus raug neej ua qabc ces nws mam muaj mob.
    Ces yog tus raug neej muaj mob loj thiab hnyav dua tus raug dab. piv li tus raug dab mas nws hnov los ntshai neeg lo lus hais ua ntej. Nws mam ntshai los ceeb tias, ntshai tsam tau pom dab nws mob li no mas thiaj muab qaib thiab qe hu plig, kom nws zoo siab tuaj ces zoo lawm.
    Hos tus raug neej mob, mas tab yog muab txiv nyuj txiv twm los hu plig los yeej tsis zoo li. kawg nws yuav tau ploj tug mus ua ntej yam koj tsis paub txog:
    Kev raug neej mas yov cov lus zoo hais rau nws ntawd, yogi b yam hu plig zoo tshaj plaws li. Yog tsis muaj neeg paub txog, mas tus neeg rau neej no yuav xub mus dai tua los noj tshuaj tuag ua ntej. Los nws mus dhia dej los dhia tsua tuag. Neeg tsis paub, neeg tseem muab liam tias: Yog raug dab thiaj tuag mus lawm no thiab. lawv yog cov raug neej lawv thiaj tuag mus sai li ntawd.
    Yog peb tsis ua zoo xav mas kev rau dab thiab kev rau neej mas peb muab liam tas tib si ua kev raug dab. nws tsis yog lawm.
    Tus neeg raug dab mas nws muaj peev xwm, muaj zog qhov ncauj loj txawj txawj cem neeg, thuam neeg. Hais lust sis ntshai tub qaug neeg li.
    Nws txawj txawj liam ub liam no rau neeg, tsawm neeg yam tsis ntshai leej twg tu siab li. Nws ua li no, ces nws cov lus tsis zoo. Yuav ua tau ib hom tshuaj los lom neeg tuag mus, yog nws cov lus no ua rau lwm tus raug neej ntag.
    Ces luag thiaj muaj kev tu siab mob siab chim siab tsis, nws thiaj tsis xav ua neej nyob. Nws lub cev, lub tswv yim tsis muaj zog. Ces nws swb tus sab foob khaub thuas, nws cia li tau mob tau nkeeg loj mus.


    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 29th April 2021, 9:11 am



    Zaj 512 - NTHUAV TXOG NEEG KEV RUAM THIAB KEV NTSE.

