Hnub Txais Tshauv thiab Caij 40

**Maiv Tooj** 11th March 2011, 3:15 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°26

Re: Hnub Txais Tshauv thiab Caij 40

Post Maiv Tooj 11th March 2011, 3:15 am

XH. Npuagtub wrote:Nyob Zoo Mp,

Hahahaaaa......!!!!! Ua cas nws yuav hais tau ntxim hlub thiab tuaj me me neej ros os Mp. Kuv xav tias tseem tshuav ib yam nws tsis tau ua yog li no: Xav kom nws txhob tshaj nws txoj kev them txim rau ntiaj tog qaum pes sawv paws paub tias nws ua.

Thaum nws them txim txhaum nws yuav ua ib tug neeg zoo siab thiab muaj zog cus plaws ib yam li luag tej, kom xwv luag tej thiaj li tsis paub tias nws them txim txhaum, Huab Tais Yes Xus tau hais tias: Thaum koj yoo mov, txhob pub luag tej paub, koj yuav sia sib khov kho, txhob ua zoo li tus neeg mluas mluas tsis muaj zog. koj yuav ua hauj lwm thiab hom khaj zoo siab pab luag tej, koj yuav cia rau Tswv Ntuj ua tus pom thiab paub txog koj txoj kev them koj cov txim xwb....
Thov txim yog kuv hais siab koj lawm los thov zam lub txheej nawv tus me muam ntxawm....

Hlub Caij 40 pib txij Hnub ( Ash Wednesday ) ua hmoov txais Tshauv mus mas muaj 2-3 yam tseem ceeb peb yuav tsum ua:

1. TEEV NTUJ NTAU LI NTAU TAU.
2. MUS DAWS TXAUM.
3. THEM TXIM. YOO NOJ YOO HAUS KOM TSAWG LI TSAWG TAU.
4. HLOOV PEB TUS KHEEJ UA KOM TXIM TSWV NTUJ SIAB.

XH.Npuag Tub,

Kuv pom koj cov lus nov, kuv yuav teb koj no tab sis kuv cia li tsis nco qab hlias lawm...Tsam no kuv mam nco txog ces kuv rov qab los hais txog los lus tias: Yog koj ua kev them txim, koj yuav ua cus plaws txhob ua rau luag paub tias koj yoo mov....Hahhaah...! Kuv mas kuv tssi qhia rau luag tias kuv yoo mov nov tab sis kuv yog ib tug neeg muag luav ces kuv twb noj tsaus tsau los luag tseem nug kuv tias: Cas zoo li koj sab sab...? Hahahah...! Yog kuv tseem ib nyuag sab thiab ces tsis qhia los luag twb paub lawm...Ces thov txim uas kuv zais thiab npog tsis tau qhov kuv ua...Vim nws tshwm ntawm kuv lub ntsej muag los kuv tus yam ntxwv yam kuv tsis xav kom nws tshwm...Yog thaum zoo li no lawm, yus yuav ua li cas thiaj li yuav coj tau kom zoo dua ni yuad?

Hnub Txais Tshauv thiab Caij 40 - Page 2 Alessa10

**Npuagtub** 15th March 2011, 5:25 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°27

Re: Hnub Txais Tshauv thiab Caij 40

Post Npuagtub 15th March 2011, 5:25 pm

Nyob zoo Mt,

Haha......!!! Thov txim os nawv, kuv tsuas sau hais raws li cov lus sau muaj nyob hauv ntawv Ntshiab xwb. Peb nyias muaj nyias lub cev thiab roj ntsha dag zog tsis sib xws, txawm peb yuav ua tus cwj pwm zoo siab cus plaws los yog peb ho ua tus niag mluas mluas sab sab tsis muaj zog los yeej yuav tsis ua cas, qhov tseeb HT Yes Xus xav kom peb txhob khav thiab rov qhuas peb tus kheej tias peb yog neeg zoo tshaj luag. vim txhua yam peb ua zoo thiab phem mas tsis muaj leej twg paub thiab pom tsuas yog Tswv Ntuj thiaj li pom xwb.

**Mim** 25th March 2011, 1:47 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°28

Re: Hnub Txais Tshauv thiab Caij 40

Post Mim 25th March 2011, 1:47 pm

Nyob zoo sawv daws,

Twb ze ze lub caij uas peb yuav mus ua kev daws txhaum (Reconciliation)npaj rau Easter lawm. Peb yog ib tug neeg ntseeg Kas Tos Liv, mas tus kev cai zoo tshaj yog peb yuav tsum mus daws txhaum ib hlis ib zaug, tiam sis kuj muaaj ib tug cai tsawg tshaj thiab, qhia hais tias yog peb tsis mus daws txhaum li los ib xyoos yuav tsum mus ib zaug thaum lub caij 40 no.

Kuv yuav muab ib co lus uas yog HT Yes Xus hais txog lub Cim Daws Txhaum rau leej ntshiab Faustina. Yog ib co lus tob, nyuaj txhais ua lus Hmoob, vim peb muaj lus tsis txhij tsis txhua. Kuv lam muab txhais raws li kuv to taub rau hauv no. Yog nej leej twg pom tias yuav txhais lwm yam meej dua no ces nej ho tua pab kho rau. Ua tsaug.

In his revelations to Saint Faustina, as recorded in her diary, Our Lord has these words to say about His great gift to us:

“When you go to Confession, to this fountain of My mercy, the Blood and Water which came forth from My Heart always flow down upon your soul and ennoble it. Every time you go to Confession, immerse yourself entirely in My mercy, with great trust, so that I may pour the bounty of My grace upon your soul. When you approach the confessional, know this, that I Myself am waiting there for you. I am only hidden in the priest, but I Myself act in your soul. Here the misery of the soul meets the God of mercy. Tell souls that from this fount of mercy souls draw graces solely with the vessel of trust. If their trust is great, there is no limit to My generosity. The torrents of grace inundate humble souls. The proud remain always in poverty and misery, because My grace turns away from them to humble souls." (1602)

“Tell souls where they are to look for solace; that is, in the Tribunal of Mercy. There the greatest miracles take place (and) are incessantly repeated. To avail oneself of this miracle, it is not necessary to go on a great pilgrimage or to carry out some external ceremony; it suffices to come with faith to the feet of My representative and to reveal to him one’s misery and the miracle of Divine Mercy will be fully demonstrated. Were a soul like a decaying corpse so that from a human standpoint, there would be no (hope of) restoration and everything would already be lost, it is not so with God. The miracle of Divine Mercy restores that soul in full. Oh, how miserable are those who do not take advantage of the miracle of God’s mercy! You will call out in vain, but it will be too late. (1448)”

