Hmoob Guyane

Nyob zoo cov phooj ywgtxhua tus,
Ntshai nej leej puav twb tos tos saib puas pom kuv rov tuaj tham txuas ntxiv txog Hmoob zos Cacao lub tsiab peb caug los yog tso daim puav duab rau nej tau saib.
Ua ntej no kuv xub hais ib lo lus thov txim uas kuv tsis tau tuaj tham raws li kuv tau tham tseg vim yog tau me ntsis khaub thuas lawm. Hnub no kuv tsis muaj lus tham ntau tsuas yog tso ib co dua rau nej saib ua kev sis tham.




Muaj ntsis nkees thiab ces cia lwm zaus tso mam rov tuaj tso ib co duab ntxiv, nyob hauv cov duab nej leej twg xav nug txog daim duab twg los txhob ua siab deb yeej meem nug kuv ntag !
Mam sis ntsib dua.

Y. Suav Nus

Nob zoo cov Phooj ywg,

Dab Laug Suav Nus zoo saib heev thiab thov qhuas nej cov ntseeg nyob Cacao ua hmoov noj 30 tau zoo kawg.
Ua tsaug koj tuaj tso duab rau peb tau pom txog nej sawv daws txhua leej.....

Nyob zoo txiv Suav Nus,

Ua tsaug rau koj kev tshaj moo txog nej Hmoob Cacao lub tsiab peb caug.
Zoo heev, nej nyob txawm teb txawm chaw, ua pab ua pawg, nej ua tau tej yam zoo heev. Kuv txawm tsis tau nrog nej koom los kuv pom nej lom zem xauv npo, cuag li kuv twb tau nrog nej nyob ua ib ke lawm. Kuv tsis muaj dab tsi, kuv tsuas hais ib los lus "Noj qab nyob zoo xyoo tshiab " rau nej txhua leej xwb.

Nyob zoo cov phooj ywg txhua tus,
ua cas lub sij hawm, hnub thiab hmo yuav tas sai ua luaj li ! Zoo li nyuam qhuav yog nag hmo xwb tab sis twb yog peb plaub hnub lawm tiag.
Hnub no kuv rov tuav tso ib co duab ntxiv : yog hnub xiab ib (qhib tshav qaib)


Tseem tshuav duab kev ua si lwm yam es cia tag kis los nag kis mam li rov tuaj tso dua ov !

Y. Suav Nus

Hnub no rov tuaj ntseeg tias nej txhua tus yeej noj qab nyob zoo,
Hais ib lo lus txog lub tsev ua si no: Thaum cov Hmoob nyuam qhua tuaj nyob lub zos Cacao mas yeej tau tsa ib lub tsev uas yog qhov chaw Hmoob sib txoos sab laj, ua si lom zem, noj tshoob, txais qhua nom tswv, noj tsiab peb caug thc... Lub tsev ntawd tsa hnub tim 03/03/ 1979. Kuv kuj yog ib tug ntawm cov neeg tau ua lub tsev ntawd thaum pib txog thaum tiav log. Tom qab no xyoo 2005 lub tsev ntawd raug muab rhuav. Xyoo 2009 thiaj li tau rov tsa dua ib lub tsev tshiab uas yog lub tam sis no nej pom nyob hauv cov duab. Lub tsev no mas tsa rau lub tsev qub uas ruav tas lawd qhov chaw thiab siv lub qub plag tsev kiag. qhov loj, dav, ntev, thiab siab kuj tshaj lub qub tsuas yog daim duab lub tsev thiaj txav lawm xwb. Qhia rau cov uas tau pom dua lub qub ho tsis tau pom lub tshiab no, lub qub mas zoo li qaim los yog luv zog lub tshiab no vim tias lub qub mas tau muab kem ib tog los ua chaw ua hauj lwm rau Hmoob lub Haum Xeeb phab kev ua noj ua haus ntaw Cacao lawm (Bureau Coopérative Agricole de Cacao).

Tham ntev zog me ntsis lawm caw nej rov saib duab.


Kev ua si no mas yog xav kom tus laus txog tus me nyuam yaus muaj kev lom zem txhua tus. Kev ua si no tsis yog ua si kom lom zem xwb lub rooj tswj tsiab peb caug muab paj tshab rau txhua tus tsis hais yeej los swb, qhov txawv zog mas yog tus yeej mas muaj cai xaiv nws qhov paj tshab.
Caw nej saib kev: ncaws pob, ntau qe hlau thc... rau lwm lub sij hawm.

Y.Suav Nus

Nyob zoo txiv Suav Nus,,

tau ob peb hnub no kuv tsis tau tua saiblub tsev no kom txhua esas kojtwb tuaj tso tau duab nej noj peb caug ntau kawg li lawm. Pom nej kuj ua tau zoo kawg thiab lom zem kawg li. Thov komlub xyoo tsshiab no nej Hmoob Guyane tsuas ntsib kev noj qa nyob zoo thiab kev sib nyiam sib hlub sib haum xeeb xwb nawb...

Cov phooj ywg,
Kuv tsis muaj sij hawm txaus ces ib hnub kuv tuaj tso ib co duab raws li kuv lub sij hawm, lub siab mas yeej xav ua ib zaug tso kom tas cov duab rau nej saib li ntawd kuv vam tias nej yuav zam lub sij hawm zoo rau kuv.

Hnub no sij hawm tas lawm ces tso tseg li no thiab caw nej saib txuas ntxiv lwm lub sij hawm.

