TP.Txhiaj Foom lub TSEV Ntawv

**Maiv Tooj** 12th June 2012, 1:31 pm

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°26

Re: TP.Txhiaj Foom lub TSEV Ntawv

Post Maiv Tooj 12th June 2012, 1:31 pm

THAJ TXI NTUJ 2

TP.Txhiaj Foom lub TSEV Ntawv - Page 2 Dsc_0610

Nyob zoo ib tsoom kwv tij Hmoob hmov thiab tshua.
Hnub no yog ib hnub zoo, vim yog Hnub Chiv, uas tas nrho tsoom neeg ntseeg Kav Tos Liv nyob thoob ntiaj teb zoo siab ntseeg tias Yes Xus yeej kev txhaum thiab kev tuag. Yog vim li ntawd, cov neeg ntseeg thiaj zoo siab mus sib sau koom thaj txi Ntuj rau hauv nyias lub tsev teev Ntuj.
Ua li mas hnub no peb thiaj li xav tshaj lo puav lus qhia txog Thaj Txi Ntuj rau nej paub. Nej sawv daws nrog peb koom hais zaj nkauj : “Tswv Ntuj tsim peb los ua neeg,” ua ke.
(Pov, koj tso zaj nkauj “Tswv Ntuj tsim peb los ua neeg”).
Kwv tij phooj ywg, yav tas los peb tau tshaj rau nej tias : “Thawj thawj yam tseem ceeb thaum yuav pib ua Thaj Txi Ntuj, mas yog qhov uas cov neeg ntseeg yuav txais Tswv Ntuj lo lus”.
Li ntawd, nej yuav tau hnov 2 zaj lus tseem ceeb uas cov ntseeg hnov kam nyob hauv cov tsev teev Ntuj, yam li :
1. Huab Tais Tswv Ntuj yog tus tsim ntuj tsim teb thiab tsim tas nrho lub sim ceeb.
2. Huab Tais Yes Xus yog tus Huab Tais uas pab kom ntiaj teb neeg dim ntawm qhov txhaum thiab qhov tuag.
Yog vim li ntawd, ces thaum yuav ua Thaj Txi Ntuj, tsoom neeg ntseeg thiaj tau thov kom Tswv Ntuj zam sawv daws cov txim txhaum.
Ua li mas thov caw nej mloog zaj nkauj teev Ntuj uas hais tias : “Kuv lees txhaum”
(Pov, koj tso zaj nkauj : “Kuv lees txhaum rau lawv mloog”).
Kwv tij, dhau ntawm cov neeg ntseeg hais zaj nkauj “Kuv lees txhaum” tag lawm, ces Txiv Plig yuav hais tias : “
Huab Tais, koj khuv leej yuad !
Leej Pleev, koj khuv leej yuad !
Huab Tais, koj khuv leej yuad !
Kwv tij, thaum cov neeg ntseeg los sib koom teev Ntuj ua ke, tsis hais nyob hauv tsev, los yog nyob rau hauv cov tsev teev Ntuj, cov neeg ntseeg txhua tus yuav tau tu siab rau sawv daws cov txhaum, ces thov kom Tswv Ntuj muab txoj kev hlub uas muaj zog tas nrho los pab yaug tej kev txhaum ntawd pov tseg.
Tsis tas li ntawd, cov neeg ntseeg txhua tus mas nyob rau hauv nyias nruab siab, nyias kuj yuav tau kub siab cog lus rau Tswv Ntuj tias : “Yuav tiv thaiv tej zaj tswv yim phem thiab yuav txav deb ntawm txoj kev ua txhaum.”
Tom qab ntawd, cov neeg ntseeg sib koom hu zaj nkauj tias : “Nyob pem ntuj, Tswv Ntuj nto meej nto moo.”
(Pov, koj tso zaj nkauj teev Ntuj no).
Kwv tij phooj ywg, qhov uas cov neeg ntseeg hu zaj nkauj no, mas yog vim lub Koom Txoos Kav Tos Liv xav kom sawv daws yuav tsum nco ntsoov txog tej zaj lus tseem ceeb uas thaum Tswv Ntuj ib pab tshiab coob coob tau hais rau cov neeg zov yaj, uas yog hmo Yes Xus yug los tias : “Nyob saum txheej ntuj siab, Tswv Ntuj nto meej nto moo, nyob ntiaj teb, tsoom neeg uas Tswv Ntuj nyiam nyob thaj yeeb.”
Li ntawd, thaum peb hais zaj nkauj no, mas yog ib lub caij tseem ceeb uas zoo pab peb, los yog zoo pab cov neeg ntseeg Tswv Ntuj kom rov ntseeg tias : “Tsim nyog sawv daws yuav cav txog Tswv Ntuj lub koob meej thiab yuav nco txog Tswv Ntuj tej txiaj ntsim yam tsis tu ncua.”
Thaum cov neeg ntseeg hu zaj nkauj no tag, ces txog lub caij uas sawv daws yuav hnov Xib Hwb thiab Txiv Plig los nyeem tsab ntawv thiab nyeem ntawv Moo Zoo. Thaum Xib Hwb nyeem tsab ntawv ib thiab ob tag, ces Txiv Plig ho los nyeem ntawv Moo Zoo. Thaum nyeem tas, Txiv Plig yog tus los nthuav piav thiab txhais Tswv Ntuj cov lus rau tsoom neeg ntseeg mloog thiab kom sawv daws khaws coj mus xav tswv yim txhim kho lub neej, kom sawv daws txawj ua Tswv Ntuj cov me tub me nyuam zoo nyiam.
Tom qab Txiv Plig nthuav ntawv Moo Zoo tag lawm, sawv daws nyob twj ywm xav tswv yim txog tej yam tshiab tshiab uas Tswv Ntuj xav kom sawv daws ua los hloov qhov tsis zoo hauv nyias nruab siab. Dhau ntawd, mas ces hais zaj nkauj teev Ntuj tias : “Kuv ntseeg txog Tswv Ntuj”.
Zaj nkauj “Kuv ntseeg txog Tswv Ntuj” no, kuj yog ib zaj nkauj uas tseem ceeb kawg nkaus nyob rau hauv txoj kev ntseeg Ntuj. Vim tias lub Koom Txoos Kav Tos Liv xav kom cov neeg ntseeg nco txog Tswv Ntuj uas yog Huab Tais Leej Txiv, uas nws yog tus tsim lub ntuj lub teb thiab kom cov neeg ntseeg sawv daws rov nco ntsoov txog Huab Tais Yes Xus uas yog tus Tswv Ntuj xa tuaj pab tas nrho ntiaj teb neeg kom dim ntawm kev txhaum, kom xwv sawv daws hloov dua siab tshiab thiab tig los ua Tswv Ntuj cov me tub me nyuam nyob hauv Yes Xus lub Koom Txoos.
Tom qab ntawd, cov neeg ntseeg Ntuj kuj xav txog Leej Ntuj Plig Ntshiab uas yog tus Huab Tais pab txhim kho sawv daws tej siab ntsws nyob hauv Huab Tais Yes Xus Pleev lub npe.
Ua li mas nyob hauv zaj nkauj “Kuv ntseeg txog Tswv Ntuj”, thiaj muaj ib cov lus hais tias : “Ntseeg txog lub Koom Txoos Ntshiab cia rau lub qab ntuj neeg, ntseeg txog tsoom Leej Ntshiab sib koom Ntuj lub txiaj ntsim, ntseeg txog kev daws txhaum, ntseeg txog leej neeg lub cev kev sawv rov los, ntseeg txog muaj txoj sia nyob mus li, ua li.”
Paj nruag
Pov koj tso zaj nkauj
(Cov muaj hmoov zoo, uas muaj qhov txais hais tias : “Nej nyob kaj siab lug.”)
Kwv tij phooj ywg, tom qab ntawm cov neeg ntseeg sawv daws hu zaj nkauj “Kuv ntseeg txog Tswv Ntuj” tas, ces sawv daws los sib koom thov Tswv Ntuj pub rau tas ntiaj teb neeg, thov kom Tswv Ntuj tshoj Vaj Qhia, tsoom Tswv Qhia thiab tsoom Txiv Plig lub siab, kom xwv lawv sawv daws txawj ua neeg thoob tsib saib cov neeg ntseeg Ntuj raws li Tswv Ntuj lub siab xav.
Tsis tas li ntawd, cov neeg ntseeg kuj thov Ntuj pub rau cov nom tswv kav teb chaws, kom xwv lawv txawj ua tus coj, txawj pab tsoom pej xeem thiab ua ncaj rau tsoom pej xeem, kom xwv tsoom pej xeem muaj noj muaj haus thiab ua tau lub neej yam thaj yeeb nyab xeeb.
Dua li, ces ho thov Ntuj pub rau tsoom neeg ntseeg sawv daws uas tab tom sib txoos teev Ntuj ua ke thiab ho thov Ntuj pub rau cov neeg laus uas muaj mob muaj nkeeg nyob tom vaj tom tsev, kom Tswv Ntuj hlub lawv sawv daws thiab pab rho tej yam kev nyuaj siab ntawm lawm sawv daws tawm mus.
Cov neeg ntseeg tseem thov Ntuj pub rau cov me tub me nyuam thiab cov tub ntxhais hluas uas tseem tab tom kawm ntawv, kom xwv lawv muaj ib lub cim xeeb zoo uas yuav kawm tau ntaub ntawv thiab txawj coj lub neej ua neeg zoo tsim txiaj haum Tswv Ntuj lub Moo Zoo.
Tsis tas li, yog muaj tej yam kev nyuaj siab hauv yus tej zej zos, tsoom neeg ntseeg kuj thov Ntuj pab rau lub zej zos thiab pab rau cov thawj coj hauv zej zos, kom xwv lawv muaj kev sib haum xeeb thiab kom sawv daws txawj sib nyiam sib hlub zoo li ib tsev neeg, kom tsoom pej xeem hauv zej zos nyob tau yam thaj yeeb.
Dhau ntawd txog lub caij npaj cev mov cev cawv, ces Txiv Plig hais ib cov lus zoo li no tias : “Peb cav lus zoo txog koj, Tswv kav lub sim ceeb, vim peb txais mov ntawm koj lub siab dav los. Cov mov no, yog ntiaj teb av txi txiv, yog neeg hauj lwm tsim. Peb muab los cev rau koj, kom nws txia ua cov mov pub txoj sia.”
Cov neeg ntseeg teb tias : “Tswv Ntuj nto koob meej mus ib txhiab ib txhis.
Txiv Plig hliv ob peb tee dej rau hauv lub ntim cawv, ces nws hais tias : “Tee dej xyaw cawv no, yog ua lub cim nrog koj cog lus, kom xwv peb nrog tus cawm lub qab ntuj neeg muaj hwj huam.
Txiv Plig hais li ntawd tas, ces nws ntsia saum ntuj, nws cev lub ntim cawv rau Tswv Ntuj, nws hais tias : “Peb cav lus zoo txog koj, Tswv kav lub sim ceeb, vim peb txais cawv ntawm koj lub siab dav los. Cov cawv no yog ntoo txi txiv, yog neeg hauj lwm tsim, peb muab los cev rau koj, kom nws txia ua lub Ceeb Tsheej cov cawv.”
Cov neeg ntseeg teb tias : “Tswv Ntuj nto koob meej mus ib txhiab ib txhis.”
Kwv tij phooj ywg, thaum cov neeg ntseeg pom Txiv Plig cev mov thiab cev cawv li no los ua Thaj Txi Ntuj, mas cov kab ke ntawd yog lub Koom Txoos xav kom cov neeg ntseeg sawv daws koom nrog Txiv Plig cev tas ib puas tsav yam hauv nyias lub neej rau Tswv Ntuj, yam li : “Cev tej hauj lwm uas sawv daws niaj hnub ua khwv khwv, cev tej kev nyuaj siab thiab kev zoo siab rau Tswv Ntuj, cev tej kev mob kev nkeeg thiab tej yam tsis huv hauv sawv daws tej siab ntsws rau Tswv Ntuj, kom Ntuj pub txiaj ntsim rau sawv daws thiab pab yaug tej yam tsis zoo pov tseg.”
Ua li mas kwv tij, thaum Txiv Plig thiab cov neeg ntseeg ua cov kab ke li no, mas ib qho kuj yog vim Ntawv Ntshiab tau hais tias : “Kuv thov qhuab ntuas nej, kom nej muab nej lub cev los txi rau Tswv Ntuj, zoo li ib cov txim ntshiab muaj txoj sia uas ntxim Tswv Ntuj lub siab.” (LM 12 : 1)
Tsis tas li ntawd xwb, tseem xav kom cov neeg ntseeg nco ntsoov txog qib lus tias : “Leej tib neeg twb qhia qhov zoo rau koj, qhov uas Huab Tais xav kom koj ua, mas tsuas yog ua raws txoj kev ncaj xwb, yam li yog rau siab hlub luag tej mos nyoos thiab xyaum mus ua lub neej me nyob ntawm Tswv Ntuj xub ntiag.” (MK 5:8 )
Kwv tij, yog vim Tswv Ntuj lo lus hais li ntawd, mas thaum txog lub caij Txiv Plig cev mov thiab cev cawv, cov neeg ntseeg yuav tau muab lub siab thiab lub neej tas huv tib si cev rau Tswv Ntuj ua tus coj txoj hau kev thiab thov kom Tswv Ntuj tsom kwm sawv daws lub neej. Tsis tas li ntawd, kom Huab Tais Yes Xus txais tej yam ntawd tas huv si mus nrog nws koom ua ib Thaj Txi Ntuj uas ntxim Tswv Ntuj siab.
Li ntawd, thaum Txiv Plig ua cov kab ke cev mov thiab cev cawv, mas tsis yog Txiv Plig lam ua. Feem coob cov neeg ntseeg tseem tsis to taub, mas phim tsoom ntseeg yuav tsum qhib siab cev sawv daws tej kev nyuaj siab thiab kev zoo siab rau Tswv Ntuj tiag tiag, kom tsim nyog koom nrog Huab Tais Yes Xus ua Thaj Txi Ntuj thiab kom xwv sawv daws txawj ua Ntuj ib cov me nyuam uas mloog lus thiab tsim txiaj mus li.
Paj nruag
Kwv tij phooj ywg, dhau ntawm lub caij Txiv Plig cev mov thiab cev cawv tas, ces txog lub caij uas Txiv Plig hais zaj teev Ntuj los cav txog Tswv Ntuj lub txiaj ntsim, yam li piv txwv, Txiv Plig yuav hais cov lus no los hwm 3 leeg Huab Tais tias :
Leej Txiv Ntshiab, Tswv Ntuj muaj hwj huam nyob mus li, tsim nyog peb yuav ua koj tsaug mus thoob ntuj thoob teb.
Leej Txiv, koj nrog koj Leej Tub twm zeej thiab nrog Leej Ntuj Plig Ntshiab, nej 3 leeg koom ua tib tug Tswv Ntuj, uas loj sib luag zos.
Leej Txiv, yog vim koj qhia peb paub txog nej 3 leeg lub hwj chim, ces peb thiaj ntseeg zoo li ntawd.
Leej Txiv, peb ntseeg tias koj Leej Tub thiab Leej Ntuj Plig Ntshiab kuj muaj lub hwj chim loj li koj. Thaum peb tshaj tias, peb ntseeg txog tus tseem Tswv Ntuj nyob mus li, mas peb kuj ib txhij ntseg tias muaj koj uas yog Huab Tais Leej Txiv, Huab Tais Leej Tub thiab Huab Tais Leej Ntuj Plig, nej 3 leeg no koom ua Tswv Ntuj.
Vim li ntawd, cuaj phiaj tshiab nyob saum ntuj thiaj koom suab hu nkauj cav txog nej raws li zaj nkauj “Faj Tim Huab Tais Ntshiab.”
(Pov, koj tshaj zaj nkauj “Faj Tim Huab Tais Ntshiab” rau lawv mloog).
Kwv tij phooj ywg, tsoom neeg ntseeg puav leej nco txog 3 leeg Huab Tais txoj kev nyiam kev hlub uas muaj zog tas nrho thiab lawv lub hwj huam uas loj heev. Ua li mas kom sawv daws yuav tau nco ntsoov ob peb qib lus hauv Nkauj Paj Nruag zaj 33 tias :
“Huab Tais lo lus yog lus ncaj, nws tej num yog num ruaj. Huab Tais nyiam kev ncaj thiab nyiam kev haum pheej. Huab Tais Tswv Ntuj txoj kev hlub ntws puv lub ntiaj teb, nws hais ib lo lus ces txhua yam tshwm sim tuaj. Huab Tais txib, ces txhua tsav puas yam kuj tsheej xeeb tau tuaj.”
Li ntawd txoj kev zoo siab nyob hauv peb, mas puav leej yog tuaj ntawm Tswv Ntuj tuaj. Ces tas ntiaj teb neeg qhov chaw tso siab thiaj yog nyob hauv Tswv Ntuj. Ua li mas Huab Tais Tswv Ntuj, thov kom koj lub siab hlub los roos peb, vim koj yog peb qhov chaw vam khom.
Kwv tij phooj ywg, vim li ntawd mas peb thiab cov neeg ntseeg thiaj nco txog Tswv Ntuj tej txiaj ntsim tas mus li yam tsis tu ncua. Peb xav kom nej thiab cov neeg ntseeg nco ntsoov thov Tswv Ntuj li no :
1. Huab Tais khuv leej neeg tas nrho, peb ua koj tsaug. Vim tias koj tau pub peb ntseeg txog Thaj Txi Ntuj, uas yog lub hauv paus ntawm lub neej ua neeg ntseeg txog koj. Ua li mas txhua txhia hnub chiv, peb thiaj sib txoos los thov koj pab yaug peb tej txhaum pov tseg, kom peb muaj ib lub siab dawb siab huv txawj ua qhov zoo uas haum koj lub siab thiab haum luag tej siab.
Li ntawd thov koj pab tso Leej Ntuj Plig Ntshiab tshoj peb tej siab ntsws, kom xwv peb txawj pom tias peb yog neeg muaj txhaum, peb tsis txawj ua neeg zoo, peb thiaj tig los mloog koj cov lus thiab tu siab rau peb cov txhaum uas tau ua yav tas los.
Ntuj aib..! Peb thov koj, Huab Tais Leej Txiv siab zoo !
2. Huab Tais Tswv Ntuj, txhua txhia hnub chiv, peb tau los sib sau ua ke mloog koj tej lus qhia uas yog qhov tseeb thiab yog txoj kev zoo uas tuaj kaj peb lub neej, mas peb thov koj xa Leej Ntuj Plig Ntshiab tuaj tshoj peb lub siab tsis tseg, kom xwv peb txawj txiav siab nyiam mloog koj tej lus mus tag peb sim neej.
Ntuj aib…! Peb thov koj, Huab Tais Leej Txiv siab zoo !
3. Huab Tais Tswv Ntuj, thaum peb sib sau ua Thaj Txi Ntuj, mas peb kuj zoo siab cev peb lub neej thiab peb txoj sia rau koj ua tus tsom kwm. Peb thiaj hais tej zaj nkauj cav txog koj tej txiaj ntsim, mas yog vim peb nyiam Thaj Txi Ntuj heev. Li ntawd thov koj pab peb sawv daws kom txawj ua neej haum koj lub siab thiab ua raws li koj cov lus qhia hauv lub Moo Zoo.
Ntuj aib...! Peb thov koj, Huab Tais Leej Txiv siab zoo !
Ua li mas kwv tij phooj ywg, nyob hauv cov kab ke ua Thaj Txi Ntuj mas tseem tsis tau tag, tab sis lub sij hawm yuav tag lawm, ces lwm lub lis piam kuv mam nthuav piav txuas ntxiv rau nej mloog. Hnub no kuv tsuas tuaj ntsib nej li no xwb. Thov kom Tswv Ntuj pub Leej Ntuj Plig rau nej txhua tus uas hnov cov lus hmo no.
Li ntawd, txuas no mus, thov caw nej mloog zaj nkauj “Kuv ntseeg Tswv Ntuj tas nrho.” Tom qab zaj nkauj tag, peb mam rov sib ntsib dua rau tag kis, sawv daws nyob zoo !
Paj nruag

Zaj no Txiv Plig Txhiaj Foom ua nyob Lomsak.
Haam Kub pab ntaus thiab kho me ntsis.
Hnub tim 30 lub 5 hlis xyoo 2012

**Maiv Tooj** 3rd August 2012, 10:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°27

Re: TP.Txhiaj Foom lub TSEV Ntawv

Post Maiv Tooj 3rd August 2012, 10:28 am

August 5 2012 -H C 18 Xyoo B

KUV TSIS PAUB TXOJ KEV TSHAIB

TXOJ KEV NQHIS, TXOJ KEV TXHAWJ.

Kwv tij phooj ywg, peb sawv daws huv tib si tshaib nqhis txog ntau yam, xws li ris tsho tshiab huv, nyiaj txiag, kev noj qab nyob zoo, kev paub txuj ci thiab ib lub npe nto moo. Yeej yuav tsum muaj tej yam ntawd huv si, ces peb thiaj nyob tau.
Tab sis qhov loj, Huab Tais hu peb los tshaib nqhis txog tseem txoj sia fab hauv yus tus ntsuj tus plig. Huab Tais hais tseg tias : NEJ YUAV UA NEEG SIAB NTSHIAB, XWS LI NEJ TXIV NYOB SAUM NTUJ, UAS NWS YOG TUS NTSHIAB (Mas Tais 5,48).
Huab Tais Yes Xus kuj tsom kwm thiab pov hwm tau tas ntiaj teb neeg, ces nws thiaj daws tau peb tej kev tshaib nqhis txog ib lub siab ntshiab dawb huv.
Saib hnub uas Yes Xus ua kom mov ntau tuaj, mas yeej txaus rau 5.000 leej noj tsau, ces tas pab neeg ntawd thov kom Yes Xus ua hwj huam yees ntxwv zoo li ntawd ntxiv mus. Lawv tau taij Yes Xus hais tias: “Huab Tais, koj muab cov mov ntxiv rau peb noj mas”.
Yes Xus thiaj txhob txwm ntuas lawv tias : “Nej tsuas tshaib nqhis txog cov mov kom nej noj tsau xwb, hos kuv mas qhov loj dua ntawd, yog kev tshaib nqhis txog txoj kev ntseeg txog kuv.” Tseev kom nej ntseeg tias : “Kuv yog cov mov muaj txoj sia. Tus twg tuaj cuag kuv, mas nws yuav tsis tshaib ib zaug. Tus twg ntseeg txog kuv, mas nws yuav tsis nqhis ib zaug.”
Cov kwv tij, tus tib neeg twg uas tau txais Yes Xus los nyob hauv nws nruab siab, mas nws thiaj yuav muaj zog coj rawv ib lub neej siab ntshiab huv xws li peb Txiv nyob saum ntuj, uas nws yog tus ntshiab.
Thov kom nej khaws tej qib lus hauv Ntawv Ntshiab tseg, kom xwv nej rov kub siab ntseeg txog Huab Tais Yes Xus “uas nws lub siab pheej xeeb mus ib txhiab ib txhis”. (Nkauj Paj Nruag 117)
Nkauj Paj Nruag 23 : “Tus zoo tswv zov yaj, nws saib kuv, kuv tsis paub txoj kev tshaib, txoj kev nqhis, txoj kev txhawj.”
Nkauj Paj Nruag 57: “Kuv hu txog tus Tswv Ntuj Nyob Siab Tshaj thiab hu txog tus Tswv Ntuj uas nws ua tau txhij, ua tau txhua rau kuv, nws lub siab hlub sawv siab txi ntuj thiab nws txoj kev tseeb sawv siab txij txheej huab saud.”
Nkauj Paj Nruag 138 : “Huab Tais yuav ua tau tas puav tsav yam rau kuv - Huab Tais, koj lub siab hlub yuav nyob mus ib txhiab ib txhis. Thov koj tsis txhob tso cov hauj lwm tawm ntawm koj txhais tes pov tseg.”
Kwv tij phooj ywg, Huab Tais Yes Xus kuj yog tus Tswv Ntuj Nyob Siab Tshaj thiab nws tej dej num tseem ceeb heev mus li no tias : Nws muab nws txoj kev nyiam kev hlub uas muaj zog tas nrho los txhim kho peb tej siab ntsws kom rov ntshiab tuaj, kom peb rov dawb huv zuj zus tuaj. Huab Tais Yes Xus niaj hnub pub Leej Ntuj Plig Ntshiab nqes los hauv peb, ces peb thiaj nyob kaj lug kaj nrig ntseeg txog Tswv Ntuj tib leeg.
Li ntawd, peb yuav tau “nyob ntawm tog zoo thiab nyob ntawm Tswv Ntuj tog.” (Hes Nplaws 6:9). Peb twb dim ntawm dab tog tas lawm, mas Huab Tais khuv leej neeg tas nrho, thov koj txhim kho peb tej nplooj siab nplooj ntsws yam tsis tu ncua thiab thov koj tsis txhob tso cov hauj lwm tseem ceeb uas tawm ntawm koj txhais tes los pov tseg os mog.”

