XH.Zoov Ntxheb Yaj Nthuav Ntawv Ntshiab.

NRUAB XYOO CHIV 34 C Tim 20/11/2016.

Hnub Chiv no peb Hwm Huab Tais Yes Xus ua Vaj. Tswv Ntuj cov lus yuav qhia peb nyob hauv cov tsab ntawv. 2 Xas Muas zaj,{5:1-3.} Kos Los Xais zaj,{1:12-20.} thiab Lus Kas zaj,{23: 35-43.} Hais tias:
*-Yes Xus yog tus Vaj tuaj yeem tuag kom tau pab Nws haiv neeg. Yes Xus yog tus Vaj coj cov neeg txhaum mus pem Tswv Ntuj lub Ceeb Tsheej.
*-Yes Xus yog tus thawj loj tshaj txhua yam, Nws yog lub taub hau coj lub Koom Txoos. thiab yog tus coj lub ntiaj teb neeg mus taug txoj kev ntshiab.
*- Thaum cov Txwj laus His Xas Lais tuaj thov kom Das Vis ua lawv tus Vaj. Mas lawv tsuas pom Das Vis txawj coj lawv ntaus rog xwb.
Tab sis Das Vis yuav ua kom lawv paub Tswv Ntuj zoo. Nyiam no peb pom Lub Sim Ceeb no, muaj ntau leej lam xaiv Yes Xus ua lawv tus Vaj.
Lawv kuj tsis paub tias, Yes Xus yuav coj lawv mus taug txoj kev twg li thiab. Thaud Tswv Ntuj tau hais rau Das Vis tias:
Koj yuav ua tus ntaus thawj, coj kuv haiv His Xas Lais mus nog zaub zoo li pab Yaj. Thaum Tswv Ntuj xaiv tau Das Vis lawm, mas Das Vis nrog Pab Txwj laus cog lus nyob ntawm Tswv Ntuj xub ntiag, ua Tus Pleev.
Thaum Yes Xus hu Paj lug los ua Yes Xus thwj Tim, Paj lug kuj hais rau cov Kos Los Xais tias:
Nej yuav zoo siab ua Leej Txiv tsaug, Vim Leej Txiv hu nej los nrog tsoom neeg ntshiab. Kom tau txais txoj hmoov nyob hauv lub teb chaws pom kev.
Yog Tswv Ntuj thau peb ntawm kev tsaus ntuj los, kom peb sawv daws tau nyob hauv Leej Tub zoo niam lub Ceeb Tsheej pom kev lam lug.
Kom peb nyob hauv Leej Tub kev cawm, thiab tau daws peb cov txhaum mus. Yog Leej twg xav pom Leej Txiv, mas Leej Tub twb yog Leej Txiv tus duab.
Lub Meej Mom thiab lub hwj Chim ntawd, Hais lo lus twg kuj yog tib si. Tuav txog lub npe Tswv Ntuj los Yes Xus los Leej Pleev thiab Leej tub nyob hauv tas nrho.
Hu txog Yes Xus los Leej txiv thiab Leej ntuj Plig Ntshiab nyob txhij vog rau hauv tib si....Li ntawd thiaj hais tau tias, ib tug ua tau peb leeg. Peb leeg yog ib tug xwb.
Lub Moo Zoo thiaj hais tias Leej Tub yog tus xub nyob dua txhua yam tib si. Tas nrho Ntuj cov Tshiab, thiab cov Tim Tswv ua Vaj los ua Vaj Txheeb nyob ntiaj teb no.
Tsim nyog yuav los tsob hwb Leej tub tib leeg xwb, vim Nws yog tus xub yug los thiab xub nyob ua ntej. Mam muaj txhua yam txawm los nyob.
Li ntawd mas thiaj hais tau tias, Leej Tub yog lub taub hau txawb saum lub cev, lub cev yog lub Koom Txoos. Lub Koom txoos yog tas txhua tus neeg nyob ntiaj teb no.
Twb yog kev muaj tseeb txhua yam. Los lub qab ntuj neeg tseem thuam Leej tub. Thaum Nws nyob saum ntoo cuam tias:
Koj yog tus Tswv Ntuj tus Pleev,koj rov cawm koj mas! Muaj tib tug neeg raug txim nyob ntawm Yes Xus ib sab. Thiaj paub tias Yes Xus yog tus xub nyob ua ntej tshaj sawv daws.
Nws thov tias Yes Xus, thaum koj mus txog koj lub teb chaws, thov koj nco txog kuv thiab mog. Yes Xus tsis saib tias nws yog neeg txhaum li.
Yes xus teb tias, Kuv hais tseeb rau koj. Hnub no koj yuav tau nrog kuv nyob pem Tswv Ntuj lub nras lom zem.
ZAJ THOV NTUJ.
1. Peb thov Ntuj rau lub Koom Txoos, kom lub Koom Txoos zeem tau tias Leej tub yog tus xub nyob ua ntej. kom lub qab ntuj neeg Hwm lawv lub tau hau kom neeg tau muaj txoj sia nyob. Ntuj awb...
2. Peb thov Ntuj rau cov nom tswv kav tb chaws. kom txhua pab Nom txawj los hwm lawv Tus vaj kav lub Sim Ceeb no. Ntuj awb....
3. peb thov Ntuj rau cov neeg txom nyem. cov neeg mob. cov neeg nyob txim, cov rau luag ntxub, cov raug kev tshaib nqhis, Tswv Ntuj thov koj daws lawv cov teeb meem no. Ntuj awb...
4. Peb thov Ntuj rau lwm cov neeg ntseeg kom lawv txawj pom tus tseem Tswv Ntuj tsim tas txhua yam kom muaj tuaj nyob ntiaj teb no. Kom lawv txhob tso siab rau ib co Tim Tswv qis qis nyob ntiaj teb no xwb. Ntuj awb...
5. Peb thoav Ntuj rau peb cov tuaj hnub no. Peb tau hwm peb tus Vaj Pleev. Thov kom txhua lub txiaj ntsim coj peb kev mus txog Tswv Ntuj lub nras lom zem. Ntuj awb...


Yaj Zoov Ntxheb Xib Hwb.

Peb pib lub xyoo teev ntuj, thawj lub caij, yog lub caij tos Huab Tais. Xyoo yuav los no,peb ua xyoo A,thawj hnub chiv no lub Koom Txoos siv cov zaj nyeem:
His Xais zaj,{ 2:1-5.} Los Mas,{13:11-14.} thiab Mas Tais, zaj {24:37-44;} Hais tias:
Peb yuav niaj hnub npaj siab tos Huab Tais,vim Tswv Ntuj txoj kev cawm nyob ze peb lawm. Peb kav tsij npaj siab taug txoj kev cawm neeg.
Huab Tais Tswv Ntuj yuav sau tas txhua Haiv neeg los nyob hauv txoj kev thaj yeeb. Nyob hauv Tswv Ntuj lub Ceeb Tsheej.
Yav tom nteJ sawv daws yuav pom Tswv Ntuj lub tuam tsev loj loj, nyob saum ib lub roob, siab dua cov hauv toj hauv pes tib si.
Tas cov Haiv neeg yuav tuaj mus saum Huab Tais lub tuam tsev. Sawv daws yuav sib coj sib hu tias, nej tuaj peb mus saum Tswv Ntuj lub Roob Ntshiab.
Peb yuav mus taug Nws txoj kev,vim cov kev cai tseem ceeb tawm ntawm Tswv Ntuj lub Roob Xis Yoos tuaj. Thiab Huab Tais lo lus tawm ntawm lub tsheej Ye Lus Xas Les tshiab tuaj.
Tswv Ntuj yuav qhia cov Haiv neeg, kom muab lawv tej cuab yeej ua tsov rog,xws li riam phom. Los nchuav ntaus ua khais laij teb, kom qoob loo ntsu tuaj.
Kom neeg muaj mov ntau noj seem noj so, mus taug txoj kev thaj yeeb. Nyiam no twb txog lub caij uas ntiaj teb neeg yuav tsim los kom meej lawm.
Vim tias, hmo twb tuav tas,tshuav tsis ntev twb yuav kaj ntug mus. Lub ntiaj teb yuav tso txoj kev tsaus ntuj pov tseg.
Txoj kev ua tsov rog tiam neeg tshiab no, yog yuav sib tw los tsim kev thaj yeeb, kom sawv daws tau nyob kaj siab lug. Sawv daws yuav taug txoj kev, kom phim cov neeg mus kev nruab hnub.
Yuav txhob muaj kev cib nyeej, kev khib nyiam ua plaub ua ntug. Sawv daws yuav xyaum muab Yes Xus los ua lub tsho zoo nkauj los hnav. Txhob txhawj txog lub cev ntshaw ub ntshaw no.
Thaum tus Leej neeg uas yog Leej Pleev yuav tawm tuaj nyob, mas yuav zoo li lub caij Nom Hes nyob. Uas dej tau nyab lub ntiaj teb no.
Neeg ntiaj teb, sawv daws yuav sib txis ua txij ua nkawm, mus txog thaum Nom Hes chaws mus hauv nws lub nkoj tas lawd. Ces kev ua txij ua nkawm yuav nrog dej ploj mus tiv si.
Thaum ntawd yuav muaj zoo li ob tus poj niam zom zeb ua ke, xwv txheej yuav rau ib tug tseg lwm tus. Ob tug txiv neej laij liag tom teb. xwv txheej raug ib tug, tseg lwm tus nyob.
Peb yuav thov kom Tswv Ntuj muab lub txiaj ntsim ua Ntuj tau pov hwm Nkauj Muam thiab Nraug Nus nkawd los pov hwm lub ntiaj teb neeg.
Kom txuag tau noob neej muaj ntawv txiaj tshoob ntawv ntsi kos nyob rau ntiaj teb no...
ZAJ THOV NTUJ.
1. Peb thov Ntuj rau lub Koom Txoos, Kom Yes Xus lub Koom Txoos txawj nqua hu ntiaj teb neeg hloov siab los tos Huab Tais. Vim Tswv Ntuj nyob ze sawv daws lawm. Ntuj awb...
2. Peb Thov Ntuj rau cov Nom Tswv kav teb chaws, kom lawv txawj mus taug txoj kev thaj yeeb. Vim Tswv Ntuj xav sau tas txhua haiv neeg los nyob hauv Tswv Ntuj lub tsheej Yes Lus Xas Les ntshiab. Ntuj awb...
3. peb thoav Ntuj rau cov neeg txom nyem, muaj kev raug tsim txom. Kom Tswv Ntuj nrog khuv leej lawv txhua tus neeg. Ntuj awb...
4 Peb thov Ntuj rau cov neeg raug xwv txheej tuag. Los ntawm kev ua tsov rog, los ntawm kev raug xwv txheej,thiab kev mob nkeeg tas sim neej. Kom Tswv Ntuj hu lawv cov ntsuj plig mus nyob kaj lug. Ntuj awb...
5. Peb thov Ntuj rau cov....
6. Peb thov Ntuj rau peb cov tuaj hnub no. Kom Tswv Ntuj pab peb npaj ib lub siab kom tsim nyog tos peb tus Huab Tais txoj kev cawm neeg. Ntuj awb...
Yaj Zoov Ntxheb Xib Hwb.

TOS HUAB TAIS CHIV 2 A Tim 4/12/ 2016.

Hnub chiv 2 tos H.T no,Peb siv cov zaj nyeem. His Xais, {11:1-10.} Los Mas,{15:4-9.} thiab Mas Tais,{3:1-12.}  Hais tias:
Nej kav tsij hloov siab, vim Tswv Ntuj lub Ceeb Tsheej tuaj txog ze lawm. Leej Pleev ua siab ntev,vim Nws xav cawm tas sawv daws.  Peb kuj yuav ua  siab ntev mus raws Nws tus piv txwv.
Vim tus Huab Tais tuaj nrog peb nyob, Nws txiav txim ncaj,rau cov neeg pluag.  Nws nyiam pub kev thaj yeeb rau sawv daws.
Tswv Ntuj los lus hais tias, Yes Xes lub keeb hlav ib tug ntsuag,nrhau ntawm Das Vis caj ces los,ces nws tawg ib lub paj.  Tswv Ntuj Leej Tswv Yim roos tus kaus ntawd.
Yog ib lub tswv yim thoob tsib to nrog, muaj zog thiab ntse. Yog ib lub Tswv Yim muaj txuj ci, thiab kev nyiam Ntuj nyob puv Yes Xes tus xeeb ntxwv.
Tswv Ntuj tau ua ncaj rau cov neeg txom nyem thiab ncaj ncees. Tswv Ntuj cov lus ncaj, zoo li rab nplawm tos nplawm cov neeg siab heev.  Nws tshuab pa tus cov neeg phem tau.
Tswv Ntuj cov lus yog ib rab ntaj, mus taug txoj kev ntshiab huv. Lo lus ncaj, yog zoo li lub tsho tooj tsho hlau thaiv tau neeg lub cev.
Nws ntis tau txhua yam xwv txheej:
Xws li cov me nyuam mos ua si nyob nrog cov nab raj kub sai, thiab zoo li cov tsov ntxhuav thiab cov me nyuam yaj  lawv nog zaub ua ke, tsis muaj xwv txheej, ua kom nqaij ntuag ntshav nrog thiab ploj tuag mus.
Cov tsiaj noj nqaij, thiab cov tsiaj nog zaub ua phooj ywg nyob ua ke tau. Vim nyob saum Tswv Ntuj lub Roob Ntshiab, sawv daws paub Tswv Ntuj tas tib si.
Cov ntawv ntshiab zoo li peb hnov hnub no, yog sau los kom sawv daws paub tias, Tswv Ntuj muaj lub siab ntev tas nrho rau lub sim ceeb neeg txhua tus.
Muaj Tswv Ntuj txoj kev nplij neeg loj kawg,peb thiaj tso siab tau rau Tswv Ntuj.  Thiab nyiam Yes Xus raws li Nws tau nyiam ntiaj teb neeg.
Peb yuav thov kom Yes Xus lub siab nyiam peb hlob mus nyob hauv peb sawv daws. Ces Leej Pleev los lus thiaj yuav nyob nruab nrab hauv peb sawv daws tau.
Peb thiaj yog Ntuj haiv neeg sib raug zoo nyob ua ke tau.  Qhov loj, mas Tswv Ntuj xav kom peb nto moo nyob hauv Tswv Ntuj kev ua siab ncaj.
Tswv Ntuj los  hais tias, Zam Ntxuav Plig yog Tswv Ntuj lub suab nrov nyob hauv teb chaws suab puam tias, Tswv Ntuj lub Ceeb Tsheej tuaj txog ze lawm.
Zam Ntxhuav plig rov ceeb toom tus Yaj Saub His Xais lo lus tias, nej kho Huab Tais txoj xub ke, nej tshav ncaws kom tiaj tus.
Muaj ib pab neeg tsis hwm Ntuj tuaj nyob ntawd thiab. Zam hais tias, Caj ces Nab Liab Tsaig! Leej twg qhia nej kom nej tau dim ntawm txoj kev npau taws yuav tuaj no!
Nej kav tsij txi tej lub txiv kom phim cov neeg hloov siab tiag.  Nej txhob xav tias , nej yog Has Nplas cov tub ki. Tswv Ntuj yuav ua kom Has Nplas cov Xeeb Ntxwv tawm ntawm cov pob zeb no los kuj tau.
Rab taus twb nyob ze ntawm lub hauv paus ntoo lawm.  Tsob ntoo twg tsis txi txiv yuav muab ntov pov tseg. Kuv tsuas pab nej tig los yuav lub siab tshiab xwb.
Tus lawv kuv qab Nws muaj hwj Chim loj dua kuv. Kuv tsi tsim nyog mus daws nws txoj hlua khi ntawm Nws txhais khau.
Nws yog tus yuav ntxuav nej nyob hauv Tswv Ntuj lub tswv yim, thiab nyob hauv hluav taws. Nws yuav xaiv cov noob nplej qoos mus cia rau hauv txhab.
Cov uas yog npluag, Nws yuav muab coj mus pov hlawv, kom kub hnyiab tas. ...

