XH. Yaj Zoov Ntxheb lub Tsev THOOB TSIB

Thaud tej laus mus xaiv nyob, luag xaiv li cas, thiab xav li cas nyob hauv luag nruab siab?
Thaud tej laus lawv mus xaiv nyab lawv tsis nug tias:
Nyob hauv nej lub zos no, puas muaj tej ntxhia zoo nkauj! Luag nug tias, nyob hauv nej lub zos no puas muaj tej ntxhais zoo ua nyab no xwb?
Cov lus los ntawm, cov neeg tau teb los! Lawv hais tias:
Muaj thiab mas, nws tsis zoo nkauj pes tsawg. Tab sis nws yog ib tug ntxhais tsim txiaj od! Nws nquag thiab txawj hais lus, haum tej laus siab kawg thiab mas!
Cov tub thiab cov ntxhais, uas muaj lub ncauj lo lus zoo. Mas lawv zoo puav tam li lawv muaj ib phau ntawv passport, muaj nqis kawg. Nws yuav hla txoj kev twg, los mus rau lub teb chaws twg, mas luag qhib kev lug rau nws mus.
Nws tsis ntshai cov neeg phem los cov tub sab yuav lwg nws. Nws cov lus tawm ntawm nws lub ncauj los, muaj nqes cuag li yog lus nyiaj lus kub, muas tau luag nplooj siab los ua phooj ywg sib raug zoo sai kawg.
Nws nrog luag muaj kev sib tso siab lug, nws taug txoj kev twg thiab nrhiav yam twg. Mas lus qhia tseeb thiab muab txoj kev yog rau nws taug mus.
Nyob hauv lub neej sib sau los nyob ua txij nkawm, neb yuav nco ntsoov yuav thiab xyaum coj li hais no, ua los pub rau yus tus txij nkawm.
Txhob saib lub meej mom ntsej muag zoo nkauj zoo nraug, los mus ntshaw luag poj niam los ntshaw luag tus txiv los ua yus tud!
Yog neb tsis muaj kev paub thiab ceev faj, mas tsam neb raug tau cov ntsuj plig dab phem qhia neb. Ces neb yuav siv, neb ob lub meej mom ntsej muag zoo nkauj zoo nraug ntawd.
Los mus ua kev nkauj kev nraug nrog luaj poj niam los nrog luag tej txiv ua kev plees kev yi. Ces neb yuav ua ib lub neej lwj siab nyob mus li, tsis kav laus.
Lub tswv yim uas cov dab ntsuj plig phem ntawd qhia, mas tua thiab rhuav yus yooj yim thiab tua yus sai kawg. Zoo li yus tawm rooj mus, yus tseem muaj lub siab nyob luag ntxhi.
Tig loo rov los tsev xwb, dab cov ntsuj plig phem twb los nyob puv vaj puv tsev tos yus lawm. Nraum zoov los muaj tsov, hauv tsev los muaj dab tib si.
Noj mov los tsis qab, pwv vov pam los tsis sov li, kho siab zim kwv tij los tsis nyiam. Neej tsa los tsis hlub, tsuas yog tshuav Mab Sua luag thiaj tsis paub, txog yus lub neej uas nqa qe qauj no xwb. Ces tas kev cia siab hlo mus ib sim neej.
Vim yus tau qhuas txog yus, kev zoo nkauj zoo nraug, pub rau kev ua nkauj ua nraug rau teb caws saib nrog rau luag tej txiv, los luag tej poj niam lawm. Kom luag paub thiab cav tias, yus yog hom neeg zoo nkauj thiab zoo nraug tshaj nplaws cov.
Lub tswv yim xav tau li hais no, puav leej yog txais los ntawm, cov ntsuj plig dab phem tau cob qhia rau yus los. Kom muaj kev lwj siab, ua kom lub cuab lub yig piam sij mus.
Yuav ua rau tej tub ki tsis muaj lub neej, muaj zoo niam zoo txiv, nrog luag teb chaws ua neej. Tej me nyuab yuav tau ris lub npe tias:
Lawv yog Nkauj Feb thiab txiv nraug Fav cov tub ki, lub npe no tseem nyob qis tshaj cov me nyuam ntsuag uas niam txiv tau dua toj mus lawd…
Muaj ib txoj kev yeej xwb, Neb yuav vam txog Ntuj Niam Ntuj Txiv los pab pov puag neb lub neej. Ob leeg sib ua luag, ua luag kom tau sib hlub, sib ua luag mus pe hawm Tswv Ntuj thiab sib ua luag rau kwv tij neej tsa ob tog tau lub chaw ntoj chaw thuv khiav mus los sib cuag ua ke.
Thaum muaj kev txhawj xeeb kev tus siab ob leeg rov los sib ua luag. koj qhia koj kev tu siab rau kuv, kuv qhia kuv kev txhov siab rau koj. Koj nyob ua kuv luag sib pab daws teeb meem.
Kuv nyob ua koj luag kom muaj kev kaj siab rau koj, kom neb yeej tau cov ntsuj plig phem los haub ntxias neb mus. Ces neb yuav ua ib lub neej nyob kaj siab lug, nyob ua luag txwj zaum ua luag laus pov hwm cuab kwv tij los cuab neej tsa txhua tus.
Neb zoo puav tam li tus choj tuam rau kwv tij neej tsa sawv daws tau taug mus los sib cuag kom tus choj tshoob los tsis pub lov, choj kos los tsis pub puas mu sib txhiab cuaj txhis li no mog.

Sacramento tim 14/5/2019.
Yaj Zoov Ntxheb Xib Hwb.

Kev sib hlub nyob nrog kev ua txij nkawm, hais rau cov npaj siab sib sau los nyob ua txij nkawm. Kev sib hlub, mas yog ib yam tseem ceej thiab loj tas nrho.
Cov txiav siab los nyob ua txij nkawm, yuav nco ntoov tias, muaj kev phem kev zoo sib npaug zos nyob hauv. Hais kom sawv daws nco ntsoov txog, kev sib hlub uas thaum niam hluas nkauj, txiv hluas nraug.
Ob leeg tau tham muaj li cas cia lawd, nco ntsoov txhob hloov lus thiab sib hwm raws li kev sib cog lus. Yus pom muaj dab tsi txawv, mas yuav eev faj heev txog.
Feem ntau tsis kuj yuav muaj tseeb li yus xav thiab tej lus luag sab nraud hais txog yus. Yog yus lam ua xyem xyav thiab khaws tseg, ua chaw chim los pheej niaj hnub xav txog. Mas yuav ua tau, yus kev sib hlub, nyob tsis kav laus.
Nyob hauv ob tug txij nkawm no. Yog pheej muaj tej lus xav nyob hauv nruab siab li hais no.
1.Mas cov poj niam, mas lawv tsuas muaj kev tu siab loj nyob hauv lawv lub neej xwb. yog muaj kev sib ncaim, los lawv lub cev tsis hloov mus ntau.
Hos yog muaj kev sib ncaim mus zoo li, sib nrauj sib tso mus lawm, mas lawv tau txais dua ib tug txiv neej tshiab, los kav lawv lub neej txuas ntxiv mus.
Ces lawv tsis muaj mob, lwm yam ntau dua cov txiv neej los rau lawv. Lawv tsuas muaj kev khuv xim thiab kev nco ntau xwb.
2. Hos ntawm cov txiv neej sab, mas muaj teeb meem loj thiab ntau dua poj niam sab. Vim tias, txiv neej lawv tuav lub meej mom siab dua poj niam.
Nyob hauv txiv neej sab, mas tsis sib nrauj sib tso mus. Mas yuav muaj cov teeb meem li no:
Tus txiv neej siab ncaj, nws tsuas yog hais lus kom txhob muaj chaw txaj luag, hais tej lo lus laug lub caij nyoog mus kom ntis tau nws lub meej mom txiv neej tias:
Nws yog ib tug txiv neej, muaj peev xwm thiab muaj meej mom loj xwb. Nws tsis swb rau txoj kev luag hais saib tsis taus nws lub meej mom.
Ces yog tej poj niam lam xav tias, nws siab tsis ncaj, nws taug kev plees ua kev phem kev qias nrog luag poj niam los hluas nkauj, ua nkauj ua nraug lawm.
Poj niam pheej muab los hais ua hnub ua hmo tias, nws muaj siab nrog luag lwm tus mus ua nkauj ua nraug laum.
Tsis muab kev hlub los hais txog, kev sib pab thiab sib hlub nyob hauv lub neej li. Nyob hauv tsev poj niam tau cais txaj chaw pw tsis vov pam ua ke.
Los tsis muaj kev sib hlub, hais tej los lus tsis qhuas thiab ua kev ntxim ntxub rau tus txiv neej. Mas thaum tus txiv neej muaj lub hnub nyug ze xtog li 50 xyoo rov saud lawm.
Mas nws yuav raug hom mob no:
Tus txiv neej lub zog txiv neej yuav ntaug zuj sus mus, zoo li nws tsis muaj zog ua txiv neej lawm. Ces nws yuav pib nrhiav tshauaj txiv neej tawv nruj, nws pob ntseg yuav to qhov zoo. Rau cov neeg tham tias, lawv paub tshuaj txiv neej tawv nruj.
Thaum ntawd ob tug, niam los laus, txiv los kuj laus tas lawm, luag hais tias laus cev los tsis laus siab. Ces ob leeg yuav pib nug tej kws tshuaj los nug cov neeg paub tshuaj tias:
Koj cov tshuaj muaj zog rau txiv neej no, yog yuav no ne, yuav kim li cas? Thiab Leej twg paub, kuv xav tau nws npaws xov tooj no, nws yuav nug mus thoob qab teb dhau qaum teb, rau neeg paub.
Vim los ntawm nkawd kev tsis ceev faj thiab tsis txawj hais lus, los tsis xawj coj lub neej sib hlub li thaum hluas tau sib hais los.
3. Nyob hauv qee tus txiv neej, mas nws muaj kev txaj muag, tsis zoo hais tawm rau leej twg hnov. Ces nws tu siab twj ywm, heev zuj zus tsis qab sib ua neej nyob ntxiv.
Nws kuj muaj kev txhawj xeeb tias, yus tsis ua txiv neej lawm. Ntshai poj niam ncaim kiag ntawm yus mus lawm, ces ntsib tsawg tus txiv neej, los ntshai poj niam yeej thov kom laug pab xyuas poj niam li lawm thiab.
Ces haj yam ua rau tus txiv neej ntawd, txoj sia luv dua tuaj, vim nws muaj kev tu siab loj. Thiab nws xav tej zaj yuam kev mus deb dhau lawm. Yog nws tsis muaj mob los nws tsis qab los noj mov.
Nws noj mov tsis tsheej pluas haus dej tsis cuag cua, ces nws yuav swb tus kab mob sab foob khaub thuas sai. Thiab nws tas kev cia siab rau kev ua neej lawm.
Ces nws xav txog kev txo txoj sia, kom tsis tau ua neej nyob ntxiv mus lawm xwb. Nws zaj xav muaj nyob hauv nws nruab siab mas nws tsis zoo hais qhia rau leej twg li
Tej tub ki los tsis muaj tus paub txog, phooj ywg los tsis paub li. Muaj tib tug thiaj paub xwb, tus ntawd, ces yog nws poj niam xwb, los poj niam tsis zoo qhia leej twg li thiab.
Nws kuj ntshais qhia, tsam nws ho qhia los luag tej txiv neej saib tsis taus nws. Cuag li nws twb yog poj nrauj los poj ntsuam tsis muaj txiv los lawm ntau xyoo.
Tsam luag ho thov yuav muab yus ua cuag list us tsis muaj txiv thiab. Yus tsis pub los niam cuag li yog lus hais tawm los li yus xav xav thab rau luag hnov, luag thiaj taij thiab thov ua.
Niam tsis zoos hais li cas li, vim yus kev sib hlub tsis txawj coj thiab tsis txawj hais, leej txiv thiaj txais tau tus mob zoo li ntawd lawm.
Tej neeg zoo li no, ces tej laus hais tias: Yus twb laus lawm yus mam ntse. ces yog ntse thaum yus laus lawd tsis zoo siv lawm.
Yus yuav khuv xim tas yus sim neej, yus mam rov tig saib yus lub neej. Yus twb tsis tau ua ib yam tseem ceej li, txoj kev uas Qaum Ntuj tso yus los ua neeg ib zaug kom tsim nyoog li yus tej txuj ci.
Tseem muaj qee lee, ua neeg tsab ntse, qhia tsis tau ib yam tseem ceeb rau tej tub ki coj los mus ua lawv lub neej.
Xav los mas ib tiam neeg, yus tsuas muaj kev tsim teeb meem rau laug tej thiab khav tias, yus ntse tshaj li lawm.
Mus txog saum ntuj mas yam uas yus tau coj mus ntawd, twb tsis tsim nuj dab tsi li. Yus tus txiaj nkawm los tseem ua tsis tau yus tus phooj ywg sib rau zoo thiab.
Yog rov los mus thawj thiab tau, mas ntshai, yus yuav sau ntawv tib si tseg nyob saum ntuj kom tas tso. Yus mam rov los thawj thiab dua rov ua zoo los pauj rau yus tus txij nkawm uas yus tsis tau ua zoo nws ntawd lauj!
Tab txawm txawj xav npaum twg, los yug tsuas yug los ua neeg ib zaug xwb. Lwm tiam ces kawg tshuav tus Ntsuj Plig ua lub neej nyob nrog Qaum ntuj xwb, yus ces tsuas muaj, qhov phem thiab qhov zoo txij li yus tau ua dhau los lawd xwb.
Tsis muaj yuav npau sua ib zaug tias, yus yuav rov los mus thawj thiab tso. Mam rov ua pauj rau ntuj Niam Ntuj txi tau qhuas yus li lawm os!
4.Txij nkawm kev sib hlub tseem tshuav ib qib lus hais tias: Yuav nco ntsoov tej lus uas thaum yus ua nkauj ua nraug, yus tau sib cog lus cia tias:
Kuv nyiam koj, mas kuv yuav hlub thiab mloog koj hais. kom wb lub neej sib hlub raws li tej lus wb tau hais tseg nram ntej nram ntxov ntawd los.
Yog ib yam tseem ceeb kawg nkaus thiab od! Nco ntsoov tias, tsam tej neej tsa, zoo li Niam Tais Yawm Txiv thiab cov dab laug, lawv tsis nyiam tus vauv.
Tsam vauv ho ua lub neej txom nyem, dua cov neej tsa. Ces vauv twb muaj kev tso siab lug tias: Vauv muaj ib lub zoo tswv yim thiab muaj zoo peev xwm, yus yuav tau kev mus qiv Niam Tais Yawm Txiv.
Los Dab Laug lawv nyiaj los mus chiv peev ua lag luam kom Vauv lub neej sawv siab sib xws, thiaj muaj kev sib pab mus rau yav tom ntej.
Los tej neej tsa Niam Tais Yawm Txiv thiab Dab laug lawv ua neeg qia dub tsis kam qiv nyiaj rau Vaus txais los mus chiv peev.
Ces Vauv muaj kev tus siab:
kev tu siab muaj ob peb yam tu siab tuaj ua kom Vauv lub neej sawv tsis taus!
a.Tu siab vim poj niam yoog raws li cov neej tsa, tsis pab hais kom lawv pab qiv los txais rau Vauv ua lag luam chiv peev kom Vauv lub neej sawv mus taus.
Ces cov neej ta cia li hais tias, peb tsis muaj lawm. Peb qiv los pab tsis tau, kom Vauv txhob tus siab. Tab sis cov lus no yog lus lam hais raws li lub siab tsis xav pab xwb.
b. Ces Vauv tu siab twj ywmj, ces vauv tsis hlub yus tus nkauj tus muam, Los los cia li tsis muaj kev tso siab thiab Vauv ua neeg vwm nrog kev tu siab.
Vauv mus xyaum ua neeg quav yeeb quav tshuaj, mus tsis xav mus khwv noj khwv haus. Cia li ua neeg loj leeb nyob tsis tsheej cuab yim.
Tso tej niam tub nyob ua ntsuag ciaj txom nyem tsis muaj noj muaj haus xws teb chaws. Yuav ua rau teb chaws ntxub yus tej nkauj muam nrog nws tej tub ki tias, lawv yog ib tsev niag hmoob tsis tsheej.
c. Yog Vauv muaj peev xwm, ces Vauv tso yus tus nkauj muam pov tseg. Vuav mus ua dua ib lub neej tshiab, tej zaum nws ho muaj hmoov.
Ces Vauv los Yawm Yij yuav los nrog yus sib twv, qee tsam yus ho tsis yeej Vauv. Ces ho tau poob tsim mus tias, vim yus ua neeg qia dub tsis hwm luag cov txom nyem.
Nyob hauv yus nrub siab, mas yus xav ntsoov tias niag pluag tas npaud, yeej yuav tsis muaj ib zaug uas nws yuav ua neeg nplua nuj raws tau yus qab li.
Thaum kawg yus ho tau txaj muag poob tsim mus los muaj od.
d. Muaj qee tus mas yus ua li ntawd rau luag. ces luag tu siab tuaj, luag tsis muaj tswv yim ntau. Ces luag cia li mus txo luag txoj sia, luag xav tias, yus hmoov yuav phem ua luaj. Yuav mus yuav tau tsev Hmoob neej tsa qia dub tas npaud!
Ces tuag mus kom lawv niag nkauj muam no tau raug kev txom nyem, ua ntsuag rau luag teb chaws ntsia vim tsev hmoob no ua neeg qia dub dhau lawm.
Ces naws cia li mus zawm rau, voj hmab voj hlua tuag. Los mus dhia zeb dhia tsua tuag mus los muaj. Mam tseg ncauj xaiv ncauj lus rau lwm tiam mam sib hais plaub nyob rau dab teb.
Hias txog tej plaub ntug no, tsuas yog muaj kev chim siab. Hais kom siab nqig xwb, yuav muaj tau thiab hais tau. Mas tsis muaj muaj neeg paub txog.
E, Zaj lus no kuv sau los rau peb sawv daws ua kev kawm paub xwb. tej zawm muaj li hais no. Los yog ua npau suav pom mas tseem yuav tseeb dua thiab. Txhob muab ntaus nqi mus rau leej twg!
Sawv daws lam kawm, kom yus ua neeg thoob tsib me ntsis tuaj. Yam yus tau ua tsi yog los kom xub paub thiab ho txawj ceev faj. Yog tsis tsim nyog ua los, ho txhob ua thiab tsam yus ho tau ua npau suav pom.
Ces yus ho ua neej nyob tsis kaj siab mog ib tsoom phooj ywg sawv daws.

Sacramento tim 21/5/2019.
Yaj Zoov Ntxheb Xib Hwb.

Nyob hauv kev xaiv txwj nkawm, maj 4 yam loj:
1.Mas yog txoj hmoo raug los, Yam no, mas ntiaj teb neeg tsis muaj tus paub txog.  Ua li Hmoob hais nkawd yeej nqa ntawv txij nkwm pem ntuj los sib sau ua txij nkawm nyob ntiaj teb no.
2.KEV XAIV NTAWM YUS TUS KHEEJ MUAJ 3 TXOJ KEV XAIV:
1. XAIV TUS NTSE.
Yog yus paub txoj kev xaiv zoo, mas yus xaiv tus ntse tshaj yus.  Thaum sib sau los ua txij nkawm lawd, Yus cia nws ua tus thawj, nyob hauv lub cuab lub yig.
Yus tso plhuav txua yam rau nws tswj kav, yus tsuas ua tus pab nws.  Kom txhua yam mus zoo raws li lub siab xav, ua yam twg los kom ua tau txhob tos leej twg.
Yus tsuas ua tus pab txhawb thiab nres.  kom sawv tsees mus tiav log.  Tsis muaj chaw daig khuam rau qhov twg xwb.
Ces yus tau ib lub neej zoo, nyob yam kaj sib lug, tsis muaj kev txob kev txhawj tias, tsam ua tsis tiav no. Ces yus lub neej yuav nyob kaj siab lug mus kav laus.
2. XAIV TUS RUAM.
Yog yus xaiv tus ruam dua yus, kuj yog ib txij kev zoo thiab.  Vim nws tswv yim tsawg dua yus lawm, yus ho txib tau nws tsis tawv ncauj.  Nws nyiam mloog lus, Yus txib ua tsawg yam los, nws tsi cav kom yeej.
Tsuav yog yus muab kev hlub kom txaus nws, nws txawj moog lus.   Nws tsis txawj xam khib, tsuav yog hlub raws lis kev sib txib sib hu, ces nws tuaj yeem tas nrho.
Nyob hauv thawj ob yam uas yog yus txawj xaiv tau  no, ua rau yus lub neej nyob kaj siab luag. muaj siab ua neeg nyob luag ntxhi, ua neej nyob xws teb xws chaw mus kav laus ntag.
3.YUS XAIV TSIS RAUG TXOJ KWV NTSHAW.
Yus xaiV los ntawm lub cev ntaj ntsug, uas muaj lub meej mom zoo nkauj zoo nraug los xwb. Ces yus yuav xaiv tau tsis paub tias nruam, los ntse li.
Xaiv tau cov nyob nruab nrab tsis ruam tsis ntse, tab tom xaiv tau.  Cov uas, luag hais tias:  Xaiv tau cov ua neeg thoj chim los thoj xeeb.
Nws twb ruam los cav tsab ua neeg ntse, hais lus tsis paub tias, lus muaj ko thiab lus tsis muaj ko, los yog dab tsi li.
Tsuav yog hais lus kom puv ncauj xwb, ces nws qhuas tias nws ntse tshaj sawv daws lawm. Tsis yuav thiab mloog leej twg hais li.
Hnov tsis tau leej twg piav zaj twg los nws lees paub tas nrho. Ho tso nws ua thawj los ua tsis tau, kom nws mloog los tsis txawj mloog li thiab.
Nws tsuas muaj cav kom yeej thiab ua neeg khav theeb tias, nws niam paub ub paub no thiab paub txhua yam.
Qhia los tsis mloog, txib los txis txawj, nws pheej nyiam ua tus piav rau luag yuav. Piav los tsi muaj qab muaj hau, piav tsis tshab qhia tsis tau.
Nws tsuas tsab kev zoo nkauj zoo nraug  muab nws ua kev cuab phiaj tos luag kev tham.  Saib luag puas seem rau nws sab.
Nws tsab ua neeg muaj tsim txiaj, muaj nuj nqes heev, tab sis tsis muaj txuj li.  Yam nws txawj ces yog hais lus rau cua tshuab mus, kom  nrov raug neeg tej pob ntseg.
Kom muaj neeg coob coob, tig los pom nws, nws kev zoo siab tsuas muaj nyob txij li ntawd xwb. Tus xaiv tau ib tug txij nkawm, zoo li hom hais no.  Mas nws ua lub neej nyob lwj sib tshaj lwm cov neeg.
Thaum los pem ntuj los, yus twb tsis nqa ntawv los ua Nkaj feb thiab ua nraug Fav, los hmoov phem los raws tau lawm ces yuav tau ua Nkauj Feb los ua nraug Fav mus li.
4.TSEEM TSHUA IB LO LUS.
Yog lo lus kawg, thaum muaj zoo li no lawd, yus yuav tau vam txog tsoom niam tsoom txiv los tsoom txheeb ze pab qhia tej hauv tshuaj cawm siav rau yus kho yus lub neej.
Saib yus puas muaj hmoo rov tau lub neej zoo ua mus:
a-Yog yus tau ib tub neeg zoo li hais no lawm, yuav tau ua lub siab ntev. Yuav tau tsab ntse thiab tsab ua ruam ua ke, qee tsam yuav tau hais lus ruam. Qee tsam ho yuav tau hais lus ntse thiab:
Yog dab tsi tiag!  Yam li:
Yuav tau mus kawm cov lus uas tej neeg mus plob hav zoov ua lus ruam ntawd, los hais:  Yus yuav tau ua neeg ruam, piav tes rau ib kuag!  
Yam uas yuav raug plaub ntug tsis xav pub raug rau nws, yog nws xav hnov tseeb. Mas yuav ua ruam piav tes, muab ib tug ntiv tes los pos qhov ncauj.
Hais lus ntxhi li tus neeg yuav tua nas los tua noog tias:   Ua twj ywm tsam nas noog hnov ces lawv ya tas lawm.  Tsam nws hnov meej lawm ces nws ho mus cuab kom muaj ntau tshaj tsis muaj tseeb.
b. Yog thaum nws ua hauj lwm, los ua tau ib yam zoo lawm.  Ho yuav hais lus ntse rau nws li nws yog ib tug neeg tsim txiaj,   Kom nws muaj siab thiab ntseeg tias, yus hlub thiab nws.
Ces nws nyob tus tsis ua neeg siab ywj fab ywj fwj, thiab xav tias:  Sawv daws, mas niam ntxub nws ib leeg nkaus xwb.  Ua dab tsi los tsis muaj neeg nyiam thiab ntseeg, los qhuas txog nws li.
Qhov ua no, yog txoj kev ua ib hauv tshuaj zoo, los pov hwm nws kom nyob tus, tsis muaj kev npau taws thiab hloov siab mus ua neeg dog dig.
Yuav txawj pov hwm nws thiab zam ntau yam rau nws, ces nws yuav tsis peem mus kom dhau txoj cai uas nyob tsis taus ua ke.  Kev tu siab, kev chim los kev npau taws, yuav tsawg zuj zus mus.
Yog tias, tus nrog nws nyob ua txij nkawm, tsis muaj kev pov hwm hom neeg zoo li hais no.  Ces txoj hmoov phem yuav raws tau sai,  Yus tsis muaj nqa ntawv phem ua txij nkawm phem ntuj los, los yus cia li tshaj rau teb chaws paub tias:
Tshai yog yus coj daim ntawv phem los ua neej los ua li cas li lauj.  Yus cia li muaj kev tu siab tsis paub hais lus zoo rau ib leeg mus dhau leeg.
Ces yog daim ntawv ua Nkauj Feb thiab ntawv ua Nraug Fav los raws cuag yus lawm. Tsis xav ua los yuav tau ua mus li od.
Thaum yus ho tau ua Nkauj Feb thiab Nraug Fav mus lawd, qee leej mas yuav muaj kev khuv xim. Vim yus ua neeg thoob tsib tsis txaus.  Tsis yog yus yeej muaj ntawv phem los ua neej, hos yog yus txhob txwm mus nrhiav daim ntawv phem los ua neej.
Tus neeg noj hnav tsis txhij tsis txhua, ces sib liam tias tim koj los tim kuv thiaj phem li no.  Yog tus tau noj txhij hnav txhua, ua neeg thoob tsib to nrog txaus.
Ces yog tim ob leeg txoj kev ruam es kham mus ua neeg ntse, ces thiaj ua tau Suav cwj ntas ob tog plam mus zoo li no ntag!
Lo lus kawg, kuv sau los kom muaj ib zaj lus hais, mus rau seem lus no, kom muaj chawm kawm paub rau cov poj niam los txiv neej ntshaw ua lub neej tshav ntuj nrig nyob mus kom kav laus.

Sa cramento tim 24/5/2019.
Yaj Zoov Ntxheb Xib Hwb.

Tswv Ntuj lub txiaj ntsim tuaj txog tsoom Hmoob nyob Los Tsaus teb: saum lub Roob Nyuj Qus, Kiukatiam, Xeev khuam thiab lub Nroog Luang Prabang.

Ib lub sij hawm  ntawd, Txiv Plig Soob Leej Ranqeur mus rau sab Xeev Khuam.   Hos Txiv Plig Nyiaj Pov Yve Bertrais, tuaj rau sab luang Prabang, nws mus rau saum lub zos toj siab Roob Nyuj Qus (Kiukatiam).

Tsis paub ob pab Hmoob nyob Npab Nas Pham Poom, xub txais kev ntseeg los yog pab nyob Rooj Nyuj Qus.   Xub txais kev ntseeg, txog Yes Xus lub Moo Zoo.

1/.Hais txog dab neeg nyob Npab Nas Pham Poom, yog ob kwv tij Hmoob Lis.  Uas yog Lis Xyooj Pov thiab Lis Nchaiv  Ntxawg, ob yim no xub ntseeg Ntuj?

Los yog Yaj Zam Nob  xub ntseeg Ntuj ua ntej?  
Muaj dab neeg hais tias:
Muaj ib hnub ces Lis Xyooj Pov muaj ib tug me nyuam mob, Ces nws poj niam mus hais rau Txiv Plig Soob Leej tias: nws tus me nyuam muaj mob lawm, yuav ua li cas rau?

Txiv Plig Soob leej tsis tau paub lus Hmoob zoo, Hmoob los tsis paub lus Los Tsuas zoo thiab. Txiv Plig hais raws li Tswv Ntuj kev hlub, nws hais tias:

Txhob txhawj, Huab Tais Ntuj yeej hlub.
Ntuj yuav pab kom zoo xwb.
Txawm yog muaj mob kho tsis tau los Ntuj yeej nyiam thiab hlub.
Ntuj yuav coj tus Ntsuj plig mus rau txoj kev zoo xwb txhob txhawj!

Neeg tsis sib to taub lus hais kom mus rau sab lus tso siab,  Txiv Plig Soob Leej hais tias:
Yog Yes Xus hlub hlub, Yes Xus yuav coj mus nrog Yes Xus nyob.

Ces Hmoob to taub yuam kev tias:
 Yes Xus yuav coj mus , ces yuav yog yuav tuag mus xwb lauj!
 Ces pab Hmoob txais kev ntseeg nyob Npab Nas Pham Poom lawv cia li thim  kev ntseeg Ntuj tas tib si lawm.

Lis Tub Yias ua Phub thene (député). Lis Nkaj Zeb Lis Txos,  lawv twb tau mus nrog Txiv Plig Soob Leej nyob kawm ntawv ib yam li Yaj Txoov Yeeb thiab Thoj Tshu Hwj lawv cov nyob rau  lub zos Roob Nyuj Qus.  Uas tau nrog Txiv Plig Ntiaj Pov nyob thiab tau kawm ntawv.

2/. Nyob rau lub zos Roob Nyuj Qus no, Txiv Plig Nyiaj Pov tau tuaj nrog Hmoob nyob tau 4 xyoo kiag mam li muaj Yaj Zam Nob ib yim los ntseeg txog Yes Xus lub Moo Zoo.

Thaum txiv Plig Nyiaj Pov tuaj txog  lub zos Roob Nyuj Qus, Txiv Plig cia li mus so nyob hauv Yaj Txawj Tswb tsev.   Nws nrog Yaj Txawj tswb thiab nws tus tub Yaj Zam Nob nyob, Zam Nob nyob zoo li yog phooj ywg sib raug zoo.

Muaj qee lub caij Txiv Plig tsis xis neej, Yaj Zam Nob kuj tau ua neeb saib Txiv Plig.  Muaj ib xyoo Yaj Zam Nob mob ua npaws, yog hom mob daj uas  mob rau ntawm nws lub tsib.
Yaj Zam Nob mob loj kawg, kev ciaj kev tuag sib npaug.  Txiv Plig mus nqa tshuaj tuaj kho nws. ib lub caij ntev loo. Yaj Zam Nob mam rov zoo los.
Yaj Zam Nob yog ib tug txiv neeb, nws ua neeg dav kawg.  Nws ua neeb kho tas nrho ib nqaj tog Hmoob  nyob toj siab. saum cov zos Hmoob, lub zos Roob Nyuj, pham xab Neeb, Pham qhaum thiab Pam  Las Las Mus.
Thaum Zam Nob zoo lawm, nws paub tseeb tias, kev ua neeb tsis yeej kev siv tshuaj.  Ces nws txiv siab txais kev ntseeg Ntuj.

‐Xyoo 1954 thawj pab neeg ntseeg
Pib Xyoo 1954, mas Zam Nob xav kawm kev ntseeg thiab xav kawm ntawv Hmoob.  

Txiv Plig thiaj xuas tes sau phau ntawv « A.E.T. »
­Lub 8 hli tim 15, yog lub hnub nyoog hawm Niam Mab Liab mus saum ntuj, Txiv Plig Nyiaj Pov ua lub cim ntxuav rau Yaj Zam Nob, Yaj  Txawj  Tswb,  Yaj  Yeeb  thiab Thoj Hwj.

