XH.Zoov Ntxheb Yaj Nthuav Ntawv Ntshiab.

Tsab ntawv Os Xes hais tias: { 11:1+3-4+8-9.}
->Tswv Ntuj hlub Nws Haiv neeg xws li Leej Txiv hlub nws Leej Tub.
Txij hnub uas Tswv Ntuj paub tias. Txog lub caij uas Tswv Ntuj yuav xa Nws lo lus tuaj tshaj Ntuj txoj kev hlub rau lub Sim Ceeb no. Tswv Ntuj tau xaiv Haiv neeg His Xas Lais, Nws maj mam coj, kom lawv loj hlob nyob hauv Tswv Ntuj cov cai. Ua neeg thoob tsib muaj txuj txaus coj thiab ceev Tswv Ntuj cov lus  qhia kev  tsob hwb Ntuj thiab nyiam neeg.
->Tswv Ntuj ib txij pub kev txawj ntse, nrog Ntuj cov Yaj saub kom txawj qhuab qhia neeg raws li cov lus Tswv Ntuj tshaj tuaj rau lub Sim Ceeb no.  Kom paub thiab tos txog Leej Pleev yog Tswv Ntuj lub txiaj ntsim  ntawm kev cawm seej.
->Thaum txog lub hnub nyug Ntuj npaj tiav lawm, mas Tswv NTuj los hais tias:
Kuv yog tus Tswv Ntuj Ntshiab, Kuv tsis yog neeg, Kuv yuav tsis rhuav txhua yam kev tseem ceeb kom ploj mus tas.  Txij lub hauv paus los,twb yog Kuv nrog leej tib neeg tsim tau los ua ke kom muaj.  Puav leej yog yam zoo rau neeg tau nco txog Kuv.

Ntawv Es Fes Xos hais ntxiv tias: {3:8-11+14-19.}
Paj Lug hais tias:
->Lub ntiaj teb neeg xav nrhiav txoj kev kaj siab lug!
Txoj kev kaj siab lug no, mas tsuas muaj nyob hauv Yes Xus Pleev uas Nws tau siv Nws txoj sia los cawm lub  ntiaj teb neeg xwb.
->Tsom Leej Ntsiab uas  lawv tau mus nyob saum Ntuj lub Ceeb tsheej mas, lawv puav leej nrhiav tau txoj kev kaj siab lug no nyob hauv Leej Pleev kev nyiam kev hlub tuaj ntawm Leej Pleev tib leeg tuaj.
-> Paj lug hais tias nyob hauv Tsoom Leej Ntshiab mas Paj Lug yog tus me dua cov. Los nws txaus siab hlo kim caug pe Leej Txiv Tswv Ntuj. Vin Leej Pleev tau qhia peb tias: Tswv Ntuj yog peb Leej Txiv.
->Ces Paj Lug thov kom Leej Txiv pub peb tsa tau peb lub siab los txawb rau saum Leej Txiv kev nyiam thiab kev hlub, kom peb tau nrog Leej txiv ua ib cuab ib yig, nplua nuj raws li Leej Tswv Yim Ntshiab  lub Peev Xwm coj peb.
-> Paj Lug kuj tau thov kom Leej Plev nyob txawm hauv peb, Kom peb nrhau cag  nyob hauv Leej Pleev kev nyiam.
->Leej Pleev kev nyiam mas loj, dav tob heev uas peb neeg ntsuas tsis tau. Txoj keb nyiam ua Leej Txiv muab rau Leej Pleev, uas kom Leej Tswv Yim Ntshiab lub peev Xwm faib rau peb mas, nws nyob nrog txhua yam uas Leej Txiv tau tsim los nyob ib ncig ntawm peb.

Ces nyob hauv Zam ntawv Moo Zoo. {19:31-37.}
->Yes Xus hais ntxiv tias:
Leej Txiv nyiam peb xws li peb yog Leej Txiv ib co me nyuam. Ces peb tau ua Yes Xus cov kwv thiab cov muam. Yes Xus thiaj zoo siab cia luag nkaug Nws lub plawv, kom tuag thiaj tau ua tus nqe txhiv peb tus ntsuj plig ntawm kev ua txhaum los, muaj txoj siab nyob mus li.
->Tswv Ntuj yeej xub kom cov Yaj saub sau lo lus no tseg lawm tias, Sawv daws yuav ntsia tus uas luag nkaug.

THOV NTUJ.
1. Peb thov Ntuj rau lub Koom Txoos, Leej Tswv Yim Ntshiab, Peb thov koj coj txhua leej ua nrhiav Leej Pleev kev kaj siab lug, kom muaj ib tug cag khov paub Leej Txiv kev nyiam kev hlub zoo. Ntuj aib...
2. Peb thov Ntuj rau cov Nom Tswv kav teb chaws, Leej Pleev muaj txoj kev kaj luag loj tas nrho. Kom cov Nom Tswv txhob nyiam tsim kev ua tsov rog. Ntuj aib...
3. Peb thov Ntuj rau cov neeg txom nyem. Tswv Ntuj cov neeg txom nyem no muaj ntau pab:
Cov muaj mob nkeeg, cov raug neeg ntxub, cov lam nyob lam muaj kev kho siab, cov tsis muaj hmoo, raug kev tshaib nqhis Koj mloog lawv lub suab...Ntuj aib...
4. Peb thov Ntuj rau cov sau npe rau hauv phau ntawv, Tswv Ntuj koj mloog sawv daws zaj thov koj hnub no. Ntuj aib...
5. Peb thov Ntuj rau cov tuaj hnub no, Tswv Ntuj koj mloog peb lub suab uas peb cev peb cov lus thov koj, koj pab kom peb hla dhau txhua yam teeb meem. Ntuj aib...

Ntawb Es Xes Kias hais tias: {17:22-24.}
-Tswv Ntuj rov tsa Nws Haiv neeg His Xas Lais kom vam meej ib ib zaug ntxiv, ces yuav vam meej nyob mus li. Ntawm Tswv Ntuj lo lus Nws hais tias:
Kuv, Tswv Ntuj yuav de lub ntsis, qhov siab tshaj plaws coj mus cog rau saum ib lub roob siab, siab.
-Lub ntsis ntawd, thaum Nws hlob lawm mas nws yuav siab tshaj thiab loj li ib tug ntoo Vaj Khaum zoo saib.
Tas txhua yam tsiaj, cov nkag hauv av los cov ya saum ntuj, yuav los nkaum hauv Nws tus duab ntxoo, los nws cov ceg, kom tau so los siav.
-Ces thaum ntawd sawv daws yuav paub tias, Kuv yog Tswv Ntuj. Txawj ua kom cov ntoo qis siab tuaj. Thiab ua kom cov ntoo siab qis mus.
Lub roob uas sawv daws saib yog ntoo qhuav lawm mas nplooj yuav rov ntsawv ua lub roob ntsuab tuaj. Hos cov roob muaj ntoo ntsuab yuav ua roob qhuav mus.
-Tswv Ntuj xav qhia peb tias lub ntiaj teb no, muaj ib lub caij ces neeg yuav sib hloov los mus li ntawd.
Cov muaj hmoo xub nyob rau lub roob qhua mas yuav ntsuab tuaj. Hos cov tsis muaj hmoo, lawv xub nyob rau lub roob zoov ntsuab ces lawv yuav ua lub roob qhuav.

Tsab ntawv Kos Lis Nthos hais tias: {5:6-10.}
-Thaum peb ua neej nyob ntiaj teb no, mas thiaj yog lub caij uas peb yuav ntseeg txog Tswv Ntuj. Thiab npaj kom muaj lub siab ntshiab kom tau mus cuag los pom Tswv Ntuj. Lub caij peb ua neeg mas peb tsis pom Tswv Ntuj.
-Lo lus Tswv Ntuj hais no mas tseem ceeb heev, Vim tias thaum peb ua neej nyob mas, Peb lub neej nyob nrog kev ua txhaum khiav sib law sib liag.
-Kev ua txhaum nws khiav nrog peb lub cev thiab tus ntsuj nplig nraim saib peb puas yeej los yuav nti dim xwb. Kev ua Txhaum nws puav peb tus ntsuj Plig cuag li luag xov laj kab thaiv tsiaj, los luag puav ntses los puav ib tug tsiaj kom mag tau lub vas uas luag cuab tseg.
- Paj Lug hais tias peb txoj kev ntseeg mas niaj hnub no, peb tsuas khuam rau Huab Tais Ntuj xwb. Peb tsis tau tuav kom khov. Yog muaj cua hlob los dab tsi raug, ces peb yuav plam kiag mus li lawm.
-Peb yuav nrhiav txhua yam ua zoo kom xis Tswv Ntuj siab. Hnub peb mus txog pem Leej Pleev lub rooj txiav txim mas tsis muaj dab tsi thaiv peb li.
-Qhov phem thiab qhov zoo yuav nyob cuab tha lug rau sawv daws pom tseeb kawg li.

Mas Kos ntawv Moo Zoo hais tias: [ 4:26-34.]
-Tswv Ntuj lo lus poob rau saum lub ntiaj teb no, nws txawj txi txiv li, lub noob qoob loo poob rau hauv av, ces nws txi txiv.
Ces Yes Xus thiaj thiaj piv tias:
-Tswv Ntuj lub Ceeb tsheej zoo li ib tug neeg pov ib lub noob nplej rau nruab a, Tsis muaj neeg paub li, av txawj ua kom lub noob ntawd tawg ua kaus. Txawj hlob tuaj txi txiv ntau, lub noob nplej ntawd zoo pab lub ntej teb neeg daws kev tshaib nqhis.
-Zaj lus hnub no uas Lee Pleev lub Koom Txoos tshaj, yog qhia txog Tswv Ntuj lub siab maj mam txhim Nws lub Koom Txoos zoo li lub noob qoob poob rau hauv av. Ces txawj hlob txi txiv tuaj, tab sis kev phem kev zoo muaj sib npaug.

