Hmoob Guyane

**Yaj Suav Nus** 23rd May 2011, 6:58 am

Yaj Suav Nus: Phooj Ywg; Messages : 268
Date d'inscription : 2009-10-23

Post n°151

Re: Hmoob Guyane

Post Yaj Suav Nus 23rd May 2011, 6:58 am

Maiv Tooj wrote:

Nyob zoo txiv Suav Nus,

Koj yog tus paub tseeb dua, yog koj hais li ces daim xyam nov yeej yog dej nyab Kas Kaus xyoo 1999 lawm, kuv nco tau tias dej nyab loj heev.

Dua li, yog koj muaj caij no thov koj pab tham txog lub "Hmoov txiv lwm tsib" seb nej ua li cas rau li cas?
Yog vim li cas thiaj muaj tsheb tuaj ntau ua luaj li tom teb?
Ua li yog txiv Nkias Teeb nkawd muag ib hnub tau 6.000€ no nkawd thaj txiv ntawd, nkawd yeej tssi de li, yeej txhob tseg cia ua Hmoov xwb lov?
Thiab cov txiv siab li cas es neeg ho tuaj de cuag thiab?

Ua tsaug.

Nyob zoo T. Tooj,
Kuv tej kiag cov lus koj nug:
Yog koj muaj caij no thov koj pab tham txog lub "Hmoov txiv lwm tsib" seb nej ua li cas rau li cas?
Kuv tsis yog ib tug nyob hauv lub rooj tswj hwm hmoov txiv lwm tsib, kuv pom tias ua ntej lub caij txiv lwm tsib yuav siav, cov tswv cog muaj txiv lwm tsib sib tham npaj lub hmoov txiv lwm tsib, teem kom tau lub hnub nyoog tseg, (txhua xyoo ua ntej yuav txog caij mas tej qhua nyob deb nyob ze yeej xub nug txog) Lub hmoov txiv lwm tsib yog ib hmoov uas keeb kwm teb chaws Guyane tsis tau mua dua los. Lub hmoov txiv lwm tsib muaj tshaj 10 xyoo lawm.
Hnub ua hmoov txiv lwm tsib yog hnub cov qhua muaj kev txaus siab thiab lom zem tshaj, tej qhua siv nyiaj tsis nco khuv xim. Hmoob muag tas txhua yam uas Hmoob tsim tau tawm ntawm Hmoob txhais tes nquag thiab daim teb los, Hmoob kuj muag ib tug nqe pheej yim tshaj lub caij nyob hauv kiab khw.

Yog vim li cas thiaj muaj tsheb tuaj ntau ua luaj li tom teb?
Lo lus nug no yog nug raws li pom nyob hauv cov duab, tus thau duab hais qhia kuv tias: ua ntej yuav txog daim teb no 1km. ces tsheb ib lub tib ib lub lawm, tsheb ntau paum li no mus txog kiag hauv zos. Tus thau duab hais ntxiv tias: tom kev tshuam los txog zos yog 13km. tab sis kuv los 1 teev diam thiaj los txog tim ntug zos, txhua zaus kuv los mas yog 7 fiab mus rau 10 fiab xwb twb txog zos lawm.
Lo lus teb: ib txhia tsheb nres ntawm ob sab ntug kev yog cov neeg mus de txiv hauv daim teb, ib co tsheb ncaj nraim tuaj mus hauv zos.

Nkawd thaj txiv ntawd, nkawd yeej tsis de li, yeej txhob txwm tseg cia ua Hmoov xwb lov?
Nkawd thaj txiv ntawd mas txij thaum txiv siav los nkawd yeej de coj mus muag lawm, tab sis nkawd twb de tsis tau thoob teb, Tsis hais nkawd xwb lwm tus tswv los tib yam, txhua tus tswv teb nyob ntawm kev ces hnub ntawd sawv daws yeej nyob ntawm teb txais qhua. (yog tus tswv teb tsis mus nyob ntawm teb txais qhua, muaj ib co qhua tsis leem cai cia li mus de txiv, ib tug mus ces 10 tus mus...)
Raws li kuv tau sau dhau los saud! muaj 11 leeg txais qhua, lawv muag tas txhua yam uas muaj nyob hauv daim teb thiab lawv kuj muag tej yam noj txom ncauj ntawm ncauj ke, li ntawd cov nyiaj lawv sau tau muab fai rau lawv 11 leeg no ib leeg tau npaum li cas ne ! ?

Yog kuv teb tsis raws koj xav los thov zam txim nawb!