HT Yes Xus cov lus hais rau leej Ntshiab Faustina txog lub Cim Daws Txhaum:

"Thaum nej mus txais lub Cim daws txhaum, uas yog lub hauv dej txhawv kuv txoj kev khuv leej neeg, mas txhua zaus cov kua dej kua ntshav uas txhuav tawm ntawm kuv lub plawv los yeej ntws lug los rau saum nej tus ntsuj plig, ua kom nws dawb huv tuaj. Niaj zaus thaum nej mus daws txhaum, nej yuav tsum muaj kev tso siab plhuav muab nej tus kheej tas nrho los raus rau hauv kuv txoj kev khuv leej, ces kuv yuav nchuav lug kuv cov txiaj ntsim los rau saum nej tus ntsuj plig. Thaum nej mus lawm hauv chav daws txhaum, mas nej yuav tsum paub tias yog kuv kiag nyob ntawd tos ntsoov nej. Kuv nyob zais ntshis hauv tus leej choj lawm, tiam sis tus ua tas puas tsav yam rau nej tus ntsuj plig yog kuv kiag. Nyob rau ntawd, tus ntsuj plig txoj kev txom nyem ntsuav mus ntsib tau Tswv Ntuj txoj kev khuv leej. Koj hais qhia rau cov ntsuj plig tias lawv yuav tsum siv lub tshob uas yog kev tso siab nkaus xwb los mus ce cov txiaj ntsim hauv lub qhov dej muaj kev khuv leej. Yog lawv muaj kev tso siab loj, mas yuav tsis muaj dab tsi cheem tau kuv lub siab dav. Txiaj ntsim yuav ntws sis lug los mus nyab rau cov ntsuj plig uas lawv txo lawv ua neeg me. Cov muab hlob yuav nyob tas mus li hauv txoj kev txom nyem kev pluag, vim kuv lub txiaj ntsim yuav thim ntawm lawv mus rau cov txo hwj chim." (1602)

"Koj yuav qhia rau cov ntsuj plig paub txog tias lawv yuav mus nrhiav kev kaj siab lawm qhov twg: yog nyob hauv lub Rooj Txiav Txim muaj kev Khuv Leej neeg xwb. Nyob rau ntawd muaj tej yam hwj huam yees ntxwv loj tshaj plaws tshwm sim tuaj, thiab tshwm sim tas los tshwm sim dua tas mus li. Yog leej twg xav tau txais qhov hwj huam yees ntxwv no, tsis tas yuav mus ua pilgrimage deb deb, los yuav ua ib yam loj loj li cas; tsuav yog muaj lub siab ntseeg xwb thiab tuaj txhos caug rau ntawm kuv tus tiam lis (leej choj) ko taw, tuaj qhib nws txoj kev lwj siab (kev txhaum) xwb ces nws yuav pom Tswv Ntuj txoj kev khuv leej ua hwj huam yees ntxwv loj rau nws pom xyeem. Txawm tias ib tug nsuj plig twb zoo nkaus li ib lub cev tuag lwj dhi lawm xwb, raws neeg lub tswv yim xav ces yeej tas li ntawd lawm kho tsis tau ntxiv lawm, tiam sis rau Tswv ntuj tsis yog li ntawd. Qhov hwj ham yees ntxwv ntawm Tswv Ntuj txoj kev khuv leej yuav kho tau nws rov zoo hlo tas nrho los. Cas muaj neeg uas tsis xav khaws xyeem yuav qhov hwj huam yees ntxwv ntawm Tswv Ntuj txoj kev khuv leej kiag li, lawv txoj hmoov mas yuav phem kawg nkaus! Txog thaum ntawd, nej yuav nyiam nkim zog quaj qw npaum twg los, yuav lig dhau lawm mog! (1448)”

Last edited by Mim on 27th March 2011, 10:01 am; edited 1 time in total

**Maiv Tooj** 27th March 2011, 9:42 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°29

Re: Hnub Txais Tshauv thiab Caij 40

Post Maiv Tooj 27th March 2011, 9:42 am

Nyob zoo Mim,

Yog kawg, lub caij 40 no, peb yuav npaj siab mus ua lub Cim Daws Txhaum thiab. Vim lub caij nyoog mus sai dhau, yog peb tssi lauj zias lub caij nov mus ces yuav tsis khoom mus li lawm. Thiab lub caij nov yog lub ciaj them txim, ua tej yam me me los daws Yes Xus tus Ntoo Cuam xwb, xav kom peb mus Daws peb lub nra kom sib rau peb lub siab, peb tus ntsuj plig, peb tus kheej...Xav kom Padre Pio tseem nyob, no ntshe kuv yuav mus xyuas nws es yuav mus Daws Txhaum ib zaug ntawm nws...Cas khuv xipm tag npauim no uas yus yuav yug los qeeb ua luaj es Padre Pio twb mus lawm...

**Mim** 21st February 2012, 4:14 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°30

Re: Hnub Txais Tshauv thiab Caij 40

Post Mim 21st February 2012, 4:14 pm

Nyob zoo nej sawv daws txhua tus uas tuaj xyuas Hmoob Kas Tos Liv lub vaj lub tsev hauv no,

Kuv xav tuaj hais rau nej tias tag kis twb rov txog peb lub caij yoo mov yoo kev txhaum dua lawm. Tag kis yog HnubPlaub Txais Tshauv lawm nawb. Peb pib lub Caij 40, npaj yuav ua lub hgmoov HT yes Xus tuag thiab sawv rov los (Easter - Paques). Nco ntsoov tias peb cov muaj 14 xyoos rov yav saud yuav tsum tau yoov mov yoo nqaij tag kis. Peb noj tau ib pluag mov loj muaj nqaij ntses thiab noj tau tej yam txom ncauj los pab kom txhob tshaib dhau thiab txhob tshee. Lub Caij 40, niaj hnub Rau (Friday) mas peb yuav tsis txhob noj nqaij lwm yam, tiam sis noj tau nqaij ntses. Niam Mab Liab tau qhia tias kom thaum peb yoo mas peb tsuas noj mov ci(bread) ntxuag dej xwb no. Saib peb leej twg ua puas tau li ntawd, yog ua tau li mas haj yam zoo xwb. Ntawm peb Hmoob ces ntshai yog noj mov ntse dej nkaus xwb... Yuav tau txhob yaim ntsev ntxuag thiab!!!...