    Lub ntsiab lus, nthuav txog neeg tej kev, ruam thiab kev ntse nyob ua ke no! Yog ib yam tseem ceeb kawg, rau sawv daws tau paub txog.
    Nyob hauv Hmoob lub koob meej thiab lub meej mom. Vim lub tswv yim no, nyob nrog Hmoob tau ntau txhiab xyoo los lawm!
    1.Yuav tau muab qee yam, los ua piv txwv hais, kom paub zoo thiab to taub mus rau yav tom ntej. Piv rau lub tswv yim ruam thiab ntse nyob ua ke no!
    Vim muaj zoo li Hmoob piv txoj lus tias, ua nyuj qua ntse zis nees nyob sib xyaws mus lawm. Yuav tau cais los kho, kom nyias nyob muaj nyias ciam mus.
    A.Ib txwm tej niam tej txi, los tej pog tej yawg lawv coj noj coj ua los lawd. Nyob puag Tuam Tshoj, los rau Xov Tshoj, thiab los mus thoob plaws rau lub qab ntuj khwb no.
    Yav ntuj puag thaum ub, tej pog tej yawg lawv noj tsiab noj txhu. Luag tsuas muaj noj ib zaug, thiab tib lub caij thaum lub xyoo laus xaus mus xwb. Tsis muaj ib xyoos uas yuav muaj noj tsiab peb caug ob peb zaug li. Suav txij li lub 8 hli mus uas peb Hmoob yuav noj tsiab peb caug ib lub zis zuj zus mus ti nkaus rau lub 12 hli li.
    Lub 8 hli xwb Hmoob twb pib noj tsiab peb caug nyob St Paul los mus ua ntu zus, los mus ti nkaus rau lub Nroog Fresno.
    Lub twg los cov coj noj coj ua, lawv sau lub npe txais tos lub xyoo tshiab hais tias: Happy New Year, no rau saud. Puag yog ib yam, txaus yuav txaj muag rau lwm Haiv neeg zoo li, tej Mab Sua uas lawv nyob ze tsoom Hmoob ne yom!
    Ua cas zoo li Peb cov Hmoob yim vam meej, yim txua ntau yam rau. Puas tau yog lub caij, uas peb Hmoob yuav kho, kom haum li zeej tsoom Mab Sua mus ib yam thiab yom!
    Tas txhua Haiv neeg nyob hauv lub qab ntuj khwb no, sawv daws muaj ib lub xyoo tshiab yog thaum lub xyoo laus kawg nkaus mus, lub xyoo tshiab yuav tuaj no xwb.
    Kuv kuj xav paub saib puag thaum ub los, Peb Pog Peb Yawg lawv puas ua lub xyoo tshiab noj tsiab noj txhu, lawv pib thaum lub 8 hli ntuj mus los txog ntua rau lub 12 hlis tas ntawd!
    Txog lub 8 hli ntuj xwb puas zoo sau daim phiaj qhia rau ntiaj teb paub tias, yog Hmoob lub xyoo tshiab uas yuav sau rau saud tias, Happy New Year no.
    Ib xyoos ntuj zeeg, luag pej kum neeg tsuas muaj ib lub xyoo tshiab xwb
    Ua cas Hmoob ho yuav muaj ntau lub, xyoo tshiab nyob hauv tib lub xyoo li ntawd! Lam nug, puas yog peb Hmoob nyob teb chaws vam meej lawm, ces lub xyoo tsis tau xaus, los Hmoob ua tau li hais no!
    Los yog lub ntuj dav dhau tuaj lawm, peb muaj cai nyias ua nyias lub xyoo tshiab, los noj tsiab peb caug li no mus?
    B. Piv li nyob Mes Kuj teb chaws, Muaj Hmoob nyob rau 5 lub Nroog. Menisota ua New Year lub 8 hli. Cov Hmoob nyob Mivokee ua lawv lub New Year nyob hauv lub 9 hli, pab Hmoob nyob Ntsoj Ntsias lawv ua New Year lub 10 hli, Pab Hmoob nyob Sacramento lawv ua lawv lub rau lub 11 hli, Hos nyob Fresno lawv ua lawv lub rau lub 12 hli nrog lub xyoo laus xaus mus.
    Ces yog muaj tib lub Nroog thiaj noj tsiab haum thiab ncaj lub xyoo xws zeej tsoom Mab Sua mus lawm xwb.
    C. Xav los, mas yog Hmoob yog ib Haiv neeg paub tab, mas txawm ua li cas los tau. Cov noj tsiab ua ntej yuav tau tis dua ib lub npe hu ua koob tsheej dab tsi no mus.
    Txhob siv lub npe hu ua New Year, sau rau saud, tsam luag lwm Haiv neeg ho xav li cas ces tau kev txaj muag.
    Peb yuav nrhiav ib lub npe tshiab rau txog txwm xyoo lawm kev noj tsiab noj txhu ua peb caug. peb yuav ua dab ua qhua, tib lub caij rau thaum lub 12 hlis sib xws thiaj yog. Kev noj tsiab noj txhu quas niaj quas xyoo mus.
    Yuav hloov lub npe, thiab ua kev nrhiav nyiaj mas yog ib yam zoo thiab tsis raug leej twg thuam Hmoob lub npe mus.
    2. Rov hais dua lub npe kev Ruam kev Ntse nyob ua ke no. Kom txhob raug leej twg thuam tau mus, Hmoob txawm muaj 18 lub xeem, los puav leej yog Hmoob ib yam tib si.
    A. Txhob tsa koom haum nres xeem ntau ntau lub los ua ntau pab ntau pawg. Ib lub Nroog kom muaj ib lub Koom Haum xwb saib tas nrho Hmoob 18 lub xeem no ua ke mus.
