Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

**Maiv Paj Lug** 30th August 2009, 10:52 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Paj Lug 30th August 2009, 10:52 am

CWJ VUAM CHIV TXAIS LUB CIM TIAG TES

PEB TSOOM HMOOB TUAJ SIB TXHAWB TXAIS TXIV PLIG HMOOB TSHIAB RAU HNUB TIM 4 LUB 10 HLI NTUJ 2008 NYOB RAU FABKISTEB LUB XEEV LYON, muaj cov hmoob tuaj deb nyob USA nrog tus TXIV PLIG Hmoob Ameliskas TSWV YEEJ VAJ , nrog cov hmoob CANADA thiab GUYANE tib si tuaj thxawb peb tus TXIV PLIG HMOOB TSHIAB YOG CWJ VUAM CHIV YAJ, tag nrho peb haiv hmoob muaj tshaj 400 leeg tuaj.

CHIV TXHAIS LUB CIM TIAG TES "UA TXIV PLIG" LOS NTAWM Monseigneur Claude SCHOCKET EVÊQUE de Belfort- Montbéliard.

Txiv plig Cwj Vuam Chiv tab tom foom hmoov zoo rau peb txhua tus taub hau, thaum nws txais lub cim tiag tes tag

TXIV PLIG CWJ VUAM CHIV YAJ thiab VAJ XOB...maypaj tus nus :P Wink

TXIV PLIG TSWV YEEJ VAJ tuaj USA thiab VAJ XOB

Txuas ntxiv hauv no kuv thov ua tsaug rau niamlaus Koojziagkabzaug thiab txhua tus hmoob nyob Lyon tau txais peb haiv hmoob thiab npaj mov rau peb sawv daws noj seem noj so , thov TSWV NTUJ nrog nraim nej txhua tus nyob ua nej siab kaj lug... Smile

Txiv Plig Cwj Vuam Chiv *Hnub tim 4 lub 10 hlintuj 2008 nyob FRANCE* Maypa110

Pab kuv rov los cuag koj Huab Tais Yesxus

**Maiv Tooj** 1st September 2009, 5:59 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°2

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 1st September 2009, 5:59 am

Nyob zoo Maypaj,

Thov txim kuv tuaj tshuam koj me ntsis...Kuv thov thaub qab ib ruam rau hauv Txiv Plig Cwj Vuam Chiv kev txais lub Cim Tiag tes. Kuv yuav Txiv Plig Cwj Vuam Chiv tsab ntawv caw ib tsoom neeg tuaj koom hnub nws Cog Lus ua tswv ntuj tub txib.

Lub rooj Cog Lus nyob mus li
Document Actions

Les Missionnaires Oblats de Marie Immaculée de la Province de France et du Cameroun sont heureux de vous annoncer l'oblation perpétuelle de : Antoine Tchy YANG et Simon PAYABO, le samedi 17 février 2007, Eglise St Irénée - Lyon 5ème

lb tsoom niam txiv kwv tij neej tsa thiab phooj ywg,

Nej cov muaj sij hawm tau lauj zias lub caij lub nyoog tuaj koom kuv lub rooj : «
Cog Lus ua Tswv Ntuj nyab tshiab mus tag ib sim » nyob hauv lub Koom Haum « Os Npas ».
Muaj 2 los lus kuv xav hais rau nej :

1- Ntawm kev zoo siab :

Nej sawv daws tuaj coob txhawb txhim tau kuv lub rooj Cog Lus ua rau kuv muaj kev zoo siab tsis txawj tag. Sawv daws puav leej tau txais koob hmoov kev zoo siab ntawm Tswv Ntuj los. Kev cog Lus ua Tswv Ntuj nyab tsis yog leej twg teej leej twg tug. Hos yog txiaj ntsim Tswv Ntuj pub rau peb ib tsoom neeg ntseeg txog nws. Yog paj tshab peb txais ntawm Leej Txiv Tswv Ntuj txhais tes los. Kuv yog tus sawv cev Cog Lus rau Tswv Ntuj tias kuv yuav tsob hwb Tswv Ntuj mus tas kuv sim neej. Nej cov niam cov txiv tuaj koom, nej kuj nrog kuv ua ke Cog Lus hais tias nej yuav tsob hwb Tswv Ntuj ib leeg xwb. Vim peb teev Tswv Ntuj, peb hwm Tswv Ntuj txij hnub peb txais lub Cim Ntxuav ua neeg ntseeg ntuj los lawm. Vim li ntawd cov txiaj ntsim Tswv Ntuj pub rau cov tib neeg Cog Lus tsob hwb Tswv Ntuj, sawv daws puav leej tau txais cov txiaj ntsim ntawd tib yam thiab. Kuv pom tias sawv daws tuaj coob, sib koom hu nkauj cav lus zoo thiab qhuas txog Tswv Ntuj. Peb txawj ua raws li peb ua tau.
Huab Tais Tswv Ntuj zoo siab rau peb sawv daws.

2- Ntawm kev ua tsaug :

Cov kwv tij neej tsa phooj ywg, cov qhua thiab cov Txiv Plig tag peb sawv daws puav leej pom nej txhia leej txhia tus txoj kev khwv. Nej tau khiav kev deb, ntim qav ntim hno, nqa zaub mov nqaij txhiab nqaij ncu, tuaj rub rooj tog ua tau npaj tiav ib tsum muaj me txhiam laj txhiam xws txhij txhua, raug muag, ntsia los zoo nkauj, noj los qab ncauj ... Kuv twb tsis muab ib yam dab tsi yuav pauj nej lub txiaj ntsim. Cov Txiv Plig muaj lus zoo siab qhuas txog nej txhua leej txhua tus. Kuv nrog cov Txiv Plig peb ua nej sawv daws tsaug tsis txawj tag. Tswv Ntuj yog peb Leej Txiv peb hawm, peb zwm. Peb thov kom Leej Txiv Tswv Ntuj pub koob hmoov tsis txawj tag rau nej sawv daws.
Ua tsaug ntau.

Nyob ntuj txoog lias txoj kev dav, peb tsoom niam txiv npoj yaig kwv luag lug toj lug pes tuaj poob li ntua ntuj tag hnub qaij nroo tim npoo tsag,
Tham zoj tsis muaj pes tsawg zaj, tsoom niam tsoom txiv npoj yaig kwv luag me nplooj siab nplooj ntsws twb yuj xeej lias yuav fib qab,
Ntshai yuav tshuav tag peb tsoom niam tsoom txiv npoj yaig kwv luag me ntsuj mam huab xyw sawv nruj nraim peb tej chaw nyob ua tsheej pab.

Nyob ntuj txoog lias txoj kev deb, peb tsoom niam txiv npoj yaig kwv luag hla nras laug dawm tuaj poob li ntua ntuj tag hnub nraim mab sua tej ru tsev,
Lus tham suab luag tsis muaj pes tsawg rhem, tsoom niam tsoom txiv npoj yaig kwv luag me nplooj siab nplooj ntsws twb yuj xeeb lias yuav fib tse,
Ntshai yuav tshuav tag peb tsoom niam txiv npoj yaig kwv luag me ntsuj mam huab xyw ncig luj luas peb tej chaw sawv mus lawm tsheej ke.
Ces twb zoo nyog peb tsoom npoj yaig kwv luag lub laj xeeb thawm niaj mus thawm xyoo, xab nyeej rov lwm zaus peb mam fi xov sib nug moo... Hais qhia ib tsoom niam txiv kwv tij neej tsa phooj ywg, lub 5 hlis ntuj 2007, kuv yuav npaj txais lub " Cim Tiag Tes " ua tub txib tsob hwb Tswv Ntuj ( "Ordination daconat" ). Kuv vam nej thov Tswv ntuj pab rau kuv thiab.

Ua nej sawv daws tsaug.
Muaj dab tsi peb mam rov sib tham sib ntsib dua.

Antoine Chiv YAJ

**Maiv Tooj** 6th November 2009, 3:53 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 6th November 2009, 3:53 am

Me leej kwv Yaj Cwj vuam chiv
Lub ntuj ci sab hnub tawm tuaj
Ntuj tes vuag tuav tau koj tes
Sawv los res Tsoom Ntseeg lub nra
Tswv Ntuj kaj koj txoj xub ke
Mus kev deb koj yuav tsis ntshai
Tswv ntuj nrog nraim koj mus li os...

**Maiv Tooj** 6th November 2009, 6:34 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 6th November 2009, 6:34 am

PAJHUAM HMOOB DEDICATE RAU TXIV PLIG CWJ VUAM CHIV

Zaj paujhuam hauv qab no, tsis yog lam sau xwb, nws yeej sau yog kiag raws nraim TXIV PLIG CWJ VUAM CHIV lub neej thiab nws yog ib zaj sau los txhawb Lij Choj Cwj vuam Chiv lawm yav tom ntej, nws kuj yog ib txoj pajhuam thov ntuj pab rau peb tus Txiv Plig Cwj Vuam Chiv Yaj thiab .

