TP.Txhiaj Foom lub TSEV Ntawv

**Maiv Tooj** 3rd May 2013, 2:19 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°51

Re: TP.Txhiaj Foom lub TSEV Ntawv

Post Maiv Tooj 3rd May 2013, 2:19 am

May 5 2013 - CAIJ HLA- HNUB CHIV 6 - XYOO 6
KUV TXIV WB YUAV UA TSEV NYOB HAUV NWS

TP.Txhiaj Foom lub TSEV Ntawv - Page 3 Explos10

= Thaum peb tseem yau, mas peb niam peb txiv khwv khwv los tu peb kom loj hlob, tiam sis peb hnov qab nkawd tej txiaj ntsim . Zoo cuag li peb tsis tau saj nkawd tej kev khwv thiab nkawd txoj kev hlub - Nyob nyob, peb loj hlob,peb mam li soj ntsuam qhov tseem ceeb ntawd, ces pib qhuas txog nkawd tas siab ntsws thiab .mloog niam txiv lus thiab
= Hais txog peb lub neej ntseeg Ntuj mas kuj zoo li ntawd thiab- .Saib tej hnub peb hnov 2-3 qib lus hauv Ntawv Ntshiab,ces thiaj ras dheev tias:” Yav dhau los mas ua cas tsis tau to taub Tswv Ntuj Lo Lus tseem ceeb ntawd no ne !”
= Zoo li hnub no mas thawj qib lus hauv Moo Zoo thiaj phim yuav khaws tseg hauv peb nruab siab, tsis tu ncua
Hmo uas ib cov neeg phem yuav ntes Yes Xus mas thaum Huab Tais noj pluas mov kawg, nws ua Yaj Saub los cog lo lus tseem ceeb rau cov Hauv Paus Xa Lus zoo li no tias :
YOG MUAJ IB TUG NYIAM KUV, MAS NWS YUAV COJ RAWV KUV COV LUS,
KUV TXIV YUAV NYIAM NWS
KUV TXIV WB YUAV UA TSEV NYOB HAUV NWS
= Huab Tais Yes Xus xub hais tseg tias : “Nej yuav nyiam kuv”. Txhais tias; vim peb nyiam Huab Tais ces peb yuav muab siab rau coj rawv Huab Tais Ntuj Lo Lus Qhia 1 tias : Ib: koj yuav teev Huab Tais Ntuj ib tug xwb thiab koj yuav nyiam Huab Tais Ntuj tshaj tas puas tsav yam”
Cov kwv tij, Lo Lus tias: peb yuav nyiam Huab Tais Ntuj kuj yog Lo Lus uas cov His Xas Lais ib txwm coj rawv tas siab ntsws zoo li hauv N P N 18 tias :
HUAB TAIS,kuv nyiam koj - Koj yog kuv lub zog –HUAB TAIS yog kuv phab tsua-Yog lub yeej ntsa zeb- Nws yog tus npo kuv dim. Peb cav lus zoo txog nws
Thaum kuv txhawj xeeb, kuv hu txog Huab Tais.
Nws npo kuv dim ntawm cov yeeb ncuab muaj hwj huam –
Nws npo kuv vim nws nyiam kuv-
Kuv taug HUAB TAIS tej kev, ces kuv tsis fav xeeb rau kuv tus Tswv Ntuj- NPN 18

NUG: tim li cas peb thiaj nyiam Yes Xus ? Vim tias nws yog Tswv Ntuj Leej Tub –Nws yog tus Huab Tais cawm seej - Nyob pem Tswv Ntuj lub Ceeb Tsheej, Huab Tais Yes Xus niaj hnub muab nws txoj sia los cev rau peb Txiv nyob saum ntuj, ces Huab Tais thiaj “npo peb dim ntawm cov yeeb ncuab muaj hwj huam” , uas yog dab phem
Ntawv Ntshiab tseem tshaj Lo Lus no tseg tias
Tswv Ntuj Lo Lus nyob hauv nej, ces nej ntaus yeej tus dab Phem lawm.
Huab Tais nyob hauv nej –Nws loj dua tus nyob hauv lub qab ntuj neeg
1 Zam 2:14 + 4;4
NUG TIAS: Leej twg nyiam Huab Tais Yes Xus thiab nws coj rawv Huab Tais lo lus,mas Huab Tais Yes Xus pab tus neeg ntseeg Ntuj zoo li cas rau li cas ?
Huab Tais TEB TIAS: “Kuv Txiv yuav nyiam nws - Kuv Txiv yuav los nyob ze nws. Wb yuav ua tsev nyob hauv tus neeg ntawd” Zam 14:23
===” Kuv Txiv yuav nyiam nws” vim Tswv Ntuj tsom kwm peb lub siab .Nws yeej paub tias peb khaub zig txog Tswv Ntuj tib leeg xwb thiab peb nyiam nws
=== “Kuv Txiv yuav ua tsev nyob hauv tus neeg ntawd “

ROV QAB NUG TSWV NTUJ tias : Huab Tais Leej Txiv thiab Huab Tais Leej Tub pab txhawb nqa peb lub neej zoo li cas rau li cas ?
Huab Tais Yes Xus teb tias
1 : Kuv tso txoj kev thaj yeeb rau nej – Yog kuv txoj kev thaj yeeb rau nej, kuv muab pub rau nej
Cov kwv tij, Tswv Ntuj tej txiaj ntsha txiaj ntsim muaj nqi kawg nkaus PEB YEEJ MUAJ PEB TUS HUAB TAIS YES XUS txoj Kev Thaj Yeeb nyob txawm hauv peb nruab siab. Li ntawd peb tsis ntxhov siab -Peb tsis ntshai – Peb tsis txhawj ntxiv ( Zam 14:27 ) -Peb ua siab loj siab tawv qhawv, tsis ntshai kev mob kev nkeeg, kev ploj kev tuag.
2 : “Leej Nplij Neeg uas yog Leej Ntuj Plig Ntshiab mas Leej Txiv yuav xa nws tuaj, vim kuv lub npe - Leej Ntuj Plig yuav qhia tas ib puas tsav yam rau nej thiab nws yuav pab nej rov nco txog tas txhua yam uas kuv tau hais rau nej” Zam 14:26

Hnub no peb khaws tej lo lus no tseg hauv peb nruab siab
1: Peb yuav kub siab nyiam Huab Tais Tswv Ntuj, thiab Huab Tais Yes Xus Pleev tshaj tas puas tsav yam.
2: Huab Tais Yes Xus niaj hnub pub nws txoj kev thaj yeeb rau peb, ces peb ua siab loj siab tawv qhawv.
3: Huab Tais Leej Txiv niaj hnub pub Leej Ntuj Plig Ntshiab tuaj rau peb –Nws yog tus nplij peb siab thiab nws niaj hnub pab peb to taub Lub Moo Zoo -Leej Ntuj Plig Ntshiab niaj hnub txhab zog los pab peb coj lub neej ntshiab dawb huv, raws li Huab Tais Yes Xus thiab nyob hauv Huab Tais Yes Xus.

TEEV NTUJ: Tswv Ntuj khuv leej neeg tas nrho, koj tej txiaj ntsha txiaj ntsim muaj nqi tshaj plaws. Peb ua koj tsaug ntau ntau...”Thov koj tsis txhob tso cov hauj lwm tawm ntawm koj txhais tes pov tseg “ Nkauj Paj Nruag 138:8..Thov koj hlub peb, tsis tu ncua os mog.
KUV TXIV WB YUAV UA TSEV NYOB HAUV NWS

T.P. Txhiaj Foom omi

TP.Txhiaj Foom lub TSEV Ntawv - Page 3 Php2nk10

**Maiv Tooj** 8th May 2013, 9:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°52

Re: TP.Txhiaj Foom lub TSEV Ntawv

Post Maiv Tooj 8th May 2013, 9:48 am

May 09 2013 HNUB NYOOG YES XUS MUS LAWM SAUM NTUJ

TP.Txhiaj Foom lub TSEV Ntawv - Page 3 Ascens10

PEB YUAV MUS NROG HUAB TAIS NYOB MUS LI
== Peb niaj hnub khwv khwv ua hauj lwm, hos peb niaj hnub xav li cas ? Peb yeej xub xav txog lub hauv ntsis ntawm peb tej hauj lwm, xws li qhov tias : peb tsev neeg yuav muaj noj muaj haus - peb cov me nyuam yuav tau mus kawm ntawv txheej siab – lwm hnub saib : peb yuav tsheb puas tau ?…Peb xav txog tej yam no ,mas,nyob nyob, peb ua siab loj siab tawv qhawv, vim peb lub neej yeej muaj lub hauv ntsis muaj nqi loj kawg nkaus.
== Ntawm peb tsoom ntseeg mas tim li cas peb kub siab mloog Ntuj Lus kom tom thawj ? vim tias peb paub tseeb ( peb ntseeg khov kho ) tias : yuav tsum muaj ib hnub peb yuav tau nce mus pem Tswv Ntuj lub Ceeb Tsheej – yeej yog lub hauv ntsis ntawm peb lub neej ntag - Huab Tais tau cog tej lo lus tseeb tseeb tias
KUV YUAV ROV QAB LOS COJ NEJ MUS NYOB ZE KUV,
KOM XWV KUV NYOB QHOV TW , NEJ NROG KUV NYOB QHOV NTAWD ( Zam 14;3 )
ces yuav tsum muaj ib hnub uas Huab Tais Yes Xus yuav ua raws li nws tej qub lus tseem ceeb

= = Huab Tais Yes Xus nyob pem Tswv Ntuj lub Ceeb Tsheej : Ntawv Ntshiab zeem tias : “Leej Pleev sawv hauv qhov tuag los lawm - Nws yuav tsis rov tuag dua – Txoj kev tuag tsis muaj cuab kav rov tuaj raug nws ib zaug ntxiv. Nws ciaj rov los .Nws npuab Tswv Ntuj mus li” Los Mas 6:9-10
“ Tswv Ntuj lub zog thiab lub hwj huam kom Leej Pleev zaum nyob ntawm nws sab xis,nyob saum cov txheej ntuj Es Fes Xos 1:20-21
Peb niaj hnub zoo siab ntseeg khov kho txog lub Moo Zoo tias :
lub hauv ntsis ntawm Huab Tais Yes Xus lub neej mus zoo li cas, mas peb tso siab lug tias lub hauv ntsis ntawm peb lub neej thiaj yuav tau mus THOOJ LI PEB TUS HUAB TAIS ntag

= Lub Moo Zoo uas nplij peb siab thiab uas kom peb nyob ruaj nreb kuj mus li no tias
“ Cov kwv tij uas Huab Tais nyiad, ntawm peb mas peb yuav ua Tswv Ntuj tsaug,tsis tseg vim nej. Vim txij lub hauv paus los, Tswv Ntuj xaiv nej kom nej txais kev cawm - Tswv Ntuj cawm nej nyob hauv Leej Ntuj Plig Ntshiab, uas yog tus ua kom neeg ntshiab tuaj thiab Tswv Ntuj tau hu nej los mus txais peb tus Huab Tais Yes Xus Pleev lub koob meej” 2 TXLN 2:13-14
Li ntawd ,peb lub neej ua neeg ntseeg yeej muaj lub hauv ntsis zoo nkauj thiab muaj hwj chim loj kawg nkaus .
“ Kwv tij sawv daws,thaum peb muaj ib tug neeg tuag, peb yuav txhob tu siab
xws li cov neeg uas tsis muaj kev tso siab. Peb kuj tso siab lug tias cov neeg mus
pw tsaug zog nyob hauv Yes Xus, mas Tswv Ntuj yuav coj lawv mus nrog nws nyob .
Peb yuav mus nrog Huab Tais nyob mus li. Peb sawv daws nco ntsoov
txog Lo Lus no,mas peb yuav sib pab ua siab loj” 1 TXLN 4:13-18

=== Peb niaj hnub nyob ntawm Tswv Ntuj tog - Peb kub siab ua lub neej nyob hauv Huab Tais Yes Xus uas tau yeej kev txhaum thiab kev tuag - Peb “npuab Tswv Ntuj”,raws li Huab Tais Yes Xus tus piv txwv thiab yog vim Leej Ntuj Plig Ntshiab tej txiaj ntsim,ces tsim nyog peb yuav ua 2 yam tseem ceeb no
1 : Yuav ua Tswv Ntuj tsaug – 2 : peb ua siab khov siab ruaj :
Peb yuav ua Tswv Ntuj tsaug, vim nws pub kev yeej rau peb,
nyob hauv peb tus Huab Tais Yes Xus Pleev – Peb yuav ua siab khov siab ruaj mog,
kom peb tsuas muaj zoo zuj zus ,nyob hauv Huab Tais lub luag hauj lwm
vim peb paub tias peb tsis nkim zog dag ua hauj lwm nyob hauv Huab Tais 1 KLN 15:57-58.

TEEV HAWM TSWV NTUJ : Huab Tais Leej Txiv, koj tau hlub peb tag npaud , koj thiaj tau xaiv peb kom peb tau txais kev cawm. Li ntawd peb ua siab loj siab tawv qhawv. Tsis ntshai kev mob kev nkeeg - Tsis tas li ntawd xwb . Peb laj tos txog hnub zoo tshaj plaws uas peb nrog tej pab neeg siab ntshiab nyob ua ke . Peb yuav tau nce mus pem koj lub Ceeb Tsheej . Peb yuav tau txais “ lub cuab tam uas tsis txawj lwj ,tsis tsuas thiab tsis txawj nphob ib zaug “ 1 Pob Zeb 1: 4.
Thaum ntawd, peb thiaj “yuav tau nrog Huab Tais nyob,mus li” - Peb Txiv khuv leej neeg tas nrho ,peb ua koj tsaug ntau .

T.P. Txhiaj Foom omi

TP.Txhiaj Foom lub TSEV Ntawv - Page 3 Gifs-b10

**Maiv Tooj** 17th May 2013, 10:07 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°53

Re: TP.Txhiaj Foom lub TSEV Ntawv

Post Maiv Tooj 17th May 2013, 10:07 am

May 19 2013 HNUB NYOOG LEEJ NTUJ PLIG NQES LOS

LEEJ NTUJ PLIG , KOJ LOS MAS :

– KOJ LOS NYOB HAUV COV NEEG NTSEEG TXOG KOJ .

TP.Txhiaj Foom lub TSEV Ntawv - Page 3 Nlpk-111

TP.Txhiaj Foom lub TSEV Ntawv - Page 3 Nlpk-111

= Peb cov pawg ntseeg txog Huab Tais Yes Xus, mas peb muaj ntau yam pab peb coj lub neej nyob kaj lug kaj nrig – Ib yam uas peb saib loj kuj mus li no tias : Ntawv Ntshiab qhia peb tias : Tswv Ntuj tau cog lus tseg tias nws yuav pub nws tej txiaj ntsim rau cov neeg mas muaj ib hnub uas cov neeg txais cov txiaj ntsim ntawd raws li Tswv Ntuj Lo Lus cog tseg. Ntawv Ntshiab sau cia li no tias “
== “HUAB TAIS , koj tsis tso cov hauj lwm tawm ntawm koj txhais tes pov tseg “ NPN 138:8
= Tus Hauv Paus Xa Lus Paj Lug sau ntawv rau ib pawg ntseeg tshiab tim lub nroog Fis Lis Pos tias :“ Kuv paub tseeb tias : “Tswv Ntuj tau pib ua hauj lwm nyob hauv nej – Nws tau ua ib txoj hauj lwm zoo kawg – Mas nws yuav ua kom tiav, mus txog hnub Yes Xus Pleev lub Hnub Nyoog “ FIs Lis Pos 1: 6

= Mas hnub no peb zoo siab ua hmoov nco tias Leej Ntuj Plig Ntshiab nqes los rau hauv 12 tus Hauv Paus Xa Lus…Tim li cas tau muaj qhov ntawd tuaj, ? kuj yog vim Huab Tais Yes Xus tau cog lus tseg :” Nej yuav txais ib lub zog : yog Leej Tswv Yim Ntshiab lub zog - Leej Tswv Yim Ntshiab yuav nqes los rau saum nej - Ces nej yuav ua kuv cov tim khawv nyob Yes Lus Xas Les, nyob tas Yus Das teb , mus txog puag tim npoo ntuj” Hauj Lwm 1: 8 .
Huab Tais Yes Xus Lo Lus kuj yog Lo Lus tseeb tseeb , ces 50 hnub tom qab ntawm qhov Yes Xus sawv hauv cov tub tuag rov los mas thiaj muaj tej yam tshwm sim tuaj raws li Huab Tais tej qub lus hais Yam li :” Txawm muaj ib lub suab nrov saum ntuj tuaj xws li ib nthwv cua hlob hlob ntsawj – Lub suab ntawd nrov thoob plaws hauv lub tsev uas cov thwj tim nyob . Lawv pom tej ntshua nplaim me ya tuaj tsaws saum cov thwj tim txhua tus . Lawv sawv daws tau txais Leej Ntuj Plig Ntshiab nyob nyob puv lawv lub siab “ Hauj Lwm 2:2-3

Cov kwv tij, lub zim txwv no mas Huab Tais Yes Xus tau xaiv peb ua Huab Tais Yes Xus cov thwj tim. Ces peb tau txais lub Cim Ntxuav thiab lub Cim Txhab Zog - Ua li mas peb yuav ua siab loj siab tawv qhawv. vim tias Tswv Ntuj tau pib ua hauj lwm txhim kho peb lub siab . Ces peb yuav tau tso siab lub lug tias Tswv Ntuj yuav tau ua nws tej hauj lwm pov hwm peb kom tiav ib yam nkaus hauv thawj pab ntseeg txog Huab Tais Yes Xus
LEEJ NTUJ PLIG , KOJ LOS MAS :
KOJ LOS HAUV COV NEEG NTSEEG TXOG KOJ
Hauv peb lub Koom Txoos Kav Tos Liv mas yav dhau los, mas thiaj tau sau ntau phau teev Ntuj uas ntim ntau zaj thov kom Leej Ntuj Plig Ntshiab nqes los coj peb lub neej, raws li Tswv Ntuj lub siab nyiam :

= Koj los mas , Leej Ntuj Plig Ntshiab ..Koj nqes los xyuas tas cov neeg uas koj tau tsim los
= Koj los mas , vim koj yog qhov pom kev tuaj kaj peb tej siab nstws .
= Koj tej kev nyiam kev hlub, mas thov koj hliv los puv peb tej siab npo
= Koj ib txwm yog tus nplij peb siab kom nyob tiaj nyob tus .
= Koj tau tuaj ua qhua hauv peb nruab siab , mas peb zoo siab txais koj ntag .
= Koj nqes los hauv peb nruab siab , koj cia li ua Tswv Ntuj tej hauj lwm kom tiav mog
= Yog tias peb tsis muaj koj hauv peb nruab siab mas peb lub neej “zoo puav tam li av qhuav qhawv, nkig nkuav ,tsis tau dej “ NPN 63
Yog tias koj tsis nqes los hauv peb lub siab , mas peb nyob tsis tau .
= Niaj zaus peb ua sw vaj sw tsev,mas koj nqes los ntxuav kom rov dawb huv tuaj.
= Koj pom tej yam nkhaus thaum twg, mas thov txhim koj kho kom rov ncaj tuaj,
= Thaum peb tej siab ntsws rov txias txias . mas thov koj ua kom peb lub siab kub li hluav taws

Tab sis , txhua txhia lub caij nej tshaib nqhis txog Leej Ntuj Plig Ntshiab tej txiaj ntsim , mas tsis tas yuav qhib xyuas 2 phau,5 phau teev Ntuj tuab tuab ces thiaj yuav tau nyeem tej zaj lus tseem ceeb .. Qhov yooj yim kuj mus li no tias : Koj nthuav koj lub siab kom dav rau Tswv Ntuj, uas nws yog peb Txiv siab zoo tas nrho thiaj yog txaus lawm .
Thov kom nej nco ntsoov txog Tswv Ntuj Lo Lus tias :” Qhov kuv xav yuav yog txoj kev nyiam kev hlub thiab kev khuv leej,” Mas Tais 9: 13
Tus tib neeg twg muab nws tej kev nyiam kev hlub xyaw nws zaj lus teev hawm Tswv Ntuj, mas nws zaj teev Ntuj yeej ntxim Tswv Ntuj lub siab .
“ Txhua leej txhua tus uas Tswv Ntuj Leej Tswv Yim Ntshiab coj, mas lawv yog Tswv Ntuj cov me nyuam tas huv tib si
“ Nej tsis tau txais ib lub tswv yim ua qhev - Nej tsis txhob rov qab poob rau hauv txoj kev ntshai – Nej tau txais ib lub tswv yim tshiab, mas nej yuav hu Tswv Ntuj tias :” As Npas” – “ Txiv ! “ Peb yog Tswv Ntuj cov me nyuam tiag tiag . “ Los Mas 8 : 14 - 16

LEEJ NTUJ PLIG, KOJ LOS MAS
KOJ LOS NYOB HAUV COV NTSEEG TXOG KOJ
T.P. Txhiaj Foom omi

TP.Txhiaj Foom lub TSEV Ntawv - Page 3 24089310

**Maiv Tooj** 31st May 2013, 1:25 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°54

Re: TP.Txhiaj Foom lub TSEV Ntawv

Post Maiv Tooj 31st May 2013, 1:25 am

June 2 2013 HWM LUB CIM YUG

KUV TSIS PAUB TXOJ KEV TSHAIB,TXOJ KEV NQHIS, TXOJ KEV TXHAWJ

TP.Txhiaj Foom lub TSEV Ntawv - Page 3 Adorat10

Hnub ntawd Huab Tais Yes Xus yees ua kom mov ntsu tuaj, ces nws faib mov rau 5.000 leej txiv neej, tsis xam poj niam me nyuam . Ntawv Moo Zoo tseem sau cia lo lus no tias:” Sawv daws noj tsau tas “
NUG : Saib: txhua txhia hnub, Huab Tais Yes Xus pab txhawb nqa peb lub neej zoo li cas, rau li cas ? TEB TIAS : peb niaj hnub zoo siab hais zaj nkauj teev Ntuj li no tias: Tus Zoo Tswv Zov Yaj, nws saib kuv. Kuv tsis paub txoj kev tshaib, txoj kev nqhis, txoj kev txhawj
NUG : peb sawv daws niaj hnub tshaib nqhis txog dab tsi ?
++ Peb tshaib nqhis txog ntau ntau yam, txog txoj kev noj qab nyob zoo, txoj kev sib haum xeeb hauv yus tsev neeg, txog nyiaj txiag , peb thiaj nyob taus
NUG : hos peb tsoom ntseeg puas tshaib nqhis txog tej yam txawv txav?
++ Peb tshaib nqhis txog Tswv Ntuj tej txiaj ntsim sis laub sis lug uas yog ib lub siab dawb huv, ib lub siab ntshiab. Peb yeej xav coj rawv Tswv Ntuj Lo Lus, ces peb yuav tau “nyob ntawm Tswv Ntuj tog, uas peb txais kev cawm” Hes Nplaws 6:9 . Peb yeej xav nyiam Huab Tais Ntuj tshaj tas puas tsav yam.

NUG : Hauv lub Koom Txoos Kav Tos Liv mas Tswv Ntuj tej txiaj ntsha txiaj ntsim uas peb saib loj tshaj plaws,thiaj yog dab tsi ?
++ Yeej yog Thaj Txi Ntuj thiab lub Cim Yug
Yes Xus tau tshaj Lo Lus tseem ceeb tias ::”Kuv yog cov mov muaj txoj sia. Tus tuaj cuag kuv nws yuav tsis tshaib – Tus ntseeg txog kuv,nws yuav tsis nqhis ib zaug li –Tus noj kuv lub cev thiab haus kuv cov ntshav, nws muaj txoj sia nyob mus li”
Zam 6:35 – 58
NUG : hauv lub Koom Txoos kwv huam,mas txij ntawm lub hauv paus los mus ,mas tsoom ntseeg puas tau ntseeg khov kho tias HUAB TAIS NYOB TXAWM HAUV LUB CIM YUG ? Yeej tau ntseeg li ntawd tiag tiag
** :”Huab Tais Yes Xus hlub tshua peb tag npaud, nws thiaj pub nws lub Cev ntshiab dawb huv rau peb noj ntag” Leej Ntshiab Kis Xos Tos (St Chrysostome )
** :”Txhua txhia zaus peb sib sau los ua Thaj Txi Ntuj mas Huab Tais nqes los hauv peb lub siab . Huab Tais kuj yaug peb tej txhaum pov tseg .Saib : peb ua txhaum mus li. Vim li ntawd peb yuav tsum txais peb tus Huab Tais tag mus li . Lub Cim Yug yeej yog ib hom tshuaj uas muaj peev xwm txhim kho peb lub siab kom zoo“ Leej Ntshiab Aas Npuas ( Saint Ambroses )
** “ Huab Tais yeej xav kom peb yuav tau txog Tswv Ntuj lub Ceeb Tsheej. Huab Tais yeej xav kom peb yuav tau nrog nws nyob nraim. Yog vim li ntawd Huab Tais pub peb ntim su ( uas yog lub Cim Yug ) ces peb thiaj muaj zog los mus kev Lwm hnub tuaj, peb thiaj yuav tau nrog Huab Tais nyob nraim “ Leej Ntshiab Os Nkus Tees ( Saint Augustin )

Tsim nyog peb yuav khaws 4 qib lus tseem ceeb ntawd
1 : Tus noj kuv lub cev thiab haus kuv cov ntshav, nws muaj txoj sia nyob mus li”.. Peb tseem txoj sia thiaj yog Tswv Ntuj txoj sia, yog txoj sia ua Tswv Ntuj cov me nyuam zoo nyiam - Peb mam li kub siab txais lub Cim Yug kom xwv peb thiaj yuav tau nyiam Huab Tais Tswv Ntuj zuj zus…Peb muaj txoj sia nyob mus li .