    Zoo li muaj tsawg txoj hauj lwm tsa kom neeg vam meej tau txawm tsa muaj pes tsawg lub los tau:
    -Koom Haum pab tub ntxhais hluas los sawv daws koom tib lub.
    -Koom Huam poj niam, los sawv daws koom tib lub. Tsuav yog ib yam zoo pab tau sawv daws txhua leej txhua tus ces yeej meem tsim kom muaj. Hos hais los rau saum 18 lub xeem, mas tsis tsim nyog nyias yuav muaj nyias ib lub li lawm.
    Txhob ua Koom Haum lub Xeem ntau ntau li no, ntev mus ua li cas los yeej yuav muaj 18 Haiv Hmoob. Mas Kawg Hmoob ua plaub rau Hmoob dob mus tsis txawj tas li.
    3.Txoj kev Ruam nrog txoj kev ntse no nyob ua ke, mas tab yog peb Haiv Hmoob muaj tub txawj tub ntse muaj mus nto ntuj los daws tsis tau.
    Vim lawv yuav tuav rawv, los qub lus tias, Poj ua tseg Yawm ua cia li ntawd los lawm. Ua cas peb ua tau Mab Sua phooj ywg, peb ho ua tsis tau Hmoob tus phooj ywg!
    A.Kev sib cav sib ceg, los ua plaub ua ntug, los kev sib thuam. Cov tub kawm txuj tab yog kawm siab npaum li cas los, mas nws tseem muaj tej hais no, nyob nrog nws.
    Mas nws tsis tau yog tus ntse li od, nws tseem nyob hauv txoj kev ruam tsis tau paub tab thiab tsis tau paub cai li od! Nws tseem muab hauv kev tsaus ntuj, zoo li tsis tau rua qhov muag los mus saib ntuj kag li.
    B. Tus neeg ntse, mas nws nyob qhov twg, nrog pab twg. Mas nws paub tab paub cai, nws tsis cem los tsis thuam leej twg li.
    Thaum muaj neeg cem nws, mas nws txawj cia luag ua tus yeej nws, lub caij luag tab tom cem nws. Nws ua li Hmoob lo lus hais tias, nws ris lub kawm to qab.
    Cia luag cem, luag lob tej niag kawm, rau tus tub txawj tub ntse no ris. Los nws txawj tshau nws qab poob mus rau hauv qab kawg lawm.
    C. Tus neeg ntse, nws tsis nrog leej twg siv cav sib ceg ib zaug li. Luag xav cem los cia luag yeej lub caij ntawd, ces kom nws siab nqig mus.
    Nws yuav tsis mus xyav yus lub moo phem txuas mus, neeg ntiaj teb mam pom puag tom qab. Tej lus nws hais tawg tsis taus paj zoo, nws tes hauj lwm los txi txiv tsis qoos noob.
    Luag mam khiav los tas rau ntawm tus neeg thoob tsib, yus mam yeej puag tom qab li 5 mus rau 10 xyoo, ces yus thiaj yeej mus ib sim neej.
    D. Lo lus kawg, yog leej twg, twv tau thiab paub tseeb lo lus hais no! Kev ua tub sab nyiag mus nyiag luag nyiaj, los nyiag luag qoob nruab txhab, deev luag poj tuaj nruab paig.
    Mas nws tau ua kev txhaum hla Qaum Ntuj 10 qib lus qhia mus, mas nws yuav muaj raug kev khaum thiab kev txhaum mus. Hos tus txawj nyiag, nws mus nyiag kev ncaj kev ncees.
    Mas nws tsis muaj kev txhaum, vim kev ncaj ncees yog Qaum Ntuj li, Nws nchuav los rau neeg ntiaj teb siv ua lawv kev nplua nuj. Leej twg nyiam thiab mus huas tau ntau npaum li cas, mas nws muaj hmoo npaum li ntawd.
    Tej yam uas yog kev ncaj ncees, nws yog Qaum Ntuj li, Leej twg rau siab nrhiav thiab khaws tau npaum li cas. Mas nws muaj kev nplua nuj loj npaum li ntawd. Tsis yog kev ua txhaum los yog kev khaum.
    Kev ncaj ncees mas leej twg muaj npaum li cas, mas yog nws xav muab pub rau txhua leej txhua tus los tau tib si. Hos yog leej twg xav tuaj nyiag, mas nws yuav nyiag tsis tau. Kev ncaj ncees nyob lo rau tus tswv mus li ncaim tsis tau mus.
    Tus muaj lawd, nws yuav muab pub rau leej twg los tau. Vim txhua tus puav leej yog Tswv Ntuj cov tub ki txhua tus tib si.
    Kev ncaj ncees, mas Ntuj Txhob txwm qhib qhov rooj lug los zoo li tsis muaj neeg ntsaw li. Neeg pheej saib zoo li kev ncaj ncees tsis tsim txiaj, los tsis muaj nqes npaum li nyiaj thiab kub los pov haum li.
    Nyiaj kub pov haum, mas yog ntiaj teb sawv daws li, leej twg tseem ua neej nyob ntiaj teb no, mas nws nyiag tau yog nws tug. Nws tuag mus lawm, poob mus ua luag lwm tus tug lawm.
    Hos kev ncaj ncees yog koj tug, leej twg nyiag tsis tau mus thiab yuav ncaim tsis tau ntawm tus tswv mus ib sim neej li.