Thov kom nej rov mus nyeem peb cov zaj saum toj saud, uas peb tau sau tsaib no, thiab tsaib ub lawm, hais txog lub Caij 40, kom nej rov nco txog thiab kom nej haj yam to taub zoo dua ntxiv.

Hnub Txais Tshauv thiab Caij 40 - Page 2 Ash-wednesday

Nco ntsoov tias koj yog av luaj, muaj ib hnub koj yuav rov mus ua av no mog.

**Tub Kawm** 22nd February 2012, 3:30 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°31

Re: Hnub Txais Tshauv thiab Caij 40

Post Tub Kawm 22nd February 2012, 3:30 am

Nyob zoo nej txhua leej kuv twb tuaj tau ntev lawm tiam si kuv twb tshawb tsis tau pom lub Topic hais txog kab kes txais tshauv no li, ua tsaug uas nej tau tham tej ntawd tseem ceeb heev li og nawb, ci kuv muaj sij hawm mam li tuaj nyeem kom tas.

**Npuagtub** 22nd February 2012, 5:31 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°32

Re: Hnub Txais Tshauv thiab Caij 40

Post Npuagtub 22nd February 2012, 5:31 am

Nyob zoo Cov phooj ywg txhua leej,

Twb rov txog lub caij ua hmoov txais TSHAUV lawm, nej puas tau npaj nej tus kheej mus koom thiab ne los? Lub Txoos ua hmoob txais TSHAUV mas peb cov hmoob tsis muab saib muaj nuj nqis thiab tseem ceeb tiam sis raws li kuv pom mas lwm haiv neeg Catholic mas lawv muab hnub ua hmoov txais TSHAUV ua li lub txoos tseem ceeb thiab muaj nuj nqis heev rau lawv.

Ash Wednesday Yog thawj hnub ntawm lub caij 40 (Lent) uas yog lub caij ua hmoov nco txog Huab Tais Yes Xus mus yoo tshaib nyob Teb chaws moj sab qhuav. Txij hnub ua hmoov txais tshuav mus txog kiag hnub ua hmoov Huab Tais Yes Xus sawv rov los mas yog ib lub caij muaj nuj nqis thiab tseem ceeb heev rau peb txhua tus yuav tau mus teev ntuj txhua lub txoov ua muaj nyob hauv peb lub tsev teev ntuj.

Lub caij uas cov neeg Catholic mus ua lub cim daws txhaum coob tshaj yog lub caij 40 (Lent) thiab lub caij tos Huab Tais (Advent). 2 lub caij ua hmoov Yes Xus yus los thiab ua hmoov txais Tshauv mas yog ob lub caij muaj neeg coob tshaj mus teev ntuj. Raws li kuv pom nyob hauv peb lub tsev teev ntuj mas hnub ua hmoov txais TSHAUV mas neeg coob tshaj hnub ua hmoov Yes Xus yug los. Peb lub tsev teev ntuj Txhua hnub Chiv muaj 6 lub txoos teev ntuj: 8:00am, 10:00am, 12:00pm, 2:00pm, 4:00pm, thiab 6:30pm. Hnub txias TSHAUV mas koj yuav tau mus ua ntej li 30 feeb mas koj thiaj li tau rooj zaum.
THOV KOM NEJ TXHUA LEEJ TAU NOJ QAB NYOB ZOO RAU LUB CAIJ 40 (LENT) NO.

**Maiv Tooj** 22nd February 2012, 6:06 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°33

Re: Hnub Txais Tshauv thiab Caij 40

Post Maiv Tooj 22nd February 2012, 6:06 am

Nyob zoo XH.Npuag Tub,

Zoo siab uas nws tuaj qhia txog Hmoov Txais Tshauv rau Peb Hmoob.
Nws tias nws tsis khoom tuaj lawm no twb ua rau kuv tu siab nrho, tab sis hmoov muaj, nws tseem rov tuaj qhia kom peb ras xeev, kuv zoo siab tag nrho uas pom nws tuaj sau zaj.

Peb Hmoob tsis yeej saib Hnub txais Tshauv tseem ceeb thiab tab sis yog peb phaum uas tuaj rau teb chaws no yog tib phaum hnub nyug muaj ntsis sib luag xwb es tseem khwv khwv tsis muaj caij mus teev Ntuj thiaj li tsis mus xwb. Yog leej twg muaj caij los yeej yuav lauj zias lub caij mus, tab sis feem coob peb phaum neeg ces tuaj lig tuaj qeeb es muaj tsawg leej thiaj li tau txoj hauj lwm zoo ua, thiaj li lim tes lis nws siab xav, feem coob ces yeej tsis muaj kev ywj siab pes tsawg. Thov kom Tswv Ntuj zam txim rau cov uas khwv khwv es mus teev Ntuj tsis tau hnub 4 Txais Tshauv.

**Maiv Paj Lug** 22nd February 2012, 10:11 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°34

Re: Hnub Txais Tshauv thiab Caij 40

Post Maiv Paj Lug 22nd February 2012, 10:11 am

Kuv nyuam qhuav mus ua lub txoos hmoov txais tshauv los txog, neeg kuj coob kawg li thiab, thov kom xyoo no sawv daws zoo siab ua ke mus hla hav moj sab qhuav luag ntxhi lawv Yesxus qab 40 hnub! Amen

**Tub Kawm** 22nd February 2012, 12:26 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°35

Re: Hnub Txais Tshauv thiab Caij 40

Post Tub Kawm 22nd February 2012, 12:26 pm

Nyob zoo sawv daws, yeej yog li nej hais lawm, nyob rau hauv lub caim plaub caug no mas peb yuav nquag teev Ntuj ntau dua lwm lub caij. Thiab peb yuav qee peb lub cuab tam me ntsis mus faib rau cov pluag thiab cov dig muag ceg tawv, los cov muaj mob muaj nkees tuas tes tuag taw. Tsoom phooj yws hmov tshua thov qhia nej tias: ' yav dhau los uas tsi tau muaj TP C.V.Chiv tuaj qhiav peb ces niaj xyoo txog lub caij ua kab ke Txais tshauv ces peb tsuas tuaj teev ntuj thiab ua kab ke yoo mov xwb', tsi paub tias txais tshauv yog txais li cas? Tsuas yog hnov luas tham hais tias: 'ua Mis Xas txais tshauv no xwb'. twb tsi tau paub dua li og. tiam si txij li xyoo uas TP Y.Chiv tuaj qhia peb tas ce peb thiaj paub hais tias ua Misxas txais tshauv yog muab tshauv ntaus rau sau hauv pliaj "ua Ntoo Cim" (los lub cim khaub lig) rau saum hauv pliaj. Kom peb tig los hloov lub siab tshiab mloog Tswv Ntuj lo lus. Li ntawd thov ua TP C.V.C tsaug ntau uas Nws tseem tau siv Nws lub sij hawm tuaj qhia peb cov hmoob nyob sab ntuj no thiab og.