2 : ”Huab Tais Yes Xus hlub tshua peb tag npaud, Li ntawd, peb niaj hnub yuav ua Huab Tais Yes Xus tsaug, rau qhov Huab Tais khuv leej peb” ntau tshaj qhov peb thov thiab ntau tshaj qhov peb xav tau “ Es Fes Xos 3:20

3 : Huab Tais niaj hnub nqes los hauv peb siab,ces nws thiaj yaug peb tej txhaum pov tseg. Li ntawd,peb yuav tsis nruam Thaj Txi Ntuj ib zaug, vim tias lub Cim Yug yog ib hom tshuaj muaj zog tas nrho, peb thiaj coj tau ib lub neej ntshiab dawb huv zuj zus

4 : Huab Tais pub peb ntim su ( uas yog lub Cim Yug ) - Lub hauv ntsis ntawm peb lub neej thiaj yog qhov tias peb yuav tau mus hauv Tswv Ntuj lub Ceeb Tsheej.
Li ntawd, nyob ntawm kev mus nrog Tswv Ntuj nyob nraim, peb zoo siab txais lub Cim Yug uas yog peb lub dag lub zog

=== 4 qib lus me :
1 : Yog vim peb txais lub Cim Yug ces peb muaj txoj sia nyob mus li
2: Huab Tais niaj hnub hlub tshua peb “ntau tshaj qhov peb thov thiab ntau tshaj qhov peb xav tau “
3: Huab Tais nqes los hauv peb siab thiab nws yaug peb tej txhaum pov tseg
4 : Huab Tais pub peb ntim su,, Ces nyias hais tau nyias lo lus tias :

KUV TSIS PAUB TXOJ KEV TSHAIB, TXOJ KEV NQHIS, TXOJ KEV TXHAWJ

Txiv Plig Txhiaj Foom omi

**Maiv Tooj** 2nd August 2013, 8:13 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°55

Re: TP.Txhiaj Foom lub TSEV Ntawv

Post Maiv Tooj 2nd August 2013, 8:13 am

Tim 4 lub 8 hli 2013 Hnub Chiv 18 –Xyoo C

NEEG TSIS KAWG MUAB MOV LOS YUG SIAV XWB :
NEEG TSEEM YUAV COV LO LUS TAWM NTAWM TSWV NTUJ LUB NCAUJ
LOS YUG SIAV THIAB.

TP.Txhiaj Foom lub TSEV Ntawv - Page 3 Jp2-0310

Kwv tij sawv daws, tib neeg ntiaj teb huv si kuj nrhiav kev kaj lug kaj nrig, tab sis Huab Tais Yes Xus qhia peb tias, kom ceev faj txog ntau yam, ces Yes Xus thiaj ntuas peb tias ; “Neeg txawm nplua nuj npaum twg, los nws txoj sia tsis nyob hauv nws lub cuab tam.” (Lus Kas 12:15)

NUG : Ntawm kuv, mas qhov kuv lub neej kaj lug kaj nrig, yog vim kuv nplua nuj, mas nej puas xav li no thiab ?
TEB : Peb tsis xav li koj hais, vim peb tsoom ntseeg niaj hnub nco ntsoov txog Huab Tais Yes Xus Lo Lus tias : “Neeg txawm nplua nuj npaum twg, los nws txoj sia tsis nyob hauv nws lub cuab tam.” (LK 12:15)

NUG : Huab Tais Yes Xus puas saib tsis taus peb cov neeg txom nyem thiab nws puas xav kom peb pw hauv tej qab choj xwb ?
TEB : Huab Tais Yes Xus yeej tsis xav li ntawd ib zaug li, nws tsuas xav kom peb muaj noj muaj haus ib yam li sawv daws. Tiam sis Huab Tais “uas nws yog Qhov Tseeb” Zam 14:6, nws tshaj tej lo lus uas muaj nqe li ib txhab nyiaj txhab kub, nws tau txhib peb siab kom xwv peb sawv daws nco ntsoov tias : “Neeg tsis kawg muab mov los yug siav xwb, neeg tseem yuav cov Lo Lus tawm ntawm Tswv Ntuj lub ncauj los yug siav thiab” (Mas Tais 4:4)
Kwv tij, lo Lus tias “ Neeg tsis kawg muab mov los yug siab xwb’, mas Yes Xus paub tias yuav tsum muaj cov mov los yug peb sawv daws lub cev nqaij daim tawv, yuav tsum muaj tej thaj av rau peb ua liaj ua teb thiab yuav tsum muaj nyiaj txiag los yug yus tsev neeg. Tab sis fab hauv peb tus ntsuj tus plig, mas tas ib puas tsav yam ntawd yeej tsis muaj peev xwm pub tau kev kaj lug kaj nrig rau peb ib zaug li.

NUG : Ua li mas fab hauv yus ntsuj ntsuj tus plig, peb yuav ua dab tsi thiaj ua tau neeg nplua nuj raws qhov tseeb ?
TEB : Huab Tais Yes Xus twb qhia rau peb sawv daws lawm tias : “Koj yuav nrhiav kev nplua nuj nyob ntawm Tswv Ntuj lub xub ntiag.” (Lus Kas 12: 21)

NUG : Huab Tais Yes Xus lo lus uas nws hais tias :” Koj yuav nrhiav kev nplua nuj nyob ntawm Tswv Ntuj lub xub ntiag”, mas Yes Xus xav qhia peb txog dab tsi ?
TEB : Huab Tais Yes Xus xav txhib peb siab, kom peb nco ntsoov ua neeg siab dawb siab huv, siab ncaj ncees thiab siab ntshiab xwb. Vim Tswv Ntuj xav pub ib lub neej nyob kaj lug kaj nrig rau peb sawv daws.
Tsis tas li ntawd, Huab Tais Yes Xus tseem qhia peb ntxiv tias : “Yog ib tug neeg twg nws txeeb tau tas lub ntiaj teb huv tib si los ua nws tug. Tab sis yog nws txoj sia ploj lawm, mas nws tau tus dab tsi ? (Mas Tais 16: 26)
Li ntawd, hais qhov tseeb rau nej tias : “Peb yuav txhob muab peb tej siab ntsws los khi rau peb tej nyiaj txiag xwb. Peb yuav tau cev tes mus pab luag tej thiab, peb thiaj tau txais Tswv Ntuj tej txiaj ntsim sis laub sis lug los nyob hauv peb lub neej. (Leej Ntshiab Npas Xis)

NUG : Peb yuav tsum ua dab tsi kom xwv peb yog neeg nplua nuj raws li Tswv Ntuj lub siab nyiam thiab siab xav ?
TEB : Peb yuav tsum ua ntau yam, tiam sis mas peb yuav tau thov Tswv Ntuj tas zaj tas zog, kom xwv Huab Tais Yes Xus kev nyiam thiab kev hlub nqes los nyob puv hauv peb tej siab ntsws thiab peb yuav ua raws li Nkauj Paj Nruag zaj 89 uas muaj lub ntsiab hais tias : “Huab Tais khuv leej neeg tas nrho, thov koj pub koj lub siab hlub neeg rau peb saj kom tsau, ces peb yuav qw zoo siab tas ib sim neej.” (NPN 89: 14)

HAUV THAJ TXI NTUJ NO :
Kwv tij sawv daws, peb kuj yuav tau kub siab thov Huab Tais Yes Xus tas zog tias :
“Huab Tais khuv leej neeg tas nrho, nyob hauv peb tus ntsuj plig, peb yeej ntshaw txog ib lub neej kaj lug kaj nrig xws li koj. Tab sis peb mloog koj tej lus tag, mas kuj thooj li ua nyuaj kawg nkaus. Li ntawd, ntshai tsam peb muab peb tej siab ntsws los khi rau peb tej nyiaj txiag heev dhau lawm, ces thov koj pub Leej Ntuj Plig Ntshiab nqes los rau hauv peb sawv daws tej siab ntsws. Peb thiaj yuav nrhiav tau kev nplua nuj nyob ntawm koj lub xub ntiag.”
Huab Tais Tswv Ntuj, ua li mas yog tias peb tsis muaj koj thiab tsis muaj Leej Ntuj Plig Ntshiab nqes los nyob hauv peb lub siab, mas peb ua tsis tau dab tsi tseem ceeb. (Zam 15,5)
Ua li mas Huab Tais khuv leej neeg tas nrho, thov koj npo peb kom dim ntawm tas puas tsav yam kev tsis zoo tsis huv thiab thov koj los nyob hauv peb tej siab ntsws, ces yuav ua rau peb coj tau lub neej raws li koj tus piv txwv. Ua koj tsaug ntau !

Txiv Plg Txhiaj Foom OMI.

Saib : TSWV NTUJ COV LUS no, mas peb yuav kawm hauv nruab siab puas tau, yam li :

1 : Neeg tsis kawg muab mov los yug siav xwb, neeg tseem yuav cov Lo Lus tawm ntawm Tswv Ntuj lub ncauj los yug siav thiab. (Mas Tais 4:4)

2 : Koj yuav nrhiav kev nplua nuj nyob ntawm Tswv Ntuj lub xub ntiag mog. (Lus Kas 12: 21)

3 : Yog ib tug neeg txeeb tau tas lub ntiaj teb huv tib si los ua nws tug. Tab sis yog nws txoj sia ploj lawm, mas nws zoo dab tsi ? (Mas Tais 16: 26)

4 : Huab Tais Tswv Ntuj , thov koj pub koj lub siab hlub neeg rau peb saj kom tsau, ces peb yuav qw zoo siab tas ib sim neej. (NPN 89: 14)

5: Huab Tais Yes Xus hais tias : “Yog nej ncaim ntawm kuv mus lawm, mas nej yuav ua tsis tau dab tsi tseem ceeb. (Zam 15:5)

TP.Txhiaj Foom lub TSEV Ntawv - Page 3 3072529055_1_3_C4AfoPkq

**Maiv Tooj** 16th August 2013, 12:42 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°56

Re: TP.Txhiaj Foom lub TSEV Ntawv

Post Maiv Tooj 16th August 2013, 12:42 am

KEV NTSEEG YOG PEB TXOJ KEV POM KEV LUG # 1

TP.Txhiaj Foom lub TSEV Ntawv - Page 3 67114710

Cov kwv tij phooj ywg hmov thiab tshua, hnub no zoo hnub, vim tias yog thawj thawj zaug uas yuav muab Vaj Qhia Faas Ntshis Kus thawj tsab ntawv los txhais ua lus Hmoob .
Vaj Qhia Faas Ntshis Kus tau txais ntau phab ntawv uas Vaj Qhia Npes Nes Dis 16 xub sau tseg hais txog kev ntseeg , ces Vaj Qhia Faas Ntshis Kus sau nws tej lo lus tseem ceeb los ntxiv rau Vaj Qhia Npes Nes Dis 16 cov.
Kuv yog Txiv Plig Txhiaj Foom , mas kuv zoo siab muab Vaj Qhia Faas Ntshis Kus tsab ntawv txhais ua lus Hmoob. Kuv vam ntsoov tias nej yuav qhib nej siab los txais Vaj Qhia Faas Ntshis Kus tej zaj lus tseem ceeb, ces nej yuav tau nyob kaj lug kaj nrig rov kub siab coj lub neej ntseeg Ntuj ruaj nreb khov kho.

Lub ntsiab lus ntawm Vaj Qhia Faas Ntshis Kus thawj tsab ntawv ntev ntev ntawd kuj mus li no: "KEV NTSEEG YOG PEB TXOJ KEV POM KEV KAJ LUG."
= Thawj lo lus uas Vaj Qhia sau kuj yog li no:” Hauv Ntawv Moo Zoo uas tus Hauv Paus Xa Lus Zam sau, thiaj muaj Huab Tais Yes Xus Lo Lus tseem ceeb tias :
KUV YOG QHOV POM KEV - KUV TUAJ HAUV LUB QAB NTUJ NO KOM XWV TUS NTSEEG TXOG KUV TSIS TXHOB NYOB HAUV QHOV TSAUS NTUJ.
Qib lus no kuj nyob hauv Zam Ntawv Moo Zoo , hauv zaj 12,qib 46.
Tsis tas li ntawd xwb, peb tsoom ntseeg ib txwm tau khaws tej lus teev Ntuj uas muaj tuaj rau hauv phau ntawv NKAUJ PAJ NRUAG. Zoo li thawj qib lus hauv Nkauj Paj Nruag 27, uas lub ntsiab lus sau cia li no tias : Tus ntseeg ruaj tso siab rau Tswv Ntuj- Ua li thawj qib lus hais li no:
Huab Tais yog kuv qhov pom kev – Nws yog tus cawm kuv. Kuv yuav ntshai leej twg ?
Huab Tais yog lub yeej ntsa zeb thaiv kuv lub neej.
Kuv yuav ntshai tshee na ntawm leej twg xub ntiag ?
Cov kwv tij, peb niaj hnub zoo siab taug kev ntseeg ruaj nreb khov kho, vim tias Tswv Ntuj yog peb qhov pom kev . Nws kuj yog peb lub dag lub zog . Ces qhov tsaus ntuj thiab kev ntshaw ub ntshaw no tsis huv mam li ploj ntais . Peb nyob ntawm Tswv Ntuj tog , Peb yuav ntshai leej twg ? peb yeej yuav tsis ntshai, vim tias peb muaj peb tus Huab Tais Tswv Ntuj hauv peb nruab siab . Peb tus Huab Tais Tswv Ntuj niaj hnub muab nws txoj kev hlub muaj zog tas nrho los pov hwm peb, tsis tu ncua.

Mas phim yuav nco tias thawj pab neeg ntseeg txog Huab Tais Yes Xus, lawv saib Yes Xus li lub hnub. Uas nws cov sab hnub pub kom peb cov neeg ntseeg rov pom kev lug thiab rov muaj ib txoj sia tshiab.
Hos,hauv Zam Ntawv Moo Zoo thiaj muaj zaj lus qhia peb : hnub ntawd Yes Xus mus txog lub zos Npes Tas Nias, uas yog lub zos Yes Xus tus phooj ywg Las Ntxas Los thiab nws ob tug muam nyob . Ob tug poj niam ntawd npe hu ua Mas Tas thiab Mab Liab. Yes Xus txhob txwm mus tom lub zos Npes Tas Nias yog vim nws tus phooj ywg Las Ntxas Los tau tas sim neej. Yes Xus hais lo lus tseg rau nws cov thwj tim tias :” Kuv yuav mus tsa Las Ntxas Los sawv rov los”. Thaum Yes Xus pom Mab Liab quaj thiab pom cov Yus Das uas nrog Mab Liab tuaj sawv daws quaj, mas Yes Xus tu siab kawg nyob hauv nruab siab - Nws ib ce qaub thoob plaws . Yes Xus hais tias :” Nej muab nws tso qhov twg?” – Lawv teb tias: “Huab Tais ,koj los tom no ,koj yuav pom”. Ces Yes Xus rov tu siab heev kawg nyob nruab siab – Nws mam li mus tom lub ntxa – Yog ib lub qhov tsua – Muaj ib daig txiag zeb kaw lub rooj ntxas. Yes Xus hais tias :” Nej tshem daim txhib ntxa”- Mas Tas,uas yog tus tuag tus muam, hais rau Yes Xus tias :” Huab Tais, hais rau koj paub tias :Las Ntxas Los tuag tau plaub hnub lawm : nws twb tsw lawm”. Yes Xus mam li hais rau Mas Tas tias :” Kuv tsis tau hais rau koj tias: "yog koj ntseeg, koj thiaj yuav pom Tswv Ntuj lub hwj chim lod ?” . Ces lawv tshem daim txiag zeb . Yes Xus tsa muag ntsia saum ntuj . Nws hais tias :” Txiv, kuv ua koj tsaug vim koj mloog kuv – Kuv paub tias koj yeej ib txwm mloog kuv,. Tab sis kuv hais cov lus no kom tsoom neeg uas sawv ncig kuv ntseeg tias yog koj xa kuv tuaj” - Yes Xus hais li ntawd tas , nws hu ib suab nrov nrov tias :” Las Ntxas Los,koj tawm los nraum no!’- Tus tuag tawm los- Cov saw tseem pav nws tej tes taw thiab daim ntaub npog ncauj tseem vov nws lub ntsej muag . Yes Xus hais rau lawv tias :” Nej daws cov sawv – Nej cia nws mus nws.“
Cov kwv tij, Vaj Qhia Fas Ntshis Kus kuj khaws qib lus ua Yes Xus hais rau Mas Tas tias :” Kuv tsis tau hais rau koj tias : yog koj ntseeg mas koj thiaj yuav pom Tswv Ntuj lub hwj chim lod ?”
Ua li mas raws li Vaj Qhia Fas Ntshis Kus lo lus sau mas phim peb yuav khaws Lo Lus tseem ceeb ntaw tseg tias : Tus tib neeg twg ntseeg, nws thiaj pom Tswv Ntuj lub hwj chim nqes los txhim kho nws lub siab, txhais tias nyob rau hauv tus tib neeg ntseeg nruab siab, mas Huab Tais Yes Xus ( uas nws sawv rov los lawm ) yees pub qhov pom kev lug rau nws. Ces peb kev ua lub neej nyob ntiaj teb no mas Huab Tais thiaj yog qhov pom kev kaj lug rau peb lub siab, kom xwv peb cov ntseeg txog Huab Tais Yes Xus tsis txhob nyob hauv qhov tsaus ntuj “
Paj Nruag
Vaj Qhia Faas Ntshis Kus tseem sau li no tias :Tus tib neeg ntseeg mam li pom kev kaj lug. Hauv nws nruab siab,mas qhov pom kev lug nqes los kaj tas ib puas tsav yam yam hauv neeg nruab siab. Qhov pom kev lug muaj hwj huam loj kawg nkaus, vim tias nws txhawv ntawm Tswv Ntuj tuaj.
Tus tib neeg ntseeg Ntuj,mas nws niaj hnub los mus ntsib tus Tswv Ntuj uas nws muaj txoj sia txog txhiab niag tim puas xyoo. Tus tib neeg ntseeg mam li paub Tswv Ntuj kev nyiam kev hlub, ces nws pom Tswv Ntuj tej txiaj ntsim nqes los hauv nruab siab. Nws yuav coj tau ib lub neej ruaj nreb khov kho. Tswv Ntuj kev nyiam kev hlub kuj pab txhim kho peb tsoom ntseeg huv si, txhais tias peb cov qhov muag ntshiab huv. Piv xam tias : thaum txog lub caij yus yuav tso ntiaj teb no tseg mas yus tej kev ntseeg rub peb lub siab heev, peb thiaj rov pom tseeb tias peb yuav sawv kev mus nrog Tswv Ntuj nyob ntag. Peb mam li tsis ntshai, tsis txhawj txog kev mob nkeeg,kev ploj kev tuag
Cov kwv tij, txoj kev ntseeg yog peb qhov pom kev kaj lug ces yuav ua rau peb rov nco txog Huab Tais Yes Xus uas nws tau sawv ntawm cov tub tuag rov los, peb thiaj li niaj hnub ua siab loj siab tawv qhawv .
Ua li phim yuav nco txog tus Hauv Pauv Xa Lus Paj Lug lo lus tseem ceeb tias :” Kwv tij sawv daws, peb tsis xav kom nej tsis paub dab tsi txog cov neeg uas pw tsaug zog mus li- Thaum nej muaj ib tug neeg tuag, nej yuav tsis txhob tu siab xws li cov neeg uas tsis muaj kev tso siab- Vim peb ntseeg tias Yes Xus tuag thiab sawv rov los, peb kuj tso siab lug tias cov neeg mus pw tsaug zog nyob hauv Yes Xus, peb xav hais tias peb thiaj yuav nrog Huab Tais Yes Xus sawv rov los ntag-.Ces lwm hnub tuaj Tswv Ntuj yuav coj peb mus cuag Huab Tais nyob mus li- Peb sawv daws nco ntsoov txog cov lus no, peb thiaj rov sib pab ua siab loj “ 1 Tes Xas Los Nis 4:13 – 18
Vaj Qhia Faas Ntshis Kus tseem sau lo lus no ntxiv tias . Peb haj yam yuav rov nco txog Huab Tais Yes Xus uas nws nrog peb nyob nraim, tsis tu ncua. Tsis tas li ntawd xwb peb haj yam yuav vam txog Leej Ntuj Plig Ntshiab tej txiaj ntsim nqes txhawb nqa peb tej siab ntsws kom xwv peb rov pom kev lug raws li Huab Tais Yes Xus thiab nyob hauv Huab Tais.
Hauv peb nruab siab,Tswv Ntuj yog tus pub peb taug kev ntseeg uas yog kev pom kev lug. Ces peb saj tau 3 yam tshiab tshiab hauv peb lub siab ntag:
1 : Tus tib neeg ntseeg rov saib Tswv Ntuj kev nyiam kev hlub loj tshaj tas ib puas tsav yam huv si
2 : Tus tib neeg ntseeg kuj tau txais Huab Tais Yes Xus Pleev hauv nws nruab siab.
3 : Hauv peb nruab siab mas Leej Ntuj Plig Ntshiab nqes los txhim kho peb lub siab.Ces peb thiaj ua siab loj thiab peb rov tso siab lug txog lub neej tom ntej uas yog lub caij peb yuav tso ntiaj teb no tseg- Ces peb nyuav laj tos txog hnub zoo tshaj plaws uas peb yuav tau sawv kev los mus npuab Tswv Ntuj lub siab, nyob pem Tswv Ntuj lub Ceeb Tsheej.
PAJ NRUAG
Vaj Qhia Faas Ntshis Kus tseem tshaj ib lo lus zoo li no tias : peb tsoom ntseeg coj tau ib lub neej ruaj nreb khov kho kuj yog vim peb ntseeg txog Tswv Ntuj kev nyiam kev hlub uas muaj zog tas nrho thiab nws ib txwm ruaj nreb khov kho. Vaj Qhia zoo siab txhib peb lub siab los khaws tus Hauv Paus Xa Lus Zam tej lus zoo li no:
“Tus tib neeg twg lees tias Yes Xus yog Tswv Ntuj Leej Tub, mas Tswv Ntuj nyob txawm hauv tus neeg ntawd, thiab tus tib neeg ntawd kuj nyob txawm hauv Tswv Ntuj . Peb paub Tswv Ntuj txoj kev nyiam peb lawm, ces peb ntseeg – Tswv Ntuj yog txoj kev nyiam : tus twg nyob hauv txoj kev nyiam , mas nws nyob txawm hauv Tswv Ntuj thiab Tswv Ntuj nyob txawm hauv nws” 1 Zam 4:15 – 16 .
Vaj Qhia txhib peb lub siab los mus ntseeg txog Tswv Ntuj Lo Lus tias : Tswv Ntuj yog txoj kev nyiam - Ua li, peb yuav ua raws li Vaj Qhia tej lo lus, yam phim yuav muab Tswv Ntuj Lo Lus ntawd los piv rau lub pob tsuas uas peb txhim tsa peb lub neej rau saud.
Ua li thov kom nej mloog ib zag lus hauv Lus Kas Ntawv Moo Zoo tias :” Tus tuaj cuag kuv, nws mloog kuv tej lus. thiab ua raws li kuv qhia, mas kuv qhia nej tias tus tuaj cuag kuv thiaj yog ib tug neeg zoo li cas : Nws zoo li ib tug neeg xyuam xim uas nws los mus txhim tsev . Mas nws khawb av tob, mam li puab taw ntsa rau saum pob tsuas – Thaum dej sab siv huam, dej dag nphau nphwv tuaj ntsawj lub tsev , tab sis ua tsis tau kom lub tsev ua zog, vim lub tsev ntawd txhim tau ruaj – Hos tus mloog kuv cov lus, tab sis nws tsis ua raws – Nws zoo xws li tus neeg txhim tsev rau saum tej av suab puam – Nws tsis cog taw ntsa tob –Thaum dej sab siv tuaj ntsawj lub tsev, mas lub tsev vau tam sim ntawd, ces lub tsev raug xwv txheej loj “ Lus Kas 6: 46 - 49
Cov kwv tij peb tau zoo siab khaws Tswv Ntuj lo Lus tseg tias : Tswv Ntuj yog txoj kev nyiam. Ua li tus tib neeg khaws Ntuj Lo Lus ntawd mas kev ntseeg nyob ruaj nreb xws li ncej zeb, ruaj nrees li ncej tsuas , dej tshoob tsis qaij , cua tshuab tsis qaug. Ua li piv tau tias lub tsev txhim tau ruaj rau saum pob tsuas mas tsis muaj dab tsi ua kom lub tsev ua zog .
Cov kwv tij, phim yuav khaws Ntuj Lo Lus tag mus li, vim tias Tswv Ntuj yog txoj kev nyiam. Nws khuv leej neeg tas nrho. Yog vim qhov ntawd ces, peb txawm raug kev nyuaj siab ntxhov plawv ( xws li qhov tias : yus raug mob nkeeg , los yus ib tug kwv tij raug xwv txheej – nws mam li tso ntiaj teb no tseg ) ,los yus coj tau lub neej ruaj nreb khov kho thiab yus tseem ua siab loj siab tawv qhawv, vim tias peb yeej muaj Huab Tais Tswv Ntuj kev khuv leej neeg tas nrho hauv peb nruab siab - Niaj hnub Huab Tais Tswv Ntuj kuj yog peb qhov pom kev thiab nws ua peb lub dag lug zog .
Tsis tas li ntawd xwb : Vaj Qhia Faas Ntshis Kus tseem txhib peb lub siab los mus ntseeg khov kho tias : hauv yus nruab siab, txoj kev ntseeg muaj peev xwm txhawb nqa peb lub neej zoo kawg nkaus.
Qhov tias kev ntseeg Ntuj kuj txhawb nqa peb lub neej zoo kawg nkaus : mas Vaj Qhia kuj nthuav piav 4 qhov muaj nqes uas tshwm sim tuaj hauv peb tsoom ntseeg nruab siab. Yam li
1 : Tus tib neeg ntseeg Ntuj uas tso siab lug rau Tswv Ntuj, mas nws yeej paub tias : txawm muaj dab tsi tshwm sim tuaj hauv peb lub neej. los Huab Tais Tswv kuj yuav txais peb tej zaj teev Ntuj tag mus li .
2 : Tus tib neeg uas ntseeg khov kho txog Tswv Ntuj kev nyiam kev hlub, nws yeej nco tias: tab peb txawm ua tej yam txhaum hnyav li cas , los Huab Tais Tswv Ntuj uas pom tias peb tu siab ntawm peb tej txhaum mam li muab tau nws tej kev hlub los yaug peb cov txhaum pov tseg.
3 : Huab Tais Tswv Ntuj niaj hnub roos peb lub neej thiab pov hwm peb txoj sia, tag mus li.
4 :Tus tib neeg ntseeg Ntuj uas nws thov Ntuj tsis tu ncua, mas hauv nws nruab siab nws yeej hnov txog Tswv Ntuj tej txiaj ntsim muaj nqes tas nrho nqes los txhim kho nws tej siab kom rov tshiab tuaj, uas yuav tsis muaj caij tag.

