Hmoob Guyane

**Yaj Suav Nus** 2nd December 2012, 11:28 am

Yaj Suav Nus: Phooj Ywg; Messages : 268
Date d'inscription : 2009-10-23

Post n°251

Re: Hmoob Guyane

Post Yaj Suav Nus 2nd December 2012, 11:28 am

TSHIAB PEB CAUG 2012-13 CACAO, NKWS YAS.

Nyob zoo cov phooj ywg txhua tus,
Zos Cacao twb noj peb caug tas tau ntau hnub lawm, vim kuv muaj teem meem internet ces thiaj li tsis tau tso cov duab rau nej tau saib laug sij hawm. Hnub no yog muaj txoj hmoo zoo kuv thiab li rov tau tuaj tso ib co duab, muab xav tias yog ib co lus nrog nej tham thiab xa lub moo xwb. caw nej nrog kub saib ua ke !

Last edited by Yaj Suav Nus on 3rd December 2012, 4:22 am; edited 1 time in total

**Maiv Tooj** 2nd December 2012, 7:11 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°252

Re: Hmoob Guyane

Post Maiv Tooj 2nd December 2012, 7:11 pm

Nyob zoo Xyoo Tshiab txiv Suav Nus,

Tsis ntev twb tag ib xyoos
Tsis ntau twb dhau lawm ib niaj
Thov kom Xyoo Tshiab nej sawv daws noj qab nyob zoo
Thov kom xyoo 2013 nej sawv daws nyob ruaj nreb xws caj zeb.

Zoo siab uas koj tuaj tshaj nej kev noj qab haus huv, kev lom zem xa xyoo laus txais xyoo tshiab rau Peb Hmoob ntiaj teb pom. Nej Hmoob Kas Kaus txawm coj ib tug ywm ntxwv zoo ua qauv rau tsoom Hmoob thoob ntiaj teb xyaum, nej muaj lub siab qhua plias, khwv txhawm rau lub neej mus rau kev vam meej, nej khwv kom muaj noj muaj haus tuav lub hwj chim meej mom, nej muaj noj los nej tsis tsa nej hwj chim loj, nej muaj hnav los nej tsis tsa nej hwj chim nyhav, nej lub neej nce siab los nej tseem khaws Peb Hmoob txuj toj siab tuav ncuav ntshav los noj tsiab. Muaj nyiaj puv nas los tseem lauj zias lub caij nyoog mus ua kom tau nplej ntshav los tuav ncuav ntsw suab thaj. Kuv thov qhuas nej mog Hmoob Guyane.

Txiv Suav Nus, nej lub Peb Caug xyoo 2012-13 no yog hnub twg rau hnub twg? Thiab cov ncuav ntshav no puas yog cov duab ua nplej saus cov nplej coj los tuav?

Ua tsaug.

**Yaj Suav Nus** 3rd December 2012, 8:02 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°253

Lub txoos xaus xyoo laus txais xyoo tshiab...

Post Yaj Suav Nus 3rd December 2012, 8:02 am

Nyob zoo Maiv Tooj thiab cov phooj ywg,
Cov hnub peb zos Cacao noj peb caug kuv twb sau ib zaug lawm yog 31/10/2012 - 5/11/2012, cov ncuav ntshav thiab ncuav dawb uas kuv tau tso tas los ntawd ces yog cov nplej los yog cov duab yav dhau los lawd kuv tau tso txij hnub cog los txog rau cov duab hnub hlais nplej li koj hais lawm os !
Txuas ntxiv no kuv caw nej nrog saib cov duab lub Txoos teev ntuj xaus xyoo laus thiab txais xyoo tshiab,foom hmoov zoo rau txhuv thiab qe, thiab lwm tsiab xaus xyoo laus txais xyoo tshiab...

1-

2-

3-

4-

5-

6-

7-

8-

9-

Zaj nyeem ib

10-

Tsob Hwb Yaj Nkias Teeb nyeem ntawv Moo Zoo

11-

Leej Choj nthuav ntawv Moo Zoo

12-

13-

14-

15-

16-

17-

18-

19-

20-

21-

22-

Xaus lub txoos

23-

Cov niam tsev thiab txiv tsev los nqa ib qho dej coj mus foom hmoov zoo rau lawv lub tsev

24-

25-

26-

Xyoo no cov tswj hwm phab kev ntseeg ntawm zos Cacao nrog rau tus Txiv Plig zoo siab ua lub txoos xaus xyoo laus txais xyoo tshiab thiab qhov kab ke foom hmoov zoo rau txhuv thiab qe ntawm lub tsev ua si raws li cov duab nej tau saib los saud.

Last edited by Yaj Suav Nus on 5th April 2013, 7:19 pm; edited 2 times in total

**Maiv Tooj** 3rd December 2012, 9:49 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°254

Re: Hmoob Guyane

Post Maiv Tooj 3rd December 2012, 9:49 am

Txiv Suav Nus,

Zoo kawg, ua tsaug ntau. Nej noj Peb Caug lom zem thiab tsim nyog kawg nkaus.