    Sau nyob Sacramento
    tim 19 /4/2020.
    Yaj Zoov Ntxheb X.H.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 6th May 2021, 2:54 am



    Zaj 513 - NTHUAV TXOG POJ NIAM KEV RIS NUJ NQES.

    Hmoob muaj ib lub tswv yim, muab poj niam ua tus ris nuj nqes.
    1.Thaum Hmoob yug tau ib tug me nyuam los, yog tus ntxhais lawm.  Hmoob hais tias, yog ntxhais qhua lawm, niam txiv saib muaj nqes tsis npaum li yog tus tub.
    Yav thaud, mas niam txiv yeej tsis tso cov ntxhais mus kawm txuj li. Yog Ntxhais mus kawm, ces zoo rau luag lwm cuab xeem lawm xwb.   Tsis zoo rau niam txiv sab lawm.  Ces niam txiv cia li suav tias, yog ntxhais ris nuj nqes lawm xwb.
    2. Nyob rau cov ntxhais sab, mas hmoob tsuas qhia.  kom txawj ua paj ntaub quas sev thiab tooj xov ntos ntaub. qhia kev ua qoob ua loo, los kev tu tsiaj tu txhuv xwb:
    Zoo li tus qaib tus npua, txawj muab zaub tsiag zaub txhu rau cov tsiaj loj los tsiaj me txhua yam.  Thiab qhia kev cog qoob loo tej xwb.
    3. Thaum tej ntxhais hlob tiav niam, zoo mus ua luag nyab lawm, yog lub caij uas tej niam tej txiv saib tias. Txij no mus ces yuav tau mus ua luag tus niam ris nuj ris nqi lawm.  Nws kev ris nuj nqis yog hnub, uas nws muaj ib tug phooj ywg.
    Nkawd muaj kev sib hlub, xav sib qaws nyob ua txij ua nkawm ua ke.  Kom muaj tub muaj ki xws li zeej tsoom mus ua neej nrog tub nrog kiv.
    4. Kev tu vaj tse, kev txais qhua, leg pluas noj npluas haus.  Mas Hmoob muab cob tas nrho rau tus niam tsev, txawm yuav noj nqaij txhiab nqaij ncu.  Ua cuaj phaj yim ntim, los yog tus niam tsev keev hlo tib si mus kom tas.
    Mas Hmoob thiaj hais tias, yog tus niam paub tab thiab txawj leg qav num no. Hauj lwm ntau npaum li cas, los nws yuav tab kom dhau mus tib sis.
    Thaum noj los twb tsis muaj cai los koom tsum nrog tsoom txiv neej noj thiab.  Nws siv zog ua tas txhua yam, los tseem nyob rau los lus luag hais tias:
    Mam li los khee luag kua yug ncauj yug lo,  yog seem ntau ces li tau noj.  Seem tsawg tsuas hnov ntxhiab tsw xwb.
    Poj niam pluas qab, ntshai kawg yog pob mov ntim su thiab cov pluas mov nyob nruab hli xwb lauj!
    5. Tus ntxhais uas mus ciaj luag nyab lawd, tsis muaj hmoo.  Nws txij nkawm hu ua, leej tub leej roog huas kev toj kev taug mus lawm.
    Nws lub cev ntaj ntsug mus tsis tau txog theem uas yuav zoo hu ua pog ntawd.  Nws tseem xav mus ua dua ib tom neej ntxiv, Hmoob saib nws yog ib tug niam ris nuj nqes loj.
    Yuav tau them nyiaj rau niam txiv los tej kwv tij mam li mus tau. Tej me nyuam los muab ua nuj ua nqes rau leej niam tib si, Cov yuav nrog niam mus.
    Mas yuav tau saws txog ntawm ib choj los ntau dua ntawd thiaj mus tau.
    6. Lo lus kawg, yog cov me nyuam lawv cia li khaws tau lub neej nyob ua tub ntsoj ntxhais ntsuag mus.  Yuav tau nrog niam mus los niam tseem yuav tau saws  nyiaj thiaj pub mus tau.
    Yuav nrog kwv tij nyob los  kwv tij hlub tsis txha, Tej tub ntsoj ntxhais ntsuag txoj kev tshav ntuj.  Ces mus kiag li Hmoob cov lus hais ntag.
    Lawv tau ua ib lub me neej zoo, tshav ntuj mas tshaj ntuj tuaj puag nram tej qab ha xwb.
    Zaj lus no kuv sau los ua kev kawm paub txog, rau cov hluas tsis tau paub thiab hnov dua kom tau kawm paub txog tej laus lub tswv yim yav ntuj thaud.

    Sau nyob Sacramento
    Tim 27/2/2020.
    Yaj Zoov Ntxheb.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 13th May 2021, 9:09 am



    Zaj 514 - NTHUAV TXOG TEJ YAM UAS HMOOB NTSEEG.