Thaum Txiv plig yuav tshaj Ntuj lus rau Hmoob, Txiv Plig Nyiaj Pov mus nug Phas Nyas Tub Npis Lis Foom nyob Xeev Khuam nws paub lus Fab Kis tias:  Hmoob tus dab loj tshaj Hmoob hu nws lub npe ua li cas?

Tub Npis Lis Foom tau qhia Txiv Plig Nyiaj Pov tias, Hmoob hu ua Ntxwg Nyoog no. Txiv Plig tau Tub Npis Lis Foom lo lus ces Txiv Plig los hais rau Zam Nob thiab tsoom txwj laus neeg tias:
Kuv tuaj nrog nej nyob, mas yog kuv tuaj qhia Ntxwg Nyoog kev cai. Tas nrho pab txwj laus Hmoob muaj: Hmoob Yaj, Hmoob Thoj, Hmoob Xyooj thiab Hmoob Tsab, Hmoob Vwj.
Hmoob hais tias, Txiv Plig, Ntxwg nyoog yog tus dab loj.  Nws yog tus dab phem kawg laid!  Peb Hmoob mas peb ntshai Ntxwj Nyoog xwb, nws yog tus tso ntaub ploj ntawv tuag los rau Hmoob thiaj tau ploj tau tuag mus ua dab.
Ntxwj Nyoog, mas Hmoob tsis nyiam li lauj!  

Txiv Plig mam nug tias, tus dab zoo pab Hmoob no, Hmoob nej hu lia cas?

Cov laus neeg hais tias:
Tsis paub tus dab Zoo, Hmoob hais tias, yog Qaum  Ntuj yog tus zoo pab Hmoob no xwb.  Ces Txiv Plig thiaj tau muab tis npe hu ua Huab Tais Ntuj, kom Hmoob paub.  Vim Tej laus pes tsawg tiam los lawm, Hmoob Yeej ib txwm hu ua Qaum Ntuj siab zoo no xwb.
Txij ntawd los, Txiv plig Nyiaj Pov tau qhia rau nws cov Xib Hwb thiab cov neeg ntseeg.  Nyob Roob Nyuj Qus hu ua Huab Tais Ntuj li peb hais los txog niaj hnub no.

3/. Yog Leej Ntuj Plig tshoj kom Txiv Plig Nyiaj Pov, tsim ib cov ntawv.  Zoo hais lus lus Hmoob kom tau muab Hmoob tej txuj thiab Yes Xus lub Zoo Zoo sau ua lus Hmoob rau Hmoob nyeem thiab sau kom yog lus Hmoob.
Txiv Plig tau muab ntawv Fuaj Kuj los sau ua lus Hmoob los nws txis tus ntawv tsis meej. nws kuj paub cov Christians (Protestants), tsim ib co ntawv Hmoob los ntawm cov tsiaj ntawv Aas kiv los thiab.
Los zoo li tsis zoo siv li, Txiv Plig thiaj hais rau tus As Cas As (Pasteur) Mes lis Kas Berney nyob Xeev Kuam tias:
Peb sib koom kom tsim tau ib co ntawv, zoo sau Hmoob lus.  Kom sau tau Tswv Ntuj cov Ntawv Ntshiab, ua lus Hmoob, rau tsoom Hmoob tau nyeem kom lawv paub txog Tswv Ntuj.

Pasteur Berney no paub ib tug kws ntawv (Languistique), yog Dr. Smalley yog ib tug kws txawj tsim ntawv.   Nws thiaj pab Txiv Plig Nyiaj Pov nkawd tsim hom ntawv Hmoob Las Tees, Ntawv Hmoob Thoob Teb uas tsoom Hmoob siv niaj hnub no.
Thaum lawv tsim tau cov ntawv no lawd, ob pab neeg cov Hmoob coj Ka Tau Liv thiab cov Hmoob coj Chistian, Protestants, sib cog lus kom txhob hloov siv zoo li no mus li.

Tus zoo siab heev yog Txiv Plig Nyiaj Pov, Txiv Plig kom Zam Nob hais ob zaj kwv txhiaj thiab ob zaj dab neeg. Txiv plig luam tau ua ib phau me nyuam ntawv me me.

Txiv plig txawm xa ob phau mus rau sab Sayaboury, ob phau mus rau sab Luang Nam Tha. ob phau mus rau sab Xeev khuam.
Cov phau ntawv no, mus paug rau cov Xib Hwb Los Tsuas qhia ntawv cov pob ntseg thiab qhov muag.  Ces muaj ib txub plaub ntug sawv los loj kawg.  Tsis muaj neeg lees paub rau qhov zoo.  Txiv Plig yuav rau xa rov mus rau Fuaj Kuj teb, nws tu sia heev, nws thiaj li hais rau Zam Nob paub.
Nws yuav tau rov mus rau nws lub teb chaw, nws khuv leej Zam Nob heev.
Zam Nob tau hais ib lo lus li no:  "Lus yog kuv lus, hos ntawv yog koj ntawv."  

Zam Nob twb kawm ntawv Hmoob paub nyeem paub sau tib si lawm.
Txij hnub ntawd, los txog lub caij Zam Nob yuav ncaim ntawm lub ntiaj teb no mus.  Mas Zam Nob ua tus tsis txawj ntawv tsis paub nyeem ib los li lus nyob hauv ntawv li.

Lub moo plaub ntug no, ncha mus txog Phas Nyas Tub Ntxawg Lis Foom.  Nws mus kawm tau ua kws Txiav Txim Lij Choj txheej siab, tiav nyob Fuaj Kuj teb rov los.
Phas Nyas Tub Ntxawg Lis Foom lees tias yog nws lam sau los sim saib puas zoo siv xwb.  Vim Hmoob tsis paub ntawv, xav xa xov sib nug moo tsis tau. Tsis tau yog ib zaj tseeb. Ces lub plaub ntug no tuag mus lawm.

4/.Xyoo 1962 Txiv Plig Nyiaj Pov tau los nyob Vees Cas,Phas Nyas Tub Npis Lis Foom tau nce mus ua Huab Tais Los Tsuas ib tug tub tuav xam sab laj nrog Huab Tais (Conseillé du Roi).
Phas Nyas Tub Npis Lis Foom tuaj nyob Vees Cas, Txiv Plig Nyiaj pov thov kom Phas Nyas Tub Npis Lis Foom coj cov ntawv Hmoob  las tees no coj mus zwm nyob rau hauv  lub Kab Xua Mab Ham Thai (Ministère de l'Interieur) Los Tsuas kom Hmoob thiaj muaj cai siv cov Ntawv Hmoob las tees no nyob Los Tsuas teb. Lub caij nyoog ntawv Général Vaj Pov twb tau ua Nom tub rog loj saib pawg tub rog Phaj 2 nyob sab Xeev Khuam lawm.
Tseem Hwv Los Tsuas tau tso lus kheev, ces peb xub mus sau ntawv xov xwm sib fi txuj nyob hauv Tub Npis Lis Foom tsev, peb niaj hnub mus.

Txiv Plig Nyiaj Pov niaj hnub txhais ntawv Fab Kis hais txog Yes Xus lub Moo Zoo rau cov Xib Hwb kawm. Lawv yuav mus ua tub Tshaj Ntuj Lus nyob rau cov zo Hmoob.

5/. Nyob lub zos Roob Nyuj Qus, Zam Nob yog thawj yim neeg ntseeg Huab Tais Ntuj Yaj Tsuj Xyooj tsis tau faib cuab tawm vaj tse ces nws ntseeg nrog Yaj Zam Nob.
Thoj Tsav Ntxiaj yog yim 3 ntseeg, Yaj Nkias Keem, kuv toj laug, yog yim tim 3 xyoo 1952.  

Xyoo 1954 Txiv Plig tau coj kuv, Yaj Zoov Ntxheb, thiab kuv tus kwv hu ua Yaj Faiv Ntxhos mus kawm ntawv nyob rau lub nroog Pahsane.  Nyob ntu nruab nrab teb Vees Cas thiab Savanakhet. Paksane yog lub chaw kawm ntawv siab thiab muaj cov Xib hwb thiab cov tub ntawv nyob ntawm chaw.
Yog lub tsev kawm ntawv ua cov tub Los Tsuas kawm tas ces yuav muaj kawm txawv teb chaws. mus kawm ua Txiv Leej choj, los mus kawm kev ua kws kho mob los kawm kev ua nom ua tswv.

Mus rau Thaib teb, Fuaj Kuj, Mes Kuj, los kas Nas Das.
Xyoo 1957 Txiv Plig Nyiaj Pov hloov chaw mus nyob rau Sam Neua.  Nyov Sam Neua muaj cov teeb meem Hmoob Sawv Vaj, hais txog Huab Tais yuav nqes pem ntuj los.  Vim Hmoob toj siab hnov tej Nom Tswv co politiciens, hais txog tus Huab Tais Los Tsuas Tshiab yuav los (Huab Tais laus nyuam qhuav tuag ces yuav tsa tus Vaj Ntxwv Nplog  tshiab).  Hmoob ntaus nqe tias yog Huab Tais tshiab yuav nqes pem Ntuj los pab Hmoob. Ces Hmoob tos Hmoob tus  Huab Tais.
Thaum lawv hnov cov xov uas cov neeg ntseeg Ntuj tuaj hais txog tus Huab Tais  nyob pem Ntuj yuav nqes los las lawv ntseeg sai sai.
Txiv Plig Nyiaj Pov mus  tau peb hlis xwb twb muaj ntau yim Hmoob ntseeg Txog Yes Xus lub Moo Zoo. Puav leej yog cov thawj neeg xub ntseeg. cov tsis tau ntseeg los lawv puav leej ua phooj ywg nrog rau cov Txiv Plig zoo.

6/. Xyoo 1959. Txiv Plig Nyiaj Pov hloov mus rau Sam Neua lawm. Sab Luang Prabang mus rau Sayaboury, Louang Nam Tha yog cov Txi Leej Choj Italie tuaj saib.

Xyoo 1959 ntawd, Txiv Plig Vaj Pov lub npe Italia yog Yiji Sion thiab  Xib Hwb Thoj Xyooj mus saib lub zos Hmoob muaj lub npe hu ua zos  Na  vaas nyob rau Mab teb. ntawm xeev Luang Na Tha.
Lub teb chaws no tsoom Hmoob tseem kub siab lug tos Niam Txiv Vaj Hmoob yuav nqes pem Ntuj los tib yam. lawv twb tos tau ob peb xyoos lawm. Lawv tus Niam txiv tos, Huab Tais Hmoob ntawd tau tas sim neej mus lawm.
Los lawv lub siab tseem tsos mus li, muaj ib hnub tus thawj neeg hu ua Thoj Suav Lwm no, nws txawm  tshaj tias: Hnub no, yog hnub xiab 15.
Hais rau sawv daws, peb yuav tau caiv, Niam Txiv Vaj Hmoob yuav nqes los.  Hmoob sawv daws, tas zej zog caiv tsis tawm rooj mus ua qoob loo lawv nyob hauv tsev.
Tav su hnub qaij li peb teev Xib Hwb Thoj Xyooj thiab Txiv Plig vaj Pob yog neeg Italie, txawm mus txog lawv lub zos.  ncaj qha nug thiab mus so rau tus thawj neeg ntawd lub tsev.

Hmoob nug tias neb tuaj dab tsi ?  
Xib Hwb Xyooj teb tias, peb tuaj qhia kev cai tshiab,  lawv thiaj nug tias, Nej cov kev cai tshiab yog qhia txog dab tsi?
Nws teb tias, peb tuaj qhia Ntuj kev cai hais txog tus Huab Tias Ntuj nyob saum ntuj, Nws leej tub Yes Xus lwb yug los ua neeg tau ntau txhiab xyoo lawm.  Nws lub Moo Zoo nyuam qhuav tuaj txog Los Tsuas teb no tsis tau ntev.
Tej Mab Sua nyob tiaj nrag nram tej nroog luag paub tas lawm.  Tshuav peb tsoom Hmoob nyob toj siab tsis tau paub txog xwb.  Wb tuaj qhia nws cov kev ntseeg.
Ces nkawd nrog Hmoob tham tau peb hnub xwb, twb muaj 15 yim Hmoob npaj txais kev ntseeg muab npe rau kawd. Lawv cia li mus ua tsev rau nkawd nyob.
Txiv Plig Vaj Pov xa xov rov los txog rau lub Zos Roob Nyuj Qus tias:   Muaj neeg ntseeg Hmoob xav kawm ntawv heev, peb tsis muaj Xib Hwb paub qhia ob yam ua ke xws li yuav qhia ntawv thiab kev ntseeg ua ke.
7/.Txiv Plig Neej Vaj René Charrier nws cia li tuaj tos kuv, Yaj Zoov Ntxheb, nram lub tsev kawm txuj ua Leej Choj Pak Sane los mus ua Xib Hwb qhia Hmoob rau zos Npam Naj Xees, sab Luang Nam Tha Mab teb. Yog lu 7 hli 1959 kuv mus txog lawv lub zos. Mus txog los los nag thiab muaj av nkos nyam zaw xwb, vim cov Mab thiab Hmoob lawv muaj nyuj twm, npua thiab tshis coob. qhov twg los muaj av nkos vim cov tsiaj ntawd coob mus mus los los tuav qhov av ntau.
Kuv mus txog lawv twb yeej ua lub tsev kawm ntawv tiav tas lawm. Kaj ntug xwb ces cov Hmoob paub tias kuv tuaj txog lawm, ces lawv twb tuaj nyob puv tse tas.
Peb sib fim ib pliag ntawd xwb ces kuv cia li pib qhia ntawv rau cov Hmoob nyob lub zos Npam Naj Xees ntawd mus. Xyooj nrog kuv nyob peb lub hlis ces nws rov los rau sab Luang Prabang lawm.

Kuv ua ob txoj hauj lwm ua ke tau peb lub xyoo, tsoom Hmoob lawv mus rhawv dua ib lub zos tshiab nyob ze txoj kev tsheb uas muaj chaw ua teb thiab yuav ua liaj los muaj tib si.
Muaj ib tug dej ntws lis muaj tej che dej kuj muaj chaw tiaj zoo ua liaj, tej toj roob los muaj chaw zoo ua teb peg ua qoob lo zoo thiab.
Hmoob nyuam qhuav los rhawv lub zos ntawd tau ib xyoos xwb. ces lub teb chaws kub tuaj, muaj tsov rog los ntawm cov Noob Huab Tais sib txeeb ua tus Tswv kav teb chaws Los Tsuas.
Tsoom hmoob nyob thaj tsam ntawd thiaj li nyob tsis taus, lawv tsis nyiam tog los Tsuas Liab (communiste).  Yog tog txeeb teb chaws, ces tsoom hmoob lawv tau khiav ua neeg thoj nam tsiv mus sab Houei Say nyob ze Thaib sab qaum teb ntawd.
Kuv rov los tsev rau sab Luang Prabang, los txog lub teb chaws kuj kub tuaj, lub zos Roob Nyuj Hmoob nyob tsis taus lawm. Muaj tub rog Los Tsuas tuaj nyob puv Hmoob tej zej zog.
Tsoom kwv tij hmoob nyob Roob Nyuj Qus, lawv tau hloov chaw mus nyob rau sab Sayaboury.  Kuv los nrog Txiv Plig Nyiaj Povnyob Vees Cas yog xyoo 1962.

8/. Txiv Plig Nyiaj Pov khiav pem Sam neua los, tsis muaj chaw nyob.  Txiv Plig los tsa tau ib lub tsev qhia cov Tub Ntxhais hluas Hmoob xyaum ua ib pab tub ntxhais mus tshaj Ntuj Lus, rau cov zos Hmoob.
Tsoom Hmoob nyob toj siab lawv tej zej zog nyob ze rau tog Los Tsuas Liab ntxeev siab tuaj Nyab Laj Cob Tsib tog pab ntxeev teb chaws.
Ces txov Txiv Plig mus nyob tsis tau Hmoob tej zej zog lawm. Tsoom tub ntxhais Hmoob kawm tiav ua tub tshaj Ntuj Lus lawv tis npe hu ua Xib hwb rau cov mus qhia Ntuj Kev Cai.
Ces yog cov Xib Hwb ntawd mus tshaj Ntuj Lus thiab pab tsoom Hmoob xyuas lawv Hmoob tej kev mob nkeeg.  Kev cog qoob loo thiab kev qhia txuj rau Hmoob tej tub ki txhua yam.

Mas cov Xib hwb lawv thiaj yuav tau kawm txuj kom muaj peb hom txuj pab tau txhua fab xws li:
a.Lawv kawm ua ib tug Xib Hwb tshaj kev ntseeg Ntuj  nthuav Yes Xus lub Moo Zoo rau tsoom Hmoob nyob toj Siab kom Hmoob pau txog Tswv Ntuj.
b. Cov Xib Hwb lawv yuav kawm txoj kev kho mob nkeeg kom pab tau cov Hmoob, muaj sab foob khaub thuas, mob plab dias hau. Faib tshuaj rau cov zej zog Hmoob ib ncig ntawm nws nyob txhua lub zos.
c. Cov Xib Hwb lawv yuav tau kawm kev cog qoob loo,  kom pab tau cov laus ua qoob loo.  Yuav paub ntau yam noob qoog loo thiab paub tshuaj tua kab noj qoob, paub siv chiv rau qoob loo, kom qoob zoo.  Vim tias tsoom Hmoob tseem yog cov neeg ua qoob lo los yug ncauj yug los, yog feem ntau.
d. cov Xib Hwb yuav tau kawm txuj kom ua tau ib tug xib hwb qhia ntawv rau cov me nyuam Hmoob txheej qes nyob hauv lub zos lawv nyob.
Thaum cov me nyuam Hmoob loj hlob los lawv thiaj mus kawm tau txuj nrog tej neeg nyob rau cov nroog loj uas muaj zoo kws qhia txuj.

Xyoo 1962 Kuv tuaj nyob rau Vees cas, kuv qhia ntawv rau cov tub ntxhais uas tuaj kwm nyob hauv lub tsev kawm txuj qhia ua tub tshaj Ntuj Lus.
Yav sawv ntxo 8 teev tog 11 teev, kuv qhia pab tub.
2 teev mus txog 5 teev kuv mus qhia pab ntxhais.

Lub cai so ntawv kuv cov cov hluas peb mus tshaj kev ntseeg Ntuj nyob rau Roob Kub Twm thiab sab Phu Nyawj, muaj ntau lub zos hmoob.
Xa cov Xib Hwb mus tshaj Ntuj Lus thiab qhia ntawv los mus faib tshuaj kho mob nkeeg rau Hmoob, peb mus txais Hmoob tej tub tuaj kawm ntawv ua tub Tshaj Ntuj lus.
Cov Xib hwb lawv yog ib pab neeg coj zoo muaj kev sib tso siab.  Tus yau mloog tus hlob, cov Xib hwv yog ib pab neeg nto moo zoog muaj koob meej kawg.
Cov Xib Hwb thiab tsoom niam zej txiv zos kuj sib raug zoo li yog ib pab kwv tij.  Noj sib hlub haus sib ce nyob tsis muaj xaiv muaj lus.

9/. Xyoo 1966 Txiv Plig Tshaj Sawm tuaj thov Txiv Plig Nyiaj Pov thiab coj kuv tshaj Ntuj lus rau Thaib teb. Txiv Plig Tshaj Sawm nyob rau lub nroog  Oudonthani.  Nws tau coj kuv mus ncig lub Roob Hooj Kav, muaj muaj 4 lub zos Hmoob loj nyob:  Peb mus rau lub zos Thab Npawj, zos Paj Nyab, zos Khij Thaub, zos Roob Nploj thiab Khej Me.

Kuv  tau mus nyob li peb lub hlis, kuv rov los rau Vee Cas. Nws rov tuaj tos kuv mus zaum ob dua thiab. Nws mas xaiv lub zos Khej Me ces nws mus tsa tsev nyob rau ntawd.
Thawj tus me nyuam Hmoob uas kuv mus tos tuaj kawm ua tub tshaj Ntuj Lus yog Lis Nom Npis nws tuaj nyob rau Mes Kuj teb lawm.
Vaj Kuam uas raug tub Sab tua lawd, nws kawm tau ua tub tshaj Ntuj Lus zoo kawg. Hmoob txuj ci kev pab zej zog txhua yam li tau piav los lawv nws tau kawm tiav tas.
Nws muaj ib lub suab hais tau Zaj Tshoob txiv xaiv foom kom hu nkauj zoo kawg.
Pab kawg uas kuv tau rov mus tos tuaj yog Yaj Toog, Lis Tsheej, Yaj Rwg.  Yog pab kawg nkaus qab no pab no lawv kawm txog qhov kawg uas lub teb chaws los tsuas muaj kev kub ntxhov yuav poob mus ua koom tshas.  Lawv mam rov los rau Thaib teb Ces cov Xib Hwb tau khiav ua neeg thoj nam rau Thaib teb tas.

10/. Kuv yog Txiv Plig Nyiaj Pov tus Xib Hwb uas ua hauj lwm ntau rau tsoom Hmoob nyob Los Tsuas teb, Thaib teb  Fab Kis teb teb, Nkws Yas thiab Mes Kuj teb.
Xyoo 1975 kuv ua neeg thoj Nam nyob hauv cov yeej tawg rog, kuv tshaj Ntuj Lus nyob hauv lub yeej ib yam  li Yes Xus cov Thwj Tim nyob hauv tej tsev loj faj.

xyoo 1977 Kuv tau tsiv mus nyob Nkws Yas teb tau 28 xyoo txog xyoo 2004 kuv tsiv los nyob rau Mes Kuj teb ntawm lub nroog Sacramento.
Lub Koom Txoos Kav Tos Liv nyob Sacramento txais kuv ua Xib Hwb.
hnub kuv sau zaj lus no kuv lub hnub nyug muaj 79 xyoos thiab 5 lub hli lawm.
   
Sau nyob Sacramento
Tim22/7/2019.  
Yaj Zoov Ntxheb.

Thaum muaj ib tug neeg, muaj mob los raug rau neeg lub cev, tsheej ua tus mob nkaeeg lawm. Hmoob muaj ob paub lo lus hais li no:
1.Yam uas ua rau neeg lam qaug zog, tau ceeb los tau ntshai. Hmoob hais tias, yog poob plig lawm…
2.Yam mob sib hnub puav, mas Hmoob hais tias, raug sab foob khaub thuas!
3. Yam uas raug mob loj, uas tau qaug txaj lawd, Hmoob hais tias, yog raug dab lawm, thiaj muaj mob.
4. Tseem muaj qee yam uas Hmoob hais tias, vim ntsuj plig tsiv tsawv lawm!
Nyob hauv plaub yam no, yuav tau saib kom yog lo lus tseeb tiag! Yog yam loj tshaj uas, nws nyob ze lo lus Hmoob hais tias yog raug dab no!
Yog yuav hais los kom haum li lo lus tseeb, mas yuav haIs tias raug Neej mob. Mas yog lo lus tseeb
NQE 1. Hais los tas nrho, saum txhua tus neeg muaj mob. Mas tsis yog raug dab mob li, nws yog raug neej mob ntau xwb, yam li:
Yog raug neej ua ntej, thiaj mam raug muaj mob los, Muab piv li ob tug neeg! Tus loj muaj zog thiab muaj peev xwm, nws xub muab tus me tsi muaj zog, cem los ntaus thiab thuam ua ntej lawm.
Nws mam raug kev tu siab chim siab, los ntawm tus loj muaj zog thiab muaj peev xwm tau cem nws los lawm. Nws muaj kev tu siab ntau yam, nws lub siab tsis kaj, noj mov, tsis poob plab.
Nws mam swb tus sab foob khaub thuas, los ntawm cov cua kub thiab cua txias los. Ces nws mam ua mob los raug rau nws lub cev, los tej roj ntsha thiab tej leeg.
Ces nws mam muaj mob tuaj, yog hais raws li kev ncaj thiab tseeb tiag. Mas yeej yog raug neej mob, tsis yog raug dab ua rau neeg mob.
NQE 2. Kev raug neej mas txoj kev tuag, los nyob ze txoj xub ke ntawm kev tuag dua. kev raug dab mob, yog nws xub raug neeg hem ua ntej lawm. Txhob xav tias tsis loj no. Raug Neeg hem, mas nws kiav mus dawm pob ntoos, los cia li tuag mus lawm los muaj!
Raug neeg hem khiav mus poob zeb, poob tsua tuag los muaj! nws ntshai nws khiav mus poob qhov ntuj tuag lawm los kuj yog. Tej no mas piav tsis paub tas li…
NQE 3. Hais txog cov poj niam xeeb tub nyob nruab cev, Mus hla tsis tau toj pob. Los hla tej hauv dej thiab tej pas iav pas dej, uas tej laus hais tias, ntxim li yuav muaj Zaj nyob ntawd.
mus tsis tau tsam tau ua tub qaug rau dab zaj, ces nchuav me nyuam mus. Tej hais no, kuj yog tawm ntawm neeg tej ncauj loj nplaig nkhaus lam hais tawm los. Ces mam ua rau cov poj niam xeeb tub, poob siab tau ntshai.
lawv cia li muaj kev ntshai nrog kev ceeb, mus ti nkaus rau lawv lub hlwb tej hlab ntsha nrog tej leeg. Ces ua kom cov poj niam no txhua yam hauv nrog cev khiav tsis zoo.
Ces mam muaj teeb meem txog nws kev mob kev nkeeg tuaj. Ces cia li hais tias raug dab zaj lawm no xwb, qhov tseeb tiag, yog nws ntshai nws ces nws cia li ceeb nws tus kheej xwb, tsis muaj teeb.
NQE 4. Kev raug dab poj ntxoog los hem. Tus dab poj ntxoog no, yog tus dab nyob ze neeg lub tswv yim ntawm txhua tus neeg tshaj. Nws nyob nrog neeg tus nplaig thiab neeg lub tswv yim ntau heev!
Neeg feem coob lawv tsis zeem thiab saib kom meej pem zoo. Nws ntsib cov neeg poob zoo los neeg nyob tsis muaj chaw. los thov kev pab ntawm lawv.
Ces lawv muaj kev ceeb ntshai, nrog tej laus tej qub ncauj qub lus hem los ntawm kev tsis muaj tseeb. Ua teeb meem yam tsis tseeb. Ces nws cia zeem tias, yog poj ntxoog tau ua rau nws ceeb ntshai los. Ces cia peem tsheej ua poj ntxoog los lawm xwb.
Yam tseeb tsis yog poj ntxoog hem, yog neeg los lus rov hem neeg. Ces ua rau qhov muag fam mus pom. Mas neeg cia li ceeb loj ntshaj li yog dab hem.
NQE 5. Hais txog txoj kev khaum, nws kuj yog tuaj ntawm leej tib neeg, tej ncauj lus uas neeg tus nplaig nkhaus thiab ncauj loj tuaj ntau xwb.
Zoo li, nws raug rau tus neeg muaj zog, los muaj peev xwm loj, hais lus tsis zoo saib tsis taus thiab cem nws. Los foom lus phem rau nws ua ntej lawm.
Ces nws muaj kev tu siab tsis xav khwv los ua noj ua haus. zoo li, nws lub tswv yim ruam mus los qeeb lawm. Ces nws cia li hloov nws tus kheej mus, xws li tus neeg raug khaum mus lawm!
Ntawm kev khaum no, txhob xav tias yus foom nws ces nws yuav xub raug khaum mus! Tus foom rau luag, mas nws xub raug khaum ua ntej!
Zooj koj foom rau tej Tub Ki, ces luag tu siab los luag chim siab mus lawm. Ces ua rau luag lub siab mam tsis dav tuaj. Nws npau taws ces nws tsis ncov qab txog koj tus laus.
Nws ua txaus nws noj lawm xwb, nws tsis muaj seem pub rau koj noj, nws tsis nco tias, muaj koj li lawm. Ces koj yog tus laus xub raug khaum ua ntej.
Tus yus tau foom ntawd, mas lawv yuav laus npaum li koj, ces lawv mam li raug khaum mus, vim lawv raug koj cem muaj kev tu siab, ces lawv ua neeg ruam mus lawm!
NQE 6. Kev raug Neej, mas tawm muaj los nyob hauv cov txij nkawm ntau heev: Ob tug nyob ua txij nkawm no, lub siab loj tsis txaus. Nkawd tsis muaj kev sib hlub thiab sib hwm tsis tsis txaus.
Nkawd tsis muaj kev sib ntseeg, kev sib tso siab. Tsis muaj kev sib zam kom muaj kev sib raug zoo. Ib tug pheej ua xyem xyav txog tug tais:
Ntshai tseem muaj siab rau tej qub Nkauj qub Nraug, nws tseem nco ntsoov nyob rau nws nruab siab. Nthai nws tos ntsoov thiab nco nraim txog.
Muaj zoo caij zoo nyoog, nws yuav tos ntshis kev sib teem caij teem nyoog mus sib ntsib. Ua kev nkauj kev nraug kom zoo siab, ces nkawd ob lub siab pib sib ncaim mus deb zuj zus lawm.
Tej no yog kev raug neej li hais ntag, kev raug neej, mob loj tshaj kev raug dab mus lawm ntau npaug. Kev raug neej nyob ze txoj kev tuag dua li kev raug dab!
Kev raug neej tsis paub lub caij twg yuav tuag mus li! Ib sij huam xwb twb sib tua tuag kiag lawm. los tsis nco qab li twb mus dai voj hmab voj hlua tuag kiag mus.
Los mus noj yeeb noj tshuaj tuag mus, ua neej nyob nrog kev tu siab mus li tsis txawj ploj. Yog tsis paub muab qhia rau tej niam tej txiv, los cov neeg paub tab. Pab yus. mas cheem tsis tau kom rov muaj txoj sia nyob ua neej ntxiv txuas mus!
NQE 7. Hmoob thiaj muaj tej lus hais tias: Neej dab nyob ua ke, dab neeg nyob sis nce. Neej dab nyob ua pawg, dab neeg nyob sis xyaws.
Cov nyob ua txij nkawm no, raug neej raug dab sib npaug zos! Cov txiv neej, ib hnub lawv raug tsov tom peb zaug los tseem tsis tau tsau ntuj! Hos cov poj niam, ib hnub raug dab hem peb zaug los hnub tsis tau poob li thiab!
Hmo ntuj pw kuj vov pam ua ke, Tas nrho txhua yam uas Hmoob hais tias, raug neej thiab raug dab no.
Puav leej yog cov dab uas Leej Tib Neeg yug nyob rau hauv Neeg tej nruab siab nruab plawv los xwb.
NQE 8. Txoj kev raug dab yeej muaj tiag! Tab sis kev raug dab, nws nyob tob dua li kev rau Neej! Kev rau dab muaj caij nyoog mus nrhiav neeb nrhiav tshuaj los kho! Hos kev raug Neej mas tsis ceev faj tiag, mas tsis muaj caij kho tau kom zoo rov los!
Kev kho cov neeg raug dab, mas tsis yooj yim kho. Tej txiv neeb txiv yaig thiab tej Saub los tej niam tej txi lawv tsuas kho tau kom zoo yog feem tsawg xwb!
Tus yuav kho tau kom zoo hlo, mas yog nws tus kheej rov kho nws thiab Vam Txog Tswv Ntuj thiab Leej Tswv Yim Ntshiab tuaj pab kho, mas thiaj li yuav kho tau kom zoo!
Cov Dab no, lawv loj thiab muaj peev xwm dua neeg thiab muaj zog dua Leej Tib Neeg lawm ntau npaug! Thiab Dab muaj hwj huam loj dua neeg ntiaj teb no!
Dab tsom tau Neeg nruab tswv Yim thiab neeg tej nruab siab tas nrho. Dab paub tias, tus neeg no thiab tus neeg tod nyiam coj lis cas! Dab qhia thiab coj nws ua raws nraim li nws nyiam.
Dab rau siab txhawb cov neeg phem lub zog thiab pub tswv yim rau lawv, kom nws haj yam txawj thiab paub ua kom loj thiab tob dua ntxiv!
NQE 9. Cov neeg hom raug dab ntau tshaj, mas yog cov neeg txawj ua siab phem tshaj plaws rau luag lwm tus neeg!
Cov raug dab zoo li hais no, muaj ntau heev, yog cov neeg ua Nom thiab cov ua thawj neeg muaj peev xwm tsim txom neeg, muaj coob leej ntau tus neeg nyob ntiaj teb no:
Yog cov neeg ntshaw luag cuab tam thiab ua tub sab, lawv yog cov neeg raug dab loj lawm. Lawv tsis ntshai Ntuj los tsis ntshai neeg, lawv tua tau neeg pov tseg los tua neeg npog nroj ntsuab tau!
Cov ua kev phem kev qias yuam luag tub luag ntxhais thiab yuam luag poj luag sev ua Nkauj ua Nraug. kuj yog cov neeg raug dab ntag! Cov uas Hmoob hais tias lawv ncauj loj nplaig nkhaus nyiam hais lus xaiv thiab sib cav sib ceg, tsawm taus ntawd, thiab cov tsis hwm leej twg li ua kom nws yeej tas nrhos mus.
Cov ntawd kuj yog cov neeg raug dab tib si, lawv thiaj nyiam coj tej tus yam ntxwv txawv. Ua kom neeg swb nws mus, Saib tsis taus Ntuj los saib tsis taus neeg. Kev raug dab mas txawv mus deb ntawm kev raug Neej.
Cov neeg raug dab no, mas lawv txoj sia nyob ntev. Thiab lawv tsis vam txog neeb txiv yaig thiab txiv tshuaj los kho lawv lub cev thiab kho Ntuj Plig.
Lawv muaj dab hwj huam txaus txaus nyob rau lawv nruab siab lawm. Nyob rau lawv nruav siab lawv tseem qhuas tias lawv tau ua zoo tshaj los pub rau Tswv Ntuj lawm thiab!
Lawv tseem ntshaw tej lub hwj chim loj kom tau nce los nyob rau Tswv Ntuj chaw. Kom lawv hais ib los lus rau leej twg, muaj neeg tuag kiag mus, nyob ntawm lawv xub ntiag. Rau neeg saib los rau neeg qhuas tias lawv muaj peev xwm loj tshaj Tswv Ntuj thiab tshaj cov dab nyob ntiaj teb no lawm tib si!
Kwv tij zaj no yog, qhia nej tias, kev raug neej thiab kev raug dab, ob yam no taug tib txoj lw, mus sib law sib liag ua ke ntag!
Lo lus hais tias raug Neej, mas txoj kev tuag nyob ze dua. Kev raug dab, txoj sia nyob kav ntev dua. Vim kev raug dab, mas muaj kev zoo siab loj. Hos kev raug Neej, mas tsuas muaj kev tu siab mus li xwb.
Ob txoj kev no, yog zoo li, ib txoj kev ntxhaib. Mus sib law sib liag ua ke. Yog hais los, mas yog kev raug dab pib los, mam xeeb muaj kev raug Neej raws neeg qab.

