Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

Maiv Tooj wrote:

COV TXIV PLIG UAS TAU MUAJ TXIAJ NTSIM RAU HMOOB
NYOB LOS TSUAS & THAIB TEB UA NTEJ thiab tom qab 1975

Cov nov kuv tsis muaj duab, yog nej leej twg muaj no thov pab muab tuaj dhos cia saib dab muag. Ua tsaug.

1- Benjamin Rancoeur ====> TP.Soob Leej ( Yug 1921)
2- Antonio den Monsavane ====> TP.Vam Tuam (1954)
3- Umberto Nespolo ===> TP.NKaj Xyaum (1933)
4- Maximo Kratu ===> TP.Vaj Npis (1946)
5- Jacques Ngyen Van Thom ===> TP.Tshaj Tswv (1954)
6- Mario Lombardi ===> TP.Vam Choj (1931)
7- Delaho ...====> TP.Nyiaj Kub (nyob Lourdes tam sim no 2011)
8- Jacques Lemoine====>?

Kuv tau kho TP Vam Tuam lub npe lawm vim koj tau sau yuam kev me me lawm.

Kuv tso 2 tug TP. rau hauv chav no ntxiv:

Yes Xus lub Moo Zoo tuaj txog Haiv Hmoob.
Cov Hmoob nyob rau Los Kuj teb. Lub Xeev Moos Loob, Luang Prabang, thiab Xeev Xeev Khuaam, Yes Xus lub Moo Zoo ib txhij mus txog.

*Lub Moos Loob Luang Prabang. Yog Txiv Leej Choj Nyiaj Pov, nws mus nyob tau plaub xyoo mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj (Leej Choj Nyiaj Pov nyob tau cuaj xyoo nyob Xeev Moos Loob, Roob Nyuj Qus.

*Sab Xeev Khuaam. Yog txiv Leej Choj Soob Leej coj lub Moo Zoo mus txog Hmoob zos. Yog lub zos Npab Na Pham Poom uas Lis Xyooj Pov Paj Laus cuab Hmoob lis ntawd, muaj Xyooj Pov, Lis Nhaiv Ntxawg, lis Nkaj Zeb Lis Tswv Txos lawv cov no. Twb muaj leej puav me nyuam tau txais lub Cim Ntxuav lawm. Muaj ib hnub Lis Xyooj Pov muaj ib tug me nyuam mob, ces niam Xyooj Pov hais rau Txiv Leej Choj Soob Leej tias:

-Txiv me nyuam mob mob yuav ua li cas rau?

Ces Txiv Leej Choj Soob Leej tseem paub lus Hmoob tsis tau zoo.
Nws txawm teb hais tias:

"Tsis ntshai, me nyuam mob mob mas Yes Xus nyiam nyiam cov me nyuam, Yes Xus yuav coj mus nrog Yes Xus nyob."

Muaj los lus no ces tsob Hmoob Lis cuab nyob Npab Na Pham Poom lawv rov thim kev ntseeg. Lawv tau poob siab tias yus twb ntshai kev moob nkeeg yus thiaj txais kev ntseeg txog Yes Xus . Yes Xus tseem yog tus yuav coj tej me nyuam mus nrog nws nyob mas peb yuam kev lawm. Thiaj tso tseg mus li no.

Rov hais txog Txiv Leej Choj Nyiaj Pov ib lo lus ntxiv:
Nws tuaj nyob Roob Nyuj ob peb xyoos nws kawm lus Hmoob paub tsis tau ntau nws tham tsis tau kev ntseeg thiab tsis tau paub tias Hmoob hu Ntuj ua tus loj tshaj thiab siab zoo tshaj. Nyob rau sab Xeev Khuaam yog cuab Hmoob Lis cuab Lis Foom thiaj paub lus Fuaj Kuj. Txiv Leej Choj Nyiaj Pov mus ntsib Tub Npis Lis Foom. Ces nws nug tias:
-Hmoob tus Dab loj tshaj nej Hmoob hu li cas?

Tub Npis Lis Foom qhia rau Txiv Leej Choj Nyiaj Pov tias:

-Tus dab loj tshaj mas yog Ntxwj Nyoog.

Ces zaum no nws rov los txog lub zos Roob nyuj, nws hu cov laus neeg tuaj nws tshaj rau cov laus neeg tias: "Kuv tuaj nrog nej nyob mas yog kuv tuaj qhia Ntxwj Nyoog kev cai rau nej!"

