Tshuaj NTSUAB

**Mim** 23rd January 2017, 5:34 am

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°151

Re: Tshuaj NTSUAB

Post Mim 23rd January 2017, 5:34 am

Nyob zoo txiv Suav Nus,

Kuv txais tau koj cov lus lawm thiab kuv twb teb koj lawm, nyaj koj yuav pom lawm os.

Ua tsaug.

Tais Tooj,

Tej zaum nyob tim sab Fab Kis teb lawv yuav cog cov ntoo ntawd ntau, tiam sis ntawm thaj tsam kuv nyob no mas tsis pom cog li. Yog muaj ces yog tej tus tswv tsev nyiam es lawv cog hauv lawv tej av xwb, hos yuav kom muaj cog rau tej av public ces tsis muaj. Tsis paub tias cov ntoo ntawd ho puas zeeg nplooj tas li lwm cov ntoo thiab? Tim peb no mas lub caij no no ces tsuas tshuav kiag cov thuv xwb thiab tseem ntsuab hos dua li ces yeej tshuav tej kav dub nciab xwb.

Cia kuv mam li nrhiav saib puas tau ib tug ntoo los cog, los mam order ib co luag twb zom tau tas los noj xwb lau.

**Maiv Tooj** 23rd January 2017, 8:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°152

Re: Tshuaj NTSUAB

Post Maiv Tooj 23rd January 2017, 8:12 am

Mim,

Yog tss muaj no ces cia lwm hnub nplooj rov hlav tso kuv mam li de ib cov xa tuaj rau koj. Kuv muaj ob tsob hauv vaj thiab tom tej parc public los yeej muaj ntau. Txhua xyoo kuv de tau ntau cia tab sis kuv tsis siv ces xyoo no kuv tsis de lawm. Koj mus yuav hauv pharmacie noj kuj tau.

**Mim** 23rd January 2017, 10:44 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°153

Re: Tshuaj NTSUAB

Post Mim 23rd January 2017, 10:44 am

Tais Tooj,

Ua li mas, lwm hnub nplooj rov hlav no ces koj ho mus de ib co xa tuaj rau kuv tau siv ov. Ua tsaug ntau ntau.

**Lajpovyaj** 28th January 2017, 12:56 pm

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°154

Re: Tshuaj NTSUAB

Post Lajpovyaj 28th January 2017, 12:56 pm

Nej tham txog tshuaj ntsuab no nej los saib Hmoob thaib lub tsev tshuaj ntsuab ntawm no seb puas muaj tej yam uas nej xav tau.

**Mim** 1st February 2017, 7:45 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°155

Re: Tshuaj NTSUAB

Post Mim 1st February 2017, 7:45 am

Nyob zoo Laj Pov,

Ua tsaug os. Koj daim video txog Hmoob Thaib teb tshuaj ntsuab kuj zoo kawg. Tiam sis cas zoo li yog lawv ua rau Thaib thiab cov paub lus Thaib xwb.
Khuv xim tias cas lawv tsis hais ua lus Hmoob ib txhia thiab kom peb cov Hmoob uas tsis to taub lus Thaib ho paub tias lawv hais txog dab tsi.

Txawm li cas los yog ib qho zoo uas peb Hmoob kuj pib muaj peev xwm ua tau tej yam hais txog Hmoob rau lwm haiv neeg paub.

**Lajpovyaj** 12th February 2017, 8:54 am

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°156

Re: Tshuaj NTSUAB

Post Lajpovyaj 12th February 2017, 8:54 am

Nyob zoo mim.
Lawv hais lus thaib xwb mas.tab sis yog niam ntxawm txooj tub kom kuv nrhiav cov muaj duab tsob tshuaj thiab siv zoo li cas no ces lwm cov yog neeg thaib qhia xwb kuv ho mus pom tus no yog Hmoob ces kuv thiaj coj tus no tuaj tso nov xwb.

**Lajpovyaj** 1st March 2017, 11:35 am

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°157

Re: Tshuaj NTSUAB

Post Lajpovyaj 1st March 2017, 11:35 am

Tshuaj NTSUAB - Page 7 17021859_1777425392584421_8682910912129049383_n

Tshuaj NTSUAB - Page 7 17022412_1777425312584429_4538421740600864180_n

**Lajpovyaj** 3rd March 2017, 4:48 am

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°158

Re: Tshuaj NTSUAB

Post Lajpovyaj 3rd March 2017, 4:48 am

**Maiv Tooj** 2nd May 2020, 8:05 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°159

Re: Tshuaj NTSUAB

Post Maiv Tooj 2nd May 2020, 8:05 pm

SUV NTSIM NTSUAB, SUAV TEB.(L'artémisinine (qing hao su (青蒿素))

npe ua lus fab kis Armoise annuelle,
npe Scientifique Artemisia annua,

Cov suv ntsim Suav teb no zoo txawv zog cov suv ntsim Nplog thiab Fab Kis teb. Cov nplooj ntshi mos dua thiab ntsuab tshiab tshiab.