Sacramento tim 24/6/2019.
Yaj Zoov Ntxhev Xib Hwb.

Yuav ua li cas thiaj nrhiav tau Hmoob tus yeeb ncuab! Zaj lus no, yog ib zaj lus, kawm kom paub txog Hmoob tus yeeb ncuab!
Tsis yog Hmoob xwb thiaj muaj tus yeeb ncuab li hais no. Tas txhua Haiv neeg, puav leej muaj tib hom yeeb ncuab. Tab sis nyog Hmoob yog cov muaj yeeb ncuab ntau dua lwm Haib neeg:
1.Hmoob cov yeeb ncuab, nws nyob txawm rau hauv peb nruab siab thiab peb lub tswv yim. Nrog rau peb tej lo lus hais tawm ntawm peb lub ncauj los!
Zoo nkaus li peb lo hniav ntag, vim li cas yus thiaj rov tom raug yus di ncauj, los tom raug yus tus nplaig. Sab saud nws ncaj, sab hauv qab tsis ncaj pes tsawg, thaum peb noj mov.
Nws thiaj txhais lo, los tom raug di ncauj, los tom raug peb tus nplaig.
2. Peb Hmoob tus yeeb ncuab kuj piv tau, xws nkaus li ob tug txij nkawm nyob ua ke. Nkawd yeej muaj kev sib hlub loj, qee tsam ib xav tso dag rau ib tug.
Yus tsis txawj xaiv lus los hais, yus hais tau tej lus tsis sib hwm. Hais tau tej los lus tsis ncaj txoj kev yuav hais kom haum siab. ua rau tus mloog to taub tsis ncaj txoj kev nws hais, ces nws npau taws thiab teb tsis ncaj li kev nug hais tuaj.
Ces nkawd ob leeg sib npau taws, ces cia li yog pib kev sib ceg tuaj lawm. Kuj ua tau kom muaj lus sib ceg loj thiab muaj kev tu siab nyob hauv nkawd kev sib hlub.
3. Peb Hmoob tus yeeb ncuab, yog yus pab kwv tij, Nkauj Muam Nraug Nus. Yug los koom ib la, noj ib tsus,Los tej Niam tej Txi.
Muaj qee zaus yus yws taus ntau dhau lawm, los hais tau tej lo lus tsis sib haum. Hais tau tej lo lus rhiab pob ntseg los txaj qhov muag ces muaj kev tu siab thiaj muaj kev sib ncaim mus.
Ib tug thiaj mus nyob rau ib sab ntuj, thiaj tsis sib nug moo. Nyias nyob nyias, cuag li lawv tsis yog kwv tij. Sib txheeb nyob ua ke los.
4. Peb Hmoob tus yeeb ncuab yog yus pab neej tsa, sib hlub dhau qhov sib lub lawm. Muaj qee tsam yus hlub lawv tsis sib luag, ces muaj ib tug tus siab tuaj.
Nws tau seev rau lwm cov hnov, lawv kuj cia li khaws tu siab tias tsis hlub tus ntawd. Ntshais yus los yuav tsis hlub ib yam thiab, cia li khaws lwm tus kev tu siab los ris nrog yus mus lawm thiab.
Ces sawv daws cia li muaj kev tu siab ua tas phab tas pheev tuaj, mus sib tshuam tas nrho. Yam tsis paub paus los paub ntsis xyov yog hlav twg tuaj!
Ces sawv daws cia li muaj lus xaiv lus ncua, ua kom lawv tsis sib raug zoo thiab sib ncaim mus yam tsis muaj qab hau. Ces khaws kev cib nyeej tseg ua pob khawv chim cia.
5. Hmoob tus yeeb ncuab yog Hmoob lub xeem, cov paub tab los muaj, cov tsis paub tab los coob. yus tsis paub qhov tseeb.
Hnov luag muaj nqaij noj xwb, tsis paub tias, puas yog tua ntxhuav los tu ntxhw noj. Cia li khaws tu siab tias, yog yus neej yus tsav lawm. ua cas yuav noj tsis sib hlub, haus tsis sib cev li, ces khaws kev tu siab los coj.
Tos txog hub plaj tshoob ntsis kos hlav los sib cob, mam muab los hais. Kom tau npluaj nyiaj los yuav thiab kom zoo nws lub siab.
Los ua li tej laus hais ntov ntoo tsis saib ceg qhuav. los cia li khaws ceg ntoo qhuav los tsoo luag taub hau rau luag paub tib si, mas thiaj zoo siab!
6. Peb Hmoob tus yeeb ncuab kuj yog, Hmoob cov dab qhuas. Los ntawm kev qia dub los, ntshai tsam tsis txaus noj. Ces nyias thiaj ua kom txhua nyias cov tub, txawm yog ib lub lub xeem thiab ib tse neeg.
Los dab qhuas thiaj sib txawv lawm, muaj kev txom nyem muaj ib siab ob qig los. Los pab tsis tau txhob tu siab, tsam txhaum dab qhuas no.
Txawm yog kwv tij los yuav tau sib ncaim mus, nyias muaj nyias dab qhuas tsis sib thooj lawm. Cov peb taig los dab qhuas kuj txawv, los ntawm cov dab siab nqaim los. Tej txiv hlob txiv ntawm, lub siab tsis nthuav ntxeev.
Hlub tsis tau tej tub ntsoj tub ntsuag, noj cais npho, tsis tsob zeem txog tias, yog yus kwv yus tij li. Cov dab tu siab thiaj qhia kom nws ncaim nws mus ua peb taig, kom dab qhuas sib txawv tau li ntawd.
7. Hmoob tus yeeb ncuab kuj yog lub xeem Hmoob, cov laus lawv tsuas hlub lawv lub xeem ntau xwb. Lub Xeem Hmoob muab hais los tias, yog cov hluas tsis muaj cuab yim lub xeem.
Lawv thiaj hwm, zoo li ib tug tub los ib tug ntxhais hlob tiav nkauj los tiav nrau lawm. Mas lawv thiaj zeem txog hlub lub xeem Hmoob. Kom muaj kev ua nkauj ua nraug thiab tau muaj tshoob muaj kos ua.
Li Hmoob hais kam los tias: Koj qaib pw kuv cooj, hos kuv os pw koj nkuaj. Kom plaj tshoob ntsis kos hlav rov los sib cuag dua mus rau yav tom ntej!
Tej hluas mus ua neej, tsis xyom hauj xyom seem. Muaj xaiv muaj lus tuaj, los khaws kev cib nyeej tseg. Tos txog lub caij tshoob kos thiab kev ploj tuag raws tau, mam rov muab hais los nplua nyiaj yuav.
8. Hmoob tus yeeb ncuaj kuj yog cov thawj neeg, uas zej zog tsa tau los saib lub zej zog. Nws tsav hwj chim, tsab ua tus loj cuag li yob tus Huab Tais kev ib ntsug teb.
Pab tus nws nyiam thiab saib tsis taus luag poj luag sev, los luag tub luag ntxhais. Nws xav yuam leej twg los kom cia li mloog nws hais, muaj pub rau nws cuag li nws muab yus los ua ib tug tsiaj tua txi rau dab, los tua txi rau ntuj.
Kom zoo nws siab tsis txawj tas, tsis paub tias luag muaj kev tu siab loj, los yau li. Tsuav yog nws tau siv yus lub cev los txi rau nws xwb, tsis muaj kev hlub thiab txuag luag tias, yog Qaum Ntuj ib tug me nyuam li.
Tsis zeem tias, yog me tub me nyuam txheeb ze yus, ces yuav pov hwm lawv nyob ua kwv ua tij sib txheeb ze li.
9. Hmoob tus yeeb ncuab, kuj yog tas txhua tus neeg tsis hwm tus hlob ua thawj neeg tseem ceeb. Yus ntshaw ib lub hwj chim khav theeb nyiam ua luag tus thawj neeg.
Yus twb ruam kawg los tseem tsab ua neeg ntse mus sawv tom hauv ntej rau luag hwm los pe yus loj li yog ib tug nom loj heev.
Leej twg ua thawj neeg lawm, yus nrhiav lus rau thiab mus taug xaiv qhia Mab Sua tias, nws siab tsis ncaj. Nws tsis nyiam Mab Sua, nws xav ntxeev siab ua rau Mas Sua nws xav ua tus thawj kav Mab Sua.
Ces Mab Sua nrhiav kev muab nws txo nom, los muab nws tua kom tsis muaj txoj yawg ua neej nyob. Thaum tus thawj neeg tau poob tsam mus lawm, cov tim xyoob no kuj raug Mab Sua txo mus tas txhua tus.
Tsawg tiam los thiaj tsis muaj ib tug Nom Hmoob nyob ua nom kom mus kav laus li.
Hmoob cov yeeb ncuab, puav leej tawm ntawm Hmoob txoj kev khib los. Ntshai tsam luag ho loj tuaj lawm ces nce mus txog theem ua Huab Tais kav Hmoob.
Hmoob cov yeeb ncuab tawm hauv Hmoob kev khib thiab kev cib nyeej no loj tas nrho. Los nyob hauv Hmoob lub tswv yim kom txhawb tsis tau ib tug Hmoob sawv ua nom los ua Huab Tais loj li tej Mab Sua mus!
10. Hmoob tus yeeb ncuab yog ntshai tsam luag muaj txuj cia siab dua yus thiab muaj nyiaj txiag ntau tshaj yus lawm.
Luag muaj noj muaj haus, tshaj yus ces yus, ces cia li lam khib thiab saib tsis taus. Los tsis hwm nws mus ntxiv lawm. Nrhiav kev nrhiav lus cob qhia luag cov tsis paub tab kom luag nrog yus ua ib nqag,
Kom tsis muaj leej twg mem tau tias, yus yog ntxub nws lawm no. Yus cia li ntshaw. Nws teej nws tug, xav huab kom tau tas nrho. Los ua yus tug, nrog yus lub meej mom khav theeb tsab ua tus loj.
11. Hmoob tus yeeb ncuab tsis yog Mab Sua tsis nyiam Hmoob, Yeej yog Hmoob rov tsis nyiam los tsis kam hwm Hmoob tus nom ua ntej.
Hmoob tsis muaj kev taug lawm, Hmoob lam liam tias: Mab Sua tsis nyiam Hmoob no. Qhov tseeb yog Hmoob tsis nyiam Hmoob nkaus xwb.
Txij thaum Hmoob ua rog, swb rau Suav los lawd, Cov Nom Hmoob tseem ceeb tsis yog Hmoob tsa los ua nom. Puav leej yog Mab Sua pom zoo tsa los ua nom tas nrho txhua tus.
12. Hmoob cov nom thiab Hmoob cov Huab Tais, Txij thaum muaj keeb kwm hais txog Txiv Yawg thiab Vwj Paj Yig los txog Yawg Hlob Vaj Pov no. Los lus hais tias Mab Sua tsis nyiam Hmoob, Mas Sua muab Hmoob txov kom Hmoob raug kev txom nyem loj.
Chiv lub hauv paus los tsis yog Mab Sua ua Hmoob tus Yeeb ncuab. Yog peb Hmoob sawv daws ua yeeb ncuab rau Hmoob lub Keeb Cag chiv kom tau puas tsuaj mus.
Koj ua ib tug, kuv ua ib tug, lawv ua ib pab, ces paug Mab Sua pob ntseg puv nkaus lawm. Mab Sua tsis muaj peev xwm ua. Mab Sua tsa Hmoob ua tus thawj kom Hmoob rov mus rhuav Hmoob.
Koj rhuav ib zaug kuv rhuav ib zaug, lawv ho rhuav ib zaug thiab. Peb cov lus tsis zoo, uas kuv rhuav los koj qhia, koj rhuav los lawv qhia. Ces thiaj mus xaus rau Mab Suav lub pob ntseg.
Ces sawv daws rov muab liam rau Mab Sua tas tib si, Peb Hmoob yeej muaj lub lub txim ntawd lawm. Ces yog li Hmoob cov lus haistias, yus lub txim nphau los tsuam yuslawm ntag.
Ces yus tsis txom nyem los raug rau yus txheeb yus ze thiab yus neej yus tsav tau txom nyem mus.
Peb yuav lees txim peb yuav thov kom cov Hmoob tau txais kev txom nyem no, lawv cov ntsuj Plig zam kev ua txhaum rau peb.
Peb thiaj yuav cais tau peb cov yeeb ncuab nyob hauv peb lub plab lub plawv tawm mus. Kom peb Hmoob rov txawj sib hlub li peb yog ib tse neeg ua yeej ib txwm yog Qaum Ntuj me nyuam los puag thaum Ntuj tsim teb raug los lawd.

Sacramento, USA.
Tim 10/6/2019.
Yaj Zoov Ntxheb X.H.

Lub xyoo 2020 no mas yog xyoo uas lub ntiaj teb ua zog koog, deeg daws,  loj tas nrho.   Loj tshaj plaws li yam tsis tau muaj dua hauv lub ntiaj teb no, muaj ib kob tsov rog loj hla thoob plaws lub ntiaj teb  sab xib fab (hnub tuaj) mus rau sab toob fab (hnub poob) mus lawm ib ncua thoob plaws lub ntiaj teb.
Muaj tseeb tiag, nws yog tus kab mob aws hu ua Corona virus (Covid 19) uas tas ntiaj teb hais tias yog "tus kab mob Suav tuag aws" no. Qhov tseeb yog Suav xub raug tus kab mob sib kis no xwb tsis yog Suav tus kab mob tuag aws, nws yog tas nrho lub ntiaj teb tus kab mob tuag aws. Tsuas yog thaum xub pib tuag yog Suav xub tuag ua ntej ces thiaj kis pla mus kis rau lub ntiaj teb no tas nrho, ntawm sab hnub tuaj mus ti nkaus rau sab hnub poob lawm.  Nws tau pla mus puv nkaus rau lub ntiaj teb no tib si.
Nyiam no tus kab mob ntiaj teb tuag aws no pla mus tsis xaiv leej twg li tsis hais tus nom muaj txiag nplua nuj los tus pej xeem txom nyem li, nws ncaj leej twg ces nws  zeem tus ntawd los ua nws tus phooj ywg sib puag mus sau laus ua ke xwb. Tus kab mob Covid 19 nov tsis xaiv tus txiv neej los poj niam, tub plog tub plug los tub muaj txiag nplua nuj, tus ruam tus ntse los tus loj tus me li. Nws tsis xaiv neeg ua phooj ywg. Nws nyiam nyob rau thaj chaw uas neeg nyiam nyob sib txoos ua ke ntau, cov nyob ua ke txog ntawm ob tug rau peb tug sib nrug deb uas koj hnov kuv tus ntxhiab thiab kuv hnov koj tus pa tsw. Zoo li thaum muaj peb leeg nyob ua ke lawm ces koj tus pa nrog nws tus pa thiab rau kuv tus pa, yog muaj ib tug kis tau tus kab mob nov rau nws lub cev lawm ces nws ua pa tawm yuav muaj tus kab Covid 19 nov tawm nrog nws cov pa ua ua tej lub dej me me li plua tshauv ya tawm ntawm tus kis tau qhov pa mus rau ib tug nqus tau ces thiaj li nkag mus nyob hauv tus nqus tau lub ntsws, mus huam ua ib cov ntxiv kom tau pla mus ntxiv rau lwm tus uas nws muaj fwv tsam yuav txeem mus tau...

Tus kab mob tuag aws Covid 19 no yuav muab liam rau ib tug los ib Haiv neeg mas ntshe yuav tsis muaj tseeb. Yuav muab hais ces yog tim ntiaj teb neeg sawv daws tsis txuag lub ntiaj teb, txov tej xyoob ntoo nroj tsuag uas rau tej tsiaj qus tsis muaj chaws nyob chaw nkaum raws li ntuj tsim tej raug. Thaum lawv tsis tau chaw nyob, tsis muaj noj ces lawv lub cev yuav hloov thiab yuav tsim tej yam tshiab los tiv thaiv lawv kom nyob tau thiab tswj txoj sia raws lub ntiaj teb hloov. Thaum cov tsiaj txhu hloov thiab plhis mus ntau thiaj li mus xeeb tau tej kab mob phem phem los kis rau tib neeg. Xav kom neeg nco ntsoov tias: "yog peb tsis txuag lub ntiaj teb, thaum lub ntiaj teb mob, peb cov nyob saum lub ntiaj teb yuav nrog Peb Daim Niam Av Yug, Koob peb Mob tib yam."

Thaum cov kab mob nov kis mus ntau, mus deb ces nws txawj hloov cev plhis ua ib cov kab mob thev thiab muaj zog dua thaum pib lawm. Nws zoo nkaus li cov tib neeg uas muaj noj muaj haus zoo ces txawj vam meej zuj zus, txawj ntse thiab siav ntev dua vim tau zoo lawm...
Muaj ntau tus ntxhiab pa neeg, kuj zoo li lub teb chaws, muaj kev noj hus ntau.  Thaum ib tug neeg noj ntau yam qav lawm kuj ua rau nws ntse tuaj los yog nws muaj txuj txawv ces zoo lo nws yuav vam meej tshaj luag lwm pab  mus lawm thiab...
Nyiam no, tas nrho lub ntiaj teb tham txog tus kab mob Covid 19 sib kis no muaj zog thiab heev tshaj ib kob tsov rog ntiaj teb, ua rau tas lub ntiaj teb tsis muaj kev sib haum xeeb, ua rau laj mej pej xeem poob kev ploj plug, kev txom nyem tsis tau khwv noj khwv haus li.
Kob Tsov rog kab mob sib kis no mas yog zoo li pib kiag hauv yus cuab yim neeg mus. Cuag li yus cuab yim neeg niam txiv, los tub ki tsis muaj kev sib haum xeeb li lawm.
Ib leeg tsis tso siab thiab ntseeg tsis tau ib leeg lawm, kuv ntshai koj npaum li koj ntshai kuv thiab. koj thiab kuv wb yog yeeb ncuab.
Yog wb nyob ua ke ces koj yuav kis rau kuv los kuv yuav kis rau koj.   Li ntawd txawm wb ob leeg xwb los nyias ntshai tsam nyias tau tuag ua ntej... Li ntawd thiaj ua rau neeg cov ncauj nplaig txhais txhua tus cuag li twb yog kws txuj tau kawm tiav los tib si, tus yuav txawj tshaj li cas los muaj yam tseem tsab ntse tshaj cov Kawm tawm los thiab... Cov tsis tau yog kws kawm txuj los lawv cuag li yog Yaj saub paub tshaj li Tswv Ntuj lawm thiab...
Muaj neeg coob leej ntau tus sawv mus nyob Qaum Ntuj chaw, lawv paub kev ua txhaum los kev khaum ntau dua li Tswv Ntuj paub lawm thiab.  Muaj ntau leej twb tau ua neeg txiav txim tias, yog Qaum Ntuj tsis txawj ua, los twb yog Qaum Ntuj txhob txwm ua rau neeg ntiaj teb no ntag...
Nyem no, lub ntiaj teb ua zog koog loj tshaj li ib kob tsov rog. Tuaj muab lub ntiaj teb no rhuav kom puas tsuaj mus.
Nws nrov tshaj cov lus uas Mes Kuj, Suav thiab Lav Xias yuav teem kev ua tsov rog rau lub ntiaj teb tau saib ntawd.
Yuav tau muab txhais, zoo li tus kab mos Aws sib kis no.  Nws yog ib tug dab noj nyoos haus txias, nws muaj peev xwm noj neeg ib tog zus tuaj li yog ib tug dab tsiv tsaim tshaj plaws li lawm.
Tus kab mob aws sib kis neeg no, nws nyiam raug rau cov laus, ntau dua cov hluas.  Kuj tsis txaus yuav poob siab loj, muaj ntau yam txhais mus saib! Cov laus, lawv kuj yog cov paub kev ua txhaum ntau yam dua li cov hluas thiab.  Yam phem uas saib tau  tias, hais lus rhiab pob ntseg los hais tej lus uas tsis paub txaj muag ntawd.
Kuj yog cov laus, xub tau hais los qhia rau tej hluas.  Kev ua zoo los lawv tau ua ntau dua, kev ua phem los kuj yog lawv xub tau ua ntau dua ua ntej lawm thiab. Ib yam ntxiv lawv li kuj yog txog lub caij ze ze lawv yuav mus cuag poj cuag yawm lawm thiab.  Ces yam twg los thiaj poob los ncaj lawv kuj tsis txaus yuav ntshai thiab tu siab txog ntshai loj dhau tus kev cai.

Kwv tij kuv sau zaj lus no, tsis yog sau los ua kev qhuab qhia los ua kev khaum rau leej twg.  Kuv sau raws li ib lub tswv yim uas ua kom neeg txhob muaj kev tu siab tias: "Vim Leej Tib Neeg tsis hwm Ntuj los tsis hwm neeg es thiaj raug khaum mus." Tsis yog li ntawd, tsuas yog ib zaj lus kom to taub tias:  Kev phem kev zoo nyob ua ke tus yuav raug sab zoo los muaj coob hos tus yuav raug sab phem los muaj ntau.
Yog yus tsis txiav txim rau yus mas yus tsis txhob txiav txim rau luag thiab.   Koj thiab kuv wb tau ua kev phem kev zoo muaj sib npaug txhob hais tias kuv zoo dua koj lawm ntau npaug los koj zoo dua kuv mus lawm ib nrab.  Tej yam zoo thiab phem tsuas yog Qaum Ntuj tib leeg thiaj yog tus paub xwb.

Sau nyob Sacramento, USA.
Tim 24/3/2020.
Yaj Zoov Ntxheb X.H.

Nyob hauv Hmoob lub ncauj hais tawm los, mas Hmoob ntxub lo lus thiab tus ua yeeb ncuab ua raug rau Hmoob tshaj plaws!
Tab sis zoo li nyob hauv Hmoob nruab siab, mas Hmoob yug tthiab yeeb ncuab, zais tus Hmoob tus yeeb ncuab. Uas Hmoob ntxub ntawd, zoo tshaj laws rau Hmoob nruab siab!
=>.Cov yeeb ncuab uas Hmoob ntxub tshaj, mas hloov tas nrho los ua tus Hmoob nyiam tshaj plaws li:
Nyem no, mas yuav yog cov tub ntxhais hluas, tiam neeg no mus. Yuav tau muab kho hloov dua tshiab, kom tus yeeb ncuab uas Hmoob ntxub hloov mus ua tus nyob deb rau sab nraud.
Kom txhob yog, tus nyob rau hauv Hmoob nruab siab. Uas Hmoob nyiam thiab yug cia, nyob nrog Hmoob puag thaum ub los txog lub zim txwv no mus ntxiv lawm:
1->.Kev tsis sib hwm, kev muab hlob, ua neeg khav theeb. Kev xam khib thiab kev cib nyeej, Kev thuam neeg, hais lus tsis saib tsis taus neeg.
Li Hmoob hais kam los tias,ntov ntoo tsis saib ceg qhuav. Tej lus no dhau los ua Hmoob cov yeeb ncuab tib si nyob nrog Hmoob.
2->.Kev ua neeg siab luv, npau taws, uas Hmoob ua neeg tsis thoob tsib to nrog. Hais lus tsis zoo mloog, yus tsis nco saib neeg hais lus, los tsis tej lus siab neeg tsis zoo mloog.
Ua rau neeg tsis to taub lub ntshiab lus yus hais ntawd. Kuj yog kev ua yeeb ncuab rau Hmoob.
3->.Kev tsis hwm neeg, kev ua tub sab tub nyiag, nrog kev nyiam ua plees ua yi. Nyiam mus thab lug tub, thiab deev luag poj, muaj xaiv lus ua plaub ntug. Los yog Hmoob tus yeeb ncuab uas Hmoob nyiam xyaum thiab raws qab ntag.
4->. Kev dag ua tim khawv cuav, hais lus tsis tseeb, qog tej qub lus uas twb dhau los lawm ntxov ntxov. Zoo li Hmoob hais tias, nyiam rhaub qub zaub noj. Los yog tus yeeb ncuab rau li Hmoob nyiam.
5->.Tsis muaj kev hwm thiab saib taus neeg, pom luag muaj tshaj yus, los luag ua neeg thoob tsib to nrog dua yus. lam khib thiab thuam luag raws kev khib lam xav txo luag ua neeg poob tsag mus.
Ua li Hmoob los lus hais tias: ntxias luag nce nthab, lauj luag taw ntaiv, kom luag poob nthab mus. Kuj yog cog yeeb ncuab cia nyob nrog yus!
6->.Hmoob nyiam yug yeeb ncuab kom tau tso los sib tawm tsam, li tso nyuj twm los tshis sib nraus. Thaum muaj tub muab nyob, thiab muaj ntxhais qua.
Hmoob nyiam muab qub kev cib nyeej, los hais cis fij cis tom, rau saum lub rooj tshoob rooj kos. Los rau saum lub ntees ploj ntees tuag. Kuj yog tso yeeb ncuab tawm tuaj!
7->.Hmoob muaj ntau lub xeem, txhua lub xeem, mas nyias saib nyias lub xeem, muaj nqes tshaj cov. Lwm cov xeem, mas muaj nqes li ntawm yus lub xeem, ib nrab mus xwb. Tsuas muab khaws cia ua ib lub xeem tau tis tshoob tis kos rau tub ntxhais xwb.
8->Tsoom Hmoob cov Xeev Txwj qab zej, Xeev Laus hau zos, nyiam tso khav thawj sib twv hais paj lug. Los kwm lawv ncauj lus khav ua txiv thais, tsis kws txoj cai ua neeg paub tab sib hwm nyob ua phooj ywg.
Cog kev sib hlub, sib pab sib txhawb, sib sab laj ntaus tswv yim. kho tub ntxhais, kho kev neej kev tsav los sib hlub. Nyob koom ua ib npoj, noj sib hlub haus sib cev li yog kwv tij txheeb ze.
Tej kev noj no, kuj yog cog yeeb ncuab cia kom mus caub chim ua caj hlav ces ncau mus tsis txawj kawg li thiab!
9->.Hmoob txhua tus, nyiam kom muaj ib tug Huab Tais, Hmoob sawv los ua tus coj Hmoob. Kom Hmoob txhob tau ua ntsuag niam ntsuag txiv mus.
Thiab Hmoob nyiam ntseeg ib tug yaj Saub, nqes pem ntuj los cob qhia Hmoob. kom Hmoob txawj ntse cuag li tej Mab Sua mus, thiab paub txuj mus nto ntuj,paub ci mus nto ntsis.
Tab sis thaum muaj tub tug tub Hmoob, pib tau nce ib qib yuav tau mus ua Xeev Txwj Xeev Laus. mas txhua tus tsis hwm li, nrhiav lus rau kom nws ua neej kho siab poob tsim poob nthab mus.
Thaum twg yog tas nws txoj sia txoj yawg tas mus lawm, mam li muaj ib feem los tsa thiab cav tias: Nws yog tus Niam Txiv tus Vaj Hmoob zoo.
Suav txij li Huab Tais Txiv Yawg, ua Hmoob tus Huab Tais. Los txog lub zwj Ceeb no, txhua tus Huab Tais Hmoob yog dhau nws lub cawv xeeb cawv lav mus lawm.
Hmoob mam hais lo lus qhuav los tsa, ua Niam Txiv, los tsa ua Vaj Hmoob mus thiab cav rau tej xeeb ntxwv hnov tias, yog Vaj Hmoob no mus!
Cov Xeeb Ntxwv lawv twb tsis paub zoo tias: Thaum nws nyob nws ua Huab Tais Hmoob muaj dab tsi zoo rau Hmoob.
Nws lub Meej Mom hwj chim, loj siab npaum li cas tiag! Thiaj tau ua Hmoob tus Niam Txiv, Thiab yog Vaj Hmoob, muaj lub npe nto moo lug mus thoob qab ntuj khwb!
Uas Mab Sua tau nrog hnov thiab paub txog, Hmoob tus Vaj Hmoob no. Ua Huab Tais Hmoob thiab nyob thaj chaw twg los ua Huab Tais.
Nws pej xeem me tub me nyuam muaj pes tsawg roob, nws lub hwj chim kav pes tsawg ntswg av thiab pes tsawg ncua dej los lawm.

Sacramento USA
Tim 2/8/2019.
Yaj Zoov Ntxheb X.H.