ZAJ THOV NTUJ.
1. Peb thov Ntuj rau Tswv Ntuj lub Koom Txoos, Kom Leej Tswv Yim coj lub qab Ntuj neeg los nyob khov zwm rau Tswv Ntuj kev nyiamkev hlub Kom ntiaj teb neeg muaj kev kaj siab. Ntuj Aib...
2. Peb thov Ntuj rau cov Nom Tswv kav teb chaws, Kom lawv paub tias txoj kev ua Nom ua Tswv no, tsuas yog khuam rau lub ntiaj teb no qee chim xwb txhob tsim kev kub ntxhov rau leej twg li. Ntuj aib...
3. Peb thov Ntuj rau cov phiaj neeg txom nyem. Lub ntiaj teb no, muaj neeg zoo, neeg phem sib npaug zos. Thov koj coj nyias mus raws li nyias nyiam. Kev txom nyem thiaj tsis raug rau cov neeg tsis muaj zog. Ntuj aib...
4. Peb thov Ntuj rau cov neeg uas hnub no lawv tuaj pe hawm Tswv Ntuj. Leej Pleev koj muab txoj kev ntseeg no los khi peb, thiab cov muaj npe sau tseg hnub no,kom nyob khov rau Koj lub Moo Zoo. Kom peb tau pom Leej Txiv kev hlub. Ntuj aib...
5. Peb thov Ntuj rau txhua yam uas peb paub thiab muaj nyob nruab siab rau Tswv Ntuj... Ntuj aib...

Y.Z.N. X. H.

Lub Txoos no, xav rub los rau hnub chiv nruab xyoo tim 13 ntawd los tau. Yog xav kom tsoom ntseeg hnov thiab paub.

TSAB NTAWV HAUJ LWM Hais tiaas: {12:1-11.}
Vim Pob Zeb tshaj Ntuj lus,ces Nws raug luag muab nws kaw tsev loj faj. Pob Zeb tau kev tshaj Ntuj lus mus txog hnub Luag muab nws dai saum ntoo cuam.
-Ntawv Hauj lwm hais ntxiv tias:
Tus Vaj Hes Los kav Los Mas teb, xav Hiam Lub Koom Txoos cov neeg ntseeg. Nws muab ntaj los txiav tus Hauv Paus Xa lus Yas Kos caj dab. Nws pom cov His Xas Lais zoo siab heev.
-Ces nws tso tub rog mus ntes Pob Zeb los kaw tsev Loj Faj, Nws yuav tab meeg muab Pob Zeb txiav txim rau tsoom pej xeem saib.
Hmo ntawd, ib sij huam, Tswv Ntuj tus Tshiab  tuaj coj Pob Zeb tawm hauv tsev Loj Faj mus.
Cov hlua khi Pob Zeb tes plam tas, ntawm ob tug tub rog. Ob txheej qhov rooj hlau, lub tsev Loj Faj thiab lub nroog qhib tas. Ntuj tus Tshiab coj Pob Zeb los txog ib txoj kev. Ces Ntuj tus Tshiab cia li ploj lawm.
Ces Pob Zeb mam paub tseeb tias: Ntuj tuaj tso Pob Zeb dim ntawm Hes Los txhais tes tawm los.

HOS NTAWV TIS MOS TES OB hais ntxiv tias,4:6-8+17-18.
Paj Lug tau cev Nws txoj sia rau Tswv Ntuj xws li cev ib cov los Txim Txi Ntuj.
-Paj Lug lo lus hais tias:
Zaum no, txog lub caij uas KUV YUAV HLIV KUV ROJ NTSHA LOS TXI NTUJ!  Tas kuv sid, kuv tau ua ib ntsug zoo rog.  Kuv tau khiav mus txog chaw lawm. Qhov ntawd, yog kuv nyob RUAJ HAUV TXOJ KEV NTSEEG.
Tswv  Ntuj tau npaj ib lub mom nyiaj mom kub phim txoj kev ncaj rau kuv.
Huab Tais tsis yog muab rau kuv xwb. Nws yuav muab rau Tsoom nyiam Nws tib si.
Kuv qhuas txog Huab Tais, vim Nws muab nws lub zog rau kuv. Kom kuv muaj peev xwm tshaj lub Moo Zoo mus cov neeg teev Pej Kum Dab pob ntseg.
Huab Tais tau npo kuv dim ntawm ncauj Zag Tsov Lo los.
-Paj Lug hais txog Ncauj Zag Tsov Lo= {Yog hais tias Yeej kev ua txhaum lawm.} Tus poob rau kev ua txhaum ces cuag li tus tsiaj raug Zaj nqos, los mag Tsov tom mus lawm.

MAS TAIS NTAWV MOO ZOO hais ntxiv tias:[16:13-19.]
Yes Xus vam txog neeg, kom tau nrog Nws ua hauj lwm,cawm lub ntiaj teb neeg. Yes Xus thiaj Xaiv tej tus neeg pab Tsoom sid sib haum xeeb.
-Ces Yes Xus thiaj nug cov Thwj Tim tias:
Raws li teb chaws hais, Leej Neeg tus tub yog leej twg?
Tej tus hais tias, Lawv hais tias, yog Zam Ntxuav plig, los  yog Es Lis, tseem muaj cov hais tiasyog Yes Les Mias no thiab.
Yes Xus nug cov thwj Tim tias, ua li Nej ne, Nej hais tias kuv yog leej twg?
Pob Zeb Txais nkaus hais tias,Koj yog Leej Pleev tus tswv Ntuj muaj txoj sia leej tub.
Ces Y.X. teb tias, Xis Moo Yos Nas tus tub,koj txoj hmoov zoo. Qhov koj hais no tsis yog nqaij thiab ntshav qhia koj!
Yog Kuv txiv nyob saum ntuj qhia koj. Koj yog Pob Zeb, Kuv yuav txhim Kuv lub Koom Txoos nyob saum lub Pob Zeb no. Dab phem cov Rooj Loog yuav tsis yeej lub Pob zeb no.
Ntuj cov yawm sij kuv muab rau koj. Koj khi yam twg nyob ntiaj teb no, Ntuj saib yog khi nyob saum ntuj.  Hos koj daws yam twg nyob ntiaj teb no, Ntuj kuj saib yog daws nyob saum ntuj.
Peb yog haiv neeg muaj txoj hmoov zoo uas Paj Lug xa Lub Moo Zoo, tuaj txog peb pob ntseg.
Peb yuav lees paub tias nyiam no tsuas muaj tib lub Koom Txoos uas Yes Xus tsa nyob saum lub Pob Zeb ntawd. Thiaj muaj cai  daws teeb meem nyob ntiaj teb no tau.
Yog Lub Koom Txoos  Muaj cov Vaj qhia sib hloov txij  hnub Haiv neeg Los Mas txiav txim rau Pob Zeb dai saum ntoo cuam los txog niaj hnub no. Yog lub Koom Txoos Ka Tau Liv.
Yes Yog Tswv Ntuj lo lus, Nws yeej paub tias ntiaj teb neeg sawv daws yog neeg muaj txhaum.  Tsis hais tus ua txhaum loj los txhaum me, tsuav  yog tig los khaub zig lub Pob Zeb uas muaj Ntuj cov yawm sij ntawd ces nws cov txhaum yuav daws tas.
Vim tias kev ua txhaum tuaj ntawm Dab Phem cov rooj loog tuaj. Ces nws yuav tsis muaj cai yeej lub pob Zeb ntawd.
Peb yuav rau siab xav thiab mloog nraim raws li Yes Xus lub Pob Zeb muaj Ntuj cov yaum sij xauv thiab daws ntawd.  Amen.


ZAJ THOV NTUJ.
1. Peb thov Ntuj rau Tswv Ntuj lub Koom Txoos uas nyob saum lub Pob Zeb ntawd, Yog pib ntawm Pob Zeb thiab Paj Lug los. Leej Tswv Yim Ntshiab thov pab kom peb txhob ncaim ntawm lub Pob Zeb uas Yes Xus pleev tau tas tseg rau peb no. Ntuj aib...
2. Peb Thov Ntuj rau Cov Nom Tswv Kav teb chaws, Tswv Ntuj cov Nom tswv Yeej ib txwm xav hiam lub Koom Txoos, puag  thaum  Hes Los Hiam Pob Zeb lawv los. Thov koj qhia lawv lub siab. Ntuj aib...
3. Peb thov Ntuj rau cov neeg  txom nyem, Tswv Ntuj thov koj coj txhua tus neeg kom txawj ua siab tawv tiv kev iab kev khwv, lawv thiaj tsis hnov  tias lawv txom nyem  heev.  Ntuj aib.
4. Peb thov Ntuj rau cov neeg muaj mob nkeeg, cov pw tsev tshuaj. cov nyob hauv vaj tse, thiab cov tuaj ntawm no. Tswv Ntuj koj khuv leej cov neeg ris kev mob kev nkeeg no thiab.  Ntuj aib.
5. Peb thov Ntuj rau peb txhua tus tuaj ntawm no,peb tau hnov Tswv Ntuj lo lus, kom coj peb to taub ua peb lub neej nrog kev tso siab raws nraim Ntuj cov yawm sij qhib rooj ntug. Ntuj aib...


Yaj Zoov Ntxheb Xib Hwb.

NRUAB XYOO CHIV 14 B Tim 5/7/2015.