Ua rau Hmoob ceeb tas li. Hmoob hais tias tus peb tsis nyiam mas yog tus Ntxwj Nyoog no lauj! Txiv Leej Choj nws ua siab ntev nws kawm lus Hmoob nws muab tshuaj tuaj kho Hmoob tej mob nkeeg, ces nws tos tau plaub xyoos tsis muaj neeg los ua Ntuj Kev Cai, nws twb tag kev cia siab, nws twb npaj siab yuav rov qab ces mam li muaj Yaj Zam Nob yog thawj tus neeg ntseeg Yes Xus lub Moo Zoo.

Cov yim neeg xub ntseeg Yes Xus lub Moo Zoo:

1- Yaj Zam Nob tsev neeg nrog nws niam nws txiv Yaj Ntxoov Tswb,
2- Yaj Tsuj Xyooj tsev neeg, uas yog Txiv Leej Choj Cwj Vuam Txiv,
3-Thoj tsav Ntxhaij tsev neeg nrog ib txwm tub nyab hu ua Thoj Npuag Foob tsis tau faib cuab.
4 Yaj Nkias Keem tsev neeg Xib Hwb Yaj Zoov Ntxheb tij laug thiab Xib Hwb Yaj Xov Tsheej txiv. Muaj Yaj Txoos Khwb, Yaj Soob Tooj,Yaj Faiv Ntxhos nyob ua ke tsis tau faib cuab.
5-Thaoj Vam Khwb tsev neeg, yog Txiv Tswv Qhia Thoj Txwj Choo txiv.
6-Xyooj Tsuj Rwg tsev neeg,thaum 1954 tag.

Txuas los mus, Yaj Zam Muas tseb neeg.Yaj Nchaiv Yias, Yaj Paj Lis, Yaj Neej Tswb, Yaj Nyiaj Xyooj los mus rau Thoj Xyooj cuab kwv tij (tus Thoj Xyooj tuag ua tim khawv nrog Txiv Leej Choj Txiaj Tshaj.) Tom qab los mam li muaj coob zuj zus tuaj. Qhov ntau yog cov tub ki nqes tsev cov yim neeg mam muaj ntau yim ntxiv zuj zus los.
1958 pib, Txiv Leej Choj Nyiaj Pov hloov chaw mua rau sab Xas Niam.
Xas Niam thiab Tuam Naj Thuab Luang Nam Tha. Muaj kwv huam li no:
Ob lub Cheeb Xeev no muaj cob Hmoob sawv ua Huab Tais tos niam txiv Vaj Hmoob nqes saum ntuj los pab Hmoob. Hmoob hais nrov yaug tias Niam Txiv Vaj Hmoob yuav los mas sawv daws yuav tau zoo. Hmoob niaj hnub tos txog qhov ntawd.

*Nyob Xas Niam muaj ib hnub tus thawj Hmoob coj sawv daws sawv ua Vaj tos niam txiv,hais tias:
Hnub no peb yuav mus nram Moos Xaj Niam Txiv Vaj Hmoob yuav tuaj rau nram Moos Xaj Niam Txiv Vaj Hmoob mas nws coj ib pluaj tooj daj rhuv ntawd duav. Ces ob peb lub zos lawv mus tos. Tsis paub tias lawv mus pes tsawg leej li tab sis Hmoob yeej mus tos. Nyob nyob ces ib lub dav hlau ya tuaj txog tsaws kiag ces Hmoob pom Txiv Lee Choj Nyiaj Pov thiab Txiv Leej Choj Soob Leej nqes los, nkawd ib leeg coj ib tug ntoo cuam daj rhuv ntawm duav tiag. Hmoob khiav mus xyuas, Txiv Leej Choj Soob Leej nws yog hom neeg hais lus mos mos,nws cia li hais lus Hmoob rau lawv tias:

-Cov me nyuam nej puas nyob zoo?