KUV TSIS PAUB TXOJ KEV TSHAIB, TXOJ KEV NQHIS, TXOJ KEV TXHAWJ.

Kwv tij phooj ywg, thov kom nej khaws tej qib lus hauv Ntawv Cog Lus Tshiab, yam li : “Kuv yog tsob txiv cawv, nej yog cov ceg. Tus uas nyob txawm hauv kuv thiab kuv nyob txawm hauv nws, mas nws txi txiv ncw. Yog nej ncaim ntawm kuv, mas nej ua tsis tau dab tsi.” (Zam 15,5)
Tus Hauv Paus Xa Lus Paj Lug kuj sau qib lus no meej pem kawg tias : “Huab Tais Tswv Ntuj muaj hwj huam ua tau hauj lwm nyob hauv peb. Huab Tais ua tau ntau tshaj qhov peb thov thiab qhov peb xav tau.” (Es Fes Xos 3:20)
Cov kwv tij, thaum peb teev hawm Tswv Ntuj, mas peb kuj thov Ntuj pub 1 yam 2 yam rau peb, xws li qhov tias : “ 1 :Thov koj pab peb nrog luag lwm leej lwm tus rov sib haum xeeb, ces peb thiaj tau kev coj lub neej nyob thaj yeeb nyab xeeb.- 2 : Thov koj pab peb tiv thaiv kev haub ntxias mus rau qhov tsis zoo, kom peb tau txais kev yeej .Li ntawd peb haj yam yuav rov paub tias : Huab Tais Tswv Ntuj “nplua nuj heev nyob hauv nws tej kev nyiam kev hlub neeg.” (Es Fes Xos 2,4) –Peb kuj yuav rov paub tias Tswv Ntuj, niaj hnub, ua tau hauj lwm nyob hauv peb- Nws yeej ua tau ntau tshaj qhov peb thov thiab qhov peb xav tau.”
PEB SIB KOOM UA THAJ TXI NTUJ NTSHIAB : Huab Tais Yes Xus, peb niaj hnub lees peb cov txhaum. Tiam sis,koj nyob txawm hauv peb siab . Ces koj thiaj cev peb tej lus thov nce mus ze Leej Txiv. Hos hauv Thaj Txi Ntuj no, koj rov muab koj los ua nqe txhiv peb ntawm peb cov txhaum” (1 Zam 1,9 + 2,1-2 ) - Huab Tais siab zoo ,yog vim koj muaj txoj sia mus li, koj thiaj muaj peev xwm cawm tau cov neeg vam txog koj, tsis tu ncua .” (Hes Nplaws 7,25). Huab Tais ,thov koj txhawb nqa peb tej kev ntseeg kom rov muaj zog thiab rov ruaj nreb dua qub. Qhov kawg, peb thiaj yuav “tsis paub txoj kev tshaib, txoj kev nqhis, txoj kev txhawj.”, Huab Tais khuv leej neeg tas nrho, peb ua koj tsaug ntau
T.P. Txhiaj Foom OMI.

**Maiv Tooj** 24th August 2012, 10:04 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°28

Re: TP.Txhiaj Foom lub TSEV Ntawv

Post Maiv Tooj 24th August 2012, 10:04 pm

August 26 2012 H.C 21. XYOO B

HUAB TAIS, KOJ PAUB TAS IB PUAS TSAV YAM
KOJ PAUB TIAS KUV NYIAM KOJ TIAG.

Kwv tij, nyob rau hauv tas cov tsev neeg huv tib si, mas thoob ntiaj teb cov niam txiv sawv daws yeej yuav tsum sib xaiv ua ntej, mam li sib yuav.

Li ntawd, qhov tseem ceeb uas yuav ua mus tas ib sim neej, mas yog ob leeg yuav tau sib zam thiab sib hlub, ces tab txawm yus tus txij nkawm plaub hau dawb paug lawm los, tsis kav yus tsis tso nws pov tseg. Yus tseem qhuas txog nws tej lus zoo lus muag, uas nws niaj hnub hais rau yus, ces yus yuav tau hlub thiab tso siab lug rau nws tiag tiag mus ib sim.

Cov lus ntawd, kuj mus raws li lo lus meej pem uas hnub no tus Hauv Paus Xa Lus tau hais los qhia peb tias : “Nej cov txiv neej, nej yuav hlub nej tus poj niam, xws li Huab Tais Yes Xus Pleev hlub lub Koom Txoos.” (Es Fes Xos 5:25)

Tsis tas li ntawd, peb yuav tau nco txog tus Hauv Paus Xa Lus Pob Zeb lo lus tias : “Huab Tais Yes Xus, peb yuav mus nrog leej twg ? Vim koj muaj cov lus pub txoj sia nyob mus li, mas peb yeej yuav tso tsis tau koj tseg, rau qhov peb ntseeg tias koj yog Tswv Ntuj ib tug Leej Ntshiab.”

Li ntawd, kuv yuav tham 2 yam rau nej khaws tseg xws li, 1 : Huab Tais Yes Xus tshaj lus dab tsi txog tej dej num uas Leej Txiv pub rau nws ua ? 2 : Muaj tej tus neeg tau ua tim khawv txog lawv txoj kev ntseeg.

Ib : Huab Tais Yes Xus ua Leej Txiv cov hauj lwm, mas yog nws tab meeg mus pab txhawb nqa tas lub ntiaj teb neeg, yam li nyob hauv zaj paj lug tias :” Yes Xus yog tsob txiv cawv.” Li ntawd, Yes Xus thiaj tshaj tias : “Kuv yog tsob txiv cawv, nej yog cov ceg. Tus nyob txawm hauv kuv, thiab kuv nyob txawm hauv nws, mas nws txi txiv ncw. Yog tias nej ncaim ntawm kuv, mas nej ua tsis tau dab tsi.” (Zam 15:5)
Ua li mas peb yuav zoo siab ntseeg tias : “Tus tib neeg twg uas muaj Huab Tais Yes Xus nyob rau hauv nws nruab siab, mas nws lub neej yuav txi txiv ncw,” vim tias 1 : Nws yuav tau txais lub neej nyob thaj yeeb nyab xeeb. 2 : Nws yuav ua neeg me nyob ntawm Tswv Ntuj xub ntiag thiab nyob ntawm zeej tsoom xub ntiag. 3 : Nws yuav taug kev nyiam kev hlub. 4 : Nws yuav ua siab loj siab tawv tiv thaiv tas puas tsav yam lus haub ntxias, ces nws lub neej yuav tsis qaij tsis qaug.

Li ntawd mas kwv tij, peb yuav tau khaws tej lus no tseg rau hauv peb nruab siab, vim yog tseem txoj sia tiag tiag uas cov txij nkawm yuav tau nco ntsoov mus li.

Ob : Nyob hauv Ntawv Moo Zoo, mas muaj tej tus neeg tau ua tim khawv txog lawv txoj kev ntseeg Ntuj, yam li Yes Xus tsa ib tus poj ntsuam nyob Nas Ees tus tub, kom nws sawv rov los, mas Ntawv Moo Zoo sau cia li no tias : “Tas sawv daws ntshai heev kawg, vim muaj ib tug yaj saub loj sawv los nyob hauv peb lawm. Rau qhov Tswv Ntuj tuaj xyuas nws haiv neeg.” (Lus Kas 7:16)
Li ntawd, lo lus tias : “Tswv Ntuj tuaj xyuas nws haiv neeg, mas phim nyias yuav ntseeg khov kho hauv nyias lub siab tias, Tswv Ntuj Leej Tub tau nqes los ua neeg kuj yog vim peb ntag, kom peb pom kev ua neej yam tshav ntuj nrig. Rau qhov Huab Tais Yes Xus, yog qhov pom kev kaj tas ib puas tsav yam.”
Ua li mas tom qab ntawm hnub uas Yes Xus sawv hauv cov tub tuag rov los, mas thiaj muaj 3 zaug sis law uas tus Hauv Paus Xa Lus Pob Zeb teb rau Yes Xus tias : “Huab Tais, koj paub tas ib puas tsav yam thiab koj paub tias kuv nyiam koj tiag.” (Zam 21:15-17) Pob Zeb kuj lees tias : “Nws yuav ua Yes Xus tus thwj tim mus tas nws sim neej, vim txoj hauj lwm no muaj nqes dua kev ua tub puav ntses 100 npaug, los 1,000 npaug.
Yog vim li no, mas tsim nyog peb yuav nco ntsoov txog Tswv Ntuj lo lus tias : “Me tub, koj cev koj tej nplooj siab nplooj ntsws tuaj rau kuv thiab koj yoog raws li kuv tus piv txwv os mog.” (Paj Lug 23:26)
Hais txog tus Hauv Paus Xa Lus Paj lug, mas nyob hauv nws nruab siab, Huab Tais Yes Xus yog tus loj tshaj plaws. Paj Lug thiaj hais tias : “Nej txoj sia nrog Leej Pleev tsiv nraim hauv Tswv Ntuj, vim Leej Pleev yog nej txoj sia.”

Li ntawd, thaum Yes Xus yuav tawm los rau tas ntiaj teb pom xyeem, mas nej kuj yuav nrog nws tawm los muaj hwj chim.” (Kos Los Xais 3:4) Paj Lug ntseeg tias : “Thaum nws yuav tso lub ntiaj teb no tseg, mas nws yuav tau nrog nws tus Huab Tais nyob nraim saum Tswv Ntuj lub Ceeb Tsheej, ces Paj Lug thiaj tias : “Huab Tais Yes Xus Pleev, yog peb txoj sia”, mas phim yuav kaws nws tej lus rau hauv peb nruab siab.
Tsis tas li ntawd, tus Hauv Paus Xa Lus Zam kuj hais hais tias : “Tseev kom nej paub tias nej tau txoj sia nyob mus li, vim nej ntseeg txog Tswv Ntuj Leej Tub lub npe. Tswv Ntuj yuav pov hwm tus tib neeg uas nws yug ntawm Tswv Ntuj Plig los. Tus Phem, yuav ua tsis tau dab tsi los raug tus tib neeg uas tau yug ntawm Tswv Ntuj los.” (1 Zam 5:13 + 18)

THAJ TXI NTUJ NTSHIAB : Huab Tais Yes Xus, nyob hauv Thaj Txi Ntuj Ntshiab no, thov koj rov nqes los xyuas peb dua, ces sawv daws yuav zoo siab ua koj tsaug. Huab Tais, tas ib puas tsav yam hwj huam yees ntxwv uas koj xav ua los txhim kho kuv lub siab, mas thov koj ua tej yam ntawd sai os mog !”

T.P. Txhiaj Foom omi

**Maiv Tooj** 31st August 2012, 7:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°29

Re: TP.Txhiaj Foom lub TSEV Ntawv

Post Maiv Tooj 31st August 2012, 7:12 am

September 2 2012 Hnub Chiv 22-XYOO B.

TSWV NTUJ KHUV LEEJ PEB TAS NRHO

TP.Txhiaj Foom lub TSEV Ntawv - Page 2 I-gran10

Kwv tij, peb niaj hnub rov soj ntsuam xyuas saib; peb puas nrog poj niam me nyuam thiab luag lwm leej lwm tus sib haum xeeb ?
Peb tej kev sib hlub puas txaus ?

Yog tias tsis txaus, peb yuav tsum kub siab kho sai sai thiaj yog.
Hais txog peb tej kev teev hawm Tswv Ntuj, mas peb kuj yuav tsum rov soj ntsuam xyuas saib peb puas teev hawm peb tus Huab Tais Tswv Ntuj mus raws qhov tseeb ?

Li ntawd, phim peb txhob ua ib haiv neeg tsis mloog lus li no tias : “Haiv neeg no, tsuas hwm kuv saum di ncauj xwb, lawv lub siab nyob deb kuv.” (Mas Kos 7: 6-7)

Tsis tas li ntawd xwb, Huab Tais Yes Xus kuj ntuas peb li no tias :

“Thaum nej teev Ntuj, nej txhob ua li cov neeg sab nraud. Nej txhob ntuas mus ntuas los, zoo li cov neeg teev dab. Cov neeg teev dab xav tias, yog lawv hais lus ntau ntau, mas dab yuav mloog lawv zoo dua. Nej txhob ua zoo li lawv, vim nej Txiv paub tias qhov twg yog qhov nej yuav tsum muaj. Tab yog nej tseem tsis tau thov, nej Txiv twb xub paub lawm. Thaum koj teev Ntuj, koj mus nyob twj ywm hauv koj kem txaj. Koj kaw qhov rooj, ces koj teev hawm koj Txiv uas nws nyob hauv qhov chaw nraim, koj Txiv uas nws pom hauv qhov chaw nraim, Nws yuav pauj rau koj.” ( Mas Tais 6: 6- 7)

Hos tus Hauv Paus Xa Lus Zam kuj sau lo puav lus ntxiv tias : “Cov me nyuam, peb txhob muab peb lo lus thiab tus nplaig los teev hawm Tswv Ntuj xwb.” (1 Zam 3:18)

Kwv tij, tus neeg ntseeg twg uas nws xav tias : “Yuav tsum cev 100 lo lus thiab 1.000 lo lus rau Tswv Ntuj, mas Tswv Ntuj thiaj li mloog qhov nws hais.” Peb yuav tsis txhob xav li ntawd. Qhov uas Tswv Ntuj tos ntawm peb, mas yog peb tej kev ntseeg txog Tswv Ntuj tib leeg thiab peb tej kev nyiam Tswv Ntuj tas siab tas ntsws, tas tswv yim thiab tas zog.” Peb yuav tau ua qhov ntawd, vim tias Tswv Ntuj twb tau pov hwm peb lub neej thiab twb roos peb txoj sia lawm, ces peb tsuas hais tej yam uas muaj qab hau thiab tseem ceeb xwb, peb yeej yuav tau txais Ntuj cov txiaj ntsim.
Kwv tij, peb niaj hnub tsa muag ntsia Tswv Ntuj, tus uas khuv leej peb tas nrho thiab thov kom peb Txiv nyob saum ntuj pov hwm peb lub neej thiab peb txoj sia, kom xwv peb tsev neeg noj qab nyob zoo thiab kom yus tej me tub nyuam muaj lub cim xeeb kawm ntawv tom thawj. Peb thiaj vam txog peb Txiv khuv leej neeg tas nrho uas nyob saum ntuj los pab peb txhua lub sij hawm tas mus li.
Tsis tas li ntawd, kom peb nco ntsoov qhov uas Huab Tais Yes Xus hais tias : “Tsis muaj leej twg muaj txoj kev nyiam loj dua tus uas siv nws txoj sia pab nws cov phooj ywg.” (Zam 15:13)

Huab Tais Yes Xus hais li ntawd, mas tsis yog nws lam hais xwb, nws yeej nqes tes ua kiag rau peb pom, yam li : Yes Xus muab nws tus kheej mus txi rau Ntuj saum Ntoo Cuam, kom tau txhiv tas ntiaj teb neeg cov txhaum.
Yog vim Huab Tais Yes Xus tej kev nyiam kev hlub uas loj tas nrho li ntawd, mas tus Hauv Paus Xa Lus Paj Lug thiaj sau ntawv tseg tias : “Peb Txiv siab zoo nyob saum ntuj tau xaiv peb, kom peb ntshiab huv. Tswv Ntuj tau xaiv peb los mus ua nws cov tub ki tshiab nyob hauv Yes Xus Pleev.” (Es Fes Xos 1: 4-)

Li ntawd, peb yuav tau ua Tswv Ntuj tsaug tsis tseg, vim lub txiaj ntsim uas Tswv Ntuj tau pub rau peb nyob hauv Yes Xus Pleev, ces peb thiaj li nplua nuj nyob hauv Yes Xus cov txiaj ntsim.” (1 Kos Lis Nthos 1:4-5)

Kwv tij phooj ywg, yog vim peb ntseeg txog lub Moo Zoo li hais no, ces ib txwm los tsoom neeg ntseeg thiaj hais tias peb niaj hnub yuav tsum thov Huab TaisTswv Ntuj pab txhawb nqa peb lub neej. Tab sis tshuav ib yam, mas yog qhov peb yuav tau ua Ntuj tsaug thiab peb yuav cav lus zoo txog Tswv Ntuj tej kev nyiam kev hlub uas nws nto koob meej lug. Ces txhua hnub chiv, peb thiaj hais zaj : “PEB TXIV NYOB SAUM NTUJ, los cav lus zoo txog Tswv Ntuj tas mus li.
Li ntawd, txhua txhia lub caij thaum peb teev hawm Tswv Ntuj thiab thaum peb sib sau los ua Thaj Txi Ntuj, mas peb thiaj thov peb Txiv khuv leej neeg tas nrho nyob saum ntuj tuaj pab sawv daws, kom xwv Tswv Ntuj hlub thiab pub ib feem txiaj ntsim rau sawv daws.

Tswv Ntuj txoj kev nyiam kev hlub ntawd, mas kuj yog thooj li Huab Tais Yes Xus txoj kev nyiam kev hlub uas tau nyob txawm rau hauv Yes Xus lub siab thiab nws tau ua tshwm los rau peb sawv daws pom nyob saum Ntoo Cuam.

UA THAJ TXI NTUJ : Huab Tais Leej Txiv, peb tus Tswv Ntuj khuv leej neeg tas nrho. Hnub no nyob rau hauv peb lub Thaj Txi Ntuj, mas Huab Tais Yes Xus Pleev tau nqes los cawm peb ntawm qhov txhaum. Huab Tais Yes Xus tseem pub ib feem hauv nws tej kev nyiam kev hlub los ntxiv rau peb tej siab ntsws, kom peb muaj Yes Xus nyob rau hauv peb lub neej.
Li ntawd, mas peb thiaj thov ua tsaug ntau ntau thiab peb yuav nco ntsoov koj cov txiaj ntsim ntawd mus ib txhiab ib txhis.

Txiv Plig Txhiaj Foom omi

**Maiv Tooj** 7th September 2012, 9:09 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°30

Re: TP.Txhiaj Foom lub TSEV Ntawv

Post Maiv Tooj 7th September 2012, 9:09 am

September 9 2012
-H.C. 23-XYOO B

TXIV, KOJ YEEJ IB TXWM MLOOG KUV.

. Hnub Chiv dhau los lawm , peb tau khaws Tswv Nuj Lo Lus tias TSWV NTUJ KHUV LEEJ PEB TAS NRHO… Peb yuav khaws Lo Lus no tseg hauv nruab siab, ces peb rov tso siab lug rau peb Txiv nyob saum ntuj. Yuav nco txog Tswv Ntuj ib Lo Lus ntxiv uas qhia tib yam ntawd rau peb, xws li ib qib lus hauv Nkauj Paj Nruag 117 tias : “Huab Tais, koj lub siab hlub muaj zog tas nrho- Huab Tais lub siab pheej xeeb mus ib txhiab ib txhis”.

Tswv Ntuj Lo Lus ntawd kuj yog thooj li lub teeb kaj yus txoj hau kev.. Ces peb tsis maub kev tsaus ntuj.nti .Tab sis peb ntseeg khov tias : Huab Tais Tswv Ntuj yog peb Txiv khuv leej neeg tas nrho tiag… Peb muaj chaw vam khom ruaj nreb,.ces Tswv Ntuj niaj hnub siv nws txoj kev nyiam kev hlub, uas muaj zog tas nrho ,los txhim kho peb tej siab ntsws ,tsis tu ncua..

Puag tas peb tau mloog Ntawv Moo Zoo,tias :” Luag coj ib tug neeg ruam thiab lag ntseg tuaj rau Yes Xus. Lawv thov kom Yes Xus tsa tes rau saum nws..Ib ntsis Yes Xus tsa muag ntsia saum ntuj. Nws hais rau tus lag ntseg tias:” Es Fas Tas “,.lo lus no txhais tias :”Koj qhib los !”. Tam sim ntawd tus neeg ntawd pob ntseg qhib hlo Hos cov hlua khi nws tus nplaig plam plaws .Nws hais tau lus meej”.