*Ntawv Es Xes Kias hais tias: {2:2-5.}
Ib tug neeg ntseeg txog Tswv Ntuj, nws yuav tsum ua Tswv Ntuj ib tug tim khawv, hais txog lub Moo Zoo. Vim tias tas txhua yam nyob hauv lub Moo Zoo, yog Tswv Ntuj cov lus. Nrov ntawm Tswv Ntuj Leej Lo Lus lub ncauj tuaj.
Thaum Tswv Ntuj Lo Lus nyob nrog ib tug neeg, Mas nws yuav hnov tej lub suab nrov hauv nws nruab siab tias:
Neeg cov tub thiab cov ntxhais, Kuv yuav xa nej mus cuag ib pab neeg ntxeev siab, niaj hnub tiv Tswv Ntuj.
Lawv tsis paub tias, txij lub hauv paus los, lawv phaj txiv phaj yawg muaj ib lub siab txhav, lem cees tsis xav ntseeg ntseeg txog Tswv Ntuj kev nyiam kev hlub.
Lawv tseem xav li qub tas zog, Nej ntseeg lawm mas nej yuav ua tim Khawv,rau cov neeg nrog nej nyob, lawv nyiam thiab tsis nyiam los xij, Sawv daws yuav tsum paub tias, Tswv Ntuj lub siab hlub neeg nyob nruab nrab nej sawv daws.

*Tsab Ntawv Kos Lis Nthos hais tias: {12: 7-10.}
Nyob hauv tus hauv paus xa lus Paj Lug, mas nws lub siab muaj ib tug saus chob rawv, kom mob xws li ib tug pos chob, nws cov nqaij. Peb tsis paub tias, yog dab tsi!
Lo lus hais tias tus Saus chob Paj Lug lub siab lub cev ntawd:
Yog txoj kev tshaj Ntuj lo lus. Yog tias Paj Luag tsis tshaj Yes Xus lub Moo Zoo rau neeg hnov mas nws nyob tsis taus li. Thaum Paj Lug tshaj Lub Moo Zoo tas ces nws lub siab nyob tus lawm.
Peb li, mas yog peb ntseeg tiag, mas peb yuav zoo siab tshaj lub Moo Zoo rau luag hnov thiab. Ib tug neeg ntseeg Ntuj mas Tswv Ntuj kheev kom Xas Tas ib tug dab tuaj niaj hnub ib ncuav pias rau peb tsis tseg.
Kom peb lem mus saib txhua yam kev yooj yim, uas koj tsis khwv ua ces tau dawb los. Xas Tas tus dab ntawd nws nyiam kom peb ntaus ib lub cim tias kuv nyiam ua neeg phem ces txhua yam kuj yuav tau dawb los.
Nws kuj yog ib yam uas Xas Tas ua hauj lawm yooj yim thiab. Vim nws rub tau neeg tus ntsuj plig mus zwm rau Xas tas lub ntuj tawg sai thiab yooj yim, Xas Tas xav ua kom neeg txoj sia luv dua tuaj, Vim Xas Tas ntshai tsam neeg paub txog Tswv Ntuj zoo lawm.
Tos Paj Lug hais tias zoo li tus saus chob lub siab thiab lub cev:
Txoj kev tshaj Ntuj lus yog lub zog tuaj ntaws Leej Pleev tuaj tias, Txhob mus yoog ntiaj teb kev yooj yim sai li ntawd. Tswv Ntuj Lo Lus twb tuaj ceeb toom tias,Tswv Ntuj pub txiaj ntsim rau neeg ntiaj teb kom txawj sib nyiam sib hlub, nws tau xa Lo Lus ntawd,tuaj nyob nruab nrab ntawm ib pab neeg lawm. Kom sawv daws xyaum sib zam txog tej lus siab lus qis ntawd tib si.
Leej Pleev lo lus muaj zog kawg, Tus ua Tim Khawv, thaum nws raug kev txhawh xeeb. Nws vam txog Leej Pleev ces nws yuav tsis ceeb laj rau neeg tej kev thuam kev ntxub.

*Mas Kos ntawv Moo Zoo hais tias: {6:1-6.}
Yes Xus cov lus yog lus nyiaj lus kub. Tab yog koj niaj hnub hnov lawm, los koj yuav tsum qhuas mus li. Xws li pab neeg uas lawv tau qhuas ntawd tias:
Ua li cas,Nws cov lus thiab cov hwj huam Nws ua ntawd,
Yuav thoob tsib ua luaj. Nws tau qhov twg los?
Vim Yes Xus cov lus txawj qhib tus neeg xav mloog nruab siab kom to taub txog Tswv Ntuj cov txiaj ntsim thoob tsib ntawd.
Yes Xus paub tau hauv neeg nruab siab ces Nws hais tias:
Ib tug Yaj Saub mas tsuas yog nws cov kwv tij thiab cov neeg nrog nws nyob ib zog thiaj tsis ntseeg txog nws. Ces Tus Yaj Saub mam li raug neeg thuam thiab ntxub nws xwb.
Tej lusYes Xus hais no mas tab tom yog hais rau peb sawv daws kom peb tsim dheev los. Vim tias peb nyiam mloog tej lus paj lus cua tsis tseeb uas los yooj Yim rau peb nruab siab.

ZAJ THOV NTUJ.
1. Peb thov Ntuj rau lub Koom Txoos. Kom cov Phiaj neeg ntseeg, txawj ua Yes Xus cov tim khawv, thiab paub qhuas txog Tswv Ntuj lub txiaj ntsim. Ntuj aib...
2. Peb thov Ntuj rau cov NomTswv kav teb chaws. Kom lawv paub Tswv Ntuj kev nyiam kev hlub. Kom lawv txawj qhib tej txoj kev ncaj ncees rau pej xeem huab hwm taug. Ntuj aib...
3. Peb thov Ntuj rau cov neeg txom nyem, cov muaj mob, cov muaj kev txhov siab, cov raug neeg ntxub los neeg thuam, cov raug kev tshaib kev nqhis ,cov sau npe hnub no Kom Tswv Ntuj ntsia txog lawv thiab. Ntuj aib...
4. Peb thov Ntuj kom Ntuj nco txog peb haiv Hmoob. Hu Hmoob tej tub thiab tej Ntxhais los ua Tswv Ntuj tes hauj lwm tshaj Lub Moo Zoo. Ntuj aib....
5. Peb thov Ntuj rau cov tuaj Teev Ntuj hnub no. Tswv Ntuj koj pub kom peb txawm mloog koj tej lus muaj txiaj ntsim no. Peb lub siab thiaj raws nraim Leej Tswv Yim coj peb. Ntuj aib...

Ntawv As Mos hais tias: {7:10+12-15.}
Ib tug neeg cev Ntuj lo lus rau zeej Tsoom mloog, mas nws yuav ua zooj li yog ib tug neeg siab loj. Nws yuav saib tias, nws tsis yog neeg xa nws tuaj. Hos yog Tswv Ntuj xa nws tuaj.
Vim tias Tswv Ntuj xav pub lub txiaj ntsim muaj nqes rau Ntuj Haiv neeg. Ces Ntuj thiaj xaiv nws. Tus neeg uas raug Tswv Ntuj txib lawd, mas nws yuav coj ib lub siaj loj li tus Yaj Saub As Mos:
Thaum As Mos raug tus Leej Choj nyob hau tus Vaj lub Tuam tsev teev Ntuj thuam As Mos tias:
Niag tsom hauv nruab yeeb. Ntawm no yog tus Vaj lub tsev teev Ntuj thiab nws lub teb chaws. Koj khiav mus ua Yaj saub thiab mus noj mov nyob Yus Das teb, thiab mus ua Yaj Saub nyob tid.
Ces As Mos hais tias, Kuv ib txwm tsis yog Yaj Saub, thiab tsis tau ua dua Yaj Saub thwj tim. Kuv yog neeg zov Yaj thiab cog ntoo xwb.
Yog Tswv Ntuj xa kuv tuaj qhuab qhia tus Vaj uas yog Tswv Ntuj haiv neeg His Xas Lais.Vim Tswv Ntuj twb tau nrog lawv cov yawg koob sib cog lus los lawm.

*Tsab ntawv Es Fes Xos hais ntxiv tias: {3:3-11.}
Txij thaum Tswv Ntuj tsim lub ntiaj teb los, thiab Tswv Ntuj npaj kom neeg xeeb los, mas tswv Ntuj Ntuj yeej npai kom neeg zwm rau Yes Xus uas yog Leej Pleev.
Ces Paj Lug thiaj hais tias:
Kuv cav lus zoo txog Tswv Ntuj ua yog peb sawv daws,tus Huab Tais Pleev Leej Txiv. Vim Nws tau foom lus zoo rau peb neeg lub Tswv Yim, kom tau nyob hauv Leej Pleev, nyob saum ntuj.
Txij thaum tsis tau muaj lub sim Ceeb Tswv Ntuj twb xaiv li ntawd lawm. Kom peb tau nyob hauv Leej Pleev thiab tau ua neeg ntshiab huv, tsis lo txhaum. Nyiam no peb thiaj tau nyob hauv Nws.
Nyob hauv Yes Xus Pleev tus zoo nyiam tas nrho ntawd. Peb tau ntsib Leej Txiv lub txiaj ntsim uas Nws Leej Tub siv Nws cov roj ntsha, los txhiv peb ua neeg dawb huv.
Leej Txiv txoj kev nyiam, lub peev xwm xav kom tas txhua yam nyob saum ntuj thiab nyob ntiaj teb no rov los zwm rau tib tug Tswv xwb, yog Leej Pleev.
Cov uas Leej Txiv Tswv Ntuj pom zoo uas Nws xub qee los, yog peb neeg ntiaj teb. Neeg ntiaj teb yog yam uas Tswv Ntuj xub hom tseg ntxov los lawm
Cov tsis tau los zwm rau Leej Pleev mas muai ib lub caij lawv yuav muaj kev tu siab loj, Vim lawv twb raug Leej Txiv hom ua ntej los lawm.