Cov kwv tij : peb yuav hais 2-3 zaj lus ua Ntuj tsaug thiab peb yuav thov Huab Tais Tswv Ntuj pab txhawb nqa peb lub neej thiab peb txoj sia :
“ Huab Tais Leej Txiv , peb zoo siab ntseeg khov kho tias : koj yog Txoj Kev Nyiam kev hlub. Peb saj tau Tswv Ntuj kev pom kev kaj lug tag mus li - Ua li thaum peb raug kev nyuaj siab ntxhov plawv, los peb tsis ntshai – Peb tseem ua siab loj siab tawv qhawv. Peb paub tias : koj ib txwm muab koj tej kev nyiam kev hlub nqes los roos peb, ua kom peb rov pom kev tuaj / Peb ua koj tsaug ntau.
NTUJ AIB - Peb thov koj, Huab Tais Leej Txiv siab zoo -
“Huab Tais Leej Txiv, Tswv Ntuj khuv leej neeg tas nrho , peb paub tias koj tej kev nyiam kev hlub thooj li lub pob tsuas, uas txhim tau peb lub neej rau saud. Thov koj xa Leej Ntuj Plig Ntshiab nqes los tshoj peb lub siab, ces kev ntseeg hauv peb nruab siab thiaj yuav tau nyob ruaj nreb xws li ncej zeb - yuav ruaj nrees xws li ncej tsuas ,- ces dej tshoob tsis qaij , cua tshuab tsis qaug . Peb zoo siab ua koj tsaug ntau .

NTUJ AIB . peb thob koj Huab Tais Leej Txiv siab zoo .

Cov kwv tij, thov kom nej rov mloog tej qib lus tseem ceeb hauv Nkauj Paj Nruag 27 , hais tias
“ Huab Tais yog kuv qhov pom kev – Nws yog tus cawm kuv – Kuv yuav ntshai leej twg ? Huab Tais yog lub yeej ntsa zeb thaiv kuv lub neej – Kuv yuav ntshai tshee na ntawm leej twg xub ntiag ? Huab Tais, koj mloog kuv lub suab hu txog koj ! Thov koj hlub – Koj teb kuv ! !Huab Tais. koj txhob thaiv koj lub ntsej muag rau kuv Txhob thawb koj tus tub txib mus deb ! Koj yog tus tau pab kuv- Koj txhob txav mus deb kuv . Koj txhob tso kuv pov tseg ! Tswv Ntuj, koj yog tus cawm kuv - Huab Tais . thov koj qhia koj txoj kev rau kuv . Koj hwj kuv mus hauv txoj kev tiaj; Kuv paub tseeb tias kuv yuav tau pom Huab Tais lub siab zoo nyob hauv tsoom neeg ciaj lub teb chaws.

Tej zaj nkauj ;

= Yes Xus, peb tus Vaj .

Nyob hauv koj tes

Txoj kev… Qhov tseeb

TP.Txhiaj Foom lub TSEV Ntawv - Page 3 003c9e11

**Maiv Tooj** 23rd August 2013, 7:46 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°57

Re: TP.Txhiaj Foom lub TSEV Ntawv

Post Maiv Tooj 23rd August 2013, 7:46 pm

KEV NTSEEG YOG PEB QHOV POM KEV KAJ LUG -Zaj 2

TP.Txhiaj Foom lub TSEV Ntawv - Page 3 B183f010

Cov kwv tij phooj ywg, hmov thiab tshua. hnub no yog zoo Hnub Chiv, uas peb nco ntsoov tias Tswv Ntuj tau tsa nws Leej Tub, Yes Xus Pleev sawv ntawm cov tub tuag rov los. Txhua txhia Hnub Chiv, peb mam li zoo siab sib sau los ua Thaj Txi Ntu -.peb zoo siab nco txog Tswv Ntuj cov txiaj ntsim uas loj tas nrho.
Hos hnub no yog zaum 2 uas peb yuav nthuav piav peb tus Vaj Qhia Fas Ntshis Kus tsab ntawv tseem ceeb..Lub ntsiab lus ntawm Vaj Qhia Fas Ntshis Kus thawj tsab ntawv kuj mus li no tias ; KEV NTSEEG YOG PEB QHOV POM KEV KAJ LUG. Zoo li thawj lo lus uas Vaj Qhia sau hauv nws tsab ntawv ntawd kuj yog tias : Huab Tais Yes Xus tau tshaj lo lus zoo li no : KUV YOG QHOV POM KEV KAJ LUG – LEEJ TWG LAWV KUV QAB , NWS YUAV TSIS MUS HAUV QHOV TSAUS NTUJ -. NWS YUAV TAU QHOV POM KEV LUG UAS COJ MUS RAU TXOJ SIA Zam 8:12
Mas hnub no nej thiaj yuav tau mloog 3 zaj lus tseem ceeb zoo li no tias
1 : ( yog tus Hauv Paus Xa Lus Zam tau sau tseg zoo li no tias : “ Peb paub Tswv Ntuj txoj kev nyiam peb lawm,ces peb thiaj ntseeg txog qhov ntawd ntag “ 1 Zam 4:16 )
2 : ( Yog Huab Tais Yes Xus tau tshaj Lo Lus no tias :” Tus tib neeg uas nws siv nws txoj sia rau nws cov phooj ywg thiaj yog tus neeg uas nws taug kev nyiam kev hlub zoo tshaj plaws’ Zam 15: 13
3 : Peb niaj hnub zoo siab hlo txais Huab Tais Yes Xus nqes los hauv peb nruab siab- Peb yuav thov Huab Tais pab peb taug txoj kev nyiam kev hlub zoo li nws.
Ua li thawj Lo Lus tseem ceeb kuj yog tiag tias : Peb paub Tswv Ntuj txoj kev nyiam peb lawm,ces peb thiaj ntseeg txog qhov ntawd ntag
Cov kwv tij, peb kuj ntseeg txog thawj yam hwj huam yees ntxwv loj kawg nkaus uas Huab Tais Tswv Ntuj tau ua los pab neeg sawv daws- Yam li peb Txiv nyob saum ntuj muab nws txoj kev nyiam uas muaj zog tas nrho los tsa Yes Xus uas tuag sawv rov los” Los Mas 10:9., Peb zoo siab ntseeg ruaj nreb khov kho txog zaj lus ntawd vim tias yog zaj lus qhia peb txog Tswv Ntuj tej qav tej num loj tshaj plaws- Yog Tswv Ntuj tej qav tej num uas Huab Tais Tswv Ntuj tau ua los pab cawm cov neeg dim ntawm qhov txhaum
Cov kwv tij , zaj lus tseem ceeb tias Yes Xus sawv ntawm cov tub tuag rov los kuj yog zaj ua puav pheej tias Huab Tais Tswv Ntuj kev nyiam kev hlub loj tshaj plaws. ……
Yeej tsim nyog khaws tus Hauv Paus Xa Lus Paj Lug tej lo lus tseg hauv peb nruab siab, hais tias :” Huab Tais Tswv Ntuj tuaj peb tog,ces leej twg yuav tiv peb ?. Tswv Ntuj cia nws Leej Tub raug kev ploj ,kom xwv Huab Tais Yes Xus pab tau peb txhua leej. Yog vim peb nrog Huab Tais Yes Xus koom siab koom ntsws , ces Tswv Ntuj pub nws cov txiaj ntsim rau peb – Leej twg yuav muaj cuab kav muab txim rau cov neeg uas Tswv Ntuj xaiv ? Yeej tsis muaj leej twg yuav ua tau qhov ntawd - Tswv Ntuj yog tus saib cov neeg uas Tswv Ntuj xaiv - Tswv Ntuj kuj yog tus saib cov neeg ntawd lub siab ncaj tuaj – Leej twg yuav muab txim rau peb ? Puas yog Yes Xus Pleev uas nws yeem tuag thiab nws tau sawv ntawm cov tub tuag rov los ?- Yes Xus nyob ntawm Tswv Ntuj sab xis thov Tswv Ntuj rau peb tsis tseg . Leej twg yuav cais tau peb kom peb ncaim ntawm Leej Pleev uas nws nws nyiam peb tas nrho ? Puas yog kev raug xwv txheej ? Puas yog kev raug txhawj xeeb ? Puas yog kev tshaib kev nqhis ? Puas yog kev pluag ? Puas yog kev poob tsag ? Puas yog kev raug luag hiam ? Puas yog txoj kev tuag ? Yeej tsis muaj dab tsi yuav ua tau kom peb ncaim ntawm Yes Xus - Tab yog peb raug tej yam li ntawd, tsis kav peb yeej sawv daws,vim Huab Tais Yes Xus nyiam peb -. Kuv paub tseeb tias tsis muaj dab tsi yuav cais tau peb ntawm Tswv Ntuj kev nyiam kev hlub -Txawm yog txoj kev tuag los txoj sia, tas txhua yam nyob saum ntuj thiab nyob nruab yeeb ,txhua yam uas Tswv Ntuj tsim , los yeej tsis muaj ib yam yuav cais tau peb ntawm Tswv Ntuj uas nyiam peb nyob hauv peb tus Huab Tais Yes Xus Pleev “ Los Mas 8: 31- 39
Cov kwv tij, qhov muaj nqe tshaj plaws hauv peb nruab siab thiaj yog peb tej kev ntseeg txog Huab Tais Yes Xus kev nyiam kev hlub, uas loj tshaj tas txhua tsav txhia yam; Ua li ntawd, lub caij uas peb raug ntau yam nyuaj tas nrho,xws li peb raug xwv txheej los peb raug luag hiam , los peb tseem ua siab loj siab tawv qhawv, vim Huab Tais Yes Xus kev nyiam kev hlub nrog peb nyob nraim, Huab Tais Yes Xus txoj kev nyiam kev hlub nyob txawm hauv peb nruab siab ntag - Ua li peb yeej tej yam ntawd huv tib si, kuj yog vim Huab Tais Yes Xus kev nyiam kev hlub uas yog qhov loj tshaj plaws. thiab yog vim Huab Tais lub siab khuv leej neeg tas nrho , yeej tsis tu ncua ib zaug kiag
PAJ NRUAG
Zaj lus tseem ceeb tim 2 kuj mus li no tias : :” Tus tib neeg twg uas nws siv nws txoj sia rau nws cov phooj ywg thiaj yog tus neeg uas uas taug kev nyiam kev hlub zoo tshaj plaws’ . Mas peb paub tias qib lus no yog nyob hauv Zam Ntawv Moo Zoo zaj 15 ,qib 13
Qhov tias txhua txhia lub caij peb tsoom ntseeg Kav Tos Liv pib teev Ntuj mas peb ua Ntoo Cuam lub Cim, mas peb hais kam lo lus no tias : Hu txog Leej Txiv thiab Leej Tub thiab Leej Ntuj Plig lub npe - Ua li , - Ua li, mas txhua txhia zaus ntawd, mas peb tus ntsuj tus plig kuj ya mus pem lub roob Nkos Nkos Tas uas yog qhov chaw Yes Xus muab nws txoj sia cob rau Tswv Ntuj kom tau daws cov neeg tej txim txhaum- Ntawv Moo Zoo sau cia li no tias : Nyob ntawd kuj muaj Yes Xus niam, tus Nkauj Tsim txiaj Mab Liab, tus Hauv Paus Xa Lus Zam thiab ob tug poj niam ntxiv- Ib ntsis, ib cov tub rog tuaj txog – Lawv yuav muab cov neeg dai saum ntoo cuam ob sab ceg lov thiab yuav muab lawv lub cev txo nqes los. Mas cov tub rog muab thawj tug uas raug dai saum ntoo cuam ob sab ceg lov thiab lawv muab lwm tus uas nrog Yes Xus dai saum ntoo cuam ob sab ceg lov thiab . Thaum lawv los txog ntawm Yes Xus, lawv pom tias Yes Xus twb tuag lawm - lawv tsis muab nws ob sab ceg lov, tab sis ib tug tub rog xuas rab hmuv nkaug Yes Xus phab tav- Tam sis ntawd ib co ntshav thiab ib co dej tawm los.’..Ces Zam ( uas tau sau zaj lus ntawd ,nws tseem sau Ii no tias :” Tus uas tau pom qhov ntawd ua pov thawj hais. Nws ua tim khawv hais qhov tseeb – Nws paub tias qhov nws hais muaj tiag . Nws hais tej ntawd kom nej ntseeg - Tej xwm no tshwm sim kom muaj raws li Ntawv Ntshiab xub sau cia tias :’” Nws cov pob txha tsis lov ib tug li” - Tseem muaj lwm lo lus hauv Ntawv Ntshiab hais tias :’ “Lawv yuav ntsia tus neeg uas lawv nkaug “ Zam 19:32 - 37
Cov kwv tij, peb niaj hnub ntseeg khov kho tias : zaj lus ( hauv Ntawv Moo Zoo uas peb nyuam qhuav mloog no ) thiaj yog qhov tseeb.. Ces peb niaj hnub ua ib qhov muaj nqe, hais tias : peb yuav tsa muag ntsia Yes Xus - Hnub ntawd ib tug tub rog xuas rab hmuv nkaug Yes Xus phab tav. Peb nco txog zaj lus no,ces peb tsis hais zoo li no : tsuas yog cov tub rog lub caij thaud xwb, uas tau ua qhov ntawd, Qhov tseeb kuj mus li no tias : yog tas tsoom neeg sawv daws tau ua qhov ntawd. kuj yog vim peb cov txhaum
Ua li ntawd , peb haj yam nco txog qib lus hauv Ntawv Moo Zoo tias : Tus tib neeg twg uas nws siv nws txoj sia rau nws cov phooj ywg thiaj yog tus neeg uas nws taug kev nyiam kev hlub zoo tshaj plaws’.. Ces peb thiaj rov kub siab ntseeg tias : peb tsoom neeg kuj yog Yes Xus, Tswv Ntuj Leej Tub, cov phooj ywg - Ua li Yes Xus thiaj yog tus siv nws txoj sia rau peb sawv daws ntag .Huab Tais tau ua li ntawd kuj yog vim nws taug kev nyiam kev hlub zoo tshaj plaws ntag.
Peb tseem ntseeg khov kho tias : Yes Xus yog Tswv Ntuj Leej Tub Twm Zeej, mas nws nyob pem Tswv Ntuj lub Ceeb Tsheej. Nws hlub tas sawv daws tag npaud, nws thiaj tseem muab nws txoj sia los cob rau nws Txiv nyob saum ntuj kom tau yaug cov neeg tej txim txhaum .
Cov kwv tij. yog vim peb ntseeg Ntuj zoo li ntawd, ces peb mam li muaj peev xwm hais tau tej lo lus raws li tus Hauv Paus Xa Lus Paj Lug tias :: “ Yes Xus, Tswv Ntuj Leej, uas nws nyiam kuv, ces nws rov muab nws txoj sia los txi Ntuj, kom nws tau pab kuv “ Nkas Las Tias 2; 20.
Cov kwv tij, tsim nyog khaws tus Hauv Paus Xa Lus Paj Lug lo lus ntawd tseg. : ces peb sawv daws nyias hais tau lo lus no hauv nyias lub siab : Tab txawm kuv yog neeg txhaum, los Yes Xus dai ntawm tus Ntoo Cuam kuj yog vim nws khuv leej me yau ntag.
Cov kwv tij hmov thiab tshua , tsim nyog peb yuav tso siab lug rau Huab Tais Yes Xus tas zaj tas zog, ces thov kom nws muab nws txoj kev nyiam kev hlub ( uas ciaj sia nyob mus li ) los txhim kho peb nruab siab kom rov ntshiab dawb huv tuaj..
Ua li ntawd ces txhua txhia zaus peb ua Ntoo Cuam lub Cim ( los thaum peb nrog ib pawg ntseeg sib sau ua Thaj Txi Ntuj, ) mas peb nyias thov Tswv Ntuj hauv nyias lub siab tias
1 : Huab Tais Yes Xus, kuv ntseeg txog koj uas tau dai saum tus Ntoo Cuam kuj yog vim kuv tej txim txhaum. Huab Tais kuv tu siab nrho rau kuv tej txhaum
2 : Huab Tais khuv leej neeg tas nrho, thov koj muab koj ib ib tee ntshav los yaug kuv tej txhaum huv tib si pov tseg - Huab Tais khuv leej neeg tas nrho, kawg yog koj tib leeg xwb uas muaj peev xwm txhim kho kuv tej siab ntsws kom zoo. Thov koj ua qhov ntawd os mog
PAJ NRUAG
Zaj lus tim 3 kuj hais li no tias : Peb niaj hnub zoo siab hlo txais Huab Tais Yes Xus nqes los hauv peb nruab siab , Yuav thov Huab Tais pab peb taug txoj kev nyiam kev hlub thooj li nws
Cov kwv tij, thaum twg peb txais Huab Tais Yes Xus hauv peb nruab siab ? yog thaum peb coj rawv Huab Tais tej zaj lus tseem ceeb, uas yog lub Moo Zoo.- Hos tas peb sim neej, peb yuav tsum mus xyuas Ntawv Moo Zoo. zoo li zaj lus no tias : “ Nej yuav nyiam nej cov yeeb ncuab – Nej yuav thov Ntuj rau cov tsim txom nej” Mas Tais 5:44.. thiab lwm zaj lus tias :” Tsis hais tias. nej tsuas zam lawv tej txhaum 7 zaus xwb , tab sis nej yuav yuav zam rau lawv xya caum zaus 7 zaus” Mas Tais 18:22
Tsis tas li ntawd, qhov loj dua qhov ntawd kuj mus zoo li no tias : peb yuav kub siab cia Huab Tais Yes Xus pab peb coj ib lub neej ntshiab dawb huv,ib lub neej sib nyiam sib hlub thooj li Huab Tais thiab nyob hauv Huab Tais.
Cov kwv tij Huab Tais Yes Xus tau txhib peb siab zoo li no tias :” Nej yuav sib nyiam sib hlub thooj li kuv tau nyiam, tau hlub nej “ Zam 15: 12.. Txhais tias : peb yuav siv peb txoj sia rau cov neeg sawv daws nyob ib ncig ntawm peb, kom xwv lawv thiaj coj tau lub neej nyob kaj lug kaj nrig. Ua li , peb tau txais ib cov hauj lwm tseem ceeb tuaj ntawm Huab Tais tuaj, kom xwv Huab Tais kev nyiam kev hlub rov tshwm sim tuaj dua, kuj yog vim tas ib puas tsav yam uas peb niaj hnub ua nyob hauv Huab Tais lub npe ntshiab dawb huv ..
Cov kwv tij, muaj ib qib lus, uas tus Hauv Paus Xa Lus Paj Lug tau tshaj rau ib pawg ntseeg hauv teb chaws Nkas Las Tias – Tsim nyog peb yuav khaws qib lus ntawd tseg hauv peb nruab siab – Yog lo lus no tias :” Tsis yog kuv muaj txoj sia ntxiv lawm – Qhov tseeb : Yog Huab Tais Yes Xus Pleev txoj sia ciaj nyob hauv kuv “ Nkas Las Tias 2:20
Cov kwv tij, hmo no nej tau mloog 3 zaj lus tseem ceeb uas feem ntau thiaj yog Vaj Qhia Fas Ntshis Kus ua tus sau tseg, hais tias :
1 : ( yog tus Hauv Paus Xa Lus Zam tau sau tseg zoo li no tias : “ Peb paub Tswv Ntuj txoj kev nyiam peb lawm,ces peb thiaj ntseeg txog qhov ntawd ntag “ 1 Zam 4:16 )
2 : ( Yog Huab Tais Yes Xus tau tshaj Lo Lus no tias :” Tus tib neeg twg uas nws siv nws txoj sia rau nws cov phooj ywg thiaj yog tus neeg uas nws taug kev nyiam kev hlub zoo tshaj plaws’ Zam 15: 13
3 : Peb niaj hnub zoo siab txais Huab Tais Yes Xus nqes los taug txoj kev nyiam kev hlub thooj li nws
Ua li peb kuj tsa muag ntsia Yes Xus uas dai saum tus Ntoo Cuam ces peb thiaj teev hawm Tswv Ntuj li no
“ Huab Tais Leej Txiv, koj tau xa Leej Ntuj Plig Ntshiab nqes los tshoj peb siab, peb thiaj tau zoo siab ntseeg txog koj Leej Tub, uas yog peb tus Huab Tais Yes Xus Pleev. Nws dai saum tus Ntoo Cuam – hos Huab Tais Yes Xus kuj nyob pem Tswv Ntuj Lub Ceeb Tsheej . Nws khuv leej peb tas nrho, vim nws tau siv nws txoj sia rau nws cov phooj ywg. Peb yog nws cov phooj ywg zoo nyiam. Huab Tais Leej Txiv, Tswv Ntuj khuv leej neeg tas nrho, peb ua koj tsaug ntau . Tsis tas li ntawd xwb, peb kuj thov koj pab txhawb nqa peb lub siab,kom xwv peb thiaj los mus cia Huab Tais Yes Xus rov coj dua ib lub neej tshiab nyob hauv peb. Ces peb yuav zoo siab hais raws li tus Hauv Paus Xa Lus Paj Lug tias :” Tsis yog kuv muaj txoj sia ntxiv lawm – Qhov tseeb : Yog peb Huab Tais Yes Xus Pleev txoj sia ciaj nyob hauv kuv.” Huab Tais Leej Txiv , peb ua koj tsaug ntau ‘
Tej Zaj Nkauj los zaj teev Ntuj
Peb Txiv nyob saum ntuj…koj lub npe ntshiab
Yes Xus , peb tus Vaj
Los,peb los cav txog Tswv Ntuj

