Hmoob Guyane

**Lajpovyaj** 7th December 2013, 1:57 pm

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°276

Re: Hmoob Guyane

Post Lajpovyaj 7th December 2013, 1:57 pm

Nyob zoo txiv ntxawm Suav nus.
Kuv muaj lus zoo siab uas koj teb kuv cov lus kuv kuj nkag siab ntau muaj 1 qhov tsis nkag siab ntawm nej lub zos Javouhey koj hais tias yog txiv plig nyiaj pov coj lawv tuaj tsim nyob xyoo 1999 no kuv xav tias ntshe lawv xub nyob ua ntej 1999 lawm pob.Vim kuv nyob thaib teb ua ntej xyoo 1990 kuv yeej xub hnov lub zos no moo lawm laiv.

**Yaj Suav Nus** 7th December 2013, 11:47 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°277

Re: Hmoob Guyane

Post Yaj Suav Nus 7th December 2013, 11:47 pm

Lajpovyaj wrote:Nyob zoo txiv ntxawm Suav nus.
Kuv muaj lus zoo siab uas koj teb kuv cov lus kuv kuj nkag siab ntau muaj 1 qhov tsis nkag siab ntawm nej lub zos Javouhey koj hais tias yog txiv plig nyiaj pov coj lawv tuaj tsim nyob xyoo 1999 no kuv xav tias ntshe lawv xub nyob ua ntej 1999 lawm pob.Vim kuv nyob thaib teb ua ntej xyoo 1990 kuv yeej xub hnov lub zos no moo lawm laiv.

Nyob zoo Laj Pov.
Qhia rau koj: lub zos Javouhey uas Txiv Plig Nyiaj Pov coj Hmoob tuaj tsim li hais los saud yog xyoo 1979 tsis yog 1999, thaum kuv ntaus cov lus teb rau koj ntawd ntshai yog tim kuv maj zog thiab tso siab dhau rau kub cov ntiv tes lawm ces cia li ntaus yuam kev lawm xwb. Thaum kuv pom koj lo lus tas ua rau kuv mam ras dheev saib no yog yuam kev lawm... Kuv rov mus muab kho tas rau lawm.
Ua tsaug rau koj lo lus, yog koj tsis hais thiab ces ntshai yuav tsis muaj neeg hais li, ces ntshai qhov kuv yuam kev ntawd yuav nyob tas mus li... ntau xyoo ces cia li siav raws li qhov niag yuam kev mus li...Mam sis tham dua rau lwm lub sij hawm.

Y. Suav Nus

**Lajpovyaj** 10th December 2013, 4:45 pm

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°278

Re: Hmoob Guyane

Post Lajpovyaj 10th December 2013, 4:45 pm

Yaj Suav Nus wrote:

Lajpovyaj wrote:Nyob zoo txiv ntxawm Suav nus.
Kuv muaj lus zoo siab uas koj teb kuv cov lus kuv kuj nkag siab ntau muaj 1 qhov tsis nkag siab ntawm nej lub zos Javouhey koj hais tias yog txiv plig nyiaj pov coj lawv tuaj tsim nyob xyoo 1999 no kuv xav tias ntshe lawv xub nyob ua ntej 1999 lawm pob.Vim kuv nyob thaib teb ua ntej xyoo 1990 kuv yeej xub hnov lub zos no moo lawm laiv.

Nyob zoo Laj Pov.
Qhia rau koj: lub zos Javouhey uas Txiv Plig Nyiaj Pov coj Hmoob tuaj tsim li hais los saud yog xyoo 1979 tsis yog 1999, thaum kuv ntaus cov lus teb rau koj ntawd ntshai yog tim kuv maj zog thiab tso siab dhau rau kub cov ntiv tes lawm ces cia li ntaus yuam kev lawm xwb. Thaum kuv pom koj lo lus tas ua rau kuv mam ras dheev saib no yog yuam kev lawm... Kuv rov mus muab kho tas rau lawm.
Ua tsaug rau koj lo lus, yog koj tsis hais thiab ces ntshai yuav tsis muaj neeg hais li, ces ntshai qhov kuv yuam kev ntawd yuav nyob tas mus li... ntau xyoo ces cia li siav raws li qhov niag yuam kev mus li...Mam sis tham dua rau lwm lub sij hawm.

Y. Suav Nus

Nyob zoo txiv suav nus.
Ua tsaug ntau uas koj rov tuaj qhia txog lub zos Javouhey uas txiv plig nyiaj pov tau coj cov kwv tij neej tsa Hmoob tuaj nyob yog xyoo 1979.
Kuv to taub zoo txog koj cov lus uas tuaj qhia kom peb paub qhov tseeb ces zoo heev rau kuv lawm mog.Hnub no wb tham li no tso muaj dab tsi lwm zaus wb mam li rov sib tham dua mog.