Suav siv cov n=suv ntsim no ua tshuaj tau tshaj 2.000 xyoo los. Pom sau tseg hauv Liv Xwm thaum 168 ua ntej Yes Xus.

Keeb kwm rov siv pib thaum nthwv Tsos Rog Nyab Laj thiab Mes Kas. Cov Nyab Laj Qaum Teb khawb qhov taub, khawb ntswg qab tiv mus tua rog ces muaj dej nag mus teev ntau rau cov kwj, ua rau muaj chaw rau yoov tshaj cum ua qe. Yoov coob thiaj ua rau cov peeb zeej Nyab Laj mob Npaws coob heev. Cov tuag rau kab npaws tseem coob tshaj cov uas tuag rau muas txwv raug. Cob Tsib ntshai heev thiaj li tau thov rau Suav seb puas pab daws tau lawv qhov teeb meem.

Xyoo 1967, cov tub tshawb fawb thiaj li rov tshawb nrhiav tshuaj ntsuab Suav, lawv thiaj nrhiav tau hauv cov ntawv Liv Xwm Suav sau tseg tias SUV NTSIM zoo tshuaj tiv thaiv kab npaws. Vim lawv pom tau cov neeg uas nyob cheeb tsam uas muaj cov suv ntsim ntawd, lawv tsis mob npaws tshaj nyeej, nplaws txias li, ua daus no li; vim cov neeg no rhaub cov suv ntsim xyaw tshuaj yej haus los yog cia li rhaub haus xwb. Thiab lawv tseem siv cov suv ntsim no kho ntau hom mob ntxiv. Puav leej yog cia li rhaub haus xwb.

SUV NTSIM NTSUAB ZOO TSHUAJ.

Cov suv ntsim no raws li hais mas muaj nyob phab teb chaws Es Xias thiab As Fiv Kas tib si, tab sis zoo li kuv tsis nco pom, kuv tsuas pom dua cov suv ntsim loj li hauv qab no xwb. Cov hauv qab no tsis zoo tshuaj tiv thaiv thiab tua kab npaws, nws zoo ua tshuaj cab xwb tab sis yuav txhob haus ntau tsam qaug. Haus li kuv twb tau piav pem hauv ntej dhau los lawd xwb.

Last edited by Maiv Tooj on 2nd May 2020, 10:14 pm; edited 1 time in total

**Maiv Tooj** 2nd May 2020, 8:10 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°160

Re: Tshuaj NTSUAB

Post Maiv Tooj 2nd May 2020, 8:10 pm

TSHUAJ MOB TXIA.

Mob txia yog cov teb chaws nyob rau hauv plawv av, deb huav txwv, haus cov dej thiab noj cov ntsev uas tsis muaj "iode". Li ntawd yuav tau yuav cov ntsev uas lawv sau rau ntawm lub hnab ntim tias:

"Ntse muaj iode"

Yog lub cev tsis muaj Iode txaus, ua rau neeg mob txia, vim cov qog caj dab (thyroïdes) tsis muaj roj ntaus (iode yog cov roj ntau qaog caj dab). Cov me nyuam uas tsis muaj iodes txaus, lawv muaj ntsis ua neeg lag ntseg, tuag ceg thiab tswv yim qeeb ( xws li muaj ntsis ruam).

**Maiv Tooj** 2nd May 2020, 8:24 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°161

Re: Tshuaj NTSUAB

Post Maiv Tooj 2nd May 2020, 8:24 pm

TSHUAJ NTSUAB
Sau 1991

tu sau

Txiab Pov Tsab

LUS FAJ SEEB

Cov hauv tshuaj Hmoob ntawm nov, tau muab los teev cia, tab sis tseem tsis tau sim dua lo,
yog leej twg coj mus siv, muaj dab tsi nram qab nram ntsis los peb tsis lees thaj tsob.

Tshuaj Ntsuab, Tshuaj Hmoob

Mob nkeeg, tshuaj ntsuab, thiab kev siv.