Hmoob zoo siab kawg cov zos Hmoob nyob tsis deb lub nroog, Hmoob cia li tsos mus pem Hmoob zos, sawv daws sib tham ces Hmoob coj nrog Hmoob mus rau Hmoob zos. Lawv ua tsev rau nyob. Cov txiv Leej Choj qhia kev ntseeg, qhia ntawv Hmoob qhia ua noj ua haus rau, ces muaj Hmoob txais kev ntseeg txog Yes Xus lub Moo Zoo coob.
Txiv Leej Choj Nyiaj Pov tau thov cov teb chaws sab Eus Lawv pab nyiaj txiag tuaj yuav tshuab kaw ntoo, tsheb laij teb thiab toob xib txhim vaj tsa tsev, ua liaj ua teb. Nyuam qhuav pib tsav tau ob peb lub tsev ntoo ob txheej zoo nkauj heev thiab pib laij teb xwb ces teb chaws tawg, nroog Xas Niam poob rau Nplog Liab Koom Tshas tes, xyoo 1960 xwb cia li muab tag nrho tej cuab yeej cuab tam, nyiaj txiag puas tsav yam tso tseg tag nrho; cia li khiav tes dawb tes npliag, rau tau mov twb tsis tau noj cia li khiav tij ywm los lawm xwb.
Leej Choj Nyiaj Pov tau coj peb tug hluas Hmoob nrog ob peb tug tub rog khiav ntawm Xas Niam los rau Roob Nyuj Qus, Moos Loob teb; lawv los tau ib hlias nkaus, mam los tshwm rau Roob Nyuj Qus. Tom qab, nws mam li los tsim dua tshiab rau Tuam Ceeb Vees Cas nyob txog lub 5 hlis 1975 ces rov tsog tseg dua.

*Sab Tuam Naj Thuab kuj yog tib yam:
Muaj ib Hnub Thoj Suav Lwm yog ib tug txwj laus saib lub zos Na Vaa nyob ze Npam Naj Xees Mab teb. Lawv niaj hnub tos Niam Txiv Vaj Hmoob yuav los tib yam. Muaj ib hnub yog lub hli xiab kaum tsib. Nws tau ceeb toom rau lub zos tias: Tag kis yog xiab kaum tsib sawv daws txhob tawm rooj mus ua qoob los mus tsham zoov tsham tsuag, sawv daws yuav caiv! Niam Txiv Vaj Hmoob yuav nqes los!Lawv caiv nyob hauv tsev txog tav su hnub qaij zog, ces Thoj Xyooj thiab Txiv Leej Choj Vaj Pov mus txog lawv lub zos.(Thoj Xyooj yog tus mus tuag ua tim khawv nrog Leej Choj Txiaj Tshaj ntawd.)
Nkawd nrog Hmoob tham tau peb hnub ces Hmoob nug txog txoj kev cai tshiab muaj dab tsi zoo rau peb Hmoob mus ntxiv?

Xyooj hais tias:

"Muaj kawm Paub txog Huab Tais Ntuj ua neeg ncaj ncees, muaj ntawv qhia me tub me nyuam kom muaj txuj ci xws li tej Mab Sua. Tseem muaj ntawv Hmoob sau hais lus Hmoob, ntawv Los Tsuas, ntawv Fab Kis huv si nrog thiab." Ces tau peb hnub xwb,muaj kaum tsib yim Hmoob txais kev ntseeg Yes Xus lub Moo Zoo. Hmoob cia li ua tsev rau nkawd nyob, ua tsev kawm ntawv tam sid ntawd. Nkawd xa lub moo no los txog Roob Nyuj. Ces Leej Choj Neej Vaj ntaus lus tuaj txog lub tsev kawm ntawv uas Xib Hwb Yaj Zoov Ntxheb kawm tias:
Rho Xib Hwb Yaj Zoov Ntxheb mus qhia ntawv thiab kev ntseeg nyob Tuam Naj Thuab, lub zos Naj Vaas ntawd.Ces nws nce dav hlau los txog tsev ib hmos xwb ces nce dav hlau mus txog Naj Thuab. Leej Choj Txiaj Tshaj thiab nws mus taw ib hnub txog nrab hmo mam txog Hmoob lub zos. Xib Yaj Hwb Zoov Ntxheb nws tau ua txoj hauj lwm rag txuj qhia ntawv thiab tshaj lub Moo Zoo no peb lub xyoo rau lub zos Naj Vaas no. Xyoo 1962 teb chaws ua tsov rog, Tuam Naj Thuab tawg, poob rau Nplog Liab tes, XH.Yaj Zoov Ntxheb thiaj los nyob tau plaub lub hlis rau Moos loob (Luang Prabang).
Tib xyoos ntawd, Txiv Leej Choj Nyiaj Pov qhib tau ib lub tsev rag txuj tshaj Ntuj Lus rau cov tub ntxhais hluas nyob rau Vees Cam ces nws caw Xib Hwb Yaj Zoov Ntxheb mus pab nws saib xyuas cov tub ntxhais hluas nyob rau Tuam ceeb Vees Cas.