**Mim** 22nd February 2012, 2:55 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°36

Re: Hnub Txais Tshauv thiab Caij 40

Post Mim 22nd February 2012, 2:55 pm

Ntawm no, kuv muab zaj Ntawv Moo Zoo hnub no tuaj tso rau cov uas tsis tau kev mus koom thaj txi ntuj hnub no kom nej tau nyeem HT Yes cov lus nws hais rau peb.

Mas Tais 6 : 1 – 6 + 16 - 21.
1 Nej ceev faj, nej txhob ua ncaj nyob ntawm neeg xub ntiag xwb, kom luag qhuas nej. Yog nej ua li ntawd, mas nej yuav tsis txais koob haum ntawm nej Txiv nyob saum ntuj. 2 Thaum koj pub rau luag, koj txhob tshuab hom ua koj ntej. Cov neeg zoo sab nraud ua li ntawd nyob hauv cov tsev txoos thiab nyob ntawm tej kev, kom sawv daws cav lus zoo txog lawv. Kuv hais tseeb rau nej, lawv twb txais lawv cov koob haum tas lawm. 3 Hos koj, mas thaum koj pub rau luag, koj txhob cia koj sab tes laug paub qhov uas sab tes xis ua. 4 Li ntawd, tsis muaj neeg paub tias koj tau pub dab tsi. Ces koj Txiv uas nws pom hauv qhov chaw nraim yuav pauj rau koj. 5 "Thaum nej teev Ntuj, nej txhob ua li cov neeg zoo sab nraud : lawv nyiam sawv ntsug hauv cov tsev txoos, thiab ntawm tej kev tshuam, kom sawv daws pom lawv. Kuv hais tseeb rau nej, lawv twb txais lawv cov koob haum lawm. 6 Hos koj, mas thaum koj teev Ntuj, koj mus nyob twj ywm hauv koj kem txaj, kaw koj qhov rooj ces koj teev koj Txiv uas nws nyob hauv qhov chaw nraim. Koj Txiv uas nws pom hauv qhov chaw nraim, yuav pauj rau koj. 16 Thaum nej yoo mov, nej txhob ua ntsej muag ntshaus xws li cov neeg zoo sab nraud : lawv ua ntsej muag mluas mluas, kom luag pom meej tias lawv yoo mov. Kuv hais tseeb rau nej tias cov neeg ntawd twb txais lawv cov koob haum tas lawm. 17 Hos koj, mas thaum koj yoo mov, koj yuav pleev tshuaj tsw qab saum taub hau, koj ntxuav muag, 18 kom txhob muaj neeg paub tias koj yoo mov, tsuas kawg koj Txiv uas nws nyob hauv qhov chaw nraim tib leeg paub xwb. Koj Txiv pom hauv qhov chaw nraim yuav pauj rau koj. 19 "Nej txhob sau tej txhab cuab tam nyob ntiaj teb no, vim muaj kab rws kab lia txo, thiab muaj tub sab tho qhov tsev tuaj nyiag. 20 Nej yuav sau tej txhab cuab tam nyob saum ntuj : nyob saud, tsis muaj kab rws kab lia txo, tsis muaj tub sab tho qhov tsev tuaj nyiag. 21 Vim tias, koj txhab cuab tam nyob qhov twg, koj lub siab kuj yuav nyob qhov ntawd.

**Maiv Tooj** 22nd February 2012, 8:03 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°37

Re: Hnub Txais Tshauv thiab Caij 40

Post Maiv Tooj 22nd February 2012, 8:03 pm

Txawj Tuam wrote:Nyob zoo sawv daws, yeej yog li nej hais lawm, nyob rau hauv lub caim plaub caug no mas peb yuav nquag teev Ntuj ntau dua lwm lub caij. Thiab peb yuav qee peb lub cuab tam me ntsis mus faib rau cov pluag thiab cov dig muag ceg tawv, los cov muaj mob muaj nkees tuas tes tuag taw. Tsoom phooj yws hmov tshua thov qhia nej tias: ' yav dhau los uas tsi tau muaj TP C.V.Chiv tuaj qhiav peb ces niaj xyoo txog lub caij ua kab ke Txais tshauv ces peb tsuas tuaj teev ntuj thiab ua kab ke yoo mov xwb', tsi paub tias txais tshauv yog txais li cas? Tsuas yog hnov luas tham hais tias: 'ua Mis Xas txais tshauv no xwb'. twb tsi tau paub dua li og. tiam si txij li xyoo uas TP Y.Chiv tuaj qhia peb tas ce peb thiaj paub hais tias ua Misxas txais tshauv yog muab tshauv ntaus rau sau hauv pliaj "ua Ntoo Cim" (los lub cim khaub lig) rau saum hauv pliaj. Kom peb tig los hloov lub siab tshiab mloog Tswv Ntuj lo lus. Li ntawd thov ua TP C.V.C tsaug ntau uas Nws tseem tau siv Nws lub sij hawm tuaj qhia peb cov hmoob nyob sab ntuj no thiab og.

Nyob zoo sawv daws,

Mim,

Ua tsaug ntau uas nws tuaj qhia ntau yam tseem ceeb rau peb ras xeev. Txhua yam nws qhia lub ntsiab ntawm txoj kev ntseeg mas ua rau peb mam rov nco txog tej uas peb tau kawm los tab sis tsis nco qab tag lawm. Mim, nws yuav nco ntsoov tuaj tsa peb nawb, vim ntau zaus peb tsis paub txog los yog peb ho tsaug zog lawm. Kuv pom nws khwv kawg nkaus, tab sis yim khwv ces yim pom hauj lwm ces ntshe yuav ntsia ntsoov nws xwb. Thov ua nws tsaug ntau.