Yav neej thaum ub Hmoob nyob rau pem tej toj roob siab hav zoov. Feem ntau Hmoob siv tshuaj ntsuab coj los kho mob. Nram qab no yog tej hom mob thiab cov tshuaj kho. Cov nyeem sawv daws yog leej twg tsum kev siv nej mam mus nrhiav nej coj los siv seb puas kho tau nej tus mob, feem ntau ib txhia ntawm cov tshuaj no hmoob txawm yuav nyob rau lub teb chaws twg los hmoob yeej nyiam cog rau qab vag tsib taug. Feem ntau cov nroj tsuag no hu raws cov npe uas cov neeg nyob rau teb chaws los tsuas xwb.

1. Tshuaj kho mob plab zag:

Cov tshuaj kho:
1.Tus cag ntoo huab ncua.
2. Cov nplooj huab ncua.
Kev kho: Muab tus cag thiab lub ntsis los rhaub kom kub rau haus kom ntau ib hnub yuav tsum haus kom txog 5 zaug thiaj li yuav zoo tau thiab tus kab yuav tsum tawm los.

2. Tshuaj kho mob hnoos:
Cov tshuaj kho:
1. Lub qe qaib.
2.Hwj txob.
3.Nplooj zaub iab.
4.Zaub nplaig yaj.
Kev siv: Muab plaub yam li hais los no, sib tov muab cub ua ke rau noj ua ntej thaum tsis tau noj mov.

3. Tshuaj kho mob pob ntseg uas cov laus hais tia hli hlais:
Cov tshuaj kho:
-Paj hnub hlis.
Kev siv: Muab cov noob coj los xo kom mos rau lub qhov txhab ntawd kom txog 3 hnub yuav tsum zoo.

4. Tshuaj kho mob pob sawv hlwv:
Cov tshuaj kho:
-Zaj xaws nyeg.
Yam ntxwv tus neeg mob: Cov mob pob sawv hlwv uas cov laus tias mob raug dab zag.
Kev siv: Muab cov noob xo kom mos los pleev rau kom puv 3 hnub. Zoo thiab tsis zoo los tso tseg txhob pleev lawm.

5. Tshuaj lov txha:
Cov tshuaj:
1.Ko taw os.
2.Pawj qaib.
3.Ntiv.
Yam ntxwv lov: Lov tshiab kho tau yog cia ntev mus txog 6-7 hnub yuav kho tsis tau.
Kev siv: Muab los sib tim tsoo kom mos muab xwv kom sov so tso mam muab coj los qhwv.

Tshab xyoob

6. Tshuaj kho mob txeeb zig:
Cov tshuaj kho:
-Qaub nraug. Ib txhia hu (nroj zoo nraug).
Yam ntxwv mob: Cov neeg uas mob txeeb zig tso tsis tau zis.
Kev siv: Muab tus cag coj los tsau dej rau haus. Tsau dej txiag xwb. Yog mob txeeb zeb nrog no muab tim tsev mos siav av rhaub rau haus.

7. Tshuaj kho neeg phais plab:
Cov tshuaj kho:
-Nplooj nyab.
Kho tau cov neeg phais plab thiab cov neeg rau riam raug phom.
Kev siv: Muab cov nplooj coj los tsoo xwv qhwv sov so rau xwb lub qhov txhab ntawd yuav nqawm zoo thiab tsis ua paug.

8. Tshuaj kho cov poj niam uas tsis tau me nyuam:
Cov tshuaj:
-Txiv ntoo qaib liab.
-Paj cos ntiv.
Kev mob uas siv cov tshuaj no: Siv rau cov poj niam uas nws mob plab yug me nyuam twb mob ntev pheej tsis txawj tau.
Kev siv: Muab lub txiv paj cos ntiv los sis yog tsis muaj lub txiv no mus de 3 daim nplooj. Tab sis yuav tsum de raws li no (de xuab los rau hauv xib teg kom tau 3 daim nplooj tsis pub cia li de) thiab 3 daim nplooj txiv ntoo qaib coj los tsau dej sov so rau haus tam sim ntawd.

9. Tshuaj kho cov me nyuam plam hlab ntshav hauv tus niam lub cev es yuav poob los:
Cov tshuaj kho: 1.Cag vaj khaum los yog cag hmab uas hlauv tej txoj. 2.Kuab nplais taub. 3.Kuab nplais dib.
Kev siv: Muab tus cag coj los rhaub rau haus ua ntej uas tsis tau noj mov yuav tsum haus kom txog li 5-6 zaug kev rhaub yuav tsum rhaub raj xyoob xwb. Tab sis rov paus rau paus ntsis rau ntsis.

10. Tshuaj kho cov tsis muaj me nyuam kom muaj:
Cov tshuaj:1.Paj ntshua nplaim. 2.Ncas liab.
Kev siv: Muab los sib tov tsau dej kom sov so rau tus poj niam haus txhua hnub li.