Kuv qhia ib qho kev yooj yim rau koj.

Thaum koj xaiv koj cov duab uas koj yuav coj tuaj tso, koj sau N° rau thiab tus référence daim duab rau ntawm ib daim ntawv. Ces thaum koj yuav tso rau hauv Forum, koj cia li saib cov Références xwb, tsis txog koj saib daim duab kiag, thiaj sai thiab tsis txaij qhov muag rau koj. Dua li, yog koj tso duab ntau lawm, koj tso N° rau hauv Forum thiab, thaum muaj ib daim yuav kev koj thiaj kho tsis nyuaj.

Ua tsaug ntau rau koj cov duab, zoo nkauj kawg nkaus.

SAIB VIDEO HMOOB CACAO NOJ TSIAB PEB CAUG.

Nias no: https://youtu.be/XJoxThcZUdM

**Maiv Tooj** 3rd December 2012, 10:34 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°255

Re: Hmoob Guyane

Post Maiv Tooj 3rd December 2012, 10:34 am

LUB NEEJ HMOOB THAUM UB.

**Yaj Suav Nus** 4th December 2012, 6:05 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°256

Xiab ib...

Post Yaj Suav Nus 4th December 2012, 6:05 am

Nyob zoo cov phooj ywg txhua tus,
hnub no kuv rov tuaj tso ib co duab, yog hnub xiab ib thiab hnub qhib kev ua si. Caw nej saib ua kev laug sij hawm los yog kev sib fim.

Tus thawj tswj tsiab peb caug

Xyoo no cov tswj tsiab peb caug tau caw Maiv Huas Hawj tuaj

Mam tso ntxiv....

**Lajpovyaj** 4th December 2012, 1:20 pm

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°257

Re: Hmoob Guyane

Post Lajpovyaj 4th December 2012, 1:20 pm

Nyob zoo txiv Suav nus.
Ua tsaug koj tseem siv lub sij hawm muaj nuj muaj nqis tuaj tso nej cov duab noj 30 rau peb saib mog.
Cov Hmoob uas tawg rog hauv nplog teb tuaj mus nyob txawv teb chaws mas ntshe tshuav nej cov tuaj nyob Guyane no thiaj li tseem tuav tau Hmoob tej kev cai kev noj tsiab noj txhu nquam paj nquam nruas lawm xwb lau.
Peb ces twb tsis nco txog tias xyoo laus tas xyoo tshiab tawm tuaj txog caij noj tsiab noj txhu noj 30 ces yuav npaj dab tsi li lawm.Hais txog kev npaj pluas nyuag mov noj xa xyoo laus txais tos xyoo tshiab ces yeej tseem muaj tab sis twb tsis nco qab tias yuav tuav ncuav yuav lwm qaib li lawm.
Nej tseem tuav ncuav li nyob nplog teb tiag tiag laiv yom.Peb ces nim no tsis tuav ncuav hauv dab ntoo li nej lawm.
Lam mus yuav cov tsu cub ncuav tuav ncuav los siv lawm xwb.

**Yaj Suav Nus** 4th December 2012, 2:59 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°258

Re: Hmoob Guyane

Post Yaj Suav Nus 4th December 2012, 2:59 pm

Nyob zoo LaPaoYang,
zoo siab koj tuaj nrog saib kuv cov duab, thiab ua tsaug rau koj cov lus qhua, yog ib qho kev cuab kuv lub zog loj kawg lawm ov !

Kuv rov tso ob peb daim duab ntxiv, caw koj thiab tas nrho ib tsoom phooj ywg nrog saib.

Ntaus qe hlau - Tug kum tug

Duab Video twb muaj neeg tso me ntsis hauv youtube lawm,
kuv thov tso ib qho ua puav pheej xwb,
vam tias nej yuav nrog kuv zoo siab thiab

Ua tsaug rau tag nrho ib tsoom phooj ywg thiab nej cov uas tuaj nrog kuv saib duab, duab mas yeej thau tam ntau, kuv tsuas tso npaum li no ua kev xo xa moo thiab khaws tau ua phuav pheej. Nej sawv daws tau txhawb kuv lub zog loj kawwg nkaus li os ! Yog ho tso tau tej daim duab nej tsis nyiam los yog ua teeb meem rau nej no thov nej pab hais qhia rau kuv, kuv yuav zoo siab hlo kho.
Xyoo tshiab tuaj no kuv thov kom tas nrho ib tsoom phooj ywg thiab txhua tus tuaj nrog kuv saib duab, tau ntsib kev noj qab nyob zoo.

Y. Suav Nus

Last edited by Yaj Suav Nus on 5th April 2013, 8:18 pm; edited 1 time in total

**dejntwstsirovqab** 4th January 2013, 9:31 pm

dejntwstsirovqab

dejntwstsirovqab: Messages : 29
Date d'inscription : 2009-11-30

Post n°259

Nyob zoo xyoo tshiab txog peb hmoob sawv daws

Post dejntwstsirovqab 4th January 2013, 9:31 pm

Ua tsaug koj cov duab os phooj ywg ..Yaj suav nus
koj thaij tau zoo kawg lawm.
muaj koj peb hmoob thiaj tau pom kev txawv txav nyob Guyane.

thov kom peb Txiv Tswv Ntuj nrog Nraim koj nawb Phooj ywg..