**Yaj Suav Nus** 25th December 2013, 12:32 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°279

Ntees Tsuj Xeeb Yes Xus yug los

Post Yaj Suav Nus 25th December 2013, 12:32 pm

Nyob zoo cov phooj ywg txhua tus, tau ib nyuag ntu tsis tau tuaj fim nej, vam tias nej txhua tus yeej noj qab nyob zoo. Kuv tsis muaj lus ntau tham tsuas yog tuaj sau lo lus:
Nyob zoo rau nej txhua tus, Leej Pleev kev kaj siab nrog nraim nej. Hnub puav saum no lub xyoo laus 2013 yuav xaus xyoo tshiab 2014 yuav tshwm thov hais ib los lus NYOB ZOO XYOO TSHIAB 2014 rau nej txhua tus.
Tso ob daim duab ua lub cim txog lub Ntees Tsuj Xeeb Yes Xus yug los ua puav pheej rau peb txoj kev sib tham sib xa xov thiab sib nug moo.

Y. Suav Nus

Txiv Plig Vam Tuam

**Maiv Tooj** 19th January 2014, 5:05 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°280

Re: Hmoob Guyane

Post Maiv Tooj 19th January 2014, 5:05 pm

nyobntujdeb -txuas yub txiv Lwm Tsib guyane -part 4 - 27 /8: 2013

**Maiv Tooj** 19th January 2014, 5:25 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°281

Re: Hmoob Guyane

Post Maiv Tooj 19th January 2014, 5:25 pm

Txiv Lwm tsib.guyane& Lub zos javouhey -part 5- 27 /8/ 2013

**Maiv Tooj** 19th January 2014, 5:36 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°282

Re: Hmoob Guyane

Post Maiv Tooj 19th January 2014, 5:36 pm

Saib zoov nuj txeeg guyane -part 6 -30 /8 / 2013

Yog qhov av uas tus hau zos xav kom Hmoob mus tsim ib lub zos tshiab nyob rau Nkws Yas. Twb hais tau muaj ob peb xyoos no lawm, tab sis tseem tsis tau mus nyob, tseem pheej mus xyuas tas zog. Thaum tham mas muaj zog kawg, tab sis thaum yuav mus tiag kuj tsis tau muaj tus mus, vim yuav siv dag siv zog kom ntau mam li yuav caug cuag ob peb lub zos uas tau tsim puag thaum 1977 los lawm. Thiab cov uas xav mus ces yog phaum laus uas tiav neeg xyoo 1975 uas tseem muaj qhov kho siab txog lub neej ntuj qub qab xwb; phaum neeg no, 40 xyoo tom qab, kuj yog ib phaum uas twb noj nyiaj laus lawm los yog tab tom yuav npaj noj nyiaj laus...Ua li lawv lub siab tseem vam tab sis lub zog tag lawm, ntshe yuav nyuaj dua cov thaum ub lawm. Vim zaum no mus, ntshe tej me tub me nyuam loj tag, lawv yuav tsis raws cov laus mus lawm, ntshe cov laus xwb xyov puas yuav mus ua tsheej ib yig neej tshiab hauv hav zoov. Qhov nyuaj tshaj mas yog qhov chaw tshiab no tsis tau muaj kev tsheb thoob; tsuas caij tsheb mus ib ntus ces ho caij nkoj hla ib lub pas tauv tag, mam rov caij tsheb mus txog. Ib qho ntxiv, yog muag rau kiab khw xwb ces tsis muaj chaw muag li lawm.

Yog lub neej ntev ntev mas yuav zoo rov mus pib ua teb, yog lub neej luv luv thiaj li tsis zoo li yus lub siab khuv.

**Maiv Tooj** 22nd January 2014, 8:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°283

Re: Hmoob Guyane

Post Maiv Tooj 22nd January 2014, 8:23 am

nyobntujdeb txuas yub txiv guyane - part 3-

**Yaj Suav Nus** 8th March 2014, 2:25 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°284

Mus saib thaj av Ntshiab - Teb chaws His Xas Lais

Post Yaj Suav Nus 8th March 2014, 2:25 pm

Nyob zoo cov phooj ywg txhua tus,
Tau ib nyuag ntu ntev kawg lawm tsis tau tuaj sau ib los hais nyob zoo rau nej sawv daws; vam ntsoov tias sawv daws yeej tsis tau tas kev cia siab...
Hnub no kuv muab Tsob Hwb Yaj Nkias Teeb zaj hais txog mus saib teb chaws His Xas Lais los yog THAJ AV NTSHIAB rau nej tau saib nws cov duab thiab nyeem nws ib co lus.

MUS SAIB THAJ AV NTSHIAB ( Teb chaws His Xas Lais)
Lub teb chaws Tswv Ntuj xa nws leej tub Yes Xus xeeb los ua neeg cawm lub sim ceeb.