*Nyob rau sab Vees Cas xyoo 1962 Cov Hmoo Xeev Khuaam ua neeg thoj nam los nyob, ces muaj Thoj Suav Lwm thau duab, thiab Lis Txhiaj Tswb txais kev ntseeg lub Moo Zoo. Xyoo tom qab mam muaj cuab Hmoob Tsab nyob Roob Kub Twm thiab cuab Hmoob Vwj uas yog Vwj Vam Lis, thiab Xib Hwb Tsab Nyiaj Hwj ob cuab neeg no nrog rau cuab Hmoob Xyooj, yog Xib Hwb Xyooj Paj Lug nyob U.S.A. Lub Moo Zoo mam li mus txog Roob Phu Nyawj. Yog Cuab Hmoob Xyooj thiab cuab Hmoob Yaj nyob rau lub Roob ntawd. Txog rau xyoo 1975, teb chaws Nplog tawg (poob rau Koom Tsha) ces cov hauj lwm tau ploj tas nrho. Peb tsim muaj ntau yam, ua tau ntau lub tsev pob zeb, ua tau ib thaj teb thiab tsev yug tsiaj xws li: Tsev yug poj qaib nteg qe, yug npua, yug nyuj tso kua mis uas yam tsis tau muaj dua nyob Los Tsuas teb, peb tseem pib mus tsim teb tshiab npaj cog ntau yam txiv ntoo nyob rau Kas Xim, Qaum Vas Vias. Peb yuav tau ntau lub tsheb laij teb, nyuam qhuav pib tsim tau ib xyoos ntau xwb ces rov tso tseg tag nrho pov tseg li thaum xyoo 1960 uas peb tau tso tseg rau tom Xas Niam thiab). Tas cov neeg ntseeg saum no tau ua neeg thoj nam mus rau Thaim kuj lawm. Lub caij ua neeg thoj nam nyob hauv cov yeej thoj nam tsoom Hmoob raug kev txom nyem. Xib Hwb Yaj Zoov Ntxheb nws kuj rag cov txuj tshaj Ntuj lub Moo Zoo nyob hauv coj Yeej thoj nam no tau peb lub xyoo, tsoom Hmoob txais lub Moo Zoo, yuav luag ib npaug li nyob Los kuj teb peb caug xyoo ua ntej ntawd.

* Hais txog Lub Moo Zoo txog hauv Hmoob cov tsev. Lub Moo Zoo xub txog cov tsev Hmoob nyob Suav teb. Mam los rau cov tsev Hmoob nyob Cob Tsib teb, ces tuaj txog cov nyob Los Kuj teb mas los xaus rau cov tsev Hmoob nyob Thaim kuj. Zaum no Yes Xus lub Moo Zoo nyob hauv Haib Hmoob tus cag hlav ncau los mus nws tuaj li no. Txiv Leej Choj Nyiaj Pov yog lub noob tuaj poob rau Los Kuj teb, thiab nws cov me nyuam ntseeg lub Moo Zoo nrog Nws cov Xib Hwb rag txuj nyob hauv kev ntseeg. Raws li Kuv paub txog xyoo 1977. Kuv Yaj Zoov Ntxheb mam coj ib lub neej tshaj Ntuj lus nrog kev cog qoob loo nyob As mes Lis Kas naj(Guyanne.)

Xyoo 2004 kuv tau tsiv mus nyob rau Mis Kuj teb, xyoo 2005 kuv mus nyob lub nroog Sacramento, Thaum kuv mus txog peb cov ntseeg muaj 300 leej nyob haub peb lub tsev teev Ntuj. Xyoo 2012 no muaj 90 yim neeg nce 900 tawm leej neeg uas niaj hnub tuaj koom thaj cav txiaj ntsim nrog Tswv Ntuj sib haum xeeb hnub chiv. Qhov chaw kuv nyob ntawm no wb muaj ob tug tub Tsob Hwb nyob ua ke, Sib haum zoo nrog cov ntseeg ua rau Cov Xib Hwb muaj kev kaj siab zoo.

Xib Hwb Yaj Zoov Ntxheb.

Nyob zoo tais Tooj,
kuv pom kab lus no yuam kev lawm:
*Lub Moos Loob Luang Prabang. Yog Txiv Leej Choj Nyiaj Pov, nws mus nyob tau cuaj xyoo mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj.

*Lub Moos Loob Luang Prabang. Yog Txiv Leej Choj Nyiaj Pov, nws mus nyob tau 4 xyoos mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj.
Yaj Zam Nob txais lub Cim Ntxuav yog hnub tim 15 lub 8 hli xyoo 1954.