Hnub ntawd mas Huab Tais Yes Xus khuv leej tus neeg ntawd,uas txom txom nyem tag npaud. Nws pom kev tab sis nws tsis hnov qhov lawv hais thiab nws hais tsis tau ib nyuag lus rau leej twg .Ua li mas nws txom txom nyem heev. Ces Yes Xus “ tsa muag ntsia saum ntuj”..Nws ua nws Txiv tsaug,vim tias Leej Txiv tau pub hwj huam loj rau nws pab kho tej pab neeg mob kom zoo ,” Sawv daws poob siab nthav .Lawv hais tias:” Yes Xus ua tau ib puas tsav yam zoo. Nws ua kom cov lag ntseg hnov lus tau thiab ua kom cov nplaig txhav hais lus tau”
Cov kwv tij, peb zoo siab ntseeg khov kho tias: lub zim txwv no ” Huab Tais Yes Xus Pleev yog tus zoo li qub mus li: …Nws txoj kev khuv leej neeg tsis txawj lwj, tsis tsuas thiab tsis txawj nphob” Hes Nplaws 13,8 + 1 Pob Zeb 1,4.. “ Huab Tais Yes Xus lub siab hlub muaj zog tas nrho. Huab Tais lub siab pheej xeeb mus ib txhiab ib txhis”

Ua li Huab Tais niaj hnub xav kom peb nqes tes ua dab tsi ? Qhov ib tuaj tias : peb yuav lees tias : : peb pluag kev ntseeg. Peb nyob nrug deb ntawm Tswv Ntuj ces txhob khav theeb tias : « 100% kuv lub siab zoo siab ncaj lauj » - Peb kuj yuav tsum lees tias : peb tsis muaj zog los mus coj ib lub neej ntshiab dawb huv thiab peb raug tej lus haub lus ntxias : « Peb xav xav ua yam zoo tab sis peb ua tsis tau yam zoo ntawd » Los Mas 7 15-20. Ua li, peb yuav lees tias : peb tus plig txom nyem kawg… Qhov lees txhaum no mas tsis yog ib yam yooj yim

Qhov 2 tias : peb yuav tso siab lug rau Huab Tais - Peb yuav khaub zig txog Yes Xus , tus Huab Tais Cawm Seej ,ces peb thov koj xa Leej Ntuj Plig Ntshiab nqes los txhim kho peb tej siab ntsws kom rov ntshiab dawb huv tuaj- Peb yuav thov Huab Tais tas zaj tas zog.-.Tsis hais lo lus thov Ntuj li ntawd ib nyuag zaus xwb ..Qhov tseeb mas peb yuav thov Huab Tais tuaj pab txhim kho peb siab , tas mus li.- Ces zaus pu peb thiaj hais zaj nkauj teev Ntuj li no tias : : « Koj lub siab zoo, Huab Tais, koj zam rau kuv. Koj lub siab hlub neeg, Huab Tais , koj so kuv cov txhaum »

Kwv tij, kuv tau ntsib peb ib tug phauj laus laus hauv nej zos Nws hais tias : « Ib ntsis kuv laus zog mas kuv puas tsim nyog txais lub Cim Ntxuav ? ». Tam sim ntawd kuv tau teb tias : « Niad, thov koj nco tias : « Tswv Ntuj khuv leej sawv daws -Cov me nyuam mos, cov tub ntxhais hluas thiab cov laus. mas Tswv Ntuj hlub tshua sawv daws sib npaug zos. Nws tsis xaiv neeg. Thov koj tsis txhob ntshai los mas ! »..Thaum ntawd ces nws zoo siab luag ntxhi ntag… ! !.

Thov kom nej nco txog ib zaj lus tseem ceeb tias . Yav thaud, tim Fab Kis teb , ze ntawm xyoo 1200, mas lawv tus vaj ntxwv,uas lub npe hu ua Lus Is 9, nws hais tias : « Kuv zoo siab ua nej tus vaj .Tab sis qhov uas ua kom kuv nyob kaj lug kaj nrig tshaj plaws thiaj yog qhov tias kuv tau txais lub Cim Ntxuav . Nej yuav nco tias : vim kuv tau txais lub Cim Ntxuav mas kuv thiaj yog Huab Tais Tswv Ntuj tus me nyuam ntag ».
= Huab Tais Yes Xus lo lus tias : « Txiv, koj yeej ib txwm mloog kuv » ( Zam 11,42 ) mas peb yuav khaws tseg ,ces peb yuav tso siab lug rau Tswv Ntuj raws li Yes Xus Lo Lus ntawd

UA THAJ TXI NTUJ : « Huab Tais Leej Txiv , peb zoo siab ntseeg ruaj nreb khov kho tias Huab Tais Yes Xus lub siab pheej xeeb mus ib txhiab ib txhis. Ua li Huab Tais Yes Xus kuj khuv leej peb tsoom Hmoob huv tib si,sib npaug zos. Nws tsis xaiv neeg. . Peb zoo siab ntseeg li ntawd - Peb Txiv siab zoo tas nrho, thov koj xa Leej Ntuj Plig Ntshiab nqes los tshoj peb lub siab , ces peb thiaj yuav tshaib nqhis txog lub neej tshiab, uas yog lub neej ua koj cov me tub me nyuam. Thov koj pab peb qhib peb lub siab los mus txais koj tej txiaj ntsim, uas muaj nqes tas nrho »
Txiv Plig Txhiaj Foom omi

.

**Maiv Tooj** 14th September 2012, 7:46 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°31

Re: TP.Txhiaj Foom lub TSEV Ntawv

Post Maiv Tooj 14th September 2012, 7:46 am

September 16-2012 H.C. 24– Xyoo B

HUAB TAIS TX0J SIA CIAJ NYOB HAUV KUV .

Nyob hauv yus tsev neeg mas muaj tej lub caij uas ib txhia tub ntxhais hluas xeeb txob niam txiv,..Lawv dhuav dhuav. Niam txiv ua zoo txhib lawv mas tsam cov tub ntxhais hluas ua ntsej lag.,,tsis xav mloog niam txiv tej lus hais. Thaum ntawd mas niam txiv kho siab kawg, tab sis lawv kuj tseem hlub cov tub ki ntawd – Lawv lub siab pheej xeeb mus li, ces lawv muab siab rau txhib cov tub ntxhais hluas ntawd ntxiv mus ,tsis tu ncua .-
Mas nyob tsam peb tsoom ntseeg thooj li ib cov neeg ntsej lag .thiab vim tias peb hnov qab lub Moo Zoo -Peb tsis muab siab rau txais Tswv Ntuj ib cov lus tseeb, uas txhib peb siab. Tab sis Lo Lus ntawd nkag hauv peb pob ntseg sab xis ces tam sim ntawd thiaj tawm sab laug mus lawm.
Cov kwv tij, hnub no mus lawm yav tom ntej ,peb “yuav taug kev ntseeg Ntuj thiab yuav taug kev nyiam kev hlub raws li Yes Xus tus lwj lwm” Es Fes Xos 5,2
Ntawv Moo Zoo sau cia li no tias :” Yes Xus pib qhia cov thwj tim tias, yuav muaj ib hnub nws yuav raug txom nyem loj . Cov txwj laus, cov thawj leej choj thiab cov thoob xwm Ntawv yuav muab nws tua pov tseg .Hos hnub peb, nws yuav sawv rov qab los”… Yes Xus ua yaj saub qhia cov thwj tim tias nws yuav raug luag tsim txom thiab nws yuav tuag …
Hnub ntawd mas tus thawj coj ntawm 12 leeg thwj tim, uas lub npe hu ua Pob Zeb ., hnov Yes Xus hais tias : tsis ntev tom ntej Yes Xus yuav raug luag tsim txom .Mas Pob Zeb chim siab kawg nkaus.. Nws rub Yes Xus los, nws nroo rau Yes Xus tias : “Tseev kom koj tsis txhob raug li ntawd..Peb yuav pov hwm koj, kom xwv koj thiaj yuav tau nrog peb nyob ntev ntev xyoo, ces koj thiaj yuav ua tau Tswv Ntuj tej dej num ntxiv mus”. Tab sis Yes Xus tig los pom nws cov thwj tim. Yes Xus cem Pob Zeb tias :” Xas Tas, koj lawv kuv qab . Ua cas koj tsis xav li Tswv Ntuj xav ? . Koj tsuas xav li neeg xwb”
Ib ntsis Yes Xus hais lus ntxiv tias : “Leej twg xav lawv kuv qab, nws thiaj yuav tsis txhob nco txog nws . Nws yuav kwv nws tus ntoo cuam – Nws yuav lawv kuv qab”
Peb yeej paub tias peb tus ntoo cuam yog dab tsi…
1 : Peb yuav kub siab ntseeg txog Tswv Ntuj tib leeg xwb.
2 : Peb yuav tiv thaiv peb tej zaj tswv yim tsis huv pov tseg …
3 : Peb yuav taug kev sis nyiam sis hlub raws li Yes Xus tus piv txwv.
Li ntawd, mas tab txawm peb raug mob nkeeg los, peb yuav khaub zig txog Tswv Ntuj tib leeg xwb.. Tab txawm peb raug luag hiam vim peb ntseeg Ntuj los, peb yuav ua ib siab tsis tig rov qab . Tab txawm peb ib tug me nyuam tso ntiaj teb no tseg los, peb tseem nco ntsoov tias : Huab Tais Yes Xus cia peb nrog Huab Tais txi Ntuj ua ke .
Peb yuav tsa muag los ntsia Yes Xus uas dai ntawm tus Ntoo Cuam, ces nyias yuav hais tau nyias lus hauv nyias nruab siab, xws li tus Hauv Paus Xa Lus Paj Lug tias :” Huab Tais Yes Xus, Tswv Ntuj Leej Tub tau nyiam kuv tag npaud .Nws thiaj rov muab nws rau luag , kom nws tau pab kuv” Nkas Las Tias 2,20…
Peb niaj hnub zoo siab ntseeg tias : Huab Tais Yes Xus kev nyiam kev hlub loj tshaj plaws thiab muaj zog tshaj plaws, Yes Xus thiaj tau siv nws txoj sia los pab txhawb nqa tas sawv daws neeg. ( Zam 15,13 ) Thaum Yes Xus dai ntawm tus ntoo cuam, mas nws haj yam nyiam nws Txiv thiab hlub tshua tas sawv daws neeg.,Thaum ntawd txoj kev nyiam nyob puv Yes Xus lub siab npo.
Li ntawd, txhua txhia zaus peb yuav tsum kwv peb tus ntoo cuam mas peb thiaj yuav thov kom Huab Tais Yes Xus pub ib feem ntawm nws txoj kev nyiam kev hlub tuaj rau peb los ua peb txoj sia. Peb yuav ua li ntawd mus li … ces peb thiaj yuav tau muaj peev xwm nrog Leej Ntshiab Paj Lug hais tau lo lus tias : ” Kuv muaj txoj sia ua neeg Tab sis tsis yog kuv muaj txoj sia ntxiv lawm – Yog Huab Tais Yes Xus Pleev txoj sia ciaj nyob hauv kuv “ Nkas Las Tias 2,20
T.P. Txhiaj Foom omi

**Maiv Tooj** 28th September 2012, 8:09 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°32

Re: TP.Txhiaj Foom lub TSEV Ntawv

Post Maiv Tooj 28th September 2012, 8:09 am

September 30-2012-

PEB KUJ YUAV TSUM SIV PEB TXOJ SIA
LOS PAB PEB COV KWV TIJ

TP.Txhiaj Foom lub TSEV Ntawv - Page 2 Paul_d10

= Yav dhau los peb thiaj tau hnov ib lo lus nug zoo li no tias :
“Pab neeg twg, hauv haiv neeg twg kuj xij uas lawv ib siab coj Ntuj Kev Cai ,mas cov neeg ntawd kuj yuav tsum coj ib lub neej zoo li cas ? “
- Teb tias :
Cov neeg ntawd kuj yuav tau coj ib lub neej tshiab tshiab , vim tias lawv yuav yoog raws li Yes Xus tus piv txwv...

---Cov kwv tij txoj kev sis nyiam sib hlub kuj ua pov thawj tias peb yog Huab Tais Yes Xus cov thwj tim - Yuav ua siab zoo, siab dav fo . Ces yuav tsis xaiv neeg thiab tsis ua siab nqaim
Saib : txij ntawm xyoo 33 , uas Leej Ntuj Plig nqes los rau saum cov Hauv Paus Xa Lus rov mus txog xyoo 100, mas nyob rau hauv 10 tawm lub teb chaws uas pib muaj tej pab neeg ntseeg txog Huab Tais Yes Xus , mas cov pej xeem huab hwm coob coob leej hauv 10 tawm lub teb chaws ntawd sib hais zom zaws tias; NEJ SIM NTSIA SAIB : COV NTSEEG YES XUS NO MAS UA CAS LAWV SIB NYIAM SIB HLUB ZOO KAWG NKAUS !!

Hauv Ntawv Moo Zoo,Huab Tais Yes Xus txhib peb lub siab kom tsis txhob xaiv neeg- Yuav tsis txhob ua siab nqaim. Huab Tais Yes Xus qhia meej pem zoo li no tias :” Leej twg yuav muab ib ntim dej los rau nej daws nqhis,vim nej yog Leej Pleev tug,mas kuv hais tiag rau nej tias tus tib neeg ntawd yeej yuav tau txais koob haum” . Txhais tias ; Huab Tais txhib peb lub siab kom xwv peb rov nco tias ; tej pab neeg , uas coj qub kev cai mas lawv kuj txawj ua zoo rau nej..Thaum twg lawv pom tias nej nqhis dej ( los nej raug ntau yam nyuaj siab ) lawv kuj pab nej thiab . Mas nej yuav saib qhov ntawd loj.

= Huab Tais tseem txhib peb lub siab zoo li no tias :” Nyob ntawm Tswv Ntuj lub xub ntiag , tas tsoom neeg nyob hauv lub qab ntuj no thiaj zoo li ib tsev neeg “ Mas Tais 23,8

Muaj lo lus nug tias : peb yuav ua li cas,peb thiaj yuav coj rawv Huab Tais Lo Lus,, ? Peb yuav ua li cas thiaj yuav tsis txhob xaiv neeg – yuav tsis ua siab nqaim ?

Teb: peb yuav tsa muag ntsia Yes Xus, uas dai ntawm tus ntoo cuam. Ces nyias yuav muaj peev xwm rov hais tus Hauv Paus Xa Lus lo lus tias : ” Tswv Ntuj Leej Tub tau nyiam kuv tas npaud , ces nws rov muab nws rau luag ,kom nws pab tau kuv” Nkas Las Tias 2,20.

Ua li mas tus tib neeg uas qhuas txog Yes Xus kev nyiam kev hlub uas muaj zog tas nrho, mas nws thiaj rov paub tseeb tias :” Yes Xus tau siv nws txoj sia los pab peb. Peb kuj yuav tsum siv peb txoj sia los pab peb cov kwv tij “ 1 Zam 3,16.

Li ntawd , Yes Xus xub coj lub neej hlub sawv daws huv tib si , tsis hais cov His Xas Lais ,los cov neeg uas coj lwm yam kev teev tawm .mas peb thiaj nco dheev tias : peb yuav yoog raws li Yes Xus tus piv txwv thiaj yog .

Ua li mas peb cov kwv tij Hmoob uas coj qub kev cai mas peb yuav tsis saib lawv qis - Tab txawm lawv lub neej tseem khuam rau lawv tej kab ke teev dab mas peb yuav tsis hais tej lo lus tso hem thawj tias :” Yog nej tseem coj nej tej kev cai ntxiv mus, mas hais qhov tseeb rau nej tias : “ Nej yuav mus tsis tau hauv Tswv Ntuj lub Ceeb Tsheej”.. Lo lus tso hem thawj no yeej tsis haum Tswv Ntuj lub siab - Rau qhov tias : kawg yog Tswv Ntuj tib leeg xwb uas yog tus luj tib neeg tej koob hmoov..Kawg yog Tswv Ntuj tib leeg xwb uas yog tus txiav txim tias : cov no yuav tsim nyog mus pem Tswv Ntuj lub Ceeb Tsheej”

Cov kwv tij hmov thiab tshua, thaum peb xav tias :” Txog lub cai yuav fim luag tej ob cag,mas phim yuav rov xav tias : Yog tias Yes Xus tseem ua lub neej nrog peb ,mas saib : Yes Xus yuav hais tej lo lus twg ? Huab Tais yuav hais lo lus xyav luag moo lod ? Nws yuav hais lo lus tso hem thawj lod ? Ntshai yuav tsis hais npaum li ntawd ib zaug..- Yog yus xav txog qhov no mas yus npaj siab hais tej lo lus zoo los mas .

PEB KUJ SIB SAU LOS UA THAJ TXI NTUJ NTSHIAB : Peb yuav hu txog Huab Tais Yes Xus pab peb , li no tias:“ Huab Tais khuv leej neeg tas nrho, yog vim koj dai ntawm tus Ntoo Cuam, koj thiaj yog “ tus dej cag pub cov dej tshuaj,daws tas peb qhov nqhis, peb lub siab thiaj kaj”. Mas hnub no hauv peb lub Thaj Txi Ntuj Ntshiab no, koj yeej nqes los pub ib feem hauv koj tej kev nyiam kev hlub rau peb los ua peb txoj sia. Ua li mas, Huab Tais khuv leej neeg tas nrho, tas koj tej dej num pab txhim kho peb lub siab, mas thov koj ua tej ntawd huv tib si,ces [b]peb thiaj yuav tau siv peb txoj sia los pab peb cov kwv tij.[/b] raws li koj tus piv txwv. Huab Tais siab zoo tas nrho ,peb ua koj tsaug ntau”

T.P. Txhiaj Foom omi

**Maiv Tooj** 5th October 2012, 2:20 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°33

Re: TP.Txhiaj Foom lub TSEV Ntawv

Post Maiv Tooj 5th October 2012, 2:20 am

October 7 2012 –H.C 27 – [color:661b= #FF00FF] COV TXIJ NKAWM UA NCAJ NCEES MUS LI,
MAS LUB NEEJ YUAV NYOB KAJ LUG KAJ NRIG.

TP.Txhiaj Foom lub TSEV Ntawv - Page 2 Post-110

Kwv tij phooj ywg, tas ntiaj teb neeg huv tib si yeej ntshaw kom muaj ib lub neej nyob thaj yeeb nyab xeeb. Vim li ntawd cov neeg ntseeg Ntuj thiaj yuav tsum coj rawv Tswv Ntuj cov lus qhia, ces sawv daws lub neej thiaj yuav tau txais kev nyob kaj lug kaj nrig raws li siab xav.
Li ntawd, Huab Tais Yes Xus thiaj qhia qhov tseeb rau peb tias : “YAM UAS TSWV NTUJ MUAB SIB SAU LOS UA KE, MAS NEEG TSIS TXHOB MUAB SIB TXHEM”
Yog vim li no, ces cov txij nkawm uas sib txhem, feem ntau lawv thiaj raug ntau yam kev nyuaj siab ntxhov plawv nyob rau hauv lawv lub neej, yam li : “Lawv cov me nyuam yuav tsis pom niam thiab txiv nrog lawv nyob ua ke li qub, ces tas sim neej yuav ua rau cov me nyuam lub neej tsaus ntuj nti.”

Nyob hauv phau ntawv HAUV PAUS thiaj sau cia tias : “Tswv Ntuj tso ib tug dab ntub los laum tus txiv neej, ces tus txiv neej tsaug zog lawm. Tswv Ntuj thiaj rho nws ib tug tav thiab rov qab kaw li qub. Tswv Ntuj muab tus tav uas nws tau rho ntawm tus txiv neej los puab ib tug poj niam, ces Tswv Ntuj muab cob rau tus txiv neej. Tus txiv neej thiaj hais tais zaum no, yog pob txha tawm ntawm kuv pob txha los. Yog nqaij tawm ntawm kuv nqaij los. Vim li ntawd mas tus txiv neej thiaj tso nws niam nws txiv tseg, ces nws mus npuab nws tus poj niam. Nkawd thiaj koom ua ib lub cev nqaij xwb.” (Hauv Paus 2:21-24)

Tsis tas li ntawd, Tswv Ntuj kuj qhia tus txiv neej kom saib poj niam muaj nqis thiab yuav tau ua ncaj ncees rau nws poj niam. Hos tus poj niam, los kuj yuav npuab tus txiv lub siab yam tsis tu ncua. Nkawd ob leeg thiaj nyob tau ua ke mus ib sim, vim kev ua ncaj ncees thiab sis nyiam sis hlub, ces ob leeg lub neej yuav nyob kaj lug kaj nrig mus txog 120 xyoo. Li ntawd, cov txij nkawm yuav tau coj lub neej ncaj ncees tiag tiag yam tsis tau tu ncua.

Nug tias kev ib tug ua ncaj ncees rau ib tug, puas nyuaj ? Hais tseeb yeej nyuaj thiab, yog tias ob leeg tsis txawj tswj lub siab tiag tiag, vim ntiaj teb muaj kev haub ntxias ntau tsav ntau yam. Tab sis yog ob leeg muaj lub siab ruaj khov xav sib hlub thiab xav txhim kho tsev neeg kom vam meej, mas yeej tsis dhau lub peev xwm ib zaug.

Yog vim li no, mas kom cov txij nkawm yuav tsum to taub tias : “Kev ua niam txiv, muaj lub sij hawm luv luv kawg li 15 xyoos txog 36 xyoo tej xwb, ces ob leeg lub cev ntaj ntsug yuav pib laus zuj zus tsis zoo li qub lawm. Yog tias ob leeg tsis txawj tswj yus lub ncauj, mas yuav muaj tej lub caij uas ob tug niam txiv ntawd sib cav sib ceg tas mus li, ces thaum no txoj kev xav muaj tus tshiab yuav tshwm tuaj. (Yog tias tsis coj rawv Tswv Ntuj cov lus tiag tiag).”

Kwv tij phooj ywg, li ntawd mas peb yuav vam txog leej twg pab txhab zog rau peb, kom xwv peb thiaj coj tau ib lub neej ncaj ncees tag mus li ? Peb kawg yuav tsum vam txog Tswv Ntuj tej lus tas zaj tas zog.

Piv txwv : Muaj ib tug Suav uas hnub nyoog 65 xyoos, nws lub npe hu ua John Vwj, nws yuav poj niam tau 38 xyoo lawm, mas nws tau qhuas txog Tswv Ntuj tej txiaj ntsim uas muaj zog tas nrho, ces nws thiaj sau ib phau ntawv piav txog qhov ntawd rau sawv daws paub. Lub ntsiab lus ntawm phau ntawv sau li no tias : “Huab Tais Yes Xus Pleev tau pab txhab zog rau kuv poj niam wb tag mus li, ces kuv poj niam thiaj muaj thiab, ces wb ob leeg thiaj txawj sib npuab siab, ua rau wb lub neej sov siav tag mus li. Qhov wb zoo li no, yog vim muaj Tswv Ntuj tej txiaj ntsim pab wb heev kawg nkaus.”

Li ntawd mas kwv tij, peb kuj yuav tsum coj rawv Tswv Ntuj tej lus qhia thiab yuav tau nco ntsoov Huab Tais Yes Xus lo lus tias : “Tus tib neeg twg siv nws txoj sia los pab nws cov phooj ywg, mas nws thiaj yog tus neeg uas taug kev nyiam kev hlub.” (Zam 15:13) Tsis tas li ntawd, Paj Lug kuj tau tshaj tej lo lus meej pem tias : “Ib tug neeg taug kev nyiam kev hlub, mas nws siab ntev, siab sib, tsis txawj khib, tsis khav theeb, tsis muab hlob thiab tsis ua yam twg tub qaug luag. Nws zam rau sawv daws daws, nws ua tiag nyiaj tas puas tsav yam thiab nws txoj kev nyiam yuav tsis dua ib zaug.” (1KLN 13:4- Cool

Ua li mas peb tsoom ntseeg sawv daws huv tib si kuj yuav tsum txawj lees tias peb tsis muaj zog txaus los ua ncaj ncees raws li Tswv Ntuj lub siab xav, ces peb yuav ua neeg me los kub siab kawm Tswv Ntuj lub Moo Zoo tas mus li yam tsis tu ncua.
THAJ TXI NTUJ : “Huab Tais Yes Xus, peb zoo siab ntseeg tias txoj kev nyiam kev hlub yog txhawv ntawm koj los thiab koj yog tus tseem kws tshuaj uas pab txhim kho tau peb tej nplooj siab nplooj ntsws, kom rov ntshiab dawb huv tuaj. “Koj yeej muaj peev xwm ua tau ntau tshaj qhov peb thov thiab ntau tshaj qhov peb xav tau.” (EFX 3:20) Li ntawd, thov koj khuv leej tas cov txij nkawm huv tib si hauv peb zos, kom xwv lawv rov siv zog ua ncaj ua ncees tag mus li, ces lawv yuav tau lub neej nyob kaj lug kaj nrig ntawm Tswv Ntuj lub xub ntiag thiab nyob ntawm zeej tsoom xub ntiag. Huab Tais khuv leej neeg tas nrho, thov koj hlub peb sawv daws os mog. Peb zoo siab ua koj tsaug ntau ntau. “

COV TXIJ NKAWM UA NCAJ NCEES MUS LI,
MAS LUB NEEJ YUAV NYOB KAJ LUG KAJ NRIG

Txiv Plig Txhiaj Foom omi

TP.Txhiaj Foom lub TSEV Ntawv - Page 2 Storyb10

**Maiv Tooj** 25th October 2012, 9:26 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°34

Re: TP.Txhiaj Foom lub TSEV Ntawv

Post Maiv Tooj 25th October 2012, 9:26 am

October 28 2012 H C 30-Xyoo B

HUAB TAIS THOV KOJ KHUV LEEJ KUV KOM KUV ROV POM KEV.

