HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tshuaj NTSUAB - Page 9 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+6
Mas Lias
Lajpovyaj
Bao X Mary
Maivxis
Maiv Paj Lug
Maiv Tooj
10 posters

    Tshuaj NTSUAB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:24 pm



    Qos nplooj ntse nyeg


    Tshuaj NTSUAB - Page 9 Sa402710
    - Qos nplooj ntse nyeg...Muaj ob yam...Ib yam cog noj...Ib yam cog..."Ua tshuaj"

    Yog muaj me nyuam coob...Tsi xav yug lawm...Thaum yug me nyuam tas...Nyob nruab hlis...Los sis coj khaub ncaws tas...Khawb lub mag...Los lub hauv paug..."Rhaub haus"...Tsi muaj me nyuam lawm.

    Thaum lub zaug qes...Ntwg dhau lawm...Txoj nyuv me nyuam...Los lub tsev me nyuam...Pib tuab zuj zug li..."Ob nti"...Cov pob kab ntxau zoo li...Qaib lub zeb zom nplej pob kws...Xob nthaw su loj tuaj...Thaum ntawd...Poj niam...Xav nrog txiv neej pw ua si tas li...Vim cov hlwv ntshav ntawd tom..."Khau - Txob"...Thaum ua poj niam tas...Cov hlwv ntshav ntawd..."Nqis khaus"...Ib zaug...Yog ob zaug no...Zaum ib thaum...Cov qes hlwv ntshav...Xob nthaw su loj tuaj yuav paim....Zaum ob thaum paim tas...Nqis rov foob ncauj hlwv ntshav...Los txob khaus ib zaug...Kuv nug kiag...Kuv poj niam...Nws yeej qhia tseeb li ntawd...Rau kuv thiab os...Tug poj niam twg...Ntsia zoj plhu liab tshiab khiv mas...Xav tawb txiv neej heev li...Tug poj niam twg...Ntsia ntsej muag..."Daj tseem nphob xuav"...Tsi xav tawb txiv neej pes tsawg...Cov laug...Hais tias..."Khub cev"...yuav tau nrhiav tshuaj rhaub haus ntaus...Cov pob kab ntau...Los hlwv ntshav ntawd...Kom paim ntshav zoo...Hnov ib ce kub lawg..."Ntaiv fwv"...Ntsej muag liab tshiab tuaj lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:24 pm



    Tshuaj NTSUAB - Page 9 Dscn2415

    Plauj.

    Zoo tshuaj mob laug, rhaub haus.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:25 pm





    Tshuaj zoo mob txeeb zig.

    Rhaub haus: Qaub nraug, tshais qav, yis nqeeb(qhaib xyab liab)

    Tshuaj NTSUAB - Page 9 Sa407012

    Qaub Naug.

    Tshuaj NTSUAB - Page 9 Sa408510

    Tshais qav.

    Tshuaj NTSUAB - Page 9 Y1p-ki11

    Yis nqeeb = qhaib xyab liab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:26 pm





    QAUB NRAUG.

    Rhaub haus zoo caws pliav.

    Thaum phais plab, los yog rau qhov txhab tshiab, rhaub haus yuav ua rau qhov caws pliav me me thiab zoo nkauj.
    Yog caws pliav twb qub lawm, haus kuj ua rau qhov caws pliav muag thiab yaj me ntsis. Tsis mob heev lawm.

    Tshuaj NTSUAB - Page 9 Sa407012
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:26 pm




    LAUM NTUG.

    Tshuaj NTSUAB - Page 9 Sa408512

    Laum ntug rhaub haus, tsaws qaib noj: Zoo tshuaj noob qes yaj, tshuaj txiv neej.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:27 pm



    TSHUAJ MOB TXEEB ZIG.

    Nyob Los Tsuas teb, Thaib teb, los yog Nkws Yas teb kuj muaj.
    Yog nroj qus xwb, mob txeeb zig, de rhaub haus zoo kawg.
    Yog muaj pob zeb, kuj ua tau rau pob zeb poob thiab.

    Yog tij laug Hmoob Ntuj qubqab tso tau daim duab muaj ib tsob me me xwb ces lam tso qhov duab nov, yog lwm hnub muaj duab loj dua mam tso ntxiv.


    Tshuaj NTSUAB - Page 9 Tshuaj11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:28 pm



    TAUM MOG.



    Taum mog zoo tshuaj: Qaug me nyuam, tshuaj mob laug ===> Ua qe noj.

    Qes tes qes taw===> tsoo qhwv


    Tshuaj NTSUAB - Page 9 Dscn1327
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:28 pm



    MOB TXEEB ZIG.



    ......Me muam kooj zias kab zaug as...

    Yog mob me...Ntoo maj nplooj soob...Rhaub haus...Los zoo...
    Yog mob loj...Tso zig...Los ntshav...Kawg ntoo npauj npaim xwb os...
    Yog muaj pob zeb nyob hauv raum...Kawg noob txiv taum nyiaj liab...

    Thaum cov laug...Pheej khaws lo qab kub tshuaj phom hmoob...Noj pob zeb poob...Los tawg ua hmoov sua...Nrog zig los.


    Tshuaj NTSUAB - Page 9 63ea4310

    Tshuaj NTSUAB - Page 9 Pot-de10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:31 pm


    Tij laug Xyooj Tsab,

    Kub tshuaj phom yog xuas dab tsi ua?

    Khaws kub tshuaj yog siv cov tshuaj phom hauv lov?

    Es muab ua cas siv, thiab muab hov ntau li?

    ....Awb me muam kooj ziag kab zaug as...cov tshuaj pphom hmoob no...Cov laug...Hu tshuaj fum yum...Yog laub...Los hliv tso ntawm..."Hauv meej"...Lo lug hauv meej...Yog paj lug...Txhais ntsiab lug tias...Lub qhov txaim tawg...Los txim zeb...Ya txais tshuaj cig...Nkag hauv...Kub cig plawg...Phom nrov poog...Tawm pem ntsis phom...Cov tshuaj fum yum no...Zoo tshuaj raws plawb...Muab me ntsis...Tso khob dej haus...Xuas ob lub hauv ntiv tes...Tsaub tau li cas?...Yuav li ntawd...Tsuab ntau tuag...Cov tshuaj no...Cov laug siv peb yam...."Sib tim tuav"....Hauj ua ke xws li...Ib lawj faj...Ob yuaj xob...Peb ncaig thee dub...Raws li...Kuv paub...Kuv pom kiag...Ntawm qhov muag...Thaum kuv tseem me...Txiv paj zeb...Xuas teev luj tshuaj xws li...Lawj faj...Ib lag...Yuaj xob...Cuaj lag...Ob yam...Sib tov ua ke...Yog kaum lag...Ncaig thee dub...Neeg nkaum rau lag...Tov lawj faj...Yuaj xob ua ke...Peb caug rau lag...Tuav ua ke...Ib tav su...Mam zoo os...Tuav hauv qhov cos..."Tuav"...Tuav thaum twg?...Xuas hlav hluav tawg...Sim Ntsuav...Cig plawg...Ua ib lub yeem kheej..."Kheej"...Txho tshauv dawb vog...Thiaj kub zoo...Los txais zoo...Yog kub liab vog..."Khub khawv"...Yog lawj faj ntau dua lawm...Kub tsi zoo...Txais tsi zoo...Rov tuav dua...Cov tshuaj no...Tuav txawj sem...Txhais hais tias...Ploj lawm...Yawm xob...Los nyiag lawm...Cov tshuaj xob...Yawm xob tua ntoo...Txua txhua yam...Ntiaj teb no...Yog tshuaj phom hmoob xwb os...Cov ncaig thee dub...Tuavhauj lawj faj...Yuaj xob...Kuv txiv siv ob yam ntoo xwb os...Yam ib...Ntoo zeg qaib...Yam ob...Ntoo xyab txob...Txiav los qha saum tsuav ntxaij...Lawj qhov cub...Tsheej xyoo...Mam muab hlawv...Thaum yuav hlawv...Xuas riam phua...Tej nplais...Luaj nyiv tes...Sib luag zog...Muab ib lub qub phaj...Txawb hauv av...Mam zes taws...Kub kug kiag...Muab ib lub khwb npog...Pos ib pliag...Tuag tu noob nrho...Tseem sov so...Los sov ntem ntauv...Hliv qhov cos...Tuav xyaw lawj faj...Hauj yuaj xob ua ke...Cov tshuaj phom hmoob no zoo tshuaj...Laum kib tshooj tom...Nab tom...Xuas hauv riam lij dig...Kom to qhov...Los ntshav...Xuas peb tug ntiv tes...Tsuab tso rau...Yog ntshai...Tsi hlawv los tau...Yog siab tawv...Tis tawg hlawv...Cig nrov poog...Lub qhov nqaij siav vog...Peb caug tsib feeb saum zoo lawm...Tsi mob ntoj leeg...Nkag plawv los...Heart...Tsi nres tuag ov...Txhua yam tshuaj phom...Luag siv lawj faj...Yuaj xob tim...Hauj ncaig thee tuav...Los zom xwb os...Muv...Ntseeb...Nkawj...Ntab...Daiv plev...Mob heev...Xuas cov tshuaj...Fum yum...Los tshuaj phom hmoob no...Pleev ncauj qho...Ces zoo mas....Vim muaj lawj faj...Yuaj xob...Tuav tim ncaig thee dub...Ntsim ntxais tua...Toj taug tuag....Kab peb txiag yeeb tom...Los zoo tib yam nkaug os...Yeeb...Los zoo...Quav luam yeeb nkab...Los zoo..."Tab sis"...Tsi zoo hlo...Tsuas ntaug...Tsi ntoj...Nyob taug xwb ov?...Cov zoo hlo...Tsi nrhiav tshuaj lwm yam...Yog tshuaj phom hmoob...Thiaj tshuaj phom...Txhua yam xwb os...Me muam kooj ziag kab zaug aws.