Hais txog Hmoob lub Xeem muaj kev tseem ceeb npaum li cas?
Lub Xeem Hmoob no yog tas nrho txhua tus Hmoob lub neej. Yog ib tug Hmoob tsis muaj lub xeem mas nws tsis tsis tsim txiaj ib qho li.
Lub Xeem no tawm ntawm Nkauj Muam Nraug Nus nkawd los. Yog tus Tswv Ntuj tau tsim lub ntuj lub teb feeb los rau Hmoob.
Yog ib tug Hmoob nws tsis muaj lub Xeem hlav los ntawm nws caj hlav ces ncau los mas nws tsis muaj kev sib hlub li tej laus hais kam los tias:
Koj qaib pw kuv cooj los kuv os pw koj nkuaj no los tau ntau txheej ntau tiam lawm. Hmoob lub Xeem yog tej poj niam me nyuam lawv li los yog lawv lub Xeem.
Txij thaum Ntuj tsim teb raug los txog lub zwj ceeb no tsis tau muaj ib lub Xeem uas yog lub Xeem tsis zoo.
Yam uas Hmoob hais tias yog tsis zoo mas tsuas yog tej tus neeg tau ua tsis zoo mas yog hos yog yuav hais tias lub Xeem tsis zoo mas yog tus neeg hais ntawd tsis txawj hais lus xwb.
Ces nws tau muab hais los mus hla rau saum lub Xeem lawm xwb. Nyob hauv txhua lub Xeem, tsis tau muaj ib lub Xeem, uas Ntuj tau hais tias lub Xeem no yog lub Xeem phem li.
Thiab tas nrho lwm cov Xeem kuj tsis tau hais tias, nws yog lub Xeem phem. Tsuas yog koj ib leeg thiaj hais tias lawv yog lub Xeem phem no xwb. Tab yog koj tub los koj ntxhais yeej tsis tau hais tias lawv lub Xeem Phem. Tej tub ntxhais hluas lawv tseem ua lawv nkauj lawv nraug tsis tsis tu ncua li. Txij thaum ntuj xeeb muaj los, teb xeeb raug tau los, txhua lub xeem tseem zoo los txog niaj hnub no.
- Peb tig rov mus saib Ntshiab thiab Ntshaus nkawd lub Xeem seb tsim txiaj npaum li cas thiab?
Dab neeg hais tias:
Tso Ntshiab mus taug dej ntshiab kom Ntshiab mus yuav poj liab. Hos Ntshaus mus taug dej nrho kom Ntshaus mus yuav poj tsov.
Poj tsov raug Ntshaus muab sim ntaj pov tseg tas hos Ntshiab tus poj liab raug Ntshaus hais kom Ntshiab coj mus cuab taub rau Ntshaus sim hneev lawm.
Ntshiab thiab Nthaus nkawd mam los yuav lub Xeem ntawm ob tug ntxhais Hmoob uas lawv muab lub yias thawj tsheb khwb tseg kom poj dab nrhiav tsis tau ntawd los tsom kav tsom kwm ntawd lub neej.
Lub xeem tsiaj xeem txhuv tsis muaj qab hau rau Hmoob li. Peb thiaj hnov Ntshiab thiab Ntshaus nkawd zaj dab neeg no. Tej laus txeev hais tias: “Ntshiab los liab, Ntshaus los txaus” no.
- Nyob hauv lub Xeem twg los yeej muaj tus zoo los tus phem, tus tsheej los tus tsis tsheej, tsuas yog qee leej neeg phem thiab tsis tsheej xwb. Tsis yog Noob tsis tsheej los lub xeem tsis tsheej.
Peb yuav cem lawv lub xeem mas tsis yog lawm thiab cem tsis tau li ntawd ntxiv lawm. Vim tas nrho hauv txhua lub Xeem los sib koom thiaj li mam los ua tau Haiv Hmoob.
Yog koj ib leeg xwb yeej ua tsis tau Haiv Hmoob ib zaug li. Txawm muaj raws li lo lus tej laus hais tias:
“Suav tau cem tias tus txiv neej Hmoob mas noob qes luaj taum daj los tua kom tuag tas nrho mus.” Los luag Mab Sua twb hwm cov poj niam los cia ua noob kom muaj keeb kwm txuas mus rau yav tom ntej.
Tsis hais Hmoob los Mab Sua yeej hwm noob cia nyob. Yog tag nrho Tsoom poj niam no sawv daws ntag.
Tas nrho peb tsoom Hmoob tsis hais tiam twg li thaum lawv yuav qua ntxhais muab nyab. Tej laus thiaj tseem muaj tuam choj tshoob mus txog niam txiv tom ub lub qab plaj xab los qab plaj txuas. Vim Noob Neej yog tsoom poj niam coj; Noob Hmoob thiaj muaj nyob puv ntuj.
Txij no mus mas tsim nyog yuav muab cov coj Noob no los saib muaj nqes ib yam li cov txiv neej. Poj niam txawm tsis coj ntug los poj niam yeej ntse dua tsoom txiv neej!
Tsuas yog lawv yog cov coj Noob ces lawv muaj lub zog tab dua tsoom txiv neej xwb lawv ntse thiab muaj peev xwm tshaj zog txiv neej!
Muab ib qho me me los piv:
Yam li ib tug txiv neej hem ib tug poj niam, mas thawj zaug mas poj niam nws ntshais tus txiv neej ntawd. Thaum tus poj niam raug hem ib zaug lawm mas yog Poj Niam tig rov hem txiv neej.
Mas txiv neej yuav ntshai tshaj qhov ntshai lawm. Nws yuav khiav yam tsis nco qab saib pob ntoos li. Yog dawm pob ntoo ces nws kawg tuag mus.
Poj niam tau hem txiv neej los lawm mas txiv neej kawg ruam mus tsis txawj ua dab tsi li lawm. Ib tug txiv neej yuav ntse mus li mas yog poj niam txhawb mas nws thiaj ntse mus kav laus.
Kuv twb tau pom dua thiab hnov dua los lawm: ib tug txiv neej Hmoob ntse heev hais lus pub rau tuam tsoom Hmoob sawv daws yuav thiab mloog nws lus tas nrho. Muaj ib zaug muaj neeg pub ib qho paj tshab rau nws, yog lawv muaj ib thooj nqaij rau nws nqa los tsev. Thaum nws mus ua kav xwm, nws zaum tsis ncaj nws lub rooj, nws mus hais nws ib zaj foom kom nyob tim tsev pam tuag, nws tau mus zaum rau lub rooj ua nkauj ua nraug ua ntej lawm. Nws tau hlub tus poj nrauj ntawd ntau zog xwb. Nws qee nws ib qho nqai pub ua tshav ntuj rau tus poj nrauj ntawd kuj tsis loj tsis yau. Muaj neeg pom thiab paub, hais qhia nws tus niam tsev lawm. Thaum tus txiv neej los txog tsev nws nqa ib qho nqaij los cev rau nws tus niam tsev kom muab khaws tseg li txhua zaus. Ces nws tus niam niam tsev txais nkaus pov rhees rau dev ces dev kuj xav tias yog muab rau dev noj. Ces dev khaws nkaus kwv kiag coj mus noj lawm. Nkawd muaj ob peb los lus sib hais thaum ntawd xwb ces tus txiv neej ntse thoob tsib muaj txuj ci no. Cia li ruam li tus tsis tau kawm dua txuj ci los li lawm.
Tas nrho zej zog Tuam Cuab txhua lub Xeem Hmoob rov tuaj thov nws mus hais lus qhuab ntuas los nws tsis txawj hais li lawm. Tus neeg ruam luag tso dag los tseem txawj luag. Hos tus neeg ntse tau ruam tuaj lawm mas tseem txom nyeem dua tus ruam nruab thiab los.
Peb Hmoob yeej hais kam lo lus tias ib sab ntuj muaj ib yam txuj, ib rab tej muaj ib yam ci. Lo lus no yeej muaj tseeb tiag. Yam li peb teb chaws peb nyiam li cas peb txiav yuav li ntawd, nej teb chaws nej nyiam txawv nej kuj txiav coj txaw hais li nej sab. Niam txiv nyiam kom tub txhais lub cev loj hlob muaj 14-15 xyoo tub luaj txiv, ntxhais luaj niam ces hais tias hlob tiav nkauj tiav nraug lawm.
Lawv muaj cai ua nkauj ua nraug tau. Txawv teb chaws lawv tub lawv ntxhais yuav tsum muaj 18 xyoo mam ua nkauj ua nraug tau.
Ob pab Hmoob nyob ob sab ntuj ntawd lawv tsuas saib neeg lub cev xwb lawv tsis tau saib txoj cai kom tas! Ob tog puav leej tsis saib qhov hais tias kev ua nkauj ua nraug lawm mas yog kev yuav sib yuav mus mam ua nkauj ua nraug tau. Ces ob tog thiaj muaj xaiv muaj lus. Thaum hais xaiv hais lus tas tsis txawj pom qhov koj twb ua tsis ncaj kuv thiaj li hais cia li muab nkawd tej xaiv tej lus no hais nrov rau cua tshuab ces cua tshuab mus paug lwm tus Hmoob pob ntseg. Ces cov lus txawv tas tib si lawm tsis muaj qhov nkawd sib cog lus tias yog ntuj vau los yuav txheem, tsua pob los yuav thaiv tsis pub raug nkawd.
Cua xa ib co lus nrov tuaj tias:
Hmoob Los Tsuas mas phem kawg lam tau lam muab Hmoob Mekas nplua nyiaj yuav. Hmoob Los Tsuas kuj hais tias Hmoob Meskas mas phem kawg mus dag luag tub luag ntxhais coj mus ua si tas tsis yuav.
Ob sab lus no puav leej nug tsis tshab li. Hmoob tsuas ntshaw ua nkauj ua nraug xwb Hmoob tsis tshaw qhov yuav yuav. Yog ntsib tau niam nkauj Ntsuab los txiv Nraug Nab mas leej twg los yeej yuav tsum yuav kom tau xwb. Yog mus ntsib tau nkauj Nrhee thiab niam nkauj kub Kaws ces leej twg los tso tes plau. Qhov no yog qhov tsis ncaj ncees nyob rau Hmoob tej xaiv lus ntag.
Xav tias yus mus deb lawm ces “dab tsis quaj” lawm no xwb txhua tus Hmoob mus Los Tsuas teb ntshai puav leej xav li hais no lawm.
Txhob ua li ntawd ntxiv lawm nco ntsoov tias lub Xeem Hmoob thiaj yog yus lub Xeem thiab yog yus tsev neeg. Paub yus hom lus yus yuav tsum yus hwm yus tus kheej ua neeg tsim txiaj ua ntej tshaj plaws.
Yus yuav hwm luag lub xeem nyob hauv yus lub tib yam thiaj li yuav vam meej mus rau yav tom ntej. Mas Haiv Hmoob thiaj li yog Haiv Hmoob ntse.
Tab sis Hmoob tsis siv sab kev hwm kev hlub ua ntej. Hmoob muab kev khav theeb kev muab hlob kev tsab ntse los khav ua ntej ntau xwb.
Ces Hmoob thiaj raug Mab Sua muab Hmoob rhuav ib tog zus tuaj. Luag yeej paub tias Hmoob xa xav rhuav Hmoob li ces luag muab me ntsis hwj chim nrog nyiaj txiag ntxias Hmoob ces Hmoob rov rhuav Hmoob rau luag saib xwb.
Kwv tij zaj lus kuv sau no yog sau los sib zeem ua kwv ua tij kom peb txhua tus muaj phooj ywg coob xwb. txawm muaj qee lo lus siab leej twg lawm los tsis yog hais rau koj li mog.
Yog xav ua kom muaj ib zaj rau tus xav kawm paub kom nws tau kawm tias muaj ib zaj tau xub hais tawm lawm. kom cov xav tau muaj kev cia siab thiab muaj kev taug mus rau yav tom ntej xwb.

Kuv sau zaj lus no yog hnub uas kuv muaj 79 xyoo txwm nkaus los rau hnub no kiag.
Tim 3/5/2019.

Sau nyob Sacramento. USA.
Yaj Zoov Ntxheb Xib Hwb.

Nyob hauv lo lus Hmoob hais ntawv nyiaj keeb puaj txwm yog lub ntsiab lus uas los ntawm Tswv Ntuj tsim ib tug txiv neej thiab ib tug poj niam kom nkawd tau los nyob ua ke thiab muaj kev sib hlub.
Nyob hauv Phau Ntawv Ntshiab, Tswv Ntuj xub tsim tus txiv neej tas, Tswv Ntuj pom tias tus txiv neej tsis tau luag nws thiaj tso ib tug dab ntub los laum tus txiv neej.
Ces Tswv Ntuj rho tus txiv neej ib tug txha tav los tsim kom muaj tus poj niam. Kom nkawd tau nyob ua ke sib pab sib ua luag.
1.Hnub uas tus txiv neej thiab tus poj niam nkawd hlob los tiav nkauj tiav nraug. Yog hnub uas Qaum Ntuj tsim neeg tiav los nyob ntiaj teb no.
Hnub nkawd txiav sib yuav los sib sau nyob ua txwj nkawm, Qaum Ntuj foom lus pub kom nkawd daim ntawv nyiaj keeb puaj txwm raug nyob pem ntuj nqes los.
Hnub uas nkawd muaj daim ntawv nyiaj keeb puaj txwm yog daim ntawv uas nkawd sib cog lus tias: Ib leeg yuav ua ncaj rau leeg mus rau lub neej nyob ua ke.
Cov neeg ntseeg txog Yes Xus lub npe Tswv Ntuj foom pub los nyob hauv lub Cim Cog Lus. Peb hais tias nkawd mus txais lub Cim Cog Lus. Lub Koom Txoos thiaj ua thaj Txi Ntuj los thov Ntuj foom hmoov zoo rau nkawd.
Hos nyob hauv Haiv Hmoob txoj kab lis kev cai yog hnub niam txiv ob tog nkawd ua tshoob ua kos rau tus tub los tus nyab…
Ua rau Ntuj thiab niam txiv tau paub tias Qaib tau los ntshav ntsej npua tau los ntshav ntswg lawm. Muaj niam txiv ob tog nrog rau plaub tug txiv tuam meej koob thiab lwm mej zeeg tau ua tim khawv pom paub txog.
Niam txiv tom ub tau siv nyiaj ua tshoob ua kos Hmoob hais tias: Niam txiv tom ub nws tuam tau ib tug choj tshoob choj kos ntug yees luaj cav cos rau txiv nyuj txiv nees rag lis ntws nyob tsis ploj cob nkaus rau niam txiv tom no qab mus plaj xab los qab mus plaj txuas.
Kom Nkauj nyab nraug vauv hwm tus choj no niaj txhiab me txhis tsis pub ntab thiab tsis pub puas no. Yog nkawd kev cog lus ncaj ncee ib leeg txhob ntxeev siab rau ib leeg.
2. Daim ntawv nyiaj keeb no yog daim ntawv cog lus tias: Ib leeg yuav muab kev ncaj ncees pub rau leeg. Ntuj twb pom zoo neeg twb paub tas lawm.
Lub caij nkawd tseem nyob ua Nkauj ua Nraug uas yus tab tom xaiv ntawv txwj ntawv nkawm ntawd yus tau ua neeg siab hlob, tsav hwj chim rau sab ua neeg khav zoo nkauj los zoo nraug. Yus tau raug xwv txheej los ntawm kev ua nkauj ua nraug nrog lwm tus uas yus nyiam tsis tas los yus raug xwv txheej los ntawm ntawv nyiaj keeb puaj txwm tsis sib raug zoo. Raug luag txeeb nws mus lawm los yog raug nws hloov siab lawm. Qhov no yuav saib hais tias yog yus raug xwv txheej ib zaug lawm xwb.
Txhob muab los ua kev khuv xim thiab nco mus li nyob hauv yus nruab siab yog yus pheej khaws cia nyob hauv yus nruab siab mas tus twg los yus yuav tau mas ntshe yeej yog ntshaw tau nws daim ntawd ntuag xwb.
Ces yus tsis nco qab qhuas txog yus twb muaj ib daim ntawv nyiaj keeb puaj txwm zoo lawm. Cov xav li no mas tsawg tus los puav leej yog mus khaws tau luag tej ntawv txwj nkawm ntuag los ua neej ces nws yuav ua neej tsis kaj siab thiab yuav ua neej tsis puv siab li.
Nyob hauv peb tsoom Hmoob yeej muaj coob leej ntau tus pheej xav li kuv hais no. Lawv muaj tsawg tus poj tus niam lawm los zoo li yus pheej tsis muaj hmoo li. Cuag li yus pheej mus khaws luag tej poj niam muaj ntawv ntuag los ua yus tug. Tab yog yus laus lawm yus mus yuav ib tug ntxhais hluas hluas los kuj zoo li yus muab ib daim ntawv ntuag rau nws ua neej. Nws yuav ua lub neej tsaus ntuj nti tsis kaj siab xws luag.
3. Yog koj ua neeg paub tab, koj txawm khaws tau ntawv ntuag los ua neej xwb los koj muab los qhia rau Ntuj Niam Ntuj Txi thov kom Ntuj foom koob hmoov rau koj ces koj yuav ua ib lub neej tshav ntuj nrig li tus tsis tau muaj dua daim ntawv ntuag thiab. Vim koj rov muab txoj kev ncaj ncees los qhia rau Ntuj, koj thov kom Ntuj rov foom hmoov zoo pub rau koj. Txawm yog koj khaws luag li ntawv ntuag los Qaum Ntuj yuav hloov dua ib daim ntawv tshiab ces yog ib daim ntawv nyiaj keeb puaj txwm tshiab lawm.
4. Cov neeg tsis paub ua kom muaj txoj kev ncaj ncee no mas lawv ua ib lub neej kho siab heev. Ua li Hmoob tej laus hais los tias lawv lam ua lub neej nrog cav lwj sis ib nyob. Lawv nyiam coj ib lub neej qub qub li thaud txheej laus, lawv coj cov kev cai tias txiv neej muaj cai mus tham hluas nkauj…Tsuas yog poj niam thiaj tsis muaj cai mus tham hluas nraug xwb. Zaj tswv yim no qub dhau lawm, poj niam muaj hlwb zoo dua cov txiv neej lawm ntau kawg. Ib tug txiv neej mas tseem yuav tau kawm ntau yam kom yus txawj hais lus thiab yus muaj nyiaj qhwv rau ntawm cev kom luag paub thiab qhuas txog yus tus yam ntxwv tso. Poj niam ntse dua txiv neej mus lawm ib npaug. Poj niam taug ke nws ua txoj dawm txiv neej taw ntog rau hauv av xwb, poj niam twb tham tau txiv neej lawm. Tej laus thiaj hais rau tej ntxhais tias txhob mus pw rau ntawm tej ntug kev tsam txiv neej hla tau ces muaj me nyuam lawm no!
5. Lo lus kawg, mas cov nyob ua txwj nkawm yuav nco ntsoov tias yus tsis txawj sib hlub ua neej thiaj muaj muaj lus sib cav sib ceg. Vim yus tsis nco qab txog qhov uas niam txiv tau ua tshoob ua kos rau yus. Kom ntiaj teb neeg paub tias yus muaj ntawv nyiaj keeb poob puaj txwm poob pem Ntuj nqes los ua txwj ua nkawm lawm. Yog yus tseem nco txog tej niag ntawv ntuag uas luag tso yus pov tseg los tau sib plam mus lawm los muaj lwm tus txeeb tau mus lawm tej no yuav tsum saib tias raug xwv txheej ib zaug dhau los lawm xwb tsis yog ntawv nkauj ntawv nraug lawm yog koj rov mus khaws ces puav leej yog rov mus khaws ntawv ntuag xwb. Vim nws twb kawm los tau nyeem tas lawm, sab phem sab zoo, los nws paub tas nrho. Koj khaws tau los yuav yog nws nyeem tau sab zoo xwb kuj tsis muaj dab tsi hos muaj ib hnub nws nyeem mus txog sab phem, ces nws yuav ntxub yus daim ntawv ntuag heev.
6. Zaj no kuv hais raws nraim li ib lub neej Hmoob xwb. Ob leeg twb ua lub neej laus nkoos lawm los koj yuav hnov kuv tsw ntxhiab hos kuv los yuav hnov koj tsw kauv. Koj niaj hnub muab kuv cem ua neeg tsis da dej, kuv los kuj niaj hnub hais tias cas koj tsis ntxuav cev.
Ua rau koj tsis pom qab nyob kuv los tsis paub zaum ze leej twg li. Ncig ua yaj yaum yeev nyob tsis muaj chaw muaj lus los tsis paub tham. Tham lus los tsis muaj ko lus zoo ua lub neej nyob nrog kev ruam kev ntse sib npaug zos! Chim siab tshaj xav nrog yeeb nrog tshuaj sib puag ua phooj ywg mus kom tau nyob kaj siab lug xwb.
Ces yuav mus nrhiav dua ntawv nyiaj keeb puaj txwm tshiab los lub meej mom ua nkauj laug nraug laus tas. Xu xu tej tub ki siab xav txog mas tseem haj yam kho siab thiab tu siab tuaj.
Tsis zoo muab los hais qhia leej twg li tus ho tau ua raws nraim li hais lawm los nco ntsoov muab qhia rau Ntuj kom Ntuj hloov dua yus daim ntawv tshiab seb yus lub siab puas yuav nyob kaj kom mus kav txog hnub laus mog.

Sacramento, USA.
Tim 18/6/2019.
Yaj Zoov Ntxheb X.H.

Lo lus ua paj lug hais tias, Hmoob muaj kev mus thawj thiab! Yog ib lo lus ua paj lug hais txog, Hmoob kev mus thawj thiab ua Mab Sua, mas yog lo lus tseeb!
Tsis Yd og hais txog cov neeg tuag lawd, lawv mam yuav mus thawj thiab ua tsiaj txhu. Los mam mus thawj thiab los ua neeg tshiab dua, los rov los mus thawj ua me nyum Hmoob rau tiam tom qab.
Thiab yuav mus thawj thiab, ua me nyuam Mab Sua. Lo lus no, mas tsuas yog cov Ntsuj Plig dua nras lawd. Saib lawv puas muaj tus paub tseeb xwb!
Hos cov uas tseem ua neej, nyob rau hauv lub Sim Ceeb no. Mas ntshai tsuas yog lub tswv yim lam hais kom muaj kev zoo siab xwb ho!
1.Ib tug neeg uas nws tau raug ncaim ntawm tej niam txiv thiab kwv tij mus lawd, zoo li:
Zoo li cov me nyuam ntsuag, ua niam txiv ua neeg pluag tu tsis taus lawv, los tus tsis muaj kwv tij los tsob zeem kom tau nrog lawv nyob.
Nws raug muab muag rau Mab Sua, coj mus ua luag tub. Yog cov uas Hmoob hu nws ua me nyuam yug ntawm tav los no. Nws yog tus tseem tiag, uas tau mus thawj thiab ua neeg tshiab lawm! Nws tau mus thawj thiab ua Mab Sua los lwm xeem neeg tiag lawm!
Cov zoo li no, mas lawv tau txoj hmoov zoo, lawv tau mus thawj thiab ua dua ib Haiv neeg tshiab lawm tiag! Lawv tau mus hloov xeem hloov npe lawm.
2. Cov neeg yuav tau mus thawj thiab, txheej tshiab no, mas yuav poob los mus rau cov neeg tsiv teb tsaws chaw. khiav rog zoo li txij li xyoo 1975 ntawd los!
Tsoom Hmoob uas lawv tau ncaim qub teb qub chaws mus, nyob rau txawv teb chaws. Xws li cov mus nyob rau Mes Kuj, Fuaj Kuj thiab mus rau Au Tas Lias teb ntawd…
Ntev mus lawv yuav tsis paub lus Hmoob, lawv yug los, lawv pib hloov npe hloov xeem hu kom ze raws li cov neeg nyob txawv teb chaws.
2. Cov niam txiv, lawv tseem paub thiab txawj hais lus Hmoob, txog li 100%. Lawv cov tub ki tseem paub lus Hmoob txog li 60%, ntawd. Cov laus lawv tsis paub lus Mab Sua, thov kom cov me nyuam los cov Xeeb Ntwv mus pab txhais lus, twb txhais tsis tau kom tas lus.
Ces twb yuav pib qhib rooj ntug rau Hmoob cov tub ki, mus thawj thiab ua Mab Dawb lawm ntag. Tiam xeeb ntxwv ntawm tim peb, ces lawv tsis paub hais lus Hmoob lawm.
Ces kev thawj thiab poob los ze rau Hmoob tsoom tub ki lawv tej taw rooj tas nrho mus lawm. Lus Hmoob tsis muaj nyob rau lawv nruab siab los nruab tswv yim li lawm.
Txij tiam no mus, ces cov Hmoob mus nyob txawv teb chaws. Yuav tau mus thawj thiab tas nrho, ua Mab ua Suav mus. Poob mus rau lo lus Hmoob hais tias, tau mus thawj thiab ciaj lawm.
Tsuas tseem muaj lo lus tias, lawv keeb kwm thiab caj ces los ntawm lub npe hu ua Hmoob, {Meo} no lawm xwb! Nyob sab ntuj Axias teb thaud, Hmoob yog ib Haiv neeg loj qub qub los puag ntxov los lawm, tau ntau puas xyoo.
Tiam 20 no mus, cov nyob txawv teb chaws, tab tom yog tiam uas tej niam tej txi qhuas tias: Cia lawv cov me nyuam mus hais lus Mab Dawb xwb, thiaj kawm tau Mab Sua txij ci zoo!
3. Lawv cov tub ki no, yuav txuas tsis tau lus nrog rau lawv tej Pog tej Yawg. Sawv daws nyob ua ke noj ib tsum mov, los cov Pog cov Yawg tsis paub cov xeeb ntxwv lus, Cov xeeb ntxwv los tsis paub tej Pog tej Yawg lus.
Yog ib yam nyuaj kawg, ua rau cov Pog Yawg thiab cov me nyuam xeeb ntxwv no, lawv tsis sib ncawg thiab tsis sib raug zoo.
Ua rau tej Pog Yawg tsis nco qab tias, tej Xeeb Ntswv yuav tshaib plab los nqhis dej. Tej Xeeb Ntxwv los tsis paub tias, tej Pog Yawg lawv muaj kev nkees los sab li.
Cov Pog Yawg thiab cov me nyuam Xeeb Ntxwv lawv ua tsis tau phooj ywg sib raug zoo. Ces ob tog tsis muaj kev sib ncawg sib hlub mus, ua rau ib leeg tsis nco leeg, thiab tsis muaj kev sib hwm, los ntawm kev tsis paub lus los!
Koj hais los kuv tsis paub, kuv hais los koj tsis hnov. Tus tsis paub lus, mas koj hais rau nws los zoo li, nws yeej tsis muaj pob ntseg los mloog tau. Vim nws twb tsis paub, ua cas yuav nkag tau rau nws pob ntseg hnov tau!
4. Hmoob nyob ntiaj teb no, muaj ntau plhom leej neeg. cov mus thawj thiab ua Mab Dawb Suav Doog muaj coob kawg suav tsis txheej li. Cov xub pib, yog cov Hmoob nyob rau Suav Teb, thiaj muaj los lus hais tias:
Muaj ib co Hmoob nyoos thiab ib co Hmoob Siav, Cov Hmoob Siav yog cov tau mus thawj thiab ua Suav tas lawd. Cov Hmoob Nyoos yog cov tseem paub hais lus Hmoob thiab txawj hais kwv thiaj paj ntsha lus taum.
Uas paub Hmoob li txuj ci, tseem txawj hais zaj tshoob txiv xaiv foom kom los qhuab qhia Hmoob tej tub ki. kom ua neeg paub tab paub cai li txheej laus coj thiab ua los.
5. Dhau Suav teb los, Tsoom Hmoob khiav los rau Cob Tsib teb, Los Tsuas teb, cov nyiam ua neeg. Kom Mab Sua hwm thiab qhuas lawv, Mas lawv twb pib hloov npe hloov xeem mus lawm thiab.
Txij xyoo 1975 los no, mus rau yav tom ntej, soom Hmoob khiav mus nyob txawv teb chaws. Lawv tab tom hloov npe thiab hloov xeem mus, kom yoog raws li Mab Dawb cov npe thiab lub xeem!
Cov Hmoob mus nyob rau Mes Kuj, Fuaj Kuj Au Tas Lias teb. Lawv tej tub ki tab tom hloov npe hloov xeem mus. Zoo li cov Hmoob Dawv thiab Hmoob Ntsuab.
Lawv yog ib lub xeem, los tej tub ki twb saib tias nyias muaj nyias lub xeem mus lawm! Vim lawv tsis paub Hmoob lus.
Zoo li lub xeem Yaj, ib pab hu ua Yaj, ib pab hu ua Yaaj no. lawv tsis paub tias yog ib lub xeem. Ces lawv tsis sib zeem ua kwv ua tij, lawv yoog raws li tej Mab Sua.
Lawv cia li muab zeem ua lub xeem yog neej yog tsav mus lawm. Yog poob los rau qhov tsis paub lus Hmoob lus ntawd los.
Kuv xav tias tiam 20 no mus txog rau tiam 50, mas yog Hmoob tsis khaws Hmoob cov lus. Mas cov Hmoob mus nyob txawv teb chaws, yuav mus thawj thiab ua Mab Dawb Suav Doog tas nrho mus lawm.

Sau nyob Sacramento tim 25/6/ 2019.
Yaj Zoov Ntxheb Xib Hwb.