Hnub tim 12 mus txog hnub tim 22 lub 11 hlis xyoo 2013, lub koom txoos nyob Guyane teb tau mus saib thaj av ntshiab raws li 3 xyoos twg mus ib zaug. Cov tau mus ua ke muaj 31 leeg; 1 tug Tswv Qhia, 3 tug Txiv Plig, 1 tug Tsob Hwb. Yog thawj zaug peb cov Hmoob muaj 8 leej tau nrog cov neeg nyob Guyane mus saib thaj av ntshiab.
Kuv lub sim xeeb yeej xav tau los ntev lawm hais tias muaj ib hnub twg kuv yuav mus kom txog thaj chaw Huab Tais Yes Xus yug los. Peb ntseeg thiab peb tso siab ces peb yuav tau txais kev cawm, peb taij thiab peb thov ces yuav muaj tus muab rau peb. MT 7: 7 – 11. Mas kuj muaj raws li lub siab xav, kuv zoo siab ntau thiab kuv ua Tswv Ntuj tsaug, yog ib qhov zoo tshaj plaws hauv kuv txoj kev ntseeg.

Ib tsoom phooj ywg sawv daws, peb txoj kev ntseeg yeej muaj hauv paus hauv ntsis raws nraim li nyob hauv phau ntawv Ntshiab tiag. Tag ib tsoom neeg nyob hauv lub qab ntuj khwb uas ntseeg txog Yes Xus Tswv Ntuj Leej Tub, sawv daws puav leej tuaj mus saib thaj av ntshiab (lub teb chaws ntshiab = teb chaws His Xas Lais), tej qhov chaw muaj txiag muaj ntsig, chaw tsim nuj tsim nqi, thov koob hmoov, thov daws txim txhaum, thov txiaj ntsim pab rau lub qab ntuj neeg, thc…
Tus ntseeg thiab txais lub Cim Ntxuav nws yuav txais kev cawm. Peb txoj kev ntseeg yeej sau cia nyob hauv phau Ntshiab lawm, peb yuav kub siab muab peb phau Ntawv Ntshiab los nthuav nyeem, nws yog ib cov lus muaj txiaj ntsim rau peb coj lub neej kom tau nyob tiaj nyob tus nyob kaj siab lug.

Kuv tso ib co duab rau sawv daws tau saib raws li Yes Xus lub neej uas peb tau mus pom.
Muab nej phau Ntawv Ntshiab los nthuav saib nrog rau cov duab, muaj ntau los lus kuv tsis tau sau rau hauv no.

Mab Liab lub tsev
Ntuj tus Tshiab Nkas Nplias xa lus tuaj rau Mab Liab

Lub tuam tsev teev ntuj
Ntuj tus Tshiab Nkas Nplias xa lus tuaj rau Mab Liab. LK 1 : 26 - 38

Thaj chaw yug Yes Xus

Lub tuam tsev teev ntuj Yes Xus yug los LK 2: 1 - 7

Nyob hauv lub tuam tsev teev ntuj Yes Xus yug los

Lub thaj txi ntuj hauv lub tuam tsev teev ntuj Mab Liab mus saib Es Lis Xas Npes. LK.1: 39 - 56

Thaum tus Vaj Hes Los xa neeg mus tua cov me nyuam nyob Npes Les Hes, MT 2: 16 - 18
Es Lis Xas Npes lub hnub nyoog laus lawm coj tsis tau Zam ( Zam Ntxuav Plig ) khiav ces nws cia li coj Zam nkawd ob niam tub tuaj nraim rau ntawm ib phab pob zeb nyob ze ze ntawm nws tsev, lub caij ntawd Vaj Hes Los cov neeg twb nrhiav hla mus hla los ntawm nkawd ib sab los lawv tsis pom nkawd li, tab sis nkawd pom Vaj Hes Los cov neeg mus mus los los. Cov ntseeg nyob Npes Les Hes ntseeg tias yog Huab Tais Ntuj ua kom Vaj Hes Los cov Neeg txhob pom, yog ib qho Huab Tais Ntuj txuag nws tus tub txib Zam kom dim ntawm Vaj Hes Los cov neeg lub ntsis ntaj ntsis hmuv.
Cov teb chaws ntseeg Ntuj sau tej daim phiaj ua lawv xeem lus raws li thaum ub cov Yaj Saub tau sau tseg txog Zam coj tuaj tso rau ntawm no.

Daim phiaj no yog lub teb chaws Fab Kis daim.

Lub thaj txi ntuj nyob hauv lub tsev teev ntuj Zam Ntxuav Plig
Lub tsev teev ntuj Zam Ntxuav Plig nyob kiag rau ntawm qhov chaw
uas Es Lis Xas Npes coj Zam tuaj nraim Vaj Hes Los cov neeg.

