SHUNG COV HAUV TSHUAJ.
1-Hauv Tshuaj Cawm Seej
Tshuaj Ntsuab, Tshuaj Hmoob ,Mob nkeeg, tshuaj ntsuab, thiab kev siv.
Yav neej thaum ub Hmoob nyob rau pem tej toj roob siab hav zoov. Feem ntau Hmoob siv tshuaj ntsuab coj los kho mob. Nram qab no yog tej hom mob thiab cov tshuaj kho. Cov nyeem sawv daws yog leej twg tsum kev siv nej mam mus nrhiav nej coj los siv seb puas kho tau nej tus mob, feem ntau ib txhia ntawm cov tshuaj no hmoob txawm yuav nyob rau lub teb chaws twg los hmoob yeej nyiam cog rau qab vag tsib taug. Feem ntau cov nroj tsuag no hu raws cov npe uas cov neeg nyob rau
Tshuaj Zoo Phiv, Thaiv Dab & Zoo Rau Neeg Lojleeb Kom Rov Los Tsev
Puamsem:
Muab chais 3 riag tsau dej haus zoo tshuaj phiv
Muab coj zoo thaiv dab
Muab cov quav tsau dej pleev cov neeg ua lojleeb nws yuav rov qab los tsev
2-Tshuaj Zoo Raug Qezeb
1. Muab xyoob hlawv es khaws cov hluav los pleev qhov mob
2. Muab lotion pleev qhov mob
3. Vaskhoos coj los qhwv qhov mob
4. Diaper qhwv qhov mob
5. Roj zaj npuas pleev qhov mob
6. Kom ib tug me nyuam tub tso zis, muab ib teg tshauv, thiab ib daim tawv txiv tsawb liab. Muab cov zis thiab tshuav coj los tim ua ke ces muab ntim rau daim tawv txiv tsawb mas li coj los qhwv rau qhov muab li ib hmo xwb zoo lawm.
7. Kuam lub log cam ua koj niaj hnub txoov qaij noj ntawv coj los pleev xwb kuj zoo thiab.
8. Muab kab laum kiv tshooj cov tes taw thiab qhiav coj los tsoo ua ke ces cov los qhwv rau qhov mob xwb yeej zoo lawm.
9. Hais ib taig dej muab ib daim ntawv nyiaj los npog ces tho ib lub qhov hauv nruab nrab muab 3 tug xyab thiab nqa tais dej coj los ntuas nram qhov rooj li koj txawj hais tom qab ntuas tag muab tes 3 tug xyab ntsw hauv tais dej mam li coj los pleev rau qhov mob.
10. yog tsis zoo li ces kawg yuav tsum tau ua khawv koob xwb thiaj li yeej.
3-Tshuaj zoo Plab Kiav Txhab (ulcer)
Nplooj Tuaj kaug: 1 tagkis de 3 daim noj nyoos, noj li 1-2 hlis ces zoo
4-Tshuaj Zoo Ntsws Qhuav
1. Pawjqes /Ob qaus
2. Cag txiv nqosvias( yuav tus cag loj ntsia av )
3. Cag paj ntshua nplaim (yuav tus cag loj ntsia av)
Muab tus cov cag saumtoj no los txhoov xyaw tim rau tus Pawjqes muab ncu noj ces zoo.
5-Mob Duav
Tswj ntug: coj los tsaws xyaw qaib noj ces zoo
6-Tshuaj Zoo Mob Qab Xibtaws (ua haujlwm sawv mob)
Muaj ib poom tshuaj nyob khw Walgreen ua txhais kotaw rau ntawd, coj los pleev ces zoo
7-Tshuaj Zoo Mob Laug, Mob Duav, Raug Mob & Mob Qhov Txhab
Tawv Ntoo Kauv cov dawb thiab liab (yam liab zoo dua): Muab coj los rhaub haus yog tias mob hauv nrog cev hos yog mob sab nraud xws li qhov txhab raug mob doog muab hov pleev.
8-Mob Plab & Mob Hauv Siab & Mob Nyhuv Menyuam
Kua txob liab: De los tso hauv lub ntim ces tsau dej kub haus zoo,
9-Txivneej kem cev, Mob, txeebzig & tso zis heev, Mob plab Pojniam coj khaub ncaws tsis zoo, Qhovmuag khaus khaus.
Txiv Nrua Tawv: Muab tus cag, tus kav rhaub haus zoo mob:
Hmab 5 nti zoo tshuaj heev thiab cov los rhaub haus tag ces kom tus txiv neeg mus hlob kom tawm cov tshiab los xwb ces yeej zoo xwb. Zoo tshuaj mob tshuaj mob txeeb zig heev thiab.
10-Tshuaj Zoo Khaus Qhovmuag, Khaus ib ce
Nplooj Txiv Ntoo Qaib Liab: Muab cov nplooj los rhaub ntxuav zoo
11-Tshuiaj Zoo Qoob Zwm & Hnoos
Qaub Nraug Ntoo: Muab tus cag los rhaub haus zoo
12-Mob Plawv & Txivneej Nqhis Nqhis Dej Qhuav Siab Qhawv
Kuab Hma: Muab rhaub haus zoo
13-Dib Iab
Zoo tshuaj mob ntshav siab
Zoo kho mob ntshav qabzib
Muaj vitamins ntau yam
Muab los qha qhuav ua tea haus
14-Tshuaj Zoo Cawm Qaug Yeeb
Tawv txiv tsawb uas tseem ntsuab tsis tau siav ntawd muab nws coj los tsoo mos mos mam muab tso kua rau tus Neeg noj yeeb ntawd haus ces zoo. Yog tshuaj 12 lag nyiaj nyob Nplogteb.
15Tso Quav Los Ntshav
Tawv Twjkum: Muab kuam 3 menyuam riam tsau dej rau haus ces zoo.
16-Mob & Dias Tauhau & Zoo Daus No
Lemonin(shuav suav/luam): Muab noj rau zoo
17-Raug Dab (Neeg Tso Dab Tuaj Tom)
1. Muab pos kaus Ntsaj, pos rau mis, thiab pos rau tso coj los tsoo qhwv ces zoo.
2. Kom me nyuam tub tso zis rau ib pawg tshuav ces muab daim ntawv lub txiv tsawb liab coj los qhwv rau qhov mob ces zoo.
3. Muab lub log ncam kuam coj los pleev rau ces zoo. Muab kab laum kib tshooj cov ntiv tes tshoo nrog qiav coj los qhwv rau qhov mob ces zoo.
Nqi Number #4 no tsis pub ua nawb. Tej laus hais tseg tias yog ua muag dawb xwb ces txhob ua vim tus neeg tso dab ntawv yuav rov ua tuaj ces yuav raug yus tsev neeg yuav muaj kev piam sij. Yog txawj zaj khawv koob mas thiaj li pub ua.
4. Thaum tsawv yog tuav lawm cia ib tug mus nraum qhov rooj xuas roob taus ntaus thiab xuas phom tua los yog muab lub tshob khwb mam li xuas roobtaus ntaus tus neeg tso dab thiaj li tuag.
5. Hais ib taig dej rau ntawm qhovrooj tuav tus mob los hla ces luag ua dab tuaj tsis raug lawm.
6. Muab quav dev nqa mus tso rau tus Neeg ua dab tuaj tom ntawd lub tais ntim dej zag ces tus Neeg phem ntawd ciali vwm kiag lawm los yog muab quavdev qhwv rau tus Neeg mob ces zoo.