TP.Txhiaj Foom lub TSEV Ntawv - Page 3 Fleur-10

**Maiv Tooj** 25th August 2013, 10:31 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°58

Re: TP.Txhiaj Foom lub TSEV Ntawv

Post Maiv Tooj 25th August 2013, 10:31 am

KEV NTSEEG YOG PEB QHOV POM KEV KAJ LUG # 3

TP.Txhiaj Foom lub TSEV Ntawv - Page 3 Soulco10

Cov kwv tij hmov thiab tshua, hnub no yog Hnub Chiv uas peb nco ntsoov tias Tswv Ntuj tau tsa nws Leej Tub, Yes Xus Pleev sawv ntawm cov tub tuag rov los. Txhua txhia Hnub Chiv, peb mam li zoo siab sib sau los ua Thaj Txi Ntuj -.peb zoo siab nco txog Tswv Ntuj cov txiaj ntsim uas loj tas nrho.
Hos hnub no yog zaum 3 uas peb yuav nthuav piav peb tus Vaj Qhia Fas Ntshis Kus tsab ntawv tseem ceeb..Lub ntsiab lus ntawm Vaj Qhia Fas Ntshis Kus thawj tsab ntawv kuj mus li no tias ; KEV NTSEEG YOG PEB QHOV POM KEV KAJ LUG. Zoo li thawj lo lus uas Vaj Qhia sau hauv nws tsab ntawv ntawd kuj mus li no tias : “Huab Tais Yes Xus tau tshaj lo lus zoo li no” : KUV YOG QHOV POM KEV KAJ LUG – LEEJ TWG LAWV KUV QAB , NWS YUAV TSIS MUS HAUV QHOV TSAUS NTUJ -. NWS YUAV TAU QHOV POM KEV LUG UAS COJ MUS RAU TXOJ SIA Zam 8:12
Mas hnub no nej thiaj yuav tau mloog 2 zaj lus tseem ceeb zoo li no tias
1 : Peb rov yug los tshiab , ces peb thiaj txia ntshis ua Tswv Ntuj cov me nyuam
2 : Yus nyob yus hos yus tsis muaj peev xwm cawm yus tus kheej
Zaj nkauj : Los,Leej Ntuj Plg los coj tas kuv lub neej..
Zaj 1 tias : Peb rov yug los tshiab ces peb thiaj txia ntshis ua Tswv Ntuj cov me nyuam Cov kwv tij, Vaj Qhia Fas Ntshis Kus kuj txhib peb siab, yam peb yuav rov ntseeg khov kho tias : peb tau txais lub Cim Ntxuav thiab lub Cim Txhab Zog, mas tsim nyog peb ua raws li Vaj Qhia lo lus txhib peb siab, ces peb thiaj yuav coj lub neej nyob kaj lug kaj nrig .tsis tu ncua .
Thov kom nej qhib nej siab los txais tej lus tseem ceeb uas tus Hauv Paus Xa Lus Paj Lug tau sau tseg tias : “Txhua leej txhua tus uas Tswv Ntuj Ntuj tus Ntsuj Plig coj, mas lawv thiaj yog Tswv Ntuj cov me nyuam tas huv tib si. Nej tsis tau txais ib lub tswv yim ua qhev – Nej tsis txhob rov qab poob rau hauv txoj kev ntshai - Nej tau txais ib lub tswv yim ua tub ki tshiab mas nej hu Tswv Ntuj tias :”As Npas!’ txhais tias “Txiv !” Leej Ntuj Plig Ntshiab nrog peb lub tswv yim zeem tseeb tias, peb yog Tswv Ntuj cov me nyuam tiag – Ua li, peb yog Tswv Ntuj cov me nyuam, mas peb yog cov txais lub cuab tam - Peb yog cov txais Tswv Ntuj lub cuab tam,- Peb nrog Leej Pleev txais ib lub cuab tam. vim peb nrog nws raug txom nyem- Peb thiaj yuav tau nrog Huab Tais Yes Xus Pleev koom muaj hwj chim “ Los Mas 8: 14 – 17..Cov kwv tij od, Leej Ntshiab Paj Lug sau tias : ‘Nej tsis tau txais ib lub tswv yim ua qhev, - Ua li peb tsis zwm rau cov dab tas lawm lauj Leej Ntshiab Paj Lug tseem sau tias : “Nej tsis txhob rov qab poob rau hauv txoj kev ntshai”, Ua li peb tsis ntshai kev mob kev nkeeg, kev ploj kev tuag. Leej Ntshiab Paj Lug tseem txhib peb siab tias :” Peb yog Tswv Ntuj cov me nyuam tiag, ces yuav tau muaj ib hnub peb yuav tau nrog Huab Tais Yes Xus Pleev txais ib lub cuab tam – Peb yuav tau nrog nws koom muaj hwj chim”. Ua li peb tsoom ntseeg kuj nrauj kev ntshai, kev txhawj,-Txhua txhia hnub ces KEV NTSEEG YOG PEB QHOV POM KEV LUG , vim tias Huab Tais Yes Xus ua peb ntej xub txais Tswv Ntuj lub hwj chim, pem Tswv Ntuj lub Ceeb Tsheej, Mas peb uas yog Tswv Ntuj cov me nyuam nyob hauv Huab Tais Yes Xus, mas thiaj yuav tsum muaj ib hnub peb yuav nrog Huab Tais Yes Xus nyob ua ke – Peb yuav tau nrog Nws koom coj ib lub neej tshiab muaj hwj chim, nyob pem Tswv Ntuj lub Ceeb Tsheej, rov mus txog txhiab niag tim puas xyoo
Cov kwv tij, peb zoo siab nco txog Vaj Qhia Fas Ntshis Kus lo lus txhib peb siab, ces peb thiaj tau twm Leej Ntshiab Paj Lug tej lus, uas nws tau sau rau ib pawg ntseeg tim lub nroog Los Mas
( Thov kom nej qog kuv tej lus : KEV NTSEEG YOG PEB QHOV POM KEV LUG
…Cov kwv tij, peb tsoom ntseeg niaj hnub tseem nco txog tus Hauv Paus Xa Lus Zam 2 qib lus uas mus li no tias :” Nej ntsia saib : Leej Txiv txoj kev nyiam peb loj tas npaum no: yam li peb hu ua Tswv Ntuj cov me nyuam – Peb yog Tswv Ntuj cov me nyuam tiag.. Qhov uas yav tom ntej peb yuav plhis mus zoo li cas mas tseem tsis tau tawm los rau qhov muag pom xyeem – Li cas los, peb paub tias: thaum Huab Tais Yes Xus Pleev yuav tawm los rau qhov muag pom xyeem, mas peb thiaj yuav nyob zoo li Nws” 1 Zam 3:1-2. Cov kwv tij tus Hauv Paus Xa Lus Zam thiab tus Hauv Paus Xa Lus Paj Lug, nkawd thiaj tau tshaj tib zaj lus tseem ceeb txhib peb tej kev ntseeg. hais tias peb yog Tswv Ntuj cov me nyuam tiag – Ces peb muaj qhov chaw cia siab, hais tias : yuav tsum muaj ib hnub, peb yuav tau coj ib lub neej tshiab, lub neej muaj hwj chim, raws li Huab Tais Yes Xus ,nyob hauv Tswv Ntuj lub Ceeb Tsheej
Cov kwv tij, thov kom nej mloog ib zaj nkauj teev Ntuj, uas thawj lo lus hais li no tias : As Npas - Peb Txiv Tswv Ntuj ( ces tshaj tawm kom tag.)
PAJ NRUAG
Nyem no mus thov kom nej mloog zaj lus tim 2 tias : Yus nyob yus mas yus tsis muaj peev xwm cawm yus tus kheej. Cov kwv tij yog peb tus Vaj Qhia Fas Ntshis Kus ua tus sau lo lus tseem ceeb txog qhov no - Saib phim peb yuav nco ntsoov tias : peb tau lawb dab,- peb tau tig los yuav lub siab tshiab- peb rov yug los tshiab thiaj tau ua Tswv Ntuj cov me nyuam, mas tsis yog vim peb khwv tswv yim ntev hli ,ntau xyoo – Yeej muaj raws li tej lo lus no tias : peb nyob peb - peb xav peb mas yeej tsis muaj ib hnub peb yuav tau ntseeg Ntuj. Tsam peb nyob peb,ces peb yuav lees tias peb yog ib cov neeg tsis muaj peev xwm coj ib lub neej zoo, ib lub neej ntshiab dawb huv .Li ntawd peb nyob peb ces thiaj yuav ntaus tswv yim ib yam nkaus li tus Hauv Paus Xa Lus Paj Lug tej lus tias : “Kuv tsis to taub tej yam uas kuv niaj hnub ua, yam li kuv tsis ua qhov zoo kuv xav ua = Hos kuv ua qhov kuv ntxub- Kuv paub tias tsis muaj ib yam zoo nyob txawm hauv kuv lub cev- Kuv lub cev nqaij xav ua zoo uas kuv xav tau,.tab sis kuv ua tsis tau yam zoo ntawd- Ua li kuv tsis ua qhov zoo kuv xav ua- Kuv ua qhov phem uas kuv tsis xav ua- Yog txoj kev txhaum uas nyob hauv kuv thiaj ua qhov phem ntawd. Ua li mas kuv txom nyem tas nrho ! Leej twg yuav npo kuv dim ntawm lub cev uas pus kuv mus rau txoj kev tuag ntawd tau ?”- Los Mas 7: 15-24. Cov kwv tij, peb sawv daws kuj lees thooj li tus Hauv Paus Xa Lus Paj Lug lo lus tias, peb nyob peb mas peb tsis muaj peev xwm – peb tsis muaj zog los taug kev zoo, tab sis muaj qhov phem qhov tuag tshwm tuaj nyob txawm hauv peb ntag - Paj Lug hais tias : “ Kuv lub cev nqaij xav ua zoo uas kuv xav tau ,tab sis kuv ua tsis tau yam zoo ntawd, ces kuv ua qhov kuv ntxub “. Paj Lug hais li no tas, nws thiaj hais ntxiv.: “Ua li mas kuv txom nyem tas nrho tiag’
Tab sis tus Hauv Paus Xa Lus Paj tseem li hais ib cov lus ntxiv los mus txhib peb siab kom xwv peb muaj chaw cia siab. Nws tseem sau li no tias : “Kuv ua Tswv Ntuj tsaug nyob hauv peb tus Huab Tais Yes Xus Pleev..Kuv cov kwv tij zoo nyiam peb ua Tswv Ntuj tsaug vim nws pub kev yeej rau peb, nyob hauv peb tus Huab Tais Yes Xus Pleev – Nej ua siab khov siab ruaj mog, kom nej tsuas muaj zoo zuj zus nyob hauv Huab Tais Yes Xus lub luag hauj lwm, vim nej paub tias nej tsis nkim zog dag ua hauj lwm nyob hauv Huab Tais” 1 Kos Lis Nthos 15:57-58
Cov kwv tij, nyob hauv nws tsab ntawv rau cov Kos Lis Nthos no, tus Hauv Paus Xa Lus Paj Lug kuj “ua Tswv Ntuj tsaug vim tias Tswv Ntuj pub kev yeej rau peb nyob hauv peb tus Huab Tais Yes Xus Pleev”. Hos Paj Lug tseem sau tej lus rau lwm pawg ntseeg, uas nyob rau hauv lub nroog Tes Xas Los Nis tias : “Nej tau txais Tswv Ntuj Lo Lus, ces nej zoo siab nyob hauv Leej Ntuj Plig Ntshiab..Huab Tais Lo Lus nrov ncha ntws tim nej. Luag tej ob cag piav tias peb tuaj txog nej li cas thiab nej tau ua li cas tig los ntseeg txog Tswv Ntuj - Nej tau tig los tsob hwb tus Tswv Ntuj muaj txoj sia uas yog tus Tseeb” 1 Tes Xas Los Nis 1:6-9
Ua li mas lub zim txwv no, hauv peb tsoom Hmoob, peb niaj hnub ua Ntuj tsaug, vim tias Leej Ntuj Plig Ntshiab tau nqes los tshoj peb siab, thooj li lub caij puag thaud, hauv lub nroog Kos Lis Nthos thiab lub nroog Tes Xas Los Nis, Ces peb nyob kaj lug kaj nrig los mus ntseeg txog tus Tswv Ntuj muaj txoj sia, uas yog tus Tseeb. Ua li ntawd ces peb niaj hnub cia Tswv Ntuj tej txiaj ntsim nqes los txhim kho peb tej siab ntsws, uas tsis muaj caij tag – Ua li mas hauv peb nruab siab KEV NTSEEG YOG PEB QHOV POM KEV LUG .
Cov kwv tij, phim peb yuav ua Tswv Ntuj tsaug, vim tias “peb tau txais Tswv Ntuj tej txiaj ntsim nplua nuj tas nrho nyob hauv Huab Tais Yes Xus Pleev – yog Ntuj lub txiaj ntsim cawm neeg” Es Fes Xos 2:7-8
Cov kwv tij ,peb niaj hnub yuav tsa muag los ua Tswv Ntuj tsaug, thooj li tus Hauv Paus Xa Lus Paj Lug tej lus tias; “Peb ua Tswv Ntuj tsaug nyob hauv peb tus Huab Tais Yes Xus Pleev, vim tias peb muaj lub tswv yim los tsob hwb Huab Tais Tswv Ntuj. “Kuv cov kwv tij zoo nyiam, peb ua Tswv Ntuj tsaug vim nws pub kev yeej rau peb, nyob hauv peb tus Huab Tais Yes Xus Pleev – Nej ua siab khov siab ruaj mog, kom nej tsuas muaj zoo zuj zus nyob hauv Huab Tais Yes Xus lub luag hauj lwm, vim nej paub tias nej tsis nkim zog dag ua hauj lwm nyob hauv Huab Tais” Los Mas 7: 25 + 1 Kos Lis Nthos 15: 57-58
Hu nkauj
- Cawm koj haiv neeg, Tswv Ntuj
- Koj txhob ntshai
- Ntuj lub txiaj ntsim
- Kuv tus Tswv Ntuj, thaum
- NPN 129 Kuv nyob hauv qab tiv txwv

TP.Txhiaj Foom lub TSEV Ntawv - Page 3 774278188_745148

**Maiv Tooj** 26th August 2013, 9:17 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°59

Re: TP.Txhiaj Foom lub TSEV Ntawv

Post Maiv Tooj 26th August 2013, 9:17 am

KEV NTSEEG YOG PEB QHOV POM KEV LUG # 4

TP.Txhiaj Foom lub TSEV Ntawv - Page 3 Albrec10

Cov kwv tij hmov thiab tshua, hnub no yog Hnub Chiv uas peb nco ntsoov tias Tswv Ntuj tau tsa nws Leej Tub, Yes Xus Pleev sawv ntawm cov tub tuag rov los. Txhua txhia Hnub Chiv, peb mam li zoo siab sib sau los ua Thaj Txi Ntuj -.peb zoo siab nco txog Tswv Ntuj cov txiaj ntsim uas loj tas nrho.
Hos hnub no yog zaum 4 uas peb yuav nthuav piav peb tus Vaj Qhia Fas Ntshis Kus tsab ntawv tseem ceeb..Lub ntsiab lus ntawm Vaj Qhia Fas Ntshis Kus thawj tsab ntawv kuj mus li no tias ; KEV NTSEEG YOG PEB QHOV POM KEV KAJ LUG. Zoo li thawj lo lus uas Vaj Qhia sau hauv nws tsab ntawv ntawd kuj mus li no tias : “Huab Tais Yes Xus tau tshaj lo lus zoo li no : KUV YOG QHOV POM KEV KAJ LUG – LEEJ TWG LAWV KUV QAB , NWS YUAV TSIS MUS HAUV QHOV TSAUS NTUJ -. NWS YUAV TAU QHOV POM KEV LUG UAS COJ MUS RAU TXOJ SIA Zam 8:12
Mas hnub no nej thiaj yuav tau mloog 2 zaj lus tseem ceeb zoo Ii no tias
1 : Tus tib neeg ntseeg twg mas nws kuj txais Huab Tais Yes Xus los hauv nws lub siab
2 : Huab Tais Yes Xus kev nyiam kev hlub tshua kuj nqes los nplij peb siab ntag
( Zaj nkauj : Los, Leej Ntuj Plig los coj tas kuv lub neej
1 : Tus tib neeg ntseeg mas nws kuj txais Huab Tais Yes Xus nqes los hauv nws lub siab. Cov kwv tij, Vaj Qhia Fas Ntshis Kus txhib peb tsoom ntseeg ,yam peb yuav qhib peb siab txais Huab Tais Yes Xus nqes los hauv peb lub siab. Qhov no thiaj yog ib zaj lus tshiab uas tej pab neeg coob nyob thoob ntiaj teb, lawv tsis tau ua dua.
Phim yuav nco tias : ib txwm los, tej pab neeg coob tau xav tias : Huab Tais Tswv Ntuj nyob deb nrug peb cov me neeg, uas ua neej nyob ntiaj teb no. Zoo li Tswv Ntuj kuj nyob puag saum ntuj - Li ntawd tej pab neeg coob thiaj tsis pom qab ua dab tsi los fim Tswv Ntuj li - Tsis paub tias yuav mus rau qhov twg thiaj nrhiav tau txoj cai haum Tswv Ntuj lub siab. Ces tej pab neeg coob ntawd kuj ntaus siab yau.
Tab sis hauv tsoom His Xas Lais kwv huam mas Huab Tais Tswv Ntuj kuj tshaj lo lus no tias: “Txoj cai uas hnub no kuv qhia koj kuj tsis yog ib txog cai nyob puag qaum ntuj - Koj mam li yuav hais tsis tau tias :” Leej twg yuav sawv peb chaw mus nrhiav txoj cai qaum ntuj los qhia peb, peb thiaj coj tau ?”- Kuv txoj cai kuj tsis yog nyob puag ntug hiav txwv sab tim ub –Nws nyob ze koj – Kuv lo lus xeeb txawm rau hauv koj lub ncauj thiab hauv koj nruab siab” Txoj Cai 2 zaj 30,qib 11-14
Mas peb tsoom ntseeg uas peb tau qhib peb siab rau lub Moo Zoo, mas peb zoo siab khaws Tswv Ntuj Lo Lus tias : “Tswv Ntuj nyiam lub qab ntuj neeg npaum no : nws thiaj muab nws Leej Tub twm zeej rau peb sawv daws, kom xwv tus ntseeg txog Leej Tub txhob tuag, tab sis kom nws muaj txoj sia nyob mus li” Zam 3: 16 Ua li,peb kuj paub tseeb tias Huab Tais Yes Xus niaj hnub nyob ze ze ntawm peb, kuj yog vim nws tau nqes los ua neeg. Nws kuj tau sawv ntawm cov tub tuag rov los lawm. Li ntawd, peb nyob hauv teb chaws twg kuj xij. hmo ntuj los nruab hnub, Huab Tais Yes Xus tseem nrog peb nyob nraim. Tab txawm peb pom tsis tau Huab Tais Yes Xus ntsej muag , tsis hnov nws lub suab, tsis kav peb nyob kaj siab lug ntseeg khov kho vim tias Huab Tais Yes Xus khuv leej sawv daws neeg, ib tug dhau ib tug, ib leeg dhau ib leeg – Nws ua peb luag, tsis tu ncua..Li ntawd nyias hu txog Huab Tais Yes Xus tuaj pab raws li nyias lub siab xav – Ho nyias muaj peev xwm rov hais tib lo lus xws li Leej Ntshiab Paj Lug tias : “Tsis yog kuv muaj txoj sia ntxiv- Qhov tseeb yog Huab Tais Yes Xus Pleev txoj sia ciaj nyob hauv kuv” Nkas Las Tias 2:20
NUG : tus tib neeg twg tig los ntseeg Huab Tais, mas muaj dab tsi tshiab tshiab rau hauv nws lub siab ?
TEB tias : Qhov tshiab kuj mus li no tias : nyias hais tau lus rau hauv nyias lub siab tias : “Hnub dhau hnub, hli dhau hli, mas Huab Tais Yes Xus tsa nws tsev rau hauv kuv.- Ces kuv kub siab thov kom Huab Tais Yes Xus muab ib feem hauv nws Txoj Kev Nyiam Kev Hlub pub rau kuv”.
NUG : Lo lus tias “Huab Tais Yes Xus muab ib feem hauv nws tej kev nyiam kev hlub pub rau kuv” mas txhais li cas ? “- kuj yuav txhais li no tias : nyias kuj xav tau hauv nyias lub siab tias : “ Yog vim kuv tau txais lub Cim Ntxuav mas Tswv Ntuj lub txiaj ntsim uas muaj nqe tas nrho thiaj yog Leej Ntuj Plig Ntshiab.. Hnub dhau hnub. hli dhau hli, Tswv Ntuj Kev Nyiam Kev Hlub ntawd thiaj yog Tswv Ntuj lub dag lub zog, uas txhim kho kuv tej siab ntsws.”
NUG : Ua li ntawd peb yuav tsum ua dab tsi kom tau txais Tswv Ntuj cov txiaj ntsim ntawd, uas yog Leej Ntuj Plig Ntshiab ? : peb tsoom ntseeg sawv daws kuj yuav tsum tshaib nqhis txog Ntuj cov txiaj ntsim ntawd lod ?
TEB : Yuav ua li ntawd ntag ! Ces nyias hais tau nyias lo lus thov Ntuj raws li nyias lub tswv yim xav. Mas yuav tau muaj tej lub caij uas peb yuav rov hais tej qib lus, uas peb twm tau hauv Ntawv Ntshiab, xws li tej qib lus hauv Nkauj Paj Nruag 63 tias :” Tswv Ntuj, koj yog kuv tus Tswv Ntuj ! Kuv tus plig nqhis koj – kuv lub cev seev txog koj, zoo puav tam li av qhuav qhawv, nkig nkuav, tsis tau dej” Los peb yuav hais Nkauj Paj Nruag 42 tias :” Kuv tus Tswv Ntuj, kuv tus plig seev yees txog koj - Kuv tus plig nqhis Tswv Ntuj, nqhis tus Tswv Ntuj muaj txoj sia”
NUG : Hauv peb tsoom Hmoob, mas yeej muaj tej pab neeg uas raug sab, los raug mob nkeeg, mas Vaj Qhia Fas Ntshis Kus puas sau tej lo lus txhib cov neeg uas raug li ntawd ?
TEB : Vaj Qhia yeej hais tej lo lus nplij cov neeg ntawd ua siab loj siab tawv qhawv. Mas ib ntsis peb thiaj yuav tshaj tej lus txog qhov ntawd.
PAJ NRUAG .
2 : Huab Tais Yes Xus kev nyiam kev hlub tshua kuj nqes los nplij peb siab ntag Vaj Qhia Fas Ntshis Kus yeej paub tias : hauv tas txhia haiv neeg thiaj muaj tej pab neeg uas raug sab los lawv raug mob nkeeg. Mas Vaj Qhia uas ntseeg Ntuj khov kho thiaj tau hais tej lus uas yuav raug cov neeg ntawd lub siab. Tej zaj lus nws tshaj tawm kuj txhawv ntawm Phau Ntawv Ntshiab tuaj. Zoo li Vaj Qhia kuj txhib peb sawv daws siab los ntsia Yes Xus, uas dai saum tus Ntoo Cuam. Lub caij ntawd kiag Yes Xus haj yam muab nws lub neej los cob rau nws Txiv nyob saum ntuj - Yes Xus haj yam npuab nws Txiv lub siab. Yes Xus tso siab lug rau nws Txiv tuag nthi– Ua li, peb nco txog Yes Xus lo lus kawg, yog thaum nws dai saum tus ntoo cuam. Nws hais tias :” Txiv, kuv tso kuv txoj sia rau hauv koj txhais tes” Lus Kas 23 : 46 Yes Xus hais li ntawd kuj yog raws li Nkauj Paj Nruag 17 tias :” Kuv pom Huab Tais nyob ntawm kuv xub ntiag tsis tseg. Huab Tais nyob ntawm kuv xab xis kom kuv txhob qaug..Kuv cev nqaij muaj sia nyob hauv txoj kev tso siab, vim koj yuav tsis tso kuv tus plig pov tseg rau hauv ntuj txias teb tsaus- Koj yuav tsis cia koj tus ntshiab lub cev lwj – Koj yuav ua kom kuv paub cov kev mus hauv txoj sia. Koj cia kuv pom koj lub ntsej muag kom kuv xyiv fab’ Hauj Lwm 2 ::25-28
Cov kwv tij, peb niaj hnub nco ntsoov tias, thaum Yes Xus dai saum tus Ntoo Cuam mas nws haj yam nyiam nws Txiv tuag nthi –Nws haj yam npuab nws Txiv lub siab, kuj yog vim Leej Ntuj Plig Ntshiab lub hwj huam roos nws tsis tseg. Yes Xus tso siab lug rau nws Txiv, hais tias : “Koj yuav tsis tso kuv tus plig pov tseg rau hauv ntuj txias teb tsaus - Koj yuav tsis cia kuv lub cev lwj” -Ua li ntawd Yes Xus tsis ntaus siab yau. Ces 3 hnub tom qab ntawd, nws yuav sawv rov los. Nws lub cev yuav thiaj tau txais Tswv Ntuj lub hwj chim sis laub sis lug. Nws mam li yuav ua Vaj, rov mus txog txhiab niag tim puas xyoo.
NUG : Ntawm peb cov neeg ntseeg Ntuj ,mas tim li cas peb yuav tsa muag ntsia Yes Xus uas dai saum tus Ntoo Cuam ?= TEB : kuj yog vim: “Yes Xus tau coj lub neej zoo li cas, mas peb yuav coj ib lub neej raws li nws” 1 Zam 4: 17 Li ntawd, peb yuav thov kom Yes Xus muab ib feem hauv nws txoj kev nyiam Tswv Ntuj pub rau peb, kom nqes los hauv peb lub siab. Yog peb thov Yes Xus zoo li ntawd, mas peb thiaj yuav ua siab loj siab tawv qhawv thooj li Yes Xus ntag.
NUG : Thaum Yes Xus ncig teb chaws His Xas Lais los tshaj lub Moo Zoo mas nws puas hais tej lo lus nplij cov neeg txom nyem, cov neeg raug mob nkeeg ?
TEB : Huab Tais Yes Xus tau tshaj ntau zaj lus txog qhov ntawd. Zoo li 2 qib lus no tias : “Tas nej sawv daws uas nej khwv thiab ris nra hnyav, nej tuaj cuag kuv-.Nej kawm ntawm kuv mog, vim kuv lub siab zoo - Kuv tsis muab hlob, ces nej tus plig thiaj yuav nrhiav tau chaw so los siav” Mas Tais 11: 28-29 Cov kwv tij, lo lus tias : “Nej kawm ntawm kuv” mas muab txhais tias : “Thaum Yes Xus dai saum ntoo cuam, nws haj yam ntseeg Ntuj ruaj nreb - Nws haj yam nyiam nws Txiv tshaj qhov qub 1.000 npaug- .Ces nws “yeem kwv ntoo cuam- Nws tsis ntshai luag thuam – Tsis ntshai poob ntsej muag . Ua li Yes Xus yog tus ntaus thawj coj kev ntseeg. Nws pab peb ntseeg kom tom thawj” Hes Nplaws 12: 2. Mas peb yuav yoog raws li Yes Xus tus piv txwv tias : “Peb yuav cia Huab Tais Yes Xus kev ntseeg thiab kev nyiam Tswv Ntuj xyaw peb tej kev mob nkeeg ces “ peb yuav muaj chaw so los siav’- . Peb yuav “ muab peb lub neej los txi rau Tswv Ntuj, zoo li ib cov txim ntshiab muaj txoj sia ntxim Tswv Ntuj lub siab” Los Mas 12: 1
Cov kwv tij, peb cov neeg ntseeg uas peb yuav muab kev nyiam kev hlub los “tso peb tej kev ntxhov siab huv tib si rau Tswv Ntuj”, raws li Yes Xus tus piv txwv, mas txhais tias “peb nrog Yes Xus koom ua ib lub siab - peb tus Huab Tais Tswv Ntuj thiaj yuav yog tus txuag peb” 1 Pob Zeb 5:7 + 4: 13. Tswv Ntuj kuj yuav nplij peb siab, thooj li yav thaud ,nws tau nplij Yes Xus, uas dai ntawm tus Ntoo Cuam - “Tswv Ntuj yuav rov tsa peb kom peb khov- Nws yuav ntxiv zog rau peb - Nws yuav ua kom peb ruaj nreb, vau tsis tau 1 Pob Zeb 5: 10
TEEV NTUJ : Peb Txiv khuv leej neeg tas nrho, peb ua koj tsaug ntau vim peb tus Vaj Qhia Fas Ntshis Kus tau tshaj tej lo lus tseem ceeb los txhib peb siab - Ces “ kev ntseeg thiaj yog peb qhov pom kev lug”. Ua li peb niaj hnub yuav tsa muag ntsia Yes Xus uas dai saum tus Ntoo Cuam. Nws muab tas nws tej kev hlub los txi nws txoj sia rau Ntuj. Mas peb thov koj muab ib feeem hauv Huab Tais Yes Xus kev nyiam kev hlub nqes los rau hauv peb siab. Li ntawd peb yuav tau coj lub neej ruaj nreb khov kho, raws li Yes Xus thiab nyob hauv Nws . Ua koj tsaug ntau NTUJ AIB ! Peb thov koj, Huab Tais Leej Txiv siab zoo.
= Peb Txiv khuv leej neeg tas nrho, thov koj pab txhawb nqa peb ib cov kwv tij Hmoob uas raug mob nkeeg thiab raug kev nyuaj siab ntxhov plawv.Thov kom koj Leej Tub, Huab Tais Yes Xus Pleev nqes los nyob hauv lawv siab thiab - Thov koj nplij peb cov kwv tij ntawd os mog. Ua koj tsaug ntau NTUJ AIB ! Peb thov koj, Huab Tais Leej Txiv siab zoo
Zaj nkauj : Kuv tso kuv txoj sia..
= Kuv tau txav txim siab
= PEB TXIV NYOB SAUM NTUJ
= KOJ NYOB KAJ LUG, MAB LIAB…

TP.Txhiaj Foom lub TSEV Ntawv - Page 3 77670110

**Maiv Tooj** 30th August 2013, 5:31 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°60

Re: TP.Txhiaj Foom lub TSEV Ntawv

Post Maiv Tooj 30th August 2013, 5:31 am

Tim 1 lub 9 hli 2013 Hnub Chiv 22 - Nruab xyoo – XYOO C
COV NEEG ME, HUAB TAIS TSA LAWV NYOB QHOV CHAW SIAB

TP.Txhiaj Foom lub TSEV Ntawv - Page 3 Pharisien-publicain_cate

Cov kwv tij hmov thiab tshua, hnub no yog Hnub Chiv uas peb tsoom ntseeg zoo siab tuaj sib sau ua Thaj Txi Ntuj, yam li qhov tseem ceeb 1 mas peb txais Tswv Ntuj Lo Lus, kom peb rov coj dua ib lub neej tshiab tshiab. Hos qhov tim 2, mas peb yuav nrog Huab Tais Yes Xus koom siab koom ntsws muab peb lub neej cob rau Tswv Ntuj raws li Huab Tais Yes Xus thiab nyob hauv Huab Tais.
Piv txwv li peb tsoom kwv tij Hmoob, mas ib txwm tsis muab hlob thiab tsis khav theeb. Tab sis hnub no hauv Ntawv Moo Zoo mas Huab Tais Yes Xus thiaj txhib peb siab, kom xwv peb haj yam ua neeg me tshaj qhov qub ob peb npaug.