Cib taw nees

11. Tshuaj kho cov muaj me nyuam sib kom tuab tuaj:
Cov tshuaj kho: -Cov hws tsu mov.
Kev siv: Muab cov hws no coj los haus yuav tsum muaj tuab tuaj xav kom muaj tuab tuab yuav tsum kib lub paj pob kws thiab tim poov xab ntse cov hws tsu noj ces muaj tuab.

12. Tshuaj tiv thaiv kom txhob mob kas cees:
Cov tshuaj:
1.Tshab xyoob.
2.Muaj tsuas.
3.Txiv siav.
4.Vas khoos.
5.Nceb liab tuaj hauv cav ntoo.
Kev siv: Vas khoos muab los chais noj hos lwm yam rhaub haus thiab rhaub da. Tab sis yuav tsum muab 3 teev zis tov rau.

13. Tshuaj kho neeg mob txhab dab tog:
Cov tshuaj kho:
1.Txiv siav.
2.Kuab ib (muab me me)
3.Xyab txhim.
4.Nplooj suab.
5.Txhub qus.
6. Quav dev.
Kev siv: Muab coj los tsoo ua ke sib tim qhwv tis pub xwv cia li qhwv xwb. Lub qhov txhab no yuav tsum zoo xwb, yog tseem txhab dab tog.

14. Tshuaj kho mob dab peg:
Cov tshuaj kho:
-Tsawb ntug.
Kev siv: Muab lub hauv paus coj los tsoo qhwv. Raws li kev qhwv yuav tsum yog cov laus qhwv, tsis pub cov hluas qhwv. Kev qhwv no yuav tsum yog qhwv tus ntiv tes nta, qhwv lub yis tes nkaus xwb. Tsis pub tus mob paub yam tshuaj no kiag li. Yuav tsum qhwv ib hlis no yog 3 zaug xwb.

15. Tshuaj kho cov me nyuam tsis muaj sia nyob hauv tus niam lub plab:
Cov tshuaj kho:
1.Qe qaib puag ua ntshav.
2. Rab koob ntxiv.
Kev siv: Muab rab koob los chob lub qe mam muab hau kom siav yuav tsum muab ib txog xov coj los chob rau rab koob thaum siav muab rau noj, kev siv no tsis pub leej twg paub thiab txhob tham cia li ua twj ywm xwb.

Qos nplooj ntse

16. Tshuaj kho mob ntxhia:
Cov tshuaj kho:
-Kuab tua nyhuv.
Kev siv: Coj los hov pleev qhov mob no xwb. Txwv tsis pub noj.

17. Tshuaj kho cov neeg raug qe zeb:
Cov tshuaj kho:
-paj yeeb nkab.
Kev siv: Muab coj los tsoo xwv kom sov so qhwv qhov mob, kev qhwv yuav tsum siv sij hawm qhwv cia kom txog 1 teev mus txog 2 teev mam li daws. Thaum daws pob tshuaj muab kib kom nkig coj los thuav saib puas pom lub qe zeb. Yog pom yuav zoo.

18. Tshuaj kho cov mob yeeg dub thiab mob raws plab:
Cov tshuaj kho:
1.Zaub txig taum paj.
2.Zaub txig theem.
3.Nkaj liab.
4.Dos raj.
5.Tus qaib dawb.

Kev siv: Muab tus qaib tua cug cov ntshav, muab tus qaib hlawv kom kub nyhiab mam plhws rau hauv cov tshauj. Thaum cov tshuaj sib xyaws tas lawd muab kav tus mob pem taub hau mus txog rau nram ko taw, kav tag yuav tsum kuam rau tes rau taw.

19. Tshuaj sav duav lov duav:
Cov thauj kho:
1.Xyoob ko riam.
2.Xyoob tuam tswm.
3.Ntsuas nce ntoo(hmab).
4.Mos hav (ntoo pos ntshav)
Kev siv: Txiav cov hauv paus xyoob tuab coj los tshum kom tau cov plhaws dawb coj los tsau dej haus kom ntau thiab tsoo qhwv qhov lov los yog sav ntawd tsis txhob xwv.

20. Tshuaj kho mob hniav dub los yog cov neeg hniav dub:
Cov tshuaj kho:
1.Zaug ntswg npua dub.
2.Siv txham.
3.Nplooj qhaib xyoob.
Kev siv: Yuav cov nplooj xwb. Muab 3 yam no coj los tsoo mos kav tus hniav thiab rhaub ua kua rau yaug ncauj 1 hnub 3 zaug.