    .Lub kub tshuaj kiag..."Yog kub nyuj qus"...Cov laug mus raws caum nyuj qus tua mas...Sib txeem kub nyuj qus...Ua kub tshuaj xwb os...Yuav sib tua mas...Sib tua thaum...Los txiav kub xwb ov?...Kuj sai...Ua kub txhuav taub hau...Tug kub nyuj qus...Suav daws txeev sab laug...Ua kub tshuaj...Ntim tshuaj phom..."Xob"...Thiaj nyiag tsi tau...Thiaj qhuav zoo...Tsi ntxig hws...Tsi noo...Ntub dej os...Kub sai...Zoo ob yam xws li...Ib ua kub txhuav...Ob dig pob cos hlua...Ntshav zoo tshuaj...Tsib zoo tshuaj...Txha zoo tshuaj raug testaw...Hov pleev...Los xuas riam kuam ua hmoov nphoo...Qhov txhab hlav nqaij zoo sai...Tsi voog...Tsi txham dej..."Ua paug"...Kuv txiv paj zeb...Qhuab qhia tseg tias...Me tub aws...Yug yuav tau...Poj niam zoo mog...Cuag tau kub twj kum...Kub nyuj qus...Kub sai...Txawm kwv tij txheeb...Neej tsa ze...Phooj ywg!...Zoo npaum twg?...Tuaj haub yaum...Mus nram dej...Yos hav zoov...Tua tsiaj txhu nruab nrag...Txhob mus zoo dua...Tsam luag muab yug...Fiv txi tim tswv teb chaws...Tua yug pov tsev...Rov los yuav...Yug poj niam os...Txawm yawm yij...Yawm dab zoo npaum twg?...Txhob ntseeg siab nawb...Kuv txiv paj zeb...Yeej qhia tseg...Kuv nco ntsoov txog...Niaj hnub no...Tsi hnov qab li os.

    Kuv txiv hais rau kuv tias thaum yus tua tus sai es yuav laug tuag kiag ntawv, yus khiav khiav mus txog ces rho hlo riam hlais kiag ntawm hauv siab ces yus xuas kiag qhov ncauj haus kiag 3 npas ntshav sai ntawv ces yus muaj zog heev mus li 3 xyoo no. Yus mas nqhuag heev thiab mus kev mas tso sas ntws xwb ho nce toj qis hav mas tsis tshaus hlaub thiab tshaus raws li. Tij laug koj mas paub tshuaj kawg li tiag, kuv twb muab ua tau ib phau ntawv tshiab lawm. Kuv mas muab xa tuaj rau koj thiab tus tij laug KZKZ khaws cia. kwv shung



    NTSHAV SAI.


    Tshuaj NTSUAB - Page 9 1695l-10

    ......He...he... xD xD Kwv ntxawg...Shung...

    Ntshav sai mas...Kuv tsi tau sim os...Xyoo 1962...Kuv noob nyoog...Nce xyoo cuaj...Cov laug...Coj peb mus caum sai...Nyoob roob zeb...Kub tsuas pheb loom...Lawv tua tau...Peb tug sai...Yog sai npoj...Sai muaj tsib..."Lub tsib"...Lub loj nyob hauv..."Lub siab"...Plaub lub me nyob..."Nkhib tes"...Luaj li...Tsib qaib.

    Cov laug tham tias...Qhov sai ko taw sib...Dhia ya plawg...Saum tej roob zeb...Kis tsua mas...Yog sai muaj tsib...Tes taw sib heev no.

    Tshuaj NTSUAB - Page 9 10019010

    Hos tshuaj nquag..."Tshaj plawg"...Yog laum kib tshooj tsau cawv haus...Kuv haus dua lawm...Haus ob khob...Kav kaum xyoo...Thaum peb nyob yeej vib nai...Yawm txiv nom pov lauj...Muas khoom dej cawv...Pepsi...Ntug kev tsheb khej rau...Hais kuv tias...Tub lau...Cas ntu no...Tsaug...Kuv ob sab ceg...Mus tsi taug kev li...Mus nov tim...Khw xoom tsib cuaj mas...Thaum mus...Mus cev qhuav xwb...Mus ib xuaj moos...Thiaj txog...Thaum yuav ta khoom me ntsis...Tig rov qab los tsev...Ris me ntsis khoom saum kawm...Los yuav luas...Ob xuaj moos...Mam txog tsev os...Kuv teb tias...Awb yawm txiv as...Yog koj tsaug...Ceg li ko...Cov tub hluas nquag mus...Yog ua si...Hav xyoob maib laib...Muab:...10 Bath...Rau cov tub hluas...Mus pom laum kib tshooj...Liab cia sia..."Tshiav"...Nqa los tsau...Koj ib hwjcawv...Kas kaij haus...Ces tsi tsaug ceg os...

    Tas kig ob...Cov tub hluas hmoob lauj...Tam sim no nyob xeev:...Wisconsin...Mus lov ntsuag...Xyoob maib laib...Los hau muag...Yuav nyiaj...Tav su dua...Los txog tsev...Nqa tau ib tug laum kib tshooj liab...Luaj ntiv tes...Ciaj ciaj...Los cob yawm txiv Nom Pov Lauj...Yawg muab laum kib tshooj...Taub hau...Twb nkaus....Ncauj hwj cawv...Nrov rhev hauv hwj cawv...Tawg qeej peb ncig...Laum kib tshooj...Kua quav tawm tshau lug...Hwj cawv nro tas nrho...Pom xyeem duab sab nraum no...Luaj ntiv tes xoo...Yawg muab ntsaws qab txag...Yawg tug tub hlob...Hu ua Mais...Los pom hliv kiag...Ob khob haus tas nrho...Qhov muag daj vog...Dhia ua:...Exercis...Mus ncaws npas...Nram tshav lawm...Yawg caw...Kuv mus tom yawg..."Tsev"...Hliv ob khob...Kuv haus tas...Kuv hnov cawv nkag...Kuv ib ce thoob plawg...Sov so...Xav dhia ua si...Tas li...

    "Lub sij hawm ntawd...Peb cov nai xaim...Ua hauj lwm qab rooj...Mus nyob saum roob zeb qhov puav...Hu sab nplog teb nrog"...Colonel Cheu Pao Moua...Sib tham hauj lwm...Lawv hu saum nqeg hauv zog...Kom kuv nce roob nrog:...Colonel Cheu Pao Moua...Tham no...Kuv dhia rhau sas ntwg nce toj...Peb caug tsib feeb nto plawg...Saum nco roob zeb...Qhov puav lawm...Kuv tshwm plawg...Nai xaim Yaj Npis...Tim khej ob...Pom dheev kuv...Ceeb ib plhaw tias...Aub txiv Tsab Pov...Tuaj nram zog...Txog saum no...Kuv tuaj ob xuaj moos...Mam nce nto saum no...Cas koj ya xwb los cas...Peb xov tooj nyuam qhuav ntsiag...Koj txawm siv tshwm lawm nas...Kuv dag lawv tias...Kuv muaj khawv koob yees siv os...Hos yawm txiv Nom Pov Lauj...Piav qhia kuv tias...Tub Tsab Pov lau...Koj mas siab zoo tshaj plawg...Qhia tau ib hawv tshuaj muaj zog...Pub kuv ua txiv haus tas...Kuv mus nov...Tim khw khej tsib...Khej cuaj hais cuag dag...Kuv mus...Neeg nkaum tsib feeb txog lawm...Thaum yuav tau khoom nog...Saum kawm nyav tsawv...Kuv los peb caug tsib feeb txog tsev lawm...Yawm txiv Nom Pov...Sawv tseeg pe...Kuv kuv ob pes...Lub xyoo 1990...Kuv noob nyoog...Peb caug xya xyoo...Kuv yog:...Vice Staff Region Part: 2...And Director Staff Part: 2..."Tab sis"...Kuv ua hauj lwm:...Chief Staff Region Part: 2...Vim kwv Txawj Pov...Khiav nrog Vaj Npis lawv mus:...Phananikhol...Cholburi...Lawm...Haus cawv tsau laum kib tshooj mas..."Cheej kham tias"...Tias li os...Kwv ntxawg...Shung...Tam sim no...Yawm txiv Nom Pov Lauj nyob nroog:...Minneapolis...Ntsib kuv thaum twg...Tseem nco ntsoov txog...Kuv hauv tshuaj laum..."Kib tshooj"...Tsau cawv haus txhua zaug os.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:32 pm

    Kwv ntxawg...Shung,

    Hais txog...Laum kib tshooj tsau cawv haus...Kuv yeej ntshai..."Tab sis"...Tsi rhiab npaum nab tsau cawv haus...Hos nyaj liab cuam...Kuv hnov tej laug hais li ntas..."Tab sis"...Tsi tau sim tsau li os...