Lub thaj txi ntuj nyob hauv lub qhov tsua cov zov yaj
Cov zov yaj tsis muaj tsev nyob zov lawv cov yaj
Lawv muab lub qhov tsua no ua lawv lub chaw nyob

Lub tsev teev ntuj cov zov yaj
Lub tsev teev ntuj cov zov yaj no ua rau ntawm qhov chaw uas Ntuj tus Tshiab
tuaj xa lub moo zoo rau cov zov yaj. LK. 2: 8 – 14

Ntawm no yog nyob ntawm tus hau dej Yos Las Das
Tus dej Yos Las Das txhawv ntawm lub tsua no los

Tus dej Yos Las Das

Yes Xus yoo mov plaug caug hnub plaub caug hmo saum lub roob no
MT 4: 1 – 11. LK 4: 1 – 13

Thaj chaw ntawm no thaum ub lawv noj tshoob nyob hauv lub zos Kas Nas,
Yes Xus muab dej txia ua cawv Z 2: 1 - 11

Pas dej tuag

Lub pas dej tuag no mas koj tsis txawj deg los koj yeej tsis tog,
Qhov uas tsis txawj deg los yeej tsis tog mas yog cov dej qab ntsev dhau
Luag tsis pub da dej tshaj 20 fiab, yog da ntev dhau mas tsam ntsev tom ib ce
Cov av nkos nyob ntawm ntug pas dej tuag yog ib co tshuaj pab kom neeg daim tawv nqaij rov mos mos, hais lo lus luv luv: yog ua kom rov hluas.

Pas dej Tis Npes Lias
Yes Xus hu nws thawj plaub leeg thwj tim MT 4: 18 – 22

Yes Xus ua kom cua daj cua dub tu nrho LK 8: 22 - 25. MK 4: 35 - 41

Yes Xus mus taw saum nplaim dej MK 6: 45 - 52

Yes Xus nug Pob Zeb peb zaug tias: Xis Moos, Zam tus tub koj puas nyiam kuv ?
Thiab Yes Xus kom Pob Zeb saib cov ntseeg (saib Lub Koom Txoos) Z 21: 15 – 23

Lub zos Kas Fas Naus

Nyob ntawm lub tuam tsev teev ntuj Leej Ntshiab Pob Zeb

Luag txhim lub tuam tsev teev ntuj Leej Ntshiab Pob Zeb tshooj rau saum Leej Ntshiab Pob Zeb lub tsev
Qhov nej pom no yog nyob hauv Leej Ntshiab Pob Zeb lub tsev, luag txhob txwm txuag ua puav pheej

Tsev teev ntuj cov muaj txoj hmoo zoo MT 5: 1 – 12. LK 6: 20 - 23

Tsob ntoo Ntxas Kais nce mus nyob saud kom tau pom Yes Xus hla tuaj ntawm no
MT 7: 7 - 11. LK 11: 9 - 13

Ntawm no yog nyob rau ntawm ib sab lub tsev teev ntuj Peb Txiv

Lub Tuam Tsev teev ntuj “Peb Txiv”
Zaj teev ntuj Peb Txiv yog Yes Xus qhia rau nws cov thwj tim MT 6: 9 – 13
Xyoo 1868 Fab Kis ib tug ntxhais nom ( la Princesse Aurélie de Bossi )
Vaj Fab Kis Napoléon III tus ntxhais xeeb ntxwv tau yuav thaj av thiab lub tuam tsev teev ntuj los ua Fab Kis tug thiab tau muab kho.
Cov teb chaws ntseeg Ntuj sau zaj Peb Txiv ua lawv xeem lus coj tuaj lo raws cov phab ntsa tsev.

Daim phiaj zaj Peb txiv no yog lub teb chaws Fab Kis daim,
Fab Kis daim yog daim lo ua ntej tshaj vim tias lub tuam tsev teev ntuj thiab thaj av yog Fab Kis tug

Lub tsev teev ntuj Yes Xus lub ntsej muag hloov
Lus Fab Kis hu ua L’église de la Transfiguration
Lub roob Yes Xus muab nws lub hwj chim rau cov thwj tim pom MT 17 : 1 - 8. LK 9: 28 - 36
Lub roob no lus Fab Kis hu ua Mont Tabor ( Roob Tas Npoj )

Thaj txi ntuj nyob hauv lub tsev teev ntuj Yes Xus lub ntsej muag hloov

Hnub ua hmoov nqaum nplooj, Yes Xus tuaj txog ntawm no nws tsa muag ntsia mus rau
lub nroog ntshiab Yes Lus Xas Les, Yes Xus quaj nws hais tias: LK 19: 41 – 44
Lawv txhim lub tsev teev ntuj zoo li ib tee kua muag

Lub tsev Yes Xus nrog cov thwj tim noj pluas Hla,
Yes Xus tsim lub cim yug (lub Cim Cav Txiaj Ntsim)
LK 22: 19 – 23

Lub roob txiv ntoo roj LK 22: 39 – 48

Tsob txiv ntoo roj no yog Vaj Qhia Paj Lug 6 cog
Tim 4 lub 1 hlis xyoo 1964

Pob Zeb tsis lees paub Yes Xus peb zaug MT 26: 69 – 75. LK 2: 54 – 62

Ntawm no yog nyob hauv lub tuam tsev teev ntuj “txiav txim rau Yes Xus”

Teev ntuj taug txoj kev Yes Xus kwv tus Ntoo Cuam

Lub tuam tsev teev ntuj txhim rau saum lub roob Nkos Nkos Tas
Qhov chaw lawv tsa Yes Xus nyob saum Ntoo Cuam MT 27: 32 – 38. LK 23: 33 – 34

Yes Xus lub rooj ntxa

Qhov chaw lawv tso Yes Xus lub cev

Lub tsev teev ntuj Yes Xus lub ntxa
Lub tsev teev ntuj Yes Xus lub ntxa nyob kiag ntawm Yes Xus ntxa ib sab

Lub tuam tsev teev ntuj nyob Yes Lus Xas Les
Yes Xus ntiab cov tub luam nyob hauv lub tuam tsev teev ntuj MK 11: 15 – 19

Nyob rau His Xas Lais teb yog yuav tsa los txhim ib lub tsev teev ntuj rau ib qho chaw twg, mas qhov chaw ntawd yuav tsum muaj ib lo lus tseem ceeb nyob rau hauv Ntawv Ntshiab.