ZAJ THOV NTUJ.
Nejhais kom phim cov teeb meem nyob ntawm nej thaj chaw...
1, Thov Ntuj rau lub Koom Txoos...
2.Thov Ntuj rau cov Nom Tswv kav teb chaws...
3. Thov Ntuj rau cov neeg txom nyem...
4. Thov Ntuj rau yam ub yam no uas yus paub...
5. Thov Ntuj rau pab neeg tuaj teev Ntuj hnub no...
   

Yaj Zoov Ntxheb Xib Hwb.

Hnub no peb nyob hauv Lub Lis piam 3, lub caij tos Huab Tais. Hnub no, peb siv cov zaj nyeem:
His Xais zaj,{35: 1-6+10.} Yas Kos tsab ntawv zaj, {5: 7-10.} thiab Mas Tais zaj,{11:2-11.} Hais tias:
Yes Xus tau cav lus zoo txog Zam Ntxuav Plig tias, Zam yog Yes Xus tus Tiam Lis ua ntej tuaj qhia tsoom sid, kom npaj siab tos  Yes Xus.
Kom sawv daws muaj lub siab nyob ruaj nreb rau lub caij Huab Tais yuav tawm tuaj. Nws yog tus Huab Tais yuav tuaj cawm lub ntiaj teb neeg.
Cov lus tau nrov los ntawm tus Yaj Saub His Xias lo hais tias:
Cov teb chaws suab puam qhuav qhawv, yuav qw ib lub suab zoo siab. Cov teb chaws quav poj yuav tawg paj.  Cov neeg tuag tes, yuav rov muaj zog.
Cov tuag ceg kuj yuav sawv tsees mus taus kev, rag rhi li tus mus lwj.  Yog nej tus Huab Tais cawm nej, Nws tau pub koob haum hmoov zoo rau cov neeg uas lawv tau ua qhov zoo.
Nws kuj yuav muab txim rau cov neeg npaj ua txhaum.  Lub Sim Ceeb yuav tau pom cov neeg dig muag, nplaig txhav los lag ntseg.
Lawv yuav rov pom kev, txawj hais lus,thiab hnov lus zoo tuaj. Lawv yuav muaj lub ntsej muag luag ntxhi, lom zem nyob kaj siab lug.
Kwv tij yog nej hnov zaj lus no lawm. mas nej yuav tau ua siab ntev, li tus tswv liaj.  Uas nws ua siab ntev tos nws cov qoob tawm hauv npoo av tuaj.
Vim tias, lub caij Huab Tais yuav tuaj nyob ze lawm...
Thaum lawv muab Zam tso rau hauv tsev loj faj. Zam tso neeg mus nug Yes Xus tias:
Koj puas yog tus yuav tuaj!  Los peb tseem yuav tos dua lwm tus?
Yes Xus hais rau Zam cov Thwj Tim tias:
Nej rov mus qhia qhov nej pom thiab nej hnov rau Zam. yam li:  Cov neeg dig muag rov pom kev tuaj lawm, cov neeg tuag ceg rov mus taus kev lawm.
Cov neeg pluag txais lub Moo Zoo, tus uas kuv tsis ua chaw rau nws dawm taw ntog, mas nws txoj hmoov zoo.
Yes Xus nug Nws cov Thwj tim tias, lub caij nej mus teb chaws suab puam. Nej mus xyuas dab tsis?  Puas yog nej mus xyuas ib tug Yaj Saub?
Yog tiag!  Zam Ntxuav Plig loj dua ib tug Yaj saub. Nyob hauv cov ntawv Faj Lem, Tswv Ntuj hais txog Zam tias, kuv xa kuv tus Tiam Lis ua koj ntej, Nws yuav kho kev ua koj ntej.
Vim lo lus no, Yes Xus thia hais tias, tas tsoom poj niam cov tub,tseem tsis tau muaj ib tug loj dua Zam. Hos nyob hauv Ntuj lub Ceeb Tsheej Tseem yuav muaj cov loj dua zam thiab.
Zoo li cov Leej Ntshiab uas lawv yog neeg siab dawb siab huv uas tau nyiam Yes Xus Pleev yog cov uas Yes Xus tau hais los no lawd.


ZAJ THOV NTUJ.
Nco ntsoovnpaj kom muaj 5 zaj thov Ntuj:
1. Thov Ntuj rau lub Koom Txoos. 2. Thov Ntuj rau cov Nom Tswv kav teb chaw. 3. Thov Ntuj rau cov neeg txom nyem... 4. Thov Ntuj rau tej yam xwm yus paub. 5 Thov Ntuj rau cov tuaj hnub no.  

Yaj Zoov Ntxheb Xib Hwb.

TOS HUAB TAIS CHIV 4 A Tim 18/12/2016.

Hnub no peb nyob hauv hnub chiv 4 tos Huab Tais. Hnub no cov zaj nyeem yog:
His Xais zaj,{7:10-14.} Los Mas zaj,{1:1-7.} thiab Mas Tais zaj,{1:18-24.} Hais tias:
Yes Xus yug los ntawm Mab Liab,thaum Yos Xes tau qhaib Mab Liag tseg lawd. Tswv Ntuj Leej Tub tuaj yuav lub cev neeg, los ntawm tus Vaj Das Vis ib tug Xeeb Ntxwv los.
Tus Yaj Saub His Xais xub tau tshaj Tswv Ntuj lo lus,tau 700 tawm xyoo ua ntej Yes Xus yug los. His Xais twb tau hais txog tus Nkauj Tsim Txiaj, yuav ua Leej Pleev niam.
Muaj ib zaug Tswv Ntuj tau hais rau tus Vaj As Kas tias:
Koj thov kom Tswv Ntuj ua hwj huam nyob hauv Tiv Txwv Dej. los nyob saum ntuj rau koj saib!
Tus Vaj As Kas hais tias: Kuv tsis xav sim kuv tus Huab Tais Tswv Ntuj siab.Vim tus Yaj Saub His Xais tau hais tias, Das Vis tsev neeg, nej mloog mog.
Nej niaj hnub txob tib neeg los tsis txaus nej siab qhua, nej tseem yuav txob Tswv Ntuj thiab. Li ntawd, mas Tswv Ntuj yuav ua hwj huam los rau nej pom:
Ib tug hluas Nkauj yuav xeeb tub los,nws yuav muab tis npe hu ua Huab Tais Tswv Ntuj nrog nej nyob.
Tus Hauv paus xa lus Paj Lug hais ntxiv tias:
Tswv Ntuj cog lus tias, Nws yuav xa lub Moo Zoo tuaj. Nws tso cov Yaj Saub sau cov ntawv Faj Lem ntshiab, hais txog Nws Leej tub tuaj yuav lub cev neeg.
Nyob hauv tus Vaj Das Vis caj ces, ua Das Vis xeeb ntxwv. Ces Leej Tswv Yim Ntshiab tau tsa Yes Xus sawv hauv cov tub tuag rov los. Ua Tswv Ntuj Leej tub muaj hwj huam nyob mus ib txhiab ib txhis.
Yes Xus tau pub cov txiaj ntsim ntawd rau cov neeg ntseeg. Ces Yes Xus tau tsa ib co Hauv paus xa lus kom tau tshaj txoj kev ntseeg thiab mloog lus mus thoob lub qab ntuj khwb no.
Vaj Qhia, Cov ua Tswv Qhia,cov ua Leej Choj thiab ua tub Tsob Hwb los ua Xib Hwb, thiab cov Leej Phauj,mas lawv yog pab neeg ntawd.
Yes Xus Pleev hu tas peb sawv daws los ua Nws tug, kom tau ua pab neeg ntshiab. Li ntawd, mas yog lub txiaj ntsim tuaj ntawm Tswv Ntuj thiab Yes Xus Pleev tuaj,yog txoj kev thaj yeeb.
Thaum Mab Liab xeeb Yes Xus lawd, Ntuj tus tshiab tuaj qhia Yos Xes tias: Yos Xus uas koj yog Das Vis xeeb ntxwv, Mab Liab cev xeeb tub lawm, yog tuaj ntawm Leej Tswv Yim Ntshiab tuaj.
Koj txhob tshai, coj Mab Liab mus nyob hauv koj tsev. Qhov ntawd yog Leej Tswv Yim Ntshiab ua, Koj yuav muab Nws hu Ua Yes Xus.
Vim Nws yuav cawm Nws Haiv neeg, ntawm lawv cov txhaum. Li ntawd thiaj muaj cov lus tshwm sim tuaj raws li Cov Yaj Saub tej lus hais tias:
Tus Nkauj Tsim txiaj yuav yug Nws Leej Tub, ces Nws yuav tis lub npe hu ua Es Mas Nws Es. Yos Xes tau mloog Ntuj lo lus ntawd.
ZAJ THOV NTUJ.
Tus coj lub Txoos teev Ntuj yuav nco ntsoov npaj ua 5 zaj thov Ntuj nyob hauv lub Txoos:
1. Thov rau lub Koom Txoos... 2.Thov rau cov nom Tswv kav teb chaws... 3.Thov Ntuj rau cov neeg txom nyem...
4. Thov Ntuj rau tej yam xwm uas yus paub... 5.Thov Ntuj rau pab neeg tuaj.... Yaj Zoov Ntxheb Xib Hwb.

Hmo no tas lub ntiaj teb ua hmoov nco txog Yes Xus yug los. Hmoob muaj lo lus hais tias ua hnoov tsuj xeeb nco txog Yes Xus yug los.
Lub Koom Txoos yuav siv peb zaj ntawv Ntshiab los cav txog Yes Xus yug los:
Xws li His Xais zaj, {9:1-6.} Tis Tos zaj, {2:11-14.} thiab Lus Kas zaj,{2:1-14.} hais tias:
Hmo no tus cawm peb yug los lawm. Yog Tswv Ntuj lub txiaj ntsim tawm tuaj. Vim Yes Xus coj peb, Nws yog ib tug me nyuam yug los nyob nruab nrab peb. Nws coj txoj kev ncaj tuaj rau lub ntiaj teb neeg.
Vim thaud Nws Haiv neeg, lawv mus taug txoj kev tsaus ntuj. Nyiam no lawv yuav pom ib qho pom kev loj. Qhov pom kev no yuav ci rau cov neeg nyob txawm hauv lub teb chaws tsaus ntuj nti.
Tswv Ntuj yuav ua kom lawv pom kev thiab ntsib kev lom zem. Tus quab ceeb laj ris thiab tus ntas uas ceeb laj kwv ntawd, Tswv Ntuj yuav muab rhuav pov tseg.
Rab qws nplawm neeg thiab lub tsho lo ntshav, Tswv Ntuj yuav muab hlawv pov hlawv kom ploj mus tas. Tus tub yug los hmo no, Nws lub tuam teb loj. Nws yuav kwv rau saum Nws xub pwg.
Nws yog tus qhia tswv yim zoo tas nrho, Yog tus Tswv Ntuj muaj zog, yog Leej Txiv nyob mus li. Yog tus Vaj pub kev thaj yeeb.
Nws lub tuam teb, yog txoj kev ncaj ncees nyob ruaj nreb, Tswv Ntuj lub siab hlub neeg yuav ua zoo li ntawd. Tswv Ntuj lub txiaj ntsim tawm tuaj, yuav cawm tas tsoom sid.
Tswv Ntuj lub txiaj ntim qhia peb kom tso kev tsis hwm Ntuj thiab kev ntshaw yam ub yam no tseg. Kom peb ua neeg xyuam xim coj lub neej ncaj ncees, kom tau nyob kaj siab lug.
Tswv Ntuj lo lus hais tias, nej txhob txhawj, kuv xa lub Moo Zoo lom zem rau nej thiab tsoom sid. Hmo no tus cawm nej yug los lawm.
Yog tus Huab Tais Pleev, Nej yuav ntsib Nws pw hauv lub dab nyuj nog zaub. Tas nrho Ntuj cov tshiab nyob saum ntuj yuav qw suab cav txog Nws tias:
Nyob pem txheej Ntuj siab,Tswv Ntuj nto meej nto moo. Nyob ntiaj teb tsoom neeg yuav nyob kaj lug, vim Tswv Ntuj nyiam lawv.
ZAJ THOV NTUJ.
1. Peb thov Ntuj rau lub Koom Txoos, uas Leej Pleev tsa rau saum lub Pob Zeb ruaj thiab khov. Kom Leej Tswv Yim Ntshiab coj cov thawj neeg thiab pab neeg ntseeg kom txawj cav txog Tswv Ntuj yog tus nto meej nto moo nyob mus li. Ntuj awb...

2, Peb thob Ntuj rau cov nom tswv kav teb chaws. kom lawv paub tias Tswv Ntuj yog tus nto meej nto moo. Nws xav kom lub ntiaj teb tau nyob kaj siab lug. Ntuj awb...

3. Peb thov Ntuj rau cov neeg txom nyem, cov muaj mob, cov neeg poob teb chaws ua neeg thoj nam, cov nyob tsev loj faj. cov raug kev tshaib kev nqhis Kom Ntuj hlub sawv daws. Ntuj awb...
4. Peb thov Ntuj rau cov neeg teev dab qhua thiab lwm pab neeg ntseeg Kom Leej Tswv Yim qhib txoj kev tseem ceeb rau lawv paub. Ntuj awb...

5. Peb thov Ntuj rau peb cov tuaj hmo no, Tswv Ntuj koj qhib peb lub siab, kom peb txawj nrog Ntuj cov tshiab cav txog Tswv Ntuj, yog tus nto meej nto moo nyob mus li. Ntuj awb...


Yaj Zoov Ntxheb Xib Hwb.