18-TshuajTxiv Neej Muaj Zog & Haus ua Tea
Qaub Nraug ( Tsis yog qaub losyaj): Cov nplooj loj loj thiab kheej kheej.Muab cov cag los yog cov nplooj coj los ziab qhuav qhuav haus ua tea (tshuaj yej) qab xis khawv thiab zoo rau txivneej muaj zog heev.
19-Zaj Ntshai cov khoom hauv qab no
1. Txiv kabntxwv qaub, Lemon: Muab pav los yog nqa nrog yus hla dej
2. Kaujtoog Liab los yog Toojliab muab ua kaujtoog coj
3. Tsob txiv siav nyeg muab tus kav ntoo los yog cov txiv muab coj nrog yus lub cev
20-Kab Nqe (Nab Tom) & Kab 3 Txiag Yeeb (Roob Ris Nqhuab)
1. Muab cawv 70% (alcohol 70%) hno rau
2. Nqa zebqaub nrog yus nab thiab lwm kab ntshai tom yus
3. Muab cov tshuaj phom (power gun) hauv lub platoon(shell) los nchuav rau lub qhov nqaij kab nqe ntawd ces xuas hluav taws hlawv kom cig plaws ntshawb ces zoo
4. Muab qavkaws (toast) cov kua mis (poison ) los yog muab tus uas koj twb muab coj los qha qhuav lawm hov pleev ces zoo. Qhov muab kuab tshaj no ces txhom cov qavkaws uas koj pom lub caij ntuj qhuav coj los qha thiaj li yog cov muaj kuab tshaj.
5. muab cov tshuaj luam ua ( hais tias yog tshuaj loog no ) coj los nkaug rau ntawm lub qhov txhab ntawd ces zoo lawm kiag
21-Tshuaj Tsam Plab
1.Kua txob ntsuab, Tshais qav, Sabtxhim, Zaub ntswg npua liab. Muab tsaws qaib noj ces
plab zoo.
2. Hmab dag thiab hmab iab sib xyaws rhaub haus.
22-Alergy Medicine For Eye Drop
Lub npe li nram no:
Alcon
Naphcon
A
Eye allergy releave
23-Tshuaj Nais Phoos- muaj 2 yam
1. Yee-Tin Tong- yog hom lub kav lo ntawv ntsuab zoo dua.
2. Yee -Tin Tong- ua hmoov.
Zoo mob taubhau, mob plab, los ntshav muab pleev, mob plab kem, kab kiav txhab thiab tau khaubthuas.
24-Tshuaj Nyhuv Qhoquav Hlauv
1. Khaws lub qe uas yog nteg THAWJ ZAUG los ntawm tus NKAUJ QAIB YUG THAWJ ZAUG QE ES LO LO NTSHAV ntawd coj los, mam li muab lub qe ntawd los maj mam nias txoj nyhuv kom ploj/nkaum rov qab ces txoj nyhuv tsis tawm los lawm.
2. Yog muab taub hau vaub kib coj los hov pleev ces nkaum lawm
3. Yog cov roj kum zaug, muab coj los sub ntawm qhov cub kom coj roj yaj tawm los ces muab coj los pleev rau txoj nyhuv tawm ntawd ces nkaum lawm
25-Tshuaj Zoo Mob Duav, Leeg, Cajnpab
1. Hydrocodone-Atat 75-500: Lub tshuaj no yog tshuaj luam noj xwb.
2. Cawv tsau pob txha tsov: Zoo moblaug heev, 1 hnub haus 2 zaug tsis txhob haus dej lawv
26-Qhov Ntswg Los Ntshav
1. Muab kub twm dawb thiab faj los hlawv ntshawb ces zoo.
2. Muab liab npogmuag txhais tes los pos ces zoo
3. Muab ntoo siskos los tsau dej/rhaub haus ces zoo.
4. Muab tsob nroj paj dawb los yog laj kab dais los yog kas las mas, muab cov nplooj coj los mos mos ces muab ntsaws rau lub qhov ntswg ces ntshav tu lawm xwb
27-Tshuaj Zoo Kub Nyhiab
1. Penecilin (Tshuaj Pleev Ntsis Plaubhau) Lub poom tshuaj muaj 2 khawm tes hos ntev li 1 noos thiab yog hom ntsuab.
2. AUTICULTEL: Zoo kub nyhiab thiab
3. Nplooj Tshuaj Txaij (Nyuj Taug Yaim): Muab tsoo qhwv
4. Pwmtshis qus muab tsoos qhwv
5. Qhiav muab tsoo qhwv
6. Cov zoo txiv puvluj txaij txaij nyob tom khw muab coj los tsoo tso kua pleev
7. Cawv los yog cawv 90 zoo muab tso rau phuam coj los npuab zoo heev
8. Kua pob zeb nyob hauv lub hwj dawb, daim label xiav nws lub npe hu ua valu bo los yog erobo.
9. Muab lus tshuaj yeeg ua nws yog tshuaj ( suav ) ntawd coj los pleev rau mas zoo sai heev li
28-Tshuaj Zoo Ntuav & Mob Ncauj Plab
Ncas Dawb los yog Zaub Tseg Nyuj Dawb:
1. Muab rhaub rau menyuam haus zoo ntuav
2. Muab rhaub haus zoo mob plab kiavtxhab
29-Orange RockFish Zoo tshuaj rau ntshav muaj roj (cholestrol)
1. Muab nqaij ntses ci kom siav ces noj.
2. Fugy or Golden Apple
3. 1 cup/khob dej haus lawv
1 hnub noj 1 zaug, noj 3 hnub xwb tom qab 3 hlis mam li noj dua. Noj nqaij ntses xwb tsis txhob noj mov ntxuag.
30-Tshuaj Zoo Raum & Mob Txeebzig
1. Muab taubtwg zom mos mos tso kua haus ces tso zis los loj loj yaug zoo
2. Muab tsob txuj lom uas yog ( pum hub txoom ) khawb cov cag los rhaub haus ces lub pob zeb tawm lawm ces zoo
31-Daj Ntseg & Muaj Mob
Saib saum daim nplooj ntseg yuav pom ib txoj hlab ntshav liab liab los yog qee tsam twb ua hlwv ntshav dub dub lawm. Muab txoj hlab ntsha dig ces tus neeg ntawd zoo.
32-Tshuaj Zoo Tsib Muaj Pobzeb
Txhub dub. Coj los rhaub haus ces pobzeb tawm los
33-Xais Ceeb
Muab xyab txob, haws thiab qhiav tsoo kom mos los sib tim uake coj los zaws.
1. Xub zaws ntawm lub hauvpliaj nce mus rau saum tiajhau mam li xais 3 teg saum lub tiajhau. (Zaws 3 zaug)
2. Xais nraum xwbqwb 3 teg
3. Xais ncig 2 lub pobntseg 3 teg
4. Xais tes. Yog txiv neej no xub xais phab tes laug ua ntej. Xub xais tus ntiv ntes nta nram ntsis ntiv tes los xaus rau hauv xibteg ces xais 3 teg hau, dhau li mam li xais lwm tus ntiv ntes ib yam nkaus
5. Xais ncig caj dabteg los xaus rau ntawm txoj leeg loj hauv dabteg, xais 3 teg hauv
6. Xais taug cajnpab mus rau hauv qhovtso, mam li muab ntivtes mus tshum hauv 3 teg
7. Xais kotaw. Xub xais tus ntiv taw nta los xaus rau hauv qab xibtaws xais 3 teg hauv, ces mam li xais lwm tus ntivtaw ib yam nkaus li thiab
8. Xais nce toj taug txhais ceg los kom txog rau hauv puabtais raws txoj leeg loj, ces mam xais 3 teg hauv puab tais thiab
9. Xais ntawm lub puj liv ncig nws lub duav rov los xaus rau hauv lub puj liv( tiam sis yog poj niam no koj yuav tsum xais ncig mus sab xis los mus hos yog txiv neej no koj yuav tsum xais ncig mus rau sab lauj ua ntej) thaum los xaus rau hauv lub puj liv ces koj muab ntiv tes tshum 3 teg hauv puj liv thiab
34-Tshuaj Zoo Mob Plab Kem, Mob Raum
Txiv lom hiab/txiv plhauv lauv: Muab rhau haus
35-Tshuaj Mob Ntsws, Mob Raum & Ntaus Cev rau pojniam
Kuab pog: Rhaub haus???????