Nyob zoo xyoo tshiab rau nej sawv daws.

Sib Ntsib dua..

Muas Nkaj tsab

**Yaj Suav Nus** 5th January 2013, 4:23 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°260

Re: Hmoob Guyane

Post Yaj Suav Nus 5th January 2013, 4:23 am

Nyob zoo tus phooj ywg dejntwstsisrovqab,
Zoo siab koj tau nrog kuv saib kuv cov duab thiab ua tsaug rau koj lo lus qhuas, yog ib lo lus txhawb kuv lub zog kawg nkaus li ov ! Ua tsaug koj lo lus hais nyob zoo xyoo tshiab rau peb sawv daws, kuv thov hais nyob zoo xyoo tshiab rau koj thiab koj tsev neeg, peb Txiv Tswv Ntuj nrog koj nyob nraim ua koj siab kaj lug.
Sis ntsib dua lwm zaus.

Y. Suav Nus

**Yaj Suav Nus** 14th February 2013, 4:49 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°261

Hnub txais tshauv - Caij 40

Post Yaj Suav Nus 14th February 2013, 4:49 am

Nyob zoo cov phooj ywg txhua tus,
Tau ib me ntu lawm tsis tau tuaj nrog nej sib tham, hnub no tuaj hais nyob zoo rau nej txhua tus. Kuv tsis txawj yuav hais ib zag dab tsi zoo kom phim lub caij 40 ces kus tso ob peb daim duab ua ib co lus tham xwb, vam tias nej txhua tus yuav nrog kuv zoo siab thiab.

Thov kom lub caij 40 no peb txhua tus txawj ua tau ib tug zoo qauv rau cov neeg nyob ib ncig ntawm peb.
Sis ntsib dua lwm zaus, nej sawv das nyob zoo.

Y. Suav Nus

**Maiv Tooj** 15th February 2013, 10:55 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°262

Re: Hmoob Guyane

Post Maiv Tooj 15th February 2013, 10:55 am

Txiv Suav Nus,

Ua tsaug ntau uas koj tuaj tshaj nej lub Hmoov txais Tshauv rau peb saib. Koj cov duab zoo nkauj kawg li.

Ua tsaug ntau.

**Yaj Suav Nus** 19th February 2013, 12:16 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°263

Lub caij Plaub Caug

Post Yaj Suav Nus 19th February 2013, 12:16 pm

Nyob zoo cov phooj ywg txhua tus,
Rov qab tham ib los txog lub caij Plaub Caug no ib zaug ntxiv tias nyob hauv pawg ntseeg ntawm peb zos Cacao no muaj teev ntuj txhua txhua hnub ob (Lundi) Thaum tsaus ntuj rau cov yim neeg muaj tus laus los yog muaj tus muaj txiab xeeb, dua li ntawd yog lub caij Plaub Caug tsis tau tas cov yim neeg tsis hais yim neeg loj los yim neeg me yog tias lawv xav kom muaj teev ntuj hauv lawv tsev los yeej muaj mus teev ntuj nyov lawv tsev thiab, yog tias tsis muaj yim neeg twg xav kom mus teev ntuj nyob lawv tsev los yeej muaj teev ntuj nyob hauv lub tsev teev ntuj. Qhov kuv tham no mas nyob hauv txhua txhua xyoo dhau los yeej muaj lawm.
Caw nej nrog saib ob peb daim duab ua phuav pheej:

Teev ntuj hauv Yaj Suav Nus tsev

Yog tias lwm zaus thau tau duab thiab tus tswv tsev xav kom tso rau nej tau saib no mas li tso dua, yog tsis pom rov tso dua lawm no los vam tias nej yuav tsis xav li cas... es cia rov txog lwm xyoo mas li ho rov tso dua ua lus sis tham.
Ua tsaug rau nej txhua tus nrog saib, cuag li nej twb nrog kuv txuas lus lawm !
Nej sawv daws nyob zoo.

Y. Suav Nus

**Maiv Tooj** 21st February 2013, 7:19 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°264

Re: Hmoob Guyane

Post Maiv Tooj 21st February 2013, 7:19 am

Nyob zoo txiv Suav Nus,

Ua tsaug uas koj muab koj lub tsev rau peb saib, thov qhuas koj, koj ua tau koj lub tsev zoo nkauj kawg. Thov kom Tswv Ntuj pov hwm koj, muab lub dag lub zog thiab koob hmoov rau koj.

**Yaj Suav Nus** 21st April 2013, 12:44 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°265

Re: Hmoob Guyane

Post Yaj Suav Nus 21st April 2013, 12:44 pm

Nyob zoo cov phooj ywg txhua tus,
Kuv tsis muaj dab tsi tseem ceeb li os ! tau ntev tsi tau tuaj ntsib nej li, , thov hais nyob zoo rau nej txhua tus xwb os ! Thov nej ho zam lub txheej rau kuv thiab ov !