Los his kws

21. Tshuaj kho mob qhua maj qhua pias:
Cov tshuaj kho:
1.Noob pias.
2.Txhuv daj.
3.Noob zaub txhwb qaib.
4.Noob maj.
5.Noob zaub ntsuab.
6.Noob zaub txhwb nyug.
Kev siv: Muab 6 yam no coj los kib nkig tuav mos xaws ua ib lub hnab rau coj, thiab muab cog rau 4 ceg kaum tsev thiab 2 sab qhov rooj. Cov tshuaj no tiv thaiv tau tab sis siv tau lub 9 hli xiab thiaj li thaiv tau.

22. Tshuaj kho mob qaug txhaj nkees pw tas hnub:
Cov tshuaj kho:
1.Yas dub.
2.Txiv qhov muag nas.
3.Txiv daw zeb.
4.Txiv siav nyeg.
5.Nplooj ntse nyeg.
6.Kab yeeb tshuaj.
Kev siv: Muab 6 yam no rhaub rau haus 1 hnub yuav tsum haus 3 zaug. Thiab zoo tsaws qaib noj.

23. Tshuaj kho mob pob khaus:
Cov tshuaj kho:
1.Txiv plhauv lauv
2. Npuas dej.
Kev siv: Muab 2 yam no coj los rhaub dej rau da ib hnub 3 zaug yuav tsum zoo tau.

24. Tshuaj kho cov neeg mob tsam chim:
Cov tshuaj kho:
1.Npuas dej.
2.Plaub nraj.
3.Lub qab zeg npua.
4.Lub qab zeg dav.
5.Kab laug sab loj.
6.Tsawb tuaj qhov ntoo.
Kev siv: Muab 6 yam no rhaub dej rau da xwb, Ib hnub yuav tsum da txog 3 zaug thiaj li zoo.

25. Tshuaj nab tom:
Cov tshuaj: 1.Plawv kav theej.
2.Pum tshis. 3.Kuab lom tsuag.
Kev siv: Muab kuab lom tsuag los tav ua ntej mam li muab 3 yam los sib tim tsoo qhwv ntawm lub qhov nqaij ntawd.

Zaub iab hlwv

26. Tshuaj kem dab ntxaug thiab raug dab es tsob ntshav ntswg:
Cov tshuaj kho:
-Luam laws zoov.
Kev siv: Muab cov tshuaj no los tsau dej rhaub muab hliv rau qhov ntswg 3 tee tas, muab rau haus yog tseem raug dab no yuav zoo. Tab sis tsis pub tus mob paub cov tshuaj.

27. Tshuaj kho cov neeg ciam quav:
Cov tshuaj:
-Kav qeej(qhaus).
-Thoob huab(ntoo).
Kev siv: Muab tsau dej haus ib hnub 3 zaug.

28. Tshuaj kho poj niam nyob nruab hlis tus txiv nrog pw hlauv duav:
Cov tshuaj kho:
-Kua kab nceb.
-Nceb liab.
Kev siv: Muab cov kua kab nceb los yog nceb liab no los ua kua lim kom huv rau tus poj niam haus ib hnub haus 3 zaug.

29. Tshuaj kho cov neeg qaug dab peg:
Tus tshuaj:
-Nplaig nees dab.
Tus nplaig nees dab no yog cov ncaim nees uas xya thawj phaum me nyuam. Tus me nyuam tshuab tawm hauv lub qhov ntswg los, los yog hauv qhov ncauj los, maj me ntsis tsam me nyuam nees muab noj lawm tsis tau.
Kev siv: Muab tus nplaig nees dab no los chais peb riag rau tus mob haus.

30. Tshuaj kho cov poj niam qaug qav:
Cov tshuaj:
-Tsawb ntug ntsuab.
-Cag nqeeb.
Kev siv: Muab tsaws qaib rau noj, tab sis yuav tsum noj lub taub hau ua ntej tuaj.

Ncaug dub

31. Tshuaj kho hnoos hawb pob:
Cov tshuaj:
1. Yas dub.
2. Cag kua txob.
3. Cag lws.
Kev siv: Muab rhaub haus xwb.

32. Tshuaj kho poj niam khub cev:
Cov tshuaj:
1.Txiv puaj kaum.
2.Haws
3.Hwj txob dub-dawb.
4.Teeb pheem.
5.Txiv siav.
6.Foob xeeb.
7.Tshab xyoob.

Kev siv: Muab cov tshuaj no los rhaub rau haus thiab tsaws qaib noj yuav pab tau kom rov coj khaub ncaws tuaj tau li qub.