36-Tshuaj Zoo Mob Plab Kua Txob
1. Cag txiv lws, cag txiv pos quav nkais, cag kua txob : Muab rhaub haus.
37-Tshuaj Zoo Moblaug
Qhaus rau qaib/Tshuaj tsw cawv & Muab tim rau Kuatxob Ntsuab&Liab: Tsaws qaib noj zoo moblaug heev.
38-Tshuaj Zoo Mob Qa, Hnoos
1. Txiv Puajkaum: Muab rhaub haus, haus thaum kub lug uas hlw haus tau
2. Qhiav: Noj nyoo nqos mus rau tom qa
39-Tshuaj Zoo Mob Ntshav Qabzib, Ntshav Siab & Mob Raum
Red Banded Mushroom & Artist Conk Mushroom: 2 Hom nceb no nws color liab thiab dawb, Muab txhoov rhaub haus ces zoo. Lub liab mas iab iab. Hom nceb no tuaj saum ntoo thiab muaj lub loj lub me thiab muaj ntsib liab hos hauv lub qab nceb mas tsis ua nre li tej nceb tsuas zoo pom muaj tej lub menyuam qhov me me li qhov koob xwb hos nws tawv heev yuav tsum yog xuas riam txhoov xwb. Cov nceb no muaj cov loj li tej lub phaj hais mov noj hos tuab txog li 1 xib.
40-Tshuaj Zoo Ntshav Liab Qis/Tsawg
Vitamin B 12: hno ces zoo
-Noj siab me nyuam nyuj (kib los ci)
41-Tshuaj Zoo Mob Taw Vwm
Tsis txhob noj zaub Txigtheem & noj Soy Been sauce ces tsis muaj mob taw vwm.
42-Tshuaj Zoo Mob Ntxhia
1. Muab roj zaj npuas pleev
2. Muab lub tshuaj txws dawb pleev thiab muab lub hair dryer los tshuab kom kub kub rau ces zoo
43-Tshuaj Zoo Mob Tes, Cajdab Tes
1. Woodlock: Tshuaj Suav kua ntsuab ntsuab thiab lub hwj pluav thiaj yog hom zoo
2. Tsau dej kub li 10 minutes
3. Nplooj txiv ntoo qaib rhaub tsau mas hajyam zoo
4. Rhaub taujdub tsau mob duav los zoo kawg thiab
44. tshuaj kho tus neeg mob ua tuam fab yuas lawm
1. muab ib tes nkhawb ntse
2. muab tus neeg mob li ib qhov plaub hau nrog rau nws cov rau tes rau taw
3. muab ib qho mov, ib qho ntsev, ib qho zaub ua nws noj
4. muab cuaj tes av ( yuav tsum yog cov av uas koj khawb kom tob txog li ib yag npab thiaj yuav zoo ) ces muab cov av coj los ntse dej kom ntub ntub dej ces koj muab cov khoom hais los saum toj no coj los tuav xyaw cov av ua ke ces koj muab puab ua cuab lub qe av kom luaj li lub qe noog ces koj muab cov qe av coj los hlawv hauv qhov cub kom cov qe av ntawd liab ploog ces koj muab ib lub tais hais ib qhov dej rau hauv lub tais ces koj nrhiav kom tau ib tais khwb ntawd kom me dua lub tais dej ntawd ces koj mam muab ciaj tais cov qe av ntawd coj los tso rau hauv tais dej ces koj muab lub tais me ntawd khwb kiag rau hauv lub plawv tais ntawd, ces koj saib seb cov dej puas nqhuab, yog nqhuab kiag ces koj tos kom txias ces koj mam muab rau tus neeg mob ntawd haus peb diav thiab muab tub rau koj txais tes ces koj muab tus neeg mob ntawd zaws puag saum taub hau kom txog nram kaw taw ces kom muab koob coj los nkaug ib teg zaum taub hau thiab kom nkaug nws cov taub ntiv tes ntiv taw ces nws yeej rov qab xeeb los lawm os nawb.
45. Tshuaj kho mob plab zag:
Cov tshuaj kho:
1.Tus cag ntoo huab ncua.
2. Cov nplooj huab ncua.
Kev kho: Muab tus cag thiab lub ntsis los rhaub kom kub rau haus kom ntau ib hnub yuav tsum haus kom txog 5 zaug thiaj li yuav zoo tau thiab tus kab yuav tsum tawm los.
46. Tshuaj kho mob hnoos:
Cov tshuaj kho:
1. Lub qe qaib.
2.Hwj txob.
3.Nplooj zaub iab.
4.Zaub nplaig yaj.
Kev siv: Muab plaub yam li hais los no, sib tov muab cub ua ke rau noj ua ntej thaum tsis tau noj mov.
47. Tshuaj kho mob pob ntseg uas cov laus hais tia hli hlais:
Cov tshuaj kho:
-Paj hnub hlis.
Kev siv: Muab cov noob coj los xo kom mos rau lub qhov txhab ntawd kom txog 3 hnub yuav tsum zoo.
48. Tshuaj kho mob pob sawv hlwv:
Cov tshuaj kho:
-Zaj xaws nyeg.
Yam ntxwv tus neeg mob: Cov mob pob sawv hlwv uas cov laus tias mob raug dab zag.
Kev siv: Muab cov noob xo kom mos los pleev rau kom puv 3 hnub. Zoo thiab tsis zoo los tso tseg txhob pleev lawm.
49. Tshuaj lov txha:
Cov tshuaj:
1.Ko taw os.
2.Pawj qaib.
3.Ntiv.
Yam ntxwv lov: Lov tshiab kho tau yog cia ntev mus txog 6-7 hnub yuav kho tsis tau.
Kev siv: Muab los sib tim tsoo kom mos muab xwv kom sov so tso mam muab coj los qhwv.
50. Tshuaj kho mob txeeb zig:
Cov tshuaj kho:
-Qaub nraug. Ib txhia hu (nroj zoo nraug).
-Hmab 5 nti.
Yam ntxwv mob: Cov neeg uas mob txeeb zig tso tsis tau zis.
Kev siv: Muab tus cag coj los tsau dej rau haus. Tsau dej txiag xwb. Yog mob txeeb zeb nrog no muab tim tsev mos siav av rhaub rau haus.
51. Tshuaj kho neeg phais plab:
Cov tshuaj kho:
-Nplooj nyab.
Kho tau cov neeg phais plab thiab cov neeg rau riam raug phom.
Kev siv: Muab cov nplooj coj los tsoo xwv qhwv sov so rau xwb lub qhov txhab ntawd yuav nqawm zoo thiab tsis ua paug.
52. Tshuaj kho cov poj niam uas tsis tau me nyuam:
Cov tshuaj:
-Txiv ntoo qaib liab.
-Paj cos ntiv.
Kev mob uas siv cov tshuaj no: Siv rau cov poj niam uas nws mob plab yug me nyuam twb mob ntev pheej tsis txawj tau.