    Tshuaj NTSUAB - Page 9 Mindo-10

    Kav faj ntxhov.

    Kuv paub zoo mas...Cov kav faj txhov...Nyob puag saum tej nkhib ntoo...Los tej ceg ntoo zoov pem toj siab...Thiab ib hom hmab...Nyob toj zeb tsuas chaw qig...Tsem tsawv li...Vib nai pem roob qhov puav...Ob yam no...Tsau cawv haus...Zoo tshuaj tawv..."Nruj"...Ua rau yug tej tawv nqaij..."Puv ci tshiav"...Zoo li koj hais ntas ov...Thaum peb nyob yeej vib nai...Koj yeej pom...Major...Chong Toua Pha And  Lieutenant  Vang Xiong Vice President Camp Refugee Ban Vinai...Tsi paub laug li...Yog nkawd...Haus ob yam tshuaj no..."Tsau cawv xwb os".

    Hos luj tsw quav mas...Zoo kawg nkaug..."Tab sis"...Laj nrhiav tau..."Luj tsau cawv os"...Yog teb chaws nplog...Teb hav tsawb mas...Thiaj pom zaum puav xwb..."Tab sis"...Txaus ntshai heev laiv...Yog siab tsi tawv...Poob plig...Txawm zoo...Txiv neej yawg...Los plhu xiav tas...February 28,  1978...Vam kaub wb mus zov nyas...Ob tug luj tsw quav...Los hem wb tas kig ntawd...Vam kaub twb yog ib tug..."Qub tub rog"...Hnub qub: 2...Tawv kawg nkaug...Ua tub rog xyoo 1962...Los lawm..."Tab sis"...Zaum ntawd...Vam kaub poob plig tas nrho...Wb khiav tawm hauv tsev pheeb suab nplooj tsawb...Sawv saum yav cav...Qhuav loj peb puag...Vam kaub tua tas..."Kaum phom"...Tsi tau ib phom li...Twb nkaug qhov ploj ntais lawm...Vam kaub xiam thaj tas li...Kuv thiaj kom vam kaub...Sawv tom kuv nraub qaum...Kuv mam tua...Ob phom...Raug luj tsw quav tuag...Wb muab tseev noj...

    Xyoo ntawd...Kuv poj niam...Ua npaws tshaj nyeej...Muab tshuaj qhwv tav npaum twg...Tsi zoo li...Kuv nqa ib tug luj...Ci rau noj tas...Npaws tu nrho...Hnub ntawd lawm...Tom qab vam kaub wb...Nyob nyas puv xya hnub...Tau rov mus hu vam kaub plig...Ntawm thaj chaw ntawd...Vam kaub...Thiaj qhuas tias...Kuv yog:...Heroes...Phab ej cawm tau vam kaub dim...Yog tsi li ntawd...Ntshe vam kaub...Raug luj tsw quav tom tuag lawm...  Laughing  Laughing  xD  xD  Vam kaub nug...Kuv tias...Kuv kawm tua phom li cas...Tua phom tshaj lij ua luaj...Luj taub hau tshwm plawg...Phom nrov nphoov...Luj hlauv hlua qab ca lawm...Kuv hais vam kaub tias...Ob lub xyoos...Kuv ua hauj lwm:...Pha Khao...Kuv kawm tua phom nrawm...Tau thib ib...Tas nrho...Peb plaub caug yim leej...Peb xuas hau kam tham liab...Dov dhia raws tshav dav hlau...Yog leej twg...Txais rau...Txhua phom...Tsi sav li...Kom raug hauv plawv xwb mas...Thiaj tseev tias..."Tshaj lij"...Yog raug ntug...Los rau npoo...Tsi xam tias..."Tshaj lij"...Tham ntau lawm...Tso tseg li no os...Kwv ntxawg...Shung.


    Faj txhov



    Faj txhov...Muaj peb yam...Ib yam kav loj...Paiv taub...Ib yam kav soob...Yam nrab...Tawg paj zoo nkauj heev...Liab ntsuab daj xiav...Nra paug...saum tej ceg ntoo zoov...Los nkhib ntoo zoov...Yam nrab...Yog yam zoo dua os...Cov nplooj luaj ib nti xwb...Ntev ib noog...Ib tug no...Plaub tsib raus...Yav kav li os.

    Tshuaj NTSUAB - Page 9 Displa10

    Tshuaj NTSUAB - Page 9 68616510

    Tshuaj NTSUAB - Page 9 12873310
    Tug sai no mas...Dhia saum...Tej kwj zeb...Nkhib tsua...Nrawm tshaj tshis...Yog tsi nrawm tias...Txai tua tsi raug li os.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:34 pm




    LUS FAJ SEEB:


    Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj ntxhais ntse tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.

    Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Tab txawm ntsuam tag lawm los yuav tau ceev faj tsam nej ho muaj lwm yam mob ces cov tshuaj tsis haum rau nej tus mob.

    LUB VAS SAB HMOOB TSHAV NTUJ THIAB COV TSWV CUAB TSHUAJ YUAV TSIS LEES PAUB TXOG TXHUA YAM KEV THAJ TSOB TXOG KEV SIV COV TSHUAJ NTSUAB HAUV NOV.



    TXIV NTOO QAIB.
    (Ricin)

    Tshuaj NTSUAB - Page 9 94409110

    Tshuaj NTSUAB - Page 9 973e8710

    Tshuaj NTSUAB - Page 9 6a00d810



    Lus Nug & Lus Teb ntawm Tshuaj Ricin

    Ricin yog dabtsi?

    Ricin (li-xi), txiv ntoo qaib, yog ib hom tshuaj muaj taug losyog tshuaj lom uas muaj nyob rau ntawm lub noob
    txiv ntoo (castor beans). Yog xo thiab nqos lub noob txiv ntoo ntawd cov kuab tshuaj ricin
    muaj rab peev xwm ua rau mob tau. Tshuaj Ricin los tseem muaj rab peev xwm tsim ua tau los
    ntawm cov khoom vuab tsuab seem thaum zom cov noob txiv ntoo caster beans. Nws muaj rab
    peev xwm muab zom mus ua tshuaj hmoov tau, ua dej nag tshauv tau lossis ua lub pob kheej
    kheej me me losyog lub mos txwv lossis nws muaj rab peev xwm yaj tau yog muab nws tov dej
    losyog tov dej qaub.

    Tshuaj muaj taug ricin puas yuav sib kis ncaj qha tau?
    Tsis tau, tshuaj muaj taug ricin sib kis ncaj qha tsis tau. Nws tsis muaj rab peev xwm kis
    ntawm ib tug neeg mus rau ib tug neeg tau yog lam sib chwv xwb.

    Tshuaj ricin puas muaj taug licas? Nws ua rau tibneeg mob tau licas?

    Ricin muaj taug ntau heev. Cov taug yuav nkag mus hauv tibneeg cov chav me me hauv lub
    cev thiab mus tiv thaiv cov chav me me uas tsim ua cov plhaus thees losyog tshuaj muaj zog
    rau lub cev. Yog tsis muaj cov plhaus thees (protein) ces cov chav me me yuav tuag, thaum
    kawg ces yuav ua rau ibce mob losyog tsis muaj zog thiab tej zaum kuj ua rau tuag tau.
    Yog thaum ib tug neeg twg tau kuab tshuaj muaj taug ricin lawm, xyov nws puas zoo li tau cov
    tshuaj khes-mis los tsis zoo li ntawd, tabsis kuj nce raws seb tau cov ricin ntau npaum licas, tau
    ntev npaum licas lawm, raug cov tshuaj ntawd licas (nqus pa, xo nqos lossis txhaj tshuaj rau
    ibce) thiab ntsia raws lwm yam ntxiv. Raws li pom dhau los yog thaum tau cov tshuaj ricin
    ntau ibyam lawm, qhov tau los ntawm kev txhaj tshuaj rau ibce yuav muaj feem ua rau mob
    ntau tshaj qhov tau los ntawm nqus pa thiab xo nqos.

    Cov tshuaj ricin uas ntshiab huv si muaj rab peev xwm cuam tshuam ua rau neeg mob tau. Lub
    sijhawm tamsis no cov tshuaj ricin haj yam muaj feem cuam tshuam ua rau neeg mob tau ntau
    dua qub, vim siv vib this tsim ua kom nws huv si tsis yoojyim li, thiab tamsis no tseem tsis tau
    muaj cuab kav npaj tiv thaiv kom txhij txhua. Tsis tas li no xwb, kev tsim ua cov tshuaj ricin
    kom huv si ua nyuaj heev li, vim tias yuav ua rau nqus cov pa tau yoojyim. Qhov nov yog qee
    yam ua piv txwv tseem ceeb uas yuav pab qhia seb cov neeg puas muaj feem raug mob los tsis
    mob tomqab tau cov tshuaj ricin lawm.