33. Tshauj kho cov neeg raws plab liab:
Cov tshuaj:
1.Xwb cob.
2.Qhiav dub
3.Tsheej kub tshis.
4.Ciab ntab.
5.Qhiav daj.
6.Zaub txig taum paj.
7.Me nyuam qaib mos.
Kev siv: Muab cov ciab ntab kib kom yaj, muab tus qaib tua muab tsuav mos, hliv ib qhov dej thiab muab cov tshuaj hau ua ke kom siav muab rau noj. Thaum noj tas yuav caiv li no: -Yog noj 3 rab diav caiv 7 hnub. -Yog noj 7 rab diav caiv 3 hnub.

34. Tshuaj kho cov neeg mob caus yaum:
Cov tshuaj:
1.Tshab xyoob.
2.Muaj tsuas
3.Txiv kos.
4. Peb Lub pob zeb.
5. Txiv siav.
Kev siv: Muab 3 lub pob zeb coj los hlawv kom kub. Muab cov tshuaj rhaub kom npau mam muab 3 lub pob zeb coj los tso rau. Muab zaws ib ce thiab muab me me rau haus los tau.

35. Tshuaj ua luag mus hav zoov tsiaj qus tsis kov:
Cov tshuaj:
-Xyooj fab.
-Lawj faj.
-Xwb cob.
Kev siv: Thaum twg uas koj poob siab heev koj muab 3 yam no coj los hlawv kom tsw yuav ua rau cov tsiaj ntshai koj.

Aub luag ntxuam = Tw ntses

36. Tshuaj txuas me nyuam siav:
Cov tshuaj:
1. Txiv ncaim toj.
2.Kab yeeb tshuaj.
3.Txiv khau tawv.
Kev siv: Ib yam tshuaj muab 3 tug cag coj los rhaub rau tus poj niam haus kom puv 3 zaug yuav tsum rov txuas tau xwb.

36. Tshuaj kho poj niam tau me nyuam tsho tsis pluam:
Cov tshuaj:
1.Plav ntxaiv.
2.Pum hub dawb.
Kev siv: Muab ib yam 3 daim nplooj coj los tsoo qhwv tus ntiv tes nta xwb yog txog thaum kawg tsis tau ces khawv koob.

Ua tsaug rau tus neeg siab zoo qhia tshuaj rau peb tau kawm thiab khaws cia rau tej xeeb leej xeeb ntxwv.

Txiv siav

**Maiv Tooj** 2nd May 2020, 8:29 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°162

Re: Tshuaj NTSUAB

Post Maiv Tooj 2nd May 2020, 8:29 pm

Tshuaj ntaus me nyuam.

Yuav hais ib qho tsis zoo rau txoj kev ntseeg...Thov txim ntawm Tswv Ntuj xub ntiag...

Tus uab luag ntxuam zoo ua tshuaj ntau me nyuam, yam tsis muaj kev plhom sij rau tus niam. Lub neej txheej tshiab, neeg tsis tuag siav, tsis txuag neeg, niam txiv kiag los twb tsis hlub tsis txuag tsis hlub yus tej roj ntsha kiag lawm. Xav txog yus tus kheej nkaus xwb. Suab me nyuam, tsis kam yuav, tsis kam cia yug ua neeg, nyiam mus rau Kws Tshuaj kaus...Raug luag muab tso kua ntsev rau kom me nyuam tuag es muab tshuab nqus lis nqus tsev tawm los, los yog muab tshuab mus ntau hauv tus niam lub cev li ntau qe thaum yuav kib noj...Ua rau tus niam sab heev...Yog leej twg ho xav txiav siab tsis xav yuav nws tej me nyuam tiag no los Txiv laus puaj tiam Hmoob kuj muaj zoo hmoob tshuaj thiab...Tab sis Hmoob zais ntshis ces tsis muaj coob tus paub txog...Li no hnub no kuv yuav qhia ib hau tshuaj rau tus uas nws ho xav siv, kom ho siv tau zoo tsis muaj kev plhom sij thiab poob nyiaj txiag, poob dag zog...

-Muab cov uab luag ntxuam rhaub haus xwb ces tus poj niam cev tsis tab seeb tus me nyuam yuav poob kiag.

Kuj zoo tshuaj: ntaus cev, mob laug, rhaub haus.

UAB LUAG NTXUAM

NKAJ LIAB,
Tshuaj ntau cev
Coj khaub ncaws tsis zoo.
Yog cev xeeb tub txhob siv,
yuav ntau tau me nyuam poob.