Kev siv: Muab lub txiv paj cos ntiv los sis yog tsis muaj lub txiv no mus de 3 daim nplooj. Tab sis yuav tsum de raws li no (de xuab los rau hauv xib teg kom tau 3 daim nplooj tsis pub cia li de) thiab 3 daim nplooj txiv ntoo qaib coj los tsau dej sov so rau haus tam sim ntawd.
53. Tshuaj kho cov me nyuam plam hlab ntshav hauv tus niam lub cev es yuav poob los:
Cov tshuaj kho: 1.Cag vaj khaum los yog cag hmab uas hlauv tej txoj. 2.Kuab nplais taub. 3.Kuab nplais dib.
Kev siv: Muab tus cag coj los rhaub rau haus ua ntej uas tsis tau noj mov yuav tsum haus kom txog li 5-6 zaug kev rhaub yuav tsum rhaub raj xyoob xwb. Tab sis rov paus rau paus ntsis rau ntsis.
54. Tshuaj kho cov tsis muaj me nyuam kom muaj:
Cov tshuaj:1.Paj ntshua nplaim. 2.Ncas liab.
Kev siv: Muab los sib tov tsau dej kom sov so rau tus poj niam haus txhua hnub li.
55. Tshuaj kho cov muaj me nyuam sib kom tuab tuaj:
Cov tshuaj kho: -Cov hws tsu mov.
Kev siv: Muab cov hws no coj los haus yuav tsum muaj tuab tuaj xav kom muaj tuab tuab yuav tsum kib lub paj pob kws thiab tim poov xab ntse cov hws tsu noj ces muaj tuab.
56. Tshuaj tiv thaiv kom txhob mob kas cees:
Cov tshuaj:
1.Tshab xyoob.
2.Muaj tsuas.
3.Txiv siav.
4.Vas khoos.
5.Nceb liab tuaj hauv cav ntoo.
Kev siv: Vas khoos muab los chais noj hos lwm yam rhaub haus thiab rhaub da. Tab sis yuav tsum muab 3 teev zis tov rau.
57. Tshuaj kho neeg mob txhab dab tog:
Cov tshuaj kho:
1.Txiv siav.
2.Kuab ib (muab me me)
3.Xyab txhim.
4.Nplooj suab.
5.Txhub qus.
6. Quav dev.
Kev siv: Muab coj los tsoo ua ke sib tim qhwv tis pub xwv cia li qhwv xwb. Lub qhov txhab no yuav tsum zoo xwb, yog tseem txhab dab tog.
58. Tshuaj kho mob dab peg:
Cov tshuaj kho:
-Tsawb ntug.
Kev siv: Muab lub hauv paus coj los tsoo qhwv. Raws li kev qhwv yuav tsum yog cov laus qhwv, tsis pub cov hluas qhwv. Kev qhwv no yuav tsum yog qhwv tus ntiv tes nta, qhwv lub yis tes nkaus xwb. Tsis pub tus mob paub yam tshuaj no kiag li. Yuav tsum qhwv ib hlis no yog 3 zaug xwb.
59. Tshuaj kho cov me nyuam tsis muaj sia nyob hauv tus niam lub plab:
Cov tshuaj kho:
1.Qe qaib puag ua ntshav.
2. Rab koob ntxiv.
Kev siv: Muab rab koob los chob lub qe mam muab hau kom siav yuav tsum muab ib txog xov coj los chob rau rab koob thaum siav muab rau noj, kev siv no tsis pub leej twg paub thiab txhob tham cia li ua twj ywm xwb.
60. Tshuaj kho mob ntxhia:
Cov tshuaj kho:
-Kuab tua nyhuv.
Kev siv: Coj los hov pleev qhov mob no xwb. (Txwv tsis pub noj.)
61. Tshuaj kho cov neeg raug qe zeb:
Cov tshuaj kho:
-paj yeeb nkab.
Kev siv: Muab coj los tsoo xwv kom sov so qhwv qhov mob, kev qhwv yuav tsum siv sij hawm qhwv cia kom txog 1 teev mus txog 2 teev mam li daws. Thaum daws pob tshuaj muab kib kom nkig coj los thuav saib puas pom lub qe zeb. Yog pom yuav zoo.
62. Tshuaj kho cov mob yeeg dub thiab mob raws plab:
Cov tshuaj kho:
1.Zaub txig taum paj.
2.Zaub txig theem.
3.Nkaj liab.
4.Dos raj.
5.Tus qaib dawb.
Kev siv: Muab tus qaib tua cug cov ntshav, muab tus qaib hlawv kom kub nyhiab mam plhws rau hauv cov tshauj. Thaum cov tshuaj sib xyaws tas lawd muab kav tus mob pem taub hau mus txog rau nram ko taw, kav tag yuav tsum kuam rau tes rau taw.
63. Tshuaj sav duav lov duav:
Cov thauj kho:
1.Xyoob ko riam.
2.Xyoob tuam tswm.
3.Ntsuas nce ntoo(hmab).
4.Mos hav (ntoo pos ntshav)
Kev siv: Txiav cov hauv paus xyoob tuab coj los tshum kom tau cov plhaws dawb coj los tsau dej haus kom ntau thiab tsoo qhwv qhov lov los yog sav ntawd tsis txhob xwv.
64. Tshuaj kho mob hniav dub los yog cov neeg hniav dub:
Cov tshuaj kho:
1.Zaug ntswg npua dub.
2.Siv txham.
3.Nplooj qhaib xyoob.
Kev siv: Yuav cov nplooj xwb. Muab 3 yam no coj los tsoo mos kav tus hniav thiab rhaub ua kua rau yaug ncauj 1 hnub 3 zaug.
65. Tshuaj kho mob qhua maj qhua pias:
Cov tshuaj kho:
1.Noob pias.
2.Txhuv daj.
3.Noob zaub txhwb qaib.
4.Noob maj.
5.Noob zaub ntsuab.
6.Noob zaub txhwb nyug.
Kev siv: Muab 6 yam no coj los kib nkig tuav mos xaws ua ib lub hnab rau coj, thiab muab cog rau 4 ceg kaum tsev thiab 2 sab qhov rooj. Cov tshuaj no tiv thaiv tau tab sis siv tau lub 9 hli xiab thiaj li thaiv tau.
66. Tshuaj kho mob qaug txhaj nkees pw tas hnub:
Cov tshuaj kho:
1.Yas dub.
2.Txiv qhov muag nas.
3.Txiv daw zeb.
4.Txiv siav nyeg.
5.Nplooj ntse nyeg.
6.Kab yeeb tshuaj.
Kev siv: Muab 6 yam no rhaub rau haus 1 hnub yuav tsum haus 3 zaug. Thiab zoo tsaws qaib noj.
67. Tshuaj kho mob pob khaus:
Cov tshuaj kho:
1.Txiv plhauv lauv
2. Npuas dej.
Kev siv: Muab 2 yam no coj los rhaub dej rau da ib hnub 3 zaug yuav tsum zoo tau.
68. Tshuaj kho cov neeg mob tsam chim:
Cov tshuaj kho:
1.Npuas dej.
2.Plaub nraj.
3.Lub qab zeg npua.
4.Lub qab zeg dav.
5.Kab laug sab loj.
6.Tsawb tuaj qhov ntoo.
Kev siv: Muab 6 yam no rhaub dej rau da xwb, Ib hnub yuav tsum da txog 3 zaug thiaj li zoo.
69. Tshuaj nab tom:
Cov tshuaj: 1.Plawv kav theej.
2.Pum tshis. 3.Kuab lom tsuag.