Yuav muab ib tug laus neeg lub ntees los piav ua piv txwv qhia. Zoo li thaum Leej Txiv tau ncaim lub Sim Ceeb no mus lawd. Leej Txiv tau hais tias:
Yog kuv tsis nrog nej nyob lawm, tshuav nej xwb, mas tij qhuab los kwv mloog, kwv hais los tij yuav mog! Cuab kwv tij ntsuag no, lawv yug los, lawv puav leej muaj tswv yim ua neeg ntse txhua tus.
Tus twg los xav ua tus coj, kom sawv daws muaj noj muaj haus sib luag xws li lub teb lub chaw.
1=>Tus ua Tij hais tias:
Peb yuav mus ua ib lub tsev loj rau peb nyob! Nej leej twg muaj nyiaj npaum li cas, los muab tuaj rau kuv tib si. Kuv yuav mus yuav tooj yuav hlau thiab yuav xyoob ntoo los ua peb lub tsev, kom txaus peb sawv daws nyob.
2. Tus nrab txawm siv hais tias:
Kuv yog tus thawj coj peb tsev neeg, Nej cov nyiaj nej muaj li cas, nqa tuaj rau kuv, kuv yuav coj mus yuav tej lauj kaub yias tsu, rooj tog phaj diav. Rau peb sawv daws kom muaj diav nyiaj thiab rawg nyiaj rawg kub nrog luag noj, kom zoo xws teb xws chaw.
3=> Ces tus kwv yau txawm suv hais tias:
Kuv yog tus txawj ua lag luaam loj, xws li ib tug tuam Los Pav. Nej cov nyiaj leej twg muaj los na tuaj, kuv yuav coj mus yuav tsiaj txhua los ua lag luam rau peb.
Kom peb yog ib cuab neeg muaj txiag nplua nuj, kom luag tej thiaj saib taus peb.
4=>Ces pab kwv tij no twb paub, lawv lub siab phem los siab zoo tas lawm. Lawv hais tsis sib haum. Luag sab nraud yuav saib tsis tau lawv.
Luag xav tuaj qee lawv nyiaj, los nyiag lawv qoob tuaj nruab txhab, deev lawv poj tuaj nruag paig. Los yuav tsis muaj leej twg xav tuaj pab lawv. Ces lawv muaj kev tu siab thiab seev tias:
Puas muaj ib hnub lub ntuj yuav tshav rau lawv, lawv mam muaj ib tug neeg muaj hwj chim yuav los pab coj lawv.
Ces txawm siv muaj ib tug mus taug xaiv qhia luag tias: Pab kwv tij ntsuag ntawd, lawv twb sab laj tias, lawv tsis txaus siab rau nej no laid.
Twb tsis tau paub tseeb tias, puas tau muaj tseeb tiag, los ib tug txawm siv mus taug xaiv qhia rau sab tod. Ces luag tsis nug qhov tseeb li, luag cia li hais tias:
Pab niag ntsuag ntawd, tsis muaj chaw nyob. Los nyob dai peb ntug zej ntug zos xwb. Tseem ua li ntawd thiab, Ces luag cem thiab ntiab pab kwv tij ntsuag no tawm mus. lawv tsis muaj chaw nyob.
Ces lawv yuav sis faib kev, tso nyias mus nyias ib sab ntuj. Ces tij taug dej nro, tij mus yuav poj tso. Hos cia kwv mus taug dej ntshiab kwv yuav mus yuav poj liab.
Ces Leej Txiv txoj kev qhuab ntuas, yuav yaj ua tshauv ua nag nrog huab nrog cua ploj mus. Peb lub ntuj tiam no ces zoo kiag li pab kwv tij ntsuag no lawm ntag.
Ua li koj ned! Koj ho xav li cas, pab kwv tij ntsuag no. Yuav ua li cas coj lawv lub neej, mus rau yav tom ntej! Thaum lawv txiv nyob lawv txiv twb tau hais rau lawv tias:
Tus muaj kom pab tus pluag, tus txawj yuav tau pab tus ruad! Leej twg yog tus paub tab. Loj zog los tuav ua ib pab no, tus yuav coj tau yog tus zoo li cas!
5=>Tus yuav coj tau yog tus, siab loj siab dav, txawj coj lawv ua noj ua hnav. Tus ua txaum los txawj zam rau, tus ua tsis yog, los txawj qhia rau.
Tus ua tau los ho mus pab ua, tus tsis tau txawj ua los nws nyob nws los tsis ua li cas li. Tej kwv tij los tej nkauj muam, luag khwv tau nyiaj, luag coj los qhia tias:
Tij laug kuv khwv tau qhov nyiaj no, kuv tsis muaj chaw cia. Kuv muab los rau koj cia, kom coj mus yuav phaj diav los rau peb tau noj mov thaum peb coob lawd.
Nws yuav teb tias, me kwv los me muam. koj khwv tau me me xwb kav tsij khaws cia koj xa yuav yam twg coj mus yuav li koj ntshaw mog. Kuv ua tus coj nej sawv daws, hauv lub vaj lub tsev kuv mas nrhiav, koj txhob txawj.
Tej kwv los tej nkauj muam lawv muaj ib pob nyiaj los lawv yeej pom tias leej twg yog tus siab ncaj. lawv yuav tsis pub nws ris lub nra hnyav ib leeg rau ntawm nws nraub qaum mus li!
6=>Tus coj, tsim nyog nws yuav hais tias, Peb niam peb txiv tso peb tseg ntxov ntxov lawm nej khwv tau kav tsij coj mus yuav hnav raws li kev ntshaw, nrog luag tau dhia daj dhiag luag. t Tsis txaus los ho hais paub peb sawv daws ib leeg mam sib ntxiv me ntsis ntxiv thiab.
Tus paub hais tej lus li no, mas nws thiaj yog tus tsim nyog los coj pab kwv tij ntsuag no.
Niaj hnub no peb tsuas pom thiab ntsib cov hais tias: Koj khwv tau kav tsij muab los, Kuv yuav coj mus yuav txhua yam los rau peb siv nyob hauv lub vaj lub tsev, hais tsis muaj npe.
Tus pom luag ua tsis tau cem kiag, tus ua tsis zoo los ntiab tawm mus kiag. Cov coj li no, ces coj cuab kwv tij mus ntsib rau Hmoob tus Yeeb ncuaj loj tshaj ua ntiaj teb tsis nyiam hlo li xwb.
Tuas Yeeb ncuab ntawd, yog yeeb tshuaj yam ua nplua nuj tsis muaj neeg paub li. Thaum ntsib tus yeeb ncuab no lawm. Niam txiv los yuav muab tub ki tua tuag tas los tseem tsis tau ras paub tias kuv ua dab tsi lawm.
Tub ki los muab niam txiv tua tuag tas los tsis tau tsim los tias: Tus ntawd yog leej twg li thiab. Lub zuj ceeb no tej Mab Sua ntxub tus Yeeb ncuab uas Hmoob nyiam heev no kawg li.
Tos Hmoob nyiam tus yeeb nvuab no vim muaj ib txoj kab los ntawm Hmoob kev tsis txawj sib hlub li lub ntees, uas tej niam tej txiv qhia tias tus paub tab, loj zog tuav sawv daws ua ib pab.
Tus muaj hlub tus pluag, tus ntse pab tus ruad. kwv mloog tij qhuab tij mloog kwv hais. Ib leeg coj leeg. Txhob mus ze rau tus yeeb ncuab no.
Ua neeg vwm txog muab niam muab txiv tua tuag tas los tseem tsis paub ras txog tias: Yog yus niam yus txiv, muab yus tub yus kiv tuag li tej tsiaj tas, los tsis nco tias lawv yog yus roj yus ntshav los yog yus nplooj siab.
Hais tog tus yeeb ncuab no, nco ntsoov cim tseg. Niam Txiv yuav qhuab tub ki thiab yus rov qhuab yus tus kheej ua ke nyob hauv. Tub ki los yuav tau qhuab niam qhuab txib ib yam nkaws.
Kom peb tsoom Hmoob tau nyob nrug deb ntawm tus yeeb ncuab no mus deb li deb tau! Kom txhob tau coj plaub ntug los tso tej tub ki, los tej txij nkawm tau mus ua ntsuag li peb, tau pom nyob hauv Hmoob lub npe.
Kwv tij zaj lus no, yog lus ua kom muaj kev nco ras pom ntawm tsoom Hmoob tej qhov muag thiab hnov ntawm tej pob ntseg tias, cov luag ntxub kom txhob yog Hmoob no xwb.

Sacramento tim 17/7/2019.
Yaj Zoov Ntxheb Xib Hwb.

Peb Leej Tib Neeg txoj kev hloov siab, tig los yuav lub siab tshiab. Kom haum raws li Tswv Ntuj txoj lus hais tias:
Yog luag xav ib ncuav pias rau koj sab plhu saug, mas koj tig koj sab xis los rau luag ib ncuav pias ntxiv. Yog luag xav rho koj cov hwj txwv, mas koj tig rau luag rho. Thiab yog luag xav txeeb koj lub tsho khuam, mas koj muab koj lub tsho tshaj sab zoo nkauj los pub rau luag no.
1.Peb cov Leej Tib Neeg nyob ntiaj teb no, yog yuav hloov kom peb yoog tau Yes Xus lo lus no. Mas peb yuav muaj kev ntseeg tob, nyob puag hauv peb nruab siab tawm los.
Thiab peb yuav khaub zig txog Leej Tswv Yim Ntshiab, pab qhia peb coj kev ua peb lub neej. Peb thiaj muaj peev xwm hloov tau raws li Yes Xus qhia.
Vim peb lub tswv yim me me kawg, tsis muaj txaus txog qhov yuav yuav hloov siab tig los yuav lub siab tshiab. Neeg tej kev ua xyem xyav tseem pom tsis tau txog, Tswv Ntuj lub siab nyiam thiab khuv leej txog luag lwm tus!
2. Neeg tseem zoo li yog ib tsav tsiaj, uas Neeg tsuas ntse tshaj lwm tsav tsiaj dua tib si xwb. Neeg zoo li yog tsav tsiaj thoob tsib thiab ntse tshaj txhua hom tsiaj tib si lawm.
Ces neeg mus saib thiab kawm txhua yam, los ntawm cov tsiaj loj thiab muaj zog los. Zoo li cov tsiaj loj, mas lawv tsuas txawj noj cov tsiaj me, txhua hom.
Zoo li cov tsiaj loj nyob nruab deg, lawv tsuas paub noj cov tsiaj me nyob nruab deg, kom tas mus! Cov tsiaj nyob nruab nqhuab, los cov muaj zog, lawv tsuas paub noj cov tsiaj me tsis muaj zog, tsis hais hom twg li.
Tsuav yog ncaj lawv ncauj, ces lawv noj tas nrho mus. Zoo li puav leej yog lawv txhiam xws noj. Tsuas yog hom tsiaj noj zaub, mas lawv thiaj tsis noj lwm hom tsiaj txhu.
3. Muaj qee hom tsiaj, mas lawv noj zaub thiab noj tsiaj sib npaug! Zoo li ib cov tsiaj ya saum ntuj, cov noog, lawv noj txiv xyoob txiv ntoo. Nrog kab noog mus rau cov tsiaj me. Kuj muaj ib nrab nas noog, zoo li cov liaj da thiab kab ntsaum noj cov tsiaj me. Yam zoo rau lawv noj, ces lawv puav leej noj tas nrho.
Tej yam no, kuj yog Ntuj tsim los sib ua txhiam xws rau lawv noj. Lawv noj mus ces hloov mus kom tsis muaj kev tsw ntxhiab los tsw phem rau lub ntiaj teb no.
Kom dej huab cua huv, rau Leej Tib Neeg thiaj tsiaj txhu txhua yam tau haus los yug siav yug pa kom zoo rau txhua tsav txhua yam mus.
4. Cov Leej Tib Neeg lawv kuj noj tas txhua hom tsiaj loj tsiaj me, mus thoob plaws rau nas noog los me kab ntsaum txhua nrho tib si.
Leej tib neeg hais txog yam noj, mas tus leej Tib Neeg no, noj loj cuag li neeg yog thawj hom kab mob noj txhua yam uas yog Ntuj tau tsim los los ntag.
Yam tsis zoo yog neeg noj, neeg tus dag tus zog, los zoo li yog neeg rov noj neeg tej roj tej ntshav lawm: Zoo li cov neeg muaj peev xwm thiab muaj zog, lawv yuam cov neeg tsis muaj peev xwm, los tsis muaj zog ua hawj lwm rau lawv cov loj thiab muaj zog!
Qhov no kuj hais tau tias, cov Neeg loj noj cov Neeg me, li cov tsiaj loj, tau noj cov tsiaj me lawm thiab. Tsis yog noj neeg lub cev nqaij, nws tau noj neeg lub zog thiab noj neeg tej roj ntsha uas neeg tau siv zog kwv los rau lawv noj, kuj zoo ib yam nkaus lawv tau noj neeg lawm.
5. Lawv tau noj Neeg, cuag li muab Neeg cov ntsuj plig uas Ntuj tsim los pub rau neeg. Kom tau ua Ntuj cov me nyuam ntawd, cov ntsuj plig los noj, zoo li cov tsiaj loj noj cov tisaj me lub cev ib yam nkaus.
Tej yam hais no, mas yeej tsis yog lawm, raws li txoj kev cai uas neeg yog tsav tsiaj ntse tshaj. Mas neeg txhua tus txawm loj thiab me, yog tsav muaj tswv yim ntse tshaj lawm, sawv daws puav leej yog Ntuj me nyuam loj ib yam tib si.
Neeg tsis txawj hwm Ntuj, los tsuav yog neeg txawj hwm neeg. Ces Ntuj yuav saib tias,Neeg tau hwm Ntuj lawm, Kev ua Ntuj me nyuam. Yog kev sib faib txiaj ntsim, tus loj txawj lhub tus yau, tus muaj yuav hlub tus pluag, kom tsim nyog rau Ntuj nyiam thiab Ntuj hlub sawv daws mus.
6. Vim yog Leej Tib Neeg ua tsis tau li hais no, ces thiaj hais tau tias, neeg kawm neeg tej cai no, los ntawm cov tsiaj txhu los!
Cov neeg loj thiaj noj cov neeg me, xws li yog tsiaj, tsis yog neeg. Qhov loj, yog ua rau cov neeg me lawv cov Ntsuj Plig raug kev txom nyem loj:
a.Vim cov neeg loj tsis hwm cov neeg me, yuam cov neeg me ua lawv qhev. Noj cov neeg me zog, cuag li nqus lawv roj lawv ntshav, lawv tau raug kev txom nyem tu siab quaj qaws hu Ntuj.
b. Cov muaj zog yuam cov tsis muaj zog, txeeb lawv cuab yeej cuab tam los ua nws tug. Lawv muaj kev chim siab tu siab thiab lawv muaj kev ntxub tau quaj hu ntuj…
c.Tus muaj zog yuam tus tsis muaj zog los ua kev nkauj kev nraug cuag li saib tias, nws yog ib tug tsiaj xoo muab nws siv los txi rau tus muaj zog kom zoo nws siab, npaum li luag siv ib tug tsiaj, los ua tej thaj txi dab, los txi Ntuj pub rau nws tus kheej.
Luag tau kev txom nyem los ntawm tsis hwm, los tsis hlub luag. Siv luag lub cev los ua kev zoo siab tsis tau pub paj tshab rau luag li. Luag tau quaj qhia rau lub Ntuj lub Teb tau hnov…
d. Tus ua thawj neeg tau yuam cov pej xeem, ua nws hauj lwm, tsis pub nqi zog txaus. Ua zaud tas ua dua zaud tuaj, luag ua tsis dhau nws, ces luag tau ua nws qhev ntau niaj ntau xyoo los tsis pauj txiaj tsim rov qab. muaj kev ntxub sib cav sib ceg nyob tsis kaj siab…
e. Cov Nom Tswv kav teb chaws, tsim kev cai ntau los yuam tej pej xeem, muaj ntau yam tsis tsim nyog:
Los yus tseem tsis pub nqi zog tsis txaus rau luag thiab, los tseem sau se kom qee ib feem mus them ua se ua nuj ua nqi ntxiv yam tsi tseem ceeb.
Kom cov thawj neeg tau nyiaj dawb, cuag li nyiaj txawj poob saum ntuj los rau lawv. Cias tsoom pej xeem yoo tshiab noj tsis txaus. Lawv txom nyem tau quaj hu Ntuj…
f. Tej Nom Tswv tsim tej kev cai txwv, rau tej pej xeem huab hwm, kom leej twg xav ua lag luam kom muaj kev nplua nuj tuaj. Yuav tau thov ntawv kom muaj ntawv muaj cai, thov kom muaj lus kheev los ntawm cov thawj neeg mam ua tau!...
Ua rau pej xeem tsis paub ua noj ua haus, muaj neeg ntshaw kev nplua nuj coob. Thiaj muaj neeg ua tub sab ub nyiag, mus ua luam txhaum cuav, puv qab nroog hauv nroog mus.
Thiaj txhom tau, muaj tau tus tub sab tub nyiag coob, coj mus rau txim hnyav. Ua rau lawv tej poj niam me nyuam raug kev txom nyem, cuag li tsis muaj txij nkawm, me nyuam tau ua ntsuag thov khawv noj thov haus mus…
g. Cov Nom Tswv kav teb chaws, ib lub teb chaws mus dhau lub. Sib khav hwj chim, los mus kav lwm teb chaws. Siv tswv yim los txiav kev lag luag tsub se hnyav rau rau luag them…
Ua kom sawv daws muaj xaiv muaj lus, hais tsis sib haum, tsim kev ua tsov ua rog los sib tua. Muaj neeg tuag thiab neeg txom nyem tsheej txhiab tsheej pua vam leej. Muaj neeg txom nyem quaj hu Ntuj qaws mus thoob plaws rau lub qab ntuj khwb no…
h. Tas txhua yam hais los ntawm, qhia txog cov Tsiaj loj noj cov tsiaj me. Thiab cov Neeg loj noj cov Neeg me no, puav leej yog hom kev cai uas ua tub qaug rau lub Ntuj lub Teb tib si lawm. Vim tias, tas nrho tsoom neeg nyob hauv lub qab ntuj khwb no, Ntuj yeej qhia tias, tas txhua Haiv neeg, yog Ntuj me nyuam tib si.
Qhov yuav daws tau, kawg yog yuav siv Ntuj cov lus los daws. Mas thiaj yuav daws tau kom Neeg nyob kaj nyob huv mus: Yuav mus nrhiav thiab coj raws nraim li.
Tswv Ntuj 10 lo lus uas Tswv Ntuj tau qhia rau tus Yawg Koob Mais Xes, nyob saum lub roob Xis Nais ntawd, los kawm kom thoob. Txhais kom tas,Neeg ntiaj teb txoj cai twg, los nyob tas nrho rau hauv Tswv Ntuj cov lus qhia no.
Neeg txhob tsim tej txoj cai txawv uas tsis nyob hauv qab Tswv Ntuj 10 los lus qhia no li. Neeg thiaj yuav ncaim tau mus, yam uas tsis yog tsim ib co cai zoo nkaus li cov tsiaj, noj tsiaj no tej cai. Mas lub Sim Ceeb no, thiaj yuav tawg paj tau tshaib thiab txi tau txiv qoos zoo.
Kom tsim nyog rau Ntuj nyiam thiab Ntuj hlub txog tsoom neeg ua neej nyob rau lub Sim Ceeb no mus ntxiv kom txog txhiab niag tim puas xyoo.
Nyob hauv Tswv Ntuj 10 lo lus qhia no, cov hais tias, lawv yog cov tub txawj tub ntse lawm. Yuav tau kawm kom paub meej, thiaj yuav tsim kom tau ib txoj cai zoo los rau neeg Yaj Ceeb siv kom tsim nyog us rau yav tom ntej.

Sau nyob Sacramento tim 20/6/2019.
Yaj Zoov Ntxheb Xib Hwb.

Tsis hais ntseeg qub kev cai ua dab qhuas, raws li Poj ua tseg Yawm ua cia. Los kev ntseeg Ntuj, puav leej muaj qhov yuam kev sib npaug zos!
Tsis hais sab twg li, yuav tau kho thiab hloov, kom tej yam uas hais los kom muaj tseeb:
1=> Sab ntseeg kev ua dab qhuas, muaj qee yam tsis yog thiab tsis tseeb raws li tib neeg tej ncauj lus hais! Yuav tau kho thiab hloov mus raws li yam muaj tseeb, kom zoo muab hais tawm los!
Leej tib neeg, nws lub tswv yim me, neeg lub siab kub. Ces neeg hais raws li neeg kev xav ntau. ces thiaj muaj qhov tseeb thiab qhov cuav nyob ua ke.
Yam li tej mob nkeeg nyob hauv lub cev, neeg noj ntxhib los noj tsis huv, ua rau neeg lub cev muaj mob. Lo lus hais tias, noj txhaum yog ib los lus tseeb tiag.
Hos lo lus hais tias, yog raug dab lawm, mas yog neeg txua los phim rau. Kev raug dab, mas yog raug nyob nruab siab ntau dua, li raug dab nyob rau nruab cev!
Kev ua mob nkeeg raug lub cev, mas yog tuaj ntawm kev raug Neej tuaj tas nrho. Yog Neej ua tub qaug rau neej, mas Neej thiaj muaj mob!
Yam li, nws raug tus muaj zog los muaj peev xwm ntawd, cem, ntaus, tsawm, foom thiab ntxub nws. Nws xub raug ntshai, los tu siab, ces nws chim siab, ua rau nws tej roj ntsha tau ceeb mus txog plab plaws tswv yim.
Nws tsis xav ua neeg nyob vim muaj kev tu siab tau kev quaj, muaj kev kho siab. Nws swb tus sab foob khaub thuas ua ntej lawm, nws noj hno tsis poob plab haus dej tsis paug cev.
Mam ua mob nkeeg tuaj rau nws, nws mam muaj kev txob txhawj. Nws mam mus nug txog tej txiv muam saib yaig. Lawv cia li muab ntaus nqi tias, yog raug dab, los yog dab tom no tuaj lawm.
Tej yam tsis tseeb li no ntag. twb tsis muaj dab tsi li, los tej txiv muam cia li muab nws nplua qaib qe los hu plig kom lawv tau poob nyiaj mus yuav tsiaj yuav txhuv los tua pauj rau dab.
Lawv twb raug kev txom nyem lawm, los cuag li li dab tseem yog cov zoo. Neej yog cov phem, tej txiv muam, cia li muab nws nplua mus them rau dab! Yam tsis saib tias. puas tau tsim nyog los yeej txaus muab nws npua lawm.
Peb yuav tau ras txog lub tswv yim neeg xav thiab coj no, puas tseeb lawm los tsis tseeb. Txhob siv lub tswv yim no los hais rau tej neeg tsis paub tab, kom lawv ntseeg tias. Tus txiv muam, mas nws nce tau mus saum ntuj nrog Ntuj txuas lus tau, los nws nqes mus dab teb nrog dab khom nqi tau yooj yim li no!
2=> Cov ntseeg Ntuj, Lawv yeej xaiv tau qho tseeb thiab yog lawm. Tab sis lawv kuj tsis paub txog tias, cov dab nyiam los ntxias kom neeg yuam kev loj. Ib yam li cov neeg ntseeg dab qhuas, lawv nyias txua nyias dab qhuas kom sib txawv mus, ua kom nyias muaj nyias dab nyias qhuas sib txawv.
Koj pab tsis xws kuv pab, kuv cov tsis xws li koj cov. Kom nyias muaj nyias pab nyias pawg, tsis zoo ib yam.
Tej no yog vim dab tsi tias?
Cov dab mas lawv muaj ib nplooj siab tsis ncaj, Dab tsis ntxub Leej Tib Neeg, Dab muaj kev ntxub Tswv Ntuj. Vim dab tsis tuaj yeem mloo Ntuj lus, dab tau txiav txim sib ncaim ntawm Tswv Ntuj. Ces Ntuj tau muab cov dab pov los nyob rau ntiaj teb no! Ces dab xwb tim ntxias kom neeg yuam kev li dab, kom neej thiab dab tau nyob ua ib pawg.
Tas nrho kev teev dab qhuas thiab kev ntseeg Ntuj, mus rau txhua yam kev ua neej nyob ntiaj teb no. Kom muaj kev puas tsuaj mus tas nrho txhau yam mus:
Kom neeg tsis sib haum nrog neeg thiab neeg tsis haum nrog Tswv Ntuj tib si mus. Kom lub ntiaj teb no tsis muaj ib yam zoo rau neeg, ces neeg tsis muaj kev tawm mus.
Neeg ua rau neeg kom neeg piam tseem mus, sib kis mus rau txhua txoj kev nyiam kev hlub, nrog rau kev ua tub qaug Ntuj mus tib si. Kom neeg ua ib tsav neeg nyob tu caj tu ces tsis muaj kev vam khom khaub zig rau Ntuj.
Dab tseem ntxias, cov neeg ntseeg Ntuj kom ua phem dua cov neeg coj qub kev cai, ntseeg dab qhuas. Nyob hauv cov neeg ntseeg Ntuj, mas lawv tsim kev ua txhaum loj dua cov neeg tseem teev dab qhuas.
Dab cob thiab qhia cov neeg ntseeg Ntuj, kom ua txhaum loj thiab ntau dua lwm cov. Dab muaj ntau txoj haum lwm thiab ntau zaj tswv yim. Nyob nrog kev ua phem ua zoo sib npaug, los pleev rau cov neeg ntseeg Ntuj:
kom lawv ua tau tej yam ntxim ntxub thiab ntxim tu siab loj tas nrho, los nyob nrog neeg tej hauj lwm. Thiab nyob nrog neeg zaj lus tshaj tawm los, ua kev zoo kev phem nyob zais ntshias ua ke, sib npaug zos! Neeg coj lub meej mom txawj hais lus, raws sib nyiam sib hlub loj tas nrho.
Yuav ua phem rau ib tug neeg twg, mas muab kev nyiam kev hlub los pleev cuag li hlib tshuaj tsw qab rau saum nws taub hau. Muab kua nyiaj kua kub los ywg lawv cuag li lawv tsim txiaj thiab muaj nqes yog neeg zoo tas nrho.
Ib pliag ntshis ntawd xwb, muab lawv yuam ua tsiaj tua kiag. Los txi rau nws lub rooj txi rau nws tus dab nkauj dab nraug, los txi rau nws tus dab plees dab yi ntawd.
Yam tsis muaj kev hlub thiab khuv leej, txog Phooj ywg tej txij nkawm. Los Phooj ywg tub ntxhais li. Tsuav nws tau muab txi rau nws, tus dab ntsaw luag lub cev, kom tau ua raws li lub siab nyiam mus.
3=> Lub caij Yes Xus nyob, cov uas raug Yes Xus cem heev tshaj. Yog cov Fas Lis Xais, cov Fas Lis Xais ho yog cov twg tiag thiab yog cov zoo li cas?
Cov Fas Lis Xais Yog Thawj pab ua thawj neeg coj txoj kev ntseeg Ntswv Ntuj. Lawv yog pab leej Choj pab thawj Xib Hwb pab tuav cov ntawv ntshiab, yog cov lus thoob tsib nyob hauv txoj kev teev hawm Has Nplas, His Xas Has thiab Yos Kos tus Tswv Ntuj ntag.
Yog pab neeg tuav lub Tuam Tsev teev Ntuj nyob hauv lub Nroog Yes Lus Xas Les. Uas Yog tus Vaj Das Vis lub Tswv yim txhim los rau Tswv Ntuj lub npe nyob.
Thaum Yes Xus pib tshaj lub Moo Zoo nyob Yus Das teb, cov uas Yes Xus cem thiab qhuab qhia lawv ntau tshaj yog cov Fas Lis Xais no.
Cov cem Yes Xus ua neeg thuam Ntuj, los yog cov Fas Lis Xais no. Cov muab Yes Xus tsim txom raug kev txom nyem loj thiab tuag nyob saum ntoo cuam, los kuj yog cov Fas lis Xais no.
4=> Ua ntej Yes Xus yuav nce mus lawm saum ntuj, Yes Xus tau xaiv Xis Moos. Yes Xus hais tias: Xis Moos Hnub no koj yog Pob zeb, Kuv tsa koj ua lub Pob Zeb kom tau nyob ruaj kho.
Dab Phem cov rooj loog yuav tsis yeej lub Pob Zeb no.
Koj daws yam twg ntuj saib yog daws nyob saum ntuj, Koj khi yam twg Ntuj kuj saib yog khi nyob ntiaj teb no.
Txij thaum Yes Xus mus rau pem ntuj lawd, Yes Xus tau thov kom Leej Txiv xa Leej Ntuj Plig tuaj nyob ntiaj teb no. Kom tau txuag lub Pob Zeb uas Yes Xus tau tsa tseg nyob ntiaj teb no.
Dab Phem kuj rov tsa ib pab Fas Lis Xais nyob ncig lub Pob Zeb uas Yes Xus tau tsa ntawd thiab. Yog cov thawj neeg ua Cov txwj laus los cov ua thawj coj ntawm cov Xib Hwb.
Nyob hauv cov Xib Hwb muaj cov ua thawj coj kub siab lug tshaj Yes Xus lub Moo Zoo cuag li pab Fas Lis Txais tshaj Has Nplas His Xas Has thiab Yos Kos lawv tus Tswv Ntuj cov lus rau Tsoom his Xais Lais 12 lub xeem.
Yog pab Fas Lis Xais tshiab ua Xas Tas tsa lawv los, lawv muaj peev xwm qiv Yes Xus zaj lus los qhuab qhia neeg loj kawg.
Tab sib nyob hauv lawv nruab siab lawv muaj ib yam zais ntshais qhia tsis tau tawm los rau leej twg paub. Tsuag yog Leej Ntuj plig thiaj pom tas txhua yam uas lawv ua thiab ceev tseg nyob rau lawv nruab siab.
Cov Xib Hwb coj li cov Fas Lis Xais lub siab, mas tsis muaj neeg paub tias lawv yog neeg phem. Lub caij Yes Xus nyob Yes Xus kuj tsis txwv lawv, cia nyias mus nyias.
Yes Xus kuj tsis thuam lawv, Leej twg tuaj cuag Yes Xus, mas Yes Xus tsuas nug thiab ntuas lawv kom lawv ua li lawv nug thiab lawv hais xwb.
5=> Peb cov Hmoob txoj kev sib thuam sib txiav sib cais, peb puav leej tsis paub tias peb tau ua dab tsi li! Nco ntsoov tsam tus ua zoo tshaj nws poob mus yog ib tug Fas Lis Xais.
Tus ho ua tsis tau zoo, los tsam nws yog tus nyob saum lub Pob Zeb. Uas Yes Xus tau tsa los kom nyob khov kho, ces dab phem cov rooj loog yuav tsis yeej nws thiab.
Cov ncawg Huab Tais lawv yuav mus noj Huab Tais rooj mov raws li Huab Tais qhia rau Huab Tais cov Thwj Tim tias, nej sis fab noj.
Txhob lam ua ib co kab ke muab qub zaub qub mov los ua ib lub cim me me los nco txog, Huab Tais rooj mov. Huab Tais rooj Mov, yog rooj Mov cog lus tshiab muaj txoj sia nyob mus li. duav lub Sim Ceeb no mus nto plaws rau Ntuj Ceeb Tsheej.

6=> Cov neeg ntseeg paub Huab Tais rooj Mov zoo, mas yam uas lawv yuav caiv. Yog caivyam nyob txawm hauv neeg nruab siab yuav hais tawm los tsis zoo rau neeg, mas yuav tsum caiv mus kom tau!
Hos yam uas nyob sab nraud, yuav nkag rau hauv neeg lub nrog cev. Thaum nws ua nws txoj hauj lwm tiav lawm, yuav xa nws mus rau sub tsuag nws yuav mus ua chiv yug nroj yug tsuag mus. mas tsis muaj caiv.
Muaj Huab Tais los lus hais ua ntej li no lawm, Tsis hais pab thawj neeg twg los npoj Xib hwv twg li. Nco ntsoov tias, Thaud, muaj pab Fais Lis Xais qub. Nyiam no ntshai yuav yuav muaj ib pab, Fas Lis Xais tshiab khiav sib law sib liag ua kev thiab.
Nyob hauv txhua hom kev ntseeg, ntuj los ntseeg dab qhuas. Tus yuav yog Qaum ntun me nyuam nyob sab twg los nws yeej yog neeg dawb huv.
Tus yuav ncaim ntaw Tswv Ntuj mus nyob sab twg los nws yeej xub muab nws tsa ua tus loj tshaj Huab Tais ua ntej lawm.
Zaj no yog ib lo lus ceeb toom rau txhua cov Ntsuj Plig tias, muaj kev phem kev zoo nyob ua ke. Tsis yog lus xaiv lus ncua yuav coj los sib thuam ua plaub ntug.
Tas tsoom Ntsuj Plig, mas txhua tus yeej nyiam qhov zoo kom yoog tau yam zoo mus xwb. Tab sis lub cev muaj khib thiab ntshaw ua tus loj los nrog Huab Tais sib tw.
Li Hmoob hais dab neeg. Yus xob vog thawj zaug luaj li tus poj qaib xwb. Rov xob vog zaum ob loj kawg nkaws, tsuas loj luaj li tus maum npau xwb. Ces yus txuj ci tas nrho lawm!


Sacramento tim16/7/19.
Yaj Zoov Ntxheb X.H.