= Hauv Mas Kos Ntawv Moo peb thiaj nyeem tau ntau zaj qhia peb tias Huab Tais Yes Xus tau ua hwj huam yees ntxwv los pab kho cov neeg mob nkees kom zoo hlo..Mas txhua txhia lub caij peb twm tej zaj ntawd mas peb haj yam nco tias Yav thaud Huab Tais Yes Xus tau muab nws tej kev hlub, uas muaj tas nrho los pab cov neeg ntawd
.= Mas tsim nyog peb yuav rov zoo siab ntseeg ruaj khov tias : lub zim txwv no mas Huab Tais Yes Xus ” tsis tso cov hauj lwm kho peb lub siab tawm ntawm nws txhais tes pov tseg “ N P N 138- 5 + NPN 57,3 + Fis Lis Pos 1,6 :hais tias :“ Kuv paub tseeb tias : “Tswv Ntuj tau pib ua hauj lwm nyob hauv nej – Nws tau ua ib txoj hauj lwm zoo kawg thiab nws yuav ua kom tiav,mus txog Yes Xus Pleev lub Hnub Nyoog” ( FLP 1,6 )…
= ..Huab Tais kev nyiam kev hlub tsis ntaug zog- tab sis nws tseem ciaj sia li qub .. Huab Tais kev nyiam kev hlub” tsis txawj lwj, tsis tsuas thiab nws tsis txawj nphob kiag “ 1 Pob Zeb 1,4
= Hnub no Ntawv Moo Zoo qhia peb hais tias ; ob zaug sis law, tus dig muag taij Yes Xus tas zog tias :” Das Vis Leej Tub, thov koj khuv leej kuv mas” Yes Xus hais ib nyuag lus rau tus dig muag tias ::”Koj mus -,koj lub siab ntseeg cawm koj lawm”-
= Cov kwv tij zaus puav peb kuj lees tias : yog vim yus lub siab ntseeg txias txias,ces peb kuj zoo li tus dig muag thov khawv, uas nws lub npe hu ua Npas Tis Mes ntawd
Mas saib :: lub zim txwv no, peb puas yuav tso siab lug rau Huab Tais Yes Xus raws li tus dig muag ntawd os mog.. Ua li : : txhua txhia lub caij peb thov Ntuj pab mas peb tsuas xav txog yus zaj teev Ntuj ntawd xwb - Yeej yuav tsis xav txog lwm zaj lus kiag.
= Peb ua tau ntau ntau yam los txhab zog rau yus tej kev ntseeg..Li ntawd hnub no peb yuav zoo siab khaws tej qib lus tseem ceeb hauv NTAWV NTSHIAB tseg.. Saib peb puas yuav muab siab rau kawm 2-3 qib lus ntawd hauv nruab siab ..Ces .- .Ib hnub twg mas 4-5 zaus tej thiaj yuav rov xav txog qib lus ntawd , puas tau ?.
1 : “Sawv ntxov tsees, thov koj pub koj lub siab hlub rau peb kom tsau – ces peb yuav qw zoo siab tas ib sim neej”. NPN 90,14 Ua li peb yuav ua raws li tus dig muag, uas nws thov Huab Tais Yes Xus tas zog – Thov kom Leej Ntuj Plig Ntshiab nqes los kaj peb lub siab ces peb thiaj rov pom kev lug .
”Tswv Ntuj, koj yog kuv tus Tswv Ntuj ! Kuv nrhiav koj -: Kuv tus plig nqhis koj – Kuv lub cev seev txog koj zoo puav tam li av qhuav qhawv,nkig nkuav,tsis tau dej “ NPN 63,2… + NPN 42,1-2
2 :“Huab Tais hlub mos nyoos – Nws khuv leej neeg = Nws hlub neeg tas nrho…Nws xyeeb peb cov txhaum mus deb peb , deb cuag li sab hnub tuaj nyob deb sab hnub poob “ NPN 103 8 + 12 Zoo li peb tsoom Hmoob ib txwm hu txog Tswv Ntuj pab: “ Tswv Ntuj awb, Thov koj pab”, Mas nyem no mus lawm tom ntej , saib :lawv puas yuav qhib lawv lub siab los txais Ntuj Lo Lus, ces lawv rov pom kev lug
3: Hnub Huab Tais Yes Xus tsa nws tus phooj ywg Las Ntxas Los sawv rov los, mas Yes Xus tsa muag ntsia saum ntuj . Nws hais tias :” Txiv ,kuv ua koj tsaug vim koj mloog kuv tej lus – Kuv paub tias koj yeej ib txwm mloog kuv ntag “ Zam 11,41-42 Yes Xus ntseeg nws Txiv tuag nthi- Tsim nyog peb yuav yoog raws li Huab Tais
4“ Nej tau txais ib lub tswv yim ua tub ki tshiab mas nej yuav hu Tswv Ntuj tias :” As Npas ! Txiv “ Los Mas 8,15
5 :“ Yes Xus Pleev yog tus zoo li qub mus li” ( Hes Nplaws 13,8 )
6 :“ Tswv Ntuj yog txoj kev nyiam : tus twg nyob hauv txoj kev nyiam , mas nws kuj nyob txawm hauv Tswv Ntuj - Tswv Ntuj nyob txawm hauv nws” 1 Zam 4,16
7 :“Huab Tais Yes Xus Lo Lus :” Kuv tso kev thaj yeeb rau nej - Kuv pub kuv txoj kev thaj yeeb rau nej .Ces nej tsis txhob ntxhov siab–Tsis txhob ntshai » Z 14,27
8 :“ Ib lub siab xav mus nrog Leej Pleev nyob - Qhov ntawd yog qhov kuv nyiam dua” Fis Lis Pos 1,23
9 “ Huab Tais lub siab pheej xeeb mus ib txhiab ib txhis” NPN 117,2
HUAB TAIS THOV KOJ KHUV LEEJ KUV -
KOM KUV ROV POM KEV
T P. Txhiaj Foom omi

deng 29th October 2012, 4:35 pm

deng

deng: Messages : 13
Date d'inscription : 2011-12-02

Post n°35

Re: TP.Txhiaj Foom lub TSEV Ntawv

Post deng 29th October 2012, 4:35 pm

ປີແຫ່ງຄວາມເຊຶ່ອ 2012-2013

**Maiv Tooj** 30th October 2012, 3:26 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°36

Re: TP.Txhiaj Foom lub TSEV Ntawv

Post Maiv Tooj 30th October 2012, 3:26 am

Sabai dee Deng,

Dee chai thi henh pheuane khiane pha xa lao.

Vang va pheuanh cha ma song khao lè lao leuang kanh tham ham kinh khong pheua.

Phuaenh you Lao ma lue you sai ma?

TP.Txhiaj Foom lub TSEV Ntawv - Page 2 Eglise10

Bod Savannakhet.

**Maiv Tooj** 3rd November 2012, 7:39 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°37

Re: TP.Txhiaj Foom lub TSEV Ntawv

Post Maiv Tooj 3rd November 2012, 7:39 pm

November 4 2012

KUV YOG TXOJ KEV SAWV ROV QAB LOS
KUV YOG TXOJ SIA

TP.Txhiaj Foom lub TSEV Ntawv - Page 2 Toussa10 Txhua txhia xyoo mas hnub tim 1 lub 11 hli, peb tsoom ntseeg Kav Tos Liv yeej nco ntsoov txog tas tsoom Leej Ntshiab, uas lawv nyob kaj lug kaj nrig pem Tswv Ntuj lub Ceeb Tsheej. Peb kuj cav txog Tswv Ntuj kev nyiam kev hlub, kuj yog vim Ntuj tau txais lawv nrog Tswv Ntuj nyob rov mus txog txhiab niag tim puas xyoo..Peb ib txhij thov cov Leej Ntshiab pov hwm peb thiab
= Hos hnub tim 2 lub 11 hli, peb kuj nco txog peb tsoom kwv tij uas tau dua nras – Lawv tau tso peb tseg thiab tau mus sawv nyob ntawm Tswv Ntuj lub xub ntiag.Thaum ntawd mas Tswv Ntuj kuj luj cov neeg lawv tej koob hmoov. Uas li “ cov neeg mus pem ntuj yog cov neeg mloog txhij mloog txhua cov cai nyob hauv Huab Tais Ntuj lub Ceeb Tsheej- Lawv thiaj tau mus nrog Huab Tais Ntuj nyob kaj lug .Thiab lawv tos txog lub caij lawv lub cev yuav sawv rov qab los “ . Hos ntshe muaj ib txhia kuj mus teb chaws them txim txhaum . “Cov neeg ntawd yog cov neeg mloog cov cai nyob hauv Huab Tais Ntuj lub Ceeb Tsheej tsis txhij tsis txhua thiab lawv them txim txhaum tsis tau tas “. Peb mam li nco txog peb niam peb txiv, cov txheeb ze tas huv si, kuj yog vim peb hlub lawv, ces peb thov Peb Leeg Huab Tais pab tej pab neeg ntawd os mog

= Ob hnub no thiaj phim peb yuav rov qhib peb siab los txais Ntuj Lo Lus, ces peb thiaj nrauj kev ntshai pov tseg Peb kuj yuav rov kub siab tos txog hnub zoo tshaj plaws uas peb yuav tau nrog Tswv Ntuj nyob,ces yuav tau nyob kaj lug kaj nrig,rov mus txog txhiab niag tim puas xyoo.
= Puag tas mas tus Hauv Pauv Xa Lus tau tshaj tej lo lus txhib peb siab zoo li no tias :” Peb tsis xav kom nej ua ib cov neeg tsis paub dab tsi txog cov neeg mus tsaug zog mus li. Thaum nej muaj ib tug neeg tuag, nej yuav tsis txhob tu siab nrho,xws li ib cov neeg tsis muaj chaw tso siab rau Ntuj. Peb ntseeg tias Yes Xus tuag thiab sawv rov los. Peb thiaj tso siab lug tias cov neeg mus tsaug zog mus li nyob hauv Yes Xus, mas Tswv Ntuj yuav hu lawv mus nrog nws nyob..li ntawd peb tso siab lug tias : yuav muaj ib hnub peb yuav mus cuag Huab Tais nyob saum ntuj – Peb thiaj yuav nrog Huab Tais nyob mus li - Peb sawv daws nco ntsoov tias yuav muaj li ntawd tuaj ces peb thiaj rov sib pab ua siab loj” ( 1 Tes Xas Los Nis 4,13 – 18 )
= Cov kwv tij, thaum peb muaj ib tug us tau tas nws sim neej ,mas peb sawv daws kuj tu siab heev . Tab sis peb ib txhij “ muaj chaw tso siab rau peb tus Huab Tais Tswv Ntuj,” uas nws khuv leej neeg tas nrho. Ua li peb tej siab ntsws thiaj tsis raug kev ntshai kev txhawj xeeb.

= Zoo li,puag tas peb tau zoo siab mloog lub Moo Zoo. Ces phim yuav xav txog 2 lo lus no tias ; 1 “ Peb ncaj qha nthuav peb lub siab rau Huab Tais Yes Xus – 2 : Peb yuav rov ntseeg Ntuj ruaj nreb khov kho
1 : Peb ncaj qha nthuav peb lub siab rau Huab Tais Yes Xus..Mas hauv Ntawv Moo Zoo, peb hnov Las Ntxas Los tus muam,lub npe hu ua Mas Tas, lo lus .Yog thooj li nws yws yws rau Yes Xus tias :” Huab Tais,kheev koj lam xub nyob ntawm no mas kuv tus nus yuav tsis tuag”..Zoo cuag li nws hais rau Yes Xus tias :” Kuv tus niam hluas Mab Liab wb tau xa moo rau koj tias wb tus nus hlob muaj mob heev lawm – Ces Mab Liab wb tau vam ntsoov tias koj yuav tuaj xyuas peb sai. Ua cas koj tsis kav tsij tuaj no ned ? “
Cov kwv tij, qib lus no kuj qhia peb tias : “Txog hnub peb raug kev nyuaj siab ntxhov plawv,mas peb kuj siv tau 2-3 fiab los nthuav piav peb lub siab rau Huab Tais kuj tau tias :” Peb txom nyem li no mas tim li cas koj hnov qab peb tej lus thov ? zoo li koj tsis nco txog peb lod ?”
Mas cov kwv tij, peb tsuas yws yws li Mas Tas ib ntus xwb - Tsuas xav txog zaj lus yws yws ntawd 2 hnub 5 hnub xwb ..Ces peb yuav rov kub siab lug ntseeg li no tias : “ Huab Tais, tab txawm koj tsis to taub koj tej kev kav sawv daws neeg ,los kuv tseem ntseeg tias :koj tej kev nyiam kev hlub tseem ciaj sia li qub los mas “

2 : Peb yuav rov ntseeg Ntuj ruaj khov kho thiaj yog ..Yuav khaws Mas Tas 3 lo lus tseg tias : 1 : “Tab yog zaum no,koj thov yam twg ntawm Tswv Ntuj mas Tswv Ntuj yuav pub yam twg rau koj - 2 :” Kuv paub tias thaum txog lub cai sawv rov los hnub kawg mas wb tus nus hlob yuav sawv rov qab los” – 3 : ( Mas Tas nyuam qhuav hnov Yes Xus lo lus tias : “Kuv yog txoj kev sawv rov qab los – Kuv yog txoj sia – Leej twg ntseeg txog kuv mas nws yuav tsis tuag “. ) Ces Mas Tas tab meeg hais li no tias “Huab Tais,kuv ntseeg tias koj yog Leej Pleev –Koj yog Tswv Ntuj Leej Tub tuaj nyob hauv lub sim ceeb no

= Cov kwv tij, peb hais kam lo lus no hais tias :” Ntseeg txog leej neeg lub cev kev sawv rov los –Ntseeg txog muaj txoj sia nyob mus li –”

= Ces hais ib nyuag lus ua piv txwv tias : nyob hauv nej zos, kuv tau hnov nej ib tug leej phauj lo lus tias :” Tau 10 xyoo los lawm mas kuv tus txiv tau tas sim nej. Tau muaj ib hnub nws hais kuv tias :” Ib ntsis kuv yuav tau nrog Huab Tais Yes Xus nyob thiab kuv yuav los mus ze ze ntawm niam Mab Liab thiab “….
…….Cov kwv tij , peb tus txiv ntxawm ntawd lo lus, mas tsim nyog peb yuav npaj siab rov hais thooj li nws ntag

Ntawv Ntshiab tseem sau cia li no tias :”Tswv Ntuj cov lus puav leej hais QHOV TSEEB TAS HUV SI – Nws cov hauj lwm tas huv si, yog nws lub siab hlub ua “ Nkauj Paj Nruag 145,13
= Ua li, txog hnub peb ib tug kwv tij tau tas sim neej mas tsim nyog peb yuav teev Ntuj zoo li no tias :” Huab Tais Tswv Ntuj, peb tsis pom peb tus kwv tij no lub cev sawv rov qab los - Tab si peb tso siab lug tias : koj ib txwm tau cog tej lus TSEEB TSEEB txog peb lub neej tom ntej pem koj lub Ceeb Tsheej– Ua li yeej yuav tsum muaj ib hnub uas peb tus kwv tij ntawd lub cev yuav sawv rov los , raws li Huab Tais Yes Xus , pem Tswv Ntuj lub Ceeb Tsheej “

Ua Thaj Txi Ntuj : “ Huab Tais Leej Txiv, peb zoo siab khaws Huab Tais Yes Xus lo lus tseg tias : :” Kuv yog txoj kev sawv rov los –Kuv yog txoj sia “ . Li ntawd, peb nrauj kev ntshai pov tseg. Ho peb niaj hnub coj tau lub neej tso siab lug mus li . Thiab peb yuav ua siab loj siab tawv qhawv tos txog hnub zoo tshaj plaws,uas peb ”yuav tau nrog koj nyob mus li”, pem Tswv Ntuj lub Ceeb Tsheej. Thov koj xa Leej Ntuj Plig Ntshiab nqes los kaj peb tus ntsuj plig , yam peb yuav tau ntseeg Ntuj ruaj nreb mus li,tsis tu ncua . Ua koj tsaug ntau”
T.P. Txhiaj Foom omi

**Maiv Tooj** 16th November 2012, 10:10 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°38

Re: TP.Txhiaj Foom lub TSEV Ntawv

Post Maiv Tooj 16th November 2012, 10:10 am

November 18 2012=H C 33 –XYOO B

NEJ ZOV HMO MOG

VIM NEJ TSIS PAUB TIAS HNUB TWG NEJ TUS HUAB TAIS YUAV LOS

= Lub xyoo teev Ntuj yuav luag tas. Lwm Hnub Chiv peb thiaj ua hmoov hwm Huab Tais Yes Xus ua peb tus vaj. Li ntawd phim yuav qhib peb siab los txais lub Moo Zoo uas Huab Tais Yes Xus txhib peb siab los coj lub neej thoob tsib
= Huab Tais Yes Xus tab meeg hais tseg tias :” Kuv yog Txoj Kev,yog Qhov Tseeb thiab yog Txoj Sia” Zam 14,6 Peb thiaj zoo siab khaws lub Moo Zoo tseg hauv nruab siab .
= Qhov tias Huab Tais Yes Xus yuav rov los txiav txim rau cov neeg ciaj thiab cov neeg tuag mas peb yeej xav nug Huab Tais tias : Hnub twg thiab xyoo twg thiaj yog” lub zim txwv ntiaj teb kawg ?”. Ces Huab Tais yuav teb rau peb tias :” Hais txog lub hnub nyoog ntawd mas Ntuj cov Tshiab tsis paub – Leej Tub kuj tsis paub - Kawg yog Leej Txiv thiaj paub” Mas Kos 13,32 ( + Lus Kas 12, 39-40

= Yav dhau los ,mas tej pab neeg nco txog tej zaj xov xwm uas xyoo 1550 ib cov INDIAN hauv As Mes LIs Kas nruab nrab ( uas lawv saib cov hnub qub heev kawg nkaus) tau tshaj tawm hais tias :” Hnub tim 21 los 22 lub 12 hli, xyoo 2012 thiab yog lub zim txwv ntiaj teb kawg “..Mas lub 12 hlis yuav tuaj no ,saib puas yuav muaj raws li cov INDIAN ntawd lawv tej qub lus hais !!
= Tsaib no mas peb kuj tau hnov tias : ib tug neeg Mes Kas tau tshaj lus tawm tias : “ Lub ntiaj teb yuav kawg hnub tim 21 lub 5 hlis xyoo 2011” !! tab sis tsis tau muaj li lawv hais lauj.

Peb yuav ua li cas thiaj mloog Huab Tais Yes Xus Lo Lus tias : “ NEJ ZOV HMO MOG VIM NEJ TSIS PAUB TIAS HNUB TWG NEJ TUS HUAB TAIS YUAV LOS “ ? Peb ua tau ntau yam, raws li Tswv Ntuj Lo Lus txhib peb siab

= “ Peb yuav tsis cia txoj kev dag los pauv Tswv Ntuj txoj kev tseeb “ Los Mas 1,25..Txhais tau li no tias : hnub twg peb tau ua ib yam tsis zoo ( xws li tau xyav tus no moo --- Tau nrog tus ntawd sib cav sib ceg ) mas peb yuav tsis xav li no tias :” Qhov ntawd mas ua tau xwb..Tsis muaj txhaum dab tsi li “ Txhais tias : yuav tsis dag rov rau yus tus kheej – Yuav taug txoj kev tseeb .

= “ Nej pom xeeb nrog Huab Tais Yes Xus Pleev sawv rov los lawm, mas nej nrhiav tej yam nyob txheej saud, vim txheej saud yog Leej Pleev qhov chaw nyob . Huab Tais Yes Xus zaum ntawm Tswv Ntuj phab xis – Nej lub siab yuav dai dhuam rau tej yam nyob txheej saud – Txhob dai dhuam rau tej yam nyob ntiaj teb no, vim tias nej txoj sia nrog Leej Pleev tsiv nraim hauv Tswv Ntuj. Huab Tais Yes Xus Pleev yog nej txoj sia : thaum nws yuav tawm los rau pom xyeem, mas nej kuj yuav nrog nws tawm los muaj hwj chim thiab “ Kos Los Xais 3,1-4
Txhais tias : peb niaj hnub yuav tau nrog Huab Tais Yes Xus koom siab koom ntsws nyiam peb tus Huab Tais Tswv Ntuj, peb Txiv khuv leej neeg tas nrho. Peb yeej paub tias peb tseem vaj tsev thiaj yog Tswv Ntuj lub Ceeb Tsheej

= Tus Hauv Paus Xa Lus uas tau saib ib pawg ntseeg tim lub nroog Fis Lis Pos, nws sau ntawv rau lawv tias :” Kuv hnov ob lub siab ua xyem xyav muab kuv dua ua ob sab : ib lub siab xav nrog Huab Tais Yes Xus Pleev nyob – Qhov ntawd kuv nyiam dua . Tiam sis mas yog kuv ua neej nyob ntxiv. kuv thiaj yuav nyob ze nej sawv daws – Kuv yuav pab nej kom nej ntseeg tob dua” Fis Li Pos 1,23- 25 Txhais tias : Paj Lug laj tos txog hnub zoo tshaj plaws, uas nws yuav tau coj lub neej muaj hwj chim nyob pem Tswv Ntuj lub Ceeb Tsheej

= Cov kwv tij, Huab Tais Yes Xus tau tshaj ib zaj lus ceeb toom txog kev txiav txim lub zim txwv kawg Tsim nyog peb yuav khaws zaj lus ntawd tseg tias:” Thaum Neeg Leej Tub yuav rov los,nws yuav muaj koob meej – Tas tsoom Tshiab yuav nrog nws los- Nws yuav zaum saum nws lub theej kiab muaj koob meej. Tas ib tsoom haiv neeg yuav sib sau nyob ntawm nws xub ntiag – Nws yuav cais tsoom neeg xws li tus zov yaj cais cov yaj ntawm cov tshis. Nws yuav cia cov yaj rau ntawm nws sab xis- cia cov tshis rau ntawm nws sab laug, Ces tus Vaj yuav hais rau cov nyob sab xis tias :” Nej los mog ! Nej yog cov uas kuv Txiv pub txoj hmoov zoo rau – Nej txais lub Ceeb Tsheej uas Ntuj npaj tseg rau nej, txij ntawm puag thaum pib tsim lub sim ceeb los ua nej tug – vim tias kuv tshaib plab, nej pub rau kuv noj . Kuv nqhis dej,nej pub rau kuv haus. Kuv yog ib tug pej kum neeg,nej txais kuv. Kuv liab qab,nej muab rau kuv hnav . Kuv mob, nej tuaj xyuas kuv. Kuv nyob hauv tsev loj faj,nej tuaj tsham kuv .”. Ces cov neeg ncaj yuav teb tias :” Huab Tais,thaum twg peb tau pom koj tshaib plab,ces peb tau pub rau koj noj – Pom koj nqhis dej, ces peb tau muab rau koj haus – pom koj yog ib tug pej kum neeg ,ces peb tau txais koj. Pom koj liab qab ces peb tau muab rau koj hnav ? Pom koj mob los nyob hauv tsev loj faj, ces peb peb tau tuaj xyuas koj ?”- Tus Vaj yuav teb rau lawv li no :” Kuv hais tseeb rau nej tias : nej tau ua npaum li cas rau cov me tshaj hauv kuv tsoom kwv, mas yog nej tau ua rau kuv” Mas Tais 25: 31 – 40

Txhais tias : peb txhawb nqa ib tug neeg txoj sia, mas peb ib txhij ua npaum li ntawd rau Huab Tais Yes Xus . Li ntawd txoj hauj lwm tseem ceeb dua cov uas peb yuav muab siab rau ua thiaj yog kev nyiam kev hlub ntag .