    Kuv yuav muaj feem tau tshuaj ricin licas?
    Koj muaj rab peev xwm tau tshuaj ricin los ntawm kev xo (nqos) lossis nqus pa tau cov tshuaj
    ricin. Yav dhau los muaj ob peb leej tau cov tshuaj muaj taug ricin los ntawm kev txhaj tshuaj.
    Qhov no tsis yog raug tshuaj kiag vim koj xav kom neeg txhaj tshuaj rau koj xwb

    Tus qauv mob ntawm tshuaj muaj taug ricin zoo licas?

    Yog tshuaj ricin raug xo nqos tus qauv mob xub thawj uas yuav tshwm sim tuaj li thaj tsam
    ntawm 6-12 teev. Tus qauv mob xub thawj yog nyiam cuam tshuam rau cov plab hnyuv thiab
    ua rau xeev siab, xav nthuav thiab mob plab mog. Dhau ntawd ces tus qauv mob tau tshuaj
    ricin yuav mob sai ceev zuj zus (mob ntev tshaj 12-24 teev) ua rau lub cev qhuav tsis muaj dej
    li thiab muaj teebmeem rau lub raum thiab thooj siab. Tus qauv mob yuav mob loj zuj zus thiab
    mob tsis sib thooj li qhov nquag tshwm sim mob uas kis mob los ntawm cov zaub mov muaj
    tshuaj lom (tabsi tsis yog tagnrho), hnub thib ib lossis hnub thib ob tus mob yuav rov qab zoo
    los. Tseem licas losxij, qhov tseem ceeb ces kom nco qab ntsoov tias tshuaj ricin tsis yog muaj
    tus qauv mob li ntawd xwb. Lwm yam mob uas yog tau tshuaj khes-mis thiab tsis yog tau
    tshuaj khes-mis (xws li hom kab mob kis tau yoojyim) los kuj tshwm sim tus qauv mob zoo
    ibyam li tus qauv mob hais lo no thiab.

    Yog nqus pa tau cov tshuaj ricin, tus qauv mob xub thawj ces yuav tshwm sim uantej li thaj
    tsam 4-6 teev tomqab lub cev tau tshuaj, tabsis yuav tshwm sim tus qauv mob txaus ntshais
    qeeb kawg yog tomqab 24 teev. Tus qauv mob xub thawj feem ntau cuam tshuam rau cov
    txheej txheem kev ua pa thiab nqus pa thiab ua rau ua pa nyuaj, hauv siab ceev thiab hnoos.
    Tus qauv mob tau tshuaj muaj taug ricin yuav mob loj zuj zus tuaj (mob ntev tshaj 12-24 teev)
    ua rau cov txheej txheem ua pa thiab nqus pa muaj teebmeem zuj zus, dej txham rau lub ntsws
    (lub ntsws muaj dej txham) thiab thaum kawg ces ua rau ua pa tsis taus. Tus qauv mob yuav
    mob loj zuj zus thiab mob tsis sib thooj li qhov nquag tshwm sim mob los ntawm ua khaub
    thuas thiab hnoos. Tseem licas losxij, qhov tseem ceeb ces kom nco qab ntsoov tias tshuaj ricin
    tsis yog muaj tus qauv mob li ntawd xwb. Lwm yam mob uas yog tau tshuaj khes-mis thiab tsis
    yog tau tshuaj khes-mis (xws li hom kab mob kis tau yoojyim) los kuj tshwm sim tus qauv mob
    zoo ibyam li tus qauv mob hais los no thiab.

    Yog tau tshuaj muaj taug ricin ntev li thaj tsam 36 mus txog 72 teev lawm ces nws muaj rab
    peev xwm ua rau neeg tuag tau, tabsis kuj nce raws li qhov tau tshuaj ricin ntawd seb tau tshuaj
    los licas (nqus pa, xo nqos lossis tau los ntawm txhaj tshuaj) thiab tau tshuaj ntau npaum licas.
    Tomqab tau tshuaj ricin ntev dua 72 teev rov saud.

    Qhia puas tau tias yuav tsis muaj kev cuam tshuam rau lub cev lawm?

    Tej ntaub ntawv qhia txog tibneeg tau tshuaj muaj taug ricin yav dhau los yeej muaj tsawg
    heev li. Qhov peb paub txog tshuaj muaj taug ricin ntau tshaj ces yog paub los ntawm kev
    tshawb fawb txog tej tsiaj txhu thiab paub los ntawm ob peb leej neeg uas tau tshuaj xwb.
    Tseem licas losxij, tej ntaub ntawv qhia txog tshuaj ricin yav dhau los qhia meej tias, yog tau
    tshuaj los ntawm kev xo (nqos) ces tomqab ntev dua 10 teev tus qauv mob xub thawj tau tshuaj
    muaj taug ricin mam li huam tuaj. Hos tej ntaub ntawv qhia txog tau tshuaj muaj taug ricin los
    ntawm kev nqus pa tau tshuaj (ua pa nqus pa tau tshuaj ricin) yav dhau los yeej tsis pom muaj
    ntau, tabsis tomqab tau tshuaj ntev dua 24 teev tus qauv mob xub thawj mam li huam tuaj.

    Tomqab tau tshuaj ricin lawm puas tau pom muaj neeg tuag?
    Muaj, yeej pom muaj ob peb leej neeg tuag lawm tomqab lawv txhaj tshuaj ricin. Tibneeg yeej
    tau tshuaj muaj taug ricin los ntawm noj cov noob txiv ntoo (castor beans), tabsis feem ntau
    ntawm txhua tus neeg noj cov noob txiv ntoo ntawd tsis ua rau qaug tshuaj vim tias cov tshuaj
    ricin yuav tawm tau los ntawm lub noob txiv ntoo tsis yoojyim li. Tsis tas li no xwb, tej plab
    hnyuv yuav tsis nqus tshuaj ricin zoo npaum li txhaj tshuaj lossis nqus cov pa tshuaj.

    Puas muaj tseeb tiag tias tseem tsis tau muaj hom tshuaj twg los kho
    /cawm tau tshuaj ricin? Cov neeg tau tshuaj ricin lawm yuav muaj
    rab peev xwm pab tau licas? Puas muaj tshuaj kho?


    Yeej muaj tseeb tiag tias yav dhau los tseem tsis tau muaj tshuaj los cawm tau tshuaj ricin li.
    Vim tias tsis muaj tshuaj cawm, yog li ntawd qhov tseem ceeb ces yuav tsum zam kom tsis
    txhob raug tshuaj ricin thaum xub thawj. Yog tias yeej zam tsis dhau li, ces qhov tseem ceeb
    tshaj plaws yog thaum raug tshuaj ricin, kav tsij nrawm nroos muab nws so tawm ntawm lub
    cev kiag tamsis ntawd. Siv tshuaj loom kho cov neeg tau tshuaj muaj taug ricin los yeej ntxim
    thiab, nws yuav ua rau qhov muaj taug ntawd tsis huam loj.

    Yuav siv hom sim dabtsi thiaj kuaj tau tshuaj ricin?
    Muaj ob peb hom sim uas siv kuaj tshuaj ricin tau, muaj xws li kuaj cov khoom nyob ntawm ib
    cheeb tsam puag ncig ntawd thiab kuaj tibneeg cov zis. Chav sim kuaj tshuaj rau sawv daws
    yog txoj haujlwm ntawm Qhov Chaw Lis Haujlwm Saib Xyuas Kuaj Sim Tshuaj hauv CDC
    “CDC’s Laboratory Response Network (LRN)” lawv siv hom kuaj sim sai sai uas yog kuaj cov
    khoom nyob ntawm ib cheeb tsam puag ncig ntawd. Qee chav kuaj sim tshuaj ntawm LRN
    lawv coj zis muaj kuaj nrhiav tus kuab tshuaj ricinine thiaj li yuav paub meej tias yog raug
    tshuaj ricin tiag.

    Kho Dua Tshiab thaum Hnub Tim 31 Lub Yim Hli, 2010
    Raws li lub xeev txoj cai tiv thaiv huab cua ib puag ncig thiab saib xyuas kev noj qab haus huv rau sawv daws,
    KDHE pab txhawb nrhiav txoj kev xaiv tiv thaiv saib xyuas kev noj qab haus huv thiab huab cua ib puag ncig rau
    txhua qhov txhia chaw hauv Kansans
    Raws li cov kev kawm, kev pab cuam thiab kev tshawb fawb txog tej ntaub ntawv xov xwm ubno thiab qhov ncauj
    ke uas muaj feem yuav seem mus, kev tsim kho cov cai tswjfwm thiab kev siv txoj cai txij thaum pib los txog tamsis
    no. KDHE yuav npaj tsim kho kom sawv daws lub neej txoj sia muaj kev noj qab haus huv zoo ntxiv. Peb tiv thaiv
    kom tsis txhob muaj mob, txhob raug mob thiab pab txhawb nqa kom muaj kev nyab xeeb zoo rau huab cua ib puag
    ncig thiab tibneeg txhua tus nyob hauv Kansans.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:34 pm





    CAWJ HMAB.

    ......Me muam kooj ziag kab zaug...