Y. Suav Nus

**Yaj Suav Nus** 29th April 2013, 3:45 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°266

Lub ntees Hla 2013 - Javouhey

Post Yaj Suav Nus 29th April 2013, 3:45 am

Nyob zoo cov phooj ywg txhua tus,
Lub ntees Hla twb dhau tau ntau lis piam, vim yog muaj me ntsis teeb meem khuam thiaj li tsis tau tuaj tham lub ntees Hla xyoo no ua kev xa xov xa moo, vam tias qeeb me ntsis lawm los nej txhua tus yuav zam tau rau kuv.
Xyoo no kuv xub npaj hais tias yuav tham cov ntseeg ntawm lub zos Javouhey (Guyane) rau sawv daws hnov thiab.
Ua ntej tshaj plaws kuv xub ua tsaug thiab qhuas txog cov neeg ntseeg, cov Xib Hwb nrog rau tus Txiv Plig (TP. Vam Tuam)ntawm lub zos Javouhey, lawv txhua tus tau ua ntau txoj hauj lwm zoo thiab tsim nyog qhua kawg li.
Hmo Hla xyoo 2013 no nyob ntawm lub zos Javouhey muaj 14 yim neeg txais lub cim ntxuav, tas nrho cov laus thiab cov me nyuam yog 71 leeg. Nyob hauv 14 yig no mas muaj ntau tus nyab los yog niam tsev twb tau txais lub cim ntxuav thiab cim Txhab Zog puag thaum tseem hluas (thaum tseem nrog niam txiv nyob tsis tau yuav txiv), txij thaum yuav txiv tas ces mus yoog raws li tus txiv tsev neeg lawm, tab sis txoj kev ntseeg mas yeej tsis tau tso tseg; twb yog cov nyab los yog cov niam tsev zoo no muaj txoj kev ntseeg ces lawv txoj kev ntseeg muaj qhov pab rub tau lawv tsev neeg los txais tib txog kev ntseeg.
Caw nej nrog saib duab, saib duab tas mam rov tham me ntsis txuas ntxiv:

Lub tsev teev ntuj tsis txaus sawv daws nyob,
Lawv npaj ntau lub rooj rau sab nraum zoov rau sawv daws
Muaj ntau leej tuaj ntawm lub zos Cacao
Muaj cov neej tsa tuaj ntawm cov zos nyob ib ncig zos Javouhey
Muaj cov neeg txheeb tuaj ntawm txhua qhov hauv teb chaws Guyane

Xib Hwb Lis Vam Neeb nyeem zaj nyeem ib

Tsab Kaj Tshiab nyeem zaj nyeem ob

Tsob Hwb Hawj Nyiaj Nkaub nyeem ntawv Moo Zoo

Leej Choj (TP. Zaus Kas) nthuav ntawv Moo Zoo

Lub tsev teev ntuj nqaim, cov yuav txais lub cim Ntxuav coob,
muab faib ua 3 qhov chaw ntxuav
Nov yog thawj qhov chaw, TP. Vam Tuam

Qhov 2, TP. Zaus Kas uas tuaj ntawm lwm lub zos tuaj pab

Qhov 3, Tsob Hwb Hawj Nyiaj Nkaub

TP. Vam Tuam nrog tus tub pab nqa tais dej Ntshiab foom hmoov zoo

TP. Vam Tuam pov dej foom hmoov zoo rau cov ntseeg

Cov duab Hmo Hla kuv tso npaum li no los ua kev sib fim nrog nej txhua tus xwb.
Caw nej soj qab mus saib rau hnub Chiv Hla.

Y. Suav Nus

**Yaj Suav Nus** 30th April 2013, 2:20 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°267

Hnub Chiv Hla

Post Yaj Suav Nus 30th April 2013, 2:20 pm

Txuas ntxiv no yog ob peb daim duab hnub Chiv Hla:

Ua lub txoos hnub chiv Hla tas
cov txais lub cim Ntxuav Hmo Hla yuav tau sau thiab kos npe,
cov ua niam ua txiv yuav tau sau thiab kos npe rau lawv cov me nyua me

Cov ntseeg muab ib tug tsiaj loj los ua ib pluas mov rau sawv daws noj
ua kev zoo siab thiab kev lom zem
rau cov nyuam qhuav txais lub cim Ntxuav Hmo Hla
rau cov ntseeg txhua txhua tus
thiab rau cov ntseeg tuaj lwm qhov tuaj koom...