Tus sau: Maiv Tooj & May Paj Lug.
Tus nyeem: May paj Lug.

Sob me no _____________yog lus paj huam
Hais cuam tshuam_______txiv plig Yaj Chiv
Niam thiab txiv________yug rau Roob Nyuj
plaub hli ntuj_________1962 ( ib txhiab cuaj pua rau caum ob)
Chiv loj hlob__________raws txoj kev nyiam
Los teev tiam__________kev ntseeg Yes Xus

Muaj ib ntus __________Thaum chiv tseem yau
Yeej tsis tau__________paub txawj hais lus
Chiv txawm mus_________pw ib tag hmo
Tsim tsis nto__________Hnov xob nthe loj
Dab ntub ploj__________ua rau nws ceeb
Pw tsim dheev__________sawv ncig pes lees
qw tawg nrees__________Tias : « Tswv Ntuj nqes los os ! »
Hnub ntawd los_________Thiaj txawj hais lus
Hlob zuj zus___________Chiv txawj teev tiam
Sawv daws nyiam________Chiv tej lus qhia
Sawv daws ntsia________Chiv txawj hwm Ntuj
Chiv tus ntsuj_________thiaj lees ua Ntshiab

Txij hnub tshiab_______1988 ( ib txhiab cuaj pua yim caum yim)
Chiv thiaj tsim________xaiv txoj kev hlub
Ua Ntuj Tub____________Ntawm Tswv Yesxus
Lees Ntuj lus__________tub txib thawj zaug
Chiv thiaj taug _______Yesxus txoj kev
Ncua los ntev__________hauj lwm tshuav ntau
Ntuj tsi tau___________Tso nws tiag tes
Thiaj ncua ntev________Los txog tav no

Pib hmo no_____________Lub 10 hli ntuj
Huab Tais Ntuj_________Cog lus hnub 4
Pub Chiv paub__________Thiab Chiv los nres
Los tiag tes___________Thiab ua Txiv Plig
Chiv txiaj ntsig________Hmo no yuav ciaj
Sawv daws ntsia________Txiv plig cwj vuam
Tau rhais ruam_________20 lub xyoo
Xa moo zoo_____________txwm nkaus xyoo 2008
Lub noob txiv__________uas TP. Nyiaj Pov
Tuaj xa xov____________thiab muab cog cia
Kom peb ntsia__________tuaj tshwm lawm tiag

Ntawm Xov Tshoj________Lij choj Choo Thoj
Ua leej choj___________yog tus zaum ib
Ho rov pib ____________Tswv Yeej xeem Vaj
Los xaiv ncaj__________yog tus zauv ob
Tswv Ntuj coj__________Txiv plig Tshaj Xwm
Tsa sawv tshwm_________yog tus zauv peb
Zaum no ces____________txiv plig Yaj Chiv
Sawv los ntxiv_________yog tus zauv plaub
Raws li paub___________lawv muaj plaub leeg
Peb tsoom ntseeg_______txhua tus zoo siab

Niam Mab Liab__________Peb tug Nkauj Ntshiab
Thov koj thiab_________Pab Foom koob hmoov
Kom Ntuj koov__________txiv plig Chiv Yaj
Txawj los tshaj________nws lub txiaj ntsim
Leej Tswv Yim _________Ntawm Huab Tais Ntshiab
lub zog thiab__________Kom nqes los txog
Nyob nruaj nrog________Txiv Plig Cwj Vuam Chiv
Nres puas ncig_________peb ib tsoom Hmoob
Nyob fuam koob_________mus ib txhiab ib txhis

Mog Txiv Plig Cwj Vuam Chiv,
Huab Tais Ntuj leej Tub nqis los rau saum koj lawm tiag.

Daim Video hauv qab no kuv tso me me rau nej cov nyob deb saib thiab paub txog hais tias hnub 4 lub 10 hli ntuj 2008, muaj lwm cov LIJ CHOJ uas yog COV TXIV TSWV QHIA nyob rau lwm sab teb chaws xws li ITALY, USA, CANADA, GUYANE, SENEGAL , FRANCE thiab nrog rau peb cov TXIV PLIG HMOOB tuaj Foom koob hmoov rau saum TXIV PLIG CWJ VUAM CHIV TAUB HAU thaum nws txais lub cim tiag tes tag.

Txiv plig Cwj Vuam Chiv Foom hmoob zoo rau saum ib tsoom niam tsoom txiv thiab tag nrho cov me nyuam taub hau tib si...hnub no sawv daws yeej tau txais txoj kev zoo siab los ntawm TSWV NTUJ ib leej tub txib.

**Mim** 6th November 2009, 4:38 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°5

Xyoo Txhawb Siab Rau Cov Txiv Plig

Post Mim 6th November 2009, 4:38 pm

Xyoo Txhawb Siab Rau Cov LeejChoj/Txiv Plig

Pib txij hnub 19 lub 6 hli 2009 mus txog hnub 19 lub 6 hli 2010, yog ib xyoos uas Txiv Vaj Qhia Benedict XVI tau muab faj seeb coj los ua ib lub caij thov ntuj txhawb siab pub txiaj ntsim rau ib tsoom txiv plig tas nrho. Vim nws yog haum rau lub caij 150 xyoo uas leej ntshiab Jean Marie Vianney (Cure d'Ars) tau tas sim neej lawm. Leej ntshiab Jean Marie Vianney yog tus leej ntshiab pov hwm rau tas ib tsoom txiv plig. Txiv Vaj Qhia tau nqua hu kom tas ib tsoom ntseeg yuav niaj hnub thov ntuj rau cov txiv plig, kom leej Tswv Yim Ntshiab txhawb lawv lub siab, lawv thiaj yuav ua tau Tswv Ntuj ib co tub txib dawb huv thiab lawv thiaj yuav saib lawv tes dej num muaj nuj nqes, uas yog muab tas lawv siab ntsws los tsob hwb Tswv Ntuj thiab tshaj nws lub moo zoo.

Curé d'Ars

Yog peb mus koom tau thaj txi ntuj nruab lis piam mus thov ntuj rau ib tsoom txiv plig mas haj yam zoo, yog mus koom tsis tau, peb yuav siv peb tej lus los thov Tswv Ntuj rau lawv, thiab peb yuav hais tej zaj teev ntuj, xws li ib zag “Peb Txiv…,” ib zag “Koj nyob kaj lug…,” ib zag “HT leej Txiv, HT leej Tub, HT leej Ntuj Plig…” los thov ntuj rau lawv. Ib hnub hais ob peb zaug thaum yus xyeej sij hawm me ntsis, yog tsis tau ob peb zaug los hais ib zau yog qhov tsawg kawg nkaus. Tsis tas li ntawd peb yuav niaj hnub haisd txoj Saw Mab Liab thov Niam Mab Liab pab lawv thiab. Peb kuj yuav thov ntuj rau ib tsoom Tswv Qhia tas nrho, thiab rau Txiv Vaj Qhia tib si thiab, vim lawv yog peb cov coj thiab yog cov qhia Tswv Ntuj txoj kev rau peb sawv daws taug.

Cov txiv plig tes dej num tsis yog ib qho yooj yim kiag li. Vim li ntawd peb cov ntseeg yuav tsum tau txhawb lawv dag zog. Ib qho yuav txhawb tau lawv dag zog yog yuav tau nrog txiv plig khiav hauj lwm rau hauv yus pawg ntseeg, thiab qhov tseem ceeb tshaj yog thov ntuj tsis tseg pab lawv.

Txiv Plig Cwj Vuam Chiv *Hnub tim 4 lub 10 hlintuj 2008 nyob FRANCE* 85158406calice-2-gif

Cov txiv plig yog ib co tseem ceeb nyob hauv Koom Txoos Kas Tos Liv. Yog tsis muaj txiv plig, ces tsis muaj thaj txi ntuj, tsis muaj lub Cim Yug(Yes xus lub Cev), tsis muaj kev daws txhaum, tsis muaj ua lub Cim Pleev li. Lawv yog cov tau txais lub Cim Tiag Tes tsa lawv ua leej choj, lawv tau txais HT Yes Xus lub hwj chim, lawv thiaj hloov tau nws chaw los ua tej hauj lwm ntawd. Thaum txiv plig ua thaj txi ntuj thiab hais Yes Xus cov lus tsim lub Cim Yug, tsis yog nws ua thaj txi ntuj, tsis yog nws hais lus, tiam yog Yes Xus qiv nws lub ncauj hais lus xwb. Thaum txiv plig daws txhaum rau ib tug neeg, tsis yog nws daws txhaum yog Yes Xus qiv nws lub ncauj los daws txhaum xwb. Ib tug neeg thas mas das yeej ua tsis tau tej dej num no hlo li, txawm ib tug deacon los yeej ua tsis tau li thiab.