Hwm Leej Ntshiab Mab Liab ua Yes Xus niam.
Cov tsab ntawv, Xam Phaj { 6: 22-27,}thiab tsab ntawv Nkas Las Tias {4: 4-7,} thiab Lus Kas Ntawv Moo Zoo {2:16-21.} Hais tias:
Cov lus cav txog Tswv Ntuj lub txiaj ntsim, foom hmoov zoo rau Mab Liab tias:
Mab Liab tau qhib rooj ntug rau Tswv Ntuj Leej Tub yug los yuav lub cev neeg. Tswv Ntuj tau foom hmoov zoo rau leej twg, mas tus ntawd txoj hmoov zoo.
Mab Liab Nws tau nrog Tswv Ntuj faib txoj hmoov zoo kom lub ntiaj teb neeg, tau ua Tswv Ntuj cov tub ki, txuas ntawm Yes Xus los.
Tswv Ntuj lo lus nrov tuaj rau Mais Xes hnov tias:
Neeg cov tub ki tau txais lo lus foom hmoov zoo rau, mas lawv txoj hmoov zoo. Vim Nws leej tub tuaj txog lawm, nws yug los yuav lub cev neeg ntawm ib tug poj niam siab ntshiab los.
Tus poj niam ntawd kuj tau cawm ntiaj teb neeg cov tub ki, uas xav zwm rau txoj cai, kom tau ua Tswv Ntuj cov tub ki.
Lub sij hawm uas Tswv Ntuj lub hwj chim thiab lub txiaj ntsim tawm tuaj ntawd.  Muaj ib pab neeg zov yaj tau hnov Ntuj cov tshiab cav txog Tswv Ntuj lub txiaj ntsim tias:
Nyob txheej ntuj siab Tswv Ntuj nto meej nto moo, Neeg Yaj ceeb nyob kaj lug. Ces lawv tau tis lub npe hu ua Yes Xus, raws li tus tshiab tau qhia rau Mab Liab los lawd.
Txij li thaum Yes Xus yug los nyob ntiaj teb no lawm, neeg sawv daws cov siab ncaj thiaj tau lub npe hu ua Ntuj me nyuam. Lawv tsis yog Ntuj cov tub txib li txheej thaud lawm.
Niaj hnub no cov neeg ntseeg raws li lub Koom Txoos uas Yes Xus tsa nyob saum lub Pob Zeb, thiab hwm Yes Xus Leej niam. Lawv tau lub npe hu ua Ntuj cov me nyuam.
Hnub uas Yes Xus nyob saum ntoo cuam, Yes Xus hais rau Nws niam thiab tus thwj tim uas nws nyiam hais tias:
Niad, tus ntawd yog koj tus tub, thiab hais rau Zam tias, tus ntawd yog koj niam. Tas cov neeg nyob hauv lub sim ceeb no,tus hwm Mab Liab thiab Zam, thiab nws tsis ncaim ntawm lub Koom Txoos Yes Xus tsa tseg, mas nws muaj niam muaj txi pov hwm nws.
Tib lub sij hawm ntawd, Yes Xus nyob saum ntoo cuam.  Nws kuj tau thov Leej Txiv tias:
Txiv koj zam rau cov ntawd, lawv tsis paub tias lawv tau ua dab tsi lawm. Ua ntej Yes Xus kuj tau hais rau cov thwj tim tias:
Nej hu Tswv Ntuj ua Txiv, ces nej teev Leej Txiv li no:
Peb Txiv nyob saum ntuj...
Peb rov tig los saib peb, peb yog Yes Xus cov thwj Tim, ces peb yog Tswv Ntuj cov tub ki, Mab Liab yog peb Leej niam li Yes Xus cov thwj tim.
Lub Txoos hwm Mab Liab no peb siv los ua thaj txi Ntuj qhib xyoo tshiab, kom peb nco txog tias, peb muaj niam muaj txi, peb yuav xyaum ua neeg zoo, kom lub xyoo tshiab no pov hwm peb mus dhau niaj dhau xyoo....
Vim tias Mab Liab yog peb sawv daws Leej Niam. Nws nrog Tswv Ntuj ib txhij saib thiab pov hwm sawv daws tib si ua ke.
ZAJ THOV NTUJ.
1. Peb thov Ntuj rau lub Koom Txoos,kom cov phiaj neeg ntseeg, txawj hwm Ntuj hwm neeg mus raws li txoj kev sawv daws koom ua Ntuj me nyuam ua ke.  Ntuj awb...
2. Peb thov Ntuj rau cov nom Tswv kav teb chaws, kom lub xyoo tshiab no mus sawv daws sib hwm ua ke li yog Ntuj cov tub ki, txhob nyiam kev ua tsov rog.   Ntuj awb...
3. Peb thov Ntuj rau cov neeg txom nyem, kom txhua tus txawj tso siab thiab cev lawv kev txom nyem rau Ntuj niam Ntuj txi pab daws teeb meem.   Ntuj awb...
4. Peb thov Ntuj rau cov neeg uas tseem tsis tau txawj tso siab rau Tswv Ntuj kom Ntuj hu lawv los ua Ntuj me nyuam thiab.  Ntuj awb...
5. Peb thov Ntuj rau peb cov tuaj ntawm no, uas peb tau hnov tias peb muaj Tswv Ntuj yog peb Txiv, thiab muaj Mab Liab yog peb leej niam. kom peb txawj tso siab thiab thov txiaj ntsim los pab peb. Ntuj awb....


Yaj Zoov Ntxheb Xib Hwb.

Yes Xus txis lub Cim Ntxuav.
Cov zaj nyeem,His Xais,42:1-4+6-7. Hauj Lwm,10:34-38. MasTais,3: 13-17.hais tias:

Yes Xus yog tus siab ntshiab uas Tswv Ntuj nyiam kawg. Tswv Ntuj tau Pleev Yes Xus,yam li pub Leej Tswv Yim Ntshiab lub Hwj Huam rau Yes Xus.Vim Yes Xus yog Tswv Ntuj tus tub txib uas Tswv Ntuj xaiv thiab nres Nws.
Tswv Ntuj lo lus hais tias, saib ntawm no, yog kuv tus tub txib uas kuv lub siab nyiam dua cov. Kuv Xaiv nws, kuv tso kuv lub tswv yim los roos Nws.
Nws yuav coj txoj kev cai tuaj rau txhua Haiv neeg. Nws muaj ib lub siab xwb, yog hu txhua Haiv neeg los coj txoj kev ncaj.
Kuv qee Nws los ua tus coj cov Haiv neeg los cog lus, nyob hauv txoj kev kaj. Nws yuav rua cov neeg dig muag qhov muag,kom pom kev tuaj thiab coj cov nyob txim tawm los.
Kom txhua Haiv neeg nyob hauv qhov tsaus ntuj, tau tawm los rau sab pom kev lam lug. Kom tas tsoom neeg ntseeg muaj lub zoo Tswv Yim ntseeg xws li Pob Zeb tias:
Tswv Ntuj tsis kws Leej twg cai, Tus mloog Huab Tais thiab ua raws li txoj cai. Mas nws tau ua ntxim Tswv Ntuj siab lawm.
Vim Yes Xus txoj kev kaj twb pub kev thaj yeeb rau tas txhua Haiv neeg lawm. Tswv Ntuj tau Pleev Yes Xus thiab pub hwj Huam rau Yes Xus, vim Tswv Ntuj nrog Nws nyob.
Thaum Yes Xus tuaj cuag tus ntxuav plig Zam, nyob ntawm tus dej Yos Las Das. Yes Xus hais rau Zam tias: Cia kuv ua li ntawd, kom wb tau ua raws li txoj kev ncaj.
Ces Yes Xus txais lub cim ntxuav ntawm Zam tas nrho xwb, lub ntuj qhib plho. Leej Tswv Yim Ntshiab tawm tuaj nyob saum Yes Xus xws li ib tug nquab.
Kwv tij peb tau hnov tej los lus zoo thiab tseeb npaum no, Peb yuav npuab rawv rau yes Xus tej lus, kom peb raug rau Tswv Ntuj xaiv li Nws tus Pleev nyob hauv Tswv Ntuj lub suab nrov saum ntuj tuaj tias:
Tus no yog kuv Leej Tub uas kuv nyiam Nws kawg,kuv lub siab nrog Nws nyob mus li. Amen.

ZAJ THOV NTUJ.
1.Peb thov Ntuj rau lub Koom Txoos,kom txhua phiaj neeg ntseeg txawj tso siab rau tus uas Tswv Ntuj nyiam thiab nres Nws no. Ntuj awb...
2. Peb thov Ntuj rau cov Nom Tswv kav teb chaws, Kom lawv sib raug zoo nyob hauv Tswv Ntuj kev ncaj. Lub ntiaj teb thiab tsis muaj kev sib ua tsov rog. Ntuj awb...
3. Peb thov Ntuj rau cov neeg txom nyem, cov muaj mob nkeeg, cov neeg nyob txim, cov neeg raug kev tshaib nqhis. Kom lawv tso siab tias Tswv Ntuj yog tus daws txhua yam teeb meem. Ntuj awb...
4.Peb thov Ntuj rau cov tub ntxhais hluas. Kom lawv txawj tig los ntsia sab ntuj kaj, Lawv thiaj coj tau lub sim ceeb los taug txoj kev ncaj. Ntuj awb...
5.Peb thov Ntuj rau peb cov tuaj hnub no. Kom peb paub Tswv Ntuj kev kaj thiab kev thaj yeeb. Txhua yim neeg thiaj muaj nyob kaj siab lug. Ntuj awb...

Y.Z.N.X.H.

NRUAB XYOO HNUB CHIV 2 A Tim 22/1/2017.


Cov zaj nyeem. His Xais,{49:3+5-6.} Kos Lis Nthos, {1:1-3.} Zam,{1: 29-34.} Hais tias:
Yes Xus yog tus Tswv Ntxuav tas ib tsoom neeg nyob hauv Leej Tswv Yim Ntshiab, uas yeej ib txwm nyob txawm hauv Yes Xus.
Vim cov neeg uas lawv raug Tswv Ntuj xaiv, mas Tswv Ntuj xav kom lawv ua ib co neeg siab ntshiab tiag. Tswv Ntuj thiaj tso Nws Leej Tub nqes los,kom tau tuaj yeem ua Nws tus tub txib,muab lub ntiaj teb neeg tsa ua Ntuj Haiv neeg.
Tswv Ntuj cov lus hais tias:
Koj yog kuv tus tub txib,Kuv muab kuv lub koob meej rau koj. Kom nrog koj nyob mus li. Ces Tswv Ntuj hais tias, Nws yog tus puab tas cov neeg lub cev nyob hauv lawv cov leej niam xub ntxiag.
Kom sawv daws tau ua Tswv Ntuj cov tub ki, Tswv Ntuj tsa tus Nws xaiv los ua lub teeb pom kev rau txhua Haiv neeg.
Cov uas Tswv Ntuj pom zoo, mas Nws hu lawv los ua cov Hauv Paus Xa lus. Kom muaj neeg mus ceeb toom Ntuj lo lus rau cov neeg ntshiab huv paub.
Kom lawv tau nyob nrog Leej Pleev uas tus Ntuj tau xaiv ntawd,thiab kom sawv daws muaj lub txiaj ntsim nyob kaj lug tuaj ntawm Leej Pleev tuaj.
Yeej muaj tseeb li Zam Ntxuav Plig tau hais tias:
Nej ntsia Tswv Ntuj tus Yaj, Nws yog tus thau ntiaj teb cov txhaum. Nws yog tus lawv kuv qab tuaj. Nws huas kuv ntej lawm. Vim ib txwm Nws yeej xub nyob ua ntej dua kuv.
Nws yog tus tso kuv tuaj ua cov kab ke nyob hauv dej xwb. Tus uas sawv daws yuav pom Leej Txiv lub hwj chim los nyob saum Nws, mas Nws yuav ua cov kab ke nyob hauv Leej Tswv Yim Ntshiab.
Kuv zeem tseeb tias, Nws yog Tswv Ntuj Leej Tub, Amen.




ZAJ THOV NTUJ.
1. Peb thov Ntuj rau lub Koom Txoos...
2. Peb Thov Ntuj rau cov Nom Tswv Kav teb chaws...
3.Peb Thob Ntuj rau cov neeg txom nyem....
4. peb thov rau cov tub Ntxhais hluas....
5. Peb thob Ntuj rau cov tuaj teev Ntuj hnub no....

Yaj Zoov Ntxheb Xib Hwb.