UA THAJ TXI NTUJ : Huab Tais Leej Txiv, yeej yuav tau muaj ib hnub peb yuav tso ntiaj teb no tseg , ces yog lub caij uas Huab Tais Yes Xus yuav txiav txim rau peb, raws kev ncaj ncees. Mas peb tsoom ntseeg laj tos txog lub caij peb yuav tau nrog koj nyob -Ua li, hauv peb Thaj Txi Ntuj, peb thov koj pub Ntuj tej txiaj ntsim kom xwv peb coj tau lub neej nyiam Ntuj thiab nyiam luag tej ob cag.. Peb Txiv” koj ua tau tas puas tsav yam xis koj siab nyob saum ntuj thiab nyob ntiaj teb ,’ Nkauj Paj Nruag 135,6 Thov koj coj peb kev kom xwv peb yuav taug kev nyiam kev hlub, uas yog qhov ntxim koj siab – Lwm hnub peb thiaj yuav tau nrog koj nyob rov mus txog txhiab niag tim puas xyoo “. Ua koj tsaug ntau.
Txiv Plig Txhiaj Foom omi

**Maiv Tooj** 24th November 2012, 9:15 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°39

Re: TP.Txhiaj Foom lub TSEV Ntawv

Post Maiv Tooj 24th November 2012, 9:15 am

November 25-2012 HWM YES XUS UA VAJ .

TP.Txhiaj Foom lub TSEV Ntawv - Page 2 Infant10 YES XUS,TUS HUAB TAIS CAWM NEEG – KUV YOG NEEG TXHAUM : THOV KOJ HLUB

Nyob hauv teb chaws twg kuj xij mas tag nrho cov pej xeem huab hwm huv si kuj yuav tau coj lub neej nyob thaj yeeb, tsuav yog lawv muaj ib tug thawj coj siab ncaj, uas nws pov hwm cov pej xeem raws kev ncaj ncees… Cov pej xeem vam txog lawv tus tseem hwv ntawd mus li - tso siab lug rau nws,tsis tu ncua .
Hnub no mas peb koom siab koom ntsws hwm Huab Tais Yes Xus . Nws yog peb tus Vaj khuv leej neeg tas nrho- Yeej yog raws li Yes Xus lo lus hais rau Pis Las Tos tias : “Yog zoo li koj hais . Kuv ua Vaj - Kuv yug los thiab kuv tuaj nyob hauv lub sim ceeb no yog vim kuv yuav ua tim khaw zeem tseeb txog qhov tseeb. Tus twg nyiam txoj kev tseeb mas nws mloog kuv cov Lo Lus”
Yes Xus sawv kev ntawm cov tub tuag rov los – Tswv Ntuj txoj hauj lwm cawm ntiaj teb ntawm qhov txhaum mas Yes Xus thiaj tau ua tiav lawm -- Nws nce mus lawm saum ntuj. Nws zaum ze Huab Tais Ntuj, yog tus Txiv muaj hwj huam tas nrho, nws phab xis. Ua li, peb tsoom ntseeg niaj hnub tso siab lug rau Yes Xus, peb tus Vaj khuv leej neeg tas nrho.
Ntawv Ntshiab kuj qhia peb tias: Huab Tais Yes Xus kav peb lub neej thiab peb txoj sia zoo tshaj plaws - Peb sib koom txais Tswv Ntuj tej Lo Lus nplij peb lub siab
1 : “ Peb ua Tswv Ntuj tsaug, vim nws pub KEV YEEJ rau peb ,nyob hauv peb tus Huab Tais Yes Xus Pleev” 1 Kos Lis Nthos 15,57
( Tus Hauv Paus Xa Lus Zam tseem tshaj lwm zaj lus los txhab zog rau peb txoj kev ntseeg, hais tias :
2 : “Nej rov muaj zog tuaj. Tswv Ntuj Lo Lus nyob txawm hauv nej, nej thiaj NTAUS YEEJ tus Dab Phem ”
- “Huab Tais Yes Xus nyob txawm hauv nej : nws loj dua tus nyob hauv lub qab ntuj neeg” 1 Zam 2: 14 + 4:4
Peb niaj hnub nco tias : yog vim peb tau txais Huab Tais Yes Xus hauv peb nruab siab, ces peb thiaj tsis nyob rau tog swb. Tab sis peb nyob rau tog txais KEV YEEJ.. seb : peb puas muab tas ib puas tsav yam hauv peb lub neej thiab peb txoj sia los cob rau Huab Tais Yes Xus, peb thiaj yuav tsis zwm rau qhov txhaum li qub...
3 : “Tswv Ntuj muaj hwj huam tas nrho. Nws muaj peev xwm ua tau nws tej dej num cawm neeg nyob hauv peb siab. Tswv Ntuj ua tau ntau tshaj qhov peb thov thiab qhov peb xav txog” Es Fes Xos 3,20 Peb zoo siab vam txog Huab Tais Yes Xus pab . Peb thov kom Huab Tais pub ib feem hauv nws txoj kev nyiam kev hlub nqes puv npo rau peb siab. Peb thov kom Huab Tais muab nws lub hwj huam ua Vaj los kav:
- peb lub tswv yim, kom rov dawb huv
- kav tej lo lus peb hais kom tau ntxim Tswv Ntuj siab - kav peb tej dej num kom thooj li Huab Tais Yes Xus.
Peb yeej muaj ntau zaj lus thov Huab Tais Yes Xus, uas yog peb tus Vaj. Zoo li:

1: thov kom txoj cai Meej Tswv rov kav teb chaws Suav ,teb chaws Cob Tsib thiab teb chaws Los Tsuas dua, kom cov neeg ntseeg Ntuj yuav tsis raug luag tsim txom
2 : Thov Huab Tais pab txhim tsa kev thaj yeeb thiab kev sib haum xeeb hauv peb tsev neeg
3 : Thov Huab Tais nqes los tshoj peb tsoom tub ntxhais hluas, kom lawv yuav tau npaj coj ib lub neej tsim txiaj.
Peb yuav tso siab lug rau Huab Tais tuag nthi thiaj yog .

= Vim li cas muaj tej zaus uas peb tsis tau txais qhov peb thov ?
Yog vim Huab Tais Yes Xus hu peb rov tso siab lug rau Ntuj dua qhov qub 2-3 npaug. 10 npaug tej li - Yog vim Huab Tais Yes Xus ( uas tau dai saum tus Ntoo Cuam ) xav kom peb haj yam yoog raws li Huab Tais, kom peb yuav rov npuab Tswv Ntuj lub siab.
Yes Xus kev hlub loj tshaj plaws kuj yog thaum nws muab nws lub neej , nws txoj sia
los txi rau Tswv Ntuj ntag

Txog hnub peb raug kev ntxhov siab thiaj yog ib hnub zoo uas peb haj yam yuav txais Ntuj Lo Lus nqes los nplij peb siab.
4 :” Cov hauj lwm uas Huab Tais npaj ua los pab peb ,kuj ciaj sia mus li. Tswv Ntuj tus nru lus nyob txheej dhau txheej, vim nws npo peb dim ntawm kev tuag thiab nws txuag peb txoj sia thaum teb chaws tshaib plab” Nkauj Paj Nruag 33: 11 + 19
Huab Tais Yes Xus kev nyiam kev hlub pab peb cov neeg kuj ciaj sia mus li, tsis tu ncua.
5 : “ Huab Tais lub siab hlub muaj zog tas nrho. Nws lub siab pheej xeeb mus ib txhiab ib txhis” :NPN 117 : 2

UA THAJ TXI NTUJ : Huab Tais Yes Xus, koj yog peb tus Vaj khuv leej neeg tas nrho . Koj tej kev nyiam kev hlub kuj ciaj sia mus li. Thov koj pov hwm peb sawv daws, uas tsis muaj zog los mloog Tswv Ntuj tej Lus. Thov koj pub ib feem ntawm koj txoj kev nyiam kev hlub nqes los hauv peb lub siab, ces peb yuav tau yoog raws li koj tus piv txwv thiab peb yuav tau saj Tswv Ntuj KEV THAJ YEEB NYAB XEEB , zoo ib yam nkaus li koj ..Huab Tais siab zoo, peb tso siab lug rau koj ib leeg xwb. Thov koj nres peb siab kom xwv peb rov ruaj nreb khov kho, xws li koj – Ua Huab Tais tsaug . Ua li.
YES XUS, TUS HUAB TAIS CAWM NEEG - KUV YOG NEEG TXHAUM : THOV KOJ HLUB .

(Tau sau 5 qib Lus ,mas saib nej puas kam kawm 1 los 2 Lo Lus hauv nruab siab no ne...?

TP.Txhiaj Foom.

**Maiv Tooj** 7th December 2012, 9:27 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°40

Re: TP.Txhiaj Foom lub TSEV Ntawv

Post Maiv Tooj 7th December 2012, 9:27 pm

December 9 2012
Caij tos Huab Tais - Hnub Chiv 2 Xyoo C

COV NEEG ME, HUAB TAIS TSA LAWV NYOB QHOV CHAW SIAB

TP.Txhiaj Foom lub TSEV Ntawv - Page 2 0a573f10 Peb sawv daws paub tias : tus kwv tij Hmoob uas hnub no nws pib twm thiab sau ntawv Hmoob..Ib lub hlis saum no thiaj paub me ntsis. Mas saib txij ntawm no mus lawm yav tom ntej mas tus kwv tij ntawd yuav tsum xyuas tej ntawv ntawd ntxiv mus -Yog tias tsis ua qhov ntawd mas nyob tsam lwm hnub tuaj ( lwm xyoo ) nws thiaj yuav tsis nco qab sau li cas . yuav tsis txawj twm ib nyuag lus ntawv Hmoob kiag .
. Lub Caij Tos Huab Tais no mas thiaj yog ib lub caij zoo rau peb rov ntxiv zog rau peb tej kev ntseeg, yam li
1 : Huab Tais lub siab hlub nyob mus ib txhiab ib txhis .
2 : Cov neeg me, Huab Tais tsa lawv nyob qhov chaw siab

Zaj 1 tias : Huab Tais lub siab hlub nyob mus ib txhiab ib txhis
Nyob hauv tsab ntawv 2 mas tus Hauv Paus Xa Lus Paj Lug kuj txhib peb siab ces peb haj yam zoo siab ntseeg Tswv Ntuj, tsis tig rov qab .. Leej Ntshiab Paj Lug sau li no tias :” Kuv paub tseeb tias Tswv Ntuj tau pib ua txoj hauj lwm zoo kawg nkaus hauv nej lub siab , mas Tswv Ntuj yuav ua ntxiv kom tiav, mus txog Yes Xus Pleev lub Hnub Nyoog”
Cov kwv tij , “ Tswv Ntuj txoj hauj lwm “ mas txhais tias : Leej Ntuj Plig Ntshiab tau nqes los kaj cov Fis Lis Pos lub siab ces lawv tau lawb dab, lawv pib ntseeg txog Huab Tais Yes Xus : “ Lawv paub tias Yes Xus sawv ntawm cov tub tuag rov los. Cov Fis Lis Pos ntawd yeej npuab Yes Xus nyob hauv nws txoj kev raug txom nyem thiab nws lub hwj chim. Ces lawv tso siab lug tias lawv yuav tau nrog Yes Xus sawv rov los – Yog vim li ntawd cov Fis Lis Pos zoo siab mus li. Ces Tswv Ntuj kev thaj yeeb ( uas zoo tshaj qhov yus xav tau ) thiaj tau txuag lawv lub siab thiab lawv lub tswv yim” FLP 3,10-11 + 4 6-7
Cov kwv tij, puag yav thaud mas Leej Ntuj Plig tau pab cov Fis Lis Pos ntxiv mus , tsis muaj caij tag , tsis tu ncua - Leej Ntuj Plig tsis tau tso cov ntseeg Fis Lis Pos pov tseg kiag .
. Mas lub zim txwv no , hauv peb zos, mas Leej Ntuj Plig Ntshiab tseem txhawb peb tej kev ntseeg ib yam nkaus lub caij thaud, nyob tim lub nroog Fis Lis Pos -
Nkauj Paj Nruag 138 :” Huab Tais tau ua tas puav tsav yam rau kuv – Huab Tais , koj lub siab hlub nyob mus ib txhiab ib txhis. Huab Tais, koj txhob tso cov hauj lwm tawm ntawm koj txhais tes pov tseg “ NPN 138: 8
Hos tus Yaj Saub His Xais kuj sau tej lo lus no tias :” Kuv yuav nco txog nej mus li, kuv haiv neeg - Kuv tau txaug nej rau hauv kuv lub xib tes. Kuv yeej yuav nco ntsoov txog nej. kuv yuav tsis tso nej ua ntsuag – Kuv yuav nco txog nej tas ib txhis “
Peb tseem nco txog Huab Tais Yes Xus Lo Lus tias :” Kuv niaj hnub nrog nej nyob nraim, mus txog lub zim txwv ntiaj teb kawg “ Mas Tais 28,20
Lub caij Tos Huab Tais no mas tsim nyog peb yuav khaws tej zaj lus tseem ceeb ntawd tseg, ces peb thiaj ua neeg nplua nuj hauv txoj kev ntseeg .
Yeej tsis muaj lwm zaj tseem ceeb dua zaj no tias :
Huab Tais, koj lub siab hlub nyob mus ib txhiab ib txhis

Zaj 2 tias : Cov neeg me, Huab Tais tsa lawv nyob qhov chaw siab ..lo lus no mas yog tus Nkauj Tsim Txiaj Mab Liab tau hais, hnub nws mus xyuas nws tus phauj Es Lis Xas Npes.
Txhais tias Huab Tais Tswv Ntuj niaj hnub hu peb tig los yuav lub siab tshiab ces thiaj xyaum ua neeg me nyob ntawm Tswv Ntuj lub xub ntiag thiab nyob ntawm lwm tus xub ntiag thiab .
Saib peb puas kam coj rawv Tswv Ntuj Lo Lus tias :” Nej kho Huab Tais txoj xub ke – Nej tshav ncaws nws tej xub ke kom tiaj tus - Yuav txhub av rau cov kwj ha – Yuav ncaws tej toj roob hauv pes kom qis tuaj – Yuav kho tej kev nkhaus kom ncaj. – Yuav meem tej kev qawj kom xwm yeem “
Tus Nkauj Tsim Txiaj Mab Liab kuj tau hais li no tias :” Cov neeg uas lawv lub siab muab hlob, Huab Tais ntaus lawv kom lawv tawg “.
Peb yuav coj rawv Tswv Ntuj Lo Lus, ces:
= peb yuav lees tias peb tsis muaj peev xwm kho peb tus ntsuj tus plig kom rov dawb huv tuaj
= peb yuav lees tias peb tsis muaj peev xwm tiv thaiv peb tej zaj tswv yim dub nciab
= peb nyias lees rau hauv nyias lub siab tias : Kuv nyob kuv mas yuav nyob rau tog swb- tsis nyob rau tog txais kev yeej.
Ces phim peb yuav tsa muag ntsia Tswv Ntuj, ces thov Tswv Ntuj tas zog
Peb yuav ua raws li tus sau se uas mus teev Ntuj . Hauv Lus Kas Ntawv Moo Zoo mas thiaj twm lo lus no tias : :” Tus sau se nyob deb – Tsis muaj cuab kav tsa muag ntsia saum ntuj . Nws ntaus nws hauv siab – Nws hais tias :” Kuv tus Tswv Ntuj od , thov koj khuv leej kuv, vim kuv yog neeg txhaum” … Hos 2 qib lus xaus zaj ntawd kuj mus li no tias : « Kuv hais rau nej : « Tus sau se nqes rov mus tsev - Nws ntshiab huv lawm – Hos tus Fas Lis Xais tsis tau ntshiab huv, vim tias leej twg tsa nws siab , Ntuj yuav txo nws qis – Leej twg txo nws qis, Ntuj yuav tsa nws siab « Lus Kas 18:9-14
Saib : lub Caij Tos Huab Tais no mas peb puas ib siab txo peb qis…Ces zaj ua piv txwv tias : hauv yus tsev ,yus yuav rov xyaum hais tej lo lus qhuas txog lwm tus… 2 lwm 5 lwm tej, puas tau ? Hauv yus tsev, yus tau hais tej lo lus siab lwm tus mas yus puas kav tsij thov txim ntawm nws … ?.

UA THAJ TXI NTUJ : Huab Tais Leej Txiv , koj Leej Tub Yes Xus tau nqes los ua neeg – Nws tau txo nws qis rov mus txog hnub nws dai saum tus Ntoo Cuam. Ces nyob hauv peb nruab siab peb saib Yes Xus loj tshaj sawv daws neeg huv si..Peb Txiv siab zoo, thov koj pab peb tig los yuav lub siab tshiab, ces yoog raws li Yes Xus tus piv txw . Ces lwm hnub tuaj koj thiaj « yuav tsa peb nyob qhov chaw siab », pem koj lub Ceeb Tsheej, rov mus txog txhiab niag tim puas xyoo . Peb Txiv khuv leej neeg tas nrho, ua koj tsaug ntau .
COV NEEG ME, HUAB TAIS TSA LAWV NYOB QHOV CHAW SIAB .

T.P. Txhiaj Foom omi

**Maiv Tooj** 14th December 2012, 9:14 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°41

Re: TP.Txhiaj Foom lub TSEV Ntawv

Post Maiv Tooj 14th December 2012, 9:14 am

December 16 2012
LUB CAIJ TOS HUAB TAIS H C 3 - Xyoo C

NEJ YUAV ZOO SIAB MUS LI NYOB HAUV HUAB TAIS

TP.Txhiaj Foom lub TSEV Ntawv - Page 2 Monaci10 Lub Caij Tos Huab Tais thiaj yog ib lub caij tseem ceeb ,vim tias peb yuav rov soj ntsuam peb tej kev ntseeg saib puas ruaj nreb khov kho .Yog peb ua li ntawd mas fab hauv peb tus ntsuj tus plig peb thiaj yuav loj hlob zuj zus ( peb yuav ua neeg nplua nuj zuj zus hauv Tswv Ntuj txiaj ntsha txiaj ntsim )
NEJ YUAV ZOO SIAB MUS LI NYOB HAUV HUAB TAIS
Leej Ntshiab Paj Lug sau ntxiv tias :” Nej txhob txhawj dab tsi – Thaum nej thov Ntuj thiab nej teev Ntuj mas nej kuj yuav ua Tswv Ntuj tsaug thiab tej yam nej xav tau, nej yuav hais rau Tswv Ntuj paub… Tswv Ntuj txoj kev thaj yeeb zoo tshaj qhov yus xav tau – Nws txoj kev thaj yeeb yuav txuag nej lub siab thiab nej lub tswv yim kom nyob hauv Yes Xus Pleev “ Fis Lis Pos 4: 4-7
Tim li cas Leej Ntshiab Paj Lug txhib peb siab kom xwv peb ” yuav zoo siab mus li “ ? kuj yog vim Huab Tais Yes Xus nyob txawm hauv peb siab thiab peb nyob txawm hauv Huab Tais..
Saib : peb tau txais lub Cim Ntxuav thiab lub Cim Txhab Zog – Niaj Hnub Chiv peb nrog Huab Tais Yes Xus teev hawm peb Txiv khuv leej neeg tas nrho nyob saum ntuj : “ Huab Tais nyob txawm hauv nruab nrab peb “ ( Xos Fos Nias 3;15-16 ) .Ua li nyob ntawm sawv daws xub ntiag , peb thiaj tau txoj hmoov zoo tshaj plaws .
Peb yuav tsa muag ntsia txog Yes Xus uas dai saum Ntoo Cuam.. Nws kuj tau hais 7 qib lus tseem ceeb . Leej Ntuj Plig Ntshiab nrog nraim Yes Xus nyob, tsis tu ncua , ces Yes Xus haj yam tso nws lub neej thiab nws txoj sia khuam rau hauv nws Leej Txiv nyob saum ntuj txhais tes .
Yes Xus lo lus kawg tias “Txiv , kuv tso kuv txoj sia rau hauv koj txhais tes “ Lus Kas 23 : 46…Ua li Yes Xus kuj saj Tswv Ntuj KEV THAJ YEEB NYAB XEEB ci ntsa iab nqes los kaj Yes Xus ntsej muag -.. Yes Xus yeej ntseeg khov kho tias nws Txiv yuav tsa nws sawv ntawm cov tub tuag rov los .
Zaj ua piv txwv tias . Muaj ib hnub ib tug Txiv Plig los mus tsham ib tug yawg laus, uas raug mob nkeeg , pw saum txaj tau 5 lub hlis lawm -Txiv Plig kuj hais rau tus neeg ntawd tias :” Koj raug txom nyem li ntawd mas nyob tsam koj raug kev txhawj xeeb loj..” Tus yawg laus teb tias :” T.P. kuv tsis txhawj : Saib : Kuv raug mog hnyav li no , tab sis kuv tseem ua siab loj siab tawv qhawv thiab kuv lub siab nyob tiaj tus, vim tias KUV YEEJ MUAJ KUV TUS HUAB TAIS YES XUS NYOB TXAWM HAUV KUV .. Huab Tais pov hwm kuv tag mus li tiag” .
Tsim nyog peb yuav rov nco tias : Yus raug mob nkeeg thiab yus raug sab, mas Huab Tais kuj nrog yus koom siab koom ntsws ris tej yam ntawd. Huab Tais tso nws lub siab nyiam Ntuj nqes los ua peb txoj sia – Ces Huab Tais rub peb nrog nws koom los npuab peb Txiv nyob saum ntuj, RAWS LI YES XUS THIAB NYOB HAUV HUAB TAIS . Li ntawd , Huab Tais pub peb nrog Huab Tais koom ua ib lub siab ( 1 Zam 1: 17 ) . “ Yes Xus coj lub neej zoo li cas, mas peb nyob ntiaj teb no, peb kuj yuav zoo li nws thiab”.
Tsim nyog peb haj yam hu txog Huab Tais Yes Xus pab ntau dua qub..Ces peb thiaj yuav tau nyob tiaj nyob tus , NYOB THAJ YEEB NYAB XEEB raws li Huab Tais Yes Xus thiab nyob hauv Huab Tais.