Yes Xus yog peb tus tseem Leej Choj

Cov txiv plig txais lub hwj chim tsim lub Cim Yug thiab daws txhaum tau ntawm cov Hauv Paus Xa Lus los. Peb nyeem nyob hauv ntawv Hauj Lwm zaj 6, piav tias neeg los ntseeg coob zuj zus, kuj muaj ntau yam dej num tuaj, ces cov Hauv Paus Xa Lus kom cov neeg ntseeg nrhiav tau xya leej txiv neej tuaj ua cov pab lawv. “Lawv coj cov txiv neej ntawd tuaj rau cov Hauv Paus Xa Lus, lawv xub thov ntuj tas ces lawv tsa tes rau saum xya leej ntawd.” (HL 6: 6) Yog vim li no, thaum ib tug Tswv Qhia yuav tsa ib tug txiv neej ua leej choj, nws thov ntuj thiab tsa tes rau saum tus txiv neej ntawd. Txij thaum ntawd mus, tus txiv neej thiaj ua leej choj lawm. Yog vim li no thiaj tau tis lub npe tias “lub Cim Tiag Tes.”

Qhov uas peb cov ntseeg yuav tsum tau thov ntuj txhawb rau cov txiv plig, yog vim tias lawv kuj tseem yog neeg txaug neeg txhaum, lawv txawj yuam kev, lawv txawj ntshaw, txawj xav ntau yam, txawj ua tsis zoo ib yam nkaus li peb thiab. Tiam sis lawv tau los lees ua Tswv Ntuj tes dej num lawm xwb. Yog li ntawd lawv toob kam (need/besoin de)(xyov yuav txhais lo lus no ua lus Hmoob li cas thiaj hais tau lub ntsiab li?) peb cov ntseeg thov ntuj pab lawv, txhawb lawv dag zog, txhawb lawv tswv yim, txhawb lawv siab ntsws.

Hais txog ntawm peb cov txiv plig Hmoob, peb cov Hmoob Nplog Thaib Nyab Laj nyuam qhuav muaj plaub leeg ua txiv plig xwb (mus saib Maiv tooj cov zaj hais txog TP Cwj Vuam Chiv saud). Cov Hmoob Suav lawv yeej muaj tus puav lawm, tiam sis peb kuj tsis paub tseeb tias pes tsawg leej. Peb lub neej ntseeg Hmoob tseem zoo li tus me nyuam uas nyuam qhuav sawv taus nyuag nrhuj nrheev xwb. Peb tseem muaj kev tu ncua ntau heev. Yog li peb cov Hmoob yuav tsum tau mob siab thov ntuj tiag pab kom peb ob peb tug txiv plig Hmoob muaj lub siab ruaj nreb khov kho ua tau ib co leej choj dawb huv, thiab kom peb muaj ib cov tub Hmoob uas kub siab rau Tswv Ntuj tiag thiab t xiav txim siab tau los ua Tswv Ntuj tub txib tshaj nws lub Moo Zoo rau peb haiv neeg.

(Haub yaud!... tsam no kuv tso tau ib daig duab, tiam sis kho tsis tau kom yau li!... Tais Tooj aw, koj mam pab kho rau nawb!...Cas nej pheej tsis nyob ntawd es qhia kuv thiab lau!... Cas kuv muab daim duab copy mus rau hauv kuv cov files, muab ua tau yau, tiam sis pheej theej tsis tau los li mas?)

Last edited by Mim on 6th November 2009, 6:52 pm; edited 2 times in total

**Npuagtub** 7th November 2009, 4:23 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°6

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Npuagtub 7th November 2009, 4:23 am

Mim wrote:Xyoo Txhawb Siab Rau Cov LeejChoj/Txiv Plig

Pib txij hnub 19 lub 6 hli 2009 mus txog hnub 19 lub 6 hli 2010, yog ib xyoos uas Txiv Vaj Qhia Benedict XVI tau muab faj seeb coj los ua ib lub caij thov ntuj txhawb siab pub txiaj ntsim rau ib tsoom txiv plig tas nrho. Vim nws yog haum rau lub caij 150 xyoo uas leej ntshiab Jean Marie Vianney (Cure d'Ars) tau tas sim neej lawm. Leej ntshiab Jean Marie Vianney yog tus leej ntshiab pov hwm rau tas ib tsoom txiv plig. Txiv Vaj Qhia tau nqua hu kom tas ib tsoom ntseeg yuav niaj hnub thov ntuj rau cov txiv plig, kom leej Tswv Yim Ntshiab txhawb lawv lub siab, lawv thiaj yuav ua tau Tswv Ntuj ib co tub txib dawb huv thiab lawv thiaj yuav saib lawv tes dej num muaj nuj nqes, uas yog muab tas lawv siab ntsws los tsob hwb Tswv Ntuj thiab tshaj nws lub moo zoo.

Curé d'Ars

Yog peb mus koom tau thaj txi ntuj nruab lis piam mus thov ntuj rau ib tsoom txiv plig mas haj yam zoo, yog mus koom tsis tau, peb yuav siv peb tej lus los thov Tswv Ntuj rau lawv, thiab peb yuav hais tej zaj teev ntuj, xws li ib zag “Peb Txiv…,” ib zag “Koj nyob kaj lug…,” ib zag “HT leej Txiv, HT leej Tub, HT leej Ntuj Plig…” los thov ntuj rau lawv. Ib hnub hais ob peb zaug thaum yus xyeej sij hawm me ntsis, yog tsis tau ob peb zaug los hais ib zau yog qhov tsawg kawg nkaus. Tsis tas li ntawd peb yuav niaj hnub haisd txoj Saw Mab Liab thov Niam Mab Liab pab lawv thiab. Peb kuj yuav thov ntuj rau ib tsoom Tswv Qhia tas nrho, thiab rau Txiv Vaj Qhia tib si thiab, vim lawv yog peb cov coj thiab yog cov qhia Tswv Ntuj txoj kev rau peb sawv daws taug.

Cov txiv plig tes dej num tsis yog ib qho yooj yim kiag li. Vim li ntawd peb cov ntseeg yuav tsum tau txhawb lawv dag zog. Ib qho yuav txhawb tau lawv dag zog yog yuav tau nrog txiv plig khiav hauj lwm rau hauv yus pawg ntseeg, thiab qhov tseem ceeb tshaj yog thov ntuj tsis tseg pab lawv.

Cov txiv plig yog ib co tseem ceeb nyob hauv Koom Txoos Kas Tos Liv. Yog tsis muaj txiv plig, ces tsis muaj thaj txi ntuj, tsis muaj lub Cim Yug(Yes xus lub Cev), tsis muaj kev daws txhaum, tsis muaj ua lub Cim Pleev li. Lawv yog cov tau txais lub Cim Tiag Tes tsa lawv ua leej choj, lawv tau txais HT Yes Xus lub hwj chim, lawv thiaj hloov tau nws chaw los ua tej hauj lwm ntawd. Thaum txiv plig ua thaj txi ntuj thiab hais Yes Xus cov lus tsim lub Cim Yug, tsis yog nws ua thaj txi ntuj, tsis yog nws hais lus, tiam yog Yes Xus qiv nws lub ncauj hais lus xwb. Thaum txiv plig daws txhaum rau ib tug neeg, tsis yog nws daws txhaum yog Yes Xus qiv nws lub ncauj los daws txhaum xwb. Ib tug neeg thas mas das yeej ua tsis tau tej dej num no hlo li, txawm ib tug deacon los yeej ua tsis tau li thiab.

Yes Xus yog peb tus tseem Leej Choj

Cov txiv plig txais lub hwj chim tsim lub Cim Yug thiab daws txhaum tau ntawm cov Hauv Paus Xa Lus los. Peb nyeem nyob hauv ntawv Hauj Lwm zaj 6, piav tias neeg los ntseeg coob zuj zus, kuj muaj ntau yam dej num tuaj, ces cov Hauv Paus Xa Lus kom cov neeg ntseeg nrhiav tau xya leej txiv neej tuaj ua cov pab lawv. “Lawv coj cov txiv neej ntawd tuaj rau cov Hauv Paus Xa Lus, lawv xub thov ntuj tas ces lawv tsa tes rau saum xya leej ntawd.” (HL 6: 6) Yog vim li no, thaum ib tug Tswv Qhia yuav tsa ib tug txiv neej ua leej choj, nws thov ntuj thiab tsa tes rau saum tus txiv neej ntawd. Txij thaum ntawd mus, tus txiv neej thiaj ua leej choj lawm. Yog vim li no thiaj tau tis lub npe tias “lub Cim Tiag Tes.”

Qhov uas peb cov ntseeg yuav tsum tau thov ntuj txhawb rau cov txiv plig, yog vim tias lawv kuj tseem yog neeg txaug neeg txhaum, lawv txawj yuam kev, lawv txawj ntshaw, txawj xav ntau yam, txawj ua tsis zoo ib yam nkaus li peb thiab. Tiam sis lawv tau los lees ua Tswv Ntuj tes dej num lawm xwb. Yog li ntawd lawv toob kam (need/besoin de)(xyov yuav txhais lo lus no ua lus Hmoob li cas thiaj hais tau lub ntsiab li?) peb cov ntseeg thov ntuj pab lawv, txhawb lawv dag zog, txhawb lawv tswv yim, txhawb lawv siab ntsws.