Y. Suav Nus

Nyob zoo cov phooj ywg,
Ib nyuag qhov me me xwb los yuav tau siv sij hawm nrhiav mas thiaj li ntsib vim tsis muaj tus nyob kiag ntawm chaw qhia

Wow....Suav Nus, hehehe....nws daim video no cas zoo saib ua luaj, cov laus tseem txawj ua dance tshaj cov hluas lawm thiab, puas yog lawv yeej xyaum xyaum ua ntej lawv thiaj txawj ua tau zoo saib npaum no uas sib yoog tau sib raws tau las voos? Mignon kawg kiag li, zoo saib heev thiab kuv nyiam kawg li

[/center]

Kuv tau tso ib ci duab ntau hauj sim yog tias daim twg los yog tej qho tsis tshua phim no thov nej cov saib ho pab qhia kuv ces kuv yuav muab ib co tshem tawm los yeej tsis ua lu cas li. Ua tsaug.
Kuv thov ua ua tsaug rau tas nrho nej cov tuaj nrog kuv saib cov duab saum no thiab ua tsaug rau nej cov tau txhawb kuv lub zog thiab muab dej siab dej ntsws.

Y.Suav Nus.

Hmoob Guyane lub zos Cacao kuj yog ib qho chaw muaj touriste coob kawg li thiab , lwm haiv neeg tuaj saib Hmoob coob kawg li, txhais tau tias Hmoob kuj vam meej lawm ntau heev. Hmoob Guyane Cacao lub peb caug lom zem thiab neeg tuaj coob kawg, peb txhua tus zoo siab tag nrho rau Suav Nus cov duab tshaj tawm txog Hmoob Guyane noj peb caug rau lub xyoo tshiab 2011. Ua tsaug ntau! " longdesc="58" />

Nyob zoo txiv Suav Nus,

Wow...! Tus niam nkauj ntsuab nov cas yuav zoo nkauj ua luaj li!
Zoo tiag tiag li, thov qhuas nws nawb.
Pom sau daim hlab ntxhoo tias Nkauj Ntsuab 2010 no es yog tus tsaib no los yog tu nyuam qhuav xaiv tau tshiab tam sim nov?
Nws puas yog tus uas kuv paub?
Thov hais rau nws niam nws txiv tias kuv qhuas nws no nawb...

Maiv Tooj wrote:

Nyob zoo txiv Suav Nus,

Wow...! Tus niam nkauj ntsuab nov cas yuav zoo nkauj ua luaj li!
Zoo tiag tiag li, thov qhuas nws nawb.
Pom sau daim hlab ntxhoo tias Nkauj Ntsuab 2010 no es yog tus tsaib no los yog tu nyuam qhuav xaiv tau tshiab tam sim nov?
Nws puas yog tus uas kuv paub?
Thov hais rau nws niam nws txiv tias kuv qhuas nws no nawb...

Maiv Tooj, kuv los yeej nyiam tus me ntxhais no kawg li thiab tiag, nws mas cas yuav zoo zoo nkauj me ntsej muag nyias ntsais li os yom. Kuv saib mas nws muaj ntsis zoo li maiv xis tsawm tsawv xyov nws puas yog maiv xis tus ntxhais? Kuv hais tus Maiv Xis nyob Guyane. Thaum maiv xis hluas nws zoo nkaus li tus me ntxhais saum toj no thiab tiag. Tiam sis ntshe kuv lam twv xwb, nws puas yuav yog li os, tiam sis thov qhuas thiab zoo siab kawg rau lawv tus ntxhais nkauj ntsuab MISS CAMPUS 2010 .

ps: Maiv Tooj, koj tus me ntxhais nkauj mim kuj zoo nkauj npaum li tus me ntxhais miss campus saum toj no thiab tiag, caj soob xais li tus miss saum toj no thiab

Maiv Paj Lug,

Yog mas, kuv ntsia zoo li yog Maiv Xis tus ntxhais Ali thiab tiag.
Nws yeej zoo nkauj tsim nyog kawg nkaus, kuv pab nws niam nws txiv zoo siab.

Hahahah...! Maiv, ua tsaug os tseem xa lub puav paj tuaj rau kuv thiab.

Maiv Tooj wrote:

Nyob zoo txiv Suav Nus,

Wow...! Tus niam nkauj ntsuab nov cas yuav zoo nkauj ua luaj li!
Zoo tiag tiag li, thov qhuas nws nawb.
Pom sau daim hlab ntxhoo tias Nkauj Ntsuab 2010 no es yog tus tsaib no los yog tu nyuam qhuav xaiv tau tshiab tam sim nov?
Nws puas yog tus uas kuv paub?
Thov hais rau nws niam nws txiv tias kuv qhuas nws no nawb...

Nyob zoo os Maiv Too,
Tus niam Nkauj Ntsuab ntawm no yeej yog tus ntxhais uas koj tau paub lawm, yog tus nxthais Nkauj Ntsuab nyuam qhuav xaiv tau rau xyoo 2010 no, nws lub npe Nkauj Ntsuab yuav nyob txog xyoo 2011. Nws tsis yog tus Nkauj Ntsuab ntawm peb cov Hmoob xwb, yog tas nrho lub teb chaws Guyane tus Nkauj Ntsuab (Cov ntxhais kawm ntawv txheej siab)

Ib lo hais txog tus ntxhais Nkauj Ntsuab Miss Hmong de France mas yog tus nyuam qhuav xaiv tau thaum lub 7 hli nyob Paris.

Y. Suav Nus

Nyob zoo cov phooj ywg,
zoo li nyob xwb los kuj nkees thiab ces tso me ntsis kev ua si laug sij hawm nawb !
Xub qhia rau nej paub tias nej yuav pom tsis tshua meej thiab tsis hnov cov ntsiab lus zoo vim kuv tsuas siv lub thau duab luaj li peb tus ntiv tes thau xwb ces txais tsis tau suab zoo. Yog tsis tsim nyog no thov hais qhia es kuv mam muab tshem tawm os.