Y. Nkias Teeb

Last edited by Yaj Suav Nus on 21st June 2016, 4:08 am; edited 3 times in total

**Maiv Tooj** 8th March 2014, 8:30 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°285

Re: Hmoob Guyane

Post Maiv Tooj 8th March 2014, 8:30 pm

Nyob zoo txiv Suav Nus,

Ua tsaug ntau rau LTH Nkias Teeb zaj mus xyuas teb chaws His Xas Lais, zoo kawg, yog ib qho puav pheej zoo heev.
Thaum kuv hnov tias coob leej mus txog His Xas Lais teb, lawv tu siab rau lub teb chaws kev puas ntsoog, kev ua tsov rog thiab kev teb chaws lam tsis muaj kev thaj yeeb ces muaj coob tus tsaus muag; lawv thiaj li muaj ib lub tsev kho mob tshwj xeeb rau cov mus xyuas teb chaws His Xas Lais es tu siab mob. Tab sis thaum kuv pom txiv Nkias Teeb cov duab no, kuj ua rau kuv zoo siab tias lub Koom Txoos Kas Tos Liv kuj tseem ceev tau ntau qhov chaw keeb kwm kev ntseeg cia thiab mas kuj yog zoo kawg.

**Ntxhuav Mom Xyooj** 11th March 2014, 7:57 pm

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°286

Re: Hmoob Guyane

Post Ntxhuav Mom Xyooj 11th March 2014, 7:57 pm

Nyob zoo kwv npawg Suav Nus

Ua koj tsaug ntau uas koj tseem coj tau ib co duab muaj nuj nqis tuaj tso rau peb tau
saib thiab. Txawm tias peb leej twg tsis tau mus xyuas lub teb chaws ntshiab ntawd
los peb pom nyob hauv duab xwb kuj zoo cuag li peb kuj mus txog thiab yom!

Cov tau mus tsuj lub teb chaws ntshiab ntawd yog ib qho zoo tshaj plaws uas zoo thov txiaj ntsim kawg. Vim tias yog thaj chaw uas Huab Tais Yesxus tau los tsuj thiab nws tes hauj lwm nws ua nyob rau ntawm thaj chaw ntawd. Kuv kuj xav mus
tsuj thaj chaw ntawd kawg thiab. Peb phau ntawv Ntshiab ces yog tawm ntawm thaj
chaw ntawd los xwb xyov kuv puas muaj hmoo mus pom ib zaug li.

Ntxhuav Mom Xyooj

**Mim** 12th March 2014, 4:15 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°287

Re: Hmoob Guyane

Post Mim 12th March 2014, 4:15 am

Nyob zoo Txiv Suav Nus,

Thov koj hais rau txiv Nkias Teeb tias nws zaj lus thiab cov duab piav txog lawv mus pom thiab taug HT Yes Xus tej hneev taw ntau qhov chaw ntau thaj tsam yog ib zaj zoo kawg nkaus. Nws pab kom zoo li peb twb tau nrog lawv mus pom txog twg thiab. Leej twg tau mus tsuj kiag Yes Xus tej hneev taw yeej yog ib qho txiaj ntsim zoo heev. Thiab kuv tseem kawm tau ib yam tshiab uas kuv tsis tau nco xav txog ib zaug li. Xws li txiv Nkias Teeb piav tias Es Lis Xas Npes coj Zam Ntxuav plig mus nkaum ntawm phab tsua, ces nws thiaj dim. Tswv ntuj txuag nkawd, ces Hes Los cov tub rog tsis pom nkawd li. Qhov no kuv yeej tsis tau zav txog ib zaug tias ua li lub caij ntawd Zam Ntxuav plig ho dim tau li cas li. Vim Zam nyuam qhuav hlob Yes Xus rau lub hlis xwb, ces yog lawv nrhiav tau nws lawv yeej yuav tsum muab nws tua thiab. Tsam no kuv mam li ras txog xwb.

Ua tsaug txiv Nkias Teeb uas koj txoj kev mus Teb Chaws Ntshiab txhawb tau peb txoj kev ntseeg mus rau ib theem ntxiv.

**Maiv Tooj** 16th April 2014, 7:27 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°288

Re: Hmoob Guyane

Post Maiv Tooj 16th April 2014, 7:27 am

Kwv txhiaj tsiv nco Nkws Yas 02 02 2014

**Yaj Suav Nus** 5th May 2014, 9:26 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°289

Re: Hmoob Guyane

Post Yaj Suav Nus 5th May 2014, 9:26 am

Nyob zoo cov phooj ywg txhua tus,
Hnub no kuv coj ib co duab tuaj tso rau peb tau saib ua kev sis tham thiab ua puav pheej kaws tseg.