*Mas Kos ntawv Moo Zoo hais tias:{ 6:6-!3.}
Yes Xus hais rau Cov Thwj Tim tias, tus ua tub tshaj Ntuj lus , mas nws yuav tsis txhob nqa ntau yam. Thawj yam uas tus tshaj Ntuj lus yuav npaj, yog Tswv Ntuj cov lus.
Thaum Yes Xus xa Nws cov thwj Tim mus tshaj Ntuj lus, Nws pub hwj huam rau lawv kom ntiab tau cov Dab Tsis huv.Yes Xus qhia kom txhob nqa dab tsi, txhob qhwb xim nyiaj ntawm duav siv.
Yes Xus tsuas qhia kom lawv nrig ib tug pas nrig xwb, Yes Xus haisntxiv tias, nej mus txog lub tsev twg mas, nej nyob hauv lub tsev ntawd,mus txog hnub rov los. Yog lub tsev neeg ntawd tsis txais thiab tsis mloog nej mas hnub nej rov los,nchos cov plua av lo taw tseg ua tim khawv txiv txim rau lub tsev ntawd.
Yog cov plua av twb txawj ua tim khawv txiav txim. Mas neeg lub pob ntseg thiab lub tswv yim yuav ua dab tsis thiab?
Vim tias lub pob ntseg yog tus hnov, lub tswv yim ua tus tsis kas txais. Zaum no ho yog zoo li peb ne! Cia nyias paub nyias mas zoo dua, txhob tib rau pob ntseg los lub Tswv Yim.Tas txhua yam sib koom nyob hauv lub cev tib si lawv hauj lwm.
ZAJ THOV NTUJ.
1. Peb thov Ntuj rau lub Koom Txoos. Leej Txiv koj tau xaiv thiab tsa lub Koom txoos kom muaj Leej Pleev lub Hwj Huam thiab lub peev xwm ntiab tau cov Dab tsis huv. Koj txuag cov tub tshaj Ntuj lo lus uas koj xaiv lawv los. Ntuj aib...
2. Peb thov Ntuj rau cov NomTswv kav teb chaws, Kom Cov Nom Tswv txawj hwm Leej Pleev cov Tim Khawv, tshaj Ntuj lus nyob thoob qab ntuj khwb. Ntuj aib...
3. Peb thov Ntuj rau cov neeg txom nyem, kom cov neeg muaj mob,pw tsev tshuaj,cov nyob tsev loj faj, cov nyob hauv lawv vaj tse, cov tuaj ntawm no, thiab cov sau npe rau phau ntawv qhia Tswv Ntuj,Thov pab kom lawv txawj tiv kev txom nyem hauv lawv kev iab kev khwv ntawd, Ntij aib...
4. Peb thov Ntuj rau tej yam uas koj pom nyob hauv koj nruab siab.... Tswv Ntuj thov Koj mloog cov zaj peb cev rau koj no thiab . Ntuj aib...
5. Peb thov Ntuj rau peb cov tuaj sib sau hnub no.Tswv Ntuj Koj twb xaiv peb lawm, thov koj txuag peb kom tau nyob hauv Leej Pleev lub txiaj ntsim uas Nws khuv leej peb, Ntuj aib...


Yaj Zoov Ntxheb Xib Hwb.

Ntawv Yes les Mias hais tias: {23:1-6.}
Luv Zim Txwv no, muaj coob leej neeg coj Tswv Ntuj npoj Yaj tsis zoo. Tswv Ntuj thiaj tso Yes Xus tuaj ua Piv Txwv kom sawv daws paub, thiab xyiv fab coj Tswv Ntuj pab Yaj.
Tus Yaj Saub Yes Les Mias hais Tswv Ntuj lo lus muaj li no:
Coc neeg zov Tswv Ntuj cov Yaj nyob hauv Lub tshav zaub. Lawv cia Tswv Ntuj pab Yaj no, tuag los tawg tas mus ua lwj ua liam.
Mas cov Tswv ntawd lawv txoj hmoov yuav phem mus. Tswv Ntuj lo lus hais li tias:
Tas txhua tus ua Tswv coj kuv Haiv neeg. Nej muab cov Yaj cais thiab faib kom lawv sib ncaim, mas yog txoj kev ua kom pab Yaj, los Neeg mus poob zoo. Lub caij kuv tuaj ntsib nej los nej tau ntsib Kuv mas nej txoj hmoob yuav phem.
Cov Yaj uas lawv tseem ua cov poob zoo,tsis raug hma tom mas Kuv yuav coj lawv rov mus nog zaub rau lub tshav muaj zaub mos. Kuv yuav tsa dua tej tus Tswv saib lawv,
Kwv Tij, Tswv Ntuj tau hais Nws cov lus tseem ceeb kawg rau peb. Cov ua Thawj Neeg, los cov Ntseeg sawv daws tib si. Peb sawv daws yuav coj li Yes Xus tus piv txwv uas muaj Tswv Ntuj kev nyiam kev hlub nyob hauv, raws li Leej Ntuj Plig qhia nyob rau peb nruab siab.
Ntawm cov neeg ntseeg txhua leej, los yuav txawj tsom tias, tus zoo Tswv Zov Yaj no, yog leej twg. Tsis txhob ua neeg ywj fab ywj fwj, tsim teeb meem rau yus tej phooj ywg, ces sib tawm tsam, khiav mus nyob rau lwm pab lwm pawg.
Tswv Ntuj hais meej thiab tseeb tas nrho tias, Koj ua li ntawd, lub caij koj ntsib kuv ces yog lub cais koj txoj hmoov phem los txog.

*-Paj Lug hais rau cov neeg Es Fes Xos tias:{ 2:13-18.}
Neeg ntiaj teb, yeej xav sib faib mus ua ntau pab, kom muaj kev sib ntxub. Tab sis Yes Xus sau sawv daws los nyob ua ke, ua ib cuab ib yig nyob hauv Yes Xus lub cev.
Paj Lug hais rau cov Es Fes Xos tias, nyiam no:
Nej paub Yes Xus lawm,ces nej yuav nyob txawm hauv Leej Pleev.Yav thaud nej tsis paub Leej Pleev mas nej nyob deb Nws. Hos nyiam no, peb nyob ze Leej Pleev lawm. Vim Nws cov roj ntsha, tau pub txoj kev thaj yeeb rau ntau hais neeg los koom ua ib Haiv neeg loj nyob hauv Leej Pleev.
Nws tau muab Nws lub cev los ua ib hauv tshuaj ntxuav peb kev sib ntxub tas lawm. Txij no mus,cov nyob ua txij ua nkawm, cov ua kwv ua tij, cov ua niam tub txiv tub. Nej txhob muab Leej Pleev kev thaj yeeb los siv ua nej kev sib ntxub thiab sib ncaim mus ntxiv lawm.
Leej Pleev kev thaj yeeb Ntuj tsuas qhia los kom ua neeg sib raug zoo xwb. Neeg txhob muab los siv ua kev sib , ntxub sib ncaim, vim Leej Pleev tau thov kom Leej Txiv xa Leej nplij neeg tuaj nrog neeg ntiaj teb nyob kom tau coj neeg los koom nrog Tswv Ntuj ua ib cuab ib yim nyob hauv Tswv Ntuj.

Mas Kos Ntawv Moo Zoo hais ntxiv tias:{ 6:30-34.}
Yes Xus cov Hauv Paus Xa lus tsis coob, Tab sis lub qab ntuj neeg tuaj coob kawg tuaj cuag lawv. Yes Xus thiaj txaus siab tso Leej Ntuj Plig tuaj qhia cov Hauv Paus Xa lus .
Yes Xus saib neeg ntiaj teb no zoo li yog ib pab Yaj tsis muaj tswv. Nws xav kom cov neeg ntseeg. Cov ntseeg thiab cov ua thawj neeg sib raug zoo. Kom sawv daws nyob tau ua ib npoj li muaj ib tug ua Tswv saib .muab lawv nog zaub rau ib thaj muaj zoo tshav zaub mos rau sawv daws.

ZAJ THOV NTUJ.
1. Peb thov Ntuj rau lub Koom Txoos. Kom cov thawj neeg txhob ua neeg muab hlob, Tswv Ntuj kev thaj yeeb thiaj hlob nthuav mus txog cov neeg txom nyem uas Ntuj tos lawv. Ntuj aib...
2. Peb thov Ntuj rau cov NomTswv kav teb chaws, kom lawv paub tias, kev ua Nom coj sawv daws tsis yog kawg rau Nom xwb. Muaj Qaum Ntuj hwj huam peev xwm nyob hauv. Kom tej nom Tswv txob ua neeg khav theeb. Txawj txo hwj chim kom haum cov neegt me. Ntuj aib...
3. Peb thov Ntuj rau cov neeg txom nyem. Cov muaj mob nkeeg, uas pw tsev tshuaj, los tom vaj tse, thiab cov tuaj ntawm no. kom sawv daws muaj Tswj Ntuj kev thaj yeeb. Los nres sawv daws kev txom nyem. Ntuj aib...
4.Peb thov Ntuj rau peb sawv daws cov tuaj ntawm no. kom peb sib raug zoo nyob hauv Tswv Ntuj kev thaj yeeb, txhua fab kev sib nyiam sib hlub, kom haum li Tswv Ntuj yim neeg ntshiab bsib txoo nyob ua ke. Ntuj aib...
5. Peb thov Ntuj rau yam muaj nyob hauv S.D nruab siab. Ntuj aib..

Yaj Zoov Ntxheb Xib Hwb.

Tswv Ntuj tus Yaj Saub hais rau tsoom His Xas Lais tias:
{38: 4-7.}
Tshuav tsis ntev lawm ces cov His Xas Lais yuav rov tau zoo. Nws hais Tswv Ntuj lo lus tias:
Nej tus Tswv Ntuj rov tuaj cawm nej lawm. Tswv Ntuj muab txim rau cov neeg ua txaum. Ntuj pub koob haum rau cov neeg ua zoo.
Yam li cov neeg dig muag rov pom kev tuaj. Cov lag ntseg rov hnov lus, thiab cov nplaig txhav rov hais tau lus meej.
Lawv yuav qw suab cav txog Tswv Ntuj. cov teb chaws suab puam yuav muaj dej txhawv ntws los hla cov neeg nqhis dej kom lawv tau haus.
Ntuj cov lus no yog tus txhais tau mas nws yuav zoo siab loj heev. Vim cov lus no yog hais raug peb lub neej uas peb raws Leej Pleev kev cawm seej.
Vim Tswv Ntuj yog tus pub Koob Haum rau, peb zoo li lub teb chaws suab puam qhuav qhawv tsis muaj dab tsi li. Peb sawv daws ces yog cov neeg tshaib nqhis ntawd ntag.