    Kuv xav tias...Koj yeej paub..."Cawj hmab zoo"...Cawj hmab nyob raws...Teb chaws chaw qeg...Toj roob zeb tsuas ntsuab...Cawj ntoo...Los tib yam nkaug..."Nplooj cawj hmab zoo tshuaj ntxuav ko taw...Xuab zeb nkag...Vim lub caij ntuj nag...Suav daws...Tsi muaj khau rau...Ko taw liab lib av nkos tas li...Xuab zeb nkag..."Qhov nqaij"...Txob los khaus heev...Hmo ntuj pw tsi tsaus zog li...De nplooj cawj hmab...Los txog tsev...Muab tsaug dej zoo zoo...Kom huv si...Mam muab lauj kaub rhaub npau dug dam...Tsaws los txawb ntug cub...Kom txias zog...Muab lub phiab loj..Ntxuav huv si...Ntxuav yug ob txhais ko taw...Kom huv si...Tsi pub lo hmoov tshauv...Los xuab zeb...Muab lauj kaub nplooj cawj hmab...Uas rhaub ntawd...Hliv hauv phiab loj...Muab yug ob txhais ko taw tsau...Thaum kub lawg...Yuav luas raus tsi tau ntawd...Muab cov nplooj cawj ntawd...Txhuam yug ob txhai ko taw txog thaum txias lawm...Mam rho ko taw tawm sab nraum...Maj mam qe kua tawm...Xuas tes xuas qab phiab...Tau ib me nyuam txaum tes...Xuab zeb mog...Xua xawv nrov xiav hauv qab phiab...Ntxuav tsau peb hmos sib law liag...Thawj hmo tau xuab zeb ntau...Ntxuav tsau hmo ob...Tau me ntsis...Hmo peb tsi muaj lawm...Ko taw tsi txob...Los tsi khaus lawm...Vim suab zeb tawm tas.

    NRHAB KOOB.

    Tshuaj NTSUAB - Page 9 Dscn2610


    Tshuaj NTSUAB - Page 9 Dscn2611
    Nrhab koob.
    Nrab koob zoo tshuaj mob hniav kab noj.

    Thaum me nyuam tub hluas...Los me nyuam ntxhais hluas...Noob nyoog kaum ib...Kaum ob xyoos ntawd...De nrhab koob los tsawg qaib noj...Peb zaug...Kab tsi noj hniav lawm.


    NTSHAV UAB LAG.

    Tshuaj NTSUAB - Page 9 Grand_10
    Ib yam ntxiv...Ntshav uab lag...Los zoo tshuaj mob hniav kawg nkaug li...Teb chaws twg...Muaj uab lag...Tua tau uab lag...Muab uab lag...Cov ntshav npuav qhov ncauj ntev tsawv li...Peb caug feb...Mam nti pov tseg...Yaug ncauj huv si...Tug ntawd...Cov hniav kab tsi noj lawm...Ruaj heev li os...Yog leej twg nyiam noj qhob noom qab zib...Ntxiav kab noj hniav kawg...Yog leej twg nyiam noj los npuav...Cov qhob noom qab zib:...Hall...Hob hob ntawd...Ib xyoos ntau...Hniav kab noj tas...Hniav lov sai kawg nkaug.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:35 pm

    Nyob zoo tij laug Xyooj Tsab,

    Nplooj cawj hmab, cawj ntoo kuv tsis paub. Nco tau zem zuag tias nplooj cawj ua ib tug kav hauv plawv thiab muaj cov me nyuam nplooj raws tus kav zoo li nplooj kua dis puas yog?

    Nws hais paj dawb, kuv paub hom no xwb, ua li hom soob yog hom zoo li cas?

    Tshuaj NTSUAB - Page 9 Paj_ny10

    Thiab mob "kav lis" puas yog mob LIG los yog ib txhia hu ua KIAV LIG?

    Tshuaj NTSUAB - Page 9 Loadim10

    Mob lig.

    Tshuaj NTSUAB - Page 9 Gale10

    Kab lig.

    Tshuaj NTSUAB - Page 9 Lig10
    Kab lig nteg qe hauv neeg daim tawv, tawm taub hau ntawm tawv nqaij thiaj ua rau khaus, txob heev.




    KIAV LIG (Khib kaj).

    Kab mob kav lis...Los kiav lis...Nplog hu tias:..."Khib kaj"...Thaum tau hom mob kiav lis...Ces zoo li...Koj tso duab nov ntas nawb...Me muam kooj ziag kab zaug...Lug hmoob dawb...hais tias..."Khaus"...Lug hmoob ntsuab hais tias..."Txob"...Hom mob no mas...Thaum pw tsaus zog nris...Yug ib ce sov so..."Ntxooj hws...Los fws"...Pib khaus...Pib txob...Vim kab sawv noj nqaij..."Khaus"...Tias tias..."Txob"...Tias tias...Noj siab qawv...Tsi tsaus zog li lau.

    Kuv twb mob ib zaug...Xyoo 1972...Peb mus kawm muam..."Tub rog"...Yav qab teb chaws nplog...Lubxya yim hli ntuj...Dej nab qhoom...Huam puv ntug nkaug...Peb mus da...Nphav raug...Cov npuag dej kua av daj dhuv...Peb pab phooj ywg...Muam tub rog:...GM: 23...Peb caug leej kis tas nrho...Txhua tug...Ib leeg tau...Ib tug kab mob noj siab txom nyem kawg nkaug...Tsi tsaus zog li os...Lwm qhov mas zoo tas..."Tab sis"...Ob sab puab tais mas...Tsi zoo li nawb...Peb siv cov tshuaj pleev...Oilment Grammas...Nyaum ntsim kawg nkaug...Pleev los tsi zoo li...Thaum los txog tsev zog..."Roob vaub kib"...Kuv mus nrhiav de tau...Nroj paj dawb soob...Coj los rhaub...Txhob rawm ntxuav nawb...Tog thaum twg?...Pib khaus...Xuas ob sab tes khawb...Cov kiav txhab nti zom zawg...Txia roj qaib ziab...Kua faj siv tawm zom zawg...Mam muab ib txoj phuam tshiab...Raus cov kua tshuaj ntawd..."Npuab kiag"...Zoo khaus tshaj plawg...Zig tshuav los xwb...Npuab ntau zaug...Cov kiav puab ntawd...Siav dawb paug...Peb hmo sib law ntsawg..."Zoo hlo"...Tsi khaus...Tsi txob lawm...Kuv li...Xub zoo...Cov phooj ywg!...Nug kuv tias...Nai muam xyooj as...Koj cov:..."KHib kaj"...Zoo los tau nas...Peb li mas...Khaus kawg nkaug...Tsi pom qab ua li cas?...Li os...Xyov li lau...Yuav tau tug kab mobtxom nyem ua luaj li...Kuv teb tias...Kuv li zoo du lug...Lawv nug tias...Koj ua li cas?...rau ho zoo lawm mas...Kuv teb tias?...Ha...Ha...Tug tib neeg kawm txawj...Yeej swb tug tib neeg...Muaj tswv yim os...Kuv qhia lawv mus nrhiav...Cov nroj paj dawb nplooj soob...Los rhaub ua raws nraim li...Kuv qhia...Ib as thiv nkaug...Suav daws zoo tas nrho...Lawv txhua tug...Qhuas kuv tias...Nai muam xyooj lau...Koj yog peb tug:...Dr...Peb tsa koj ua...Peb tug nai...Hnub no yav tom ntej nawb...Koj ua kws qhia...Tshuaj luam...Tshuaj hmoob tas nrho nawb...Kuv thiaj tau ua kws qhia...Txij hnub ntawd los txog...May 14, 1975...Teb chaws tawg os.

    Nrhab koob...Yogcov koj tso duab hauv no lawm...Uab lag...Los yog lawm os...Nrhab koob...Yog kuvniam maiv qhia...Uab lag...Yog txiv paj zeb qhia...Nroj paj dawb nplooj soob...Niam maiv qhia tseg...Thaum kuv tseem yau lawm.

    CAWJ.

    Nplooj cawj hmab...Nplooj cawj ntoog...zoo sib xws os...Tsuas txawv me ntsis...Tsob ntoo loj siab...Hos cawj hmab...Ua hmab tsev tsawv luag saum tej nkiav zeb nkiav tsua...Nroj paj dawb hom nplooj dav...Yog tsobkoj tso duab hauv no lawm...Tshuav tsob nplooj soob...Nplooj me dua...Yog nyob qhov zoo chaw...Nplooj dav ob nti...Muaj ntsis kheej...Yog nyob qhov av phem...Nplooj luaj ib ntiv tes xoo xwb os...Nyob hauv tej hav qub teb tso tseg...Ib xyoos lawm...Thiaj muaj ov?...Hom nplooj soob muaj tsawg kawg nkaug nawb...Tsi zoo li...Hom loj nplooj dav...Muaj txhua thaj chaw ov?

    Xiong Chang USA
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:37 pm




    LOS HIS KWS.


    Los His Kws zoo tshuaj:

    Alergy ---> rhaub haus, rhaub ntxuav.
    Los ntshav ntswg----> sub npiab hauv pliaj los xwb qwb
    Kub cev----> de 3 lub ntsis tsau dej kub haus.



    Tshuaj NTSUAB - Page 9 Dscn1328
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:42 pm


    QAUB NRAUG.