Kev siv: Muab kuab lom tsuag los tav ua ntej mam li muab 3 yam los sib tim tsoo qhwv ntawm lub qhov nqaij ntawd. Muaj tus kav theej txiav ces cia li muab cov kua coj los nrog rau ntawm lub qhov nqaij nab tom xwb yeej zoo kawg lawm. Txwv tsis pub muab tus kav theej no cov los nkaug neeg nawb yuav ua rau tus neeg tuag.
Ntais ntawv ( match)
Muab ib tus ntais ntawv twb rau ntawm lub qhov nqaij nab tom los luam kiv tshooj tom ces mam muab ib tus ntais ntawv txhuam kom cig coj los zes rau tus twb ntawv kom cig plaws xwb ces yeej zoo xwb.
Muab riam hlais kiag lub qhov nqaij kom ua 4 fab xwb ces muab tes nyem kom cov taug tawm kom tag xwb mas li muab ntaub qhwv rau ces mam los ntsib kws tshuaj.
70. Tshuaj kem dab ntxaug thiab raug dab es tsob ntshav ntswg:
Cov tshuaj kho:
-Luam laws zoov.
Kev siv: Muab cov tshuaj no los tsau dej rhaub muab hliv rau qhov ntswg 3 tee tas, muab rau haus yog tseem raug dab no yuav zoo. Tab sis tsis pub tus mob paub cov tshuaj.
-Muab cov rau tes kuam coj los pleev rau tus neeg mob lub qhov tswg xwb ces tshav yeej tu lawm. Cov mab qus nyob thaib teb lawv yeej siv li no xwb, peb hais tias muaj dab no tias sis mab qus hais tias tsis muaj dab.
71. Tshuaj kho cov neeg ciam quav:
Cov tshuaj:
-Kav qeej(qhaus).
-Thoob huab(ntoo).
Kev siv: Muab tsau dej haus ib hnub 3 zaug.
72. Tshuaj kho poj niam nyob nruab hlis tus txiv nrog pw hlauv duav:
Cov tshuaj kho:
-Kua kab nceb.
-Nceb liab.
Kev siv: Muab cov kua kab nceb los yog nceb liab no los ua kua lim kom huv rau tus poj niam haus ib hnub haus 3 zaug.
73. Tshuaj kho cov neeg qaug dab peg:
Tus tshuaj:
-Nplaig nees dab.
Tus nplaig nees dab no yog cov ncaim nees uas xya thawj phaum me nyuam. Tus me nyuam tshuab tawm hauv lub qhov ntswg los, los yog hauv qhov ncauj los, maj me ntsis tsam me nyuam nees muab noj lawm tsis tau.
Kev siv: Muab tus nplaig nees dab no los chais peb riag rau tus mob haus.
74. Tshuaj kho cov poj niam qaug qav:
Cov tshuaj:
-Tsawb ntug ntsuab.
-Cag nqeeb.
Kev siv: Muab tsaws qaib rau noj, tab sis yuav tsum noj lub taub hau ua ntej tuaj.
75. Tshuaj kho hnoos hawb pob:
Cov tshuaj:
1. Yas dub.
2. Cag kua txob.
3. Cag lws.
Kev siv: Muab rhaub haus xwb.
76. Tshuaj kho poj niam khub cev:
Cov tshuaj:
1.Txiv puaj kaum.
2.Haws
3.Hwj txob dub-dawb.
4.Teeb pheem.
5.Txiv siav.
6.Foob xeeb.
7.Tshab xyoob.
Kev siv: Muab cov tshuaj no los rhaub rau haus thiab tsaws qaib noj yuav pab tau kom rov coj khaub ncaws tuaj tau li qub.
77. Tshauj kho cov neeg raws plab liab:
Cov tshuaj:
1.Xwb cob.
2.Qhiav dub
3.Tsheej kub tshis.
4.Ciab ntab.
5.Qhiav daj.
6.Zaub txig taum paj.
7.Me nyuam qaib mos.
Kev siv: Muab cov ciab ntab kib kom yaj, muab tus qaib tua muab tsuav mos, hliv ib qhov dej thiab muab cov tshuaj hau ua ke kom siav muab rau noj. Thaum noj tas yuav caiv li no: -Yog noj 3 rab diav caiv 7 hnub. -Yog noj 7 rab diav caiv 3 hnub.
78. Tshuaj kho cov neeg mob caus yaum:
Cov tshuaj:
1.Tshab xyoob.
2.Muaj tsuas
3.Txiv kos.
4. Peb Lub pob zeb.
5. Txiv siav.
Kev siv: Muab 3 lub pob zeb coj los hlawv kom kub. Muab cov tshuaj rhaub kom npau mam muab 3 lub pob zeb coj los tso rau. Muab zaws ib ce thiab muab me me rau haus los tau.
79. Tshuaj ua luag mus hav zoov tsiaj qus tsis kov:
Cov tshuaj:
-Xyooj fab.
-Lawj faj.
-Xwb cob.
Kev siv: Thaum twg uas koj poob siab heev koj muab 3 yam no coj los hlawv kom tsw yuav ua rau cov tsiaj ntshai koj.
80. Tshuaj txuas me nyuam siav:
Cov tshuaj:
1. Txiv ncaim toj.
2.Kab yeeb tshuaj.
3.Txiv khau tawv.
Kev siv: Ib yam tshuaj muab 3 tug cag coj los rhaub rau tus poj niam haus kom puv 3 zaug yuav tsum rov txuas tau xwb.
81. Tshuaj kho poj niam tau me nyuam tsho tsis pluam:
Cov tshuaj:
1.Plav ntxaiv.
2.Pum hub dawb.
Kev siv: Muab ib yam 3 daim nplooj coj los tsoo qhwv tus ntiv tes nta xwb yog txog thaum kawg tsis tau ces khawv koob.
Ua tsaug rau tus neeg siab zoo qhia tshuaj rau peb tau kawm thiab khaws cia rau tej xeeb leej xeeb ntxwv.
82. Tshuaj ntaus me nyuam.
Uab luag ntxuam= tw ntses.
Tw ntses zoo ua tshuaj ntau me nyuam, yam tsis muaj kev plhom sij rau tus niam. Lub neej txheej tshiab, neeg tsis tuag siav, tsis txuag neeg, niam txiv kiag los twb tsis hlub tsis txuag tsis hlub yus tej roj ntsha kiag lawm. Xav txog yus tus kheej nkaus xwb. Suab me nyuam, tsis kam yuav, tsis kam cia yug ua neeg, nyiam mus rau Kws Tshuaj kaus...Raug luag muab tso kua ntsev rau kom me nyuam tuag es muab tshuab nqus lis nqus tsev tawm los, los yog muab tshuab mus ntau hauv tus niam lub cev li ntau qe thaum yuav kib noj...Ua rsua tus niam sab heev...Yog leej twg ho xav txiav siab tsis xav yuav nws tej me nyuam tiag no los Txwv laus puaj tiam Hmoob kuj muaj zoo hmoob tshuaj thiab...Tab sis Hmoob zais ntshis ces tsis muaj coob tus paub txog...Li no hnub no kuv yuav qhia ib hau tshuaj rau tus uas nws ho xav siv, kom ho siv tau zoo tsis muaj kev plhom sij thiab poob nyiaj txiag, poob dag zog..
-Muab cov uab luag ntxuam rhaub haus xwb ces tus poj niam cev tsis tab seeb tus me nyuam yuav poob kiag.
NKAJ LIAB,
Tshuaj ntau cev
Coj khaub ncaws tsis zoo.
Yog cev xeeb tub txhob siv,
yuav ntau tau me nyuam poob.
83. hmab txiv quav qaib dub uas txi txiv kheej li lub pob zoo tshuaj kem poj ntxoog.