ZOS CACAO GUYANE FAB KIS TEB
HNUB TIM 4 LUB 5 HLIS XYOO 2014

Thaum nej pom cov duab no ces tsis tas piav tias yog duab hais txog dab tsi los nej yeej paub lawm
Kuv tsuas thov tham qhia txog tus puav neeg tseem ceeb xwb.

Tsab Thaj Npis: tus leg txoj hauj lwm thaum pib txog thaum tiav hlo li nej pom no

Tus thawj tswj (Maire) lub cheeb Roura (peb nyiam siv lo lus tias: yawg toj xeem)
Zos Cacao zwm rau lub cheeb Roura

Tus thawj tswj Xeev Guyane (Président de la Région)

Tus nom tswj Xeev Guyane (Préfet)

Muas Txoos Foom (qub tub rog Fab Kis) thiab nom Tswj Xeev (Préfet) tab tom qhib daim ntaub

Txiv Plig Vam Tuam thiab ib tus ntxhais nqa paj mus hawm daim phiaj rov los

Tus tswj Xeev thiab ib tug me ntxhais nqa paj mus hawm daim phiaj

Npaj hu zaj nkauj Tsa Chij (La Marseillaise)

Tas sawv daws nyob ntsiag to hawm lub suab paj nruag thiab zaj nkauj tsa Chij

Duab ua kev sis tham thiab khaws tseg kuv tso npaum li no xwb. Muaj kev lom zem dhia nkauj nrog suab paj nruag thiab kev noj kev haus, tab sis vim yog teeb mee internet tsis muaj zog txaus ces kuv thov nej ho zam rau kuv thiab, nej leej twg ho muaj lus xav nug lo puav mas txhob ua siab deb, nej nug kuv tau, kuv yuav zoo siab teb raws li teb tau.
Ua tsaug rau nej lub sij hawm nrog kuv saib duab thiab sis tham. Sis ntsib dua lwm lub sij hawm.

Y. Suav Nus

**Maiv Tooj** 18th August 2014, 3:21 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°290

Re: Hmoob Guyane

Post Maiv Tooj 18th August 2014, 3:21 am

Hmoob los Nkws Yas teb

Lus tham pem nrog Hmoob neej Hmoob tsav.

Txawm tias muaj tej txhia Hmoob tsis xav lees thiab tsis xav hlub yus haiv neeg, nyob lub teb chaws twg qog teb chaws ntawd lus hais, ua txuj tsis paub yus lus Hmoob, qiv luag toj ua noj, txais luag tais rau ntxhai li tej laus hais. Teeb meem, vim yus plhis tsis tau ua mab sua, yus lam npuab luag qab tshob tsa luag tw ntxiab. Tiam sis, luag lub ncauj lam tias hlub hos lub siab tuaj pos rhib. Yuav tau txuag yus tej lus, txhob lam taus lam hais : « ua laib lawm ! khes lawm !...» Tej lus hais no twb tsis yog lus hmoob thiab rhuav mab sua lus puas tsuaj tag, tsis hais mab sua lus thiab. Tiam sis, zoo siab tias tseem tshuav tej txhia Hmoob thoob tsib to nrog, tseem txuag zias yus poj koob yawm txwv tus roj tus hneev lub txiaj lub ntsig, tej lus, tej txuj ci, caj ces, kev neej kev tsav, khaws yus lub npe kom txhob poob.
Ob peb lo lus no, yog hais qhib phiaj tham pem nrog Hmoob neej Hmoob tsav, txawm yuav nyob rooj teb twg kom tau kev sib fim, muaj kev sib hu, ntaus xov sib cuag thoob plaws ntiaj teb. Hmoob lub neej, Hmoob tsuas xyeej tsawg tsis xyeej coob, nyob sov zej, ua neej sov siab. Hmoob yim coob teb chaws twg, tub ntxhais yim muaj kev xaiv txij xaiv nkawm, Hmoob kev neej kev tsav yim hlob thiab muaj zog.

Kwv tij neej tsa Hmoob tshiab txom nyem.

Tau 2 lub hlis los no, muaj ib pab kwv tij neej tsa Hmoob tuaj poob rau lub teb chaws ze Nkws Yas teb, Fab Kis av. Cov kwv tij neej tsa Hmoob no raug txom nyem 2 yam li no :

1- Lub neej kev nrhiav noj nrhiav haus. Tam sis no, lawv tuaj poob hav zoov hav tsuag, tsis tau muaj hauj lwm dab tsi rau lawv ua. Vim lawv xav tias tuaj txog yuav muaj dej num ua tsis tag. Ib hlis twg lawv yuav tau nyiaj hnub nyiaj hli npaum ub npaum no xa rov qab mus txhawb poj lag tub se. Tiam sis, tsis yog li lawv siab xav. Lawv yuav xeem pheev, xeem cog noob qoob noob tsa thiaj tau mov noj. Tsis tau kev nrhiav ib lub nyiaj qhov twg ces tsis muaj ib lub mov noj. Lawv txhawj loj kawg rau qhov noj qhov haus, xyov yuav tav twg thiaj
yuav muaj mov noj.