Hais txog ntawm peb cov txiv plig Hmoob, peb cov Hmoob Nplog Thaib Nyab Laj nyuam qhuav muaj plaub leeg ua txiv plig xwb (mus saib Maiv tooj cov zaj hais txog TP Cwj Vuam Chiv saud). Cov Hmoob Suav lawv yeej muaj tus puav lawm, tiam sis peb kuj tsis paub tseeb tias pes tsawg leej. Peb lub neej ntseeg Hmoob tseem zoo li tus me nyuam uas nyuam qhuav sawv taus nyuag nrhuj nrheev xwb. Peb tseem muaj kev tu ncua ntau heev. Yog li peb cov Hmoob yuav tsum tau mob siab thov ntuj tiag pab kom peb ob peb tug txiv plig Hmoob muaj lub siab ruaj nreb khov kho ua tau ib co leej choj dawb huv, thiab kom peb muaj ib cov tub Hmoob uas kub siab rau Tswv Ntuj tiag thiab t xiav txim siab tau los ua Tswv Ntuj tub txib tshaj nws lub Moo Zoo rau peb haiv neeg.

(Haub yaud!... tsam no kuv tso tau ib daig duab, tiam sis kho tsis tau kom yau li!... Tais Tooj aw, koj mam pab kho rau nawb!...Cas nej pheej tsis nyob ntawd es qhia kuv thiab lau!... Cas kuv muab daim duab copy mus rau hauv kuv cov files, muab ua tau yau, tiam sis pheej theej tsis tau los li mas?)

Nyob zoo Sister Mim,

Zoo siab heev....., thiab ua tsaug rau koj tuaj tso ib co zaj tseem ceeb heev rau peb tau paub hnub no. Koj tso tau duab zoo kawg li lawm, kav tsij tuaj sau koj li txuj rau peb nyeem nawv mog.

**Mim** 7th November 2009, 2:12 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°7

Ua Tsaug

Post Mim 7th November 2009, 2:12 pm

Ua tsaug XH Npuag Tub, rau koj cov lus zoo... Kuv tsis muaj txuj dab tsi, kuv tsuas yog sau raws li kuv paub thiab to taub xwb os. Thiab kuv xav hais tias peb twb yog Koom Txoos tsev neeg, phim peb cov Hmoob yuav tsum paub txog tej yam tseem ceeb nyob hauv Koom Txoos lub neej thiab no, es kuv thiaj muab zaj no los piav... Kuv vam hais tias kuv cov lus yuav pab kom peb cov hmoob muaj coob leej nrog thov ntuj pab rau peb cov txiv plig thiab no.

Ua tsaug... Kuv tsis paub tias yog koj los yog tais Tooj tau pab kho kuv daim duab rau thiab ho ntxiv ib co duab kom phim rau kuv zaj... Ruam tsis txawj ces yuav yog nej pab khee tw rau xwb lau... Txawm nej leej twg pab kuv los yeej zoo kawg li... kuv ua nej tsaug kawg nkaus li nawb...

**Maiv Tooj** 7th November 2009, 8:30 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 7th November 2009, 8:30 pm

Mim wrote:Ua tsaug XH Npuag Tub, rau koj cov lus zoo... Kuv tsis muaj txuj dab tsi, kuv tsuas yog sau raws li kuv paub thiab to taub xwb os. Thiab kuv xav hais tias peb twb yog Koom Txoos tsev neeg, phim peb cov Hmoob yuav tsum paub txog tej yam tseem ceeb nyob hauv Koom Txoos lub neej thiab no, es kuv thiaj muab zaj no los piav... Kuv vam hais tias kuv cov lus yuav pab kom peb cov hmoob muaj coob leej nrog thov ntuj pab rau peb cov txiv plig thiab no.

Ua tsaug... Kuv tsis paub tias yog koj los yog tais Tooj tau pab kho kuv daim duab rau thiab ho ntxiv ib co duab kom phim rau kuv zaj... Ruam tsis txawj ces yuav yog nej pab khee tw rau xwb lau... Txawm nej leej twg pab kuv los yeej zoo kawg li... kuv ua nej tsaug kawg nkaus li nawb...

Nyob zoo Mim thiab XH. Npuag Tub,

eb! Cas ob hnub no tsis pom May Paj Lug tuaj lawm nib...? Nco nco nws li.

Mim,

Yog kuv tuaj kho nws daim duab thiab tso ib cov duab ntxiv. Kuv tsis muaj caij ntau ces kuv kho tag xwb kuv thiaj tsis qhia thiab qhuas txog nws sau tej zaj muaj xov zoo li nov rau peb paub thiab ras xeev.

Kuv hais rau nws paub tias Jean Marie Vianney ( Ars) nyob seb ntawm peb li 60km xwb. Xyoo no yog Xyoo Txiaj Ntsim ( L'Année de Grâce) peb yuav npaj mus teev Ntuj ib zaug ped.

Kwv Saint Curé d'Ars lub txws taug kev.

Ib puas tsib caug xyoo tom qab nws tuag, Jean-Marie Vanney tseem niaj hnub ua rau coob tus neeg ntseeg Catholics lub plawv dhia. Hnub tim 19 lub 6 hli 2009, lawv yuav tau hawm lub Ntim rau JM. Vanney plawv, nyob rau lub Basilique Saint-Pierre nyob Rome.
Npaj siab teev Ntuj xyoo no rau cov Leej Choj. Lub sij hawm ntawd Vaj Qhia tau tshaj tawm tias " Txiv Plig Ntshiab JM. Vanney,yog Tuam Thawj Thaj Tsob Leej Choj ntiaj teb".

TP. JM.Vanney yug xyoo 1786 nyob Dardilly ze ntawm Lyon. Nws tuag tim 4 lub 8 hli 1859. Nws lub cev tseem nyob rau ib lub hleb iav, yog mus txog yuav pom, nyob rau lub zos Ars ( Ain).

Tswv Qhia Bagnard, nyob lub zos Belley-Ars, yuav muab nws lub plawv nqa mus rau tim Vatican. Thaum kwv lub plawv mus, lawv yuav tsis ua rau neeg paub txog lub caij thiab txoj kev yuav taug, tsam muaj kev kub ntxhov thiab kom JM. Vannney tau taug kev Ntsuiag to li Nws cov zaj lus hais rau Huab Tais Ntuj. .

Nicolas Ballet
Tim 17 lub 6 hli 2009

**Maiv Paj Lug** 9th November 2009, 6:23 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°9

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Paj Lug 9th November 2009, 6:23 am

Wow nej mas sau tau zoo heev thiab ua tau kuv tuaj nyeem kaj siab lug xwb, ua tsaug ntau nawb Niamlaus Mim thiab Niamlaus Maiv Tooj, nrog XH Npuagtub tib si nej nyias thoob tsib muaj nyiag tug nej koom tib twg Huab Tais ntuj li kuv mas zoo siab tshaj plaws li os, kuv twb nco nco nej thiab nawb. Ua tsaug ntau rau nej cov ntawv muaj txiaj ntsim. Txiv Plig Cwj Vuam Chiv *Hnub tim 4 lub 10 hlintuj 2008 nyob FRANCE* Icon_sunny

**Maiv Tooj** 8th January 2010, 9:47 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°10

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 8th January 2010, 9:47 pm

04 lub 10 hli ntuj 2008

--- Koj lub npe,hu ua CHIV.
Yog Huab Tais Yes Xus tso koj los ua peb tsoom ntseeg leej txiv.
--- Koj yog ib leej tib neeg.
Yeej yog YesXus tso koj los saib peb tsoom ntseeg.
--- Hnub no peb sawv daws tuaj ua ib pluag mov txais koj.
Koj sawv los ua peb tus thawj coj.
--- Peb mloog koj lus.
Ces zoo npaum li peb ntseeg YesXus.
--- Thaum peb hnov koj lub suab.
Peb tsoom ntseeg yuav sawv los ua ib cuab.
--- Peb saib koj tam li peb txiv yawg.
Peb tsoom ntseeg yuav sib sau los ua ib pawg.
--- Hnub no koj sawv los ua peb sawv daws li ntiag tug.
Hnub no peb tuaj koom koj ua rau peb siab kaj lug.
--- tus hlob tus yau los peb yuav coj tuaj rau koj ua lub cim ntxuav.
Koj yog tus uas YesXus muab hwj huaj rau koj tuav.
--- Koj yog tus yuav muab lub cim txhab zog.
Hnub no koj hwj huaj los txog.
--- Hnub no,yog leej twg tuaj koom koj .
Nws rov mus tsev nws txoj sia txoj pa yuav loj.

YAJ LIAJ NRUAS

**Maiv Tooj** 20th January 2010, 5:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 20th January 2010, 5:08 am

CWJ VUAM CHIV

CWJ = txheeb kab ===> rhiav kev

VUAM = rab pas nrig(Tswv Qhia tus pas nrig)===> qhia kev

Chiv = Chiv keeb ===> Hmoob Kas Tos Liv xub tshwm

nyob Roob Nyuj Qus.