84. Noj tshuaj kuab taw nyuv.
Siv ais pev ntsuab ( Eagle).
Thaum qaug tshuaj heev lawm, npuag ncauj pib tawm ces muab ib rab diav noj mov hais ib qho dej; muab lub tshuaj nchos peb plaub teev hliv qhov ncauj nqog. Ntaus cov npuag tshuaj yaj xam tam sim ntawd. Tus tib neeg noj tshuaj dhia ob peb paj pawg xwb nws dim pa ntshua ciaj kiag tam sim ntawd tsis tuag lawm.
85. Haus tshuaj ntxuav nyiaj .
1. Muab cawv cawm.
2. Muab 2-3 lub qe tsoo kiag los rau ib lub tais ces muab dab tsi nyom kiag tus neeg noj tshuaj no lub qhov ncauj ces hliv nthwv rau qhov ncauj xwb. Tus neeg noj tshuaj no yeej yuav tsum tsis tuag vim cov qe mus nqus cov tshuaj ntxuav nyiaj no tag lawm.
86. Yog me nyuam tshuas qoob.
Khawb peb tug cag nqeeb; Khawb peb tug, Me nyuam cuav nab ciaj; Khawb peb tug cag tsawb....Los nrhau tsawb nyoog tsau dej txias, Hauv khob muab rau haus ntev li;....15 or 20 Minute....Ntev kawg nkaug 25 or 30 Minute....Tug me nyuam tshuas qoob dim zig kiag, Muab cov seem zawg zuaj ib ce thoob plawg; Dim pa ntshua ntxooj fws....Ib ce thoob plawg zoo sai kawg li.
87. Tshuaj mob txeeb zig; Tso zig los ntshav kiag.
Ntoo npauj npaim muab rhaub haus; Peb caug feeb xwb ntshav tu nrho.
Nqe ib tso dej txiag, Nqe ob los rau dej txiag; Tsob ntoo npauj npaim....Lub caij tawg paj, Ntsia zoo li npauj npaim dab; Mus txog ze ntsia yog paj ntoos os.
88. Nej mus yos hav zoov ua riam,txuas, thiab taus raug tes raug taw.
Ua riam txuas taus raug tes taw los ntshav tsi tu....Tsi tas txawj khawv koob foob li, Rho loo riam; Thov tug ntoo ntawm koj ib sab....Hais li no, Aub ntoo aws; Yuav thov koj dag zog foob ntshav nawb....Xuas riam tiib riag tug ntoo ntawd, Xuas tes zuag zog; Ib qho av so zog....Lub qhov riag, Ntawm tug ntoo yug txiav ntawd; seem av li cas? coj los so zog npuab nkaug qhov nqaij liag riam txuas taus raug, Ces ntshav tu lawm.
89. Paj faj txhov ntas.
Nej puas paub paj faj txhov nas, Paj faj txhov; Yog cov nyob puag saum tej ceg ntoo zoov toj siab yaj sab....Los nag tshauv zig zoj tas hnub thaws xyoo, Cov kav ua tej yag; Ntug ntoob li....Ntiv tes zoo tshuaj laug, De tsau cawv haus; Tawv nruj ci tshiav....Nqaij tawv tsi txoom ua "Ntseb ntsaug" Tsi txawj laug, Pes tsaws xyoo, Los hluas li qub.
90. Ib hauv tshuaj zoo "Tshaj plawg" Yog cawv tsau luj tsw quav.
Yog leej twg? Ntes tau tug luj tsw quav ciaj sia, Muab tua tsuav mog nyoos; Ua nqaij toom xeeb....Yuav cov thawj cawv, Txhuam ntais zes cig plawg; Nrhiav lub fwj loj luaj li....Lub me nyuam tsu mov, Muab cov nqaij luj tsuav nrog plaub plab nyuv tib xyuam ntim tas nrho hauv ua ke; Mus nrhiav tsob ntoo....Ntuj qhua, Ntuj nag; Los hlav nplooj tsi laug li....Khawb qhov av, Hauv lub hauv paug; Ncaj tug cag nruab nrab....Muab zaig kom tu, Muab lub ncauj fwj cawv twb ncaj ncaj; Ua ntaws ntsaws....Muab lub qhov av foob ib xyoos txwm, Mam rov mus khawb fwj cawv nqa los haus; Yuav muaj noob nyoos nyob ntev li 120 xyoo....Cov hluas haus tsi tau, Cov muaj noob nyoog 55 xyoos saum; Thiaj haus tau.
91. Tshuaj nquag.
Ntes tug laum kib tshooj ciaj sia; Tsij ncauj fwj tsau cawv haus....Tsi tu leeg rawg, Mus kev xav dhia rhau sas ntwg? Cuag laum kib tshooj dhia xwb.
92. Yog leej twg raug tus mob Cancer thiab yog xav siv cov tshuaj raws li hais, siv raws li nram no:
A. Nyob hauv khw, koj yuav:
1- Aloe Vera Natural Juice
2- Yuav zib ntab zib mu (Pure honey)
3- Cawv Whisky
B. Yuav tsum muab 3 yam sib tov ua ke:
-300ml kua txiv Aloe Vera Natural Juice
-300 gr zib ntab
-3 dia noj mov cawv Whisky.
C. Yuav haus li cas?
a. Thaum sawv ntxov, ua ntej yuav noj tshais, haus ib dia noj mov.
b. Tav su, ua ntej noj mov haus ib dia.
c. Yav tsaus ntuj, ua ntej noj mov haus ib dia.
93. Paj kuab tub sab.ib txhia hu ua paj kub.
yog tshuaj zoo mob ncauj plab.
zoo mob plab kem.
muab lub mag ntug li qos los txhoov noj.tab sis muaj ntsis tom ncauj.thiab yog noj ntau no muaj ntsis raws plab.yuav tsum noj me me xwb.
Pleev caws pliav kom muag thiab zoo nkauj.
-Muab lub mag los tsoo mos mos, muab pleev qhov caws pliav. Pleev ib ntus xwb ces cov kab caws pliav yuav zoo nkauj thiab dawb paug cuag li tsis phais dua li.
By: Koobpovtxuj
94. Tshuaj ua kom maum nyuj yug me nyuam 1 xyoo 2 tug.
Cov khoom siv:
1. Pob kws cauj.
2. Nplej chaug.
3. Taum pauv cauj.
kev ua:
1. Muab cov los sib tim.
2. Muab cov los haus ua ke kom siav.
3. Muab cov los puab ua tej lub kom luaj lub pob.
Ua ntej tus maum nyuj yuav yug me nyuam ntawv. Hmo ntawv tsis txhob pub ib qhov zaub dab tsi rau tus maum nyuj noj li. Thaum tus maum nyuj yug tau tus me nyuam nyuj lawm. Koj mam muab cov ncuav ua koj ua tau ntawv coj los pub rau tus maum nyuj no kom tag xwb.
Hnub thib ib, thaum sawv ntxov koj muab ib lub, thaum tav su muab ib lub thiab, ces thaum tsaus ntuj muab ib lub thiab. Ib hnub twg koj pub 3 zaug. Koj pub li no kom puv 3 hnub xwb ces mam muab zaub rau tus maum nyuj noj.
Thaum tus maum nyuj no puv hli xwb ces nws twb rov tshov dua lawm es ib xyoo twg koj yeej tau li ob tus me nyuam nyuj.
95. Pob txha ntses daig caj pas.
Muab lub tom xib ntawm lub pob tawb rau ntses coj los yaug dej rau haus xwb ces tus pob txha ntses yeej cia li poob lawm.