**Maiv Tooj** 2nd May 2020, 8:30 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°163

Re: Tshuaj NTSUAB

Post Maiv Tooj 2nd May 2020, 8:30 pm

Ntxhuav pob kws

Ntxhuav pob kws, thaum nyuam qhuav txhawv kiag ces muab coj los ziab kom qhuav, los sis siv kiag thaum mos mos
zoo ua tshuaj:

-Ntxuav raum
-Phob vog
-Tso zis nyuaj (thaum mob txeeb zig)
-Tshuaj yuag
-Tshuaj yaug cev

Muab rhaub haus.

**Maiv Tooj** 2nd May 2020, 8:30 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°164

Re: Tshuaj NTSUAB

Post Maiv Tooj 2nd May 2020, 8:30 pm

QHEB DAWB

Ntoo Qheb yog ib hom ntoo zoo heev, siv tau ntau yam...
Ua rooj ua tog, ua vaj tsev, ua taws rauv sov tsev thiab tseem zoo tshuaj li koj hais thiab tiag Samx!

Kuv nrhiav los tau zoo ib yam koj nrhiav thiab xwb Samx.
Koj tseem paub qhov tias rau poj niam hlauv duav thiab no...Zoo heev.

*Daim tawv Qheb zoo tshuaj:

- Rhaub haus zoo:

-Mob plab zawv ( zawv plab heev)
-pab kom lub plab thiab tej nyuv zom tau zaub mos zoo

*poj niam yug me nyuam hlauv duav (Samx hais).

- Rhaub ntxuav:

Nqaij voos, liab tej thaj voos, o li ua npuag, mob qhov ncauj, pos hniav lwj, thaum raug no tej ntiv tes ntiv taw o liab ploog.

**Maiv Tooj** 2nd May 2020, 8:31 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°165

Re: Tshuaj NTSUAB

Post Maiv Tooj 2nd May 2020, 8:31 pm

ZAUB QHWV

* Nplooj zaub qhwv siv sab nraud.

-Muab tus kav hlais tawm, muab daim nplooj tsoo me ntsi muab coj los npuab rau qhov mob:

-Qhwv qhov txhab, voos, mob laug ( mob tej dab teg, dab taws, leeg), leeg tu, leeg caws, pob kab ntxau,
me nyuam noj mis txham mis txhaws muab daim nplooj zaub tso hauv lub tsho khiab mis, .

* Rhaub haus zoo tshuaj zawv plab ntswj.

- 60g nplooj zaub qhwv nrog 50cl dej, rhaub 1h.
Haus ib zaug ib khob.

**Maiv Tooj** 2nd May 2020, 8:31 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°166

Re: Tshuaj NTSUAB

Post Maiv Tooj 2nd May 2020, 8:31 pm

Nplooj txiv pos nphuab

Nplooj txiv pos nphuab{Raspberry leaves} zoo ua ntau yam ntshuaj:

Zoo rau pojniam cev xeeb tub, thaum lub sij hawm pib qaug qav mus txog thaum tau tus menyuam, haus mus ntxuav tej hlab tshav kom tshav
khiav zoo, pab cov leeg kom muaj zog, rhaub lub raum kom lim tau tej yam phem tawm mus, pab lub zais zis kom muaj zog, ntaus tej yam
phem tawm mus, zoo mob txeeb zis. Haus xyaw tea haj yam zoo, muab xyaw me ntsi green tea haus los tau.
Tom qab yug menyuam tag lawm haus kom lub cev yaug huv sai. Txivneej, pojniam los haus tau zoo rau txhua tus uas nws tej roj ntsha haum.

Kev siv cov nplooj txiv pos nphuab. Haus ib hnub 3 zaug, ib zaug haus ib khob, muab siab kom qhuav, mam muab nrhuab kom npau mam li haus,
yuav huas zov, haus txias los tau.
By: Samx USA

Txiv pos nphuab

**Maiv Tooj** 2nd May 2020, 8:32 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°167

Re: Tshuaj NTSUAB

Post Maiv Tooj 2nd May 2020, 8:32 pm

Qhia daj qus nyob USA

Tsob qhaus hav zoo daj. Zoo ua tshuaj rau mob ncauj plab ulcer, ua riam raug tes taw muab pleev los qhwv kom nqaij nqawm sai, zoo rau
pojniam hlauv duav, hlauv nyuv, haus mus komcov neeg muaj tshav siab qes tau, zoo rau mob nyhuv, kom nyhuv ruaj zoo, zoo mob plab kem,
zoo rau mob ncauj tawm, mob pos hniav lwj, zoo rau mob txeeb zis, txob ib ce, thiab ntau ntau yam, muaj caij mam piav nxtiv.