**Maiv Tooj** 27th January 2010, 6:15 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 27th January 2010, 6:15 am

LUS TAUM CWJ VUAM CHIV
UA TXIV PLIG

Ua cia om nim yua txiv nraug Cwj Vuam Chiv ai om! Cas xyoo no nim zoo niaj los zoo xyoo, zoo hnub los zoo nyug. Hnub no yog lawm txiv nraug Cwj Vuam Chiv ib hnub loj tis ua loj ai, peb ib tsoom kwv tij phooj ywg thiaj li teem caij yaum nyoog tuaj txoos ua npoj tsa txiv nraug Cwj Vuam Chiv sawv los ua Txiv leej Choj os mog om.

Ua ciav hnub no nim tsis yog chiv neej lig los neej tshiab e om. Hnub nim yog txiv nraug Cwj Vuam Chiv yuav chiv mus muab Qaum Ntuj hauv kuab moj tsua txawm tuaj saum Ntoo Cuam los cawm ntiaj teb tib neeg txoj kev mus cia siab os mog om!

Ua cia om nim yua txiv nraug Cwj Vuam Chiv ai! Txij hnub no lawm yav tom ntej ub ces lub thaj txi ntuj ais yog lawm koj teeg los koj tug, koj yuav niaj hnub muab ncig loj mus ua ntu zus, ntaj tej txaum yim qas hlo, lauj xib tes nas tuav Mov mog, ncauj pag li npho ntxeev lawm peb zag lub Cim uas Yes Xus Pleev tsim. Yim txheev los yim ntseeg, yim qhub los yim leej ai. Yuav deeg qas daws txog Yes Xus ntsej ais Yes Xus yuav yees li yi rau Mov mog, ces Mov mog yuav yog Yes Xus lub ces Cawm Seej os mog om!

Ua cia om nim yua txiv nraug Cwj Vuam Chiv ai! Txij hnub no lawm yav tom ntej ub ces lub thaj txi ntuj ais yog lawm koj li, yuav ncig ces yog lawm koj ncig , yuav txi ces yog lawm koj txi, tes lauj tuav lub ntim lauj xib tes nas tuav muab dej los tov cawv, ncauj pag li npho ntxeev lawm peb zag lub Cim uas Yes Xus Pleev tsim. Yim txheev los yim ntseeg, yim qhub los yim tseeb. Yuav deeg qas daws txog Yes Xus nruab siab ais Yes Xus yuav yees li yi rau dej cawv, ces dej cawv yuav khiav li yeev yog Yes Xus ntshav nrog lawm ntiaj teb tib neeg cog lus tshiab os mog om!

Ua cia om nim yua txiv nraug Cwj Vuam Chiv ai om! Hnub no muab koj tsam los mus ciaj lawm Yes Xus ib tug Thwj Tim, yuav mus yoog lawm Yes Xus tus lwj lwm. Es yuav mus tsa ncauj xuam li plhuav tshaj Yes Xus lub moo ncaj moo cawm seej rau ib zej tsoom neeg thoob qab ntuj khwb kom txheej laus pauv lawm txheej hluas, txheej hlob quas lawm txheej yau paub. Es yog leej twg ntseeg ces leej twg thiaj tau kev cia siab vam khom nws ces siv vuam siv cwj li hlo, cwj vuam siv kos txuj ci. Thov kom Tswv Ntuj pov hwm Cwj Vuam Chiv mus kom kaj siab nrig. Txij no mus ces koj yuav yog Peb ib tsoom ntseeg tus txiv plig os mog om.

Tus sau: Mme.Txiab Neeb Le Blanc

Last edited by Maiv Tooj on 27th January 2010, 6:51 am; edited 1 time in total

**Maiv Tooj** 27th January 2010, 6:18 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°13

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 27th January 2010, 6:18 am

KWV CHAB RAU CWJ VUAM CHIV TXAIS

LUB CIM TIAG TES

1
ntuj nim kwv tij laj mej pej xeem hmoob coob aib
cia mi noog pej ua luam dej es pej paug tuaj ua luam ntab cab lub ntuj txawj txim es yuav tsim tau mi lus paj vuam lub suab qab yuav nqua tau txiv nraug tus ntsuj mam huab pag mus nraim nraus rau peb niam txiv huab tais ntuj tus yees nthab laub

ntuj nim kwv tij laj mej pej xeem hmoob coob awawwaww
cab mi noog pej ua luam dej es pej paug tuaj ua luad zoo es lub ntuj txawj tsim es yuav tsim tau los lug paj vuag tuaj hais lus nroo es yuav nqua tau txiv nraug nus tus ntsuj mam huab pag mus nraim nkaus rau niam txiv huab tais ntuj tus duab ntxoo aib om
2
ntuj nim kwv tij laj mej pej xeem hmoob coob aw awb aib cab lub ntuj txawj tsim es yuav tsim tau toj roob hauv pem tuaj sawv sij luag cas yuav txawj tsim es yuav tsim tau lo lus txiaj ntsim lus sib nqua tau txiv nraug nus tus ntsuj mam huab pag mus nrog niam txiv huab tais ntuj nyob lub ntuj tshiab li kiv ib txhis tuaj tsis paub tuag laub om

ntuj nimme kwv tij laj mej pej xeem hmoob coob aw awb aib cab lub ntuj txawj tsim es yuav tsim tau toj roob haum pes tuaj sawv sib txig as lub ntuj yuav tsim tau lo lus paj vuag tuaj lus sib nquas yuav nquas tau txiv nraug nus tus ntsuj mam huab pag mus nrog niam txiv huabtais ntuj nyob lub ntuj tshiab li khais niaj ib txhis laub om
3
ntuj nim kwv tij laj me pej xeem hmoob coob aw awb aib cab lub ntuj txawj tsim es yuav tsim tau niam nkauj hnub txiv nraug hli tuaj phim hnub qub
cas lub ntuj txawj tsim yuav tsim tau lus paj vuam lus txi txiv nqua txiv nraug nus mus nrog niam txiv huab tais ntuj nyob rau lub ntuj tshiab liag ntuj sua sab saum ub aib
ntuj nim kwv tij laj mej pej xeem hmoob coob aw awb aib cab lub ntuj txawj tsim es yuav tsim tau niam nkauj hnub qub qaim hli ci
es yuav tsim tau lo lus paj vuam lus txi txiv nquag laws
tau txiv nraug nus tus ntsuj mam huab pag mus nrog niam txiv huab tais ntuj nyob lub ntuj tshiab liag ntuj sua sab saum I laub

cab yuav zoo laj xeeb laj luam xaus xi rau nruab siab peb me kwv tij laj mej pej xeem hmoob coob yuav tos ntuas txiv nraug nus rau lub ntuj tshiab aib om
ntuj nim

Tus hais thiab sau: Nkauj Mog Thoj.

**Maiv Tooj** 27th January 2010, 6:52 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°14

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 27th January 2010, 6:52 am

Kwv txhiaj nkauj muam nraug nus hais rau

Txiv plig Cwj Vuam Chiv.

Niam yai ….. txiv nraug nus ai cas luag taug qhuua xib yas ais nim lauj npab ntshuas mus nrhiav poj los nrhiav sev tab cuab tuaj lawm tab yig es xyoo no ces txiv nraug nus nim sau niab zoj zeeg mus ua niam lawm txiv plig es lub thaj txiv ntuj ces yog lawm koj nciges lauj xib nas mus tuav ntim.

Cas luag tauj qhauv xibyas ces lauj npab ntshuas mus nrhiav poj los nrhiav nyab yuav los nrog leej niam thiab leej txiv nyob es los ua rau leej niam thiab leej mus txiv noj hos xyoo no ces txiv nraug nus nim sau siab zoj zeeg mus ua niam lawm txiv leej choj es lub thaj txiv ntuj ces yog lawm koj coj es lauj xib nas los tuav mov mog mog.

Nim yaiv ….. aib. Ntshai leej niam thiab leej txiv es tawm rooj sib plaws pom zoj tag hav ncaim toj ï mus tuaj nyob tawg tshiab leej niam leej txiv twb tias cia ua niam lawm ib siab es ua me plaj plhus mus los luag li nyav los cas tus txiaj ntsim kua muag nim ncua li nthav mog .. om.

Leej niam leej txiv es nce li hlo lub toj nto pam zoj tag hauv paj dawb nyob mus tawg nrho es leej niam leej txiv twb tias ua niam ib siab tsis txhob nco es ua me ntsej muag zoo siab hlo los cas tus txiaj ntsim kua muag niam si tu nrog.

Nim yai….. aib txiv nraug nus ai koj nim yog leej niam thiab leej txiv ib leeg tub mus tuaj nyob nyab xeeb es koj rau siab ntswj ntso mus tshaj huab tais yes xus lub moo zoo kom ntiaj tog qaum pes thiaj li paub tseeb.

Koj nim yog leej niam leej txiv ib leeg tub mus tuaj nyob xeeb nrog es koj rau siab ntsuj ntso mus tshaj huab tais yes xus lub moo zoo kom ntiaj tog qaum pes thiab li xyiv fab txog.