Tsab ntawv 2 Yas Kos mam hais tias: { 2:1-5.}
Lub Koom Txoos uas nws yog peb. Peb yuav ceev faj, Tswv Ntuj xav kom peb txhob saib cov neeg muaj zoo dua cov neeg pluag.
Lo lus uas Ntuj xav hais mas yog:
Cov ntseeg txog Yes Xus, mas nej txhob saib ib co yog neeg loj, hos ib co yog neeg me. Nyob hauv tsev teev ntuj los nyob tom {phov dim} mas tus neeg ua zam hnav tsho txooj nws coj nplaib kub,los tus hnav tsho tab tsis muaj nplhaib coj,thiab khau rau mas nej yuav saib tias nkawd loj tib yam nyob ntawm Tswv Ntuj xub ntiag.
Ces nej thiaj tsis yog tus txiav txim rau nkawd tias, leej twg yog neeg zoo.

Mas Kos ntawv Moo Zoo hais tias: {17:31-37.}
Cov neeg pom Yes Xus ua hwj huam yee ntxwv, mas lawv zais tsis tau. Peb puas txawj pom Tswv Ntuj thiab Yes Xus Pleev niaj hnub ua hwj huam los pab peb niaj hnub?
Nyob hauv peb lub neej thiab hauv peb nruab siab. Yog peb txawj pom mas peb yuav zoo siab cav txog Tswv Ntuj, nrog Huab Tais Yes Xus Pleev niaj hnub ua hwj huam los pab peb. Yam li, Yes Xus niaj hnub hais rau peb tias:
Es Fes Tas, koj qhib los mas!
Ces peb pob ntseg thiab qhov ncauj thiaj hnov thiab mloog tau Tswv Ntuj lo lus. niaj hnub no tus lag ntseg thiab nplaig txhhav ntawd ces tsis txawv peb li.
Peb yuav xyaum qhuab qhia tsoom sid thiab cav txog Tswv Ntuj tias, Yes Xus tus uas yog Tswv Ntuj Leej Tub Nws nyiam thiab hlub lub ntiaj teb neej npaum li cas tiag.
Vim li cas peb yog me nyuam neeg xwb Tswv Ntuj yuav muab ib txoj hmoov rau peb ua Tswv Ntuj cov tub ki. Kom peb tsis tuag tshiab, los tsis raug kev phaub ntug, muaj Tswv Ntuj cov txiaj ntsim nres peb txhua fab tib si.

ZAJ THOV NTUJ.
1.Peb thov Ntuj rau lub Koom Txoos, Kom Leej Pleev lub Tswv Yim txhawb Peb tus Vaj Qhia, peb cov Tswv Qhia kom txawj coj Nws lub Koom Txoos nyob ntiaj teb kom txawj cav txog Tswv Ntuj lub koob meej. Ntuj awb...
2. Peb thov Ntuj rau cov Nom Tswv kasv teb chaws, kom lawv txawj mloog Tswv Ntuj tej lus qhuab qhia, Tsom peb xeem thiaj muaj kev thaj yeeb nyoab ntiaj teb no. Ntuj awb...
3. peb thov Ntuj rau cov neeg txom nyem, cov raug luag hiam. cov tsis muaj neeg pab thiab hlub lawv, cov muaj mob,pw tsev tshuaj los nyob hauv vaj tse, cov tuaj ntawm no. Tswv Ntuj thov koj nco txog sawv daws, cov teeb meem no. Ntuj awb...
4. Peb thov Ntuj rau cov sau npe rau phau ntawv, cov peb paub thiab nco txog uas peb tsis tau sau npe...
Ntuj Tswj thov koj mloog txhua tus zaj thov. Ntuj awb...
5. Peb thov Ntuj rau peb sawv daws uas tuaj teev Ntuj hnub no. peb tau hnov Tswv Ntuj tej lus . kom cov lus tseem ceeb nqes mus txog peb nruab siab. Kom peb txawj cav thiab qhuas txog Tswv Ntuj. ntuj awb....

Yaj Zoov Ntxheb Xib Hwb.

Ntawv thoob tsib hais tias: {2:17-20.}
Thaum cov neeg siab ncaj ntuas neeg, mas neeg ntxub thiab xav muab cov neeg siab ncaj tua.
Cov ntxub neeg ntawd, yog cov neeg tsis kam hwm Tswv Ntuj. lawv ua neeg dig muag thiab yuam kev. Lawv pheej xav tias cov neeg siab ncaj zaj lus puas yuav yog tiag?
Lawv hais nyob hauv lawv nruab siab tias, peb tos saib lub caij tus neeg siab ncaj no yuav tuag, Tswv Ntuj puas tuaj pab nws. Nws pom xeeb nhais tias, nws yog Tswv Ntuj tus tub txib no!
Mas Tswv Ntuj yuav tuaj nres nws thiab npo nws ntawm cov yeeb ncuab txhais tes los. Yog peb leej twg txawj ua mas, peb ua tub qaug rau nws,peb yuam nws, peb tsim txom nws.
Kom peb paub tias, tus neeg siab ncaj no puas tiv taus, thiab nws puas yog neeg siab zoo tiag. Peb yuav txiav txim rau tus neeg siab ncaj, saib ntuj puas yuav tuaj cawm nws rau peb pom.

* Tus hauv paus xa lus yas Kos hais ntxiv tias: {3:16-18+4:i-3.}
Yog leej twg ua kom xeeb muaj tsov rog!
Cov ua kom muaj tsov rog, yog peb sawv daws,vim peb sib cav sib ceg nyob hauv peb vaj peb tsev. tej ntawd yog kev ua tsov rog tus cag!
Ib qho chaws uas muaj neeg sib cav sib ceg, sib khib, sib cib nyeej mas lawv ua kom muaj ntau yam ntxhov. Lawv tej hauj lawm tsuas yog hauj lwm phem xwb.
Hos cov neeg muaj Tswv Ntuj kev thoob tsib, mas lawv ua neeg siab dawb, nyiam kev thaj yeeb. Lawv txawj xav zoo, thiab zam rau luag tej. Lub txiv uas lawv txi yog kev thaj yeeb thiab ua ncaj rau lub sim ceeb no.
Lawv tau cheem cov neeg sib cav sib ceg cuag li ntaus tej kob tsam rog loj. Cov neeg lim hiam no tos lawv tsis muaj dab tsi ua lawv tug. Mas lawv tsis thov dab tsi ntawm Tswv Ntuj!
Lawv tsuas vam txog tus phem qhia tswv yim, kom lawv muaj zog ua lawv txoj kev phem kom yeej luag tej, thiab tau txeeb txhua yam los ua lawv tug xwb.

*Mas Kos ntawv Moo Zoo hais ntxiv tias: {9:30-37.}
Tus xav ua thawj nyob pem Ntuj lub ceeb tsheej, mas nws yuav tuaj yeem tuag,kom tau ua Tswv Ntuj tus tub txib, thiab nyiam ua neeg me!
Yes Xus nug cov Thwj Tim tias:
Thaum nyob ntawm kev nej sib tham txog dab tsi?
Nej tsis paub, muaj neeg yuav muab Leej Neeg tus tub rau luag ntes. ces luag yuav muab Nws tua, Thaum nws tuag tas, peb hnub tom qab Nws yuav sawv rov los.
Cov Thwj Tim tsis to taub, mus txog chaw Yes Xus hu cov thwj Tim los nws hais tias:
Nej leej twg xav ua tus loj mas nej yuav yuav ua tus kawg tom qab, tus ntawd yuav ua sawv daws tus tub txib. Ces Yes Xus puag ib tug me nyuam, Nws hais rau lawv tias, leej twg txais ib tug me nyuam li no vim kuv lub npe. Mas tus ntawd kuj yog txais kuv.
Tus txais kuv mas nws kuj txais tus xa kuv tuaj thiab. Hnub no Yes Xus hais qhia peb tias Nws nrog peb nyob, ua ke niaj hnub. yog peb zoo siab txais yes Xus ces peb tau txais Leej Txiv uas xa Yes Xus tuaj nrog peb nyob.

ZAJ THOV NTUJ.
1 peb thov Ntuj rau lub Koom Txoos, kom txhua phiaj neeg txawj ua tswv Ntuj cov tub txib tuaj yeem ua neeg me tsob hwb luag zeej tsoom. Ntuj awb...
2. Peb thov Ntuj rau cov nom tswv kav teb chaws, lawv muaj feem xyuam nrog Tswv Ntuj tswj teb kav chaw, kom lawv nyiam kev thaj yeeb lub teb chaws thiaj muaj kev kaj siab. Ntuj awb...
3. Peb thov Ntuj rau cov neeg txom nyem, uas lawv raug kev tshaib kev nqis, cov muaj mob raug nkees, pw tsev tshuaj, cov nyob hauv vaj hauv tsev, los cov tuaj teev ntuj hnub no, kom sawv daws tau txais kev yeej. Ntuj awb...
4. Peb thov Ntuj rau cov peb paub lawv muaj kev txhawj xeeb, nyob hauv peb nruab siab... Tswv Ntuj thov koj mloog sawv daws zaj lus thov. Ntuj awb...
5. peb thov ntuj rau peb cov tuaj ntawm no. peb tau hnov Yes Xus cov lus lawm. Kom cov lus peb hnov no, ua ib co txiam xws yug peb lub siab kom peb txawj ua tub txib rau zeej tsoom. Ntuj awb...