TXAIS NTUJ LUS :
Hauv tsab ntawv 1 : Muaj lub ntsiab tias : “Koj yim loj, koj yim yuav tsum ua tus me, mas Huab Tais thiaj yuav nyiam koj.”
Hauv Ntawv Moo Zoo : Huab Tais Yes Xus hais ib zag paj lug rau cov neeg tuaj noj mov, vim nws pom lawv xaiv thawj cov rooj zaum xwb, ces Yes Xus thiaj hais tias :

“Thaum lawv caw koj, mas koj yuav mus zaum ntawm lub rooj puag nram qab kawg, kom thaum tus caw koj los txog, nws yuav hais rau koj tias ‘Npawg, koj nce los pem toj’, ces koj yuav tau ntsej muag nyob ntawm cov neeg tuaj nrog koj koom rooj qav xub ntiag. Vim tias tus uas nws tsa nws siab, mas Ntuj yuav txo nws qis. Hos tus uas nws txo nws qis, mas Ntuj yuav tsa kom nws siab.”

Piv txwv 1 : Yes Xus yug los thiab pw hauv ib lub dab nyuj xwb, ces nws thiaj zoo siab fim cov neeg txom nyem, cov neeg me thiab cov neeg mob nkeeg. Yes Xus tseem ua neeg me nqes tes los ntxuav cov thwj tim taw. Qhov kawg Yes Xus tseem yeem raug luag muab dai saum tus Ntoo Cuam, kom xwv cawm tib neeg dim ntawm qhov txhaum. Ua li mas tsim nyog peb yuav tsa muag ntsia Huab Tais, ces peb thiaj txawj nyiam Huab Tais Yes Xus.
Piv txwv 2 : Tus Nkauj Tsim Txiaj Mab Liab, nws kuj lees tias nws tsis tsim nyog yog tus Huab Tais Cawm neeg leej niam. Tab sis thaum Ntuj tus Tshiab Nkas Nplias nug Mab Liab tias, saib nws puas kam ua Yes Xus niam, mas Mab Liab kuj teb tias: “Kuv yog Huab Tais tus ntxhais txib xwb, kuv xav kom muaj tuaj raws li koj hais.”
Li ntawd, ces Mab Liab thiaj cav txog Tswv Ntuj lub txiaj ntsim tias : “Kuv tus plig cav txog Huab Tais Ntuj lub hwj chim, kuv lub tswv yim hom khaj nyob hauv Tswv Ntuj tus uas nws cawm kuv. Vim cov neeg me, Huab Tais tsa lawv nyob qhov chaw siab.”
Txhais tias : Huab Tais Leej Txiv tsa Yes Xus sawv ntawm cov tub tuag rov los, ces Yes Xus yuav ua Vaj muaj hwj chim nyob saum Tswv Ntuj lub Ceeb Tsheej.
Hos ntawm Mab Liab, mas Huab Tais Ntuj coj nws tus plig thiab nws lub cev nqaij daim tawv mus saum Tswv Ntuj lub Ceeb Tsheej lawm thiab.

PEB YUAV TAUG 3 YAM LI NO, CES PEB THIAJ UA TAU NEEG ME :
1 : Peb yuav thov txim txhaum. 2 : Peb yuav zam rau luag. 3: Peb yuav qhuas txog luag tej tus yam ntxwv.
1 : PEB YUAV THOV TXIM TXHAUM, mas piv txwv zoo li muaj ib hnub koj tau hais tej lo lus siab lwm tus lawm, los yog koj tau xyav nws moo thiab koj tau cem nws, ces thaum koj siab nqig mas ua rau koj xav tsis tas. Li ntawd, mas phim koj yuav mus THOV TXIM TXHAUM ntawm nws. Yog koj ua li, mas koj lub siab yuav rov nyob kaj lug kaj nrig.
Kev ua qhov ntawd mas kuj tsis yooj yim, tab sis yog koj txiav siab ua li ntawd tau, mas Tswv Ntuj haj yam yuav nyiam koj thiab koj thiaj tsim nyog ua Huab Tais Yes Xus tus Thwj Tim.
2 : PEB YUAV ZAM RAU LUAG, mas yog piv txwv tias koj tsis kam zam rau koj tus yeeb ncuab, ces txhais tias koj hla Huab Tais Yes Xus Lo Lus uas hais tias : “Nej yuav nyiam nej cov yeeb ncuab thiab nej yuav thov Ntuj pub rau cov tsim txom nej ” (Mas Tais 5: 44) Li ntawd, koj kav tsij zam rau luag os mog.
Kwv tij, kev peb yuav ua siab dav los hlub tshua luag tej, mas paub tias yeej nyuaj kawg. Tab sis yog peb txiav siab ua li ntawd tau, mas peb thiaj tsim nyog yog peb Txiv nyob saum ntuj cov tub.” (Mas Tais 5: 45) Thaum kawg koj thiab lwm tus, neb ob leeg thiaj rov muaj ib lub siab nyob tiaj nyob tus.
3 : PEB YUAV QHUAS TXOG LUAG TEJ TUS YAM NTXWV, mas piv txwv li koj yuav qhuas txog koj tus txij nkawm, vim tias nws khwv khwv ua liaj ua teb, ua noj ua haus thiab tu vaj tu tsev. Tsis tas li ntawd, koj tseem yuav qhuas txog koj cov me nyuam uas lawv kub siab kawm ntaub ntawv. Qhuas txog tej phooj ywg uas lawv txawj kho ub no thiab lawv tus yam ntxwv uas zoo, ces sawv daws yuav muaj lub dej siab khwv ntxiv mus.
HAUV THAJ TXI NTUJ NO : Tswv Ntuj, koj yog peb Txiv siab zoo tas nrho, thov kom koj Leej Tub Yes Xus tshoj peb siab los mus ua neeg me nyob ntawm koj xub ntiag thiab kom peb ua raws li Yes Xus tus lwj lwm. Ces nyob hauv peb tej zej zos, peb cov kwv tij phooj ywg thiaj yuav txawj qhib lawv lub siab los txais koj lub Moo Zoo. Txiv khuv leej neeg tas nrho, peb ua koj tsaug ntau !”

T.P. Txhiaj Foom omi

TP.Txhiaj Foom lub TSEV Ntawv - Page 3 Tumblr_motk9wohmA1sq5r7bo1_500

**Maiv Tooj** 13th September 2013, 6:41 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°61

Re: TP.Txhiaj Foom lub TSEV Ntawv

Post Maiv Tooj 13th September 2013, 6:41 am

Sept 15- 2013 Hnub Chiv 24 - Nruab Xyoo Xyoo C

HUAB TAIS TSWV NTUJ HLUB NEEG TAS NRHO
NWS TSIS PAUJ RAU PEB RAWS LI TEJ TXHAUM PEB UA

TP.Txhiaj Foom lub TSEV Ntawv - Page 3 Bartol10

= Yeej muaj tej pab neeg NUG lawv tus kheej tias : :” Kev ntseeg muaj nqe li cas? Puas yog qhov tseeb ? Tswv Ntuj pab peb zoo li cas rau li cas ?”
= Hnub no peb thiaj hnov zaj paj lug hais txog tus tub phob nyiaj. Ces thiaj POM QAB TEB hais tias : Kev ntseeg muaj nqe tshaj plaws – Yeej yog qhov tseeb – Ho Tswv Ntuj yog tus khuv leej neeg tas nrho : Tus tib neeg twg tu siab ntawm nws tej txhaum mas Tswv Ntuj muab nws txoj kev hlub uas muaj zog tas nrho los yaug tus neeg ntawd tej txhaum pov tseg thiab Tswv Ntuj pub nws coj ib lub neej tshiab, ib lub neej ntshiab dawb huv tiag “
= Tus tub ntxawg ua txhaum loj : Saib: lo lus tias :” nws txiv hlub nws” mas tus tub ntxawg tsis quav ntsej txog. Tab txawm nws txiv tau ua tas ib puas tsav yam los yug kom hlob, los tus tub ntxawg mom nws txheej mom nws ntsig. Ces tus tub ntxawg ib siab sawv kev mus deb ntawm nws niam nws txiv…
= Tus tub ntxawg “txoj kev txhaum yog txoj kev tuag” Los Mas 6:23.. Nyob pej kum teb mas tus tub ntxawg muab nws lub cuab tam phob tas – Nws coj lub neej dog dig, lub neej tsis tsim txiaj..Ces nws mus ntiav zog ntawm ib tug neeg hauv teb chaws ntawd .Tus tswv xa nws mus zov npua nyob nruab teb. Tus tub ntxawg ntshaw noj qos,xws li cov npua, tab sis tsis muaj leej twg pub qos rau nws noj.
Qhov kawg ces: nws tshaib tshaib plab thiab tsis muaj leej twg nyiam nws- Ces nws lub neej yeej tsis muaj ib qho me me muaj nqe Ces tuag zoo dua .
= Tus tub ntxawg ib siab rov qab los nrog nws txiv nyob, vim tias nws lees tias :” Kuv qhov txhaum loj kawg ..Ces yuav hais rau kuv txiv tias: 1 : Txiv ,kuv tau ua txhaum rau Ntuj thiab rau koj – 2 : Kuv tsis tsim nyog koj yuav hu kuv ua koj tus tub ntxiv – 3 : Thov koj yuav kuv los ua koj ib tug tub zog
= Leej txiv siab zoo- Nws hlub tshua nws tus tub ntxawg – Nws zam lub txim rau nws tus tub ntxawg - Thaum leej txiv pom nws tus tub rov los mas leej txiv khiav mus puag nkaus nws tus tub caj dab…Leej txiv tsuas hnov nws tus tub lo lus tim 1 thiab lo lus tim 2 xwb. .Ces leej txiv tsis hais ib lo lus hnyos rau nws tus tub. Nws tsis hais tias :” “Koj ua neeg fav xeeb rau kuv- Koj tso kuv pov tseg, koj mam li yuav ua kuv tus tub txib xwb Tsuas sawm “
Tab sis leej txiv tsis hais lo lus ntawd – Nws ib siab zam rau nws tus tub. Nws txais tus tub ntxawg rov qab los ces nws yuav rov ua lub neej tshiab- “Leej txiv hais tias 1 : Nej kav tsij nqa lub tsho zoo nkauj tshaj rau nws hnav – 2 : Nej muab ntiv nplhaib los ntxig rau nws ntiv tes – Nej muab khau rau nws rau – 4 : nej cab tus xyuas nyuj rog los tua- Peb kav tsij ua ib rooj qav noj, vim tias kuv tus tub no tuag lawm- Nyem no nws nws ciaj rov los – Nws ploj lawm- Nyem no.rov nrhiav tau nws-:.“. Ces sawv daws noj haus lom zem” = HUAB TAIS TSWV NTUJ HLUB NEEG TAS NRHO
NWS TSIS PAUJ RAU PEB RAWS LI TEJ TXHAUM. PEB UA
Tus tub ntxawg TU SIAB ntawm nws tej txhaum – Nws txiav txim siab muab nws txoj kev txhaum pov tseg, ces nws rov los LEES TXHAUM rau ntawm nws txiv xub ntiag. Ces nws txiv zam nws tej txim txhaum
Ntawm peb mas phim peb yuav TU SIAB ntawm peb tej txhaum raws li tus tub ntxawg tus piv txwv, thiab yam peb yuav ROV LOS LEES TXHAUM rau ntawm Huab Tais Tswv Ntuj xub ntiag. Ces Huab Tais Tswv Ntuj yuav muab nws txoj kev hlub uas muaj zog tas nrho los yaug peb tej txhaum pov tseg- Peb thiaj rov coj dua ib lub neej ntshiab dawb huv
= = “Yog peb hais tias” Peb tsis muaj txhaum”, ,mas peb rov dag rau peb -Qhov tseeb tsis nyob hauv peb lawm” 1 Zam 1:8 = = “ Koj lub siab zoo Huab Tais:,koj zam rau kuv- Koj lub siab hlub neeg- Huab Tais, koj so kuv cov txhaum” NPN 50
= = Zaj tu siab : Kuv tus Huab Tais, koj lub siab zoo tas nrho- Koj zoo nyiam tas nrho- Neeg lub txhaum tsis ntxim koj lub siab – Kuv tseem ua txhaum rau koj- Kuv tu siab nrho – Kuv tsis xav txhaum lwm zaus thiab kuv xav them txhim – Koj pub txiaj ntsim pab kuv . Ua li
= = “Tsis muaj ib yam uas Tswv Ntuj ua tsis tau” Lus Kas 1: 37 Tsis txhob xav tias :” Peb yuav tu siab ntawm peb tej txhaum, mas tsuas yog lub caij peb txais lub Cim Ntxuav xwb”.- Qhov tseeb kuj mus li no tias : txhua txhia hnub peb yuav lees txhaum rau ntawm Tswv Ntuj xub ntiag, mus li
UA THAJ TXI NTUJ : ( nyias hais tau nyias lus zoo li no tias ) Peb Txiv khuv leej neeg tas nrho, fab hauv kuv tus ntsuj plig mas kuv “ txom nyem tas nrho tiag” ‘ Los Mas 7: 24– Thov koj ua Txiv muab koj tej kev hlub, uas muaj zog tas nrho los zam kuv tej txhaum . “ Koj ntxuav kom kuv dawb dua daus..Koj tsim ib lub siab huv lis si los cog rau kuv….Koj pub ib lub siab loj rau kuv, mas kuv rov paub txoj kev kaj lug “ Nkauj Paj Nruag 50 . Huab Tais khuv leej neeg tas nrho, ua koj tsaug ntau.

Txiv Plig Txhiaj Foom omi.

TP.Txhiaj Foom lub TSEV Ntawv - Page 3 Nourri10

**Maiv Tooj** 20th September 2013, 7:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°62

Re: TP.Txhiaj Foom lub TSEV Ntawv

Post Maiv Tooj 20th September 2013, 7:12 am

September 22-2013 - Hnub Chiv 25 - Xyoo C
NEJ SAWV DAWS YOG IB CO KWV TIJ

TP.Txhiaj Foom lub TSEV Ntawv - Page 3 Jesus_11

Nyob hauv peb tsoom Hmoob mas ib txhia tig los teev Huab Tais Tswv Ntuj tib leeg xwb – Hos ib txhia mam li tos me ntsis tso ..Ua li muaj lo lus NUG tias : peb ib cov kwv tij neej tsa ,uas tseem coj qub kev cai,,mas Tswv Ntuj puas pov hwm lawv thiab ..?
= Hauv nws tsab ntawv ,tus Hauv Paus Xa Lus Paj Lug kuj sau tej lo lus meej meej pem los TEB, kom xwv peb rov ua siab loj- Txhob ntaus siab me. Nws hais tseg tias :
TSWV NTUJ XAV KOM TAS ZEEJ TSOOM TXAIS KEV CAWM THIAB PAUB TXOJ KEV TSEEB. VIM MUAJ TIB TUG TSWV NTUJ XWB - TUS CEV LUS NYOB HAUV TSWV NTUJ THIAB TSOOM NEEG KIS NRUAB NRAB, KUJ MUAJ TIB LEEG XWB . YOG YES XUS PLEEV.- NWS YOG NEEG - NWS MUAB NWS LOS UA NQI TXHIV PEB SAWV DAWS . Tis Mos Tes tsab 1,zaj 2 qib 4 -5
Mas txhais tias ; Tswv Ntuj siab zoo siab dav fo khuv leej sawv daws neeg nyob thoob ntiaj teb.,sib npaug zog - Tswv Ntuj tsis muaj siab nqaim, tias” Tsuas yog cov txais lub Cim Ntxuav xwb, uas lawv yuav tau mus pem Tswv Ntuj lub Ceeb Tsheej”. Qhov tseeb kuj mus li no tias ; tej pab neeg coj dab, los coj kev cai Mawv Xis Lim thiab cov coj Phus Thas kev cai ,mas Tswv Ntuj kuj pov hwm lawv tiag tiag
= Cov kwv tij lo lus no mas tsis yog ”lam hais xwb” ‘ : Thov kom nej mloog ib zaj lus tseeb uas 2.400 tus Tswv Qhia tau tshaj tawm hauv lub Rooj Ncauj Lus Vas Tis Kas 2, xyoo 1964 lub 11 hli, hais tias :” Tej pab neeg – uas tsis tau hnov txog Huab Tais Yes Xus Pleev lub Moo Zoo thiab nws .lub Koom Txoos dua – Li cas los, cov neeg ntawd kuj txais tau Tswv Ntuj lub txiaj ntsim los pab, ces lawv kuj coj tau lub neej ncaj ncees – Mas Tswv Ntuj kuj txhawb nqa lawv tej nplooj siab nplooj ntsws txaus lawv lub siab , Tswv Ntuj kuj tso qhov pom kev nqes los kaj cov neeg ntawd huv tib si lub siab thiab Ua li, qhov kawg lawv thiaj txais tau kev cawm “
Lo lus tias lawv txais tau kev cawm, mas muab txhais tias lawv yuav tau mus pem Tswv Ntuj lub Ceeb Tsheej - Peb khaws lo lus no tseg , ces peb tsis ntaus siab yau
= Hais txog peb cov neeg ntseeg Huab Tais Yes Xus, uas Tswv Ntuj tau xaiv peb los ntseeg Ntuj mas peb kuj yuav tsum ua Ntuj tsaug ntau, rau qhov tias peb txia ntshis ua Tswv Ntuj cov me tub me nyuam..Peb haj yam paub lub hauv paus hauv ntsis ntawm peb lub neej- Peb thiaj coj tau lub neej pom kev kaj lug ntag . Hos peb yuav tsum ua tim khawv txog lub neej tshiab rau peb cov kwv tij neej tsa sawv daws -
=Tsis tas li ntawd xwb ; peb yuav nrog lawv sawv daws sib haum xeeb thiab sib nyiam sib hlub thiab sib zam. Peb kuj yuav saib lawv loj . Tim li cas hais li no ? Kuj yog vim Huab Tais Yes Xus lo lus tseeb tias : NEJ SAWV DAWS YOG IB CO KWV TIJ”, Peb nyeem tau qib lus tseeb no hauv Mas Tais Ntawv Moo Zoo, zaj 23, qib 8.
Qhov tias tsoom neeg hauv yus lub zej zos kuj yuav tau coj lub neej nyob thaj yeeb nyab xeeb, lub neej nyob tiaj nyob tus, tsuas yog peb coj rawv Huab Tais Yes Xus Lo Lus tias NEJ SAWV DAWS YOG IB CO KWV TIJ .
Hauv Ntawv Moo Zoo mas Huab Tais Yes Xus tseem txhib peb siab li no tias
: Nej yuav ua Tswv Ntuj tub txib thiab nyiaj txiag tub txib tsis tau .
Qhov tias : “Tus tib neeg twg ua nyiaj txiag tub txib” yog leej twg ? Yog tus tib neeg uas nruab hnub hmo ntuj nws tsuas xav txog nws tej nyiaj txiag, uas nyob hauv nws txhais tes xwb .thiab nws npau suav txog ntau yam uas nws tseem tsis tau muaj. Yeej tsis xav txog lwm yam ntag . Mas tus neeg ntawd zoo li nws yog nyiaj txiag tus qhev ntag
Hos, ntawm peb tsoom ntseeg mas peb ib txwm khaws Huab Tais Ntuj Lo Lus Qhia. tim 1 hais tias : “ Ib: koj yuav teev Huab Tais Ntuj ib tug xwb thiab koj yuav nyiam Huab Tais Ntuj tshaj tas puas tsav yam”
Lo Lus no mas peb yuav coj rawv kuj nyuaj kawg. Tab sis Huab Tais Tswv Ntuj kuj muaj peev xwm txhab zog rau peb. “Nws ua tau ntau tshaj qhov peb thov thiab qhov peb xav tau “ Es Fes Xos 3 : 20 Yog tias peb coj rawv Lo Lus tseem ceeb no mas hauv peb tus ntsuj tus plig , peb thiaj coj tau lub neej twj lij - Peb tej nplooj siab nplooj ntsws yuav tau nyob tiaj nyob tus Tim li cas peb thiaj yuav coj tau lub neej nyob tiaj nyob tus ? Kuj yog vim “ peb nyob ntawm tog zoo, tog uas txais kev cawm “ Hes Nplaws 6: 9
Nkauj Paj Nruag 1 :” Tus tau txoj hmoov zoo yog tus uas xyiv fab npuab Tswv Ntuj txoj cai. Nws zoo puav tam li tsob ntoo cog ze kwj deg – Nws txi txiv raws caij – Nws cov nplooj tsis ntsws li – Nws ua yam twg tau yam ntawd raws siab xav “
YUAV THOV LEEJ NTUJ PLIG PAB : Leej Tswv Yim Ntshiab , koj tau txhab zog rau Yes Xus tag npaud, ces nws “ tau nyob kaj siab lug - Nws yog tus pluag hauv nruab siab, vim Ntuj lub Ceeb Tsheej yog nws li” Mas Tais 5 : 3 . Yog vim koj nyob txawm hauv peb siab ces peb thiaj vam txog koj pab .Huab Tais Yes Xus, hauv Thaj Txi Ntuj no mas thov koj nqes los txhim kho peb tej nplooj siab nplooj ntsws ywj koj siab . Ua li thov kom koj ua tej yam ntawd huv tib si kom tom thawj os mog – Huab Tais khuv leej neeg tas nrho, peb ua koj tsaug ntau “

T.P. Txhiaj Foom omi

TP.Txhiaj Foom lub TSEV Ntawv - Page 3 9fdyk110

**Maiv Tooj** 27th September 2013, 11:19 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°63

Re: TP.Txhiaj Foom lub TSEV Ntawv

Post Maiv Tooj 27th September 2013, 11:19 am

September 29 - 2013 Hnub Chiv 26 - Xyoo C

COV NYOB KAJ LUG KAJ NRIG YOG COV PLUAG HAUV NRUAB SIAB ,
VIM NTUJ LUB CEEB TSHEEJ YOG LAWV LI .

TP.Txhiaj Foom lub TSEV Ntawv - Page 3 Suivre10

== Yeej muaj ib co neeg NUG lo lus no tias ” Peb yuav yoog raws li leej twg tus piv txwv, peb thiaj coj tau lub neej ntxim Tswv Ntuj siab ?.”
Mas tus Hauv Paus Xa Lus Zam sau lo lus TEB tias peb yuav yoog raws li Yes Xus tus piv txwv los mas 1 Zam 4:17 - Yes Xus tau coj lub neej zoo li cas mas peb yuav coj lub neej zoo li nws thiab.
Hos hauv nws tsab ntawv tus Hauv Paus Xa Lus Paj Lug qhia peb tias :
“ Kuv tuav txog Tswv Ntuj lub npe, uas nws pub txoj sia rau txhua tsav txhua yam - Yes Xus tau hais lo lus zeem tseeb zoo nkauj,nyob ntawm Pis Las Tos xub ntiag . Kuv tuav txog Yes Xus Pleev lub npe. Ua li, koj yuav coj Huab Tais Lo Lus qhia- Txhob muaj chaw xyeej- Koj ua li ntawd mus txog hnub peb tus Huab Tais Yes Xus Pleev yuav tawm los rau pom xyeem. Ces koj yuav txeeb tau txoj sia nyob mus li – Yog vim koj xav tau txoj sia nyob mus li, ces koj thiaj ua zaj zeem kev ntseeg rau cov tim khwv pom “ 1 Tis Mos Tes 3: 13-14
= Cov kwv tij , Huab Tais Yes Xus muaj lub siab loj siab tawv qhawv tas npaud, nws tsis tau muab nws kev ntseeg los zais ntshis . Nws tab meeg ” hais lo lus zeem kev ntseeg “- Li ntawd ces peb yuav zoo siab yoog raws li Huab Tais – Yuav tsis txaj muag hais qhia luag tias peb yog Huab Tais Yes Xus cov thwj tim Li ntawd, peb yuav coj rawv Lo Lus uas tus Hauv Paus Xa Lus Zam tau tshaj tawm tias – 1 Zam 4 ; 17
= Hnub no,hauv Ntawv Moo Zoo, Huab Tais tshaj ib zaj lus meej pem hais txog tus nplua nuj thiab tus pluag.. Yog tej lo lus ceeb toom los txhib peb, kom xwv peb ua neeg ceev faj thiab kom peb nco ntsoov tias : peb tsuas coj lub neej ib zaug xwb. Ces saib : “Peb lub siab puas dai dhuam rau tej yam nyob txheej saud – Txhob dai rau tej yam nyob ntiaj teb no “ Kos Los Xais 3:1 – 2.
= Ces hnub no tsim nyog peb yuav khaws tej zaj lus tseem ceeb hauv Ntawv Ntshiab tseg, kom xwv peb txhob ua raws li tus neeg nplua nuj, uas qhov kawg nws poob hauv ntuj txias teb tsaus. -Yeej tsis tau kev dim lauj – Saib peb tsoom ntseeg puas yuav siv me ntsis sij hawm los kawm Tswv Ntuj tej qib lus hauv nruab siab.- Saib :.yog peb ua li mas fab hauv tus ntsuj tus plig peb thiaj yuav tau ua neeg nplua nuj los khaws Tswv Ntuj tej txiaj ntsim puv peb siab npo .
= “ Tus uas nws pos pob ntseg .tsis xav txog tus neeg pluag lub suab hu,mas muaj hnub nws kuj yuav qw nrov – Luag kuj yuav tsis teb nws” Cov Paj Lug 21:13
= “ Tswv Ntuj, kuv thov koj ob yam -1 : Thov koj tshem txoj kev hais lus dag lus cuav mus deb ntawm kuv – 2 :Koj tsis txhob ua kom kuv pluag dhau los kuj muaj dhau – Thov koj pub mov txaus kuv noj xwb – Tsam kuv muaj dhau ces kuv yuav hais tias:” Huab Tais yog leej twg ?”- Los yog pluag dhau ces kuv ua tub sab – yuav tsis hwm kuv tus Tswv Ntuj lub npe” Cov Paj Lug 30:7-9
( Tim li cas hais lo lus no tias:” Huab Tais yog leej twg ?” vim tias tsam yuav hais rov rau yus tus kheej tias :” Kuv muaj nyiaj txiag txaus kuv lub siab- Mas tsis tas yuav hu txog Tswv Ntuj pab. Kev ntseeg Ntuj thiaj tsis muaj qab hau dab tsi.” .)
= “ Thaum koj ntsib ib tug thov ib yam ntawm koj mas yog koj pab tau mas txhob ua tus tsis kam pab” Cov Paj Lug 3:27
= “ Kuv tusTswv Ntuj, kuv tus plig seev yees txog koj, nqhis tus Tswv Ntuj muaj txoj sia” Nkauj Paj Nruag 42:2-3 -“ Tswv Ntuj, koj yog kuv tus Tswv Ntuj – Kuv tus plig nqhis koj – Kuv lub cev seev txog koj ,zoo puav tam li av qhuav qhawv ,nkig nkuav,tsis tau dej” Nkauj Paj Nruag 63:2
= “ Txoj Cai uas tawm hauv hauv koj lub ncauj los kuj muaj nqe dua ib txhab nyiaj: NPN 119: 72
=” Yog ib tug neeg txeeb tau tas lub ntiaj teb tib si los ua nws tug, tab sis yog nws txoj sia ploj lawm,mas nws yuav tau dab tsi ?” Mas Tais 16:26 ( Lo lus tias : “Yog nws txoj sia ploj lawm” mas txhais tias tsis pom dab tsi muaj nqe hauv nws nruab siab .Txhais tias nws tseem txoj sia thiaj ploj ntais kiag..)
= “Tus cag uas yug txhua hom xwv txheej yog txoj kev nyiam nyiaj txiag – Qee leej qaug rau nyiaj txiag, lawv thiaj yuam kev mus deb ntawm txoj kev ntseeg, ces ntau hom kev ntxhov siab chob lawv tus plig “ 1 Tis Mos Tes 6:10
COV NYOB KAJ LUG KAJ NRIG YOG COV PLUAG HAUV NRUAB SIAB ,
VIM NTUJ LUB CEEB TSHEEJ YOG LAWV LI . Mas Tais 5:: 3
UA THAJ TXI NTUJ : Huab Tais Yes Xus, Tswv Nuj Lo Lus muaj nqe dua ib txhab nyiaj txhab kub : -Yog Qhov Tseeb. Tiam sis peb mloog nyuaj kawg. Thov koj xa Leej Ntuj Plig Ntshiab tej txiaj ntsim nqes los ( thiab txeem hauv peb lub siab ) , ces peb yuav tau coj lub neej nyob thaj yeeb nyab xeeb raws li koj tus piv txwv

Txiv Plig Txhiaj Foom omi

TP.Txhiaj Foom lub TSEV Ntawv - Page 3 Clb_1010

**Maiv Tooj** 5th October 2013, 6:38 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°64

Re: TP.Txhiaj Foom lub TSEV Ntawv

Post Maiv Tooj 5th October 2013, 6:38 pm

October 6- 2013 - HNUB CHIV 27- XYOO C

PEB MUAJ LEEJ NTUJ PLIG NTSHIAB PAB,
VIM NWS NYOB TXAWM HAUV PEB

TP.Txhiaj Foom lub TSEV Ntawv - Page 3 Balanc10

Kwv tij, muaj LO LUS NUG TSWV NTUJ tias : “Peb tsis muaj zog txaus los mloog Ntuj Lus kom tom thawj, ces peb yuav ua zoo li cas ?”