Tub Txawj Tuam,

Cov tshauv uas lawv muab ntau cim Ntoo Cuam rau yus hauv pliaj mas yog lawv muab cov nplooj uas ua Hmoov Nquam Nplooj xyoo ua ntej khaws tseg (Fab Kis teb, peb nyiam muab rhais ntawm tus Ntoo Cuam uas dai hauv yus tsev), coj los hlawv es muab los siv Hnub Txais Tshauv. Tsis yog lam muab tej tshauv hauv qhov cub los ua lub Cim Txais Tshauv.
Tub Txawj Tuam, zaum no peb muaj kev sib nug moo tau lawm, peb mam li sib coj kawm mog. Nej nyob tej chaw ti, chaws kub ntaiv, nej yuav tau ua siab ntev thiab thoob tsib. Siab mas xav kom peb muaj kev mus los sib cuag yoog yim dua, tab sis xav tssi nrog xav, txawm sib nug moo hauv huab cua xwb los zoo dua yuav tsis hnov moo. Peb yuav tso siab rau Huab Tais Ntuj, vim NWS lub hwj huam loj tas nrho, nws yuav ua tau tej yam loj tshaj qhov peb xav txog.
Lub Lis Piam dhau los, kuv ntsiv TP.Cwj Vuam Chiv, peb kuj tham txog nej thiab.

**Tub Kawm** 22nd February 2012, 11:05 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°38

Re: Hnub Txais Tshauv thiab Caij 40

Post Tub Kawm 22nd February 2012, 11:05 pm

Nyob zoo Niam hlob thiab Mim. Mim ua tsaug rau nws tso zaj ntaw ntshiab ntawd rau peb nyeem og. Niam Hlob yeej yog li Nws hais lawm. Cov tshauv uas muab coj los hom ntoo cuam lub cim mas yog cov tshau uas muaj txiaj ntsim, tsi yog tej tshauv dog dig. Tiam sis kuv tsi nco qab hais cov ntawd lawm. Txij li thaum TP C.V.C tuaj qhia peb tas los no peb twb ua kab ke nqaum nplooj thiab txais tshauv tau 2, 3 xyoos los lawm. Txawm peb tsis muaj TP ua cov kab ke ntawad los, twb muaj XH Xyu Tub thiab XH Ntxoov Tsab nkawd niaj xyoo twb ua rau peb kom peb rov nco txog HT Yes Xus txoj kev txom nyem kom txhob hnov qab.

**Maiv Tooj** 26th February 2012, 10:18 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°39

Re: Hnub Txais Tshauv thiab Caij 40

Post Maiv Tooj 26th February 2012, 10:18 am

Hnub Txais Tshauv nyob Lyon, Fab Kis teb 2012.

Hnub no, yog thawj Hnub Chiv lub Caij 40, peb pawg ntseeg nyob Ceeb Tsam Lyon ua lub Txoos Txais Tshauv. Peb muaj hmoo heev, hnub no peb muaj ob tug Txiv Plig; vim Txiv Plig Neej Vaj los pem Strasbourg los xyuas peb. Tab sis peb cov ntseeg tsis coob heev, vim cov nyob Chalon, deb ntawm peb mus 150km, muaj ze 20 leej neeg laus thiab ib cov me nyuam yuav txais lub Cim Ntxuav rau Hmoov Hla no ces hnub no yog hnub uas Tswv Qhia txais lawv nyob hauv tsev teev Ntuj ces ib cov mus rau pem lawm.

1-

Hnub Txais Tshauv thiab Caij 40 - Page 2 Dscn0211

2-

Hnub Txais Tshauv thiab Caij 40 - Page 2 Dscn0212

3-

Hnub Txais Tshauv thiab Caij 40 - Page 2 Dscn0213

4-

Hnub Txais Tshauv thiab Caij 40 - Page 2 Dscn0214

5-

Hnub Txais Tshauv thiab Caij 40 - Page 2 Dscn0310

Foom Hmoov Zoo rau tshauv.

6-

Hnub Txais Tshauv thiab Caij 40 - Page 2 Dscn0311

7-

Hnub Txais Tshauv thiab Caij 40 - Page 2 Dscn0312

8-

Hnub Txais Tshauv thiab Caij 40 - Page 2 Dscn0313

9-

Hnub Txais Tshauv thiab Caij 40 - Page 2 Dscn0314

10-

Hnub Txais Tshauv thiab Caij 40 - Page 2 Dscn0315

11-

Hnub Txais Tshauv thiab Caij 40 - Page 2 Dscn0316

12-

Hnub Txais Tshauv thiab Caij 40 - Page 2 Dscn0317

13-

Hnub Txais Tshauv thiab Caij 40 - Page 2 Dscn0318

**Npuagtub** 26th February 2012, 10:25 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°40

Re: Hnub Txais Tshauv thiab Caij 40

Post Npuagtub 26th February 2012, 10:25 am

Nyob zoo Mt,

Wow .... hnub ua hmoov txais tshauv nej sawv daws kuj mus teev ntuj coob kawg, zoo siab pom nej os nawv. Mt, nej mus teev ntuj nyob qhov twg ua cas tsis zoo li nyob hauv tsev teev ntuj ?

**Maiv Tooj** 26th February 2012, 10:33 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°41

Re: Hnub Txais Tshauv thiab Caij 40

Post Maiv Tooj 26th February 2012, 10:33 am

XH.Npuag Tub,

Twb yog hnub no peb tsis coob heev es peb tsis nyob hauv tsev teev Ntuj loj, peb mus nyob hauv kem tsev teev Ntuj me ntawm ib sab xwb. Peb kuj coob thiab, tab sis kuv nias tsis tau leej nruab nrab uas neeg coob dua.

