Nyob zoo Txiv Suav Nus,
Ua tsaug ntau rau koj kev tshaj moo txog nej Hmoob Cacao, Nkws Yas teb noj Tsiab Peb Caug xyoo 2010-2011 no. Yog ib qho zoo heev uas peb tau hnov nej lub moo zoo. Nej nyob txawm zej txawm zos, zoo li tsis hlob peb tsawg, tab sis peb cov nyob deb pom nej nyog muaj chaw ua rau peb txhua tus muaj lub siab ntshaw ntsia ntsoov nej yuav ua peb lub keeb peb txoj kev taug. Thov koj pab tshaj ib lo lus rau cov thawj coj ntawm nej pawg:
" Kuv ua lawv tsaug thiab qhuas txog lawv lub laj lim tswv yim, lub siab dawb los ua tej hauj lwm tsoom sid kom tuav tau nej ua ib teg, tswj tau nej ua ib tsob nyob koom npoj nrog ua pawg nawb".
Dua li thov koj pab nias duab hnub nej mus teev Ntuj Peb caug thiab los lwm Tsiab rau kev qheb Tsiab Peb caug, kev lom ua ntu zus rau peb cov nyob deb tau nrog nej pom thiab mog. Thov sawv daws txhua leej txhob ua siab deb, txhua yam koj coj tuaj tso peb yuav khaws rau lub sam xeeb. Yuav tsis pub kom muaj plua av paug, plua tshauv los. Peb nyob hauv Peb Tus Tswv Ntuj muaj hwj huam txhais tes ntxooov, nws yuav roo peb txhua leej mus rau qhov zoo mog.
Kuv ua koj tsaug ib zaug ntxiv os txiv Suav Nus.