Txiv Plig Txhiaj Foom omi

**Maiv Tooj** 28th December 2012, 7:52 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°42

Re: TP.Txhiaj Foom lub TSEV Ntawv

Post Maiv Tooj 28th December 2012, 7:52 pm

December 30 - 2012 HWM YIM NEEG NTSHIAB

NEJ YUAV SIB NYIAM SIB HLUB ZOO LI KUV TAU NYIAM TAU HLUB NEJ

TP.Txhiaj Foom lub TSEV Ntawv - Page 2 142310

= Hnub no ,hauv 2 tsab ntawv thiab Ntawv Moo Zoo,mas Huab Tais Yes Xus hu peb nco txog
Yim Neeg Ntshiab, uas nyob hauv lub zos Nas Xas Les, yam li yuav nco txog Yes Xus, nws niam Mab Liab thiab Leej Ntshiab Yos Xes. Li ntawd peb yuav rov xyaum coj lub neej sib nyiam sib hlub raws li lawv peb leeg ,peb thiaj yuav loj hlob zuj zus hauv lub neej ntshiab dawb huv

= Xub xyuas tej qib lus tseem ceeb hauv 2 tsab ntawv tso :
Tus tib neeg twg coj rawv Tswv Ntuj Lo Lus ntawd mas nws thiaj yuav tau coj lub neej nyob Thaj Yeeb Nyab Xeeb nyob hauv Huab Tais Yes Xus thiab raws li Yes Xus
..” Tus hwm nws niam nws txiv thiab tus cav lus zoo txog nws niam nws txiv mas nws zoo li ib tug neeg sau ib txhab nyiaj txhab kub tseg” Npes Xis Las 3:3-4. Txhais tias : fab hauv nws tus ntsuj tus plig mas nws yog neeg nplua nuj ntag .
..” Tus hwm nws txiv yuav ntsib txoj kev kaj siab lug nyob hauv nws cov me nyuam”. txhais tias lwm tiam yus cov me nyuam kuj yuav npuab yus siab, yuav hlub yus ntag .
.. “ Koj ua ib txog hauj lwm nyiam koj txiv mas Ntuj yuav nco ntsoov mus li. Ua li tab koj thov dab tsi ntawm Tswv Ntuj mas Tswv Ntuj yuav mloog koj lus thov. Koj cov txhaum yuav yaj ntshis, xws li cov dej khov raug tshav ntuj ziab, dej khov yaj ntshis”; txhais tias Tswv Ntuj yuav nco ntsoov txog koj mus li - Ces Tswv Ntuj yuav muab nws tej kev hlub uas muaj zog tas nrho los yaug koj cov txhaum huv si pov tseg.
……” Cov poj niam,nej yuav mloog nej tus txiv lus :tsim nyog yuav ua li ntawd nyob hauv Huab Tais . Cov txiv neej,nej yuav nyiam nej tus poj niam - Nej txhob npau taws sai rau lawv. Cov me nyuam,nej yuav mloog nej niam nej txiv lus huv tib si: yog txoj kev zoo tshaj nyob hauv Huab Tais. Cov ua niam ua txiv,nej txhob cem cem nej cov me nyuam ntau dhau, ntshai tsam lawv yuav tsis qab siab ua dab tsi”
“ Yog nej ib tug muaj lus rau lwm tus,mas nej yuav sib zam”
Cov kwv tij, “ Huab Tais Yes Xus coj lub neej sis nyiam sis hlub ua ntej mas peb nyob ntiaj teb no peb kuj yuav zoo li Huab Tais” 1 Zam 4,27 Ua li peb yuav coj lub neej raws li Huab Tais thiab nyob hauv Huab Tais. zoo cuag li Huab Tais siv yus los pab qhia luag tias : Huab Tais lub siab nyiam thiab hlub muaj zog tas nrho
Tswv Ntuj hu peb los qhia lub Moo Zoo rau luag lwm leej lwm tus, yam Yes Xus kev nyiam kev hlub rov tshwm sim tuaj rau sawv daws pom xyeem ntawm qhov muag – Ua li peb yuav rov siv zog ua qhov ntawd, tsis tu ncua,vim Huab Tais nyob txawm hauv peb thiab peb nyob txawm hauv Huab Tais. Ua li ,lub neej ua Huab Tais Yes Xus tus kwv los tus muam thiaj yog ib lub neej muaj hwj chim,ib lub neej muaj nqes kawg nkaus. Tsim nyog nco txog Tswv Ntuj tej txiaj ntsim, uas loj tas nrho .

YUAV TSUM MLOOG TSWV NTUJ LUS ZOO DUA MLOOG NEEG LUS
Peb mloog Ntawv Moo Zoo tias: lub caij uas Yos Xes thiab Mab Liab nkawd rov mus nram lawv zos Nas Xas Les,mas Yes Xus tseem nyob Yes Lus Xas Les : “nws zaum hauv nruab nrab cov kws txoj cai – Yes Xus mloog lawv thiab nug lawv “ mas tsam peb yuav poob siab me ntsis, ces yuav rov hais lus thooj li tus Nkauj Tsim Txiaj Mab Liab tias :” Me tub,ua cas koj ua li ntawd rau koj txiv wb ? Saib,koj txiv wb nrhiav tsis tau koj - ntxhov wb siab kawg”. Mas peb yuav mloog Yes Xus lo lus teb ces yuav tsis txhob poob siab. Yes Xus teb nkawd tias :”Ua cas neb nrhiav kuv ? Neb tsis paub tias kuv yuav tsum leg kuv Txiv tej qav tej num”
Txhais tias :peb paub tseeb tias : Yes Xus yog Huab Tais Leej Txiv Tus Tub Twm Zeej. Nws nqes los ua neeg kom tau ua nws Txiv tej qav tej num, yam nws yuav tau qhia lub Moo Zoo rau tsoom neeg. Qhov ntawd kuj loj tshaj lwm yam huv si .Ua li,Yes Xus txhob txwm nyob Yes Lus Xas Les 2-3 hnub los qhia lub Moo Zoo rau cov kws txoj cai, yam li nws ua nws Txiv tej hauj lwm. Tsis yog tias : Yes Xus tsis nco txog nws niam thiab Yos Xes . Nws yeej nco ntsoov nkawd kawg nkaus,tab sis nws yuav tsum “mloog Tswv Ntuj Lus zoo dua mloog neeg lus “
= Cov kwv tij yeej muaj ntau ntau zaus uas peb yuav yoog raws li Yes Xus tus piv txwv
1 :Saib muaj ib hnub .hauv yus lub zos,ib tug neeg tau xyav yus moo.Ces 5 hnub 10 hnub sib law, yus npau taws- Yus xav saib yuav ua li cas los rov rob caub rau tus neeg ntawd .Tab sis lub caij yus yuav xav li ntawd, mas yus lub siab nyob tsis tus. Hos ib ntsis yus rov nco dheev txog zaj lus tseem ceeb uas Yes Xus hais rau Pob Zeb tias :”Kuv tsis hais rau koj tias : Yuav zam txog 7 zaus. Tab sis kuv hais rau koj tias:” Yuav zam txog 70 zaus 7 zaus” Mas Tais 18:22. Peb paub tias .70 zaus 7 zaus yog 490 zaus .Txhais tias : yuav zam tag mus li ntag..Yus nco dheev txog lo lus no ces yuav ib siab cheem yus lub ncauj - yus nyob twj ywm. Yus ib siab tsis xav rob caub tas lawm.Qhov kawg yus tej nplooj siab nplooj ntws thiaj rov nyob thaj yeeb nyab xeeb dua
2 : Hos yus muaj 39 xyoo los 50 xyoo,mas yus cov me tub me nyuam tau mus tsa lawv lub neej yuav luag tas tus. Ua cas ib hnub twg poj niam npau taws..los nws cem yus 2-3 pluag. Yus chim siab kawg ces tsawg hmo sis law,yus xav txog lwm tus poj niam ( los ib tug ntxhais hluas ) hauv zos..Yus xav txog qhov ntawd tab sis yus lub siab nyob tsis tus..Ua cas yus rov nco dheev txog qib lus tseem ceeb hauv Ntawv Moo Zoo tias :” Nej yuav sib nyiam sib hlub zoo li kuv tau nyiam tau hlub nej”…Zam 15: 12 - Yus nco txog qib lus ntawd 10 hnub 15 hnub tej -Txhais tias : Tswv Yes Xus ua siab zoo siab dav fo los zam rau cov neeg phem uas ntxub nws. Mas kawg yuav tsum yoog raws li nws thiaj yog - Ua li ntawd ces yus ib siab rov ua zoo thiab zam rau poj niam ,zoo cuag li yus rov xaiv nws los ua tus uas yuav hlub rov mus txog yus hnub nyoog 120 xyoo- Qhov kawg kev kaj siab lug rov nqes los hauv yus nruab siab npo
THAJ TXI NTUJ : Huab Tais Yes Xus, tsuas muaj kev nyiam kev hlub hauv koj nruab siab xwb : Ua li thov koj muab ib feem hauv koj lub siab zoo siab dav fo pub rau kuv os mog “
Txiv Plig Txhiaj Foom omi

**Maiv Tooj** 4th January 2013, 8:33 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°43

Re: TP.Txhiaj Foom lub TSEV Ntawv

Post Maiv Tooj 4th January 2013, 8:33 am

January 6 - 2013 COV KWS HNUB QUB TUAJ HAWM YES XUS

TP.Txhiaj Foom lub TSEV Ntawv - Page 2 Rois-m10

TSWV NTUJ, THOV KOJ TSIM IB LUB SIAB HUV RAU KUV
Hnub no zoo hnub : ib pab neeg tshiab tuaj hawm tus me nyuam Yes Xus – Yog cov kws hnub qub
Ua li peb yuav khaws 2 zaj lus tseem ceeb no tseg tias :
1 : Tswv Ntuj khuv leej neeg tas nrho : Nws tsis xaiv neeg .
2 : Tswv Ntuj , thov koj tsim ib lub siab huv rau kuv

1 : Tswv Ntuj khuv leej neeg tas nrho : Nws tsis xaiv neeg
Hnub tim 24 – 25 lub 12 hlis dhau los lawm, mas thawj pab neeg uas tuaj hawm Yes Xus yog ib cov neeg me- Yog cov zov yaj- Yog cov neeg pluag . Ho hnub no ib pab neeg tshiab tuaj cev paj tshab rau tus me nyuam Yes Xus – Yog cov kws hnub qub , uas nyob Toob Fab tuaj – Yog ib cov pej kum neeg. Tab txawm lawv tsis tau ntseeg txog Huab Tais Tswv Ntuj xws li cov His Xas Lais ,los Tswv Nyuj hu lawv los mus hawm tus Vaj Yus Das nyob Npes Les Hes tau .
Ib cov neeg nyob Toob Fab thiab nyob Xib Fab, nyob Pej Fab thiab nyob Naj Fab los yog – Cov neeg pluag thiab cov tsis paub txuj dab tsi , mas Tswv Ntuj hu sawv daws huv si ntseeg txog Yes Xus. Tsis tas li ntawd, cov ua nom ua tswv, cov paub txuj ci xws li cov kws hnub qub mas Tswv Ntuj kuj hu lawv sawv daws huv si ntseeg txog nws, ib yam nkaus

Ces tsim nyog peb yuav ua Huab Tais Tswv Ntuj tsaug, vim “Huab Tais khuv leej neeg tas nrho: nws tsis xaiv neeg “ Hauj Lwm 15: 9
Yeej muaj tuaj raws li cov Hauv Paus Xa Lus tej zaj lus meej pem tias :” Nyob hauv lub qab ntuj khwb, tsuas yog Huab Tais Yes Xus tib leeg uas cawm tau peb ntawm peb tej txim txhaum ” Hauj Lwm 4,12
Ua li tsis tas yuav hu txog lwm tus los pab txhim kho peb lub siab li .
Lwm zaj lus sau cia li no tias : “ Huab Tais Yes Xus Pleev yog sawv daws tus Huab Tais – Tswv Ntuj tsis kws leej twg cai - Tswv Ntuj tsis xaiv neeg : Tswv Ntuj xa lub Moo Zoo rau ntiaj teb neeg,ces neeg thiaj yuav tau nyob thaj yeeb nyob hauv Huab Tais Yes Xus Pleev “ Hauj Lwm 10:34 – 36
Tsim nyog peb yuav ua Huab Tais Tswv Ntuj tsaug kuj yog vim 2-3 yam
= Peb yuav tsis ua siab yau tias : « Ib tug neeg laus li kuv mas tsam yuav txais lub Cim Ntxuav tsis tau”
= Peb yuav ua siab loj. Thaum ib tug tib neeg hais tias” Kuv xav ua neeg ntseeg Ntuj” mas Tswv Yes Xus kuj yuav tsis hais nws tias :” Koj puas paub txuj ci txheej siab .? ? Koj lub siab puas dawb huv no ne?”
Cov kwv tij Hmoob od , peb yuav tsis ua siab yau tab sis peb yuav ua siab loj : Tswv Ntuj siab zoo ,siab dav fo: tus tib neeg twg xav nrog Tswv Ntuj nyob,xav saib Tswv Ntuj los ua nws qhov chaw vam khom, xav teev hawm Tswv Ntuj tib leeg mas Tswv Ntuj kuj xyab npab los txais tus tib neeg ntawd los nyob ze Nws, pem nws lub Ceeb Tsheej ntag. Ces Tswv Ntuj Kev Thaj Yeeb Nyab Xeeb yuav tau nqes los kav tas ib puas tsav yam uas tib neeg niaj hnub ua .

Tswv Ntuj, thov koj tsim ib lub siab huv rau kuv ( Nkauj Paj Nruag 51,12 )

= Cov kws hnub qub “cev paj tshab rau Yes Xus,yam li cev kub,cev txab txiv yoov thiab cev tshuaj tsw qab”. Hos hauv peb tsev teev Ntuj , thaum peb los mus hawm tus me nyuam uas pw hauv dab nyuj mas peb ua tsis tau raws li cov kws hnub qub..Tab sis peb yuav cev qhov uas muaj nqe tshaj plaws hauv peb lub neej – yam li peb yuav cev peb tej siab ntsws rau Huab Tais
Hnub no, hauv peb Thaj Txi Ntuj Ntshiab mas Huab Tais Yes Xus rov hais dua Tswv Ntuj tej qub lus tias: “Me tub,koj muab koj lub siab los cev rau kuv thiaj yog” Cov Paj Lug 23,26
Peb niaj hnub lees tias peb yog neeg txhaum ces peb yuav coj rawv cov Yaj Saub lo lus tias :
“ Huab Tais Tswv Ntuj,thov koj so kuv tej yam sw pov tseg kom kuv huv tuaj- Thov koj pub ib lub siab tshiab rau kuv - Thov koj dawj kuv lub siab tawv li zeb thiab thov koj cog ib lub siab muag nyob hauv kuv lub cev. Thov koj muab koj lub tswv yim rau hauv kuv” Es Xes Kias 36: 25 – 27
Peb zoo siab ntseeg khov kho tias Tswv Ntuj lub tswv yim yog Leej Ntuj Plig Ntshiab, uas tau pab coj Yes Xus rov mus txog hnub Yes Xus tau muab nws txi Ntuj - Mas peb yuav thov kom Leej Ntuj Plig Ntshiab “ ua peb txoj sia thiab kom nws coj peb lub neej huv si, raws li nws tau ua los pab Yes Xus” Nkas Las Tias 5,24 – 25
Thaum txog lub caij peb los mus txais lub Cim Yug ,mas peb nyob twj ywm los ua Huab Tais tsaug thiab yuav thov kom Huab Tais pab peb “ nrhau cag rau hauv txoj kev nyiam ces txhua hom txiaj ntsim hauv Tswv Ntuj lub siab yuav los nyob txawm hauv peb “ Es Fes Xos 3: 17- 19
Peb thiaj muaj peev xwm hais tias : “Huab Tais Leej Txiv, txoj kev nyiam uas koj muab los nyiam Yes Xus, mas thov koj pub rau peb thiab mog” Zam 17:26

Tswv Ntuj, thov koj tsim ib lub siab huv rau kuv

Txiv Plig Txhiaj Foom omi

TP.Txhiaj Foom lub TSEV Ntawv - Page 2 Galett10

**Maiv Tooj** 11th January 2013, 9:55 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°44

Re: TP.Txhiaj Foom lub TSEV Ntawv

Post Maiv Tooj 11th January 2013, 9:55 pm

January 13-2013 YES XUS TXAIS LUB CIM NTXUAV

TSWV NTUJ PUB NWS COV TXIAJ NTSIM RAU COV NEEG NYIAM UA TUS ME

TP.Txhiaj Foom lub TSEV Ntawv - Page 2 Baptem10

Muaj ib tug neeg hais lo lus nug no tias : “Yuav ua neeg ntseeg Tswv Ntuj tib leeg,puas nyuaj ?”. Ces teb zoo li no tias : “Qhov ntawd kuj nyuaj kawg- Tab sis kev ntseeg Ntuj kuj yog qhov muaj nqes tshaj plaws hauv tus tib neeg lub neej thiab txoj sia- Yim coj kev ntseeg Ntuj, yim zoo siab zuj zus ua Tswv Ntuj tus me nyuam”.
Peb kuj nco txog peb tus Huab Tais Yes Xus lo lus tias “Kuv muab ib tug piv txwv rau nej pom, kom nej ua raws li kuv tau ua rau nej” Zam 13,15..Saib txhua txhia xyoo, peb zoo siab txais lub Moo Zoo los mus ua lub teeb kaj peb lub neej ,ces thiaj paub tias : Yes Xus tau npuab nws Txiv lub siab ces thiaj tau mloog Ntuj lus kom tom thawj, ( nws tau ua tus me ) ces qhov kawg nws tau txais Leej Ntuj Plig Ntshiab tuaj roos nws - Nws kuj yog tus Huab Tais cawm neeg..”Yes Xus tau ua Ntuj tej qav tej num, hos nws tsis tau ua hauj lwm dag nyob hauv Tswv Ntuj” 1 Kos Lis Nthos 15:58
Peb yuav yoog raws li Yes Xus tus piv txwv, peb yuav ua neeg me nyog ntawm Tswv Ntuj xub ntiag , ces peb thiaj nplua nuj hauv Tswv Ntuj tej txiaj ntsim

Yes Xus los mus txais lub Cim Ntxuav ntawm Zam Ntxuav Plig vim tias nws yog Tswv Ntuj tus Tub Txib raws li tus Yaj Saub xub hais tseg ( His Xais 42 :1 ) ,yam Yes Xus NYIAM NWS TXIV THIAB NYIAM SAWV DAWS NEEG TAG NPAUD ces nws yeem ua tus me nyob ntawm Tswv Ntuj lub xub ntiag thiab nyob ntawm sawv daws lub xub ntiag, kom tau txhiv cov neeg ntawm qhov txhaum -
..Peb zoo siab ntseeg tias Yes Xus, Tswv Ntuj Leej Tub lub siab kuj ntshiab dawb huv. Ua li, tim li cas Yes Xus ua tus me zoo li ntawd. ? Vim tias « nws ris coob leej cov txhaum » His Xais 53 :12 - Nws txais lub Cim Ntxuav kom ”tau txhim tsa kev ncaj rau hauv tej pab neeg lub siab “
Saib :tom qab ntawm lub caij Yes Xus txais lub Cim Ntxuav thiaj tau muaj dab tsi tuaj ? « Yes Xus tawm hauv dej los - Nws teev hawm nws Txiv nyob saum ntuj .ces lub ntuj txawm qhib plho. Ces Zam pom Tswv Ntuj Leej Tswv Yim Ntshiab nqes xws li ib tug nquab los rau saum Yes Xus - Ces muaj ib lub suab nrov saum ntuj tuaj tias : « Koj yog kuv Leej Tub uas kuv nyiam kawg – Koj yog kuv qhov chaw zoo siab »
Cov kwv tij, zaj lus qhia peb tias Yes Xus tau txais lub Cim Ntxuav thiaj yog ib zag lus tob tob kawg thiab tseem ceeb hais tias : Yes Xus ( uas nws puag sawv daws neeg huv si hauv nws nruab siab) nws KHUV LEEJ SAWV DAWS NEEG TAS NPAUD, nws thiaj tuaj yeem « ua neeg me nyob hauv Tswv Ntuj tes muaj hwj huam »1 Pob Zeb 5 :6. Qhov kawg Yes Xus txais Tswv Ntuj txiaj ntsim ,uas loj tas nrho uas yog Tswv Ntuj Leej Tswv Yim Ntshiab.
Li ntawd Yes Xus kuj yuav muaj peev xwm ua Ntuj lub luag hauj lwm cawm neeg dim ntawm qhov txhaum kom tom thawj .
Lub caij no tsim nyog peb nyias yuav nco txog Tswv Ntuj lo lus rau nyias tias

Koj yog kuv tus tub uas kuv nyiam kawg. Koj yog kuv qhov chaw zoo siab

Lub caij twg Huab Tais Leej Txiv rov hais nws lo lus rau peb sawv daws tias

Koj yog kuv tus tub uas kuv nyiam kawg- Koj yog kuv qhov chaw zoo siab .?

Huab Tais Leej Txiv tseem hais lo lus tseem ceeb no ntau ntau zaus

1 : Yog lub caij peb txais ib cov kab ke ntiab dab thiab peb kawm Ntuj Kev Cai .. Tas yus sim neej mas lub caij ntawd thiaj yog iib lub caij tseem ceeb dua cov . Yus ib siab “coj lub neej nyob ntawm Tswv Ntuj tog “ Hes Nplaws 6,9
Yog lub caij uas peb rov hais dua ib qib lus, uas tus Yaj Saub Yes Les Mias tshaj tawm tias :” Tswv Ntuj od ! Thov koj pab kuv rov los cuag dua, ces kuv yuav rov qab los cuag dua xwb los mas “ Yes Les Mias “ 31,18..