KEv siv. Muab rhaub haus los tau, muab zom mos mos pleev, muab qwv thaum nyoos los tau. Tus cag thiab cov nplooj yeej zoo hu si.

Txwv tsis pub pojniam xeeb tub siv.

Tsob tshuaj no muaj nyob rau North America xwb, nyob rau saum tej toj roob siab xwb. Thaum lub caij ua civil war es cov neeg khab
American Indian siv los qwv cov neeeg rau mob tej qhov txhab zoo tas. Tam sim no tom tej taj laj muaj muag thiab tab sis tsawg tsawg.

Tsob Tshuaj no Hu ua Gold root or yellow Root

Qhiav daj USA,Gold root or yellow Root

Paj koj tsi nyob tsev ces tshauv kuv xwb ces tsis muaj neeg tuaj cuav zos li es.

Sam

**Maiv Tooj** 2nd May 2020, 8:33 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°168

Re: Tshuaj NTSUAB

Post Maiv Tooj 2nd May 2020, 8:33 pm

Ntoo txiv Abricot

Siv ua tshuaj:

- Tawv, noob thiab lub txiv

Lub txiv Abricot siv ua zaub mov noj.

Tawv ntoo rhaub haus zoo rau mob, kub taub hau, qhov txhab voos, nqaij voos.

Lub noob muaj kuab, lawv siv ua tshuaj tua kab, tab sis Suav muab me me coj los noj
zoo tshuaj hnoos thiab tshuaj hawb pob thiab tshuaj ciam qua v.

Muab cov noob tuav mos mos tso kua, lawv siv pleev qog.

Cov noob muab tuav mos mos, zoo tshuaj pleev poj niam chaw mos voos.

Cov noob muaj kuab lom, txhob noj

**Maiv Tooj** 2nd May 2020, 8:33 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°169

Re: Tshuaj NTSUAB

Post Maiv Tooj 2nd May 2020, 8:33 pm

Paj kuab tub sab.ib txhia hu ua paj kub.

yog tshuaj zoo mob ncauj plab.
zoo mob plab kem.

muab lub hauv paus ntug li qos los txhoov noj.tab sis muaj ntsis tom ncauj.thiab yog noj ntau no muaj ntsis raws plab.yuav tsum noj me me xwb.

By: Koobpovtxuj

**Maiv Tooj** 2nd May 2020, 8:34 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°170

Re: Tshuaj NTSUAB

Post Maiv Tooj 2nd May 2020, 8:34 pm

Nplooj qhaib xyab

Txoob ntug ib txhia hu ua qhaib xyab.yog tshuaj zoo mob txeeb zig zoo mob txeeb zeb.muab los rhaub haus.

Tus sau: Koobpovtxuj

**Maiv Tooj** 2nd May 2020, 8:34 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°171

Re: Tshuaj NTSUAB

Post Maiv Tooj 2nd May 2020, 8:34 pm

Paj Hnub hlis

TSHUAJ MOB POB NTSEG, cov laus hais tias hli hlais:

Cov tshuaj kho:

-Paj hnub hlis.

Kev siv:

Muab cov noob coj los xo kom mos rau lub qhov txhab ntawd kom txog 3 hnub yuav tsum zoo.

**Maiv Tooj** 2nd May 2020, 8:35 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°172

Re: Tshuaj NTSUAB

Post Maiv Tooj 2nd May 2020, 8:35 pm

Soov

Tsob no yog soov.tshuaj zoo phob vog.muab rhaub ntxuav los yog rhaub ntau ntau da kiag los zoo.

Qos Nphoom

Tsob nov yog qos nphoom nyeg.yog tshuaj zoo mob rwj mob qog.muab lub hauv paus los hov pleev.

Tus sau: Koobpovtxuj

**Maiv Tooj** 2nd May 2020, 8:37 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°173

Re: Tshuaj NTSUAB

Post Maiv Tooj 2nd May 2020, 8:37 pm

Siv toj

Tsob si toj yog zoo tshuaj mob ntsej rag.de daim nplooj coj los tsoo kom mos mos muab tso kua rau hauv pob ntseg.3 zaug xwb pob ntseg zoo hlo lawm.

Tus sau: Koobpovtxuj

**Maiv Tooj** 2nd May 2020, 8:38 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°174

Re: Tshuaj NTSUAB

Post Maiv Tooj 2nd May 2020, 8:38 pm

Tshuaj me nyuam xaub:

Tshuaj me nyuam xaub los yog plam hlab ntsha kuv li yig tsob kuab plais dib kuab nplais taub.thiab yog tsob suv ntsim nyeg. Muab do xyaw qe, cub noj.