= Hnub no mas Tswv Ntuj tshoj peb siab los TEB, ces peb yuav tsis txhob ntaus siab yau, vim peb yuav nco ntsoov tias peb tau txais Ntuj “cov txiaj ntsim sis laub sis lug”, uas yog los ntawm Leej Ntuj Plig Ntshiab ntag. (Zam 1: 16)

= Lub Tswv Yim uas Tswv Ntuj pub rau peb, yog ib lub tswv yim muaj zog heev, yog ib lub tswv yim nyiam thiab yog ib lub tswv yim pab tswj peb lub neej. Peb muaj Tswv Ntuj lub zog nres peb thiab peb muaj Leej Ntuj Plig Ntshiab pab peb, mas yog ib yam zoo tshaj, vim nws nyob txawm hauv peb.” (2 Tis Mos Tes 1: 7 – 14)

Li ntawd mas kwv tij, tsim nyog peb yuav nco tias ntsoov tias Leej Ntuj Plig Ntshiab tau nyob txawm hauv Yes Xus tej siab ntsws, ces “ Yes Xus thiaj ua tau siab tawv qhaw mus pem Yes Lus Xas Les” ( Lus Kas 9: 51 ) uas yog qhov chaw Yes Xus yuav raug luag ntes thiab yuav raug luag dai saum ntoo cuam.” Vim Yes Xus yuav nyiam peb sawv daws uas nyob hauv lub qab ntuj no, ces Yes Xus thiaj yuav nyiam peb mus txog thaum kawg.
( Zam 13:1)

Tsis tas li ntawd, tsim nyog peb yuav nco tias : “Peb yog Tswv Ntuj ib lub tuam tsev, ces Leej Ntuj Plig Ntshiab thiaj los nyob txawm hauv peb tiag tiag.” (1 Kos Lis Nthos 3:16) Peb ntseeg li ntawd, kuj yog vim peb tau txais lub Cim Ntxuav thiab lub Cim Txhab Zog. Ua li mas txhua txhia Hnub Chiv peb yuav nrog Huab Tais Yes Xus koom siab teev hawm Tswv Ntuj thiab peb kuj mus txais lub Cim Yug.

Mas txhais tias : “Tswv Ntuj tseem rov pub lub Tswv Yim rau peb mus li.” Yog Leej Ntuj Plig Ntshiab uas xub nres Yes Xus lub siab ntag.
THOV TSWV NTUJ PAB : Huab Tais Leej Txiv, thov koj hlub me yaus thiab thov koj pab kom Leej Ntuj Ntshiab coj kuv lub neej.” ( Nkas Las Tias 6: 25 ).Ces kuv thiaj yuav tau mloog koj tej Lus kom tom thawj, tsuav yog Leej Ntuj Plig Ntshiab nqes los hauv kuv thiab kom Nws ua kuv lub dag lub zog los mas. Huab Tais Leej Txiv, ua koj tsaug ntau.

Li ntawd, tsim nyog peb nyias yuav thov Huab Tais Yes Xus raws li Lo Lus uas sau tseg hauv Ntawv Moo Zoo tias : “Huab Tais siab zoo, thov koj txhab kev ntseeg rau kuv mas.” ( Lus Kas 17: 5 + Mas Kos 9: 24)

Kwv tij, peb yuav tau yoog raws li tus tub txib uas Huab Tais Yes Xus hais txog hauv Ntawv Moo Zoo. Tas ib hnub, nws mus laij teb, los yog zov tsiaj. Hos yav tsaus ntuj, mas nws npaj hmo rau nws tus tswv noj, nws tsis yws yws, nws tsuas hais tias : “Kuv tau ua qhov uas kuv yuav tsum ua.” (Lus Kas 17: 7-10)

Li ntawd, peb yuav tsum nquag mloog Ntuj tej lus thiab kom peb tsis txhob txaj muag ua tim khawv zeem peb tus Huab Tais Yes Xus. Mas ib lo lus uas peb muaj peev xwm hais, yog lo lus tias : “Kuv tau ua qhov uas kuv yuav tsum ua.”

Peb yuav tau lees tias, peb yeej tau ua qhov zoo thiab tab sis qhov loj kuj mus li no tias : “Leej Ntuj Plig Ntshiab uas nyob txawm hauv peb, mas nws tau pab peb yam tsis tu ncua thiab nws yeej yog peb lub dag lub zog, vim Tswv Ntuj siab zoo tas nrho. Peb thiaj yuav tsum nco ntsoov Ntuj tej txiaj ntsim uas yog qhov loj tshaj plaws.”

UA THAJ TXI NTUJ : Huab Tais khuv leej neeg tas nrho. Qhov uas peb paub mloog Koj tej Lus, mas tsis yog vim peb tus kheej txawj ua qhov ntawd. Qhov tseeb, mas yog vim koj lub Tswv Yim uas nyob txawm hauv peb, Nws tau pab txhab kev ntseeg rau peb thiab Nws ua tus coj peb lub neej, mas peb ua Koj tsaug ntau.

Txiv Plig Txhiaj Foom omi

TP.Txhiaj Foom lub TSEV Ntawv - Page 3 30143510

**Maiv Tooj** 25th October 2013, 7:59 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°65

Re: TP.Txhiaj Foom lub TSEV Ntawv

Post Maiv Tooj 25th October 2013, 7:59 am

October 27-2013..Hnub Chiv 30 – Xyoo C
LEEJ TWG TXO NWS QIS, NTUJ YUAV TSA NWS SIAB

= Hauv tej pawg ntseeg huv si, mas yeej muaj ib txhia NUG zoo li no tias :” Lo lus tias muaj tej tus neeg uas Tswv Ntuj tsis pab, mas thiaj yog lo lus ua kom peb poob siab nthav . Tim li cas hais tau lo lus ntawd ?
= Mam li TEB TIAS : peb niaj hnub zoo siab nco tias : NEJ THOV CES NEJ YUAV TAU TXAIS. , vim tias Tswv Ntuj hlub tshua sawv daws neeg sib npaug zog. Hos nws tej kev hlub kuj mus raws kev ncaj kev ncees
Cov kwv tij peb yuav tsum tshuaj xyuas peb siab saib : peb puas teev hawm Tswv Ntuj mus raws qhov yog . raws qhov tseeb ..?
Peb xub xav txog tus Fas Lis Xais ,. Saib nws teev Ntuj zoo li cas ? “Nws tsa nws siab “- Ntawv Moo Zoo qhia peb Tus Fas Lis Xais ntawd yog neeg khav theeb thiab nws muab hlob. Nws muab nws los piv rau zeej tsoom sawv daws tias “ Kuv tsis zoo li lawv. Saib :” Lawv ua tub sab ,ua tsis ncaj .. Lawv deev luag txij luag nkawm” Txhais tias : “ Kuv yog neeg zoo tiav tas tas . Kuv tsis muaj txhaum xws li luag tej ob cag li lauj”
Cov kwv tij hais qhov tseeb tias : Tus Fas Lis Xais ntawd nco txog lwm tus tej txhaum, tab sis nws hnov qab nws tej txhaum…Ua li nws muaj plhus txiav txim rau luag, Ua cas nws hnov qab Tswv Ntuj Lo Lus ( uas muaj nqe tshaj plaws ) tias : “Neeg saib tus yam ntxwv sab nraud,- Hos Tswv Ntuj saib hauv lub siab lub plawv»- ‘ 1 Xas Muas 16:7
Ces Ntawv Moo Zoo thiaj sau li no tias : Tus Fas Lis Xais nqes rov mus tsev mas Nws tsis tau ntshiab huv ,vim nws tsa nws siab !” Mas cov kwv tij peb yuav ceev faj thiab yuav tsis txhob khav theeb raws li tus Fas Lis Xais ntawd
Ces peb yuav xav txog tus neeg sau se ntawd. Nws teev Ntuj zoo li cas ? Nws yog tus sau se , ces nws muab tej nyiaj txiag ntawd rov rau cov nom Los Mas,uas tswj kav teb chaws His Xas Lais nruj. Txawm li cas, los nws khaws ib feem tseg los tso mus rau hauv nws hnab ris los ua nws ntiag tug. Nws ua tub sab ntag – Ua li nws nce mus teev Ntuj ces nws « Nws txo nws qis» - « Hauv lub tuam Tsev Ntuj pem Yes Lus Xas Les. nws lees tias nws tau hla Huab Tais Ntuj Lo Lus Qhia 7 thiab Lo Lus 10 tias : « Koj tsis txhob ua tub sab tub nyiag » Nws ntaus nws hauv siab - Nws hais tias : « Aub ! Tswv Ntuj, thov khuv leej kuv, vim tias kuv yog neeg txhaum ». Nws hais li, ces nws tsis muab nws los piv rau zeej tsoom sawv daws. Nws yeej nco tias : : “Neeg saib tus yam ntxwv sab nraud,- Hos Tswv Ntuj saib hauv lub siab lub plawv»- Ua li ,
Mas Ntawv Moo Zoo sau li no tias : « . Tus sau se nqes rov mus tsev mas nws ntshiab huv lawm, vim tias nws txo nws qis
Mas cov kwv ti, peb yuav ua neeg me yoog raws li tus sau se tus piv txwv yog thaum nws mus teev Ntuj raws qhov tseeb.
……………… ……………… ……………….
= Peb yuav nco txog Tus Nkauj Tsim Txiaj Mab Liab zaj nkauj teev Ntuj tias::” Kuv tus Huab Tais,nws ntsia txog nws tus ntxhais tsis muaj tsim.. Huab Tais lub siab hlub cov neeg hwm Ntuj - Huab Tais hlub lawv txog txhiab niag tim puas xyoo….Cov neeg me, Huab Tais tsa lawv nyob qhov chaw siab “
= Phim yuav nco txog 2-3 qib lus ntxiv hais tias :” Nej tsis txhob swb txoj kev ua 2-3 lub siab- Txhob swb lub koob meej cuav- Nej nyias yuav saib nyias yog tus me dua cov- Yuav saib luag tej loj dua nej” Fis Lis Pos 2,3
“Nej sib hlub vim nej yog ib cov kwv tij Nej ib leeg yuav saib ib leeg tsim nyog qhuas - Txhob khav tias nej paub txuj ci dua luag tej.. Koj ua zoo,ces koj yeej txoj kev phem” Los Mas 12: 9 +16 +21
UA THAJ TXI NTUJ : Huab Tais Yes Xus, koj txo koj qis nyob ntawm koj Txiv lub xub ntiag thiab nyob ntawm koj cov thwj tim lub xub ntiag. Hos niaj hnub no peb kuj lees tias : ntau zaus, peb tsa peb siab. Thov koj dauv muag khuv leej peb sawv daws, ces thov koj tuaj txhim kho peb lub siab kom xwv peb coj tau lub neej yoog raws li koj tus piv txwv. Huab Tais siab zoo tas nrho, peb ua koj tsaug ntau

T.P. Txhiaj Foom

**Maiv Tooj** 8th November 2013, 11:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°66

Re: TP.Txhiaj Foom lub TSEV Ntawv

Post Maiv Tooj 8th November 2013, 11:12 am

NOV 10 2013 - HNUB CHIV 32 - XYOO C

PEB ROV SIB PAB UA SIAB LOJ

TP.Txhiaj Foom lub TSEV Ntawv - Page 3 Godong10

= Cov kwv tij hmov tshua, peb tau hnov LO LUS NUG zoo li no tias : “ Hauv txoj kev ntseeg mas zaj lus tseem ceeb tshaj plaws thiaj yog Lo Lus twg ?” - Ces thiaj TEB LI NO tias : Yog lub Moo Zoo uas nplij peb lub siab tias “ Yes Xus, Tswv Ntuj Leej Tub, sawv hauv cov tub tuag rov los. Txoj kev tuag yuav tsis muaj cuab kav tuaj raug Yes Xus ib zaug ntxiv “ .Los Mas 6:8-9
Yav dhau lo peb tsoom Hmoob ib txwm tau xav txog kev mus ua thawj thiab, vim tias tsis tau hnov lub Moo Zoo ntawd. Tab sis niaj hnub no, tus tib neeg twg uas qhib nws lub siab rau lub Moo Zoo mas nws tsis ntshai kev mob nkeeg, kev ploj kev tuag, tab sis nws tso siab lug txog lub neej muaj hwj chim, pem Tswv Ntuj lub Ceeb Tsheej, mas peb tsoom ntseeg kuj coj tau ib lub neej ruaj nreb khov kho, tsis tu ncua .
Cov kwv tij ,peb niaj hnub tos nrhw txog hnub zoo tshaj plaws uas peb yuav tau muaj txoj sia nyob mus li, thiab peb yuav npuab Tswv Ntuj, pem Tswv Ntuj lub Ceeb Tsheej, rov mus txog txhiab niag tim puas xyoo .
= Hauv Ntawv Cog Lus Qub mas Tswv Ntuj txhib peb siab los nco txog ib cov neeg ntseeg His Xas Lais uas tuaj yeem tuag ua tim khawv txog txoj kev ntseeg,.. Ces 3 tus neeg thiaj tab meeg hais 3 lo lus no tias :’ 1 :Tswv Ntuj, uas yog tus Vaj kav lub sim ceeb, nws yuav tsa kuv sawv rov los – 2 Kuv tso siab tias : Tswv Ntuj yuav rov pub tes taw rau kuv – 3 : kuv tso siab tias Tswv Ntuj yuav tsa kuv sawv rov los “ . Lawv peb leeg ntawd tsis tau ntxeev siab rau Tswv Ntuj – Lawv npuab txoj kev ntseeg tuag nthi . Ua li, txog lub caij lawv yuav raug luag muab tua tuag , lawv thiaj hais lus nrov nrov tias : Huab Tais Tswv Ntuj yuav tsa kuv sawv rov :: “
= Hauv Ntawv Moo Zoo . Huab Tais Yes Xus tshaj Lus zoo li no tias : “Hnub uas cov neeg yuav pom txoj kev sawv hauv cov tub tuag rov los,mas lawv tsis sib txis ua txij ua nkawm lawm” , Yes Xus tseem hais tseg tias :” Tswv Ntuj tsis yog cov neeg tuag tus Tswv Ntuj. Nws yog cov neeg ciaj tus Tswv Ntuj’ Lus Kas 20:27-38
Lo lus NUG tias : Zoo li peb cov kwv tij uas tau tas sim neej mas peb tsis tau pom dua lawv ib tug sawv rov los ces nws yuav qhia peb tias lub neej tshiab pem Tswv Ntuj lub Ceeb Tsheej thiaj yog lub neej zoo li cas. Li ntawd peb yuav tsum ua neeg me los mus ntseeg Ntuj, puas yog ?
TEB tias : Yog los mas – Saib : qhov uas Tswv Ntuj tos txais ntawm peb thiaj yog li koj hais – Peb yuav ua neeg me thiaj ” yuav mloog Tswv Ntuj Lus zoo dua mloog neeg lus” Hauj lwm 5:29
Peb yuav kub siab khaws Tswv Ntuj tej Lo Lus tseg hauv nruab siab : Zoo li Lo Lus no tias :” Huab Tais Tswv Ntuj tau tsa Yes Xus sawv rov los, mas nws lub Tswv Yim ( uas yog Leej Ntuj Plig Ntshiab ) nws nyob txawm hauv peb, nws yuav pub txoj sia nyob mus li rau peb lub cev tuag”
=== ” Ntawm peb mas peb lub tsheej twb nyob saum ntuj, Ua li mas Huab Tais Yes Xus Pleev uas nws muaj hwj huam tswj txhua tsav txhua yam,.Mas peb tos Huab Tais uas yuav tuaj cawm peb – Nws yuav muab peb lub cev txom nyem no hloov ua ib lub cev muaj hwj chim,xws li nws lub” Los Mas 8:11 + Fis Lis Pos 3:20-21.
UA THAJ TXI NTUJ : Huab Tais Yes Xus, hnub no, koj muab koj tej kev hlub neeg los tuaj xyuas peb hauv Thaj Txi Ntuj no. Thov koj pub Leej Ntuj Plig Ntshiab tshoj peb lub siab ces peb yuav tsis ua xyem xyav txog lub neej tom ntej, dhau hnub peb yuav tso ntiaj teb no tseg. Thov koj pub peb ntseeg khov kho tias :” leej neeg lub cev yuav sawv rov los, ces peb yuav muaj txoj sia nyob mus li “ pem Tswv Ntuj lub Ceeb Tsheej, rov mus txog txhiab niag tim pua xyoo. Huab Tais siab zoo tas nrho, peb ua koj tsaug ntau .

Txiv Plig Txhiaj Foom omi

TP.Txhiaj Foom lub TSEV Ntawv - Page 3 24314210

**Maiv Tooj** 15th November 2013, 9:54 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°67

Re: TP.Txhiaj Foom lub TSEV Ntawv

Post Maiv Tooj 15th November 2013, 9:54 am

November 17- 2013 HNUB CHIV 33 - XYOO C

NEJ UA SIAB RUAJ NTSEEG NTUJ KOM TOM THAWJ
CES NEJ YUAV CAWM TAU NEJ TXOJ SIA

TP.Txhiaj Foom lub TSEV Ntawv - Page 3 800px-10

Cov kwv tij Hmoob hmov thiab tshua, txhua txhia xyoo mas lub 11 hlis ntuj peb yuav tau kev mloog tej zaj lus tseem ceeb hais txog lub hnub nyoog uas Huab Tais Yes Xus yuav rov los thaum lub ntiaj teb kawg. Ces peb yuav zov hmo, vim tias peb tsis paub lub hnub nyoog ntawd. (Mas Tais 25: 13)

Ua li mas hnub no Ntawv Moo Zoo kuj qhia tej zaj lus uas txaus txhawj rau peb tias : “Yuav muaj ib lub caij uas tsis tshuav ob lub pob zeb sib tshooj nyob hauv lub Tuam Tsev Teev Ntuj thiab ib haiv neeg yuav sawv los tiv lwm haiv neeg, ces lawv yuav hiam nej, kom nej rau cov nom tswv thiab ntes nej coj mus kaw rau hauv tsev loj faj. Nej yuav raug sawv daws ntxub, vim kuv lub npe.”

Yog vim li no, mas peb sawv daws yuav tau nco ntsoov txog qib lus tseem ceeb uas Yes Xus tau tshaj tawm rau nws cov thwj tim tias : “Cov tau txoj hmoov zoo, mas yog cov raug luag hiam vim txoj kev ncaj. Ntuj lub Ceeb Tsheej yog lawv li, ces lawv yuav tau txais koob haum loj nyob saum ntuj.” (Mas Tais 5: 10-12)

Kwv tij, nej yeej paub zoo tias nyob hauv lub qab ntuj no, mas yeej muaj tej lub teb chaws uas cov neeg ntseeg raug luag tsim txom heev kawg, vim cov nom tswv txwv tsis pub cov pej xeem hloov siab tig los ntseeg txog Tswv Ntuj, yam li nyob hauv teb chaws Pas Kis Taas thiab teb chaws As Las Npias Xaus Dis. Rau qhov tias hauv ob lub teb chaws no mas txoj cai tswj kav cov pej xeem ntseeg Ntuj nruj nruj heev, ces ua rau cov neeg ntseeg Ntuj nyuaj nyuaj siab kawg nkaus.

Kwv tij phooj ywg, hnub no Huab Tais Yes Xus tau hais tej lo lus muaj nqe los txhib nws cov thwj tim tias : “Thaum nej hnov luag hais txog tej yam ntxhov hnyov, mas nej tsis txhob ntshai, vim yog ib lub caij nej yuav tau kev ua tim khawv txog kev ntseeg Ntuj, ces Tswv Ntuj yuav pub ib cov lus thiab ib lub siab thoob tsib rau nej, mas cov neeg ntxub nej lawv yuav tsis muaj ib tug twg teb tau nej thiab cav tau nej cov lus. Vim tias thaum kawg mas yuav tsis muaj ib txoj plaub hau saum nej taub hau ploj.”

Cov kwv tij, uas li mas xam pom tias hauv nej lub zos, los yog hauv nej lub nroog, tsoom neeg ntseeg Ntuj tseem tsis tau coob, ces yeej yuav muaj ib txhia neeg saib nej qis qis.

Li ntawd, Huab Tais Yes Xus thiaj txhib sawv daws tias : “Nej tsis txhob ntshai, nej yuav muab nej lub neej thiab txoj sia coj mus cev rau Tswv Ntuj thiab nej yuav tsum kub siab coj lub neej ua neeg zoo nyob ntawm Tswv Ntuj tog mus li, ces nej yuav tau txais kev cawm.” (Hes Nplaws 6:9)

Kwv tij, muaj tej zaus peb raug kev nyuaj siab ntxhov plaw, mas peb kuj tau nrog Tswv Ntuj sib cav lawm.” ( Los Mas 9:20 ) Peb yws yws ntev loo yam tsis tu ncua, vim zoo li Tswv Ntuj nyob twj ywm thiab thooj li nws muab peb tso pov tseg, ces thaum ntawd mas peb raug kev nyuaj siab ntxhov hnyo tsaus ntuj nti tsis paub ua cas.

Lub caij ntawd, Tswv Ntuj nug peb tias : “Me tub thiab me ntxhais od ! Koj sim hais saib, puas yog koj ua txuj teev hawm kuv xwb, los yog koj ntseeg txog kuv yam ruaj nreb khov kho ?”

Kwv tij phooj ywg, tej lub caij li ntawd mas peb haj yam yuav tsum nco ntsoov txog Yes Xus uas nws raug kev sim siab thiab raug luag muab nws tua dai saum tus Ntoo Cuam. Thaum ntawd, Yes Xus tso siab lug rau nws Txiv tuag nthi thiab nws npuab nws Txiv lub siab txog qhov kawg, vim Yes Xus hais tias : “Txiv, kuv tso kuv txoj sia rau hauv koj txhais tes.” ( Lus Kas 23:46 ) Ua rau Yes Xus lub siab nyob tiaj tus, vim tias “Tswv Ntuj yog tus txuag neeg tej siab ntsws tag mus li, ces qhov kawg Yes Xus thiaj yeej txoj kev tuag thiab sawv rov los.”

Ua li mas phim peb yuav yoog raws li Yes Xus tus piv txwv, ces thaum peb raug xwv txheej loj, mas peb haj yam yuav tsum tso siab lug rau peb Txiv Tswv Ntuj uas nws khuv leej neeg tas nrho. Peb yuav hais rau peb Txiv tias : “Huab Tais siab zoo thiab siab ncaj tas nrho, koj yog tus Tswv Ntuj cawm peb lub neej thiab txoj sia. Kuv niaj hnub tos txog koj. Huab Tais, ua li mas thov koj nco txog kuv thiab hlub kuv.” (Nkauj Paj Nruag 25)

Cov kwv tij, tsis tas peb yuav qhib ib ob phau ntawv teev Ntuj los hu txog Tswv Ntuj pab. Peb tsuas nthuav piav peb tej kev ntxhov siab tiag tiag rau peb Txiv khuv leej neeg tas nrho xwb, ces nws yeej yuav mloog peb tej lus thov thiab ua kom peb tej siab ntsws rov nyob tiaj tus.

UA THAJ TXI NTUJ : Huab Tais Yes Xus, hnub no thov koj nqes los txhawb nqa peb lub neej hauv Thaj Txi Ntuj no. Vim peb ntseeg txog koj lub siab uas khuv leej neeg tas nrho. Thov koj pov hwm peb tsoom Hmoob sawv daws thiab tshoj peb kom muaj txoj kev ntseeg txog koj yam ruaj nreb khov kho mus li, ces peb lub neej thiaj yuav nyob thaj yeeb nyab xeeb rau hauv koj xub ntiag.

Ua koj tsaug ntau.