XH. Yaj Nom Rwg tab tom hais ib co lus rau sawv daws

TP. Vam Tuam hais ib co lus ntxiv thiab

Daim duab thau ua ntej lub ntees Hla
Cov niam tsev thiab cov ntxhais hu nkauj

Liaj Cas thiab niam Liaj Cas
Ob tug thawj coj ntaus paj nruag thiab hu nkauj
Kuj muaj ob peb tug nrog nkawd ntaus paj nruag thiab hu nkauj
thov txim uas kuv tsis tau muab lawv cov duab thiab npe sau

Cov phooj ywg, peb saib duab tas zoo li kuv tsis txawj tham dab tsi ntxiv lawm ! Cov duab Hmo Hla thiab Hnub Chiv Hla uas kuv tso tas los thiab tas nrho txhua los lus kuv sau: yog daim duab twg, lo lus twg uas nej pom tias tsis haum nej siab, nej tsis xav kom muab tso los yog nej xav kom kuv kho mas kuv thov nej txhob ua siab deb, nej hais qhia kuv ov! kuv yuav zoo siab hlo hloov thiab kho raws li kuv lub peev xwm. Ua tsaug.
Kuv rov ua tsaug dua ib zaug ntxiv rau nej txhua tus uas tau nrog kuv saib duab, nej nrog saib duab xwb twb yog ib lub zog txhawb kuv lub zog thiab txoj kev qhuag lawm ntau kawg.
Kuv thov kom nej sawv daws tsuas muaj ntsib kev noj qab nyob zoo.

Y. Suav Nus

Last edited by Yaj Suav Nus on 3rd June 2013, 5:37 pm; edited 1 time in total

**Maiv Tooj** 3rd May 2013, 10:33 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°268

Re: Hmoob Guyane

Post Maiv Tooj 3rd May 2013, 10:33 am

Nyob zoo txiv Suav Nus,

Ua tsaug rau koj qhia txog nej lub moo zoo rau peb. Yog ib lub txiaj ntsim zoo uas xyoo no Tswv Ntuj tsev neeg huaj vam ntxiv. Nej nyob txawm zej txawm zos mas dab tsi los yeej ua tau zoo tshaj li. Thov kom Tswv Ntuj ua lub kaus roos nej, kom tsuas muaj vam meej mus ntxiv lawm yav tom ntej.

**Yaj Suav Nus** 3rd June 2013, 6:59 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°269

Ib co me nyuam txais Lub Cim Yug thawj zaug...

Post Yaj Suav Nus 3rd June 2013, 6:59 pm

Nyob zoo cov phooj ywg txhua tus,
Tau ib nyuag ntu tsis tau tuaj tham txog dab tsis rau nej li, hnub no rov tuaj tham qhia rau nej txog ib co me nnyuam txais lub Cim Yug thawj zaug thiab ib co niam txiv coj lawv cov me nyuam tuaj txais lub Cim Ntxuav, yog hnub Chiv hwm lub Cim Yug (hwm Yes Xus lub Cev thiab cov Ntshav). Zoo siab tso ib co duab rau nej tau saib, muab xav hais tias cov duab yog ib co lus nrog nej sis tham, thaum nej saib duab mas zoo cuag li nej tab tom nrog kuv tham...

Cov niam txiv, cov me nyuam thiab cov niam qhuav thiab cov txiv qhuav

Cov me nyuam yuav txais lub Cim Yug thawj zaug

Tsob Hwb Yaj Nkias Teeb ua thawj nqe kab ke
hom Ntoo Cuam lub cim rau saum cov me nyuam hauv pliaj

Cov niam qhuav thiab txiv qhuav kuj hom Ntoo Cuam lub cim
rau saum cov me nyuam hauv pliaj thiab

Cov niam txiv uas muaj me nyuam txais lub Cim Yug thawj zaug
thiab cov niam txiv uas coj lawv cov me nyuam tuaj txais lub cim Ntxuav
sib koom npaj ib co dej thiab tej yam txom ncauj rau sawv daws
noj thiab haus ua ke ua kev zoo siab thiab lom zem

Ua tsaug, nej tuaj nrog kuv saib duab ua kev sis fim thiab sis tham.
Kawg no thov kom Huab Tais Ntuj pov hwm nej txhua tus...

Y. Suav Nus

**Yaj Suav Nus** 2nd July 2013, 2:10 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°270

Txais Cim Txhab Zog

Post Yaj Suav Nus 2nd July 2013, 2:10 pm

Nyob zoo cov phooj ywg txhua tus,
Zoo li kuv nyuam qhuav tuaj tham txog nyob ntawm peb zos Cacao no thaum lub 6 hli tim 2 muaj ib co me nyuam txais lub Cim Yug thawj zaug thiab ib co me nyua txais lub Cim Ntxuav, tsis ntev li txawm siv tag ib hlis. Hnub no kuv rov tuaj tham txog hnub Chiv tim 30 lub 6 hli xyoo 2013 uas nyuam qhuav dhau los no muaj ib co hluas tau txais lub Cim Txhab zog, kuv tso ib co duab uas kev sis tham xwb vam tias nej sawv daws yuav zoo siab nrog kuv saib:

Cov hluas txais lub Cim txhab Zog yog 28 leej

Raws li cov duab mas nej tsis pom tus Tswv Qhia,
Tswv Qhia muaj chaw khuam nws tuaj tsis tau,
Tswv Qhia xa ib tug Txiv plig tuaj sawv nws chaw thiab tso cai rau tus Txiv Plig nyob ntawm chaw nrog ua lub Cim Txhab Zog.