Ntawv xam phaj hais tias: {11: 24-29.}
Leej Tswv Yim Ntshiab xav tshoj leej twg, mas Nws tuaj tshoj tus ntawd. Tab yog cov neeg tsis tau ua thawj nyob hauv lub Koom txoos mas Nws tuaj kuj tuaj qhia lawv.
Thaum Huab Tais. Ntuj nqes los nyob saum twv huab zov cov His Xas Lais. Huab Tais Ntuj hais rau Nws tus Yaj Saub Mais Xes tias:
Koj tshaj rau 70 tus txwj laus His Xas Lais tias, Tswv Ntuj yuav muab Nws lub Tswv Yim los rau lawv, ces lawv yuav ua Yaj Saub. tab sis tsis yog ua mus li,kuj muaj ob leeg nyob sab nraud ua Yaj Saub thiab.
Tswv Ntuj zaj lus no, zoo li muaj qee lub caij, Tswv Ntuj pub kom muaj neeg sawv ua Yaj Saub coob leej, los hais txog kev neeg ua kev txhaum, los kev khaum ntau dhau lawm. Cov neeg ntawd lawv sawv los ua Yaj Saub ib vuag xwb.
Dhau Tswv Ntuj lub caij txib lawm,mas kuj tseem muaj tus phem cheem leej puav kom nyiam ua Yaj saub nyob li qub. Vim muaj neeg ntseeg txog lawv lawm, ces tus phem xav kom lawv txoj kev ua yaj Saub coj neeg ncaim ntawm Tswv Ntuj mus ua lwm yam los muaj.
Thaum Yos Xuas pom ob tug nyob sab nraud txawj ua Yaj Saub li 70 leej ntawd. Yos Xus hais rau Tswv Ntuj tus Yaj Saub Mais Xes tias, Huab Tais Mais Xes, Koj txwv cov sab nraud kom txhob ua Yaj Saub. Ntuj qhia Mais Xes, kom hais rau Yos Xuas tias:
Puas yog koj khib rau lawv!
Kheev lam Tswv Ntuj pub lub tswv Yim no rau Sawv daws tib si! mas yuav tsis muaj kev nyuaj qhia rau tsoom sid li.

* Ces Yas Kos hais hauv nws tsab ntawv tias:{5:1-6.}
Cov neeg muaj yuav tsum ceev faj. Vim ntau zaus lawv muaj mas yog lawv noj cov neeg pluag lub zog.
Lo lus Yas Kos hais, xav kom cov neeg nplua nuj quaj, thiab tu siab txog lawv txoj kev yuav raug xwv txheej. Vim lawv lub cuab tam yuav lwj mus, thiab yuav muaj ib co kas tuaj noj lawv lub zam zoo nkauj uas lawv hnav ntawd kom khab seeb tas.
Lawv cov nyiaj cov kub yuav yaj mus ua av,thiab txhua yam lawv muaj yuav los ua tim khawv txiv txim rau cov neeg nplua nuj ntawd.
Cov neeg tau ceev nyiaj ntau, zoo li lawv tau ceev ib pob hluav taws loj kub tas nrho tos lawv. Vim cov tub zog ua neeg txom nyem tsis tau txais lawv tus nqes zog kom txaus.
Cov tub zog tus nqes,thiab lawv kev khwv twb nce mus nyob txheej ntuj siab saud tos cov neeg nplua nuj lawm. Vim cov neeg nplua nuj tau txiav txim rau cov neeg pluag thiab siab ncaj kom lawv tuag mus nrog kev pluag.

*Mas Kos ntawv Moo Zoo hais tias: {9:38-43+45-47.}
Tus xav ua Yes Xus tim khawv,mas nws yuav rau siab rhuav yam tsis zoo nyob hauv nws nruab siab tawm mus.
Zam hais qhia Yes Xus tias, Xib Hwb, Peb tau pom ib tug neeg tuav txog koj lub npe los ntiab dab! Nws tsis yog cov nrog peb.
Yes Xus hais tias:
Nej txhob txwv nws,Tsis muaj ib tug neeg yuav ua hwj huam yees ntxwv tau, vim kuv lub npe, yog kuv tsis tso cai rau. tsam nws hais lus phem txog kuv. Cov tsis tiv peb, mas lawv nrog peb. Kuv hais rau nej tias, tus pab daws neeg kev tshaib nqhis rau ib tug neeg twg, mas nws kuj yuav tau koob hmoov thiab.
Hos yog ib tug neeg coj ib tug me nyuam ntseeg txog kuv mus ua txhaum,mas tsim nyog muab ib lub zeb hnyav txaus li ib tug luj cab los dai rau nws caj dab, ces muab nws pov rau hauv qab tiv txwv dej kom tuag mus.
Kuv tseem xav hais li no ntxiv:
Yog koj txhais tes nyiam ua kev txhaum,mas muab nws txiav pov tseg, koj ua neeg tu tes mus hauv Huab Tais Ntuj lub ceeb tsheej mas zoo dua, koj lub cev tib si mus nyob rau hauv dab phem lub qhov hluav taws tsis txawj kug ntawd.

ZAJ THOV NTUJ.
1. Peb thov Ntuj rau Tswv Ntuj lub Koom Txoos, kom cov neeg ntseeg to taub txog Leej Tswv Yim Ntshiab kev tshoj neeg ua siab zoo. Ntuj awb....
2 Peb thov Ntuj rau cov nom tswv kav teb chaws, kom lawv paub txog Ntuj cov me nyuam kev khwv thiab hwm lawv lub zog. Ntuj awb...
3. Peb thov Ntuj rau cov neeg txom nyem nyob thoob ntiaj teb. kom cov neeg raug kev tshaib nqhis, cov muaj mob nkeeg, pw tsev tshuaj, cov nyob hauv lawv vaj tse, los cov tuaj ntawd no. Kom lawv tau txais Ntuj kev khuv leej.
Ntuj awb...
4. Peb thov Ntuj rau tsoom txheeb ze ua peb paub lawv muaj teeb meem... Tswv Ntuj thov koj tuaj xyuas cov neeg peb cev rau koj no. Ntuj awb...
5. Peb thov Ntuj rau peb sawv daws tuaj ntawm no. kom Leej Tswv Yim Ntshiab tshoj peb ua ib co neeg siab ncaj paub Tswv Ntuj kev nyiam kev hlub zoo. Ntuj awb...

Yaj Zoov Ntxheb Xib Hwb.

NRUAB XYOO CHIV 28 B Tim 11/10/2015.

Ntawv thoob tsib hais tias: {7:7-11.}
Kev thoob tsib yog ib co txuj pab coj neeg lub neej, yog neeg tsis muaj kev thoob tsib nqes saum ntuj los coj neeg. Mas tab yog nws muaj yam twg zoo los tsis muaj qab hau.
Ntawv thoob tsib hais tias:
Yog koj tsis thov Tswv Ntuj lub tswv yim thoob tsib, los nyob hauv koj, kom tau coj koj. Mas koj tsis muaj kev ntse.
Ib tug neeg muaj kev thoob tsib, mas zoo dua, cov nyiaj cov kub. Thiab cov Vaj thiab cov Vaj Txheeb tej theej kiab zaum. Tab yog tas txhua yam yam muaj nqes uas neeg hua ua pov haum.
Nrog rau txoj kev zoo nkauj zoo nraug, uas muaj hwj chim ntxiag,thiab neeg kev tau zoo noj tau zoo haus txhua yam. muab los piv rau kev thoob tsib, mas piv tsis tau.
Vim tias, kev thoob tsib nws pub ib lub cuab tam loj heev, uas suav tsi tau li rau neeg.
Tus muaj kev thoob tsib mas, tab yog tas nrho cov neeg koom nyob ua ib lub teb chaws. Lawv muab tas lawv cov cuab tam pub rau nws mas lawv tseem zoo siab dua, uas cia lawv ua tus saib.
Yog Leej twg to taub mas, kav tsij thov thiab txais kiag los coj koj lub neej.

Tsab ntawv Hes Nplaws hais ntxiv tias: {4:12-13.}
Tswv Ntuj paub peb nruab siab, peb zais tsis tau rau tswv Ntuj lo lus txiav txim.
Vim tias, Tswv Ntuj lo lus muaj txoj sia. Thiab Nws ua hauj lwm zoo. Tswv Ntuj lo lus no ntse tshaj rab ntaj muaj ob sab ntse. Nws txeem mus txog neeg tus ntsuj plig. mus tob dua neeg lub tswv yim thiab neeg lub siab.
Tswv Ntuj lo lus yog qhov txiav txim rau yam peb nyiam los peb xav ntawd. Tas txhua yam uas peb ua mas nws nyob nqha nrig tsis muaj ib yam uas yuav zais tau, Leej twg los sim tsis nyog Tswv Ntuj.

Mas Kos ntawv Moo Zoo hais tias: {10:17-30.}
Tus nyiam Tswv Ntuj mas nws yuav ua tus tsis muaj dab tsi li. Nws yuav tuav nws kev thoob tsib ces nws raws Yes Xus mus.
Yes Xus hais rau cov thwj tim thiab npoj neeg ntawd tias:
Tsuas muaj Tswv Ntuj tib leeg xwb siab zoo. Yog tus tsis tau ua tim khawv cuav dag, tsis zes luag poj luag sev, luag tub luag roog, thiab tsis tau ua tub sab tub nyiag, tsis tau ua phem rau leej twg.
Nws yog neeg nplua nuj, thiab cuab tam ntau,mas nws yuav muab muag kom tas, ces muab pub rau cov neeg pluag. Ces nws los raws kuv qab. Nws thiaj tsis ceeb laj mus pem Tswv Ntuj lub ceeb tsheej.
Txoj kev mus rau Ntuj ceeb tsheej muab tus neeg nplua nuj los piv mas, tus ncos caj qaum ua pob ntawd nkag raws qab xov uas rab koob poj niam ntxiv khaub ncaws mus dhau. Mas tus neeg nplua nuj tseem nrhiav tsis tau tau kev mus.
Lo lus kawg Yes Xus xav hais rau peb sawv daws tias:
Tus tso tas txhua yam tseg es raws Yes Xus qab mus, mas nws yuav muaj cuab tam, niam txiv kwv tij li 100 npaug ntxiv.