    Tshuaj kho zoo ua ntsos tsis paub tu
    Tsob qaub nraug (nplooj txaij) zoo li tsob qaub txiv quav yeeb
    kev siv khawb cov cag coj los tsaus dej kub rau haus qhov ua ntsos yuav tu.

    PUM HUB.




    Tshuaj kho noj kua txob mob plab
    Tsob pum hub txoom (pum hub rau ntse noj)
    kev siv de cov nplooj noj nyoo los yog tsaus dej kub haus
    yuav pab tau thaum koj noj kua txob mob plab los ntsim plab,

    TSHUAJ DUB YAS, lus Cob Tsib tsob txhuaj Hoan ngac

    Tshuaj NTSUAB - Page 9 2012_n11

    Tsob liab.

    Tshuaj NTSUAB - Page 9 12879810

    Tshuaj NTSUAB - Page 9 Xuan-h10

    Tsob ntsuab.

    Yog tias yog cov nov mas nws tsis zoo tshuaj mob siab, mob raum, mob plawv.
    Nws zoo tshuaj mob plab, lawv plab, lawv plab liab, mob plab zom mov, plab zom mov ua kiav txhab, nyhuv to, nyhuv qhov quas ua pob (tawm pob=xoo pob ntshav), ntshav siab, hlab ntsha hlav hauv cev, mob leeg, tu sauv.


    TSHUAJ DUB YAS.
    Zoo tshuaj:
    1/ Poj niam nyob nruab hlis hlauv nyhuv de daim nplooj coj los zom noj nqos nws yuav zoo los yog rhaub haus zoo tib yam

    2/ Zoo rau cov neeg laus mob laug los yog ua hauj lwm nyhav es mob de nplooj coj los rhaub haus los yog noj

    3/ Zoo tshuaj ua npaws, tshav siab ntshav qab zis de cov nplooj tuav mos mos tim zib muv muab puab ua ib lub lub noj

    4/ Zoo mob stroke muab ua li nqi 3 sauv noj

    5/ Zoo tshuaj mob qhov txhab los yog pob txha dam muab tsoo qhwv

    6/ Zoo thaum yus noj zaub noj mov mus es tsam tsam plab muab rhaub haus

    7/ Zoo mob plab ulcer, los ntshav hauv plab los yog txoj hnyuv los yog lub zais zis, rhaub haus los yog muab noj (daim nplooj)

    8/ Zoo mob txia (mob lub txia rau ntawm caj dab) Zoo mob siab daj (Hepatitics) muab noj


    9/ Zoo mob raum tso zis los ntshav los yog tso zis nrov nrov tsis ntshiab(yog tias mob txeeb zig xwb no ces siv cov ntoo maj nyeg 2 tug kav coj los rhaub haus xwb ces nws ntaus tau cov txo zeb tawm tag los lawm)

    10/ Zoo mob cancer rau hauv lub ntsws los yog lub siab.....yuav tsum tau muab cov nplooj coj los noj thaj tsam li 100-200 daim thiaj li yuav zoo

    11/ Zoo mob qhov muab liab

    12/ Cov poj niam nyob nruab hlis noj ib hnub 1 daim yuav ua rau muaj zog sai

    Kev siv ne yuav siv li cas?

    1/ Mob ulcer noj ib zaug tsis pub dhau 7 nplooj ib hnub noj 2 zaug, noj kom puv 50 nplooj thiaj li zoo

    2/ Mob ntshav tawm hauv cov nyhuv noj 7-13 daim ib hnub 2 zaug zom nqos cov kua

    3/ Mob txia thiab mob siab daj noj 7 nplooj ib hnub 3 zaum noj kom puv 150 nplooj thiaj li zoo

    4/ Mob raum noj 3-4 nplooj ib hnub 3 zaug noj puv 30 nplooj thiaj li yuav zoo

    5/ Mob Mob ib ce noj 7-14 nplooj noj 2 zaug xwb zoo lawm

    6/ Tsam plab noj 7-14 nplooj 2 zaug xwb zoo hlo lawm

    7/ Mob qhov muag liab noj 7 nplooj muab 3 nplooj coj los tsoo kom mos mos muab npuab ib hmos tag kis zoo hlo lawm

    8/ Mob ntshav siab noj 5-9 nplooj xwb nthav qis lawm xav kom zoo hlo yuav tau noj mus puv 100 nplooj los yog ntau dua

    9/ Mob ntshav qab zib txiv neej noj 7 nplooj poj niam 9 nplooj within 90 hnub xwb zoo hlo lawm(noj kom puv 90 hnub)

    10/ Siv tau rau cov lau qaib sib ncaws, tom qab tso sib ncaws sab sab los muab 2 nplooj tsoo kom mos mos rau no 3 hnub xwb nej tus lau qaib rov muaj zog li qub lawm.


    Tshuaj Dub Yas.

    Tshuaj Dub Yas, muab rhaub haus los yog cia li de nplooj nyoos noj. Cov nplooj nyoos mas muaj ntsis nplaum. Yog nyob rau cov teb chaws uas no no mas de cov nplooj nyoos los siab qhuav cia, yuav noj mam muab los rhaub haus. Nyob ntawm tus neeg, tab sis noj ib zaug qhov ntau yog 5-7 daim nplooj los yog 7-9 daim nyob ntawm seb cov nplooj loj los me, noj ib hnub 1-2 zaug. Nyob ntawm hom mob. Yog tias mob plab, raws plab, raws plab liab mas noj ob hnub sib law, mob plab ntswj noj 2 lis piam. Cov paj thaum lub caij ntuj tshiab yog siv rau cov tsiaj ntxhu thaum xya me nyuam tas xws li nyuj nees, dev, qaib, muab 2-3 daim nplooj rau noj.

    Siv li cas.
    - Feem ntau cov neeg siv cov nplooj nyoos, cov nplooj cia li noj nyoos los yog rhaub haus, muab haus li zaub tsuag. Yam li cov nplooj muaj kua ces cov tawv thiab cov cag muab tsau cawv haus. Nyoos mas tsis muaj ntxhiab dab tsi, ces noj yooj yim, thiab qhov noj ntau tsawg ntawd nyob ntawm tus neeg. Kev cai mas noj thaj tsam 1 daim nplooj mus rau 7 daim ib hnub, noj ib hnub ob peb zaug; txhob noj tshaj 10 daim rau ib hnub. Noj ntau dhau mas tom qab 10-15 fiab yuav huam leej huam ceem.

    Siv raws li sawv daws (tshuav tus uas tshwj xeeb)

    - Mob plab zom mov, plab ua kiav txhab, noj 7 daim nplooj, ib hnub 2 zaug. Noj li 50 daim nplooj ces tso tseg.
    - Nyhuv los ntshav: noj nplooj nyoos, 7-10 daim, ib hnub 2 zaug.
    - Txoj hnyuv loj voos thiab mob, noj li mob nyhu saud, noj txog 100 daim ces tso tseg, noj nrog tej zaub mov tuaj plaub los yog muaj roj. Noj li nov 2 lub hlis.
    - Mob siab, siab khov (cirrhose), dej txhem hauv plab (ascite) xws li yog mob siab cancer, mob siab khov es ua: noj 2-3 zaug ib hnub, noj txog 7 hnub. Noj 150 daim nplooj ces tsum.
    - Mob plab zis, mob raum, nquag mob: Txhob siv tshaj 50 daim nplooj, 30 daim xwb tseev txaus rau tus mob lawm, noj 3 zaug, ib zaug thaj tsam 3-7 daim nplooj.
    - Sab thoob plaws ib ce: noj 3-7 daim nplooj, noj 2 zaug xwb.
    - Zis nro, tso zis tau ntshav: noj 14-21 daim nplooj.

    - Qaib: 1-3 daim nplooj thaum tso sib ncaws tas.
    - Dev: Qhov muag liab liab, qhov muag dawb dawb, qhov muag sawv ntshav, vim nyob ib hmos nraum zoov, muab 3 daim rau noj.

    - Thum yeeb: Lawv muab ib nrab cov nplooj qhuav, ib nrab cov nyoos zom. Haus ib lis piam.


    Noj cov nplooj nyoos thaum sawv ntxov uas tsis muaj dab tsi hauv plab; los yog noj ua ntej noj mov li 1 teev.


    Tshuaj NTSUAB - Page 9 13563510


    Last edited by Maiv Tooj on 2nd May 2020, 9:56 pm; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:42 pm




    TAUJ DUB.


    Tshuaj NTSUAB - Page 9 Url10


    Rhaub kom npau haus zoo ntau yam tshuaj:


    - Mob ub mob no
    - Kub cev.
    - Noj mov tsis xam, mob plab zom mov
    - Tshuaj raws plab (zoo sai kawg)
    - Tau khaub thuas, ib ce xob xob, qaub ib ce.
    - zoo tshuaj hnoos, hnoos kab peem, tau khaub thuas hnoos, mob ntsws qhuab hnoos (zoo heev)
    - Mob hauv siab thaum ua pa
    - Haus thaum yuav pw, tsaug zog zoo
    - ntxhov siab

    Rhaub ua dej tshuaj yej haus laj siab thaum tshav kub kub.