**Npuagtub** 7th March 2012, 5:04 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°42

Re: Hnub Txais Tshauv thiab Caij 40

Post Npuagtub 7th March 2012, 5:04 pm

Nyob zoo cov phooj ywg txhua leej,

Lub caij 40 (Lent) nej nyob li cas lawm? Tshuav li 3 lub lis piam xwb twb txog lub caij ua hmoov nquam nplooj (palm). Nyob hauv txoj kev ntseeg Ntuj Catholic mas lub caij 40 mus txog rau lub caij Yes Xus sawv rov los (Easter) yog ib lub caij sawv daws teev ntuj ntau tshaj. Muaj 2-3 yam tseem ceeb peb yuav tau ua nyob hauv lub caij 40 xws li:

YOO KEV NOJ HAUS
Raws li Catholic txoj kev ntseeg mas tau qhia kom cov ntseeg txhua leej yuav tsis txhob noj tej yam muaj ntshav rau hnub 6 (friday), thiab yuav tau yoo kev noj haus kom tsawg li tsawg tau, tiam sis qhov no yog ua ib qho piv txwv kom phim li thaum ub Huab Tais Yes Xus tau yoo tsis noj dab tsi li tau 40 hnub 40 hmo nyob teb chaw roob moj sab qhua xwb. Qhov tseeb tiag tsis yog kom peb yoo noj yoo haus xwb, tiam sis yog kom peb yoo txoj kev xav phem ua phem, hloov siab hloov ntsws los ua yam tshiab kom ntxim Tswv Ntuj siab.

ZAM TXHAUM
Peb yuav tau zam rau luag tej, peb yuav txhob muab txim rau cov tau ua txhaum rau peb. Yog peb ua tau li ntawd mas peb thiaj li yog ib tug coj tau li Huab Tais Yes Xus cov lus qhia, peb thiaj yog nws ib tug zoo thwj tim tiag, ces peb thiaj li yuav paub qhov tseeb ces qhov tseeb thiaj yuav zam txim rau peb thiab cawm peb dim ntawm qhov tsaus mus rau qhov kaj.

PAB COV TXOM NYEM
Kev pab cov neeg txom nyem mas muaj ntau yam kev pab, koj yuav pab li koj pab tau, ib yam li nyiaj txiag, khoom noj, mus saib cov neeg mob, mus saib cov neeg ntsuag no, thov ntuj rau cov neeg nyob hauv tsev loj faj, thiab lwm yam uas koj pab tau ua kom lawv muaj kev kaj siab...

TEEV NTUJ
Lub caij 40 koj yuav teev ntuj txhua hnub nyob hauv koj tsev, thiab mus daws txhaum thiab koom nrog cov ntseeg teev ntuj txhua hnub Chiv (Sunday) kom koj thiaj li hloov tau koj lub siab phem los ua lub siab zoo, koj thiaj li los nyob ze Huab Tais Yes Xus. Thaum txog lub Lis piam Ntshiab (Holy Week) koj yuav mus teev Ntuj txhua hnub kom txog hnub 5 Ntshiab (Holy Thursday) koj thiaj tsim nyob koom nrog Huab Tais Yes Xus noj nws pluas mov, thiab hnub 6 Ntshiab (Good Friday) koj koj thiaj tsim nyog txhos caug nyob ntawd Huab Tais Yes Xus tus Ntoo Khaub Lig txais nws cov Ntshav los ntxuav koj lub txim, Hnub 7 Ntshiab (Holy Saturday) Yes Xus txoj kev pom kev yuav los kaj koj lub siab, koj thiaj li tsim nyob txais Yes Xus cov txiaj ntsim rau hnub Chiv Ntshiab Yes Xus yeej txoj kev tuag (Easter Sunday).

**Maiv Tooj** 19th March 2012, 8:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°43

Re: Hnub Txais Tshauv thiab Caij 40

Post Maiv Tooj 19th March 2012, 8:54 am

LUB CAIJ 40.

Nyob zoo txog ib tsoom niam txiv kwv tij sawv daws, nej sawv daws tau noj peb caug tas los lawm tam sim no peb yuav mob siab rau noj 40 raws li peb txoj kev ntseeg.
Thov Tswv Ntuj foom hmoov zoo rau sawv daws

Lub caij 40 peb ua dab tsi?

Nyob zoo ib tsoom niam txiv sawv daws lub caij 40 no yog ib caij uas peb yuav tso kev ua txhaum tseg thiab tig los ntseeg lub moo zoo. Tso peb lub qub siab pov tseg tig los yuav lub siab tshiab, los ua lub neej tshiab. Vaj qhia Benedict 16 thov kom cov ntseeg sawv daws muab siab rau txog kev teev ntuj sib pab sib nres thiab yoo. Nyeem ntawv ntshiab thiab muab siab rau txog cov cim ntshiab raws li Hes Nplaws 10 : 24 “Peb yuav muab siab rau sib hwm, sib txhib kom sib nyiam thiab ua tau cov hauj lwm zoo.
Ua zoo thiab pab luag tej (MT 6:1-4)
Txiv plig kheev kuv lam muaj nyiaj txiag ntau li luag ces ntshai kuv twb pab tau koj? Kuv txom txom nyem es yuav ua li cas pab luag tej tau? Huab Tais Yes Xus hais rau nws cov thwj tim tias nej muaj dab tsi? Lawv teb tias peb tsis muaj dab tsi kiag li tsuas muaj 2 tug ntses thiab 5 lub ncuav xwb. Yes Xus hais tias muaj li ko kuj muab los rau sawv daws noj. Txhob tos kom peb muaj ntau ntau mam li pab luag tej yog peb tos ces tsis muaj hnub yuav muaj txaus li.
Txiv plig kuv ua zoo npaum twg mas yeej tsis muaj neeg pom kiag li thaum twg kuv yuam kev ua tsis zoo mas mag cem kiag? Thaum koj ua zoo ces koj txhob tshuab puab tshuab hom ua ntej kom luag paub tias koj ua zoo thaum koj tsim koob tsim hmoov txhob cia koj sab tes laug paub tias koj sab tes xis ua dab tsi. Peb ua zoo tsis muaj neeg pom cia Tswv Ntuj pom xwb txaus lawm, peb ua zoo tsis muaj neeg qhuas vim peb qhov zoo ntawd tsis txaus qhuas Huab Tais Yes Xus nws ua zoo kho neeg mob pab luag tej thaum nws kho zoo lawm nws hais rau tus neeg ntawd tias koj rov mus thiab txhob hais qhia rau leej twg paub tias kuv kho koj zoo lawm, koj mus ua ntuj tsaug thiab txhob ua txhaum ntxiv. Thaum nws rov mus nws zoo zoo siab ces nws tshaj rau sawv daws paub tias Huab Tais Yes Xus mas thiaj li yog tseem Tswv Ntuj leej tub daws neeg qhov txhaum. Peb sawv daws ua zoo ntxiv.
Teev Ntuj (MT 6:5-6)
Lub caij 40 no peb qhuag teev ntuj ntau dua qhov qub tas ib xyoo dhau los peb lub siab lub ntsws ntxhov hnyo, ua phem ua zoo. Thaum Yes Xus pom nws lub tsev teev ntuj ntxhov hnyo nws npaus taws nws caum cov neeg uas tuaj ua lag ua luam hauv tsev teev ntuj kom khiav mus. Peb lub cev lub siab yog Yes Xus lub tsev teev ntuj lub caij no peb rov los tu kom peb lub tsev teev ntuj huv tuaj ntshiab tuaj. Peb mus daws txhaum, mus koom lub thaj txi ntuj txais Huab Tais Yes Xus hauv lub cim yug. Teev ntuj ntau tuaj kom txhob raug dab phem ntxias. Thaum peb teev ntuj tsis tas peb yuav hais ntau ntau Tswv Ntuj paub nyob hauv peb nruab siab lawm tias peb xav thov dab tsi. Coob leej hais rau kuv tias txiv plig ua koj tsaug koj thov ntuj rau kuv, kuv zoo tuaj lawm. Kuv hais rau lawv tias thaum koj hais rau kuv tas ces kuv twb tseem tsis tau thov ntuj rau koj txog tav no. Yes Xus paub nyob hauv peb nruab siab lawm qhov uas peb xav tau.
Yoo (MT 6:16-18)
Txiv plig kuv twb yoo tsis noj hmo los ntev lawm kom kuv yuag tuaj thiaj li zoo nkauj zoo nraug. Tsis yog peb yoo kom yuag tuaj, peb yoo kom ntshiab thiab zoo tuaj. Tus uas nws yws taus nws kuj xyaum yoo kaw nws lub ncauj. Tus nws haus cawv ntau nws yuav tsum yuam nws lub siab yoo cawv, tus nws quav xov tooj nws yuav yoo txhob tham xov tooj ntau dhau, tus nws noj ncauj heev dhau nws yuam nws lub siab tsis noj ncauj ntau dhau dua li ntawd lawm muab nej cov nqes xov tooj, nqe cawv, nqe noj ncauj coj los pab lub koom txoos. Thaum txiv dab hais kom peb caiv thiab peb yoo mas peb caiv thiab yoo tiag tiag, thaum txiv plig hais kom peb caiv thiab peb yoo mas peb hais tias lwm hnub tso. Yes xus lub nra sib thiab kom peb ua tej yam yooj yim mas peb tsis xav ua tab sis lawv kom peb ris lub nra hnya thiab ua tej yam nyuaj mas peb yeem ua.
Thov Tswv Ntuj foom hmoov zoo rau sawv daws