Nim yai….. Koj nim yog leej niam thiab leej txiv ib leeg tub mus tuaj nyob tsim nuj es koj rau siab ntsuj ntso mus tshaj huab tais yes xus lub moo zoo hauv tswv ntuj.

Es koj nim yog leej niam thiab leej txiv ib leeg tub mus tuaj nyob tsim nqi ces koj rau siab ntsuj ntso mus tshaj huab tais yes xus lub moo zoo mus niam txhiab los ib txis.

Es niam zoo nyog lub laj xeeb. Xaus xi daim me nplawj nroj es yuj li lais loj rau tim I ces zaum no koj twb yob peb ib zeej tsoom kuv tij phooj ywg hmoob tus leej choj los txiv plig om.

Niam Zam Tsheem

**Maiv Tooj** 29th January 2010, 6:01 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°15

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 29th January 2010, 6:01 am

PIV TXOG LUG

Ntawm no mus yog luag piv txoj lug
Hais rau peb ib tsoom hmoob tuaj sib txoos coob
Rau Cwj Vuam Chiv lub cim ua txiv plig.

1* Txoj cai luaj txoj plaub-hau, txhua leej txhua tus hla tsis dhau .
2* Muaj tus saus yuav dig, muaj cai tsis nyob lig,.
3* Mam noj mam ntsaig, mam xav mam hais.
4* Nquab qus muab ua tsis nyog qaib dib, zaub mos ua tsis nyog zaub-tsib.
5* Plaub-hau ntxhov thiaj yuav zuag ntsis, plaub ntug ntxhov thiaj yuav Txwj-laug los lis .
6* Hlais nqaij ntshaw zoo riam, ua neeg nyob ntshaw zoo pojniam.
7* Hlub pojniam txhob tseg kwvtij, hlub nkauj hlub muam txhob tseg yawmyij
8* Hlub kwvtij txhob tseg leej npawg, hlub niam hlub txiv txhob tseg pog yawg .
9* Nplij niam nplij txiv thiaj tau ntuj ntoo , nplij tub nplij roog thiaj tau zoo .
- Nplij kaus thiaj tau kawv kwv, nlig tub nplij roog thiaj tau zoo tshwv.
10* Muaj zoo kwv tij sib hlub, tseem tsis cuag li muaj menyuam zaum dub-vog ncig ntug-cub .
11* Kev fab thev taug, neeg txom nyem thev laus.
- Kev fab thev khiav, neeg txom nyem thev siav.
12* Luag tsis yeem txhob muab luag pus, luag tsis kheev tsis txhob mus .
13* Lo zoo nco ib ntsis, lo phem nco tag ib sis (txhis).
14* Muaj qoob loo noj thawm niaj , luag thiaj qhuas tias neeg tsim txiaj .
- Muaj qoob loo noj thawm xyoo, luag thiaj qhuas tias yog neeg muaj hmoo .
15* Neeg ntse hais qhov yog, neeg ruam tsis khib zog .
- Neeg ntse hais yam tseeb, neeg ruam tsis khib xeeb .
16* Niam tshuab ntuag, txiv qhaiv ntxaiv, niam txhob ncauj ntau txiv txhob nkawg xaiv .
17* Noj nqaij yuav rau ntsev, ua neeg nyog yuav tsum rub lub siab kom ntev.
- Noj zaub yuav rau roj, ua neeg nyob yuav tsum ua siab loj.

18* Noj nqaij yuav rawg tais, ua neeg yuav tau mloog luag hais.
- Noj nqaij yuav rawg muab, ua neej yuav mloog luag qhuab
19* Ntuj dub ntuj ntiab, lam ua neej xwb tsis paub leej twg lub siab.
20* Peb suab qhuas zoo dua Saub kho, peb tug tes zoo dua ib tug ko.
- Peb suab qhuas zoo dua Saub saib, peb lub qe ntxias tsis cuag ib lub qe qaib .
21* Pom qhov zoo ces muab tes taum, pom qhov phem ces ho yuav nkaum.
22* Thaum pib ua yuav tsum tuav-xam, ua tau los thiaj li tsis plam .
23* Tsis saib lub dej los saib lub lwg, tsis saib tus meej los saib tus tswg.
24* Tsis yog luag Nom ces luag yeej tsis hawm,
- Tsis yog luag kwv luag tij ces luag yeej tsis cawm.
25* Tsis noj mov ces yuav tshaib plab, tsis yuav kwv yuav tij ces yuav poob dab .
26* Tus nquag paub tsis txhua, tus nkees qhia rau los tsis ua.
- Tus nquag paub tsis tseg, tus nkees qhia rau los tsis leg.
27* Txawj noj ces tsau plab, tsis txawj no ces mob cab.
28* Txawj noj cev hlob, tsis txawj noj ces ua mob.
29* Txhob thuam neeg loj-leeb, txhob cem neeg quav-yeeb,
- Txhob cem neeg thov khawv, txhob thuam neeg ceg tawv,
- Yuav cem kom cem dab, yuav thuam kom thuam neeg tub-sab.
30* Txhawj mob yog txhawj tsam tuag, txhawj lub neej yog txhawj tsam pluag.
31* Ua niam tsev yuav ua qhov zoo, tsev neeg thiaj nto moo.
- Ua txiv tsev yuav muaj tswv-yim, thiaj pab tau tsev neeg dim.
32* Vov txhob vov vuas zeb, xov txhob xov ntsa hlau, tsam muaj hnub dhia tsis dhau.
33* Xyoob loj tsis cuag ntoo, muaj zog tsis cuag muaj hmoo.
34* Xav tau qhov zoo los tau qhov phem, xav taug kev ncaj los tseem tau txoj kev lem.
35* Zaj tuag los vim zaj lub pov, raub-ris tuag los vim lub qhov.
36 *Zais nyiaj txiag txhob zais nruab tiag, zais nyiaj kub txhob zais ntawm ntug cub.
37 Lub siab quaj dhli, ua lub ncauj luag ntxhi
* Heheheh… ! Heheheh… !
- Lub siab puas tas, ua lub ncauj luag nyav
* Hahahah… ! Hahahah… !
38* Ib ya taws ua tsis siav ib laujkaub mov, ib pluaj ntuag ua tsis tau ib ntshuas xov .
- Ib ya taws ua tsis siav ib laujkaub zaub, ib pluaj ntuag ua tsis tau ib chaws ntaub .
39* Koom siab sawv tuav tes, peb yuav nyob muaj npe
Koom siab sawv sib puag, peb yuav nyob muaj suab
Koom siab sawv khi siav, peb yuav nyob tsim txiaj
Koom siab sawv khi pug, peb yuav nyob tsim nuj

40*Saum ntuj muaj zoo fuab dub, ntiajteb muaj zoo pobzeb kub
- Saum ntuj muaj zoo fuab doog, ntiajteb muaj zoo pobzeb koob hmoov
42*Kev coj zoo coj ncaj, yuav ua lub tshuaj kho lub siab nyob kaj
- Kev coj ncaj coj zoo, yuav ua lub tshuaj kho lub siab nyob zoo
43*Zoo nkauj tsis tim hnav tshiab, zoo nkauj ces yog lub siab
- Zoo nraug tsis tim tseev zam, zoo nraug ces yog txoj kev xav
44* Ua neej nyob nqag nto ntuj, ploog nto ntsis, nyob txhiab txog ib txhis.
45* Ua neej nyob yaj los kib txoob, cheb plag tsev qawj, qab-yiag to nyob muaj koob .
* Vam ntws li xub muv, nroo ntwg li xub ntab, noj sib hu ua sib pab.
Ces yog peb tsev Hmoob Ntseeg no ntag os lawv…. !

**Maiv Tooj** 29th January 2010, 6:19 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°16

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 29th January 2010, 6:19 am

Tx. Pl. Cwj Vuam Chiv txais lub cim tiag tes txuas ntxiv

Lub sij hawm uas Txiv Plig Nyiaj Pov tuaj nyob roob Nyuj Qus, muaj ib pab hmoob, ua yog thawj pab nyob haub peb ib tsoom hmoob, tau txais txoj kev ntseeg kav tos liv, lawv kub siab heev, mus ua teb ib hnub, tsaus ntuj los txog tsev, noj hmo tsuag tsuag tas tuaj mus kawm Ntuj kev cai, twb tsis nco qab hais tias sab no. Niaj hmo, hnov lawv teev Ntuj nyob tom lawv tsev.

Pab neeg ntawd, ib tug ces yog Chiv Txiv : Yaj Tsuj Xyooj.

Yaj Tsuj Xyooj, nws tau muab ib lub npe laus rau nws tus tub Chiv lawm, yog xyoo uas Chiv tau txais lub cim cog lus thawj zaug nyob Belgique teb Lub 9 hli 1988. Peb kuj muaj ob peb tug mus koom nrog nyob rau ped thiab.

Hu ua Cwj Vuam Chiv

Yog vim li cas thiaj Cwj thiab vuam ?

