Tshuaj NTSUAB

Nyob zoo Maiv Tooj thiab cov phooj ywg,
Tsob ntoo no mas nyob Guyane muaj ntau, tsis yog kua kis nplej, tsob ntoo no tsis loj li ntoo kua dis nplej nyob rau Los Tsuas teb. cov ntoo no muaj ob hom: hom ib ces yog hom uas nej pom nyob hauv cov duab no; hom ob mas nws txi ua tej pluav xws li pluav taum, yog pluav loj mas luaj li ob tug ntiv tes thiab tej pluav ntev kwv yees li ib dos ntau. cov kheej li nej pom hauv daim duab mas nws lub noob kheej, cov pluav li tej pluav taum mas lub noob kuj pluav; tas nrho cov noob ntawm ob hom txiv no mas muaj ib cov zoo li paj qhwv lub noob, cov paj qhwv lub noob muaj qhov qab zib, ua rau kom me nyuam yaus xav xav noj, thaum noj mas yog muab lub noob npuav hauv qhov ncauj thiab ntxais qhov qab zib ntawd mus txog rau thaum tsis qab zib lawm ces mam nti pov tseg. Cov ntoo no peb cov Hmoob nyob Guyane hu ua ntoo txiv pluav taum.
Tsis yog cov uas sawv daws muab raub ntxuav pob khaus los yog laum pob khaus
Tam li kuv xav mas cov duab no ntshai yog thau nyob Guyane...

Y. Suav Nus

Nyob zoo Mas Lias thiab txiv Suav Nus,

Txiv Suav Nus,

Ua tsaug rau koj cov lus qhia.
Yog lwm hnub koj muaj caij no koj pab xa ob kg txiv lwm tsib, ib ya hmab iab, ob peb lub noob tshuaj laum pob khaus rau kuv puas tau?

Cov txiv lwm tsib ces yog xav noj xwb.
Tsob tshuaj pob khaus thiab tus hmab iab tsaib no Mas Lias muab rau kuv, twb tuaj lawm tab sis thaum ntuj tsaug kuv nqa los tsev ces ntshe tsis thev cua sov hauv tsev, cia li tuag tas lawm.

Mas Lias,

Ua tsaug rau koj qhia ntau yam.
Kuv nyuam qhuav yuav 10 lub noob Moringa hauv cab sab, lawv tseem xa tsis tau tau tuaj txog. Yog tuaj txog, kuv mam muab ua seb puas tau yub. Tshwj xeeb mas yog teb chaws nov no heev thaum caij ntuj no es ntshe tsam tsis thev no xwb. Cia mam sim seb. Yog koj hais li no, lwm hnub mam mus nrhiav tim tsev muag zaub Grand Frais tej zaud yuav muaj. Vim Grand Frais mas nw smuag tag puas tsav yam zaub pej kum.

Ua tsaug.

Tsob ntoo 40 lub txiaj, zoo ntau yam tshuaj:

-Tshuaj ua kom ntshav khiav zoo,
tshuaj hlab ntsha txhaws,
tshuaj leeg caws,
leej soob dhau,
leeg loj dhau,
tshuaj ko taw ncus,
ntshav siab, ntshav muaj roj, muaj peev xwm ua kom yus txoj leeg loj los me tau kom haum yus cov ntshav khiav xwb,

tshuaj hlab qhov muag txhaws (Glaucome)
tshuaj zoo rau cov qhov muag laus, rov pom kev tuaj
Tshuaj ua kom tswv yim zoo (cov hluas sib thaum lawv yuav twv ntawv)
Tshuaj rau cov laus, thiab mob tem toob (Alzheimer)

Tsob ntoo 40 lub txiaj zoo tsa txhiaj meej:

- Nyob Suav Tuam tshoj thiab Zim Pees teb, lawv cog tsob ntoo 40 lub txiaj rau ntawm qhov rooj Tsev teev hawm (Tsev teev Ntuj, tsev Mlom). Nws muaj hwj huam coj neeg cov zaj thov Ntuj mus cuag Huab Tais Ntuj.
- Lawv nyiam cog ntawm yus lub tsev nyob cog ntawm qhov rooj, tawm hauv tsev tuaj sab xis, nws tsa yus txhiaj meej, khwv noj khwv haus nce tes thiab muaj meej thawb.

-Lawv cog rau ntawm qhov rooj tag sab xis, tawm hauv tsev tuaj, tsa txiaj meej, cov Tuam Txhab nyiam cog ntawm cov qhov rooj tag (poste pricipale), tsa txhiaj meej rau lub Tuam Txhab.