T. P. Txhiaj Foom omi

NEJ UA SIAB RUA NTSEEG NTUJ KOM TOM THAWJ
CES NEJ YUAV CAWM TAU NEJ TXOJ SIA

TP.Txhiaj Foom lub TSEV Ntawv - Page 3 Jerusa10

**Maiv Tooj** 22nd November 2013, 9:46 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°68

Re: TP.Txhiaj Foom lub TSEV Ntawv

Post Maiv Tooj 22nd November 2013, 9:46 am

November 24- 2013 - H.C. 34 Xyoo C

TP.Txhiaj Foom lub TSEV Ntawv - Page 3 Media-12

Kwv tij, nyob thoob ntiaj teb, mas tej pab neeg coob coob tau nug txog lub hauv ntsis ntawm peb lub neej tias thaum tib neeg txoj sia tu lawm yuav zoo li cas ?
Hnub no peb ua hmoov HWM YES XUS UA VAJ, mas Huab Tais Yes Xus tau tshaj tej lus TEB uas nplij peb sawv daws siab tias :

“KOJ YUAV NROG KUV NYOB.”

Hos muaj lo lus nug tias : “Yes Xus ua Vaj zoo li cas thiab ?”
Kwv tij, thaum Yes Xus mus rau hauv lub tsev txiav txim, mas tus nom Pis Las Tos kuj ncaj qha nug Yes Xus tias : “Ua li koj yog vaj lod ?” Yes Xus tsis zais, nws tab meeg hais kiag tias : “Kuv lub Ceeb Tsheej tsis nyob hauv lub qab ntuj no. Yog kuv lub Ceeb Tsheej nyob hauv lub qab ntuj no, mas kuv cov neeg yuav sawv tuaj tsa rog thaiv kom kuv txhob poob hauv cov Yus Das txhais tes. Tab sis kuv lub Ceeb Tsheej tsis nyob hauv lub qab ntuj no.” ( Zam 16: 36-37 )

Li ntawd, kom peb to taub tias : “Yes Xus kuj tsis yog ib yug vaj, los ib tug thawj coj tswj kav ib haiv neeg xws li tus nom Pis Las Tos, ces thiaj tsis muaj ib pab tub rog uas yuav tiv thaiv Yes Xus lub neej.”
Tab sis lub Moo Zoo hnub no tau qhia qhov tseeb tias : “Huab Tais Yes Xus lub Ceeb Tsheej tsis nyob hauv lub qab ntuj no”.

Txhais tias : “Huab Tais Leej Txiv tau xa nws Leej Tub twm zeej nqes los nyob ntiaj teb no, kom xwv Yes Xus tau ua Vaj kav tib neeg tus ntsuj tus plig. Ua li mas Yes Xus lub hwj huam ua Vaj thiaj yuav tsum muaj Huab Tais Leej Txiv txoj kev hlub uas muaj zog tas nrho los yaug ntiaj teb neeg tej txhaum pov tseg, ces peb cov neeg ntseeg Ntuj thiaj yuav tsum hloov siab rov nrog Tswv Ntuj sib haum xeeb thiab rov npuab Tswv Ntuj lub siab.”

Kwv tij, Huab Tais Yes Xus tseem tshaj lus tseg tias : “Luag yuav tsa kuv siab rau saum ntiaj teb.”
Txhais tias : “Yes Xus xub qhia rau lawv tias tsis ntev saum no xwb, lawv yuav tsa Yes Xus siab rau saum tus Ntoo Cuam. Tab sis Huab Tais Leej Txiv uas nyob saum ntuj kuj yuav tsa Yes Xus sawv rov los ua Vaj nyob qhov chaw siab uas yog saum Leej Txiv lub Ceeb Tsheej. Thaum ntawd, mas Yes Xus yuav rub tas ib tsoom neeg los cuag nws.” ( Zam 12 12:32 )
Li ntawd, peb thiaj zoo siab ntseeg Tswv Ntuj Lo Lus tias: “Huab Tais Leej Txiv tau rho peb ntawm kev tsaus ntuj los, ces nws tau coj peb los nyob hauv nws Leej Tub Yes Xus Pleev lub Ceeb Tsheej.” ( Kos Los Xais 1:13-14)
Cov kwv tij, thaum Yes Xus raug luag hiam thiab muab nws dai rau saum tus ntoo cuam, mas Yes Xus kuj ua Tswv Ntuj lub luag hauj lwm zam txhaum txog qhov kawg, ces Yes Xus thiaj zam rau cov neeg uas tau ua phem rau nws.
Tsis tas li xwb, niaj hnub no Huab Tais tseem ua Leej Txiv txoj hauj lwm zam txhaum tib yam li ntawd tsis tu ncua los pab peb sawv daws lub neej.

Yog vim li ntawd, mas Ntawv Moo Zoo hnub no thiaj qhov tseeb rau peb tias tus tub sab 2 uas hais rau lwm tus tias : “Koj tsis hwm Tswv Ntuj lod ? Koj twb raug txim zoo li nws ! Ntawm wb, mas wb lub txim yog txoj kev ncaj, vim wb tau ua tej yam tsim nyog raug txim. Hos Yes Xus mas nws tsis tau ua dab tsi phem li.”
Ces tus tub sab ntawd txawm thov Yes Xus li no tias : “Yes Xus, thaum koj mus txog hauv koj lub Ceeb Tsheej, mas thov koj nco txog kuv thiab mog”. Li ntawd, Huab Tais Yes Xus thiaj hais rau tus tub sab tias : “Kuv hais tseeb rau koj, hnub no kiag koj yuav nrog kuv nyob hauv lub Nras Los Zem.”

Kwv tij, qhov uas peb ntshaw tshaj plaws mas yog qhov tias : “Tom qab ntawm hnub uas peb tso ntiaj teb no tseg lawm, mas peb yuav tau kev mus nrog Huab Tais Yes Xus nyob, ces kom peb tso siab lug rau Huab Tais Leej Txiv ib yam li Yes Xus, vim tias Huab Tais Yes Xus yog peb tus Vaj uas khuv leej neeg tas nrho thiab nws muaj hwj chim loj tas nrho nyob saum Tswv Ntuj lub Ceeb Tsheej mus txog txhiab niag tim puas xyoo.”

Li ntawd, thaum txog hnub peb muaj ib siab ob qig, mas peb yuav tsum zoo siab rov hnov Yes Xus tej qub lus tias : “Nyem no mus lawm yav tom ntej, mas koj yuav nrog kuv nyob hauv lub Nras Lom Zem.” Ua li mas peb niaj hnub yuav tsum ua zoo thiab npaj siab tos txog hnub tseem ceeb tshaj plaws uas peb yuav tau mus nrog Huab Tais Yes Xus koom lub neej muaj hwj chim saum Tswv Ntuj lub Ceeb Tsheej uas ci ntsa iab nyob mus li.

THAJ TXI NTUJ : Huab Tais Leej Txiv siab zoo, peb ntseeg txog koj, ntseeg txog peb tus Vaj uas khuv leej neeg tas nrho thiab ntseeg txog Leej Ntuj Plig Ntshiab. Ua li mas thov koj pab tshoj peb tej siab ntsws, kom xwv peb muaj txoj kev ntseeg txog koj yam ruaj nreb khov kho.

Peb ua koj tsaug ntau.

Txiv Plig Txhiaj Foom omi

TP.Txhiaj Foom lub TSEV Ntawv - Page 3 3bd21311

**Maiv Tooj** 29th November 2013, 11:22 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°69

Re: TP.Txhiaj Foom lub TSEV Ntawv

Post Maiv Tooj 29th November 2013, 11:22 am

December 1- 2013 Tos Huab Tais H C 1 XYOO A

HUAB TAIS, TXHOB NCUA NTEV:

KOJ TUAJ KAV COV NEEG MAUB KEV TSAUS NTUJ

TP.Txhiaj Foom lub TSEV Ntawv - Page 3 Couron10

= Hmo tim 24 lub 12 hlis no thiaj yog zoo hmo uas peb yuav hwm Huab Tais Yes Xus yug los tim Npes Les Hes , Ua li , hnub no yog thawj hnub Chiv hauv lub Caij Tos Huab Tais,

= Peb yuav tos nrhw txog Hmo Christmas ntawd, xws li ib tug txiv ntxawm uas raug mob nkeeg heev ,tau ntev hnub ntau hmo - Txhua txhia hnub, tus txiv ntxawm ntawd tsuas tos txog ib yam xwb, yam li nws tos ib tug neeg yuav xa nws mus tim tsev kho mob hnub twg

= Ntawm peb cov neeg ntseeg peb kuj zoo li ntawd me ntsis yam peb tos txog hnub uas Huab Tais Yes Xus, tus tseem kws tshuaj uas kho tau peb tus ntsuj tus plig, nws yuav nqes los txhim kho peb tej siab ntsws thiab kav tas peb lub neej
HUAB TAIS, TXHOB NCUA NTEV.
KOJ TUAJ KAV COV NEEG MAUB KEV TSAUS NTUJ

Peb yuav tsim kev thaj yeeb - Peb yuav zov hmo tsis tu ncua
,
1 : Peb yuav tsim kev thaj yeeb. Yam peb yuav coj rawv Tswv Ntuj Lo Lus .
=== “ Lawv yuav muab lawv cov ntaj ntaus ua khais laij liag . Lawv yuav muab lawv cov hmuv los ntaus ua liag hlais nplej. Cov haiv neeg yuav tsis muab ntaj los sib tua lawm. Lawv yuav tsis xyaum ua rog “ ( His Xais 2:4 )
Txhais tias : peb yuav nrog luag tej ob cag ua phooj ua ywg… Peb yuav tsis xyav leej twg moo, li qub. Yuav nrog sawv daws sib haum xeeb. Yog tias peb ua li mas peb thiaj yuav tau tsim kev thaj yeeb hauv yus lub zos
.
=== “Peb yuav coj ib tug yam ntxwv muaj tsim, Peb yuav tsis txhob sib ceg . Peb yuav tsis txhob sib khib. Peb txhob mloog lub cev ntshaw ub ntshaw no “ Los Mas 13:13-14
Txhais tias : peb yuav siv zog coj lub neej ntshiab dawb huv, ces thiaj yuav rov nquag tsim kev thaj yeeb hauv yus lub zos

Yog vim peb tsis muaj zog coj rawv Ntuj Lo lus ntawd ces peb yuav thov Huab Tais Yes Xus,nqes los txhim kho peb tej siab ntsws, ywj Huab Tais siab
Yuav nco tias : lub Caij Tos Huab Tais thiaj yog ib lub caij rau peb mus txais lub Cim daws txhaum..- Ces peb thiaj rov muaj ib lub siab sib sib, - Yuav rov nquag tsim kev thaj yeeb :
“ Tswv Ntuj muaj hwj huam loj tas nrho .
Nws ua tau hauj lwm nyob hauv peb siab –
Nws ua tau ntau tshaj qhov peb thov, thiab ntau tshaj qhov peb xav tau. “

2 : Ntawv Moo Zoo txhib peb siab ,yam peb yuav zov hmo, tsis tu ncua

“ Nej yuav ceev faj, vim nej tsis paub hnub twg nej tus tswv ( Huab Tais Yes Xus ) yuav los.. Yog lub sij hawm uas nej tsis xav txog, mas Leej Neeg tus Tub ( Huab Tais Yes Xus ) thiaj yuav tuaj “

Peb tus tseem tswv kav peb lub neej thiab peb txoj sia thiaj yog Huab Tais Ntuj tib leeg xwb . Nws tsis xub qhia peb tias : hnub twg nws yuav hu peb tso ntiaj teb no tseg. Puas yog xyoo 2040 ? puas yog tag kis kaj ntug txoog ? Tswv Ntuj tsis qhia peb txog qhov ntawd li ! ! .
Yog vim qhov ntawd ces peb yuav ceev faj thiab yuav zov hmo tos Huab Tais, tsis tu ncua

Tus Hauv Paus Xa Lus Paj Lug txhib peb siab zoo li no tias :” Nej tsis txhob ua txuj nyiam luag tej. Qhov uas nej yuav ntxub mas yog txoj kev phem. Nej yuav sib hlub vim nej yog ib cov kwv tij. Nej ib leeg yuav saib ib leeg tsim nyog qhuas. Nej yuav xyiv fab nyob hauv txoj kev tso siab lug rau Tswv Ntuj . Nej yuav nquag teev Ntuj “ ( Los Mas 12:9-12 ) + Mas Tais 23:8

Yog tias zaus puav koj qhuas txog tej hauj lwm kuv ua kam, los tej lo lus kuv tau hais, mas txhais tias :kuv haj yam yuav tau ceev faj, yuav muab siab rau cheem kuv qhov ncauj

“ Nej yuav nquag teev Ntuj” - Peb ib xwm paub tias : tus tib neeg twg nquag teev Ntuj,mas nws haj yam coj tau lub neej ntshiab huv zuj zus. Peb tej zaj teev Ntuj yeej yog peb lub dag lub zog ntag

UA THAJ TXI NTUJ : Huab Tais Yes Xus, koj ib leeg yog tus tseem kws tshuaj, uas muaj peev xwm txhim kho peb lub siab, Ces “ koj ua tau ntau tshaj qhov peb thov .ua tau ntau tshaj qhov peb xav “. ( Es Fes Xos 3:20 ) Mas thov koj ua koj tej hauj lwm cawm neeg, hauv kuv tej siab ntsws, kom tom thawj – Huab Tais ,koj txhob ncua ntev -.Ces txog hnub tsuj xeeb koj yug los, mas kuv thiaj yuav tau nyob kaj lug kaj nrig. Huab Tais khuv leej neeg tas nrho , ua Koj tsaug ntau

T.P. Txhiaj Foom omi

TP.Txhiaj Foom lub TSEV Ntawv - Page 3 Hands10

**Maiv Tooj** 6th December 2013, 8:55 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°70

Re: TP.Txhiaj Foom lub TSEV Ntawv

Post Maiv Tooj 6th December 2013, 8:55 am

Lub 12 hli , tim 8 – 2013 Hnub Chiv 2 XYOO A

NEJ SAWV DAWS KAV TSIJ HLOOV SIAB MOG

TP.Txhiaj Foom lub TSEV Ntawv - Page 3 38098710

Cov kwv tij ,hauv lub Caij Tos Huab Tais ,mas hnub no yog Hnub Chiv 2, Zoo li yog hnub rau peb mloog Zam Ntxuav Plig lo lus tias :

NEJ SAWV DAWS KAV TSIJ HLOOV SIAB MOG

Lo lus no mas txhua txhia xyoo peb kuj hnov zaj lus ntawd ntau ntau zaus..Saib : txij ntawm hnub no rov mus txog hnub tim 24 thiab 25, uas peb yuav yuav ua hmoov tsuj xeeb Yes Xus yug los, peb thiaj yuav ua li cas ?
Cov kwv tij, peb yuav ua tau ntau yam thiaj tig los yuav lub siab tshiab. xws li peb yuav kub siab kho peb txoj kev ntseeg, peb txoj kev tso siab thiab txoj kev nyiam kev hlub kom rov loj hlob zuj zus :

1 : HAIS TXOG KEV KHO PEB TXOJ KEV NTSEEG KOM LOJ HLOB ZUJ ZUS , mas ntau ntau zaus peb kuj thov Ntuj pab peb vim tias peb kuj lees raws li tus qaug dab peg txiv hais tias :” Huab Tais ! Thov koj pab kuv vim kuv ntseeg me me xwb!”. Mas Kos 9: 24..Tas ib sim neej, peb kuj yuav tsum thov Ntuj zoo li ntawd

Tsis tas li ntawd .,tseem muaj ib yam uas peb ua tau, yam li peb yuav qhib NTAWV NTSHIAB, ces yuav kawm tej qib lus hauv nruab siab..Yog tias tsis muaj NTAWV NTSHIAB, mas muaj ib yam uas peb ua tau,yam li :txhua txhia Hnub Chiv, thaum peb mus ua Thaj Txi Ntuj, peb yeej hnov tej zaj lus hauv NTAWV NTSHIAB. Thaum twg peb hnov ib qib lus uas raug peb lub siab, mas peb kav tsij khaws qib lus ntawd tseg thiab yuav qog 4 lwm,10 lwm tej ,ces kawm hauv nruab siab .Zoo li

= “ Koj lub siab zoo, Huab Tais,koj zam rau kuv . Koj lub siab hlub neeg, Huab Tais, koj so kuv cov txhaum” Nkauj Paj Nruag 51
= Hauv Ntawv Moo Zoo Huab Tais Yes Xus txhib peb siab zoo li no tias :” Tas nej sawv daws ,nej tuaj cuag kuv, vim kuv siab zoo- Kuv tsis muab hlob” Mas Tais 11:28-29
= “Nej sis nyiam sis hlub zoo li kuv tau nyiam tau hlub nej ”Zam
15:12

2 : HAIS TXOG KEV KHO PEB TXOJ KEV TSO SIAB KOM LOJ HLOB ZUJ ZUS mas nej sawv daws kuj paub hauv nruab siab tej lo lus,uas txhua txhia Hnub Chiv peb hais kam, hais tias;

Ntseeg txog leej neeg lub cev kev sawv rov los
Ntseeg txog muaj txoj sia nyob mus li
.
Ua li ,txog peb nrog luag zov hmo thaum twg mas thiaj yog ib lub caij uas peb haj yam yuav rov xav qib lus me me no

Tsis tas li ntawd xwb, yeej tsim nyog khaws 2-3 qib lus hauv Ntawv Ntshiab hais tias :
Kuv yog Txoj Kev Sawv Rov Los thiab yog Txoj Sia
Tus ntseeg txog kuv, nws yuav muaj txoj sia nyob ( Zam 11: 25

Huab Tais Yes Xus Pleev muaj hwj huam tswj txhua tsav txhua yam,
Ces Huab Tais Yes Xus yuav muab peb lub cev txom nyem no
hloov ua ib lub cev muaj hwj chim, xws li nws lub ( Fis Lis Pos 3;20-21

3 : HAIS TXOG KEV KHO KEV NYIAM KEV HLUB KOM LOJ HLOB ZUJ ZUS .
Mas peb tsoom ntseeg niaj hnub kuj hu txog Leej Ntuj Plig Ntshiab tas zog, kom xwv peb thiaj yuav tau kub siab taug nyiam kev hlub raws li Huab Tais Yes Xus tus lwj lwm thiab nyob hauv Huab Tais
Tsis tas li ntawd, peb yuav khaws tej qib lus tseem ceeb hauv Ntawv Ntshiab,xws li tus Hauv Paus Xa Lus Paj Lug lo lus hais tias :

Lub siab nyiam txawj ua siab ntev,ua siab sib, tsis txawj khib,
tsis khav theeb,tsis muab hlob.
Lub siab nyiam tsis ua tub qaug luag, tsis npau taws,tsis cib nyeej
1 Kos Lis Nthos 13 13: 4-5
Mas saib, txog hnub uas peb lub siab npau npau,mas peb puas yuav xav tias : Tus kwv tij uas tau ua tub qaug peb, mas yuav ua li cas thiaj nrog nws rov sib haum xeeb ? Puas ib siab yuav zam rau nws ?
Cov kwv tij, Zam Ntxuav Plig kuj tau hais tib zaj lus tseem ceeb raws li Huab Tais Yes Xus, hais tias :

NEJ SAWV DAWS KAV TSIJ HLOOV SIAB MOG,
Li ntawd, lub caij Tos Huab Tais no thiaj yog ib lub caij zoo rau peb coj rawv Lo Lus ntawd..Peb yuav muab siab rau txhim kho peb tej kev ntseeg, peb tej kev tso siab thiab peb txoj kev nyiam kev hlub kom loj hlob zuj zus. Ua li txog hnub peb yuav hawm Huab Tais Yes Xus, uas yug los, peb thiaj yuav zoo siab cev ib lub siab tshiab rau Huab Tais los mas

Txiv Plig Txhiaj Foom omi

TP.Txhiaj Foom lub TSEV Ntawv - Page 3 A_barr10

**Maiv Tooj** 13th December 2013, 7:25 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°71

Re: TP.Txhiaj Foom lub TSEV Ntawv

Post Maiv Tooj 13th December 2013, 7:25 am

December 15 – 2013 - TOS HUAB TAIS, Hnub Chiv 3 - XYOO A

HUAB TAIS, KOJ YOG TUS CAWM LUB QAB NTUJ NEEG TIAG

TP.Txhiaj Foom lub TSEV Ntawv - Page 3 Thomas10

Kwv tij phooj ywg, txhua zaus thaum peb raug kev mob nkees, peb tsis pom qab ua dab tsi kom xwv peb tus mob zoo hlo, ces qhov kawg peb thiaj yuav tsum mus nrhiav kws kho mob, mas peb tus mob thiaj zoo.
Ua li mas tsuas tshuav 10 hnub saum no lawm xwb, ces ntiaj teb neeg yuav ua hmoov tsuj xeeb tos txais Huab Tais Yes Xus yug los, mas xav kom tsoom kwv tij Hmoob sawv daws qhib siab lug tos txais Tswv Ntuj Leej Tub los nyob hauv sawv daws tej siab ntsws. Vim tias Huab Tais Yes Xus tib leeg xwb, uas nws yog tus tseem kws tshuaj, uas yuav muaj peev xwm pab kho tau peb tej siab ntsws kom rov dawb huv tuaj.
Li ntawd, kuv thiaj xav tham 2 zaj lus rau nej xws li no :
1. Peb yuav tsis txhob xav xws li tus hauj sam Nkoos Kas.
2. Peb yuav zoo siab ntseeg Tswv Ntuj khov kho mus li.

Hais txog nqe 1 : Peb yuav tsis txhob xav xws li tus hauj sam Nkoos Kas.
Kwv tij, ntawv xov xwm BANGKOK POST, tau tshaj ib zaj lus rau cov neeg uas coj kev cai teev hawm Phus Thas tias muaj ib tug hauj sam hu ua Nkoos Kas, nws tshaj lus rau tsoom pej xeem Thaib tias :
“KOJ XAV TSWV YIM , CES YUAV HLOOV KOJ LUB SIAB TAU.”
Li ntawd, thaum koj npau taws, los yog koj xav txog tej yam tsis zoo, mas tsis tas yuav chaws mus hauv ib lub tsev teev hawm Mawv Xis Lim, los yog chaws mus hauv ib lub tsev teev Ntuj, los yog koj mus hwm ib tug mlom Npus Thas. Koj tsis thas ua li ntawd.
Yeeb vim tias tej yam ntawd, tsis muaj qab hau dab tsi thiab kuj cawm tsis tau koj kom dim ntawm tej kev uas koj npau taws, los yog npo tsis tau koj dim ntawm koj tej kev nyuaj siab li.
Tab sis yog koj xav kom dim ntawm kev nyuaj siab, mas koj yuav ua tib zoo tshuaj xyuas xyuas koj tej kev npau taws, los yog koj tej zaj tswv yim uas tsis huv. Koj ntsia kom zoo zoo thiab ntsia kom ntev hauj sim, ces tsis phim koj yuav xav txog tej ntawd lawm. Ntev mus, ces tej yam koj tsis nyiam ntawd yuav ploj mus zuj zus, yuav ua rau koj kaj siab tuaj.
Txhais tias : “Yog koj ua li no, mas koj yuav cawm tau koj tus kheej kom dim ntawm koj tej kev nyuaj siab ntxhov plawv huv tib si, ces koj yuav paub tias yus tus kheej kiag yeej muaj peev xwm rov cawm tus yus thiab.”

Hais txog nqe 2 : Peb yuav zoo siab ntseeg Tswv Ntuj khov kho mus li.
Kwv tij, peb cov neeg ntseeg Tswv Ntuj, mas kom peb yuav tsum tso siab rau Tswv Ntuj thiab ua raws li nws lub Moo Zoo xwb, mas peb lub neeej thiaj yuav nyob kaj siab lug.
Li ntawd, kom peb nco ntsoov tus Hauv Paus Xa Lus Paj Lug lo lus tias : “Kuv xav ua qhov zoo, tab sis qhov phem tawm plaws tam sim ntawd los cuag kuv.” Ua li mas, Huab Tais Tswv Ntuj, kuv muaj kev nyuaj siab tas nrho, kuv thov koj nplij kuv lub siab thiab kuv xav ua koj tsaug nyob hauv peb tus Huab Tais Yes Xus Pleev.” (LM 7 : 21-25)
Kwv tij phooj ywg, tsis tas li ntawd xwb, nyob rau hauv Zam Ntawv Moo Zoo, mas peb kuj pom cov neeg Xas Mas Lias hais rau Huab Tais Yes Xus tias : “Huab Tais, peb paub tias koj yog tus Cawm lub qab ntuj neeg tiag tiag.” (Zam 4,42)

THOV NTUJ : Huab Tais Yes Xus, koj yog Tswv Ntuj Leej Tub. Ua li mas thov koj pub koj tej kev nyiam kev hlub uas muaj zog tas nrho los rau peb sawv daws. Vim peb ntseeg tias tsuas yog koj tib leeg xwb, thiaj yog tus cawm tau lub qab ntuj neeg kom dim ntawm qhov phem thiab qhov txhaum.
Tsis tas li ntawd, peb kuj ntseeg tias : “Huab Tais Yes Xus, koj yog tus tseem kws tshuaj uas muaj peev xwm pab kho tau peb tej siab ntsws kom rov dawb huv tuaj.”
Ua li mas Huab Tais siab zoo, nyob hauv peb tus ntsuj plig, peb sawv daws tsis muaj zog txaus muab peb tej kev nyuaj siab rho tawm pov tseg. Peb thiaj xav thov koj pab khuv leej peb txhua txhia tus, ces thov koj pab nqes los nyob hauv peb sawv daws nruab siab thiab thov koj pab coj peb kev ua neej, kom xwv peb lub neej nyob thaj yeeb thiab kaj siab lug mus li.

Thov koj cawm peb os mog.

Txiv Plig Txhiaj Foom omi

TP.Txhiaj Foom lub TSEV Ntawv - Page 3 79640610

**Maiv Tooj** 20th December 2013, 1:22 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°72

Re: TP.Txhiaj Foom lub TSEV Ntawv

Post Maiv Tooj 20th December 2013, 1:22 pm

December 22 - 2013 – CAIJ TOS HUAB TAIS - Hnub Chiv 4 - XYOO A

KUV YOG TXOJ KEV, YOG QHOV TSEEB THIAB YOG TXOJ SIA

TP.Txhiaj Foom lub TSEV Ntawv - Page 3 25187010

Cov kwv tij hmov tshua, peb nyob hauv lub Caij Tos Huab Tais, Hnub Chiv 4. Ces 2 hnub saum no peb thiaj yuav ua Hmoov Tsuj Xeeb Huab Tais Yes Xus yug los.
= Xub hais ib zaj lus ua piv txwv tias : peb sawv kev mus xyuas ib cov kwv tij nyob deb deb,- Peb tshav tsheb mus - mas peb yuav tsum xub soj ntsuam saib : yuav taug txoj kev twg, peb thiaj yuav tau txog qhov chaws peb npaj siab mus..Yog tsis paub mas….!!