13.03.2012 TP Tshaj Xwm

**Npuagtub** 19th March 2012, 10:31 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°44

Re: Hnub Txais Tshauv thiab Caij 40

Post Npuagtub 19th March 2012, 10:31 am

Ua tsaug os Mt,

Kuv xav tias nws yog tus sau no, ua cas yuav sau tau zoo ua luaj. Ua tsaug nws coj TP. cov lus tuaj rau peb sawv daws tau kamw os nawv.

**Maiv Tooj** 1st April 2012, 8:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°45

Re: Hnub Txais Tshauv thiab Caij 40

Post Maiv Tooj 1st April 2012, 8:45 am

HNUB NQUAM NPLOOJ.

Lub caij Yes Xus ua neej, yuav txais tos ib tug Vaj txheeb, luag muab tsheb nees leem kub rau caij, lub zwj ceeb no yuav txais ib tug Vaj Ntxwv los yog ib tug Txoov Tim Tswv (President of Republic), luag muab ib lub tsheb nom (limousine) rau caij, luag nthuav ntaub liab rau taug. Yes Xus caij luj (cov nees neeg pluag), los nkag rau Yes Lus Xas Les. Luag tej Vaj txheeb muaj hwj huam ces luag muaj muaj ntaub tsuj liab pua ko taw, Yes Xus, cov pluag tus Vaj ntsuag nos ces tau nplooj ntsuab thiab tej tsho khaub hlab los pua kev rau nws taug mus txais nws lub theej kiab.

Yes Xus tsis ua tus muaj hwj huam tas nrho nqes los, nws ua neeg me vim nws los KHOV COV NEEG CEG TAWV, NEEG DIG MUAG, NEEG PLUAG, TXOM NYEM QUAJ NTSUAG. Nws los kho peb cov uas ceg tawv kev hlub, dig muag kev zoo, pluag kev zam, txom nyem sib pab, quaj ntsuag kev nplij.

Cov nplooj peb tuaj nruam nov yuav nqa mus rhais rau ntawm cov ntoo cuam thiab duab ntshiab hauv tsev. Nws yuav qhuav nkig, tab sis rev nplooj hauv peb lub siab yuav nyob mos nyoos ntsuab xiab tsis qhuav.

Hnub no kuv mus teev Ntuj nrog Fab Kis xwb, vim peb tsis muaj teev Ntuj ua lus Hmoob ces kuv lam tso ob peb daim duab. Tsis tau kev ces nias tau me ntsis pem hauv ntej xwb lam saib.

Hnub Txais Tshauv thiab Caij 40 - Page 2 13332610

Hnub Txais Tshauv thiab Caij 40 - Page 2 13332611

Hnub Txais Tshauv thiab Caij 40 - Page 2 13332612

Ib lub teb chaws, huab cua ib txawv, nyias yuav de cov nplooj raws li lub teb chaws muaj.
Peb nyob Fab Kis teb, yog ib lub teb chaws qaum ntiaj teb, no heev ces lub caij nquam nplooj ntau yam ntoo tseem tsis tau hlav nplooj, tsuas muaj cov nplooj hlis thiab cov nplooj txiv ntoo roj thiaj li tsis zeeg. Ces peb Fab Kis teb thiaj li siv ob hom nplooj no los ua Hmoov nquam nplooj.

**Maiv Paj Lug** 1st April 2012, 9:17 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°46

Re: Hnub Txais Tshauv thiab Caij 40

Post Maiv Paj Lug 1st April 2012, 9:17 am

Maiv Tooj wrote:
HNUB NQUAM NPLOOJ.