    Pleev:

    Rhaub tauj dub, nyoj kom nyeem, pleev:
    - Ib ce kab tsis tom.
    - Pleev yoov tshaj cum tsis tom

    Muab hlawv rau hauv tsev, nyoo tshaj cum los kab kuj khiav deb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:43 pm




    Tau khaub thuas hnoos.


    * Rhaub tau tauj dub xyaw ib qho kua maj naus (lemone, citron)thiab ib qho zib mus
    Haus ib hnub ob peb zaug li ces ib ob hnub xwb hnoos tu kiag.


    Tshuaj NTSUAB - Page 9 42471410

    Tshuaj NTSUAB - Page 9 Citron10

    Tshuaj NTSUAB - Page 9 Miel-110
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:45 pm

    ZAUB IAB HLWV(alkékenge).

    Tshuaj NTSUAB - Page 9 Med-al10


    Zaub iab hlwv yog ib hom txiv uas muaj vitamine C, the carbohydrate, the malic acid, the nitric acid and the coroténoïdes. Cov Kws Tshuaj Ntsuab siv los kho neeg ntau heev.

    Cov zaub iab hlwv, yog ib hauv tshuaj yaug cev zoo heev xws li:

    - Muaj pob zeb hauv tsib, hauv zais zis thiab hauv raum.
    - Mob ko taw vwm.
    - Phob vog.
    - Zoo tshuaj mob laus, mob yas tes yas taw.
    - Leeg caws.
    - Kub taub haus heev.
    - Mob daj (Ictère = mob ua daim tawv thiab ntsiab muag dawb daj rhuv).

    NOJ TXIV:

    Noj cov txiv zaub iab hlwv ua kom QAUB hauv ntshav nqeg, yaug cov qaub hauv nraum kom tawm, thaum kub cev heev ua kom kub ntaug, ua kom qhov phob vog nqeg, mob daj thiab zoo mob laug.

    RHAUB HAUS:

    Muab 20-30 g txiv zaub iab tso rau hauv 1L dej txias, muab haus khwb thiab rhaub kom npau li 10 fiab tej.
    Los yog muab 40-50g- g txiv rau hauv 1L dej txias, khwb hau, rhaub kom npau li 10 fiab, rau me ntsis piam thaj rau.    

    Ob qho tshuaj rhaub nov yog haus yaug cev, yaug pob zeb hauv raum, hauv zais zis, hauv siab (tsib). Haus li haus kob swm tshuaj (tshuaj yej), ib hnub haus 3 khob, ib khob thaum sawv ntxov ua ntej noj mov.

    TSHUAJ PLEEV:

    Muab 2-3 teg tso rau hauv 1l dej, rhaub kom npau li 5 fiab.

    Thaum tseem kub, muab ib daim ntaub coj los tub, muab npuab rau ntawm qhov muaj leeg caws, leeg tu.

    Xyuam xim siv txiv zaub iab hlwv.

    Cov me nyuam mos, me nyuam yaus thiab cov poj niam cev tsis tab seeb yuav txhov haus cov tshuaj uas yog muab txiv zaub iab rhaub. Vim cov tshuaj nov muaj zog dhau rau cov me nyuam tseem me.
    Yog cov txiv tseem tsis tau siav, tseem ntsuab mas noj qaug, lom tau.



    Tshuaj NTSUAB - Page 9 Med-al10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:46 pm




    MOS HAV. (Sureau).

    Tshuaj NTSUAB - Page 9 D-avri10

    Mos hav zoo tshuaj ntau yam xws li:

    Cov txiv:


    - Tshuaj mob laug
    - Tshuaj voos( qhov txhab voos, mob npuag, mob os voos, mob pob ntseg voos)
    - Tshuaj loog (ua kom mob zoo)
    - Tshuaj ciam quav
    - Tshuaj hnoos
    - Mob ib ce

    Tshuaj NTSUAB - Page 9 Sureau10
    Cov paj:

    - Zoo muaj hnoos qeev
    - Zoo tawm hws
    - Nquag tso zis
    - Yaug cev (muaj toxine hauv cev), lim ntshav kom huv.
    - Tshuaj muaj mis (muaj kua mis)
    - Khaub thuas hnoos.
    - Ua qoob
    - Scalatine (zoo li qoob tab sis ua tej daim laib laib)
    - Mob laug
    - Mob taw vwm
    - Tua kab mob sab foob (virales).
    - Hawb pob
    - Kub cev
    - Mob qhov muag
    - Mob daim tawv, ua pob khaus...
    - Kab xwv

    * RHAUB COV PAJ qhuav HAUS:

    - 1 dia noj mov paj rau 250 ml rhaub kom npau.
    Haus ib hnub 3 zaug (txhob haus thaum noj mov)

    *PAJ TSAU CAWV:
    - Ua kom tsis suab zoo.

    Muab 5g paj, tsau ib hmos hauv ib khob cawv dawb, haus thaum tsis tau noj mov sawv ntxov.

    * RHAUB PAJ TXHUB QHOV NTSWG:
    - Tau khaub thuas (grippe)

    50g paj rhaub rau 1 l dej. Muab nchuav rau ib lub phiab, muab ib daim ntaub los vas, tus mob mus nyo rau hauv lub tais tshuaj, muab daim ntaub los npog lub qhov ntswg rau hauv cov pa tshuaj, nqus cov pa tshuaj thaum kub kub.

    * RHAUB PAJ NTXUAV:
    - Mob qhov muag hlav, mob pob khaus, mob npuag.
    50 g paj rhaub hauv 1 l dej. coj los ntxuav qhov mob.


    Tshuaj NTSUAB - Page 9 D-avri11

    Cov tawv:

    - Tshuaj yaug cev (phob vog, tso zis tsis zoo)
    - Tav ntsev hauv tej zaub mov, tav chlore hauv ntshav
    - Zoo mob taw vwm
    - Zoo tshuaj qaug dab peg
    - Lim xub tshuag hauv cev
    - Phob vog
    - Tso tsis tau zis
    - Mob txeeb zig nce mus pem raum (raum voos), (néphrite aiguë)
    - Mob txoj hlab zis ntawm raum (mob soob soob ntawm duav coliques néphrétiques)
    - Mob laug
    - Qaug dab pag

    * RHAUB TAWV HAUS:

    - 2 txhais tes tawv rau hauv 1 l dej, rhaub kom nqeg txog nrab.
    Haus ib hnub 3 zaug.

    Cov nplooj:

    - Lim ntshav (yaug kom huv)
    - Lim zis kom huv, ua kom tso zis zoo.

    * RHAUB NPLOOJ HAUS:

    -Yaug cev, lim

    De 6 daim nplooj, txhoov mos mos, rhaub hauv 1 khob dej.
    Haus ib hnub ib zaug thaum sawv ntxov tsis tau noj mov, haus 21 hnub.



    CEEV FAJ:
    Cov txiv, yog thaum tsis tau siav mas noj qaug.
    Cov nplooj thiab cov tawv, yog noj ntau mas qaug. Yuav ua rau raws plab tau ntshav, mob plab ntswj. Ceev faj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:47 pm




    TAWS NTOO XOB.

    Tshuaj zoo rau cov neeg tsis paub es mus txiav taws los yog khaws tau cov ntoo ua xob tau coj los ua taws ces tus neeg ntawv tau muaj mob xwm li tej tes tej taw tawg pleb ua kua zig.
    Muaj neeg qhia kuv tias kom muab quav luam yeeb huav lub yeeb thooj thiab quav luam yeeb hauv tus yeeb nkab coj los pleev rau qhov mob ntawv ces zoo no.

    HAUS YUAM KEV KUA MIS.

    Tshuaj zoo rau tej neeg los tej ntsiaj ua muaj cov poj niam nyob nruab hli es tsis ceev faj tau ua mis nrog rau tej zaub mov los yog me nyuam ua qais es ntsiaj xwm li aub los miv noj tau es ntuj tsaus ntais ib ntog tuaj ho teb tsaus nti ib tog los es tsis paub yuav ua li cas li.
    Mus nqa taw los rauv kiag ib lub cub tawg kom cig loj loj ces muab kiag tus neeg los tus ntsiaj ntawv thawb kiag los cuam kiag rau qhov cub kom dhau plaws sab to kiag ces hais tias hw..hw..hw.. ua nws kub nyiab kiag seb no xwb ces txooj yawg xob laus kuj tsis ua li cas lawm thiab ces ib me ntsis xwb ntuj nkaj lawm.

    Tshuaj NTSUAB - Page 9 Imgp0610
    Qhov no yog ib tug poj niam hmoob qhia rau kuv khaws tseg vim thuam ub nws tus me nyuam ua qais ces niag aub cias li nkag kiag los yaim nqos kiag lawm ces ntuj tsaus nti los ces nws ntho nkaus tus tib cuam rau qhov cub dhau plaws sab tod ces nws hais li kuv sau saum toj no xwb ces tib pliag xwb ntuj rov kaj lawm. Nws kom kuv khaws tseg yog li kuv twb tsis nco qab lawm es tsam no mas rov nco txog kuv thiaj li muab sau tseg rau tus niam ntxawm KZKZ lub tsev tshuaj no khaws cia. Ua tsaug Shung Vang
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:47 pm

    QHIAV DUB.