Nyob hauv kev ua tub sab, muaj paub pab ua tub sab sib txawv li no:
1.Thawj pab neeg tub sab, yog cov neeg pluag. Uas lawv tsis muaj tswv yim, los lawv yog cov neeg tub nkeeg. Lawv khwv tsis txaus lawv noj, ces lawv pom cov neeg muaj txiam xws los tsiaj.
Lawv nyiag kom txaus lawv noj txwm hnub txawm hmo, cov tub sab zoo li no, lawv yog cov tub sab tsis ua xwv txheej loj rau neeg. Cov no, mas lawv raug neeg, ntxub lawv heev thiab lawv kuj paub lawv kev txaj muag kawg.
2 pab tub sab ob, yog cov uas lawv yeej ntshaw luag tug. Lawv tau nyiag leej twg, mas lawv ua tub sab nyiag kom tau ua neeg nplua nuj.
Lawv tau nyiag leej twg, mas lawv nyiag yam uas, tsis ntshai kev khaum kev txhaum li. Lawv tsuas saib tias kom lawv nyiag tau los ua lawv tug nkaus xwb.
Hom tub sab no, lawv muaj peev xwm loj heev, nyiag qoob loo, nyiag tsiaj txhu cuab tam nyiaj txiag mus lawm tib si! Yog muaj neeg pom, mas lawv muaj peev xwm tua tau neeg npog nroj ntsuab mus.
3. Pab peb no, yog pab tub sab nyiag yam neeg tsis paub kiag li! Yam li lawv ua ib co koom Haum loj los nrhiav neeg ua hauj lawm kom nyiaj tawg paj txi txiv ntau.
Tab sis lawv tsis muab nqi zog rau cov tub ua haum lwm kom txaus. Lawv hais ib co lus zoo heev, cuag li yog Ntuj tej lus. Tab sis lawv muab nqi zog tsawg rau cov tub ua tub zog, ua hauj lwm rau lawv.
Thaum lawv tau ib tug tub zog lawd, mas lawv tsuas muab cov feem puas ua lawv khwv tau pes tsawg feem pua rau xwb.
Hos nws tus kheej, mas yog tuam los pav muaj txiag nplua nuj loj tas nrho. Nws tsuas pub paj tshab me ntsis ua nqi kev mus sib sau sab laj qhia tswv yim kom sawv daws nrhiav neeg ua hauj lwm rau nws.
Qhov zoo nyob hauv nws txoj hauj lwm ntawd, muaj coob leej lawv muaj noj haus txwm hnub. Ces lawv tsis mus ua neeg phem lwj liam.
Kom tau mus raug plaub ntug, kom neeg saib tsis taus lawv. Ces lawv tau ua ib co neeg dawb huv nyob ntawm zeej tsoom xub ntiag.
Qhov tsis zoo yog tus Los Pav muab nqes zog tsis txaus rau cov tub zog, kom raws li kev ncaj ncees ntawm ib tug neeg ua hauj lwm txwm hnub rau lawv.
Thiab tus Los Pav no nws nplua nuj tshaj li kev ncaj ncees, nws tau noj, luag zog dhau tus cai zog lawd. Nws txoj kev hlub neeg yog nyob ntawm nws lub ncauj ntau, tsis nyob rau nws nruab siab tuaj tiag.
Muaj qee tus tub zog lawv ua hauj lawm tau ntau xyoo los, lawv tsuas muaj mov txaus noj txwm hnub xwb.
4. Pab plaub no, lawv ua tub sab mus raws li. ua tub sab tes dawv tes huv! Lawv coj saw kub cuav nrog lawv lub cev, mus ncig ua neeg dawb huv qhia cov tseem nyiaj los tseem kub rau neeg sawv daws.
Lawv nyiag cov neeg nyiam coj saw kub los saw tes, cov yog tseem kub tiag. Lawv mus nthua lawv tej saw kub cuav qhia hom neeg nyiam coj saw kub ntawd tias: Lawv muaj saw kub muag pheej yig.
Leej twg txaus siab sim xyuas nws cov saw kub saib puas zoo nkauj thiab puas phim cev li nws txoj thiab! Lub caij nws muab nws txoj,los sim rau cov neeg nyiam coj saw kub ntawd. Ua tus coj saw kub yeej muaj ntxawm nyob ntawm nws cev lawd.
Lawv muab lawv txoj mus los mus phim rau nws txoj, saib puas zoo xws li nws txoj. Ib huam ntawd, tub sab twb daws tau, nws txoj tseem saw kub mus lawm. Muab txoj cuav los rau nws coj, ua txoj qhuas qhuas tias, kuj zoo ib yam nws nws txoj tseem kub thiab ntag.
Nws rov muab nws txoj daws mus lawm, tab sis nws txwj txawj hloov tes ces nws twb hloov tses daws tau yus txoj saw kub kus lawm yam yus tsis paub li. Tus tub sab dua toj tas yus mas ras los saib yus twb tau txoj saw kub cuav lawm.
Cov neeg ua tub sab muaj ntau pab li no, yog yus tsis muaj kev paub thiab ceev faj. Mas yus hom yuav raug cov tub sab no haub yus mus yuam kev raug rau pab twg li od.
Kwv tij kuv sau raws li kuv mem tau xwb kuv tsis hais tias, qhov tseeb yeej yog 100% lawm. Tus yuav paub yog nej cov tau nyeem zaj lus kuv sau no, nyias mam txiav tias tseeb los tsis tseeb xwb.

Sau nyob Sacramento
Tim 9/7/2019. Y.Z.N.X.H.

Tas nrho txhua Haiv neeg thiab txhua hom, kev ntseeg nyob ntiaj teb no. Tsis hais hom kev ntseeg twg li.
Nws zoo ib yam li cov neeg, muaj tej tus yog neeg thoob tsib thiab tej tsis thoob tsib. Sawv daws nyob ua ke, sib xyaws.
Cov thoob tsib uas luag xaiv, los ua thawj neeg thiab cov xaiv los tuav hauj lwm, rau luag tau kev txib. Cov ua thawj neeg yog cov zoo li cas?
A.Cov thawj neeg, yog cov uas luag hu lawv ua tsoom hlob. lawv yog cov muaj lub npe hais tias, lawv ua nom ua tswv, txheej siab nqis los rau txheej qis.
B. Cov Tuam Los Pav loj nplua nuj, los rau cov Tim Xyoob tuav hauj lwm. saib txog lawv tej nyiaj txiag. Cov txheeb nyiaj tawm thiab saib cov nyiaj tau nkag los. Nrog rau kev siv nyiaj tawm thiab sau nyiaj los.
C. Nyob rau hauv fab kev ntseeg, yog cov Tswv Qhia, rau cov Txiv Leej Choj thiab cov Leej Tsob Hwb los cov Xib Hwb ua tub tshaj Ntuj lus.
Dhau los mus, mam los rau cov ua txiv tsev thiab niam tsev. Nyias muaj nyias haum lwm txib ua, los ntawm lub Koom Txoos.
Sawv daws yog ib pab ib pawg, nyob hauv Yes Xus lub npe. Nyob ua ke hauv txoj kev ntseeg, peb nyias yuav ua nyias txoj hauj lwm kom haum li Yes Xus lub Moo Zoo.
D. Peb yuav nco ntsoov, txog lub caij Yes Xus tseem nyob. Cov His Xas Lais, lawv yog ib pab neeg ntseeg txog Tswv Ntuj. Suav txij li Tswv Ntuj hu tus Yawg Koob Has Nplas thiab Yas Kos lawv los rau mais Xes.
Thiab tsoom Yaj Saub, los rau cov tub Tiv Thaiv thiab cov Vaj His Xas Lais. Uas Tswv Ntuj tau qhia txoj cai thiab kev teev hawm rau lawv.
E. Nyob hauv lub Koom Txoos tam sim no, peb yuav tau ceev faj kawg nkaws thiab. Yog peb tsis muaj kev ceev faj!
Mas nyob hauv lub Koom Txoos Ka Tau Liv, ntshai tsam yuav muaj ib pab Fas Lis Xais tshiab sawv los tawm tsam rau Tswv Ntuj lub Koom Txoos.
Xws li thaum Yes Xus tseem nyob, Tas nrho Tsoom His Xas Lais lawv puav Leej ntseeg txog Tswv Ntuj. Cov Thawj neeg coj tsoom His Xas Lais sawv los ua cov Fas Lis Xais tawm tsam rau Yes Xus tias:
Yes Xus yog tus tau raug Tsoom Fas Lis Xais, thuam tias: Yes Xus yog tus Thuam Ntuj ces liam txim thiab muab Yes Xus tua vim Yes Xus tau thuam Ntuj.
Yog peb tsis tso siab rau Leej Ntuj Plig, ces peb yuav lees tias peb yog cov Fas Lis Xais tshiab sawv los tawm tsam rau Yes Xus ib yam nkaus thiab.
Yes Xus Nws tseem yog tus Yes Xus, qub nws twb raug txom nyem ib zaug los vim Nws xav cawm ntiaj the neeg cov Ntsuj Plig. Yes Xus tseem yuav rov raug txom nyem dua ib zaug ntxiv, vim cov Fas Lis Xais tshiab rov tawm tsam thiab liam dua tej yam tshiab rau Yes Xus ntxiv. Yuav tsum paub tias, yog peb liam rau Yes Xus ib tug thwj Tim raug kev tu siab thiab mob.
Mas twb yog peb ua rau Yes Xus raug tu siab thiab ua rau Yes Xus mob. Ua li mas Leej Pleev yuav ris neeg ntiaj teb cov txhaum mus txog thaum twg Yes Xus thiaj tau nyob thaj yeeb.
F. Txij thaum lub Koom Txoos Ka Tau Liv pib muaj neeg ua tej pab sib ncaim los txog niaj hnub no! Mas cov Fas Lis Xais tshiab sawv tuaj muaj coob zuj zus tuaj.
Cov Fas lis Xais tshiab no tsis yog sawv muaj nyob hauv ib pab neeg los ib lub Koom Txoos xwb. Lub Koom Txoos twg los pab neeg ntseeg twg yeej yuav tsum muaj ib co yog cov Fas Lis Xais, nyob rawv ntawm ib sab.
Hos ib co thiaj yog Yes Xus cov tseem Thwj Tim tiag! Yus qhia tsis tau tias yog koj, los yog kuv li. Yes Xus thiab Leej Tswv Yim ib leeg thiaj paub xwb.
Peb tej kev tsis sib raug zoo nyob hauv lub Koom Txoos no, peb tsis paub tias, leej twg yog Pab Fas Lis Xais. Hos leej twg pab yog Yes Xus cov Thwj tim li.
Phim nyias yuav nug nyias, rau leej Tswv Yim Ntshiab tias, Leej Nplij Neeg koj pab qhia kuv saib. Kuv puas yog ib tug Fas Lis Xais, nyob ntwm Leej Pleev xub ntiag, los kuv yos leej Pleev ib tug Thwj Tim tseeb tiag.
Kwv tij tsim nyog peb yuav los xav tswv yim kom zoo, Thov kom cov Fas Lis Xais tsuas muaj cov qub xwb. Kom txhob muaj dua ib co Fas Lis Xais tshiab sawv los tawm Tsam rau Leej Pleev dua.
Yog muaj, mas Leej pleev yuav tus siab heev Nws twb muab pab Fas Lis Xais qub hais qhia rau peb nyob hauv Ntuj cov lus uas peb hu ua ntawv ntshiab no, pub rau lub ntiaj teb hnov tas lawm.
Thov kom txhob muaj dua ib pab Fas Lis Xais Tshiab sawv los tawm tsam rau Leej Tswv Yim ntshiab dua. muaj tsawg pab Fas Lis Xais, los yeej kawg ua mob rau Leej Pleev tib leeg Xwb.

Sacramento Tim 17 /5/2019.
Yaj Zoov Ntxheb. X.H.

Hais txog Hmoob lub tswv yim thiab Hmoob kev ntseeg, mas Hmoob ntseeg txawv tshaj tas nrho lwm Haiv neeg, uas lawv muaj kev ntseeg!
Hu ua kev ntseeg, mas Hmoob ntseeg tas nrho, txhua yam hu ua kev ntseeg. Hmoob ntseeg tas nrho, li kev ntseeg dab mus nto plaws saum kev ntseeg Ntuj. Hmoob tsis xaiv yam twg li, nyob hauv kev ntseeg:
1.Hmoob ntseeg cov dab qhuas uas poj ua tseg, yawm ua cia tib si los, rau tas nrho ntseeg cov dab nyeg thiab dab qus. Hom yuav pov hwm tau Hmoob, los cov dab dab yuav ua tau xwv txheej rau Hmoob tib si.
Cov yuav pov hwm tau Hmoob, mas Hmoob thov thiab vam khom lawv pov hwm, kom Hmoob tau noj qab nyob zoo. Rau sab uas txhob raug plaub raug ntug, los raug xwv txheej kom hmab txhob dawm tes hlua dawm taw.
Hmoob ntseeg tias, txhob ua tub qaug rau dab, los tub qaug rau Ntuj.
2. Yam twg tsim nyog saib tias, muaj hwj chim, Hmoob ntseeg thiab hwm lawv ua ib co dab muaj zog, los ntseeg ua koob hmoov pov hwm pab Hmoob daws kev txom nyem los kev tsaus ntuj.
Zoo li tej tsob ntoo loj Hmoob hu ua ntoo xeeb, Los ntseeg txog tej Zeb, los Tsua loj thiab khov. Hmoob ntseeg tias, tej ntawd yuav pab pov hwm Hmoob kev ntshai raug kev txom nyem, kom tau yeej tej dab ntxoog dab tsov tsis huv nyob rau nruab zoov nruab tsuag.
3. Hmoob ntseeg txog tej neeg laus hais lus zoo, muaj koob hmoov. Thiab lawv hais lus tseeb li yog Yaj Saub, muaj Ntuj kev thoob tsib paub Ntuj lus. Los paub txog kev phem kev zoo, nyob hauv neeg lub neej.
Lawv txawj tsom mus txog neeg tej nruab siab, paub neeg nruab tswv yim. Txhua yam yuav tshaj tawm los ua lus tseeb thiab yog lus cuav.
4. Hmoob ntseeg cov thawj neeg siab ncaj hais lus tseeb, zoo li cov Hmoob hu lawv ua cov txiv muam. uas yog cov txawj teev dab teev qhua.
Los cov txiv neeb, txawj saib yaig los ua neeb kho neeg tej kev mob nkeeg. Txawj hu plig, los ua khawv koob daws dab. Lawv txawj cais tau neej rau neej teb, cais dab nyob rau dab chaw.
5. Hmoob ntseeg cov txawj saib kab tes, rau cov neeg txawj saib hnub xam nyoog. Mus rau saib cov paub saib sij hawm, kav hnub kav hmo.
Thiab txawj saib cov tsiaj kav hnub, kav hli, los kav xyoo. tus muaj muaj txoj hmoov zoo, los hmoov phem. Nws yuav muaj hmoo, ua neeg zoo los ua neeg txom nyem.
6. Hmoob ntseeg cov Hauj Sam coj Phus Thas kev cai, Txawm Hmoob tsis coj Hauj Sam kev cai. Los Hmoob mus txog, Hmoob yeej pe hawm thiab thov koob hmoov.
Los mus saib hmoov puas zoo, yuav raug teeb meem xwv txheej los yuav muaj kev mus dawb huv, mus raws lub neej kom kav laus!
7. Hmoob kuj ntseeg tias, Ntuj yog tus tsim ntuj tsim teb, tsim Noob Neej los nyob ntiaj teb no. Tsim Neeg los rau tej tsiaj txhu los tej me kab ntsaum puav leej yog Qaum Ntuj me nyuam:
Thaum kuv muaj li 6 xyoo peb mus khawb kab npis, thaum khawb mus txog tau ua hlau raug tus kab npis ntawd tu duav lawm.
Peb tau muab pov rau saum ntuj, hla yus taub hau mus rau tom qab. Kuv tau hais tias: Qaum Ntuj au! Yog koj me nyuam koj txais mus aud! Vim tej laus qhia yus hais li ntawd.
8. Hmoob ntseeg tias, zaj yog tus loj muaj hwj chim nyob ntiaj teb no, hos Xob yog Ntuj tus tub txib nyob saum ntuj. Txhob ua kev txaum, rau leej twg,tsam muaj kev khaum ces Xob tua, los Zaj nqos no.
Hmoob tsis ntshai dab tsi li, Los Hmoob ntshai kev ua txhaum tsam raug kev khaum. Ces Hmoob raug txom nyem, los ntawm kev khaum los: Ces yus dig muag, los lov hlaub lov ceg thiab lov duav mus.
9. Hmoob paub txhua yam kev ntseeg zoo kawg, Hmoob tau muab Hmoob tej kev ntseeg no, los khav ua neeg muaj txu ci siab tias: Yus paub txhua yam txuj, Ces yus cia li ua ib tug neeg. Tsis ceev faj thiab xyuam xim.
Yus muab ntxeev los ua kev khav theeb mus, ces yus muab khav, los ua txuj ua ci. Muaj hwj chim nrog dej caw. ua phooj ywg. Ces dej caw coj yus mus, ua ib tug neeg tsis meej pem.
Cov dej caw sawv los lom yus kev ua neeg thoob tsib, kom yus mus ua neeg ruam. Tsim kom muaj kev khib kev cib nyeej rau luag lwm tus. Ces sawv daws thiaj muaj tus dab xam khib thiab Cib Nyeej no, ua sawv daws tu kev ua phooj ywg mus thoob plaws rau qab zej hauv zos txhua.
Yog tsis muaj noj muaj haus, kwv tij phooj ywg zoo kawg. Tos txog hnub muaj noj muaj haus ces tus phooj ywg kev khib kev cib nyeej no sawv los rov los rob caub. Tsis muaj kev tu ncua mus.
10.Hmoob kev tsis sib raug zoo, nws los ntawm kev puas tsuaj. Nyiam siv dej caw ua phooj ywg los! Ces tus yeej, nws muaj kev zoo siab, tus swb nws muaj kev cib nyeej khaws tseg.
Ces Hmoob tsis nco qab los kho Hmoob tej kab lis kev cai kom zoo npaum li hmoob ntseeg thiab Hmoob tso siab rau ntawd los.
11. Muaj pes tsawg tiam los lawm, los, Hmoob tseem nyiam pw rawv hauv tus phooj ywg cawv xyob txhiaj no. Tej laus nco ntsoo piav dab neeg rau tej hluas tias, kom nco ntsoov txog tus dab vwm cawv no. Muaj kev cib nyeej rau rau neeg khaws cia.
Ib tiam ua los dhau tiam, sawv daws tsuas qhuas txog. Tus dab cawv vwm no, coj kev ua yeeb ncuab los. Kom muaj kev cib nyeej tsis nco qab txhim kho yus kom ua neeg zoo tuaj.
12. Ces Hmoob poob rau txoj kev saib poj niam txiv neej muaj vaj haum sib luag, tsis nco qab txog tias, thaum muaj ib rooj noj rooj haus.
Tsoom Txiv neej cov thawj neeg los cov thawj qhev lawv nce mus zaum ib lub rooj noj muaj hwj chim, noj nqaig haus cawv nrog tus dab cawv vwm.
Hos tsoom poj niam tsis hais, tus poj nom los poj qhev lawv muaj hwj chim sib luag. Zoo li ib pab poj qhe tas tib si, lawv mam noj, mam kheeb tsoom txiv neej cov kua hwj txwv uas lawv tau noj yaug ncauj yaug lo ntawd xwb.
13. Vim Hmoom tsis muaj kev ras txog kom sawv daws nyob sib txig sib luag. Cov poj niam txawm lawv ntse thiab ua neeg thoob tsib, los lawv tsis muaj cai hais dab tsi li, nyob twj ywm li yog tus poj ruam tsis muaj txuj.
14. Hmoob tus dab cawv vwm no, coj Hmoob tsaug zog nyob hauv kev ua neeg thoj chim, rau luag tej ntxhais ,los tau ntau puas xyoo lawm. Los Hmoob tseem tsis tau xeev ras tawm los ntsia txog tias:
Hmoob kev vam meej txawj ntse uas coj pem ntuj los. poob mus khuam rau sab qab ntuj twg lwm!
15. Hmoob tej kev txawj kev ntse ua neeg thoob tsis tsis nyob hauv kev nrhiav lub neej kom txawj qhuab qhia tej hlob los tej yau ua noj ua haus kom sib raug zoo nyob vam meej mus xws li tej Mab Sua.
Cuag li Hmoob kev txawj ntse ua neeg thoob tsib, mas tsuas muaj nyob hauv lub rooj noj rooj haus xwb. Leej twg paub tus txheej txheem cawv vwm no, nws yog tus ntse thiab thoob tsib tshaj sawv daws.
16. Vim Hmoob sawv daws cov tau ua thawj neeg, txhua tus pw rawv hauv tus dab vwm cawv no. Mas cov tub txawj tub ntse txheej tshiab no.
Lawv thiaj tsis xav paub Hmoob cov kev cai coj noj coj ua, nyob hauv Hmoob lub ntees tshoob, ntees kos. Los saum lub ntees ploj ntees tuag!
17. Thaum muaj ib rooj noj rooj haus, cov tab qhua yog Hmoob cov poj niam. Thaum noj cov thawj neeg los cov qhev hu ua txiv neej lawv noj ib rooj.
Hos cov poj niam tsis muaj leej twg paub tias, yog poj nom los poj qhev, lawv sawv daws kee cov txiv neej kua hwj txwv uas luag twb raus kua hwj txwv yaug yaug lo dhau los lawd, lawv mam noj.
Tsi muaj leej twg yuav nco txog tias, sawv daws muaj vaj huam loj sib luag li. Yuav kom peb Haiv Hmoob nyob muaj meej, mas yuav tau kho tej hais no. Kom haum raws li kev vam meej thiab saib neeg muaj tsim ib yam.
18. Nco ntsoov tias, cov uas tau tuav Hmoob lub hwj chim kom Haiv neeg Hmoob tseem muaj npe nyob, yog cov poj niam Hmoob.
Lawv tseem tuav tej qauv paj ntaub tsoos tsho kom luag paub tias, muaj Haiv neeg Hmoob mas yog lawv! Yog cov poj niam Hmoob tsis ceev Hmoob tej txuj cia li hais no tseg. Mas Hmoob twj ploj tas los lawm ntxov ntau pua xyoo lawm.
Kom nco ntsoov tias, peb tseem yog Hmoob muaj lub hwj chim no tseg. Hu ua Hmoob, los txog niaj hnub no. Yog cov poj niam Hmoob uas poj qhev no ntag! Mab Sua thiaj teem paub tias, muaj ib Haiv neeg hu ua Hmoob no!
19.Hais txog Hmoob txuj ci los ntawm Hmoob kev coj thiab ntseeg los. Mas muaj yam zoo tas nrho ua Mab Sua yeej tsis muaj li.
Yam tsis zoo yog Hmoob tsis kho kom zoo tuaj raws li txoj kev vam meej. Ces Hmoob cov txuj ci mus zwm rau kev khib thiab Cib Nyeej, ces cia li tsaug zog nyob hauv tsis txawj tsim los li xwb.
20. Kev khav teeb ua neeg muab hlob thiab nyiaj txiag muas tsis tau phooj ywg. Tsuas yog txoj kev muas tau kev cib Nyeej kev ntxub ntxawg los, kom yus niaj hnub xav saib yuav hais li cas ua li cas kom yus yeej luag.
Txoj kev yeej ces yos leej twg xub ncaim ntiaj teb no mus, ces nws yog tus xub tau yeej. Vim nws yog tus xub tso tej kev Cib Nyeej kev ntxub ntxawg tseg mus ua ntej dua luag, ces nws yeej lawm, vim nws tsis muaj kev tsim ntxiv thiab nws tsis hnov ntxiv lawm.
21. Xav kom tag kis xwb peb ras thiab los hloov tas nrho mus. Kom Hmoob yog Haiv neeg vam meej muaj txuj ci. Rau Mab Sua yoog thiab kawm mus txuas ntxiv rau yav tom ntej.
Vim Hmoob yeej yog ntiaj teb ib Haiv neeg xub muaj tuaj nyob ntiaj teb no, ntxov ntxov li keeb kwm hais muaj los. Hmoob yuav hais cov lus kom yog lus Hmoob.
Txawm txuam me ntsis lus Mab Sua los yog cov lus zoo nkauj. Txhob hais tej lus dog dig li cov me nyuam Hmoob hias thaum lawv pom tej pog tej yawg tuaj txog. Lawv hais ib co lus dog dig tias:
Aib pog thiab Aib yawg tuaj lawm, pom tej nyuj twm los cia li hais tias: Niag aib nyuj aib twm los aib qaib nyob ntawd naj!.
22. Luag cov Mab Sua luag kawm lus Hmoob los, luag tseem nrhiav tau cov lus Hmoob zoo thiab muaj lub ntsiab zoo los tham thiab qhuas txog tej laus los Hmoob cov lus zoo nkauj.
Yog ua li hais no, mas peb cov tub txawj tub ntse mus kawm Mab Suav txoj cai tiav los txog. Lawv tsis xav mloog thiab hais peb Hmoob cov lus. Vim yog ib co lus tsis muaj ko thiab tsis muaj txoj kev cai zoo, li tej laus tej laus coj los
Kwv tij zaj lus no sau los sib qhia peb sawv daws kom peb hwm peb Hmoob lub tswv yim thoob tsib thiab Hmoob li txuj ci yog ib co txuj ci zoo, nyob ntxov ntxov los lawm.

Sacramento
Tim19/7/2019.
Yaj Zoov Ntxheb X.H.

Hais txog Hmoob lub tswv yim thiab Hmoob kev ntseeg, mas Hmoob ntseeg txawv tshaj tas nrho lwm Haiv neeg, uas lawv muaj kev ntseeg!
Hu ua kev ntseeg, mas Hmoob ntseeg tas nrho, txhua yam hu ua kev ntseeg. Hmoob ntseeg tas nrho, li kev ntseeg dab mus nto plaws saum kev ntseeg Ntuj. Hmoob tsis xaiv yam twg li, nyob hauv kev ntseeg:
1.Hmoob ntseeg cov dab qhuas uas poj ua tseg, yawm ua cia tib si los, rau tas nrho ntseeg cov dab nyeg thiab dab qus. Hom yuav pov hwm tau Hmoob, los cov dab dab yuav ua tau xwv txheej rau Hmoob tib si.
Cov yuav pov hwm tau Hmoob, mas Hmoob thov thiab vam khom lawv pov hwm, kom Hmoob tau noj qab nyob zoo. Rau sab uas txhob raug plaub raug ntug, los raug xwv txheej kom hmab txhob dawm tes hlua dawm taw.
Hmoob ntseeg tias, txhob ua tub qaug rau dab, los tub qaug rau Ntuj.
2. Yam twg tsim nyog saib tias, muaj hwj chim, Hmoob ntseeg thiab hwm lawv ua ib co dab muaj zog, los ntseeg ua koob hmoov pov hwm pab Hmoob daws kev txom nyem los kev tsaus ntuj.
Zoo li tej tsob ntoo loj Hmoob hu ua ntoo xeeb, Los ntseeg txog tej Zeb, los Tsua loj thiab khov. Hmoob ntseeg tias, tej ntawd yuav pab pov hwm Hmoob kev ntshai raug kev txom nyem, kom tau yeej tej dab ntxoog dab tsov tsis huv nyob rau nruab zoov nruab tsuag.
3. Hmoob ntseeg txog tej neeg laus hais lus zoo, muaj koob hmoov. Thiab lawv hais lus tseeb li yog Yaj Saub, muaj Ntuj kev thoob tsib paub Ntuj lus. Los paub txog kev phem kev zoo, nyob hauv neeg lub neej.
Lawv txawj tsom mus txog neeg tej nruab siab, paub neeg nruab tswv yim. Txhua yam yuav tshaj tawm los ua lus tseeb thiab yog lus cuav.
4. Hmoob ntseeg cov thawj neeg siab ncaj hais lus tseeb, zoo li cov Hmoob hu lawv ua cov txiv muam. uas yog cov txawj teev dab teev qhua.
Los cov txiv neeb, txawj saib yaig los ua neeb kho neeg tej kev mob nkeeg. Txawj hu plig, los ua khawv koob daws dab. Lawv txawj cais tau neej rau neej teb, cais dab nyob rau dab chaw.
5. Hmoob ntseeg cov txawj saib kab tes, rau cov neeg txawj saib hnub xam nyoog. Mus rau saib cov paub saib sij hawm, kav hnub kav hmo.
Thiab txawj saib cov tsiaj kav hnub, kav hli, los kav xyoo. tus muaj muaj txoj hmoov zoo, los hmoov phem. Nws yuav muaj hmoo, ua neeg zoo los ua neeg txom nyem.
6. Hmoob ntseeg cov Hauj Sam coj Phus Thas kev cai, Txawm Hmoob tsis coj Hauj Sam kev cai. Los Hmoob mus txog, Hmoob yeej pe hawm thiab thov koob hmoov.
Los mus saib hmoov puas zoo, yuav raug teeb meem xwv txheej los yuav muaj kev mus dawb huv, mus raws lub neej kom kav laus!
7. Hmoob kuj ntseeg tias, Ntuj yog tus tsim ntuj tsim teb, tsim Noob Neej los nyob ntiaj teb no. Tsim Neeg los rau tej tsiaj txhu los tej me kab ntsaum puav leej yog Qaum Ntuj me nyuam:
Thaum kuv muaj li 6 xyoo peb mus khawb kab npis, thaum khawb mus txog tau ua hlau raug tus kab npis ntawd tu duav lawm.
Peb tau muab pov rau saum ntuj, hla yus taub hau mus rau tom qab. Kuv tau hais tias: Qaum Ntuj au! Yog koj me nyuam koj txais mus aud! Vim tej laus qhia yus hais li ntawd.
8. Hmoob ntseeg tias, zaj yog tus loj muaj hwj chim nyob ntiaj teb no, hos Xob yog Ntuj tus tub txib nyob saum ntuj. Txhob ua kev txaum, rau leej twg,tsam muaj kev khaum ces Xob tua, los Zaj nqos no.
Hmoob tsis ntshai dab tsi li, Los Hmoob ntshai kev ua txhaum tsam raug kev khaum. Ces Hmoob raug txom nyem, los ntawm kev khaum los: Ces yus dig muag, los lov hlaub lov ceg thiab lov duav mus.
9. Hmoob paub txhua yam kev ntseeg zoo kawg, Hmoob tau muab Hmoob tej kev ntseeg no, los khav ua neeg muaj txu ci siab tias: Yus paub txhua yam txuj, Ces yus cia li ua ib tug neeg. Tsis ceev faj thiab xyuam xim.
Yus muab ntxeev los ua kev khav theeb mus, ces yus muab khav, los ua txuj ua ci. Muaj hwj chim nrog dej caw. ua phooj ywg. Ces dej caw coj yus mus, ua ib tug neeg tsis meej pem.
Cov dej caw sawv los lom yus kev ua neeg thoob tsib, kom yus mus ua neeg ruam. Tsim kom muaj kev khib kev cib nyeej rau luag lwm tus. Ces sawv daws thiaj muaj tus dab xam khib thiab Cib Nyeej no, ua sawv daws tu kev ua phooj ywg mus thoob plaws rau qab zej hauv zos txhua.
Yog tsis muaj noj muaj haus, kwv tij phooj ywg zoo kawg. Tos txog hnub muaj noj muaj haus ces tus phooj ywg kev khib kev cib nyeej no sawv los rov los rob caub. Tsis muaj kev tu ncua mus.
10.Hmoob kev tsis sib raug zoo, nws los ntawm kev puas tsuaj. Nyiam siv dej caw ua phooj ywg los! Ces tus yeej, nws muaj kev zoo siab, tus swb nws muaj kev cib nyeej khaws tseg.
Ces Hmoob tsis nco qab los kho Hmoob tej kab lis kev cai kom zoo npaum li hmoob ntseeg thiab Hmoob tso siab rau ntawd los.
11. Muaj pes tsawg tiam los lawm, los, Hmoob tseem nyiam pw rawv hauv tus phooj ywg cawv xyob txhiaj no. Tej laus nco ntsoo piav dab neeg rau tej hluas tias, kom nco ntsoov txog tus dab vwm cawv no. Muaj kev cib nyeej rau rau neeg khaws cia.
Ib tiam ua los dhau tiam, sawv daws tsuas qhuas txog. Tus dab cawv vwm no, coj kev ua yeeb ncuab los. Kom muaj kev cib nyeej tsis nco qab txhim kho yus kom ua neeg zoo tuaj.
12. Ces Hmoob poob rau txoj kev saib poj niam txiv neej muaj vaj haum sib luag, tsis nco qab txog tias, thaum muaj ib rooj noj rooj haus.
Tsoom Txiv neej cov thawj neeg los cov thawj qhev lawv nce mus zaum ib lub rooj noj muaj hwj chim, noj nqaig haus cawv nrog tus dab cawv vwm.
Hos tsoom poj niam tsis hais, tus poj nom los poj qhev lawv muaj hwj chim sib luag. Zoo li ib pab poj qhe tas tib si, lawv mam noj, mam kheeb tsoom txiv neej cov kua hwj txwv uas lawv tau noj yaug ncauj yaug lo ntawd xwb.
13. Vim Hmoom tsis muaj kev ras txog kom sawv daws nyob sib txig sib luag. Cov poj niam txawm lawv ntse thiab ua neeg thoob tsib, los lawv tsis muaj cai hais dab tsi li, nyob twj ywm li yog tus poj ruam tsis muaj txuj.
14. Hmoob tus dab cawv vwm no, coj Hmoob tsaug zog nyob hauv kev ua neeg thoj chim, rau luag tej ntxhais ,los tau ntau puas xyoo lawm. Los Hmoob tseem tsis tau xeev ras tawm los ntsia txog tias:
Hmoob kev vam meej txawj ntse uas coj pem ntuj los. poob mus khuam rau sab qab ntuj twg lwm!
15. Hmoob tej kev txawj kev ntse ua neeg thoob tsis tsis nyob hauv kev nrhiav lub neej kom txawj qhuab qhia tej hlob los tej yau ua noj ua haus kom sib raug zoo nyob vam meej mus xws li tej Mab Sua.
Cuag li Hmoob kev txawj ntse ua neeg thoob tsib, mas tsuas muaj nyob hauv lub rooj noj rooj haus xwb. Leej twg paub tus txheej txheem cawv vwm no, nws yog tus ntse thiab thoob tsib tshaj sawv daws.
16. Vim Hmoob sawv daws cov tau ua thawj neeg, txhua tus pw rawv hauv tus dab vwm cawv no. Mas cov tub txawj tub ntse txheej tshiab no.
Lawv thiaj tsis xav paub Hmoob cov kev cai coj noj coj ua, nyob hauv Hmoob lub ntees tshoob, ntees kos. Los saum lub ntees ploj ntees tuag!
17. Thaum muaj ib rooj noj rooj haus, cov tab qhua yog Hmoob cov poj niam. Thaum noj cov thawj neeg los cov qhev hu ua txiv neej lawv noj ib rooj.
Hos cov poj niam tsis muaj leej twg paub tias, yog poj nom los poj qhev, lawv sawv daws kee cov txiv neej kua hwj txwv uas luag twb raus kua hwj txwv yaug yaug lo dhau los lawd, lawv mam noj.
Tsi muaj leej twg yuav nco txog tias, sawv daws muaj vaj huam loj sib luag li. Yuav kom peb Haiv Hmoob nyob muaj meej, mas yuav tau kho tej hais no. Kom haum raws li kev vam meej thiab saib neeg muaj tsim ib yam.
18. Nco ntsoov tias, cov uas tau tuav Hmoob lub hwj chim kom Haiv neeg Hmoob tseem muaj npe nyob, yog cov poj niam Hmoob.
Lawv tseem tuav tej qauv paj ntaub tsoos tsho kom luag paub tias, muaj Haiv neeg Hmoob mas yog lawv! Yog cov poj niam Hmoob tsis ceev Hmoob tej txuj cia li hais no tseg. Mas Hmoob twj ploj tas los lawm ntxov ntau pua xyoo lawm.
Kom nco ntsoov tias, peb tseem yog Hmoob muaj lub hwj chim no tseg. Hu ua Hmoob, los txog niaj hnub no. Yog cov poj niam Hmoob uas poj qhev no ntag! Mab Sua thiaj teem paub tias, muaj ib Haiv neeg hu ua Hmoob no!
19.Hais txog Hmoob txuj ci los ntawm Hmoob kev coj thiab ntseeg los. Mas muaj yam zoo tas nrho ua Mab Sua yeej tsis muaj li.
Yam tsis zoo yog Hmoob tsis kho kom zoo tuaj raws li txoj kev vam meej. Ces Hmoob cov txuj ci mus zwm rau kev khib thiab Cib Nyeej, ces cia li tsaug zog nyob hauv tsis txawj tsim los li xwb.
20. Kev khav teeb ua neeg muab hlob thiab nyiaj txiag muas tsis tau phooj ywg. Tsuas yog txoj kev muas tau kev cib Nyeej kev ntxub ntxawg los, kom yus niaj hnub xav saib yuav hais li cas ua li cas kom yus yeej luag.
Txoj kev yeej ces yos leej twg xub ncaim ntiaj teb no mus, ces nws yog tus xub tau yeej. Vim nws yog tus xub tso tej kev Cib Nyeej kev ntxub ntxawg tseg mus ua ntej dua luag, ces nws yeej lawm, vim nws tsis muaj kev tsim ntxiv thiab nws tsis hnov ntxiv lawm.
21. Xav kom tag kis xwb peb ras thiab los hloov tas nrho mus. Kom Hmoob yog Haiv neeg vam meej muaj txuj ci. Rau Mab Sua yoog thiab kawm mus txuas ntxiv rau yav tom ntej.
Vim Hmoob yeej yog ntiaj teb ib Haiv neeg xub muaj tuaj nyob ntiaj teb no, ntxov ntxov li keeb kwm hais muaj los. Hmoob yuav hais cov lus kom yog lus Hmoob.
Txawm txuam me ntsis lus Mab Sua los yog cov lus zoo nkauj. Txhob hais tej lus dog dig li cov me nyuam Hmoob hias thaum lawv pom tej pog tej yawg tuaj txog. Lawv hais ib co lus dog dig tias:
Aib pog thiab Aib yawg tuaj lawm, pom tej nyuj twm los cia li hais tias: Niag aib nyuj aib twm los aib qaib nyob ntawd naj!.
22. Luag cov Mab Sua luag kawm lus Hmoob los, luag tseem nrhiav tau cov lus Hmoob zoo thiab muaj lub ntsiab zoo los tham thiab qhuas txog tej laus los Hmoob cov lus zoo nkauj.
Yog ua li hais no, mas peb cov tub txawj tub ntse mus kawm Mab Suav txoj cai tiav los txog. Lawv tsis xav mloog thiab hais peb Hmoob cov lus. Vim yog ib co lus tsis muaj ko thiab tsis muaj txoj kev cai zoo, li tej laus tej laus coj los
Kwv tij zaj lus no sau los sib qhia peb sawv daws kom peb hwm peb Hmoob lub tswv yim thoob tsib thiab Hmoob li txuj ci yog ib co txuj ci zoo, nyob ntxov ntxov los lawm.