    Tej yam uas Hmoob ntseeg, tsis muaj tseeb. Mas hmoob ntseeg tias:
    Yog Liv Nyug hu, ces Hmoob yuav tau tuag mus, thiab ntseeg tias, zaj yog ib tug muaj hwj chim, leej twg tau mus ciaj ua zaj.
    Mas nws yuav muaj hwj chim loj, los tus txiv neej los tus pij niam twg tau mus yuav zaj lawm. mas nws muaj txuj muaj ci loj loj kawg nkaus li.
    Thiab ntseeg tias, neeg tau mus caij ua tsov lawm, mas nws muaj txuj muaj ci loj. Nws yuav los tos ntau tus neeg mus pheej teb chaws, rau neeg nyob mus rau yav tom ntej.
    Tas nrho tej hais no, yog leej twg ua tus tsim lawv tuaj nyob ntiaj teb no?
    Tsis muaj ib zaj hais txog tias, Zaj yog tus tsim neeg los thiab yog ib tug Tim Tswv lub roob ped los Tim Tswv lub hav nraud, yog tus tau tsim los kom muaj tuaj nyob li.
    Hmoob yeej ib txwm paub tias, yog Ntuj tsim los thiaj muaj txhij muaj txhua tuaj nyob.
    Thiab tsis muaj ib lo lus hais tias:
    Yog Zaj, los yog Liv Nyug,los yog dab tsim los thiaj muaj nyob rau ntiaj teb no. Hais txog Zaj, nws muaj hwj huam loj kawg.
    Zaj tseem ntshais txog tub ntsuag rab hneev tua xub mus rau Zaj. Tus Dav Liv Nyug los kuj pom tsis tau Hmoob rab phom, yog pom thaum twg, ces dav Liv Nyug kawg yuav raug neeg tua kom poob los.
    1.Haib neeg Hmoob, yog ib Haiv neeg, muaj nyob ntxov ntxov thaum ub los lawm. Hmoob tsis muaj txuj ci, thiab Hmoob lub tswv yim tsis tau nthuav ntxeev kom tsim dheev los kom meej pem.
    Hmoob tseem nyob zoo li tus me nyuam tub ntsuag, uas tsis muaj niam muaj txiv cob qhia los. Kom muaj lub tswv yim thoob tsib to nrog zoo.
    Hmoob tseem zoo li raug tej laus qhia kom txhob mus txhoj puab, tsam raug xwv txheej, xws li nab tom, los mus poob ntoo, poob dej.
    2. Ces thaum Hmoob hnov tej zaj lus hais tsis tseeb li no. Ces Hmoob ntshais thiab ci li ntseeg tias,muaj tseeb lawm tiag no xwb. Tej no yog lus sab sij huam ntxias me nyuam yaus.
    Koj yuav tau tsim dheev los tias:
    Neeg tus nplaig yog ib yam me kawg, zoo li ib lub txim taws xwb. Mas nws muaj zog kawg, nws muaj peev xwm kub tas, ib ntsug hauv toj, kom kub hnyiab taus mus tau.
    Hais txog cov tsiaj zoo li Liv Nyug, Zaj Nab, tej tsov Tswv Xyas no, los tej dab, lawv tsis muaj peev xwm heev npaum li hais no.
    Yog lawv muaj peev xwm npaum li hais no, mas tseem muaj hwj chim loj thiab heev dua li Tswv Ntuj mus lawm ntau npaug thiaj ua rau neeg txaus neeg txaus ntshai loj li no!
    3. Yog peb Haiv neeg Hmoob tseem ntseeg txog, tej yam tsis muaj qab hau li hais no. Mas peb lub tswv yim tseem ntse tsis cuag li tej tsiaj, uas lawv ntshai neeg muab lawv tua!
    Qhov uas neeg muab ib tug tsiaj tua, mas muaj tseeb, vim neeg yuav tsiaj tej nqaij, neeg thiab tau muab tej tsiaj tua kom tuag. Ces yuav tau noj tsiaj cov nqaij mus.
    Yog neeg ntshai Liv Nyug thiab tshai zaj, ces cuag li neeg rov rau neeg tej lus hem neeg. Ces qhov neeg ntshai ntawd, ua rau neeg swb tej sab foob khaub thuas mus tas ntag.
    Yog thaum koj nteeg, ces koj mam ntshai, ces koj lub cev mam tsis muaj zog tuaj. Ces tus sab foob khaub thuas, ua rau koj mob, los koj cia li ntseeg tias: Yog Liv Nyug hu koj lawm. Koj mas tas kev cia siab. Ces koj raug sab foob thaub thuas xwb, los koj cia li ntshai tuag mus. Vim koj ntseeg thiab koj tau ntshai lawm, ces tsis muaj dab tsi yuav pab tau koj mus ntxiv lawm.