    KAEMPFERIA PARVIFLORA (Krachai Dam)

    - Feem ntau lawv siv ua tshuaj txiv neej muaj zog(qau tawv); cov txiv neej nyiam heev tab sis rau cov poj niam mas loj dhau rau lawv.(Hahahah...! li qhov xov xwm ua tij laug Hmoob Ntujqubqab nyuam qhuav tuaj tham no).

    Lawv tseem siv ua tshuaj:


    -tshuaj muaj zog,
    -tshuaj yaug cev,
    -tshuaj ua kom tso zis zoo (xws li cov neeg ntshav siab, cov neeg mob plawv, ua kom ob lub raum ua zis ntau),
    -tshuaj ua kom tej leeg txawj nrib loj tuaj,  
    -tshuaj mob plab, tsam plab
    -poj niam coj khaub ncaws tsis xwm yeem
    -mob qhov ncauj
    -ntshav khiav hauv cev (tension astérielle)
    -plab zom mov ua kiav txhab
    -zawv plab
    -Mob taub hau
    -Mob ib ce
    -Kiv taub hau
    -tshuaj ua kom hniav ruaj, kab tsis noj
    -tshuaj ua kom daim tawv nqaij nplaum zoo nkauj
    -Tshuaj ua kom plaub hau zoo nkauj
    -tshuaj txhaum
    -tshuaj mob plab zom mov

    SIV RAU NEEG LAUS.

    Lawv tsis hais yuav noj ntau npaum li cas.

    Tshuaj NTSUAB - Page 9 Kracha10

    Tshuaj NTSUAB - Page 9 Blackg10

    Tshuaj NTSUAB - Page 9 Kracha11

    Tshuaj NTSUAB - Page 9 Images10

    Tshuaj NTSUAB - Page 9 Kaempf10

    Tshuaj NTSUAB - Page 9 8ogcb10

    Tshuaj NTSUAB - Page 9 Gachai10

    Qhiav dub


    Tshuaj NTSUAB - Page 9 Blackg11

    Qhiav dub tsis yog sab txhim, muaj ntsis zoo li sab txhim tab sis loj zog me ntsis, muaj ntsis zoo li siv toj thiab tab sis tsis yog siv toj. Lawv yeej hu ua Qhiav dub no.





    Nws zoo tshuaj ntxiv cov kuv hais saud thiab:

    - Ntxiv ntshav
    - ntshav siab
    - ntshav qab zib
    - ntshav muaj roj (cholesterole)
    - Mob nraub qaum, mob ib ce
    - Mob hauv siab
    - Mob taub hau, dias taub hau, xeev siab ntuav, kub taub hau
    - Ua kom plawv khiav zoo
    - Ua kom cov leeg txawj loj
    - Ua kom ntshav khiav zoo
    - Ua kom yus thev txhob nkees, yog thaum yus tsav ntsheb mus deb, noj mas yus thev dua.
    - Ua rau txiv neej muaj zog (muaj zog li ib tug neeg hluas noj qab nyob zoo, nws tsis zoo li cov uas siv tshuaj xiav, tsuas zoo tam sim ntawd xwb. Cov qhiav dub, yog noj ib hnub ob zaug, li 7-10 hnub mas yuav pom tias yus ua neeg muaj zog, khov kho li ib tug hluas).

    - Ua kom cov qog nplos quav zoo. (cov neeg hnub nyug li 40-50 xyoo rov saud, nplos quav txeev muaj qog, ua rau tawv nkig, thaum tso quav txeev los ntshav thiab pheej mob li qhov quav ntse), noj qhiav dub yuav kho tau kom zoo. Raws li Kws Tshuaj, lawv muab ib lub tshuaj pleev qhov txhab rau yus pleev, thaum plob sab tag, yog muaj dej ces yus muab dej ntxuav tag, nyem ib qho tshuaj rau ntawm ib qho ntawv, muab pleev rau yus lub qhov quav, yuav cev ntiv tes kom pleev rau hauv me ntsis thiaj thiaj zoo.

    Tshuaj NTSUAB - Page 9 Hemorr10

    Qhov quav ua zog, xoo pob, tso quav ces ntuag los ntshav.

    Qhiav dub, rau poj niam zoo:

    - Coj khaub ncaws tssi xwm yeem thiab tsis zoo.
    - Ua kom cov hormones xwm yeem
    - Ua kom cev nqaij daim tawv zoo nkauj


    Raws li cov tub soj ntsuam hais mas cov qhiav dub no siv tsis muaj txhaum tom qab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:56 pm




    Ruta graveolens


    (Tsob tshuaj no hmoob cog coob tab sis tsis paub npe hmoob, yog leej twg paub no thov qhia rau kuv.)

    Tsob tshuaj no mas nplooj txho tsawv, yus mus chwv nws mas tsw ntxhiab li.

    Raws li Hmoob mas tsob tshuaj no siv:

    -Cog ntawm qhov rooj: Thaiv nplooj (dab qus) thiab zov vaj zov tsev (pov hum),
    - Rhaub haus: Ntau pob zeb hauv tsib, raum, zais zis ( yeej ntau tau tiag tab sis ceev faj tsam ces thaum lub pob zeb los ntawm cov hlab raum mob dhau ua rau tus neeg plawv lam nres)

    Raws li cov neeg pej kum:

    - Txheej thaum ub lawv tias yog ib tsob ntoo khawv koob li hmoob tam sim no.

    - Lawv siv ua txuj lom xyaw nqaij noj, rhaub haus ua tshuaj txhaum.
    - Rhaub haus zoo tshuaj muaj zog (vitamine C2 (thaum ub hu ua vitamine P), zoo tshuaj qhov txhab, mov tsis xam.
    - Tshuaj yaug cev.
    - Lawv siv los ua tshuaj tsw qab.
    - Tshuaj ntau me nyuam
    (haus ntau, muaj kuab lom, qaug)

    * Yog cov neeg uas nqaij mos mas cov kua mis ua rau nws sawv hlwv li kub nyhiab.

    - Ua kom kab khiav deb, xws li:

    - mhob, zuam, nab thiab miv.




    Tshuaj NTSUAB - Page 9 Ruta_g10


    Tshuaj NTSUAB - Page 9 Ruta_g12
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Tshuaj NTSUAB - Page 9 Empty Re: Tshuaj NTSUAB

    Post  Maiv Tooj 2nd May 2020, 9:58 pm

    Qej zoo tshuaj


    Tshuaj NTSUAB - Page 9 Index10


    Qej muaj vitamine C, en magnésium, en calcium, en potassium, en phosphore et en oligoéléments.

    Nws zoo tshuaj li nram no:
    - Zoo tua kab mob, qhov txhab voos, kub cev (vim muaj kab mob hauv cev).
    - Tshuaj ntshav siab.
    - Tua cab
    - Tua dev mub
    - Tiv thaiv khaub thuas thiab cancer plab zom mov, nyhuv los yog prostate (qog nyob ntawm hlab zis txiv neej)
    - Zoo mob plawv
    - Zoo ntshav qab zib, ua kom cov piam thaj hauv ntshav tsawg.
    - Zoo rau ntshav muaj roj me ntsis.
    - Ua kom tso zis zoo, kom raum lim zoo.


    Qej muaj vitamine C ntau heev, 100g qej muaj 30 g vitamine. Siv vitamine C kho thaiv kab mob, ua yus tej leeg, cev nqaij, plaub hau, pos hniav zoo. Nco ntsoov rau qej nyoos los qej siav rau hauv tej zaub mov.

    - Lub caij qaug zog siv qej kom yus muaj zog.
    - Ua kom lub plawv khiav zoo.
    - Ua kom pob txha ruaj, hniav khov
    - Tiv thaiv ntshav muaj roj
    - Tiv thaiv hlab ntsha tawg saum tau hau.
    - Pleev cos

    Siv li cas?

    * Kub cev thiab mob qhov txhab voos muab ib los ob ntsia qej rhaub haus
    * Rau ntshav siab, ntshav qab zib, los lwm yam...tsoo 1-2 ntsia qej, muab dej kub hlab haus.
    * Cos, muab qej hlai me ntsis, muab txhua lub cos ib ntus ces zoo.

    Shung: Ib tug kwv tij tseem hais rau kuv ntxiv tias
    - Qej yog ib hom tshuaj zoo thaiv khaub thuas thiab.
    - Qej zoo lom npluas.

    siv.
    - ib lub caij hloov huab cua yus muab qej coj los kib xyaws me ntsis nqaij noj los yog muab coj los rhaub haus mi ntsis.

    - Sab tebchaws nplog yog tus dej twg muaj npluas, koj muab kiag li 10 lub qej coj mus tsoo kiag thiab muab tsau rau hauv lub hauv dej ces tsis ntev ib ntus koj mus tsis muaj npluas lawm. tsis tag li los koj tus aub los tus npua tau npluas ces koj muab ib ntsiav tsoo kiag ces muab tub dej kiag ces tso kiag rau tus tsiaj qhov ntswg ces ib pliag npluas tawm los, ceev faj tsam yus maim tsis yeej thiab.


    Sponsored content


    Tshuaj NTSUAB - Page 9 Empty Re: Tshuaj NTSUAB

    Post  Sponsored content


      Current date/time is 18th March 2024, 7:08 pm