Lub caij Yes Xus ua neej, yuav txais tos ib tug Vaj txheeb, luag muab tsheb nees leem kub rau caij, lub zwj ceeb no yuav txais ib tug Vaj Ntxwv los yog ib tug Txoov Tim Tswv (President of Republic), luag muab ib lub tsheb nom (limousine) rau caij, luag nthuav ntaub liab rau taug. Yes Xus caij luj (cov nees neeg pluag), los nkag rau Yes Lus Xas Les. Luag tej Vaj txheeb muaj hwj huam ces luag muaj muaj ntaub tsuj liab pua ko taw, Yes Xus, cov pluag tus Vaj ntsuag nos ces tau nplooj ntsuab thiab tej tsho khaub hlab los pua kev rau nws taug mus txais nws lub theej kiab.

Yes Xus tsis ua tus muaj hwj huam tas nrho nqes los, nws ua neeg me vim nws los KHOV COV NEEG CEG TAWV, NEEG DIG MUAG, NEEG PLUAG, TXOM NYEM QUAJ NTSUAG. Nws los kho peb cov uas ceg tawv kev hlub, dig muag kev zoo, pluag kev zam, txom nyem sib pab, quaj ntsuag kev nplij.

Cov nplooj peb tuaj nruam nov yuav nqa mus rhais rau ntawm cov ntoo cuam thiab duab ntshiab hauv tsev. Nws yuav qhuav nkig, tab sis rev nplooj hauv peb lub siab yuav nyob mos nyoos ntsuab xiab tsis qhuav.

Hnub no kuv mus teev Ntuj nrog Fab Kis xwb, vim peb tsis muaj teev Ntuj ua lus Hmoob ces kuv lam tso ob peb daim duab. Tsis tau kev ces nias tau me ntsis pem hauv ntej xwb lam saib.

Ib lub teb chaws, huab cua ib txawv, nyias yuav de cov nplooj raws li lub teb chaws muaj.
Peb nyob Fab Kis teb, yog ib lub teb chaws qaum ntiaj teb, no heev ces lub caij nquam nplooj ntau yam ntoo tseem tsis tau hlav nplooj, tsuas muaj cov nplooj hlis thiab cov nplooj txiv ntoo roj thiaj li tsis zeeg. Ces peb Fab Kis teb thiaj li siv ob hom nplooj no los ua Hmoov nquam nplooj.

Maiv Tooj, hnub no kuv tsis khoom mus nquam nplooj hauv Tsev Teev Ntuj li, xyoo no kuv tsis tau ib tsob nploj foom Hmoov zoo li, cia seb puas muaj neeg nqa tau los faib rau kuv xwb lau. Vim hais tias xyoo no muaj ua yeeb yam txog Yesxus thiab nws cov thwj tim lub neej nyob saum sam thiaj ( Theâtre ) kuv maj mus ntxov 2 xuaj moos kev thiaj mus txog qhov chaw saib, ces kuv tsis tau mus Teev Ntuj, tsis tau Nplooj foom hmoov zoo. Yog mus teev ntuj ces mus tsis ncav Theâtre lawm, xyoo no yog thawj xyoo kuv mus theâtre mus saib lawv ua Yesxus lub neej ces thiaj ncua Teev Ntuj, mus ib qho kawg tseg ib qho, xav mus ob qho los faib tsis tau yus tus kheej ua ob leeg ces kawg mus tau ib qho xwb, lawm lub Chiv tom ntej kuv yuav mus Lissieux thiab ces mam mus Teev Ntuj Ntshiab nyob Lissieux ( Sainte Thérèse ).

Lam saib kuv ob daim duab thaij ntawm qhov rooj Theâtre, cua los hlob hlob ces thaij tsis tau duab zoo, thiab thaum nkag mus saib lawm ces lawv tsis pub yus yees duab lawm.

Hnub Chiv 1 lub 4 hli xyoo 2012

Hnub Txais Tshauv thiab Caij 40 - Page 2 Dscf0823

Hnub Txais Tshauv thiab Caij 40 - Page 2 Dscf0824

**Maiv Tooj** 1st April 2012, 10:09 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°47

Re: Hnub Txais Tshauv thiab Caij 40

Post Maiv Tooj 1st April 2012, 10:09 am

Nyob zoo Maiv Paj Lug,

Nws tsis tau mus teev Ntuj hnub no los nws twb yog mus saib lawv ua yees siv txog Huab tais Yes Xus lub neej ces yeej cuag li nws mus ua Mis Xas lawm thiab. Peb lub neej nyob teb chaws vam meej ces peb yeej nrog lub hnub lub hli sib caum xwb thiaj li yuav kov yeej.
Zoo siab uas nws muaj kev kaj siab mog.

**Npuagtub** 2nd April 2012, 5:46 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°48

Re: Hnub Txais Tshauv thiab Caij 40

Post Npuagtub 2nd April 2012, 5:46 am

UA HMOOV NQAUM NPLOOJ HMOOB CATHOLIC
NYOB ROOG FRESNO, CALIFORNIA TIM 1/04/2012

Hnub Txais Tshauv thiab Caij 40 - Page 2 Dsc08116

Hnub Txais Tshauv thiab Caij 40 - Page 2 Dsc08117

Hnub Txais Tshauv thiab Caij 40 - Page 2 Dsc08118

**Maivxis** 2nd April 2012, 6:54 am

Maivxis

Maivxis: Phooj Ywg; Messages : 191
Date d'inscription : 2009-11-05

Post n°49

Re: Hnub Txais Tshauv thiab Caij 40

Post Maivxis 2nd April 2012, 6:54 am

Nyob zoo os XH Npuag Tub pab nej zoo siab os mog , Nej lom zem kawg thiaj ua tau zoo kawg li os , Nej Yog Hmoob xwb los nej Nrog Meskas thiab na puas yog hmoob ua lub hmoov es Meskas tuaj koom xwb los zoo li nej coob heev li na lod XH Npuag tub es thov kom peb Hmoob Catholic Vam ntws li no mus li nawb mog Thov kom Huab Tais Ntuj tsoom kwm peb Hmoob Catholic Nyob rau txhua txhia qhov chaw thiab ua sawv daws lub siab kaj lug nawb .

Maivxis .

**Npuagtub** 2nd April 2012, 8:14 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°50

Re: Hnub Txais Tshauv thiab Caij 40

Post Npuagtub 2nd April 2012, 8:14 am

Mx, Yog txoos teev ntuj hmoob ua hmoob xwb os, peb tsis ua koom nrog me kas os vim neeg coob heev ces lawv cia peb ua peb txoos teev ntuj ua lus hmoob. Tim nej puas ua hmoov nqaum nplooj zoo li peb thiab nas los, yog ua no ho coj duab tuaj tso rau peb saib tiab mas los...