Tsob ntoo 40 lub txiaj thev taus cov agents mutagènes (thev taus Nuclear)

Ginkgo, yog ib hom ntoo uas thaum 1945 lawv tua hoob pob plas mas nus rau Hiroshima es tag puas tsav yam kub nyhiab ua hlua tuag tag, cov ntoo Ginkgo kuj kub nyhiab dub nciab thiab tab sis rov nthaw kaus ciaj los. Txij thaum ntawd Meskas thiaj coj mus cog ntau ntau rau lawv teb chaws, lawv cog ib txoj kev ntawm New-york thoob plaws. Dua li ntiaj teb lawv kuj cog txhua txhia qhov chaw, thaum kuv tuaj tim nej uas kuv yuav rov qab zaum kawg, kuv twb muab tau ib tsob uas kuv twb cog tau ciaj lawm rau ntxawm Neej Mos, kuv tssi paub tias puas ciaj lawm.

Ginkgo siv ua tshuaj tua kab:
-Cov txiv neeg Zim Pees siv ua tshuaj tua kab rau tej qoob loo.

Tsob ntoo, Suav tis npe hu ua Tsob ntoo 40 lub txiaj, vim thaum ub yog ib cov ntoo kim heev.


Tag nrho qhov siv ua tshuaj nov, yog cia li mus yuav cov tshuaj uas lawv ua tau tom tsev tshuaj los tau, tab sis kim tsawv ces yog yus de nplooj los rhaub haus ib hnub ib zaug ob zaug xwb los yeej zoo tib yam. Yog de nplooj mas zoo de thaum uas cov nplooj hlav tag es laus kiag lawm ces de los ziab qhuav siv tau ntev. Yog cia rov txog nplooj ntoos zeeg mam de ces cov txab twb rov nqes tag lawm mas yuav tssi zoo npaum li thaim cov sève nce tag nrho rau pem cov nplooj.

Tag nrho ntoo ntiaj teb nov ces tso Ntoo 40 lub txiak nov yeej txawv lwm cov kiag, tuaj deb xwb los yeej paub. Nws cov nplooj ua ntxuam.




Cov ntoo Biloba Gingkgo ib txwm peb hmoob tsis paub txog, peb nyuam qhuav paub tsis tau ntev no xwb. Tab sis thaum peb paub lawm mas peb txawm siv paub ntau tshaj luag pej kum neeg muaj txuj uas luag twb siv tau txhiab pua xyoo los lawm. Yam li ib txwm cov neeg uas paub siv cov ntoo Biloba Gingkog no, lawv yeej tsis noj lub txiv ib zaug li, lawv tseem yuav looj hnab looj tes kom zoo zoo mam li mus khaws cov txiv; tsis pub kom cov txiv paim los yus nqaij tsam ua pob thiab ua xua rau yus. Cov neeg Zim Pees, siv cov txiv no los tua kab noj nplej.

Tab sis Peb Hmoob nyuam qhuav paub txog cov ntoo no tsis tau dhau 10 lub xyoo no, txawm siv txawj siv tshaj luag lawm, lawv coob leej sib tham tshuaj hauv cov xov tooj cua raws xov tooj. Lawv hais tias cov txiv Gingkgo nov zoo heev, muaj zog heev mas muaj tej tug tseem mus li 500 km mus khaws nyob lwm lub xeev. Khaws tau cia li muab noj kiag tej teg. Thiab lawv muab noj ib hnub ob peb lub tas mus li, lawv muab tsau cawv haus tias zoo heev. Tab sis kuj txaus tus siab kawg rau peb cov kwv tij hmoob uas xav siv tej tshuaj hwj huaj.

Raws li cov kws txuj tshawj fawb thiab neeg Suav uas ib txwm paub siv mas lawv tsis noj cov txiv, tab sis lawv noj cov noob. Yog cov noob nyoos mas kuj tsis pub me nyuam noj ntau thiab tsam qaug.  Cov noob zoo tshuaj txog siav, ua tsis taus pa, poj niam los dawb.

Cov noob ua zaub noj, lawv nyiam ua rau thaum muaj ib tug qhua tshwj xeeb; vim lawv xam tias yog ib yam txhiam xwm uas nrhiav nyuaj.