Cov Zaj Nyeem.His Xais,{ 8:23 +9: 1-3.}1Kos Lis Nthos, {1:10-13+17.} Mas Tais,{ 4:12-23.} Hais tias:
Thaum Yes Xus nyuam qhuav sawv kev mus tshaj lub Moo Zoo hais txog Tswv Ntuj lub Ceeb Tsheej. Mas Yes Xus nrhiav ib co neeg nrog Nws mus.
Pab Nws tshaj txoj kev Cawm rau lub ntiaj teb neeg,kom cov Npoj neeg ntseeg txog Yes Xus lub Moo Zoo. Tab yog lawv tsis to taub zoo ib yam los, kom txhob muaj lus sib cav sib ceg thiab txhob sib ncaim.
Dawv daws yuav saib tias, Yes Xus yog S.D. tus Xib Hwb tuaj cawm lub qab ntuj neeg. Peb txhob ua li cov neeg tsis paub Ntuj.
Thaum muaj neeg raug kev txhawj xeeb, kev ntxhov siab tsis txawj sib faib Ntuj kev thaj yeeb kev siab lug kom tau nyob ua kev.
Tswv Ntuj cov lus twb hais los muaj ntau puas txhiab xyoo los tias:
Yav thaud lub ntiaj teb neeg maub mus taug txoj kev tsaus ntuj. Nyem no cov neeg muaj hmoo, yuav pom ib qho pom kev loj. Yuav muj ib teg tsau los ib lub teeb cig lam lug tau lub teb chaws tsaus ntuj.
Yog Huab Tais txoj kev ua kom D.S. zoo siab lom zem xws li cov neeg sau qoob tau ntsu uas lawv zoo siab. Tas txhua yam kev nyuaj siab ua rau ntiaj teb neeg ris hnyav, Tswv Ntuj yuav muab tshem kom tas.
Ntiaj teb cov qws sib ntaus ua yeeb ncuab,kom sib ciaj caub Ntuj kuj yuav sau pov tseg mus kom tas.
Kwv Tij, Yes Xus tus Hauv Paus Xa lus Paj Lug Thov Ntuj rau cov neeg ntseeg Txog Yes Xus Pleev lub npe tias:
Kom peb koom siab koom ntsws koom tswv yim, nyob ruaj hauv peb Tus Huab Tais lub npe. Leej Pleev tsis tau faib kom peb nyob ua ntau pab ntau pawg li peb pom niaj hnub no.
Zoo li ib co yog Paj Lug tog, hos ib pab yog Pob Zeb pab. Peb yuav ntsia li Paj Lug hais,peb yuav saib tus nyob saum ntoo cuam yog Leej Twg!
Peb S.D. tsis tau txais lub Cim Ntxuav nyob hauv Pob Zeb los, Paj Lug lub npe. Peb txais lub Cim Ntxuav nyob hauv Leej Txiv Leej Tub tus nyob saum ntoo Cuam thiab Leej Ntuj Plig lub npe.
Pob Zeb thiab Paj Lug, Mas Leej Pleev tsuas xa Nkawd mus tshaj lub Moo Zoo xwb. Yes Xus tsis xav kom neeg ntiaj teb zoo li peb.
Hais tej lo lus tsis phim kev thoob tsib los tshaj Nws lub Moo Zoo. tsam ua rau Yes Xus tus ntoo Cuam yog Yaj Ntshis tsis muaj Nuj nqes rau lub Sim Ceeb no.
Thaum Yes Xus hnov hais tias Zam Ntxuav Plig raug ntses lawm. Yes Xus mus rau Kas Fas Naus, nyob Ntxas Npws Loos thiab Nes Tas Lis ciam teb. Kom tau muaj raws lis tus Yaj Saub His Xais hais tias:
Teb chaws Xas Npws Loos, thiab Nes Tas Lis. Nyob Yus Das teb sab tum ub,thiab Nkas Lis Lais. Cov teb chaws pej kum neeg teev dab nyob.
Nej Sawv daws mloog! Cov neeg nyob hauv qhov tsaus Ntuj, lawv yuav pom ib qho pom kev Ci Ntsa Iab. Cov teb chaws zwm rau kev tuag, lawv yuav pom ib qho pom kev tuaj txog lawv.
Raws li Yes Xus hais Nws cov lus rau S.D tias,nej hloov siab mog! Thuj lub Ceeb Tsheej tuaj txog ze lawm. Ces Xus Xus Hu As Nres Thiab Xis Moos nkawd tias, Neb nrog Kuv mus. Kuv yuav tsa Neb ua Tub puav Neeg.
As Nres thiab Xis Moos nkawd yog thawj ob tug neeg sawv peb cov neeg ntseeg chaw teb rau Yes Xus tias. Peb zoo siab mus!
Kwv Tij kev tshaj Y. X. lub Moo Zoo muaj ntau txoj ke tshaj:
a- tuaj yeem mus ua Leej Choj los ua Xib Hwb kuj yog...
b-Tuaj yeem mus ua qee yam hauj lwm pab tsoom txheeb ze los yog...
c- Tuaj yeem mus tsham cov txom nyem los muaj mob los yog tib si.
d- Rau siab teev ntuj thov kom Tswv Ntuj thiab Mab Liab pab daws neeg ntiaj teb tej teeb meem pob caus,los puav leej yog kev tshaj Ntuj lus tib si. Tsis yog ua txiv Plig thiab Xib Hwb thiaj li yuav yog....
Ua li mas hnub no peb yuav nco ntsoo lo lus Yes Xus hu As Nres thiab Xis Moos nkawd tias, Neb raws kuv mus, kuv yuav tsa neb ua tub puav neeg. Amen.

ZAJ THOV NTUJ,
Npaj li txhua zaus muaj.Hais 5 zaj thov Ntuj...

Yaj Zoov Ntxheb Xib Hwb.

Cov Zaj Nyeem.His Xais,{58: 7-10.}1 Kos Lis Nthos,{2:1-5.} Mas Tais, {5:13-16.} Hais tias:
Peb cov neeg ntseeg yog cov ntsev ua kom lub NtiaJ Teb qab siab ua neej nyob hauv lub Sim Ceeb no. Peb yog S.D. qhov pom kev, xws li tus neeg tshaj Ntuj lus rau luag.
Peb yuav txhob tsab ua ib tug neeg ntse dhau yam ntse. Peb tsuas muab siab rau saib Yes Xus cov lus kom tau muab cev rau luag tej paub.
Yog peb coj tau txoj kev ncaj ncees. mas peb tus yeeb yam, yam ntxwv kuj yuav kaj tau rau cov neeg nrog peb nyob. raws li Yes Xus tshaj rau peb tias:
Koj nrog cov neeg tshaib plab faib koj cov mov, thiab koj cheem cov neeg pluag tsis muaj tsev nyob kom nyob hauv koj tsev. Yog koj pom tus neeg liab qab, koj muab ris tsho rau hnav.
Koj txhob thuam ib tug neeg muaj lub cev zoo li koj. Lub hnub thiaj yuav ziab rau koj! Tswv Ntuj lub koob meej yuav nrog nraim koj. Ces koj txoj kev ncaj yuav mus ua koj ntej.
Txoj kev kaj yuav ziab rau qhov tsaus, ntuj. Qhov ntxoov yuav hloov ua qhov pom kev rau txhua tus li muaj lub hnub nyob txawm muaj.
Kwv tij thaum peb hais lus, peb txhob siv xws li cov neeg ntse los tshaj Ntuj lus. Peb tsuas nrhiav cov lus uas hais kom luag paub txog Leej Pleev lub npe uas Nws tau tuag nyob saum ntoo cuam
Thaum peb tshaj Yes Xus lub Moo Zoo, mas kom peb cov lus yog ib co lus thoob tsib xis neeg lub siab. thiab qhuas txog Tswv Ntuj lub Tswv Yim los lub hwj huam.
kom peb txoj kev ntseeg txawb rau saum Tswv Ntuj lub hwj huam,tsis yog txawb rau saum neeg kev thoob tsib.
Yes Xus xav muab cov neeg ntseeg ib tiam dhau tiam, los ua cov ntsev las lub ntiaj teb neeg kom qab tuaj. Yog ntsev tsuag tuaj lawm, mas kawg zoo muab pov tseg rau neeg tsuj xwb.
Cov Neeg ntseeg kuj yog lub ntiaj teb qhov pom kev, nej yuav ua kom nej qhov pom kev Ci nyob ntawm luag xub ntiag mus li. Nej yuav ua txoj kev pom kev rau tus nyob ze nej tshaj plaws ua ntej,
Tus nyob deb mas koj qhuas xwb Nws twb ntseeg lawm Koj yuav ceev faj rau cov nyob ze, Vim lawv saib thiab tos koj qhov pom kev mus li Amen.

ZAJ THOB NTUJ.
1. Thov Ntuj rau lub Koom Txoos...
2.Thov Ntuj rau cov Nom Tswv kav teb chaws...
3. Thob Ntuj rau co neeg txom nyem......
4. Thob Ntuj rau tej yam ub no.....
5 Thov Ntuj rau cov neeg tuaj teev Ntuj hnub no, peb tau hnov Tswv Ntuj cov lus ua rau peb pom kev lug. thov kom Leej Ntuj Plig coj peb nyob nrog Nws Cuab Nws xeem kom peb yog cov me nyuam neeg xis Tswv Ntuj siab. Ntuj awb...
Yaj Zoo Ntxheb Xib Hwb.

Cov Zaj Nyeem. Npe Xis las,{15:15-20.} 1Kos Lis Nthos, {2:6-10.} Mas Tais, {5:17-37.} Hais tias:
Yes Xus xav kom peb mus taug txoj kev hwm Ntuj thiab nyiam Tswv Ntuj. Txhob mus raws li txoj cai xwb, Vim tias cov nyiam Tswv Ntuj, mas lawv ua zoo dua cov coj txoj cai.
Txoj kev thoob tsib peb txais ntawm Yes Xus los,txawv ntiaj teb txoj kev thoob tsib uas Ntiaj teb neeg nyiam coj thiab taug.
Tswv Ntuj twb pub txiaj ntsim pab peb taug txoj kev zoo, los peb tseem yuav txiav siab tiag xaiv kom tau txoj kev ua ntxim Tswv Ntuj siab nyiam.
Tswv Ntuj cov lus hais tias, yog koj xav ua tiag,mas koj yeej muaj peev xwm,ua kom koj nyob ruaj nreb hauv Tswv Ntuj cov lus qhia.
Tswv Ntuj yuav tso kev ciaj kev tuag tib si nyob ntawm koj xub ntiag. Koj xav xaiv yam twg los ywj koj siab tau. Huab Tais lub hwj huam thiab kev thoob tsib loj thiab tob tas nrho.
Nws pom thiab paub tas txhua yam uas neeg ua nyiam no thiab yav tom ntej tib si. Nws tsis tau tso lus rau leej twg mus taug kev tsis hwm Ntuj thiab kev ua txhaum.
Txoj kev uas tshaj rau cov neeg hlob tiav, nyob hauv kev ntseeg,yog ib txoj kev thoob tsib tiag. Nws tsis yog ntiaj teb kev thoob tsib xws li cov Vaj li.
Ntiaj teb kev thoob tsib yuav ploj mus nrog tus neeg. Hos Tswv Ntuj kev thoob tsib yuav nyob mus li. Tswv Ntuj kev thoob tsib, mas Ntuj yeej ib txwm tshwj zias pub rau tus neeg ntseeg.
Kom muaj hwj huam rau sab Ntsuj Plig,nrog Tswv Ntuj ua Vaj. Leej Pleev txoj kev tuag nyob saum ntoo cuam, Vim ntiaj teb neeg tsis paub txog nws yog leej twg.
Tab yog nyiam no yog peb ua raws li cov lus sau tseg, mas peb kuj tau tshaj tej yam qhov muag tsis tau pom, los pob ntseg tsis tau hnov dua li thiab.
Tseem yog tej yam uas nce los tsis tau txog neeg nruab siab. Yog tej yam uas Leej Ntuj Plig npaj tas yuav qhia peb nyiam no mus rau yav tom ntej.
Muaj raws li Yes Xus hais:
Nej txhob xav tias kuv tuaj rhuav ntiaj teb neeg txoj cai pov tseg. Kuv hais rau nej tias: Lub ntiaj teb no thiab lub ntuj uas nej pom no yuav dua ntais mus. Hos txoj cai mas tsis muaj ib txwm ntawv yuav ploj mus li.
Tas puas tsav yam nyob hauv txoj cai yuav tshwm sim tuaj kom tas tso. Tus tau hla txoj cai ib qho me me thiab qhia luag ua raws,qhov hla ntawd.
Mas nws yuav ua tus me dua cov nyob pem Ntuj lub Ceeb Tsheej. Kuv tseem yuav hais ib yam ntxiv tias:
Yog nej tsis ua siab ncaj dua cov thoob xwm ntawv thiab cov Fas Lis Xais,mas nej yuav tsis tau mus hauv Tswv Ntuj lub Ceeb Tsheej.
Nej hnov tej laus hais tias, koj txhob tua neeg. Tus tua neeg yuav mus raug txim nyob hauv luv tsev txiav txim. Hos kuv mas kuv hais rau nej tias, tus cem nws tus kwv ua niag Ruam no xwb, mas nws twb raug cov txwj laus txiav txim rau nws lawm.
Hos tus tau cem nws tus kwv ua niag Vwm, mas nws yuav raug txim nyob hauv dab phem cov hluav taws. Kuv hais rau nej! Nej txhob cog lus ib zaug li rau tej yam nej ua tsis tau.
Tsam nej muaj kev ntxhov siab loj! Muaj ces hais tias muaj. Tsis muaj ces hais tias tsis muaj no xwb. Amen.

ZAJ THOV THOV NTUJ.
Thov kom him raws li zaj lus nthuav no:
1. Thov rau lub Koom Txoos...
2. Thov rau cov Nom Tswv kav teb chaws...
3. Thov rau cov neeg txom nyem....
4.Thov rau yam ub yam no us muaj nyob ze nej thaj chaw...
5. Thov Ntuj rau pab neeg tuaj ua ke hnub no ....

Yaj Zoov Ntxheb Xib Hwb.3

Cov Zaj nyeem ntawv Les Vis,{19:1-2+17-18.} 1kos lis Nthos,{3:16-23.} Mas Tais,{ 5:38-48.} Hais tias:
Tswv Ntuj ua zoo rau cov neeg phem ib yam li cov neeg zoo, Peb yuav xyaum ua zoo li Tswv Ntuj. Peb yuav ua zoo rau cov zoo los cov phem ib yam nkaus.
Vim Leej Tswv Yim Ntshiab nyob txawm hauv peb sawv daws nruab siab. Peb yuav saib tias yog kev muaj nqes rau peb. Tus Leej Tswv Yim Ntshiab no. Yog peb kev thoob tsib uas peb txais ntawm Tswv Ntuj los.
Tos peb yuav xyaum ua neeg Ntshiab, vim Tswv Ntuj twb yog tus Ntshiab huv lawm. Paug thaum ub Tswv Ntuj tau hais rau Mais Xes tias:
Koj hais rau cov His Xas Lais kom lawv ua neeg ntshiab huv mas! Koj yuav tsis txhob ntxub koj tej kwv tij nyob hauv nruab siab.
Koj yuav qhuab qhia nws, koj thiaj yuav tsis nrog nws ris nws cov txhaum. Thiab koj yuav nyiam tsoom txheeb ze ib yam li koj rov nyiam koj.
Vim nej sawv daws yog zoo li Tswv Ntuj ib lub tuam tsev, Leej Tswv Yim Ntshib nyob txawm hauv nej txhua tus. Yog nej ua txhaum rau nej ib tug txheeb ze, mas cuag li nej rhuav Tswv Ntuj ib lub tuam tsev pov tseg.
Mas Tswv Ntuj yuav tsis zam rau tus neeg ua tau rhuav Tswv Ntuj ib lub tuam tsev ntawd thiab. Vim tias lub tuam tsev ntawd, mas Tswv Ntuj twv tau qee rau Tswv Ntuj lawm.
Lub tuam tsev ntawd kuj yog peb me nyuam neeg li thiab. Tswv Ntuj hais tias, yog nej xav ua ib tug neeg thoob tsib raws li ntiaj teb kev thoob tsib, mas nej yuav ua ib tug neeg Vwm, kom muaj kev thoob tsisb tuaj.
Vim nyob ntawm Tswv Ntuj xub ntiag,mas ntiaj teb kev thoob tsib kev yog kev Vwm. Nej saib, twb muaj Tswv Ntuj lo lus hais tias:
Tswv Ntuj ua koj tus neeg thoob tsib rov mag nws txoj kev ntse. Huab Tais paub tias cov neeg thoob tsib lub Tswv Yim xav li cas lawm.
Nws cim ntsoov lo lus cuav yuav tawm los. Nej kuj yuav txhob ntshais, vim tias txhua yam uas yog nej tug. mas kuj yog Leej Pleev tug. Leej Pleev kuj yog Tswv Ntuj tug. Tas txhua yam Tswv Ntuj saib zoo li ntawd. Amen.
ZAJ THOV NTUJ.
1. Thov Ntuj rau lub Koom Txoos....
2. Thov Ntuj rau cov Nom Tswv Kav teb chaws....
3. Thov Ntuj rau cov neeg txom nyem....
4. Thov Ntuj rau cov neeg los yam ub yam no....
5.Thov Ntuj rau cov neeg tuaj teev Ntuj hnub no...