    Qhov tseeb yog koj raug neeg lo lus dag lus hem, tsis muaj tseeb ntawd, los raug rau koj, ces koj thiaj tau mob tau tuag mus.
    Neeg tus nplaig tseem hais dua lwm lo lus los hem ntxiv tias: Yog koj tau ua tub qaug rau dab lawm, ces koj tu siab nrho mus nrog txoj kev tuag sib puag pw tuag mus.
    4. Koj yuav tsum tsim dheev los thiab paub tias:
    Neeg tus nplaig, yog ib yam uas me kawg, luaj li ib lub txim taws xwb. Tab sis nws muaj peev xwm hlawv kub tas nrho, ib ntsug hauv toj kom kub hnyiab tas nrho mus tsis txhuav ib yam dab tsi li.
    Haiv neeg Hmoob, mas cov uas lawv txom nyem, lawv tu siab thiab lawv tuag mus. Feem coob yog lawv tuag nyob hauv txoj kev dag tsis muaj ib yam tseem ceeb.
    Lawv tau ceeb thiab tau ntshai loj, ces qhov ntshai ntawdm ua kom lawv cia li tuag mus. Yeej muaj yo ib feem nyob hauv Hmoob kev tuag.
    Puav leej yog raug neeg tus nplaig hais los mus txheej dhau txheej los, ces lawv cia li tuag ntshai mus xwb. Yam uas yog mob nkeeg yuam tuag muaj thiab nws yog dua nws ib txoj kev lawm.
    Cov noj yeeb noj tshuaj, muaj kev tu siab, cov mus dai caj dab tuag, cov uas puas hlwb tuag, cov mus dhia dej dhia tsua tuag. puav leej yog cov tuag ntshai tas tib si.
    Cov no, yog hais qhov tseeb, mas tsis yog raug dab tuag od, lawv puav leej yog cov raug neej tuag mus nkaus xwb. Peb yuav tsum paub txog tej yam no.
    Txhob muab liam rau dab, nws tsis yog lawm, hais txog neeg tus nplaig, mas yog ib yam phem tshaj plaws li.
    5. Lo lus kawg, xav hais rau cov neeg ntseeg txog Tswv Ntuj, nyob hauv Yes Xus lub Moo Zoo. Thiab ntseeg txog lwm tsis Tim Tswv tias:
    Zaj lus hais saum no, tsis muaj nyob hauv, Tswv Ntuj zaj lus nib los li. Uas nws nyob txawm hauv Yes Xus zaj lus Nws tau hais tseg.
    Lub zim txwv no, peb cov neeg ntseeg txog Tswv Ntuj, peb yuav ras txog, thiab ceev faj tias:
    Tus dab phem uas Yes Yes muab nws hu nws ua Xas Tas no, mas nws nyiam neeg tus nplaig kom hais cov zaj lus tsis muaj tseeb no kawg li.
    Tus dab no, nws nyiam neeg tus nplaig, kom hais ntau yam lus tsis muaj lub ntsiab tseem ceeb. Kom neeg ntseeg yuam kev, txhob muab Tswv Ntuj tej lus tseem ceeb los coj.
    Kom neeg cov ntsuj plig mus txog txoj sia nyob mus li ntawd. Kom neeg tsoom Nstuj Plig tau kev ncaim mus deb ntawm Tswv Ntuj.
    Dab phem yeej paub tseeb tias, yog neeg cov Ntsuj Plig mus txog Ntuj Ceeb Tsheej. Mas neeg cov Ntsuj Plig, yuav tau muaj txoj sia nyob mus li, mus txog txhiab niag tim puas xyoo.
    Vim cov dab no, lawv tau raug Tswv Ntuj ntiab saum Ntuj Ceeb tsheej, los nyob rau ntiaj teb no. Vim txoj kev tsis kam mloos Tswv Ntuj lus, vim lawv xav ua tus loj cuag li lawv yog Tswv Ntuj lawm.
    Dab thiaj ua txuj ua ci rau neeg, kom neeg muab ntau yam los hloov ua Tswv Ntuj. Thiab muab tsa kom loj li Tswv Ntuj los kom siab dua.
    Rau neeg tej ntsuj Plig hwm thiab pe mus, ua neeg cov Tim Tswv uas nws yog tus tsim thiab kav tas txhua yam mus.
    Kom thaum txog lub zim txwv kawg neeg tau zwm rau cov dab tas nrho mus.