Rov hais txog cov ntoo Biloba Gingkgo no, luag pej kum muab cov nplooj los rhaub haus, los nyoj ua tshuaj lub los hmoov, los xyaw kob swm tshuaj haus. Thaum peb Hmoob paub kiag xwb mas Peb Hmoob cia li de nplooj noj nqos...! Uab! Cas txawv ua luaj li; tab sis yus tus paub neej lus paub ntawv kom tub txuj tej lus qhub, lus qhia yus hais lawv mas lawv tsis mloog li, lawv tseem yog cov ntuas yus xwb ces yus cia nkaum nkaum li tus me nyuam yaus txaj muag cia xwb. Tu siab kawg, zoo li no xwb Peb Hmoob thiaj muaj kev plhom sij loj heev, 40-50 xyoo xwb twb muaj mob loj, twb xam phaj yuav tag, cov uas nyob txog 70-80 xyoo ces tsawg xwb. Mus saib tom zos tshiab mas mab sua luag nyob txog 70-80 xyoo rov saud xwb, tsawg tsawg tus thiaj li qes hauv, thiab pom tej mab sua txawm nyob laus laus los lawv nyob huv si, cus plaws tsis zoo li Peb Hmoob es lam yeb nyob ua tej tug phob vog taws hos ntsej muag daj tseem. Vim luag ntse ce sntse kiag, tsis paub ces ua ruam kiag cia tus txawj los coj los nres. Peb Hmoob mas tus twg los ntse li ces yus cia li tsis paub tias tus twg yog tus yuav tso siab tau rau lawm.

Nej leej twg puas txawj copy daim video no tso rau hauv no es kom txhob txawj ploj os? Vim kuv ntshai tsam lwm hnub lawv rho lawv daim lawm ces peb tsis pom ntxiv lawm na. Peb twb muaj ntau daim ua li ntawd lawm.  Xav kom peb copy tau es peb muab khaws cia tas mus li.

Nws yog ib daig video hais kwv txhiaj, tiam sis qhov kuv xav tau yog cov npe uas lawv sau txog cov nroj uas tso nrog zaj kwv txhiaj.

Nyob zoo Mim,

Hnub no kuv lub téléchargement tsis pub kuv télécharger dawb ces cia kuv ua tau thaum twg kuv mam li ua. Ua tau kuv mam li xa rau koj khaws cia.


Cov zaj tseem ceeb hauv nov kuv twb copy tag lawm, tshuav qho me ntsis lawm xwb. Lub siab mas ya mus deb kawg, tab sis txhais tes ua tsis tau li siab xav li.

Mim, yog koj xav tau cov npe tshuaj xwb no cia kuv mam li txiav cov duab tso rau hauv nov xwv thiaj li zoo khaws thiaj thaum nrhiav qhov twg los thiaj li yooj yim.

Tais Tooj,

yog koj txiav tau cov duab nrog cov npe los tso rau hauv no xwb los yeej zoo kawg. Tsuav koj txawj ua tau li ntawd, kuv ces kuv tsis txawj li.

Ua tsaug os.

Nyob zoo tais Tooj,

Ua tsaug koj tau tuaj muab cov dua thiab cov npe nroj tsuag no tso rau hauv no lawm ces peb yuav khaws tau cia lawm.  muaj ntau yam nroj uas kuv yeej tsis paub xyov yog tsob zoo li cas li. Txawm ua duab li no los tej zaum twb tsis paub tias yog zoo li cas tiag thiab, tiam sis ho mem tau me me.
Ua tsaug dua os.

Es koj copy li cas thiaj tau cov duab no nab? Qhia puas tau, puas yooj yim ua thiab?

Mim wrote:Nyob zoo tais Tooj,

Ua tsaug koj tau tuaj muab cov dua thiab cov npe nroj tsuag no tso rau hauv no lawm ces peb yuav khaws tau cia lawm.  muaj ntau yam nroj uas kuv yeej tsis paub xyov yog tsob zoo li cas li. Txawm ua duab li no los tej zaum twb tsis paub tias yog zoo li cas tiag thiab, tiam sis ho mem tau me me.
Ua tsaug dua os.

Es koj copy li cas thiaj tau cov duab no nab? Qhia puas tau, puas yooj yim ua thiab?

Nyob zoo Mim,

Yeej muaj nyob hauv rdinateur, yog kuv tus vauv tso tawm rau kuv siv xwb, cia kuv nug nws seb muab tawm li cas kuv mam li qhia koj. Yog qhov "outil capture" ces koj txiav duab xwb. Txiav yooj yim heev. Tshuav qhov téléchargement video thiab, kuj yooj yim kawg li. Tib laim xwb tau lawm. Cia kuv mam nug nws.

Cov npe nrog tsuag, xyoob nto thiab tshuaj nov mas kuv yeej xav npaj sau ntev los lawm, tab sis qhov twg los yuav ua ces kuv thiaj li ua tsis tau li siab xav.

Tais Tooj,

Koj twb mus nrhiav pom Choo Vaj cov videos sau sau nroj tsuag no lawm, kav tsij coj tuaj tso rau es peb thiaj paub cov npe, tsam tsis nco qab tas lawm os. Nws muaj ib co videos piav tshuaj thiab saib siv rau dab tsi thiab siv li cas huv tib si, kuv tsis tau muab saib tas tiam sis zoo li kam muaj tshaj nees nkaum tawm daim diam sub.