Y. Suav Nus

**Maiv Tooj** 23rd May 2011, 7:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°152

Re: Hmoob Guyane

Post Maiv Tooj 23rd May 2011, 7:54 am

Txiv Suav Nus,

Yog li no cov neeg lawv mus de kiag lawv txiv hauv teb lov?

Yog tim li cas ho muaj neeg tuaj coob ua luaj li ?

**Yaj Suav Nus** 23rd May 2011, 5:07 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°153

Re: Hmoob Guyane

Post Yaj Suav Nus 23rd May 2011, 5:07 pm

Maiv Tooj wrote:

Txiv Suav Nus,

Yog li no cov neeg lawv mus de kiag lawv txiv hauv teb lov?

Yog tim li cas ho muaj neeg tuaj coob ua luaj li ?

Raws li niam Ntxawm Nkias Teeb hais: peb sau ib daim phiaj qhia tias mus de txiv lwm tsib ywj siab hauv, 1kg/0,80 E, saj txiv lwm tsib ywj siab, (noj npaum li cas los tau) peb npaj muaj hnab loj thiab hnab yau nyob ntawm ncauj ke rau cov qhua tau siv rau txiv, ib txhia qhua lawv kuj nqa lawv hnab tuaj thiab tej zaum yav tas lawd lawv twb tau tuaj dua lawm. Peb tso cov qhua mus de txiv ywj siab hauv teb tsuas yog txwv tsis pub lawv nce mus de txiv saum tsob ntoo, peb saib xyuas cov qhua kom txhob ua tej yam yuav raug xwv txheej rau lawv, cov qhua de cov txiv uas lawv nyob hauv qab ntoos de tau, tej txiv nyob siab lawd ces peb pab txo cov ceg rau kom poob los rau lawv de, tej qho uas cov txiv nyob sib ti dhau mas peb tseem muab tshuab ntov kiag tsob txiv kom vau rau cov qhua de. Ntshai koj yuav nug tias ib tsob txiv twb khwv khwv tu txog 3-5 xyoos mam txi es tseem muab ntov lawm thiab ua li puas yuav hlav ? Yog xav kom tsob txiv rov hlav mas yuav tau txawj ntov ces ob peb lis piam xwb rov hlav lawm ces ho rov tos txog li 2-3 xyoos ces tsob txiv rov txi dua.
Kev mus de txiv hauv daim teb yog ib qho rub neeg lub siab tshaj plaws li. Tas nro lub teb chaws Guyane kawg yog zos Cacao xwb thiaj muaj hmoov txiv lwm tsib, mus de txiv hauv daim teb, noj txiv ywj siab, hmoob tej teb tu tau du lug ntsaum khag hauv av twb pom, thaum nyob hauv daim teb mas hnub tsis ntev kiag...
Tej qhua uas cov xyoo tas lawd lawv tau tuaj mas lawv nco ntsoov rov tuaj dua, txawm yog cov qhua twb tau tuaj dua ib zaug los ntau zaus lawm lawv yog cov uas yuav txog caij txiv siav xwb twb hu xov tooj tuaj nug saib ua hmoov txiv lwm tsib thaum twg? hnub twg?
Qhov uas neeg tuaj coob coob ces txawm yog tej kuv tau hais los saud, tsis tag li xwb thaum tshuav li ib lis piam tej mas lub xov tooj cua (Radio Guyane) twb tshaj tawm rau sawv daws paub lawm. Kev tshaj no hmoob yeej tsis tau ntiav kom lawv tshaj, lub hmoov txiv lwm tsib yog ib lub hmoov nto moo zoo ces luag paub tias yog hnub twg xwb luag yeej tshaj luag lawm. Tsis tag li ntawd xwb txhua xyoo ua hmoov tas mas lub xov tooj tshaj xyam (TV) kuj tshaj thiab, lawv yeej txhob txwm nug tej tus qhua saib lawv tuaj de txiv li no ua rau lawv lom zem npau li cas? Tej qhua kuj teb raws li lawv muaj kev zoo siab thiab lom zem ua rau kom cov tsis tau tuaj hnub ntawd tos nrhw rov txog lwm xyoo. Tsis tag li thiab txoj kev tuaj rau hauv zos Cacao kuj zoo kawg pua rob hmab dub nciab raws li pom hauv cov duab.
Oh!! kuv tham ntev dhau lawm thov txim nawv! Ua tsau rau koj tus uas tau nyeem kuv cov lus.