2- Nyob siab ntsws lwj ntsuav. Dua ntawm qhov noj qhov haus, siab ntsws khuam ntab khuam ntuv nyob kho siab khuav. Vim lawv 22 leeg tuaj no, muaj 3 khub thiaj tuaj tag txij nkawm xwb. Dua li cov, tus txiv tuaj tshuav poj lag tub se khuam ib sab ntuj deb kev ncua ntev, los tuaj tus niam tseg tus txiv thiab me nyuam ua nas ua noog ib sab ntuj puag teb tom qab.

Tiv kev txom nyem thiaj tau kev vam meej.

Kev tsiv teb tsaws chaw yeej yuav txom nyem ua ntej mam kawm paub luag lus tom qab, npaj tau teb mam nrom noob qoob noob tsa, khwv tu tsiaj puv nkuaj mam muaj nqaij noj txuas pluas…Yuav xub tiv kev txom nyem thiaj tau kev vam meej. Txawm li cas los hais rau kwv tij neej tsa nraum ub nraum no paub kom ua siab loj. Thov sawv daws pab txhawb cov kwv tij neej tsa Hmoob no kom muaj zog tiv dhau lawv koj kev txom nyem thiab kev kho siab. Luag nom tswv twb qhib kev rau lawv tuaj txog chaw.
Luag yeej yuav tso kev dav ib hnub twg rau lawv mus rub lawv tus txij tus nkawm tes los sib cuag, tos tus txheeb tus ze tuaj ua ke. Hnub ntawd, lawv yuav tsis nco txhawj xeeb dab tsi thiab tsis muaj kev kho siab lawm.

Javouhey 05.05.2014 Cwj Vuam Chiv

Muab los ntawm website: Aumônerie Hmong.fr[/color]

Last edited by Maiv Tooj on 18th August 2014, 3:26 am; edited 1 time in total

**Maiv Tooj** 18th August 2014, 3:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°291

Re: Hmoob Guyane

Post Maiv Tooj 18th August 2014, 3:23 am

Hmoob nyob Nkws Yas Teb

Ob Peb Lo Lus Tshaj Xo

Ib tsoom phooj ywg Hmoob,

Muaj ob peb lo lus nrog ib tsoom phooj ywg sawv daws tham. Peb twb tau hais txog cov kwv tij neej tsa Hmoob tuaj poob ze rau ntawm Guyane teb thaum lub peb hlis ntuj 2014 no. Muaj ib txhia lawv nyob tsis taus, vim tshuav poj niam tub se nyob tom qab ua chaw khuam siab. Cov ntawd rov qab mus txog vaj txog tsev lawm.

Tshuav cov yuav ua siab nyob twb tuaj txog chaw lawm. Vim li ntawd, hnub no, cov nom tswv teb chaws ntawd tso neeg tuaj nrog peb tham hais txog kev pab cov yuav nyob :

1-Luag yuav pab cov Hmoob mus txog 6 lub hlis (janvier 2015), kom cov lawv muaj noj haus, muaj chaw kho mob, muaj me ntsis nyiaj siv. Ntawm nyiaj siv, nom tswv tuaj ib nrab hos xav thov tsoom Hmoob nyob sab Guyane tuaj ib nrab, ces ib tug Hmoob tau ib hlis 100 €.
Peb kuj tau teb tias cia nrog kwv tij neej tsa Hmoob tham tag peb thiaj li teb tau ib los meej rau nom tswv tom ntej no.
Tsis tas li ntawd, nom tswv yuav npaj tos cov poj niam tub se ntuj qub qab tuaj kom lawv thiaj dim kev nyuaj siab thiab ua tseej lub neej nyob teb chaws ntawd.

2-Qhov ob : Nom tswv xav tau noob qoob noob loo kom sai sab Guyane mus rau cov kwv tij neej tsa cog. Qhov no yuav tsis nyuaj. Cov Hmoob ua teb sab no kuj tuaj yeem zoo siab mus pab xaiv av thiab nrom noob qoob noob loo sab ub kom lawv lub neej sawv 4-5 xyoos saum no.

3-Qhov kawg, nom tswv kuj caw cov hluas tsis muaj liaj teb ua noj sab no, mus ua noj rau sab ub. Peb zoo siab rau nom tswv txoj kev qhib dav tos peb Hmoob mus tsa lawv lub teb chaws kom fab ua noj sawv li nyob sab Guyane.