96. Nqa nyiaj choj mus zais....Los faus cia li....Ib xyoos ntau....Kuv txiv muab peb yam ua ke xws li....Ib Cuaj lub ncaig thee dub....Cuaj lub txiaj xus tooj liab....Cuaj lub kua txob nplej liab....Npawm cuaj daim ntoo rheeb....Tso hauv hub nyiaj....Muab tshab xyoob muaj tsuas....Tso hub nyiaj ntawd....Cuaj lub ncaig thee dub....Tsheej pua xyoo...."Tsi lwj"....Dab ntxaug ntshai rheeb tom....Ntshai tshab xyoob muaj tsuag lom tuag....Dab ntxaug nyiag tsi tau....Yug cov nyiaj....Cuaj lub txiaj xus tooj liab....Zov nyiaj khiav tsi taug....Mus lwm qhov....Cuaj lub kua txob nplej liab.....Ntsim ntshawb....Dab ntxaug ntshai....Yog muaj cov no...."Zov lawm"....Txawm pes tsawg xyoo....Los hub nyiaj nyob li qub....Tsi ciaj sia....Khiav tsi taug li os..Tsi yog de nplooj os....Xuas riam npawm twg?....Cuaj daim duas....Txheej plawv daj dhuv....Thiaj tsi lwj os....Yog nplooj xwb....Ob peb nub lwj tas lawm....Tej plawv ntoo rheeb ntawd..
97. Mus ntaus ntses....Nuv ntses....Da dej....Luam dej....Txhob coj nplhaib kub....Coj tsi tau....Zaj txeeb....Yog yuav coj....Coj kauj tooj npab liab....Coj nplhaib tooj liab....Zaj ntshai....Zaj tsi kov li nawb....Vim xob xuas....Xob taus tooj liab tua zaj xwb....Zaj tsi nyiam....Zaj ntxub heev....Txhob coj kub tshis.....Zaj ntxub tshis heev....Zaj ntaus tuag....Taw vag ntaus ntses....Dai cuaj lub khawb tooj liab rau....Ntaus ntses....Tsi daig li os....Nplhaib nyiaj....Los coj tsia tau....Ib yam li...."Nplhaib kub thiab"
98. Tshuaj ntsuab rau cov neeg raug qhov muag los yog ua raug lub qhov tawm plaws los.
Cov khoom siv:
Zib muv toj nqeeb.
Yog thaum ua raug lub qhov muag tawm los lawm ces ua zoo muab lub qhov muag ntsaws rov qab kom zoo zoo rau hauv lub qhov muag ces mam muab zib muv toj nqeeb coj los pleev rau lub qhov muag; mam li muab ntaub coj los qhwv kom zoo zoo xwb ces lub qhov muag yeej yuav tsum zoo. Kuv tus xf yeej hais li no tseg vim nws twb kho tau los lawm.
Cov zib muv toj nqeeb no yuav tsum yog cov koj mus muab tom hav zoov xwb thiaj li zoo. Yog tias muaj leej twg txawj zaj khawv koob los hav yam zoo thiab. ua tsaug shung
99. Tshuaj mob qa.
Nej muab cov cawv " Vin Rouge " Coj los nraub kom kub hlua xws li haus taus
Ces Muab 1 dia zib mu do xyaw rau hauv ces coj los hau xwb ces yeej zoo lawm os
Yuav tsum hau kub hlua nawb , Txhob ua kub kub thiab ov tsam qa ho siav lawm ces
Ho muaj npas ham thiab nawb , Hos yog me nyuam yau no ces muab " Mi nyuj " (Du Lait- Milk)
100. Tshuaj Txhaum Cua Radio Active.
Av daj kwv yees li 2/3 ntawm cov yeeb, hos cua nab ces muaj ntau los muab ntau, muaj tsawg los kuj muab tsawg tsuav tau me ntsis ua poov xwb. (txhob muab ntau tshaj av thiab yeeb)
Muab yeeb tov xyaw av daj thiab muab cua nab kib kom nkig nkig tuav kom mos mos coj los tov xyaw, muab puab tej lub luaj li noob taum daj los luab li ntsiav kws. Tus tib neeg raug cov cua Nucleaire yuav tau noj cov tshuaj uas hais no ib hnub noj ib los lus.
Tsob Ntoo 40 lub txiaj. Ginkgo Biloba
Tsob ntoo 40 lub txiaj, zoo ntau yam tshuaj:
-Tshuaj ua kom ntshav khiav zoo,tshuaj hlab ntsha txhaws,tshuaj leeg caws,leej soob dhau,leeg loj dhau,tshuaj ko taw ncus,ntshav siab, ntshav muaj roj, muaj peev xwm ua kom yus txoj leeg loj los me tau kom haum yus cov ntshav khiav xwb, tshuaj hlab qhov muag txhaws (Glaucome), tshuaj zoo rau cov qhov muag laus, rov pom kev tuaj, tshuaj ua kom tswv yim zoo (cov hluas sib thaum lawv yuav twv ntawv), tshuaj rau cov laus, thiab mob tem toob (Alzheimer).
Tsob ntoo 40 lub txiaj zoo tsa txhiaj meej:
- Nyob Suav Tuam tshoj thiab Zim Pees teb, lawv cog tsob ntoo 40 lub txiaj rau ntawm qhov rooj Tsev teev hawm (Tsev teev Ntuj, tsev Mlom). Nws muaj hwj huam coj neeg cov zaj thov Ntuj mus cuag Huab Tais Ntuj.
- Lawv nyiam cog ntawm yus lub tsev nyob cog ntawm qhov rooj, tawm hauv tsev tuaj sab xis, nws tsa yus txhiaj meej, khwv noj khwv haus nce tes thiab muaj meej thawb.
-Lawv cog rau ntawm qhov rooj tag sab xis, tawm hauv tsev tuaj, tsa txiaj meej, cov Tuam Txhab nyiam cog ntawm cov qhov rooj tag (poste pricipale), tsa txhiaj meej rau lub Tuam Txhab.
Tsob ntoo 40 lub txiaj thev taus cov agents mutagènes (thev taus Nuclear)
Ginkgo, yog ib hom ntoo uas thaum 1945 lawv tua hoob pob plas mas nus rau Hiroshima es tag puas tsav yam kub nyhiab ua hlua tuag tag, cov ntoo Ginkgo kuj kub nyhiab dub nciab thiab tab sis rov nthaw kaus ciaj los. Txij thaum ntawd Meskas thiaj coj mus cog ntau ntau rau lawv teb chaws, lawv cog ib txoj kev ntawm New-york thoob plaws. Dua li ntiaj teb lawv kuj cog txhua txhia qhov chaw, thaum kuv tuaj tim nej uas kuv yuav rov qab zaum kawg, kuv twb muab tau ib tsob uas kuv twb cog tau ciaj lawm rau ntxawm Neej Mos, kuv tssi paub tias puas ciaj lawm.
Ginkgo siv ua tshuaj tua kab:
-Cov txiv neeg Zim Pees siv ua tshuaj tua kab rau tej qoob loo.
Tsob ntoo, Suav tis npe hu ua Tsob ntoo 40 lub txiaj, vim thaum ub yog ib cov ntoo kim heev.
Tag nrho qhov siv ua tshuaj nov, yog cia li mus yuav cov tshuaj uas lawv ua tau tom tsev tshuaj los tau, tab sis kim tsawv ces yog yus de nplooj los rhaub haus ib hnub ib zaug ob zaug xwb los yeej zoo tib yam. Yog de nplooj mas zoo de thaum uas cov nplooj hlav tag es laus kiag lawm ces de los ziab qhuav siv tau ntev. Yog cia rov txog nplooj ntoos zeeg mam de ces cov txab twb rov nqes tag lawm mas yuav tssi zoo npaum li thaim cov sève nce tag nrho rau pem cov nplooj.