Cov phooj ywg, kuv tso duab npaum li no ua kev sis tham xwb, ua tsaug rau nej txhua tus uas tau nrog kuv saib duab, peb mam sis tham dua lwm lub sij hawm, nej sawv daws nyob zoo.

Y; suav Nus

**Yaj Suav Nus** 19th July 2013, 8:34 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°271

JMJ - Hnub ntiaj teb tsoom hluas

Post Yaj Suav Nus 19th July 2013, 8:34 am

Nyob zoo cov phooj ywg txhua tus,
Xyoo no lub Koom Txoos Catholique teem cov hnub ntiaj teb tsoom hluas (JMJ = Journées Mondiales de la Jeunesse) rau teb chaws Brésil lub nroog Rio. Raws li kuv paub mas yog cov hnub: 22 lub 7 xyoo 2013 txog rau 28 lub 7 hli xyoo 2013.
Muaj tshaj 600 tus hluas tuaj ntawm ntau lub zos nyob thoob Fab Kis teb tuaj mus koom. Muaj ntau tus Txiv Plig, Phauj thiab cov niam txiv coj lawv thiab saib xyuas...
Cov coj ntawm cov hluas JMJ muaj lub hom phiaj muab teb chaws Guyane ua lub chaw so ua ntej txog cov hnub teem, lawv xav kom cov hluas JMJ tau pom ntau qhov chaw sib txawv thiab ntau hais haiv neeg ntseeg hauv lub teb chaws Guyane; hais tau tias tsis hais haiv neeg twg, lub teb chaws twg los xij tsuav yog ntseeg raws lub Koom Txoos Catholique ces sawv daws zoo puav tam li yog ib tsev neeg, sawv daws nyob ua ke hauv tib lub nkoj, tib lub Koom Txoos, ntseeg tib tug Huab Tais Ntuj.
Thaum lub 4 hlis dhau los cov coj ntawm cov hluas JMJ tau sau ntawv tuaj thov kom peb pawg ntseeg pab txais 20 leej hluas JMJ, lawv xav kom 10 yim neeg ntseeg pab txais: yam li ib yim txais 2 tug hluas, thov cov yim neeg txais pab muab lub chaw pw thiab pluas tsais xwb, lawv tus txheej txheem yog tuaj txog hnub tim 13/7/2013 - 17/7/2013 rov mus. Tus Txiv Plig thiab lub rooj tswj ntawm pawg ntseeg thiaj tau teb rov mus rau lawv raws li lawv tau thov. Tus Txiv Plig thiab lub rooj tswj ntawm pawg ntseeg tau npaj ib tug txheej txheem kom phim rau cov hluas JMJ thiab kuj muaj ib co hluas ntawm pawg ntseeg tuaj fim thiab txais lawv, nrog lawv nyob thiab nrog lawv ua si raws li tus txheej txheem...Caw nej saib ob peb daim duab tso ua puav pheej:

Cov niam txiv tos txais cov hluas JMJ, lawv npaj me ntsis dej haus thiab tej yam txom ncauj
Yaj Nkaj Mas sawv cov niam txiv chaw hais ib lo lus txais cov hluas

Ib lub txoos teev Ntuj ntawm cov hluas JMJ

Cov JMJ yuav caij nkoj raws tus dej Comté mus ua si

Thaum sawv ntxov mas nyias noj ntsais ntawm yig neeg nyias nyob lawm
tav su thiab tsaus ntuj cov hluas noj mov ua ke nrog cov hluas ntawm zos

Tsob Hwb Yaj Nkias Teeb nkawd ob niam txiv txais tus Txiv Plig so hauv nkawd tsev
Tus Txiv Plig npe hu ua: Jean-Pascal DULOISY
yog tus saib lub tsev teev ntuj Notre Dame de l'Assomption de Passy
cov hluas JMJ tuaj ntawm Cacao no yog cov tuaj ntawm lub tsev teev ntuj nws saib tuaj

Hmo kawg ntawm cov hluas JMJ
Tus Txiv Plig coj cov JMJ hais ib co lus ua tsaug rau sawv daws