Yaj Zoov Ntxheb Xib Hwb.

Cov zaj nyeem His Xais, {49:14-15.} 1Kos lis Nthos,{4:1-5.} Mas Tais,{ 6:24-34.} Hais tias:
Yes Xus hais tias, txhob cia nyiaj txiag ua peb tus tswv,vim peb yuav ua neeg muaj, los ntshaws ntau yam dhau. Ces peb yuav saib Tswv Ntuj lub Ceeb Tsheej tsis muaj nqes.
Peb yuav tsis txawj hwm neeg,peb kuj yuav tsis hwm cov cai lij choj txiav txim thiab. Qhov zoo mas peb yuav muab siab rau saib Tswv Ntuj cov hauj lwm, thiab cia Tswv Ntuj ua tus txiav txim.
Vim Tswv Ntuj yog tus nyiam nws Haiv neeg xws li Leej txiv nyiam nws cov me nyuam. Tswv Ntuj muaj lo lus xub hais tseg tias,yog ib tug Leej niam nws yuav tsis nco nws tus me nyuam puas yuav tau?
Tab yog cov poj niam lawv tsis nco txog lawv cov me nyuam los,kuv yog Tswv Ntuj, kuv yuav nco ntsoov nej. Ua li mas peb tsuas xav kom peb yog Yes Xus Pleev, cov tub txib,thiab tuav Tswv Ntuj cov paj tshab.
Peb yuav tos dab tsi ntawm cov neeg tuav Tswv Ntuj cov hauj lwm,hais txog kev txiav txim rau ib tug neeg, los dab tsi kuj xij.
Kuv kuj tsis txiv txim rau kuv, Kuv kuj tsis hais tias kuv ntshiab huv txaus lawm. Tus paub txhua yam mas yog Tswv Ntuj, Peb yuav tos kom Tswv Ntuj tuaj tso.
Tas txhua yam nyob rau hauv neeg nruab siab uas nyias tau txais ntawm Tswv Ntuj los. Yuav muaj lus cav txog nyias lub npe.
Qhov ntawd cia Tswv Ntuj mam ua pub rau sawv daws.
Tswv Ntuj lo lus hais tias,tsis muaj leej twv tuav ib txhij tsob hwb ob tug tswv tau li. Nws yuav ntxub ib tug, hos nyiam lwm tus.
Yog nws npuab tus no, mas nws yeej yuav thuam tus tod xwb.Yog nej xav tsob hwb Tswv Ntuj thiab nyiaj ua ke mas tsis tau tau li.
Yog nej hnov cov lus no lawm, mas nej kuj yuav txhob txhawj tias,yuav muab dab tsi los yug siav, thiab muab dab tsi los hnav?
Neeg txoj sia tsim txiaj dua lub cev thiab kev noj kev hnav ntawd. Nej tsa muag ntsia saum ntuj saib,cov noog lawv tsis tseb nplej. Tsis sau qoob los ntim hauv txhab cia.
Tsis kav tsis muaj neeg tau pom ib tug noog yuav tuag tshaib poob rau qhov twg li.
Hais txo tej ris tsho neeg hnav, kuj zoo tib yam li ntawd. Nej ntsia saib cov paj hmab paj ntoo nyob tom nras liaj.hnub no lawv ciaj, tag kis luag yuav muab lawv txiav pov hlawv kom kub hnyiab tas.
Tsis kav lawv tau hnav zoo tshaj ib tug Vaj nto moo lug xws li tus Vaj Xas Los Moos. Kwv tij ua li mas peb yuav nco ntsoov tias,yog Tswv Ntuj lub Ceeb Tsheej muaj nqes tshaj. Amen.

ZAJ THOV NTUJ.
1, Thov Ntuj rau lub Koom Txoos....
2. Thov Ntuj rau cov Nom Tswv kav teb chaws...
3Thob Ntuj rau cov neeg Txom nem...
4. Thob ntuj rau cov ua thawj neeg coj pab coj paug...
5.Thob Ntuj rau cov tuaj teev Ntuj hnub no.....

Yaj Zoov Ntxheb Xib Hwb.

Cov Zaj nyeem muaj, ntawv Yos Es, { 2:12-17.} 2 Kos Lis Nthos,{ 5:20-21+6:1-2.} Thiab Mas Tais,{ 6:1-6+17-18.} Hais tias:
Cov neeg ntseeg yuav nrhiav ua, txhua yam zoo. Tsis yog yuav nrhiav lub koob meej, qhov ntawd yog peb txoj kev nyiam Tswv Ntuj.
Nyem no yog lub caij uas peb yuav rov tig los nrog Tswv Ntuj sib haum xeeb. Vim Yes Xus yog tus tuaj them peb lub txim txhaum. Yog Tswv Ntuj xav kom peb tig los yuav lub siab tshiab.
Tswv Ntuj twb tau ceeb toom tshaj Nws tej lus li no tias:
Nyem no yog lub caij nej rov los cuag kuv lawm mog, nej yuav quaj rau nej cov txhaum. Cuag li nej yog ib pab xyom cuab.
Nej txhob ua nej tej tsho ntuag, nej yuav ua nej lub siab ntuag thiaj yog. Vim nej tus Tswv Ntuj hlub thiab khuv leej nej tas nrho, Tswv Ntuj tsis npau taws rau leej twg!
Tswv Ntuj xav nrog nej nyob thiab pub txiaj ntsim rau nej, nej kav tsij thov Huab Tais. Nws yuav zam rau nej thiab foom hmoov zoo rau nej.
Kom nej muaj kev ywj pheej, nyob hauv kev txi Ntuj raws li nej nyiam. Nej yuav npaj kom muaj tej lub caij nyob ntsig to, nrog Tswv Ntuj sib haum xeeb.
Lub caij nej nrog Tswv Ntuj siab haum xeeb ntawd, Tus nyiam noj ntau yam qav. yuav ua cov kab ke yoo txog qee yam. Cov uas yog Nkauj Nyob thiab nraug vauv, yuav caiv txaj kom tau ua cov kab ke yoo ntxim Tswv Ntuj siab.
Cov laus yuav yoo mov, noj tsawg me ntsis thiab caiv ncauj kom txhob muaj lus xaiv txog leej twg. Vim tias cov neeg ntseeg puav leej yog cov neeg uas Tswv Ntuj tau xaiv thiab txib lawv los tshaj tias:
Thov nej hlub nej haiv neeg, kom txhob tso cov neeg uas yog Ntuj me nyuam ib tug twg raug kev txaj muag. Nej yuav txhob cia pej kum Cuab hnyos nej thiab thuam tias, nej tus tswv Ntuj mus dua twg lawm!
Tas txhua tus neeg Ntseeg txog Yes Xus lub npe, sawv daws yuav paub tias: Tswv Ntuj xav kom peb ua Leej Pleev cov Tiam Lis, nyob tas qhov txhia chaw.
Txoj kev ua Tswv Ntuj tus Tiam Lis, yog Tswv Ntuj xav qiv peb lub ncauj los tshaj tawm thiab kom peb lub siab nrog peb tes hauj lwm ncaj ncees,ua nrog tsoom txheeb ze txhua tus, hais tej lus meej thiab tseeb xwb.
Vim lub caij haum xeeb thiab lub caij cawm neeg, yog pib nyem no mus lawm. Peb yuav txhob ua neeg zoo nyob ntawm daim tawv xwb, txoj kev nrog Tswv Ntuj sib haum xeeb yog ua ncaj ncees tawm hauv nruab siab los. Amen.
ZAJ THOV NTUJ.
1. Thov Ntuj rau lub Koom Txoos....
2. Thov Ntuj rau cov Nom Tswv kav teb chaws...
3. Thov Ntuj rau cov neeg txom nyem...
4. Ntov Ntuj rau cov neeg sau npe hnub no thiab cov uas muaj teeb meem uas nej paub nyob deb los nyob ze...
5. Thov Ntuj rau peb cov tuaj teev Ntuj hnub no kom...

Yaj Zoov Ntxheb X.

Hnub Chiv 1 caij plaub caug no, cov zaj nyeem muaj, ntawv Hauv Paus. { 2:7-9+ 3:1-7.} Los Mas.{ 5:12-15 +17-19.} Thiab Mas Tais, { 4: 1-15.} Hais tias:
Yes Xus tsis kam ua hwj huam yees ntxwv raws li Dab Phem qhia Nws ua. Yes Xus tau xaiv txoj kev mloog Tswv Ntuj lus. Yes Xus tsis yoog thiab ua raws li Es Vas thiab As Das ntawd.
Peb neeg ntiaj teb nyiam  mus yoog raws li Es Vas thiab As Das ntawd, mas peb sawv daws thiaj xav txog kev ua txhaum. Peb yuav mloog raws lis Yes Xus, thiaj paub Tswv Ntuj lub txiaj ntsim npo peb ntawm kev ua txhaum.
Tas txhua tus neeg nyob ntiaj teb no, yuav taug txoj kev zoo los kev phem kuj tau.  Yog tus neeg nyiam Tswv Ntuj tiag, mas nws yuav tsum xaiv txoj kev mloog Tswv Ntuj lus.
Dab phem lub tswv yim mas nws paub tob dua leej tib neeg lub. Nws xav kom cov neeg Ntuj tau tsim los, kom ncaim mus nyob deb ntawm tswv Ntuj.
Dab phem thiaj nug Es Vas tias, Tswv Ntuj txwv tsis pub neb noj tas nrho cov txiv ntoo hauv lub vaj puas yog?
Tus poj niam teb tias, Wb noj tau tas nrho, tsuas tseg tsob ntoo nyob hauv nruab nrab lub vaj wb wb noj tsis tau!  Yog wb noj mas wb yuav paub qhov phem thiab qhov zoo thiab wb yuav paub txoj kev tuag no.
Dab hais tias, tos Tswv Ntuj tsis pub neb noj, vim Tswv Ntuj ntshai tsam neb paub ntau yam cuag li Tswv Ntuj, mas Tswv thiaj txwv xwb.

Ces Es Vas thiaj ntsia tsob ntoo zoo li zoo noj tiag, ces Es Vas xav zoo li Tswv Ntuj.  Es Vas Thiab As Das nkawd noj tas, ces nkawv tsim dheev thiab qhov muag qhib plho los, pom tias nkawd liab qab.  Ces nkawd thiaj mus de nplooj Cev los xaws npua kom zoo saib.
Ua li mas thaud yog vim ib tug tib neeg xwb,kev txhaum thiaj tshwm tuaj nyob ntiaj teb no.   Ces kev txhaum coj kev tuag tuaj nphav tas nrho zeej tsoom neeg sawv daws.
Viam tas tsoom neeg sawv daws nyiam kev ua txhaum ntau.
Yog tib tug neeg xwb ua kev txhaum, ces tas Zeej Tsom raug kev tuag.  Nyiam no Tswv Ntuj cov paj tshab uas Ntuj pub rau Leej Pleev tib leeg muaj ntawd.
Kuj yuav ntws los nyob tas nrho rau hauv Zeej Tsoom neeg tib si.
Kuj yog vim ib tug neeg xwb thiab, Tau tuag nyob hauv  neeg kev txhaum raug txiav txim.   Ces kev tuag rov tau ua Vaj tswj sawv daws kom muaj txoj sia nyob.
Vim li ntawd mas ib tug neeg cov txhaum pus tas sawv daws mus zwm rau kev tuag!  Hos yog Leej Pleeb Tib leeg tsa tas sawv daws kom muaj txoj sia, sawv rov los mloog Tswv Ntuj lo lus.
Yes Xus yog tus tau mloog Tswv Ntuj lus txog qhov kawg.  Lub caij Leej Tswv Yim coj Yes Xus mus txog teb chaws suab puam.

Yes Xus yoo mov tas 40 hnub thiab 40 hmoo, ces txoj kev tshaib los raug Yes Xus.  Tus ntxias neeg kuj txav los ze Yes Xus, nws hais rau Yes Xus tias:
Koj twb yog Tswv Ntuj Leej Tub, mas tsis tsim nyog yuav yoo mov li no.  Koj twb muaj hwj huam, koj cia li qhia kom cov pob zeb no txia ua mov rau koj noj yeej tau!
Yes teb rau tus ntxiag neeg tias, neeg tsis kawg yuav mov los yug siav xwb.  Neeg tseem yuav, yuav cov lus tawm ntawm Tswv Ntuj lub ncauj los yug siav thiab.
Dab Phem muab tas cov nroog nto moo nyob ntiaj teb no rau Yes Xus xyuas. Nws hais rau Yes Xus tias, yog koj pe kuv, mas kuv yuav muab tas nrho cov nroog nto moo ntawd rau koj.
Dab phem tseem coj Yes Xus, mus txog saum lub tuam ru tsev teev Ntuj.  Nws hais rau Yes Xus tias:  Koj yog Tswv Ntuj Leej tub tiag, mas koj dhia saum no mus rau hauv av. Tswv Ntuj yuav txib Ntuj cov Tshiab tuaj nqa koj nyob hauv lawv txhais tes, Koj taw yuav tsis dawm pob zeb li.
Yes Xus hais rau Dab Phem tias, Xas Tas, koj khiav mus, ntawv sau tseg tias, tus koj yuav pe thiab yuav hwm.  Yog koj tus Tswv Ntuj, koj yuav teev Nws ib leeg xwb. Amen.

ZAJ THOV NTUJ.
1. Thov Ntuj rau lub Koom Txoos....
2. Thov Ntuj rau cov Nom Tswv kav teb chaws...
3. Thov Ntuj rau cov neeg txom nyem....
4. Thov Ntuj rau yam ub yam no....
5, Thov Ntuj rau cov neeg tuaj teev Ntuj hnub no kom...

* Yaj Zoov Ntxheb X.H.