= Peb yeej zoo siab ntseeg tias : peb yog neeg mus kev kom xwv yuav muaj ib hnub peb yuav nrog Tswv Ntuj nyob pem Tswv Ntuj lub Ceeb Tsheej - Hnub no, peb kuj hnov tej zaj lus tseem ceeb uas txhib peb siab kom xwv peb yuav tau paub tias peb yuav taug txoj kev twg , peb thiaj yuav tau coj lub neej raws li Tswv Ntuj lub siab xav .
= Mas peb kuj yuav xav txog 3 zaj lus zoo li no tias : 1 : peb yuav tsis sim Huab Tais Ntuj siab – 2 : Peb yuav coj lub neej nyob thaj yeeb nyab xeeb – 3 : Peb yuav taug txoj kev ncaj ncees

1 : PEB YUAV TSIS SIM HUAB TAIS NTUJ SIAB .. Tsab ntawv His Xais qhia peb tias :” Tswv Ntuj hais rau tus vaj As Kas tias :” Koj thov koj tus Huab Tais Tswv Ntuj kom nws ua hwj huam yees ntxwv nyob puag hauv qab ntuj los nyob saum cov chaw siab. puag saum ub ” – As Kas hais tias :” Kuv yuav tsis thov- Kuv yuav tsis sim Huab Tais siab “ ( His Xais 7:10:12 )

= Mas ntawm peb ,mas txog lub caij peb raug kev nyuaj siab ntxhov plaws, peb thiaj yuav yws yws rau Tswv Ntuj ib ntu tsis ntev, kuj tau . Tab sis qhov kawg peb yuav tsis sim Huab Tais Ntuj siab ,- Yuav tsis thov Ntuj ua hwj huam yees ntxwv, raws li tus vaj As Kas lo lus ,ces peb yuav lees rau Tswv Ntuj:” Peb Txiv khuv leej neeg tas nrho, peb nyob ntawm txheej qis qis. Ua li, tab txawm peb tsis to taub tias tim li cas peb raug kev nyuaj siab npaum li no, los peb yuav tso siab lug rau koj tag mus li”
= Cov kwv tij, tsim nyog peb yuav yoog raws li tus Yaj Saub Yob tus piv txwv vim nws teev Ntuj zoo li no tias :” Kuv tawm hauv kuv niam cev los kuv liab qab- Kuv yuav liab qab rov mus hauv av – Txhia yam uas Huab Tais pub rau kuv, nyem no nws rov qab sau rov mus tas – Huab Tais lub npe nto koob meej” Yog 1: 21.
Cov kwv tij, peb noj qab nyob zoo, los peb raug teeb meem loj, peb yuav nyob ntawm Tswv Ntuj tog – Yuav teev Nws ib leeg – Yuav tso siab lug rau Tswv Ntuj tuag nthi thiaj yog .

2 :; Peb yuav coj lub neej nyob thaj yeeb nyab xeeb

Nyob hauv tus Hauv Paus Xa Lus Paj Lug tsab ntawv rau ib pawg ntseeg tshiab tim lub nroog Los Mas, mas nws sau tej lus meej pem li no tias :” Thov kom peb Txiv Tswv Ntuj thiab Huab Tais Yes Xus Pleev pub txiaj ntsim thiab kev thaj yeeb rau nej’ ( Los Mas 1,7 )
Cov kwv tij hmov thiab tshua, uas nej nyob pej kum teb mas tsim nyog nej yuav thov Ntuj tas zog raws li tus Hauv Paus Xa Lus lo lus hais. Tab sis,peb cov kwv tij Hmoob uas nej nyob rau hauv peb lub teb chaws Koom Tshaj, mas xam pom tias nej haj yam yuav zoo siab khaws Tswv Ntuj Lo Lus ntawd tseg. thiaj yog
= Thov kom nej nco ntsoov tias: : nej ib siab tsim kev thaj yeeb nyab xeeb, mas yog ib zaj tswv yim tseem ceeb, Tab sis muaj tej zaus uas nej raug luag tsim txom, mas nej yuav coj lub neej nyob thaj yeeb, ib lub neej nyob tiaj nyob tus kuj nyuaj kawg, ? Lub caij nej yuav npau taws rov rau tus no los tus ntawd mas thaum ntawd kiag nej haj yam yuav tsa muag ntsia peb Txiv Tswv Ntuj thiab peb tus Huab Tais Yes Xus Pleev.. Tswv Ntuj muaj hwj huam loj tas nrho

TSIS MUAJ IB YAM UAS TSWV NTUJ UA TSIS TAU ( Lus Kas 1:37 )

Hos Huab Tais Yes Xus YOG PEB TXOJ KEV… Huab Tais tus nru lus kuj mus li no tias : nws yeej xav pab txhawb nqa peb tej siab ntsws tas npaud, ces peb thiaj yuav tau yoog raws li Huab Tais tus piv txwv thiab nyob hauv Huab Tais -. Ces peb yuav tau taug kev nyiam luag tej ob cag, tsis tseg ib tug ib leeg li - peb yuav tau tswj yuam peb tej zaj tswv yim npau taws, kom ploj mus…Huab Tais Leej Ntuj Plig, thov koj ntxiv zog rau peb tsoom kwv tij, uas lawv yeej thov koj pab - Thov koj hlub lawv sawv daws tas huv tib si os mog ..

3 : Peb yuav taug txoj kev ncaj ncees ..Cov kwv tij, Yos Xes kuj yog neeg ncaj ncees. Nws kuj taug kev nyiam kev hlub kawg nkaus:.Nws hlub tus Nkauj Tsim Txiaj Mab Liab kawg :” Nws tsis xav kom luag tej hais lus xaiv txog Mab Liab.ces nws txiav siab nrauj Mab Liab twj ywm? Tab sis thaum nws hnov lus tias :” Yog Leej Ntuj Plig Ntshiab ua kom Mab Liab xeeb tub “. Mas Yos Xes uas nws ntseeg Ntuj khov kho ( nws thiaj ua rawsli Huab Tais tus Tshiab, (uas lub npe hu ua Nkas Plias ) lo lus qhia rau nws. Yos Xes coj Mab Liab los nyob hauv nws tsev
Cov kwv tij, peb yeej paub tias Yos Xes ntseeg Huab Tais tus Tshiab lo lus kuj nyuaj kawg . Tab sis nws tuaj yeem mloog Ntuj lo lus tiag.
Ntawm peb mas yeej muaj tej lub caij uas peb ntseeg Ntuj Lo Lus ( los peb yuav coj lub neej ncaj ncees ) nyuaj kawg, raws li Yos Xes ntag
Txawm li cas los ,peb ua tib zoo xav tias :” HUAB TAIS YES XUS YOG PEB TXOJ KEV , YOG QHOV TSEEB, THIAB YOG PEB TXOJ SIA ( Zam 14:6 ) mas peb yuav rov lees tias : “Mloog Ntuj Lus yeej zoo dua mloog peb cov me neeg lo lus “ ( Hauj Lwm 5 : 29 ) .- Ces peb txiav siab ua raws li Ntuj Lo Lus los mas

THOV NTUJ PAB : Huab Tais Leej Txiv, Tswv khuv leej neeg tas nrho. thiab peb tus Huab Tais Yes Xus Pleev , thov kom neb ntxiv zog rau peb tej siab ntsws, vim tias peb tsis muaj zog txaus mloog Ntuj Lus kom tag ..Huab Tais Yes Xus, uas peb txais koj hauv Thaj Txi Ntuj,vim koj yog peb lub zog mas thov koj khuv leej peb sawv daws kom xwv peb yuav saj Ntuj Kev Thaj Yeeb zoo cuag li koj thiab nyob hauv koj, mus li Ua tsaug ntau

T.P. Txhiaj Foom omi

TP.Txhiaj Foom lub TSEV Ntawv - Page 3 24314211

**Maiv Tooj** 10th January 2014, 12:07 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°73

Re: TP.Txhiaj Foom lub TSEV Ntawv

Post Maiv Tooj 10th January 2014, 12:07 pm

January 12 2014 YES XUS TXAIS LUB CIM NTXUAV

TP.Txhiaj Foom lub TSEV Ntawv - Page 3 Z80110

Koj yog kuv tus tub – kuv tus ntxhais. Kuv lub siab nrog koj nyob

= Muaj tej tus Hmoob tau hais lo lus NUG no tias :” Nej tshaj lus tias : tus tib neeg twg tig los ntseeg Ntuj tib leeg xwb thiab nws los mus txais lub Cim Ntxuav, mas nws kuj ua tau ib lub luag hauj lwm tseem ceeb kawg nkaus - Koj hais saib : tim li cas txoj kev teev Ntuj yog ib qhov tseem ceeb ?”

= TEB tias : Yog ib qhov tseem ceeb kawg, vim tias : peb tus Huab Tais Tswv Ntuj ( Huab Tais Leej Txiv, Huab Tais Yes Xus thiab Leej Ntuj Plig Ntshiab ) thiaj muab Ntuj tej kev nyiam kev hlub,uas muaj zog tas nrho, los pab txhawb nqa peb tej siab ntsws . Huab Tais Tswv Ntuj ua hwj huam yees ntxwv kom xwv yus txia ntshis ua Tswv Ntuj tus me nyuam zoo nyiam…Tus tib neeg ntseeg ntawd thiaj “ coj tau ib leej tshiab tshiab ntag “ Es Fes Xos 4:24

= Tseem muaj lo lus NUG ntxiv tias :”Tswv Ntuj puas pab peb cov me neeg npaum li ntawd tiag tiag ?”
..
TEB tias : Tswv Ntuj ua qhov ntawd ntag : Saib :txij ntawm lub hauv paus los, peb ntseeg ruaj nreb khov kho tias Huab Tais Yes Xus, uas nws tau txais lub Cim Ntxuav- Nws kuj muab nws lub neej los txi Ntuj thiab nws sawv ntawm cov tub tuag rov los . Mas Huab Tais Yes Xus rub peb siab los nrog nws nyob thiab coj tau ib lub neej tshiab tiag “

= NUG : thaum Yes Xus txais lub Cim Ntxuav thiaj tau muaj xwm dab tsi tshwm sim tuaj ? “ –
TEB tias : Yes Xus txais lub Cim Ntxuav tas, nws thiaj tawm hauv dej los ., Ib ntsis ntuj txawm qhib plho.Ces Leej Ntuj Plig Ntshiab zoo li ib tug nquab nqes los saum Yes Xus thiab muaj ib lub suab nrov saum ntuj tuaj tias :” Koj yog kuv Leej Tub uas kuv nyiam kawg - Kuv lub siab nrog koj nyob “

= Lo lus NUG tias :” Huab Tais Yes Xus rub peb siab los nrog nws nyob”, mas txhais li cas “ ?
TEB tias : Huab Tais Yes Xus xub tau txais Leej Ntuj Plig Ntshiab nqes los hauv nws. Mas tus tib neeg twg los mus txais lub Cim Ntxuav, mas Huab Tais Yes Xus ( tus Huab Tais cawm neeg dim ntawm qhov txhaum, Yog tus Huab Tais rov tsim dua tus tib neeg kom tshiab tuaj ) mas nws kuj pub Leej Ntuj Plig Ntshiab nqes los hauv tus tib neeg uas txais lub Cim Ntxuav ntag

= NUG : Ntawv Ntshiab tseem sau cia li no tias :“ Yes Xus coj lub neej zoo li cas mas nws kuj pub peb coj tau lub neej zoo li Nws “ ( 1 Zam 4:17… Saib : peb puas muaj peev xwm coj lub neej zoo li ntawd ?
TEB tias ;. Cov kwv tij, Ntawv Ntshiab qhia qhov tseeeb tseeb rau peb tias :” Yog vim peb tau txais lub Cim Ntxuav, mas peb hu ua Tswv Ntuj cov me nyuam – Peb yog Tswv Ntuj cov me nyuam tiag “ 1 Zam 3:1-2 + Los Mas 8:14-17

NUG tias : Zoo li : Huab Tais Leej Txiv tau hais ib nyuag lus tseem ceeb rau Yes Xus, thaum Yes Xus txais lub Cim Ntxuav, mas Tswv Ntuj kuj rov hais tib lo lus ntawd dua rau tus tib neeg uas txais lub Cim Ntxuav… Puas yog ?

TEB tias : Huab Tais Leej Txiv kuj hais rau Yes Xus nws tias :” Koj yog tus tub , Kuv lub siab nrog koj nyob”..

NUG : tus tib neeg twg txais lub Cim Ntxuav ,mas nws yuav coj lub neej txawv txav, tsis zoo li qub, puag yog ?”.
TEB tias : tus tib neeg twg txais lub Cim Ntxuav lawm mas nws yuav kub siab teev Huab Tais Ntuj ib tug xwb thiab nws yuav nyiam Huab Tais Ntuj tshaj tas puas tsav yam -Tsis tas li ntawd xwb : Huab Tais Yes Xus tseem qhia peb ib cov lus, uas tsim nyog kawm hauv nruab siab, hais tias :” Kuv lo lus qhia yog lo lus no : nej yuav sib nyiam sib hlub zoo li kuv tau nyiam tau hlub nej “ Zam 15:12

THOV TSWV NTUJ PAB : Huab Tais Leej Txiv, peb zoo siab ua koj cov me nyuam. Ua li tsim nyog khaws tej lo lus uas zoo li koj niaj hnub hais rau peb ib leeg dhau ib leeg, ib tug dhau ib tug , tias :”.. Koj yog tus tus tub – kuv tus ntxhais – Kuv lub siab nrog koj nyob”..Ua li, Huab Tais Leej Txiv ,hnub no , hauv peb Thaj Txi Ntuj Ntshiab no, peb thiaj thov kom Huab Tais Yes Xus rov “ rub peb sawv daws los cuag Huab Tais ‘ ( Zam 12:32 ). Ces, peb yuav tau kub siab npuab koj siab thiab peb yuav tau nyiam koj tshaj tas puas tsav yam. Peb tus Huab Tais Yes Xus Pleev kev thaj yeeb nyab xeeb thiaj yuav tau ci ntsa iab rau hauv peb siab, tsis tu ncua. Huab Tais Leej Txiv , ua koj tsaug ntau ..

Koj yog tus tus tub – kuv tus ntxhais – Kuv lub siab nrog koj nyob”..

Txiv Plig Txhiaj Foom omi

**Maiv Tooj** 17th January 2014, 1:15 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°74

Re: TP.Txhiaj Foom lub TSEV Ntawv

Post Maiv Tooj 17th January 2014, 1:15 pm

January 19 2014 - Nruab xyoo - Hnub Chiv 2 - Xyoo A

PEB QHOV CHAW VAM KHOM NYOB HAUV HUAB TAIS ,
TUS HUAB TAIS TSIM LUB NTUJ LUB TEB .

TP.Txhiaj Foom lub TSEV Ntawv - Page 3 33724810

Cov kwv tij hmov thiab tshua, hnub no zoo hnub- Yog Huab Tais Ntuj hnub, uas peb nyob kaj lug kaj nrig nrog Huab Tais Yes Xus koom siab koom ntsws txi Ntuj ua ke thiab peb los mus txais lub Cim Yug. Yog zoo hnub,uas Huab Tais Ntuj pub peb rov yug dua tshiab ntag .

Zoo li peb niaj hnub yuav rov qhuas txog Huab Tais Yes Xus tej qav tej num dua, ces peb thiaj yuav xyaum coj lub neej NYOB THAJ YEEB NYAB XEEB .

= Lo lus NUG TIAS :” Kuv ua neeg ntseeg tau 20 tawm xyoo,mas kuv zoo siab ntaus tswv yim li no tias : tus tib neeg ntseeg twg kuj nco txog Yes Xus uas tau yug los tau 2014 xyoo, Nws yeem tuag kom tau pab peb - Nws sawv rov los thiab mus ua Vaj pem Tswv Ntuj lub Ceeb Tsheej . Ua li, tus tib neeg ntseeg tsuas ua ib qhov xwb tias : yus yuav nco ntsoov txog Huab Tais Yes Xus lub neej lawm – Zoo li dhau qhov ntawd mas tsis tshuav lwm yam rau tus tib neeg ntseeg ua , puas yog ?

== TEB : qhov tias yus nco ntsoov txog Huab Tais Yes Xus lub neej kuj yog ib qho tseem ceeb kawg nkaus. Tab sis yeej tshuav 4-5 yam hauj lwm ntxiv : 1 : Peb yuav nco txog Tswv Ntuj kev khuv leej neeg tas nrho
2 : Peb yuav sawv kev mus pem Tswv Ntuj lub Ceeb Tsheej

Qhov tim ib tias : peb yuav kub siab teev hawm Huab Tais Tswv Ntuj tas zog, Yam li peb yuav nco txog Tswv Ntuj kev khuv leej neeg tas nrho thiab peb yuav nyiam Huab Tais Tswv Ntuj tshaj tas puas tsav yam
….Zoo li ntau zaus,peb ua Ntoo Cuam lub Cim, ces peb nyias yuav zoo zoo siab rov xav txog Ntuj Lo Lus hauv nyias lub siab tias :
” Tswv Ntuj Leej Tub nyiam kuv thiab nws ( niaj hnub ) muab nws lub neej los txi Ntuj kom xwv kuv thiaj rov ntshiab dawb huv zuj zus “Nkas Las Tias 2:20
Cov kwv tij, nyob tsam ntau ntau zaus peb ua Ntoo Cuam lub Cim, - Ho peb hnov qab txog Huab Tais Yes Xus kev khuv leej neeg tas nrho, uas ciaj sia nyob rawv, rov mus txog txhiab niag tim puas xyoo .
Tsam peb hnov qab txog qib lus no hauv Ntawv Ntshiab tias

Huab Tais Yes Xus kev nyiam kev hlub muaj zog dua kev tuag thiab qhov txhaum : Kwv Txhiaj 8: 6 )
Ces thiaj hnov qab nthuav piav yus tej nplooj siab tsis huv rau Huab Tais pab txhim kho ,ywj Huab Tais siab :

TEEV NTUJ “ Huab Tais Yes Xus,Tswv Ntuj Leej Tub, koj yog tus Tseem Kws Tshuaj uas muaj peev xwm rov kho tau peb lub siab kom rov dawb huv zuj zus.. Ho,Huab Tais od , kuv yog ib tug me neeg tsis muaj zog kiag, ces kuv thiaj rov poob hauv qhov txhaum li qub - Thov koj dauv muag los yaug kuv tej txhaum pov tseg. Huab Tais khuv leej neeg tas nrho, yog koj tsis nqes los pab mas kuv nyob tsis tau . Thov koj hlub me yaus sai sai os mog. “

PEB QHOV CHAW VAM KHOM NYOB HAUV HUAB TAIS
TUS HUAB TAIS TSIM LUB NTUJ LUB TEB .

Qhov 2 tuaj tias : peb yim laus zuj zus, mas tsim nyog peb yuav rov zoo siab tos txog hnub zoo tshaj plaws hauv peb lub neej, uas yog hnub peb yuav sawv kev cuag peb tus Huab Tais, pem Tswv Ntuj lub Ceeb Tsheej.
… nyob tsam, peb hnov qab txog Lo Lus uas Huab Tais Yes Xus tau cog tseg tias :
Kuv yog Txoj kev Sawv Rov Los. Tus ntseeg txog kuv,
nws thiaj yuav muaj txoj sia nyob mus li Zam 11:25
..Tsis tas li ntawd xwb ,peb kuj hnov qab txog tus Hauv Paus Xa Lus Paj Lug tej lus thiab hais tias :
Tswv Ntuj yuav coj peb nce mus lawm saum Ntuj lub Ceeb Tsheej,
Ua li peb yuav tau nrog Huab Tais nyob mus li ( 1 TXLN 4:17 )

TEEV NTUJ : Huab Tais Yes Xus , Tswv Ntuj Leej Tub, peb kuj lees tias : ntau ntau zaus, peb lub neej tsaus ntuj nti, kuj yog vim peb tsis quav ntsej txog lub hauv ntsis ntawm peb lub neej, uas yog qhov tias peb yuav tau nyob ze ze ntawm koj, pem Tswv Ntuj lub Ceeb Tsheej – Yuav tau txais ib feem hauv koj lub hwj huam yeej qhov txhaum thiab kev tuag- Txoj sia nyob kaj lug kaj nrig ntawd thiaj yuav tau nyob mus li, rov mus txog txhiab niag tim puas xyoo. Huab Tais os, thov koj tso Leej Ntuj Plig Ntshiab nqes los hauv peb siab, kom xwv peb niaj hnub rov tso siab lug txog peb lub neej uas peb yuav tau nrog Tswv Ntuj nyob :

PEB QHOV CHAW VAM KHOM NYOB HAUV HUAB TAIS ,
TUS HUAB TAIS TSIM LUB NTUJ LUB TEB .

T.P. Txhiaj Foom omi

TP.Txhiaj Foom lub TSEV Ntawv - Page 3 Fleur010

**Maiv Tooj** 31st January 2014, 11:58 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°75

Re: TP.Txhiaj Foom lub TSEV Ntawv

Post Maiv Tooj 31st January 2014, 11:58 am

February 2 -2014
MAB LIAB THIAB YOS XES
CEV TUS ME NYUAM YES XUS RAU HUAB TAIS

TP.Txhiaj Foom lub TSEV Ntawv - Page 3 63_pre10

Hnub no zoo hnub vim tias nyob hauv Ntawv Ntshiab, Huab Tais Tswv Ntuj txhib peb tej siab ntsws los rov nco ntsoov txog 2 zaj lus tseem ceeb hais tias :
1 : peb nyob kaj lug kaj nrig muab peb lub siab los cev rau Tswv Ntuj los ua nws tug
2 : Huab Tais Yes Xus yog qhov pom kev kaj peb lub neej thiab peb txoj sia

# 1 : : peb nyob kaj lug kaj nrig muab peb lub siab los cev rau Tswv Ntuj los ua nws tug

= Tus Nkauj Tsim Txiaj Mab Liab thiab Leej Ntshiab Yos Xes nkawd mloog Mais Xes Txoj Cai tias :” Txhua tus me nyuam tub yug ,. Mas yuav muab qee rau Tswv Ntuj”..
Nkawd tseem nco tias : “ Tswv Ntuj , tus tsim lub ntuj lub teb, mas cov tsiaj uas cov neeg hlawv, mas Tswv Ntuj tsis xav yuav ,..Hos qhov muaj nqis tshaj uas Tswv Ntuj tos txais ntawm peb thiaj yog peb lub siab nyiam Ntuj – yog txoj kev hlub luag tej “ NPN 51: 18 + Mas Tais 9:13 Hauj Lwm 17:25
= Li ntaws ces Mab Liab Liab thiab Yos Xes muab Yes Xus qee rau Tswv Ntuj, vim tias nkawd tus tub yog tus muaj nqis tshaj plaws.

Muaj lo lus NUG tias : niaj hnub nyem no mas Huab Tais Tswv Ntuj caw peb tsoom ntseeg los mus ua dab tsi tseem ceeb ?
TEB : Tswv Ntuj caw peb sawv daws ib tug dhau ib tug, ib leeg dhau ib leeg los mus cev peb lub siab rau Huab Tais Tswv Ntuj ntag ,Ces peb yuav tau coj lub neej ntshiab dawb huv zuj zus

= Yeej yog raws li peb ib zaj nkauj teev Ntuj tias
Peb zoo siab hlo cev peb lub neej lub siab
los nrog Yes Xus txi Ntuj ua Huab Tais tsaug “

THOV TSWV NTUJ : Huab Tais Leej Txiv, hnub no zoo hnub, rau qhov tias peb rov paub tseeb tias :qhov uas koj tos txais ntawm peb thiaj yog peb tej nplooj siab nplooj ntsws . Li ntawd , peb nyob kaj lug kaj nrig muab peb lub siab los cev rau koj los ua koj tug

# 2 tias : Huab Tais Yes Xus yog qhov pom kev kaj peb lub neej thiab peb txoj sia

= Ntawv Moo Zoo qhia peb tias tus yawg laus Xis Mes Oos txais tus me nyuam Yes Xus rau hauv nws ob txhais npab - Nws cav lus zoo txog Tswv Ntuj:” Txiv Tswv ,kuv qhov muag tau pom koj txoj kev cawm neeg – Yog qhov pom kev tawm tuaj kaj sawv daws neeg “
= Cov kwv tij, hnub ntawd Xis Mes Oos zoo siab tshaj plaws, rau qhov tias Tswv Ntuj pub nws puag Yes Xus, tus Huab Tais cawm neeg dim ntawm qhov txhaum – Nws yog qhov pom kev tawm tuaj kaj sawv daws neeg

= Cov kwv tij, tsim nyog peb yuav nyob kaj lug thiab peb yuav cav lus zoo txog Tswv Ntuj, raws li tus Xis Mes Oos ntag . Yeej vim Tswv Ntuj Lo Lus nplij peb siab zoo li no tias :
” Peb tseem tsis tau pom Huab Tais Yes Xus Pleev ,
tsis kav peb twb nyiam nws –
Peb tseem tsis tau pom nws,tab sis peb ntseeg
ces peb tau ib txog kev zoo siab uas piav tsis tau” 1 P.Z. 1:8

= Cov kwv tij , tsim nyog peb yuav rua peb tus ntsuj plig lub qhov muag, thiaj rov paub tseeb tias : Huab Tais Yes Xus, Tswv Ntuj Leej Tub, uas nws yog qhov pom kev kaj peb lub neej thiab peb txoj sia, nws nrog peb nyob nraim – Nws yeej nyob txawm hauv peb lub siab tiag. Qhov tsaus ntuj hauv peb nruab siab thiaj maj mam ploj ntais

THOV NTUJ PAB : Huab Tais Tswv Ntuj, peb ua koj tsaug ntau,vim tias koj Leej Tub, Huab Tais Yes Xus Pleev, uas yog qhov pom kev -Nws txoj kev nyiam Tswv Ntuj nyob txawm hauv peb nruab siab : Huab Tais ua peb luag – Nws nrog peb nyob nraim ces tas peb sim neej ,peb yuav nyiam Huab Tais Yes Xus tshaj tas puav tsav yam ntag

T.P. Txhiaj Foom omi