Vim peb hmoob hais tias : yuav ua luag cwj hla dej, ua lug vuam dhau zoov.

Chiv, mas nws yug hnub chiv, thiab ntxuav plig kiag rau hnub ntawd ces nws txiv thiaj hais tias kuv tis nws lub npe hu ua Chiv, thiab. Tsis tas li, lub sij hawm ntawd, muaj ib tug txiv Plig hluas T.P Zoov Phooj, tuaj mus xyaum ua hauj lwm, nrog rau tus Txiv Plig nyog hauv lawv lub zos T.P Txhiaj Tshaj, tab sis hnub ntawd, Txiv Plig T.P Txhiaj Tshaj tus uas nrog lawv nyob ib txwm ntawd, muaj hauj lwm, nws tsis nyob lawm, ces tus Txiv plig T.P Zoov Phooj tus hluas ua tuaj xyaum ntawd thiaj yuav tau ua lub cim ntxuav rau tus me nyuam no,

Txiv Plig Zoov Phooj tsis tau ua dua lub cim ntxuav yav dhau los hlos li, tus me nyuam no, yog thawj tus hmoob ua nws ua lub cim ntxuav rau. Txiv plig Zoov Phooj lub npe Italien hu ua Antonio Bonzani.

Ces nws hais tian thawj thawj tus hmoob uas txais lub cim ntxuav ntawm kuv, kuv yuav muab kuv lub npe rau nws, ces thiaj muab chiv tis npe hu ua Antonio, fab kis thiaj hu nws ua Antoine.

Lub caij nws yau ntawd, kuj muaj ib yam tshwm sim tuaj thiab, yam li : Chiv nws kuj loj hlob mos nyoos thiab, tab sis nws tsis kam hais lus li, lub sij hawm ntawd tsis paub xyov nws muaj tsawg xyoo lawm, thaj tsam ob los peb xyoos ntawd,

Muaj ib hnub, muaj nag xob nag cua, ua rau cov leev piam ya tas qhov txhia chaw, tej ru tsev ya tas, ces Chiv nws tseem tsaug zog ; tsim dheev los , nws quaj nrov nrov, thiab qw hais tias : “Huab Tais Ntuj los os” yog nws thawj thawj lo lus ua nws hais

Cwj Vuam Chiv, ib txwm txij thaum nws xeev xwm los, nyob hauv nws lub siab, nws yeej xav ua Tswv Ntuj ib tug tub txib, mus tshaj Ntuj lub moo zoo rau peb cov hmoob.

Xyoo 1973, T.P Vaj Pov ( Louigi Sion) thiaj xa nws mus kawm nyob Moos Loob, txog rau 75, uas teb chaws tawg no,

Xyoo 1984, Cwj Vuam Chiv nws thiaj txiav txim siab mus kawm ua Txiv Plig. Thiab thov nkag rau hauv lub koom haum OBLAT

Lub 9 hlis 1988, cog lus thawj zaug nyob hauv lawv lub koom haum.

1989, nws tso nws txoj kev kawm tseg,

1994, Txiv Plig Nyiaj Pov tau hu nws mus nrog Tx.Pl. Nyiaj Pov ua hauj lwm, txog rau 1997.

Txij li 1989 txog rau xyoo 2003, Cwj Vuam Chiv nws los sim ua lub neej zoo li ib tug hluas zoo li ib tsoom hluas hmoob, nrhiav noj nrhiav haus, ua si ib yam li ib tug hluas hmoob tiag tiag,

Tab sis nyob hauv nws lub siab, tsuas muaj ib yam xwb, xav siv nws lub neej los ua Tswv Ntuj ib tug tub txib.

Vim li ntawd, lub 9 hlis 2003, nws thiaj rov qab los kawm txuas ntxiv, kom tau qhov ua nyob ruaj nreb nyob hauv nws lub siab.

Xyoo 2007 no, nws thiaj cog lus ua zaum ob nyob hauv lub koom haum Oblat.

Hnub no, nws thiaj los txais lub cim tiag tes los ua Txiv plig, los cog lus, muab nws lub neej siv los ua Tswv Ntuj ib tug tub txib.

Lub neej tom ntej, raws nws lub siab xav, nws yuav tshaj lub moo zoo rau ib tsoom hmoob,
qhia Ntuj txoj kev hlub neeg rau ib tsoom ntseeg,
thiab ib tsoom uas tsis tau paub txog Ntuj lub moo zoo.

Hnub no, yog peb tuaj ua kev zoo siab rau Cwj Vuam Chiv txoj kev txiav txim siab. Rau nws lub siab loj siab dav, lub siab hlub thiab xav pab ib tsoom sawv daws.

Yaj Tsuj Xyooj nkawd cov me nyuam :

1) Mim (niam Ntawv Pov Xyooj ) USA

2) Ciaj Tsheej (Guyanne)

3) Npauj (Niam Vaj Tswv Pov)

4) Cwj Vuam Chiv

5) Ntxhe kis

6) Ces Kem

7) Ntxheb ( niam Thoj Zam Tsheem)

Cool

Lug

9) Ntxhua ( niam lis Ntsuab Vaj )

10) Ntxheev (niam Lis Ceeb )

tus Txiv Tswv qhia ua ua lub cim tiag tes rau Tx.Pl. Cwj Vuam Chiv

cov Txiv Plig tuaj koom kuj muaj coob leej,

tus Txiv Plig Kis Kiab, yog ib tug txiv Plig los tsuas, yogtus saib kev tshaj ntuj lus rau ib tsoom tawv daj nyob rau Fab Kis teb no, nws kuj yog Tx.Pl. Cwj Vuam Chiv tus tswj thiab

tuaj ib tug Txiv Plig hmoob USA tuaj koom nrog thiab : yog Txiv Plig Tswv yeej

haj tseem tshuav ob tug Txiv Plig hmoob ua tuaj koom tsis tau, nkawd kuj hais tias : tab txawm lub cev nqaij daim tawv tuaj koom tsis tau los, lub siab thiab lo lus thov Ntuj tuaj koom nrog peb thiab, yog Txiv Tswv Qhia Thoj Choo nyob rau Los Tsuas teb.

tshuav Txiv Plig Tshaj Xwm, ua yog tus nyob rau Thaib teb, peb muaj coob leej uas tsis tau pom dua

Thoj Qhua Xab, yog tus los qhib lub hmo lom zem rau peb hmo tim plaub lub 10 hli no, rau sawv daws ua kev lom zem nrog Tx.Pl. Cwj Vuam Chiv,

Thoj Qhua Xab yog ib tug tub ntaw pab hmoob ua xub tau txais kev ntseeg nyob rau Roob Nyuj Qus, lub zos ua Tx.Pl. Nyiaj pov xub xub tuaj poob

Sau thiab duab: Yaj Tshuas Rwg, Fabkis teb.

**Maiv Tooj** 29th January 2010, 6:36 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°17

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 29th January 2010, 6:36 am

Oh! Happy Day! Oh! Happy Day

Koj hu ua Chiv

Ua peb leej txiv

Sawv coj tsoom Ntseeg

Oh! Happy day. Oh! Happy Day

Peb muab peb lub siab los txais tos koj, txais tos koj!

Tswv Ntuj tso Koob Hmoob rau saum koj, rau saum koj

Oh! Happy day. Oh! Happy Day! Oh! Happy Day

Tus sau: Yaj Nuj Ci
Hu: Yaj Nuj Ci, Lauj mathias, Vaj Cathy, Vaj Luc, Hawj Stéphanie.

**Maiv Tooj** 29th January 2010, 6:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°18

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 29th January 2010, 6:45 am

Txiv Plig Tswv Yeej cov lus, hais rau TP. Cwj Vuam Chiv

Txiv Plig Tswv Yeej cov lus…..
October 4, 2008

Kuv yog T.P Tswv Yeej Vaj, kuv nyob tim As Mes Li Kas teb tuaj. Kuv zoo siab hnub no tau pom nej sawv daws thiab kuv ua Tswv Ntuj tsaug uas Nws hlub txog peb cov Hmoob. Nws tau xaiv T.P Chiv los ua Nws ib tug tub txib ua nws txoj hauj lwm. Peb cov Hmoob As Mes Li Kas sawv daws kuj zoo siab thiab ua Tswv Ntuj tsaug. Vim ntuj deb kev ncua ntev sawv daws thiaj li tuaj tsis tau. Peb tsuas tuaj tau li ob peb leeg xwb. Tsis ntev tom ntej no, peb yuav caw koj tuaj xyuas peb kom sawv daws thiaj li tau ntsib koj.