Tag nrho ntoo ntiaj teb nov ces tso Ntoo 40 lub txiak nov yeej txawv lwm cov kiag, tuaj deb xwb los yeej paub. Nws cov nplooj ua ntxuam.
101. Zaj xaws ntsuab.
Raws li Hmoob: zoo tshuaj mob hniav
----> Tsaws qaib noj.
Lov raws tus neeg mob 3 yag tes, muab ntsaws rau hauv tus qaib tseev thiab phais tag lub plab (yog tsis muaj me nyuam qaib, muab nquab los w), muab tsaws kom siav noj.
Raws li Suav: Zoo tshuaj ntshav siab, ntshav qab zib, ntshav muaj roj, los yog zoo ntau yam mob.
----> De ob peb daim nplooj, muab tsaug thiab xuas tes mos tsuag tsuag, tso rau hauv ib lub khob los ntim, hliv cov dej kub npau rau, tsau ib pliag txias haus taus ces haus. Tsis muaj mob los haus thaum noj mov tag, li haus kob swm tshuaj.
102. Tshuaj dub yas.
Zoo tshuaj tsis qab los noj mov, si, leeg tu.
SI: Tsaws qaib noj, qhov zoo dua yog muaj tshuaj cag daj(muab tus cag loj hauv plawv), tshuaj rog (yog ib cov ntoo tus cag rog rog nyob Los Tsuas teb).
Tu leeg: Rhaub haus.
103. tshuaj daws cev sai los yog kom tus poj niam yug tau me nyuam sai.
PAJ RHEEV.
Tus poj niam pib zaj mob, de 3 lub txiv los hlab dej kub haus yuav tau me nyuam sai.
*** Yog haus paj rheev rau thawj tug me nyuam lawm mas cov me nyuam tom qab yuav yug yooj yim tib yam li thawj tug.
104. Tsob Tshuaj BORAGE.
Zoo ua tshuaj haus mus txhuav tej plab nyuv, txhua tej roj tsha kom tej yam phem tawm mus.
Rhaub ntxuav zoo: ntxuav mob kab lig, ua pob qoob"chickenpox", ua pob kia txhab, ua pob khaus, yug me nyuam tag plab txaij, plaub hau thiab rau tes nkig tu lov.
Haus zoo:
khaub thuas, hnoos qhuav thiab hnoo kab peem ( Bronchite), kub cev, ua npaws, mob txeeb zig kub xyaw, mob txeeb zig nce mus pem raum (kub cev ntau zaus ib hnub).
* Cov roj noob( siv sab hauv, noj, haus) zoo rau kev nyuaj siab poj niam:
Thaum yuav coj khaub ncaws, thaum cov poj niam laus lub cev yuav qhuav ( ménopause), pab kom txhob muaj mob plawv, thiab mob paj hlwb.
* Siv sab hauv los sab nraud:
Zoo rau tshuaj ceeb laus, tej tawv qhuav tu pleb, pob khaus, khib kaj, pob kab ntxau.
Siv li cas:
* Zoo tshuaj khaub thuas hnoos kab peem ( Bronchite)
-80 g Borage qhuav tsau 3 mn hauv dej rhaub npau. Muab muab tso rau ib lub tais, txawb zaum ib lub rooj ces zaum khoov rau saum tais tshuaj,muab ib txoj phuam coj los thaiv ntawm tais tshuaj rau ntawm qhov ntswg, nqus cov pa tshuaj kub kub ntawd...
* Mob leeg, tej yas tes yas taw;
-Tsuab ob teg tshuaj Borage qhuav rhaub 10mn nrog 1l dej. Muab khaub hlab los ntub coj los npaub rau qhov mob.
* Ciam quav:
Rhaub haus, muab ob teg ntsis tshuaj mos, nyoos rhaub 15mn xyaw 1 litre dej, haus hnub ntawd ib hnub kom tag. Ua zaub noj li zaub ntsuab kuj zoo thiab.
*Kub nyhiab:
- Muab cov nplooj nyoos los tsoo mos mos, muab npuab rau qhov kub nyhiab.
* Pob kab ntxau:
- Rhaub 20g nplooj qhuav hauv 1/2l dej, 15mn ces muab lim. Muab paj rwb los tub txhuam lub ntsej muag ua muaj kab ntxau.
Tsob tshauj no muaj neeg txawg sab tshuaj nyob Suav teb tau paub muab los siv tau los ntev lawm.
-Muaj tuaj tom tej hav teb, ntug teb, ntug kev los yog luag muaj cov ua tshuaj txiav tag muag nyob tom teb chaws muag tshuaj lawm.
105. QES TES QES TAW.
muab zaub ntswg npua thiab mos hav los tsoo mos mos,
muab qhwv hauv nplooj tsawb los yog ntawv ci (aluminium),
muab xwv kom kub sov so,
muab ib qho cawv me me tsuag rau,
Ces muab qhwv qhov mob,
Qhwv ib ob zaug xwb ces yuav zoo hlo lawm.
106. Tshuaj tau khaub thuas hnoos qhuav, los ntswg thiab kub taub hau nrog.
Thawj hauv tshuaj:
-Muab ib dia kas fes (me nyuam diav) kua maj nos (kua txiv qaub) xyaw 1 dia kas fes zib mu. Thiab ntxiv ib nyuag qhov kua txob me rau. Ces yog hauv tshuaj qab ntug lawm.
Hauv tshuaj niam tais nov zoo peb yam xws li: Zib mus mus leem koj lub qa kom txhob hle tawv. Txiv qaub (lemone, citron, maj nos) ua kom lub qa txhob voos thiab tua kab mob thiab kuav txob ua kom ntshav khiav zoo thiab kom tus mob zoo sai.
Yog koj tsis nyiam kua txob los koj muab ib qho dos txoov mos mos los xyaw qhov kua txiv qaub thiab zib mu noj xwb los tau.
107. Lwm Hauv tshuaj zoo hnoos.
Muab 6 lub dos (cov dos me) muab tev thiab muab txhoov kom mos mos.
Muab tso rau ob lub ntim loj los yog ib lub lauj kaub me,
Muab 4 dia kas fes zib mu xyaw rau.
Muab ib lub lauj kaub loj dua lub ntim cov dos rau ib qho dej rau hauv qhov cub.
Muab ntim los lub lauj kaub dos thiab qhov zib mus tso rau hauv lub lauj kaub, txhob cia cov dej nyab lub ncauj ntim.
Muab ncu (ua hluav taws yau yau) li 2 teev, tua hluav taws thiab tsaws los.
Muab cov dos lim yuav cov kua.
2-3 teev tej haus 1 dia kas fes.
108. Nroj tsaug zog.
Muab rhaub los tsau thiab da zoo tshuaj:
Mob leeg,mob ko taw,mob pob taws mus tsis taus kev,mob ceg,mob duav,mob ib ce,
tuag tes tuag taw yam li hlab ntsha tawg saum taub hau, thiab tes taw tsis muaj zog.
Rhaub haus zoo:
Tshuaj tsaug zog ( pw tsis tsaug zog haus)
Tshuaj npau taws sai ( Nerveux)
(Lawv muab ua tshuaj lub npe hu ua: homéopathie en solution buvable sous le nom de Poconeol
)
Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj nts tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.
Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Nej siv yuav tsis muaj teeb meem, tsuav yog haum tus neeg ntawd xwb.
Home
Yog koj tso siab rau Yesxus lub siab ntshiab, nws yuav ua koj siab kaj lug 
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