    Sau nyob Sacramento
    Tim 13/2/2020.
    Yaj Zoov Ntxheb X.H.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5461
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 21st May 2021, 7:55 am



    Zaj 516 - NTHUAV TXOG TXHUA HOM KEV NTSEEG.

    Thawj txoj tuam kev ntseeg, yeej yog kev ntseeg txog Tswv Ntuj. Mam ncau los ua cov xov kev ntseeg lwm yam mus. Puav leej yog ncau los ntawm tib lub hauv paus los mus xwb!
    1.Hmoob kev ntseeg txog Poj Koob Yawm Txwv, yog los ntawm lo lus Hmoob hu ua Qaum Ntuj no los tib si. Hmoob thiaj siv lo lus hais tias, Poj ua tseg Yawm ua cia no. Puav leej zwm rau tus hu ua Qaum Ntuj no!
    Hmoob siv lub npe hu ua dab no, Vim muaj ib co dab zoo thiab ib co dab phem. Cov dab zoo, yog cov Pog thiab cov Yawg, Lawv tus Ntuj Plig.
    Cov dab phem, yog cov dab tso mob tso ntsaj los ua kom leej tib neeg muaj mob muaj nkeeg. Yog kev ua txhaum thiab kev khaum, tsis paub npe, ces muab liam rau cov dab phem tias, yog lawv ua thiab tso los.
    Ces thiaj hais tias, yog dab tom thiab mob los yog dab tso los no. Vim muaj dab phem dab zoo nyob ua ke.
    Cov dab zoo, yog cov zwm rau Qaum Ntuj, hnub kawg lawv yuav nce mus lawm saum ntuj. Cov dab phem yog cov dab nyob tsis muaj chaw, lawv nyob hauv qhov dej, los qhov zeb qhov tsua thiab nyob hauv hav dej tej toj pob phem phem tawm los.
    Thaum Hmoob mus txog tej qhov chaw phem phem ntawd, Hmoob thiaj hais tias, mus rau rau cov dab hav dej los dab pas haw.
    Ces thiaj ua rau Hmoob, tau mus txhaum rau dab, thiaj muaj mob muaj nkeeg lawm. Ces yuav tau pauj qaib pauj npua rau cov dab ntawd.
    Cov dab no mas lawv nyob nrog leej tib neeg cov ncauj nplaig ua ke ntau. Cov neeg paub dab thiaj qhia kom tus dab xyob txhiaj no los nplua neeg muab qaib muab npua los mus tua pauj rau dab.
    2.Tus hu ua Phus Thas, yog tus Huab Tais cov Hauj Sam teev thiab hwm. Hais qhov tseeb los, mas Phus Thas yog Tswv Ntuj ib tug Yaj Saub.
    Zoo li Hmoob tus Siv Yis, nws muaj cov txuj los tawm tsam tiv dab. Kom dab txhob tuaj haub ntxias neeg mus rau tej yam tsis tseem ceeb thiab tsis muaj qab hau.
    Siv Yis thiab Phus Thas nkawd, yeej zwm rau Qaum Ntuj. Qhov uas Phus Thas tau lub npe, hu ua Huab Tais no. Yog nws cov thwj tim tis lib npe ntawd rau, ces Phus Thas thiaj ua Hiab Tais lawm.
    Phus Thas yog ib tug neeg siab ncaj, nws ua Yaj Saub qhia kom neeg txuag, tsiaj txhu thiab xyoob ntoo. Yog tsis txawj txuag muab xyoob ntoo ntov tas, muab tsiaj txhu tus tuag tas.
    Lub ntuj lub teb tsis txawj kawg, mas neeg yuav raug kev tshaib kev nqhis. Neeg tseem yuav txom nyem dua mus ib tom, cuag li muaj ib kob tsov rog sawv tawm los tshiab. Ces neeg yuav xub tug tu noob mus ua ntej lub ntiaj teb yuav kawg.
    Vim tsis muaj kev txuag, txog txhua yam nyob ntiaj teb no. Hais qhov meej thiab tseeb, Phus Thas yog Qaum Ntuj ib tug Yaj Saub ua Ntuj ib tug tub txib.
    Nws cov Thwj Tim tau hu nws ua Huab Tais ces lub npe ntawd cia li sawv los li ntawd lawm xwb.
    3. Txij thaum neeg paub hu ua Tswv Ntuj los hu ua Huab Tais Ntuj los. Mas hu txij li Has Nplas Has tus Tswv Ntuj, His Xas Has tus Tswv Ntuj thiab Yas Kos tus Tswv Ntuj. ntiaj teb mam paub hu los xwb.
    Txij thaum muaj Haiv neeg His Xas Lais los,Tswv Ntuj thiaj saib kom nyob ze neeg heev. Ntuj tshoj kom muaj cov Yaj Saub sau Tswv Ntuj zaj lus sib txuas zws los mus.
    Muaj cov Yaj Saub, cov tub tiv thaiv, Haiv His Xas Lais. thiab cov Vaj kav tsoom His Xais Lais sau ntawv hais txog Tswv Ntuj cov zaj lus.
    Sib txuas zws los rau cov Yaj Saub los txog ntua Yes tshwm sim los yuav lub cev neeg mam muaj Yes Xus zaj lus los txuas rau Yes Xus cov Thwj Tim.
    Mam txuas los rau lub Koom Txoos Yes Xus tsa nyob saum lub Pob Zeb, uas dab phem cov rooj loog yuav tsis yeej lub Pob Zeb no.
    4. Hmoob tus Siv Yis thiab Phus Thas nkawd ua ntej Hais Nplas, His Xas Has thiab Yas Kos thiab tas nrho cov Yaj Saub. Lawv Has Nplas qab los txog Yes Xus tawm tuaj.
    Thaib tsis tau txog lub caij, ces tswv Ntuj thiaj tso mus li ntawd. Cov yuav ua kev nyuaj, mas Tswv Ntuj tau kav thiab coj. Vim cov ntawv muaj koob meej hu ua ntawv Crec xub muaj nyob teb chaws ntawd.
    Cov kws ntawv yuav sau, Tswv Ntuj cov zaj lus kom muaj tseg rau nruab ntawv nyob ze cov teb chaws ntawd.