Y. Suav Nus

**Maiv Paj Lug** 24th May 2011, 5:36 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°154

Re: Hmoob Guyane

Post Maiv Paj Lug 24th May 2011, 5:36 am

Yaj Suav Nus wrote:

Maiv Tooj wrote:

Txiv Suav Nus,

Yog li no cov neeg lawv mus de kiag lawv txiv hauv teb lov?

Yog tim li cas ho muaj neeg tuaj coob ua luaj li ?

Raws li niam Ntxawm Nkias Teeb hais: peb sau ib daim phiaj qhia tias mus de txiv lwm tsib ywj siab hauv, 1kg/0,80 E, saj txiv lwm tsib ywj siab, (noj npaum li cas los tau) peb npaj muaj hnab loj thiab hnab yau nyob ntawm ncauj ke rau cov qhua tau siv rau txiv, ib txhia qhua lawv kuj nqa lawv hnab tuaj thiab tej zaum yav tas lawd lawv twb tau tuaj dua lawm. Peb tso cov qhua mus de txiv ywj siab hauv teb tsuas yog txwv tsis pub lawv nce mus de txiv saum tsob ntoo, peb saib xyuas cov qhua kom txhob ua tej yam yuav raug xwv txheej rau lawv, cov qhua de cov txiv uas lawv nyob hauv qab ntoos de tau, tej txiv nyob siab lawd ces peb pab txo cov ceg rau kom poob los rau lawv de, tej qho uas cov txiv nyob sib ti dhau mas peb tseem muab tshuab ntov kiag tsob txiv kom vau rau cov qhua de. Ntshai koj yuav nug tias ib tsob txiv twb khwv khwv tu txog 3-5 xyoos mam txi es tseem muab ntov lawm thiab ua li puas yuav hlav ? Yog xav kom tsob txiv rov hlav mas yuav tau txawj ntov ces ob peb lis piam xwb rov hlav lawm ces ho rov tos txog li 2-3 xyoos ces tsob txiv rov txi dua.
Kev mus de txiv hauv daim teb yog ib qho rub neeg lub siab tshaj plaws li. Tas nro lub teb chaws Guyane kawg yog zos Cacao xwb thiaj muaj hmoov txiv lwm tsib, mus de txiv hauv daim teb, noj txiv ywj siab, hmoob tej teb tu tau du lug ntsaum khag hauv av twb pom, thaum nyob hauv daim teb mas hnub tsis ntev kiag...
Tej qhua uas cov xyoo tas lawd lawv tau tuaj mas lawv nco ntsoov rov tuaj dua, txawm yog cov qhua twb tau tuaj dua ib zaug los ntau zaus lawm lawv yog cov uas yuav txog caij txiv siav xwb twb hu xov tooj tuaj nug saib ua hmoov txiv lwm tsib thaum twg? hnub twg?
Qhov uas neeg tuaj coob coob ces txawm yog tej kuv tau hais los saud, tsis tag li xwb thaum tshuav li ib lis piam tej mas lub xov tooj cua (Radio Guyane) twb tshaj tawm rau sawv daws paub lawm. Kev tshaj no hmoob yeej tsis tau ntiav kom lawv tshaj, lub hmoov txiv lwm tsib yog ib lub hmoov nto moo zoo ces luag paub tias yog hnub twg xwb luag yeej tshaj luag lawm. Tsis tag li ntawd xwb txhua xyoo ua hmoov tas mas lub xov tooj tshaj xyam (TV) kuj tshaj thiab, lawv yeej txhob txwm nug tej tus qhua saib lawv tuaj de txiv li no ua rau lawv lom zem npau li cas? Tej qhua kuj teb raws li lawv muaj kev zoo siab thiab lom zem ua rau kom cov tsis tau tuaj hnub ntawd tos nrhw rov txog lwm xyoo. Tsis tag li thiab txoj kev tuaj rau hauv zos Cacao kuj zoo kawg pua rob hmab dub nciab raws li pom hauv cov duab.
Oh!! kuv tham ntev dhau lawm thov txim nawv! Ua tsau rau koj tus uas tau nyeem kuv cov lus.