Muaj ob qho tseem ceeb uas kuv xav hais rau peb:

Qhov ib no yog:

Kuv xav hais rau cov ntseeg, peb ua neeg ntseeg Ntuj mas qhov tseem ceeb rau peb lub neej kev ntseeg yog lub thaj txi Ntuj. Yog peb tsis muaj tus Txiv Plig ces peb tsis muaj lub thaj txi Ntuj. Mas tus Txiv Plig yog ib tug tseem ceeb rau peb heev.
Peb yuav tsum hlub nws thiab hwm nws zoo li peb hlub thiab peb hwm peb niam peb txiv. Peb yuav mloog nws hais. Peb yuav txais tos nws zoo, thaum nws tuaj txog peb vaj peb tsev. Peb pom cov nyab laj lawv hlub lawv cov Txiv Plig li cas, mas peb yuav hlub peb cov txiv plig li ntawd. Lawv hwm lawv tus Txiv Plig mas zoo yam li lawv hwm ib tug huab tais. Yog peb ua li ntawd mas tom ntej no peb yuav muaj Txiv Plig Hmoob ntau ntxiv.

Qhov ob no yog:

Kuv yuav hais rau T.P Chiv. Raws li kuv tau ua Txiv Plig los tau 15, 16 xyoo no mas kuv pom muaj ob qhov tseem ceeb li ram no:
1.
Yus yuav ua li Tswv Ntuj nyiam thiab muaj Tswv Ntuj nyob nraim hauv yus. Qhov yus niaj hnub xav txog thiab ntshaw txog yog Tswv Ntuj. Yus tsis ntshaw txog kev nplua nuj, kev lom zem. Yus tsis ntshaw txog lub cuab tam thiab lub koob meej.
2.
Yus yuav hlub cov neeg ntseeg. Hnub yus ua Txiv Plig lawm mas yus yog niam yog txiv rau txhua tus neeg ntseeg. Yus txhawj thiab yus mob siab txog lawv li yus tsev neeg kiag. Thaum lawv muaj mob thiab muaj kev nyuab siab lawv hu txog yus mas yus mus xyuas lawv tam sim ntawd, mus ua lub cim daws txhaum rau lawv, ua lub cim pleev roj rau lawv, thiab nqa lub cim yug rau lawv. Yog yus ua li no mas cov neeg ntseeg yuav nyiam yus thiab poo yus. Ces yus yuav ua tau txhua yam zoo
Kawg no, kuv thov kom Tswv Ntuj nrog nraim koj, kom koj xav tswv yim li Tswv Ntuj, koj hais Tswv Ntuj cov lus thiab koj ua hauj lwm nrog Tswv Ntuj. Li ntawd koj yuav nyob kaj siab lug thiab tiv taus tas txhia yam kev nyuaj ntxhov. Ua tsaug!

Txiv Plig Tswv Yeej Vaj, Minnesota USA..

**Maivxis** 31st January 2010, 3:24 am

Maivxis

Maivxis: Phooj Ywg; Messages : 191
Date d'inscription : 2009-11-05

Post n°19

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maivxis 31st January 2010, 3:24 am

Maiv Tooj wrote:

Txiv Plig Tswv Yeej cov lus, hais rau TP. Cwj Vuam Chiv

Txiv Plig Tswv Yeej cov lus…..
October 4, 2008

Kuv yog T.P Tswv Yeej Vaj, kuv nyob tim As Mes Li Kas teb tuaj. Kuv zoo siab hnub no tau pom nej sawv daws thiab kuv ua Tswv Ntuj tsaug uas Nws hlub txog peb cov Hmoob. Nws tau xaiv T.P Chiv los ua Nws ib tug tub txib ua nws txoj hauj lwm. Peb cov Hmoob As Mes Li Kas sawv daws kuj zoo siab thiab ua Tswv Ntuj tsaug. Vim ntuj deb kev ncua ntev sawv daws thiaj li tuaj tsis tau. Peb tsuas tuaj tau li ob peb leeg xwb. Tsis ntev tom ntej no, peb yuav caw koj tuaj xyuas peb kom sawv daws thiaj li tau ntsib koj.

Muaj ob qho tseem ceeb uas kuv xav hais rau peb:

Qhov ib no yog:

Kuv xav hais rau cov ntseeg, peb ua neeg ntseeg Ntuj mas qhov tseem ceeb rau peb lub neej kev ntseeg yog lub thaj txi Ntuj. Yog peb tsis muaj tus Txiv Plig ces peb tsis muaj lub thaj txi Ntuj. Mas tus Txiv Plig yog ib tug tseem ceeb rau peb heev.
Peb yuav tsum hlub nws thiab hwm nws zoo li peb hlub thiab peb hwm peb niam peb txiv. Peb yuav mloog nws hais. Peb yuav txais tos nws zoo, thaum nws tuaj txog peb vaj peb tsev. Peb pom cov nyab laj lawv hlub lawv cov Txiv Plig li cas, mas peb yuav hlub peb cov txiv plig li ntawd. Lawv hwm lawv tus Txiv Plig mas zoo yam li lawv hwm ib tug huab tais. Yog peb ua li ntawd mas tom ntej no peb yuav muaj Txiv Plig Hmoob ntau ntxiv.

Qhov ob no yog:

Kuv yuav hais rau T.P Chiv. Raws li kuv tau ua Txiv Plig los tau 15, 16 xyoo no mas kuv pom muaj ob qhov tseem ceeb li ram no:
1.
Yus yuav ua li Tswv Ntuj nyiam thiab muaj Tswv Ntuj nyob nraim hauv yus. Qhov yus niaj hnub xav txog thiab ntshaw txog yog Tswv Ntuj. Yus tsis ntshaw txog kev nplua nuj, kev lom zem. Yus tsis ntshaw txog lub cuab tam thiab lub koob meej.
2.
Yus yuav hlub cov neeg ntseeg. Hnub yus ua Txiv Plig lawm mas yus yog niam yog txiv rau txhua tus neeg ntseeg. Yus txhawj thiab yus mob siab txog lawv li yus tsev neeg kiag. Thaum lawv muaj mob thiab muaj kev nyuab siab lawv hu txog yus mas yus mus xyuas lawv tam sim ntawd, mus ua lub cim daws txhaum rau lawv, ua lub cim pleev roj rau lawv, thiab nqa lub cim yug rau lawv. Yog yus ua li no mas cov neeg ntseeg yuav nyiam yus thiab poo yus. Ces yus yuav ua tau txhua yam zoo
Kawg no, kuv thov kom Tswv Ntuj nrog nraim koj, kom koj xav tswv yim li Tswv Ntuj, koj hais Tswv Ntuj cov lus thiab koj ua hauj lwm nrog Tswv Ntuj. Li ntawd koj yuav nyob kaj siab lug thiab tiv taus tas txhia yam kev nyuaj ntxhov. Ua tsaug!

Txiv Plig Tswv Yeej Vaj, Minnesota USA..

Nyob zoo rau koj os MT ,
Ua tsaug os Maivtooj , Ua li cas es koj yuav txawj mus muab tej txuj ci no los tso rau hauv no kuv mus pom lawm os , Zoo siab uas peb hmoob kuj muaj tej Txivpliag Thiab tej XibHwb tseem ceeb kawg li thiab , Peb yuav tau muab coj los khaws cia , Thiab yuav nyob mus li ib txhis , Lawv tej lus zoo thiab lawv tej txuj no zoo nkawg li os , Kuv khoom tso kuv li mam tuaj nyeem kom tag os nawb , Thov kom huab tais ntuj lub moo zoo no tsuas muaj vam meej thiab dav lawm yav tom ntej xwb os , Vim peb muaj zoo leej neeg zoo leej tswv yim , yuav qhia peb txoj kev tseeg no lawm yav tom ntej , Thov kom huab tais ua koj lub siab kaj lug nawb mog , Tus me nyob siab Dawb ,
Mam sib ntsib dua os .

Maivxis .

**Maivxis** 31st January 2010, 3:30 am

Maivxis

Maivxis: Phooj Ywg; Messages : 191
Date d'inscription : 2009-11-05

Post n°20

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maivxis 31st January 2010, 3:30 am

MT , as cov koj tso hauv no puav leej yog Txivplig hmoob xwb lod , Peb kuj muaj Txivplig Hmoob coob kawg thiab sav yuad !! Twb yog kuv tsis tau paub txog li os , Muaj tej tug kuj tau hnov npe lawm thiab tab sis tsis tau pom lub tus neeg li os , Zaum no koj muab tuaj rau hauv nov ma kuv kuj tau pom lawm tiag lau !!!! zoo siab kawg li os MT ,
Ua tsaug nawb mog

Maivxis .

**Maiv Tooj** 19th March 2010, 5:21 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°21

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Post Maiv Tooj 19th March 2010, 5:21 am

TXIV PLIG CWJ VUAM CHIV YAJ

HMONG CATHOLIQUE

Yesxus Pleev

Phau Ntawv Ntshiab2002

Search

Gallery

Latest topics

Speciale Hmong Guyane

Hmoob Tshav Ntuj

Suav neeg tuaj saib, txij hnub 17/09/2010 los mus.

Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Xyoo Txhawb Siab Rau Cov Txiv Plig

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Ua Tsaug

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Re: Txiv Plig Cwj Vuam Chiv Hnub tim 4 lub 10 hlintuj 2008 nyob FRANCE

Search Query

Display results as : Posts Topics
Advanced Search