Cov niam txiv tuaj xa cov hluas JMJ rov qab

Raws nej pom mas nyob hauv cov duab muaj daim puav pom muaj ntau tus Txiv Plig,
yog lawm ! muaj daim puav duab pom muaj ntau tus Txiv plig tiag ! cov Txiv Plig ntawd yog ib co Txiv plig uas peb hu ua cov Txiv Plig loj, yam li lawv yog cov saib xyuas tag nrho ntawm txhua txhua pab hluas, cov hluas JMJ tsis yog tuaj ntawm tib lub zos nyob Fab Kis teb tuaj xwb, raws li kuv twb tau hais lawm tias lawv tuaj ntawm ntau lub zos nyob thoob Fab Kis teb thiab txhua pawg hluas JMJ muaj ib tug Txiv Plig, Phauj, ib tug niam tsev los txiv tsev ua tus coj thiab saib. Cov Txiv Plig loj mas ib hnub lawv mus xyuas ntau qhov ntawm cov zos txais lawv cov hluas...Kuv tham tsis ntxaws, vam tias nej yuav to taub zoo lawm.
Pawg ntseeg nyob ntawm (zos Hmoob) Javouhey kuj txais ib co coob kawg thiab, cia saib kuv cov neeg txheeb puas muab tau daim puav duab tsos ua puav pheej rau nej tau saib thiab...yog tias tsis pom kuv rov tso ntxiv lawm los kuv thov nej ho zam thiab.
Kuv hais ib lo lus raws li tus Txiv Plig thiab cov tswj ntawm pawg ntseeg hauv lub zos Cacao tau hais rau sawv daws: Peb zoo siab yuav tos txais nej tsis hais laus los hluas, nej tuaj ib leeg los ib pab; txhua txhua haiv neeg nyob hauv lub ntiaj teb no, nej xub sau ntawv tuaj rau peb ua ntej ntau lub hlis ces peb yuav teb rau nej raws li peb lub peev xwm... (tsuav yog muaj phaj kev ntseeg, tsis tau hais rau cov qhua ntoj ncig saib teb chaws thiab kwv tij)
Cov phooj ywg txhua tus, nej muaj lus dab tsi uas yog hais raws li cov lus tham thiab duab kuv tso los saud mas nej txhob ua siab deb, nug kuv tau kuv yuav teb raws li kuv teb tau rau nej.
Cov phooj ywg ! peb lub cev mus koom tsis tau cov hluas HNUB NTIAJ TEB TSOOM HLUAS = JOURNEES MONDIALES DE LA JEUNESSE (JMJ) peb muab peb lub siab thiab tswv yim mus koom nrog lawv... Lawv yog lub neej yav tom ntej...
Mam sis ntsib dua lwm lub sij hawm, nco ntsoov tias peb yog tib tsev neeg peb koom nyob hau tib lub nkoj thiab peb sawv daws xav mus rau tib qho chaw.

Y. Suav Nus

**Yaj Suav Nus** 12th November 2013, 7:02 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°272

Re: Hmoob Guyane

Post Yaj Suav Nus 12th November 2013, 7:02 am

Nyob zoo cov phooj ywg txhua tus,
Tau ib nyuag ntu tsis tau tuaj tham txog dab tsi li vim yog muaj me ntsis teeb meem... Hnub no kuv muaj kev zoo siab rov tau tuaj tham txog: tus Txiv Plig (Daniel) uas tuaj nrog peb nyob tau 4 lub xyoo, xyoo no yog txog lub xyoo nws yuav tau hloov mus nyob rau lwm lub zos. Thaum lub 8 hli (Août) tag lub rooj tswj hwm kev ntseeg ntawm pawg ntseeg tau ua ib qho kev zoo siab uas tau nyob ua ke yam zoo tas nrho...
Caw nej nrog saib ob peb daim duab ua kev xa xov thiab xa moo khaws cia ua puav pheej...

Txiv Plig Daniel

Tsob Hwb Y. Nkias Teeb sawv cov ntseeg chaw hais ib co lus ua TP. tsaug
Sawv daws tos ntsoov hnub uas nws yuav tau rov tuaj dua

TP. kuj hais nws cov lus zoo siab thiab uadawv daws tsaug
Cia siab ntsoov tias Huab Tais Ntuj yuav txuag txoj sia kom nyob txog hnub rov tau tuaj dua

Hnub no kuv nrog nej sib tham li no xwb, mam rov tuaj nrog nej tham ntxiv rau lwm lub sij hawm.
Ua tsaug rau nej txhua tus uas tau nrog kuv saib duab ua kev sib tham...
Nej sawv daws nyob zoo.

Y. Suav Nus

Last edited by Yaj Suav Nus on 19th November 2013, 1:17 pm; edited 1 time in total

**Yaj Suav Nus** 12th November 2013, 4:35 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°273

Re: Hmoob Guyane

Post Yaj Suav Nus 12th November 2013, 4:35 pm

Nyob cov phooj ywg txhua tus,
Tau ob peb hnub dhau los kuv tau tsis xis neej ces thiaj tsis tau tuaj tham raws li lub siab xav, hnub no zoo siab rov tuaj tham txog tus TP. tuaj tshiab, tuaj nrog peb nyob pab peb. Xyoo no thaum lub 8 hli tas ces tus TP. nrob peb nyob tshai chaw mus nyob rau lwm lub zos lawm. Thaum lub 9 hli tus TP. tuaj tshiab tuaj txog, nws tuaj txog tsis muaj pes tsawg hnub ces nws muaj chaw tawm rooj, nws tawm rooj tau ib hlis mam rov los. Cov ntseeg tsis tau ua ib yam dab tsi hais tias yog ua kev zoo siab tos txais nws li, rau qhov tus Tswv Qhia tau hais ib los tias nws yuav tuaj ntsib cov ntseeg thiab nws yuav siv lub sij hawm ntawd los hais ib los rau cov ntseeg tias tus TP. tuaj tshiab yog tuaj raws nws lub hom phiaj (nws yog tus xa tuaj), Tswv Qhia tau teem rau hnub tim 2/11/13 - 3/11/13 xam yog ob tog hnub. Li ntawd cov ntseeg thiaj tau npaj ib qho ua kev zoo siab tos txais Tswv Qhia thiab ua kev zoo siab tos Txais tus TP. tuaj tshiab tuaj pan peb. Caw nej saib ob peb daim duab, cov duab thau tau plooj me ntsis...