Sib ntsib dua lwm tsab ntawv,

Cwj Vuam Chiv Javouhey 5 juillet 2014

Muab los ntawm website: Aumônerie Hmong.fr

**Yaj Suav Nus** 8th April 2015, 12:12 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°292

Re: Hmoob Guyane

Post Yaj Suav Nus 8th April 2015, 12:12 pm

Nyob zoo cov phooj ywg txhua tus,
Tau ntev uas kuv tsis tau tuaj ntsib nej lawm, pom tias nej txhua tus puav leej nyob zoo.
Hnub no kuv tuaj hais ib lo lus nyob zoo rau nej thiab tso ob peb daim duab ua kev xa moo xwb, vam tias nej yuav nrog kuv zoo siab thiab:

Xyoo no Tswv Qhia cia TP. Cwj Vuam tuaj nrog peb ua lub ntees Hla

Nyob hauv Hmo Hla xyoo no muaj 3 tug me nyuam thiab 3 tug laus txais lub Cim Ntxuav

Thov kom peb tus Huab Tais Yes Xus txoj kev sawv rov los tau cawm peb kom peb tau txoj sia
nyob mus li nrog peb tus Huab Tais Yes Xus.

Y. Suav Nus

**Yaj Suav Nus** 1st June 2015, 12:45 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°293

Re: Hmoob Guyane

Post Yaj Suav Nus 1st June 2015, 12:45 pm

Nyob zoo cov phooj ywg, tau ntev tsis tau tuaj nrog nej tham.
Caw nej mus saib ib qho video uas yog lub tshaj xo TV. Gyane rov tso tawm hnub tim 31/05/2015.

http://www.franceo.fr/emission/archipels

Saib nej puas saib tau. Lawv pub sawv daws saib lub lis piam no xwb,

Y.Suav Nus

**Maiv Tooj** 3rd June 2015, 8:43 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°294

Re: Hmoob Guyane

Post Maiv Tooj 3rd June 2015, 8:43 am

Nyob zoo txiv Suav Nus,

Ua tsaug rau daim vedeo reportage, ua tau zoo kawg thiab txaws kawg. Pom tias Peb Hmoob muab tau lub meej mom los rau luag pom lawm tiag lauj! Thov qhuas Peb tsoom Hmoob lub laj lim peev xwm.

**Mim** 3rd June 2015, 5:09 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°295

Re: Hmoob Guyane

Post Mim 3rd June 2015, 5:09 pm

Nyob zoo txiv Suav Nus,

Kuv saib tsis tau li as. Tej zaum peb tsis yog Fab Kis ces lawv tsis pub pom os.

**Maiv Tooj** 3rd June 2015, 9:06 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°296

Re: Hmoob Guyane

Post Maiv Tooj 3rd June 2015, 9:06 pm

Nyob zoo Mim,

Yeej saib nyuaj me ntsis, koj qheb nws télécharger ntev tsawv mam tshwm lub site, thaum tshwm lawd koj cliquer daim video tej thaum mas qheb kiag tau, tej thaum yog nws pheej kiv ntev ntev no ces koj rov qheb dua tshiab kiag no tseem ho pom sai dua. Nyob cab sab lawm ces yuav nyob qhov twg los yeej saib tau tag nrho li.

**Yaj Suav Nus** 4th June 2015, 4:25 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°297

Re: Hmoob Guyane

Post Yaj Suav Nus 4th June 2015, 4:25 am

Nyob zoo Mim,
Muaj lwm txoj kev mus saib tau yog: Mus rau Google, koj mus nrhiav "Archipels le Dragon de Guyane" koj yuav pom muaj qhov sau: Rediffusé le Dimanche 31-05-15... Tshuav 2 hnub lawm xwb uas tseem saib tau.

Y. Suav Nus

**Mim** 4th June 2015, 5:00 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°298

Re: Hmoob Guyane

Post Mim 4th June 2015, 5:00 pm

Txiv Suav Nus thiab tais Tooj,

Ua tsaug rau neb cov lus tuaj qhia kuv. Kuv mus taum qhov twg los yeej tawm dub nciab xwb, thiab sau ib co lus hais tias lawv tsis pub cai rau peb xyuas nyob teb chaws ntawm no no xwb, ces yeej xyuas tsis tau os. Tsis ua li cas os.

**Yaj Suav Nus** 20th January 2017, 6:21 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°299

Re: Hmoob Guyane

Post Yaj Suav Nus 20th January 2017, 6:21 am

Nyob zoo tsoom phooj ywg sawv daws, tseg tau ib ntus ntev kawg tsis tau tuaj nrog nej sis tham li, Vam ntsoov tias nej txhua tus tau txais txoj kev noj qab nyob zoo xwb !
Kuv tsis muaj lus tseem ceeb, qhov qab hau yog lo lus nyob zoo xwb; thiab qhia ib qho twb tsis tsim nyog yuav tau qhia li. Xyoo no tuaj dua ib tug Txiv Plig tshiaj tuaj nrog peb nyob yog tuaj hloov Txiv Plig Vam Tuam chaw, tus Txiv Plig tuaj tshiab no peb tau muab ib lub npe Hmoob rau nws hu ua: Txiv Plig Txawj Hwj, vim nws lub npe mas peb cov neeg laus hais tsis tau meej. hauv qab no kuv tso ob daim duab kom tau pom nws thiab ua puav pheej.