Sacramento
Tim19/7/2019.
Yaj Zoov Ntxheb X.H.

Peb ua ib Leej Tib Neeg nyob rau hauv lub Sim Ceeb no, yuav tau xyaum, coj ib tug yam ntxwv zoo, ua neeg siab dawb. Txoj kev ua neeg siab dawb, mas yuav tau txais txhua lo lus foom kom los ntawm cov laus.
Uas tej niam tej txi tau foom los, thaum lawv tseem ua neej nyob. Thiab lub caij uas lawv tau ncaim ntawm lub Sim Ceeb mo mus. Nws tau thov tus uas niam txiv xaiv tuaj foom rau nws cov tub ki.
1=>.Tus neeg siab dawb, mas tab tog nws hais lus rau neeg mloog xwb. Los cov lus txhawv ntawm nws lub ncauj los, muaj nqes dua, cov zaj khawv khoob daws dab.
Nws cov lus muaj nqes ntawd, ua kom cov dab nyob tsis taus ze ntawm cov neeg tau hnov tus neeg siab dawb cov lus hais los pub txoj sia rau lub Sim Ceeb!
2=>.Tus neeg siab dawb cov lus, tawm ntawm nws lub ncauj los. Mas muaj nqes npaum li, ib hauv muaj kuab tsuas. Kho tau neeg lub tswv yim thiab neeg lub cev kom zoo hlo mus.
Tus neeg siab dawb ntawd, nws tes hauj lwm, zoo li tsob ntoo txawm nyob ze ntug dej. Nws txi txiv raws caij thiab txi tau cov txiv qab zib ua rau neeg nyiam noj tsis dhuav.
2=>.Leej twg tau hnov tus neeg siab dawb hais lus, mas nws pom kev. Xws li nws muaj ib lub teeb tsom thooj, nws pom kev lam lug nruab hmo ntuj.
Cov neeg siab dawb, lawv zoo li cov neeg nplua nuj. Uas lawv mus tau ib lub tsho los hnav, ua rau lawv tsis txawj tuag thiab tsis txawj lwj mus.
3=>. Ua li mas peb yuav yoog raws li lawv tus piv txwv, yuav nco ntsoov tias: Kev ua txhaum, mas nws yuav swb txoj cai mus.
Vim tias, tas txhua yam tau tshwm sim los ntawm tus muaj hwj huam Nws lub hwj chim los. Yog Yes Xus Pleev. Nyob hauv lub Sim Ceeb no, yam loj tshaj plaws uas yuav pab tau yus hla dhau cov teeb meem raug kev txom nyem mus.
Yog yus kho yus tus kheej kom zoo, hnub uas yus kho tau yus tus kheej zoo lawm. Mas yus yuav zoo li tsob ntoo, txi txiv qab zib heev.
Tas nrho cov tuam Los Pav, nyob hauv txhua lub Koom Haum. Lawv yuav kheev nqi rau yus cov txiv ntoo no, lawv yuav zeem tias, yog thawj hom txiv ntoo. muaj hauv tshuaj zoo nrog kev cawm neeg ntiaj teb, kom muaj txoj sia nyob ntev dhawv.
pab sawv daws ua lub neej nyob tshav ntuj nrig, kaj siab lug mus thawm niaj thawm xyoo. Muaj txhua lo lus zoo uas tej laus foom los tau ntau txhiab pua xyooj nyob hauv.
Yuav nrhau cag, nthaw kaus, hlav nplooj, tuaj nyob hauv cov neeg siab dawb no. Cov txiaj ntsim tawm los!

Sacramento tim 30/7/2019.
Yaj Zoov Ntxheb Xib Hwb.

Zaj 474 - DAB QHUAS YOG DAB TSI.

Hmoob lo lus hais tias, Dab Qhuas mas yog ib lo lus tsis zoo! Dab Qhuas yog ib lo lus phem heev, Hmoob tsis paub txog lo lus no!
Yog lo lus Dab Qhuas no ntag, muab Hmoob tua, los muab Hmoob cais, kom muaj ntau pab ntau pawg. Nyob tsis sib haum xeeb ua ke,
Yog cov Dab Qhuas no, coj kom Hmoob puas tsuaj mus tas zoo li ntawd. Hmoob kuj yog ib Haiv neeg tsis tsim txiaj, xws li luag pej kum Haiv neeg. Tab sis Hmoob muab Dab Qhuas, los xyaw txoj kev ntseeg, ces yog tib hom Dab Qhuas xwb, los sawv daws tsis tsis muaj kev ntseeg ib yam.
Vim Hmoob muab tus Dab Qhuas no, los ua Hmoob txoj kev ntseeg. Ces Hmoob muab tas txhua yam, los zwm rau tus Dab Qhuas no. Ces tas nrho tsoom Hmoob muab saib ua ib yam loj tshaj heev.
Cov Dab Qhuas no, thiaj tau cev ib txoj kev tsis sib hlub los rau Hmoob coj. Nws tsis pov hwm kom Hmoob kom tau nyob mus ua ib npoj, rau hauv Haiv Hmoob.
Cov Dab Qhuas no, coj kom Hmoob muab Dab qhuas los koom nrog kab lis kev cai sab kev ua neej sib xyaws rau txoj kev ntseeg ua ke.
Ces ua rau txhua yam kev ntseeg kev ua neej, zwm tas nrho los ua kev Dab Qhuas tug. Dab Qhuas thiaj pov hwm tsis tau tas nrho txhua yam kom zoo txhij txhua mus.
Hmoob lub tswv yim siab ntsws thiaj tsis muaj kev sib hwm sib hlub, tsis muaj kev nyiam thiab kev zam, rau leej twg! Thiaj muaj lus tsis sib haum xeeb. Ces nyias thiaj ua nyias pab nyias pawg lawm.
Ib Cuab kwv tij kem poj yawm kem deb zog lawm twb tsis suav ua yus pab yus pawg mus lawm. Tsuas hais tau tias, peb thaud koom ib tug Pog Yawg los no xwb. Tab sis ho hais tau tias, lawv txawv peb lawm.
Tsuas tshuav qhov hais tias, yog ib lub xeem no xwb, thiaj ib nyuag ze zog. Hos saum kev muaj txiab nkeeg, mas ho hais tias, peb Dab Qhuas txawv lawm, saib koj tshuav kwv tij nyob qhov twg yog cov txheeb koj no lawm xwb.
Kab Lis Kev Cai, uas yog Tshoob kos, los kev ploj tuag. Cov no nws tsis yog dab qhuas Hmoob. Cov no yog kab lis kev cai Hmoob ua rau neej xwb.
Zoo li thaum tej tub ntxhais loj hlob los, yuav sib qaws los txij nkawm. Tej kev cai ua tshoob thiab kev ploj tuag no, mas txhob mus siv tej kev cai, Hais tias saib tsis taus peb tej neej tsa.
Muab tej niag lus uas tau noj nqaij dag dab thiab haus cawv daig nru los hais. Yuav siv nyiaj los tuam choj tshoob thiab ntxiv ntxhua kom dawb tuaj. Muab tej qub lus txheej laus thaud los hais tias, tsis ntxhuav ces lub txhooj yuav tsis nqis li. Sib cuab mus hais tsis txawj tas, ib rooj dhau rooj mus li.
Cov Tub Tshoob tub kos los luag xav txib lawv xwb, tsis hwm lawv, zoo li yog Nom Tshoob Nom Kos. Hais lus yuam kev los zaum, coj yam ntxwv tsi zoo nkauj. Txhaus dej txhaus cawv rau, siv tej lus khav theeb los hais tias:
Tsis nqhis cawv mas tsis ua txiv tuam meej koob, nqhis cawv thiaj ua luag txiv tuam mej koob no. Coj li no, mas cov ua luag txiv tuam mej koob ntawd. Tej kev cai sib nplua dej nplua cawv no, Cov txiv tuam mej koob tsis tau muaj hnub nyoog laus pes tsawg. Mas lawv plab twb to tas lawm los tseem tsis qhuas los hlub txog lawv thiab.
Muab saib los, mas cov Txiv tuam mej koob thiab cov hais txiv xaiv no. yog lawv ua lawv li thiv meej rau hluas nkauj los Nkauj fa thiab poj ntsuam sab xwb.
Lawv twb tsis muaj nqes cuag li, ib tug mus kawm txuj tau los ua luag tus Tim Xyoob sau ntawv. Tus Tim Xyoob no, luag tseem tsa tes hwm coob dua, tus mus ua txiv tuam mej koob thiab tus txiv xaiv foom kom ntawd.
Yeej hais tau tias, cov txiv tuam mej Koob thiab cov hais txiv xaiv foom kom no. Mas lawv twb zoo ua ntej tas tim ntees tshoob thiab tim ntees ploj tuag tas, lawv mam los tsev.
Vim lawv raug luag qhuas ua ntej nyob tim tsev tshoob kos lawm. Thaum lawv los tsev ces lawv coj vij sub vij sw los nrog poj niam sib cav sib ceg xwb.
Lo lus Hmoob hais tias. Tsis cej huam ces tsis sib hlub, cej huam thiaj sib hlub. Zoo li yog lo lus hais dag xwb, cov cej huam no, muaj xaiv muaj lus ntau kawg. Rau qhov ib tug cuab ib zaj tswv yim phem rau ib tug. Tsawg rooj los tsuas nrhiav tej qub lus los hais tas mus li.
Lo lus hais saum kev ploj tuag tias, niam txiv tuag vaj tse ntuag. Niam Txiv qaug vaj tse vau. Hais los mas yog cov txheeb ze no, ua tuaj ua kom vaj tse ntuag thiab vau.
Vim yog cov txheeb ze no, lawv tuaj txiv nws laus tus tsoos qab pha, tsiaj qab nkuag los tua ntau ntau. Rau tus laus, ces ua kom tej tub ki uas yog xyom cuab pluag mus thiaj muaj lo lus hais tias, niam txiv tuag, ces vaj tse ntuag no.
Luag lwm tsav neeg, mas luag hais tias, yug ib zaug, ces tuag ib zaug xwb. Hos Hmoob mas, muab Dab Qhua los xyaw rau kab lis kev cai thiab kev ntseeg ua ke. Ces Hmoob yug ib zaug, Hmoob tau tuag plaub zaug mam tuag tiag:
Tuag thawj zaug, yog zaum nws laus nce hauv toj, ua nws laus lub pag lub xau, ua rau tej tub ki vaj tse ntuag thiab vau mus. Tuag zaum ob, yog thaum tso plig. Tuag zaum peb, yog thaum ua nyuaj dab. Tuag zaum plaub, yog thaum ua tus npua tai.
Yog hais qhov tseeb tiag, yuav tau ua nom ua tswv, mas yuav tau mus kawm txuj ua nom ua tswv. Kawm tiav los thiaj ua tau. Hos yog hais lo lus foom rau xwb, nyob pw tsaug zog tos, kom Nom poob saum ntuj los thawj. Mas nom poob los txog, los nom tsis paub yus yog tus tau txais kev foom ua ntej los nyob tos Nom.
Zoo li muab nyiaj mus khom kev lag luam tseg ua ntej, kom yus muaj lag luam ua.
-Ua li mas peb yuav tau hloov cov Dab Qhua no, kom Dab Qhuas nws muaj nws tug, kab lis kev cai nws muaj nws feem, kev ntseeg yog theem nyob siab muaj hwj Chim Koob Meej, kom pov hwm tau ib tug, los pov hwm tau tas nrho tsoom Hmoob sawv daws ua ke.

Sacramento tim 24/9/2018.
Yaj Zoov Ntxheb X.H.

Zaj 475 - UA LUB NEEJ NYOB NROG KEV PHEM KEV ZOO.

Peb Leej Tib Neeg ua lub neej, nyob nrog kev phem kev zoo, sib npaug zos. Muaj raws nraim li Hmoob tej laus hais, nws muaj kev phem kev zoo nyob sib xyaws, nyob ua nyuj qua ntse zis nees.
1.Kuv hais raws li txoj kev ncaj ncees, yuav xub hais txog lub neej nyob ua txij ua nkawm ua ntej! Cov nyob ua txij nkawm lub neej, muaj qhov zoo tshaj plaws, thiab muaj phem tshaj plaws, nyob ua ke sib npaug zos.
Tus tsis muaj txij nkawm, nws ua lub neej txom nyem loj npaum li cas. los tsis muaj neeg paub txog nws, tsis hais yog tus txiv neej los tus poj niam li.
Ib tug neeg loj hlob los tiav txiv neej yawg thiab hlob tiav niam qoos nrias lawm. Tus tsis tau muaj tsw, mas luag saib tsis taus nws thiaj luag pheej xav tias:
Cov neeg nyob tsis tau muaj tsw ntawd, mas nws yuav txuag tsis tau nws daim nqaij khaus ntawd. Luag muaj ib feem pheej xav tias, nws mas yuav ntshaw luag poj luag sev, los ntshaw luag tub luag roog. Cuag li li nqhis dej los tshaib plab ntag.
Nws yuav ua neeg tsis tsim txiaj, ntsib luag poj luag poj niam, los ntsib luag tub roog. Mas nws yuav taij thov noj thov haus xwb.
Ntshai luag yuav xav raws nraim li yus lub siab xav thiab yus ntshaw ntawd. Ces luag yuav hais tej lo lus saib tsis taus, rau cov neeg tsis tau muaj tsw ntawd tias:
Nws yog neeg tsis tsim txiaj, thiaj tsis tau muaj tsw, nws zoo li tus neeg hu dab nqis luag nqaij luag mov. Yog ntsib leej twg tus poj tus sev los luag tub luag roog.
Ntshai nws yuav thov khawv noj, thov khawv haus, xws li tus neeg kob huam ntshaw noj ntshaws haus los ntawm luag teej luag tug los. Cuag li cov dab ntshaw noj ntshaw haus ntag.
Nws nyob ze leej twg tus txij nkawm, thiab leej twg tus tub roog. Mas tshai tsam nws lam tsaus muag, ces thov tsis yog tsis kam. Ces ntshai nws yuav txhom kom tau ib zaug.
Cov neeg tsis muaj tsw ntawd, sawv daws yuav muab nws hais thiab xyav tias: Nws yog neeg phem ntshai nws yuav nyiam kev phem kev qias heev, tsis tsim nyog yuav ntxub nws, los cia li lam muab nws ntxub dawb li.
Yam tsis zoo, mas yuav txhob lam muab luag ntxub yam tsis muaj qab hau thiab tsis haum li kev ncaj ncee. Vim lawv yog neeg tsis tau muaj tsw xwb.
Feem ntau tsis hais txiv neej los poj niam li, lawv xav tau yam niag phem phem li. Rab phom los rab hneev, uas tua raug raug thiab ncaj phiaj phiaj heev.
Ces tshai leej twg los pheej xav sim saib, rab phom raug phiaj ntawd. Yog yus tua los luag tua raug yus,mas ntshai yuav pov khawv kawg nkaus thiab txaus siab kawg li lauj!
2. Peb Leej Tib Neeg tuaj ua lub neej, nyob rau ntiaj teb no. Tsis hais leej twg li, cov paub saib zaub los rau ntsev thiab txawj ntsuas dej tob los dej ntiav, mas tsuaj muaj ib nrab xwb.
Hos cov tsis paub los yeej muaj ib nrab thiab, cov muaj txij nkawm. Los cov tsis muaj tsw, lawv neeg tsim txiaj thiab ua neeg dawb huv yeej muaj.
Tsis muaj neeg paub tau, qee tsam, mas cov muaj txij nkawm tseem dawb huv tsis cuag cov tsis tau muaj tsw, los yeej tsis muaj neeg paub txog qhov tseeb.
Cov uas peb hnov cov kev txwj neeg laus hais txog lawv tej plaub no, feem ntau kuj yog cov neeg muaj tsw lawv tau mus kov los ntau xwb. Cov tsis tau muaj tsw, lawv kuj yog neeg paub tab thiab ntshai plaub ntug.
3. Hais txog cov txij nkawm uas Hmoob hais tias, lawv tsis tsheej tsis kiab! Uas nws nyiam mus tham nkauj thiab tham nraug. Thiab nyiam tsaus muag rau luag poj luag sev, los mus thab luag tub luag roog ntawd.
Feem ntau yog cov muaj tub muaj roog thiab muaj poj muaj sev lawd ntau xwb. Lawv txoj kev mus txob plaub no, vim lawv yog cov neeg noj ntau yam qav, lawv thiaj paub noj!
Vim dab tsi tiag? Vim kev lawv kev sib hlub, faib tsis sib luag, los lawv kawm tsis tiav. Los ua lub neej kom muaj kev hlub txaus:
4. Cia muab ib zaj kwv huam hma tom npua los ua piv txwv! Hma, mas thaum hma tshaib plab tuaj, ces hma mus tom maum npua.
Hma tom niag maum npua, maum npua tsis tau tuag. Hma twb muab maum npua hnyuv, lauj los noj tas lawm.
Hma cia li nyob pus. Cia maum npua tau nyiaj mob, tsis txawj tuag li. Qhov no ntag yog qhov, uas maum npua khib thiab tsis zoo siab. Pom xeeb tom tsis tom kom tuag kiag tso, mam ua ib zaug noj.
Maum npua tsis tau tuag twb muab maum npau hnyuv lauj los noj tsau lawm. Maum npau nyiaj tsis taus, nws ntshaw txoj kev tuag. Kom tau tuag sai thiaj tsis khwv xum ned.
5. Cov txiv neej thiab cov poj niam, lawv los sib sau los nyob ua ke, ua lawv lub neej. mas lawv tsuas xav mloog cov neeg tham txog tus muaj rab phom, los rab hneev uas tua raug phiaj tshaj xwb.
Lawv xav pom los xav paub, rab hneev tua raug raug phiaj ntawd. Yog yus tau nqa los tau kwv. Mas tua dab tsi, los yuav tua tsis sav li.
Thiab luag yeej qhuas tus neeg tua phom thiab tua hneev ncaj no xwb. Yog nws nrog leej twg mus, mas lawv yuav zoo siab rau nws. Vim nws yog tus tua ncaj thiab yuav tau faib phuv ntag.
Thaum ib tug neeg hlob tiav niam los tiav txiv lawd, yus paub muaj kev hlub. yuav tau muab kev hlub kom tsim nyog, kom ob leeg sib ncawg thiaj tsis ntshaw luag.
Yus tsis txawj muab kev hlub, ces zoo li yus pluag tsis muaj noj muaj haus. Tsam yus lam taug kev tsis nvaj ke ces yus ho ntsib tej tus neeg muab pub rau yus saj, ua cas yuav qab cuag zib ntab xwb.
Niam ua rau yus siab kaj liag lawm tsheej tog hnub, ua rau yus nco ntsoov cuag nqhis dej. Xav kom luag yam khoom zoo ntawd, nyob ze yus mus li. Ces ua rau yus muaj kev tso siab thiab ncawg rau luag tus txij nkawm.
Ces yus nrhiav kev lov kaub lov tsuag los thaiv kev kom tus tus txij nkawm muaj kev sib nrug mus tsis sib haum. Ces muaj ncauj lus tsis sib raug zoo, ua kom muaj lus xaiv lus sib cav sib ceg mus.
Thaum koj dim plaws lawd, ces yus ua cwj ntas ob tog plam mus. tus yus ntshaw los muab yus ntau nqi ua lwm yam tuaj lawm tias, neeg yees loj thiab neeg xu siab luag pib hais thiab pib rhuav yus lub neej.
Yus xav tig rov qab, los rau tus uas, yog yus teej yus tug. Luag kuj hais tib yam tias, neeg yees loj xav ntau ntau, noj teb noj chaw tas tib si. Ces luag dhuav thiab tu siab rau yus tsis tso siab thiab tsis ntseeg yus ntxiv lawm.
Thiaj hais tias koj ua Suav cwj ntsas ob tog plam ces yog li no tiag!
6.Txoj kev ua txij nkawm yog ib txoj kev tseem ceeb thiab muaj nqes zoo tshaj txhua yam kev ua neej. Thiaj tis lub npe tias , ua txij ua nkaw no rau!
Yuav saib tias, yog yam muaj nuj nqes siab, nqes saum ntuj los, tas ntiaj teb sawv daws, cov muaj tub muaj ki, muaj vaj muaj tsev, muaj nyiaj muaj kub. Muaj cuab yeej cuab tam, qoob loo thiab muaj tsiaj txhu.
Tsuas yog cov neeg muaj txij muaj nkawm no,lawv thiaj muaj txhij muaj txhua tej no xwb. Cov tsis muaj txij nkawm, lawb tsis dim tes los tuav tej yam muaj nqes npaum no li.
Tus tsis muaj txij nkawm,ua neeg nyob tsis muaj tsw, tab yog nws ua neeg npua nuj. Los nws tsis paub muab nyiaj txiag, los tsim txua yam li hais no.
7. Cov muaj txij nkawm, yuav nco ntsoov thiab sib yoog los ua neej. Nco ntsoov tias, ib leeg muaj ib daig nqaij khaus, yuav txawj txuag thiab sib pov hwm mus tseg ua nqaij dawb huv, txhob cia ua nqaij xeeb kas!
Kom yus yog ib tug neeg tsim txiaj, sib hlub sib zam thiaj txawj coj kev sib faib Ntuj txiaj ntsim. kom ua neej nyob sib ncawg, yus thiaj tsis ntshaw txog luag kev sib faib txiaj ntsim.
Thiab pheej xav tias luag thiaj txawj los luag thiaj paub thiab luag tsim txiaj dua yam uas yog yus tug. Txhob saib tias, luag thiaj yog lub pov haum tseeb.
Thaum yus txeeb tau lawd, tau txais kiag txiv nraug ntsuag zaj dab neeg, uas tso niam nkauj zag tseg. ces khaws tau niam Nkauj kub kaws, kov qhov twg los yog kub ua yus ceg xyab ceg caws mus.
Nco ntsoov tias Niam Nkauj Kub Kaws, ces nws tsuas muaj tib ce hlaws ci cuag hnub qub xwb. tsis muaj dab tsi, zoo rau yus li od.
8. Lo lus kawg, thaum yus tau ua tes qaij taw ntxee lawd. Ces yog vim yus tsis txawj sib faib ntuj txiaj ntsim, ces yuas yuav ua lub neej raws tsis cuag luag.
Ntiaj teb neeg rov saib yus xws li tus neeg tsis tsim txiaj, mus txoj kev twg. Los luag ntshai rwg tsam yus lam muaj kev tsaus muag, mus hla luag tej poj niam los hla luag tej ntxhais taw.
Ces ho ua rau luag muaj kev xeeb tub rau yas kev yas ncua, ces yus lub meej mom tub tsim txiaj thiab ntxhais tsim nqi. Ces dev npua tau huas mus ua dev tug lawm no od.
Peb Noob neej lub meej mom ces yog hom poob mus li hais no ntag. Vim yus tsis paub thiab tsis txawj sib hwm, ces thiaj ua tsov dig muag xuas ntiv qhiav li tej laus tau hais los no.
Nco ntsoov txhua yam zoo muaj koob meej puav leej yog Qaum Ntuj foom los pub. Yus thiaj tsim txiaj no mog.

Sacramen to tim 4/6/ 2019.
Yaj Zoov Ntxheb X.H.

Nyob hauv zaj tswv yim zoo raug Ntuj nyiam yog txawj xav, mas nyob hauv cov Nom Tswv tswj teb kav chaw.
Zoo li cov Huab Tais neeg thiab cov Txoov Tswv Tim, {President} tsis hais cov neeg ntseeg Ntuj, los ntseeg dab qhuas li Hmoob ntseeg.
Los ntseeg ib tug Tim Tswv, los ntawm neeg lub npe. Los sis ntseeg ib tug Yaj Saub cov lus qhia, raws li Ntuj tsoj qhia, los rau neeg ntseeg.
Uas yog ib lub tswv yim zoo, muaj ib txoj kev ntseeg, kom tau ua neeg siab dawb, mus raws li txoj kev hwm Ntuj.
Xav kom txhua tus thawj coj, nyob hauv txhua Haiv neeg, sawv daws paub tias:
Nws yog ib tug thawj neeg, Ntuj pub nws tau ua tus thawj coj ib Haiv neeg lawm. Nws yuav tau pov hwm, nws Haiv neeg kom zoo li zoo tau rau Ntuj.
Tus uas yog tau ua ib tug thawj neeg, mas nws yuav tau nrog Ntuj pab tiv thaiv nws Haiv neeg. Kuj cuag li nws yog tus Ntuj xaiv los ua Haiv neeg ntawd tus thawj, Nws yuav tau koom ib nplooj siab li Ntuj. Kom tau pov hwm thiab txuag Haiv neeg, uas nws saib ntawd.
Lawv txoj sia thiab lawv cov Ntsuj plig, mus raws li Ntuj txoj kev nyiam kev hlub thiab kev zam, rau txhua tus.
Nws yog tau tau ua ib tug Huab Tais los ua ib tug Txoov Tswv Tim { President} nws muaj txoj hauj lwm nyiam, hlub thiab txuag nws Haiv Neeg li Ntuj nyiam thiab Ntuj hlub, los Ntuj txuag.
Nws yog tus Ntuj xaiv, los ua Haiv neeg tus thawj coj lawv. Nws lub hwj chim yog Ntuj lub, nws yog tus raug Ntuj txib. Los hloov Ntuj chaws tiv thaiv nws Haiv neeg, nws yuav ua raws li Ntuj nyiam thiaj yog! Cov thawj neeg tau ua tus Txoov Tswv Tim, muaj hwj chim li no. Sawv daws yuav txhob tsim kev ua tsov rog los sib ntaus sib tua.
Yog luag ua phem rau yus Haiv neeg, yuav tau xav tias: Tsuas yog cov thawj neeg thiab nws npoj xov nom nrog nws xwb.
Tsis yog tas tsoom pej xeem, txhua tus muaj lub siab phem sib xws! Txawm yog muaj sib ntaus sib tua, los txhob siv cov Prasmasnus los mus tua neeg thiab siv cov nuchria los ua tsov ua rog.
Cov hoob pob no, yuav mus raug rau cov poj niam me nyuam, uas lawv yog cov neeg dawb huv. Yog yuav ua tsov rog tiag, mas teem caij nyoog.
Rau ib qho chaws tsis muaj neeg nyob, ob tog mam mus sib tua, ua kev yeej thiab kev swb nyob rau qhov chaw ntawd.
Kom txhob muaj xwv txheej, raug rau tej poj niam me nyuam. Uas lawv yog neeg dawb huv, yog pheej ua rog, nyob tej chaw, uas tsis muaj cov neeg dawb huv nyob.
Mas thiaj tsis qhib ib txoj kev sib ntxub, rau cov neeg siab dawb, kom muaj caub chim nco ntsoov txog neeg kev sib ntxub.
Yuav tau cais cov neeg dawb huv, uas tsis tau muaj yeeb ncuab. Tsis tau tsim nyog txais txoj kev tuag, nrog cov neeg muaj kev txhaum. Uas ib leeg ntxub ib leeg, nrog lawv tuag ua ke.
Tsim nyog kom cov thawj neeg paub tias:
Neeg ntiaj teb Haiv neeg twg, los yog Ntuj me nyuam ib yam. Thiab cov thawj neeg, los leej twg kuj yog Ntuj tus tub txib.
Txheej thaud, leej twg los ua yuam kev tas tib si lawm. Nyem no yuav hais kom sib haum, sawv daws muaj cov hoob pob nuchria, thiab cov pamanus no.
Sib cog lus muab rhuav pov tseg kom tas mus, txhob siv los ua tsov rog lawm. Yog kev ua tub qaug thiab ua txhaum rau Ntuj.
Leej twg siv cov hoob pob pramanus no, mas yog tus neeg ntawd, nws xav tias: Nws tseem loj dua Ntuj lawm.
Nws muab neeg xa mus thawj thiab, nyob rau dab phem teb. Kom lawv tau mus ciaj ua dab. Yus loj xov muab cov neeg siab dawb xa mus thawj thiab nyob nrog dab ua ke tib si lawm!
Yog ib yam uas tsis zoo rau Ntuj txoj kev tsim neeg, los ua neej nyob rau hauv lub Sim Ceeb no! Nyob hauv lub Sim Ceeb no, yog neeg kev zoo siab.
Los nrhiav lub neej ua neeg nyob kaj siab, npaj tsim koob hmoov rau tiam tom ntej. Saib yuav mus thawj thiab, nyob rau Ntuj Ceeb Tsheej puas tau!
Tswv Ntuj muaj kev hlub thiab khuv leej txhua Haiv neeg, kom sawv daws tau mus thawj thiab ua Ntuj ib co Tshiab siab dawb siab zoo.
Thawj yam uas zoo tshaj plaws nyob saum ntuj, yog tiam tom ntej. Kom neeg tau mus thawj thiab ua Ntuj, ib leej tub, los ib leej ntxhais siab dawb rau Ntuj nyiam thiab Ntuj qhuas.
Ces Ntuj thiab neeg muaj kev zoo siab tias: Tsim nyog qhov Ntuj tau tsim neeg los ua neej. Thiab tsim nyog neeg, los ua neej zoo siab thiab xaiv tau txoj kev mus nyob ua Ntuj. Tau ua Ntuj me nyuam mus tas txhiab niag tim puas xyoo.
Yam uas Tswv Ntuj nyiam yog qhov zoo li hais no, cov thawj neeg los tej pab tsis sib raug zoo. Lawv xav ua rog, ces teem caij leej twg tsis txaus siab cia tus ntawd, los pab ntawd, mus sib tua xwb.
Txhob sau tas zej zog teb chaws mus sib tua kom tuag mus lawm tsheej pab tsheej pua txhiab leej li yav dhau los lawd.
Cia nyias siv nyias peev xwm, raws li nyias muaj lub zog. Txhob siv cov cuab yeej lom huab cua thiab dej kom ua rau neeg muaj mob, ces neeg tuag raws kev mob nkeeg mus.