ZAJ THOV NTUJ.
1. Peb thov Ntuj rau lub Koom Txoos, Kom lub Koom Txoos txawj thov Ntuj hloov Ntiaj teb tej tub ki lub siab, los raws Yes Xus qab. Kom txoj kev mus Ntuj ceeb tsheej thiaj tsis ceeb laj mus rau cov neeg nplua nuj. Ntuj awb...
2. Peb thov Ntuj rau cov Nom Tswv kav teb chaws, kom lawv paub tias ntiaj teb lub cuab tam muaj nqes tsis npaum li ntuj kev thoob tsib. Ntuj awb...
3. Peb thov Ntuj rau txhua phiaj neeg txom nyem, cov muaj mob nkeeg, cov raug kev tshaib nqhis, cov nyob tsev loj faj. Cov muaj kev txhawj xeeb tsis xav ua neej nyob. Ntuj thov koj daws S.D, tej teem meem no. Ntuj awb...
4. peb thov Ntuj rau cov txheeb ze peb paub lawv muaj teeb meem.... Ntuj awb...
5. Peb thov Ntuj rau peb cov tuaj ntawm no, Peb tau hnov txhua yam tawm ntawm Tswv Ntuj kev thoob tsib los, kom Tswv Ntuj lo lus yug tau peb muaj txoj sia nyob mus li. Ntuj awb...


Yaj Zoov Ntxheb Xib Hwb.

Ntawv nyob phab 210.
Hnub no tas lub ntiaj teb hwm Tsoom Leej Ntshiab. Cov peb hu ua Leej Ntshiab, yog tas ntiaj teb neeg tsoom pog yawg. Uas lawv ua neeg siab ncaj thiab dawb huv, li cov lus uas peb tau nyeem los nyob hauv peb zaj ntawv ntshiab hnub no.
Yam li yog cov neeg uas lawv yuav Yes Xus zaj Tswv Yim, thaum lawv tseem ua neej nyob ntiaj teb no. Thiab lawv ntseeg tias Tswv Ntuj nyiam lawv.
Ces nyiam no, lawv tau mus nyob saum Ntuj Ceeb Tsheej, Lawv sib sau nyob ntawm Tswv Ntuj xub ntiag. Zoo li ib pab neeg coob uas lawv ua ib lub txoos teev Ntuj lom zem loj tas nrho.
Hnub no, yog hnub uas tas neeg ntiaj teb neeg tej pog tej yawg siab ncaj lawv hnub zoo siab. Vim Tswv Ntuj tau nyiam lawv. Ces Tswv Ntuj qhib rooj ntug rau neeg ntiaj teb cov ntsuj plig, kom muaj cai mus nrog Tswv Ntuj nyob.
Peb Haiv Hmoob kuj muaj cov pog cov yawg koom nrog ntiaj teb tej pog yawg zoo siab.
Nyob teb chaws them txim peb tseem tshuav tej niam tej txiv uas lawv tos peb xa paj tshab mus pab lawv li Hmoob ua kam uas yav thaud uas lawv hlawv ntawv mus pab.
Tej niam tej txiv cov neeg dua nras,lawv tos thiab tso siab rau peb lub txoos teev Ntuj hnub no, uas muaj Leej Pleev lub cev thiab Nws cov ntshav, nrog peb cov zaj teev Ntuj, mus daws lawv li kev them txim.
Cov tub ki hnub no lawv tau tuaj koom Leej Pleev lub Txoos txi Ntuj no,mas lawv cov niam txiv zoo siab npaum li neeg muaj hmoo. Uas hmoov tau poob saum Ntuj los rau, lawv cov ntsuj plig kom tau dim ntawm teb chaws them txim mus.
Yog nej paub mas hnub no nej yuav xa paj tshab mus teb chaws them txim kom ntau li ntau tau. Nej mus xyuas lawv lub zos laus ntawd, Nej hais zaj, peb txiv nyob saum ntuj, zaj koj nyob kaj lug Mab Liab, Zaj Huab tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug, lub zim txwv no mus txog fab lwm txheej xws li txheej laus thaud los ua li.
Peb zaj no xwb,nws twb tsim muaj nuj nqes txaus tso ib tug neeg nyob teb chaws them txim mus. Tsis kav tsis tshua muaj neeg xa mus rau tej niam tej txiv li thiab.
Lub Txoog txi Ntuj thiab cov zaj yuav xa mus ua paj txhab rau teb chaws them txim, mas hnub tim 1 thiab tim 2 lub 11 hli no mas muaj nuj nqes kawg. yog peb paub zoo mas ob hnub no,peb yuav tsis txhob nruam li.
Tseem tshuav ntau lub tswv yim uas zoo coj mus hais qiv tus yawm sij qhib qhov rooj nyob teb chaws them txim, kom muaj neeg coob leej tau hla teb chaws them txim los rau Ntuj ceeb tsheej, peb yuav kawm kom paub ntau dua ntxiv.

ZAJ THOV NTUJ.
1. Peb thov Ntuj rau lub Koom Txoos, kom peb ntseeg tias, Tswv Ntuj nyiam thiab zam rau peb cov pog yawg, los cov niam txiv nyob teb chaws txom nyem kom tau mus rau Ntuj kag. Ntuj awb...

2.Peb thov Ntuj rau cov Nom Tswv kav teb chaws, kom lawv pub kev thaj yeeb rau tsoom pej xeem huab hwm kom neeg txawj xaiv txoj kev ncaj qha mus rau Ntuj ceeb tsheej. Ntuj awb...

3.Peb thov Ntuj rau cov neeg txom nyem Txawm lawv nyob hauv kev txom nyem los ntseeg tias Tswv Ntuj nyiam thiab hlub lawv,kom lawv muaj kev tso siab lug rau Ntuj mog. Ntuj awb...

4.Peb thov Ntuj rau cov sau npe hnub no, uas muaj neeg cev lawv tej txheeb ze rau ntuj Tswv Ntuj thov koj mloog lawv lo lus cev tuaj mog. Ntuj awb...

5. Peb thov ntuj rau peb cov tuaj hnub no, peb tau hnov Ntuj lus, peb tau xa paj tshab mus rau teb chaws them txim. Tswv Ntuj koj saib kom yog tsim nyog li peb thov Koj. Ntuj awb...
Yaj Zoov Ntxheb Xib Hwb.

Cov ntawv Ntshiab uas hnub no lub Koom Txoos nyeem nyob hauv ntawv 1Vaj{17:10-16} Hes Npaws{9:24-28.} thiab Mas Kos{12:38-44.} Zoo pab peb tso siab tias:

Tswv Ntuj zoo siab pab cawm cov neeg tshaib plab, kom muaj mov txaus noj. Tswv Ntuj siv cov Yaj Saub siab ncaj thiab Nws leej tub Yes Xus Pleev, tuaj ua hauj lwm pab cov neeg txom nyem.
Kom neeg ntiaj teb cov siab zoo tau koom nrog Yes Xus zaj txi Ntuj nyob saum ntoo cuam.
Tas txhua yam hwj huam cawm neeg ntawm kev tshaib kev nqhis. los kev mob kev nkeeg. Puav leej yog txoj kev cawm neeg dim ntawm kev ua txhaum!
Cov zaj lus hnub no peb hais mas tseeb tiag. Vim tias, thaum neeg raug kev tshaib kev nqhis, los raug kev mob kev nkeeg. Ces neeg muaj kev tu siab tuaj, ces neeg txav mus zwm rau kev ua txhaum ntau dua.
Thaum neeg txav mus txog kev ua txhaum lawm, mas neeg raug cov xwv txheej, coj neeg txoj sia mus zwm rau kev ua txhaum tuag.
Ces neeg tus ntsuj plig tau ris txoj kev ua txhaum, ncaim ntawm Tswv Ntuj kev nyiam kev hlub mus. Vim tias kev ua txhaum nyob ti cev, ces muaj kev tu siab, kev npau taws.
Txoj kev npau taws, yog lub vas puav neeg, kom tso Tswv Ntuj pov tseg thiab tuag mus. Tswv Ntuj paub tej no zoo, Ntuj thiaj xa cov Yaj saub siab ncaj thiab Nws Leej Tub tus muaj peev xwm tuaj pab cov neeg txom nyem.
Kom muaj kev ntseeg, tiv taus kev tshaib kev nqhis, thiab neeg tej mob nkeeg. Kom neeg tau txav nrug deb ntawm kev npau taws.
Peb yuav txaus siab los koom nrog Yes Xus, tab peb txom nyem, peb cev tau ib lub khuav dawm, los ib xees liab xwb, los peb muab cev nrog Yes Xus Pleev txoj kev hlub mus pab rau luag.
Zaj lus hnub no peb hais mas yog lus tseeb. Vim tias thaum neeg raug kev tshaib nqhis,los raug kev mob nkeeg. Mas neeg muaj kev tu siab, ces neeg txav mus nyob ze kev ua txhaum ntau dua.
Thaum muaj kev tu siab lawm, mas neeg tus ntsuj Plig ris kev ua txhaum tuag,thiab ncaim ntawm Tswv Ntuj kev nyiam kev hlub mus. Vim kev npau taws nyob ti cev lawm, ces neeg tuag rau nws kev npau taws.Txoj kev npau taws yog lub vas puav neeg tuag,kom tso Tswv Ntuj pov tseg. Tswv Ntuj paub tej no zoo, Ntuj thiaj tso kom muaj cov Yaj Saub los cov neeg siab ncaj, thiab Nws leej Tub tuaj nplij lub ntiaj teb neeg.
Yog cov muaj peev xwm, uas yuav pab cov neeg raug kev tshaib kev nqhis, thiab kev mob kev nkeeg. Kom tau txav nrug deb ntawm txoj kev npau taws tuag mus.
Yes Xus Pleev thiaj tuaj yeem muab Nws thaj txi Ntuj tso nyob qhov chaws siab rau saum tus ntoo cuam. kom ntiaj teb neeg paub thiab ntsia pom, kom cheem tau sawv daws tej kev npau taws, nyob nruab siab tawm mus.
Thaum Yes Xus ua nws cov hwj huam,cawm neeg kev tshaib nqhis los kev mob nkeeg tas. Mas Tswv Ntuj yuav tsa Nws ua Vaj, kom lub ntiaj teb neeg rov zoo siab tias, Tswv Ntuj nco txog neeg ntiaj teb kev iab kev khwv thiab kev txom nyem nyob ntiaj teb no lawm.
Hnub no peb tau hnov Ntuj ib zaj lus zoo kawg. Yog lub pov haum uas tsim nyog peb nhiav kom tau.