Hnub chiv no cov zaj nyeem muaj ntawv hauv paus, {12:1-5.} Tis Mos Tes, {1:9-10.} thiab Mas Tais,{17:1-9.} hais tias:
Yes xus muab Nws lub hwj Chim rau cov thwj Tim pom, Nws pab lawv ntseeg tias, tus yuav tuag nyob saum ntoo cuam, yog Tswv Ntuj Leej Tub.
Vim Tswv Ntuj Leej Tub, mas Ntuj thiaj tau pub txiaj ntsim dawb rau lub qab ntuj neeg. Lub caij plaub caug no, peb yuav hnov Tswv Ntuj lub suab hu peb kom peb tig los yuav lub siab tshiab thiab zoo siab mloog Tswv Ntuj cov lus qhia.
Kom muaj neeg coob coob los raws Yes Xus txoj kev cawm neeg. Xws li thaud Tswv Ntuj tau foom hmoob zoo rau tus yawg Koob Has Nplas tias:
Nws yuav muaj xeeb ntxwv coob npaum li cov hnub qub nyob saum ntuj thiab npaum li cov suab puam nyob tom ntug hiav txwv.
Ua li mas yog peb cov neeg ntseeg no, yuav tso tej kev moog dab phem pov tseg. Tswv Ntuj thiaj yuav foom hmoov zoo, thiab pub txiaj ntsim kom peb cov txheeb ze tig los ntseeg thiab paub Tswv Ntuj coob tuaj.
Tswv Ntuj xav nrog peb cog lus zoo li thaud Ntuj nrog Has Nplas cog lus. Tso tej kev mloog dab tseg, raws Tswv Ntuj mus, Ntuj yuav muab ib lub teb chaws tshiab rau peb nyob.
Tswv Ntuj yuav tsa cov mloog Leej Pleev lus, hu lawv ua cov me nyuam Vaj. Kom lawv tau ua cov neeg nto moo nyob hauv Tswv Ntuj Haiv neeg.
Thiab yuav muaj tej lub npe ntshiab huv uas luag yuav tuav txog lawv cov npe los sib foom hmoov. Vim Tswv Ntuj lub txiaj ntsim yuav ntws los nrog cov neeg ntshiab huv lawv tej npe zoo.
Hnub chiv Keeb uas thawj tus neeg tau ua txhaum, Tswv Ntuj twb tau npaj lub txiaj ntsim cawm neeg no nyob hauv Leej Pleev txoj kev tuag nyob saum ntoo cuam lawm.
Yog Leej Pleev tuaj rhuav txoj kev tuag, kom txoj sia rov ci tuaj li teeb uas tsis txawj tuag ntxiv. Zoo li hnub Yes Xus coj cov Thwj Tim nce mus saum lub roob lawv tau pom Yes Xus lub hwj chim ci xws li txoj sab hnub zoo nkauj'
Thaum ntawd Muaj lub suab nrov saum ntuj tuaj tias:
Tus no yog kuv Leej Tub uas kuv nyiam Nws kawg, nej mloog Nws mog. Amen.

ZAJ THOV NTUJ
1. Thov Ntuj rau lub Koom Txoos...
2. Thov Ntuj rau cov Nom Tswv kav teb chaws....
3. Thov Ntuj rau cov neeg txom nyem.....
4. Thov Ntuj rau cov neeg nyob deb los nyob ze uas lpaub lawv muaj teeb meem...
5. Peb thov Ntuj rau cov tuaj teev Ntuj hnub no kom...


*Yaj Zoov Ntxheb X.H.

Cov zaj nyeem hnub no, yog ntawv kev tsiv,{ 17:3-7.} Los Mas,{ 5:1-2+5-8.} thiab Mas Tais, {4:5-42.} hais tias:
Tswv Ntuj yog tus pub cov dej muaj txoj sia, rau cov neeg ntseeg txog Tswv Ntuj. Cov neeg ntseeg thiaj yuav tsis muaj kev tshaib nqhis cov dej muaj txoj sia tas lawv sid.
Lub caij peb tseem ua neeg nyob hauv txoj kev ua txaum, Yes Xus zoo siab tuag kom tau pab tsoom neeg txhaum. Xws li Tswv Ntuj ua kom dej txhawv ntawm phab tsua los, cawm Nws haiv neeg, nyob teb chaws suab puam.
Nyem no Yes Xus Pleev, yog tus pub cov dej muaj txoj sia los cawm cov neeg tso siab rau Tswv Ntuj haiv neeg tshiab.
Thaud Tswv Ntuj hais kom Mais Xes coj ib pab txwj laus mus kom lawv pom tswv Ntuj lub hwj chim, thiab ua tim kawv txog cov dej tawm ntawm phab tsua los.
Nyem no yog peb yuav ua Leej Pleev cov tim kawv, zeem tseeb txog Leej Pleev yog tus pub txoj sia rau lub qab ntuj neeg.
Thaud Tswv Ntuj hais rau Mais Xes tias kuv yuav nyob ntawm koj hauv ntej. Nyem no Leej Pleev yuav nyob ntawm peb xub ntiag hais tib lo lus li ntawd.
Rau cov peb cov neeg ntseeg tsis ti txha, thiab nyiam thab plaub rau Tswv Ntuj thiab tsis mloog Ntuj lus. lawv khev hais tias, Tswv Ntuj puas nrog neeg nyob tiag.
Peb yuav tsum paub tias, txoj kev ntseeg ncaj ncees tuaj ntawm Tswv Ntuj tus nyob siab tuaj, Nws yog Leej tub Yes Xus Pleev.
Txij hnub Yes Xus Pleev txais kev yeej hauv kev tuag kom rov muaj txoj sia nyob, Yes Xus Pleev Nws muab Nws tso Nws lub txiaj ntsim los nyob txawm hauv peb.
Peb yuav cav thiab tso siab tias, peb yuav tau txais Tswv Ntuj lub Hwj Chim. Ua li mas peb kev tso siab tsis ua kom peb muaj chaw khuv xim, Nws twb hliv los rau peb thaum Nws nyob saum ntoo cuam lawm.
Yog Tswv Ntuj kev nyiam kev hlub, Nws muab tso plhuav los rau peb, saib peb puas yuav tuaj yeem txais los ua peb tug xwb.
Ua li mas thaum peb tsis muaj zog peb txhob tas kev cia siab rau Leej Pleev. Yes Xus Pleev hais meej kawg rau tus poj Xas Mas lias tias:
Yog koj paub tus hais lus rau koj tias, koj muab dej rau kuv haus. Mas tsim nyog koj yuav thov Nws, ces Nws yuav muab cov dej muaj txoj sia rau koj haus.
Yes Xus hais ntxiv tias, Koj ntseeg kuv mog. Nyem no txog lub caij lawm, tsis yog nej yuav teev Ntuj nyob saum lub roob no los yuav teev Ntuj nyob Yes Lus Xas Les li lawm.
Ib co lawv teev tus uas lawv paub, hos ib co lawv teev tus uas lawb tsis paub. Txoj kev teev Ntuj tseem ceeb tuaj ntawm cov Yus Das tuaj.
Ua li mas peb txhob hais tias peb teev Ntuj nyob tom tsev xwb ces zoo thiab tau lawm. Lo lus no Yes Xus xav hais tias txoj kev teev Ntuj tseem Ceeb tuaj hauv lub Tuam Tsev Teev Ntuj tuaj.
Kev teev Ntuj hauv tsev, yog kev sib haum xeeb ntawm Tswv Ntuj thiab yus. Hos kev teev Ntuj hnub chiv hauv lub tsev teev Ntuj, yog kev sib haum xeeb nrog tas Tsoom neeg sawv daws thiab nrog Tswv Ntuj ua ke tib si.
Kom peb sawv daws koom tau ua ib cuab ib yig nyob hauv Tswv Ntuj kev ua vaj thiab muaj kev nyiam kev hlub nyob ua txiv ua tub thiab txheeb ze ua kev.
Thiab Leej Pleev txoj kev cawm neeg saum Nws tus ntoo cuam mas nyob hauv lub tuam tsev ntshiab. nrog thaj cav txiaj ntsim ua cov kab ke lov mov.
Leej Pleev xav qhia peb tias, hnub chiv txhob siv lo lus tias, kuv teev Ntuj nyob hauv tsev xwb ces yog lawm. Yog koj muaj kev tab khaum mas tsis ua li cas.
Hauv tsev yog peb nco ntsoov tias, peb yuav nrog Tswv Ntuj sib haum xeeb ua ke ntawm yus mas yog kawg.
Thaum Leej Choj ua cov kab ke lov mov, mas Leej Choj rub kom Leej Pleev nqes los nyob hauv lub ncua mov thiab cov cawv uas yog neeg hauj lawm tsim tau los.
Kom Leej Plev hloov tau los ua tus Yaj dawb huv txi rau Leej Txiv ua cov paj tshab cawm neeg. Xws li cov dej muaj txoj sia.
Leej Pleev tau sawv tas nrho npoj neeg ntseeg thov kev sib haum xeeb ntawm Tswv Ntuj txais me nyuam neeg los nrog Tswv Ntuj koom ua ib cuab ib yig nyob mus li thiam koom noj cov txhiam xws muaj txoj sia nyob mus li. Amen.

ZAJ THOV NTUJ.
1. Peb thov Ntuj rau lub Koom Txoos, kom tas txhua phiaj neeg, rau siab ua Leej Pleev cov Tiam Lis pab ua Tswv Ntuj tes hauj lwm kom tiav. Nyob hauv kev ncaj ncees. Ntuj awb...
2. Peb thov Ntuj rau cov Nom Tswv kav teb chaws, Tswv Ntuj yog tus pub hwj chim tsa lawv ua nom los coj teb chaws. kom lawv nyiam kev ncaj ncees, txhob muaj kev sib ntxub... Ntuaj awb.
3. Peb thov Ntuj rau cov neeg txom nyem... Kom Ntuj tshoj cov npua nuj nco txog lawv. Thiab cov sau npe hnub no... Ntuj awb...
4. Peb thov Ntuj rau co neeg ntseeg Yes Xus Pleev lub npe kom lawv paub mloog Leej Ntuj Plig qhia kev thoob tsis rau lawv. Txhob muab Tswv Ntuj lub npe mus xyav ua tej yam tsis tseem ceeb. Ntuj awb...
5. Peb thov Ntuj rau peb cov tuaj teev ntuj hnub no.... Ntuj awb... Yaj Zoov Ntxheb X. H.

Cov zaj nyeem hnub no, muaj ntawv 1 Xas Muas, {16:1+6-13.} Es Fes Xos,{ 5:8-14.} thiab Zam, { 9:1+6-9+13-17+34-38.} Hais tias:

Cov neeg tsis tau ntsib Yes Xus lawv zoo li tus neeg dig muag. Yes Xus yog tus muaj hwj haum, ua kom lawv pom kev tuaj.
Thaum peb ntseeg txog Yes Xus los, mas zoo li peb lub tswv yim pom kev tuaj. Zoo li Das Vis, uas Tswv Ntuj xaiv Nws los ua tus Pleev, kom tau ua Vaj kav cov His Xas Lais.
Tswv Ntuj qhia Xas Muas tias: Kuv xa koj mus txog Yes Xes lub tsev, nyob Npe Les Hes. Nyob hauv Yes Xes cov tub, kwv tau xaiv ib tug los ua Vaj.
Ces Xas Muas mus thiab caw Yes Xes cov tub tuaj thaj txi Ntuj. Tswv Ntuj qhia Xas Muas tias: Koj txhob saib tus neeg loj siab muaj tsim nyob sab nraud.
Tswv Ntuj tsuas saib neeg lub siab,uas ntxim Tswv Ntuj nyiam xwb. Yes Xes coj nws 7 leej tub tuaj ib tug zuj zus rau Xas Muas saib.
Xas Mus nug tias: Koj cov tub puas tshuav leej twg ntxiv lawm! Yes Xes hais tias, tshuav tus tub ntawg, nws mus zov tsiaj nog zaub lawm.
Xas Muas zaum tos thiab kom tso neeg mus hu los, thaum Das Vis tuaj txog. Tswv Ntuj qhia Xas Muas kom pleev Das Vis ua Vaj.
Ces Tswv Ntuj lub Tswv Yim tuaj nyob nrog Das Vis, kom Das Vis txawj ua ib tug neeg thoob tsib. Coj tsoom His Xas Lais thiab qhia lawv cav txog Tswv Ntuj lub Hwj Chim mus raws kev hwm Ntuj.
Tswv Ntuj hais rau neeg ntiaj teb tias, thaud, nej nyob hauv txoj kev tsaus ntuj. nyem no, nej yog qhov pom kev nyob hauv Tswv Ntuj.
Nej yuav ua ib co neeg txi ib co txiv yog lub siab zoo, siab ncaj nrog lub siab tseem ceeb. Nej yuav muab siab rau nrhiav, saib yog dab tsi thiaj ntxim Tswv Ntuj nyiam.
Nej txhob nrog luag ua cov hauj lwm, tsiv nraim nyob hauv chaw tsaus ntuj. Tej hauj lwm ntawd, yog ua kev phem xwb.
Yog nej hais ib yam phem los ib yam zoo, mas nej ua kom luag pom kev tseeb txog yam ntawd. Leej Pleev twb sawv hauv cov tub tuag los ziab rau nej lawm.
Nej yuav tsim dheev los ua cov tub pom kev. Xws li tus neeg dig muag, uas Yes Xus muab qaub ncaug do ua av nkos pleev nws lub qhov muag.
Thiab kom nws mus ntxuav nyob hauv lub pas dej Xis Laus Es. Ces Nws tau pom kev lawm. Txhob hais li cov Fas Lis Xais hais tias:
Tus neeg kho koj lub qhov muag tsis yog tuaj ntawm Tswv Ntuj tuaj. Vim nws tsis caiv hnub Xas Npas Tos, Nws yog ib tug neeg txhaum, Nws puas muaj peev xwm ua tau tej hwj huam loj li no.
Thiab lawv thuam tus dig muag tias, Koj li txij thaum koj yug los koj yeej muaj txaum, koj cav muaj plhus ntuas peb tias yog Nws kho.
Yes Xus hnov lawv ntiab tus dig muag li ntawd, Yes Xus ntsib tus dig muag, Yes Xus hais tias:
Koj puas ntseeg txog Leej Neeg tus Tub, yog Leej twg?
Tus dig muag teb tias, koj qhia kuv kom kuv tau ntseeg txog nws! Yes Xus hais tias, yog tus nrog koj tham lus no. Ces tus dig muag ntseeg thiab pe Yes Xus. Amen.

ZAJ THOV NTUJ.
1. Thov Ntuj rau lub Koom Txoos....
2. Thov Ntuj rau cov nom Tswv kav teb chaws....
3. Thov Ntuj rau cov neeg txom nyem...
4. Thov Ntuj rau yam ub yam no, los lwm tus....
5. Thov Ntuj rau cov neeg tuaj teev Ntuj hnub no...

Yaj Zoov Ntxheb X.H.