Y. Suav Nus

Tsoom ntseeg nyob Saint Paul Minessota, USA yuav npaj ib rooj mov los ua ke zoo siab rau TP. Vaj Xwm, Father Luke Bouchard thiab khi ib txoj hlua rau nws. Vim nyuam qhuav tsis ntev nov, Txwj Kum thiab nws leej nkawm nyuam qhuav mus nrhiav tau nws, nws nco Hmoob heev. Yog koj nyob ze no txhob ua siab deb, ho mus koom ua ke zoo siab thiab mog. Tej txiaj ntsim uas thaum ub peb nyob toj roob hauv pes Txiv Plig lawv tuaj pab peb mus rau kev txawj ntse, kev vam meej thiab cawm peb txoj sia ces yog zaum no peb mus xyuas lawv ib muag xwb.

Joeson Thao: Kuv muab 3 tug txiv Plig uas ua hauj lwm ntau rau Hmoob no los rau nej nrog xav thiab luj.

1. Txiv Plig Paul Vial.
Paul Vial (1855-1917) est un prêtre de la Société des Missions étrangères de Paris, missionnaire au Yunnan auprès des Lolos.

2. Txiv Plig François Marie Savina.
François Marie Savina (20 March 1876 – 23 July 1941) was a Frenchman who worked as a Catholic priest and as an anthropologist. For an approximately forty-year period he worked in the Upper-Tonkin Vicariate, Hainan, and Laos. He studied the Hmong people of northern Vietnam and Laos as he was asked to spread Christianity to them. Nicholas Tapp, author of The Impossibility of Self: An Essay on the Hmong Diaspora, described Savina as "One of our earliest informants who is at all frank about the nature of his day-today encounters with the Hmong". Charles Keith, author of Catholic Vietnam: A Church from Empire to Nation, wrote that Savina was "[t]he most notable" missionary ethnographer of Southeast Asia of his era.

Tapp wrote that "Savina spoke Hmong but we do not know how much". Savina also had studied Chinese. Robert Entenmann, author of "The Myth of Sonom, the Hmong King," wrote that Savina "was unfamiliar with Chinese history and the subtleties of Chinese vocabulary".

3. Txiv Plig Nyiaj pov.
(kuv tsis sau ab tsi txog sawvdaws yeej paub zoo lawm.)

Lawv 3 leeg uas yog txiv Plig no yog cov tsim ntawv Hmoob rau Hmoob Tuamtshoj thiab Xovtshoj siv, Cov ntawv Hmoob Lastees (Latin) no muab tso cov cim siv txawv, yog hais lo lus peb paub tabsis sau ntawv ces peb feem coob nyeem tsis tau xyov yog hais txog ab tsi.



Txiv Plig François-Marie Savina 1876-1941

Tzexa Lee : Ad Hmaob (Hua Miao), Hmoob Sua (Han Miao), and the Hmong live in Huaxi, Guiyang known as Huaxi Miao are three sister dialects of western Hmong that have a larger number of proto-Hmong sounds than us, the Hmu, and the Qo Xiong. Another group that the Han Chinese call them Xiao Hua Miao is classified into the western Miao (us) branch. I am so interested in this group. They speak 100 consonant sounds. I still cannot figure out how many vowel sounds. They have three tones. Kaab mam im taam qlib qlaam = kuv muaj ib tug dev dub.

Joeson Thao: Raws li paub mas yog cov neeg nyob sib ze ntawd txawm hais lus sib txawv los lawv muaj 6 yam los sib piv yog 4 yam ntawm 6 yam hauv qab no dhos los mus sib thooj ces tsoom hwv Suav cia li muab pab neeg ntawd tso rau pab pawg neeg coob ntawd lawm. Yog li cov Subgroups thiaj hais lus sib txawv lawm, txawm li ntawd los lawv puav leej yog Hmoob tas nrho.
1.Linguistic เกี่ยวกับภาษา Lus
The human speech including the units, nature, structure, and modification of language. Bestowing meaning to a thing or event Inherently unrelated to the thing or event itself.

2.Costume เครื่องแต่งกาย Tsoostsho
The distinctive style of dress of an individual or group that reflects their class, gender, profession, ethnicity, nationality, activity or epoch. The term also was traditionally used to describe typical appropriate clothing for certain activities, such as riding costume, dance costume, and evening costume. Appropriate and acceptable costume is subject to changes in fashion and local cultural norms.