2 :Yog Hmo Hla uas yus los mus txais Lub Cim Ntxuav .Peb Leeg Huab Tais ( Huab Tais Leej Txiv, Huab Tais Leej Tub thiab Leej Ntuj Plig Ntshiab ) kuj muab Ntuj kev nyiam kev hlub, uas muaj zog tas nrho, los yaug peb tej txhaum pov tseg. Ces peb pib coj lub neej ua Tswv Ntuj tus me nyuam zoo nyiam .Ces peb zoo siab luag ntxhi rov rau Tswv Ntuj thiab ua Tswv Ntuj tsaug .vim tias : “Peb hu ua Tswv Ntuj cov me nyuam – Peb yog Tswv Ntuj cov me nyuam tiag” 1 Zam 3:1-2 ( + Los Mas 8:14-17

3 : Txhua txhia hnub, peb kuj rov xaiv Huab Tais Tswv Ntuj los ua tus pov hwm peb thiab tus roos peb siab.,tsis tu ncua .Peb kub siab nyeem Tswv Ntuj Lo Lus tag mus li Ces peb tseem txoj sia ua Tswv Ntuj cov me nyuam thiaj rov plhis tshiab tuaj zuj zus…. Ces tsim nyog rov hais tus Hauv Paus Xa Lus Paj Lug lo lus tias :” Nej yuav saib tias nej tus neeg txhaum tuag lawm – tshuav nej tus neeg tshiab npuab Tswv Ntuj uas muaj txoj sia nyob hauv Huab Tais Yes Xus Pleev” Los Mas 6:11
Ces txhua txhia zaus peb los mus txais lub Cim daws txhaum thiab lub Cim Yug mas ” peb rov tso peb tej kev ntxhov siab huv tib si rau Tswv Ntuj,vim nws yog tus txuag peb” 1 Pob Zeb 5 : 7
Peb kuj yuav kub siab vam txog peb niam siab zoo, Leej Ntshiab Mab Liab ,dauv muag nplij peb siab kom zoo
Peb niaj hnub yuav nco txog Tswv Ntuj Lo lus tias
Koj yog kuv tus tub,kuv tus ntxhais, uas kuv nyiam kawg –
Koj yog kuv qhov chaw zoo siab “

T.P. Txhiaj Foom omi

**Maiv Tooj** 18th January 2013, 12:42 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°45

Re: TP.Txhiaj Foom lub TSEV Ntawv

Post Maiv Tooj 18th January 2013, 12:42 am

January 20 2013 Nruab Xyoo H.C 2 Xyoo C
- Rooj tshoob hauv lub zos Kas Nas

HUAB TAIS HLUB MOS NYOOS – NWS KHUV LEEJ NEEG TAS NRHO NPN 103,8

Tau muaj neeg nug li no tias :” Zaj lus uas nej nyiam tshaj plaws hauv Ntuj Kev Cai thiaj yog dab tsi no ne ?” – Teb tias :“ Yeej muaj ntau zaj uas peb nyiam tuag nthi – Tab sis Tswv Ntuj Lo Lus uas yeej nplij peb siab tshaj thiaj yog zaj lus no tias : HUAB TAIS HLUB MOS NYOOS - NWS KHUV LEEJ NEEG TAS NRHO”
Hnub no peb tau mloog zaj lus tias: Nyob hauv lub zos Kas Nas,Huab Tais Yes Xus ua hwj huam yees ntxwv kom dej txia ua cawv. Saib : hnub ntawd qhua vauv hnov qab npaj cov cawv txaus rau sawv daws haus . Hos tus Nkauj Tsim Txiaj Mab Liab, uas yog Yes Xus niam kuj pom qhov ntawd . Ces nws mam li hais qhia rau Yes Xus paub ..Yes Xus tsis xav kom qhua vauv poob ntsej muag .Nws khuv leej tus ntawd ..Nyob ntawd ,muaj rau lub hub zeb teem dej. Ib lub ntim nyog ob thoob los peb thoob dej .Yes Xus tias : « Nej hliv dej rau cov hub ntawd kom puv.» Yes Xus muab dej txia ua cawv, ces tau muaj txog 480 « lit » cawv ntag . Kav xwm saj cov dej txia ua cawv ntawd ,ces nws hais rau tus qhua vauv tias : « Kev cai,sawv daws yuav xub cev cov cawv qab los haus tso. Thaum sawv daws qaug me ntsis,mam li cev cov qab tsis heev los haus . Hos koj mas koj muab cov cawv qab tshaj cia txog tav no”..Muab txhais tias : Koj ne, koj yuav tsum yog ib tug neeg nplua nuj heev .Ua li qhua vauv zoo siab heev ..
Cov kwv tij, muab txhais tias Yes Xus tau khuv leej tus qhua vauv kom tsis txhob poob ntsej muag .. Ces Huab Tais ua kom dej txia ua cawv, kom xwv sawv daws muaj kev lom zem...ces “Yes Xus ua nws lub hwj chim tawm los rau pom”.
Zaj lus tseem ceeb tias : Huab Tais Yes Xus siab zoo siab dav fo . Nws khuv leej neeg tas nrho –Ua li,niaj hnub nyem no mas tus tib neeg twg hu txog Huab Tais txuag nws lub neej ces ib ntsis Huab Tais yuav mloog nws lo lus thov - Huab Tais yuav nqes los pov hwm tus neeg ntawd .
Phim peb yuav ua neeg thoob tsib . Saib : muaj tej lub caij uas Huab Tais tsis nqes los pab txhawb nqa peb lub neej tam sim ntawd – Tsam Huab Tais hnov qab mloog peb tej lus thov.. Thaum ntawd peb yuav ua neeg thoob tsib - Peb yuav ” tsis nrog Tswv Ntuj sib cav “ Los Mas 9,20 . Peb yuav tsis yws yws tias : “Ua cas Huab Tais hnov qab kuv tej lus thov ?”.Tiam sis peb yuav ntaus tswv yim li no tias : “Tab txawm Huab Tais tsis pub qhov kuv thov tam sis ntawd ,los kuv tseem tso siab lug rau Nws, cuag li qub. Yeej yuav muaj ib hnub Huab Tais yuav nqes los muab nws tej txiaj ntsim pub kuv” .

Cov kwv tij ,phim peb yuav khaws ntau zaj lus tseem ceeb hauv Ntawv Ntshiab tseg ,ces peb yuav zoo siab ntseeg khov kho tias : HUAB TAIS HLUB MOS NYOOS - NWS KHUV LEEJ NEEG TAS NRHO. Zoo li tej qib lus no tias :
1 : “Nej thov ces Ntuj yuav pub rau nej. Nej nrhiav ces nej yuav ntsib . Nej khob qhov rooj ces Ntuj yuav qhib rau nej…. Ua li mas Leej Txiv nyob saum ntuj yuav pub Leej Ntuj Plig Ntshiab rau cov uas thov nws” Lus Kas 11: 9-13
Peb kuj yuav nco ntsoov tias : peb zoo siab tig los yuav lub siab tshiab ,peb thov Huab Tais Tswv Ntuj pab ces peb npaj siab txais lub Cim Ntxuav kuj yog vim thaum ntawd “ Leej Ntuj Plig Ntshiab,uas muaj hwj chim loj tshaj plaws thiaj nqes los hauv peb tej siab ntsws - Hais qhov tseeb tias : peb tau txais ib lub tswv yim tshiab – ces peb txia ntshis ua Tswv Ntuj cov tub ki tshiab -Ua li peb hu Tswv Ntuj tias : “PEB TXIV” Los Mas 8: 9..15
2 : Hnub uas Yes Xus kho tus dig muag nruab thiab ,mas tus neeg ntawd hais lo lus tseeb tias: “Yog leej twg teev hawm Tswv Ntuj thiab ua raws li Tswv Ntuj lub siab,mas Tswv Ntuj mloog tus ntawd”. Zam 9: 31..
Peb kuj yuav nco ntsoov tias yeej muaj tej yam tuaj raws li Lo Lus ntawd ntag
3 : Tus Hauv Paus Xa Lus Paj Lug kuj sau tej lo lus meej pem tias :” Tswv Ntuj muaj hwj huam kuj muaj peev xwm ua tau nws tej qav tej num txhim kho peb lub siab . Tswv Ntuj ua tau ntau tshaj qhov peb thov thiab qhov peb xav tau “ Es Fes Xos 3:20
Zoo li peb kuj hu txog Tswv Ntuj txuag peb lub neej peb txoj sia kom xwv peb noj qab nyob zoo,muaj noj muaj haus. Tab sis muaj tej lub caij peb raug mob nkeeg. Li cas los peb tseem ua siab loj siab tawv qhawv - Lub caij ntawd. Peb kuj thov Ntuj tas zaj tas zog . Ces ib ntsis peb kuj “saj Tswv Ntuj kev thaj yeeb uas zoo tshaj qhov peb xav tau- Tswv Ntuj txoj kev thaj yeeb nqes los txuag peb lub siab thiab peb lub tswv yim kom nyob hauv Huab Tais Yes Xus Pleev” Fis Lis Pos 4:7
4 : Cov kwv tij, hauv teb chaws kuj xij, tus tib neeg twg ntseeg Ntuj uas kub siab teev hawm Tswv Ntuj tib leeg thiab saib Huab Tais Yes Xus los ua nws qhov chaw vam khom mas tus ntawd kuj muaj Leej Ntuj Plig lub hwj chim loj tshaj plaws hauv nws siab .Li ntawd tus tib neeg ntseeg ntawd thiaj muaj peev xwm hais tau tib zaj lus raws tus Hauv Paus Xa Lus Paj Lug tias :” Tsis yog kuv muaj muaj txoj sia ua neeg ntxiv lawm – Yog Huab Tais Yes Xus Pleev txoj sia ciaj nyob hauv kuv “ Nkas Las Tias 2:20
Cov kwv tij yav puag thaud, hauv lub zos Kas Nas, Huab Tais Yes Xus , Tswv Ntuj Leej Tub twm zeej HLUB MOS NYOOS - NWS KHUV LEEJ NEEG TAS NRHO . Huab Tais tau ua hwj huam yees ntxwv kom xwv dej txia ua cawv ces ib pab neeg coob tau muaj chaw lom zem .
Mas niaj hnub nyem no, peb yuav qhib peb lub siab los txais Huab Tais nqes los ua hwj huam yees ntxwv txhim kho peb tej siab ntsws kom peb txia ua ib cov neeg ntshiab dawb huv raws li Huab Tais thiab nyob hauv Huab Tais. Peb thiaj yuav tau coj lub neej nyob thaj yeeb nyab xeeb los mas.
HUAB TAIS HLUB MOS NYOOS – NWS KHUV LEEJ NEEG TAS NRHO
T.P. Txhiaj Foom omi

**Maiv Tooj** 25th January 2013, 10:04 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°46

Re: TP.Txhiaj Foom lub TSEV Ntawv

Post Maiv Tooj 25th January 2013, 10:04 am

January 27- 2013 Hnub Chiv 3 – Xyoo C
KUV YUAV MUAB KUV LUB TSWV YIM RAU HAUV NEJ

TP.Txhiaj Foom lub TSEV Ntawv - Page 2 Images10

– Es Xes Kias 36 – 27
Peb sawv daws kuj khwv ua ntau yam hauj lwm,tsis paub caij so - Ces 2-3 leeg hais li no tias : “Mus ua teb- rov los tsev -Ces tsis muaj sij hawm kawm cov tsiaj ntawv Hmoob li”.Muaj li lawv hais - Txawm li cas los, peb kuj nrhiav tau me ntsis sij hawm los soj ntsuam saib : “Muaj tej yam ( muaj ntau yam ) hauv kuv lub neej uas yus qhuas..xws li yus noj qab nyob ..Yus ua noj ua haus cuag li sawv daws - Yus pab cov me nyuam mus kawm txuj kawm ci ..”
Hos hauv qhov tob tob hauv nruab siab ,peb kuj xav tau li no tias : “Kev ntseeg Ntuj thiaj yog qhov loj tshaj plaws ntag . Yeej tsis muaj lwm yam muaj nqe dua yus kev ntseeg lauj!”.
Mas hnub no yuav xub xav txog Huab Tais Yes Xus lub neej mus tshaj Ntuj Lus kuj yog vim “ Leej Ntuj Plig Ntshiab lub hwj huam nrog nws” Lus Kas 4:14..Tom qab ntawd peb thiaj yuav rov xav txog yus lub neej ua Huab Tais Yes Xus tus thwj tim –Ces peb haj yam yuav ntseeg ruaj tias : “Tswv Ntuj Leej Ntuj Plig nyob txawm hauv peb nraim “

1 Kos Lis Nthos 3,16
Tsim nyog peb yuav nco txog tej qub lus hauv tus Yaj Saub Es Xes Kias :
KUV YUAV MUAB KUV LUB TSWV YIM RAU HAUV NEJ

Ntawv Moo Zoo sau cia li no tias : “Leej Ntuj Plig Ntshiab lub hwj huam nrog Yes Xus nyob nraim”, ces Huab Tais muab nws txoj kev nyiam kev hlub los pab txhawb nqa tej pab neeg coob .xws li- “Cov dig muag rov pom kev - Cov tuag ceg mus taus kev- Cov mob ruas rov huv- Cov lag ntseg hnov lus. Cov tuag sawv rov los - Hos lub Moo Zoo tuaj txog cov neeg pluag” Lus Kas 7:22-23
Tsis tas li ntawd xwb , Huab Tais Yes Xus kuj muab nws tej kev nyiam kev hlub uas muaj zog tas nrho los daws tej tus neeg qhov txim txhaum, xws li tus tuag ceg ( Mas Kos 2:1-12 ) thiab tus poj niam Mas Ntas Las ( Lus Kas 7:36-50 ).
Huab Tais Yes Xus kuj tsa peb tus tuag kom ciaj rov los, xws li tus poj ntsuam tus tub twm zeej , Lus Kas 7:11-17 – thiab Yes Xus tsa nws tus phooj ywg Las Ntxas Los kom ciaj rov los -Zam 11:1-44 thiab Yes Xus kuj tsa ib tug ntxhais tuag kom ciaj rov los – Lus Kas 8:49-55…
Tom qab ntawm qhov tias Yes Xus ua ntau yam hwj huam yees ntxwv lawm mas ntau pab neeg zoo siab cav txog Tswv Ntuj hais tias “Ib tug yaj saub loj sawv nyob hauv peb Tswv Ntuj tuaj xyuas nws haiv neeg” Lus Kas 7: 17.. Hos thaum Yes Xus mus ko taw saum nplaim dej thiab nws pab cawm Pob Zeb uas pib tog hauv dej, mas cov thwj tim hais zom zaws tias :“Koj yog Tswv Ntuj Leej Tub tiag” “Mas Tais 14:32
Muaj lo lus nug tseem ceeb tias :Lub zim txwv no mas Huab Tais Yes Xus , Tswv Ntuj Leej Tub ,tus Huab Tais cawm neeg puas tuaj xyuas peb xws li lub caij puag thaud no ned ? . Nws pab txhawb nqa peb lub neej zoo li cas rau li cas ? ”
Lo lus teb tias : Huab Tais tseem muab nws tej kev nyiam kev hlub, uas muaj zog tas nrho los pov hwm sawv daws neeg, tsis hais cov neeg ntseeg los lwm pab lwm pawg neeg .. Ua li,Huab Tais lub siab zoo siab dav fo khuv leej sawv daws neeg tiag.
Ntawm peb cov neeg ntseeg mas peb kuj zoo siab cav txog Tswv Ntuj vim Huab Tais Yes Xus pub nws tej txiaj ntsim muaj nqe tas nrho txhim kho peb tej nplooj siab nplooj ntsws. Tswv Ntuj ua qhov ntawd tas mus li, tsis tu ncua . Hos Tswv Ntuj lub txiaj ntsim ( uas pab peb ua neeg nplua nuj fab hauv yus tus ntsuj tus plig ) thiaj yog Leej Ntuj Plig Ntshiab ntag E F X 2:4-6
=== Qhov ib mas yog thaum ib pab neeg txiav txim ib siab ntseeg txog Tswv Ntuj ib leeg thiab npaj siab txais lub Cim Ntxuav mas yog Leej Ntuj Plig Ntshiab nqes los tshoj cov neeg ntawd siab
=== Hmo ( los hnub ) ib tug neeg txais lub Cim Ntxuav , mas thaum ntawd Tswv Qhia los Txiv Plig muab cov roj ntshiab los pleev tus neeg ntawd lub hauv pliaj ces thiaj hais tias :”“Huab Tais Yes Xus Pleev yog tus ua kom koj rov yug los tshiab nyob hauv dej thiab nyob hauv Leej Ntuj Plig Ntshiab.”
=== Hmo ( los hnub ) uas ib tug neeg txais lub Cim Txhab Zog mas Tswv Qhia los Txiv Plig hais tias :“Huab Tais muaj hwj huam tas nrho , thov koj xa koj Leej Ntuj Plig Ntshiab tuaj rau nws”
=== Hnub peb los mus txais lub Cim daws txhaum thiab lub Cim Yug mas peb kuj rov txais Leej Ntuj Plig Ntshiab dua- Tswv Ntuj rov daws peb tej txhaum thiab rov txhab zog rau peb tej siab ntsws ,kom peb rov siv siv zog “coj lub neej ntshiab huv, nyob ntawm Tswv Ntuj xub ntiag, nyob hauv txoj kev nyiam” – E F X 1:4, “kom peb rov ruaj nreb los ua neeg nyob ntawm Tswv Ntuj tog”- Kos Los Xais 1:11-12 + Hes Nplaws 6:9
==== Tsis tas li ntawd xwb, txog lub caij peb tu siab ntawm peb tej txhaum thiab kub siab hu txog Tswv Ntuj pab, mas Huab Tais Yes Xus rov pub Leej Ntuj Plig Ntshiab rau peb, tsis tu ncua

Cov kwv tij hmov thiab tshua, peb yuav cav txog Tswv Ntuj lub npe, vim tias “Tswv Ntuj lub siab hlub muaj zog tas nrho. Nws lub siab pheej xeeb mus ib txhiab ib txhis” NPN 117:2.
Peb yuav nco tias : txhia txhia hnub Huab Tais Yes Xus pub nws tej txiaj ntsim muaj nqe tas nrho txhim kho peb tej nplooj siab nplooj ntsws. Tswv Ntuj ua qhov ntawd tas mus li, tsis tu ncua . Hos Tswv Ntuj lub txiaj ntsim ( uas pab peb ua neeg nplua nuj fab hauv yus tus ntsuj tus plig ) thiaj yog Leej Ntuj Plig Ntshiab ntag
UA THAJ TXI NTUJ : Huab Tais Leej Txiv, Tswv Ntuj khuv leej neeg tas nrho, “Koj tau xaiv peb los ua koj cov tub ki tshiab. Koj niaj hnub pub txiaj ntsim dawb rau peb nyob hauv Huab Tais Yes Xus Pleev. Ces Leej Ntuj Plig Ntshiab nyob txawm hauv peb siab mus li” ( E F X 1:5-6 + 1 Kos Lis Nthos 3:16 ) . Peb zoo siab ua koj tsaug, vim tias Huab Tais Yes Xus niaj hnub “nqes los xyuas peb”,tsis tu ncua . Thov koj pab txhawb nqa peb lub siab kom xwv “ peb yuav tau nyob ntawm koj tog”, tas mus li thiab peb yuav tau coj lub neej nyob thaj yeeb nyab xeeb, tsis muaj caij tag ”

T.P. Txhiaj Foom omi

TP.Txhiaj Foom lub TSEV Ntawv - Page 2 1684170023

**Maiv Tooj** 5th April 2013, 10:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°47

Re: TP.Txhiaj Foom lub TSEV Ntawv

Post Maiv Tooj 5th April 2013, 10:12 am

April 7- 2013 CAIJ HLA – Hnub Chiv 2 XYOO C

Huab Tais ,thov kom koj lub siab hlub roos peb,
vim koj yog peb qhov chaw vam khom . ( Nkauj Paj Nruag 33 :22 )

= Hauv lub Caij HLA mas txog Hnub Chiv 2, mas peb tsoom ntseeg kuj rov zoo siab ntseeg khov kho tias : Huab Tais Tswv Ntuj nyiam thiab hlub tshua peb sawv daws , uas yuav tsis muaj kawg .
== Zoo li === hauv thawj tsab ntawv, Tswv Ntuj qhia peb tias : dhau lub caij Yes Xus rov mus lawm saum ntuj, mas Huab Tais Xus tau pub ib feem ntawm nws txoj kev nyiam kev kev hlub rau cov Hauv Paus Xa Lus .Ces “ Ib cov His Xas Lais nqa cov neeg mob thiab cov raug dab phem tuaj rau Yes Xus pab : ces cov neeg ntawd sawv daws zoo hlo tas huv tib si” HL 5:16
=== hauv tsab ntawv 2 mas Huab Tais Yes Xus tab meeg hais tseg tias : “Nyem no kuv muaj txoj sia ib txhiab mus ib txhis “ QYTN 1:19…Peb mam zoo siab ntseeg tias Huab Tais Yes Xus kev nyiam kev hlub ciaj sia “ ib txhiab mus ib txhis”
=== hauv Ntawv Moo Zoo mas Huab Tais Yes Xus hlub tshua nws cov thwj tim. Saib : tom qab ntawm lub caij Yes Xus sawv ntawm lub ntxa rov los mas Huab Tais txhob txwm tshwm sim tuaj rau nws cov thwj tim pom xyeem ntawm qhov muag. Saib : 2-3 hnub dhau los mas lawv raug kev ntxhov siab, vim lawv tej kev ntseeg yaj ntshis. Hos Yes Xus kuj tsom kwm lawv lub siab - Li ntawd ces Huab Tais mam li kav tsij tuaj xyuas lawv – Nws hlub tshua lawv kawg nkaus ,nws txhob txwm “tuaj sawv hauv nruab nrab lawv. Nws muab nws ob txhais tes thiab nws hauv siab rau lawv pom . Cov thwj tim pom Huab Tais ,mas lawv zoo siab kawg” Ib ntsis Tos Mas txhos caug pe Yes Xus, hais tias : “Kuv tus Huab Tais ! Kuv tus Tswv Ntuj” .
Ua li, txij ntawm lub caij ntawd mus mas cov Hauv Paus Xa Lus yuav tau ntseeg ruaj nreb khov kho txog Huab Tais Yes Xus hais tias:
. . . “ Huab Tais Yes Xus muaj txoj sia ib txhiab ib txhis”
. . . “ Huab Tais Yes Xus , Tswv Ntuj Leej Tub yog tus Cawm lub qab ntuj neeg tiag” Z 4 : 42
. . . “ Nyob hauv lub qab ntuj khwb,tsis muaj dua lwm lub npe yuav Cawm tau cov neeg” Hauj Lwm 4,12:
. . . “ Nyob ntawm Tswv Ntuj thiab tsoom neeg kis nruab nrab, tsuas muaj tib tug cev lus xwb : yog Huab Tais Yes Xus Pleev. Nws niaj hnub muab nws los ua nqe txhiv tas zeej tsoom” 1 Tis Mos Tes 2:5

= Ua li. muaj ib nyuag lus nug tias : “Peb twb ntseeg tias : Huab Tais Yes Xus “ niaj hnub nrog nraim peb nyob,mus txog lub zim txwv ntiaj teb kawg” ( Mas Tais 28:20 ). Ua li peb yeej xav xav ntseeg ruaj nreb khov kho, raws li cov Hauv Paus Xa Lus .Mas peb yuav ua dab tsi los mus ntseeg txog Huab Tais Yes Xus kev nyiam kev hlub uas muaj zog tas nrho ?”
Peb tsoom ntseeg kuj muaj peev xwm ua tau ntau ntau yam tseem ceeb los txhab zog rau peb tej kev ntseeg :
= Zoo li tej hnub peb rov nyeem tej phab ntawv hauv Ntawv Moo Zoo ( thiab hauv tej tsab ntawv) .Zoo li Lus Kas zaj 15:1-32 Yog tej zaj paj lug tseem ceeb hais txog Huab Tais Tswv Ntuj kev nyiam kev hlub
= Los tej hnub peb yuav rov twm ntau phab ntawv hauv 4 phau ntawv Moo, uas peb qhuas txog Yes Xus hlub cov neeg raug mob,raug txiab nkees. Hos Huab Tais hais ib nyuag lus, ces cov neeg mob ntawd rov zoo hlo..
Ces hais tau 2-3 lo lus thov Huab Tais tas zog tias :” Huab Tais siab zoo tas nrho ,mas kuv kuj lees tias : fab hauv kuv tus ntsuj tus plig ,kuv kuj lees tias kuv raug ntau yam mob –Kuv lub siab tsis huv .Huab Tais khuv leej neeg tas nrho, thov kom koj kav tsij txhim kho kuv nruab siab kom rov ntshiab huv os mog. Huab Tais khuv leej neeg tas nrho, koj yog kuv qhov chaw vam khom. Koj tib leeg yog tus tseem kws tshuaj uas muaj peev xwm ua hwj huam yees ntxwv txhim kho kuv lub siab kom zoo hlo - Thov kom koj lub siab hlub nqes los roos kuv os mog”

Huab Tais ,thov kom koj lub siab hlub roos peb,
vim koj yog peb qhov chaw vam khom

=== “Cov hauj lwm Huab Tais npaj ua ciaj sia mus li – Nws tus nrus lus nyob txheej dhau txheej : nws npo lawv dim ntawm kev tuag – Nws txuag lawv txoj sia thaum teb chaws tshaib plab” Nkauj Paj Nruag 33: 11 + 19
=== “Huab Tais lub siab hlub muaj zog tas nrho .
Huab Tais lub siab pheej xeeb mus ib txhiab ib txhis” . Nkauj Paj Nruag 117 : 2
=== “Tswv Ntuj yog txoj kev nyiam – Tswv Ntuj txoj kev nyiam yog zoo li no : tsis yog peb tau nyiam Tswv Ntu tab sis yog Tswv Ntuj tau nyiam peb thiab nws tau xa nws Leej Tub tuaj ua nqi txhiv peb ntawm qhov txhaum” 1 Zam 4: 8 - 10
=== “Tswv Ntuj kev nyiam tsis txawj lwj, tsis tsuas thiab tsis txawj nphob” 1 Pob Zeb 1:4

T.P. Txhiaj Foom omi

**Maiv Tooj** 12th April 2013, 7:06 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°48

Re: TP.Txhiaj Foom lub TSEV Ntawv

Post Maiv Tooj 12th April 2013, 7:06 pm

April 14 2013 - CAIJ HLA - HNUB CHIV 3 - XYOO C

“ KUV NTSEEG ! THOV KOJ PAB KUV,
VIM KUV NTSEEG ME ME XWB !”