Hnub no cov zaj nyeem yog,ntawv Es Xes Kias, {37:1-14.} Los Mas, {8:8-11.} thiab Zam, {11:1-7+17+20-45.} Hais tias:
-Yes Xus pub txoj sia rau cov neeg ntseeg thiab txais lub Cim Ntxuav, xws li Nws pub txoj sia rau Las Ntxas Los, sawv rov los.
-Peb yuav tso siab rau Yes Xus, peb txhob mloog peb lub cev,kev sab los kev nkees thiab ntsaw yam ub yam no! Peb tsuas mloog Leej Tswv Yim Ntshiab qhia peb mloog Ntuj lo lus xwb.
-Peb txhob ua li cov His Xas Lais, mus raug txim nyob Npas Npis Los. Txoj kev mus nyob txim,zoo li ib co neeg mus zwm ntxa.
-Tawm tsis tau mus qhov twg li, yog peb nyiam Yes Xus, mas Nws yuav pub txoj sia, nyob hauv lub Cim Ntxuav rau peb. Raws li Tswv Ntuj lo lus xub hais tseg tias:
Tswv Ntuj txhais tes roos koj nyob hauv lub vos hav muaj pob txha puv nkaus ntawd. Tswv Ntuj yuav tshaj tias, pob txha qhuav, nej mloog Tswv Ntuj lus mog!
Tswv Ntuj yuav tshuab pa rau nej, ces nej yuav muaj txoj sia. Tswv Ntuj yuav muab leeg, muab nqaij thiab tawv, los plooj nej. Ces nej yuav ua pa tau thiab muaj txoj sia tuaj.
Raws li Tswv Ntuj qhia Nws Leej Tub tshaj tawm tias: Kuv yuav qhib nej cov rooj ntxas, tsa nej sawv los muaj txoj sia, mus nyob rau thaj av, uas Ntuj cog lus yuav pub rau nej.
Li ntawd, cov uas lawv ua raws li lawv lub cev, mas lawv tsis ua raws li Tswv Ntuj nyiam. Hos nej mas nej nyob hauv Tswv Ntuj kev nyiam, vim nej nyob txawm hauv Leej Tswv Yim.
Tus tsis muaj Leej Tub lub tswv Yim nyob hauv nws, mas nws tsis yog Leej Pleev tug. Tus nyob hauv Leej Pleev, mas tab yog nws raug kev tuag nyob hauv kev txhaum.
Mas nws lub tswv yim yuav muaj txoj sia, vim kev ncaj, xws li Mab Liab Mas Ntas Las, tau muab roj pleev Yes Xus taw thiab muab nws cov plaub hau los so.
Thaum Mab Liab fi xov rau Yes Xus tias, tus koj nyiam, nws mob lawm. Yes Xus hnov lub moo ntawd, Nws hais tias:
Tus mob no cav tsis coj neeg mus rau txoj kev tuag, yog ib tug mob ua kom Tswv Ntuj Leej Tub muaj koob meej thiab nto moo xwb.
Thaum Yes Xus ntsib Mas Tas yog Mab Liab tus niam hluas, nws hais tias, Kheev lam koj nyob ntawm no, mas kuv tus nus yuav tsis tuag.
Ces Mas Tas hais ntxiv rau Yes Xus tias, yog koj thov yam twg ntawm Tswv Ntuj mas Nws yuav pub rau koj! Yes Xus hais tias, koj ntseeg mog, koj tus nus yuav yuav sawv rov los.
Kuv yog txoj sia thiab txoj kev sawv rov los, tus ntseeg txog kuv nws yuav tsis tuag. Yog koj ntseeg mas koj yuav pom Tswv Ntuj lub hwj huam.
Ces Yes Xus tsa muag ntsia saum ntuj,thiab hais nrov tias, Laws Ntxas Los, koj tawm los nraum no. Ces Las Ntxas los cia li tawm los,Yes Xus muab nws cob rau lawv kom lawv daws tej sau pav nws thiab tso nws mus. Amen.

ZAJ THOV NTUJ.
1. Peb thov Ntuj rau lub Koom Txoos, kom sawv daws ntseeg thiab tso siab rau txoj kev sawv rov los nyob hauv lub Cim Ntxuav. Ntuj awb...
2. Peb thov Ntuj rau cov Nom Tswv kav teb chaws, kom lawv tshob sib nrhiav txim rau leej twg. Vim Tswv Ntuj nyiam tas lub ntiaj teb neeg sawv daws. Ntuj awb...
3. Peb thov Ntuj rau txhua pab neeg raug kev txom nyem... Kom lawv tso siab rau Tswv Ntuj Leej Tub, txhob xaiv kev ua txhaum. Thiab zoo siab ntseeg txog Leej Pleev lub npe. Ntuj awb...
4.Peb thov Ntuj rau cov tub ntxhais hluas, kom lawv txawj xaiv txoj kev uas Tswv Ntuj nyiam. Ntuj awb...
5. Peb thov ntuj rau peb sawv daws cov tuaj teev Ntuj hnub no, kom peb txawj tso siab rau txoj kev sawv rov los nyob hauv lo lub Leej Pleev hais tias:
Kuv yog txoj sia thiab txoj kev sawv rov los. Ntuj awb...


* Yaj Zoov Ntxheb X.H.

Cov zaj nyeem hnub no muaj ntawv hauj lwm, {10:37-43.} Kos Los Xais,{3:1-4.} Zam,{20: 1-9.} Hais tias:
Vim Yes Xus sawv hauv cov Tub tuag rov los, peb thiaj tso siab tias Yes Xus pub tau txoj sia rau peb.  Thaum peb ntseeg txog Yes Xus thiab txais lub Cim Ntxuav, qhov ntawd yog lub Cim hais tias:
Peb tau nrog Yes Xus tuag thiab sawv rov los, nrog Yes Xus muaj txoj sia tshiab dua lawm. Tswv Ntuj tau tsa Yes Xus sawv rov los, Leej twg xav txais Tswv Ntuj cov txiaj ntsim, mas nws yuav vam txog Yes Xus.
Pob Zeb tau ua Tim Khauv hais tseeb rau tus Xab Txheeb Kos Nes Lias tias:
Tas sawv daws twb hnov cov xwm ua Yes Xus tawm tuaj nyob Yus Das teb.  Yam li Yes Xus mus cuag Zam kom tau txais lub Cim Ntxuav!
Lub caij ntawd, yog lub caij uas Tswv Ntuj tau Pleev Yes Xus ua Vaj, nyob hauv tus dej Yos Las Das. Tswv Ntuj tau pub lub peev xwm loj rau Yes Xus,  Nws mam mus ncig teb chaws.
Yes Xus tau ua zoo rau sawv daws thiab kho cov neeg mob kom zoo hlo.  Yes Xus hlub cov neeg txom nyem tso siab thiab ntseeg txog Nws, Nws tau tsa cov neeg tuag kom lawv rov los muaj txoj sia nyob.
Tswv Ntuj nrog nraim Yes Xus nyob, thiaj ua tau tej hwj huam loj li ntawd. Yes Xus cov thwj Tim lawv ua tim Khawv pom tas txhua yam uas Tswv Ntuj tus Pleev tau ua los ntawd.
Paj lug kuj tau hais tias peb pom xeeb nrog Leej Pleev sawv rov los, peb yuav nrhiav tej yam nyob saum txheej ntuj saud.  
Vim Leej Pleev Nws nyob saum ntuj saib peb, peb yuav muaj lub siab dai dhuam rau txheej ntuj saud. peb txhob cia peb lub siab dai dhuam rau tej yam nyob ntiaj teb no.
Vim tias thaum peb hla lub ntiaj teb no mus, mas peb txoj sia yuav mus tsiv nraim nyob hauv Yes Xus ib ntus.  Vim Leej Pleev yog txoj sia.
Zam hais txog thaum Yes Xus sawv rov los tias,hnuv chiv lis piam sawv ntxov.  Mab Liab Mas Ntas Las cuab ntxov mus xyuas Yes Xus lub ntxa, nws pom daim lag zeb dov tawm mus lawm.
Nws xauj hauv tsis pom Yes Xus lub cev nyob hauv, nws khiav los mus qhia rau Pob Zeb thiab tus thwj Tim uas Yes Xus nyiam tias:
Tsis pom Leej Pleev lub cev lawm, tsis paub leej twg coj mus dua qhov twg li lawm!  Pob Zeb thiab Zam nkawd khiav mus txog lub ntxa, nkawd xauj hauv Yes Xus tsis nyob lawm.
Nkawd tsis to taub, tab sis nkawd ntseeg. Amen.

ZAJ THOV NTUJ.
1. Peb thov Ntuj rau lub Koom Txoos, Kom txhua phiaj neeg ntseeg raws li Pob Zeb thiab Zam nkawd. Kom S.D thiaj muaj txoj sia nyob mus li. Ntuj awb...
2. Peb thov Ntuj rau cov Nom Tswv kav teb chaws, Yes Xus yog lawv tus Tuam Vaj.  Peb thov Ntuj rau lawv, kom lawv txhob tsim kev ua tsov rog.    Ntuj awb...
3. Peb thov Ntuj rau cov neeg txom nyem nyob ntiaj teb no.  Cov muaj mob, cov nyob tsev loj faj, cov raug kev tshaib plab. kom lawv muaj kev tso siab rau Tswv Ntuj lub txiaj ntsim pub txoj sia tseem ceeb rau lawv. Ntuj awb...
4. Peb thov Ntuj rau cov neeg tsis kam ntseeg txog yes Xus lub npe, kom Leej Tswv Yim Ntshiab tuaj tshoj lawv tig los npuab txoj sia nyob mus li, yog lub cuab tam Ntuj npaj rau ntiaj teb neeg txhua tus.   Ntuj awb...
5. Peb thov Ntuj rau peb cov tuaj hnub no, kom peb tso siab thiab vam txog Leej Pleev.  Yog txoj kev sawv rov los ntawm peb.   Ntuj awb...


Yaj Zoov Ntxheb X.H.

LUB CAJ HLA HNUB CHIV 2 Xyoo A Tim 23/4/2017.

Hnub no peb nyob hauv hnub chiv 2 lub caij hla, cov zaj nyeem muaj ntawv hauj lwm,{2:42-47.} 1 Pob Zeb, {1:3-9.} thiab Zam ntawv Moo Zoo,{20:19-31.} hais tias:

Cov neeg ntseeg tias Yes Xus sawv rov los, mas Yes Xus pub kom lawv tau nyob kaj lug. Vim lawv npuab Yes Xus, ces lawv rov yug los dua tshiab nyob hauv Yes Xus lub hwj chim.
Ua li mas peb kuj yuav pom thiab hnov ntau yam, los sim peb lub siab. Yog peb yeej tej ntawd, mas peb yuav tau nyob ruaj hauv txoj kev ntseeg.
Zoo li peb yuav xyaum ua neeg siab zoo, yuav sis nyiam sis hlub thiab ua zoo rau luag tej sawv daws. Peb yuav ceev faj, muaj ntau yam mas peb yuav tsis lees mus pab luag.
Cov xub ntseeg, mas yuav rau siab niaj hnub tuaj mloog Yes Xus cov lus thiab coj li, uas lawv yog ib pab kwv tij nyob ua ke.
Sawv daws yuav muab siab rau tuaj ua thaj cav txiaj ntim, raws li Yes Xus tau ua cov kab ke lov mov. nyob hauv lub tsev teev ntuj,hnub chiv.
Peb yuav saib tias peb sawv daws koom ib lub cuab tam, nyob hauv Leej Pleev. Thaum peb sib koom faib peb lub cuab tam, mas peb yuav nyob kaj lug li peb yog ib pab kwv tij.
Peb yuav txhob saib tias lwm tus nws yog peb tus yeeb ncuab thiab peb ntxub nws. Huab Tais xav coj tej pab neeg sab nraud los ua Nws cov kwv thiab cov muam.
Peb cov xub ntseeg, peb yog Leej Pleev tus duab, cia rau luag saib. peb yuav ua Yes Xus Pleev txoj hauj lwm no pub rau Yes Xus kom zoo tiav.
Pob Zeb kuj hais tias,peb yuav cav txog peb tus Huab Tais Pleev Leej txiv. Tus muaj lub siab zoo khuv leej peb. Nws thiaj pub pub kom peb tau rov yug los dua tshiab nyob hauv Nws Leej tub Yes Xus Pleev lub npe.
Tswv Ntuj xav kom peb tso siab tias, peb muaj txoj sia tshiab nyob mus li. Yog Tswv Ntuj lub cuab tam uas Nws yeej xub npaj los rau tas ib tsoom neeg nyob ntiaj teb no.
Yog Ntuj lub cuab tam, zoo li yog Ntuj tej qub txeeg qub teg uas Ntuj xav faib rau Nws tsoom tub ki kom sawv daws tau.
Tswv Ntuj lub cuab tam no tsis zoo tej toob xib siv los pab ua hauj lwm. Daws tib neeg kev txom nyem thaum ua neej nyob.
Yog Tswv Ntuj lub hwj chim txuag peb kom peb zoo li Tswv Ntuj thiab Nws tus Pleev. Ua li mas nyiam no peb paub tseeb tias peb txoj kev ntseeg, muaj nqes dua nyiaj thib kub.
Nyiaj thiab kub muas tsis tau txoj sia kom nyob mus ib txhiab ib txhis nrog Leej Pleev.
Zam hais tias, thaum Yes Xus tawm tuaj nyob nraub nrab cov thwj tim. Yes Xus hais tias, nej nyob kaj luag mog! Nej yog cov ntseeg txog kuv.
Nej yuav ua zoo li kuv, uas Leej Txiv tau xa kuv tuaj! Ces Yes Xus tshuab pa rau saum cov Thwj Tim Nws his tias:
Nej txais Leej Tswv Yim Ntshiab, yog nej daws txhaum rau Lej twg mas nws cov txhaum yuav daws mus. Nej cia txhaum rau leej twg mas nws cov txhaum yuav nyob.
Yes Xus muab Nws cov qhov txhab rau lawv xyuas tas, Yes Xus hais tias: Nej xub ntseeg,mas nej txoj hmoov zoo, nej txhob ua neeg tsis ntseeg mog. Nej thiaj yuav muaj txoj sia, nyob mus hauv kuv lub npe. Amen.

ZAJ THOV NTUJ.
1. Peb thov Ntuj rau lub Koom Txoos, kom txhua npoj neeg ntseeg muaj kev tso siab rau lub Cuab Tam Tswv Ntuj cog yuav pub rau sawv daws. Yog txoj sia nyob mus li. Ntuj awb...
2. Peb thov Ntuj rau cov Nom Tswv kav teb chaws, kom lawv txhob muab txim rau leej twg. Cia sawv daws tau nyob kaj lug, ua Ntuj me nyuam. Ntuj awb...
3. Peb thov Ntuj rau cov neeg txom nyem, Kom lawv muaj kev tso siab tias, Ntuj yuav xa ib co neeg siab zoo mus nplij lawv. kom lawv rov tau nyob tiaj tus. Ntuj awb...
4. Peb thov Ntuj rau cov tsis tau ntseeg los cov lawv ntseeg yuam kev lawd, Kom Tswv Ntuj pab thiab coj lawv los ntsib txoj sia nyob mus li ua lawv tug. NTuj awb...
5. Peb thov Ntuj rau peb cov tuaj hnub no, kom peb txawj tsos siab rau Tswv Ntuj lub npe, txawj cawm lub qab ntuj neeg kom rov muaj txoj sia tsis txawj kawg nyob mus li. Ntuj awb...