3. Custom ประเพณี Kev coj noj coj ua
Practice or rule of conduct established in a particular community, locality, or trade, by long usage and obligatory on those with its scope. A valid custom must be certain, reasonable, not contrary to statute law, and of immemorial antiquity. Also called custom and usage. (Not to be confused with Customs.)

4.Tradition แบบดั้งเดิม pog ua tseg, yawg ua cia.
The passing down of elements of a culture from generation to generation, especially by oral communication.

5.Culture วัฒนธรรม Kab lis kev cai
Culture is the social behavior and norms found in human societies. Culture is considered a central concept in anthropology, encompassing the range of phenomena that are transmitted through social learning in human societies. Some aspects of human behavior, social practices such as culture, expressive forms such as art, music, dance, ritual, religion, and technologies such as tool usage, cooking, shelter, and clothing are said to be cultural universals, found in all human societies. The concept of material culture covers the physical expressions of culture, such as technology, architecture and art, whereas the immaterial aspects of culture such as principles of social organization (including practices of political organization and social institutions), mythology, philosophy, literature

6.Religion Moojkav ศาสนา
6.1. Faith, cia siab
strong belief in God or in the doctrines of a religion, based on spiritual apprehension rather than proof.

6.2. Belief, ntseeg
an acceptance that a statement is true or that something exists.

6.3. Worship, teev hawm
the feeling or expression of reverence and adoration for a deity. “the Maya built jungle pyramids to worship their gods".

6.4. Creed; ลัทธิ kav tswj
people of many creeds and cultures.


Txiv Plig Nyiaj Pov yog tus muab TP. Paul Vial thiab TP. François Savina nkawd cov ntawv Hmoob los kho ua cov ntawv Hmoob Thoob teb uas peb niaj hnub siv nov.

Txiv plig tuaj rau los Tsuas xyoo 1957 nyob rau Pak Sane, 1979 teb chaws Nplog tawg khiav los rau Thaib teb , 1990 los saib cov Hmoob nyob Vib Nais tau 13 xyoos, ces rov mus saib cov Thaib txog 2012 mam los rau Fab Kis teb, 2016 los so laus rau Strasbourg. Nws tag sim neej rau hmo 11-12/11/2018 nov nyob rau Strasbourg, Fab Kis teb. Sam sab hnub tim 12/11/2018 nyob rau notre Dame de Neunkirch ze Strasbourg.
Cov kwv tij Los Tsuas tuaj Paris thiab Orléans tuaj, yog cov nrog Kuv thaij duab no.
Thiab koj qhia rau sawv daws tias cov txiv plig Fab kis zoo siab tias peb tseem nco txog txiv plig Lynde lub txiaj ntsim, lawv kuj ua kuv tsaug rau rev paj uas kuv nqa ua peb Hmoob ntseeg ntiag tug rau txiv plig Lynde.

Tu siab uas TP. Lynde nyob ntev rau sab Thaib thiab thiab Nplog, nws los nce hauv toj deb nws pawg ntseeg ces nws tsis tau ib lub ntees loj npaum li lwm cov TP. Uas lawv nrog lawv pawg ntseeg nyob ua ke thaum sau laus. Li cas los thov Tswv Ntuj lub txiaj ntsim rau TP. Lynde kom nws tus ntsuj plig tsuas nyob thaj yeeb.

Duab TP. Txawj Foom, OMI Thaib.
Sau: Mab Liab Tsab ( Thawj Tswj pawg ntseeg nyob Strasbourg)

Hnub Chiv 12 lub 9 hlis 2022 kuv kuj tau mus ntsib Txwj Kum thiab nyab Txwj Kum, nrog lawv koom Thaj Txiv Ntuj thiab noj ib pluag mov ua ke.

Kuv ua tsaug rau nkawd lub siab zoo txais tos kuv nyob hauv Leej Pleev.

Tais Tooj,
TP Txawj Foom yog neeg Nplog loa neeg dab tsi, cas nws ho muaj kb lub npe Hmoob?

Mim,

Yog Txiv Plig Thaib tab sis ua hauj lwm rau Hmoob nyob Thaib teb. Nws txuas Txiv Plig Nyiaj Pov lawv txoj hauj lwm ua ntxiv mus. Nws nyob lub koom haum OMI thiab.

Yog li no tus uas pheej hais lus hauv Zoo Tswv Zov Yaj puas yog nws mas?

Mim,

Tsis yog tus hais lus hauv Zoo Tswv Zov Yaj, tus hauv yog Txiv Plig Wong Waï. Txiv Plig Txawj Foom tsis txawj hais lus hmoob pes tsawg.