Sacramento,
Tim 28/8/2019.
Yaj Zoov Ntxheb.

Lub zim txwv no, neeg ntiaj teb lub siab ntsws hloov tas.  Mus ua Nab Raj Kub Sai txuj ci lawm.  Cia muab ib zaj Sab Sij Huam los piav qhia txog, neeg tej nplooj siab saib yog zoo li cas lawm tiag!
=>.Neeg ntiaj teb no, sawv daws xyaum mus yug Nab Raj Kub Sai.  Kom neeg plhis tau mus ua ib tug neeg nyuam cuag cov Nab Raj Kub Sai.
Saib Leej twg yuav yog tus nyaum thiab tsiv tshaj cov thiab muaj taug dua sawv daws. Ces nws yuav tau ua sawv daws tus thawj, Nab muaj taug thiab muaj zog tshaj sawv daws.
Yog nws tom leej twg, ces tsis khiav ces yuav raug mob. Tus nrog nws sib twv, ces kawg tuag mus.  Nyiam no cov Nab Raj Kub Sai no, muaj muaj coob kawg puv nkaus rau lub qab ntuj  no lawm.
=>. Ua rau lub Sim Ceeb no, tsis muaj kev thaj yeeb, sawv daws tsis tau nyob tiaj tus li.  Vim neeg tej siab ntsws kis tas nrho rau cov taug Nab Raj Kub Sai no lawm.
Lawv muaj kev sib ntswg, sib tog, tus loj uas muaj zog.  Muab cov Nab Me nqos mus, ua nws cov txhiam xws noj mus yug nws txoj sia.
Kom nws tau ua neej nyob, ntev niaj ntau xyoo mus, kom nws tau niaj hnub pom lub hnub lub hli tawm tuaj.  Thiab tau pom lub ntuj tshav los ntuj los nag.
Saib tshav yuav kub raug leej twg, los nag ssib nag ho  yuav ntub tus twg.  Ces nws zoo siab tias, nws tau ua tus vaj loj tshaj sawv daws mus lawm!
=>. Cov Nab Raj Kub Sai no, ces yog tas nrho, Peb Noob Neej, poj niam thiab txiv neej.  Uas tuaj ua lub neej txoos rau ntiaj teb no ntag!
Nws yog tas nrho, Cov Vaj, cov Txoov Tswv Tim, (president} cov thawj, ua cov Xov Txoov  Nom, tus loj mus thoob plaws rau cov nom me.
Thiab cov Tuam Los Pav, cov thawj coj kav cov Koom Haum ub Koom Haum no.  Los rau cov txiv tsev uas kav nws tsev neeg.  Thiab cov niam tsev tuav Kab Xwm, los cov niam tsev tu tub ki, peb sawv daws txhua tus tib si.
=>. Peb sawv daws, mus xyaum yug Nab Raj Kub sai tas txhua tus.  Thaum sawv daws yug tau lawd, sawv daws cia li nyiam thiab plhis mus ua Nab Raij Kub Sai mus lawm!
Peb thiaj pom lub Sim Ceeb no, tsis muaj kev noj qab nyob zoo.  Tas sawv daws, tus yuav kho siab lis cas los muaj, tus muaj kev chim siab, tu siab tuaj los yog!
Ces cia li ua tau ib co taug Nab Raj Kub Sai, nyaum tas nrho los nyab peb sawv daws tej siab ntsws mus lawm. Ua rau sawv daws nyob tsis thaj yeeb nrog kev kaj siab li.
=>.Tshuav tib txoj kev uas neeg ntiaj teb nyiam muab los siv nplij lawv tej siab ntsws:
Txoj kev uas tas tsoom neeg nyia siv, los nplij lawv tej siab ntsws, kom muaj lub siab kaj me ntsis tuaj!  Mas tsis yog ib txoj kev dawb huv nqes saum ntuj los!
Nws yog ib txoj kev tuaj ntawm cov ntsuj plig dab phem tuaj:  Yog cov dab uas muaj Ntsuj Plig phem no, muab los nplij neeg tej nplooj siab!
Daws neeg kev kho siab tu siab thiab neeg kev chim, kom neeg xav tias, muaj yam zoo tshaj los pub rau neeg ces neeg siab kaj ib vuag mus.  Ces neeg cia li yuav yam zoo siab ib vuag no xwb.
=>. Txoj kev neeg ntshaw no, tab tom yog txoj kev cuab ntxiab rau tib neeg cov ntsuj plig.  kom haj yam muaj kev tu siab mus ntxiv rau lub neej uas neeg cov Ntsuj Plig txoj kev yuav mus thawj thiab ntag!
Nws yuav ua rau kom neeg cov Ntsuj Plig no muaj kev tu siab mus tas txhiab niag tim puas xyoo li. Nws yog txoj kev ua txhum los khi Neeg cov Ntsuj Plig kom tawm tsis tau mus thawj thiab:  { Mus nrog Tswv Ntuj nyob rau ntuj Ceeb tsheej.}
a.Yog kev ntshaw ua plees ua yi…
b.Yog kev khav theeb ua neeg ruam tsab ntse…
c.Yog kev thuam Ntuj thiab saib tsis taus neeg…
d.Yog kev dag thiab ua tim khawv cuav, hais lus tsis tseeb. Nws hais lus cuag li yog Qaum Ntuj tshoj nws ua Yaj Saub.   Nov, yog yus rov dag rau yus tus kheej mam dag ra Ntuj thiab neeg,yog kev txhaum loj.
e. Yog kev ua tub sab tub nyiag, txeeb luag teej luag tug los ua yus li.
Txoj kev nplij neeg lub siab kom tau nyob tiaj tus ib vuag ces yog tej no ntag.
=>. Txoj kev nplij neeg lub siab kom dawb huv nqes saum ntuj los, mas Koj hlub luag, nyiam luag tej thiab zam rau luag, ces tsis  muaj neeg tso taug Nab rau koj. Ces koj tau nyob thaj yeeb, muaj lub siab nyob kaj luag.
Koj tuaj yeem ris kev iab kev khwv kev tus siab, los chim siab tsis qhib tawm rau leej twg paub. Tsis muaj neeg muab khawv yeej khawv yws rau koj ris, ces koj nyob thaj yeeb lawm.
Koj nyiam pab luag, tsis muaj nyiaj los pab los lus qhuas thiab cav lus zoo txog luag. Los xuas tes pab, ces luag foom hmoov zoo rau koj ces koj nyob kaj lug lawm.
Koj zeem los suav sawv daws, ua ko phooj ywg sib txheeb ze.  Qaum Ntuj yuav xa ntau leej neeg tuaj nrog Qaum Ntuj pab qhuas thiab foom hmoov zoo rau koj.  Ces koj yuav tsis muaj mob nkeeg.
=>.Tej laus hais txog txoj kev xyaum ua neeg zoo, mas lawv hais tias:  Koj ua neej nyob, lub qhov rooj sab saud. Yog koj qhib, mas qhib los, lob kom loj cuag li rooj ntug.
Hos lub qhov rooj nyob sab hauv, koj kaw ces kawm kom ntom nti.  Kom dej txeem, los txeem tsis tau, dab yuav nkag los, los nkag tsis yoj dab mas thiaj zoo.
Lub qhov rooj sab saud, yog qhib los txais Ntuj li koob Hmoov. Lub sab hauv ces yog xa kev phem kev qias mus rau hnub coog hli kawg.  kom ua neej nyob los  ntsej los tsis hnov muag los tsis pom li.
=>. Zaj lus uas peb nyiam txia mus ua Nab Raj Kub Sai, kom txawj ua tus neeg tsiv tsaim zoo li no.  Nws yuav tawg tau lub paj los txi tau lub txiv zoo li zaj sab sij huam no laid yom.
     
Sacramento tim 3/6/2019.  
Yaj Zoov Ntxheb X.H.

Nyob hauv Hmoob lub tswv yim, uas neeg tsom txog txoj kev raug dab thiab ua dab qhev. Mas hmoob tsom tsis raug lub hom phiaj!
1=>Hmoob saib zoo li dab nyob muaj dab chaw nyob txawv li Neeg chaw. Neej chaw txawv dab chaw nyob, Neej chaw nyob tsis muaj tub qaug rau dab los rau Neej leej twg li.
Tsuas yog dab chaw nyob, Neej mus ze thiaj muaj kev ua tub qaug rau dab. Nyob hauv Neej tej kev tsis txawj hais lus los saib tsis taus dab. Ces dab thiaj tau tuaj tom Neej, kom Neej tau raug muaj mob los raug nkeeg.
Nyob ntiaj teb no, dab cov chaw nyob, yog nyob qhov twg?
Dab cov chaw nyob, raws li Hmoob hais:
a->. Tus Dab Xob, nyob saum huab thiab cua, huab cua mus txog twg, mas tus dab xob mus txog ntawd.
b->. Tus Dab Zaj nyob hauv dej, los nyob hauv qab tiv txwv av thiab nyob hauv tej qhov zeb qhov tsuas. Ces tus neeg tsis muaj zog, raug dej tshoob los dej ntsawj ntaus mus lawd.
Ua rau neeg tsis muaj zog neeg tog dej mus lawm, ces neeg tuag mus. Ces Hmoob hais tias yog Zaj, muab nws coj mus lawm. Yog nws raug Zaj tom thiab Zaj noj, mas txawv dua li tsov tom.
Hmoob hais tias Zaj noj lawm, mas txij li ib hnub mus txog xya yim hnub. Mam pom lub cev neeg ntab tawm los, los pom nws lub cev mus khuam nyob rau lwm qhov chaw tim ntug dej!
Hos yog tsov muab lawm, mas thaum neeg mus pom. Mas tsuas pom tshuav pob txha lawm zwb, yog muaj tseeb li hais dab neeg hais, puag thaud los txog niaj hnub no.
Cov uas raug Zaj muab lawm, mas kev cai yuav tsum ploj mus nrhiav tsis tau. thiaj zoo ntseeg lo lus hais tias. Yog Zaj yuav los zaj noj lawm.
2=>.Muaj ib los lus ntxiv, yog lo lus hais tias: Hmoob ntseeg Looj Mem los ntseeg MemToj, yua tau zoo txwv Feej no.
Lub tswv yim no, yog Hmoob mus kawm ntawm Suav los. Thiab ntseeg li Suav hais los hais tias:
Muab tej niam tej txiv coj mus tso tau zoo Mem Toj, mas tej tub ki yuav tau zoo tus Looj Mem. Yog Looj Mem tau ua Nom ua Tswv no.
Tus Looj Mem no, puas yog muaj tus Mem Toj tseeb tiag! Txij thaum Hmoob mus ntiav Suav saib Looj Mem rau Hmoob niam Hmoob txiv, los tau pes tsawg pua xyoo lawm. Hmoob tus Faj Tim Huab Tais los tsis txog li.
Tsuas muaj dab neeg hais txog, Tswb Tshoj thiab Nkauj Ntsuab Nraug Nab xwb. Los kuj tsis tau pom Hmoob Huab Tais li. Puas yog Suav paub tus Mem Toj no, yog tus Mem toj muaj khib thiab muab hlob, tsis tsis txawj sib hlub sib hwm.
Los yog Mem Toj, raug luag ntxub thiab raug luag thuam. Kom tsis txawj hwm cov uas yog Hmoob cov thawj neeg los yog ua li cas tias?
Txhua lub Xeem Hmoob puav leej ntseeg Looj Mem, tab sis txhua lub xeem Hmoob tsis hwm tias, tus neeg thoob tsib ntse. Nws yog Hmoob tus Looj Mem zoo lawm, peb yuav tau hwm nws kom tsheej Faj Tim Huab Tais mus:
Muaj ib tug zoo li yuav tau Looj Mem zoo, yuav tau ua Hmoob tus Nom. Mas txawm siv muaj dua ib tug sawv nyob sab tod, los cuam tshuam tiv thaiv, tsim teeb meem. Nrhiav lus rau nws, kom nws muaj kev tu siab siab mus. Ua nws txoj haum lwm los ua nyob hauv kev ris khawv yeej khawv yws mus xwb.
Yog ua twb zoo xav, mas ntshais Suav qhia tus Looj Mem cuav xyob txhiaj. Rau Hmoob ntseeg mus rau kev ua neeg kob huam, muaj kev sib ntxub rau Hmoob ntseeg. Kom tus Looj Mem no, coj Hmoob mus nyiam kev ua luag qhev xwb pob yom!
3=>. Hais txog cov Thawj neeg yuav sawv los ua Nom, mas Hmoob tsuas muaj kev ntxub thiab tsis nyiam tus hu ua Hmoob no xwb!
Yog Cov hu ua Mab Sua, ua Nom mas Hmoob lub xeem twg los koj txaus siab hwm, kuv los txaus siab hwm. Nyias txawj txawj nyias, kom tau ua tau tus Nom Mab Suas tus phooj ywg zoo.
Hos yog tus Hmoob lawm, mas yus muaj chaw tib li ub li no. kom nws tsis muaj phooj ywg mus. los ua kom nws raug lus phem, los thuam txhiab xyav lus tsis lub moo tsis zoo rau luag zeej tsoom hnov.
Kom muaj kev sib ntxub sib tiv, tsis muaj kev sib raug zoo. Los rau kev sib pab sib txhawb kom loj hlob mus!
Pom tej no tas, mas ua li tus Looj Mem los tus Mem Toj no, puas muaj zaj lus tseeb uas ,muaj nyob hauv tus Mem Toj no tiag thiab yuav txaus ntseeg mus ntxiv lawm!
Kuv tus kheej, mas kuv xav tias, tsis muaj qhov tseeb nyob hauv li lauj! Yog peb Hmoob tseem ntseeg tias, tus Mem Toj, Mem Av no yog muaj tseeb. mas Hmoob plaub ntug, tseem yuav muaj ntau los hais tsis muaj chaw tas li!
Muaj qee lub Xeem Hmoob twb muaj plaub ntug los ntawm sib txeeb Mem Toj Mem Av no los lawm. lawv ua plaub ntug loj tas nrho.
Twb muaj neeg saib ntsoov, lawv tej plaub ntug tau peb paub tiam neeg los lawm. Tsis pom lawv tus Faj Tim Huab Tais sawv los kav lawv li. Tab yog kav nws lub xeem 10 yim neeg nyob ua ke ntawd xwb, los twb kav tsis tau tas lawv thiab.
Tej laus yeej hais tias, yog Suav thiaj txawj saib Mem Toj no, ua yog Suav Dag los yog tseeb tiag! Hmoob cov Mem Toj no, Hmoob tau xaiv nyob Suav teb los txog Xov Tshoj:
Nyab laj, los Tsuas, Phab Mab, Thaib, Mes Kuj, Fuaj Kuj. Tseem tshuav ntau lub teb chaws ntxiv thiab, Hmoob tus Faj Tim Huab Tais no, tsis txawj sawv los kav Hmoob li.
Ua li tsam yog Looj Mem roob hav sib tshom sib ntxub thiab sib ceg sib ntaus xwb los li cas tiag! Yuav tau ras txog qhov hais no thiab od.
4=>.Zaum no yuav los hais txog cov neeg raug dab thiab cov neeg ua dab qhev:
a->.Tus neeg raug dab, mas yog tus mloog dab lub tswv yim cob qhia kom nws nyiam ua kev txhaum. Tsis yog tus neeg raug dab mob li Hmoob hais:
txhob tu siab thiab txhob chim mog! Yog lus sib piv xwb kom tsom tau pom qhov tseeb! Tus neeg mob thiab tus txawj ua neeb.
Ob tug neeg no, Leej twg yog tus raug dab tiag? Ntshai hais tias: Tus txiv neeb, mas yog yog tus raug dab, Vim nws mloog dab hais, nws txawj muab tus neeg mob nplua. Kom muab tsiaj los tua, mus pauj rau dab.
Dab ruam los dab ntse, ib tug neeg muaj nqes loj tshaj dua li ib npoj tsiag nad. Ua li cas ib tug tsiaj no xwb, dab yuav kam pauv tas ib tse neeg, los pauv ib tug neeg tus ntsuj plig! Tsiaj thiab neeg leej twg muaj nqes loj dua?
Hais qhov tseeb: tus neeg mob nws raug neej, nws thiaj mob. Tus txiv neeb, nws raug dab lawm nws thiaj txawj txawj ua neeb! Txawm yog kev raug dab lawm ntag!
b->.Cov neeg ua dab qhev ho yog cov twg?
Cov neeg ua dab qhev yog cov neeg mloog dab lub tswv yim qhia. Tsis yog cov neeg teev teev dab qhuas li muaj qee leej tsis paub tab hais los tias: Yog cov neeg teev dab qhuas ua dab qhev.
Yog muab hais los, mas yuav tsis zoo mloog li od! Cov neeg ua dab qhev, mas yog cov neeg uas lub ntiaj teb teb saib tias lawv lub neej zoo.
Lawv zoo vim lawv muaj nyiaj txiag, ua neeg nplua nuj, lawv yog neeg txwj neeg laus thiab yog nom yog tswv loj. Lawv yog cov thawj neeg, muaj hwj chim koob meej nto moo lug.
Qhov uas lawv tau ua dab qhev, yog lawv mloog dab qhia. coj li dab coj. Tsis hlub luag tej, tsis txawj zam rau luag cov neeg txom nyem. Txiav se ntau rau tsoom pej xeem them se ntau, ces ua rau lawv yim nplua nuj tuaj.
Lawv txib neeg ua hauj lwm, muab nqes zog tsis txaus rau luag. Thiab lawv nyiam kev ua txhaum, tsis ntshai tub qaug rau neeg los tub qauv rau Ntuj.
Lawv hla tas nrho Tswv Ntuj 10 los lus qhia uas Tswv Ntuj tau kom Yawg Mais Xes sau los nyob saum lub Roob Hos Les, los roob Xis Nais los.
Tsis hais cov neeg coj kev ntseeg dab tsi li, cov muaj lub siab coj thiab nyiam kev ua txhaum. Txhua yam uas tau hais los saud lawm. Ces lawv yog cov tseem tseem ua dab qhev.
5=>. Muaj qee leej Neeg, tsis paub tab, tsis txawj hais lus, tau hais tias: Cov neeg tseem teev dab qhuas lawv yog cov neeg ua dab qhev, tus hais li no, mas nws tau hais yuam kev lawm od!
Yuav ua twb zoo tsom kom meej, mam hais, tsam muaj ib tug txawj tsom pom tau nruab yeeb yog yam tseeb. Ces nws yuav tsom pom tus neeg hais ntawd, cov ntseeg Ntuj ua neeg muab hlob thiab cov ua thawj neeg, nws yog tus ua dab qhev, nws thiaj txawj hais li ntawd.
Hos tus tau raug lus tias, nws yog tus ua dab qhev no, tsam yog yus tus tau hais cov lus ntawd ntag, nws yog tus ua dab qhev. Vim nws yog tus mloog dab lus. nws thiaj txawj hais hom lus saib tsis taus neeg, nws lam txua lus los hais yam tsis muaj tseeb.
Cov luag saib tias, lawv yog neeg teev dab qhuas, mas nyob hauv ib lub zos. muaj 100 leej. Tsuas muaj 10 tus txiv tsev, lawv txawj teev dab qhuas. Muaj 1 tug txawj ua neeb! Thiab muaj 1 tug yog tus txiam muaj paub dab qhuas zoo xwb.
Tas nrho lub zos neeg lawv nyob ntawd, cov poj niam me nyuam lawv tsis paub teev dab qhuas. lawv kuj ntseeg neeg lub ncauj hais xwb, txog cov dab qhuas no! 100 leej nyuam qhuav muaj 12 leeg paub teev dab qhuas xwb. Cov dawb huv muaj 98 leej. Cov 98 leej no, lawv tus tswv yog Qaum Ntuj.
Yog tus uas Hmoob ib txwm paub tias, yog tus loj, nws yog tus tsim ntuj tsim teb kom muaj txhua yam tuaj nyob.


Sacramento tim 29/7/ 2019.
Yaj Zoov Ntxheb Xib Hwb.

Cov Ntsuj Plig dab phem no, lawv muaj hwj huam dua neeg ntiaj teb mus tshaj lawm ntau npaug!
1.Nyob hauv cov neeg laus, tsis hais txiv neej los poj niam li. Los cov thawj neeg thiab cov pej xeem, cov ntsuj plig phem no, nyiam coj thiab cob qhia.
Cob qhia cov laus no, kom lawv nyiam mus tsim ntau yam. Zoo li ua cov koob tsheej ua si, los mus seev cev thiab haus dej haus cawv. Kom tsis nco qab mus tsim tej yam zoo, los coj neeg tej siab ntsws mus raws kev thoob tsib to nrog.
Thiab los mus ua tej yam muaj nuj nqes, rau neeg tej kev sib haum xeeb mus raws li kev vam meej zoo. Ua kom haum Qaum Ntuj siab nyiam nyob hauv kev hlub neeg mus thoob plaws rau kev sis nyiam sis hlub raws kev haum pheej.
Ces coj lawv ua neeg qaug mus rau txoj kev ua si, kom muaj kev tab kaum ntau ntau. Rau tej yam tsis tseem ceeb thiab ua kom xis Tswv Ntuj siab, los raug neeg tso siab rau li lawm.
Muab lawv tej kev tab kaum no, los ua yam loj tshaj, tsis nco qab tias: Yog tej yam tsis zoo, rau tej tub ki yuav kawm ua neeg thoob tsib to nrog mus rau yav tom ntej.
Thaum tej tub ki loj hlob tuaj, ces lawv xyaum kom txawj seev cev, thiab txawj neeg coj kom muaj kev tab kaum ntau rau sab ua si ntau xwb.
Sab kev kawm txuj ci mus raws kev vam meej txheej tshiab no, yuav caum tsis tau luag lwm pab mus lawm. Ua rau yus kev paub tab mas nce qeeb kawg!
Cov Ntuj plig phem no, nyiam yob ntxias neeg mus ua rau sab tsis khov. Thaum muaj kev zoo siab txaus lawd, ces ua kom muaj lus xaiv tawm los. Ua kom muaj kev sib tawm tsam tus ub tus no.
Ces sawv daws rov muaj lus xaiv lus ncua ntau, rau thaum lub caij pib los tias: Koj muaj ib lub siab ua tsis xis kuv, los lawv muaj ib lub siab ua tsis haum peb!
2. Lub tswv yim no, yog cov Ntsuj Plig phem no, ntxias thiab cob qhia kom neeg ua tsis haum rau Ntuj thiab rau neeg txhua tus.
Kom neeg muaj kev tu siab, ces neeg sib ncaim mus, ua ntau pab ntau pawg, lub caij yus laus ntawd. Ces yus twb yog neeg phem lawm, yus nyob tsis haum kwv tij phooj ywg. Los tsis haum tsoom txheeb ze, nyob koom zej koom zos.
Cov Ntsuj Plig phem no, txawj ua hwj huam los pab yus. kom yus ua tau tej yam rau luag pom, los nws ua tau tej yam yus hais rau kom luag ntseeg mus.
Tab sis nws tsuas ua kom yus ua dhau lub caij xwb, tsuas ua los ntis luag qhov muag ib vuag xwb. nws ua tsis tau kom zoo mus li thiab pab kom yus lub siab kaj mus.
3. Yam nws pab peb ntawd, mas nws tos kom ntev mus. Ces nws cob qhia rau yus tej phooj ywg uas yus ntseeg siab, mam hais tej yam yus tau ua tsis yog tawm los. Yog yam tsis zoo no nws maj mam tawm los nrhuav yus lub meej mom mus.
Kom muaj kev cov nyom ua rau yus pab pawg rov muaj kev tsis sib nkag siab ua ke. Kom puas xwm mus, ua rau sawv daws nyob tsis taus ua ke.
Vim cov ntsuj plig phem no, paub neeg lub tswv yim zoo kawg. Tias yuav ua li cas ces neeg thiaj sib tawm tsam, kom neeg muaj kev tsis sib raug zoo.
Kom neeg tsis tso siab rau neeg, thiab neeg tsis tso siab rau Ntuj. Kom nyias ua ywj nyias siab, ces nyias taug nyias txoj kev, mus tsis tshwm rau qhov twg li.
4. Nyob hauv cov tub txawj ntxhais ntse, mas cov Ntsuj Plig no, pab kom lawv txawj coj, tsim thiab cob qhia lwm yam kom neeg nyiam ua tej yam.
Los haum txoj kev coj dab los nkag rau neeg tej nruab siab los nkag rau neeg nruab tswv yim. Zoo li kom lawv txawj tsim, tej yam duab sib tua nyob hauv cov T V muaj cov duab zoo li zaj, duab tsov, los cov duab tsiaj txawj ya piv li yog tej tus dab thiab neej txawj sib ntaus sib tua nyob hauv, T.V.
Cov Mab Sua hu ua Game no, lawv tsim los rau tej me nyuan tub ntxhais hluas siv ua si. kom thaum hlob lawd,txawj ua tsov rog nrog neej los nrog dab ua tau txhua yam tib si mus!
Tej yam no kuj txawj coj cov dab muaj ntsuj Plig phem los cob tej me nyuam, kom lawv tsis txawj mloog lus thiab kawm txuj ci tsis tau zoo!
Yam li cov dab ntsuj plig phem no, cob kom tej me nyuan lub siab thiab lub tswv yim qaug rau txoj kev nyiam sib ntaus sib tua no mus.
5. Lawv yuav tsis kam mloog lus thiab tsis kam ua hauj lwm zoo mus ntxiv. Vim lawv lub siab lub tswv yim qaug nyob rau yam, uas nyiam mus ua saib yus puas yuav yog tus tshaj li dua cov, nyob hauv lub tswv yim sib ntaus sib tua no.
Tus neeg kov cov Game no lawm, mas nws lub siab cia li nyiam. Qhib lug rau cov dab tub nkeeg ua hauj lawm los nyob kav lawv lub tswv yim, ces yog tej hlob los tej niam tej txi txib ua hauj lwm.
Mas lawv muaj kev npau taws thiab xyaum hais tej lus tsis zoo nkauj, tawm los rau neeg hnov. Yog lawv ua tsis tiav, mas lawv tsis qab siab mus ua lwm txoj hauj lawm ntxiv li.
Kuj ua kom cov hluas no, tsis muaj siab mus kawm txuj ci li lawm. Vim lawv muab lawv lub siab lub tswv yim npuab nrog tej kev ua si no tas nrho lawm.
Yog leej twg txib lawv ntau, mas lawv txawj ua tej yam tsis zoo saib tawm los. Xws li neeg npau taws, los muaj neeg ua tsis haum lawv siab.
Muaj qee tsam, mas lawv xav tsoo lawv taub hau kom tawg mus!
6. Kuv twb hnov tias, muaj ib tug me nyuam lawv ua cov Game no. Mas lawv kub siab npaum li, yus tau nrog dab sib tua kiag lawm tiag.
Yog yus tua tsis yeej cov dab nyob hauv lub T.V ces tus dab nyob hauv,tus me nyuam ntawd rau tus dab tua nws tuag kiag nyob ntawm lub T.V cuag li yog dab tua nws tuag ntag.
Zaj hais no, mas ob tug kwv tij ua game, ces ua ib chim xwb tus tij laug tuag kiag siav tu nrho. Nyob ntawm lub T.V. Tus kwv mam mus hais qhia niam thiab txiv tias:
Tij laug ua Game ces nws tsis sawv lawm, nws pw nyob ntawm lub T.V lawm. Cov laus los saib, ces nws twb tuag lawm.
Zoo li nws muaj siab tua kom yeej tus duab dab nyob hauv lub T.V. Ntawd, nws tua tsis yeej. Ces nws cia li yog cuag li yog tus dab T. V. no tua nws tuag mus lawm.
7. Ua li mas nco ntsoov tias, peb neeg nyiam ua txoj kab xwm twg! Mas yeej muaj ib tug dab nyob sab Ntsuj Plig phem tos peb kev ua kom peb nrog nws ua txij tog txij pes mus.
Yam phem uas peb ua nrog cov dab ntsuj Plig phem no, yog ua los kom peb muaj kev tus siab mus, zoo li kom tau kev ncaim ntawm yus cov neeg txheeb ze los tau kev ncaim ntawm Tswv Ntuj mus kom yus poob ua neeg twm zeej twm kawv uas tsis muaj neeg yuav pab tau yus mus li.
Yus yuav ua ib txog hauj lwm twg, los ceev faj thiab yuav tau thov, kom Ntuj Niam Ntuj Txi, los nrog tej niam tej txi nyob pov hwm yus thiab.
Ua kom yus txoj hauj lwm tawg paj txi txiv zoo rau sab xis neeg siab thiab xis Ntuj nyiam thiaj yog neeg paub tab txawj xav zoo.

Sau npe:
Yaj Zoov Ntxheb X.H.