TP.Txhiaj Foom lub TSEV Ntawv - Page 2 Raphae10

Ntawv Moo Zoo kuj qhia peb tias : Huab Tais Yes Xus paub tias hmo ntawd cov thwj tim kuj puav tsis tau ib tug me ntses kiag – Yav kaj ntug lawv tshaib tshaib plab – lawv sab sab heev .Ces Huab Tais txhob txwm tuaj pab lawv . “Yes Xus nyob tim ntug dej. Ib ntsis cov thwj tim nqes hauv av – Lawv pom ib cub tawg thee nyob ntawd hos muaj ib co ntses tso rau saud thiab ib co ncuav mov -.Yes Xus hais rau lawv tias: “Nej los noj tshais mog!”.. Yes Xus muab cov ncuav mov cev rau lawv.. Nws kuj muab cov ntses cev rau lawv thiab”
Xam pom tias hnub ntawd, cov Hauv Paus Xa Lus rov pom Yes Xus dua - lawv zoo siab heev ..Ua cas Yes Xus HLUB cov thwj tim tag npaud , nws thiaj tshwm tuaj los txhab zog rau lawv thiab nws “muab cov ncuav mov cev rau lawv thiab nws kuj muab cov ntses cev rau lawv thiab”
Tsam cov thwj tim tsis tau xav tias : yav kaj ntug , Huab Tais Yes Xus yuav hlub tshua lawv tag npaud lauj .. Hnub ntawd thiaj zoo hnub ntag. Cov thwj tim nyob kaj lug kaj nrig ntag .
Lo lus nug tias : “Ob hnub no mas peb khuv xim kawg, rau qhov tias peb tsis tau ua neej tib lub caij uas Tswv Ntuj Leej Tub, peb tus Huab Tais Yes Xus Pleev sawv ntawm cov tub tuag rov los nyob tim His Xas Lais teb .Ua li tsis muaj ib lub caij uas peb yuav nyob kaj lug kaj nrig xws li lawv 12 leeg thwj tim , puas yog ?”
Teb tias : peb tsoom ntseeg kuj khuv xim kawg li koj hais. Tiam sis nyob rau hauv peb lub Koom Txoos Kav Tos Liv thiaj muaj tej lub caij tseem ceeb uas Yes Xus nqes los xyuas peb thiab nws pub mov rau peb noj thiab…
Nug tias : thaum twg Huab Tais Yes Xus nqes los xyuas peb no ned..?
Teb tias : Hnub Chiv yog zoo hnub – Yog hnub peb nyob kaj lug kaj nrig uas peb sib sau ua Thaj Txi Ntuj ..Txhua txhia Hnub Chiv Huab Tais Yes Xus kuj ua 2-3 yam tseem ceeb los pab peb
= Huab Tais rov tshaj lub Moo Zoo rau peb thiab nws pub nws lub Thaj Txi Ntuj rau peb ,ces peb nrog Huab Tais Yes Xus koom siab koom ntsws teev hawm Tswv Ntuj ua ke.
Li peb hais kam hauv ib zaj nkauj teev Ntuj tias :
Peb zoo siab hlo cev peb lub neej lub siab
los nrog Yes Xus Txi Ntuj ua Huab Tais tsaug..
Txhua txhia Hnub Chiv mas peb muaj Yes Xus ua dai ntawm tus Ntoo Cuam los ua peb Thaj Txi Ntuj
= Peb kuj txais peb tus Huab Tais hauv peb siab los ua peb lub dag lub zog, kuj yog vim lub Cim Yug . ( Vam ntsoov tias nej yuav kawm Huab Tais 2-3 lo lus no hauv nruab siab tias :
“ Kuv yog cov mov muaj txoj sia nqes saum ntuj los.
Leej twg noj cov mov no,nws yuav ciaj nyob mus li ” Zam 6: 51
Nug tias : Kuv ntseeg tias : thaum kuv los mus txais lub Cim Yug mas Huab Tais nqes los ua kuv txoj sia . Tab sis nrhiav tsis tau ib nyuag lus nthuav piav zaj hwj huam yees ntxwv loj npaum li ntawd. Saib qhov peb ntseeg puas yog qhov tseeb ?”
Teb tias : Yeej yog qhov tseeb ntag. Saib : twb tau muaj 1980 xyoo uas peb tsoom ntseeg Kav Tos Liv tau txais Leej Ntuj Plig Ntshiab tej txiaj ntsim los tshoj peb tus ntsuj plig, hais tias : Huab Tais Yes Xus kuj yeej nyob txawm hauv lub Cim Yug tiag - Ntuj lo Lus no yog Lo Lus tseeb ntag
Ua li peb txoj hmoov zoo zoo kawg nkaus, vim tias peb hais tau lo puav lus no tias
“Huab Tais Yes Xus tau coj lub neej zoo li cas,
mas peb kuj coj tau lub neej raws li Yes Xus tus piv txwv” 1 Zam 4:17
Tsis tas li ntawd xwb: peb nyob kaj lug kaj nrig ( peb luag ntxhi rau Tswv Ntuj ) ces peb thiaj muaj peev xwm rov hais dua tus Hauv Paus Xa Lus Paj Lug lo lus meej pem tias :
“Tsis yog kuv muaj txoj sia ua neej ntxiv lawm :
yog Huab Tais Yes Xus txoj sia ciaj nyob hauv kuv ” Nkas Las Tias 2: 20

Nug tias :kuv yuav ua li cas thiaj yuav tsis ua xyem xyav, tab sis yuav tau ntseeg ruaj nreb txog lub Cim Yug ?
Teb tias : Ntawv Moo Zoo qhia peb tias : tau muaj ib tug tub qaug dab peg- Hos nws txiv los mus thov Huab Tais Yes Xus tuaj pab. Nws hais tias : “ Xib Hwb ,yog koj pab tau,mas thov koj pab peb – Thov koj khuv leej peb”. Yes Xus teb tias: “Yog koj pab tau !! Tus tib neeg ntseeg tiag,mas Tswv Ntuj ua tau tas puas tsav yam los pab tus neeg ntawd los mas” . Tam sis ntawd tus me nyuam txiv hais nrov tias : “Kuv ntseeg ! Thov koj pab kuv,vim kuv ntseeg me me xwb”. Mas Kos 9:22-24

Hais tau tej lo lus teev Ntuj zoo li no :…Huab Tais Yes Xus, kuv ntseeg tias koj ua tau tas puas tsav yam los pab kuv, mas hnub no kuv thov koj ua hwj huam yees ntxwv los txhim kho kuv tus ntsuj tus plig . Huab Tais khuv leej neeg tas nrho,
Kuv ntseeg ! Thov koj pab kuv
Vim kuv ntseeg me me xwb!”
T.P. Txhiaj Foom omi

**Maiv Tooj** 19th April 2013, 4:59 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°49

Re: TP.Txhiaj Foom lub TSEV Ntawv

Post Maiv Tooj 19th April 2013, 4:59 am

April 21 2013 - Caij HLA Hnub Chiv 4 Xyoo C,

TUS ZOO TSWV ZOV YAJ , NWS SAIB KUV
KUV TSIS PAUB TXOJ KEV TSHAIB , TXOJ KEV NQHIS, TXOJ KEV TXHAWJ

TP.Txhiaj Foom lub TSEV Ntawv - Page 2 Brebis10

= Hauv teb chaws twg kuj xij,mas thaum cov thawj coj saib cov pej xeem raws kev ncaj kev ncees, mas cov pej xeem huab hwm zoo siab heev. Ua li lawv mloog lawv tus tswv lus, ces sawv daws coj ib lub neej nyob thaj yeeb nyab xeeb, nyob tiaj nyob tus.
= Mas hnub no zoo hnub: peb haj yam ntseeg tias peb tus tseem thawj coj yog Huab Tais Yes Xus. Yog Tswv Ntuj Leej Tub -Nws yog Tus Zoo Twv Zov Yaj -Ua li,nyob ntawm Tswv Ntuj lub xub ntiag thiab nyob ntawm sawv daws lub xub ntiag, peb thiaj coj ib lub neej nyob tiaj nyob tus tiag
TUS ZOO TSWV ZOV YAJ , NWS SAIB KUV –
KUV TSIS PAUB TXOJ KEV TSHAIB ,TXOJ KEV NQHIS, TXOJ KEV TXHAWJ

= “Kuv cov yaj mloog kuv lub suab. Kuv paub kuv cov yaj. Lawv raws nraim kuv.
….Kuv paub kuv cov yaj .Lawv raws nraim kuv”.
Peb yeej nco txog Nkauj Paj Nruag 139,tias : “ Huab Tais, koj tsom kuv - koj paub kuv. Koj paub thaum kuv sawv thiab thaum kuv zaum. Koj zov txoj kev kuv mus. Koj paub txhua txoj kev kuv taug..”
Mas raws li peb tsoom ntseeg ib txwm xav mas peb zoo siab nco tias : Huab Tais Yes Xus paub tas ib puas tsav yam hauv peb lub neej peb txoj sia.- peb tej kev zoo siab - peb tej kev nyuaj siab . peb tej kev mob nkees- Nws paub tias peb hnub nyoog muaj tsawg xyoo.Nws paub peb ib leeg zuj zus npe. Nws saib yus zoo cuag li tsuas muaj ib tug tib neeg nyob ntiaj teb. Sawv daws nyias thiaj yuav xav tau li no hauv nyias lub siab tias :
Huab Tais txoj kev nyiam uas nws muab los nyiam kuv kuj txawv txav,
tsis raws li txoj kev nyiam uas nws muab los nyiam kuv poj niam los kuv tus kwv,tus muam
Peb khaws lo lus no tseg ces peb haj yam nyiam peb Tus Huab Tais ntag. Peb thiaj raws nws nraim. coj lub neej yoog raws li Yes Xus tus piv txwv

= Kuv yuav muab txoj sia nyob mus li rau lawv : Saib : thaum twg Huab Tais Yes Xus muab txoj sia nyob mus li rau peb ? Yog thaum peb txais lub Cim Ntxuav..Tiam sis txhua txhia hnub uas peb coj peb lub neej, Huab Tais pheej “ rov pub peb yug ntawm Tswv Ntuj los” 1 Zam 3:9
Cov kwv tij, peb tseem txoj sia thiaj yog txoj sia ua Huab Tais Tswv Ntuj tus tub ( los tus ntxhais ).thiab ua Huab Tais Yes Xus tus kwv ( los tus muam ). Peb kuj yog ib lub tsev rau Leej Ntuj Plig Ntshiab nyob .
Li ntawd peb sawv daws nyias hais tau tej lo lus nco txog Tswv Ntuj cov txiaj ntsim,hais tias
Kuv cav lus zoo txog Huab Tais. Nws hlub peb tas ib txhiab ib txhis NPN 118:29
Li ntawd txhua txhia zaus uas peb hais zaj PEB TXIV ,mas peb luag ntxhi rau , yeej tau xwb los mas

= Lawv yuav tsis ploj ib zaug li – Tsis muaj ib tug yuav txeeb tau kuv cov yaj ntawm kuv txhais tes : Yeej yog raws li lub Moo Zoo hais tias :” Yog nej leej twg muaj ib puas tus yaj,tab sis ib tug ploj lawm.Mas nws yeej yuav tso 99 tus yaj tseg rau tom hav quav poj. Nws mus nrhiav kom tau., tus uas poob zoo lawm “ Lus Kas 15:4
Cov kwv tij, peb tus Huab Tais khuv leej neeg tas nrho, Tus Zoo Tswv Zov Yaj, nws pom ib tug tib neeg mus ywj faj ywj fwj, mas Huab Tais kuj kav tsij xa Leej Ntuj Plig Ntshiab nqes los tshoj tus tib neeg ntawd kom xwv nws thiaj rov tig los yuav ib lub siab tshiab.
Peb nco txog lo lus tseem ceeb no ,mas peb thiaj yuav tsis ntaus siab yau.

= “Leej Txiv uas nws muab cov yaj rau kuv saib, nws yog tus loj tshaj. Ua li tsis muaj leej twg yuav txeeb tau ib yam dab tsi ntawm Leej Txiv txhais tes ”:
Tsim nyog peb yuav khaws Tswv Ntuj Lo Lus no tseg .
Tab txawm ib tug tib neeg ncaim ntawm Tswv Ntuj ntev li cas ( tsawg hlis ,los tsawg xyoo ),tsis kav Huab Tais Leej Txiv “ uas nws yog tus loj tshaj” – nws yeej yuav ua tas ib puas tsav yam kom xwv tus tib neeg ntawd rov sawv thiab kom nws rov xyaum coj lub neej ntshiab dawb huv, raws li Tswv Ntuj tus piv txwv
Cov kwv tij, tsim nyog peb yuav coj rawv lub Moo Zoo tias :
Nej yuav ua neeg siab ntshiab
vim nej Txiv nyob saum ntuj yog tus Huab Tais siab ntshiab Mas Tais 5,48

TUS ZOO TSWV ZOV YAJ ,NWS SAIB KUV.
KUV TSIS PAUB TXOJ KEV TSHAIB , TXOJ KEV NQHIS, TXOJ KEV TXHAWJ .

T.P. Txhiaj Foom omi

**Maiv Tooj** 26th April 2013, 8:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°50

Re: TP.Txhiaj Foom lub TSEV Ntawv

Post Maiv Tooj 26th April 2013, 8:45 am

April 28 2013 CAIJ HLA HNUB CHIV 5 – XYOO C
KUV NYIAM KUV HLUB NEJ ZOO LI CAS ,
MAS NEJ YUAV SIS NYIAM SIS HLUB ZOO LI NTAWD Zam 13,34 )

Peb sawv daws yeej paub tias : Yus qhuas lwm tus tib neeg, xws li peb niam peb txiv..los tus hau zos…los tus kws qhia ntawv, uas lawv taug kev sis nyiam sis hlub heev,mas peb thiaj rov xyaum yoog raws li cov neeg ntawd.
Mas thaum peb qhib xyuas lub Moo Zoo ces peb yuav qhuas Huab Tais Yes Xus tus yeeb yam, xws li tias Huab Tais Yes Xus taug kev nyiam kev hlub heev kawg nkaus, Ces peb yuav kub siab “ yoog raws li Yes Xus piv txwv” 1 Zam 4: 17- Nyob nyob ces “ txoj kev paub Tswv Ntuj lub hwj chim ( uas ci ntsa iab nyob txawm hauv Yes Xus lub neej ) thiaj yuav rov ci ntsa iab tawm tuaj hauv peb lub neej ” 2 K L N 4:6
KUV NYIAM KUV HLUB NEJ ZOO LI CAS ,
MAS NEJ YUAV SIS NYIAM SIS HLUB ZOO LI NTAWD
.. Hais 2-3 lo lus txog Yes Xus lub neej rau peb sawv daws xav tswv yim :
1 : Yes Xus nrog tej pab neeg koom ua ib lub siab :.Lus Kas 7 :11-17..Yes Xus tsa tus poj ntsuam nyob lub zos Nas Ees ib leeg tub twm zeej sawv rov los- Ntawv Moo Zoo piav tias : « Huab Tais pom tus poj ntsuam- Huab Tais khuv leej nws ». = Yeej mus raws li Ntuj Lo Lus tias: “Tus poj ntsuam kua muag ntws nto los rau saum nws sab plhu » NXL 35 :18.. Hos hnub Yes Xus mus txog nws tus phooj ywg Las Ntxas Los lub toj ntxa mas « Yes Xus tu siab heev kawg. Nws kua muag poob nthav » Zam 11 :35-38
2 : « Yes Xus tsis kws leej twg cai » Hauj Lwm 10 :34 - + 1 Pob Zeb 1:17. Saib : Yes Xus los mus ntsib tej pab neeg uas tsis yog neeg His Xas Lais – Yog tej pab neeg uas coj dab qhuas -,mas Yes Xus kuj kho lawv tej tug neeg mob kom zoo., xws li Yes Xus kho ib tug xab txheeb Los Mas tus me nyuam ( Mas Tais 8 :5-13 Yes Xus qhuas txog tus neeg Los Mas ntawd kev tso siab lug Mas Tais 8 :10
Yes Xus tsis xaiv neeg – Nws lub siab zoo siab dav fo
3 : Yes Xus kuj zam rau nws cov yeeb ncuab , uas yog cov His Xas Lais thiab ib cov tub rog Los Mas, uas lawv tau muab Yes Xus tua saum ntoo cuam . Tab txawm lawv thuam Yes Xus heev ,tsis kav Yes Xus haj yam thov nws Txiv zam cov neeg ntawd tej txim txhaum- .Nws hais tias : “Txiv, thov koj zam rau lawv, vim lawv tsis paub lawv ua dab tsi” ( Lus Kas 23:34 ) Yes Xus yim raug tsim txom, nws yim hlub tshua cov neeg phem ntawd .
4 : yus kuj nco txog 2-3 yam ntxiv .,yam li Yes Xus khuv leej cov neeg tuag ceg, cov neeg dig muag thiab cov neeg mob ruas.
5 : Yes Xus kuj coj rawv Ntuj Lo lus tias “Tus tib neeg twg uas nws siv nws txoj sia pab nws cov phooj ywg mas tus ntawd yeej muaj ib lub siab nyiam loj tshaj ntag”- Zam 15:13 : Li ntawd. txhua txhia zaus peb ua Ntoo Cuam lub Cim ( thiab txhua txhia zaus peb ua Thaj Txi Ntuj ) mas phim peb rov hais tus Hauv Paus Xa Lus Paj Lug lo lus tias : “Tswv Ntuj Leej Tub nyiam kuv, nws thiaj muab nws lub neej los txi Ntuj kom tau pab cawm kuv” Nkas Las Tias 2:20

Peb yuav nco ntsoov txog 4 yam tseem ceeb ntawd tias 1: Huab Tais Yes Xus nrog tej pab neeg koom ua ib lub siab - 2 : Nws tsis kws leej twg cai – 3 : Nws kuj zam rau nws cov yeeb ncuab – 4 : Nws muab nws txoj sia los cob rau Tswv Ntuj kom tau pab cawm peb ntawm qhov txhaum.
. Peb yuav qhuas Yes Xus uas nws tau khuv leej luag tej ob cag –
Peb yuav rov xyaum taug kev nyiam kev hlub, yoog raws li Yes Xus tus piv txwv

1 : Zoo li nyob hauv zos, tej zaus muaj tus puav uas peb tsis xav ntsib pes tsawg-. Peb tsis xav hais ib nyuag lus rau ..Tsam peb lam xav tias :” Auj ! tus neeg ntawd , ua cas nws tsis nyob hauv lwm lub zos , nyob deb ntawm no lauj ! “ mas peb yuav txhob txwm nrog tus ntawd tham, nrog nws ua phooj ua ywg. Thiab yuav coj rawv lub Moo Zoo tias : “Nej yuav nyiam nej cov yeeb ncuab – Nej yuav thov Ntuj rau cov tsim txom nej” Mas Tais 5:44 .
2 : Txog lub caij uas peb nrog tej tus neeg muaj lus, mas peb yuav muab siab rau cheem peb lub ncauj, ces txhob txwm ua zoo rau rau cov neeg ntawd. Yuav coj rawv Ntawv Ntshiab Lo lus tias “Nej txhob pauj qhov phem uas luag tau ua rau nej ..Nej nrog sawv daws nyob haum pheej, raws li nej ua tau.,,Koj tsis txhob cia txoj kev phem yeej koj – Koj ua zoo, ces koj yuav yeej txoj kev phem” L M 12:19-21
3 : Peb yuav siv zog maim kom dhau kev tsis huv thiab kev txhaum. Raws li tus Hauv Paus Xa Lus Paj Lug lo lus tias “Peb yuav ua siab ntev, ua siab sib. Tsis txawj khib – tsis khav theeb, tsis muab hlob – Yuav tsis npau taws thiab yuav tsis cib nyeej - Yuav tsis ua tub qaug luag thiab yuav zam rau luag” 1 K L N 13:1-13

NYOB HAUV PEB THAJ TXI NTUJ NO : Huab Tais Yes Xus Pleev, Huab Tais khuv leej neeg tas nrho, peb ua koj tsaug rau qhov tias ; koj niaj hnub pov hwm peb, tsis tu ncua . Thov koj nco tias peb tsis muaj zog txaus taug kev nyiam kev hlub yoog raws li koj tus piv txwv - Thov koj nco tias : ntau zaus peb swb peb tej zaj tswv yim ntxub luag..Ces hauv peb tus ntsuj tus plig mas “ peb txom nyem tas nrho tiag” Los Mas 7,24. . Huab Tais, thov koj txav los ze ntawm peb - Thov koj txhim kho peb tej siab ntsws kom rov ntshiab dawb huv, raws li koj tus piv ntxwv me ntsis. .Peb lub neej thiaj nyob thaj yeeb nyab xeeb, ntawm Tswv Ntuj lub xub ntiag, thiab ntawm sawv daws lub xub ntiag .Thov koj hlub peb tag mus li os mog

Txiv Plig Txhiaj Foom omi