Y. Suav Nus

Txiv Suav nus, txhua yam tshwm sim nyob hauv zos Cacao txhais qhia tau rau neeg ntiaj teb qhov muag pom, tsis hais nyob sab ntuj twg los luag tsuas cav Hmoob Cacao lub hmoov txiv lwm tsib, thiab raws li koj piav ces txhais tau tias TSWV NTUJ foom koob hmoov zoo rau Hmoob lawm tiag, txhua yam muaj tshwm sim vim muaj Txiv Plig Nyiaj Pov thiab Txiv Plig Neej Vaj nkawv coj koob hmoov ntawm TSWV NTUJ tuaj rau Hmoob, zaum no Hmoob zej zos tsis zoo li yad thaud lawm, TSWV NTUJ ua kom Hmoob muaj koob nto npe lawm tiag , peb txhua tus tsis hais nyob sab ntuj twg los yuav zoo siab nqa tes txaug yim luag lis ntxhi los mus ua TSWV NTUJ Tsaug yuad.

**Maiv Paj Lug** 24th May 2011, 5:49 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°155

Re: Hmoob Guyane

Post Maiv Paj Lug 24th May 2011, 5:49 am

Hnub no kuv zoo siab tshaj txhua hnub, kuv tau pom txiv suav nus cov duab, kuv tau pom tej qub neeg, qub zej qub zos, cov laus kuv paub ces tseem zoo li qub tsuas yog laus zuj zus lawm, cov hluas kuv tsis paub los kuv tseem cim tau txhua tus ntsej muag tsawm tsawd, qhov kuv zoo siab tshaj kuj yog rov tau pom Niam Lis Tswv Txos, uas yog kuv ib tug qub nais khum qhia ntawv thaum kuv tseem yau yau, tam sim no nkawv kuj laus lawm tiam sis tseem zoo li qub, zoo siab tshaj kuj yog tau pom Yaj Nkaj Mas nkawv ob niam txiv , Yaj Vam Thaiv ob niam txiv, mus rau coob leej ntau tus kuv tsis nco qab npe tag, thov kom Huab Tais Yesxus tuaj xyuas nej thiab nyob nrog nraim nej rau txhua lub xyoo mus rau txhua lub hmoov. Huab Tais Yesxus tus duab yuav los roos nej tus laus mus rau tus hluas kom nej tsuas muaj kev vam meej nto moo thiab tau koob tau npe tau neej mom raws tau lwm haiv neeg nawb mog , Tswv Ntuj txais tes yuav los roos nej thawm niaj mus thawm xyoo, nej yuav coj ib lub koob meej nto moo nyob teb chaws Guyane mog peb me haiv Hmoob mov thiab tshua.

Niam Lis Tswv Txos...kuv tus qub nais khum xyoo 1980 , kuv zoo siab rov pom nws dua ...

Hmoob Guyane - Page 7 Img_9515

**Yaj Suav Nus** 28th May 2011, 7:25 pm

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°156

Leej Niam Hnub - Hmoov Leej Niam

Post Yaj Suav Nus 28th May 2011, 7:25 pm

Nyob zoo cov phooj ywg txhua tus,
Nyob Mis Kuj teb lawv twb ua Leej Niam hnub tas lawm tab sis nyob rau peb Fab Kis teb mas nyuam qhua yog hnub no (29/5/2011). Xyo no nom tswv Fab Kis muab paj tshab rau ib co niam tsev uas lawv muaj me nyuam ntau. Cov muaj me nyuam txij li 4-5 leeg tau txais kib hnub qub txhuas, 6-9 leej tau txais kib hnub qub nyiaj thiab txij li 10 leej me nyuam mus tau txais kib hnub qub kub. Xyoo no hauv peb zos Cacao muaj 7 leej niam tsev tau txais kib hnub qub. Ib tug tau txais kib hnub qub kub 6 tus tau txais kib hnub qub nyiaj. Txhau tus niam tsev uas tuaj koom lub hmoov niam no puav leej tau ib lub paj paj ua dej siab.
Zaum no tsis yog thawj zaug thiab kuj tsis yog zaum kawg.

Tus Tooj Xeem = Le Maire (hau zos) muaj chaw tab kaum ntawm nws lub zos lawm
Nws tau tso lus rau cov sawv cev muab paj tshab rau cov niam tsev

Niam Yaj Paj Nyiag txais lub kib hnub qub nyiaj

ib daim ntawv puav pheej yim neeg coob (diplome famille nombreux)

Niam Lis Soob Pov txais kib hnub qub nyiaj

Niam Yaj Nkias Teeb txais kib hnub qub nyiaj

Niam Lis Tswv Txos txais kib hnub qub nyiaj

Thov txim, tshuav niam Lauj Boun Cws thiab Niam Xyooj Ntxoov Tsawb kuv tsis tau tso duab vim kuv tsis tau thov lus tso cai ntawm nkawd.