Sawv daws npaj tau ntau yam noj
Tswv Qhia xaiv tau cov uas nws xav noj ces nws coj mus noj rau ib qho zoo li tus me nyuas yaus

Cov niam tsev pom li ntawd lawv thiaj li txhob txwm muab ib lub rooj uas
yog siv rau cov me nyuam kawm kev cai rau nws kom phim li qhov nws xaiv

TP. Vam Tuam los zaum phim thiab

Txiv Plig Vam Tuam

TP. Vam Tuam tuaj nrog peb nyob zaum no yog zaum 2 lawm
TP. Vam Tuam twb tau ncaim ntawm peb mus nyob rau lwm lub zos yog 12 xyoos
Lub Npe Vam Tuam yog thawj zaug uas nws tuaj nrog peb nyob es cov ntseeg tis rau nws

Ua tsaug rau nej txhua tus uas tau nrog kuv saib duab, mam rov tuaj tham dua lwm zaj rau lwm lub sij hawm.
Nej sawv daws nyob zoo.

Y. Suav Nus

**Lajpovyaj** 3rd December 2013, 12:14 pm

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°274

Re: Hmoob Guyane

Post Lajpovyaj 3rd December 2013, 12:14 pm

Nyob zoo txiv ntxawm Suav nus yaj.
Kuv thov qhuas thiab ua koj tsaug uas koj tuaj tham txog kev ntseeg nrog rau tej qhua tswj xeeb uas tuaj xyuas nej rau teb chaws Guyane thiab koj cov duab zoo zoo nkauj huv si mog.
Kuv thov nug koj ua txiv 1 lo tias raws li hnov mas txiv plig Cwj vuam chiv twb tuaj nrog nej nyob ntev tsawv tau ntau lub hlis lawm yog ua cas koj tham tsis txog Txiv plig Cwj vuam chiv li ne yom.

**Yaj Suav Nus** 4th December 2013, 5:25 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°275

Re: Hmoob Guyane

Post Yaj Suav Nus 4th December 2013, 5:25 am

Nyob zoo Laj Pov,
Zoo siab rau cov lus koj sau rau kuv thiab ua tsaug rau koj cov lus, ntawm kuv tus kheej mas yeej tsis muaj ib yam dab tsis tseem yuav zoo tshaj tej lus uas peb sau sib nug moo los yog sau sib tham li lawm ov !
Kuv zoo siab hlo teb los lus koj nug: yeej muaj li koj hais lawm tiag, Txiv Plig Cwj Vuam twb tuaj txog rau Guyane thaum lub 9 hli xiab lawm. Thaum nws nyuam qhuav tuaj txog tau 4-5 hnub ces nws mus xyuas nws txiv, nws niam thiab nws tus kwv ntxawg nyob rau lub me nyuam zos npe hu ua Sas Ws ntawv Fab Kis sau = Saül , nws twb tuaj xyuas peb, nws pw ib hmos thiab nrog peb nyob ib hnub tsaus ntuj kiag noj hmo tas tseem tham yuav luag txog ib tag hmo nws mam li mus pw rau nram nroog lawm vim nws tau teem cov Txiv Plig nyob rau nrad tias nws yuav mus nrog lawv pw. Nyob teb chaws Guyane tsuas muaj 2 lub zos hmoob thiaj li hais tau tias yog tseem zos tiag xwb, dua li ces yog ib cov me nyuam zos tsuas yog muaj lub npe kom paub xwb tseem tsis tau zwm rau hauv nom tswv li ntaub ntawv. Thawj lub zos ces yog zos Cacao (Kas Kaus) uas kuv nyob no thiab lub ob ces yog zos Javouhey (Zas Vais). Txiv Plig Cwj Vuam tuaj nyob ntawm lub zos Javouhey, lub zos Javouhey txawm yog lub zos Txiv Plig Nyiaj Pov coj cov Hmoob tuaj tsim thaum lub 9 hli xyoo 1979 los. Hos lub zos Cacao uas kuv nyob no mas yog lub zos uas Txiv Plig Neej Vaj coj peb tuaj tsim thaum lub 9 hli xyoo 1977 los.
Laj Pov kuv nrog koj tham li no xwb, vam tias cov lus kuv tham no yuav muaj lo puav lus yog lus teb rau koj lawm, mam sis tham dua rau lwm lub sij hawm, koj thiaj koj tsev neeg nej sawv daws nyob zoo.

Y. Suav Nus

Last edited by Yaj Suav Nus on 7th December 2013, 11:34 pm; edited 1 time in total