Yaj Zoov Ntxheb X.H.

Hnub no peb nyob hauv hnub chiv 3 lub caij hla. Tswv Ntuj cov lus nyob hauv cov zaj nyeem muaj. Ntawv hauj lwm, {2:14-28.} 1 Pob Zeb, {1:18-21.} thiab Lus Kas,{24: 13-35.} hais tias:
Thaum cov Thwj Tim sib sau los ua thaj cav txiaj ntsim, hu ua thaj txi Ntuj. Mas lawv thiaj to taub tias, Yes Xus tuag nyob saum ntoo cuam, kom tau pub txoj sia tshiab rau lub qab ntuj neeg txhaum.
Vim Yes Xus tau muab Nws cov ntshav los txhiv, kom neeg rov tau txoj sia tshiab tuaj ntawm Tswv Ntuj tuaj thiab tau nrog Tswv Ntuj nyob mus li.
Yes Xus Pleev yog tus siab Ntshiab, Tswv Ntuj tsis xav kom Nws pw nyob hauv txoj kev tuag mus tas nws sid. Tswv Ntuj tau Tsa Yes Xus sawv rov los, mas Ntuj xav tsa kom tas cov ntseeg txog Yes Xus lub npe sawv ua ke.
Tswv Ntuj Leej Tub xub sawv, ces tas tsoom neeg mam li yuav ua ib txhij sawv tom qab. Li ntawd mas nyob hauv txhua lub thaj cav txij ntsim.
Peb yuav nrog Yes Xus pab 11 leeg sawv ntsug tsa suab hais tias: Peb xav nrog lawv sib haum xeeb cav txog Tswv Ntuj lub hwj chim thiab lub hwj huam, uas Leej Txiv xa Nws Leej tub tuaj rhuav txoj kev tuag.
Kom fab lwm tiam peb muaj txoj sia nyob nrog Leej Pleev. Peb txhob ua li Cov His Xas Lais, uas mus vam txog ib co neeg tsis ntseeg Ntuj muab Yes Xus tua.
Tswv Ntuj tau cawm Leej Pleev kom txhob nyob hauv cov tub tuag chaw. Tus Vaj Das Vis kuj hais tias:
Kuv niaj hnub pom Tswv Ntuj nyob ntawm kuv xub ntiag. Tab yog kuv yog neeg muaj txhaum ntau heev, los Nws niaj hnub hwj kuv kom kuv txhob ntog.
Kuv lub cev thiab kuv lub siab hom khaj mus li nyob ntawm Tswv Ntuj lub hwj chim. Tswv Ntuj tau qhia txoj kev zoo tas nrho rau kuv.
Kuv pw kuv tsaug zog zoo, Kuv zoo li Tswv Ntuj tus Pleev. Nws lub hwj chim thiab Nws txoj sia nyob hauv kuv tsis txawj kawg li.
Ua li mas thaum peb ua thaj cav txiaj ntsim, Mas Leej Pleev yog tus Yaj Ntshiab huv uas tsis muaj chaw xyeej li. Nws tuaj txhiv peb ntawm kev ua txhaum.
Li ntawd mas txhua lub sij hawm, peb nyob los peb ua hawj lwm thiab mus kev. mas Leej Pleev nrog peb zoo li Nws nrog ob tug thwj Tim mus txog lub nroog Es Mas Ws.
Lawv tham txog tej xwm tshwm sim nyob Yes Lus Xas Les tias: Yes Xus yog zoo li ib tug Yaj Saub loj. muaj hwj chim thiab hais lus zoo kawg.
Nws muaj kev ntseeg kev tso siab rau Tswv Ntuj nyob puv hauv Nws. Nws raug cov neeg tsis hwm Ntuj muab nws tua. Lawv coj Nws lub cev mus tso rau hauv ib lub qhov tsua.
Muaj ib co poj niam lawv ua kom peb txhov siab. thaum lawv mus txog Nws lub ntxa, lawv hais tias tsi pom nws lub cev lawm. Lawv rov los hais qhia peb tias, Ntuj cov Tshiab kuj tawm tuaj rau lawv pom thiab.
Ces Yes Xus hais tias, ua cas nej lub siab yuav ntseeg qeeb ua luaj! txog txhua yam uas cov Yaj Saub tau hais txog. Thaum lawv mus txog chaw ces lawv noj hmo.
Yes Xus ua cov kab ke lov mov, nkawd mam zeem tau tias yog Yes Xus. Ces Yes Xus ploj kiag mus lawm, nyob ntawm nkawd xub ntiag.
Peb txhob xav tias Tswv Ntuj los leej Pleev tsis nrog peb nyob ua ke no. Amen.

ZAJ THOV NTUJ.
1. Thov Ntuj rau lub Koom Txoos, hais kom haum li nej teb chaws....
2. Thov Ntuj rau cov Nom Tswv kav teb chaws...
3. Thov Ntuj cov neeg txom nyem, cov muaj mob pw tsev tshuaj cov nyob hauv vaj tse. Cov raug txim nyob tsev loj faj thiab cov tshaib plab kom ....
4 Thov Ntuj rau cov teb chaws ua tsov rog kom lawv nyob sib haum xeeb ua ke....
5. Thov Ntuj rau cov neeg tuaj teev Ntuj ua ke hnub no, kom sawv daws nco tias Tswv Ntuj niaj hnub nrog sawv daws nyob, peb txhob lam saib tsis taus Tswv Ntuj.


Yaj Zoov Ntxheb X.H.

Hnub no peb nyob hauv lub chiv 4, cov zaj nyeem muaj ntawv. Hauj lwm,{2:14+36-41.} 1 Pob Zeb,{2:20-25.} thiab Zam ntawv Moo Zoo.{ 10:1-10.} Hais tias:
Yes Xus yog tus yog tus tswv, pub txoj sia rau Nws cov Yaj. Cov neeg nteeg txog nws thiab cov coj lub Koom Txoos, yuav ua raws li Yes Xus tus piv txwv.
Lub ntiaj teb neeg yuav ntsia thiab yoog lawv tus yam ntxwv. Thaum peb ua ib yam hauj lwm zoo los, uas peb raug xwv txheej los kev txom nyem.
Mas peb yuav saib zoo li peb nrog Yes Xus txais ib txog hauj lwm, peb thiaj muaj hmoo nrog Yes Xus cawm lub ntiaj teb neeg.
Tus tsis mloog raws li Tswv Ntuj tus Pleev cov lus, mas nws zoo li cov neeg tsis hwm Ntuj. Muab Yes Xus tua nyob saum ntoo cuam.
Lawv yuav hnov lub suab hais nyob hauv peb nruab siab tias, tus Yes Xus Pleev uas nej muab Nws tua nyob saum ntoo cuam. Mas Tswv Ntuj tau tsa Nws sawv rov los ua tus Vaj Pleev lawm.
Ua li mas peb yuav tig los yuav lub siab tshiab, li Pob Zeb tau hais rau cov neeg ntseeg tias: Nej txhob ua ib co neeg ntseeg yuam kev mog.
Vim peb muaj Yes Xus Pleev, lub Cim Ntxuav nyob hauv Nws lub npe. Yes Xus tau hais tseeb tias, tus neeg mus hauv lub nkuaj Yaj.
Yog nws tsis nkag ntawm lub qhov rooj mus, mas nws tsis yog tus zoo Tswv zov yaj. Cov Yaj yuav tsis raws nws qab mus, vim cov Yaj tsis paub nws lub suab.
Yes Xus hais tseeb kawg tias, Kuv yog cov Yaj lub qhov rooj. Cov neeg ua kuv ntej, thiab cov lawv kuv qab tuaj. Mas lawv yog ib co tub sab tub nyiag tuaj. Lawv yuav siv kuv cov lus thiab yuav kuv lub npe.
Nej mloog kuv mog, tus nkag ntawm kuv mus. Nws yuav ntsib txoj kev cawm thiab nws yuav tawm tau mus ntsib lub tshav zaub mos.
Cov tub sab lawv tuaj, mas lawv kawg tuaj nkaug thiab rhuav. Kom pab yaj puas tas xwb, kuv yog tus ua kom pab Yaj musj txoj sia loj zuj zus tuaj.
Amen.

ZAJ THOV NTUJ.
1. Peb thov Ntuj rau lub Koom Txoos, kom cov coj thiab tsoom ntseeg paub tseeb tias Yes Xus yog tus coj Pab Yaj mus ntsib lub tshav zaub mos tiag tso siab rau Nws. Ntuj awb...
2. Peb thov Ntuj rau cov Nom Tswv kav teb chaws,kom lawv lees paub tias Tus Zoo Tswv zov Yaj, yog tus pub kom sawv daws muaj txoj sia. Txhob tsim kom muaj kev kub ntxhov ua yeeb ncuab rau Tswv Ntuj cov Yaj. Ntuj awb...
3. Peb thov Ntuj rau txhua pab neeg txom nyem, Kom lawv nco txog tus Zoo Tswv Zov Yaj. Lawv thiaj zam dhau kev txom nyem. Ntuj awb...
4. Peb thov Ntuj rau cov tau sau npe, thiab cov muaj teeb meem nyob deb. Kom Ntuj pov hwm lawv. Ntuj awb...
5. Peb thov Ntuj rau cov tuaj hnub no, kom peb txawj to taub txog Leej Plev cov lus qhuab qhia peb. Txhob ncaim mus rau qhov tsis yog lub tshav zaub mos muaj txoj sia. nyob Ntuj awb...

Yaj Zoov Ntxheb X.H.

Hnub no peb nyob hauv lub caij hla chiv 5. Cov zaj nyem muaj ntawv. Hauj Lwm,{ 6:1-7.} 1 Pob Zeb, {2: 4-9.} thiab Zam, {14:1-12.} Hais tias:
Yog peb tsis tso siab rau Yes Xus, mas peb yuav tsis muaj zog. Ces peb yuav tso Tswv Ntuj pov tseg. Peb yuav tsis muaj kev ntseeg txog Yes Xus.
Peb yuav tsis tau mus nyob qhov chaw Nws npaj rau peb nrog Nws nyob. Yes Xus hais tias, tus ntseeg txog kuv, thaum kuv npaj tau lawm mas kuv yuav rov los tos nws mus nrog kuv nyob.
Ces kuv nyob qhov twg, nws yuav nrog kuv nyob qhov ntawd. Nej yuav paub tias, tsis muaj leej twg yuav mus cuag kuv Txiv tau. Yog tsis vam txog kuv thiab mus ntawm kuv mus!
Yog nej leej twg paub kuv mas tus ntawd, twb paub Leej Txiv lawm. Tseem muaj qee leej hais tias: Thov koj pub peb pom Leej Txiv ces peb zoo siab lawm?
Yes Xus hais ntxiv tias: Kuv nrog nej nyob ntev npaum li no, nej tseem tsis tau paub kuv lod! Leej twg pom kuv ces nws twb tau pom Leej Txiv lawm.
Nej ntseeg txog kuv mog, Kuv nyob hauv Leej Txiv thiab Leej Txiv nyob hauv kuv. Tus ntseeg txog kuv, nws kuj ua cov hauj lwm Leej Txiv kom kuv ua.
Nej yuav txav los ze Huab Tais, Nws yog lub Pob Zeb uas lawv muab xyeeb pov tseg. Tab sis Tswv Ntuj tau saib Nws yog lub Pob Zeb muaj nqes tshaj.
Nws yog lub Pob Zeb muaj txoj sia, Txheem tas lub tsev. Nej kuj yuav zoo siab los sib txheem ua lub tsev muaj txoj sia.
Nej yuav los taug txoj kev ua Leej Choj Ntshiab ua thaj txi Ntuj nyob hauv nej lub Tswv Yim. Kom ntxim Tswv Ntuj siab nyob hauv Leej Pleev.
Tus muaj kev tso siab rau Leej Txiv, mas nws yuav tsis raug kev txaj muag. Yog Nej sawv daws ua li ntawd, mas cov neeg ntseeg yuav muaj koob meej nyob hauv Leej Plev.
Cov tsis ntseeg lawv yuav raug lub Pob Zeb muaj sia ua lawv chaw dawm taw, ces lawv yuav ntog. Vim lawv muab lub Pob Zeb muaj txoj sia txheem lub tsev xyeeb pov tseg.
Thaum cov Hauv paus Xa lus ua Leej Pleev txoj hauj lwm, lawv pom tias, tsis muaj neeg saib cov tub ntsuag thiab cov poj ntsuam.
Ces lawv kom tsoom sid xaiv ib pab neeg thoob tsib muaj Leej Tswv Yim ntshiab nyob hauv pab neeg ntawd. Kom tau tsa lawv ua cov tub Tsob Hwm los pab tsoom ntseeg.
Li ntawd mas, cov Leej Tsob Hwb yeej muaj thaum lub hauv paus los li ntawd lawm. Cov Leej Choj mas yog cov Hauv paus Xa Lus.
Cov Haus paus xa lus tau tsa 7 leej ua tub Tsob Hwb nyob hauv pab neeg ntseeg. Zoo li Tes Fas Nos, Fis lis Pos, Plos Kos Los, Nis Kas Nos, Tis Moos, Pas Me Nas, Nis Kos Las thiab Nis kas Naaus lawv cov no.
Cov Leej Tsob Hwb no, lawv muaj Leej Tswv Yim Ntshiab nyob hauv lawv. Ces lawv kuj nce mus ua Leej Choj, ua thaj cav txiaj ntsim rub Leej Pleev nqes los nyob hauv lub Cim Yug. Thiab Tsob Hwb cov neeg muaj txiab nkeeg raug kev txom nyem ntau fab. Amen.


ZAJ THOV NTUJ.
1. Peb thov Ntuj rau lub Koom Txoos, kom cov neeg ntseeg tso siab rau lub Pob Zeb muaj txoj sia txheem tas lub tsev. kom nyob ruaj nyob khov. Ntuj awb...
2. Peb thov Ntuj rau cov nom tswv kav teb chaws. kom lawv txhob saib lub Pob Zeb muaj txoj sia ua lawv chaw dawm taw. Thiaj ua rau tsoom pej xeem tau nyob kaj siab lug. Ntuj awb...
3. Peb thov Ntuj rau cov neeg txom nyem txhua npoj kom lawv vam meej nyob hauv txoj kev ntseeg. Thiaj ua rau Leej Pleev muaj koob meej. Ntuj awb...
4. Peb thov Ntuj rau cov neeg muaj Leej Pleev lib Cim Ntxuav, kom lawv txhob yoog raws li ib co neeg ntseeg yuam kev. Ntuj awb...
5. Peb thov Ntuj rau cov tuaj hnub no, kom peb coj li ib pab Leej Choj, txawj ua thaj cav txiaj ntsim, ntxim Tswv Ntuj siab. Ntuj awb...

Yaj Zoov Ntxheb X.H.