    Ces Tswv Ntuj yuav pab txuag kom muaj ib haiv neeg thoob tsib tsob hwb Tswv Ntuj Leej Tub yuav yug los kom muaj ib Haiv neeg muaj Tswv Ntuj zaj lus ua ntu zus los sib txuas kom meej pem.
    Tswv Ntuj thiaj siv Has Nplas caj ces kom ua txoj kev rau Tswv Ntuj lub hwj Chim tawm tuaj txog lub ntiaj teb neeg.
    Kom Tswv Ntuj lub txiaj ntsim, tau kev hlob tuaj nyob hauv ib Hais neeg. Muaj keeb kwm tsob hwb Tswv Ntuj, tau ntau txhiab xyoo los lawd. Kom nyob ruaj khov.
    Los txog lub caij Yes Xus uas yog Tswv Ntuj Leej Tub tuaj cawm lub ntiaj teb neeg. Thiaj muaj Yes Xus zaj lus txuas los mus.
    Txog lub caij teem tseg. Yes Xus tau txhiv lub ntiaj teb tas. Ces Yes Xus nce mus lawm pem ntuj. Yes Yes mam thov kom Leej Txiv tso Leej Ntuj Plig tuaj soj ntsuam lub ntiaj teb neeg txuas mus ntxiv.
    Ces nyem no yog Leej Ntuj Plig, nrog lub Koom Txoos uas Yes Xus tau tsa nyob saum lub Pob Zeb uas dab phem cov rooj loog, yuav tsis yeej lub Pob Zeb no nyob ua ke.
    5. Txog lub caij Leej Ntuj Plig los kav, lub Koom Txoos lawd ,Thawj pab neeg ua Yes Xus cov Thwj tim. lawv twb yuav luag muaj kev sib ncaim mus tiag.
    Yog Leej Ntuj Plig, coj kom lawv rov los nyob ua ke. Twb muaj ob pab neeg hais tias: Peb yog Pob Zeb tog, lwm pab hais tias, peb yog Paj Lug thiab As Pos Los tog no lawm.
    Paj Lug tus Thwj Tim Yes Xus hu, nws thiaj tso xov mus rau Pob Zeb, ces lawv thiaj ua thawj lub rooj ncauj lus nyob Yes Lus Xas Les. Lub Koom Txoos thiaj tsim zaj kuv ntseeg txog Tswv Ntuj.
    Kom Yes Xus cov Thwj Tim, tau rov nyob ua ke, txog lub caij tus Vaj Koostanting muas nyob rau turqui teb. Lub Koom Txoos sib txeeb ua tus Vaj qhia. Ces thiaj ncaim muaj pab hu ua Os Tos dov no.
    6. Los txog ze ntawm xyoo 500, Lws Tes mam ncaim mus ua cov Protestant. Txij Lws Tes ncaim los, Ces cov ncaim ntawm Lws Tes mus lawv tau ncaim mus ua ntau pab lawm, ntshai twb yuab muaj ze li 400 pab los tshaj lawm thiab.
    Ces thiaj muaj cov hu ua Npa Tiv. Thiab hu li ub li no mus muaj puv qab ntuj khwb no lawm…
    7. Tsis ntev los, Tus Vaj Aas Kiv, tau ua txhaum hla Tswv Ntuj 10 lo lus qhia, nws yuav niam yau. Ces Vaj Qhia tau nrauj tus Vaj Aas Kiv, ces nws yuam tas nrho tsoom, Txiv Leej choj nyob nws lub teb chaws yuav poj niam.
    Ces thiaj muaj cov Txiv Plig thiab niam Plig nyob Aas Kiv teb sawv ua ib pab tshiab tawm tuaj thiab. Pab no hu ua cov As paus Ka Liv no.
    Ces thiaj muaj zoo li kuv tau hais los saud tias: Cov kev ntseeg no puav leej mus tshuam rau Tswv Nruj los Huab Tais Ntuj tib leeg xwb.
    Ces thiaj xav kom dawv daws tsis txhob muaj kev hais lus tsis sib haum. Txob muaj kev sib thuam li ub li no mus.
    a.Yog peb sib thuam, ces yog nyias thuam nyias tus Tswv Ntuj lawm. Thiab cov thawj coj yog koj thuam neeg, ces koj tau thuam koj tus Tswv Ntuj lawm ntag.
    b. Piv li ib tug neeg nyiam ua cov kev txhaum hla Tswv Ntuj los us qhia 6 txhob ze luag poj luag sev. Koj pua plees ua yi, ces koj tau ua kom Yes Xus lub ntsej muag ntuag khaub hlab mus lawm.
    Tseem txhais hais tias, Koj tus Tswv Ntuj mas yog tus Tswv Ntuj nyiam deev luag poj luag sev mus lawm no thiab!
    Tus thawj neeg nws nyiam ua txhaum hla lo lus qhia 7 tias, koj txhov ua tub sab tub nyiag. Koj ua lawm ces yeej txhais tau tias, koj tus Tswv Ntuj, mas nws pluag kawg. Nws thiaj ntshaw nyiaj heev npaum li ntawd no ntag…
    Cov yuav tau ceev faj heev, mas yog cov ua Xib Hwb tshaj Tswv Ntuj cov lus tseem ceeb nyob hauv Tswv Ntuj kev ncaj ncees.
    Thiab xyaum ua neeg siab dawb xa Yes Xus kev cawm mus thoob plaws rau zej zog txhua tus, kom paub thiab tau hnov txog.
    Koj txuag koj lub meej mom zoo npaum li cas, mas koj tau txuas Yes Xus lub Meej Mom zoo npaum li ntawd.
    Leej twg hla, Tswv Ntuj 10 lo lus qhia mus lawm. Ces nws tau nrhuav Yes Xus lub Meej Mom koob meej mus ib yam nkaus. Koj yog tus ua kom Yes Xus lub ntsej muaj khaub hlab mus thiab yog tus ua kom Tswv Ntuj lub npe phem mus ntag.

    Sau nyob Sacramento
    tim 9/4/2020.
    Yaj Zoov Ntxheb X.H.





    Sponsored content


    XH. Yaj Zoov Ntxheb lub Tsev THOOB TSIB - Page 18 Empty Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 29th November 2021, 3:12 pm