ZAJ THOV NTUJ.
1. Peb thov Ntuj rau lub Koom Txoos, kom txhua phiaj neeg paub txog, cov neeg Ntuj txib nqa txiaj ntsim tuaj rau cov neeg txom nyem. Kom txawj txais nyias li hauj lwm koom nrog leej Pleev kev cawm neeg. Ntuj awb...
2. Peb thov Ntuj rau cov Nom Tswv kav teb chaws, kom lawv tuaj yeem ua Tswv Ntuj cov tub txib rau sab kev pab neeg txom nyem. Kom lub ntiaj teb tau nyob thaj yeeb. Ntuj awb...
3. Peb thov Ntuj rau cov neeg txom nyem. Kom lawv nco tias Tswv Ntuj nyiam thiab hlub lawv txhua tus. Ntuj awb...
4. Peb thov Ntuj rau cov neeg muaj npe sau tseg qhia rau Tswv Ntuj. Tab txawm muaj mob nkeeg los raug kev tshaib nqhis los tso siab tias Tswv Ntuj hlub thiab nyiam lawv. Ntuj awb...
5. Peb thov Ntuj rau peb cov tuaj hnub no, Peb hnov peb paub, Kom Tswv Ntuj txuag peb li Tswv Ntuj nyiam thiab hlub. Ntuj awb...


Yaj Zoov Ntxheb Xib Hwb.

peb zaj ntawv Ntshiab hais txog Yes Xus ua Vaj hnub no.  Lub Moo Zoo, Kus Kas,{23:35-43} Xas Muas,{5: 1-3.} thiab Kos Los Xais,{1:12-20.} hais tias:
Yes Xus yog tus Tuam Vaj loj tshaj txhua yam,Nws yog lub tau hau coj lub Koom Txoos, kom hlob nrog lub ntiaj teb, mus taug txoj kev tshiab.
Yes Xus yog tus Tuam Vaj, Nws thiaj tuaj yeem tuag kom tau txhiv nws Haiv neeg. Yes Xus yog tus Vaj coj cov neeg muaj txhaum, kom tau mus txog Ntuj Ceeb tsheej.
Thaum tus yaj Saub Xas Muas, thiab tsoom His Xas Lais thov kom Das Vis ua lawv tus Vaj. mas lawv tsuas pom tias, Das Vis txawj coj lawv ntaus rog xwb.
Tab sis Tswv Ntuj paub tias, Das Vis yuav coj cov His Xas Lais kom paub Tswv Ntuj zoo dua. Ces Tswv Ntuj tuaj tshoj kom Xas Mus pleev Das Vis ua Vaj.
Cov neeg tau xaiv Yes Xus ua lawv tus Vaj, mas lawv ntseeg tias, Yes Xus yog tus cawm tau neeg cov ntsuj plig los ua Tswv Ntuj cov tub ki.
Yes Xus thiaj qhia kom lub qab ntuj neeg, hu Tswv Ntuj ua Leej Txiv siab zoo. Kom cov ntseeg zeem Tswv Ntuj ua lawv Leej Txiv, kom neeg muaj cai thov txhua yam ntawm Leej Txiv  txoj kev khuv leej.
Peb yuav ntseeg tias, Yes Xus tuaj yuav lub cev neeg, kom Nws muaj tib hom roj ntsha zoo li peb. Thaum peb tsis muaj zog thiab peev xwmtsis txaus, mas peb yuav vam txog Yes Xus ua tus coj peb.
Uas Nws yog lub taub hau, muaj zog thiab muaj peev xwm  ntawm peb sawv daws lub tswv yim ua Vaj. Nws hwj thiab roos tau peb ua Ntuj cov me nyuam siab zoo nyob ruaj nreb mus li.
Peb yuav zoo siab ua Leej Txiv tsaug, vim Leej Txiv tau tso tus Vaj Pleev tuaj hu peb los, nrog Nws muaj koob meej, thiab ua haiv neeg ntshiab.
Kom peb tsim nyog txais txoj hmoov thiab lub hwj chim nyob rau lub teb chaws pom kev. Peb tau ua peb tus Vaj siab zoo pab Yaj dawb huv ntxim nyiam thiab hlub los ntawm Leej Txiv kev khuv leej peb.
Peb yuav tso siab li tus neeg nyob ntawm Yes xus sab xis, uas Yes Xus tau cog lus tias, kuv hais rau koj.  Hnub no koj yuav tau nrog kuv nyob pem lub nras lom zem mog.

ZAJ THOV NTUJ.
1. Peb thov Ntuj rau lub Koom Txoos, uas Yes Xus yog lub taub hauj, thiab tus Vaj txiv lub qab ntuj neeg cov txhaum, kom sawv daws tso siab thiab vam txog Nws, ua tus coj.    Ntuj awb...
2. Peb thov Ntuj rau cov Nom Tswv kav teb chaws, kom tus yuav tuaj ua Vaj txheeb, pwm tsav tom ntej no, mloog Ntuj cov lus, coj li Tswv Ntuj nyiam thiab Ntuj txib.   Ntuj awb...
3. Peb thov Ntuj rau cov neeg txom nyem,cov muaj mob nkeeg, cov raug kev tshaib nqhis, cov ua neeg lwj siab. kom lawv tso siab, Ntuj pom lawv txhua tus, kev txom nyem.   Ntuj awm
4. peb thov Ntuj rau cov uas muaj neeg sau npe mus qhia Leej Txiv siab zoo. Tswv Ntuj thov koj nco txog sawv daws cov npe peb cev tuaj no.  Ntuj awb.
Peb thob Ntuj rau cov tuaj hnub no...... Ntuj awb....

Yaj Zoov Ntxheb Xib Hwb.

Cov ntawv Ntshiab uas, Yes Les Mias, Paj Lug, thiab Lus Kas lawv sau peb nyeem hnub no hais tias: {Y.L.M.33:14-16.} {1 T. X. L.N.{3:12-14+4:1-2.} {L.K.21:25-28+34-36.}

Yes Xus yug ntawm lub ntiaj teb los,xws li ib tug kaus hlav hauv av tuaj. Kom Nws tau ua ib tug piv txwv zoo rau Yaj Ceeb neeg yoog. Vim tias niaj hnub Huab Tais Tswv Ntuj tuaj xyuas lub sim ceeb no.
Peb cov neeg nyob Yaj Ceeb no, yuav xyaum kom peb txhob muaj chaw xyeej. Vim niaj hnub peb pom cov zej zog, los cov teb chaws raug xwv txheej ntau heev. Peb yuav nco tias, cov kev phem ntawd, kuj yuav dua nrog cov neeg phem mus.
Ces Tswv Ntuj lub Ceeb Tsheej thiaj yuav maj mam hlob zuj zus mus.
Cov hwj huam loj txaus ntshai thiab txawj nyob ntiaj teb no, mus nto txheej ntuj siab saud, thiab cov xwv txheej uas neeg ntiaj teb tsim los no,yuav txawj dua mus.
Vim lub Koom Txoos tus Vaj Pleev yog neeg ntiaj teb lub taub hau, zaum nyob saum cov huab. Lub ntiaj teb cov neeg ntseeg yuav tso siab rau Leej Pleev ua tus coj.
Sawv daws yuav hloov siab los,coj tus yam ntxwv tshiab, kom tsis muaj chaw xyeej nyob ntawm Tswv Ntuj xub ntiag. Tswv Ntuj twb muaj lus ceeb toom tias:
Ntuj yuav foom rau Yaj Ceeb neeg, kom lub ntiaj teb hlav ib tug kaus,coj txoj kev ncaj ncees tuaj. Kom muaj kev thaj yeeb, Ntuj yuav tis lub npe tias, yog Tswv Ntuj txoj kev ncaj ncees kom rhuav tsis tau.
Cov zaj lus uas Tswv Ntuj hais hnub no, mas duav tas nrho leej tib neeg, tej kev khib, kev rob caub,kev cib nyeej, thiab kev npau taws los kev paub luag ua tub qaug rau yus tas tib si hauv.
Lub txiv yuav txi ntawd hu ua, txoj kev zoo, zam rau tsoom txheeb ze.

ZAJ THOV NTUJ.
1. Peb thov Ntuj rau lub Koom Txoos, kom lub Koom Txoos hwm Tswv Ntuj tus kaus hlav tuaj ntawd,Nws coj Tswv Ntuj txoj kev ncaj ncees tuaj rau Yaj ceeb neeg. Ntuj awb...
2. Peb thov Ntuj rau cov Nom Tswv kav teb chaws, kom lawv hwm Tswv Ntuj lo lus ceeb toom. Kom pub kev thaj yeeb rau lub sim ceeb neeg. Ntuj awb...
3. Peb thov Ntuj rau cov neeg txom nyem, zoo li cov ua neeg thoj nam, cov muaj mob nkeeg, cov nyob tsev loj faj, kom lawv txawj tso siab tias, kev txom nyem yuav du mus. Ntuj awb...
4. Peb thov ntuj rau cov tub ntxhais hluas. kom Tswv Ntuj lo lus ceeb toom kev ncaj ncees tuaj txog lawv. Ntuj awb...
5. Peb thov Ntuj rau peb sawv daws tuaj hnub no, kom peb muaj kev tso siab rau Tswv Ntuj lo lus ceeb tom kom peb muaj kev thaj yeeb. Ntuj awb....
Yaj Zoov Ntxheb Xib Hwb.